starfsáætlun 2012 -2013 · reynisholt notandi menntasvið reykjavíkurborgar skóla- og...
TRANSCRIPT
-
Reynisholt
Notandi
Menntasvið Reykjavíkurborgar
Skóla- og frístundasvið Reykjavíkurborgar
Starfsáætlun 2012 -2013
-
1
Efnisyfirlit Inngangur ................................................................................................................................... 2
Starfsáætlun leikskóla ............................................................................................................ 2
Mat á leikskólastarfi og umbótaáætlun ...................................................................................... 3
Innra mat leikskólans ............................................................................................................. 3
Ytra mat .................................................................................................................................. 4
Umbótaáætlun samkvæmt niðurstöðum innra- og ytra mats.................................................. 5
Áherslur leikskólans fyrir næsta leikskólaár .............................................................................. 6
Markmið vetrarins í umhverfismálum .................................................................................... 7
Markmið vetrarins í lífsleikni ................................................................................................. 8
Markmið vetrarins í málrækt .................................................................................................. 8
Skipulagsdagar og hefðir ........................................................................................................ 9
Áherslur leikskólans vegna stefnu og starfsáætlunar skóla- og frístundasviðs 2012 ............... 10
Starfsþróunaráætlun ................................................................................................................. 11
Starfsmannahópurinn ........................................................................................................... 11
Barnahópurinn ...................................................................................................................... 13
Foreldrasamvinna ..................................................................................................................... 13
Samstarf leik- og grunnskóla .................................................................................................... 14
Fylgirit ...................................................................................................................................... 14
-
2
Inngangur
Samkvæmt 13. grein laga um leikskóla nr. 90/2008 vinna leikskólar eftir aðalnámskrá fyrir
leikskóla. Hver og einn leikskóli setur upp sína skólanámskrá þar sem fram kemur á hvern
hátt leikskólinn uppfyllir þau viðmið sem þar eru sett fram. Skólanámskráin er aðgengileg á
heimasíðu leikskólans http://www.reynisholt.is
Leikskólinn Reynisholt er staðsettur í fallegum trjálundi í næsta nágrenni við Reynisvatn.
Hann var formlega opnaður 30. nóvember 2005. Reynislundur er útivistarsvæði við hlið
leikskólans sem hannað var og unnið af foreldrum og starfsmönnum vorið 2010. Leikskólinn
fékk Grænfánann 30. nóvember 2010 og stefnt er að því að fá hann aftur haustið 2012.
Strax í upphafi leikskólastarfsins var hafist handa við að innleiða þær áherslur sem leikskólinn
vinnur eftir en það er lífsleikni í leikskólastarfi með sérstakri áherslu á jóga með börnum,
umhverfismennt og þróunarverkefnið „Orð af orði orðs mér leitaði“ sem hefur verið í gangi
síðan 2008 og kemur skýrsla um verkefnið út haustið 2012. Leikskólinn hefur fengið styrk til
að taka þátt í Comeníusarverkefni sem hófst 2011 og lýkur 2013.
Starfsáætlun leikskóla Skóla- og frístundasvið Reykjavíkurborgar
hefur þá stefnu að ár hvert skulu leikskólar
borgarinnar og sjálfstætt starfandi leikskólar
sem njóta styrkja frá Reykjavíkurborg skila
starfsáætlun fyrir komandi leikskólaár, eins
og kveðið er á um í lögum um leikskóla nr.
90/2008. Þar er jafnframt kveðið á um að
starfsáætlun skuli lögð fyrir foreldraráð
leikskólans til umsagnar.
Tilgangur starfsáætlunar er að gera
skólaþróun leikskólans markvissa með
árangursmiðuðum markmiðum og umbótamiðuðu innra mati. Hún á að sýna starfsfólki,
foreldrum og rekstraraðilum hvernig starf leikskólans gekk á síðasta leikskólaári og hvernig
unnið verði að umbótum og nýjum verkefnum á því næsta.
Starfsáætlun leikskólans tekur gildi 1. september ár hvert og skal skilað rafrænt til skóla- og
frístundasviðs fyrir 1. júlí. Starfsáætlanir eru lagðar fyrir skóla- og frístundaráð til
samþykktar.
Í starfsáætlun leikskólans skulu koma fram:
Matsaðferðir leikskólans og umbótamiðuð áætlun sem unnin er út frá niðurstöðum
innra og ytra mats.
Áherslur í leikskólastarfinu sem ætlunin er að vinna að, markmið, leiðir að
markmiðunum og áætlun um hvernig þau verða metin.
Áherslur í starfsáætlun skóla- og frístundasviðs sem leikskólinn vinnur að.
http://www.reynisholt.is/
-
3
Starfþróunaráætlun leikskólans og upplýsingar um starfsmannamál.
Fjöldi barna, kynjahlutfall, dvalarstundir, fjöldi barna sem njóta sérkennslu og
fjöldi barna af erlendum uppruna.
Upplýsingar um foreldraráð, foreldrafundi og foreldraviðtöl.
Skóladagatal fyrir árið.
Mat á leikskólastarfi og umbótaáætlun Tilgangur innra mats er að leggja faglegan grundvöll að endurbótum í leikskólastarfi og vinna
kerfisbundið að því að auka gæði þess og gera það skilvirkara.
Markmið innra mats samkvæmt lögum um leikskóla er að:
- Veita upplýsingar um skólastarf, árangur þess og þróun til fræðsluyfirvalda,
starfsfólks leikskóla, viðtökuskóla og foreldra.
- Tryggja að starfsemi leikskóla sé í samræmi við ákvæði laga, reglugerða og
aðalnámskrár leikskóla.
