Vinaya-samukamsa Tena kho pana samayena bhikkhunam kisminci-kisminci thane kukkuccam uppajjati: kinnu kho Bhagavata anunnatam kim ananunnatan ti. Bhagavato etam attham arocesum. Yam bhikkhave maya idam na kappatiti appatikkhittam, tan ce akappiyam anulometi kappiyam patibahati, tam vo na kappati. Yam bhikkhave maya idam na kappatiti appatikkhittam, tan ce kappiyam anulometi akappiyam patibahati, tam vo kappati. Yan ca bhikkhave maya idam kappatiti ananunnatam, tan ce akappiyam anulometi kappiyam patibahati, tam vo na kappati. Yan ca bhikkhave maya idam kappatiti ananunnatam, tan ce kappiyam anulometi akappiyam patibahati, tam vo na kappati.Ariya-vamsa Cattaro 'me bhikkhave ariya-vamsa agganna rattanna vamsanna porana asankinna asankinna-pubba, na sankiyanti na sankiyissanti appatikuttha samanehi brahmanehi vinnuhi. Katame cattaro? Idha bhikkhave bhikkhu santuttho hoti itaritarena civarena, itaritara-civara-santutthiya ca vanna-vadi, na ca civara-hetu anesanam appatirupam apajjati, aladdha ca civaram na paritassati, laddha ca civaram agathito amucchito anajjhopanno adinava-dassavi nissarana-panno paribhunjati. Taya ca pana itaritara-civara-santutthiya, n'ev'attan' ukkamseti no param vambheti. Yo hi tattha dakkho analaso sampajano patissato, ayam vuccati bhikkhave bhikkhu porane agganne ariya-vamse thito. Puna ca param bhikkhave bhikkhu santuttho hoti itaritarena pindapatena, itaritara-pindapata-santutthiya ca vanna-vadi, na ca pindapata-hetu anesanam appatirupam apajjati, aladdha ca pindapatam na paritassati, laddha ca pindapatam agathito amucchito anajjhopanno adinava-dassavi nissarana-panno paribhunjati. Taya ca pana itaritara-pindapata-santutthiya, n'ev'attan' ukkamseti no param vambheti. Yo hi tattha dakkho analaso sampajano patissato, ayam vuccati bhikkhave bhikkhu porane agganne ariya-vamse thito. Puna ca param bhikkhave bhikkhu santuttho hoti itaritarena senasanena, itaritara-senasana-santutthiya ca vanna-vadi, na ca senasana-hetu anesanam appatirupam apajjati, aladdha ca senasanam na paritassati laddha, ca senasanam agathito amucchito anajjhopanno adinava-dassavi nissarana-panno paribhunjati. Taya ca pana itaritara-senasana-santutthiya n'ev'attan' ukkamseti no param vambheti. Yo hi tattha dakkho analaso sampajano patissato, ayam vuccati bhikkhu porane agganne ariya-vamse thito. Puna ca param bhikkhave bhikkhu bhavanaramo hoti bhavana-rato pahanaramo hoti pahana-rato. Taya ca pana bhavanaramataya bhavana-ratiya pahanaramataya pahana-ratiya, n'ev'attan' ukkamseti no param vambheti. Yo hi tattha dakkho analaso sampajano patissato, ayamvuccati bhikkhave bhikkhu porane agganne ariya-vamse thito. Ime kho bhikkhave cattaro ariya-vamsa agganna rattanna vamsanna porana asankinna asankinnapubba, na sankiyanti na sankiyissanti appatikuttha samanehi brahmanehi vinnuhi. Imehi ca pana bhikkhave catuhi ariya-vamsehi samannagato bhikkhu purattimaya ce pi disaya viharati, sveva aratim sahati na tam arati sahati, pacchimaya ce pi disaya viharati, sveva aratim sahati na tam arati sahati, uttaraya ce pi disaya_ dakkhinaya ce pi disaya viharati, sveva aratim sahati na tam arati sahati. Tam kissa hetu? Arati-rati-saho hi bhikkhave dhiro ti. Idam avoca Bhagava, idam vatvana Sugato, athaparam etad avoca Sattha. Narati sahati dhiram narati dhiram samhati Dhiro ca aratim sahati dhiro hi aratim saho. Sabba-kamma-vihayinam panunnam kho nivaraye Nekkham jambonadass' eva Ko tam ninditum arahati? Deva pi nam pasamsanti brahmuna pi pasamsito ti.Anagata-bhayani: I Panc' imani bhikkhave anagata-bhayani sampassamanena alam eva arannakena bhikkhuna appamattena atapina pahitattena viharitum, appattassa pattiya anadhigatassa adhigamaya asacchikatassa sacchikiriyaya. Katamani panca? Idha bhikkhave arannako bhikkhu iti patisancikkhati, 'Aham kho etarahi ekako aranne viharami, ekakam kho pana mam aranne viharitam ahi va mam daseyya, vicchiko va mam daseyya, satapadi va mam daseyya, tena me assa kala-kiriya, so mam' assa antarayo. Handaham viriyam arabhami appattassa pattiya anadhigatassa adhigamaya, asacchikatassa sacchikiriyaya' ti. Idam bhikkhave pathamam anagata-bhayam sampassamanena alam eva arannakena bhikkhuna appamattena atapina pahitattena viharitum, appattassa pattiya anadhigatassa adhigamaya asacchikatassa sacchikiriyaya. Puna ca param bhikkhave arannako bhikkhu iti patisancikkhati, 'Aham kho etarahi ekako aranne viharami, ekako kho panaham aranne viharanto upakkhalitva va papateyyam, bhattam va me bhuttam vyapajjeyya, pittam va me kuppeyya, semham va me kuppeyya, satthaka va me vata kuppeyyum, tena me assa kala-kiriya, so mam' assa antarayo. Handaham viriyam arabhami appattassa pattiya anadhigatassa adhigamaya, asacchikatassa sacchikiriyaya' ti. Idam bhikkhave dutiyam anagata-bhayam sampassamanena alam eva arannakena bhikkhuna appamattena atapina pahitattena viharitum,appattassa pattiya anadhigatassa adhigamaya asacchikatassa sacchikiriyaya. Puna ca param bhikkhave arannako bhikkhu iti patisancikkhati. 