�

1 1 Nja Teoflɩ, Ɛjɔrɔ bɔ Nyanmɩan yɔlɩ yɛ afán ɛwa, sanran sʋnman

b’a bo mʋnndɩnrɩn b’a hɛlɛ. 2 Bɛ bɔ kɛ sáa sɔ lɛ bo yɩ bʋ,

bɛ wɔ ɛbɛlɛ, bɔ ɛjɔrɔ sɔ mɔ kʋʋláá yɔlɩ bɛ wunlun, bɔ b’a fa Nyanmɩan Ndɛɛ ʋ hanlɛ nɩn a kaci bɛ junman, bɛ yɩɛ bɛ han helelɩ yɛ maán yɛ hɛlɛlɩ ɔ. 3

 Yɩ sɔ tí, kɛ mɩnlá, M’an titie sáa sɔ mɔ nun kpáa, ɔ fata kɛ mɩn kɛ ʋlɛ yɩ wʋn fuluwa, yɩ bʋ amolɩɛ nun dédéé b’ɔ ju anɛ, mɩn fá mán wɔ. 4

 Mɩn kɩnndɛ k’ɛ wún kɛ ndɛɛ ʋ bɔ bɛ han helelɩ wɔ, ɔ tɩ nanhɔlɔ.

Zan Awʋlɩɛ nun Ndɛɛ ɛ 5

 Tɛmʋn bɔ nɩɩ ʋn Nánnán Elɔdʋ tɩ Zude bia sʋ, nɩɩ ʋn Nyanmɩan wunlun jinranfʋɔʋ kʋn bɔ bɛ fɛlɛ Zakali, wɔ ɛbɛlɛ. Zakali sɔ, ɔ tɩ Nyanmɩan wunlun jinranfʋɔʋ mɔ bɔ bɛ fɛlɛ bɛ Abia, bɛ nun kʋn. Zakali yɩ ʋ, bɛ fɛlɛ yi Elɩzabɛtɩ, ɔ tɩ Alʋn bʋsʋfʋɔʋ. 6

 Bɛ nnyʋn sɔ, bɛ tɩ sɛsɛfʋɔʋ. Bɛ di Nyanmɩan mmala mɔ kʋʋláá sʋ. Mmala bɔ kʋn nʋn man ɛbɛlɛ bɔ bɛ nni man sʋ ɔ. 7

 Bɛ nnyʋn sɔ, bɛ le man baá afɩɩ ʋn Elɩzabɛtɩ kunlun a si kpáan. Asala bɛ afʋɔ nɩn a hɔ nun.

8 Ɛlɛhʋn kʋn, nɩɩ ʋn Zakali nɩn Nyanmɩan wunlun

jinranfʋɔʋ mɔ bɔ bɛ, fɛlɛ bɛ Abia, bɛ ʋɛ di junman Nyanmɩan Suá nun ɛbɛlɛ. 9

 Bɛ tʋlɩ fɔlɔtɔʋɔ kɛ bɛ tʋ títí saá. Fɔlɔtɔʋɔ nɩn tɔlɩ Zakali sʋ kɛ yɩɛ ɔ fata kɛ ɔ wʋʋlʋ Nyanmɩan Suá nun ɛlɔ naán ɔ yɩ ʋra adufannɩn nɩn ɔ. 10

 Kɛ adufannɩn yɩralɛ dɔɔʋ julɩ, sanran sʋnman kpáa nɩɩ ʋn bɛ jin Nyanmɩan Suá sin

Lʋkʋ

Amannɩan Fɛ ɛɛ

42LUK.indd 1 16/10/2008 13:27:10

�

ɛlɔ, bɛ ʋɛ sɛrɛ Nyanmɩan. 11 Famɩan Nyanmɩan, yɩ annzʋ kʋn

yɩlɩ yɩ wʋn helelɩ Zakali. Annzʋ jinranlɩ nɩnka bɔ bɛ yɩra adufannɩn, yɩ fama sʋ ɛbɛlɛ. 12

 Kɛ Zakali wunlɩ annzʋ, yi angʋnndan nun sannganlɩ. Sɛrɛ hunlɩ yi. 13

 Annzʋ se Zakali kɛ: «Nán maán sɛrɛ kun wɔ, Nyanmɩan a tɩ wɔ nzɛrɛ mɔ: wɔ yɩ ʋ Elɩzabɛtɩ ba wʋ baá biesua kʋn man wɔ. Tʋʋn yɩ dunman Zan. 14

 Wɔ kunlun ba jɔ. Wɔ wʋn ba cʋcʋn wɔ. Zan yɩ awʋlɩɛ, ɔʋɔ ba yɔ sanran sʋnman, bɛ fɛ ʋɛ. 15

 Afɩɩ ʋn Famɩan Nyanmɩan ba man yi wunlun kpáa. Nán maán ɔ nʋn divɩn. Nán maán nzáan kekelefɩ ʋɩ ʋ kan yɩ nʋan. Kɛ ɔ wɔ yɩ nín kunlun ɛlɔ, Wawʋɔ Sanwun lɛ ba gada yɩ sʋ. 16

 Zan tí, Izalayɛlɩfʋɔʋ mɔ bɔ b’a yaci Famɩan bɔ tɩ bɛ Nyanmɩan sʋlɛ, bɛ ʋɛ ba sa bɛ sin, bɛ ʋɛ sʋ yi biekun. 17

 Nyanmɩan lɛ man yi tínmín kɛ Eli saá. Wawʋɔ bɔ nɩɩ ʋn ɔ wɔ Eli sʋ, Wawʋɔ kʋnmgba sɔ, ɔʋɔ tanran Zanlá sʋ. Yɩɛ ɔʋɔ ba di Famɩan wunlun mmʋʋa. Ɔʋɔ ba siesie sɩɛ mɔ nɩn bɛ mmaá mɔ, bɛ afán. Ɔʋɔ ba kele anyɩn kekelefʋɔʋ mɔ, bɛ nwɛlɛlɛ. Ɔ maán sanran mɔ bɛ ʋɛ ba bubua bɛ wʋn, bɛ ʋɛ mɩnndɛ Famɩan.» 18

 Zakali bisa annzʋ kɛ: «Ɔ yɔ sɛɛ ʋ naán M’an wun kɛ ndɛɛ ʋ bɔ a han ɔ tɩ nanhɔlɔ?» M’an yɔ awʋlʋwaá. Yɩɛ mɩn yɩ ʋla, yɩ afʋɔ nɩn a hɔ nun. 19

 Annzʋ tɛlɩ yɩ sʋ naán s’a se yi kɛ: «Bɛ fɛlɛ mɩn Gabiliyɛlɩ. Nyanmɩan sa fama, yiele mɩn. Nyanmɩan somanlɩ mɩn kɛ M mála naán mmó amannɩan fɛ ʋɛ ɛka N géle wɔ. 20

 Ɔ nʋan ba muan dédéé sannan ɛjɔrɔ sɔ lɛ kpɩn sʋ kʋʋláá naán a hʋla jʋjɔ, afɩɩ ʋn a nne man ndɛɛ ʋ bɔ N gan N gelelɩ wɔ nɩn a nni man sʋ. Ndɛɛʋ sɔ sɛ yɩ bɛlɛ ju sʋ ɔ, ɔʋɔ kpɩ ʋn sʋ pɛ ʋpɛ ʋ pɛʋpɛ ʋ.»

21 Kɛ ɔ yɔ sɔ, nɩɩ ʋn minnian mɔ, bɛ gua ɛbɛlɛ, bɛ wʋnndɛ

Zakali. B’a mɩnndɛ yi, b’a mɩnndɛ yi dédéé, ɔ mma man. Ɔ hɛlɩ Nyanmɩan Suá nun ɛlɔ kpáa. Ɔ fulɩ bɛ bɔ bɛ gua ɛbɛlɛ kʋʋláá, bɛ nun. 22

 Kɛ Zakali f Nyanmɩan Suá nun ɛlɔ ftelɩ, ɔ le yi sa yɩɛ ɔ fa kan ndɛɛ ʋ kele bɛ ɔ. Ɔ’a kaci abobo. Ɔ ngʋla man jʋjɔ. Bɛ tɩlɩ yɩ bʋ kɛ Nyanmɩan a yɩ yɩ wʋn a hele yi.

23 Kɛ Zakali junman lilɛ cɩan yuolɩ, ɔ hɔlɩ yi awulo. 24

 Ɔ’a njɛ man Elɩzabɛtɩ wʋnnzɛlɩ. Ɔ falɩ yɩ wʋn fɩalɩ dédéé sara nnun. 25

 Yɩ wan: «Sian Nyanmɩan wun mɩn wʋn awunvóo.

Lʋkʋ �

42LUK.indd 2 16/10/2008 13:27:10

�

Ɔ’a nunnun mɩn nyannzʋan. Mɩn tɩ man nyannzʋanfʋɔʋ, sanran mɔ bɛ afán kʋʋn.»

Annzʋ nɩn a Bolɩ Zozi Awʋlɩɛ wʋn Amannɩan (Matie 1.18-23)

26 Kɛ Elɩzabɛtɩ wʋnnzɛlɩ b’ɔ lilɩ sara nzian, Nyanmɩan

somanlɩ annzʋ bɔ bɛ fɛlɛ Gabiliyɛlɩ kɛ ɔ hɔʋ Galile kuló baá kʋn bɔ bɛ fɛlɛ Nazalɛtɩ sʋ ɛlɔ. 27

 Yɩ wan ɔ hɔʋ naán ɔ tʋʋ talua mʋnlʋn kʋn, b’ɔ nɩn bian lalɩ man lé. Bɛ fɛlɛ talua sɔ Mali. Zozɛfʋ, Nánnán Davidɩ yɩ abusuanfʋɔʋ, ɔ tiralɩ talua sɔ nɩn asɩ. 28

 Annzʋ tʋlɩ Mali ɛbɛlɛ naán ɔ’a bisa yɩ nince. Yɩ wan: «Mɩn yɔ wɔ nince! Wɔ dɩɛ sʋ tɩ yie! Maán yɛ mɩn Nyanmɩan ɔ jínran wɔ sin!» 29

 Ndɛɛ ʋ sɔ bɔ annzʋ hanlɩ ɔ sannganlɩ Mali angʋnndan nun kpáa. Ɔ kan yɩ kunlun ɛlɔ se kɛ: «Hɩɩ ʋn nzu nince bisalɛ dɩɛ?» 30

 Annzʋ tɛlɩ yi sʋ naán ɔ’a se kɛ: «Mali, nan maán sɛrɛ kun wɔ, afɩɩ ʋn Nyanmɩan fa yɩ ahʋnlʋn a gua wɔ sʋ. 31

 Ɛʋɛ ba wʋnnzɛ, ɛ ʋɛ ba wʋ baá biesua. Tʋʋn yɩ dunman Zozi. 32

 Baá sɔ, ɔʋɔ ba nyan wunlun kpáa. Bɛ ʋɛ fɛ ʋlɛ yi Nyanmɩan b’ɔ wɔ Awunlo Awunlo, yɩ wáa biesua. Famɩan Nyanmɩan lɛ fa yɩ nánnán Davidɩ bia wula yɩ sa nun. 33

 Ɔʋɔ dí Zakɔbʋ bia. Yi bia lilɛ le man ayuolɩɛ. Yi belemgbin lilɛ, ɔ le man ayuolɩɛ.» 34

 Mali bisa annzʋ kɛ: «Ɔ yɔ sɛɛ ʋ naán ɔ’a yɔ sʋ? Mɩn nɩn biesua lalɩ man lé!» 35

 Annzʋ tɛlɩ yɩ sʋ naán ɔ’a se yi kɛ: «Wawʋɔ Sanwun ba gada wɔ sʋ. Nyanmɩan b’ɔ wɔ Awunlo Awunlo ba fa yi tínmín gua wɔ sʋ. Yɩ sɔ tí, baá bɔ ɛ ba wʋ yi, ɔ tɩ baá Sanwun, ɔ tɩ Nyanmɩan Wáa.» 36

 Nían, wɔ abusuanfʋɔʋ Elɩzabɛtɩ bɔ tɩ awʋlʋwaá, ɔ sʋ wʋnnzɛ. Daá bɛ fɛlɛ yi mmoó akunlun kpáan, kʋsʋ anɛ baá la yɩ kunlun, yɩ sara nzian yɩɛ. 37

 Nincefɩ ʋɩ ʋ nʋn man ɛbɛlɛ bɔ Nyanmɩan ngʋla man yɔ ɔ. 38

 Mali tɛlɩ annzʋ sʋ naán ɔ’a se yi kɛ: «Mɩn tɩ Famɩan yɩ afannɩan bala. Ndɛɛʋ kʋʋláá bɔ han, maán ɔ’a yɔʋ sʋ.» Kɛ Mali nʋan tɔlɩ, annzʋ hyʋnlɩ yɩ wʋn hɔlɩ.

Mali Hɔlɩ Elɩzabɛtɩ Bʋsʋ Nianlɛ 39

 Kɛ ɔ yɔlɩ sɔ, ɔ’a njɛ man. Ɛlɛhʋn kʋn Mali hanlɩ yɩ wʋn, ɔ falɩ atɩ ʋɩn sʋ, ɔ hɔlɩ Zude máan nun ɛlɔ. Zude máan tɩ kpɔlɔ kpɔlɔ ngʋnmɩn. 40

 Ɔ julɩ kuló baá kaán bie sʋ, naán

Lʋkʋ �

42LUK.indd 3 16/10/2008 13:27:10

�

ɔ’a wʋlʋ Zakali awulo nun ɛlɔ. Kɛ ɔ julɩ ɛbɛlɛ pɛ ʋ, ɔ yɔlɩ Elɩzabɛtɩ nince. 41

 Kɛ Elɩzabɛtɩ tɩlɩ Mali nɩ ʋɩn pɛ ʋ, baá bɔ wɔ Elɩzabɛtɩ kunlun, kejelɩ. Wawʋɔ Sanwun tɔlɩ yɩ sʋ. 42

 Ɔ bolɩ ánngán kekele kpáa. Yɩ wan: «Nyanmɩan a yira wɔ sʋ a tara mmala mɔ kʋʋláá. Ɔ’a yira wɔ wáa bɔ wɔ kunlun sʋ! 43

 Mɩn dɩɛ mɩn tɩ nzu bɔ yɛ Famɩan, yɩ nín nɩn a tu yɩ ja dédéé, ɔ’a tʋ mɩn ɔ? 44

 Kɛ ɔ bisalɩ mɩn nince pɛ ʋ, baá bɔ wɔ mɩn kunlun, yɩ wʋn b’ɔ cʋcʋnlɩ yi tí, ɔ kejelɩ mɩn kunlun ɛlɔ. 45

 Nyanmɩan a yira wɔ sʋ afɩɩ ʋn ɛ lelɩ ndɛɛ ʋ bɔ Famɩan maán annzʋ han helelɩ wɔ sʋ lilɩ. Ndɛɛʋ sɔ, ɔ ba kpɩn sʋ!»

46 Mali tɛlɩ Elɩzabɛtɩ sʋ naán ɔ’a tʋ ejóo, ɔ’a se kɛ: «Mɩ ʋɩn kannvʋ Nyanmɩan dunman,

47 awʋn cʋcʋnlɩ yi mɩn ahʋnlʋnbaá afɩɩ ʋn Nyanmɩan tɩ mɩn Defʋɔʋ

48 ɔ f anɛ b’ɔ kɔ, máan nunfʋɔʋ kʋʋláá bɛ ʋɛ ba se kɛ: Mali, Nyanmɩan a yira wɔ sʋ.

49 Nyanmɩan kpili a he mɩn nince kpáa. Nyanmɩan dunman tɩ sanwun.

50 Kɛ ɔ fɩ yɛ mgbanyin mɔ bɛlɛ sʋ dédéé b’ɔ ju anɛ, sanran ɛka bɔ sʋ Nyanmɩan, Nyanmɩan wun yɩ wʋn

awunvóo. 51 Nyanmɩan a yɩ wʋn a hele tuturofʋɔʋ mɔ.

Ɔ’a kɩkan bɛ kʋʋláá bɛ bʋ a sanndɩ máan nun. 52 Ɔ’a han máan nun siefʋɔʋ mɔ, bɛ nyɩn asɩ.

Ɔ maán bɛ bɔ bɛ le man wunlun mɔ, b’a sɩn bɛ bʋsʋ. 53 Bɛ bɔ ehóo kun bɛ, ɔ manlɩ bɛ nince sʋnman kpáa

maán b’a lɩ. Ɔ’a kɩkan sikaáfʋɔʋ mɔ bʋ. Kɛ bɛ kɔ, bɛ le bɛ sa mgbaán.

54 Yɩ wʋla a nvi man Izalayɛlɩfʋɔʋ mɔ. Ɔ wunlɩ bɛ wʋn awunvóo.

55 Yɩ wʋla kpɩnlɩn ndɛɛ ʋ b’ɔ, nɩn yɛ nánnán mɔ bɛ lɩ sielɩ, bɛ sʋ.

Ndɛɛʋ b’ɔ nɩn Abalahamʋn nɩn yɩ abusuanfʋɔʋ mɔ bɛ han sielɩ, yɩ wʋla kpɩnlɩn sʋ.»

56 Bɛ fɛlɛ kɛ Mali lilɩ sara nzan Elɩzabɛtɩ wʋn ɛbɛlɛ. Kɛ yɩ

hɔlɛ cɩan julɩ, ɔ salɩ yi sin naán ɔ’a hɔ yɩ kuló.

Lʋkʋ �

42LUK.indd 4 16/10/2008 13:27:10

�

Zan Batisɩ yɩ Awʋlɩɛ nun Ndɛɛ ɛ 57

 Elɩzabɛtɩ awʋlɩɛ cɩan julɩ. Ɔ wʋlɩ baá biesua kʋn. 58 Bɛ

bɔ bɛ awulo mantan yɩ dɩɛ nɩn yɩ bʋsʋfʋɔʋ mɔ, bɛ tɩlɩ kɛ Nyanmɩan a wun Elɩzabɛtɩ wʋn awunvóo, ɔ’a man yi baá. Bɛ walɩ, b’a tʋlɩ Elɩzabɛtɩ. Bɛ kʋʋláá, bɛ wʋn cʋcʋnlɩ bɛ kpáa. 59

 Kɛ baá lilɩ ɛlɛbɔcʋɛ, b’ɛ walɩ yɩ biesua nɩnka tika yɔlɛ. Bɛ wan bɛ fá yɩ sɩ ʋ Zakali dunman tʋʋn baá. 60

 Kʋsʋ Elɩzabɛtɩ a mgbɩnlɩn man sʋ. Yɩ wan: «Cɛ ʋcɛ ʋ, amɔ tʋʋn yi Zan.» 61

 Bɛ se Elɩzabɛtɩ kɛ: «Wɔ abusuanfʋɔʋfɩ ʋɩ ʋ lɩ man Zan.» 62

 Bɛ falɩ bɛ sa bɛ bisalɩ akʋkʋabaá yɩ sɩ ʋ kɛ ɔ héle bɛ dunman bɔ bɛ fá tʋʋn baá. 63

 Zakali wan bɛ mán yɩ nince maán ɔ hɛ ʋlɛ baá dunman gúa sʋ. Ɔ hɛlɛ gualɩ sʋ, yɩ wan: «Yɩ dunman yiele Zan.» Ɔ bolɩ bɛ bɔ bɛ gua ɛbɛlɛ kʋʋláá, bɛ nʋan. 64

 Kɛ ɔ yɔlɩ sɔ pɛ ʋ, bɛ nian Zakali sʋ jʋjɔ! Ɔʋɔ sʋ kannvʋ Nyanmɩan. 65

 Sɛrɛ hunlɩ bɛ ʋɛ bɔ bɛ awulo mantan Zakali dɩɛ. Ɛjɔrɔ sɔ, ɔ la Zudefʋɔʋ mɔ kʋʋláá bɛ nʋan nun. 66

 Bɛ bɔ bɛ tɩlɩ ndɛɛ ʋ sɔ mɔ, bɛ fa sielɩ bɛ kunlun. Bɛ se kɛ, nɩɩ ʋn baá ɛka dɩɛ, sɛ ɔ nyin ɔ, nzu yɩɛ ɔ ba yɔ ɔ? 67

 Wawʋɔ Sanwun tɔlɩ baá, yɩ sɩ ʋ Zakali sʋ naán ɔ’a jʋjɔ Nyanmɩan nʋan se kɛ: 68 «Nnyira hán Famɩan bɔ tɩ Izalayɛlɩfʋɔʋ mɔ, bɛ

Nyanmɩan! Ɔ ’a wa yɩ minnian mɔ bɛ ti lelɛ.

69 Yɛ Nyanmɩan a man yɛ Defʋɔʋ b’ɔ le tínmín. Defʋɔʋ sɔ, ɔ tɩ Nánnán Davidɩ, yɩ abusuanfʋɔʋ.

70-71 Nyanmɩan maán yɩ nʋan jʋjɔfʋɔʋ sanwun mɔ han helelɩ yɛ mgbanyin mɔ kɛ ɔʋɔ ba de yɛ tɩ, yɛ kpɔfʋɔʋ mɔ sa nun.

Ɔʋɔ de yɛ bɛ bɔ bɛ kpɔ yɛ mɔ, bɛ sa nun. 72 Nyanmɩan nɩn yɛ mgbanyin mɔ lɩ sielɩ kɛ ɔ wún yɛ

wʋn awunvóo. Asala yɩ wan yɩ wʋla ngɔ fɩ man anʋansɛ b’ɔ nɩn yɛ

mgbanyin mɔ lilɩ. 73-74 Ɔ talɩ yɛ nánnán Abalahamʋn ndáa. Ɔ selɩ yi kɛ ɔ dé

yɛ, yɛ kpɔfʋɔʋ mɔ sa nun. Ɔ kulo kɛ sɛ yɛ ʋɛ sʋ yi ɔ, nán maán sɛrɛ kun yɛ.

75 Ɔ kulo kɛ yɛ káci sɛsɛfʋɔʋ, yɛ sʋʋ yi sɛsɛ nun.

Lʋkʋ �

42LUK.indd 5 16/10/2008 13:27:10

�

Asala ɔ kulo kɛ yɛ yɔʋ nince ɛka bɔ tɩ kpáa dédéé fá jú yɛ ewuo cɩan.

76 Mɩn Wáa, sanran mɔ b’a fɛlɛ wɔ Nyanmɩan bɔ wɔ Awunlo Awunlo, yɩ nʋan jʋjɔfʋɔʋ. Ɛʋɛ ba di mmʋʋa Famɩan wunlun, ɛ ʋɛ ba siesie yɩ atɩ ʋɩn.

77 Ɛʋɛ ba kan kele yɩ minnian mɔ kɛ Nyanmɩan a yaci bɛ ɛtɛ mɔ a he bɛ.

Ɛʋɛ ba kele bɛ kɛ Nyanmɩan ba de bɛ ti. 78 Nyanmɩan sɩ yɛ wʋn awunvóo kpáa.

Yɩ sɔ tí, ɔ maán eyua lɛ ta nyanmɩan sʋ ɛlɔ. Eyua sɔ ba kpaja yɛ wʋn.

79 Ɔ maán eyua lɛ kpaja bɛ bɔ bɛ tɩ awosin nun, bɛ nwun.

Bɛ bɔ ewuo nɩn a fa yɩ ndɛwaá a gada bɛ sʋ, Nyanmɩan maán eyua lɛ kpaja bɛ wʋn. Nyanmɩan lɛ kele yɛ atɩ ʋɩn b’ɔ sɛ yɛ sɩn sʋ ɔ, yɛ nyán

awʋnjɔʋɔ» 80

 Zakali wáa Zan nyinlɩ. Nyanmɩan Wawʋɔ manlɩ yi tínmín kpáa. Zan cinman cinman kacɛ mɔ nun ɛbɛlɛ dédéé yɩ tɛmʋn julɩ kʋʋláá naán ɔ’a yɩ yɩ wʋn a hele Izalayɛlɩfʋɔʋ mɔ.

Zozi Awʋlɩɛ nun Ndɛɛ ɛ (Matie 1.18-25)

2 1 Bɛlɛ sɔ nun, Famɩan Sezalɩ Ogusʋtʋ wan bɛ há yɩ máan nun minnian kʋʋláá bɛ nʋan, naán bɛ hɛ ʋlɛ bɛ

dunman. 2 Kɛ bɛ ka sanran mɔ nʋan kɩkɩlɩ sɔ, nɩɩ ʋn Kilinisɩ

yɩɛ ɔ sie Sili máan nɩn ɔ. 3 Famɩan Sezalɩ, yɩ máan nunfʋɔʋ

mɔ kʋʋláá, bɛ hɔlɩ bɛ kuló bɔ bɛ f sʋ mɔ sʋ, kɛ bɛ há bɛ nʋan naán bɛ hɛ ʋlɛ bɛ dunman. 4

 Zozɛfʋlá kʋsʋ, ɔ f Galile máan nun ɛbɛlɛ kuló bɔ bɛ fɛlɛ Nazalɛtɩ naán ɔ’a hɔ Zude máan nun kuló bɔ bɛ fɛlɛ Bɛtilɛmʋn sʋ ɛlɔ. Kuló sɔ bɛ fɛlɛ nánnán Davidɩ kuló. Bɔ maán Zozɛfʋ hɔlɩ ɛlɔ yɩ bʋ yiele kɛ ɔ tɩ nánnán Davidɩ, yɩ abusuanfʋɔʋ. 5

 Ɔ nɩn yɩ somaán Mali, bɛ hɔlɩ kɛ bɛ há nʋan, naán bɛ hɛ ʋlɛ bɛ dunman. Kɛ bɛ ʋɛ kɔ, nɩɩ ʋn Mali lɛ wʋnnzɛ. 6

 Kɛ bɛ julɩ ɛlɔ, Mali yɩ awʋlɩɛ julɩ. 7

 Yɩ talua baá b’ɔ wʋ, ɔ tɩ baá biesua. Ɔ cɩcɩlɩ yɩ wʋn

Lʋkʋ � ,  �

42LUK.indd 6 16/10/2008 13:27:11

�

naán ɔ’a fa yi tʋ nɩnka bɔ nnaán mɔ a di alɩɛ ʋ ɛbɛlɛ. Bɔ maán ɔ falɩ tʋlɩ ɛbɛlɛ, yiele kɛ nɩnka bɔ bɛ sike ɛwɔfʋɔʋ mɔ, nɩnka sɔ, ɔ ’a yi.

Annzʋ Kʋn Yɩlɩ yɩ Wʋn Helelɩ Mmʋá sʋ Nianfʋɔɛ mɔ 8

 Ɛbɛlɛ nɩnka sɔ nun nɩɩ ʋn kɔngʋɔ mmʋá sʋ nianfʋɔʋ mɔ, bɛ ʋɛ wɔ ɛbɛlɛ, bɛ ʋɛ nian bɛ mmʋá mɔ sʋ. 9

 Famɩan Nyanmɩan, yɩ annzʋ kʋn yɩlɩ yɩ wʋn helelɩ bɛ. Famɩan yɩ anunmunnyáan kpajalɩ bɛ wʋn kɛ eyua saá. Sɛrɛ hunlɩ bɛ kpáa. 10

 Famɩan yɩ annzʋ se bɛ kɛ: «Nán maán sɛrɛ kun

Lʋkʋ �

kɔngʋɔ mmʋá sʋ nianfʋɔɔ mɔ (2:7-8)

42LUK.indd 7 16/10/2008 13:27:11

�

amɔ. Mɩ ʋɩn ba bo ajasin fɛ ʋɛ kpáa kele amɔ. Máan nunfʋɔʋ mɔ kʋʋláá, bɛ wʋn ba cʋcʋn bɛ kpáa. 11

 Anɛ bɔbɔ, Nánnán Davidɩ kuló sʋ ɛlɔ, b’a wʋ amɔ Defʋɔʋ. Yɩ yɩɛ ɔ tɩ Kilisɩ nɩn ɔ. Ɔ tɩ yɛ Famɩan. 12

 Nzɔrɔ ɛka yɩɛ amɔ ba fa wun kɛ yi yɩɛ ɔ tɩ Kilisɩ nin ɔ. Amɔ lɛ wun akʋkʋabaá biesua kʋn bɔ b’a cɩcɩ yɩ wʋn, b’ɔ la nɩnka bɔ nnaán mɔ di alɩɛ ʋ ɛbɛlɛ.»

13 Kɛ yɩ nʋan tɔlɩ pɛ ʋ, bɛ ʋɛ nian annzʋ sʋnman sʋnman kpáa

nɩɩ ʋn bɛ ʋɛ tʋ ejóo, bɛ kannvʋ Nyanmɩan. Bɛ tʋ ejóo sɔ se kɛ: 14 «Anunmunnyáan hán Nyanmɩan bɔ wɔ awunlo

awunlo. Maán awʋnjɔʋɔ hán asɩɛ sʋ ɛwafʋɔʋ mɔ bɔ bɛ kulo

Nyanmɩan.»

Mmʋá sʋ Nianfʋɔɛ mɔ Hɔlɩ Bɛtilɛmʋn ɛlɔ 15

 Kɛ annzʋ mɔ yacilɩ bɛ ɛbɛlɛ bɔ bɛ salɩ bɛ sin hɔlɩ nyanmɩan sʋ ɛlɔ, bʋa sʋ nianfʋɔʋ ɛka se yi mianngʋn kɛ: «Amɔ maán yɛ tú yɛ ja ndɛ ʋndɛ ʋ yɛ hɔʋ Bɛtilɛmʋn ɛlɔ naán yɛ ʋɛ nian ndɛɛ ʋ bɔ Famɩan a han hele yɛ.» 16

 Bɛ hanlɩ bɛ wʋn hɔlɩ. Kɛ bɛ julɩ ɛlɔ, bɛ wunlɩ Mali nɩn Zozɛfʋ. Asala bɛ wunlɩ kɛ akʋkʋabaá la nɩnka bɔ nnaán mɔ didi ɛbɛlɛ. 17

 Kɛ mmʋá sʋ nianfʋɔʋ mɔ wunlɩ Zozi, ndɛɛ ʋ bɔ Famɩan annzʋ han hele bɛ, bɛlá bɛ han helelɩ Mali nɩn Zozɛfʋ. 18

 Bɛ kʋʋláá bɔ bɛ tɩlɩ ndɛɛ ʋ bɔ mmʋá sʋ nianfʋɔʋ mɔ hanlɩ, ɔ bolɩ bɛ nʋan. 19

 Mali falɩ ndɛɛ ʋ sɔ mɔ kʋʋláá sielɩ yi kunlun, yɩɛ ɔ bu bɛ wʋn angʋnndan. 20

 Mmʋá sʋ nianfʋɔʋ mɔ salɩ bɛ sin. Ninnje bɔ Famɩan han helelɩ bɛ, ɔ kpɩnlɩn sʋ. Bɛ wunlɩ akʋkʋabaá. Yɩ sɔ tí, kɛ bɛ ʋɛ kɔ, nɩɩ ʋn bɛ ʋɛ kannvʋ Nyanmɩan dunman.

Zozi Lilɩ Ɛlɛbɔcʋɛ naán b’a Fa yi a Wula Nyanmɩan Sa nun

21 Kɛ akʋkʋabaá lilɩ ɛlɛbɔcʋɛ, bɛ yɔlɩ yɩ biesua nɩnka tika

naán b’a tʋn yɩ dunman Zozi. Dunman sɔ annzʋ lilɩ mmʋʋa fa manlɩ yi dédéé kʋʋláá naán Mali a wʋnnzɛ yi. 22

 Kɛ tɛmʋn b’ɔ ju ɔ, ɔ fata kɛ bɛ kpɩ ʋtɩn bɛ wʋn julɩ, Mali nɩn Zozɛfʋ, bɛ lilɩ Moyizɩ mmala sʋ. Bɛ falɩ Zozi hɔlɩ Zoluzalɛmʋn ɛlɔ naán b’a fa yi a wula Famɩan Nyanmɩan sa nun. 23

 Bɛ hɛlɛ

Lʋkʋ �

42LUK.indd 8 16/10/2008 13:27:11

�

gualɩ Famɩan Nyanmɩan mmala fuluwa nun kɛ: «Baá biesua kɩkɩlɩ bɔ talua kɔ wʋ, baá sɔ, ɔ tɩ Famɩan Nyanmɩan dɩɛ.» 24

 Mali nɩn Zozɛfʋ, bɛ hɔlɩ Zozi wʋn saraha yɩlɛ. Bɛ hɛlɛlɩ Famɩan Nyanmɩan mmala nun kɛ: «Bɛ fá bɔkunmomo nnyʋn annzɛ abili mmaá nnyʋn bɛ fá yɩ ʋ saraha sɔ.»

25 Kɛ ɔ yɔ sɔ, nɩɩ ʋn bian kʋn bɔ bɛ fɛlɛ Simʋn wɔ Zoluzalɛmʋn

ɛbɛlɛ. Bian sɔ, ɔ tɩ sɛsɛfʋɔʋ kpáa. Asala Nyanmɩan ndɛɛ ʋ hian yi kpáa. Ɔ wɔ ɛbɛlɛ nɩɩ ʋn ɔʋɔ mɩnndɛ tɛmʋn b’ɔ ju ɔ, Nyanmɩan ba de Izalayɛlɩfʋɔʋ mɔ bɛ ti. Bian sɔ, Wawʋɔ Sanwun gualɩ yɩ sʋ. 26

 Wawʋɔ Sanwun han helelɩ yi kɛ sannan ɔ wún Famɩan Nyanmɩan yɩ Wáa Kilisɩ kʋʋláá naán ɔ’a wu. 27

 Mali nɩn Zozɛfʋ, bɛ falɩ Zozi walɩ Nyanmɩan Suá nun ɛbɛlɛ. Bɛ walɩ nince ɛka bɔ mmala sɛ kɛ bɛ yɔʋ, yɩ yɔlɛ. Wawʋɔ Sanwun han helelɩ Simʋn kɛ ɔ hɔʋ Nyanmɩan Suá nun ɛlɔ. 28

 Kɛ ɔ julɩ ɛlɔ, bɛ falɩ Zozi tʋlɩ yɩ sa sʋ naán ɔ’a kannvʋ Nyanmɩan.Yɩ wan: 29 «Famɩan Nyanmɩan, mɩn tɩ wɔ sʋfʋɔʋ.

Sian mán mɩn atɩ ʋɩn maán N gɔ alaje nun, afɩɩ ʋn wɔ ndɛɛ ʋ bɔ ɛ hanlɩ nɩn ɔ’a kpɩn sʋ.

30-31 Mɩn nyɩnbaá nɩn a wun k’ɛ ʋ ba de wɔ nviliefʋɔʋ mɔ bɛ ti.

Ɔʋɔ yɔ máan nunfʋɔʋ mɔ kʋʋláá, bɛ wunlun. 32 Ɔ tɩ kɛ eyua saá.

Ɔʋɔ ba kpaja bɛ bɔ bɛ tɩ man zuwifʋ, bɛ wʋn. Ɔ maán Izalayɛlɩfʋɔʋ mɔ bɔ bɛ tɩ wɔ nvilie, bɛ kannvʋ

wɔ.» 33

 Ndɛɛ ʋ bɔ Simʋn hanlɩ, ɔ bolɩ Zozi nín Mali, nɩn yɩ sɩ ʋ Zozɛfʋ, bɛ nʋan. 34

 Simʋn yiralɩ bɛ sʋ naán ɔ’a se Mali kɛ: «Nían, wɔ wáa ɛka maán Izalayɛlɩfʋɔʋ sʋnman kpáa, bɛ ba fn asɩ. Kʋsʋ ɔʋɔ ba man bɛ sʋnmanlá, bɛ sʋ. Sanran sʋnman sʋnman, bɛ ʋɛ ba si yɩ wʋn akpʋlʋwaá. Ndɛɛʋ bɔ wɔ sanran mɔ bɛ ahʋnlʋn sʋ, ɔʋ fíte tɛtɛrɛ nun. 35

 Wɔ ahʋnlʋnbaá, ɔ ba kpɛ tɔ wɔ kunlun.»

Annɩlá Hanlɩ Zozi wʋn Ndɛɛ ɛ 36

 Kɛ ɔ yɔ sɔ, nɩɩ ʋn bala kʋn wɔ ɛbɛlɛ. Bɛ fɛlɛ yi Annɩ, ɔ tɩ Nyanmɩan nʋan jʋjɔfʋɔʋ. Annɩ sɩ ʋ, bɛ fɛlɛ yi Penulɩ, ɔ

Lʋkʋ �

42LUK.indd 9 16/10/2008 13:27:11

��

tɩ Asɛlɩ abusuanfʋɔʋ. Annɩ sɔ, ɔ tɩ awʋlʋwaá kpáa, ɔ le afʋɔ abulanan nɩn nnan. Yɩ nun b’ɔ tɩ talua, ɔ jalɩ bian. Ɔ nɩn yɩ hun tanranlɩ afʋɔ nzʋ, naán ewuo nɩn a fa yi. 37

 Ɔ’a nja man bian kʋn. Alɩ ʋɛbaá kʋʋláá, ɔ wɔ Nyanmɩan Suá nun ɛbɛlɛ, ɔ kannvʋ Nyanmɩan, ɔ ci cɩan. Sɛ kɔngʋɔ o, sɛ eyua o, ɔ sɛrɛ nzɛrɛ. 38

 Dɔɔʋ kʋnmgba sɔ nun bɔ Simʋn lɛ kan ndɛɛ ʋ sɔ mɔ, Annɩ kpɩnlɩn ɛbɛlɛ, ɔ lalɩ Nyanmɩan asɩ, ɔ hanlɩ Zozi wʋn ndɛɛ ʋ helelɩ bɛ kʋʋláá bɔ bɛ ʋɛ mɩnndɛ tɛmʋn b’ɔ ju ɔ, Nyanmɩan ba de Izalayɛlɩfʋɔʋ mɔ bɛ ti.

Bɛ Salɩ bɛ Sin Hɔlɩ Nazalɛtɩ 39

 Kɛ Mali nɩn Zozɛfʋ yɔlɩ ninnje kʋʋláá bɔ Moyizɩ mmala helelɩ kɛ bɛ yɔʋ, bɛ salɩ bɛ sin hɔlɩ Galile máan nun ɛlɔ. Bɛ hɔlɩ Nazalɛtɩ b’ɔ tɩ bɛ kuló sʋ ɛlɔ. 40

 Zozi nyinlɩ, ɔ yɔlɩ jojo, yɩ nwɛlɛlɛ le man yɩ wʋn sʋ. Asala Nyanmɩan yiralɩ yi sʋ kpáa.

Lʋkʋ �

Zozi nɩn nince kelefʋɔɔ mɔ bɛɔɛ si akpʋlʋwaá (2:40-41)

42LUK.indd 10 16/10/2008 13:27:12

��

Zozi nɩn Nince Kelefʋɔɛ mɔ, bɛ ɛɛ Si Akpʋlʋwaá 41

 Afʋɔ daá, Zozi sɩ ʋ nɩn yɩ nín, bɛ kɔ Pakɩ lilɛ Zoluzalɛmʋn ɛlɔ. 42

 Kɛ Zozi lilɩ afʋɔ bulu nɩn nnyʋn, yɩ sɩ ʋ nɩn yɩ nín, bɛ hɔlɩ Zoluzalɛmʋn ɛlɔ, kɛ bɛ kɔ títí saá. 43

 Kɛ bɛ lilɩ Pakɩ yuolɩ bɔ bɛ ʋɛ sa bɛ sin, Zozi halɩ bɛ sin Zoluzalɛmʋn ɛlɔ. Yɩ sɩ ʋ nɩn yɩ nín, bɛ nzɩ man kɛ ɔ’a ha sian ɛlɔ. 44

 Bɛ bu kɛ ɔ wɔ bɛ bɔ bɛ nɩn bɛ lɛ kɔ, bɛ afán ɛlɔ. Bɛ hɔlɩ dédéé, bɛ lilɩ cɩan kʋn atunrun. Bɛ bisalɩ bɛ abusuanfʋɔʋ mɔ nɩn bɛ mianngʋn mɔ kɛ sɛ b’a wun Zozi o. Bɛ kʋʋláá bɛ wan cɛ ʋcɛ ʋ. 45

 Kɛ bɛ kɩnndɛlɩ yi dédéé bɔ b’a nwun man yi, bɛ salɩ bɛ sin Zoluzalɛmʋn ɛlɔ, bɛ hɔlɩ yi kɩnndɛlɛ. 46

 Bɛ kɩnndɛlɩ yi dédéé alɩ ʋɛbaá ɛlɛsan. Yɩ ɛlɛsan sʋ, bɛ wunlɩ yi Nyanmɩan Suá nun ɛlɔ. Ɔ tɩ mmala kelefʋɔʋ mɔ, bɛ afán ɛbɛlɛ, nɩɩ ʋn ɔʋɔ tie ndɛɛ ʋ bɔ bɛ ʋɛ kan, asala nɩɩ ʋn ɔʋɔ bisa bɛ kosan. 47

 Ndɛɛ ʋ mɔ bɔ Zozi hanlɩ, ɔ bolɩ bɛ bɔ bɛ gua ɛbɛlɛ kʋʋláá, bɛ nʋan. Yɩ nwɛlɛlɛ nɩn ndɛɛ ʋ b’ɔ fa tua bɛ kosan mɔ sʋ, ɔ bolɩ bɛ kʋʋláá bɛ nʋan. 48

 Kɛ Mali nɩn Zozɛfʋ wunlɩ yi, bɛ nʋan la nun! Mali wan: «Mɩn wáa, nzu tí yɩɛ a hele yɛ yalɛ saá? Mɩn nɩn wɔ sɩ ʋ, wɔ kɩnndɛlɛ bɔ y’a kɩnndɛ wɔ, nán kanngʋa ɔ. Yɛ nyɩn a bʋlʋ kpáa?» 49

 Zozi tɛlɩ Mali sʋ naán ɔ’a bisa yi kɛ: «Nzu tí yɩɛ amɔ kɩnndɛ mɩn? Amɔ nzɩ man kɛ mɩn wɔ mɩn sɩ ʋ suá nun ɛwa?» 50

 Ndɛɛ ʋ sɔ bɔ Zozi hanlɩ, b’a ndɩ man yɩ bʋ.

51 Kɛ ɔ hanlɩ sɔ, ɔ jɛsʋlɩ naán ɔ nɩn bɛ a hɔ Nazalɛtɩ. Zozi

nyɩn sɔ yɩ sɩ ʋ nɩn yɩ nín kpáa. Mali wʋla a nvi man ndɛɛ ʋ sɔ. 52

 Zozi nyinlɩ, ɔ wunlɩ nwɛlɛlɛ kpáa. Nyanmɩan kulo yi. Kuló sanran mɔlá, bɛ kulo yi.

Zan Batisɩ lɛ Bo Amannɩanfɛ ɛɛ Kele Minnian mɔ (Matie 3.1-12; Malɩkɩ 1.1-8; Zan 1.19-28)

3 1 Tɛmʋn bɔ Tebeli Sezalɩ tanranlɩ bia sʋ, b’ɔ lilɩ afʋɔ bulu nɩn nnun, yɩ bɛlɛ sɔ nunlá nɩɩ ʋn Pɔnsʋ Pilatɩ yɩɛ

ɔ sie Zude máan nɩn ɔ. Yɩ anianman Filipʋ yɩɛ ɔ sie Yitule nɩn Talakonitɩ máan mɔ nɩn ɔ. Tɛmʋn sɔ nunlá, nɩɩ ʋn Lɩsaniasɩlá, ɔ sie Abilɛnɩnɩn akpasua. 2

 Bɛlɛ sɔlá nun, nɩɩ ʋn Anɩn nɩn Kayifʋ yɩɛ bɛ tɩ Nyanmɩan tɛɛ ʋyɩfʋɔʋ mgbanyin nɩn ɔ. Bɛlɛ sɔ nun, Nyanmɩan hanlɩ ndɛɛ ʋ helelɩ Zakali wáa

Lʋkʋ � ,  �

42LUK.indd 11 16/10/2008 13:27:12

��

Zan kacɛ nun ɛlɔ. 3 Zan cinmanlɩ kuló mɔ bɔ bɛ mantan

Zuludɩn nzuobaá mɔ kʋʋláá, bɛ sʋ. «Kɛ ɔʋɔ kɔ nɩɩ ʋn ɔʋɔ kan kele sanran mɔ kɛ bɛ káci bɛ nzʋʋan maán ɔ sɔʋnɩn bɛ. Afɩɩ ʋn sɛ ɔ sɔnɩn bɛ ɔ, Nyanmɩan lɛ yaci bɛ ɛtɛ mɔ ce bɛ.»

4 Ezayi hɛlɛlɩ ndɛɛ ʋ sɔ mɔ gualɩ yɩ fuluwa nun. Yɩ wan: «Sanran bie tɩan kacɛ nun ɛlɔ se kɛ: Amɔ bó Famɩan yɩ akpɔ Amɔ maán yɩ atɩ ʋɩn mɔ lá nun séíín!

5 Amɔ tánnin kunmaán mɔ, Amɔ yɔʋ maán kpɔlɔ mɔ nɩn bʋkaá mɔ bɛ hán asɩ. Amɔ tínngɛ atɩ ʋɩn ɛka bɔ cɩa. Atɩ ʋɩn ɛka bɔ tɩ kunmaán, Amɔ maán ɔ yɔʋ sɛsɛ.

6 Sanran mɔ kʋʋláá, bɛ ʋɛ ba wun kɛ Nyanmɩan walɩ yɛ ti lelɛ.»

7 Minnian sʋnman sʋnman kpáa, bɛ walɩ, b’a tʋlɩ Zan kɛ

ɔ sɔʋnɩn bɛ. Ɔ bisa bɛ kɛ: «Mgbɛlɛfʋɔʋ mɔ, bɔnaá mɔ, nzu tí yɩɛ amɔ wanndi? Wan yɩɛ ɔ han helelɩ amɔ kɛ Nyanmɩan b’a fɛ amɔ wʋn ɛyaá? 8

 Amɔ yɔʋ nince ɛka bɔ kele kɛ amɔ a kaci amɔ nzʋʋan. Nán amɔ kan kɛ: ”Abalahamʋn tɩ yɛ nánnán.” Afɩɩ ʋn Nyanmɩan kʋla yɔ maán yɛbʋɔ ɛka mɔ káci Abalahamʋn anʋnmaán. 9

 Ehunman la bakaá yɩ bʋ, ɔʋɔ sʋ bu yi. Bakaá ɛka b’ɔ nzu man mmaá kpáa, bɛ ʋɛ kpɛ yɩ tʋ sɩ ʋɩn nun.»

10 Minnian mɔ bisa Zan kɛ: «Hɩɩ ʋn yɛ yɔ yɛ dɩɛ sɛɛ ʋ?» 11

 Ɔ tɛlɩ bɛ sʋ naán ɔ’a se bɛ kɛ: «Sanran ɛka b’ɔ le ɛyɛrɛ taralɛ nnyʋn maán ɔ fá kʋn hé sanran ɛka b’ɔ le man bie. Sanran ɛka b’ɔ le alɩɛ ʋ maán ɔ fá bie mán sanran ɛka b’ɔ le man bie.»

12 Bɛ bɔ bɛ de sikaá gua bʋ mɔ walɩ. B’a tʋlɩ Zan kɛ ɔ sɔʋnɩn

bɛ. Bɛ bisa yi kɛ: «Kelefʋɔʋ, yɛlá, nzu yɩɛ ɔ fata kɛ yɛ yɔʋ ɔ?» 13

 Ɔ tɛlɩ bɛ sʋ naán ɔ’a se bɛ kɛ: «Gua bʋ sikaá ɛka bɔ bɛ wan amɔ lé, amɔ lé sʋ sɛsɛ. Nán amɔ de maán ɔ tara sʋ.»

14 Sonja mɔ, bɛ bisa yi kɛ: «Yɛlá, nzu yɩɛ ɔ fata kɛ yɛ

yɔʋ ɔ?» Ɔ tɛlɩ bɛ sʋ naán ɔ’a se bɛ kɛ: «Nán amɔ minmian sanran mɔ wua bɛ ninnje mɔ. Asala nán amɔ tʋn sanran sʋan. Maán amɔ kunlun jɔʋ amɔ ahatua sʋ.»

15 Sanran mɔ kʋʋláá, bɛ bu angʋnndan bɛ kunlun ɛlɔ se kɛ:

«Hɩɩ ʋn Zan yɩɛ ɔ tɩ Kilisɩ nɩn annzɛ?» 16-17 Zan tɛlɩ bɛ kʋʋláá

Lʋkʋ �

42LUK.indd 12 16/10/2008 13:27:12

��

bɛ sʋ naán ɔ’a se bɛ kɛ: «Mɩn dɩɛ mɩn le nzuo yɩɛ mɩn fa sɔnɩn amɔ, kʋsʋ sanran kʋn sʋ ba, ɔ wɔ sian ɛlɔ, ɔ le wunlun tara mɩn. Ɔ nɩn mɩn nvata man kɛ mɩn kán mɩn wʋn asɩ, mɩn nyánjɩn yɩ ja mgbabʋa.Yɩ dɩɛ, ɔʋɔ ba fa Wawʋɔ Sanwun nɩn sɩ ʋɩn yɩɛ ɔʋɔ ba fa sɔnɩn amɔ ɔ. Yɩ agbalo nɩn yɩ huhulɩɛ wɔ yɩ sa nun. Ɔʋɔ ba kpaja yɩ awúo wʋn. Ɔʋɔ sɩsa awúo mmaá kpáa gua bua ndɩnndɩn mɔ nun, ɔʋɔ yia sʋ. Ɔʋɔ yɩra awúo wula sɩ ʋɩn b’ɔ jo ɔ, ɔ le man ayuolɩɛ, nun.»

18 Zan hanlɩ ndɛɛ ʋ nvɛʋɛ gualɩ bɛ ahʋnlʋn sʋ nzuo. Asala ɔ

bolɩ Nyanmɩan amannɩan fɛ ʋɛ helelɩ minnian mɔ. 19 Kʋsʋ

Famɩan Elɔdʋ dɩɛ Zan tulɩ yɩ wunlun. B’ɔ maán Zan tulɩ Elɔdʋ wunlun yiele kɛ ɔ lelɩ yɩ anianman bian yɩ ʋ bɔ bɛ fɛlɛ Elodiasɩ, naán ɔ’a ja yi. Asala ɔ yɔlɩ sáa ɛtɛ ɛtɛ biekun mɔ. 20

 Ɔ yɔlɩ ɛjɔrɔ ɛtɛ kʋn biekun tʋlɩ sʋ: yiele kɛ ɔ tʋlɩ Zan ebiínsuá.

Zan lɛ Sɔnɩn Zozi (Matie 3.13-17; Malɩkɩ 1.9-11)

21 Kɛ Zan sɔnɩnlɩ sanran mɔ kʋʋláá yuolɩ, yɩ sin, ɔ sɔnɩnlɩ

Zozi. Kɛ ɔ sɔnɩnlɩ Zozi bɔ Zozi lɛ sɛrɛ nzɛrɛ, nyanmɩan nun kpacilɩ nnyʋn. 22

 Wawʋɔ Sanwun tɔlɩ yɩ sʋ. Kɛ ɔʋɔ ba, ɔ tɩ kɛ abubulo saá. Anɩan kʋn f nyanmɩan sʋ ɛlɔ, ɔ se kɛ: «Ɛ tɩ mɩn wáa biesua. Ɛ tɩ mɩn ahʋnlʋn sʋ baá.»

