Indremisjonsvarden

Nr.02 - 2019 - 17.årgang Viktige datoar i krinsen s.15

Sogn og Fjordane Indremisjon inviterer til Årsmøte på Skei Misjonshus laurdag 1.juni.

Tema: «Søk først Guds Rike»

Helsing frå Krinssekretæren s.3

Innsendingar s.14

Organ for Sogn og Fjordane Indremisjon

Laurdag 1.juni 11:30 Bibeltime v/ Erik Furnes, eige borneopplegg 12:30 Lunsj 13:15 Årsmøtesaker 16:30 Middag 18:00 Kveldsmøte Generalsekretær ImF, Erik FurnesEige barneopplegg under bibeltimen og under årsmøtet. Kaker og kaffi etter kveldsmøtet.

Erik Furnes Generalsekretær i ImF

Årsmelding s.6

!2

VåronnIndremisjonsvarden Organ for Sogn og Fjordane Indremisjon

Kjem ut 4 gonger i året.

Utgjevar: Sogn og Fjordane Indremisjon

Ansvarleg redaktør : Sondre J. Orrestad

Postboks 415, 6853 Sogndal

E-post: sogn.fjordane@imf.no

Tilsette i krinsen: Sogn og Fjordane Indremisjon Krinssekretær Sondre Johannes Orrestad Tlf. 482 89 762

Styreleiar Gudmund Furnes Tlf. 979 92 826

Sogndal Indremisjon

Pastor Nils Jøssang

Forsamlingsarbeidar Karine Selseng Høiland Elin Bye Duhrmann

Bygstad Indremisjon

Forsamlingsarbeidar Linda Rusken Santistevan

Krinsstyret består av: Gudmund Furnes, Styreleiar

Joar Aarnes, nestleiar

Odd Jarle Øvreås

Ole Inge Skagen

Arnt Erik Nordheim

Rune Nordbotten

Ottar Husum

Sogn og Fjordane Indremisjon er tilslutta Indremisjonsforbundet.

Det er mai månad og nokre er allereie godt i gong med våronna. Våronna er knytt til rydding, pløying, såing, harving, gjødsling og vatning.Tida er komen for å gjere jorda klar til å bere frukt, til å blomstre og til å gje oss mat!

Det same prinsippet gjeld om ein er gardbrukar, hobbygartnar, har ein liten hageflekk, eller har eit lite bed. Lauv, blad og visne blomar frå førre sesong må ryddast vekk. Jorda treng stell, og det må ryddast vekk både bos, steinar og kvistar før ein kan setje i gang det gode og viktige arbeidet med å førebu jorda!

Og me veit at dersom ikkje jordsmonnet er godt, so vil det gi lite vekst og dermed også lite mat og frukt til hausten. Det er no arbeidet for hausten startar, ikkje seinare! So er spørsmålet; korleis førebur du jordsmonnet i deg sjølve? Har du tenkt å ta ei økt med våronn?

Før Jesus begynte si gjerning - so var det ein som gjekk føre og rydda veg. «Eg er ei røyst som ropar i øydemarka: Gjer Herrens veg bein.» (Joh.1,23) Johannes tok til med våronna i Judea, utsendt av Gud. Han kalte på folket til å omvende seg. «Vend om, for Himmelriket er kome nær!» (Matt.3,2) Og eit viktig poeng frå Johannes si side er dette: «Ber då frukt som viser at de er omvende!» (Matt 3,8)

For at me skal kunne bere slik frukt, veit me no også at hausten er avhengig av arbeidet som blir gjort i våronna! Men dette er ikkje snakk om å arbeide for å bli frelst, nei det er snakk om å vende oss til Jesus - og leggje av det som tynger - både gamle vekster, stein og kvistar. Jesus er den verkeleg store rydningsmannen og redningsmannen. Og Jesus tek imot alle som kjem til Han, samtidig fritek det oss ikkje frå å gå til Han, og viss me då vil sjå frukt og gode vekster i våre liv er det viktig at me gjer jorda klar til å ta imot såkornet som Jesus vil at skal plantast!

Som Jesu læresveinar og etterfylgjarar i 2019 er dette fortsatt viktig: at me gjer jorda klar for såkornet, slik at hausten blir stor - i våre eigne liv først og fremst, men også blant våre medmenneske!

So er det som Paulus skriv; «Kva er vel Apollos? Og kva er Paulus? Tenarar som hjelpte dykk til tru! Begge gjorde vi det Herren hadde sett oss til: Eg planta, Apollos vatna, men Gud gav vekst. Så er dei ikkje noko, korkje den som plantar og den som vatnar. Berre Gud er noko, han som gjev vekst. Den som plantar og den som vatnar, er eitt, men dei skal få løn, kvar etter sitt eige arbeid. For vi er Guds medarbeidaar; de er Guds åkerland, Guds bygning.» (1.Kor 3,5-9)

Klargjer jorda, og søk Guds rike!

