Dunrose Trading 186 (PTY) Ltd T/A Shango Solutions

HHK House

Cnr. Ethel Ave and Ruth Cr. Northcliff Gauteng

P. O. Box 2591

Cresta 2118

Ucingo: +27 11 678 6504

Isikhahlamezi: +27 11 678 9731

I-imeyeli: zizo@shango.co.za Iwebusayithi: www.shango.co.za

WRE BASE METALS (PTY) LTD

Inkomba Yelungelo Lokusebenza: KZN 30/5/1/1/2/10722 PR

Ilungelo Lokusebenza Nengunya Lokuvikela Imvelo

Lomsebenzi Ocatshangelwayo Welungelo Lokusebenza LeNkunzana

JANUWARI 2018

• Le Ncwadi Ebika Ngomlando (Background Information Document [BID])

ichazela wena, njengoMuntu Oluthintekayo (Interested and Affected Party

[I&AP]), ngenjongo yalo msebenzi ocatshangelwayo.

• I-BID imema wena, njenge-I&AP ukuba ubambe iqhaza eMsebenzini

Onokuhlanganyela Komphakathi (Public Participation Process [PPP).

• I-BID inikeza wena, njenge-I&AP ithuba lokusho othile nokubamba iqhaza

ekwakheni koMbiko Wokuhlola Okuyisisekelo (Basic Assessment Report

[BAR]) nasoHlelweni Lokuvikela Imvelo (Environmental Management

Programme [EMPr]).

• I-BID iphinde inikeze wena, njenge-I&AP ithuba lokuveza imibono yakho,

okukukhathazayo nophikisana nakho ngomsebenzi ocatshangelwayo eqenjini

lomsebenzi.

1

1. ISETHULO

I-White Rives Exploration Base Metals (Pty) Ltd (WRE Base Metals) ifake isicelo seLungelo Lokusebenza

Namandla Okuvikela Imvelo ukuze ikwazi ukuseb enza nokudayisa olulandelayo:

• Isiliva

• Igolide

• Amalahle

• I-cobalt

• Ithusi

• Idayimane (Elisale ezikhukhuleni)

• Okusansimbi

• I-manganese

• I-molybdenum

• I-nickel

• Umthofu

• Izinsimbi Ze-platinum

• Umhlaba Ongajwayelekile

• Isibabule

• I-uranium

• I-tungsten

• I-zinc

Isicelo seLungelo Lokusebenza Namandla Okuvikela Imvelo savunywa uMnyango Wezokumbiwa Phansi –

eSifundazweni saKwaZulu-Natal ngomhlaka-20 Disemba 2017. Lo msebenzi ocatshangelwayo uzokwaziwa

ngeLungelo Lokusebenza LeNkunzana futhi uhloselwe ukuhlola nokubona ubuningi bezindawo ezimbiwe. Ukuze

kuqalwe imisebenzi, i-WRE Base Metals kudingeka ibe neLungelo Lokusebenza (Prospecting Right [PR])

ngokuvumelana noMthetho Wokusebenza Ngokumbiwa Phansi Nowoyela (Mineral and Petroleum Resources

Development Act, 2002 [MPRDA, uMthetho No.28 Ka-2002, njengokuchitshiyelwa kwawo]). I-WRE Base Metals

iphinde ithole aMandla Okuvikela Imvelo (Environmental Authorisation [EA]) ngokuvumelana noMthetho

Kazwelonke Wokuvikelwa Kwemvelo (National Environmental Management Act, 2002 [NEMA, uMthetho No. 107

Ka-1998) ohlanganisa ukufakwa koMbiko Wokuhlola Okuyisisekelo (Basic Assessment Report [BAR]) kanye

noHlelo Lokuvikela Imvelo (Environmental Management Programme [EMPr]). I-Shango Solutions (Pty) Ltd

iqokwe yi-WRE Base Metals ukuba iHlole Ukuvikeleka Kwendawo (Environmental Assessment Practitioner

[EAP]) ukuze isize ekuvumelaneni nalezi zimfuneko.

