universiteti i gjakovës - edukimi.uni-gjk.org domi.pdf · barabartë duke...
TRANSCRIPT
1
Universiteti i Gjakovës
Fehmi Agani
Fakulteti i Edukimit- Gjakovë
Programi: Parashkollor
Punim Diplome
Tema: Formimi i koncepteve gjuhësore te parashkollorët nëpërmjet këndit të
matematikës dhe lojërave Mentori: Kandidatja:
Prof. asc.dr. Xheladin Zymberaj Gentjana Domi
Gjakovë,Shkurt, 2018
2
Abstrakt........................................................................................................................... 3
1.Hyrje............................................................................................................................. 4
2.Parimi themelor i të mësuarit dhe edukuarit te fëmijët parashkollorë........................... 7
3. Formimi dhe zhvillimi I koncepeteve gjuhësore........................................................... 8
3.1 Të folurit, si aftësi dhe shprehi gjuhësore e komunikuese ......................................... 10
3.2 Artikulimi.................................................................................................................... 10
3.3 Leximi.......................................................................................................................... 11
3.4 Të folurit dhe të shkruarit........................................................................................... 12
4.Numrat dhe gjuha............................................................................................................ 12
4.1Përdorimi i numrave për të treguar sasitë...................................................................... 13
4.2Përdorimi i fjalëve për të treguar numrin e objekteve.................................................... 14
4.3 Përdorimi i treguesit numerik........................................................................................ 16
5. Gjeometria ....................................................................................................................... 18
6. Të kuptuarit e hapësirës dhe raporteve hapësinore përmes gjuhës.................................. 19
7.Loja,metodë mësimore e zhvillimit të koncepteve fillestare gjuhësore........................... 20
7.1Lojërat fëmijërore............................................................................................................ 21
7.2 Lojërat me blloqe logjike................................................................................................ 24
7.3.Lojërat me thupra të ngjyrosura....................................................................................... 25
8. Konceptet gjuhësore përmes krahasimit të numrave,objekteve,figurave etj…………… 25
-Përfundim…………………………………………………………………………………. 27
-Literatura................................................................................................................................ 30
-Jetëshkrimi............................................................................................................................. 31
3
Abstrakt
Formimi i koncepteve gjuhësore nuk është një proces i lehtë që mjafton të dëgjosh fjalën dhe pastaj ta
përsëritësh.E folura është marrëdhënje. Eshtë proces i gjatë,që fillon me një ngarkesë shumë të fuqishme
emocionale ku përfshihen të gjitha shqisat dhe strukturat e vjetra dhe të reja të psikës së njeriut,përfshirë
këtu edhe atë “forcë’’ që ka ka vetëm gjuha e njeriut për të artikuluar fjalën.kur foshnja vjen në këtë botë
menjëherë fillon nga ‘’puna’’për të realizuar këtë proces kaq të ndërlikuar dhe njëherazi të thjeshtë.
Gjuha,te folurit zanafillën e ka në kërkesat praktike, sociale e materiale pra duke filluar nga nevojat
jetësore që janë paraqitur. Duke pasur parasysh se puna edukativo-arsimore është shumë komplekse, e
ndërlikuar dhe më përgjegjësi si asnjëherë më parë dhe se fëmijët kanë intelekt më të zhvilluar e kërkesat
edukativo-arsimore shtohen përherë duhet që të fillohet në inkuadrimin e shumë subjekteve me qëllim që
t’i plotësojmë interesat e fëmijëve sot.
Qëllimi kryesor i shkollës në përgjithësi dhe i mësueses në veçanti duhet të jetë zhvillimi i dijeve e
shkathtësive të fëmijëve të cilat mund t’i përdorë në jetën e tij reale. Atyre duhet t’u ofrohen gjëra të
këndshme e interesante, me qëllim që të dëshirojnë të mësojnë dhe vetëm kështu njohuritë e shkathtësitë
e arritura do t’i ruajnë gjatë tërë jetës. Aktivitetet kreative në klasë si loja dhe matematika japin mundësi
që nxënësit të zhvillojnë njohuritë për gjuhën në përgjithësi, përvetësojnë teorinë, të zhvillojnë praktikën
etj.
Prandaj, edhe puna jonë në përgjithësi është përqëndruar në ndikimin që kanë aktivitetet kreative
si;lojërat e ndryshme dhe matematika në formimin e koncepteve gjuhësore.
4
1.Hyrje
Për mësuesit e kopshtit,nuk është e mjaftueshme vetëm njoja e ‘’shtegut’’,përgjatë të cilit realizohet
përmbajtja e caktuar mësimore,për leksionet e caktuara duhet të gjykojë;
-Pse është e domosdoshme të ketë ‘’lojë më shume’’ e ‘’mësim më pak’’?
-Si të krijojmë ngazëllim në mesin e fëmijëve?
