die voorwoord - algoagemeenskapskerk.files.wordpress.com · vir hierdie rede was die opdrag aan die...

Aucklandpark Teologiese SeminariumVictor Kids by Auckland Park Theological Seminary (ATS) is licensed under a Creative Commons Attribution-NonCommercial-NoDerivs 3.0 Unported License. You are encouraged to share unaltered copies of this work while always crediting ATS. You are not allowed to use this work to gain commercial value or claim it as your own.

100% 94% 70% 7 5

nuwe tekeninge

nuwe aktiwiteite en ysbrekers

nuwe les inhoud

spanlede betrokke by hersiening van module 2

maande lank geneem om module 2 te hersien

240320

lesse om nog te hersien

lesse om te vertaal in EngelsIn

die

toek

oms

Die 2012 hersiene weergawe

MODULE 2LEWENSFASE 2

VICTOR KIDSLEWENSFASE 2 - MODULE 2

Victor Kids by Auckland Park Theological Seminary (ATS) is licensed under a Creative Commons Attribution-NonCommercial-NoDerivs 3.0 Unported License. You are encouraged to share unaltered copies of this work while always crediting ATS. You are not allowed to use this work to gain commercial value or claim it as your own.

2

DIE VOORWOORD

Geagte Vriend

Victor Kids is die inisiatief van Aucklandpark Teologiese Seminarium (ATS) wat meer as 10 jaar gelede ’n groep teoloë en opvoedkundiges saamgebring het om die sondagskoolprogram te ontwikkel. Navorsing het ons geleer dat die grootste persentasie van Christene in die laerskool tot bekering kom. Die groei en die toekoms van die Christelike geloof lê by ons kinders.

Prof. Hattingh, rektor van ATS, noem dat die groot stryd in die Christelike geloof oor twee sake sal gaan:1. Of Jesus Christus werklike God se seun is; en2. Die Bybel as gesaghebbende Woord van God.

Vir hierdie rede was die opdrag aan die span skrywers om ’n sondagskoolprogram te ontwikkel wat ons kinders van vroeg af reeds kan voorberei om selfstandige Christene te word, wat die Bybel ken en lief is vir die Bybel.

Hersiene weergaweIn 2012 is begin om die oorspronklike Victor Kids program te hersien. Ons het indringend na elke les gekyk en die program oorgeskryf om dit nog skerper te maak. Al die Illustrasies is nuut en 94% van die Ysbrekers en Aktiwiteite is nuut ten einde so relevant as moontlik aan ons kinders se ervaringswêreld te bly. ’n Groot aantal (70%) van die lesinhoud is ook oorgeskryf met insigte en kennis wat ons deur die jare opgedoen het. Alle tekeninge in die boek is inkleurbaar en bied so ekstra aktiwiteits moontlikhede.

Hooftema van Module 2In Module 2 is die hooftema: GOD SE KINDERS EN ANDER MENSE. In die onderskeie lewensfases word gekyk na fasette van ons bestaan as mense: eerstens, as God se kinders en tweedens, ons verhouding met ander. In die verskillende lesse word kennis deurgegee, gesindheidsverandering bewerk, vaardighede en karakter ontwikkel.

Onderliggend aan alles is die boodskap: ons is waarlik mens in Christus en leef vanuit Hom in die krag van die Heilige Gees. Sodoende word ook ons verantwoordelikhede en moontlikhede vervul.

Gebruik van MateriaalDie program lig die aanbieder in oor die Hulpmiddels, die Skriflesing en Memoriseervers wat toepaslik is vir die les. Die lesverloop word stap-vir-stap uiteensit vanaf die Ysbreker, die Aanloop, Verloop en Afloop van die les met ’n gepaste Aktiwiteit en selfs ’n Afsluitingsgebed.

Ons het besluit om die hulpbron wat ons aan ’n sondagskoolaanbieder bied, tot die beste van ons vermoë volledig te maak.

Die gevaar egter, met die strategie, is dat ’n aanbieder kan voel daar geen ruimte vir eie bydraes is nie en daarom die les slegs voorlees. Ons wil egter nooit hê dit moet gebeur nie. Die persoonlike interpretasie, aanbieding en entoesiasme van die aanbieder is baie belangrik om ’n geslaagde les aan te bied. Gebruik die materiaal om u sondagskoolklasse op ’n hoër vlak te plaas, maar maak die les u eie. Dink oor die doel wat u met elke les wil bereik, dink oor u leerders en hulle behoeftes en dink oor wat vir God belangrik is en laat dit u les vorm. As u die dag die lesvolgorde vir ’n deurdagte rede wil verander, doen dit. Maak egter altyd seker dat die lesinhoud eerstens u eie lewe aanspreek. ’n Goeie prediker laat ’n preek eers sy eie lewe aanspreek voordat hy dit vir sy gemeente preek.

Mag elkeen wat hierdie program aanbied, dit geniet en geestelik verrykend ervaar. Mag dit vir u groep tot groot seën wees. Ons gebed is dat hierdie program lewens en gesindhede sal verander sodat die nuwe lewe in Christus wat ons ervaar, ook in ons kinders se lewens duidelik sal deurbreek.

Groete

Die Victor Kids span



3

DIE 2012 HERSIENE WEERGAWE DIE VICTOR KIDS SPAN

René Hattingh-RustOns skrywer en redakteur, René en haar man woon langs die mond van die Touwsrivier in die kusdorpie Wildernis. Elke oggend drink hulle cappuccino terwyl hulle na die watervoëls kyk en beplan hoe hulle die wêreld saam met God gaan verander.

René het op 4 jarige ouderdom haar hart aan die Here gegee en is baie beslis oor die feit dat ’n mens nooit ’n kind se sensitiwiteit vir die inspraak van die Heilige Gees mag onderskat nie.

René het haar doktorsgraad in Sielkundige Opvoedkunde aan die Universiteit van Johannesburg in 2007 verwerf.

Vir ontspanning ry sy en haar man bergfietse, branders met hul lyfplank, roei kayak, stap en kyk voëls.

Carol Bankart Carol, ons illustreerder, en haar man woon en werk in die natuurlikebos van Wildernishoogte wat uitkyk oor die mere en vleiland. Hulle het daagliks Knysnaloeries, Miksterkbyvangers, Willies en apies wat op hulle stoep kom kuier.

Sy is ’n “kundige” op die gebied van skole aangesien sy in haar skoolloopbaan die voorreg gehad het om sewe verskillende skole te ervaar en van binne en buite te bekyk.

Carol is gekwalifiseer as ’n grafiese ontwerper met ’n professionele loopbaan by verskeie bemarkingsagentskappe en drukkerye.

In haar vryetyd beoefen sy kreatiewe ontwerp in die vorm van drukwerk en die ontwerp en maak van kledingstukke. Sy is lief vir die natuur en buitelewe en geniet dit om te stap, te roei en voëls te kyk.

Carol is baie lief vir Jesus en beskou dit ’n groot voorreg om die waarheid van die Bybel en God se groot liefde aan kinders oor te dra.

Tegniese versorging en bladontwerpHendrik Rust

IllustrasiesStephen Bankart

TaalversorgingHester van RhynElena Rust

Argivale funksieLinda Erasmus



4

LES

JOSEF OP PAD NA EGIPTE

1

Aanbiedersnotas

Kerntema Jy het ’n doel

Aanbiedingsdoelwit Die leerders sal vertroud wees met die verhaal van Josef se drome en hoe hy as slaaf deur sy broers verkoop is.

..................................................

...............

Skrifgedeelte Genesis 37

Hulpmiddels • Uitgeknipte prente soos verskaf in projekblaaie:

• Prent 1: Ou man gee Josef ’n kleed • Prent 2: Koringgerwe: een staan regop en een buig• Prent 3: Son, maan en sterre• Prent 4: Put • Prent 5: Reisiger met ’n kameel

• 3 boontjiesakke • 3 plakkers • Lap om leerder mee te blinddoek • Skottel met lou warm water en ’n handdoek• Twee balle

Ysbreker Blinddoek ’n leerder en laat hom/haar iewers in die vertrek sit. Plak ’n etiket, waarop staan vreugde, op elkeen van die boontjiesakke en plaas dit naby die leerder.

Die ander leerders is diewe wat moet probeer om die ‘vreugde’ van die leerder wat geblinddoek is te steel.

Die kuns is egter dat die diewe ‘vreugde’ moet steel sonder dat die eienaar hulle hoor. Indien die leerder hulle hoor, moet hy/sy skree: “Dief, dief en in die rigting van die dief wys. Die dief wat uitgewys is hou op en die res gaan voort. Die speletjie hou aan totdat iemand dit reg gekry het om al drie die “vreugdes” te steel of totdat alle die diewe uitgewys is.

Gesels aan die einde van die aktiwiteit met die leerders oor hoe verskillende dinge in die lewe ons vreugde wat God vir ons gee, steel, soos byvoorbeeld twyfel, bekommernis, woede en jaloesie.

Vandag gaan ons gesels oor jaloesie. Jaloesie is een van die dinge wat baie graag ons vreugde wil steen. Vra die leerders of hulle weet wat jaloesie is. Indien die leerders onseker is oor die term, moet dit verduidelik word. Jaloesie is om nie iemand iets goed te gun nie. Dit is as jy ongelukkig word



5

LES

1

Die speel met rymwoorde bevorder taal ontwikkeling en stimuleer die leerder se denkprosesse. Die aanbieder kan die Gediggie voorlees indien daar genoeg tyd is. Dramatisering sal bydra tot die effektiwiteit van die Gediggie.

Indirek word die gesag van die Bybel as die Woord van God, gekommunikeer.

as ’n maat of jou boetie of sussie iets goed kan doen of as hulle ’n iets gekry het.

GediggieJosef het ’n bont jas by sy pa gekry. Dit was baie mooi en sy hart was baie bly, maar al sy broers was vreeslik, vreeslik kwaad. Hulle gooi hom in ’n koring put, en jok vir hulle pa!Maar God het hom beskerm: toe Josef weer sien, toe bly hy in ’n groot paleis en sy broers moes hom bedien!

Aanloop Vandag se storie in opgeskryf in Genesis 37. Wat dink julle, waar kry mens Genesis 37? Dit klink so bekend! Laat die leerders reageer. Dit is reg - in die Bybel. Dit is die eerste boek van die Bybel en is in die Ou Testament. Die Bybel het twee dele: die Ou Testament en die Nuwe Testament. Die Ou Testament gaan oor die geskiedenis van Israel en die Nuwe Testament gaan oor die geboorte van Jesus en oor die kerk nadat Jesus opgevaar het hemel toe.

Verloop Daar was ’n man met die naam van Jakob wat in Kanaän gebly het. Hy het twaalf seuns gehad. Sy tweede jongste seun se naam was Josef. Jakob was liewer vir Josef as vir sy ander seuns. Hy het daarom vir Josef spesiale klere laat maak. ’n Baie mooi kleed (plaas prent 1 op die bord). Toe Josef se broers dit sien, was hulle baie ongelukkig en kwaad. Hulle pa het vir Josef baie voorgetrek en dit het gemaak dat hulle jaloers was op Josef.

Een aand het Josef ’n snaakse droom gehad en die volgende oggend vertel hy dit vir sy broers. Hy het vir hulle gesê: “Luister na die droom wat ek gehad het. Ons was op die land besig om gerwe koring te bind. Skielik gaan staan my gerf regop en julle gerwe gaan staan rondom myne en buig voor myne.” (Plaas prent 2 op die bord)

Josef se broers was baie kwaad toe hulle dit hoor en hulle het gesê: “Verbeel jy jou dat jy ons koning sal word?” Nadat Josef hulle van hierdie droom vertel het, het sy broers nog minder van hom gehou en nog meer jaloers geword.

Maar, o aarde! ’n Paar aande later het Josef weer ’n droom gehad en weer vir sy broers en pa die droom vertel. Hy het gesê: “Ek het gedroom die son, maan en elf sterre het voor my kom buig.” (Plaas prente 3 op die bord) Nadat Josef se pa van hierdie droom gehoor het, het hy met hom geraas en



6

LES

1

vir hom gesê: “Dink jy ek en jou ma en jou broers moet voor jou kom buig?” Nou was Josef se broers nog meer jaloers op Josef.

Josef se broers het hulle pa se skape en bokke in die veld opgepas. Eendag het Jakob vir Josef na sy broers gestuur. Sy broers het hom van ver af sien aankom en besluit om hom dood te maak. Hulle het vir mekaar gesê: “Kyk, daar kom die ou dromer aan; kom ons maak hom dood en gooi hom in ’n put! Ons kan vir pa sê dat ’n roofdier Josef gevang en opgeëet het.”

Ruben, een van Josef se broers, het nie gehou van die idee van sy broers nie en stel ’n ander plan voor. Hy het vir sy broers gesê: “Nee, ons moet hom nie doodmaak nie, ons moet hom net in die put gooi.” Ruben het dit vir hulle gesê sodat hy later vir Josef uit die put kon haal en terug huis toe stuur. Hy wou Josef se lewe red. Toe Josef by sy broers aankom, het hulle hom gegryp, sy klere uitgetrek en hom in die put gegooi. (plaas prent 4 op die bord) Dit was ’n droë put, sonder enige water in. Daarna het hulle gaan sit en eet.

’n Klomp reisigers met kamele het daar verbygekom, op pad na Egipte. (Plaas prent 5 op die bord) Juda sê toe vir sy broers: “Ons moet nie vir Josef doodmaak nie; kom ons verkoop hom aan hierdie mense.” Hulle het vir Josef uit die put opgetrek en hom vir 20 stukke silwer as ’n slaaf verkoop. Daarna het sy broers ’n lam geslag en Josef se klere in die bloed gedoop. Hulle stuur toe die klere vir hulle pa Jakob en jok en sê vir hom dat hulle die klere in die veld opgetel het en dat ’n dier Josef seker opgevreet het. Jakob was so hartseer dat hy sy klere geskeur het, en vreeslik gehuil het oor die seun van hom wat dood is.

Die reisigers aan wie Josef verkoop is, het vir Josef in Egipte as slaaf verkoop aan Potifar. Potifar was ’n belangrike amptenaar in die paleis van Farao en Farao was die koning van Egipte.

Afloop Kom ons kyk of julle mooi geluister het na dit wat ons nou net gelees het. Gee aan die leerders telkens geleentheid om te antwoord. • HoeveelseunshetJakobgehad?Ja,ditisreg-twaalfseuns.• WatwasJakobsetweedejongsteseunsenaam?Ditisreg-Josef.• OnshetgeleesdatJakobIiewerwasvirJosefasvirsyanderseuns.Wat

het hy vir Josef gegee wat hy nie vir sy ander seuns gegee het nie? Ja, ’n baie mooi kleed.

• HetJosefsebroersdaarvangehoudathullepaJosefbederf?Nee,hullehet nie daarvan gehou nie. Hulle het begin jaloers word op Josef.



7

LES

1

Wees altyd bedag daarop dat daar leerders mag wees wat self voorgetrek word of in ’n gesin is waar ander bo hulle voorgetrek word. Help hulle om te besef dat ten spyte van ons omstandighede God ons baie lief het en dat Hy ons die genade gee om te doen wat vir Hom reg is.

• Josefhet’ndroomgehad.WathetJosefdieeerstekeergedroom?Ditisreg. Hy en sy broers was op die land besig om koringgerwe te bind toe sy broers se gerwe skielik voor syne begin buig.

• WathetmetJosefsebroersgebeurnahierdiedroom?Hullehetmeerjaloers op hom geword.

• Josefhetnog’ndroomgehad.Kanjulleonthouwatdietweededroomwas? Hy het gedroom die son, maan en elf sterre buig voor hom. Daarna was sy broers nog meer jaloers op hom gewees.

• ToeJosefeendagnasybroerstoeisindieveldwaarhulleskapeoppas,het sy broers ’n baie lelike plan gemaak. Wat is die plan wat hulle gehad het? Ja, hulle wou vir Josef in ’n put gooi. Ons weet dat hulle hom toe wel in die put gegooi het en later verkoop het aan mense wat op pad was na Egipte.

Josef se broers was baie jaloers op hom. Hulle was so jaloers op hom dat hulle lelike planne gemaak het om hom te na te kom (seer te maak).

Weet julle, om jaloers te wees maak jou sommer baie lelik. Dit maak dat jy lelike dinge dink oor die persoon, lelike onwaarhede sê oor die persoon en ook lelike dinge doen teenoor die persoon. Weet julle, dit is nie baie mooi om jaloers te wees nie en die Here wil nie hê dat ons jaloers moet wees op ander nie.

ToepassingDit was nie reg dat Jakob, sy seun Josef voorgetrek het nie, hy het daar verkeerd gemaak. Maar dit was ook nie reg dat Jakob se broer jaloers geraak het nie. Een verkeerde ding gee ons nie die reg om ’n tweede verkeerde ding te doen nie.

Gesels met die leerders oor hoe hulle jaloesie ervaar by die skool of by die huis. Indien van die leerders jaloers is op iemand, laat hulle daarvan vertel, bv. hoekom is hulle jaloers op die persoon en hoe hulle teenoor die persoon optree. Gesels daaroor en Iê weereens klem daarop dat die jaloesie jou as mens lelik maak. Dit lei tot verkeerde gedagtes, woorde en optrede en dus steel dit jou vreugde. God wil nie hê dat ons jaloers moet wees op iemand anders nie.

Kreatiewe ervaringKry die skottel met die lou warm water en die handdoek. Laat die leerders in die klas mekaar se voete was en afdroog.

Laat almal rustig aan die einde in ’n groep kom sit. Vra hulle of hulle weet van iemand in die Bybel wat sy vriende se voete gewas het?



8

LES

1

Ja Jesus het sy dissipels se voete gewas om vir ons ’n belangrike les te leer. Hy wil hê ons moet mekaar dien en nie jaloers wees as iemand iets kry of iets goed doen nie. Hy wil erder hê ons moet saam met hulle bly wees.

Memoriseervers 1 Korintiërs 13: 4 … Die liefde is nie jaloers nie ... “ (OV)

Verdeel die leerders in twee ewe groot groepe. Elke groep vorm ’n ry. Gee aan die voorste leerder van elke ry ’n bal wat hy/sy tussen die bene moet vasknyp. Die betrokke leerders moet, met die bal vasgeknyp, spring tot by ’n punt waar die aanbieder staan. Wanneer die leerder die aanbieder bereik, moet hy/sy die Bybelvers sê alvorens hy/sy terugspring na die span. Die leerder gee aan die volgende spanlid in die ry die bal sodat daardie lid kan begin spring. Die span waarvan almal ’n beurt gehad het, wen die spel.

Die aanbieder moet te alle tye bedag wees op leerders wat sukkel met die vers en help soos nodig.

Gebed Gee aan die leerders geleentheid om te bid en die Here te vra om hulle te help dat hulle nie jaloers sal wees op ander nie. Indien die leerders spesifieke maats het op wie hulle jaloers is, kan hulle spesifiek daarvoor bid. Aanbieder sluit af met Gebed.

Geestelike vorming Nederigheid



9

LES

1

#1



10

LES

1

#2



11

LES

1

#3



12

LES

1

#4



13

LES

1

#5



14

LES

JOSEF BELAND IN DIE TRONK

2

Aanbiedersnotas


Aanbiedingsdoelwit Die leerders sal weet dat Josef in die tronk beland het maar dat hy daar deur God gebruik is.

..................................................

...............

Skrifgedeelte Genesis 39 en 40.

Hulpmiddels • Uitgeknipteprentesoosverskafinprojekblaaie:

• Prent 1: Josef as slaaf • Prent 2: Potifar se vrou met stuk kleed in die hand • Prent 3: Josef in die tronk• Prent 4: Tros druiwe• Prent 5: Mandjie met brood

• 2balle• Projekbladvirelkeagtleerders.• Skêr,• Gom• Winkeltou• Vellekarton(Leeontbytpapboksewatoopgesnyiskanook

gebruik word.)

Ysbreker Verdeel die leerder is groepe van twee. Die een leerder gaan die vrae vra en die ander leerder mag net antwoord “’n ou vrot pampoen”. Die leerder wat antwoord mag niks ander sê nie en sodra hy lag is hy uit en ruil hulle om. Die leerder wat vrae vra moet kreatiewe vrae vra en opmerkings maak sodat hy sy maat kry om te lag of iets anders te sê as “’n ou vrot pampoen”.

Wanneer die leerder na die tyd rustig is en bespreek die Ysbreker. Hierdie was ’n Ysbreker waar jou maat baie hard probeer het om jou uit te vang en te laat lag en hoe langer hy aangehou het hoe moeiliker het dit geraak om nie te lag nie.

Vandag gaan ons die storie hoor van hoe iemand dae lank probeer het om Josef te kry om sonde te doen.



15

LES

2

Die speel met rymwoorde bevorder taal ontwikkeling en stimuleer die leerder se denkprosesse. Die aanbieder kan die gediggie voorlees indien daar genoeg tyd is. Dramatisering sal bydra tot die effektiwiteit van die gediggie.

GediggieHier sit ou Josef in die tronk! Hy’t nie gesteel, hy was ook nie dronk. Die skinker het gou-gou vergeet Van die waarheid oor Josef leed! Maar God is getrou, Hy is besig om sy heerlikheid in Josef te bou.

Aanloop Verlede week het ons die storie van Josef gehoor wat twee drome gedroom het van hoe sy pa, ma en elf broers voor hom neer buig. Ons het ook gesien hoe jaloesie gemaak het dat Josef se broer hom as ’n slaaf verkoop het en vir hulle pa gejok het.

Die reisigers wat Josef gekoop het, het hom na Egipte gevat en hom daar aan ’n belangrike man met die naam Potifar verkoop as ’n slaaf (plaas prent 1 op die bord). Kom ons hoor wat het met Josef in Egipte gebeur.

Verloop Die Here was by Josef en dit het goed gegaan met hom. Hy het fluks gewerk en was betroubaar. Toe Potifar alles sien wat Josef doen, het hy Josef aangestel as hoof oor sy huis en al sy besittings.

Josef was fris gebou en ’n baie mooi man. Eendag het Potifar se vrou na Josef gekom en gevra hy moet by haar kom slaap, maar Josef het net geweier en gesê hy sal dit nie doen nie. Potifar se vrou het elke dag dieselfde vraag oor en oor aan Josef gevra en elke keer het Josef geweier. Josef het geweet dat dit sonde teen God en ook sonde teen Potifar sy baas sal wees.

