ilmu sin kamaasan part (1) - (6)

ilmu kamaasan (1)Share

Saturday, April 24, 2010 at 11:28am

Abdullah Sani Hj Abdul Salleh

Assalamualaikum :

Manga Taimanghud katan, murahmag pa tumtum in dunya iban akhirat , ampana hula iban bangsa salamat :

Insulatan ini hi pagra mari kakuh dain ha hambuuk taimasupaya kita ayau lupa in asal usul

Selamat Membaca :

Aki Taguban Asalamualaikum waramatullahi wabarakatuhyang tua dan yang muda .aki salinkan dari BLOG K DAYANG..artikel yang berguna tatapan kita barsama..aki harap sekiranya artikel ini menyingung parasaan sarta tidak yakin..angap saja sebagai bacaan umum semata mata....

Ilmu' sin mukali'

Patumtum, muna-muna asal biyayta’ sin MUHAMMAD (SAW) in Ummat Niya mabahagi’ maka-73, hangka bahagi’ da in sumud Surga’ way hisab atawa di’ lumabay Hukum. Hati niya in 72 kabahagi’ sin Ummat Hukumun sarta’ lumabay Narka’ subay ubus maShafaat sin MUHAMMAD (SAW) ampa maPatumtum pa, ha waktu kawafat sin MUHAMMAD antara’ sin Tu (3) Sahabat [Abubakar (RA), Omar (RA) Othman (RA)] iban sin magtiyaun FATIMAH (RA) iban ALI (RA). Nabahagi’ magduwa in Ummat, in gimapi’ ha Tu (3)


Manga Taimanghud katan, murah-murahan in pagdihil manga kamaasan , subai kita mag pa tumtum in dunya iban akhirat , ampana hula iban bangsa salamat :

Insulatan ini hi pagra mari kakuh dain ha hambuuk taimanghud Aki Tuguban ha facebook supaya kita ayau lupa in asal usul ilmu kamaasan.

Aki Taguban Asalamualaikum waramatullahi wabarakatuh..buat saudara saudara ku yang tua dan yang muda .aki salinkan dari BLOG K DAYANG..artikel yang berguna tatapan kita barsama..aki harap sekiranya artikel ini menyingung parasaan sarta tidak yakin..angap saja sebagai bacaan umum semata mata....

Ilmu' sin mukali'

muna asal biyayta’ sin MUHAMMAD (SAW) in Ummat Niya mabahagi’ a bahagi’ da in sumud Surga’ way hisab atawa di’ lumabay Hukum. Hati

niya in 72 kabahagi’ sin Ummat Hukumun sarta’ lumabay Narka’ subay ubus maShafaat sin MUHAMMAD (SAW) ampa ma-ig dayin ha Narka’ pasurun Surga’.Patumtum pa, ha waktu kawafat sin MUHAMMAD (SAW) naawun in parsaggaan ha antara’ sin Tu (3) Sahabat [Abubakar (RA), Omar (RA) Othman (RA)] iban sin magtiyaun FATIMAH (RA) iban ALI (RA). Nabahagi’ magduwa in Ummat, in gimapi’ ha Tu (3)

murahan in pagdihil manga kamaasan , subai kita mag pa tumtum in dunya iban akhirat , ampana hula iban bangsa salamat :

nghud Aki Tuguban ha facebook

..buat saudara saudara ku yang tua dan yang muda .aki salinkan dari BLOG K DAYANG..artikel yang berguna buat tatapan kita barsama..aki harap sekiranya artikel ini menyingung parasaan sarta tidak yakin..angap saja sebagai bacaan umum semata mata....

Ilmu' sin mukali'

muna asal biyayta’ sin MUHAMMAD (SAW) in Ummat Niya mabahagi’ a bahagi’ da in sumud Surga’ way hisab atawa di’ lumabay Hukum. Hati

niya in 72 kabahagi’ sin Ummat Hukumun sarta’ lumabay Narka’ subay ubus maShafaat ig dayin ha Narka’ pasurun Surga’.

(SAW) naawun in parsaggaan ha antara’ sin Tu (3) Sahabat [Abubakar (RA), Omar (RA) Othman (RA)] iban sin magtiyaun FATIMAH (RA) iban ALI (RA). Nabahagi’ magduwa in Ummat, in gimapi’ ha Tu (3)

Sahabat ngiyanan “AHLUS SUNNAH Wal JAMA-AH”. In gimapi’ kan FATIMAH (RA) kay ALI (RA) nahinang “AHLUL BAYT” atawa SHIA. In “AHLUS SUNNAH Wal JAMA-AH” tiyukud mabahagi’ maka-51 ampa in SHIA atawa “AHLUL BAYT’ tiyukud mabahagi’ maka-22. Amu nayni katan in 73 kabahagi’ sin Ummat.Patumtum ha nakahati sa’ nakalupa, pahati ha wala’ naka-abut. Ha puas bayintungaan sin 1800 atawa 19th Century naghambuuk in POPE sin Catholic Church iban Nakura’ sin YAHUDI nakapi’ sila 73 PARI’ piyapagMuslim ampa piyapangadji’ pa AZHAR University ha CAIRO, EGYPT. In maksud, pangadjiun in Rahasiya sin Islam supaya nila majag-jag.ALHAMDULILLAH na-ig dayin ha Taasan hangin in MA’RIFAT, TAWHID iban IMAN (A-I-O) nara mari tiyapuk di ha Babaan Hangin, awun labayan sin Islam magbalaga magbalik halawum Dunya sarta’ amuna in nahinang bahagi’ sin Babaan Hangin ha pakaradjaan sin ISLAM.

Miyangsust dayin ha 73 Pari’ ini in “JAMA-AH TABLIG, AHMADIYYAH, WAHABI, ETC.”. Awun hambuuk dayin ha 73 PARI’ ini nakakari pa Hula’ ta. Siya ini in panagnaan Muslim kunu’ kimahagad ha Kastila’ dima sin Lafal “MORO”.

In hika-51 sin “AHLUS SUNNAH Wal JAMA-AH” amurasab in hika-73 sin Ummat. Agi pa sin MUHAMMAD (SAW) in panagnaan 70,000 sin Ummat Niya sumud Surga’ di’ lumabay Hukum pagnakuraan sin Awliya Babae, hi “RABIATUL ADAWIYYAH (RA)”. Kiyahatihan tanyu di’ manjari magnakura’ in babae halawum pamarinta Islam. Waktu bihaun way Islam namarinta manjari in babae magnakura’.

In Surga’ surun sin hika-73 Kabahagi’ sin Ummat yari ha Dunya pagka buhi’ (di’ lumabay hukum) in Ummat ini. In Surga’ ini “JANNATIN ADNIN” (Surga’ hika-8 hawnu in Zat kabakan).

In tiyawag sin QUR’AN “AHLUL BAYT” amun 4 magtalianak (FATIMAH [RA], ALI [RA], IMAM HASAN [RA] iban IMAM HUSSEIN [RA]). Sila ini in liyukuban sin “KAKANA’ PUTI’” siyutsi sin MUHAMMAD (SAW) sarta’ tiyawag “AHLUL BAYT” Niya.

In mga nakura’ si SHIA naggulal “Ahlul Bayt” sila, mga panubu’ sin Ali (RA) bukun dayin kan FATIMAH (RA). Hambuuk da in piyagburus iban piyag-anak sin FATIMAH (RA) anak nila kay ALI (RA) amura in Imam HASAN (RA). Ampa in Imam HUSSEIN (RA) wala’ piyagburus, wala’ piyag-anak sa’ tiyukbal Siya sin MUHAMMAD (SAW) pa FATIMAH (RA) iban pagyan anak mu kawa-a.

Bang agad-agarun in bunnal “AHLUL BAYT” subay panubu’ sin Imam HASAN (RA) iban Imam HUSSEIN (RA). Hambuuk da in kiyaingatan ku Tau bihayni, Ina’ niya panubu’ sin Imam HASAN (RA), in Ama’ niya panubu’ sin Imam HUSSEIN (RA) amun SULTAN AWLIYA ABDUL QADIR JAELAN (RA ). Awun 4 anak sin Sultan Awliya (RA) di ha’ Babaan Hangin, hambuuk- (1) ha NUNUKAN atawa TARAKAN, INDONESIA, hambuuk -(1) ha KOTA KINABALU,SABAH, hambuuk –(1) ha LANAO iban hambuuk -(1) ha LUPA’

SUG.

Mayta’ in Ummat nabahagi’ maka-73? Qur’an in simambung, miyagad sila ha NAFSU nila pasal na-ig in ILMU’ dayin kanila (Ayat 29, Surah Rum). Nabahagi’ sila sarta’ nagkugkuyag sila pa kanya pa kanya nangannal in Aqidah nila imamu na na’ subay sila ini tumawbat magbalik pa Agama sabunnal ha HADHARAT sin ALLAH (SWT). In Agama sabunnal amuna in “DINUL FITRA” tiyapuk ha taykud sin Ayat 30, Surah Rum.In “DINUL FITRA” nagrukun 4-MA’RIFAT, TAWHID, IMAN, ISLAM. In Ma’rifat, Tawhid, Iman na-ig dayin ha Taasan Hangin nara mari tiyapuk di ha Babaan Hangin. Islam da in nakapin ha Taasan Hangin.In MA’RIFAT nagrukun 4-LA ILAHA ILLA ALLAH. In TAWHID nagrukun dasab 4- ZAT, SIFAT, ASMA, AF-AL. In IMAN nagrukun 6- AMANTU BILLAHI WA MALA-IKATIHI WA KUTUBIHI WA RUSULIHI WAL YAWMIL AKHIRIHI WAL QADRI KHAYRIHI WA SHARRIHI minALLAH. In ISLAM nagrukun 5- SHAHADAT, SALAH, SAWUM, JAKAT, HAJ. In rukun sin 4 rukun sin DINUL FITRA’ 19 katan, amu ini in pagyanun 19 Luun sin Qur’an. In 19 rukun ini amurasab in timaalluk pa 19 Huruf sin “BISMILLAHIR RAHMANIR RAHIM”.In 72 kabahagi’ kiya-igan ILMU’ nagparagbus sin ISLAM way IMAN amuna in tiyawag sin QUR’AN YAJUZ iban nagparagbus sin ISLAM way MA’RIFAT amuna in tiyawag sin QUR’AN MAJUZ. Bang sumaplag in hilubala’ bunu’ sin Yajuz iban Majuz ha katilingkal Dunya tanda’ sin masuuk na in “Yawmil Hisab” (Adlaw pagHukum, 27 tahun bunu’ yan) Ayat 96, Surah Anbiya’.In hika-73 kabahagi’ sin Ummat amun namawugbug sin ILMU’ sin MUKALI’ yari ha Babaan Hangin pagka yari ha Lupa’ Sug in ILMU’ sin MUKALI’ kiyatapuk. Ampa in MUKALI’ pagyanun ini amuna in MUHAMMAD (SAW).May baha’ in namawugbug ha ILMU’ sin MUKALI’ kulang in Sambahayang? Mataud nasusa hal ini. QUR’AN in simambung ha Ayat 23, Surah Ma’arij. SUMBA KAKKAL in paghinangun Nila. In SUMBA KAKKAL, TAFAQQUR atawa Magjaga sin NAFAS palawum paguwa’ halawum katigidluman, amu ini in AMMAL-IBADAT sin MA'RIFAT, TAWHID, IMAN. In Sambahayang hinangun Nila HIPAG-IG SIN KAHARAMAN SIN MAZDI’.

