ge-env2: celebracion. taize.euskera

2012 IV. EEE – NORBEREGANATZEAErabarritu Gaztetu

Delegación Diocesana de Apostolado SeglarBarria Diócesis de BibaoPlaza Nueva, 4 2º48006 BILBAO944795613 [email protected] / [email protected]

“BAKARRIK JAUNGOIKOAK MAITE DAIKE”baita gazteak be María LeónEquipo Oración Taizé BilbaoOspakizuna

2 zenb.2012ko Otsaila

Gazte Pastoralgintza suspertzearen

inguruko esperientziak

Gazte-mail.com

IV. EEE – NORBEREGANATZEAErabarritu Gaztetu

Ospakizuna

Gazte-mail.com

OSPAKIZUN ESPERIENTZIA

“BAKARRIK JAUNGOIKOAK MAITE DAIKE” baita gazteak be

1. TAIZÉ KOMUNIDADEA: JATORRIA ETA ESPIRITUALTASUNA2. GAZTEAKAZKO LANA

a. Topaketan Taizén, astez aste Lekukotasunak.

b. Lekuan lekuko otoitzaldiak: “Taize otoitzaldia” Bilbon hilero Zertan datza, zelan sortzen da, zelan garatzen da, nork

antolatzen eta prestatzen dau, zelan iragarten da, zelan emoten da ezagutzera, nork parte hartzen dau.

c. Nazinoarteko topaketak, urterod. Taizéko Idazkia eta beste pastoral baliabide batzuk

3. NABARMENTZEKOAK

1


Ospakizuna

1.- TAIZÉ KOMUNIDADEA: JATORRIA ETA ESPIRITUALTASUNA

Adiskidetzea, sinplifikazinoa, alkartasuna, harrerea, otoitza eta ebanjelioaren poztasuna

Taizé Frantzian dago, Borgoinaren hegoaldean. Hantxe, Roger Schutzek, beste gizon batzuekin batera, alkarte bizitzarako egitasmoa jarri eban martxan 1950ean eta, gaur egun, nazinoarteko alkarte ekumenikoa da. Alkarte horretan dagozan anaiek bizitza osorako konpromisoa hartzen dabe: ondasun materialak eta espiritualak alkarbanatu, zelibatua eta sinpletasuna bizitzan. Gaur egun, hogeta hamar nazionalidade inguruko ehun anai batzen dira, katolikoak eta jatorri protestante desbardinetakoak. Alkartea egotea bera,

banandutako kristinauen eta aldendutako herrien arteko adiskidetzerako zeinu zehatza da.

Anaiak euren lanetik ateraten dabenaz bizi dira. Ez dabe ezelango dohaintzarik onartzen. Euren herentziak be ez dabez eurentzat onartzen, eta horren ordez alkarteak dohaintzan emoten ditu pobreenentzat. Anai batzuk munduko gutxietsitako, baztertutako lekuetan bizi dira, bertan bakearen lekuko izateko eta oinazetan dagozanen ondoan egoteko. Asian, Afrikan eta Hego

Amerikan dagozan anaitasun txiki honeetan, anaiak euren ingurukoek dabezan bizi baldintzetan bizi dira, maitasunezko presentzia izaten saiatuz, txiroenen, kaleko umeen, presoen, hil zorian dagozanen, haustura afektiboengaitik edo abandonuagaitik zauri sakonak dabezanen ondoan.

Alkartearen hastapenek eta berau eratu eben lehenengo anaien konpromisoak komunidadearen ardura solidarioa betirako finkatu eben. Inguruko legelari gazte batek alkartea sortu eban, gerrearen eraginez, familia barik geratu ziran umeez arduratzeko. Ume horreetako batzuk Taizén hartzea proposatu eutsen anaiei baina gizonezkoen alkarte batek ezin eban umerik hartu eta, horregaitik, Roger anaiak Taizéra bueltatzeko eta ume horreez arduratzeko eta eurentzat ama izateko eskatu eutsan bere arrebari. Domeketan, anaiek Taizétik hurran egoan kanpamentu batean gatibu egozan gerrako preso alemanak be hartzen ebezan. Apurka-apurka, gizon gazte batzuek bat egin eben hasierako anaiekin eta 1949ko pazko egunean, zazpi anaiak bizitza osorako

2


Ospakizuna

konprometitu ziran, zelibatua gordeteko, alkarte bizitza eroateko eta soiltasun handiz bizitzeko.

