august 2016 t agape t 1 · pdf fileringtu nun hi khawvel dan nen chuan a letling thawk a: tuar...

$: August 2016 t AGAPE t 1 · PDF fileRingtu nun hi khawvel dan nen chuan a letling thawk a: tuar chunga damna, \ap chunga hlimna, ... hmeithai ang a lo ni ta a! ...Zanah lungchhe vankaiin$
August 2016 t AGAPE t 1

www.mizoramsynod.org

http://www.mizoramsynod.org



NI TINA THIH

Tu mah hi hlim takin kan awm reng lo va, hrehawm titaka kun tlawk tlawk chang a tam mai. A chang chuan kantliak hnawp a, tho chhuak leh tur kan awm tawh dawn lo emmaw kan inti hial a. Khawi lai pawh hi a hnim ruh maiin kanhre \hin. Kan mangang a, \ap zawih zawihin Pathian hnenahkan \awng\ai a, min chhangtu tur a awm ta lo em maw tihturin a reh vung vung mai si. Heti taka rum \hin chhan chuMI NUNG kan nih vang a ni. Mitthite chuan nâ an hre lo va,engtin pawhin ti ila min tilet thei tawh lo.

Lal Isuan, “Tu pawh mi zui duh chuan mahni hrehawmpawisa lovin, ni tin a kraws puin min zui rawh se,” a ti a.Paula pawhin ‘Ni tin ka thi \hin’ a ti bawk. Kan mihring hluizia hi ni tin krawsa chin ral zel a ngai a ni. Kan thih kim lohvang te, kan thih chian loh vang te hian kan na em em fomai. Kan duh loh zawnga mi min sawi kan hriat te hian kanthin ur hle \hin. Hei hi hria ila – mihring hlui vui liam tawhtenun chu Kristaah thuhrukin a awm a, he khawvel thil hian atibuai tawh lo. Lungngaihna leh harsat manganna ruam a\angpawhin LALPA-ah an lawm zel \hin.

Ringtu nun hi khawvel dan nen chuan a letling thawka: tuar chunga damna, \ap chunga hlimna, thawpik chungaengthawlna, innghahna nei lo tan pawha innghahna tling ani. Kristan kan kawng zawng zawng hi a lo zawh chhuahvek tawh avangin huai takin i kal zel ang u.

Min thawhsaktu tan ni tin, darkar tin thih zir ila. Krista,Lalber chu hmahruaituah hmang ila, amah chu innghah nan ihmang zel ang u. Mahni inhmangaih berna ram a\ang hichuan nunga Lalpa rawngbawl hi a har \hin.

Editorial




Kristian Chhungkua

CHHANCHHUAH HNA– Rev. C. Thalai

Saiha

Tunlai khawvelin a buaipui em em chu zu leh ruih theihthil hi a ni. |halai sang tam tak ni tin, thla tin thihna thlankhur lamah an liam a, khawvelah an lo kir leh tawh lo vang.

Tunlai hun hi hmanlaiaAigupta rama fa tir zawngzawng, lal\hutthlenga \huPharaoa fa tir a\anga bawihnufa tir thlenga an thi ang maikhan, tunlaiah chhungkuaahfa u ber a\anga fa naupangber thlengin anmahni duhzawng zawngin an awm vektawh a. Chuvangin, chhung-kaw tam tak chu lungngaihnachhum thimin a khuh mek anih hi. “Kan tukverhahtethihna lâwn lutin, kan lalinahte a lut tawh si a; pawna\angin naupang tibo tur leh,khawlai ata tlangval tiboturin,” (Jer 9:21) tia zawlneiina lo sawi kha tunah hian a lothleng ta a nih hi.

Zu leh ruih theih avanginkan khawpui ropui, kanchhuan em em \hin chulungngaihna khawpui a lo ni

ta. Bible a\anga sawmna âwchuan, “Mipuia khat \hinkhawpui kha khawhara a \huttak chu! Hnamte zinga ropui\hin kha, hmeithai ang a lo nita a! ...Zanah lungchhevankaiin a \ap a, a biangahmittui a luang e...” (|H 1:1,2)tiin Zawlnei Jeremian Jerusa-lem khawpui chu a au a ni.

Chutiang bawkin kankhawpui, mihring tamnahmun apiangah thihna a tamdeuh deuh va. Chung zingahchuan \halai an thi tam ber a,an khawngaihthlak hle a ni.Mitthi ruangte chu khawlaiahui angin an tlu a, buh sengtuinbuhphal a theihnghilh angintu mahin an huih khawm lehtawh lo vang, Lalpan a ti.

Kristian chhungkawpawimawhna hi kan sawi \hin




a; nimahsela, a tak taka veierawh an tlem hle mai. Milian leh thiltithei hnenah beiseileh dil kan neih chuan kandawhthei a, kan nghak peihhle. Chhungkuaa Pathian betur erawh chuan kan buai lehhle \hin si a. ‘Kan buai em a,chhung inkhawm kan nei thei\hin lo va ni,’ tih mai hianthiam kan chang zo ang emle? Kan duh zawng leh chakzawng ti tur chuan hun kannei thei viau va, Pathian betur erawh chuan hun kan pethei lo va, kan tu leh fatelaklawh pawh kan nghak peihlo va, kan dawhthei lo hle \hina ni.

Chhungkuaa inkawmnahun neih te hi a hlu em em a.Amaherawhchu, chhungkaw\henkhat chuan heng hun hiinzilh nan leh inphun nantekan hmang \hin. Eng mah kantih theih tawh loh hnu, thihni a lo thlen hian kan inngaia, kan \ap a, an thil tih\hattekan sawi \hin a. Heng hi a\angkai tawh lo. Chuvangin,kan tih dan tihdanglam apawimawh hle. Kan diklohna leh kan tihsualte inen

khumsak ila; kan dam chhunghian inchawimawi ila,\awngkam \ha takin inbia ila,chhungkuaah chanchin \halam thute sawi ho ila, thihnakan tawh pawhin kan inchhirlo vang.

Evangelist ropui tak BillyGraham-a chuan, “Hun liamta te kha hman \hat leh theihni ta se, ka chhungkuaah kahmang tam zawk ang,” a ti.Chhungkua hi a pawimawhtakzet a ni tih a tilang hle.‘Miin ama hun pawh a inhresi lo, sangha len hlauhawmaman leh, sava, thanga awkang maiin; mihring fate pawhan chunga lo thleng phutinhun \ha lovah an awk \hin,’tih a nih kha.

