Ti Kalapati ken Dagiti Manok

Kutkutkutak! Kutkutkutak! , immpukkaw ni Upa Burik.Tartaraok! , kuna met ni Kawitan Dalupasi.Agasawa dagitoy a manok. Taraken ida ni Kelly.

Nangeg ni Kalapati ida Upa ken Kawitan iti sirok ti kamantiris. Napan ni Kalapati ket kinablaawanna ida. Naragsak met da Upa Burik ken Kawitan Dalupasi.

Naidumdumakayo, kuna ni Kalapati. Nakitana ngamin ti tapingar ken kawweta. Isuda la ti nakakitaanna iti kasdiay dagup da amin a tumaytayab wenno adda dutdotna.

Inawis ni Kalapati dagiti dua a manok ngem saanda a kayat. Ammoda a dida kabaelan ti tumayab. Dakkel ngamin bagida ngem ababa dagiti payakda.

Nagpakada ni Kalapati kadagiti dua a manok. Naliday da a nabati. Kukko Turok, Inpukkaw ni Kalapati kadakuada kas karina nga agsublinto manen kadakuada.

Ti Kalapati ken Dagiti Billit Tuleng

Shoo!! Shoo!!, inpukpukkaw ni Lakay Pacio. Nagadu ngamin ti billit tuleng iti pagayna. Sangapangen nga agkukuyog dagitoy a billit tuleng.

Shoo!! Shoo!!, inpukkaw manen ni Lakay Pacio. Napan nagdisso dagiti billit tuleng iti puon ti dalipaweng. Nakita ni Kalapati ida ken napanna ida kinasarita.

Natuleng kayo a billit tuleng, kuna ni Kalapati. Inbaga ni Kalapati nga adda paltog ni Lakay Pacio. Ngem dida pinati. Sangapangenda manen a napan kapagayan.

Bang! Bang! Bang!. Nakigtot dagiti billit tuleng iti aweng ti paltog. Napansa amin naglemmeng iti puon ti dalipaweng. Aminda ket natitileng.

Idi timmalaw dagiti billit iti ayan ni Lakay Pacio, nakitada ti tallo a billit tuleng a natay. Nakaro ti buteng dagiti billit tuleng. Pimmanawdan nga immadayo manipud iti dalipaweng.

Kalapati ken Pabo

Iti panagtaytayab ni Kalapati iti arubayan, nakitana ti dakkel a billit iti abong a bassit. Nakitana ni Pabo. Ni Pabo ket paborito a taraken ni Pedro.

Kasla paypay ti ipus ni Pabo no agukrad. Maayatan ni Kalapati a mangbuybuya ken Pabo. Immasideg ni Kalapati it ayan ni Pabo ken nagam-ammoda.

Nakita ni Kalapati a timiliw ni Pedro ti maysa a Pabo. Inlako ni Pedro ti maysa a pabo ken ni Pablo. Nasayatan unay ni Pablo nga immadayo.

Kasta unay ti taray ni Pabo a naglemmeng. Timmayab met sa nagdisso ni Kalapati iti sanga ti kapangsanglay. Nakita ni Kalapati a pito laengen ti nabati a Pabo iti pagtaraknan ni Pedro.

Nagpakada ni Kalapati ken Pabo. Ipaypayapay ni Kalapati ti payakna. Inukrad ken ipaypaypay ni Pabo ti ipusna.

Ni Kalapati ken ni Bullilising

Nangeg ni Kalapati ti uni ni Bullilising. Iti bakir ti paggianan ni Bullilising. Napintas ken namaris a billit ni Bullilising.

Nagpintas ta bosesmo, indayaw ni Kalapati. Immisem laeng ni Bullilising sa nagtayyek iti bassit a sanga ti kayo. Ad-addan ti siddaaw ni Kalapati iti kabaelan ni Bullilising.

