heaven gods beautiful home bemba pda - bible for children
TRANSCRIPT
![Page 1: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/1.jpg)
Kumulu, kung’anda
yakwa Lesa
Icipingo icabana Camiletela
![Page 2: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/2.jpg)
Calilembwa na: Edward Hughes
Uwalangilishe: Lazarus; Alastair Paterson
Yasendwa na: Sarah S.
Abapilibwile: Phiri Williams
Icapangwa na: Bible for Children www.M1914.org
©2020 Bible for Children, Inc.
Kupoke nsambu: Mwalikwata nsambu uku senda no ku printa ilyashi ili, cikulu mwikashitisha.
![Page 3: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/3.jpg)
Lintu Yesu aikele pe sonde alyebele abasambi bakwe ifyakumulu. Alekwita “Ng’anda Yakwatata”, elyo atile kwaba amamanshoni ayengi.
![Page 4: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/4.jpg)
Manshoni ning’anda eyikulu iyayemba. Kumulu nincende imo iikalamba kabili iyayemba nganshi ukucila ing’anda iliyonse pacalo.
![Page 5: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/5.jpg)
Yesu atile, “Ndeya mukumipekanisha iyi ncende. Kabili nga namipekanisha iyi ncende, nkabwela ukwisa mupokelela.”
![Page 6: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/6.jpg)
Yesu ayile Kumulu, lintu abukile kubafwa. Uko abasambi baletamba, Yesu alisendwa ukuya mumulu kabili ikumbi elyamupokelele ukufuma kumenso yabo.
![Page 7: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/7.jpg)
Ukufuma apo, abena kristu baleibukisha ubulayo bwakwa
Yesu ukutila akabwela ukwisa basenda.
Yesu atile akabwelenshita
ilyo abantu tabeshibe.
UKUSANGWA NA LESA
![Page 8: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/8.jpg)
Nga cikaba shani kubena kristo abalefwa ilyo talaisa? Icipingo
citila baya mukuba na Yesu. Ukufuma mumubili ekutila ukusangwa
na Lesa. UKUSANGWA NA LESA
![Page 9: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/9.jpg)
Ukusokolola, ibuku lya kupelesha mucipingo, litweba ifyo kwayemba kumulu, icawamisha ukucila cakutila munshila iyaibela, Kumulu nikumwabo kwa ba Lesa.
![Page 10: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/10.jpg)
Lesa aba ponse-ponse lelo icipuna ca cakwe caba Kumulu.
![Page 11: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/11.jpg)
Abangeli ne filengwa na Lesa fimbi filamushinshimuna Lesa Kumulu. Efilecitika na bantu bakwa Lesa abafwa kabili baliya kumulu. Balemba inyimbo ishaibela ishaku- sumbula Lesa.
![Page 12: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/12.jpg)
Pano pali amashiwi yamo ukufuma munyimbo bemba: MWALILINGA PANTU MWALITULUBULWILA KULI LESA UKUPITILA MU MULOPA WENU ...
![Page 13: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/13.jpg)
... UKUFUMA MITUNDU NEFYALO KABILI MWATULENGA UKUBA INFUMU NA BAPATILI KULI LESA WESU. (Ukusokolola 5:9)
![Page 14: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/14.jpg)
Amabula yakumpela mucipingo yalondolola Kumulu ukuba “Yerusamu Mupya”.
![Page 15: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/15.jpg)
Nincende iyikalamba nganshi necibumba icitali kunse. Ici cibumba capangwa ne libwe lya yasipala ilya lengama.
![Page 16: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/16.jpg)
Amabwe ayabengeshima yalitebelela icibumba kabili yalabengeshima. Ama geti yakwingilila mumusumba yapangwa nelibwe lya piyeri!
![Page 17: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/17.jpg)
Aya amageti tayesalwa nakalya. Natwingile tumone mukati... IYEE! Kumulu mukati emwawamishanapo.
![Page 18: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/18.jpg)
Umusumba wapangwa na golide, iyalengama nga musukupala ne UKUFUMA KU nasho shapangwa na golide.
![Page 19: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/19.jpg)
Umumana uwalengama uwamenshi yamweo wafuma kucipuna cakwa Lesa icabufumu.
![Page 20: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/20.jpg)
Kabili imbali shonse shibili isha mumana mwaba icimuti ca mweo ico pakubala cali mwibala lya Edeni. Ici cimuti caliibela.
![Page 21: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/21.jpg)
Cilatwala ifisabo ifyapusana-pusana ikumi na fibili cilamweshi ifisabo fyauko. Kabili amabula yacimuti ca mweo yakuposha ifyalo.