2. INJONGO YE-BID

Ukuhlanganyela Komphakathi kuyingxenye ebaluleke kakhulu enqubweni yokuHLola Ekuyisisekelo. Incwadi

Ebika Ngomlando (Background Information Document [BID]) inikeza umfundi ithuba lokuthola ulwazi, aphawule,

asho okumkhathazayo futhi abe neqhaza ekuthuthukisweni kwale nqubo. Ukusatshalaliswa kwale ncwadi

kuyisinyathelo esibalulekile ekusizeni umfundi abone indlela angaba ngayo ingxenye yale nqubo.

Injongo yale ncwadi ukunikeza umfundi ulwazi oluyisisekelo ngokuphathelene nomsebenzi ocatshangelwayo

okuhlanganisa:

• Ukwethulwa komsebenzi, kuhlanganise nemininingwane yendawo.

• Ukubona ukuthi yimiphi ngempela le misebenzi ecatshangelwayo nohlaka olungokomthetho umsebenzi

ozokwenziwa ngaphansi kwalo.

• Konke ukwaziswa okuyisisekelo ngokuvikelwa kwemvelo nokuphazamiseka kokuvikeleka kwemvelo

okungase kube khona.

• Incazelo yokumelwe kulandelwe eMsebenzini Onokuhlanganyela Komphakathi (Public Participation

Process [PPP]).

• Incazelo yokuthi ungaba kanjani yingxenye njengoMuntu Othintekayo (Interested and Affected Party

[I&AP]).

3. INDAWO

Indawo ecelwayo ingamahektare (ha) acishe abe ngu-2 069.06 futhi isebangeni elingaba ngamakhilomitha (km)

angu-92 entshonalanga yedolobha laseRichards Bay, eSifundazweni saKwaZulu-Natal eNingizimu Afrika.

Indawo eceliwe ingaphezulu ngezingxenye ezimbili (2) zepulazi (Isithombe 1). Indawo ecatshangelwayo

iseSifundeni Sikamantshi SaseNkandla futhi ingaphansi koMasipala Wendawo INkandla, ngaphansi

kwaMasipala Kwesifunda I-King Cetshwayo. Ithubula 1 libonisa imininingwane yendawo endaweni okucelwa

kuyo iLungelo Lokusebenza.

Ithebula 1: Imininingwane yendawo.

Igama lepulazi Ingxenye Ikhodi yokuhlola

Reserve No. 19 15839 GU RE of 24 N0GU00000001583900024

Reserve No. 19 15839 GU RE of 26 N0GU00000001583900026

2

Isithombe 1: Ibalazwe lendawo.

3

4. INCAZELO YOMSEBENZI

Kuzokwenziwa imisebenzi yokucinga engukhukhulelangoqo nengewona ukhukhulelangoqo njengengxenye

yoHlelo Lomsebenzi Wokucinga (Prospecting Work Programme [PWP]). Le misebenzi iboniswe ngezansi:

1. Ukuqoqa Ukwaziswa

1.1 Ukuthola Ukwaziswa: [Izigaba: Unyaka Wokuqala; Isikhathi: 12 izinyanga]

Konke ukwaziswa okungumlando okunemininingwane yokuma nezomnotho okungase kube khona endaweni

yetshe elimbiwayo ehlosiwe kuzofunwa. Ukwazizwa okuzotholakala kuzoba ulwazi oluwumlando ngokubobholwa

kwemigodi, amabalazwe abonisa imingcele, amabalazwe abonisa ukwakheka kwendawo, izinhlolovo zokuhlolwa

kwezwe kusetshenziswa isayensi yemvelo (konke ukwaziswa okushicilelwe okutholakalayo kwe-gravimetric, kwe-

radiometric, kukazibuthe, kwe-seismic, ukwaziswa okutholakala ngamathuluzi asetshenziswa ukude, futhi noma

yikuphi ukwaziswa okumayelana ngocwango noma ezezimayini kwesikhathi esidlule kuzocingwa futhi

kusetshenziswe) Ukwaziswa kuzohlolisiswa futhi kuqinisekiswe (inqubo ye-QA/QC). Kuzophinde kuhlolwe

ukwaziswa okuhlobene nocwaningo okumayelana nendawo.

