VOL.2 NO.18 | BI-WEEKLY journaL 29 JUNE 2013 SATURDAY

PHOTO:SILVERrOse

2 | TAHANTIMES

NI THUM CHAMA AMERICA ZIN PRESIDENT U THEIN SEIN LO HAW LEH TAWH

White House-a President Obama hmu tura Myanmar president U Thein Sein zin chu ni 3 a cham hnuin a lo thleng leh ta. May 22 zan dar 10 pelh hnuah Korean Airlines hmangin Yangon International Airport-ah a lo thleng a ni. U Thein Sein hi Yangon Region Prime Minister U Myin Shwe, Yangon Re-gion Commander, Yangon Mayor leh official dangten an lo hmuak a. Tuna U Thein Sein-a zin hi kum 1966-a US President Johnson-an General Ne Win-a zin tura a sawm hnu (kum 47 hnu)-a Myanmar hruaitu zin hmasa ber a ni a. U Thein Sein hi May 17 zan dar 11 leh a chanve khan Yangon Airport atangin a zin chhuak a, May 18 khan America a thleng. A thlen ni tlai lamah Washington-a Lincoln hriatrengna building-ah kalin a va zir chiang a. May 19-ah chuan Vir-ginia State-a awm, America president hmasa ber George Washington in awmna Mount Vernon-ah kalin Washington-a thlan hmaah zahna pangpar a dah. May 20 chawhnu dar 2 (Myanmar sanaah chuan May 21-ah zing lam) U Thein Sein hian President Obama a kawm a. Obama chuan Myanmar rama insiam thatna chu puih a lo tiam. U Thein Sein pawhin democracy ram din chhuah ngei an tum thu a sawi ve bawk. Kum 2 chhungin politics avanga tang Daw Aung San Suu Kyi leh mi dang tam tak zalentir an ni a, Daw Aung San Suu Kyi ngei pawh poli-tics-ah a zuang lut tawh a, Hluttaw-ah pawh Myanmar ram thatna turin thawhho a ni tawh, U Thein Sein hruainaa democracy kawng an zawh chhohnaah pawh puih a tiam thu Obama hian a lo sawi bawk. President U Thein Sein pawhin ram thang mekin democracy kawng a zawhnaah harsatna a tam thu te, a chhan ber chu mi rethei an tam lutuk vang a nih thu te, hna a van thu te, democracy thuah tawnhriat an la neih tlem dan te, quality nei tha mihring an tlem thute chu a sawi ve bawk. Hemi hnuah hian U Thein Sein chu America-a University lar John Hopkins-ah thuchah a sawi a. Ram hmasawnna daltu an awm avangin insiam that duh lo an awm thu a sawi a. Myanmar- America inzawm tawn dan thar din te, buaina chawk chhuaka thil sual titute hrem an nih ngei tur thu te, Kachin hel nen pawh inremna an siam thuai a beisei thute pawh a sawi tel. Hemi ni vek hian America-a sumdawnna chelhtute nen pawh an inhmu khawm a, Myanmar rama mite an lo hausak theih nan America Company-te chu rawn lut turin U Thein Sein hian a sawm nghal. Chu bakah Myanmar ram a mal tlat lutuk a reh theih nan leh economic lama a thanlen theih nana pui turin U Thein Sein hian a sawm bawk. May 20 khan America Secretary of State hlui Clinton-i leh World Bank Chair-man Dr. Jim Young Kim-te nen pawh U Thein Sein hi an inkawm a. Clinton-i nen an inkawm hian Clinton-i chuan Clinton Foundation chuan Myanmar rama tui thianghlim sem chhuah te, nu leh nausen thi an lo tlem theih nan te, lo leh thlai thuah a siam chhuah leh a vawn that thiam dan a lo awm theih nan te, hniang-hnar taka electric hman tur a lo awm theih nan te, Solar system hman theih a lo nih theih nan te, damdawi ina hman tur damdawi a lo thahnem theih nan te, Myanmar mipui khawsak phung a lo san theihna tur leh ram insiam that kawnga puih ngai awmte chu an sawi dun a. President U Thein Sein hi Washington Post, VOA, CNN te nen pawh in-hmuin, dan siam that, ram politics-a sipai inrawlh leh ei ruk chungchang pawh an zawhnate a chhang bawk. America-a Myanmar mi awmte nen pawh an inkawm. U Thein Sein rual hian Defence Ministry-a Union Minister, Ministry of Home Af-fairs Union Minister, Ministry of Energy Union Minister leh official dangte pawh an kal tel. Hetianga President U Thein Sein America-a a zin hi ram hausa leh lian nena inthian that kawngah leh hrekna thenkhat phelh thuah thil tha tak a nih an rin thu politics lam zir mite chuan an sawi.n

domestic news 29 June 2013 Saturday | Vol.2 No.18

A LANG LO LAMKan ram chu khawvel hriatin a inthlak danglam a. Democracy dik tak sawr-

kar din tumin a insingsa a. Sipai chauh rorelna pawh enge maw chen tihtawp a ni ta. Mipui thlan palaiten Hluttaw-ah ro an rel v e tak tak ta a ni. Hetianga a inthlak danglam nasat a, thil tam tak chu langtlang taka a lo awm tak avang hian kan ram chu tourist te tlawh chak ram zinga chhiar a lo ni ta a. A kum telin tourist min tlawhtu kan ngah tial tial ta a ni. Chutiang zel chuan ram a lo zalen tak deuh avangin Mizoram lama kan unaute pawh Kalay-Kabaw phai lam rawn tlawh chak leh chhungte kan duh vang tein an lo kal ta sup sup a. Khawtlang huap thiltihnaah te kan insawm a, a nuam sawt hle. Helai hmun la tlawh ngai miah lote pawh an awm a. A tua te pawh nise fel tak leh tha takin kan lo dawngsawngin kan lo mikhual a. Chuvangin lawm tak leh nuam ti takin an haw leh hlawm a. An sawi chhuah ber chu, “Ka rin in lo ang lo. In fel, in Mizo, in tha,” tih a ni tlangpui. A lawmawm. Khawtualte pawh hian,(fak beiseiin emaw ni) “Eng nge kan an? Eng angin nge min hmuh,?” kan ti zing hlur a. “Zu in in tam tehlul nen rui buai hmuh tur in awm lo,” tih te chu ngaihthlak nuam kan ti a, keiniho pawhin sawi nuam kan ti. Hawihhawm taka min chhanna te hi a dik chin pawh tam tak a awm ngei. Zu in pawh kan thiam thawkhat tawh. Amaherawhchu min chenchilh lova khua rawn hawi thuak thuak, veng hmawr deuh tlawh hman miah lova let leh mai te an nih hi theihnghilh lo ila. Tak tak emaw ti liam mai lovin a tak takah eng nge kan an tih hi inbihchian nachang i hre tho ang u kan ti duh. Tunlai hian rawlthar zingah ruih theih thil lam khawih an awm tan niin thu a leng vel tlat. Dendrite hnim chingte rawlthar zingah an awm nia hriat a ni. Nu leh pate hian mahni fate theuh chik nachang i hria ang u. An tha emaw kan tih laiin kan rin phak baka thui ke an pen sual daih tawh thei a ni tih i hria ang u. Dawr then khat, kum tling mang lo leh damlo enkawl nana hmang lo tur tih rinhlelh deuhte hnena damdawi leh damdawi lam hmanrua te hralh duh miah lote an awm a. An fakawm hle. Sum ringawt ngaihtuah lova chu-tianga thil tha lo titute mahni theihna zawn zawna lo dan chu kan tih theuh tur a ni. IT hunah kan chuangkai tawh a, video lam pawh engmah thlitfim awm lova zalen taka en a ni ringawt tawh a. Chuvangin naupang te pawh hian an hmuh loh tur leh an hriat loh tur tam tak an kumin a tlin hmain an hmuin an hria a. Hei vang hian thil engkim mai hi an hre hma vek tawh mai a ni. Thil tha lo pawh tih nachang an hre hma. Chuvangin mikhualten in fel, in tha an tih lai hian keimahni lamah tlak-balna tihtham tak kan nei em tih hi inthlir let nachang i hre tho ang u. An hmuh lohna lam, a lang lo lama kan dinhmun hi i inchik fo ang u.n

Tahan TimesTel. 09 47072961

DENMARK SAWRKAR-IN CHIN STATE HIGH SCHOOL TINAH COMPUTER A CHHAWP DAWN

Denmark sawrkar chuan Chin State High School tinah com-puter chhawpsak turin rem a ti a, thluthlung a ziak ta. May ni 3 khan Thailand-a Denmark ambassador leh CNF party General Secretary III Dr. Sui Khar ten Bangkok-ah thuth-lung ziakin hming an ziah hnan a. Kumin 2013 academic year-a bul tan tum a ni. "A sum zawn-ga sawi chuan Denmark tangka 5,000,000 (USD 800,000)-in a tanpui ang." Dr Sui Khar chuan a ti a. Remna leh Muanna tana CNF leh mipui vantlang meeting neihnaa hman tur pawh a tel nghal dawn a ni a ti bawk. "High School-ah mi 15 tan computer pakhat zel chhawp tum a ni a. Pawl 8 atanga pawl 10 thleng computer zirtirtu tur an awm a, mahse internet connec-tion a awm lo va. Chumi atan pawh ngaihtuah tel tur a nia," tiin a sawi bawk. Electric current a that loh avangin ni khata darkar 4 chhung Generator tihnun theihna tur petrol te pawh kham khawp ngei tur ngaihtuahsak a nih tur thu a sawi bawk. Chin State High School 30-ah computer chu dah tur a ni a, kumina high school ding thar leh affiliated high school-ah te pek an la ni lovang. "Kan lawmzia kan lawmzia chu. Chin State te chu lehkhabu tha a vang a, hetianga High School-a internet connection te a awm theih dawn chuan zirtirtu leh school naupangten hriatna thiamna lamah kan hlawkpui hle dawn a ni," tiin High School zirtirtu pakhat chuan a sawi. Computer internet enkawltu tur Management Committee din tur a ni ang a. Chin State sawrkar, CNF Liason Office, Zirtirtu nu leh pa, zirtirtu leh khawtlang nu leh pa zing atangin mi pakhat theuh thlangin committee hi din a ni dawn a ni.n[NLM]

TAHANTIMES | 3

CHIN STATE HMAR LAM TAN AMBULANCE PARUK2013 June ni 8 zing dar 7:00 khan Pin Long veng Pi Malsawmi

inah Htut Khaung Gyi Company-in Chin State hmar lam khawpui 6 tan ambulance a hlanna inkhawm buatsaih a ni. He inkhawmah hian thilpek ropui tak petu Pu Thang Sheing leh a thiannu Daw Phyu Phyu Win, an fapa Sheing Maung te, CNF lam hotu thenkhat, ambulance dawngtu tur khawtin atanga lo kal palaite leh mi sawm bikte an tel hlawm a. Chanchinbu mite pawh sawm an ni. Mi 60 velin he hun hi hman a ni. Thu dawn danin hetianga ambulance hlan hi CNF te kaihhru-ainaa tih hlawhtlin a ni a. Inkhawm hi TTC (Tahan Theological College) Lecturer Saya Mar Ling-an a kaihruai a, thilpek petu Pu Thang Sheing leh Revd Pek Muan Cuang te pawhin thu sawina hun an nei. Saya Marling chuan Mathaia 21:3 hmangin Pathian thuchah a sawi. 'Pathianin mihring te a la duh a, chhandam turin Isua a rawn tir a. Chhandam fate hnen atangin an taksa mai ni lo, an thiltihtheihna finna, thiamna, neih sum leh pai a duh bawk a ni' tiin thuchah tawi a sawi. Hunserhah hian TTC Zilaite zing atanga zaithiamten mipui an awi. Hunserh zawh hian lo kal zawng zawngte chu 'Dan Paut [Be-riani]' ei ho a ni. Ei hma hian Chin State township khawpui Falam, Thantlang, Tedim, Tonzang, Chikha, Rihkhawdar atanga palai lo kalte hnenah ambulance te chu hlan a ni. Chanchinbu mite zawhna Pu Thang Sheing chuan hetiang hian a chhang.

LocAL news29 June 2013 Saturday | Vol.2 No.18

KALAY LEH TAMU DISTRICT POLICE OFFICER

PAHNIH CHAWLHTIR

June 18 chanchina a lan danah, ruih theih thil leh ralthuam sumdawnnaa

inhnamhnawih nia report a awm avan-gin Kalay leh Tamu Police Force-a of-ficer pahnih chu an nihna te hlihsakin chawlhtir an ni tih Myanmar Police Force Deputy Director General U Zaw Win-an a sawi. "Kalay District leh Tamu District Police Officer te pahnih hi chawlhtir an ni phawt a. Kan zawt fiah mek a ni," Kalaymyo-a cham mek Deputy Direc-tor General U Zaw Win chuan a ti a. Kalay District Police Force-a Police Lt. Col. U Zaw Win Naing Tun chu an man a, thu zawhfiah mek a ni. Tamu District Police Force-a Police Lt. Col. U Hla Win pawh house arrest-a dah a ni a, thu zawh fiah mek a ni ve bawk. 'Anni pahnih hi Nay Pyi Taw-ah hruai thla-in thu an zawt fiah," tih hi thu dik a ni lo tih U Zaw Win hian a sawi. "Kalaymyo-a a lo kal chhan hi ruih theih thil leh ralthuam tawlh ruk thuah a ni a. Heng thilte hi Kalaymyo leh a chheh velah man a ni zauh zauh tih chanchinah kan lo chhiar thin. Chu bakah heng thil chungchang hi hekna a lut zeuh zeuh reng a. An hming leh nihna chena chiangin an ziak a, an rawn report thin a. Kan department, kan police te ngei an inhnamhnawih tih an tarlang a. Police te hi ruihtheih thil leh dan bawhchhiatna thilte chingfel leh tudai tura dah an ni a. Chutiang ti lova an inhnamhnawih zawk tlat hi phatsantu-ah an tang ta tihna a ni a. Heng mite man tur hian an chungthu ngaihtuah tur hian ka lo kal a ni," tiin U Zaw Win hian a sawi. Kalaymyo Township Pyithu Hlut-taw palai U Tin Hlaing pawhin, "Khaw te thenkhatah chuan ruihtheih thil an khawih nasa hle mai a. Heng hi tihtak thlaka do a tul kan ti a. Chung chu in re-port lo em ni tiin min zawt ta la, mipuite hian police hi an ring ngam lova an re-port duh lo tiin Deputy Director General U Zaw Win hnenah ka sawi a. Report mah ila, action lak a awm chuang lova a thamral leh mai a. Heng chanchin hi report mah ila nuai bo a ni zel mai si a, police te hi kan report ngam lo a ni,' tiin ka sawi," a ti a ni. District Police officer pahnih an man te chungchangah thiam loh an chang tih a chian chuan criminal law hmangin an chungthu rel a ni ang a. Thu finfiah theih loh a nih a, an chung-changah action a lak theih ta lo a nih pawhin police force dan hmangin an chungthu kan ngaihtuah ang tiin U Zaw Win chuan a sawi. Nay Pyi Taw-a Myanmar Police Force te hi Kalaymyo-ah June ni 15 khan an lo thleng a. Kalaymyo luh chhuahna kawngpui pathuma dang-charin mawtawr an chelh ta a ni. Li-cense nei lo motor 24 an man tih Ka-laymyo Police Force-a incharge officer Aye Khaing chuan a sawi. Hetia Nay Pyi Taw Police te lo kala an thil tih tum hi Sagaing Region Police te pawhin an hre lawk lo hle a ni. June ni 5 khan Kalaywa bialah Tamu District Police Force mawtawr pakhatin duty nei lo, Licence nei lo damdawi a phur teuh a, an man tih Kalaywa custom of-ficer te hnen atanga thu dawn a ni.n

LEI CHHIA Kumin May thla nawi velah khan tum loh deuh deuhin ruah a sur thut thut thin a. Hmun thenkhatah phei chuan leite a hnawl chhe rup rup mai a. Tahan leh a chheh velah pawh lei a chhe nual mai. Tahan Time Office hmar zar kawng pheia lei pawh tuihawk bawlhhlawhin a hnawh phui rup mai a. khawlaiah tui a li nuai mai a, JCB in lei chu an thiat ringawt mai a ni. Chu tiang vekin Tahan Middle School (Ah Lah Kah No.1) ni tlakna lam hrul chiah, lei pawh tuihawk bawlhhlawhin a hnawk tang mup mai a, a chheh velah mu leh mal awm lovin tui a luang chiam mai a, hmun thenkhatah phei chuan sabereka khuang-kai ang hialte pawh a awm. Tahan Middle School No.1 kawmchar ni chhuahna lam lei chu a za a auh avangin siam that a ngai ta a. Tahana mi vophal bikte hnenah leng kualin veh bur khawn a ni a. Tahan leh Sanmyo ramri ni mah se, Group nihnaah inthen theih a la nih loh avangin hnatlanga thuam that a ni. He lei siam that nan hian Ks.500000 (Nuai nga) hmuh a ni a, lal leh upaten tlawmngaiin hapta khat chhung an hnatlang a, tunah chuan tiau chhung vumin tha taka zawh theih a nih thu huaihawttu zinga Pu Zaihuthanga chuan kan palai a hrilh.n

LEI DAWH THAAgape kawmchhak kawng te kal pawhna lei pawh dawh that a ni ta a, lirthei te chi chu thawl takin an kal thei dawn ta. A hmain thing lei indawh a ni a. Zim te, hlam vel leka zau a nih bawk avangin ke li nei a te chi tan pawh kal tlang theih miah loh a ni. Mi pakhat, bike pakhat bak leng lo, kal nuam lo zet a ni. Tunah chuan Tahan Ward Administrator Pu Zosangliana kaihhru-aina hnuaiah ‘Ne Myay’ bialtu Pu Lalchhuanga hoin hma an la a, kohhran tlawmngai te, mimal tlawmngaite thawhhona zarah cheng nuai sawm tha sengin lei hi concrete-a dawh that a ni a, mawtawr leng hal hal, lei pangngai taka dawh that a ni ta. He lei a lo that tak chuan bazaar kaltlang lova hel duh tan helna kawng tha leh lun tak a lo ni dawn a ni.n

