inngangur að mannfræði
DESCRIPTION
Inngangur að helstu hugtökum og aðferðum mannfræðinnar. Ætlað framhaldskólanemendumTRANSCRIPT
Þróun, menning og samfélag | Rúnar H. Haraldsson
INNGANGUR AÐ MANNFRÆÐI
2
Efnisyfirlit 1. Hvað er mannfræði? ............................................................................................................................ 6
Grundvallarviðhorf félagsmannfræðinnar .......................................................................................... 6
Heildarhyggja (Holism) ........................................................................................................................ 6
Samanburðarhyggja (Comparitivism) .................................................................................................. 7
Afstæðishyggja (Relativism) ................................................................................................................ 8
Undirgreinar mannfræðinnar .............................................................................................................. 9
Líkamsmannfræði ................................................................................................................................ 9
Fornleifafræðin .................................................................................................................................. 10
Mannfræði tungumála ...................................................................................................................... 11
Félagsmannfræði ............................................................................................................................... 12
Verkefni úr kafla 1. ............................................................................................................................ 14
2. Menningarhugtakið ........................................................................................................................... 15
Félagslega miðuð ............................................................................................................................... 15
Þekking .............................................................................................................................................. 17
Sem fólk deilir með sér ...................................................................................................................... 19
Menningarleg þekking ....................................................................................................................... 20
Verkefni úr kafla 2. ............................................................................................................................ 24
3.Þróun mannsins .................................................................................................................................. 25
Lífmenningarlegt sjónarhorn (biocultural view) ................................................................................ 25
r og K val. ........................................................................................................................................... 25
Prímatar ............................................................................................................................................. 26
Þróunarkenningin .............................................................................................................................. 28
Fruman .............................................................................................................................................. 30
DNA.................................................................................................................................................... 31
Gen .................................................................................................................................................... 31
Samsæta ............................................................................................................................................ 32
Litningur ............................................................................................................................................ 32
Frumuskipting .................................................................................................................................... 33
Samsetning gena á litningum ............................................................................................................ 35
Stöðugleiki stofna .............................................................................................................................. 36
Stökkbreytingar ................................................................................................................................. 37
Genaflökt ........................................................................................................................................... 38
Takmarkað makaval ........................................................................................................................... 38
3
Genaflæði .......................................................................................................................................... 39
Einkenni mannlíkra vera .................................................................................................................... 39
Suðurapi ............................................................................................................................................ 41
Homo Habilis ..................................................................................................................................... 43
Homo Ergaster / Homo Erectus ......................................................................................................... 45
Nútímamenn koma fram ................................................................................................................... 47
Neaderdalsmenn ............................................................................................................................... 47
Tilkoma nútímamanns ....................................................................................................................... 51
Verkefni úr kafla 3 ............................................................................................................................. 55
4. Nokkrir forvígismenn mannfræðinnar............................................................................................... 56
Franz Boas ......................................................................................................................................... 57
Ruth Benedict .................................................................................................................................... 60
Bronislaw Malinowsky ....................................................................................................................... 62
Margaret Mead ................................................................................................................................. 66
E. Evans-Pritchard og A. Radcliffe-Brown .......................................................................................... 68
Clifford Geertz ................................................................................................................................... 73
Verkefni úr kafla 4 ............................................................................................................................. 77
5. Aðlögun mannsins að umhverfi sínu ................................................................................................. 78
Svið mannlegar aðlögunar ................................................................................................................. 79
Lífbelti ................................................................................................................................................ 80
Framleiðsla ........................................................................................................................................ 81
Safnarar og veiðimenn ...................................................................................................................... 83
Ræktun .............................................................................................................................................. 86
Garðræktendur .................................................................................................................................. 87
Hirðingar ............................................................................................................................................ 91
Áköf akuryrkja ................................................................................................................................... 95
Verkefni úr kafla 5 ............................................................................................................................. 99
6. Skipulag samfélaga .......................................................................................................................... 100
Efnahagsleg kerfi ............................................................................................................................. 100
Viðskipti ........................................................................................................................................... 100
Tegundir viðskipta ........................................................................................................................... 100
Markaðir .......................................................................................................................................... 103
Peningar ........................................................................................................................................... 104
Markaðslögmál ................................................................................................................................ 106
4
Markaðskerfi ................................................................................................................................... 106
Sifjafræði ......................................................................................................................................... 107
Aðferðir við flokkun ættingja .......................................................................................................... 109
Hawaii sifjaheitakerfið. .................................................................................................................... 111
Eskimo sifjaheitakerfið .................................................................................................................... 112
Iroquios sifjaheitakerfið................................................................................................................... 112
Omaha sifjaheitakerfið .................................................................................................................... 113
Crow sifjaheitakerfið ....................................................................................................................... 113
Ættrakningarhópar .......................................................................................................................... 114
Pólitískt skipulag .............................................................................................................................. 116
Bönd ................................................................................................................................................ 117
Ættflokkar ........................................................................................................................................ 119
Höfðingjadæmi ................................................................................................................................ 121
Ríki ................................................................................................................................................... 122
Verkefni úr kafla 6 ........................................................................................................................... 124
7. Trú og trúarbrögð ............................................................................................................................ 125
Hvað er trú? ..................................................................................................................................... 125
Trú á yfirnáttúrulega krafta eða verur ............................................................................................. 125
Goðsagnir ........................................................................................................................................ 126
Helgiathafnir (Ritúöl) ....................................................................................................................... 128
Öll samfélög eiga sér trúarbrögð ..................................................................................................... 130
Hugrænar skýringar ......................................................................................................................... 130
Tilfinningalegar skýringar ................................................................................................................ 131
Félagslegar skýringar ....................................................................................................................... 133
Umhverfi og trú ............................................................................................................................... 134
Yfirnáttúrulegar skýringar á atburðum............................................................................................ 135
Galdrar með helgiathöfunum (Sourcery) ........................................................................................ 136
Að hverjum beinast ásakanir um helgiathafnagaldra? .................................................................... 137
Helgiathafnagaldrar sem pólitískt vopn .......................................................................................... 138
Galdrar með innri krafti (Witchcraft) .............................................................................................. 138
Fjórskipting trúarbragðanna ............................................................................................................ 140
Einstaklingsbundin átrúnaður ......................................................................................................... 141
Sambandsátrúnaður (Shamanismi) ................................................................................................. 142
Hópátrúnaður .................................................................................................................................. 144
5
Forfeðradýrkun ................................................................................................................................ 145
Tótemismi ........................................................................................................................................ 146
Skipulegur átrúnaður ....................................................................................................................... 147
Spámenn og opinberanir ................................................................................................................. 149
Vöruátrúnaður ................................................................................................................................. 150
Verkefni úr kafla 7 ........................................................................................................................... 152
8. Heilbrigðismál .................................................................................................................................. 153
Hvað er heilsa? ................................................................................................................................ 154
Veikindi og sjúkdómsgreiningar ...................................................................................................... 155
Heilbrigðismódel ............................................................................................................................. 158
Menning og mannslíkaminn ............................................................................................................ 159
Innri gerð mannslíkamans ............................................................................................................... 164
Kenningar um heilsu og vanheilsu að fornu og nýju ....................................................................... 166
Heilsugæsla og menning .................................................................................................................. 169
Sjúkdómur eða siðferðisbrestur ...................................................................................................... 175
Verkefni úr kafla 8 ........................................................................................................................... 177
Heimildaskrá ........................................................................................................................................ 178
Rúnar H. Haraldsson – Inngangur að mannfræði: Þróun, menning og samfélag.
6
1. Hvað er mannfræði?
Mannfræðin er fræðigrein sem er ansi víðfeðm. Hún fjallar um
mannveruna útfrá mörgum sjónarhornum, bæði í fortíð og nútíð.
Þannig hefur mannfræðin sem fræðigrein áhuga á því hvernig við
urðum mannverur, hvernig líkamsgerð okkar breyttist í gegnum
milljónir ára. Hvernig hinir nýju menn aðlöguðust umhverfi sínu,
hvernig fyrstu samfélögin voru, fyrstu borgirnar litu út og hvers
vegna þessi fyrstu borgarsamfélög liðu undir lok.
En mannfræðin hefur ekki einungis áhuga á mannverum fortíðar.
Mannfræðin hefur mikinn áhuga á að skilja samskipti
nútímamanna, aðstæður þeirra og samfélög.
Það gefur því auga leið að hver og einn mannfræðingur getur ekki
haft yfirsýn yfir allt þetta. Þess vegna hefur mannfræðin skipt sér
niður í fjögur meginsvið; félagslega mannfræði, fornleifafræði,
líkamsmannfræði og mannfræði tungumála. Yfirleitt er það þannig
að mannfræðingar tileinka sér einhverja undirgrein frá fyrsta degi í
háskóla, og hafa því einungis yfirborðslega þekkingu á öðrum
greinum mannfræðinnar en sinni eigin.
Þó eiga allar undirgreinar mannfræðinnar nokkuð sameiginlegt,
nokkuð sem við getum kallað grundvallarviðhorf mannfræðinnar.
Grundvallarviðhorf félagsmannfræðinnar
Heildarhyggja (Holism)
Heildarhyggja vísar til þess að við getum ekki skoðað einn hluta
samfélags eða menningar úr samhengi við aðra hluta þeirrar sömu
menningar. Tökum sem dæmi trúarhugmyndir fólks. Mannfræðin
leggur áherslu á að skilja hvernig trúarlegar hugmyndir tengjast
heimsmynd viðkomandi samfélags, fjölskyldulífi fólksins á
staðnum, hvort efnahagslegir þættir (eins og óörugg afkoma) hafi
áhrif auk fjölda annarra þátta. (Peoples & Bailey, 1988)
Það er vitað af fyrri rannsóknum að allir hlutar samfélaga tengjast
hverjum öðrum. Mannfræðingar þurfa einnig að gera sér grein fyrir
Rúnar H. Haraldsson – Inngangur að mannfræði: Þróun, menning og samfélag.
7
því að sum þeirra samfélaga (sumir mannfræðingar rannsaka sitt
eigið samfélag) eru mjög ólík því sem þeir hafa áður persónulega
komist í kynni við. Þeir þurfa því að leggja mikið á sig að kynnast
nýjum lífsháttum, og geta ekki gengið útfrá einhverju sem gefnu
um það hvernig hinir ýmsu þættir samfélagsins tengjast hverjir
öðrum.
Þetta grundvallarviðhorf hefur margvísleg áhrif á það hvernig
mannfræðingar starfa, nefnilega að þeir reyna að safna sem
mestum upplýsingum um viðkomandi einstaklinga og samfélag
sem kostur er, og eyða til þess ómældum tíma, stundum
áratugum. (Peoples & Bailey, 1988)
Samanburðarhyggja (Comparitivism)
Félagsmannfræði leggur sig í líma við skilja orsakir mannlegrar
hegðunar og menningu mannsins. Seinna í þessum texta verður
farið rækilega í saumana á því hvað menning er, en að sumu leyti
(en ekki öllu) getum við líkt menningu við einskonar forrit sem er
til staðar í kollinum á okkur.
Við getum því ekki leyft okkur að draga ályktanir um hegðun
tegundarinnar allrar útfrá því sem gerist og þykir eðlilegt á einu
menningarsvæði. (Peoples & Bailey, 1988)
Ef mannfræðingar legðu slíkt í vana sinn, yrðu þeir fljótlega sekir
um alvarleg glappaskot. Fræg er sagan af líffræðingnum sem taldi á
sjöunda áratug síðustu aldar að hann hefði fundið sannanir fyrir
því að það væri bundið í erfðamengi mannsins að mynda einungis
tengsl við einn maka. Slíkt er auðvitað fráleitt, á þeim tíma vissu
mannfræðingar að víða er ekki stundað einkvæni, heldur fjölkvæni,
og þar er eðlilegt að karlar sé kvæntir fleiri en einni konu.
Samanburðarhyggja er því mjög mikilvægt verkfæri fyrir
mannfræðina til þess að bregða ljósi á nýjar kenningar, sé þeim á
annað borð ætlað að gilda fyrir mannkynið í heild sinni. (Peoples &
Bailey, 1988)
Rúnar H. Haraldsson – Inngangur að mannfræði: Þróun, menning og samfélag.
8
Afstæðishyggja (Relativism)
Afstæðishyggja er eitt af þeim hugtökum sem margar fræðigreinar
hafa nýtt sér. Heimspekin til dæmis nýtir sér hugtækið þegar verið
er fjalla um siðræn málefni. Hvað mannfræðina áhrærir hefur
hugtakið aðallega verið notað í tvennum tilgangi:
1. Að gefa til kynna að það er ekki okkar sem fræðimanna að
dæma um mismunandi lífsmáta og lífstíl fólks. Þetta gerir
miklar kröfur til okkar sem persóna. Það að sleppa því að
dæma það hvernig annað fólk lifir, hugsar og hegðar sér er
mjög erfitt.
2. Afstæðishyggjan er verkfæri mannfræðinnar til að horfa
hlutlaust önnur menningarsvæði. (Peoples & Bailey, 1988)
Glöggir lesendur eru vafalaust búnir að átta sig á að þessi tvö atriði
eru nátengd. Hvernig er til dæmis hægt að ætlast til þess að
mannfræðingur sem er fullur viðbjóðs á einhverju sem heimamenn
gera á því svæði sem hann er staddur á, geti skrifað hlutlaust um
atburði og sett sig í spor heimamanna?
Menn skyldu halda að þetta sé frekar óalgeng staða, en svo er í
raun alls ekki. Í mörgum ríkjum sunnan Sahara eyðimerkurinnar
tíðkast til dæmis siður sem margir íbúar Vesturlanda sætta sig alls
ekki við; umskurður stúlkubarna, þar sem hlut kynfæra ungra
stúlkna er fjarlægður (oft með valdi) með engri deyfingu og við
aðstæður sem ekki þættu boðlegar til skurðaðgerða á
Vesturlöndum. Talið er að hundruð ef ekki þúsundir stúlkna láti
lífið á hverju ári vegna þessa, þær sem lifa hafa mjög skerta ef
nokkra tilfinningu eftir í kynfærum sínum og kynlíf verður þeim
ákaflega sársaukafullt.
Siður þessi er síst á undanhaldi í heiminum, og hefur hann meira
að segja borist til Vesturlanda með óbeinum hætti, stúlkur
búsettar þar hafa verið „umskornar“ með valdi þegar þær hafa
verið í heimsókn hjá ættingjum.
Umskurður kvenna er bara eitt dæmi af mörgum þar sem
mannfræðingar þurfa að taka siðræna afstöðu með eða á móti
Rúnar H. Haraldsson – Inngangur að mannfræði: Þróun, menning og samfélag.
9
atburðum sem þeir verða vitni að. Mannfræðingar hafa mjög oft
kosið undir slíkum kringumstæðum að reyna að skýra rétt og
heiðarlega frá því sem gerist, skýra út sjónarmið og tilfinningar
bæði sitt og heimamanna eftir getu, en skipta sér að öðru leyti ekki
af. (Hollis & Lukes, 1982)
Til umhugsunar: Hvað finnst þér um þetta viðhorf mannfræðinnar?
Undirgreinar mannfræðinnar
Mannfræðin er býsna víðfeðmt svið eins og áður hefur verið farið í
hér á undan. Mannfræðingar hafa því tekið upp á því að skipta
greininni niður í allmörg sérsvið, sem þó skarast að einhverju leyti.
Upp að einhverju marki er um meðvitaða skiptingu að ræða, í
öðrum tilfellum er þessi skipan nánast komin til af tilviljunum eða
vegna skiptinga háskóla í deildir. Hver svo sem orsakirnar eru þá
sitjum við uppi með hana í dag.
Helstu undirgreinar mannfræðinnar eru:
1. Líkamsmannfræði
2. Fornleifafræði
3. Mannfræði tungumála
4. Félagsmannfræði.
Í þessari bók verður einungis farið yfir svið líkamsmannfræðinnar
og félagsmannfræðinnar svo nokkru nemur, en þó er minnst á
hinar tvær greinarnar í framhjáhlaupi. (Peoples & Bailey, 1988)
Líkamsmannfræði
Líkamsmannfræðin fjallar um þróun mannsins sem tegundar, og
líkamsgerð hans. Líkamsmannfræðingar hafa mikið notast við
steingervinga og aðrar líkamsleifar (til dæmis yngri bein) í
rannsóknum sínum, en einnig hafa þeir stundað mælingar á lifandi
fólki.
Rúnar H. Haraldsson – Inngangur að mannfræði: Þróun, menning og samfélag.
10
Nýjasta viðbótin við verkfærasafn líkamsmannfræðinnar er
greining erfðaefnis, en þannig má til dæmis finna skyldleika hópa
og jafnvel rekja uppruna erfðaefnis langt aftur í tímann.
Líkamsmannfræðin á Charles Darwin mikið að þakka, án þess
grundvallarskilnings sem þróunarkenning hans veitir okkur væri
varla hægt að skoða þróun mannsins svo vit sé í.
Allnokkuð verður fjallað um þróun mannsins sem tegundar í
sérkafla hér á eftir. Farið verður yfir nokkrar undirtegundir
mannsins og hvernig þessar undirtegundir koma fyrir í tíma og
rúmi. Einnig verður nokkuð fjallað um þróun mannsins útfrá
erfðum, þ.e. hvernig erfðir virka á stóran fjölda lífvera og undir
hvaða kringumstæðum má vænta þess að stökkbreytingar komi
fram (Peoples & Bailey, 1988).
Fornleifafræðin
Fornleifafræði má með grófum hætti skipta niður í tvennt. Annars
vegar er talað forsögulega fornleifafræði, og hins vegar
forleifafræði sem einbeitir sér að því sem hefur gerst á sögulegum
tíma.
Hugtakið sögulegur tími merkir það sem gerist hjá einhverri þjóð
eftir að hún hefur tekið upp á því að skrásetja atburði með
einhverjum hætti, til dæmis á stein, leir, papýrus, pappír eða með
hnútaletri. Þetta gerðist á mismunandi tímum í mannkynssögunni
hjá mismunandi fornþjóðum. Að öllum líkindum voru Forn-Egyptar
með þeim fyrstu til að þróa með sér letur, Kínverjar hafa
væntanlega fylgt þétt á eftir auk þjóðanna í mánasigðinni frjósömu
(þar sem Írak stendur núna).
Tengsl hefðbundinnar mannfræði við þá fornleifafræði sem
rannsakar forsögulegan tíma hafa í gegnum tíðina verið meiri en þá
sem rannsakar söguleg samfélög.
Eina leiðin til að skoða hvernig mannleg menning hefur breyst í
gegnum aldirnar og árþúsund er að tileinka sér aðferðir
forsögulegrar fornleifafræði. Með þessum aðferðum er reynt að
Rúnar H. Haraldsson – Inngangur að mannfræði: Þróun, menning og samfélag.
11
rýna í hvernig fólk lifði og bjó í árdaga, hvaða tækniþekkingu menn
bjuggu yfir, hvaða sjúkdómar herjuðu á fólk og hvert samspil
manns og umhverfis var á hverjum stað og tíma.
Önnur mikilvæg spurning sem fræðimenn hafa lengi velt fyrir sér
er hvers vegna fyrstu borgríkin þróuðust og hvers vegna þau
lögðust í eyði. Hvernig stóð til dæmis á því að slíkt fyrirkomulag
þróaðist með sjálfstæðum hætti ekki á einum eða tveimur stöðum
í heiminum, heldur fjórum, í kringum Níl, í núverandi Írak, í Kína og
í Suður Ameríku? Mörgum spurningum er enn ósvarað og hlýtur
þetta að teljast eitt af mest spennandi sviðum mannfræðinnar,
þótt ekki gefist rými fyrir miklar pælingar í þá veruna í þessari
kennslubók (Peoples & Bailey, 1988).
Mannfræði tungumála
Málfræðin er sú vísindagrein sem leitast við að bera saman
tungumál, hvernig þau eru samansett, hljóðfræði þeirra og hvernig
merking er búin til. Málfræðin reynir einnig að greina hvernig
tungumál er skyld og hvernig þau hafa þróast í gegnum tíðina
(tungumálum í Evrópu er til dæmis skipt niður í rómönsk mál og
germönsk mál).
Mannfræði tungumála reynir fyrst og fremst að skilja hvernig
samband tungumáls, hugsunar og menningar er háttað. Hvernig
skyldi til dæmis standa á því að íslendingar lögðu af þéringar um
miðja 20. öld? Hvaða breytingar á samfélaginu endurspeglar það?
Þetta gæti verið tilkomið vegna þess að þérun á Íslensku gefur til
kynna hverrar stéttar menn séu. Maður þérar yfirboðara sinn, eða
manneskju sem maður þekkir lítið. Því má halda fram með
allgóðum rökum að um miðja tuttugustu öldina hafi fjarlægðir á
milli manna í félagslegum skilning minnkað. Að minni munur hafi
verið talin á þeim sem stundaði verkamannavinnu og þeim sem
stundaði skrifstofuvinnu svo dæmi sé tekið. Þess vegna hafi menn
„tekið í mál“ að leggja þéringar af (Peoples & Bailey, 1988).
Til umhugsunar: Undir hvaða kringumstæðum finnst þér eðlilegt
að þéra fólk?
Rúnar H. Haraldsson – Inngangur að mannfræði: Þróun, menning og samfélag.
12
Þannig endurspeglast breytingar á menningu og samfélagsgerð í
því hvernig menn nota tungumálið. Margir mannfræðingar sem
hafa rannsakað tungumálið vilja einnig halda því fram að menning
mannsins og tungumálin sem hann talar sé uppbyggð á sama hátt.
Þessar kenningar eru um margt of flóknar til að fjalla um þær hér,
en áhugasömum er bent á að kynna sér verk franska
mannfræðingsins C. Lévi-Strauss (Levi-Strauss, 1969).
Félagsmannfræði
Félagsmannfræðin (eða socio-cultural anthropology) eins og hún
nefnist á ensku skiptist niður í allmörg svið eftir því á hvaða sviði
mannlegrar hegðunar menn rannsaka í hvert skipti. Algjör óþarfi er
að fara út í slíkar hártoganir hér, heldur er ætlunin að greina frá
meginviðfangsefni félagsmannfræðinnar, sem er að rannsaka
mannlega menningu, hegðun og félagsgerð.
Ef þú hefur tekið áfanga í félagsfræði lesandi góður, þá sérðu
vafalaust í hendi þér að þessi skilgreining félagsmannfræðinnar er
alls ekki svo ólík skilgreiningu félagsfræðinnar sjálfrar. Það sem
skilur þó á milli félagsmannfræði og félagsfræði er einkum tvennt.
Annarsvegar þær aðferðir sem þessar tvær greinar beita, og
hinsvegar þau samfélög sem þær rannsaka.
Á meðan félagsfræðin hefur í meira mæli beint sjónum sínum að
hinum iðnvædda vestræna heimi, og þeim stóru þjóðfélögum sem
þar er að finna hefur félagsmannfræðin rannsakað miklu smærri
einingar, oft hópa sem er tiltölulega einangraðir landfræðilega og
frekar fámennir. Margar klassískar rannsóknir mannfræðinga eru
til marks um þetta.
Síðari tíma mannfræðingar hafa þó í auknum mæli beint sjónum
sínum að sínum eigin samfélögum (flestir þeirra eru upprunnir frá
Evrópu eða öðrum vestrænum ríkjum), en þó með þeim
formerkjum að þeir nota aðferðir og hugtök mannfræðinnar til að
greina viðkomandi samfélög. Margar mjög athyglisverðar
rannsóknir hafa verið framkvæmdar með þessum aðferðum, og
hefur til dæmis komið í ljós að viðbrögð fólks við veikindum og
Rúnar H. Haraldsson – Inngangur að mannfræði: Þróun, menning og samfélag.
13
hugmyndir um sjúkdóma eru um margt skyldar þótt samfélög
manna séu ólík (Peoples & Bailey, 1988).
Þessi munur á stærð og staðsetningu viðfangsefna félagsfræðinnar
og mannfræðinnar hefur endurspeglast einna best í þeim
aðferðum sem fræðimennirnir hafa beitt í gegnum tíðina.
Félagsfræðin hefur eins og áður hefur komið fram rannsakað
mannmörg samfélög. Þetta hefur leitt það af sér að menn hafa
beitt ýmiskonar aðferðum þar sem stuðst er við tölfræði af ýmsu
tagi. Félagsfræðingar hafa til dæmis rannsakað viðhorf, skoðanir
og hegðun með spurningalistum, símakönnunum og
viðhorfshópum (focus groups). Þetta á ágætlega við í löndum eins
og Bandaríkjum Norður Ameríku, Frakklandi og víðar. Hætt er þó
við að þessar aðferðir dugi skammt þegar verið er að gera
rannsókn meðal einangraðs hóps í miðjum Amazon skógi, og hægt
er að tína ýmislegt til í því sambandi: Tungumálaerfiðleika,
ókunnugleika á samfélaginu (hvaða viðhorf er til dæmis rétt að
spyrja um og hvernig?) mannfæðar, ólæsis o.s.frv (Giddens,
Sociology, 1989).
Mannfræðingar hafa því þurft að þróa með sér annarskonar
aðferðir og þar ber helst að telja svokallaðar þátttökuathuganir
eða etnografíu (eftir etnos = maður og grafía eftir graphos =
skrifa). Í því felst í stuttu máli að viðkomandi mannfræðingur sest
að tímabundnir á því svæði sem um ræðir og gerir sér far um að
reyna að kynnast fólkinu og aðstæðum þess sem best. Í því felst
auðvitað að viðkomandi fræðimaður þarf að læra tungumálið sem
talað er á staðnum tali hann það ekki fyrir. Þetta er auðvitað
gífurlega krefjandi aðferð, og þess eru dæmi að mannfræðingar
hafi ekki snúið aftur úr slíkum ferðum (Peoples & Bailey, 1988).
Rúnar H. Haraldsson – Inngangur að mannfræði: Þróun, menning og samfélag.
14
Verkefni úr kafla 1.
Skilgreindu eftirfarandi hugtök:
Heildarhyggja
Samanburðarhyggja
Afstæðishyggja
Líkamsmannfræði
Fornleifafræði
Etnografía
Fjölkvæni
Einkvæni
Svaraðu eftirfarandi spurningum:
Hvernig hefur afstæðishyggjan mótað hugmyndir mannfræðinga
um önnur menningarsvæði?
Hver eru helstu viðfangsefni félagsmannfræðinnar?
Hvaða munur er á rannsóknaraðferðum félagsmannfræðinnar og
félagsfræðinnar?
Rúnar H. Haraldsson – Inngangur að mannfræði: Þróun, menning og samfélag.
15
2. Menningarhugtakið
Öll umræða innan mannfræðinnar snýst að einhverju leyti um eitt
hugtak: menningu. Mannfræðin hefur þó annan skilning á þessu
hugtaki en almennt gengur og gerist í samfélaginu, þ.e.
mannfræðingar nota hugtakið á víðtækari hátt, þeir eiga ekki
einungis við leikhús, málaralist, tónlist og þessháttar þegar þeir
tala um menningu, heldur einnig við hluti sem hver og einn fæst
við í sínu daglega lífi, siði, viðmið og tæknilega þekkingu svo lítið
eitt sé nefnt.
Aðrar fræðigreinar fjalla einnig um það hvernig fólk hefur
samskipti sín á milli og hvernig manneskjur læra inn á hverja aðra.
Félagsfræðingar hafa til dæmis fjallað töluvert um félagsmótun í
rannsóknum sínum og eiga þá við það ferli sem fer í gang þegar
ung manneskja lærir að umgangast aðra samkvæmt þeim reglum
gengur og gerist innan þess samfélags sem viðkomandi elst upp í.
Sálfræðin fjallar einnig um það hvernig við lærum hluti með því að
horfa á annað fólk og hafa samskipti við það, má þar benda á
athyglisverðar kenningar A. Bandura um félagsnám í því sambandi.
Formlegar skilgreiningar
Áður en lengra er haldið er best að skilgreina fyrirbærið menning
formlega, og fara svo í hvern hluta skilgreiningarinnar nánar.
Menning er: Félagslega miðluð þekking sem hópur af fólki deilir
með sér (Peoples & Bailey, 1988).
Félagslega miðuð
Hvað merkir það í raun að eitthvað sé félagslega miðlað? Í
grunninn eru til tvær tegundir af námi: það sem við lærum af
sjálfum okkur með því að prófa okkur áfram (sumir vilja meina að
umhverfið kenni okkur það með því að nota svokallaðar
skilyrðingar, en við förum ekki út í þá sálma hér) og svo það sem
við lærum af öðru fólki, þ.e. félagslegt nám.
Það að læra hluti af öðrum hefur ýmsa kosti. Maður þarf ekki að
eyða eins miklum tíma í að prófa sig áfram, maður getur
Rúnar H. Haraldsson – Inngangur að mannfræði: Þróun, menning og samfélag.
16
einfaldlega gengið að einhverjum sem hefur reynslu og spurt, eða
beðið hann að sýna sér hvað maður á að gera sem er á margan
hátt betra.
Þetta hefur einnig þann kost að reynsla kynslóðanna safnast
saman í einskonar gagnabanka sem einstaklingar geta síðan nýtt
sér við dagleg störf. Tökum bara hversdagslega hlut fyrir eins og
tölvutæknina. Það að hægt sé að smíða hlut eins og einkatölvur er
niðurstaða margra alda af tilraunastarfsemi með efni, hluti og
hugmyndir, þar sem ein uppgötvun er nýtt til að prófa sig áfram
með aðra hluti. Þannig má segja að öll nútímatækni sé byggð upp
með því að vísindamennirnir standi hver á annars öxlum svona
fræðilega séð.
Það ferli sem notað er við að koma þekkingu á milli kynslóða hafa
mannfræðingar nefnt menningarmótun (enculturation).
Menningarmótun merkir það einfaldlega að hinir eldri kenna
hinum yngri á veröldina, ekki einungis hvað tæknileg atriði varðar
heldur einnig tungumálið, siði, sögur, samskiptahætti og svo má
lengi telja (Peoples og Bailey 1988, Giddens 1989).
Þó gerist það alltaf öðru hvoru að svokallað kynslóðabil
(generation gap) myndast. Kynslóðabil getur myndast þegar
þekking eldri kynslóðarinnar á ekki lengur við, eða er hreinlega ekki
til staðar. Slíkt getur komið upp á þegar aðstæður í samfélaginu
breytast mikið og snögglega, við skoðuðum dæmi um tölvutækni
hér á undan og það á einnig við hér, það var ekkert í reynslu fyrri
kynslóða sem bjó íslenskt samfélag undir þá miklu breytingu sem
varð að starfi fólks eftir að tölvutæknin kom fram; þar er vissulega
um kynslóðabil um að ræða.
Alnæmisfaraldurinn er einnig dæmi um nokkuð sem getur valdið
kynslóðabili í þekkingu. Sum svæði í Afríku (til dæmis í Tansaníu)
hafa orðið svo illa úti að heil kynslóð af fólki (á aldrinum 20 – 40
ára) er varla nema svipur hjá sjón. Börn alast að mörgu leyti upp
hjá ömmu og afa ef það er þá einhver til að sjá um þau. Börn sem
alin eru upp undir þessum kringumstæðum missa af mjög
Rúnar H. Haraldsson – Inngangur að mannfræði: Þróun, menning og samfélag.
17
mikilvægu tækifæri til að kynnast hvernig hlutir eru framkvæmdir
og hætta er á að börnin alist upp í einhverskonar menningarlegu
tómarúmi (Setel, 1999) (þetta á einnig að einhverju leyti við um þá
sem eru teknir í her mjög ungir og kynnast engu nema ofbeldi)
Félagsleg miðlun þarf ekki endilega að miðlast niður. Hún getur
einnig borist á milli menningarsamfélaga með útbreiðslu
(diffusion). Með hugtakinu útbreiðsla (nánar verður fjallað um
hugtakið í kafla hér á eftir) er átt við að siðir og þekking geti borist
á milli menningarsvæða með þeim hætti að fólk kynnist siðum, trú
og viðhorfum annarra og taki þau upp að einhverju eða öllu leyti.
Menn hafa það fyrir satt nú á dögum að heimurinn sé alltaf að
verða minni (sem er varla rétt mælt í kílómetrum) og það er
vissulega rétt í menningarlegum skilningi, við eru sífellt í sambandi
við fólk frá ýmsum stöðum í heiminum, og fáum fréttir víða að.
Fatatíska í Bandaríkjum Norður Ameríku hefur miklu meiri áhrif á
tískuna á Íslandi heldur hvernig menn klæddu sig hér á árum áður,
og tískan er fljót í förum (Peoples & Bailey, 1988).
Til umhugsunar: Hvers vegna skiptir tískan í BNA meira máli á
Íslandi heldur en tískan í Zimbabwe?
Þekking
Þegar við tölum um menningarlega þekkingu fólks á veröldinni
erum við að tala um þekkingu sem fólki finnst í raun og sann að sé
hafinn yfir allan vafa. Eitthvað sem við finnum að sé satt og rétt.
Hvers vegna heldur þú til dæmis að það hafi verið erfitt fyrri
stofnanir eins og miðaldakirkjuna að kasta þeirri trú frá sér að
jörðin sé flöt? Menn einfaldlega vissu það á sínum tíma að hún
væri flöt, nokkuð sem menn töldu sig sjá með eigin augum.
Dæmið hér að ofan er býsna skemmtilegt að því leyti að það segir
okkur mjög mikið um eðli menningarlegar þekkingar.
Menningarleg þekking er nefnilega eitthvað sem fólk hefur fyrir
satt og trúir því að það sé satt, en hvort það standist gagnrýna
vísindalega skoðun er allt annar hlutur (Berger & Luckmann, 1966).
Rúnar H. Haraldsson – Inngangur að mannfræði: Þróun, menning og samfélag.
18
Menningarleg þekking er því afstæð á milli samfélaga, en hún gerir
meðlimum sama hóps kleyft að skilja hegðun og merkingu hvers
annars.
Menningarleg þekking þarf allavega að vera það nákvæm og að
virka það vel að fólk fái þrifist á þeim stað sem það býr á. Hvað
gerðist til dæmis með Íslendingabyggðina á Grænlandi? Hvers
vegna hvarf hún? Í raun og sanni veit það enginn, fólki bara
fækkaði um langt tímabil og svo hvarf fólkið með öllu og enginn
veit hvert. Samt sem áður er ýmislegt vitað. Það er til dæmis vitað
að hitastig lækkaði nokkuð á jörðinni um þessar mundir. Einnig er
það vitað að norrænir menn gerðust ekki veiðimenn að sama skapi
og þeir Ínúítar sem fyrir voru á svæðinu, heldur voru áfram
bændur, nokkuð sem virðist hafa komið þeim í koll (Guðmundsson
G. J., 2005) (Vilhjálmsson, 1987).
Menningarleg þekking þarf einnig að vera rökleg í eðli sínu, það er
ekki hægt að standa frammi fyrir einhverjum þeim veruleika á
hverjum degi að þekking manns á veröldinni reynist haldlítil.
Miðaldamenn gátu til dæmis haldið þessu fram að jörðin væri flöt
af þessum sökum, menn sáu þetta með eigin augum. Í dag er
hinsvegar erfiðara að halda þessu fram af nákvæmlega sömu
ástæðu, við höfum mikið að gögnum sem sanna fyrir hið fólki hið
gagnstæða, að jörðin sé hnöttur (Vilhjálmsson, 1987).
Fólk reynir þó oft að fremsta megni að halda í trú sína eða
þekkingu á veröldina í lengstu lög. Regndans gæti þjónað okkur
sem dæmi um slíkt. Segum sem svo að þjóðflokkur einn noti
regndansa til að hjálpa náttúrunni aðeins af stað þegar svo illa
stendur á að það hafi ekki rignt þegar ræktun manna þarf á því að
halda. Dag einn er regndansinn framkvæmdur en árangurinn lætur
á sér standa. Þá standa menn frammi fyrir nokkrum kostum; Menn
geta kastað trú sinni á regndansa, fundið eftiráskýringar eins og að
óvinir hafi notað öflugan galdur til að koma í veg fyrir að
regndansinn virki, of öflugan fyrir venjulegan regndans, eða að
regndansinn þurfi bara smá tíma til þess að fara virka almennilega,
regnið komi víst (Peoples & Bailey, 1988).
Rúnar H. Haraldsson – Inngangur að mannfræði: Þróun, menning og samfélag.
19
Til umhugsunar: Getur þú hugsað upp eitthvert dæmi um svipaða
trú úr þínum eigin umhverfi?
Sem fólk deilir með sér
Menning virkar ekki nema menn deili henni með öðrum. Hún er
tæki hópsins til að komast af í óblíðri veröld. Þess vegna er út i hött
að tala um það að menn búi sér til einkamenningu. Slíkir
einstaklingar geta ekki á merkingarbær tjáskipti við aðra menn,
hegðun þeirra og tal yrði óskiljanlegt og hugmyndir þeirra þegar
þeir næðu að tjá okkur þær yrðu okkur framandi (Berger &
Luckmann, 1966).
Slíkir einstaklingar eru einfaldlega stimplaðir sem veikir á geði, á
miðöldum hefðu þeir verið taldir vera haldnir illum anda. Þetta
kann að virðast harkalega sagt, en eftir stendur að til þess að gera
sig skiljanlega þarf fólk að hafa einhvern hóp til að gera sig
skiljanlegan við (Berger & Luckmann, 1966).
Í samfélögum nútímans eru að vitaskuld til margir hópar með
önnur gildi, aðra sögu og tala jafnvel önnur tungumál heldur en
menn tala almennt í hinu stærra samfélagi sem umlykur þá.
Þessa hópa flokkar mannfræðin sem menningarkima.
Menningarkimi samanstendur semsagt af fólki sem sker sig úr
menningarlega frá öðrum þegnum þess lands sem þeir búa í.
Skiptingin getur verið tilkomin vegna kynþáttar, uppruna,
tungumáls, trúarbragða o.sv.frv (Peoples & Bailey, 1988).
Mikið hefur borið á umræðu um hið svokallaða
fjölmenningarsamfélag á undarförnum árum. Með hugtakinu er átt
við að fólki innan hinna ýmsu menningarkima (sérstaklega þeim
sem hafa mjög ólíkan menningarlegan bakgrunn en landið í heild)
hefur fjölgað mikið undanfarinn 50 ár í Evrópu og Bandaríkjum
Norður Ameríku. Þetta kalli á aðra hugsun í sambandi við samskipti
þegna hinna ýmsu landa sín á milli og samskipti ríkisins við þá
þegna sína sem ekki eru ættaðir af svæðinu. Fólk þurfi að vera
tilbúnara en áður að sýna umburðarlyndi, og ríki og sveitarfélög
Rúnar H. Haraldsson – Inngangur að mannfræði: Þróun, menning og samfélag.
20
þurfi að stuðla að bættum tækifærum nýrra þegna til að aðlagast
nýju landi (Parekh, 2005).
Vandamálin eru þó til staðar og mörg hver mjög alvarleg. Hvað
með þá hegðun hinna nýju þegna sem öðrum íbúum landsins
finnst vera mjög óæskilegar, eins og til dæmis hvað varðar
samskipti kynja og kröfur minnihlutans um að hinum ýmsu
trúarhefðum sem þeir hafa haft með sér frá gamla landinu sé
hafðar í heiðri í því nýja (Parekh, 2005).
Til umhugsunar: Á að láta foreldra komast upp með það að velja
maka handa börnum sínum á unga aldri og gifta þau áður en þau
komast á lögaldur? Skiptir lögaldur máli í þessu sambandi?
Menningarleg þekking
En hvaða færni er þetta þá sem menningin gefur okkur? Hún er af
ýmsu tagi og má fyrst nefna ýmiskonar tæknilega þekkingu sem
fyrri kynslóðir hafa safnað að sér og skilað til okkar sem nú lifum.
Mikið af þessari þekkingu er öllum aðgengilegt í gegnum
skólakerfið, sérstaklega nú í seinni tíð (frá byrjun 20. aldar á
Vesturlöndum). Annað einfaldlega lærum við í uppvextinum af
foreldrum okkar.
Þrátt fyrir uppbyggingu skóla víða um heiminn er margskonar
tækniþekking einungis til staðar á ákveðnum stöðum, í fyrirtækjum
og hjá þeim sem hafa stundað ýmiskonar iðnir lengi. Þessari
þekkingu er viðhaldið af einhverskonar meistarakerfi og flokkast
því sem esóterísk, þ.e. það eru einungis fáir einstaklingar af hverri
kynslóð sem geta átt þess kost að tileinka sér þá þekkingu sem um
ræðir (Peoples & Bailey, 1988).
Viðmið og gildi eru einnig hluti af þeirri þekkingu sem berst á milli
kynslóða. Gildi eru þær hugmyndir sem fólk hefur um það sem er
rétt (siðferðilega) og æskilegt fyrir sjálft sig og annað fólk. Sem
dæmi um gildir má nefna heiðarleika. Á Íslandi og reyndar um
heim allan er það gildi mjög sterkt að fólk skuli sýna heiðarleika í
samskiptum sínum við aðra. Hvað í því felst er þó mismunandi eftir
menningarsvæðum, hugtakið tekur á sig þá merkingu sem passar
Rúnar H. Haraldsson – Inngangur að mannfræði: Þróun, menning og samfélag.
21
aðstæðum hópa og einstaklinga hverju sinni. Viðmið aftur á móti
eru þær reglur sem við getum dregið þeim gildum sem sá hópur
sem við tilheyrum viðurkennir. Til að skýra þetta nánar getum við
haldið áfram að taka hugtakið heiðarleika sem dæmi: Við stelum
ekki vegna þess að við viljum vera heiðarleg. Þannig er viðmiðið:
„þú skalt ekki stela“ dregið af gildinu heiðarleiki (Peoples & Bailey,
1988).
Við lærum einnig að skilja hegðun annarra í gegnum menningu
okkar. Við lærum að lesa í látbragð, blæbrigði raddar og hvað orð
þýða. Það er nefnilega þannig að það sem við gerum og segjum
getur í sjálfu sér þýtt hvað sem er, þ.e. það er samkomulag milli
fólks innan sömu menningar hvað þetta og hitt þýðir. Hér erum við
komin að ákaflega merkilegu hugtaki, hugtaki sem mannfræðingar
hafa lengi velt fyrir sér, og eru í raun ákaflega uppteknir af.
Hugtakið sem hér um ræðir er tákn. Tákn getur verið í raun hvað
sem er. Orðin sem þú ert að lesa eru tákn. Það er ekkert við stafinn
„A“ sem segir í sjálfu sér að akkúrat sá stafur eigi á tákna hljóðið
„A“. Það er hinsvegar samkomulag um að svo sé (Berger &
Luckmann, 1966). Þannig virka öll tákn í raun, hvort sem þau eru
hljóð, látbragð, föt eða jafnvel byggingar. Hvernig þekkir þú til
dæmis lögregluþjón frá öðru fólki? Hvaða tákn hafa verið saumuð
á fötin hans (sem eru tákn í sjálfu sér)?
Með táknum og þeim sameiginlega skilningi sem þeim fylgir getum
við svo gengið skrefinu lengra og skipt heiminum niður í kerfi sem
okkur finnst passa röklega saman. Þetta kalla félagsvísindamenn að
raunveruleikinn sé félagslega skilgreindur, vegna þess að
flokkunarkerfið sjálft verður einskonar sannleikur fyrir okkur.
Við skulum skoða þetta útfrá einföldu dæmi; andatrú. Víða í
heiminum er því trúað að manneskjan búi yfir einhverskonar
kjarna sem sé ekki bundinn líkamanum, sé jafnvel hafin yfir
líkamlegan dauða manneskjunnar. Því er trúað á mörgum
menningarsvæðum að andar þeirra sem látnir vaki yfir þeim sem
Rúnar H. Haraldsson – Inngangur að mannfræði: Þróun, menning og samfélag.
22
eftir lifa og hafi skoðanir á því hvað þeir gera og segja. Þeir sem
aldir eru upp við þessar skýringar á heiminum og hvers vegna
hlutirnir séu eins og þeir séu taka því sem gefnum hlut að andar
forfeðranna geti refsað einstaklingum og samfélaginu í heild sinni
sé siðum ekki fylgt til hins ýtrasta. Með öðrum orðum andar
forfeðranna eru raunverulegir. Sá sem ekki er alinn upp við þessar
hugmyndir, eða hefur seinna í lífinu tekið upp aðrar skýringar á
raunveruleikanum myndi hafna þessum hugmyndum sem
raunverulegum, heimsmynd viðkomandi er önnur (Peoples &
Bailey, 1988).
Með hugtakinu heimsmynd er átt við það hvernig manneskja
upplifir og túlkar þann raunveruleika sem hún býr við. Heimsmynd
fólks er komin undir því hvernig við flokkum niður hina félagslegu
og náttúrulegu veröld sem umlykur okkur. Með heimsmynd er
einnig átt við það hvernig fólk staðsetur sjálft sig og mannkynið í
heild sinni í alheiminum (eða eins og sumir myndu segja;
sköpunarverkinu) (Peoples & Bailey, 1988).
Trúarhugmyndir okkar eru hluti af heimsmyndinni. Hvaða atburðir
leiddu til þess að mannkynið varð til? Hver er staður mannsins í
sambandi við náttúrunna, er hann hluti af henni? Er okkur ætlað
að drottna yfir nátúrunni eða erum við duttlungum hennar
ofurseld? Hvernig virkar alheimurinn? Hvað þurfa menn að gera til
að ná stjórn á atburðarásinni? Er það yfirleitt hægt?
Þessum spurningum og mörgum fleiri er trúarbrögum manna
ætlað að svara, og svörin verða óðaðskiljanlegur hluti af
heimsmynd okkar. Frumbyggjar Ástralíu hafa til dæmis lagt áherslu
á að maðurinn sem vera sé hluti af náttúrunni og tilheyri landinu
frekar en öfugt. Kristni aftur á móti, hefur í anda gyðingdómsins
lagt áherslu á að drottinn hafi fært manninum veröldina til að
stjórna og uppfylla. Hvorug heimsmyndin er „rétt“ heldur verður
að skoðast í miklu stærra samhengi, og það samhengi er einungis
að finna í aðstæðum og menningu fólksins sjálfs (Peoples & Bailey,
1988).
Rúnar H. Haraldsson – Inngangur að mannfræði: Þróun, menning og samfélag.
23
Rúnar H. Haraldsson – Inngangur að mannfræði: Þróun, menning og samfélag.
24
Verkefni úr kafla 2.
Skilgreindu eftirfarandi hugtök:
Menning
Menningarmótun
Kynslóðabil
Útbreiðsla
Regndans
Menningarkimi
Menningarleg þekking
Gildi
Viðmið
Svaraðu eftirfarandi spurningum:
Hvað er átt við með því að menning sé félagslega miðuð?
Hvers vegna er ekki hægt að skýra öll sambærileg atriði milli
menningarsvæða með útbreiðslu sviða?
Hvað kom fyrir norræna menn á Grænlandi?
Hvað héldu menn að væri að einstaklingum sem ekki var hægt að
skilja? Hvernig var farið með slíkt fólk, og hvaða skilning leggja
menn í slíka hegðun nú á dögum?
Hvað er átt við með hugtakinu heimsmynd?
Rúnar H. Haraldsson – Inngangur að mannfræði: Þróun, menning og samfélag.
25
3.Þróun mannsins
Eins og áður hefur komið fram fjallar félagsmannfræðin um það
sem menn hafa lært að gera og eru að gera með það að markmiði
að lifa af, í einu orði nefnt menning. Hvaða tengsl eru á milli
menningar og líffræði mannsins? Var þróun mannsins komin undir
menningunni? Var þessu kannski öfugt farið, er menningin tilkomin
vegna líkamsbyggingar mannsins?
Lífmenningarlegt sjónarhorn (biocultural view)
Svar líkamsmannfræðinnar við þessum spurningum, eða kannski
aðferð líkamsmannfræðinnar við að svara þeim er að notast við
það sem hefur verið kallað lífmenningarlegt sjónarhorn. Það felur
það í sér að ef við værum ekki komin af prímötum þá hefði
menningin ekki ná að þroskast. Ef forfeður okkar og mæður hefðu
ekki þroskað með sér menninguna hefði líkami okkar ekki þróast á
þann hátt sem hann gerði. Þetta tvennt er því tengt órjúfanlegum
böndum (Haviland, 1983).
Líkamsbygging okkar er því ekki tilviljun. Heili mannsins gerði
tegundinni kleift að þroska með sér menninguna sem aftur á móti
kallaði á breytingar á líkamsgerð hans, til dæmis á þróun handa og
breytingar á byggingu andlits. Þessar breytingar aftur á móti gerðu
kröfur til frekari andlegrar virkni sem kölluðu á stærri heila.
Líkamsbygging okkar er því tilkomin vegna sífelldrar endurgjafar
milli líkama og menningar þar sem menn hafa nýtt sér til fullnustu
þá möguleika sem felast í menningarlegri aðlögun að umhverfi sínu
(Haviland, 1983).
Við finnum ekki bara upp verkfæri og tungumál og látum okkur
detta í hug listir og vísindi, við erum sjálf afurðir þessara atburða
og hluta.
r og K val.
Almennt má segja að tegundir geti farið tvær leiðir í aðlögun sinni
að umhverfinu. Annars vegar að treysta eingöngu á
erfðafræðilegan fjölbreytileika og treysta því að þeir sem bera í sér
heppileg gen komist á legg og fjölgi sér. Til að ná fram þessu
Rúnar H. Haraldsson – Inngangur að mannfræði: Þróun, menning og samfélag.
26
markmiði eignast hver einstaklingur mikinn fjölda afkvæma sem
dýrið skilur oftast eftir og heldur sína leið eftir klak. Þessi aðferð
við að koma afkvæmum í heiminn nefnist r val. Skordýr af ýmsu
tagi eru meistarar í þessu, svo og fiskar.
Prímatar „fjárfesta“ mikið í hverju og einu afkvæmi sínu.
Fjárfestingin er meðal annars fólgin í því að foreldri kennir afkvæmi
sínu þær aðferðir sem foreldrið hefur lært til að bjarga sér. Oftar
en ekki halda dýrin einnig saman eftir að afkvæmin eru komin á
legg. Þetta nefnist K val og fyrirfinnst hjá dýrum sem hafa tamið
sér félagslega lifnaðarhætti eins og úlfar, ljón og prímatar
(Jurmain, Kilgore, Trevathan, & Nelson, 2002).
Það er ljóst að þessar tvær aðferðir við aðlögun hafa sína kosti og
galla. Þær tegundir sem nota r val geta aðlagast fljótt og vel þegar
um minniháttar breytingar á umhverfinu er að ræða.
Tegundir sem nota K val eru oftar en ekki viðkvæmari fyrir mjög
miklum afföllum vegna umhverfisbreytinga, en aftur á móti sýna
einstaklingar þessara tegunda oft mjög mikla aðlögunarhæfni
(Haviland, 1983).
Prímatar
Menn hafa þróast á mjög löngum tíma. Að grunninum til eru apar,
mannapar og menn allir komnir af sama stofni, við erum prímatar.