'Aham kho etarahi ekako aranne viharami, ekako kho panaham aranne viharanto valehi samagaccheyyam, sihena va vyagghena va dipina va acchena va taracchena va, te mam jivita voropeyyum, tena me assa kala-kiriya, so mam' assa antarayo. Handaham viriyam arabhami appattassa pattiya anadhigatassa adhigamaya asacchikatassa sacchikiriyaya' ti. Idam bhikkhave tatiyam anagata-bhayam sampassamanena alam eva arannakena bhikkhuna appamattena atapina pahitattena viharitum, appattassa pattiya anadhigatassa adhigamaya asacchikatassa sacchikiriyaya. Puna ca param bhikkhave arannako bhikkhu iti patisancikkhati. 'Aham kho etarahi ekako aranne viharami, ekako kho panaham aranne viharanto manavehi samagaccheyyam kata-kammehi va akata-kammehi va, te mam jivita voropeyyum, tena me assa kala-kiriya, so mam' assa antarayo. Handaham viriyam arabhami appattassa pattiya anadhigatassa adhigamaya asacchikatassa sacchikiriyaya' ti. Idam bhikkhave catuttham anagata-bhayam sampassamanena alam eva arannakena bhikkhuna appamattena atapina pahitattena viharitum, appattassa pattiya anadhigatassa adhigamaya asacchikatassa sacchikiriyaya. Puna ca param bhikkhave arannako bhikkhu iti patisancikkhati. 'Aham kho etarahi ekako aranne viharami, santi kho panaranne vala amanussa, te mam jivita voropeyyum, tena me assa kala-kiriya, so mam' assa antarayo. Handaham viriyam arabhami appattassa pattiya anadhigatassa adhigamaya, asacchikatassa sacchikiriyaya' ti. Idam bhikkhave pancamam anagata-bhayam sampassamanena alam eva arannakena bhikkhuna appamattena atapina pahitattena viharitum, appattassa pattiya anadhigatassa adhigamaya asacchikatassa sacchikiriyaya. Imani kho bhikkhave panca anagata-bhayani sampassamanena alam eva arannakena bhikkhuna appamattena atapina pahitattena viharitum, appattassa pattiya anadhigatassa adhigamaya asacchikatassa sacchikiriyaya ti.Anagata-bhayani: II Panc' imani bhikkhave anagata-bhayani sampassamanena alam eva bhikkhuna appamattena atapina pahitattena viharitum, appattassa pattiya anadhigatassa adhigamaya asacchikatassa sacchikiriyaya. Katamani panca? Idha bhikkhave bhikkhu iti patisancikkhati, 'Aham kho etarahi daharo yuva susu kala-keso bhadrena yobbanena samannagato pathamena vayasa. Hoti kho pana so samayo, yam imam kayam jara phusati, jinnena kho pana jaraya abhibhutena na sukaram buddhanam sasanam manasikatum, na sukarani aranna-vana-patthani pantani senasanani patisevitum. Pura mam so dhammo agacchati anittho akanto amanapo, handaham patikacc'evaviriyam arabhami, appattassa pattiya anadhigatassa adhigamaya asacchikatassa sacchikiriyaya, yenaham dhammena samannagato jinnako pi phasu viharissami' ti. Idam bhikkhave pathamam anagata-bhayam sampassamanena alam eva bhikkhuna appamattena atapina pahitattena viharitum, appattassa pattiya anadhigatassa adhigamaya asacchikatassa sacchikiriyaya. Puna ca param bhikkhave bhikkhu iti patisancikkhati, 'Aham kho etarahi appabadho appatanko samavepakiniya gahaniya samannagato natisitaya naccunhaya majjhimaya padhanakkhamaya. Hoti kho pana so samayo, yam imam kayam vyadhi phusati, vyadhitena kho pana vyadhabhibhutena na sukaram buddhanam sasanam manasikatum, na sukarani aranna-vana-patthani pantani senasanani patisevitum. Pura mam so dhammo agacchati anittho akanto amanapo, handaham patikacc'eva viriyam arabhami, appattassa pattiya anadhigatassa adhigamaya asacchikatassa sacchikiriyaya, yenaham dhammena samannagato vyadhito pi phasu viharissami' ti. Idam bhikkhave dutiyam anagata-bhayam sampassamanena alam eva bhikkhuna appamattena atapina pahitattena viharitum, appattassa pattiya anadhigatassa adhigamaya asacchikatassa sacchikiriyaya. Puna ca param bhikkhave bhikkhu iti patisancikkhati, 'Etarahi kho subhikkham susassam sulabha-pindam, sukaram unchena paggahena yapetum. Hoti kho pana so samayo, yam dubbhikkham hoti dussassam dullabha-pindam, na sukaram unchena paggahena yapetum, dubbhikkhe kho pana manussa yena subhikkham tena sankamanti, tattha sanganika-viharo hoti akinna-viharo, sanganika-vihare kho pana sati akinna-vihare na sukaram buddhanam sasanam manasikatum, na sukarani aranna-vana-patthani pantani senasanani patisevitum. Pura mam so dhammo agacchati anittho akanto amanapo, handaham patikacc'eva viriyam arabhami, appattassa pattiya anadhigatassa adhigamaya asacchikatassa sacchikiriyaya, yenaham dhammena samannagato dubbhikkhe pi phasu viharissami' ti. Idam bhikkhave tatiyam anagata-bhayam sampassamanena alam eva bhikkhuna appamattena atapina pahitattena viharitum, appattassa pattiya anadhigatassa adhigamaya asacchikatassa sacchikiriyaya. Puna ca param bhikkhave bhikkhu iti patisancikkhati, 'Etarahi kho manussa samagga sammodamana avivadamana khirodakibhuta annamannam piya-cakkhuhi sampassanta viharanti. Hoti