!3

Ingen dagar er like i denne jobben, det vart tidleg klart for meg. Eg starta å jobbe i Sogn og Fjordane Indremisjon 15.august 2017. Eg nærmar meg soleis to år i stillinga som Krinssekretær, og eg tenkte at no - når det nærmar seg eit viktig årsmøte - ville eg skrive ei lita helsing til dykk som tingar Indremisjonsvarden.

Før eg byrja i Sogn og Fjordane Indremisjon jobba eg i to år som Kontaktlærar på Danielsen Ungdomsskule Osterøy. Ein kristen ungdomsskule, nord for Bergen. Og eg må seie at det var ein veldig fin stad å arbeide, og eg var veldig spent på korleis det ville bli å jobbe i indremisjonen.

Eg gjekk mine ungdomsår i Sogndal Indremisjonsforsamling og medan eg budde i Bergen var eg ein aktiv del av Bergen Indremisjon, Betlehem. Eg kjente godt til forsamlingsarbeidet, og eg må innrømme at krinsarbeidet var mindre kjent for meg. Eg visste at krinsen tradisjonelt sett har sendt forkynnarar og arbeidar for å hjelpe lokale lag, foreiningar og forsamlingar, og å drive leirarbeid. I tillegg til større samlande arrangement. Men kva betyr det eigentleg?

Eg begynte hausten 2017 med å setje meg inn i historien til krinsarbeidet, samt å gjere ei opprydding i arkivet vårt. Begge deler har vore med på å forma mi forståing av mi rolle som Krinssekretær. Eg er overbevist om at eg ikkje kan drive eit indremisjonsarbeid åleine, og eg - og krinsen - kan ikkje drive eit lokalt arbeid. Krinsen, og eg som Krinssekretær, skal vere til teneste for dei som står i eit lokalt arbeid!

GF-året 2019 stiller soleis viktige spørsmål til det lokale arbeidet. Det som er grunnsteinen i arbeidet vårt. Spørsmålet lyder: Kva treng de krins og forbund til i dag? Og her er det kome mange ulike stemmer. Nokon klarar seg fint utan eit krinsledd, medan andre veit ikkje korleis det skal gå utan eit krinsledd som har kjennskap til det lokale arbeidet og hjelper til med både administrative oppgåver og talarhjelp.

Det er ein spanande prosess me er i, i Indremisjonsforbundet, og det er nok ganske tydeleg at me lever i ei tid som krever at organisasjonen og organisasjonsledda gjer nokre grep og innfører

endringar. Det betyr også at ikkje alle kan få det som dei ynskjer i denne prosessen. Dessverre.

Å vere åleine tilsett i krinsen er ei utfordring, både fordi eg er ein sosial type, men også fordi det set avgrensingar for kva ein får gjort og gjennomført. To år er ikkje nok tid til å bli godt nok kjent med alt arbeidet og alle frivillige, og det er heller ikkje nok tid til å gjennomføre endringar.

No skal eg ut i Pappa-permisjon, og eg skal nyte kvar dag! Samtidig ser eg fram til å fortsetje i jobben i Sogn og Fjordane Indremisjon. Det er det fleire grunnar til, men eg vil løfte fram eit par grunnar her:

- Folket i foreiningar og forsamlingar som eg har fått blitt kjent med! Det er utruleg stort å få møte misjonsfolket her i fylket, og eg opplever at eg har blitt godt motteken! Draumen og visjonen om at det i ei kvar bygd skal vere eit levande fellesskap som er samla rundt Ordet og bøna, er fortsatt tilstade. Og alle de som eg har fått snakke med, undervise til og ha fellesskap med - tusen takk!

- Bekrefting på at eg er på rett plass! Det får eg med jamne mellomrom. Seinast siste helga i April - då var det ei dame (som eg aldri har møtt før), som ba for meg og delte etterpå; at eg er på rett plass! Det er stort at Gud verkar gjennom oss og gir oss bønesvar og oppmuntringar!

So kan eg frimodig løfte hendene til Gud, og be om eit nådens år for Sogn og Fjordane! Takk til alle som hugsar på meg og tek seg tid til meg. Takk for arbeidet som de gjer lokalt! Saman er me Jesu kropp i krinsen!

Helsing frå Krinssekretæren

!4

Program:

11:30 Bibeltime v/ Generalsekretær ImF, Erik Furnes

12:30 Lunsj

13:15 Årsmøtet startar

14:00 Pause

14:30 Årsmøte held fram

16:30 Middag

18:00 Kveldsmøte v/ Generalsekretær ImF, Erik Furnes

Eige barneopplegg under bibeltimen og under årsmøtet.

Kaker og kaffi etter kveldsmøtet.

Påmelding:

Hugs å melde på utsendingar og kva måltid de ynskjer (lunsj, middag og kaker).Er du ikkje utsending, kan du også melde deg på måltida.

