saltanat e mustafajamiaturraza.weebly.com/uploads/9/6/9/1/9691228/saltanat...topic: saltanat e...

TOPIC:

SALTANAT E MUSTAFA

SMS (1‐60)

@SALTANAT‐e‐MUSTAFA@

01

# Ahlesunnat Ka Aqeeda #

Har Cheez Ka Haqeeqi Maalik ALLAH Hey.

Us Ney Apni Ataa Sey Sarkar Ko >

> Kounain Ka Hakim,

> Saari Khudayi Ka Waali Banaya

> Sab Khazany Huzur Ke Paas Hen

> Jo Chahy Ataa Farmaen

> Jo Chahy Halal Ya Haram Farmaen

Aagey Unke Dalaail Paish Kye Jayenge


02

"Aur Unhen (Ya'ni Kuffar‐o‐Munafiqeen Ko) Kya Bura Laga ?

Yahi Na Ke ALLAH o Rasool

Ne Unhen (Musalmano Ko)

Apne Fazal Se Ghani Kar Dya"

<Sura e Touba Aayat#74>

Ma'lum Hua Sarkar Bhi Logon Ko

Ghani Aur Maaldaar Farmatey Hen

Aur Dusron Ko Ghani

Wohi Karega Jo Khud Maalik Ho


03

"Aye Mehboob ! Yaad Karo Jab

Tum Farmatey They

Us Sey Jise ALLAH Ne Ne'mat Di

Aur (Aye Nabi) Tum Ne (Bhi)

Usey Ne'mat Di"

(Sura e Ahzaab Aayat#37)

ALLAH Ghani Karta,

Ataa Karta, In'aam Farmata Hey

Aur

ALLAH Ke Fazal Se Uske Nabi Bhi

Ghani Karny, Ataa Karny,

In'aam Karny Waly Hen


04

"Jo Kuch Tumhe Rasool Ataa Farmaen

Wo Lo Aur Jis Se Mana Farmaen

(Us Se) Baaz Raho"

(Sura e Hashar Aayat#7)

Sarkar Mukhtar e Kull Hen


05

"Be Shak Hum Ney

Aapko Be Hadd o Hisab Ataa Kya"

(Sura e Kousar P#30 Aayat#1)

~Aap Ko Rabb Ne Kaha

Saahib e Khair e Kaseer~

~Ye Laqab, Ye Martaba

Saahib e Khair e Kaseer~

~Main To Maalik Hi Kahun Ga Ke

Ho Maalik Ke Habib~

~Ya'ni Mehboob o Muhibb Me Nahi Mera Tera~


06

Quran Se Dalaail Paish Kiye,

Ab Ahadees e Mubaraka Mulahiza Hon >

Mafhum e Hadis:

Be Shak ALLAH Dene Wala He Aur Me TAQSEEM Karta Hun

(Bukhari J#1 P#439)

(Muslim J#1 P#333)

Rabb Hey Mo'ati (Ataa Karney Wala),

Ye Hen Qaasim (Taqseem Karney Waley)

Rizq Uska Hey, Khilatey Ye Hen


07

Hazrat Jaabir Farmatey Hen ;

"Kabhi Aisa Na Hua Ke

Rasoolullah Sey Kisi Cheez Ka

Suwal Kya Gya Ho

Aur Aap Ne "Laa" Ya'ni "Nahi" Farmaya Ho

(Muslim V#2 P#253)

(Bukhari V#2 P#891)

~ Waah Kya Jood o Karam Hey

Shah e Batha Tera ~

~ "Nahi" Sunta Hi Nahi Maangney

Wala Tera ~


08

Sarkar Ek Din

Uhad Walon Ke Paas

(Mazar Pr) Nikly,

Namaz Parhi,

Phir Mimber Par Loutey,

Farmaya;

"Me Aagey Jane Wala Hun,

Aur Men Tum Per Gawah Hun,

Me Apne Houz Ki Taraf Bhe Dekh Raha Hun,

Aur Zameen Ke Khazano Ki Kunjiyan Mujhe Di Gayin,

Or BaaKhuda Muje Iska Khouff Nahi Ke Tum Mere Baad Shirk Karne Lago Gy,

Lekin Darr Hy

Tum Dunya Ke Ragbat Me Ek Dusrey Se Muqabla Karogy"

(Bukhari H#1261 ‐ Janazey Ka Baab)

(= 1/179)

Gour Kijye To Is Sy

>Urs Manana

>Ikhtiyar e Mustafa

>Hazir Nazir

>Elm e Gaib

>Hayaat

Ye Sab Sabit Hua,

Phir Ye Bhi Bata Dya Ke

Jo Ye Aqeeda Rakhy Wo

MUSHRiK Nahi


09

Abu Huraira Ney Arz Ki;

"Ya RasoolALLAH !