- Auka gæði náms og leikskólastarfs og stuðla að umbótum.
- Tryggja að réttindi barna séu virt og að þau fái þá þjónustu sem þau eiga rétt á
samkvæmt lögum.
Skólanámskrá leikskólans er skrifleg lýsing á því sem gert er í leikskólanum og á því sem á að
gera. Þar koma fram bæði markmið og leiðir leikskólans. Skólanámskrá leikskólans setur því
viðmið fyrir matið.
Tilgangur ytra mats er að safna upplýsingum um viðhorf foreldra leikskólabarna og
starfsmanna til að nota við innra mat leikskólans. Að auki er það liður í ytra mati skóla- og
frístundasviðs og/eða Menntamálaráðuneytis.
Innra mat leikskólans Skipulagsdagur í maí ár hvert hefur verið helgaður mati á
starfinu. Vegna fyrirhugaðrar námsferðar starfsmanna
erlendis í maí 2012 verður haldinn starfsmannafundur til að
endurmeta starfið í maí á næsta ári.
Í ár var unnið með þætti úr Barnið í brennidepli,
umhverfisgátlisti var lagður fyrir starfsmenn og einnig mat
meðal starfsmanna sem kallast tvær stjörnur - ein ósk.
Hljóm-2 var tekið að hausti og unnið sérstaklega með þau
börn sem þurftu á því að halda. Árangurinn var svo metinn
með því að taka Hljóm-2 aftur í febrúar. Niðurstöður voru
kynntar öllum foreldrum. Unnið er með ferilmöppur fyrir
hvern einstakling þar sem haldið er utan um skráningar
varðandi þroska barnsins og flest það er lítur að þroska og framför barnsins í leikskólanum og
mætti í raun nefna það einstaklingsnámskrá barnsins. Sérstök einstaklingsnámskrá var unnin
með þeim börnum sem þurftu sérstakan stuðning. Deildarstjórar unnu með matslistann
Sjálfsmynd og félagsfærni.
-
4
Samskiptabækur voru notaðar með ákveðna einstaklinga þar sem bókin fór heim einu sinni í
viku hjá sumum börnum en daglega hjá öðrum. Margir fundir voru haldnir bæði með
fulltrúum frá þjónustumiðstöðinni og öðru teymi sem að því komu m.a. með
talmeinafræðingi, sjúkraþjálfara og öðrum greiningaraðilum.
Niðurstöður voru nokkuð góðar úr öllum þeim þáttum sem skoðaðir voru en þó aldrei svo að
ekki megi gera enn betur og verður því gerð betri skil í kaflanum um umbótaáætlun.
Símenntun fór fram í formi fyrirlestra og námskeiða á skipulagsdögum. Fyrirlestur var frá
samtökunum Blátt áfram en fyrirlesari var Sólveig Hólm og í framhaldi af því var haldið
lengra námskeið sem 12 starfsmenn sóttu. Sameiginlegur starfsmannafundur Birtu
leikskólanna var haldinn í Garðabæ í október þar sem lögð var áhersla á jóga og jógaleiki með
börnum.
Tveir starfsmenn fóru í febrúar til Parísar á
vegum Comeníusar verkefnisins og tveir
starfsmenn fóru til Grikklands í maí mánuði.
Auk þess kom hópur til Íslands frá þeim fjórum
löndum sem leikskólinn er í samvinnu við þ.e.
Frakkland, Grikkland, Wales og Ítalía. Hópurinn
var í fjóra daga þar sem samfelld dagskrá var
alla dagana og tóku margir starfsmenn þátt í því
samstarfi jafnt virka daga sem helgidaga.
Aðstoðarleikskólastjóri hefur haldið utan um
samstarfið og farið í þær ferðir sem eru í boði.
Leikskólakennari í Reynisholti hélt fyrirlestur um Barnasáttmálann, tveir starfsmenn sóttu
námskeið í myndmennt í leikskólanum Sæborg og aðrir tveir sóttu námskeið um tálgun og
útieldun. Leikskólastjóri og aðstoðarleikskólastjóri sóttu námskeið í áhættumati.
Leikskólastjóri og leikskólakennari fóru á morgunverðarfund um lýðræði og réttindi barna.
Ábyrgðarmaður sérkennslu sótti námskeið í Lærum og leikum með hljóðin og einn
starfsmaður sótti námskeið á Greiningarstöðinni Börn með
hreyfihömlun. Einn starfsmaður sótti námskeið um hvernig á
að fyrirbyggja erfiða hegðun. Sex starfsmenn sóttu ráðstefnuna
Læsi meira en stafir og staut. Einn starfsmaður fór á ráðstefnu
um vinsamlegt samfélag. Nemi á vegum Erasmus
áætlunarinnar dvaldi í leikskólanum í þrjá mánuði á yngstu
deildinni en markmiðið var að kynna sér m.a. jógaáherslur
leikskólans. Deildarstjóri Bjartalundar yngstu deildarinnar
hefur haldið utanum þetta samstarf. Starfsmenn heimsóttu þrjá
leikskóla á árinu, Urðarhól í Kópavogi, Norðurberg í
Hafnarfirði og Bæjarból í Garðabæ. Einn skipulagsdagur hefur
farið í að vinna við skólanámskrána.
Ytra mat Foreldrakönnun Leikskólasviðs var lögð fyrir foreldra 2011. Í heildina voru niðurstöðurnar
góðar fyrir leikskólann og geta starfsmenn verið ánægðir með það sem þar kom fram. Þar
-
5
kom m.a. fram að foreldrar eru ánægðir með leikskólann og telja honum vel stjórnað. Þau
atriði sem starfsmenn þurfa að skoða betur er hvernig foreldrar koma að því að gera
einstaklingsnámskrá með barninu sínu og á hvern hátt þeir geta haft áhrif á innra starf og
innra mat leikskólans.
