npaj tau txhij - anchorage, alaska...yog pom pa taws ncho lossis hluav taws kub. hu rau 911 yog tias...
TRANSCRIPT
1
NPAJ TAU TXHIJ
KUV TXOJ KEV
NPAJ RAU THAUM MUAJ XWM
TXHEEJ CEEV
NPE: XOV TOOJ: COV LUS CIM CIA:
Kev Tswj Hwm
Xwm Txheej Ceev
Tus Tuav Txoj Num
Joseph J. Esposito
Phau ntawv qhia no raug yoog
raws li kev tso cai ntawm NYC
Emergency Management (Kev
Tswj Hwm Xwm Txheej Ceev)
Tsab thaum Lub Plaub Hlis 2017
KUV COV NTAUB NTAWV
Thov sau rau. Yog tias saib ua daim
ntawv PDF, nyem rau ntawm cheeb tsam
cim ua xim txhawm rau los ntaus cov
ntaub ntawv rau hauv.
Npe:
Chaw Nyob:
Xov Tooj Hu Tau Yav Nruab Hnub:
Tus Xov Tooj Hu Yav Tsaus Ntuj:
Xov Tooj Ntawm Tes:
Email:
1
3
Muaj peb kauj ruam tseem ceeb rau
kev npaj kom txhij txhawm rau hais
daws thaum muaj xwm txheej ceev:
TSIM IB TXOJ KEV NPAJ
NPAJ COV KHOOM SIV
TAU TXAIS COV LUS QHIA
Xav txog tias seb cov xwm txheej
thaum ti tes ti taw yuav cuam tshuam li
cas rau koj. Cov xwm txheej ceev yuav
suav txij li kev ntog hauv tsev mus
txog ntua tej kev uas tsev kub hnyiab
thiab av qeeg. Siv phau ntawv qhia nod
tam sim no los teev txhua yam uas koj
xav tau thaum muaj xwm ceev.
Thov teb rau cov seem lus uas siv tau
rau koj cov kev xav tau.
2
TSIM IB
TXOJ KEV
NPAJ
TSIM KOM MUAJ IB PAB PAWG (NETWORK)
MUAB KEV PAB TXHAWB NQA
Tsis txhob hais daws qhov kev kub ntxhov tib leeg xwb. Thov
kom tau tsawg kawg yog ob tug neeg los koom nrog nyob
hauv koj pab pawg muab kev pabcuam thaum muaj xwm
ceev - cov neeg hauv tsev neeg, cov phooj ywg, cov neeg
nyob ze, cov neeg zov menyuam, cov neeg ua haujlwm,
lossis cov tswv cuab ntawm cov pab pawg koomhaum hauv
zejzos. Nco ntsoov tias, nej tuaj yeem sib pab thiab muab
kev nplij siab thaum muaj xwm ceev.
Thaum lub sij hawm muaj xwm ceev peb pab pawg yuav tsum:
Nyob hauv kev sib tiv tauj tau.
Paub txog qhov chaw nrhiav koj cov khoom siv thaum muaj
xwm ceev.
Paub txov kev siv koj cov khoom siv kho mob thiab pab coj
koj mus rau qhov muaj kev nyab xeeb.
Lub network pab txhawb nqa thaum muaj xwm ceev cov
ntaub ntawv sib tiv tauj:
Npe/ Kev Txheeb Ze:
Xov Tooj (hauv tsev/ tom
haujlwm/ ntawm tes):
Email:
Npe/ Kev Txheeb Ze:
Xov Tooj (hauv tsev/ tom
haujlwm/ ntawm tes):
Email:
Xaiv ib tug phoojywg lossis kwvtij nyob rau lwm cheeb tsam
uas nws tsev neeg lossis cov phooj ywg tuaj yeem hu tau
thaum muaj txheej xwm kev puas tsuaj. Yog hais tias cov
xov tooj hauv zos tsis khoom, cov kev hu xov tooj ncua kev
deb kuj yuav yooj yim dua. Tus neeg rau kev sib tiv tauj
nyob rau lwm cheeb tsam no tuaj yeem pab koj txuas lus
nrog cov neeg hauv koj lub network.
Cov ntaub ntawv sib tiv tauj uas nyob rau lwm cheeb tsam:
Npe/ Kev Txheeb Ze:
Xov Tooj (hauv tsev/ tom
haujlwm/ ntawm tes):
Email:
3
TSIM KOM MUAJ IB
TXOJ KEV NPAJ
Lus Qhia Txog Kev Noj Qab Haus Huv & Kev Kho Mob
Npaj ib txoj kev npaj cia uas phim tshaj plaws rau koj
cov kev xav tau. Nrog koj tus kws kho mob, kws tshuaj,
thiab lwm tus kws kho mob sib tham hais txog koj cov
kev xav tau tshwj xeeb thiab seb yuav ua li cas thiaj ua
tau li thaum muaj xwm ceev.
