6de sondag van paastyd€¦ · skriflesing: 1 petrus 3:13-22 dit is 'n voorreg om te ly vir...
TRANSCRIPT
6de Sondag van Paastyd
1. Voorsang ....................................................................................... 1
2. Gebed ........................................................................................... 2
3. Skriflesing: 1 Petrus 3:13-22 ........................................................... 2
4. Boodskap ....................................................................................... 4
4.1. Kinderoomblik ......................................................................... 4
4.2. Boodskap ............................................................................... 4
5. Gebed ......................................................................................... 15
6. Bespreek die volgende vrae ............................................................ 16
7. Offergawes .................................................................................. 16
8. Slotlied ........................................................................................ 17
9. Seënbede .................................................................................... 17
10. Afkondigings .............................................................................. 17
11. Luister ...................................................................................... 18
12. Die storie agter die Groot Storie (as jy dieper wil delf) ..................... 18
13. Die Message se weergawe van 1 Petrus 3:13-22 ............................. 26
14. Verdere hulpmiddels ................................................................... 28
1. Voorsang
Ons Koning kom
https://youtu.be/cowweuVsLsM
U’s my God
https://youtu.be/ZVh-FClcFe4
Wat ’n vriend het ons in Jesus
https://youtu.be/d1EK5zRNY_Y
Jesus ons loof U
https://youtu.be/P7oHcLecZJA
2. Gebed
Luister na hierdie lied as ’n gebed
https://youtu.be/2eQ1oal44wU
3. Skriflesing: 1 Petrus 3:13-22
Dit is 'n voorreg om te ly vir wat goed is 13 Wie sal julle kwaad aandoen as julle julle
beywer vir wat goed is? 14 Maar selfs as julle sou ly omdat julle doen
wat reg is, moet julle dit as 'n voorreg beskou.
Moenie vir mense bang wees of julle laat
afskrik nie. 15 In julle harte moet daar net heilige eerbied
wees vir Christus die Here. Wees altyd gereed
om 'n antwoord te gee aan elkeen wat van julle
'n verduideliking eis oor die hoop wat in julle
lewe. 16 Maar doen dit met beskeidenheid en met
eerbied vir God. Sorg dat julle gewete skoon
bly, sodat dié wat julle oor julle goeie
lewenswandel in Christus belaster, daaroor
skaam kan kry dat hulle kwaad van julle
gepraat het. 17 As dit die wil van God mag wees dat julle
moet ly wanneer julle goed doen, is dit beter
só as om te ly wanneer julle kwaad doen. 18 Ook Christus het een maal vir die sondes
gely, die onskuldige vir die skuldiges, om julle
na God te bring, Christus wat as mens
doodgemaak is, maar deur die Gees lewend
gemaak is. 19 En so het Hy na die geeste in die gevangenis
gegaan en daar sy oorwinning aangekondig. 20 Dit is hulle wat aan God ongehoorsaam gebly
het toe Hy groot geduld met hulle aan die dag
gelê het in die tyd toe Noag die ark gebou het.
Net 'n klein klompie in die ark, ag in getal, is
deur die water gered. 21 Dit dui op die doop, waardeur julle ook nou
gered word. Die doop is nie 'n afwassing van
die vuilheid van die liggaam nie, maar 'n bede
tot God om 'n skoon gewete, en dit red julle op
grond van die opstanding van Jesus Christus. 22 Hy is nou aan die regterhand van God nadat
Hy die engele en magte en kragte aan Hom
onderwerp het en die hemel ingegaan het.
Lees gerus die Message se weergawe deur hier
te kliek
4. Boodskap
4.1. Kinderoomblik
Kliek hier om Sakkie-video te kyk.
https://youtu.be/oJvkso_NRsg
4.2. Boodskap
Jy kan die boodskap lees hieronder of klik op die
blou letters om na die video te kyk.
https://youtu.be/TFe6TyhD1rM
Indien jy belangstel om elke week die boodskap in ’n MP3 via
WhatsApp te ontvang, kontak die kerkkantoor of een van die leraars.
#Hoe is God?
Wat is die prentjie van God waarmee jy leef? En
wat ek bedoel met ‘prentjie’ is dit: Hoe ervaar
jy God se teenwoordigheid in jou lewe?
Dink jy aan Hom as ’n liefdevolle pa of as hierdie
kwaai Heerser wat regstaan om jou met sy
weerligstraal te tref wanneer jy ongehoorsaam
is?
Ek dink dit is ’n belangrike vraag omdat dit jou
uiteindelik bring by die vraag oor hoe jy jou
geloof beoefen?
Is jou geloof vir jou ’n lys reëls wat jy moet
navolg sodat jy darem eendag in die hemel kan
kom... of is jou geloof vir jou ’n verhouding met
God wat jou lewe reeds hier en nou radikaal kan
verander?
Die skrywer C.S. Lewis vertel in sy beroemde
boek Mere Christianity, ʼn storie oor ʼn
skoolseun wat uitgevra is oor hoe hy dink God
is.
Hy het geantwoord dat sovêr hy kon agterkom
God “die tipe persoon is wat altyd rondsluip en
kyk of daar iemand is wat homself geniet en dan
die pret stopsit!”
(“the sort of person who is always snooping
around to see if anyone is enjoying himself and
then trying to stop it!”).
Ek dink dit is hoe baie mense God sien: ʼn
Pretbederwende Boelie-Despoot!
Twee ma’s staan eendag en gesels met mekaar.
So vertel die een ma dat hulle gesin die vorige
aand aan tafel was en dat haar 6-jarige seun
soos gewoonlik nie sy groente wou eet nie.
Sy was moeg om hom te dreig, want dit het in
elk geval nie regtig gewerk nie. Toe sê sy ma vir
hom dat die Here hom gaan straf omdat die Here
net niks daarvan hou as kinders nie hulle
groente opeet nie.
Met die uitstap uit die kombuis slaan daar ʼn
klipharde donderslag reg langs die huis! Toe sy
omdraai om te kyk of haar seun OK is, is sy bord
leeg, al die groente is opgeëet en sy hoor net
hoe hy mompel:
“So ʼn groot bohaai, net oor ʼn bietjie groente!”
Die ander ma lag en sy sê sy het ook ’n snaakse
storie om te vertel. Toe die geweldige storm die
vorige aand losbreek, gaan soek sy haar
dogtertjie om te kyk of die nie bang is vir die
donderweer nie.
En daar staan haar dogtertjie, reg voor die groot
sitkamervenster, gordyne wawyd oop en sy
staar die donkerte in - en elke keer as daar ʼn
weerligstraal flits, dan glimlag sy en sy draai
haar koppie so skuins.