Kan rilru put hmang himita kan hmuh theih ang hianinhmuhsak vek thei ila abuaithlak hle ta ve ang. Nupuipasal inkarah pawh inremnaa awm thei awm lo ve.Thawhpuite, \henrual leh\henawmte nen kan inkarahpawh inremna a awm thei lovang. Rilru ngaihtuahna kaninhmuhsak thei lo hi engkimti thei Pathian hmangaihna




avang a ni. Chuvangin,Pathian hnenah lawm thu isawi ang u.

Lung in tang chanchinzirtute chuan, “Lung ina tangtehi chhung inkhawm nei ngailo an ni,” an ti. Hei hianchhungkaw inkhawm hi ngaihpawimawha, ngaihsak lehzuala \ulzia a tilang hle. Pathianthu chuan, “Naupang chu akalna awm kawngah chuanzirtir ula, a puitlin thlengin athlah lo vang,” a ti.

Hmuhnawm chi hranghrang en tur tam hle ta mai.Chung en tur hrang hrangchu kan in chhungah kaninchhawp a. Heng hi chhunginkhawm neih loh phah nanahmang duh hialte kan awmta, \an lak a \ul hle mai.Tawtawrawt hnuhnung berrik hunah chuan Lalpa hmaahkan inlan vek dawn a. Kandam chhunga Isua eng mahlova ngaia, chhungkua pawhabe duh lote kha min hrechiang dawn si a. Kanchungah roreltu a ni dawn sia, hlau leh thlabarin kan laawm ngei ang.

Hmanlai Israel fate chuan nu leh paten \hahnemngaitakin Pathian biak dan anzirtir a, an kaihruai \hin.Keini chuan kan fate baptismakan chantirin – kan fa chu asei lena a puitlin thleng Kristalama kaihruai turin kan intiama; mahse, kan zirtir leh si lo.Chuvangin, kan tu leh fatechu zu leh ruih theih thilruamah an tlan lut hum hummai a ni hi!

Nu leh pate zingah mahniin chhunga Bible chhiar ngailo te, \awng\ai ngai lo te, zuleh ruih theih thil ti \hin te,kan hun awl pawh TV ennana hun hmang mai \hintehi an khawngaihthlak hle.Tun a\ang chuan fanau hlutak, Pathian thil thlawn pekmin kawltirte hi Lalpa lamahhruai i tum \heuh ang u.

1 Timothea 5:8-ah“Nimahsela, tu pawh mahnichhungkhat lainate ngaihsaklova mahni chenpui chhungtengei pawh ngaihsak lo chuanrinna an phatsan a ni,ringlomi aiin an sual zawk,”a ti. Mahni in chhungkhura




rawngbawl pawimawhziahriat chian a \ul em em a,Bible-in, “Chhuan khat anliam a, chhuan dang an lochhuak a...” a tih angin, tunarawngbawltute hi an liam anga, chhuan dang an lo kal zeldawn avangin kan tu leh fatehnena Chanchin |ha chi kantuh a pawimawh.

Kan tu leh fate IsuaKrista hmel kan hmuhtir theihchuan pastor \ha te, mission-ary \ha te, ram hruaitu \ha te,doctor \ha te, officer \ha te,zirtirtu \ha te an lo chhuakzel ang a, kan ram chu ramduhawm tak, Krista ram leh

malsawmna hnar, tui fim takluanna ram a lo ni ang.

“Thi tura an hruaite chuchhanchhuak la, thah maiturte chu chhanchhuak nghalrawh.” Tunah hian kan ramahsualna thlipui chu chak takin,cyclone ang maiin a tleh meka, zu leh ruih theih thil avanghian thihna chu luia rulei anvuaka, sangha leh rannungzawng zawng an ruia, man antawk ang hian, \halai tam takan thi mek zel a, an la thi zeldawn ni pawhin a lang a.Chhanchhuah hna hi \hahnem-ngai taka kan thawh zel a \ultakmeuh a ni.

Synod Bookroom Book News1. Hermon Daifim : Thupui 15 hmanga kohhran chawmnatur thu pawimawh awmna lehkhabu belh chian dawl tak chuRev. Zoremthanga, tuna Arunachal Field-a Tato Bial vawngtuchuan a rawn peih fel hlauh mai. A man ` 100.

2. Robert Arthington : Sap millionaire, khawvela Chanchin|ha hril ringawt âtchilh, keini Mizote’n Mary Winchester-ikan lo man avanga Chanchin |ha kan mamawhzia hriaa mis-sionary – Pu Buanga leh Sap Upa rawn tir vang vangtuchanchin hi hriat chian lehzual a chakawm tehlul nen, hmuhtur a vang si. L.L. Rokhum chuan khawi a\ang emawin achanchin a nei hlauh mai a, Mizo \awnga chhiar tur kan neita. A man ` 150.




Sermon

LAL INNGAITLAWM(Zak. 9:9; Phil. 2:5-11)

– Rev. P.C. PachhungaExecutive Secretary

i/c Kohhran Hmeichhia

Mihringah chuan lal leh roreltute zingah mi nun tlangleh fel tak tak awm bawk mah se, a tam zawk chu intilal lehchapo te, duham leh nawmsak thlahlel te, san leh hmingthannangainate an ni awm e. Lal Isua hi he leia ram bial zim tea lalpawh ni mai lo, lei leh vana thuneihna zawng zawng neitu nimah se, amahah hian uanthuanna leh chapona a awm lo va,mahni sanna leh hmingthanna emaw, mahni nawmsakna lamemaw a engto hek lo. A rawngbawltu nia inchhal tam tak hichuan Lal Isua zia hi kan phawk lo viau mai awm asin.

Zakaria 9:9,10-ah hianlal lo kal tur chungchanghrilh lawkna kan hmu a, mifel leh inngaitlawm tak,hnehtu a nih tur thu lehremna thusawi tur a nih thuhrilh lawkna kan hmu a. LalIsua chungchang hrilhlawkna anga ngaih a ni.

Lal Isua chanchin hizawlneiten an hrilh lawknaa ni emaw, ama chanchinziakna a ni emaw, lalnunrawng leh chapo angasawi a ni ngai lo va. Amah

ngeiin a insawi dan pawhin,‘thuhnuairawlh leh rilruainngaitlawm tak’ a ni (Mt11:28-30). Paula pawhin‘mahni leh mahni intitlawm’tiin a sawi (Phil 2:5-11).