Op ’n dag gryp Potifar se vrou Josef aan sy klere, maar hy het van haar af weggehardloop. Sy klere het geskeur en ’n stuk het in haar hand agtergebly (plaas prent 2 op die bord). Sy roep toe al die ander slawe en jok en sê: “Kyk, hierdie man wou by my kom slaap, maar toe het ek hard begin skree en hy het weggehardloop.” Sy het die klere by haar gehou en alles net so vir Potifar vertel toe hy by die huis kom. Potifar was so kwaad dat hy dadelik vir Josef in die tronk gegooi het (plaas prent 3 op die bord).

Die Here was steeds by Josef, selfs al was Josef in die tronk. Die tronkbewaarder het van Josef gehou, want Josef was betroubaar en hardwerkend. Die tronkbewaarder het toe vir Josef die hoof gemaak van die tronk.



16

LES

2

’n Ruk nadat Josef in die tronk gesit is, het die koning sy skinker (die persoon wat vir die koning wyn geskink het) en bakker (die persoon wat vir die koning brode gebak het) ook in die tronk laat gooi. Nadat hulle ’n ruk in die tronk was, het elkeen van hulle een aand ’n snaakse droom gehad. Die volgende oggend toe Josef by hulle kom, was al twee baie ongelukkig omdat hulle nie verstaan het wat hulle drome beteken nie. Josef sê vir hulle: “God weet wat die drome beteken; vertel die drome vir my.”

Die skinker het gesê: “In my droom het ek ’n wingerdstok voor my gesien en aan die wingerdstok was daar drie lote. Aan die lote was die mooiste trosse druiwe (plaas prent 4 op die bord). Ek het die Farao se beker in my hand gehad. Ek het van die druiwe gepluk en dit in die Farao se beker uitgedruk. Toe ek klaar is, het ek die beker vir die Farao gegee.” Josef het vir die skinker gesê: “Dit is wat jou droom beteken: Die drie lote beteken drie dae. Oor drie dae sal die Farao jou uit die tronk laat haal en jy sal weer sy skinker wees soos voorheen.” Josef vra toe die skinker om, as hy uit die tronk kom, tog te onthou van Josef wat onskuldig in die tronk sit.

Daarna het die bakker ook sy droom aan Josef vertel: “In my droom was daar drie mandjies met brood op my kop (plaas prent 5 op die bord). In die boonste mandjie was daar koek vir die koning, maar die voëls het dit uit die mandjie op my kop kom opvreet.” Josef het vir die bakker gesê: “Dit is wat jou droom beteken: Die drie mandjies beteken drie dae. Oor drie dae sal die Farao jou uit die tronk laat haal, maar hy gaan jou aan ’n paal laat ophang en die voëls sal die vleis van jou liggaam eet”.

Drie dae later was dit koning Farao se verjaarsdag. Hy het die skinker uit die tronk laat haal en het die bakker laat ophang net soos Josef gesê het, het dit gebeur.

Maar die hoof van die skinker het nie van Josef onthou nie, Hy het sommer baie vinnig van hom vergeet.

Afloop Kom ons kyk hoe goed julle na vandag se storie geluister het.• PotifarhetvirJosefindietronklaatgooi,maardinkjulleJosefhet

verdien om in die tronk te wees? Het hy iets verkeerd gedoen? Leerders reageer. Nee, Potifar se vrou het gejok oor Josef.

• TerwylJosefindietronkwas,washyniealleennie.Wiewasbyhom?Ditis reg, die Here was altyd by Josef.

• ’nRukkienadatJosefindietronkwas,hetdaartweeandermenseookin die tronk beland. Wie was hulle? Dit is reg, die skinker en die bakker.

• Hulleheteenaand’ndroomgehad.Wathetdiedroomvandieskinkerbeteken?



17

LES

2

Soos die sirkel spin sien jou oë die een prentjie na die ander. Die prentjie kom egter so vinnig dat jou brein nie die prentjies meer afsonderlik sien nie en dan lyk dit of die twee prentjies een word. Op hierdie selfde beginsel werk die rolprent films wat ons by die teaters kyk. Dit is raampies met stilstaande prentjies maar omdat hulle so vinnig na mekaar kom “sien” ons brein beweging.

• Wathetdiebakkernouweergedroom?Wathetdiebakkersedroombeteken?

• HetdittoegebeursoosJosefgesêhetditgaangebeur?• Wie,dinkjulle,hetvirJosefgehelpomtesêwatelkeenvandiedrome

beteken?

Vandag kan ons sien dat God altyd by sy kinders is en hulle help. Hy het selfs vir Josef gehelp om vir die mense te sê wat hulle drome beteken. God het ook vir Josef gehelp om betroubaar te wees sodat hy die hoof van die tronk geword het.

Toepassing God het vir Josef laat droom dat hy eendag belangrik sal wees en dat sy pa, ma en broers voor hom sal buig. Maar ek is seker dit het nie nou vir Josef gelyk of dit gaan gebeur nie. Nie waar hy in die tronk gesit het en mense van hom vergeet het nie.

Hy het altyd net sy bes gedoen en wou nooit sonde doen nie, tog is hy verkoop as slaaf, is hy onskuldig in die tronk gegooi en het die skinker van hom vergeet. Maar steeds was Josef gehoorsaam aan God en het hy net sy bes gedoen selfs in die tronk.

Ons het mos laas week gesê een verkeerde ding gee jou nie die reg om ’n tweede verkeerde ding te doen nie. Al is Josef verkeerdelik in die tronk gegooi, het hy steeds net dit wat reg was gedoen.

God het ’n plan vir elkeen van ons se lewe en soms kan goed baie verkeerd loop maar dan wil God steeds hê ons moet in Hom glo en doen wat reg is.

Kreatiewe ervaringOp die projekblad is 16 sirkels, 8 met Josef se gesig op en 8 met tronktralies. Sny die sirkels uit en gee aan elke leerder twee sirkels, een met Josef op en een met die tronktralies op.

Laat hulle een van die sirkels op die karton aftrek en ’n karton sirkel uitsny. Elke leerder het dan twee prentjies en ’n karton sirkel.

Plak die twee sirkels rug aan rug op die karton sirkel sodat die prente aan die buitekant is. (Die karton in die middel maak die twee prente sterker)

Maak twee gaatjies aan elke kant, soos op die sirkels aangetoon.



18

LES

2

Leerders van hierdie ouderdom het baie energie en hou van kompetisie. Deur die twee elemente in te bring poog ons om leerders te help om vinniger en beter die vers te memoriseer. Indien daar nie genoeg tyd is nie, kan leerders net die vers memoriseer. Die memorisering van dele van die Bybel is egter onontbeerlik vir geestelike groei.

Sny twee stukkies tou ongeveer 40 cm lank vir elke leerder. Die leerder ryg een tou deur die twee gaatjies aan die linkerkant en knoop die twee punte vas.

Ryg nou die tweede tou deur die gaatjies aan die regterkant en knoop die tou se twee punte aan mekaar vas.

Vat nou ’n tou in elke hand en wen die sirkel op. Sodra die sirkel opgewen is, trek die tou styf en die sirkel sal in die rondte begin draai. Wanneer die sirkel vinnig draai sal dit lyk of die twee prentjies een word en dan sien jy Josef wat agter die tralies in die tronk is.

Memoriseervers Psalm 54: 6 “Vir my help God altyd.” (NV)

Laat die leerders twee ewe groot groepe maak en in twee rye staan. Gee aan die agterste leerder van elke ry ’n bal. Verduidelik dat hulle die bal bo-oor en onderdeur moet stuur totdat die maat wat voor in die ry staan, die bal het. Met ander woorde, die bal moet bo-oor die eerste maat se kop, onderdeur die tweede maat se bene, bo-oor die derde maat se kop en onderdeur die vierde maat se bene, ensovoorts.

Die aanbieder staan voor die rye sodat die leerder wat aan die voorpunt van die ry die bal kry, die vers vir die aanbieder kan opsê. Indien korrek, gaan staan hy/sy agter met die bal en begin weer om die bal aan te stuur. Die ry wat eerste almal hulle Bybelvers opgesê het, sit dadelik en is die wenners.

Gebed Dankie Here dat ons kon leer van Josef wat nooit ingegee het vir sonde nie. Dankie dat hy altyd net sy beste vir U gedoen het. Help ons om net ons beste vir U te doen en weg te hardloop vir sonde. Maak ons sterk vir U.

Geestelike vorming Betroubaarheid



19

LES

2

#1 #2



20

LES

2

#3



21

LES

2

#4



22

LES

2

#5



23

LES

AKTIWITEIT 2



24

LES

JOSEF EN FARAO SE DROME

3

Aanbiedersnotas


Aanbiedingsdoelwit Die leerders sal weet dat Josef, Farao se drome uit gelê het en dat God ’n doel en plan met Josef se lewe gehad het.

..................................................

...............

Skrifgedeelte Genesis 41


• Prent 1: Farao• Prent 2: Vet koeie en Maer koeie• Prent 3: Vet are en Maer are• Prent 4: Goue seëlring

• 2balle• Projekbladvirleerders• Kroontemplaat• Aanwysingshoeomkroontemaak• Skêr• Gom• Inkleurpotlodeofverfenkwassies.

Ysbreker Doen die volgende rolspel met die leerders: Die leerders bewoon ’n eiland en hulle word meegedeel dat daar ’n hongersnood gaan wees. Verduidelik die term ‘hongersnood’. Die leerders - met hulp van die aanbieder - moet planne maak oor wat hulle gaan doen om die hongersnood te oorleef. Byvoorbeeld, watter kos gaan hulle bymekaar maak, hoe gaan hulle dit doen, hoe gaan die kos kan bewaar bly, ensovoorts.

Aanloop Ons het nou die laaste twee weke gekyk na die storie van Josef se lewe. Kan julle onthou waaroor die eerste les gegaan het? Kom ek gee vir julle ’n leidraad, Josef se pa het vir hom ’n mooi kleed gegee. Vra die volgende vrae as die leerders sukkel om te onthou:• HetJosefsebroersdaarvangehoudathullepaJosefbederf?Nee,hulle

het nie daarvan gehou nie. Hulle het begin jaloers word op Josef. • Josefhettweedromegehad.WathetJosefgedroom?



25

LES

3


• ToeJosefeendagnasybroersindieveldgaan,waarhulleskapeoppas, het sy broers ’n baie lelike plan gemaak. Wat is die plan? Ja, hulle wou vir Josef in ’n put gooi.

• AanwieisJoseflaterverkoop?

Die tweede les het gegaan oor wat met Josef gebeur het as ’n slaaf in Egipte. Kan julle die storie onthou? Vra die volgende vrae as die leerders sukkel om te onthou:• HoekomhetPotifarvirJosefindietronklaatgooi?HetJosefiets

verkeerd gedoen? • ’nRukkienadatJosefindietronkwas,hetdaartweeandermenseook

in die tronk beland. Wie was hulle? Dit is reg, die skinker en die bakker.• Hulleheteenaand’ndroomgehad.Wathetdiedroomvandieskinker

beteken? • Wathetdiebakkersedroombeteken?• Josefhetdieskinkergevraomvanhomteonthouashyuitdietronk

kom. Het die skinker onthou?• GodhetvirJoseflaatdroomdathyeendagbelangriksalweesendat

sy pa, ma en broers voor hom sal buig. Maar dink julle dat toe hy in die tronk was dit vir Josef gelyk of dit gaan gebeur Nee ek dink hy het baie keer maar gedink sy droom was maar net ’n fout.

Vandag se storie kom weer uit die Bybel, dit is opgeskryf in Genesis 41. Onthou Genesis is die eerste boek in ons Bybel.

As ek so vinnig kyk, lyk dit vir my ons gaan vandag verder hoor wat met Josef in Egipte gebeur het.

Verloop Twee jaar nadat Josef die droom van die skinker en bakker uitgelê het, het Farao ’n droom gehad. Farao was die koning van Egipte (plaas prent 1 op die bord).

Hy het gedroom hy staan langs die Nylrivier, dit is die langste rivier in die wêreld wat in die middel van Afrika begin en by Egipte in die see loop.

Farao het gedroom hy staan langs die Nylrivier. Daar het sewe mooi vet koeie uit die rivier gekom en die gras langs die rivier begin vreet. Daarna het daar maer, lelike koeie uit die rivier gekom (plaas prent 2 op die bord). Toe vreet die sewe maer koeie die sewe vet koeie op. Maar die maer koeie het net so maer gebly al het hulle die vettes opgeëet. Die koning het wakker geskrik maar het gou weer aan die slaap geraak en weer gedroom.

Hy het gedroom daar kom sewe mooi vol koringare op. Na hulle kom daar toe sewe maer koringare op wat deur die son gebrand is. Die maer are sluk



26

LES

3

toe die sewe vet are in (plaas prent 3 op die bord). Maar die maer, lelike are het maer gebly al het hulle die vet are opgeëet. Daarna het Farao weer wakker geskrik.

Die volgende oggend was hy baie bekommerd oor die drome. Hy het ’n klomp mense bymekaar geroep en vir hulle sy drome vertel. Nie een van hulle kon vir hom sê wat hierdie drome beteken nie.

Die skinker onthou toe vir die eerste keer weer van Josef. Die skinker vertel vir Farao van Josef wat saam met hom in die tronk was en dat hy vir hom en die bakker gesê het wat hulle drome beteken het en dat alles wat hy gesê net so gebeur het. Farao het vir Josef laat roep.

Toe Josef by die paleis kom, het Farao vir hom vertel wat hy gedroom het. Josef het vir Farao gesê: “Nie ek nie, God gee die antwoord vir u.” Daarna het Josef vir Farao vertel wat sy drome beteken.

Die sewe mooi vet koeie beteken dat dit vir sewe jaar lank baie goed sal gaan met Egipte. Daar sal baie kos wees om te eet en genoeg reën. Die sewe maer koeie beteken dat na die goeie sewe jaar, kom daar sewe jaar van hongersnood. Die sewe jaar sal so erg wees dat al die oorvloed van die eerste sewe jaar vergete sal wees. Die twee drome wat die koning gedroom het beteken al twee dieselfde.

Toe het Josef verder vir Farao gesê dat dit ’n goeie plan sal wees as hy iemand aanstel oor die hele land wat sal help dat die mense in die goeie sewe jaar genoeg kos bymekaar maak en bêre vir die sewe jaar van hongersnood wat gaan kom.

Die koning het baie van Josef se plan gehou en daarop het Farao sy seëlring aan Josef se vinger gesteek (plaas prent 4 op die bord). Farao het vir Josef aangestel oor die hele Egipte. Daar was niemand in die hele land wat belangriker as Josef was nie, behalwe die koning self. Die Farao het Josef se tronkklere laat uittrek en vir hom mooi linneklere laat aantrek en ’n goue ketting om sy nek laat hang, en hy het hom laat ry op sy tweede beste wa.

Tydens die goeie sewe jaar het Josef die koring wat daar in Egipte was, bymekaargebring en in graanskure gebêre. Josef het so baie koring bymekaargemaak dat dit net so baie was soos die sand van die see.

Na die goeie sewe jaar in Egipte, het die sewe jaar van hongersnood begin. In al die lande rondom Egipte was daar ook hongersnood maar in Egipte was daar genoeg kos vir die mense gebêre. Die hongersnood het so erg geword in die ander lande, dat mense vanoor die hele wêreld Egipte toe gekom het om koring by Josef te koop.



27

LES

3

AfloopKom ons kyk wie van julle het mooi geluister na die storie. • WathetdieFaraoeerstegedroom?• Wathethydietweedekeergedroom?• KondiemensewatFaraolaatroephet,virhomsêwatdiedrome

beteken? Nee.• WiehettoevirFaraogesêJosefsalhomkanhelp?Ditisreg,dieskinker

wat saam met Josef in die tronk was. • WathetdiedromevanFaraobeteken?• WathettoemetJosefgebeur?

Weet julle, na vandag se storie kan ons ’n baie belangrike les leer. Het julle ook saam met my in die begin jammer gevoel vir Josef wat eers verkoop is en toe onskuldig in die tronk beland het? Na vandag kan ons sien hoekom al die goed met Josef gebeur het. God het ’n plan gehad met Josef se lewe. Daarom moes dit gebeur dat Josef verkoop word en toe later in die tronk beland. Daar in die tronk kon hy die skinker en bakker se drome uitlê en toe later ook die Farao s’n. God het geweet Josef gaan later die belangrike werk hê om te sorg dat die mense genoeg kos bymekaarmaak vir die hongersnood.

Moet nou nie volgende week mis nie dan gaan kyk ons wat het verder met Josef gebeur. Ons gaan ook sien wat se plan God nog met Josef se lewe gehad het.

Toepassing

Gee aan elke leerder ’n afdruk van die kroon templaat (patroon). Laat hulle dit uitsny en inkleur.

Sny ’n strook karton van ongeveer 2 cm breed. Bring die twee punte na mekaar sodat dit ’n band vorm. Voor die punte op mekaar gegom word bepaal die groote deur die omtrek van die leerder se kop te meet.

Plak die punte nou aan mekaar. Die ingekleurde kroon templaat word aan die band vas geplak soos die illistrasie op die projekblad uitbeeld.



28

LES

3

Leerders van hierdie ouderdom het baie energie en hou van kompetisie. Deur die twee elemente in te bring poog ons om leerders te help om vinniger en beter die vers te memoriseer. Indien daar nie genoeg tyd is nie kan leerders net die vers memoriseer. Die memorisering van dele van die Bybel is egter onontbeerlik vir geestelike groei.

As almal klaar hul krone gemaak het en op hulle koppe het, sluit af met die volgende gedagte:

God het ’n groot droom vir Josef se lewe gehad maar vir baie jare het dit nie gelyk of dit waar gaan word nie. Al het dit nie gelyk of dit waar gaan word nie, het Josef nie opgehou om goed te doen nie en aan God gehoorsaam te wees nie. Op die regte tyd het God die plan self laat waar word.

Net so leer die Bybel ons dat God vir elkeen van ons ’n groot droom het. Dit mag dalk nie nou so lyk nie, maar ons moet net bly glo, bly goed doen en gehoorsaam wees. God sal die droom waarheid maak, Hy het dit belowe.

Memoriseervers Handelinge 16: 31: “Glo in Here Jesus, en jy sal gered word.” (NV)

Verdeel die leerders in twee ewe groot groepe. Elke groep vorm ’n ry. Gee aan die voorste leerder van elke ry ’n bal wat hy/sy tussen die bene moet vasknyp. Die betrokke leerders moet met die bal vasgeknyp spring tot by ’n punt waar die aanbieder staan. Wanneer die leerder die aanbieder bereik, moet hy/sy die Bybelvers opsê alvorens hy/sy terugspring na die span. Die leerder gee aan die volgende leerder in die ry die bal sodat daardie leerder kan begin spring. Die span waarvan almal ’n beurt gehad het, wen die spel.

Gebed Dankie Here dat U vir elkeen van ons ’n droom het en al lyk dit soms of dit nooit gaan waar word nie, U het belowe dat U dit self sal laat gebeur. Here help ons om altyd aan U getrou te wees, soos Josef was. Amen

Geestelike vorming Geloofsvertroue en geloofsgetrouheid



29

LES

3

#1



30

LES

3

#2



31

LES

3

#3



32

LES

3

#4



33

LES

AKTIWITEIT 3



34

LES

AKTIWITEIT 3



35

LES

JOSEF EN SY GESIN HERENIG

4

Aanbiedersnotas


Aanbiedingsdoelwit Die leerders sal weet dat Josef sy broers vergewe het en dat hulle almal weer bymekaar uitgekom het.

..................................................

...............

Skrifgedeelte Genesis 42 tot 46

Memoriseervers Efesiërs 4: 32: “Vergewe mekaar soos God ook julle in Christus vergewe het.”


• Prent 1: Goue beker in koring sak• Prent 2: Twee persone wat omhels

• Kleefband• Kopergeldstukke(5,10en20sente),tweeperleerder.• Skêre• Paarwitbordmerkersofanderkoukies• Prestik• Dikkerigepapierofleëontbytpapboksewatoopgevouis.

Ysbreker Wie van julle was al kwaad vir iemand? Lynn, vir wie was jy al kwaad? Hoekom was jy vir die persoon kwaad? Peter, en jy? Vertel vir ons vir wie jy kwaad was en hoekom. Gee aan ’n paar leerders geleentheid om te vertel vir wie hulle kwaad was en hoekom.

Sê nou eers vir my, het julle vir die mense kwaad gebly of nie? Laat die leerders reageer. Kom ons kyk wie van julle het kwaad gebly vir die persoon. Hoekom? Wie van julle het die persoon vergewe? Hoekom?

Nou maats, as iemand ons kwaad maak, is dit nie reg om kwaad te bly vir daardie persoon nie. God wil hê ons moet die mense wat ons kwaad maak, vergewe. Onthou Jesus het vir ons sonde gesterwe en daarom as ons tot God bid en Hom vra om ons te vergewe dan vergewe Hy ons en dink nooit weer aan ons foute nie. Net so moet ons ook mense vergewe.



36

LES

4


Aanloop Ons het nou reeds drie weke gekyk na die storie van Josef se lewe. Kan julle onthou wat die eerste les was? Vra die volgende vrae as die leerders sukkel om te onthou:• Josefhettweedromegehad.WathetJosefgedroom?• ToeJosefeendagnasybroerstoeisindieveldwaarhulleskapeoppas,

het sy broers ’n baie lelike plan gemaak. Wat is die plan? Ja, hulle wou vir Josef in ’n put gooi.

• AanwieisJosefverkoop?

Die tweede les het gegaan oor wat met Josef gebeur het as ’n slaaf in Egipte. Kan julle die storie onthou? Vra die volgende vrae as die leerders sukkel om te onthou:• HoekomhetPotifarvirJosefindietronklaatgooi?HetJosefiets

verkeerd gedoen? • ’nRukkienadatJosefindietronkwas,hetdaartweeandermenseook

in die tronk beland. Wie was hulle? Dit is reg, die skinker en die bakker.• Hulleheteenaandelkeen’ndroomgehad.Kanjullediedromeonthou?

In die derde les het ons gehoor hoe Josef uit die tronk gekom het. Kan julle die storie onthou of moet ek julle ’n paar vrae vra om te help?• Faraohettweedromegehad.Watwasdiedrome?• KondiemensewatFaraolaatroephet,virhomsêwatdiedrome

beteken? Nee, wie het toe vir Farao gesê Josef sal hom kan help? Dit is reg, die skinker wat saam met Josef in die tronk was.

• WathetdiedromevanFaraobeteken?• WathettoemetJosefgebeur?