Zozi Abusuanfʋɔɛ mɔ (Matie 1.1-17)

23-26 Kɛ Zozi le bo nyanmɩan ndɛɛ ʋ bʋ hanlɛ, nɩɩ ʋn bɛ fɛlɛ kɛ

ɔ le afʋɔ abulasan. Sanran mɔ kʋʋláá, bɛ bu kɛ ɔ tɩ Zozɛfʋ wáa. Zozɛfʋ abusuanfʋɔʋ mɔ, bɛ dunman mɔ, yɩɛ: Eli sɩ ʋ yiele Zozɛfʋ, Matasɩ sɩ ʋ yiele Levi. Mɛlɩkɩlá, yɩ sɩ ʋ yiele Yanayi, Yanayi sɩ ʋ yiele Zozɛfʋ, Zozɛfʋlá, yɩ sɩ ʋ yiele Matatiasi, Matatiasi sɩ ʋ yiele Semin, Semin sɩ ʋ yiele Zozɛkɩ, Zozɛkɩ sɩ ʋ yiele Zoda, 27

 Zoda sɩ ʋ yiele Zoanan, Zoanan sɩ ʋ yiele Lesa, Lesa sɩ ʋ yiele Zelubabɛlɩ, Zelubabɛlɩ sɩ ʋ yiele Seatɩɛlɩ, Seatɩɛlɩ sɩ ʋ yiele Neli, Neli sɩ ʋ yiele Mɛlɩkɩ, 28

 Mɛlɩkɩ sɩ ʋ yiele Adi, Adi sɩ ʋ yiele kosamɩn, Kosamɩn sɩ ʋ yiele Elɩmadamin, Elɩmadamin sɩ ʋ yiele Eli, Eli sɩ ʋ yiele Zozua,

Lʋkʋ �

42LUK.indd 13 16/10/2008 13:27:12

��

29 Zozua sɩ ʋ yiele Elɩɛzɛlɩ, Elɩɛzɛlɩ sɩ ʋ yiele Zolimʋn, Zolimʋn

sɩ ʋ yiele Matalɩ, Matalɩ sɩ ʋ yiele Levi, 30 Levi sɩ ʋ yiele Simʋn,

Simʋn sɩ ʋ yiele Zuda, Zuda sɩ ʋ yiele Zozɛfʋ, Zozɛfʋ sɩ ʋ yiele Zonamʋn, 31

 Zonamʋn sɩ ʋ yiele Meleya, Meleya sɩ ʋ yiele Mena, Mena sɩ ʋ yiele Matata, Matata sɩ ʋ yiele Natan, Natan sɩ ʋ yiele Davidɩ, 32

 Jese sɩ ʋ yiele Obɛdɩ, Obɛdɩ sɩ ʋ yiele Bowazi, Bowazi sɩ ʋ yiele Salomʋn, Salomʋn sɩ ʋ yiele Nasʋn, 33

 Nasʋn sɩ ʋ yiele Aminadabʋ, Aminadabʋ sɩ ʋ yiele Adimin, Adɩmɩn sɩ ʋ yiele Ezilʋn, Ezilʋn sɩ ʋ yiele Pelɛzɩ, Pelɛzɩ sɩ ʋ yiele Zuda, Zuda sɩ ʋ yiele Zakɔbʋ, 34

 Zakɔbʋ sɩ ʋ yiele Izakɩ, Izakɩ sɩ ʋ yiele Abalahamʋn, Abalahamʋn sɩ ʋ yiele Tela, Tela sɩ ʋ yiele Nahɔlʋ, Nahɔlʋ sɩ ʋ yiele Selugʋ, 35

 Selugʋ sɩ ʋ yiele Lewu, Lewu sɩ ʋ yiele Pelɛzɩ, Pelɛzɩ sɩ ʋ yiele Ebelɩ, Ebelɩ sɩ ʋ yiele Sela, 36

 Sela sɩ ʋ yiele Kayɩn, Kayɩn sɩ ʋ yiele Alɩfazadɩ, Alɩfazadɩ sɩ ʋ yiele Sɛmʋn, Sɛmʋn sɩ ʋ yiele Nowe, Lamɛkɩ sɩ ʋ yiele Metuzela, 37

 Metuzela sɩ ʋ yiele Enɔkʋ, Enɔkʋ sɩ ʋ yiele Zalɛdi, Zalɛdi sɩ ʋ yiele Mahɛlalɩdi, Mahɛlalɩdi sɩ ʋ yiele Kenan, Kenan sɩ ʋ yiele Enɔsʋ, 38

 Enɔsʋ sɩ ʋ yiele Sɛtɩ. Zozi abusuan, ɔ kɔ dédéé, ɔ kɔ tʋ Adamʋn, dédéé tʋ Nyanmɩan.

Abɔnzanmʋn lɛ sɔ Zozi Nian (Matie 4.1-11; Malɩkɩ 1.12-13)

4 1 Kɛ Zozi f Zuludɩn nzuobaá sʋ ɛlɔ b’ɔ sa yɩ sin, nɩɩ ʋn Wawʋɔ Sanwun tínmín wɔ yɩ sʋ kpáa. Wawʋɔ sanwun

falɩ yi hɔlɩ kacɛ nun ɛlɔ. 2 Zozi lilɩ alɩ ʋɛbaá ɛlɛbulanan kacɛ

nun ɛbɛlɛ, yɩɛ abɔnzanmʋn sɔlɩ yɩ nianlɩ. Alɩɛ ʋfɩ ʋɩ ʋ a ngan man yɩ nʋan. Kɛ alɩ ʋɛbaá ɛlɛbulanan sɔ sɩnlɩ, ehóo hunlɩ. 3

 Abɔnzanmʋn se yi kɛ: «S’ɛ tɩ Nyanmɩan Wáa sakpaá, sé yɛbʋɔ ɛka kɛ ɔ káci kpánwun maán ɛ lɩ ʋ.» 4

 Zozi tɛlɩ abɔnzanmʋn sʋ naán ɔ’a se yi kɛ: «Bɛ hɛlɛlɩ nyanmɩan fuluwa nun kɛ: ”Nán alɩɛ ʋ ngʋnmɩn yɩɛ ɔ man sanran ngʋan ɔ.”»

5 Yɩ sin, Abɔnzanmʋn falɩ Zozi hɔlɩ nɩnka kʋn b’ɔ wɔ

awunlo ɛlɔ sʋ, naán ɔ’a fa belemgbin mɔ bɛ sɛfʋʋʋn kʋʋláá a hele yi. 6

 Ɔ selɩ Zozi kɛ: «Máan fáa fáa ɛka mɔ kʋʋláá nɩn bɛ awunlunnyáan, ɔ tɩ mɩn dɩɛ. Mɩ ʋɩn ba fa man wɔ, afɩɩ ʋn sanran ɛka bɔ mɩn kulo kɛ Mɩn fa man yi, M fá mán yi.

Lʋkʋ � ,  �

42LUK.indd 14 16/10/2008 13:27:13

��

7 S’ɛ kʋtʋ mɩn ja bʋ naán s’ɛ sʋ mɩn, máan fáa fáa sɔ mɔ kʋʋláá, bɛ tɩ wɔ dɩɛ.» 8

 Zozi tɛlɩ yɩ sʋ naán ɔ’a se yi kɛ: «Bɛ hɛlɛlɩ Nyanmɩan Fuluwa nun kɛ: ”Sannan Famɩan Nyanmɩan kʋnmgba céíín yɩɛ ɔ fata k’ɛ sɔʋ yi ɔ. Yɩ ngʋnmɩn ala yɩɛ ɔ fata k’ɛ sʋʋ yi ɔ.”»

9 Yɩ sin, Abɔnzanmʋn falɩ Zozi hɔlɩ Zoluzalɛmʋn ɛlɔ, ɔ

falɩ yi fʋlɩ Nyanmɩan Suá ti sʋ awunlo awunlo ɛlɔ, naán ɔ’a se yi kɛ: «S’ɛ wan ɛ tɩ Nyanmɩan Wáa sakpaá, húlu kpɩ ʋn. 10

 Afɩɩ ʋn bɛ hɛlɛlɩ Nyanmɩan Fuluwa nun kɛ: ”Nyanmɩan maán yɩ annzʋ mɔ ba sɩsa wɔ. 11

 Bɛ cɩ ʋ wɔ awunlo. Wɔ ja bɔ mgbaán ngɔ kpula man.”» 12

 Zozi tɛlɩ yɩ sʋ naán ɔ’a se yi kɛ: «Bɛ hɛlɛlɩ Nyanmɩan Fuluwa nun kɛ nán ɛ sɔʋ Famɩan bɔ tɩ wɔ Nyanmɩan nían.» 13

 Kɛ Abɔnzanmʋn sɔlɩ Zozi nianlɩ yuolɩ, ɔ jɛsʋlɩ yɩ wʋn ɛbɛlɛ, ɔ hɔlɩ. Ɔ wʋnndɛlɩ cɩan fɩfɛlɛ kʋʋláá naán ɔ’a sɔ yɩ a nian biekun.

Zozi lɛ Bo yɩ Junman bʋ (Matie 4.12-17; Malɩkɩ 1.14-15)

14 Zozi salɩ sin hɔlɩ Galile máan nun ɛlɔ. Kɛ ɔʋɔ kɔ, Wawʋɔ

Sanwun tínmín wɔ yɩ sʋ. Zozi dunman la ɛbɛlɛfʋɔʋ mɔ kʋʋláá, bɛ nʋan nun. Máan bɔ bɛ mantan ɛbɛlɛ kʋʋláá, bɛ tɩlɩ Zozi dunman. 15

 Ɔ helelɩ sanran mɔ nince Zuwifʋ mɔ, bɛ asɔnɩn suá mɔ nun. Sanran mɔ kʋʋláá, bɛ bo yi dunman kpáa. 16

 Nazalɛtɩ ɛbɛlɛ yɩɛ Zozi nyinlɩ ɔ. Kɛ ɔ julɩ ɛbɛlɛ, ɔ hɔlɩ Zuwifʋ mɔ, bɛ asɔnɩn suá nun ɛlɔ, kɛ ɔ yɔ Saba Cɩan Ɛtɛ kʋʋláá sʋ saá. Ɔ jɛsʋ jinranlɩ kɛ ɔʋɔ ba kɩnngan Nyanmɩan ndɛɛ ʋ. 17

 Bɛ falɩ Nyanmɩan nʋan jʋjɔfʋɔʋ Ezayi fuluwa manlɩ yi kɛ ɔ kɩ ʋnngan. Ɔ bicelɩ Ezayi fuluwa nun naán ɔ’a ju nɩnka bɔ Ezayi hanlɩ kɛ: 18-19 «Famɩan, yɩ Wawʋɔ nɩn a jura mɩn sʋ. Nince tí bɔ

Famɩan Wawʋɔ nɩn jura mɩn sʋ yiele kɛ ɔ’a yira mɩn sʋ kɛ M mɔʋ yɩ amannɩan fɛ ʋɛ N géle ebiínsuafʋɔʋ mɔ kɛ bɛ ʋɛ ba nyanjɩn bɛ.

Yɩ wan N zé anyansinranfʋɔʋ mɔ kɛ bɛ nyɩnbaá ba tike. Yɩ wan M mán né bɛ bɔ bɛ ʋɛ wun bɛ wunlun mɔ, bɛ ti. Ɔ somanlɩ mɩn kɛ M má N zé sanran mɔ kɛ: Afʋɔ ɛka yɩɛ ɔ tɩ Famɩan afʋɔ nɩn ɔ.»

Lʋkʋ �

42LUK.indd 15 16/10/2008 13:27:13

��

20 Kɛ Zozi kɩnnganlɩ ndɛɛ ʋ sɔ yuolɩ, ɔ gadalɩ fuluwa sʋ, naán

ɔ’a fa wula sanran b’ɔ nian fuluwa sʋ, yɩ sa nun. Kɛ ɔ fa manlɩ yuolɩ, ɔ tanranlɩ asɩ. Bɛ bɔ bɛ yialɩ Zuwifʋ mɔ bɛ asɔnɩn suá nun ɛbɛlɛ kʋʋláá, bɛ nyɩn ta yi síín. 21

 Zozi wan: «Anɛ bɔbɔ ndɛɛ ʋ ɛka bɔ M’an kɩnngan a hele amɔ, ɔ’a kpɩn sʋ.» 22

 Bɛ kʋʋláá, bɛ bo Zozi dunman kpáa. Ndɛɛʋ fɛ ʋɛ fɛ ʋɛ b’ɔ hanlɩ, ɔ bolɩ bɛ nʋan. Bɛ bisa kɛ: «Naán Zozɛfʋ wáa nɩn ɔ?» 23

 Zozi tɛlɩ bɛ sʋ naán ɔ’a se bɛ kɛ: «Mɩn sɩ kɛ amɔ ba bu anyanndara kele mɩn. Amɔ ba se mɩn kɛ: ”S’ɛ sɩ ayire, fá yɔʋ wɔ bɔbɔ wɔ wʋn”, sáa fáa fáa bɔ yɛ tɩlɩ k’ɛ yɔlɩ Kapɛlɩnawunʋn ɛlɔ, yɔʋ sáa sɔ mɔ wɔ bɔbɔ wɔ kuló sʋ ɛwa.» 24

 Zozi se bɛ kɛ: «Mɩ ʋɩn kan kele amɔ nanhɔlɔ kɛ, Nyanmɩan nʋan jʋjɔfʋɔʋfɩ ʋɩ ʋ le man wunlun yɩ kuló bɔ bɛ wulɩ yi sʋ. 25

 Ndɛɛ ʋ ɛka bɔ Mɩ ʋɩn ba kan, ɔ tɩ nanhɔlɔ. Eli bɛlɛ sʋ, nɩɩ ʋn amgboti mmala sʋnman, bɛ wɔ Izalayɛlɩ ɛwa. Tɛmʋn bɔ nyanmɩan a ndɔ man asɩɛ sʋ ɛwa dédéé afʋɔ nzan nɩn sara nzian, kɛ ehóo kpili kpɩnlɩn máan munmuan kʋʋláá nun, 26

 Nyanmɩan a nzoman man Eli bɛ nunfɩ ʋɩ ʋ, bɛ wʋn. Nɩnka bɔ Nyanmɩan somanlɩ yi yiele Zalɛfʋta. Kuló sɔ, ɔ wɔ Sidʋn máan nun ɛlɔ. Nyanmɩan somanlɩ Eli kɛ ɔ hɔʋ Zalɛfʋta amgboti bala kʋn wʋn ɛlɔ. 27

 Asala, Elize bɛlɛ sʋ, nɩɩ ʋn kokobefʋɔʋ sʋnman wɔ Izalayɛlɩ ɛwa, kʋsʋ bɛ nun biefɩ ʋɩ ʋ wʋn a nyɔ man kpáa sannan Naáman bɔ f Siri ngʋnmɩn yɩɛ yɩ wʋn yɔlɩ kpáa ɔ.»

28 Bɛ bɔ bɛ wɔ Zuwifʋ mɔ asɔnɩn Suá nun ɛbɛlɛ, kɛ bɛ tɩlɩ

ndɛɛ ʋ sɔ, bɛ fɛlɩ ɛyaá kpáa. 29 Bɛ jɛsʋlɩ, bɛ kɩkanlɩ Zozi bʋ

kɛ ɔ jɛ ʋsʋ bɛ kuló sʋ ɛbɛlɛ. Bɛ kɩkanlɩ yi sin dédéé bɛ julɩ búmán bɔ wɔ kuló nʋan ɛbɛlɛ sʋ, afɩɩ ʋn bɛ kɩnndɛ kɛ bɛ sʋʋn yi tʋ búmán sɔ nun. 30

 Kʋsʋ Zozi f bɛ afán ɛbɛlɛ ftelɩ, ɔ hɔlɩ.

Bian bɔ Asɩɛbʋsʋn Si yi sʋ (Malɩkɩ 1.21-28)

31 Zozi f ɛbɛlɛ, ɔ hɔlɩ Kapɛlɩnawunʋn. Kuló sɔ, ɔ wɔ

Galile máan nun ɛlɔ. Kɛ Zuwifʋ mɔ cɩan ɛtɛ bɔ bɛ fɛlɛ Saba julɩ, Zozi helelɩ minnian mɔ nince. 32

 Ninnje b’ɔ helelɩ bɛ, ɔ bolɩ bɛ nʋan, afɩɩ ʋn ndɛɛ ʋ b’ɔ f yɩ nʋan fte, tínmín wɔ nun. 33

 Bian kʋn wɔ asɔnɩn suá nun ɛbɛlɛ.

Lʋkʋ �

42LUK.indd 16 16/10/2008 13:27:13

��

Bian sɔ, asɩɛbʋsʋn ɛtɛ kʋn si yɩ sʋ. 34 Asɩɛbʋsʋn maán

bian kpanlɩ kekele kpáa. Ɔ tɩan se kɛ: «Zozi b’ɔ f Nazalɛtɩ, ɛ ʋɛ kɩnndɛ nzu? Y’a yɔ wɔ sɛɛ ʋ? Yɛ bʋsʋ nunnunlɛ tí yɩɛ ɛ walɩ ɔ? Mɩn sɩ wɔ kpáa, Nyanmɩan kpili yɩɛ ɔ’a soman wɔ ɔ.» 35

 Zozi kpanlɩ yɩ sʋ. Yɩ wan: «Múan wɔ nʋan sʋ. Fí bian ɛka nun fíte!» Asɩɛbʋsʋn manlɩ bian sʋ, ɔ fɩnlɩ yɩ asɩ minnian mɔ kʋʋláá, bɛ wunlun ɛbɛlɛ. Kɛ ɔ fɩnlɩ yɩ asɩ yuolɩ, ɔ f bian nun ftelɩ. Ɔ’a nyɔ man yi ɛtɛfɩ ʋɩ ʋ. 36

 Ɛjɔrɔ sɔ bolɩ bɛ bɔ bɛ gua ɛbɛlɛ kʋʋláá, bɛ nʋan. Ɛhɩ bisa yɩ mianngʋn kɛ: «Nzu sáa dɩɛ? Yɩ tínmín b’ɔ le tí, sɛɛ ʋ ɔ se asɩɛbʋsʋn mɔ kɛ bɛ fíte ɔ, bɛ nyɩn sɔ yi, bɛ fíte!» 37

 Zozi dunman la ɛbɛlɛfʋɔʋ mɔ kʋʋláá, bɛ nʋan nun. Máan mɔ bɔ bɛ mantan ɛbɛlɛ kʋʋláá, bɛ tɩlɩ yɩ dunman.

Zozi yɔ Atukpacɩfʋɔɛ mɔ Jojo (Matie 8.14-17; Malɩkɩ 1.29-34)

38 Zozi f nzɛrɛ suá nun ɛbɛlɛ ftelɩ, ɔ hɔlɩ Simʋn awulo

ɛlɔ. Kɛ ɔʋɔ ju ɛbɛlɛ nɩɩ ʋn Simʋn sia bala nɩn ɔ’a fʋcɛ. Ɛyɛrɛ kpili kpáa kʋn a gua yɩ sʋ. Bɛ sɛrɛlɩ yi kɛ ɔ yɔʋ yɩ jojo. 39

 Zozi jinranlɩ bala sɔ wʋn ɛbɛlɛ naán ɔ’a tɩan ɛyɛrɛ sʋ. Kɛ ɔ tɩanlɩ yɩ sʋ pɛ ʋ, ɛyɛrɛ f bala sʋ jɛsʋlɩ. Ɔ jɛsʋlɩ, ɔ kɩnndɛlɩ nince manlɩ bɛ maán bɛ lílɩ.

40 Nɛsʋa, kɛ eyua ba tɔ, bɛ bɔ bɛ le sanran mɔ bɔ

awʋnnyalɛ fáa fáa wɔ bɛ sʋ mɔ, bɛ falɩ bɛ bɛlɛlɩ Zozi. Ɔ falɩ yɩ sa fualɩ bɛ kʋʋláá, bɛ wʋn naán bɛ wʋn yɔ kpáa. 41

 Asɩɛbʋsʋn mɔlá, bɛ f sanran sʋnman nun ftelɩ. Kɛ bɛ ʋɛ fte, bɛ tɩan se kɛ: «Ɛ tɩ Nyanmɩan Wáa!» Zozi kpanlɩ bɛ sʋ, ɔ’a mman man bɛ atɩ ʋɩn maán b’a njʋjɔ man, afɩɩ ʋn bɛ sɩ kɛ yɩɛ ɔ tɩ Kilisɩ nɩn ɔ. 42

 Kɛ alɩ ʋɛ hɩnlɩ, Zozi jɛsʋlɩ ɛbɛlɛ naán ɔ’a hɔ nɩnka kʋn b’ɔ tɩ kólólóó. Minnian mɔ kɩnndɛlɩ yɩ naán b’a tʋ yi ɛbɛlɛ. Bɛ kulo kɛ ɔ há bɛ wʋn ɛbɛlɛ, nán ɔ kɔ nɩnkafɩ ʋɩ ʋ. 43

 Kʋsʋ Zozi a mgbɩnlɩn man sʋ. Yɩ wan: «Ɔ fata kɛ mɩn kán Nyanmɩan awunlo Belemgbin Máan amannɩan fɛ ʋɛ kele kuló nga mɔ kʋsʋ, afɩɩ ʋn yɩ sɔ tí yɩɛ Nyanmɩan somanlɩ mɩn ɔ.» 44

 Ɔ hɔlɩ Zude máan nun ɛlɔ. Ɔ bolɩ amannɩan fɛ ʋɛ helelɩ sanran mɔ, asɔnɩn suá mɔ nun.

Lʋkʋ �

42LUK.indd 17 16/10/2008 13:27:13

��

Zozi lɛ Fɛlɛ yi Somanfʋɔɛ Nnan (Matie 4.18-22; Malɩkɩ 1.16-20)

5 1 Sanran mɔ te si yialɩ Zozi kúkúú kúkúú. Bɛ kʋʋláá, bɛ walɩ Nyanmɩan ndɛɛ ʋ tielɛ. Kɛ ɔʋɔ yɔ sɔ, nɩɩ ʋn Zozi jin

Gelezalɛtɩ fɛtɛ ʋɛ nʋan ɛbɛlɛ. 2 Ɔ wunlɩ kɛ elie nnyʋn bɛ wɔ

fɛtɛ ʋɛ nʋan ɛbɛlɛ, kʋsʋ bɛ bɔ bɛ le elie, bɛ nʋn man ɛbɛlɛ. Bɛ hɔlɩ bɛ dada wunnzinlɛ. 3

 Zozi fʋlɩ elie kʋn nun. Elie b’ɔ fʋlɩ nun, ɔ tɩ tɩ Simʋn dɩɛ. Ɔ selɩ Simʋn kɛ ɔ sún elie maán ɔ hɔʋ nzuo nun ɛlɔ káán. Kɛ Simʋn sunlɩ elie, Zozi tanranlɩ nun naán ɔ’a hele sanran mɔ nince.

4 Kɛ Zozi helelɩ sanran mɔ nince bɔ yɩ nʋan tɔlɩ, ɔ selɩ

Simʋn kɛ: «Kán elie kɔʋ búmán nun ɛlɔ naán gúa dada ɛbɛlɛ. Ɛʋɛ ba cɩ ejóo.»

5 Simʋn wan: «Nja, ɛfɛɛ ʋ bɔ y’a fɛ nán kanngʋa ɔ. Yɛ tʋlɩ

dada kɔngʋɔ dédéé y’a njia nincefɩ ʋɩ ʋ! Kʋsʋ kɛ wɔ yɩɛ a han tí, M ba gua dada ɛbɛlɛ.» 6

 Kɛ bɛ gualɩ dada ɛbɛlɛ, bɛ hɩlɩ ejóo sʋnman sʋnman kpáa. Ejóo mɔ sʋnlɛ bɔ bɛ sʋnlɩ tí, bɛ dada nun tɩtɩlɩ. 7

 Bɛ falɩ bɛ sa fɛlɛlɩ bɛ mianngʋn mɔ bɔ bɛ wɔ elie kʋn bɔlɔ nun kɛ b’a bʋka bɛ. Bɛ walɩ, bɛ falɩ ejóo mɔ gualɩ elie nnyʋn nun dédéé elie mɔ yilɩ. Sian ɔ ka káán kɛ elie mɔ mʋnlʋn. 8

 Kɛ Simʋn Pɩɛlɩ wunlɩ yɩ sɔ, ɔ kʋtʋlɩ Zozi ja bʋ, yɩ wan: «Famɩan mɩ ʋɩn sɛrɛ wɔ kpáa, jɛ ʋsʋ mɩn wʋn ɛwa afɩɩ ʋn mɩn tɩ ɛtɛ yɔfʋɔʋ.» 9

 Ejóo bɔ bɛ hɩlɩ, ɔ fulɩ Simʋn nɩn yi mianngʋn mɔ, bɛ nun kpáa. 10

 Ndɛɛ ʋ sɔlá fulɩ Zebede mmaá mmiesua Zan nɩn Zakɩ, nɩn Simʋn bɔ bɛ nɩn yi kɔ tʋ dada, bɛ nun kpáa. Zozi wan: «Simʋn, nán maán sɛrɛ kun wɔ. Ɔ f anɛ b’ɔ kɔ, ɛ ʋɛ ba kaci sanran cɩfʋɔʋ.» 11

 Kɛ bɛ falɩ bɛ elie julɩ akpɛlɩɛ sʋ ɛbɛlɛ, bɛ yacilɩ bɛ ninnje mɔ kʋʋláá ɛbɛlɛ, bɛ silɩ yi sʋ.

Zozi Yɔlɩ Kokobefʋɔɛ kʋn Jojo (Matie 8.1-4; Malɩkɩ 1.40-45)

12 Zozi julɩ kuló kʋn sʋ ɛbɛlɛ. Bian kʋn kokobe nɩn a kuko

yi a yuo. Kɛ bian sɔ wʋnlɩ Zozi, ɔ’a kʋtʋlɩ yɩ ja bʋ naán ɔ’a sɛrɛ yi nzɛrɛ kʋn, yɩ wan: «Famɩan, s’ɛ kulo kɛ ɛ yɔʋ maán mɩn wʋn yɔ kpáa, ɛ kʋla yɔ.» 13

 Kɛ kokobefʋɔʋ hanlɩ sɔ, Zozi tɩnngɛlɩ yɩ sa naán ɔ’a han yi. Yɩ wan: «Sakpaá ɔ,

Lʋkʋ �

42LUK.indd 18 16/10/2008 13:27:13

��

mɩn kulo kɛ wɔ wʋn yɔʋ kpáa. Maán wɔ wʋn yɔʋ kpáa.» Zozi nʋan nɩn a ndɔ man kpɛ ʋkʋʋn bian nɩn wʋn a yɔ kpáa. 14

 Zozi han wulalɩ yɩ sʋ nun kpáa kɛ nán ɔ kan kele sanranfɩ ʋɩ ʋ. Ɔ se yi kɛ: «Kɔʋ naán fa wɔ wʋn kele tɛɛ ʋyɩfʋɔʋ. Saraha ɛka bɔ Moyizɩ hanlɩ kɛ bɛ yɩ ʋ, yɩ ʋ saraha sɔ maán sanran mɔ kʋʋláá bɛ wʋn kɛ wɔ wʋn a yɔ kpáa.» 15

 Zozi dunman la sanran mɔ kʋʋláá, bɛ nʋan nun. Sanran sʋnman bɛ te si yia yɩ wʋn, bɛ ʋɛ ba tie ndɛɛ ʋ b’ɔ kan. Asala bɛ ba maán ɔ yɔʋ bɛ jojo. 16

 Kɛ ɔ yɔ sɔ, Zozi yaci bɛ ɛbɛlɛ, ɔ kɔ nɩnka b’ɔ tɩ kówúún, ɔ kɔ sɛrɛ Nyanmɩan.

Zozi Yɔlɩ Bubulɩwafʋɔɛ kʋn Jojo (Matie 9.1-8; Malɩkɩ 2.1-12)

17 Cɩan kʋn, kɛ Zozi lɛ kele minnian mɔ nince, Falizɩan

mɔ nɩn mmala kelefʋɔʋ mɔ, bɛ f Galile kuló mɔ kʋʋláá sʋ, nɩn Zoluzalɛmʋn ɛlɔ, bɛ walɩ, b’a tanranlɩ ɛbɛlɛ. Nyanmɩan tínmín wɔ Zozi sʋ, nɩɩ ʋn ɔʋɔ yɔ sanran mɔ jojo. 18

 Kpɛ ʋkʋʋn bɛ ʋɛ nian, bian bubulɩwafʋɔʋ kʋn ɔ la bɛɛ ʋ kʋn sʋ, ɔ sʋa sanran mɔ. Bɛ kɩnndɛ fa yi bɛlɛ Zozi. Bɛ kɩnndɛ kɛ bɛ fá yi wʋʋlʋ nɩnka bɔ Zozi wɔ ɛbɛlɛ naán bɛ fá yi síe yɩ wunlun ɛbɛlɛ. 19

 Kʋsʋ kɛ sanran mɔ yialɩ ɛbɛlɛ kúkúú kúkúú tí, bɛ nwun man kɛ bɛ yɔʋ naán b’a fa yi a bɛ ʋlɛ Zozi ɔ. Yɩ sɔ tí, bɛ fʋlɩ suá sʋ, bɛ kpalɩ suá yi nɩnka bɔ Zozi jin ɛbɛlɛ, naán b’a fa bɛɛ ʋ nɩn kpɩn Zozi wunlun ɛbɛlɛ 20

 Kɛ Zozi wʋnlɩ kɛ bɛ le de-di tí, ɔ selɩ bɛ kɛ: «Nja bian, M’an yaci wɔ ɛtɛ mɔ a he wɔ.» 21

 Kɛ Zozi hanlɩ sɔ pɛ ʋ, fuluwa kɛlɛfʋɔʋ mɔ nɩn Falizɩan mɔ, bɛ bisa bɛ wʋn kosan se kɛ: «Yɩ muan, ɔ bu yɩ wʋn sɛɛ ʋ? Nzu tí yɩɛ ɔ sɛcɩ Nyanmɩan dunman? Sannan Nyanmɩan ngʋnmɩn céíín yɩɛ ɔ yaci sanran mɔ ɛtɛ mɔ ce bɛ ɔ!» 22

 Kɛ Zozi wunlɩ kɛ bɛ bisa bɛ wʋn kosan sɔ, ɔ tɛlɩ bɛ sʋ naán ɔ’a bisa bɛ kɛ: «Nzu tí yɩɛ amɔ bu angʋnndan saá amɔ kunlun ɛlɔ?» 23

 Sɛ mɩn se kɛ M’an yaci wɔ ɛtɛ mɔ a he wɔ, annzɛ sɛ kɛ Mɩn sɛ kɛ jɛ ʋsʋ jínran, naán nántɩ kɔʋ, sáa fáa nnyʋn sɔ, bɛ nun benin yɩɛ ɔ tɩ pɔʋpɔʋ ɔ? 24

 Kʋsʋ kɛ ɔ yɔ naán amɔ a wun kɛ mɩn bɔ mɩn tɩ Sanran Wáa mɩn le atɩ ʋɩn asɩɛ sʋ ɛwa mɩn yaci sanran mɔ ɛtɛ mɔ ce bɛ tí: «Mɩ ʋɩn se wɔ kɛ ɛ jɛ ʋsʋ jinran naán ɛ fá wɔ bɛɛ ʋ hɔʋ wɔ awulo!» 25

 Zozi nʋan a ndɔ man kpɛ ʋkʋʋn, wákáá, bian nɩn a jɛsʋ. Bɛ kʋʋláá

Lʋkʋ �

42LUK.indd 19 16/10/2008 13:27:13

��

bɛ wunlun ɛbɛlɛ, ɔ falɩ yɩ bɛɛ ʋ bɔ bɛ fa sʋalɩ yi, ɔ hɔlɩ yɩ awulo. Kɛ ɔʋɔ kɔ nɩɩ ʋn ɔʋɔ kannvʋ Nyanmɩan. 26

 Ndɛɛ ʋ s’ɔ bolɩ bɛ bɔ bɛ gua ɛbɛlɛ kʋʋláá, bɛ nʋan. Bɛ kannvʋlɩ Nyanmɩan. Asala sɛrɛ hunlɩ bɛ. Bɛ wan: «Y’a wun abonʋan ninnje sʋnman anɛ.»

Zozi Fɛlɛlɩ Levi kɛ ɔ Sú yi sʋ (Matie 9.9-13; Malɩkɩ 2.13-17)

27 Kɛ Zozi yɔlɩ ɛjɔrɔ sɔ yuolɩ, ɔ hɔlɩ. Kɛ ɔʋɔ kɔ, ɔ wunlɩ bian

kʋn b’ɔ de gua bʋ sikaá. Bɛ fɛlɛ yɩ Levi. Kɛ ɔʋɔ wun yɩ nɩɩ ʋn ɔ tɩ gua bʋ sikaá defʋɔʋ mɔ bɛ bilo nun ɛbɛlɛ. Zozi fɛlɛ yɩ. Yɩ wan: «Sí mɩn sʋ.» 28

 Kɛ Zozi hanlɩ sɔ pɛ ʋ, Levi yacilɩ ninnje mɔ kʋʋláá ɛbɛlɛ, ɔ jɛsʋlɩ, ɔ si lɩ yɩ sʋ. 29

 Levi maán bɛ lilɩ fɛtɩ manlɩ Zozi yɩ awulo nun ɛlɔ. Bɛ bɔ bɛ de gua bʋ sikaá nɩn sanran sʋnman kpáa, bɛ walɩ fɛtɩ sɔ bʋ. Bɛ kʋʋláá, bɛ sa wɔ asɩ bɛ sʋ di nince. 30

 Falizɩan mɔ nɩn bɛ fuluwa kɛlɛfʋɔʋ mɔ, bɛ jʋjɔlɩ bɛ konvianbʋ helelɩ Zozi sunnzuanfʋɔʋ mɔ. Bɛ bisa bɛ kɛ: «Nzu tí yɩɛ amɔ nɩn gua bʋ sikaá defʋɔʋ, mɔ nɩn ɛtɛ yɔfʋɔʋ, mɔ di nince nɩnka hɔlɔ? Nzu tí yɩɛ amɔ nɩn bɛ nʋn nzáan nɩnka hɔlɔ?» 31

 Zozi tɛlɩ bɛ sʋ naán ɔ’a se bɛ kɛ: «Bɛ bɔ bɛ tɩ jojo, bɛ nyɩn mmian man nnɔtɔrɔ wʋn. Bɛ bɔ bɛ wʋn yɔ bɛ ya, yɩɛ bɛ nyɩn mian nnɔtɔrɔ wʋn ɔ. 32

 M’an mma man sɛsɛfʋɔʋ mɔ fɛlɛlɛ. Ɛtɛ yɔfʋɔʋ mɔ tí yɩɛ M malɩ ɔ. M malɩ bɛ fɛlɛlɛ kɛ bɛ káci bɛ nzʋʋan.»

Cɩan Hɩlɛ wʋn Ndɛɛ ɛ (Matie 9.14-17; Malɩkɩ 2.18-22)

33 Falizɩan mɔ nɩn fuluwa kɛlɛfʋɔʋ mɔ se Zozi kɛ: «Zan

sunnzuanfʋɔʋ mɔ ci cɩan dádáá, asala bɛ sɛrɛ Nyanmɩan. Falizɩan mɔ sunnzuanfʋɔʋ mɔlá, bɛ ci cɩan dádáá yɩɛ bɛ sɛrɛ Nyanmɩan, kʋsʋ wɔ sunnzuanfʋɔʋ mɔ dɩɛ, alɩɛ ʋ lilɛ ala yɩɛ bɛ di ɔ, nzáan nʋnlɛ ala yɩɛ bɛ nʋn ɔ.» 34

 Zozi selɩ bɛ kɛ: «Sɛ bɛ bɔ b’a wa atɔnnvɔlɔ falɛ sɛ bɛ wɔ ɛbɛlɛ, ɔ fata man kɛ bɛ cí cɩan. 35

 Tɛmʋn bɔ atɔnnvɔlɔ hun nʋn man ɛbɛlɛ, tɛmʋn sɔ nun yɩɛ ɔ fata kɛ bɛ cí cɩan ɔ.»

36 Zozi bulɩ anyanndara kʋn tʋlɩ sʋ.Yɩ wan: «N wunlɩ man

kɛ sanran kʋn a fa ɛtannɩn fɩfɛlɛ ɔ’a fa ta ɛtannɩn nvuún nun lé. Sɛ ɔ yɔ sɔ, ɔʋɔ tɩtɩ ɛtannɩn fɩfɛlɛ nun mgbaán. Yɩɛ

Lʋkʋ �

42LUK.indd 20 16/10/2008 13:27:14

��

ɛtannɩn fɩfɛlɛ ɔ nɩn ɛtannɩn nvuún, bɛ nnyʋn bɛ ngɔ man kʋʋn. 37

 Asala N wunlɩ man kɛ b’a fa nzáan dɔfɛlɛ a gua kotoku daá nun. Sɛ ɔ yɔ sɔ, kɛ dɔfɛlɛ lɛ yi, ɔʋɔ kpúce kotoku daá nun, yɩɛ nzáan lɛ sonjin gua mgbaán. 38

 Ɔ fata kɛ bɛ fá nzáan dɔfɛlɛ gúa kotoku fɩfɛlɛ nun. 39

 N wunlɩ man kɛ sanran kʋn a nʋn nzáan kekele naán ɔ’a sa yɩ sin a nʋn dɔfɛlɛ. Afɩɩ ʋn kɛ ɔ kɔ nʋn kɔ yuo, ɔ se kɛ: ”Nzáan kekele dɩɛ bɛ nyan man yɩ wʋn sʋ.”»

Zozi Wan ɔ le Wunlun Tara Saba Cɩan (Matie 12.1-8; Malɩkɩ 2.23-28)

6 1 Kɛ Zuwifʋ mɔ cɩan ɛtɛ bɔ bɛ fɛlɛ Saba julɩ, nɩɩ ʋn Zozi lɛ sɩn nnyʋʋʋn fe kʋn nun ɛbɛlɛ. Yɩ sunnzuanfʋɔʋ mɔ

ffanlɩ nnyʋʋʋn mmaá, bɛ kpɛlɛlɩ bɛ sa nun, bɛ lilɩ. 2

 Falizɩan mɔ bie mɔ bisa bɛ kɛ: «Nzu tí yɩɛ amɔ yɔ nince bɔ b’a tua kɛ nán bɛ yɔ Saba Cɩan Ɛtɛ nun?» 3

 Zozi tɛlɩ bɛ sʋ naán ɔ’a bisa bɛ kɛ: «Kɛ amɔ kɩnngan Nyanmɩan Fuluwa, amɔ a nwun man kɛ bɛ hɛlɛlɩ nun kɛ tɛmʋn bɔ nɩɩ ʋn ehóo lɛ kun Davidɩ nɩn yɩ minnian bɔ bɛ si yɩ sʋ. 4

 Ɔ wʋlʋlɩ Nyanmɩan Suá nun ɛlɔ naán ɔ’a lɩ kpánwun bɔ bɛ fa sie Nyanmɩan wunlun. Kpánwun sɔ, ɔ nɩn yɩ minnian mɔ, bɛ le man atɩ ʋɩn nni man. Sannan tɛɛ ʋ yɩfʋɔʋ mɔ ngʋnmɩn yɩɛ bɛ le atɩ ʋɩn di ɔ.» 5

 Zozi han tʋlɩ sʋ biekun kɛ: «Mɩn bɔ mɩn tɩ Sanran Wáa, mɩn le wunlun tara Saba cɩan. Mɩn yɩɛ mɩn sie Saba cɩan nɩn ɔ.»

Zozi Yɔlɩ Bian Asakɩsɩnlɩwafʋɔɛ Jojo Saba Cɩan Ɛtɛ nun

(Matie 12.9-14; Malɩkɩ 3.1-6) 6

 Saba Cɩan Ɛtɛ kʋn biekun julɩ, Zozi wʋlʋlɩ Nyanmɩan Suá nun naán ɔ’a hele sanran mɔ nince. Bian kʋn wɔ ɛbɛlɛ, yɩ sa nɩn a kɩsɩn. 7

 Kɛ ɔʋɔ yɔ naán Falizɩan mɔ nɩn fuluwa kɛlɛfʋɔʋ mɔ, b’a nyan sáa tira nun naán b’a tʋn yɩ sʋan tí, bɛ nyɩn ta Zozi síín. Bɛ wan bɛ ʋɛ nian sɛ ɔʋɔ ba yɔ bian jojo o. 8

 Kɛ Zozi sɩ bɛ angʋnndan bɔ bɛ ʋɛ bu tí, ɔ selɩ bian asakɩsɩnlɩwafʋɔʋ kɛ: «Bála, bá jínran ɛwa.» Bian jɛsʋlɩ naán ɔ’a jinran ɛbɛlɛ. 9

 Zozi wan: «Mɩ ʋɩn bisa amɔ kosan. Saba Cɩan Ɛtɛ nun, ɔ fata kɛ bɛ yɔʋ sanran yie annzɛ bɛ yɔʋ sanran abɔlɔ?

Lʋkʋ � ,  �

42LUK.indd 21 16/10/2008 13:27:14

��

Ɔ fata kɛ bɛ dé sanran ngʋan annzɛ bɛ kún sanran?» 10 Zozi

kpɛlɩ yɩ nyɩn nianlɩ bɛ bɔ bɛ gua ɛbɛlɛ kʋʋláá naán ɔ’a se bian asakɩsɩnlɩwafʋɔʋ kɛ: «Tínngɛ wɔ sa nun.» Bian tɩnngɛlɩ yɩ sa nun naán yɩ sa nɩn a yɔ kpáa a sɩn yɩ bʋsʋ. 11

 Falizɩan mɔ nɩn fuluwa kɛlɛfʋɔʋ mɔ, bɛ fɛlɩ ɛyaá kpáa. Bɛ hɔlɩ asuro kɛ ɔ yɔ naán b’a wun nince ɛka bɔ bɛ ʋɛ fa yɔ Zozi tí.

Zozi lɛ Fɛlɛ yɩ Somanfʋɔɛ mɔ (Matie 10.1-4; Malɩkɩ 3.13-19)

12 Kɛ ɔ yɔlɩ sɔ, Zozi hɔlɩ bʋkaá sʋ ɛlɔ. Ɔ hɔlɩ Nyanmɩan

sɛrɛlɛ. Ɔ sɛrɛlɩ Nyanmɩan dédéé naán alɩ ʋɛ a hɩn. 13 Kɛ alɩ ʋɛ

hɩnlɩ, ɔ fɛlɛlɩ yɩ sunnzuanfʋɔʋ mɔ, ɔ kpalɩ bɛ nun bulu nɩn nnyʋn naán ɔ’a fɛlɛ bɛ yɩ somanfʋɔʋ. Bɛ bulu nɩn nnyʋn sɔ, bɛ dunman mɔ yɩɛ: 14

 Simʋn b’ɔ Zozi tʋnlɩ yɩ Pɩɛlɩ, nɩn yɩ anianman Andere. Ɔ fɛlɛlɩ Zakɩ nɩn Zan, Filipʋ, Batelemi, 15

 Matie, Toma, Zakɩ b’ɔ yɩ sɩ ʋ yiele Alɩfe, Simʋn bɔ yɩ súándúnmán yiele Zelɔtʋ, 16

 Zuda bɔ yɩ sɩ ʋ yiele Zakɩ, yɩɛ Zuda Isɩkalio, b’ɔ yɔlɩ Zozi atɔɔʋ.

Zozi Hanlɩ Nyanmɩan Ndɛɛ ɛ Helelɩ Sanran mɔ (Matie 4.23-25)

17 Zozi nɩn yɩ sunnzuanfʋɔʋ mɔ f bʋkaá sʋ ɛlɔ juralɩ. Bɛ

julɩ nɩnka fánvaláá kʋn nun naán ɔ’a jinran ɛbɛlɛ. Yɩ sunnzuanfʋɔʋ sʋnman sʋnman kpáa, bɛ te si yialɩ yi. Asala minnian sʋnman sʋnman kpáa bɔ bɛ f Zude máan nun nɩn Zoluzalɛmʋn, nɩn jenvie nʋan ɛlɔ kuló mɔ sʋ, bie mɔ f Tiri nɩn Sidʋn, bɛ kʋʋláá, bɛ walɩ ndɛɛ ʋ bɔ Zozi lɛ kan, tielɛ. Asala bɛ walɩ kɛ ɔ yɔʋ bɛ jojo. 18

 Zozi yɔlɩ bɛ bɔ asɩɛbʋsʋn ɛtɛ mɔ si bɛ sʋ mɔ, bɛ jojo. 19

 Minnian sɔ mɔ kʋʋláá, bɛ kɩnndɛ kɛ bɛ ʋɛ fa bɛ sa fua yɩ wʋn afɩɩ ʋn kɛ bɛ kɔ han yi, tínmín f yɩ nun fte, ɔ yɔ bɛ kʋʋláá bɛ jojo.

Nnyirasʋɔ nɩn Munnzuo (Matie 5.1-12)

20 Zozi manlɩ yɩ nyɩn sʋ nianlɩ yɩ sunnzuanfʋɔʋ mɔ naán

ɔ’a se kɛ: «Nnyiralɛ hán amɔ bɔ amɔ tɩ yalɛfʋɔʋ? afɩɩ ʋn Nyanmɩan Awunlo Belemgbin máan tɩ amɔ dɩɛ!

Lʋkʋ �

42LUK.indd 22 16/10/2008 13:27:14

��

21 Nnyiralɛ hán amɔ bɔ ehóo kun amɔ, afɩɩ ʋn Nyanmɩan ba man amɔ alɩɛ ʋ! Nnyiralɛ hán amɔ bɔ amɔ lɛ sun, afɩɩ ʋn cɩan bie dédéé amɔ lɛ sɩrɩ!»

22 Nnyiralɛ hán amɔ bɔ mɩn bɔ mɩn tɩ Sanran Wáa tí,

sanran mɔ kpɔ amɔ, bɛ wan nán amɔ nɩn bɛ san nun, bɛ kpɛ amɔ nzʋa, asala bɛ sɛcɩ amɔ dunman. 23

 Maán amɔ wʋn cʋʋcʋn amɔ, amɔ húlu kpɩ ʋn, afɩɩ ʋn amɔ ahatua b’ɔ wɔ nyanmɩan sʋ ɛlɔ, ɔ tɩ kpili. Maán amɔ sɩ ʋ kɛ nince kʋnmgba bɔ bɛ fa yɔ amɔ, bɛ sɩ ʋ mɔ fa yɔlɩ Nyanmɩan nʋan jʋjɔfʋɔʋ mɔ. 24 Munnzuo hán amɔ bɔ amɔ tɩ anyanbɛwʋnfʋɔʋ,

afɩɩ ʋn nince kʋʋláá bɔ amɔ lɛ kɩnndɛ, amɔ a nyan yi a yuo!

25 Munnzuo hán amɔ bɔ amɔ kʋ a yi, afɩɩ ʋn cɩan bie ehóo lɛ kun amɔ. Munnzuo hán amɔ bɔ amɔ lɛ sɩrɩ, afɩɩ ʋn cɩan bie amɔ lɛ kaci ɛsɛɛ ʋnvʋɔ, amɔ lɛ sun!

26 «Munnzuo hán amɔ bɔ sanran mɔ kʋʋláá, bɛ kan amɔ wʋn

ndɛɛ ʋ kpáa. Maán amɔ sɩ kɛ bɛ sɩ ʋ mɔ bolɩ bɛ bɔ bɛ tʋn bɛ wʋn sʋan kɛ bɛ tɩ Nyanmɩan nʋan jʋjɔfʋɔʋ, bɛ dunman kpáa!»

Amɔ Hulo amɔ Kpɔfʋɔɛ mɔ (Matie 5.38-48; 7.12a)

27 «Amɔ bɔ amɔ lɛ tie ndɛɛ ʋ bɔ mɩ ʋɩn kan kele amɔ, amɔ

húlo amɔ kpɔfʋɔʋ mɔ. Amɔ yɔʋ amɔ kpɔfʋɔʋ yie. 28 Amɔ yíra

bɛ bɔ bɛ wɔ amɔ amʋan mɔ sʋ. Amɔ sɛ ʋrɛ Nyanmɩan man bɛ bɔ bɛ kele amɔ yalɛ. 29

 Sɛ sanran fn wɔ tufan kʋn nun, cɩa wɔ ti maán ɔ fín wɔ tufan kʋnlá nun. Sɛ sanran bie se kɛ ɔʋɔ dé wɔ ɛyɛrɛ taralɛ nɩn ɔ, fá wɔ taralɛlá mán yi. 30

 Sanran bie ala b’ɔ kɔ sɛrɛ wɔ nince, fá nince sɔ man yi. Sɛ sanran wan ɔ dé wɔ ninnje mɔ kekele sʋ, nán se yi kɛ ɔ fá bɛlɛ wɔ. 31

 Nince ɛka bɔ amɔ kulo kɛ sanran mɔ yɔʋ man amɔ, amɔlá, amɔ yɔ nince sɔ man bɛ. 32

 Sɛ bɛ bɔ bɛ kulo amɔ ngʋnmɩn yɩɛ amɔ kulo bɛ, nɩɩ ʋn nzu ahatua dɩɛ yɩɛ amɔ kɩnndɛ kɛ Nyanmɩan fá mán amɔ? Ɛtɛ yɔfʋɔʋ mɔ bɔbɔ sɛ sanran mɔ kulo bɛ, bɛlá, bɛ kulo bɛ bie. 33

 Sɛ bɛ bɔ bɛ yɔ

Lʋkʋ �

42LUK.indd 23 16/10/2008 13:27:14

��

amɔ kpáa mɔ ngʋnmɩn yɩɛ amɔlá, amɔ yɔ bɛ kpáa, nzu ahatua dɩɛ yɩɛ amɔ kɩnndɛ kɛ Nyanmɩan fá mán amɔ? Ɛtɛ yɔfʋɔʋ mɔlá, sɛ sanran yɔ bɛ kpáa, bɛlá bɛ yɔ yɩ kpáa bie. 34

 Sɛ bɛ bɔ bɛ kʋla tua amɔ kalɛ ngʋnmɩn yɩɛ amɔ bo bɛ bʋsɩa, nɩɩ ʋn nzu ahatua dɩɛ yɩɛ amɔ kɩnndɛ kɛ Nyanmɩan fá mán amɔ? Ɛtɛ yɔfʋɔʋ mɔlá, bɛ bo bɛ mianngʋn ɛtɛ yɔfʋɔʋ mɔ bʋsɩa, bɛ si yɩ wʋn. 35

 Amɔ húlo amɔ kpɔfʋɔʋ mɔ. Amɔ yɔʋ bɛ kpáa. Amɔ bó bɛ bʋsɩa. Sɛ amɔ yɔ bɛ yie, sɛ amɔ bo bɛ bʋsɩa, nán amɔ kɩnndɛ kɛ bɛlá, bɛ yɔʋ amɔ yie annzɛ bɛ bó amɔ bʋsɩa bie. Sɛ amɔ yɔ sɔ, amɔ ahatua lɛ yɔ dɔwʋn, yɩɛ amɔ le kaci Nyanmɩan b’ɔ wɔ Awunlo Awunlo, yɩ mmáa mɔ. Nyanmɩan sɩ bɛ ɛka bɔ bɛ nzɩa yie nɩn bɛ bɔ bɛ kunlun tɩ ɛtɛ, bɛ wʋn yie. 36

 Amɔ sɩ ʋ sanran mɔ wʋn awunvóo afɩɩ ʋn amɔ sɩ ʋ sɩ sanran mɔ wʋn awunvóo»

Sanran fʋɛɔ Bulɛ (Matie 7.1-5)

37 «Nán amɔ bu sanran fʋʋɔ. Sɛ amɔ a mmu man sanran

fʋʋɔ, Nyanmɩanlá ngɔ mmu man amɔ fʋʋɔ. Nán amɔ kan sanran wʋn ndɛɛ ʋ. Sɛ amɔ a ngan man sanran wʋn ndɛɛ ʋ, Nyanmɩanlá ngɔ han man amɔ wʋn ndɛɛ ʋ. Sɛ sanran yɔ amɔ ɛtɛ, amɔ yáci he yi. Sɛ amɔ yaci ce yi, Nyanmɩanlá lɛ yaci amɔ ɛtɛ mɔ ce amɔ. 38

 Ámɔ hé sanran mɔ nince. Sɛ amɔ ce sanran mɔ nince, Nyanmɩanlá ba ce amɔ nince. Nyanmɩan lɛ ce amɔ nince dédéé ɔ bʋ sʋ, afɩɩ ʋn nince ɛka bɔ ɛ susu fa man sanran mɔ, nince kʋnmgba sɔ yɩɛ Nyanmɩan lɛ susu fa man wɔ.»

39 Zozi bulɩ anyanndara kʋn helelɩ bɛ, ɔ bisa bɛ kɛ: «Kɛ

amɔ nian, anyansinranfʋɔʋ kʋn kʋla kele yɩ mianngʋn anyansinranfʋɔʋ atɩ ʋɩn? Sɛ ɔ yɔ sɔ, sannan bɛ nnyʋn bɛ ʋɛ tɔ kunmaán nun. 40

 Sunnzuanfʋɔʋ le man wunlun ndara man sanran b’ɔ kele yɩ nince. Kʋsʋ sɛ bɛ kele sunnzuanfʋɔʋ sɔ nince kpáa, cɩan bie dédéé ɔ ju kɛ sanran b’ɔ helelɩ yi nince saá. 41

 Ɔ yɔ sɛɛ ʋ yɩɛ amɔ wun ewula káán bɔ la amɔ mianngʋn nyɩn sʋ kʋsʋ amɔ nwun man eyie b’ɔ tua amɔ bɔbɔ amɔ nyɩnbaá nun? 42

 Amɔ se amɔ mianngʋn kɛ: mɩn danvʋ, jínran maán N nyɩ ewula káán b’ɔ la wɔ nyɩn sʋ, kʋsʋ ɛ nwun man eyie b’ɔ tua wɔ bɔbɔ wɔ nyɩnbaá nun?

Lʋkʋ �

42LUK.indd 24 16/10/2008 13:27:14

��

Sinnginlinmanfʋɔʋ, dí mmʋʋa yɩ ʋ eyie b’ɔ tua wɔ nyɩnbaá nun. K’ɛ kɔ yɩ kɔ yuo, yɩɛ ɛ wʋn asɩ yɩ ewula káán b’ɔ la wɔ mianngʋn nyɩn sʋ ɔ.»