1952-1953 neguan, erretiro luze bateko isiltasunean, alkartearen sortzaileak, Roger anaiak, Taizéko Erregela idatzi eban, bertan «baterako bizitza ahalbideratzeko behar-beharrezkoa» zana idatzi ebalarik bere anaientzat.

Harrera izan zan beti Taizéko bizitzako ezaugarri nagusienetakoa. 1950aren amaieratik aurrera, milaka gazte hasi zan astez aste Taizéra joaten, “barruko bizitza eta giza alkartasuna” oinarritzat eukien otoitz eta gogoetarako topaketetan parte hartzeko. Era berean, Taizéko anai batzuek bisitaldiak egiten ebezan eta alkarraldiak –txikiak eta handiak- sustatu, Afrikan, Ipar eta Hego Amerikan eta Europan, “munduan zehar egindako konfiantzazko erromesaldiko” ekitaldi lez.

Roger anaia 2005.eko abuztuaren 16an zendu zan, 90 urteko zala, arratsaldeko otoitzaldian parte hartzen ziharduela hil ebelarik. Urte asko aurretik berak bere ondorengotzat aukeratu eban Alois anaia da orain alkarteko priorea.

2.- GAZTEAKAZKO LANA

“Gazteak konfiantzazko lekuetara joaten dira”

a) TOPAKETAK TAIZÉN, astero

Domekatik domekara, danei, eta batez be gazteei, dei egiten jake astean zehar alkarte bizitzaren erritmoan sartu daitezan: anaiekin batzen dira egunean hiru bidez otoitz egiteko eta beste herrialde batzuetako personekin bat egiten dabe topaketetan, jatorduetan, talde txikietako solasaldietan eta era bateko edo besteko eginkizunetan.

Taizén, alkartean egiten dan otoitzak, abestiak, isiltasunak, bakarkako hausnarketak... gure bizitzan Jaungoikoaren presentzia, «bizitzeko arrazoia», bultzada berrantzematen lagundu deikegue. Beste batzuekin batera bizimodu xumearen esperientzia eginez, Kristok bakotxari bere eguneroko bizitzan itxaroten deutsala gogoratuko dogu. Gazte batzuek Kristori bizitza osorako zelan jarraitu bilatzen dihardue eta Taizéra joatea dei hau bereizteko lagungarri izan daiteke.

3

EGUNA TAIZÉN

Astelehenetik barikura:8:15 goizeko otoitza, ondoren gosaria 10:15 sarrera biblikoa eta, jarraian, isilunea 12:20 eguerdiko otoitza 13:00 bazkaria 14:00 abestien entsegua 15:30 gogoetarako taldeak 17:15 tea 17:45 topaketak 19:00 afaria20:30 arratsaldeko otoitza, gero, isiltasuna

Barikuan, arratsaldeko otoitzaren ostean, kurutzearen inguruko otoitza egiten da.

Zapatuan, goiza astegunetakoa lakoa da, gero: 15:30 tailerrak gaika 20:30 arratsaldeko otoitza, pazko argia ospatuz

Domekan: 8:45 gosaria 10:00 Eukaristia 13:00 bazkaria19:00 afaria 20:30 arratsaldeko otoitza


Ospakizuna

«Jai baten modukoa da hainbeste gazte bat eginda, aniztasun handian bizitzen ikustea mendixkan. Gizadi baketsua izan daitekeneko itxaropen handia emoten deusku honek.» (Alois anaia).

Gazteek lehentasuna daukie Taizén baina edonor joan daiteke hara. Taldeetan laguntzaile diran helduek eta familiek beren beregiko programa daukie eurei egokitutako jarduerekin. Alkarte otoitzean bat egiten dabe guztiek.