Manjari in MA’RIFAT, TAWHID, IMAN bisan way ISLAM timanda’ na ha Kama-asan. Di’ manjari in ISLAM bang way MA’RIFAT, TAWHID, IMAN kiyasaksian na ha YAJUZ iban MAJUZ. In YAJUZ iban MAJUZ Muslim ha ngan dakuman pasal way ISLAM bang way IMAN, TAWHID, MA’RIFAT.

Andu’ ampa timindug na in Islam mamarinta magbalik subay in namawugbug ha ILMU’ sin MUKALI’ mamawugbug na ha Sara’ atawa Islam. Patindugun nila na ha ginhawa in rukun Islam. In sila sab nagparagbus sin Islam, na’ gumuru na sarta’ mamawugbug na ha ILMU’ sin MUKALI’ atawa ILMU’ KAMA-ASAN atawa ILMU’ TIYAPUK ampa matibuuk na in “DINUL FITRA’”. Sibu’ na mamindahi sin ginhawa palawum paguwa’ ampa pindahun na sin ALLAH (SWT) in kahantang sin Qawman tanyu, hibalik NIYA na in

pamarinta ISLAM, sarta’ mabunnal na in bissara sin MUHAMMAD (SAW) yari ha Jawi’ in sarayaw-rayaw Ummat Niya.

Na’ bang bunnal mabaya’ tuud kitanyu mamarinta magbalik in ISLAM sarta’ maka’ in “KAMAHARDIKAAN”, patindugun tanyu na ha ginhawa tanyu in DINUL FITRA’. Duhungan tanyu na in hilubala’ bunu’ piyasasaplag sin YAJUZ iban MAJUZ, sila ra in Hukumun atawa bunuun bang timindug in pamarinta ISLAM, way lamud tanyu. Mahinang Narka’ in Hula’ nila, mahinang Surga’ in Hula’ tanyu.

“RABBANA ATINA FID DUNYA HASANAH WA FIL AKHIRATI HASANAH WA QINA AZABAN NAR”.

WA BILLAHIT TAWFIQ WAL HIDAYAH…

MAGSUKUL iban SALAM…

ilmu kamaasan(2)Saturday, April 24, 2010 at 3:48pm


Assalamualaikum :



Selamat Membaca :

Aki Taguban Usulan:

Ilmu' Tiyapuk AtawaIlmu 'Kama-Asan In ILMU’ Tiyapuk amuna in ILMU’ Kama-asan. Agi sin kamatauran, way ILMU’ Tiyapuk bat di’ manjari magtapuk ILMU’ iban biyuklad na in katan ILMU’ duun ha Qur’an. Agi sab sin kaibanan, way ILMU’ di ha Babaan Hangin pagka ha Taasan Hangin miyangsut in katan ILMU’. Magsusa hal Junub, Istinja iban Takbi-ratul Ihram, amuna sayni in ILMU’ Tiyapuk. Magsusa maglawag sin mga panubu’ sin Imam HASAN (RA) iban Imam HUSSEIN (RA), sila na sayni in kama-asan nagtapuk sin ILMU’ di ha ka-tu’ iban nagpatindug sin pamarinta Islam ha babaan sin Sultanate of Sulu iban Sultanate of Maguindanao. Magbunu’ hal pagpatindug sin pamarinta Islam iban magsusa magpaawun kamahaldikaan sin Lupa’ Sug. Di’ sayni patut susahun pasal awun Qadar sin ALLAH (SWT) hal sin mga pakaradja-an ini. Bang in kabayaan ta mag-agad iban kabayaan sin ALLAH (SWT), tartantu makawa’ in diyadawhat ta sa’ bang magsulang in diyadawhat ta iban kabayaan sin ALLAH (SWT) tartantu di’ majatu in

diyawhat ta. Timanda’ in kaawam sin Tausug, biyunnal tuud sin Tausug in pagka Tausug nila (Tabiya’ ha kaibanan), magad madtu mari ha sug-sug iban hagas-hagas bisan satru’ in humagas-hagas iban sumug –sug kanila.

Biya’ tuud kitanyu bulung, maglag sin dagat malayingkan halawum baran niya dagat, ha guwa’ sin baran niya dagat da. In kitanyu isab, sampay pa adlaw ini masi-masi in paglag ha ALLAH (SWT). Salugay maglalag ha ALLAH (SWT), maglulu-ag, iban magtataud in dusa. Bang sab kiyaba-kan in ALLAH (SWT), kiyaba-kan in katan unu-unu daying ha Ba-tin pa Dha-hir, dayin ha Awwal pa Akhir. In sila nakabak ha ALLAH (SWT) amun kanga-nan Bar-Iman. Hati Bar-Iman, Bar-Akkal.

In ILMU’ Tiyapuk bukun ha buli’ kahuy, halawum Qur’an bat yaun halawum Qur’an in dalil sin katan ILMU’ Tiyapuk. Yari ha Lupa’ Sug in Tanda’ sin ILMU’ Tiyapuk. Unu in parsugpatan sin Lupa’ Sug iban Qur’an?

Qur’an in namayta’ in luun niya hangpu’ tagsiyam da. Timagna’ in Qur’an ha BISMILLAHIR RAHMANIR RAHIM, hangpu’ tagsiyam Huruf daysab.

Agi sin Surah Kahfi, bang hisulat in ILMU’ sin ALLAH (SWT) di’ makasulatan bisan ballitun in dagat hinangun dawat. In hangpu’ tagsiyam amuna in kahawpuan sin ILMU’ sin ALLAH (SWT) sa’ wala’ sab tiyugila’ unu in hangtpu’ tagsiyam yaun. Tiyapuk da.

In hangpu’ tagsiyam yaun amuna in mga rukun sin upat rukun sin Di-nul Fitra, A-gama Kari-asali. In upat rukun sin Di-nul Fitra amuna in Ma’rifat, Tawhid, Iman, Islam. In Ma’rifat nagrukun upat-La Ila-ha IIlla Allah. In Tawhid nagrukun daysab upat: Jat, Sifat, Asma, Af-al. In Iman nagrukun unum : A-mantu Billahi wa Mala-ikatihi wa Kutubihi wa Rusulihi wal Yawmil A-khirihi wal Qadri Khayrihi wa Sharrihi Minallah. In Islam nagrukun lima: Shahadat, Salah, Sawum, Zakat, Haj.

In ILMU’ ha taykud sin Ma’rifat amuna in hantang sin pagpapanjari ha ginhawa baran sin ma-nusiya’. Kila-hun in ginhawa baran hinangun taytayan supaya kakila-han in Nagpapanjari kanya. Sakali agi sin mga nangadji’ Hadith in “Man Arafa Nafsahu faqad arafa Rabbahu-daif kunu’, hati niya mahina’ masuuk pa bukun bunnal. In Ammal ha taykud sin Ma’rifat amuna in Istinja Dhahir, sumutsi sin hangpu’ tagduwa bangsa dayin ha A-lam, dayin ha Ina’ iban dayin ha Ama’; Istinja Ba-tin sumutsi sab sin hangpu’ tagduwa bangsa dayin ha Mala-ikat, dayin ha Nur Muhammad (SAW) iban dayin ha ALLAH (SWT).

In ILMU” ha taykud sin Tawhid amuna in Junub, kasutsihan sin duwa baran nahinang hambuuk. Way Tawhid bang way duwa hinangun hambuuk. Bang wala’ naawun in Alastu Bi Rabbikum iban Qa-lu Bala, way Tawhid bat way duwa hambuukun. In Ammal ha taykud sin Tawhid amuna in Tafaqqur. Tu in dagbus sin Tafaqqur: (1). Tafaqqur hangka sasaat sumibu’ hangpu’ tahun Iba-dat, amu ini in Tafaqqur ha Istinja; (2)

Tafaqqur hangka sasaat sumibu’ kay’man, ka’numan atawa kapituwan tahun Iba-dat, magjaga ini sin Nafas halawum katigidluman, Nafas palawum sumutsi Jantung iban Nafas paguwa’ sumutsi Pangannal; (3) Tafaqqur hangka sasaat sumibu’ hangibu tahun Iba-dat amu ini in Tafaqqur ha Junub, magpakahinang tau.

Ha waktu way pa in awun, magulang in Junub dayin ha Istinja. Ha waktu na-awun na in awun, magulang na in Istinja dayin sin Junub. In Istinja kasutsihan sin ginhawa baran. In Junub kasutsihan sin Nyawa. Bang way Istinja iban Junub way Sambahayang . Bunnal in hag sin Islam Sambahayang sa’ bunnal daysab in hag sin Sambahayang kasutsihan. Ha sabab hayni, awun waktu bisan nagSambahayang na masi di’ mapu’pu’ in paghinang mangi’.