Bakaá b’ɔ su Mmaá wʋn Ndɛɛ ɛ (Matie 7.16-20; 12.33-35)

43 «Bakaá b’ɔ tɩ kpáa, ɔ nzu man mmaá ɛtɛ. Asala bakaá

b’ɔ tɩ ɛtɛ, ɔ nzu man mmaá kpáa ɔ. 44 Bakaá b’ɔ tɩ kpáa, yɩɛ

ɔ su mmaá kpáa ɔ. Bakaá b’ɔ sʋ wʋ, ɔ nzu man mmaá kpáa. Bɛ ndɩ man bɔlɔfʋɔʋ alɔmaá agualɛ nun. Yɩɛ asala divɩn nzu man sʋsɔrɔ nun. 45

 Sanran b’ɔ tɩ kpáa, nince kpáa f yɩ kunlun ɛlɔ fte. Sanran b’ɔ tɩ ɛtɛ, nince ɛtɛ f yɩ kunlun ɛlɔ fte. Kɛ sanran kunlun tɩ, yɩɛ ɔ nian sʋ jʋjɔ ɔ.»

Suá Nnyʋn bɔ bɛ Silɩ, yɩ Wʋn Anyanndara (Matie 7.24-27)

46 «Nzu tí yɩɛ amɔ fɛlɛ mɩn: ”Famɩan, Famɩan” kʋsʋ amɔ

nyɔ man nince ɛka bɔ mɩn wan amɔ yɔʋ? 47 Sanran ɛka b’ɔ

tie ndɛɛ ʋ ɛka mɔ bɔ mɩ ʋɩn kan, b’ɔ di bɛ sʋ, sanran sɔ, ɔ tɩ kɛ sanran b’ɔ sʋ si suá saá. 48

 Kɛ ɔ wula suá bʋ, ɔ funlɩ kunmaán maán ɔ hɔlɩ mmʋʋa. Ɔ falɩ yɛbʋɔ wulalɩ suá sɔ bʋ. Nyanmɩan tɔlɩ, nzuo yi falɩ suá sɔ sʋ, kʋsʋ suá nɩn a nzɛcɩ man afɩɩ ʋn bɛ silɩ suá sɔ akpʋɔ sʋ. 49

 Kʋsʋ sanran ɛka bɔ tɩ ndɛɛ ʋ ɛka bɔ mɩ ʋɩn kan kʋsʋ ɔ nni man bɛ sʋ, ɔ tɩ kɛ suá bɔ b’a nvun man yɩ bʋ saá. Kɛ nzuo yi falɩ sʋ pɛ ʋ, ɔ bu gualɩ. Suá sɔ, yɩ sɛcɩlɛ b’ɔ sɛcɩlɩ, bɛ ngan man.»

Zozi Yɔlɩ Afannɩan Bala Jojo (Matie 8.5-13; Zan 4.43-54)

7 1 Kɛ Zozi hanlɩ ndɛɛ ʋ sɔ mɔ helelɩ sanran mɔ bɔ yɩ nʋan tɔlɩ, ɔ hɔlɩ Kapɛlɩnawunʋn ɛlɔ. 2

 Sonja kpanyin kʋn wɔ ɛbɛlɛ. Sonja sɔ, ɔ sie sonja ɛya. Yɩ afannɩan bala kʋn b’ɔ kulo kpáa, wɔ ɛbɛlɛ, yɩ wʋn yɔ yɩ ya, ɔ la ewuo sʋ. 3

 Kɛ sonja kpanyin tɩlɩ Zozi dunman, ɔ somanlɩ Zuwifʋ mɔ sʋ mgbanyin kʋn kɛ bɛ fɛ ʋlɛ Zozi maán ɔ yɔʋ yɩ afannɩan bala jojo. 4

 Kɛ bɛ tʋlɩ Zozi ɛbɛlɛ, bɛ sɛrɛlɩ yi kpáa. Bɛ wan: «Sonja kpanyin sɔ, ɔ tɩ sanran kpáa. S’ɛ yɔ yɩ yie ɔ tɩ kpáa 5

 afɩɩ ʋn ɔ kulo yɛ máan, ɔ’a si Nyanmɩan Suá kʋn a man yɛ.» 6

 Zozi

Lʋkʋ � ,  �

42LUK.indd 25 16/10/2008 13:27:14

��

nɩn bɛ hɔlɩ. Kɛ bɛ ba ju awulo nun ɛlɔ, sonja kpanyin somanlɩ yɩ mianngʋn mɔ kɛ bɛ hán ndɛɛ ʋ ɛka héle yi. Bɛ wan: «Famɩan, nán kele wɔ wʋn yalɛ tu wɔ ja dédéé ba mɩn awulo ɛwa. Ɔ nɩn mɩn nvata man k’ɛ wʋʋlʋ mɩn awulo ɛwa. 7

 Yɩ sɔ tí yɩɛ, mɩn bɔbɔ M’an ngɔ man wɔ sin nɩn ɔ. Kán ndɛɛ ʋ kpɔlɔ kʋnmgba céíín maán wɔ afannɩan wʋn yɔʋ kpáa. 8

 Mɩn le mɩn wunlun mgbanyin mɔ. Yɩɛ mɩnlá, mɩn sie sonja bie mɔ. Sɛ mɩn sɛ kʋn kɛ: ”Kɔʋ ɛwa”! Ɔ le wanndilɛ. Sɛ mɩn se mɩn kangá kɛ yɔʋ ɛka ɔ, ɔ yɔ.» 9

 Ndɛɛ ʋ bɔ sonja kpanyin hanlɩ, ɔ fulɩ Zozi nun kpáa. Ɔ kpɛlɩ yɩ nyɩn naán ɔ’a se minnian wʋla wʋla bɔ bɛ su yɩ sʋ kɛ: «Mɩ ʋɩn kan kele amɔ kɛ Izalayɛlɩ ɛwa N nwunlɩ man sanran b’ɔ le de-di kɛ bian ɛka.» 10

 Kɛ bɛ bɔ sonja kpanyin somanlɩ bɛ, bɛ salɩ bɛ sin julɩ awulo ɛlɔ, bɛ wunlɩ kɛ afannɩan bala wʋn a yɔ jojo.

Baángɔɛlɔɛkʋɛn b’ɔ Wulɩ, yɩ nun Ndɛɛ ɛ 11

 Kɛ ɔ yɔlɩ sɔ, ɔ’a njɛ man, Zozi nɩn yɩ sunnzuanfʋɔʋ mɔ hɔlɩ kuló bɔ bɛ fɛlɛ Nayinin sʋ ɛlɔ. Kɛ ɔʋɔ kɔ, minnian sʋnman kpáa, bɛ silɩ yɩ sʋ. 12

 Kɛ ɔ julɩ kuló tuwa ɛbɛlɛ, bɛ ʋɛ nian ɔ, kpafunlan bie la bɛ tɩ sʋ, bɛ sʋ kɔ sie yi. Kpafunlan sɔ, ɔ tɩ baángɔʋlɔʋkʋʋn. Yɩ nín tɩ amgboti. Kuló sʋfʋɔʋ sʋnman kpáa, bɛ wɔ amgboti bala sɔ wʋn ɛbɛlɛ. 13

 Kɛ Famɩan Zozi wunlɩ yi, bala wʋn yɔlɩ yɩ awunvóo. Ɔ selɩ yi kɛ: «Nán sun!» 14

 Zozi walɩ, ɔ falɩ yɩ sa hanlɩ áláka naán bɛ bɔ bɛ sʋa áláka, b’a jinran díín.Yɩ wan: «Kpafunlan, mɩ ʋɩn se wɔ kɛ ɛ jɛ ʋsʋ jínran.» 15

 Kpafunlan bɔ wulɩ jɛsʋ tanranlɩ asɩ, yɩ nʋan la nun, ɔ sʋ jʋjɔ. Zozi falɩ yi wulalɩ yɩ nín sa nun. 16

 Sɛrɛ hunlɩ bɛ bɔ bɛ wɔ ɛbɛlɛ kʋʋláá naán b’a kannvʋ Nyanmɩan. Bɛ wan: «Nyanmɩan nʋan jʋjɔfʋɔʋ kpili kʋn a kpɩn yɛ afán ɛwa.» Asala bɛ se kɛ: «Nyanmɩan a nian yɩ minnian mɔ nɩnka.» 17

 Sáa bɔ Zozi yɔlɩ, ɔ hinmanlɩ Zude máan munmuan kʋʋláá nɩn máan b’ɔ mantan ɛbɛlɛ mɔ kʋʋláá, bɛ nun.

Zan Batisɩ Somanlɩ yɩ Sunnzuanfʋɔɛ mɔ (Matie 11.2-19)

18 Zan sunnzuanfʋɔʋ mɔ hanlɩ ninnje kʋʋláá bɔ Zozi lɛ yɔ,

bɛ wʋn ndɛɛ ʋ helelɩ yi. 19 Ɔ fɛlɛlɩ yɩ sunnzuanfʋɔʋ mɔ yɩ wʋn

ɛbɛlɛ naán ɔ’a soman bɛ Famɩan Zozi wʋn ɛlɔ. Yɩ wan bɛ

Lʋkʋ �

42LUK.indd 26 16/10/2008 13:27:15

��

bísa Zozi kɛ: «Wɔ yɩɛ ɔ fata k’ɛ ba nɩn annzɛ sanran fɩfɛlɛ ɔ?» 20

 Kɛ bɛ julɩ Zozi wʋn ɛlɔ, bɛ selɩ yi kɛ: «Zan Batisɩ a soman yɛ kɛ y’a tʋ wɔ naán yɛ bísa wɔ kɛ: ”Wɔ yɩɛ ɔ fata k’ɛ ba nɩn annzɛ sanran fɩfɛlɛ ɔ”? » 21

 Dɔɔʋ kʋnmgba sɔ nun Zozi yɔlɩ awʋnnyalɛfʋɔʋ nɩn atukpacɩfʋɔʋ mɔ jojo, ɔ kɩkanlɩ wawʋɔʋ ɛtɛ mɔ bʋ, ɔ yɔlɩ maán anyansinranfʋɔʋ mɔ wunlɩ asɩ. 22

 Zozi tɛlɩ bɛ sʋ naán ɔ’a se bɛ kɛ: «Nince ɛka bɔ amɔ a wun, nɩn ndɛɛ ʋ ɛka bɔ amɔ a tɩ, amɔ hn héle Zan. Amɔ sé yi kɛ anyansinranfʋɔʋ mɔ wun asɩ, bɛ bɔ bɛ si kɔwʋn mɔ, bɛ nantɩ séíín, kokobefʋɔʋ mɔ a yɔ jojo, bɛ bɔ bɛ sʋ a tin mɔ, bɛ tɩ sáa. Sanran mɔ bɔ b’a wu mɔ, bɛ f ewuo nun jɛsʋ. Mɩ ʋɩn sʋ bo Nyanmɩan amannɩan fɛ ʋɛ kele yalɛfʋɔʋ mɔ. 23

 Nnyiralɛ hán sanran ɛka bɔ mɩn tí, ɔ mgbɛ man yɩ nyɩn nzi man Nyanmɩan!»

Zozi lɛ Di Zan wʋn Adanzɩɛ 24

 Kɛ bɛ bɔ Zan somanlɩ bɛ, bɛ salɩ bɛ sin hɔlɩ, Zozi lilɩ Zan wʋn adanzɩɛ helelɩ minnian mɔ. Ɔ bisa bɛ kɛ: «Kɛ amɔ hɔlɩ bɔ amɔ kpʋlɩ Zan kacɛ nun ɛlɔ, nzu yɩɛ amɔ hɔlɩ nianlɛ? Ɛlɛɛ ʋ bɔ awʋnman lɛ fta, yɩ nianlɛ yɩɛ amɔ hɔlɩ ɔ? 25

 Nzu yɩɛ amɔ hɔlɩ nianlɛ? Sanran b’ɔ wula taralɛ ngɩnlɩnman yɩɛ amɔ hɔlɩ nianlɛ? Sɛ bɛ bɔ bɛ wuwula bɛ wʋn yɩɛ amɔ lɛ kɩnndɛ nian, sɛ bɛ bɔ bɛ la sikaá sʋ yɩɛ amɔ lɛ kɩnndɛ nian, amɔ hɔʋ belemgbin mɔ awulo mɔ nun ɛlɔ. 26

 Nzu bɔ cɛ ʋ yɩɛ amɔ hɔlɩ nianlɛ? Nyanmɩan nʋan jʋjɔfʋɔʋ yɩɛ amɔ hɔlɩ nianlɛ? Sɛ yɩ sɔ tí yɩɛ amɔ hɔlɩ, ɔ tɩ kpáa! Kʋsʋ Zan le wunlun tara Nyanmɩan nʋan jʋjɔfʋɔʋ mɔ kʋʋláá 27

 Zan wʋn ndɛɛ ʋ yɩɛ bɛ hɛlɛlɩ Nyanmɩan Fuluwa nun selɩ kɛ:

Mɩ ʋɩn ba soman mɩn nnóro bofʋɔʋ wɔ wunlun. Ɔʋɔ dí mmʋʋa kɔ sisie wɔ atɩ ʋɩn.»

28 «Mɩ ʋɩn kan kele amɔ nanhɔlɔ kɛ, bɛ kʋʋláá ɛka bɔ bɛ f

bala kunlun ftelɩ, sanranfɩ ʋɩ ʋ nʋn man ɛbɛlɛ b’ɔ le wunlun tara Zan Batisɩ ɔ? Zan le wunlun tara asɩɛ sʋ ɛwafʋɔʋ mɔ kʋʋláá tú. Kʋsʋ awunlo belemgbin máan nun ɛlɔ, sanran bɔ tɩ káán tara bɛ kʋʋláá, ɔ le wunlun tara Zan. 29

 Sanran mɔ kʋʋláá, bɛ tielɩ ndɛɛ ʋ sɔ. Bɛ bɔ bɛ de gua bʋ sikaá mɔlá, bɛ lelɩ Nyanmɩan ndɛɛ ʋ lilɩ, bɛ yɔlɩ nince b’ɔ fata kɛ bɛ yɔ,

Lʋkʋ �

42LUK.indd 27 16/10/2008 13:27:15

��

bɛ maán Zan sɔnɩnlɩ bɛ. 30 Kʋsʋ Falizɩan mɔ nɩn mmala

kelefʋɔʋ mɔ, b’a nne man Nyanmɩan a nni man. Bɛ maán Zan a nzɔnɩn man bɛ.»

31 Nzu yɩɛ mɩn fa ajurusʋfʋɔʋ ɛka mɔ sunnzun bɛ ɔ? Nzu

sanran dɩɛ yiele bɛ? 32 Bɛ tɩ kɛ mmantanran ngakan mɔ

bɔ bɛ jinran gua bʋ, bɔ bɛ tʋ ejóo saá. Bɛ bu ejóo fɛlɛ bɛ mianngʋn mɔ. Bɛ tʋ ejóo se kɛ: ”Yɛ bolɩ balangata manlɩ amɔ kʋsʋ a nzɩ man abile! Yɛ hɔlɩ ɛsɛɛ ʋ bʋ, yɛ tʋlɩ ejóo, kʋsʋ amɔ a nzʋn man”! 33

 Zan Batisɩ walɩ, ɔ ci cɩan, ɔ nnun man nzáan. Sanran mɔ se kɛ: ”Héé, asɩɛbʋsʋn si yɩ sʋ!” 34

 Mɩn bɔ mɩn tɩ Sanran Wáa, M malɩ, mɩn njia cɩan, mɩn nʋn nzáan. Amɔ se kɛ: ”Amɔ nian, ɔ kulo alɩɛ ʋ mgbóó! Ɔ nʋn nzáan dédéé ɔ bʋ. Ɔ nɩn bɛ bɔ bɛ de gua bʋ sikaá, nɩn ɛtɛ yɔfʋɔʋ mɔ, yɩɛ bɛ san nun ɔ”! 35

 Sɛ Sanran kʋn wɔ ɛbɛlɛ naán sɛ ɔ se kɛ ɔ sɩ nwɛlɛlɛ, sanran sɔ yɩ sa nʋan yɩɛ maán bɛ wun kɛ Nyanmɩan a man yɩ nwɛlɛlɛ sakpaá ɔ. 36

 Falizɩan kʋn wɔ ɛbɛlɛ, bɛ fɛlɛ yi Simʋn. Ɔ selɩ Zozi kɛ ɔ bála yɩ awulo ɛlɔ maán bɛ lɩ ʋ alɩɛ ʋ. Zozi hɔlɩ Falizɩan nɩn awulo ɛlɔ, nɩɩ ʋn bɛ sa wɔ asɩ bɛ ʋɛ di nince. 37

 Kuló sɔ sʋ bala kʋn bɔ tɩ ɛtɛ yɔfʋɔʋ tɩlɩ kɛ Zozi wɔ Falizɩan nɩn awulo ɛlɔ, ɔʋɔ di alɩɛ ʋ. Kɛ ɔ tɩlɩ sɔ, ɔ falɩ álatɩrɩ gualɩ ɛsɛ ʋɛ fufuo kʋn nun, naán ɔ’a tʋ Zozi ɛlɔ. 38

 Ɔ jinranlɩ Zozi sin ɛbɛlɛ, ɔ kʋtʋlɩ yɩ ja bʋ nɩɩ ʋn ɔʋɔ sun. Yɩ nyɩnmʋn gualɩ Zozi ja wʋn. Ɔ le yɩ ti nnyʋan, ɔ fa cicilɩ, ɔ tafɩlɩ tafɩlɩ Zozi ja wʋn naán ɔ’a fa álatɩrɩ nɩn a gugua sʋ. 39

 Kɛ Falizɩan b’ɔ wan Zozi a li nince wunlɩ sɔ, ɔ kan yɩ kunlun ɛlɔ kɛ: «Sɛ bian ɛka tɩ Nyanmɩan nʋan jʋjɔfʋɔʋ sakpaá, ahaán ɔ wun kɛ bala ɛka b’ɔ kan yi, ɔ tɩ man bala kpáa. Ɔ tɩ ɛtɛ yɔfʋɔʋ.» 40

 Zozi tɛlɩ Simʋn sʋ naán ɔ’a se yi kɛ: «Simʋn, M ba kan ndɛɛ ʋ kʋn kele wɔ.» Simʋn wan: «Kelefʋɔʋ, mɩn sʋ la nun.» 41

 Zozi wan: «Nɩɩ ʋn bian kʋn, yɩ sikaá wɔ sanran nnyʋn bɛ sʋ. Ɔ bolɩ kʋn bʋsɩa denali ɛya nnun, kʋnlá, ɔ bolɩ yi bʋsɩa denali abulonun. 42

 Kɛ bɛ nnyʋn bɛ ngʋla man kalɛ sɔ tua tí, ɔ yacilɩ bɛ kalɛ mɔ helɩ bɛ. Bɛ nnyʋn sɔ bɛ nun benin yɩɛ ɔʋɔ kulo bian kpáa ɔ?» 43

 Simʋn wan: «Kɛ mɩn nian, bian bɔ yɩ kalɛ tɩ kpili yɩɛ ɔʋɔ kulo yi tara sʋ ɔ.» Zozi wan: «Ndɛɛ ʋ bɔ a han, ɔ tɩ nanhɔlɔ.»

Lʋkʋ �

42LUK.indd 28 16/10/2008 13:27:15

��

44 Zozi kpɛlɩ yɩ nyɩn nianlɩ

bala naán ɔ’a se Simʋn kɛ: «Ɛ wun bala ɛka? M malɩ wɔ awulo ɛwa, a mman man mɩn nzuo máan M’an nwúnzin man mɩn ja wʋn. Kʋsʋ bala ɛka a fa yɩ ti nnyʋan nɩn a cici yɩ nyɩnmʋn b’ɔ gualɩ mɩn ja sʋ. 45

 A ndafɩ ndafɩ man mɩn nʋan wʋn. Kʋsʋ kɛ M malɩ ɛwa, bala ɛka ɔ yacilɩ man mɩn ja wʋn tafɩlɛ. 46

 Kɛ M malɩ a nva man álatɩrɩ a ngua man mɩn ti sʋ, kʋsʋ bala ɛka a fa álatɩrɩ a gugua mɩn ja wʋn. 47

 Yɩ sɔ tí, mɩ ʋɩn kan kele wɔ kɛ ɛtɛ wʋla wʋla ɛka b’ɔ yɔlɩ M’an yaci a he yi. Afɩɩ ʋn ɔ kulo mɩn maán ɔ tara sʋ. Nince bɔ bɛ yaci ce sanran, yɩɛ ɔ nian sʋ kulo ɔ. Sɛ bɛ yaci nince káán ce yi, yɩ hulo b’ɔ kulo, ɔ tɩ man dɔwʋn.» 48

 Zozi selɩ bala kɛ: «M’an yaci wɔ ɛtɛ mɔ a he wɔ.» 49

 Kɛ ɔ hanlɩ sɔ, bɛ bɔ bɛ nɩn yi bɛ sa wɔ asɩ, bɛ bisa bɛ wʋn kɛ: «Ɔ bu yɩ wʋn sɛɛ ʋ? Ɔ yaci sanran mɔ ɛtɛ mɔ ce bɛ?» 50

 Zozi selɩ bala kɛ: «Wɔ de-di tí, a nyan wɔ ti. Gúa wɔ ahʋnlʋnbaá asɩ, kɔʋ.»

Mmala ɛka mɔ bɔ bɛ Bʋka Zozi

8 1 Kɛ ɔ yɔlɩ sɔ, ɔ’a njɛ man, Zozi nɩn yɩ somanfʋɔʋ bulu nɩn nnyʋn, bɛ hinmanlɩ kuló mgbili mɔ nɩn kuló

mmaá mɔ sʋ. Kɛ bɛ ʋɛ kɔ nɩɩ ʋn Zozi lɛ kan Nyanmɩan ndɛɛ ʋ kele sanran mɔ, asala nɩɩ ʋn ɔʋɔ bɔ Nyanmɩan Awunlo Belemgbin máan, yɩ amannɩan fɛ ʋɛ kele bɛ. 2

 Mmala bie mɔlá, bɛ nɩn Zozi yɩɛ bɛ kɔ ɔ. Mmala sɔ mɔ, daá nɩɩ ʋn asɩɛbʋsʋn ɛtɛ mɔ nɩn awʋnnyalɛ mɔ wɔ bɛ sʋ. Kʋsʋ Zozi yɔlɩ bɛ jojo. Mmala sɔ mɔ bɛ dunman mɔ, yɩɛ: Mali b’ɔ f Magɩdala. Daá nɩn asɩɛbʋsʋn nzʋ si yɩ sʋ. 3

 Zanɩn bɔ yɩ hun yiele Suza. Zanɩn hun Suza sɔ yɩɛ ɔ nian Elɔdʋ ninnje mɔ sʋ nɩn ɔ, Suzanɩn, yɩɛ mmala biekun mɔ. Mmala sɔ mɔ bɛ yɩɛ bɛ kɩnndɛ nince man Zozi nɩn yɩ somanfʋɔʋ mɔ ɔ.

Lʋkʋ � ,  �

fe difʋɔɔ lɛ gua awúo (8:3-4)

42LUK.indd 29 16/10/2008 13:27:15

��

Awúo Gualɛ wʋn Anyanndara (Matie 13.1-9; Malɩkɩ 4.1-9)

4 Minnian sʋnman kpáa, bɛ te si yialɩ Zozi. Sanran mɔ f

kuló mɔ kʋʋláá sʋ, b’a tʋlɩ yi ɛbɛlɛ. Kɛ bɛ tɩ yialɩ ɛbɛlɛ, ɔ bulɩ anyanndara kʋn helelɩ bɛ. 5

 Yɩ wan: «Fie difʋɔʋ kʋn hɔlɩ yɩ fe lualɛ. Kɛ ɔ fnndin awúo mmaá gua, bie mɔ tɔlɩ akpɔ sʋ. Sanran mɔ titialɩ sʋ, anʋnmaán mɔ walɩ, bɛ sʋsɔlɩ lilɩ. 6

 Bie mɔlá, bɛ tɔlɩ asɩɛ yɛbʋɔ yɛbʋɔ nun. Kɛ awúo mmaá fflɩ, ɔ’a njɛ man naán ɔ’a kɩsɩn. B’ɔ maán ɔ kɩsɩnlɩ yiele kɛ bɔlɔ a ngua man sʋ. 7

 Awúo mmaá sɔ mɔ bielá, bɛ tɔlɩ agualɛ sʋsɔrɔ mɔ bɛ afán ɛlɔ. Agualɛ mɔ nyinlɩ naán b’a bɩbala awúo bakaá mɔ naán b’a wu. 8

 Awúo mmaá mɔ bielá, bɛ tɔlɩ asɩɛ b’ɔ tɩ kpáa nun. Bɛ nyinlɩ, bɛ sulɩ mmaá dédéé ɔ bʋlɩ sʋ.» Kɛ Zozi hanlɩ sɔ, ɔ tɩan selɩ kɛ: «Maán bɛ bɔ bɛ le asʋɔ bɛ tíe.»

Zozi lɛ Tutu Anyanndara bʋ (Matie 13.10-17; Malɩkɩ 4.10-12)

9 Zozi sunnzuanfʋɔʋ mɔ wan ɔ tútu anyanndara bʋ hele

bɛ. 10 Zozi wan: «Amɔ dɩɛ mɩ ʋɩn tutu Nyanmɩan Awunlo

Belemgbin Máan bʋ kele amɔ. Kʋsʋ bɛ nga mɔ dɩɛ, mɩn le anyanndara yɩɛ mɩ ʋɩn fa kele bɛ ɔ.

”B’ɔ maán mɩn bu anyanndara kele bɛ yiele kɛ mɩn kɩnndɛ bɛ nían kʋsʋ nán bɛ wun yɩ hɔlɔ,

bɛ tíe kʋsʋ nán bɛ tɩ yɩ bʋ.” » 11

 Anyanndara sɔ yɩ bʋ nɩn, yɩɛ: «Awúo mmaá bɔ bɛ lualɩ yiele Nyanmɩan ndɛɛ ʋ. 12

 Awúo mmaá bɔ gualɩ akpɔ sʋ, yiele bɛ bɔ bɛ tɩ Nyanmɩan ndɛɛ ʋ. Kɛ bɛ kɔ tɩ ndɛɛ ʋ sɔ, Abɔnzanmʋn ba, yɩɛ ndɛɛ ʋ bɔ bɛ tɩlɩ, ɔ de bɛ sa nun afɩɩ ʋn ɔ ngulo man kɛ bɛ dafɩ sʋ naán bɛ nyan bɛ ti. 13

 Awúo mmaá b’ɔ tɔlɩ asɩɛ yɛbʋɔ yɛbʋɔ nun, yiele bɛ bɔ bɛ tɩ Nyanmɩan ndɛɛ ʋ bɔ bɛ wʋn cʋcʋn bɛ. Kʋsʋ kɛ bɛ ndíin ngɔ man mmʋʋa, ndɛɛ ʋ sɔ bɛ dafɩ sʋ káán. Kʋsʋ kɛ jɩjɩlɛ kɔ wa, bɛ fn asɩ. 14

 Awúo mmaá b’ɔ tɔlɩ agualɛ sʋsɔrɔ mɔ afán, yiele bɛ bɔ bɛ tɩ Nyanmɩan ndɛɛ ʋ kʋsʋ kɛ bɛ konvin wɔ máan nun anyanbɛwʋn sʋ, asala kɛ bɛ ahʋnlʋnbaá wɔ asɩɛ sʋ ɛwa ninnje mɔ sʋ, sɛ bɛ su mmaá ɔ, mmaá sɔ, ɔ ndin

Lʋkʋ �

42LUK.indd 30 16/10/2008 13:27:15

��

man. 15 Awúo mmaá b’ɔ tɔlɩ asɩɛ kpáa nun, yiele bɛ bɔ bɛ

tɩ Nyanmɩan ndɛɛ ʋ, bɛ tira nun kekele kpáa, bɛ fa ndɛɛ ʋ sɔ sie bɛ ahʋnlʋn sʋ kpáa. Bɛ tʋ bɛ bʋ asɩ dédéé Nyanmɩan ndɛɛ ʋ sɔ, ɔ su mmaá kpáa.»

Kannɩan wʋn Anyanndara (Matie 4.21-25)

16 Zozi wan: «N wunlɩ man kɛ b’a sɔ kannɩan naán b’a fa

wula sóo bʋ. N wunlɩ man kɛ b’a sɔ kannɩan naán b’a fa wula mgbaá bʋ. Sɛ bɛ sɔ kannɩan, bɛ fa sie tabɩlɩ sʋ maán ɔ kpaja bɛ bɔ bɛ wʋlʋ ɛbɛlɛ, bɛ wunlun. 17

 Nince ɛka b’ɔ wɔ fɩalɩwa nun sannan kɛ ɔ fíte jayuo nun. Ahanmɩan ninnje kʋʋláá, bɛ fíte tɛtɛrɛ nun. 18

 Ndɛɛ ʋ ɛka bɔ amɔ lɛ tie, amɔ fá amɔ sʋ síe sʋ kpáa. Sanran ɛka b’ɔ le nince, Nyanmɩan lɛ gua nince b’ɔ le sʋ. Kʋsʋ sanran b’ɔ le man nince, yɩ káán bɔ yɩ wan ɔ le, Nyanmɩan lɛ de yi sa nun.»

Zozi Nín nɩn yɩ Anianman mɔ, bɛ Kɩnndɛ yi (Matie 12.46-50; Malɩkɩ 3.31-35)

19 Zozi nín nɩn yɩ anianman mmiesua mɔ, bɛ walɩ yɩ wʋn

ɛbɛlɛ. Kʋsʋ kɛ sanran mɔ a te si a yia yi kúkúú kúkúú tí, b’a ngʋla mantan man yi. 20

 Sanran bie han helelɩ yɩ kɛ: «Wɔ nín nɩn wɔ anianman mmiesua mɔ, bɛ wɔ talɛ sin ɛlɔ, bɛ wan ɛ bála maán bɛ wún wɔ wʋn.» 21

 Zozi se bɛ kɛ: «Mɩn nín nɩn mɩn anianman mmiesua mɔ, yiele bɛ bɔ bɛ tie Nyanmɩan ndɛɛ ʋ naán bɛ di sʋ.»

Awʋnman Kpili (Matie 8.23-27; Malɩkɩ 4.35-41)

22 Ɛlɛhʋn kʋn Zozi nɩn yɩ sunnzuanfʋɔʋ mɔ, bɛ fʋlɩ elie kʋn

nun. Yɩ wan: «Amɔ maán yɛ kpɛ ʋ fɛtɛ ʋɛ yɛ hɔʋ yɩ buo bɔlɔ sʋ.» Bɛ fʋlɩ elie nun, bɛ sʋ kɔ. 23

 Kɛ bɛ ʋɛ kan elie bɔ bɛ ʋɛ kɔ, nɩɩ ʋn Zozi lɛ dafɩ. Kɛ bɛ ʋɛ kɔ, awʋnman kpili kpáa kpɩnlɩn fɛtɛ ʋɛ sʋ. Elie bɔ bɛ wɔ nun, bɛ fɛlɛ kɛ nzuo nɩn a yi, bɛ sʋ mʋnlʋn. 24

 Bɛ tinngelɩ Zozi naán b’a se yi kɛ: «Kelefʋɔʋ, Kelefʋɔʋ, nían yɛ sʋ wu!» Ɔ jɛsʋlɩ, ɔ tɩanlɩ awʋnman nɩn nzuo bɛ sʋ naán b’a tɔ gbínlíín. Nɩnka nun tɔlɩ kówúún. 25

 Ɔ bisa yɩ sunnzuanfʋɔʋ mɔ kɛ: «Amɔ de-di nɩn a hɔ nin?»

Lʋkʋ �

42LUK.indd 31 16/10/2008 13:27:16

��

Sɛrɛ hunlɩ bɛ, asala ɛjɔrɔ s’ɔ bolɩ bɛ nʋan kpáa. Ɛhɩ bisa yɩ mianngʋn kɛ: «Nzu sanran dɩɛ? Awʋnman nɩn fɛtɛ ʋɛ mɔ, bɛ nyɩn sɔ yi. Nince ɛka b’ɔ se kɛ bɛ yɔʋ, bɛ yɔ.»

Bian bɔ Asɩɛbʋsʋn Ɛtɛ mɔ Si yi sʋ (Matie 8.28-34; Malɩkɩ 5.1-20)

26 Zozi nɩn yɩ sunnzuanfʋɔʋ mɔ julɩ Zelaseninfʋɔʋ mɔ bɛ

maán nun ɛbɛlɛ. Bɛ máan, ɔ wɔ Galile buo bɔlɔ sʋ ɛlɔ. 27 Kɛ

Zozi f elie nun ftelɩ, b’ɔ tialɩ asɩɛ sʋ pɛ ʋ, bian kʋn f kuló nun ɛlɔ walɩ. Ɔ nɩn Zozi yialɩ ɛbɛlɛ. Bian sɔ asɩɛbʋsʋn mɔ si yɩ sʋ. Ɔ le yɩ bʋ tóó yɩɛ ɔ fa cinman ɔ. Ɔ le man suá nna man nun, asielɩɛ sʋ ɛlɔ yɩɛ ɔ da ɔ. 28

 Kɛ ɔ wunlɩ Zozi, ɔ tɩanlɩ, ɔ fɩnlɩ asɩ Zozi wunlun ɛbɛlɛ. Ɔ kpanlɩ kekele, ɔ bisa Zozi kɛ: «Zozi b’ɔ tɩ Nyanmɩan b’ɔ wɔ Awunlo Awunlo wáa, M’an yɔ wɔ sɛɛ ʋ? Mɩ ʋɩn sɛrɛ wɔ kpáa, nán kele mɩn yalɛ.» 29

 B’ɔ maán ɔ se sɔ yiele kɛ Zozi selɩ wawʋɔʋ ɛtɛ sɔ kɛ ɔ fí bian nun fíte. (Wawʋɔʋ ɛtɛ sɔ, dádáá ɔ tɔ bian sʋ, yɩ sɔ tí sanran mɔ sɩsa yi, bɛ fa nyɔrɔkɔ cɩ yi, bɛ bo yi kpanwún, kʋsʋ ɔ tɩtɩ ninnje kʋʋláá bɔ bɛ fa cɩcɩ nun. Asɩɛbʋsʋn mɔ kɩkan yɩ sin, bɛ fa yi kɔ kacɛ nun ɛlɔ.) 30

 Zozi bisa bian sɔ kɛ: «Bɛ fɛlɛ wɔ sɛɛ ʋ?» Yɩ wan: «Bɛ fɛlɛ mɩn ”Sʋnman Sʋnman.”» B’ɔ maán ɔ selɩ sɔ, yɩ bʋ yiele kɛ asɩɛbʋsʋn sʋnman sʋnman kpáa bɛ si yɩ sʋ. 31

 Asɩɛbʋsʋn mɔ sɛrɛlɩ Zozi kɛ nán ɔ kɩkan bɛ bʋ maán bɛ kɔʋ kunmaán nun ɛlɔ.

32 Kɛ ɔ yɔ sɔ nɩɩ ʋn kpalako sʋnman, bɛ didi kpɔlɔ nyanbʋ

ɛbɛlɛ. Asɩɛbʋsʋn mɔ sɛrɛlɩ Zozi kɛ ɔ mán bɛ atɩ ʋɩn maán bɛ wʋʋlʋ kpalako mɔ nun. Zozi manlɩ bɛ atɩ ʋɩn. 33

 Asɩɛbʋsʋn mɔ f bian nun ftelɩ naán b’a wʋlʋ kpalako mɔ nun. Kpalako mɔ bolɩ jéíín jéíín, bɛ wanndi hɔlɩ fɛtɛ ʋɛ nʋan ɛlɔ, bɛ tɔlɩ nzuo nun naán b’a mʋnlʋn. 34

 Kɛ bɛ bɔ bɛ nian kpalako mɔ sʋ wunlɩ ndɛɛ ʋ sɔ, bɛ wanndi hɔlɩ kuló, bɛ han helelɩ kulófʋɔʋ mɔ nɩn máannvʋɔ mɔ kʋʋláá. 35

 Sanran mɔ hɔlɩ ndɛɛ ʋ sɔ nianlɛ. Bɛ tʋlɩ Zozi ɛbɛlɛ, bɛ wunlɩ bian bɔ asɩɛbʋsʋn mɔ f yɩ nun ftelɩ. Ɔ tɩ Zozi ja bʋ ɛbɛlɛ, taralɛ wula yi, yɩ nyɩn sʋ a tɩ kpáíín. Sɛrɛ hunlɩ bɛ. 36

 Bɛ bɔ bɛ wunlɩ saá sɔ, bɛ han helelɩ bɛ nga mɔ kɛ bian bɔ daá nɩɩ ʋn asɩɛbʋsʋn mɔ si yɩ sʋ, yɩ wʋn a yɔ kpáa. 37

 Minnian mɔ bɔ bɛ kuló mantan Zenesenɩnfʋɔʋ mɔ kʋʋláá, bɛ sɛrɛlɩ Zozi kɛ ɔ jɛ ʋsʋ ɛbɛlɛ hɔʋ.

Lʋkʋ �

42LUK.indd 32 16/10/2008 13:27:16

��

Sɛrɛ b’ɔ kun bɛ yɩɛ maán b’ɛ selɩ sɔ nɩn ɔ. Kɛ bɛ hanlɩ sɔ, Zozi fʋlɩ elie nun naán ɔ’a sa yɩ sin. 38

 Bian bɔ asɩɛbʋsʋn mɔ f yɩ nun ftelɩ sɛrɛlɩ Zozi kɛ maán ɔ sí yɩ sʋ. Kʋsʋ Zozi a mgbɩnlɩn man sʋ. Ɔ se yi kɛ: 39

 «Sá wɔ sin wɔ awulo, kɔʋ kán nince ɛka kʋʋláá b’ɔ Nyanmɩan a yɔ a man wɔ kéle wɔ awulofʋɔʋ mɔ.» Bian sɔ hɔlɩ. Kɛ ɔʋɔ kɔ, ɔ hanlɩ nince b’ɔ Zozi yɔ manlɩ helelɩ kuló sɔ nunfʋɔʋ mɔ kʋʋláá.

Mannzáafʋɔɛ bɔ Hanlɩ Zozi Taralɛ (Matie 9.18-26; Malɩkɩ 5.21-43)

40 Kɛ Zozi salɩ yɩ sin b’ɔ julɩ ɛbɛlɛ, minnian sʋnman, b’a

kpalɩ yɩ atɩ ʋɩn. Bɛ kʋʋláá nɩɩ ʋn bɛ wɔ ɛbɛlɛ, bɛ wʋnndɛ yi. 41

 Bian kʋn walɩ, ɔ tʋlɩ yɩ ɛbɛlɛ. Bian sɔ bɛ fɛlɛ yi Zalusʋ. Yɩɛ ɔ tɩ Nyanmɩan Suá sʋ kpanyin ɔ. Ɔ kʋtʋlɩ Zozi ja bʋ naán ɔ’a sɛrɛ yi kɛ ɔ bála yɩ awulo ɛlɔ, 42

 afɩɩ ʋn yɩ wáa bala baángɔʋlɔʋkʋʋn, ɔ la ewuo sʋ. Baá, yɩ afʋɔ tɩ bulu nɩn nnyʋn. Kɛ Zozi lɛ kɔ, sanran mɔ nɩɩ ʋn bɛ ʋɛ minmian. 43

 Bala kʋn f bɛ sin ɛlɔ, ɔ walɩ naán ɔ’a han Zozi taralɛ nʋan. Bala sɔ mmoja falɩ yɩ tulɛ, yɩ afʋɔ bulu nɩn nnyʋn yɩɛ. Bɛ yɔ yɩ ayire dédéé ɔ, ɔ’a nyɔ man yie. 44

 Kɛ ɔ hanlɩ Zozi taralɛ pɛ ʋ mmoja b’ɔ tu yi kpɛlɩ. 45

 Zozi bisa kɛ: «Wan yɩɛ ɔ hanlɩ mɩn?» Bɛ kʋʋláá bɔ bɛ wɔ ɛbɛlɛ bɛ wan nán bɛ ɔ. 46

 Zozi wan: «Sanran bie hanlɩ mɩn, afɩɩ ʋn M’an wun kɛ tínmín kʋn f mɩn nun a fte.» 47

 Kɛ bala wunlɩ kɛ ɔ fɩa ɔ nyɔa yie, ɔ wʋsʋ kpákpá kpákpá, ɔ tɔlɩ Zozi ja bʋ naán ɔ’a han nince tí b’ɔ hanlɩ Zozi nɩn a hele sanran mɔ kʋʋláá. Asala ɔ selɩ bɛ kɛ, kɛ ɔ hanlɩ Zozi pɛ ʋ, yɩ wʋn yɔlɩ kpáa. 48

 Zozi selɩ bala sɔ kɛ: «Mɩn wáa, wɔ de-di nɩn a yɔ wɔ jojo. Gúa wɔ wʋla asɩ.»

49 Kɛ yɩ nʋan la ndɛɛ ʋ sʋ b’ɔ kan, bian kʋn f Nyanmɩan

Suá sʋ kpanyin, yɩ awulo ɛlɔ walɩ. Yɩ wan: «Wɔ wáa bala nɩn a fa yɔ nince sɛcɩlɛ. Nán kele kelefʋɔʋ yalɛ kʋʋn.» 50

 Kɛ Zozi tɩlɩ ndɛɛ ʋ sɔ, ɔ selɩ Zalusʋ kɛ: «Nán sɛrɛ kun wɔ. S’ɛ dafɩ mɩn sʋ, yɩ wʋn lɛ yɔ kpáa.» 51

 Kɛ Zozi julɩ Zalusʋ awulo nun ɛbɛlɛ, ɔ’a mman man sanranfɩ ʋɩ ʋ atɩ ʋɩn maán ɔ’a nzu man yɩ sʋ, sannan Pɩɛlɩ nɩn Zan nɩn Zakɩ, bɛ ala yɩɛ ɔ máan bɛ silɩ yɩ sʋ ɔ. Asala ɔ manlɩ batanran, yɩ sɩ ʋ nɩn yɩ nín ala, bɛ atɩ ʋɩn maán bɛ silɩ yɩ sʋ. 52

 Bɛ bɔ bɛ gua ɛbɛlɛ

Lʋkʋ �

42LUK.indd 33 16/10/2008 13:27:16

��

nɩɩ ʋn bɛ ʋɛ sun, nɩɩ ʋn bɛ ʋɛ bo awuyie. Zozi wan: «Nán amɔ sun. Ɔ wulɩ man, ɔʋɔ dafɩ.» 53

 Kɛ bɛ sɩ kɛ baá nɩn a wu tí, bɛ yɔlɩ Zozi fɩ ʋnfɩ ʋn. 54

 Zozi solɩ batanran bala sa nun, ɔ fɛlɛlɩ yi naán ɔ’a se kɛ: «Talua, jɛ ʋsʋ jínran!» 55

 Kɛ Zozi hanlɩ sɔ pɛ ʋ, talua nyanlɩ ngʋan, ɔ jɛsʋ jinranlɩ.Yɩ wan bɛ kɩ ʋnndɛ nince man talua maán ɔ lɩ ʋ. 56

 Ɛjɔrɔ sɔ, ɔ bolɩ batanran, yɩ sɩ ʋ nɩn yɩ nín, bɛ nʋan kpáa. Kʋsʋ Zozi wulalɩ bɛ sʋ nun kpáa kɛ nán bɛ kan kele sanranfɩ ʋɩ ʋ.

Zozi Somanlɩ yɩ Somanfʋɔɛ bulu nin nnyʋn (Matie 10.5-15; Malɩkɩ 6.7-13)

9 1 Zozi fɛlɛlɩ yɩ somanfʋɔʋ bulu nɩn nnyʋn, bɛ ti yialɩ naán ɔ’a man bɛ fanngan nɩn tínmín kɛ bɛ kɩ ʋkan

asɩɛbʋsʋn mɔ bʋ. Asala yɩ wan bɛ yɔʋ atukpacɩfʋɔʋ mɔ jojo. 2

 Ɔ somanlɩ bɛ kɛ bɛ hɔʋ naán bɛ hán Nyanmɩan Awunlo Belemgbin Máan wʋn ndɛɛ ʋ, naán bɛ yɔʋ sanran mɔ jojo. 3

 Yɩ wan: «Kɛ amɔ lɛ kɔ, nán amɔ fa nincefɩ ʋɩ ʋ tira nun. Nán amɔ fa kpɔmaán, nán amɔ fa patáa, nán amɔ fa kpánwun, nán amɔ fa sikaá, nán amɔ fa taralɛ nnyʋn. 4

 Awulo kʋʋláá bie ala bɔ amɔ kɔ wʋlʋ nun, amɔ tánran ɛbɛlɛ. Amɔ tánran ɛbɛlɛ maán amɔ hɔlɛ cɩan ju kʋʋláá naán amɔ a hɔ. 5

 Sɛ nɩnka ɛka bɔ amɔ kɔ ju ɛbɛlɛ bɔ bɛ wan bɛ nzike man amɔ, kɛ amɔ lɛ kɔ, amɔ kpʋʋkpʋ amɔ ja bʋ nduturo gúa ɛbɛlɛ. Amɔ ja bʋ nduturo sɔ lɛ di bɛ wʋn adanzɩɛ.» 6

 Bɛ hɔlɩ, bɛ hinmanlɩ kuló mɔ kʋʋláá sʋ. Bɛ hanlɩ Nyanmɩan amannɩan fɛ ʋɛ helelɩ sanran mɔ. Bɛ yɔlɩ Sanran mɔ jojo.

Zan Batisɩ Hunlɛ nun Ndɛɛ ɛ (Matie 14.1-12; Malɩkɩ 6.14-29)

7 Kɛ Famɩan Elɔdʋ tɩlɩ ndɛɛ ʋ sɔ mɔ kʋʋláá, ɔ nwun man

ndɛɛ ʋ kʋn b’ɔ kan ɔ, afɩɩ ʋn bie mɔ se kɛ Zan f ewuo nun a fte, 8

 bie mɔlá, bɛ wan Eli yɩɛ ɔ’a sa yi sin a wa ɔ, bie mɔlá, bɛ wan Nyanmɩan nʋan jʋjɔfʋɔʋ mɔ bɔ bɛ hanlɩ ndɛɛ ʋ daá, bɛ nun kʋn yɩɛ ɔ f ewuo nun a fte ɔ. 9

 Elɔdʋ wan: «M maán bɛ kpɛlɩ Zan ti, hɩɩ ʋn wan yiele sanran ɛka b’ɔ mɩn tɩ yɩ ndɛɛ ʋ?» Yɩ sɔ tí, ɔ kɩnndɛ kɛ ɔ wun Zozi.

Lʋkʋ � ,  �

42LUK.indd 34 16/10/2008 13:27:16

��

Zozi Talɩ Sanran akpɩɩ ɛ nnun (Matie 14.13-21; Malɩkɩ 6.30-44; Zan 6.1-14)

10 Zozi somanfʋɔʋ mɔ walɩ, bɛ bolɩ amannɩan helelɩ yi. Ɔ

falɩ bɛ naán b’a hyʋn bɛ wʋn a hɔ kuló bie bɔ bɛ fɛlɛ Bɛtisayida sʋ ɛlɔ. 11

 Kɛ minnian mɔ tɩlɩ kɛ b’a hɔ ɛlɔ, bɛ silɩ bɛ sʋ. Zozi tiralɩ bɛ nun naán ɔ’a han Nyanmɩan Belemgbin Máan nun ndɛɛ ʋ a hele bɛ. Asala, ɔ yɔlɩ bɛ bɔ bɛ wʋn yɔ bɛ ya mɔ jojo. 12

 Kɛ nɛsʋa julɩ, yɩ somanfʋɔʋ bulu nɩn nnyʋn, b’a tʋlɩ yi naán b’a se yi kɛ: «Mán minnian mɔ atɩ ʋɩn maán bɛ hɔʋ kuló bɔ bɛ mantan ɛwa mɔ sʋ naán bɛ kɩ ʋnndɛ dabɛlɛ, asala naán bɛ kɩ ʋnndɛ nince lɩ, afɩɩ ʋn nɩnka kólólóó ɛka bɔ yɛ wɔ nun ɛwa, nincefɩ ʋɩ ʋ nʋn man ɛwa.» 13

 Zozi tɛlɩ bɛ sʋ naán ɔ’a se bɛ kɛ: «Amɔ bɔbɔ, amɔ kɩ ʋnndɛ nince man bɛ maán bɛ lɩ ʋ.» Bɛ wan: «Kpánwun kpakpan nnun ala nɩn ejóo nnyʋn, yɩɛ bɛ wɔ yɛ sa nun ɔ. S’ɛ kulo kɛ yɛ hɔʋ naán yɛ tó alɩɛ ʋ man minnian ɛka mɔ kʋʋláá, kán yɩ sɔ.» 14

 Minnian sɔ mɔ, bɛ tɩ mmiesua akpɩɩ ʋ nnun. Zozi selɩ yɩ sunnzuanfʋɔʋ mɔ kɛ bɛ bú minnian mɔ nun kúlo kúlo: «Kúlo kʋn nun, minnian abulonun.» 15

 Bɛ bulɩ bɛ nun kúlo kúlo, bɛ maán bɛ tanranlɩ asɩ. 16

 Zozi falɩ kpánwun kpakpan nnun nɩn ejóo nnyʋn, ɔ manlɩ yɩ nyɩn sʋ, ɔ nianlɩ awunlo, ɔ lalɩ Nyanmɩan asɩ, ɔ bubulɩ kpánwun nɩn ejóo mɔ nun, naán ɔ’a fa man yɩ sunnzuanfʋɔʋ mɔ kɛ bɛ fá táka minnian mɔ bɛ wunlun. 17

 Bɛ lilɩ dédéé, bɛ kʋ yilɩ. Bɛ huhuanlɩ yɩ b’ɔ halɩ, yɩ bʋ. Ejóo síin síin nɩn kpánwun síin síin b’ɔ halɩ, ɔ yi kɛnndɛ bulu nɩn nnyʋn.

Zozi lɛ Bisa yɩ Sunnzuanfʋɔɛ mɔ Kosan (Matie 16.13-19; Malɩkɩ 8.27-29)

18 Nɩɩ ʋn Zozi ngʋnmɩn wɔ ɛbɛlɛ, ɔʋɔ sɛrɛ Nyanmɩan. Yɩ

sunnzuanfʋɔʋ mɔ walɩ yɩ wʋn ɛbɛlɛ naán ɔ’a bisa bɛ kɛ: «Sanran mɔ wan wán yiele mɩn?» 19

 Bɛ wan: «Bie mɔ wan ɛ tɩ Zan. Bie mɔlá, bɛ wan ɛ tɩ Eli. Bie mɔlá, bɛ wan ɛ tɩ Nyanmɩan nʋan jʋjɔfʋɔʋ mɔ bɔ daá, bɛ hanlɩ ndɛɛ ʋ, bɛ nun kʋn.» 20

 Ɔ bisa bɛ kɛ: «Naán amɔlá, amɔ wan wán yíele mɩn?» Pɩɛlɩ wan: «Ɛ tɩ Nyanmɩan kpili, yɩ Kilisɩ.» 21

 Zozi wulalɩ bɛ sʋ nun kpáa kɛ nán bɛ kan kele sanranfɩ ʋɩ ʋ. 22

 Yɩ

Lʋkʋ �

42LUK.indd 35 16/10/2008 13:27:16

��

wan: «Ɔ fata kɛ mɩn bɔ Mɩn tɩ Sanran Wáa mɩn wún mɩn wunlun kpáa. Ɔ fata kɛ kuló mgbanyin mɔ nɩn tɛɛ ʋ yɩfʋɔʋ mɔ nɩn fuluwa kɛlɛfʋɔʋ mɔ, bɛ wɔʋlɔ mɩn, naán bɛ kún mɩn. Kʋsʋ yɩ cɩan nzan sʋ, mɩ ʋɩn f ewuo nun fte.»

23 Zozi han helelɩ bɛ kɛ: «Sɛ sanran kʋn se kɛ ɔ sú mɩn sʋ,

maán ɔ kpɛ ʋ yɩ bɔbɔ yɩ wʋn atisɛrɛ, maán ɔ fá yɩ kʋlʋwaá naán ɔ sí mɩn sʋ. 24

 Sanran ɛka b’ɔ kɩnndɛ kɛ ɔ nyan ngʋan tɩnndɩn, sanran sɔ, ɔʋɔ wú. Kʋsʋ sɛ mɩn tí naán sanran sɔ wu ɔ, ɔʋ nyán ngʋan. 25

 Sɛ sanran kʋn nyan máan nun ninnje kʋʋláá naán sɛ ɔ wu, yɩ sʋ nvasʋɔ yiele benin? 26

 Sanran kʋʋláá bie ala bɔ mɩn wʋn yɔ yɩ nyannzʋan annzɛ bɔ mɩn ndɛɛ ʋ yɔ yɩ nyannzʋan, tɛmʋn bɔ M bɔ mɩn tɩ Sanran Wáa N gɔ wa, yɩlá, yɩ wʋn lɛ yɔ mɩn nyannzʋan. Kɛ M ba, mɩn le mɩn Sɩ ʋ, nɩn yɩ annzʋ mɔ, bɛ awunlunnyáan yɩɛ M fa ba ɔ. 27

 Mɩ ʋɩn kan kele amɔ nanhɔlɔ, bɛ bɔ bɛ jin ɛwa, bɛ bie mɔ bɛ ngɔ wu man naán b’a wun Nyanmɩan yɩ awunlo belemgbin máan.»