Prímatar hafa nokkur einkenni sem fyrirfinnast hjá öllum
tegundum prímata að meira eða minna leyti. Alls er um 13
einkenni að ræða, en hafa verður í huga að einkenni þessi teljast
vera tilhneiging, þ.e. einkennin fyrirfinnast í mismiklum mæli hjá
hverri tegund fyrir sig. Einkennin eru eftirfarandi:
1. Bæði hendur og fætur hafa fimm fingur og fimm tær. Þetta á
við allar tegundir prímata, þrátt fyrir að sumar tegundir hafi
minnkaðan þumalfingur (þetta á t.d. við um kóngulóarapa)
eða vísifingur (t.d. refapa).
Rúnar H. Haraldsson – Inngangur að mannfræði: Þróun, menning og samfélag.
27
2. Allar prímatategundir hafa neglur í staðin fyrir klær. Þetta
gefur prímötum færi á að grípa um hluti eins og trjágreinar,
og er ein af forsendum nákvæmisgrips mannsins.
3. Hendur prímata eru mjög sveigjanlegar og góðar til grips.
Þetta er nátengt þeim atriðum sem nefnd hafa verið hér á
undan, það að hafa neglur og fimm fingur.
4. Allar tegundir prímata sýna tilhneigingu til þess að hafa efri
hluta búksins uppréttan. Þessi tilhneiging kemur berlega í
ljós þegar dýrin sitja, standa og stökkva. Þetta kemur einnig
fram hjá nokkrum tegundum þegar dýrin ganga (til dæmis
mannapar og menn).
5. Allir prímatar hafa haldið viðbeininu, nokkuð sem er ekki
algengt í núverandi spendýrum, sérstaklega þeim sem ganga
á fjórum fótum. Tilgangur viðbeinsins hjá prímötum er að
stuðla að auknum sveigjanleika axlarinnar.
6. Tennur prímata eru tiltölulega óbreyttar frá upphafi, og á
þetta sérstaklega við um jaxla. Tennur prímata hafa í raun
ekki þróast mikið, og alls ekki jafn mikið og hjá þeim
spendýrum sem eru jurtaætur.
7. Mataræði prímata einkennist í raun af því að þeir eru
alætur, þeir leggja sér það til munns sem þeir finna og veiða,
jurtir, rætur, hræ og bráð. Þetta skýrir einnig hvers vegna
tennur prímata eru jafn upprunalegar og raun ber vitni,
mynstur og gerð tanna þeirra þarf að veita eigandanum
sveigjanleika í mataræði.
8. Almennt séð hefur trýni prímata minnkað í þróunarferli
þeirra, þar sem lykt skiptir þá minna máli en aðrar
dýrategundir. Þetta endurspeglast líka í heila þeirra, en sá
hluti heilans sem sér um lyktarskyn hefur minnkað
hlutfallslega miðað við önnur skynfæri.
9. Það sama verður ekki sagt um sjónina. Prímatar hafa lagt
mjög mikla áherslu á að þróa sjónskynjun, enda eru þau
svæði sem sjá um sjónræna úrvinnslu háþróuð í þeim. Þetta
kemur auðvitað til af því að þeir hafa lagt undir sig trén en til
þess að það sé mögulegt þurfa dýrin að hafa háþróað
Rúnar H. Haraldsson – Inngangur að mannfræði: Þróun, menning og samfélag.
28
dýptarskyn. Þetta er framkvæmt þannig að sjónsvið
augnanna skarast, þannig að bæði augu senda mynd af sama
hlutnum til heilans. Þetta verður til þess að heilinn getur
dæmt um fjarlægð hluta af mikilli nákvæmni. Annað sem
einkennir sjónskynjun prímata er litasjón, en talið er að
flestar tegundir prímata búi yfir henni, ef frátalin eru
nokkrar tegundir sem eru næturdýr.
10. Prímataheilinn hefur haft tilhneigingu til stækkunar (þetta á
reyndar við um flest spendýr, en sértaklega um prímata) .
Þetta kemur sérlega vel í ljós þegar skoðaður er litli heili
(cerebellum), hreyfisvæði (motor cortex) auk svæða sem sjá
um hugræna úrvinnslu.
11. Prímatar hafa þroskaðri fylgju, lengri meðgöngu (þar sem
almenna reglan er sú að aðeins eitt fóstur þroskist í einu) og
almennt er ævilengd dýranna meiri.
12. Tegundirnar hafa þróað með sér flókna lærða hegðun sem
hluta af aðlögun sinni að umhverfinu. Þetta gerir það að
verkum að ungviði er lengur háð foreldrum sínum. Með
örðum orðum, tegundirnar „fjárfesta“ meira í hverjum og
einum einstakling, í stað þess að treysta á fjölda (sjá fyrr í
þessum kafla).
13. Fullorðin karldýr eru oftar en ekki hluti af hópnum í stað
þess að verða einfarar.
(Jurmain, Kilgore, Trevathan, & Nelson, 2002)
En hvaða kraftar voru að verki sem gerðu það að verkum að
tegundir eins og Simpansar, Fjallagórillur og Homo Sapiens
(Vitmaður) þróuðust frá frumstæðum prímötum á stærð við
húskött? Til þess að skilja þessar miklu breytingar (við höfðum
reyndar tímann með okkur, þessi þróun hefur tekið um 65 milljón
ár) þurfum við að skoða þróunarkenningu Darwins.
Þróunarkenningin
Darwin var ekki fyrsti maðurinn til að velta fyrir sér þeim
möguleika að tegundir hefðu ekki sprottið fram úr huga skaparans
Rúnar H. Haraldsson – Inngangur að mannfræði: Þróun, menning og samfélag.
29
fullbúnar í núverandi mynd. Reyndar má segja að Darwin hafi
fengið hugmyndina í arf, því afi hans Erasmus Darwin skrifaði á
sínum tíma grein til varnar hugmyndinni. Einnig hafði franskur
vísindamaður Lamarck sett upp skema þar sem hann reyndi að
skýra þróun tegundanna. Þessum fyrri tilraunum var fálega tekið,
ef til vill var tími hugmyndarinnar ekki kominn, en að auki mistókst
þessum höfundum að skýra hvers vegna tegundir þróuðust. Þar
kom Charles Darwin til sögunar, hann náði að tengja þessar
mismunandi hugmyndir saman í eitt auk þess sem hann bætti við
mikilvægri hugmynd: náttúruvali. Við skulum líta aðeins nánar á
kenningu Darwins eins og hann setti hana fram:
1. Tegundirnar fjölga sér hraðar en fæðuframboðið eykst.
2. Allar lifandi verur sýna fjölbreytileika, engar tvær lífverur eru
eins.
3. Vegna þess að fleiri einstaklingar verða til en geta lifað af, er
samkeppni milli þeirra um þær bjargir sem þeir þurfa til að
lifa af. Samkeppnin ýtir undir það að þeir sem hafa bestu
eiginleikanna í einhverju gefnu umhverfi lifa af (getan til að
hlaupa hratt, hugsa betur, líkamsstyrkur o.s.frv.).
4. Eiginleikar lífveranna erfast á milli kynslóða.
5. Með tímanum koma fram nýjar tegundir sem búa yfir
hagstæðum eiginleikum forvera sinna.
Darwin kallaði þetta ferli náttúruval. Kenning hans hefur ólíkt
mörgum öðrum staðist tímans tönn vegna þess hversu vel hún
útskýrir bæði breytingar á tegundum með tímanum og aðlögun
tegunda að umhverfi sínu (Jurmain, Kilgore, Trevathan, & Nelson,
2002).
Það sem Darwin tókst hins vegar ekki að skýra er hvers vegna það
fyrirfinnst svona mikill breytileiki innan tegunda til að byrja með,
kenning hans tekur í raun einungis á því hvernig tegundir nýta sér
þennan breytileika til aðlögunar. Þarna þurfti Darwin að játa sig
sigraðan, enginn á 19. öld gat útskýrt fyrirbærið, og var það ekki
skýrt fyrr en með tilkomu erfðafræðinnar.
Rúnar H. Haraldsson – Inngangur að mannfræði: Þróun, menning og samfélag.
30
Til þess að geta skoðað erfðir þurfum við að líta nánar að
„byggingarefni mannsins“ sjálfa frumuna og hvernig hún starfar.
Fruman
Að grunninum til er mannslíkaminn búinn til úr tveimur gerðum
frumna. Annars vegar höfum við almennar frumur (sómatískar) og
hins vegar höfum við kynfrumur.
Almennu frumurnar eru byggingarblokkir allra vefja líkamans,
blóðs, vöðva, líffæra og beina. Það eru billjónir frumna í okkur og
endurnýjun þeirra er massíf. Talið er að allar frumur manna
endurnýi sig yfir sjö ára tímabil (Jurmain, Kilgore, Trevathan, &
Nelson, 2002).
Kynfrumur eru um margt líka sómatískum frumum, nema þær
gegna mjög sérstöku hlutverki, hlutverk þeirra er að koma
eiginleikum lífverunnar áfram til næstu kynslóðar, og tryggja
fjölbreytileika tegundarinnar í leiðinni. Kynfrumur eru framleiddar í
miklu magni í eistum karldýra og finnast í sæði þeirra. Kvenkyns
einstaklingar meðal manna og skyldra tegunda fæðast með sínar
kynfrumur og fjöldi þeirra er takmarkaður, en þær taka ekki út
lokaþroska sinn fyrr en á réttum tíma innan tíðahringsins, þegar
þeirra er þörf.
Hjá öllum lífverum er miðpunkt erfða að finna í kjarna frumunnar.
Kjarninn er aðskilinn frá öðrum hlutum frumunnar með örþunnri
himnu. Inni í kjarnanum er að finna svokallaðar kjarnsýrur, þar sem
allar upplýsingar um viðkomandi lífveru er að finna. Tvennskonar
kjarnsýrur eru til staðar inni í kjarnanum; svokallaðar RNA
(ribonucleic acid) kjarnsýrur og DNA (deoxyribonucleic acid)
kjarnsýrur (Jurmain, Kilgore, Trevathan, & Nelson, 2002).
Hér gefst ekki pláss til að fjalla nánar um RNA kjarnsýruna, en RNA
gegnir m.a. lykilhlutverki við að skeyta saman og flytja til parta af
DNA kjarnsýrunni við frumuskiptingu. DNA kjarnsýran er hins vegar
flutningsmáti erfðaupplýsinganna, og beinist athygli okkar því að
henni.
Rúnar H. Haraldsson – Inngangur að mannfræði: Þróun, menning og samfélag.
31
DNA
DNA er tvístrent sameind sem samanstendur af fjórum efnum eða
bösum. Þau eru Adenín (A), Gvanín (G), Sítósín (C) og Týmín (T).
Hver basi getur einungis bundist sínum félaga; andenín getur
bundist týmini og gvanín getur bundist sítósíni. Sé þessi regla
brotin verða afleiðingarnar alvarlegar (vansköpun).
Hver basi binst einnig fosfati og sykru sem mynda saman kirni. (Sjá
mynd). Kirnin tengjast síðan saman og mynda tvöfalt gormlaga
sameind sem líkist stiga sem búið er snúa upp á. Á lengdina eru
fosfötin og sykrurnar tengd saman og mynda lengd stigans, en
basapörin (A-T og S-C) mynda þverbönd stigans.
Myndin hér að ofan sýnir uppbyggingu DNA gormsins.
Fruman nýtir sér þær upplýsingar sem er að finna innan DNA
gormsins til að búa til nýjar frumur þegar venjuleg frumuskipting á
sér stað, og til að búa til fjölbreytileika þegar kynfrumur eru búnar
til.
Gen
Þeir staðir á DNA keðjunni sem eru notaðir til að geyma
upplýsingar um tiltekna eiginleika nefnast gen. Gen eru því ekki
einhverjir hlutir fljótandi um inni í frumkjarnanum, genin eru
punktar á DNA keðjunni og hluti af henni (Haviland, 1983).
Rúnar H. Haraldsson – Inngangur að mannfræði: Þróun, menning og samfélag.
32
Samsæta
Þegar talað er um fjölbreytileika gena er yfirleitt vísað til
svokallaðra samsætna. Samsæta er afbrigði af sama geni, þ.e. gen
er eins og vísað var til áðan punktur á einhverjum stað á DNA
keðjunni. Samsæta er því eitthvað sem sest í sama sæti, en býr yfir
einhverjum öðrum upplýsingum sem veldur því líffræðilegum
fjölbreytileika innan tegundar. Dæmi um þetta er
blóðflokkaskipting manna, Menn geta tilheyrt blóðflokki A,B AB og
O. Allt eru þetta dæmi um samsætur.
Litningur
Undir venjulegum kringumstæðum er DNA keðjan óbundin inni í
frumukjarnanum. Erfðaefnið í þessu ástandi nefnist litni, og því
hefur verið lýst sem löngu þunnu efni sem troðið er í mjög þröngt
pláss. Reyndar hefur verið áætlað að um 1,8 metri af DNA sé troðið
inn í frumukjarnann. Þetta skýrist af því að venjulega er DNA efnið í
notkun á líftíma frumunnar.
Málið vandast hinsvegar þegar fruman þarf að skipta sér. Það
fyrsta sem gerist við venjulega frumuskiptingu (það verður farið
nánar í þá sálma síðar í þessum kafla) er að það þarf að tvöfalda
erfðaefnið. Það þarf því að pakka og skipta því erfðaefni sem er til
staðar niður í tvo eins hluta. Þetta er gert með því að skipta
erfðaefninu niður og pakka því inn í svokallaða litninga. Litningar
eru einungis til staðar þegar fruman er að skipta sér.
Þegar litningar eru til staðar líta þeir svolítið út eins og
flugvélahreyfill, þeir hafa miðju og tvo arma (sjá mynd). Mjög
mismunandi er hversu marga litninga tegundir notast við.
Ávaxtaflugan hefur 8 litninga, rækjan hefur 320 og menn 46.
Rúnar H. Haraldsson – Inngangur að mannfræði: Þróun, menning og samfélag.
33
Myndin sýnir svokallað karyogram af litningum karlmanns.
Venjulega er talað um litninga sem litningapör, vegna þess að við
fáum helming erfðaefnis okkar frá föður okkar og hinn helminginn
frá móður. Þetta er best að útskýra með dæmi. Á tuttugasta og
þriðja litningapari mannsins er að finna upplýsingar um kyn okkar.
Karlar hafa þar litningasamsetninguna XY en konur XX. Y
litningurinn ræður því hvort að fóstur þroskast sem karl eða ekki,
þennan litning fá drengir eingöngu frá föður sínum vegna þess að
hann er ekki til staðar hjá móðurinni. Á Y litningunum er því að
finna flestar þær upplýsingar sem þarf til að búa til karlkyns fóstur
(Jurmain, Kilgore, Trevathan, & Nelson, 2002).
Frumuskipting
Til þess að vaxa og viðhalda sér þarf líkami hverrar lífveru með
fleiri eina frumu að endurnýja frumur sínar. Þetta gerir líkaminn
með frumuskiptingu. Frumuskiptingin fer af stað með því að
fruman pakkar DNA keðjunni niður í litninga og gerir afrit af þeim.
Þetta tvöfaldar þann fjölda af litningum sem eru þá tímabundið til
staðar í frumunni.
Því næst skiptir fruman sér. Í sómatískum frumum verður til ný
fruma með eigin frumulíffærum og frumuhimnu. Þessi tegund af
frumuskiptingu er kölluð mítósa og afleiðing hennar verður sú að
ný fruma hefur myndast með jafn marga litninga og móðurfruman
(Jurmain, Kilgore, Trevathan, & Nelson, 2002).
Rúnar H. Haraldsson – Inngangur að mannfræði: Þróun, menning og samfélag.
34
Þegar nýir einstaklingar verða til með æxlun felur það í sér að
erfðaefni frá báðum foreldrum rennur saman og myndar hin nýja
einstakling. Það sem gerist er í raun að tvær frumur renna saman.
Ef þær frumur væru bara venjulegar frumur með öll sín litningapör
yrðu afleiðingarnar þær að afkvæmið væri með helmingi fleiri
litninga en foreldrarnir. Slíkt má auðvitað ekki gerast. Því er
sérhæfðum frumum, kynfrumunum falið það verkefni að renna
saman við aðrar kynfrumur.
Munurinn á erfðaefni kynfrumna og venjulegra frumna er
tilkominn vegna þess að það er notuð önnur aðferð við
frumuskiptinguna, svokölluð rýriskipting eða meiósa. Meiósa byrjar
eins og mítósa, þ.e. með því að tvöfalda alla litninga en þar skilja
leiðir. Kynfrumurnar halda nefnilega áfram að skipta sér, þær
„skera“ af sér helminginn af litningunum og búa til fjórar frumur í
stað tveggja, þar sem hver fruma hefur einungis 23 litninga í stað
46 áður (Jurmain, Kilgore, Trevathan, & Nelson, 2002).
Þetta ferli hefur í raun úrslitaáhrif fyrir erfðir einstaklings. Sem
dæmi um það skulum við aftur líta til blóðflokka. Gefum okkur að
einstaklingur sé í blóðflokki A. Viðkomandi makast við einstakling í
blóðflokki O. A er ríkjandi gen, sem merkir að það kemur fram sé
það til staðar í einstaklingi, að öðrum kosti eru gen víkjandi. Gefum
okkur einnig að foreldrar þess foreldris sem er í blóðflokki A hafi
ekki verið í sama blóðflokki annað hafi verið í A en hitt í O. Þetta
merkir að okkar einstaklingur er með arfgerðina AO. Samkvæmt
þessu eru þá helmingslíkur á að viðkomandi láti afkomendum
sínum A genið í té, og helmingslíkur að O genið fari áfram. Vegna
þess að við vitum að A genið er ríkjandi og maki viðkomandi er í O
blóðflokki sem er víkjandi gen, þá eru helmingslíkur á að barnið
verði í O og helmingslíkur á að það verði í A.
Í raun er ekki hægt að segja fyrir með neinni vissu um það hvaða
gen foreldris komast áfram og hver ekki, það er einungis hægt að
leiða að því tölfræðilegar líkur (Jurmain, Kilgore, Trevathan, &
Nelson, 2002).
Rúnar H. Haraldsson – Inngangur að mannfræði: Þróun, menning og samfélag.
35
Samsetning gena á litningum
Þegar sama samsæta situr báðu megin á litningapari er sagt að
viðkomandi einstaklingur sé arfhreinn (homozygous). Þegar
mismunandi samsætur sama gens sitja sitt hvoru megin á
litningapari er talað um að einstaklingurinn sé heterozygous eða
arfblendinn.
Eins og rakið hefur verið hér á undan, er DNA keðjan full af
upplýsingum um það hvernig við séum búin til. Það hefur einnig
komið fram að sum gen koma alls ekki fram í einstaklingnum sem
ber genið heldur liggja þau til baka og bíða þess að verða arfhrein
(Jurmain, Kilgore, Trevathan, & Nelson, 2002).
Þetta á við um marga erfðasjúkdóma, sjúkdóma eins og
sigðblóðkornaleysi (sickle cell anemia). Þar er um að ræða gallað
víkjandi gen. Flestir þeir sem bera genið í sér verða þess aldrei
varir, en hluti fólks fær sjúkdóminn, eða um 25% af þeim börnum
þar sem báðir foreldrar bera í sér genið.
Við verðum því að gera greinarmun á raunverulegri erfðafræðilegri
samsetningu einstaklings og þeirri birtingarmynd erfðanna sem er
sýnileg eða kemur fram að öðru leyti. Hina undirliggjandi
samsetningu lífveranna köllum við arfgerð, og er einungis hægt að
skoða með erfðafræðilegri rannsókn, en það sem að öllu jöfnu
birtist okkur sem sjáanlegir og mælanlegir eiginleikar lífverunnar
köllum við svipgerð (Jurmain, Kilgore, Trevathan, & Nelson, 2002).
Einstaklingar erfa einungis það sem arfgerð þeirra ber með sér.
Segjum sem svo að erfðasjúkdómur hafi skotið sér niður í einhverri
ætt. Þeir einstaklingar sem ekki bera í sér hið gallaða gen er
algjörlega óhætt að geta af sér afkvæmi, og einnig þeir sem bera í
sér genið svo fremi sem það er víkjandi og þeir makist við óskyldan
aðila. Annað mál er svo með erfðasjúkdóma þar sem um ríkjandi
gen er um að ræða eins og Huntingtons sjúkdóm, allir þeir sem
bera genið í sér veikjast og deyja langt um aldur fram (Jurmain,
Kilgore, Trevathan, & Nelson, 2002).
Rúnar H. Haraldsson – Inngangur að mannfræði: Þróun, menning og samfélag.
36
Stöðugleiki stofna
En hvers vegna breytast sumir stofnar lífvera og sumir ekki? Þrátt
fyrir allan þessa möguleika á fjölbreytileika sem líst hefur verið í
kaflanum fram að þessu hafa sumar dýrategundir lítið breyst í
milljónir ára, á meðan aðrar hafa tekið algjörum stakkaskiptum.
Hardy-Weinberg lögmálið segir til um hvaða aðstæður þurfa að
vera fyrir hendi til þess að stofnar dýra brytist ekki. Þegar Hardy-
Weinberg lögmálið er í gildi hafa öll gen jafnan möguleika á að
dreifa sér yfir eina kynslóð, sem merkir að heildarhlutfall ríkjandi
og víkjandi gena helst stöðugt. Það eru þó ákveðin skilyrði fyrir því
að Hardy-Weinberg haldist í gildi. Þau eru:
1. Mökun þarf að vera tilviljanakennd.
2. Stofn dýranna sem eru til staðar þarf að vera stór (Haviland,
1983).
Eins og rakið verður í kafla 6, að þá er mökun manna sjaldnast
tilviljun, heldur eru mjög mörg samfélög skipulögð samkvæmt
sifjum (sifjar er hugtak sem vísar til skyldleika manna, sú grein
mannfræðinnar sem rannsakar hvernig fólk skipuleggur sig eftir
ættum er kölluð sifjafræði) og hópar manna á forsögulegum tíma
hafa sjaldnast verið stórir, þannig að það þarf í raun ekki að
undrast að tegundin hafi breyst jafn mikið og raun ber vitni.
Þeir þættir sem helst stuðla að genabreytingum á stofnum eru
fjórir. Þar er um að ræða svokallaðar stökkbreytingar, genaflökt,
genaflæði og takmarkað makaval. Þessir þættir koma sterkir inn
þegar Hardy-Weinberg lögmálið gildir af einhverjum ástæðum ekki
lengur, eins og til dæmis að viðkomandi hópur hafi orðið fyrir
einhverskonar skakkaföllum, til forna hefur ekki þurft mikið til;
menn hafa til dæmis getað lent í erfiðum aðstæðum við veiðiskap
sem hefur þess vegna getað haft þær afleiðingar að allt að
helmingur veiðimannanna (eða fleiri) hefur ekki snúið aftur. Þetta
myndi hafa mjög takamarkandi áhrif á viðkomandi hóp varðandi
mökun; skyldleikaræktun hefur undir slíkum kringumstæðum verið
Rúnar H. Haraldsson – Inngangur að mannfræði: Þróun, menning og samfélag.
37
nánast óumflýjanleg. Við þær aðstæður upphefst Hardy-Weinberg
lögmálið (Haviland, 1983).
Stökkbreytingar
Stökkbreytingar eru yfirleitt flokkaðar í tvennt: annars vegar er
talað um svokallaðar punktbreytingar, og hins vegar er talað um
litningabreytingar.
Genabreytingar sem snerta aðeins eitt kirni (punkt) í DNA-gormi
eru kallaðar punktbreytingar. Slíkra breytinga sér víða merki í
erfðaefni lífvera. Menn eru til dæmis arfblendnir um fjöldann allan
af slíkum breytingum.
Orsakir litningabreytinga má oft rekja til mistaka við
frumuskiptingu. Úrfelling á litningsbút eða tvöföldun búts getur
orsakast af óreglulegum litningavíxlum við rýriskiptingu (meiósu).
Hið sama getur átt við um umsnúning litningshluta eða yfirfærslu
erfðaefnis milli ósamstæðra litninga.
Það fer ekki á milli mála að flestar stökkbreytingar á erfðaefninu
eru til skaða og á það bæði við um litningabreytingar og
genabreytingar, erfðasjúkdómar sem koma fram í fólki hafa
flestallir byrjað sem stökkbreyting í einum einstaklingi sem að
öllum líkindum hefur ekki haft svipgerð sjúkdómsins. Það er fyrst
að þegar tveir einstaklingar sem bera báðir genið makast að
sjúkdómurinn kemur fram (Jurmain, Kilgore, Trevathan, & Nelson,
2002).
Til eru þó breytingar sem eru til gagns, til dæmis með því að þegar
prótín breytast þannig að þau starfa betur en áður við tilteknar
aðstæður. Slíkar stökkbreytingar kunna að festast með tegundinni
fyrir náttúrlegt val.
Stökkbreytingar ásamt blöndun gena milli litninga í rýriskiptingu
(meiósu) eru því í raun uppspretta þess breytileika sem náttúruval
vinnur úr.
Rúnar H. Haraldsson – Inngangur að mannfræði: Þróun, menning og samfélag.
38
Genaflökt
Genaflökt hefur í raun verið lýst áður hér að ofan (sjá umfjöllun um
Hardy-Weinberg lögmálið), en það sem gerist er það að
erfðafræðileg samsetnings hóps (stofns) breytist skyndilega vegna
þess að möguleikar dýranna til mökunar þrengjast.
Hjá mannlegum verum gerist þetta þegar litlir hópar verða fyrir
áföllum eða hluti hópsins ákveður að skera sig úr hópnum. Við
slíkar aðstæður er líklegt að samsetning hópsins verði önnur en
tegundarinnar í heild vegna þess að fjölbreytileiki hópsins er minni
en hann var áður.
Hópar veiðimanna og safnara eru oft á bilinu 25-50 manns, og
mega því við litlu í þessu tilliti, veiðar eru hættuleg iðja. Nútíma
veiðimenn og safnarar komast hjá þessu vandamáli að hluta til
með því að vera hreyfanlegir, þ.e. hópar þeirra ferðast um langan
veg í leit að lífsbjörg og hitta þá aðra hópa í leiðinni og einnig með
því að hafa strangar reglur um útvensl (útvenslaregla segir til um
það hverjum má ekki giftast eða eiga kynferðislegt samneyti við)
(Jurmain, Kilgore, Trevathan, & Nelson, 2002).
Takmarkað makaval
Stofnar dýra hafa oft takmarkaða möguleika á að hafa mökun
algjörlega tilviljanakennda, og spila þar landfræðilegar aðstæður
oftast inn í. Hjá mönnum er þetta flóknara ferli og kemur þar til
hversu félagsgerð manna er flókin.
Þegar makaval er ekki tilviljunum háð verður samsetning
erfðaefnis fólks einsleitari. Þegar það gerist er líklegra að víkjandi
samsætur komi fram í svipgerð.
Gott dæmi um þetta eru konungsættir Evrópu á seinni hluta
nítjándu aldar og í byrjun þeirrar tuttugustu. Eins og frægt er
tengdust allar helstu konungsættir Evrópu í gengum Kristján IX,
sem oft var nefndur „tengdafaðir Evrópu“. Þetta stuðlaði eins og
gefur að skilja, að mikilli skyldleikaræktun, sem átti eftir að koma
verulega niður á fólkinu, dreyrasýki stakk sér niður meðal þess, en
þar er um að ræða erfðasjúkdóm sem hefur áhrif á storkuþætti
Rúnar H. Haraldsson – Inngangur að mannfræði: Þróun, menning og samfélag.
39
blóðsins þannig að minnstu sár eða mar leiðir af sér miklar
blæðingar, svo miklar að fólki blæðir út. Í þá daga voru miklar
kvalir og þrautir lagðar á svokallaða blæðara, og meðal ævilengd
þeirra sem voru með sjúkdóminn var innan við 20 ár (Jurmain,
Kilgore, Trevathan, & Nelson, 2002).
Genaflæði
Segja má að genaflæði sé andstæða Genaflöktar. Með genaflæði
koma gen sem ekki hafa verið til staðar inn í stofn eða hóp.
Genaflæði er í raun eitt öflugasta aflið sem stuðlað hefur að
breytingum á mannkyninu svo lengi sem það hefur verið til.
Eins og áður var getið eru safnarar og veiðimenn mjög hreyfanlegir
(og hafa sterkar útvenslareglur). Tengsl hafa því myndast við aðra
hópa sem hafa verið til staðar á sama svæði, sambönd hafa
myndast á milli hópanna.
Fólksflutningar á miklum fjölda fólks er einnig þekkt úr sögunni.
Gott dæmi um það eru hópar Indíána í Suður Ameríku. Hópar
þessir hafa auðvitað verið misjafnlega eingangraðir í gegnum
tíðina, en segja má án þess að taka of djúpt í árinni að margir
þessara hópa hafi verið skyldir hver öðrum erfðafræðilega. Eftir að
Evrópumenn lögðu Suður Ameríku undir sig hafa komið inn í
erfðamengi Indíánanna svipgerðir frá Evrópu og Afríku sem hafa
breytt menginu töluver (Jurmain, Kilgore, Trevathan, & Nelson,
2002)t.
Einkenni mannlíkra vera
Hlutarnir hér á undan hafa einkum beinst að almennum atriðum
sem beinast að þróun lífvera. Það að skoða náttúruval almennt og
það sem knýr náttúruvalið áfram (erfðir) svarar samt sem ekki
spurningunni hvernig forfeður mannkyns litu út og hegðuðu sér.
Mannlíkar verur hafa nokkur sameiginleg líkamseinkenni. Andlit
þeirra er flatara og smágerðara, tennur smærri og kjálkinn almennt
ekki eins verklegur, heilabúið er stærra og þær ganga á tveimur
fótum. Eftir því sem tímar liðu urðu þessir þættir meira áberandi í
líkamsgerð okkar. Heilabúið stækkaði, hendur okkar urðu færari í
Rúnar H. Haraldsson – Inngangur að mannfræði: Þróun, menning og samfélag.
40
að vinna ýmiskonar fínlega vinnu og á sama tíma réttist úr okkur og
andlitið breyttist.
Hegðun okkar breyttist einnig töluvert á þessum tíma, um það
bera ýmiskonar mannvistarleifar merki, þá sérstaklega gömul
steinverkfæri sem fundist hafa. Verkfærin urðu æ betri eftir því
sem tímar liðu, og vegna þessara sjáanlegu framfara í
verkfæragerðinni draga menn þá ályktun (sem er mjög líklega ekki
mjög lagsótt) að menning manna hafi tekið stakkaskiptum á sama
tíma.
Áður hefur verið rakið í þessum kafla að víxlverkan hafi verið milli
líkamlegrar þróunar mannsins og menningar hans. Þetta á
sérstaklega vel við þegar talað er um menningarlega þætti eins og
verkfæragerð. Með aukinni færni í gerð verkfæra og tilkomu
eldsins varð smá saman minni þörf á því að menn væru að rífa í sig
hrámeti. Þannig varð smá saman minni þörf á stórum og
stæðilegum kjálkum, andlit og háls manna breyttust í þá átt að tali
varð gert hærra undir höfði af náttúruvali, auk þess sem hendur
manna urðu sífellt betri „verkfæri“ til þess að smíða og nota enn
betri verkfæri (Haviland, 1983).
Með öðrum orðum, víxlverkun líkama og menningar gerði það að
verkum að menn urðu sífellt færari að lifa í flóknara og
tæknivæddara (tækni er jú fleira en hátækni nútímans) samfélagi,
sem aftur kölluðu á enn flóknara og tæknivæddara samfélag.
Hér á eftir verða skoðaðar nokkrar tegundir manna sem að öllum
líkindum eru forfeður mannsins. Til þess að gera þessum
manntegundum þau skil sem væru við hæfi þyrfti höfundur
þessarar bókar trúlega að skrifa eina bók um hverja þeirra. Þótt
gaman væri er þess ekki kostur að sinni, og því verður lítið
kaflabrot að nægja um hverja og eina tegund. Til eru samt ógrynni
af upplýsingum um forfeður okkar, og eru nokkrar bækur og
vefsíður nefndar í lok þessa kafla sem fólk getur aflað sér frekari
upplýsinga í (Haviland, 1983).
Rúnar H. Haraldsson – Inngangur að mannfræði: Þróun, menning og samfélag.
41
Við byrjum á Suðurapanum, mannlíkrar veru sem kom fram í
sunnanverðri Afríku fyrir um 6 milljón árum síðan.
Suðurapi
Fræðimönnum hefur reynst erfitt og flókið að ráða í forsögu
mannættarinnar. Fyrsta mannlíka veran sem virkilega er hægt að
slá föstu að sé forveri mannsins er Suðurapinn.
Sjálfur hefur suðurapinn reynst mannfræðingum erfiður viðfangs,
tegundin virðist hafa skipt sér niður í nokkrar undirtegundir sem
sýna töluverða fjölbreytni í líkamsgerð, allt frá því að vera mjög
sterklega vaxinn yfir í það að vera fíngerðari vera með nokkuð
stærra heilabú en aðrar gerðir sömu tegundar. Freistandi er að
álíta sem svo að við séum komin af þeirri undirtegund sem virðist
líkjast þeim tegundum sem á eftir komu, en það er ósannað mál.
Aldur leifanna (um er að ræða yngstu leifar Suðurapa) gefur þó
vísbendingar í þá átt. Undirtegundin sem um ræðir kallast
Australopithecus Afarensis, oft nefnd A. Afarensis til styttingar
(Australopithecus = Suðurapi) (Haviland, 1983).
Líkamsgerð Suðurapans líkist um margt nánum ættingjum okkar í
dýraríkinu, en einnig eru ákveðnir þættir í líkamsgerð hans sem eru
mannlíkir. Gerð fótleggjabeina og mjaðmagrindar bendir til að
suðurapar hafi gengið uppréttir, en ekki notað hendur sínar til að
styðja sig til gangs eins og mannapar gera gjarnan. Tennur þeirra
eru líkar tönnum mannlegra vera. Þetta gefur okkur ákveðnar
vísbendingar um matarræði þeirra, nefnilega það að þeir hafi ekki
verið neitt sérstaklega matvandir; þeir voru alætur (Haviland,
1983).
Stærð og gerð kjálka Suðurapans minnir hins vegar mjög á
mannapa, sem kemur heim og saman við það að þeir hafi ekki
þekkt eða notað eld, né heldur skurðarverkfæri, heldur hafi þeir
þurft að rífa í sig fæðuna. Til þess þarf sterka kjálka og kjálkavöðva,
nokkuð sem kallar á sterka höfuðkúpu með öflugum
vöðvafestingum. Vöðvafestingar þessar hafa væntanlega verið
svipaðar og hjá nútíma Górillum, eins og sést á myndinni (sjá
Rúnar H. Haraldsson – Inngangur að mannfræði: Þróun, menning og samfélag.
42
mynd) hafa Górillur beinbrú efst á höfðinu til að veita öflugum
kjálkavöðvunum festu.
Ein af merkilegustu uppgötvunum mannfræðinnar var gerð árið
1974, þegar þeir Coppens og Johanson fundu merkilega heillega
beinagrind af Suðurapa af undirtegundinni A. Afarensis nálægt
þorpinu Hadar í Eþíópíu. Beinagrindin er um 3,18 milljón ára
gömul. Formlega séð er vísað til beinagrindar þessarar sem AL 288-
1, en svo vill til að bítlalagið „Lucy in the sky with diamonds“ var
spilað oft og hátt á meðan á leiðangri þeira Coppens og Johansons
stóð, og því festist nafnið Lucy við beinagrindina. Lucy er varðveitt í
þjóðminjasafni Eþíópíu í Addis Ababa. Lucy er eins og nafnið
bendir til kvenkyns. Hún hefur verið um það bil jafn stór og
Simpansar nútímans eða um rúmur metri á hæð. Þetta segir þó
aðeins hálfa söguna varðandi stærð þessara dýra, mikill munur
virðist hafa verið á karl og kven Suðuröpum, bæði hvað varðar
hæð og þyngd (Haviland, 1983).
Lucy virðist hafa verið um 25 – 30 ára gömul þegar hún lést, sem er
hár aldur fyrir prímata að ná (reyndar eru til staðir þar sem
meðalaldur nútímamanna verður ekki mikið hærri en 40 ár
(Sameinuðu Þjóðirnar2010)).
Lögun mjaðmagrindar, mjóbaks og fótbeina hennar benda
eindregið til þess að hún hafi gengið upprétt að staðaldri (hún
hefur samt sem áður verið klofstutt). Höfuðkúpa hennar er hins
vegar ekki stærri heldur en hjá Simpönsum nútímans, sem gefur
vísbendingu um það að mannlíkar verur hafi byrjað að ganga
uppréttar áður en höfuðkúpan stækkaði verulega. Þrátt fyrir þetta
hafa ef til vill verið ákveðin líkindi með heila hennar og manna,
rannsóknir á örðum einstaklingum sömu tegundar benda til þess
að heilahvel Suðurapans hafi verið ósamhverf, klárt mannlíkt
einkenni sem bendir til aukinnar sérhæfingar lykilheilastöðva og
hugsanlega meiri vitrænnar starfsemi (Jurmain, Kilgore, Trevathan,
& Nelson, 2002).
Rúnar H. Haraldsson – Inngangur að mannfræði: Þróun, menning og samfélag.
43
Myndin hér að ofan sýnir teikningu gerða eftir höfuðkúpu Lucyar.
Margt bendir einnig til þess að Suðurapinn hafi haft gott
nákvæmnisgrip, þótt verkleg „menning“ hans hafi trúlegast verið á
mjög lágu plani, svipuðu og hjá nútíma Simpönsum.
Homo Habilis
Meðal elstu leifa af mannverum (einstaklingur af tegundinni
Homo) eru leifar Homo Habilis. Nafnið merkir einfaldlega laghenti
maðurinn, nafngift sem hann á virkilega skilið því í kringum hann
hafa fundist einhverjar elstu leifar af steinverkfærum sem vitað er
um.
Helstu svæði þar sem leifar af H. Habilis hafa fundist eru í
Tansaníu, nánar tiltekið í gili nokkru sem nefnist Olduwai gil.
Heiðurinn af mörgum helstu uppgötvunum á því svæði eiga
mannfræðingarnir Mary og Louis Leakey á árunum 1962 til 1964.
Fundist hafa leifar einstaklinga af tegundinni sem eru um 2,2 til 1,6
milljón ára gamlar. Þetta virðist vera langur tími, en er það í raun
ekki, enn í dag fyrirfinnast tegundir (til dæmis risaskjaldbakan og
krókódílar) sem hafa lítið sem ekkert breyst frá tíma risaeðlanna.
Reyndar virðist þetta vera einkenni á þróun mannsins, tegundirnar
staldra stutt við, og því styttra sem þær eru nær okkur í tíma.
Rúnar H. Haraldsson – Inngangur að mannfræði: Þróun, menning og samfélag.
44
H. Habilis var tiltölulega smávaxin vera, þó aðeins hávaxnari heldur
en forveri hans Suðurapinn. Handleggir hans voru einnig tiltölulega
langir miðað við Nútímamann, en töluvert styttri heldur en hjá
Suðurapa. Höfuðkúpan er umtalsvert stærri, en áætluð heilarýmd
hans var í kringum 680 cm3 (rúmsentímetrar) sem er um það bil
einn þriðji af heilarýmd nútímamanns. Andlit H. Habilis var einnig
töluvert smágerðara heldur en hjá Suðurapa, það var flatara og
kjálkarnir ekki eins verklegir. H. Habilis hefur einnig borið höfuð sitt
hærra í eiginlegri merkingu vegna þess að þær beinagrindur sem
fundist hafa bera þess greinileg merki að barki hans var að þróast í
átt til þess sem gerist og gengur hjá Nútímamanni (Jurmain,
Kilgore, Trevathan, & Nelson, 2002).
Myndin hér að ofan sýnir höfuðkúpu H. Habilis.
Homo Habilis er einnig merkilegur fyrir þær sakir að hann skilur
eftir sig mikið af mannvistarleifum. Bæði hafa fundist frumstæð
skýli sem hann hefur gert sér í nánd við líkamsleifar svo og hafa
fundist steinverkfæri.
Greinileg þróun varð í verkfærasmíð H. Habilis á þeim tíma sem
hann var uppi. Verkfæri eins og hnífar (skurðverkfæri) af ýmsu tagi
þróast frá því að vera einungis nothæf á hræ upp í það að verða
flugbeittir og nothæfir til veiða. Þetta er einkar athyglisvert í ljósi
þess að fræðimenn telja að á svipuðum tíma (tímasetning er þó
Rúnar H. Haraldsson – Inngangur að mannfræði: Þróun, menning og samfélag.
45
nokkuð á reiki) hafi tegundin tekið upp á því að veiða í hópum sér
til matar í stað þess að treysta á það að finna og éta hræ (Jurmain,
Kilgore, Trevathan, & Nelson, 2002).
Þessi breyting á lifnaðarháttum og mataræði H. Habilis er þess
vegna afleiðing betri verkmenningar og aukinnar samskiptahæfni.
Hvort tveggja virkar síðan sem hvati til frekari þróunar í einmitt þá
átt sem við höfum fyrir augunum í dag: Nútímamann.
Homo Ergaster / Homo Erectus
Þær tegundir manna sem taldar eru vera arftakar H. Habilis eru
tvær tegundir þar sem önnur er hugsanlega undirtegund hinnar,
eða þá að um tvær mismunandi tegundir er um að ræða. Almennt
er talið að fyrri kosturinn sé líklegri.
Einnig er ljóst að önnur þessara tegunda (Homo Erectus) var að
hluta til uppi á sama tíma og H. Habilis, þannig að ekki er að fullu
ljóst hvort að þessar tegundir eru beinir afkomendur H. Habilis eða
hvort þessar tegundir eiga sér sameiginlegan forföður (Jurmain,
Kilgore, Trevathan, & Nelson, 2002).
Tegundirnar tvær; Homo Erectus og Homo Ergaster virðast hafa
lifað alllengi saman, en önnur með tíð og tíma byrjað að breiðast
út og virðist hafa farið bæði til Asíu og Evrópu. Sú tegund sem
breiddist út var í upphafi nefnd Java-maðurinn eftir þeim stað þar
sem leifar tegundarinnar fundust fyrst árið 1891. Seinna eftir að
fræðimenn byrjuðu að finna og greina leifar tegundarinnar á fleiri
stöðum festist nafnið Upprétti maðurinn við hana (Homo Erectus).
Báðar þessar tegundir eru ólíkar H. Habilis að því leiti að þær eru
hávaxnari, hafa meiri heilarýmd, andlitin eru smágerðari og
kjálkinn líkari því sem gerist og gengur hjá Nútímamanni. Almennt
telja fræðimenn að örlög H. Erectus hafi verið sú að þrátt fyrir
mikla útbreiðslu hafi hann ekki náð að standast samkeppni við þá
sem síðar komu og hafi orðið útdauður fyrir um 1,6 milljón árum
síðan, án þess að skilja eftir sig beina afkomendur (Jurmain,
Kilgore, Trevathan, & Nelson, 2002).
Rúnar H. Haraldsson – Inngangur að mannfræði: Þróun, menning og samfélag.
46
Homo Ergaster biðu önnur örlög, en hann er talinn beinn forfaðir
Nútímamanns. Nafngiftin Ergaster þýðir „Vinnumaður“, nokkuð
sem er mjög skiljanlegt í ljósi þess að steinverkfæri taka annan
þróunarkipp í höndum hans, til viðbótar við hnífa hafa fundist
steinaxir hjá leifum H. Ergaster auk þess sem hann notaði einnig
stærri og þyngri skurðverkfæri, einskonar steinsöx.
Leifar af H. Ergaster hafa hingað til eingöngu fundist í sunnanverðri
Afríku, á svipuðum svæðum og leifar H. Habilis. Hann er talinn hafa
verið uppi á fyrir 1,9 til 1,6 milljón árum síðan (Jurmain, Kilgore,
Trevathan, & Nelson, 2002).
Hvað líkamsgerð varðar er beinabygging H. Ergaster fíngerðari
heldur en H. Erectus, það er minni munur á stærð karla og kvenna
auk þess sem andlitið verður enn og aftur smágerðara. H. Ergaster
virðist einnig hafa verið frekar hávaxinn, það hafa fundist
einstaklingar af tegundinni sem eru um 1,9 metrar á hæð.
Heilarýmd H. Ergaster er talin hafa verið frá um 700 cm3 upp í um
850 cm3.
Hér að ofan getur að líta H. Ergaster höfuðkúpu. Takið eftir að
myndin er teiknuð eftir ófullkominni kúpu, ekki tókst að finna öll
brotin af neðri hluta andlitsins.
Rúnar H. Haraldsson – Inngangur að mannfræði: Þróun, menning og samfélag.
47
Auðvitað er lítið hægt að fullyrða um málhæfni H. Ergaster annað
en það að talfæri hans virðast þróaðri heldur en H. Habilis, þannig
að trúlega hefur hann átt betra með að búa til hljóð. Það er síðan
allt annað mál að segja nokkuð til um það að maður með svo litla
heilarýmd sem raun ber vitni hafi getað búið sér til málfræðilega
fullbúið talmál, úr því fæst að öllum líkindum aldrei úr skorið
(Jurmain, Kilgore, Trevathan, & Nelson, 2002).
Nútímamenn koma fram
Við höfum hér á undan farið yfir helstu tegundir mannlíkra vera
sem við höfum bein gögn (mannvistarleifar) um að hafi verið til.
Sumar þessar tegundir eins og H. Habilis og H. Ergaster eru líklegir
forfeður mannsins, en aðrar tegundir hafa aftur á móti ekki skilið
eftir sig afkomendur svo vitað sé.
Við skulum nú fara nær samtíma okkar, og skoða þær
(undir)tegundir sem flokkast til Homo Sapiens (Vitmaður).
Tegundirnar sem hér verður fjallað um eru tvær, Homo Sapiens
Neanderthalensis (Neanderthalsmaður) og Home Sapiens Sapiens
(Nútímamaður).
Neaderdalsmenn
Eru nefndir eftir samnefndum dal í Frakklandi þar sem töluvert af
beinum Neanderdalsmanna hefur fundist. Reyndar hafði fundist
nokkuð af beinum sem menn eigna tegundinni nokkru áður en
tilkynnt var um fundinn árið 1857, en menn gerðu sér ekki grein
fyrir því hvað þeir höfðu í höndunum. Þetta breyttist ekki fyrr en
hluti höfuðkúpu, handleggsbeina og mjaðmagrindar rötuðu í
hendur líffærafræðings nokkurs Hermann Schaaffhausen að nafni.
Hr. Schaaffhausen gerði sér strax grein fyrir því hve merkileg beinin
voru og er greining hans á beinunum jafnan talin marka upphaf
líkamsmannfræðinnar (Haviland, 1983).
Elstu leifar Neanderdalsmanna eru taldar um það bil 150 þúsund
ára gamlar. Yngstu leifar tegundarinnar eru hins vegar taldar á
bilinu 50 til 30 þúsund ára gamlar. Það er því ljóst að tegundin sem
slík hefur lifað í um 100 þúsund ár að minnsta kosti, ef ekki lengur.
Rúnar H. Haraldsson – Inngangur að mannfræði: Þróun, menning og samfélag.
48
Þó er ljóst af leifum að dæma að tegundin hefur ekki hafst við jafn
lengi á sumum heimsálfum eins og á öðrum. Yngstu leifar
Neanderdalsmanna sem fundist hafa í Asíu eru um 50 þúsund ára
gamlar, en þær yngstu í Evrópu eru um 30 þúsund ára gamlar
(Jurmain, Kilgore, Trevathan, & Nelson, 2002).
Það er erfitt að draga ályktanir af gögnum sem þessum, ef til vill
voru lífsskilyrði í Asíu á þessum tíma orðin Neanderdalsmanninum
mótdræg, eða þá að fólkið hafi hrökklast undan hæfari og ef til vill
árásargjarnari tegund. Elstu leifar manna með mjög nútímalega
líkamsgerð í Evrópu eru um 40 þúsund ára gamlar, þannig að ljóst
er að tilvera tegundanna tveggja skarast í álfunni.
Líkamsgerð Neanderdalsmanna var á margan hátt svipuð og
nútímamanna. Þeim væri kannski best lýst þannig að miðað við
núlifandi meðaljón myndu þeir koma okkur fyrir sjónir sem
stórgerðir. Bein þeirra eru þessu marki brennd; þau eru stórgerðari
heldur en bein okkar sem nú lifum og vöðvafestingar þeirra eru
öflugari (Jurmain, Kilgore, Trevathan, & Nelson, 2002).
Höfuð þeirra var nokkuð stærra heldur en hjá nútímamanni (um
1500cc á móti 1200cc hjá nútímamanni). Freistandi er því að álíta
sem svo að heilabú þeirra hafi verið jafn þróað og nútímamanns.
Að mati flestra fræðimanna stenst það álit ekki nánari skoðun.
Skiptir þar öllu máli lögun höfuðkúpunnar. Eins og sjá má á
myndinni hér að neðan er höfuðkúpa Neaderdalsmanna lengri en
kúpa nútímamanns, og ekki jafn skálarlaga. Þetta bendir til að
Neanderdalsmenn hafi ekki haft jafn þykkan heilabörk og
nútímamaður, en heilabörkurinn liggur í fellingum utan um allt
heilabúið. Heilabörkurinn er sá staður mannsheilans þar sem flest
af svokallaðri æðri vitrænni starfsemi fer fram; úrvinnsla
tungumálsins þar á meðal (Guðmundsson & Úlfasdóttir, 2008).
Rúnar H. Haraldsson – Inngangur að mannfræði: Þróun, menning og samfélag.
49
Höfuðkúpa Neanderdalsmanns.
Lengi vel var talið að Neanderdalsmenn hefðu ekki getað haft með
sér þróað tungumál af líkamlegum ástæðum; malbein þeirra (hyoid
bone) hafi ekki veitt svigrúm til þess að málhljóð hafi getað
myndast í hálsi þeirra. Malbein manna liggur ofarlega á hálsinum
að framanverðu, og til þess að mál sé hugsanlegt þarf beinið að
vera nógu gleitt eins og sjá má á myndinni hér að neðan. Í dag hins
vegar telja menn að malbeinið hafi ekki staðið
Neanderdalsmönnum fyrir þrifum að þessu leyti (Jurmain, Kilgore,
Trevathan, & Nelson, 2002).
Á myndinni sést svokallað Malbein og staðsetning þess.
Rúnar H. Haraldsson – Inngangur að mannfræði: Þróun, menning og samfélag.
50
Spurningunni um það hversu vel talandi Neanderdalsmenn voru
raunverulega verður samt sem aldrei svarað nema með óbeinum
hætti, trúlegast er best að rýna í menningarlegar leifar hans til að
fá vísbendingar um það.