In magtiyaun bang way ILMU’ Junub, pag-anak la-in la-in, Khannas in kalakkuwan niya, yanun sin ma-as ma-as way kiyajunuban. Mataud anak bihayni tanda’ sin bunnal kiyatapuk in ILMU’ Junub.

In ILMU’ ha taykud sin Iman amuna in Takbi-ratul Ihram. Bang kiyabukisan in Takbi-ratul Ihram maawun ha manusiya’ in Iman Ikhtiyar. Bunnal awun lima Fardhu sin Takbi-ratul Ihram. Bunnal awun tu lawang sutsi subay ukabun ampa luunan iban walu lawang haram subay taplukun ampa hihulug in Takbi-ratul Ihram. Bunnal awun upat mukarna’ sin Takbi-ratul, duwa halal iban duwa haram. Awun daysab Maqam Tibdal sin Takbi-ratul Ihram.

Mabaya’ matayma’ in Iba-dat? Subay sutsihun in Baran, Jantung, Nyawa iban Rahasiya’. Subay raysab sutsihun in kaharaman sin Waddi’, Mazdi’, Manni’ iban Manikam, mga bangsa dayin ha Ina’. Ampa guruhun in ILMU’ supaya in Takbir mahinang Takbi-ratul Ihram. Presto! InshaALLAH taymaun sin ALLAH (SWT) in Iba-dat.

In ILMU’ Tiyapuk amuna in Ma’rifat, Tawhid iban Iman. Amu raysab ini in pagyanun A-I-O atawa Alif tu atawa Usul Alif. In A-I-O amuna in ILMU’ Tiyapuk mari sin Zayn Al-Abidin (RA). In Landmark sin A-I-O yaun ha taas Bud Datu’, Indanan, Sulu, kubul sin AHMAD Timhar Muqbalu iban saka sin Zayn Al-Abidin (RA) siyulatan ha raig 710 Hijra. In pagyanun kama-asan tag-ILMU’ sin ILMU’ Tiyapuk amuna in Zayn Al-bidin (RA) panagnaan panubu’ sin MUHAMMAD (SAW) nakakari pa Lupa’ Sug.

In Zayn Al-Abidin (RA) ini wafat na ha Taasan Hangin. Siya in anak kamanghuran sin Imam Hussein (RA) amun nakauna nawafat ha karbala. Nabuhi’ siya nagbalik miyangsut pa Dunya ha Hadhramaut (Hajaralmawut agi sin ma-as ma-as), Yemen. Awun kawhaan tag-upat kitab siyulat sin Zayn Al-Abidin (RA), hangpu’ tagduwa hal Ma’rifat, Tawhid, Iman (A-I-O) iban hangpu’ tagduwa hal Islam. In mga kitab hal A-I-O nara mari pa Babaan Hangin. In hangpu’ tagduwa kitab hal Islam diya niya pa Iraq binin didtu kan Jaafar Ibni Sadiq (RA).

Pagkari sin Zayn Al-Abidin (RA) pa Lupa’ Sug nakapag-asawa di, kan Lady Indal Fitra

(RA). In Lady Indal Fitra (RA), ini amuna in bata’-bata’ naglintang iban pusud miyangsut dayin halawum lupa’ dungan iban Zayn Al-Abidin (RA) duun ha ut sin Bud Timpuk iban Sayaw-sayaw ha Tiptipun, Panamao, Sulu. Ubus yuturan pusud sin Zayn Al-Abidin (RA) in bata’-bata’ piyamin niya ha usug nakasaksi sin pagpangsut nila dayin ha lupa’. Pagbalik sin Zayn Al-Abidin (RA) way na in usug iban sin bata’-bata’ piyamin niya. Pagka duun nalawa’ subay duun lawagun. Nanghinang siya bangku’ pag-ammal Iba-datan niya. Sampay bihaun in bangku’ ini masi ra yaun biya’ na basi’. Gimuwa’ in usug piyaminan niya sin bata’-bata’ duma magsa ILMU’ iban kusug kanya. Piyauna sin Zayn Al-Abidin (RA) naminsana’ kanya in usug yadtu bang man higuwa’ in bata’-bata’. In armas tuwi’ sin usug yadtu, dila’ niya maghaba’. Diyaug kusug in usug naminasa ha Zayn Al-Abidin (RA), masi ra naglilingkud ha bangku’ niya, sampay tiyungkud in dila’. Timindug in Zayn Al-Abidin (RA) nag-Azan, nagduwaa Iftita ampa siyugpat in Farman kiyatubu’ sin Shajaratul Yaqin, amun kahuy bang kiyabukisan dumagpak in Yaqin sin ma-nusiya’, nautud in dila’ sin atu sin Zayn Al-Abidin (RA). Tiyudlu’ sin usug in piyagtapukan niya ha bata’-bata’, patung ha Bud Tapul. Yubatan sin Zayn Al-Abidin (RA) in pali’ sin naatu niya, nahinang niya murid, ngiya-nan niya Datu’ Masukud. In dila’ sin Datu’ Masukud nanumbaga hiynang sin Zayn Al-Abidin (RA) kalis piyagtanda’ sin ILMU’ Tiyapuk niya amun A-I-O. In kalis ini amuna in nahinang tanda’ sin kawasa sin Sultanate of Sulu. Kalis daysab ini in mahinang tanda’ sin kawasa sin Caliphate of Sulu ha su-ngun. Amu raysab in kalis ini in hipamunu’ sin IYSHA (AS) ha Dadjal ha su-ngun.

Simujud in patung dayin ha Bud Tapul pa Bud Timpuk, siyakatan sin Zayn Al-Abidin (RA), siya’sa’ dayin ha ugbus. Pagdatung pa baba sin patung gimuwa’ in bata’ babae budjang na, ngiya-nan sin Zayn Al-Abidin (RA) Indal Fitra. Nakapagtiyaun sila nahinang panagnaan dagbus sin ILMU’ Junub. Naka-anak sila hambuuk ngiyanan Sayyed Ansarud Din. Naghula’ sila duun ha ut sin Bud Timpuk iban Sayaw-Sayaw, duun piyag-anak in Sayyed Anssarud Din. Duun daysab kiyatampat in Lady Indal Fitra (RA).

Pagka ha Bud Tapul kiyaba-kan in Lady Indal Fitra (RA) tiyaas sin Zayn Al-Abidin (RA) in darajat sin Tau Tapul giyulal sila katan Shariff.

Sumud man walu bulan in pagburus sin Lady Indal Fitra (RA), minig in Zayn Al-Abidin (RA). Siya in nagpatindug sin Sultanate of Malacca naggulal Sultan Iskandar Shah. Zayn Al-Abidin (RA) daysab in nagpatindug sin Sultanate of Johore dima sin gulalan Sultan Iskandar Zulqarnayn, duun hayni siya simud Qur’an , ha Surah Kahfi. In pagyanun butlang (barrier) hiynang sin Zulqarnayn halawum kahfi amuna in ILMU’ A-I-O. Sabab sin butlang ini di’ maraug sin Ya-juz iban Ma-juz in mga Tau halawum kahfi. In dagbus sin kahfi, upat, magad da ha ILMU’ upat Ma’na pagyanun. In panagnaan dagbus sin kahfi amuna in dagbus sin ILMU” NOQTA (NUN). Katan tagapanghati ha Qur’an, in Nun ini amuna in Ista’ ampa in Ista’ amuna in dagbus sin Map sin Jolo, Sulu. In Jolo, Sulu siki pa ulihan sin Camel, Map sin Philippines. Hikaruwa dagbus sin Kahfi amun anak Gadja (Elephant), Map sin Mainland Mindanao, buli’ sin Camel. Hikatu dagbus sin kahfi amuna in She-Camel atawa Philippines. Hikaupat dagbus sin Kahfi amuna in Dunya salugay

niya Tibulung.

In mga sila wala’ makabukis sin ILMU’ Tiyapuk sin Kama-asan (Zayn Al-Abidin, RA, sambil pa MUHAMMAD, SAW ), amuna in nahinang Ya-juz iban Ma-juz, sila ini in kapituwan tagduwa kabahagi’ sin Ummat amun lumabay Narka’. In Ya-juz, mga muslim ha ngan (Nominal Muslim), naghinang sin upat rukun Islam, way Iman nila, way Tawhid, way Ma’rifat, way ra Islam. Amura naparagbus nila in Salah, Sawum, Zakat iban Haj ampa in Shaha-dat wala’ nila naparagbus. In luun sin Shaha-dat amuna in Ma’rifat, Tawhid iban Iman. Mga Ya-juz ini in magpa-awun hilubala’ magpatindug sin pamarinta Islam. Wala’ umamu in pangha-ti nila hal Jihad. In Jihad pagluwas lungsad ha pagbawugbugan sin pamarinta Islam. Bang wala’ namarinta in Islam, way bawugbugan. Di’ timindug in Islam hilabay bunu’. In tindugan sin Islam Iman. Mahunit mahinag Bar-Iman bat ampana maggulal Bar-Iman ampana tandasun sin ALLAH (SWT), ampana sasatun sin shaytan.

Panumtum ba kamu iban pamanduga, hangpu’ tagtu tahun in MUHAMMAD (SAW) ha Makkah way bunu’ bisan pinjala’ sila sin satru’. Pasal in piyaragbus nila Ma’rifat, Tawhid iban Iman. Adlaw pagdatung Niya pa Madinah, timagna’ in Hijra Calendar. Ha Madinah man Siya napinda in Qiblat dayin ha Batu Bargantung ha taas sin Masjidil Aqsa pa Baytullah halawum Masjidil Haram. Ha Madinah raysab gimuwa’ in pangdaakan bunuun in satru’ amuna in kaawun sin panagnaan bunu’ ha Badar. Pasal ha Madinah man in MUHAMMAD (SAW), timindug na in pamarinta Islam ha pagnakuraan Niya. Manjari na magJihad, awun na parinta Islam bawugbugan iban awun na nakura’ duma sin bunu’ pa mga Tau satru’ sin Islam.