Të qënit interesant në suazat e mësimit fillestar në parashkollor,përherë përmban elemente të
lojës,garës,mendjemprehtësis dhe argëtimit.1
Shkencëtarët kanë zbuluar se eksperiencat apo veprimet që mbushin ditët, muajt dhe vitet e para të një
fëmije mund të kenë një ndikim vendimtar në formimin e trurit, në karakterin që ai do të ketë në të
ardhmen, si dhe në zgjerimin e aftësive prej të rrituri. Në këtë kontekst, të rriturit që e rrethojnë dhe
kujdesen për fëmijën, qofshin këta prindër apo edukatorë, janë përgjegjës për të ardhmen e tij, prandaj në
punën me të vegjlit ata duhet të udhëhiqen nga motoja: “Vitet e para të jetës janë të vlefshme për gjithë
jetën”.2
Aktivitetet e ndryshme kreative të organizuara dhe të udhëhequra nëpërmjet formave të punës në grupe
apo individuale zgjojnë interesim dhe kërshëri të veçantë te të gjithë fëmijët,pa përjashtim.Gatishmëria
dhe ndjenja ‘’për të luajtur’’nëpërmjet mësimit fillestar gjuhësor,çelë shtigje të reja në përballimin e
sfidave të ndryshme.Ky orientim nëpërmjet lojës e me premisa loje i redukton dukshëm burimet e
abstraksionit dhe monotonisë.Nëpërmjet ‘’lojërave matematike’’ përvetësohen dituri,aftësi dhe shpehi të
caktuara gjuhësore të cilat kanë mundësi të zbatohen drejtpërdrejt në jetën e përditshme të fëmijës.3
Duke u bazuar në hulumtimet e ndryshme shkencore aktuale dhe nga ato që u thanë më lartë arrijmë në
konkludim që zhvillimi i njohurive,nocioneve dhe koncepteve të reja gjuhësore sot ,bëhet duke e bërë
integrimin e lojës,matematikës dhe aktiviteteve të ndryshme kreative. Duke bërë ndërlidhjen e aspektit
psikologjik,pedagogjik dhe zhvillimit kognitiv të fëmijëve.
1 Jaka, Bedri. (2013), Lojërat matematike me metodikë, Prizren-Siprint, fq. 21 2 Bruner, J. S. (1957). Going beyond the information given. New York: Norton. 3 Jaka, Bedri. (2013), Lojërat matematike me metodikë, Prizren-Siprint, fq. 24
5
Nga ajo se si mund të ndikojë matematika në zhvillimin e koncepteve gjuhësore mund të ketë disa
sygjerime si psh. përmes;numrave dhe veprimeve,gjeometrisë dhe hapësirës,modelet dhe
marrëdheniet,matjeve etj.
Numrat dhe veprimet
Përdor fjalët duke për të treguar numrin e objekteve etj.
Gjeometrisë dhe hapësirës
Vëzhgon vendndodhjen dhe eksploron format në një mjedis
Modelet dhe marrëdhëniet
Njeh marrëdhënier dhe përdor modelet në një mjedis
Matjet
Përdoret matës dhe bën krahasime
Numrat dhe veprimet Gjeometria dhe hapësira
Modelet dhe marrëdhëniet Matjet
6
Ndërsa sa i përket lodrave dhe lojërave në formimin e koncepteve gjuhësore,mund të themi që janë faktor
mjaft i rëndësishëm që i mundësojnë fëmijëve që përmes argëtimit të zhvillojnë komunikimin fjalësor ose
verbal.Përmes lodrave fëmijët mësojnë emërtimet tyre,funksionet e tyre,ngjyrat,klasifikimet,marrëdhëniet
etj.Kjo mund të bëhet qoftë ndërmjet bashkëmoshatarëve dmth gjatë lojës fëmijët mësojnë nga njëri
tjeri,ose nga prindërit dhe edukatorët të cilët njëkohësisht i argëtojnë dhe i mësojnë fëmijët.
Pikëpamjet programore të edukimit parashkollor fillojnë me idenë që ‘’fëmija mëson përmes lojës’’ e cila
përfaqëson mënyrë të veçantë të të menduarit.Të folurit ‘’më shumë lojë’’ dhe ‘’më pak mësim’’ në
edukimin parashkollor ishte një ‘’hap i guximshëm dhe vizionar’’ i cili u emërtua si ‘’zbulim i shpirtit
njerëzor’’4
4 Montesori,M; Upijaju i u ,Beog ad, , f
7
2.Parimet themelore të të mësuarit dhe edukuarit në moshën parashkollore
Parimet që kanë udhëhequr autorët në përzgjedhjen e veprimtarive që paraqiten në libër janë reflektimi i
parimeve moderne të zhvillimit dhe të të mësuarit në moshën parashkollore, që mbështeten në teoritë e
zhvillimit të Piaxhesë, Vigotskit, Eriksonit etj.
Po i përshkruaj këto parime shkurtimisht, me qëllim që të rriturit, të dinë të orientohen në përdorimin e
tij dhe të ndërgjegjësohen për rolin dhe rëndësinë që ka njohja dhe realizimi i këtyre parimeve në punën
me fëmijët parashkollorë.
1. Fëmijët mësojnë më mirë kur kënaqen nevojat e tyre fizike dhe ndjehen psikologjikisht të qetë
dhe të sigurtë.
2. Fëmijët janë pjesëmarrës në ndërtimin e njohjes së tyre. I përshtatur ky parim me veprimtaritë e
kopshtit, madje dhe të shtëpisë, do të thotë që sistemi i njohurive që fitojnë dita-ditës është një
proces ndërveprimi dinamik, fizik dhe social.
3. Fëmijët parashkollorë mësojnë nëpërmjet bashkëveprimit me të rriturit dhe fëmijët e tjerë.
4. Fëmijët mësojnë duke luajtur. Nëpërmjet lojës fëmijët mund të vëzhgojnë, eksperimentojnë dhe të
veprojnë. Këto elemente janë thelbësore për procesin e formimit të njohurive dhe ndihmojnë në
shprehjen e mendimeve
5. Interesi dhe nevoja për njohuri të reja motivojnë të mësuarin. Fëmijët kanë nevojë t’u japin
kuptim veprimeve të tyre. Veçanërisht në kopshte, mësueset duhet të njohin interesat e fëmijëve
dhe të zbulojnë ato tema që nxisin kërshërinë dhe dëshirën e tyre për të vepruar.
6. Zhvillimi dhe të mësuarit mbart karakteristika individuale. Çdo fëmijë ka ritmet dhe
karakteristikat individuale të rritjes dhe të zhvillimit, si dhe stilin e të mësuarit.5
Duke iu përmbajtur parimeve të lartëcekura ,duke i bërë fëmijët të ndjehen të sigurt,të pranuar, të
barabartë duke ndërvepruar,luajtur,eksperimentuar,motivuar,rrespektuar etj ne si edukatorë dhe prind
kontribuojmë në mirërritjen e një individi dhe një shoqërie të shëndoshë.