1.2 Ukuhlanganisa Ukwaziswa, Nokwenza Umfanekiso Wokuqala Wokuhlola UKwakheka Komhlaba:

[Izigaba: Unyaka Wokuqala, Isikhathi: 6 izinyanga]

Ukwaziswa okungenhle kuzohlanganiswa kwenziwe ukwaziswa kokwakheka komhlaba kuleyo ndawo

ezosetshwenziswa ukuvikela ukwaziswa kokwakheka komhlaba okuhlobene nakho ohlelweni lwe-GIS ebalazweni

lekhompuyutha. Lama qoqo okwaziswa okuhlukahlukene azofakwa kuleli balazwe lomsebenzi nasezindaweni

ezakhele ukuze kwakhiwe umfanekiso wokuqala wokuhlola ukwakheka kwemhlaba. Lo mfanekiso

uzosetshenziswa ngokwengeziwe ukuphucula uhlelo lokucwaninga endaweni ehlosiwe.

1.3 Ukuvakashela Indawo Okokuqala: Izigaba: Unyaka Wokuqala; Isikhathi: 1 isonto]

Kuzovakashelwa indawo ukuze ufake isicelo akwazi ukuzijwayelana nendlela indawo eyiyo (njengezimayini

eziwumlando, ingqalasizinda, indwala elisendaweni, amadamu namagxaphozi) endaweni yomsebenzi

nokuhlangana nabanikazi bomhlaba. Phakathi nalokhu kuvakasha kuzohlolwa imingcele yepulazi endaweni

yomsebenzi nemisebenzi yokukuma epulazini. Kuzokwenziwa umzamo wokuhlonza noma yiziphi izinto ezingaba

umthelela emsebenzini wokucwaninga.

2. Ukudweba Indawo Nesiqalo Somsebenzi Ohlosiwe

2.1 Ukuvakashela Indawo Nokuyidweba: [Izigaba: Unyaka Wesibili; Isikhathi: 1 isonto]

Kuzovakashelwa indawo okwesibili lapho kuzodwetshwa ukwakheka komhlaba, isakhiwo nezindawo okuzombiwa

kuzo. Kuzohlanganiswa ibalazwe lendawo elibonisa isimo sendawo okuzosetshenzwa kuyo. Umfanekiso

wokwakheka komhlaba uzothuthukiswa kusetshenziswa lokhu kwaziswa.

2.2 Ukufeza okuhlosiwe nokukleliswa komsebenzi: [Izigaba: Unyaka Wesibili; Isikhathi: 12 izinyanga]

Ukwaziswa okuqoqiwe kuzohlaziywa bese kuyacaciswa. Okuhlosiwe kuzochazwa ngokwengeziwe futhi

kukleliswe ngokuvumelana nemigomo yokusebenza efanele, ngokwesibonelo, ukuhlolwa kokwakhekha

komhlaba, isakhiwo, imikhiqizo yasezimayini engumalando, njll. Ukwenza umsebenzi wokucwaninga

owengeziwe. Kuzokwenziwa indlela yokuqhuba umsebenzi wokucwaninga endaweni yokusebenza.