Tvennskonar menningarleifar hefur Neanderdalsmaðurinn skilið
eftir sig. Annars vegar verkfæri og skýli og hins vegar ýmiskonar
vísbendingar um andlegt og félagslegt líf.
Þó nokkuð hefur fundist af verkfærum Neanderdalsmanna.
Aðallega er um að ræða kylfur, axir og spjót. Allt eru þetta
steinverkfæri. Þó að verkfærin séu ekki jafn góð og þau sem síðar
varð undir lok nýsteinaldar (um 7000 fyrir Krist) hafa þetta verið
flugbeitt vopn og áhrifamikil. Spjót Neanderdalsmanna hafa að
öllum líkindum verið lagspjót en ekki kastspjót; mikla nákvæmni
þarf til að nota kast eða skotvopn af hvaða tagi sem er bæði af
hálfu þess sem beitir vopninu sem og við smíði þess. Ljóst er þó að
Neanderdalsmenn hafa veitt stór veiðidýr með þessum vopnum og
hefur þurft mikið hugrekki og skipulagningu til (Haviland, 1983).
Neanderdalsmenn í Evrópu hafa að öllum líkindum lifað
einhverskonar flökkulífi, þeir hafa þekkt til skinnverkunnar til að
gera sér klæði og skýli. Menn þykjast sjá á þeim stöðum þar sem
þeir hafa haldið til að þeir hafi þekkt eld.
Líkamsleifar þeirra bera ýmis forvitnileg merki um andlegt og
félagslegt líf þeirra. Nokkuð víst er að samkennd meðal
einstaklinga tegundarinnar hefur verið mikil. Hlúð hefur verið að
veikum og særðum einstaklingum, sumar beinagrindur bera merki
um sár sem hafa á þessum tíma verið mjög alvarleg en samt náð að
gróa. Slíkt gerist varla nema með aðstoð og umhyggju þeirra sem í
kringum viðkomandi er. Einnig virðist mönnum sem
Neanderdalsmenn hafi þekkt inn á ýmiskonar lækningajurtir sem
þeir hafi notað til að lina þjáningar. Síðast en ekki síst bera
líkamsleifarnar með sér að Neanderdalsmenn hafi viðhaft
útfararsiði. Slíkir siðir eru sterk vísbending um að
Rúnar H. Haraldsson – Inngangur að mannfræði: Þróun, menning og samfélag.
51
Neanderdalsmenn hafi átt sér einshvers konar trúarbrögð eða
átrúnað (Haviland, 1983).
Öll þessi atriði sem talin hafa verið upp hér að ofan eru
vísbendingar (takið eftir að þetta eru ekki beinar sannanir) um að
talmál Neanderdalsmanna hafi verið allvel komið á legg þegar
tegundin deyr út fyrir um 30 þúsund árum síðan.
En hver urðu þá örlög þeirra? Þrjár meginkenningar hafa verið
settar fram um hugsanleg afdrif Neanderdalsmanna:
– A. Neanderdalsmenn þróuðust í aðra átt en nútímamaður og
urðu síðan útdauðir (var útrýmt).
– B. Neanderdalsmenn mökuðust við nútímamenn og
afkomendur þeirra eru á lífi í dag.
– C. Neanderdalsmenn þróuðust aldrei frá meginættkvísl
manna heldur eftir sömu línum.
Þessa dagana hallast vísindamenn helst að kenningu A. Það álit sitt
rökstyðja menn meðal annars í ljósi nýjustu framfara í erfðafræði
þar sem tekist hefur að ná sýnum af erfðaefni mjög gamalla
beinaleifa. Þessar rannsóknir gefa í skyn að yngsti sameiginlegi
forfaðir Neanderdalsmanna og núlifandi einstaklinga sé að finna
fyrir um 760 árum síðan. Í ljósi þessa er nánast hægt að slá því
föstu að Neanderdalsmenn hafi verið undirtegund manna sem
þróast hafi eftir svipuðum línum og nútímamenn en síðan verið ýtt
til hliðar eða dáið út af einhverjum öðrum orsökum (Wikipedia,
2010).
Tilkoma nútímamanns
Vísindamenn tala oft um erfðafræðilegan fjölbreytileika tegunda,
og í því skyni er oft talað um erfðamengi. Erfðamengi tegundar er
einfaldlega sá fjölbreytileiki sem tegund hefur í erfðavísum sínum á
tilteknum tíma. Erfðamengi mannsins er því sá fjölbreytileiki sem
tegundin hefur í dag, meðal núlifandi einstaklinga (því engir aðrir
geta fjölgað sér nema með einhverjum erfðafræðilegum
„töfrabrögðum“ eins og klónun).
Rúnar H. Haraldsson – Inngangur að mannfræði: Þróun, menning og samfélag.
52
Við getum einnig talað um af einhverju viti um erfðamengi
horfinna tegunda ef við höfum leifar af tegundinni sem við getum
tekið sýni út (þá mega leifarnar til dæmis ekki vera of gamlar, við
getum til dæmis ekki tekið sýni úr Lucy). Nýjustu framfarir í
erfðavísindum gera okkur kleift að nálgast sýni úr
Neaderdalsmanninum. Það sem helst stendur í vegi fyrir nákvæmni
slíkrar greiningar er takmarkaður fjöldi einstaklinga sem varðveist
hefur, auk þess sem bein eru að öllum líkindum í mismunandi
ásigkomulagi, en um 400 einstaklingar af tegundinni hafa fundist.
Rannsóknir þessar hafa leitt í ljós að erfðaefni Neaderdalsmannsins
féll að 99,5% innan marka genamengis nútímamannsins. Þeir sem
á eftir komu, á þeim svæðum sem helst er að finna bein
Neanderdalsmanna (s.s. í Evrópu), höfðu gen sem falla alveg inn í
genamengi nútímamannsins. Með öðrum orðum, það fólk sem tók
við að Neanderdalsmanninum eru beinir forfeður okkar (Jurmain,
Kilgore, Trevathan, & Nelson, 2002).
Það gefur því nokkurn vegin auga leið að beinaleifar þessa fólks eru
nokkurn vegin eins og hjá nútímamanni. Rannsóknir á svokölluðu
Cro-Magnon svæði hafa þrátt fyrir þetta leitt í ljós að höfuðkúpa
fólksins sem bjó á svæðinu var öllu stærri en hjá nútímamanni, en
samt sem áður minni en Neaderdalsmanns. Lögun höfuðsins var
einnig líkari nútímamanni en Neanderdalsmanni eins og sjá má á
myndinni hér að neðan.
Rúnar H. Haraldsson – Inngangur að mannfræði: Þróun, menning og samfélag.
53
Á myndinni getur að líta höfuðkúpu Cro-Magnon manns.
Líkamsleifar sem bera þessi einkenni hafa fundist víða í Evrópu, og
hafa verið aldursgreindar á bilinu 40 þúsund til 10 þúsund ára
gamlar (Jurmain, Kilgore, Trevathan, & Nelson, 2002).
Menningarlegar leifar fólksins gefa til kynna að það hafi kunnað að
vefa, það hafi verið mjög fært í því að súta og verka skinn og
matarræði þess hefur að öllum líkindum verið sett saman af
grænmeti, kjöti og kornmeti. Allt þetta eru atriði sem benda til
tiltölulega fastrar búsetu. Steinverkfæri þess eru svipuð og við
sjáum hjá núlifandi hópum sem enn notfæra sér steinaldartækni.
Andlegt líf fólksins hefur trúlega verið eitthvað í átt að því sem við
sjáum hjá nútímamönnum, þessir einstaklingar skildu til dæmis
eftir sig hellamálverkin frægu í Frakklandi (Jurmain, Kilgore,
Trevathan, & Nelson, 2002).
Rúnar H. Haraldsson – Inngangur að mannfræði: Þróun, menning og samfélag.
54
Að myndinni hér að ofan getur að líta hellamálverk gert af
Neanderdalsmönnum. Málverkið er 35.000 ára gamalt.
Hér með tilkomu nútímamannsins endar þessi kafli. Ég ætla mér
ekki að fjalla um félagsgerð og andlegt líf Cro-Magnon mannsins
frekar þar sem ég lít svo á að lífshættir Cro-Magnon mannsins hafi
einfaldlega verið svipaðir (en ekki endilega alveg eins) og núlifandi
manna.
Rúnar H. Haraldsson – Inngangur að mannfræði: Þróun, menning og samfélag.
55
Verkefni úr kafla 3
Skilgreindu eftirfarandi hugtök:
Lífmenningarlegt sjónarhorn
DNA keðja
Litningur
Gen
Rýriskipting
r val
K val
Erfðamengi
Lucy
Cro-Magnon menn
Svaraðu eftirfarandi spurningum:
Hver urðu örlög Neanderdalsmanna að talið er?
Skýrðu Hardy Veinber lögmálið
Hvaða máli skiptir svokallað malbein?
Hvað einkennir prímata?
Hvernig getur takmarkað makaval stuðlað að breytingum á
dýrategundum?
Skýrðu frá kenningu Darwin um náttúruval
Rúnar H. Haraldsson – Inngangur að mannfræði: Þróun, menning og samfélag.
56
4. Nokkrir forvígismenn mannfræðinnar.
Í þessum kafla mun ég leitast við að skoða kenningar nokkurra
helstu mannfræðinga á tuttugustu öld. Ég mun ekki eyða miklu
púðri í seinasta hluta nítjándu aldar, né heldur í það sem liðið er af
þeirri tuttugustu og fyrstu, þó ég byrji vissulega á þeirri nítjándu.
Saga mannfræðinnar sögð útfrá persónum er að mörgu leyti
áhugaverð nálgun, sérstaklega vegna þess að þráður kenninganna
og persónulegra tengsla fræðimannanna er óslitinn. Ég hef þó
kosið að fjalla frekar lítið um einkamál viðkomandi fræðimanna
nema þegar það á við, sérstaklega þegar til þess er litið að
kenningar viðkomandi hafi litast að einhverju leyti af fyrri reynslu
hans eða hennar.
Reyndar er það svo að það er fjallað um fleiri karlkyns fræðimenn í
þessum kafla heldur en kvenkyns. Hverju sætir það? Fyrir því eru
þrjár ástæður. Í fyrsta lagi voru á seinni hluta nítjándu aldar og fyrri
hluta þeirrar tuttugustu mun færri konur starfandi sem
mannfræðingar, það þótti einfaldlega ekki vera við hæfi að konur
menntuðu sig, eða sinntu slíkum störfum. Tvær mikilvægar
undantekningar eru þó á þessu, ferill bæði M. Mead og R. Benedict
voru sérlega skapandi og glæsilegir. Um báðar þessar konur verður
fjallað í kaflanum.
Þegar leið á tuttugustu öld tók konum í stétt mannfræðinga að
fjölga, en mun færri konur „slógu í gegn“ með kenningar sínar
heldur en karlar. Leiða má rök að því að þarna hafi verið um
ákveðna þöggun að ræða, að konur hafi ekki haft sömu tækifæri til
framgangs innan háskólakerfisins og karlar.
Á síðustu áratugum hefur þetta sem betur fer breyst nokkuð til
hins betra. Konum sem brjótast til mennta hefur fjölgað mikið.
Kenningar síðustu áratuga eru einfaldlega of nálægt okkur í tíma til
þess að ég taki eina fram yfir aðra, gildi þeirra kemur endalega í
ljós eftir um það bil tuttugu ár þegar sagan kveður upp dóm sinn.
Rúnar H. Haraldsson – Inngangur að mannfræði: Þróun, menning og samfélag.
57
Eftir því sem fjallað verður um störf fræðimannanna þurfum við að
takast á við mörg af grundvallarhugtökum mannfræðinnar. Þegar
þarf munum við því skoða viðkomandi hugtök í samræmi við
umræðuna um störf viðkomandi fræðimanns.
Fræðimennirnir eru kynntir til sögunnar í nokkurn vegin réttri
tímaröð. Hvað varðar goggunarröð þeirra með tilliti til fræðanna er
í raun ómögulegt að segja, allir þessir fræðimenn eru látnir og
sagan hefur þegar skorið úr um það að framlag hvers og eins er
mikilvægt.
Franz Boas
Franz Boas hefur oft verið nefndur „faðir Bandarískrar
mannfræði“, titill sem hann á reyndar vel skilið í ljósi þess að hann
lifði og starfaði í Bandaríkjunum stærstan hluta ferils síns, en samt
er nafnbótin sérkennileg að því leytinu til að Boaz var alls ekki
Bandaríkjamaður heldur Þjóðverji.
Boaz byrjaði háskólagöngu sína innan náttúruvísindanna. Það hefur
að einhverju leyti mótað hugsun hans því hann hugsaði sér
ævinlega að félagsvísindin ættu að nálgast viðfangsefni sín með
sömu nákvæmni og tíðkast innan náttúrvísindanna. Með öðrum
orðun Boaz var mikill raunhyggjumaður, nokkuð sem verður skýrt
nánar hér á eftir.
Boaz fæddist í bænum Minden í Þýskalandi árið 1858. Fjölskylda
hans var tiltölulega efnuð, en faðir hans var kaupsýslumaður. Hann
var upphaflega raunvísindamaður eins og áður var getið, hann
útskrifaðist árið 1881 með doktorspróf í eðlisfræði frá háskólanum
í Kiel. Meðfram námi í eðlisfræði stundaði hann nám í landfræði,
nokkuð sem átti eftir að reka hann út á brautir mannfræðinnar.
Árið 1883 réðst hann til starfa í leiðangri sem ferðaðist til
Inúítabyggða í þeim tilgangi að kynna sér þekkingu Inúíta á landi og
staðháttum. Þegar heim til Þýskalands var komið fékk hann starf
við konunglega mannfræðisafnið í Berlín, og skömmu síðar var
hann skipaður dósent í landafræði við Háskólann í Berlín. Hans
biðu frekari ferðalög, og nokkru síðar hélt hann af stað til frekari
Rúnar H. Haraldsson – Inngangur að mannfræði: Þróun, menning og samfélag.
58
rannsókna meðal Bella Coola fólksins á norðvesturströnd Norður
Ameríku (Hatch, 1973).
Boaz vildi komast burt frá íhaldssömu viðhorfi manna í Berlín (það
hafði einnig áhrif að Boaz var gyðingur) og þess vegna ákvað hann
að flytjast til Bandaríkjanna. Árið 1896 gerðist hann kennari við
Colombia háskólann (sem er einn af virtustu háskólum
Bandaríkjanna) þar sem hann starfaði þar til hann fór á eftirlaun
1937. Boaz lést í New York árið 1942.
Þrátt fyrir uppeldi innan náttúruvísinda var Boaz skilgetið afsprengi
þýsku hugmyndahyggjunnar. Hugmyndahyggja sú sem var við lýði
þegar Boaz var við nám gekk út á að höfuðáhersla var lögð á hið
huglæga fremur en hið hlutlæga. Mönnum fannst sem að hinn
áþreifanlegi hluti tilverunnar væri svið náttúruvísindanna, en það
sem snéri að hugsun og athöfnum mannsins væri einungis hægt að
nálgast sem huglæga reynslu. Sögu mannsins væri þess vegna í
raun ekki hægt að skilja útfrá einhverskonar hlutlægum lögmálum
(þessi afstaða er í raun gagnrýni á hugmyndir Marx, nemendur
geta áttað sig á þeim til dæmis í bók Garðars Gíslasonar,
„Félagsfræði 2“) heldur útfrá því hvernig menn hefðu komið
hugmyndum sínum í verk.
Fylgismenn hugmyndahyggjunnar álitu að hverju tímabili og
hverjum stað fylgdi einhverskonar „andi“ sem væri í raun
sérstæður fyrir hvern stað og tíma. Það væri því verkefni
félagsvísindamanna að gera grein fyrir þeim anda sem ríkti á
hverjum stað, til að geta gert grein fyrir upplifunum fólksins á
staðnum. Af þessum sökum væri það nauðsynlegt hverjum þeim
sem vildi rannsaka mismunandi staði og tímabil sögunnar að skilja
sínar eigin hugmyndir um veröldina eftir.
Það er erfitt fyrir nútímalesendur að átta sig á hversu róttækar
hugmyndir sem þessar eru í raun. Um þar síðustu aldamót álitu
flestir fræðimenn (og reyndar endurspegluðust þau viðhorf í áliti
almennings) að öll frávik frá þeirri ströngu vestrænu rökhyggju
sem ríkti meðal þeirra (og ríkir ef til vill enn) væri tilkomin vegna
Rúnar H. Haraldsson – Inngangur að mannfræði: Þróun, menning og samfélag.
59
þess að hinir fávísu villimenn sem mannfræðingar væru að skoða
vissu einfaldlega ekki betur (sjá umfjöllun framar í þessum kafla).
Mannskilningur Boaz er því alls ekki sá að maðurinn sé í „eðli“ sínu
rökleg vera, heldur þvert á móti. Festi samfélagsins eru samkvæmt
mannfræði Boaz í grunninum til byggð á tilfinningum, og það sé
þess vegna grundvallaratriði að rannsaka önnur samfélög útfrá
þeirri tilfinningalegu merkingu sem íbúar þess leggja í festi þess.
Áratugurinn frá 1890 fram að aldamótunum 1900 á ferli Boaz
markast af söfnun hans á þjóðsögum og mýtum ýmissa
frumbyggjahópa, aðallega innan Bandaríkjanna. Tilgangur þessa
var ekki einungis að safna saman þjóðlegum fróðleik áður en hann
hyrfi (ef Boaz og nemendur hans hefðu ekki tekið sér þetta fyrir
hendur hefði vafalaust margur fjársjóðurinn farið endanlega í
glatkistuna), heldur var tilgangurinn í og með að kanna sögu
samfélaganna sem viðkomandi þjóðsögur kæmu frá (Hatch, 1973).
Boaz áleit, alla vega á fyrri hluta ferils síns að eina leiðin til þess að
gera sér grein fyrir sögu samfélaga væri að skoða þær hugmyndir
sem væru til staðar innan menningarsvæðisins. Með því að skoða
hugmyndir og bera þær saman á milli menningarsvæða áleit hann
að hann væri í raun að stunda sögulegar rannsóknir í anda
útbreiðsluhyggju sem reyndar var minnst á í fyrsta kafla (Hatch,
1973).
Útbreiðsluhyggja (Diffusionism) er tilraun til að útskýra hvernig og
hvers vegna menning breytist. Fræðimenn sem aðhyllast
útbreiðsluhyggju álykta sem svo (og réttilega að minnsta kosti að
hluta til) að siðir og venjur ásamt verklegri þekkingu breiðist út um
heiminn og hlaupi þannig á milli samfélaga. Fólk tekur þó siði og
venjur ekki upp hráar heldur breytist merking athafnarinnar í
samræmi við menningu hvers staðar fyrir sig. Siðir geta breyst
mismikið eftir því sem þeir hlaupa á milli menningarsvæða, hin
kristnu jól eru dæmi um sið sem ekki breytist mikið (en eitthvað
þó) eftir því sem hann hleypur á milli svæða. Menn þurfa þó að
gæta sín í því að ganga ekki of langt með þá hugmynd að menning
Rúnar H. Haraldsson – Inngangur að mannfræði: Þróun, menning og samfélag.
60
breytist fyrst og fremst vegna útbreiðslu. Það er aldrei hægt að
gera svo lítið úr uppfinningasemi mannsins að það sé hægt að gera
ráð fyrir því að hugmyndir eða tækni eigi sér bara einn upphafstað.
Pýramídabyggingar þær sem er að finna víða í Suður Ameríku eru
til dæmis að öllum líkindum ekki tilkomnar vegna þess að menn
hafi ferðast frá Egyptalandi til Suður Ameríku ( eins og menn hafa
reyndar reynt að „sanna“ með því að sigla á papírusskipum yfir
Atlantshaf) heldur hafa heimamenn trúlega fundið
pýramídaformið upp sjálfir (Peoples & Bailey, 1988).
Seinna á ferlinum lagði Boaz jafn mikið upp úr útbreiðslu
hugmynda og þeirri staðreynd að merking þeirra breytist í
viðtökusamfélaginu. Hann með tímanum féll frá þeirri hugmynd að
hægt væri að setja saman heildstæða kenningu sem skýrði
útbreiðslu hugmynda um veröldina, heldur lagði þess í stað áherslu
á að hver menning væri einstæð, og það beri að skilja siði hennar
og venjur útfrá þeirri merkingu sem íbúarnir sjálfir leggja í athafnir
sínar. Þessi niðurstaða Boaz hlýtur að teljast merkilegasta framlag
hans til mannfræðinnar, og er í raun eitt af grundvallarviðhorfum
fræðigreinarinnar í hnotskurn (Boaz, 1932).
Ruth Benedict
Benedict (upphaflega Foulton) fæddist árið 1887 í New York. Hún
átti frekar erfiða æsku, hún missti föður sinn ung og átti ætíð erfitt
samband móður sína. Þetta hafði þær afleiðingar að hún dró sig í
hlé frá öðrum börnum. Einnig hafði það áhrif á hana sem barn (og
ekki til góðs) að hún var heyrnaskert.
Þrátt fyrir þessa erfiðleika komst hún að í Akademíu heilagrar
Margrétar í Buffalo. Akademían hafði þá, rétt eins og í dag það orð
á sér að vera frábær skóli, og tók einungis inn námslega sterka
nemendur. Árangur Benedict við skólann gerði henni kleyft að
komast að hinum virta Vassar háskóla þaðan sem hún lauk prófi í
bókmenntum 1909.
Eftir að hafa gift sig árið 1914 og tekið upp ættarnafnið Benedict
fluttist hún ásamt manni sínum aftur til New York, þar sem hún tók
Rúnar H. Haraldsson – Inngangur að mannfræði: Þróun, menning og samfélag.
61
að læra mannfræði undir leiðsögn Franz Boas við Columbia
háskólann (Hatch, 1973).
Margar heimildir er að finna um hlutverk Boaz í lífi Benedict, og má
segja að hann hafi á margan hátt gengið henni í föður stað. Smituð
af áhuga Boaz á indíánaþjóðum Mið-Vesturríkja Bandaríkjanna tók
hún þátt í vettvangsrannsóknum meðal Zuni, Cochiti, Apahce, Pima
og Blackfoot fólks. Benedict var þess vegna meðal þeirra
bandarísku fræðimanna sem hafði hvað einna mesta
vettvangsreynslu í byrjun tuttugustu aldarinnar.
Það var einmitt á grunni þessarar miklu vettvangsreynslu sem hún
tók að velta fyrir sér hinum mikla mun á milli menningarsvæða,
svæða sem þrátt fyrir allt voru tiltölulega nálægt hvert öðru
landfræðilega, og á svipuðu stigi tækniþekkingar. Þessi munur sem
Benedict var svo hugstæður fólst meðal annars í
grundvallarviðhorfum til lífsins, skapgerðar, og sjálfsmyndar. Þetta
leiddi meðal annars til þess að Benedict áleit að menning væri í
raun einskonar persónuleiki samfélagsins, og að ef fræðimenn
gerðu sér skýra grein fyrir þessum persónuleika samfélaga þá væri
unnt að spá fyrir um viðbrögð þess (Hatch, 1973).
Þarna er auðvitað kominn vísir að einskonar hagnýtri mannfræði,
nokkuð sem Bandaríkjaher nýtti sér þegar seinni heimstyrjöld skall
á. Benedict var fengin til að greina Japanskt samfélag fyrir
herstjórn Bandaríkjanna. Mikið af efninu sem Benedict lagði
hernum til er enn þann dag í leyndarmál, en almennar niðurstöður
sínar birti hún árið 1946 undir heitinu „Vatnaliljan og sverðið“ og
varð bókin gífurlega vinsæl meðal fræðimanna og almennings
(Benedict R. , The Chrysanthemum and the Sword, 1946).
Þrátt fyrir þessa áherslu á persónuleika samfélaga samþykkti
Benedict aldrei þá hugmynd að fólk væri algjörlega mótað af þeirri
menningu sem það væri alið upp í. Benedict hafði mikinn áhuga á
þeim valkostum sem fólk tekur í lífinu; því flæði sem er á milli þess
sem fólk vill og þráir og því sem samfélagið og menningin krefst af
fólki. Þetta er ef til vill í takt við lífshlaup Benedict sjálfrar, hún var
Rúnar H. Haraldsson – Inngangur að mannfræði: Þróun, menning og samfélag.
62
þegar allt kemur til alls kona innan um fjölda karla í
háskólasamfélaginu, karla sem sumir hverjir vildu leggja stein í
götu hennar vegna kynferðis hennar. Benedict tók undir með
læriföður sínum Boaz að menning væri þegar allt kæmi til alls afurð
þeirra ákvarðana sem menn hafa sjálfir tekið (Benedict R. ,
Patterns of Culture, 1934).
Þetta grundvallarviðhorf Benedict til menningarinnar, og til frelsi
einstaklingsins er fullkomlega í takt við skrif hennar um stöðu
þeirra sem höllum fæti stóðu í samfélaginu, til dæmis vegna
kynhneigðar sinnar.
Benedict lést um aldur fram árið 1948, einungis tveimur mánuðum
eftir að hún tók við prófessorstöðu við Columbia háskóla. Eftir
stóðu verk hennar og það fordæmi sem hún setti sem femínískur
brautryðjandi.
Bronislaw Malinowsky
Malinowsky tilheyrði næstu kynslóð á eftir Boaz (var
samtíðamaður Benedict). Hann fæddist í Kracow, Póllandi árið
1884. Hann var af aðalsættum og fjölskylda hans var sterkefnuð.
Hann erfði eftir föður sinn greifatign, en neitaði ætíð að nota þann
titil. Faðir hans var starfaði við fræðistörf, og sem ungur maður
ákvað hann að feta í fótspor föður síns. Hann útskrifaðist með
doktorspróf í stærðfræði frá Háskólanum í Kracow árið 1908.
Heilsuleysi aftraði honum þó frá því að hefja störf eftir útskrift, en
á meðan hann var að jafna sig las hann bók Frazers „The Golden
Bow“, og í kjölfarið ákvað hann að leggja fyrir sig mannfræði.
Malinowsky beið ekki boðanna, heldur dreif sig til Þýskalands, og
hóf nám við stofnun Wilhelm Wundt (sem er best þekktur sem
faðir tilraunasálfræðinnar).
Árið 1910 hóf Malinowsky síðan nám við London School of
Economics, þar sem hann lagði meðal annars stund á
bókasafnsrannsóknir á frumbyggjum Ástralíu. Árið 1913 lagði hann
Rúnar H. Haraldsson – Inngangur að mannfræði: Þróun, menning og samfélag.
63
síðan af stað með kyrrahafsleiðangri nokkrum. Það átti eftir að
reynast afdrifaríkt, bæði fyrir hann sjálfan persónulega, og einnig
fræðigreinina í heild sinni (Hatch, 1973).
Þegar til Ástralíu var komið hafði brotist út styrjöld; heimstyrjöldin
fyrri. Þar sem Malinowsky taldist Austurrískur þegn var hann
kyrrsettur í landinu. Þrátt fyrir það naut Malinowsky töluverðs
frelsis sem hann og nýtti sér. Það sem Malinowsky gerði var að
hann fór og gerði tvær vettvangsrannsóknir sem áttu eftir að
gerbreyta því hvernig mannfræðingar nálgast viðfangsefni sín.
Fyrst gerði hann tiltölulega hefðbundna rannsókn meðal
frumbyggja á eyjunni Mailu, suðaustur af strönd Nýju Gíneu. Síðan
færði hann sig um set og flutti sig til Trobriand eyja sem eru
staðsettar um 100 mílur norðaustur af Nýju Gíneu. Þar eyddi hann
alls 26 mánuðum við rannsóknir og störf, nokkuð sem var án
fordæmis á þeim tíma (Hatch, 1973).
Aðferð Malinowsky virðist í raun sáraeinföld , í stað þess að ganga
um og safna nokkrum þjóðsögum og munum og halda síðan heim á
leið eins og tíðkaðist meðal leiðangra þess tíma tók Malinowsky sig
til og tjaldaði í þorpinu miðju. Hann lagði sig fram um að læra eins
vel og hann gat á þeim tíma sem hann hafði tungumál innfæddra,
og fylgdi þeim eftir við líf og störf allan sólarhringinn. Vegna þess
hversu fær vettvangsrannsakandi og iðinn rithöfundur Malinowsky
var vitum við meira um samfélag fólksins á Trobriand eyju á þeim
tíma heldur en flest öll önnur samfélög af svipaðri gerð (Trobriand
menn eru matrilineal sviðaræktendur).
Mannskilningur Malinowsky er um margt sérstæður. Flestir
fræðimenn fram að þeim tíma lögðu þann skilning í það sem þeir
sáu að menn sköpuðu menninguna. Menning væri þess vegna
einskonar birtingarmynd „eðlis“ mannsins. Í þessari
hugmyndafræði liggur að þeir menn sem byggju við aðstæður sem
í hagfræðilegum skilningi mörkuðust af skorti á afurðum
iðnvæddra samfélaga og stunduðu siði sem komu fólki frá Evrópu
og Bandaríkjunum skringilega fyrir sjónir hlutu því að vera
Rúnar H. Haraldsson – Inngangur að mannfræði: Þróun, menning og samfélag.
64
frumstæðir og þess vegna í bráðri þörf fyrir að vera ýtt áfram á
þróunarbrautinni eða einfaldlega haft vit fyrir þeim (Hatch, 1973).
Eins og áður hefur verið sagt frá voru fræðimenn eins og Boaz alls
ósammála þessu. Boaz taldi að hver menning væri einstæð afurð
sögulegra afla á hverjum stað ásamt því að siðir hefðu flakkað
mjög á milli staða. Boaz áleit einnig að maðurinn mótaðist nánast
algjörlega af menningunni. Reyndar áleit hann að menn væru svo
algjörlega mótaðir af menningu sinni að það væri ekkert til sem
héti eðli mannsins.
Malinowsky fór aðra leið. Eins og kom fram í kynningunni hér á
undan hafði hann áður en hann byrjaði að leggja stund á
mannfræði við LSE kynnt sér kenningar fyrstu sálfræðinganna,
manna eins og Wilhelm Wundt. Þetta hefur að öllum líkindum haft
áhrif á hugsun hans, vegna þess að Malinowsky beindi töluverðri
athygli að einstaklingum. Upp úr 1920 hafnaði hann því að
mannfræðin ætti að vera með getgátur um það hvernig menning
og félagsgerð samfélaga hefði þróast, menn ættu frekar að beina
athygli sinni að því hvernig þær virka. Menningin og hinar
félagslegu stofnanir samfélagsins væru ennfremur tæki
einstaklinga til þess að láta ljós sitt skína, þar kæmi eðli okkar fram,
bæði sem tegundar og sem einstaklinga (Hatch, 1973).
Einstaklingar hafa því ákveðin hvata til að taka þátt í samfélaginu;
menn eru metnaðargjarnir, fólk hefur sjálfsbjargarhvöt o.s.frv.
Menningunni er því ekki þröngvað upp á neinn, né heldur er
persónuleika einstaklinga beint í ákveðnar áttir af menningunni.
Þvert á móti skín persónuleiki einstaklinga í gegn og birtist meðal
annars í því hvernig fólk bregst við aðstæðum sínum.
Malinowsky var þrátt fyrir þetta vel meðvitaður um það hvernig
menning mótar hegðun manna og þau gildi sem þeir keppa að. Til
þess að skoða þetta nánar skulum við kíkja aðeins betur á þá bók
sem Malinowsky er þekktastur fyrir. Bókin heitir á frummálinu
„Argonauts of the Western Pacific“, en titill hennar á Íslensku gæti
verið „Sægarpar Vestur-Kyrrahafsins“.
Rúnar H. Haraldsson – Inngangur að mannfræði: Þróun, menning og samfélag.
65
Eitt af meginviðfangsefnum bókarinnar var að takast á við ríkjandi
viðhorf til þess hvernig „villimenn“ (þýðing á enska orðinu
„savage“) sjá sér farborða. Hið ríkjandi viðhorf var eitthvað á þá
leið að „villimenn“ tækju einungis þátt í efnahagslegri starfsemi til
þess að sjá sér fyrir allra brýnustu nauðsynjum og þá einungis
þannig að þeir geri eins lítið og þeir mögulega komast af með.
Menn álitu einnig að það væru töluverð tregða hjá umræddu fólki
til að deila því sem það aflaði með öðrum.
Til að skýra þetta er best að orða þetta bara með þess tíma hætti:
„villimenn“ eru letingjar og nískupúkar.
Malinowsky var algjörlega ósammála þessu, enda hafði hann fylgst
með fólki sem taldist vera „villimenn“ samkvæmt þeirra tíma
skilgreiningu sýna allt aðra hegðun. Malinowsky hélt því fram að
efnahagsleg starfsemi fólksins á Trobriand eyjum snérist um fleira
heldur en það afla brýnustu nauðsynja. Hann hélt því fram að fólk
stundaði ræktun bæði samkvæmt hefðum og siðum, en einnig til
að fullnægja metnaði sínum (Malinowsky, 1961).
Trobriand menn framleiða miklu meira af rótarávöxtum heldur en
þeir þurfa til neyslu. Umframframleiðslu sína hafa þeir til sýnis í
einskonar vöruskemmum, og stærstu rótarhnýðin eru höfð fremst
til að þeir sem leið eiga framhjá geti dáðst að þeim. Menn eru
stoltir af þeim árangri sem þeir ná í ræktun, og nota ýmis tækifæri
til að sýna mátt sinn og megin hvað það varðar, til dæmis með því
að sýna afrakstur ræktunar sinnar við jarðarfarir.
Menn á Trobriand eyjum nota heldur ekki nema lítinn hluta af því
sem þeir rækta sjálfir. Vegna þess hvernig sifjakerfi þeirra er
uppbyggt fara um tveir þriðju hlutar þess sem ræktað er til höfuðs
ættarlínunnar og annarra ættingja, og þá helst til giftra systra
manna (Malinowsky, 1961).
Trobriand menn eyða einnig talsverðum tíma í að gera garða sína
aðlaðandi, þeir skipta þeim til dæmis niður í ferninga og eyða öllu
illgresi úr þeim (meira en væri strangt til tekið nauðsynlegt).
Rúnar H. Haraldsson – Inngangur að mannfræði: Þróun, menning og samfélag.
66
Þannig stýrist efnahagsleg framleiðsla á Trobriand eyjum ekki
einungis af sjálfsbjargarhvöt, heldur einnig af hefðum, metnaði og
það að sjá öðrum en manni sjálfum farborða, sá maður sem sýnir
mikla getu í ræktun er mikils virtur af samborgurum sínum
(Malinowsky, 1961).
Margaret Mead
Mead fæddist í Philadelfiu árið 1901. Hún átti sterkar rætur í Mið-
Vesturríkjum Bandaríkjanna, en líkt og fleiri brautryðjendur innan
Bandarískrar mannfræði var hún nemandi Boaz við Colombia
háskóla í New York.
Árið 1925 ferðaðist hún til Samóa eyjaklasans, sem þá var undir
beinni stjórn Bandaríkjanna til að stunda vettvangsrannsóknir.
Segja má að hún hafi linnulítið stundað slíkar rannsóknir fram
undir 1960, sem er ansi langur tími. Þessar löngu
vettvangsrannsóknir hafa vafalaust sett mark sitt á einkalíf hennar,
en hún var þrígift (tveir eignmanna hennar voru vel þekktir
mannfræðingar). Mead er aðallega þekkt fyrir rannsóknir sínar á
Bandarísku Samóa eyjum, á meginlandi Nýju Gíneu og eyjunni
Manus fyrir undan strönd Nýju Gíneu (American Museum of
Natural History, 2009) .
Þegar Mead lést var hún ef til vill þekktasti þálifandi
mannfræðingur Bandaríkjanna. Hún hafði einstaklega gott lag á að
skrifa læsilegan texta og hún valdi sér gjarnan viðfangsefni sem
fólk hefur mikinn áhuga og miklar skoðanir á; til dæmis
kynhlutverk og barnauppeldi.
Bók hennar „Að verða fullorðin á Samóa“ (Coming of age in
Samoa) varð metsölubók þegar hún var gefin út í Bandaríkjunnum,
og hefur verið þýdd á fjölda tungumála. Í verkinu kynnti Mead þá
hugmynd sína að fólk upplifi hin ýmsu þroskastig sem barn þarf að
fara í gegnum í uppvexti sínum á misjafnan hátt, og það sé undir
menningarbundnum og persónulegum aðstæðum komið hversu
vel eða illa það gangi að fara í gegnum þau. Þetta ætti sérstaklega
Rúnar H. Haraldsson – Inngangur að mannfræði: Þróun, menning og samfélag.
67
við unglingsárin og kynþroskaskeiðið, í menningu þar sem litið er á
tilraunir unglinga til að þroska með sér kynferðislega sjálfsmynd
(eins og hver og einn einstaklingur gengur í gegnum á
unglingsárum) sem sjálfsagðan hlut er kynþroskaskeiðið miklu
átakaminni tími fyrir einstaklinginn og fjölskyldu hans/hennar.
Verkinu var sértaklega beint að kennurum og uppalendum og gaf
sterklega í skyn að hið bælda Bandaríska samfélag gæti sitt hvað
lært af fólki á Samóa eyjum (Mead, 2009 (1928)).
Seinni verk hennar, byggð á vettvangsrannsóknum á meginlandi
Nýju Gíneu og á Manus eyjum voru einnig mjög róttæk. Í þeim
verkum tókst Mead á við þær hugmyndir fólks á vesturlöndum að
rökhugsun og ályktunargeta „frumstæðra“ manna sé barnaleg og
fullorðnir einstaklingar aldir upp í slíkum samfélögum ekki á sama
þroskastigi og fullorðnir á vesturlöndum. Þetta gerði Mead með því
að skoða viðkomandi samfélög útfrá kenningum um þroska
manneskjunnar, og tókst henni að sanna svo að eftir var tekið að
sú hugmynd að hugsanaferli og ályktunarhæfni fólks í samfélögum
sem skemur eru á veg kominn í tæknilegri þróun, er fullkomlega út
í hött.
Einnig skoðaði Mead kynhlutverkin útfrá þvermenningarlegu
sjónarhorni á þessum tíma. Fram að þeim tíma höfðu menn álitið
að kynhlutverk manna væru að mestu líffræðilega ákvörðuð, og í
raun gefið þeim frekar lítinn gaum. Reyndar má segja að
viðfangsefnið væri alls ekki á dagskrá fræðimanna. Mead aftur á
móti beindi athygli sinni að þessu viðfangsefni, ekki síst með tilliti
til barnauppeldis, nokkuð sem fræðimenn á Vesturlöndum töldu
að félli einfaldlega undir áhrifasvið kvenna í öllum samfélögum, og
væri þess vegna hluti mannlegrar tilveru sem væri alls ekki undir
menningarlegum áhrifaþáttum komin heldur líffræðilega
ákvarðaður.
Mead sá að barnauppeldi var alls ekki einkamál kvenna í þeim
samfélögum á Nýju Gíneu sem hún skoðaði. Karlar tóku mjög
mikinn þátt í uppeldi þeirra, og þótti eðlilegur þáttur í kynhlutverki
þeirra. Hún komst einnig að því að þessi hluti kynhlutverks karla
Rúnar H. Haraldsson – Inngangur að mannfræði: Þróun, menning og samfélag.
68
var táknrænt tengdur öðrum þáttum í menningu fólksins, þ.e.
hugmyndum þess um kynlíf, getnað, meðgöngu og líf eftir andlátið.
Með öðrum orðum, Mead leiddi kollegum sínum (og almenningi að
hluta til einnig) fyrir sjónir að kynhlutverk og barnauppeldi væri
ekki einungis komið undir líffræðilegum og menningarlegum
þáttum, heldur einnig að hugmyndir fólks um þessa hluti væri
nátengdar hugmyndum þess um veröldina í heild sinni (American
Museum of Natural History, 2009).
Ólíkt karlkyns mannfræðingum hafði Mead aðgang að heimi
kvenna í þeim samfélögum sem hún rannsakaði (oft vill það brenna
við að strangur aðskilnaður karla og kvenna geri fræðimönnum
erfitt fyrir í rannsóknum sínum, þeir þurfa að beygja sig undir
kynhlutverk sitt eins og aðrir). Það veitti henni aðgang að ýmsum
hlutum sem höfðu ekki komið upp á yfirborðið eða eins og dæmin
sanna að höfðu aðeins verið fjallað um útfrá sjónahóli karla. Verk
hennar höfðu því gífurleg áhrif innan greinarinnar í þá átt að
fræðimenn tóku að beina sjónum sínum að þætti kvenna í auknum
mæli (American Museum of Natural History, 2009).
E. Evans-Pritchard og A. Radcliffe-Brown
Evans- Pritchard fæddist árið 1902 í Sussex, Englandi. Eftir að hafa
lokið M.A. námi við Oxford 1924 flutti hann sig til Lundúna, þar
sem hann varð einn af fyrstu nemendum B. Malinowsky.
Á árunum 1926 og fram til seinni heimstyrjaldar framkvæmdi
Evans-Pritchard nokkrar vettvangsrannsóknir í Mið, Austur og
Norður-Afríku, en hann er þó þekktastur fyrir rannsóknir sínar á
tveimur samfélögum, Zande og Nuer mönnum. Bæði samfélögin
eru í Súdan (Hatch, 1973).
Kenningar Evans-Pritchard tóku töluverðum breytingum eftir því
sem á feril hans leið. Upphaflega skrifaði hann í mjög í anda
kennara síns Malinowsky, en einnig tóku kenningar hans í upphafi
mikið mið af kenningum Durkheim (hann tók þær kenningar í arf
svo að segja frá öðrum áhrifamiklum breskum mannfræðingi:
Rúnar H. Haraldsson – Inngangur að mannfræði: Þróun, menning og samfélag.
69
Radcliffe-Brown). Önnur breyting sem vert er að nefna er sú að á
þeim tíma sem Evans-Pritchard byrjaði feril sinn var mannfræðin
enn mótuð af hugsunarhætti raunhyggjunnar. Kenningar Evans-
Pritchard byrjuðu að sveigja frá raunhyggjunni á þriðja áratug
tuttugustu aldar, og má segja að á fjórða áratugnum hafi hann
skilið við hana að öllu leyti. Þessi viðskilnaður við raunhyggjuna er
merkilegur fyrir þær sakir að hann er einskonar forsmekkur að
póstmódernískri mannfræði, þar sem áherslan er lögð á að greina
hvernig raunveruleikinn (þar á meðal völd til breytinga og valdið til
að skilgreina hluti sér í hag) mótast í gegnum táknræn samskipti
manna og hópa á milli, nokkuð sem póstmódernistar kalla
orðræðu. Til þess að skilja þetta betur skulum við líta aðeins nánar
á kenningar Radcliffe-Brown sem og raunhyggjuna (Hatch, 1973).
Radciffe-Brown er sá mannfræðingur í Bretlandi sem nátengdastur
er „Franska Skólanum“, þ.e. kenningum Emile Durkheim og
fylgismanna hans; oftast kennt við virknihyggju.
Virknihyggja býður mönnum að skoða siði, venjur og stofnanir
samfélaga eins og hjónabands útfrá því hlutverki sem viðkomandi
stofnun gegnir við að halda samfélaginu saman (Giddens,
Sociology, 1989).
Radcliffe-Brown taldi (ásamt fleiri virknihyggjumönnum) að það
væri alls ekki sjálfgefið að samfélög héldust saman, það væri þvert
á móti ákveðin tilhneiging innan þeirra sem sífellt leitast við að
skapa óeiningu innan þeirra. Til að bregða ljósi á þessa skoðun sína
tók Radcliffe-Brown dæmi um mann sem giftist inn í ætt í einnar
línu ættrakningarkerfi (sem fjallað er á öðrum stað í þessari bók).
Þegar fólk giftist eiga bæði einstaklingarnir og viðkomandi ættir
(og reyndar samfélagið allt) mikið undir því að hjónabandið
heppnist sem best. Ósætti meðal manns og ættingja konu hans er
því þáttur sem gæti splundrað hjónabandi. Fólkið samkvæmt
Radcliffe-Brown gerir sér grein fyrir þessu, og því eru settar hömlur
eða takmarkanir á samskipti þessara aðila sem hafa þá virkni að
vernda sambandið. Þessar hömlur geta verið af tvennu tagi:
Rúnar H. Haraldsson – Inngangur að mannfræði: Þróun, menning og samfélag.
70
Annars vegar getur verið um svokallað forðunarsamband
(avoidance relationship) að ræða og hins vegar svokallað
spaugsamband (joking relationship) (Hatch, 1973).
Fólki sem á í forðunarsambandi er bannað að hittast og talast við.
Það er nokkuð algengt í eyjaálfu að karlar eigi í slíku sambandi við
tengdamóður sína. Þó ber ekki að líta svo á að fólki sé illa við hvort
annað, aðspurðir um ástæður þess að slíku banni hafi verið komið
á segja viðkomandi að þetta sé vegna þess að tengdamóðirin sé
besti vinur viðkomandi (hún hafi „gefið“ honum eiginkonu sína) og
ekki megi falla skuggi á samband þeirra (Hatch, 1973).
Spaugsamband aftur á móti gengur í þveröfuga átt. Fólk sem á í
slíku sambandi er hvatt til þess að stríða og gantast hvort í öðru, og
það er beinlínis ætlast til að þeir sem verði fyrir spauginu í það sinn
skipti ekki skapi heldur hlæi með.
Dæmið sem rakið er hér að ofan er dæmi sem Radcliffe-Brown
notaði sjálfur til að skýra virknihyggju sína. Siðir og stofnanir
samfélagsins mynda einskonar heild, þar sem hver hluti hefur
virkni sem gagnast samfélaginu (Hatch, 1973).
Greining eins og þessi er einnig mjög í anda raunhyggju. Radcliffe-
Brown var einnig einn af sterkustu fylgismönnum raunhyggjunnar
innan mannfræðinnar á sínum tíma, og í upphafi má telja Evans-
Pritchard með fylgismönnum hans, þótt hann sveigði síðan af þeirri
braut (Hatch, 1973).
Raunhyggja er heimspekistefna sem var mótandi fyrir vísindin (eða
kannski væri réttara að segja að boðskapur stefnunnar hafi verið
undirliggjandi í starfi vísindamanna) á nítjándu öld og fyrri hluta
þeirrar tuttugustu. Til einföldunar er hægt að segja að raunhyggjan
leggi fram fimm fullyrðingar um eðli vísindastarfs, þekkingarleitar
og hvað sé raunveruleg þekking. Að auki leggja raunhyggjumenn
fram nokkrar fullyrðingar um eðli náttúrunnar og heimsins máli
sínu til stuðnings. Fullyrðingar þær sem tilheyra fyrri flokknum eru
eftirfarandi:
Rúnar H. Haraldsson – Inngangur að mannfræði: Þróun, menning og samfélag.
71
1. Öll vísindi (bæði náttúruvísindi og félagsvísindi) þurfa að
nálgast þekkingarleitina á sama hátt. Þetta merkir að sömu
kröfur þarf að gera varðandi aðferðafræði allra vísinda.
2. Markmið vísindanna er að lýsa, skýra og spá fyrir um
framvindu.
3. Öll raunveruleg þekking er prófanleg. Þetta merkir að það er
hægt að mæla fyrirbæri, endurtaka tilraunir og að kenningar
eru lagðar fram þegar (og ef)tilgátur hafa verið
sannreyndar.
4. Vísindi og „það sem allir vita“ (common sense) eru ekki eitt
og hið sama.
5. Vísindin eru hlutlaus og vísindaleg þekking er laus við
fordóma, mórölsk gildi og pólitík (Giddens, 1974).
Raunhyggjan kemur einnig með nokkrar fullyrðingar um það
hvernig veröldin er samsett eða starfar í raun:
1. Náttúran lýtur lögmálum.
2. Mönnum er gerlegt að þekkja náttúruna.
3. Þekking er ávalt betri (skárri) en vanþekking.
4. Náttúruleg fyrirbæri eiga sér náttúrulegar orsakir.
5. Þekking kemur í gegnum reynslu manna (t.d. með
mælingum) af fyrirbærum (Wikipedia, 2009).
Heimspekingar hafa ásamt starfandi vísindamönnum rökrætt
þessar fullyrðingar í næstum 100 ár. Í dag efast menn um að
nokkrum vísindum takist að standast þessar kröfur, en sú umræða
er vel fyrir utan svið þessarar bókar, hér er einungis ætlunin að
skoða hvernig þessi umræða kom við eina fræðigrein;
mannfræðina.
Fram að þeim tíma sem Evans-Pritchard hóf feril sinn var þekking á
samfélaginu í anda raunhyggjunnar það markmið sem flestir
mannfræðingar settu sér (þið hafið væntanlega tekið eftir því að
fyrstu mannfræðingarnir voru flestir raunvísindamenn). Lýsingar
þeirra á samfélögunum voru flestar í þeim anda að þær áttu að
vera sem hlutlausastar, tilfinningar og hugsanir viðkomandi komu
Rúnar H. Haraldsson – Inngangur að mannfræði: Þróun, menning og samfélag.
72
málinu ekkert við og raddir heimamanna voru á margan hátt
fjarverandi. Þetta er auðvitað mjög í anda þeirra kenninga sem
ríkjandi voru á tímabilinu og lýst var hér á undan.
En það er til önnur aðferð við að lýsa því sem fram fer.
Félagsvísindi eru ólík náttúruvísindum að viðfangsefnið hefur
skoðanir á því sem fram fer, hefur tilfinningar,hagsmuni og tengsl
við annað fólk. Það má auðvitað líta á þetta sem ókost, en i þessu
er einnig fólgið tækifæri, félagsvísindamenn geta sett sig í spor
viðfangsefna sinna og þannig reynt að sjá hlutina innan frá (þetta
er auðvitað erfitt, og því erfiðara sem menningin er
fræðimanninum fjarlægari).
Með öðrum orðum; Radcliffe-Brown og fleiri litu á samfélagið sem
einhverskonar náttúrulegt kerfi sem ætti að rannsaka með
aðferðum náttúruvísinda.
Evans-Pritchard varð smátt og smátt ósammála þessu, hann komst
á þá skoðun þegar líða tók á feril hans að samfélagið væri ekki
náttúrulegt kerfi, heldur hugrænt kerfi, og þyrfti því að skoða með
aðferðum sem gerði fræðimanninum kleift að setja sig í spor
viðfangsefna sinna.
Hann taldi að virkni og raunhyggjumenn áliti að fólk væri
einhverskonar viljalaus verkfæri eða „einingar“ inni í samfélaginu.
Grunnforsenda Evans-Pritchard var að hugmyndir og hegðun fólks
væri ekki bundið einhverskonar náttúrulögmálum sem gerði það
að verkum að félagsvísindi væru annarrar gerðar en náttúrvísindi.
Skoðum dæmi um þetta, tekið frá Collingwood sem var þekktur
sagnfræðingur og samtímamaður Evans-Pritchard. Collingwood
taldi að menn gætu og þyrftu að nálgast náttúruna sem fyrirbæri
sem lyti eigin lögmálum, og væri manninum á vissan hátt
framandleg, hann gæti ekki skilið náttúruleg fyrirbæri innan frá.