Nuuskierig vra die ma die dogtertjie waarmee sy
dan nou besig is en die dogtertjie antwoord:
“Mamma, ek pose vir Jesus – kyk, Hy neem
foto’s van my!”
Iewers het die klein dogtertjie ʼn ander beeld van
God gehad as die seuntjie met sy bord groente,
- én die seun in CS Lewis se boek wat God as ’n
Pretbederwer ervaar het!
Dink gou: wanneer iets sleg met jou gebeur,
wanneer jy swaarkry of seerkry, is jou eerste
gedagte ook soms, wat het ek nou verkeerd
gedoen? Waarom straf die Here my?
As ek eerlik is – al veg ek daarteen – is dit heel
dikwels die sondige gedagtes wat in my kop
kom...
Maar 1 Petrus 3 gee vir ons hierdie ander beeld
van God: God wat in Jesus ons lot kom verander
het, sodat ons in Sy teenwoordigheid die lewe in
oorvloed kan geniet en met betekenis kan lewe,
omdat ons deur die kruis vrygemaak is van
skuld.
Gebeur daar nog slegte dinge met goeie mense?
Ja natuurlik! Kry gelowiges soms swaar? Ja,
Petrus is baie duidelik daaroor dat lyding en
swaarkry deel is van ons lewe hier op aarde.
Maar ook is hy net so duidelik daaroor dat ons
deur die soet en suur van die lewe, die 24/7
teenwoordigheid van God moet raaksien in ons
lewe – Hy wat vir ons omgee, ons liefhet en
saam met ons huil wanneer ons hartseer is of
seerkry.
God die Vader is beslis nie ʼn kwaai despoot wat
rondsnuffel om ons uit te vang of bang te maak
nie. Dit is nie die beeld wat Petrus of die Nuwe
Testament oor God in Jesus vir ons gee nie!
Petrus sê wanneer ons die pyne van die lewe
aan ons lywe voel, moet ons die lyding van Jesus
op aarde en aan die kruis onthou.
Volgens Petrus was die doel van Jesus se lyding
en van Sy kruis om ons in die teenwoordigheid
van God die Vader in te lei, nie om ons uit vrees
vir God weg te dryf nie!
Daarom in hierdie Paastyd van die kerkjaar –
onder hierdie moeilike omstandighede waarin
ons nou moet leer leef - mag ons toelaat dat ons
vrese, ons skuld en ons vrae deur die helder lig
van God se genade na die oppervlak gebring
word, sodat ons ware vrede en vrymaking en
verlossing, kan ervaar in die teenwoordigheid
van die regte egte liefdevolle Drie-enige God.
Soos Dan Hoffman kan ons hierdie tyd sien as
“an invitation to come out of ourselves and
discover how God truly wants to pamper us with
the gift of his own love for us in Jesus Christ.”
#Die grootsheid van Jesus
Ja, Jesus kom wys ons dat God die Vader anders
is.
Daar is mos mense wat glo alle paaie lei na
Rome – dit maak nie saak watter god jy aanbid
nie, dis almal maar eintlik dieselfde god... Maar
ons weet mos dis mos nie waar nie!
Volgens ’n ou legende het ’n reisiger eendag
verdwaal en in ’n moeras met dryfsand beland.
Op sy krete om hulp het die Chinese filosoof,
Confucius, verskyn, en toe Confucius sien wat
gebeur het, het hy vir die reisiger gesê: “’n Mens
moet voor jou voete kyk en sorg dat jy nie op
plekke soos dié beland nie. Dis jou eie skuld dat
jy in hierdie moeilikheid is.”
En toe is Confucius weer daar weg.
Later het die Indiese filosoof en geestelike leier,
Boeddha, opgedaag en gesê: “Laat hierdie man
se benarde situasie ’n les wees vir die res van
die wêreld.”
En toe is die Boeddha ook daar weg...
Die profeet Mohammed het kom kyk wat
aangaan, en teenoor die spartelende man
opgemerk: “Helaas! Jy moet berus; wat gebeur
het, is die wil van Allah.”
En toe is Mohammed daar weg.
Toe kom Jesus daar aan, Hy het die spartelende
man jammer gekry en onmiddellik sy hand na
die man in die dryfsand uitgesteek. “Gee My jou
hand,” het Hy gesê, “Ek sal jou red.”
Jesus wys ons dat God die Vader anders is...
Hy wil ons regtig help om ’n lewe in oorvloed te
leef!
As ons aan God dink as hierdie kwaai ou man
met die lang wit baard wat op sy troon sit en ons
dophou om te kyk of ons nie ’n voet verkeerd sit
nie – mis ons uit op ’n heerlikheid!
Ons mis uit op ’n verhouding met ’n liefdevolle
Vader God. Ons mis uit op ’n lewe-in-oorvloed-
lewe!
#Laat die Jesus-musiek in jou lewe weerklink
In ’n groot katedraal in Europa was daar ʼn
grootse, wonderlike pyporrel.
Een Saterdagoggend, was die koster in die
kerkgebou besig om te kyk of alles gereed is vir
volgende dag se erediens.
Terwyl hy op die galery besig was – daar waar
die orrel in die kerkgebou bo-oor alles
uitgetroon het – is hy ietwat onverhoeds betrap
toe hy voetstappe op die galery hoor.
ʼn Man het na hom toe gestap en gevra:
“Ekskuus, meneer, ek het nogal ʼn ent gereis om
hierdie beroemde orrel van hierdie katedraal te
kan besigtig. Kan ek dalk die orrel oopmaak en
net vir ʼn oomblik daarop speel?”
Die koster het eers nee gesê, want wat sou die
orrelis se reaksie wees as ʼn vreemdeling op die
kosbare instrument speel? Hy kon sy werk
verloor as die orrelis dit agterkom.
Tog het die vreemdeling weer gesmeek en vertel
hoe ver hy gereis het om die orrel te kon beleef
en, het hy die koster verseker, niks sal met die
orrel gebeur nie.
Die koster het so na die leë kerk gekyk en
gedink dit kan tog nie skade doen nie en toe
stem hy in dat die vreemdeling op die orrel mag
speel.
Die vreemdeling het homself voor die orrel
reggeskuif, ’n paar verstellings gemaak aan die
orrel se manuale en toe begin speel.
Die wonderlikste musiek het skielik die
katedraal gevul... musiek so hemels wat die
koster nog nooit vantevore in die katedraal
gehoor het nie!
Hy was meegevoer en aangeraak...