Lal Isua ropuizia lehtlawm sizia hi sawi thiam phakloh khawp niin ka hria.Hetiang hian han sawi ta ila –

1. Lei leh van lal ni mah sela,thingtlang kilkhawra nulatlawm tak lakah, nausenkhawngaihthlak tak angin a lopiang a.




2. Lei leh van lal fa lo piangni mah se, nau piang lawmtura van miten an sawmte chunaupiang lawmna thilpek kentur pawh nei lo, dai pawnaberam venga inhlawhfa,berampute an ni.

3. Leilung leh a chhungathil awm zawng zawng hi amata ni mah sela, mi rethei berangin ran chaw peknathlengah muttir a ni a.

4. Naupang chaw fun khatmai hmanga mipui sang tamtak hrai tlai thei khawpathiltithei ni mah se, chhung-kaw rethei tak angin thingremsiamtu chhungkuaah a lo seilian a, kum 30 a nih thlenginmi tlawm tak angin hna athawk a.

5. Kum thum chhung lekPathian ram Chanchin |hahrila a vah vel lai pawhin,amah chawimawina ri aiinamah an beihna leh an duhlohna thawm a ring zawk a;mi challang leh thiltitheite huata hlawh a ni.

6. Lalte chuan office nuamleh zahawm tak tak an neih

laiin, Lal Isua chuan, Lal nimah se office takngial pawha nei lo va, in leh lo a neihek lo.

7. Mite chuan universitya\angin degree ropui lehchhuanawm tak tak an neihlaiin ani erawh chuan collegepawh a rap lo va, lehkhabupakhat pawh a ziak lo.

8. Lal tam tak chuan ramhla tak tak an tlawh leh anzin chanchin hi an titi tui anih laiin, ani erawh chu a seilenna a\anga km. 200-a hlapawh a zin ngai lo.

9. Tlangval kum 30 miawrh chauh ni mah se, mipuingaih danin amah a do va,thil sual eng mah ti lo mah semi sual ber anga rorelsakin aawm a.

10. Lei leh van lal ni mah seleia lalte rorelsakin a awm a,thiam loh an chantir a.

12. Nunna petu ni mah selatihhlumin a awm a, mi sualleh mi sual inkarah kher kherlehnghal krawsah khen behina awm a nih kha.




Heng zawng zawngah hian aphunnawi lo va, complain engmah a siam lo.

13. Kum zabi 20 lai liamtawhah mualpho takatihhlumin awm mah se, tunthlengin mi tam tak thinlungchhungril ber changtu a la nireng a ni.

Phillip Brooks-a chuan,"Sipai rual tam tak leh lawngrual tam takte, ram rorelnaa\hu khawm \hin zawngzawngte leh roreltu, leia lalzawng zawngte ropuinapawh infin khawm mah se,he mi pakhat (Lal Isua) hi antluk phak chuang lo," a ti.

Heti hian i ngaihtuah lehteh ang –

1. Khawvel lalte chuansipai rual ropui tak an nei a,Isua Krista erawh chuan zirtir12 chauh a nei.

2. Khawvel lalte chuan mitam tak thisen chhuahin raman la a, Lal Isua erawh chuanama thisen ngei hlanin ram adin a, kum sangbi ral hnuahpawh khawvel hmun tam

takah a ram a la ding thar zela ni.

3. Khawvel lalte chu mahnitana nungin an thi a, IsuaKrista erawh chu khawveltan, nang leh keia nun theihnan a thi a ni.

4. Khawvel lalte chu kum-khuaa awm tawh lo turin anthi a, Isua Krista erawh chuchatuana nung turin a thi.

Chu Isua Krista chu kanLal, kan Pathian a nih sichuan, nang leh kei hian engvangin nge khawvelah hianropuina leh sanna leh nawm-saknate hi kan thlakhlelh bikang? A hniaka kan zuina turinentawn tur a hnutchhiah a nilawm ni? ‘He rilru, KristaIsua pawha awm bawk khanangmahniah awm rawh se’.

He thu tawi te ka ziaklai hian ka ngaihtuahna chuLal Isua dam lai khawvelah acheng a, thinlung hlim lehlawm tak, mahse, lawmavanga mittui parawl \euhchungin ka suangtuahna chua vak vel a. Isua hniaka kazui lohzia ka inngaihtuahin




keimah leh keimah ka inhuaa, a chanchin tawi te hian ahniaka zui turin min tur ut uta ni. Chhiartu duh tak, nangpawh ka sawm a che, Krista

rilru pua, a hniaka zui turhian.

Lalpan a thu malsawmrawh se. Amen.

KUTDAWH VANDUAI

Kutdawh pakhat hi a awm a, a thawmhnaw pawh a chhehle a, ei tur nei lovin ril\amin a awm \hin a. Vawi khat chu aawmna kawthlerah an ram lalber chu sakawrtawlailirin a rawnkal tlang dawn tih a lo hre ve a, remchang lo lak a tum ran a,a rawn hmuh theih ngeina turah chuan a lo awm a.

A beisei ang ngeiin lal chu sakawrtawlailir nalh takachuangin a lo kal ta a. Kutdawh chuan thil pe turin a lo dila. Lal chuan pe ta mai lo chuan, kutdawh hmaah chuan akut a rawn lek chhuak a, eng emaw pe turin a dil let ta zawka. Kutdawh chu a hrilhai hle a, a bawm a\ang chuan buhfang thum a phawrh a, thinrim takin lal kutah chuan a pe a.Lal chuan kutdawh bawmah chuan eng emaw hi a vawm lutve thung a, a kal leh ta nghal a.

Kutdawh chu a beisei anga lalin thil a pek loh avangchuan a lunghnur hle a. Phur lo takin, lal chuan eng nge abawmah chuan a vawm luh tih a en a, buhfai zingah chuanrangkachak tlang pathum a lo awm a. Chutah chiah chuanthil a hre thiam ta. Lal chuan a pek zat chiah a pe let vethung a ni. “Aw...ka va â tak em! Hetiang tur a ni tih lo hriaila chu ka bawma buhfai zawng zawng hi ka pe tur!” tiin ainchhir hle a.

(Source – Darthlalang)




LALPAN A DUH A NI

– C. LalchhuanlianiDinthar Veng

Khawvelah hian eng vang a lo piang ve ngawt nge kanih tih ka ngaihtuah fo \hin. Min siamtu hian chhan awm lochuan min pian chhuahtir ngawt lo vang! Ka tan nun hlantu,ka thih ai thia tholeh rawngbawl tur hian kei hi siamin kaawm a ni.