Die laaste deel van Josef se storie lees ons in Genesis 42 - 46. Kan julle onthou die hoeveelste boek van die Bybel is Genesis? Ja Genesis is die eerste boek.

Verloop In die land Kanaän waar Josef se pa en broers gebly het, was daar ook hongersnood net soos in Egipte. Maar in Kanaän het hulle nie kos gebêre soos wat hulle in Egipte gedoen het nie. Pa Jakob het sy seuns na Egipte gestuur om daar kos te gaan koop. Jakob het tien van die seuns gestuur want Benjamin, Josef se jongste broer, moes by Jakob agterbly.

Toe die broers in Egipte kom, moes hulle voor Josef verskyn aangesien Josef self die graan aan die mense verkoop het. Die broers het nie vir Josef herken nie en voor hom neergebuig, maar Josef het dadelik gesien dat dit sy broers was.



37

LES

4

Josef het ook nie dadelik vir sy broers gesê wie hy eintlik is nie. Hy het eers vir ’n rukke met hulle gespeel en hulle getoets. Hy het vir sy broers vertel dat hy dink dat hulle spioene is en dat hulle nie eintlik graan wil koop nie. Hulle het egter vir Josef gesê dat hulle eerlike mense is wat graan wil koop en nie spioene is nie. Hulle het ook vir hom gesê dat hulle twaalf broers was, maar dat Josef - een van hulle broers - dood is en dat Benjamin, die jongste broer, nou by hulle pa is.

Josef het toe gesê dat hy eers wil kyk of hulle nie dalk spioene is nie. Hy gaan een van die broers in Egipte hou en hom in die tronk sit en die res moet teruggaan huistoe om vir Benjamin te gaan haal. As hulle terugkom met Benjamin, sal hy weet dat hulle nie spioene is nie. Josef het vir Simeon gevat en hom in die tronk laat sit. Josef het ook opdrag gegee dat die broers se sakke vol koring gemaak moes word maar dat hulle geld teruggesit moes word in hulle sake en dat daar vir hulle padkos in hulle sakke gesit word.

By hulle tuiskoms vertel hulle alles vir hulle pa, en toe hulle die sakke leegmaak, kry hulle hulle geld in die sakke. Dit het hulle baie bang gemaak. Want nou kon die belangrike man in Egipte dink hulle is diewe. Hulle het vir mekaar gesê die goed gebeur met hulle omdat God hulle straf vir wat hulle met Josef jare terug gedoen het.

Die hongersnood was baie erg en die kos wat die broers gaan koop het het opgeraak. Jakob het weer die seuns Egipte toe gestuur, maar die keer moes Benjamin saamgaan, want hulle het geweet hulle sal nie kos kan kry as hulle hom nie vir Josef wys nie. Die broers was baie bang.

Die broers het met Benjamin by Josef aankom, en hy het hulle almal na sy huis genooi om saam met hom te eet. Hy het ook vir Simeon uit die tronk laat haal sodat hy kon saam eet. Hulle het nog steeds nie agtergekom wie Josef is nie. Josef was so bly om hulle te sien dat hy moes uitgaan om eers klaar te huil sodat hulle nie sien hy huil nie.

Josef het vir sy werkers opdrag gegee om sy broers se sakke vol graan te maak en weer hulle geld in die sakke terug te sit. Hulle moes ook Josef se silwer beker in Benjamin se graansak sit.

Nadat die broers ’n ent weg was, het Josef sy werkers opdrag gegee om agter sy broers aan te gaan. Hulle moes die sakke deursoek en kyk in wie se sak die beker weggesteek is. Die werkers kry toe die beker in Benjamin se sak (plaas prent 1 op die bord). Josef het hulle beskuldig dat hulle die beker gesteel het en gesê dat hy Benjamin daar gaan hou as slaaf. Dit was eintlik net ’n slim plan van Josef om te sien of sy broers se harte al verander het.



38

LES

4

Die ander broers het toe by Josef gepleit dat hy nie vir Benjamin daar moet hou nie. Hulle het vir hom vertel hoe hulle pa gehuil het toe hy gehoor het dat Josef dood is en dat hy nou weer baie hartseer sal wees as hy hoor dat Benjamin ’n slaaf is. Toe Josef dit hoor, kon hy dit nie meer langer uithou nie. Hy het so hard begin huil dat die mense in Farao se paleis dit gehoor het. Toe sê hy vir hulle: “Ek is Josef. Leef pa werklik nog?” Sy broers kon hom nie antwoord nie; hulle was te bang vir hom. Hulle was bang vir wat hy met hulle sou doen omdat hulle so ’n nare ding met hom gedoen het.

Hy het vir hulle gesê: “Kom na my toe; ek is julle broer Josef (plaas prent 2 op die bord). Julle het my verkoop en ek is Egipte toe gebring, maar julle moet nou nie sleg voel of bang wees omdat julle my verkoop het nie, want God het my voor julle uitgestuur om lewens te red.” Dit was alles deel van God se groot plan.

Josef se broers is daarna terug Kanaän toe om vir Jakob te vertel wat gebeur het en Jakob en sy hele familie het Egipte toe getrek om daar saam met Josef te gaan bly.

Afloop Ek dink ons kan vandag ’n baie belangrike les by Josef leer. Dink julle Josef het rede gehad om baie kwaad te wees vir sy broers? Ja hy het sekerlik rede gehad. Hulle het hom, hulle eie broer dan verkoop as ’n slaaf.

Dink julle dat Josef vir sy broers kwaad gebly het? Dit is reg, hy het nie. Hy het hulle vergewe vir dit wat hulle gedoen het. So sien ons dat al was Josef se broers so lelik met hom, het hy hulle nog steeds vergewe. Hy kon net sowel gesê het hy gaan nie vir hulle kos gee nie of hulle doodgemaak het toe hulle in Egipte aangekom het.

Onthou julle nog wat het Josef gedroom toe ons begin het met sy storie? Dink julle die drome het waar geword? Ja sy droom het waar geword - sy broers, sy pa en ma het voor hom gebuig in Egipte omdat hy die tweede belangrikste man in Egipte was.

Ons het laasweek gesê God het jare terug reeds ’n plan met Josef se lewe gehad. Net so het God ook ’n plan en ’n doel vir elkeen van ons se lewe.



39

LES

4

Leerders van hierdie ouderdom het baie energie en hou van kompetisie. Deur die twee elemente in te bring poog ons om leerders te help om vinniger en beter die vers te memoriseer. Indien daar nie genoeg tyd is nie kan leerders net die vers memoriseer. Die memorisering van dele van die Bybel is egter onontbeerlik vir geestelike groei.

Toepassing Laat die leerders die man in die projekblad uitsny. Sit die templaat van die man op ’n stuk stywe papier of karton, trek die vorm af en sny hom uit op die karton. Die oefening gaan nie werk as die man uit papier is nie, jy het ’n bietjie stywer karton nodig. (Selfs die oop gemaakte ontbytpap bokse sal werk). Plak met kleefband sente (hulle moet ewe groot wees) op die punte van die man se uitgestrekte arms.

Plak prestik aan die onderkant van die witbordmerker en plak die merker regop op die tafel vas. Balanseer nou die man se kop op die merker, soos aangedui op die projekblad. Gee leerders kans om te eksperimenteer hoe om die man byvoorbeeld op ’n glas se rand te balanseer.

Verduidelik dat die man kan balanseer omdat die twee geld stukke gewig gee sodat die man kan balanseer. Verskuif een van die muntstukke en kyk hoe die man nou anders balanseer. Die swaartepunt het verander en daarom ook die plek waar die man in balans is.

Ter afsluiting sê vir die leerders dat as ons God se belofte en sy Woord (die Bybel) in ons hande hou sal ons altyd balans in die lewe kan vind.

Memoriseervers Efesiërs 4: 32: “Vergewe mekaar soos God ook julle in Christus vergewe het.”

Laat die leerders twee ewe groot groepe maak en in twee rye staan. Gee aan die agterste leerder van elke ry ’n bal. Verduidelik aan die leerders dat hulle die bal bo-oor en onderdeur moet stuur totdat die maat wat voor in die ry staan, die bal het. Met ander woorde, die bal moet bo-oor die eerste maat se kop, onderdeur die tweede maat se bene, bo-oor die derde maat se kop en onderdeur die vierde maat se bene, ens. Die aanbieder staan voor die rye sodat die leerder wat aan die voorpunt van die ry die bal kry, die vers vir die aanbieder kan opsê. Indien korrek, gaan staan hy/sy agter met die bal en begin weer am die bal aan te stuur. Die ry wat eerste almal hulle Bybelvers opgesê het, sit dadelik en is die wenners.



40

LES

4

Gebed Dankie Here dat U ’n plan het vir ons lewe en dat U dit sal waar maak. Help ons om altyd gehoorsaam te wees en mense te vergewe wat ons veronreg het. Amen

Geestelike vorming Vergewensgesindheid



41

LES

4

#2

#1



42

LES

5AKTIWITEIT



43

LES

HERSIENING OOR JOSEF SE STORIE

5

Aanbiedersnotas


Aanbiedingsdoelwit Dat die leerders die kennis wat hulle oor die afgelope 4 weke opgedoen het, sal hersien.

..................................................

...............

Hulpmiddels Uitgeknipte prente van die vorige lesse soos verskaf in projekblaaie:

Les 1: (bedryf 1)• OumangeeJosef’nkleed• Koringgerwe-eenstaanregopeneenbuig.• Son,maanensterre• Reisigermetkameel

Les 2: (bedryf 2)• Potifarsevroumetstukkleedindiehand• Josefsegesigvoortralies(snydiewitgedeeltestussendietraliesuit).• Trosdruiwe• Mandjiemetbroodin

Les 3: (bedryf 3)• Farao• Vetkoeieenmaerkoeie• Vetareenmaerare• Goueseëlring

Les 4: (bedryf 4)• Gouebekerinkoringsak• Tweepersonewatomhels

• Bedlampie• Witlaken• Wasgoedpennetjies• Tweestoele• Kleefband• ’nPakstrootjiesofsosatie-ofroomysstokkies



44

LES

5

Hierdie les is hoofsaaklik gerig op hersiening van belangrike inligting. Die formaat van die les gee egter ’n baie goeie geleentheid vir span werk en die ontwikkeling van sosiale vaardighede.

In hierdie lewensfase is groeps aktiwiteite baie belangrik.

Maak dus seker dat die twee doelwitte bereik word, naamlik hersiening van belangrike inligting en die ontwikkeling van sosiale vaardighede.

Skadu-opvoeringVir hersiening gaan die leerders die vier lesse oor Josef se lewe as ’n skadutoneel opvoer. Die vier lesse word verdeel in vier toneel bedrywe. Sien die voorstelling van ’n skadu- opvoering op die projekblad.

Al die prente soos hierbo genoem moet uitgesny word en op die strootjies (sosatiestokkies of roomysstokkies) vasgeplak word. Hulle gaan die karakter wees waarmee die leerders die storie van Josef op die skadudoek uitbeeld.

Span ’n laken styf tussen twee stoele met behulp van die wasgoedpennetjies. Plaas die bedlampie agter die laken sodat die lug op die laken val. Die leerders moet dan die verskillende karakters tussen die lug en die laken hou sodat die skadubeeld op die laken val wat gaan dien as die verhoog of die skerm. Help leerders dat hulle eie skadu nie op die doek val nie.

Die vier lesse gaan elk in ’n bedryf opgevoer word. Deel die leerders op in vier groepe. Elke groep moet een bedryf opvoer. Die laaste bedryf het nie baie karakters nie en kan dus ’n kleiner groep leerders wees.

Laat die leerders in hulle groepe die skadutoneel uitwerk. Een kan byvoorbeeld die verteller wees of hulle kan elkeen names die karakter praat of daar kan ’n kombinasie van verteller en karakter wat praat wees. Help hulle om kreatief te wees. Maak seker elke leerder neem deel. Maak ook seker die kern van elke les word weergegee.

Wanneer die leerders reg is gaan die eerste groep agter die laken. Die res van die leerder sit voor om na die toneel te kyk.

Gebed Dankie Here dat die Bybel vir ons die storie van Josef opgeskryf het. Dankie dat ons kon leer dat net soos wat U vir Josef se lewe ’n groot droom gehad het, U ook vir ons lewe ’n groot droom het.

Help ons om net soos Josef aan te hou om die regte ding te doen en aan U gehoorsaam te wees al lyk dit of alles skeef loop en mense ons sleg behandel. Amen



45

LES

AKTIWITEIT 5



46

LES

HOEKOM LYK DIE WÊRELD SO?

6

Aanbiedersnotas

Kerntema Sonde en verlossing

Aanbiedingsdoelwit Om die leerder: • te leer wat sonde is

en wat die gevolg van sonde is;

• te laat verstaan dat alle mense beïnvloed word deur sonde;

• daarop te wys dat ’n Verlosser nodig is om uit die toestand van sonde te kan kom.

..................................................

...............

Skrifgedeelte 2 Samuel 11: 1-27 en 2 Samuel 12: 13-15.

Hulpmiddels • Sakdoekvirvroteiertjie• Uitgeknipteprentesoosverskafinprojekblad:

• Prent1:SondeklooftussenGodendiemens.• ’nStelvandiedriekartonnevierkante(ongeveer7X7cm)virelke

leerder vir die toepassing aktiwiteit.• Rooi,witenswartverf,kleurpotlodeof-kryt.

Ysbreker Speel vroteiertjie, maar net totdat een persoon ‘vrot’ is. Sê vir die leerders dat hulle volgende week verder kan speel.

Vroteiertjie:Die leerders sit in ’n kring en een leerder loop met die sakdoek in haar hand om die buitekant van die kring leerders.

Die leerder met die sakdoek probeer om die sakdoek ongesiens agter iemand se rug neer te sit. Indien die leerder dit reg kan kry om reg rondom die sirkel te loop sonder dat die person agterkom die sakdoek lê agter sy rug, is die persoon met die sakdoek agter sy rug, VROT en moet in die middel van die sirkel gaan sit.

Indien die person egter vroegtydig agterkom die sakdoek lê agter sy rug, spring hy op, gryp die sakdoek en probeer om die eerste leerder te vang voor dié veilig op sy plek gaan sit.

Nadat almal gaan sit het en rustig is, vra die leerders of hulle al gehoor het as die groot mense van al die slegte dinge praat wat in die wêreld gebeur. Noem ’n paar voorbeelde soos: die baie karre wat gesteel word en die mense wat oorlog maak teen mekaar. Gee die leerders geleentheid om daaroor te gesels en verbreed die prentjie verder deur dinge op te noem wat hulle nie aan dink nie, soos hongersnood, armoede, egskeiding (verduidelik), lugbesoedeling, siektes, ensovoorts.



47

LES

6

Vra die leerders hoekom hulle dink dat die wêreld so lyk. Bevestig elke antwoord deur te sê: Dankie, en wat dink jy? Goed en wat sê jy? Kan iemand dalk aan nog ’n ander rede dink? Goed, ons gaan nou eers ’n gediggie lees en dan gaan ons kyk wat sê die Bybel hoekom lyk die wêreld so.

GediggieHoekom is ons wêreld is deurmekaar, Om ons is berigte van gevaar?Sonde maak soveel deure oop, veroorsaak soveel pyn en nood. Here, maak my sterk, gee my krag, Om te heers oor sonde elke dag!

Aanloop In die begin toe God die hemel en aarde gemaak het, het Hy die mense in ’n mooi tuin laat bly en Hy het elke dag by hulle kom kuier. Julle ken seker hierdie mense se name? Ja dit is Adam en Eva.

Vandag lyk die wêreld baie keer nie meer soos ’n mooi tuin met al die slegte goed wat gebeur, waarvan ons nou net gepraat het. Die rede hoekom ons wêreld nie vandag meer soos die tuin van Adam en Eva lyk nie is as gevolg van sonde. Adam en Eva se sonde het gemaak dat God hulle uit die tuin gesit het. So het die mens se sonde gemaak dat die wêreld slegter word.

Sonde is ons groot probleem. Plaas prent 1 op die bord en verduidelik vir die leerders dat God ons gemaak het om soos Adam en Eva by Hom te wees. Maar dat die Bybel sê “ons almal het gesondig” en ons sonde maak ’n kloof tussen ons en God en ons kan nie self oor die kloof kom nie.

In die Bybel kry ons baie verhale wat vir ons vertel van mense se sonde en vir ons wys dat sonde ons van God weg neem en dat ons wêreld sleg word. Ek wil julle vandag vertel van ’n man wat glad ’n ander man se vrou gesteel het, en nog allerhande slegte dinge gedoen het om dit reg te kry. Wil julle die storie hoor?

Die speel met rymwoorde bevorder taal ontwikkeling en stimuleer die leerder se denkprosesse.

Die gediggie vandag help ook om die sentrale waarheid te versterk.



48

LES

6

Verloop Eendag was daar ’n man en sy naam was Dawid. Hy was die koning van Israel. Israel het oorlog gemaak teen die Ammoniete en gewoonlik het Dawid saam met sy manne gegaan om te gaan veg. Maar die keer het hy besluit om eerder by die huis te bly terwyl sy manne veg. As Dawid dalk maar eerder gaan veg het sou hy dalk nie vir die sonde geval het nie, maar nou het Dawid by die paleis gebly terwyl ander manne gaan veg het.

Na sy middagslapie het Dawid een middag op sy paleis se dak geloop, toe hy ’n vrou sien wat besig was om te bad, haar naam was Batseba. Koning Dawid het vir Batseba gesien en baie van haar gehou want sy was baie mooi. Ongelukkig vir hom was sy getroud met ’n man wie se naam Uria was. Uria was een van Dawid se dapper manne wat teen die Ammoriete gaan veg het en daarom nie by sy huis was nie.

Dawid het toe ’n skelm plan gemaak. Hy het ’n brief geskryf vir die bevelvoerder van sy manne en gesê het dat hy Uria heel voor in die oorlog moet laat veg en dan het Dawid gesê hulle moet ’n baie lelike ding doen. As Uria voor veg moes al die ander soldate, sy vriende, terugval sodat Uria alleen oorbly en die vyand hom kan dood maak. Die bevelvoerder het gemaak soos Dawid gesê het en Uria is in die oorlog dood gemaak terwyl hy alleen geveg het. Dawid het Uria se vrou, Batseba, vir homself gevat.

Die Here was glad nie gelukkig met Dawid nie en stuur sy profeet, Natan, om met Dawid te gaan praat. Natan het vir Dawid gesê God weet wat hy in die geheim gedoen het en God gaan hom straf vir sy sonde. Dawid en Batseba se eerste baba is dood as gevolg van die sonde wat Dawid gedoen het.

Dawid het ’n klomp slegte dinge gedoen • Hyhet’nandermansevroubegeerendieBybelseonsmagniebegeer

nie.• Hyhetslinkse,slegte,oneerlikeplannegemaakomhaarsyeietemaak.• HyhetopsetlikUriasedoodveroorsaaksodathysyvroukonkry.• Hyhethaartoeookgevatassyvrou.

Ons kan sien hoe sonde Dawid se wêreld baie deurmekaar en lelik gemaak het. Sonde het Dawid ver van God af gevat.



49

LES

6

Afloop Die Bybel leer ons dat Dawid bitterlik jammer was oor sy sonde, hy het vir dae lank gehuil en God gevra om hom te vergewe vir die lelike dinge wat hy gedoen het.

God het hom vergewe en hy en Batseba het ’n tweede baba gekry en sy naam was Salomo hy het later die koning van Israel geword.

Kreatiewe ervaring Gee aan elke leerder een van die kartonne vierkante wat nog nie ingekleur is nie en vra al die leerders om die vierkant pikswart in te kleur.

Die swart vierkant sê vir ons dat • Almalhetgesondig;• Sondeverwoeslewensenmaakdiewêreld’nslegteplekomintebly;• Sondemaakdatonsnieregtigliefdeinonsharthetnie.• SondemaakdatonsvervanGodafisenniewildoenwatHygraagwil

hê ons moet doen nie.

Gee aan leerders ’n tweede vierkant om rooi in te kleur.

Die rooi vierkant sê vir ons dat• Onskanonsselfnievansonderednie;• DaaromhetJesusinonsplekgesterfenwasSybloedalonssonde

weg;• DieBybelsêasonsonssondebelyenvergifnisvradanvergeweHyons

en was Sy bloed ons silwer skoon.

Geen aan leerder ’n derde vierkant. Die vierkant moet wit geverf word of ’n skoon wit papier moet daarop geplak word sodat dit spierwit is.

Die wit vierkant wys vir ons hoe skoon Jesus se bloed ons was. Die Bybel leer ons dat as ons ons sonde bely Jesus ons skoon maak en nooit weer aan ons sonde dink nie. Ons is so wit soos hierdie papier.

Laat die leerders in groepies van twee die betekenis van die drie vierkante vir mekaar herhaal.



50

LES

6

Memoriseervers Romeine 3: 23: “Want almal het gesondig en is ver van God af.”

Plaas prent 1 van die sonde kloof op die bord en laat die klas ’n paar keer saam die vers herhaal.

Vra een of twee leerders om die vers alleen op te sê. Indien hulle sukkel laat almal dit weer saam herhaal

Gebed Here, dankie dat U ons vandag wou wys dat ons almal in sonde is en dat net U ons kan verander. Verander ons, asseblief, en vergewe ook al die lelike dinge wat ons gedoen het. Amen.

Geestelike vorming Sondebesef



51

LES

6

#1



52

LES

AKTIWITEIT 6



53

LES

Aanbiedersnotas

Kerntema Sonde en verlossing

Aanbiedingsdoelwit Om die leerder: • te laat verstaan wat

die stelling: “God is regverdig en liefdevol” beteken;

• Te help besef dat net God hom/haar kan red van sonde;

• Te laat besef dat mens nooit vir sonde ’n plek moet gee nie.

..................................................

...............

Indirek word die gesag van die Bybel as die Woord van God, gekommunikeer. Die leerder leer ook die Bybel ken.

Skrifgedeelte Rigters 13: 1-7 & Rigters 16: 4-31

Hulpmiddels • ’n Sakdoek vir vroteiertjie • Hersienings prent van les 6, naamlik prent 1: Sonde kloof tussen God en

die mens.• Uitgeknipte prente soos verskaf in projekteblaaie:

• Prent 1: Simson met hare in ’n weefstoel• Prent 2: Simson sonder oë tussen die pilare

• Skoon A4 blad en dik pen om te skryf.• 2 bakstene en twee lengtes wol.