Luam ib daim ntawm koj cov ntaub ntawv sib tiv tauj
thaum muaj xwm txheej ceev thiab cov ntaub ntawv kho
mob; khaws nws cia rau hauv koj lub hnab nyiaj txhua
lub sijhawm.
Cov ntaub ntawv tseem ceeb qhia txog kev noj qab haus
huv thiab kev cawm lub neej txoj sia:
Kev ua xua:
Lwm yam mob:
Cov tshuaj noj tseem ceeb thiab
qhov ntau tsawg noj txhua hnub:
Daim ntawv yuav tsom ia qhov muag:
Hom ntshav:
Cov khoom siv sib txuas lus:
Cov cuab yeej:
Daim ntawv pov hwm kev kho mob:
Lub tsev kho mob xav tau:
Ib Leeg # / Pab Pawg #:
Tus Kws Kho Mob/ Tus Kws
Tshwj Xeeb:
Xov Tooj:
Tus Kws Kho Mob/ Tus Kws
Tshwj Xeeb:
Xov Tooj:
Khw Muag Tshuaj:
Chaw Nyob:
Nroog:
Xov Tooj/ Fev:
4
TSIM IB TXOJ KEV NPAJ
TSIM KOM MUAJ
IB TXOJ KEV NPAJ (TXUAS NTXIV)
Cov xwm txheej kev noj qab haus huv ceev ntawm pej xeem
yog suav txij li ntawm huab cua kub heev mus txog rau kev
sib kis ntawm ib tus kab mob. Cov kev phom sij no tuaj
yeem cuam tshuam rau txhua tus neeg. Nyob rau thaum
muaj xwm txheej ceev rau fab kev noj qab haus huv:
◼ Nyob twj ywm hauv tsev yog koj muaj mob.
◼ Yog tias koj muaj cov tsos mob hnyav lossis mob hnyav
heev, mus rau tom tsev kho mob lub chav kho mob xwm
txheej ceev kiav tam sim ntawv los yog hu rau 911.
◼ Nquag ntxuav tes uas yog siv xab npum los yog tshuaj
ntxiav tes uas muaj cawv nrog.
◼ Qhib saib TV thiab mloog lub xov tooj cua tshaj tawm
hauv zos kom paub cov kev tshaj tawm txog kev noj
qab haus huv.
◼ Sib txuas lus
Sau cov kev sib txuas lus cia nrog rau hauv Koj Txoj
Kev Npaj
Siv sij hawm tam sim no los npaj tswv yim cia seb koj yuav
sib tham nrog cov phooj ywg lossis cov neeg ua hauj lwm
xwm ceev thaum muaj xwm txheej ceev tau li cas. Nyob rau
lub sij hawm thaum muaj xwm txheej ceev no, tej zaum koj
txoj kev sib txuas lus zoo li ib txwm siv yuav raug cuam
tshuam los ntawm cov kev hloov ntawm ib puag ncig, lub
suab nrov, kev cuam raug tshuam lossis ntsib kev tsis meej
pem. Koj qhov kev npaj rau thaum muaj xwm txheej ceev
yuav tsum muaj ntau txoj hauv kev uas koj tuaj yeem sib
txuas lus nrog lwm tus tau.
◼ Yog tias koj lag ntseg lossis tsis hnov lus zoo, xyaum
ua lwm txoj hauv kev los qhia koj cov kev xav tau, xws
li siv kev piav tes, cov ntawv cim lus, sau lus hauv xov
tooj, lossis lwm yam.
◼ Yog tias koj dig muag los yog tsis pom kev zoo, npaj kom
txhij los piav qhia rau lwm tus neeg seb txoj hau kev twg
yuav pab taw qhia tau koj zoo tshaj plaws.
5
Sib Txuas Lus Nrog Lwm Tus
Sau cov lus luv luv uas yuav pab tau koj thaum muaj xwm
ceev. Cov npav sau ntawv cia ua ntej lossis cov ntawv sau
cia hauv xov tooj tuaj yeem pab koj sib qhia cov ntaub
ntawv tau nrog koj lub network muab kev pab txhawb
nqa lossis cov neeg ua hauj lwm thaum muaj xwm ceev
thaum muaj kev ntxhov siab lossis tsis xis nyob. Tej
zaum koj yuav tsis muaj sij hawm ntau los xa koj cov lus
kom thoob plaws. Cov nqe lus tuaj yeem muaj xws li:
◼ Tej zaum kuv yuav tsis to taub yam uas koj tab tom hais
qhia rau kuv. Thov maj mam hais lus thiab siv cov lus
yooj yim lossis cov duab nrog.
