1

STATE OF THE UNIVERSITY ADDRESS

Dr. Manuel B. Agulto Chancellor

29 October 2012 / 9:00 AM / UPM Social Hall

MGA OPISYAL NG PAMANTASAN, MGA VICE-CHANCELLOR, MGA DEKANO AT DEKANA NG ATING MGA KOLEHIYO, MGA NAMUMUNO NG PHILIPPINE GENERAL HOSPITAL, MGA KAGALANG-GALANG NA PANAUHIN, MGA GURO AT MAG-AARAL NG PINAKAMAMAHAL NATING UNIBERSIDAD NG PILIPINAS, MAGANDANG UMAGA SA INYONG LAHAT. MARAMING SALAMAT SA INYONG PAGDATING. SA TOTOO LANG, INISIP KO NA BAKA ANG MGA VICE CHANCELLOR LANG ANG DUMALO NGAYONG UMAGA. MALAPIT NANAMAN ANG BAKASYON KAYA’T EXCITED NA KAYONG MAGSIALISAN. ILANG OKASYON NA RIN ANG NAPUNTAHAN KO NA KAUNTI LANG ANG DUMARATING NA TAO. SA KABILA NITO, GUSTO KO PA RING ISIPING ANG KARAMIHAN SA MGA TAGA UP MANILA AY “MAY PAKI” AT MALASAKIT SA NANGYAYARI SA UNIBERSIDAD, MAGING SA BAYAN. TAYO’Y MULING NAGSAMA-SAMA NGAYON UPANG IPAGDIWANG ANG IKA TATLUMPU’T LIMANG TAONG AWTONOMIYA NG HEALTH SCIENCES CENTER AT IKA TATLUMPUNG TAON NG UP MANILA. NAIS KONG UMPISAHAN ANG ARAW UPANG IPAGBUNYI ANG MGA NAKAMIT NA KARANGALAN NG ATING MGA MIYEMBRO SA NGALAN NG UP MANILA. MAGSITAYO PO ANG LAHAT NG MGA DEKANO AT DIRECTOR NG IBA’T IBANG KOLEHIYO AT UNIT. PALAKPAKAN NATIN HO SILA. ANG PINAKABAGONG MIYEMBRO NATIN AY ANG DEKANO NG KOLEHIYO NG MEDISINA, SI DEAN AGNES MEJIA.

University of the Philippines Manila Manila / Leyte / Baler / Koronadal

2

SILA’Y LAHAT NAPILING MAMUNO DAHIL SA KANILANG ANGKING KAKAYAHAN, TALINO, KARANASAN AT MATAYOG NA PANGARAP PARA SA PAMANTASANG ITO. IPINAGBUBUNYI NATIN ANG MGA KARANGALANG NAKAMIT NG KOLEHIYO NG NURSING, NTTCHP, PGH, AT NTHC. MAKIKITA NINYO ANG MGA NATIONAL AT INTERNATIONAL NA PARANGAL NA NATANGGAP AT DINALA NILA SA BANSA. IPINAGBUBUNYI DIN NATIN ANG MGA NATATANGING INDIBIDWAL NA NAGDALA NG KARANGALAN SA ATING PAMANTASAN KATULAD NINA DR. EDSEL SALVANA, DR. RAUL DESTURA, DR. BERNADETTE MADRID, DR. EVA CUTIONGCO-DELA PAZ, DR. JOSEPHINE BUNDOC, DR. CARMENCITA PADILLA, DR. EUNICE BITENG, RHODORA ESTACIO, MILAGROS LEANO, PROFESSOR RODERICK SALENGA, MUHAMMAD MUKTADIR AHMAD ESTRELLA (ISA SA 10 OUTSTANDING STUDENTS IN THE PHILIPPINES), AT SI RAMON LORENZO LUIS GUINTO NA NAGING KINATAWAN NG YOUTH COMMISSION ARM NG COMMMISION ON GLOBAL GOVERNANCE FOR HEALTH. SIEMPRE, HINDI NA BAGO SA UP MANILA ANG MANGUNA SA MGA NATIONAL BOARD EXAMINATION. HINDI LAMANG TAYO BOARD PASSERS KUNDI BOARD TOP NOTCHERS PA! PERO HINDI LAMANG PURO AKADEMIKO AT SCIENTIPIKO ANG MGA PARANGAL NA NAKAKAMIT NG UP MANILA KUNDI PATI SA LARANGAN NG SINING AT AGHAM, KAYA RIN NATIN MAKIPAGSABAYAN. ANG MGA STUDENT ORGS NATIN KATULAD NG UP MANILA CHORALE, INDAYOG, MANILA COLLEGIAN, AT MARAMI PANG IBA. ISANG MASIGABONG PALAKPAKAN PARA SA INYONG LAHAT NA MGA MASISIPAG AT MGA TALENTADONG ESTUDYANTE, GURO, DUKTOR, NARS, AT MGA KAWANI NG UP MANILA! SIGURADONG MARAMI PA ANG MGA KATULAD NINYO NA HINDI KO PA NABANGGIT, GAYUNPAMAN IPINAGMAMALAKI AT IPINAGBUBUNYI NAMIN KAYONG LAHAT. SANA PATULOY KAYONG MAGSILBING INPIRASYON AT GABAY SA NAKARARAMI. IPINAGDIRIWANG NATIN ANG IKA TATLUMPUNG TAON BILANG UP MANILA. TATLUPUNG TAON NA TAYONG KININILALA AT TINATAWAG NA UP MANILA. PERO SA KATUNAYAN MAHIGIT ISANG DAANG TAON NA TAYONG NAMAMAYANI SA PILIPINAS AT SA MUNDO SAPAGKAT ITO ANG PINAGMULAN NG UP ---- ISANG TUNAY NA PRIBILEHIYO AT KARANGALAN NA MABANSAGANG TAGA UP MANILA DAHIL IBIG SABIHIN, TAYO ANG NANGUNGUNA AT SENTRO NG PANGAKALUSUGAN NG ATING BANSA. WE ARE THE NATIONAL UNIVERSITY FOR THE HEALTH SCIENCES.