Ysbreker Speel weer vroteiertjie. Die persoon wat verlede week vrot was, moet weer in die middel sit totdat iemand anders vrot is. Sodra dit gebeur, moet jy klem Iê op die feit dat die eerste “vrot” leerder (van verlede week) nou weer vry is omdat iemand anders nou in sy/haar plek vrot is.

Vra nou die leerders wie kan onthou wat hulle verlede week geleer het en verfris hulle geheue waar nodig.

Plaas die hersienings prent van les 6, naamlik die “sonde kloof tussen God en die mens” op die bord. Ja dit is reg ons het verlede week gesê dat sonde maak dat ons ver van God af is en nie kan doen wat Hy graag wil hê ons moet doen nie. Ons het ook geleer dat die Bybel sê alle mense het gesondig en is daarom ver van God. Maar dat God sy Seun Jesus gestuur het om in ons plek te sterf en dat die bloed van Jesus ons sonde weg was. Ons het ook geluister na die storie van koning Dawid, wat Uria se vrou gevat het.

Aanloop In die Bybel in die boek met die naam Rigters lees ons van vandag se storie. Rigters is in die Ou-Testament. Wys vir die leerders waar die boek Rigters is.

Die Israeliete was vir veertig jaar onderdruk en sleg behandel deur die Filistyne. Die Here het toe ’n seuntjie laat gebore word wat die groot werk

GOD IS REGVERDIG EN LIEFDEVOL

7



54

LES

gehad het, naamlik om die Israeliete van die Filistyne te red. Die Here se plan met die seuntjie was dat, as hy eendag groot is, hy die Here se volk sou verlos van die Filistyne. Die seuntjie mag nooit sy hare gesny het nie as ’n teken dat hy net aan God behoort.

Kan julle my sê wat sy naam was? Ja sy naam was Simson. God het reeds voor Simson se geboorte ’n groot plan vir sy lewe gehad. Maar weet julle die Bybel leer ons dat net so het God ook ’n groot plan met elkeen van ons se lewe. God is liefdevol en het net mooi en groot drome vir elkeen van ons se lewens. Kom ons kyk of Simson verstaan het dat God net mooi drome oor sy lewe gehad het en of Simson aan God gehoorsaam en getrou was.

VerloopSimson het verlief geraak op ’n Filistynse vrou met die naam Delila. Toe die leiers van die Filistyne dit hoor het hulle skelm met Delila gaan praat en vir haar gesê om Simson te verlei en te probeer uitvind hoekom hy so sterk was. Simson was so sterk dat hy op eenslag ’n leeu met sy kaal hande doodgemaak het en by ’n ander geleentheid 300 Filistyne met ’n dooie donkie se kakebeen doodgemaak het.

Maats Simson moes nooit by ’n heidense vrou gebly het, wat nie in God glo nie. Hy het mos geweet dat hy van sy geboorte afgesonder vir God was en dat om saam met iemand te bly wat niks voel vir God nie, net probleme sal veroorsaak. Maar ongelukkig lyk dit vir ons of Simson gedink het hy kan maar met sonde speel omdat hy sterk was.

Delila het Simson verlei en hom gevra hoekom hy so sterk is,en wat sy geheim is. Simson het vir haar gejok en gesê hy sal geen krag hê as sy hom vasmaak met 7 nuwe boogsnare nie. Delila het 7 nuwe boogsnare by die Filistyne gekry en Simson daarmee vasgemaak. Sy het ook skelmpies ’n klomp Filistyne in haar kamer laat wegkruip. Nadat sy klaar vir Simson vasgemaak het, skree sy vir hom “Simson pasop die Filistyne is hier”. Simson het opgespring en die 7 boogsnare sonder enige moeite gebreek.

Delila was kwaad omdat hy vir haar gejok het. “Moet nie vir my jok nie, waarmee moet ek jou vasbind sodat jy swak word?” het Delila gevra. Simson jok toe weer vir haar en sê; “as jy my goed vasbind met nuwe toue wat nog nooit gebruik is nie sal ek swak wees soos enige ander man”. Weer het Delila hom vasgebind, die keer met nuwe toue. Sy het weer skelmpies ’n klomp Filistyne in haar kamer laat wegkruip. Nadat sy klaar vir Simson vasgemaak het skree sy vir hom “Simson pasop die Filistyne is hier”. Simson het opgespring en weer die nuwe toue sonder enige moeite gebreek.

7



55

LES

7

Delila was baie kwaad, sy sê dat Simson haar vir die gek hou, omdat hy haar nie die waarheid vertel oor hoe sy hom kan vasbind dat hy swak word nie. Maats ek wonder hoekom Simson aangehou het om die speletjie te speel. Hoekom het hy nie gesien dat Delila hom wil vernietig nie en weg van haar gegaan nie. Dalk het hy gedink niemand kan hom vernietig nie?

Simson jok toe weer vir Delila en sê as sy, sy hare in ’n weefstoel vasweef (sit prent 1 op die bord en verduidelik wat ’n weefstoel is) sal hy swak wees. Sy het weer soos die vorige twee kere gemaak en sy hare ingeweef en Filistyne in haar kamer laat wegkruip. Nadat sy klaar Simson se hare geweef het skree sy vir hom “Simson pasop die Filistyne is hier”. Simson het opgespring en sonder enige moeite uit die weefstoel losgeruk.

Delila was woedend sy sê hoe kan Simson sê hy het haar lief as hy drie keer vir haar gejok het. Die Bybel sê sy het dae lank by hom gekla dat hy haar die ware geheim moet vertel. Sonde maak so dit kom eers klein en as jy nie dadelik daarvan af wegloop nie, kom dit weer en weer en later hou dit vir dae lank aan totdat ’n mens toegee.

Simson het so sat geraak vir haar geklaery dat hy haar sy lewensgeheim vertel het. Sy hare is nooit gesny nie omdat hy net aan God en God alleen behoort. As sy hare geskeer word, sal God se Gees hom verlaat en dan sal hy al sy krag verloor. Toe Delila dit hoor het sy geweet hy nou die waarheid gepraat het. Sy het hom aan die slaap gemaak en sy hare afgesny en vir hom gesê die Filistyne is hier. Hy het soos altyd opgespring en gedink hy kan los kom, maar het toe besef dat die Here nie meer met hom was nie. Die Filistyne het hom gegryp sy oë uitgesteek en hom in die tronk gegooi. In die tronk moes hy soos ’n donkie die meule draai.

Die man vir wie God so ’n groot plan gehad het en wat 300 mans op een slag kon doodmaak het nou in die trok ’n donkie se werk gedoen. Simson het met sonde gespeel en dit het op die end sy lewe verwoes.

Kreatiewe ervaring en toepassingNeem twee bakstene wat elk met ’n stuk wol vasgemaak is. Vat die eerste baksteen se wol in jou hand en pluk dit vinnig op. Die gewig van die baksteen is sodanig dat indien jy vinnig aan die wol pluk sal die wol breek sonder dat die baksteen oplig.

Neem nou die wol van die tweede baksteen in jou hand en tel stadig en geleidelik die baksteen van die vloer af op totdat dit op die tafel neergesit kan word.

Doen die oefening eers by die huis om seker te maak hoe hard en vinnig gepluk moet word om die wol te laat breek asook hoe stadig die baksteen opgelig moet word sodat die wol nie breek nie.



56

LES

7

Verduidelik aan die leerders dat sonde dieselfde as die twee bakstene werk. Die duiwel sal nooit kom en vir jou sê maak jou maat dood nie. Hy weet dit is te groot en jy sal net nee sê. Net soos die tou gebreek het toe dit te vinnig getrek is.

Nee sonde werk altyd stadig en baie geleidelik met ons. Die duiwel kom eers met klein verkeerde dingetjie soos skinder van jou maatjie, of wees jaloers op jou maatjie. Indien jy die klein dingetjies doen kom hy met die volgende sonde en sonder dat jy dit agterkom word jy al hoe meer vasgevang in sonde. Net so het dit met Simson gebeur totdat hy op ’n dag sy lewensgeheim vir Delila vertel het en gevang is.

Ons moet nooit met sonde speel nie. Ons moet nooit aan die “kleinste” leuentjie toegee nie. Ons is beskerm as ons altyd “nee” sê vir sonde al lyk dit dalk nou hoe klein en onskadelik. Sonde is nooit onskadelik nie.

Afloop God is ’n regverdige God en daarom kan Hy nooit sonde toelaat of duld nie. Hy moet sonde straf, want Hy is ’n regverdige God. Die Bybel sê dat die loon, of die gevolge van sonde, is die dood.

Maar God is ook liefdevol en wil nie hê dat die mens moet doodgaan nie. Hy wil mens ’n tweede kans gee. ’n Tweede kans beteken nie dat Hy nou sommer net vergeet wat ’n mens verkeerd doen nie. Dit beteken dat Hy klaar ’n plan gemaak het om die mens te help sodat hulle die mooi lewe kan lewe wat Hy vir hulle bedoel het.

God het sy seun Jesus gestuur om in ons plek te sterf en die straf wat ons moes kry, op Hom te neem.

Simson het ook ’n tweede kans gekry. Die Filistyne het ’n groot fees gehou en Simson laat kom sodat hulle met hom kon spot. Simson het die Here gevra om hom te vergewe en hom nog net eenkeer krag te gee om die Filistyne te straf.

Omdat hy blind was het hy iemand gevra om hom na die pilare van die gebou te neem, waarbinne die fees gehou is (plaas prent 2 op die bord). Hy het sy arms om die pilare gesit en die hele gebou platgetrek. Simson en al die Filistyne in die gebou is daardie dag dood. Simson het daardie dag meer Filistyne doodgemaak as almal saam in sy hele lewe.

God se plan vir Simson se lewe het toe waar geword, dit is net baie jammer dat Simson se sonde gemaak het dat hy sy oë en ook sy lewe verloor het. Dit was nie God se plan nie, dit is die gevolge van Simson se sonde.



57

LES

Die verskillende maniere om die vers te herhaal help om die leerders se konsentrasie te behou. Dit help ook om van ekstra energie ontslae te raak.

Memoriseervers Romeine 6: 23: “Want die loon van die sonde is die dood maar die genadegawe van God is die ewige lewe.”

Vra vir die leerders: Wat verdien ons omdat ons sondig is?Antwoord: Die loon van die sonde is die dood. Vra: Maar wat gee God vir ons uit genade? Antwoord: Die genadegawe van God is die ewige lewe.

Voorbeeld van herhaling: Skryf die versie op ’n A4 vel papier en plak dit waar almal dit kan sien. Begin dit herhaal, maar doen dit elke keer op ’n ander manier byvoorbeeld: • Sêditstadig• Klapdiehandeopelkelettergreepindievers• Springopelkelettergreepindievers• Sêditvinnig,sêdithard,ensovoorts.

Gebed Here help ons om altyd net aan U getrou te wees en nooit vir die kleinste sonde “ja” te sê nie. Soos vir Simson het U ook ’n mooi en ’n groot droom vir elkeen van ons se lewe. Dankie dat Jesus in ons plek gesterf het en dat Sy bloed al ons sondes weg was. Amen

Geestelike vorming Heiligmaking

7



58

LES

7

#1



59

LES

7

#2



60

LES

Aanbiedersnotas

Kerntema: Sonde en verlossing

Aanbiedingsdoelwit: • Om die leerder te laat

verstaan dat God Jesus gekies het om die mense te verlos en as jy Jesus kies, is jy ook verlos.

• Leerders ’n geleentheid te gee om wedergeboorte deelagtig te word.

.................................................

................

Skrifgedeelte Efesiërs 1: 3-14

Hulpmiddels • Hersieningsprentvanles6,naamlikprent1:SondeklooftussenGoden

die mens.• Uitgeknipteprentesoosverskafinprojekteblaaie:

• Prent1:SondeklooftussenGodendiemensoorbrugmetdiekruisvan Jesus.

• Prent2:Hart(eenvirelkeleerder)• Projekbladvirleerdersomintekleur• Houtgomofbostik,niepritnie• Koerant• Indienmoontlikverskillendeinkleurmaterialbyvoorbeeld,waterverf,

kleurpotlode, kleurkryt en vetkryt.• Plakkaat(ofA4papier)waaropJoh.3:16geskryfis

Ysbreker Gee aan elke leerder ’n uitgesnyde hart soos verskaf op die projekblad (prent 2). Gee aan elke leerder ’n vel koerantpapier. Laat hulle die hart op die koerant papier aftrek en die koeranthart uitknip. Die leerders moet die koeranthart met bostik gom of houtgom op op die wit hart vasplak. Prit sal nie werk nie omdat dit nie die papier so stewig vasplak nie. Sit die harte eenkant dat die gom goed droog kan word.

Lees die gediggie ’n eerste keer vir die leerders voor sodat hulle ’n geheelbeeld van die gediggie kry. Lees die gediggie ’n tweede keer saam met die leerders en laat hulle die woorde mimiek terwyl die aanbieder dit lees. Byvoorbeeld die sin “God het my lief” – kan die leerders hulle arms kruis oor hulle hart druk om liefde te demonstreer.

IN CHRISTUS VERKIES MET ’N DOEL

8



61

LES

Die speel met rymwoorde bevorder taal ontwikkeling en stimuleer die leerder se denkprosesse.

Die gediggie vandag help ook om die sentrale waarheid te versterk.

GediggieGod het my lief;ek het gekiesdat Hy my koning moet wees.

Ek is so blyHy woon in myAltyd naby, deur sy Heilige Gees.

Aanloop Ons het die laaste twee weke hartseer stories gehoor van twee manne vir wie God lief was en ’n plan vir hulle lewe gehad het wat sonde gedoen het. Betrek die leerders deur vrae te vra. Byvoorbeeld: Wie kan onthou wie die twee mans was?

Wat was hulle sonde? Komplimenteer leerders vir die goeie antwoorde en gee dan self jou eie opsomming.

Beide se sonde het gemaak dat hulle ver van God was. Plaas hersienings prent 1, van die “Sonde kloof tussen God en die mens”, op die bord. Maar die Bybel leer ook dat ons almal gesondig het en dat ons almal ver van God is. Sonde is alle mense se probleem.

Ons het ook verlede week geleer dat God ’n regverdige God is. Dat Hy nie sommer net vergeet van die verkeerde dinge (sonde) wat ons doen nie, maar dat Hy reeds ’n plan gemaak het om ons te help sodat ons die mooi lewe kan lewe wat Hy vir ons bedoel het. Hoekom doen God dit? Omdat Hy so lief is vir ons en ons graag ’n tweede kans wil gee.

Verloop Vandag gaan ons meer leer omtrent wat daardie plan is wat God gemaak het. Betrek die leerders voortdurend deur toepaslike vrae. Wie kan my sê wat daardie plan is? Kom ons kyk wat sê die Bybel wat was God se plan.

Lees Ef 1: 4,6,7 en13 uit die Nuwe Vertaling, lewende Bybel of Nuwe Testament vir Kinders of enige ander vertaling wat maklik verstaanbaar is. Vertel dan die kern van die gedeelte in jou eie woorde. Die volgende punte moet na vore kom: • NogvoordatGoddieaardeendiemensgemaakhet,hetHygeweetdat

ons ongehoorsaam gaan wees. • Godhetooktoereeds’nplangemaakenbesluitdatHy,Jesusnadie

aarde sou stuur om in ons plek te sterf.

8



62

LES

8

• (Plaasprent1-metdiekruisoordiesondekloof-opdiebord)Deurdie kruisdood van Jesus het God dit vir ons moontlik gemaak om weer toegang tot God te kry.

• DiekruisdoodvanJesusoorbrugdiesondekloofenmaakdatonsbyGod kan uitkom.

Afloop Jesus is die enigste manier wat God besluit het waarop die mens (ons) ’n tweede kans kan kry. Ons sê dus Jesus is God se uitverkorene - die een wat God gekies het om ons te red, want Jesus is nie soos ons nie. Hy het nie sonde soos ons nie. God se liefde is vir alle mense en Hy het Jesus gestuur om vir almal te sterf. As ons dan vir Jesus kies, word ons Sy kinders.

Kreatiewe ervaring Gee aan elke leerder ’n inkleur prent van die “Sondekloof tussen God en die mens oorbrug met die kruis van Jesus” om in te kleur.

Indien moontlik bied aan die leerders verskillende inkleur material byvoorbeeld, waterverf, kleurpotlode, kleurkryt en vetkryt. Die leerder is ’n bietjie ouer en net kleurpotlode mag dalk nie stimulerend genoeg wees nie.

Eksperimenteer byvoorbeeld met vetkryt en waterverf. Kleur sekere dele eerste met die vetkryt in en verf dan laaste ’n agtergrondkleur met waterverf bo or alles. Die waterverf sal net vat op die dele wat nie met vetkryt ingekleur is nie.

Toepassing Laat die leerder elkeen hulle hart met die koeranthart daarop vasgeplak gaan haal. Vra die leerder om die koerant hart af te trek. Indien die oefening suksesvol is sal stukkies van die koerant vas bly op die wit hart. Wys vir die leerder dat sonde altyd letsels op ons los, net soos wat die koerant stukkies op die wit hart agter gebly het. Maar dat as ons Jesus vra om ons te vergewe en ons sondes weg te was dan maak Hy ons hart weer nuut.

Vra die leerders wie wil vandag vir Jesus vra om hulle sonde te vergewe, hulle hart nuut te maak en hulle Koning te word. Maak ’n uitnodiging vir die leerders om nou vir Jesus te kies. Laat hulle ’n sondaarsgebed agter jou aansê.



63

LES

8

Navorsing het getoon dat ’n baie groot persentasie van Christene op hierdie ouderdom hulle hart en lewe aan die Here gegee het.

Moet dus nie hierdie gebeure onderskat nie en help om dit vir die leerder ’n werklikheid te maak.

Daar is groot vreugde in die hemele oor een siel wat gered word!

Sondaars gebedJesus ek is ’n sondaar en ek kan myself nie help nie. Vergewe asseblief al my sondes en was my skoon met U bloed. Kom woon in my hartjie en word U vandag my Koning. Amen

Verduidelik vir die leerders dat as hulle saamgebid het, dan het Jesus hulle gehoor en is al hulle sondes weggewas en is hulle nou Sy kinders.

Hulle het dus vandag, die _____ dag van _______ (maande se naam) kinders van God geword. Hulle is vandag weergebore. Skryf hierdie datum op hulle inkleurprent in.

As die gemeente ’n register het waarin weergeboortes aangeteken word kan die leerder se name aangeteken word. Lig ook die predikant hiervan in sodat hy hulle kan gelukwens.

Memoriseervers Joh. 3: 16: “Want so lief het God die wêreld gehad dat Hy sy enige gebore Seun gegee het sodat elkeen wat in Hom glo nie verlore mag gaan nie maar die ewige lewe kan hê”.

Sê vir die leerders dat julle weer die nuwe liedjie gaan sing: “Want so lief het God die wêreld gehad” en vra hulle of hulle geweet het dat dit ’n Bybelversie is. Sê waar dit staan en plaas die plakkaat met Joh 3: 16 daarop waar almal dit kan sien. Vra hulle om dit (Joh 3: 16), en die woorde van die liedjie saam (of agter) jou aan te sê.

Sing dan weer: “Want so lief het God die wêreld gehad”, totdat almal vertroud is met die lied.

Gebed Dankie God dat U vir Jesus gestuur het om vir ons sondes te sterwe en dankie vir die maatjies wat vandag vir U gekies het. Die Bybel sê die engele in die hemel is baie bly oor een mens wat na U toe kom. Amen.

Geestelike vorming Wedergeboorte



64

LES

8

#1



65

LES

8

#2



66

LES

Aanbiedersnotas

Kerntema: Kommunikasie

Aanbiedingsdoelwit: • Om die leerder te laat

besef dat dit belangrik is om ander mense van Jesus te vertel.

• Maar meer belangriker is dit mense Jesus sal sien in die manier wat ek lewe.

.................................................

................

Die gediggie is belangrik vir ontwikkeling van taalvaardighede. Dit maak die waarheid van die les bekend op ’n kreatiewe manier.

Skrifgedeelte 2 Korintiërs 3: 2-3 & Daniël 1

Hulpmiddels • ’nBriefgeskryfdeurdiepastoorof’nouderlingvandiekerk.Diebrief

moet in ’n koevert toegeplak word. In die brief skryf die persoon wie hy is, wat sy gunsteling kossoort is, waarvan hy niks hou nie, wat sy lekkerste vakansie was en wat hom baie hartseer gemaak het in sy lewe.

• Plakkerswataskammaseëlskandien.• Afdrukkevan“prentjiewoorde”virleerders,soosverskafinprojekblad.

Ysbreker Daar gaan telefoontjie gespeel word. Die speletjie werk soos volg. Die leerders sit in ’n kring of staan in ’n reguit ry.

Verduidelik vir hulle dat jy ’n sinnetjie in een leerder se oor gaan fluister (begin by ’n punt) en dan gaan hy/sy die sinnetjie weer in die volgende leerder se oor fluister al met die ry of kring af totdat almal gehoor het. Vra die laaste leerder om dan dit wat hy/sy gehoor het, hardop te sê. Dit kom gewoonlik baie skeef en krom uit. Gebruik in hierdie geval ’n sinnetjie wat betrekking het op die les byvoorbeeld: “woorde wek, maar dade trek”. Dit moenie te lank wees nie. Dit kan ook net ’n woord wees soos “kommunikasie”. Moenie bekommerd wees as hulle nie die woord voor die tyd verstaan nie. Jy kan die verduideliking gebruik as ’n aanknopingspunt vir die res van die les.

GediggieHierdie is ’n storie wat elke mens moet hoor; praat dit dag en nag, praat dit oor en oor: Jesus is my lewe. Jesus is my Heer.Ek leef en praat nes Sy woord my leer!

Kreatiewe ervaring Gee vir elke leerder ’n afskrif van ’n brief wat deur iemand in die kerk geskryf is, byvoorbeeld die pastoor of ’n ouderling van die kerk. Vra die persoon om basiese inligting oor homself te skryf soos byvoorbeeld: naam, ouderdom,

WOORDE WEK DADE TREK

9



67

LES

wat sy gunsteling kossoort is, waarvan hy niks hou nie, wat sy lekkerste vakansie was en wat hom baie hartseer gemaak het in sy lewe, ensovoorts.

Probeer om die briefie baie eg te laat lyk deur dit in ’n koevert te sit met ’n adres en getekende kamma seël op.

Laat die leerders dit oopmaak en lees dit hardop vir hulle. Plaas die brief weer terug in die koeverte wanneer julle klaar gelees het.