Þess ber að geta að sumarið 2011 fékk foreldraráð leikskólans framhaldsstyrk frá forvarna- og
framfarasjóði Reykjavíkurborgar til að ljúka við útisvæði við hliðina á lóð leikskólans. Þetta
var mikill fengur fyrir leikskólann að foreldrar ásamt aðstoðarleikskólastjóra og nokkrum
starfsmönnum skyldu hanna og vinna lundinn okkar góða sem nefnist Reynislundur. Þarna fór
fram kvöld- og helgarvinna sem margir lögðu hönd á plóginn með og skapaðist þarna
samvinna á þessu eftirminnilega sumri þar sem foreldrar og starfsmenn lögðu sameiginlega á
vogarskálarnar vinnu öðrum til eftirbreytni. Foreldrar og starfsfólk hafa unnið saman að
viðhaldi Reynislundar á vinnukvöldum vor og haust.
Unnið hefur verið að þróunarverkefninu Orð af
orði sem miðar að eflingu almennrar málvitundar
barna í gegnum leikskólastarfið. Þetta er fjórði
veturinn sem unnið hefur verið með þessa
áhersluþætti og hefur börnunum verið fylgt eftir
upp í Sæmundarskóla. Strax fyrsta haustið kom
fram betri árangur barna frá Reynisholti
samkvæmt þeim athugunum á þeim þáttum sem
verkefnið beindist að. Annað haustið var minni
munur en áður hafði mælst og niðurstöður fyrir
þriðja árið er í vinnslu. Að okkar mati hefur verkefnið verið afar gagnlegt og foreldrar komið
jákvætt að því auk þess sem starfsmenn telja að verkefnið hafi stuðlað að jákvæðum
samskiptum við grunnskólann. Verkefnið hefur reynst leikskólastarfinu afar vel en
lokaskýrsla vegna verkefnisins kemur út haustið 2012.
Umbótaáætlun samkvæmt niðurstöðum innra- og ytra mats Umhverfismenntin er á réttri leið og bentu niðurstöður til að vel hefur verið staðið að öllum
þáttum þar bæði hvað varðar umhverfisráð leikskólans og matið með börnunum.
Allar deildir, utan yngsta deildin, fylltu út í umhverfisgátlistann frá því í fyrra svo að þau gætu
séð hvort einhverjar breytingar hefðu orðið síðan þá. Starfsmenn á yngstu deildinni fylltu út
nýjan lista þar sem þeir voru ekki með umhverfisgátlista
í fyrra. Ekki voru miklar breytingar. Staða
umhverfismála er almennt góð og starfsfólk virðist að
mestu vera meðvitað um áherslur í umhverfismennt en
þó eru nokkrir þættir sem starfsmenn eru ekki öruggir
með. Þar má nefna varðandi innkaup á vörum og búnaði
en starfsfólk er ekki meðvitað um hvernig þeim sé
háttað. Þeir þættir í listanum sem starfsfólk var ekki
með á hreinu verða skráðir niður og kynning á þeim
verður á skipulagsdegi næsta haust.
-
6
Í niðurstöðum varðandi tvær stjörnur og ein ósk kom fram að starfsmenn hafa verið duglegir
að nota lundinn, sögugrunninn og sameiginleg svæði. Mikil ánægja var með Evrópuvikuna á
öllum deildum og það kom fram að meira mætti gera af slíku. Vísindaþátturinn tókst vel og
fjaran, rannsóknir og fiskiþemað sem var í gangi á Sunnulundi vakti athygli og ánægju.
Hópastarfið var vel heppnað og skólaheimsóknir faglegri og skemmtilegri en í fyrra. Nýjar
hugmyndir eða tilraunir í jóga hafa heppnast vel. Það sem má bæta er að betrumbæta
skipulagið sumstaðar og samræmi milli deilda. Bæta upplýsingaflæði, hafa oftar val yfir
húsið, fleiri vettvangsferðir, fleiri deildafundi og hreyfi- og tónlistastundir. Þá mætti breyta
kaffitímum starfsmanna, færa þá til svo að dagskipulagið virki betur. Það kom fram að bæta
má og laga hávaðavarnir í leikskólanum og að hafa fjölbreyttara val leikfanga og nokkrir
starfsmenn vilja kaupa inn meira af leikföngum fyrir börnin. Þá kom fram að það er góður
starfsandi og samvinna starfsfólks er góð.
Fræðslufundir með hverri deild
verða skipulagðir næsta vetur
tvisvar sinnum yfir veturinn.
Tilgangurinn er að fylgjast með að
unnið sé eftir áherslum leikskólans
og að starfsmenn komi með
hugmyndir og tjái sig um það sem
vel er gert og betur má fara.
Við munum halda áfram að efla
upplýsingastreymi til foreldra með tölvupósti og öflugri heimasíðu en tölvupóstur er sendur
reglulega heim frá hverri deild fyrir sig. Auk þess sem stjórnendur senda tölvupóst af og til
heim til foreldra.
Stjórnendur eru ábyrgir fyrir því að þau atriði sem þarf að bæta verði endurskoðuð. Markmið
leikskólans er alltaf að gera betur og leiðirnar að fara vel yfir það sem þarf að bæta með
starfsmönnum og foreldrum.
Áherslur leikskólans fyrir næsta leikskólaár Markmið leikskólans er að halda áfram að fylgja áherslum okkar í lífsleikni, umhverfismennt,
útikennslu og erlendu samstarfi.