3

UP MANILA. UNIVERSITY OF THE PHILIPPPINES MANILA UNIBERSIDAD NG PILIPINAS MANILA. ANG MAYNILA AY KAPITAL NG ATING BANSA. ITO RIN AY SENTRO NG IBA’T IBANG KLASENG SAKIT NA MAKIKITA SA ISANG MALAKING LUNGSOD. ALAM NINYO ITO LAHAT. ARAW-ARAW NATIN ITO NAKIKITA. PERO DAHIL ARAW ARAW NA NATIN ITO NAKIKITA, NAGIGING MANHID NA BA TAYO? SANA HINDI. BILANG UP MANILA, TAYO AY PARANG ISANG MUNTING PILIPINAS. WE ARE A MICROCOSM OF THE PHILIPPINES. WE REFLECT THE SOCIETAL AND NATIONAL ISSUES. AND WE, AS UP MANILA, CAN ALSO CURE THE DISEASES AND OTHER HEALTH PROBLEMS OF OUR COUNTRY. KAPAG NAPAAYOS ANG UP MANILA, MAARI NATING MABIGYANG GINHAWA AT MALUTAS ANG MGA SAKIT NG TAO NG LIPUNAN. ITO’Y ISANG HAMON PARA SA ATING LAHAT BILANG MGA KAWANI NG UP MANILA. MAHIGIT ISANG DAAN NA ANG NAKALIPAS, MAHIGIT TATLUMPUT TAON NA NATIN DINADALA ANG PANGALANG UP MANILA. ANG TANONG KO, MASAYA NA BA KAYO KUNG SAAN TAYO NGAYON? SIMULA NOON HANGGANG NGAYON, NASAAN NA ANG UP MANILA? SAAN NA TAYO NAKARATING? SAAN TAYO PAPUNTA? SINASAISIP AT SINASAPUSO NGA BA NATIN ANG PRIBILEHIYO NA MAKABILANG SA ISANG KATANGI-TANGING NATIONAL UNIVERSITY? ITO ANG STATE OF THE UNIVERSITY ADDRESS. NAIS KONG IBAHAGI SA INYO ANG ESTADO NG UP MANILA NGAYON. SA TUWING MAKAKASALAMUHA AKO NG MGA ESTUDYANTE, GURO, DOCTOR, MGA MAGULANG, MGA ALUMNI, MAGING BISITA, MARAMING HINAING AT REKLAMO AKONG NARIRINIG. MAGING AKO MARAMI RIN AKONG PINUPULAAN. SIGURADO AKO, KAYO RIN. ANG UNANG PARATING SINASABI AY LOW TECH ANG UP. BULOK ANG MGA PASILIDAD. ANG U.P. DAW AY UNIVERSITY OF PILA.