Vra dan ’n klompie vrae omtrent die inhoud van die brief. Bevestig en wees entoesiasties oor al die antwoorde. Vra die leerders of hulle al die dinge van die persoon geweet het voordat die briewe gelees is. Jy kan ook voor die tyd vrae vra omtrent die persoon, indien verkies.

Aanloop Maats, onthou julle dat ons verlede week gesê het dat Jesus lief is vir almal (soos die versie van verlede week ook sê)? Onthou julle dat ons gesê het: dat God lief is vir almal en nie wil hê dat eers een persoon verlore moet gaan nie, maar dat elkeen gered word. God wil hê ons moet hierdie goeie nuus vir al die ander mense ook vertel.

Die nuus dat Jesus ons lief het en dat Sy bloed al ons sonde weg was as ons Hom vra om ons te vergewe en Hom aanneem.

Soos ek laas week vir julle die goeie nuus vertel het moet julle ook dit vir ander mense vertel. Daar is verskillende manier om die nuus te vertel. Die eerste is om met mense te praat soos ek met julle gepraat het. Maar daar is ook ander maniere om die nuus te vertel.

Vandag gaan ons ’n bietjie meer gesels oor hoe en op watter maniere ons vir ander mense van Jesus kan vertel.

Verloop Lees in die nuwe vertaling 2 Korintiërs 3: 2 en 3. Verduidelik dat ons ook briewe is wat vir die mense van Jesus vertel, net soos die briewe in die “Kreatiewe Ervaring” hulle van die pastoor (of ouderling) vertel het. Maar ons briewe is nie geskryf op papier met ink nie. Ons briewe word geskryf deur hoe ons lewe en wat ons doen. Mense sien hoe ons lewe en so leer hulle Jesus ken.

Ek gaan julle van ’n jong man in die Bybel vertel wie se lewe ’n brief was vir ander om te lees. Die jong man was ongeveer 13 jaar oud toe die Babiloniërs, Israel verslaan het en die mense gevange geneem het. Van die

9



68

LES

9

jong mans van die Israeliete moes in Koning Nebukadnesar se paleis gaan werk. Die jong man se naam wat Daniël.

Daniël en sy drie vriende Sadrag, Mesag en Abednego het in die paleis van die koning vir drie jaar lank opleiding gekry sodat hulle eendag vir die koning kon werk. Deel van hulle opleiding was dat hulle van die koning se kos moes eet. Daniël wou egter nie die koning se kos eet nie omdat die kos geoffer was aan ’n afgod. Daniël wou nie hê dit moet vir iemand lyk of hy ’n ander god as die ware God dien nie. Hy wou nie ontrou aan God wees nie. Daarom het Daniël vir Aspenas, wat verantwoordelik was om hulle te leer, toestemming gevra om nie die koning se kos te eet nie.

Aspenas het van Daniël gehou maar hy was bang dat as Daniël nie die kos van die koning eet nie hy swak en maer sou wees en nie so slim soos die ander jong manne nie.

Daniël maak toe ’n slim plan en sê Aspenas moet vir tien dae net vir hom en sy drie vriende groente en water gee. Na tien dae moet hy kyk hoe lyk hulle in vergelyking met die ander jong mans en dan self besluit. Na tien dae het Daniël en sy drie vriende mooier en gesonder as al die ander jong mans wat die koning se kos geëet het, gelyk. Aspenas het toe gesê Daniël, Sadrag, Mesag en Abednego hoef nie die koning se kos te eet nie.

Afloop Daniël het geweier om iets te doen wat vir ander mense sou lyk of hy ’n afgod aanbid. Daniël wou net aan God getrou gewees het. Sy gedrag was soos ’n brief wat vir Aspenas en die ander mense gesê het hy aanbid en dien net die ware God. Die manier wat Daniël geleef het, het mense vertel van God.

Toepassing Vandag se les leer ons dat ons lewe soos ’n brief is wat ’n storie vertel. Deur wat ons sê met ons monde maar ook deur dit wat ons doen vertel ons ’n storie. Die mense rond om ons “lees” elke dag ons brief. Die Bybel wil hê ons lewe moet die storie van Jesus vertel.

Ons moet so lewe dat mense sien ons behoort aan Jesus, dat ons lief is vir Hom en dat ons, soos Hy, ook lief is vir mense.

Vra leerders om ’n paar praktiese voorbeelde te noem van gedrag wat mense van Jesus se vergifnis en liefde kan vertel.



69

LES

Leerders van die ouderdom hou baie van raaisels. Hulle mag dalk die projekblad skool toe wil vat om vir maats te wys. Dit bied hulle dan ’n geleentheid om te vertel van Sondagskool en wat hulle daar leer. Hierdie is dus ’n verdere toepassings geleentheid vir die les van vandag.

9

AktiwiteitGeen aan die leerders die aktiwiteitblad en laat hulle kyk of hulle kan uitwerk wat elke prentjie sê. Indien die leerders sukkel help hulle met die eerste een. Die prentjie van ’n mannetjie met die word GROOT in sy mond staan vir “Grootprater”

Antwoorde1. Grootprater2. Bankbestuurder3. Onderwyser4. Adrie (’n dogter se naam)5. Landmeter (Indien onbekend verduidelik die beroep aan leerders)

Soos hierdie prentjies ons iets vertel het, so moet ons lewe vir mense ’n storie van Jesus se liefde vertel.

Memoriseervers 2 Korintiërs 3: 3: “Dit is tog duidelik dat julle ’n brief van Christus is” (NV).

Gebruik reghoekige of vierkantige plakkertjies en omskep dit in kamma seëls. Plak op elkeen se voorkop ’n “seël” en sê die vers vooruit vir hulle terwyl jy na hulle beduie as briewe van God.

Herhaal dit ’n paar maal. Gee geleentheid vir individuele leerders om dit vir die ander leerders te sê. Onthou om voor elke herhaling eers “2 Korintiërs 3: 4 sê ... ”, te sê.

Gebed Jesus help ons die week dat ons soos Daniël en sy vriende net aan U gehoorsaam sal wees en dat mense uit wat ons doen kan sien dat ons aan U behoort. Help ons om lewende briewe vir U te wees. Amen.

Geestelike vorming Getuienis



70

LES

AKTIWITEIT 9

#1

#2

#3

#5#4



71

LES

Aanbiedersnotas

Kerntema: Kommunikasie

Aanbiedingsdoelwit: Om die leerder • te wys dat ’n mens op

verskillende maniere met God kan praat;

• aan te spoor om gereeld met God te praat;

• aan te spoor om meer te leer waaroor hy met God kan praat;

• te laat verstaan dat hy in geloof en met vrymoedigheid met God kan praat

.................................................

................

Hierdie les fokus sterk op die ouditiewe modaliteit van die leerder en daarom is die nie-verbale uitbeelding van die gedig belangrik om die leerder se fisiese modaliteit ook te betrek by die les.

Skrifgedeelte 1Tessalonisense 5: 17; Psalm 96: 1; Filippense 4: 8 Jakobus 2: 26


• Prent1:Iemandwatbid.• Prent2:Iemandwatsing.• Prent3:Iemandwatdink.• Prent4:Iemandwatdoen.

• VierA4vellepapieromelkvandieskrifgedeeltesop’npapierteskryf.

Ysbreker Lees vir die leerders die gediggie voor. Laat die leerders gebare uitwerk om elke reel van die gediggie nie-verbaal voor te stel. Help waar leerders sukkel.

Lees nou stadig weer die gedig terwyl die leerders saam die gepaste gebare doen.

Laat hierdie ’n vrolike en energieke ysbreker wees.

GediggieEk kan bid en sing want Jesus lewe.Ek kan allerhande goeie dade doen. Ek weet my vyand bewe, as ek die naam van Jesus noem.

God wil hê ek moet met Hom praat. Hy weet ek is afhanklik van Sy raad. Hy wys my hoe om dag vir dag te leef.Hy leer my bid, al is my woorde krom en skeef.

EK PRAAT MET GOD

10



72

LES

Aanloop Skryf die volgende versies op A4 papier en plak dit op die bord: • 1Tess5:17:Bidsonderophou.• Ps96:1:Sing’nnuweliedtoteervandieHere.• Fil.4:8:Alleswatwaaris,alleswateerbaaris,alleswatregis,alleswat

rein (skoon) is, alles wat prysenswaardig is ... – daarop moet julle julle gedagtes rig (dink daaroor – OV).

• Jak2:26:’nLiggaamwatnieasemhaalnie,isdood.Soisdiegeloofwatnie tot dade kom nie, ook dood.

Plak die eerste plakkaat op waar hulle dit kan sien en laat die leerders dit saam hardop lees. Doen dit met elke versie en verduidelik die versies wat ’n bietjie moeilik is om te verstaan.

Verloop Vandag gaan ons praat oor die verskillende manier wat ons met God kan praat. Elkeen van die verse op die bord vertel vir ons van ’n manier wat ons met God kan praat.

Ek het hier vier prente, prent 1 is iemand wat bid. Prent 2 is iemand wat sing. Prent 3 is iemand wat dink en prent 4 is iemand wat doen. Vra vier leerders om die prentjie langs die regte teksvers te kom plak.

Laat die leerder gaan sit en brei nou uit oor elke manier wat hierbo genoem word.

1. Gebed. As ons bid praat ons met God en dan is dit belangrik dat ons weet Hy luister as ons met Hom praat. Ons kan Hom wel nie sien nie maar God is almagtig en Hy weet van ons, weet wat ons dink en wat ons sê. God wil hê ons moet met Hom praat, kyk weer wat sê die Bybel, “Bid sonder ophou”. Ons maak ons oë toe as ons bid sodat ons gedagtes nie deur ander goed afgelei word nie en ons net op God kan fokus.

As ons bid, sê ons vir God dankie vir wat Hy vir ons doen, ons vertel Hom hoe wonderlik Hy vir ons is en ons vra God om ons met probleme te help. Noem praktiese voorbeelde waarvoor hulle kan bid. Dankie vir my pa en ma; dankie dat ek gesond is; dankie dat U my lief het; maak asseblief my maatjie gesond, ensovoorts.

2. Sang en aanbidding. Met sang en aanbidding kry ons ’n kans om saam met ál die kinders van God (sy gemeente) te sing oor al die wonderlike dinge wat Jesus vir ons gedoen het en van hoe lief God ons het. Het julle soms as ons in die kerk saam sing gevoel jy raak opgewonde oor Jesus en baie lief vir Jesus en die mense rondom jou?

10



73

LES

Vir emosioneel gesondheid en “resilience” (weerbaar-heid) is dit nodig om jou gedagtes te beheer en om te leer fokus op ander mense en nie net op jouself nie. Ons laat soms na om hierdie belangrike emosionele en kognitiewe vaardighede vir ons kinders te leer. Maak dus seker die leerder memoriseer hierdie strategie.

Met sang en aanbidding kry almal in die gemeente kans om saam God te aanbid en te ontmoet. As ons bid is dit baie keer ons wat alleen met God praat en die ander mense luister, maar met sang en aanbidding praat ons almal saam met God. Dit help ons om ons geloof te bou en as ek die Sondag dalk bietjie negatief voel dan help al die mense wat om my sing my om weer opgewonde oor God te raak. So help ons mekaar.

Gebruik een van die liedjies wat gesing is as ’n voorbeeld om met God te praat en laat almal dit weer saam sing en mooi dink oor wat hulle sing.

3. Dink. God weet wat ek dink. Hy weet ook wat ek van Hom dink en hoe baie ek aan Hom dink. Die Bybel leer ons dat dit belangrik is om die regte goed te dink. Omdat mense nie kan sien of hoor wat ons dink nie, kan party mense baie lelike goed dink. Maar God weet wat ons dink en Hy wil hê ons moet die regte goed dink.

Wat sê ons vers wat moet ons dink? Gee leerders kans om te antwoord. Ja, God wil hê ons moet oor mooi en goeie dinge dink. • Dinkoorhoeons,onsouerskanwysonsisliefvirhulleofhoeomhulle

te verras. • Hoeonsvironsmaatsietsmooikansêofhullekanhelp.• Dinkaanmaniereomonsboetieofsussiegelukkigtemaak.• DinkoorhoeliefGodvironsisendatHynetmooidromeoorons

lewe het.

Wanneer ’n lelike gedagte kom moet jy jouself stop om daaraan te dink en aan mooi dinge begin dink. Die Heilige Gees help ons om die mooi dinge van God te ontdek en daaroor te dink.

Kom ek vertel julle gou ’n geheim wat help vir wanneer mens in die nag baie bang is. Wanneer jy bang word dink jy oor bangmaak dinge. Bid vir die Here en vra Hom om jou te help om nie aan bangmaak dinge te dink nie. Begin dan om aan die mooi dinge te dink. Wat is nou weer die mooi dinge wat ons gesê het ons moet aan dink?

Help leerder om die volgende vier punte te herhaal:• Dinkoorhoeons,onsouerskanwysonsisliefvirhulle.• Hoeonsvironsmaatsietsmooikansêofhullekanhelp.• Dinkaanmaniereomonsboetieofsussiegelukkigtemaak.• DinkoorhoeliefGodvironsisendatHynetmooidromeoorons

lewe het.

4. Doen. Ons praat ook met God deur dit wat ons doen. Die Bybel leer ons dat as ons iets vir iemand op aarde doen, dit so goed is ons doen dit vir die Here. Lees Matteus 25: 36-40 aan die leerder:

10



74

LES

Elke mens is geroep om ’n verskil te maak in die wêreld. “Evil flourish when good men do nothing.” (Edmund Burke)

“Want Ek was honger, en julle het My iets gegee om te eet; Ek was dors, en julle het My iets gegee om te drink; Ek was ’n vreemdeling, en julle het My gehuisves;

Ek was sonder klere, en julle het vir My klere gegee; siek, en julle het My verpleeg; in die tronk, en julle het My besoek.’

Vir sover julle dit aan een van die geringste van hierdie broers van My gedoen het, het julle dit aan My gedoen.”

Vra die leerders wat is die dinge wat die vers sê ons kan doen vir mense.

Vir God is dit baie belangrik dat Christene, Sy kinders, die wêreld ’n beter plek maak.

Vra elke leerder om sy vinger op sy bors te sit en agterna te sê:“Ek is God se agent (werker) in ons dorp (noem die naam van die dorp). God wil hê ek moet ’n verskil maak deur mense te help. Wat ek doen moet van ons dorp ’n beter plek vir God maak”.

Afloop Ons moet met geloof en vrymoedigheid met God praat want ons weet Hy luister elke keer as ons met Hom praat. Heb. 11: 6 sê dat as ons na God toe gaan, dit wil sê as ons met Hom praat, moet ons in die eerste plek glo dat Hy bestaan. Verder moet ons ook glo dat Hy luister. Vra leerders om gou die vier maniere wat ons met God kan praat te noem.

Hoe gereeld/baie kan ek met God praat? 1 Tess 5: 17 sê: “Bid sonder ophou.” Dit beteken dat ’n mens nooit te veel met God kan praat nie. Ons kan enige tyd met God praat. Dis ook belangrik dat ons spesifieke tye het wat ons met God praat want dan vergeet ons nie daarvan nie.

Toepassing en kreatiewe ervaringLaat die leerders almal op die mat, in ’n kring, op hulle rug gaan lê met hulle koppe bymekaar. Indien die klas te groot is verdeel die leerders in twee groepe en laat hulle in twee kringe lê.

Wys ’n leerder aan in elke groep wat gaan begin.

Die leerders moet elkeen een ding opnoem want hy/sy kan doen om die gesin, die gemeente of die dorp ’n beter plek vir God maak”.

Na die eerste leerder klaar iets genoem het is dit die leerder aan die linkerkant se beurt, gaan so aan totdat elke leerder ’n geleentheid gekry het.

10



75

LES

10

Memoriseervers Jakobus 4: 8 “Nader tot God en Hy sal tot julle nader”

Laat die leerders die versie ’n paar keer herhaal. Moenie vergeet om die teksverwysing saam met die vers te herhaal nie. Sluit af met die vraag: Hoe nader ’n mens nou weer tot God?

Wat is die verskillende maniere wat ek met God kan praat?

Gebed Gee geleentheid vir elkeen wat graag wil om met God te praat deur ’n gebedjie te bid. Reël dit mooi sodat elkeen weet wanneer dit sy/haar beurt is om te bid sodat daar nie verwarring sal wees nie. Jy kan ook elkeen se naam noem as dit die leerder se beurt is om te bid. Sluit af met ’n lied.

Geestelike vorming Ontwikkel ’n persoonlike verhouding met God



76

LES

10

#1

#2



77

LES

10

#3

#4



78

LES

Aanbiedersnotas

Kerntema: Christus en Sy kerk

Aanbiedingsdoelwit: Om die leerder • te verduidelik wat “kerk”

beteken; • te leer dat al die kinders

van Jesus deel van die liggaam is en Jesus is die hoof;

• te laat besef dat die liggaam elke ledemaat nodig het.

.................................................

................

Skrifgedeelte 1 Korintiërs12: 12-31 & Efesiërs 4: 15-16.

Hulpmiddels • Groothamer• Ietsomdiehamerintebêre,byvoorbeeld’nhanddoekomdiehamerin

toe te draai. • Uitgeknipteprentesoosverskafinprojekteblaaie:

• Prent1:’nKerkgebou• Prent2:Predikantmetgehoorwatluister• Prent3:MensewatkruiseopneemenJesusvolg.• Prent4:’nLiggaam-groot• Prent5:Kleinliggaampies

• Dupliseerenknipklomp(ongeveer20)vandiekleinliggaampies(prent 5) uit.

• Tweeliniale(ofstokkeongeveerdielengtevan’nliniaal)perleerder.• Maskeerband• Paklekkerswatindividueeltoegedraaiissoosbyvoorbeeld“Sugus”.

Ysbreker Kies ’n leerder om jou te kom help. Vra die leerder om sy hand voor op ’n tafeltjie te sit. Wanneer jy die leerder vra om jou te help, moet daar geen aanduiding wees van wat gaan gebeur nie. Vra dan die leerder of hy gereed is.

Vra die res van die leerders om saam met jou tot drie te tel. Terwyl die leerders tel haal ’n groot hamer uit, op telling drie maak of jy nou sy hand gaan slaan. Jy moet baie ernstig oor die saak voorkom. Die verwagte reaksie is dat die leerder nie sy hand sal stilhou nie en sal wegruk.

Jy moet baie verontwaardig voorkom as die leerder nie wil hê dat jy sy hand met die hamer moet slaan nie. Probeer weer ’n keer om die arm op die tafel te kry en te maak of jy dit gaan slaan.

Nadat jy klaar is, kan jy die leerders vra hoekom die leerder nie wou hê dat jy ’n liggaamsdeel van hom moes slaan nie.

EK’S DEEL VAN ‘N LIGGAAM

11



79

LES

11

Die speel met rymwoorde bevorder taal ontwikkeling en stimuleer die leerder se denkprosesse. Die aanbieder kan die gediggie voorlees indien daar genoeg tyd is.

Hulle sal waarskynlik antwoord dat dit seer sal wees. Voer dan ’n argument met hulle aan dat dit maar net ’n vinger is wat jy wou slaan. Dit is mos nie ’n groot liggaamsdeel nie!

Lei die gesprek dat dit duidelik na vore kom dat daardie spesifieke liggaamsdeel wat jy met die hamer wou slaan, deel van een liggaam is en daarom kry die hele liggaam seer as byvoorbeeld net ’n vinger met die hamer raak geslaan sou word.

GediggieOns is ’n groot liggaam. Afsonderlike dele, saam.Een deur God se gees. Elkeen het ’n plekkie, kan deel van hierdie liggaam wees. Elkeen het ’n werkie. Kom ons vat mekaar se hand. Jesus bind ons met ’n liefdesband.

Aanloop Plak die drie prente (prent 1, 2 & 3) van die verskillende definisies van “kerk” op die muur en vra die leerders wie vir jou kan sê wat “kerk” beteken. Gee geleenthede vir antwoorde en gesprekvoering.

Verduidelik dan vir hulle dat die kerk eintlik al die mense in die hele wêreld is wat aan Jesus behoort - almal wat Jesus se “kinders” is (dus prent 3 se voorstelling). Maak seker dat die leerders hierdie konsep goed verstaan.

Vat die vorige stelling saam met ’n opmerking soos: So, dit maak nie saak waar jy in die wêreld bly nie, as jy ’n kind van God is, is jy deel van die kerk van Jesus. ’n Kerkgebou is net die plek waar ons bymekaar kom om God te aanbid.

Verloop Net soos ek nou prente gebruik het om julle beter te laat verstaan dat die kerk al die kinders van God is, gebruik die Bybel die prent van ’n liggaam om vir ons te verduidelik dat al die kinders van God, die kerk van Jesus is.

Plak die prent (prent 4) van ’n liggaam op die muur. Die Bybel sê vir ons dat Jesus die kop, met ander woord die brein, van hierdie liggaam is (Efesiërs 4: 15-16).



80

LES

11

Skryf JESUS waar die brein sal wees. Ons is al die ander dele soos die ore, oë, neus, mond, hand en voet. Omdat Jesus die brein is, is Hy die hoof en sê Hy vir die res van die liggaam wat om te doen.

Die Bybel sê ook dat elke deel van die liggaam ewe belangrik is. Illustreer die belangrikheid van elke lid deur ’n algemene voorbeeld te gebruik, byvoorbeeld die aksie om te kan eet.

Laat die leerders begin deur te sê watter dele van die liggaam gebruik word wanneer ’n mens eet. Die voete is belangrik want dit bring jou tot by jou kos. Die hande is belangrik want daarmee hou jy jou mes en vurk vas.Die tande is belangrik want daarmee kou jy jou kos. Die tong is belangrik, want daarmee proe jy en dit help om die kos te sluk.

Die aanbieder kan dan nog dele opnoem waaraan die leerders nie gedink nie bv. die neus ruik hoe lekker die kos is, die oë sien waar jy moet skep, die maag is waar die kos verteer word, die elmboë wat jou arms laat buig ... Ensovoorts.

Net soos hierdie voorbeeld is elkeen van ons baie belangrik in Jesus se liggaam (wat ook sy kerk is). Elkeen van ons het ’n verskillende taak om te doen, ons take kan verskil maar die liggaam het elkeen nodig. In die kerk is daar byvoorbeeld mense wat preek, mense wat siekes in die hospital besoek, mense wat by die werk vir ander van Jesus vertel, mense wat sang lui, mense wat bid, mense wat die kerk oopsluit, iemand wat die tuin mooi maak, iemand wat tee maak, iemand wat Sondagskool gee. Die Bybel wil hê ons moet ons oë oophou en sien waar daar iets is wat gedoen moet word en dit doen en nie dink iemand anders sal dit doen nie – dis ons verantwoordelikheid want ons is deel van die liggaam van Jesus.