In Ma-juz isab mga Muslim daysab ha ngan nagparagbus daysab sin upat rukun Islam, way Ma’rifat. Way raysab Shaha-dat nila. Bang way Ma’rifat, way Tawhid, way Iman, way ra Islam. Sila ini in mga Ulama’ kunu’ manglang ha kakahinang sin Kama-asan pasal bida-a kunu’, pamindahi kunu’ in kakahinang sin Kama-asan bat wala’ kunu’ nahinang sin MUHAMMAD (SAW) ha waktu niya. Agi sin Ma-juz di’ na mag Mawlud, di’ na mag Duwaa Arwah, di’ na magpayung ha Mayat, di’ na magTurqin ha Mayat, di’ na hinangan kulangan in Nawafat, di’ na bassahan Qur’an, di’ na mag Tibaw Kubul, etc,etc. Way tuud halga’ sin Nyawa ha Ma-juz. Di’ na kila-hun in ALLAH (SWT), magSambahayang na sadja. Unu in karungugan iban kakitaan sa’bu nagSambahayang amuna in Tuhan. In Ya-juz iban Ma-juz awam na takabbul pa. Gura’ guraun nila in ILMU” Tiyapuk sin Kama-asan, hinangun lala-mihan hangkansa duklat nila way bidda’, biyubusung.

Maray’ wala’ nabassa sin Ya-juz iban Ma-juz in Hadith Quds “AL-ILM ANA”. In panggura’-gura’ ha ILMU’ Tiyapuk sin Kama-asan, panggura’-gura’ ha ALLAH (SWT), iban ha MUHAMMAD (SAW) sampay pa katan panubu’ Niya. Malaggu’ pagTawbat nila. Bang sila di’ kuma’ iban mamawugbug ha ILMU” Kama-asan, sila na in lugi’ dayin ha kabuhi’ pakamatay, dayin ha Dunya pa A-khirat.

In pangadji sin Ya-juz iban Ma-juz guwa’ dayin ha Sadlupan, ha Taasan Hangin, amuna ini in pangadji’ piyagbin sin Kama-asan pahallian ha Huling Bata’. Way Ma’rifat, Tawhid, Iman ha Taasan Hangin bat yari katu’ ha Babaan Hangin. In nakabin didtu Islam da hangkan in maka’ nila guruhun didtu Islam da. Na’ bang gumuru madtu, di’ pa makaka’ sin Ma’rifat, Tawhid, Iman di, asal masabul na sadja in panghati. Pasal tiyuud sin Yahudi iban Arab sabulun in panghati sin katan supaya di’ na mamarinta magbalik in Islam. Bassaha nyu marayaw in Qur’an, Yahudi iban Arab in piyagmurkaan bat kiya iygan sila Iman. Wala’ tiyayma’ sin Yahudi in dagbus sin Last Chance nila ampunun sin ALLAH (SWT), amun IYSHA (AS). Napugus in Arab tumayma’ ha dagbus sin Last Chance nila amuna in MUHAMMAD (SAW), sa’ jiyawjana’ nila in panubu’ Niya. Narugtul sin Yahudi in rukun Iman hikalima. Narugtul sin Arab in rukun Iman hikaunum. Hambuuk rukun Iman marugtul, malawa’ in katibuukan sin Iman.

Bang di’ mag-agad in Ma’rifat, Tawhid, Iman iban Islam di’ timindug mamarinta in Islam magbalik bisan magpakamatay magbunu’ in Ya-juz iban Ma-juz gamman murka’ in maka’ nila.

In Sultanate of Sulu piyatindug sin Sultan Shariful Hashim (RA) ha tahun 1404. In Sultan Shariful Hashim (RA) ini amuna in Sayyed Ansarud Din, anak sin Zayn Al-Abidin (RA) kan Indal Fitra (RA). NagSultan man in Ama’ niya ha Johore, piyakadtu siya pa Taasan Hangin mangadji’ sin Islam kiyabin didtu. Ubus man nangadji’ sin Islam, nagHaj Siya kiyapindahan in ngan Niya pa Sayyed Abubakar. Liyawag Niya in mga katawtaymanghuran Niya ha Taasan Hangin sampay na “jail’ Siya ha Turkey. Halawum “Jail” Niya liyanggal in mga katawtaymanghuran liyawag Niya. Dayin ha “jail” Sila nagLumpang Basi’. In pagyanun Lumpang Basi’ ini kawa’ dakula’ paglulutuan mistang ha mga pilisu. In piyagbugsay nila amun hipagkukuhal sin mistang. Hangpu’ tag-isa sila timagna’ dayin ha Turkey. Paghapit Nila ha mga hula’ awun magpabin. Duun ha hula’ Lannang (China) awun nakasunu’ kanila panubu’ sin Genghis Khan. Pitu sila dayin ha Johore himarap pa Lupa’ Sug. Ha dagat na sin Lupa’ Sug natuwn sin Ista’ dakula’ in Lumpang Basi Nila. Pasal di’ kapamarintahan in Sulu bang bukun Zun Nun. In Map sin Jolo dagbus Ista’, agi sin Kama-asan Ista’ Gula’-Gula’. Inday unu in dagbus sin Ista’ Gula’-Gula’ sa’ in atud ko ha Map sin Jolo yaun dagbus Gold Fish, dakula’ pa o asibi’ pa ikug. Agi sin sila nakahati ha Qur’an in Nun amuna in Ista’ ampa in Nun Kiya’ dayin ha Noqta.

In bakas Sultanate of Sulu amuna in Philippines iban Sabah agad in Spratlys Islands iban Scarborough Shaol. Atura niyu ba in Map sin Philippines dagbus Unta’ (Camel). Unta’ da in makasandal umuntas “desert” nagdara din luluwanan sin boss niya. “Faithful Lover” in unta’. Bang way in ta-iban niya katatasan niya di’ kumaun, di’ matug ka’patan adlaw sa’ masi-masi ra in kusug niya. In kusug sin Unta’ ha siki’ niya pa ulihan nakabutang.

In Sultanate of Sulu amuna in Unta’ Usug (He-Camel), amuna in Unta’ naparinta sin

Islam. Ha waktu nakakari in kastila’, nasakit in Unta’ Usug pagka nabahagi’ in Unta’. In katan hula’ naka’ sin kastila’ amuna in nahinang Philippines. Sampay lima”Provinces” dakuman in nakapin ha Sultanate of Sulu: Mindoro, Palawan, Basilan, Sulu iban Sabah (in Tawi-Tawi agad pa Sulu ha waktu yadtu).

January 4, 1878 naawun in “Spanish Version” sin Lease sin Sabah. January 22, 1878 naawun isab in “British Version” sin Lease sin Sabah. In piyagbiddaan sin duwa version sin Lease ini, ha Spanish version hanggatus tahun da in Lease, ha British Version sa-ummul in Lease. Mataud susahun ha Lease ini sa’ in kasabunna-lan awun ka-tas dugaying nagpa-ig bisa sin Lease. Piyatampal in Lease, Tiyapuk in kasabunna-lan ka-tas hal Sabah. In katan umapas sin Lease awam ha pakaradjaan hal Sabah. Dan ini supaya mabutas in Unta’ iban Sabah sarta’ amurasab ini in dan mahambuuk sila magbalik. Di’ mamarinta magbalik in Islam sahingga butas in Sabah dayin ha Philippines. Di’ manjari in Philippines kuma’ ha Sabah iban di’ daysab manjari kuma’ in Sabah ha Philippines. Hambuuk da in dan hika hambuuk sin dwa hula’ ini, subay kaba-kan sin England in “Rightful Heir” sin Sultanate of Sulu.

Nimaug in Sultan Muhammad Pulalun (RA) dayin ha Kursi sin Sultanate of Sulu ha tahun 1899, labi upat bulan puas pag-sign sin Treaty of Paris. Duun ha pagnaug hi Sultan Muhammad Pulalun (RA) dayin ha Kursi sin Sultanate of Sulu, nawafat in Unta’ Usug, nalawa’ in Sultanate of Sulu iban pamarinta Islam. Ha kawafat sin Unta’ Usug, nabuhi’ in Unta Babae (She-Camel), amun Unta’ naparinta sin democracy. In Unta’ Babae amuna in Philippines, Unta’ patay, kasabunna-l an sin dagbus sin Map niya. Magmurka’ in ALLAH (SWT) bang in Map ini jagjagun magbalik. Hambuuk “Province” sadja in maig dayin ha Philippines, di’ na mabuhi’ magbalik in Unta’ Babae ini. Bang in Sulu mutas dayin ha Philippines, andu’ mautud in siki sin Unta’ Babae pa ulihan. Di’ na manjari matay in patay na, subay in Unta’ Babae ini mabuhi’ sin kabuhi’ kakkal halawum A-khirat.

In kabuhi kakkal sin Unta’ Babae ini amuna in sungun tayni, dagbus sin hikaruwa ILMU’ Tiyapuk amun Noqta, Tiyapuk sin Sultan Awliya Abdul Qadir Jaelan (RA) ha tahun 1850. In tanda’ sin Noqta hambuuk Qur’an, siyulat sin Sultan Awliya (RA). In tanda’ ha lupa’ yaun ha Tabu’ Manuk, Lower Patibulan, Panamao, Sulu: Masjid Luuk, Tubig Luuk iban Kahuy Dibayan. Way na in Dibayan bihaun, piyapila’ sin Habib Hasan Talib (RA) ha tahun 1987 ha waktu piya-semento in palibut sin Tubig Luuk iban piyarayaw in Masjid Luuk.

Masusa in Tausug magpa-awun Kamahaldikaan sin Lupa’ Sug. Muna-muna unu in hati’ sin Kamahaldikaan? Hi Ferdinand E. Marcos mabaya’ gantian ngan in Philippines pa Maharlika pasal da sin Kamahaldikaan ini. Ha waktu nagnakura’ hi Corazon C. Aquino, similawak sila nagbalik na kunu’ in Kamahaldikaan. Agi sin Tagalog in Kamahaldikaan, Kalayaan. Agi sab sin Anggalis in Kamahaldikaan Freedom. Hu-un, bunnal na in panghati sin Tagalog iban Anggalis sa’ in basihan sin pangha-ti nila pamarinta sin ma-nusiya’ way lamud sin pamarinta sin ALLAH (SWT).