1. Mi tling lo, fel lo lehfamkim lo hi min duh :Rawl ring leh \ha, pian \hadeuh nih te ka duh a, rawlsin leh te deuh, pumraw tetak ka ni tlat si! Mahse, minsiamtu hian a duhtawkchiahin, amah chawimawinan leh a ropuizia tar lan nanka taksa, pianhmangte hi aduang a lo ni! Darthlalanghmaah kan inen a, ‘Lalpa duhtak ka ni’ ka ti \hin. Min neituhian min theihnghilh lo, minhre reng a ni. |awmkailo hia rawngbawl tura chhandamka ni! Lal Isua hian \ha, thiam,tling,thianghlim leh fel chauhhi thlang ta se, kei hi ka telve dawn lo tih ka chiang. LalIsua zirtir 12-te kha an fel emem thu te, an thiamna san thute, mi famkim an nih thu te

kan hre lo. Mi thianghlim,sawiselbo khan a hnung zuiturin a thlang tlat si. A ruaitutur, kotu leh thlangtuintlingah a pawm miau chuantun nge sawisel thei ang? Mifel famkim thihna vanga mifel ni ta, kan tlin lohna zawngzawng hai dera tlinga minpawmtu hian a rawngbawl vemin phalsak hi, lawm takapawm mai tur kan ni.

2. Kan hunte hi a rawng-bawl nan : Hunbi duangtuleh neitu hian ni khatahdarkar 24 min pe a, kan hmanliam dan \heuh han chhut ila,kan Lalpa duh danin kanhmang em? Minute/Second 1te mai pawh hi a hluin, engatan nge hun hi ka lo hmanliam \hin? Ka ngaihhlutzawng leh ngaih pawimawh




zawng atan hun tam ber kahmang \hin. Hunbi siamtu lehneitu nen hian darkar eng zatnge kan hman dun \hin? Lalparawngbawl tur hian kan lobuai lutuk a, Lalpa rawng-bawl hi kan hman lo mai angtih hi a hlauhawm. Lalpa tanhman theih (available)-a kanawm hi a pawimawh. Lalrawngbawl hna hi ngaihpawimawh hmasakah nei taila chu, min bawh buaitu rualelna dik lo te, awhna suallakah te hian kan fihlim ngeiang. Lal Isua rawngbawl hna,Chanchin |ha hril, a ramzauh hna hi ngaih pawimawhberah kan neih \heuh chuanitsik, elrel, duhamnate hianhmun a nei tawh lo vang. Mithil neih awhna hun te, kanhman \angkai reng reng lobungrua chhek muk lehbuaipui nan hunte hi kanhmang nasa lutuk palh hlauhang e. Kan hunte hi a rawng-bawl nan i hlan ang u. Kandam chhung ni a rei si lo.

3. Lalpan a hmanrua a tathriam : Kan hmanruate kantat hriama kan tifai ang hian,Lalpa hian a hmanruate hi

rawngbawl hna thawk turamin tah hriam/tuai hriam fo aduh \hin. ‘AMEN’ lo tih maihi harsa kan ti \hin. Chhung-kuaa zir ho ngai te, mi malazir tlauh tlauh ngai te kanhmaah hian zirlai minchhawpsak \hin. Retheihna,bawrhsawmna, sawiselna,ruihhlo, beidawnna, etc.Zahna kawnahte min dintirin,mahni ngei pawh kaninzahpui hun te a thleng \hin.Heng kawng zawng zawnghan zawh chhuah hi a va har\hin em!

Mite sal tanna a\angahruai chhuak tur leh phurritphurhpui thiam turin, chhawkthei turin, a mite natnaah hiankan nat a phal tlat a ni. Kanhmanrua kan tah hriama kansil faite hian sawi thei se chuna an ti ve \hin ang. Tuaihriamna hmun paltlangtawhte erawh hi chu mi tamtak tan malsawmna thlentuniin, \apte \ahpui dan, lawmtelawmpui dan an lo thiam tawh\hin. An eng chu miten anbawm a, chhandamna huang-ah mi tam tak an hruai lut\hin.




4. Thlarau Thianghlim neiturin min duh : Eng vanginnge min duh le? Keimahnimai hi chuan eng mah kannih lohzia hi Lalpa hian a hrechiang em a ni. A rawngbawltur hian Thlarau Thianghlimtel lo chuan tih theih kan neilohzia hi min siamtu, kan samzai nen lama hre vektu hian achiang a ni. Nghing ve reng\hin Petera kha ThlarauThianghlim a chan hnu chuanmi huaisen Petera, a Lalpatana khen beh huam Petera alo ni ta. Lal Isua Jerusalem-ah lal anga a luh khan achuanna sabengtung khamipuiin chawimawi an tum ani lo. Mahse, a chungachuang Lal Isua vang khanchawimawina puan phahraptu niin, Lal Isua vanginchawimawiin a awm ve tlat ani. Lal Isua tel lova sabeng-tung an chawimawi zui kanhre lo.

Thlarau Thianghlim tel lochuan kan rawngbawlnakawng hrang hrangah hian\hahnemngaihna tak tak neiha har \hin. Mihring taka\hahnemngaihna hi chu mi

dang phutnaah te, beidawn-naah te a tawp fo mai.Thlarau Thianghlim tel lochuan rawngbawlna tak takaia chanvo leh nihna duha talbuai mai theih a ni. ThlarauThianghlim nen chuan ‘Ka tihtur, ka mawhphurhna a ni’kan lo ti thei a, mi sualngaihdam khan, chhandamngaite hnenah chhandamnathu a hril ta \hin a ni. Damnaneitu emaw tia, tihdam lo tummai te hi a va huphurhawm\hin tak em! Tidamtu, simtirtheitu kan ni lo va, hmanruamai kan nih hi theihngilh loha \ha.

Thlarau Thianghlimzarah chuan kan tih ve tlemte pawh hi malsawmin a loawm \hin. Ama zarah ropuilo hi chawimawi niin, tihtheih reng nei lo hi tihchakalo awmin, thiltihtheihna peklo niin, dawihzep khahuaisennaa thuamin kan loawm \hin. Kan nihna lehmamawh hre chiangtu hianThlarau Thianghlim nei turinmin duh a ni.