Laat die leerders self hulle naam op die klein liggaampies (prent 5) skryf en dit dan plak iewers op die groot liggaam. Skryf dan ook van die personeel en ander kinders van God se name op die ander liggaampies en plak hulle ook op die groot liggaam.

Verduidelik dat as een van ons nalaat om ons spesiale werkie wat Jesus vir ons gegee het, te doen, die hele liggaam ly en nie net daardie spesifieke ledemaat (deeltjie) nie. Net soos wanneer ek jou hand met ’n hamer slaan, jou hele liggaam seerkry.

Afloop Vandag het ons geleer dat elkeen wat ’n kind van God is, deel is van Jesus se liggaam. Ons is elkeen ’n ander deeltjie van die liggaam maar sonder daardie deeltjie kan die liggaam nie die werk doen wat hy moet nie.



81

LES

11

Vra die leerders om vir jou te sê hoe ’n mens jou eie liggaam versorg. Voorbeelde: Bad, trek warm klere aan as dit koud is, borsel tande, maak jouself mooi, kam hare, eet gesonde kos, trek beenskutte aan as jy krieket speel of ander beskerming vir ander sportsoorte, jy leer sodat jy kan slim word, jy oefen, ensovoorts.

Vra hulle nou om te dink wat ons as die ledemate van Jesus se liggaam moet doen om Sy liggaam te versorg. Voorbeelde: Ons moet doen wat Jesus sê ons moet doen (gehoorsaam wees) want Hy is die hoof. Ons moet vir mekaar bid, mekaar liefhê, vir mekaar omgee of sorg, ons Bybel lees, goed doen aan mense, ensovoorts.

Toepassing en kreatiewe ervaringGee aan elke leerder twee liniale (of stokke die lengte van ’n liniaal) en laat hulle begin om mekaar te help om albei hulle arms te spalk.

’n Arm word reguit gehou en die liniaal word onder die elmboog gesit. Die bo en onder punt van die liniaal word om die leerder se arm met maskeerband vas gemaak. Dit moet sterk genoeg wees dat die leerder nie haar arm kan buig nie. Verwys na die voorstelling in die projekblad.

Wees versigtig om nie die maskeerband te styf om die arm te sit dat dit die bloedtoevoer beperk nie.

Al die leerders moet albei hulle arms gespalk hê.

Laat die leerders nou gaan sit en sit voor elke leerder ’n paar lekkertjies wat toegedraai is in papier, neer. Laat hulle eers self probeer om sonder hulp die lekkers te eet. Laat hulle ’n rukkie sukkel en vra hulle dan dat twee-twee leerder mekaar help om die lekkers te eet. Haal die papier van die lekker af en voer jou maat.

Vandag het ons geleer dat elkeen wat ’n kind van God is, deel is van Jesus se liggaam. Ons is elkeen belangrik sodat die liggaam die werk kan doen wat hy moet doen. Ons het mekaar se hulp nodig. Ons moet kyk waar iemand sukkel of waar ons iets kan doen om iemand te help. Ons is verantwoordelik vir mekaar.

Memoriseervers 1 Kor. 12: 27: “Maar julle is die liggaam van Christus en lede afsonderlik.” (OV)



82

LES

11

Laat die leerders in ’n kring staan en mekaar se hande vat terwyl hulle die vers ’n paar keer herhaal om dit te leer. Laat hulle met die eerste gedeelte hande vashou en by “lede afsonderlik” los.

Gebed Jesus, dankie dat ons U kerk is. Dankie dat ons ledemate van U liggaam kan wees en dat ons elkeen belangrik is omdat U vir elkeen ’n werkie het om U liggaam goed en gesond te laat werk.

Geestelike vorming Sorg



83

LES

11

#1



84

LES

11

#2



85

LES

11

#3



86

LES

11

#4



87

LES

#5 11



88

LES

AKTIWITEIT 11

0

5

10

15

20

25

30

5

20

0

01

35



89

LES

Aanbiedersnotas

Kerntema: Christus en sy kerk

Aanbiedingsdoelwit: Die leerder moet • weet wat diensbaarheid

is; • leer dat Jesus wil hê

dat ons diensbaar moet wees net soos Hy was;

• weet dat diensbaarheid en naasteliefde saam-gaan

• verstaan dat God mense verskillend maak om op verskillende wyses diensbaar te wees.

.................................................

................

Die speel met rymwoorde bevorder taal ontwikkeling en stimuleer die leerder se denkprosesse. Die aanbieder kan die gediggie voorlees indien daar genoeg tyd is. Dramatisering sal bydra tot die effektiwiteit van die gediggie.

Skrifgedeelte 1 Korintiërs 12: 4 -11

Hulpmiddels • Uitgeknipteprentesoosverskafinprojekteblaaie:

• Prent1:Donkie(sonderstert)• Prent2:Donkiesestert

• Prestikomdiestertmeevasteplak.• Blinddoek.• Oulakenofgordynofmateriaalwatinblokkegesnykanword.• Dikpermanentemerkeromoplapteskryf.

Ysbreker Plak die prent (prent1) op die bord. Plaas prent 2 eenkant en sit prestik aan die bo kant sodat die stert op sy regte plek vasgesit kan word.

Kry ’n leerder wat jy kan blinddoek. Draai die leerder drie keer in die rondte. Sit die stert in sy hand en vra dat hy die stert op die regte plek op die bord plak.

Die res van die leerders moet die persoon help deur leidrade en raad te gee om sodoende die stert op die regte plek vas te kry. Hierdie oefening is ’n span poging. Die wat kan sien help die leerder wat “blind” is.

Die speletjie kan met ’n tweede leerder herhaal word.

GediggieEk kan hoog spring en jy kan mooi sing; ek is goed met somme; en jy speel ritmies dromme. God gee ons talent om mekaar te dien. So word Jesus se liefde bekendEn Sy almag oral gesien!

DIENSBAARHEID IN DIE KERK

12



90

LES

Die leerders moet voortdurend bewus wees dat die Bybel ons bron van inligting en kennis is.

Aanloop Vra die leerders uit oor verskillende talente. Probeer om ’n breë spektrum van moontlike talente te dek, bv.: Wie van julle kan lekker vinnig hardloop? Wie kan mooi sing? Wie kan mooi teken? Wie is goed in wiskunde? Wie is goed met koekbak, swem, gediggies opsê, koffie maak, lees, skaatsplank ry, skaak speel, ensovoorts.

Verloop Die Here het vir ons elkeen verskillende talente gegee wat ons van weet en elke dag gebruik. Het julle geweet dat die Here ook vir ons spesiale talente gegee het? Die Bybel noem dit genadegawes en ons lees hiervan in 1 Kor 12: 4-11. Hierdie spesiale talente gee Hy vir ons sodat ons mekaar daarmee kan help.

Die genadegawe behoort aan die Heilige Gees en Hy gee dit vir mense soos wat dit nodig is om die kerk (alle Christene) te dien.

Daar is die gawe om presies te weet wat die regte ding is om op die regte tyd vir iemand te sê – die Bybel noem dit ’n woord van wysheid en kennis.

Daar is die gawe van geloof, dit is as die Heilige Gees so ’n sterk geloof vir iemand gee dat hulle kan glo dat vir God enige iets moontlik is. Ons lees van Abraham wat toe hy sy seun Isak moes gaan offer het, geglo het God sal hom uit die dood kan opwek.

Daar is die gawe om vir iemand wat siek is te bid en hy word gesond. Daar is die gawe om wonderwerke te doen, dink byvoorbeeld aan hoe Jesus met vyf brode en twee vissies vyf duidend mense kos gegee het.

Daar is die gawe om die goeie nuus van God se liefde en Jesus se verlossing te kan oordra deur middel van ’n preek.

Daar is die gawe van profesie, dit is as die Here vir iemand wys wat Sy plan is. Dink byvoorbeeld aan Johannes op die eiland Patmos wat gesien het wat in die laaste dae met die wêreld gaan gebeur. (Lees ook die gedeelte in Handelinge 21: 10-13 as ’n voorbeeld van ’n profesie)

Daar is die gawe om gou-gou te sien wat reg en verkeerd is, soos byvoorbeeld wanneer iemand voorgee hy wil goed doen maar eintlik lelike planne in sy hart het. (Lees Handelinge 13: 6-12 vir ’n voorbeeld van onderskeiding van geeste).

Die gawe om in tale te praat en die gawe om dit te verstaan en vir almal te kan sê wat dit beteken. AI hierdie verskillende spesiale talente kom van God af en Hy gee dit vir mense soos wat dit nodig is.

12



91

LES

12

Maar weet julle, hierdie spesiale - en ook al ons gewone talente - het die Here vir ons gegee vir ’n spesiale rede. Wie kan raai wat hierdie rede is? Laat die leerders dink wat die rede kan wees en gee geleentheid vir antwoorde.

Jesus het vir ons gewone en spesiale talente gegee want Hy wil hê ons moet mekaar daarmee dien. Nou wie kan vir my sê wat beteken dit om mekaar te dien? Gee weer geleentheid vir antwoorde.

Dit beteken om mekaar met ons talente en gawes te help. Soos om vir iemand te bid as sy siek is of probleme het. Dit beteken om jou maatjie wat nie so goed soos jy is met wiskunde nie, daarmee te help.

Afloop Vra die leerders om aan nog voorbeelde te dink van hoe ons mekaar met ons talente kan dien.

Vra die leerder om te vertel hoe Jesus die mense gedien het toe Hy op aarde was. Gee geleentheid dat leerders aan voorbeelde kan dink. Ja, Hy het siekes gesond gemaak, mense geleer, mense wat honger was kos gegee, mense wat blind was laat sien, kinders geseën, en nog baie meer.

Ons het ’n paar weke terug gepraat oor hoe om jou hart en lewe aan Jesus te gee en te vra dat Hy ons Koning word. Ons behoort nou aan Jesus en Hy wil hê ons moet net soos Hy maak en mense dien.

Kreatiewe ervaring Sny ’n ou laken of enige ou stuk lap op in blokke van servet grootte, een vir elke leerder. Skryf die teksvers op elkeen van die stukke lap vir die leerders om, aan die einde van die klas, saam huis toe te vat.

Verdeel die leerder in groepies van twee. Laat een van die leerders in die groep sit en die “servette/borslappe” om hulle nekke sit soos ’n baba. Die ander leerder sit die lap om hulle middel soos ’n voorskoot.

Laat die leerder met die voorskoot sy maat voer soos wat ’n ma ’n babatjie voer. Die babatjie doen niks nie. Hy dien/help niemand nie, hy word gedien.

Haal dan die borslap af en maak of dit nou ’n voorskoot is. Alle leerders moet nou voorskote aan hê. Jesus sê Hy het nie gekom om gedien te word nie, maar om te dien. Verduidelik dat iemand wat ’n voorskoot aan het nie gedien word nie, maar self dien. Jesus wil hê ons moet nie soos ’n babatjie wees wat niks kan doen en bedien moet word nie, nee Hy wil hê ons moet dien soos wat Hy op aarde mense gedien het.



92

LES

12

Navorsing oor die geskiedenis van Pinkster en Pinksterleiers se lewe, het gewys dat die Heilige Gees geletterde en ongeletterde mense, mense van verskillende rasse, maar ook mense van verskillende ouderdomme gebruik. Moet nooit ’n kind onderskat nie, die Heilige Gees se gawes kan deur hulle ook werk. Soms dalk makliker as by grootmense omdat hulle maklik onvoorwaardelik glo en tot aksie oorgaan.

Toepassing As jy jou lewe aan Jesus gegee het en Sy kind is dan sê die Bybel dat Hy die Heilige Gees gee om in ons te woon. Hy doop ons met die Heilige Gees. Die genadegawes waarna ons vandag gekyk het is die gawes wat die Heilige Gees gee.

Hierdie gawes werk baie natuurlik in die lewe van ’n wedergebore en Geesvervulde Christen. Kom ons kyk byvoorbeeld na die gawe van gesondmaking. Baie keer werk die gawe so; jy hoor van iemand wat siek is en baie sukkel, dan voel jy baie jammer vir die person en lief vir die person en jy wil graag hê God moet hom gesond maak. Hierdie liefde wat jy voel is die werk van die Heilige Gees en al wat jy dan moet doen is om vir die persoon te bid dat God hom gesond maak. God maak gesond nie jy nie.

Het julle al op kere baie aan ’n spesifieke person gedink en gevoel jy wil vir haar gaan sê Jesus is baie lief vir haar en sy moet nie alleen voel nie? Hierdie is hoe die Heilige Gees in jou hart werk.

Die Heilige Gees is baie naby aan ons en as ons liefde in ons hart ervaar is dit gewoonlik ’n teken dat Hy wil hê ons moet met behulp van die genadegawes tot diens wees vir iemand. Al wat ek en jy moet doen is om sensitief te wees vir Sy liefde en dan dit wat ons in ons hart voel, te doen.

Memoriseervers Matteus 20: 28 “Die seun van die mens het nie gekom om gedien te word nie, maar om te dien.”

Laat die leerders die vers herhaal terwyl elkeen met sy voorskoot aan staan en “om te dien” uitbeeld.

Gebed Dankie, Jesus, dat ek ook ander mense kan help en dien, net soos U ook gedoen het. Help my om elke dag maniere raak te sien hoe ek ook diensbaar kan wees. Amen

Geestelike vorming Diens



93

LES

#1

12



94

LES

12

#2



95

LES

Aanbiedersnotas

Kerntema: Christus en Sy kerk

Aanbiedingsdoelwit: Om die leerder • te leer dat hy/sy ’n verskil

moet maak in ander mense se lewens;

• te laat besef dat hy/sy soos ’n lig moet wees wat in die donker skyn en

• te laat besef dat hy/sy soos sout is wat smaak gee.

.................................................

................

Skrifgedeelte Matteus 5: 13-16

Hulpmiddels • Tamatie,avokado,rysbeskuitjiesofenigekossoortwaar’nmens

’n wesenlike verskil, met en sonder sout, kan proe. Kies kos wat taamlik sleg proe sonder sout.

• Grootkartonhouer• Sterkflits• Emmeromdieflitsmeetoetemaak• Projekbladvirleerders• Waterverfenverfkwassie• Soutpot

YsbrekerVra ’n paar vrywilligers om jou te kom help om stukkies van die kos onder die leerders uit te deel om aan te proe. Gee eers die kos wat sonder sout is. Laat die leerders proe en kommentaar lewer.

Gee dan dieselfde tipe kos maar die keer met sout op, om te proe. Dit is belangrik dat almal die kos met sout sowel as die sonder sout moet proe.

Vra dan of hulle die verskil kan agterkom en om kommentaar te lewer. Lei hulle met verskillende vrae soos: Wat was die lekkerste? Hoekom is die een lekkerder dis dan dieselfde ding?

Lei hulle tot die konklusie dat sout help om kos lekkerder te laat smaak.

In die Bybel se dae toe hulle nie yskaste gehad het nie, het sout ook gehelp om te keer dat kos sleg word en dat dit bewaar bly. Sout was dus baie belangrik vir daardie mense.

Aanloop Agtergrond: Jesus het eenkeer, toe daar baie mense gekom het om na Hom te luister, op ’n berg geklim en vir hulle gesê: lees Matteus 5: 13-16 uit die nuwe vertaling vir die leerders.

HOE LEEF CHRISTENE (IN DIE WÊRELD)

13



96

LES

13

“Julle is die sout vir die aarde. Maar as sout verslaan (verslaan is wanneer sout na niks meer proe nie) het, hoe kry ’n mens dit weer sout? Dit is niks meer werd nie. Dit word buitekant weggegooi, en die mense vertrap dit.

“Julle is die lig vir die wêreld. ’n Stad wat op ’n berg lê, kan nie weggesteek word nie;

Ook steek ’n mens nie ’n lamp op en sit dit onder ’n emmer nie maar op ’n lampstaander, en dit gee lig vir almal in die huis.

Laat julle lig so voor die mense skyn, dat hulle julle goeie werke kan sien en julle Vader wat in die hemel is, verheerlik (dit is om God se naam groot te maak en te aanbid).”

Verloop Jesus sê in die stukkie vir ons dat Christene baie belangrike mense in die wêreld is. Christene is verantwoordelik om soos sout die wêreld ’n aangename (lekker) plek te maak en die sleg in die wêreld te beveg.

Vra elke leerder om sy vinger op sy bors te sit en agterna te sê: Jesus wil hê ek moet my dorp (sê dorp se naam) ’n aangename plek maak. Ek moet in die skool waar ek is die mooi dinge van die Here bring.

Jesus sê vandag vir ons dat ons sy liggies en sout is vir die ander mense wat Hom nie ken nie. Wat maak sout nou weer? Dit gee smaak aan kos; dit maak dat die kos lekkerder smaak en dit bewaar kos.

Ons moet ook die lewe vir ons maats en ons mammas en pappas lekkerder maak deur hulle te vertel van Jesus en hoe wonderlik Hy is. Hoe maak ons die lewe nog lekkerder vir ons maatjies en ons ouers? Gee geleentheid vir antwoorde.

As jy met jou maatjie speel, moet jy nie met hom/haar baklei nie, want dit maak mos nie die lewe vir hom/haar lekkerder nie. As ons vir pappa en mamma luister en doen wat hulle vra, maak ons die lewe vir hulle lekkerder. As ons ons boetie en sussie help, maak ons die lewe vir hulle lekkerder.

As ons stout is in juffrou se klas, maak ons die lewe vir haar lekkerder? Nee. Is ons Jesus se sout as ons ongehoorsaam en stout is? Nee.

Ons moet altyd vra of ons wat ons doen, die lewe vir die mense om ons lekkerder of slegter maak. Jesus wil hê ons moet so lewe dat die lewe vir ander mense lekkerder word.



97

LES

13

Sout is hidrofilies (die woord kom van die Griekse woorde wat beteken lief vir water). Dit beteken die sout molekule trek die water uit die verf uit en daarom kry ons die tekstuur op die prent. Die sout het die water uit die nat verf getrek.

Kreatiewe ervaring Neem die groot kartonhouer en sny ’n redelike groot vierkant aan die voorkant uit. Die doel van die houer is om ’n redelike donker plek te skep waar die leerders die effek van die lig mooi sal kan sien. As daar ’n donker vertrek is hoef die karton nie gebruik te word nie.

Neem die flits en sit dit in die houer sodat die leerders duidelik die lig wat die flits in die houer maak, kan sien. Neem die emmer en sit dit oor die flits, binne in die houer sodat hulle kan sien hoe die emmer die lig keer en die houer nie meer verlig is nie. Verduidelik dat ’n mens, net soos die Bybel sê, nie jou flits aansit en dit dan weer bêre of onder ’n emmer sit, of in ’n kas of ’n plek waar jy in elk geval nie die lig wat die flits maak, kan sien nie.

Wat doen lig nou weer vir ’n mens? Dit wys jou waarheen jy moet gaan. Dit wys jou ook as daar iets in jou pad is wat jou kan laat seerkry. Net so ook moet ons ligte wees wat vir ons ouers, ons maats, ons sussies en boeties en almal met wie ons te doen kry, die regte pad wys wat na Jesus lei. Ons moet vir die mense wys hoe om by Jesus uit te kom.

AfloopChristene is belangrike mense in die wêreld, Jesus het ons geroep om die wêreld ’n beter plek te maak om in te bly. Sonder Christene sal die wêreld baie donker en sleg wees.

Wat sê die gedeelte wat ons gelees het, wat gebeur as ek en jy soos sout is en as ons soos lig is?

Die vers sê die mense sien dit en dan aanbid hulle God.

Toepassing Laat die leerders die aktiwiteit in die projekbald voltooi.

Gee aan elke leerder ’n kopié van die prent wat geverf gaan word. Kry die waterverf, water en verfkwassie gereed.

Laat die leerders die prent verf. Hulle moet redelik vinnig verf sodat die verf nie droog word nie. Sodra die hulle klaar geverf het strooi baie sout oor die prent en los die prent net so om droog te word.

Die sout trek die water op en los ’n tekstuur op die prent.

Wanneer die prent goed droog is kan die oortollige sout afgeskud word

Ons het dus vandag geleer dat ons sout en lig moet wees.



98

LES

13

Nou hoe kry ’n mens dit nou weer reg om Jesus se sout te wees? Laat die leerders praktiese voorbeelde uit hulle alledaagse lewens opnoem. Lei hulle deur vrae soos:

Hoe kan jy vir pappa sout wees? Hoe kan jy sout wees vir kleinboet of sussie? Ensovoorts.

Vra ook vrae wat van toepassing is op “lig wees”.

Memoriseervers Matt 5: 16. “Laat julle lig so voor die mense skyn dat hulle julle goeie werke kan sien en julle Vader wat in die hemel is, verheerlik.” (NV)

Verduidelik eers weer die versie sodat almal verstaan wat dit sê. Byvoorbeeld: Die versie sê ons liggies moet so skyn dat mense dit sal raaksien; dat hulle sal sien ons is anders en regtig lief vir Jesus. Hierdie versie sê dat as ons dit doen, sal die mense dan ook vir Jesus die eer gee omdat ons sulke mooi dinge doen.

Herhaal die versie saam met hulle totdat hulle dit self kan opsê.

Gebed Jesus, help my asseblief om ook die lewe vir die mense rondom my lekkerder te maak soos wat sout kos lekkerder laat smaak. Help my om vir U ’n lig te wees, sodat almal die pad na U kan sien en U verheerlik sal word. Amen.

Geestelike vorming Toegewyde lewe



99

LES

AKTIWITEIT 13



100

LES

Aanbiedersnotas


Aanbiedingsdoelwit: • Om die sentrale tema,

nl. Jesus se dood en opstanding, aan die leerder bekend te maak.

• Om die betekenis van die doop en die nagmaal oor te dra.

.................................................

................

Skrifgedeelte Matteus 27: 32-56 & Matteus 28: 1-10

Hulpmiddels • Druiwesap• Brood• Musiekwatpasbydienagmaal• Uitgeknipteprentesoosverskafinprojekblaaie:

• Simbool1:Gestremdeperson• Simbole2:’nChristen(vissie)• Simbool3:Herwinning• Simbool4:Leer

• ’nVerpakkingshouerbyvoorbeeld’ndosieof’nleëblikkiewatdieherwinning teken (recycle) daarop gedruk het.