Toe die vreemdeling klaar gespeel het, het hy
die koster bedank en by die trappe van die
galery begin afloop. Die koster het hom egter
gekeer en uitgeroep: “Wag! Die was die mooiste
musiek wat ek nóg in hierdie katedraal gehoor
het. Wie is jy?”
Die vreemdeling het by die trappe omgedraai en
gefluister: “Felix Mendelssohn.”
Ja, die man was niemand anders nie as een van
die grootse orreliste en komponiste van die 19de
eeu!
Nadat Mendelssohn daar weg is, het die koster
vir ’n oomblik alleen daar gestaan en gedink oor
die pragtige musiek wat nog in sy siel weerklink
het: “Dink net – ek het amper verhoed dat die
meester sy musiek speel in my katedraal.”
Dit is ʼn bietjie ons storie met Jesus en met God
die Vader ook!
Deur ons bagasie uit die verlede met ons saam
te sleep, deur nie uit Sy vergifnis te lewe nie,
deur nie te leef in die wye oop ruimtes van Sy
genade nie, deur in vrees en onsekerheid te leef
omdat ons God nie vertrou dat Hy regtig in
beheer is nie - is om nie toe te laat dat Sy
musiek uit jou lewe weergalm nie!
Die beste wat ons kan doen is om deur die
werking van die Heilige Gees toe te laat dat God
se genade in Jesus ons lewens transformeer.
Soos wat 2 Kor. 3:18 dit so mooi verduidelik:
“Ons almal weerspieël die heerlikheid van die
Here, want die sluier is van ons gesig af
weggeneem. Ons word al meer verander om aan
die beeld van Christus gelyk te word.
Die heerlikheid wat van ons uitstraal, neem
steeds toe. Dit doen die Here wat die Gees is.”
Of soos die Message dit stel:
“...when God is personally present, a living
Spirit, that old, constricting legislation is
recognized as obsolete. We’re free of it! All of
us! Nothing between us and God, our faces
shining with the brightness of his face.
And so we are transfigured much like the
Messiah, our lives gradually becoming brighter
and more beautiful as God enters our lives and
we become like him.”
Dis die droom! Dit moet die droom wees van
elke gelowige! Nie net om die ewige lewe as
prys te verkry nie, maar om nou reeds – hier op
aarde – al meer en meer soos Jesus te leef en
op te tree en te klink.
Mag jy leef met ’n prentjie van God wat jou
vrymaak om Sy liefde in jou lewe te ervaar en
te leef.
Mag jy leer om elke dag te vertrou dat die Drie-
enige God selfs in jou gevind kan word.
Mag jy onthou dat jy elke dag - as gevolg van
Sy genade vrye toegang tot Sy genadige
teenwoordigheid het.
Mag jy ervaar – hoe buite beheer jou lewe dalk
ook al in hierdie stadium mag voel – dat God
steeds in beheer is en dat jy veilig in sy arms is.
Amen
5. Gebed
Here, ons bely dat ons dikwels leef met ’n
skeefgetrekte prentjie van U.
Dis ons eie sonde wat maak dat ons aan U dink
as ’n Pretbederwer. ’n Despoot.
Heilige Gees, wys ons hoe om te lewe, sodat ons
in ’n lewende verhouding met die Vader kan leef.
Here, ons is bekommerd oor die wêreld en wat
aan die gebeur is. Ons raak mismoedig en
verloor so maklik hoop. Daar is soveel dinge
wat ons verloor het en wat ons bang is ons nooit
weer gaan beleef nie.
En daar is soveel mense wat die risiko loop om
deur hierdie virus seergemaak te word, Here.
Ons weet nie wat om te doen en hoe om te help
nie.
Ons is nie in beheer nie, Here en ons kan nie
altyd sien dat U in beheer is nie. Ons glo dit –
al sien ons dit nie.
Ons bid vir ons regeerders. Ons owerhede. Ons
mediese personeel. Ons veiligheidsmagte. Vir
wysheid. Vir insig. Vir kalmte. Dat U liefde deur
hulle sal stroom.
Dankie, dat ons aan U mag behoort.
Dankie, vir U veilige arms om ons.
Amen
6. Bespreek die volgende vrae
Noem enige iets uit die boodskap wat jou
geraak het of wat jy nie verstaan nie.
As jy vir jou vriend in een sin ’n WhatsApp
moes stuur, wat dink jy wil die Here vandag vir
jou sê?
Wat is die hoop in ons lewe waarvan ons lees
in vers 15? Wat sal jy antwoord as iemand vir
jou vra oor die hoop wat in jou lewe is?
Daar is nog vrae wat julle kan bespreek by die
3iG-materiaal, asook die Kleingroep-materiaal
wat aangeheg is aan die dokument.
7. Offergawes
Baie dankie vir soveel lidmate wat reeds tot ons
Noodfonds bygedra het. Meer info word in die
Afkondigings deurgee.
Let wel dat jy net soos altyd jou dankoffer kan
gee. Ons het SNAPSCAN as ’n bykomende opsie
opgestel, maar niks het verder verander nie. Vir
meer info, besoek gerus ons webtuiste
www.ngkerkmelkbosstrand.co.za
8. Slotlied
Luister na hierdie lied van Riaan Benadé en Demi Lee Moore
https://youtu.be/xnckBQK987A
Meer as ooit dink ek dat dit tyd is om hierdie lied in Suid-Afrika te sing. Die lied se naam is ‘Dit is tyd om te sing’
https://youtu.be/8dMX22tJ4Fk
9. Seënbede
https://youtu.be/AIhAEABhdvw
10. Afkondigings
Daar het ’n brief van die kerkraad uitgegaan die
week – ons plaas die inhoud van die brief
hieronder.
Let asb. op dat ons Kategese groepe weer begin
het. Die kinders is almal opgedeel in
verskillende WhatsApp-groepe wat gefasiliteer
word deur een van ons kategete.
Moedig asb. julle kinders om deel te neem aan
die online gesprekke. Dit behoort nie meer as
15-30 minute uit hul week te neem nie.
Beste vriende in Christus
Covid 19 is sowaar besig om groot uitdagings aan ons almal te stel. Terwyl
ons in die tye nie as gemeente bymekaar kan kom nie, is ons dankbaar dat
die Heilige Gees steeds in almal van ons aan die werk is. Teen die tyd word
almal van ons geraak deur die emosionele, ekonomiese en maatskaplike
nood wat die inperking met Covid 19 tot gevolg het. Ons gebed is dat jy die
Here en Sy leiding in die tyd op nuwe maniere ervaar.
Ons hou jou/julle graag op hoogte en deel namens die kerkraad inligting
oor die gemeente se funksionering in die tye van die vlak 4 inperking:
1. Gemeente byeenkomste:
Geen gemeentebyeenkomste is nog toelaatbaar nie. Slegs troosdienste
kan gehou word, maar dan onderhewig aan streng beperkings. Kontak
die leraars in die verband.