Zozi wʋn Taralɛ Kacilɩ Fʋɛáyɩ ɛɩ ɛ (Matie 17.1-8; Malɩkɩ 9.2-8)

28 Kɛ Zozi hanlɩ ndɛɛ ʋ sɔ mɔ, ɛlɛbɔcʋɛ sɩnlɩ. Ɔ falɩ Pɩɛlɩ, nɩn

Zan, nɩn Zakɩ naán b’a fʋ kpɔlɔ kʋn sʋ. Ɔ hɔlɩ Nyanmɩan sɛrɛlɛ. 29

 Kɛ ɔʋɔ sɛrɛ Nyanmɩan, yɩ wunlun kacilɩ. Yɩ taralɛ b’ɔ wula yi yɔlɩ fʋʋáyɩ ʋɩ ʋ. 30

 Kpɛ ʋɛkʋn nɩɩ ʋn Moyizɩ nɩn Eli, bɛ nɩn yi lɛ jʋjɔ. 31

 Kɛ bɛ ʋɛ ba, bɛ le awunlunnyáan. Bɛ nɩn Zozi, bɛ kukolɩ yɩ ewuo wʋn yalɛ. Zoluzalɛmʋn ɛlɔ yɩɛ yɩ ewuo cɩan lɛ ju ɔ. 32

 Kɛ ɔ yɔ sɔ, nɩɩ ʋn dafɩɛ nɩn a bʋbʋ Pɩɛlɩ, nɩn Zan, nɩn Zakɩ kʋsʋ nɩɩ ʋn bɛ nyɩn wɔ sʋ. Bɛ wunlɩ Zozi, yɩ awunlunnyáan. Asala bɛ wunlun kɛ sanran nnyʋn nɩn yi jin ɛbɛlɛ. 33

 Kɛ bian sɔ mɔ bɛ nɩn Zozi lɛ di ngalɩɛ, Pɩɛlɩ se Zozi kɛ: «Kelefʋɔʋ, ɛwa tɩ kpáa. Man yɛ atɩ ʋɩn maán yɛ si kpátáa nzan ɛwa. Wɔ dɩɛ kʋn, Moyizɩ dɩɛ kʋn, yɩɛ Elilá dɩɛ kʋn.» Ndɛɛ ʋ sɔ bɔ Pɩɛlɩ lɛ kan, ɔ wun man yɩ hɔlɔ. 34

 Pɩɛlɩ nʋan nɩn a ndɔ man, kpɛʋɛkʋn nyanmɩan munlan gadalɩ bɛ sʋ. Kɛ nyanmɩan munlan gadalɩ bɛ sʋ, sɛrɛ hunlɩ bɛ. 35

 Bɛ tɩlɩ anɩan kʋn, ɔ f nyanmɩan sʋ ɛlɔ, ɔ se kɛ: «Mɩn Wáa nɩn, yɩɛ. Ɔ tɩ mɩn ahʋnlʋn sʋ baá. Amɔ tíe ndɛɛ ʋ b’ɔ kan!» 36

 Kɛ bɛ tɩlɩ anɩan sɔ, bɛ nian Zozi ngʋnmɩn yɩɛ ɔ jin

Lʋkʋ �

42LUK.indd 36 16/10/2008 13:27:16

��

ɛbɛlɛ ɔ! Bɛ falɩ ndɛɛ ʋ sɔ sielɩ bɛ kunlun. B’a ngan ɛjɔrɔ sɔ nɩn a ngele man sanranfɩ ʋɩ ʋ.

Zozi Yɔlɩ Batanran Káán kʋn Jojo (Matie 17.14-18; Malɩkɩ 9.14-27)

37 Kɛ alɩ ʋɛ hɩnlɩ, Zozi nɩn Pɩɛlɩ, nɩn Zan, nɩn Zakɩ, bɛ fɩ

bʋkaá sʋ ɛlɔ jura walɩ. Kɛ bɛ ʋɛ jura ba, minnian sʋnman sʋnman kpáa, b’a tʋlɩ Zozi. 38

 Bian kʋn wɔ minmian sɔ mɔ nun ɛlɔ naán ɔ’a kpan se kɛ: «Kelefʋɔʋ, mɩn sɛrɛ wɔ kpáa, nían mɩn wáa biesua yɩ nɩnka mán mɩn. Ɔ tɩ baángɔʋlɔʋkʋʋn.» 39

 Dádáá wawʋɔʋ ɛtɛ tɔ yɩ sʋ, ɔ maán ɔ tɩtɩan, ɔ kete kábáá, yɩ nʋan nzuo sonjin gua tɩaan. Asɩɛbʋsʋn sɔ, ɔ kele yɩ yalɛ kpáa. Cɩan kʋʋláá, ɔ tɔ yɩ sʋ, ɔ maán ɔ le man alaje. 40

 N zɛrɛlɩ wɔ sunnzuanfʋɔʋ ɛka mɔ kɛ bɛ kɩ ʋkan asɩɛbʋsʋn sɔ, yɩ bʋ kʋsʋ b’a ngʋla yɩ bʋ kɩkan. 41

 Zozi bisa yɩ sunnzuanfʋɔʋ sɔ mɔ kɛ: «Amɔ ajurusʋfʋɔʋ ɛka mɔ, amɔ nyɩn tɩ kekele. Afʋɔ nnyɛɛ ʋ yɩɛ mɩn nɩn amɔ lɛ tanran dédéé naán amɔ a nyan de-di ɔ? Fá wɔ wáa bɛ ʋlɛ mɩn.» 42

 Kɛ ɔ nɩn yɩ wáa lɛ ba, asɩɛbʋsʋn tɔlɩ yɩ sʋ, ɔ maán ɔ ketelɩ kábáá. Zozi tulɩ asɩɛbʋsʋn sɔ wunlun, ɔ yɔlɩ batanran jojo naán ɔ’a fa yi a wula yɩ sɩ ʋ sa nun. 43

 Bɛ bɔ bɛ gua ɛbɛlɛ kʋʋláá, bɛ wunlɩ kɛ Nyanmɩan tɩ kpili.

Zozi lɛ Kan yɩ Ewuo nun Ndɛɛ ɛ (Matie 17.22-23; Malɩkɩ 9.30-32)

Kɛ sanran mɔ lɛ kan nince b’ɔ yɔlɩ, yɩ wʋn ndɛɛ ʋ, Zozi se yɩ sunnzuanfʋɔʋ mɔ kɛ: 44

 «Amɔ tɛ ʋrɛ amɔ sʋ nun kpáa, amɔ tíe ndɛɛ ʋ ɛka bɔ mɩ ʋɩn kan. Mɩn bɔ mɩn tɩ Sanran Wáa, bɛ ʋɛ ba fa mɩn wula sanran mɔ sa nun.» 45

 Kʋsʋ ndɛɛ ʋ sɔ bɔ Zozi hanlɩ, b’a wuan yɩ hɔlɔ. Kɛ ɔ yɔ naán b’a ndɩa yɩ bʋ, yɩ tí yɩɛ ɔ hanlɩ ndɛɛ ʋ sɔ nɩn ɔ. Kʋsʋ sɛrɛ b’ɔ kun bɛ tí, b’a mmisa man ndɛɛ ʋ sɔ bʋ.

Wan yɩɛ le Wunlun Tara yɛ Kʋɛláá ɔ? (Matie 18.1-5; Malɩkɩ 9.33-37)

46 Akpʋlʋwaá tɔlɩ Zozi sunnzuanfʋɔʋ mɔ, bɛ afán. Bɛ bisa

kɛ wan yɩɛ ɔ le wunlun tara bɛ kʋʋláá ɔ? 47 Kɛ Zozi wunlɩ

angʋnndan sɔ bɔ bɛ ʋɛ bu bɛ kunlun ɛlɔ, ɔ falɩ batanran

Lʋkʋ �

42LUK.indd 37 16/10/2008 13:27:17

��

káán kʋn jinranlɩ yɩ wʋn ɛbɛlɛ. 48 Yɩ wan: «Sɛ mɩn dunman

nun tí, naán sanran kʋn so batanran káán ɛka nun nɩɩ ʋn sanran sɔ nɩn a so mɩn nun. Sanran ɛka b’ɔ kɔ so mɩn nun nɩɩ ʋn sanran sɔ nɩn a so sanran b’ɔ somanlɩ mɩn nun. Sanran ɛka b’ɔ le man wunlun amɔ kʋʋláá amɔ afán ɛwa, sanran sɔ yɩɛ ɔ le wunlun tara amɔ kʋʋláá ɔ.»

Zozi Kpɔfʋɔɛ mɔ nɩn yɩ Kulófʋɔɛ mɔ (Malɩkɩ 9.38-40)

49 Zan wan: «Kelefʋɔʋ, yɛ wunlɩ bian kʋn, ɔ le wɔ dunman

fa kɩkan asɩɛbʋsʋn mɔ bɔ. Yɛ selɩ yɩ kɛ ɔ fata man kɛ ɔ fa wɔ dunman kɩ ʋkan asɩɛbʋsʋn mɔ afɩɩ ʋn ɔ tɩ man wɔ sunnzuanfʋɔʋ.» 50

 Zozi tɛlɩ yɩ sʋ naán ɔ’a se yi kɛ: «Nán amɔ tua yi. Sanran ɛka b’ɔ nɩn yɛ le man bie, sanran sɔ, ɔ jin yɛ sin.» 51

 Kɛ cɩan b’ɔ ju ɔ Nyanmɩan b’a fa Zozi fʋ nyanmɩan sʋ ɛlɔ mantanlɩ, Zozi wan ɔ kɔʋ Zoluzalɛmʋn. Ɔ somanlɩ sanran mɔ kɛ bɛ lɩ ʋ mmʋʋa yɩ wunlun. 52

 Bɛ hɔlɩ naán b’a wʋlʋ Samalifʋɔʋ mɔ, bɛ kuló kʋn sʋ. Bɛ wan bɛ ʋɛ kɔ kɩnndɛ sikebɛlɛ mán Zozi. 53

 Ɛbɛlɛfʋɔʋ mɔ wan bɛ nzo man Zozi nun afɩɩ ʋn ɔ sʋ sɩn kɔ Zoluzalɛmʋn. 54

 Kɛ Zozi sunnzuanfʋɔʋ Zakɩ nɩn Zan, bɛ tɩlɩ ndɛɛ ʋ sɔ, bɛ bisa Zozi kɛ: «Famɩan, ɛ kulo kɛ yɛ yɔ maán sɩ ʋɩn f nyanmɩan sʋ ɛlɔ yɩ ʋra bɛ?»

55 Zozi kpɛlɩ yɩ nyɩn naán ɔ’a tu bɛ wunlun. Ɔ se bɛ kɛ:

«Amɔ nzɩ man wawʋɔʋ b’ɔ maán amɔ kan ndɛɛ ʋ saá. Mɩn bɔ mɩn tɩ Sanran Wáa, M’an mma man sanran mɔ hunlɛ. Bɛ ti lelɛ tí yɩɛ M mmalɩ ɔ.» 56

 Bɛ hɔlɩ kuló fɩfɛlɛ sʋ.

Bɛ bɔ bɛ Kulo kɛ bɛ Kaci Zozi Sunnzuanfʋɔɛ (Matie 8.19-22)

57 Kɛ Zozi nɩn yɩ sunnzuanfʋɔʋ mɔ, bɛ ja wɔ atɩ ʋɩn nun bɔ

bɛ ʋɛ kɔ, bian kʋn selɩ Zozi kɛ: «Nɩnka kʋʋláá bɔ ɛ kɔ, mɩ ʋɩn sú wɔ sʋ.» 58

 Zozi tɛlɩ yɩ sʋ naán ɔ’a se yi kɛ: «Kabi mɔ le bʋɔ bɔ bɛ da nun, anʋnmaán mɔlá, bɛ le suá, kʋsʋ mɩn bɔ mɩn tɩ Sanran Wáa, mɩn le man nɩnka naán M’an tʋ mɩn ti.»

59 Zozi selɩ bian kʋn kɛ: «Sí mɩn sʋ.» Kʋsʋ bian sɔ wan:

«Famɩan, man mɩn atɩ ʋɩn maán N gɔ Nzie mɩn sɩ ʋ.» 60 Zozi

Lʋkʋ �

42LUK.indd 38 16/10/2008 13:27:17

��

wan: «Yáci bɛ bɔ b’a wu mɔ maán bɛ sie bɛ efuún mɔ. Wɔ dɩɛ, kɔʋ kán Nyanmɩan awunlo belemgbin maán nun ndɛɛ ʋ kéle sanran mɔ.»

61 Bian kʋn biekun selɩ Zozi kɛ: «Famɩan, mɩ ʋɩn sí wɔ sʋ

bɔ cɛ ʋ, kʋsʋ mán mɩn atɩ ʋɩn maán N gɔ N galɩ mɩn awulofʋɔʋ mɔ.» 62

 Zozi selɩ bian sɔ kɛ: «Sanran ɛka b’ɔ fa yɩ sa kɔ wula junman nun kɛ ɔ dí naán sɛ ɔ’a ngua man yɩ bʋ, naán sɛ ɔ yaci, sanran sɔ, ɔ nɩn Nyanmɩan yɩ Awunlo Belemgbin Máan nvata man.»

Zozi Somanlɩ Sunnzuanfʋɔɛ Abulasʋ nɩn Nnyʋn

10 1 Yɩ sin, Famɩan Zozi kpalɩ sunnzuanfʋɔʋ abulasʋ nɩn nnyʋn biekun naán ɔ’a soman bɛ kɛ bɛ lɩ ʋ yɩ

wunlun mmʋʋa, naán bɛ hɔʋ kuló mɔ bɔ yɩ bɔbɔ yɩ wan ɔʋɔ ba sɩn sʋ. Ɔ bulɩ yɩ sunnzuanfʋɔʋ mɔ nun nnyʋn nnyʋn. 2

 Ɔ selɩ bɛ kɛ: «Fie nɩn a su sʋnman kpáa, kʋsʋ junman difʋɔʋ mɔ a nzʋn man. Amɔ sɛ ʋrɛ Famɩan b’ɔ maán fe sulɩ maán ɔ sóman junman difʋɔʋ mɔ, maán b’a lɩ ʋ fe sʋ junman. 3

 Amɔ hɔʋ, amɔ tɩ kɛ mmʋá mɔ saá. Mɩn sʋ soman amɔ gbogolo mɔ afán ɛlɔ. 4

 Nán amɔ fa mmolɩsʋɔ tira nun, nán amɔ fa patáa, nán amɔ fa mgbabʋa. Sɛ amɔ nɩn sanran yia atɩ ʋɩn nun ɔ, nán amɔ yɔ yɩ nince. 5

 Awulo kʋʋláá bɔ amɔ kɔ ju nun, amɔ lɩ ʋ mmʋʋa yɩ ʋra awulo sɔ sʋ. Amɔ se kɛ: ”Maán awʋnjɔʋɔ hán awulo ɛka! ” 6

 Sɛ sanran bɛtɛɛ ʋfʋɔʋ wɔ ɛbɛlɛ, amɔ nnyiralɛ lɛ tanran yɩ sʋ. Kʋsʋ sɛ sanran bɛtɛɛ ʋfʋɔʋ nʋn man ɛbɛlɛ, amɔ nnyiralɛ lɛ sa yɩ sin tʋ amɔ bɔbɔ. 7

 Awulo ɛka bɔ bɛ kɔ sike amɔ nun, amɔ tánran ɛbɛlɛ. Alɩɛ ʋ ɛka bɔ bɛ fa man amɔ, amɔ lɩ ʋ. Nzáan ɛka bɔ bɛ fa man amɔ, amɔ nʋʋn, afɩɩ ʋn b’ɔ tin dufalɛ njici man yɩ sa asɩ. Nán amɔ jɛsʋ awulo sɔ nun kɔ tu tanran awulo fɩfɛlɛ nun. 8

 Sɛ amɔ ju kuló kʋn sʋ naán sɛ bɛ so amɔ nun ɔ, nince kʋʋláá bɔ bɛ kɔ fa kɔ taka amɔ bʋ, amɔ lɩ ʋ. 9

 Amɔ yɔ kuló sɔ nun awʋnnyalɛfʋɔʋ mɔ jojo. Yɩɛ amɔ se bɛ kɛ: ”Nyanmɩan awunlo belemgbin máan nɩn a mantan kʋkʋ.” 10

 Kʋsʋ sɛ amɔ ju kuló kʋn sʋ naán sɛ ɛbɛlɛfʋɔʋ mɔ, b’a nzo man amɔ nun, amɔ jínran kuló sɔ yɩ akpɔ mɔ sʋ, naán amɔ se ɛbɛlɛfʋɔʋ mɔ kɛ: 11

 Amɔ kuló sʋ nduturo b’ɔ mantanlɩ yɛ ja wʋn, yɛ sʋ kpʋkpʋ gua amɔ ti sʋ. Kʋsʋ yɛ ʋɛ kan kele amɔlá

Lʋkʋ � ,  ��

42LUK.indd 39 16/10/2008 13:27:17

��

kɛ Nyanmɩan Awunlo Belemgbin Máan nɩn a mantan kʋkʋ. 12

 Mɩ ʋɩn kan kele amɔ kɛ kuló sɔ, yɩ wunlun b’ɔ wun ɔʋɔ tara Sodɔmʋn dɩɛ.»

Kuló mɔ bɔ b’a Nnafɩ man Zozi sʋ (Matie 11.20-24)

13 Zozi yɔlɩ kuló mɔ bɔ b’a nnafɩ man yɩ sʋ, bɛ yako. Yɩ

wan: «Kolazɩnfʋɔʋ mɔ amɔ yako! Bɛtisayidafʋɔʋ mɔ, amɔ yako! Sɛ abonʋan sáa mgbili mgbili ɛka mɔ bɔ N yɔ manlɩ amɔ, sɛ N yɔlɩ sáa sɔ mɔ manlɩ Tiri nɩn Sidʋnfʋɔʋ mɔ, ahaán bɛ kacilɩ bɛ nzʋʋan, ahaán bɛ halalɩ bonvuan, bɛ fulalɩ nzʋʋan gualɩ bɛ ti sʋ. 14

 Sɛ ɛjɔrɔ cɩan lilɛ ju, Nyanmɩan lɛ wun Tiri nɩn Sidʋnfʋɔʋ mɔ, bɛ wun awunvóo tara amɔ. 15

 Amɔ Kapɛlɩnawunʋnfʋɔʋ mɔ, amɔ tuturo nɩn a hɔ dédéé ɔ’a ju nyanmɩan sʋ ɛlɔ. Amɔ ba wun! Nyanmɩan ba kan amɔ asɩ dédéé ju ɛbɔlɔlɔ.» 16

 Zozi se yɩ sunnzuanfʋɔʋ mɔ kɛ: «Sanran ɛka bɔ tie ndɛɛ ʋ bɔ amɔ lɛ kan, nɩɩ ʋn ɔ tie mɩn ndɛɛ ʋ bɔ mɩ ʋɩn kan. Sanran ɛka kʋsʋ b’ɔ a nzo man ndɛɛ ʋ b’ɔ amɔ lɛ kan nun nɩɩ ʋn ɔ tɩ kɛ mɩn yɩɛ ɔ’a nzo man mɩn nun ɔ.»

Zozi Sunnzuanfʋɔɛ mɔ lɛ Bo Amannɩan Kele yi 17

 Zozi sunnzuanfʋɔʋ abulasʋ nɩn nnyʋn, bɛ hɔ walɩ. Bɛ wʋn cʋcʋn bɛ kpáa. Bɛ wan: «Famɩan, kɛ yɛ ʋɛ bo wɔ dunman nɩn asɩɛbʋsʋn mɔ lɛ wanndi.» 18

 Zozi wan: «Kɛ mɩ ʋɩn nian, N wunlɩ kɛ Satan f nyanmɩan sʋ ɛlɔ, ɔ fɩnlɩ asɩ. Ɔ tɔlɩ kɛ mgbanlanman saá. 19

 M’an man amɔ atɩ ʋɩn kɛ amɔ tía ewoó mɔ nɩn nyannganlan mɔ sʋ. M’an man amɔ tínmín a tara kpɔfʋɔʋ, yɩ tínmín b’ɔ wɔ yɩ nun. Nincefɩ ʋɩ ʋ ngɔ yɔ man amɔ. 20

 Sɛ amɔ wʋn lɛ cʋcʋn amɔ, maán amɔ cʋʋcʋn amɔ afɩɩ ʋn Nyanmɩan a hɛlɛ amɔ dunman nyanmɩan sʋ ɛlɔ. Nán maán amɔ wʋn cʋcʋn amɔ afɩɩ ʋn wawʋɔ ɛtɛ mɔ suro amɔ.»

Zozi lɛ Da Nyanmɩan Asɩ (Matie 11.25-27; 13.16-17)

21 Bɛ bʋsʋ kʋnmgba sɔ nun, Wawʋɔ Sanwun maán Zozi

wʋn cʋcʋnlɩ yi kpáa, naán ɔ’a se kɛ: «Mɩn Sɩ ʋ, mɩ ʋɩn da wɔ asɩ. Wɔ bɔ ɛ sie awunlo nɩn asɩɛ, ɛ falɩ ninnje sɔ mɔ fɩalɩ

Lʋkʋ ��

42LUK.indd 40 16/10/2008 13:27:17

��

maán bɛ bɔ bɛ le angʋnndan mɔ b’a nwun man yɩ bʋ. Kʋsʋ a yɩyɩ bɛ bʋ a hele akʋkʋammaá mɔ. Mɩn Sɩ ʋ, mɩ ʋɩn da wɔ asɩ afɩɩ ʋn nince ɛka bɔ ɛ kulo k’ɛ yɔ, yɩɛ ɛ yɔlɩ ɔ.»

22 «Mɩn Sɩ ʋ, a fa ninnje kʋʋláá a wula mɩn sa nun. Mɩn tɩ

wɔ wáa, kʋsʋ sanranfɩ ʋɩ ʋ nzɩ man mɩn. Sannan wɔ Nyanmɩan, wɔ ngʋnmɩn ala yɩɛ ɛ sɩ mɩn ɔ. Yɩɛ sanranfɩ ʋɩ ʋ nzɩ man wɔ, sannan mɩn bɔ mɩn tɩ wɔ wáa, mɩn ngʋnmɩn ala yɩɛ mɩn sɩ wɔ ɔ. Bɛ bɔ mɩn kulo kɛ bɛ sɩ ʋ wɔ, mɩ ʋɩn kan wɔ wʋn ndɛɛ ʋ kele bɛ.»

23 Zozi kpɛlɩ yɩ nyɩn, yɩ sunnzuanfʋɔʋ mɔ wʋn ɛbɛlɛ naán

ɔ’a wɔ yɩ nʋan asɩ a han hele bɛ kɛ: «Amɔ dɩɛ sʋ tɩ yie! Afɩɩ ʋn ninnje ɛka mɔ a yɔ amɔ wunlun! 24

 Mɩ ʋɩn kan kele amɔ nanhɔlɔ kɛ Nyanmɩan nʋan jʋjɔfʋɔʋ sʋnman nɩn famɩan sʋnman, bɛ wan bɛ kɩ ʋnndɛ wún nince ɛka bɔ amɔ wun, kʋsʋ b’a nwun man yi. Bɛ wan bɛ tíe ndɛɛ ʋ ɛka bɔ amɔ, kʋsʋ b’a ndɩ man.»

Samali Kpáayɔfʋɔɛ, yɩ Anyanndara 25

 Mmala kelefʋɔʋ kʋn jɛsʋlɩ naán ɔ’a wa Zozi han nianlɛ. Ɔ bisa yi kɛ: «Kelefʋɔʋ, nzu yɩɛ ɔ fata kɛ N yɔ naán M’an nyan ngʋan b’ɔ le man ayuolɩɛ?» 26

 Zozi tɛlɩ yi sʋ naán ɔ’a bisa yi kɛ: «Nzu ndɛɛ ʋ yɩɛ bɛ hɛlɛlɩ mmala fuluwa nun? K’ɛ kɩnngan, yɩ bʋ tɩ sɛɛ ʋ?» 27

 Mmala kelefʋɔʋ tɛlɩ yɩ sʋ naán ɔ’a se yi kɛ bɛ hɛlɛlɩ mmala fuluwa nun kɛ. «Ɔ fata k’ɛ fa wɔ ahʋnlʋnbaá kʋʋláá, ɔ nɩn wɔ kala kʋʋláá, ɔ nɩn wɔ fanngan kʋʋláá, ɔ nɩn wɔ angʋnndan kʋʋláá kúlo Famɩan b’ɔ tɩ wɔ Nyanmɩan. Asala, ɔ fata k’ɛ kulo wɔ mianngʋn kɛ wɔ bɔbɔ.» 28

 Zozi wan: «A tua mɩn kosan sʋ kpáa. Ndɛɛʋ sɔ bɔ a han, dí sʋ. S’ɛ di sʋ ɔ, ɛ ʋɛ nyan ngʋan.» 29

 Kʋsʋ kɛ mmala kelefʋɔʋ wan ɔ kele kɛ ɔ tɩ sɛsɛfʋɔʋ tí, ɔ bisalɩ Zozi kɛ: «Wan yɩɛ ɔ tɩ mɩn mianngʋn?» 30

 Zozi tɛlɩ yɩ sʋ naán ɔ’a bu yi anyanndara kʋn. Yɩ wan: «Nɩɩ ʋn bian kʋn ɔ f Zoluzalɛmʋn kuló sʋ, ɔʋɔ jura kɔ Zeliko kuló sʋ ɛlɔ. Kɛ ɔʋɔ kɔ, ɔ tɔlɩ awuófʋɔʋ mɔ afán. Bɛ lelɩ yɩ wʋn ninnje kʋʋláá, bɛ bubolɩ yi bakaá naán b’a yaci yi ɛbɛlɛ a hɔ. Bɛ fɛlɛ kɛ bian sɔ nɩn a wu. 31

 Nyanmɩan wunlun jinranfʋɔʋ kʋn, ɔ nzɩ man, ɔʋɔ kpɛ nun sɩn atɩ ʋɩn kʋnmgba sɔ sʋ. Ɔ wunlɩ bian sɔ, kʋsʋ ɔ tʋlɩ yɩ nyɩn fʋʋáá. 32

 Nyanmɩan wunlun jinranfʋɔʋ bʋkafʋɔʋ

Lʋkʋ ��

42LUK.indd 41 16/10/2008 13:27:17

��

kʋnlá, ɔ julɩ nɩnka sɔ nun ɛbɛlɛ. Ɔ wunlɩ bian naán ɔ’a tʋ yɩ nyɩn fʋʋáá. 33

 Kʋsʋ Samali bian kʋnlá, nɩɩ ʋn kɔ yɩ atɩ ʋɩn. Ɔ julɩ bian wʋn ɛbɛlɛ, ɔ wunlɩ yi naán bian wʋn a yɔ yɩ awunvóo. 34

 Ɔ minnjelɩ yɩ wʋn ɛbɛlɛ, ɔ fualɩ yɩ kannɩn mɔ, ɔ gualɩ bɛ nun ajongo nɩn nzáan. Kɛ ɔ yɔlɩ sɔ yuolɩ, ɔ falɩ bian talɩ yɩ kpanngɔʋɔ sʋ naán ɔ’a fa yi a hɔ ɛwɔfʋɔʋ suá kʋn nun. Ɔ nianlɩ yɩ sʋ kpáa. 35

 Kɛ alɩ ʋɛ hɩnlɩ, ɔ yɩlɩ sikaá denie nnyʋn naán ɔ’a fa man bian b’ɔ nian ɛwɔfʋɔʋ suá sʋ naán ɔ’a se yi kɛ: ”Nían yɩ sʋ kpáa. Kalɛ kʋʋláá bɔ ɛ ko bo, sɛ mɩn sa mɩn sin ba ɔ, mɩ ʋɩn tua man wɔ.”»

36 Bɛ minnian nzan sɔ, kɛ amɔ nian, bɛ nun benin yɩɛ ɔ

falɩ bian b’ɔ tɔlɩ awuófʋɔʋ mɔ afán yɔlɩ yi mianngʋn ɔ? 37

 Mmala kelefʋɔʋ tɛlɩ yi sʋ naán ɔ’a se kɛ: «Bian b’ɔ wunlɩ yi awunvóo nɩn ɔ.» Zozi tɛlɩ yi sʋ naán ɔ’a se yi kɛ: «Kɔʋ naán nían yi anyɔlɩɛ sʋ.»

Malɩtɩ, Guá wɔ Ahʋnlʋn Asɩ 38

 Kɛ Zozi nɩn yɩ sunnzuanfʋɔʋ mɔ ja wɔ atɩ ʋɩn nun bɔ bɛ ʋɛ kɔ, ɔ wʋlʋlɩ kuló kʋn nun. Ɛbɛlɛ bala kʋn bɔ bɛ fɛlɛ yi Malɩtɩ, ɔ sikelɩ Zozi. 39

 Malɩtɩ sɔ, nɩɩ ʋn ɔ le yɩ anianman bala kʋn bɔ bɛ fɛlɛ yi Mali. Mali ɔ tanranlɩ Zozi ja bʋ, ɔ tielɩ ndɛɛ ʋ bɔ nɩɩ ʋn Zozi lɛ kan. 40

 Kɛ ɔ yɔ sɔ, nɩɩ ʋn Malɩtɩ nyɩn a bʋlʋ gbóo nun ɛlɔ, ɔʋɔ kɩnndɛ nince man bɛ maán bɛ dí. Gbóo nun ɛlɔ junman nɩn a bʋ yɩ sa sʋ. Ɔ f ɛlɔ walɩ naán ɔ’a bisa Zozi kɛ: «Famɩan, kɛ mɩn anianman bala nɩn a yaci junman nɩn a ta mɩn sa nun, ɔ nyɔ man wɔ sáafɩ ʋɩ ʋ.» 41

 Zozi tɛlɩ yi sʋ naán ɔ’a se yi kɛ: «Malɩtɩ, Malɩtɩ, ɛ kuko mgbókóó. Ɛ kele wɔ wʋn yalɛ mgbókóó. 42

 Kʋsʋ nince kʋnmgba céíín yɩɛ ɔ hian ɔ. Nince sɔ, Mali a fa. Sanranfɩ ʋɩ ʋ ngɔ nne man yɩ sa nun.»

Zozi Sunnzuanfʋɔɛ mɔ wan ɔ Héle bɛ Nzɛrɛ Sɛrɛlɛ

11 1 Nɩɩ ʋn Zozi wɔ nɩnka kʋn nun ɛbɛlɛ, ɔʋɔ sɛrɛ Nyanmɩan. Kɛ ɔ sɛrɛlɩ Nyanmɩan yuolɩ, yɩ

sunnzuanfʋɔʋ mɔ nun kʋn wan: «Famɩan, kéle yɛ nzɛrɛ sɛrɛlɛ afɩɩ ʋn Zan a hele yɩ sunnzuanfʋɔʋ mɔ nzɛrɛ sɛrɛlɛ.» 2

 Zozi helelɩ yɩ sunnzuanfʋɔʋ mɔ nzɛrɛ sɛrɛlɛ. Yɩ wan: «Sɛ amɔ lɛ sɛrɛ Nyanmɩan, amɔ sé kɛ:

Lʋkʋ �� ,  ��

42LUK.indd 42 16/10/2008 13:27:17

��

”Yɛ sɩ ʋ, Maán yɛ nyɩn sɔʋ wɔ dunman Maán wɔ Belemgbin lilɛ bála.

3 Man yɛ anɛ yɛ cɩan kʋn kʋn nun alɩɛ ʋ. 4 Yáci yɛ ɛtɛ mɔ fa cé yɛ,

afɩɩ ʋn yɛ kʋsʋ, yɛ yaci ce bɛ kʋʋláá bɔ bɛ yɔ yɛ ɛtɛ, Nán maán yɛ tɔ jɩjɩlɛ nun.” »

Sɛ amɔ Sɛrɛ Nyanmɩan nince, Ɔɛɔ Fá Mán amɔ 5

 Zozi bisa bɛ kɛ: «Amɔ nun benin yɩɛ sɛ yɩ mianngʋn ba tʋ yɩ bobualɩɛnun naán ɔ se yɩ kɛ: ”Danvʋ, mán mɩn kpánwun kpakpan nzan, alɩ ʋɛ cɩn ɔ, mɩ ʋɩn yɩ man wɔ. Mɩn danvʋ kʋn ɔ f atɩ ʋɩn ɔ’a tʋ mɩn, kʋsʋ nincefɩ ʋɩ ʋ nʋn man mɩn sa nun naán M’an fa man yi maán ɔ’a li.” 6

 Sɛ yɩ mianngʋn wɔ yɩ suá nun ɛlɔ, naán sɛ ɔ tɛ yɩ sʋ se yi kɛ: 7

 Nán kele mɩn yalɛ. M’an tʋ anʋan nun, mɩn nɩn mɩn mmaá mɔ, y’a la. Mɩn ngʋla njɛsʋ man naán M’an fa kpánwun a man wɔ? 8

 Mɩ ʋɩn kan kele amɔ nanhɔlɔ kɛ sɛ ɔ jɛsʋ fa kpánwun man yɩ, nán kɛ bɛ tɩ danvʋ tí ɔ. Yɩ yalɛ bɔ yɩ mianngʋn lɛ kele yɩ tí yɩɛ maán ɔʋɔ fa kpánwun sɔ man yi ɔ. 9

 Nince bie ala bɔ amɔ sɛrɛ, ɔʋɔ fa man amɔ. Nince bie ala bɔ amɔ lɛ kɩnndɛ, amɔ lɛ wun, yɩɛ sɛ amɔ bubo kɔʋkɔʋ ɔ, bɛ ʋɛ bice anʋan man amɔ. 10

 Afɩɩ ʋn sanran kʋʋláá bie ala b’ɔ kɔ sɛrɛ nince, yɩ sa lɛ kan nince b’ɔ sɛrɛlɩ, sanran bie ala b’ɔ kɩnndɛ nince, nince sɔ sannan ɔ wun. Yɩɛ sanran b’ɔ bubo kɔʋkɔʋ, bɛ ʋɛ bice yɩ anʋan. 11

 Amɔ bɔ amɔ tɩ sɩɛ, amɔ nun benin yɩɛ sɛ yɩ wáa biesua se yi kɛ ɔ mán yi ejóo, ɔ yaci ejóo ɛbɛlɛ, ɔ fa ewoó man yi ɔ? 12

 Amɔ nun benin yɩɛ sɛ yɩ wáa se yi kɛ ɔ mán yɩ kolonvua ɔ, ɔ fa nyannganlan man yi ɔ? 13

 Sɛ amɔ bɔ amɔ kunlun tɩ ɛtɛ, amɔ sɩ kɛ ɔ fata kɛ amɔ fa nince kpáa mán amɔ mmaá mɔ, maán amɔ sɩ ʋ kɛ sɛ amɔ sɛrɛ amɔ Sɩ ʋ b’ɔ awunlo kɛ ɔ fá Wawʋɔ Sanwun mán amɔ, ɔʋ fa man amɔ.»

Zozi Yɔlɩ Abobofʋɔɛ kʋn Jojo 14

 Zozi tulɩ asɩɛbʋsʋn kʋn b’ɔ tɩ abobo, yɩ bʋ. Kɛ ɔ kɩkanlɩ asɩɛbʋsʋn sɔ bʋ, abobofʋɔʋ jʋjɔlɩ. Ɔ bolɩ sanran mɔ nʋan. 15

 Bie mɔ wan: «Asɩɛbʋsʋn mɔ nun kpanyin bɔ bɛ fɛlɛ

Lʋkʋ ��

42LUK.indd 43 16/10/2008 13:27:18

��

Bɛlɩzebulʋ yɩɛ ɔ man yi atɩ ʋɩn maán ɔ kɩ ʋkan asɩɛbʋsʋn mɔ.» 16

 Bie mɔlá, yɩ aháa sualɛ tí, bɛ wan ɔ yɩ ʋ atɛrɛ kʋn héle bɛ maán bɛ wún kɛ Nyanmɩan yɩɛ ɔ manlɩ yi tínmín sɔ nɩn ɔ. 17

 Kɛ Zozi sɩ bɛ kunlun ɛlɔ angʋnndan tí, ɔ selɩ bɛ kɛ: «Sɛ famɩan kʋn yɩ sanran b’ɔ sie bɛ mɔ, sɛ bɛ afán nzɛ man, famɩan sɔ yɩ maán lɛ bo. Sɛ awulo kʋn nunfʋɔʋ mɔ, bɛ afán nzɛ man, awulo sɔ lɛ bo. 18

 Sɛ Satan kpɛ yɩ nyɩn naán ɔ kɩkan yɩ bɔbɔ yɩ bʋ, ɔ yɔ sɛɛ ʋ naán yɩ máan nɩn a mmo man? 19

 Sɛ Bɛlɩzebulʋ yɩɛ ɔ man mɩn atɩ ʋɩn maán mɩn kɩkan asɩɛbʋsʋn mɔ bʋ, nɩɩ ʋn wan yɩɛ ɔ man amɔ sunnzuanfʋɔʋ mɔ, bɛ atɩ ʋɩn maán bɛ kɩkan asɩɛbʋsʋn mɔ bʋ ɔ? Amɔ sunnzuanfʋɔʋ mɔ bɔbɔ, bɛ di amɔ wʋn adanzɩɛ. 20

 Kʋsʋ sɛ Nyanmɩan yɩɛ ɔ man mɩn tínmín maán mɩn kɩkan asɩɛbʋsʋn mɔ bʋ, nɩɩ ʋn Nyanmɩan Awunlo Belemgbin Máan nɩn tʋ amɔ.»

Katace Nnyʋn, bɛ Anyanndara 21

 Sɛ tuú wɔ katace kʋn sa nun, naán sɛ ɔ sɩsa yɩ bɔbɔ yɩ awulo, sanranfɩ ʋɩ ʋ ngʋla man yɩ ninnje mɔ wua. 22

 Kʋsʋ sɛ katace kʋn biekun wɔ ɛbɛlɛ naán sɛ ɔ tɩ jojo tara katace kɩlɩkɩlɩ, sɛ ɔ nɩn yi kʋn naán sɛ ɔ bʋ katace kɩlɩkɩlɩ nɩn ɔ, katace kasian de katace kɩlɩkɩlɩ tuú b’ɔ dafɩ sʋ, ɔ ce yɩ ninnje mɔ kʋʋláá nun man sanran mɔ.

23 «Sanran ɛka b’ɔ nɩn mɩn nʋn man nun, ɔ tɩ mɩn kpɔfʋɔʋ.

Sanran ɛka b’ɔ nɩn mɩn ngukuan man nince nʋan, sanran sɔ, ɔ tuturu nince bɔ mɩ ʋɩn kukuan nun.»

Kɛ ɔ Yɔ bɔ Asɩɛbʋsʋn mɔ Sa bɛ Sin, yɩ wʋn Ndɛɛ ɛ (Matie 12.43-45)

24 «Sɛ asɩɛbʋsʋn kʋn f sanran nun fte, ɔ kɔ cinman nɩnka

a bɔ nzuo nʋn man ɛbɛlɛ. Ɔ kɔ kɩnndɛ nɩnka b’ɔ de wʋnmɩan. Sɛ ɔ’a nwun man nɩnka sɔ, ɔ sa yɩ sɩn. Ɔ se kɛ: ”Mɩ ʋɩn sa mɩn sin, mɩ ʋɩn kɔ nɩnka bɔ mɩn f ɛlɔ N vitelɩ.” 25

 Kɛ ɔ kɔ sa yɩ sin kɔ wa, sɛ ɔ wun kɛ nɩnka sɔ nincefɩ ʋɩ ʋ nʋn man nun ɛbɛlɛ, bɔ b’a pipian ɛbɛlɛ, bɔ b’a yɔ ɛbɛlɛ sɛsɛ, 26

 ɔʋɔ kɔ fa asɩɛbʋsʋn ɛtɛ ɛtɛ nzʋ bɔ bɛ tɩ ɛtɛ tara yi. Ɔʋɔ kɔ fa bɛ ba, bɛ wʋlʋ sanran sɔ nun, bɛ ʋ tu tanran ɛbɛlɛ. Kasian, sanran sɔ, yɩ yalɛ bɔ asɩɛbʋsʋn mɔ ba kele yi, ɔʋɔ tara yɩ wunlun b’ɔ wunlɩ daá.»

Lʋkʋ ��

42LUK.indd 44 16/10/2008 13:27:18

��

Nnyiralɛ Hán bɛ bɔ bɛ Tie Nyanmɩan Ndɛɛ ɛ 27

 Zozi nʋan tɛ wɔ ndɛɛ ʋ sʋ, kpɛʋɛkʋn bala kʋn wɔ minnian mɔ nun ɛbɛlɛ, ɔ manlɩ yɩ nɩ ʋɩn sʋ náan ɔ’a se Zozi kɛ: «Nnyiralɛ hán bala b’ɔ wʋlɩ wɔ, Nnyanfanlan ɛka b’ɔ talɩ wɔ, yɩ dɩɛ sʋ tɩ yie!» 28

 Zozi tɛlɩ bala sɔ sʋ naán ɔ’a se yi kɛ: «Bɛ bɔ bɛ tie Nyanmɩan ndɛɛ ʋ, bɔ bɛ di sʋ, bɛ yɩɛ bɛ dɩɛ sʋ tɩ yie ɔ, bɛ yɩɛ nnyiralɛ lɛ kan bɛ ɔ.»

Bɛ Wan Zozi Yí Atɛrɛ Héle bɛ (Matie 12.38-42; Malɩkɩ 16.1-4)

29 Kɛ minnian sʋnman sʋnman, bɛ te si yialɩ Zozi wʋn

ɛbɛlɛ, ɔ se bɛ kɛ: «Amɔ ajurusʋfʋɔʋ ɛka mɔ, amɔ kunlun tɩ ɛtɛ. Amɔ kɩnndɛ kɛ N yɩ ʋ atɛrɛ N géle amɔ. Kʋsʋ mɩn ngɔ N yɩ man atɛrɛ N gɔ hele man amɔ. Atɛrɛ bɔ mɩn yɩ kele amɔ yiele Zonasɩ atɛrɛ. 30

 Afɩɩ ʋn kɛ Nyanmɩan falɩ Zonasɩ yɩlɩ atɛrɛ helelɩ Ninivʋfʋɔʋ mɔ, mɩn bɔ mɩn tɩ Sanran Wáalá, Nyanmɩan ba fa mɩn yɩ atɛrɛ kele ajurusʋfʋɔʋ ɛka mɔ. 31

 Sɛ Nyanmɩan cɩan lilɛ ju, máan b’ɔ wɔ yɛ máan, yɩ ngʋʋa ɛlɔ, bɛ famɩan bala, ɔʋɔ ba jínran ɛbɛlɛ, yɩɛ ɔʋɔ bu ajurusʋfʋɔʋ ɛka mɔ bɛ fʋʋɔ, afɩɩ ʋn ɔ f mmʋʋa mmʋʋa ɛlɔ dédéé, ɔ’a tʋlɩ Nánnán Salomʋn naán ɔ’a tie nwɛlɛlɛ ndɛɛ ʋ bɔ Nánnán Salomʋn lɛ kan. Kʋsʋ M bɔ M wɔ ɛwa, mɩn le wunlun tara Nánnán Salomʋn. 32

 Sɛ Nyanmɩan cɩan lilɛ ju, Ninivʋfʋɔʋ mɔ, bɛ ʋɛ ba jinran ɛbɛlɛ, bɛ ʋɛ ba bu ajurusʋfʋɔʋ ɛka mɔ bɛ fʋʋɔ, afɩɩ ʋn kɛ Zonasɩ hanlɩ Nyanmɩan ndɛɛ ʋ helelɩ bɛ, bɛ kacilɩ bɛ nzʋʋan. Kʋsʋ M bɔ M wɔ ɛwa, mɩn le wunlun tara Zonasɩ.»

Zozi lɛ Fa Kannɩan bu Anyanndara (Matie 5.15; 6:22-23; Lʋkʋ 11.34-36)

33 «Bɛ nzɔ man kannɩan bɛ fa nzie man bua bʋ. Sɛ bɛ sɔ

kannɩan, bɛ fa sie awunlo maán ɔ kpaja nɩnka kʋʋláá nun maán bɛ bɔ bɛ wʋlʋ suá nun, bɛ wun asɩ. 34

 Wɔ nyɩnbaá, ɔ tɩ kɛ kannɩan b’ɔ kpaja wɔ wʋnnaán kʋʋláá wʋn saá. Sɛ wɔ nyɩnbaá wun asɩ kpáa, wɔ wʋnnaán kʋʋláá lɛ kpaja wɔ kpáɩ ʋɩ ʋn. Kʋsʋ sɛ wɔ nyɩnbaá wun man asɩ kpáa, wɔ wʋnnaán munnmuan kʋʋláá lɛ ka awosin nun. 35

 Yɩ sɔ tí,

Lʋkʋ ��

42LUK.indd 45 16/10/2008 13:27:18

��

nían wɔ wʋn kpáa, kɛ ɔ yɔ naán jayuo bɔ wɔ wɔ nun ɔ’a ngaci man awosin tí.» 36

 Sɛ wɔ wʋnnaán kʋʋláá wɔ jayuo nun, bɔ wɔ wʋnnaánfɩ ʋɩ ʋ nʋn man awosin nun, wɔ wʋnnaán munnmuan lɛ kpaja wɔ yúéíín kɛ kannɩan b’ɔ bo kpaja wɔ wʋn saá.

Zozi lɛ Tu Minnian mɔ fʋɛɔ (Matie 23.1-36; Malɩkɩ 12.38-40; Lʋkʋ 20.45-47)

37 Kɛ Zozi nʋan wɔ ndɛɛ ʋ sʋ b’ɔ kan, Falizɩan kʋn wan ɔ

bála naán ɔ nɩn yi bɛ lí nince. Zozi hɔlɩ yɩ awulo ɛlɔ naán ɔ nɩn yi b’a wula bɛ sa asɩ. 38

 Ɔ bolɩ Falizɩan sɔ nʋan kɛ Zozi a nni man mmʋʋa ɔ’a nwunnzin man yɩ wʋn kʋʋláá naán ɔ’a lɩ nince. 39

 Famɩan Zozi selɩ yi kɛ: «Amɔ Falizɩan mɔ, amɔ wunnzin kpako mɔ nɩn ayʋwa mɔ sin, kʋsʋ amɔ kunlun ɛlɔ tɩ ɛtɛ. Amɔ minmian sanran mɔ de bɛ ninnje mɔ bɛ sa nun. 40

 Amɔ tɩ kasɩafʋɔʋ. Amɔ nzɩ man kɛ Nyanmɩan b’ɔ bolɩ kpako sin nɩ ʋɩn yɩ kʋnmgba yɩɛ ɔ bolɩ kpako kunlun nɩn ɔ? 41

 Amɔ fá ninnje b’ɔ wɔ kpako nun hé yalɛfʋɔʋ mɔ. Sɛ amɔ yɔ sɔ, Nyanmɩan kunlun lɛ jɔ amɔ wʋn.»

42 Amɔ Falizɩan mɔ, amɔ yako! Amɔ bu nnyaá nnyaá bɔ

bɛ fa gua toro nun, bɔ bɛ fɛlɛ bie mɔ mantɩ, bɛ fɛlɛ bie mɔ lu, nɩn nnyaá biekun mɔ, amɔ bu bɛ nun kúlo kúlo bulu, yɩɛ amɔ yɩ yɩ bulu sʋ man Nyanmɩan, kʋsʋ sɛsɛ yɔlɛ bɔ Nyanmɩan wan amɔ yɔʋ, amɔ nyɔ man. Asala Nyanmɩan hulolɛ, ɔ nhian man amɔ. Sɛ amɔ yɩ bulu sʋ man Nyanmɩan ɔ, ɔ tɩ kpáa. Kʋsʋ ɔ fata man kɛ amɔ yɔ kʋn naán amɔ yaci kʋnlá ɛbɛlɛ.

43 «Amɔ Falizɩan mɔ amɔ yako! Afɩɩ ʋn kɛ amɔ kɔ Nyanmɩan

Suá nun ɛlɔ, bia kpáa kpáa mɔ yɩɛ amɔ kpa tanran nun ɔ. Asala amɔ kɩnndɛ kɛ sanran mɔ bísa amɔ nince gua bʋ. 44

 Amɔ tɩ kɛ asielɩɛ bɔ bɛ wɔ fɩalɩwa nun saá. Sanran mɔ nantɩ sʋ kʋsʋ bɛ nzɩ man kɛ asielɩɛ sʋ yɩɛ bɛ nantɩ ɔ.»

45 Mmala kelefʋɔʋ kʋn se Zozi kɛ: «Kelefʋɔʋ, ndɛɛ ʋ ɛka bɔ ɛ

kan, Ɛ sʋ do yɛ ngasi.» 46 Zozi wan: «Amɔ mmala kelefʋɔʋ

mɔlá, amɔ yako! Amɔ fa tɔrɔ bɔ bɛ ngʋla man sʋa man sanran mɔ kɛ bɛ sʋʋa, kʋsʋ amɔ bɔbɔ dɩɛ amɔ sa ngan man tɔrɔfɩ ʋɩ ʋ. 47

 Amɔ yako! Amɔ si asielɩɛ suá man Nyanmɩan nʋan

Lʋkʋ ��

42LUK.indd 46 16/10/2008 13:27:18

��

jʋjɔfʋɔʋ mɔ bɔ amɔ nánnán mɔ hunlɩ bɛ. 48 Kɛ amɔ yɔ sɔ, ɔ

kele kɛ amɔ nɩn amɔ nánnán mɔ, amɔ nzʋʋan tɩ kʋn. Amɔ di bɛ adanzɩɛ. Amɔ nánnán mɔ kun bɛ, yɩɛ amɔ si bɛ asielɩɛ mɔ sʋ suá. 49

 Kɛ amɔ yɔ sɔ tí, Nyanmɩan b’ɔ sɩ sáa kʋʋláá, yɩ wan: ”M ba soman mɩn nʋan jʋjɔfʋɔʋ mɔ nɩn mɩn somanfʋɔʋ mɔ, bɛ afán ɛlɔ. Bɛ ʋɛ kun bɛ nun bie mɔ, bie mɔlá, bɛ ʋɛ kele bɛ yalɛ.” 50

 Amɔ ajurusʋfʋɔʋ ɛka mɔ, Nyanmɩan nʋan jʋjɔfʋɔʋ mɔ kʋʋláá bɔ bɛ hunlɩ bɛ, kɛ ɔ f máan bʋ abolɩɛ dédéé b’ɔ ju anɛ, Nyanmɩan ba bisa amɔ yɩ wʋn kosan. 51

 Ɔ f Abɛlɩ dédéé b’ɔ ju Zakali, bɛ kʋʋláá bɛ mmoja gua amɔ ti sʋ. Nyanmɩan ba bisa amɔ yɩ wʋn ndɛɛ ʋ. Bɛ hunlɩ Zakali nɩnka bɔ bɛ yɩ ɛtɛ nɩn nɩnka bɔ sanran mɔ tanran, bɛ afán ɛbɛlɛ. Mɩ ʋɩn kan kele amɔ nanhɔlɔ kɛ Nyanmɩan lɛ bisa amɔ ajurusʋfʋɔʋ ɛka mɔ, bɛ ewuo, yɩ nun ndɛɛ ʋ!»

52 «Amɔ mmala kelefʋɔʋ mɔ, amɔ yako! Atɩ ʋɩn bɔ bɛ sɩn sʋ

wun nwɛlɛlɛ, amɔ sɩ atɩ ʋɩn sɔ kʋsʋ amɔ ngele man sanranfɩ ʋɩ ʋ. Amɔ bɔbɔ, amɔ nzɩn man atɩ ʋɩn sɔ sʋ. Yɩɛ bɛ bɔ bɛ wan bɛ sɩ ʋn sʋ, amɔ tua bɛ atɩ ʋɩn.»

53 Kɛ Zozi jɛsʋlɩ ɛbɛlɛ b’ɔ kɔ, Falizɩan mɔ nɩn fuluwa

kɛlɛfʋɔʋ, bɛ bisa yi kosan sʋnman kpáa. Kosan sɔ mɔ, ɔ tɩ kɛ yɩ aháa sualɛ yɩɛ bɛ ʋɛ sua ɔ. 54

 Bɛ wan bɛ nian sɛ ɔ kan ndɛɛ ʋ kʋn bɔ bɛ fa jinran sʋ cɩ yi o.

Zozi Se yɩ Sunnzuanfʋɔɛ mɔ kɛ nán Sɛrɛ kun bɛ

12 1 Sanran sʋnman sʋnman kpáa, bɛ te si yialɩ Zozi. Kɛ sanran mɔ sʋnlɩ tí nɩɩ ʋn bɛ titia bɛ wʋn. Zozi selɩ

yɩ sunnzuanfʋɔʋ mɔ kɛ: «Falizɩan mɔ tí, amɔ sɩ ʋsa amɔ wʋn kpáa. Bɛ tɩ kɛ kpánwun ayire saá, bɛ tɩ mgbɛlɛfʋɔʋ. 2

 Nince kʋʋláá b’ɔ wɔ ahanmɩan nun, sannan ɔ fíte jayuo nun, nince kʋʋláá b’ɔ wɔ fɩalɩwa nun, sannan ɔ fíte tɛtɛrɛ nun. 3

 Ndɛɛ ʋ bie ala bɔ amɔ kɔ han kɔngʋɔ, kɛ alɩ ʋɛ lɛ cɩn ɔ, ɔ la gua sʋ. Ndɛɛʋ bie ala bɔ amɔ kɔ yɩ wʋn asuro ahanmɩan, ndɛɛ ʋ sɔ bɛ ʋɛ bo yɩ nnóro.»