Ysbreker Plaas die vier prente van verskillende simbole soos verskaf in die projekteblad op die bord.

Vra die leerders of hulle kan “lees” wat elk van die prente sê. Gee genoeg geleentheid vir antwoorde en debatvoering. Vra leerders ook waar hulle die simbool al gesien het.

Gee as opsomming die betekenis van elke simbool aan die leerders. Simbool 1 sien ons dikwels by ’n parkeerplek, op ’n badkamer se deur of by ’n ingang. As ons simbool 1 sien dan weet ons dat hier is ’n plek wat so ingerig is, om dit makliker vir ’n gestremde persoon te maak.

Simbool 2 sien ons baie keer op die agterkant van ’n motor. Die vissie sê dat die persoon wat dit op die motor geplak het, wil hê mense moet weet hy ’n Christen is. Die vissie is ’n simbool vir ’n Christen.

Simbool 3 kom op verpakkingmaterial soos dosies, blikkies of bottels voor. Dit sê vir ons dat die glas waarvan die bottel gemaak is, kom van ou bottels af wat gesmelt is en weer gebruik is om die nuwe bottel te maak. Die simbool sê die material waarvan die verpakkingshouer gemaak is, is herwin. Herwinning is baie belangrik vir ons planeet want dit help dat ons om minder afval en gemors te het.

CHRISTELIKE SAKRAMENTE

14



101

LES

14

Simbool 4 kom gewoonlik op die plakkers van skoene, tasse en leerbaadjies voor. As ons die simbool sien dan weet ons die artikel is van egter leer gemaak.

Simbole sê vir ons iets sonder om woorde te gebruik en sonder om te praat.

In die Christelike geloof het ons ook simbole. Ons gaan vandag kyk na twee simbole naamlik die nagmaal en die doop. Die nagmaal en die doop vertel vir ons iets van Jesus sonder om woorde te gebruik. Om hierdie twee simbole beter te verstaan moet ons na die kruisdood van Jesus kyk.

Aanloop Behandel Jesus se kruisdood en opstanding. Maak dit interessant en leersaam, maar laat die leerders heeltyd verstaan in watter ernstige Iig jy dit sien en dat dit een van die grootste gebeurtenisse in die geskiedenis van die mensdom is.

Indien moontlik, wys die Matteus-video of enige ander een, wat die kruisdood en opstanding uitbeeld. ’n Ander opsie is om dit in ’n drama op te voer (dalk het die tieners of jeug in julle gemeente so ’n opvoering). Maak net seker dat die leerders die nodige feite weet en verstaan. Die belangrikste gedeeltes is Matt 27: 32-56 en Matt 28: 1-10. Wys die leerders waar Matteus in die Bybel is en dat dit die eerste boek in die Nuwe Testament is.

Julle het al baie gehoor van Jesus en wat hy op aarde gedoen het. Jesus het vir drie jaar lank rondgegaan en mense geleer en gesond gemaak.

Alhoewel baie mense van Jesus gehou het, was daar ook mense wat nie van Hom gehou het nie. Hulle het nie daarvan gehou as Jesus sê dat Hy die Seun van God is nie, want hulle kon dit nie glo nie.

Een aand, terwyl Jesus besig was om te bid in ’n tuin met die naam van Getsémané, het hulle Hom gevange geneem.

Hierdie mense wou hê dat Jesus die doodstraf moes kry, maar voordat hulle dit kon regkry, moes hulle eers bewys dat Jesus iets verkeerd gedoen het. Maats, julle weet dat Jesus net goeie goed gedoen het. Die Bybel sê vir ons dat Jesus nie sonde gedoen het nie.

Jesus is na die goewerneur Pilatus geneem en hy kon niks vind wat Jesus verkeerd gedoen het nie. Maar die Jode het buite Pilatus se paleis gestaan en skree: “Kruisig hom, kruisig hom” en omdat Pilatus na die mense geluister het, het hy opdrag gegee dat Jesus gekruisig moes word.



102

LES

14

Op die heuwel met die naam Golgota het die soldate Jesus aan die kruis vasgemaak. Hulle het eers sy hande en daarna sy voete met spykers aan die kruis vasgeslaan. Daarna het hulle die kruis opgelig sodat dit regop kon staan en daar het hulle Jesus aan die kruis gehang.

Daar was mense wat Jesus gespot het. Maar Jesus het net geluister na alles wat die mense sê, en toe sê Hy: “Vader, vergeef hulle, want hulle weet nie wat hulle doen nie.” Twaalfuur daardie middag het dit skielik pikdonker geword. Jesus het hard geroep: “Vader, in u hande gee ek my lewe,” en toe is Hy dood.

Die aand is Jesus se liggaam van die kruis afgehaal en is dit toegedraai in linne en in ’n graf wat uitgekap is uit rots begrawe en ’n groot klip is voor die ingang gerol.

Vroeg die Sondag oggend het twee vroue na die graf gegaan. Toe hulle by die graf kom sien hulle dat die groot klip voor die graf weggerol is en dat die graf leeg is. Hulle het ’n man gesien. Sy kleur was wit soos sneeu en hy het soos weerlig gelyk.

Hulle was baie bang maar die engel sê vir hulle dat hulle nie bang moet wees nie. Jesus is nie meer dood nie, Hy het opgestaan en Hy lewe. Die engel het vir hulle gesê om die nuus vir die dissipels te gee en vir hulle te sê dat Jesus hulle in Galilea sal ontmoet.

Verloop Die doop en nagmaal is twee simbole wat ons vertel en herinner aan Jesus se dood en opstanding.

Die nagmaal is ’n ete wat ons herinner aan Jesus se dood en opstanding, sodat ons nooit vergeet wat Jesus vir ons aan die kruis gedoen het nie. Jesus het self vir ons geleer van die nagmaal en het gesê ons moet aanhou om nagmaal te gebruik sodat dit ons kan herinner aan wat Hy aan die kruis vir ons gedoen het. Jesus het ook belowe dat Hy eendag in die hemel weer saam met ons nagmaal sal eet. Nagmaal is dus ’n baie belangrike simbool vir ’n Christen want dit help ons om te onthou wat Jesus vir ons gedoen het en dit sê ook vir ons eendag gaan Jesus weer terugkom en dan sal alle hartseer en pyn verdwyn en sal ons saam met Hom feesvier.

Die doop is ook ’n belangrike simbool, dit is die plek waar ek en jy iets vir die wêreld sê. Wanneer iemand gedoop word sê hy (sonder woorde) dat hy nie meer lewe nie, maar dat sy lewe aan Jesus behoort.

Jesus het vir ons sondes gesterf en daarom kan ons Hom volg deur die doopwater. Net soos Jesus dood was en weer opgestaan het, wys die



103

LES

14

doop dat ons sondige mens gesterf het en ons as ’n nuwe mens opstaan. Die doop is dus ’n simbool om te sê my sondige mens het saam met Jesus gesterf en die nuwe mens het saam met Hom opgestaan. As jy jou hart aan die Here gegee het dan laat jy jou doop sodat die wêreld kan sien wat met jou gebeur het.

AfloopOm die leerders bekend te maak met die nagmaal, dek die tafel net soos wat dit in die kerk gedoen word. Voorsien die tafel van druiwesap (nie wyn nie) en die broodjies. Lees 1 Kor. 11: 23-26.

Maak seker dat die leerders verstaan dat hulle slegs nagmaal mag gebruik as hulle hul hart vir Jesus gegee het en Hom onvoorwaardelik aangeneem het as hulle Verlosser en Saligmaker. As daar leerders is wat nog twyfel of hulle hul hart vir Hom gegee het, maak ’n uitnodiging en help hulle om seker te wees van saligheid.

Kreatiewe ervaring en ToepassingBedien die nagmaal aan die leerders net soos wat dit in die kerk gedoen word. Roep leerders vorentoe om te help om die nagmaal te bedien. Speel sagte Christelike musiek, dat dit ’n stemming kan skep. Bedien eers die brood en dan die vrugtesap en dan moet die aanbieder dit ook aan die bedieners gee. Laat die leerders mekaar met nagmaal bedien deur ’n stukkie brood te vat en dan ’n glasie met ’n bietjie vrugtesap aan mekaar te gee.

Memoriseervers Handelinge 16: 31: “Glo in die Here Jesus, en jy sal gered word, jy en jou huisgesin.”

GebedDankie, Jesus, dat U vir elkeen van ons se sondes gesterf het en toe opgestaan het en so die dood en Satan oorwin het.

Dankie vir die nagmaal wat U ingestel het, sodat ons kan onthou wat U vir ons gedoen het.

Dankie ook vir die doop waar ons U voorbeeld kan volg, en sodoende die ou mens kan aflê en as ’n nuwe mens in U kan opstaan. Amen.

Geestelike vorming Viering



104

LES

14

#1

#2



105

LES

14

#3

#4



106

LES

Aanbiedersnotas


Aanbiedingsdoelwit: Om die leerder die wonder en krag van lof aan God te laat besef.

.................................................

................

Skrifgedeelte Psalm 150: 1-6 & Matteus 21: 15-16

Hulpmiddels • Materiaalommusiekinstrumentetemaak

• DoppiesvanKoeldrankbottels• Draadentang• Leëplastiekhouertjiesmet’ndekselsoos’nenohouertjie,vitamin

houertjie, grondboontjiebotter houertjie, ensovoorts.• Droëbone,sadeofrys.• Polistireen-ofplastiekkoppies• Winkeltou.• Natlap

• ’nPaarprojekblaaiewatwyshoeominstrumentetemaakvirleerders.

Ysbreker Die ysbreker van vandag se les is ook die aktiwiteit vir die dag.

Plaas al die material wat gebruik gaan word om eie musiekinstrumente te maak uit op die tafel. Gaan saam met die leerders deur die instruksie op die projekteblad wat wys hoe die instrumente gemaak moet word.

Laat leerders die instrumente maak. Help leerders en gee raad waar nodig.

1) Maak ’n gaatjie in die polistireenkoppie en ryg die winkeltou deur en maak ’n knoop aan die end van die winkeltou sodat die tou nie kan deurtrek nie. Die polistireenkoppie met die tou is ’n vibreerder wat ’n klank soos ’n eend maak. Hou die koppie (wat dien as die klankkas) vas in die linkerhand, van ’n nat lap in die regterhand en trek die lap oor die tou. Help die leerders om byvoorbeeld op die eerste telling van elke maat die “kwaak” klank te maak.

2) Vul leë plastiekhouertjies met bone en gebruik as ’n ritme instrument.

3) Kap gaatjies in ou doppies van koeldrankbottels, ryg die draad deur die doppies en knoop die draad met ’n tang soos gewys op die projekblad. Die instrument is ’n tipe tamboeryn.

LOFPRYSING EN AANBIDDING

15



107

LES

Die gesag van die Bybel as die Woord van God, gekommunikeer. Leerder leer die Bybel ken.

15

Gee aan leerders kans om die verskillende selfgemaakte instrumente uit te toets.

Sing ’n liedjie saam en laat die leerders die instrument saam speel. Die lied “Prys Hom met die dromme, prys Hom met die harp” kan baie gepas wees.

Wees voorbereid op ’n georganiseerde lawaai en waarsku ander klasse om jou vroegtydig. Laat leerders instrumente ruil, totdat almal ’n beurt gekry het. Laat hulle dan alles neersit en net hulle hande klap op verskillende maniere, hou hande in die lug en draai in die rondte en laat hulle dan self met God praat. Prys Hom oor alles wat Hy doen en hoe groot Hy is.

Aanloop Lees die gedeeltes uit die Bybel. Die eerste gedeelte kom uit die Bybel se boek wat gedigte en poësie bevat. Weet een van julle wat daardie boek se naam is? Baie van Dawid se gedigte is in die boek. Ja die boek se naam is Psalms. Die boek is in die Ou Testament.

Psalm 150: 1-6 Hierdie is die laaste Psalm in ons Bybel. Die Psalm sê ons moet God prys. Luister mooi of julle kan hoor alles waarmee ons Hom moet prys.

Prys die Here! Prys God in sy heiligdom, prys Hom hier onder sy magtige hemelgewelf (uitspansel)!

Prys Hom oor sy kragtige dade, prys Hom in sy magtige grootheid!

Prys Hom met die ramshoring, prys Hom met harp en lier!

Prys hom met tamboeryn en koordanse, prys Hom met snaarinstrumente en fluite!

Prys Hom met simbale, prys hom met galmende simbale!

Laat alles wat asem haal, die Here prys! Prys die Here!

Vra leerders wat hulle kan onthou waarmee die Psalm sê ons moet God prys? Verduidelik as leerders nie verstaan hoe ’n instrumente lyk nie..

In die projekblad is ’n voorstelling van ’n lier - dit is ’n tipe snaar instrument.

Vra leerders waaroor sê die Psalm moet ons God prys? Indien hulle sukkel om te antwoord lees die eerste twee versies weer vir hulle.



108

LES

15

Ek gaan nou vir julle lees uit Matteus dit is die eerste boek in die Nuwe Testament.

Lees Matteus 21: 15b-16: “... en hoe die kinders in die tempel uitroep: “Ons eer u, seun van Dawid!”

Die skrifkenners vra toe vir Jesus: “Kan jy nie hoor wat die kinders daar sê nie?”

“Ja, ek hoor dit,” sê Jesus, “maar het julle dit dan nog nooit in die skrif gelees nie? Daar staan: “U het kinders en klein babatjies geleer om U te prys.”

In hierdie gedeelte sien ons dat die skrifgeleerdes kwaad was vir die kinders wat in die tempel Jesus geprys het. Skrifgeleerdes was belangrike kerkmense.

Jesus het hulle toe geantwoord en gesê dat God self kinders en babatjies leer om Hom te prys. Die gedeelte leer ons dat selfs kinders en babas God kan en sal prys. God hou daarvan as julle Hom prys en Sy naam grootmaak. Soms is die kerkmense bietjie dom en dink hulle kinders en babas kan nie God prys nie, maar hulle is verkeerd.

Verloop Prys is baie belangrike in die lewe van ’n Christen. Jesus weet dat die lewe soms baie moeilik is en dat ons soms baie sukkel. Soms baklei maats by die skool met ons, soms baklei ons ma en pa, soms sukkel ons ouers by die werk, soms sukkel ons ouers met geld. Daar is baie dinge wat die lewe vir ons baie moeilik en swaar kan maak.

Jesus het dit geweet Hy sê in Matteus (6: 25-35) dat elke dag sy eie moeilikheid het, maar Hy wil nie hê ons moet daaroor bekommerd wees nie want Hy weet van alles en Hy sorg vir ons.

Jesus wil nie net hê ons moet nie bekommerd wees nie, Hy wil ook hê ons moet bly en opgewonde wees en Hom prys. Die Bybel leer ons dat as ons bly is en die Here prys dan beskerm dit ons teen teëspoed.

Jesus sê dus, Hy weet ons kry party dae baie swaar maar Hy wil hê ons moet nie bekommerd wees nie en Hy wil hê ons moet Hom juis prys die dae as dinge sleg lyk. Die geheim van ons lewe is; dat ons beskerm word en sterk word as ons God prys.

Lees Nehemia 8: 11 “Moenie bedroef wees nie; as julle die Here met blydskap dien, sal Hy julle beskerm.”



109

LES

15

As jy swaar kry begin om God te prys. Dit is ons geheim tot oorwinning en sukses.

Toepassing Deel leerders in klein groepies en laat elke groep ’n liedjie “komponeer” met woorde en musiek. Die woorde moet van lof en prys spreek. Laat leerder die gemaakte instrumente gebruik om klank voort te bring en almal moet sing en dans op die ritme van die musiek. Maak van dit ’n kompetisie, sodat hulle dit sal geniet en moeite doen. Sorg dat ’n groepies uit seuns en dogters bestaan.

Kyk watter groep moeite doen met die projek en beloon hulle.

Kreatiewe ervaringDie kreatiewe ervaring is vandag deel van die ysbreker.

Memoriseervers Matteus 21: 16b. “U het kinders en klein babatjies geleer om u te prys”. (NV)

Gebed Jesus U is groot en goed en ons wil U loof en prys. Ons wil sing van hoe goed U is. Al gaan dit sleg met ons sal ons U nog steeds prys want U blydskap beskerm ons en maak ons sterk. Prys die Here! Amen.

Geestelike vorming Lof en aanbidding



110

LES

15



111

LES

AKTIWITEIT 15



112

LES

Aanbiedersnotas

Kerntema: Geloofsgroei

Aanbiedingsdoelwit: Help die leerder verstaan en besef dat ons nog steeds geneig is tot sonde, en hoe om daarmee te werk.

.................................................

................

Skrifgedeelte 1 Petrus 5: 8 & Genesis 4: 1-16

Hulpmiddels • Prentesoosverskafindieprojekblaaie

• Prent1:Koringenvrugte• Prent2:Skape

• Waterverfen/ofplakkaatverf,verfkwassies,outandeborselen koerantpapier.

• Uitgeknipteprentvandiewoordgehoorsaamheidsoosverskafinprojekblaaie. ’n Prent vir elke leerder.

• Tou

Ysbreker Kies ’n dogter en ’n seun en maak hulle hande en voete vas met tou, (nie te styf nie) om slawe van sonde uit te beeld. Los dit aan tot na die Afloop en haal dan eers af.

Ons gaan vandag leer van ’n wapen wat ons het om sonde en die duiwel te wen. Ons storie lees ons in die eerste boek van doe Bybel. Kan julle onthou wat die boek se naam is? Ja dit is Genesis.

Aanloop Kan julle vir my sê wat die name van die eerste mense op aarde was. Wat is die naam van die man en vrou wat God in die begin gemaak het?

Ja julle is reg dit was Adam en Eva. Adam en Eva het in ’n tuin gewoon en elke aand het God by hulle kom kuier. Daar het toe iets vreeslik in die tuin gebeur, wie kan my vertel wat gebeur het?

Eva het na die leuens van die slang geluister en van die vrug van die boom geëet wat God gesê het hulle mag nie van eet nie. Sy het toe vir Adam ook van die vrug gegee en hy was ook ongehoorsaam en het die vrug geëet.

Die Bybel leer ons dat sonde altyd gestraf word en omdat Adam en Eva gesondig het is hulle uit die tuin gesit en het hulle swaar gekry.

GEHOORSAAMHEID

16



113

LES

16

Adam en Eva het buite die tuin twee seuns gekry, weet iemand dalk wat die twee seuns se name was?

Hulle name was Kain die oudste en Abel. Kain was ’n landbouer hy het met vrugte en koring geboer (plaas prent 1 op die bord).

Abel het met skape geboer (plaas prent 2 onder die ander prent op die bord). Op ’n dag het beide Kain en Abel gegaan en ’n offer aan God gebring. In daardie dae het die mense offers aan God gebring om Hom te aanbid en Hom te vra om hulle sondes te vergewe.

God sien wat in elke mens se hart aangaan en Hy het ook gesien wat in Kain en Abel se hart aangaan. Omdat Hy geweet het wat in hulle hart aangaan het Hy Abel se offer aangeneem maar God was nie tevrede met Kain nie en daarom het Hy nie Kain se offer aangeneem nie.

Sien die Bybel leer ons dat dit nie help om offers te bring of kerk toe te gaan, terwyl jou hart vol sonde is en jy ongehoorsaam aan God is nie. (1 Samuel 15: 22, Heb. 10: 6-10)

Kain was baie kwaad omdat sy offer nie aangeneem is nie. God het toe met Kain gepraat en vir Hom gesê “Die sonde lê en loer voor die deur en sy begeerte is na jou; maar jy moet daaroor heers”.

Kain het nie geluister nie en sy kwaadheid en jaloesie het gemaak dat hy sy broer eendag in die veld doodgeslaan het. Ons kry hierdie storie opgeteken in Genesis 4.

Verloop Die duiwel is altyd besig om te kyk wie hy kan vasbind in sonde en verwoes. 1 Petrus 5: 8 sê “… die duiwel, loop rond soos ’n brullende leeu, en soek wie hy kan verslind”. As jy in Jesus glo moet jy ook weet dat daar ’n duiwel is en dat hy altyd probeer om alles wat mooi en goed is te verwoes. Maar toe Jesus aan die kruis gesterf het, het Hy ook die duiwel in ons plek oorwin.

Die duiwel loop rond soos ’n leeu en loer vir ons om te kyk waar hy ons kan vang en verwoes. Maar God het gesê ons moet oor hom heers, soos wat Hy ook vir Kain gesê het. Jesus het klaar die duiwel oorwin maar ek en jy het ook ’n deel om te doen. God sê ons moet oor hom heers. Ons kan oor die duiwel heers as ons gehoorsaam aan God is en geen plek vir sonde in ons lewe gee nie.

God wil hê ons moet die duiwel oorwin en daarom het Hy ons ’n spesiale wapen gegee. Dit is nie ’n missiel of laser geweer nie. Missiel en laser kan



114

LES

16

niks aan die duiwel doen nie. Nee die wapen wat God ons gegee het om die duiwel te oorwin is nie gewone wapens nie.

In 2 Korintiërs 6: 7 lees ons (maak Bybel daar oop) “Ons wapen vir aanval en verdediging is om die wil van God te doen”. Ons kan dus die duiwel oorwin deur GEHOORSAAM te wees. Dit klink dalk snaaks maar God se spesiale wapen vir ons is om aan Hom gehoorsaam te wees.

Om gehoorsaam te wees is die belangrikste ding vir God. God soek gehoorsaamheid by ons.

Afloop Maatjies, vra hierdie twee maatjies van julle of dit lekker is om die heeltyd vasgemaak te wees en nie te kan beweeg nie.

Nee dit kan nie lekker wees om die hele tyd vasgebind te wees nie. Dit is hoe dit voel om ’n slaaf van jou eie sonde te wees. Die duiwel bind jou vas elke keer as jy sondig en hoe meer jy sondig, hoe meer bind hy jou vas. Later kan jy nie eers meer beweeg nie en jy besef nie eers meer dat jy sondig nie. Die rede hiervoor is dat die duiwel die vader van leuens en sonde is. Hoe meer ons sondig, hoe meer gee ons hom tou om ons vas te maak, en daarom het ons vir Jesus nodig om ons los te maak.

Ons het nodig om ons lewens vir Hom te gee en om vergifnis te vra vir ons sondes. Hy is so lief vir ons dat Hy sommer dadelik ons sondes vergewe. Die Bybel sê “Hy is getrou en regverdig om ons sondes te vergewe en ons van al ons ongeregtigheid te reinig”. Dan vra Hy van ons om gehoorsaam te wees en so die duiwel te oorwin.