TT: Hei thilpek i pe ropui hle mai a. Engvang nge hriselna (damdawi in) lam thil hi i thlan?PTS: Education lam te hi chu zirnaa harsatna tawk kan awm pawhin kan inpeizawn tlangpui a. Hriselna lamah hian kan inpui thei em em lo. Chuvangin public health lam thil hian ka che tan phawt a ni.TT: A nih hei 'Chin' tlang mite pawlho tan i pe a. Hnam-tin hman atan i pe tihna a ni em?PTS: Ni e. Hmanho vek tur a ni. Chin tan chauha thil ti ka ni lo. Tunah Pha Kanh-ah ka awm a, Sakhaw hrang hrang biakna lam tur thilah pawh ka theih ang angin ka pui asin. Hetianga ambulance ka pe pawh hi ka ththeina kawng kawnga sawrkar ka tanpui naah ka ngai bawk asin.TT: A nih. Tunah hian Chin State lamah thil dang tih tum i nei em?PTS: Nei e. Ka theih ang angin a tulna apiangah thil tha tih zel chu ka tum alawm.TT: Chin State-a business man hlawhtling tak i ni a. Tunah Chin State-ah in kal pawhna kawng tha a awm mang lova. Kawng sial that hna lam te hi i rilruk em?PTS: Rilruk e. A tulna hmun hmuna hman tur JCB te ka chah a, ka inralring reng a. Tunah Mindat-ah phei chuan ka chhawp tawh nual a. A tul ang anga hma lak ka tum.TT: Sundawnna lama mi hlawhtling tak i ni a. Chin mi i ni bawk si a. Kan sawrkarin Chin State-a sumdawnna

kawng a hawn thar eng eng emaw-ah tel ve i tum em? Khurchhuak thil laihna lamah te thawh ve i tum em?PTS: Tum e. Sawrkar pawh ka dawr ve reng a. Entir nan Chin State huam chhungah 'Rul Tlang, Utawk Tlang' an tih maia mineral laihchhuahna tur lam pawh ka thlithlai reng a. Sawrkarin 'thawk rawh u' a tih ve leh kan thawk ang chu.TT: Sawrkar laipui hian State sawrkar kaltlangin tuna sumdawnnaah te investment siam-a thawk a tum niin a lang a, chutiang ni lovin mipuite tel vena, Chin sumdawng mite investment siama thawhtir tur zawngin kal dawn ta se thawk ve turin i inpeih em?PTS: Peih reng e. Sawrkar ringawt ni lovin a ram leilung fa, khawtualte investment tihtir se a tha ngawt ang. Chu-tianga thawk turin ka inpeih reng. Keimahni tlangmite ngei min thawhtir se a lawmawm ngawt ang. Htut Khaung Gyi Lunghlu Company neitu, Pu Thang Sheing hi retheih tem ve fe tawh a ni a. Pathian hnen atanga a malsawmna dawn hi mite tana hna thawh nan hman a tum tlat a ni. Ti ti-naa a sawi danin Chin State tan cheng nuai 4000 budget a dah sa a. Tunah cheng nuai 1000 vel a hmang zo tep tawh a ni. Damdawi in hmanrua mai ni lolvin damdawi lam lei khawl a, chumi hmanga mi harsate tanpui dan tur ruahmanna a siam thu pawh a sawi. Pu Than Sheing leh a chhungte hi June ni 8 zing dar kua hian Mindat lam panin an let lehnghal a ni. n

4 | TAHANTIMES internAtionAL news 29 June 2013 Saturday | Vol.2 No.18

'SAMSEI SUAT BEIHPUI' AN THLAKHamas te awp lam Gaza strip-ah chuan sam sei, Jelly-a sam tikhawng, ti-kawh thalaite chu police te chuan an hmuh hmuh an man a, an puar bet a, nuih-sawhin an lu an mehsak tih a tuartu tlangval pahnih leh human right group ten an sawi. Sam zuah sei leh kekawr ngum lang deuh thawa hate chu an bitum deuh ber a, a vuak te an vaw thin ni awm a ni. AP chanchin mite hnena tlangval pahnihin an zualko dan chuan Gaza khawpui chhungah beihpui thlain an bei a, thalai dozen hnih zet an man khawm a ni. Kum 19 rual, in rawng hnawih hna thawk thin pa chu April ni 4 khan a lu ziahsak a ni a. An ziah hma chuan a sam chu a koki thlenga sei a ni. Kum 9 an nih atangin hmeiche naupang leh mipa nau-pang chu school-ah pindan hran ve ve-a lehkha zirtir tur, dah hran tur tih 'education dan' chu Hamas-ho telna Parliament-in a nemngheh hnu-ah hetiang hian 'sam sei suat beihpui thlak' hian a chhunzawm ta a ni.n

KHAWVELA THIL THLENG DANGLAM TAK CHU

Islam sakhaw zirtirna palzam lovin Turkey ramah mi thenkhat chuan party an buatsaih a. He an thil buatsaih hi police lam chuan an rawn en fiah. Police thil tih chu duh lovin Turkey-a nula leh tlangval inngaizawng kawp khat chuan lei hnuai rel station-ah mi tam tak hmuh laiin an infawp ta a. Rel station hotute chuan he mite an lo zilh mek laiin inngaizawng kawp 10 chuangte pawh mipui hmaah an infawp ve leh chiam mai a. Hotute chuan rel station luhna gate zawng zawng chu an khar a. Mahse hmeichhia leh mipa inkawp 100 te chuan mipui ka-rah infawh an tan leh ta a. Zalen taka infawh hi phal tur a ni tih chuang lehkha pawh an tar chhuak nasa hle. Hotuten an dan theih tak lohvah chuan anahni hi an venghim ta hlauh a ni.n

RUSSIA PRESIDENT VLADIMIR PUTIN DODAL THUAH CHESS CHAMPION HLUIIN MAN A HLAU

World Chess Champion hlui Garry Kasparov chuan Russia rama a kir leh chuan President Vladimir dodal thuah sawrkarin an man a hlauh avangin Moscow-a kir a tum rih loh thu a sawi. Chess inkhelh khawvela mi hlawhtling ber Kasparov hian 2005 kum khan a inkhelh a chawlhsan a. Hemi hnu hian politics lamah lutin lehkha te pawh a ziak thin a ni. Kum 2008-ah pawh khan Rus-sia President thlannaa in-cancidate a tum ve hman nghe nghe a ni. Kasparov hi opposition lam hruaituah te a tang a, Human Rights Foundation-ah Board Directors member a ni. Thla kal ta khan Russia President Putin dodalin thil tih a nei a. Russia sawrkar chuan Putin dodaltute a dap chiam a, a man hlawm avangin Garry Kasparov chu Switzerland-ah a tlanchhe ta a ni. Chutianga boruak a that loh avang chuan man a hlau si a, Moscow lama kir leh mai a la tum rih loh thu a sawi a ni.n

RUSSIA PRESIDENT PUTIN LEH KUM 30 CHHUNG A LO KAWP TAWH A NUPUI TE INTHEN THU

Russia President chuan kum 30 chhung nupuia a lo kawp tawh chu official-a a then thu a puang a, Russia mipuiten mak an ti hle. Putin leh a nupui thlawhnaa hnathawk thin te boruak hi Russia rama mi ropuite leh mi narante sawi hlawh tak a ni a. Hetianga Putin-an a chhungkaw boruak a sawi chhuak hi Russia hruaitu zinga kum 20 chhunga an chungkaw boruak sawi hmasa ber a ni nghe nghe. Putin hian kum 13 chhung Russia ram hi huvang nei takin a lo kaihruai tawh thin a, an chhungkaw boruak hi a thup hle thin a ni. A nupui nen hian fa pakhat an nei tawh nghe nghe.n

LIBYA RAM SIPAI LAL A BANGBangazi khuaah sipai leh mipui an intithiam lo va, mi 30 chuangin nunna an chan a, an sipai lal pawh a nihna ata a inhnuk dawk. Libya Shield Brigade chu thiat turin mipuiin an nawr a, buaina hi a chhuak ta a ni. Kum 2011-a Libya ram hruaitu Gadhafi a thih hnu khan sawrkar chuan Libya Shield Brigade hi thiah a lo tum tawh reng reng a ni. Sipai lam chuan Libya Shield Brigade chu awp an tum a, sipai hotu chu a inhnuk dawk ve bawk. Parliament pawhin buainaa thite sunnan ni 3 a hmang a, buaina chhui-tu tur judge-te pawh a ruat nghal. Sipai hotu dinhmun atan a hnuai chiaha mi chu ruat lailawk nghal a ni bawk. Libya Shield Brigade hi thiat vekin sipai chauh dah an ni dawn nge dawn lo tih chu zawhna lian tak a ni mek. Sawrkar hotu lam pawhin Libya Shield Brigade thu hi tlang takin an sawi lang duh lo.n [BBC]

OKLAHOMA THLI CHHE TLEH MI 50 CHUANG THIAmerican ram Oklahoma State-ah Thawhtan (May 20) chawhnu lam khan darkar khata mel 200-a na-in thlichhia a tleh a, a thi zat 51 niin puan a ni a. Khawpui chhunga ruang an hlawm zat kha mi 24 a ni. Thi zat hi tum hnih lai chhiar a ni a. Inhliam 240 zet an awm bawk. School building chhia atanga naupang an chhan chhuah pawh tam tak an ni. School pahnih a chhia a. "Naupang te te an chhanchhuah laia mahni fate lo changtu nu leh pa thlaphang tak tak hmel hmuh chu thil hreawm tak a ni," tiin Okalahoma bial Ad-ministrator Mary Fallin chuan a sawi. Police Force leh National Defence Army te pawh tanpui ngaite tanpui tura thu pek an nih thu Mary Fallin chuan a sawi.

OKLAHOMA STATE-A THLIPUI TLEH AVANGA BOTE ZAWN MEK ZEL A NIAmerica ram laili, Oklahoma state-ah darkar khata mel 200 dawn laia chak thlipui a tleh avangin mi 51 thia report a ni a, building lian tak tak a chhe nual bawk. Heng karah hian nung dama la awm, bote chu zawn mek zel a ni. Thi hi hei aia an tam an rin thu sawrkar hotu lam chuan an sawi. Thi zingah hian naupangte pawh an tel. Thite hi School pakhata thi niin an tar lang bawk. Moore veng-a building leh thil dang dang a chhe nasa zual bik. He veng hi thlipui avangin a darh sarh nuaih mai a ni. Mi 120 chuangin hliam an tuar a. Thilipuiin a tihchhiat School pahnihah nau-pang thenkhat chu dama chhanchhuah an ni a, naupang thenkhat chu an la bo mek. Bo zawn mekte nu leh pate han hmuh chu a lungchhiat thlak hle niin Oklahoma awptu Mary Fallin chuan a sawi. Chhanchhuah hna thawk turin State sipai leh police-te pawh an tirh belh. President Obama pawhin emergency-a thil ruahmantu Agency (FEMA) ho pawh a tul anga pui turin thu a pe bawk.n

EdkifiHjcm;odkY zkef;ac:qdkjcif;

ႏငငတစခ႕၏ တစမနစ ေစးႏႈနးမားကေဖာျပရေသာ

Canada=6 kyats, Singapore=8 kyats, China=10 kyats, India=12 kyats, USA=14 kyats, Thailand=13 kyats, Korea=15 kyats

• အသးျပရလြယကျပး ေစးႏႈနးအထးသကသာသည။• တဆငခဖနးနပါတ မလဘ ေခၚဆလေသာ ဖနးက တက႐ကေခၚဆႏငသည။• သကတမးကနဆးျခငးမရပါ။• ေငြျဖညကဒထမ ေငြကနဆးျခငး မရပါ။• ႏငငတကာသ႔ သယယအသးျပႏငရန ေဆာငရြကေပးသည။

အသးျပလပါက ၾကတငစစမးေမးျမနးႏငသည။Khupboihအခနး (၄၅)၊ (ဂ) ႐ပငလေစးအတြငးဘက (ကားၾကး၀ငးအနး)၊ ကေလးျမ႕8:00 am- 4:00 pmPh: 09-400308960

RAWNGBAWLTU CHHERNA THA• Pathian rawngbawl duhtute tan inchherna tha HolinessTheologicalSeminary(Thaketa ,Yangon)aawme.Schoolfeelehroomfee,boardingfeeaawmlo.

• 3June2013nihianhawntananilehdawna,rawngngaih-venrawh.AdmissionfeeKs.5000,GeneralfeeKs.3000,avaiinKs.8000chauhpekatul.B.Th/G.Thpekani.

Rev. Dr. Kawlthangvuta, President

School AddreSSNo 15, Laeyar 2 LaneWard 10 (North)Thaketa Township Yangon.Tel. 0973242074, 09420183901, 09420165834, 01450582

TAHANTIMES | 5internAtionAL news29 June 2013 Saturday | Vol.2 No.18

SYRIA RAMAH INDONA LIAN LEH RAPTHLAK A THLENG THEI

Syria ram tual chhung buaina hi kum 2 chuang meuh a ni ta der mai. An president Assad duh lotu mi tam tak leh sawrkar sipaite inkara buaina a ni deuh ber a. He indona avanga thi pawh mi 80000 fe an awm tawh. Thenawm rama ral tlan phei chu nuai tel tak meuh an ni. Tunah chuan ram hrang 29 atanga firfiak pawlte pawh Syria buainaah hian an inrawlh tawh a. Hman ni deuhah pawh khan Israel chuan Syria-a ralthuam an chhek khawlna leh en-fiahna hmun chu a va bomb rep rep mai a nih kha. Syria hian Hizbollah ho hi ralthuam hmangin a tanpui thin a. Hei hi Israel hian a huat ber a ni. Ti chuan Syria buaina chu a zual chho zel a, indona lian leh rapthlak zawk a chhuah mai theih avangin lo inbuatsaih nasat a tulzia chu Israel Air Force hotu Maj. Gen. Amir Eshel chuan a sawi. "He indona lian lo awm thut thei hi kawng hrang hrangin a chhuak thei, chuvangin Air Force lam chu kan inralrin reng a tul," a ti. He Syria ram buaina hi kum 2011 March thlaa intan kha a ni a, buai phat atang khan Israel chuan a lo thlingthla nghal a, ramri lama a rawn kai zel a hlau hle. 21.5.2013 pawh khan Golan tlang, ramri-ah Israel leh Syria-te hi an inkap tawh a nih kha. n [CNN]

SYRIA BUAINA PHERH ZELSyria mipuite chuan an President Assad paihthlak an tumna lamah tu-alchhung indona a chhuak a, kum hnih chuang an buai ta. Syria sawrkar sipaite leh ram dang tanpuitu nei Op-position sipai lamte inbeihna pawh a hluar zel a, pherh zau zel niin a lang. Tunah chuan Syria sawrkar sipai te chu Russia leh Lebanon Hizbola ten ualau takin an pui a ni tawh ber a. Sawrkar dodaltu pawl pakhat pawh chu Amertican leh EU member ramte chuan an thlawp mai ni lovin ralthuam te pawh an rawlruk reng a. EU member ramten ralthuam pe lo tura an inkhapna an sut takah chuan Russia pawhin Syria sipaite chu thlawhna kahthlakna rocket ‘S-300’ pek a tum thu tlang takin a sawi chhuak ta a ni. Hetih lai tak hian Hizbola 7000 velin Syria sipai te an pui tih thu a rawn thang ve leh bawk a. Hei vang hian President Assad chuan Syria sipai te leh opposition ralte inbeihnaah hnehna kan chang mek. Bukna pawh an lamah a khin tawh zawk tiin Lebanon Tv-ah a sawi chhuak nghe nghe ta a ni. Hei mai bakah Syria sipaite chuan Russia hnen atangin boruak lam thunun theihna tur special defence system an neih tur thu te pawh a chhak chhuak hial ta a ni. Russia chuan tunhnai mai khan S-300 rocket pek a tiam thu pawh a sawi bawk. Sawrkar dotu lam erawh chuan sawrkarin hetianga beihpui a thlak reng a nih chuan remna thu sawi tura inbiaknaah kal an tum loh thu an sawi. Mahse, President Assad hian a lal thutthleng chu chhuahsan sela chuan Geneva International Peace Inbiaknaa an tel tur thu thupuangtu chuan a sawi bawk. Syria sipaite chuan Russia-in a pek tur ralthuam thate avangin indonaah an chak ngei an rin thu Assad hian Hizbola-ho nena inkungkaihna nei Lebanon TV ‘El Mana’-ah May ni 30 khan a sawi. Russiain a pek tur S-300 te hi thlawhna kal thlak theihna a ni a. Iran lam chuan Russia atanga lo kal ralthuam phur lawng chu a rawn thleng tep a ti ve bawk. Israel lah chuan he thil hi a ngaimawh hle a, thlawhnaa beih maipawh hnial lo ang a lo ni ve a. Israel-in thlawhna hmanga an rawn beih phawt chuan a theih ang angin kan thungrul nghal ang tiin Assad chuan a sawi chhuak ve bawk a. Chuvangin Syria tualchhung buaina hi a pherh zel ang a, regional buainaah a chang ang tih a hlauhthawnawm hle a ni.n [CNN]

I mit a fiah lo maw?I mit ko a kham thum em?

I thluk a na em?Tarmit thar i siamtir a, i duhthu a sam lo a nih chuan

'Minn Din' tarmit dawr hi rawn pan vat mai rawh.'Minn Din' tarmit dawrah hian Yangon atanga lo kal tarmit specialist ngeiin i mit chu a enfiah ang. I tarmit kan siamsak che chu a tha lo a nih phawt chuan a man let kan chawi ang.

N.B.'Minn Din' tarmit dawr kum sawm cham lawm nan July ni 1 atanga July 31 thleng 30% discount-in

man tlawm tein tarmit kan siamsak zel dawn tih chanchin lawmawm kan hriattir a che u.