Nán amɔ Suro Sanranfɩ ɛɩ ɛ (Matie 10.28-31)

4 «Mɩn danvʋ mɔ, mɩ ʋɩn kan kele amɔ nanhɔlɔ, nán amɔ

suro bɛ bɔ nince bɔ bɛ kʋla yɔ ala yiele sanran hunlɛ. Kɛ

Lʋkʋ �� ,  ��

42LUK.indd 47 16/10/2008 13:27:18

��

bɛ kɔ hun sanran kɔ yuo, bɛ ngʋla nyɔ man nincefɩ ʋɩ ʋ kʋn. 5

 Sanran b’ɔ fata kɛ amɔ suro, yiele Nyanmɩan. Amɔ súro Nyanmɩan afɩɩ ʋn kɛ ɔ kɔ hun sanran kɔ yuo, ɔ kʋla yɔ maán sanran sɔ ɔ kɔ nyinrinnin nɩnka nun ɛlɔ. Mɩ ʋɩn kan kele amɔ nanhɔlɔ, amɔ súro Nyanmɩan!»

6 «Bɛ fa mɩn dɩɛ babulu nnyʋn to bɔlɔfʋɔʋ abubulo nnun.

Kʋsʋ Nyanmɩan wʋla nvi man bɛ. 7 Amɔ ti nnyʋan b’ɔ wɔ

amɔ ti sʋ, Nyanmɩan sɩ bɛ nʋan. Nán maán sɛrɛ kun amɔ. Amɔ tɩ kpáa tara bɔlɔfʋɔʋ abubulo sʋnman sʋnman kpáa.»

Bɛ bɔ bɛ Di Zozi wʋn Adanzɩɛ (Matie 10.32-33; 12.32; 10.19-20)

8 «Sanran ɛka b’ɔ kɔ han sanran mɔ kʋʋláá, bɛ wunlun

ɛbɛlɛ kɛ ɔ tɩ mɩn sʋfʋɔʋ, mɩn bɔ mɩn tɩ Sanran Wáa, mɩnlá, mɩ ʋɩn kan Nyanmɩan annzʋ mɔ kʋʋláá bɛ wunlun kɛ sakpaá ɔ, ɔ tɩ mɩn sʋfʋɔʋ. 9

 Kʋsʋ sanran ɛka b’ɔ kan sanran mɔ wunlun ɛbɛlɛ kɛ ɔ nzɩ man mɩn, mɩnlá, mɩ ʋɩn kan Nyanmɩan annzʋ mɔ wunlun kɛ mɩn nzɩ man yi. 10

 Sanran kʋʋláá b’ɔ kɔ han mɩn bɔ mɩn tɩ Nyanmɩan Wáa mɩn wʋn ndɛɛ ʋ ɛtɛ, Nyanmɩan lɛ yaci ce yi. Kʋsʋ sanran ɛka b’ɔ kɔ sɛcɩ Wawʋɔ Sanwun dunman, Nyanmɩan ngɔ nyaci ngɔ he man yi lé.»

11 «Sɛ bɛ fa amɔ kɔ Nyanmɩan Suá mɔ nun, sɛ bɛ fa amɔ

kɔ kpɔmanfʋɔʋ mɔ nɩn kuló mgbanyin mɔ ja sʋ, nán amɔ kunlun tɩtɩ amɔ. Nán amɔ se kɛ: Sɛ bɛ bisa mɩn kosan, mɩn se mɩn dɩɛ sɛɛ ʋ? Nán amɔ kuko ndɛɛ ʋ bɔ amɔ lɛ kan wʋn yalɛ. 12

 Afɩɩ ʋn dɔɔʋ kʋnmgba sɔ nun Wawʋɔ Sanwun bɔbɔ ba kele wɔ ndɛɛ ʋ bɔ ɔ fata k’ɛ kan.»

Anyanbɛwʋnfʋɔɛ b’ɔ Nzɩ man Nwɛlɛlɛ, yɩ wʋn Anyanndara

13 Bian kʋn wɔ minnian mɔ nun ɛbɛlɛ, ɔ selɩ Zozi kɛ:

«Kelefʋɔʋ, kán kéle mɩn anianman maán ɔ he ajáa naán ɔ fa mɩn dɩɛ man mɩn.» 14

 Zozi bisa bian sɔ kɛ: «Nja, wan yɩɛ ɔ selɩ wɔ kɛ mɩn tɩ wɔ ɛjɔrɔ difʋɔʋ annzɛ wɔ ajáa cefʋɔʋ?» 15

 Kɛ ɔ hanlɩ sɔ yuolɩ, ɔ selɩ bɛ bɔ bɛ gua ɛbɛlɛ kɛ: «Amɔ nían amɔ wʋn kpáa, nán amɔ konvin sɔ ninnje sʋnman

Lʋkʋ ��

42LUK.indd 48 16/10/2008 13:27:18

��

sʋnman, bɛ sʋ. Maán sanran nyán ninnje sɛɛ ʋ sɛɛ ʋ, nán ninnje sɔ mɔ yɩɛ bɛ ʋɛ man yi ngʋan ɔ.»

16 Zozi bulɩ bɛ anyanndara naán ɔ’a se bɛ kɛ: «Sikaáfʋɔʋ

kʋn fe sulɩ dédéé, ɔ bʋlɩ sʋ. 17 Ɔ kan yɩ kunlun ɛlɔ se kɛ:

”Mɩn yɔ sɛɛ ʋ? Mɩn le man nɩnka naán M’an fa mɩn bakaá mmaá nɩn a sie nun.” 18

 Ɔ se yi kunlun ɛlɔ kɛ: ”Mɩ ʋɩn ba bubu akpáa daá mɔ, mɩ ʋɩn ba sisi akpáa mgbili, yɩɛ mɩ ʋɩn ba fa mɩn bakaá mmaá mɔ, nɩn mɩn ninnje mɔ sie bɛ nun.” 19

 Kɛ N gɔ yɔ sɔ N gɔ yuo, mɩ ʋɩn yɔ mɩn wʋn mmóo, mɩ ʋɩn se mɩn wʋn kɛ: ”Dé wʋnmɩan, dí alɩɛ ʋ, nʋʋn nzáan bʋ, dí awʋncʋcʋnlɛ afɩɩ ʋn bakaá mmaá bɔ M’an yia sʋ, ɔ sʋnlɩ.” 20

 Kɛ ɔ hanlɩ sɔ , Nyanmɩan selɩ yi kɛ : ”Ɛ tɩ sinnginlinmanfʋɔʋ! Anɛ nɛsʋa ɛka, ɛ ʋɛ wu. K’ɛ kɔ wu, ninnje wʋla wʋla ɛka b’ɔ a yɔ, ɔʋɔ ka wan sa nun?» 21

 Sanran ɛka b’ɔ le anyanbɛwʋn asɩɛ sʋ ɛwa kʋsʋ b’ɔ le man anyanbɛwʋn Nyanmɩan wunlun, kɛ ɔ tɩ kɛ bian sɔ saá.

Nán amɔ Kuko (Matie 6.25-35)

22 Zozi selɩ yɩ sunnzuanfʋɔʋ mɔ kɛ: «Nán amɔ kuko se kɛ

nzu yɩɛ yɛ nyan naán y’a li ɔ, annzɛ nzu yɩɛ yɛ nyan naán yɛ a nʋn ɔ? Nán amɔ kuko kɛ se kɛ: nzu taralɛ dɩɛ yɩɛ yɛ nyan naán y’a wula ɔ? 23

 Mɩ ʋɩn bisa amɔ kɛ: ”Kɛ amɔ nian, ngʋan tɩ man kpáa ndara man alɩɛ ʋ? Yɩɛ amɔ wʋnnaán, ɔ tɩ man kpáa ndara man taralɛ? ” 24

 Amɔ nían anʋnmaán mɔ bɔ bɛ tu sɩn. Bɛ nnua man awúo. Asala bɛ mgbɛ man awúo nva nzie man bua ndɩnndɩn mɔ nun, nyia man sʋ. Kʋsʋ Nyanmɩan man bɛ alɩɛ ʋ maán bɛ dí. Amɔ bɔbɔ, amɔ sɩ kɛ amɔ tɩ kpáa tara anʋnmaán mɔ! 25

 Nán amɔ kuko, afɩɩ ʋn maán amɔ kuko sɛɛ ʋ sɛɛ ʋ, amɔ ngʋla nyɔ man maán amɔ ngʋan nyɔ man tɩnndɩn. 26

 Kɛ amɔ sɩ kɛ amɔ kukolɛ bɔ amɔ kuko, ɔ tɩ mgbaán, afɩɩ ʋn amɔ ngʋla nyɔ man maán amɔ ngʋan nyɔ man tɩnndɩn, hɩɩ ʋn nzu tí yɩɛ amɔ kuko ninnje nga mɔ wʋn? 27

 Amɔ bɔbɔ, amɔ nían fɛlɛlɩ mɔ bɔ bɛ ff boó nun. Bɛ nnia junman. Asala bɛ nwʋn man taralɛ nwula man. Kʋsʋ mɩ ʋɩn kan kele amɔ nanhɔlɔ kɛ Famɩan Salomʋn b’ɔ nyanlɩ yɩ wʋn dédéé, yɩ wʋn wuwulalɛ b’ɔ wuwula, ɔ nɩn bɛ nzɛ man. 28

 Sɛ Nyanmɩan kpili yɔ maán

Lʋkʋ ��

42LUK.indd 49 16/10/2008 13:27:19

��

mɩn dɩɛ ndire bɔ bɛ kpɛ yɩra yi, yɩ wʋn yɔ nyɩnmɩn, ɔ yɔ sɛɛ ʋ yɩɛ ɔ ngɔ mman man amɔ taralɛ maán amɔ ngɔ wula man? Nzu tí yɩɛ amɔ le man de-di? 29

 Nán amɔ kuko se kɛ: nzu yɩɛ yɛ nyan naán y’a li ɔ? Annzɛ nzu yɩɛ yɛ nyan naán y’a nʋn ɔ? Nán amɔ kunlun tɩtɩ amɔ. 30

 Máan nga mɔ nunfʋɔʋ mɔ bɔ bɛ nzɩa Nyanmɩan, bɛ yɩɛ bɛ nyɩn bʋlʋ ninnje sɔ mɔ wʋn ɔ. Amɔ sɩ ʋ Nyanmɩan, ɔ sɩ ninnje ɛka mɔ bɔ amɔ mian bɛ wʋn. 31

 Ninnje mɔ b’ɔ fata kɛ amɔ yɔ yɩɛ: maán Nyanmɩan Belemgbin Máan nun ɛjɔrɔ hían amɔ. Sɛ ɔ hian amɔ, Nyanmɩan lɛ fa ninnje nga sɔ mɔ kʋʋláá, man amɔ.»

Amɔ Kɩɛnndɛ Anyanbɛwʋn Ninnje Síe Nyanmɩan sʋ ɛlɔ (Matie 6.19-21)

32 «Mɩn sunnzuanfʋɔʋ mɔ, amɔ a nzʋn man. Nán sɛrɛ kun

amɔ afɩɩ ʋn amɔ Sɩ ʋ Nyanmɩan kulo kɛ ɔ fá yɩ belemgbin máan mán amɔ. 33

 Amɔ yɔʋ amɔ wʋn ninnje mɔ atɔɔʋ, mán yalɛfʋɔʋ mɔ sikaá. Amɔ kɩ ʋnndɛ patáa bɔ sɛ amɔ fa amɔ sikaá gua nun, ɔ nyɔ man nvuún lé. Amɔ fá amɔ anyanbɛwʋn ninnje mɔ sie nyanmɩan sʋ ɛlɔ. Ɛlɔ, awuófʋɔʋ nʋn man ɛlɔ naán ɔ’a se kɛ ɔ wúa. Nvɔlɔ nʋn man ɛlɔ naán ɔ’a se kɛ ɔ sɛ ʋcɩ amɔ ninnje mɔ. 34

 Afɩɩ ʋn nɩnka bɔ sanran fa yɩ sikaá sie, nɩnka sɔ nun ɛbɛlɛ yɩɛ yɩ ahʋnlʋnbaá wɔ.»

Sʋfʋɔɛ kpáa nɩn Sʋfʋɔɛ Ɛtɛ, bɛ wʋn Ndɛɛ ɛ (Matie 24.45-51)

35 «Amɔ kpínlin amɔ wunlun! Nán maán amɔ kannɩan

nuan. 36 Amɔ yɔʋ kɛ bɛ bɔ bɛ wʋnndɛ bɛ siefʋɛ ʋ saá. Sɛ bɛ

siefʋɔʋ hɔlɩ atɔnnvɔlɔ bʋ naán ɔ walɩ man, bɛ tanran ɛbɛlɛ mɩnndɛ yi. B’ɔ maán bɛ tanran wʋnndɛ yi, yiele kɛ bɛ kulo kɛ, kɛ ɔ ju ɛbɛlɛ pɛ ʋ, b’ɔ bubo kɔʋkɔʋ pɛʋ, bɛ bíce yɩ anʋan. 37

 Sʋfʋɔʋ ɛka mɔ bɔ kɛ bɛ siefʋɔʋ lɛ ba, bɛ nyɩn tɛ ta sʋ, bɛ dɩɛ sʋ tɩ yie! Sʋfʋɔʋ sɔ mɔ, mɩ ʋɩn kan kele amɔ nanhɔlɔ kɛ, kɛ bɛ siefʋɔʋ kɔ bubua yɩ wʋn kɔ yuo, ɔ maán bɛ tánran asɩ, yɩɛ yɩ bɔbɔ ɔʋɔ kɩnndɛ nince man bɛ maán bɛ dí. 38

 Sɛ bobualɩɛnun sɩn annzɛ sɛ alɩ ʋɛ b’a cɩn, naán sɛ bɛ siefʋɔʋ sɔ ba naán sɛ ɔ wun kɛ yɩ sʋfʋɔʋ mɔ nyɩn tɛ wɔ sʋ, yɩ sʋfʋɔʋ sɔ mɔ dɩɛ, bɛ dɩɛ sʋ tɩ yie!»

Lʋkʋ ��

42LUK.indd 50 16/10/2008 13:27:19

��

39 «Amɔ tíe ndɛɛ ʋ ɛka bɔ mɩ ʋɩn kan. Sɛ awunlo kpanyin sɩ

dɔɔʋ ɛka b’ɔ awuófʋɔʋ lɛ ba sʋ, ɔʋɔ tánran asɩ dédéé, ɔ mmo man yɩ nyɩnbaá kpɛ ʋlɛ ʋɛ ʋ. Ɔ maán awuófʋɔʋ ngɔ nwua man yɩ ninnje mɔ. 40

 Amɔlá, amɔ búbua amɔ wʋn, afɩɩ ʋn mɩn bɔ mɩn tɩ Sanran Wáa, M bá ba. Nán maán mɩn walɛ fu amɔ nun.» 41

 Pɩɛlɩ bisa Zozi kɛ: «Yɛ tí yɩɛ ɛ bu anyanndara ɛka annzɛ, ɛ bu man sanran mɔ kʋʋláá?»

42 Famɩan Zozi tɛlɩ Pɩɛlɩ sʋ naán ɔ’a bisa yi kɛ: «Sʋfʋɔʋ

benin yɩɛ ɔ sɩ nwɛlɛlɛ b’ɔ yɩ siefʋɔʋ kʋʋláá dafɩ yɩ sʋ ɔ? Sʋfʋɔʋ sɔ, yɩ mɩ ʋn lɛ se yi kɛ ɔʋɔ nían yɩ sʋfʋɔʋ nga mɔ bɛ sʋ. Ɔʋɔ se yi kɛ ɔʋɔ hé bɛ alɩɛ ʋ mán bɛ, naán ɔʋɔ hé bɛ junman man bɛ maán bɛ lí. 43

 Siefʋɔʋ ɛka b’ɔ kɛ yɩ mɩ ʋn lɛ tʋ yi nɩɩ ʋn ɔʋɔ di junman, yɩ dɩɛ sʋ tɩ yie! 44

 Siefʋɔʋ sɔ, yɩ mɩ ʋn lɛ fa yi sie yɩ ninnje mɔ kʋʋláá sʋ kpanyin. 45

 Kʋsʋ sʋfʋɔʋ ɛka b’ɔ se yɩ kunlun ɛlɔ kɛ: ”Mɩn siefʋɔʋ nɩn a hɔ dédéé ɔ mma man.” Yɩ sɔ tí, ɔ bʋ sʋfʋɔʋ mmiesua mɔ nɩn afannɩan mɔ. Ɔ di alɩɛ ʋ dédéé da nun, ɔ nʋn nzáan dédéé ɔ bʋ. 46

 Sʋfʋɔʋ sɔ, cɩan kʋn yɩ mɩ ʋn lɛ fu yɩ nun ba. Cɩan b’ɔ ju ɔ, yɩ siefʋɔʋ lɛ ba, annzɛ dɔɔʋ b’ɔ ba sʋ, ɔ nzɩ man. Sɛ yɩ mɩ ʋn ba ɔ, ɔʋɔ dʋ yɩ nyɩn. Nɩnka bɔ bɛ fa sʋfʋɔʋ mɔ bɔ bɛ tɩ man kpáa gua ɛlɔ, ɛlɔ yɩɛ ɔ fa yi tʋ ɔ. 47

 Sʋfʋɔʋ ɛka b’ɔ sɩ nince ɛka bɔ yɩ mɩ ʋn wan ɔ yɔʋ, kʋsʋ ɔ’a nyɔ man, annzɛ sʋfʋɔʋ ɛka bɔ ɔ’a mmumua man yɩ wʋn, bɛ ʋɛ f yi mgbele sʋnman kpáa. 48

 Kʋsʋ sʋfʋɔʋ ɛka b’ɔ nzɩ man nince b’ɔ yɩ mɩ ʋn wan ɔ yɔʋ, sɛ ɔ yɔ nince b’ɔ fata kɛ bɛ fn yɩ mgbele, bɛ ngɔ fn man yɩ mgbele sʋnman. Sanran ɛka bɔ bɛ kɔ fa nince sʋnman kɔ wula yɩ sa nun, sanran sɔ bɛ ʋɛ sɛ kɛ ɔ fá nince kpanmgban bála. Sanran ɛka bɔ bɛ kɔ fa ninnje sʋnman kɔ wula yɩ sa nun, bɛ di sʋ cɩ ʋnnjɩ ʋn se kɛ ɔ fá ninnje sʋnman bála.»

Sanran mɔ, bɛ Afán Sɛcɩlɛ (Matie 10.34-36)

49 «Asɩɛ yɩralɛ ti yɩɛ M malɩ ɔ. Ɔʋɔ ka mɩn ngʋnmɩn ahaán

ɔ’a yuo yɩra. 50 Ɔ’a ha sɔnɩnlɛ kʋn bɔ bɛ ʋɛ ba fa sɔnɩn mɩn.

Ɔʋɔ ka mɩn ngʋnmɩn ahaán b’a fa sɔnɩn mɩn a yuo! 51 Nán

amɔ bu kɛ M malɩ sanran mɔ, bɛ afán sisielɛ. Nán bɛ afán sisielɛ tí yɩɛ M malɩ ɔ. 52

 Afɩɩ ʋn kɛ ɔ fɩ anɛ b’ɔ kɔ, abusuan kʋn nunfʋɔʋ mɔ, bɛ afán lɛ sɛcɩ. Sɛ bɛ tɩ sanran nnun ɔ, bɛ

Lʋkʋ ��

42LUK.indd 51 16/10/2008 13:27:19

��

nun nzan, bɛ di anʋansɛ. Bɛ nɩn bɛ ngáa nnyʋn, bɛ afán lɛ sɛcɩ. Bɛ ngáa nnyʋnlá, bɛ nɩn bɛ nzan bɛ afán lɛ sɛcɩ. 53

 Abusuan kʋn nunfʋɔʋ mɔ, bɛ bu bɛ wʋn nun nnyʋn. Sɩɛ nɩn yɩ wáa biesua, bɛɛ ʋ kpɛ eluo nun. Baá biesua nɩn yɩ sɩ ʋ, bɛɛ ʋ kpɛ eluo nun. Nian nɩn yɩ wáa bala, bɛ ʋɛ kpɛ eluo nun. Baá bala nɩn yɩ nín, bɛ ʋɛ kpɛ eluo nun. Talua bala nɩn yɩ sia bala, bɛ ʋɛ kpɛ eluo nun. Sia bala nɩn yɩ sia bala, bɛ ʋɛ kpɛ eluo nun.»

Tɛmʋn mɔ, bɛ Nzɔrɔ Sielɛ (Matie 16.2-3)

54 Zozi se minnian mɔ kɛ: «Kɛ amɔ wun kɛ nyanmɩan nɩn

a munlan eyua atɔlɩɛ ɛlɔ, amɔ se kɛ nyanmɩan b’a tɔ. Amɔ kan sɔ, ɔ kpɩn sʋ. Nyanmɩan tɔ sakpaá. 55

 Kɛ amɔ wun kɛ awʋnman f ngʋʋa ɛlɔ fta, amɔ se kɛ ”awuhulo bá ba.” Ndɛɛʋ sɔ bɔ amɔ kan sɔ, ɔ kpɩn sʋ sakpaá. 56

 Amɔ tɩ mgbɛlɛfʋɔʋ! Amɔ a sie nyanmɩan sʋ ɛlɔ nɩn asɩɛ sʋ ɛwa ninnje mɔ, bɛ nzɔrɔ. Amɔ tutu bɛ bʋ. Nzu tí yɩɛ amɔ nzɩ man bɛlɛ bɔ yɛ wɔ nun, yɩ hɔlɔ?»

Sanran mɔ, bɛ Afán Sisielɛ (Matie 5.25-26)

57 «Ɔ yɔ sɛɛ ʋ yɩɛ amɔ nwun man nince ɛka b’ɔ tɩ kpáa, yɩ

bʋ nyɔ man? 58 Sɛ sanran tʋn wɔ sʋan, kʋʋláá naán ɛjɔrɔ

difʋɔʋ nɩn titie amɔ ndɛɛ ʋ nun, kɛ amɔ wɔ atɩ ʋɩn sʋ bɔ amɔ lɛ kɔ anyɩnnvie, mían wɔ nyɩn naán ɛ nɩn yi, amɔ sísie amɔ afán. Sɛ amɔ nzisie man amɔ afán, ɔʋɔ fa wɔ kɔ ɛjɔrɔ difʋɔʋ ja sʋ. Ɛjɔrɔ difʋɔʋlá, ɔʋɔ fa wɔ wula sonja kpanyin sa nun maán bɛ tʋʋ wɔ ebiínsuá. 59

 Mɩ ʋɩn kan kele wɔ nanhɔlɔ kɛ s’ɛ wun k’ɛ f ebiínsuá nun lɛ fte, nɩɩ ʋn a tua sikaá bɔ bɛ wan ɛ túa kʋʋláá.»

Pilatɩ maán bɛ Hunlɩ Galilefʋɔɛ mɔ

13 1 Bɛ bɔ bɛ yialɩ ɛbɛlɛ, bɛ hanlɩ saá bɔ Pilatɩ yɔlɩ helelɩ Zozi. Bɛ han helelɩ yi kɛ Pilatɩ hunlɩ

Galilefʋɔʋ bie mɔ naán ɔ maán b’a fa bɛ mmoja nɩn a sanngan saraha bɔ bɛ yɩ man Nyanmɩan, nun. 2

 Zozi tɛlɩ bɛ sʋ naán ɔ’a bisa bɛ kɛ: «Amɔ bu kɛ Galilefʋɔʋ sɔ mɔ, bɛ

Lʋkʋ �� ,  ��

42LUK.indd 52 16/10/2008 13:27:19

��

ɛtɛ sʋnlɩ taralɩ Galilefʋɔʋ ngáa mɔ? Amɔ bu kɛ bɛ ɛtɛ sʋnman sʋnman bɔ bɛ yɔlɩ yɩ tí yɩɛ bɛ wunlɩ bɛ wunlun sɔ? 3

 Cɛ ʋcɛ ʋ, nán kɛ bɛ ɛtɛ sʋnlɩ taralɩ Galilefʋɔʋ ngáa mɔ tí ɔ. Sɛ amɔlá, amɔ a ngaci man amɔ nzʋʋan, kɛ amɔ ba wu sɔ ɔ. 4

 Minnian bulu nɩn mɔcʋɛ bɔ Silowe suá tɩnndɩn bu gualɩ bɛ sʋ, bɔ bɛ wulɩ, amɔ bu kɛ bɛ ɛtɛ sʋn taralɩ Zoluzalɛmʋn kuló sʋfʋɔʋ mɔ kʋʋláá? 5

 Cɛ ʋcɛ ʋ, nán kɛ bɛ ɛtɛ sʋnlɩ taralɩ Zoluzalɛmʋnfʋɔʋ mɔ tí ɔ. Sɛ amɔ a ngaci man amɔ nzʋʋan, kɛ amɔlá, amɔ lɛ wu sɔ ɔ.»

Bɔlɔfʋɔɛ Alɔmaá wʋn Anyanndara 6

 Zozi bʋlɩ anyanndara kʋn helelɩ bɛ.Yɩ wan: «Bian kʋn lilɩ yɩ divɩn fe. Ɔ lualɩ bɔlɔfʋɔʋ alɔmaá kʋn yɩ divɩn fe sɔ nun. Ɔ walɩ, yɩ wan ɔʋɔ ba nian sɛ ɔ’a su ɔ. Ɔ nianlɩ, ɔ’a nwun man mmaáfɩ ʋɩ ʋ sʋ. 7

 Ɔ selɩ yɩ kpaáfʋɔ kɛ: ”Nían, yɩ afʋɔ nzan yɩɛ. Afʋɔ daá, M ba kɛ mɩn ba nian sɛ bɔlɔfʋɔʋ alɔmaá nɩn a su o. M ba sɔ, ɔ tɩ mgbaán. Mmaá bɔ kʋn, ɔ nʋn man sʋ. Bú bɔlɔfʋɔʋ alɔmaá sɔ gua, nán maán ɔ sɛcɩ asɩɛ mgbaán”? 8

 Kpaáfʋɔʋ tɛlɩ bian sɔ sʋ naán ɔ’a se yi kɛ: ”Maán ɔ jínran ɛbɛlɛ afʋɔ kʋn bie kun. M ba funfun yɩ bʋ, M ba gua yɩ bʋ ayire maán ɔ sú. 9

 Sɛ afʋɔ biekun ju naán ɔ su ɔ, nɩɩ ʋn ɔ’a nyan ngʋan. Sɛ Ɔ’a nzu man, ɛ kɔ kpɛ yɩ bʋ.” »

Saba Cɩan Ɛtɛ sʋ Zozi Yɔlɩ Bala kʋn Jojo 10

 Kɛ Saba Cɩan Ɛtɛ julɩ nɩɩ ʋn Zozi wɔ Nyanmɩan Suá kʋn nun ɛlɔ, ɔʋɔ kele sanran mɔ nince. 11

 Bala kʋn wɔ ɛbɛlɛ. Bala sɔ wawʋɔʋ ɛtɛ falɩ atukpacɩɛ kʋn tʋlɩ yɩ sʋ. Atukpacɩɛ sɔ, ɔ wɔ yɩ sʋ, ɔ’a li afʋɔ bulu nɩn mɔcʋɛ. Atukpacɩɛ sɔ, ɔ maán bala kulu, ɔ ngʋla ndɩnngɛ man yɩ wʋn nun. 12

 Kɛ Zozi wunlɩ bala sɔ, ɔ fɛlɛlɩ yi naán ɔ’a se yi kɛ: «Mmoó bala, wɔ atukpacɩɛ nɩn a yuo.» 13

 Ɔ falɩ yɩ sa fualɩ bala sɔ wʋn. Kɛ ɔ falɩ yɩ sa fualɩ yɩ wʋn pɛ ʋ, bala nun tɩnngɛlɩ, ɔ kannvʋlɩ Nyanmɩan. 14

 Bian b’ɔ nian Nyanmɩan Suá sʋ fɛlɩ Zozi wʋn ɛyaá afɩɩ ʋn Zozi yɔlɩ bala jojo Saba Cɩan Ɛtɛ sʋ. Ɔ selɩ minnian mɔ kɛ: «Cɩan bɔ bɛ fa di junman, ɔ tɩ alɩ ʋɛbaá nzian. Sɛ amɔ kulo kɛ bɛ yɔʋ amɔ jojo, amɔ bála cɩan sɔ mɔ sʋ. Nán Saba Cɩan Ɛtɛ sʋ yɩɛ ɔ fata kɛ amɔ

Lʋkʋ ��

42LUK.indd 53 16/10/2008 13:27:19

��

ba ɔ.» 15 Famɩan Zozi tɛlɩ yɩ sʋ naán ɔ’a se yi kɛ: «Ɛ tɩ

mgbɛlɛfʋɔʋ! Saba Cɩan Ɛtɛ nun amɔ nyannjɩn amɔ afunlunmun mɔ nɩn amɔ nannɩn mɔ. Amɔ fa bɛ kɔ maán bɛ nʋʋn nzuo! 16

 K’ɛ nian ɔ nvata man kɛ mɩn tɩtɩ yɛ nánnán Abalahamʋn anʋnmaán ɛka wʋn maán ɔ nyán yi ti? Kɛ anɛ tɩ Saba Cɩan Ɛtɛ tí, nɩɩ ʋn, ɔ fata man kɛ mɩn tɩtɩ bala ɛka bɔ Satan hele yɩ yalɛ dédéé afʋɔ bulu nɩn mɔcʋɛ, yɩ wʋn nyanmɩan nun?» 17

 Kɛ Zozi hanlɩ sɔ, yɩ kpɔfʋɔʋ mɔ kʋʋláá, bɛ wunlɩ nyannzʋan. Bɛ bɔ wɔ ɛbɛlɛ, kɛ bɛ wunlɩ ninnje mgbili mgbili bɔ Zozi lɛ yɔ, bɛ wʋn cʋcʋnlɩ bɛ. 18

 Zozi bisa bɛ kɛ: «Nyanmɩan Belemgbin Máan tɩ sɛɛ ʋ? Nzu yɩɛ M fa sunnzun yi ɔ? 19

 Ɔ tɩ kɛ ndʋrʋwaá mmaá títínríín saá. Bɛ dua yi fe nun, ɔ nyin dédéé ɔ yɔ kpili kpáa. Anʋnmaán mɔ yɔ bɛ suá yi sammaá mɔ nun.» 20

 Ɔ bisa bɛ kosan biekun, ɔ se kɛ: «Nzu yɩɛ mɩ ʋɩn kʋʋláá fa Nyanmɩan Belemgbin Máan sunnzuan yi ɔ? 21

 Ɔ tɩ kɛ kpánwun ayire títínríín saá. Mmala mɔ susu yɩ nzan, bɛ fa gua falɩ nun. Fali sɔ wʋla, ɔ yɔ kpili kpáa, ɔ yi tasa kʋn.»

Anʋan Fɩɩ (Matie 7.13-14, 21-23)

22 Zozi hinmanlɩ kuló mgbili mɔ nɩn kuló ngakan mɔ sʋ.

Kɛ ɔʋɔ kɔ, nɩɩ ʋn ɔʋɔ kele sanran mɔ nince. Yɩ ja la atɩ ʋɩn nun nɩɩ ʋn ɔ sʋ kɔ Zoluzalɛmʋn. 23

 Sanran bie bisa yi kɛ: «Famɩan Zozi, sakpaá yɩɛ bɛ bɔ bɛ ti lɛ fte nun, b’a nzʋn man?» Zozi tɛlɩ yɩ sʋ naán ɔ’a se bɛ kɛ: 24

 «Amɔ kpínlin amɔ wunlun wʋlʋ anʋan fɩɩ nun. Mɩ ʋɩn kan kele amɔ nanhɔlɔ, sanran sʋnman bɛ kɩnndɛ anʋan sɔ nun wʋlʋ kʋsʋ bɛ ngɔ hʋla man nun wʋlʋ.»

25 «Kɛ awulo kpanyin kɔ jɛsʋ, b’ɔ kɔ tʋ anʋan nun, amɔ bɔ

amɔ jin anʋan sin ɛlɔ, amɔ lɛ bubo kɔʋkɔʋɔʋ. Amɔ lɛ se kɛ ”Famɩan, bíce yɛ anʋan.” Ɔʋɔ se amɔ kɛ: ”Mɩn nzɩ man amɔ. Amɔ f nin”? 26

 Amɔ lɛ se kɛ: ”Yɛ nɩn wɔ lilɩ nince nɩnka hɔlɔ. Yɛ nɩn wɔ, nʋnlɩ nzáan nɩnka hɔlɔ. Ɛ helelɩ nince yɛ akpɔ mɔ sʋ.” 27

 Kʋsʋ ɔʋɔ se kɛ: ”Mɩ ʋɩn kan kele amɔ nanhɔlɔ, mɩn nzɩ man kuló bɔ amɔ f sʋ ɔ. Amɔ kunlun tɩ abɔlɔ, amɔ hɔʋ! ” 28

 Kɛ amɔ kɔ wun kɛ Abalahamʋn, nɩn Izakɩ, nɩn Zakɔbʋ, nɩn Nyanmɩan nʋan jʋjɔfʋɔʋ mɔ wɔ Nyanmɩan Belemgbin

Lʋkʋ ��

42LUK.indd 54 16/10/2008 13:27:20

��

Máan nun ɛlɔ, bɔ b’a kɩkan amɔ bʋ, bɔ amɔ ngʋla man ɛlɔ wʋlʋ, amɔ lɛ sun yɩɛ amɔ lɛ kʋan amɔ je. 29

 Sanran bie mɔ f awunlo ɛlɔ máan mɔ nun ɛlɔ, bie mɔlá, bɛ f máan bɔ bɛ wɔ yɛ sin ɛlɔ, bie mɔ bɛ f nɩnka bɔ eyua tu yɩ bʋ ɛlɔ, bɛ kʋʋláá, bɛ ʋɛ tanran asɩ tabɩlɩ wʋn Nyanmɩan Belemgbin Máan nun ɛlɔ. 30

 Amɔ lɛ wun kɛ bɛ bie mɔ bɔ bɛ lilɩ mmʋʋa, bɛ ʋɛ ka sian. Yɩɛ bɛ bɔ bɛ halɩ sian, bɛ ʋɛ di mmʋʋa.» 31

 Dɔɔʋ kʋnmgba sɔ nun Falizɩan bie mɔ b’a tʋlɩ Zozi naán b’a se yɩ kɛ: «Zozi, jɛ ʋsʋ ɛwa kɔʋ, Elɔdʋ lɛ kɩnndɛ kun wɔ.» 32

 Zozi wan: «Amɔ hán héle mgbɛlɛfʋɔʋ sɔ kɛ anɛ nɩn ehinman mɩ ʋɩn kɔ kɩkan asɩɛbʋsʋn mɔ bʋ, mɩ ʋɩn kɔ yɔ sanran mɔ jojo. Yɩ alɩ ʋɛbaá ɛlɛsan sʋ nɩɩ ʋn M’an yuo junman sɔ di.» 33

 Anɛ, ehinman, ehinman sin, mɩ ʋɩn fa atɩ ʋɩn sʋ, kɔ. Afɩɩ ʋn ɔ fata man kɛ Nyanmɩan nʋan jʋjɔfʋɔʋ kʋn yaci Zoluzalɛmʋn ɛbɛlɛ, ɔ kɔ wu nɩnka fɩfɛlɛ.

34 Zozi wan: «Zoluzalɛmʋn, Zoluzalɛmʋn, mɩ ʋɩn yɔ wɔ

yako! Ɛ kun Nyanmɩan nʋan jʋjɔfʋɔʋ mɔ. Bɛ bɔ Nyanmɩan somanlɩ bɛ kɛ b’a han ndɛɛ ʋ hele wɔ, ɛ bubo bɛ yɛbʋɔ. Mɩ ʋɩn wan mɩ ʋɩn kɩkan wɔ nunfʋɔʋ mɔ kʋʋláá, bɛ nʋan naán M fa mɩn ndɛwaá gada wɔ sʋ kɛ akɔtáa fa yɩ ndɛwaá gada yɩ mmáa mɔ sʋ saá. Kʋsʋ a mgbɩnlɩn man sʋ! 35

 Sanranfɩ ʋɩ ʋ nʋn man wɔ awulo nun. Bɛ kʋʋláá, b’a wanndi a hɔ. Kɛ ɔ f anɛ b’ɔ kɔ, ɛ ngɔ wun man mɩn kʋʋn. S’ɛ wun mɩn biekun nɩɩ ʋn mɩn sʋ ba. Cɩan sɔ, ɛ ʋɛ se kɛ: ”Nyiralɛ hán sanran b’ɔ ba. Famɩan yɩ dunman nun! ”»

Zozi Yɔlɩ Atukpacɩfʋɔɛ kʋn Jojo

14 1 Saba Cɩan Ɛtɛ julɩ. Zozi hɔlɩ kuló kpanyin kʋn awulo ɛlɔ. Ɔ hɔlɩ nince lilɛ. Kuló kpanyin sɔ, ɔ tɩ

Falizɩan. Bɛ bɔ bɛ gua ɛbɛlɛ mɔ, bɛ nyɩn ta Zozi síín. 2 Bɛ

nian, bian kʋn jin Zozi wunlun ɛbɛlɛ. Bian sɔ, yɩ ja mɔ a wun mgbili mgbili kpáa. 3

 Zozi bisa ɛjɔrɔ difʋɔʋ mɔ kosan, yɩ wan: «Saba Cɩan Ɛtɛ nun, sɛ bɛ yɔ sanran jojo ɔ, ɔ tɩ kpáa annzɛ ɔ tɩ man kpáa?» 4

 Bɛ gua ɛbɛlɛ mgbínlíín, b’a ndɛ man yɩ sʋ. 5

 Zozi bisalɩ bɛ biekun kɛ: «Amɔ nun benin yɩɛ sɛ yɩ afunlunmun annzɛ sɛ yɩ nannɩn tɔ bula nun saba cɩan nun ɔ, ɔʋɔ yaci yi ɛbɛlɛ? Sɛ amɔ afunlunmun annzɛ amɔ nannɩn tɔ bula nun saba cɩan nun, amɔ lɛ cʋn yi dédéé amɔ lɛ yɩ yi.» 6

 B’a ngʋla man kosan sɔ yɩ nʋan tu.

Lʋkʋ �� ,  ��

42LUK.indd 55 16/10/2008 13:27:20

��

Nán amɔ Kpa Bia Kpáa Kpáa mɔ Tanran Nun 7

 Kɛ Zozi wunlɩ kɛ bɛ bɔ bɛ walɩ nince lilɛ, bɛ kpalɩ bia kpáa kpáa mɔ tanranlɩ nun tí, ɔ bulɩ bɛ anyanndara kʋn. 8

 Yɩ wan: «Sɛ sanran se k’ɛ bála yɩ awulo ɛlɔ naán amɔ a li atɔnnvɔlɔ alɩɛ ʋ ɔ, nán kpáa bia kpáa tanran nun. S’ɛ kpáa bia kpáa tanran nun naán sɛ sanran b’ɔ le wunlun tara wɔ ju ɛbɛlɛ, 9

 bian b’ɔ selɩ k’ɛ bála naán a li atɔnnvɔlɔ alɩɛ ʋ yɩ awulo ɛbɛlɛ lɛ se wɔ kɛ: ”Jásʋ wɔ bia sʋ mán bian ɛka.” Kɛ ɔ kɔ se sɔ, nyannzʋan lɛ kun wɔ. Ɛʋɛ jɛsʋ kɔ tanran bɛ sin ɛlɔ. 10

 Sɛ sanran se wɔ k’ɛ bála yɩ awulo ɛlɔ naán a li fɛtɩ, kɔ tanran sanran mɔ sin ɛlɔ. Kɛ sanran b’ɔ selɩ wɔ k’ɛ bála, ɔ kɔ ju ɛbɛlɛ, ɔʋɔ se wɔ kɛ: ”Mɩn danvʋ, bála bɛ wunlun ɛwa.” Kɛ ɔ kɔ se sɔ, ɛ ʋɛ nyan wunlun bɛ bɔ bɛ nɩn wɔ tɩ ɛbɛlɛ, bɛ wunlun. 11

 Afɩɩ ʋn sanran kʋʋláá ɛka b’ɔ man yɩ wʋn sʋ, bɛ ʋɛ kan yɩ asɩ. Yɩɛ sanran ɛka b’ɔ kan yɩ wʋn asɩ, bɛ ʋɛ man yɩ sʋ.»

12 Zozi selɩ bian b’ɔ fɛlɛlɩ yi kɛ ɔ’a li alɩɛ ʋ yɩ awulo bɛlɛ kɛ:

«S’ɛ se sanran mɔ kɛ b’a li alɩɛ ʋ wɔ awulo ɛbɛlɛ eyua nun, annzɛ kɛ b’a li fɛtɩ wɔ awulo ɛbɛlɛ kɔngʋɔ ɔ, nán fɛlɛ wɔ danvʋ mɔ, annzɛ wɔ anianman mɔ, annzɛ wɔ abusuanfʋɔʋ mɔ, annzɛ sikaáfʋɔʋ mɔ bɔ bɛ awulo mantan wɔ dɩɛ. S’ɛ fɛlɛlɛ bɛ, bɛlá, bɛ fɛlɛ wɔ kɛ a li alɩɛ ʋ bɛ awulo ɛbɛlɛ. Ɔ tɩ kɛ bɛ fɛlɛlɛ bɔ ɛ fɛlɛlɩ bɛ, bɛlá, b’a fɛlɛ wɔ a tua yɩ kalɛ. 13

 Kʋsʋ s’ɛ fɛlɛ sanran mɔ kɛ b’a li fɛtɩ wɔ awulo ɛbɛlɛ, fɛlɛ yalɛfʋɔʋ mɔ, nɩn bɛ bɔ bɛ ja tɩ síin, nɩn bɛ bɔ bɛ si kɔwʋn, nɩn bɛ bɔ bɛ nyɩn a sin. 14

 S’ɛ yɔ sɔ, Nyanmɩan lɛ yira wɔ sʋ. Afɩɩ ʋn bɛ dɩɛ, bɛ ngʋla man wɔ kalɛ tua. Tɛmʋn bɔ sɛsɛfʋɔʋ mɔ f ewuo nun lɛ fte, tɛmʋn sɔ nun yɩɛ Nyanmɩan lɛ tua wɔ kalɛ ɔ.»

Bɛ bɔ bɛ Fɛlɛlɩ bɛ kɛ b’a Li Nince, bɛ wʋn Anyanndara (Matie 22.1-10)

15 Kɛ bɛ nun kʋn bɔ bɛ nɩn Zozi tɩ ɛbɛlɛ tɩlɩ ndɛɛ ʋ sɔ, ɔ selɩ

yi kɛ: «Nyiralɛ hán sanran ɛka b’ɔ di alɩɛ ʋ Nyanmɩan Belemgbin Máan nun ɛlɔ!» 16

 Zozi tɛlɩ yi sʋ naán ɔ’a se yi kɛ: «Bian kʋn lɛ di fɛtɩ kpili kpáa.Yɩ sɔ tí, ɔ fɛlɛlɩ sanran

Lʋkʋ ��

42LUK.indd 56 16/10/2008 13:27:20

��

sʋnman kɛ b’a li nince yɩ awulo ɛlɔ. 17 Kɛ alɩɛ ʋ lilɛ dɔɔʋ julɩ,

ɔ somanlɩ yɩ sʋfʋɔʋ mɔ kɛ bɛ ʋɛ se bɛ kɛ bɛ bála. Yɩ wan: ”Amɔ sé bɛ kɛ b’a tʋn alɩɛ ʋ nɩn a yuo naán bɛ bála.” 18

 Bɛ bɔ bian selɩ bɛ kɛ b’a li alɩɛ ʋ kʋʋláá tú, bɛ wan bɛ le man alaje. Bian bɔ bɛ dun mmʋʋa tʋlɩ, yɩ wan: ”M’an to fe kʋn. Ɔ fata kɛ mɩn kɔʋ fá mɩn nyɩn nían fe sɔ. Sé yi kɛ mɩn sɛrɛ yi kpáa, ɔ yáci.” 19

 Kʋn biekun wan: ”M’an to nannɩn bulu kɛ bɛ fá lí mɩn fe sʋ junman. Mɩn kɔ nian kɛ bɛ di junman ju. Sé yi kɛ, mɩn sɛrɛ yi kpáa, ɔ yáci.” 20

 Kʋn kʋsʋ wan: ”M’an ja bala. Yɩ sɔ tí mɩn ngʋla M ma man.” 21

 Sʋfʋɔʋ salɩ yi sin, ndɛɛ ʋ bɔ bɛ hanlɩ, ɔ han helelɩ yɩ siefʋɔʋ. Awulo kpanyin fɛlɩ ɛyaá naán ɔ’a se yɩ sʋfʋɔʋ kɛ: ”Kɔʋ ndɛʋndɛ ʋ, cínman kuló sʋ akpɔ mɔ nɩn atɩ ʋɩn mɔ sʋ, fá yalɛfʋɔʋ mɔ, nɩn bɛ bɔ bɛ ja tɩ síin mɔ, nɩn bɛ bɔ bɛ nyɩn a sin mɔ, nɩn bɛ bɔ bɛ bo kɔwʋn mɔ, fá bɛ kʋʋláá bála.” 22

 Sʋfʋɔʋ hɔ walɩ naán ɔ’a se yɩ siefʋɔʋ kɛ: ”Baba, nince bɔ ɛ wan Nyɔ, M’an yɔ a yuo. Bɛ kʋʋláá, b’a wa kʋsʋ bia tɛ wɔ ɛbɛlɛ.” 23

 Siefʋɔʋ selɩ yɩ sʋfʋɔʋ kɛ: ”Kɔʋ akpɔ mgbili mɔ sʋ ɛlɔ, nɩn kálángálá mɔ sin ɛlɔ, sanran kʋʋláá bɔ amɔ nɩn kɔ yia, amɔ jínran sʋ dédéé maán ɔ bála maán mɩn awulo yi. 24

 Mɩ ʋɩn kan kele wɔ nanhɔlɔ kɛ bɛ bɔ mɩn nɩn bɛ li sielɩ kɛ b’a li alɩɛ ʋ mɩn awulo nun ɛwa, bɛ nunfɩ ʋɩ ʋ, bɛ je ngɔ han man mɩn alɩɛ ʋ!”»

Nince Ɛka b’ɔ Fata kɛ bɛ Yɔ kʋɛláá naán b’a Si Zozi sʋ (Matie 10.37-38)

25 Minnian sʋnman sʋnman kpáa, bɛ si Zozi sʋ. Ɔ kpɛlɩ yɩ

nyɩn naán ɔ’a se bɛ kɛ: 26 «Sɛ sanran kʋn wan ɔ sí mɩn sʋ,

kʋsʋ sɛ ɔ kulo yɩ sɩ ʋ, annzɛ yɩ nín, annzɛ yɩ yɩ ʋ, annzɛ yɩ mmáa mɔ, annzɛ yɩ anianman mmiesua mɔ, annzɛ yɩ anianman mmala mɔ, asala sɛ ɔ kulo yɩ ngʋan tara mɩn, sanran sɔ, ɔ ngʋla ngaci man mɩn sunnzuanfʋɔʋ. 27

 Sanran ɛka bɔ ɔ’a nzʋa man yɩ bɔbɔ yɩ bakaá ndaá nɩn a nzɩ man mɩn sʋ, sanran sɔ ɔ, ngʋla ngaci man mɩn sunnzuanfʋɔʋ. 28

 Amɔ nun benin yɩɛ sɛ ɔ kulo kɛ ɔ sí etazɩ ɔ, ɔ nun man mmʋʋa ndanran man asɩ, ɔ mmu man yɩ gua wʋn angʋnndan ɔ? Sanran ɛka bɔ yɩ wan ɔ sí etazɩ, ɔ tanran asɩ, ɔ bu sikaá bɔ wɔ yɩ sa nun angʋnndan kʋʋláá naán ɔ’a bo junman bʋ? 29

 Sɛ ɔ’a mmu man yɩ wʋn angʋnndan sɔ, kɛ ɔ

Lʋkʋ ��

42LUK.indd 57 16/10/2008 13:27:20

��

kɔ fun kunmaán kɔ yuo, bɔ sikaá kɔ yuo yɩ sa nun, bɔ ɔ’a ngʋla man suá sɔ bʋ gua, bɛ kʋʋláá bɔ bɛ wunlɩ kɛ ɔ bolɩ suá bʋ, bɛ ʋ sɩ ʋrɩ yi. 30

 Bɛ ʋɛ se kɛ: ”Bian ɛka, ɔ bolɩ suá silɛ bʋ kʋsʋ ɔ’a ngʋla man yɩ bʋ gua! ” 31

 Asala, famɩan benin yɩɛ, kʋʋláá naán ɔ nɩn famɩan fɩfɛlɛ b’a yia hʋn ɛlɔ, ɔ ndanran man asɩ, ɔ nɩn yɩ ɛlɔʋɔ kʋnfʋɔʋ mgbanyin mɔ bɛ, mmu man angʋnndan nnian man sɛ ɔ kʋʋla fá sonja akpɩɩ ʋ bulu fá bɛ kɔʋ maán bɛ nɩn sonja akpɩɩ ʋ abulɛ kʋʋn ɛlɔʋɔ sɔ? 32

 Sɛ ɔ nian naán sɛ ɔ ngʋla man ɛlɔʋɔ sɔ kʋn, kɛ famɩan sɔ tɛ wɔ mmʋʋa ɛlɔ, ɔ sóman sanran mɔ kɛ bɛ hɔʋ naán bɛ sísie bɛ afán. 33

 Yɩ sɔ tí, sanran ɛka bɔ ɔ’a nyaci man yɩ ninnje kʋʋláá b’ɔ le nun, sanran sɔ, ɔ ngʋla ngaci man mɩn sunnzuanfʋɔʋ.»

Njɩ ɛɩn wʋn Ndɛɛ ɛ (Matie 5.13; Malɩkɩ 9.50)

34 Njɩ ʋɩn tɩ kpáa kʋsʋ sɛ ɔ kpɔ, ɔ yɔ sɛɛ ʋ naán ɔ’a yɔ fɛ ɔ’a

sɩn yɩ bʋsʋ? 35 Sɛ njɩ ʋɩn sɔ kpɔ, bɛ ngʋla nva nyɔ man

nincefɩ ʋɩ ʋ. Bɛ ngʋla nva nzangan man asɩɛ nun, bɛ ngʋla nva nzangan nnaán ebiín nun. Sannan yɩ fnndi gualɛ ala yɩɛ bɛ fnndi gua ɔ. Sanran ɛka b’ɔ le asʋɔ maán ɔ tíe ndɛɛ ʋ ɛka bɔ M’an han.

15 1 Gua bʋ sikaá defʋɔʋ mɔ nɩn ɛtɛ yɔfʋɔʋ mɔ, bɛ te si yialɩ Zozi kúkúú kúkúú, bɛ walɩ ndɛɛ ʋ b’ɔ kan yɩ

tielɛ. 2 Falizɩan mɔ nɩn fuluwa kɛlɛfʋɔʋ mɔ jʋjɔlɩ bɛ konvian

bʋ selɩ kɛ: «Bian ɛka nɩn ɛtɛ yɔfʋɔʋ mɔ san nun, asala ɔ nɩn bɛ di alɩɛ ʋ nɩnka hɔlɔ.» 3

 Yɩ sɔ bɔ bɛ hanlɩ tí, Zozi bulɩ anyanndara kʋn helelɩ bɛ. Ɔ bisa bɛ kɛ: 4

 «Amɔ nun benin yɩɛ sɛ ɔ le mmʋá ɛya, naán sɛ bɛ nun kʋn minlin ɔ, ɔ nyaci man yɩ mmʋá abulahʋnlan nɩn ngʋnlan ɛbɛlɛ, ɔ ngɔ man kacɛ nun ɛlɔ, ɔ ngɔ ngɩnndɛ man kʋn b’ɔ minlinlɩ? Ɔ kɔ kɩnndɛ kʋn sɔ dédéé, ɔ wʋn yi. 5

 Kɛ ɔ kɔ wun yi, ɔ fa yi bo yɩ bati sʋ. Yɩ wʋn cʋcʋn yi kpáa. 6

 Kɛ ɔ kɔ ju yɩ awulo ɛbɛlɛ, ɔ fɛlɛ yɩ mianngʋn mɔ nɩn bɛ bɔ bɛ awulo mantan yɩ dɩɛ, ɔ se bɛ kɛ: ”Amɔ bʋʋka mɩn maán N ní fɛtɩ afɩɩ ʋn mɩn bʋa kʋn minlinlɩ kʋsʋ M’an wun yi! ” 7

 Mɩ ʋɩn kan kele amɔ kɛ sɛ ɛtɛ yɔfʋɔʋ kʋn kaci yɩ nzʋʋan, yɩ tí fɛtɩ bɔ bɛ di nyanmɩan sʋ ɛlɔ, ɔ tɩ dɔwʋn tara fɛtɩ bɔ bɛ di man sanran abulahʋnlan nɩn ngʋnlan bɔ bɛ tɩ sɛsɛfʋɔʋ.»