Kreatiewe ervaring Kies twee seuns om die aanbieder te help om ’n illustrasie te maak. Die aanbieder gaan staan buite die klas se deur. Die deur word net ’n entjie oop gemaak sodat die aanbieder haar voet en skouer tussen die deur en die deurkosyn kan in plaas. Die twee seuns moet nou aan die anderkant van die deur probeer om die aanbieder buite te hou en die deur toe te maak. Die seuns mag net stoot hulle kan nie hardloop en teen die deur stamp nie.

Die aanbieder behoort met ’n bietjie krag die oorhand te kry. (Hang af van die aanbieder se eie krag en postuur, kan kleiner seuns in die begin gekies word, indien nodig).

Bedank die leerders en laat almal gaan sit. Verduidelik vir die leerders dat as die deur toe en gesluit was daar geen manier was waarop die aanbieder



115

LES

16

Indien die leerders die woord mooi geverf het, sal hulle trots wees daarop en dit heel waarskynlik by die huis wil opplak. Indien hulle dit doen sal dit hulle help om vandag se les te onthou. Help die leerders dus om die woord kreatief te verf en versier.

kon binne kom nie. Maar omdat die deur effens oop was en die aanbieder se voet in die deur was kon die deur oopgestoot word.

As ons ongehoorsaam is dan maak ons die deur oop vir die duiwel om ’n voet in die deur van ons lewe te kry. As hy eers ’n voet in die deur het gaan hy druk totdat hy soos met Kain binne kom en verwoes.

As ons aan God gehoorsaam is dan het ons geen gevaar nie.

Toepassing Gee aan elke leerder ’n prent van die woord gehoorsaamheid.

Laat hulle die woord verf met waterverf of plakkaatverf.

Die leerders kan self besluit hoe hulle die woord wil verf, maar die aanbieder kan julle dalk ’n paar kreatiewe verf tegnieke wys.

Laat hulle byvoorbeeld die hele woord een agtergrond kleur verf. Laat die verf effens droog word en versier die hele woord deur dotte in ander kleure bo-op die agtergrond kleur te maak.

Of wend verf dik aan en krap patroon met die agterkant van die verfkwas uit op die dik laag verf.

Of verf die woord ’n agtergrond kleur byvoorbeeld donker blou. Plaas die woord op ’n vel koerantpapier sodat die vloer nie vol verf word nie. Maak dan geel verf aan en doop die ou tandeborsel in die geel verf. Hou die tandeborsel naby die woord en krap met die vinger oor die hare van die tandeborsel sodat die verf op die woord te skiet. Meer kleure kan op die woord “geskiet” word.

Memoriseervers 2 Korintiërs 6: 7b “Ons wapen vir aanval en verdediging is om die wil van God te doen”. (NV)

Gebruik dieselfde tou van vroeër om die teksvers te memoriseer. Laat twee leerders die punte van die tou vashou terwyl een leerder kom touspring. Elke keer as hy/sy oor die tou spring, moet hulle ’n woord van die teksvers sê, of die teksvers moet in die minste moontlike spronge opgesê word. Die leerders sal dit geniet, want dis ’n groot uitdaging en hulle fisiese vermoëns word getoets.



116

LES

16

Gebed Vra die leerders of hulle weet van enige sondes in hulle lewens. Van hulle mag dalk skaam wees om dit te noem en as hulle nie wil nie, hoef hulle nie hulle hande op te steek nie. Begelei die leerders met ’n sondebeleidenis en sondevergifnis. As hulle klaar gebid het, kan die aanbieder alleen vir die leerders bid as daar behoeftes is. Doen dit deur handoplegging volgens die Bybel, sodat die leerders kan leer deur te sien hoe jy vir mense bid.

Geestelike vorming Gehoorsaamheid



117

LES

16

#1



118

LES

16

#2



119

LES

AKTIWITEIT 16



120

LES

Aanbiedersnotas

Kerntema: Geloofsgroei

Aanbiedingsdoelwit: Leerders sal besef dat hulle lewe goeie vrugte moet dra. Vrugte wat by hulle bekering pas.

.................................................

................

Bybelkennis word oorgedra en die belangrikheid van die Bybel word gedemonstreer.

Skrifgedeelte Romeine 12: 21 & Matteus 7: 16-20

Hulpmiddels • Sakdoekeofstukkelapomleerdersteblinddoek.• Bereienverpakintupperbakkiesverskillendhappiesvrugte.

Byvoorbeeld stukkies piesang, appel, pynappel, druiwe, vesel perske, suurlemoen en lemoen.

• Tandestokkies• Hersieningsprentvanles8,naamlikprent1:SondeklooftussenGoden

die mens oorbrug met die kruis van Jesus.

Ysbreker Verdeel die leerders in groepe van twee leerders elk. Een leerder uit elke groep word geblinddoek. Die leerders wat geblinddoek is sit in ’n ry. Die ander leerders van die groep neem ’n tandestokkie en kies een vrug uit al die bakkies en steek dit op die stokkie. Hulle voer dan hierdie vrug vir hulle maat wat geblinddoek is. Die geblinddoekte leerder moet raai watter vrug dit is. Waarsku leerder om die vrug op die stokkie versigtig in hulle maat se mond te sit sodat hulle nie gesteek word nie.

Laat die leerder ’n tweede vrug kies wat hulle maat moet identifiseer.

Laat die leerder omruil en doen die aktiwiteit met die ander leerder wat dan geblinddoek word.

Haal die blinddoeke af en laat die leerders rustig kom sit.

Aanloop Vandag lees ons weer uit die eerste boek in die Nuwe Testament, naamlik Matteus.

Lees stadig vir die leerders Matt 7: 16-20:

“Aan hulle vrugte sal julle hulle ken. ’n Mens pluk tog nie druiwe van dorings of vye van distels nie!

CHRISTEN SE LEWE IS ŉ PLUS LEWE

17



121

LES

17

So dra elke goeie boom goeie vrugte; maar ’n slegte boom dra slegte vrugte.

’n Goeie boom kan geen slegte vrugte dra nie, en ’n slegte boom ook geen goeie vrugte nie.

Elke boom wat nie goeie vrugte dra nie, word uitgekap en in die vuur gegooi.

So sal julle hulle dan aan hul vrugte ken”.

Vra vir die leerders wat dink hulle sê die gedeelte wat nou net gelees is? Gee geleentheid vir antwoorde. Kom ek vertel vir julle wat ons uit die gedeelte leer.

Verloop Julle onthou dat ons ’n ruk gelede gepraat het oor die sondekloof (plaas hersieningsprent 1 op die bord). Ons het gesê dat almal gesondig het en dat dit skeiding gebring het tussen ons en God. Ons het ook gesê dat daar niks is wat ons kan doen om oor die kloof by God uit te kom nie.

Kan julle onthou wat God se plan was om vir ons ’n pad oor die kloof te maak sodat ons by Hom kan uitkom? Ja God het sy Seun Jesus gestuur om in ons plek vir ons sondes te sterwe. Die Bybel leer ons dat as ons ons sonde bely en Jesus vra om ons skoon te was met Sy bloed dan was Hy ons witter as die sneeu en word ons Sy kinders. Dan kan ons deur Jesus by God uitkom.

Ons het daardie week ook gevra wie van julle wil julle hart vir Jesus gee en Hom vra om julle sonde weg te was en Koning van julle lewe te word. Baie van julle het daardie dag julle lewe vir Jesus gegee. Julle behoort aan Hom en Hy het julle skoon gewas en nuut gemaak. Ons moet nou lewe soos mense wat nuut gemaak is.

Om ons te help verstaan hoe mens lewe as jy nuut gemaak is gebruik die Bybel die voorbeeld van ’n goeie en ’n slegte boom. ’n Goeie boom kan nie slegte vrugte dra nie, so ook moet ’n Christen se lewe net goeie vrugte dra. Vrugte wat pas by ons bekering.

Kan julle ’n paar voorbeelde van goeie vrugte opnoem? Ja goeie vrugte is gehoorsaamheid, vriendelikheid, liefde, om mense wat in nood is te help – hulpvaardigheid, die waarheid te praat, nie kwaad met kwaad te vergeld nie, ensovoorts.

Kan julle ’n paar slegte vrugte opnoem? Ja, om te jok, te steel, mense sleg te sê, ongehoorsaam te wees, te skinder van mense, te vloek, ensovoorts



122

LES

17

Hierdie aktiwiteit se funksie is om ’n element van genot te bring. Leerders op die ouderdom hou baie van raaisels.

Genot versterk die positiewe gevoel van die leerder teenoor die aanbieder en die Sondagskool.

Afloop Voor ons ons hart aan Jesus gegee het was ons soos slegte bome wat slegte vrugte gedra het. Nadat ons Sy kinders geword het, het Hy nie net die slegte vrugte weggevat nie, nee Hy het ons ’n nuwe boom gemaak wat goeie vrugte dra.

Daarom sê die Bybel as iemand gesteel het moet hy ophou steel maar hy moet ook begin werk sodat hy geld aan die armes kan gee.

Iemand wat vloek en lelik praat moet ophou lelik praat maar hy moet ook begin om goeie goed te praat wat ander mense opbou. Hy moet dus goed sê want ander mense beter oor hulle self laat voel.

Die Bybel wil hê ons moet plus (+) mense wees, ons moet ophou met wat sleg is maar in die plek daarvan moet ons die goeie doen. Ons kan nie net ophou met die slegte nie, ons moet nog een stap verder gaan en die goeie doen. Goeie vrugte dra.

Ons vers vir vandag sê, “oorwin die kwaad deur die goeie”.

Kreatiewe ervaring en toepassingDeel die leerders in groepies en laat hulle maniere vind om sondige gedrag te vervang met positiewe gedrag sodat hulle al hoe meer soos Jesus word.

Aktiwiteit Geen aan elke leerder ’n blad met die prentraaisel op.

Die opdrag vir die raaisel is om deel A op die stippel lyne uit te sny. Moet nie die twee ruiter apart uit sny nie, sny net op die stippel lyne.

Nadat A uitgesny is moet die leerders probeer om die perderuiters korrek op die perde, wat in paneel B is se rug, te pas.

Antwoord tot die raaisel.Hou paneel A regop en draai dit dan 90° na regs. Skuif paneel A nou tussen die twee perde (paneel B) in totdat dit presies pas.

Memoriseervers Romeine 12: 21 “Laat jou nie deur die kwaad oorwin nie, maar oorwin die kwaad deur die goeie”. (OV)



123

LES

17

Laat die leerders die vers ’n paar keer herhaal. Vra dan een of twee leerders om die vers alleen op te sê. Indien hulle sukkel laat almal saam die vers weer ’n paar keer herhaal.

Gebed Jesus, dankie dat U vir my sonde gesterf het. Dankie dat U my so wit soos sneeu was met U bloed. Vergewe asseblief al die sondes wat nou nog steeds in my lewe is. Heilige Gees, leer my en lei my om al hoe meer soos Jesus te wees. Amen.

Geestelike vorming Heilige lewe



124

LES

AKTIWITEIT 17A

A

B

B



125

LES

Aanbiedersnotas

Kerntema: Fees

Aanbiedingsdoelwit: Om die leerders te vertel waaroor Kersfees regtig gaan.

.................................................

................

Skrifgedeelte Lukas 2: 1-20 & Matteus 2: 9-12.

Memoriseervers Jesaja 9: 5: “’n Kind is vir ons gebore”.

Hulpmiddels • ’nHouer,toegedraaiingeskenkpapiermet’nstrikdaarop.Binnein

die houer moet die 13 prente soos verskaf in die projekblad, elkeen afsonderlik toegedraai in geskenkpapier, wees. Wanneer die groot geskenk oopgemaak word, ontdek die leerders die toegedraaide prente van Kersverhaal daarbinne. Elke leerder kry een toegedraaide prent.

• Uitgeknipteprentesoosverskafinprojekblaaie:• Prent1:Donkie–Langoor• Prent2:Sakeman• Prent3:Kameel• Prent4:Geskenke• Prent5:KoringsakkewatLangoorbaiekeermoesvervoer.• Prent6:Groepmensewatgaanomgetelteword.• Prent7:Kroon• Prent8:Maria,Josefendiedonkie.• Prent9:Stal• Prent10:Jesusinnkrip• Prent11:Herders• Prent12:Wysemanne• Prent13:Geskenkewatdiewysemannegebringhet

• (Maaksekerdaarisgenoegprente,virelkeleerdereen.Indiendaar meer as 13 leerders is kan u byvoorbeeld die prente verdeel, byvoorbeeld sny individuele wyse manne uit, sny Josef en Maria apart uit en sny die geskenke apart uit).

• Prestik(omdieprenteteenbordteplak)• ProjekbladmetKerskaartjie,afgerolvirelkeleerderomuitteknip,omte

vou en in te kleur.• Kleurpotlode,verf,vetkryt,gom,blinkertjiesomdieKerskaartjie

te versier.

KERSFEES

18



126

LES

18

Ysbreker Vandag gaan ons gesels oor Kersfees. Haal die groot geskenk uit, maak oop. Gee aan elke leerder ’n geskenkie (toegedraaide prent). Laat hulle dit oopmaak en vertel watter prentjie hulle gekry het. Waarvan dink julle vertel hierdie prentjies ons? Ons gaan vandag hoor wat is die Groot geskenk van Kersfees.

Vra leerders om hulle prent in te kleur. Nadat die prente klaar ingekleur is kan die leerders gaan sit.

Vra hulle om hulle prent op hul skoot te hou totdat jy hulle vra om dit vir jou te gee. Soos wat die verhaal ontvou, neem jy die prentjies en plaas dit op die bord of muur.

Aanloop Vra die leerders uit oor die soort vervoer waarmee hulle kerk toe gekom het. Gesels oor die verskillende soorte vervoer waarmee mense reis. Vertel hulle van die soort vervoermiddels wat in die Bybelse tyd gebruik was - die kameel en veral die donkie.

Ons gaan vandag na die storie van Kersfees luister. Vir hierdie storie gaan ons, ons verbeel ’n lui donkie vertel ons van alles wat hy gesien en ervaar het (prent 1).

Verloop Langoor, die donkie, se grootste Kersgeskenk

Lank gelede was daar ’n sakeman wat ’n vervoerbesigheid gehad het (prent 2). Hy het kamele en donkies uitverhuur. Die kamele is gebruik om mense na ver plekke te neem en die donkies hoofsaaklik om goed soos koring te vervoer.

Een van die donkies se naam was Langoor. Langoor het graag geluister na die kamele se stories (prent 3) - van al die pragtige plekke wat hulle besoek het en van die pragtige dinge wat hulle gesien het. “Ek wens dat ek ook al daardie mooi dinge kan sien,” het hy by homself gedink. “Ek wil so graag duur geskenke ronddra,” was sy grootste wens (prent 4). “AI wat my eienaar op my laai, is swaar goed wat ek net hier in die dorp moet gaan aflaai,” het hy gekla met ’n sug (prent 5).

Langoor se eienaar het agtergekom dat die donkie ’n dromer was. Hy was ook baie lui. Elke keer wanneer daar goed op sy rug gelaai word, het sy ore gehang. Hy het dan vierpoot vasgeskop, en wou nie loop nie. Van pure ongelukkigheid het sy ore gehang tot amper op die grond. Daarom het die



127

LES

18

eienaar besluit om hom “Langoor” te noem. Nooit sou hy vir Langoor na ver plekke kon stuur nie; hy sal maar net altyd ’n pakdonkie bly.

Eendag was daar besonder goeie besigheid vir die eienaar. Baie mense moes skielik op reis gaan (prent 6). Die keiser (hy was soos ’n baas oor die land) het beveel dat almal getel moes word. Almal moes gaan na die dorp waar hulle gebore is vir die telling. Die kamele is eerste uitverhuur. Daarna het die mense die donkies kom haal. Eindelik was daar net een donkie oor. Dis reg, dit was Langoor.

Toe nog ’n man kom en vra vir ’n donkie, wou die eienaar Langoor nie laat gaan nie. “Hy is te lui, en hy het nog nooit so ver geloop nie”, het die eienaar verskoning gemaak. Die vriendelike man het egter oorgestap na Langoor. “’n Koning gaan op jou rug ry,” het hy in Langoor se groot oor gefluister (prent 7).

Langoor se ore het skielik regop gestaan. “’n Koning!” Hy kon sy ore nie glo nie. “Dan gaan ek mos ook baie mooi dinge sien. Ek gaan duur geskenke op my dra!” het hy vir homself gesê. Ewe skielik is hy nie meer lui nie, maar vreeslik opgewonde. Hy is Ius vir hierdie uitstappie en kap opgewonde met sy pote in die grond.

“Ek sal hom huur” sê die man met ’n glimlag vir die eienaar. “Hy lyk goed genoeg vir my.” Die gawe man en sy vrou sit hulle vrag op Langoor se rug (prent 8). “Waar is die koning?” wonder hy baie teleurgesteld. Sy vaalgrys ore hang weer op die grond. “Jy moet asseblief baie versigtig stap,” sê die man met ’n vriendelike glimlag. “My vrou gaan oor ’n paar dae ’n baba hê,” sê hy terwyl hy Langoor se kop streel.

“ ’n Vrou wat ’n baba gaan hê en al hulle bagasie! Dit is ’n swaar vrag” het Langoor bitter ongelukkig gerunnik.

“Ons gaan na Jerusalem,” het die man verder gesê, terwyl hy die tou vat en Langoor agter hom aantrek.

“Jerusalem! Maar dit is mos baie ver van Nasaret af,” het Langoor vies gekla. Dan onthou hy van wat die kamele vertel het omtrent Jerusalem. Hulle het hom vertel van al die pragtige winkeltjies en van al die duur en kosbare goed wat daar verkoop word. 0 ja, hulle het ook vertel van die paleis en van die tempel wat van goud gemaak is.

“As ek daarheen op pad is, gaan ek tog die koning sien,” en Langoor se hart het ’n bietjie vinniger geklop. “Eers as ons in Jerusalem is, gaan die koning op my rug ry,” vertel hy homself. Pronkerig het hy agter die man aangestap.



128

LES

18

“Daar is Jerusalem!” het die man uitgeroep terwyl hy met sy hand in die rigting van die dorp wys. “Dankie tog,” sê sy vrou. “Ek is nou baie moeg, ons moet gou ’n rusplekkie kry”.

Langoor was gedaan. Hy het nog nooit so ver geloop nie en kon nie wag om te rus nie. Elke spier in sy donkielyf was seer. Versigtig het hy op die strooi gaan Iê. Daardie nag het hy gedroom van al die wonderlike dinge wat hy die volgende dag sou sien en ervaar.

Vroeg die volgende oggend was Langoor wakker. Hy het uitgerus en fris gevoel en was gereed vir al die dinge waarvan hy gedroom het. Alles was op sy rug gelaai. Die vrou wat ’n baba gaan hê, het ook op sy rug gesit. “Vandag gaan die koning op my rug ry,” het Langoor opgewonde gedink.

Hulle het egter nie na die paleis gaan nie, maar rustig uit die stad gestap op pad na die volgende dorpie. “Dit kan nie wees nie,” het hy moedeloos gesug. “Ek wil in Jerusalem bly; dit is waar die lekker dinge gebeur.” Langoor se ore het nou behoorlik op die grond gesleep. Hy het al hoe stadiger na Betlehem begin stap. Dit was reeds donker toe hulle in Betlehem aankom. AI die oornagplekke was vol. Langoor se bene het lam gevoel van die baie ver stap. Uiteindelik het hy die stal binne gestrompel en uitgeput op die strooi neergeval (prent 9). Daardie nag het daar iets baie belangrik gebeur. Die baba is gebore. Maria het hom in doeke toegedraai en in die krippie neergelê (prent 10).

Skielik was daar herders wat opgewonde vertel het van engele wat aan hulle verskyn het (prent 11). Langoor het vinnig regop gesit. Hy kon nie glo wat hy alles gehoor het nie. Hierdie moeder, wie hy die ver pad gedra het, het geboorte gegee aan die Koning van die hele wêreld.

Almal was vreeslik bly en daar is gesing en gedans. Jesus die verlosser is gebore! Hy het na die wêreld gekom om die mense se sondes te vergewe.

Daar het die wyse manne (prent 12) van die ooste geskenke (prent 13) gebring vir die kindjie. Langoor het alles gesien en gehoor. Hy het toe verstaan waaroor Kersfees regtig gaan. Dit gaan nie oor die geskenke wat mense vir mekaar gee nie. Nee, dit gaan oor die grootste geskenk wat God vir die wêreld gegee het. Ja, dit was Jesus!

Langoor het nooit mooi geskenke op sy rug gedra nie. Dit het hom nie meer gepla nie. Hy het mos die grootste en kosbaarste geskenk van die hele wêreld op sy rug gedra. Langoor het dit nooit vergeet nie. Die res van sy lewe was hy bly vir die groot kans wat hy gehad het om koning Jesus, die Seun van God, op sy rug te dra.



129

LES

18

Afloop Langoor het wel vir Jesus, die baba van Betlehem, op sy rug gedra. Maats, julle kan Jesus vra om in jul harte te kom woon. Hy het nie gekom om in ’n paleis te bly nie; nee, Hy wil baie graag in ons harte woon.

Kreatiewe ervaring Gee aan elke leerder ’n projekblad met die Kerskaartjie daarop. Laat hulle die kaartjie uitknip en toevou.

Laat leerder ’n boodskap vir sy ouers daarin geskryf.

Laat leerders die kaartjie inkleur, verf en/of versier. Bied aan hulle verskillende media om die Kerskaartjie mooi te laat lyk.

Memoriseervers Jes. 9: 5: “’n Kind is vir ons gebore”.

Laat die leerders die vers ’n paar keer herhaal om dit te leer. Help hulle om elke keer die teks verwysing, naamlik Jesaja 9: 5 ook te sê.

Vra ’n paar leerders om die vers alleen te sê. Laat die hele klas herhaal indien ’n leerder nie die vers kan opsê nie.

Gebed Dankie, Jesus, dat U die hemelse paleis verlaat het om in ’n stal gebore te word. Kom woon in my hartjie - vandag. Amen.

Geestelike vorming Viering



130

LES

18

#1

#2



131

LES

18

#3

#4 #5



132

LES

18

#6

#7



133

LES

18

#8



134

LES

18

#9



135

LES

18

#10

#11



136

LES

18

#12

#13



137

LES

AKTIWITEIT 18

vou vouvou vou

die voorwoord - algoagemeenskapskerk.files.wordpress.com · vir hierdie rede was die opdrag aan die...

Documents