Påmelding skjer til sogn.fjordane@imf.no eller tlf. 979 92 826.Påmeldingsfrist: 28.mai 2019

Årsmøte Skei Misjonhus, laurdag 1.6.19

!5

Saksliste 1. Godkjenning av innkalling og dagsorden

2. Konstituering

2.1. Val av møteleiar

2.2. Val av to personar til å skrive under møtebok

2.3. Val av referent

2.4. Tale- og stemmerett

3. Årsmelding for 2018

4. Rekneskap for 2018

5. LovendringKrinsstyret fremjer forslag om å redusere antal styremedlemar i krinsstyret, frå 6 til 4

medlemmar. Dette krev lovendring i §5 i lovene til Sogn og Fjordane Indremisjon.

6. Val av Dersom lovendring i §5 blir godkjent av Årsmøtet vil ein for komande periode kun

velje 1 styremedlem for komande 2-årsperiode.

6.1. Styreleiar for eitt år

6.2. Eitt styremedlem for to år

6.3. 3 varamedlemmar for eitt år

6.4. 2 medlemmar til valkomité

6.5. Barne- og Ungdomsråd*

*Krinstyret ber Årsmøtet om å ikkje velje BUR for komande periode, då det

manglar kandidatar, og det er vanskeleg for BUR å fungere utan administrativ

oppfylgjing (manglar Barne- og Ungdomsarbeidar).

6.6. Revisor

7. GF-året 2019. Framtida og vegen vidare for krins og forbund. Innleiing til samtale ved Krinssekretær.

Årsmøte Skei Misjonhus, laurdag 1.6.19

!6

Sogn og Fjordane Indremisjon er ein fri lekmannsorganisasjon tilslutta Indremisjonsforbundet. Sogn og Fjordane Indremisjon har til føremål å fremja Guds rike og halde oppe eit livskraftig indremisjonsarbeid. Krinsstyret for Sogn og Fjordane Indremisjon legg med dette fram si 15.årsmelding etter fusjonen mellom Dalsfjord og Bremanger Indremisjon og Sogn Indremisjon i 2003.

HeimlovMe minnast dei misjonsvenene som gjekk heim til Herren i 2018. Me er takksame for den støtta den einskilde har vore i misjonsarbeidet! Jesus og vår kristne tru gjev von og trøyst i sorga over dei som har fått heimlov frå Herren!

«Fred etterlèt eg dykk, min fred gjev eg dykk. Eg gjev dykk ikkje fred på same måten som verda gjer det. Lat ikkje hjartet dykkar uroast, og ver ikkje motlause!» Johannes 14,27

Me lyser fred over den einskilde sitt minne!

Arbeidsåret 2018 er fyrste året der Sondre J. Orrestad har vore krinssekretær gjennom heile året. I tillegg har Gudmund Furnes vore tilsett som forkynnar. Runhild Øvreås var tilsett i 40%stilling ut juni og Ivar Kristian Berland var tilsett i prosjektstilling i Bremanger ut juni også. Då Runhild Øvreås sa opp stillinga si og prosjektstillinga til Ivar Kr. Berland var over, såg krinsstyret at det ikkje var økonomi til å tilsetje nye i desse stillingane. I tillegg tok Gudmund Furnes ut ulønna permisjon frå hausten av, men han har likevel hatt møter i Sunnfjord, der kollektane har gått til SFI.

Krinssekretær Sondre J. Orrestad er fortsatt «ny» i jobben og det har også i løpet av 2018 vore ein god del å setje seg inn i og få oversikt over. Ein ser at det er ein god del av det administrative i Sogn og Fjordane Indremisjon som krever ein del oppdatering, både etter nye lover og reguleringar, men også i form av ei rein oppdatering og evaluering av arbeidet som har vore i krinsen. Forutan styremøte og enkelte samtalar/sjelesorg har Sondre vore på besøk hjå 15 lokale foreiningar i løpet av 2018 med tale på 33 møte, vore på 4 konferansar, 2 leirar, 6 kretsleiarsamlingar og hatt oppfylgjing med lokallag og foreiningar, i tillegg har han vore på mindre formelle samlingar. Sondre er også fast på Sogndal Helse og Omsorgssenter og held andakt. Han skriv også andaktar til Sogn Avis med jamne mellomrom.

Ei nød for at folket i Sogn og Fjordane skal bli frelst og ei nød for at dei kristne skal bli utrusta og fornya i tenesta har vore hjartet i arbeidet dette året.

«Eg planta, Apollos vatna, men Gud gav vekst.» skriv Paulus i 1.Kor 3,6. Det er vanskeleg å setje eit målbart tal på kva me har oppnådd i løpet av 2018, men me har hatt Jesus i sentrum i forkynning, undervisning og sjelesorg.