Aap Sy Buhat Kuch Sunta Hun

Magar Bhool Jata Hun

Farmaya;

Apni Chaadar Phelao,

Aap Ne Dono Hathon Sy

Chullu Bana Kr Chaadar Me Kuch

Daala Or Kaha

Isey Upar Lapait Lo,

Me Ne Lapait Lya,

Iske Baad Me Koi Hadees Na Bhoola

(Bukhari V1 P#22)


10

"Beshak Me Zameen Ke Tamam

Khazano Ki Chabiyaan Dya Gaya Hun"

( Bukhari V#2 P#558 )

( Muslim V#2 P#250 )

"Mujhey Zameen Ke Tamam

Khazaney Dye Gaye Hen

Aur Wo Mery Haath Me Rakh Dye Gaye Hen"

(Bukhari V#2 P#1042)

(Muslim V#2 P#244)

"Mujhey Har Cheez Ki Kunjiyaan

De Di Gayeen Hen"

(Masnad Imam Ahmed)

(Khasaais ul Kubra)

~ Kunji Tumhen Di Apne Khazano Ki

KHUDA Ney ~

~ Mahboob Kya,

Maalik o Mukhtaar Banaya ~


11

# Sahaba Ka Huzoor Sey Maangna #

Ek Martaba Huzoor Alahissalam Ny

Hazrat Rabee'a Sey Khush Hokar Farmaya ;

Maang Kya Maangtey Ho ?

Arz Ki ;

Me Aap Se Ye Maangta Hun

Ke Jannat Me Aapka Saath Ho

Farmaya:

Iske Ilawa Bhi Aur Kuch ?

Arz Ki ;

Bus Mujhe Yahi Kaafi Hey

(Muslim 1/193)


12

# Chaand Par Hukoomat #

Ahl e Makkah Ney

Huzoor Alaihissalam

Se Suwaal Kya Ke

Aap Apna Koi Mojiza Dikhlayen,

To Aap Ne Unhe Chaand Ke

2 Tukre Kar Ke Dikhaya

(Bukhari 1/513)

~ Sooraj Ulte Paaun Paltey

Chaand Ishaarey Se Ho Chaak

Andhe Najdi Dekh Ley

Qudrat Rasoolullah Ki ~


13

# Khazaaney #

"ALLAH Ney Merey Lye Zameen Samait Di,

Pas Mey Ne Zameen Ke Mashriqon Aur Magribon Ko Dekh Lya"

(Muslim H#2889)

(Tirmizi H#2182)

(Ibne Maaja H#3952)

(Abu Dawood H#4252)

(Nisaai H#1637)

Aagey Farmaya ;

ALLAH Ne Mujhe Surkh‐o‐Sufaid

2 Khazaney Ata Kye

(Muslim 2/390)


14

# Pahaaron Par Saltanat #

"Me Chahun To Mere Saath

Soney Ke Pahaar Chalen"

(Mishkat P#521)

Bat'ti Hy Konain Me Ne'mat

Rasoolullah Ki


15

Hazrat Abbas Ney

Huzoor Maalik e Koun o Makaan

Alahissalatu Wassalaam

Sey Arz Ki ;

"Me Ney Dekha (Bachpan Me)

Aap Gehwary Me Letey Chaand Sey

Baaten Kar Rahey They

Aur Jis Taraf Aap Ungli Sey Ishaara

Kartey, Chaand Us Taraf Ho Jaata"

(Baheqi)

(Ibn e Asakir)

(Khasaais ul Kubra)


16

Huzoor Alahissalatu Wassalaam

Ne 6 Sahaba Ek Hi Din

Mukhtalif Mulkon Ke Baadshahon Ki Taraf

Rawana Farmaye

To In Me Sey Har Ek

(Bagair Seekhey, Parhey)

Us Mulk Ki Zuban Me Guftugu Karny Laga

Jis Mulk Ki Taraf Usko Rawana Farmaya Tha

(Khasaais e Kubra 2/2)