4

NABANSAGANG NATIONAL UNIVERSITY PERO MAY KAPASIDAD NGA BA TAYO MAKIPAGSABAYAN SA MGA KARATIG BANSA NGAYONG 21ST CENTURY? WAG NA TAYONG LUMAYO. KAYA BA NATING MAKIPAGTUNGGALI SA MGA IBANG KARATIG NA UNIBERSIDAD? PANGALAWANG REKLAMO, BAKIT DAW ANG DAMING RED TAPE! WALANG SISTEMA! KUNG SAAN SAAN AT KUNG SINO SINO PA RAW ANG DAPAT KAUSAPIN PARA MAKA ENROLL OR MALAMAN MAN LANG ANG RECORDS NG ISANG ESTUDYANTE, KAWANI O PASYENTE. SA WORLD RANKINGS TAYO AY LAMPAS NA SA PANG TATLONG DAAN. ISA SA MGA CATEGORYA NG RANKING AY ANG RESEARCH. ILAN BA ANG NAILILIMBAG NATIN KADA TAON? PAANO TAYO TUTULONG SA IBA KUNG ANG MGA GAMIT, INFRASTRUKTURA AT MGA PINANSYAL NA RESOURCES NATIN AY PARATING KULANG? NAKAKAPANGHINANG MARINIG ANG MGA SALITANG BULOK, WALANG SISTEMA, AT MAGULO. TINAGURIANG NATIONAL UNIVERSITY PA MAN DIN TAYO. ALAM NATING MGA TAGA U.P., KAHIT MARAMI TAYONG KULANG, KAYANG KAYA NATING MAMAYAGPAG AT MAKIPAGSAPALARAN KAHIT SAAN DAHIL LAHAT GINAGAWAN NATIN NG PARAAN. PERO GANITO NA LANG BA TAYO PALAGI? DAPAT BA MASANAY NA LANG TAYO SA PAGTITIIS AT PAGKAROON NG KANYA-KANYANG KAISIPAN? ANG SAGOT NAMIN SA MGA BALAKID NA ITO AY ISULONG ANG UP MANILA BILANG ISANG UNITED ENTREPRENEURIAL RESEARCH UNIVERSITY. NOONG MAGSIMULA ANG AMING LIDERATO HALOS ISANG TAON NA ANG NAKAKARAAN. INILATAG NAMIN ANG PLANO PARA SA PAGPAPAUNLAD NG UP MANILA UPANG MAGING GANAP NA “ENTREPRENEURIAL RESEARCH UNIVERSITY” --- ISANG PAMANTASANG NAGSASALIN NG MGA PANANALIKSIK SA MGA PRAKTIKAL NA PAGGAMIT AT PATAKARAN PARA SA KABUTIHAN NG FILIPINO. PANGARAP NAMIN PARA SA UP MANILA ANG MAGING TANYAG SA BANSA AT SA BUONG DAIGDIG.

5

SA PAMAMAGITAN NG STRATEHIYANG BINANSAGANG TORCH, NAIS NAMING LUBUSANG MAISAPUSO ANG ATING MGA ADHIKAIN TUNGO SA ISANG MAALIWALAS AT PANIBAGONG MAAYOS NA UP MANILA. NIYAKAP NATIN ANG SIMBULO NG TORCH O SULO, NA NAGPAPAHIWATIG NG ATING TAGUMPAY LABAN SA KADILIMANG DULOT NG SAKIT AT KAMATAYAN. ANG UP MANILA ANG MAGIGING SULO, LIWANAG NA MAGBIBIGAY NG PINAKAMATAAS NA ANTAS NG KAALAMAN AT SERBISYONG PANGKALUSUGAN PARA SA ATING MGA KABABAYAN. NAIS KONG MULING IPALIWANAG ANG MGA PLANONG NAAAYON SA TORCH UPANG INYONG LUBUSANG MAUNAWAAN AT NAWAY TANGGAPIN BILANG INYO. T -- PARA SA TECHNOLOGICAL ADVANCEMENT. BILANG PANGUNAHING INSTITUTUSYON NG KAALAMAN, HINDI DAPAT PAHUHULI ANG U.P. SA TEKNOLOHIYA. DAPAT TAYO ANG MAGING KAMPEON NG PAGGAMIT NITO. PARA GAWING PANG-INTERNASYONAL O “WORLD CLASS” ANG ATING EDUKASYON AT PAMAMALAKAD, MAHALAGANG MAPABILIS AT MAS ORGANISADO TAYO SA TULONG NG TEKNOLOHIYA. PINAKAMALINAW NA PAGSASABUHAY NITO ANG PROYEKTONG ISINASAKATUPARAN NG ATING UP PRESIDENT ALFREDO E. PASCUAL, ANG E-UP. SA PAMAMAHALA NI VICE CHANCELLOR ABUNDIO BALGOS, MANGUNGUNA ANG UP MANILA BILANG LITMUS TEST NG E-UP PROJECT. ANG TAGUMPAY NG UP MANILA SA E-UP AY MAGIGING UMPISA NG PAGPAPATUPAD SA BUONG UP SYSTEM. MALAKING GINHAWA SA MGA DOCTOR, NURSE, BILLING AT ADMINISTRATION NG PGH KUNG MAPAPABILIS ANG PAGPROSESO NG IMPORMASYON. SA HALIP NA PAPELES ANG INAASIKASO MAS MAKAKATUON ANG LAHAT SA PAGPAPAGALING NG PASYENTE. MAS MAGIGING MAINAM DIN ITO SA ATING KALIKASAN. SA PAMAMAGITAN NG EUP, ANG ATING IMPORMASYON, MULA SA ENROLMENT, PAGBABAYAD, PAGMAMARKA, PAGTATAGO NG RECORDS, AT PANANALIKSIK AY AAYUSIN SA ISANG COMPUTERIZED AT CENTRALIZED UP SYSTEM.