Eftirtaldir matslistar verða lagðir fyrir veturinn 2012-
2013, Sjálfshjálp og félagsfærni, umhverfisgátlisti,
Eccers kvarðinn, Hljóm-2 fyrir fimm ára börn og mat
á lærdómssamfélagi. Námskrá leikskólans er í
endurskoðun og samræmd við nýja aðalnámskrá og
verður þeirri vinnu haldið áfram á næsta ári.
Sótt var um styrk hjá Landskrifstofu menntaáætlunar
ESB til að taka þátt í Comeniusarverkefni fyrir
skólaárin 2011-2013. Verkefnið kallast „Waste not,
-
7
Want not“ og er markmið þess að auka umhverfisvitund nemenda samstarfsskólanna, en
þátttakendur eru frá fimm löndum í Evrópu. Megin hugmynd verkefnisins snýr að
endurvinnslu og að nemendur þrói aukna meðvitund um þörfina á að draga úr, endurnýta og
endurvinna sorp. Þannig eykst virðing fyrir náttúrunni og umhverfisvitund þeirra. Með því að
vinna saman getum við séð hvernig mismunandi menningarheimar nálgast viðfangsefnið.
Markmiðið er að koma á samræðum milli samstarfsaðila skólanna í því skyni að koma
nemendum saman og beina sjónum þeirra á að
þeirra aðgerðir munu hafa áhrif á framtíð okkar á
jörðinni. Skipst verður á að vinna ákveðin verkefni
og þannig fá börn og kennarar betri skilning á því
sem er líkt og ólíkt með aðildarlöndunum. Þennan
vetur hafa þrjár heimsóknir verið farnar. Fyrsta
heimsóknin var til Íslands og komu 13 kennarar
hingað. Tveir kennarar fóru til Frakklands í febrúar
og tveir kennarar fóru til Grikklands í maí. Næsta
vetur munu alls átta kennarar fara til Ítalíu og
Wales vegna verkefnisins.
Í október og mars 2012 munu tíu leikskólakennarar frá Þýskalandi heimsækja leikskólann og
kynna sér áherslur hans á vegum Leonardo áætlunarinnar. Okkar verkefni felst í að taka á
móti gestunum og kynna starf okkar.
Markmið vetrarins í umhverfismálum Að kynnast nærumhverfi leikskólans og náttúrunni sem umlykur hann. Skipulagðar
vettvangsferðir verða reglulega yfir veturinn og börnin læra að þekkja nærumhverfi sitt.
Börnin munu skrá ferðir sínar og skoða á korti. Einnig mun Borgarvefsjá nýtt til að skoða
loftmyndir af nágrenni leikskólans. Áfram verður sorp flokkað og unnið að því að minnka
óflokkað sorp. Stefnt er að því að fækka sorptunnum sem taka við óflokkuðu sorpi úr þremur í
tvær en einnig höfum við tvær endurvinnslutunnur fyrir flokkað sorp. Einnig verður hluti af
ólífræna sorpinu notað sem rannsóknarefni fyrir börnin sem hluti af Comeniusar-verkefninu
„Waste not – want not“ en á næsta starfsári er lögð áhersla á að endurbæta og endurnýta.
Fylgst verður með gróðrinum í Reynislundi og skoðað hvernig náttúran endurbætir sig og
hvernig við getum gert hið sama t.d. með því
að planta trjám, laga bilaða hluti og fara vel
með það sem við höfum. Lífrænt sorp er
flokkað frá og moltað og börnin eru
þátttakendur í moltugerðinni. Í vetur jukum
við þátttöku þeirra t.d. með því að
umsjónarmenn sáu um að hræra í Gýpu og
tæmdu innitunnurnar í útitunnurnar. Skráð er
staða á hverri moltutunnu fyrir sig þ.e.
hvenær þær eru fullar, hverjar þurfa að bíða
og í hvaða tunnu er verið að losa í. Við
kappkostum að því að minnka orkunotkun
-
8
og er staða mæla á rafmagni, heita- og kaldavatni skráð mánaðarlega og reiknað út meðal
orkunotkun á dag. Þannig er hægt að sjá strax hvort aukning verður og bregðast við.
Aðstoðarleikskólastjóri mun halda utan um og bera ábyrgð á umhverfismálum leikskólans.
Markmið vetrarins í lífsleikni
Markmið leikskólans er að halda áfram að vera í samstarfi með Birtu samtökunum en
samstarfsskólar um þessar áherslur eru Akrasel á Akranesi, Rauðaborg í Reykjavík og
Sunnuhvoll í Garðabæ. Skólarnir hafa myndað samráð sem hópur og munu halda áfram að
styrkja hvor annan og miðla hugmyndum og námskeiðum. Ingibjörg M. Gunnlaugsdóttir frá
skóla- og frístundasviði heldur utan um hópinn. Starfsmenn hafa kynnt sér starfsemi skólanna
með gagnvirkum heimsóknum og munum við halda því verkefni áfram. Opnuð hefur verið
lokuð síða á facebook en markmiðið er að hvetja starfsmenn til að tjá sig og setja inn
hugmyndir um hvernig við getum stöðugt bætt okkur í jógastarfinu með börnunum.
Leikskólarnir voru með bás og kynntu starfsemi sína á stóra leikskóladeginum en bæklingur
um samstarfið kom út vorið 2012.
Leikskólastjóri ber ábyrgð á því að jógastarfið í
leikskólanum eflist og hefur til liðs við sig
jógakennara sem starfað hefur í Reynisholti frá
upphafi og heldur utan um jógakennslu inni með
börnunum. Stuðlað verður að því að jógastarfið
nýtist sem best öllum deildum leikskólans.