5. Voh bik chawimawinamin pek a duh : Mahni pawhinchhiar tling zo lo te, sualhliam tuar hnute hi Kristavangin voh bik kan lo ni a!He khawvel hnehtu Kristazarah keini mi tling lote hitlinga puan kan lo ni ta si a!Kan rumpui \hin, kan \ahpui\hin, zahna kawna kan dinpui\hin, rawngbawlpuite lakakan inthlahrunpui \hin, thiamthu sawi chak sawi thei si lovakan hrehawmna zawngzawngte hi, kan Lalpa hnenahkan la dinpui dawn a ni. Lalhmaa kan din hunah chuan ahrehawm lai ber hingaihnawm a la ni dawn ani! Indona hnehtu te chanvo,voh bik chawimawinalallukhum, kan phu loh kha,hnehtu Krista vangin kan tan

dahin a awm. Kan phu lohchanvo hi Lalpan min pek aduh a ni.

Kan chhuanlam neihtedah bovin Lalpa ram zau nantheihtawp i chhuah zel ang u.Thlarau Thianghlim zarahzam tur kan ni lo ve. Kanthawh rimna kan zawhhunah, kan zin kawng hiantawp ni a la nei dawn. KanPa hnena kan thlen hunah afa duh tak tak chanvo min pengei dawn a ni. A va makem! Voh bik chawimawinalallukhum changa kan handing ve mai tur chu! Tu man,‘I phu lo, i tling ve lo,’ min tithei lo. Min neitu Lalpa hianphu leh tlingah min puangtawh tlat a ni. Lalpa chu fakinawm rawh se (Johana 20:23;Marka 11:3).

* Vana lal lukhum khumtute zingah hian leia kraws pulo tu mah an awm lo. – C.H. Spurgeon

* Kraws hi van kawngka luhna tura leilawn awm chhuna ni. – George Dona Boardman

* Khawvel hian Krista a duh lo va; mahse, a mamawhsi a ni. - Dr. Earle Stevens




BATHSEBI– P.C. Laltlani

Bawngkawn East

chuan Davida hian a hmu lovang a, a hmel\ha tih pawh ahre lo vang. Hmeichhe tanmi hmuh theih tura inbual hia dik lo hrim hrim a ni.

2. A uire vangin a pasalina thih phah - DavidanBathsebi a inah a hruaitir a, alo mutpui lai kha Bathsebithlatin thi neih lai a ni a, naua pai a, Davida hnenah nau apai tih a hrilh a. Davida chuana sipai hotu Joaba hnenahBathsebi pasal Hit mi Uria chuJerusalem-a hawtir turin a tia. Uria chu Davida thupekinral ram atangin Jerusalemkhuaah koh haw a ni a.Davida chuan a ina hawa, anupui bula mu turin a lo hrilha. Mahse, Uria chuan a duhlo va, a sipai puite ral ramahindona hmuna an awm laianupuite bula lo mut bik chudik a tih loh avangin lalchhiahhlawhte zingah a mu ani (2 Sam 11:5, 6-13).

Bathsebi hi nula hmel tha tak a ni a. A pa hming chuEliama a ni a, Hit mi Uria pasalah a nei a ni (2 Sam 11:3).

1. A pasal awm loh hlanina uire - Bathsebi pasal Uriahi Davida sipai huaisen thlanchhuah 37 zinga tel pha a nia. Amona thlahte do tura Is-rael sipaite kal chhuak zingaha tel a. Indona hmuna a awmhlan hian Lal Davidan Jerusa-lem-a a in chung a\angin Urianupui Bathsebi inbual lai ahmu a. Hmel\ha a ti hle a, aina hruai turin mi a tir nghala. Bathsebi’n Davida hnen ahan thlen chuan Davida chuana lo mutpui a, a duh anga akhawsakpui hnuaah a in lamaha hawtir leh a.

A pasal awm loh hlanaDavida laka a lo uire hi thil\ha lo tak a ni. “Davida chulal a ni a, Bathsebi tan hnialngaihna a awm hlei nem,”kan ti mai thei. Mahse, afimkhur loh vang a ni.Pawnah a inbual vanginDavidan a hmu a, a it ta a nia. In chhungah inbual se




Davidan Uria chu a nupuibulah a mu duh lo tih a hriatinindona hmuna let leh turin atir a. Sipai hotu Joaba hnenahlehkha a ziak a, Uria chu ralzualna lai berah hmatawntira, ralin an thah theih nanthlahthlam turin a ti a. Rabakhua lak tuma an hualin Joabachuan Uria chu mi huaisentechauh awm ngamna lai turaha dah a. Raba khuaa mite chuan lo chhuak a, Israel sipaitechu an rawn bei a, ralhmatawngte an rawn that a,Uria pawh thah a ni a.Bathsebi uire vangin a pasalhian a thih phah ta a ni.

3. Davida nen an innei -A pasal a thi tih a hriatinBathsebi chuan a sun a, a sunhun bi a zawh hnu chuanDavidan lal inah a hruai a, anupui atan a nei a.

Davida thiltih dan hiPathian duh loh zawng tak ani a. Davida chunga a thinrimthu hrilh turin zawlneiNathana a tir a, ‘Hit mi Uriakhandaihin a that a, a nupuia neih avangin khandaihin ain chhung a chhuahsan lovang a, a nupuite chu chhun

enah mi dangin an la mutpuiang’ tiin. Davida nun kalzelah zawlnei Nathana sawihi a chungah a thleng dik a.A fapa Amnona chuan nuhrang laka a pa fanu Tamarichu a tibawrhbang a.Absaloman a farnu phuba laknan Amnona a that a.Absaloman a pa Davidan Urianupui inbual lai a hmuhnahmun, in chungah ngeiDavida hmeite a mutpui a. Apa lakah helin Jerusalema\angin a hnawt chhuak a.Davida lam \ang leh a fapaAbsaloma lam \ang an indova, Absaloma thah a ni a. Heihian Pathianin sual a ngaizammai mai ngai lo tih a tilang.

Hetianga harsatna zawngzawng a tawrh hnu hianDavida chu Israela thlah hnampum pui chungah lal ropui taka ni thei chauh a ni.

4. A uire fa a thi - Davidana nupui ni tura Bathsebi anhruai hian naupai sa a ni a,fapa a hring thuai a. Mahse,naupang chungah chuanLALPAN kut a thlak a, adamlo ta hle a. Davida chu afapa dam leh nan chaw




ngheiin a \awng\ai a; mahse,a damloh a\anga ni sarih niaha thi a.

Lal upate chuan a damlai pawhin chaw a ei duh lova, khumah pawh mu lovinleiah a mu a, a fapa chu angaihtuah em avangin anhrilh ngam lo va. Davidan achhiahhlawhte inbe ru lai ahmu a, a fapa chu a thi a niha ring ta a. Chhiahhlawhtehnenah chuan "Naupang chua thi ta elo?" tiin a zawt a. Athi ta a ni tih an hrilh chuanDavida chu a tho va, a intifaia, sahriak a inthih a, Lalpainah a kal a, a inah a haw a,chaw a ei a. 'Naupang chu alo kir leh dawn lo va, keierawh chu a hnenah ka la kalang,' a ti a.