• ပနးသးတကလမး တာဟနးေစးအနး Tel. 073 21318• တာဟနး စညပငသာယာေစး အေနာကေပါကမကႏာခငးဆင Tel. 073 21990

M I N N D I N

6 | TAHANTIMESCIA LEH US NATIONAL SECURITY AGENCY-A

THAWK TAWHIN THURUK A PUANGTunlai khawvela mimal chanchin sawi hlawh tak mai chu Edward Snowden chanchin hi a ni. Ed-ward Snowden hi CIA leh US National Security Agency tana thawk tawh a ni a. US Surveillance, US sawrkarin a ram humhim nana mi thuruk a chhui dan zawng zawng a puang ta mai a, US sawrkar pawh an buai phah hle. Snowden hian 2013 June thla hian The Washington Post-ah thu a thawn a. A thu ziakah chuan hlawh tha tak neia nun changkang nuam taka a khawsak theih thu te a sawi a. Mahse, 'America a him nan' tia official ten an sawi thin, US sawrkarin mimal thil, telephone-a inbiakna leh internet a mi an chhui a, an enthlak reng dan a hriat hian a rilru a nawm theih thlawt loh thu a sawi a ni. Thuruk vawn tur tam tak neiin thuneihna sang tak tak mi tlemte kuta an dah hi US policy a ni tih a han hria chu a rilru a hrehawm ta tlat a ni. "Ka thil tum ber chu mipui hnenah an hming hmanga thil tih ruk, an tana tha lo sawrkarin a tih thinte hi puan zar ka duh a ni ber," a ti tawp mai a ni. Snowden chuan sawrkar enthlak program puang darhtu a nih vanga sawrkarin a chungchang a ngaihtuah tur pawh a hai loh thu leh 'thuruk puanzar' chu a nghawng tur hre reng chunga a thlan thu Hongkong atangin 'The Post' chanchinbu a hrilh. Amah hi hetih lai hian Hong Kong-ah a awm mek a. US President Obama chuan a sawrkar enthlak program chu a tan hle a, Congress hian America phone records leh internet lam thil khawn khawm renga thlithlai hi a phal nawn fo tiin a sawi chhuak bawk a ni. Snowden hian 2003 kum khan Iraq-a inbeihnaah Special Forces-a tan beiseiin US Army-ah a inpe a. Mahse trainingnaa a ke a hliam tak avangin bantir a ni leh a ni. NSA-ah kum li lai a thawk hman a. NSA-a a hna hmasa ber chu University of Maryland-a NSA facility-ah security guard angin a ni a. Heta tang hian CIA tan IT security lamah a thawk leh a ni. Hetah hian internet leh programming a thiamna chuan a hnaah a tanpui hle a. 2007-ah Geneva-ah deplomatic lamah a thawk leh a. CIA officers te nen kum thum lai an thawh dunna atangin US enthlak policy chungchang hian a rilru a kap tan ta riau a. 2009-ah private contractor hna thawk turin CIA chu a chhuahsan ta niin a insawi. CIA official thenkhat chuan Snowden-a agency tana thawktua lak a ni hi mak an ti a. Aca-demic lamah a bik takin technical lama zirna nei em em lo hna pek a ni kha mak an ti a ni. Chuvangin hetia thuruk puan a nih tak hnu chuan a mimal chungchang chhuitu USIS chu an leh chhui ta a ni. Sawrkar thuruk khawih thei chin Defence Department anga thawk tur chu an background 75% hi contractor te chhuitir an ni thin a. USIS hi Virginia State, Falls Church-a awm security contractor an ni. Anni hian background hna chhui 65% hi an thawk a. The Office of Personel Management chuan he company hi nikum khan USD mtd 200 lai a hlawhtir a ni. Snowden hi Booz Allen Hamilton company-ah contractor hna USD 200,000 hlawhin a thawk mek a ni a. Snowden hi Hong Kong atangin a chhuak leh a, a chin hriat lohin a awm reng hnuah 2013 June 25 khan Russia President Vladimir Putin chuan 'Moscow Airport'-a Snowden-a awm thu a sawi chhuak a. Putin chuan Snowden chu 'Sheremetyevo airport' transit area-ah a awm tih chiang takin a sawi a. Amaherawhchu Snowden chu engtia tih mah an tum loh thu leh Russia security ten an va pawh loh thu a sawi a ni. Putin hi official visit-in Sunday-ah Finland-ah a zin a, he thu hi thawhleh ni June 25 khan a sawi chhuak a. Snowden hian US thuruk la puan zar loh tam tak a keng pawh a ni mai thei a, Mahse passenger pangngai angin ka lo en mai a ni a ti bawk. Amaherawhchu he airport secu-rity lam chu Sunday atang khan tihkhauh a ni tih thu a thang bawk. National Security Council spokeswoman Caitlin Hayden chuan,"Russia sawrkar hnenah Mr. Snowden chu vuaicha lova min hlan vat turin kan ngen tawh a, Boston Marathon bomb tihpuah atanga dan kenkawh thua kan thawhhona chhunzawm dun zel turin kan ngen tawh," a ti a. Mr. Putin chuan, "Russia security ten Snowden hi engtin mah an ti lo va, ani nen eng thil mah an tidun lo bawk," a ti a. Snowden hi Moscow paltlangin ram danga kal zel a tum niin a lang. Sheremetyevo airport-ah hian transit passenger-te hi darkar 24 an chawl thei hrim hrim a ni," a ti. US sawrkar chuan US Surveillance program te a puanzar avangin Snowden chu (Enthlatu)-a puhin 'Espionage' Dan hmanga man turin thu a chhuah tawh a ni.n

worLd crime 29 June 2013 Saturday | Vol.2 No.18

BRITAIN-AH FIRFIAKA INTHAHNA A THLENG

Britain-ah chhun en laiin firfiaka inthahna a thleng a, mipui a barakhaih hle. Khaw chhunga ralmuang leh hahdam taka kal sipai pakhat chu mi pahnihin chema vitin a lu tan an tum ta mai a. He thil hi London chhim chhak lama thleng a ni a, rinhlelh mi pahnih chu police-ten silaia kapin an man a. Arab tawngin 'Allah chu a chungnung a ni," tia auva mi thah tum mi pakhat chuan a chem pui a vai pup pup a, hei hi video camera chuan chiang tak-in a lo la a. Heng mite hi chokaa hman chi chem leh sa channa chem kengin khawpui lai liah an tal vel a nih chu. Sipai pawh kha an in atanga hla vak lo, Primary School bu-lah a thi. Mipui tamna karah tual thattu chuan, "Nangni mipuiho kha eng lai mahin in ralmuang lo vang. Mit aiah mit, ha aiah ha a ni ngei tur a ni," tiin a au chiam mai a. A kutah thisen a kai hnu-ang avangin vak vel mipuite chuan an hlau hle. Mipuite chu he thil thleng hi video camera-a lo la ngei turin a la ngen zui bawk. He mi pahnihte vun hi a uk lam deuh a ni a, thil sual an tih hnuah pawh tlanchhe lovin police lo kal tur chu an lo la nghak zui. Kum 20 chuang mi ve ve an ni bawk. Anmahni thla lo latu pakhat hmaah, "Mi ropui Allah hming chhalin kan intiam. Hetianga thil kan tih chhan hi nitin Muslim an thih vang a ni. British sipai te chuan mit pakhat an lak chuan an mit pakhat kan la ve ang. Ha pakhat aiah ha pakhat a ni zel ang. He thil thleng hi hmeichhiain an hmuh ve avang erawh chuan ngaihdam kan dil. Hetiang thil thleng hi kan awmnaah pawh kan hmeichhiaten ni tin an hmu ve," tiin tual thattu chuan a sawi. Police-te chuan an kah hliam hnuah an man a, an hliamte an enkawl vat hnuin helicopter-in damdawi in an panpui nghal. Police lo thlen hma hian chem keng firfiak pakhat chu cub scout hruaitu Enrique Kenneth-i chuan a lo hnial nasa a, he a hnial lai thlalak pawh hi chanchinbu lamah tar lan a ni. Kenneth-i chuan, "Mi tam tak i hmachhawn a, i chak lo chiang dawn a ni," a ti. He thil thlen hnu hian sipai awmna vel leh school chu khar a ni ta a. Britain Prime Minister David Cameroon chuan, "Firfiaka chetna hian min hneh dawn lo. Tluk pawh kan tlu hek lo vang. Firfiaka chetna hi kan tudai zel dawn. Thlamuang takin awm zel rawh u. Firfiakten min hneh dawn lo tih hi atakin lan chhuahtir rawh u," tiin mipui hmaah a sawi. He thil thleng avang hian Cam-eroon hian France President Francois Hollande nen an inbe lai a tawp-san a ni.n [Daily Mail]

HRIATTIRNAJCB khawl thar tha, operator senior tak nen, hawh theih a ni ta e. Rawn pan ve teh.

A hna thawh theih te 1) Foundation laih. 2) Lo rual rem lo siam rual. 3) Ekin khur laih. 4) Sangha dil laih

Biak pawhna hmun tur-

Pu Vanlalpuia (S.D.A) Tahan 'F'Tel. 073-22020 09-400476690 09-91008275

NWB North West Brothers co., ltd.

• PotashFertilizer• UreaFertilizer–mamawhtutetanwholesalelehratails-in kan zuarchhuak tawh e. A hlawma lei duh tan, an duhna hmun ngeiah kan pe thei reng bawk.• ပတကဓါတေျမၾသဇာ• ယရးယားဓါတေျမၾသဇာ • လကကားႏငလကလ၀ယယလသမားအတြကေရာငးခေပးေနပါျပ။• လကကား၀ယယသမားအားအမတငရာေရာကပ႔ေပးပါမည။

Ngaihven theihna (ဆကသြယရန): Mathanga (NWB Manager) NWB Office H.No.(160/13),Tahan'F'–Kalaymyo Ph: 09-3309 1569

TAHANTIMES | 7generAL knowledge29 June 2013 Saturday | Vol.2 No.18

JAPAN PUTAR KUM 80 MI EVEREST TLANGA LAWN

2013 May 23 internet news-a a lan danin Japan putar kum 80 mi chu Everest tlanga lawn tawh zawng zawng zinga upa ber a ni. Feet 30,000 laia sang Everest tlang hi kum 70 chho vel a nih lai pawhin vawi 2 a lawn tawh thu a website-ah tarlan a ni. Mahse he a record hian rei a daih lo mai thei. Nepal mi, kum 81 Pu Damreia pawhin Everest tlang lawn tumin a inbuatsaih mek tih a ni bawk. Tunhmaa British sawrkar kuthnuaia Gorkha betallion-a lo tang thin tawh Min Bahadur Sherchan hi 1960 vel atang daih tawha tlang lawn thang a lo ni. He putar, pahnih-te hian hmanah pawh tlang lawn an inel ngai tawh. Japan mi Miura chuan 2008 khan Everest tlang lawn zinga 'kum upa ber' nih a hauh naa Nipal mi Sherchan chuan kum 76 a tlin hma ni khatah Everest tlang chu a lawn a, record a siam ta a ni.n

MI PAKHATIN NEIH INANG INNEIH DUH LOH ENTIRNAN A INTI HLUM

Sakhuana lam atanga thlira pawmawm lo tak neih inang inneih a duh lohzia entirin Dominique chu Norte Dane Biak In chhungah lutin a inkap hlum. Norte Dane Biak In hi France ram Paris khawpuia awm a ni a. Chu Biak Inah chuan neih inang inneih duh loh-na entirin kum 78-a upa Dominique chu amah leh amah a intihlum ta a ni. Kris-tiante Biak In hmingthang taka mahni intihlum an awm tak avangin chu Biak In chu khar lailawk rih a ni bawk. Dominique hi firfiaka che pawl-ah pawh tun hma chuan a lo tel ve tawh thin. May 21, Thawhlehni khan Dominique chu he Biak Inah hian lo lutin pistol dawt chu hmuamin a inkap hlum ta a ni. He thil thleng hi Biak In ena lo kal tourist tam takin an hmu hman a. Dominique hi Catholic Kohhran-in tradition lam an puan thinna radio station-ah thu puangtu hna thawk mek a ni. A intih hlum hma ni chiah khan sakhaw kalpui dan tha kan theihnghilh tawh chu thar thawh leh a tul hle tiin a Website-ah a lo tar lang nghe nghe. A Eassay ziak sei takah Serh thuhmun inneih chu na takin a do va. France leh Europe-a mihring pung chak lutuk pawh tha a tih loh thu a ziak a. Islam sakhaw zirtirna dante pawh kan mamawh tawh a ti. Norte Dane In hi khawvel history-ah pawh lar leh hmingthang tak a ni a, khawvela building ropui zingah an chhiar tel thin. He biak In din kum 850-na pawh kumin chhung hian an buatsaih dawn. Dominique a intihhlum hnu hian Biak In compound-a chengte chu hmun dangah an thiar chhuak a, Biak In pawh darkar 4 chhung an khar a ni.n

INDOPUI VAWI II-NA LAIA LEHKHATHAWN TUNAH A LO THLENG CHAUH

Indopui vawi II-na laia 'hmangaih thu thawn' chu kum sawm bi tam a liam hnu-ah address neitu hnenah a lo thleng hlauh. Abi Jacobson hi hmeichhia kum 27 mi a ni a. February thla khan khualzin lo haw chuan a inah lehkha thawn pa-khat a lo dawng reng a lo ni tih a hria a. Chu lehkha chu 1944 kuma North Carolinaa sipai tang lai Captain Josef Matthew-an a nupui duhtak J.O. Mat-thew hnena a lehkha thawn a ni a. Chu mite nupa chu tuna Jacobson-i chenna in ngeiah hian an lo khawsa ngai tawh a ni. Jacobson chuan lehkhathawn chu chhiar lova a awm theih hlawl loh avangin a chhiar ta mai tih a inpuang a. "ka rilru a khawih lutuk. Hetiang thil hi a awm zen zen lo asin. Khang hun lai khan sipaite rilru chu tawt hle mah se, an thinlungah erawh chuan 'hmangaihna' chu kil khatah a tawm khiau tho a ni tih a lang a ni," tiin a sawi. Hemi hnu hian Jacobson chuan, 'The lost letter project' tiin a thian pakhat nen website an siam a, a neitu dik tak kuta lehkha chu pek ngei an tum ta a ni. A tawpah chuan kha lehkha ziaktu Josef fanu upa ber dawttu Amily Mivi Matthew nen an inchhar fuh thei ta a. Kum 68 lai thang bo tawh lehkha chu an kutah an hlan thei ta a ni. "A mak lutuk. A kut ziak ka'n en mai khan kapa kutziak tih ka hre mai. A nupui hmasa a thawn a ni a. Ani chu a thihna a rei tawh. Kapa erawh chu 1999 khan a boral," tiin Amily chuan a sawi. Matthew thlahte hi tunah chuan New York-ah an cheng hlawm a, chu lehkha thawn an han hmu thar chu an zain an hlimpui hle a ni.n

MAHATMA GANDHI THISEN SAMPLE CHU LONDON-AH LILAMIN AN ZUAR

India zalenna kawnga pa ber Mahatma Gandhi thisen sam-ple awmna darthlalang phek hnih chu England ram London khawpuiah lilamin an zuar a, an chhiar tanna man hi pound 10000-15000 inkar a ni. He darthlalang pahnih hi Mumbai khua Gandhi ril peng an zai kum, kum 1924-a an neih tan kha a ni. He tih lai vel hian a chhungte chu a thisen pawh a lo pe niin an ngai. Gandhi zuituten he darthlalang pahnih hi an hlutin an zah hle. Hei chauh ni lo Gandhi Sleeper, puan, khum phah pawh Mullock's lilam company chuan a lo kawl bawk. Kum 1948 khan Gandhi hi thah a ni a, a thihna hmuna an chhar thisen kai chem leh lei chu nikum lam khan Mullock's company hian a lilam a, pound 15200-a lei a lo ni tawh.n

တတားဥးအနး၊ျမသတာကနစဆငေဘး၊ဗလခပလမး၊ကေလးၿမ႕။ဖး-၂၁၈၃၈၊၀၉-၄၇၀၇၃၅၆၂၊၀၉-၆၄၇၂၈၄၈Ta Da Oo kiang, Sky Net dawr bul, Bogyoke Street, Pinlong, Kalaymyo.Tel: 073-21838, 09-47073562, 09-6472848

BIKE SALES & SERVICEHei le! Kan mi leh sate rinchhanin “Bike” thar tha, “Che Koung” (Mu,facgifxkwf) packing ngat tlawm takin kan zuar ve ta.Duhsaka min rawn dawrtute hnenah present eng emaw pek zel in ni ang.Tlawmngaia rawn kawhhmuh emaw, a lei tur rawn hruaitute tan pawh lawmman (yGJc) buatsaihsak in ni ang.Licence siam sa pawh kan zuar a, office kal buai ngai lovin min rawn pan mai dawn nia.

Cherry Maung Soe + Sayama Ringi

BIKE SALE CENTRE

8 | TAHANTIMES ceLebrity 29 June 2013 Saturday | Vol.2 No.18

MI IN CHHIAHHLAWH (SERVANT) AN NEI THEUH, KEINI ERAWH CHUAN KAN NEI LO: BROOKE SHIELDS

jennifer lopez PASAL NEI LEH DAWNMay 29 Los Angeles chanchin thang velah Pop Star Jennifer Lopez chuan a boy-friend Casper Smart chu a nei dawn

niin tarlan a ni. Jennifer hian ani chu kum tam tak chhung a lo zawn tawh niin a hria a ni. A naupang zawk naa a mipa tawn tawh zawng zawnga mahni inrin tawkna ngah ber a ni, Jennifer hian a ti bawk. Englai pawhin amah chu a kawm hlimin a tiphur reng thei tia Jennifer sawi thu chu contactmusic.com chuan a tarlang. "Jennifer hian Casper chu pasala nei tura duhpui lotu mi tam tak a hria a, mahse a pawisa lova, a nupui nih a duh tlat a ni," tiin a tarlang bawk. Jennifer hi kum 43 a ni tawh a, a hma-in Ojani Noa, Judd leh Marc Anthony te pasalah a lo nei tawh a. Engpawh nise Anthony nena an neih a fa phir unau, Max leh Emme te chuan Smart chu an ngaina sawt hle a. Jennifer chuan an pa tak aiin Smart (25) chu 'Pa tha' nih a tling zawk a ti daih mai a ni. "Casper hian a fate a awm taima a. Pa hrawn ni lovin 'Pa' pahnihna a ni ber e. Jennifer pawhin naupang infiampui te a peih a, an pa tak aiin hun pawh a hmanpui tam zawk daih a ti niin contactmusic.com chuan a tarlang bawk a ni.n

'TWiliGHT' STAr-Te An inTHen leH TA!Robert Pattison leh Kristen Stewart te chu an inthen leh ta nge nge. Inthen vawi hnihna a ni. Kristen hian a bialpa hlui chu text message a thawn fo tih a hriat chhuah avangin Robert hian a tuar ta lova a insawn san ta niin thu a thang. Robert hi kum 27 mi a ni. Kristen in-bual hlanin a phone chu Robert hian a lo khal a, Rupert Sanders hnenah message a thawn thin tih a hmuh tak avangin thu a buai zo ta a ni. Rupert hi nupui pawmlai nei, Holywood Film director a ni. A hma pawhin Rupert leh Kristen te hi an innel hle tih chanchinbu miten thla-lak nen lam an tarlan vanga Robert leh Kristen te hi vawi khat inthen phah tawh an ni. Khami tum khan Rupert pawh an chhungkua an buai phah hle a. "Robert hian a birthday zingah Kris-ten inbual hlanin a phone a lo en a. A tum tak chu birthday-a thlalak tih lam a nia. Mahse 'message' a hmu ta si a, a puak keh ta a ni. Atan thil en chakawm ni hek lo. Tichuan a chhuak ta daih a. Kristen-in ngaihdam a dil naa a theih loh. A thian pakhat inah a birthday party chu a va siam a, Kristen chu lo kal hauh lo turin Robert hian a khap hmak a ni," tiin an chungchang hre ril takin a sawi. Robert chuan a vawi khatna chu a ngaidam naa a vawi hnihnaah chuan a ngaidam thei ta ngang lo a ni. Kris-ten erawh chuan Rupert nen hian thian inkawm, thian inbiakin an in-message niin a hrilhfiah naa Robert chuan a bung-rua zawng zawng a la a, Los Angeles in atangin Thawhtan ni khan a chhuahsan ta a ni. A bungrua bakah an pahniha an chhan chhuah ui pahnih pawh Robert hian a hruai chhuak daih a ni tiin chan-chinah an tarlang.n

• Bikechhechihranghrangsiamtheihrenganita.Hmanrawchang-kang leh tha hmangin kan siam thei reng e. Kan tana hmanraw tangkai tak Bike hi kan duata kan uluk a tul. Kan dawr hi Bike Hospital tak tak a ni a, a siamtu pawh ram danga zir chhuak Bike Doctor a ni e. Bike Clinic hrang hranga siamtir ai chuan Bike Hospital-a siamtir hi a fin-thlak zawk.

• Carkepawhkanpumptheirenge.Kaihhruaiturmipanaupang(nurse)fel tak kan mamawh bawk. Tubeless chi hrang hrang pawh foreign ata hmanraw changkang leh tha hmangin kan siam thei ta e. Rawn pan ve chhin teh.

