politihunden falk på nattevakt
DESCRIPTION
Ny bok om politihunden Falk!TRANSCRIPT
![Page 1: Politihunden Falk på nattevakt](https://reader034.vdocuments.site/reader034/viewer/2022051004/568c33d91a28ab02358e437e/html5/thumbnails/1.jpg)
![Page 2: Politihunden Falk på nattevakt](https://reader034.vdocuments.site/reader034/viewer/2022051004/568c33d91a28ab02358e437e/html5/thumbnails/2.jpg)
Alfa-Bravo-Charlie Delta-Echo-Foxtrot
Golf-Hotel-India Juliette-Kilo-Lima
Mike-November-Oscar Papa-Quebec-Romeo
Sierra-Tango Uniform-Victor-Whisky
X-ray-Yankee-Zulu Ærlig-Østen-Åse
DET FONETISKE ALFABETET som politiet bruker:
![Page 3: Politihunden Falk på nattevakt](https://reader034.vdocuments.site/reader034/viewer/2022051004/568c33d91a28ab02358e437e/html5/thumbnails/3.jpg)
Illustrert av Odd Henning Skyllingstad
Tone Nørvåg
Politihunden Falk
På nattevakt
SamlagetOslo 2012
![Page 4: Politihunden Falk på nattevakt](https://reader034.vdocuments.site/reader034/viewer/2022051004/568c33d91a28ab02358e437e/html5/thumbnails/4.jpg)
5
1
Endå ein forblåst dag går mot kveld på
Holmøyane. Den stive kulingen har løya,
og i hamnene ligg det frosne sjarkar som
har søkt ly for den viltre vinden. Lauvet ligg
tjukt og vått på bakken i sprakande fargar.
Det er ingen tvil om at hausten er her.
– Hanne! Det er på tide å vakne! Morten
dultar lett borti kona, som snart skal på
nattevakt. Ho søv samankrølla under eit
prikkete pledd på sofaen.
![Page 5: Politihunden Falk på nattevakt](https://reader034.vdocuments.site/reader034/viewer/2022051004/568c33d91a28ab02358e437e/html5/thumbnails/5.jpg)
6
Ute i gangen ligg ein hårete kar med
øyra på stilk. Falk lettar på hovudet når
han høyrer stemma frå naborommet. Han
sprett elegant ut av korga og rundar hjørnet.
Føtene jobbar som trommestikker, og den
store kroppen heng så vidt med. I farten
gløymer han heilt kor glatt parketten er, og
seglar bortover golvet på fire stive bein. Han
må setje rumpa i golvet for å bremse.
– Det var no grassat til fart på dinna
karen, ler Morten då han får Falk deisande
rett i fanget. – Du er verkeleg ein ivrig
arbeidskar! Falk slikkar husfaren på kinnet,
og auga hans leitar etter henne i sofaen.
Er der liv? Inntulla i rosa og raude prikkar
sit Hanne og lagar tøysefjes til karane. Ja,
Hanne ser utkvilt ut, det lovar bra!
– Falk er alltid gira på nye eventyr, seier
Hanne glad, og legg til: – Akkurat som eg!
![Page 6: Politihunden Falk på nattevakt](https://reader034.vdocuments.site/reader034/viewer/2022051004/568c33d91a28ab02358e437e/html5/thumbnails/6.jpg)
7
![Page 7: Politihunden Falk på nattevakt](https://reader034.vdocuments.site/reader034/viewer/2022051004/568c33d91a28ab02358e437e/html5/thumbnails/7.jpg)
8
Nattevakta startar på politistasjonen.
I garasjen står hundebilen, den dei kallar
Victor 3-0. Halen til Falk viftar fram og
tilbake der han tassar rundt i garasjen og
snusar inn alle dei kjende luktene. Her er
mange skattar for ein nysgjerrig kar med
snuten på rette staden. Han svinsar rundt
mellom inntaua syklar og beslaglagde
krabbeteiner, medan Hanne står med
hovudet i bagasjerommet. Ho kryssar av
på sjekklista, alt utstyr må vere på plass!
På korktavla ved døra til garderoben
heng viktige meldingar om etterlyste bilar,
båtar og personar. Falk labbar bort og går
opp på bakbeina. Sanneleg har det kome
eit nytt bilete sidan sist! Eit rundt fjes med
bustete augebryn, kinnskjegg og ein lang
lugg som heng slapt ned i auga. Falk knurrar
lågt.
![Page 8: Politihunden Falk på nattevakt](https://reader034.vdocuments.site/reader034/viewer/2022051004/568c33d91a28ab02358e437e/html5/thumbnails/8.jpg)
9
![Page 9: Politihunden Falk på nattevakt](https://reader034.vdocuments.site/reader034/viewer/2022051004/568c33d91a28ab02358e437e/html5/thumbnails/9.jpg)
10
– Ja, Falk, han karen der må vi kike
etter i natt! Hanne tappar peikefingeren sin i
panna på den avbilda.