Dit beteken dat ons noodwendig steeds alle beplande byeenkomste soos
eredienste, vergaderings, kleingroepe, die Pinkster-byeenkomste en die
40 -dae Geloofsreis, moet uitstel tot ons duidelikheid het oor die
toekoms.
Onthou intussen, julle is die gemeente en waar julle bid, lag en leef, daar
gebeur kerk en maak die Here deur Melkbosgemeente ’n verskil net
mooi waar julle nou is!
2. Funksionering van ons personeel en leraars.
Daar is steeds min ruimte vir die funksionering van die gemeente se
personeel en leraars.
Ons is dankbaar dat ons kerkperseel in die dae gebruik word as ’n
verspreidingspunt vir middele vir gesinne in nood binne die gemeente en
die groter Melkbos gemeenskap. Ons doen dit in samewerking met ’n
paar diensleweringsinstansies in ons gemeenskap.
In die lig daarvan, en met die nodige permitte, is die personeel vir drie
dae van die week in die voormiddae by die kantoor.
Leraars mag steeds nie roetine hospitaal en huisbesoek doen nie. Hulle
kan en wil wel by dringende geestelike en emosionele nood en ernstige
siekte kom ondersteun. Die maklikste is om in die tye direk met die
leraars te skakel of jou kerkraadslid te vra om dit te doen.
3. Roetine bestuur en onderhoud
Die roetine bestuur en onderhoud van die gemeente se finansies,
personeel en toesig oor die kerkperseel gaan aan met groot afwagting vir
die dag wat ons almal weer die fasiliteite kan gebruik en geniet.
4. Gemeente finansies
Ons het groot begrip dat baie van ons in die dae finansiële druk ervaar
met kommer oor die toekoms. Baie van julle ervaar dit selfs eerstehands
met werksverlies of verlies aan eie inkomste of by familie en vriende.
Desondanks is ons dankbaar vir die ruim bydraes wat julle maak tot ons
gemeente se Noodfonds met kospakkies, sop kook en geldelike bydraes.
Sedert die inperking het lidmate al R53 000 tot die fonds bygedra.
Hierdie bydraes, tesame met ons begroting vir ons
Barmhartigheidsbediening, stel ons in staat om medegelowiges in hul
nood te kan ondersteun.
Die verlies aan Sondae se bankkollektes en die groeiende ekonomiese
druk het noodwendig ’n negatiewe impak op die gemeente se lopende
begroting met ’n duidelike daling in inkomste. Ons hanteer dit deur die
begroting van die gemeente te vries en slegs die mees noodsaaklike
uitgawes aan te gaan.
Die Finansiële bediening evalueer die situasie weekliks en maak
eersdaags aanbevelings aan die kerkraad rakende verdere moontlike
besnoeiings. Ons bly egter weekliks verbaas en dankbaar vir julle
dankoffer inbetalings wat steeds gemaak word en ons tot op hede in
staat stel om alle noodsaaklikhede te kan hanteer. Ook dit is ’n toets vir
ons geloof. Dankie dat jy ook hierin na die Here se stem luister en Sy
leiding volg.
5. Dalk kan jy help?
Ons leer in die tyd op nuwe maniere dat ons mekaar nodig het. Ons
sorg en omgee vir mekaar maak dat ons Jesus meer eerstehands en
prakties ervaar. Dankie vir hoe julle na mekaar uitreik. As jy middele,
tyd of vaardighede het waarmee jy ander wil dien en nie weet hoe
nie, skakel gerus vir Ds Albertus, ds Faani of Gerda van die
Barmhartigheidsbediening. Dit kan dalk net die ding wees wat iemand
se gebede verhoor.
6. Geestelike groei en begeleiding
Hoewel ons verlang om ons byeenkomste te hervat, besef ons dat die
Here ons op nuwe maniere leer dat die gemeente bestaan uit mense wat
voor Hom saam is. Ons leraars doen moeite om op ons nuwe webtuiste
genoeg geestelike materiaal vir groot en klein beskikbaar te stel om julle
op ’n weeklike basis te kan begelei. Sien die webtuiste by:
https://ngkerkmelkbosstrand.co.za/ Ons leraars ontvang graag terugvoer
en versoeke in die verband.
7. Emosionele ondersteuning
Die groeiende onsekerheid, ingeperktheid en negatiwiteit maak dat
almal van ons diep in onsself moet grawe. Dit lei tot angstigheid,
magteloosheid en depressiwiteit by baie. Naas die leraars, het ons ook ’n
groepie opgeleide beraders in die gemeente, wat reeds besig is om ’n
luisterende oor te gee vir die wat sukkel met angstigheid of ’n donker
gemoed.
Dalk het jy net doodgewoon behoefte dat iemand luister of saam met
jou bid oor die telefoon. Tesame met die leraars kan die volgende
persone hiervoor by die volgende nommers gekontak word: Mariechen
Erasmus: 082 736 1512, Freda Rossouw: 081 5674999; Tielman
Rossouw: 082 395 6800 en Anton Basson: 083 229 5393
Met bogenoemde gesê, herinner ons mekaar daaraan dat ons saam met
ander gelowiges in die gemeenskap deel is van die kudde van die Goeie
Herder wat ons elkeen op die regte pad wil lei tot die eer van Sy Naam.
Kom ons dra mekaar in die gemeente deur vir mekaar te bly bid en toe
te laat dat die Here met ons almal praat en ons vorm, sodat ons,
wanneer ons weer as gemeente kan saam wees, baie God-stories het om
met mekaar te deel.
Groete in Christus
Ds Albertus
Namens die leraars en die kerkraad.
11. Luister
Ek besef orrelmusiek is nie in almal se smaak
nie, maar luister vandag net vir so ’n paar
minute na hierdie orrelwerke van Felix
Mendelsohn. Speel dit so hard as wat jy kan.
Maak jou oë toe.
https://youtu.be/hhMvETANi5o
of
https://youtu.be/EJfPnp8AS_k
12. Die storie agter die Groot Storie (as
jy dieper wil delf)
Vir die wat verder wil lees en wat dieper in die
teks wil delf:
Vers 13:
“Wie sal julle kwaad aandoen as julle julle
beywer vir wat goed is?”