Barnearbeidet, ungdomsarbeidet og foreining/forsamlingsarbeidet som me har vore involvert i har hatt dette som fokus: at Jesus skal stå i sentrum. Me gjer etter det kallet me har fått, men det er Gud som gir vekst! Crossroad vart arrangert fyrste gongen i februar 2018. Då var det samla i overkant av 60 ungdomar frå Sogn og Fjordane på Lyngmo Ungdomssenter til fornying og utfordring. Crossroad er eit samarbeid mellom Sogn og Fjordane Indremisjon og NLM Region Vest, med utgangspunkt i vår felles leirstad Lyngmo. Crossroad - det engelske namnet på «vegskilje», eller «vegkryss» er meint som eit større arrangement som samlar ungdomar frå regionen vår. Der blir dei stilt på val! Dei blir utfordra til å velje å fylgje Jesus, men også utfordra til å vere synlege kristne på sine heimstadar, sine skular, i sine familiar osv.

Årsmøtet på Lyngmo fyrste helga i juni hadde tema «Vekk opp di forsamling», der Vegard Soltveit frå Den Norske Israelsmisjonen var invitert som talar. Ei oppløftande helg, men også utfordrande. Er me overgitt til Jesus i forsamlingane våre? Søker me Gud i det daglege? Og sist, men ikkje minst: Er me vakne og ser behova rundt oss?

På årsmøtet møtte det 33 utsendingar med stemmerett og dei formelle sakene gjekk igjennom utan noko uro. Årsresultat for 2017 var 416.933 kr i underskot og det vart samtalt rundt økonomien til krinsen. Også dette året var det vanskeleg å finne kandidatar til både krinsstyre og valkomité. Valkomitéen mangla eitt medlem til valkomiteen ved årsmøtet og krinsstyret vart gjeve fullmakt til å komplettere valkomiteén. Dette klarte dessverre ikkje krinsstyret å få på plass før valkomitéen start arbeidet sitt.

Indremisjonsvarden kom ut med fire utgåver i 2018 og det har kome gode tilbakemeldingar på bladet og innhaldet. Antal abonnementar har gått ned, mykje på grunn av at det er få nyteikningar og ein del abonnementar har fått heimlov. Vidare er det mange som har fått ny postadresse og forsvinn ut av adresselistene dersom me ikkje klarar å finne ny adresse, eller folk melder dette inn sjølve.

Krinsstyret har i 2018 hatt 5 styremøte og behandla 45 saker. 1 styremøte vart avlyst. Arbeidet i krinsstyret har sjølvsagt dreia seg om ein del adminstrative saker, men styret har hatt

Årsmeldinga for 2018

!7

mykje fokus på kva som er beste måten å løyse arbeidet på, samt kva ein skal bruke ressursar inn mot. Dette er eit kontinuerleg arbeid, men styret er glad for den prosessen som ImF inviterte til i november 2018 som omhandlar GF-året 2019. I 2019 spør me alle på grasrota kva behov dei har lokalt og kva dei ynskjer og treng både krets og sentralledd til framover.

Økonomi har vore eit gjenteke tema både på årsmøte og i krinsstyret. Me ser at krinsen fortsatt går med stort underskot. For 2018 viser resultatrekneskapen eit underskot på kr 434.103,- mot underskot på kr.416.932,- i 2017. Balansen viser eigenkapital og gjeld på kr. 5.775.055,-.

I overkant av kr.4.000.000,- av eigenkapital er lån som er gitt til Lyngmo Ungdomssenter AS.

I første halvdel av 2018 gav SFI samla omlag kr 70.000,- i støtte til Sogndal Indremisjonsforsamling og Bygstad Indremisjon til å dekke lønskostnader. I tillegg gav SFI i 2018 kr.70.000,- til Indremisjonsforbundet som misjonstilskot.

Kostnader til løn er vår største utgiftspost også i 2018, men i løpet av året vart staben redusert frå 180% til 100% stilling for å redusere kostnader. Det er fortsatt utgifter knytt til kontor, drift, reise og Indremisjonsvarden som er vanskeleg å kutte i, utan å redusere arbeidet. Sjå framstillingar på utvikling i økonomi og gåver gitt gjennom Imf si Fastgjevar-løysing.

Sidan økonomien har vore krevjande har krinsstyret arbeidt med moglege løysingar for å lande ei bærekraftig drift. Ein del av løysingane er allerede iverksett, men me ser også at det vil ta tid å snu trenden då me er avhengige av frivillge gåver for arbeidet vårt. Difor er me særs takknemlege for alle som bidreg til vårt kallsoppdrag, å gje Guds Ord til folket i Sogn og Fjordane!

Det er gledeleg å sjå at faste gåver som kjem inn gjennom Imf si Fast-gjevar løysing med skattefrådrag har auka noko, og me håpar at det er fleire som ynskjer å bli fastgjevar til indremisjonsarbeidet i tida som kjem, både til det lokale, det regionale og det sentrale arbeidet!

