Fi^lipv^poi 3:12-16 = Philippians 3:12-16Sunday/January 2, 2011

12 Yie maiv zeiz gorngv yie duqv liuz naaiv deix yietc zungv. Yaac maiv zeiz gorngv yie dunh yunh nzengc. Yie njiec qaqv tiux jienv mingh weic oix zorqv duqv zingh nyeic. Se weic naaiv Giduc Yesu zungv zorqv yie ndaangc, benx ninh nyei mi'aqv.

12 Not that I have already obtained all this, or have already been made perfect, but I press on to take hold of that for which Christ Jesus took hold of me.

13 Gorx-youz aac, yie maiv zeiz funx yie zorqv duqv mi'aqv. Yie kungx zoux nduqc nyungc hnangv. Jiex daaih nyei sic yie la'kuqv nzengc mi'aqv, longc qaqv hungx jienv wuov ndaangc mingh,

13 Brothers, I do not consider myself yet to have taken hold of it. But one thing I do: Forgetting what is behind and straining toward what is ahead,

14 baeng zaqc tiux taux zorqv duqv zingh nyeic nyei dorngx, se dongh Tin-Hungh heuc yie kaux Giduc Yesu mingh yiem gu'nguaaic duqv nyei zingh nyeic.

14 I press on toward the goal to win the prize for which God has called me heavenward in Christ Jesus.

15 Mbuo haaix dauh ei lingh wuonh nyei jauv benx domh mienh oix zuqc maaih naaiv nyungc hnyouv. Se gorngv maaih deix ganh nyungc hnamv, Tin-Hungh ziouc bun meih mbuo hiuv duqv se ganh nyungc mi'aqv.

15 All of us who are mature should take such a view of things. And if on some point you think differently, that too God will make clear to you.

16 Mv baac mbuo yangh Yesu nyei jauv taux haaix, oix zuqc ei jienv wuov yangh.

16 Only let us live up to what we have already attained.

Baulo fin-saeng mbuox mbuo, oix zuqc hungx jienv wuov ndaangc mingh, jiex daaih nyei sic mbuo oix zuqc guangc, oix zuqc la’kuqv aqv, mbuo maiv haih aengx daaux nqaang mingh zorc mingh tiuv. Mbuo oix zuqc longc qaqv hungx jienv wuov ndaangc mingh hnangv, haaix nyungc dongh mbuo zoux maiv taux nyei, fai mun hnyouv nyei dorngx, fai ndiqv zuqc ndorpc fai, naaiv deix yietc zungv mbuo oix zuqc guangc nqoi, maiv dungx jangx. Mbuo kungx hungx jienv, mangc jienv wuov ndaangc mingh hnangv. Baulo fin-saeng gorngv mbuox “mbuo yangh Yesu nyei jauv taux haaix, oix zuqc ei jienv wuov yangh.”(vs.16). Eix-leiz se aengx borqv jienv mingh, maiv hluotv nzuonx nqaang, yaac maiv tuix bouc, maiv guangc fuh sux Tin-Hungh nyei jauv. Maiv zeiz gorngv, ih hnoi jorm hnyouv njang hnoi aengx namx njiec.

Hipv^lu 12:1-2 “Hnangv naaic, mbuo maaih zorng-zengx mienh ndongc naaic camv weih jienv mbuo, mbuo ziouc oix zuqc guangc yietc zungv torngv jauv nyei ga'naaiv yaac guangc aah loc nyau jienv mbuo nyei zuiz. Yaac oix zuqc longc noic diev jienv tiux, hungx jienv mingh taux dingc daaih nyei dorngx. 2 Tiux mingh oix zuqc mangc dingc Yesu, weic zuqc Yesu zoux gorn bun mbuo sienx yaac oix bun mbuo sienx duqv dunh yunh. Ninh yiem ziepc nzaangc jaax diev kouv, yaac funx yiem ziepc nzaangc jaax diev nyaiv se maiv longc jienv weic nqa'haav hingv oix duqv nyei orn-lorqc. Ih zanc ninh zungv zueiz jienv Tin-Hungh nyei weic mbiaauc maengx bung.”