Það sama þyrfti ekki að vera um fólk, að mati Collingwood, og tók
dæmi um sagnfræðing sem var að rannsaka keisara nokkurn sem
stóð frammi fyrir erfiðri ákvörðun. Collingwood sagði að það fyrsta
Rúnar H. Haraldsson – Inngangur að mannfræði: Þróun, menning og samfélag.
73
sem sagnfræðingurinn þyrfti að gera væri að gera sér í hugarlund
hvernig keisarinn hefði séð vandamálið fyrir sér. Hann þyrfti einnig
að gera sér grein fyrir því hvernig málið var vaxið útfrá sjónarhóli
fólksins í kringum keisarann, hvaða aðra kosti keisarinn átti
hugsanlega í stöðunni og hverjar afleiðingar þeir kostir hefðu
hugsanlega haft, bæði frá sjónarhóli keisarans og fólksins.
Sagnfræðingurinn þyrfti með öðrum orðu að fara gegnum sama
ferli í huganum og keisarinn sjálfur fór í gegnum þegar hann tók
ákvörðunina (Collingwood, 1970).
Evans-Pritchard var sammála þessu, hann taldi að fólk framkvæmdi
hluti með tilgang í huga; að við hefðum eigin vilja og mætum kosti
okkar. Við séum ekki vélrænar verur sem framkvæmum hluti bara
vegna þess að samfélagið krefjist þess af okkur. Þetta merkir að
stofnanir samfélagsins eru birtingarmynd af markmiða, vilja og
hugmynda manna sem þurfi að greina og setja í samhengi til þess
að vera skiljanlegar fræðimönnum (Hatch, 1973).
Clifford Geertz
Geetz fæddist árið 1926 í Kaliforníu. Árið 1943 gerðist hann
sjálfboðaliði í Bandaríska sjóhernum, nokkuð sem varð til þess að
hann sótti sér háskólamenntun þegar seinni heimstyrjöld lauk (á
þeim tíma var fyrrverandi Bandarískum hermönnum gert kleift að
stunda nám með stuðningi ríkisins), nokkuð sem hann hefði ef til
vill ekki gert annars því Geertz var alin upp af fjarskyldum frænda
sínum út í sveit. Geertz lést árið 2006.
Geertz byrjaði feril sinn innan heimspeki, nokkuð átti eftir að
marka djúp spor í hugsun hans. Segja má með nokkrum sanni að
ferill hans hafi markast af andstöðu hans við bæði virknihyggju og
formgerðarhyggju, og hann hafi raunverulega tekið við þar sem
hugsun Evans-Pritchard og fleiri efasemdarmanna formgerðar og
virknihyggju sleppti (Wilk, 2006).
Andstætt virkni og formgerðarhyggjumönnum áleit Geertz að
kjarni menningarinnar væri merking sú er menn leggja í athafnir
sínar. Merking samkvæmt Geertz er komið til skila á táknrænan
Rúnar H. Haraldsson – Inngangur að mannfræði: Þróun, menning og samfélag.
74
hátt. Menning er því þekking sem menn hljóta í arf, og er komið á
milli manna og kynslóða á táknrænan hátt. Menn koma
menningunni á milli sín með tjáningu, með því að viðhalda henni,
bæta við hana og þróa viðhorf sín til lífsins og tilverunnar (Hatch,
1973).
Áður en lengra er haldið er vert að velta fyrir sér hugtakinu tákn.
Við lifum að mörgu leiti í táknrænum heimi. Tákn eru tæki
mannanna til þess að flytja merkingu, hugmyndir og hugsanir á
milli sín. Tákn eru því einhver hlutur (stafirnir sem þú ert að lesa
núna eru tákn fyrir hljóð, sem saman mynda orð sem þú leggur
merkingu í), sem stendur fyrir einhvern annan hlut eða hugmynd.
Með öðrum orðum; tákn merkja eitthvað.
Hvað táknin merkja er samkomulagsatriði milli manna. Menn þurfa
að vera sammála um hvað átt er við til að merking geti flust á milli
manna, annars færi allt í vitleysu. Merking tákna breytist líka með
tímanum. Áður en Rósettu-steinninn svokallaði fannst gátu
fræðimenn til dæmis ekki lesið þau tákn sem Forn-Egyptar skildu
eftir sig; merking táknanna hafði glatast með tímanum (ég hvet
ykkur til að skoða Rósettu-steininn á British Museum ef þið hafi
ekki þegar gert það).
Sama táknið getur einnig haft margar mismunandi merkingar eftir
því samhengi sem það er sett fram í. Fáni Bandaríkjanna er
þarlendum uppspretta þjóðarstolts og samheldni, nánast heilagt
tákn. Fyrir pólitíska andstæðinga Bandaríkjamanna í hinum
múslímska heimi er fáni Bandaríkjanna hatað tákn og nánast álitið
djöfullegt.
Glöggir lesendur hafa vafalaust tekið eftir að þeir mannfræðingar
sem fjallað var um hér að ofan gerðu sjaldnast mikinn greinarmun
á því samfélagi sem menning er sprottin upp út og menningunni
sjálfri. Ef til vill endurspeglast þetta best í kenningum Radcliffe-
Brown, þar sem áherslan var á að skýra hvernig siðir fólks á
tilteknu svæði hjálpaði samfélaginu að haldast saman og virka
„rétt“.
Rúnar H. Haraldsson – Inngangur að mannfræði: Þróun, menning og samfélag.
75
Geertz áleit þvert á móti að „menning sem slík sé ekki beinn
gerandi eða orsakavaldur í veröldinni heldur það samhengi sem
fólk lifir í“ (Geertz, 1973, bls. 14). Þannig gerir Geertz greinarmun á
menningu sem hann áleit að sé merkingarlegt fyrirbæri og
félagslegri formgerð samfélaga. Félagsleg formgerð er aftur á móti
efnahagsleg, félagsleg pólitísk tengsl milli einstaklinga. Geertz var
ekki alfarið á móti því að mannfræðingar rannsökuðu félagsgerð
samfélaga, en hann valdi að rannsaka menningu eingöngu
(Wikipedia, 2008).
Geertz áleit ennfremur að menning væri ekki fyrirbæri sem ætti
sér einvörðungu stað inni í höfði fólks. Hann lét þau orð meðal
annars falla að „menning tilheyrir opinberum vettvangi, vegna þess
að merking er það einnig“ (Geertz, 1973, bls. 12) og á hann þar við
að merking sú sem við leggjum í tákn er samkomulagsatriði á milli
fólks eins og skýrt var frá hér að ofan (Wikipedia, 2008).
Eins og gefur að skilja var Geetz, líkt og Evans-Pritchard ekki
raunhyggjumaður. Viðhorf hans til vettvangsrannsókna bera keim
af þessu. Hann sagði að skýrslur mannfræðinga af vettvangi,
svokallaðar ethnógrafíur, væru „túlkanir okkar af því sem
viðmælendur okkar gera, eða við höldum þau gera, og við setjum
þessar túlkanir okkar síðan skipulega fram“ (Wikipedia, 2008)
(Geertz, 1973, bls. 15). Vettvangsskýrslur mannfræðinga eru því
ekki settar fram á grundvelli skipulega framsettra og prófaðra
tilgátna. Þær eru þvert á móti túlkanir á aðila á samskiptum. Það
að halda því fram að þekking af vettvangi sé þekking af sama tagi
og afrakstur tilraunar á vísindastofu stenst ekki (Wilk, 2006).
Þar með er Geertz ekki að halda því fram að vettvangsþekking
mannfræðinga sé fölsun, eða ósönn. Góð vettvangsskýrsla er
túlkun á aðstæðum sem kemst að kjarna menningar eða
menningarhluta á ákveðnum stað og á ákveðnum tíma.
Menningunni má þess vegna að mati Geertz líkja við texta sem
settur er saman og lesin af því fólki sem lifir innan hennar. Það sem
mannfræðingar reyna að gera er að lesa yfir öxl þess les
(Wikipedia, 2008).
Rúnar H. Haraldsson – Inngangur að mannfræði: Þróun, menning og samfélag.
76
Rúnar H. Haraldsson – Inngangur að mannfræði: Þróun, menning og samfélag.
77
Verkefni úr kafla 4
Svarið eftirfarandi spurningum:
Hvaða heimspekistefna hafði mest áhrif á Boaz í upphafi ferli hans.
Á hvaða hátt voru skoðanir Boaz á rökhugsun „frumstæðra
manna“ á skjön við skoðanir annarra á sama tíma?
Hvaða breytingar urðu á hugmyndum Boaz frá upphafi ferils hans
og við lok hans?
Hvaða fræðimaður hafði mest áhrif á Benedict?
Hver voru helstu viðfangsefni Benedict?
Benedict skrifaði mjög fræga bók, hvað hét hún og um hvað fjallaði
hún?
Fyrir hvað er Malinowsky helst þekktur?
Hvernig stóð á því að Malinowsky varð strandaglópur í eyjaálfu?
Hvaða skilning hafði Malinowsky á efnahagslegri starfsemi
frumbyggjanna sem hann kynntist?
Skýrðu frá helstu viðfangsefnum og kenningum Mead.
Hvaða áhrif höfðu Radcliffe-Brown og Evans-Prichard á
mannfræðina?
Á hvaða hátt má segja að þeir félagar Radcliffe-Brown og Evans-
Prichard séu lærisveinar Durkheim?
Rúnar H. Haraldsson – Inngangur að mannfræði: Þróun, menning og samfélag.
78
5. Aðlögun mannsins að umhverfi sínu
Til þess að lifandi verur fái lifað og fjölgað sér þá verða þær að
koma málum sínum þannig fyrir að líkami þeirra og hegðun hæfi
því umhverfi sem þær lifa og hrærast í. Þær sem búa í köldu
umhverfi verða að þróa með sér feld eða fitulag sem hæfir, þær
sem lifa á veiðum og bráðin er fljót að forða sér verða að vera enn
fljótari eða læra að læðast. Svo má lengi halda áfram að telja upp
þær leiðir sem lífverur nota til að komast af.
Ferlið sem lífverur nota til þess að takast á við þau vandamál sem
umhverfi þeirra leggur þeim í skaut nefnist aðlögun. Vegna þess að
umhverfi lífvera er sífellt að breytast verða lífverurnar sífellt að
aðlaga sig að nýjum aðstæðum. Aðlögun lífvera er því stöðugt ferli
en ekki ástand.
Eins og farið var yfir í kafla þrjú, þá er breytast líkamar lífandi vera í
átt til þess að líkamsgerð þeirra hæfir þeim aðstæðum sem þær
lifa í (eða þær deyja út). Þannig er þessu einnig háttað með
manninn.
Þó er mikilvægt að gera nokkurn greinarmun á manninum og
öðrum lífverum að þessu leyti. Á meðan flestar aðrar lifandi verur
breytast fyrst og fremst líkamlega (þær þurfa alltaf að breyta
hegðun sinni að nokkru leyti) þá er þessu öfugt farið með
manninn. Mannlegar verur aðlagast fyrst og fremst umhverfi sínu
með því að breyta hegðun sinni. Þessar breytingar á hegðun eru
fyrst og fremst menningarlegar breytingar, og taka fyrst og fremst
til ákveðinna þátta innan menningarinnar, nefnilega þeirrar tækni
sem maðurinn beitir til að lifa af og auðvelda sér lífsbaráttuna.
Það kom einnig fram í kafla þrjú að maðurinn þróaðist í heitu
umhverfi á sléttum sunnanverðrar Afríku. Við erum feldlausar og
varnarlausar skepnur. Það þarf varla að taka það fram fyrir
lesendum að við aðlöguðumst kulda með því að byggja okkur skýli,
temja eld og búa okkur til föt. Við veiðum dýr með því að veiða
Rúnar H. Haraldsson – Inngangur að mannfræði: Þróun, menning og samfélag.
79
saman í skipulögðum vopnuðum hópum, en ekki með því að þróa
með okkur hæfileikann til að hlaupa hraðar en bráð okkar.
Svið mannlegar aðlögunar
Fólk sem býr á tilteknu svæði þarf að aðlaga sig að umhverfi sínu á
þremur mismunandi sviðum samtímis. Í fyrsta lagi þurfa menn að
laga sig að ytra umhverfi sínu, þ.e. þeim þáttum sem eru ekki af
völdum lifandi vera (eru ólífrænir eða abiotic). Þarna er átt við
þætti eins og hitastig, úrkomu og annan aðgang að vatni o.s. frv.
Í öðru lagi þarf fólk að laga sig að hinu lifandi umhverfi sínu (biotic
environment). Með því er átt við að menn þurfa að læra að lifa
með og nýta sér það plöntu og dýralíf sem er á viðkomandi stað.
Eins og farið verður yfir í kaflanum um heilbrigðismál getur verið
töluvert erfitt fyrir fólk að búa á tilteknum svæðum vegna þeirra
dýra sem þar finnast (til dæmis skordýra eins og
moskítóflugunnar), en önnur dýr, og þá aðallega veiðidýr og
húsdýr, gera manninum beinlínis kleift að lifa á öðrum svæðum
(Peoples & Bailey, 1988).
Í þriðja og síðasta lagi þarf fólk að aðlagast öðrum
menningarheildum sem fyrirfinnast í nágreninu. Menningarheildir
hafa ýmiskonar samskipti sín á milli í formi samkeppni, samvinnu,
viðskipta og átaka svo eitthvað sé nefnt.
Fólk þarf að taka tillit til allra þessara þátta í aðlögun sinni að
umhverfinu. Niðurstaða þess er hin mikla menningarlega
fjölbreytni sem fyrirfinnst í heiminum. Menn eru þó ekki
einvörðungu þiggjendur í þessu ferli, menn hafa einstakan
eiginleika til að móta umhverfi sitt ekki síður en þeir eru sjálfir
mótaðir. Það sem eftir lifir þessa kafla verður farið í mismunandi
aðferðir fólks til að laga sig að umhverfi sínu. Fyrst verður farið í
elstu aðferðina; veiðimennsku og söfnun. Aðferðirnar verða síðan
raktar nokkurn vegin í tímaröð, en lítilli athygli verður beint að
nútímavæddum samfélögum í þessum kafla (einhverri þó).
Rúnar H. Haraldsson – Inngangur að mannfræði: Þróun, menning og samfélag.
80
Lífbelti
Til þess að gera sér betur grein fyrir þeim takmörkunum sem menn
stóðu frammi fyrir þegar jörðin var að komast í byggð (þegar
mannkynið byrjaði fyrst að dreifa sér yfir jörðina; eins og rakið
hefur verið að nokkru í kafla hér á undan gerðist það að öllum
líkindum í nokkrum bylgjum þar sem mismunandi tegundir manna
hafa þurft að keppa um takmörkuð gæði) þarf að leiða hugann að
svokölluðum lífbeltum jarðar.
Lífbelti ná yfirleitt yfir stór landflæmi, og í lífbeltinu eru svipuð
veðurskilyrði, jarðvegur er svipaður auk þess sem jurta og dýralíf er
margt svipað innan lífbeltisins.
Þetta ræðst að sjálfssögðu af hnattrænni stöðu beltisins þar sem
þættir eins og úrkoma, hitastig og magn sólargeisla skipta
höfuðmáli.
Kortið sem sést hér fyrir neðan sýnir lífbelti jarðarinnar. Lesendur
eru þó beðnir um að hafa ákveðin vara á sér, skil lífbelta eru ekki
eins skýr og ætla mætti við aflestur kortsins, né heldur eru skilyrði
algjörlega þau sömu innan þeirra.
Myndin hér að ofan sýnir helstu lífbelti jarðarinnar.
Mikilvægi lífbeltanna til að skýra aðlögun mannsins er óumdeilt,
hugtakið varpar til dæmis ágætu ljósi á það að það gangi illa að
rækta korn í regnskógi þar sem jarðvegur er tiltölulega ófrjór þrátt
fyrir mikinn trjágróður og töluvert mikið regn. Skýringin liggur í því
Rúnar H. Haraldsson – Inngangur að mannfræði: Þróun, menning og samfélag.
81
að næringarefnin liggja ofarlega í jarðvegi og eru fljótlega uppurin.
Það kallar á annars konar aðlögun fólksins sem býr á svæðinu,
menn taka til þess að rækta hvern reit aðeins í stuttan tíma og
færa sig þá um set. Einnig rækta menn aðrar jurtir en á frjósömum
sléttum, til dæmis rótarávexti ýmiskonar. Hvert lífbelti fyrir sig
setur fólki því margháttaðar skorður í lifnaðarháttum sínum
(Peoples & Bailey, 1988).
Framleiðsla
Þær athafnir manna sem beinast að því að nýta þá orku og hráefni
sem fólk hefur aðgang að á hverjum stað er nefnt framleiðsla.
Framleiðsla breytir hráefni í hluti sem uppfylla efnislegar þarfir
manna. Hráefni er með öðrum orðum breytt í vörur. Þessar vörur
eru hverjum manni nauðsynleg til að komast af, við endumst ekki
nema nokkrar vikur án fæðu (í um það bil þrjár vikur, en það er
mismunandi eftir aðstæðum og einstaklingum), og án vatns getum
við ekki verið nema í nokkra daga.
Framleiðsla felur yfirleitt í sér þrennt: Tíma og orku, tækni og
hráefni. Allir þessir þættir koma saman þegar eitthvað er framleitt,
en á mismunandi hátt. Hér á eftir verða þessir þættir skoðaðir
nánar.
Sá tími og orka sem fer í að búa eitthvað til eru í daglegu tali
einfaldlega nefnt vinna. Þegar sagt er að einhver hafi unnið að
einhverju er þá átt við að viðkomandi hafi eytt tíma og vöðvaorku í
að gera hlutinn. Það er hægt að mæla hversu mikil vinna hafi farið í
að búa hlut til (bæði tíma og orku) og þannig fengið út þann
kaloríufjölda sem notaður var í að búa hlutinn til. Þetta kalla
mannfræðingar gjarnan mannlegt orku-innlegg (human energy
input). Ef maður leggur mikla orku í hlut sem skilar manni litlu sem
engu í staðinn, er trúlega verr af stað farið en heima setið. Hversu
miklu hluturinn skilar er að hluta til huglægt mat eigi að síður,
gjafir eru til dæmis eitthvað sem skilar manni engri næringu beint,
en geta hjálpað manni í lífsbaráttunni engu að síður í formi
samhjálpar (Hatirli, Ozkan, & Fert, 2005).
Rúnar H. Haraldsson – Inngangur að mannfræði: Þróun, menning og samfélag.
82
Hvað tæknina varðar er gott að hafa í huga að annars vegar er um
að ræða hlutina sjálfa sem notaðir eru til að búa til hluti, svo sem
verkfæri og hins vegar er um að ræða þekkinguna á því hvernig á
að búa til verkfærin og nota þau. Eins og farið var í kafla 2 hér á
undan þá er verkleg þekking mikilvægur hluti af menningu
mannsins. Það veitir manninum töluvert forskot að hafa aðgang að
uppsafnaðri reynslu forfeðranna og annarra manna (ef viðkomandi
þekking hefur dreift sér og er kominn utanfrá) þegar kemur að því
að gera eitthvað. Ný þekking er fljót að bætast við það sem fyrir
var ef menn komast að því að eitthvað gengur betur með nýrri
aðferð.
Hráefni fá menn yfirleitt með því að nýta sér landfræðilegar
aðstæður á hverjum stað. Við fyrstu sýn mætti ætla að hvernig
menn nýta umhverfi sitt væri algjörlega undir landkostum komið.
Þannig er málum ekki háttað, heldur er um nokkuð flóknara
fyrirbæri um að ræða (Peoples & Bailey, 1988).
Fólk ýmist kýs að nota landkosti á ákveðin hátt (þar á meðal
hráefni), og er það að nokkru leyti undir tæknilegri getu
samfélagsins komið hvernig menn kjósa að nýta sér landkosti.
Til þess að skýra þetta nánar skulum við taka sem dæmi einfalt
hráefni sem er að finna víða í umhverfi manna: grjót. Fyrir um það
bil 40 þúsund árum voru uppi svokallaðir Cro-Magnon menn, eins
og rakið var í kafla þrjú. Þessir menn kusu að búa sér til verkfæri úr
grjóti sem var við höndina, og reyndar dugði ekki hvaða steinn sem
er, þekking þeirra á mismunandi tegundum steina gerði þeim kleift
að búa sér til flugbeitta hnífa úr hrafntinnu til dæmis. Forfeður
okkar Íslendinga sem fyrst komu hingað til lands bjuggu hins vegar
yfir meiri tækni en svo að þeir þyrftu að búa sér til verkfæri úr
grjóti, þeir notuðu það til annarra hluta, svo sem til
mannvirkjagerðar ýmiskonar (til húsa og girðingagerðar svo
nokkuð sé nefnt). Enn þann dag í dag nota Íslendingar grjót sem
hráefni, svo sem til vegagerðar, það eru unnir úr því legsteinar og
svo mætti lengi telja, en það telst til algjörra undantekninga ef
menn hlaða sér hús að gömlum sið.
Rúnar H. Haraldsson – Inngangur að mannfræði: Þróun, menning og samfélag.
83
Dæmið hér á undan varpar ljósi á það hvers vegna mannfræðingar
kjósa annars vegar að tala um hráefni, sem það efni sem er til
staðar á hverjum stað, og bjargir hins vegar; það hráefni sem fólk
kýs að nýta sér á hverjum stað og tíma. Orðað öðruvísi þá stendur
hugtakið hráefni fyrir það efni sem menn geta hugsanlega nýtt sér,
og bjargir fyrir það efni sem raunverulega er notað.
Hráefni verður þannig ekki að björg nema menn hafi þekkingu og
verkfæri til að nýta sér þá möguleika sem í hráefninu felast. Í
mörgum tilfellum hefur það einnig áhrif hvaða augum viðkomandi
menning lýtur hráefnið, raunveruleikinn er að vissu leyti
skilgreindur í gegnum menningu manna, og sumt hráefni geta
menn einfaldlega ekki hugsað sér að nota. Bann gyðinga og
múslima við neyslu svínakjöts er ef til vill þekktasta dæmið um
þetta, en þau er víða að finna (Peoples & Bailey, 1988).
Safnarar og veiðimenn
Þeir sem hafa viðurværi sitt að því að safna til sín þeim jurtum sem
er að finna á tilteknu svæði (en rækta ekkert sjálfir) og veiða þau
dýr sem þeir hafa færi á teljast vera safnarar og veiðimenn.
Fræðimenn eru almennt á þeirri skoðun að allir menn lifðu sem
safnarar og veiðimenn þar til fyrir um það bil 10-12 þúsund árum
síðan. Þrátt fyrir þá efnahaglegu þróun sem hefur orðið síðan lifir
enn nokkur fjöldi manna tiltölulega góðu lífi sem safnarar og
veiðimenn, þrátt fyrir að hafa verið ýtt til hliðar af
akuryrkjusamfélögum inn á svæði sem teljast harðbýl (önnur
skýring er auðvitað sú að menn hafi séð að það borgaði sig ekki að
reyna að nýta viðkomandi svæði á annan hátt).
Það að safna saman því sem er til staðar ásamt því að stunda
veiðar er trúlega sveigjanlegasta aðferð við að lifa af sem menn
geta tamið sér. Þessi aðferð hefur gert fólki kleift að leggja undir
sig svæði á öllum lífbeltum jarðarinnar.
Þessi sveigjanleiki gerir það að verkum að aðferðir safnara og
veiðimanna eru fjölbreyttar og það sama á við um þær bjargir sem
fólkið notar til að komast af. Sumir safnarar og veiðimenn leggja
Rúnar H. Haraldsson – Inngangur að mannfræði: Þróun, menning og samfélag.
84
megináherslu á söfnun, eins og til dæmis San fólkið í sunnanverðri
Afríku sem lifir aðallega á hnetum, fræjum, rótum og ávöxtum á
meðan aðrir leggja megináherslu á veiðar eins og Inúítar gera.
Aðferðir bæði Inúíta og San manna endurspegla þær kröfur sem
umhverfið leggur þeim á herðar, San menn búa í eyðimörk, en
Inúítar á heimskautasvæði.
Fræðimenn sem rannsakað hafa samfélög safnara og veiðimanna
eru flestir á þeirri skoðun að lífshættir þeirra hafi ákveðin einkenni
sem flest þessara menningarsvæða fylgja að einhverju leyti, þó svo
að ekkert þeirra fylgi formúlunni algjörlega, til þess eru lífshættir
safnara og veiðimanna alltof fjölbreyttir. Einkenni þessi eru:
tilflutningur eftir árstíðum, breytileg þéttni „byggðar“ og
tilhneiging til að skipuleggja sig í smáum hópum (Peoples & Bailey,
1988).
Flestir safnarar og veiðimenn flytja sig á milli staða eftir árstíðum.
Þetta er sjálfsagt tilkomið vegna þess að ekkert lífbelti hefur að
geyma sömu hráefnin allan ársins hring. Árstíðirnar markast af
mun á úrkomu og hitastigi til dæmis, þannig að veiðidýr manna
flytja sig til, auk þess sem vöxtur ávaxta, hnotna og róta er
breytilegur eftir árstíðum. Vegna þess að safnarar og veiðimenn
reyna yfirleitt ekki að hafa áhrif á það hvar hlutir vaxa eða dýr
halda sig til, flytur fólk sig því til þangað sem bjargirnar er að finna.
Tilflutningur safnara og veiðimanna eftir árstíðum gerir það einnig
að verkum að þéttni „byggðar“ þeirra (eða hópa) er mjög
mismunandi. Almennt séð fylgir þéttni hópanna því úrvali af fæðu
sem er í boði á hverjum stað og tíma. Fólk flytur sig því ekki
einungis úr stað, heldur stækka hópar þess eða minnka eftir því
sem aðstæður leyfa. Þetta mynstur hefur auðvitað nokkra kosti.
Þetta gerir það að verkum að ákveðin hluta úr ári eru meiri líkur
fyrir ungt fólk að finna sér maka (eða að maki sé fundinn fyrir það)
þegar margt fólk kemur saman, vöruskipti eru stunduð,
trúarathafnir stundaðar o.s.frv. Peoples og Bailey taka gott dæmi
um þetta í bók sinni „Humanity“, þar sem þeir skýra út hina
mismunandi stærð byggðar Cheyenne indíána:
Rúnar H. Haraldsson – Inngangur að mannfræði: Þróun, menning og samfélag.
85
„Eftir að villihestar höfðu dreift sér um slétturnar miklu lifðu
Cheynne fólkið aðallega á að veiða hinar risastóru vísundahjarðir
sem einu sinni ráfuðu um sléttur Norður Ameríku. Eins og allir vita
sem búa í miðvesturríkjum Bandaríkjanna þá er mest úrkoma á
svæðinu á vorin og fram á mitt sumar. Á þeim árstíma eru grös
með miklum blóma sem gerir það að verkum að vísundahjarðirnar
verða risastórar, þúsundir dýra safnast saman á beit. Eftir því sem
á sumarið leið varð land þurrara og grösin því ekki í eins miklum
blóma. Vísundahjarðirnar brotnuðu upp og urðu ekki aftur jafn
stórar fyrr en næsta vor. Það sama á við um Cheynne fólkið. Það
fylgdi eftir því mynstri sem þeirra helsta veiðidýr, vísundurinn
fylgdi. Það safnaðist saman á vorin, og tvístraðist aftur síðsumars.
Frá Júní fram á haustið lifði Cheynne fólkið saman í risastórum
búðum (á mælikvarða safnara og veiðimanna innskot höf.)) þar
sem veiðimennirnir veiddu úr vísundahjörðunum saman. Eftir því
sem hjarðir vísundanna tvístruðust, þá tvístruðust búðir Cheyenne
fólksins einnig, vegna þess að það var of erfitt að halda
sameiginlegar búðir eftir að vísundarnir höfðu tvístrast. Frá því á
haustin fram á vor lifði Cheynne fólkið því í miklu smærri búðum.
Þetta gerði skipulag veiðanna ekki bara auðveldari heldur sá það
hestunum einnig fyrir betri vetrarhögum. Í þessu lífbelti; sléttunni
er ekki mikið um tré, og þetta búsetumynstur gerði fólki einnig
betur kleift að safna saman mykju til að kveikja upp með og halda
þannig á sér hita.“ (Peoples og Beiley 1988: 138)
Eins og minnst var á hér að ofan skipuleggja safnarar og veiðimenn
sig oftast í smáum hópum. Dæmigerð stærð hóps sem heldur
saman, safnar og veiðir, er oftar en ekki um fimmtíu einstaklingar.
Hópa safnara og veiðimanna af þessu tagi kalla mannfræðingar
gjarnan bönd.
Hópar af þessu tagi eru sjaldnast viðvarandi einingar. Einstaklingar
og fjölskyldur eru ekki skyldugir til að fylgja hópnum gegnum þykkt
og þunnt, heldur eru frjálsir til þess að binda trúss sitt við aðra
hópa ef þeir kjósa svo. Þetta á auðvitað enn frekar um þá sem eiga
ættingja í öðrum hópum (Sebastian, 2005).
Rúnar H. Haraldsson – Inngangur að mannfræði: Þróun, menning og samfélag.
86
Þessi frjálslega skipulagning hópanna er má segja hluti af
menningarlegri aðlögun fólks að umhverfi sínu. Því stærri sem
hópurinn er því sneggri er hann að nýta þær náttúruauðlindir sem
eru á staðnum sem gerir það að verkum að hópurinn þarf að flytja
sig oftar úr stað. Þess vegna borgar það sig að hafa hópanna smáa.
Safnarar og veiðimenn safna yfirleitt ekki miklum umframbirgðum
af mat eða hlutum sem þeir þurfa ekki að nota í mjög náinni
framtíð. Þess í stað flytja þeir sig af stað þegar bjargir í umhverfi
þeirra eru svo að segja uppurnar (þeir ganga þó yfirleitt ekki mjög
nærri umhverfi sínu). Ef að hópur sem hefur haldið saman í
einhvern tíma gengur ekki vel af einhverjum ástæðum, getur það
borgað sig að minnka hópinn, þannig að það að hafa frekar
frjálslega og óformlegt skipulag á því hverjir tilheyra hópnum
borgar sig fyrir heildina þegar til langs tíma er litið (Peoples &
Bailey, 1988).
Ræktun
Í tugþúsundir ára var söfnun og veiðimennska hin eina sanna
aðferð mannkyns til að lifa af, og menn voru ansi hreint góðir í
þeirri list að lifa af í margskonar umhverfi. Þrátt fyrir það hefur
söfnun og veiðimennska sína ókosti. Helsti ókosturinn við söfnun
og veiðimennsku er sá að fólk hefur ekki neina stjórn yfir
fæðuframboði sínu, heldur verður að treysta á guð(i) og lukkuna í
þeim efnum. Hver einasti einstaklingur sem stundar söfnun og
veiðimennsku þarf marga ferkílómetra af landi til að fæða sig og
klæða. Ef fjöldi manna fer fram yfir það sem landið ber, byrja
landgæði mjög fljótlega að hnigna. Til þess að forðast þetta þurfa
menn því að flytja sig um set. Aukin fjöldi manna á svæðinu gerir
það að verkum að fólk þarf að flytja sig enn lengra. Fræðimenn
hafa velt vöngum yfir því hvort þarna sé komin hugsanleg skýring á
landfræðilegri útbreiðslu mannkyns; aukin fjöldi sem kemst á legg
þarf æ stærra landsvæði til að framfleyta sér.
Fyrir um það bil tíu til tólf þúsund árum síðan (þessar tölur eru
sífellt að taka breytingum með nýjum uppgötvunum í
fornleifafræði, þannig að það er best að taka þeim með smávegis
Rúnar H. Haraldsson – Inngangur að mannfræði: Þróun, menning og samfélag.
87
fyrirvara) byrjuðu menn að reyna að ná meiri stjórn yfir því
fæðuframboði sem til var, með því að rækta plöntur og halda dýr.
Þetta er einu nafni nefnt akuryrkjubyltingin. Það er að öllum
líkindum ekki tilviljun að ræktun hófst á frjósömum og fjölbýlum
stöðum jarðar. Það kann að vera að menn hafi ekki haft neina
úrkosti aðra en að fara rækta plöntur og halda dýr, því þeir ekki var
um neina aðra staði til að fara á, aðrir hópar voru þegar komnir á
alla vænlega staði á næsta leiti (Pringle, 1998).
Hvernig sem því var annars háttað þó hófst ræktun fyrst í Mið-
Austurlöndum fyrir um 10-12 þúsund árum síðan, fyrir um 9
þúsund árum síðan í Sunnanverðri Asíu og fyrir um 5 þúsund árum
í Suður Ameríku.
Ræktun getur þó verið með ýmsu móti. Fræðimenn eru almennt
sammála að það er hægt að skipta fólki með fasta búsetu gróflega
niður í þrjá hópa: Garðræktendur, hirðingja og þá sem stunda
ákafa akuryrkju. Þeir sem stunda síðan ákafa akuryrkju má síðan
aftur skipta niður í tvo hópa: Þeir sem notast eingöngu við dýraafl
og þá sem nota vélar við landbúnaðarframleiðslu (Peoples &
Bailey, 1988).
Hér á eftir verður leitast við að skýra hverja aðferð fyrir sig, og ég
ætla að byrja á garðræktendum.
Garðræktendur
Þeir sem teljast vera garðræktendur notast eingöngu við
handverkfæri við ræktun sína; svo sem prik með oddi á, steinaxir
og spaða. Unir venjulegum kringumstæðum felur
ræktunaraðferðin í sér að land er hreinsað og sáð í, en ekki er
notast við neinskonar áveitur. Garðræktendur notast heldur ekki
við húsdýr til að plægja með.
Þótt garðræktendur hafi garða er algengt að þeir notist við
margskonar aðferðir aðrar til að hjálpa sér í lífsbaráttunni, margir
stunda einnig veiðar meðfram garðræktinni og aðrir halda húsdýr
sem þeir nýta sem mat eða til annarra hluta (Peoples & Bailey,
1988).
Rúnar H. Haraldsson – Inngangur að mannfræði: Þróun, menning og samfélag.
88
Lífstíll garðræktenda er í mörgu frábrugðin þeirra sem eingöngu
stunda söfnun og veiðar. Sú stjórn sem menn hafa á fæðuframboði
leiðir það yfirleitt af sér að fólki fjölgar umtalsvert á svæðinu. Í stað
þess að um sé að ræða flökkuhópa með um fimmtíu manns, eru
komin varanleg þorp og oftar en ekki með um hundrað eða fleiri
íbúa.
Garðrækt gerir einnig þá kröfu til fólks að það skipuleggi vinnu
sína, og þar sem aðgangur að landi er takmarkaður þá þarf einnig
að ákveða hver hafi aðgang að hvaða landi. Það sem um ræðir er
að garðrækt kallar á flóknara skipulag í kringum ræktunina heldur
en safnarar og veiðimenn þurfa að standa í. Garðræktendur sýna
mikinn fjölbreytileika þegar kemur að þessari skipulagningu,
sumstaðar er skipulagið byggt á stöðu manna innan þorpsins og
þorpið sem heild vinnur saman, en á öðrum svæðum eru það stórir
ættarhópar sem vinna saman og þar fer virðingarröðin eftir
hverjum maður er skyldur svo og aldri.
Aðgengi að landinu er einnig mismunandi, sumstaðar er hvert það
land sem ekki er í notkun til frjálsra afnota. Annarsstaðar er
aðgengi að landi bundið ættum og á enn öðrum stöðum tilheyrir
landið tilteknum kjarnafjölskyldum. Það að slá einhverju föstu um
aðgengi að landi hjá garðræktendum er því mjög erfitt.
Fræðimenn hafa þó komist að, að í flestum þessara samfélaga er
aðgengi að landi bundið ætt eða fjölskyldu, og aðgengi að landinu
gengur í erfðir, vegna þess að fjölskyldan eða ættin slær eign sinni
á landið sjálft, en ekki bara þeim björgum sem finnast á tilteknu
svæði eins og safnarar og veiðimenn gera. Þetta er sá
grundvallarmunur sem er á þessum tilteknu aðferðum við að
bjarga sér í náttúrunni, safnarar og veiðimenn nýta bjargir sem
finnast á tilteknu landi, en fyrir ræktandann er landið sjálft
nýtanleg auðlind sem fólk nýtir með vinnu sinni. Tvær tegundir af
garðrækt eru algengastar: Þurr garðrækt og sviðarækt (einnig er
hægt að kalla aðferðina skiptirækt) (Peoples & Bailey, 1988).
Rúnar H. Haraldsson – Inngangur að mannfræði: Þróun, menning og samfélag.
89
Þurr garðrækt er eins og önnur garðrækt að því leytinu til að þar er
eiðeins notast við handverkfæri til að yrkja jörðina. Munurinn á
þessari tegund ræktunar á öðrum tegundum garðræktunar er því
helst fólginn í því hversu þurr jarðvegurinn er þar sem hún er
stunduð. Þessi tegund ræktunar er (og var) helst stunduð þar sem
nú eru suðvesturríki Bandaríkjanna (af ýmsum hópum Indíána), í
Mið-Ameríku og í Afríku sunnan Sahara þar sem aðferðin er enn
stunduð (Peoples & Bailey, 1988).
Þeir sem stunda þurra garðræktun þurfa að takast á við umhverfi
sem er í raun ekki mjög hagstætt til ræktunar. Þess vegna neyðast
menn til að takmarka ræktun sína við svæði sem eru nálægt ám og
vötnum og rætur plantnanna geta teygt sig niður í hátt
grunnvatnið eða við þau svæði sem vatn flýtur reglulega yfir (líkt
og Pueblo Indíánar í Suðvesturríkjum Bandaríkjanna eru þekktir
fyrir). Jafnvel þótt að fólk geri þetta þurfa menn að horfast í augu
við uppskerubrest af og til, aðallega vegna þurrka. Af þessum
sökum hafa margir hópar sem stunda þessa tegund ræktunar tekið
sig til og stunda búgriparækt samhliða akuryrkju sinni.
Sviðarækt aftur á móti eru nokkuð flóknari aðferð við ræktun, og
ræðst það af því hversu krefjandi umhverfið er þar sem hún er
stunduð. Sviðarækt sem slík er forn aðferð, hún hefur að öllum
líkindum verið stunduð um allan heim til forna, en í dag er notkun
aðferðarinnar nánast eingöngu bundin við regnskóga Afríku, Suður
Ameríku og Suð-Austur Asíu (O'Neil., 2009).
Aðferðin felur í sér að menn fella skika af skóginum undir akur
sinn. Einungis einföld handverkfæri eru notuð svo sem axir og
langir hnífar. Mjög oft láta menn stærstu trén halda sér til að veita
skjól gagnvart sól, því sé það ekki gert skrælna plönturnar sem
verið er að rækta (sólin yfir regnskógum jarðar er mjög sterk, enda
fyrirfinnast regnskógar einvörðungu við miðbaug). Önnur aðferð til
þess að vernda plöntur gegn sterkri sól er sú að setja niður margar
mismunandi tegundir í sama akur, hlið við hlið, þannig að lægri
plönturnar hafi skjól af þeim sem hávaxnari eru. Þegar búið er að
höggva niður það sem fyrir er, er akurinn látinn standa í nokkurn
Rúnar H. Haraldsson – Inngangur að mannfræði: Þróun, menning og samfélag.
90
tíma til að þurrka plönturnar sem höggnar hafa verið. Þegar þær
eru orðnar nægilega þurrar er kveikt í og látið brenna þar til
eldurinn hefur hreinsað akurinn. Tilgangur þess að kveikja í
plöntumassanum er tvíþættur, annars vegar er kveikt í til þess að
hreinsa akurinn, og hins vegar til þess að færa á milli þau
næringarefni sem fyrirfinnast í plöntumassanum niður í jarðveginn
(Peoples & Bailey, 1988).
Það hefur sýnt sig að þrátt fyrir gífurlega mikla fjölbreytni í plöntu
og dýralífi er jarðvegur í regnskógunum mjög snauður af
næringarefnum, næringarefnin er öll að finna í plöntumassanum
sem er ofan jarðar. Þetta gerir regnskóginn erfiðan þótt ekki sé
meira sagt til ræktunar af nokkru tagi þrátt fyrir að menn notist við
aðferðir eins og hér hefur verið lýst. Menn verða því að flytja akra
sína eftir um það bil þrjár til fjórar uppskerur. Eftir að hafa verið í
ræktun er akurinn látinn bíða þar til hann er alveg orðinn vaxinn
gróðri, í það minnsta tíu ár. Þessi langi tími gefur landinu tækifæri
til að jafna sig alveg, en gerir það einnig að verkum að sníkjudýr,
sveppir og veirur sem leggjast á þær plöntur sem fólk ræktar eru
yfirleitt farnar af svæðinu þegar akurinn kemur næst undir ræktun
(Peoples & Bailey, 1988).
Sú staðreynd að menn neyðast til að flytja akur sinn mjög ört, og
láta land bíða í tíu ár gerir það að verkum að sviðrækt getur ekki
staðið undir mjög miklum fjölda fólks, alla vega ekki nærri eins
miklum fjölda og áköf akuryrkja getur. Einfalt dæmi getur leitt
okkur þetta fyrir sjónir: Ef akur er ræktaður þannig að tvær
uppskerur fást af honum, og hann látinn bíða í tuttugu ár (sem er
ekki óalgengt fyrirkomulag hjá sviðaræktendum) þarf um það bil
tíu sinnum meira land til að afla einni manneskju fæðis en þarf
þegar akur er ekki látinn bíða eins og gerist hjá fólki sem notar
nútímaaðferðir (tilbúinn áburð og skordýraeitur ásamt vélknúnum
plógi).
Menn skyldu samt fara varlega í að álykta sem svo að sviðarækt sé
óhagkvæm aðferð við að afla sér viðurværis. Reynslan af því að
nota nútímaaðferðir á svæðum þar sem áður var regnskógur er
Rúnar H. Haraldsson – Inngangur að mannfræði: Þróun, menning og samfélag.
91
vægast sagt ekki góð. Ásókn sveppa, veira og sníkjudýra er gífurleg
á ökrunum, sem gerir það að verkum að menn þurfa að nota efni í
mun meira mæli en heppilegt er (eða hagkvæmt), og þar að auki
hefur það sýnt sig að jarðvegurinn er svo rýr að gæðum að hann er
nánast ónothæfur fyrir venjulega ræktun. Úrkoma á svæðinu er
einnig það mikil að vandræðum veldur, næringarefnin sem menn
hafa dreift á akra sína með miklum tilkostnaði hefur tilhneigingu til
að skola burt, þannig að þegar öllu er á botninn hvolft er sviðarækt
nánast eina ræktunaraðferðin sem virkar á sjálfbæran hátt á
svæðinu (O'Neil., 2009).
Hirðingar
Flestar þjóðir sem á annað borð stunda ræktun að einhverju marki
halda dýr. Með þessu hafa menn náð að bæta upp einhæft
matarræði og að nýta sér dýraafurðir sem til falla. Eins og rakið
verður hér á eftir er dýrahald einnig nauðsynlegt þeim sem stunda
ákafa akuryrkju, menn nota hesta, nautgripi eða vatnabuffalóa til
þess að draga plóga á eftir sér og ná þannig að nýta land sitt betur
en ella.
Þeir sem stunda svokallað hirðingjalíf ganga þó lengra heldur en
þetta, þeir eru miklu háðari dýrahaldi sínu heldur en aðrir, og
lífsmynstur þeirra ræðst að mjög miklu leyti af því uppfylla þörf
dýranna fyrir fæðu. Þetta merkir að þeir hafa ekki fasta búsetu á
tilteknum stað allt árið heldur færa sig frá einum stað til annars í
leit að besta beitarlandinu (Peoples & Bailey, 1988).
Þeir leggja þó yfirleitt ekki upp í ferðir án tiltekins áfangastaðar,
flestir hirðingjar leita á sömu staðina ár eftir ár, og færast yfirleitt
til lóðrétt, á sumrin þegar jörð gerist þurr færa þeir sig ofar í fjöllin
þar sem hiti er minni og betra beitarland.
Hirðingja er að finna í öllum heimsálfum, en dreifing þeirra um
jörðina er ekki tilviljun, þá er yfirleitt að finna á þeim svæðum sem
eru of þurr til að þar sé hægt að stunda garðrækt eða ákafa
akuryrkju, eða eru hreinlega of köld svo sem Sama í Skandínavíu
Rúnar H. Haraldsson – Inngangur að mannfræði: Þróun, menning og samfélag.
92
eða Chuckchee menn í Síberíu (báðar þjóðir halda hjarðir af
hreindýrum).
Þrátt fyrir að hirðingjar láti líf sitt stjórnast af þörfum hjarðar
sinnar og hafi lífsviðurværi sitt af þeim að mestu leyti fá þeir einnig
töluvert af mat frá þeim sem stunda ræktun, aðallega í gegnum
eigin takmörkuðu ræktun eða ræktun. Það er algengt (og var
einnig algengt á sögulegum tíma) að hirðingjar hafi stundað
verslun og skipts á vörum við þá sem þeir hafa hitt á leið sinni milli
beitarhaga. Einnig hefur viðgengist í ríkum mæli að hirðingjar
gerist kaupmenn og ferðist langar leiðir milli svæða og noti þar
hjarðir sínar sem burðardýr; hin forna silkileið milli Kína og Evrópu
er einmitt dæmi um slíkt.
Á þeim svæðum þar sem það telst frekar óhentugt eða erfitt að
stunda ræktun eingöngu geta menn því minnkað hættuna á
hungursneyð með því að gerast hirðingjar. Einnig hefur verið rakið
hér á undan að hirðingjalíf gerir fólki kleift að ferðast á milli og
stunda verslun og takmarkaða ræktun. En hvers vegna er
hirðingjalífið þá ekki það form sem menn hafa helst valið sér um
alla jörð?
Svarið við því er að plánetan sjálf setur líferni sem þessu töluverðar
skorður. Í fyrsta lagi þá gengur hirðingjalífið illa eða ekki upp í
sumum lífbeltum jarðar. Í frumskógum Suður-Ameríku myndi
ræktun húsdýra ganga illa upp, þótt menn hafi í seinni tíð rutt burt
miklu að regnskóginum til að fá beitarland fyrir nautgripi, en kjöt
þeirra er mikið selt til stórra fyrirtækja í Bandarískum
skyndibitaiðnaði. (Kradin, 2002)
Í öðru lagi setja sníkjudýr töluvert strik í reikninginn hjá fólki. Á
svæðum þar sem tse-tse flugan er algeng er nánast ómögulegt að
halda hjarðir sem nokkru nemur, flugan leggst bæði á dýr og menn
og ber með sér smit svefnsýkinnar. Árlega látast mörg hundruð
þúsund manns úr svefnsýki í Afríku.
Í þriðja og síðasta lagi (ef til vill er þetta mikilvægasti þátturinn) þá
er sú aðferð að breyta orku sólar í orku sem menn geta nýtt sér
Rúnar H. Haraldsson – Inngangur að mannfræði: Þróun, menning og samfélag.
93
með tilstuðlan dýra mjög óhagkvæm. Til þess að skoða þetta betur
skulum við líta á eftirfarandi dæmi: Ef plöntur hafa aðgang að
vatni, koltvísýringi og steinefnum geta þær breytt orku sólarinnar í
einfaldar sykrur. Þessar sykrur geta grasætur nýtt sér til að knýja
líkama sinn áfram og sér til vaxtar og viðhalds. Rándýr og hræætur
(ef til mætti setja manninn í báða flokka) nýta sér hold grasætanna
til að knýja líkama sinn áfram og sér til vaxtar og viðhalds. Um það
bil 90% af þeirri orku sem safnast hefur saman á hverju stigi fyrir
sig tapast þegar hoppað er upp um hvert þrep í fæðukeðjunni.
Þannig geta grasætur einungis nýtt sér um 10% af þeirri orku sem
býr í þeim plöntum sem þær neyta, og kjötætur einungis 10% af
þeirri orku sem býr í þeim dýrum sem þær drepa (Peoples &
Bailey, 1988).
Það er því frekar slæm nýting á ræktarlandi að rækta einungis gras
fyrir t.d. nautgripi þegar hægt er að rækta korn til manneldis. Þetta
hefur fólk uppgötvað fyrir löngu, án þess að vera sérstaklega að
velta fyrir sér orkunýtingunni; menn hafa einfaldlega nýtt það land
sem þeir geta í ræktun á plöntum ætluðum til manneldis, og þar
sem það hefur ekki gengið upp hefur fólk frekar kosið að nýta land
til búfjárræktunar.
Búfjárrækt krefst þess af mönnum að þeir skipuleggi líf sitt á
ákveðin máta. Það þarf að ákveða hverjir fái aðgang að hvaða landi
og á hvaða tímum ársins. Einnig þarf að ákveða verkaskiptingu milli
fólks, og með hvaða hætti fólk hagar samskiptum sínum við aðra
(Peoples & Bailey, 1988).
Lífshættir Basseri fólksins sem býr í sunnanverðu Íran er lýsandi
dæmi um það félagslega skipulag sem þarf að vera til staðar meðal
hirðingja. Norski mannfræðingurinn Frederic Barth var fyrsti
mannfræðingurinn sem dvaldist meðal þeirra seint á fimmta
áratug síðustu aldar. Frásögnin er tekin úr bókinni „Mannkyn“ eftir
þá Peoples og Bailey.
Þegar Barth dvaldist hjá Basseri fólkinu taldist ættbálkurinn vera
um 16 þúsund manns. Þeir stunduðu blandaða búfjárrækt, þ.e.
Rúnar H. Haraldsson – Inngangur að mannfræði: Þróun, menning og samfélag.
94
þeir héldu margskonar húsdýr, kjöt, ull og mjólk kom aðallega frá
sauðfé og geitum. Asnar, kameldýr og hestar voru notuð til burðar.
Basseri menn skiptu gjarnan á dýraafurðum ýmiskonar og korni og
brauði við það fólk sem þeir hittu og áttu samskipti við á ferðum
sínum. Basseri menn fengu þannig mikið af mat sínum frá fólki sem
stundaði ákafa akuryrkju, en þrátt fyrir það litu þeir gjarnan niður á
bændurna sem þeir áttu viðskipti við (Peoples & Bailey, 1988).
Leiðir Basseri manna vor ekki tilviljunum háðar, um sumarið beittu
þeir hjörðum sínum í fjallendi til norðurs, en um vetur fóru þeir
sunnar og beittu þá hjörðum sínum á þá akra sem skornir höfðu
verið. Bæði bændur og Basseri menn högnuðust á þessu, Basseri
menn fengu bithaga, en bændur áburð eftir dýrin.
Vegna þess hversu Basseri menn þurftu að vera hreyfanlegir
bjuggu þeir í ullartjöldum. Venjulega bjó ein fjölskylda í hverju
tjaldi, og átti hver og ein að meðaltali um 300 dýr (ýmist geitur eða
sauði). Til að spara vinnuafl og beina kröftum fólks á rétta staði
héldu venjulega um þrjár til fimm fjölskyldur saman í það sem má
ef til vill kalla „beitarflokk“. Um veturinn voru beitarflokkarnir
yfirleitt frekar einangraðir, en að sumri til þegar menn héldu til í
opnum bithögum fjallanna mátti gjarnan sjá um fjörtíu tjöld saman
í tjaldbúðum.