(Shifa Shareef 1/208 )


17

Mafhum e Hadees ;

"Hum Ne Girhan Ki Namaz Me

Jannat Ko Dekha Aur Uska Khosha (Ghuccha) Pakra,

Agar Hum Wo Khosha Torr Lety

To Qayamat Tak Usko Khatey Rehte"

(Muslim 1/296)

Laa Wa Rabbil Arsh Jisko Jo Mila Un Se Mila,

Bat'ti Hey Konain Me Neamat Rasoolullah Ki


18

# Namaz Muaf Karwayi #

Har Musalman Jaanta Hey

Ke Musalman Par 5 Namazen Farz Hui

Na In Me Kami Ho Sakti Hey

Na Zyadati,

Lekin Sarkar Alaihissalam Ne

Ek Shakhs Ki 3 Farz Namazen

Muaaf Farma Di

(Abu Dawood 1/67)

Goya Khaaliq e Kull Ne

Aapko Shariyat Ka Bhi Maalik Bana Dya


19

Hazrat Habib Ke Walid Ki Aankhen

Saanp Ke Andon Par Paaun Aaney

Ki Waja Sey Sufaid Ho Gayeen

Aur Unhen Donu Aankhon Sey

Kuch Nazar Na Aata,

Huzoor Ney Inki Aankhon Me

Apna Luaab‐e‐Dahan Daal Dya

To Wo Beena Ho Gaye

Aur Sab Kuch Nazar Aaney Laga,

Dekha Gaya Ke Wo 80 Saal Ki Umar

Me Bhi Suii Me Dhaaga Daalty Thy

(Baheqi)

(Tibrani)

(Shifa Sharif 1/213)

(Khasaais e Kubra 2/69)

Inke Haath Me Har Kunji Hy

Malik e Kull Kehlatey Ye Hen


20

Huzoor Ny Ek Gazwa (7 Hijri)

Me 1 Chashmey Pr Nuzool Farmaya

Arz Ki Gayi ;

IsKa Naam BAISAAN Hy

Aur Iska Paani Namkeen Hy

Farmaya ;

Bulkey IsKa Naam NOMAAN Hy

Aur Iska Paani Meetha Hy

To Wo Chashma Meetha Ho Gaya

(Shifa Shareef 1/218 )

Wo Zubaan Jisko Sab

KUN Ki Kunji Kahen..


21

Abdullah Bin Anees Farmaty Hen ;

"Ek Yahudi Ney Mery Chehry Par Aisa

Zakham Maara Ke Sarr Ki Haddiyaan Tak

Khul Gayeen,

Me Usi Haal Me Sarkar Ki

Khidmat Me Hazir Hua,

Huzoor Ne Zakham Par

Apna Luaab e Dahan Daal Dya

Iske Baad Mujhe Bilkul Takleef Na Hui

(Tibrani)

(Khasaais 2/70)


22

Jang e Badar Me Abu Jehal Ne

Hazrat Muaz Ka Haath Kaat Daala,

Wo Apna Hath Uthaye Hazir Huey

Huzoor AlaihissalatuwasSalam Ny

Is Par Apna Luab e Dahan Laga Dya

Aur Isey Mila Dya,

Wo Usi Waqt Jurr Aaya

Aur Aisa Ma'lum Hota Ke

Kabhi Kataa Hi Na Tha

(Shifaa Shareef 1/213)


23

Fatah e Khebar Ke Waqt

Hazrat Ali Ki Aankhen Shadeed

Dukh Rahi Thin,

Huzur Ny Apna Luaab Mubarak

Inki Aankho Me Daala, Dua Farmayi.

Wo Tandrust Hogaye

Goya Kabhi Dard‐e‐Chashm Hua Hi Na Tha

(Bukhari 2/606)

JisKe Paani Sy Shadab Jaan o Jinaan

Us Dahan Ki Tarawat Py Lakhon Salam


24

Huzoor Ne Apna Dast e Aqdas

Paani Ke Ek Bartan Me Rakh Dya,

To Aapki Ungliyon Sy Paani Ke Chashmy

Phoot Nikly Jis Sy Logo Ny Wuzu Kya

Hazrat Qatada Ny

Hazrat Anas Sy Pucha ;

Kitne Aadmi Thy?