◼ Kuv siv ib lub cuab yeej los sib txuas lus.
◼ Kuv yog neeg lag ntseg thiab siv Cov Lus Piav Tes Meskas.
◼ Thov sau cov lus taw qhia.
◼ Kuv hais lus [sau hom lus uas koj hais rau hauv qab no].
Cov nqe lus uas koj sau ua ntej yuav tsum siv rau
thaum muaj xwm ceev nyob sab hauv thiab nyob sab
nrauv ntawm koj lub tsev. Nco ntsoov nqa nrog koj
txhua lub sij hawm. Yog tias koj muaj teeb meem, thov
kev pab los ntawm tsev neeg, cov phooj ywg, los yog
cov neeg saib xyuas.
Hauv qab no yog qhov chaw rau koj sau koj cov nqe lus:
6
TSIM IB TXOJ KEV NPAJ
PAUB TXOG TIAS YUAV
KHIAV TAWM TAU LI CAS
Cov Chaw Mus Sib Ntsib
Paub txog tias seb koj yuav mus ntsib tau tsev neeg, cov
phooj ywg, lossis cov neeg saib xyuas nyob rau qhov twg tom
qab muaj xwm txheej ceev. Xaiv ob qhov chaw rau mus sib
ntsib: ib qho nyob rau sab nraum zoov ntawm koj lub tsev
thiab ib qho nyob rau sab nraud ntawm koj lub zej zog, xws li
lub tsev qiv ntawv, chaw hauv zej zog, lossis chaw teev hawm.
Coj tus cwj pwm kev kawm paub txog kev khiav tawm thaum
twg koj mus nyob hauv ib qho chaw tshiab (piv txwv, hauv
khw, tsev noj mov, tsev saib yeeb yaj kiab).
Thaj chaw sib ntsib ze ntawm
tsev:
Chaw Nyob:
Thaj chaw sib ntsib sab nrauv
ntawm koj cov neeg nruab ze:
Chaw Nyob:
Cov tub ceev xwm hauv zos
qhov chaw:
Xov tooj thiab chaw nyob:
◼ Khiav tawm tam sim ntawd yog tias koj tab tom poob rau
hauv txoj kev phom sij.
◼ Khiav tawm tam sim ntawv yog tias koj hnov tsw pa roj, los
yog pom pa taws ncho lossis hluav taws kub.
◼ Hu rau 911 yog tias koj xav tau kev pab thaum muaj
xwm ceev.
◼ Nco ntsoov qhib lub xov tooj cua thiab TV hauv zos los
mloog, kom paub cov lus qhia txog xwm txheej ceev.
7
Paub Qhov Chaw Uas Koj Yuav Mus Nyob
Xaiv cov phooj ywg lossis tsev neeg uas koj tuaj yeem
mus nyob tau nrog lawv thaum koj tsis muaj peev xwm
nyob tau hauv tsev lawm.
Kuv mus nyob tau nrog:
Npe/ Kev Txheeb Ze:
Chaw Nyob:
Xov Tooj (hauv tsev/ tom
haujlwm/ ntawm tes):
Email:
Npe/ Kev Txheeb Ze:
Chaw Nyob:
Xov Tooj (hauv tsev/ tom
haujlwm/ ntawm tes):
Email:
Nquag xyaum txoj kev khiav tawm ua ke nrog cov neeg
hauv koj tsev neeg (nrog rau koj cov tsiaj yug thiab tsiaj
txhu) thiab xav txog ntau yam txheej xwm sib txawv uas
koj yuav ntsib, xws li kev tws lossis kev tawm.
Txhua tus neeg nyob hauv cov tuam tsev uas thev rau kev raug hluav taws kub raug sam fwm
kom ua raws li cov nram qab no thaum muaj hluav taws kub:
Yog tias qhov hluav
taws kub yog nyob
hauv koj lub tsev:
◼ Tawm khiav kiag tam
sim ntawv thiab kaw
koj lub qhov rooj rau.
◼ Hu rau 911 thaum
koj tawm hauv chav
tsev mus.
Yog tias qhov hluav taws kub tsis yog nyob hauv
koj lub tsev:
◼ Nyob twj ywm hauv koj lub tsev.
◼ Hu rau 911; qhia rau tus neeg teb xov tooj paub tias
koj nyob ntawd.
◼ Kaw koj lub qhov rooj twj ywm. Yog tias cov pa taws nkag
los rau hauv koj chav tsev, muab ib daim ntaub ntub dej tso
rau hauv qab ntawm koj lub qhov rooj.