5 Mato, E lehta. Ka a i, P a ve a. Një otë pë t u z ulua , Ti a ë, , f .
8
3.Formimi dhe zhvillimi I koncepteve gjuhësore
Gjuha është përbërje e ndërlikuar simbolesh,që ushtron ndikim në regjistrimin e përvojës së një
individi,në ruajtjen e informacioneve mendore,në përcaktimin e mendimeve dhe në përçimin e kuptimit
të tyre prej një individi te tjetri ose te të tjerët.6
Të gjithë e dimë se aftësia më e rëndësishme që i nevojitet fëmijës për të pasur sukses është komunikimi i
cili bëhet përmes bashkëveprimit ndërnjerëzor por edhe përmes të lexuarit (njohjes së shkronjave).
Si mësuesit ashtu edhe prindërit mund të zhvillojnë aftësit komunikuese të fëmijëve përmes udhëzimeve
të shënuara më poshtë;
1.Lexojini çdo ditë fëmijës për të paktën 15 min.
2.Flisni ju vetë për vizatimet apo pikturat dhe kërkoni që edhe fëmijët t’i përshkruajnë ato.
3.Bëjini pyetje dhe këmbëngulni të merrni përgjigje me fjali të plotë e jo vetëm me një fjalë.
4.Tregoni një ngjarje,tregim apo përrallë dhe lërini fëmijët që ta marrin me mend çka do të ndodhë më
pas.
5.Nxitini vazhdimisht fëmijët të ritregojnë ngjarje u kanë mbetur në mendje ose pjesë të parapëlqyera të
një përralle.
6.Kërkojini fëmijës të ‘’shpikë’’një përfundim të ri për ngjarjen,tregimin apo përrallën.
7.Shkoni bashkë me fëmijën në librari dhe lërini të zgjedhë libra të rinj.
8.Inkurajojeni leximin ‘’gjoja’’.Kjo ndodh kur fëmijët shohin vizatimet apo figurat e një libri dhe
‘’shpikin’’se ç’mendojnë dhe ç’thonë ato.
9.Nxitini vazhdimisht që të dallojnë shkronjat në mjedisin përreth,si për shembull në letrën e
çokollatave,në tabela lajmërimesh etj.
10.Bëni lojëra dëgjimore dhe kërkoni nga fëmija që të identifikojë fjalët që fillojnë me të njëjtin tingull.
11.Grumbulloni sa më shumë materiale për këndin e gjuhës dhe leximit.Mbusheni këtë kënd me
materiale për të mësuar lexim e shkrim si p.sh;
6 Nushi,P.Ju iku,N.Be xulli,D. Psikologjia XI ,P ishti ë f .
9
-shkronja magnetike
-libra,revista,gazeta e katalogë
-letra,lapsa,pastela dhe bojëra
-kompakt-disqe me muzikë për fëmijë dhe regjistrime tregimesh për fëmijë7
Shkronja magnetike Libra me figura
Letra,lapsa,pastela dhe bojëra Libra me udhëzime
7 Ermioni Hoxha Cekani, Metodika sipas fushave të zhvillimit, Polis, Tiranë, 2012, fq. 13
10
3.1 Të folurit
Në psikologjinë gjenetike zhvillimi i të folurit konsiderohet se është në lidhje të ngushtë me zhvillimin e
të menduarit.Formimi i nocioneve rrjedh paralelisht me emërtimin foljor të tyre.Rendi i të mësuerit të
fjalëve dhe nocioneve zhvillohet duke filluar prej fjalëve konkrete,si,bie fjala,karrika,shtrati,lapsi etj.dhe
duke kaluar në nocione abstrakte,që emërtohen me terme e fjalë të veçanta,siç janë nocionet dhe termat e
tyre;drejtësia,nderi,turpi etj.8
Imagjinoni sikur shkoni në një vend ku s’kuptoni çfarë ju thonë të tjerët,sepse atje flitet gjuhë
tjetër.Pastaj imagjinoni sikur studioni për pak kohë gjuhën e këtij vendi dhe filloni të kuptoni pak e nga
pak.Kështu ndodh edhe me fëmijët e vegjël.Ata lindin pa e ditur gjuhën,dhe pas pak vitesh,dinë qindra
fjalë,si dhe mësojnë rregulla gramatikore dhe sintaksore.Sipas sugjerimeve të literaturës
bashkëkohore,aftësitë e zhvillimit tëtë folurit mund të ndahen;
-artikulimin i tingujve
-gjatësinë e fjalëve
-dëgjimin,
-leximin9
3.2 Artikulimi
Artikulimi është mënyra se si fëmija shqipton fjalët dhe tingujt.Disa tinguj ose shkronja janë lehtë për t’u
shqiptuar,kështu që mësohen para të tjerave,si p.sh;a,u,p,m,n,t,l etj.Ndërkohë disa tinguj të tjerë
f,s,z,h,v,dh,zh etj,fëmijëve mund të kenë vështirësi deri kur të shkojnë në shkollë.Synimi për këto
grupmosha duhet të jetë që fëmija të flasë aq qartë sat a kuptojnë të tjerët.10
Kur fëmija fillon të zotërojë tingujt,ai I vendos bashkë ata për të formuar fjalë dhe,më pas,fjali të
shkurtra.Sa më i vogël të jetë fëmija,aq më të shkurtra janë fjalitë.Për shembull,tre vjeçari mund të
thotë;’’shiko qeni.’’Fëmija katërvjeçar mund të thotë;’’Shiko,qeni i madh.’’Fëmija pesë vjeç mund të
thotë;’’Shiko qeni i madh ngjyrë kafe.’’Ndërsa fëmija gjashtë vjeçar mund të shtojë edhe hollësi të tjera
dhe mund të shprehet ‘’Shiko,qeni i madh ngjyrë kafe po e tund bishtin.’’Fëmija më i madh në moshë ka
8 Nushi,P.Ju iku,N.Be xulli,D. Psikologjia XI ,P ishti ë f . 9 Ermioni Hoxha Cekani, Metodika sipas fushave të zhvillimit, Polis, Tiranë, 2012, fq. 14 10 Ermioni Hoxha Cekani, Metodika sipas fushave të zhvillimit, Polis, Tiranë, 2012, fq. 15
11
praktikuar më shumë të folurin dhe ka një fjalor më të pasur,kështu që përdor fjali më të zgjeruara e më të
vështira.