Bizkaian beti egon da Taizéko topaketetara joateko ohiturea. Parrokietako taldeak joan izan dira, Aste Santuan zein udan, baita eskaut mobimentuko taldeak, ikastetxeetakoak eta kongregazino erlijioso desbardinetakoak be. Gaur egun, Taizéra joateko aukera desbardinak dagoz, beti be, norbere kontura. Dana dala, elizbarrutitik bidaia antolatuetan be joan daiteke, ikastetxeetako talde txikiekin (normalean kanpoko jentea be onartzen dabe) hartu-emonean jarriz edo penintsulako (Espainia eta Portugal) uri desbardinetatik ateraten diran autobusekin. Esperientzia zertan datzan ondo jakin barik joaten da jentea baina, azkenean, arrasto handia izten dau. Hona hemen, horren adierazle, lekukotasun batzuk.

LEKUKOTASUN BATZUK

TAIZÉKO MAGIA

Frantziako baztertxo batean dago Taizé. Leku honetan, amets txiki bati esker, beste askoren amets bihurtu dan alkartea sortu zan. Leku honetara behin joan ezkero, bertan izten dozu zure bihotzaren zatitxo bat.

Taizék apaltasunean oinarritutako filosofia dauka; beharrezkoagaz bizitzen irakasten deutsue, besteentzat lan eginez, besteek, aldi berean, zeuretzat lan

4


Ospakizuna

egiten daben bitartean. Jokamolde egokia, hain zuzen be, besteengan pentsatzeko astirik hartzen ez dogun gure gizarterako.

Hiru otoitzaldiren inguruan eratzen da eguna. Taizéko kanpaiek egiten dabe otoitzerako deia eta, ostean, bakotxa bere jarduerara bueltatzen da, hau da, lanera, taldeko gogoetara edo egin gura dauanera.

Baina bizitza honetan gauza guztiekin gertatzen dan lez, teoriaren ostean beti dator praktika, beharbada gure unerik gustukoena. Oraindik gogoan daukat lehenengo eguna; nekatu samar gengozan, ez genkialako zer aurkituko genduan; esperientzia polita zala entzunda geunkan, baina besterik ez. Hara heltzean, dana desbardin aurkitu genduan; ezer ez egoan lekuan jasotako uria emoten eban eta han danek arpegi irribarretsua eukiela zan deigarriena. Kanpai-hotsak iragarri euskun otoitzera joateko ordua zana eta han joan ginan abenturara. Bitxia zan guzti ha, otoitzak ez eukan zerikusirik hemengoagaz: hizkuntza askotan, abestuz, hausnarketarako 10 minutugaz... ETA LURREAN!

Egunek aurrera egin ahala, urduritasunak eragindako kili-kilia hazten zihoan nire barruan, txikitan beti abentura barriak bizitzea gura zenduanean lez, sentsazino arraroa baina, atsegingarria eta horrek besteengana zabaltzea ekarri eustan. Goizez, egunari ekiteko adoreaz esnatzen zinan, egunak barritasunen bat ekarriko eutsula sentitzen zendualako: jolasa, abestia, bizitzari begiratzeko beste era bat... Eta beti, jenteak eskaintzen eutsun irribarreagaz lagunduta.

Benetan erraza izan zan bizimodu horretara ohitzea; erabat katigatzen zinduzan. Eta ez dakit, baina, danek arpegian irribarrea eukiela agurtzeak berezi sentiduarazoten zinduzan, berezi bai, baina ez desbardin. Izan be, nahiz eta kanpotik guztiz desbardinak izan, barrutik danak bardinak ginan han, danok ginan bat. Kuriosoa da: bestearen hizkuntza jakin barik be, posible da alkar ulertzea. Gauak, bestalde, oso dibertigarriak ziran; jentea leku berean batzen zan, zirkulu handiak eratzen ziran eta nahiz eta alkar ezagutu ez, alkarregaz abesten genduan eta danok batera girotzen genduan gaua.