kho pana so samayo, yam bhayam hoti atavisamkhepo, cakka-samarulha janapada pariyayanti, bhaye kho pana sati manussa yena khemam tena sankamanti, tattha sanganika-viharo hoti akinna-viharo, sanganika-vihare kho pana sati akinna-vihare na sukaram buddhanam sasanam manasikatum, na sukarani aranna-vana-patthani pantani senasanani patisevitum. Pura mam so dhammo agacchati anittho akanto amanapo, handaham patikacc'eva viriyam arabhami, appattassa pattiya anadhigatassa adhigamaya asacchikatassa sacchikiriyaya, yenaham dhammena samannagato bhaye pi phasu viharissami' ti. Idam bhikkhave catuttham anagata-bhayam sampassamanena alam eva bhikkhuna appamattena atapina pahitattena viharitum, appattassa pattiya anadhigatassa adhigamaya asacchikatassa sacchikiriyaya. Puna ca param bhikkhave bhikkhu iti patisancikkhati, 'Etarahi kho sangho samaggo sammodamano avivadamano ekuddeso phasu viharati. Hoti kho pana so samayo, yam sangho bhijjati, sanghe kho pana bhinne nasukaram buddhanam sasanam manasikatum, na sukarani aranna-vana-patthani pantani senasanani patisevitum. Pura mam so dhammo agacchati anittho akanto amanapo, handaham patikacc'eva viriyam arabhami, appattassa pattiya anadhigatassa adhigamaya asacchikatassa sacchikiriyaya, yenaham dhammena samannagato bhinne pi sanghe phasu viharissami' ti. Idam bhikkhave pancamam anagata-bhayam sampassamanena alam eva bhikkhuna appamattena atapina pahitattena viharitum, appattassa pattiya anadhigatassa adhigamaya asacchikatassa sacchikiriyaya. Imani kho bhikkhave panca anagatabhayani sampassamanena alam eva bhikkhuna appamattena atapina pahitattena viharitum appattassa pattiya anadhigatassa adhigamaya asacchikatassa sacchikiriyaya ti.Anagata-bhayani: III Panc' imani bhikkhave anagata-bhayani etarahi asamuppannani ayatim samuppajjissanti, tani vo patibujjhitabbani, patibujjhitva ca tesam pahanaya vayamitabbam. Katamani panca? Bhavissanti bhikkhave bhikkhu anagatam addhanam abhavita-kaya abhavita-sila abhavita-citta abhavitapanna, te abhavita-kaya samana abhavita-sila abhavita-citta abhavita-panna anne upasampadessanti, te pi na sakkhissanti vinetum adhisile adhicitte adhipannaya, te pi bhavissanti abhavita-kaya abhavita-sila abhavita-citta abhavita-panna, te abhavita-kaya samana abhavita-sila abhavita-citta abhavita-panna anne upasampadessanti, te pi na sakkhissanti vinetum adhisile adhicitte adhi-pannaya, te pi bhavissanti abhavita-kaya abhavita-sila abhavita-citta abhavita-panna. Iti kho bhikkhave dhamma-sandosa vinaya-sandoso, vinaya-sandosa dhamma-sandoso. Idam bhikkhave pathamam anagata-bhayam etarahi asamuppannam ayatim samuppajjissati, tam vo patibujjhitabbam, patibujjhitva ca tassa pahanaya vayamitabbam. Puna ca param bhikkhave bhavissanti bhikkhu anagatam addhanam abhavita-kaya abhavita-sila abhavita-citta abhavita-panna, te abhavita-kaya samana abhavita-sila abhavita-citta abhavita-panna annesam nissayam dassanti, te pi na sakkhissanti vinetum adhisile adhicitte adhipannaya, te pi bhavissanti abhavita-kaya abhavita-sila abhavita-citta abhavita-panna, te abhavita-kaya samana abhavita-sila abhavita-citta abhavita-panna annesam nissayam dassanti, te pi na sakkhissanti vinetum adhisile adhicitte adhipannaya, te pi bhavissanti abhavita-kaya abhavita-sila abhavita-citta abhavita-panna. Iti kho bhikkhave dhamma-sandosa vinaya-sandoso, vinaya-sandosa dhamma-sandoso. Idam bhikkhave dutiyam anagata-bhayam etarahi asamuppannam ayatim samuppajjissati, tam vo patibujjhitabbam, patibujjhitva ca tassa pahanaya vayamitabbam. Puna ca param bhikkhave bhavissanti bhikkhu anagatam addhanam abhavita-kaya abhavita-sila abhavita-citta abhavita-panna, te abhavita-kaya samana abhavita-sila abhavita-citta abhavita-pannaabhidhamma-katham vedalla-katham kathenta kanham dhammam okkamamana na bujjhissanti. Iti kho bhikkhave dhamma-sandosa vinaya-sandoso, vinaya-sandosa dhamma-sandoso. Idam bhikkhave tatiyam anagata-bhayam etarahi asamuppannam ayatim samuppajjissati, tam vo patibujjhitabbam, patibujjhitva ca tassa pahanaya vayamitabbam. Puna ca param bhikkhave bhavissanti bhikkhu anagatam addhanam abhavita-kaya abhavita-sila abhavita-citta abhavita-panna, te abhavita-kaya samana abhavita-sila abhavita-citta abhavita-panna, ye te suttanta Tathagata-bhasita gambhira gambhirattha lokuttara sunnata-patisamyutta, tesu bhannamanesu na sussussanti, na sotam odahissanti, na annacittam upatthapessanti, na ca te dhamme uggahetabbam pariyapunitabbam mannissanti. Ye pana te suttanta kavi-kata kaveyya cittakkhara citta-vyanjana bahiraka savaka-bhasita, tesu bhannamanesu sussussanti, sotam odahissanti, annacittam upatthapessanti, te ca dhamme uggahetabbam pariyapunitabbam mannissanti. Iti kho bhikkhave dhamma-sandosa vinaya-sandoso, vinaya-sandosa dhamma-sandoso. Idam bhikkhave catuttham anagata-bhayam etarahi asamuppannam ayatim samuppajjissati, tam vo