3.3 Leximi
Leximi përforcon aftësitë gjuhësore dhe i lejon fëmijët të dëgjojnë ritmin e gjuhës,fjalët e ndryshme dhe
mënyrën apo radhën e vendosjes së tyre në fjali.Po kështu ,leximi ndihmon edhe për zhvillimin e
përqendrimit të tyre.Nganjëherë,fëmijët mund të pëlqejnë që një ngjarje të caktuar ta dëgjojnë
vazhdimisht.Prandaj është e këshillueshme që t’ua lexojmë përditë përrallën apo tregimin për të cilin
tregojmë interes,sepse kështu ata janë duke zbuluar fjalë dhe struktura të reja fjalish.
S’duhet të harrojme se,shpeshherë,fëmija imiton jo vetëm të folurën e prindërve apo të edukatorëve,por
edhe fjalët e personazheve,që i dëgjon nga leximi i përrallave dhe tregimeve,dhe kjo gjithashtu është
shumë e rëndësishme për zhvillimin e koncepteve gjuhësore tek fëmijët parashkollor.
3.4 Të folurit dhe të shkruarit
Bashkë me përvetësimin e gjuhës së folur ,fëmijët e grupmoshave 3-6 vjeç fillojnë të bëhen të
vetëdijshëm edhe për gjuhën e shkruar.Kur fëmija shikon emrin e vet të shkruar,gjëja e parë që mëson të
dallojë është forma e kësaj fjale të veçantë.Marrim për shembull emrin ‘’Emi’’.Vajza që quhet Emi mund
të mësojë që emri i saj ka një vijë vertikale dhe mbi të hiqen edhe tre vija tjera horizontale;një më
siper,një në mes dhe një poshtë.Më vonë ose në hapin tjetër,Emi do të zbulojë shkronjat jo thjesht format
e tyre të bukura.kur Emi të shikoj emrat e fëmijëve të tjerë në grup,do të shohë disa shkronja që janë të
përbashkëta me emrin e saj.Shumë shpejt,do të dëgjoni thënie të tilla,si;’’Ej,ti ke një ‘m’tek emri yt,siç e
kam edhe unë te emri im’’.11
11 Ermioni Hoxha Cekani, Metodika sipas fushave të zhvillimit, Polis, Tiranë, 2012, fq. 16
12
4.Numrat dhe gjuha
Numërimi, mbi të cilin zakonisht mëshojmë vëmendje dhe ku shumë fëmijë ia dalin mbanë goxha
mirë, është thjesht një anë e nocionit të numrit. Mendoni përdorimin e ndryshëm të numrave në kontekste
të ndryshme:
«vizato 3 mollë»
«kush është i treti në rradhë?»
3-shin në katin e 3-të të pallatit
3 nëntori në kalendar
3-shin mbi pajisjet e matjes (metër, peshore, orë, etj)
Autobusin nr. 3, etj12
Fëmijët nuk i perceptojnë të gjitha këto përdorime të ndryshme me të njëjtën mënyrë që i perceptojmë
ne të rriturit.
Dialogu i një të vogli me babanë e tij, që vjen më poshtë, tregon shumë qartë si i ndërtojnë fëmijët
kuptimet e tyre:
«Një djalë 3,5 vjeç i përgjigjet pyetjes së një të rrituri se qeni ka 4 këmbë. «Po lopa?», pyet babai i tij.
«Ka më shumë.», thotë djali. «Sa këmbë ka lopa?», insiston babai. «Katër», përgjigjet i vogli. «Si, edhe
ajo katër? Pra, të njëjtat me qenin, apo jo?», «Jo!»,thotë përsëri djali, «Ka më shumë, është një katër e
madhe».
12 Ermioni Hoxha Cekani, Metodika sipas fushave të zhvillimit, Polis, Tiranë, 2012, fq. 167
13
Në kopsht do të shikoni fëmijët:
Të njohin simbolet numerike në pika të ndryshme rreth tyre, në autobus, në çmimet e artikujve, në
faqet e librave, etj.
Të shkruajnë numrat, (disa herë mbrapsht , por të mos ju shqetësojë kjo).
Të numërojnë me krenari sasi objektesh dhe të përdorin me lehtësi zaret në lojëra tavoline.
Të zgjidhin probleme të lehta mbledhjeje dhe zbritjeje në aktivitetet e përditshme.
Të njohin figurat gjeometrike, por dhe disa veçori të tyre në ambientin përreth.