Basseri menn létu ekki þar við sitja í því hvernig þeir skipulögðu
samfélag sitt. Tjaldbúðum var steypt saman í flokk sem á máli
Basseri manna kallaðist „oulad“ og er eiginlega óþýðanlegt. Hvert
oulad samanstóð af nokkrum tjaldbúðum, og átti samkvæmt hefð
aðgang að tilteknu landi. Rétt er þó að taka fram að þarna var um
rétt að aðgengi um ræða, ekki eignarrétt, ouladið gat ekki framselt
réttinn eða veðsett hann, en þó gat ouladið misst réttinn ef
höfðingi allra Basseri manna ákvað að eitthvert oulad skyldi gefa
eftir aðgengi að landi, eða oulad gat fengið aðgengi að landi sem
það hafði ekki haft áður eð höfðingjanum sýndist svo (Peoples &
Bailey, 1988).
Rúnar H. Haraldsson – Inngangur að mannfræði: Þróun, menning og samfélag.
95
Eins og glöggir lesendur eru ef til vill búnir að átta sig á þá töldu
allir Basseri menn sig tilheyra einum áttbálki (tribe). Ættbálkurinn
átti sér einn höfðingja, og gekk embættið frá föður til sonar.
Höfðinginn hafði vald til að breyta aðgengi að landi (yfirleitt eftir
stærð þeirra oulada sem um var að ræða), hann var andlit
ættbálksins út á við auk þess sem hlutverk hans var að skera úr í
deilum manna.
Eins og sjá má af lýsingunni hér að ofan var félagslegt skipulag
Basseri manna frekar flókið, alla vega þegar það er borið saman við
skipulag safnara og veiðimanna sem kjósa frekar að hafa frekar
einfalt skipulag á sínum málum. Skipulag samfélaga verður þó fyrst
flókið þegar menn fara að stunda það sem mannfræðingar kalla
ákafa akuryrkju, og má segja að í því skipulagi liggi frækorn nútíma
og iðnvæddra samfélaga vesturlanda.
Menn skyldu þó ekki falla í þá gryfju að halda að nútímavæðingu
fylgi eintóm hamingja, slík samfélagsgerð er að mörgu leiti
óþægilega flókin og ef til vill viðkvæm. Mat á gæðum félagslegs
skipulags er ekki á dagskrá þessa rits, og ef til vill ekki á færi
mannfræðinnar að leggja mat á hvert skuli eða skuli ekki halda,
slíkt fellur undir verksvið stjórnmálanna. Hitt er svo annað mál að
þegar menn hófu að stunda ákafa akuryrkju fyrir um tíu til tólf
þúsund árum síðan þá sköpuðust í fyrsta skipti í sögunni forsendur
fyrir stórauknum fjölda manna og borgmenningu.
Áköf akuryrkja
Áköf akuryrkja er ólík garðrækt að því leytinu til að þar eru akrar
ekki hvíldir eftir að hafa verið notaðir í eitt til þrjú skipti. Við fyrstu
sýn er þetta ekki mikill munur, en þetta merkir í raun algjöra
byltingu; land sem er undir ákafri akuryrkju getur séð fyrir allt að
tuttugu sinnum fleiri manneskjum á hvern hektara heldur en land
sem er ræktað með aðferðum garðræktar.
Til þess að þetta gangi upp þurfa nokkrir hlutir að vera til staðar: Í
fyrsta lagi þurfa menn að hafa aðgang að hestum eða nautgripum.
Tvennt er unnið með því að halda slík dýr, annars vegar eru dýrin
Rúnar H. Haraldsson – Inngangur að mannfræði: Þróun, menning og samfélag.
96
notuð til þess að draga á eftir sér plóga, og hins vegar þurfa menn
á áburði að halda, akrar sem ekki eru hvíldir nema í eitt til tvö ár í
senn (á nokkra ára fresti) eru fljótir að klárast af næringarefnum
nema við þau sé bætt (Peoples & Bailey, 1988).
Plógurinn er ein af höfuðuppfinningum mannkyns. Áköf akuryrkja
hefði ekki orðið að veruleika án hans. Plógurinn gerir það að
verkum að hægt er að snúa miklu magni af jarðvegi og gernýta
þannig þau næringarefni sem í jarðveginum búa, auk þess sem
sáning í akra verður miklu auðveldari en ella.
Áköf akuryrkja gerir einnig auknar kröfur um umhirðu akranna að
tvennu leyti. Í fyrsta lagi þarf að hreinsa allt illgresi af ökrum, betur
heldur en þeir gera sem stunda garðrækt. Í öðru lagi þarf að
tryggja að plönturnar hafi nægilega mikið vatn. Það gera menn
helst með því að byggja einhverskonar áveitukerfi, þar sem vatn er
flutt til plantnanna. Margar fornaldarþjóðir áttu velgengni sinni að
fagna þeirri staðreynd að ríki þeirra risu fyrst nálægt ám með
nægilega miklu af vatni til þess að hægt væri að byggja áveitur og
stunda þar með ákafa akuryrkju. Það er ekki tilviljun að ríki
Súmera, Rómverja og Forn-Egypta risu öll við stórar ár.
Félagslega séð gerir áköf akuryrkja miklar kröfur, en það að stunda
ákafa akuryrkju hefur einnig stórar félagslegar afleiðingar eins og
minnst hefur verið á.
Þær kröfur sem áköf akuryrkja gerir til þeirra sem hana stunda
felast helst í því skipulagi sem þarf að vera til staðar. Í fyrsta lagi
þarf að skipuleggja aðgang og eignarhald að landi. Oftar en ekki er
land ekki í eigu einstaklinga sem slíkra, heldur hefur tiltekin
fjölskylda aðgang að landi í krafti sifja (nánar verður fjallað um
sifjar í kaflanum hér á eftir, en hugtakið vísar til þess hvernig menn
rekja ættir sínar og hvaða réttindi og skyldur þeir hafa gagnvart
öðru fólki í kjölfar þess) (Peoples & Bailey, 1988).
Verkaskipting milli kynslóða og kynja verður yfirleitt miklu stífari í
samfélögum sem stunda ákafa akuryrkju heldur en í samfélögum
sem notast við aðrar aðferðir við að afla sér lífsviðurværis; yfirleitt
Rúnar H. Haraldsson – Inngangur að mannfræði: Þróun, menning og samfélag.
97
er misrétti milli karla og kvenna meira í þessum samfélögum meira
heldur en í samfélögum garðræktenda til dæmis, þótt það sé eins
og oft er í mannfræði erfitt að setja fram algilda reglu í því
sambandi. Yfirleitt fellur það undir verksvið karla að sjá um akra
(undantekningin á því er þó sú að oftar en ekki hjálpast allir saman
við að koma uppskerunni í hús) og húsdýr, en konur sjá um
barnagæslu, eldun og söfnun eldiviðar ásamt því að ná í vatn
(Peoples & Bailey, 1988).
Hvað varðar félagslegar afleiðingar þess að fólk stundi ákafa
akuryrkju þá kjarni málsins í afkastagetu aðferðarinnar. Það er
einfaldlega minni þörf á því að allir meðlimir samfélagsins starfi
beint við framleiðslu matvæla, og reyndar er innbyggt í kerfið
ákveðin umframframleiðsla sem bóndinn þarf að losa sig við. Þar
með eru komnar forsendur fyrir því að sumir starfi við eitthvað
annað, og þá einhverja þá iðju sem annað fólk telur að sé einhvers
virði. Sá sem er til dæmis hagur á tré (flinkur smiður) getur einbeitt
sér að því og selt smíðisgripi sína í staðin fyrir mat og aðrar
nauðsynjar. Þar með hefur nokkuð merkilegt átt sér stað; bæði
markaðir og sérhæfing eru komin til sögunnar. Bæði markaðir og
sérhæfing eru merkileg fyrirbæri. Um markaði verður fjallað í
kaflanum hér á eftir, en lítum aðeins nánar á sérhæfinguna
(Peoples & Bailey, 1988).
Sérhæfing leiðir til þess að fólk nær mikilli hæfni í störfum sínum,
og framfarir verða í því sem framleitt er, slík er sköpunargáfa
mannsins. Nægir að líta á þróun ýmiskonar nytjahluta í gegnum
söguna til þess að koma auga á þetta.
Sérhæfing leiðir einnig til þess að sumir njóta meiri virðingar en
aðrir fyrir störf sín. Hún leiðir þannig til stéttskiptingar þar sem
bændurnir sem með vinnuframlagi sínu fæða heilu samfélögin
lenda yfirleitt alltaf nærri botninum, en sérfræðingar á sviði
hermála eða trúariðkunar á toppnum. Slíkt var einmitt skipulag
flestra fornþjóðanna og er sama hvar borið er niður. Venjulega
blönduðust saman félagsgerð og átrúnaður í þessum samfélögum
þar sem trúin var sterkur þáttur í því að halda samfélaginu saman
Rúnar H. Haraldsson – Inngangur að mannfræði: Þróun, menning og samfélag.
98
(þarna var um fyrirbæri sem mannfræðingar hafa nefnt skipulegan
átrúnað og fjallað er um nánar í kafla 7). Forn-Egyptar eru mjög
skýrt dæmi um þetta, þeir trúðu því að konungur þeirra (nefndur
Faraó) væri guðleg vera og fyrir tilverknað hans flæddi Níl yfir
bakka sína og gerði jörðina frjósama (Pringle, 1998).
Í þessum kafla höfum við fjallað um helstu aðferðir sem menn hafa
beitt í gengum skráða og óskráða sögu mannkyns við að afla sér
viðurværis. Út af stendur einungis hið iðnvædda samfélag, en út í
þá sálma verður ekki farið í þessu riti. Í kaflanum hér á eftir verður
litið á það skipulag sem menn hafa á samfélögum sínum og
samskiptum.
Rúnar H. Haraldsson – Inngangur að mannfræði: Þróun, menning og samfélag.
99
Verkefni úr kafla 5
Skilgreindu eftirfarandi hugtök:
Framleiðsla
Mannlegt orku-innlegg
Band (Bönd)
Hirðingjar
Þurr garðrækt
Svefnsýki
Oulad
Áköf akuryrkja
Svaraðu eftirfarandi spurningum:
Á hvaða hátt aðlagast mannlegar verur umhverfi sínu?
Hvaða munur er á hráefni og björgum?
Skýrðu frá helstu sérkennum safnara og veiðimanna.
Hvaða munur er á garðrækt og akuryrkju?
Hvenær byrjuðu menn að stunda ræktun að talið er?
Hvers vegna þurfa sviðaræktendur að flytja akra sína reglulega?
Hvers vegna telst plógurinn vera eins mikilvæg uppfinning og raun
ber vitni?
Rúnar H. Haraldsson – Inngangur að mannfræði: Þróun, menning og samfélag.
100
6. Skipulag samfélaga
Efnahagsleg kerfi
Í kaflanum hér á undan var rakið helstu aðferðir sem menn notuðu
fyrir daga iðnvæðingar við framleiðslu helstu nauðsynja. En það að
framleiða matvæli nægir í sjálfu sér ekki til að viðhalda
samfélaginu. Til þess að það takmark náist þarf meðal annars að
dreifa matnum og öðrum vörum sem framleiddar eru.
Viðskipti
Í undirkaflanum hér á eftir verður rakið helstu aðferðir manna við
að dreifa vörum á milli sín; þ.e. nokkuð sem í daglegu tali er kallað
viðskipti. Þótt að framleiðsluhættir í iðnvæddum samfélögum hafi
breyst mikið frá því að áköf akuryrkja kom fyrst til sögunnar fyrir
um tíu til tólf þúsund árum síðan hafa viðskipti manna á milli
ekkert breyst í grundvallaratriðum síðan þá. Skiptir þá engu máli
hvort við skoðum samfélög veiðimanna og safnara, hvernig málum
var háttað í Sovétríkjum Stalíns (tímabilið frá 1927 til 1953) eða
hvernig málum er háttað í kauphöllinni í New York.
Hugakið viðskipti vísar til þess að vörur skipta um hendur (annað
hvort beinn eignarréttur eða yfirráða/notkunarréttur) frá þeim
tíma þegar þær voru framleiddar til þess tíma að þeirra er neytt. Á
vesturlöndum tíðkast að menn geti átt bein viðskipti með land, en
enn í dag fyrirfinnast samfélög þar sem almennur eignarréttur nær
ekki til lands sem samkvæmt hefð tilheyrir tilteknum ættum og
menn geta því ekki stundað viðskipti með land í venjulegum
skilningi. Um þetta verður fjallað nánar þegar peningar verða
skoðaðir.
Tegundir viðskipta
Almennt séð eru til þrjár tegundir af viðskiptum. Í fyrsta lagi er
talað um svokallaða gagnkvæmni (sem hefur þrjár undirtegundir,
nokkuð sem verður skoðað hér fyrir neðan), í öðru lagi er talað um
Rúnar H. Haraldsson – Inngangur að mannfræði: Þróun, menning og samfélag.
101
endurdreifingu og í þriðja og síðasta lagi eiga viðskipti sér stað á
markaði (Sahlins, 1972).
Gagnkvæmni á sér stað milli aðila sem skiptast á vörum án þess að
bein borgun í peningum komi í staðin. Þegar þú lesandi góður
gefur einhverjum afmælisgjöf eru í raun að stunda gagnkvæmni.
Fræðimenn hafa komið auga á og skilgreint þrjár tegundir
gagnkvæmni:
Almenn gagnkvæmni á sér stað þegar vörur eða peningar eru
gefnar aðila sem þarfnast þeirra, án þess að sá sem gefur búist við
því að fá eitthvað jafn verðmætt í staðinn þegar í stað (og jafnvel
aldrei). Almenn gagnkvæmni á sér stað milli aðila sem eru tengdir
sterkum félagslegum eða tilfinningalegum böndum. Foreldrar sem
veita börnum sínum mat, húsaskjól, o.s.frv. stunda almenna
gagnkvæmni. Almenn gagnkvæmni er einnig stunduð af börnum
gagnvart öldruðum foreldrum, systkinum, maka og mjög nánum
vinum (Peoples & Bailey, 1988).
Jafnvægisgagnkvæmni kallast það þegar að sá sem gefur eitthvað
ætlast til að fá eitthvað til baka sem er um það bil jafn verðmætt
og það sem gefið var. Gagnkvæmni af þessu tagi tíðkast mjög
meðal safnara og veiðimanna, veiðimaður sem kemur með
þokkalega stóra bráð í búðir hlutar hana niður þannig að allir
meðlimir hópsins fái sinn skerf. Þegar aðrir koma með bráð heim
er svo komið að honum og hans fjölskyldu að vera þiggjendur og
svo koll af kolli. Því má halda fram með góðum rökum að
gagnkvæmni í jafnvægi þrífist vel meðal fólks sem stendur í
framapoti ýmiskonar, hvor heldur sem um er að ræða höfðingja á
Trobriand eyjum eða á Arnarhóli í Reykjavík. Ef einhver er í
aðstöðu til að leggja mönnum til eitthvað sem þeir girnast, hvort
heldur sem það eru auðævi eða vegtyllur á gefandinn inni greiða á
móti. Í almennu tali eru slík kerfi oft nefnd samtryggingarkerfi, þar
sem hópar af tengdu fólki skiptist á „gjöfum“ og greiðum og halda
þannig í raun utanaðkomandi frá kjötkötlunum því alltaf er verið
að gjalda greiða eða skora stig hjá einhverjum (Sahlins, 1972).
Rúnar H. Haraldsson – Inngangur að mannfræði: Þróun, menning og samfélag.
102
Þeir sem eiga í samböndum sem snúast um gagnkvæmni í jafnvægi
þurfa þó að gæta af því að þeir þurfa að gjalda greiðann til baka
áður en of langur tími er liðinn. Ef það gerist ekki innan þess tíma
sem fólk álítur sanngjarnan (það fer eftir hverju er verið að skiptast
á og svo menningu viðkomandi svæðis) fylgir pirringur í kjölfarið,
viðkomandi minnist á það við aðra hversu herra eða frú X sé
lélegur pappír, upprunalegi gefandinn reynir ef til vill að neyða
þiggjandann til þess að standa við sinn hluta eða hreinlega hunsar
viðkomandi algerlega þar til endurgjald hefur verið innt af hendi.
Þegar vöru eða gjafaskipti ganga þannig fyrir sig að hvor um sig er
að reyna að fá sem mest, en gefa sem minnst á móti nefnist telst
gagnkvæmnin vera neikvæð. Í raun er sáralítill munur á þessum
viðskiptum og því sem fram fer á markaði, báðir aðilar eru að
reyna að komast af með sem minnstan kostnað. Eini munurinn er í
raun sá að oftar en ekki eru notaðir einhverskonar peningar á
markaði, en þegar viðskiptin teljast til neikvæðrar gagnkvæmni eru
peningar ekki notaðir sem miðill (Peoples & Bailey, 1988).
Hægt er að líta á neikvæða gagnkvæmni sem einskonar forvera
markaðsins, enda getur það verið fólki nauðsynlegt að hafa
aðgangi að vörum sem það getur ekki framleitt sjálft einhverra
hluta vegna, í hagkerfum sem ekki hafa peninga og markaði.
Forleifafræðingar hafa uppgötvað mörg dæmi um þetta, Í
vestanverðum Bandaríkjanna áður en hvíti maðurinn kom til
sögunnar voru til verslunarleiðir þar sem steinar (yfirleitt
náttúrulegt gler), hentugir til verkfæra og vopnagerðar gengu
manna á milli. Verslunarleiðir þessar teygðu sig yfir hundruð
kílómetra með fjölmarga milliliði, þrátt fyrir að ekkert peningakerfi
væri til staðar á þeim tíma.
Endurdreifing er annað form af viðskiptum sem er mjög ólíkt
gagnkvæmni eða samskiptum milli fólks á markaði. Þegar hópur
manna leggur fram hluta af eigum sínum í sameiginlegan sjóð,
hvort heldur sem eru peningar eða vörur (í óiðnvæddum löndum
eru matvæli oft lögð fram), og einhver fer með vald til að dreifa
Rúnar H. Haraldsson – Inngangur að mannfræði: Þróun, menning og samfélag.
103
sjóðnum þangað sem viðkomandi telur að komi sér vel (en vel fyrir
hvern er oft deilt um) kallast það endurdreifing (Peoples & Bailey,
1988).
Birtingarmynd fyrirbærisins í nútímavæddum ríkjum kemur skýrast
fram í sköttum þeim sem borgararnir borga; tekjuskattar,
eignarskattar, fjármagnstekjuskattar og virðisaukaskattar svo
eitthvað sé nefnt. Yfirvöld fara síðan með vald yfir sjóðnum (á
Íslandi heitir sjóðurinn Ríkissjóður) og nota peninganna til að
standa straum af menntakerfinu, heilsugæslu,
almannatryggingum, samgöngum, löggæslu og svo mætti lengi
telja.
Það er síðan pólitískt úrlausnarefni hvers tíma hversu mikið fólk á
að leggja fram til endurdreifingar, og í hvað á að leggja þá fjármuni
sem í sjóðnum er. Vitað er að sumir hópar innan samfélagsins hafa
meiri slagkraft en aðrir í að krefjast hluta af þessum sameiginlega
sjóði, í flestum löndum eru til þrýstihópar af ýmsu tagi sem krefjast
þess að þeir njóti stuðnings úr sjóðnum, ýmist í nafni félagslegs
réttlætis eða valdastöðu sinnar innan samfélagsins.
Þegar fólk skiptir á vörum eða þjónustu einhverskonar fyrir
peninga, þ.e. peningar eru notaðir sem gjaldmiðill, er talað um að
fólk eigi í viðskiptum á markaði.
Markaðir
Heilu fræðigreinarnar hafa verið byggðar upp í kringum viðskipti og
á ég þar við viðskiptafræði og hagfræði. Umfjöllum mín í þessu riti
er þess vegna mjög yfirborðskennd, en ekki er hægt að tala um
þessi mál án þess að tala nokkuð um markaði.
Það sem þarf til að búa til markað er þrennt: Það þarf
einhverskonar hluti sem notaðir eru sem milliliður í viðskiptunum
þ.e. gjaldmiðil/peninga. Í öðru lagi þarf að ákveða hlutfallið milli
þess sem selt er og þess sem látið er í staðin, þ.e. verð. Í þriðja og
síðasta lagi þurfa bæði kaupandi og seljandi að hafa nokkra kosti í
stöðunni varðandi viðskiptavini, kaupandinn þarf að geta keypt
það sem hann þarf einhverstaðar annars staðar, og seljandinn þarf
Rúnar H. Haraldsson – Inngangur að mannfræði: Þróun, menning og samfélag.
104
ekki að reiða sig á að einmitt þessi viðskiptavinur kaupi af honum
(Peoples & Bailey, 1988).
Þriðja atriðið er sérstaklega mikilvægt, án þess er ekki hægt að tala
um frjálsan markað, það þarf með öðrum orðum að vera
samkeppni á markaði til þess að hann starfi rétt. Á síðari tímum
hafa menn lært þessa lexíu af erfiðri reynslu af auðhringjum og
einokunarfyrirtækjum, við Íslendingar höfum einnig marga fjöruna
sopið í þessum efnum og nægir að nefna einokunarverslunina sem
átti sér stað á öldum áður í því sambandi. Viðbrögð flestra ríkja
hafa verið sú að setja á stofn sérstakar stofnanir sem eiga að
tryggja rétta hegðun og samkeppni á markaði, hér á landi heitir
viðkomandi stofnun því frumlega nafni Samkeppnisstofnun.
Peningar
Eins og áður hefur komið fram eru markaðsviðskipti byggð á því að
peningar eru notaðir sem gjaldmiðill, þ.e. annar aðili reiðir fram
einhverskonar peninga og fær í staðin vörur eða þjónustu. Þetta
gerir öll viðskipti manna á milli miklu auðveldara en ella væri,
seljandinn skiptir peningunum seinna í eitthvað sem hann þarf.
En peningar gegna í raun fleiri hlutverkum en því sem lýst var hér
að ofan. Í fyrsta lagi er hægt að reikna út verð hluta borið saman
við aðra hluti. Þannig geta menn ná einhverskonar samkomulagi
um það hversu mikils einhver hlutur sé virði. Peningar eru einnig
nokkurskonar geymslumiðill verðmæta. Segjum sem svo að ég hafi
ræktað 2 tonnum meira af korni en ég þarf til þess að fæða sjálfan
mig og mína yfir árið. Það að geyma þessi 2 tonn yfir á þar næsta
ár er varla í stöðunni, kornið verður orðið skemmt þegar á að gera
brauð úr því. Ég þarf því að geyma verðmætin sem ég skapaði en
losa mig við kornið sjálft. Lausnin er að sjálfsögðu fólgin í því að
selja kornið á markaði en geyma peninganna síðan á góðum stað
þar til ég þarf á þeim að halda.
Öll þessi hlutverk peninganna gera það að verkum að sumir hlutir
henta betur en aðrir til þess að verða notaðir sem peningar. Það
þarf til dæmis að vera erfitt að nálgast þá, annars missir fólk trúna
Rúnar H. Haraldsson – Inngangur að mannfræði: Þróun, menning og samfélag.
105
á að peningurinn sé raunverulega einhvers virði (lykilorðið hér er
trú), peningarnir missa verðgildi sitt og fyrirbæri sem nefnist
verðbólga fer af stað, menn þurfa að borga meira heldur en áður
fyrir hluti eða eins og hefur gerst í verstu tilfellum; fólk hættir að
taka við viðkomandi gjaldmiðli sem borgun. Þetta hefur gerst
alloft, frægasta dæmið er þýska markið rétt eftir fyrri heimsstyrjöld
en þar grófu stjórnvöld sjálf undan gjaldmiðlinum með óhóflegri
prentun peningaseðla.
Aðalatriðið í þessu sambandi er að það þarf að stjórna magni
þeirra peninga sem er í umferð hverju sinni. Oft hefur þetta verið
gert með því að nota sjaldgæfa hluti í peninga (mörg dæmi eru um
notkun sjaldgæfra skelja í þessum sama tilgangi, til dæmis frá
Trobriand eyjum í Nýju Gíneu, með notkun gulls víða um heim eða
sjaldgæfra steintegunda eins og demanta) eða með því að veita
einhverjum einum aðila einkarétt á því að gefa út og búa til
peninga. Í yfirgnæfandi fjölda tilfella eru þetta stjórnvöld eða
sérstök stofnun eins og seðlabanka, en sumstaðar staðar tíðkast að
einungis er hægt að kaupa tiltekna hluti með peningum
(Malinowsky, 1961).
Þau samfélög þar sem það tíðkast að hægt sé að kaupa nokkurn
vegin það sem hugurinn girnist fyrir peninga teljast vera með
víðtæka peninga. Takið eftir að þeir peningar sem eru notaðir
teljast til víðtækra peninga, en þeir eru þó ekki altækir, það er ekki
hægt að kaupa allt fyrir peninga hér á landi, alla vega ekki löglega;
til þess að komast að raun um þetta skulið þið til dæmis reyna að
setja fram tilboð í Þingvelli undir verksmiðjuhúsnæði og sjá hvernig
því yrði tekið.
Í sumum samfélögum er aðeins hægt að kaupa tiltekna hluti fyrir
peninga, en ekki aðra. Slíkir peningar nefnast takmarkaðir
peningar. Eitt frægasta dæmið um takmarkaða peninga er frá Tiv
fólkinu í Nígeríu sem lýst var af Paul Bonhannon. Lýsingin hér á
eftir er tekin úr bókinni „Mannkyn“ eftir þá Peoples og Bailey. Tiv
fólkið notast við peninga sem eru nokkurskonar málmstangir.
Málmstöngunum var þó ekki hægt að skipta fyrir hvað sem er
Rúnar H. Haraldsson – Inngangur að mannfræði: Þróun, menning og samfélag.
106
heldur einungis vissa hluti. Land var svo dæmi sem tekið með öllu
óseljanlegt. Vinnu manna var einnig ekki hægt að kaupa, ef
ættingjar hittust til að gera eittvað eða maður fékk vin sinn til
aðstoða sig við eitthvert viðvik var ekki hægt að greiða fyrir slíka
vinnu með peningum Tiv manna. Vinnu skiptist fólk á samkvæmt
lögmáli almennrar gagnkvæmni (að þegar ég geri einhverjum
greiða ætlast ég til að fá nokkurn vegin það sama á móti)
(Bonhannon, 1955).
Öðru en vinnu og landi var skipt niður í tvennt; annars vegar það
sem menn þyrftu sér til framfærslu, og hins vegar það sem færði
mönnum völd og virðingu.
Peningar virka að sjálfsögðu einungis á markaði. Þegar rætt er um
markaði þá er í raun verið að tala um tvo mismunandi hluti. Annars
vegar er átt við svokallað markaðslögmál (sem fólk um allan heim
greinir á um hvort sé raunverulegt lögmál eða ekki, það er
auðvitað spurning sem er stjórnmálalegs eðlis og því verður ekki
farið út í þá sálma í þessum kafla) og hinsvegar er átt
markaðshagkerfið sjálft (Bonhannon, 1955).
Markaðslögmál
Það sem menn eiga við með hugtakinu markaðslögmál er
einfaldlega það að menn skiptast á vörum og þjónustu á verði sem
ræðst af framboði og eftirspurn. Framboð merkir það hversu
auðveldlega kaupandi getur nálgast vöru. Eftirspurn vísar til þess
hversu margir eru viljugir til að kaupa tiltekna vöru. Ef mikið er
framleitt af einhverri tiltekinni vöru (og umfram það sem fólk er
viljugt til að kaupa) fellur verð hennar undir „eðlilegum“
kringumstæðum vegna þess að framboð er umfram eftirspurn.
Markaðskerfi
Hugtakið markaðshagkerfi er hins vegar miklu víðtækara. Það vísar
til eftirfarandi:
1. Nánast allar vörur og öll þjónusta (þar á meðal land) er hægt
að selja eða skipta fyrir peninga á einhverju tilteknu verði.
Rúnar H. Haraldsson – Inngangur að mannfræði: Þróun, menning og samfélag.
107
2. Flestir einstaklingar samfélagsins lifa á því að selja eitthvað,
vörur, þjónustu eða eigin vinnuafl, sem reyndar á við flesta,
því fæstir eiga land, hráefni eða auðmagn til að stunda beina
framleiðslu.
3. Hvað og hvernig eitthvað er framleitt stjórnast af
markaðnum, vegna þess að fjármagn, náttúruauðlindir og
vinnuafl er keypt og selt á markaði. Undir venjulegum
kringumstæðum leita þessir hlutir þangað sem þeir skila
mestum hagnaði.
4. Efnahagslífið stjórnar sér að mestu sjálft. Það merkir að
framboð og eftirspurn stjórna því hvernig vörur eru
framleiddar og þeirra er neytt, en ekki þriðji aðili eins og
ríkisvaldið eða einstaklingar. Þessi síðasti punktur er mjög
hugmyndafræðilegur og hefur alla tíð verið gagnrýndur
mjög. Ekkert hagkerfi í heimi stjórnar sér algjörlega sjálft, og
þessi hugmynd að markaðurinn eigi að geta stjórnað sér
sjálfur er því meira hugmynd sem gengur upp í fullkomnum
heimi, en varla í raunveruleikanum (Peoples & Bailey, 1988).
Ekki má gleyma því að markaðurinn er staður. Staður þar sem
seljendur og kaupendur hittast., og samskipti eiga sér stað,
samskipti sem lúta ýmiskonar reglum bæði skráðum og óskráðum.
Reglurnar eru auðvitað mismunandi eftir menningarsvæðum, og
verður ekki farið nánar út í þá sálma hér.
Sifjafræði
Hvarvetna í heiminum gera menn greinarmun á ættingjum sínum,
eða þeim sem teljast skyldir þeim og öðru fólki. Það að teljast vera
ættingi einhvers hefur í för með sér bæði boð og bönn fyrir
viðkomandi, þ.e. það er ætlast til af okkur að við sinnum
ættingjum okkar og það ríkir oftast einhverskonar samkomulag
(ýmist skráð eða óskráð) um að ættingjar hjálpist að í
lífsbaráttunni. Það að vera ættingi einhvers fylgja einnig ýmiskonar
bönn, það er nánast menningarlega algilt að nánir ættingjar mega
ekki giftast eða stunda kynlíf (þetta er kallað útvenslaregla eins og
vikið verður að síðar), en einnig þekkist að ættingjum séu meinuð
Rúnar H. Haraldsson – Inngangur að mannfræði: Þróun, menning og samfélag.
108
samskipti af ýmsu öðru tagi, eða jafnvel alveg meinað að hafa
samskipti sín á milli (slíkt er kallað avoidance relationship eða
forðunarsamband) (Peoples & Bailey, 1988).
Öll menningarsvæði sem mannfræðin kann að greina frá flokka
ættingja niður eftir kyni og aldri, og flest gera einnig greinarmun á
því hvernig tengslunum er háttað. Hvernig nákvæmlega þetta er
gert er mjög mismunandi eftir menningarsvæðum, það þekkist til
dæmis sums staðar að föðurbræður einstaklings séu einfaldlega
kallaðir „faðir“, en á Íslandi væri slíkt ekki tekið gilt, einungis sá
sem annað hvort gat barn eða ól það upp er faðir barns (í mjög
mörgum tilfellum sami maðurinn, en íslensk menning á einnig
sérheiti yfir þá menn sem einungis ala börn upp, sumsé
fósturfaðir/stjúpi, þótt ekki sé algilt nú til dags að það sé notað).
Hvernig tiltekin menning flokkar ættingja saman kallast sifjakerfi.
Síðar í þessum kafla komum við til með að skoða nokkur
mismunandi sifjakerfi, en þótt að fólk sýni mikla fjölbreytni í
hegðun almennt hafa mannfræðingar greint sifjakerfi mannkyns
niður í nokkrar tegundir sifjakerfa sem hafa sameiginleg einkenni.
Sifjar eru gríðarlega mikilvægt hugtak innan mannfræðinnar, og
engar ýkjur að segja hugtakið vera miðlægt í tilraunum
mannfræðinga til að reyna að öðlast skilning á óiðnvæddum
samfélögum. Til að bregða frekara ljósi á þessa fullyrðingu skilum
við bera saman hópamyndun í iðnvæddum samfélögum og
samfélögum sem ekki hafa nútímavæðst.
Einstaklingur í iðnvæddu samfélagi tilheyrir mörgum hópum sem
hafa mikil áhrif á líf hans. Hann tilheyrir til dæmis fjölskyldu, hópi á
vinnustað sínum, hópum mynduðum utan um áhugamál ýmiskonar
og ef til vill tilheyrir hann einnig einhverskonar trúarhópi. Með
öðrum orðum: hópamyndun í iðnvæddum samfélögum er dreifð.
Hóparnir hafa hver um sig takmarkað áhrifasvið (Giddens,
Sociology, 1989).
Í flestum óiðnvæddum samfélögum er þessu öfugt farið,
sifjahópurinn sem viðkomandi einstaklingur tilheyrir tekur að sér
Rúnar H. Haraldsson – Inngangur að mannfræði: Þróun, menning og samfélag.
109
hlutverk sem í iðnvæddu samfélagi myndi tilheyra mörgum
hópum. Trúarlíf samfélagsins er skipulagt í gegnum sifjahópa,
sifjahóparnir eru efnahagslegar einingar í gegnum eignarhald sitt á
landi eins og minnst var í kaflanum hér á undan, og þeir eru helstu
(og stundum einu) félagsmótunaraðilar samfélagsins. Sifjarnar eru
því grundvallarskipulag samfélagsins, og án skilnings á því væru
fræðimennirnir á flæðiskeri staddir.
Aðferðir við flokkun ættingja
Áður en hin mismunandi sifjaheitakerfi verða kynnt til sögunnar, er
rétt að skoða hinar mismunandi aðferðir sem fólk notar til að
flokka ættingja sína niður. Þessar mismunandi aðferðir
endurspeglast svo í sifjakerfunum sjálfum.
1. Umfang. Hvert og eitt okkar á hundruð fjarskyldra ættingja
sem við þekkjum ekki neitt. Það að við þekkjum þessa
einstaklinga ekki er ekki tilviljun, hvert menningarsvæði fyrir
sig dregur ákveðin mörk milli líffræðilega skyldra aðila sem
ákveða hverjir teljast ættingjar og hverjir ekki. Í hinum
hópadreifðu iðnvæddu samfélögum vesturlanda hefur
dregið mjög úr þeirri áherslu sem einstaklingar leggja á að
rækta ættingja sína, mörkin hafa skroppið umtalsvert
saman. Þannig er þessu ekki farið í mörgum óiðnvæddum
samfélögum þar sem menn geta rakið nákvæmlega hvernig
þeir eru skyldir fjarskyldum ættingjum, þetta endurspeglar
vel mikilvægi sifjahópanna milli þessara samfélagsgerða, á
vesturlöndum skipta sifjar miklu minna máli heldur en áður.
2. Hópaaðild. Einstaklingar eru meðlimir í sifjahópum vegna
þess að annað foreldri þeirra var eða er meðlimur í sama
hóp. Það gildir með öðrum orðum einhverskonar
inntökuregla inn í hópinn. Í sumum samfélögum verða
menn einungis meðlimir í sifjahóp annars foreldrisins en
ekki hins.
3. Umgengnisreglur. Eins og minnst var lítillega á hér á undan
er samband milli tveggja manna sem teljast ættingjar
sérstakt. Sérstakar reglur gilda um samskiptin en inntak
Rúnar H. Haraldsson – Inngangur að mannfræði: Þróun, menning og samfélag.
110
þessara reglna er mjög mismunandi eftir
menningarsvæðum.
4. Flokkun ættingja. Mjög mismunandi er hvernig fólk kýs að
flokka ættingja sína. Á Íslandi er álitið að systir móður barns
sé jafn skyld og systir föðurins. Á sumum
menningarsvæðum (við sjáum dæmi um þetta hér á eftir) er
álitið að móðursystir sé allt önnur tegund af ættingja heldur
en föðursystir, eða þá að önnur hvor frænkan teljist alls ekki
til skyldmenna barns. Þarna skiptir svokölluð
ættrakningarregla höfuðmáli. Hægt er að skipta
ættrakningarreglum í tvennt: Annars vegar er talað um
tvíhliða ættrakningarreglur, eða einhliða
ættrakningarreglur. Báðir þessir flokkar eiga sér síðan
undirflokka. Fyrst skulum við líta á tvíhliða
ættrakningarreglurnar, en þær geta verið af tvennu tagi: Í
fyrsta lagi er um ættrakningarreglu að ræða eins og við
þekkjum úr íslenskri menningu, þ.e. ekki er gerður
greinarmunur á ættingjum móður og föður. Í öðru lagi er
tvíræðna (ambilineal) ættrakningarreglu að ræða, þar sem
einstaklingur hefur í upphafi val um það hvort hann leggur
meiri áherslu á samskipti við föðurætt sína eða móðurætt.
Viðkomandi hlýtur síðan stuðning frá og að lokum erfir
eignir frá þeirri hlið sem hann hefur lagt áherslu á, en minna
og jafnvel ekki neitt frá þeirri ætt sem viðkomandi hefur
kosið að vanrækja. Hvað einhliða ættrakningarreglurnar
varðar þá tilheyra þeim flokki þrír undirflokkar. Í fyrsta lagi
ber að nefna ættrakningu í föðurætt (patrilineal decent).
Þegar þessháttar reglu er fylgt erfa börn ættingja sína sem
skyldir eru í beinan karllegg (sjá skýringarmynd). Í öðru lagi
er um ættrakningu í móðurætt að ræða, en þá erfa menn
eignir að aðgang að landi í gegnum kvenkyns ættingja sína.
Síðasta ættrakningarreglan í flokki einhliða
ættrakningarreglna er síðan svokölluð tvöföld ættrakning,
en þá hafa menn samskipti við ættingja sína í móðurætt
með einhvern tiltekin tilgang í huga, en svo samband við
Rúnar H. Haraldsson – Inngangur að mannfræði: Þróun, menning og samfélag.
111
ættingja sína í föðurætt með annan tilgang í huga, þannig
að ættrakningarkerfið verður í raun tvöfalt (Peoples &
Bailey, 1988).
Fræðimenn hafa í gegnum tíðina komið auga á og flokkað saman
fimm tegundir af sifjaheitakerfum. Kerfi þessi heita öll eftir þjóðum
sem lifðu á svæðum sem núna tilheyra Bandaríkjum Norður
Ameríku og er skýringin á nafngiftinni einfaldlega sú að
sifjaheitakerfinu var fyrst lýst meðal viðkomandi þjóðar.
Áður en kerfin eru kynnt til sögunnar sem slík er rétt að fara
nokkrum orðum um skýringarmyndirnar (sem eru samskonar og
voru notaðar hér áðan til að lýsa ættrakningu í móður eða
föðurætt). Táknin eru stöðluð innan mannfræðinnar. Ferhyrningur
merkir „ego“ eða einhvern einstakling sem unnið er útfrá. Hringur
er kona, þríhyrningur karl. Tengsl táknuð með línu undir
einstaklingum er hjónaband, tengsl táknuð með línu yfir
einstaklingum eru systkin. Þegar sama táknið er á tveimur
einstaklingum, merkir það að þeir bera sama sifjaheiti, alveg sama
þótt að um einstaklinga af mismunandi kynslóð sé um að ræða.
Kynslóðir eru eins og glöggir lesendur hafa vafalaust áttað sig á eru
táknaðar með því að raða einstaklingum í láréttar línur.
Hawaii sifjaheitakerfið.
Hawaii sifjaheitakerfið er ef til vill einfaldasta sifjaheitakerfið fyrir
utanaðkomandi að skilja. Það flokkar saman ættingja fyrst og
fremst eftir kyni og kynslóð. Þannig verða allir ættingjar ego af
sömu kynslóð og hann sjálfur bræður og systur, ættingjar af
kynslóðinni fyrir ofan móðir og faðir og þar fyrir ofan afi og amma.
Rúnar H. Haraldsson – Inngangur að mannfræði: Þróun, menning og samfélag.
112
Eskimo sifjaheitakerfið
Er okkur Íslendingum og flestum vesturlandabúum kunnuglegt; við
notum það nefnilega sjálf. Sifjaheitakerfið gerir greinarmun á
kynslóðum, kyni og þeirri fjarlægð sem er á milli ættingja, en það
gerir ekki greinarmun á því hvort að ættingjar eru skyldir í karl eða
kvenlegg.
Iroquios sifjaheitakerfið
Heitir efir indíánaþjóð sem áður bjó í New York fylki í
Bandaríkjunum (frá þeim er einnig komin hin fræga
móhíkanagreiðsla). Iroquios sifjaheitakerfið virðist flókið við fyrstu
sýn en þegar það er borið saman við Hawaii sifjaheitakerfið sést að
það er um margt líkt; afkomendur föðurbróður manns verða
bræður ego og systur, og sömuleiðis afkomendur móðursystra.
Afkomendur föðursystra heita aftur á móti öðrum sifjaheitum, og
einnig afkomendur móðurbræðra ego. Að sama skapi verður
föðurbróðir að föður, og móðursystir að móður. Systkin foreldra af
gagnstæðu kyni heita síðan öðrum sifjaheitum, svo og afkomendur
þeirra.
Rúnar H. Haraldsson – Inngangur að mannfræði: Þróun, menning og samfélag.
113
Omaha sifjaheitakerfið
Omaha sifjaheitakerfið virðist vera mjög flókið við fyrstu sýn, en
þegar nánar er skoðað sést að það er um sumt líkt Iroqois
sifjaheitakerfinu, þ.e. í tilfelli nánustu ættingja ego. Það skiptir hins
vegar máli hvort að fólk sé tengt ego í karl eða kvenlegg, í kvenlegg
skiptir kynslóð að einhverju leiti ekki máli, frænka í móðurætt sem
er dóttir móðurbróður er til dæmis kölluð sama sifjaheiti og
móðursystir ego.
Crow sifjaheitakerfið
Crow sifjaheitakerfið er fimmta og síðasta sifjaheitakerfið sem
fræðimenn hafa lýst. Við fyrstu sýn virðist það jafn óaðgengilegt og
Omaha sifjaheitakerfið, en Crow og Omaha kerfin eru að vissu leyti
spegilmynd hvort af öðru.
Rúnar H. Haraldsson – Inngangur að mannfræði: Þróun, menning og samfélag.
114
Eftir að hafa farið lauslega yfir sifjaheitakerfin og skoðað þau á
myndum stendur eftir sú spurning hvers vegna þau séu eins og þau
eru. Við því er auðvitað ekkert einhlítt svar að öðru leiti en það að
þau hafa mótast af þörfum þess samfélags sem notar þau. Í tilfelli
Eskimo og Hawaii sifjaheitakerfanna þá er það tilfellið að þau er
aðallega að finna í samfélögum sem notast við ættrakningarkerfi í
báðar áttir; ættrakningarreglan er tvíhliða. Þá liggur beinast við að
álykta réttilega að Iroqois, Omaha og Crow ættrakningarkerfin séu
mest notuð í þeim samfélögum þar sem einhliða ættrakningarregla
er við lýði. Omaha og Crow sifjaheitakerfin eru einskonar
spegilmyndir hvort af öðru, Omaha kerfið er í miklum fjölda tilfella
notað þar sem ættrakning er í karllegg, og Crow kerfið notað þegar
rakið er í kvenlegg. Þó er rétt að slá varnagla hér eins og oft áður
þegar verið er að fjalla um margbreytileika manna, það að Omaha
sifjaheitakerfið sé notað þegar um ættrakningu í karllegg er að
ræða er ekki fullkomlega einhlítt (Peoples & Bailey, 1988).
Ættrakningarhópar
Eins og áður hefur verið minnst á eru sifjar oftar en ekki
órjúfanlegur hluti af grundvallarskipulagi samfélagsins í
óiðnvæddum samfélögum. Gott dæmi um slíkt er skipting
samfélaga niður í ættarlínur, klön, bræðrabönd (phratry) og í
helminga (moiety).
Í þeim samfélögum sem stunda einhliða ættrakningu, þ.e. rekja
ættir annað hvort í karl- eða kvenlegg er ættarlínan mjög miðlæg í
eignarhaldi á landi og sem pólitísk eining. Ættarlínur eru einnig
nánast undanlaust eining sem stundar útvensl. Útvenslaregla
merkir einfaldlega það að þeir sem tilheyra einhverri einingu þurfa
að leita sér maka fyrir utan þá einingu. Andstæða útvenslareglunar
er svokölluð innvenslaregla og kallar á það að fólk leiti sér að maka
Rúnar H. Haraldsson – Inngangur að mannfræði: Þróun, menning og samfélag.
115
innan einhvers tiltekins hóps. Innvenslareglur geta verið af ýmsu
tagi og þær geta verið af ýmiskonar ástæðum, bæði
menningarlegum og trúarlegum (heittrúaðir einstaklingar finna sér
sjaldan maka sem tilheyra öðrum trúarbrögðum til dæmis).
Klön eru skipulagseining sem eru um margt sérstæð. Dæmigert
klan er samsett úr nokkrum ættarlínum, yfirleitt þrem til fjórum.
Yfirleitt líta meðlimir klansins svo á að þeir eigi sér einhvern
sameiginlegan forföður, þótt oft geti verið um goðsögulegan
forföður að ræða. Jafnvel þótt að um goðsögulegan forföður sé um
að ræða geta meðlimir klana oft rakið saman ættir sínar af
töluverðri nákvæmni. Klön geta verið pólitískar einingar. Þeim er
oftast stjórnað af einhverskonar höfðingja eða öldungaráði sem
tekur ákvarðanir sem varða hagsmuni meðlima hópsins og eru
andlit hans út á við. Rétt eins og ættarlínur er útvenslaregla í gildi
hvað varðar þá sem teljast til þess, fólk verður að finna sér maka af
öðru klani. Klön eiga sér einnig trúarlega eða andlega vídd, uppruni
klansins er oftar en ekki goðsögulegur eins og áður hefur verið
minnst á, og þau eru ennfremur oft tótemísk, það er þau eiga sér
eitthvert sértakt tákn sem um leið er verndardýr eða verndarandi
meðlima klansins og þeir teljast tengdir tóteminu sérstökum
böndum (sjá nánar í kaflanum um trúarbrögð) (Peoples & Bailey,
1988).
Bræðrabönd eða phratry samanstanda af tveimur klönum sem
tilheyra hvort öðru. Á meðan útvenslaregla gildir innan klanana,
gildir oftast innvenslaregla innan bræðrabandsins. Meðlimir annars
klansins í bræðrabandinu þurfa að leita sér að maka innan hins.
Þetta gerir auðvitað að verkum að bræðrabandið binst enn sterkari
böndum fyrir vikið og getur verið ansi öflug pólitísk eining þar
slíkar skipulagseiningar er að finna.
Helmingar eða moities eru skipulagseiningar þar sem mörgum
klönum er safnað saman, og samfélaginu þannig skipt í tvo
helminga. Rétt eins og með bræðrabönd var algengt að
útvenslaregla væri höfð í heiðri innan helmingsins en
innvenslaregla innan menningarsamfélagsins. Þetta merkir
Rúnar H. Haraldsson – Inngangur að mannfræði: Þróun, menning og samfélag.
116
auðvitað að tilvonandi makar þurfa að tilheyra hinum helmingnum
(Peoples & Bailey, 1988).
Pólitískt skipulag
Aðgangur að landi til nytja skiptir fólk gífurlega miklu máli eins og
ráða má af umfjöllun í þessari bók. Það er þess vegna vandfundið
það svæði á jörðinni sem ekki tilheyrir einhverju ríki.
Undantekningin er trúlega Suðurheimskautið, en þar hafa nokkur
ríki saman tekið að sér í umboði sameinuðu þjóðanna að vernda og
stunda rannsóknir á svæðinu. Síðan á 19. öld hafa flest nýtileg
svæði jarðarinnar tilheyrt skipulögðum ríkjum. Ríkið er auðvitað
miklu eldra fyrirbæri, en það náði ekki 100% útbreiðslu fyrr en þá.
Þó eru milljónir manna sem tilheyra því sem stjórnmálafræðingar
kalla pólitíska jaðarmenningu (Almond & Verba, 1963). Það sem
þeir eiga við með því er að ríkisvaldið snertir líf þessa fólks ekki
neitt og er trúlega ekki á skrá hjá opinberum aðila neins staðar.
Þar með er þó ekki hægt að halda því fram að fólkið taki ekki þátt í
neinni pólitískri starfsemi. Menn eru einfaldlega undir áhrifum frá
smærri pólitískum einingum heldur en hinu formlega ríkisvaldi.
Áður en við byrjum á því að fjalla um pólitískt skipulag er gott að
gera grein fyrir tveimur grunnhugtökum; annars vegar valdi og
hins vegar áhrifum. Formlegt vald byggist á því að einstaklingur
telji sig hafa rétt á því að segja fólki fyrir verkum og annað fólk
tekur það gott og gilt. Áhrif aftur á móti telst sá einstaklingur hafa
áhrif vegna þess að hann nýtur trausts í krafti orðspors án þess að
hafa formlegt vald.
Mannfræðingar hafa í gegnum tíðina borið kennsl á nokkrar
tegundir af pólitísku skipulagi. Það sem greinir á milli er stærð
eininganna og flækjustig. Einföldustu hóparnir eru kallaðir bönd
(sem geta verið bæði einföld og samsett), þar fyrir ofan höfum við
ættflokka (tribes), þá höfðingjadæmi (chiefdoms) og síðan ríki
(Peoples & Bailey, 1988).
Rúnar H. Haraldsson – Inngangur að mannfræði: Þróun, menning og samfélag.
117
Bönd
Einföldustu skipulagseiningar sem fyrirfinnast meðal fólks kallast
bönd. Eins og sagði hér á undan geta þau verið ýmis einföld eða
samsett. Bönd eru trúlega elstu skipulagseiningar mannkyns, enda
eru einföld bönd í rauninni það sem við myndum þekkja á Íslandi
sem stórfjölskylda. Slík bönd eru yfirleitt smá, og allir einstaklingar
þess skyldir, annað hvort í gegnum mægðir eða blóðbönd.
Ákvarðanataka í svona nátengdri og smárri einingu er yfirleitt ekki
flókin, yfirleitt koma allir að umræðunni bæði ungir og gamlir,
karlar og konur. Í þessu skipulagi eru því töluvert mikið jafnrétti.
Vegna þess hversu nátengdir einstaklingarnir eru yfirleitt, gildir
nánast undantekningalaust útvenslaregla í böndum sem þessum,
og vegna hennar neyðast böndin til að stofna til bandalaga við
nágranna sína í gegnum og vegna vensla (Peoples & Bailey, 1988).