Markmiðið næsta vetur er að taka þátt í átakinu
hjólað í vinnuna og Lífshlaupinu. En með því
erum við huga að hreyfingu og gönguferðum og
minna á mikilvægi liðsheildarinnar í starfsmannahópnum. Tveir starfsmenn hafa verið valdir
til að halda utan um þennan þátt.
Dygð vetrarins 2012-2013 verður kurteisi meðal barnanna og jákvæðni meðal starfsmanna.
Vissulega munu báðar dygðirnar eiga við bæði börn og fullorðna þrátt fyrir þessa flokkun.
Við munum leggja okkur fram við að hafa þessar dygðir sýnilegar í umhverfi leikskólans.
Markmið vetrarins í málrækt Unnið hefur verið með þróunarverkefnið Orð af orði síðustu fjögur árin en verkefnið miðar að
eflingu almennrar málvitundar barna í gegnum leikskólastarfið. Búið er að gera námskrá sem
beinir sjónum að þessum þáttum. Næsta vetur verður markmiðið áfram að flétta þá námskrá
við námskrá leikskólans og að leggja meiri áherslu á að tengja verkefnið við yngstu börnin.
Verkefnastjóri var Guðrún Sigursteinsdóttir og tengiliður innan leikskólans Guðrún
Grímsdóttir sérkennslustjóri sem ber áfram ábyrgð gagnvart þessum þætti.
-
9
Námsgögnin sem unnið er með eru
“Sögugrunnur” og “Orðahljóð” en
skráningar skipa þar einnig stóran sess.
Samfara þessu verðum við áfram með
“Bókaorminn” en með honum erum við að
fá foreldra í lið með okkur til að styðja enn
frekar við málumhverfi barnanna og gera þá
meðvitaða um mikilvægi þess. Með
Bókaorminum erum við einnig að leggja inn
ákveðinn boðskap til barnanna því valdar
eru bækur með tilliti til þeirrar dygðar sem
unnið er með hverju sinni. Lokaskýrsla
kemur út haustið 2012.
Skipulagsdagar og hefðir Skipulagsdagarnir verða sex og hafa skólarnir í hverfinu sameinast um þrjá þeirra en á næsta
ári stefnir leikskólinn á námsferð erlendis og því munum við sameinast um tvo skipulagsdaga
næsta vetur með Sæmundarskóla. Starfsmannafundur verður með Birtu leikskólunum 18.
september og fyrsti skipulagsdagur vetrarins verður 21. september þar sem vetrarstarfið
verður skipulagt. Á skipulagsdögum 22. október og 22. febrúar verða skipulagsdagar þar sem
unnið verður m.a. að skólanámskrá leikskólans. Á skipulagsdegi 22. mars verða foreldraviðtöl
en 8. og 10. maí verður farið í námsferð erlendis. Fyrirhugað er að hafa starfsmannafund í maí
til að endurmeta starfið ( sjá skóladagatal 2012-2013).
Vinadagar verða meðal starfsmanna í febrúar
2012 en fjölskylduvika, jóga- og snertivika,
útivika, tannverndarvika og Comeníusarferðir
setja svip sinn á starfið yfir veturinn.
Ákveðnar hefðir hafa skapast í kringum
leikskólastarfið, sumarhátíð, Fiskidagurinn
mikli, þorrablót, foreldrakaffi og Ömmu og afa
dagur. Jólamánuðurinn verður með
hefðbundnu sniði.
Þrátt fyrir færri stundir til að undirbúa starfið
munu starfsmenn reyna eins og kostur er að hafa eldmóðinn, starfsgleðina og liðsheildina að
leiðarljósi.
Unnið verður markvisst að því að efla og styrkja starf elstu barnanna í leikskólanum en árið
2012 – 2013 verður fjölmennasti hópur elstu barna frá upphafi skólans. Elstu börnin munu
vera á tveimur deildum og stefnt er að því að þeir deildastjórar sem þar starfa vinni saman að
því að gera nám þessara barna sem líkast og að góð samvinna verði um áherslur þessa hóps.
-
10
Áherslur leikskólans vegna stefnu og starfsáætlunar skóla- og
frístundasviðs 2012 Rekstur og stjórnun leikskólans Reynisholts fellur undir skóla- og frístundasvið
Reykjavíkurborgar og þá stefnu sem þar er mótuð. Leiðarljós í þeirri stefnu fyrir árið 2012 er
að börnum og ungmennum í borginni líði vel, fari stöðugt fram og þau öðlist uppeldi og
menntun fyrir líf og starf en þetta eru þeir þættir sem leikskólinn Reynisholt leggur einnig
áherslu á. Megináherslur í leikskólastarfinu, samhliða daglegu lífi, leik og markmiðum
aðalnámskrár er lífsleikninám, umhverfismennt og málrækt þar sem heilbrigði, vellíðan,
virðing, umhyggja, samkennd og gleði er einn af hornsteinum starfsins og er samnefnari við
stefnukort og stefnuþætti skóla- og fríðstundasviðs.
Lífsleikninám felur í sér áherslur sem stuðla
að jákvæðri sjálfsmynd hvers barns og því að
það tileinki sér m.a. umburðarlyndi í
samskiptum sínum og samneyti við aðra.
Markmiðið er að starfsmenn séu meðvitaðir
um aðferðir sem beita má til að draga úr
streitu og hraða í umhverfinu og að stöðugt sé
haft að leiðarljósi mikilvægi þess að skapa
traust og öryggiskennd meðal barna og
fullorðinna. Leitast er við að efla og styrkja
frumkvæði barnanna svo þau verði seinna meir hæfari til að takast á við líf og starf í
lýðræðissamfélagi. Þau verða að eiga þess kost að taka þátt í ákvörðunum er varða líf þeirra
og leik eftir því sem aldur þeirra og þroski leyfa (námskrá Reynisholts, 2011).