Të bëjnë matje dhe krahasime me mjete të posaçme, por dhe jo të posaçme (p.sh. masin me
këmbë, por dhe me metër).13
4.1 Përdorimi I numrave për të treguar sasitë
Arritja i referohet aftësisë së fëmijëve për të kuptuar numrin, i cili përfaqëson një sasi të caktuar. Tre
treguesit kryesorë për të vlerësuar aftësitë e fëmijës në njohjen e numrave dhe bërjen e veprimeve janë:
1.Tregon interesim për numërimin dhe sasinë;
Përdor gishtat për të treguar numrat (p.sh.tregon pesë gishta për të treguar moshën)
Përsërit vjersha,këngë dhe lojëra me numra
Numëron objekte familjare,jo gjithmonë në mënyrë korrekte (p.sh.të numërojë
lodrat,anëtarët e familjes etj)
13 Mato, E lehta. Ka a i, P a ve a. Një otë pë t u zbuluar, Tiranë 2010, fq. 70
14
Pyet se sa janë ose sa bëjnë
2.Numëron mekanikisht;
Numëron nga 1 deri në 10 ose më shumë;
3.Numëron objekte në mënyrë të kuptueshme;
Numëron katër artikuj (p.sh. lapsa,kukulla,makina) në mënyrë të saktë
Merr aq artikuj sa i kërkohen (p.sh.merr 5 artikuj kur i thuhet ‘’Ylli më jep 5 lapsa të
lutem’’).
4.2 Përdorimi i fjalëve për të treguar numrin e objekteve
Arritja pasqyron rritjen e njohurive të fëmijëve dhe përdorimin e fjalorit të shoqëruar me numra dhe sasi.
Katër janë treguesit kryesorë për vlerësimin e aftësisë së fëmijës për të treguar numrin e objekteve:
1.Përdor fjalët krahasuese për numrat;më shumë/më pak, më i madh/më i vogël,i njëjtë etj.
Sheh veten dhe të tjerët dhe përcakton se kush ka më shumë lapsa,lodra etj.
Krahason objektet e tij me të shokut dhe përcakton nëse kanë të njëjtën sasi;
Pyet, "Sa më shumë se mua ke?".
2. Kombinon objektet dhe përcakton se sa janë;
Vendos lapsin e kuq, të verdhë dhe blu bashkë dhe numëron se sa lapsa janë gjithsej;
Di që tri vetura dhe dy kamionë bëjnë një total prej pesë objektesh - makina;
3. Ndan objektet dhe përcakton se sa janë;
Merr pjesë në lojën me gishta, këngë ose tregime të cilat kanë në përmbajtje numra dhe
numërime;
Di që tri vetura dhe dy kamionë bëjnë një total prej pesë objektesh - makina;
4. Eksploron, vëzhgon pjesët e së tërës në kontekstin e jetës së përditshme;
Thotë (jo gjithmonë saktë), "Unë kam një portokall të plotë" ose "Unë kam një çerek ose
gjysmë kokrre mollë".
15
4.3 Përdorimi i treguesit numërik
Arritja i referohet aftësisë së fëmijës për të identifikuar dhe për të zgjidhur personalisht probleme të
kuptueshme nëpërmjet numrave. Pesë treguesit kryesorë për vlerësimin e aftësisë së fëmijës në këtë fushë
janë:
1.Përdor vizatimin për të treguar numrat;
Bën vizatime për të treguar madhësinë dhe sasinë e anëtarëve të familjes (p.sh.i shkurtër/i
gjatë/i madh/i vogël);
Bën një vizatim për të treguar numrin e objekteve
2.Identifikon numrat në situata të jetës së përditshme;
Njeh numrat deri në 10 në telefon,ashensor,kompjuter,makinë llogaritëse etj.
16
Gjen dhe emërton numrat në libra dhe simbole
3.Përdor numëroret rreshtorë (i pari,i dyti...i fundit);
Identifikon pozicionin në një rresht fëmijësh ( p.sh kush është i pari,i dyti...etj)
Vendos tre objekte në një rresht dhe i tregon se kush është i pari i mesit dhe i fundit;
Tregon pozicionin e objekteve (i pari,i dyti...i pesti etj
4.Shkruan disa numra deri në 10;
Krijon dhe sajon numra me plastelinë,karton etj;
Përpiqet të shkruaj sa vjeç është ai/ajo;
Përpiqet të kopjojë një numër të shkruar;
5.Krahason numëroret sipas sasisë;
Kur luan një lojë në mënyrë korrekte vendos numrat sipas simboleve ose hapësirës në
fushë;
Përdor numrat magnetik për të treguar sasinë e objekteve
17
18
5. Gjeometria
Në formimon e koncepteve gjeometrike,enkas për fëmijët e moshës parashkollore duhet të kihet
parasysh që këto nocione të përmbajnë veçori dhe ligjësi të botës reale,pavarësisht nga abstraksioni i
tyre.Mbi këtë bazë dhe për këtë arsye shfrytëzohen shembuj gjithëpërfshirës nga rrethina e drejtpërdrejt e
fëmijës.Më këtë rast, duhet përfill parimi i konkretizimit,i cili fëmijës ia mundëson që më lehtë,ta vërej
dhe pranojë vetinë e objektit,pamjen e figurës dhe prekjen e tij,aty ku e ka të orientuar vëmendjen!’’Të
vërejturit nuk bën të konsiderohet vetëm si ‘’vështrim vizual’’i objektit,por ai duhet të depërtojë edhe në
të ‘’prekurit’’ e objektit me dorën e vet fëmijëve,madje jo vetëm një herë por deri sa të ‘’kënaqen me
prekje’’14
Në të gjitha fazat e formimit të një koncepti gjuhësor gjeometrik,fëmija duhet të jetë aktiv.Ai nuk është
vetëm vëzhgues i modelit apo vizatimit,por edhe ‘’arkitekt’’i ndërtimit të tij.P137e fëmijët e moshës
parashkollore,formimi i konceptit gjeometrik duhet të mbetet në stadin e të ashtuquajturës gjeometri
konkrete,me pamje dhe prekje.15
14 Jaka, Bedri. (2003), Metodika e ësi it ele e ta të ate atikës , Prishtinë-, fq. 42 15 Jaka, Bedri. (2013), Lojërat matematike me metodikë, Prizren-Siprint, fq. 39
19
6.Të kuptuarit e hapësirës dhe raporteve hapësinore përmes gjuhës.