patibujjhitabbam, patibujjhitva ca tassa pahanaya vayamitabbam. Puna ca param bhikkhave bhavissanti bhikkhu anagatam addhanam abhavita-kaya abhavita-sila abhavita-citta abhavita-panna, te abhavita-kaya samana abhavita-sila abhavita-citta abhavita-panna, thera bhikkhu bahulika bhavissanti sathalika okkamane pubbangama paviveke nikkhitta-dhura, na viriyam arabhissanti appattassa pattiya anadhigatassa adhigamaya asacchikatassa sacchikiriyaya, tesam pacchima janata ditthanugatim apajjissati, sa pi bhavissati bahulika sathalika okkamane pubbangama paviveke nikkhitta-dhura, na viriyam arabhissati appattassa pattiya anadhigatassa adhigamaya asacchikatassa sacchikiriyaya. Iti kho bhikkhave dhamma-sandosa vinaya-sandoso, vinaya-sandosa dhamma-sandoso. Idam bhikkhave pancamam anagata-bhayam etarahi asamuppannam ayatim samuppajjissati, tam vo patibujjhitabbam, patibujjhitva ca tassa pahanaya vayamitabbam. Imani kho bhikkhave panca anagata-bhayani etarahi asamuppannani ayatim samuppajjissanti, tani vo patibujjhitabbani, patibujjhitva ca tesam pahanaya vayamitabban ti.Anagata-bhayani: IV Panc' imani bhikkhave anagata-bhayani etarahi asamuppannani ayatim samuppajjissanti, tani vo patibujjhitabbani, patibujjhitva ca tesam pahanaya vayamitabbam. Katamani panca? Bhavissanti bhikkhave bhikkhu anagatam addhanam civare kalyana-kama, te civare kalyana-kama samana rincissanti pamsukulikattam, rincissanti aranna-vana-patthani pantani senasanani, gama-nigama-rajadhanim osaritva vasam kappessanti, civara-hetu ca aneka-vihitam anesanam appatirupam apajjissanti.Idam bhikkhave pathamam anagata-bhayam etarahi asamuppannam ayatim samuppajjissati, tam vo patibujjhitabbam, patibujjhitva ca tassa pahanaya vayamitabbam. Puna ca param bhikkhave bhavissanti bhikkhu anagatam addhanam pindapate kalyana-kama, te pindapate kalyana-kama samana rincissanti pindapatikattam, rincissanti aranna-vana-patthani pantani senasanani, gama-nigama- rajadhanim osaritva vasam kappessanti jivhaggena rasaggani pariyesamana, pindapata-hetu ca aneka-vihitam anesanam appatirupam apajjissanti. Idam bhikkhave dutiyam anagata-bhayam etarahi asamuppannam ayatim samuppajjissati, tam vo patibujjhitabbam, patibujjhitva ca tassa pahanaya vayamitabbam. Puna ca param bhikkhave bhavissanti bhikkhu anagatam addhanam senasane kalyana-kama, te senasane kalyana-kama samana rincissanti arannakattam rincissanti aranna-vana-patthani pantani senasanani, gama-nigama-rajadhanim osaritva vasam kappessanti, senasana-hetu ca aneka-vihitam anesanam appatirupam apajjissanti. Idam bhikkhave tatiyam anagata-bhayam etarahi asamuppannam ayatim samuppajjissati, tam vo patibujjhitabbam, patibujjhitva ca tassa pahanaya vayamitabbam. Puna ca param bhikkhave bhavissanti bhikkhu anagatam addhanam bhikkhuni-sikkhamana-samanuddesehi samsattha viharissanti, bhikkhuni-sikkhamana-samanuddesehi samsagge kho pana bhikkhave sati etam patikankham: anabhirata va brahma-cariyam carissanti, annataram va samkilittham apattim apajjisanti, sikkham va paccakkhaya hinayavattissanti. Idam bhikkhave catuttham anagata-bhayam etarahi asamuppannam ayatim samuppajjissati, tam vo patibujjhitabbam, patibujjhitva ca tassa pahanaya vayamitabbam. Puna ca param bhikkhave bhavissanti bhikkhu anagatam addhanam aramika-samanuddesehi samsattha viharissanti, aramika-samanuddesehi samsagge kho pana bhikkhave sati etam patikankham: aneka-vihitam sannidhi-karaka-paribhogam anuyutta viharissanti, olarikam pi nimittam karissanti pathaviya pi haritagge pi. Idam bhikkhave pancamam anagata-bhayam etarahi asamuppannam ayatim samuppajjissati, tam vo patibujjhitabbam, patibujjhitva ca tassa pahanaya vayamitabbam. Imani kho bhikkhave panca anagata-bhayani etarahi asamuppannani ayatim samuppajjissanti, tani vo patibujjhitabbani, patibujjhitva ca tesam pahanaya vayamitabban ti.Muni Suttam Santhavato bhayam jatam, niketa jayate rajo aniketam asanthavam: etam ve muni-dassanam.Yo jatam ucchijja na ropayeyya, jayantam assa nanuppavecche, tam ahu ekam muninam carantam: addakkhi so santi-padam mahesi. Sankhaya vatthuni pamaya bijam sineham assa nanuppavecche, sa ve muni jati-khayanta-dassi takkam pahaya na upeti sankham. Annaya sabbani nivesanani anikamayam annataram pi tesam sa ve muni vitagedho agiddho nayuhati paragato hi hoti. * * * Sabbabhibhum sabba-vidum sumedham sabbesu dhammesu anupalittam sabbanjaham tanhakkhaye vimuttam, tam vapi dhira muni vedayanti. Panna-balam sila-vatupapannam samahitam jhana-ratam satimam sanga pamuttam akhilam anasavam, tam vapi dhira muni vedayanti. Ekam carantam muni appamattam ninda-pasamsasu avedhamanam siham va saddesu asantasantam vatam va jalamhi asajjamanam padumam va toyena alippamanam netaram annesam anannaneyyam, tam vapi dhira muni vedayanti. Yo ogahane thambhorivabhijayati, yasmim pare vaca-pariyantam vadanti, tam vita-ragam susamahit'indriyam, tam vapi dhira muni