![Page 22: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/22.jpg)
Kumulu takukabila akasuba nangula umweshi ukupela ulubuto. Ubukata bwakwa Lesa umwine ebwisulamo nokupela ulubuto. Takwabapo ubushiku kwena.
![Page 23: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/23.jpg)
Ne nama kumulu shalipusanako. Shintu shatekwa kabili fyabafye ifibusa. Chibuli notwana twa mpanga filila pamo ifyani, inkalamu nasho shilya pamo ne ng’ombe.
![Page 24: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/24.jpg)
Ilyo Mfumu iletila, “tafyakacene nangula ukonaula mulupili lwandi ulwa shila.”
![Page 25: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/25.jpg)
Ilyo tulelolesha tulemona ifintu kushaba kumulu. Takumfwikako amashiwi yabukali. Takwaba uwalubuli nangula umutani.
![Page 26: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/26.jpg)
Takwaba amaloko pafibi pantu takwaba ba sakala kumulu.
![Page 27: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/27.jpg)
Takwaba ababufi, abepaya, abaloshi nangula ama bembu. Takwaba ulubembu ululilonse Kumulu.
![Page 28: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/28.jpg)
Kumulu na Lesa takwaba ifilamba. Inshita shimo abantu bakwa Lesa balalila kumulandu wa cikonko pano isonde, Kumulu Lesa akapukuta ifilamba fyonse.
![Page 29: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/29.jpg)
Takwaba imfwa kumulu nakalya. Abantu bakwa Lesa bakaba ne Mfumu umuyayaya. Takwaba icikonko, ukulila nagula ukukalipwa.
![Page 30: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/30.jpg)
Takwaba amalwele, ukulekana nangula ifililo. Uuli onse abafye uwatemwa umuyayaya na Lesa Kumulu.
![Page 31: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/31.jpg)
Icawamisha ukucila cakuti Kumulu kwa balumendo na bakashana (nabakulu fye) abasubila pali Yesu Kristu ukuba umupusushi wabo kabili ukumumfwa ngeMfumu yabo.
![Page 32: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/32.jpg)
Kumulu kwaliba ibuku ilitwa ukutila ibuku lya mweo ilya mwana wa mpanga. Lyalisula namashina ya bantu. Bushe kuti mwaishiba ukuti mashina yabani ya lembwamo? Bonse abacetekela muli Yesu. Bushe ishina lyobe emo lyaba?
![Page 33: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/33.jpg)
Amashiwi yakusondwelela mucipingo bwite. “Kabili Mupashi na shibwinga baleti Iseni, ‘Iseni!’ Kabili
nowaumfwa atile ‘Iseni!’
![Page 34: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/34.jpg)
Elyo uuli ne cilaka ese kabili na ulefwaya onse, anwe amenshi ya
bumi ayafye.”
![Page 35: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/35.jpg)
Kumulu, kung’anda yakwa Lesa
Ilyashi ukufumina mu cebo cakwa Lesa, Icipingo,
isangwa mu
Yohane 14; 2 Abena Korinto 5;
Ubusokoloshi 4, 21, 22
“Pakwingila pa cebo cenu cipela ulubuto.” Amalumbo 119:130
![Page 36: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/36.jpg)
Impela
![Page 37: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/37.jpg)
Ili lyashi lya mucipingo litweba pali Lesa wesu uwatubumbile kabili afwaya
ukutilati mumwishibe.
Lesa alishiba twalicita ifintu ifibi, efyo eta ulubembu. Ukupanikwa kwa lubembu ni mfwa, lelo Lesa alimitemwa sana alitumine umwana
wakwe eka, Yesu, ukufwa palupanda no kupanikwa pa lubembu lwenu. Yesu alibuka
nokuya kumwabo Kumulu. Nga mwasubila muli Yesu nokumulomba ukuti amyelele imembu
shenu, alamyelela! Kabili alaisaikala muli imwe ililine, kabili mukekala nankwe umuyayaya.
![Page 38: Heaven Gods Beautiful Home Bemba PDA - Bible for Children](https://reader030.vdocuments.site/reader030/viewer/2022012712/61ab85f8cdf07b047a55eabb/html5/thumbnails/38.jpg)
Nga mwasubila ukutila ici ecishinka, soseni amashiwi aya kuli Lesa: Mwemutemwikwa Yesu, nasubila ukutila nimwe Lesa, lelo mwasangwike umuntu
ukutila mumfwile imembu shandi, pali lelo muli abami. Ingileni mumweo wandi
nokwelela imembu shandi ukutila mbe no bumi bupya, kabili bushiku bumo nkabe
nenu umuyayaya. Ngafweni ukumyumfwila nokwikalila imwe nga mwana wenu. Ameni.
Belengeni Icipingo no kulanda na Lesa cila
bushiku! Yohane 3:16