Die gedagte dat die Here sy kinders beskerm
teen die vyand is nie ’n nuwe gedagte nie. Dit
word regdeur die Ou en Nuwe Testament
aangetref. (Psalm 56:4; 91:7; 118:6; Jesaja
50:9; Matteus 5:10-12; 10:28-31, 39; 16:25-
26; Lukas 12:4-7; 21:17-18 – om maar net ’n
paar te noem.) Paulus het vir die gemeente in
Rome gevra: “As God vir ons is, wie kan dan
teen ons wees?” (Rom 8:31)
Dit beteken egter nie – en hieroor is Petrus baie
duidelik – dat christene nie sal swaarkry nie. Dit
maak ons nie immuun teen seerkry en lyding
nie. Inteendeel, die vroeë christene is wreed
vervolg vir hulle geloof.
Die hoop van vervolgde christene is dus in die
eerste plek met die oog op die ewige lewe –
hulle mag dalk nou swaarkry, maar hulle sal in
die hemel beloon word!
God beloon en bemagtig egter ook nou reeds sy
volgelinge! Dawid het vir Goliat verslaan,
Gideon het met sy klein bendetjie die Midianiete
verslaan, Petrus is deur ’n engel uit die tronk
bevry!
Terwyl ons van dag tot dag die Here deur ons
lewens eer, in die geloof lewe, help Hy ons tog
nou reeds om hierdie lewe te navigeer en om
ware geluk en vrede te ervaar.
Die woord wat ons met ‘beywer’ vertaal het, is
zelotes – wat ons ook sou kon vertaal het met
‘nabootser’. Die Engelse woord zeal kan in die
Grieks gehoor word. Dit is om iets met passie
te doen.
“Zealots” het deesdae ’n negatiewe woord
geword – veral wanneer dit in terme van geloof
gebruik word. Google se woordeboek definieer
dit bv. as “a person who is fanatical and
uncompromising in pursuit of their religious,
political, or other ideals.” – maar Google
translate vertaal dit sommer net met ‘gelowige’!
Dit kan dus positief of negatief gebruik word –
maar Petrus moedig ons beslis hier aan om ons
met passie te beywer vir wat goed is, om ’n
‘goeie’ zealot te wees.
Vers 14:
“Maar selfs as julle sou ly omdat julle doen
wat reg is, moet julle dit as 'n voorreg
beskou. Moenie vir mense bang wees of
julle laat afskrik nie.”
14a is ’n direkte verwysing na die
Bergpredikasie, Matteus 5:10-12, wat sê
“Geseënd is dié wat vervolg word omdat hulle
doen wat reg is, want aan hulle behoort die
koninkryk van die hemel. 11 “Geseënd is julle
wanneer die mense julle ter wille van My beledig
en vervolg en valslik al wat sleg is van julle sê. 12 Wees bly en verheug, want julle loon is groot
in die hemel. Hulle het immers die profete voor
julle net so vervolg.”
Die ding is, Petrus vra die vraag: “Wie sal julle
kwaad aandoen as julle julle beywer vir wat
goed is” en sy lesers sou dadelik kon sê: “Ons is
kwaad aangedoen juis omdat ons die Here
dien!” Maar Petrus vra hulle om goed na te dink
oor presies waarom hulle swaarkry en wat die
gevolge van hulle gehoorsaamheid gaan wees!
14b is weer ’n verwysing na Jesaja 8:12 (“Julle
moenie bang wees en skrik vir die dinge
waarvoor hulle bang is nie.”) Jesaja moedig die
volk Israel aan om nie bang te wees vir hulle
vyande nie – net soos wat Petrus hierdie
christene in Klein-Asië aanmoedig om nie vir
hulle vyande bang te wees nie, maar om eerder
op God te vertrou en om aan te hou doen wat
reg is.
Vers 15:
“In julle harte moet daar net heilige
eerbied wees vir Christus die Here...”
Petrus gaan voort om die profeet Jesaja aan te
haal (Jes. 8:13) “Julle moet die Here die
Almagtige eer as die Heilige. Vir Hom moet julle
vrees en vir Hóm moet julle bang wees.”
“...Wees altyd gereed om 'n antwoord te
gee aan elkeen wat van julle ’n
verduideliking eis...”
Jesus het vir Petrus geleer dat hy gereed moet
wees, wanneer hulle hom aankla, om nie bang
te wees nie en om hom nie te bekommer oor
wat hy gaan sê nie, omdat die Heilige Gees hom
sal leer wat om te sê. (Lukas 12 en 21)
Petrus het, nadat hy met Jesus se kruisiging oor
hierdie hekkie gestruikel het en Jesus verloën
het, nooit weer gehuiwer om te getuig voor
mense nie. Hy het geglo dat mens eerder aan
God as mense gehoorsaam moet wees (Hand.
5:29, 42).
“...oor die hoop wat in julle lewe.”
Hierdie hoop wat in ons lewe, is nou verbind aan
ons geloof. Dit is gebaseer op die beloftes van
God in Sy Woord en op ons ervaring van God se
getrouheid. In hoofstuk 1 reeds het Petrus gesê
dit is ’n ‘lewende hoop’. Dit is die hoop op
verlossing en die hoop op God se seën te midde
van vervolging.
Vers 16:
“Maar doen dit met beskeidenheid en met
eerbied vir God.
Beskeidenheid is nie ’n swakheid nie. Dit is nie
‘onseker van jouself’ nie. Dis om die ‘stil-sterk-
tipe’ te wees.
Eerbied sou ook met ‘vrees’ vertaal kon word.
Dit gaan nie hier oor bang wees nie, maar om
respek vir God se almag en grootheid te hê. Dit
is om die Here en net die Here alleen te dien.
Dit behels gehoorsaamheid aan Sy wil.
Elke keer wanneer christene ‘getuig’ op so ’n
manier dat hulle liefdeloos oorkom, doen ons
eerder die evangelie skade aan.
“...Sorg dat julle gewete skoon bly sodat
dié wat julle oor julle goeie lewenswandel
in Christus belaster, daaroor skaam kan
kry dat hulle kwaad van julle gepraat
het.” ...”
Die Griekse woord suneidesis wat ons hier met
‘gewete’ vertaal het, behels ’n selfbewussyn.
Dit is om te weet wie jy is en waarheen jy op
pad is. Dis iets soos die stem binne jou wat jou
op die regte pad hou.
Vers 17:
“As dit die wil van God mag wees dat julle
moet ly wanneer julle goed doen, is dit
beter só as om te ly wanneer julle kwaad
doen.”
Petrus het reeds die punt in 2:20 gemaak. Daar
is niks masochisties aan ons geloofsbeoefening
nie – ons hoef nie vir pyn en lyding te gaan soek
nie! Maar as ons ly, omdat ons die Here dien,
sal Hy by ons wees en word ons aangemoedig
om te volhard.