Í dag fyrirfinnast einföld bönd einvörðungu á jaðarsvæðum
jarðarinnar, þ.e. á svæðum sem teljast of harðbýl til þess að stunda
ræktun eða annan búskap. Lífshættir fólks sem lifa við skipulag
bandsins enn þann dag í dag markast því af veiðum og söfnun (sem
er fjallað um annars staðar í þessu riti). Fólk í einföldum böndum
veiðir aðallega smágerða bráð eða bráð sem safnast ekki saman í
stórar hjarðir, enda hentar skipulagið best þegar nokkrir karlmenn
veiða saman bráð í umhverfi sem þeir þekkja vel, bæði hættur og
breytingar eftir árstíðum.
Stærri bönd, eða samsett bönd telja yfirleitt nokkuð fleiri
einstaklinga. Þar getur talan hlaupið á nokkrum hundruðum
manna. Þó að samsett bönd eigi það sameiginleg með einfaldari
böndum að þar eru ekki formlegir leiðtogar, þá fyrirfinnast í
böndum af þessari stærð stórir menn (big men). Stórir menn hafa
ekki formlegt vald en þeir hafa áhrif. Val á stórum mönnum fer
yfirleitt ekki eftir neinu sérstöku ferli, menn kunna að hafa
nokkurskonar náðargáfu í samskiptum, viðkomandi kann að hafa
orðspor á sér fyrir samskipti við hið yfirnáttúrulega eða unnið
eitthvað sérstakt afrek (Peoples & Bailey, 1988).
Rúnar H. Haraldsson – Inngangur að mannfræði: Þróun, menning og samfélag.
118
Líkt og einfaldari bönd eru samsett bönd oftast á faraldsfæti innan
vel afmarkaðs svæðis. Samsett bönd eru yfirleitt til komin vegna
þess að menn eru að eltast við eitthvert veiðidýr sem safnast
saman í stórar hjarðir á ákveðnum tímum árs, og menn vilja nýta
tækifærið sem þá gefst til þess að slátra miklum fjölda dýra í einu
til að nýta afganginn úr árinu.
Samsett bönd eru yfirleitt ekki mjög stöðugar einingar, fólki bæði
fjölskyldum og minni böndum er frjálst að kljúfa sig frá bandinu,
stofna nýtt eða ganga í önnur bönd. Deilumál höfðu einatt einmitt
þessar afleiðingar.
Sem dæmi um pólitískt skipulag bands ætla ég að taka Comanche
fólkið sem bjó á sunnanverðum sléttunum miklu í Bandaríkjunum.
Comanche fólkið skipulagði sig í samsettum böndum og lífshættir
þeirra einkenndust af hrossarækt og veiðum á vísundum.
Stjórnskipulega voru þeir sjálfstæðir þangað til 1875 (þegar
stríðinu um Rauðá lauk). Á nítjándu öld er talið að þeir hafi verið
um sex til sjö þúsund, í á milli fimm til sextán böndum. Talan er
nokkuð á huldu, vegna þess að fólki var frjálst að flytja sig á milli
banda eins og því sýndist. Þrátt fyrir þetta var mikil samstaða
meðal þjóðarinnar, fólk hafði mikla tilfinningu fyrir því að tilheyra
þjóð Comanche fólksins, böndin sýndu mikla stillingu gagnvart
öðrum Comanche böndum í nágreninu, en herjuðu oft á aðra
nágranna sína (Hoebel, 1940).
Leiðtogi bandsins var nokkurs konar „stór maður“, en í tilfelli
Comanche fólksins nefndust slíkir menn friðarhöfðingjar (peace
chief). Aðspurðir um það hvernig friðarhöfðingjar öðluðust
embætti sín ypptu menn gjarnan öxlum og sögðu að viðkomandi
„hefði bara orðið þannig“. Hitt er svo annað mál að
friðarhöfðingjar höfðu gjarnan á sér orð fyrir visku og góðsemi.
Árásargjarnir menn og menn með mikla metorðagirnd áttu þess
ekki kost að verða friðarhöfðingjar (menn þurftu samt sem áður að
sanna sig í stríði og við veiðar en það var annað mál). Á áhrifasviði
friðarhöfðingjans voru mál eins og almenn velferð bandsins,
Rúnar H. Haraldsson – Inngangur að mannfræði: Þróun, menning og samfélag.
119
skipulag veiða, að setja niður deilur og svo framvegis.
Friðarhöfðingjar skipuðu ekki fyrir, þeir náðu sameignlegri
niðurstöðu með því að tala menn til svo fólk væri sammála
(Hoebel, 1940).
Stríð aftur á móti var undir áhrifasviði stríðshöfðingjanna (war
chief), þeir söfnuðu gjarnan liði til að gera árásir á nágranna (og
landnema eftir að þeir komu til sögunnar) og höfðu orð á sér fyrir
að vera miskunnarlausir stríðsmenn. Slíkir menn höfðu lítil sem
engin áhrif á friðartímum (Hoebel, 1940).
Ættflokkar
Ættflokkar (tribes) eru einu skrefi fyrir ofan bönd hvað flækjustig
varðar. Ættflokkasamfélög eru einatt byggð á grundvelli tiltölulega
mikils jöfnuðar í samfélaginu, en hafa þó formlega skipulögð
embætti með tiltölulega vel afmörkuð valdsvið. Rétt er þó að taka
fram að samfélög með ættbálkaskipulagi eru frekar ólík innbyrðis,
þannig að rétt er að stíga varlega til jarðar í fullyrðingum.
Til að bregða nánara ljósi á skipulag ættbálks er rétt að skoða
ethnografískt dæmi. Osage fólkið sem átti lengi veiðilendur í
Missouri ríki í bandaríkjunum er ágætis dæmi um fólk sem lifði
samkvæmt ættbálkaskipulaginu.
Lífshættir Osage fólksins mörkuðust af því að þeir stunduðu bæði
veiðar og garðrækt. Osage fólkið bjó í fimm þorpum, og átti hvert
þorp sínar veiðilendur og sína garða. Pólitískt skipulag Osage
manna var með þeim hætti að ábyrgð á innri málefnum og málum
sem snéru að ytri þáttum eins og samningum og stríði var skipt
niður í tvo aðskilda þætti (Bailey, 1973).
Innri mál hvers þorps fyrir sig voru á ábyrgð tveggja höfðingja, sem
hvort fyrir sig þáði vald sitt frá sifjahóp. Osage menn skiptust niður
í tuttugu og fjögur klön sem ráku ættir sínar einhliða í karllegg (þeir
voru með öðrum orðum patrilineal). Þeir höfðu einnig
helmingaskipti á samfélaginu, níu klön töldust tilheyra himin-
helmingnum (helmingur er eins og kom fram í kaflanum hér undan
þýðing á hugtakinu moiety) og fimmtán klön töldust tilheyra
Rúnar H. Haraldsson – Inngangur að mannfræði: Þróun, menning og samfélag.
120
jarðar-helmingnum. Hvor helmingur skipaði sinn höfðingjann, sem
valdi sér fimm „hermenn“ sem meðstjórnendur. Þorpum Osage
manna var tvískipt með götu, einskonar aðalstræti sem lá þvert í
gegnum þorpið frá austri til vesturs. Fólk sem tilherði einhverju
klani sem var hluti af himin-helmingnum bjó sunnan megin við
aðalstrætið, en þeir sem tilheyrðu jarðar-helmingnum bjuggu
norðanmegin við (Bailey, 1973).
Hvor höfðingi fyrir sig var ábyrgur fyrir innri málum ættbálksins í
sínu þorpi. Þeir höfðu það hlutverk að jafna deilur innan þorpsins,
auk þess sem munaðarlaus börn og ekkjur voru á þeirra framfæri,
veiðar í þá daga voru hættuleg iðja, veiðimenn voru í sífelldri
hættu með að verða fyrir árásum hrossaþjófa af öðrum
ættbálkum, og oftar en ekki var fórnarlambið drepið í árásinni.
Veiðar voru einnig á ábyrgð þeirra, en þeirri ábyrgð skiptu þeir
með sér, ef jarðar höfðinginn hafði skipulagt síðustu veiðar var
röðin komin að himin höfðingjanum.
Ábyrgð á hinum ytri málefnum ættbálksins bæði hvað varðar
annað fólk og hið yfirnáttúrulega var í höndum manna sem höfðu
hlotið sérstaka þjálfun í umgengni við hið yfirnáttúrulega, þ.e. þeir
kunnu hinar leynilegu bænir og helgisiði sem voru leyndarmál
hvers klans fyrir sig. Þessir menn kölluðust non-hon-zhin-ga eða
litlu stóru mennirnir (little big men). Það tók menn mörg ár að
verða fullnuma í þessum helgiathöfnum, menn voru orðnir gamlir
þegar vígslu þeirra var loks lokið (Bailey, 1973).
Hvert af þorpunum fimm hafði nokkra litla stóra menn úr hverju
klani búsetta á staðnum. Saman mynduðu allir litlu stóru mennirnir
í hverju þorpi öldungaráð þorpsins. Það var á þeirra ábyrgð að
framkvæma þær helgiathafnir sem þurfti en að auki sáu þeir um
allar ákvarðanir í sambandi við stríðsrekstur, vegna þess að fyrir
Osage mönnum var stríð og ákveðnar helgiathafnir tengt sterkum
böndum. Einungis Litlu stóru mennirnir kunnu þessar athafnir,
þannig að þeir voru þeir einu sem máttu lýsa yfir stríði.
Rúnar H. Haraldsson – Inngangur að mannfræði: Þróun, menning og samfélag.
121
Framkvæmdin sjálf, þátttaka í árásum og skipulag því tengt var í
höndum átta „hershöfðingja“ sem litlu stóru mennirnir skipuðu.
Hvar sem hópur lítilla stórra manna kom saman, og viðstaddir voru
litlir stórir menn úr hverju einasta af hinum tuttugu og fjórum
klönum ættflokksins litu Osage menn svo á að allur ættflokkurinn
væri saman komin. Ákvarðanir teknar á slíkum fundum, til dæmis
varðandi stríð, voru því bindandi fyrir alla Osage menn (Bailey,
1973).
Á þessu sést styrkur klansins sem einingar, tryggð manna liggur í
gegnum klanið, en ekki sjálfan ættflokkinn og hafi klanið sem slíkt
ákveðið eitthvað bar mönnum að fylgja því eftir.
Höfðingjadæmi
Líkt og í dæminu hér á undan þá teigðu höfðingjadæmi sig oftar en
ekki yfir fleiri en eitt þorp. Formleg höfðingjadæmi eru þó ólík
ættbálkaskipulaginu að mörgu leyti. Mikilvægasti munurinn liggur
þó trúlega í því að í höfðingjadæmum stjórna menn með tilstuðlan
formlegs valds, en ekki með áhrifum eins og gerðist oft meðal
þeirra sem lifðu í ættbálkaskipulagi og var reglan meðal þeirra sem
lifa saman í böndum.
Ólíkt ættbálkaskipulaginu sem sagt var frá hér á undan þar sem
menn tískiptu valdinu í hið jarðneska vald til að setja mönnum
reglur og jafna deilur og í hið guðlega vald sem hefur sambandi við
guði og anda þá er í höfðingjadæmum fyrirkomulag sem byggir á
því að allt vald er samankomið í einum og sama einstaklingnum
(Peoples & Bailey, 1988).
Fyrirkomulagið byggir á því að staða manna erfist í beinan legg
(ýmist í gegnum karla eða konur eins og við höfum farið í áður), og
vegna þess hversu formlegt valdið er þá gilda um það skýrar reglur,
svona yfirleitt, hvernig staðan færist á milli kynslóða.
Almennt séð eru einingar sem búa við höfðingjadæmi lagskiptar
samkvæmt einhverskonar erfðastéttakerfi (en misjafnt er hvernig
það er útfært). Það merkir í raun að fólk fæðist inn í tilteknar
Rúnar H. Haraldsson – Inngangur að mannfræði: Þróun, menning og samfélag.
122
stöður og á litla möguleika á að breyta þeirri stöðu. Jöfnuður er því
miklu minni innan höfðingjadæma en í skipulagi ættflokkanna eða
bandanna (Peoples & Bailey, 1988).
Algengt er að Höfðingjar stundi einhverskonar endurdreifingu
meðal þegna sinna í tengslum við hátíðir, þótt að jafnvel meirihluti
þeirra skatta og gjafa sem höfðingjanum hafa verið gefnar á árinu
fari til hans sjálfs og embættismanna hans, þá fer töluvert að auði
hans á hverjum tíma til almennings annað hvort sem ölmusa til
fátækra eða sem hluti af hátíðahöldum af ýmsu tagi.
Höfðingjadæmi voru útbreidd í Evrópu á forsögulegum tímum og
nokkuð er um heimildir frá Rómverjum til dæmis um skipulag
þessara höfðingjadæma. Sum ríki hafa einnig staðið á þröskuldi
þess að vera skipulögð ríki og höfðingjadæmi bæði í fornöld og svo
nær okkur í tíma. Egyptar hinir fornu dýrkuðu til dæmis konunga
sína, töldu þá vera einskonar lifandi guði, nokkuð sem
mannfræðingar hafa orðið vitni að í Eyjaálfu, Tahíti til dæmis.
Útbreiðsla höfðingjadæma er í raun um alla jörð. Mannfræðingar
hafa rannsakað höfðingjadæmi í Eyjaálfu, Norður og Suður
Ameríku auk Afríku (Peoples & Bailey, 1988).
Ríki
Ríki eru síðasta pólitíska skipulagið sem verður fjallað um hér. Ríki
líkjast að nokkru höfðingjadæmum; þau byggja einnig á formlegu
valdi. Það sem greinir þau að er aðallega flækjustigið.
Höfðingjadæmi eru lagskipt eins og áður hefur komið fram. Ríki
eru það einnig. Mörg nútímaríki eins og Ísland til dæmis hafa
mikinn félagslegan hreyfanleika. Fólk er ekki dæmt til að sitja kyrrt
á sama staðnum alla ævi, félagslega séð, það færist bæði upp og
niður eins og gengur. Sum ríki aftur á móti, eins og hefur lengi
þekkst á Indlandi, búa við kerfi erfðastétta, og reyndar er það svo
að hugtakið kemur þaðan.
En hvort sem menn búa við félagslegan hreyfanleika eða ekki, það
hafa flest höfðingjadæmi skipulagið frekar einfalt, þau hafa
Rúnar H. Haraldsson – Inngangur að mannfræði: Þróun, menning og samfélag.
123
einhverskonar elítu (eða yfirstétt) og svo alla aðra. Ríki aftur á móti
hafa elítu, skrifræðisvald og svo alla hina (Peoples & Bailey, 1988).
Mjög misjafnt er hvernig yfirstéttin réttlætir völd sín, sums staðar
eins og þekktist í Egyptalandi hinu forna og í hinum gömlu ríkjum
Azteka og Inka réð yfirstéttin í krafti guðlegs valds. Konungar í
Evrópu, sérstaklega á miðöldum vísuðu einnig til þessa. Annars
staðar, og yfirleitt nær okkur í tíma hafa menn vísað til fólksins
sjálfs sem valdauppsprettu ríkisins.
Hvernig svo sem því er háttað býr fólk sem lifir í ríkjum yfirleitt við
minnstan jöfnuð allra, sumir eru bláfátækir, aðrir ríkir.
Annað einkenni ríkja sem minnst hefur verið á hér að ofan er ekki
síður merkilegt. Með skrifræði deilir sá sem hefur valdið formlega
því niður til aðila sem starfa í umboði þess. Þetta hefur
margháttaðar afleiðingar. Í fyrsta lagi gefur þetta ríkinu tækifæri til
þess að teygja sig inn á miklu fleiri svið mannlegrar tilveru heldur
en áður, höfðinginn er aðeins einn maður, en þjónar ríkisins eru
her manna (Peoples & Bailey, 1988).
Skrifræðið gefur ríkinu einnig tækifæri til að teygja anga sína yfir
miklu stærra svæði en áður, leiðtoginn sendir einfaldlega menn út
af örkinni með skilaboð til embættismanna á staðnum um hvað
eigi að gera. Með aukinni landfræðilegri útbreiðslu ríkisins fjölgar
einnig þegnum þess og pólitískum styrk þess miðað við nágranna
þess. Þessi staðreynd hefur hvatt margan konunginn og aðra
leiðtoga til þess að stunda svokölluð landvinningastríð, nokkuð
sem fyrstu sögur fara af á fornöld allt fram á okkar daga (Peoples &
Bailey, 1988).
Rúnar H. Haraldsson – Inngangur að mannfræði: Þróun, menning og samfélag.
124
Verkefni úr kafla 6
Svaraðu eftirfarandi spurningum:
Hvað eru viðskipti?
Skýrðu út hinar ýmsu tegundir gangkvæmni.
Hvað eru markaðir?
Hvað eru peningar og hvaða hlutverki gegna þeir?
Hvaða tegundir af peningum hafa mannfræðingar skilgreint?
Hvað vísar hugtakið markaðskerfi til?
Hvernig flokka menn ættingja sína?
Hvaða ættrakningakerfi nota Íslendingar?
Hvað eru bönd?
Hvað eru ættflokkar?
Hvaða hlutverki gegna litlir stórir menn í samfélagi Osage manna?
Hvernig eru höfðingjadæmi yfirleitt skipulögð?
Hvað eru ríki?
Rúnar H. Haraldsson – Inngangur að mannfræði: Þróun, menning og samfélag.
125
7. Trú og trúarbrögð
Hvað er trú?
Það er erfitt að skilgreina nákvæmlega hvað trú er, vegna þess
hversu gífurlega fjölbreytt og flókin trúarbrögð mannkyns eru.
Vegna þess hversu stórt hlutverk trúarbrögðin leika jafnt opinberu
sem einkalífi milljarða manna um allan heim hafa mannfræðingar
skrifað mikið um trú og trúarbrögð. Einna fyrstur til að skilgreina
trúarbrögð var E.B. Tylor, einn af frumkvöðlum mannfræðinnar í
Bretlandi. Hann skilgreindi trú sem „Trú á yfirnáttúrulegar verur“
(Taylor, 1865). Hann fer kannski nokkuð nærri í skilgreiningu sinni,
en það fyrirfinnast trúarbrögð þar sem guðshugmyndin er ekki
miðlæg í trúnni (til dæmis Búddatrú) auk þess sem skilgreiningin
nær alls ekki utan um þann fjölbreytileika sem fyrirfinnst í
trúarbrögðum mannkyns.
Vænlegra er að skilgreina og fjalla um trúarbrögð útfrá þeim
þáttum sem einkenna þau; þ.e. Trú á yfirnáttúrulega krafta eða
verur, goðsagnir og helgiathafnir (Peoples & Bailey, 1988).
Trú á yfirnáttúrulega krafta eða verur
Þegar rætt er um yfirnáttúrulega krafta þá er verið að tala um
einhverskonar kraft sem ekki er af náttúrulegum eða jarðneskum
toga. Kraftar þessi geta í huga fólks verið skýringin á ýmsum
atburðum sem erfitt er annars að finna skýringar á. Við skulum
skoða lítið dæmi. Í eyjaálfu er mjög útbreidd trú á yfirnáttúrulegan
kraft sem innfæddir nefna mana. Mana finnur sér bólstað á
ólíklegustu stöðum, í fólki, hlutum eða dýrum. Mana gefur þeim
hlut eða lifandi veru kraft umfram aðrar verur. Þarna er komin
skýring á því hves vegna sumir menn ná meiri árangri í því sem þeir
gera heldur en aðrir og þarna er einnig komin skýring á því hvers
vegna sumir garðar gefa meiri uppskeru heldur en garðurinn við
hliðina; þeir hafa einfaldlega meira mana.
Mana er því yfirnáttúrulegur kraftur sem menn geta haft, en
guðirnir geta einnig svipt menn þessum krafti ef þeir lifa ekki
samkvæmt þeim siðaboðum sem þeir er uppálagt að fylgja.
Rúnar H. Haraldsson – Inngangur að mannfræði: Þróun, menning og samfélag.
126
Eyjaálfumenn trúa einnig á nokkuð dæmigerða guði, eða
yfirnáttúrulegar verur. Yfirnáttúrulegar verur eru yfirleitt taldar
annað hvort hafa eitthvert líkamlegt form eða geta líkamnast í
eitthvað slíkt (að líkamnast merkir að vera getur umbreytt sér í
líkamlegt form). Þær geta átt samskipti við menn með einhverjum
hætti og menn geta sagt til um nokkurri vissu hvernig þessar verur
bregðast við gjörðum manna (Malinowsky, 1961). Verur eru einnig
taldar vera ýmist vinveittar eða óvinveittar fólki svona almennt og
það gefur auga leið að það er verra að eiga við óvinveittar verur;
þær gera meiri kröfur.
Uppruni veranna getur verið mismunandi rétt eins og eðli þeirra.
Sumar þessara vera eiga sér mennskan uppruna, andar
forferðanna eru þar ef til vill skýrasta dæmið, en einnig geta sálir
manna umbreyst eftir líkamsdauðann og öðlast einhverskonar
guðlegan mátt. Dæmi eru til að sumir menn hafi verið taldir
guðlegir í lifanda lífi og dýrkaðir sem slíkir; nærtækast er að líta til
faraóa Forn-Egypta sem dæmi.
Sumar guðlegar verur eiga sér þó ekki mennskan uppruna, eru
taldar hafa verið til löngu áður en menn komu til sögunnar, eða að
mennirnir eru á einhvern hátt komnir til vegna tilvistar þessara
guðlegu vera. Slíkt er hluti af heimsmynd viðkomandi
menningarsvæðis eins og minnst var á í kafla 2, og eru almennt
kallað upprunasaga, eða sagan af því hvernig mannkynið varð til
(Peoples & Bailey, 1988).
Til umhugsunar: Hver er upprunasaga Gyðingdóms, Kristni og
Íslam?
Goðsagnir
Goðsagnir eru sögur af guðum, guðlegum kröftum, hetjum og
skúrkum. Venjulega er sögusvið þeirra fjarlæg fortíð. Þær segja frá
því hvernig heimurinn var skapaður (upprunasögur eru því
goðsögur), hvernig menn komust yfir einhverja þekkingu, hvernig
siðir og helgidagar manna eru til komnir o.s.frv. Mjög algengt er að
goðsögur skýri hvernig það kom til að tilekinn flokkur manna býr á
Rúnar H. Haraldsson – Inngangur að mannfræði: Þróun, menning og samfélag.
127
eða hefur eignarhald á landi. Getur verið að hægt sé að rannsaka
íslendingasögurnar sem goðsagnir frekar en sannleika?
Hvað sem er satt og rétt í því máli þá eru goðsagnir ýmist skrifaðar
eða í munnlegri geymd. Goðsögur okkar samfélags, allavega þessar
opinberu, eru vandlega skrifaðar niður, og á það jafnt við
biblíusögurnar og íslendingasögurnar.
Víða eru goðsögur samfélaga þó enn í munnlegri geymd, eldra fólk
segir sögurnar þegar næði gefst, goðsögurnar eru sungnar á
meðan fólk vinnur, og þær eru endursagðar við ýmis opinber
tækifæri, til dæmis trúarathafnir (þetta á reyndar einnig við um
Vesturlönd).
Goðsagnir eru nátengdar heimsmynd viðkomandi samfélags, þær
skýra út samband einstaklings og umhverfis og hver þáttur manna
er í náttúrunni. Hvers vegna trúðu íslendingar til dæmis á og sögðu
sagnir af ýmsum vættum í náttúrunni? Getur verið eitthvað hæft í
þeirri skýringu sem haldið hefur verið fram að vegna þess að
landar okkar fyrr á öldum hafi þurft að sækja sér lífsbjörg í óblíða
náttúru að sögur hafi verið spunnar upp til að vara menn við
hættulegum stöðum og aðstæðum? Hvað með söguna af því þegar
Drangey var vígð í því sambandi?
Mannfræðingar hafa lengi haft áhuga á goðsögnum. Goðsögurnar
segja fræðimönnum mjög mikið um það hvernig sambandi manns
og umhverfis er háttað og hvaða hlutverki trúarbrögðin gegna í lífi
fólks. Í því sambandi er rétt að geta þess að nú til dags, í flóknum
samfélögum nútíma vesturlandabúa ganga goðsagnir ljósum logum
milli fólks rétt eins og milli manna á sléttum Afríku. Sögur þessar
eru einnig nefndar flökkusögur; þær hafa allar einhverskonar
siðaboðskap og með því að greina þær segja þær okkur mikið um
samskipti manna í nútímanum, um samband manns og umhverfis
og þær hættur sem sögusmiðir telja að stafi að fólki í nútímanum
(Pálsdóttir, 2001). Hafir þú áhuga á kynna þér þetta frekar er vert
að geta þess að það kom nýlega út bók sem ber heitið „Kötturinn í
örbylgjuofninum“ eftir Rakel Pálsdóttur þjóðfræðing.
Rúnar H. Haraldsson – Inngangur að mannfræði: Þróun, menning og samfélag.
128
Til athugnar: skoðaðu söguna af því þegar Drangey var vígð með
tilliti til þeirrar kenningar sem reifuð var hér á undan.
Helgiathafnir (Ritúöl)
Þriðja og síðasta atriðið sem mannfræðingar telja að einkenni
trúarbrögð eru helgiathafnir. Helgiathöfnum er ætlað að hafa áhrif
á hin yfirnáttúrulegu öfl, eða koma guðlegum verum í skilning um
að mennirnir hafi þær í heiðri og fylgi þeim siðaboðum sem þeim
er ætlað að fylgja.
Helgiathöfnum er einnig ætlað að friða guðina eða hin
yfirnáttúrulegu öfl þegar eitthvað hefur bjátað á. Einnig þekkist að
menn biðji sér almennrar blessunar, biðji um aðstoð við ýmiskonar
verkefni eða í erfiðleikum og síðast en ekki síst; að menn biðji
óvinum sínum bölvunar (Peoples & Bailey, 1988).
Helgiathafnir eru mjög svo táknrænar athafnir. Í fyrsta lagi eiga
þær sér yfirleitt stað á sérstökum stöðum sem eiga sér táknræna
skírskotun með tilliti til ýmist sögu staðarins eða hann hefur verið
helgaður þessum sértaka tilgangi. Sem dæmi um þetta má nefna
gamla kirkjustaði á Íslandi, þar sem helgi og saga staðarins magna
upp athöfnina sem fram fer.
Í helgiathöfnum sínum notast menn oft við einhverskonar gripi
sem hafa táknræna merkingu um það sem fram fer.
Giftingarhringar eins og tíðkast á Íslandi og víðar eru dæmigerðir
sem tákn fyrir hjónabandið og giftingarathöfnina sem slíka (þeir
eru reyndar mjög hlaðnir táknrænum vísunum). Aðrir táknrænir
hlutir sem lesendur þessarar bókar ættu að kannast við úr sínu
umhverfi eru til dæmis krossar, altari hempa presta o.sv.frv.
Þessir táknrænu hlutir og staðir sem nefndir hafa verið hér að ofan
tengjast einnig því atferli sem á sér stað innan athafnarinnar. Það
sem sagt er og gert hefur einnig táknræna skírskotun sem yfirleitt
gegnir því hlutverki að veita mönnum hlutdeild í hinu guðlega eða
yfirnáttúrulega. Það að ganga til altaris er táknræn athöfn þar sem
menn neyta blóðs og holds Krists á táknrænan hátt. Það að
innbyrða hluti eða líkamsparta er ævagömul aðferð við að öðlast
Rúnar H. Haraldsson – Inngangur að mannfræði: Þróun, menning og samfélag.
129
hlutdeild í guðdómi eða að tileinka sér kraft þess sem neytt er.
Helgiathafnir gefa eru því hluti af því ferli innan menningarinnar
sem miðar að því að ljá veröldinni merkingu (Geertz, 1973).
Mannfræðingar hafa löngum skipað helgiathöfnum í flokka eftir
tveimur „víddum“ ef svo má segja. Annarsvegar eru athafnirnar
flokkaðar eftir tilgangi sínum; við höfum athafnir sem er ætlað að
nálgast upplýsingar sem ekki er hægt að nálgast með öðrum
leiðum, til dæmis fréttir úr andaheimum (divination), það eru
haldnar helgiathafnir í lækningaskyni, það eru færðar fórnir, menn
stunda galdra af ýmsu tagi (um það verður fjallað síðar í þessum
kafla), það eru haldnar athafnir sem er ætlað að endurnýja
veröldina og auka frjómagn jarðar, það eru haldnar athafnir til að
breyta pilti í fullorðin mann og stúlku í konu, fólk er gefið saman,
það eru haldnar athafnir sem er ætlað að frelsa sál látins manns frá
líkamanum þannig að hann geti ferðast til andaheima. Svona má
lengi telja. Dettur þér eitthvað fleira í hug kæri lesandi?
Seinni „víddin“ sem mannfræðingar flokka athafnir eftir hefur með
tímasetningar þeirra að gera. Annarsvegar höfum við athafnir sem
hafa sinn fasta tíma á dagatalinu. Þar má nefna þessa dæmigerðu
hluti eins og Jól, Páska, Ramadan (föstumánuður múslima) og
Saraswati Puja (trúarhátíð Hindúa þar sem Saraswati, gyðju dans,
tónlistar og þekkingar er tignuð). Mannfræðin kallar þessar
athafnir einfaldlega dagatalsathafnir (Peoples & Bailey, 1988).
Líf manna er og hefur alltaf verið ófyrirsjáanlegt. Þess vegna koma
fyrir okkur öll atburðir sem eru dramatískir og jafnvel hræðilegir. Á
stundum sem þessum grípa menn til trúar sinnar, og haldnar eru
athafnir til að sefa og veita aðstoð eða að hugga þá sem eftir lifa
og veita sálum hinna látnu frið. Jarðarfarir (funeral rites) eru
dæmigerðar fyrir þennan flokk, en það eru lækningaathafnir og
særingar einnig. Mannfræðin nefnir þennan flokk athafna
einfaldlega krísuathafnir.
Til athugunar: Hvers vegna er svo vinsælt að gifta sig á Þingvöllum?
Rúnar H. Haraldsson – Inngangur að mannfræði: Þróun, menning og samfélag.
130
Öll samfélög eiga sér trúarbrögð
Það er ekki margt sem öll samfélög í heiminum eiga sér
sameiginlegt, undantekningarlaust. Trú og trúarbrögð eru eitt af
þessum örfáu atriðum (hin atriðin eru innvensla og útvenslareglur
og að í öllum mannlegum samfélögum eru stundaðar lækningar).
Trúarbrögðin ná því þess vegna að vera það sem kallað er á máli
mannfræðinnar altækt menningarfyrirbæri (cultural universal)
(Peoples & Bailey, 1988).
Þrátt fyrir það að allir menn séu aldir upp við einhverskonar
trúarbrögð þá eru mörg trúarbragða mannkyns (kannski öll) hálf
ólíkindaleg í augum þess sem ekki trúir, og næsta víst að þeim sem
trúa myndi ganga illa að leggja fyrir sannanir um sannleiksgildi
goðsagna þeirra sem hann trúir á eða sýna fram á gagnsemi
helgiathafna gagnvart þeim sem ekki trúa (hér er átt við sannanir í
vísindalegum prófanlegum skilningi).
En hvers vegna trúa menn? Það er út í hött að skýra trúarbrögð
með þeim hætti að vesalings ómenntaða fólkið bara viti ekki betur.
Fyrir utan það að slíkur hugsanagangur sé augljóst dæmi um mjög
þjóðhverfan (og ef til vill sjálfhverfan einnig) hugsanagang, námum
við ekki að skýra fyrirbærið trú á neinn hátt með slíkum hætti. Það
sem fræðimenn þurfa að spyrja sig að hvaða hlutverki trúin gegni í
lífi þeirra einstaklinga sem hana stunda, og hvaða samfélagslegu
þættir spili þar inn í (Peoples & Bailey, 1988).
Þar með erum við komin að þeim kenningum sem mannfræðingar
hafa smíðað sér um trúarbrögðin og hvaða skýringar þeir hafa á
gagnsemi trúarbragðanna fyrir einstaklinganna og samfélagið í
heild sinni. Við byrjum á að skoða trúarbrögðin úfrá
einstaklingnum, en færumst svo nær því sem mætti kalla
félagslegar og efnislegar skýringar.
Hugrænar skýringar
Með hugrænum skýringum er átt við að menn reyni að skýra
heiminn og hvernig hann virkar með tilvísun í einhverskonar
(trúarleg) rök. Með þessum hætti nái menn að skýra hluti og
Rúnar H. Haraldsson – Inngangur að mannfræði: Þróun, menning og samfélag.
131
fyrirbæri sem annars væru óútskýranleg. Margar af þeim
kenningum sem eru kenndar við þetta viðhorf eru komnar mjög til
ára sinna. Ein fyrsta kenningin sem sett var fram um uppruna
trúarbragða er kenning E.B. Taylor sem sett var fram 1871 í bókinni
„Primitive Cultures“. Þar er því haldið fram að trú manna útskýri
tilveru og tilgang sólar, tungls, dýra og mannfólks. Taylor heldur því
einnig fram að skýringar í þessa átt séu for eða frumvísindalegar,
og því tilraun til að setja náttúruleg fyrirbæri í rökrænt kerfi
(Taylor, 1865).
Að vissu leyti hafði Taylor rétt fyrir sér, en einungis að vissu leyti.
Allir menn nýta sér umhverfi sitt eftir bestu getu og nýta sér þann
hagnýta fróðleik sem menning þeirra býður upp á og á við í hvert
sinn. Trúarbrögðin með skýringum sínum koma ekki í staðin fyrir
það sem reynslan hefur kennt mönnum, heldur virðist hún bæta
við það sem menn vita um náttúruna. Hvernig og hvers vegna það
gerist er óljóst.
Nýrri kenningar úr þessum geira eru til dæmis kenningar hins virta
bandaríska mannfræðings Clifford Geertz sem heldur því fram að
trú manna viðhaldi merkingarbærum skilningi þeirra á umhverfi
sínu. Þarna er átt við að enginn þoli það til lengdar að veröldin
virðist merkingarsnauð og í algjörri óreiðu. Trúin hjálpi mönnum að
viðhalda heimsmynd sinni þrátt fyrir að atburðir gerist í sífellu sem
séu í mótsögn við hana, að þrátt fyrir allt sé lífið í
grundvallaratriðum fyrirsjáanlegt og skikkan skaparans sé í fullu
gildi (Geertz, 1973).
Tilfinningalegar skýringar
Önnur skýring á því hvers vegna trúarbrögð fyrirfinnast yfirleitt og
hvers vegna þau eru slíkt akkeri í lífi fólks er sú að þau veita fólki
tilfinningalegt skjól í stormum sinnar tíðar. Einnig er líf mannsins
þeim takmörkunum háð að hann er dauðlegur eins og öll önnur
dýr, en sá kann að vera munurinn á mannlegum verum og öðrum
dýrum að maðurinn er eina veran á jörðinni sem veit og skilur að
dauði hans er óumflýjanlegur. Þess vegna telja sumir fræðimenn
Rúnar H. Haraldsson – Inngangur að mannfræði: Þróun, menning og samfélag.
132
að maðurinn hafi trúarbrögð, til að veita honum skjól gagnvart
dauðanum.
Bronislaw Malinowsky einn frægasti fræðimaður innan mannfræði
bæði fyrr og síðar skýrði tilurð trúarbragða með svipuðum hætti,
hann taldi að trúarbrögðin í heild sinni (og átti þar bæði við
goðsagnir, helgiathafnir og galdra) hjálpuðu mönnum til að
„stjórna“ því sem í raun væri ekki hægt að stjórna, að menn vildu
eyða óvissu í sambandi við veiðar, veikindi, uppskeru, sjólag
o.sv.frv. Það að framkvæma helgiathafnir sem miðuðu í átt til þess
að ná stjórn yfir því sem er í óvissu gæfi mönnum aukið sjálfsöryggi
og blési þeim fítonsanda í brjóst (Malinowsky, 1961).
Það er í raun ekki hægt að afskrifa kenningar þessar þótt gamlar
séu. Það er alveg ljóst að mjög margir sækja styrk í trúna á erfiðum
stundum. Þó eru á þessum kenningum nokkrir alvarlegir gallar. Í
fyrsta lagi eru sum trúarbrögð þannig samansett að þau veita fólki
alls ekki neina vissu fyrir því á menn verði hólpnir í framhaldslífinu.
Kalvínisminn er dæmi um þetta, eftir siðaskiptin reis upp hreyfing
stuðningsmanna Jóhannesar Kalvín. Hreyfingin varð nokkuð sterk í
Hollandi til dæmis. Þeir trúðu því að aðeins lítill hluti fólks yrði
hólpinn og endaði í himnaríki, og það sem verra var; það var
nánast engin leið að sjá það fyrir hverjir það væru (þótt menn
reyndu að sjá teikn þess hjá einstaklingum). Trú sem þessi er ekki
líkleg til að veita fólki mikla líkn gagnvart dauðanum, og reyndar
þvert á mót, fólk sá fram á vist í hreinsunareldi ef það var heppið,
og flestir reyndar fram á hreina vítisvist eða endanlegan dauða
(Benedict P. , 2002).
Í öðru lagi eru kenningar af sálfræðilegu / tilfinningalegu tagi ekki
heppilegar þegar reynt er að skýra af hverju trúarbrögð manna eru
jafn fjölbreytt og raun ber vitni. Til að leita skýringa á þessum
atriðum verður að leita útfyrir einstaklinginn og hans hugrænu og
tilfinningalegu þarfir.
Rúnar H. Haraldsson – Inngangur að mannfræði: Þróun, menning og samfélag.
133
Félagslegar skýringar
Öll samfélög hafa ákveðna þörf fyrir félagslegt taumhald. Með
félagslegu taumhaldi er átt við þær aðgerðir sem samfélagið getur
gripið til í þeirri viðleitni sinni að láta fólk fylgja þeim skráðu og
óskráðu reglum sem gilda.
Margir fræðimenn hafa skýrt trúarbrögð útfrá félagslegu
taumhaldi. Þeir halda því fram að trúarbrögð virki sem hvati á fólk
til þess að halda sig innan þess sem „siðlegt“ má teljast á hverjum
stað og tíma.
Í þessu sambandi er nærtækast að taka sem dæmi þau trúarbrögð
sem algengust eru á Íslandi; Kristni. Kristin trú býður mönnum að
gera einungis það sem lög guðs heimila. Lög guðs eru sett bæði
fram sem boð og bönn; dæmi um boð má nefna þá kröfu Krists
sjálfs að menn eigi að elska náunga sinn eins og sjálfan sig, og gera
einungis það sem þeir vilji að aðrir menn geri þeim sjálfum. Annað
nærtækt dæmi í þessu sambandi eru boðorðin tíu, en þar er bæði
kveðið á um boð og bönn.
Afleiðingar þess að brjóta lög guðs eru þær að viðkomandi
einstaklingur er fordæmdur, bæði af guði og mönnum. Flest af
hinum stóru trúarbrögðum mannkyns innihalda eitthvað af þessu
tagi, bæði Hindúismi og Búddatrú hafa hugmyndir um Karma;
þeirra sem eru illir í þessu lífi bíða ömurleg örlög í því næsta,
hugmyndir Kristninnar hafa þegar verið raktar og í raun eru Íslam
og Gyðingdómur af sama meiði.
Þó ber þess að geta að það er ekki altækt menningarlegt fyrirbæri
að þessar hugmyndir um móralskt réttlæti séu til staðar inni í
trúarbrögðunum. Swanson gerði á þessu mjög merkilega athugun.
Hann bar saman þau samfélög þar sem mikil misskipting
veraldlegra gæða viðgengst (mikill munur ríkra og fátækra) með
tilliti til trúarhugmynda þeirra. Hann komst að því að sú hugmynd
að illvirkjar og þeir sem beittu annað fólk órétti fengju makleg
málagjöld fyrir tilverknað einhvers æðri máttar eða fyrir milligöngu
Rúnar H. Haraldsson – Inngangur að mannfræði: Þróun, menning og samfélag.
134
æðri veru voru miklu algengari í þeim samfélögum þar sem
misskipting var mikil (Swanson, 1960).
Ein skýring á þessu fyrirbæri er sú að þarna sé komin ákveðin
réttlæting á núverandi ástandi (eins og Karmalögmálið segir til
um), eða að trúin sé einhverskonar haldreipi þeirra sem kúgaðir
eru og fái þá frekar til að sætta sig við stöðu sína.
Umhverfi og trú
Skýringar sem leitast við að skýra trú manna útfrá aðlögun þeirra
að umhverfi sínu falla í þennan síðasta flokk kenninga um
trúarbrögð. Þeir mannfræðingar sem aðhyllast þennan flokk
skýringa líta almennt á menningu sem aðlögunartæki mannsins að
umhverfi sínu, og menningarleg fyrirbæri hafa því fyrst og fremst
þá virkni að hjálpa fólki að lifa af.
Boð og bönn samfélaga hjálpa til við að viðhalda því skipulagi sem
sé samfélaginu nauðsynlegt til að lifa af við þær
umhverfisaðstæður sem er á hverjum stað fyrir sig, auk þess að
passa upp á að fólk neyti ekki einhvers sem sé því óhollt.
Það að trúarleg boð og bönn ásamt þeim sem menn gætu flokkað
sem „veraldleg“ hafa þess vegna sömu virkni í augum þeirra sem
aðhyllast umhverfisskýringar. Virkni þeirra er óbein, þau hjálpa
mönnum ekki til að lifa af með beinum hætti eins og til dæmis
þekking og reynsla af veiðum gerir, en þau koma í veg fyrir að fólk
verði svo upptekið af deilum að veiðimennirnir geti ekki haldið sér
að verki.
Seinna atriðið er beinskeyttara. Mörg dæmi um trúarleg boð og
bönn í sambandi við matvæli eru þekkt. Nægir að nefna bann
gyðinga við svínakjötsáti í þessu sambandi, nokkuð sem kristnum
Evrópubúum hefur löngum fundist óskiljanlegt, enda hafa svín
lengi verið á evrópskum borðum. Þeir sem aðhyllast
umhverfisskýringar benda hinsvegar á að það sé mjög óhentug
aðferð við mataröflun að rækta korn handa svínum og öðrum
slíkum dýrum í Mið-Austurlöndum, það borgi sig miklu frekar fyrir
Rúnar H. Haraldsson – Inngangur að mannfræði: Þróun, menning og samfélag.
135
menn að leggja sér kornið sjálfir til matar, þannig geti þeir komist
af með einum fimmta minna land (Harris, 1979).
Yfirnáttúrulegar skýringar á atburðum
Eins og sjá má á umfjölluninni hér að ofan, er varla það svið
mannlegrar tilveru sem menn telja að yfirnáttúrulegir kraftar eða
verur hafi ekki áhrif á. Sérstaklega virðist það vera ríkt í fólki ef
marka má rannsóknir mannfræðinga að kenna ýmiskonar kröftum
eða verum um ófarir sínar.
Þess vegna hafa menn sjálfsagt farið út í það að reyna að hafa áhrif
á þessar verur eða krafta (þótt við náttúrulega vitum það ekki).
Þaðan er síðan tiltölulega stutt leið í það að reyna að hafa áhrif á
títtnefndar verur eða krafta til að ná sér niður á óvinum sínum, og
jafnframt því að verjast slíkum sendingum frá sömu óvinum
(Peoples & Bailey, 1988).
Hér erum við auðvitað farin að tala um galdra, nokkuð sem
íslendingar hafa ekki farið varhluta af frekar en öðru, en á Íslandi
voru um 20 einstaklingar brenndir á báli á galdraöldinni svokölluðu
(sem var auðvitað hluti af stærra galdrafári í Evrópu)
(Strandagaldur, 2007).
Mannfræðin skiptir galdratrú í tvennt: Annarsvegar er talað um
einstaklinga sem taldir eru hafa í sér einhverskonar kraft til að hafa
áhrif á fólk, hluti eða atburði og hinsvegar er talað um ýmiskonar
aðferðir sem menn beita í því sama skyni (Frazer, 1963).
Þeir einstaklingar sem fyrr var minnst á eru ekki alltaf taldir eiga
beinlínis sök á atburðum, stundum beita þeir krafti sínum óviljandi,
stundum viljandi. Í seinna tilvikinu getur ekki verið um neitt slíkt að
ræða, menn nota helgiathafnir ávalt í einhverjum yfirlýstum
tilgangi.
Íslensk tunga (og menning) gerir ekki greinarmun á galdrafólki í
þessum skilningi. Hún gerir einungis mun á galdramönnum eftir
kyni, ekki eftir eðli krafta þeirra. Þess vegna er nauðsynlegt að tala
um galdramenn /nornir eða menn sem búa yfir innri krafti
Rúnar H. Haraldsson – Inngangur að mannfræði: Þróun, menning og samfélag.
136
(mannfræðin nefnir þetta witchcraft) og hins vegar galdramenn /
nornir sem nota helgiathafnir eða ritúal til að ná fram ætlunarverki
sínu (sem mannfræðin nefnir sourcery). Í undirköflunum hér á eftir
verður þetta skoðað nánar (Peoples & Bailey, 1988).
Takið eftir að mannfræðin flokkar galdra ekki í „hvítagaldur“ og
„svartagaldur“ eins og íslensk menning gerir. Það sem myndi
flokkast sem „hvítur“ galdur á Íslandi myndi mannfræðin
einfaldlega flokka sem helgiathafnir í lækningaskyni, eða
helgiathafnir (og gripi) til verndar einhverjum hagsmunum eins og
heilsu. Mannfræðin flokkar einungis það til galdra sem menn áliti
að skaði fólk annað hvort viljandi eða óviljandi. Þetta kann að valda
misskilningi, og fræðimenn úr öðrum greinum eins og þjóðfræði
eru ekki fyllilega sammála þessari skilgreiningu, en eins og
maðurinn sagði: „það verður bara að hafa það“.
Galdrar með helgiathöfunum (Sourcery)
Þegar fólk beitir göldrum á þann hátt að það fremur einhverskonar
helgiathöfn (ritúal) til að skaða aðra á einhvern hátt, er yfirleitt
verið að biðla til einhverskonar yfirnáttúrulegra krafta eða
yfirnáttúrulegra vera að ganga í verkið fyrir hönd þess sem fremur
helgiathöfnina eða viðskiptavina hans / hennar.
Fólk getur valið um tvær meginleiðir til að framkvæma
helgiathafnagaldra. Aðferðirnar eru auðvitað misjafnar og
þrungnar merkingu fyrir þá sem taka þátt í þeim, en mannfræðin
skiptir þessum athöfnum annarsvegar í hermigaldra (immitative
principle magic) og smitunargaldra (contagious principle of magic)
(Peoples & Bailey, 1988).
Hermigaldrar gagna út á að líkir hlutir geti tengst fyrir tilstuðlan
yfirnáttúrulegra vera eða krafta. Til þess að hafa áhrif grípur
galdramaðurinn til þess ráðs að ýmist herma eftir þeim sem galdur
beinist að (til dæmis með hreyfingum / dansi og þá ýmist með eða
án grímu) eða búa til líkneski af þeim sem ætlunin er að ráðast
gegn.
Rúnar H. Haraldsson – Inngangur að mannfræði: Þróun, menning og samfélag.
137
Voodoogaldrar eru eitt þekktasta dæmið um þetta. Þar hefur
tíðkast að búa til eftirlíkingu af einhverjum (svokölluð
voodoodúkka) og framkvæma galdur á þeirri eftirlíkingu, í þeirri
von að manneskjunnar bíði sömu örlög (Peoples & Bailey, 1988).
Smitunargaldrar eru af nokkuð öðru tagi. Þar er gert ráð fyrir að
galdramaðurinn þurfi beinlínis að vera í snertingu við fórnarlamb
sitt til þess að ná völdum yfir því. Í þessu skyni sanka menn að sér
ýmiskonar dóti; saur, hári, nöglum, bútum úr fatnaði eða
skartgripum, allt eftir því sem talið er við hæfi á hverjum stað. Með
því að fremja galdur yfir þessum hlutum (það eru ýmsar aðferðir
notaðar, stundum er þessara hluta neytt, stundum er þeim komið
fyrir einhverstaðar eða þeir jafnvel brenndir) telja menn sig geta
náð tilætluðum áhrifum.
Þessar aðferðir eiga eitt sameiginlegt; með því að reyna að líkja
eftir þeim sem ætlunin er ná tökum á eða notfæra sér einhvern
hluta viðkomandi, nær galdramaðurinn nokkurskonar táknrænum
tengslum við viðkomandi sem hann getur nýtt sér, örlög
galdramannsins og fórnarlambsins eru tengd (Peoples & Bailey,
1988).
Að hverjum beinast ásakanir um helgiathafnagaldra?
Það getur verið mjög upplýsandi fyrir fræðimenn að skoða í hverju
samfélagi fyrir sig að hverum ásakanir um helgiathafnagaldra
beinast. Segjum sem svo að eiginkona bróður míns veikist
hastarlega, sé jafnvel ekki hugað líf, nú eða þá að þeim verði ekki
barna auðið. Sé galdratrú útbreidd í því samfélagi sem við lifum í
fer okkur strax að gruna að ekki sé allt með felldu, og einhver sé að
beita göldrum gegn fjölskyldunni.
Þegar ég segi „einhver“ þá meina ég auðvitað ekki bara einhver.
Okkur myndi strax fara að gruna einhvern ákveðin aðila, sem
annað hvort ætti opinskátt í deilum við okkur eða þá að um sé á
ræða keppinaut um völd, land eða áhrif (oftar en ekki er allt þetta
samtvinnað).
Rúnar H. Haraldsson – Inngangur að mannfræði: Þróun, menning og samfélag.
138
Ásakanir um helgiathafnagaldra eru sjaldnast tilviljun, þegar
ásakanirnar eru skoðaðar nokkrar saman yfir einhvern tíma,
kannski nokkur ár, koma gjarnan í ljós átakapunktarnir í
samfélaginu, hverjir eiga hagsmuna að gæta gagnvart hverjum og
hvert samkeppnin um hin takmörkuðu gæði samfélagsins er að
leiða menn.
Helgiathafnagaldrar sem pólitískt vopn
Helgiathafnagaldrar eru mikið notaðir sem pólitískt vopn í þeim
samfélögum þar sem trú á slíka galdra er útbreidd. Oftar en ekki
beinast ásakanir fólks að einstaklingum sem eiga í beinni
samkeppni við það, af ástæðum sem voru raktar hér að ofan.
Það er nauðsynlegt fyrir einstaklinga sem verða fyrir slíkum
ásökunum að verja sig, allavega að nokkru leyti, en slíkar varnir eru
tvíeggjað sverð. Eins og áður hefur verið rakið er trú manna
nátengd öðrum grunnfestum samfélagsins, til dæmis
stjórnarháttum þess. Ef sá sem er álitinn nægilega öflugur
galdramaður til að koma veikindum eða annarri óáran fyrir í
óvinum sínum, þá byggir persónulegt vald hans og almenn áhrif í
samfélaginu á þeim orðrómi. Viðkomandi getur því ekki varið sig á
þann hátt að hann sé hreinsaður af öllum grun um galdur, en hann
getur heldur ekki játað á sig sök, vegna þess að þá yrði hann opinn
fyrir árásum af hendi þeirra sem fyrir galdrinum hafa orðið og yrði
jafnvel gerður útlægur (eða verra). Það er því ljóst að það nota sér
galdur í pólitísku skyni er hættulegur leikur, en samt sem áður
leikur sem fólk þarf að taka þátt í ætli það sér að öðlast áhrif.