Niretzat behintzat aukera ona da neure buruari egiten deutsadan galdera askori erantzuteko, hausnarketara zaroazan une asko dagoalako eta inguruko gorabehera guztietatik deskonektatzeko aukerea emoten deutsun laku zoragarria dagoalako. Lehen esan dodanez, otoitzaldian hamar minutuko tartea egoan hausnarketarako; amaituezina emoten eban horrek baina astearen amaieran, labur egiten zan.

5


Ospakizuna

Egia esan, ez dakit ondo zelan heldu ginan Taizéra baina jakin badakit esperientzi ahori bizi beharra geunkala. Han erraza da zarana naturaltasunez bizitzea. Han jente liluragarria ezagutu daikezu, honegaitik edo horregaitik, zugandik urrun bizi dan baina, hain bereziak diran non hurbil sentitzen dozuzan personak... Ez daukat berbatik Taizék eragiten dituan sentsazinoak edo han dagoan giroa ondo azaltzeko; aparteko zerbait dala dakit bakarrik... MAGIA daukala! Eta, jakina, datorren urtean barriro noa!

(Itziar Ingunza 19 urte. Artxandape PBa)

‘Trebeak’ nintzala, orain 5 urte inguru, beste eskaut batzuekin batera pazkoa Taizén bizitzera joateko konbitea egin eusten. Normalean gustukoa dot holako esperientziak bizitzea eta, horregaitik, zalantza barik onartu neban, nahiz eta nora ninoan argi ez euki.

Hasiera-hasieratik dana izan zan esperientzia ona. Autobusetik ikusi eitekean zenbat jente egoan eta zelako desbardinak ziran.

Lehenengo aldiz otoitzaldira joan eta abestiak entzuten hasi nintzanekoa da gehien gogoratzen dodan unea. Isiltasuna erabatekoa da, eta danek batera abestuz osatzen daben ahotsa entzuten da bakarrik. Ahots horrek, buruan bueltaka darabilzuzan ardura guztiak alde batera izten eta barru-barruan dozuzan sentimentu eta emozinoak ateraten laguntzen deutsu. Otoitzaldiak asko gustatu jatazan: beste batzuekin batera otoitz egin daikezu, jentez inguratuta zagozalako eta, aldi berean, barru-barrutik bakarka otoitz egin daikezu.

Baina ez dira horreek esperientzia on bakarrak. Jatorduak be aproposak dira horretarako. Jenteak borondatez eskaintzen dau bere burua, zerbitzatzeko zein garbitzeko eta danek irribarretsu egiten dabe. Nahiz eta hizkera bardina ez hitz egin, bat-bateko alkarrizketea sortzen da eta gozatzeko zein ikasteko aukerea emoten deutsu. Ezer txaron barik zerbitzatzea ederto islatzen da une honeetan.

Goizeko eta arratsaldeko topaguneetan, herrialde desbardinetako jenteari nire eritzia emon ahal izan neutsan eta eurena jaso. Era askotako gaiez jardun genduan eta, ondorioz beste pentsamolde eta bizitzaren inguruko ikuspuntu batzuk ezagutu nebazan. .

6


Ospakizuna

Egundoko esperientzia izan zan niretzat, Taizén, eguneroko bizitzan nekez aurkitu daikezuzan gogoeta eta otoitzerako uneak bizi izan nebazalako beste lagun askogaz batera; horreei esker, neure buruaren eta besteen inguruko pentsamolde batzuk aldatu nebazan. .

(Flor Russo, Errekaldeko Eskautak taldeko monitorea)

b. Lekuan lekuko otoitzaldiak: TAIZÉ OTOITZALDIA, hilero

Mundu guztiko hainbat uritan ‘Taizé erara’ otoitz egiten da. Batzuetan, egunero, beste batzuetan, astero edo hilero, gazteak (eta ez hain gazteak) otoitzaldi honeetan batzen dira. Hain zuzen be, Bilbon, ‘Taizé otoitzaldia’ hilero egiten da Xabierko San Frantzisko parrokian, hileko azken domeka guztietan, iluntzeko 20:15etatik 21:15etara.