Davida hian a sual vangahrem nan a fapa hi LALPANa la tih a ring a. Lalpa lakaha vuiin a titau lo va, biak inahkalin ngaihdam a dil a. Sam51 hi a thil tihsual avangangaihdam dilna nia sawi a ni.

5. A fapa Solomona lalatan ruat a ni - Davida thiltihdan hi dik lo hle mah se

inchhirin Pathian hmaahngaihdam a dil avanginPathian malsawmna andawng leh a. A uire fa a thihhnuah Bathsebi hian nau a paileh a, fapa a hring leh ta a.Chu chu Juda lal ropui lehfing Solomona a ni.

Davida nupui dangHagithi fapa Adonija chuana pa aia lal nih a tum a."Keimah ka la lal dawn himaw!" tiin a inngai ropui hlemai a (1 Lal 1:5). Tawlailirleh sakawr chunga chuangmite a hmaa tlan tur a buatsaiha. Ran talhin ruai te a siam a,lal upate a sawm a. Hetih laihian Bathsebi chuan LalDavida hnenah a fapa Solo-mona chu lal atana siam turina dil a, a hlawhtling a ni.

Davida chuan a upate akohtir a, Solomona chu amasabengtung chungah a chuantira, puithiam Zadoka leh zawlneiNathana-ten lal atan hriak anthih a. Davidan Solomona chulal\hutthlengah \huttir turin thua pe a. Chutichuan, Solomonachu lal a lo ni ta a ni (1 Lal1:11-14).




KA |AH CHHAN CHU KEIMAH VANG

- R. ZomawiaTuikhuahtlang

A thinur chu mit khap kar chauh a ni si a, a duhsaknaah chuannunna a awm \hin. |ahna hi riak turin tlai lamah a lo lut thei a,zingah erawh chuan hlimna a lo thleng \hin (Sam 30:5).

"Hmanah chuan hlim takin ka nun ka lo hmang ve a, tihian hma lam hunte ka lo thlir ve \hin a, lehkha \ha takin kazir ang a, hna ka nei ve ang a, chhungkua \ha tak ka dindawn a ni. Ka fate chu Pathian \ih mi, lehkhathiam tak, nuleh pa zah tak niin hna \ha tak an thawk ve ngei ang. Hna kahmu a, chhungkua ka din a, chhungkua ka chawm zo va,lehkha \ha takin an zir a. Mahse, ka chhungkua leh fatenunin min ti\ap ta tlat mai si a…"

Hmathlir \ha tak nei niaka inhriat lai leh chhungkua\ha tak din tura khawvelahhun hei leh chen ka lo hmangve thei hi ka lawm em em\hin a, Pathian \ih nia kainhriat lai rengin chhungkuapangngai takin kan awm vea, hlimnain min han tuam vea; mahse, fate an lo puitlingmeuh chuan tunlai khawvelboruakin min nang ta.Pathian duh danin chhungkuaka hruai em maw ka lo intihve kha \ahna ruamah kan lolut reng mai si a. Ngilneihnaakhat Pathian lam hawi turchuan tawrh ve fet a lo ngai

tawh a, he ka \ahna hi midang mawhpuh mai tuminmahni thiam ka han inchantira, rilru fim taka han ngaihtuahvang vang phei chuan midang mawhphurh a ni lo,keimah vang a ni, Kristianchhungkua dik tak hichhungkua ka lo siam lo emni le? Ka nunin chhungkuaka lo kaihhruai dan chuhetiangin -

1. Ka duh dan ka dah lal\hin - |ha nia ka hriat veangin chhungkua ka vawngve zel a, \ha nia ka hriat khaPathian hnenah nemnghehnan lekfang ka lo thlen \hin




a, Pathian duh dan aiin kaduhdan zel kha a lo lal \hina, fel leh \ha niin ka inhre\hin, a chhan chu chhunginkhawmte pangai takin kannei ve \hin a, thu \ha kaninhrilh a, Pathian duhdan angaawm a hlawkzia leh sualkawng zawh lo tur te,khawvel thiamna lamah pawhzirna uluk turin kan inhrilhve malh malh \hin.

An lo seilian zel a, kanduhdante hi kan dah lal emem a, keimahni mihringzingah chuan kan thute chulo dah lal \hin mah ila, a laziaawm deuh, min siamtuPathian duhdan erawh kanzawm lo khawp \hin. Pathianhnenah kan mamawh lehharsatnate kan thlen \hin a,keimahni nawmsakna turinleh mi dang aia chungnungzawkin, kan fate pawhengkimah rawn hlawhtlingchho se tiin, chu kanduhthusam chu Pathianhnenah thlen intiin, Pathianrawn kan inti a, mahse, a taktakah chuan Pathian kha kanduhdan kan han hrilh ve lekzawk hi a lo ni \hin, kanawmdan turte amah kan rawn

tak tak ngai lo, \ha nia kanhriat kha kan lo kalpui hrawkhrawk \hin. Heng hi kachhungkua ka lo enkawl dana nih avangin Pathian duhdana ni lo tih hi ka chiang emem a ni.

2. A nawm vanglai tak -Khawvel nawmsaknate hichuan min lo hip chak hlemai a, Kristian chhungkuaropui tak din ka duh a,khawvel chhungkua ropui dinka duh bawk si a, chhungkuamihring cheng hlawhtling lehropui nih \heuh duhna rilrunen chhungkua enkawl zetchu a hunlaiin a hautakzia hrelo mah ila, hriat chhuah meuhchuan hun a lo kal duai tawhthin a ni. Pawisa neih \euh a,hausak ka duh a, ka duhnakawng ka zawh kha \haberah ka ngai a, dan anginKristian chhungkua kalphungchu han zamin, han kalpui ve\hin bawk mah ila, thinlungtak hretu Pathian chuan kachhungkua kalpui dan chu alo hre teh meuh mai le.