– Dagfinn Hoff, populært kalla Doffen,
er mannen vi er ute etter. Hanne tek ned
papiret og studerer biletet. Falk pip – kva står
det meir?
– Doffen skulle ha tilbrakt hausten
i kretsfengselet, fortel Hanne. – Han er
etterlyst for fleire innbrot og ran. Sjå nøye på
han, Falk! Doffen er sleip som ein ål og har
lurt seg unna lenge.
Falk granskar biletet grundig og
skundar seg bort til bilen. Han hoppar lett
inn i buret sitt. Det skal ikkje stå på han, no
vil han av garde!
Klokka er halv elleve om kvelden når dei
forlèt stasjonen. Hundepatruljen har både
![Page 10: Politihunden Falk på nattevakt](https://reader034.vdocuments.site/reader034/viewer/2022051004/568c33d91a28ab02358e437e/html5/thumbnails/10.jpg)
11
små og store øyar i området sitt, og dei skal
innom mange adresser før det vert morgon.
Kanskje finn dei Doffen på ei av dei? Bak i
buret ser Falk verda gjennom gitteret, men
han føler seg ikkje fanga. Tvert om. Det er
han som er på jakt!
Hanne tek av mot Knausen og svingar
rundt Steinrøysa. Falk merkar at det går
oppoverbakke, og plutseleg ser han noko
mørkt kome mot bilen i stor fart. Hanne set i
eit lite rop og tvingar rattet hardt til venstre.
Ho legg bilen heilt i vegkanten for å unngå
å krasje. Falk vert trykt mot buret, men det
toler han. Han snur seg kjapt rundt for å få
med seg det som skjer.
– Kva i himmelens namn, kviskrar
Hanne. Falk kan høyre på stemma hennar at
ho er redd. Ho set på blålysa og spring bort
![Page 11: Politihunden Falk på nattevakt](https://reader034.vdocuments.site/reader034/viewer/2022051004/568c33d91a28ab02358e437e/html5/thumbnails/11.jpg)
12
til vegkanten. Falk vert ståande att åleine
i den blinkande bilen. Om berre buret vart
opna så han kunne kome etter!
I vegkanten ligg ein velta sykkel.
Under sykkelen ligg ein gut. I lyset frå bilen
kjenner Hanne igjen Simon, den ti år gamle
sonen til dokter Bakken.
– Skadde du deg? spør Hanne engsteleg.
Ho får eit lite nikk til svar.
![Page 12: Politihunden Falk på nattevakt](https://reader034.vdocuments.site/reader034/viewer/2022051004/568c33d91a28ab02358e437e/html5/thumbnails/12.jpg)
13
– Ankelen min, klynkar Simon. Han
svelgjer gråten og peikar på høgrefoten.
Foten ligg i klemme.
– Der skremde du meg skikkeleg, unge
Bakken, seier Hanne og lirkar guten forsiktig
fri frå sykkelen. – Det var litt av ein fart du
hadde. Og ikkje noko lys! Ho kikar strengt
på guten. – Jammen godt du landa mjukt i
graset då du mista styringa, og ikkje oppå
panseret mitt!
Simon ser heilt fortvila ut. Framhjulet
på sykkelen han lånte av storesystera, er
bendt også. Kva vil ho seie?
– Har du ikkje sykkelhjelm? vil Hanne
vite.
– Jau, heime så, svarer Simon flau. Han
tørkar tårene på jakkeermet og rettar på den
raude strikkelua med Liverpool-merke.
– Eg var på veg heim, skulle ikkje
![Page 13: Politihunden Falk på nattevakt](https://reader034.vdocuments.site/reader034/viewer/2022051004/568c33d91a28ab02358e437e/html5/thumbnails/13.jpg)
14
sykle langt … Unnskyldninga er tynn og
skranglete, han høyrer det. Hanne smiler
trøystande, løftar Simon forsiktig og ber han
bort til patruljebilen. Ho lirkar av han skoen
så varsamt ho kan. Ankelen er nok forstua,
og allereie både hoven og blå.
Falk ventar rastlaus i buret, han vil ut
og helse på guten! Han gøyr og krafsar på
gitteret heilt til Hanne opnar luka og slepper
han ut. Lett på tå trippar han rundt og
snusar og helsar. Simon klør Falk forsiktig
bak øyra. Falk svarer med å sleikje Simon på
kinnet til guten ler med heile seg.
Hanne og Falk køyrer Simon heimover.
Han gliser nesten heilt rundt, der han sit
i baksetet og held rundt Falk. Eit tappert
tårevått smil, med høgrefoten oppe i setet og
ispose på ankelen. No skulle kompisane ha
sett han!
![Page 14: Politihunden Falk på nattevakt](https://reader034.vdocuments.site/reader034/viewer/2022051004/568c33d91a28ab02358e437e/html5/thumbnails/14.jpg)