3. Ukuhlola Amampula Ezinsalela Nenhlolovo Kazibuthe Ekwakhekeni Komhlaba

3.1 Uhlola Uzibuthe Ekwakhekeni Komhlaba: [Izigaba: Unyaka Wesithathu; Isikhathi: 12 izinyanga]

Inhlolovo kazibuthe ekwakhekeni komhlaba eyenziwe izinkampani zezimayini ingatholakala ngaphandle

kokwenza ukuhlola okwengeziwe, uma itholakala. Ngokusekelwe emiphumeleni emihle yomsebenzi woNyaka

Wesibili, kuzothathwa isinqumo sokuthenga le nhlolovo futhi kuchazwe lokhu kwaziswa okumayelana nokubholwa

komgodi nokunye ukwaziswa. Uma inhlolovo ingatholakali, kuzohlolwa uzibuthe ekwakhekeni komhlaba.

3.2 Ukuhlanganiswa Kokwaziswa Nokukuchaza: [Izigaba: Unyaka Wesithathu; Isikhathi: 12 izinyanga]

Inhlolovo kazibuthe ekwakhekeni komhlaba izohlanganiswa nokwaziswa kokuhlola ukwakheka komhlaba futhi

kwethulwe ngohlelo lwe-GIS lokudweba ngekhompuyutha.

4

3.3 Ukuphuculwa Komfanekiso Wokuhla Ukwakheka Komhlaba: [Izigaba: Unyaka Wesithathu; Isikhathi: 6

izinyanga]

Umfanekiso wokuqala wokuhlola ukwakheka komhlaba uzophuculwa ngokwaziswa okuhlanganisayo

okutholakala ekwazisweni okuthuthukisiwe. Okuhlosiwe okutholakele ekuqaleni kwese kukleliswa ngokuzohlolwa

ngendlela efanele.

4. Ukuhlola Amasampula Ezinsalela Nesizokulwane Esihlosiwe

[Izigaba: Unyaka Wesithathu; Isikhathi: 12 izinyanga] Kuzoqaqwa amasampula acishe abe ngamakhilogramu amabili (2) ezinsaleleni ezindaweni imifula engavimile

ukuhlangana kuzo (isampula lapho umfula womile). Izindawo okuthathwa kuzo amasampula zizoqoshwa

kusetshenziswa i-Geographical Positioning System (GPS). Amasampula azohlanganisa isihlabathi nosawoti

kuphela, ngeke ube khona umhlabathi namatshe. Kuzombiwa imigodi emincane njengesisekelo kusetshenziswa

amafosholo ezandla ukuze kutholakale amasampula. Le migodi izogqitshwa lapho sekutholakele amasampula.

Wonke la masampula alaqoqwa osebeni lwemifula eyomile, awukho umthelela ongafanele emvelweni ozoba

khona. Lo msebenzi uzokwenziwa ngaphansi kokuqondisa ngeso lokhozi lesikhulu esiwungoti esizoqinisekisa

ukuthi kulandelwa zonke izici zokuPhepha Nokuvikelwa Kwemvelo.

5. Amasampula Angaphansi Komhlaba Ezimayini Eziyingqopha-mlando

[Izigaba: Unyaka Wesithathu; Isikhathi: 6 izinyanga]

Lapho kutholakala imayini eyingqopha-mlando, kuzothathwa amasampula emigodini nasemadwaleni abholiwe

ukuze kutholakale amatshe anhlobonhlobo. Ngemva kokuqoqa amasampula, azothunyelwa emagumbini

okuthaka imithi ukuze ayohlolwa. Lapho kutholakala imiphumela, izofakwa kukhompuyutha futhi kwenziwe

ukuhlola okwengeziwe. Imidwebo ebonisa ukuma kwamasampula, ukuhlola amazinga nezindawo ezihlosiwe

kuzofakwa ku-Geographical Information System (GIS).

6. Imininingwane Yamasampula Afakwe Ezikweleni Ezindaweni Ezihlonziwe:

[Izigaba: Unyaka Wesine; Isikhathi: 4 izinyanga]

Uma kwenzeka amasampula ezinsalela athathwe emfuleni ebuya ethi kukhona okukhona, lezo zindawo

zizohlonzwa njengezindawo okungatholakala kuzo amasampula engeziwe. Kuzokwenziwa amasampula

asezikweleni kulezi zindawo kusetshenziswa izikwele ezinezikhala ezingamamitha angu-50 ubude ekuqaleni.