6

SA KATUNAYAN, NGAYONG ARAW NA ITO ANG MGA ESTUDYANTE NG KOLEHIYO NG MEDISINA AY KAUNA-UNAHANG MASUSUBUKANG MAKAPAG BAYAD NG TUITION SA PAMAMAGITAN NG ONLINE PAYMENTS SA LANDBANK. ANG ATING INFORMATION MANAGEMENT SERVICE OR IMS SA PAMUMUNO NI DR. ROMEO VILLARTA AY TULOY TULOY NA NAGSASANAY SA DILIMAN PARA LUBUSANG MALAMAN KUNG PAANO ISASAKATUPARAN ANG E-UP SA UP MANILA. KAMAKAILAN AY PINAALAM SA ATIN NI DR. VILLARTA NA MAS MAARI NANG GAMITIN ANG YOUTUBE SA ATING PAMANTASAN. PERO HINIHIKAYAT NAMIN KAYONG LAHAT NA GAMITIN NATIN ANG YOUTUBE PARA PALAWAKIN AT PATAASIN PA LALO ANG ANTAS NG ATING EDUKASYON. SANA HINDI MGA GANGNAM STYLE ANG MARIRINING KO SA HALIP MAIUSO SANA NINYO ANG UP MANILA STYLE---KARANGALAN, KAGALINGAN, AT KABAYANIHAN. MALIBAN SA PROYEKTO NI PRESIDENTE PASCUAL NA E-UP, TULOY TULOY PA KAMI GAGAWA NG PARAAN PARA MAISAAYOS ANG ATING INTERNET CONNECTION. SA GAYON, MAS MAGIGING MAAYOS ANG ATING LIVE STREAMING BROADCASTS AT MAPAPABILIS ANG KOMUNIKASYON NATIN DI LAMANG SA ATING CAMPUS KUNDI SA ATING MGA INTERNATIONAL PARTNERS. SA PAMUMUNO NI DR. ANTHONY LEACHON, ANG ATING INFORMATION PUBLICATION AND PUBLIC AFFAIRS OFFICE O IPPAO, AY TUTULONG SA PAGPALAGANAP NG MGA MAKABULUHANG IMPORMASYON. SA PAMAMAGITAN NG MGA SOCIAL MEDIA SITES AT TEXTING SCHEMES, IPAPAMAHAGI NATIN HINDI LAMANG SA ATING MGA KAWANI KUNDI SA BANSA AT IBANG PARTE NG MUNDO ANG MGA MAHAHALAGANG BALITA LALO NA SA KAALAMANG PANGKALUSUGAN. ANG SUSUNOD SA STRATEHIYANG "TORCH" AY ANG O - PARA SA OPERATIONAL EFFICIENCY. OPERATIONAL EXCELLENCE WILL LEAD TO ACADEMIC EXCELLENCE. SA PAMUMUNO NI VICE CHANCELLOR JAMIR, ANG DATING MAGULONG SYSTEMA NG ADMINISTRAYON AY NAPABILIS AT NAPAHUSAY PA LALO. MARAMI PANG MGA PROYEKTO PARA AYUSIN SA MGA PAMAMALAKAD NG UP MANILA KASAMA ANG PGH. UNTI-UNTI NANG MABABAWASAN ANG RED TAPE AT MAKUPAD NA TILA WALANG PAKIALAM NA SERBISYO.