Vers 18:
“Ook Christus het een maal vir die sondes
gely, die onskuldige vir die skuldiges, om
julle na God te bring, Christus wat as mens
doodgemaak is, maar deur die Gees lewend
gemaak is.”
Petrus maak die punt dat Jesus ons in hierdie
lyding voorgegaan het. Hy het dit gedoen sodat
Hy die Weg na die Vader kan wees. Dit is altyd
die doel van ons getuienis, van ons
evangelisasie, om mense by die Vader uit te
bring.
Vers 19 en 20:
“En so het Hy na die geeste in die
gevangenis gegaan en daar sy oorwinning
aangekondig. Dit is hulle wat aan God
ongehoorsaam gebly het toe Hy groot
geduld met hulle aan die dag gelê het in die
tyd toe Noag die ark gebou het. Net 'n klein
klompie in die ark, ag in getal, is deur die
water gered.”
Martin Luther het in sy kommentaar oor 1 Petrus
3 van vers 19 en 20 gesê dat hy nie ’n idee het
wat Petrus hiermee bedoel het nie! En nadat ek
’n klomp slim teoloë se opinie hieroor gelees het,
dink ek dis veilig om te sê dat ons nie eintlik ’n
idee het wat Petrus hiermee bedoel het nie.
Moontlik verwys hy na die onderwêreld of die
doderyk en dat Jesus ook sy oorwinning daar
gaan aankondig het, maar dit werk teologies nie
lekker nie. Ons verstaan dat hy verwys na
Genesis 6 en na Noag en sy vrou en kinders wat
deur die ark gered is en dat hy hiermee ’n
verband tussen die ark en die doop trek.
Dis dalk genoeg om te verstaan dat God in
beheer is oor alle sfere – lewe en dood. En al
mag die bose dink dat hy ’n mate van beheer
het, weet ons dat God klaar deur Jesus se
opstanding die bose oorwin het.
Vers 21:
“Dit dui op die doop, waardeur julle ook
nou gered word. Die doop is nie 'n
afwassing van die vuilheid van die liggaam
nie, maar 'n bede tot God om 'n skoon
gewete, en dit red julle op grond van die
opstanding van Jesus Christus.”
Beide die ark en die doop is tekens van God se
genade. Die ark is ’n simbool van Noag se
gehoorsaamheid aan God. Net soos wat om
gedoop te word ’n opdrag van God is. Net soos
water vuilheid wegwas, so is die doop die teken
dat ons sonde weggewas word.
Petrus maak dit hier duidelik dat ons nie gered
word bloot omdat ons ’n skoon gewete het of ’n
mooi, morele lewe lei nie – maar op grond van
die opstanding van Jesus Christus. Let asb. mooi
op dat Petrus nie sê dat die doop ons red nie!
Vers 22:
“Hy is nou aan die regterhand van God
nadat Hy die engele en magte en kragte
aan Hom onderwerp het en die hemel
ingegaan het.”
Dit verwys na die gedagte van Psalm 110:1 (Die
Here het vir my heer die koning gesê: “Kom sit
aan my regterhand, en Ek sal jou vyande aan
jou onderwerp.”
Jesus regeer nou vanaf die regterhand van God
die Vader.
13. Die Message se weergawe van 1
Petrus 3:13-22 13-18 If with heart and soul you’re doing good,
do you think you can be stopped? Even if you
suffer for it, you’re still better off. Don’t give
the opposition a second thought. Through thick
and thin, keep your hearts at attention, in
adoration before Christ, your Master. Be ready
to speak up and tell anyone who asks why
you’re living the way you are, and always with
the utmost courtesy. Keep a clear conscience
before God so that when people throw mud at
you, none of it will stick. They’ll end up
realizing that they’re the ones who need a
bath. It’s better to suffer for doing good, if
that’s what God wants, than to be punished for
doing bad. That’s what Christ did definitively:
suffered because of others’ sins, the Righteous
One for the unrighteous ones. He went through
it all—was put to death and then made alive—
to bring us to God.
19-22 He went and proclaimed God’s salvation to
earlier generations who ended up in the prison
of judgment because they wouldn’t listen. You
know, even though God waited patiently all the
days that Noah built his ship, only a few were
saved then, eight to be exact—saved from the
water by the water. The waters of baptism do
that for you, not by washing away dirt from
your skin but by presenting you through Jesus’
resurrection before God with a clear
conscience. Jesus has the last word on
everything and everyone, from angels to
armies. He’s standing right alongside God, and
what he says goes.
Kliek hier om die Boodskap te hoor/lees
14. Verdere hulpmiddels
Kyk gerus na die 3iG Dissipelskap materiaal. Dis
so opgestel dat drie vriende dit via
WhatsApp/Epos of telefoon kan bespreek.
Ons stuur steeds die Kleingoep-materiaal.
Daar is ook ’n Tuisblad om gesinne te help om
die teks gedurende die week te hanteer.
PRAKTIESE WYSHEID
VIR KLEINGROEPE
word stil
17 Mei 2020
Wat leer ons in verse 18-22 oor Christus en wat Hy gedoen het? Hoekom is dit belangrik? Wat is gewoonlik jou eerste reaksie wanneer iemand jou kwaad aandoen? Vergelyk dit met die reaksie wat deur Petrus voorgestel word. Hoe help die voorbeeld van Noag ons hiermee? Gesels oor hierdie gedagte: Hoe ‘n mens verontregting en lyding hanteer wys wie baas is in jou lewe. Op watter maniere ly gelowiges deesdae omdat hulle goed doen? Kan julle aan voorbeelde dink? Het dit al met jou gebeur?
As julle groep na die erediens bymekaarkom waarin die teks hanteer is: As daar tyd is, kan elkeen dit daarna weer op sy/haar eie tyd lees.
Noem enige iets uit die gedeelte wat jou geraak het. Of enige vrae wat jy nou het. Wat leer ons oor ‘n Christen se gewete en lewenswandel? Wat is die hoop in ons lewe waarvan ons lees in vers 15? Wat sal jy antwoord as iemand vir jou vra oor die hoop wat in jou lewe is?
Lees Psalm 66: 8-20
Dink na oor God se trou en oor hoe Hy luister en jou gebede verhoor.
Hoe ons nuut dink, doen en leef in die wêreld rondom ons.
Verder en Voor: Help mekaar om te dink aan praktiese maniere waarop julle hoop kan gaan uitleef.
Is daar enige iets waarvoor die groep vir jou kan bid? Dit sal goed wees as julle ’n gebedsjoernaal kan begin waarin julle gebedsversoeke kan neerskryf. Deel enige gebedsverhoring of Godservarings sedert julle mekaar laas gesien het. Hoe en waar het jy die afgelope week vir God beleef?