Lʋkʋ �� ,  ��

42LUK.indd 58 16/10/2008 13:27:20

��

Sikaá bɔ Minlinlɩ, yɩ wʋn Anyanndara 8

 Zozi bisa gua bʋ sikaá defʋɔʋ mɔ kɛ: «Bala benin yɩɛ sɛ ɔ le sikaá jɛ ʋtɛ bulu naán sɛ kʋn minlin ɔ, ɔ nzɔ man kannɩan, ɔ mbipian man suá kʋʋláá nun? Ɔ kɩnndɛ jɛ ʋtɛ mmaá nɩnka kʋʋláá dédéé sannan ɔ wun yi kʋʋláá naán ɔ’a tanran asɩ. 9

 Kɛ ɔ kɔ wun jɛ ʋtɛ mmaá sɔ, ɔ fɛlɛ yɩ danvʋ mɔ nɩn bɛ bɔ bɛ awulo mantan yɩ dɩɛ, ɔ se bɛ kɛ: ”Amɔ bʋʋka mɩn maán N ní fɛtɩ, afɩɩ ʋn M’an wun mɩn sikaá bɔ minlinlɩ!” 10

 Mɩ ʋɩn kan kele amɔ kɛ: Sɛ ɛtɛ yɔfʋɔʋ kʋn kaci yɩ nzʋʋan, Nyanmɩan annzʋ mɔ wʋn cʋcʋn bɛ kpáa.»

Baá Wannzofʋɔ wʋn Anyanndara 11

 Zozi bulɩ anyanndara kʋn biekun helelɩ bɛ. Yɩ wan: «Bian kʋn wɔ ɛbɛlɛ. Ɔ le mmaá nnyʋn. 12

 Bɛ nun káán jɛsʋlɩ ɔ, yɩ wan: ”Baba, cé ajáa nun naán fá mɩn dɩɛ mán mɩn.” Bɛ sɩ ʋ helɩ ajáa nun manlɩ bɛ. 13

 Kɛ ɔ yɔlɩ sɔ, ɔ’a njɛ man, kpɛʋɛkʋn baá kasian sɩsalɩ yɩ ninnje mɔ, ɔ tɔlɩ máan nun. Ɔ hɔlɩ mmʋʋa mmʋʋa kpáa, máan fɩfɛlɛ nun. Kɛ ɔ julɩ ɛlɔ, ɔ sɛcɩlɩ yi sikaá kʋʋláá mgbaán. Ɔ lilɩ yɩ sikaá kʋʋláá. 14

 Kɛ ɔ yɔlɩ yɩ sikaá kʋʋláá wannzo b’ɔ yuolɩ, ehóo kpili kʋn kpɩnlɩn máan sɔ nun. Sian yɩ sa mian! 15

 Ɔ falɩ wʋn manlɩ maán sɔ nunfʋɔʋ kʋn kɛ ɔ mán yɩ junman maán ɔ lí. Bian sɔ wan ɔ hɔʋ naán ɔ tá yɩ kpalako mɔ. 16

 Ɔʋɔ ka yɩ ngʋnmɩn ɔ, ahaán alɩɛ ʋ bɔ bɛ fa ta kpalako mɔ, bɛ fa bie man yi maán ɔ dí. Kʋsʋ sanranfɩ ʋɩ ʋ a nva bie a man man yi. 17

 Ɔ tanranlɩ ɛbɛlɛ, ɔ bulɩ angʋnndan yɩ kunlun ɛlɔ selɩ kɛ: ”Nían, mɩn Baba kpaáfʋɔ mɔ, bɛ di alɩɛ ʋ dédéé bie ka. Kʋsʋ mɩn yɩɛ mɩn wɔ ɛwa, ehóo sʋ kun mɩn”! 18

 Mɩ ʋɩn jɛsʋ kɔ tʋ mɩn sɩ ʋ, mɩ ʋɩn se yi kɛ: ”Mɩn Baba, M’an yɔ ɛtɛ Nyanmɩan wunlun, asala M’an lo wɔ ngasi. 19

 Ɔ nɩn mɩn nvata man k’ɛ fa mɩn yɔ wɔ wáa, yɔʋ mɩn k’ɛ fa yɔ wɔ kpaáfʋɔ mɔ saá.” 20

 Ɔ jɛsʋlɩ, ɔ salɩ yɩ sin yɩ sɩ ʋ awulo ɛlɔ. Kɛ yɩ sɩ ʋ lɛ nian mmʋʋa ɛlɔ, ɔ wunlɩ kɛ yɩ wáa lɛ ba. Yɩ wʋn yɔlɩ yɩ awunvóo. Ɔ wanndilɩ, ɔ tɔlɩ yɩ nun átúú, ɔ tafɩtafɩlɩ yɩ nʋan wʋn. 21

 Baá kasian selɩ yɩ sɩ ʋ kɛ: ”Baba, M’an yɔ ɛtɛ Nyanmɩan wunlun. Asala M’an lo wɔ ngasi. Ɔ nɩn mɩn nvata man k’ɛ fa mɩn yɔ wɔ wáa.” 22

 Sɩɛ selɩ yɩ sʋfʋɔʋ mɔ

Lʋkʋ ��

42LUK.indd 59 16/10/2008 13:27:21

��

kɛ: ”Amɔ hán amɔ wʋn, amɔ fá taralɛ tɩnndɩn b’ɔ tɩ kɩnlɩnman tara bɛ nga mɔ kʋʋláá bála. Amɔ fá wúla yi. Amɔ fá ngáa wúla yɩ sa. Amɔ wúla yi ja mgbabʋa. 23

 Amɔ fá salɛ nannɩn kpili bála naán amɔ hún yi maán yɛ kʋʋláá yɛ lí fɛtɩ, 24

 afɩɩ ʋn mɩn wáa ɛka ɔ wulɩ yɩɛ ɔ’a nyan ngʋan, ɔ minlinlɩ kʋsʋ M’an wun yi. Bɛ kʋʋláá tú, bɛ wɔ awʋncʋcʋnlɛ nun.”»

25 «Kɛ ɔʋɔ yɔ sɔ nɩn baá kpanyin wɔ fe sʋ ɛlɔ, ɔʋɔ di junman.

Kɛ ɔʋɔ ba b’ɔ minnjelɩ awulo wʋn ɛbɛlɛ, ɔ tɩlɩ kɛ nɩɩ ʋn bɛ ʋɛ tʋ ejóo, nɩɩ ʋn bɛɛ ʋ si abile. 26

 Ɔ fɛlɛlɩ sʋfʋɔʋ mɔ nun kʋn naán ɔ’a bisa yi kɛ: ”Nzu tí yɩɛ bɛ tʋ ejóo? Nzu tí yɩɛ bɛ si abile? ” 27

 Sʋfʋɔʋ wan: ”Wɔ anianman nɩn a sa yɩ sin a wa. Yɩ sɔ tí wɔ sɩ ʋ a hun nannɩn salɛ. Kɛ wɔ anianman le yɩ wʋn kʋʋnlʋʋn ngʋʋnlʋʋn walɩ tí, yɩɛ bɛ ʋɛ di fɛtɩ nɩn ɔ.” 28

 Baá kpanyin fɛlɩ ɛyaá. Bɛ sɛrɛlɩ yi kɛ ɔ wʋʋlʋ awulo nun kʋsʋ yɩ wan ɔ nwʋlʋ man ɛlɔ. Yɩ Baba walɩ naán ɔ’a sɛrɛ yi kɛ ɔ wʋʋlʋ awulo ɛlɔ. 29

 Ɔ tɛlɩ yɩ sɩ ʋ sʋ naán ɔ’a se yi kɛ: ”Wɔ bɔbɔ, ɛ sɩ kɛ M’an sʋ wɔ a hɛ. Ɔ le man nince kʋn bɔ ɛ wan N yɔʋ bɔ mɩn nyɔ man ɔ. Ɛ manlɩ man mɩn bʋa baá bɔ kʋn lé kɛ mɩn nɩn mɩn mianngʋn mɔ yɛ fa li fɛtɩ. 30

 Kʋsʋ kɛ wɔ wáa ɛka walɩ, yɩ bɔ ɔ’a fa wɔ sikaá kʋʋláá man tutu mmala mɔ, yɩ ti a hun nannɩn salɛ! ” 31

 Yɩ sɩ ʋ tɛlɩ yɩ sʋ naán ɔ’a se yi kɛ: ”Mɩn wáa, wɔ dɩɛ, ɛ nɩn mɩn yɩɛ yɛ wɔ ɛwa ɔ. Nince kʋʋláá b’ɔ tɩ mɩn dɩɛ, ɔ tɩ wɔ dɩɛ. 32

 Sɛ yɛ wʋn cʋcʋn yɛ naán yɛ di fɛtɩ, ɔ tɩ kpáa afɩɩ ʋn wɔ anianman nɩn wulɩ kʋsʋ ɔ’a nyan ngʋan, ɔ minlinlɩ kʋsʋ M’an wun yi! ”»

Nince sʋ Nianfʋɔɛ bɔ tɩ man Kpáa

16 1 Zozi hanlɩ ndɛɛ ʋ kʋn biekun helelɩ yɩ sunnzuanfʋɔʋ mɔ. Yɩ wan: «Anyanbɛwʋnfʋɔʋ kʋn wɔ ɛbɛlɛ. Ɔ falɩ

yɩ ninnje mɔ wulalɩ bian kʋn sa nun kɛ ɔ nían sʋ. Bɛ han helelɩ yɩ kɛ yɩ ninnje sʋ nianfʋɔʋ sʋ sɛcɩ yɩ ninnje mɔ mgbaán. 2

 Ɔ fɛlɛlɩ yi naán ɔ’a se yi kɛ: ”Ndɛɛ ʋ ɛka bɔ M’an tɩ, ɔ tɩ nanhɔlɔ? Fá ninnje bɔ ɛ nian sʋ mɔ, bɛ wʋn fuluwa bɛ ʋlɛ mɩn. Ɔ f anɛ b’ɔ kɔ, ɛ nnian man mɩn ninnje mɔ sʋ kʋʋn.” 3

 Bian b’ɔ nian ninnje mɔ sʋ bu angʋnndan yɩ kunlun ɛlɔ. Yɩ wan: ”Mɩn yɔ mɩn dɩɛ sɛɛ ʋ? Mɩn le man wʋnmɩan naán M’an se kɛ mɩ ʋɩn fun kunmaán. Yɩɛ mɩn ngʋla nze

Lʋkʋ �� ,  ��

42LUK.indd 60 16/10/2008 13:27:21

��

man kɛ mɩ ʋɩn cinman sanran mɔ sʋ sɛrɛ sikaá. Yɩ sɔ yɔ mɩn nyannzʋan. 4

 M’an wun nince b’ɔ M’an ba yɔ naán sɛ ɔ de yɩ junman mɩn sa nun ɔ, sanran mɔ a so mɩn nun bɛ awulo mɔ nun! ” 5

 Ɔ fɛlɛlɩ bɛ bɔ bɛ man yɩ siefʋɔʋ kalɛ. Ɔ fɛlɛlɩ bɛ kʋn kʋn. Bian bɔ dun mmʋʋa fɛlɛlɩ yi, ɔ bisa yi kɛ: Mɩn siefʋɔʋ, yɩ kalɛ nyɛɛ ʋ yɩɛ ɔ wɔ wɔ sʋ? 6

 Yɩ wan: ”Ngoó bali ɛya”? Ɔ se yi kɛ: ”Yɩ wʋn fuluwa nɩn yɩɛ, dé. Kán wɔ wʋn, kɛʋlɛ gúa nun kɛ wɔ kalɛ tɩ ngoó bali abulonun.” 7

 Ɔ bisa kʋn biekun kɛ: ”Wɔ kalɛ tɩ nyɛɛ ʋ?” Yɩ wan: ”Mɩn kalɛ tɩ fali kɛnndɛɛ ʋ ɛya.” Ɔ se yi kɛ: ”Wɔ kalɛ wʋn fuluwa nɩn yɩɛ, dé kɛlɛ ʋ abʋlɔcʋɛ.” 8

 Siefʋɔʋ yɔlɩ ninnje sʋ nianfʋɔʋ b’ɔ tɩ man kpáa yɩ mmóo, afɩɩ ʋn ɔ bulɩ ehinman angʋnndan. Eyuadɩfʋɔʋ mɔ bu ehinman wʋn angʋnndan tara bɛ bɔ bɛ sʋ Nyanmɩan.»

9 Mɩ ʋɩn kan kele amɔ kɛ amɔ fa sikaá ala sikaá to

amɩanngʋan. Cɩan bɔ sikaá kɔ yuo amɔ sa nun, amɔ mianngʋn sɔ mɔ bɛ so amɔ nun bɛ ɛdannganman tanranbɛlɛ nun ɛlɔ. 10

 Sanran ɛka b’ɔ kʋla nince kán sʋ nian, sanran sɔ sɛ bɛ fa ninnje sʋnman man yi ɔ, ɔ kʋʋla sʋ nian. Sanran ɛka b’ɔ ngʋla man nince káán sʋ nian, sanran sɔ, ɔ ngʋla man nince sʋnman sʋ nian. 11

 Sɛ bɛ fa sikaá ala sikaá man amɔ naán amɔ a nnian man sʋ kpáa, wán yɩɛ ɔ ba fa anyanbɛwʋn ninnje kpáa kpáa mɔ man amɔ nian sʋ ɔ? 12

 Sɛ sanran bie fa nince man amɔ kɛ amɔ nian sʋ naán sɛ amɔ a nnian man sʋ kpáa, wán yɩɛ ɔ fa amɔ bɔbɔ ninnje mɔ man amɔ kɛ amɔ nian sʋ ɔ?

13 Sanranfɩ ʋɩ ʋ nʋn ɛbɛlɛ b’ɔ kʋla sʋ siefʋɔʋ nnyʋn ɔ. Sɛ ɔ yɔ

sɔ, sannan ɔ kulo kʋn tara kʋn, ɔ sʋ kʋn kpáa tara kʋn.

Falizɩan mɔ Yɔlɩ Zozi Fɩ ɛnfɩ ɛn (Matie 11.12-13; 5:31-32; Malɩkɩ 10.11-12)

14 Falizɩan mɔ kulo sikaá kpáa. Yɩ sɔ tí, kɛ bɛ tɩlɩ ndɛɛ ʋ sɔ,

bɛ yɔlɩ Zozi fɩ ʋnfɩ ʋn. 15 Zozi tɛlɩ bɛ sʋ naán ɔ’a se bɛ kɛ: «Amɔ

mɩ ʋnman amɔ wʋn sʋ sanran mɔ wunlun, kʋsʋ Nyanmɩan dɩɛ, ɔ sɩ bɛ ahʋnlʋn nun ɛjɔrɔ. Nince ɛka b’ɔ sanran mɔ bu kɛ ɔ tɩ nince kpáa, Nyanmɩan wunlun ɔ tɩ man nincefɩ ʋɩ ʋ.»

16 Nyanmɩan mmala mɔ, nɩn ndɛɛ ʋ bɔ Nyanmɩan nʋan

jʋjɔfʋɔʋ mɔ hanlɩ, bɛ wɔ ɛbɛlɛ dédéé kʋʋláá naán Zan a wa.

Lʋkʋ ��

42LUK.indd 61 16/10/2008 13:27:21

��

Kɛ Zan walɩ, ɔ’a han Nyanmɩan Belemgbin Máan nun ndɛɛ ʋ. Sanran kɩ ʋkákɩ ʋkáfʋɔ mɔ le bɛ fanngan yɩɛ bɛ fa wʋlʋ ɛlɔ ɔ. 17

 Nyanmɩan nɩn asɩɛ, bɛ ʋɛ kpɛ nun sɩn, kʋsʋ mmala nun b’ɔ tɩ káán títínríín saá, ɔ mgbɛ man nun ngɔ sɩn man lé.

18 Sɛ sanran kʋn ja bala naán sɛ ɔ yira yi naán ɔ ja bala

fɩfɛlɛ ɔ, nɩɩ ʋn ɔ’a li yɩ yɩ ʋ b’ɔ yiralɩ wʋn balahalɛ. Asala sanran ɛka bɔ kɔ ja bala ɛka bɔ yɩ hun a yira yi nɩɩ ʋn ɔ’a lɩ balahalɛ.

Lazalɩ nɩn Anyanbɛwʋnfʋɔɛ, bɛ Ndɛɛ ɛ 19

 «Daá nɩn bian kʋn wɔ ɛbɛlɛ. Bian sɔ yɩ taralɛ b’ɔ wula yɩ gua tɩ kekele kpáa. Alɩ ʋɛbaá kʋʋláá, ɔ di alɩɛ ʋ kpáa kpáa. 20

 Bian sɔ, Lazalɩ da yɩ awulo anʋan nun ɛbɛlɛ. Lazalɩ sɔ, ɔ tɩ yalɛfʋɔʋ. Yɩ wʋn tɩ kannɩn kannɩn ngʋnmɩn. 21

 Ɔ kɩnndɛ kɛ ɔ dí sikaáfʋɔʋ, yɩ alɩɛ ʋ b’ɔ foti yɩ sa ɔ tɔ kʋsʋ ɔ’a nnyan man sɔ a nni man. Yɩɛ adua mɔ ba tafɩ yɩ kannɩn nun. 22

 Yalɛfʋɔʋ Lazalɩ wulɩ. Annzʋ mɔ falɩ yi hɔlɩ, bɛ sielɩ yi. Ɔ hɔlɩ ɛbɔlɔlɔ. 23

 Sikaáfʋɔʋlá wulɩ, bɛ sielɩ yi. Ɔ wunlɩ yɩ wunlun kpáa ɛbɔlɔlɔ ɛlɔ. Kɛ ɔ wɔ ɛlɔ b’ɔ man yɩ nyɩn sʋ, ɔ wunlɩ kɛ Abalahamʋn wɔ mmʋʋa ɛlɔ, asala ɔ wunlɩ kɛ Lazalɩ wɔ nɩnka bɔ Abalahamʋn wɔ ɛlɔ bie. 24

 Sikaáfʋɔʋ tɩan se kɛ: ”Nánnán Abalahamʋn, wún mɩn wʋn awunvóo, sóman Lazalɩ maán ɔ fá yɩ sa mmaá bó nzuo nun ɔ fá kpɩ ʋn mɩn tofoloman sʋ. Mɩn wunlun bɔ mɩ ʋɩn wun sɩ ʋɩn nun ɛwa nán kanngʋa ɔ.” 25

 Abalahamʋn tɛlɩ yɩ sʋ naán ɔ’a se yi kɛ: ”Mɩn wáa, maán wɔ wʋla kpɩ ʋn sʋ kɛ tɛmʋn bɔ ɛ wɔ asɩɛ sʋ ɛlɔ, ɛ lilɩ maán. Lazalɩlá, tɛmʋn b’ɔ wɔ asɩɛ sʋ ɛlɔ, ɔ wunlɩ yɩ wunlun. Ɔ wɔ ɛwa, Nyanmɩan lɛ gua yɩ ahʋnlʋnbaá sʋ nzuo. 26

 Asala, nɩnka bɔ ɛ wɔ ɛlɔ nɩn nɩnka bɔ yɛ wɔ ɛwa, búmán kpili kpáa kʋn kpɛ yɛ afán. Nyanmɩan falɩ búmán sɔ kpɛlɩ yɛ afán kɛ ɔ yɔ naán sanranfɩ ʋɩ ʋ f yɛ ɛwa ɔ’a ngɔ man amɔ ɛlɔ tí. Sanranfɩ ʋɩ ʋlá ngʋla nvi man amɔ ɛlɔ mma man yɛ wʋn ɛwa.” 27

 Sikaáfʋɔʋ se Abalahamʋn kɛ: ”Nánnán Abalahamʋn, sɛ ɔ tɩ sɔ ɔ, mɩ ʋɩn sɛrɛ wɔ kpáa, sóman Lazalɩ kɛ ɔ hɔʋ mɩn sɩ ʋ awulo ɛlɔ naán ɔ kánnzʋ mɩn anianman mmiesua nnun bɔ bɛ wɔ ɛlɔ. 28

 Sɛ ɔ’a ngɔ a ngannzʋ man bɛ ɔ, bɛlá, bɛ ba nyinrinnin nɩnka ɛka nun ɛwa.” 29

 Abalahamʋn wan: ”Mmala bɔ Moyizɩ nɩn Nyanmɩan nʋan jʋjɔfʋɔʋ mɔ hɛlɛlɩ, bɛ

Lʋkʋ ��

42LUK.indd 62 16/10/2008 13:27:21

��

wɔ ɛbɛlɛ maán wɔ anianman mɔ kɩ ʋnngan”! 30 Sikaáfʋɔʋ wan:

”Nánnán Abalahamʋn, s’ɛ soman sanran bɔ ɔ’a wu, b’ɔ f ɛwa ɔ’a tʋ bɛ, bɛ ʋɛ kaci bɛ nzʋʋan.” 31

 Abalahamʋn selɩ yɩ kɛ: ”Sɛ bɛ wan bɛ ndie man ndɛɛ ʋ bɔ Moyizɩ nɩn Nyanmɩan nʋan jʋjɔfʋɔʋ mɔ hanlɩ, maán sanran fí ɛbɔlɔlɔ ɛwa hɔʋ dédéé, ɔ tɩ mgbaán, ndɛɛ ʋ b’ɔ kan bɛ ngɔ nnafɩ man sʋ.” »

Jɩjɩlɛ wʋn Ndɛɛ ɛ (Matie 18.6-7, 21-22; Malɩkɩ 9.42)

17 1 Zozi selɩ yɩ sunnzuanfʋɔʋ mɔ kɛ: «Maán bɛ yɔ sɛɛ ʋ sɛɛ ʋ, nince ɛka b’ɔ jɩjɩ sanran mɔ bɔ bɛ yɔ saá ɛka

bɔ tɩ ɛtɛ, sannan nince sɔ lɛ ba. Kʋsʋ sanran ɛka bɔ yɩ sɔ nince sɩn yɩ sʋ b’ɔ kɔ wa, yɩ dɩɛ yɩ yako! 2

 Sɛ sanran kʋn yɔ maán mmantanran ngakan ɛka mɔ nun kʋn tɔ ɛtɛ nun, sanran sɔ yɩɛ dɩɛ ɔ fanunman kɛ b’a sun yi a tʋ jenvie nun.» 3

 Amɔ sɩ ʋsa amɔ wʋn kpáa. «Sɛ wɔ anianman tɔ ɛtɛ nun, tú yɩ wunlun. Sɛ ɔ yaci yɩ ɛtɛ

sɔ, naán ɔ kaci yɩ nzʋʋan, yáci cé yi.» 4 Sɛ ɔ yɔ ɛtɛ tia wɔ kpɛ

nzu, naán sɛ ɔ ba tʋ wɔ kpɛ nzʋ, naán sɛ ɔ se kɛ: ”M’an fʋn wɔ wʋn, yáci cé mɩn ɔ”, ɔ fata k’ɛ yáci cé yi. 5

 Zozi somanfʋɔʋ mɔ se yi kɛ: «Yɔ maán yɛ de-di sʋʋn!» 6

 Famɩan Zozi tɛlɩ bɛ sʋ naán ɔ’a se bɛ kɛ: «Sɛ amɔ de-di tɩ káán títínríín kɛ ndʋrʋwaá mmaá saá, amɔ kʋla kan kele bakaá ɛka kɛ ɔ tú yɩ bʋ naán ɔ jinran jenvie nun ɛlɔ, bakaá nyɩn lɛ sɔ amɔ, ɔ yɔʋ nince ɛka bɔ amɔ wan ɔ yɔʋ. 7

 Amɔ nun benin yɩɛ sɛ ɔ le junman difʋɔʋ bɔ di yɩ fe sʋ junman annzɛ b’ɔ nian yɩ bʋa sʋ, sɛ ɔ f fe sʋ ɛlɔ ba ɔ, ɔ se yi kɛ ”bála b’a tanran asɩ ɛwa maán yɛ lí yɛ alɩɛ ʋ ɔ”? 8

 Amɔ ngɔ se man sɔ. Amɔ lɛ se yi kɛ: ”Tʋʋn alɩɛ ʋ man mɩn, fá wɔ sʋfʋɔʋ taralɛ wula naán fá nince bɛ ʋlɛ maán N ni.” Amɔ lɛ se yi kɛ ”bɛ ʋlɛ mɩn nzuo maán N nʋn”. 9

 Kɛ sʋfʋɔʋ kɔ yɔ ninnje sɔ mɔ kɔ yuo, kɛ amɔ nian, yɩ mɩ ʋn yɔ yɩ mmóo? 10

 Yɩ sɔ tí, amɔlá, kɛ amɔ kɔ li junman kɔ yuo, amɔ se kɛ: ”Yɛ dɩɛ yɛ tɩ sʋfʋɔʋ mgbaán. Ɛhɩ bɔ bɛ wan yɛ yɔʋ, yɩɛ yɛ yɔlɩ. Ɔ fata man kɛ bɛ dá yɛ asɩ.”»

Zozi Yɔlɩ Kokobefʋɔɛ Bulu, bɛ Jojo 11

 Nɩɩ ʋn Zozi ja wɔ atɩ ʋɩn nun, ɔ sʋ kɔ Zoluzalɛmʋn. Kɛ ɔʋɔ kɔ, ɔ sɩnlɩ Samali máan nɩn Galile máan, bɛ afán ɛbɛlɛ.

Lʋkʋ �� ,  ��

42LUK.indd 63 16/10/2008 13:27:21

��

12 Kɛ ɔ wʋlʋlɩ kuló kʋn nun, kokobefʋɔʋ bulu, bɛ walɩ yɩ

atɩ ʋɩn kpalɛ, kʋsʋ bɛ jinranlɩ mmʋʋa ɛlɔ. 13 Bɛ manlɩ bɛ nɩ ʋɩn

sʋ naán b’a tɩan fɛlɛ yi. Bɛ wan: «Zozi, Kelefʋɔʋ, wún yɛ wʋn awunvóo» 14

 Kɛ Zozi wunlɩ bɛ, ɔ selɩ bɛ kɛ: «Amɔ hɔ, amɔ fá amɔ wʋn hele Nyanmɩan wunlun jinranfʋɔʋ mɔ.» Kɛ bɛ ja la atɩ ʋɩn nun bɔ bɛ ʋɛ kɔ, bɛ wʋn yɔlɩ kpáa. 15

 Bɛ nun kʋn, kɛ ɔ wunlɩ kɛ yɩ wʋn a yɔ kpáa tí, ɔ salɩ yɩ sin. Kɛ ɔʋɔ ba, ɔ manlɩ yɩ nɩ ʋɩn sʋ, ɔ kannvʋlɩ Nyanmɩan. 16

 Ɔ walɩ, ɔ’a butulɩ yɩ nyɩn asɩ Zozi ja bʋ naán ɔ’a la yɩ asɩ. Bian sɔ, ɔ tɩ samalifʋɔʋ. 17

 Zozi bisa kɛ: «Sanran bulu yɩɛ bɛ wʋn yɔlɩ kpáa ɔ. Naán bɛ ngʋnlan, bɛ wɔ nin? 18

 Nzu tí yɩɛ bɛ ngʋnlan b’a nza man bɛ sin, b’a mma nna man Nyanmɩan asɩ? Sannan bian ɛka b’ɔ tɩ man Izalayɛlɩfʋɔʋ ngʋnmɩn yɩɛ ɔ lalɩ Nyanmɩan asɩ ɔ!» 19

 Zozi selɩ bian sɔ kɛ: «Jɛ ʋsʋ kɔ. Wɔ de-di maán a nyan wɔ ti.»

Falizɩan mɔ Wan Zozi Héle bɛ Tɛmʋn mɔ nun Nzɔrɔ 20

 Falizɩan mɔ bisalɩ Zozi kɛ ɔ héle bɛ tɛmʋn b’ɔ ju ɔ, Nyanmɩan b’a sie máan. Zozi tɛlɩ bɛ sʋ naán ɔ’a se bɛ kɛ: «Nzɔrɔfɩ ʋɩ ʋ nʋn man ɛbɛlɛ bɔ bɛ fa nian sʋ se kɛ Nyanmɩan Belemgbin Máan walɛ ba ju. 21

 Sɛ bɛ se kɛ: ”Amɔ nían, Nyanmɩan Belemgbin Máan nɩn yɩɛ” annzɛ ”Amɔ nían, Nyanmɩan Belemgbin Máan nɩn wɔ amɔ afán ɛwa, ”yɩ sɔ ndɛɛ ʋ kʋʋláá ɔ tɩ mgbaán.»

22 Zozi selɩ yɩ sunnzuanfʋɔʋ mɔ kɛ: «Cɩan bie mɔ ba ju, amɔ

wʋla ba do mɩn bɔ mɩn tɩ Nyanmɩan Wáa. Cɩan sɔ nun, amɔ ba kɩnndɛ kɛ amɔ lɛ wun mɩn, kʋsʋ amɔ ngɔ nwun man mɩn. 23

 Sanran mɔ lɛ se kɛ: ”Amɔ nían, ɔ wɔ ɛwa”! annzɛ ”Amɔ nían ɔ wɔ ɛlɔyɩ!” Nán amɔ si bɛ sʋ, nán amɔ kɔ bie, 24

 Cɩan b’ɔ ju ɔ, mɩn bɔ mɩn tɩ Nyanmɩan Wáa M bá ba, cɩan s’ɔ tɩ kɛ mgbanlanman saá. Kɛ mgbanlanman bo míáán, ɔ kpaja nyanmɩan munmuan kʋʋláá sʋ ɛlɔ, cɩan bɔ M b ba, kɛ ɔ yɔ sɔ. 25

 Kʋsʋ mɩ ʋɩn dí mmʋʋa wun mɩn wunlun. Yɩɛ asala ajurusʋfʋɔʋ ɛka mɔ, bɛ ʋɛ yɩ ʋ mɩn tʋʋ kʋʋláá naán cɩan sɔ nian a ju. 26

 Tɛmʋn b’ɔ ju ɔ, mɩn bɔ mɩn tɩ Nyanmɩan Wáa M ba, tɛmʋn s’ɔ tɩ kɛ Nowe bɛlɛ sʋ saá. 27

 Nowe bɛlɛ sʋ, sanran mɔ di alɩɛ ʋ, bɛ nʋn nzáan, bɛ ja bala, bɛ ja bian, bɛ ja mmala man bɛ mmaá mmiesua mɔ, bɛ kɩnndɛ bian

Lʋkʋ ��

42LUK.indd 64 16/10/2008 13:27:21

��

man bɛ mmaá bɛ mmaá mmala mɔ, dédéé julɩ alɩ ʋɛbaá bɔ Nowe wʋlʋlɩ elie bendevin nun. Nyanmɩan tɔlɩ dédéé nzuo yi falɩ nɩnka kʋʋláá. Sanran mɔ kʋʋláá, bɛ wulɩ. 28-29

 Asala, tɛmʋn s’ɔ tɩ kɛ ɛjɔrɔ b’ɔ kpɩnlɩn Lɔtʋ bɛlɛ sʋ saá. Lɔtʋ bɛlɛ sʋ, sanran mɔ di alɩɛ ʋ, bɛ nʋn nzáan, bɛ di wataá, bɛ di fe, bɛ si suá dédéé julɩ cɩan bɔ Lɔtʋ jɛsʋlɩ kuló bɔ bɛ fɛlɛ Sodɔmʋn sʋ ɛbɛlɛ. Cɩan sɔ, sɩ ʋɩn f awunlo ɛlɔ, ɔ tɔlɩ kɛ nyanmɩan saá naán ɔ’a hun ɛbɛlɛfʋɔʋ mɔ kʋʋláá. 30

 Cɩan b’ɔ mɩn bɔ mɩn tɩ Nyanmɩan Wáa M ba, kɛ ɔʋɔ ba yɔ sɔ ɔ.»

31 Alɩ ʋɛbaá sɔ nun, sanran ɛka b’ɔ wɔ suá sʋ ɛlɔ, sɛ yɩ

ninnje wɔ suá kunlun ɛlɔ, nán ɔ jura se kɛ ɔ ba fa yɩ ninnje sɔ mɔ. Asala sanran ɛka b’ɔ wɔ fe sʋ ɛlɔ, nán ɔ sa yɩ sin. 32

 Maán amɔ wʋla kpɩ ʋn Lɔtʋ yɩ ndɛɛ ʋ sʋ. 33 Sanran bie ala b’ɔ

kɩnndɛ kɛ ɔ sɩ ʋsa yɩ ngʋan, sanran sɔ, ɔʋɔ wu. Sanran bie ala b’ɔ kɔ wu, ɔʋɔ nyan ngʋan. 34

 Mɩ ʋɩn kan kele amɔ kɛ kɔngʋɔ sɔ nun, sanran nnyʋn la bɛɛ ʋ kʋn nun, kʋn lɛ kɔ, kʋn lɛ ka ɛbɛlɛ. 35

 Mmala nnyʋn bɛ ʋɛ si alɩɛ ʋ, kʋn lɛ kɔ, kʋn lɛ ka ɛbɛlɛ. 36

 [Mmiesua nnyʋn bɛ ʋɛ di junman fe kʋnmgba nun, kʋn lɛ kɔ, kʋn lɛ ka ɛbɛlɛ.] 37

 Zozi sunnzuanfʋɔʋ mɔ bisa yi kɛ: «Famɩan, ninsa yɩɛ ɛjɔrɔ sɔ lɛ ju ɔ?» Zozi wan: «Nɩnka bɔ amɔ lɛ wun kɛ ɛkpɔtɛ a yia ɛbɛlɛ nɩɩ ʋn amɔ sɩ kɛ nnaán efuún wɔ ɛbɛlɛ.»

Amgboti Bala wʋn Anyanndara

18 1 Zozi bulɩ anyanndara kʋn helelɩ bɛ. Anyanndara sɔ yɩ bu yiele kɛ Zozi wan ɔ kéle bɛ kɛ bɛ sɛ ʋrɛ nzɛrɛ

títí, nán bɛ sa kpɔ. 2 Yɩ wan: «Ɛjɔrɔ difʋɔʋ kʋn wɔ kuló kʋn

sʋ ɛbɛlɛ. Bian sɔ, ɔ nzuro man Nyanmɩan, yɩɛ asala ɔ mmu man sanranfɩ ʋɩ ʋ sanran. 3

 Amgboti bala kʋn wɔ kuló sʋ ɛbɛlɛ bie. Dádáá ɔ kɔ tʋ ɛjɔrɔ difʋɔʋ sɔ, ɔ se yi kɛ mɩn nɩn mɩn kpɔfʋɔʋ le ndɛɛ ʋ. Jínran mɩn sin maán mɩn ndɛɛ ʋ yɔʋ fɛ ʋɛ.» 4

 Bala kan dédéé ɔ, ɛjɔrɔ difʋɔʋ ndɛ man yɩ sʋ. Kʋsʋ cɩan kʋn, ɛjɔrɔ difʋɔʋ bu angʋnndan yɩ kunlun ɛlɔ se kɛ: «Mɩn sɩ kɛ mɩn nzuro man Nyanmɩan, yɩɛ asala mɩn mmu man sanranfɩ ʋɩ ʋ sanran, 5

 kʋsʋ kɛ bala ɛka maán mɩn nyan man mɩn ti tí, mɩ ʋɩn ba nian yɩ ndɛɛ ʋ nun kan maán ɔ dí bɩ ʋɩn. Sɛ M’an nyɔ man sɔ, ɔ ngɔ nyaci man mɩn kówúúnlé. Dádáá ɔ ba tʋ mɩn.» 6

 Famɩan Zozi se bɛ kɛ: «Amɔ bú ndɛɛ ʋ b’ɔ ɛjɔrɔ difʋɔʋ

Lʋkʋ �� ,  ��

42LUK.indd 65 16/10/2008 13:27:22

��

b’ɔ yɩ kunlun tɩ abɔlɔ hanlɩ, yɩ wʋn angʋnndan.» 7 Sɛ ɔ tɩ

sɔ, nɩɩ ʋn ɔ yɔ sɛɛ ʋ yɩɛ bɛ bɔ Nyanmɩan a kpa bɛ a sie, bɔ ngɛlɛmɔ nɩn nɛsʋa kʋʋláá bɛ kpan fɛlɛ yi, ɔ yɔ sɛɛ ʋ yɩɛ ɔ ngɔ njinran man bɛ sin ngɔ nni man bɛ ndɛɛ ʋ nɩn ɔ? Amɔ bu kɛ ɔʋ kpá yɩ bʋ asɩ? 8

 Mɩ ʋɩn kan kele amɔ kɛ Nyanmɩan ngɔ kpa man yɩ bʋ asɩ. Ɔʋɔ ba jinran bɛ sin ndɛ ʋndɛ ʋ kpáa. Zozi bisa bɛ kɛ: «Kɛ mɩn bɔ tɩ Sanran Wáa mɩn ba, mɩn tʋ sanran kʋn asɩɛ ɛka sʋ ɛwa b’ɔ tɛ le de-di?»

Falizɩan kʋn nɩn Gua bʋ Sikaá Defʋɔɛ kʋn, bɛ Nzɛrɛ nun Ndɛɛ ɛ

9 Sanran bie mɔ, bɛ bu bɛ wʋn kɛ bɛ tɩ sɛsɛfʋɔʋ, yɩ sɔ tí bɛ

bu sanran ngáa mɔ kɛ bɛ ja bʋ nɛtɩɛ saá. Bɛ sɔfʋɔʋ mɔ tí yɩɛ Zozi bulɩ anyanndara ɛka ɔ: 10

 Yɩ wan: «Bian nnyʋn bɔ hɔlɩ Nyanmɩan sɛrɛlɛ Nyanmɩan Suá nun ɛlɔ. Bɛ nun kʋn tɩ Falizɩan, yɩɛ kʋnlá, ɔ de sikaá gua bʋ.» 11

 Falizɩan jɛsʋlɩ, ɔ sɛrɛ Nyanmɩan yɩ kunlun ɛlɔ se kɛ: «Nyanmɩan, mɩn da wɔ asɩ afɩɩ ʋn mɩn tɩ man kɛ sanran bie mɔ: bɛ minmian sanran mɔ de bɛ sikaá, bɛ nni man nanhɔlɔ, bɛ di balahalɛ. Mɩn tɩ man kɛ gua bʋ sikaá defʋɔʋ ɛhɩ. 12

 Ɛlɛbɔcʋɛ bie ala, mɩn ci cɩan kpɛ nnyʋn. Nince kʋʋláá bɔ mɩn nyan, mɩn ce nun bulu, mɩn fa yɩ sʋ bulu man wɔ.» 13

 Gua bʋ sikaá defʋɔʋ jin mmʋʋa ɛlɔ, yɩ ti si asɩ afɩɩ ʋn yɩ wan ɔ nɩn yi nvata man kɛ ɔ mán yɩ nyɩn sʋ nian awunlo. Ɔ fa yɩ sa fua yɩ ehuo nun, ɔ se kɛ: «Nyanmɩan, wún mɩn wʋn awunvóo, mɩn tɩ ɛtɛ yɔfʋɔʋ.» 14

 Mɩ ʋɩn kan kele amɔ kɛ, Nyanmɩan yɔlɩ gua bʋ sikaá defʋɔʋ sɛsɛ kʋʋláá naán ɔ’a ju yɩ awulo ɛlɔ. Kʋsʋ Falizɩan dɩɛ, Nyanmɩan a nyɔ man yɩ sɛsɛ. Afɩɩ ʋn sanran bie ala b’ɔ tu yɩ wʋn, Nyanmɩan lɛ kan yɩ asɩ. Yɩɛ sanran b’ɔ kan yɩ wʋn asɩ, Nyanmɩan lɛ man yi sʋ.

Zozi lɛ Yira Akʋkʋammaá mɔ sʋ (Matie 19.13-15; Malɩkɩ 10.13-16)

15 Sanran mɔ falɩ akʋkʋammaá mɔ bɛlɛlɩ Zozi kɛ ɔ fá yɩ

sa fúa bɛ wʋn. Kɛ Zozi sunnzuanfʋɔʋ mɔ wunlɩ sɔ, bɛ tulɩ sanran sɔ mɔ wunlun. 16

 Kʋsʋ Zozi fɛlɛlɩ akʋkʋammaá sɔ mɔ yialɩ yɩ wʋn ɛbɛlɛ naán ɔ’a se bɛ kɛ: «Amɔ yáci akʋkʋammaá mɔ nun maán bɛ bála mɩn wʋn. Nán amɔ

Lʋkʋ ��

42LUK.indd 66 16/10/2008 13:27:22

��

tutua bɛ atɩ ʋɩn. Bɛ bɔ bɛ tɩ kɛ akʋkʋammaá mɔ, bɛ yɩɛ Nyanmɩan belemgbin máan nɩn bɛ fata ɔ. 17

 Mɩ ʋɩn kan kele amɔ nanhɔlɔ kɛ sɛ sanran ɛka bɔ yɩ de-di tɩ man kɛ akʋkʋammaá mɔ dɩɛ saá, sanran sɔ, ɔ ngɔ wʋlʋ man Nyanmɩan Belemgbin Máan nun ɛlɔ.»

Anyanbɛwʋnfʋɔɛ kʋn, ɔ’a Bisalɩ Zozi Kosan (Matie 19.16-30; Malɩkɩ 10.17-31)

18 Anyanbɛwʋnfʋɔʋ kʋn se Zozi kɛ: «Ɛ kele sanran mɔ

nince. Asala ɛ tɩ sanran kpáa. Nzu yɩɛ ɔ fata kɛ N yɔʋ naán M’an nyan ngʋan b’ɔ le man ayuolɩɛ ɔ?» 19

 Zozi bisa yi kɛ: «Nzu tí yɩɛ ɛ se kɛ mɩn tɩ sanran kpáa? Sanranfɩ ʋɩ ʋ tɩ man kpáa. Sannan Nyanmɩan ngʋnmɩn yɩɛ ɔ tɩ kpáa ɔ. 20

 Ɛ sɩ ninnje mɔ bɔ mmala mɔ tua. Mmala mɔ tua kɛ nán bɛ di balahalɛ, nán bɛ kun sanran, nán bɛ wua, nán bɛ di sanran adanzɩɛ ɛtɛ. Mmala mɔ se kɛ bɛ nyɩn sɔʋ bɛ sɩ ʋ nɩn bɛ nín.» 21

 Ɔ tɛlɩ Zozi sʋ naán ɔ’a se yi kɛ: «Kɛ ɔ f mɩn káán nun dédéé b’ɔ ju anɛ, mɩn di mmala sɔ mɔ sʋ.» 22

 Kɛ Zozi tɩlɩ sɔ, ɔ selɩ bian kɛ: «Ɔ tɛ ka nince kʋn b’ɔ fata k’ɛ yɔ. Yɔʋ wɔ wʋn ninnje kʋʋláá atɔɔʋ naán fá sikaá bɔ ɛ kɔ nyan mán yalɛfʋɔʋ mɔ. K’ɛ kɔ yɔ sɔ, ɛ ʋɛ ba nyan anyanbɛwʋn kpáa Nyanmɩan sʋ ɛlɔ. Yɩ sin, bála naán b’a si mɩn sʋ.» 23

 Kɛ ɔ tɩlɩ ndɛɛ ʋ sɔ, ɔ munlanlɩ yɩ wunlun túún, afɩɩ ʋn ɔ le anyanbɛwʋn sʋnman sʋnman kpáa. 24

 Kɛ Zozi wunlɩ yɩ sɔ, ɔ selɩ kɛ: «Kɛ dédéé bɔ anyanbɛwʋnfʋɔʋ kʋn lɛ wʋlʋ Nyanmɩan Belemgbin Máan nun, yɩ sɔ dɩɛ ɔ tɩ kekele o! 25

 Sɛ bɛ sie kpanngɔʋɔ nɩn anyanbɛwʋnfʋɔʋ ɛbɛlɛ. Sɛ bɛ se kpanngɔʋɔ kɛ ɔ wʋʋlʋ dɔlʋwaá bʋɔ nun, yɩɛ bɛ se sikaáfʋɔʋ kɛ ɔ wʋlʋ Nyanmɩan Belemgbin Máan nun, kpanngɔʋɔ yɩ dɔlʋwaá bʋɔ nun wʋlʋlɛ, ɔ tɩ pɔʋpɔʋ tara sikaáfʋɔʋ yɩ Nyanmɩan Belemgbin Máan nun wʋlʋlɛ.» 26

 Bɛ bɔ tɩlɩ ndɛɛ ʋ sɔ, bɛ bisa Zozi kɛ: «Hɩɩ ʋn wan yɩɛ yɩ ti lɛ fte nun ɔ?» 27

 Zozi tɛlɩ bɛ sʋ naán ɔ’a se bɛ kɛ: «Nince ɛka bɔ sanran ngʋla man yɔ, Nyanmɩan kʋla yɔ.» 28

 Pɩɛlɩ wan: «Nían, y’a yaci yɛ awulo mɔ, y’a si wɔ sʋ.» 29

 Zozi tɛlɩ bɛ sʋ naán ɔ’a se bɛ kɛ: «Mɩ ʋɩn kan kele amɔ nanhɔlɔ, sɛ Nyanmɩan Belemgbin Máan tí, sɛ sanran kʋn yaci yɩ suá, annzɛ yɩ

Lʋkʋ ��

42LUK.indd 67 16/10/2008 13:27:22

��

yɩ ʋ, annzɛ yɩ anianman mmiesua mɔ, annzɛ yɩ sɩ ʋ nɩn yɩ nín, annzɛ mmaá mɔ, 30

 sanran sɔ, ɔʋɔ nyan sʋ ahatua sʋnman kpáa máan ɛka bɔ yɛ wɔ nun, nun. Asala ɔʋ nyán ahatua sʋnman kpáa ɛdannganman ngʋan b’ɔ ba nun.»

Zozi lɛ Kan yɩ Ewuo nun Ndɛɛ ɛ (Matie 20.17-19; Malɩkɩ 10.32-34)

31 Zozi fɛlɛlɩ yɩ somanfʋɔʋ bulu nɩn nnyʋn, bɛ ahanmɩan

naán ɔ’a se bɛ kɛ: «Amɔ tíe kpáa. Yɛ ja wɔ atɩ ʋɩn nun, yɛ sʋ kɔ Zoluzalɛmʋn ɛlɔ. Mɩn bɔ mɩn tɩ Sanran Wáa, mɩn wʋn ndɛɛ ʋ kʋʋláá bɔ Nyanmɩan nʋan jʋjɔfʋɔʋ mɔ hɛlɛlɩ, ɔʋɔ ba kpɩn sʋ. 32

 Afɩɩ ʋn bɛ ʋɛ ba fa mɩn wula bɛ bɔ bɛ tɩ man zuwifʋ mɔ, bɛ sa nun, bɛ ʋɛ ba yɔ mɩn tútó tútó, bɛ ʋɛ yɔ mɩn mgbaán mgbaán, bɛ ʋɛ tɩ ʋ bɛ nʋannzuo gúa mɩn wʋn. 33

 Bɛ ʋɛ fn mɩn mgbele, bɛ ʋɛ kun mɩn, yɩ cɩan nzan sʋ mɩ ʋn fí ewuo nun mɩ ʋn fíte.» 34

 Ndɛɛ ʋ sɔ bɔ Zozi hanlɩ b’a nwun man yɩ bʋ. Ndɛɛʋ sɔ, yɩ bʋ tɩ fɩalɩwa. Ɔ maán b’a ndɩ man ndɛɛ ʋ b’ɔ hanlɩ, yɩ bʋ.

Zeliko ɛlɔ Anyansinranfʋɔɛ kʋn Wan Zozi Yɔɛ yi Jojo 35

 Kɛ Zozi julɩ Zeliko kuló tuwa ɛbɛlɛ, nɩɩ ʋn anyansinranfʋɔʋ kʋn tɩ akpɔ nʋan ɛbɛlɛ, ɔʋɔ sɛrɛ nince. 36

 Ɔ tɩlɩ kɛ sanran sʋnman sʋnman, bɛ ʋɛ sɩn ɛbɛlɛ. Ɔ bisalɩ sáa tí bɔ bɛ ʋɛ sɩn ɛbɛlɛ. 37

 Bɛ wan: «Zozi b’ɔ f Nazalɛtɩ, ɔ sʋ sɩn ɛwa kɔ.» 38 Ɔ

tɩanlɩ kekele fɛlɛlɩ yi. Yɩ wan: «Zozi, Nánnán Davidɩ anʋnmaán, wún mɩn wʋn awunvóo!» 39

 Bɛ bɔ bɛ wɔ yɩ wunlun ɛbɛlɛ mɔ kpolɩ yɩ sʋ, bɛ se yi kɛ: «Múan wɔ nʋan.» Kʋsʋ ɔ’a ndɛ man bɛ sʋ. Ɔʋɔ tɩan nɩn ɔʋɔ tɩan. Yɩ wan: «Nánnán Davidɩ anʋnmaán, wún mɩn wʋn awunvóo!» 40

 Zozi jinranlɩ, ɔ maán sanran mɔ falɩ anyansinranfʋɔʋ bɛlɛlɩ yi. Kɛ ɔ minnjelɩ Zozi wʋn ɛbɛlɛ, Zozi bisalɩ yi kɛ: 41

 «Nzu yɩɛ ɛ kɩnndɛ kɛ N yɔʋ mán wɔ ɔ?» Yɩ wan: «Famɩan, yɔʋ maán N wún asɩ.» 42

 Zozi se yi kɛ: «Wún asɩ. Wɔ de-di maán wɔ wʋn a yɔ jojo.» 43

 Kɛ ɔ hanlɩ sɔ, kpɛʋkʋʋn kpáíín, bian nyɩn nɩn a wun asɩ! Ɔ sulɩ Zozi sʋ, ɔ kannvʋlɩ Nyanmɩan dunman. Kɛ sanran mɔ kʋʋláá wunlɩ yɩ sɔ, bɛ mɩnmanlɩ Nyanmɩan sʋ.

Lʋkʋ ��

42LUK.indd 68 16/10/2008 13:27:22

��

Zase Fʋlɩ Bakaá sʋ

19 1 Zozi wʋlʋlɩ Zeliko kuló nun, ɔ sʋ kpɛ nun kɔ.

2 Bian kʋn wɔ ɛbɛlɛ bɛ fɛlɛ yi Zase, ɔ tɩ bɛ bɔ bɛ de

gua bʋ sikaá, bɛ sʋ kpanyin. Ɔ le sikaá kpáa. 3 Zase sɔ, ɔ

kulo kɛ ɔ wún Zozi, kʋsʋ kɛ minnian mɔ sʋnlɩ tí, asala kɛ ɔ tɩ sanran tika tí, ɔ ngʋla wun man yi. 4

 Yɩ sɔ tí, ɔ wanndi lilɩ sanran mɔ wunlun mmʋʋa naán ɔ’a fʋ sikɔmɔlʋ kʋn sʋ. Bakaá sɔ, ɔ jin atɩ ʋɩn bɔ Zozi lɛ sɩn sʋ, yɩ nʋan ɛbɛlɛ. 5

 Kɛ Zozi julɩ ɛbɛlɛ, ɔ tʋlɩ yɩ nyɩn awunlo naán ɔ’a se Zase kɛ: «Zase, kán wɔ wʋn júra afɩɩ ʋn anɛ mɩ ʋɩn sike wɔ awulo ɛlɔ.» 6

 Kɛ Zozi hanlɩ sɔ, Zase hanlɩ yɩ wʋn juralɩ naán ɔ’a sike Zozi kpáa. 7

 Kɛ minnian mɔ wunlɩ sɔ, bɛ kʋʋláá, bɛ jʋjɔlɩ bɛ konvian bʋ. Bɛ wan: «Ɛtɛ yɔfʋɔʋ yɩ awulo ɛlɔ yɩɛ ɔ’a sike ɔ.» 8

 Zase jɛsʋ jinranlɩ naán ɔ’a se Famɩan Zozi kɛ: «Famɩan, mɩ ʋɩn ce mɩn anyanbɛwʋn ninnje mɔ nun nnyʋn.

Lʋkʋ ��

Zase Fʋlɩ sikɔmɔlʋ sʋ (19:1)

42LUK.indd 69 16/10/2008 13:27:23

��

a 19.16 denali: Ɔ tɩ kpaáfʋɔʋ kʋn yɩ afʋɔ nzan ahatua. Sɛ bɛ fa sanran kʋn terekele, cɩan kʋn ɔ tɩ denali kʋn manlɩ mɩn

Mɩ ʋɩn fa yɩ buo mán yalɛfʋɔʋ mɔ. Asala sɛ M’an minmian sanran M’an le yɩ sikaá ɔ, mɩ ʋɩn tua yɩ sikaá sɔ sʋ kpɛ nnan, mɩ ʋɩn yɩ man yi.» 9

 Zozi selɩ kɛ: «Anɛ, awulo ɛka nunfʋɔʋ mɔ, bɛ ti f nun a fte, afɩɩ ʋn wɔlá, ɛ tɩ Abalahamʋn anʋnmaán. 10

 Afɩɩ ʋn mɩn bɔ mɩn tɩ Sanran Wáa, M mmalɩ bɛ bɔ b’a minlin mɔ bɛ kɩnndɛlɛ. M mmalɩ bɛ ti lelɛ.»

