12

Ñoꞌo kuu in tuꞌun luu, nineꞌe ntakani nivi

yata luu nuu, ra ntasiaꞌa ña yoꞌo, takua

nakintoi nuu kuena snaꞌa ña, tsi kue sukuachi

veskuaꞌa, takua ntiꞌi kuena kuntakuaꞌnu kuni

na ña. Vichi, ma snaa tuꞌun ko.

Ñoꞌo kuu

in tu'un

yata.

Tuꞌun Yata Uvi Veñuꞌu La leyenda de las dos iglesias

Saꞌan Savi Xnuviko Mixteco de Mixtepec

Publicado por el

Instituto Lingüístico de Verano, A.C. Apartado Postal 22067

C.P. 14000 Tlalpan, D.F., México

Tel. 5-573-2024

2012

Narrador

Prof. Francisco Mendoza Santiago

Oficina de la Supervisión Escolar de Educación Indígena en

San Juan Mixtepec

Segunda edición

Primera edición 2007 .5C

Segunda edición 2012 .5C

La leyenda de las dos iglesias

Mixteco de San Juan Mixtepec

mix 12- .5C

México, D.F. 2012

Asesoras lingüísticas: María M. Nieves y Gisela Beckmann

Resumen: Cuenta la leyenda que hace mucho tiempo no

había sol. La oscuridad le daba vida a las piedras y por eso

ellas podían caminar. Un grupo de hombres llevó piedras a

Tlaxiaco y construyó una iglesia. Otro grupo de hombres

de Mixtepec quiso hacer lo mismo, pero salió el sol y las

piedras murieron. Por eso, en esa época no se pudo

construir la iglesia de Mixtepec.

© 2012 por Instituto Lingüístico de Verano, A.C.

Derechos reservados conforme a la ley.

11

Ika nikitsaa kuera cha ntsinu nikanchii,

cha ma nikuu ka kuvaꞌa veñuꞌu Xnuviko, vari

ntsiꞌi kue yuu ka. Cha ma nikuu ka tatsi

kuera ña nuu ñuu. Ika kuu nuu naa tuꞌun

yata tsaꞌa veñuꞌu Xnuviko.

10

Vatsia, cha ñaka kua nikitsaa kue chaa,

vatsia ñuu Nkuiin, nikitsaa kuera nuu ñuu

nani Yuku Miꞌin tsi yuu. Ika kuu nuu ntee

kue yuu, mee so yuu nchaa, yuu nchuꞌa ntaa

kuu ña ntoyo ika. Ika nikitsaa kuera tsian.

Cha kue chaa vatsi chi Xini Yuku, nikitsaa

ra tsi yuu nuu kuu Toto Utsa. Ika ntee kue

yuu naꞌnu, yuu vaꞌa kue tuku.

3

Yoꞌo kuntakani in tuꞌun yata nuu kuena,

na kuni kuni tuꞌun yata, nchii tuꞌun kaa kuu

ña ntsio ñoo.

Ñañoꞌo ra tuꞌun yata tsaꞌa uvi veñuꞌu.

Ian veñuꞌu Ntisnuu, ra in veñuꞌu ña ñuu ña

kuu Xnuviko yoꞌo. Cha ta tsa naꞌa koo

nikanchii nitsio.

Na ntakani in tu'un yata.

4

In kii, ntakitaꞌan kue ntiyata, cha ntatuꞌun

ra, ra nikachi na ña kusavaꞌa na uvi veñuꞌu;

ian Ntisnuu, ian ñuu Xnuviko.

Nikachi taꞌan kuera tuꞌun, ra nikachi

kuera:

—Na satutu ko yuu, mee so yuu, cha

nasavaꞌa veñuꞌu, nanchee nchii kuu ña veñuꞌu

cheꞌe ka koo, cheꞌe ka kana.

9

Cha ntuku kuera yutu, cha satutu kuera

yuu, nikututu yuu ka ra, nikitsaá tatsi kuera

yuu ka vatsia. Kuu tuꞌun ña tono kue yuu ka

ra, ntsikuu ntsitsika mii, tatsi kuera ña. Cha

ntsio yuu ka nuu naa.

8

Ika nikunumi kuera ntuvaꞌa veñuꞌu

Ntisnuu, cha ntsinu veñuꞌu Ntisnuu cha

nikachi kuera:

—Vichi ra nasatutu ko yuu, kuꞌun kueyu

nuu Xnuviko, kuꞌun chi Yuku Tituꞌun, kuꞌun

tsi yuu. Cha nakuꞌun yu chi ñuu Nkuiin, ñuu

Nkuiin tsi yuu, cha nantakitaꞌan ñuu ra ika,

kusavaꞌa veñuꞌu.

5

Cha satutu kuera yuu, cha nikitsaá kuera

savaꞌa ra xina ñuꞌu veñuꞌu Ntisnuu.

Cha kue nivi yata luu, kuena ntsintee ta

tsa naꞌa, cha nivi naꞌnu, suku ntsikuu kuena.

6

Cha nikasachuun kuera, nikuvaꞌa veñuꞌu

Ntisnuu, ra ntsaa kue nivi, na ntee Xnuviko

yoꞌo, cha nikachi kue chaa Ntisnuu:

—Vichi ra ntsinu veñuꞌu Ntisnuu yoꞌo,

cha saꞌu ñamani ña kuain nchau ña. Tatu

ntacha saꞌu ra nakuni yu ña ntaku ku, nikachi

kue chaa Ntisnuu.

7

Cha ntsaa kue chaa ñuu Xnuviko, uvi

ntsain nchaa ra veñuꞌu ka, cha ntacha

nikoyo ntiꞌa, cha nikachi kuera:

—Vaii, yee kuaꞌa xeen ncheu ña

ntacha saꞌu. Cha vichi ra chincheu yu,

nantasavaꞌa ña. Ta ntsinui, cha nakoꞌon

ñuu Xnuviko, savaꞌa toko ian, takua inuu

nakoo veñuꞌu Ntisnuu tsi veñuꞌu Xnuviko.

¡Vaiii!