8
TSIM IB TXOJ KEV NPAJ
PAUB TXOG TIAS YUAV KHIAV
TAWM TAU LI CAS (TXUAS NTXIV)
Kev Thauj Mus Los
Npaj xa lwm cov phiaj xwm kev thauj mus los yog tias lub npav
lossis lwm hom kev thauj mus los ntawm koj thaj chaw tsis
khiav lawm. Sau npe rau Nixle, Anchorage txoj kev pabcuam
dawb, kev sib txuas lus thaum muaj xwm txheej ceev, rau cov
lus qhia txog cov xwm txheej kub ntxhov thiab kev hloov kho
rau cov kev pabcuam tseem ceeb hauv Nroog.
Lwm lub tsheb npav:
Lwm txoj hau kev thauj mus:
Lwm yam:
Kuv yuav hu rau (tus phooj ywg):
Xov Tooj (hauv tsev/ tom
haujlwm/ ntawm tes):
Tsheb tavxij pab thauj:
Xov Tooj:
Nco ntsoov: yog tias koj xav khiav tawm hauv koj lub tsev
mus thaum muaj xwm txheej ceev thiab xav tau kev pab,
thov hu rau 911.
Yog tias muaj daim ntawv xaj rau kev khiav tawm, thov
khiav tawm raws li tau qhia. Siv sij hawm ntxiv rau kev
thauj mus thiab xav txog koj cov kev xav tau.
Tsis txhob hnov qab nqa koj cov tsiaj yug hauv tsev.
Cov neeg xiam oob khab los yog xav tau lwm cov kev pab
cuam los yog cov kev pab cuam uas tsis muaj lwm txoj hau
kev xaiv khiav tawm muaj peev xwm thov tau kev pab thauj
mus los uas yog hu rau 911.
Nyob ntawm seb koj xav tau dab tsi, koj yuav raug
coj mus rau:
◼ Ib qho chaw khiav tawm uas siv tau hauv ib lub tsheb uas siv
tau, LOS SIS
◼ Ib lub tsev kho mob uas nyob sab nrauv ntawm qhov chaw
khiav tawm uas yog siv tsheb thauj neeg mob.
9
TSIM KOM MUAJ IB
TXOJ KEV NPAJ
Yog tias koj tau txais kev pab los ntawm cov kev pab cuam
thaum muaj xwm txheej ceev koj yuav tsis tuaj yeem thov
rau kev thauj mus rau ib qhov chaw nyob uas tshwj xeeb.
Khiav tawm kom ntxov yog tias koj tsuas vam khom tau rau
cov chav nce qib kom thiaj tawm tau hauv koj lub tsev mus
nkaus xwb. Cov chav nce qib tuaj yeem yuav siv tsis tau thiab
tej zaum yuav tsis khoom nyob rau txhua lub sijhawm.
Kuv Txoj Kev Npaj Kev
Khiav Tawm
Tsev Nkaum Kev Kub Ntxhov
Yog thaum muaj xwm txheej ceev sam fwm kom koj khiav
tawm los yog tiv thaiv koj kom tsis txhob nyob hauv tsev, xav
txog kev mus so rau hauv lub tsev so, tus phooj ywg lossis tus
txheeb ze lub tsev los yog chaw nkaum kev kub ntxhov.
Cov chaw nkaum thaum muaj kev kub ntxhov yuav YUAV
raug teeb tsa rau hauv cov tsev kawm ntawv, lub Nroog cov
vaj tse, thiab chaw teev ntuj. Cov chaw nkaum thaum muaj
kev kub ntxhov muab khoom noj khoom haus, dej thiab
khoom siv TSEEM CEEB. Npaj nqa cov khoom uas koj xav tau,
nrog rau cov khoom siv tshwj xeeb (xws li, cov pa oxygen,
cov khoom siv hluav taws xob, roj teeb, thiab lwm yam). Cov
neeg hauv koj tsev neeg los yog cov tswv cuab ntawm koj pab
pawg txhawb nqa thaum muaj xwm txheej ceev tuaj yeem
tuaj nrog koj mus rau ib qho chaw nkaum kev kub ntxhov.
Yog tias koj yog tus tswv tsiaj, khi koj tus tsiaj rau hauv
lub nkuaj kaw tsiaj los yog nrog cov phooj ywg lossis kwv
tij neej tsa kom deb ntawm cheeb tsam kev khiav tawm.
Yog tias koj tsis tuaj yeem ua tau li ntawv, cov chaw kaw
tsiaj yuav raug tsim kom muaj, tom qab kev khiav tawm
thawj zaug. Thov nqa cov khoom siv los saib xyuas koj tus
tsiaj, xws li qhauv, hlua khi, hnab nqa, thiab tshuaj kho
mob tsiaj.
Nqa cov khoom siv txhawm rau los ntxuav tu koj tus tsiaj.