Sʋfʋɔɛ Bulu, bɛ wʋn Anyanndara (Matie 25.14-30)

11 Kɛ bɛ ʋɛ tie ndɛɛ ʋ sɔ, Zozi bulɩ anyanndara kʋn helelɩ bɛ. B’ɔ

maán ɔ bulɩ anyanndara sɔ, yɩ bʋ yiele kɛ ɔ’a mantan Zoluzalɛmʋn ɛbɛlɛ kʋʋkʋʋʋʋ, asala sanran mɔ bu kɛ bɛ ja kʋnmgba sɔ nun, Nyanmɩan Belemgbin Máan bá ba. 12

 Zozi selɩ bɛ kɛ: «Kpɔmanfʋɔʋ kʋn hɔlɩ máan bie b’ɔ wɔ mmʋʋa mmʋʋa sʋ ɛlɔ. Kɛ ɔ hɔlɩ, bɛ falɩ yi sielɩ máan sɔ sʋ famɩan kʋʋláá naán ɔ’a hɔ. 13

 Ɔ fɛlɛlɩ yɩ sʋfʋɔʋ mɔ, bɛ nun bulu, naán ɔ’a man bɛ sikaá denali akpɩɩ ʋ bulu. Ɔ se bɛ kɛ: ”Amɔ fá sikaá li wataá kʋʋláá dédéé naán M’an wa.” 14

 Yɩ máan nunfʋɔʋ mɔ kpɔ yi, yɩ sɔ tí, bɛ somanlɩ sanran mɔ maán bɛ silɩ yɩ sʋ. Bɛ selɩ yi kɛ: ”Yɛ ngulo man kɛ bian ɛka káci yɛ belemgbin, naán ɔ síe yɛ.” 15

 Kɛ bɛ sielɩ yɩ famɩan b’ɔ walɩ, ɔ maán bɛ fɛlɛlɩ yɩ sʋfʋɔʋ mɔ b’ɔ manlɩ bɛ sikaá kɛ bɛ bála. Yɩ wan bɛ bála maán bɛ bú wataá bɔ bɛ lilɩ, yɩ wʋn angʋnndan. 16

 Sʋfʋɔʋ bɔ bɛ dun mmʋʋa fɛlɛlɩ walɩ. Yɩ wan: ”Siefʋɔʋ, sikaá denali akpɩɩ ʋ bulu bɔ ɛ fa manlɩ mɩn. M’an nyan denali a akpɩɩ ʋ bulu a gua sʋ.” 17

 Siefʋɔʋ wan: ”Mɩn yɔ wɔ mmóo. Ɛ tɩ sʋfʋɔʋ kpáa. Nince kán ɛka bɔ N va manlɩ wɔ, a nian sʋ kpáa.Yɩ sɔ tí, M maán ɛ ʋɛ ba sie kuló mgbili mgbili bulu.” 18

 Yɩ sʋfʋɔʋ kʋn biekun walɩ. Yɩ wan: ”Siefʋɔʋ, denali ɛya bɔ ɛ fa manlɩ mɩn, M’an nyan denali abulonun agua sʋ.” 19

 Siefʋɔʋ wan: ”Mɩn yɔ wɔ mmóo. Ɛ tɩ sʋfʋɔʋ kpáa. Wɔlá, ɛ ʋɛ ba sie kuló mgbili mgbili nnun.” 20

 Sʋfʋɔʋ kʋn biekunlá walɩ. Yɩ wan: ”Siefʋɔʋ, wɔ denali ɛya bɔ ɛ fa manlɩ mɩn, yɩɛ. M mmolɩ yɩ kpɔlɔ N va N zielɩ aduku nun, 21

 afɩɩ ʋn mɩn suro wɔ. Wɔ ti nun tɩ kekele. Nince ɛka b’ɔ tɩ man wɔ dɩɛ, ɛ fa. Nɩnka b’ɔ a nnua man awúo

Lʋkʋ ��

42LUK.indd 70 16/10/2008 13:27:23

��

ɛbɛlɛ, ɛ kɔ ɛlɔ, ɔ kɔ kpɛ awúo.” 22 Siefʋɔʋ wan: ”Wɔ bɔbɔ wɔ

nʋan nun ndɛɛ ʋ maán a fʋn. Wɔ kunlun tɩ abɔlɔ! Ɛ sɩ kɛ mɩn ti nun tɩ kekele. Ɛ sɩ kɛ nince ɛka b’ɔ tɩ man mɩn dɩɛ, M fa, yɩɛ nɩnka bɔ M’an ngua man awúo ɛbɛlɛ, mɩn kɔ ɛlɔ mɩn kɔ kpɛ awúo, 23

 s’ɛ sɩ yɩ sɔ, nzu tí yɩɛ a nva man mɩn sikaá nɩn a ndʋ man bankɩ ɔ? S’ɛ fa tʋlɩ bankɩ ɔ, ahaán kɛ dédéé bɔ M ba N nyanlɩ sʋ nvasʋɔ.” 24

 Ɔ selɩ bɛ bɔ jin ɛbɛlɛ mɔ kɛ: ”Amɔ lé denali ɛya yɩ sa nun naán amɔ fá mán sʋfʋɔʋ bɔ le denali akpɩɩ ʋ bulu.” 25

 Bɛ wan: ”Siefʋɔʋ, ɔ le denali akpɩɩ ʋ bulu”! 26

 Belemgbin wan: ”Mɩ ʋɩn kan kele amɔ nanhɔlɔ kɛ sanran ɛka b’ɔ nyan nvasʋɔ, bɛ ʋɛ gua yɩ nvasʋɔ sʋ. Kʋsʋ sanran ɛka b’a nyan man nvasʋɔ, yɩ dɩɛ káán b’ɔ wɔ yɩ sa nun, bɛ ʋɛ de. 27

 Mɩn kpɔfʋɔʋ mɔ a ngulo man kɛ bɛ fá mɩn síe bɛ belemgbin. Amɔ fá bɛ bála ɛwa naán amɔ hún bɛ mɩn wunlun ɛwa.” »

Zozi lɛ Kɔ Zoluzalɛmʋn (Matie 21.1-11; Malɩkɩ 11.1-11; Zan 12.12-19)

28 Kɛ Zozi hanlɩ ndɛɛ ʋ sɔ bɔ yɩ nʋan tɔlɩ, ɔ lilɩ mmʋʋa bɛ

wunlun, ɔ falɩ atɩ ʋɩn sʋ kɛ ɔʋɔ kɔ Zoluzalɛmʋn. 29 Kuló mmaá

Lʋkʋ ��

Zozi tɩ afunlunmun baá sʋ, ɔ kɔ Zoluzalɛmʋn (19.27-28)

42LUK.indd 71 16/10/2008 13:27:23

��

nnyʋn bɛ wɔ olivʋ bʋkaá nyanbʋ ɛbɛlɛ, kuló sɔ bɛ fɛlɛ bɛ Befazɩ, yɩɛ bɛ fɛlɛ kʋnlá Betani. Kɛ Zozi minnjelɩ kuló sɔ mɔ wʋn ɛbɛlɛ, ɔ somanlɩ yɩ sunnzuanfʋɔʋ mɔ nun nnyʋn. 30

 Yɩ wan: «Amɔ hɔʋ kuló bɔ wɔ amɔ wunlun ɛlɔ sʋ. Kɛ amɔ lɛ ju ɛlɔ pɛ ʋ, amɔ lɛ wun kɛ b’a mɩnnda afunlunmun baá kán kʋn, ɔ jin ɛbɛlɛ. Afunlunmun sɔ, sanranfɩ ʋɩ ʋ tanranlɩ man sʋ lé. Amɔ nyánnjɩn afunlunmun sɔ naán amɔ fá bɛ ʋlɛ mɩn. 31

 Sɛ sanran bie bisa amɔ kɛ: ”Nzu tí yɩɛ amɔ lɛ nyannjɩn afunlunmun”? Amɔ tɛ ʋ yɩ sʋ sé kɛ: ”Famɩan sa a mian yɩ wʋn.”»

32 Kɛ ɔ yɔlɩ sɔ, bɛ bɔ Zozi somanlɩ bɛ, bɛ hɔlɩ. Kɛ bɛ julɩ

ɛlɔ, bɛ wunlɩ yɩ sɔ kɛ Zozi han helelɩ bɛ saá. 33 Kɛ bɛ ʋɛ

sannjɩn afunlunmun, bɛ bɔ bɛ dɩɛ yiele afunlunmun, bɛ bisa bɛ kɛ: «Nzu tí yɩɛ amɔ lɛ nyannjɩn afunlunmun?» 34

 Bɛ tɛlɩ bɛ sʋ naán b’a se kɛ: «Famɩan sa mian wʋn.» 35

 Bɛ falɩ afunlunmun sɔ bɛlɛlɩ Zozi naán b’a fnndin bɛ taralɛ mɔ gua afunlunmun sin sʋ. Zozi tanranlɩ sʋ. 36

 Kɛ ɔ tɩ afunlunmun sʋ bɔ bɛ ʋɛ kɔ, sanran mɔ falɩ bɛ taralɛ mɔ sɩsɛlɩ akpɔ sʋ. 37

 Kɛ Zozi mantanlɩ ɛbɛlɛ kʋʋkʋʋʋʋ, b’ɔ f Olivʋ bʋkaá sʋ b’ɔ jura kɔ, sunnzuanfʋɔʋ sʋnman sʋnman kpáa, bɛ bolɩ ánngán. Bɛ wʋn cʋcʋnlɩ bɛ. Abonʋan sáa mgbili mgbili bɔ bɛ wunlɩ tí, bɛ kannvʋlɩ Nyanmɩan dunman. 38

 Bɛ wan: «Maán Nyanmɩan yíra Belemgbin b’ɔ ba Famɩan Nyanmɩan yɩ dunman nun. Maán awʋnjɔʋɔ hán Nyanmɩan bɔ wɔ nyanmɩan sʋ ɛlɔ. Maán awunlunnyáan yɔʋ Nyanmɩan bɔ wɔ awunlo awunlo, yɩ dɩɛ!»

39 Kɛ ɔ yɔ sɔ, nɩɩ ʋn Falizɩan bie mɔ wɔ minnian sʋnman

sʋnman sɛ bɛ afán ɛbɛlɛ. Bɛ se Zozi kɛ: «Kelefʋɔʋ, tú wɔ sunnzuanfʋɔʋ mɔ wunlun maán bɛ múan bɛ nʋan!» 40

 Zozi tɛlɩ bɛ sʋ naán ɔ’a se bɛ kɛ: «Sɛ bɛ muan bɛ nʋan, yɛbʋɔ mɔ lɛ bo ánngán.» 41

 Kɛ Zozi mantanlɩ Zoluzalɛmʋn ɛbɛlɛ kʋʋkʋʋʋʋ, b’ɔ wunlɩ kuló, ɔ sunlɩ. 42

 Ɔ sun se kɛ: «Ɔʋɔ ka mɩn ngʋnmɩn ɔ, ahaán anɛ, amɔ wún nince ɛka b’ɔ man amɔ alaje! Kʋsʋ amɔ nyɩn a sin! 43

 Cɩan bie, amɔ kpɔfʋɔʋ mɔ b’a sisi talɛ amɔ kuló wʋn. Ɛlɔʋɔ kʋnfʋɔʋ mɔ b’a te si yia amɔ kúkúú kúkúú. 44

 Bɛ ʋɛ bubu amɔ suá mɔ kʋʋláá tú. Bɛ ʋɛ kun amɔ kʋʋláá tú. Suá b’ɔ kʋn ngɔ ha man. Nince tí bɔ saá sɔ b’a tɔ amɔ sʋ yiele kɛ amɔ a nwun man kɛ Nyanmɩan walɩ amɔ ti lelɛ!»

Lʋkʋ ��

42LUK.indd 72 16/10/2008 13:27:24

��

Zozi Kɩkanlɩ Wataá Difʋɔɛ mɔ bʋ (Matie 21.12-17; Malɩkɩ 11.15-19; Zan 2.13-22)

45 Zozi wʋlʋlɩ Nyanmɩan Suá nun naán ɔ’a kɩkan bɛ bɔ

bɛ yɔ ninnje atɔɔʋ mɔ, bɛ bʋ. 46 Ɔ se bɛ kɛ: «Bɛ hɛlɛlɩ

Nyanmɩan Fuluwa nun kɛ: ”Mɩn Suá, bɛ ʋɛ ba fɛlɛ yi nzɛrɛ suá”, kʋsʋ amɔ dɩɛ, amɔ a fa kaci awuófʋɔʋ mɔ fɩabɛlɛ! »

47 Alɩ ʋɛbaá daá, ɔ helelɩ nince Nyanmɩan Suá nun.

Nyanmɩan wunlun jinranfʋɔʋ mgbanyin mɔ nɩn fuluwa kɛlɛfʋɔʋ mɔ nɩn minnian mɔ sʋ mgbanyin mɔ, bɛ kɩnndɛ kɛ bɛ kún Zozi, 48

 kʋsʋ bɛ nwun man kɛ bɛ yɔ naán b’a hun yi ɔ afɩɩ ʋn sanran mɔ si yɩ sʋ, bɛ wan ɔ hán ndɛɛ ʋ maán bɛ tíe.

Bɛ Bisa Zozi kɛ Wan yɩɛ ɔ Manlɩ yi Tínmín maán ɔ yɩ ɛ Atɛrɛ

(Matie 21.23-27; Malɩkɩ 11.27-33)

20 1 Cɩan kʋn nɩɩ ʋn Zozi lɛ kele sanran mɔ nince, asala nɩɩ ʋn ɔʋɔ kan Nyanmɩan ndɛɛ ʋ kele sanran mɔ

Nyanmɩan Suá nun ɛbɛlɛ. Nyanmɩan wunlun jinranfʋɔʋ mgbanyin mɔ nɩn fuluwa kɛlɛfʋɔʋ mɔ nɩn kuló mgbanyin mɔ, bɛ walɩ yɩ wʋn ɛbɛlɛ. 2

 Bɛ bisalɩ yi kɛ: «Wán dunman nun yɩɛ ɛ yɔ saá ɛka mɔ? Wán yɩɛ ɔ manlɩ wɔ atɩ ʋɩn k’ɛ yɔʋ saá sɔ mɔ?» 3

 Zozi wan: «Kʋʋláá naán M’an tɛ amɔ sʋ, mɩnlá mɩ ʋɩn ba bisa amɔ kosan kʋn. Sɛ amɔ tɛ mɩ ʋɩn sʋ, mɩnlá, mɩ ʋɩn tɛ amɔ sʋ. 4

 Wan yɩɛ ɔ manlɩ Zan atɩ ʋɩn maán ɔ sɔnɩnlɩ sanran mɔ? Nyanmɩan yɩɛ ɔ manlɩ yɩ atɩ ʋɩn annzɛ kuló sanran mɔ yɩɛ bɛ manlɩ yɩ atɩ ʋɩn ɔ?» 5

 Ɔ tɔlɩ bɛ afán akpʋlʋwaá. Bɛ wan: «Sɛ yɛ se kɛ Nyanmɩan ɔ, ɔ bisa yɛ kɛ nzu tí yɩɛ amɔ a nnafɩ man yɩ sʋ?» 6

 «Asala sɛ yɛ se kɛ kuló sanran yɩɛ ɔ manlɩ Zan atɩ ʋɩn kɛ ɔ sɔʋnɩn sanran mɔ, sanran mɔ kʋʋláá bɛ bo yɛ yɛbʋɔ, afɩɩ ʋn bɛ kʋʋláá, bɛ dafɩ sʋ kpáa kɛ Zan tɩ Nyanmɩan nʋan jʋjɔfʋɔʋ.» 7

 Yɩ sɔ tí, bɛ selɩ Zozi kɛ: «Yɛ nzɩ man sanran b’ɔ manlɩ Zan atɩ ʋɩn maán ɔ sɔnɩnlɩ sanran mɔ nɩn ɔ.» 8

 Zozi wan: «Mɩnlá, mɩn nzɩ man sanran b’ɔ manlɩ mɩn atɩ ʋɩn kɛ N yɔʋ sáa ɛka mɔ.»

Lʋkʋ �� ,  ��

42LUK.indd 73 16/10/2008 13:27:24

��

Kpaáfʋɔɛ mɔ wʋn Anyanndara (Matie 21.33-46; Malɩkɩ 12.1-12)

9 Yɩ sin, Zozi bulɩ anyanndara ɛka helelɩ minnian mɔ. Yɩ

wan: «Bian kʋn lilɩ yɩ divɩn fe. Kɛ ɔ lilɩ fe sɔ yuolɩ, ɔ fa wulalɩ kpaáfʋɔ mɔ sa nun naán ɔ’a hɔ máan bie nun. Ɔ hɔlɩ, ɔ hɛlɩ ɛlɔ kpáa. 10

 Kɛ divɩn mmaá tɩlɛ julɩ, ɔ somanlɩ yɩ sʋfʋɔʋ kʋn kɛ ɔ hɔʋ tʋʋ kpaáfʋɔ mɔ naán bɛ fá yɩ dɩɛ bɛ ʋlɛ yi. Kɛ ɔ julɩ ɛlɔ, kpaáfʋɔ mɔ bʋlɩ yi, naán b’a kɩkan yɩ bʋ. Ɔʋɔ sa yɩ sin ba, ɔ le yi sa tóó. 11

 Bian b’ɔ lilɩ fe somanlɩ yɩ sʋfʋɔʋ kʋn biekun. Kɛ ɔ julɩ ɛlɔ, kpaáfʋɔ mɔ tiralɩ yi, bɛ bʋlɩ yi naán b’a yɔ yɩ wannzo. Bɛ kɩkanlɩ yɩ bʋ. Ɔʋɔ sa yɩ sin ba, ɔ le yɩ sa tóó. 12

 Ɔ somanlɩ yɩ sʋfʋɔʋ kʋn biekun. Kɛ ɔ julɩ ɛlɔ, kpaáfʋɔ mɔ kpucelɩ yi, bɛ manlɩ yɩ sʋ, bɛ fnndinlɩ yi tʋlɩ divɩn fe sin ɛlɔ. 13

 Bian b’ɔ le divɩn fe wan: ”Ɛjɔrɔ ɛka, mɩ ʋɩn yɔ sɛɛ ʋ? Mɩ ʋɩn ba soman mɩn wáa biesua b’ɔ mɩn kulo kpáa. Sɛ yɩ dɩɛ, bɛ nyɩn kɔ sɔ yi ɔ.” 14

 Kɛ baá biesua sɔ julɩ ɛlɔ bɔ kpaáfʋɔ mɔ wunlɩ yi, bɛ se kɛ: ”Ajáa difʋɔʋ nɩn yɩɛ. Amɔ maán yɛ hún yi. Sɛ yɛ kun yi ɔ, yɩ ajáa lɛ kaci yɛ dɩɛ.” 15

 Bɛ tiralɛ yi, bɛ fnndinlɩ yi tʋlɩ divɩn fe sin ɛlɔ, bɛ hunlɩ yi.»

Zozi bisa minnian mɔ kɛ: «Nzu yɩɛ bian b’ɔ le divɩn fe ba fa yɔ kpaáfʋɔ sɔ mɔ? ” 16

 Ɔʋɔ ba, yɩɛ sɛ ɔ ju ɛbɛlɛ, ɔʋɔ kun kpaáfʋɔ sɔ mɔ kʋʋláá. Ɔʋɔ fa fe wula kpaáfʋɔ fɩfɛlɛ mɔ sa nun.» Kɛ minnian mɔ tɩlɩ ndɛɛ ʋ sɔ, bɛ wan: «Cɩ ʋánbíélé!» 17

 Zozi nianlɩ bɛ síín naán ɔ’a bisa kɛ: «Ndɛɛ ʋ ɛka b’ɔ bɛ hɛlɛlɩ Nyanmɩan Fuluwa nun yɩ bʋ tɩ sɛɛ ʋ? Bɛ hɛlɛlɩ kɛ:

”Akpʋɔ ɛka bɔ bɛ bɔ bɛ si suá bɛ wan ɔ tɩ man kpáa, akpʋɔ sɔ, ɔ tɩ kpáa tara akpʋɔ ngáa mɔ kʋʋláá tú. Akpʋɔ sɔ, yɩɛ ɔ tira suá nɩn a sɩ ɔ. B’a fa yɛbʋɔ sɔ nɩn a sie suá longo nun”?

18 Sanran bie ala b’ɔ kɔ tɔ akpʋɔ sɔ sʋ, yɩ nun lɛ bubu.

Sanran bie ala bɔ akpʋɔ sɔ kɔ tɔ yɩ sʋ, sanran sɔ, akpʋɔ lɛ nunkun yi mʋnlʋn mʋnlʋn.» 19

 Fuluwa kɛlɛfʋɔʋ mɔ nɩn Nyanmɩan wunlun jinranfʋɔʋ mgbili mɔ, bɛ kulo kɛ bɛ cɩ ʋ Zozi bɛ bʋsʋ kʋnmgba sɔ nun ɛbɛlɛ, kʋsʋ bɛ suro minnian mɔ. B’ɔ maán bɛ wan bɛ cɩ ʋ yi, yiele kɛ bɛ wunlɩ kɛ ɔ bulɩ anyanndara sɔ tialɩ bɛ.

Lʋkʋ ��

42LUK.indd 74 16/10/2008 13:27:25

��

Bɛ Falɩ Linpo Ndɛɛ ɛ Suálɩ Zozi Aháa 20

 Fuluwa kɛlɛfʋɔʋ mɔ nɩn Nyanmɩan wunlun jinranfʋɔʋ mgbili mɔ bɛ somanlɩ kɔ-tie-ba-se mɔ kɛ bɛ sɩ ʋsa Zozi. Kɔ-tie-ba-se sɔ mɔ, bɛ yɔ bɛ wʋn kɛ sanran kpáa saá, kɛ ɔ yɔ naán b’a jinran ndɛɛ ʋ bɔ Zozi kɔ han sʋ a hɩ yi tí. Bɛ kɩnndɛ kɛ bɛ cɩ ʋ yi naán bɛ fá yí wúla kunmandan b’ɔ sie ɛbɛlɛ máan, yɩ sa nun. 21

 Bɛ bisalɩ Zozi kosan kʋn. Bɛ wan: «Kelefʋɔʋ, yɛ sɩ k’ɛ kan nanhɔlɔ. Asala ɛ kele sanran mɔ nanhɔlɔ. Ɛ nnian man sanran wunlun naán a li nanhɔlɔ. Atɩ ʋɩn b’ɔ Nyanmɩan wan sanran mɔ sɩn sʋ, yɩɛ ɛ kele sanran mɔ. 22

 K’ɛ nian, nɩɩ ʋn ɔ fata kɛ yɛ tua linpo man belemgbin Sezalɩ annzɛ ɔ fata man kɛ yɛ tua linpo man yi?» 23-24

 Zozi wunlɩ kɛ bɛ kpɛ yɩ mgbɛlɛ, yɩ sɔ tí yɩ wan: «Amɔ fá sikaá jɛtɛ mmaá kʋn bɛ ʋlɛ mɩn maán N nían.» 25

 Ɔ bisa bɛ «Wan yɩɛ yɩ desɩn ta sʋ? Wan yɩɛ ɔ hɛlɛlɩ sʋ?» Bɛ wan: «Belemgbin Sezalɩ ɔ.» Zozi wan: «Nince ɛka bɔ tɩ Sezalɩ dɩɛ, amɔ fá mán Sezalɩ. Nince ɛka b’ɔ tɩ Nyanmɩan dɩɛ, amɔ fá mán Nyanmɩan.» 26

 Sanran mɔ wunlun ɛbɛlɛ, b’a ngʋla njinran man ndɛɛ ʋ b’ɔ Zozi hanlɩ sʋ a njɩ man yi. Ndɛɛʋ bɔ Zozi fa bolɩ bɛ kosan, ɔ bolɩ bɛ nʋan. B’a mmice man bɛ nʋan bɔ pʋʋɛ ʋɛ ʋ.

Bala b’ɔ Jalɩ Bian Nzʋ, yɩ wʋn Ndɛɛ ɛ (Matie 22.23-33; Malɩkɩ 12.18-27)

27 Saducɩan bie mɔ tʋlɩ Zozi. Saducɩan mɔ se kɛ sɛ sanran

wu ɔ, nɩn ɔ’a wu. Bɛ wan ngʋanfɩ ʋɩ ʋ nʋn man ewuo sin. 28 Bɛ

bisalɩ Zozi kosan kʋn. Bɛ wan: «Kelefʋɔʋ, Moyizɩ hɛlɛlɩ kɛ sɛ biesua kʋn wɔ ɛbɛlɛ naán sɛ ɔ wu, naán sɛ ɔ nɩn yɩ yɩ ʋ b’a nwʋ man baá, ɔ fata kɛ sanran sɔ, yɩ anianman, ɔ já bala sɔ naán ɔ wʋʋ mmaá man yɩ anianman b’ɔ wulɩ. 29

 Anianman mmiesua nzʋ wɔ ɛbɛlɛ. Bɛ nun kpanyin jalɩ bala. Kʋsʋ kɛ ɔ wu, ɔ nɩn yi a nwʋ man baá. 30

 B’ɔ tʋa yi ɛbɛlɛlá jalɩ bala kʋnmgba sɔ. Yɩlá, ɔ nɩn yi a nwʋ man baá. 31

 Bɛ ngɩsanlá jalɩ yɩ, ɔ nɩn yi a nwʋ man baá. Bɛ nzʋ kʋʋláá, bɛ jalɩ yi, kʋsʋ bɛ nunfɩ ʋɩ ʋ nɩn yi a nwʋ man baá, naán b’a wu. 32

 Yɩ sin, balalá kʋsʋ, ɔ’a wulɩ. 33 Sɛ bɛlɛ bɔ ju ɔ,

Nyanmɩan maán bɛ bɔ b’a wu kʋʋláá bɛ f ewuo nun lɛ jɛsʋ

Lʋkʋ ��

42LUK.indd 75 16/10/2008 13:27:25

��

ju, nɩɩ ʋn bala sɔ, bɛ nun benin yɩɛ ɔ ja yi ɔ?» 34 Zozi tɛlɩ bɛ

sʋ naán ɔ’a se bɛ kɛ: «Ajurusʋfʋɔʋ ɛka mɔ bɛ ja mmala, asala bɛ kɩnndɛ bian man bɛ mmaá mmala mɔ. 35

 Máan ɛka b’ɔ ba ɛlɔ nun, bɛ bɔ Nyanmɩan nian kɛ bɛ f ewuo nun fte ɔ, ɔ nɩn bɛ fata, bɛ sɔfʋɔʋ mɔ, bɛ ngɔ nja man bala annzɛ bian. 36

 Bɛ sɔfʋɔʋ mɔ ngʋla nwun man kʋʋn. Bɛ tɩ kɛ annzʋ mɔ saá. Bɛ tɩ Nyanmɩan mmáa, afɩɩ ʋn Nyanmɩan maán bɛ f ewuo nun a jɛsʋ. 37

 Moyizɩ helelɩ yɛ nun yúéíín kɛ Nyanmɩan maán sanran mɔ f ewuo nun fte. Bɛ hɛlɛlɩ Nyanmɩan Fuluwa nun kɛ yɩ nun bɔ Moyizɩ jin sʋsɔrɔ wʋn ɛbɛlɛ, ɔ fɛlɛlɩ Famɩan Nyanmɩan. Yɩ wan: ”Abalahamʋn Nyanmɩan, Izakɩ Nyanmɩan, Zakɔbʋ Nyanmɩan.” 38

 Nyanmɩan tɩ man bɛ bɔ b’a wun mɔ, bɛ Nyanmɩan. Bɛ bɔ bɛ nyɩn wɔ sʋ mɔ, bɛ Nyanmɩan ɔ. Nyanmɩan wunlun, bɛ kʋʋláá bɛ nyɩn wɔ sɔ.» 39

 Fuluwa kɛlɛfʋɔʋ mɔ nun kʋn wan: «Kelefʋɔʋ, ndɛɛ ʋ bɔ a han ɔ tɩ ndɛɛ ʋ kpáa.» 40

 Kɛ ɔ f ɛbɛlɛ b’ɔ kɔ, sanranfɩ ʋɩ ʋ a mmisa man Zozi kosan kʋn.

Nánnán Davidɩ Anʋnmaán 41

 Zozi bisa fuluwa kelefʋɔʋ kɛ: «Nzu tí yɩɛ sanran mɔ se kɛ Kilisɩ tɩ Nánnán Davidɩ anʋnmaán?» 42

 Nánnán Davidɩ bɔbɔ hɛlɛlɩ Ejóo Fuluwa nun kɛ:

”Famɩan hanlɩ ndɛɛ ʋ helelɩ mɩn Famɩan, yɩ wan: «Tánran mɩn sa fama sʋ ɛwa,

43 tánran wa dédéé M’an nyɔ maán ɛ títia wɔ kpɔfʋɔʋ mɔ sʋ.”»

44 Davidɩ bɔbɔ fɛlɛ Kilisɩ ”Famɩan.” Sɛ ɔ tɩ sɔ, hɩɩ ʋn ɔ, nzu tí

yɩɛ bɛ se kɛ Kilisɩ tɩ Davidɩ anʋnmaán? 45 Kɛ minnian mɔ

lɛ tie ndɛɛ ʋ sɔ bɔ Zozi lɛ kan, ɔ selɩ yɩ sunnzuanfʋɔʋ mɔ kɛ, 46

 «Fuluwa kɛlɛfʋɔʋ mɔ tí amɔ sɩ ʋsa amɔ wʋn. Bɛ wula taralɛ ndɩnndɩn, bɛ cinman cinman nɩnka mɔ nun. Bɛ kulo kɛ sanran mɔ bísa bɛ nince gua mɔ bʋ ɛlɔ. Sɛ bɛ kɔ Nyanmɩan Suá nun ɛlɔ, bɛ kpa bia kpáa kpáa mɔ tanran nun. Bia bɔ fata kɛ sanran mgbili mɔ tanran nun, yɩ nun yɩɛ bɛ tanran ɔ. 47

 Bɛ de amgboti mmala mɔ bɛ suá mɔ bɛ sa nun. Kɛ ɔ yɔ naán sanran mɔ a wun bɛ tí, bɛ sɛrɛ nzɛrɛ ɔ, ɔ le man ayuolɩɛ. Bɛ wunlun bɔ bɛ ba wun, ɔʋɔ tara sanran mɔ kʋʋláá.»

Lʋkʋ ��

42LUK.indd 76 16/10/2008 13:27:25

��

Amgboti Bala b’ɔ Tʋlɩ Kɔpɛlɛ Taralɩ bɛ Kʋɛláá, yɩ Wʋn Ndɛɛ ɛ

(Malɩkɩ 12.41-44)

21 1 Zozi manlɩ yɩ nyɩn sʋ, ɔ wʋnlɩ kɛ nɩɩ ʋn sikaáfʋɔʋ mɔ, bɛ fa sikaá wula kɔpɛlɛ nun. 2

 Asala ɔ wunlɩ kɛ nɩɩ ʋn amgboti bala yalɛfʋɔʋ kʋnlá, ɔ falɩ jɛ ʋtɛ mmaá ngakan nnyʋn gualɩ kɔpɛlɛ nun. 3

 Zozi wan: «Mɩ ʋɩn kan kele amɔ nanhɔlɔ kɛ amgboti bala yalɛfʋɔʋ ɛka, ɔ’a tʋ kɔpɛlɛ dɔwʋn a tara bɛ ngáa mɔ kʋʋláá. 4

 Afɩɩ ʋn bɛ ngáa mɔ sikaá bɔ bɛ fa tʋlɩ kɔpɛlɛ, ɔ tɩ man bɛ nyɩn sʋ nincefɩ ʋɩ ʋ. Kʋsʋ bala ɛka dɩɛ, ɔ le man nincefɩ ʋɩ ʋ. Káán bɔ wɔ yɩ sa nun, b’ɔ fa to alɩɛ ʋ di yɩɛ ɔ’a fa tʋ kɔpɛlɛ nɩn ɔ.»

Nyanmɩan Suá Bulɛ bie nun Ndɛɛ ɛ (Matie 24.1-2; Malɩkɩ 13.1-2)

5 Nɩɩ ʋn yɩ sunnzuanfʋɔʋ bie mɔ bɛ ʋɛ kan Nyanmɩan Suá, yɩ

ndɛɛ ʋ. Bɛ kan kɛ akpʋɔ bɔ bɛ fa silɩ Nyanmɩan Suá sɔ, ɔ yɔ nyɩnmɩn. Asala bɛ se kɛ ninnje mɔ bɔ sanran mɔ a fa man Nyanmɩan, bɔ ba fa siesie Nyanmɩan Suá nun, ɔ tɩ ngɩnlɩnman ngɩnlɩnman kpáa. 6

 Zozi tɛlɩ bɛ sʋ naán ɔ’a se kɛ: «Nyanmɩan Suá ɛka bɔ amɔ wun, cɩan bie, bɛ ʋɛ bubu yi mʋʋnlʋʋn mʋʋnlʋʋn. Akpʋɔ bɔ bɛ fa silɩ b’ɔ kʋʋn ngɔ ha man ɛbɛlɛ.» 7

 Bɛ bisa yi kɛ: «Kelefʋɔʋ, tɛmʋn benin nun yɩɛ sáa sɔ mɔ lɛ ba? Sɛ ɔ ba, ɔ yɔ sɛɛ ʋ naán y’a wun kɛ ɔ’a wa?» 8

 Zozi se bɛ kɛ: «Amɔ sɩ ʋsa amɔ wʋn kpáa, kɛ ɔ yɔ naán sanranfɩ ʋɩ ʋ a nnaka man amɔ tí. Afɩɩ ʋn sanran sʋnman, bɛ bá ba, bɛ ʋɛ se kɛ: ”Mɩn yɩɛ mɩn tɩ Defʋɔʋ nɩn ɔ!” Bie mɔlá, bɛ ʋɛ se kɛ tɛmʋn nɩn a minnje kúkúú! Nán amɔ su bɛ sʋ. 9

 Sɛ amɔ tɩ kɛ ɛlɔʋɔ a tɔ annzɛ kɛ sanran mɔ, bɛ ʋɛ fɛ bɛ belemgbin mɔ wʋn ɛyaá, nán amɔ kunlun tɩtɩ amɔ. Afɩɩ ʋn sáa sɔ mɔ, bɛ ʋɛ di mmʋʋa sɩn dédéé kʋʋláá naán máan nɩn a bo.» 10

 Zozi wan: «Máan ɛka jɛsʋ ɔ, ɔ nɩn máan ɛka, bɛ kʋn ɛlɔʋɔ. Belemgbin ɛka jɛsʋ ɔ, ɔ nɩn belemgbin ɛka, lɛ kʋn ɛlɔʋɔ. 11

 Asɩɛ ba keje keje kekele kpáa, ehóo ba kpɩn máan bie mɔ nun, awʋnnyalɛ ɛtɛ ɛtɛ mɔlá, bɛ ʋɛ bá ba. Ninnje suronyin suronyin mɔ nɩn abonʋan ninnje mɔ, bɛ ʋɛ ba fte nyanmɩan sʋ ɛlɔ. 12

 Kʋsʋ bɛ ʋɛ ʋ di mmʋʋa tira amɔ, bɛ ʋɛ kele

Lʋkʋ ��

42LUK.indd 77 16/10/2008 13:27:25

��

amɔ yalɛ kʋʋláá naán sáa sɔ mɔ a wa. Bɛ ʋɛ fa amɔ kɔ wula Nyanmɩan Suá mɔ nun, bɛ ʋɛ tʋ amɔ ebiínsuá. Mɩn sʋ bɔ amɔ dafɩ tí, bɛ ʋɛ fa amɔ kɔ belemgbin mɔ nɩn kunmandan mɔ, bɛ wunlun. 13

 Kɛ bɛ yɔ amɔ sɔ, amɔ hán mɩn wʋn ndɛɛ ʋ hele bɛ. 14

 Amɔ fá síe amɔ ti nun kpáa, ndɛɛ ʋ bɔ amɔ ju ɛlɔ amɔ lɛ kan, nán amɔ tanran kuko yɩ wʋn yalɛ. 15

 Afɩɩ ʋn M mán amɔ nwɛlɛlɛ, mɩ ʋɩn fa ɛjɔrɔ b’ɔ fata kɛ amɔ kan, wúla amɔ nʋan nun. Ndɛɛʋ bɔ f amɔ nʋan nun kɔ fte, amɔ kpɔfʋɔʋ mɔ ngɔ hʋla man yɩ nʋan tu. 16

 Amɔ bɔbɔ, amɔ sɩ ʋ nɩn amɔ nín mɔ, nɩn amɔ anianman mmiesua mɔ, nɩn amɔ abusuanfʋɔʋ mɔ, nɩn amɔ danvʋ mɔ, bɛ ʋɛ laka amɔ. Bɛ ʋɛ fa amɔ kɔ wula belemgbin mɔ nɩn kunmandan mɔ sa nun. Bɛ ʋɛ kun amɔ nun bie mɔ. 17

 Mɩn sʋ bɔ amɔ dafɩ tí, sanran mɔ kʋʋláá, bɛ ʋɛ kpɔ amɔ. 18

 Kʋsʋ amɔ ti nyʋán bɔ kʋn saá, ɔ sʋ ngɔ minlin man. 19

 Sɛ amɔ tira amɔ ahʋnlʋn kekele, amɔ ti lɛ fte nun.»

Bɛcikɔkɔ! (Matie 24.15-21; Malɩkɩ 13.14-19)

20 Kɛ amɔ kɔ wun kɛ sonja mɔ a te si a yia Zoluzalɛmʋn,

nɩɩ ʋn amɔ sɩ kɛ yɩ bubulɛ ba ju. 21 Bɛ bɔ bɛ wɔ Zude ɛlɔ,

maán bɛ wánndi fʋʋ bʋkaá mɔ sʋ. Bɛ bɔ bɛ wɔ Zoluzalɛmʋn kuló nun ɛbɛlɛ, maán bɛ fí ɛbɛlɛ fíte. Nán maán bɛ bɔ bɛ wɔ bolo, bɛ se kɛ bɛ wanndi ba Zoluzalɛmʋn nun ɛbɛlɛ. 22

 Tɛmʋn sɔ nun Nyanmɩan ba pini Izalayɛlɩfʋɔʋ mɔ. Ndɛɛʋ bɔ bɛ hɛlɛlɩ Nyanmɩan Fuluwa nun, ɔʋɔ kpɩn sʋ pɛ ʋpɛ ʋ. 23

 Mmala mɔ bɔ bɛ wʋnnzɛ, bɛ yako! Bɛ bɔ akʋkʋammaá mɔ wɔ bɛ sa nun, bɛ yako! Afɩɩ ʋn sanran mɔ ba wun bɛ wunlun kpáa. Nyanmɩan ba fɛ sanran mɔ wʋn ɛyaá kpáa. 24

 Bɛ ʋɛ fa epe kun bie mɔ. Bie mɔlá, bɛ ʋɛ cɩcɩ bɛ kɔ máan bie mɔ nun. Bɛ bɔ bɛ tɩ man zuwifʋ mɔ, bɛ ʋɛ ba bubu Zoluzalɛmʋn kuló bɔ mʋʋnlʋʋn mʋʋnlʋʋn, dédéé sannan bɛ bɛlɛ dɩɛ lɛ sɩn.

Tɛmʋn bɔ Zozi lɛ Sa yɩ Sin Ba (Matie 24.29-31; Malɩkɩ 13.24-27)

25 Ninnje bie mɔ ba fte eyua nɩn sara, nɩn nzaramáa mɔ sʋ

ɛlɔ. Asɩɛ sʋ ɛwa máan máan mɔ nunfʋɔʋ mɔ, sɛrɛ ba kun bɛ

Lʋkʋ ��

42LUK.indd 78 16/10/2008 13:27:25

��

kpáa. Jenvie bo gualɛ b’ɔ bo gua, ɔ ba wula bɛ sɛrɛ kpáa. Bɛ wʋn lɛ wʋsʋ bɛ, bɛ ngɔ nwun man sáa ɛka b’ɔ fata kɛ bɛ yɔ ɔ. 26

 Nince b’ɔ ba tɔ máan sʋ tí, sanran bie mɔ wunlun lɛ bulu. Nyanmɩan sʋ ɛlɔ tínmín mɔ nun lɛ keje. 27

 Sanran mɔ lɛ wun kɛ mɩn bɔ mɩn tɩ Sanran Wáa, mɩn f nyanmɩan sʋ ɛlɔ bɔlɔʋ nun, mɩn sʋ ba. Kɛ mɩ ʋɩn ba, mɩn le tínmín nɩn awunlunnyáan dɔwʋn kpáa, yɩɛ mɩn ba ɔ. 28

 Kɛ amɔ wun kɛ ndɛɛ ʋ b’ɔ N ganlɩ, bɛ sʋ yɔ sʋ, amɔ mán amɔ ti sʋ, amɔ nían awunlo, afɩɩ ʋn tɛmʋn bɔ Nyanmɩan ba de amɔ nɩn a ju. 29

 Zozi bulɩ bɛ anyanndara kʋn. Yɩ wan: «Amɔ nían bɔlɔfʋɔʋ alɔmaá nɩn bakaá ngáa mɔ kʋʋláá. 30

 Kɛ bɛ wula nnyáa kpúsúú, amɔ bɔbɔ amɔ sɩ kɛ nɩɩ ʋn munngun ba ju. 31

 Amɔ fá síe yɩ nzɔrɔ, sɛ amɔ wun kɛ sáa ɛka mɔ lɛ sɩn, maán amɔ sɩ ʋ kɛ Nyanmɩan Belemgbin Máan bá ba. 32

 Mɩ ʋɩn kan kele amɔ nanhɔlɔ kɛ sáa sɔ mɔ kʋʋláá, bɛ yɔ ajurusʋfʋɔʋ ɛka mɔ kʋʋláá, bɛ wunlun. 33

 Nyanmɩan nɩn asɩɛ, bɛ ʋɛ kpɛ nun sɩ ʋn kʋsʋ ndɛɛ ʋ b’ɔ f mɩn nʋan nun fte, ɔ ngɔ kpɛ man nun ngɔ sɩn man lé!»

Amɔ Tánran Mɩɛnndɛ mɩn 34

 «Amɔ sɩ ʋsa amɔ wʋn kpáa. Sɛ amɔ a nzɩsa man amɔ wʋn kpáa, nzáan nʋnlɛ mɔ, nɩn alɩɛ ʋ lilɛ mɔ, nɩn asɩɛ sʋ ɛwa ninnje mɔ bɛ angʋnndan bulɛ mɔ, bɛ sanngan sanngan amɔ ja nun. Kɛ bɛ kɔ sanngan sanngan amɔ ja nun, cɩan sɔ lɛ fu amɔ nun. 35

 Cɩan sɔ lɛ fu asɩɛ sʋ ɛwafʋɔʋ mɔ kʋʋláá, bɛ nun. 36 Kʋsʋ amɔ

dɩɛ, cɩan kʋʋláá, amɔ sɩ ʋsa amɔ wʋn. Amɔ sɛ ʋrɛ Nyanmɩan maán ɔ mán amɔ fanngan maán ninnje sɔ mɔ kʋʋláá bɔ bɛ bá ba asɩɛ sʋ ɛwa, bɛ tʋʋfʋn amɔ. Asala amɔ sɛ ʋrɛ Nyanmɩan maán ɔ yɔʋ maán amɔ jínran mɩn bɔ mɩn tɩ Sanran Wáa, mɩn wunlun.»

37 Cɩan kʋʋláá Zozi kele sanran mɔ nince Nyanmɩan Suá

nun ɛbɛlɛ. Kɛ nɛsʋa kɔ ju, ɔ jɛsʋ ɛbɛlɛ, ɔ kɔ da bʋkaá bɔ bɛ fɛlɛ Olivʋ bʋkaá, sʋ ɛlɔ. 38

 Ngɛlɛmɔ kúkú kpáa, sanran mɔ kʋʋláá, bɛ jɛsʋ, bɛ kɔ tʋ yi Nyanmɩan Suá nun ɛlɔ. Bɛ kɔ tie ndɛɛ ʋ b’ɔ kan.

B’a Li a Sie kɛ bɛ Kʋɛn Zozi (Matie 26.1-5; Malɩkɩ 14.1-2; Zan 11.45-53)

22 1 Nɩɩ ʋn fɛtɩ b’ɔ ju ɔ, bɛ di kpánwun bɔ bɛ ngua man nun ayire ba ju. Fɛtɩ sɔ bɛ fɛlɛ Pakɩ. 2

 Nyanmɩan

Lʋkʋ �� ,  ��

42LUK.indd 79 16/10/2008 13:27:26

��

wunlun jinranfʋɔʋ mgbanyin mɔ nɩn fuluwa kɛlɛfʋɔʋ mɔ, bɛ hɔlɩ asuro kɛ ɔ yɔ naán b’a wun atɩ ʋɩn kʋn bɔ bɛ sɩn sʋ naán b’a hun Zozi, afɩɩ ʋn bɛ suro minnian mɔ. 3

 Satan wʋlʋlɩ Zuda bɔ bɛ fɛlɛ yi Isɩkalio nun. Zuda sɔ, ɔ tɩ Zozi somanfʋɔʋ bulu nɩn nnyʋn, bɛ nun kʋn. 4

 Ɔ hɔlɩ, ɔ tʋlɩ Nyanmɩan wunlun jinranfʋɔʋ mgbanyin mɔ nɩn sonja mgbanyin mɔ, ɔ nɩn bɛ yialɩ naán b’a bu kɛ ɔ yɔ naán ɔ’a laka Zozi a man bɛ, yɩ wʋn angʋnndan. 5

 Ndɛɛ ʋ sɔ, ɔ yɔlɩ bɛ fɛ kpáa. Bɛ li sielɩ kɛ bɛ túa yi kalɛ. 6

 Zuda nɩn bɛ, bɛ nʋan hɔlɩ kʋn. Ɔ kɩnndɛlɩ atɩ ʋɩn kʋn b’ɔ sɩn sʋ naán, kɛ sanran mɔ nʋn man ɛbɛlɛ, ɔ’a laka Zozi a man bɛ.

Zozi nɩn yɩ Sunnzuanfʋɔɛ mɔ, bɛ Di Pakɩ Alɩɛ ɛ (Matie 26.17-25; Malɩkɩ 14.12-21; Zan 13.21-30)

7 Cɩan bɔ bɛ di kpánwun bɔ bɛ ngua man nun ayire julɩ. Sɛ

cɩan sɔ ju ɔ, bɛ fa Pakɩ bʋa yɩ ɛtɛ. 8 Yɩ sɔ tí, Zozi somanlɩ Pɩɛlɩ

nɩn Zan, naán ɔ’a se bɛ kɛ: «Amɔ hɔʋ naán amɔ síesíe nɩnka bɔ yɛ di Pakɩ alɩɛ ʋ.» 9

 Bɛ bisa Zozi kɛ: «Nɩnka benin yɩɛ ɛ wan yɛ síesie?» 10

 Yɩ wan: «Amɔ hɔʋ, kɛ amɔ kɔ ju kuló sʋ ɛlɔ, amɔ nɩn

Lʋkʋ ��

Zozi nɩn yɩ sunnzuanfʋɔɔ mɔ bɛ di Pakɩ alɩɛ ɔ (22:13-14)

42LUK.indd 80 16/10/2008 13:27:26

��

bian kʋn bɔ tomua sʋa yɩ ti sʋ, lɛ yia. Amɔ sí yɩ sʋ. Awulo b’ɔ kɔ wʋlʋ nun, amɔ wʋʋlʋ ɛbɛlɛ. 11

 Amɔ sé sanran b’ɔ le awulo kɛ: ”Kelefʋɔʋ wan yɛ bísa wɔ kosan ɛka: ”Suábaá bɔ mɩn nɩn mɩn sunnzuanfʋɔʋ mɔ, yɛ di Pakɩ alɩɛ ʋ nun, ɔ wɔ nin? ” 12

 Ɔʋɔ kele amɔ suábaá kpili kʋn b’ɔ wɔ suá sʋ awunlo ɛlɔ. Suá sɔ bia mɔ wɔ nun ɛbɛlɛ. Amɔ yɔʋ suá sɔ nun sɛsɛ.» 13

 Kɛ bɛ julɩ ɛlɔ, bɛ wunlɩ yi kɛ Zozi han helelɩ bɛ saá. Bɛ siesielɩ nɩnka sɔ sɛsɛ.

Zozi nɩn yɩ Sunnzuanfʋɔɛ mɔ, bɛɛ ɛ Fa Kominiʋn (Matie 26.26-30; Malɩkɩ 14.22-26; 1 Kolɩntɩan 11.23-25)

14 Kɛ alɩɛ ʋ lilɛ dɔɔʋ julɩ, Zozi nɩn yɩ somanfʋɔʋ mɔ, bɛ

tanranlɩ asɩ, bɛ ʋɛ ba di nince. 15 Zozi wan: «Pakɩ alɩɛ ʋ ɛka bɔ

mɩn nɩn amɔ lɛ di, ɔ yɔ mɩn fɛ tara sʋ. Ɔ yɔ mɩn fɛ kpáa kɛ mɩn nɩn amɔ lɛ di alɩɛ ʋ sɔ kʋʋláá naán ɛfɛɛ ʋ bɔ mɩ ʋɩn ba fɛ nɩn a ju! 16

 Mɩ ʋɩn kan kele amɔ kɛ mɩ ʋɩn ngɔ nni nan Pakɩ alɩɛ ʋ kʋʋn. Kɛ mɩn di Pakɩ alɩɛ ʋ biekun sannan Nyanmɩan Belemgbin Máan nun ɛlɔ.» 17

 Zozi falɩ kpako kʋn, kɛ ɔ lalɩ Nyanmɩan asɩ yuolɩ, yɩ wan: «Amɔ lé kpako, amɔ kʋʋláá amɔ nʋʋn, 18

 afɩɩ ʋn mɩ ʋɩn kan kele amɔ kɛ, kɛ ɔ f anɛ b’ɔ kɔ, mɩn nʋn man divɩn kʋʋn. Sɛ mɩn nʋn divɩn biekun nɩɩ ʋn Nyanmɩan Belemgbin Máan nɩn a wa.» 19

 Yɩ sin, ɔ falɩ kpánwun, kɛ ɔ lalɩ Nyanmɩan asɩ yuolɩ, ɔ bubulɩ nun naán ɔ’a fa man bɛ. Yɩ wan: «Kpánwun ɛka tɩ mɩn wʋnnaán b’ɔ mɩ ʋɩn fa man amɔ. Kɛ amɔ lɛ di maán amɔ wʋla kpɩ ʋn mɩn sʋ.» 20

 Kɛ bɛ lilɩ nince yuolɩ, ɔ falɩ kpako, yɩ wan: «Mɩn mmoja nɩn, yɩɛ. Mɩn mmoja sɔ tí, amɔ nɩn Nyanmɩan, amɔ ba di anʋansɛ fɩfɛlɛ. Amɔ tí yɩɛ mɩn mmoja sɔ nɩn a gua ɔ. 21

 Sanran b’ɔ ba laka mɩn yɔ mɩn atɔɔʋ, ɔ nɩn mɩn, yɛ sa la alɩɛ ʋ talie kʋn nun. 22

 Mɩn bɔ mɩn tɩ Sanran Wáa, mɩn sʋ ba wu kɛ Nyanmɩan hanlɩ saá. Kʋsʋ sanran ɛka b’ɔ kɔ yɔ mɩn atɔɔʋ, yɩ dɩɛ yɩ yako!» 23

 Kɛ Zozi hanlɩ sɔ, yɩ sunnzuanfʋɔʋ ɛka bisa yɩ mianngʋn kɛ: «Yɛ nun benin yɩɛ ɔʋɔ ba yɔ nince sɔ?»

Akpʋlʋwaá Tɔlɩ bɛ Afán 24

 Akpʋlʋwaá kʋn tɔlɩ Zozi sunnzuanfʋɔʋ mɔ, bɛ afán. Bɛ bisa bɛ wʋn kɛ wan yɩɛ ɔ le wunlun tara bɛ kʋʋláá ɔ. 25

 Zozi se bɛ kɛ: «Bɛ bɔ bɛ tɩ man zuwifʋ mɔ, bɛ belemgbin mɔ

Lʋkʋ ��

42LUK.indd 81 16/10/2008 13:27:26

��

kele bɛ yalɛ. Bɛ fɛlɛ bɛ siefʋɔʋ mɔ. Asala bɛ fɛlɛ bɛ yie yɔfʋɔʋ. 26

 Kʋsʋ amɔ dɩɛ, nán amɔ yɔ sɔ. Amɔ nun ɛwa, sanran ɛka b’ɔ le wunlun tara bɛ kʋʋláá, maán ɔ yɔʋ yɩ wʋn kɛ amɔ nun káán saá. Sanran b’ɔ di amɔ ti, maán ɔ yɔ kɛ amɔ sʋfʋɔʋ saá. 27

 Sanran b’ɔ tʋn alɩɛ ʋ nɩn sanran b’ɔ tanran asɩ di alɩɛ ʋ, bɛ nun benin yɩɛ le wunlun ɔ? Sanran b’ɔ tanran asɩ di alɩɛ ʋ yɩɛ ɔ le wunlun ɔ. Mɩn dɩɛ, mɩn wɔ amɔ afán ɛwa, mɩn tɩ kɛ amɔ sʋfʋɔʋ saá. 28

 Sáa mɔ tɔlɩ mɩn sʋ kʋsʋ amɔ a ngaci man amɔ sin a nzi man mɩn. 29

 Mɩn sɩ ʋ a fa mɩn a sie belemgbin. Mɩnlá, mɩ ʋɩn fa amɔ sie belemgbin. 30

 Mɩn belemgbin máan nun ɛlɔ, amɔ nɩn mɩn lɛ di nince nɩnka hɔlɔ, amɔ lɛ tanran belemgbin bia mɔ sʋ, amɔ lɛ di Izalayɛlɩ nvilie bulu nɩn nnyʋn, bɛ wʋn ndɛɛ ʋ.»