Ha mga bukun Bar-Iman Filipinos, di’ taymaun in kasabunna-lan ha-ti’ iban maksud sin bissara Kamahaldikaan sabab, tabiya’, dupang sila sa’ nag-aangkun ta-akkal. Kita’ ba kamu in tanda’ sin karupang nila, diyaug man hinda Rajah Sulayman (RA) nagbunu’ iban Kastila nag-kug kuyag sila sampay pa biha-un malaggu’ pagkug kuyag nila magtumtum sin katindug sin pamarinta sin satru’ ha hula’ nila. Hawnu in Kamahaldikaan? Amun waktu sin pamarinta hi Rajah Sulayman (RA) atawa amun waktu sin pamarinta sin satru’?

Ku’nu kanga-nan in manu-siya’ Mahaldika’? Bang in Pangannal, Jantung iban sin katibuukan sin Ginhawa Baran sin Tau kimahagad iban miyagad ha Shara’ sin ALLAH (SWT) amuna in Islam, Mahaldika’ na siya. Tagad, pahantangun ta in dagbus sin Tau ini palawum iban paguwa’ ampa kita di’ malawung. In Pangannal niya subay Alif, duhul pa taas Ma’rifat, duhul pa baba’ Tawhid. In Ma’rifat kasaksian ha himumungan ampa in Tawhid kasaksian ha kaSambahayang niya. In Sambahayang Sumba sin Ma’rifat. In Jantung niya subay tindugan sin Iman. In Iman kasaksian ha kalakkuwan atawa kakahinang sin Tau.

In Tau Mahaldika’ nagdara sin Di-nul Fitra. Dalil sin Di-nul Fitra amun Ayat 30, Surah Rum. In Tau Mahaldika kanga-nan na Insan Kamil. Hu-un way Tau perfect sa’ hangkan na piya-awun in Tawbat. In Tau Mahaldika’ amuna tuud in kanga-nan Bar-Iman.

Ku’nu sab in hula’ kangan-nan Mahaldika’? Mahaldika in hula’ bang Shara’ sin ALLAH (SWT) in namamarinta ha hula’ yan. Di’ maparinta sin Shara’ sin ALLAH (SWT) in hula’ bang in kamatauran sin Citizens sin hula’ wala’ pa maparinta sin Shara’ sin ALLAH (SWT). Ha babaan sin Islam (Shara’ sin ALLAH SWT) way election bat bukun Tau in magpi’ sin nakura’. ALLAH (SWT) in magpi’ sin nakura’ magpaban-tang sin Shara’ NIYA.

Mahunit patindugun ha Baran in Shara’ sin ALLAH (SWT), Subay magsibu’ in Kasutsihan sin Baran iban Nyawa sin Tau ampa siya mapatut duma sin pamarinta Islam. Hu-un in Nyawa asal sutsi sa’ ha waktu simugpat iban nagmisra’ in Baran iban Nyawa, nalamin sin lummi’ sin Baran in Nyawa. Awun Tafaqqur ha Istinja’ iban Junub. Biya’ diin na in kasutsi sin Baran iban Nyawa bang in Tafaqqur, hipa-ig na sin Ma-juz bat bida-a kunu’? unu baha’ in hiynang sin MUHAMMAD (SAW) halawum sungab sin Bud Hira? Bukun baha’ nagTafaqqur ? MUHAMMAD (SAW) daysab sa in nagbissara hal sin tu dagbus sin Tafaqqur.

WA BILLAHIT TAWFIQ WAL HIDAYAH.MAGSUKUL.

ILMU SIN KAMAASAN(3)Sunday, April 25, 2010 at 7:46am


Assalamualaikum :



Selamat Membaca :

Hal Sin Wahdatus Shuhud Iban Wahdatul Wujud ALHAMDULILLAHI was SALATU was SALAMU ALA SAYYEDIL ANBIYA' wal MURSALIN FIL AWWALIN wal AKHIRIN, Ammaba'ad ..

Mahuli magsukul kami kiyapost namu' in hal sin Wahdatus Shuhud iban Wahdatul Wujud, mataud ha tiranan nagpasawa sarta' nagpahilu iban nagpa-inu-inu ha pangannal sin kaibanan magbabassa.

Huun, wala' tiyugila' sin Muhammad (SAW) in mga kalima Wahdatus Shuhud iban Wahdatul Wujud sa' sibu' dayni pangsut dayin Kanya. Ha taykud sin Wahdatus Shuhud amuna in Shahadat, panagnaan Rukun Islam. In nagShahadah, nagnayik saksi' ha kasabunnalan sin way mapatut sumbahun malayingkan ALLAH (SWT) iban hi Muhammad (SAW) in Daak NIYA. Hambuuk in simaksi', 2 in siyaksian, 3 sila ha

Shahadat. Di' manjari 3 subay tunggal, na' biya' diin nayni? In Shahadat bukun hat kalima bissarahun awun dagbus subay hinangun. In katan Rukun Islam bukun pagbissarahun sadja paghinangun. Bisan in Islam bukun da pagbissarahun sadja paghinangun. Hangkan in mga nagPeace Talks iban nagPeace agreements gamman piyagmurkaan sabab in magPeace talks iban magPeace agreements sulang ha Iman. Di' pagbissarahun in Peace (Islam), paghinangun! Di' makaganti' ha Qur'an in Peace agreement. Qur'an da in Peace Formula para ha Bar-Iman.

Luun sin Shahadat in Ma'rifat, Tawhid, Iman. Ha taykud sin Ma'rifat, Istinja, Kasutsihan baran, Ha taykud sin Tawhid, Junub, kasutsihan sin Sumba. Way Islam bang way Iman. Way Iman bang way Tawhid. Way Tawhid bang way Ma'rifat. Way Sumba atawa Sambahayang bang way Kasutsihan. Huun, hag sin Islam in Sambahayang sa’ hag sab sin Sambahayang in kasutsihan.

In Ma'rifat, Tawhid, Iman amuna in A-I-O. In A-I-O amuna in pagyanun Ilmu' Tiyapuk sin Kamaasan. In tugila' sin Kamaasan pagyanun amuna in Zayn Al-Abidin (RA), panagnaan panubu' sin Muhammad (SAW) nakakari katu'. In Zayn Al-Abidin (RA), amuna in Ama' sin Sayyed Ansarud Din (RA). In Sayyed Ansarud Din amuna in nagSultan Shariful Hashim (RA), founder sin Sultanate of Sulu. In Landmark sin A-I-O yaun ha BUd Datu', kubul sin AHMAD Timhar Muqbalu iban saka sin Zayn Al-Abidin (RA) siyulatan ha raig 710 Hijra. Unu baha' in pagbiddaan sin Landmark ini iban sin yadtu halawum Masjidil Haram amun Baytullah iban saka sin Ibrahim (AS)?

Na' bang kiyahatihan na sarta' natunggal na in 3 ha Shahadat, amun simaksi' iban sin 2 siyaksian, kiyahatihan sarta' nahinang na in Wahdatus Shuhud manjari na lumatun pa Wahdatul Wujud.

Ha Awam, in Shahadat puun sin Kashirikan, Kakufuran, Kamunafiqan. Ha Faham, in Shahadat puun Tawhid.

In Wahdatus Shuhud suku' sin Taasan Hangin ampa in Wahdatul Wujud suku' sin Babaan Hangin.

Bang Shahadat in ha taykud sin Wahdatus Shuhud, Tawhid in ha taykud sin Wahdatul Wujud. Di' manjari batal in Wahdatul Wujud. Agi sin Muhammad (SAW) kan Ali' (RA) "Ana AHMAD bila Mim". Pasal sin Hadith ini bang mayta' biyutang in AHMAD ha unahan sin ngan hi Timhar Muqbalu ha Landmark sin A-I-O ha Bud Datu'.

Maap, in wala' makabukis sin Ilmu' pagyanun Tiyapuk sin Kamaasan (A-I-O) amuna in nahinang Yajuz iban Majuz (Gog & Magog) siyabbut sin Qur'an ha 2 Ayat, 94 sin Surah Kahfi iban 96 sin Surah Anbiya'.

In Ayat 94, Surah Kahfi namayta' di' maka' sin Yajuz iban Majuz in mga Tau halawum

Kahfi pasal sin butlang hinang sin Zulqarnayn amuna in Ilmu' Tiyapuk bat in panagnaan Zulqarnayn amuna in Zayn Al-Abidin (RA).

In Ayat 96, Surah Anbiya' namayta' bang sumaplag na in hilubala' sin Yajuz iban Majuz halawum Dunya tanda' sin masuuk na in Yawmil Hisab atawa adlaw paghukum. In hukumun ha Yawmil Hisab amurasab in Yajuz iban Majuz.

In Yajuz iban Majuz mga Muslim ha ngan. Sila ini in 2 lima sin Shaytan halawman sin Ummat sin Muhammad (SAW).

In Yajuz amun mga sila magjihad bunu' magpatindug kunu' sin pamarinta Islam magbalik. In Sila ini mag-ig sin Iman, kailu di' makatagad ha Qadar sin ALLAH (SWT). Kiyalupahan nila in katan luun sin Qadar awun sukuran. Di' sab sila kasusunan pasal naghinang sadja sila sin Qadar nila Mangi'. Magbalik in Iman bang awun tumpukan tiyu'-tiyu' pagnakuraan sin panubu' sin Muhammad (SAW) maghinang sin Qadar Marayaw amuna in tindugan sin Islam mamarinta magbalik.