Tsuas pub coj cov tsiaj txhu raws txoj cai xwb. Yeej ib
txwm tso cai rau coj cov tsiaj muab kev pab cuam.
Cov chaw nkaum kev kub ntxhov yuav tsis tau raug txiav
txim ua ntej vim hais tias qhov xwm txheej ntawm kev
puas tsuaj (av qeeg, huab cua phem) ua kom paub tseeb
tias dab tsi yuav siv tau tom qab kev puas tsuaj, tsis yooj
yim paub kiag li.
10
NPAJ COV KHOOM SIV
NPAJ IB POB KHOOM
NQA KHIAV TAU
Txhua tus neeg hauv koj tsev neeg yuav tsum nyias muaj nyias ib
Hnab Khoom Nqa Khiav Tau— ib pob khoom ntawm cov khoom uas
koj xav tau yog tias koj yuav tsum tau tawm hauv tsev mus tam sim
ntawv. Koj Lub Hnab Khoom Nqa Khiav Tau yuav tsum ruaj khov
thiab nqa tau yooj yim heev, xws li lub hnab ev khoom nraum nrob
qaum los yog ib lub phij xab me uas muaj lub log.
Xyuas cov khoom koj muaj thiab ntxiv cov uas koj xav tau:
Taub dej thiab cov zaub mov tsis qaub taus, xws li cov tej daim
qhob noom laum huab xeeb qhuav
Cov ntawv luam ntawm koj cov ntaub ntawv tseem ceeb cia rau
hauv ib lub thawv tsis nkag dej (xws li, cov ntawv pov hwm, daim
npav Medicare/ Medicaid, daim duab ID, pov thawj chaw nyob,
daim ntawv pov thawj kev sib yuav thiab hnub yug, cov ntawv
luam ntawm cov credit thiab daim npav ATM)
Teeb nyem, lub xov tooj cua uas siv tus pas kiv xaj roj, lossis noj
roj teeb AM/FM, thiab ob peb khub roj teeb ntxiv
Cov npe ntawm cov tshuaj koj noj, vim li cas koj ho noj lawv, thiab
qhov ntau tsawg ntawm kev noj
Cov ntaub ntawv sib tiv tauj rau koj tsev neeg thiab cov tswv cuab
ntawm koj pab pawg muab kev txhawb nqa
Nyiaj ntsuab, hauv cov nqi me me
Daim me nyuam ntawv sau thiab tus cwj mem
Cov khoom siv kho mob thib ob (xws li, tsom iav, roj teeb) thiab
cov hlua xaj roj teeb
Pob khoom siv kho plab log tsheb muaj cua thiab /los yog lub xuj
cua rau log tsheb txhawm rau kho lub log lub rooj zaum lossis lub
log tsheb
Cov khoom siv rau koj cov tsiaj txhu pab cuam koj lossis tsiaj yug
(xws li, qhauv, dej, lub tais, txoj hlua cab, khoom ntxuav tu, cov ntaub
ntawv txhaj tshuaj tiv thaiv kab mob, thiab cov tshuaj kho tsiaj)
Cov roj teeb loj siv xaj xov tooj
Lwm yam khoom ntiag tug:
11
1
12
NROOG NEW YORK NPAJ TXHIJ
KUV
TXOJ KEV NPAJ RAU
THAUM MUAJ XWM
THXEEJ
CEEV
Chaw Ua Haujlwm ntawm Lub
Tuam Tsev Saib Xyuas Kev Kub
Ntxhov rau cov Laus
Tus Tswj Kav Nroog lub Chaw Ua Haujlwm
rau Cov Neeg Xiam Oob Qhab Michael R.
Bloomberg, Tus Tswj Kav Nroog
POB KHOOM MUAB KEV PAB KHO MOB THAWJ QIB
TSHU
AJ TX
HU
AM
H
NIA
V
QH
OB
NO
OM
LAU
M
HU
AV X
EEB
QH
UA
V
LUB
RO
J TEEB
LUB
RO
J TEEB
NPAJ COV KHOOM SIV
NPAJ IB POB KHOOM RAU
THAUM MUAJ XWM TXHEEJ CEEV
Nyob rau hauv qee qhov xwm ceev, xws li cua daj cua
dub hauv lub caij ntuj no thiab cov nthwv cua sov, koj
yuav tsum tau nyob hauv tsev. Ib pob khoom siv thaum
muaj xwm ceev yuav tsum muaj cov khoom txaus rau siv
ntev txog li xya hnub.