Krinsstyremedlemar 2018

2017-2018 2018-2019

Gudmund Furnes, Bygstad – styreleiar

Gudmund Furnes, Bygstad – styreleiar

Joar Aarnes, Sande – nestleiar

Joar Aarnes, Sande – nestleiar

Tone Rusken, Bygstad Odd-Jarle Øvreås, Holmedal

Bodil Brennsvik, Hafslo Arnt Erik Nordheim, Sogndal

Ole Inge Skagen, Ornes Ole Inge Skagen, Ornes

Rune Nordbotten, Svelgen Rune Nordbotten, Svelgen

Jan Henry Tverberg, Luster Jan Henry Tverberg, Luster

1.vara: Ottar Husum, Sogndal 1.vara: Ottar Husum, Sogndal

2.vara: Dagny Sagevik, Bygstad 2.vara: Dagny Sagevik, Bygstad

3.vara: Bjarte Urnes, Førde 3.vara: Jostein Fauske, Bygstad

!8

Barne- og ungdomsrådet er ikkje operativt i krinsen. Årsmøtet vedtok i 2018 å ikkje velje BUR, m.a. då det ikkje er tilsett Barne- og ungdomsarbeidar i krinsen, og det er vanskeleg for BUR å fungere utan administrativ oppfølging.

Gudmund Furnes har vore styreleiar i heile 2018 og i tillegg har han reist som forkynnar for krinsen. Han skriv fylgjande om reiseverksemda i 2018: Dette året har eg óg fått reist litt rundt i kretsen med evangeliet. Nokre møter er det blitt, det begrensar seg når dette kjem i tillegg til eit travelt liv på landevegen. Desse plassane har eg vitja med alt fra 1 og opptil 8 besøk på ein plass: Løland bedehus i Hyllestad 7 møte, Hestagrend 8 møte, Folkestad 1 møte, Kaupanger 3 møte, Værlandet 2 gudstenester, Bulandet 1 møte, Brekke 1 møte, Holmedal 1 møte, Fortun 2 møte, Aurland 1 møte, Hafslo 2 møte, Bygstad 2 møte, 2 Fjellstemner.

I tillegg har ein hatt «god påske» og «god jul»- samling på tysdagskafèen på Tønna i Bygstad. Så kjem styremøta for ImF og Sogn og Fjordane ImF. Når det gjelde frammøte så varierar det, alt i frå nokre få til om lag fullt bedehus.

Har det å forkynne evangeliet om Jesus Kristus framtida for seg? Lat oss svare med eit bibelvers: Rom 10.17 «Så kjem då trua av forkynninga som ein høyrer, og forkynninga som ein høyrer, kjem ved Kristi ord.» Min konklusjon er: Forkynning av evangeliet er alltid framtidsretta! Difor må ordet om Jesus fortsatt få leve i blant oss. Gud

velsigne Indremisjonsarbeidet som vi får nåde til å stå i.

IMF og det lokale arbeidetSogn og Fjordane Indremisjon er tilslutta Indremisjonsforbundet og me er glade for at me får stå i ein større samanheng, både praktisk og andeleg! Gjennom vår tilslutning til Indremisjonsforbundet gjev Sogn og Fjordane Indremisjon vidare 15% av alle gåveinntektene våre til ImF. Denne satsen er det me kallar misjonstilskot til ImF. Gjennom tilskotet får me tildelt talarar til både møteaksjonar, enkeltmøte og talarar til leir på Lyngmo. I 2018 har Leif Nesheim (2 periodar), Marit Stokken Berland (2 periodar) og Otto Dyrkolbotn (Leir Lyngmo) vore tildelt frå Imf. I tillegg har ImF ein del kompetanse som også krinsen og dei lokale foreiningane nyt godt av. Sjølv om me er tilslutta ImF er det den lokale foreininga som er utgangspunktet vårt for å dele evangeliet! «For vi er lemer på hans kropp.» skriv Paulus til Efesarane (5,30). Kvar enkelt av oss, foreining – krins og forbund – har våre oppgåver som saman skal tene til det gode for Kristus!

Lyngmo Ungdomssenter AS legg fram eiga årsmelding, utdrag frå denne finn de lenger bak.

Krinsstyret har lyst å rette ei stor takk til alle frivillige i arbeidet! Takk for stor innsats, både lokalt og regionalt. Og takk til alle tilsette på Lyngmo, Sogndal Indremisjonsforsamling og i Bygstad Indremisjon. Og takk til alle som gjev gåver til arbeidet og ber for indremisjonsarbeidet!

Me står saman i arbeidet med å gje Guds Ord til folket!

Krinstyret i Sogn og Fjordane Indremisjon

!9

Årsrekneskap for 2018

Sogn og Fjordane Indremisjon er avhengig av

gåveinntekter for å drive misjon i Sogn og Fjordane.

Dersom du kunne tenke deg å gi ei gåve til Sogn og

Fjordane Indremisjon er gåvene alltid motteke med

takksemd.

Set direkte inn på kontonr. 3785.60.63624, bli

fastgjevar eller gje ei gåve med Vipps,

Vippskode 137504

«Kom med heile tienda til forrådskammeret så det fins mat i mitt hus. Prøve

meg på denne måten, seier Herren over hærskarane. Eg skal sanneleg opna

himmelens sluser og ausa ut over dykk velsigning

utan mål.»