Farmaya ; 300

(Bukhari 1/504)

~ Naddiyaan Punjab e Rehmat Ki

Hen Jaari Waah Waah ~


25

Hazrat Huzaifa ;

"Huzoor Ne Qayamat Tak Jo

Kuch Honey Wala Tha

Wo Sab Bayaan Kar Dya,

Jisey Yaad Raha, Yaad Raha

Jo Bhool Gaya, BhooL Gaya

(MusLim 2/390)

Sar‐e‐Arsh Par Hey Teri Guzar,

DiL‐e‐Farsh Par Hey Teri Nazar

~

Malakoot o Mulk Me Koi Shey,

Nahi Wo Jo Tujh Pe Ayaan Nahi


26

Al‐Qur'an ;

"Hum Dekh Rahey Hen Baar Baar

Tumhara Aasman Ki Taraf Munh Karna

To Zarur Hum Tumhen Pher Den Gey

Us Qibla Ki Taraf

Jis Me Tumhari Khushi Hey

(Surah e Baqarah Aayat#144)

Rabb Ko Apne Mustafa Se Pyar Kitna Dekhye,

Khaana e Ka'aba Ko QIBLA

Keh Dya To Hogaya


27

Al‐Qur'an:

"Aur Beshak Qareeb Hey

Ke Tumhara Rabb Tumhen Itna Dey Ga

Ke Tum Raazi Ho Jao Gey

(Surah e Duhaa Aayat#5)

Aur Huzur Raazi Kb Hongy?

Yaqeenan

Apni Ummat Ko Bakshwa Kar,

Kitna Buland Martaba Hey >

Khuda Ki Raza Chahtey Hen Do Aalam

~

Khuda Chahta Hey Raza e Muhammad


28

"Mehboob Hum Ny

Aapko Kousar Dy Dya"

(Sura e Kousar A#01)

Kousar Sey Murad

Houz e Kousar,

Buhat Bhalayi,

Buhat Ummat,

Maqam‐e‐Mehmood,

Shafa'at‐e‐Kubra,

Sab Khalqat Pr Buzurgi,

Kuch Bhi Murad Ho

Rabb Ney Dya Or Buhat Kuch Dya

Or Mehboob Ny Lya

Jis Sey Unka Malik Hona Lazim Aaya


29

Hazrat Jabir Ke Ghar Gosht Me

Huzoor Ne Apna Lu'aab‐e‐Dahan

Daala To Wo Gosht Senkaron

Aadmiyon Ne Khaa Lya

Magar Na Gosht Kam Hua

Na Aata or Na Roti Pakane

Wali Bibi Ko Pakaney Me

Kuch Thakan Mehsoos Hui

(Mishkat ‐ Babul Mojizaat)

~ Aap Ne Qatrey Ko Darya

Keh Dya To Hogaya ~


30

Huzur Alaihissalatu Salaam

Ney Ek Boorhi Aurat Ko Bula Kar

IsKe Mashkeezy Ka Munh

Sahaba Ke Lye Khol Dya,

Wo Paani Sabko Kaafi Hua

Sab Ny Apny Bartan Bhar Lye

Aur Khoob Pee Lya

Magar Mashkeeza Usi Tarhan Bhara Raha

(Mishkat ‐ Babul Mojizaat)

~ Do Aalam Pe Jaari Hukoomat Tumhari


31

"Hum Ny Girhan Ki Namaz Me Jannat

Ko Dekha Aur Iska Khosha Pakra,

Agar Chahty To Khosha Torr Lety

To Tum Isey Qayamat Tak Khatey Rehty

(Mishkat ‐ Baab us Salat AlKhashf)

Pas Saabit Hua Ke

Huzoor AlaihissalatuWasSalaam

Dunya Me Reh Kar Bhi

Jannat Ki Har Cheez Ke Maalik Hen


32

Hudaibia Ke Kunwey Me

Paani Buhat Kam Tha,

Huzur Ny Pani Me Teer Daala

Jis Sy Kunwey Ka Pani Zyada Ho Gaya

(Mishkat ‐ Baab ul Mojizat)


33

# Jaanwaron Par Saltanat #

Hazrat Abu Talha Ke Arryal Ghorey (Horse)

Par Ek Baar Huzoor Alaihissalam Ney

Suwari Farmayi To Wo Ghora

Hamesha Ke Lye Acha Hogaya

Aur Phir Kabhi Na Arra

(Mishkat ‐ Baab ul Mojzaat)