vedayanti. Yo ve thitatto tasaram va ujjum jigucchati kammehi papakehi vimamsamano visamam samanca, tam vapi dhira muni vedayanti. Yo sannatatto na karoti papam, daharo ca majjho ca muni yatatto, arosaneyyo na roseti kanci, tam vapi dhira muni vedayanti. Yad aggato majjhato sesato va pindam labhetha paradattupajivi, nalam thutum no pi nipacca-vadi, tam vapi dhira muni vedayanti. Muni carantam viratam methunasma, yo yobbane na upanibhajjhate kvaci, madappamada viratam vippayuttam, tam vapi dhira muni vedayanti.Annaya lokam paramattha-dassim ogham samuddam atitariya tadim, tam chinna-gantham asitam anasavam tam vapi dhira muni vedayanti. * * * Asama ubho dura-vihara-vuttino: gihi daraposi amamo ca subbato,-para-pana-rodhaye gihi asannato, niccam muni rakkhati panine yato. Sikhi yatha nilagivo vihangamo hamsassa n_peti javam kudacanam, evam gihi nanukaroti bhikkhuno munino vivittassa vanamhi jhayato ti.Moneyya Sutta Tin' imani bhikkhave moneyyani. Katamani tini? Kaya-moneyyam, vaci-moneyyam, mano-moneyyam. Kataman ca bhikkhave kaya-moneyyam? Idha bhikkhave bhikkhu panatipata pativirato hoti, adinnadana pativirato hoti, kamesu micchacara pativirato hoti. Idam vuccati bhikkhave kaya-moneyyam. Kataman ca bhikkhave vaci-moneyyam? Idha bhikkhave bhikkhu musavada pativirato hoti, pisunaya vacaya pativirato hoti, pharusaya vacaya pativirato hoti, samphappalapa pativirato hoti. Idam vuccati bhikkhave vaci-moneyyam. Kataman ca bhikkhave mano-moneyyam? Idha bhikkhave bhikkhu asavanam khaya anasavam ceto-vimuttim panna-vimuttim ditth' eva dhamme sayam abhinna sacchikatva upasampajja viharati. Idam vuccati bhikkhave mano-moneyyam. Imani kho bhikkhave tini moneyyani. Kaya-munim vaca-munim ceto-munim anasavam Munim moneyya-sampannam ahu sabbappahayinan ti.Upatisa-pasine Tena kho samayena Sanjayo paribbajako Rajagahe pativasati, mahatiya paribbajaka-parisaya saddhim addhateyyehi paribbajaka-satehi. Tena kho pana samayena Sariputta-moggallana Sanjaye paribbajake brahma-cariyam caranti, tehi katika kata hoti: yo pathamam amatam adhigacchati so arocetu 'ti.Atha kho ayasma Assaji pubbanha-samayam nivasetva patta-civaram adaya Rajagaham pindaya pavisi, pasadikena abhikkantena patikkantena alokitena vilokitena samminjitena pasaritena, okkhitta-cakkhu iriyapatha-sampanno. Addasa kho Sariputto parabbajako ayasmantam Assajim Rajagahe pindaya carantam, pasadikena abhikkantena patikkantena alokitena vilokitena samminjitena pasaritena, okkhitta-cakkhum iriyapatha-sampannam, disvan' assa etad ahosi: ye vata loke arahanto va arahatta-maggam va samapanna, ayam tesam bhikkhunam annataro, yam nunaham imam bhikkhum upasankamitva puccheyyam: kam 'si tvam avuso uddissa pabbajito, ko va te sattha, kassa va tvam dhammam rocesiti. Atha kho Sariputtassa paribbajakassa etad ahosi: akalo kho imam bhikkhum pucchitum, antara-gharam pavittho pindaya carati. Yam nunaham imam bhikkhum pitthito-pitthito anubandheyyam atthikehi upannatam maggan ti. Atha kho ayasma Assaji Rajagahe pindaya caritva pindapatam adaya patikkami. Atha kho Sariputto paribbajako yenayasma Assaji ten' upasankami, upasankamitva ayasmata Assajina saddhim sammodi, sammodaniyam katham saraniyam vitisaretva ekamantam atthasi, ekamantam thito kho Sariputto paribbajako ayasmantam Assajim etad avoca: vippasannani kho te avuso indriyani, parisuddho chavi-vanno pariyodato, kam 'si tvam avuso uddissa pabbajito, ko va te sattha, kassa va tvam dhammam rocesiti. Atth' avuso maha-samano Sakya-putto Sakya-kula pabbajito, taham Bhagavantam uddissa pabbajito, so ca me Bhagava sattha, tassa caham Bhagavato dhammam rocemiti. Kimvadi panayasmato sattha kimakkhayiti. Aham kho avuso navo acira-pabbajito adhunagato imam dhamma-vinayam, na t' aham sakkomi vittharena dhammam desetum, api ca te samkhittena attham vakkhamiti. Atha kho Sariputto paribbajako ayasmantam Assajim etad avoca: Appam va bahum va bhasassu, attham yeva me bruhi, atthen' eva me attho, kim kahasi vyanjanam bahun ti. Atha kho ayasma Assaji Sariputtassa paribbajakassa imam dhamma-pariyayam abhasi: Ye dhamma hetuppabhava tesam hetu tathagato tesan ca yo nirodho evamvadi maha-samano 'ti. Atha kho Sariputtassa paribbajakassa imam dhamma-pariyayam sutva virajam vitamalam dhamma-cakkhum udapadi: Yam kinci samudaya-dhammam sabban tam nirodha-dhamman ti. Es' eva dhammo yadi tavad eva paccavyatha padam asokam adittham abbhatitam bahukehi kappanahutehiti.Atha kho Sariputto paribbajako yena Moggallano paribbajako ten' upasankami. Addasa kho Moggallano paribbajako Sariputtam paribbajakam durato 'va agacchantam, disvana Sariputtam paribbajakam etad avoca: vippasannani kho te avuso indriyani, parisuddho chavi-vanno pariyodato, kacci nu tvam avuso amatam adhigato 'ti. amavuso amatam adhigato 'ti. Yatha katham pana tvam avuso amatam adhigato 'ti. Idhaham avuso addasam Assajim bhikkhum Rajagahe pindaya