Ezaugarriak

‘Taizé otoitzaldia’ otoitz egiteko gune zabala da eta berariazko ezaugarriak ditu: girotzea zaintzen da, abesti laburrak kantatzen dira hizkera desbardinetan, begiespen otoitza, Hitzaren testu laburrak, e.a...

Sorrera

Ez dago argi Bilbon ‘Taizé otoitzaldia’ noiz sortu zan baina gauza bat bai esan daitekela: orain dala hamabost urte hainbat lekutan (Iralako frantziskotarrak, San Nikolas, Pilareko Ama, ikastetxe batzuk...) egiten zala ‘Taizé otoitzaldia’, maiztasun eta jarraitasun handiagoagaz ala txikiagoagaz. Halanda be, 2006. urte hasieratik, hilero (hileko azken barikuetan) ospatzen da otoitzaldi hau parrokia berean (Xabierko San Frantzisko parrokia) eta ahalegina egin izan da informazino zabalagoa emoteko (elizbarrutiko komunikabideak, beste sinismen batzuetako elizak, urrundutakoak) eta koordinazinoa zaintzeko (era batera edo bestera, ‘Taizé’ espiritualtasunagaz bat datozan personak, Taizéko kantuekin otoitz egiten dabenak, urtean zehar topaketaren batean parte hartzen dabenak hartu-emonean jarriz).

Garapena

Taizén, danek batera egiten daben otoitzaldiak eskema jakin bat dauka: sarrerakoa bestiak, salmoa, ebanjelioa hots egin, minutu batzuez isiltasuna

7


Ospakizuna

egin, Alois anaiaren (komunidadeko priorea) berbak edo urteko Taizé Idazkiko berbak, bitartekotzak edo eskaerak, Aitagurea, azken abestiak. Komunidadearen otoitz egiteko era hau kontuan hartu eta errespetatze aldera, uri bakotxean egiten diran otoitzaldiek –baita Bilbokoak be- antzerako eskema izaten dabe baina beti be egun horretan prestaketaz arduratu danaren ikutu pertsonalagaz. Gainera, otoitzak bakotxari esan edo eskaini deutsana boz goraz esateko aukerea be egon daiteke, batez be lagun asko batzen ez dan lekuetan.

Otoitzaldietako bibliako testuak bakunak dira eta eurekin begiespen eta bizipen otoitza eragiten da, beharbada beste uneren batean protagonismoa izango leukien arrazoiketa teologiko handi barik. Barri onak eragiten dauan poztasuna, Jaungoikoaganako eta personenganako konfiantza, adiskidetzea, makalenen aldeko ardurea eta erantzukizuna... aitatzen dabez. Besteak beste, gai honeek dira Taizéko komunidadearen bizitzako ardatzak.

Otoitzaldian, kantu laburrak abesten dira, batzuetan hizkuntza desbardinetan baina, dana dala, leloa behin eta barriro errepikatzen daben kantuak dira, errepikapenak barruratzea eta hausnarketea eragiten

ditualako. Otoitzaldia ordena baten barruan garatzen da eta, holan, behin hasita, bere erritmoari eusten deutso eta ez da beharrezkoa inork hitz egitea edo azalpenak emotea, arreta galtzea baino ez dau ekarten eta. Batzuetan, otoitzaldiari ekin aurretik, irakurgaiak banatzen dabez; beste batzuetan, naturaltasunez irakurten dabez danen artean, egokien joten dan lez. Garrantzia emoten jako girotzeari.

Sarrerak otoitz giroa suspertzen dau bere berotasunagaitik (moketa, kojinak, banku txikiak...), bere estetikagaitik, koloreengaitik, sinbologiagaitik. Batzuetan txiki geratzen dan otoiztegia leku batua da. Barikuz, apainketa aldatu egiten da baina sekula ez dira falta oihal laranjak, kandela txiki zuriak, ikonoren bat edo Taizéko kurutzea.

Otoitza amaitzeaz batera, beraratutakoen arteko alkarrizketeari ekiten jako, alkar ezagutzea ahalbideratuz. Giro abegitsu honi esker, eliz eta gizarte ekimenei buruzko informazinoa konpartitzen da giro informalean.