Orð af orði er verkefni sem miðar að því að efla hljóðkerfisvitund barna. Kennslugögnin eru
Orðahljóð og Sögugrunnur. Börnin öðlast færni í framsögn og eflast við að skapa sjálf með
því að búa til sögur sem þau segja frá og teljum við að þau verkefni efli sjálfsmynd þeirra,
færni og árangur.
Unnið er markvisst eftir umhverfissáttmála leikskólans en
hann miðar að því að efla umhverfismennt og menntun til
sjálfbærni. Börnin eru þátttakendur í umræðum um
umhverfismál, endurvinnslu á lífrænum úrgangi, flokkun
og endurnýtingu á sorpi. Innan lóðar leikskólans er
útisvæði sem nýtt er í útinám m.a. í gegnum náttúruskoðun,
útijóga og frjálsan leik. Einnig taka mörg börn þátt í að
viðhalda Reynislundinum með foreldrum sínum eftir að
degi í leikskólanum lýkur. Með umhverfismenntinni öðlast
börnin víðtæka þekkingu, samfélagslega ábyrgð, virkni og
víðsýni.
Í stefnukorti skóla- og frístundasviðs 2012 um barnið
kemur m.a. fram að vinna skuli með sterka sjálfsmynd og
-
11
félagsfærni barna, öryggi, heilbrigði, vellíðan og gleði, víðtæka þekkingu, færni og árangur,
samfélagslega ábyrgð, virkni og víðsýni. Þetta teljum við samræmast okkar áherslum í mati,
skólanámskrá, starfsáætlun og hringnum í Reynisholti um Líf og leikni.
Varðandi verklag, mannauð og auðlindir er talað
um nám og starf án aðgreiningar við hæfi hvers
og eins, samstarf byggt á lýðræði og fjölbreytni,
lærdómssamfélag sem byggir á þverfaglegu
samstarfi, eftirsóknarvert, vinsamlegt og
hvetjandi starfsumhverfi. Hagkvæma nýtingu
fjármagns og skilvirka upplýsingatækni. Í
Reynisholti hefur í gegnum árin verið töluverð
sérkennsla og mörg og fjölbreytt verkefni fylgt
þeim þætti í starfinu. Við höfum verið dugleg
við að nýta mannauðinn í þeim verkefnum og
margir hafa sótt námskeið til að afla sér þekkingar á þeim vettvangi. Erlent samstarf hefur
skipað stóran sess í starfinu bæði með þátttöku í Comeníusar- og Erasmus verkefni. Börn og
starfsmenn hafa kynnst fjölbreytileikanum í samstarfi sem hefur byggst á lýðræði og aukið
lærdómssamfélagið í skólanum. Virk og skýr heimasíða hefur reynst leikskólanum og
foreldrum vel í upplýsingagjöf og leikskólinn var þáttakandi í samstarfshópi um gerð nýrrar
heimsíðna fyrir leikskóla í Reykjavík. Stjórnendur hafa ætíð haft metnað fyrir hagkvæmri
nýtingu fjármagns.
Starfsþróunaráætlun Starfsþróunarsamtöl eru formleg einu sinni á ári og hefjast um miðjan janúar og lýkur þeim
um miðjan febrúar. Leikskólastjóri tekur þessi viðtöl, notar eyðublöð til stuðnings frá
starfsmannaþjónustunni og afhendir starfsmönnum tíu dögum áður en viðtalið er tekið.
Leikskólastjóri tekur síðan saman yfirlit og rita báðir aðilar undir og hefst viðtalið á því að
farið er yfir það sem rætt var um árinu áður, hvað hefur gengið vel og hvað má ennþá bæta.
Önnur viðtöl eru tekin eftir aðstæðum í umhverfi leikskólans.
Á síðasta ári sáu deildastjórar um að fylla út símenntunarblað fyrir starfsmenn deildanna. Á
árinu 2011 – 2012 fór fræðsla að mestu fram á skipulagsdögum. Mikil áhersla er lögð á það
að sú fræðsla sem tekin er fyrir tengist starfinu og þeim áherslum sem eru í gangi.
Starfsmannahópurinn Veturinn 2011 – 2012 störfuðu að jafnaði 23 starfsmenn í leikskólanum í 21,50 stöðugildum
þar af voru um fjögur stöðugildi vegna sérkennslu. Tólf leikskólakennarar voru í 10,87
stöðugildum, einn grunnskólakennari í 0,80 stöðugildi og leikskólaleiðbeinandi B í 100%
stöðugildi. Tveir leikskólaliðar voru starfandi í 1,65 stöðugildi. Hlutfall kennara var 65,6% og
leiðbeinendur á deildum þar með talið leikskólaliðar voru í 34,4%. Einn starfsmaður,
leikskólaliði hefur verið í atvinnuátaksverkefni 70% og er það ekki meðtalið.
-
12
Í eldhúsi starfa tveir starfsmenn í 1,9 stöðugildi. Tveir starfsmenn hafa verið í
langtímaveikindum og kemur annar ekki aftur til starfa. Einn deildarstjóri var í
barneignarleyfi. Töluverðar breytingar eru framundan í starfsmannahópnum haustið 2012 en
þrátt fyrir miklar breytingar er stefnt að því að hlutfall kennara fari ekki undir 55% í
starfsmannahópnum.
2011 - 2012 var yfirlit eins og sést á töflunni hér fyrir neðan.
Starfsmannamál / starfsþróun í leikskólanum
Starfsheiti Fjöldi Starfshlutfall Menntun
Leikskólakennarar
Grunnskólakennari
Aðrir
uppeldismenntaðir
Starfsmenn með
stúdentspróf
12
1
3
3
10,87 stöðug.