Pinadas ni Kalapati ti agbalinsuek it bassit a sanga ngem natnag daytoy. Nagkatawa da Kalapati ken Bullilising. Ammoda ngamin a dida agpada iti kabaelan.

Immasideg ni Bullilising iti abay ni Kalapati. Nagsinggit ken napaspas ti boses ni Bullilising. Pinadasna met ni Kalapati ti agkanta ngem Kook-ko-koo ken Kook-ko-roo met la ti maibagbagana.

Kayatko ta bosesmo ta nabannayat kayo nga agsao, kuna ni Bullilising. Maragsakan ni Kalapati iti naibaga ni Bullilising. Nagkankantada a dua iti dayta a bigat.

Ni Kalapati Ken Ni Kalaw

Iti tuktok ti bantay, nakangngeg ni Kalapati iti nakapigpigsa nga aweng. Ni Kalaw daydiay kuna ni Bullilising. Napan ni Kalapati iti ayan ni Kalaw.

Kahh!! inpukkaw manen ni Kalaw. Naaweng ti pukkaw ni Kalaw ta umaweng pay diay bangir a bantay. Masmasdaaw ni Kalapati a nakakita it langa ni Kalaw.

Nagdakkel ngamin ti ulo ken sippit ni Kalaw. Kasla kanayon nga agpukpukkaw no aguni. Adu ti napaneknekan ni Kalapati kadagiti langa ken kabaelan ti padana a billit.

Sinaludsod ni Kalapati no apay a di agpasiar da Kalaw iti patad. Ngem kuna ni Kalaw a naranggas kano dagiti tattao ta paltogan ken palsiitanda ida. Nalakada kano a mapuntiriaan ta dadakkelda.

Kahh!!, nagpukkaw manen ti maysa a Kalaw. Mapanda kano diay tapaw ti bantay. Waloda a Kalaw a timmayab. Immadayo metten ni Kalapati kadakuada.

Ni Kalapati ken ni Kannaway

Iti igid ti bantay, nakita ni Kalapati ti pangen ti kannaway. Nagdisso dagiti kannaway iti abay ti nuang. Ti Kannaway ket puraw a billit iti kataltalonan.

Sinurot ni Kalapati dagiti Kannaway. Nakisarsarita ni Kalapati kadagiti billit a puraw ti dutdotda ngem nangisit ti sakada. Kasla ngamin agkakalanga ken agkakadakkel dagiti Kannaway.

Agsisinnublat dagiti Kannaway a mapanagtakder iti bukot ti nuang. Sawak ti nagan ti nuang a gayyemda. Natalna met ni Sawak tapno I matnag wenno matuang dagiti Kannaway.

Nasingpet dagiti Kannaway. Nasingpet met ni Sawak. Maay-ayatan ni Kalapati a mangbuybuya kadagiti aggagayyem.

Nadlaw ni Kalapati a naanad dagitii Kannaway. Uray ngamin kapitakan ti ayanda, saan a marugrugitan dagiti napudaw a dutdotda. Dagitoy ti naadal ni Kalapati kadakuada.

Ni Kalapati ken ni Kakok

Adda nadlaw ni Kalapati a nagdisso iti natayag ken napuskol a karuotan. Immasideg iti karuotan ket nakitana ti nangisit a tumayab. Kakok ti nagan daytoy a billit.

Rumuarta ta agpasiarta, inyawis ni Kalapati. Saan a rimmuar ni Kakok ta mabain kano. Nangisit, natangsit ken nalaad ngamin ti langa ni Kakok .

Rimmuar met la ni Kakok ta pinilit ni Kalapati. Mapanda iti igid ti dalan. Iti saan a nabayag, naglemmeng manen ni Kakok ta nakakita ti tao.

Sinapul ni Kalapati ni Kakok iti karuotan ngem dina Makita. Simmuksok la ketdi iti kapuskolan a paset ti kapan-awan. Pinukawanna ngem saan latta a simmungbat.