Xyuas cov khoom koj muaj thiab ntxiv cov uas koj
xav tau:
Ib nkas loos dej haus tauj ib tus neeg hauv ib hnub rau txhua
tus neeg
Cov kaus poom khoom noj haus uas tsis lwj taus, uas cia li
muab noj kiag tau, thiab ib tus pas qhib kaus poom
Pob khoom muab kev pab kho mob thawj qib
Cov kev siv tshuaj kho mob, xws li ib daim ntawv teev cov
npe ntawm cov tshuaj koj noj, vim li cas koj ho noj lawv,
thiab qhov ntau tsawg ntawm kev noj
Teeb nyem, lub xov tooj cua uas siv tus pas kiv xaj roj, lossis
noj roj teeb AM/FM, thiab ob peb khub roj teeb ntxiv, lossis lub
xov tooj cua uas tsis tas yuav tsum tau rau roj teeb
Cov tog pas yas uas ci ntsa nyob rau qhov tsaus ntuj
Lub viv-xaum los yog tswb nrov
Cov cuab yeej siv kho mob thib ob, yog tias muaj (piv txwv li,
cov pa oxygen, tshuaj noj, roj teeb tsheb, lub cuab yeej pab
kom hnov lus, pob khoom siv kho tsheb, tsom iav, cov ntaub
nplog qhov ncauj, hnab looj tes)
Hom thiab tus lej hom ntawm cov khoom kho mob (xws li lub
hlau thawb lub plawv kom dhia) thiab cov lus qhia siv
Lwm cov khoom:
13
Xav txog kev ntxiv cov khoom uas koj xav tau rau thaum muaj xwm
txheej ceev xws li thaum muaj cov cua daj cua dub lub caij ntuj no
thiab cov nthwv cua sov.
Cov khoom siv thaum caij ntuj no:
Cov pam vov, cov hnab pam hnav pw, ib co ntawv xov xwm ntxiv
rau kev ntsaws thaiv qhov tsev tsis pub cua sov tawm
Cov hnab looj tes sov, thom khwm, phuam vas caj dab thiab kaus
mom, tsho tiv nag thiab cov khaub ncaws ntxiv
Lwm cov khoom:
Cov khoom siv thaum caij ntuj sov:
Cov ris tsho uas sib, xoob xuav
Tshuaj pleev thaiv duab tshav ntuj (tsawg yog SPF 15)
Cov khoom siv npaj ua zaub mov noj thaum muaj xwm txheej ceev
thaum tsis muaj hluav taws xob, xws li cov phaj noj mov, khob, thiab
tais diav uas siv tas pov tseg tau
Yog tias koj muaj ib lub tsheb, xav txog kev npaj ib pob khoom siv
cia rau hauv tsheb thaum muaj xwm ceev uas suav nrog:
Hnab xuab zeb los yog ib tais xuab zeb npaj rau hliv xiab log thseb
thaum daiv, thiab ib rab xuab me me
Pob saw hlau khi log tsheb los yog daim txiag hlau tiag log tsheb
thaum tsheb daig
Lub tsho loj hnav ua hauj lwm thiab cov ciaj ntswj ntsia
tsheb, cov log tsheb npaj
Rab hlau kaus dej khov saum daim iav tsheb thiab khaub rhuab
Cov cuab yeej me me (cov tais ciaj, ciaj ntswj, tus qhib ntsia hlau)
Txoj xov hluav taws xob uas siv los xaj fais rau lub roj teeb
loj ntawm lub tsheb
Cov ntaub khaub ncaws uas muaj xim ntsa-dawb los siv ua tus chij,
thiab paj hluav taws lossis daim phiaj peb ceg xim liab kom neeg pom
14
15
NPAJ COV KHOOM SIV
NPAJ CIA IB POB KHOOM RAU THAUM
MUAJ XWM TXHEEJ CEEV (TXUAS NTXIV)
POB KHOOM MUAB KEV PAB KHO MOB THAWJ QIB
LUB
RO
J TEEB
LUB
RO
J TEEB
NPAJ COV KHOOM SIV
NPAJ CIA IB POB KHOOM RAU THAUM
MUAJ XWM TXHEEJ CEEV (TXUAS NTXIV)
Tej Yam Tshwj Xeeb Uas Yuav Tau Xav Txog
Xav txog kev ntxiv cov khoom ntxiv rau koj cov khoom siv
thaum muaj xwm ceev uas zoo tshaj rau koj cov kev xav tau,
xws li khoom noj haus zoo thiab kev kho mob uas xav tau.
Yog tias koj vam khom cov khoom siv hluav taws xob, hu rau
koj lub tuam txhab uas muab qhov khoom kho mob no kom
paub cov ntaub ntawv hais txog kev npaj ib lub xaj fais cia rau
koj tau siv thaum fais tuag.