La masampula azothathwa emhlabathini ongaphezulu ongengaphuzu kwamasentimitha angu-30. Lawo

masampula aqoqwe ngefosholo lesandla azolinganiselwa kumakhilogramu aphakathi kuka-1 no-2 futhi ngeke abe

nomthelela omubi ekuvikelweni kwemvelo. Njengamasampula ezinsalela zasemfule, lo msebenzi uzokwenziwa

ngaphansi kokuqondisa ngeso lokhozi lesikhulu esiwungoti esizoqinisekisa ukuthi kulandelwa zonke izici

zokuPhepha Nokuvikelwa Kwemvelo.

7. Umsele, Ukudweba Namasampula: [Izigaba: Unyaka Wesine; Isikhathi: 6 izinyanga]

Kucatshangelwa imisele eyisithupha ezombiwa ngalo msebenzi. Umsele ngamunye uzoba amamitha amathathu

ubude. Okutholakele kuzodwetshwa futhi kwenziwe isampula. Ukwaziswa okutholakele kuzofakwa ekwazisweni

okugciniwe futhi kwethulwe kusetshenziswa uhlelo lwe-GIS lokudweba ngekhompuyutha. Lo kwaziswa

kuzohlanganiswa nomfanekiso wokuhlola okwakheka komhlaba ukuze kuhlaziywe itshe elimbiwe. Ngokufanayo

namasampula ezikwele, lo msebenzi uzokwenziwa ngaphansi kokuqondisa ngeso lokhozi lesikhulu esiwungoti

esizoqinisekisa ukuthi kulandelwa zonke izici zokuphepha nokuvikelwa kwemvelo.

8. Ukubhola: [Izigaba: Unyaka Wesihlanu; Isikhathi: 12 izinyanga]

Ukwaziswa okutholakale oNyakeni Wesihlanu ngesikhathi kubholwa idayimane kuzogcinwa ekwazisweni

okulondoloziwe futhi kwethulwe ngohlelo lwe-GIS lokudweba ngekhompuyutha. Lokhu kwaziswa kuyobe

sekuhlanganiswa nomfanekiso wokuhlola ukwakheka komhlaba ukuze kuchazwe ngokwengeziwe amatshe

ambiwe futhi lokhu kwaziswa kuzosetshenziselwa ukuchaza imithetho eqondisa ukusebenza. Kuye ngomfanekiso

wokuqala owakhiwe wokuhlola ukwakheka komhlaba, umsebenzi wokubhola uzohlanganisa cishe imigodi

ebholiwe eyisithupha. Kulesi sigaba kuzocatshangelwa nokubhola idayimane. Uma umsebenzi wokubhola uba

impumelelo, kuzobholwa eminye imigodi eyengeziwe. Lokhu kuzoboniswa kuyifomu lesicelo leNdima 102 (ye-

MPRDA) yesicelo kuhlanganise nohlelo lokusebenza olubukeziwe kanye noHlelo Lokuvikelwa Kwemvelo.

5

9. Ukuphumelela kocwaningo nokushaywa kwemithetho yokusebenza [Izigaba: Unyaka Wesihlanu; Isikhathi: 12 izinyanga] Ngokusekelwe emfanekisweni ophuculiwe wokuhlola ukwakheka komhlaba, kuzoshaywa imithetho eqondisa

ukusebenza.

Kubalulekile ukuphawula ukuthi amathuluzi (izindlela) okusebenza akhethekile angasetshenziswa axhomeke

emiphumeleni etholakele ezigabeni ezandulele futhi lolu hlelo lucabangela ukuthi imiphumela izoba okulindelekile

esigabeni ngasinye. Kuyaphawuleka futhi ukuthi isigaba ngasinye sihloselwe ukuzama ukuthola nokuhlanganisa

noma yikuphi ukwaziswa okukhona endaweni. Uma lokhu kungaba impumelelo, izinto ezithile ohlelweni

zingancishiswa noma zisuswe futhi ijubane lalo lonke uhlelo lungashesha.