Dank God daarvoor.
Beantwoord een van die vrae oor jou week: Hoeveel uit 10 sal jy jou week gee en hoekom? Waarvoor is jy dankbaar en wat was vir jou moeilik? Waar het jy God aan die
werk gesien?
Vertel van iemand wat hoop uitstraal.
1 Petrus 3: 13-22
Noem enige iets uit die prediking wat jou geraak het of wat jy nie verstaan nie.
Wat dink julle was die hoofgedagte? Kan julle dit in een sin opsom?
3 STAPPE ‘n 3iG-groep is ‘n saam-glo groep wat deur bid, groei en dien Jesus dieper volg. Drie mense wat kies om saam te bid, saam te luister en saam ons geloof te leef.
2 ANDER Dit is slegs ek en 2 vriende wat ‘n spontane groep vorm. Dit kan egter ook uit meer as drie mense wees: ons familie of vriende of kollegas of mense in die gemeente.
1 GESREK Ons maak weekliks met mekaar kontak (deur ’n koffie-afspraak of telefonies) rondom die gefokusde saam-gesels van die week. Die leier – wat elke week wissel – sorg dat ons mekaar daardie week sien.
saam groei
saam bid
3iG
’n saam-glo dissipelskap gesprek
saam gesels
saam stap
17 MEI 2020
Ons vind nie tyd vir gebed nie, ons maak dit.
B.I.D. staan vir: B: Bely teenoor God Wie Hy vir jou is én bely ook jou gesukkel vir Hom. I: Intree vir ander ( bv. Jou 3iG-lede, jou familie, wêreld, ens.). D: Dankie-sê, maak daagliks jou dankie-lys en dank God daarvoor. LEWENS-LEUSE: Bely elke oggend en aand 1 Kor. 9:23 se waarheid: “23Dit alles doen ek ter wille van die evangelie, sodat ek aan die vrug daarvan deel kan hê.”
Wie is die mense vir wie die eerste Petrusbrief geskryf is? Ja, inderdaad het hulle in die provinsies van Pontus, Galasië, Kappadosië, Asië en Bitinië gewoon. Godsdienstig word hulle beskryf as vreemdelinge en bywoners en wat weens hulle andersheid daarvoor gely het. Sosiologies was hulle ’n onbeduidende, verstrooide, lewensvreemde, klein minderheidjie versprei oor Klein-Asië. Hulle was sonder mag of invloed. In die oë van die ander mense van Klein-Asië en van die gereg was hulle as misdadigers gereken. Hulle is verag en beledig. Dit wil voorkom asof hulle geen toekoms of hoop gehad het nie. Niemand gee vir hulle om nie. Sommige van hulle is slawe wat uitgelewer is aan die willekeur van onregverdige eienaars. Van die vroue is aan die genadeloosheid van hul onbarmhartige mans oorgelaat. Wie is hulle? Niemand nie. Niks. Deur niemand geag of gereken nie. Uitgeskuifdes, nie in tel nie, onbelangrik. Vir sulke mense noem Petrus uitverkorenes van God, deur God die Vader vooraf bestem en uitverkies en deur die Gees afgesonder. Lees nou 1 Petrus 3:13-22 aandagtig deur.
Ons lees nie die Bybel nie, ons laat die Bybel ons lees.
Jesus verwag van ons minder nastaar (admiration) en meer naleef (imitation).
1. Kan jy aan ‘n geleentheid dink toe jy gely het, omdat jy goed aan ander gedoen het.? Vertel vir mekaar daarvan? Hoe het jy daaroor gevoel? Hoe het jy daaroor gedink?
2. 1 Petrus gee insiggewende perspektiewe op lyding as deel van navolgers van Jesus se lewe: hulle word bedroef gemaak deur allerhande beproewings sodat die egteheid van hulle geloof getoets kan word (1:6-7); soos Christus, wat verwerp, maar uiteindelik geëer is, ly hulle ook (2:4-10); hulle volg die voorbeeld van Christus
Geloofsgewoonte: Om God te aanbid. Met hierdie geloofsgewoonte leer ons om blymoedig en vreugdevol ons in God te verlustig, ons saam met ander in God se teenwoordigheid te verbly en in verwondering oor sy Woord Hom in gebed en sang, maar ook in stilte te aanbid. Lees hieroor Ps. 16:7, 9 en 11; 139:14; 47:1Fil. 1:9-10 en Kol. 1:9. . Doen-dinge:
1. Waar beleef jy God se teenwoordigheid die meeste? In die natuur? Terwyl jy na christelike musiek luister? Tydens ’n erediens? Of in stilte? Soek die plek gereeld op. Deel met God in gebed wat jy daar beleef.
2. Noem al God se gawes aan jou op. Maak ’n lysie van sy voorsiening, leiding en liefde. Skryf ’n lied of gedig of maak ’n collage van jou belewenis van God.
3. Vier God se groot verlossingsdade in aanbidding regdeur die kerkjaar: advent,
kersfees, epifanie, lydenstyd, paasfees, pinkstertyd en die tyd van die koninkryk. .
Dink-dinge: 1. Wat gaan deur jou gemoed wanneer jy ander gelowiges sien wat God aanbid en
dit soms op maniere wat heeltemal van jou manier van aanbidding verskil?
2. Dink aan iemand wat werklik die lewe en God heelhartig geniet en vier. Wat dink jy kan jy by sy/haar manier van aanbidding leer?
3. Hoe kan aanbidding van God ’n lewenswyse word?
Eers vorm ons gewoontes en dan vorm die gewoontes ons.
in sy lyding (2:18-25) en hulle moet dit as ‘n voorreg beskou as hulle ly omdat hulle doen wat reg is (3:14). Verduidelik vir mekaar hoe dit jou verstaan van lyding verander het.
3. Net soos in 2:22-25, verplaas Petrus die fokus weg van hulle eie lyding en plaas dit
binne ‘n nuwe raamwerk, naamlik die lyding van Christus in 3:18-22. Hier word Christus se onregverdige lyding en dood, nie as ‘n nederlaag beskryf nie, maar as ‘n triomfantlike oorwinning oor alle bose magte. Beskryf hierdie hoopvolle perspektief wat dit vir die eerste lesers moes open. Watter hoop bied dit ook vir julle as navolgers van Jesus vandag, wat ook dikwels moet ly terwyl julle doen wat reg en goed is?
4. Herinner mekaar aan die betekenis daarvan dat Christus nou aan die regterhand
van God is (vers 22). Omskryf die troos wat hierdie waarheid vir lydende navolgers van Jesus bied. Watter uitwerking moes hierdie troos op hulle hê, dink julle?