carantam, pasadikena abhikkantena patikkantena alokitena vilokitena samminjitena pasaritena, okkhitta-cakkhum iriyapatha-sampannam, disvana me etad ahosi: ye vata loke arahanto va arahatta-maggam va samapanna, ayam tesam bkikkhunam annataro, yam nunaham imam bhikkhum upasankamitva puccheyyam: kam 'si tvam avuso uddissa pabbajito, ko va te sattha, kassa va tvam dhammam rocesiti. Tassa mayham avuso etad ahosi: akalo kho imam bhikkhum pucchitum, antara-gharam pavittho pindaya carati. Yam nunaham imam bhikkhum pitthito-pitthito anubandheyyam atthikehi upannatam maggan ti. Atho kho avuso Assaji bhikkhu Rajagahe pindaya caritva pindapatam adaya patikkami. Atha kho aham avuso yena Assaji bhikkhu ten' upasankamim, upasankamitva Assajina bhikkhuna saddhim sammodim, sammodaniyam katham saraniyam vitisaretva ekamantam atthasim, ekamantam thito kho aham avuso Assajim bhikkhum etad avocam: vippasannani kho te avuso indriyani, parisuddho chavi-vanno pariyodato, kam 'si tvam avuso uddissa pabbajito, ko va te sattha, kassa va tvam dhammam rocesiti. Atth' avuso maha-samano Sakya-putto Sakya-kula pabbajito, taham bhagavantam uddissa pabbajito, so ca me bhagava sattha, tassa caham bhagavato dhammam rocemiti. Kimvadi panayasmato sattha kimakkhayiti. Aham kho avuso navo acira-pabbajito adhunagato imam dhamma-vinayam, na t' aham sakkomi vittharena dhammam desetum, api ca te samkhittena attham vakkhamiti. Appam va bahum va bhasassu, attham yeva me bruhi, atthen' eva me attho, kim kahasi vyanjanam bahun ti. Atha kho avuso Assaji bhikkhu imam dhamma-pariyayam abhasi: Ye dhamma hetuppabhava tesam hetu tathagato tesan ca yo nirodho evamvadi maha-samano 'ti. Atha kho Moggallanassa paribbajakassa imam dhamma- pariyayam sutva virajam vitamalam dhamma-cakkhum udapadi: Yam kinci samudaya-dhammam sabban tam nirodha-dhamman ti. Es' eva dhammo yadi tavad eva paccavyatha padam asokam adittham abbhatitambahukehi kappanahutehiti.Ambalatthika-Rahulovada Suttad Evam me sutam. Ekam samayam Bhagava Rajagahe viharati Veluvane Kalandaka-nivape. Tena kho pana samayena ayasma Rahulo Ambalatthikayam viharati. Atha kho Bhagava sayanha-samayam patisallana vutthito yen' Ambalatthika yen' ayasma Rahulo ten' upasankami. Addasa kho ayasma Rahulo Bhagavantam durato va agacchantam, disvana asanam pannapesi udakanca padanam. Nisidi Bhagava pannatte asane, nisajja pade pakkhalesi. ayasma pi kho Rahulo Bhagavantam abhivadetva ekamantam nisidi. Atha kho Bhagava parittam udakavasesam udakadhane thapetva ayasmantam Rahulam amantesi: Passasi no tvam Rahula imam parritam udakavasesam udakadhane thapitanti. Evam bhante. Evam parittam kho Rahula tesam samannam yesam natthi sampajana-musavade lajja ti. Atha kho Bhagava tam parittam udakavasesam chaddetva ayasmantam Rahulam amantesi: Passasi no tvam Rahula imam parittam udakavasesam chadditanti. Evam bhante. Evam chadditam kho Rahula tesam samannam yesam natthi sampajana-musavade lajja ti. Atha kho Bhagava tam udakadhanam nikujjitva ayasmantam Rahulam amantesi: Passasi no tvam Rahula imam udakadhanam nikujjitanti. Evam bhante. Evam nikujjitam kho Rahula tesam samannam, yesam natthi sampajana-musavade lajja ti. Atha kho Bhagava tam udakadhanam ukkujjitva ayasmantam Rahulam amantesi: Passasi no tvam Rahula imam udakadhanam rittam tucchanti. Evam bhante. Evam rittam tuccham kho Rahula tesam samannam, yesam natthi sampajana-musavade lajja. Seyyatha pi Rahula ranno nago isadanto ubbulhava 'bhijato sangamavacaro, so sangamagato purimehi pi padehi kammam karoti pacchimehi pi padehi kammam karoti, purimena pi kayena kammam karoti pacchimena pi kayena kammam karoti, sisena pi kammam karoti, kannehi pi kammam karoti, dantehi pi kammam karoti, nangutthena pi kammam karoti, rakkhat' eva sondam; tattha hattharohassa evam hoti: Ayam kho ranno nago isadanto ubbulhava 'bhijato sangamavacaro sangamagato purimehi pi padehi kammam karoti pacchimehi pi padehi kammam karoti, purimena pi kayena kammam karoti pacchimena pi kayena kammam karoti, sisena pi kammam karoti, kannehi pi kammam karoti, dantehi pi kammam karoti, nangutthena pi kammam karoti, rakkhat' eva sondam;apariccattam kho ranno nagassa jivitanti. Yato kho Rahula ranno nago isadanto ubbulhava 'bhijato sangamavacaro sangamagato -- pe -nangutthena pi kammam karoti, sondaya pi kammam karoti; tattha hattharohassa evam hoti: Ayam kho ranno nago isadanto ubbulhava 'bhijato sangamavacaro sangamagato -- pe -- nangutthena pi kammam karoti, sondaya pi kammam karoti; pariccattam kho ranno nagassa jivitam, natthi dani kinci ranno nagassa akaraniyan ti. Evam eva kho Rahula yassa kassaci sampajana-musavade natthi lajja, nahantassa kinci papam akaraniyan ti vadami. Tasmatiha te Rahula: hassa pi na musa bhanissamiti, evam hi te Rahula sikkhitabbam. Tam kim mannasi Rahula: kimatthiyo adaso ti. Paccavekkhan' attho bhante ti. Evam eva kho Rahula paccavekkhitva