Malaki 3,10

!10

!11

Frå driftsåret 2018 kan me rapportere om god og stabil drift med arrangement i ca. 40 helgar. Våre eigne kjernearrangement er viktige og står saman med andre kristne organisasjonar sine arrangement for over 70 % av driftsdøgna våre. I tillegg er leirstaden vår prega av ei stadig større sommardrift, der turistantalet aukar og sesongen vert forlenga.

Antall leirdeltakarar er tilnærma likt som i fjor, nokon me ikkje er heilt nøgde med. Me ønsker ein oppgang på alle trinn. Det mest oppløftande i løpet av fjoråret var ungdomsleiren «Crossroad», der det kom 80 stk, inkl leiarar! Arrangementet er eit samarbeid med NLM og IMF i resten av Sogn og Fjordane. I løpet av alle arrangementa vert evangeliet om Jesus forkynt og borna vert undervist og opplært i Bibelen og den kristne trua. Så er bøna vår at det «fell i god jord» og at det som er planta får veksa vidare i kvar enkelt sine liv!

Leirarbeidet Leirarbeidet er hovudårsaka til at leirstaden vart bygd. Det er små variasjonar i antall deltakarar og dei siste 6 åra har det vore svært stabilt. Andre resultat frå leirarbeidet er vanskeleg å måle. Men, me veit av erfaring at leir er avgjerande for truslivet til mange born og ungdom. Leirnemnda Saman med barne- og ungdomsarbeidarane på Lyngmo organiserer leirnemnda arbeidet med å skaffe leiarar til leirane. I 2017 har Arne Bondevik (leiar), Inger Merete Øygard, Astrid Holgersen, Amund Klokkernes og Kristina Hess vore medlemar i nemnda. Styret uttrykkjer stor takksemd for arbeidet som leirnemnda gjer i fellesskap med barne- og ungdomsarbeidarane. Me må erkjenne at det er vanskeleg å fylle opp plassane i leirnemnda. Styret har ikkje lukkast godt nok med dette.

Personalet Det er totalt 4,05 årsverk med fast tilsette. I tillegg er det ca. 1,1 årsverk med sommarvikarar. Rannveig Flatland og Endre Hilleren er fast tilsette som barne- og ungdomsarbeidarar. Samarbeidsavtalen med NLM Region Vest, gjer at me har 30 % ekstra stilling i barne- og ungdomsarbeidet. På kjøkkenet har Jorunn Hilleren,

Anne Grethe Drevdal Tverberg og Anette Mjølsnes vore tilsette heile året. Kjetil Stautland er dagleg leiar. Ole Inge Skagen (TOIS) er ikkje tilsett, men fast innleigd som vaktmeister i 20 % stilling. Styret set stor pris på jobben som personalet gjer!

Ungdomsteama på kjøkkenet er, saman med alle frivillige, ein viktig ressurs der. Vaktmeisterteamet har komme i funksjon og har vore mykje med siste året! Dei fire vasketeama, som tek seg av reinhald på soveromma etter arrangement gjer framleis ein flott jobb. Frå hausten 2018 er det kun 3 team igjen og me er på leit etter nye hjelparar der. Det er ein kontinuerleg jobb å rekruttere til dei ulike dugnadsoppgåvene.

Økonomi Rekneskapstala er ikkje klare når årsmeldinga vert skriven, men prognosane syner at me har nok eit år med god drift. Det er starta ein prosess for å refinansiere låna hos Sogn og Fjordane Indremisjon. Samstundes som me har gode prognosar er det meir utfordrande tider, blant anna ved at Luster kommune har endra regelverket for kulturmidlar, samt at det er innført eigedomsskatt i kommunen. Lyngmo «taper» over 100.000,- i året på desse endringane.

Styret Styret har hatt 9 styremøte og handsama 43 saker. Det vart halde generalforsamling 8. mai. Per Hilleren(styreleiar), Torodd Urnes(nestleiar), Anne Margrethe Kråvik, Ottar Husum og Magny Bukholm(sjukemeldt ein del av året) har vore faste medlem heile året. Marit Sofie Hurthi, Jostein Heggestad, Arnt Erik Nordheim og Jostein Flatland har vore vara til styret i heile eller deler av året. Takk Me er takksame for at me får vera ein del av drifta på Lyngmo. Det er stort å sjå alle menneska som er innom og tek del i ulike arrangement! Mest av alt ønskjer me å løfte takken vår til Gud for at me får vera med i arbeidslaget og for at han har halde si vernande hand om Lyngmo dette året!

Utdrag frå årsmeldinga til Lyngmo Ungdomssenter AS 2018

!12

!13

«Lyngmo er eigd av Norsk Luthersk Misjonssamband og Sogn og Fjordane Indremisjon. Drifta er retta mot leirar og andre arrangement for born og ungdom, familiar, vaksne og eldre. Barnelaga våre med Knøttekoret, Torsdagsklubben og Småbarnstreff er viktige for oss. I tillegg til dei ideelle arrangementa våre skaffar me midlar til drifta, ved å leige ut staden til overnatting, camping, selskap og konferansar.»