5. Dink na oor jou lewe as navolger van Jesus: Hoe lojaal is ek aan Jesus Christus te
midde teenkanting, verwerping en lyding?
ons nuwe storie ons storie
FAMILIE TUISBLAD
GOD se storie
Rituele en gewoontes
1 Petrus 3:13-22
17 Mei 2020
Kan jy onthou van ’n keer toe jy ’n goeie ding gedoen het EN toe sleg behandel is daaroor? Vertel vir mekaar daardie storie.
Om te weet wat reg is, is soms moeilik. Om die regte ding te doen is soms moeiliker.
Wanneer ons dan sleg behandel word oor die keuse wat ons gemaak of die aksie wat ons uitgevoer het, maak dit, dit die moeilikste om WEER so te maak.
Dit voel soms of daar ’n geveg / stryd is tussen die mense wat goeie goed wil doen en die mense wat slegte goed wil doen.
Dit lyk ook soms of die slegte, die goeie wen.
Petrus herinner ons dat Jesus doodgemaak is, maar dat God Hom lewendig gemaak het. So het Jesus finaal die geveg/ stryd gewen teen die slegte en die dood.
Ons kan daarom aan Jesus vashou. Ons kan vashou aan Sy oorwinning. Ons kan aanhou goed doen - want ons weet Jesus het gewen.
Tydens lockdown is daar baie mense wat dink hulle word sleg behandel.
Dalk kan hulle nie werk of ’n inkomste verdien nie.
Baie mense voel moedeloos.
Wat kan jy / julle doen om mense te help? Wat kan julle doen om mense te help om minder moedeloos te voel?
Hoe kan ons aanhou om goed te doen?
God se kinders is mense wat goed doen.
God hou daarvan as Sy kinders reg optree.
MAAR deur die geskiedenis het kinders van God besef dat mense nie altyd positief reageer wanneer hulle die regte ding doen nie.
Petrus herinner die kinders van God in Turkye dat Jesus ook sleg behandel is deur somige mense.
Dit kan ons help om te onthou dat Jesus aangehou het om goed te doen selfs aan die mense wat Hom sleg behandel het.
wat wil jy vandag bereik?
ons storie: ysbreker (hier en nou)
Ter wille van gemeentes wat gewoond is aan die ritme
van Kontak-kategese, plaas ons in hakies
hoe dit in daardie raamwerk inpas.
Besef egter asb. dat NOUS weggestap het van
Kontak-kategese. NOUS se kategese-model is steeds gebaseer op Groome se model, maar ons het dit verder ontwikkel sodat dit makliker in
gemeentes toegepas kan word.
Gemeentes is welkom om lede
van die NOUS span te nooi
om opleiding rondom hierdie metodiek
te kom aanbied.
GOD se storiewat sê die Bybel (daar en dan)
word stil
Lees Psalm 16
Lees weer vers 6.
As jy / julle kans het: gesels oor water mooi goed het God vir jou gee. Waarvoor is jy dankbaar in lockdown.
Hoërskool Kategese
17 Mei 2020
1 Petrus 3:13-22
Ons is steeds in die boek 1 Petrus besig. Onthou dat die boek geskryf is aan kinders van God wat hulle
bes probeer om te leef volgens hulle geloofsoortuigings. Die land waarin hulle woon het egter geen geduld of repek
hiervoor nie. Petrus wil hulle hoop gee en aanmoedig om steeds te doen
wat reg is. Hulle kan hulle hoop plaas op Jesus wat self sleg behandel is
omdat Hy gedoen het wat reg is.
Kan jy onthou van ’n keer toe jy ’n goeie ding gedoen het EN toe sleg behandel is daaroor? Vertel vir mekaar daardie
storie.
Om te weet wat reg is, is soms moeilik. Om die regte ding te doen is soms moeiliker.
Wanneer ons dan sleg behandel word oor die keuse wat ons gemaak of die aksie wat ons uitgevoer het, maak dit,
dit die moeilikste om WEER so te maak.
As daar tyd is, kan elkeen dit daarna weer op sy/haar eie tyd lees.
Lees 1 Petrus 3:13-22
ons nuwe storie na die erediens
gesels dan oor die volgende saam
bid vir mekaarIs daar enige iets waarvoor die groep vir jou kan bid?
Onthou julle nog die ABC van gebed? Aanbidding
“Here, ek aanbid U, want...”
Belydenis “Here, vergewe my vir...”
Voorbidding “Ek bid vandag vir...”
Danksegging “Dankie, vir...”
Eie behoeftes en toewyding
Noem enige iets uit die gedeelte wat jou geraak het. Of enige vrae wat jy nou het. God se kinders is mense wat goed doen. God hou daarvan as Sy kinders reg optree.
MAAR deur die geskiedenis het kinders van God besef dat men-se nie altyd positief reageer wanneer hulle die regte ding doen nie.
Is daar ’n voorbeeld uit die geskiedenis (waarvan julle weet) toe mense negatief gereageer het op mense wat probeer om goed te doen?
Petrus herinner die kinders van God in Turkye dat Jesus ook sleg behandel is deur somige mense.
Dit kan ons help om te onthou dat Jesus aangehou het om goed te doen selfs aan die mense wat Hom sleg behandel het.
Dit voel soms of daar ’n geveg / stryd is tussen die mense wat goeie goed wil doen en die mense wat slegte goed wil doen.
Dit lyk ook soms of die slegte, die goeie wen.
Het jy dit al so beleef? Vertel daarvan?
Petrus herinner ons dat Jesus doodgemaak is, maar dat God Hom lewendig gemaak het. So het Jesus finaal die geveg/ stryd gewen teen die slegte en die dood.
Ons kan daarom aan Jesus vashou. Ons kan vashou aan Sy oorwinning. Ons kan aanhou goed doen - want ons weet Jesus het gewen.
Watter hoop neem jy daaruit om te weet dat Jesus die dood oor-win het?
Hoe ons nuut, dink, doen en leef in die wêreld rondom ons. Verder en Voor
As julle groep na die erediens bymekaarkom waarin die teks hanteer is
Noem enige iets uit die prediking wat jou geraak het of wat jy nie verstaan nie.
Wat dink julle was die hoofgedagte?
Kan julle dit in een sin opsom?
Tydens lockdown is daar baie mense wat dink hulle word sleg be-handel. Dalk kan hulle nie werk of ’n inkomste verdien nie. Baie mense voel moedeloos. Wat kan jy / julle doen om mense te help? Wat kan julle doen om mense te help om minder moedeloos te voel?
Hoe kan ons aanhou om goed te doen?