7

GUMAGALING NA RIN TAYO SA PAGKUHA NG MGA DONASYON, GRANT AT PARTNERSHIP UPANG MAPUNUAN ANG LAGI NA LAMANG PROBLEMA NG PAGKUKULANG SA BUDGET NA BINIBIGAY NG PAMAHALAAN. CONGRATULATIONS SA OFFICE OF THE UNIVERSITY REGISTRAR SA PAMUMUNO NG ATING UNIVERSITY REGISTRAR NA SI PROFESSOR BUENALYN RAMOS-MOTREL AT SA LAHAT NG TUMULONG NOONG AGOSTO. SA KAUNA-UNAHANG PAGKAKATAON, NAGING UPCAT REGIONAL TESTING CENTER ANG UP MANILA KUNG SAAN DUMAYO ANG MAHIGIT KUMULANG TATLONG LIBONG EXAMINEES SA ATING CAMPUS. NAGING MAAYOS AT ORGANISADO ANG LAHAT. TAYO AY NAGTAGUMPAY. DAHIL SA AUDIT NG MGA CURRICULUM, SA PAMAMAHALA NI VICE CHANCELLOR JOSEPHINE DE LUNA, MAS MAGIGING MAKABULHAN ANG MGA ARALIN PARA MALUTAS ANG MGA SULIRANIN NG LIPUNAN. ANG ATING MGA GRADUATES AY MAGTATAPOS NA MAY SAPAT NA GALING AT KAALAMANG GUMAWA NG MGA SOLUSYON SA MGA PAMBANSA AT PANDAIGDIGANG PAGSUBOK. SA UNANG PAGKAKATAON, MAYROON NA TAYONG MD-PHD PROGRAM KAAGAPAY ANG UNIVERSITY OF HOUSTON. ANG PHILIPPINE CALIFORNIA ADVANCED RESEARCH INSTITUTE OR PCARI AY TUTULONG UPANG MAGKAROON TAYO NG HUSAY AT KARANASAN SA BIOTECHNOLOGY AT INFORMATION AND COMMUNICATION TECHNOLOGY. MARAMI PANG MGA INTERNATIONAL LINKAGES NA MAKAKATULONG SA PAGSULONG NG ATING MGA PANANALIKSIK. SALAMAT NAMAN KAY DIRECTOR JOSE GONZALES, NAKABILI NARIN NG STATE OF THE ART C-T SCAN AT MRI ANG PGH. HINDI NA KAILANGANG PAPUNTAHIN PA SA IBANG OSPITAL ANG MGA PASYENTE PARA SA MGA IMPORTANTENG PAGSUSURI. PAGKATAPOS NG ILANG TAONG PAGGAPANG SA KONGRESO, MAY BUDGET NA PARA MAIPATAYO ANG PANGARAP NA GUSALI NG NATIONAL INSTITUTES OF HEALTH NA MAGPAPALAWAK PA SA PANANALIKSIK NG ATING BANSA. IKINAGAGALAK KO RING SABIHIN SA INYO NA TAYO AY TUTULUNGAN NG ATING UP ALUMNUS, ANG BISE PRESIDENTE JEJOMAR BINAY NA KUMALAP NG PONDO UPANG MAIPATAYO ANG TORCH BUILDING. ITO AY ISANG GUSALING MAGIGING BAGONG BAHAY NG ATING KOLEHIYO NG SINING AT AGHAM NA MAGAGAMIT PARA SA PISIKAL NA EDUKASYON. MADARAGDAGAN DIN ANG PANGANGAILANGANG SILID-ARALAN, CONFERENCE ROOM AT FACULTY CENTER. SA GAYON MAS LIGTAS AT INSPIRADONG MAG-ARAL ANG MGA ESTUDYANTE AT MAAYOS NA MAKAKAPAGTURO ANG ATING MGA PROPESOR.