Galdrar með innri krafti (Witchcraft)
Eins og áður hefur verið skýrt frá eru til samfélög þar sem fólk
stundar galdur með hjálp ýmiskonar helgiathafna eða hluta. Hin
skýringin á krafti þeirra sem ásakaðir eru um galdur er sú að
viðkomandi þurfi ekki annað en að hugsa neikvætt til einhvers
aðila og þá leggist viðkomandi veikur, eða verði fyrir einhverjum
öðrum skakkaföllum. Með öðrum orðum; andlegur kraftur
galdrakindarinnar verður sjálfkrafa að illum verkum.
Rúnar H. Haraldsson – Inngangur að mannfræði: Þróun, menning og samfélag.
139
Tvískipting sem þessi er auðvitað fyrst og fremst hjálpartæki
fræðimanna til að skilja fyrirbærið. Í þeim samfélögum þar sem því
er trúað að galdur sé stundaður fyrirfinnast mjög oft fyrirbæri sem
eru samblanda af þessu tvennu, helgiathafnagöldrum og göldrum
með innri krafti. Ekki þarf að leita lengi eða langt að þessu.
Íslenskar þjóðsögur eru uppfullar af sögum þar sem ýmist er sótt í
skýringar byggðar á innri krafti einstaklinga, sögum af hlutum með
galdramátt og síðast en ekki síst; særingum galdramanna þar sem
þeir eru að vekja upp drauga til að hefna sín á óvinum sem er
auðvitað skýrt dæmi um helgiathafnagaldur.
Gagntætt þeim sem stunda helgiathafnagaldur sem leið til valda og
áhrifa eru þeir sem stunda galdur með innri krafti í besta falli álitnir
óviljugir sakleysingar en í því versta illir einstaklingar sem fremja
viðbjóðslegustu glæpi sem hægt er að ímynda sér.
Til að bregða frekara ljósi á þetta er best að kíkja á frásögur víða úr
heiminum af galdrakindum sem beita innri krafti (sögurnar eru
fengnar að láni úr bók Peoples og Bailey „Humanity“:
Navaho indíánar tengja galdrakindur við verstu glæpi sem hægt er
að ímynda sér; Sifjaspell, kynlíf með líkum og dýrum, þeir breyta
sér í dýr, og éta smábörn. Listinn heldur áfram og áfram.
Naykyusa menn (Tansanía) trúa því að galdrakindur sé fyrst og
fremst reknar áfram af matgræðgi. Trúar þessu eðli sínu sjúga
galdrakindurnar kýr fólks þurrar, og éta líffæri nágranna sinna
innan frá á meðan þeir sofa.
Zande menn (Norður Súdan) trúa því að galdrakindur erfi
galdramátt sinn frá forfeðrum sínum, mátt þennan sem er nánast
efniskenndur er að finna undir bringubeini viðkomandi. Þetta efni
eða kjarni ferðast út úr líkamanum að nóttu til, til að leita sér
fórnarlambs. Kjarninn étur síðan hold eða líffæri fórnarlambsins.
Galdrakindin er álitin vera saklaus aðili að öllu þessu, og að fullt af
fólki séu galdrakindur án þess að vera sér meðvituð um það.
Galdrakindin getur ekkert gert til að losa sig að fullu og öllu við
þennan mátt, en viðkomandi getur þó hætt að leggjast á tiltekna
Rúnar H. Haraldsson – Inngangur að mannfræði: Þróun, menning og samfélag.
140
aðila með því að losa sig við allar neikvæðar tilfinningar í garð
viðkomandi.
Ibibio menn (Nígería) trúa því að galdrakindur ferðist um að nóttu
til og steli sálum. Sálunum komi þær venjulega fyrir í húsdýrum af
einhverju tagi, og þannig nái þær stjórn yfir heilsu viðkomandi,
vegna þess að um leið og sálin er farin verður viðkomandi veikur.
Fórnarlambið andast síðan þegar galdrakindin slátrar dýrinu og
leggur það sér til munns. Þetta er þó ekki algilt, vegna þess að
stundum ákveður galdrakindin að pína fórnarlamb sitt. Í þeim
tilfellum er sál fórnarlambsins komið fyrir í vatni eða yfir eldstæði
þar sem hægt er að pína sálina á kvöldin. Veikindi fórnarlambsins
standa yfir þar til galdrakindin er búin að fá út úr viðkomandi það
sem hún vill.
Trú af þessu tagi virðist vera furðuleg við fyrstu sýn. Hafa verður þó
í huga að dæmin eru tekin úr samhengi við trúarbrögð viðkomandi
samfélags sem mynda eins og áður hefur verið útskýrt eina heild.
Dæmi sem þessi bregða þó ljósi á hegðunarmynstur sem
mannlegar verur sýna ansi oft; við virðumst hafa einhverja þörf
fyrir að finna blóraböggla fyrir ófarir okkar.
Þetta hegðunarmynstur virðist fyrirfinnast í nánast öllum
samfélögum, ef það eru ekki galdramenn þá er verður einhver
annar hópur fyrir valinu sem hentar betur; yfirleitt alltaf hópur sem
virðist ganga í berhögg við tiltekin gildi og viðmið samfélagsins.
Þetta geta verið hópar af ýmsu tagi: Samkynhneigðir, gyðingar,
ölmusumenn, kommúnistar, fólk haldið geðvillu o.s.frv. , svo dæmi
séu tekin um ýmsa þjóðfélagshópa sem hafa verið gerðir að
blórabögglum á vesturlöndum á tuttugustu öld (Conrad &
Schneider, 1980).
Fjórskipting trúarbragðanna
Trúarbrögð mannkyns eru gífurlega flókið fyrirbæri eins og
lesendur eru farnir að átta sig á. Mannfræðin stendur því frammi
fyrir þeim vanda að gera grein fyrir þessum fjölbreytileika, en
jafnframt að flokka þau niður á einhvern skynsamlegan hátt.
Rúnar H. Haraldsson – Inngangur að mannfræði: Þróun, menning og samfélag.
141
Wallace (1966) greip til þess ráðs að tala um átrúnað eða cult.
Átrúnaður er samkvæmt Wallace skipuleg þekking og / eða
aðferðir sem tekur til tiltekins yfirnáttúrulegs krafts (eða vera).
Kerfi Wallace er fjórskipt. Hann talar um einstaklingsbundinn
átrúnað, sambandsátrúnað (shamanismi), hópátrúnað og
skipulegan átrúnað. Best er að átta sig strax á því að fleiri en ein
tegund átrúnaðar getur þrifist innan sömu trúarbragða (Wallace,
1966).
Einstaklingsbundin átrúnaður
Það er útbreitt fyrirbæri meðal trúarbragða heimsins að menn geti
leitað ásjár eða liðsinnis yfirnáttúrulegra afla þegar vandi steðjar
að. Mjög mismunandi er þó hvernig menn reyna að ná sambandi
við hin yfirnáttúrulegu öfl.
Með einstaklingsbundnum átrúnaði er átt við að menn reyna að ná
milliliðalausu sambandi við einhverskonar (náttúru)anda. Andar
þessir geta verið af ýmsu tagi, þeir geta átt sér bólstað í dýri,
klettum tré o.s.frv. Áherslan í átrúnaði af þessu tagi er sá að andi
sá sem tekur viðkomandi að sér, er til staðar fyrir þá manneskju og
engan annan (Wallace, 1966).
Átrúnaður sem þess var sérstaklega algengur á því svæði sem nú
kallast miðríki Bandaríkja Norður Ameríku. Þær þjóðir sem áttu
heima á svæðinu áttu þann sið að ungir menn fóru í leiðangur til
að finna sinn verndaranda, fyrr en það hafði tekist voru þeir í raun
ekki fullorðnir.
Þetta fór þannig fram að menn lögðu af stað í leiðangur yfirleitt
með vopn sín og ýmsan annan búnað, en sjaldnast mikinn mat.
Þegar menn voru komnir á einhvern þann stað sem þeim þótti
vænlegur (það var enginn föst forskrift að því hvernig sá staður
ætti að vera, hvað þá fastir staðir). Á staðnum tóku við föstur,
bænir, reykingar o.s.frv. til að laða til sín einhvern þann anda sem
væri viljugur til að taka manninn að sér (Wallace, 1966).
Mjög mismunandi var hvernig andarnir birtust mönnum. Ýmist
heyrðu þeir til andanna, sáu þá eða upplifðu einhverskonar
Rúnar H. Haraldsson – Inngangur að mannfræði: Þróun, menning og samfélag.
142
draumkennt ástand. Andinn gat tekið á sig ásýnd bjarnar, vísunds,
arnar eða einhvers annars stórs dýrs. Ekki var eins algengt að mýs,
hundar eða kanínur birtust mönnum, en það þekktist þó. Annað
einkenni var á þessum sýnum að þar fór yfirleitt einhverskonar
kennsla fram; unga manninum voru sett skilyrði fyrir vernd andans,
hann þurfti að syngja tiltekna söngva, mála skjöld sinn á tiltekinn
hátt, greiða hár sitt samkvæmt forskrift og hann mátti auðvitað alls
ekki drepa „bróður sinn“ eða leggja kjöt hans sér til munns.
Héldu menn þessi skilyrði máttu menn búast við að andi þeirra
veitti þeim ýmiskonar mátt sem ekki voru á annarra færi; máttur
þessi gat verið ýmiskonar, til dæmis spádómsgáfa, geta til að finna
bráð, lækningamáttur eða hugrekki í bardaga (Wallace, 1966).
Einstaklingsbundinn átrúnaður er útbreiddur víða, en það er
athyglisverð staðreynd að hvergi virðist þetta vera eini
átrúnaðurinn sem stundaður er, meðfram einstaklingsbundnum
átrúnaði er alltaf stundaður ýmist hópátrúnaður eða
sambandsátrúnaður.
Sambandsátrúnaður (Shamanismi)
Með orðinu sambandsátrúnaður er átt við að fólk trúi því að
tilteknir einstaklingar hafi betra samband við andaheiminn heldur
en aðrir. Þessir einstaklingar eru yfirleitt kallaðir shaman eða
medicine man, og þessi tegund átrúnaðar er því oft nefndur
shamanismi.
Sambandsárúnaður er útbreiddur. Hann fyrirfinnst (eða fannst) í
Síberíu, Norður Ameríku og Grænlandi auk þess sem átrúnaður af
þessu tagi fyrirfinnst meðfram öðrum tegundum átrúnaðar á
áhrifasvæðum hinna fimm stóru trúarbragðakerfa mannkyns;
Kristni, Islam, Gyðingdóms, Hindúisma og Búddasiðs (Wallace,
1966).
Shamanar eru einstaklingar sem eru gæddir ýmsum eiginleikum
umfram venjulegt fólk. Þeir hafa mátt til þess að ná beinu
sambandi við andaheiminn, ýmist með því að ferðast þangað sjálfir
eða verða nokkurskonar sími fyrir andanna.
Rúnar H. Haraldsson – Inngangur að mannfræði: Þróun, menning og samfélag.
143
Í fyrra tilfellinu fellur shamaninn í trans eftir að hafa fastað, dansað
framið helgiathafnir. Á sumum menningarsvæðum tíðkast að
shamanar taki inn ýmiskonar lyf til að verða móttækilegri. Hver svo
sem aðferðin er sem menn nota þá fylgir transinum breytt
hugarástand og í sumum tilfellum mun hægari líkamsstarfsemi
(utansemjukerfi1 líkamans virðist vera miklu virkara).
Í seinna tilfellinu verður shamaninn einskonar sími eða miðill fyrir
andanna. Því er trúað að andarnir komi til shamansins og taki yfir
líkama hans. Þannig sé hægt að ná sambandi við handanheima.
Yfirleitt lifðu menn ekki á því einu saman að vera shamanar, þeir
hópar sem notfærðu sér helst þjónustu þeirra voru yfirleitt litlir og
einangraðir, þannig að mestu leyti þurfti shamaninn að sjá sér
farborða með venjulegum hætti.
Yfirleitt nota shamanar þennan mátt sinn til góðra verka. Þeir eru
kallaðir til þegar ýmsir erfiðleikar steðja að, einhver er veikur, veiði
er lítil, úrkoma ýmist of mikil eða ekki nægileg o.s.frv. Tökum
veikindi sem dæmi. Einstaklingur hefur veikst og menn grunar að
annað hvort viðkomandi einstaklingur eða hópurinn í heild sinni
hafi brotið gegn vilja einhverskonar yfirnáttúrulegrar veru. Það
fellur í hlut shamansins að ferðast til andaheima og spyrja frétta og
reyna að fá viðkomandi lausan úr þeim viðjum sem hann er í.
Annað dæmi gæti verið að shamanin reyni að kalla til hjálparanda
sína til þess að freista þess að lækna hinn sjúka, ýmist með því að
koma á jafnvægi á sál/sálir hans eða með því að reka út hið illa
(hvort sem það er í formi galdurs eða illra anda) Þó fyrirfinnast
nokkur svæði í heiminum þar sem menn trúa á illa shamana (sem
eru samkvæmt skilgreiningu mannfræðinnar maður sem fremur
helgiathafnagaldur). Lækningatilraunir shamana í þessum
samfélögum eru þá skilgreindar af aðstandendum sjúklingsins sem
barátta milli hins góða shamans og hins illa (Peoples & Bailey,
1988).
1 Utansemjukerfið er hluti af sjálfvirka úttaugakerfinu og hjálpar líkamanum að slaka á, þegar
það er virkt er til dæmis hjartsláttur hægari og öndun rólegri. Utansemjukerfið er undir venjulegum kringumstæðum virkast í svefni (Guðmundsdóttir, 1981).
Rúnar H. Haraldsson – Inngangur að mannfræði: Þróun, menning og samfélag.
144
Maður vaknar ekki upp shaman einn daginn, né heldur ákveða
einstaklingar upp úr þurru að gerast shamanar. Þeir einstaklingar
sem veljast til slíks hafa í mjög mörgum tilfellum sýnt og sannað að
þeir hafi sterkara samband við handanheima heldur en gengur og
gerist. Mjög algengt er að fólk hafi lifað af alvarlegan áverka eða
veikindi; í raun lifað um stund á mörkum milli lífs og dauða.
Þegar menn eru orðnir nokkuð vissir um köllun sína tekur yfirleitt
allaf við tímabil þjálfunar hjá starfandi shaman. Menn þurfa að
læra söngva, öndunartækni, að nota trommu, hvaða lyf eru notuð
og í hvaða skömmtum (þegar slíkt er til staðar sem er ekki algilt).
Shamanar þurfa líka að leggja á sig tímabil mikils harðræðis á
meðan á þjálfum þeirra stendur. Algengt er að menn svelti sig og
neiti sér um svefn, einnig er algengt að menn fari í leiðangra til að
kynnast sínum verndaröndum eða verða fyrir dulrænni reynslu af
ýmsu tagi. Frásagnir um slíkt eru til frá Inúítum, þjálfun shamans
var ekki lokið fyrr en hann hefur farið út á ísinn og orðið fyrir slíkri
reynslu, algengt var að menn hittu sjálfan sig fyrir sem beinagrind.
Sambandsátrúnaður er síður en svo horfinn úr samtíma okkar.
Ýmiskonar fólk segist geta læknað hina ýmsu kvilla eða
hegðunareinkenni fólks með tilstuðlan yfirnáttúrulegra krafta og
má í því sambandi nefna kristna trúboða sem fá fólk á samkomur
og leggja hendur yfir fólk í lækningaskyni, eða reynir fyrir tilstuðlan
sömu krafta að „lækna“ samkynhneigða. Viðkomandi einstaklingar
kalla sig yfirleitt ekki shamana og myndu sjálfsagt móðgast mjög ef
slíkur stimpill yrði notaður enda elda þeir hópar sem þessir
læknendur tilheyra grátt silfur við hópa sem gjarnan eru kenndir
við „nýöld“. Nýaldarsinnar væru hinsvegar vísir til að stunda sömu
starfsemi og kenna sig við shamanisma, með tilvísun til einhverrar
þekkingar sem þeir telja vera „upprunalega“.
Hópátrúnaður
Hópátrúnaður og einstaklingsbundinn átrúnaður eiga nokkuð
sameiginlegt. Þeir eiga það sameiginlegt að ýmiskonar andar eða
yfirnáttúrulegir kraftar eru ákallaðir eða dýrkaðir til að gæta
Rúnar H. Haraldsson – Inngangur að mannfræði: Þróun, menning og samfélag.
145
hagsmuna fólks eða veita því einhverskonar kraft eða jafnvel
þjónustu.
Það sem er ólíkt er sú staðreynd að grunneiningin er ekki
einstaklingurinn heldur hópurinn sem viðkomandi tilheyrir. Það
sem viðkomandi einstaklingur gerir kemur hópnum við vegna þess
að athafnir einstaklinga geta valdið því að andarnir reiðist með
skelfilegum afleiðingum fyrir alla.
Líkt og hjá hópum sem leggja stund á einstaklingsbundin átrúnað
og sambandsátrúnað er sjaldnast um það að ræða að einhver
stundi trú sína að atvinnu. Reyndar er það sjaldnast þannig að
einhver einn einstaklingur fremji helgiathafnir frekar en einhver
annar, yfirleitt fellur slíkt í hlut þeirra sem eiga einhverra
hagsmuna að gæta, ef verið er að kalla eftir regni eða frjómagni
jarðar þá eru þeir sem hafa aðgang að landi hópsins látnir um
athöfnina, en ef um athöfn í lækningaskyni er að ræða fellur stjórn
og ábyrgð á aðstandendur sjúklingsins.
Yfirleitt er talað um tvær tegundir af hópátrúnaði: forfeðradýrkun
og tótemisma. Forfeðradýrkun felur í sér eins og nafnið gefur til
kynna mikið og náið samband fólks við látna ættingja sína, en
tótemismi snýst um samband fólks við krafta eða verur úr
náttúrunni. Skoðum þessa skiptingu aðeins nánar:
Forfeðradýrkun
Forfeðradýrkun gengur út á þá grunnhugsun að fólk hafi sál sem
myndi einskonar kjarna manneskjunnar, hugsanir hennar og
tilfinningar. Reyndar er þessi hugsun svo algeng meðal trúarbragða
mannkyns að þetta atriði er nánast menningarlega algilt.
Það sem er sérstakt við forfeðradýrkun er að fólk gerir ráð fyrir því
að látnir ættingjar þess hafi áhuga á því sem fram fer þess eftir
andlátið (og þá er ekki alltaf átt við að forfeðurnir séu endilega
velviljaðir).
Til þess að hafa samskipti við forfeðurna þarf að halda
helgiathafnir, þetta er ýmist gert reglulega (dagatalsathafnir) eða
Rúnar H. Haraldsson – Inngangur að mannfræði: Þróun, menning og samfélag.
146
þegar mikið liggur við (krísuathafnir). Í þessum helgiathöfnum eru
andar forfeðranna ýmist beðnir um greiða eða einfaldlega að láta
fólk í friði, allt eftir því samhengi sem athöfnin fer fram í, stundum
lítur fólk svo á að forfeðurnir séu velviljaðir og stundum ekki.
Til að skoða þetta nánar skulum við líta aðeins frá Úganda.
Lugbaramenn skipuleggja samfélag sitt útfrá einnar línu
ættrakningu í karllegg. Mikilvægasti hópur sem einstaklingarnir
tilheyra í þessu samfélagi er ættarlínan þaðan sem menn sækja
þær bjargir og stuðning sem menn þurfa í lífsbaráttunni (sjá nánari
umfjöllun um sifjar í kafla 6).
Öll brot sem menn fremja gagnvart þeim sem tilheyra sömu
ættarlínu eða óhlýðni við öldunga ættarinnar hafa þær afleiðingar
að andar forfeðranna reiðast og hefna sín, annað hvort á
viðkomandi manneskju eða ættarlínunni eins og hún leggur sig.
Stundum gerist þetta vegna þess að andinn verður vitni að
atburðum, en oftast samt vegna þess að öldungurinn hefur beint
hugsunum sínum að broti viðkomandi, nokkuð sem öldungar þessa
samfélags gera reglulega sé þeim ögrað. Ef þeir gerðu það ekki
væru þeir að bregðast skyldu sinnar við ættarlínuna (Middleton,
1965).
Margir mannfræðingar telja að því stærra hlutverk sem ættarlínan
leikur í lífi fólks og því meira sem skipulag samfélagsins er undir
þeim komið, þeim mun líklegra er að samfélagið þrói með sér
einhverskonar átrúnað sem feli í sér forfeðradýrkun (Peoples og
Bailey, 1988).
Tótemismi
Annað form átrúnaðar sem byggist á hópum er svokallaður
Tótemismi. Tótemismi fyrirfinnst aðallega á svæðum þar sem
einnar línu ættrakning er notuð. Tótemið er táknrænt í eðli sínu,
yfirleitt notast menn við einshvers konar dýr sem tótem; eins og
birni, erni, bjóra o.s.frv. og nefnist þá ættarlínan eftir tóteminu.
Mjög misjafnt er hvernig sambandi hópsins við tótemið sitt er
háttað. Í sumum tilfellum er einungis um nafngift að ræða, en það
Rúnar H. Haraldsson – Inngangur að mannfræði: Þróun, menning og samfélag.
147
er sjaldgæft. Mun algengara er að menn finni einhverskonar
dulræn tengsl á milli ættarlínunnar og tótemsins, fólki sem tilheyrir
ættarlínunni eru eignaðir einhverjir þeir eiginleikar sem
tótemdýrið er talið búa yfir. Dæmi um slíkt gæti verið ættarlína
refsins, en fólk af þeirri ættarlínu er talið sérlega slungið. Hin
táknrænu tengsl ættarlínunnar við tótemið eru yfirleitt skýrð með
einhverskonar upprunasögu; Sú hugsun er algeng að tótemið sé
einhverskonar forfaðir ættarlínunnar eða hafi átt þátt í sköpun
hennar með öðrum hætti (Peoples & Bailey, 1988).
Nánast algilt er að þeir sem tilheyra tiltekinni ættarlínu leggja ekki
kjöt tótemdýrsins sér til munns, enda væri slíkt athæfi nánast eins
og að borða ættingja sinn.
Skipulegur átrúnaður
Skipulegur átrúnaður hefur í rannsóknum mannfræðinga aðallega
tengst hinum stærri samfélögum manna, samfélögum sem urðu til
eftir akuryrkjubyltinguna (sjá kafla 5). Auðvitað er ekki víst að
skipulegur átrúnaður hafi fyrst orðið til eftir að menn voru byrjaðir
að byggja borgir, en það hlýtur samt að teljast líklegt.
Það sem einkennir átrúnað af þessu tagi er fyrst og fremst tvennt:
Annars vegar tengsl átrúnaðarins við hið formlega skipulag
samfélagsins og hins vegar fjarlægð venjulegs fólks frá hinu
guðlega. Hvort tveggja endurspeglast í tilkomu prestastéttarinnar.
Eitt einkenni þeirra samfélaga sem örast og mest uxu eftir
akuryrkjubyltinguna var hin aukna verkaskipting sem þá kom til
sögunnar. Menn höfðu auðvitað alltaf vitað að menn eru
misjafnlega lagnir við þetta og hitt; en það var nýtt í sögunni að
menn störfuðu við eitthvað ákveðið svið einvörðungu (að minnsta
kosti í borgum)
Verkaskiptingunni fylgdi aukið ójafnræði milli borgaranna (um
ástæður þess verður ekki fjallað hér), neðstir voru bændur, þá
handverksmenn og kaupmenn, prestastétt og loks aðall. Þessi
klassíska stéttaskipting hélt sér óbreytt, með tilbrigðum fram undir
lok 18. aldar í Evrópu.
Rúnar H. Haraldsson – Inngangur að mannfræði: Þróun, menning og samfélag.
148
Flestar fornþjóðirnar álitu að konungar þeirra stæðu nærri
guðdómnum, eða væru jafnvel guðlegrar náttúru. Þannig var vald
konungs, trúin og þjóðskipulagið nátengt.
Prestastéttin var (og er að sumu leyti enn) einskonar milliliður milli
fólks og hins yfirnáttúrulega. Þeir einir sem höfðu fengið til þess
sérstaka þjálfun og vígslu máttu framkvæma hinar flóknu
helgiathafnir sem fylgja átrúnaði sem þessum (sem oftar en ekki
eru dagatalshelgiathafnir) (Peoples & Bailey, 1988).
Prestastéttin sem slík endurspeglar einnig þjóðskipulagi að vissu
leyti vegna þess að hún er gjarnan skipulögð sem þríhyrningur með
fjölda óbreyttra presta á botninum og einn æðsta prest sem hefur
náin tengsl við æðstu embættismenn og þjóðhöfðingja ríkisins.
Prestastéttin hefur einnig í gegnum aldirnar átt leyndarmál
tengdum guðdómnum sem einungis fáeinir útvaldir máttu vita,
nægir þar að benda á ritmálið, það er alls ekki þannig að eftir að
ritmálið kom til sögunnar hafi það verið almenningseign, einungis
örfá prósent manna á hverjum tíma hafa kunnað að lesa.
Prestum hafa verið falin í gegnum tíðina mjög mikilvæg hlutverk í
samfélaginu. Þeir hafa komið að vígslu nýrra meðlima samfélagsins
(skírnir), að kveðja hina látnu, þeir hafa komið að ýmiskonar
tímamótum í lífi fólks (t.d. fermingar og giftingar) og þeir hafa séð
um það að skrásetja tíma og passa upp á það með helgiathöfnum
sínum að veröldin gangi sinn vanagang. Sem dæmi um þetta má
nefna hin opinberu dagtöl ríkja (sem voru mjög mismunandi að
gæðum) og athafnir sem miðuðu að því að tæla sólina fram á
morgnanna, eða að tryggja frjómagn jarðar.
Ýmis menningarsamfélög gengu ansi langt í þessu, Aztekarnir (þar
sem nú er Mexíkó) stunduðu til dæmis mannfórnir (oftast var um
að ræða stríðsfanga) í því skyni að friða guði sína, ef það var ekki
gert var hreinlega hætta á heimsendi.
Á síðustu tveimur öldum hefur sú þróun orðið í Evrópu að menn
hafa skilið að ríki og kirkju, og kirkjan misst nokkuð af völdum
Rúnar H. Haraldsson – Inngangur að mannfræði: Þróun, menning og samfélag.
149
sínum í kjölfarið. Ekki hafa öll ríki farið þá leið, eins og nýleg saga
Íran ber vitni um, tíminn mun leiða í ljós hver þróunin verður.
Spámenn og opinberanir
Hreyfingar byggðar á opinberunum eru yfirleitt grundvallaðar á
einstaklingi sem hefur fengið einhverskonar opinberun, og þá
yfirleitt frá einhverskonar yfirnáttúrlegri veru, þó það sé ekki algilt.
Spámennirnir komast yfirleitt í snertingu við hið yfirnáttúrulega í
gegnum annað hvort sýn, eða draum. Almennt má segja að
opinberanirnar innhaldi tvennt: Í fyrsta lagi útskýringu á því hvers
vegna eitthvað hafi farið úrskeiðis í sambandi manna við
yfirnáttúrulega og í öðru lagi innsýn í vilja hinnar yfirnáttúrulegu
veru hvernig framtíð samskipta hennar og manna eigi að vera, og
hvaða blessun mennirnir eigi að hljóta fari þeir að vilja hinnar
yfirnáttúrulegu veru (Peoples & Bailey, 1988).
Mjög oft fylgja sýnum spámanna einhverskonar forspá um endi
veraldarinnar, og að í kjölfar þessa endis rísi veröldin aftur upp úr
öskunni, hreinni heldur en áður og fullkomnari að öllu leyti; þeir
sem hafa verið kúgaðir verða nú settir í öndvegi, útlendingar verða
reknir frá kjötkötlunum og aðrir sem verðskulda það meira að
stjórna verða við stjórnvölin, syndugum verður drekkt í flóði eða
þeir farast í eldgosum og/eða jarðskjálftum.
Í næstum öllum tilfellum taka spámennirnir mið af þeim siðum og
átrúnaði sem fyrir er á því menningarsvæði sem þeir starfa á, þeir
draga fram goðsögur og helgiathafnir sem þegar þekkjast á
svæðinu og bæta við þær, eða túlka upp á nýtt.
Til þess að bregða frekara ljósi á opinberunarhreyfingar af þessu
tagi skulum við skoða dæmi frá Suðvestur Kyrrahafi, en svæðið
gekk í gegnum miklar samfélagslegar breytingar á 20. öld,
sérstaklega í kringum seinni heimstyrjöld. Á svæðinu spratt fram
átrúnaður sem við fyrstu sýn virðist nokkuð sérkennilegur, en um
er að ræða svokallaðan vöruátrúnað (cargo cult).
Rúnar H. Haraldsson – Inngangur að mannfræði: Þróun, menning og samfélag.
150
Vöruátrúnaður
Menning Eyjaálfubúa hefur löngum lagt áherslu á að vegurinn til
valda innan samfélagsins liggi í gegnum getu einstaklingsins til að
stofna til tengsla við aðra menn, og þar skiptir miklu máli að vera
farsæll í að safna að sér veraldlegum auði og dreifa honum til
stuðningsmanna sinna.
Það kemur því ekki svo mikið á óvart að fólk á þessu svæði hafi
haft alveg sérstaklega mikinn áhuga á þeim varningi sem
Evrópumenn fluttu með sér til eyjanna þegar nýlendutímabilið
hófst, og hélst fram til loka seinni heimstyrjaldar. Evrópubúarnir
voru stórkostlega efnaðir á mælikvarða heimamanna, og það sem
meira var, þeir virtust ekki þurfa mikið að hafa fyrir auði sínum;
ekki bjuggu þeir Evrópubúar sem voru búsettir á eyjunum til
skriðdreka, niðursuðudósir, útvörp, ofna o.s.frv (Lawrence, 1964).
Í mörgum samfélögum (eins og rakið hefur verið í kaflanum) eru
skýringar á fyrirbærum oft sett í samhengi við yfirnáttúrlegar verur
eða krafta. Í þessu tilfelli átti það við skýringar Eyjaálfumanna á
tækni Evrópubúanna. Það sem þeir upplifðu var þetta:
Evrópumanninn vantaði eitthvað, og þess vegna talaði hann í
málmstykki sem tengt var málmspotta, eða gerði einhverskonar
merki á blað, setti í umslag sem síðan var sent á einhvern ókunnan
stað. Nokkrum vikum síðar birtust svo vörur (cargo) að því að
virtist að himnum ofan (í sumum tilfellum var það réttmæt lýsing
þegar vörur bárust með flugi) (Lawrence, 1964).
Eyjaálfumenn tengdu þessa atburði mjög skiljanlega við hið
yfirnáttúrulega, það sem hvíti maðurinn var að gera voru
helgiathafnir, guðir hvíta mannsins sáu um það að senda þeim
vörur. Mjög margir Eyjaálfubúar trúðu því staðfastlega að þeir
gætu einnig nálgast þessar vörur með því að fylgja réttum
helgisiðum en Evrópumennirnir væru á mjög eigingjarnan hátt að
halda því leyndu hvernig farið væri að því.
Margir spámenn spruttu upp á eyjunum, hver með sýna útgáfu af
því hvernig mætti nálgast vörur. Í mörgum tilfellum kváðust þeir
Rúnar H. Haraldsson – Inngangur að mannfræði: Þróun, menning og samfélag.
151
hafa hitt fyrir anda forfeðranna og/eða guði sem dýrkaðir voru á
staðnum, í draumi eða sýnum, og þessir andar hafi kennt þeim
rétta helgisiði.
Vöruátrúnaðurinn sem spratt upp á eyjunni Garía undan ströndum
Papúa Nýju Gíneu er nokkuð einkennandi fyrir þetta. Eins og svo
margir frumbyggjar komust íbúar á Garía í kynni við trúboða
snemma á 20. öld. Margir þeirra snérust til Kristni, ekki vegna
trúarhita heldur vegna þess að þá langaði í vörur. Þeir trúðu því að
með því að taka upp siði hvíta mannsins þá myndi þeim einnig
áskotnast það sem þá vanhagaði um, þessir siðir voru til dæmis að
mæta til kirkju, taka upp einkvæni, hætta iðkun galdra o.s.frv
(Lawrence, 1964).
En vörurnar komu ekki. Fólkið á Garía reiddist trúboðunum, töldu
þá ekki standa við gefin loforð, þeir höfðu ekki kennt
Garíamönnum sín raunverulegu leyndarmál, heldur héldu
vörunum fyrir sjálfa sig. Milli 1930 og 1940 komu fram tveir
spámenn sem sögðu fólki að það hefði tignað ranga guði. Guð og
Jesús væru í raun andar Garíamanna en ekki hinna hvítu, en
Evrópumennirnir þekktu hin leyndu nöfn þeirra og bæðu þá um
vörur með leynibænum. Allan tímann hefðu Jesús og Guð reynt að
láta Garíamönnum vörur í té, en Gyðingarnir héldu Jesú föngnum í
himnaríki. Til að frelsa hann þyrftu Garíamenn að fórna
veraldlegum auði sínum, og sýna þannig fram á fátækt sína. Ef
þetta yrði gert myndi Jesús sjá aumur á Garíamönnum og láta
forfeðraanda Garíamanna hafa vörurnar í stað hvíta mannsins
(Lawrence, 1964).
Rúnar H. Haraldsson – Inngangur að mannfræði: Þróun, menning og samfélag.
152
Verkefni úr kafla 7
Skilgreinið eftirfarandi hugtök:
Trú
Goðsagnir
Helgiathafnir
Galdur
Fjórskipting trúarbragða
Sambandsátrúnaður
Forfeðradýrkun
Tótemismi
Svarið eftirfarandi spurningum:
Hvaða skýringar hafa mannfræðingar gefið á tilvist trúarbragða?
Hvaða tegundir af göldrum eru til og hvernig trúir fólk því að
galdrar virki?
Hvað eru spámenn?
Hvað er fólgið í hugtakinu vöruátrúnaður og undir hvaða
kringumstæðum urðu þessi trúarbrögð til?
Rúnar H. Haraldsson – Inngangur að mannfræði: Þróun, menning og samfélag.
153
8. Heilbrigðismál
Heilsa og heilbrigði eru mál sem mönnum hafa að öllum líkindum
verið hugleikin eins lengi og meðvituð hugsun hefur átt sér stað hjá
tegundinni. Mannvistarleifar frá tímum Neanderdals-manna sýna
að hlúð hefur verið að fólki með ýmsa kvilla og áverka, og leitt
hefur verið getum að því að grasalækningar hafi verið stundaðar
meðal þeirra (Haviland, 1983).
Við eyðum í mikilli orku, tíma og fjármunum í hverjum mánuði í
þetta viðfangsefni okkar, og það er því verðugt viðfangsefni
félagsvísindanna (mannfræði þar á meðal) að skoða það nánar, og
það verður gert í þessum kafla, sem dæmi um hagnýta mannfræði.
Áður en lengra er haldið er rétt að skýra aðeins út hugtakið
hagnýta mannfræði. Eins og skýrt var frá í fyrsta kafla bókarinnar
er ákveðin afstæðishyggja nánast innbyggð í mannfræði, í þjálfun
mannfræðinga er nánast hamrað á því að það sé ekki hægt að
rannsaka af sanngirni samfélög og það sem gerist innan
menningarsvæða ef fræðimaðurinn missir hlutleysi sitt gagnvart
viðfangsefninu. Hagnýt mannfræði snýst um það að nýta þekkingu
mannfræðinnar til að bæta aðstæður fólks. Þar með er
fræðimaðurinn stiginn á ákveðin hátt út úr hlutverki sínu sem
áhorfandi og orðinn gerandi.
Hagnýt mannfræði snýst meðal annars að taka afstöðu á móti
ýmsum hlutum; kúgun minnihlutahópa, fátækt, þöggun og
sjúkdómum svo fátt eitt sé nefnt. Fræðimenn sem starfa í þessum
anda taka með öðrum orðum siðferðilega afstöðu. Þeir nota
þekkingu sína á aðstæðum fólks til að knýja á um breytingar séu
þeir í aðstöðu til þess eða koma með tillögur til breytingar.
En víkjum að aftur að heilbrigðismálunum. Sú undirgrein
mannfræðinnar sem skoðar heilbrigðismálin sérstaklega nefnist á
ensku „Medical Anthropology“ eða mannfræði heilsufars /
heilbrigðismannfræði.
Heilbrigðismannfræðin nálgast að mörgu leyti viðfangsefni sitt á
sama hátt og aðrar greinar mannfræðinnar, þ.e. sú viðleitni
Rúnar H. Haraldsson – Inngangur að mannfræði: Þróun, menning og samfélag.
154
manneskjunnar að viðhalda heilsu sinni og takast á við sjúkdóma
verður að skoða í samhengi við aðra þætti í menningu hennar.
Heilbrigðistengdar athafnir okkar eru því merkingarbærar og eiga
sér stað innan félagslegs samhengis þess umhverfis sem við finnum
okkur í hverju sinni. Félagslegar og menningarlegar aðstæður okkar
hafa ennfremur bein áhrif á heilsu okkar hverju sinni, bæði til góðs
og ills. Lengi hefur verið vitað að stétt og staða manna, auk kyns
hefur áhrif á þætti eins og reykingar. Í nýlegri Íslenskri rannsókn
hefur verið sýnt fram á að dánartíðni Íslenskra iðnverkakvenna úr
reykingatengdum krabbameinum í öndunarfærum (aðallega
lungnakrabbameins) er meiri heldur en í samanburðarhópum
(Gunnarsdóttir & Tómasson, 2002). Þetta er skýrt dæmi um
hvernig félagslegar aðstæður hafa áhrif á hegðun einstaklinga sem
aftur hefur bein áhrif á heilsu þeirra, í þessu tilfelli til hins verra.
Hvað er heilsa?
Í rannsókn sem framkvæmd var á Íslandi af lækni og mannfræðingi
(höfundi þessa rits) kom fram að flestir af þeim sem rætt var við
skilgreindu heilsu sem einhverskonar ástand þar sem einstaklingur
er ekki veikur, finnur ekki til, og almennt séð gat gert það sem
hann eða hún þyrfti að gera (Jónsson & Haraldsson, 2010).
Með öðrum orðum, fólk skilgreindi heilsu útfrá ákveðinni virkni
mannslíkamans, hann starfaði rétt. Það er tilfinning höfundar að
flestir skilgreini heilsu á þennan hátt, alla vega gagnvart sér sjálfum
og þeim sem standa manni næst. Þetta er samt sem áður frekar
þröng skilgreining, hún tekur ekki mikið til andlegrar vellíðunar eða
félagslegar virkni einstaklingsins.
Alþjóða heilbrigðisstofnunin, (hér eftir nefnd WHO), notast við víða
skilgreiningu á sjúkdómum, en hún skilgreinir heilbrigði sem svo:
Heilbrigði er ástand líkamlegrar, andlegrar og félagslegrar
velmegunar / vellíðunar en ekki einungis það að vera laus við
sjúkdóma eða óáran (þýðing höf) (World Health Organization,
2003).
Rúnar H. Haraldsson – Inngangur að mannfræði: Þróun, menning og samfélag.
155
Maður kynni þá að spyrja sig hvor skilgreiningin sé „rétt“. Vera
kann að sú spurning sé ekki fullkomlega viðeigandi, það getur verið
gagnlegt að velta báðum skilgreinungum fyrir sér.
Skilgreining WHO er klárlega leiðbeinandi fyrir stjórnvöld víða um
heim, sem ættu að taka það til sín að auka velferð almennings að
þessu leyti. Á Íslandi er málum þannig háttað að þessi mál falla
gróft á litið undir tvo málaflokka, annars vegar félagsmál og hins
vegar heilbrigðismál. Ísland hefur notið þeirrar gæfu að hafa nóga
peninga til að eyða í þessi mál, þannig að miðað við mörg lönd
stendur landið vel að þessu leyti.
Hvað fyrri skilgreininguna varðar er athyglisvert að skoða hana úfrá
hegðun fólks. Í sömu rannsókn kom fram að þeir eru líklegastir til
að þiggja ókeypis bólusetningu gegn inflúensu sem sáu fram á að
hafa mikið að gera á næstunni eða voru með undirliggjandi
sjúkdóma og höfðu þar af leiðandi áhyggjur af heilsu sinni. Fyrir
viðmælendurna í rannsókninni var því samræmi milli
skilgreiningarinnar á heilbrigði (sem var skilgreind útfrá virkni) og
hegðunar fólksins sem miðaðist við áframhaldandi virkni (Jónsson
& Haraldsson, 2010).
Veikindi og sjúkdómsgreiningar
Eins og dæmið hér að ofan skýrir leggur þorri manna annan
skilning í veikindi heldur en heilbrigðiskerfið almennt, og
heilbrigðisstarfsmenn sérstaklega. Þennan mun er áhugavert að
skoða aðeins nánar.
Heilbrigðiskerfi vesturlanda hefur sumpart sömu einkenni og
menningarkimar, heilbrigðiskerfið hefur sína eigin ákveðnu
heimsmynd, það tekur fólk langan tíma að verða fullgildir meðlimir
og nýir meðlimir þurfa að gangast undir ákveðna menningar og
félagsmótun í því ferli. Að sumu leyti er þó ekki rétt að bara
heilbrigðisstarfsmenn saman við þá sem búa innan
menningarkima, hugtakið menningarkimi er oftast notað um þá
sem hafna samfélaginu að meira eða minna leyti.
Rúnar H. Haraldsson – Inngangur að mannfræði: Þróun, menning og samfélag.
156
Heilbrigðisstarfsmenn, og þá sérstaklega læknar, hafa mjög sterka
stöðu innan samfélagsins og hljóta góð laun.
En hvað einkennir þá hugmyndafræði heilbrigðiskerfisins, hvað
einkennir heimssýn vestrænna læknavísinda? Um er að ræða
nokkur atriði:
1. Vísindaleg aðferð. Læknavísindin eiga margt sameiginlegt
með vísindum almennt, tilgátur verða að vera prófanlegar
og það verður að vera hægt að endurtaka þær.
2. Hlutir verða einungis raunverulegir ef það er hægt að mæla
þá og skoða á hlutlægan (objective) hátt.
3. Mikil áhersla er lögð á rannsóknir á lífsýnum af ýmsu tagi.
4. Almennt eru sett skörp skil á milli andlegra og líkamlega
þátta.
5. Sjúkdómar eru hlutgerðir, þ.e. litið er á sjúkdóma sem bilanir
í einstökum kerfum líkamans (einum eða fleiri) og
meðferðinni er beint að því kerfi sem vandanum veldur
hverju sinni.
6. Þessi hlutgerving viðfangsefnisins veldur því að
læknavísindin stunda það sem vísindaheimspekin hefur
nefnt smættarhyggju, þ.e. orsakir viðfangsefnisins eru
smækkaðar niður í eins smáar einingar og hægt er. Þetta
merkir til dæmis að læknavísindin líta ekki til orsaka kvefs í
félagslegu umhverfi sjúklinga heldur líta á sýkinguna sem
viðkomandi sjúklingur ber í sér sem orsökina (þetta merkir
þó ekki að læknavísindin skoði ekki sýkingar í ljósi
umhverfisþátta, hér er átt við frumorsakir sem hægt er að
ráðast gegn hjá einstökum sjúklingum).
7. Almennt beina læknavísindin sjónum sínum að
einstaklingum en ekki fjölskyldum þeirra. (Hér er þó rétt að
slá varnagla, hemilslæknar reyna að setja sjúklinga sína í
félagslegt samhengi enda eiga þeir samskipti við sama
sjúklingahóp í langan tíma og hjúkrunarfræðingar reyna
einnig að hlúa að fjölskyldu sjúklinga sinna eins og hægt er.
Rúnar H. Haraldsson – Inngangur að mannfræði: Þróun, menning og samfélag.
157
Vinnuálag á báðar þessar stéttir getur þó komið í veg fyrir að
þessu sé sinnt eins og vel og æskilegt er) (Helman, 2000).
Þegar listinn er skoðaður sést vel að læknavísindin reyna að
fremsta megni að skoða sjúkdóma sem staðreyndir, og menn
reyna almennt að ná samstöðu um þessar staðreyndir með því að
leggja áherslu á prófanlega hluti. Þessar staðreyndir nefna
læknavísindin sjúkdóma, og ætla mætti að þær væru högnar í
stein eins og lögmál Mósessar. Þó er svo ekki, skilgreiningar á
sjúkdómum breytast stöðugt, bæði í takt við tíðaranda
samfélagsins og með aukinni tæknilegri getu læknavísindanna.
Sem dæmi um fyrra atriðið má nefna að samkynhneigð var lengi á
skrá yfir geðsjúkdóma (allt fram á sjötta áratug síðustu aldar).
Dæmin um seinna atriðið eru mýmörg, nánast daglega uppgötvast
nýir sjúkdómar eða menn greina mismunandi afbrigði einhvers
sjúkdóms (Helman, 2000).
Þeir sem veikir eru hugsa að sjálfsögðu ekki á þennan hátt um
sjúkdóma sína. Almennt þá hlutgerir fólk ekki líkama sinn að slíku
marki sem læknavísindin gera. Mannslíkaminn er lykill
manneskjunnar að umhverfi sínu og á þann veg upplifum við ef til
vill líkama okkar sem hlut að einhverju marki, en við upplifum
einnig að vera líkamlegar verur, við drögum andann, finnum til,
sjáum og heyrum. Við erum því hlutur og viðfang okkar sjálfs á
sama tíma.
Sjúkdómar hafa því einkenni sem læknavísindin skoða, en við sem
manneskjur upplifum. Það að vera veikur getur verið (og er mjög
oft) sárt, streituvaldandi og ruglandi. Daglegar venjur riðlast, og
fólk ýmist er ýtt út úr sínu venjulega félagslega hlutverki, eða það
getur ekki sinnt því.
Þegar sjúkdómar eru skoðaðir í þessu samhengi sést að við verðum
að gera greinarmun á því sem læknavísindin vilja skoða, og þess
sem fólk upplifir. Heilbrigðismannfræðin gerir það með því að tala
um sjúkdóma annars vegar, og veikindi hins vegar (Helman, 2000).
Rúnar H. Haraldsson – Inngangur að mannfræði: Þróun, menning og samfélag.
158
Sjúkdómar eru því það sem fólk telur vera orsök þess að
manneskjunni líður ekki vel, en veikindi eru það sem manneskjan
upplifir. Og sá skilningur sem sjúklingurinn og aðstandendur hans
leggja í orsakir og einkenni veikinda.
Eins og farið var yfir í undirkaflanum um galdra er því trúað á
nokkrum stöðum í heiminum að allt mótlæti orsakist af athöfnum
galdramanna, eða vegna þess að fólk hegðaði sér ekki samkvæmt
þeim siðaboðum sem forfeðurnir lögðu upp með. Það skiptir því
engu hvort um er að ræða hitasótt, fósturlát eða uppskerubrest,
orsökin er hin sama.
Það fer einnig mikið eftir skilningi manna á veikindum sínum hvað
þeir ákveða að gera, hvernig þeir takast á við vandann. Ef
orsakanna er að leita í galdri, þá þarf að létta álögunum af þeim
sem fyrir þeim varð. Ef orsakanna er að leita innan líkamans sjálfs
þá þarf að bregðast við með allt öðrum hætti. Með öðrum orðum,
skilningur manna á orsökum veikinda beinir fólki inn á ákveðna
braut viðbragða og segir okkur einnig að einhverju leiti á hverju
fólk getur átt von á.
Bandaríski mannfræðingurinn A. Kleinman (hann er einnig
menntaður geðlæknir) hefur rannsakað með hvaða hætti fólk
hugsar um veikindi ásamt því hvernig það bregst við.
Heilbrigðismódel
Hann hefur reynt að skýra ferlið sem fer í gang þegar manneskja
verður veik, og hefur í þeim tilgangi sett fram hugtakið
heilbrigðismódel. Heilbrigðismódel tekur til orsaka veikindanna,
tímasetningar á og hvernig einkenni sjúkdóms koma fram ,
skýringa á því hvað sé að gerast í líkama sjúklings, hversu alvarleg
veikindin séu eða séu líkleg til að verða og til hvaða ráða sé hægt
að grípa.
Heilbrigðismódel eru hvert öðru líkt innan menningarsvæða en
persónubundnir þættir skipta einnig máli. Þannig hefur hver og
einn einstaklingur sitt heilbrigðismódel, almennar hugmyndir sínar
hefur viðkomandi auðvitað frá samfélaginu, en fyrri reynsla
Rúnar H. Haraldsson – Inngangur að mannfræði: Þróun, menning og samfélag.
159
einstaklingsins af veikindum hefur áhrif, samskipti við
aðstandendur og aðra sem að málinu koma skipta máli svo og
sálrænir þættir (Kleinman, Patients and Healers in the Context of
Culture, 1980).
Heilbrigðismódel einstaklinga eru þess vegna einstaklingsbundin
og síbreytileg, við söfnum sífellt reynslu í sarpinn og erum í sífellt í
samskiptum við einstaklinga sem móta skoðanir okkar.
Kleinman lýsir heilbrigðismódeli einstaklinga sem ekki hafa hlotið
menntun í læknisfræði (eða skyldum greinum) sem nokkurskonar
andstæðu við heilbrigðismódel heilbrigðisstarfsmanna sem hann
telur að breytist hægar og séu miklu bundnari við hinar vísindalegu
skýringar sem áður hefur verið farið í, í þessum kafla (Kleinman,
Patients and Healers in the Context of Culture, 1980).
Þetta þarf í sjálfu sér ekki að koma mikið á óvart, því eins og rakið
hefur verið hér að ofan er það einstaklingurinn sem upplifir
veikindi, en sá sem læknar skoðar sjúkdóma hlutlægt.
Samskipti lækna og sjúklinga eru að vissu leyti mótuð af
mismunandi sjónarhóli þeirra. Læknar hafa í samskiptum sínum við
sjúklinga mjög mikið kennivald. Með kennivaldi er átt við að
viðhorf þeirra og skoðanir eru miklu líklegri til að móta þann
sameiginlega skilning sem skapast í viðtalinu.
Þetta valdaójafnvægi milli læknis og sjúklings getur leitt til þess að
spurningar og áhyggjur sjúklings nái ekki nógu vel að leita upp á
yfirborðið, jafnvel í svo miklum mæli að sjúklingur fari ekki eftir
fyrirmælum viðkomandi læknis eða leiti annað.