In Majuz amusab in sila mag-ig sin kakahinang sin Kamaasan pasal bida-a kunu' hati niya mga kakahinang wala' nahinang sin Muhammad (SAW). In kakahinang sin Kamaasan pangsut dayin ha Ma'rifat. In Maksud sin Majuz mangig Ma'rifat. Katan kignut kuhibal sin Kamaasan lawagan dalil dayin ha Qur'an iban Hadith biya' way sila nakahati' in bissara sin Qur'an nabahagi' da pa Ma'rifat, Tawhid, Iman iban Islam. Ampa in Hadith magpasawa sadja ha bissara sin Qur'an.

Payluhun sin Yajuz iban Majuz in Ilmu' Tiyapuk sin Kamaasan malayingkan wala' nila kiyabukisan. Pasal sin Ilmu' Tiyapuk hangkan nabahagi' in Ummat sin Muhammad (SAW) maka-73. Nagmagaha' in wala' makabukis sin A-I-O sarta' nahinang Iman Taqlid in Iman nila.

Di' maka' in bigi sin Ilmu' ha kitab, di' hisulat sin Author in Rahasiya' sin Ilmu'. Di' kapagguruhan in Kitab hangkan in katan Kitab piyaratung sin ALLAH (SWT) pa Dunya piyaagad ha Kanabihan, Karasulan supaya awun Guru magpasawa ha luun sin Kitab. In Qur'an, tuput hi Muhammad (SAW) da in makapaguwa' sin Rahasiya' Niya.

Wahdatul Wujud or Tawhid, awun 3 dagbus Niya, Uluhiyyah, Rububiyyah iban Asma wa Sifat. Awun sab 4 Rukun Tawhid, Jat, Sifat, Asma, Af-'al. In Sifat, Asma, Af-al taalluk pa Jat, tunggal ha Batin sa' 4 in dagbus hayni ha Dhahir, amuna in 4 Pamandangan Naja' sin Dunya.

Ha 4 Rukun Tawhid, dimagbus na ha Taasan Hangin in 2, Jat iban Sifat, Pamandangan Naja' sin Dunya No. 1 iban No. 2 amuna in Hatamun Nubuwwat iban Lawut Rahmat. In Hatamun Nubuwwat amuna in Iysha (AS) ampa in Lawut Rahmat amuna in Muhammad (SAW).

In sungun sin Babaan Hangin ini, dumagbus in Asma, hikatu Rukun Tawhid, duun hayni tumampal tuud in dagbus sin Wahdatul Wujud. Dumagbus daysab di in No. 3 Pamandangan Naja' sin Dunya, Pamandangan Musharrafah, amuna in Waliyullah pa Dunya, Imam Mahdi pa Taasan Hangin, 3rd Zulqarnayn pa Babaan Hangin. Amun 3rd Zulqarnayn ini in magpatindug sin Caliphate of Sulu. In gumanti' Kanya magnakura ha Caliphate of Sulu amuna in Iysha (AS) ha pagbalik Niya, amuna in No. 4 Pamandangan Naja' sin Dunya, Durratul Bayda.

In Asma amuna in luun sin Qur'an. In Asma pagnakuraan sin Ismullah (HO) Tiyapuk ha taykud sin Ayat 22-24, Surah Hashr.

Wallah Ho A'lam. Wa Billahit Tawfiq Wal Hidayah.

Ilmu sin kamaasan(4)Sunday, April 25, 2010 at 12:58pm


Assalamualaikum :



Selamat Membaca :

KAHALGAAN SIN TAUSUGASSALAMU ALAYKUM WA RAHMATULLAHI WA BARAKATUH…

BISMILLAHIR RAHMANIR RAHIM.Maray ‘ biya’ da sin pananaman ko in parasahan sin katan Tausug nakanat ha katilingkal Dunya bang sumayigpat pa pangannal in hula’ Lupa’ Sug. Tumu’ tuud in luha’ ko, bang ko mapangannal in jimajatu ha hula’ tanyu kalasahan, piyangsutan ko pa Dunya. Andu’ maap, nagbalik pa kaawam inTausug malayingkan duwa Ilmu’ in ha hadharat nila, yu-ukuman nila sarta’ imu-ukum kanila. Andu’ wala nila kiyahatihan in pakaradjaan sin hula’ Lupa’ Sug magad ha dagbus sin Ilmu’ Tiyapuk yaun kanila sin kama-asan nanubu’ kanila. Sa’ way tuud mahinang, di’ mapalling, unu-unu ra in kiyatakdir, amura in jumatu.

ALHAMDULILLAH bisan Yahudi in tagdapu sin Facebook iban Google, magsukul napaawun in publish, kalu INSHA ALLAH makatabang pahikarayaw sarta’ sumawa in

panghati ha kahalan sin Tausug.

In Tausug amuna in pagyanun sin Muhammad (SAW) mga ummat niya mabiya’ bukal dagat pagdagpak pa higad mustak tiyu-tiyu’ in makapin tibuuk. In makapin tibuuk amuna in Suluk iban sin Ahlus Suluk. In Suluk iban sin Ahlus Suluk amun nakabukis iban nagmumpa-at kanila in duwa Ilmu’ Tiyapuk, miyangsut sila dayin ha kaawam.

In duwa Ilmu’ Tiyapuk amuna in pagyanun Usul Alif, Usul Baran, Alif Tu atawa A-I-O. In nagda mari nagtapuk sin Ilmu’ ini amuna in panagnaan panubu’ sin Muhammad (SAW) nakakari, hi Zayn Al-Abidin (RA). In tanda’ sin Ilmu’ ini hambuuk Kalis, hi Zayn Al-Abidin (RA) in naghinang. In tanda’ ha Lupa’ sin Ilmu’ ini yaun ha taas Bud Datu’, Indanan, Sulu amun kubul sin AHMAD Timhar Muqbalu (RA) iban saka sin Zayn Al-Abidin (RA) siyulatan ha raig 710 Hijra. Unu in piyagbiddaan sin tanda’ ha lupa’ ini iban sin yadtu halawum Masjidil Haram?

In Ilmu’ ini dimagbus na ha waktu nakauna. In A amuna in Sultan Shariful Hashim (RA) amun nagpatindug sin Sultanate of Sulu. In I amuna in Sultan Kabungsuhan (RA) amusab in nagpatindug sin Sultanate of Maguindanao. In O amuna in Sultan Awliya AbdulQadir Jaelan (RA) amun nakura’ sin katan kabagayan sin ALLAH (SWT).Ubus na in waktu sin Sultanate, di’ na magbalik. Naig in Sultanate of Sulu ha waktu nimaug in katapusan Sultan, hi Sultan Muhammad Pulalun (RA) dayin ha Kursi ha Tahun 1899. Magbalik mamarinta in Islam sa’ Caliphate of Sulu na, pamarinta Islam tumagna’ ha hula’ tanyu saplag pa katilingkal Dunya. In magpatindug sin Caliphate of Sulu amuna in hikatu Zulqarnayn (RA). Bang pa Taasan Hangin siya ini in Imam Mahdi (RA), magnakura’ siya Iraq. Bang pa Babaan Hangin amuna ini in hikatu Zulqarnayn (RA). In Imam Mahdi (RA), hikatu Zulqarnayn (RA) iban Waliyullah (RA) hambuuk tao ra. In Waliyullah (RA) amun hikatu Pamandangan Naja’ sin Dunya.

In sungun ta ini dumagbus sab in hikaruwa Ilmu’ Tiyapuk amun Ilmu’ Noqta. In Ilmu’ Noqta diya mari sin Sultan Awliya AbdulQadir Jaelan (RA) ha tahun 1850. In tanda’ sin Ilmu’ Noqta hambuuk Qur’an sulat lima sin Sultan Awliya (RA). In tanda’ ha lupa’ yaun ha Lower Patibulan, Panamao, Sulu amun Tubig Luuk, Masjid Luuk iban sin Kahoy Dibayan. Sa’ in Kahoy Dibayan way na bihaun.Bang dumagbus in Ilmu’ Noqta, maukab na in Qur’an, dumagbus na in luun sin Qur’an. In dagbus sin Ilmu’ Noqta amuna in Suluk, panubu’ babae sin Muhammad (SAW) ha Lupa’ Sug dayin ha dugu’ sin tu dagbus sin Ilmu’ A-I-O. Dalil sin Noqta, Ayat 85, Surah Al-Isra.

Bang pahawpuun in luun sin Qur’an mabahagi’ da magduwa, Qadar atawa Planu sin ALLAH (SWT) labayan sin Islam mamarinta magbalik. Bang magbalik na in Islam mamarinta, usalun in sara’ halawum Qur’an, dumagbus na in pagyanun Yawmil Hisab atawa Adlaw Paghukum. In Yawmil Hisab ini bunu’ ha antara’ sin Muslim sabunnal iban sin Muslim ha ngan. In Muslim ha ngan tiyawag sin Qur’an, Yajudz iban Majudz. In bunu’

ini ha Taasan Hangin.Sa’ ha ri’ pa maawun in Yawmil Hisab, biya’ diin baha’ in hantang sin pagbalik sin pamarinta Islam?.

Magbalik naa kitanyu pa Agama ha Hadharat sin ALLAH (SWT) ampa mapatta’ sin pangannal in sung dumagbus. In Agama ini amuna in Dinul Fitra’, in dalil hayni amun Ayat 30, Surah Rum. In Dinul Fitra’ nagrukun upat- Ma’rifat, Tawhid, Iman, Islam. Hati Ma’rifat kumila ALLAH (SWT). Hati Tawhid humambuuk pa ALLAH (SWT). Hati Iman sumabar, sumandal bawugbugan in katunggal sin ALLAH (SWT). In Islam sara’ sin ALLAH (SWT).

In Ma’rifat, Tawhid, Iman amuna in A-I-O yari ha hadharat tanyu ha Babaan Hangin ampa in Islam kiyabin ha Taasan Hangin. Di’ mamarinta in Islam bang di’ naa humantang in A-I-O atawa Ma’rifat, Tawhid iban Iman.

In Ma’rifat nagrukun upat-LA ILAHA ILLA ALLAH, way mapatut sumbahun malayingkan ALLAH. In Ilmu’ ha taykud sin Ma’rifat amuna in hantang sin pagpapanjari ha baran. In ammal sin Ma’rifat amuna in kasutsihan baran atawa Istinja. In Tafaqqur ha Istinja sumibu’ hangpu’ tahun ibadat. In ibadat sin Ma’rifat amuna in Sambahayang.