Nagur-uray ni Kalapati it napuskol a kapan-awan. Male midi pumanaw ni Kalapati. Maas-asian unay ken ni Kakok.

Ni Kalapati ken ni Kullaan

Iti maysa nga agsipnget, napan nagapon ni Kalapati iti dakkel a puon ti mangga. Ti mangga adda iti asideg ti bakir. Nakangeg ni Kalapati ti kasla pukkaw ti tao.

Ngem idi nangeg manen ni Kalapati daydiay nga uni, immasideg tapno makitana ti naguni. Ni gayam Kullaaw. Ni Kullaaw ti billit nga agpasiar iti rabii ta maturog iti aldaw.

Naidumduma ti mata ni Kullaaw. Kasla mata ti pusa ti kabulladna. Daytoy siguro ti us-usarenna a pagsapul iti taraonna iti kada rabii.

Nagpakada ni Kullaaw ta mapan agsapul iti taraonna. Nabati ni Kalapati nga agmaymaysa. Inakari ni Kullaaw nga agsublinto met laeng sakbay nga aglawag.

Iti parbangon nadlaw ni Kalapati nga adda nagdisso it abayna. Nagsubli gayamen ni Kullaaw. Intuloy ni Kullaaw ti nagestoria. Naragsak ni Kalapati a nagdengngeg kankuana.

Ni Kalapati ken ni Martinis

Mailiw ni Kalapati iti amona a ni Kelly. Napanunotna ti agsubli iti kabalbalayan. Napanna met sinarungkaran ni Martinis a kaarubana.

Naidumduma met a billit ni Martinis ta nasusrsuruan nga agsao iti sao ti tao. Pinutdanda kano ti dilana idi Biyernes Santo.

Nakapupok ni Martinis iti tangkal a bassit. Naragsak kano ta kaykayat dagiti tattao ngem no dadduma naliday ta saan a nawaya. Agur-uray lattan iti itedda a kanenna.

Inpadamag ni Kalapati ti nagpipintas a nagpasiarianna. Umap-apal ni Martinis ngem awan maaramidanna. Pasiarennak a kanayon, inpukkaw ni Martinis idi umadayon ni Kalapati.

Malagip ni Kalapati ti kari ni Martinis. Aglibasto kano no adda gundawayna. Saanto kanon nga agpatiliw pay tapno dida ipupok manen.

Ni Kalapati ken ni Pugo

Napan ni Kalapati iti igid ti kataltalonan. Adda ngamin naam-ammona idi isu ni Pugo. Ni Pugo ti billit a nagaget nga agitlog.

Madama da Kalapati ken Pugo nga ages-estoria idi bugtaken ida ti ubbing. Timmayab iti nangato ni Kalapati. Timmayab met ni Pugo ngem saan unay a makangato.

Nalukmeg ti bagi ni Pugo ken ababa ngamin ti payakna. Daytoy ti rason no apay a di unay makaadayo no tumayab ti pugo. Kakaasi nga agpaypayakpak nga immadayo.

Paspasam ta aglemmengka!, inpukkaw ni Kalapati. Napan nagsuksok iti napuskol a kapagayan ni Pugo. Saanen a nasarakan dagiti ubbing.

Maasian unay ni Kalapati kenni Pugo. Kinitana dagiti napino ken napintasa payakna. Napalalo ti panagyaman na iti Namarsua iti pakabuklanna.

Ni Tiggaak

Billit a dakkelNatayag ngem nakuttongDaytoy TiggaakMakita idiay surong

Nawasnay ti sakanaNgem nasadut a magnaAbaba ti payaknaMakadanon Isabela

Atiddog pay tengngednaAlisto a makasiputTa no maasitganTumayab a sigud

Pitupit

Ti PitupitBassit a billitUminat nasinggitKasla maliplipit

Ti PitupitInbagbaganat nagannaPitupit! Pitupit!Ipukpukkawna

Ti Pitupit Nakita ni LibethDina dinangranTa isu nasingpet