AddreSS : Vengpui Methodist Biak In kawt thlang Pu Liandawla tual zawl, Tahan 'A' Group

Hamptons Magazine Covergirl-a a tan avangin USD maktaduai 20 a hai lut a. Brooke Shields hian a tum ram thleng tura a beih-

naah hrasatna hrang hrang a tawk ve a. Magazine a hrilhnaah tun-laia a rilru tibuaitu ber chu nikum November-a a nu a thih avanga

lungchhiatna chu a ni a ti. A tleirawl laia Drew's house-a chawhlui pangngai ve mai a ei thin laite kha a hre chhuak fo thin. "Mi tin hian ina chhawr tur chhiahhlawh an nei a, mahse keini chuan kan nei lo. Ka nu chuan room pakhat hi a hawh ve tawp a," tiin a sawi bawk. Thleng te pawh keimahin ka sil mai thin. Ka nu chuan, "Mi angin chhiahhlawh kan nei ve lo. Chuvangin inah keimahniin kan thawk a ni," a ti. The posh long Island beach community chuan mipui thil register-na an nei a, mihring hming leh address-te an chhin-chhiah thin a, vangtlang chung lam mite an ni deuh zel. Brooke hi kum 11 a nihin nawhchi zuar tan tawh anga chhinchhiah a ni a. Ti hian a sawi, "Ka nu leh pate an in-neih hmain ka nu hi a rai sa avangin ka pa chu social register neiin a kal chhuak reng a," tiin. Kum 1980 chho atangin Brooke hi a rawn lar chho ta hle a, mahse a chhe zawngin a ni a, a hmeltha-in a duhawm em em bawk. Kum 48 mi The Blue Lagoon star hi naupang tak angin a la lang a, Dolce & Gabbane-te siam skirt chu a feng haih bawk a. Mawi takin a nui a, kokin lukhum a khum bawk a, a ria sang tha thlerh thlawrh

khawp lehnghal. Brooke hian fanu pahnih, kum 10 mi Rowan leh kum 7 mi Grier a nei a. A pasal chu TV writer Chris Henchy a ni. A hna leh in lama a buai viau pawh hian Brooke chuan Talk show host chu nuam a ti hle. "Ngaih dan engmah ka neih loh leh tu emaw rilru tihnat hi ka hlau em em a ni. Mahse mi han chhaih vel hi chuan nuam ka ti," tiin a sawi bawk.n

TAHANTIMES | 9entertAinmentTOP10BOXOFFICE

1 Monsters University $82M2 World War Z $66M3 Man of Steel $210M4 This is the End $58M 5 Now You See Me $94M6 Fast & Furious 6 $229M7 The Purge $60M8 The Internship $38M9 Star Trek Into Darkness $217M10 Iron Man 3 $403M

TOP10MuSICAlBuMS

1 Life on a Rock Kenny Chesney2 To be Loved Michael Buble3 The 20/20 Experience Justin Timberlake4 Side Effects of You Fantasia5 The Heist Macklemore & RL6 Based on a True Story Blake Shelton7 The Truth About Love P!nk8 Unorthodox Jukebox Bruno Mars9 Trouble Randy Rogers Band10 Night Visions Imagine Dragons

June ni 8 chanchina a lan danin fiamthu chawhpawlha lak ramhuai film 'Pee Mak' film chuan en a hlawh nasa hle mai a. Thailand-a film chhuak tawh zawng zawng zinga sum huilut chak ber record a siam ta tiin CNA chanchinah

tarlan a ni. He film hi March thla khan an chhuah tan a, US dollar mtd 33 a hui luh tawh avangin Thailand ramchhung film zingah record a siam ta a ni. Pee Mak film director hi a hma pawhin 'Shutten 4 BIA' leh 'Phobia 2,' hlauhawm film lam te pawha lar tawh a ni. 'Pee Mak' film hi Thailand hmasang thawnthu 'Mae Nak' behchhana lak a ni awm a. Sipai banga lo haw a pasal nghakhlel taka lo thlirtu a nupui thlarau-in a pasal hnena a chanchin dik hrilhtu apiang a thah zel thu a ni. Mahse director chuan 'Pee Mak'-ah chuan a tawpna lam a thlak danglam a. A pasal zawk thlirna lam atangin thawnthu chu a her danglam deuh ni awm a ni. Director chuan Singapore-a media ho hnenah, "He thawnthu hi chu mitin hriat lar sa a nia. Mahse an inhmangaih dan thawnthu hi a ngaihnawm ve a. Mihring pangngai a pasal leh a nupui thi tawh inzawm dan chu a thawnthu ruhrela hman a ni a, a ngaihnawm riau a ni," tiin a hrilh. n

29 June 2013 Saturday | Vol.2 No.18

Website: www.tahantimes.comE-mail: tahantime@gmail.com

Tel: 09 47072961

THAilAnD-AH pee MAK filMin SUM lA lUT HneM Ber

GIRLS GENERATION TEN KHAWVEL AN FANG

Korean Hmeichhe Pop Music group lar tak, “Girls' Generation” te chuan khawvel fang

kualin concert neih an tum a, hei hi an vawi khat thawh chhuahna tur a ni. A bul tan nan June thla hian South Korea ram Seoul khawpuiah concert an nei phawt a ni tiin Channel News chanchin chuan a tarlang. An khawvel fan concert hming chu 'Girls & Peace' tiin an vuah a. Girls' Generation te hian America, Taiwan leh South America khawmual ram tam takah concert an nei dawn a ni. "Khawvel hmun dang danga fan te nen kan inhmu dawn a, kan phur lutuk," tiin Girls' Generation member Kim Taeyeon chuan chanchinbu mite a hrilh. Girls' Generation te hi pakua an ni a, June 22 khian Singapore-a awm tur 'Fashion Show leh Asia Style Collec-tion 2013'-ah pawh mipui an awi dawn a ni. Tunlaia Korean Pop Music group-a hlawh-tling ber ber zinga tel 'Girls' Generation' te hi 2007 khan music khawvelah an lut tan a. An hla, 'Nobody', 'Gee' leh 'Genie' te chu mipuiin an duh hle a ni.n

CHHÛNGKAW RO TLING LEHKHABU

leiTheihNA hMuN1. Mualrawta Agape damdawi in thlang ['Aung' kuhva dawr bul]

2. Tahan Times Book corner3. Zion Book Shop

(Sermon Illustration)

10 | TAHANTIMES Article 29 June 2013 Saturday | Vol.2 No.18

TT: Hei MIzoten hmuh kan chak em em Israel ram (Ram Thianghlim) chu in zu hmu thei ta a. Kan lawmpui che hle mai. Holy Land Tour hi engtia ruah-man nge a nih reng reng?lMh: He Holy Land Tour hi Business Plus Travel and Tours Co, Ltd ruahman a ni a. Tahan Times-a he advertise-ment ka hmuh phatin an address chu ka contact nghal a. Tichuan Pu Ro-thangpuia (Myohla) te nen mi 17 chu kan kal ta a ni.

TT: A senso a hau tak hle kan ring a, eng zat chiah nge in sen deuh ber?lMh: Ni e, he Tour atan hian cheng nuai 29 leh sing 5 chu thun phawt a ni a. Visa siam velna leh Tahan atanga Yangon kal leh hawna velah nuai hnih/thum vel chu kan seng leh a. A hmun-ah hian lunch chu mahni intum a ni a, mahni lei duh zawng leh thil tul atan pocket money ken a tul bawk.

TT: Engti anga rei nge in thang?lMh: Kal kawnga thang chhung tiam lovin ni 11 hun hman tur a ni a. Israel ramah ni 8 kan cham a. Jordanah kan kal bawk. Egypt ram kal tur kan ni nain an ram buai deuh avangin kan tlawh ta lo. Jordan rama kan luh hian Petra khawpui hlui, 7 wonders of the world pawha tel thin kan tlawh a, a ropui kan ti hle. Jordan ramah guide hran kan nei a, Israel ramah pawh guide hran neiin kan kal thin. Breakfast kan ei zawhah kan kal chhuak nghal vat thin.

TT: Myanmar ram atang Tourist group anga kal hmasa ber niin kan lo hria a?lMh: Aw ni e. Myanmar ram atanga tourist anga kal hmasa ber kan ni a. Duat pawh min lo duat. Three Star Ho-tel-a thleng tura ruahman pawh min lo lawm em avangin Four Star Hotel-ah kan thleng a, a nuam khawp mai. Tour-ist anga Israel ram la tlawh lo ram hi khawvelah North Korea ram chiah an awm ta niin an sawi.

TT: In group-ah chuan tu tute nge tel?lMh: Kan group-ah hian atirah chuan mi 18 kal tura engkim tih fel a ni a.

Mahse mi pakhat chuan a thulh leh tak thut avangin mi 17 kan ni ta a. Mizo chu kei leh Myohla khua Pu Rothang-puia te kan ni a. A dang chu Kachin te, Karen te, Kawl te kan ni deuh nuk a, kan vai hian Kristian vek kan ni.

TT: Ni khata hun inhman dan tlangpui min hrilh thei em?lMh: Hrilh thei e. Zing breakfast kan neih zawh veleh kan tlawhna tur hmu-na an lo ruahmannaah kan kal nghal char char a. A huhovin lunch kan ei leh a. Chu bakah shopping day hi ni khat min ruatsak a. Zan lam pawh hi hun awl a ni a, a duh chu thil leiin kan chhuak thin. Israel siam savun hi a tha hle bawk.

TT: Dead Sea in tlawh dan te hriat ava chakawm em.lMh: Nia. Dead Sea kan tlawh tum hian kan hlim hle a. Ka thianpa Thang-puia nen Dead Sea diak kan inchulh a. He diak hi vun tihmawina atan a tha hle an ti. Dead Sea chu al tak mai a ni a. Mediterrianian aiin a let 10 laiin a al an ti.

TT: Hmun dang intlawh zinga i rilru khawih deuh te hriat a chak awm hle.lMh: Lal Isua pianna Bethlehem atan-ga a thihna Kalvari tlang thleng kan tlawh chhuak a. Kalvari tlang nia an sawina hmun kan thlen chuan rilru a khawih duh hle. Isua an phumna thlan (Protestant enkawl) kan tlawh tum

ISrAel[HOlYlAnd]zInTHuAHlAlMiHriATA [EINSTEIN]NENA INKAWMNA

pawhin a hmunah ka tawngtai a, rilru a khawihin hnuk te pawh a ulh duh khawp mai. Jordan lui kan tlawh chuan lal Isua kawr an tih chu dollar 10-a hawhin ka ha a, he kawr ha chung hian mahniiin ka inbaptist ta a ni, pas-tor pawh ka ruai hran lo. Mahniin vawi 3 ka inchiah ve tawp a ni.

TT: An khawlai boruak a zalen em?lMh: Aw, rin aiin a zalen khawp mai. Khawlaiah hmeichhia pawh hmuh tur an tam hle. Muslim ho ang an ni lo. Sap tawng hi an thiam vek tih theih a ni a, ka biak tawh zingah sap tawng ka thiam lo ti hi tumah ka tawng lo.

TT: Mizo Israel mite in va hmu em?lMh: Hmu e, kan len velnaah kan hmu a. Mizo an nih leh nih loh kan zawt a. An lo ni chiang mai. Kan han inhmu chu unau piang hmun ang hlauhvin kan inpawh nghal a. A nuam khawp mai. Zanriah ei turin min sawm a. An chenna hmunah min hruai a. Zanriah kan kilho. Mizo chawhmeh pawh an lo nei kim deuh vek a. Kan tlai ngei mai. Heng mite hi Aizawl lam atanga kalte an ni a. A then chu an thlenna pawh a rei tawh. Sipaiah te leh sawrkar hna dang thawkte pawh an awm a. Huan siama ei zawng pawh an awm nual. Awm rei deuh tawh thalaite chuan an Hebrai tawng pawh an thiam em em. Anmahni ang chiah an ni.

TT: An nula tlangvalte sipaiah an tang

hlawm em?lMh: Aw, Israel ram danah hmei-chhia pawh mipa pawh vawi khat tal chu sipaiah an tang ngei tur a ni. An hmeichhe tleirawl te te chu silai lawtsa kengin an duty a. An che rangin an vei ther ther reng mai a ni.

TT : Wailing Wall lam in kal em?lMh: Aw kal e, Wailing Wall-ah hian ka tawngtaina lehkha pawh ka zep lut ve asin.

TT : Hei, Tahan atang chuan Israel ram tlawh hmasa ber i nih kan ring a, pa pui tak chu i ni.lMh: A lawmawm khawp mai. Pathian zarah a ni e.

TT: Kalay Kabaw phaia Zofate chah duh i nei em?lMh: Aw, nei teh reng mai. Heti anga zin chhuah hi hlim awm tak mai a ni a. Experience pawh tam tak ka hmuh belh. Mite hnathawh dante pawh kan hmu nual a. Tuna kan mi awm thei deuh deuhte hian ram danga zin chhuah hi uar ta sela, mi hna thawh dante hmuin mipui tana tha tur company din te leh hmalak dan tur an hriat phah ngei ka ring.TT: I hun chep tak karah kan zawhnate min chhansak a, hetianga hun min pek avang hian kan lawm hle.lMh: Kei hlei hlei ka lawm, Israel ram ka tlawh chanchin sawi theihna hun ka nei a, ka lawm hle a ni.n

2013 April ni 3 khan Sayagyi Lalmihriata chu mi dang mi 16 nen Ram Thianghlim (Holy Land) tlawhin an zin a, an zin vel dan chungchang zawtin Tahan Times chuan ama inah May 30 tlai lam dar 4 khan a kawm a, ti hian kan han tichhuak a ni. (Sayagyi Lalmihriata= LMH, Tahan Times= TT tiin kan tar lang ang.)

Local News TAHANTIMES | 1129 June 2013 Saturday | Vol.2 No.18

TAHAN BAZARA SANGHA REP ZAWRH DAN

Tlangmite hian sa rep hi kan ngaina hle a. Vawksa rep te, Bawngsa rep te leh Sangha repte hi tui kan ti hle niin a lang. Hei tunah Tahan Bazara Sangha rep zawrh dan tlem kan han tar lang e. An zawrhna hmun ber hi sa zawrhna chhak deuh lawkah a ni a. Sangha rep chi 6 vel an zuar. Chungte chu Nghaler rep, Nghaphek rep, Nghachik rep, Nghalim rep, Nghavawk rep leh Nghabianghling repte an ni. Nghate rep pawh lei tur a awm tho. Ngha ler leh Nghaphek rep hi thleng lian 1-ah Ks. 5000 a ni a, thleng te 1-ah Ks. 2000 an ni. Tuk khata an hralh zat hi sawi mai a har an ti. Heng Sangha rep hrang hrang hi Tuikhin lam atanga an rawn lak, a zuartuten an khar chhawnte an ni. A buka lei duh tan Nghaler, Nghalim leh Nghaphek rep hi buk 1-ah Ks. 12000-a an hralh thu a zuartu Mang Mang Nu hnen atangin thu kan dawng.n

TAHANA THINGAI ZAWRH DANPathian thil thlawn pek zinga mihringte tana tangkai em em chu thing hi a ni a. Thming hmangin in kan sa a, in chhung mamawh chi hrang hrang pawh hi thing atanga siam a tam hle. Ei rawngbawl tute tan pawh tun dinhmunah hi chuan thing tel lo chuan a chet hleih theih loh a ni. Hengte avang hian thingai hi zawrh reng a ni a. Tahanah hian regu taka zawrhna hmun hi 3 a awm. Heng thingaite hi Thit Chauk, 55 miles leh khaw chhung thingai latute atanga lo lut an ni ber a. Tun lai hian thinguk leh char hi an zawrh deuh ber a ni. A man chu ai khat (ai dik)-ah Ks. 42000 a ni a, ai te deuh chu ai khatah Ks. 37000 a ni. Hei hi thinguk leh char thingah a ni ve ve. Heng thing aite hi Tahan khua chengte chauh ni lo, Letpanchaung, Tuingo, Kawlkulh leh hmun hrang hrang atangin an lei. Thingai hi a fur a thala zawrh reng a ni a, February- April thla chhung hian lei tur a tam bik zual. Thing fak pawha lei theih a ni a, tel khatah Ks. 500 a ni deuh ber. Char aiin thinguk hi hralh a kal zawk emaw tih tur a ni a, char pawh hi a keh duh em avangin leitu an awm reng tho. Heng a zuartute hian Forest Department-ah fee an pe thin a, thla khat-ah Ks. 30000 an pek thin thu a zuartu Pi Runneihkimi (Tahan B Group) hnen atangin thu kan dawng.n

TAHANAH CDMA 800 MHZ MOBILE SIM CARD

Mipuiten an nghahhlelh em em CDMA 800 MHz mobile SIM card chu 2013 June thla ni 22 zing dar 9 khan ‘pawh fuh’ hmangin mipui hnena hralh chhuah a ni ta. Tahan Ward tan SIM card 50 hralh chhuah tur a awm a. Chumi zingah Ne-myay-hmu phone la nei lo te tan 10 chu dah hran a ni. Khawtlang tana mi tlawmngai an nihna bakah an hna tana an mamawh em em a ni a. Office lam nen inbiak pawh zung zung theih hi thil tul tak a nih bawk avangin Ne-myay-hmu 16 zinga a la neilo te chauh pek bik an ni a. SIM 40 chu mipui tana theh a ni. Diltu 900 chiah an awm a, number pek vek an ni a, chumi zat chiah lehkha zial 900, num-ber inziak sa zial a ni. Chu chu naupang dang dangte kai chawpin pawhtir an ni a, an pawhfuh apiangte chu tun tuma mobile SIM changtute an ni ta a. Tun tum SIM leitu turte thlannaah hian khawtlang nu leh pa committee-te kaihhruainaa engkim ruahman a ni a. Lal leh upaten an duh duha an ruahman a ni lo tih chairman Pu Zam Do Nang leh Pu Lalhmuaka te hnen atangin thu kan dawng.n

KALAYMYO MYOMA BAZAR SAK THAT CHUNGCHANG2013 may 21 khan Kalaymyo Myoma bazar chhawng hniha sak chungchang Myoma Bazar chhungah meeting neih a ni. Meetting-ah chuan Township Management Committee Chairman U Aye Naing-an thuchah a sawi. Bazar committee chairman-in 'Myoma Bazar' chanchin a sawi a. Township Municipal Executive Officer-in bazar sak nana thil tul tur mipuite a hrilhfiah thung. Bazara dawr neitu mipui lo kal khawmte ngaihdan laknaah chuan Kalaymyo huam chhun-gah Myoma bazar, Panlong bazar leh Tahan bazar tihte a awm hlawm thu, Myoma bazar hi sak that ni dawn ta sela fur a tlak mai dawn avangin harsatna tam tak a awm thu, a bik takin 2006-a Tahan bazar kang leh 2007-a Letpanchaung bazar kangte avanga Kalaymyo bazara dawrkaiten an lo tawrh phah thu leh heng vanga dawrkaiten sum an lo paih hnemzia te dawrkai hmeichhe pakhat chuan a sawi. Bazar sak chuan kum khat lai a awh dawn avangin dawr khar a ngai rei hle dawn a. Khawlai velah dawr hawn lailawkna tur awm remchang a awm bawk si lo, chuvangin bazar sak thar hi a la remchang thei lo a ni tiin dawrkai pakhat chuan a sawi. He Myoma bazar sak that chungchangah dawrkaite duh dan an enin zaa 90 te chuan rem an tih rih loh avangin chawlhsan leh rih phawt tur a ni a. A tam zawk rem tih tlan hunah chauh sawi ho tha leh turin thu an pawtchat ta a ni.n

KALAYMYO-AH AIRPORT THAR SIAMNA TUR HMUN AN ZAWNG MEK

Sagain Region huam chhunga Kalaymyo-ah Airport thar siam-na tur hmun an zawng mek. Kalaymyo atanga mel 30-a hla Yazaju khuaah Airport si-amna tur hmun hi hotute'n an teh niin a hmuna chengten an sawi. Hetianga hmun an zawnnaah hian thlan tur hmun hnih an ruat phawt a. Thlan tur pakhatna hi Yazaju atanga chhim lam mel 3-a hlaah a ni a, Kongtaa khua atangin feet 3000 vela hlaah a ni. He Airport hmun tur hi a awmna atanga hmar lama awm Talungtaung nen mel 3 velin an inhlat a, Rulbuk tlang nen mel 3 velin an inhlat a ni tih U Win chuan a sawi. He Airport hi siam fel a nih chuan, Kalaymyo, Tamu, Kham-pat township tan pawh insumdawn tawnnaah nasa takin a tang-kai dawn a ni. Yazaju khuaah hian indopui II-na laia sap hovin an siam Airport hlui a awm a. Japan leh Sapho an indo khan he airport hi sap hovin an hmang tangkai hle. India lama thlawh luh nan an lo hmang nasa a ni. n