Kuptimi i hapësirës dhe orientimi në të,për çdo fëmijë është i një rëndësie të posaçme,madje
jetike,pikërisht si shkëputjet e hapave të parë që e bën ai si foshnje.të cilët e çojnë drejt ecjes së
tij.Rrethana e posakrijuar ia mundëson fëmijës një komunikim cilësor në mjedisin shoqëror ku
jeton,luan,dhe mëson,fillimisht duke i vërejtuar dhe ‘’prekur’’raportet (relacionet,lidhjet)hapësinore;më
pas duke i shprehur ato me fjalë e së fundi duke i shkruar,skicuar e shënuar me shkronja,shenja e
simbole.16
Kështu gjatë jetës dhe lojës së përditshme,ata shfaqin vlerësime të këtilla;
- ‘’Unë ulem prapa teje,sepse jam më i rritur se ti’’
- ‘’Përballë shtëpisë sate është shkolla’’
- ‘’Lartë në katin e dytë,bën vapë’’
Kjo mënyrë e të shprehurit futet edhe në lojë,e cila do kultivim,si hyrje pë t’i kuptuar e shprehur raportet
hapësinore.Kjo është në pajtim me shkallën intuitive të intelegjencës,në të cilën ndodhet fëmija.Situatat
dhe rrethanat konkrete jetësore nga rrethina e drejtpërdrejt e fëmijës duhet shfrytëzuar,nëpërmjet mjeteve
shprehëse grafike.17
16 Jaka, Bedri. (2013), Lojërat matematike me metodikë, Prizren-Siprint, fq. 177 17 Latkovi M. Metodika po et ih ate ati kih poj ova Beog ad ,f .
20
7.Loja,metodë mësimore e zhvillimit të koncepteve fillestare gjuhësore
Loja është aktivitet psiko-fizik shumë i rëndësishëm në jetën e hershme dhe të mëvonshme fëmijërore,e
‘’qëndisur’’ me efekte të shumta edukative dhe pedagogjike për të mësuar dhe zhvilluar konceptet e para
gjuhësoreqëndrim,veprim dhe mësim të pavarur,për ta dashur shoqërinë,jetën,bashkëpunimin dhe
punën,shton ‘’orekse’’shkathtësie,mençurie,mendjemprehtësie dhe krenarie.
Në përgjithësi,lojërat e karakterit intelektual janë janë të shoqëruara me efekte dhe rezultate,karakteristikë
kjo e çdo pune.Ndryshimi ndërmjet lojës dhe punës së njëmend qëndron në atë që ‘’rrjedha e lojës’’nuk
vështrohet si e ‘’mirë materiale’’.Loja bëhet për t’u dëfryer dhe zbavitur;për t’u argëtuar!Çdo lojë ka
fillim dhe mbarim,zakonisht i përcjellë me gëzim e hare.
Karakteristikat e lojës janë;
- Loja është aktivitet i vetvetishëm (spontan)dhe i lirshëm;
- Qëllimi i çdo loje është më i vlefshëm se rezultati i saj;
- ‘’Kurora’’e lojës dhe rrjedha e saj përmbajnë disa të panjohura;
- Loja është e përmbledhur,mund të fillojë dhe mbarojë në çastin e njëjtë;
- Rregullat e lojës dhe marrëveshjet e ndërsjella pranohen;18
Për zhvillimin gjuhësor në përgjithësi mund të zhvillojmë disa aktivitete ose lojëra të cilat njëkohësiht
shërbejnë për të mësuar dhe argëtuar.Lojra të tilla janë;
-Gjeje emrin tënd,në këtë lojë fëmijët i kanë të shkruar emrat letra të vogla dhe pasi që t’i kryejnë lëvizjet
e caktuara nga edukatorja deri te vendi ku janë emrat e shënuar,pastaj secili e gjenë emrin e vet.
-Loja me fjalë,kjo lojë ndihmon që fëmijët të njohin dhe identifikojnë fjalë të caktuara.Shkruhen disa
fjalë dhe shpërndahen në një mjedis ku do të zhvillohet loja.Caktohet se si do të lëvizin fëmijët gjatë
zhvillimit të kësaj loje (p.sh.duke kërcyer pupthi) dhe u caktohet një fjalë p.sh.molla pastaj njëri prej
fëmijëve caktohet kapësi dhe të tjerët vrapojnë deri tek ‘’molla’’në mënyrë që kapësi mos t’i arrijë
Loja me rimë,kjo lojë i ndihmon fëmijëve të njohin dhe identifikojnë fjalët me rimë.Shkuhen disa letra
me fjalë të ndryshme (p.sh. borë-dore,mali-kali,ylli-pylli) pastaj njëri prej fëmijëve caktohet kapësi dhe të
tjerët vrapojnë.Në mënyrë që fëmijët tjerë mos të zihen,kapen nga kapësi ata duhet të prekin fjalën që
rimon me fjalën e njëjtë që edukatorja e ka në dorë.
18 Jaka, Bedri. (2003), Metodika e ësi it ele e ta të ate atikës , Prishtinë-, fq. 42
21
-Loja ‘’Trego emrat e sendeve që ke në figurë’’,Kjo lojë zhvillon vëzhgimin,të folurit dhe zgjaron
fjalorin.Në tavolinë shpërndahen foto të gjësendeve të ndryshme dhe nga fëmijët kërkohet që të
identifikohen objektet në figura.
