San Pawl f’Malta

10 ta’ Frar

Pawlu kien PaganDarba kien hemm raġel li kien jismu Pawlu. Pawlu kien Pagan, jiġifieri ma kienx jemmen f’Alla. Parti mix-xoghol tiegħu kien li jaqbad l-Insara u jagħlaqhom fil-ħabs.

Il-Konverżjoni ta’ San PawlDarba waqt li kien għaddej fuq iż-żiemel tiegħu, Pawlu ra dawl kbir. Id-dawl għamieh, u għalhekk hu ma setax jara. Hu semgħa leħen jgħidlu, “Pawlu, għalfejn qed tippersegwetani.” Il-leħen kien ta’ Alla li ma kienx qed jieħu gost b’dak li kien qed jagħmel Pawlu. Alla bgħat lil Pawlu għand Ananija biex dan jgħallmu fuq Alla.

Pawlu tgħallem fuq Alla u sar nisrani. Il-ħbieb li kellu Pawlu ma tantx ħadu gost bih. Għalhekk qabduh u tefgħuh il-ħabs.

Pawlu fi triqtu lejn RumaPawlu kellu jidher quddiem il-qorti ta’ Ruma, peress li huwa kien Ruman. Flimkien ma priġunieri oħra huma bdew vjaġġ twil minn Damaskus għall-Ruma fuq ġifen kbir.

Il-Ġifen maħkum minn maltempata

Huma u sejrin lejn Ruma, il-ġifen gie maħkum minn maltempata kbira. In-nies ta’ fuq il-ġifen bdew jibżgħu ħafna għax ħasbu li kienu se jgħerqu.

Pawlu jagħmlilhom kuraġġLill-Pawlu deherlu anġlu tal-Mulej. Dan qallu li huma kienu se jsalvaw kollha. Qalilhom ukoll li kellhom jsibu Gżira viċin. Din il-Gżira kienet Malta.

Il-GżiraIl-ġifen tkisser meta ħabat ma sikka li kienet ftit bogħod mill-art. In-nies li kien hemm fuq il-ġifen għamu sal-blat tal-gżira li kienet viċin. Il-Gżira kien jisimha Malta. Il-Maltin ta’ dak iż-żmien għenu ħafna lil Pawlu u lil sħabu.

San Pawl u l-LifgħaPawlu ġabar ftit ħatab biex jagħmel ħuġġieġa kbira, u b’hekk ikunu jistgħu jisħnu. Mill-ħatab ħarget lifgħa li daret m’ id Pawlu. Pawlu kien pront farfar il-lifgħa minn idu. Il-lifgħa ma għamlet l-ebda ħsara lil Pawlu.

Il-Maltin baqgħu mistgħaġbaIl-Maltin stagħġbu meta raw li l-lifgħa ma għamlet l-ebda ħsara lil-Pawlu. Kien hemm min ħaseb li Pawlu kien xi alla. Oħrajn ħasbu li kien xi qattiel.

San Pawl f’MaltaSan Pawl dam 3 xhur f’Malta. Hu għallimna fuq Alla. Għalhekk aħna nsejħulu Missierna San Pawl. Bis-saħħa ta’ San Pawl aħna sirna poplu nisrani. GRAZZI SAN PAWL.

Sib it-tajba

• Pawlu kien għaddej ( biż-żiemel, bil-karozza) meta kellmu Alla.

• Pawlu kien minn (Ruma, Malta).

• Pawlu kien sejjer Ruma (bl-ajruplan, ġifen)

Sib it-tajba• Il-baħar kien (bnazzi, imqalleb).

• Lill-Pawlu deherlu (ajruplan, anġlu).

• Il-Gżira li ħabtu magħha kienet (Sqallija, Malta).

Biex tibda

____an Pawl ____ ifen

____rar ____żira

____alta ____altempata

____ifgħa ____uma