paccavekkhitva kayena kammam kattabbam, paccavekkhitva paccavekkhitva vacaya kammam kattabbam, paccavekkhitva paccavekkhitva manasa kammam kattabbam. Yad eva tvam Rahula kayena kammam kattukamo, hosi tad eva te kaya-kammam paccavekkhitabbam: Yam nu kho aham idam kayena kammam kattukamo, idam me kaya-kammam atta-byabadhaya pi samvatteyya, para-byabadhaya pi samvatteyya, ubhaya-byabadhaya pi samvatteyya, akusalam idam kaya-kammam dukkhudrayam dukkha-vipakan ti. Sace tvam Rahula paccavekkhamano evam janeyyasi: Yam kho aham idam kayena kammam kattukamo, idam me kaya-kammam atta-byabadhaya pi samvatteyya, para-byabadhaya pi samvatteyya, ubhaya-byabadhaya pi samvatteyya, akusalam idam kaya-kammam dukkhudrayam dukkha-vipakan ti, evarupan te Rahula kayena kammam sasakkam na karaniyam. Sace pana tvam Rahula paccavekkhamano evam janeyyasi: Yam kho aham idam kayena kammam kattukamo, idam me kaya-kammam n' ev' atta-byabadhaya samvatteyya, na para-byabadhaya samvatteyya, na ubhaya-byabadhaya samvatteyya, kusalam idam kaya-kammam sukhudrayam sukha-vipakan ti, evarupan te Rahula kayena kammam karaniyam.Karontena pi te Rahula kayena kammam tad eva te kaya-kammam paccavekkhitabbam: Yam nu kho aham idam kayena kammam karomi, idam me kaya-kammam atta-byabadhaya pi samvattati para-byabadhaya pi samvattati ubhaya-byabadhaya pi samvattati, akusalam idam kaya-kammam dukkhudrayam dukkha-vipakan ti. Sace tvam Rahula paccavekkhamano evam janeyyasi: Yam kho aham idam kayena kammam karomi, idam me kaya-kammam atta-byabadhaya pi samvattati para-byabadhaya pi samvattati ubhaya-byabadhaya pi samvattati, akusalam idam kaya-kammam dukkhudrayam dukkha-vipakan ti, patisamhareyyasi tvam Rahula evarupam kaya-kammam. Sace pana tvam Rahula paccavekkhamano evam janeyyasi: Yam kho aham idam kayena kammam karomi, idam me kaya-kammam n' ev' atta-byabadhaya samvattati na para-byabadhaya samvattati na ubhaya-byabadhaya samvattati, kusalam idam kaya-kammam sukhudrayam sukha-vipakan ti, anupadajjeyyasi tvam Rahula evarupam kaya-kammam. Katva pi te Rahula kayena kammam tad eva te kaya-kammam paccavekkhitabbam: Yam nu kho aham idam kayena kammam akasim, idam me kaya-kammam atta-byabadhaya pi samvatti, para-byabadhaya pi samvatti, ubhaya-byabadhaya pi samvatti, akusalam idam kaya-kammam dukkhudrayam dukkha-vipakan ti. Sace tvam Rahula paccavekkhamano evam janeyyasi: Yam kho aham idam kayena kammam akasim, idam me kaya-kammam atta-byabadhaya pi samvatti, para-byabadhaya pi samvatti,ubhaya-byabadhaya pi samvatti, akusalam idam kaya-kammam dukkhudrayam dukkha-vipakan ti, evarupan te Rahula kaya-kammam satthari va vinnusu va sabrahmacarisu desetabbam vivaritabbam uttanikatabbam, desetva vivaritva uttanikatva ayatim samvaram apajjitabbam. Sace pana tvam Rahula paccavekkhamano evam janeyyasi: Yam kho aham idam kayena kammam akasim, idam me kaya-kammam n' ev' atta-byabadhaya samvatti na para-byabadhaya samvatti na ubhaya-byabadhaya samvatti, kusalam idam kaya-kammam sukhudrayam sukha-vipakan ti, ten' eva tvam Rahula piti-pamujjena vihareyyasi aho-rattanusikkhi kusalesu dhammesu. Yad eva tvam Rahula vacaya kammam kattukamo, hosi tad eva te vaci-kammam paccavekkhitabbam: Yam nu kho aham idam vacaya kammam kattukamo, idam me vaci-kammam atta-byabadhaya pi samvatteyya, para-byabadhaya pi samvatteyya, ubhaya-byabadhaya pi samvatteyya, akusalam idam vaci-kammam dukkhudrayam dukkha-vipakan ti. Sace tvam Rahula paccavekkhamano evam janeyyasi: Yam kho aham idam vacaya kammam kattukamo, idam me vaci-kammam -- pe -- ubhaya-byabadhaya pi samvatteyya, akusalam idam vaci-kammam dukkhudrayam dukkha-vipakan ti, evarupan te Rahula vacaya kammam sasakkam na karaniyam. Sace pana tvam Rahula paccavekkhamano evam janeyyasi: Yam kho aham idam vacaya kammam kattukamo, idam me vaci-kammam n' ev' atta-byabadhaya -- pe -na ubhaya-byabadhaya samvatteyya, kusalam idam vaci-kammam sukhudrayam sukha-vipakan ti, evarupan te Rahula vacaya kammam karaniyam. Karontena pi te Rahula vacaya kammam tad eva te vaci-kammam paccavekkhitabbam: Yam nu kho aham idam vacaya kammam karomi, idam me vaci-kammam atta-byabadhaya pi samvattati para-byabadhaya pi samvattati ubhaya-byabadhaya pi samvattati, akusalam idam vaci-kammam dukkhudrayam dukkha-vipakan ti. Sace tvam Rahula paccavekkhamano evam janeyyasi: Yam kho aham idam vacaya kammam karomi, idam me vaci-kammam -- pe -- ubhaya-byabadhaya pi samvattati, akusalam idam vaci-kammam dukkhudrayam dukkha-vipakan ti, patisamhareyyasi tvam Rahula evarupam vaci-kammam. Sace pana tvam Rahula paccavekkhamano evam janeyyasi: Yam kho aham idam vacaya kammam karomi, idam me vaci-kammam n' ev' atta-byabadhaya -- pe -- na ubhaya-byabadhaya samvattati, kusalam idam vaci-kammam sukhudrayam sukha-vipakan ti, anupadajjeyyasi tvam Rahula evarupam vaci-kammam. Katva pi te Rahula vacaya kammam tad eva te vaci-kammam paccavekkhitabbam: Yam nu kho aham idam vacaya kammam akasim, idam me vaci-kammam atta-byabadhaya pi samvatti, para-byabadhaya pi samvatti, ubhaya-byabadhaya pi samvatti, akusalam idam vaci-kammam dukkhudrayam dukkha-vipakan ti. Sace tvam Rahula paccavekkhamano evam janeyyasi: Yam kho aham idam vacaya kammam akasim, idam me vaci-kammam -- pe -ubhaya-byabadhaya pi samvatti, akusalam idam vaci-kammam dukkhudrayam dukkha-vipakan ti, evarupan te Rahula vaci-kammam satthari va vinnusu va sabrahmacarisu desetabbam vivaritabbam uttanikatabbam, desetva vivaritva uttanikatva ayatim samvaram apajjitabbam. Sace pana tvam Rahula paccavekkhamano evam janeyyasi: Yam kho aham idam vacaya kammam akasim, idam me vaci-kammam n' ev' atta-byabadhaya -- pe -- na ubhaya-byabadhaya samvatti, kusalam idam vaci-kammam sukhudrayam sukha-vipakan ti, ten' eva tvam Rahula piti-pamujjena vihareyyasi aho-rattanusikkhi kusalesu dhammesu. Yad eva tvam Rahula manasa kammam kattukamo, hosi tad eva te mano-kammam paccavekkhitabbam: Yam nu kho aham idam manasa kammam kattukamo, idam me mano-kammam atta-byabadhaya pi samvatteyya, para-byabadhaya pi samvatteyya, ubhaya-byabadhaya pi samvatteyya, akusalam idam mano-kammam dukkhudrayam dukkha-vipakan ti. Sace tvam Rahula paccavekkhamano evam janeyyasi: Yam kho aham idam manasakammam kattukamo, idam me mano-kammam -- pe -- ubhaya-byabadhaya pi samvatteyya, akusalam idam mano-kammam dukkhudrayam dukkha-vipakan ti, evarupan te Rahula manasa kammam sasakkam na karaniyam. Sace pana tvam Rahula paccavekkhamano evam janeyyasi: Yam kho aham idam manasa kammam kattukamo, idam me mano-kammam n' ev' atta-byabadhaya -- pe -na ubhaya-byabadhaya samvatteyya, kusalam idam mano-kammam sukhudrayam sukha-vipakan ti, evarupan te Rahula manasa kammam karaniyam. Karontena pi te Rahula manasa kammam tad eva te mano-kammam paccavekkhitabbam: Yam nu kho aham idam manasa kammam karomi, idam me mano-kammam -- pe -- ubhaya-byabadhaya pi samvattati, akusalam idam mano-kammam dukkhudrayam dukkha-vipakan ti. Sace tvam Rahula paccavekkhamano evam janeyyasi: Yam kho aham idam manasa kammam karomi, idam me mano-kammam atta-byabadhaya pi samvattati para-byabadhaya pi samvattati ubhaya-byabadhaya pi samvattati, akusalam idam mano-kammam dukkhudrayam dukkha-vipakan ti, patisamhareyyasi tvam Rahula evarupam mano-kammam. Sace pana tvam Rahula paccavekkhamano evam janeyyasi: Yam kho aham idam manasa kammam karomi, idam me mano-kammam n' ev' atta-byabadhaya -- pe -- na ubhaya-byabadhaya samvattati, kusalam idam mano-kammam sukhudrayam sukha-vipakan ti, anupadajjeyyasi tvam Rahula evarupam mano-kammam. Katva pi te Rahula manasa kammam tad eva te mano-kammam paccavekkhitabbam: Yam nu kho aham idam manasa kammam akasim, idam me mano-kammam atta-byabadhaya pi samvatti, para-byabadhaya pi samvatti, ubhaya-byabadhaya pi samvatti, akusalam idam mano-kammam dukkhudrayam dukkha-vipakan ti. Sace tvam Rahula paccavekkhamano evam janeyyasi: Yam kho aham idam manasa kammam akasim, idam me mano-kammam -- pe -ubhaya-byabadhaya pi samvatti, akusalam idam mano-kammam dukkhudrayam dukkha-vipakan ti, evarupan te Rahula mano-kammam attiyitabbam harayitabbam jigucchitabbam, attiyitva harayitva jigucchitva ayatim samvaram apajjitabbam. Sace pana tvam Rahula paccavekkhamano evam janeyyasi: Yam kho aham idam manasa kammam akasim, idam me mano-kammam n' ev' atta-byabadhaya samvatti na para-byabadhaya samvatti na ubhaya-byabadhaya samvatti, kusalam idam mano-kammam sukhudrayam sukha-vipakan ti, ten' eva tvam Rahula piti-pamujjena vihareyyasi aho-rattanusikkhi kusalesu dhammesu. Ye hi keci Rahula atitam addhanam samana va brahmana va kaya-kammam parisodhesum vaci-kammam parisodhesum mano-kammam parisodhesum, sabbe te evam evam paccavekkhitva paccavekkhitva kaya-kammam parisodhesum, paccavekkhitva paccavekkhitva vaci-kammam parisodhesum, paccavekkhitva paccavekkhitva mano-kammam parisodhesum. Ye hi pi keci Rahula anagatam addhanam samana va brahmana va kaya-kammam parisodhessanti vaci-kammam parisodhessanti mano-kammam parisodhessanti, sabbe te evam evam paccavekkhitva paccavekkhitva kaya-kammam parisodhessanti, paccavekkhitva paccavekkhitva vaci-kammam parisodhessanti, paccavekkhitva paccavekkhitva mano-kammam parisodhessanti. Ye hi pi keci Rahula etarahi samana va brahmana va kaya-kammam parisodhenti vaci-kammam parisodhenti mano-kammam parisodhenti, sabbe te evam evam paccavekkhitva paccavekkhitva kaya-kammam parisodhenti, paccavekkhitva paccavekkhitva vaci-kammam parisodhenti, paccavekkhitva paccavekkhitva mano-kammam parisodhenti. Tasmatiha Rahula: paccavekkhitva paccavekkhitva kaya-kammam parisodhessama, paccavekkhitva paccavekkhitva vaci-kammam parisodhessama, paccavekkhitva paccavekkhitva mano-kammamparisodhessamati, evam hi vo Rahula sikkhitabban ti. Idam avoca Bhagava. Attamano ayasma Rahulo Bhagavato bhasitam abhinanditi.