-Loja ‘’Tregoni se çfarë bëjnë fëmijët’’ Kjo lojë zhvillon të menduarit dhe të folurit,pasuron fjalorin
me fjalë e shprehje të reja.Fëmijëve iu shpërndahen foto me fëmijë duke kryer veprimtari të
ndryshme dhe nga nxënësit kërkohet të shpjegohet se çfarë janë duke bërë fëmijët në foto.19
19 Ermioni Hoxha Cekani, Metodika sipas fushave të zhvillimit, Polis, Tiranë, 2012, fq. 33-34
22
7.1 Lojërat fëmijërore
Pikëpamjet programore të edukimit parashkollor fillojnë me idenë që ‘’fëmija mëson nëpërmjet lojës’’e
cila përfaqëson mënyrë të veçantë të të menduarit.Të futurit më shumë lojë dhe më pak mësim më
edukimin parashkollor ishte një hap i guximshëm dhe vizionar i cili u emërtua si ‘’zbulim i shpirtit
njerëzor’’20
Loja paraqet veprimtari kreativedhe qëndrimi i fëmijës ndaj lojës është aktiv.Loja gjithnjë plotësohet dhe
bëhet më tërheqëse po qe se tek ajo janë zbuluar elemente të reja.Fantazia krijuese dhe zgjuarsia
fëmijërore e plotësojnë boshllëkun eventual që ka loja! ‘’Pë zhvillim motivi,lojës i përket rëndësia
kryesore’’21
Duke qenë se loja dhe lodrat janë faktor kyq që ndikon në zhvillimin psiko-social të fëmijës,me kalimin e
kohës ato janë zhvilluar,sofistikuar është bërë klasifikimi i tyre si më poshtë;
- Lojërat imituese (në këto lojëra fëmijët imitojnë zerat e kafshëve,shpezëve etj)
- Lojërat me role (Aplikohet kur fëmijët luajnë rolin e babait,nënës,shoferit etj duke i veshur edhe
rrobat e tyre dhe imituar sjelljet e tyre)
- Lojërat konstruktive
- Lojëra tavoline (shah,domino, etj)
- Lojëra simuluese (simulimi i policisë,zjarrfikësve,mjekëve etj)
- Lojëra strategjie (ushtarake,lëvizje me vetura)
- Lojëra sporti (çiklizmi,futbolli)
- Lojëra kafshësh (veterinerësh,imitimi i kafshëve etj)
- Lojëra familjare (simulimi i nënës,babait,fëmijës etj)
Nëpëmjet lojës fëmija afirmon aktivitetin vetjak,fiton njohuri dhe përvoja të reja për veten dhe njerëzit
përreth tij.Kontributi i lojës qëndrom në atë që ajo e largon dhe e liron fëmijën nga ‘’ngarkesat
psikike’’;konflikti e ankthi (familjar e shoqëror)stimul moral pë atë çfarë i mungon,plotëson dëshirën dhe
prirjen fëmijërore për ta ndie si i rritur,i mençur dhe i pasur.
20 Mo teso i,M; Upijaju i u ,Beog ad, , f 21 Elko ji D.B. Psihologija de je ig e Beog ad f .
23
Disa lloje të lojërave fëmijërore
24
7.2 Lojërat me blloqe logjike
Sot në botë ekzistojnë shumë materiale didaktike,të ngjashme e me emërtime të ndryshme,mirëpo ato nuk
dallohen shumë prej shpikjeve origjinale.Sipas Piazhesë bëhet fjalë për këto shoqërime;
1.Klasifikimi i gjësendeve dhe objekteve sipas ngjajshmërive dhe dallimeve (në shumë mënyra)
2.Krijimi i vargut me gjësende të dallueshme midis tyre
3 Operacionet me numra
Meqenëse fëmijët e moshës parashkollore nuk mund të mësojnë drejtpërdrejt logjikën,për ushtrim dhe
nxënie të logjikës rruga e vetme është ajo nëpëmjet lojës!Është konstatuar se blloqet llogjike të Dienes-it
mund të shfrytëzohen për zhvillimin e mendimit logjik të fëmijëve nga mosha 5-10 vjeçare.
Për fëmijët e moshës parashkollore këto lojëra mund të ndahen në dy lloje;të pa orientuara dhe të
orientuara;
- Lojëra të pa orientuara përfshihen ato,të cilat fëmija nëpërmjet fantazisë personale ‘’shpërbën’’
ose ‘’rindërton’’dhe i klasifikojnë si shumë të dashura dhe aspak të dashura.
- Lojëra të orientuara përfshihen ato lojëra tek të cilat fëmija udhëheqet nën mbikqyrjen e mësueses
së kopshtit ku përfshihen renditjae blloqeve sipas rregullave të paracaktuara,futja e koncepteve
fillestare nga matematika logjike etj.
25
Konceptet gjuhësore përmes krahasimit të numrave,objekteve,figurave etj
26
27
Rekomandime
Të shtohen aktivitete kreative me qëllim që në klasë të nxitet të
mësuarit e dhe zhvillimit të gjuhës në mënyrë sa më të lehtë;
Të përdoren teknika të ndryshme për punë të suksesshme;
Të përgatiten lojë që nxitin të menduarit dhe të folurit tek
fëmijët.
Të krijohet ambient i përshtatshëm në klasë ku fëmijët do të
ndihen lirshëm për të zhvilluar aktivitetet e tyre;
Të nxiten fëmijët të bëjnë aktivitete kreative edhe në shtëpitë e tyre me ndihmën e prindërve.
Nxënësit duhet të aftësohen që të jenë në gjendje të vlerësojnë edhe punen e bashkëmoshatarve të
tyre kështu që do të qartësojnë edhe idetë e tyre.
28
Përfundim
Mësimdhënia jonë padyshim që po ndryshon nga dita në ditë dhe ne po mundohemi të fusim sa më
shumë inovacione duke u bazuar në përvojat pozitive dhe hulumtimeve të bëra më parë.
Rëndësia e gjuhës dhe koncepteven të saj dhe lidhshmëria me të gjitha fushat e jetës është e madhe.