Keimahni thawhchhuahahausa emaw ka inti a, Pathiana\anga malsawmna dawngah




ka inngai hmiah a, chu chuka sawi tam ber \hin pawh ani. Mahse, ka thinlung taktakin ka lo sawi ngai lo va,chawhpawlh chhungkua ka lodin lek em ni aw? Kristianchhungkua tiin a langamawiin, ka chhungkua ka locheimawina kha ka lochhuang zawk hle a lo ni tihhi min hriat chhuahtir a ni.Pathian huatthu ka lo va sawihnem dawn em! Ka thawhchhuaha Pathian hnenathinlung taka lawm thu sawiaiin ka theihna em maw tiinka inhmu lian hle a lo ni.Keimah ka inhmu lian a, ahmingin Pathian malsawmnaka lo ti ve mai mai \hin.

Chawhpawlh chhungkuadin chu khawvel hmanrua ani a. Khawtlangah challan lohkan hlau em em a, kohhranahlah chuti bawk. MitenKristian chhungkua, Pathian\ih mi tia kan nungchangpawnlawi tak an hmuhna hidawt mai a va ni dawn em!

3. Chhum dum chu -Chhungkua hlawhlting tak dinemaw ka intih lai mek chuanka fate an lo puitling ve ta a,

ka duh dan angin thil a awmta reng reng lo mai, Nu lehpa bum an lo ching a, talhtumlek dawnin a lo tlai tawh si a,a rukin meizial an lo zu a, arukin zu an lo in a, pawisa dilchhuah nan thu awihawm taktakin nu leh pa hnenah an dila, pek loh dawna ni mang silo, pek loh dawna ‘tunlai \halaichu an nunphung a lawm, anduh dan hi nu leh paten kanpawl pha tawh lo, tunlainunphung ve a nia’ tiinhruihrual kan hlin chu kanthlahdul telh telh a, mi thiamterawnin \halaite enkawl dan kanzir a, mi thiamte thu zawm turtiin Pathian thu nen kanchawhpawlh nuaih nuaih maia, tunlai alawm tichung zelinkan intih tunlai avangin ka inchhungah chhumdum chu arawn lut a, min chamchilh tatlat mai, a changin inhauhna,chhungkua chawhlui kan kilho thei tawh lo, mahni tlat tlatinkan tla a, pawn lam lan danahchuan buai teh hluai chu ni lomah ila, a ruk tak chuanchhungkua nuam a ni rengreng lo tih a hmutu leh aenkawltu chhungkua pa ber kani si a.




Chhungkua enkawlnaahPathian duh dan aia ka duhdan ka lo tihlal \hin avangin\ahna chu ka in chhunga riakturin tlai tin a lo lut a, zingboruak thiang tak reng rengka siam hman ngai lo va, Lalpa\hatna leh ngilneihna chu anasat em avangin a hnena kalturin min au lawm lawm \hina, ngaihsak lova hun rei takchhungkua \ha nia ka hriatangin ka lo enkawlna rah chu\ahna leh lungngaih-na mai ani. Ka \ahna hi tu dang vang ani lo, tu mah mawhchhiat turka hre lo, ka \ah chhan chukeimah vang a ni.

"Thil dang ber aiin ithinlung veng \ha rawh,nunna lo chhuahna a ni si a”tih angin kan thinlung hi a niLalpan a en \hin, chhungkuaenkawl \ha kan inti em em alo ni thei; mahse, kan ramahhian Kristian chhungkua diktak, Lalpa pawm chhungkuahi kan va tam awm lo ve! Amawi hawiha inkhawmemaw, chhung inkhawm

ringawt emaw ai chuanthinlung leh tihtakzeta Lalpahmaa kan kun a ngai asin.Kan thiltih rah zel hi kan laseng dawn a, kan seng mekzel bawk a nih hi.

Kan fate hi eng kawngahnge chher puitlin kan tum le?An nawmsak loh kan hlau va,an ropui loh te, an hlawhtlinloh te kan hlau va, sum tamtak sengin kan enkawl a. Kanduhsak luatah khawvel chawkan lo barh hnem hle a ni thei.Keini pawhin Pathian kan \ihkan tih reng lai hian kan nunhi Pathian lawm zawng a nimeuh em aw, tih kan inchhuta ngai a ni.

Bible duh dan angin kanchhungkua hi enkawl ila kantifuh ber ang. Khawvel mithiamte duh dan kan tih renglai hian kan ram hian khuar-khurum, chhuah theih lohnahmun kan thleng mai dawn e.Lalpa chauh enin chhungkuadin ila, chu chu Kristianchhungkua chu a ni ang.

Isua hian a lalram hlimpuitu tam tak a nei a; mahse, krawspua a tana tuartu chu mi tlem te an ni. – Thomas A. Kempis




KELKANGAH KA KAL VE A

– Rev. K. RolungmuanaSynod Office

Nikum khan kohhran mipui mit chu Kelkang lamah a fu\hup mai kha a ni a. Kei pawh Leitan Kohhran rualin ka hankal ve a. Ka kal hma hian mite sawi ka hriat \hin a awm a,chumi chungchang chuan kal chakna pawh min neihtir bawk.Kum 2015 June thla tawp lam khan ka han kal ve ta hlauhmai. Rilrua zawn leh hmuh duh nei chunga kal ka ni a,chumi chungchang chu theih angin ka ngaihtuah bawk a. Kakal hma a\ang rengin \henkhat phei chu rilruah a awm lawknghe nghe a ni. Bible kan en pawhin Pathian hian a mite angaihsak hian awmze nei lo leh tum mumal nei lo chuan engmah a ti ngai lo tih hi a ni tih hi ka rilruah a chiang hle.Harhna lo thleng \hin pawh hi tum leh thuchah mumal nei lochuan a lo thleng ngai lo a ni. Tun \um harhnain a thuchahleh a mite siam thar lehna tura a thuken nia ka hmuh ve chuthil pali a ni a, chung chu tawi te tein han tar lan ka tum a ni.

1. Inpekna : Mite chutihluihna ni lovin Kelkangahkan kal sup sup mai a. Chumai chu a ni lo va, thilpek mitam takin kan keng khawma, a khuaa mite lah mi dangtan an lo inpe hle mai bawka. Mahni inbuaipui chunginmi dang buaipui, \anpui chukal khawmte nunah lehKelkang mite nunah a langsarhle mai.

Thil \ha ti tura inpekna

hi a pawimawh reng a ni.|hiante tana inpe te,chhungkaw tana inpe tak te,ram leh khawtlang tana inpetehi an hlu a, an inseng thlawnngai lo khawp mai.Chutiangin khawvel thilah lehthlarau lam thilah pawh miinpe tak tak te zar zovin mitam takin hmasawnna lehhimna kan chang \hin a ni.Lal Isua inpekna, mihringachang tura a inngaihtlawmnathute hi kan entawn tur chu a




ni. Chu chu entawn tur dik anih thu Peteran min hrilhbawk.