Inhi Sy Karti Hen Chiryaan Faryaad

~

Inhi Sy Chahati Hy Hirani Daad


34

Ek Shakhs Bayen (Left) Haath Sy

Khana Kha Raha Tha

Huzur Ne Isey Dahiny (Right) Haath Sy

Khany Ke Lye Farmaya

Kaha ;

Mera Haath Bekaar Hy

Farmaya ;

Tu Aaj Ke Baad Seedhy Haath Sy

Na Khaa Sakega

Phr Uska Haath Aisa Bekar Hua

Ke Kabhi Munh Tk Na Aasaka

(Mishkat ‐ Baab ul Mojzat)


35

# Adab Ki Ta'leem #

"Aye Iman Walo !

ALLAH Aur Uskey Rasool Sey Aagey

Na Barho, Beshak ALLAH Sunta Janta Hy"

(Surah e Hujraat Aayat#1)

Bataya Gaya Ke Koi Musalmaan

ALLAH Ke Habeeb Alaihissalatuwassalaam

Sey Kalaam Mey,

Chalney Mey,

Gharz Kisi Bhi Baat Me

Nabi Sey Aagey Na Ho


36

# Aawaaz Past #

"Aye Iman Walon!

Apni Aawazen Oonchi Na Karo

Ghaib Batany Waly NABI Ki Aawaz Sey

Aur Unky Huzoor Baat Chilla Kar Na Kaho, Jesy Aapas Me Ek Dusrey Ke Saath

Chillaty Ho,

Kaheen Tumharey A'amal Barbaad Na Ho Jayen Aur Tumhen Khabar Bhi Na Ho

(Sura e Hujraat Aayat#2)


37

# Aawaaz Past Karne Walon

Ko Bishaarat #

Al‐Qur'an ;

"Beshak Wo Jo Apni Aawazen Past Karty Hen Rasoolullah (Alaihissalatuwassalam)

Ke Paas, Ye Wo Hen Jinka Dil ALLAH Ney

Parhezgaari Ke Lye Parakh Lya Hey.

Inky Lye Bakhshish Aur Bara Sawab Hey"

(Sura e Hujrat Aayat#3)


38

"Aur Tumhen Haajat Mand Paaya

Phir Ghani Kar Dya"

(Sura e Duhaa A#8 )

"....Rabb Tumhen Itna Dega

Ke Tum Raazi Ho Jaao Gey"

(A#5)


39

# Maalik e Shariyat #

"Aur Kuffar In Cheezon Ko Haraam Na

Manty Jo ALLAH Aur Usky Rasool Ney

Haraam Farmayin"

(Sura e Touba Aayat#29)


40

# Banda e Nabi #

"Farma Do Aye Mehbob !

Aye Mery Wo Bandon Jinho Ney

Apni Jaano Par Zyadti Ki,

ALLAH Ki Rehmat Sey Na Umeed Na Ho.

(Sura e Zumar Aayat#53)

Ma'loom Hua Ke

Huzoor Alaihissalam Ko Ijazat Di Gayi Ke

Jahan Bhar Ke Musalmanon Ko

Apna Banda Ya'ni Ghulam Farmayen


41

Al‐Qur'an ;

"Aye Iman Walon !

ALLAH Aur Usky Rasool Ke Bulaney Par

Foran Haazir Hojao

Jab Tumko Bulayen"

(Sura e Anfal Aayat#24)

Ma'lum Hua Hey Ke

Itaa'at Ke Wajib Hony Ki

Yahi Waja Hy Ke

Huzoor Alaihissalatu Salam

Sab Key Malik Hen

Ya Rasoolallah

Hamen Apne Darr Par Bula Lijye


42

Sarkar Alaihissalam Ne

Ek Sookhi Bakri Ke

Thano Ko Haath Laga Kar

Is Sy Is Qadar Doodh Nikaala

Ke Tamam Jama'at Sair Ho Gayi,

Malika Ke Sarey Bartan Bhar Gaye

(Mishkat ‐ Baab ul Mojizaat)

Sookhey Daano Pe Hamarey Bhi Karam Hojaye

~

Chaayen Rehmat Ki Ghata Ban Ke Tumharey Gaisoo


43

# Saahib e Shariyat #

Farman e Sarwar e Aalam

Sallallahu Alaihi Wasallam ;

"Aye Logo Tum Par Hajj Farz Hey,

Lihaza Hajj Karo

Pucha Gaya ;

Ya Rasoolallah !