7. UKWAKHEKA KOMHLABA NEZINDAWO EZIHLOSIWE

Nakuba iKwaZulu-Natal yaziwa kakhulu ngamalahle ayo, indawo eceliwe iyisizinda segolide. Ukumbiwa

kwegolide, ukuhlola okuyingqopha-mlando nezimayini endaweni eceliwe kuye kwashicilelwa phansi.

Ukwakheka komhlaba endaweni eceliwe kunamadwala eNamaqua-Natal Metamorphic Complex (Isithombe 2).

Amatshe ashisiwe akule ndawo ecelini awe-Nkomo neppe ne-Tugela nappe esendweni yasoTugela kanye ne-

Natal Thrust Belt. Izindawo ezingaphandle kwendawo eceliwe zinamdwala e-Mandleni nappe nase-Madidima

nappe endaweni yasoTugela ne-Pongola Supergroup. Ngaphezu kwalokho, kunezindawo ezincane ze-Natal

Group nezinsalela ze-Quaternary.

Izindawo ezihloswe ngokuyinhloko zokuqhuba umsebenzi zinamadwala ashisiwe e-Nkomo nappe ne-Tugela

nappes eNdaweni YasoTugela nase-Natal Thrust Belt ye-Namaqua-Natal Metamorphic Complex ne-Natal Group.

Isithombe 2: Ibalazwe lokwakheka komhlaba elineminyengcele yepulazi ngaphezulu.

6

8. IZIMFUNEKO ZOKUSEBENZA

Umthetho waseNingizimu Afrika udinga ukuba kutholakale iMvume Yokuvikela Imvelo lapho kwenziwa imsebenzi

ethile ngaphambi kokuba yenziwe. Njengenxenye yenqubo yesicelo seMvume Yokuvikela Imvelo kudingeka

kuhlolwe umthelela ozoba khona emvelweni nasemphakathini ohlobene nomsebenzi owenziwayo, ukuze

kuhlonzwe ubuhle nobubi bomsebenzi. Ngakho kumelwe kucatshangelwe izinto ezithile ukuze kuvikelwa futhi

kuncishiswe lo mthelela.

Ngokuvumelana ne-NEMA neMithetho yayo ye-EIA (GN R. 983/GN R. 984/GN R. 985) umsebenzi olandelayo

ungase ufakelwe isicelo kulo msebenzi ocatshangelwayo, ngakho leso sicelo sizongena ngaphansi kwenqubo

yokuHlola Okuyisisekelo:

I-GNR. 983, Umsebenzi 20: Noma yimuphi umsebenzi kuhlanganise nendlela owenziwa ngayo lowo

msebenzi edinga kutholakale ilungelo lokusebenza ngokuvumelana neNdima 16 yoMthetho

Wokusebenza Ngokumbiwa Phansi Nowoyela, 2002 (Umthetho No. 28 Ka-2002), kuhlanganise (a)

ingqalasizinda, izakhiwo nokusebenza ngomhlaba okuhlobene nalokho, okuhlobene ngokuqondile

nokusebenza ngokumbiwa phansi noma (b) inqubo yokuqala ekusebenzeni ngokumbiwa phansi

kuhlanganise ukumba, ukukhipha, ukuhlukanisa, ukugxilisa, ukugaya, ukuhlolisisa noma ukubuwasha;

kodwa okungayihlanganisi inqubo yesibili ekusebenzeni ngokumbiwa phansi, okuhlanganisa ukukhipha

okusansimbi, ukuphucula, ukunciphisa, ukucwengisisa, ukushisa, noma ukushintsha okumbiwa phansi.