In Tawhid nagrukun dasab upat- JAT, SIFAT, ASMA, AF-AL. In JAT ginhawa sin ALLAH (SWT). In SIFAT dagbus atawa bayhu’ sin ALLAH (SWT). In ASMA kangan-nganan sin ALLAH (SWT) piyagnakuraan sin ISMULLAH (Ayat 22-24, Surah Hashr). In AF-AL kignut kuhibal atawa sara’ sin ALLAH (SWT).

ALHAMDULILLAH, magsukul nara mari in A-I-O iban Noqta, naawun in parsukuan sin Babaan Hangin ha pakaradjaan sin Islam ha Akhir Jaman.

In bunnal niya subay in Tausug mamanduga marayaw pasal in katan Tiyapuk halawum Qur’an yari katan ha Philippines. In tanda’ sin duwa Ilmu’ Tiyapuk yan ha Lupa’ Sug. In alta’ nabihag ha duwa bunu’ limabay atawa amun pagyanun Yamashita Treasures yari katuh. In alta’ ini luun sin Surah Anfal. In Sabah , hula’ tiyapuk halawum Qur’an (Surah Sabah). In mga tiyapuk ini kadjari HAMBUUK TAO, in O niya Ilmu’, in Siki niya Sabah, in Duwa Lima niya Alta’ iban Kawasa. Bang dumagbus in TAO ini sujuran sin katilingkal Dunya in Lupa’ Sug.

Patumtum, in Sultanate of Sulu amun Philippines bihaun iban Sabah agad in Spratlys Islands iban Scarborough Shoal. Atura niyu ba in dagbus sin Map sin Philippines biya’ dagbus Unta’. In Map sin Mindanao dagbus anak Gadja. In sulbi sin Unta’ iban sulbi sin anak Gadja sibu’ da. In Map sin Zamboanga Provinces dagbus Alif, amuna ini in Alif Tiyapuk halawum Qur’an. In Alif dagbus aurat usug, limunuk na pagka miyangsut dayin kanya is Map sin Basilan. In Map sin Jolo dagbus Ista’, gold fish. Unu baha’ in maksud sin mga Map ini?.

In pangannal sin mga namamarinta ha Luzon kanila na in hula’ iban kawasa, way nila kiyahatihan salugay sadja wafat in Unta’ kanila in pamarinta. Bang mabuhi’ na sin kabuhi’ kakkal in Unta’ magbalik na in Sabah pa Suluk sarta’ magbalik in pamarinta patagkapatut ha Unta’.

O mga Tausug, pangannal kamu, hatiha niyu in KAHALGAAN niyu pa ALLAH (SWT). Pangsut kamu dayin ha pagka Tausug pagka in Tausug awam, kadtu kamu pa Ahlus Suluk pagka Ahlus Suluk in faham hal pagtuhan.WA BILLAHI TAWFIQ WAL HIDAYA…MAGSUKUL.

ilmu kamasan(5)Monday, April 26, 2010 at 3:01pm


Assalamualaikum :



Selamat Membaca :

YAWMIL AKHIR IBAN AKHIRAT

In pangahagad ha kasabunna-lan sin Yawmil Akhir atawa Adlaw Mahuli, rukun Iman hikalima. Taymaun baha’ in pagkahagad bisan wala’ kiyahatihan marayaw in piyagkahagaran? Agi sin Qur’an ha Ayat 45, Surah Al-Isra, butlangun sin ALLAH (SWT) in Jasad iban Nyawa sin Tau massa Qur’an bang wala’ siya nagkahagad ha kasabunna-lan sin Adlaw Mahuli. Bang butlang in Jasad iban Nyawa, di’ kahatihan in Qur’an bat Nyawa ra in makahati ha Qur’an. Bang wala’ magkahagad ha kasabunna-lan sin Adlaw Mahuli, way Iman. Hambuuk rukun Iman marugtul, malawa’in katibuukan sin Iman. In Qur’an tanda’ sin Iman ha hadharat sin Ummat sin Muhammad (SAW).

Bang pa Jasad, hawpu’ da in Yawmil Akhir atawa Adlaw Mahuli, hangka adlaw ra, amun adlaw miyugtu’ in manahut niya. In Akhirat sin Jasad labi in hawpu’. Dumagbus in Akhirat sin Jasad bang siya sumud pa hikatu Pamandangan Naja’, matipun in nafas niya ha

gung-gungan sarta’ puti’ dakuman sin mata in kakitaan kanya, hangkaray’ dakuman mugtu’ in manahut niya. Pindahan na in pangatud niya pa pangatud latus lagbas.

Bang pa Dunya, mahaba’ in Yawmil Akhir, mahaba’ dasab in Akhirat. In Yawmil Akhir Pamandangan Naja’ sin Dunya amun katapusan duwa ngaibu hanggatus tahun (2,100 years) ha ummul sin Dunya. In Akhirat sab duhul sin Yawmil Akhir kawaluwan tahun (80 years) atawa hangka hukub.

Duun halawum sin Yawmil Akhir ini dumagbus in Ilmu’ upat ma’na pagyanun. Duun daysab halawum sin Yawmil Akhir ini dumagbus in rukun Tawhid, Jat, Sifat, Asma, Af-al , dagbus sin upat Pamandangan Naja’ sin Dunya. Janji’ sin ALLAH (SWT) bukisan Niya in Jat Niya pa piyapanjari halawum sin Yawmil Akhir ini. In dagbus sin Jat, Sifat, Asma, Af-al amura sab in dagbus sin Kursi, Baytullah, Sulbi, Arash. Bang bukisan in Jat, bukisan da in Sifat, Asma, Af-al.

Duun ha ini hambuuk da in suku’ sin Babaan Hangin amun dagbus sin hikatu Pamandangan Naja’ sin Dunya, Pamandangan Musharrafah, Asma iban Sulbi.

Sumud in Dunya pa Pamandangan Naja’ ha waktu piyagbata’ in Iysha (AS). In 2,100 tahun mabahagi’ magtu, hisuku’ pa tu dagbus sin mga Tau kakasihan kalasahan sin ALLAH (SWT). In panagnaan 700 tahun suku’ sin Iysha (AS) iban sin Yahudi. In hikaruwa 700 tahun suku’ sin Muhammad (SAW) iban sin Arab. In hikatu 700 tahun suku’ sin Suluk iban sin Ahlus Suluk.

Piyagbata’ in Iysha (AS) May 16, 0002, duun ha ini tumagna’ in pag-itung sin 2,100 tahun Naja’ sin Dunya. Iysha (AS) in panagnaan Pamandangan Naja’ sin Dunya, Hatamun Nubuwwat. Siya in dagbus sin Jat, siya in dagbus sin Arash.

In Pamandangan Naja’ sin Dunya hikaruwa, Lawut Rahmat, (Rahmatan lil Alamin) amuna in Muhammad (SAW). Siya in dagbus sin Sifat. Siya in dagbus sin Baytullah.

Magkampung baha’ in Iysha (AS) iban Muhammad (SAW)? Huun, in ama’ sin Iysha (AS), Muhammad (SAW) sa’ in “BIGI” amun nahinang Iysha (AS) kiyawa’ dayin ha Nur Muhammad (SAW) diya sin Mala-ikat Jibrail (AS) madtu kan Maryam (RA) hiyuyup dayin ha umbun-umbunan sampay palawum kulangan bata’. Piyagburus in Iysha (AS) sa’ wala’ piyag-anak.

In anak iban ama’ sibu’ da in pagkaTau, piyagburus wala’ piyag-anak. In hal sin pagbata’ ha Muhammad (SAW) biyayta’ ha kitab Mawlud.

Miyangsut in Iysha (AS) dayin ha Utuk-puti’ sin Dunya amun Batu gimantung ha taas sin Masjidil Aqsa, ha Jerusalem, Israel. Miyangsut in Muhammad (SAW) dayin ha Pintu’ Tawbat sin Ka’batullah. Maap.

Ubus na in pakaradjaan nila ha Taasan Hangin. In sungun ta ini pakaradjaan sin Babaan Hangin. In katan tiyapuk, nalawa’ ha Taasan Hangin, dumagbus di ha Babaan Hangin pasal Babaan Hangin in pagtatapukan. Sa’ in makainu-inu in mga tiyapuk yaun halawum Qur’an in dalil kabakan.

In hikatu Pamandangan Naja’ sin Dunya, Waliyullah (RA). Siya raysab in mag-Imam Mahdi iban mag-Zulqayn hikatu. Siya raysab in dagbus sin Sulbi iban Asma. In tanda’ sin Waliyullah (RA) ha Babaan Hangin amun Map sin Zamboanga Provinces, dagbus Alif, Aurat Usug limunuk piyangsutan sin Map sin Basilan.

Timagna’ in pag-itung sin 700 tahun suku’ sin Suluk iban Ahlus Suluk ha waktu timindug in Sultanate of Sulu ha 1404. Naubus na in 600 tahun tanyu. Yari na kita halawum sin katapusan 100 tahun ha kabuhi’ sin Dunya. Sungun ta na ini in katampal sin waktu iban dagbus sin Akhirat amun 80 tahun duhul sin Yawmil Akhir. In 80 tahun ini timagna’ ha tahun 2000, patampalun dakuman.

Ha pagdagbus sin Asma’, kasaksian biya’ diin in hantang sin pagbalik sin pamarinta Islam. Agi sin Verse 22, Surah Kahfi, tu dagbus in luun sin Kahfi, tu hikaupat iru’, lima hikaunum iru’, iban pitu hikawalu iru’ tukud sadja ini sa’ ha kasabunna-lan amurayni in katiyu’-tiyuan luun sin Noqta maghinang sin Qadar marayaw tindugan sin Islam mamarinta magbalik.