Kya Har Saal Hajj Farz Hy ?

Farmaya ;

Agar Hum "Haan" Farma Detey

To Har Saal Hi Farz Hojata"

(Mishkat ‐ Kitab ul Hajj)


44

Hazrat Anas Ke Baagh Me

Ek Baar Huzoor Tashreef Le Gaye

To Inka Baagh Saal Bhar Me

2 Baar Phal Deny Laga

(Mishkat ‐ Baab ul Karamaat)


45

Khateeb e Qustalani

Imam Ahmed Bin Muhammad ;

"Mere Maan Baap Us Shehanshah Par

Qurban Jo Us Waqt Sey Baadshah Hen

Jab Hazrat Aadam Mitti Aur Paani

Me Jalwa Gar They"

"Jab Huzoor Kuch Chah Len

To Usky Khilaaf Nahi Ho Sakta

Aur Na Koi Inko Rok Sakta Hy"

(Mawahib ul Ladunya 1/46)


46

Allama Yousuf Bin Ismail ;

> Huzoor Dety Hen

Aur Saayilon Ki Haajat Rawayi Karty Hen

> Museebat Zadon Ki Museebat Door Karty Hen

> Huzoor Shafa'at Farmayen Ge

Aur Jisko Chahen Gy Jannat Me Dakhil Karengy

(Shawahid ul Haq P#135)

Mere Aaqa Detey Hen

~

Jholi Sab Ki Bhartey Hen


47

Sheikh Abdul Haq Muhaddis Dehalwi ;

Huzoor Alaihissalaam

Saltanat e Ilahi Ke Muntazim

Aur Muqarrar Karda Haakim Hen,

Dunya Ke Saarey Koun o Makaan Ke

Ahkaam Huzoor Ke Sapurd Hen,

In Sey Barh Kar Konsi Saltanat Hey

(Ashi'atul Lam'aat 1/656)

Inhey Khuda Ne Kya Apne Mulk Ka Maalik


48

Imam Aazam Abu Hanifa ;

Ya Rasoolallah

Aapki Ataa Ka UmeedWar Hun

Aur Khalqat Me Abu Hanifa Ka

Aapky Siwa Koi Nahi

(Qaseeda e Noman)


49

Ek Baar Huzoor Hazrat Ali Ke Zanoo Par Sar Rakh Kar Aaraam Farma Rahy Hen

Hazrat Ali Ny Asar Adaa Na Farmayi Thi, Aapka Khayal Tha Ke

Agar Utha To Huzoor Ke Aaraam Me

Khalal Hoga, Sooraj Doob Gaya

Huzoor Jaagey To Aapki Dua Sy

Dooba Sooraj Palat Aaya

(Shaami ‐ Baab ul Murtaddeen)


50

Ek Pyaaley Me Huzoor Ne Apna Haath Mubarak Rakh Dya To Ungliyon Sy Paani Ke Chashmey Jaari Hogaye,

1500 Aadmiyon Ne Sair Hokar

Paani Piya Aur Wuzu Kiya

(Mishkat ‐ Baab ul Mojizaat)

Ungliyan Hen Faiz Pr

Tooty Hen Pyase Jhoom Kr

~

Naddiyaan Punj Aab e Rehmat Ki

Hen Jaari Wah Wah


51

"ALLAH Deta Hey Aur

Me Taqseem Karta Hoon"

(Mishkat ‐ Kitab ul Ilm)

Ma'lum Hua Ke Khuda

Apne Mustafa Ko Ataa Karta Aur

Mustafa Kareem Alaihissalatu Wattasleem Jahan Walon Ko Taqseem Farmatey Hen

Aur Aapki Sifat QASIM Bhi Hy.

Yahan Sy Bhi Huzoor Ki Milkiyat

Aur Qabza Sabit Hua


52

Mulla Ali Qaari ;

Dunya o Aakhirat Ki Har Cheez Ke

Malik Huzoor,

Izzat, Iman, Jannat, Rehmat

Sab In Se Mango,

(Mirqat ‐ Shara Mishkat)


53

Ibne Hajar Makki ;

Huzoor Alaihissalam

ALLAH Ke Barey Khaleefa Hen,

Rabb Ke Khazaney Aur Uski Ne'maten

Huzoor Ke Haath Aur Inke Iradey Me Hen.