Dette skjer på Lyngmo: MAI 2019 2. Småbarnstreff 9. Knøttekor og torsdagsklubben (sommaravslutning) 16. Småbarnstreff/16. mai arrangement 20. - 23. Vi over 60 29.mai - 31.mai Ungdomsleir (8.kl - 3.vgs) JUNI 2019 7. - 10. Leir 4 - 7 klasse 13. Småbarnstreff 14. - 16. Leir for 2 - 4 klasse 21. - 24. Lerum Cup 30. juni - 7.juli Bibelsommar i vest JULI 2019 14. - 20. Familieleir, Ungdom i oppdrag AUGUST 2019 24. - 25. Bibelhelg 29. Knøttekor og torsdagsklubb

LOPPEMARKNAD 27. og 28. september 2019 vert det loppemarknad på Lyngmo Ungdomssenter. Me tek i mot lopper heile året! Ta kontakt FØR levering: Tlf: 57 68 43 66 / lyngmo@lyngmoinfo.com Selskap /Catering Lyngmo har flotte lokale til konfirmasjonar, minnestunder og andre selskap. Ta gjerne kontakt for informasjon og tilbod Mail: lyngmo@lyngmoinfo.com eller tlf: 57684366 Presang – gåvekort på leir Av og til har fadrar, foreldre, besteforeldre, onklar, tanter og andre lyst til å gje ei gåve som betyr «litt meir». På Lyngmo er det leirar for born og ungdom heile året. Kanskje årets bursdags- eller julegåve kan væra eit gåvekort på leir!! Ta kontakt med oss på Lyngmo for å kjøpe gåvekort! Mail: lyngmo@lyngmoinfo.com eller tlf: 5768436

Alle foto: Lyngmo Ungdomssenter AS

16. mai-feiring for Ungdom Velkommen til 16. mai feiring på Lyngmo!Rusfritt arrangement for 8. klasse og oppover. Det blir fyr på grillen, sosialt, andakt og aktivitetar. Me startar klokka 19:30 og held på til 24:00 Pris 250,-

!14

ANLAUG FØRDE 80 ÅR Av Gudmund Furnes Den 14.juli fyller denne dama 80 år. Det er ikkje til å tru, men pålitelege kjelder stadfestar det! Vi i Sogn og Fjordane Indremisjon vil gjerne få gratulere og hylle denne flotte misjonskvinna frå Bremanger med dagen. Anlaug har eit brennande engasjement for indremisjonen og bedehuset på Hauge. Det er ikkje få tusen lefser Anlaug har baka, som har gått til inntekt for bedehuset, saman med sine trufaste lefsebakarar. Tenker på gjestfriheta som ho og mannen Oskar har. Mange predikantar har fått seng og god oppvartning i heimen deira. Sjølv har eg fått bu der mange gonger. Minnast på slutten av 80-talet, då vi hadde teltmøte over 14 dagar. Vi var 4 tilreisande og alle budde hjå Anlaug og Oskar.

Ho har mange år i krinstyret for Dalsfjord og Bremanger Indremisjon, og no seiare i Sogn og Fjordane Indremisjon. Anlaug var, og er, oppteken av korleis det går med misjonen og økonomien. Skal vi ha arbeidarar må vi ha midlar til å løne dei. Seinast i siste nr. av Indremisjonsvarden skreiv Anlaug eit innlegg: «Vil vi fortsatt ha ein indremisjon?» Her var ho oppteken av økonomien og det å gje til misjonen. Anlaug er ikkje av dei som snakkar høgst, men er ei handlingens kvinne. Utruleg kva ho får gjort!

Kjære Anlaug: vi i indremisjonen set umåteleg pris på deg. Glade for å ha deg og Oskar med på laget. Vi ynskjer deg det beste av alt: Guds velsigning over 80-års dagen og dei dagane som ligg føre deg!

ØKONOMIEN TIL KRINSEN Av Ivar Kr. Berland.

I siste nummer av Indremisjonsvarden kom Anlaug Førde med gode tanker om korleis økonomien i krinsen kan betrast. Anlaug veit korleis ein kan få balanse og meir til i det lokale arbeidet.

I Bremanger har dei i mange år dreve med lefsebaking til inntekt for bedehuset og lokalforeininga. Dette har finansiert mange møteaksjoner opp gjennom åra. Noko som har vore til stor velsigning for bygda.

No i vår skal dei skifte tak på Hauge bedehus i Bremanger, her er det også lefsepengane som blir nytta. Ikkje berre damer er engasjert i bakinga, også menn har vore med på dette opp gjennom åra.

I Kalvåg har dei også fått gjort svært mykje godt arbeid finansiert av lefsesal.