Pɩɛlɩ ba ta Ndáa kɛ ɔ Nzɩ man Zozi (Matie 26.31-36; Malɩkɩ 14.27-31; Zan 13.36-38)

31 Zozi fɛlɛlɩ Pɩɛlɩ, yɩ wan: «Simʋn, Simʋn tíe! Satan a sɛrɛ

amɔ wʋn atɩ ʋɩn, yɩ wan ɔ kpʋʋsʋ amɔ kɛ bɛ kpʋsʋ nzasɛrɛ saá. 32

 Kʋsʋ M’an sɛrɛ Nyanmɩan a man wɔ kɛ ɔ yɔ naán wɔ de-di nɩn a mgbɔnzɔ man tí. K’ɛ kɔ lafɩ mɩn sʋ biekun, mán wɔ anianman mɔ fanngan.» 33

 Pɩɛlɩ tɛlɩ Zozi sʋ naán ɔ’a se yi kɛ: «Famɩan, M’an bubua mɩn wʋn a yuo. Sɛ bɛ tʋ wɔ ebiínsuá, sannan mɩnlá, bɛ tʋʋ mɩn, bie. Sɛ bɛ kun wɔ, sannan mɩnlá, bɛ kún mɩn bie.» 34

 Zozi wan: «Pɩɛlɩ, mɩ ʋɩn kan kele wɔ nanhɔlɔ, anɛ, kʋʋláá nán akɔnyinman nɩn a bo, ɛ ʋɛ ba kan kpɛ nzan k’ɛ nzɩ man mɩn.» 35

 Zozi bisa bɛ kɛ: «Yɩ nun bɔ N zomanlɩ amɔ bɔ amɔ a nva man mmolɩsʋɔ, annzɛ patáa, annzɛ mgbabʋa a ndira man nun, amɔ sa mianlɩ nince wʋn?» 36

 Ɔ han tʋlɩ sʋ biekun kɛ: «Kʋsʋ sian, sanran ɛka b’ɔ le mmolɩsʋɔ maán ɔ fá mmolɩsʋɔ tíra nun, sanran ɛka b’ɔ le patáa maán ɔ fá patáa. Sanran ɛka b’ɔ le man epe maán ɔ yɔʋ yɩ ɛyɛrɛ taralɛ nɩn atɔɔʋ, ɔ fá to epe. 37

 Mɩ ʋɩn kan kele amɔ kɛ ɔ fáta kɛ ndɛɛ ʋ ɛka bɔ bɛ hɛlɛlɩ Nyanmɩan Fuluwa nun, mɩn tí, ɔ kpɩ ʋn sʋ. Bɛ hɛlɛlɩ kɛ: ”Bɛ halɩ yi wulalɩ ɛtɛ yɔfʋɔʋ mɔ nun.”» 38

 Sunnzuanfʋɔʋ mɔ wan: «Famɩan, nían. Famɩan, nían, epe nnyʋn wɔ ɛwa.» Yɩ wan: «M’an ndie mɩn sʋ!» 39

 Ɔ f ɛbɛlɛ ftelɩ naán ɔ’a hɔ Olivʋ bʋkaá sʋ ɛlɔ, kɛ ɔ yɔ títí saá. Yɩ sunnzuanfʋɔʋ mɔ silɩ yɩ sʋ. 40

 Kɛ ɔ julɩ nɩnka sɔ nun ɛbɛlɛ, ɔ selɩ bɛ kɛ: «Amɔ sɛ ʋrɛ Nyanmɩan kɛ ɔ yɔ

Lʋkʋ ��

42LUK.indd 82 16/10/2008 13:27:26

��

naán amɔ a ndɔ man jɩjɩlɛ nun.» 41 Ɔ jɛsʋlɩ bɛ wʋn ɛbɛlɛ, ɔ hɔlɩ

yɩ wunlun ɛlɔ káán, ɔ gualɩ yɩ nangʋnlʋnman asɩ naán ɔ’a sɛrɛ Nyanmɩan. 42

 Yɩ wan: «Mɩn sɩ ʋ, sɛ ɔ tɩ wɔ kunlun sʋ ɔ, maán ɛfɛɛ ʋ ɛka tʋʋ fʋʋn mɩn. Kʋsʋ mɩn ngulo man kɛ mɩn di mɩn ti sʋ. Yɔʋ nince ɛka bɔ ɛ kulo k’ɛ yɔʋ.» 43

 Annzʋ kʋn f nyanmɩan sʋ ɛlɔ, ɔ’a manlɩ yi fanngan. 44

 Kɛ ɛfɛɛ ʋ b’ɔ la yɩ sʋ tɩ kpili kpáa tí, ɔ sɛrɛlɩ Nyanmɩan cɩ ʋnnjɩ ʋn kpáa. Nvifle b’ɔ f yi, ɔ tɩ kɛ mmoja saá. Ɔ kpɩn asɩɛ wʋn kpɔʋ kpɔʋ kpɔʋ.

45 Kɛ ɔ yuolɩ Nyanmɩan sɛrɛ, ɔ jɛsʋlɩ, ɔ’a tʋlɩ yɩ

sunnzuanfʋɔʋ mɔ. Ɔ wunlɩ kɛ awʋlabóo b’ɔ bolɩ bɛ tí, bɛ ʋɛ dafɩ. 46

 Ɔ bisa bɛ kɛ: «Nzu tí yɩɛ amɔ dafɩ? Amɔ tínnge, amɔ sɛ ʋrɛ Nyanmɩan kɛ ɔ yɔʋ naán amɔ a ndɔ man jɩjɩlɛ nun tí.»

B’a wa Zozi Hɩlɛ (Matie 26.47-56; Malɩkɩ 14.43-50; Zan 18.3-11)

47 Zozi nʋan a ndɔ man, kpɛʋkʋʋn minnian sʋnman sʋnman

b’a bo nun. Bian bɔ bɛ fɛlɛ Zuda, b’ɔ tɩ Zozi somanfʋɔʋ bulu nɩn nnyʋn bɛ nun kʋn, li bɛ ti. Ɔ minnjelɩ Zozi wʋn ɛbɛlɛ kɛ ɔʋɔ ba tafɩtafɩ yɩ nʋan wʋn. 48

 Zozi bisa yi kɛ: «Nɩɩ ʋn Zuda, ɛ ʋɛ ba tafɩ tafɩ mɩn nʋan wʋn yɔ mɩn bɔ mɩn tɩ Sanran Wáa mɩn atɔɔʋ?» 49

 Kɛ bɛ bɔ bɛ wɔ yɩ wʋn ɛbɛlɛ, bɛ wunlɩ ɛjɔrɔ b’ɔ bá ba, bɛ bisa Zozi kɛ: «Famɩan, ɛ kɩnndɛ kɛ yɛ fá epe wɔʋ bɛ?» 50

 Bɛ nun kʋn kpɛlɩ Nyanmɩan wunlun jinranfʋɔʋ kpanyin yɩ kangá, yɩ sʋ fama. 51

 Kɛ Zozi wunlɩ sɔ, yɩ wan: «Cɛ ʋcɛ ʋ, cɛ ʋcɛ ʋ. Nán yɔ saá kʋʋn.» Zozi falɩ yɩ sa fualɩ bian sɔ sʋ naán yɩ sʋ nɩn a yɔ kpáa. 52

 Yɩ sin, Zozi bisa Nyanmɩan wunlun jinranfʋɔʋ mgbili mɔ nɩn sonja mɔ bɔ bɛ nian Nyanmɩan Suá sʋ, nɩn kuló mgbanyin mɔ bɔ bɛ walɩ yɩ hɩlɛ kɛ: «Nzu tí yɩɛ sɛ amɔ ba cɩ mɩn ɔ, amɔ fa epe nɩn kpɔkpɔ kɛ mɩn tɩ kodiawu saá? 53

 Cɩan kʋʋláá nɩɩ ʋn mɩn nɩn amɔ wɔ Nyanmɩan Suá nun ɛbɛlɛ, kʋsʋ amɔ a njɩ man mɩn. Amɔ dɔɔʋ nɩn a ju, awosin nun tínmínfʋɔʋ mɔ dɔɔʋ nɩn a ju.»

B’a Fa Zozi a Hɔ Anyɩnnvie (Matie 26.57-58,69-75; Malɩkɩ 14.53-54,66-72; Zan

18.12-18,25-27) 54

 Bɛ hɩlɩ Zozi naán bɛ nɩn yi a hɔ. Bɛ falɩ yi hɔlɩ Nyanmɩan wunlun jinranfʋɔʋ kpanyin yɩ awulo ɛlɔ. Kɛ bɛ ʋɛ

Lʋkʋ ��

42LUK.indd 83 16/10/2008 13:27:27

��

kɔ, nɩɩ ʋn Pɩɛlɩ si Zozi sʋ mmʋʋa ɛlɔ. 55 Kɛ bɛ tɔrɔlɩ sɩ ʋɩn

adɛmaán nɩn afán ɛbɛlɛ bɔ bɛ tanranlɩ asɩ nɩnka hɔlɔ, Pɩɛlɩlá, ɔ’a tanranlɩ ɛbɛlɛ bie. 56

 Afannɩan kʋn wunlɩ Pɩɛlɩ naán ɔ’a nian yɩ síín. Kɛ Pɩɛlɩ tanranlɩ asɩ sɩ ʋɩn wʋn ɛbɛlɛ talua nɩn a nyaci man yi nianlɛ. Ɔ nian yɩ kówúún naán ɔ’a se kɛ: «Bian ɛkalá kʋsʋ ɔ nɩn yi yɩɛ bɛ kɔ ɔ.» 57

 Pɩɛlɩ wan ɔ tɩ atóo. Ɔ se afannɩan kɛ: «Mmoó bala, bian sɔ mɩn nzɩ man yi.» 58

 Kɛ ɔ yɔlɩ sɔ, yɩ sin nɩn a nda man nun, kpɛʋkʋʋn bian fɩfɛlɛ wunlɩ Pɩɛlɩ, ɔ se yi kɛ: «Wɔlá, ɛ tɩ bɛ bɔ si Zozi sʋ, bɛ nun kʋn.» Pɩɛlɩ tɛlɩ yɩ sʋ naán ɔ’a se yi kɛ: «Nja, mɩn nzi man yɩ sʋ bie.» 59

 Bɛ gua ɛbɛlɛ, bɛ fɛlɛ kɛ dɔɔʋ kʋn a sɩn bɔbɔ, kpɛʋkʋʋn bian kʋn biekun wan: «Sakpaá ɔ, kɛ mɩn nian, bian ɛkalá, ɔ si Zozi sʋ bie afɩɩ ʋn ɔ tɩ Galilefʋɔʋ.» 60

 Pɩɛlɩ tɛlɩ yɩ la yɩ sʋ naán ɔ’a se kɛ: «Nja bian, ndɛɛ ʋ ɛka bɔ ɛ kan mɩn nwun man yɩ hɔlɔ.» Pɩɛlɩ nʋan a ndɔ man kpɛ ʋkʋʋn kókólókókóóó, akɔnyinman nɩn a bo. 61

 Famɩan Zozi kpɛlɩ yɩ nyɩn naán ɔ’a nian Pɩɛlɩ. Pɩɛlɩ wʋla kpɩnlɩn ndɛɛ ʋ bɔ Famɩan Zozi hanlɩ sʋ. Yɩ wʋla kpɩnlɩn sʋ kɔ ɔ selɩ yi kɛ: «Anɛ, kʋʋláá naán akɔnyinman nɩn a bo, ɛ ʋɛ kan kpɛ nzan kɛ ɛ nzɩ man mɩn.» 62

 Pɩɛlɩ fɩ ɛbɛlɛ ftelɩ naán ɔ’a hɔ. Kɛ ɔʋɔ kɔ, nɩɩ ʋn ɔʋɔ sun. Bɛ kpata yɩ ɔ, ɔ mmuan man yɩ nʋan. 63

 Kɛ ɔ yɔ sɔ, bɛ bɔ Zozi wɔ bɛ sa nun, bɛ yɔlɩ yi fɩ ʋnfɩ ʋn fɩ ʋnfɩ ʋn, asala bɛ fflɩ yɩ nince. 64

 Bɛ falɩ bɛ sa gadalɩ yɩ nyɩnbaá sʋ yɩɛ bɛ bisa yi kɛ: «Wɔ bɔ ɛ tɩ Nyanmɩan nʋan jʋjɔfʋɔʋ, kán sanran b’ɔ fɩnlɩ wɔ nince.» 65

 Bɛ kpɛlɩ yɩ nzʋa sʋnman kpáa.

B’a Fa Zozi a Hɔ Zuwifʋ kuló Mgbanyin mɔ Ja sʋ (Matie 26.59-66; Malɩkɩ 14.55-64; Zan 18.19-24)

66 Kɛ alɩ ʋɛ hɩnlɩ, kuló sʋ mgbanyin mɔ nɩn Nyanmɩan

wunlun jinranfʋɔʋ mgbanyin mɔ, nɩn fuluwa kɛlɛfʋɔʋ mɔ kʋʋláá, bɛ ti yialɩ. Bɛ falɩ Zozi hɔlɩ mgbanyin mɔ ja sʋ, naán b’a se yi kɛ: «Sɛ wɔ yɩɛ ɛ tɩ Kilisɩ, kán yɩ nanhɔlɔ kéle yɛ.» 67

 Zozi tɛlɩ bɛ sʋ naán ɔ’a se bɛ kɛ: «Sɛ mɩn kan kele amɔ, amɔ lɛ se kɛ ɔ tɩ atóo. 68

 Asala sɛ mɩn bisa amɔ kosan, amɔ ngɔ tɛ man mɩn sʋ. 69

 Kʋsʋ ɔ f anɛ b’ɔ kɔ, mɩn bɔ mɩn tɩ Nyanmɩan Wáa, mɩ ʋɩn ba tanran Nyanmɩan b’ɔ le tínmín, yɩ sa fama sʋ ɛlɔ.» 70

 Bɛ bisa yi kɛ: «Nyanmɩan Wáa yiele

Lʋkʋ ��

42LUK.indd 84 16/10/2008 13:27:27

��

wɔ?» Yɩ wan: «Ɔ fɩ amɔ bɔbɔ amɔ nʋan a fte.» 71 Bɛ wan:

«Yɛ tɛ kɩnndɛ man adanzɩɛ kʋʋn. Ndɛɛʋ fɩ yɩ nʋan nun a fte, yɛ kʋʋláá y’a tɩ.»

Pilatɩ lɛ Bisa Zozi Kosan (Matie 27.1-2,11-14; Malɩkɩ 15.1-5; Zan 18.28-38)

23 1 Yɩ sin, ɛjɔrɔ difʋɔʋ mɔ kʋʋláá, bɛ manlɩ bɛ wʋn sʋ naán b’a fa Zozi a hɔ Pilatɩ ja sʋ. 2

 Kɛ bɛ julɩ ɛlɔ, bɛ tʋnlɩ yɩ sʋan. Bɛ wan: «Bian ɛka, ɔ sʋ bo yɛ máan. Ɔ se sanran mɔ kɛ nán bɛ tua linpo man Sezalɩ. Asala ɔ se kɛ yɩ bɔbɔ yɩɛ ɔ tɩ Kilisɩ nɩn ɔ. Yɩ wan yi yɩɛ ɔ tɩ yɛ belemgbin nɩn ɔ.» 3

 Pilatɩ bisa Zozi kɛ: «Wɔ yɩɛ ɛ tɩ zuwifʋ mɔ, bɛ belemgbin?» Zozi tɛlɩ yɩ sʋ naán ɔ’a se yi kɛ: «Ɔ fɩ wɔ bɔbɔ nʋan a fte.» 4

 Pilatɩ selɩ Nyanmɩan wunlun jinranfʋɔʋ mgbanyin mɔ nɩn minnian sʋnman sʋnman mɔ kɛ: «Kɛ mɩn nian bian ɛka, mɩn nwun man ɛtɛ bɔ ɔ’a yɔ.» 5

 Bɛ jɩn sʋ cɩ ʋnnjɩ ʋn kɛ ɔ sʋ sɛcɩ minnian mɔ ti nun. Bɛ wan: «Ɔ cinman Zude máan munmuan kʋʋláá nun, ɔ kele sanran mɔ nince. Ɔ’a fa yɩ nince hele sɔ f Galile dédéé ɔ’a ju yɛ kuló sʋ ɛwa.»

B’a Fa Zozi a Hɔ Elɔdʋ Ja sʋ 6

 Kɛ Pilatɩ tɩlɩ sɔ, ɔ bisa ɛjɔrɔ difʋɔʋ mɔ bɛ kɛ: «Bian ɛka f Galile máan nun ɛlɔ?» 7

 Kɛ ɔ tɩlɩ kɛ Zozi f máan bɔ Elɔdʋ tɩ sʋ kpanyin, ɔ selɩ bɛ kɛ bɛ fa yi hɔʋ Elɔdʋ ja sʋ. Kɛ ɔ yɔ sɔ nɩɩ ʋn Elɔdʋ bɔbɔ a wa Zoluzalɛmʋn ɛbɛlɛ. 8

 Kɛ Elɔdʋ wunlɩ Zozi, ɔ yɔlɩ yɩ fɛ kpáa, afɩɩ ʋn ɔ di yɩ wʋn yalɛ kɛ ɔ kɩ ʋnndɛ wún yɩ wʋn. B’a han Zozi wʋn ndɛɛ ʋ a hele yi. Ɔ bu yɩ kunlun ɛlɔ kɛ Zozi ba yɩ atɛrɛ maán ɔ nian. 9

 Ɔ bisa Zozi kosan sʋnman kpáa kʋsʋ ɔ’a mmice man yɩ nʋan. 10

 Kɛ ɔ yɔ sɔ, nɩɩ ʋn Nyanmɩan wunlun jinranfʋɔʋ mgbanyin mɔ nɩn fuluwa kɛlɛfʋɔʋ mɔ, bɛ jin ɛbɛlɛ. Bɛ ʋɛ tʋn yɩ sʋan, nɩɩ ʋn bɛ ʋɛ tʋn. 11

 Elɔdʋ nɩn yɩ sonja mɔ, bɛ yɔlɩ Zozi ɛtɛ ɛtɛ, bɛ yɔlɩ yi mgbaán mgbaán. Kɛ bɛ yɔlɩ yɩ sɔ yuolɩ, bɛ falɩ taralɛ kɩnlɩnman kʋn wulalɩ yi naán Elɔdʋ maán b’a fa yi a sa yɩ sin Pilatɩ ja sʋ ɛlɔ. 12

 Ɛlɛhʋn sɔ, Pilatɩ nɩn Elɔdʋ, bɛ siesielɩ bɛ afán, bɛ kacilɩ danvʋ biekun. Daá nɩɩ ʋn bɛ nnyʋn sɔ, bɛ nni man.

Lʋkʋ �� ,  ��

42LUK.indd 85 16/10/2008 13:27:27

��

Bɛ Wan bɛ Hún Zozi (Matie 27.15-26; Malɩkɩ 15.6-15; Zan 18.39-19:16)

13 Pilatɩ fɛlɛlɩ Nyanmɩan wunlun jinranfʋɔʋ mgbanyin mɔ,

nɩn kuló mgbanyin mɔ, nɩn kulófʋɔʋ mɔ kʋʋláá nɩnka hɔlɔ. 14

 Ɔ se bɛ kɛ: «Amɔ falɩ bian ɛka bɛlɛ mɩn. Amɔ wan ɔ sʋ sacɩ sanran mɔ ti nun kʋsʋ amɔ wunlun ɛwa, M’an titie ndɛɛ ʋ sɔ nun, M’an nwʋn man kɛ ndɛɛ ʋ bɔ amɔ kan gua yɩ wʋn, ɔ tɩ nanhɔlɔ. 15

 Elɔdʋlá kʋsʋ, ɔ’a wun man kɛ ndɛɛ ʋ bɔ amɔ fa tʋn yi sʋan, ɔ tɩ nanhɔlɔ. Yɩ sɔ tí, ɔ maán bɛ falɩ yi salɩ yɩ sin mɩn ja sʋ ɛwa. Amɔ nían, ɔ yɔlɩ man nincefɩ ʋɩ ʋ bɔ yɩ tí, ɔ fata kɛ bɛ kún yi ɔ. 16

 Yɩ sɔ tí, M maán bɛ ba fn yɩ mgbele naán bɛ yaci yɩ nun maán ɔ kɔʋ.» 17

 [Afʋɔ daá, kɛ Pakɩ lilɛ kɔ ju, Pilatɩ yaci ebiínsuafʋɔʋ kʋn nun maán ɔ kɔʋ.] 18

 Bɛ kʋʋláá tú, bɛ tɩan se kɛ: «Bɛ hún bian ɛka.Yací Balabasɩ nun.» 19

 Balabasɩ sɔ, bɔ maán bɛ tʋlɩ yɩ ebiínsuá yiele kɛ ɔ maán kuló nunfʋɔʋ mɔ kʋʋláá, bɛ nɩn Lɔmʋnfʋɔʋ mgbanyin mɔ bɛ, lilɩ buturo. Asala ɔ hunlɩ sanran. 20

 Pilatɩ kulo kɛ ɔ yáci Zozi nun maán ɔ kɔʋ. Yɩ sɔ tí, ɔ hanlɩ ndɛɛ ʋ kʋnmgba sɔ helelɩ bɛ. 21

 Kʋsʋ bɛ kpan selɩ kɛ: «Bubó yi bakaá ndaá sʋ. Bubó yi bakaá ndaá sʋ!» 22

 Yɩ kpɛ nzan sʋ, ɔ bisa bɛ kɛ: «Nzu sáa ɛtɛ dɩɛ yɩɛ ɔ’a yɔ. N nwunlɩ man ɛtɛ ɛka bɔ ɔ’a yɔ bɔ yɩ tí, ɔ fata kɛ ɔ wú ɔ. Yɩ sɔ tí, M maán bɛ ʋɛ ba fn yɩ mgbele. Kɛ bɛ kɔ fn yɩ mgbele kɔ yuo, mɩ ʋɩn yaci yɩ nun maán ɔ kɔʋ.» 23

 Bɛ wan cɩ ʋánbíélé, bɛ mgbɩnlɩn man sʋ. Bɛ tɩan se kɛ: «Bɛ bubó yɩ bakaá ndaá sʋ.» Bɛ tɩanlɩ dédéé naán Pilatɩ a kpɩnlɩn sʋ. 24

 Nince ɛka bɔ bɛ kunlun jɔ sʋ kɛ bɛ ʋɛ fa yɔ Zozi, Pilatɩ fa manlɩ bɛ. 25

 Ɔ maán bɛ yacilɩ bian kodiawu b’ɔ maán kuló sʋfʋɔʋ mɔ, bɛ nɩn Lɔmʋnfʋɔʋ mɔ, bɛ lilɩ buturo bɔ bɛ tʋlɩ yɩ ebiínsuá, yɩ nun. Ɔ falɩ Zozi fa wulalɩ bɛ sa nun.

B’a Bubo Zozi Bakaá Ndaá sʋ (Matie 27.32-44; Malɩkɩ 15.21-32; Zan 19.17-27)

26 Kɛ sonja mɔ nɩn Zozi lɛ kɔ, bɛ tiralɩ bian kʋn bɔ bɛ fɛlɛ

Simʋn. Ɔ f kuló bɔ bɛ fɛlɛ Silɛnɩn sʋ ɛlɔ. Bian sɔ nɩɩ ʋn ɔ f fesʋ ɔ sʋ ba. Bɛ tiralɩ yi naán b’a fa kʋlʋwaá nɩn a taka

Lʋkʋ ��

42LUK.indd 86 16/10/2008 13:27:27

��

yɩ sʋ kɛ ɔ sʋʋa sí Zozi sʋ. 27 Sanran sʋnman sʋnman kpáa

nɩɩ ʋn bɛ si Zozi sʋ. Kɛ bɛ kɔ nɩɩ ʋn mmala mɔ lɛ bo ánngán nɩɩ ʋn bɛ ʋɛ sun. 28

 Zozi kpɛlɩ yɩ nyɩn nianlɩ bɛ naán ɔ’a se kɛ: «Zoluzalɛmʋn mmala mɔ, mɩn tí, nán amɔ sun. Amɔ sún amɔ bɔbɔ nɩn amɔ mmaá mɔ, bɛ tí! 29

 Afɩɩ ʋn cɩan bie ba ju. Cɩan sɔ nun bɛ ʋɛ se kɛ: ”Bala bɔ ɔ’a nwʋa baá, yɩ dɩɛ sʋ tɩ yie! Bala b’ɔ nwʋnnzɛlɩ man lé, yɩ dɩɛ sʋ tɩ yie! Bala ɛka bɔ bɛ nnʋnlɩ man yɩ nyanfanlan lé yɩ, dɩɛ sʋ tɩ yie!” 30

 Tɛmʋn sɔ nun, bɛ ʋɛ se bʋkaá mɔ kɛ: ”Amɔ tɔʋ yɛ sʋ”, bɛ ʋɛ se kpɔlɔ mɔ kɛ. ”Amɔ gáda yɛ sʋ”. 31

 Afɩɩ ʋn sɛ bɛ yɔ bakaá mʋnlʋn saá, nɩɩ ʋn bakaá wulɩwa dɩɛ, bɛ yɔ sɛɛ ʋ?»

32 Kɛ bɛ ʋɛ fa Zozi kɔ nɩnka bɔ bɛ ʋɛ kɔ kun yi, bɛ falɩ

kodiawu nnyʋnlá hɔlɩ ɛlɔ bie kɛ bɛ kɔʋ kun bɛ. 33 Kɛ bɛ julɩ

nɩnka bɔ bɛ fɛlɛ Atire kongoloman, bɛ bubolɩ Zozi bakaá ndaá sʋ. Bɛ bubolɩ kodiawu kʋn bakaá ndaá sʋ, Zozi sa fama sʋ. Kʋnlá, bɛ bubolɩ bakaá ndaá sʋ, Zozi sa bɛ ʋɛ sʋ. 34

 Zozi wan: «Sɩɛ, yací bɛ ɛtɛ mɔ cé bɛ afɩɩ ʋn bɛ nzɩ man nince bɔ bɛ ʋɛ yɔ.» Sonja mɔ tʋlɩ Zozi taralɛ fɔlɔtɔ kɛ ɔ yɔ naán b’a wun yɩ taralɛ mɔ cebɛlɛ nun tí. 35

 Kɛ ɔ yɔ sɔ nɩɩ ʋn minnian mɔ jin ɛbɛlɛ, bɛ ʋɛ nian. Kuló mgbanyin mɔ yɔlɩ Zozi fɩ ʋnfɩ ʋn. Bɛ wan: «Ɔ lelɩ sanran mɔ ti, sɛ ɔ tɩ Kilisɩ sakpaá, sɛ Nyanmɩan yɩɛ ɔ kpalɩ yi sielɩ sakpaá a, maán ɔ le yɩ bɔbɔ, yɩ ti!» 36

 Sonja mɔlá, bɛ yɔlɩ Zozi mgbaán mgbaán. Bɛ minnjelɩ yɩ wʋn ɛbɛlɛ naán b’a man yi divɩn bɔ ɔ’a nyan kɛ ɔ nʋʋn. 37

 Bɛ wan: «S’ɛ tɩ tɩ Zuwifʋ mɔ belemgbin sakpaá, de wɔ bɔbɔ wɔ ti!» 38

 Bɛ hɛlɛlɩ nince kʋn talɩ Zozi bakaá ndaá ti sʋ awunlo. Bɛ hɛlɛ selɩ kɛ: «Zuwifʋ mɔ Belemgbin nɩn yɩɛ.» [Bɛ hɛlɛlɩ nince sɔ Gɛlɛkɩ mɔ anɩan, nin Lɔmʋnfʋɔʋ mɔ anɩan, nɩn Zuwifʋ mɔ anɩan nun.]

39 Kodiawufʋɔʋ mɔ nun kʋn bɔ bɛ bubolɩ bakaá ndaá sʋ

kpɛlɩ Zozi nzʋa. Ɔ bisa yi kɛ: «Nán wɔ yɩɛ ɛ tɩ Kilisɩ nɩn ɔ? Dé wɔ bɔbɔ wɔ ti naán dé yɛlá, yɛ ti!» 40

 Kʋsʋ kodiawufʋɔʋ kʋn bɔ bɛ bubolɩ bakaá ndaá sʋ tulɩ kʋn wunlun. Ɔ bisa yi kɛ: «Ɛ nzuro man Nyanmɩan? Naán ɛfɛɛ ʋ kʋnmgba b’ɔ fɛ yɩ bie yɩɛ ɛ fɛ? 41

 Yɛ dɩɛ, yɛ ɛfɛɛ ʋ bɔ yɛ fɛ ɔ tɩ sʋ afɩɩ ʋn ninnje bɔ yɛ yɔlɩ mɔ, y’a nyan bɛ sʋ ahatua. Kʋsʋ bian ɛka dɩɛ, ɔ’a nyɔ man ɛjɔrɔ ɛtɛfɩ ʋɩ ʋ.» 42

 Ɔ

Lʋkʋ ��

42LUK.indd 87 16/10/2008 13:27:27

��

se Zozi kɛ: «Zozi, tɛmʋn bɔ ɛ ʋɛ ba di wɔ belemgbin máan, maán wɔ wʋla kpɩ ʋn mɩn sʋ.» 43

 Zozi tɛlɩ yɩ sʋ naán ɔ’a se yi kɛ: «Mɩ ʋɩn kan kele wɔ nanhɔlɔ, anɛ bɔbɔ, ɛ nɩn mɩn lɛ tanran nyanmɩan sʋ ɛlɔ.»

Zozi Ewuo Ndɛɛ ɛ (Matie 27.45-56; Malɩkɩ 15.33-41; Zan 19.28-30)

44 Kɛ ɔ yɔ sɔ, nɩɩ ʋn bɛ fɛlɛ kɛ

midi a ju. Awosin lunlɩ máan munmuan kʋʋláá nun dédéé bɛ fɛlɛ kɛ sɛnzɛ tɔlɩ. 45

 Eyua kacilɩ túún. Ɛtannɩn b’ɔ sinnze Nyanmɩan Suá nun ɛlɔ nun kpacilɩ nnyʋn. 46

 Zozi tɩanlɩ fɩ ʋáán naán ɔ’a se kɛ: «Mɩn sɩ ʋ, mɩ ʋɩn fa mɩn wawʋɔʋ wula wɔ sa nun!» Kɛ yɩ nʋan tɔlɩ pɛ ʋ, ɔ gualɩ

yɩ wʋnmɩan asɩ naán ɔ’a wu. 47 Kɛ sonja kpanyin bɔ sie

sonja ɛya wunlɩ sɔ, ɔ kannvʋlɩ Nyanmɩan. Yɩ wan: «Sakpaá ɔ, bian sɔ, ɔ’a nyɔ man ɛtɛfɩ ʋɩ ʋ!» 48

 Kɛ minnian sʋnman sʋnman bɔ bɛ walɩ Zozi ewuo nianlɛ, bɛ wunlɩ sáa sɔ, bɛ salɩ bɛ sin. Bɛ ʋɛ kɔ, bɛ sa la bɛ ehuo nun. 49

 Bɛ bɔ bɛ sɩ Zozi mɔ kʋʋláá nɩn mmala mɔ bɔ bɛ nɩn yi f Galile walɩ, bɛ jin mmʋʋa ɛlɔ, bɛ wunlɩ sáa sɔ mɔ kʋʋláá.

Zozi Sielɛ nun Ndɛɛ ɛ (Matie 27.57-61; Malɩkɩ 15.42-47; Zan 19.38-42)

50 Bian kʋn wɔ ɛbɛlɛ, bɛ fɛlɛ yi Zozɛfʋ. Ɔ f Alimate kuló

sʋ ɛlɔ. Ɔ tɩ bɛ bɔ bɛ di kuló nun ɛjɔrɔ, bɛ nun kʋn. Ɔ tɩ sanran kpáa asala ɔ tɩ sɛsɛfʋɔʋ. 51

 Kɛ kuló mgbanyin mɔ nʋan sɛlɩ wʋn kɛ bɛ hún Zozi, yɩ dɩɛ ɔ’a mgbɩnlɩn man sʋ.

Lʋkʋ ��

bɛ bubo Zozi bakaá ndaá sʋ (23:43-44)

42LUK.indd 88 16/10/2008 13:27:28

��

b 23.54 Bubualɛ cɩan: kʋʋláá naán Zuwifʋ mɔ a wʋlʋ Saba Cɩan Ɛtɛ nun, bɛ bubua bɛ wʋn.

Yɩ dɩɛ ɔ wɔ ɛbɛlɛ, ɔ mɩnndɛ tɛmʋn b’ɔ ju ɔ, Nyanmɩan ba sie máan. 52

 Bian sɔ, ɔ hɔlɩ, ɔ tʋlɩ Pilatɩ naán ɔ’a se yi kɛ ɔ fá Zozi efuún mán yi. 53

 Ɔ falɩ túún naán ɔ’a fa cɔcɔrɔ a cɩcɩ yɩ wʋn naán ɔ’a fa sie asielɩɛ kʋn bɔ bɛ hotolɩ yɛbʋɔ nun, nun. Asielɩɛ sɔ, bɛ falɩ man sanran sielɩ man nun lé. 54

 Cɩan sɔ, ɔ tɩ bɛ wʋn Bubualɛ cɩan. b Yɩ nɛsʋa nɩɩ ʋn Zuwifʋ mɔ cɩan ɛtɛ bɔ bɛ fɛlɛ saba nɩn ɔ bo yɩ bʋ. 55

 Mmala mɔ bɔ bɛ nɩn Zozi f Galile walɩ, bɛ silɩ Zozɛfʋ sʋ naán b’a sie nɩnka bɔ bɛ sielɩ Zozi, yɩ nzɔrɔ. 56

 Kɛ bɛ wunlɩ nɩnka bɔ bɛ sielɩ yi, bɛ salɩ bɛ sin naán b’a si adufannɩn nɩn ajongo. Kɛ Saba Cɩan Ɛtɛ julɩ, bɛ lelɩ wʋnmɩan, kɛ bɛ de dádáá saá.

Zozi Fɩ Ewuo nun a Jɛsʋ (Matie 28.1-10; Malɩkɩ 16.1-8; Zan 20.1-10)

24 1 Mʋnlʋn cɩan, ngɛlɛmɔ kúkúú kpáa, mmala mɔ bɔ bɛ nɩn Zozi f Galile ɛlɔ walɩ, bɛ hɔlɩ Zozi

asielɩɛ sʋ ɛlɔ. Bɛ falɩ adufannɩn bɔ bɛ silɩ naán b’a hɔ Zozi asielɩɛ sʋ ɛlɔ. 2

 Bɛ wunlɩ kɛ b’a kunndo yɛbʋɔ bɔ bɛ

Lʋkʋ �� ,  ��

Zozi f ewuo nun lɛ fte (23:56)

42LUK.indd 89 16/10/2008 13:27:28

��

fa tualɩ asielɩɛ kunmaán, yɩ nʋan sʋ. 3 Kʋsʋ kɛ bɛ wʋlʋlɩ

asielɩɛ nun ɛlɔ, b’a nwun man Zozi efuún. 4 Ɔ fulɩ bɛ nun

kpáa. Kpɛʋkʋʋn bɛ nian, bian nnyʋn bɛ jin bɛ wʋn ɛbɛlɛ! Bɛ taralɛ bɔ bɛ wula ɔ jo mɩ ʋán mɩ ʋán. 5

 Sɛrɛ b’ɔ kun mmala sɔ mɔ tí, bɛ hanlɩ bɛ ti asɩ. Bian sɔ mɔ bisa bɛ kɛ: «Nzu tí yɩɛ amɔ kɩnndɛ sanran bɔ yɩ nyɩn ta sʋ bɛ bɔ b’a wu mɔ bɛ afán ɛwa? Ɔ nʋn man ɛwa, ɔ f ewuo nun a jɛsʋ. 6

 Maán amɔ wʋla kpɩ ʋn sʋ kɛ yɩ nun bɔ nɩɩ ʋn ɔ wɔ Galile ɛlɔ, 7

 ɔ selɩ amɔ kɛ yɩ b’ɔ tɩ Sanran Wáa ɔ fata kɛ bɛ fá yi wúla ɛtɛ yɔfʋɔʋ mɔ bɛ sa nun, ɔ fata kɛ bɛ búbo yi bakaá ndaá sʋ, naán yɩ cɩan nzan sʋ, ɔ fí ewuo nun jɛ ʋsʋ.»

8 Bɛ wʋla kpɩnlɩn yɩ ndɛɛ ʋ sɔ b’ɔ hanlɩ mɔ sʋ. 9

 Bɛ f asielɩɛ sʋ ɛbɛlɛ, bɛ salɩ bɛ sin. Bɛ hanlɩ ndɛɛ ʋ sɔ mɔ kʋʋláá helelɩ Zozi somanfʋɔʋ bulu nɩn kʋn nɩn bɛ ngáa mɔ kʋʋláá tú. 10

 Mmala sɔ mɔ bɔ bɛ hɔlɩ asielɩɛ sʋ ɛlɔ, bɛ yɩɛ: Mali b’ɔ f Magɩdala, nɩn Zanɩn, nɩn Zakɩ nín Mali, nɩn mmala bie mɔ. Bɛ kʋʋláá bɛ hanlɩ ndɛɛ ʋ sɔ helelɩ Zozi somanfʋɔʋ mɔ. 11

 Kʋsʋ b’a mmun man bɛ ndɛɛ ʋ sɔ nincefɩ ʋɩ ʋ. Ɔ tɩ bɛ nyɩn sʋ tútó tútó ndɛɛ ʋ. 12

 Kʋsʋ Pɩɛlɩ jɛsʋlɩ naán ɔ’a wanndi a hɔ asielɩɛ kunmaán sʋ ɛlɔ. Ɔ wʋlʋlɩ asielɩɛ nun, ɔ hanlɩ yɩ wʋn asɩ nianlɩ nun ɛlɔ. Ɔ wunlɩ kɛ cɔcɔrɔ mɔ gua bɔ ngʋnmɩn. Ɔ salɩ sin hɔlɩ awulo. Kɛ ɔʋɔ kɔ nɩɩ ʋn ɔʋɔ bu ɛjɔrɔ sɔ yɩ wʋn angʋnndan.

Zozi Yɩlɩ yɩ wʋn Helelɩ yɩ Sunnzuanfʋɔɛ Nnyʋn (Malɩkɩ 16.12-13)

13 Ɛlɛhʋn kʋnmgba sɔ Zozi sunnzuanfʋɔʋ nnyʋn nɩɩ ʋn bɛ ʋɛ

kɔ kuló baá bie bɔ bɛ fɛlɛ Emayusʋ, sʋ ɛlɔ. Kuló sɔ, ɔ nɩn Zoluzalɛmʋn bɛ afán tɩ kilomɛtɩrɩ bulu nɩn kʋn. 14

 Kɛ bɛ ʋɛ kɔ nɩɩ ʋn bɛ nnyʋn bɛ ʋɛ bo ɛjɔrɔ b’ɔ walɩ, yɩ wʋn nzɛmndɛ. 15

 Kɛ bɛ ʋɛ kan ndɛɛ ʋ bɔ bɛ ʋɛ kuko yɩ wʋn yalɛ, Zozi bɔbɔ, ɔ minnjelɩ bɛ wʋn ɛbɛlɛ. 16

 Kʋsʋ ɔ sɛlɩ bɛ ɔ maán b’a ngʋla nwun man yi sanran hɔlɔ. 17

 Zozi bisa bɛ kɛ: «Nzu nzɛmndɛ dɩɛ yɩɛ amɔ lɛ nantɩ kɔ nɩɩ ʋn amɔ lɛ bo?» Bɛ jinranlɩ kówúún, bɛ wunlun túún. 18

 Bɛ nun kʋn bɔ bɛ fɛlɛ Kelewoópasɩ tɛlɩ Zozi sʋ. Yɩ wan: «Ɛ tɩ Zoluzalɛmʋn ɛwa ɛwɔfʋɔʋ? Nɩɩ ʋn wɔ ngʋnmɩn ala yɩɛ a ndɩ man ɛjɔrɔ bɔ ɔ’a

Lʋkʋ ��

42LUK.indd 90 16/10/2008 13:27:29

��

kpɩn ɛwa?» 19 Zozi bisa bɛ kɛ: «Ɛjɔrɔ benin?» Bɛ tɛlɩ yɩ sʋ

naán b’a se yi kɛ: «A ndɩ man sáa ɛka bɔ bɛ yɔlɩ Zozi b’ɔ f Nazalɛtɩ? Yɩ ninnje b’ɔ yɔlɩ mɔ nɩn ndɛɛ ʋ b’ɔ hanlɩ mɔ, bɛ kele kɛ ɔ tɩ Nyanmɩan nʋan jʋjɔfʋɔʋ b’ɔ le tínmín kpili kpáa. Nyanmɩan kunlun jɔ yɩ sʋ kpáa. 20

 Yɛ Nyanmɩan wunlun jinranfʋɔʋ mgbanyin mɔ nin yɛ kuló sʋ ɛwa mgbanyin mɔ, bɛ falɩ yɩ wulalɩ Lɔmʋnfʋɔʋ mɔ sa nun kɛ bɛ hún yi. Bɛ bubolɩ yɩ bakaá ndaá sʋ. Bɛ hunlɩ yi. 21

 Yɛ falɩ yɛ wʋla sielɩ yi sʋ kɛ yi yɩɛ ɔ ba de Izalayɛlɩfʋɔʋ mɔ, bɛ ti ɔ. Kʋsʋ ɔ wulɩ yɩ cɩan nzan yiele anɛ. 22

 Mmala bie mɔ bɔ bɛ wɔ yɛ nun, b’a fu yɛ nun kpáa. Bɛ hɔlɩ asielɩɛ nɩn sʋ ɛlɔ ngɛlɛmɔ kúkúú kpáa. 23

 Bɛ hɔlɩ kʋsʋ b’a nwun man yɩ efuún. Bɛ salɩ bɛ sin ɔ, bɛ wan b’a wun annzʋ mɔ naán annzʋ sɔ mɔ a han hele bɛ kɛ yɩ nyɩn wɔ sʋ. 24

 Sanran mɔ bie bɔ bɛ nɩn yɛ wɔ ɛwa, bɛ hɔlɩ asielɩɛ sʋ ɛlɔ. Kɛ bɛ julɩ ɛlɔ, asielɩɛ yɩ wunlɛ bɔ bɛ wunlɩ ɔ nɩn ndɛɛ ʋ bɔ mmala mɔ han helelɩ bɛ, ɔ tɩ kʋn. Kʋsʋ yɩ bɔbɔ dɩɛ, b’a nwun man yi.» 25

 Zozi tɛlɩ bɛ sʋ naán ɔ’a se bɛ kɛ: «Kasɩafʋɔʋ mɔ, kɛ dédéé bɔ amɔ lɛ de ndɛɛ ʋ bɔ Nyanmɩan nʋan jʋjɔfʋɔʋ mɔ hanlɩ, bɔ amɔ lɛ di ndɛɛ ʋ sɔ mɔ sʋ, ɔ tɩ kekele o! 26

 Amɔ nzɩ man kɛ ɔ fata kɛ Kilisɩ wún yɩ wunlun kʋʋláá naán ɔ’a nyan awunlunnyáan?». 27

 Zozi bolɩ yɩ bʋ ndɛɛ ʋ bɔ Moyizɩ nɩn Nyanmɩan nʋan jʋjɔfʋɔʋ mɔ hanlɩ, ɔ tutulɩ yɩ bɔbɔ wʋn ndɛɛ ʋ kʋʋláá bɔ bɛ hɛlɛ gualɩ Nyanmɩan Fuluwa nun, bʋ helelɩ bɛ.

28 Kɛ bɛ mantanlɩ kuló bɔ bɛ kɔ ɔʋɔ wʋn ɛlɔ, Zozi yɔlɩ kɛ

ɔʋɔ kɔ yɩ wunlun ɛlɔ mmʋʋa. 29 Bɛ sɛrɛlɩ yi kɛ ɔ síe ninnje bɛ

wʋn ɛbɛlɛ. Bɛ wan: «Síe ninnje yɛ wʋn ɛwa afɩɩ ʋn nɩnka nɩn a hɔ nun.» Kɛ bɛ hanlɩ sɔ, Zozi nɩn bɛ wʋlʋlɩ awulo. 30

 Kɛ bɛ sa wɔ nince nun bɔ bɛ ʋɛ di, Zozi falɩ kpánwun naán ɔ’a yira sʋ. Kɛ ɔ yiralɩ sʋ yuolɩ, ɔ bubulɩ nun naán ɔ’a fa man bɛ. 31

 Kɛ ɔ yɔlɩ sɔ, bɛ nyɩn sʋ tɩlɩ naán b’a wun kɛ Zozi ɔ. Kpɛʋkʋʋn, ɔ hɔlɩ awʋnman nun. 32

 Ɛhɩ se yɩ mianngʋn kɛ: «Kɛ yɛ wɔ atɩ ʋɩn sʋ ɛlɔ bɔ yɛ ʋɛ ba, bɔ nɩɩ ʋn ɔʋɔ tutu Nyanmɩan Fuluwa nun ndɛɛ ʋ bʋ kele yɛ, nɩɩ ʋn yɛ ahʋnlʋnbaá nun yɔ yɛ nyʋʋɛ ʋɛ ʋ nyʋʋɛ ʋɛ ʋ, nán yi ɔ?»

33 Dɔɔʋ kʋnmgba sɔ nun bɛ jɛsʋlɩ, bɛ salɩ bɛ sin hɔlɩ

Zoluzalɛmʋn. Kɛ bɛ julɩ ɛlɔ, bɛ wunlɩ kɛ Zozi somanfʋɔʋ

Lʋkʋ ��

42LUK.indd 91 16/10/2008 13:27:29

��

bulu nɩn kʋn nɩn bɛ mianngʋn mɔ, bɛ ti a yia. Sanran bie mɔlá, bɛ wɔ ɛbɛlɛ. 34

 Bɛ selɩ bɛ kɛ: «Sakpaá ɔ, Famɩan f ewuo nun a jɛsʋ. Ɔ’a yɩ yɩ wʋn a hele Simʋn!» 35

 Bɛ hanlɩ ndɛɛ ʋ bɔ bɛ wunlɩ akpɔ sʋ ɛlɔ helelɩ bɛ. Bɛ wan kpánwun sʋ yiralɛ b’ɔ yiralɩ yɩɛ maán bɛ wunlɩ yɩ hɔlɔ kɛ Zozi ɔ.

Zozi Yɩlɩ yɩ wʋn Helelɩ yɩ Somanfʋɔɛ mɔ 36

 Kɛ Zozi sunnzuanfʋɔʋ nnyʋn sɔ, bɛ nʋan wɔ ndɛɛ ʋ sɔ sʋ bɔ bɛ ʋɛ kan, Zozi bɔbɔ kpɩnlɩn yɩ somanfʋɔʋ mɔ afán ɛbɛlɛ naán ɔ’a se bɛ kɛ: «Maán awʋnjɔʋɔ hán amɔ.» 37

 Ɔ fulɩ bɛ nun, yɩɛ sɛrɛ hunlɩ bɛ kpáa afɩɩ ʋn bɛ bu kɛ b’a wun ɛwʋnmɩɩ ʋn. 38

 Zozi bisa bɛ kɛ: «Nzu tí yɩɛ amɔ wʋn kpusu amɔ. Nzu tí yɩɛ amɔ ahʋnlʋnbaá nun tɩ nnyʋn nnyʋn?» 39

 Amɔ nían mɩn sa mɔ nɩn mɩn ja mɔ. Mɩn Zozi, mɩn ɔ. Amɔ tíra mɩn nun nían. Mɩn ɔ! Ɛwʋnmɩɩ ʋn le man wʋnnaán nɩn bowuo. 40

 [Kɛ ɔ hanlɩ sɔ yuolɩ, ɔ falɩ yɩ sa nɩn yɩ ja helelɩ bɛ.] 41

 Bɛ wʋn bɔ cʋcʋn bɛ tí, ɔ tɩ kɛ ɔ’a sɛ bɛ. Bɛ nʋan la nun! Zozi bisa bɛ kɛ: «Sɛ amɔ le alɩɛ ʋ ɔ, amɔ fá mán mɩn maán N ní.» 42

 Bɛ falɩ ejóo cɩyɩnlɩwa kʋn manlɩ yi. 43 Ɔ

lilɩ ejóo sɔ bɛ wunlun ɛbɛlɛ. 44 Yɩ sin, Zozi wan: «Amɔ tíe

ndɛɛ ʋ ɛka bɔ mɩ ʋɩn kan kele amɔ. Yɩ nun bɔ mɩn nɩn amɔ wɔ ɛwa, N gan N gelelɩ amɔ kɛ ɔ fata kɛ mɩn wʋn ndɛɛ ʋ kʋʋláá bɔ hɛlɛ gualɩ Moyizɩ mmala fuluwa nun, nɩn Nyanmɩan nʋan jʋjɔfʋɔʋ mɔ fuluwa nun, nɩn ejóo fuluwa nun, ɔ fata kɛ ndɛɛ ʋ sɔ mɔ kʋʋláá bɛ tú kpɩ ʋn sʋ.» 45

 Kɛ ɔ hanlɩ sɔ, ɔ bicelɩ bɛ angʋnndan maán bɛ tɩlɩ ndɛɛ ʋ bɔ bɛ hɛlɛlɩ Nyanmɩan Fuluwa nun, yɩ bʋ. 46

 Ɔ selɩ bɛ kɛ: «Bɛ hɛlɛlɩ kɛ ɔ fata kɛ Kilisɩ wún yɩ wunlun naán yɩ cɩan nzan sʋ, ɔ fí ewuo nun jɛ ʋsʋ. 47

 Asala bɛ hɛlɛlɩ kɛ ɔ fata kɛ bɛ kan kele máan nunfʋɔʋ mɔ kʋʋláá kɛ yɩ dunman nun tí, bɛ káci bɛ nzʋʋan. Naán sɛ bɛ yɔ sɔ, Nyanmɩan ba yaci bɛ ɛtɛ mɔ ce bɛ. Ndɛɛʋ sɔ, amɔ bó yɩ bʋ hanlɛ Zoluzalɛmʋn ɛwa. 48

 Amɔ tɩ ninnje sɔ mɔ wʋn adanzɩɛ. 49

 Amɔ tíe kpáa, nince ɛka bɔ mɩn sɩ ʋ han sielɩ kɛ ɔ fá man mɩn, mɩnlá, mɩ ʋɩn fá mán amɔ. Yɩ sɔ tí, nán amɔ tu amɔ bʋ ɛwa, amɔ tánran Zoluzalɛmʋn ɛwa dédéé maán nyanmɩan sʋ ɛlɔ tínmín, ɔ’a gua amɔ sʋ.»

Lʋkʋ ��

42LUK.indd 92 16/10/2008 13:27:29

��

Zozi lɛ Sa yɩ Sin Nyanmɩan sʋ ɛlɔ (Malɩkɩ 16.19-20; Nyɔlɩɛ 1.9-11)

50 Zozi nɩn yɩ sunnzuanfʋɔʋ mɔ hɔlɩ dédéé bɛ julɩ Betani

kuló wʋn ɛbɛlɛ. Kɛ bɛ julɩ ɛbɛlɛ, Zozi manlɩ yɩ sa sʋ awunlo naán ɔ’a yira bɛ sʋ. 51

 Kɛ ɔʋɔ yira bɛ sʋ, Nyanmɩan manlɩ yɩ sʋ hɔlɩ nyanmɩan sʋ ɛlɔ. 52

 Kɛ ɔ yɔlɩ sɔ, Zozi sunnzuanfʋɔʋ mɔ salɩ bɛ sin, bɛ hɔlɩ Zoluzalɛmʋn. Kɛ bɛ ʋɛ kɔ, bɛ le awʋncʋcʋnlɛ kpáa [asala bɛ mɩnmanlɩ Zozi sʋ.] 53

 Alɩ ʋɛbaá kʋʋláá, bɛ wɔ Nyanmɩan Suá nun ɛbɛlɛ, bɛ kannvʋ Nyanmɩan dunman.

Lʋkʋ ��

42LUK.indd 93 16/10/2008 13:27:29