KUT HAH MAN LAM THEIHKum sawmthum vel kal ta khan Pu H.V.L.T.Mawia chuan Mizo zinga kut hah man pe hmasa ber nih ka hauh dawn tiin thuziak mi thenkhat chu a chanchinbu chhuah 'Tlaizawng'-a thuziak mi te chu kut hah man a pe tawh a. Kan hnung lawk, May thla chhunga Pu Rinchhana te unau zain an nu leh pate hriatreng nana Zawlbuk kaltlanga an buat-saih 'Thu Inziaksiak' leh 'Hla Inphuahsiak'-a telte zawng zawng chu kut hah man pek vek tura ruahman a ni a. Article inziaksiak leh Hla inphuahsiaka tel te zawng zawng chu Ks. 5000/ leh he 'Hriatrengna' souvenir bu dawn theih a ni a, Zawlbuk Office-ah a lam theih reng a ni tih Article inziaksiak leh Hla inphuahsiak secretary Pu Lalthuamliana hnen atangin thu kan dawng.n

KBZ MINI BANK CHU TAHAN BAZARAH HAWN A NI TA

Tahan Bazar chhawng 2-na 'B' floor-ah KBZ Mini Bank chu hawn a ni ta. An hawn chhan nia lang chu Tahan leh a chheh vela sum che vel a tam tham avang leh Tahana cheng mipuiten hawng tura an nawrna avanga hawng nia hriat a ni. Yoma Bank pawh hawn thuai an tum thu hriat a ni. KBZ Bank-ah hian sum a dah khawl theih a, sum thawn duh tan pawh thawn theih a ni. Zing dar 9 atanga tlai lam dar 3:30 thleng hawn a ni a, thawktute pawh an felin dawr an nuam hle. Heti anga Tahan Bazar ngeia Bank hawn a lo ni ta hi a vanneih thlak hle a. Mipui tan thil tang-kai leh hlu tak a ni.n

SIM CARD CHU LUCKY DRAW HMANGA ZAWRH A NIKan ram sawrkarin a lo sawi fo tawh thin Ks. 1500 man CDMA 800 MHz mobile phone sim card chu Kalaymyo township tan 2000 a rawn thleng a. Heng 2000 zingah hian sawrkar hnathawk lamin 600 an chang a, Kalaymyo pawn khaw te lamin 450 an chang ve leh a. Kalaymyo-ah hian Ward 19 awmin Ward 1-in 50 theuh an chang ve leh ta a. Heng sim card-te hi a la nei lo ten dil niin chhungkaw pakhatah mi pakhat-in dil theih a ni a. Dil tute hian mahni in bialtu lal hnenah dilna an theh lut a. Hengte hi Ward Administration office-ah a pawt fuhte an zawng leh a ni. June 21 khan dilna hi theh luh theih a ni a, June 22-ah a man fuhte chu zawn fel a ni a. Sawrkar lam hian thla tin deuh thaw Ks. 1500 man CDMA 800 MHz sim card hi a sem chhuak thin dawn niin thu kan dawng. Tuna CDMA phone te hian sipai tower an tawm rih phawt ang a. Ban (tower) pakhat chauh a ni a. Mahse phone a la tam loh avangin a la dawl rih turah a ngaih theih a, tun thleng chuan 'line busy' te pawh a la nasa lo va. Mobile connection sang chuang a awm hnu emaw, a lehpeka sim card pek chhuah a nih hun velah emaw chuan a ban, tower te pawh an phun zo hman ve zel ang a, inbiak pawh a harsa em em lo zel turah ngaih phawt tur niin a lang. Chin State-ah pawh CDMA tan tower leh khawl lamte bun mek a ni a. An zawh hun July 15 vel tinzawnin Sim Card 5000 hralh chhuah an tum a ni.n

12 | TAHANTIMES local news 29 June 2013 Saturday | Vol.2 No.18

A hun : 21-24 May, 2013 A hmun : Tahan field, Kalay Myo

Kawlphai Zofate zinga intihsiakna ro-pui bera chhal ngam khawp, Zawl-

buk buatsaih Pu C.Lalruata leh Pi Hmingthansangite hriatrengnaah hian ‘Thalai leh Naupang kum 14 hnuai lam lenkhawm zai, Super Idol (Gospel Song) contest, Super Model contest, Thu inziahsiak, Hla inphuahsiak’ te buatsaih a ni a, mipui lawm a hlawhin en a manhla khawp mai. He intihsiak-na namai lo tak hi kum tan tirh atangin khaw hrang hranga tlangzarh tan a ni a, hnam leh sakhua thliar a ni lo va, a duh apiang tel theih a ni. He function hautak tham tak hi Pu Rinchhana (Tahan A Group) kal tlanga

Golden Investment Co.Ltd. buatsaih a ni a. Stage pawh hi field chhung a kil, ni chhuahna lam, a lai taka sak a ni a, a vang tlawn thum, a dung tlawn khat leh a chanvea sak a ni. Puan hring mawi taka chei a ni a, Pu Rinchhana nu leh pa thlalak vinyl-a siam chu stage, a hnung bang, chung ber lai takah lian tawk taka tar vuah a ni. Mu-sic instrument lah chu tunlai kan rama an hman lar tha ber chi Japan kut chhuak Marshall ngat hi a ni, a vaiin cheng nuai 500 man hu vel Yangon leh Mandalay-a mi lei thar ngat hman a ni a, a mawi tawka an han tihrik ringawt pawhin farlong khat velah awm mah ila, pum a nghawr dut dut thei zu nia maw le. Tahan field (ft.700 x 500) hi Pu

Rinchhana zarah leirawhchana hung chhuah vek a ni a, Dawhsan(Stage) pawh tha taka sak a ni. Hei hi nakin leh zela hman atan rin nghal tur a ni. Heng bakah hian mipui thutna a chhawnga rem chhuah vek tur a ni bawk. Mei eng lian chi chhit kual vek tur a ni bawk a, Tahan khawtlang a nihlawh nasa. Musician te lah chu Yangon-a T.Melody guitarist Thanthawnga thian-zaho an ni hlawm a, an tawk khawp mai, an tisual duh ngai reng reng lo va, an tihsual poh leh an fuh ting mai ni hian a hriat. Musician-te hi mawng pawh hung hman lovin E. Studio Live (Liantea Tahan F) ah a chhun a zanin hla an zir tluk tluk mai a, Stage-a thiltih reng reng Live record vek a ni. Yan-

gon lam atangin tunlai thalaite lawm em em Chan Chan-i, Miss Golden-i’n a rawn kalpui thei bawk a, mipui beng leh mit a titlai hle a nih kha. Mizoram atangin endiktu leh khuallian, host leh zaithiam sawm an ni a, tun tum zet zawng hahipin an hrilhfak a, kan lawm tlang a ni ber mai. Kan khual thau leh cherte chu; Buta (Vulmawi), T.Zorampela, Lalhunchhungi (Zirsang-zela (fam) nupui), Sailothangi Sailo, Mathana (Tuarpuii), Rosangliana (Zo-rock), MTV Active Sound neitu Mama, Zoramchhani, J. Lalramengi (Jo Jo-i),Lalruatfela Pachuau, Zikpuii LPS (Host), Mawitei 2009 Super Model te an ni a, vawi khat function tuma Artist sawmte an thahnem ber tum a ni hial awm e.

INTIHSIAKNA ROPUI CHU

iNTihSiAKNA chi hrANg hrANgTe leh lAWMMAN ZAT1. Naupang lenkhawm zai (Kum 14 hnuai lam) Intihsiakna hlate chu; Anni chu an hnenah a awm, Han thlir teh u romei zam karah, Ka buaina thlalerah hian, Nitin ka hnenah awm reng ang che, Ka va ngai em Lal ram ropui’ te a ni a. Heng hla pangate hi en lova, sak chhuah vek tur a ni a, intihsiak hunah heng hla panga zingah pakhat an pawh fuh mi chu sak tur a ni. Khaw 19 an tel thei a, Top 10 thlanna chu MYA Chalpel, Mission Vengah neih a ni, Top 5 chin chu zanah mipui hmaah (field-ah) intihsiak a ni. Intihsiaknaa tel reng rengte hnenah Ks.100000 theuh pek a ni a, Top 5 tlingpha palina leh panganate chu Ks.100000 theuh pek leh an ni. Khual khuaa telte hnenah T.A leh ei in tumsak an ni bawk1st Vutbuak Ks.2000000.00 2nd Tahan ‘F’ Group Ks.1500000.00 3rd Pingkhung Ks.1000000.00

2. Thalai zaipawl (Veng, group, Khua) Intihsiakna hla chu Rokunga hla ‘Tlawmngaihna’ a ni a, mi 30 an tling ngei ngei tur a ni a, thalai tlemna khaw thumte chu ngaihnathiamna neih a ni bawk. Khaw(Group) 16 an tel a. Intihsiaknaa tel reng rengte hnenah Ks.100000 theuh pek a ni a, Top 5 tlingpha hnenah Ks.200000 theuh pek an ni. Khual khua telte hnenah T.A leh ei in tumsak an ni bawk.1st Tahan ‘C’ Group Ks.2000000.00 2nd Tahan ‘B’ Group Ks.1500000.00 3rd Tahan ‘D’ Group Ks.1000000.00

3. Thu inziahsiak Thupui chu ‘Nu leh pate hlutna’ tih a ni a, word 2000-3000 bithliah a ni. Mi 72 an tel thei a, Top 10 thlan a ni. Intihsiaknaa tel reng rengte hian kut hah man Ks.5000 an dawng vek a, Top 10 tling pha chinte hnenah Ks.20000 pek an ni.1st Rev. Ngurliana Tuingo Ks.1000000.00 2nd Kawlthangpuia Tahan ‘C’ Ks. 700000.00 3rd Zodinthanga Kanan Ks. 500000.00

4. hla phuahsiak Hla phuahsiak thupui chu ‘Kan rohlu chun leh zua’ a ni a, Mi 60 an tel thei a, Top 10 thlan a ni. Intihsiaknaa tel reng rengte hian kut hah man Ks.5000 an dawng vek a, Top 10 tling pha chinte hnenah Ks.20000 pek an ni.1st Rawngbawlliana Tahan ‘B’ Ks.1000000.00 2nd V.L Awia Tahan ‘A’ Ks. 700000.00 3rd Lalthansanga Tahan ‘F’ Ks. 500000.00

5. Super Model Super Model-ah hian mi 20 an tel thei a, a tel hrim hrimte hnenah Ks.20000 theuh pek a ni. Top 10-a tling phate hnenah Ks.50000 theuh hlan an ni a, Top 4 leh 5 hnenah Ks.100000 pek an ni. Subtitle-te; People choice, Best smile, Best Cat-walk, Perfect 10, Best fashion te hnenah Ks.100000 theuh hlan a ni bawk. Henga tel tur hian ruihtheihthila fihlim, nula hnahkhat, feet 5 leh inches 2 a tling chin a ni tur a ni.Super Model Lalrohlui Tahan ‘A’ Ks.1000000.00 1st Runner up Hilda Tamu Ks. 700000.00 2nd Runner up Hay Mar Kyaw Kalaymyo Ks. 500000.00

6. Super idol Super Idol-ah hian mi 65 an tel thei a, inthlitfimnaah mi 33 an tling a, an insaksiak leh a, top 10 thlan tlinte chu Ks.50000 theuh pek a ni a, top 4 leh 5 te chu Ks.100,000 pek an ni.Super Idol Lalhlupuii Tahan ‘A’ Ks.2000000.00 1st Runner up Roland Biakhmingthanga Tahan ‘B’ Ks.1500000.00 2nd Runner up R. Denghmingthangi Tahan ‘F’ Ks.1000000.00 He hriatrengna hunpui buatsaih turah hian Zawlbuk lam hruaitute pawh an tul vut vut thei khawp mai. Sub Committee chi 4 an din a, vawi duai lo an rel tawh hnuah Main Committee in a thial leh zel a. A chhan chu a hnahchawi a lo hnihthum ve a, Tahan Mizo Thalai Pawl te nen tang kawpin buaipui a ni a, thla a muang hle. Thil awm ngai zen zen lo tihtakah mipui pawh an lawm khawp mai. Tahan Field hi a zau tha lenglawng viau nain a zatve kan luah khat hmuk

ZAliANThANgA

to page 16

TAHANTIMES | 13domestic digest29 June 2013 Saturday | Vol.2 No.18

MYANMAR-CHINA ECONOMIC CHUNGCHANG SAWIHO

China ram Sichuan-a CCPIT Vice President Mr. Zhu Xiaojin kaihruaiin China company 40-a sumdawng mi palai leh Myanmar sumdawng palaite chu 2013 May ni 23 zing 9:30 khan Yangon Traders Hotel-ah "SICHUAN- MYANMAR BUSINESS MATCHING SESSION 2013" thupui hmangin sawihona inkawm-hona an nei. He sawihona hi Myanmar Tourism Resource-in a huaihawt a, China com-pany 40-te palai leh Myanmar company 108-a sumdawng mite an kal khawm. Sawihonaah chuan China rama ei-in lam siam industry khur chhuak thil laih (Mining) lam, construction lam bungrua, lawng tuk lam, khawl part, mei khawl, electrical leh wire siam lam, agriculture lam product, ran vulh, sangha khawi lam, bungraw dah vawhna pindan siam, communication leh technology lam, thil fawh chhuahna khawl chi hrang hrang siam... tiin industry chi hrang hrang chungchang an sawiho nasa. Tuna lo kal CCPIT hi China sawrkar kut hnuai Pawlho zinga pakhat a ni a, international ram hrang hrang nena indawr tura din a ni. CCPIT hian an trip vawi thumnaah Myanmar-ah an lo kal a ni a, an tum ber chu Myanmar sawr-kar nena inkawpin industry lam sumdawnna chi hrang hrang tan palai daha a taka hralh chhuah dan turte pawh zirtira thawh tak tak a ni. Tunah hian My-anmar hi politics a thlaka a insiam that lai a ni a, ram pahnihte tan thawhhona bul tan hun tha leh remchang tak a ni tiin CCPIT-a thuneitu pakhat chuan a sawi.n

RAM HMASAWNNA DALTU AN AWM AVANGIN RAM SIAM THAT DUH LOTU AN AWM: U THEIN SEINRam hmasawnna daltu an awm avangin ram siam that duh lotu an awm tiin America rama U Thein Sein a zin tum khan John Hopkins University-ah a sawi.Chu bakah a hruai mek sawrkar chuan harsatna hrang hrang karah pawh bei-dawng lovin ram siam that hna hi kalpui an tum thu a sawi a, ram mipuiten De-mocracy taka ram a kal hi an hmu chak hle a ni a ti bawk. Myanmar ram a mal din ngawih ngawih hi tihtawp kan tum. Kachin hel te nen pawh inremna an neih thuai tur thu a sawi lang bawk a. Kum 2011-a U Thein Sein president a rawn nih khan, lung in tang tam tak chhuah an ni a, chanchinbu lam pawhin zalenna rawn neiin America lam pawhin Myanmar chu thawk tha a ti a, kum 1990 hnu lama Myanmar a hrekna pawh a phelh ta a ni. "Myanmar ram chuan thil la awm ngai miah lo ti turin a bei nasa a. Sipai sawrkar atanga democracy system-a inthlak tura ke pennaah hian hrekna hi thil buaithlak tak a nih thu U Thein Sein hian a sawi lang bawk. America Senator-te leh Human Rights lam buaipuitute chuan Myanmar ram insiam tha mek hi englai pawha hnung lam hawi let leh thei a nih an ring a, Obama pawh hian a fak hma deuh niin an ngai.n

KAWLRAM PRIVATE UNIVERSITY HMASA BERKawlram Private University hmasa ber 'Victoria University College' chuan 'English for Journalists' training a buatsaih a. He training hi a thlawna kai theih a ni. 2013 May ni 18 zing dar 8 khan Yangon Upper Pansoedan Street-a chu University hall-ah hawn a ni. Chu Course chu Victoria University College Principal Dr Nay Win Naing kaihhruaina-in ram chhung zirtirtu pali leh ram pawn Ireland leh America-a mithiam pakhat ve ve ten an zirtir dawn a ni. Tuktin zing dar 8 atanga 11 thleng zir tur a ni. Training hi Theory mai ni lo, practical nen kawpa zirtir a ni ang a. Sawiho-nate nena zirho tur a ni. Zirtirtu U Thein Htut San chuan, 'Myanmar media khawvela miten inter-national boruak hip ve se, experience te lo neiin Myanmar media khawvel chawikan nan, tihchangtlun nan a ni ber,' tiin a sawifiah. He Course-ah hian media lama chanchin latute, editor te an vaiin 25 an kai a. Thla thum chhung an zir hnu-ah 'Journalism Certificate' hlan an ni ang.n[NLM]

PRESIDENT U THEIN SEIN LEH RCSS/SSA PRESIDENT LT-GEN YWET SIT TE CHU

NAY PYI TAW-AH AN INKAWM

June 10 khan Nay Pyi Taw-ah President U Thein Sein leh RCSS/SSA president Lt-Gen Ywet Sit te chu remna thuah an inkawm. He an inkawmnaah hian thu tlukna emaw lam nei lo mah se, inremna kalpui zel dan tur an sawiho. President U Thein Sein chuan Taiyintha-ho nen hun rei tak inremna a awm theih nana tan an lak thu te, Ram pakhata piang kan nih avangin Shan Taiyintha pawh ram neitu an nih thu te, ram tan lungrual taka thawh hova thu inhmu lo laite dawhthei taka inhriat thiam tawna politics hmel thar hmanga kal a pawimawh thu te, hmun tina remna a awm chuan Nay Pyi Taw-ah emaw khawi hmunah emaw in-remna thuthlung ziah a nih tur thute a sawi a. "Kan sawiho ber chu inremna a lo thlen theih nan engti anga hma lakho tur nge tih hi a ni a. Ram chhunga indona avangin ram a hmasawn loh thu kan sawi. Democracy kawng zawha mipuiten zalenna an neih theih dan tur chu kan sawi ber a ni," tiin Lt-Gen Ywet Sit pawhin a sawi. Inremna a thlen theihna tura endiktu pawl din pawh U Thein Sein chuan a sawi. RCSS/SSA leh sawrkar-te inkara inremna an sawi hnuah pawh indona hi vawi 50 chuang a thleng a. Hei hi inrin tawk lohna avang a ni. "Shan State-a ruihtheih thil phun an uar hi ram pum mawh a ni. Sum zawnna dang a awm chuan tihrem theih a ni ang," tiin Lt-Gen Ywet Sit chuan a sawi bawk. Inremna thuah sipai hi an pawimawh hle a, inrah behna a awm chhung chuan remna a thleng thei lo. Inremna lo awm turin kawng dik kan zawh tan a, mipui pawm tlan theih dan a awm ngei tur a ni a ti bawk. Union dik tak kan ni ang. Amah chauh-vin a thawk thei lo. Mipuiin an thlir Federal ram din a tul. Remna tak tak, thlen theih nan kan bei zel ang a ti bawk.n[Eleven Media]

HONGKONG TAILORINGHongkong tailoring-ah kan thui theih te-

1. Coat (Hnam kawrchhung leh kekawrtlawn) 2. Waistcoat 3. Kamis design chi hrang hrang 4. Hmeichhe kekawrtlawn 5. Jeans kekawrtlawn chi hrang hrang thui leh fit 6. Longpants chi hrang hrang kan thui thei reng e.