I-GNR. 985, Umsebenzi 12(d): Ukususa izitshalo zendabuko endaweni engamamitha skwele angu-300

noma ngaphezulu ngaphandle kwalapho ukususa lezo zitshalo zendabuko kudingekile ngenjongo

yokulondoloza indawo ngokuvumelana nohlelo lokulondoloza indawo (iv) endaweni esohlwini esengozini

ngokvumelana noNdima 52 ye-NEMBA noma ngaphambi kokunyatheliswa kwalolo hlu, endaweni

ehlonzwe njengesengozini uMhloli Kukazwelonke Wendawo Enezinto Zemvelo Ezinhlobonhlobo Ka-

2004 kanye (xi) nezindawo eziphawulelwe ukusetshenziselwa ukuvikela imvelo oHlakeni

Lokuthuthukiswa Kwezindawo olwamukelwa iziphathimandla noma olusetshenziselwa ukuvikela imvelo.

9. IMITHELELA ENGABA KHONA EHLOBENE NALE MISEBENZI

Imithelela elandelayo ehlobene nomsebenzi izohlanganiswa futhi ihlolwe eMbikweni Wokuhlola Okuyisisekelo:

• Ukuphepha nokulondeka kubanikazi

bendawo nakubantu abahlala

ngokusemthethweni

• Ukuphazamisa ukusetshenziswa komhlaba

• Okumelelwa yindawo

• Ukulahleka kwezitshalo nezilwane

• Ukulimala kwengqalasizinda ekhona

• Imibono nokulindelekile

• Ukuthathwa komhlaba nokususwa

kwabanikazi nemfuyo

• Ukususwa kwezitshalo

• Ukugandaywa komhlabathi

• Ukuguguleka komhlabathi nokuvela

kwamadwala

• Ukufa kwezitshalo okuqondile

nokungaqondile

• Ukuphazamiseka/ukulimala/ukucekelwa

phansi kwemizi

• Ukuphazamiseka/ukulimala/ukucekelwa

phansi kwamathuna nezindawo

zokungcwaba namathuna angabonakali

• Ukulahleka/ukucekelwa phansi kwezilwane

nezitshalo

• Ukuncipha kwezilwane nezitshalo

nomthelela okunawo

• Ukuzinza nokungcola komhlabathi

• Ukuba khona kwezitshalo nezilwane

ezingaziwa

• Umhlabathi/ukungcola/nokugcoliswa

• Amachaphazela/ukugcola okubangelwa i-

hydrocarbon

• Ukungciliswa kwamanzi angaphansi

komhlaba

• Ukulahleka kwezilwane nezitshalo zaleyo

ndawo

• Ukudaleka nokuba khona kodoti

• Ukuphazamiseka kwemiphakathi eyakhele

leyo ndawo

• Umsindo

• Ukudaleka kothuli

7

10. INQUBO ELAWULA UKUVIKELEKA KWEMVELO

Izinyathelo ezivamile eziyinhloko enqubweni yokuHlola Okuyisisekelo zichazwe lapha ngezansi.

Isiqalo Nokufaka Isicelo

• Hlanganisa futhi ufake ifomu lesicelo ku-DMR

• Ukuhlonza ama-I&AP

• Ukulungiselela izincwadi zesaziso (i-BID, incwadi, isikhangisi, isaziso sendawo, ifomu

lokubhalisa)

• Isaziso esiya kuma-I&AP nabathintekayo kulo msebenzi

• Ukukhishwa kwezaziso nezikhangisi

Ukuhlola Okuyisisekelo Ne-EMPR

• Ukuhlanganiswa kokwaziswa ngokuvikeleka kwemvelo nokuhlonzwa kwemithelela engaba

khona ehlobene nomsebenzi

• Ukuhlolwa kwezici zomunye umsebenzi

• Ukuqhutshwa kwezifundo zabantu abenza imisebenzi ekhethekikile (uma kusebenza)

• Imithelela engase ibe khona iyahlolwa futhi kuphakanyiswa indlela yokuyinciphisa