ASMA’ :ISMUL JAT - 01ISMULLAH - 01ASMAUL HUSNA - 99= 101

TAKBIR :ALLAH - 01HO - 01AKBAR - 01= 03Total - 104

In dagbus sin Asma’ iban Takbir ini pagnakuraan sin Ismullah, ngan sin ALLAH (SWT). Dagbus niya ini in pagyanun sin Qur’an, BISMILLAHIR RAMANIR RAHIM. In dalil sin Ismullah, Ayat 22-24, Surah Hashr. In bissara sin mga Ayat ini Ismullah pa taas iban pa baba’, hangkanna awun Taasan Hangin awun Babaan Hangin, awun Langit awun Lupa’. In Ismullah pa taas, Utuk-puti’, Pangannal, Akkal Pikilan (Arash) sampurna’ amun nakakita’ sin Ga-ib (Liyabayan iban) sungun kasaksian niya dumagbus ha kasabunna-lan - HUWALLAHIL LAZI LA ILAHA ILLA HO, ALIMUL GAYBI WAS SHAHADATI HUWAR

RAHMANIR RAHIM. In Ismullah pababa’ amu in kulangan bata’-HUWALLAHUL KHALIQUL BA-RI-UL MUSAWWIR LAHUL ASMA-UL HUSNA…In katan ini dayin sa kawasa sin ALLAH (SWT). Maap.

In dagbus sin Asma’ iban Takbir hanggatus iban upat (104), in lima pangsut dayin kulangan bata’ sin dagbus sin Ismullah ampa in kasiyaman tag siyam (99) guwa’ dayin ha pangannal niya hati niya pi-un niya dayin ha mga usug-babae gagandilan halawum paghula’. In dagbus sin Ismullah amuna in Suluk. Maray’ na tuud magbala-ga in Tausug bang magbala-ga in Suluk. Magsaddiya kitanyu mig dayin ha bunu’ sinapang sumud pa bunu’ Akkal-Pikilan.

Suluk iban sin hanggatus iban tu pamikpik niya in magsaddiya sin hula’, sin manusiya’ pamarintahan sin Islam magbalik. Sila raysab in magsaddiya sin pangalta’ hipamarinta sin Islam magbalik. Salawat kamu…..

In hangka hukub, kawaluwan tahun duhul sin Yawmil Akhir pagbahagian sin Waliyullah(RA) iban Iysha (AS) pagbalik niya.

WA BILLAHIT TAWFIQ WAL HIDAYAH…..

MAGSUKUL.

ILMU KAMAASAN(6)Friday, April 30, 2010 at 9:29pm


Assalamualaikum :



Selamat Membaca :

ASALAMUALAIKUM WARAMATULAH WABARAKTUH..SYUKUR KAHADRAT ASW..KARANA MAMBARIKAN KAIZINAN DAN PINJAMAN BUAT AKI..DI DUNIA YANG HANYA PINJAMAN INI...SUKUR JUGA KAPADA PAMBACA FB YANG RISPON ATAS ILMU KAMAASAN MULAI DARI 1 SAHINNGA 5...SABANARNYA BANYAKLAGI YANG MAU AKI UPLOADKAN...TATAPI..YANG LAIN NYA NANTI AKAN AKI TARBITKAN SADIKIT MASA LAGI.....UNTUK TARKAHIRNYA SIRI ILMU KAMAASAN INI,,AKI PARSAMBAHKAN ..ILMU KAMAASAN BARKAITAN DINGAN NYAWA...MOHON MAAP KAPADA RAKAN FB KALAU KURANG PARCAYA ATAU YAKIN MANGANAI DINGAN ILMU INI..

NYAWA

Waktu na mangsut in Tausug dayin ha kaawam hal Nyawa iban Tuhan. Matampal in “HO wa ALLAH AHAD” sin Surah Ikhlas sa’ sampay pa adlaw ini masi bukun masawa in

panghati hal Nyawa iban Tuhan. Kalu in hikasulat namu’ duun hayni makatabang. Ha di’ makatabang way raysab, bang man awun kiyasulat namu’ kailu. Magsukul.

In Nyawa duwa klasi- piyapanjari iban wala’ piyapanjari. In Nyawa wala’ piyapanjari amuna in Nur Muhammad (SAW), Nyawa sin Muhammad (SAW). In Nur Muhammad (SAW) amun piyangsutan sin Nyawa piyapanjari amun piyagNyawa sin katan manusiya’. Magtaymanghud in katan Nyawa hangkan bang kawinun in usug iban babae subay butlangun naa in pagtaymanghud sin Nyawa nila. Kagunahan tuud in Khutba Nikah pasal amurayni in makabutlang ha pagtaymanghud sin Nyawa sin sung kawinun.

Pagka wala’ piyapanjari in Nur Muhammad (SAW), biya’ diin baha’ in hantang sin kaawun niya? Bang sawpama ako in Ampun Tuhan ampa ako nanamin in lambung ko halawum samin amuna in Nur Muhammad (SAW). Bang way samin di’ ko kakitaan in dagbus ko. Pagka di’ abutan sin angan-angan in Jat, duun na sadja mandang ha Sifat. Bang maya’ lumuag in panghati hal Nur Muhammad (SAW) subay pangadjiun in kitab Mawlud. In Jat, Sifat, Asma, Af-al- rukun Tawhid, di’ manjari sila ini mabutas dayin ha hambuuk pa hambuuk.

Piyapanjari sin ALLAH (SWT) in katan naawun pasal sin kasilasa Niya ha Nur Muhammad (SAW). Sung man mangsut in Nur Muhammad (SAW) dayin ha kun pa payakun, ngiyanan siya AHMAD. Sakali in AHMAD tuwi’ ngan daysab sin Sambahayang Fardhu, Piyaragbus niya sadja in Nur Muhamad (SAW) pagka sumba ra sin Nur Muhammad (SAW) in taymaun sin ALLAH (SWT). Sa’ in Muhammad (SAW) amuna Nyawa amuna Jasad.

Duun ha kasabbut namu’ ha Nur Muhammad (SAW), in Niyat namu’ bang man ukabun na sin ALLAH (SWT) in Jannatul Ma’wa, Jannatun Na-im, iban Jannatin Admin. Subay kitanyu sumalawat sa’ in susa ko in ALLAHUMMA SALLI ALA SAYYEDINA MUHAMMAD…duwaa bukun salawat.

Agi sin Surah Hadid “Huwal Awwalu wal A-khiru wad Dha-hiru wal Batin”… Maap. In tampat sin Nyawa sabunnal ha Jasad upat-Kursi, Baytullah, Sulbi, Arash. In tumampat ha Kursi, Dhahir Muhammad. In tumampat ha Baytullah, Akhir Muhammad. In tumampat ha Sulbi, Awwal Muhammad. In tumampat ha Arash, Batin Muhammad. In Kursi, Ugat anak-dila’. In Baytullah, Jantung (Agi sin kaibanan Atay). In Sulbi, Tumbung. In Arash, Utuk puti-“ArRahman Alal Arsh”. Mabahagi’ mag-upat in Nyawa pasal sin tiyampatan nila.

In Dunya sibu’ iban Jasad. In Kursi sin Dunya amun Masjid Nabawi ha Madinah. In Baytullah sin Dunya amun Baytullah halawum Masjidil Haram ha Makkah. Bang di’ limibut in dugu’ ha Jantung halawum pitu minutes matay in tau. Bang di’ kakulilingan in Baytullah halawum pitu tahun maqiyamat in Dunya. In Sulbi sin Dunya yari ha Lupa’ Sug amun Tubig Luuk ha Masjid Luuk ha Lower Patibulan, Panamao, Sulu. In Arash sin

Dunya amun Batu gimantung ha taas sin Masjidil Aqsa ha Jerusalem, Israel. In Batu gimantung yadtu tutup sin Tubig Luuk ha waktu pag papanjari kanila duwa ngaibu tahun nakauna dayin ha Adam (AS).

In Nyawa mabahagi’ magpitu, sumugpat pa pitu anggawta’. In pitung kabahagi’ sin Nyawa ngiyanan pitu Latifas. In Latifatul Kullu Jasad amun magpakignut magpakuhibal ha Jasad. In Latifatun Nafs amun dumihil Nafsu atawa pagbaya’ ha Jasad. Ha panagnaan tumampat ini ha mata. Ha ulihan tumampat siya ha baba’ pusud. In Latifatul Qalb amun magbumba ha Jantung supaya lumibut in dugu’ ha katibuukan sin Jasad. In Latifatur Ruh amun magpa Nafas ha Jasad. In Latifatus Sir amun magparungug ha Jasad. In Latifatul Khafi amun magdihil pangita ha Jasad. In Latifatul Ahfa amun magpabissara ha Jasad.

In mga Latifas ini mabahagi’ magduwa. Mag-agad in Latifatul Kullu Jasad iban Latifatun Nafs, di’ sila ini mutas dayin ha Jasad. In duwa Latifas ini ngiyanan Ruhul Hayah. Mag-agad isab in Latifatul Qalb, Latifatur Ruh, Latifatus Sir, Latifatul Khafi iban Latifatul Ahfa, ngiyanan sila Ruhul Yabqa. Hibin sin Ruhul Yabqa in Jasad bang mabut na pa sakit di’ na kasandalan. Ha tau awam hal kamatay, matay na bang hibin na in Jasad sin Ruhul Yabqa. Ha tau faham hal kamatay bisan mig na in Ruhul Yabqa mabuhi’ pa in tau. Mawafat in Tau faham hal kamatay bang magbalik mawun kanya in Ruhul Yabqa. Dahun sin tau faham hal kamatay in pitu Latifas halawum Jantung niya sumud liyang lahad.

Ubus turqinun, magsumba siyumbahi in Ruhul Hayah iban Ruhul Yabqa, sumahaya dayin halawum pa guwa’ in Jasad sin mayat. Awun malawa’ magtuy in Jasad ha liyang lahad. Awun malawa’ puas tu adlaw. Awun sab puas hangka pitu. Maap. ALLAH HO A’LAM.

ilmu sin kamaasan part (1) - (6)

Documents

pagdihil manga

sultan shariful

manga taimanghud

magpatindug

atura niyu

lady indal

dunya iban

juz iban ma