Hipv^lu 12:12-15 “Hnangv naaiv, oix zuqc cau jiez maiv maaih qaqv nyei buoz, yaac bun mau nyei cingh mborqc henv jiez daaih. 13 Oix zuqc zoux jauv yuonh nyei. Zaux waaic nyei mienh ziouc maiv jaa waaic, daaux nzuonx haih longx nzengc. 14 Oix zuqc longc hnyouv caux zuangx mienh horpc fim dongh eix nyei yiem yaac longc hnyouv zoux cing-nzengc mienh. Haaix dauh maiv cing-nzengc, maiv haih duqv buatc Ziouv. 15 Oix zuqc faix fim, maiv dungx bun meih mbuo haaix dauh bungx ndortv Tin-Hungh nyei en, yaac maiv dungx bun mienh maaih hnangv im haic nyei miev-nzungh baetv cuotv hlo daaih bun mienh lunc, hoic mienh camv waaic.”

I. Mbuo Qiemx Zuqc Hlo Yiem Cong-Mengh Nyei Jauv 

1. Mbuo qiemx zuqc hiuv camv faaux. Yietc nyungc jauv dongh mbuo maiv haih dingc nyei jauv se yiem mbuo kauv hoqc nyei jauv (Fi^lipv^poi 1:9; Ko^lo^si 1:10; 2 Bide 1:5).

2. Mbuo qiemx zuqc hlo yiem zoux kuv sic nyei jauv gauh camv. “ Weic naaiv meih mbuo oix zuqc longc nzengc hnyouv bun meih mbuo nyei sienx fim jaa zoux kuv sic. Zoux kuv sic yaac oix zuqc jaa hiuv duqv Tin-Hungh. 6 Hiuv duqv Tin-Hungh yaac oix zuqc jaa haih gunv duqv ganh. Haih gunv duqv ganh yaac oix zuqc jaa maaih noic diev. Maaih noic diev yaac oix zuqc jaa gan longx Tin-Hungh. 7 Gan longx Tin-Hungh yaac oix zuqc jaa hnamv sienx Yesu nyei gorx-youz. Hnamv sienx Yesu nyei gorx-youz yaac oix zuqc jaa hnamv zuangx mienh. 8 Se gorngv meih mbuo maaih naaiv deix zoux longx nyei sic yaac jaa maaih camv jienv faaux, ziouc bun meih mbuo cuotv banh zeic, maaih lamh longc, yaac gauh hiuv duqv mbuo nyei Ziouv Yesu Giduc. 9 Mv baac haaix dauh maiv maaih naaiv deix zoux longx nyei sic nor, wuov dauh se m'zing mbuov, mangc maiv duqv go, yaac la'kuqv ninh zinh ndaangc zoux nyei zuiz duqv nzaaux nzengc mi'aqv.” (2 Bide 1:5-9).

3. Mbuo qiemx zuqc hiuv duqv haih longc duqv horpc mbuo nyei ziangh hoc. ” Hnangv naaic, meih mbuo yiem seix zaangc oix zuqc faix fim meih mbuo hnangv haaix nor yiem. Maiv dungx hnangv mienh hngongx mienh, oix zuqc hnangv cong-mengh nyei mienh wuov nor. 16 Oix zuqc longc duqv horpc ziangh hoc, weic zuqc ih zanc nyei nyutc zeiv se orqv haic. 17 Maiv dungx zoux mienh hngongx mienh. Oix zuqc mengh baeqc Ziouv nyei za'eix hnangv haaix nor. 18 Maiv dungx hopv diuv nquin. Diuv se bun mienh zoux waaic sic. Daaux nzuonx oix zuqc bun Singx Lingh yiem buangv hnyouv.” (E^fe^so 5:15-18).