Antolatzaileak

Sinismen desbardinetako zortzi-hamar lagunez –gazte eta helduak- osatutako taldea arduratzen da hileko otoitzaldiaren prestaketeaz. Euren

8


Ospakizuna

artean egitekoak banatzen dabez eta, gainera, sortu daitekezan beharrizanei erantzuten deutsie: informazinoa, Taizerako bidaien inguruko koordinazinoa, antolaketa kontuak, e.a. Talde hau zabalik dago bere ahalmenen arabera, lagundu daiken edonorentzat.

Zabalkundea

Otoitzaldia baino aste bete lehenago, mezu elektronikoa bialtzen jake interesa erakutsi daben eta, eurek eskatuta Bilboko Taizé taldeak dituan kontaktuen helbide elektronikoen zerrendan dagozanei. ([email protected])

Gainera, deialdi zabalagoa be egiten da, beste bide batzuk aprobetxatuz, esate baterako, elizbarrutiko agenda, Gazte Idazkaritza, “Espirituaren airera” laikoen apostolutzarako ordezkaritzak kudeatzen dauan espiritualtasunerako gunea, beste sinismen batzuetako otoitz taldeen eta elizen web orrialdeak. Deialdi eta partaidetza ahalik eta anitzagoa lortzea da helburua.

Taizé ezagutzera emoteko

Taizéko komunidadeak ez dau publizidadea egiteko aparteko interesik eta, normalean, honan hurreratzen da gazteengana: anai batzuen bisitaldiak uri desbardinetara, topaketak Taizén edo herrialde desbardinetan, lekuan lekuko otoitzaldiak.

Aparteko aukeraren batean, Taizé, eta batez be Bilbon egiten dan otoitzaldi hau, zer dan hobeto ezagutzera emoteko, topaketaren bat antolatzen da arratsaldez edo goizez; bertan, komunidadearen bizitza bideo batez sakonago ezagutarazoteaz gainera, Taizéra joan izan diran edo otoitzaldian parte hartu izan daben batzuen lekukotasunak entzuten dira eta han egiten dana erakustera emoten dauan otoitz ‘estandarragoa’ be prestatzen da.

Jente ugarik parte hartu izaten dau honako batzarretan, batez be beti dagozalako epe laburrera Taizéra joateko asmoa daukien gazteak. Topaketa honeetara etorriz, lehenengo hartu-emona dabe eta hango giroa ezagutzen dabe.

Partaideak

Normalean, Bizkaia osotik datozan 10-20 persona, gazte eta heldu, etorten dira. Batzuk eliz errealidaderen bati lotuta dagoz eta beste batzuk elizatik aldenduta. Batzuetan, otoitzaren gaia lantzen diharduen eta otoitz egiteko

9

mailto:[email protected]


Ospakizuna

beste era bat ezagutu gura daben sendotzarako taldeetako kideak etorten dira. Dagoeneko parte hartu daben batzuek ekarritako lagun asko be hurreratzen da. Ahoz aho jente ugari erakarten da.

c) Nazinoarteko topaketak

Europan

Komunidadeak, uriko eliza desbardinen babesagaz, urtero antolatzen dau, urtearen azkenean, topaketea europar uri batean, munduan zehar egiten diharduan “konfiantzazko erromesaldian” beste etapa bat burutuz.

• Bost egunez milaka europar gaztegaz bizi.

• Elizea batasunaren suspertzaile lez berraurkitu giza familian.• Herria eta uria antzeman topaketa pertsonalen bidez.• Banatzen gaituen harresietatik harago, bakezko etorkizuna prestatu.• Alkarregaz otoitz egin kantuaren eta isiltasunaren bidez.• Jaungoikoagazko batasunak dakarren barruko bizitzaren edertasunera eta

batasunera zabaldu.• Uriko eta lurraldeko familia eta parrokien harrerea bizi• Bizitzari eta Ebanjelioa gure garaiko erronken erdian bizitzeari zentzuna

bilatu.

Horra hor nazinoarteko topaketan parte hartzean dakarzan aukera batzuk. Berlinen ospatu da nazkenak 30.000 gazte batu ditu.