Prandaj përmirësimi i mësimdhënies së saj është sfida kryesore që e ka përpara vetes secili mësimdhënës.
Mësimëdhënia në përgjithësi dhe mësimi i gjuhës në veçanti është patjetër e drejtuar tek rezultatet dhe
suksesi i fëmijëve që lidhet ngushtë me vlerësimin e tyre. Mirpo vlerësimi i nxënësve ka qenë dhe do të
mbetet gjithmonë çështja më delikate e mësimdhënësve, kështu që është shumë e rëndësishme kësaj
problematike ti kushtohet vëmendje e veçantë. Veçanarisht kur vlerësimi i fëmijëve ndikon në
përmirësimin e suksesit të tyre. Nga kjo kuptojmë se vlerësimi i deritanishëm tradicional sa më shpejtë
duhet të zëvëndësohet me vlerësimin formativ të fëmijëve i cili do të ofroj funksion të trefishtë:
informativ, motivues dhe orientues.
T’i motivoj fëmijët për angazhim të shtuar dhe zhvillimin e aktiviteteve shtesë për tejkalimin e
problemeve të hasura.
Mësuesit duhet të krijojnë një atmosferë të tillë në klasë që fëmijët mos të ndihen të gjykuar, keqkuptuar
dhe vlerësuar përpara se tu ipet mundësia për tu përmiresuar.
Roli i mësuesit është që të zgjedh metodat e duhura të mësimdhënies, mjedisin e përshtatshëm për mësim
dhe të inkurajojë e udhëzojë fëmijët në zbulimin e pavarur te koncepteve të reja.
Duke u bazuar në literaturen e shqyrtuar kam verejtur se problemi nuk ekziston vetem në shoqerinë tonë
por është i pranishem edhe në shoqëritë më të zhvilluara.
Nxënësit në kohë sigurojnë informaten kthyese lidhur me përparimet ose ngecjet e tyre gjatë procesit të të
nxënët. Ata janë treguar më të motivuar dhe inkurajuar për të ndërmarrë veprime për përmirësimin e të
nxënët të tyre.
Në fund, mund të themi se qytetarë të vlefshëm janë ata, që jo vetëm bashkëpunojnë dhe e ndërtojnë jetën
e tyre në harmoni me rendin shoqëror, por tek të cilët mund të kesh besim, se do të dinë t’i interpretojnë
ndryshimet e situatave me kalimin e kohës dhe do të marrin vendime të mençura sesi duhet të sillen në
këto rrethana, në përputhje me të mirën e përbashkët. Për më tepër, ata duhet të jenë të gatshëm t’u
29
përmbahen vendimeve, që kanë marrë për mënyrën sesi jetojnë në bashkësitë e tyre. Studiuesit thonë se,
për t’u bërë qytetarë të vlefshëm, nxënësit duhet të zhvillojnë këto tipare:
Ndjenjën e vënies së vetes në vendin e tjetrit, që në thelb ka të bëjë me këndvështrimet: të
kuptosh sesi mund t’i përjetojë dikush tjetër ngjarjet dhe, me kalimin e kohës, të jesh në
gjendje të përcaktosh disa synime të përbashkëta me të tjerët si dhe të punosh me ta për
përmbushjen e tyre;
Ndjenjën e efikasitetit, ndjenjën se pjesëmarrja në punët e bashkësisë (klasës, qytetit, kombit)
është e vlefshme, sepse veprimet tona do të sjellin diçka të vlefshme;
Ndjenjën e lidhjes së jetës vetjake me një tërësi më të madhe: pra ndërgjegjësimi për vlerat
dhe qëllimet e veprimeve tona në një kontekst më të madh se vetja jonë, qoftë kjo lufta për
ruajtjen dhe mbrojtjen e mjedisit, puna për begatinë dhe të mirën reciproke në bashkësi ose
futjen në këtë apo atë kozmologji fetare;
Ndjenjën e integritetit midis bindjeve dhe veprimeve tona: për shembull, në qoftë se dikush ka
bindje të forta, se izolimi i të moshuarve është diçka mizore dhe e gabuar, atëherë ky person
duhet të jetë i gatishëm t’ia kushtojë një pjesë të kohës së vet shoqërizimit me të moshuarit.
Gjithashtu nxënësit duhet të aftësohen edhe të kenë ndjenjën për vlerësimin e njohurive të tyre
momentale, lëshimeve dhe gabimeve gjatë të nxënit për të fituar ide të qarta për ta ndihmuar
veten në përmirësim.
30
Literatura
-Jaka, Bedri. (2013), Lojërat matematike me metodikë, Prizren-Siprint,
-Bruner, J. S. (1957). Going beyond the information given. New York: Norton.
-Montesori,M;’’Upijajuci um’’,Beograd 2003
-Mato, Erlehta. Kamani, Pranvera. Një botë për t’u zbuluar, Tiranë 2010
-Nushi,P.Juniku,N.Berxulli,D.’’Psikologjia XI’’,Prishtinë 2011
-Elkonjin D.B.’’Psihologija decje igre’’Beograd 1981
-Ermioni Hoxha Cekani, Metodika sipas fushave të zhvillimit, Polis, Tiranë 2012
- Latkovic M.’’Metodika pocetnih matematickih pojmova’’Beograd 1984
31
Jetëshkrimi
Jam Gentjana Domi e lindur me 15.05.1988 në Gjakovë. Shkollën fillore e kam përfunduar në Sh.f.
“Mazllum Këpuska” ndërsa atë të mesme në Gjimnazin “Hajdar Dushi” po ashtu në Gjakovë. Pas
përfundimit të shkollës së mesme bëra një pauz gjashtë vjeçare dhe më pas vazhdova studimet në
Universitetin e Gjakovës “Fehmi Agani”, në Fakultetin e Edukimit - Programi Parashkollor.