Dawrah hian puanthan zawrh nghal a ni bawk.

A thlawna puanthui zirtirna kan nei dawn a, a zir duh apiang Hongkong Tailoring-ah hming list pek theih a ni e. Test-na a awm anga, a paltlang apiang zir tura lak an ni ang. May 27, 2013 (Thawhtan) ni dar 11:00-ah interviewna neih tur a ni ang. Zir-chhuakte hi chhawr nghal an ni anga, hlawh an nei nghal ang. Zirtu chu kum 16-25 mi a ni tur a ni.

Ngaihven duhte tan: Hongkong Tailoring (ေကာထး), TZR thlang HOREB Building, Room No.1 Tahan Bazar thlang ('A' Group)

14 | TAHANTIMESMYANMAR AIRWAYS THLAWHNA-IN

TUM KAWNG A ZAWHSUAL LEH

June ni 10 khan Myanmar Airways thlawhna Yangon-Kawhtaung Maw-

lamyine- Yangon thlawk kual tur chu kawhtaung airport-ah tum kawng a zawh sual leh a. He thlawhna hi China ram siam MA 60 chi a ni. Ku-min chhung hian thlawhna accident a thleng zauh zauh reng mai a ni. 2013 June ni 10 chhun dar 1 leh minute 5 khan Myanmar Airways Flight XY- AIP Kawhtaung airport-a a tum chu tum kawng pelin feet 200 lai a zawh sual a ni. "Kawhtaung airport-a tum kan tum mek laiin hydraulic system a tha lo tih pilot signal a eng a, fimkhur deuhin kan tum a. Chuti chung chuan tumkawng ri chu feet 200 lai a tlan pel ta tho a ni. Tumah inhliam an awm lo," tiin Myanma Airways-a Managing Director U Than Tun chuan a sawi. He chet fuh lohnaah hian thlawhna thla a hma vir pahnihte chu a tliak chhe ve ve tih report dawn a ni. Mahse thlawhnaa thawktu leh passanger te tumah an inhliam lo. Thlawhnaah hian thawktu pali, passanger 55, nausen pawmlai 5 an chuang. Passenger pakhat chuan, "Yangon tanga kan lo chhuah atanga rei lo te-ah a khawl a tha lo an ti a, Yangon-ah kan let leh a. Yangon atangin Molamyaing khaw tlengin engmah harsatna a awm lo. Kawhtaung kan thlen hnu chauhin heti hian kan awm ta a ni. Passenger ho pawh kan phirsi zo a, nausen pakhat phei chu chhuatah a tla nghe nghe a. MA 60 thlawhna hi China ram atanga lei a ni a, thla hnih chhung lekin tum kawng chungchangah chetsualna vawi hnih a thleng hman a ni. 2013 May ni 16 khan Myanma Airways thlawhna MA 60 bawk hi Mai Sat airport-ah tumkawng zawh sualin a chesual tawh bawk. Myanmar sawrkar airline awmchhun Myanma Airways hian Fokker F 28 pahnih, ATR-72 pahnih, ATR-42 pakhat, MA 60 pathum Beech 1900 D pahnih, Embaer 190 pahnih, thlawhna chi hrang paruk thlawhna 12 hmangin private company thlawhna an service lohna khaw 26-ah an thlawk kual reng a ni.n

domestic News 29 June 2013 Saturday | Vol.2 No.18

CONTRACT ZIAKA HNA THAWK MALAYSIA RAMA MYANMAR MITE CHU AN HAW DAWN A NIH CHUAN

SUM CHAWI TURIN COMPANY-TE'N AN PHUT

Contract ziaka hna thawk Malaysia rama Myanmar mite chu an con-

tract ziah a ral hmaa an haw dawn a nih chuan sum chawi tura an phut thu company lam chuan The Daily Elev-en chanchinbu enkawltute hnenah an hrilh. Heng contract-a hna thawkte hi a tlangpui thuin kum 3 vel thawk tura tih an ni deuh ber a, kum 3 tlin hmaa hlauhthawnna avanga haw duhte chu Malaysia sum 1200-3500 inkar chawi turin company lam hian an phut a ni. "Malaysia rama hna thawk tam tak chu ka hnenah an rawn kal a. Heti ang hian harsatna an tawk chu a ni a. Min tanpui rawh an rawn ti. An hnathawhna neitute chuan contract a kim hmaa an haw chuan chawitir an duh si. A tha thei ang ber chuan ka sawi rem hram thin," tiin Malaysia ram Myanmar Ambassy-a thawk hna lam buaipuitu U Soe Win chuan a sawi. U Soe Win hi Myanmar mi, Malaysia-a harsatna tawkte buaipui tura sawrka-rin a tirh hmasak ber a ni a. Thla khat vel Malaysia-ah a cham tawh. "Haw ka duh tawh. Kum khat ka la hmabak si. Kan pu ka hrilh. Ani lah chuan haw dawn chuan Malaysia sum 2000 chawi turin min ti. Ka pek theih loh avangin ka awm zel a tul ang. Ka zawh fel hnuah chauh ka haw ang," tiin Ma Yamin Aung chuan a sawi. Contract ziah anga thawk zo tawhte pawh haw tum chu sum chawitir an tum tho bawk. Passport pawh ka nei. Permit pawh ka nei bawk. Levy pawh Malaysia sawrkar-ah ka thun zat zat. Kum 5 hna ka thawk tawh. Contract ka ziah pawh ka thawh zawhna kum 2 chuang a ni tawh. Haw ka tum thu ka sawi chu ka puin Malaysia sum 3000 chawi turin mi phut. Pek tur ka nei si lo tiin mi pakhat chuan a sawi bawk. Malaysia-a hna thawka awmte passport hi hna neitu leh Agent-ten an kawl a, haw tuma passport an dilin ti hian sum chawi turin an phut ta thin a ni. He tiaga passport inkawlsak hi Malaysia daah chuan khap tlat a ni lawi a. "Hna thawktu passport kawlsak hi danin a khap. Danin a phal si lova min pe rawh u an tih lahin tlan bo ula tunge inmawhphur ang an lo ti ve leh si," tiin U Soe Win chuan a sawi. "Permit neia thawk ni lo, a ruka thawkte chu Malaysia Immigration office-ah haw phalna an dil a, an hmu mai. Mahse contract ziaka thawkte chu an pute phalna lo chuan an haw thei lo. Ka passport a bo, permit a bo tia va sawi te pawh Immigration lamin an lo chhinchhiah thlap tawh si a. An pute an hrilh a, an haw thei ta thin lo a ni," tiin kum 8 lai Malaysia-a hna thawk tawh U Win Aung chuan a sawi ve bawk. Contract ziaka hnathawkte hian thla khatah Malaysia sum 600-1200 vel an hlawh a, chawi sum an phut hi an pe thei lo a ni.n

RAM DANGA THING LEH THINGA SIAM BUNGRUA HRALH CHHUAH TURAH TAX LAK

A NI TAWH DAWN LOMyanmar ram atanga ram danga thing leh thingasiam bungruate chu Overseas kawng atanga thawn chhuah thin tur a ni a, heng atan hian Cus-tom lam chuan chhiah (tax) an la tawh dawn lo tih Myanmar rama thing lam buaipuitute chuan an sawi. Tun hma chuan ram danga thing leh thinga siam bungrua thawn chhuahte hi a siamna hmuna an pack laiin vawi khat an endik phawt a, lawng chawlhna hmuna han endik leh ziah thin. A endik-tute hi Forest department leh taxation office-a thawkte an ni. "Ram danga thing leh thinga siam bungraw hralh chhuah turte hi packing an neih laiin vawi khat an endik a. Lawng chawlhna hmu-nah Costom lamin an endik leh bawk thin. Tunah chuan lawng chawlhna hmunah endik a ni tawh lo vang. Forest department leh Custom hotute inbiak rawn atanga he thil hi ti tur an ni. “A siamna khawl hmunah chauh endik a ni tawh ang," tiin Myanmar rama thing lam buaipuitu pakhat chuan a sawi. He ruahmanna hi June 1 atanga bul tan tur a ni bawk. May 20 khan thing lama sumdawngtu pawl (company) te leh kan rama thing lam buaipuitute pawh an inhmu khawm. "Custom lamin ICT 2-ah check tawh dawn lo mah se, rinhlelh kai deuh chu an endik leh tho ang. X-ray hmanga endik tur a ni. Tunah chuan vawi hnih endik hian hun a duh rei avangin vawi khat chauh endik a ni tawh dawn a ni," tiin an sawi.n

MYANMAR RAM HREKNA CHU A HUN PAWH SEI KA REMTI TAWH LO TIIN AMERICA SENATOR

CHUAN A SAWI

Myanmar ram president U Thein Sein-a America rama a zin zawh hnuah mihring

zalenna thuah Myanmar chuan harsatna la nei deuh mah se, Myanmar ram an hrekna chu tih tawp a duh tawh thu America rama Senator Mitch McConnell chuan a sawi. U Thein Sein hi White House-ah America President Obama nen an inkawm a, chumi hnuah America Senate member-te nen an inkawm leh a. An inkawm zawh hian Myan-mar ram hrek thua hmahruai thintu Mr. Mitch McConnell chuan Myanmar ram an hrekna chu tihtawp a duh thu a sawi ta a ni. "Hrekna thar lek chhuah leh hi Myanmar ram siamthatna hruaitute hmaia ben ang a ni. Tunah hian America Congress hian a tih tur dik tak a ti tur a ni," a ti bawk. "Heti anga rang hian Myanmar hi a insiam that kan ring lo. Tun hi hun pawimawh tak a ni,” a ti bawk. President Obama chuan Myanmar ram hrekna hi a chawlh lailawktir tawh a. Mahse Congress chuan Myanmar ram kal dan hi a thlingthla reng a, hrekna pawh a hun a pawtsei tawh thin. Hrekna tihtawp hian America chakna a tlak hniamtir an tih chu Mr. Mitch McConnell chuan a hnial a. Lung (rangkachak) tih ang chi hralhtir erawh la awm zel se a ti. Kentucky State congressman pawhin America Company-te pawh hian aw-mze nei lo hrekna chu titawp-in Australia leh Europe-a company-te angin a kal tawh tur a ni a ti ve bawk. U Thein Sein chu Republican hruaitute bakah Democratic party hotute nen pawh an inkawm. Democratic party hotu palite hian politic avanga lung in tang mi 250-te hming chu U Thein Sein hi an lo pe a, hnam inkara buaina pawh ching fel turin an lo fuih. An lehkha ziakah chuan, "Politic avanga tangte hi ram insiam chhohnaah an tel ve tur a ni. Chu vangin an tanna atangin chhuah zalen ngei tur an ni," tih an ziak tel. Myanmar hrekna titawp tura Congress-a thu an theh luhnaah Congress Speaker hlui Nancy Pelosi leh Joe Crowley pawh an tel a. America-a U Thein Sein a zin hian America-Myanmar insumdawn tawnna tura lungrualna hming pawh sign a ni nghe nghe.n[AFP]

MYANMAR RAMPUMA ELECTRIC POWER NEIH THEIH DAN TUR WORKSHOP

Ministry of Electrical Energy leh World Bank te huaihawtin Myanmar ram pumpui electric neih theih dan ngaihtuah workshop chu Naypyitaw Thingaha Hotel Grand Ballroom-ah buatsaih a ni. He workshop-ah hian President Office-a Union Minister U Tin Naing Thein, Electrical Energy Ministry, Union Minister U Khin Maung Soe leh Ministry of Energy Union Minister U Than Htay te, World Bank, ADB, IFC, Norway AusAID, USAID te, DFID te, International Financial Corporation-a thuneitute, Private Company-a sumdawng te an tel hlawm. World Bank hian SE4ALL (Sustainable Energy for All) Program-ah techni-cal lama tanpuina pek dan tur a ngaihtuah a, chumi chungchang chu workshop-a ngaihtuahho a ni. Mithiamten khawvel ram thang mektea an thil tawn tawh te, electric power siam chhuah chungchanga an experience te sawihoin power siam chhuaktu rate siam leh mipuite tlin tawk rate inkara inthlauhna chu World Bank hian a tul angin sumin a lo tang dawn a ni. Myanmar ram pumah chhung-kaw zaa sawmthum pasarih vel chauhin electric power hman tur an nei a. 2015-16-ah khian rampumah chhungkaw awm zatve chuangin electric an nei tur a ni tih hi sawrkar tum dan a ni.n

TAHANTIMES | 15iNterview29 June 2013 Saturday | Vol.2 No.18

LALRUATfELA pACHUAU kawmnaGospel singer lar tak Fela, Lalruatfela chu Pu Rinchhana leh a nauten an nu leh pa, Pu C. Lalruata leh Pi Hmingthansangi te hriatreng nana an buatsaih

Hunpui hmang tura lo kal a ni a. A zawh hnu khan recording lam buaipui turin Tahanah a la cham a, a thlen inah Tahan Times hmingin June ni 10 chawhnu lam khan kawmna hun hman a ni.

TT: E... Fela, inkawmna hun kan nei thei dawn a. Hei helaia i cham rei tlat te hi he hun tha lo awm tur vang a ni ang a?Fela: A ni ang. Ka kal chhuak tep tawh a ni.TT: Inzawt bawl bawl mai ila. Nu leh Pa te i la nei em? Khawnge an chen?Fela: Nu leh Pa, Pathian zarah ka la nei. Kei hi an tar lam fa ka ni a. Kapa hi kum 76 ka nu hi kum 72 a ni tawh. Mizoram West Phailengah an cheng.Unau pali kan ni a, a te ber ka nia.TT: Hei tunah hian gospel singer lar tak i ni tawh a. I chanchina thil thleng danglam tak sawi tur i nei ngei ang a?Fela: Ka nei asin. Ka pian chhuah hian ka dam chhuak zo dawn lo emaw an ti hlawm a. Min chhartu Nurse hian a hma zan khan mumang a nei a. Nau thi saa piang hi a lo hmu a. Nau thi chu a lo shock chiam a, a tinung thei ta hram a lo ni awm a. Kei chu a muman-ga a lo hmuh chiah chu ka lo ni a. Ka pianghlim chu ka duk vek a, ka dam hi tuma'n an ring lo. Mahse ka Nurse chuan min shock ta ngat ngat a, ka lo tha ta a. Tichuan Nurse chuan, “I pian dan pawh a mak, ka lo hmuh lawk dan te hi. Pathianin a lo ruat fel vek a nih hi,” a ti a. Pathian kutah Nurse chuan min hlan thlap a ni awm e. ‘Rawngbawltu ropui ni rawh se,’ te a lo ti a. Pathian tih mi tak a lo ni a.TT: Pathian tih mi takin a chhar che a, i nihlawh hle a nih chu.Fela: Ni khawp mai. Tichuan ka hming pawh a phuah nghal a, 'Lalruatfela' min sa ta a. Mahse ka'n tleirawl chhuak kha ka tum loh lutuk lengzem lamah ka kal ta a. Lengzem kha sual a ni miah lo. Keimah zawka khan ka chawm sual ta a ni. Ka nun a khalh kawi a, ka zo lo ta a. Kha kha Pathianin a lo phal hauh lo mai a. Bike accident two wheeler-in nasa deuh mai ka tawk ta a. Tah chuan ka thianpa chu a hmunah a bo-ral nghal a. Kei ka dam a, mahse ka thi tep a ni. Lengzem hlaa ka luck lai tak a ni a, Pathianin min lakchhuah dawn vang a lo ni a. Chuan ka thianpa thi chu ka thah-ah ka ngai ta tlat mai a ni. A bike thar-ah a remtihna ni lovin ka phur a, a phur lo chung chung ka phur ta a. Ka acci-dent zui a, a ni chuan a thihphah ta a. Tichuan amah chu ka thahah ka ngai ta tlat a, depression ka nei ta a. Ac-cidentah khan ka ngal ruh vei lam a tliak ve a, chumi na chhawk nana min enkawlna Morphine chu ka addict ta tlat mai alawm. Khawvel ka ning lutuk leh thih ka chak, dam ka thlahlel lo lutuk kha mihring te pawh hi ka hmu peih lo tawp. Damdawi chu nghei tumin ka inkhung tawp. Chuan Pathian mamawh lutuk nun khawhar, chhungril boruak khaw-ro lutuk khan he hla, 'A hmel mawi min hmuhtirtu' hi ka phuah chhuak ve tawp mai a ni. Nun harsat lai tak a nih chu. A mak lutuk. Ka phuah zawh paw'n mak ka ti lutuk a. 'Enga ti nge a hmel mawi min hmuhtirtu’ te ka la tizui a. Lungngaih mangan beidawnna te chu ka tawk ngei mai. Enga ti nge a hmel mawi hmuh nan Pathian hian he hla hi

min phuahtir le ka ti a.TT: Hla chu i ziak zung zung a ni maw?Fela: A... sawi a tul a ni ang e. He hla ka phuah dawn hian bathroom-ah in-tihhlum ka tum a. Zan reh tawh takah a ni a. Hollow guitar bula ka kal kha amah ka va pal nge ka hre tawh lo, a tlu ri bur mai a, a tlu bengchheng lutuk kha room atangin ka u a lo tho vat a. Chuan ka u khan, "Enga ti nge a va ri nasa rum rum ve?" a ti a, min rawn thutpui ta a. Pathianin rem a ti lo a ni ang.TT: A nih chiah chu.Fela: Chuan, ka u chuan, 'Mama, enga ti nge? Zanah lah i mu ngai si lo,” min ti a. Ka u chu Kohhran mi lutuk a nia. Thalai-ah te pawh hruaitu a ni a. Eng-kim min zawt a min tawngtai ta a. Bible ka chhiar ta a, khawvar dawn lamah he hla hi ka ziak chhuak ta a. Ka Bi-ble chhiar atang khan, 'Kan harsatna tawh reng reng, Pathiana tihchaknaa kan hman thinzia kha chiang em emin ka zuk hre ta a ni. Davida leh Paula te ngei pawhin an hman thinzia te ka thin-lungah a lo lang a. Kan duh ang zawng zawng te nei vek ila, amah kan rinch-han loh theih lohna turin rem a ruat thin tih hi ka va hmu chiang ta em em mai a. Mahse ka piangthar ta lua ka tihna a ni lova. Keimah phei chuan ka sa ngam lova Liandingpuii ka saktir ta zawk a. Ani khan thinlung zawng zawngin mit-tui nen a lo sa a. Chuan a sak tak hnu hian thinlung zawng zawngin mittui nen keiin ka ngaithla ve leh ta zawk a ni. Tichuan he hla hmang bawk hian Gospel Singer nih ka duh ve ta a. A satliah mai mai nih ka duh lova. Camp-ah te ka kal ve thin a. Vawi 2, 3 ka bei-dawng Piantharna tak nei lova Gospel singer nih hi ka ngam lo. Gospel singer satliah nih te chu a awl a nia. Amah rinchhan reng chung ngeia kal turah min duh si a, Amah rinchhan lo thei lovin min siam a lo ni tih chu chi-ang em emin ka hre ta a. Khang acci-dent kha min lo paltlangtir a ni. Khang kha paltlang lo ila hetiang hian nung takin ka zai thei lovang. Heng hla pawh hi ka phuah lovang. Nung taka zai tu-rin min duh si a, Rualfela hi harsatna ka’n pe malh malh ang a, chu harsatna hmang chuan ka'n chhum zawr phawt teh ang. Chuan ka rawngbawl turin ka tir ang a' tih phalna, a phal ti zawk ila. Hei hi a ni ropui ka tih ni. Pathian hian amah aia thil dang ropui ka tih hi a phal lo. Mak ve tak chu lar vut vut pawh ka nei lo. Hniam si lo, sang si lovin ka awm reng tawh mai.TT: Chu chu a tlo ber alawm.Fela: Ni e. Sapin 'Ever Green' an tih kha.TT: Tichuan 'A hmel mawi min hmuh tirtu' tih bak hla dang engte nge i phuah tak?Fela: Nu Nu-i, V.L Neihthangi sak 'Ka lungkham ram, 'Isua ka tan a tawk,' 'Tawngtaina,' 'Nun Krista' tihte kha ka hla a nia. Chuan Liandingpuii khan 'Siam thar lehna' Album-ah khan, 'Si-amthar lehna' leh 'A hmel mawi min hmuh tirtu' tih a sak te kha a ni leh a. Tuna an record mek, la chhuak lo-ah 'Hmangaihna a sang lua e' 'Ka ngai thin

