c o o p e r a t i v a c u l t u r a l

Hai dous anos, nun Teatro Rosalía abarrotado de público, dentro do acto de

homenaxe que a Fundación Manuel María de Estudos Galegos organiza cada ano,

Uxía estreou catro pezas musicadas sobre poemas do poeta da Terra Chá. A

excelente receptividade por parte do público desa aproximación de Uxía á poesía

de Manuel María, animou á Fundación a proporlle que ampliase o traballo co fin de

publicar un CD completo conxuntamente co magnífico libro de poemas “Os lonxes

do solpor”, aínda inédito. Uxía aceitou o reto inmediatamente, mais había que

agardar a que ela rematase o proxecto que tiña entre mans: a publicación de “Meu

canto” conmemorativo dos seus 25 anos nos escenarios. Un ano máis tarde

estreamos, tamén no Teatro Rosalía da Coruña, o DVD “De amor e cantería”,

producido por Pixel Films sobre un guión de Anxa González Refoxo. A demanda do

público e o recoñecemento que tivo por parte da Academia Galega do Audiovisual

concedéndonos o premio Mestre Mateo á “Mellor produción experimental do ano

2011”, animounos tamén a incluílo na publicación.

Alberte Ansede

Secretario da Fundación Manuel María de Estudos Galegos

c o o p e r a t i v a c u l t u r a l

ANDANDO A TERRAUxía canta a Manuel María

O ESPECTÁCULO

c o o p e r a t i v a c u l t u r a l

“Andando a Terra” é un traballo musical sobre poemas de Manuel María realizado por Uxía e Sérgio Tannus. A idea orixinal

do disco partiu da FUNDACIÓN MANUEL MARÍA DE ESTUDOS GALEGOS, e forma parte dun pack editorial no que tamén

se inclúen o poemario inédito “Os lonxes do solpor” e o audioviusal “De amor e cantería”.

Agora, trala emotiva estrea-presentación do disco no Teatro Colón da Coruña o pasado 13 de setembro, a Fundación

Manuel María, autora da idea, e O CABLE INGLÉS Cooperativa Cultural, responsable do management de Uxía, decidiron

darlle continuidade a este proxecto a través dun espectáculo que baixo o nome “Andando a Terra. Uxía canta a Manuel

María” percorrerá os escenarios cun formato que se divide en tres etapas:

Presentación do espectáculo a cargo dunha persoa significada da vila

Proxección do audiovisual “De amor e cantería”

Concerto de Uxía interpretando o repertorio de “Andando a Terra”

FICHA TÉCNICA

GUIÓN: Anxa G. Refoxo

PRODUCIÓN: Mikel Fuentes e Sara Horta

VOCES EN OFF: Xoán Diéguez e Comba

Campoy

REALIZACIÓN E MONTAXE: Mikel Fuentes

IMAXES DE ARQUIVO: Xulio Xiz, Camilo Gómez

Torres e Saleta Goy

UNHA PRODUCIÓN DE PIXEL FILMS

A idea do audiovisual De amor e cantería nace dentro das accións que leva

acabo a Fundación Manuel María de Estudos Galegos para dar a coñecer o

proxecto de Casa Museo do escritor, hoxe xa moi avanzado. Esta Casa Museo

abrirase na que foi a casa natal do escritor e á que o poeta lle dedicou o libro de

poemas Sonetos á casa de Horta. Foi precisamente esta obra a base do guión do

DVD sendo, desta maneira, o propio poeta o que serviu de guía cos seus versos

a través do mundo dos sentimentos, sensacións, paixóns, medos... recordos,

vivencias dese mundo de infancia e xuventude que o acompañarán toda a vida.

Os 50 sonetos de que consta o libro non cabían nun audiovisual de 14 minutos

de duración e, por iso, só se incorporan tres sonetos completos, integrándose o

resto do guión das estrofas ou mesmo versos soltos que se consideraron máis

indicativos ou significativos, sen ningún ánimo de exhaustividade. O que si van

estar presentes nas imaxes son moitos dos elementos que o poeta cita ao longo

dos 50 sonetos, e entre eles cobra unha especial importancia a arquitectura da

propia casa, as cousas e tamén as persoas que compartiron ese espazo.

Isto non quer dicir que esteamos diante dun audiovisual descritivo. Todo o

contrario. A idea foi facer unha lectura audiovisual dos espazos interiores do

poeta a través dos espazos exteriores, e das persoas que os habitaban.