Lefsebaking og sal kan også vere ei inntektskjelde for krinsen. Så må vi ikkje gløyme det sosiale fellesskapet som er knytt opp til lefsebakinga. Dersom ein fekk slike lefsegrupper rundt om i indremisjonsforsamlingane, så kunne jo overskotet delast mellom krins og lokalt.

I Rogaland er vi 10-12 frivillige" forkynnarar" som tek litt møter i fylket. Ein treng ikkje vere teolog eller pensjonert emmisær for å gå inn i eit slikt frivillig engasjement. Nokon har 2-3 møter i løpet av året, andre noko meir. Dette er med på å spare krinsen for lønsutgifter, samstundes som krinsen held kontakten med forsamlingane.

Så må ein sjå på om det er rett å ha eit krinskontor i Sogndal. Husleige og straum er også kostnader. Her nede er krinskontoret lokalisert til krinsen sin leirplass. Ei slik løysing innanfor Lyngmo ville også vere berikande for krinstilsett i forhold til det sosiale. Eg har i alle fall berre positive erfaringer etter å ha delt kontorfellesskap med dei kyrkjelege tilsette i Bremanger.

I dag treng jo heller ikkje eit krinskontor vere bemanna kvar dag i veka.

Dette var litt tanker frå Jæren i forhold til å styrke krinsen sin økonomi.

Med venleg helsing Ivar Kr. Berland.

Innsendingar

!15

Frist for å søke om talarhjelpDersom de ynskjer talarhjelp, til det lokale arbeidet, frå krinsen haustsemesteret 2019, er det viktig å sende inn søknad til sogn.fjordane@imf.no innan 1.juni.

Tungestølsstemne 7.juliSøndag 7.juli kl.12:00 blir det Tungestølsstemne på Veitastrond. Me samlast på Tungestølen, ta med eigen stol og gjerne drikke. Det blir sal av Rømmegraut og Spekemat. Andakt, song og fellesskap.

Gulenstemne 25.augustSøndag 25.august er du invitert til gudsteneste kl.11:00 i Brekke kyrkje, mat på Brekke bedehus og møte kl.14:00 etter matøkta.

Lederkonferansen 20198.-10.november går årets lederkonferanse av stabelen på Straume utanfor Bergen. Sjekk www.leder-konferanse.no for meir informasjon og påmelding.

Generalforsamling for IMF 2019 Under lederkonferansen i november blir det generalforsamling for ImF. Kursen for framtida skal setjast og me treng engasjerte stemmer for å ta gode vegvalg.

Futurum Futurum er eit tilbod til styret / leiarane i den lokale forsamlinga om å møte andre leiarar frå andre stadar for å lære saman, og av kvarandre, for å byggje eit godt, kristent fellsskap. Sjå www.imf.no/futurum .

Kontaktinformasjon Du kan ta kontakt med oss på følgjangde måtar: Facebook: https://www.facebook.com/SFIndremisjon

Heimeside: www.sfi-imf.no

E-post: sogn.fjordane@imf.no

Postadresse: Pb.415, 6853 Sogndal

Du er også velkomen til kontoret vårt i Fjørevegen 10, 6856 Sogndal Eller du kan ta kontakt direkte med Krinssekretær Sondre J. Orrestad e-post: s.orrestad@imf.no tlf. 482 89 762

Hugs å melde frå til krinskontoret om du får ny adresse. Du kan også melde endring og oppseiing på heimesida.

Sommaren 2019 Mai - Vi over 60 - leir på Lyngmo, 20.-23.mai

Juni - Årsmøte SFI på Skei 1.juni - Tungestølsstemne 7.juli kl.12:00

Juli - Ungdomens Landsmøte 23.-27.juli,

Kongeparken - Lyngdal Bibelcamp 1.-28.juli - Bibelsommar i Vest, Lyngmo 30.juni -7.juli

August - Gulenstemne 25.august

I sommarmånadane er det som regel litt færre møter enn vanleg, men hugs å sjekke med ditt lokale bedehus, foreining og forsamling om programmet framover!

Reiserute Krinssekretær Sondre J. Orrestad Mai 2019 13.-14.mai Misjonsråd Bergen Juni 2019 1. juni Årsmøte SFI, Skei Misjonshus 12.-14.juni: Finnmark leiarsamling Juli 2019 Ferie og permisjon

Sondre tek ut pappapermisjon frå 6.mai til 15.juli. og tek deretter ferie til 15.august. Sondre er likevel sett opp på nokre samlingar i permisjonstida, dette blir godskreve til å ta ut til hausten.

I løpet av denne tida er de velkomne til å ta kontakt med styreleiar Gudmund Furnes på tlf. 979 92 826

Ver ikkje urolege for noko! Men legg alt de har på hjartet, fram for Gud i bøn og påkalling med takkseiing. Og Guds fred, som går

over all forstand skal vara dykkar hjarte og tankar i Kristus Jesus. Fil.4,6-7

RETURADRESSE: Sogn og Fjordane Indremisjon, Pb 415, 6853 SOGNDAL