Menning og mannslíkaminn
Í hverju samfélagi fyrir sig hefur líkami okkar bæði líkamlega (eða
hlutlæga), sem og félagslega vídd. Það merkir að lögun, stærð og
skreytingar eru aðferð við að tjá á táknrænan hátt upplýsingar um
aldur, kyn, stöðu, starf og hvort að viðkomandi manneskja er
meðlimur í ýmsum trúarlegum og veraldlegum hópum. Að auki ber
Rúnar H. Haraldsson – Inngangur að mannfræði: Þróun, menning og samfélag.
160
líkamstáknmál viðkomandi einnig með sér hver hann er og
hverjum hann tilheyrir.
Föt eru einnig mikilvægur tjáningarmáti að þessu leyti, hver
kannast ekki við að hafa fallið fyrir merkjavöru sem í öllum
aðalatriðum er eins og önnur vara, einmitt vegna þess að það sá
merkjavara og þar af leiðandi stöðutákn.
Hvíti sloppur læknisins og búningur hjúkrunarfræðingsins er af
sama meiði, fötin eru vissulega hagnýt, en þau eru einnig
óumdeilanlega tákn um stöðu þess sem fötin ber.
Víða um veröld tíðkast einnig að breyta líkamanum sjálfum með
margvíslegum hætti. Sumar þessar aðferðir hljóma framandi í
augum íslendinga, en allar þessar aðferðir eiga það sameiginlegt að
þær fá líkama fólks (og oftar kvenna en karla) til að falla betur að
hugmyndum viðkomandi samfélags um fegurð og kynhlutverk. Til
að bregða aðeins nánara ljósi á þetta er rétt að líta aðeins á listann
hér að neðan, en þar getur að líta nokkrar aðferðir sem tíðkast
hafa í gegnum tíðina utan vesturlanda:
Í Perú hafa menn lengi stundað að móta höfuðkúpur
ungbarna áður en beinin gróa saman.
Fyrir nýlendutímann tíðkaðist það að sverfa niður tennur
fólks í Mexíkó og Ekvador, þannig að tennurnar urðu
oddhvassar.
Mynstur búin til úr örvef (scarification) tíðkast víða í Nýju
Gíneu og Mið-Afríku.
Á tímum keisaraveldisins í Kína tíðkaðist það meðal
hástéttarkvenna að reyra fætur þeirra í æsku þannig að þeir
afmynduðust og urðu allt of litlir (og þar með nánast ófærir
til gangs).
Húðflúrun á stórum svæðum líkamans tíðkaðist á Tahítí og
einnig meðal indíána Norður-Ameríku.
Að bera risaskartgripi í vörum og eyrum á meðal indíána
Amason svæðisins, og einnig meðal fólks í Austur-Afríku og
Eyjaálfu (Helman, 2000).
Rúnar H. Haraldsson – Inngangur að mannfræði: Þróun, menning og samfélag.
161
Þegar litið er yfir sviðið kann að virðast sem svo að þetta séu
svæsnar aðgerðir í þágu hinnar mjög svo breytilegu og afstæðu
fegurðar. En hvað gerum við hér á Vesturlöndum? Lítum aðeins
nánar á það:
Strekkjum á húð í andliti með skurðaðgerð.
Sprautum fitu og collageni (gerviefni) í varir til að stækka
þær.
Tökum hár héðan og þaðan til að „gróðursetja“ á skallabletti
karla.
Stækkum brjóst.
Stækkum rasskinnar með fyllingum líkt og gert er í
brjóstaaðgerðum.
Minnkum brjóst með skurðaðgerð.
Sjúgum fitu af maga, undirhöku og lærum.
Breytum nefi fólks (Helman, 2000).
Og svona mætti lengi telja.
Ekki er hægt að skilja við þetta umræðuefni án þess að minnast á
svonefndan umskurð karla og kvenna. Hvort tveggja er flókið
umræðuefni, og tengist bæði trúarhugmyndum, hugmyndum um
hreinleika og þá staðreynd að mjög oft er verið að taka skref í átt
til þess að „breyta“ barni í fullorðin einstakling.
Umskurður (karla og kvenna) er algengasta
líkamsbreytingaraðgerð í heimi. Talið er að einn sjötti hluti
mannkyns hafi undirgengist slíka aðgerð eða um einn milljarður
manna, aðallega í ríkjunum sunnan Sahara eyðimerkurinnar, á
Arabíuskaganum, Malasíu, Indónesíu og á Vesturlöndum (bæði
innflytjendahópar og innfæddir). Á Vesturlöndum hefur það
tíðkast meðal ýmissa hópa innflytjenda að stúlkur séu umskornar.
Drengir aftur á móti eru umskornir innan heilbrigðiskerfisins á
Vesturlöndum, og er aðgerðin trúlega algengust í Bandaríkjunum
(World Health Organization, 2010).
Rúnar H. Haraldsson – Inngangur að mannfræði: Þróun, menning og samfélag.
162
Umskurður kvenna er miklu stærri og meira inngrip en hjá körlum.
Karlar hafa trúlega minni næmi í limnum eftir umskurð en áður, en
ef sýking hleypur ekki í sárið eru fylgikvillar slíkrar aðgerðar
almennt minni.
Fyrir utan sýkingarhættuna sem fylgir umskurði kvenna, og hún er
umtalsverð þar sem verkfærin sem notuð eru, eru sjaldnast
dauðhreinsuð, er aðgerðin sjálf konunni hættuleg. Þó nokkur fjöldi
stúlkna deyr á hverju ári á meðan á umskurðinum stendur vegna
blæðingar og losts (tölur þar um eru mjög á reiki).
Umskurður kvenna hefur verið flokkaður niður eftir því hversu
mikið af kynfærum stúlkunnar er fjarlægður:
I: Snípur og/eða snípshetta konunnar er tekinn.
II: Snípur konunnar ásamt innri kynfærum er fjarlægður.
III: Öll ytri kynfæri konunnar eru fjarlægð. Oft eru kynfærin síðan
saumuð saman og „þrengd“ þannig að legagnaopið verður mjög
þröngt.
IV: Aðrar aðferðir s.s skröpun, götun eða innsetning aðskotahluta.
Afleiðingar slíkrar aðgerðar eru konum erfiðar. Almennt séð þá
minnkar ánægja þeirra af kynlífi mjög mikið eða hverfur, blæðingar
verða erfiðar (sérstaklega þar sem harkalegri gerðir umskurðar eru
stundaðar) og þvaglát sömuleiðis. Umskurður kvenna hefur einnig
verið tengdur erfiðari meðgöngu og fæðingu (World Health
Organization, 2010).
Vegna þessa alls hafa Sameinuðu Þjóðirnar markað sér skýra
stefnu í þessu máli með WHO (World Health Organization) í
fararbroddi. SÞ líta á umskurð kvenna sem heilbrigðisvandamál og
mannréttindabrot sem beri að berjast gegn með skipulegum hætti.
Þrátt fyrir það gengur víða erfiðlega að berjast gegn siðnum.
Ástæður þess hversu illa gengur að berjast gegn umskurði kvenna
eru marþættar. Í raun er ansi upplýsandi fræðilega séð að skoða
Rúnar H. Haraldsson – Inngangur að mannfræði: Þróun, menning og samfélag.
163
þessar ástæður vegna þess hversu skýru ljósi þær bregða á
samband menningar og mannslíkama.
1. Fyrst ber að nefna að það er gífurlegur þrýstingur á ungar
konur að gangast undir aðgerðina, bæði frá fjölskyldu og
samfélaginu almennt. Óttinn við að fara ekki í aðgerðina er
heldur ekki út í hött, konur óttast að þær geti ekki gengið í
hjónaband og verði úthýst af ættingjum sínum samþykki
þær ekki að fara í aðgerðina (reyndar er afskaplega
vafasamt að tala um samþykki þegar um ung stúlkubörn er
að ræða).
2. Umskurður er oftar en ekki talinn nauðsynlegur hluti
uppeldis stúlkubarna.
3. Þar sem harkalegri gerðir umskurðar eru stundaðar (sjá
gerð III) er tilgangur aðgerðirnar beinlínis að hindra konur í
að stunda kynlíf. Á þessum menningarsvæðum eru konur
oft álitnar veiklundaðar og syndugar; umskurðurinn á að
„hjálpa“ þeim að standast freistingar holdsins. Rétt fyrir
giftingu þarf síðan að opna leggangnaopið með annarri
skurðaðgerð.
4. Sumstaðar tengis aðgerðin beinlínis hugmyndum um það
hvað er kvenlegt. Óumskornar konur eru álitnar
„karlmannlegar“ og óhreinar.
5. Umskurður tengis oft trúarhugmyndum fólks á tilteknum
svæðum. Þetta á við bæði kynin. Gyðingdómur hefur til
dæmis hugmyndir um sáttmála milli guðs og manna um að
fórna honum forhúð drengja. Engin skipulögð trúarbrögð
hafa kennisetningar um umskurð kvenna, og mjög
mismunandi er hvernig trúarleiðtogar á hverjum stað taka á
málinu.
6. Á þeim stöðum þar sem umskurður kvenna tíðkast eru oftar
en ekki öfl til staðar sem hafa hagsmuni af því að viðhalda
siðnum. Umskerarinn nýtur oft forréttinda í samfélaginu,
hún er oftar en ekki í sérstöku sambandi við hið
yfirnáttúrulega og nýtur virðingar samkvæmt því.
Rúnar H. Haraldsson – Inngangur að mannfræði: Þróun, menning og samfélag.
164
7. Umskurður kvenna er rótgróin hefð og fólk notar hefðina
mjög oft sem réttlætingu á því að siðnum er viðhaldið.
8. Á sumum svæðum hefur siðurinn verið lífgaður við sem
þáttur í sjálfstæðisbaráttu þjóða og hópa.
9. Sums staðar ástunda menn umskurð á konum vegna þess
að nágrannaþjóðflokkar gera það einnig; það hefur þekkst í
Afríku að hópar sem hafa flutt á svæði þar sem siðurinn er
útbreiddur hafi tekið hann upp þótt þeir hafi ekki stundað
hann áður (World Health Organization, 2010).
Innri gerð mannslíkamans
Innri gerð mannslíkamans er flestu fólki nokkur ráðgáta, alla vega
fyrir þau okkar sem ekki eru líffræðingar eða
heilbrigðisstarfsmenn. Hugmyndir okkar um innri gerð
mannslíkamans eru almennt byggðar á þjóðlegum fróðleik af ýmsu
tagi, bókum og blöðum auk persónulegrar reynslu okkar.
Eiginlega má segja að mannslíkaminn hafi verið sem lokuð bók í
gegnum aldirnar, nokkuð sem byrjaði að færast til betri vegar á 18
öld, þegar læknar og líffærafræðingar eins og J. Hunt (1728 – 1793)
byrjuðu að rannsaka mannslíkamann með því að kryfja látna
einstaklinga og lýsa því sem þeir sáu í máli og myndum.
Sagan af því hvernig mannslíkaminn opnaðist og læknar byrjuðu að
hafa raunsanna mynd af því hverju þeir stóðu frammi fyrir þegar
þeir gerðu aðgerðir á fólki er mjög merkileg, en því miður nokkuð
fyrir útfyrir það efni sem hér er ætlunin að fjalla um.
Aðalatriðið er þetta: Það er mjög mikill munur á þekkingu
almennings á mannslíkamanum annars vegar og þekkingu
heilbrigðisstarfsmanna hins vegar, nokkuð sem getur haft áhrif á
það hvernig sjúklingar lýsa veikindum sínum fyrir
heilbrigðisstarfsmönnum og einnig á það hversu viljugt fólk er að
fara eftir tilmælum þeirra eins og eftirfarandi dæmi sýnir:
„20 ára kvenkyns Lundúnabúa var ávísað lyf gegn brjóstsviða
(heartburn). Viku síðar fór hún til annars læknis. Einkenni
hennar voru þau sömu. Aðspurð viðurkenndi hún að hafa
Rúnar H. Haraldsson – Inngangur að mannfræði: Þróun, menning og samfélag.
165
ekki tekið inn lyfin hún hafði verið ávísað frá hinum fyrri.
Þegar hún var spurð hverju það sætti svaraði hún: „hvers
vegna ætti ég að taka inn brjóstsviðalyf þegar ég hafði ekki
verið skoðuð almennilega?“ („Of course I didn‘t take his
mixture. How could he know I had heartburn if he didn‘t
even listen to my heart? “ (Helman, 2000, bls. 16)
Allmargar rannsóknir hafa farið fram á þekkingu almennings á
staðsetningu, stærð og hlutverki helstu líffæra. Boyle (1970) lagði
spurningalista fyrir 234 inniliggjandi sjúklinga þar spurt var um
staðsetningu, hlutverk og gerð helstu líffæra. Til samanburðar lagði
hann sama spurningalista fyrir 35 lækna.
Mjög mikill munur var á svörum sjúklinganna og læknanna eins og
búast mátti við (og ef til vill sem betur fer). Sem dæmi um svör
sjúklinganna þá staðsettu 58.5 % þeirra magann í öllu kviðarholinu,
48, 7 % staðsettu nýrun neðst í kviðarholinu (niður við nára) og
önnur 45,5 % staðsettu lifrina nokkurn vegin á því sama svæði
(Boyle, 1970).
Hugmyndir fólks um hvernig líkami þess er samsettur virðist einnig
vera breytilegur eftir líkamlegu ástandi, sálrænu ástandi og aldri.
Það virðist vera að þau líffæri sem valda fólki vandræðum verði
stærri í huga viðkomandi, fólk í annarlegu sálrænu ástandi (eins og
til dæmis sjúklingar í virkum fasa geðklofasjúkdóms) hafi mjög
þokukenndar hugmyndir um líkama sinn. Rannsóknir meðal barna
sýna einnig oft að þau leggja mikla áherslu á bein (börn virðast
hafa mjög gaman af því að teikna beinagrindur), en hafa litla
hugmynd um innri gerð líkamans. (Tait & Asher, 1982).
Hugmyndir almennings um gerð mannslíkamans geta einnig haft
áhrif á hegðun fólks eftir sjúkdómsgreiningu, fólk getur gripið til
ýmissa ráða til að hjálpa líkamanum til að batna, ráða sem geta
verið stórhættuleg eða hreinlega furðuleg:
„60 ára hvít kona var lögð inn á sjúkrahús í Massachusetts
með lungnabjúg og hjartabilun. Smátt og smátt tók konunni
Rúnar H. Haraldsson – Inngangur að mannfræði: Þróun, menning og samfélag.
166
að batna, en á sama tíma byrjað hegðun hennar að vera
undarleg. Hún neyddi sjálfa sig í sífellu til að kasta upp og
byrjaði að væta rúm sitt af miklum móð. Geðlæknir var
kallaður til. Þegar geðlæknirinn byrjaði að spyrja hana út í
ástæður hegðunarinnar kom í ljós að hegðun hennar var
fullkomlega rökrétt frá hennar sjónarhóli séð. Hún var dóttir
pípulagningamanns (og reyndar eiginkona líka) og hafði þá
mynd af samsetningu mannslíkamans að hann væri að innan
eins og pípurnar sem hún hafði séð föður sinn vinna með
þegar hún var ung stúlka. Hún var þess vegna að reyna að
fjarlægja eins mikið af vatninu í lungum sínum og hún gat,
með því að kasta upp og pissa eins mikið og hún mögulega
gat (rök hennar voru að allar pípurnar væru samtengdar, og
að bjúgtöflurnar sem hún fékk tækju vatnið úr lungunum
með því að láta hana pissa). Eftir að geðlæknirinn hafði
útskýrt fyrir henni hvernig „pípurnar“ voru raunverulega
tengdar inni henni hætti hún bæði að væta rúm sitt og að
kasta upp“ (Kleinman, Eisenber, & Good, 1978, bls. 258)
Kenningar um heilsu og vanheilsu að fornu og nýju
Til þess að skilja hegðun fólks varðandi heilsu sína og hvernig fólk
reynir að viðhalda henni er ekki nóg að skoða hugmyndir um gerð
mannslíkamans. Til þess að fá skýra mynd þarf einnig að skoða
hugmyndir fólks um það hvernig líkaminn starfar auk þess að rýna í
hugmyndir manna um það hvað það sé sem haldi líkamanum
heilbrigðum.
Fræðimenn hafa í gegnum aldirnar skoðað og velt fyrir sér
hugmyndum almennings um þetta efni eins og reyndar kemur
fram í kaflanum um galdra hér á undan.
Kenningar fólks um starfsemi mannslíkamans taka yfirleitt til
nokkurra þátta:
1. Hvernig líffærin starfa saman.
2. Áhrif mataræðis á heilsu.
Rúnar H. Haraldsson – Inngangur að mannfræði: Þróun, menning og samfélag.
167
3. Áhrif umhverfisins á heilsu manna auk annarra
utanaðkomandi þátta (eins og til dæmis galdra).
4. Eðli úrgangsefna mannslíkamans eins og saurs, þvags og
tíðablóðs og hvernig skuli staðið að því að losna við þessi
úrgangsefni (Helman, 2000).
Hugmyndir manna um þessi viðfangsefni eru eins og glögga
lesendur er sjálfsagt farið að gruna mjög mismunandi eftir
menningarsvæðum. Þó hafa kenningar manna um heilsu mjög oft
eitt sameiginlegt: flestar þessar hugmyndir byggja á þeirri
grunnhugsun að líkaminn þurfi að vera í einhverskonar jafnvægi
milli grunnþátta af ýmsu tagi. Þessir grunnþættir geta verið
ýmiskonar; þeir geta verið utanaðkomandi (til dæmis er algengt að
lögð sé áhersla á rétt matarræði) eða þessir þættir geta verið innra
með manninum (Helman, 2000).
Til að bregða nánara ljósi á þetta er rétt að skoða eina af þessum
kenningum (sem jafnframt er sú útbreiddasta); Vessakenninguna.
Vessakenningin er ævaforn, og reyndar er hægt að rekja hana í
gegnum hugmyndasöguna til Kína og Indlands, en þaðan barst hún
til Forn Grikkja þar sem Hippókrates tók hana upp á sína arma og
gerði að sinni.
Kenningin gengur út á að líkaminn innihaldi fjóra vessa: Blóð, slím,
Svartagall og Gulagall. Í heilbrigðum líkama eru þessir vessar í
jafnvægi, óheilbrigði stafar af því að annað hvort vantar upp á
magn einhverra þeirra eða það er of mikið af þeim.
Samkvæmt kenningum Hippókratesar eru ýmsir þættir sem geta
haft áhrif á þetta jafnvægi, svo sem matarræði, umhverfi og
árstíðir. Læknisráðin sem boðið er upp á eru í síðan í samræmi við
útlistanir kenningarinnar á orsökum veikindanna. Meðferðin er
fyrst og fremst fólgin í því að endurreisa það jafnvægi sem hefur
glatast. Það má ýmist gera með því að losna við það sem of mikið
er af í líkamanum til dæmis með blóðtökum, uppsölum og föstum
eða með því að taka inn ýmiskonar lyf eða matvæli til að vega á
móti því sem upp á vantar (Helman, 2000).
Rúnar H. Haraldsson – Inngangur að mannfræði: Þróun, menning og samfélag.
168
Vessakenningin gerði einnig tilraun til að skýra út skapgerð manna
og tengja hana hinum fjórum vessum. Persónugerðirnar voru því
fjórar og nefndust eftir tvær fyrstu eftir blóði og slími og var talið
að of mikið væri af þeim vessum í líkama viðkomandi. Heitir
persónuleikar töldust vera með of mikið af gulagalli og þungir
(þunglyndir) persónuleikar voru taldir vera með of mikið af
svartagalli (og er þar komin hugsanleg skýring á íslenska orðinu
svartagallsraus sem notað er til að lýsa svartsýnni framíðarsýn).
Kenningar Hippókratesar barst víða. Þær bárust eftir gullöld
hellenismans til Rómaveldis þar sem læknirinn Galen (130 -200
e.kr.) tók þær upp á arma sína. Næstu aldirnar á eftir bárust skrif
Galens um hinar dreifðu byggðir Rómaveldis, og bárust þaðan til
hins Íslamska heims á níundu öld þar sem þær voru þýddar. Á
miðöldum bárust kenningar Galens og Hippókratesar aftur
vesturlanda þegar Spánn og Portúgal slitu sig frá hinum íslamska
heimi á fimmtándu öld, en læknar á Spáni og Portúgal höfðu haft
aðgang að hinum ríkulega fræðaheimi sem til staðar var undir
verndarvæng Íslamskra yfirvalda á þeim tíma. Spánskir og
Portúgalskir læknar (og aðrir fræðimenn) tóku þennan arf síðan
yfir til Suður og Mið Ameríku og Filippseyja þar sem hugmyndirnar
hafa trúlegast runnið saman við þá hefð sem fyrir var og hefur
trúlega byggt á svipaðri grunnhugsun (um þetta er mannfræðingar
þó ekki sammála og skiptar skoðanir um það að hversu miklu leyti
hugmyndirnar voru til staðar áður en Portúgalar og Spánverjar
lögðu svæðin undir sig).
Eftir stendur að vessakenningin er einhver útbreiddasti grunnur að
hugmyndum almennings um víða veröld. Hugmyndir af þessu er að
finna á Indlandi, Kína, Evrópu og Ameríku (Helman, 2000).
Það að skoða þessar hugmyndir og velta þeim fyrir sér felur í sér
annan tilgang en bara fræðilega forvitni. Hegðun sem er í samræmi
við hugmyndir sem þessar getur haft neikvæðar afleiðingar í för
með sér fyrir heilsu fólks.
Rúnar H. Haraldsson – Inngangur að mannfræði: Þróun, menning og samfélag.
169
Gott dæmi um það er hegðun kvenna sem eru á blæðingum eða
hafa nýlega gengið í gengum barnsburð. Líkamsástand kvenna (og
þá sérstaklega blóð þeirra) á slíkum tímum er álið vera heitt. Til
þess að forðast það að blóðið hlaupi í kekki forðast konur á
þessum tímabilum matvæli sem flokkuð eru sem köld. Þetta getur
haft það í för með sér að fólk sem þegar býr við eða er á mörkum
þess að búa við næringarskort takmarkar fæðuinntöku sína enn
frekar, og afleiðingin verður alvarlegur skortur á vítamínum og
snefilefnum, einmitt á þeim tíma sem líkaminn þarfnast þeirra
mest eins og þegar kona er nýbúin að eignast barn.
Heilsugæsla og menning
Nokkuð góð samstaða er um það meðal fræðimanna að
fyrirbærinu heilsugæsla eða „health care“ megi skipta niður í þrjá
aðskilda geira. (Hér þurfa íslenskir lesendur þó að hafa varan á sér,
hér er talað um heilsugæslu í mun víðari skilningi en þeir eiga að
venjast, þeir eru vanir því að orðið heilsugæsla eigi við
heilsugæslustöðvar og þá starfsemi sem þar er að finna, en hér er
átt við að heilsugæsla taki til allrar starfsemi sem hafi með heilsu
fólks að gera.) Heilsugæsla samkvæmt þessum víðara skilningi
skiptist í þrennt:
1. Almenna geirann (fjölskylda og vinir)
2. Hliðræna (eða hliðræna geirann, fólk sem stundar
óhefðbundnar lækningar í vestrænu samhengi).
3. Atvinnugeirann (háskólamenntaðir læknar og hjúkrunarfólk)
(Helman, 2000).
Almenni geirinn er í raun sú heilsugæsla og meðferð sem hinir
almennu borgarar veita sjálfum sér og öðrum. Öflugasta stofnunin
innan geirans er fjölskyldan, en menn hafa áætlað að 70 til 90 %
allra sjúkdómstilfella séu fyrst greind og meðhöndluð innan
hennar. Allnokkur munur er á hlutverkum kynjanna hvað þetta
varðar eins og fræðimaðurinn Chrisman hefur bent á, konur eru
miklu líklegri til að skipta sér af og hjúkra veikum ættingjum en
karlar (Chrisman, 1977).
Rúnar H. Haraldsson – Inngangur að mannfræði: Þróun, menning og samfélag.
170
Þegar fólk veikist þá fer venjulega í gang ferli sem hefst á því að
fólk reynir að takast á við veikindi sín sjálft eða með aðstoð sinna
nánustu. Ferlið sjálft er í raun einskonar goggunarröð úrræða, þar
sem fólk byrjar á því að meðhöndla veikindi sín sjálft en endar (ef
veikindum linnir ekki eða auðsýnt er að þau séu alvarleg) hjá
sérfræðingi.
Fólk byggir þá meðferð sem það beitir auðvitað á þeim skilningi
sem það hefur á gerð og starfsemi mannslíkamans, bæði hvað
varðar lyf sem hægt er að kaupa á opnum markaði og matvöru af
ýmsu tagi sem fólk beitir til dæmis í þeim tilgangi að koma á og
viðhalda „jafnvægi“ líkamans.
Tengsl þeirra einstaklinga sem eiga samskipti innan almenna
geirans eru oft náin, um er að ræða fjölskyldu, vina og
kunningjatengsl. Með öðrum orðum: hægt er að líta á almenna
geirann sem nýtingu á félagslegu tengslaneti einstaklings í þágu
heilsu. Vissir einstaklingar þykja þó trúverðugri en aðrir:
1. Einstaklingar sem hafa reynslu af tilteknum sjúkdómum eða
meðferð.
2. Einstaklingar með mikla lífsreynslu á tilteknum sviðum, til
dæmis konur sem hafa alið mörg börn.
3. Ýmiskonar fagmenn aðrir en læknar, svo sem sálfræðingar,
hjúkrunarfræðingar, lyfjafræðingar og jafnvel móttökuritarar
lækna.
4. Makar lækna sem deila ýmiskonar reynslu með maka sínum.
5. Einstaklingar sem hafa mikil samskipti við allskonar fólk, svo
sem hárgreiðslufólk, barþjónar og bankastarfsmenn.
6. Umsjónarmenn sjálfshjálparhópa.
7. Meðlimir og umsjónarmenn í trúarhópum sem stunda
lækningastarfsemi (Helman, 2000).
Af lista þessum sést að sumir einstaklinganna hafa nokkra formlega
þjálfun, en aðrir ekki.
Rétt er að hafa í huga varðandi hina ýmsu geira heilsugæslunnar
að þótt að um nokkurskonar goggunarröð sé að ræða geta
Rúnar H. Haraldsson – Inngangur að mannfræði: Þróun, menning og samfélag.
171
einstaklingar leitað sér ráða í hinum ýmsu geirum samtímis. Einnig
er ekki sjálfgefið að fólk leiti fyrst í hliðræna geirann áður en það
leitar sér aðstoðar í atvinnugeiranum (hjá menntuðum lækni) og
reyndar er það mun oftar þannig á vesturlöndum að fólk leitar í
hliðræna geirann þegar því finnst að læknisfræðin hafi brugðist og
það geti ekki fengið meina sinna bót innan atvinnugeirans (hjá hinu
opinbera heilbrigðiskerfi.
Hliðræna geirann er erfitt að nefna á íslensku. Á ensku nefnist
hann „the folk sector“ sem gefur til kynna að verið sé að vísa í trú,
þekkingu og venjur fólks á hverjum stað. Lækningaaðferðir þær
sem verið er að fjalla um eru því hefðbundnar aðferðir fólksins á
viðkomandi menningarsvæði. Á vesturlöndum hefur myndast sú
hefð að tala um lækningaaðferðir þær sem nota aðrar aðferðir en
hina vísindalegu aðferð sem óhefðbundnar lækningar. Að mínu
mati er slík nafngift út í hött, að flestu leyti eru þessar aðferðir
þvert á móti hefðbundnar innan þeirra menningarsvæða þar sem
þær þróuðust, þær eru bara ekki hefðbundnar á vesturlöndum. Ég
hef því kosið að nota hugtakið hliðræni geirinn (eða alternatívi
geirinn) í stað þess að nefna fyrirbærið óhefðbundnar lækningar
vegna þess að þessi geiri á sér tilvist til hliðar við hið opinbera kerfi
(Helman, 2000).
Þær lækningaaðferðir sem tilheyra hliðræna geiranum eru mjög
fjölbreyttar og skiptast í tvennt: Annars vegar eru aðferðir sem eru
veraldlegar og hins vegar er um aðferðir að ræða sem notfæra sér
yfirnáttúrulega krafta við lækningar.
Til veraldlegra aðferða teljast til dæmis grasalækningar,
nálarstungur, að stilla af bein eftir slys, að draga úr tennur og að
hjálpa konum við barnsburð.
Andalæknar, shamanar og þeir sem lækna með tilstuðlan bæna
teljast nota yfirnáttúrulegar aðferðir.
Flestir þeir sem stunda lækningar innan hliðræna geirans hafa
svipaðan skilning á virkni og gerð mannslíkamans og sjúklingar
þeirra, en þeir hafa þó þekkingu á ýmiskonar aðferðum sem
Rúnar H. Haraldsson – Inngangur að mannfræði: Þróun, menning og samfélag.
172
almenningur hefur ekki eða þeir hafa hlotið sérstaka vígslu til þess
að mega hafa samband við andaheima ýmiskonar. Á þeim svæðum
þar sem sjúkdómar og önnur óáran er talin eiga sér þá orsök að
menn hafi brotið af sér gagnavart fólki eða gengið gegn vilja
forferðanna er meðferð læknadans oftar en ekki heildræn; þ.e.
meðferðin og sjúkdómsgreiningin tekur ekki einungis til líkamlegra
einkenna heldur einnig til margs í lífi viðkomandi eins og samskipta
viðkomandi við ástvini og nágranna, þátttöku í samfélaginu og
hvort hegðun viðkomandi stangist á við „rétta“ hegðun (til dæmis í
kynferðismálum) (Helman, 2000).
Þjálfun fólks í hliðræna geiranum er mjög mismunandi, og fer
nokkuð eftir því hversu styrkum fótum lækningaaðferðin stendur í
samfélaginu. Fólk getur því hafið störf í hliðræna geiranum á
ýmsan hátt;
1. Fólk fæðist sumt hvert inn í fjölskyldur þar sem menn hafa
haft lifibrauð sitt af lækningastarfsemi kynslóðum saman.
2. Vegna eiginleika sem eru tilkomnir vegna systkinaraðar eða
aðstæðna sem voru til staðar þegar viðkomandi fæddist.
Frægasta dæmið um slíkt er þegar sjöundi sonur sjöunda
sonar fæðist á Írlandi, en slíkt barn er talið búa yfir
yfirnáttúrulegum eiginleikum. Sértakir fæðingarblettir og að
fæðast með líknarbelginn yfir andlitinu eru einnig álitnir
sérstakir fyrirboðar.
3. Sérstakir hæfileikar eða vilji yfirnáttúrulegra krafta geta
skyndilega opinberast fyrir fólki og ýtt því á ákveðnar brautir
í lífinu, þeir sem verða shamanar þurfa að fá yfirnáttúrulegar
sýnir af þessu tagi.
4. Sumir kjósa að fara að gerast lærisveinar fólks sem hefur
aflað sér góðs orðspors á einhverju sviði lækninga.
5. Að lokum ber að nefna þá sem einfaldlega byrja að
meðhöndla fólk án mikils undirbúnings eða læra „af sjálfum
sér“ (Helman, 2000).
Fæstir fara einhverja eina leið að því að afla sér orðspors. Margir
fæðast inn í fjölskyldur sem hafa stundað lækningar lengi og fara
Rúnar H. Haraldsson – Inngangur að mannfræði: Þróun, menning og samfélag.
173
samt í læri hjá einhverjum sem hefur stundað slíkar lækningar
lengi, menn finna þá leið sem hentar.
Í kaflanum hér á undan eru rakin nokkur dæmi um yfirnáttúrulegar
aðferðir sem menn beita gegn sjúkdómum og annarri óáran (sjá til
dæmis umfjöllun um galdra og shamanisma). Hér verður því
skoðað dæmi um veraldlegar aðferðir. Aðferðin sem verður
skoðað er fyrirbæri sem hefur rutt sér til rúms víða á
þróunarlöndum síðustu áratugi og sýnir gróskuna í þessum geira
mannlífsins og það hversu fljótt fólk er að reyna að tileinka sér þær
aðferðir sem duga, þótt að með vanefnum sé. Það verður þó einnig
að segjast eins og er að aðferðin sem um ræðir, að sprauta
þekktum eða óþekktum efnum í fólk með sprautu er stórhættuleg
vegna sýkingarhættu og vanþekkingar á virkni efnanna sem
sprautað er í fólk.
Aðferðin er sem sagt fólgin í því að líkja eftir meðferð vestræns
læknis með því að efnasamböndum (eða þess vegna bara vatni) er
sprautað í fólk. Aðferðin er sérstaklega algeng á meðal fátækra
íbúa Arabíuskagans og í Afríku sunnan Sahara eyðimerkurinnar.
Þeir sem stunda lækningar af þessu tagi hafa venjulega einhverja
reynslu af hinu opinbera heilbrigðiskerfi, hafa verið aðstoðarmenn
lækna eða unnið við sjúkrahús (Underwood & Underwood, 1981).
Til dæmis hafði einn af þeim sem Underwood ræddu við í frægri
rannsókn hafði til dæmis unnið sem ræstitæknir á sjúkrahúsi í
nokkra mánuði.
Í löndunum sem um ræðir eru nálastungur álitnar vera einskonar
kjarni vestrænnar læknisfræði þannig að meðferðin hefur á sér
nokkur einkenni hermialdurs. Hitt er svo annað mál að oftar en
ekki líður fólki betur í einhvern tíma eftir meðferð, sérstaklega ef
það er sprautað með uppleystu verkjalyfi. Önnur áhrif má vafalaust
rekja til lyfleysuáhrifa.
Til atvinnugeirans (the professional sector) teljast þær starfsstéttir
sem hafa hlotið formlega þjálfun í háskólum sem
Rúnar H. Haraldsson – Inngangur að mannfræði: Þróun, menning og samfélag.
174
heilbrigðisstarfsmenn og lúta eftirliti hins opinbera á starfsemi
sinni.
Mjög mismunandi er eftir löndum og menningarsvæðum hversu
mikinn aðgang fólk hefur að háskólamenntuðum lækni. Í Afríku
Sunnan Sahara eyðimerkurinnar eru til dæmis 0,12 læknar á hverja
þúsund í búa á meðan þeir eru að meðaltali 3,09 á hverja þúsund
íbúa á Vesturlöndum (Word Bank, 1993).
Í kaflanum „Veikindi og sjúkdómsgreiningar“ hér á undan var farið í
hugmyndafræðilegar undirstöður vestrænna læknavísinda. Sú
umræða verður ekki endurtekin hér, en rétt er að benda á að
Vestræn læknavísindi og hvernig þau eru stunduð, eru afsprengi
þeirrar menningar því félagslega umhverfi sem þau eru sprottin úr.
Heilbrigðisstarfsmenn njóta ýmiskonar forréttinda innan
vestrænna samfélaga (bæði hvað varðar stöðu, kennivald og
efnahag). Starfsfólki innan kerfisins er einnig raðað í stífa
virðingarröð sem endurspegla hið stærra samfélag sem styður það.
Hin opinberu heilbrigðiskerfi eru einnig mjög ólík innbyrðis, þ.e.
milli landa. Það skiptir miklu máli fyrir sjúklinga (sérstaklega þá
efnaminni) hvort að heilbrigðiskerfi eru rekin í umhverfi
velferðarríkisins, kapítalisma eða í einhverskonar kommúnísku
kerfi. Þessi munur á hinum opinberu heilbrigðiskerfum
endurspeglast meðal annars í lífslíkum almennings í mismunandi
löndum. Lífslíkur í Bandaríkjunum þar sem einna mest af peningum
er lagt í heilbrigðismál af öllum ríkjum eru til dæmis ekkert sérlega
góðar; landið er í fimmtugasta sæti yfir þau lönd þar sem lífslíkur
eru bestar (Central Intelligence Agency, 2009). Þetta misræmi
stafar trúlegast af því að þeir sem hafa meira milli handanna geta
keypt sér þá bestu þjónustu sem völ er á, á meðan þeir sem minnst
hafa geta ekki veitt sér það að leita til læknis og þannig dreifast
þær bjargir sem hið opinbera heilbrigðiskerfi í Bandaríkjunum mjög
ójafnt.
Gagnrýnendur kerfisins hafa einnig bent á að það sé aukin
tilhneiging innan þess að stjórna æ fleiri þáttum lífs okkar og þetta
Rúnar H. Haraldsson – Inngangur að mannfræði: Þróun, menning og samfélag.
175
sé hvergi eins augljóst eins og þegar fólk stundi einhverja þá iðju
sem fer í taugarnar á samfélaginu yfirleitt.
Sjúkdómur eða siðferðisbrestur
Félagsfræðingurinn T. Parsons benti fyrstur manna á það að
frávikshegðun ýmiskonar kallaði á tvennskonar viðbrögð. Annars
vegar voru frávik þar sem fólk var talið bera ábyrgð á hegða sinni
og var refsað fyrir, en hins vegar voru þeir sem höfðu lent í því að
eitthvað hafði komið fyrir sem var ekki þeim að kenna, og þeir báru
því ekki ábyrgð á ástandi sínu. Slíkt fólk var veikt, og fékk frí frá
almennum skyldustörfum auk þess að vera sýnd annars konar
tillitsemi svo fremi sem það sýndi samstarfsvilja og sýndi að því
væri umhugað um að ná bata.
Þeir sem eru veikir og því ekki hægt að kenna um ástand sitt eru í
því í sjúklingshlutverki eins og Parsons orðaði það (Giddens, 1989).
Í byrjun tuttugustu aldarinnar var ástand mála innan vestrænna
læknavísinda frekar aumt miðað við tæknilega getu þeirra í dag.
Félagsfræðingurinn J. Henderson hefur reiknað út að á milli 1810
og 1812 hafi í fyrsta skipti í sögunni verið um helmingslíkur þess að
sjúklingur sem leitaði sér lækninga hefði mælanlegt gagn af því að
hitta lækni (Helman, 2000).
Eftir það byrjuðu hlutirnir að gerast hratt í lækningasögunni. Því
miður er ekki pláss til þess að fara ofan í þá sögu hér, en menn
náðu tökum á grundvallaratriðum í sótthreinsun aðeins fyrr, og
byrjuðu nú að takast á við útbreiðslu smitsjúkdóma að gagni, með
bólusetningum, lyfjum (fyrst svokölluðum súlfatlyfjum og síðan
nútímalegum sýklalyfjum) og almennum faraldursfræðilegum
aðgerðum.
Þetta leiddi til þess að menn öðluðust mikla trúa á læknisfræðinni ,
trú sem hefur haldist í hendur við framfarahyggju Vesturlanda
fram á vora daga. hefur bent á, að í kjölfarið á þeim árangri sem
læknavísindin hafa náð hafi þau öðlast óskorað einkaleyfi á að
skilgreina veikindi og allt það sem getur tengst veikindum fólks að
Rúnar H. Haraldsson – Inngangur að mannfræði: Þróun, menning og samfélag.
176
einhverju leyti og þá skipti engu hvort læknavísindin geti í raun
tekist á við vandann eða ekki (Freidson, 1970).
Undir lok nítjándu aldar fóru menn að fyrst að hugsa til þess hvort
ekki væri skynsamlegt og mannúðlegt að láta læknavísindin og
heilbrigðiskerfið takast á við ýmiskonar frávikshegðun sem þangað
til hafi verið skilgreind af samfélaginu sem eitthvað sem menn
gerðu af því að þeir væru slæmir.
Þessi tilhneiging varð sterkari eftir því sem leið á tuttugustu öldina
vegna uppgangs læknavísindanna. Þessu fylgdi líka ákveðin
hugarfarsbreyting, þegar meðferð er orðin viðurkennd aðferð til
þess að takast á við frávikshegðun er ákveðin tilhneiging til þess að
skilgreina æ fleiri hegðunarfrávik sem veikindi heldur en áður.
Sum frávik eru auðvitað innrammaðri í heim læknavísindanna
heldur en önnur (til dæmis geðsjúkdómar) en á síðustu áratugum
hefur færst í vöxt að vandamál eins og fíkniefnaneysla, alkóhólismi,
ofvirkni/athyglisbrestur, sjálfsvígstilraunir, offita, greindarskerðing,
glæpir, ofbeldi, misnotkun á börnum og námsörðugleikar hafi
færst að meira eða minna leyti inn í heilbrigðiskerfið.
Með þessu hefur mannskilningur okkar sem samfélags breyst, við
lítum á mannlega breytni og breyskleika með öðrum hætti:
Með því að menn hættu að líta á manneskjuna útfrá
trúarlegum forsendum og hófu að beita hinu vísindalega
módeli til skilnings á manninum, nokkuð sem menn færðu í
orð á nítjándu öld, hefur orðið róttæk breyting í átt frá því að
líta á manneskjuna sem veru sem beri ábyrgð á sjálfri sér í
átt til þess að líta á manninn sem veru sem einungis bregst
við félagslegum og líffræðilegum kröftum sem feykja henni
til (Szasz, 1974, bls. 149).
Rúnar H. Haraldsson – Inngangur að mannfræði: Þróun, menning og samfélag.
177
Verkefni úr kafla 8
Skilgreindu eftirfarandi hugtök:
Hagnýt mannfræði
Heilsa
Veikindi
Heilbrigðismódel
Umskurður
Vessakenning
Hin almenni geiri heilsugæslunnar.
Svaraðu eftirfarandi spurningum:
Hvað einkennir heimssýn vestrænna læknavísinda?
Hvaða greinarmun gera mannfræðingar á hugtökunum sjúkdómur
og veikindi
Er einhver munur á þeim „fegrunaraðgerðum“ sem menn stunda á
Vesturlöndum og á öðrum menningarsvæðum?
Lýstu aðferðum við umskurð kvenna.
Lýstu hugmyndum Hippókratesar um starfsemi mannslíkamans.
Hvaða munur er á hinum hliðræna geira og atvinnugeira
heilsugæslunnar?
Hvers vegna eru æ fleiri vandamál að færast inn í heilbrigðiskerfið?
Rúnar H. Haraldsson – Inngangur að mannfræði: Þróun, menning og samfélag.
178
Heimildaskrá
Almond, G., & Verba, S. (1963). The Civic Culture: Political
Attituudes and Democracy in Five Nations. Princeton: Princeton
University Press.
American Museum of Natural History. (2009). Margaret Mead.
Sótt 18. Mars 2010 frá
http://www.amnh.org/exhibitions/expeditions/treasure_fossil/Tre
asures/Margaret_Mead/mead.html
Bailey, G. (1973). Changes in Osage Organization:1673-
1904.University of Oregon Anthropological Papers no. 5,. Eugene:
University of Oregon.
Benedict, P. (2002). Christ's Churches Purely Reformed: A Social
History of Calvinism. New Haven: Yale University Press.
Benedict, R. (1934). Patterns of Culture. New York: Mentor.
Benedict, R. (1946). The Chrysanthemum and the Sword. Boston:
Houghton Mifflin.
Berger, P., & Luckmann, T. (1966). The Social Construction of
Reality. New York: Anchor Books.
Boaz, F. (1932). Antropology and Modern Life. New York: Norton
and Co.
Bonhannon, P. (1955). Some Principles of Exchange and
Investment Among the Tiv. American Anthropologist , 60-70.
Boyle, C. M. (1970). Difference between doctors and patients'
interpitation of some common medical terms. British Medical
Journal , 286-289.
Central Intelligence Agency. (2009). The world factbook. Sótt 9.
April 2010 frá https://www.cia.gov/library/publications/the-world-
factbook/
Rúnar H. Haraldsson – Inngangur að mannfræði: Þróun, menning og samfélag.
179
Chrisman, N. J. (1977). The health seeking process: An approach to
the natural history of illness. Cult. Med. Psychiatry , 351-377.
Collingwood, R. G. (1970). The Idea of History. London: Oxford
University Press.
Conrad, P., & Schneider, J. W. (1980). Deviance and Medicalization,
From Badness to Sicness. Columbus: Merrill Publishing Company.
Frazer, S. J. (1963). The Golden Bough. Toronto: McMillan.
Freidson, E. (1970). Professional dominance: The social structure of
medical care. New York: Atherton Press.
Geertz, C. (1973). The Interpretation of Cultures (), Basic Books
2000. New York: Basic Books.
Giddens, A. (1974). Positivism and Sociology. London: Heineman.
Giddens, A. (1989). Sociology. Oxford: Polity Press.
Guðmundsdóttir, A. (1981). Sálfræði: Hugur og Hátterni. Reykjavík:
Mál og menning.
Guðmundsson, G. J. (2005). Á hjara veraldar, Saga norrænna
manna á Grænlandi. Reykjavík: Sögufélag.
Guðmundsson, K., & Úlfasdóttir, L. Ó. (2008). Inngangur að
sálfræði. Reykjavík: JPV útgáfa.
Gunnarsdóttir, H., & Tómasson, K. (2002). Dánarmein
iðnverkakvenna. Læknablaðið ( , 195-201.
Harris, M. (1979). Cultural Materialism. New York: Vintage Books.
Hatch, E. (1973). Theories of Man and Culture. Columbia:
University of Columbia Press.
Hatirli, S. A., Ozkan, B., & Fert, C. (2005). An econometric analysis
of energy input–output in Turkish agriculture . Renewable and
Sustainable Energy Reviews , 608-623.
Rúnar H. Haraldsson – Inngangur að mannfræði: Þróun, menning og samfélag.
180
Haviland, W. A. (1983). Human Evolution and Prehistory. New
York: Holt, Reinhart and Winston Inc.
Helman, C. G. (2000). Culture, Health and Illness. London:
Butterworth Heineman.
Hoebel, E. A. (1940). The Political Organzation and Law Ways of
the Comanche Indians. Memoirs 54. Arlington: Amercian
Anthropological Association.
Hollis, M., & Lukes, S. (1982). Rationality and Relativism. Oxford:
Basil Blackwel.
Jónsson, H., & Haraldsson, R. H. (2010). Rannsókn á viðhorfum
starfsmanna til inflúensubólusetningar (óbirt handrit). Óvíst , xx-yy.
Jurmain, R., Kilgore, L., Trevathan, W., & Nelson, H. (2002).
Introduction to Physical Anthropology. Wadsworth: Wadsworth
Pub Co.
Kleinman, A. (1980). Patients and Healers in the Context of Culture.
Berkeley: University of California Press.
Kleinman, A., Eisenber, L., & Good, B. (1978). Clinical lessons from
anthropologic and and cross cultural research. Ann. Innern. Med. ,
251-258.
Kradin, N. (2002). Nomadism, Evolution, and World-Systems:
Pastoral Societies in Theories of Historical Development. Journal of
World-System Research , 368-388.
Lawrence, P. (1964). Road Belong Cargo. Manchester: Manchester
University Press.
Levi-Strauss, C. (1969). The raw and the cooked: Introduction to a
science of mythology. New York: Harper and Row.
Malinowsky, B. (1961). Argaunots of the Western Pacific. New
York: Dutton and Company.
Rúnar H. Haraldsson – Inngangur að mannfræði: Þróun, menning og samfélag.
181
Mead, M. (2009 (1928)). Coming of Age in Samoa. New York:
Books LLC.
Middleton, J. (1965). The Lugbara of Uganda. New York: Holt,
Reinhart and Winston.
O'Neil., D. (4. Ágúst 2009). Horticulture. Sótt 21. Mars 2010 frá
http://anthro.palomar.edu/subsistence/sub_4.htm
Parekh, B. (2005). Unity and Diversity in Mulicultural Societies.
Geneva: International Institue for Labor Studies.
Pálsdóttir, R. (2001). Kötturinn í örbyljuofninum og fleiri
flökkusagnir úr samtímanum. Reykjavík: Bjartur.
Peoples, J., & Bailey, G. (1988). Humanity, An Introduction to
Cultural Anthropology. St. Paul MN: West Publishing Company.
Pringle, H. (1998). NEOLITHIC AGRICULTURE:. Science , 1446- 1448.
Sahlins, M. (1972). Stone Age Economics. Chicago: Aldine-
Atherton.
Sameinuðu Þjóðirnar. (2010). Lífslíkur. Sótt 19. Mars 2010 frá
http://www.globalis.is/Toelfraedi/Lifslikur#bars
Sameinuðu, Þ. (2010). Lífslíkur. Sótt 19. Mars 2010 frá
http://www.globalis.is/Toelfraedi/Lifslikur#bars
Sebastian, E. (21. Nóvember 2005). An Anthropological View of
Bands, Tribes, Chiefdoms, and States. Sótt 21. Mars 2010 frá
http://www.associatedcontent.com/article/12144/an_anthropolo
gical_view_of_bands_tribes.html
Setel, P. W. (1999). A Plague of Paradoxes; AIDS culture and
demography in Northern Tanzania. Chicago: University of Chicago
Press.
Strandagaldur. (2007). Galdrasýning á Ströndum. Sótt 3. Apríl 2010
frá http://www.vestfirdir.is/galdrasyning/sida1.php
Rúnar H. Haraldsson – Inngangur að mannfræði: Þróun, menning og samfélag.
182
Swanson, G. (1960). The Birth of the Gods: The Origin of Primitive
Beliefs. Jackson TN: University of Michigan Press.
Szasz, T. (1974). The Myth of Mental Illness: Foundations of a
Theory of Personal Conduct. New York: Harper & Row.
Tait, C. D., & Asher, R. C. (1982). Inside of the body test.
Pshycosomatic Medicine , 1545-1546.
Taylor, E. B. (1865). Primitive Culture. London: J. Murray.
Underwood, P., & Underwood, Z. (1981). New spells for old:
expectations and realities of western medicine in a remote tribal
society in Yemen, Arabia. Í N. F. Stanley, & R. A. Joshe, Changing
disease patterns and human behaviour (bls. 271-297). London:
Academic Press.
Vilhjálmsson, Þ. (1987). Heimsmynd á hverfanda hveli, saga
vísindanna frá öndverðu fram yfir dga Newtons. Reykjavík: Mál og
Menning.
Wallace, A. F. (1966). Religion: An Anthropological View. New York:
Random House.
Wikipedia. (2008). Clifford Geertz. Sótt 20. Mars 2010 frá
http://en.wikipedia.org/wiki/Clifford_Geertz
Wikipedia. (2010). Neanderthal extinction hypotheses. Sótt 18.
Mars 2010 frá
http://en.wikipedia.org/wiki/Neanderthal_extinction_hypotheses
Wikipedia. (2009). Positivism. Sótt 20. Mars 2010 frá
http://en.wikipedia.org/wiki/Sociological_positivism#Sociological_
positivism
Wilk, R. (2006). BIOGRAPHIES: Clifford Geertz. Sótt 20. Mars 2010
frá http://www.indiana.edu/~wanthro/theory_pages/Geertz.htm
Word Bank. (1993). World development report. Oxford: Oxford
Univesity Press.
Rúnar H. Haraldsson – Inngangur að mannfræði: Þróun, menning og samfélag.
183
World Health Organization. (February 2010). Female genital
mutilation fact sheet. Sótt 9. April 2010 frá
http://www.who.int/mediacentre/factsheets/fs241/en/index.html
World Health Organization. (2003). WHO definition of Health. Sótt
9. April 2010 frá
http://www.who.int/about/definition/en/print.html