0,80 stöðug.
2,65 stöðug.
3 stöðug.
Einn með M.ed gráðu.
Aðrir með B.ed gráðu.
B.ed gráða
Leikskólaliðar og
leikskólaleiðbeinandi B.
Fjarvistir 2011 má sjá á meðfylgjandi súluritum.
-
13
Barnahópurinn Í leikskólanum dvöldu 87 börn á fjórum deildum, 28 börn á elstu deildinni Stjörnulundi, 21
barn á Sunnulundi og 20 börn á Geislalundi. Á yngstu deildinni Bjartalundi dvöldu 18 börn.
Kynjahlutfallið voru 54 stúlkur og 33 drengir. Börn af erlendum uppruna voru tíu og sjö börn
fengu sérkennslutíma samkvæmt greiningu árið 2011 – 2012 og nokkur börn fengu aðstoð
vegna málörvunar.
Foreldrasamvinna Tilgangur foreldraráðs er að gefa umsagnir til leikskóla og nefnda um skólanámskrá og aðrar
áætlanir sem varða starfsemi leikskólans. Þá skal ráðið fylgjast með framkvæmd
skólanámskrár og annarra áætlana innan leikskólans og kynningu þeirra fyrir foreldrum.
Foreldraráð hefur umsagnarrétt um allar meiri háttar breytingar á leikskólastarfi (Lög um
leikskóla 90/2008)
Í leikskólanum starfar foreldraráð með fimm fulltrúum foreldra. Aðilar skipta með sér
verkum, formaður, gjaldkeri og ritari, auk þess er einn fagstjóri sem sér um að halda utan um
umsagnir vegna starfsáætlunar, námskrá, handbók og fleira.
Miðlun til foreldra fer að mestu fram á heimasíðu leikskólans, á
töflum deilda í fataherbergi og með tölvupósti. Heimasíðan:
http://www.reynisholt.is verður áfram uppfærð einu sinni í viku
þar sem foreldrar og forráðamenn geta nálgast upplýsingar,
skoðað myndir og fylgst með starfinu. Deildastjórar senda heim
reglulega tölvupóst til foreldra og stjórnendur af og til.
Meðfylgjandi er skóladagatal ársins og á heimasíðu mun dagatal
með upplýsingum um dagskrá deildanna einnig vera sett upp fyrir
haustið.
Foreldraviðtöl eru fyrirhuguð í nóvember og einnig á
skipulagsdegi í mars (sjá skóladagatal). Foreldrakaffi verður í
október, nóvember og mars. Ömmu og afa dagur verður í október
og þá í tengingu við fjölskylduviku. Opið hús verður síðast í apríl.
Foreldrafundur og aðalfundur foreldraráðs verður í september. Þar verða áherslur leikskólans
kynntar en áhersla verður á að nýir foreldrar mæti. Fundurinn verður kvöldfundur þar sem auk
kynningar á starfinu næsta vetur verður kosning í nýtt foreldraráð.
Foreldraráð leikskólans hefur tvisvar fengið styrk úr Forvarnar- og framfarasjóði
Reykjavíkurborgar til að vinna að útikennslusvæði í rjóðri við lóð leikskólans en svæðið var
vígt formlega 25. júní 2010. Foreldrar og starfsfólk hafa unnið saman að gerð þessa svæðis í
nokkrum vinnuhelgum vorið 2010 og hreinsun og endurmati 2011 og 2012. Foreldrar og
starfsmenn munu svo áfram sjá um að halda svæðinu við með sameiginlegum vinnuhelgum að
-
14
vori og hausti ár hvert. Aðstoðarleikskólastjóri hefur haldið utan um verkefnið fyrir hönd
starfsmanna leikskólans og foreldraráðið fyrir hönd foreldra. Margir hafa lagt hönd á plóginn
við þetta einstaka og skemmtilega verkefni og er það öllum hvatning sem að leikskólanum
koma hversu vel hefur tekist til.
Samstarf leik- og grunnskóla Sæmundarskóli er hverfisskóli Reynisholts og hefur samstarf
verið að þróast alveg frá opnun leikskólans haustið 2005. Elstu
börnin fara í reglulegar heimsóknir yfir veturinn og kynnast
umhverfi og starfsfólki skólans sem og að hitta gamla vini.
Samstarf milli skólanna var endurskoðað á árinu og ný áætlun
gerð. Helstu breytingar sem gerðar voru snérust að aukinni
samræðu um nám barna. Einnig hafa börn úr Sæmundarskóla
heimsótt Reynisholt á Degi íslenskrar tungu, þar sem börn úr 5.
bekk koma og lesa fyrir börn leikskólans þá hafa börn sem voru í
Reynisholti og eru í Sæmundarskóla heimsótt sinn gamla
leikskóla einu sinni að vetri. Auk þess gátu börn úr 8. bekk í
Sæmundarskóla valið að verja einni klukkustund á viku til að
vera með börnunum í leik og starfi en það er hluti af lífsleikninámi barnanna í
Sæmundarskóla.
Reynisholti 1. júlí 2012
F. h. leikskólans
_______________________________
Sigurlaug Einarsdóttir, leikskólastjóri
Fylgirit
Umsögn foreldraráðs
Skóladagatal
-
15
Fylgirit
Starfsáætlun 2012 - 2013
Leikskólinn Reynisholt
Umsögn foreldraráðs
Foreldraráð leikskólans skipa:
Kristín Eva Harðardóttir formaður
Hilmar Rúnar Ingimarsson gjaldkeri
Bryndís Snorradóttir fagstjóri
María Björk Hermannsdóttir ritari
Ásgeir Örn Valgerðarson meðstjónandi
-
16
Inngangur
Samkvæmt lögum um leikskóla nr. 90/2008 vinna leikskólar eftir Aðalnámskrá fyrir leikskóla.