then loh ram' tihte a tel bawk a. Hei lo pawh hla pakhat, a thlan tak leh thlan tak loh ka hriat loh a la awm. Kha chu dah rih mai ila. TBC-a pawh hian ka hla, 'A sawm ang che' tih a sa a, a hit ve viau. Hei hi chu khatla Pastor Bial zaipawl hla a ni bawk. K.Vanlallawmi te, Saizikpuii Sailo te pawhin ka hla chu an sa nual. A lar zual, an lar pui deuh chauh ka sawi a nih kha.TT: Ka hrethiam e, hla i phuah hnem tawh hle mai.Fela: Phuah hnem lo ve. Sawmthum vel chu ka phuah ve tawh. Ka phuah chhun hi tihian an sa chhuak zel a. Thil danga kan kal hmain ka hla keima’n ka sakte hi ka’n sawi leh ang e.TT: A pawimawh ber alawm.Fela: 2006 kum khan ka gospel album hmasa ber kha ka siam ve a. 'Engki-ma engkim' a nia. 'Engkima engkim,' 'A sawt tawh lo'ng' 'A hmelmawi min hmuhtirtu' 'Ka lo chhar ta' tih hla te a tel a. Liandingpuii sakna kha a rei ve tawh a. A hit chuai tur kha ka rawn up leh a ni ber mai.TT: Ni e. Liandingpuii sakna kha a rei ve tawh a.Fela: Chuan 2011 khan ka album Vol II ka tichhuak a. 'Pathian hmangaih-na' a nia. 'Aw i bei zel ang thim lal’ tih te, Lallianmawia Pachuau phuah, 'Hmangaihna ka sawi thiam lo,' tih te a tel a. 'Natna zara lawmna' tih pawh ka khung. He album-ah hi chuan ka hla ka phuah bakah ka phuah ni miah lo te pawh a tel a, Pathianin a vawrh a. Lallianmawia Pachuau kha ka Patea a nia.TT: A ni maw.Fela: Chuan lengzemah kai tawh ila. Lengzem hi album 2 ka siam hman a. 'A her leh ngei ang' 'Nghilh bik suh aw Rinpui' tih hla te ka khung a. Lengzem hi 60 lai ka phuah ve asin, mahse 10 vel chauh a hit.TT: Ni e. Hit hi thil namai lo tak a nia.Fela: Vanlalsailova pawh khan ka hla sak a nei asin. 'Lung i her leh si' tih kha a nia. Mimi Lalzamliani pawhin a sa a, 'Khuanu leng ruat loh di' tih kha.TT: Ka hriat zawng tak a ni hlawm. Tha ka ti hlawm lutuk.Fela: Mimi Lalzamliani sak hi a lar teh asin. Kan thian-nu pakhat, a rai tawh hnua a bialpain a bansana nu-pui a neihsan, kum tam vei hnua a nupui thena lo let leh a bialpain neih a rawn tum leh boruak ka phuah a nia.TT: E... he hla hi tha ka lo ti sa a, i phuah lo ni rengin. A thawnthu hriat hnua ngaihthlak chu a dang zaih dawn a nih chu. Singer mai ni lovin hla pawh i lo phuah hnem hle mai. A nih a tawp nan thu pakhat chuah Pu Rinchhana Nu leh Pate hriatrengna hunpuia i lo kal dan hi?Fela: Pu Rinchhana hi a

nu nen an accident a ni awm a. “Thih ngamin damdawi inah ka awm a,” a ti. “Kanu thih pawh ka hre lo. Ani chu dam turah ka lo ring a. Mahse 'I nu chu tunah kan vui liam chiah' an rawn ti phawng mai a. Ka rilru hi a na lutuk a. Thih ve nghal hi ka duh a,” a ti. “Chutih lai tak chuan he hla 'A hmelmawi min hmuhtirtu' tiha a thunawn zawng hi a rawn lut hlawl mai a. Mahse, ‘Lalpa ka duh lo,’ ka ti a. ‘Tunah ka nu thih thu ka hre chauh a ni a, kei pawh thih ngamin ka na a. I hmelmawi hmuhna tur hun a ni lo. Min paihchhuahsak rawh,’ ka ti a.” “Mahse a lo lut leh zel a, tun hnua a malsawmna ka dawn tak hnuah chuan Pathian remruat danah vuina tur reng a awm lohzia hi ka hre chi-ang a, a ropui ka ti lutuk a, he hla hi ka duh zual ta em em a,” a ti. Tichuan Pu Rinchhanan a nu leh pa hriatreng nana a buatsaih Icon thlannaah hian an theme song atan an thlang ta a. “A phuahtu ngei hi sawm ve rawh u,” a tih avangin min rawn sawm ve ta a ni. Tuarpuiin min sawm, min hrilh.TT: Aw... a nih tak chu. Tichuan i hmel te kan lo hmuh ve theih phah ta a, a lawmawm hle mai. I cham rei azarah hun kan nei thei a, a tihzia tak tak a ni. Tahan Times Office lamah te phei ila. Nl. Dini'n, “Thei tui vawt raih ka lo buatsaih ang,” a tih kha.. Fela: Phei ila.

n

16 | TAHANTIMES 29 June 2013 Saturday | Vol.2 No.18NewsLICENSE NEI LO MAWTAWR AN MAN TE LICENSE THAR

SIAMSAK AN NI ANGKalaymyo-a an man license nei lo mawtawr te li-cense thar pek dan tur a ruahman mek tih thu Deputy Police Director General chuan Kalaymyo khawtlang puipa U Than Tun chu June ni 19 tlai dar 6 vel khan a hrilh. "License nei lo mawtawrte license pek an nih tur thu Deputy Director General chuan a sawi ta ngei mai a, a zat tur an la bithliah lo va. Tuna Ka-laymyo lo kala an rawn tih dan rup rup hi chu police tih dan phung pawh a ni lo. Sipai tih dan deuh a ang. Hei hi a dik lo a ni. Khaw mipui te pawh an thla a bar, an thin a thawng nasa. Ruih theih thil leh ralthuam do tura lo kal an nih chuan chu lam chu bitumin che mai se, an lo kal chhan dik tak hi ti mai se," tiin U Than Tun chuan a sawi. U Than Tun hi 'Township management supporting committee chairman a ni. Pyithu Hluttaw Palai U Tin Hlaing leh Township Management supporting committee te chu June ni 20 zing lam khan an thu ho a. Kalaymyo-a li-cense nei lo mawtawr an rawn man chungchang leh khawpui chungchang an sawi ho. An sawihonaah chuan helai bial vel tihhma-sawn nan Hluttaw Palai te leh supporting commit-tee te thawhho a tul thu te an sawi a. Nay Pyi Taw atanga ruih theih thil do tura lo kal te an thlawp thu an sawi bawk. License nei lo maw-tawr te 'fine' tlem thei ang ber chawitir leh license thar siamsak tur thu pathum chu lungrualin an nemnghet a. Director General U Zaw Win hnenah thehluh an remti tlang a ni tih Pyithu Hluttaw palai U Tin Hlainga'n a sawi.n

TUNLAI KALAYMYO ELECTRIC CHUNGCHANG

Tunlai Kalaymyo leh a chhehvel electric inpek dan kalhmang hre-chiang turin Kalaymyo Township Chin Social and Culture Commit-

tee chairman Pu Lian Nawl leh Bishop Bawlliana te chu Kalaymyo Electric Department-ah June ni 13 ni khan an zuk leng a. Chanchin la turin Tahan Times lam pawh kan thawk thla ve a ni. Assistant Town-ship Electrical Engineer U Lian Khen Kham kawmna hun a awm thei hlauh a.

lN: Hei mipuiten electric department hna thawh dan te hi an hre chak a. Mei a lo kal that loh chhan te pawh hi an hriat a pawimawh hrim hrim a. Chuvanga lo kal kan nia. Tin, Zee Chaung hi 1996 khan mipui leh sawkarin a chanve vea inthawh tawmin an bun kha a ni a. Budget Nuai 700 siam a ni a. Mipuite hian an thawh ve tlat bawk avangin thil awm dan hriat hi an chak ve reng reng bawk a. A hmasain, Zee Chaung hydel atang hian electric tha engzat nge in pek chhuah theih?lKK: A thu chuan KW 1000 pe chhuak thei kan ni. Mahse a tak takah chuan KW 850 kan tichhuak thei tawk. Tunah tak phei chuan khawl pakhat a hman theih loh a, Mandalay lamah siamtir a ni a, KW 650 khawl pakhat chauh kan hmang thei a..

lN: Engine 350 KVA pe thei khawl te kha in nei a ni lawm ni?lKK: Kha kha chu a hma atangin Kyi Kone sipai hmun tan hman a ni reng tawh a. Hei pawh hi zanah darkar khat chauh a ni kan pek ni. Kalaymyo Chhim lam, tunhma atanga diesel line bik inzam sa ang kha chu zanah darkar 1 leh a chanve kan pe a. Anni pawh group li-ah kan then a, a inchhawkin an eng a, kar khatah zan hnih an eng theih chang a awm.

lN: He diesel line hi chu Tahan lamin zar kan zo lo a ni maw?lKK: Zo lo. Tahan lamah hemi 500 KVA diesel line hrui zam a ni ve lo a. Tunhmaa inzam pangngai bak a awm lo. Tahan lam chuan Zee Chaung hydel chauh hi an rinchhan a. Ni khatah darkar hnih kan pe a. Tunlai tak phei chuan chhun lamah kan pe thei lo. Tahan lam hi Group ruka then an ni a, zan ruknaah tlaivarin a eng ang. Kalay-Tahan inkar ban te hi thing ban an ni hlawm a. Concrete bana thlak an ni a. Ban thlak chuan mei kharsak vek a ngai thin a. Kharsak a tul hle loh chuan kan pe chhuak tho. Khur laih, ban thiar tih angah chuan electric khar kher a ngai lo va. Ban phun dawn erawh chuan khar a ngai thin. Tunah tak chuan kan hna pawh kan zo tawh.

lN: A nih chuan kan eng tha leh tep tawh a ni maw?lKK: Kan siamtira chu Zee Chaung hydel factory Incharge Ko Myint Moe Mandalay-ah kalin a va la dawn a. Ni 15 ni velah a rawn thawn chhoh theih chuan thla ral dawnah chuan a pangngai leh mai ang.

lN: A ziaawm chu. A nih tunah hian mi engzatin nge electric meter box neia hmang hi le?lKK: Kalaymyo-ah hian in 20000 vel kan awm a, in 4101-in sawrkar electric kan hmang a. Tun dinhmunah hian darkar 24 eng reng turin KW 4000 kan mamawh a ni.

lN: Kan mamawh zat leh kan neih zat chu a va intu lo ve le. A nih kan tan electric chungchangah eng nge thil beisei tur awm?lKK: ‘Myat Noe Thu’ company hian ‘Nat Ta Ga’ lui saw an rawn zir chiang nasa mai a. A tul apiang helam kan department pawh hi min rawn rawn thin a. Power chhuak thei zat tur hi chu thup a ni a, kan hre thei mai lo va. Mahse a tam tawk ang tih chu ka ring. A lui kuang awmdan leh tui han enin a tihtlak viauin ka ring a. Hei bakah chuan ‘Yazajo’ tuikhuah hi an zo tep tawh a. 2015-ah te chuan a hman theih tawh ngei ang a, sawta tang sawn 4 MW vel chu kan nei thei ngei ang.

TT: Chumi 4 MW chu bial dangah a chhuak dawn lo i tihna em ni? Tamu phei lamten an la ang em? lKK: Tamu lamah an thawn lovang. Kalaymyo bialah chauh hman tur a nia. Thil beisei awm leh pakhat chu President lo kal khan ‘National Grid’ line atangin kan pawt thei ve dawn ni awmin a sawi kha. National Grid line pui atanga kan lak ve theih chuan kan kham thei tawh ngei ang.

TT: Engpawh nise, kum hnih vel chu kan tawrh a la ngai a nih chu.lKK: Ni e. Kan nghak leh zel phawt mai ang chu.

lN: E. Pu Kham, min hrilhfiaha kan lawm tak tak a ni. Mipuite hnenah pawh kan hriattir leh ang a, kan din-hmun hi hriat an chak ve a, inkawmna hun kan nei thei a, kan lawm khawp mai.n

tihtheih a ni. En man a awm lo va, kan zalen tak meuh a ni. Police 10 rual ten, mi kawhmawhbawlte phurhna savawm bawm Motor-in an duty reng vang pawh a ni mai thei intibuai eih hmuh tur an awm lo. A chiap a lapin ngaihngam taka kan hmangho thei hi kan vannei a ni. Field gate-pui zawnah Zawlbuk hmingin ‘Tanpui ngaite tanpui’ atan bawm hun a ni a, T-shirt hnung lama ‘Zawlbuk, tanpui ngaite tanpui’ tih inziak kawr dum chu hak khatah Ks.3500 zawrh nghal a ni bawk. Stage hmaa VIP thutna ringawt pawh seat 300 deuh thaw a ni a, a hrana hung a ni bawk. Zan lama hun hman thin a nih avangin boruak a nuam tawk a, tlai lamah ruah sur mah se, program a tikhaihlak chuang lo hi thilmak ve tak a ni. Pathian hi a hun tak a che thin reng a, amah Pu Rinchhana hlapui Lalruatfela phuah ‘Ka Lalpa remruat dan hi, a makin hriat thiam a har lua e’ tih loh rual a ni lo. Tuarpuii che vel mawlh kha mipui a tibengchheng tham a ni. Salai Tawna hla (Kawl hla)’ Taung Paw Khong Yi Choe Mya Mya’ tih hla a sa tluan chhuak zak mai chu pui hem hem tak a ni. Vawi khat huau huau tuma Bike leh Motor

tam ber tum a ni awm mang e, tiin Bike Duty zinga pakhat chuan Kuva thial nuah nuah chungin a sawi. Mipui pawh 5000 kan chuang hial awm mang e zu ti mauha mawle. He intihsiakna ropui a lo pian chhuah dan nia lang chu kan puipa Pu Rinchhana khan tum khat lenkhawm ina a kalnaah thalaiten Mizo lenkhawm hla an sa baibah deuh nia a hriat avang khan thalaiten lenkhawm hla thiam leh se tih chu naupang atangin tan a pawimawhzia a hriat avang a ni pakhat a. Hnam zia leh nu leh pa hlut danah kan hnufual niin a hre bawk a. Tin, kan thalai zingah ziak mi, hla phuah thiam, zai thiam leh nula hmel tha kan awm ve a ni lawm ni tih chu pho lan tumin kil khata tawmim leh kiltawih talent nei thate chu mipui hmaah a rawn pho chhuak ta a ni. He tia a rawn vawrh chhuahna chhan bulthut nia chu, a nu leh pa, 21 October, 2009-a kum 65 mi nia chawlhsan tak Pu C.Lalruata leh 15 February, 2006-a kum 62mi nia famkhaw lama lawi ta Pi Hmingthansangi te hri-atrengna hmanga lo irh chhuak a ni ta ber a. A ropui hle mai, hnam leh khawtlang tana mi vophalte hi a

thlawnin a luang ral mai mai dawn lo tih hi khawiah pawh ni chhuahna apiangah hre mawlh rawh se. Pu Lalrinchhana kal tlanga Zawlbuk rawng-bawlhna hi mite hriat lar a ni ve ta a, amah avan-gin Zawlbuk pawh a changtlun phah ti ila, a sual tam awm lo ve. Zawlbuk hian damlo mangang tana hman tur Oxygen bur a thlawnin a hawhtir thin a, chhiat tawk leh rikrum thila hman tur Motor pawh a thlawna hman tur a nei reng a, chu chu vawiin thlengin miten an la hmang zel a ni. Heng bakah hian thisen mangangte tan thisen an zawnsak thin bawk. Tun tumah pawh hian Zawlbuk memberte an thawkrim hle a. Tahan lal Pu Zosangliana leh a thawhpuiten nasa takin an puibawm a,buaina leh harsatna awm lova him piala kan hmang thei hi kan changkanna pakhat a ni. Kan khuallian rawn kalte pawh khan nuam an ti a, thilpek tha tawk an dawnte khan he intihsiakna ropui hi a tihlu leh zua-la, a hnu leh zel atan pawh beiseiawm mite tana hamthatna tur thahnem tawk tak a la inphum ru mai thei asin.

n

MeC,GSM&CdMATop-upCard

WholeSale(or)retaillakduhchuan

096472956ahcontacttheihani.

TAHANTIMES | 17

MISSIONARY KAN MAMAWHKalaymyo bial, Yazagyo khaw chhak lam furlong li vel hlaa awm, Min Kin Taih khuaa thawk tur Missionary pakhat kan mamawh a, a duh apiang tan dil theih a ni. Dilna lehkha chu mahni ngeiin ziak tur a ni. Diltu nih turte:

1. Kawl tawng ziak leh chhiar a thiam tha tur a ni. 2. Ram thlalak (NRC) a nei tur a ni. 3. Kohhran thuhnuaia kun thei mi a ni tur a ni. 4. Kum 25 atanga 60 inkar mi a ni tur a ni. 5. Ruihtheihthilah a fihlim tur a ni. 6. Bialtu pastor recommendation a nei tur a ni.

Nb. 1. Dil hun chu July 31, 2013 (tlai lam dar 4:00) thleng hawn a ni. 2. Dilna lehkha chu a hnuaia address tarlanah hian theh luh tur a ni. 3. Kohhran ramri kham a awm lo va, eng kohhran tan pawh dil theih a ni. 4. Hmeichhia leh mipa thliar a awm lo va, a duh apiang tan dil theih a ni.

5. Hlawh zat tur: Single - 80,000/- (sing riat) Family - 100,000/- (nuai khat)

6. Personal Interview: A hun - Dt. 2.8.2013 (Zirtawpni, chhun dar 12:00) A hmun - District Meeting Room, The Methodist Church (Upper Myanmar) Letpanchaung District, Letpanchaung.