8

ANG TORCH BUILDING DIN AY MAGSISILBING TIRAHAN NG ATING MGA MAHAL NA GURO AT ESTUDYANTE. KUNG NAALALA NIYO, ILAN SA ATING MGA ESTUDYANTE AY NAGKAROON NG DI MAGANDANG KARANASAN SA ISANG BADMINTON COURT DAHIL ILAN TAON NA, WALA PARIN TAYONG SARILING PASILIDAD. DAHIL DITO, MAGPAPATAYO TAYO NG GUSALI PARA SA MGA PANGANGAILAN NG PHYSICAL EDUCATION KUNG SAAN BUONG UP MANILA AT PGH AY MAKIKINABANG DITO. HINDI RIN TAYO AASA SA SUPORTA LAMANG NG PAMAHALAAN. BINUBUO NGAYON ANG BUSINESS DEVELOPMENT OFFICE OR BDO, SA PANGUNGUNA NG ATING ISANG MAHUSAY NA ALUMNA NA SI DR. NAOMI MARTIN, UPANG TUMANGGAP NG INYONG MGA IDEYA PARA MAGAMIT ANG “INTELLECTUAL OUTPUT” NG ATING MGA MATATALINONG GURO AT ESTUDYANTE. ISASALIN NG BDO SA MGA PRODUKTO AT SERBISYONG MAKAPAGDADALA SA ATIN NG KARAGDAGANG KITA, NANG HINDI NAKOKOMPORMISO ANG ATING ACADEMIC INTEGRITY. SA MAKABAGONG PANAHONG ITO, HINDI NATING PWEDENG BALIWALAIN ANG ATING KAPALIGIRAN AT KALIKASAN. PAGTITIBAYIN NATIN ANG “GREEN UP”. KUNG NAPAPANSIN NIYO, MAS BERDE NA ANG KAPALIGIRAN NINYO DAHIL SA MGA BAGONG HALAMAN AT PUNONG ITINANIM. BUKAS MAGTATANIM MULI TAYO NG MGA BAGONG HALAMAN NA LIKAS SA ATING BANSA O MGA INDIGENOUS PLANTS SA TULONG NG DENR. MAS MAHIGPIT NARIN NATING IPAGBABAWAL ANG PAGGAMIT AT PAGTATAPON NG PLASTIC, STYROFOAM AT NON-BIODEGRADABLES SA ATING CAMPUS. “ZERO WASTE MANAGEMENT “. TANDAAN NINYO, ANG UP AY GALIT SA MGA PLASTIC. R- RELEVANT RESEARCH BILANG NATIONAL UNIVERSITY, SA TULONG NI VICE CHANCELLOR VICENTE BELIZARIO, JR, NARARAPAT NA MAGING MODELO TAYO NG PANANALIKSIK NA MAY MATAAS NA KALIDAD, KILALA SA BUONG REHIYON AT SA IBANG BAHAGI NG DAIGDIG. IBINALITA NI VICE CHANCELLOR BELIZARIO NA PUMAPANTAY AT HUMAHABOL NA ANG UP MANILA SA MGA RESEARCH OUTPUTS. PALAKPAKAN PO NATIN ANG MAGANDANG BALITA NA YAN. PERO KAILANGAN PALAKASIN AT IPAGPATULOY PA NATIN ITO.

9

TRANSLATIONAL RESEARCH. ITO ANG BAGONG ADBOKASIYA NA DAPAT NATING PAIRALIN. ANG PANANALIKSIK AY DI DAPAT MAGTAPOS KAPAG NAILIMBAG NA ANG PAPELES. ITO AY DAPAT MAGING GABAY PARA PAUNLARIN ANG KALIDAD NG SERBISYONG PANGKALUSUGAN – MAAARI TAYONG GUMAWA NG MGA PRODUKTO AT BAGONG SERBISYONG KAKAIBA, O TUMULONG NA MAGSABATAS NG MGA PATAKARANG NAGING RESULTA NG PANANALIKSIK. MATAGUMPAY TAYONG NAKAPAG-IMBENTO, SA TULONG NG PANGKAT NINA PROFESSOR NELIA MARAMBA AT NIRPROMP, NG LAGUNDI TABLET PARA SA UBO, AT NG SAMBONG TABLET. RESULTA NG PANANALIKSIK TUNGKOL SA MGA KATUTUBONG HALAMAN NA MAAARING GAWING GAMOT NA MABISA AT SA PRESYONG ABOT-KAYA NG NAKARARAMI. KASALUKUYANG PINAGBUBUTI NG PANGKAT NINA DR. RAUL DESTURA NG NIH ANG PAG-AARAL UKOL SA MAKABAGONG PAG-DIAGNOSE NG DENGUE SA MGA PASYENTENG NILALAGNAT. SINUSURI NILA ANG PAGBUO NG ISANG MAS MABILIS, MAS MAHUSAY AT MAS MURANG PARAAN NG PAGKUMPIRMA NG DENGUE NA SANA AY MAILABAS SA MGA OSPITAL SA SUSUNOD NA TAON. SA PAMUMUNO NI VC DE LUNA, NAKATUON ANG ATING MGA KOLEHIYO SA PANANALIKSIK BILANG BAHAGI NG EDUKASYON. PATULOY ANG PGH SA PAGIGING SENTRO NG PANANALIKSIK SA PASYENTE. IBINALITA NI DIRECTOR GONZALES NA HALOS TATLONG DAAN (300) NA ANG NATAPOS NA RESEARCH OUTPUT, DALAWANG DAAN (200) ANG PINAGPAPATULOY AT SIYAMNAPUT PITO (97) ANG NAILATHALANG MGA SALIKSIK NG ATING MGA DOCTOR. MULA RIN SA MGA ISINULAT AT KINALAP NA DATOS NG ATING MGA GURO SA KOLEHIYO NG MEDISINA AT PUBLIC HEALTH, AKTIBO NATING PINAKIKIALAMAN AT IPINAGLALABAN ANG PAGPAPATUPAD NG SIN TAX BILL. ISUSULONG NATIN ANG KALUSUGAN SA PAMAMAGITAN NG PAGBABA NG INSIDENTE NG PANINIGARILYO AT PAGPOPONDO NG GASTUSIN NG MGA MAHIHIRAP NA MAY SAKIT, SA TULONG NG PHILHEALTH---- PAGSULONG UNIVERSAL HEALTH COVERAGE. ANG PARTISIPASYON NATIN BILANG NATIONAL HEALTH CENTER AY MAKATUTULONG SA MGA ADHIKAIN NG ATING KALIHIM NA SI SECRETARY ENRIQUE ONA AT ANG PINUNO NG PHILHEALTH NA SI DR. EDUARDO BANZON. MGA ALUMNI NG UP MANILA. DAPAT LAGING MANGUNA ANG UP MANILA BILANG MGA EKSPERTO SA MGA USAPIN NG KALUSUGAN, SA PAMAHALAAN MAN O PRIBADONG SECTOR.