• Kuphakanyiswa izinhlelo zokuqapha ukuqinisekisa ukuthi izindlela zokunciphsa umthelela

ziyaphumelela

• Ukwenza umbiko wokuHlola Okuyisisekelo/i-EMPR utholakale kuziPhathimandla

nasemphakathini ukuze bawuhlole futhi baphawule ngawo

• Umbiko wokugcina wokuHlola Okuyisisekelo/i-EMPR uyathuthukiswa ukuze uhlanganise konke

ukuphawula ngaphambi kokuwuthumela ku-DMR

• I-DMR yamukela umbiko wokuHlola Okuyisisekelo/iEMPR noma icele ukwaziswa okwengeziwe

Umbiko Wesinqumo

• I-DMR yenza isinqumo futhi yamukele noma ingasamukeli isicelo saMandla Okuvikela Imvelo

• Wonke ama-I&AP azokwaziswa ngomphumela wesicelo nangelungelo lawo lokufaka isikhalo

11. ISIKHATHI ESIDINGEKAYO SOKUBA NAMANDLA OKUVIKELA IMVELO

Amandla Okuvikela Imvelo kudingeka ube nawo iminyaka emihlanu (5).

12. ISIDINGO NESIFISO SOMSEBENZI

Uma lo msebenzi uphumelela futhi nemali yanele, kuzosho ukuba khona komsebenzi ongakhulisa umnotho

ngezimayini. Izimayini zizoba nomthelela omkhulu ekukhuleni komnotho wendawo ngokuqasha abantu

ngokuqondile, amathuba okuqhuba amabhizini esikhathini esizayo, nezimali ezizotholakala nentela ngenxa yalo

msebenzi.

13. INQUBO YOKUHLANGANYELA KOMPHAKATHI

Umfundi uyamenywa ukuba ahlanganyele ngokukhululekile futhi afake yonke imibuzo noma ukwaziswa anakho

ukungase kube nomthelela enqubweni yokuHlola Okuyisisekelo. Ukuhlanganyela komphakathi kubaluleke

kakhulu kule nqubo. Kuhambisana ama-I&AP analo lokwaziswa ngemisebenzi ecatshangelwayo nokuba

yingxenye ezinqumweni eziwuthintayo. Kuphinde kunikeze i-EAP ithuba lobhekana nezindaba nokukhathazeka

okuphakanyiswa ama-I&AP ngaleyo ndlela kuvunyelwe i-EAP ukuba ihlole yonke imithelela engabangelwa

umsebenzi ocatshangelwayo.

We are

here

8

14. ISIMEMO SOKUBHALISA

Uma ufisa ukubhalisa njenge-I&AP nokuzigcina ukwazi okuqhubekayo ngalo msebenzi, sicela ugcwalise iphepha

lemibuzo elifakwe lapha bese ulibuyisa kuShango Solutions usebenzisa imininingwane ebonisiwe ngezansi

engakedluli umhlaka-8 Febuwari 2018:

• Ucingo: 011 678 6504

• Isikhahlamezi: 011 678 9731

• I-imeyili: zizo@shango.co.za

• Okuxhunyanwa naye: Ms Zizo Siwendu

• Igama lomsebenzi: WRE Nkunzana Prospecting Right

• Ikheli lokuposa: P. O. Box 2591, Cresta, 2118, South Africa

Noma yikuphi ukuphawula noma ukukhathazeka ngokuphathelene nalesi sicelo kungaphinde kungaqondiswe ku-

DMR (futhi ikhophi lithunyelwe ku-Shango Solutions) lapha:

• Ucingo: 031 335 9600

• Isikhahlamezi: 031 305 5801

• I-imeyili:sandile.njapha@dmr.gov.za

• Okuxhunyanwa naye: Mr Sandile Njapha

• Inombolo yeNkomba ye-DMR: KZN 30/5/1/1/2/10722 PR

• Ikheli lokuposa: Private Bag X 54307, Durban, 4000

• IYA: (Environmental Management Directorate DMR – KwaZulu-Natal