Hre chiang duh tan a hnuaia address-ah hian zawh fiah theih reng a ni e.

diSTricT oFFiceThe Methodist Church (Upper Myanmar)

Letpanchaung DistrictLetpanchaung

Ph. 09 47072851email: mcu.letpan@gmail.com

soccer29 June 2013 Saturday | Vol.2 No.18

Chief editorNi Lian Sang

editorZalianthanga

trANSLAtorSF. Lalbiakmawia

C. ZaithankhumaMeMberS

Laldinthari, The Rengs

PAtroNSLalsawmliana [LPS-Mizoram]Vanlal Zawma [UAE]B. Zarzoliana [Malaysia]Vanlal Dika [Canada]Pachhunga [Yangon]Vanlawmsanga [Germany]Lalrinsanga [Mandalay]Lalremsanga [Australia]Zoramchhana [USA]Lallawmthara [New Zealand]

JUVENTUS LAMAH KAL TURIN TEVEZ CHU SAWI FEL A NI TA

Juventus club-ah Man City striker Tevez chu pound maktaduai 7.6 a hralh a nih tur thu-ah club pahnihte an lung rual ta. Medical check up a paltlang zawhah kum 3 chhung juventus-a khel turin contract an ziak fel ang. Juventus chu Champions League-a a tel theih dawn chuan insawn man hi Man City-in a dawn belh bawk ang. Champions League-a Juventus a champion chuan pound maktaduai 2.5 an pek belh dawn bawk. Tevez hian Man City-ah khan kar khatah pound 196,000 a dawng a. Chu bakah thil dang atanga a dawn turte nen chuan Tevez hian pound maktaduai 17 lai dawn tur a nei. Season lo awm tur tawpah khian Tevez hi man lova kal chhuak thei a lo ni tawh si a, Man City-in pound maktaduai 7.6-a an hralh hi an tifuh hle niin an ngai hlawm. Season liam taah khan Tevez hian Man City tan goal 17 a thun a, a aiawh tur striker tha hi an lei leh ngei a tul tur thu Owen chuan a sawi ve bawk. Tevez-a lei tur hian AC Milan lam pawh an lo inbuatsaih a, Robinho-a an zawrh chhuahna suma lei chu AC Milan hian a lo tum rilru a ni. Mahse Robinho hralh chungchangah Santos club nen an inbiak rei deuh avangin AC Milan hian Tevez hi an chan ta a ni.n

MOURINHO A LO KIR LEH ESpecial One tia an koh thin Mourinho chu hnathawk turin a lo kir leh. Mail Online, You Tube emaw Chelsea TV emaw i thlir chuan hei hi i hre chiang ngei ang. Mourinho chu Chelsea-ah a lo kir leh a, a che vel chu thlalatuhovin an la laih laih a, an bawr vut vut a ni ber e. Kum 1580-a thi ta, hla phuah thiam Luis De Camoes hriat-rengna hun an hmang a, Portugal day a ni ngawt mai. Mei eng tak hnuaiah hun an hmang a, Cameramen ho pawh an au leh that thin. Mourinho chu meikhu rawng kawrchung mawi tak a ha a. Champagne te an inho bawk a. "Special One i la ni reng em? tih chu zawhna an zawh hmasak ber a ni. A chhanna chu 'Happy One ka ni e" "Ka hnaah ka inring tawk a, helai hmuna mite rilru leh tumte ka hre bawk. Ka thawhna club-ah reng reng ka hlawh-tling thin. Trophies-te ka chawisak thin a, ka hlawhtling fo a ni. Hei hi thil pangngai mai a ni bawk. Ka player-te nen rim takin kan thawk ho vang. Quality nei takin kan thawk ang. Keimahni aiin club hi a lian zawk a ni. Tute ai pawhin club hi a ropui zawk. Hlim tak leh hlawhtling taka ka lo thawh tawhnaah ka rawn kir leh a ni. Miten sang takin min lo beisei tih ka hria. He club hian fan pawh an nei tha, Special Club a ni. Chhungkaw Special kan mamawh a, Special tih hi Chelsea min pek a ni," tiin Mourinho chuan a chhang.n

TAhAN TiMeS Tel. 09 47072961

DAVID DE GEA CHU KHAWVELA GOAL VENG THIAM BER David De Gea chu khawvela goal keeper tha ber zingah a inhlang kai ta tiin Man U striker Javier Hernandez chuan a sawi. Spain ram mi De Gea hi Spain club Atletico De Madrid atangin kum 2011 khan a rawn insawn a. A man pawh a to hle, pound maktaduai 17.8 lai a nih kha. Premier League-a a khelh chhoh tan tirh lamah chuan a tisual fo va. Mahse season liam taah kha chuan a khel tha hle a, Man U-in premier league cup an laknaah pawh a tangkai pawl tak a ni. Kum 22 mi De Gea hian Man U keeper tho, Denmark mi Anders Lindegaard chu khumin Man U goal keeper No.1 nihna a rawn hauh nghet ta hle. Maxico mi Hernandez pawhin ti hian a fak hle ta a ni. Chuan, "Ka mimal ngaihdan chuan tunah hian De Gea hi khawvela goal keeper tha ber a ni. Season liam taah khan hma a sawnzia kan hriat theuh kha. Regu taka goal a ven thinna khan a pui nasa a ni. Tunah chuan duhsak reng tlakah a inchher ta. De Gea khan a quality chuan a lantir tawh a ni. Club tana a thawh thatnaah lawmthu kan sawi tur a ni," a ti.n

MARIO-A A HAHDAM TAK TAK EM?Mario Balotelli chu a bialnu Fanny Negue-sha hualna zungbun pound 100,000 man a pe tih thu a than hnuah Italy ramah chawl hahdamin hun a hmang. He mite pahnih hi thla ruk vel liam ta atang khan an inzui tan a. Manches-ter City Striker ni thin leh Belgian nula hmelthate hian hun hlimawm tak an hman chhoh zel an beisei. Fanny hian inhualna zungbun a dawn chu a pho lang tawh a, mite tanpuina hun ropui tak hman a tum bawk. He mite pahnih inkawp thlalak an tar lannaah an chhungten Fanny-i birthday cake an pek pawh a tel. The Sun chuan, Mario leh Fanny-te hian inneih hi an sawi dun thin a, tunah chuan a tak tak a ni dawn ta. Mario hian inhualna a hlan a, Fanny pawhin hlim takin a dawng. Holiday hmanga hun hlimawm tak hman an tum mek," tiin a tar lang. Balotelli hi Confederation Cup-ah Italy aiawhin a khel a, a inhliam deuh avan-gin Semi-final chu a khel thei lo. Kum tir lama Magazine-in a interviewna-ah Mario chuan a bialnu chungchang sawiin, "Hun rei lo te chhungin Fanny nen kan inkawp rem em em a. Heti anga ka hun pum hman hi ka duh," tiin. Footballer Mario hian hman deuh khan kum 25 mi, presenter, Raffaella Fico chu a lo kawp tawh a. Thla 4-a upa a fanu Pia pawh Mario-a fa a nih thu Raffaella chuan a sawi tawh a nih kha. Mario erawh chuan a hnial a, test neiha finfiah pawh a duh.n[Daily Mail]

18 | TAHANTIMES sport digest 29 June 2013 Saturday | Vol.2 No.18

COLEEN ROONEY CHUAN A FAPA PAHNIHNA A HRING LEH TA

Coleen Rooney chuan a fapa pahnihna chu a hring leh ta. Man-chester United Striker Rooney nupui hi British-a fashion design-er hlawhtling tak a ni a, hmanni lawk khan a fapa pahnihna An-thony Rooney chu a hring a ni. He mite nupa hian kum 3 mi Kai Rooney chu an lo nei tawh a. Coleen hian a chanchin lawmawm tak hi Twitter atangin a fan-te a hrilh a ni. "Zing lam dar 2:11-ah kan fapa pahnihna Anthony Rooney hian khawvel eng a rawn hmu tan a. Pound 7 leh 11 a rit a ni. Kan zain kan hlim tlang hle," tiin Coleen chuan a twitter-ah a tar lang. A hrin hma deuh hian a hrin hun pelh hnuah chauh a hrin tur thu a lo sawi tawh bawk. Nau nei tura a inhriat veleh damdawi in an pan nghal a. A hrin hma deuh khan "Ka awm a nuam lo. zanah pawh ka muhil thei lo. Nausen te lo piang tawh mai rawh," tiin Twitter-ah a lo tar lang tawh thin. Coleen te hi kum 2008 khan an innei a, kum 5 chhung chu an innei ta a nih chu.n

ENGLAND GOALIE JOE HART CHUAN A BIALNU HUALNA ZUNGBUN A PE

England goalie Joe Hart (kum 26) chuan a bialnu Kimberley Crew (kum 31) chu inhualna zungbun Pound 250,000 man a lei-sak a. Hei hi a bualnu birth-day hmanga Cabo, Mexico-ah holiday an hman tumin puan kaih lawnga an chuan laia a pek a ni. Joe hian a ke lehlam thingthiin zing-bun hi a hlan a, 'kumtluang di' turin Kim hi a ngen a ni. Kim leh Man City Star-te hian an kuta hmangaihna chhinchhiahna an entir lai lem chu Facebook-ah an tar chhuak a. Champagne-te indunin mawmbati en-gah dinner hlimawm tak an kil dun nghe nghe.n

THe TrUTH BiBliCAl ColleGe & SeMinArYHnam, Kohhran tin te angkhata tual lena Zirna Run The Truth Bibical College & Seminary (TBC & S) chu 2013-2014 Academic Year tan june 3-14 thleng Admission hawn leh a ni dawn e. Hamthatna Special programme dang kan neih te:1. New Zealand atanga zirtirtu thiam bik ten English an rawn zirtir ang.2. Computer Course hawn a ni ang.3. Economic Magagement Course hawn a ni ang a, zirtirtu Sir Zomuanpuia (Mama) B.Sc, Physics, M.B.A (Master of Business Administrative) a ni ang.4. Hostel-a awm rethei harsa te tan Mess Fee (ei leh in) free a ni ang.5. English uarthei ang bera hman a ni ang.6. Discipline khauh taka enkawl a ni ang. Night B.R.E, M.R.E hawn a ni ang.

Note: Admission form lak theihna hmun: 1. TMEF Office, Tahan Bazaar bul. 2. TBC & S, Tahan 'F' Group.hrechiang duh ta:1. Pu Hmingliana (Vulmawi) - Board Secretary. Ph: 09400512524, 09470800532. Sir Rochullova - Vice & Academic Dean. Ph: 094005136973. Sir Jedidia Lalhmingliana - Ph: 094005072954. Miss Jennifer Laldinmawii - Ph: 094005391115. Miss Zonunsangi - Ph: 09400502734

GAY-AN BOLT KHUM DAWN EM?

June 23 Pathianni khan America ram Iowa-ah World Championship intlansiak buatsaih a ni a. America mi tlan chak Tyson Gay chuan metres 200 intlansiaknaah pakhatna a la a. A tlan hun chhung hi 19.74 seconds a ni. Kum 2013-a khawvela tlan chak ber a ni ta. He mi hma hi hnih khan Gay hi metres 100 intlansiaknaah pakhatna niin 9.75 second-ah target hi a tlan thleng a ni. Olympic gold medalist Usain Bolt pawh a hneh ta a. "Hetianga ka ti thei hi a tha hle mai," tiin kum 2007 World champion Gay chuan a sawi. Ani hi inhliamna avangin hun eng emaw ti chhung a chawl a nih kha. "Ka hrisel avangin ka lawm a ni," a ti bawk. Isiah Young chu 19.86 second tlanin pahihna a ni a, Curtis Mitchell chu 19.99 second tlanin pathumna a ni. August 10-18-ah Russia ram Moscow-ah World championship buatsaih tur a ni a, metres 100 leh 200 intlansiakah Gay leh Bolt-te hi an inkhing tawk hle ang. Kingston-a buat-saih Jamaican Championship-ah Bolt chuan metres 100-ah pakhatna a la a. Moscow-a buatsaih turah hian an ram tan Bolt chu 4 x 100 metre-ah a tel bawk ang. Jamaica mite hian Olympic liam ta-ah te khan America intlansiak mite hi an khum hle a. Gay chuan, "Bolt hi englai pawha ropui ber alawm," a ti a, "Tha taka a inbuatsaih ka ring bawk," a ti a ni.n

wufaevif; decemberthlachhungdiscount• Mit lamah harsatna i neih chuan တကေနလငး rawn pan ve mai rawh.• Tarmitmantlawmberatang-inmantamberthleng(ratediktakin) kan nei reng e.• Computerhmanginathlawn-inimitpowerkanen-saktheibawkche.• Theihtawpchhuahinkantanpuiangche.• Duhsaknasangtaknenkanhmuakrengche.

Min rawn pan vat la, i inchhir hauh lovang.

elecTroNic & SANA• Sanachihranghrangleh,Mobilephone(GSM)chihranghrang,memory

card, off set, TV chi hrang hrang pawh man tlawm takin lei tur a awm reng. (Sana chhia te pawh warranty nei-in kan siam-sak thei tawh e)

မကစကနးမာ၊ လခမးသာ

TarmiT leh Sana dawr

EFCM Biak in kiang, Tahan, Kalaymyo.

Zin mite tan chanchin lawmawmKalay Kabaw leh hmun hrang hranga cheng tlangmite min duhsakna azarah keini family chuan 13 May 2013 atangin tun lai (Bus, Aircon) tha ber ber hmangin Kalay = Yangon (Direct) kan service ve ta e. Zin mite hahdam tak leh thlamuang taka in zin theih hi kan duhthusam piah lama in mi duhsakna kan chhan let naah kan ngai a, theih tawp kan chhuah e.

uav; &efukef

trSwf(141)? tcef;(903) Am;*&muGef'dk? Am;*&mvrf;? prf;acsmif;NrdKUe,f? &efukefNrdKU/

½kH;zkef; 01-518 147? 09 731 94300? 09 7300 3527

E-mail: info@bplustours.com

Business Plus Travel and Tours Co., Ltd onf jrefrmEdkifiH? tpöa&;EdkifiH? tar&duefjynfaxmifpkESifh

*syefEdkifiH&Sd c&D;oGm;vkyfief;tzGJYtpnf;rsm;\ todrSwfjyKtzGJU0ifESifhukd,fpm;vS,f c&D;oGm;ukrÜPDjzpfonf/

Business Plus Travel and Tours co., ltd

oef h&Sif;aom wdkif;jynfodkY c&pf,meftzGJU c&D;tdk a,&k&SvifNrdKU? oif\wHcg;wdkYtwGif;ü igwdkYonf&yfí aeMuvdrfhrnf/ qmvHusrf; (122;2)

tpöa&; ?tD*spf ?a*smf'ef oHk;EdkifiHc&D;a,&Skc&pfzGm;jrif&m AufovifNrdKUtygt0if? u&meD-um;wdkifvrf;? &Sifjyefxajrmuf&m O,smOfocsKØif;? awmifay:a'oema[mMum;&m

r*Fvmawmifawmf? Zdtkefawmif? oHvGifawmif? a*smf'efjrpf? emZm&ufNrdKUESifh arm&SDOD;aqmifívlrsdK;awmfwdkY *wdjyK&ma'o (Promised

Land )odkY oGm;&m vrf;wpfavQmufESifh emrnfBuD;ae&maygif;rsm;pGmodkY- (11)&ufc&pf,meftzGJUc&D;? uRrf;usifc&pf,mef q&mwpfyg;rS

OD;aqmifvrf;nTefay;rnfjzpfNyD;? vlBuD;rsm;oufaomifhoufom oGm;vmEdkif&ef aemufqHk;ay: rmpD;'D;um;taumif;pm;rsm;jzifh

vdkufvHydkYaqmifvnfygwfrnfjzpfonf/ jynf0ifcGifh ADZmrsm;? *gvdvJwGif taysmfpD;avSpD;jcif;? t&Sifayw½k\ig;uifjzifh aeYvnfpm

pm;oHk;jcif;? Dead Sea wGifaygavmay:a&ul;upm;jcif;? a,½k&Svifaps;qdkifwef;rsm;wGif vnfywfjcif;? udkif½kdNrdKUwGif vnfywf

aps;0,fjcif;? urÇmhtHhzG,fpm&if;0ifrsm;jzpfMuaom yd&rpfrsm;ESifh yufx&m a&S;a[mif;NrdKUodkY jrif;pD;vnfywfjcif;? opfukvm;tkyf

taysmfpD;jcif;rsm; yg0ifrnfjzpfonfhtjyif Mu,fav;yGifhtqifh&Sd [dkw,fBuD;rsm;wGifom wnf;cdkrnfjzpfNyD;? [dkw,fblzD;tpm;

taomufrsm; aeYpOfyg0ifonf/ jrefrmEdkifiHrSxGufcGmcsdefESifh qdkufa&mufcsdeftwGuf toifhawmfqHk;? Mu,fig;yGifhtqifh&Sd urÇmh

taumif;qHk; avaMumif;vdkif;jzifhom ydkUaqmifay;rnfjzpfonf/

toufomqHk;aps;EIef;jzifh wpfOD;vQif (29)odef;(5)aomif;usyfwdwd/

c&D;pOfxGufcGmrnfhaeYrsm; - 2013ckESpf? Mo*kwfv (26) &ufaeY?

2013ckESpf? Edk0ifbmv (11) &ufaeY?

oef h\Sif;aomwdkif;-ynf c\pPrwfyGJawmf (2013)jrefrmtzGJUESifhtwl? wpfcgrQrMuHKawGUzl;ao;aom c&pörwftawGUtMuHKopfrsm;udk AufvifNrdKUwGif &&Sdrnfjzpfonf/ 2014 ESpf

opfudk udkif½kdNrdKUwGifMudKqdkMurnfjzpfNyD;? (11)&ufMum c&D;pOftwGif; tpöa&;? tD*spf? a*smf'efEdkifiH&Sd emrnfBuD;ae&maygif;rsm;pGmodkY

vnfywfa&muf&Sdrnf/ 'DZifbm (22) &ufaeY c&D;pOfpwifrnf/

toufomqHk; aps;EIef;jzifhwpfOD;vQif uS$ 3300 wdwd/

*&d - tpöa&;&Sifaygvk omoemjyK&m? Oa&myajrESifh oefY&Sif;aomwdkif;jynf\t"duae&mrsm;odkY (15)&ufc&D;/ wpfOD;vQif uS$ 3700 wdwd/

vtxufygc&D;pOfrsm;tm;vHk;twGuf c&D;pOfrwdkifrSD (1) vtvdk pm&if;ay;oGif;&rnf/

v(10) OD;pkpnf;NyD;vdkufygvQif? (1) OD;tcrJhydkUaqmifay;onf/ (3) OD;ESifhtxufvdkufygvQif aps;avQmhay;onf/

vtoif;awmfESifhtzGJUtpnf;rsm;twGuf c&D;pOfrsm;tm;aps;EIef;oufompGm pDpOfay;aeNyD/

v toufwmajymif;vJapEdkifaom c&D;pOfrsm;twGuf ,ckqufoG,fvdkufyg/

tjcm;c&D;pOfrsm;New York + Philadelphia + Washington D.C. + Corning + Niagara Falls + Boston + Miami +

Las Vegas + Grand Canyon + San Francisco + Hollywood + Los Angeles NrdKUrsm;odkY - &uf (20) c&D;/

pufwifbm(20)xGufrnf/

wpfOD;vQif uS$ 5550 wdwd

Mo*kwfv(9)&ufaeYrwdkifrSD pm&if;ay;oGif;EdkifNyD/

Oa&myodkY (14) &ufc&D; wpfOD;vQif uS$ 3900/-