O DOCUMENTAL

En palabras da propia Uxía, os temas do repertorio que se

percorre neste espectáculo é “o gozo sinxelo dun canto ao noso

labrego-poeta. Un home que andou esta terra, este país,

parroquia por parroquia, lugar por lugar, face a face. Seguindo o

seu exemplo, quixen arroupar a súa poesía na proximidade e 

coa delicadeza das melodías que fun atopando nos camiños,

coa luz, a beleza, a paixón e 'o latexar sincero da emoción' que

emana dos seus poemas e Amando cada palabra, cada verso e

cada nota para poñer en valor o seu valiosísimo, o seu precioso 

e prezado legado.

Ademais da metafísica, o amor, a nenez, a casa que quixo tanto

e que agora será a Casa dos soños liberados de cadeas, o seu

humor, o seu amor á vida, á lingua e a esta terra que andou sen

descanso. Tamén me permitín adaptacións de temas tan

emblemáticos como 'O Carro', cantada por Fuxan os Ventos ou

o 'Manual do Señorito' na voz da miña querida María Manuela.

A poesía de Manuel María flúe coma un río. El é o gardador das 

albas e da íntima esperanza que nos fai crer aínda no  ser 

humano. Crer a quen leve a música dentro de sí, a quen nunca

sentirá medrar, no seu interior, a moura flor da soidade. Agora

sabemos que a súa poesía, coma el mesmo di das fontes

romanas, escribiuna  para  espantar soidades, melancolías  e

nostalxias e tamén para ser recitada, cantada e devolta ao pobo

que lla inspirou.

Manuel María é o gozo de vivir,  e eu fixen un pacto con el para

completar a tarefa urxente, fermosa, nidia e necesaria de gastar

o meu corpo e a miña voz nos camiños ata ser pó, seixo ou

silveira. 

Grazas, poeta, pola inspiración e a alegría que aínda nos

entregas en cada verso. Galiza e o pobo galego estaremos

eternamente en débeda contigo. 

Enlace para a súa difusión:

http://www.youtube.com/watch?v=edY6-16u0Cw&feature=youtu.be

O DISCO

CRÉDITOS

Idea orixinal:

Fundación Manuel María de Estudos Galegos

Escolma de poemas, arranxos, concepción musical e

composición:

Uxía e Sérgio Tannus, en exclusiva para a FUNDACIÓN

MANUEL MARÍA DE ESTUDOS GALEGOS.

c o o p e r a t i v a c u l t u r a l

TERRA CHÁUxía: voz e corosSérgio Tannus: guitarra española, derbuka, ovo, pandeiro grave, pratos

A CASAUxía: voz Sérgio Tannus: viola caipiraSerginho Sales: acordeón

O CARROUxía: voz e corosSérgio Tannus: guitarra españolaSerginho Sales: acordeón

QUERO SER RÍOUxía: voz e corosSérgio Tannus: guitarra españolaQuim Farinha: violín

CARNÉ DE IDENTIDADE (poema)Uxía: vozUxía e Arturo Vaquero: ambientes

UNHA CANCIÓNUxía: vozSérgio Tannus: guitarra acústica, cavaquinho, ovo, triángulo

MANUAL DO SEÑORITOUxía: vozSérgio Tannus: guitarra española, pandeiro con escobilla, ovo, triángulo, efectos percusivosManuel Paino: trompeta

SEÑOR GATOUxía: vozSérgio Tannus: guitarra española, trompeta de boca

ROSA NAMORADA (do CD Meu Canto)Uxía: vozSérgio Tannus: guitarra españolaMarcelo Martins: frauta traveseira

BANDO (poema)Uxía: vozUxía e Arturo Vaquero: ambientes

A FALAUxía: voz e corosSérgio Tannus: guitarra española, pandeiroOlga Brañas: pandeireta

AÍNDA TEÑO A ESPERANZA (poema)Uxía: vozUxía e Arturo Vaquero: ambientes

Nota: Todos os poemas, con música de Uxía e Sérgio Tannus excepto O CARRO, de Baldomero Iglesias e MANUAL DO SEÑORITO, de Miguel Varela.

c o o p e r a t i v a c u l t u r a l

REPERTORIO

c o o p e r a t i v a c u l t u r a l

O Cable Inglés S. C�p. Galega

Apdo. Co�eos 21

36200 Vigo, Pontevedra

Tel. (+34) 695 881 074

info@ocableingles.com

�w.ocableingles.com

�w.ocableingles.com