10

C-COMMUNITY ORIENTATION AND SERVICE DAHIL UP MANILA ANG KAMPEON NG SERBISYONG PAMPAMAYANAN, LALO NA SA KALUSUGAN, PATULOY NATING PALAWAKIN AT PALAGANAPIN ANG MGA COMMUNITY SERVICES NATIN. BUKOD SA HALOS ANIM NA RAANG LIBONG PASYENTE NA PINAGLILINGKURAN NG PGH TAUN-TAON, NAGLILINGKOD RIN ANG BAWAT KOLEHIYO NG UP MANILA SA ATING MGA KABABAYAN SA MARAMING MAKABULUHANG PARAAN. ANG MGA SAKIT AT CALAMIDAD AY PATULOY PARIN TAYO GINAGAMBALA. PERO PATULOY AT WALANG SAWA PA RIN TAYO TUTULONG SA ATING MGA KABABAYAN. NOONG MGA NAKARAANG HABAGAT, ANG BAWAT KOLEHIYO AY GUMAWA NG KANI KANILANG OUTREACH PROJECTS. SALUDO KAMI LAHAT SA INYO. NANANATILING MATATAG NA PROGRAMANG PAMPAMAYANAN AT SERBISYO PUBLIKO ANG UP MANILA UGNAYAN NG PAHINUNGOD. DAAN-DAANG VOLUNTEERS SA HANAY NG MGA GURO, EMPLEYADO, AT MAG-AARAL ANG NAGHAHATID NG IBAT-IBANG SERBISYO, TULAD NG MEDICAL MISSIONS, TUTORIALS, IMMERSION, AT HEALTH TRAININGS PARA SA MGA MARALITANG KOMUNIDAD. ANG BAWAT KOLEHIYO RIN NATIN AY MAY MALAKAS NA DEDIKASYON SA PAGTULONG. MAKIKITA ITO SA MGA REGULAR NA OUTREACH PROGRAMS, PAGTUTURO SA MGA PAMAYANAN, AT PAGTUGON SA MGA KALAMIDAD. H- HUMAN RESOURCE DEVELOPMENT AND WELFARE HINDI NATIN MAKAKAMIT ANG ATING MGA INAASAM KUNG HINDI NATIN PANGAGALAGAAN ANG PINAKAMAHALAGANG INSTRUMENTO---KAYO. ANG MGA MIYEMBRO NG UP MANILA, MULA SA MGA MAG-AARAL, MGA GURO, MGA KAWANI, AT MGA NANGAGASIWA. ITO ANG PANGUNAHING GAWAIN NG PANGKAT NI VICE CHANCELLOR JOSELITO JAMIR AT VICE CHANCELLOR BALGOS PARA SA UPM AT NI DIRECTOR GONZALES PARA SA PGH, NA GUMAGAWA NG MGA SUSTAINABLE PROJECTS PARA SA KAPAKANAN NG BAWAT ISA SA ATIN. SA PAMUMUNO NI VC JAMIR AT TULONG NI MAJOR ALEJO KASAMA ANG MGA SECURITY GUARDS, PATULOY NA PINAPAIGTING ANG SEGURIDAD SA LOOB AT LABAS NG ATING KAMPUS AT NG OSPITAL .