Yog tias koj vam khom koj lub cuab yeej siv hluav taws xob
los pab txhawb koj txoj sia xwb, nug koj lub tuam txhab
hluav taws xob seb koj cov khoom kho mob uas siv hluav
taws xob no puas ua rau koj tsim nyog raug teev ua ib tus
neeg siv hluav taws xob uas lub neej-txoj sia yog vam khom
rau lub cuab yeej hluav taws xob xwb. Thaum sau npe yog ib
kauj ruam tseem ceeb, koj yuav tsum muaj ib lub roj teeb
khaws hluav taws xob cia, xws li roj teeb lossis lub taub pa
oxygen uas tsis tas siv hluav taws xob.
Yog tias koj vam khom rau cov pa oxygen xwb, nrog koj tus
neeg muab kev pab pa oxygen tham txog kev hloov lub taub pa
thaum muaj xwm txheej ceev.
Yog tias koj tau txais kev kho mob tseem ceeb, xws li kev lim
ntshav lossis tshuaj khesmis tua kab mob, nrog koj tus kws
kho mob tham txog seb koj tuaj yeem tau txais cov kev kho
mob no li cas thaum muaj xwm ceev.
17
Cov tib neeg yuav tsum nco ntsoov nyob yam muaj kev
xyuam xim thiab npaj siab rau kev tshwm sim ntawm tej
yam xwm txheej uas tsis paub txog. Thaum muaj kev kub
ntxhov tsim kev puas ntsoog los ntawm lub ntuj tsim, nws
tseem ceeb heev uas yuav tau ua raws li cov kauj ruam
hauv qab no kom tiv thaiv tau koj tus kheej.
Mloog cov thawj coj thaum muaj xwm ceev cov lus
qhia seb puas yuav tsum tau khiav tawm lossis nyob
twj ywm rau hauv qhov chaw:
Yog tias koj raug hais kom khiav tawm, tawm kiag kom sai
li sai tau. Nyob kom qis rau hauv plog tsev yog tias koj tuaj
yeem ua tau. Yog tias koj caij cov tsheb npav xws li tsheb
npav, tsheb ciav hlau qab av los yog tsheb ciav hlau, thiab
raug hais kom khiav tawm, nco ntsoov mloog cov lus qhia
los ntawm cov neeg ua haujlwm los yog lwm tus neeg pab
thaum muaj kev kub ntxhov.
Yog hais tias koj raug hais kom nyob twj ywm rau hauv
qhov chaw uas koj los yog “chaw nkaum kev kub ntxhov,”
tsis txhob tawm mus qhov kom txog thaum muaj lus tau
qhia tias kom tawm mus. Xauv cov qhov rooj, kaw qhov
rais, tua cov qhov nqus cua, thiab qhov cub.
Muaj Xab Tib thiab Npaj Nqis Tes Hais Daws
Nco ntsoov paub txog ib puag ncig ntawm koj qhov chaw
nyob. Yog tias koj pom tej yam dab tsi txawv qhov ib txwm
zoo li, tsis txhob khaws cia; nco ntsoov qhia nws tawm rau
suav daws paub.
Yog tias koj pom lossis hnov tej yam uas txawv txav,
hu rau 911.
Yog tias koj pom lub hnab kaub laub los yog cov hnab ev
tso cia tseg rau hauv tsheb npav los sis hauv cov chaw pej
xeem, PeopleMover lossis APD.
Yog tias koj tau txais cov ntawv xa tuaj uas txawv txav, tsis
txhob kov nws. Hu rau 911. Yog tias koj tau tuav lub hnab
lawm, cia li xuas xab npum thiab dej ntxuav koj ob txhais
tes kiag tam sim ntawv.
THAUM TWG KOJ TEB TIAV DAIM NTAWV TAW
QHIA NO LAWM, CES KOJ YUAV PAUB NPAJ
TXHIJ RAU THAUM MUAJ XWM TXHEEJ CEEV
LAWM! ZOO SIAB NROG KOJ NAWB!