Uriko familiek hartzen dabez gazteak euren etxeetan. Goizez, euren auzoko parrokietara joaten dira alkarte horren bizitza eta jarduerak ezagutzeko, alkarregaz otoitz egiteko eta beste herrialde batzuetako gazteekin talde txikietan gogoetea egiteko. Arratsaldez urian zehar sakabanatzen dira eta espiritualtasunari, gizarte konpromisoari eta kulturei buruzko tailer desbardinetara joaten dira. Tailer honeek, erabat desbardinak izanda be, era batera edo bestera besteen aldeko eskaintzan konprometituta dagozan alkarteetako ekimenak eta personak ezagutzeko aukerea emoten dabe. Egunez, partaide guztiak une bitan batzen dira anaiekin baterako otoitzean. Otoitzaldiotan, egun sakon honeetan bizi dana batu eta finkatu gura da.

10


Ospakizuna

Asia, Hego Amerika eta Afrika

Gero eta sarriago ospatzen dihardue topaketak kontinente honeetako herrialdeetan (Filipinak, India, Txile, Bolivia, Kenya, Txina,...). Komunidadeak leku horreetako ondorioak bere egiten ditu eta Taizéko Idazkiaren urtez urteko argitaraldietan jasoten dira: mundu mailan konpartitutako itxaroteak, susmoak eta esperientziak.

Alkartasun barrirantz

2015eko abuztuan ospatuko da Taizéko komunidadearen 75. urteurrena eta Roger anaiaren jaiotzaren mendeurrena. Hau dala-ta, komunidadeak dei egiten deutse gazteei, datozan urteetan prestatu daitezan eta jarduera solidarioen bila jardun daien.

d) Taizéko Idazkia eta beste pastoral baliabide batzuk

Taizéko Idazkia

Urte bakotxaren amaieran, Taizé Idazkia argitaratzen da. Alois anaiak idatzita, komunidadeak, sasoi horretan, hau da, urte osoan zehar, topaketetan gazteakaz daukien harremanean, Taizéko eguneroko bizitzan edo anai batzuk bizi diran lekurik baztertuenetako batzuetan behartsuenekin daukien hartu-emonean, egin izan dituan gogoetako batzuk jasoten ditu. Gogoeta honeek landu egiten dira eta urtean zehar gazteen topaketetan egiten diran otoitzaldietan, uri bakoitzean egiten diran otoitzetan, eguneroko bizitzan erabilten dira lagungarri lez.

Beste pastoral baliabide batzuk

• Taizéko koadernoak. Fedearen funtsezko iturrietaranzko bideak zabaldu gura dabez. Komunidadeak urtez urte suspertzen dituan gazteen topaketetako esperientzian oinarrituta, koaderno honeetan gaur egungo kristinauentzat hil ala bizikoak diran galderen inguruan hausnartzea proposatzen da.

• Gogoeta biblikoak. Jaungoikoa isiltasunaren eta otoitzaren bidez bilatzeko proposamenak dira. Azalpen laburrak eta galdera batzuk jasoten dira.

11


Ospakizuna

Aitatu barri dogunaz ganera, Taizéko web orrialdean beste baliabide batzuk be badagoz isiltasunaren balioari, eguneroko pasarte biblikoei, otoitza prestatzeari, kantuei, fede eta bibliaren inguruko gaiei, e.a. buruz.

3.- NABARMENTZEKOAK

➔ Gazteen protagonismoa. “Gazteok, Elizearen odol bizia gara, gure partaidetza eta indarra ezinbestekoak dira”. “Gaur, beharbada historian inoiz ez bezala, hil ala bizikoa da belaunaldi gazteak, kontinenteen artean eta herrialde bakotxean, lurreko baliabideen alkarbanatze bardinagorako, aberastasunen banaketa zuzenerako prestatzea”.

➔ Batera bizi: alkartea eta Elizea. “Lekuko Elizea, alkarteen alkartea da; bertan bat egiten dabe belaunaldi guztiek eta alkar aukeratu ez daben persona guztiek. Elizea, Jaungoikoaren familia da: isolamendutik ateraten gaituan batasuna”.