Samkvæmt henni vinnur hver og einn leikskóli upp sína skólanámskrá þar sem fram kemur á hvern
hátt leikskólinn uppfyllir þau viðmið sem þar eru sett fram. Skólanámskráin á að vera aðgengileg á
heimasíðu leikskólans.
Starfsáætlun leikskóla
Skóla- og frístundasvið Reykjavíkurborgar hefur þá stefnu að ár hvert skulu leikskólar borgarinnar og
sjálfstætt starfandi leikskólar sem njóta styrkja frá Reykjavíkurborg skila starfsáætlun fyrir komandi
leikskólaár, eins og kveðið er á um í lögum um leikskóla nr. 90/2008. Þar er jafnframt kveðið á um að
starfsáætlun skuli lögð fyrir foreldraráð leikskólans til umsagnar.
Tilgangur starfsáætlunar er að gera skólaþróun leikskólans markvissa með árangursmiðuðum
markmiðum og umbótamiðuðu innra mati. Hún á að sýna starfsfólki, foreldrum og rekstraraðilum
hvernig starf leikskólans gekk á síðasta leikskólaári og hvernig unnið verði að umbótum og nýjum
verkefnum á því næsta.
Starfsáætlun leikskólans tekur gildi 1. september ár hvert og skal skilað rafrænt til Leikskólasviðs
fyrir 1. júlí. Starfsáætlanir eru lagðar fyrir Leikskólaráð til samþykktar.
Í starfsáætlun leikskólans skulu koma fram:
Matsaðferðir leikskólans og umbótamiðuð áætlun sem unnin er út frá niðurstöðum innra
og ytra mats.
Áherslur í leikskólastarfinu sem ætlunin er að vinna að, markmið, leiðir að markmiðunum
áætlun um hvernig þau verða metin.
Áherslur í starfsáætlun skóla- og frístundaráðs sem leikskólinn vinnur að.
Starfþróunaráætlun leikskólans og upplýsingar um starfsmannamál.
Fjöldi barna, kynjahlutfall, dvalarstundir, fjöldi barna sem njóta sérkennslu og fjöldi barna
af erlendum uppruna.
Upplýsingar um foreldraráð, foreldrafundi og foreldraviðtöl.
Skóladagatal fyrir árið.
Mat á leikskólastarfi
Tilgangur innra mats er að leggja faglegan grundvöll að endurbótum í leikskólastarfi og vinna
kerfisbundið að því að auka gæði þess og gera það skilvirkara.
Markmið innra mats samkvæmt lögum um leikskóla er að:
- Veita upplýsingar um skólastarf, árangur þess og þróun til fræðsluyfirvalda, starfsfólks
leikskóla, viðtökuskóla og foreldra.
- Tryggja að starfsemi leikskóla sé í samræmi við ákvæði laga, reglugerða og aðalnámskrár
leikskóla.
- Auka gæði náms og leikskólastarfs og stuðla að umbótum.
- Tryggja að réttindi barna séu virt og að þau fái þá þjónustu sem þau eiga rétt á
samkvæmt lögum.
Skólanámskrá leikskólans er skrifleg lýsing á því sem gert er í leikskólanum og á því sem á að gera. Þar
koma fram bæði markmið og leiðir leikskólans. Skólanámskrá leikskólans setur því viðmið fyrir matið.
Tilgangur ytra mats er að safna upplýsingum um viðhorf foreldra leikskólabarna og starfsmanna til að
nota við innra mat leikskólans. Að auki er það liður í ytra mati Leikskólasviðs og/eða
Menntamálaráðuneytis.
-
17
Hlutverk foreldraráðs
Samkvæmt 11.gr. laga um leikskóla frá 2008 er hlutverk foreldraráðs að gefa umsagnir til
leikskóla og nefndar, sbr. 2. mgr. 4. gr., um skólanámskrá og aðrar áætlanir sem varða
starfsemi leikskólans. Þá skal ráðið fylgjast með framkvæmd skólanámskrár og annarra
áætlana innan leikskólans og kynningu þeirra fyrir foreldrum. Foreldraráð hefur umsagnarrétt
um allar meiri háttar breytingar á leikskólastarfi.
Umsögn foreldraráðs
Reykjavík 28. júní 2012
Fulltrúi úr foreldraráði hefur lesið yfir starfsáætlun leikskólans Reynisholts fyrir veturinn
2012 til 2013.
Fulltrúi telur starfsáætlunina vera metnaðarfulla og faglega unna. Í áætluninni er farið vel yfir
innra og ytra mat á skólastarfinu, markmið leikskólans, áherslur í starfi, áherslur samkvæmt
starfsáætlun skóla- og frístundarsviðs, starfsþróunaráætlun, starfsmannahald, barnahópinn,
foreldrasamstarf og skóladagatal. Sett hefur verið fram umbótaáætlun fyrir skólaárið út frá
mati og unnið er að nýrri námskrá út frá nýrri aðalnámskrá.
Spennandi samstarfsverkefni og verkefni innan leikskólans eru framundan þetta skólaárið
sem gaman verður fyrir foreldra og forráðamenn að fylgjast með.
Að mati fulltrúa foreldraráðs er starfsáætlun Reynisholts fyrir veturinn 2012 til 2013 í
samræmi við lög um leikskóla nr. 90/2008.
Fyrir hönd foreldraráðs
________________________________
Bryndís Snorradóttir