18
TAU TXAIS
COV LUS QHIA
ANCHORAGE COV CHAW MUAB KEV PAB
Ntug Nroog Anchorage
Chaw Ua Haujlwm Saib Xyuas Kev Kub Ntxhov
http://www.muni.org/Departments/OEM/Pages/
default.aspx
Xeev Alaska: Feem Saib Xyuas Kev Ruaj Ntseg
thiab Tswj Hwm Kev Kub Ntxhov Hauv Teb
Chaws (Division of Homeland Security and
Emergency Management (DHS&EM))
https://ready.alaska.gov/
19
COV CHAW
MUAB KEV PAB
NYOB KOM PAUB QAB HAU
Anchorage Lub Tuam Tsev Tub Ceev Xwm
Facebook https://www.facebook.com/APDInfo
Twitter https://twitter.com/APDInfo
Municipality tus Website http://www.muni.org/departments/police/pages/default.aspx
Anchorage Lub Tuam Tsev Tua Hluav Taws Kub
Facebook https://www.facebook.com/pages/The-Anchorage-Fire-Department
Twitter https://twitter.com/afdinfo
Municipality tus Website http://www.muni.org/departments/fire/pages/default.aspx
Chaw Ua Haujlwm Saib Xyuas Kev Kub Ntxhov
Facebook https://www.facebook.com/AnchorageOEM
Twitter https://twitter.com/Anchorage_OEM
Municipality tus Website http://www.muni.org/departments/oem/pages/default.aspx
Tus Xov Tooj Hu Ceev Thaum Muaj Xwm Txheej Ceev: 907-343-4701
Xov Xwm Hauv Zos
Alaska Dispatch News http://www.adn.com/
Xov Tooj Cua KFQD Radio (750 AM/103.7 FM) http://www.kfqd.com/
KNBA Radio (90.3 FM) http://knba.org/
KOAN Radio (1080 AM/95.1 FM) http://www.1080koan.com/
KTUU Channel 2 TV (NBC) http://www.ktuu.com/
KTVA Channel 11 TV (CBS) http://www.ktva.com/
KYUR Channel 13 TV (ABC) http://www.youralaskalink.com/
FEEM DEJ TAWS
Chugach Electric
Tshaj Qhia Hluav Taws Xob Tuag
Hauv Anchorage: 907-762-7888
http://www.chugachelectric.com/
Municipal Light & Power (ML&P)
Tshaj Qhia Hluav Taws Xob Tuag
Hauv Anchorage: 907- 279-7671
http://www.mlandp.com/
ENSTAR
Natural Gas Company
Anchorage: 907-277-5551
Tshaj qhia txog qhov uas tej zaum cov pa roj yuav dim tau
1-844-SMELL GAS (1-844-763-5542)
Yog tias lub neej txoj sia lossis khoom vaj tse poob rau txoj kev
txaus ntshai hu rau 9-1-1
https://www.enstarnaturalgas.com/
20
TAU TXAIS
COV LUS QHIA (TXUAS NTXIV)
COV CHAW MUAB KEV PAB UAS TSIS YOG LAG LUAM
American Red Cross of Alaska
235 East 8th Avenue, Suite 200
Anchorage, AK 99501
Xov Tooj: 907-646-5400
http://www.redcross.org/local/alaska
The Salvation Army Anchorage Corps
1701 C. Street, Anchorage, Alaska 99501
Xov Tooj: 1-800-SAL-ARMY
http://anchorage.salvationarmy.org/
Alaska 2-1-1
Sib txuas ua ke, kom tau cov lus teb. Kev pab pib nyob
rau ntawm no.
Hu rau 2-1-1 lossis 1-800-478-2221 hnub Monday txog
Friday thaum 8:00 teev sawv ntxov txog 5:00 teev tsaus
ntuj los yog tuaj saib peb lub vev xaib 24/7 thaum koj
xav tau kev pab rau kev nrhiav kev pab. Nws yog pab
dawb thiab tsis pub leej twg paub.
Alaska 2-1-1 yog ib qho kev pabcuam ntawm United
Ways of Alaska.
KUV COV CHAW MUAB KEV PAB
Sau ntxiv koj tus kheej cov chaw muab kev pab
tseem ceeb thiab cov xov tooj rau ntawm no.
Siv nrog kev tso cai los ntawm ReadyNewYork
NYC Emergency Management xav ua tsaug rau Access and Functional Needs Advisory
Group cov tswv cuab rau lawv txoj kev rau siab ua haujlwm rau hauv txoj num no.
21
COV CHAW
MUAB KEV PAB
TAU TXAIS LUB QHIA LAWM POS!
TAU TXAIS NIXLE LAWM POS!
Sau npe tam sim no DAWB rau Anchorage txoj haujlwm ceeb toom xwm txheej ceev ntawm Nixle.com, los yog los ntawm sau ntawv hauv xov tooj koj tus Lub Cheeb Nroog Anchorage tus Zip Code xa mus rau 888-777
22
Tos Ntsoov Tias Yuav Tau Txais Cov Kev Ceeb Toom los ntawm Cov Chaw Ua Hauj Lwm Hauv Koj Zos?
SAU KOJ TUS ZIP CODE RAU HAUV XOV TOOJ XA MUS RAU 888777 KOM TAU COV KEV XAIV RAU
Tau txais lus ceeb toom rau
Muaj Huab Cua Phem Heev
Kev Ua Txhaum Cai
Tsheb Sib Tiv Heev
Muaj Neeg Ploj Pawv
Cov Txheej Xwm Hauv Zos