11

MALAPIT NA RING ILUNSAD ANG ISANG INSURANCE SCHEME UPANG MAPANGALAGAAN ANG KALUSUGAN NG MGA MANGGAGAWA AT ESTUDYANTE SA TULONG NG HEALTH MAINTENANCE ORGANIZATION NG PGH. ISINULONG DIN NATIN ANG EMPLOYEE HOUSING PROJECT. MANGILAN NGILAN NA SA INYO ANG NAKAKUHA NG MGA BENEPISYONG ITO. MALAPIT NARING UMPISAHAN ANG UP AT PHI DORMITORY PARA SA ATING MGA MAG-AARAL SA MEDISINA AT IBA PANG KOLEHIYO. SA MGA KOLEHIYO NAMAN, PATULOY ANG PAGHAHANAP AT PAGBIBIGAY NG MARAMI PANG PAGKAKATAON SA ATING MGA GURO AT ESTUDYANTE NA MAKAPAG-ARAL AT MAKAPANALIKSIK. GAYA NG NABANGGIT KO KANINA, MAS MARAMI TAYONG MGA BINUKSANG “LINKAGES” SA MGA PAARALAN SA IBANG BANSA, TULAD NG UNIVERSITY OF PITTSBURGH SA AMERIKA AT CHONBUK UNIVERSITY SA KOREA. SA THAMMASAT UNIVERSITY NG BANKOK, THAILAND, MAYROONG PAGKAKATAONG MATUTO UKOL SA SUSTAINABLE DEVELOPMENT. MAKATUTULONG DIN ANG MGA LINKAGES NA ITO PARA KILALANIN SA IBANG BAYAN ANG KAGALINGAN NG MGA MIYEMBRO NG UP MANILA. PATULOY DIN ANG IBA’T IBANG PROGRAMA PARA MAPABUTI ANG ANTAS NG PAGTUTURO SA BAWAT KOLEHIYO. SA TULONG NG MGA KAGALANG-GALANG NA DEKANO, PRAYORIDAD NATIN ANG PAGPAPABUTI NG KALIDAD NG PAGTUTURO SA PAMAMAGITAN NG PATULOY NA PAGSASANAY SA ATING MGA GURO.

MGA KASAMA SA UP MANILA, ITO ANG NAPAPALOOB SA ATING MGA ADHIKAIN NA PINANGALANAN NATING TORCH. BILANG MGA TUNAY NA SULO, TAYO ANG LIWANAG NA MAGLILIYAB UPANG MADAMA NG ATING MGA KABABAYAN NA ANG UP MANILA AY TUNAY NA NANGUNGUNA SA EDUKASYON, PANANALIKSIK, AT HIGIT SA LAHAT, SA PAGBABALIK-SERBISYO SA ATING MAHAL NA BAYAN. TULAD NG TEMA NG ATING PAGDIRIWANG, “KARANGALAN, KAHUSAYAN, KABAYANIHAN,” NAWA’Y IPAGPATULOY NATIN ANG MAGANDANG NASIMULAN AT IWAKSI ANG DI KANAIS-NAIS. GAMITIN ANG KAHUSAYAN HINDI LAMANG PARA SA PERSONAL AT PROPESYUNAL NA TAGUMPAY, KUNDI PARA SA KABAYANIHAN AT BUKAL NA SERBISYO SA BAYAN.

12

DAHIL TAGA-UP MANILA KA, ANO ANG PWEDE MONG GAWIN? LUMAPIT KAYO AT MAGSALITA NANG MAY PAGGALANG. KAYO AY PAKIKINGGAN NANG MAY PAGGALANG. SAMA-AMA NATING PAG-UUSAPAN ANG MGA BAGONG IDEYA NINYO AT UUMPISAHAN NATIN NGAYON. SA MGA DARATING NA TAON, SANA AY MAGTULONG-TULONG TAYO BILANG ISANG PAMAYANAN AT PAMILYA DITO SA UP MANILA. GAWIN NATING GABAY ANG TORCH. I SAPUSO AT ISABUHAY ANG SIMBOLO NG SULO. SAMA SAMA TAYO TUNGO SA ISANG MALIWANAG AT MASAGANANG KINABUKASAN. NAGSISIMULA ANG LAHAT SA RESPETO, PAGMALASAKIT, AT PAGKAROON NG PAG-ASA. KUNG TUNAY NA MAY PAKIALAM AT PAGMAMAHAL TAYO SA UP MANILA, MAGKAISA TAYONG MAGTULUNGAN. SUNUGIN NA NATIN ANG MGA BULOK, MAGULO, AT MGA LUMANG PAMAMARAAN. IBAON ANG MGA NEGATIBONG PANANAW. PAGKATAPOS NG TATLUMPUNG TAON PALIYABIN NATIN ANG MAKABAGO AT TUNAY NA KABULUHAN NG PAGIGING U.P. MANILA. PADAYON, UP MANILA! MABUHAY ANG UP MANILA!

Honor Excellence Heroism