Jisey Chahey Den

(Al‐Jawahir ul Munazzam P#52)

Jo Chahen Gey Jisey Chahen Gey

Ye Usey Denge

~

Kareem Hen Ye Khazaney Lutaaney

Aaye Hen


54

Imam Nawawi ;

Sarkar Sallallahu Alaihi Wasallam

Ke Lye Jaaiz Hy Ke Wo Umoom

Ahkaam Me Sy Jisko Chaahen

Khaas Farma Len,

Jis Tarah Abu Burda Bin Dinar Ko

Huzoor Ne 1 Saal Sey Kam Umar

Ke Bakrey Ki Qurbani Karny Ki

Ijazat Dedi

(Mirqaat 2/323)

~ Mehboob Kya Maalik o Mukhtar Banaya


55


Sarkar Ne Jo Suwal Ko Mutlaq Farmaya Ke "Maango"

Aur Isey Kisi Khaas Cheez Sy

Muqayyad Na Farmaya,

Ma'lum Hota Hy Ke Saara Muamla

Huzoor Ke Hi Kareemana Hathon Me Hy

Jo Chahen Jisey Chahen

Apne Rabb Ke Hukum Sy De Den

(Ashi'at‐ul‐Lam'aat 1/106)


56


Louh‐o‐Qalam

Huzoor Ke Uloom Ka 1 Hissa Hy

Agar Dunya‐o‐Aakhirat Ki Khair Chahty Ho To Syed e Aalam Ke Aastany Pr Aao,

Jo Chaaho Maang Lo

Tamam Hukumat, Saraa Jahan

ALLAH Ki Ataa Se Sarkar Key

Qudrat‐o‐Tasarruf Me Hen

(Ashi'at‐ul‐Lam'aat 1/106)


57

Sarkar Ny Hazrat Usaid Bin Ayas

Ke Chehry Or Seeny Pr Apna

Dast e Mubarak Phera To

(Is Qadar Munawwar Ho Gaya Ke)

Wo Andheri Kothri Me Dakhil Hoty

To Wo Roshan Ho Jati

(Ibn e Asakar)

(Kanz ul Umaal)

JisKe Har Khat Me Hy

Mouj‐e‐Noor‐e‐Karam

Us Kaf‐e‐Behr‐e‐Himmat Py

Lakhon Salam


58

"Qayamat Ke Din Jab Loug

Na Umeed Hongy,

Izzat o Karaamat Aur Kunjiyaan

Mery Haath Me Hongi

Aur Hamd Ka Jhanda Bhi

Us Din Mery Haath Me Hoga"

(Mishkat P#514)

Arsh Par, Farsh Par

Dunya Me, Uqbaa Me Bhi

~

Jahan Dekha Mujhey

Sarkar (Alaihissalatu Wassalaam)

Ka Jhanda Nazar Aaya


59

Kisi Ney Suwal Kya ;

Ya Rasoolallah (Sallallahu Alaihi Wasallam) !

Kya Hajj Har Saal Farz Hey?

Farmaya ;

Nahi,

Aur Agar Me Haan Keh Deta

To Har Saal Hi Farz Ho Jaata

(Tirmizi)

(Ibn e Maaja)

(Nisaai)

(Daarmi)

(Masnad Ahmad)

Jabke Ibn e Maaja Ki Riwayat Me

Yahan Tak Hey ;

"Agar Haan Keh Dun To

Har Saal Farz Ho Jaye,

Agar Tum Har Saal Na Karty

To Azaab Kye Jaaty"

Hey Junbish e Labb

Qanoon e Khudaa

~

Qur'an o Khabar Ki Gawahi Hy


60

Me'raj Ke Mouqey Par

Ibtida'an 50 Namazen Ataa Ki Gayeen,

Phir Mehboob e Khudaa

Alaihissalatu Wassalaam

Ki Darkhuwast Par

Sirf 5 Namazen Reh Gayeen

(Bukhari)

(Muslim ‐ (Mulkhasan) )

Saabit Hua Ke Jumla Faraaiz Faro'a Hen

~

Asal ul Usool Bandagi Us Taajwar Ki Hey

saltanat e mustafajamiaturraza.weebly.com/uploads/9/6/9/1/9691228/saltanat...topic: saltanat e...

Documents