➔ Harrera. “Alkarri harrerea eginez, doeak trukatzen dira. Doe honeek ezinbestekoak dira gaur egun Ebanjelioaren ahotsa entzungarri egiteko”.

➔ Otoitza. “Zenbat eta sakonago bizi otoitz xume eta apala, orduan eta maitasun gehiago erakusten da eta biziaz adierazoten”. Otoitz eta bizitzarako eskola.

➔ Bizitza apala. “Xume bizitzeak gitxien daukienekin konpartitzea dakar”. “Bihotz apalak oraina bizi gura dau, egun bakotxa Jaungoikoaren ‘gaur’ lez onartu”.

➔ Ebanjelioaren konfiantza eta poztasuna. “Jaungoikoak ez eban sortu ez bildurra ezta kezka be. Jaungoikoak bere maitasuna baino ezin deusku emon. Hortxe dago ebanjelio osoa”. “Dei egiten jaku egunero, kezkatik konfiantzara doan bidea berregitera”. “Konfiantzaz betetako zerbitzar” izatera deituak.

➔ Alkartasuna. “Poztasunaren alde egitea eta gizakiaren alde egitea ezin dira banatu. Poztasunak neurri bako errukiaz beteten gaitu”. “Ez dago otoitz egitea baino ezer arduratsuagorik”. “Fede txikiaz be eraldaketa gertatzen da: dagoeneko ez gara geure buruari begira bizi”.

➔ Bakea eta adiskidetzea. “Gizaki guztiok familia osatzen dogu eta Jaungoikoa gizaki bakotxagan bizi da, salbuespen barik”. “Jaungoikoagaz adiskidetzeak, anai-arreben artean adiskidetzea eskatzen dau”. “Munduko bakea bihotzetan hasten da”. “Adiskidetzeak, gizarteak aldatu daikez”.

12


Ospakizuna

“Adiskidetzea nahi izatea bera, adiskidetzearen hasierea da”. “Bakearen artisau” izan gaitekez.

➔ Batasuna aniztasunean. “Aniztasunak alkar aberastea eta poztasuna eragiten ditu”. “Danoi gure adiskidetasuna zabalduko deuskun batasunaren bilatzaile gartsu izan”. “Erlijino desbardinetako fededunak, eta fededunak eta fedebakoak, batu daikezan agindua konpartitu”. “Edozein izanda be gure kultura, gure adina edo gure historia, itxaroteak, osotasunean bizitzeko grinak bat egiten gaitu”.

➔ Ekumenismoa. “Kristinauak bakegile izan daitezan gizateriaren erdian, ez da gerorako itzi behar euren arteko adiskidetzea”. “Ez daigun hainbeste indar galdu kristinauen arteko aurkakotasunekin, batzuetan baita gure sinismenen barruan be! Jarri gaitezan sarriago Jaungoikoaren aurrean, Hitza entzunez eta Hari gorespen eginez”.

(Aitamen guztiok asken urteetako Taizéko Idazkietatik hartuta dagoz).

GEHIAGO JAKITEKO…

• Bilbon egiten dan Taizé otoitzaldiari buruz, otoitz taldeagana jo: [email protected]

• Topaketa desbardinen inguruan jakiteko, Gazteen Elizbarrutiko Idazkaritzara jo: [email protected]

• Taizéko komunidadeari buruz, erreferentzia nagusi bi: 1. Komunidadearen orrialde ofiziala: www.taize.fr/es 2. Era guztietako informazinoa eguneratuta: otoitz egiteko lekuak,

topaketak, espiritualtasuna, komunidadearen bizitza, otoitzerako lagungarriak, hausnarketak...

3. DVD. “Encuentro con el Hermano Roger de Taizé”, komunidadearen sortzailearen bizitza ( “Las fuentes de una creación”) eta bizitza eta topaketak Taizén ( “Servidores de la confianza”).

María LeónGrupo Bilboencuentros Taize Bilbao

13

http://www.taize.fr/es



ge-env2: celebracion. taize.euskera

Documents