II. Mbuo Qiemx Zuqc Hlo Yiem Jiu Tong Doic Nyei Jauv  1. Mbuo qiemx zoux longx bun mbuo nyei doic. “

Daaux nzuonx, laanh oix zuqc zoux longx bun laanh, laanh korv-lienh laanh, yaac oix zuqc guangc laanh zoux dorngc laanh nyei sic hnangv Tin-Hungh longc Giduc guangc meih mbuo nyei zuiz wuov nor.” (E^fe^so 4:32)

2. Mbuo qiemx zuqc caux mienh zoux doic. “Maaih a'nziaauc doic zoux hnangv benx loz-gaeng doic, mv baac maaih dauh loz-gaeng doic, beiv ganh nyei cien muoz-doic, ninh zungv gauh nitv mbuo.” (Cong-Mengh Waac 18:24). 3. Mbuo qiemx zuqc guangc mienh nyei zuiz Tin-Hungh yaac guangc mbuo nyei zuiz. 14 "Se gorngv mienh dorngc meih mbuo, meih mbuo yaac guangc bun ninh mbuo nor, meih mbuo nyei tin-dorngh Diex yaac guangc meih mbuo nyei zuiz. 15 Mv baac mienh dorngc meih mbuo, meih mbuo yaac maiv guangc nor, meih mbuo nyei Zaangc Diex yaac maiv guangc meih mbuo nyei zuiz.” (Matv^taai 6:14-15).

III. Mbuo Qiemx Zuqc Hlo Yiem Mbuo Nyei Lingh Wuonh 1. Mbuo qiemx hlo yiem mbuo nyei lingh wuonh nyei jauv. “Hnangv naaic, mbuo oix zuqc jiex da'yietv kang Giduc nyei doz-leiz aengx hungx jienv wuov ndaangc mingh taux ei sienx nyei jauv benx domh mienh. Maiv dungx aengx paan-pei liepc nzunc gorn-ndoqv, dongh oix zuqc goiv hnyouv guangc maiv lamh longc nyei sic sienx Tin-Hungh.” (Hipv^lu 6:1).

2. Mbuo qiemx zuqc hiuv duqv mbuo nyei Njoux Ziouv Yesu camv faaux. “Oix zuqc yietc zei hiuv duqv mbuo nyei Njoux Ziouv Yesu Giduc caux ninh nyei en ceix camv jienv faaux. Mbuo ih zanc oix zuqc ceng ninh yaac yietc liuz ceng taux maanc gouv maanc doic. 2 Bide 3:18).

3. Mbuo qiemx zuqc hiuv duqv ngorc Tin-Hungh nyei waac. “Meih mbuo oix zuqc hnangv coqv hoqc cuotv seix nyei gu'nguaaz oix hopv nyorx nor, zanc-zanc oix hopv yungz lingh wuonh nyei cing-nzengc nyorx. Meih mbuo ziouc haih hlo daaih duqv njoux.” (1 Bide 2

Setv Mueiz Waac: Bide njaaux mbuo oix zuqc hnangv haaix zoux, “Weic naaiv meih mbuo oix zuqc longc nzengc hnyouv bun meih mbuo nyei sienx fim jaa zoux kuv sic. Zoux kuv sic yaac oix zuqc jaa hiuv duqv Tin-Hungh. 6 Hiuv duqv Tin-Hungh yaac oix zuqc jaa haih gunv duqv ganh. Haih gunv duqv ganh yaac oix zuqc jaa maaih noic diev. Maaih noic diev yaac oix zuqc jaa gan longx Tin-Hungh. 7

Gan longx Tin-Hungh yaac oix zuqc jaa hnamv sienx Yesu nyei gorx-youz. Hnamv sienx Yesu nyei gorx-youz yaac oix zuqc jaa hnamv zuangx mienh. (2 Bide 1:5-7).

“Meih oix zuqc henv yaac zungx jienv daamv. Maiv dungx gamh nziex yaac maiv dungx hnyouv namx, weic zuqc maiv gunv meih mingh taux haaix, ZIOUV, meih nyei Tin-Hungh, caux meih yiem." (Yo^su^waa 1:9)