Thinlung pek thu pawhBible hian min hrilh a,thinlung, rilru leh taksa akima pek hi ringtuten Pathiankan dawr dan tur pawimawha ni. Thil kan pek ngamnahmunah hian \angkaina lehpawimawhna kan nei \hin.Chuvangin, ringtute hianinpekna kawngah, eng thilahnge, eng atan nge, tu tan ngetih ngaihtuahin inpekna dikleh \ha zir chungin harhna hidawngsawng ila, chu chuPathian duh zawng a nih arinawm.

2. Inngaihtlawmna : Hei hiLal Isuan a nunin a lantir \hin.Chumi chungchang chusawiin Paula chuan, Pathiananga awm a, Pathian tlukaawm chu thlahlel hlei theiloin, Mihring anga awma,mihring dinhmun hniam tak‘bawih ang’ tih hiala awmtura nun chu a thlang ti thu asawi a (Phil 2:5). Hrisel \haleh tluangtlam tak ni lovintuarna tam tak tawk leh chutah

pawh thi khawp hialathuzawm nun chu Lal Isuaa\ang hian kawhhmuh kan ni.

Harhna beiseia Kelkangkalte chuan thawmhnaw balan pawisa lo te, ruahsur lehnisa te, khaw thim leh ril\amte an indaltir lo khachhinchhiah tlak tak chu a ni.Chu mai a ni lo va, hruaituruat chawp thu kan han awihem em mai te, naupang thupawh hnial kalhna nei lovakan han zawm mai thei nunkha inngaihtlawmna tih hiana khai khawm ber awm e.Inngaihtlawmna nun mintemtir thar lehtu harhna khaa hlu a ni. Chutih rual chuanPathian hmaa tlawmna,inngaihtlawmna nun minkawhhmuh a ni tih hre lovinkan duh tawk palh mai angtih erawh a hlauhawm, Kristarilru, inngaihtlawmna kha ivawng reng ang u.

2 Chro 7:14-ah chuan,'Ka hming pu ka mite chuaninngaitlawma an \awng\aia,mi zawna, an awm dan sualtean hawisan chuan, vana\angin ka lo ngaithla ang a,




an sualte ka ngaidam ang a,an ram chu ka tidam leh ang'tih kan hmu. Chhan tlak\awng\aina, Pathian lawmzawng \awng\aina chuinngaitlawma \awng\ai hi a ni.'Mi rilrua inngaitlawm chuanchawimawi a hlawh ang' tiinThuf 29:23-ah kan hmu a,Hmun dangah 'Inngaitlawmchu chawimawiin an awmang' tih te, 'Inngaihtlawmnaleh Lalpa \ih man chu sumte, chawimawina te, nunna tea ni' tih kan hmu bawk.Chuvangin harhna changtutehi Lalpa hmaa tlawmtakin atana mi huaisen, amahthawhpui ni turin i inbuatsaihzel ang u.

3. Hmun Thianghlimthlakhlelhna : Kelkang kaltetlawh ngei ngei chu an khawdaia hmun thianghlima an lopuan kha a ni. Pheikhawk bunluh leh thil dang ken luh lohtihte chuan zawm pawh ahlawh hle mai. Chep deuhmah se, hmun thianghlim tiaan lo serh chu zah tak chungalut a, tihtakzet maia an inhlanlai han hmuhte khan rilru akhawih hle mai. Chumai a ni

lova, in lama an lo haw hnupawhin hmun thianghlim,Biak in leh a compound thlakhlelhna an nei a, \henkhat pheichu chhuahsan thei lovainngaiin an riah chilh a,inkhawm leh zaikhawm nuaman ti hle mai tih kan hria.Hemi chungchangah erawhchuan hmun thianghlim zahnaleh hlutna inzirtirna lamahhruaitute \an lak a \ulzia te,hman dan dik inzirtir a \ulziate kan hmu thar a ni.Engpawh nisela hmunthianghlim thlakhlelhna lehngainatna ringtu nunah minkawhhmuh thar hi a hluin a\ha hle mai. Pathian chennahmun chu ‘hmun serh hran’a nih rualin, a chen lohna leha hmuh phak loh hmun renghi a lo awm lo. ChuvanginPathian zahna leh atana\hahnemngaihna nen kan nitin hun hi hman tum ila, Lalpaauhna leh pawlna hmun atankan hnathawhna hmun \heuhhi hmangin Lalpa maicham idinthar leh ang u.

3. Thu awihna : Tun \umharhnaah khan thil hlu tak kanhmuh chu ‘thuawihna’ a ni.




Harhna chang tur leh chanduha kan thuawihna khaharhna changtuteah thawkchhunzawm zel se tih hiPathian duh zawng a nih arinawm. Pathian leh kohhranthu awihna kawngah pawhkan \han len zel hi harhnathuchah pawimawh, kanngaih pawimawh zui tur chua ni.

Thu awih chu Pathianduh zawng, a mitea a beiseileh phut a ni. Lal Isua meuhpawhin thu awih a zir thu kanhmu a (Heb. 5:8), hei hianthu awih hi zir leh \an lakngaihna thil a ni tih minkawhhmuh. Thu awih chu thil\ha chan leh neihna, nunhlimna leh hlawhtlinna a nitih Pathian mite a\angin kanhmu. Abrahama hnenathutiamte chu thu awihna nena inzawm \hin tih kan hmu(Gen 22:18; 26:5; 27:43). Isa1:19f-ah chuan thil \ha chantheihna chu thu awihna nen ainzawm thu kan hmu bawk.

Heng a\ang hian mihringthar, ringtu siam thar lehtihchak thar, hriat tur dik hre

reng tura kawhhmuh \hatnahian a tum chu mahnia dingfal tur, mal din tur ni lovin,rinna siamtu leh tifamkimtuLal Isua anna kawnga \hanlenna hi a ni. Paulan chumihring thar, ringtu nun chusawiin, "Mihring thar chuanin inthuam tawh si a, chumihring thar chu hriatfamkimna nei turin, a siamtuanpui anga siam tharin a awmmek a ni," a ti. |hahnemngaitaka inpekna leh inngaih-tlawmna nen ngaihhlut tur dikkan ngaihhluta, thu awihnaleh Lalpa \ihna nun kan neihhi a duh zawng a ni. Chumiahchuan harhna dik hi a chantheih tih hi a chiang khawpmai. 'Ka hming pu ka mitechuan, inngaitlawma an\awng\aia, mi zawna, an awmdan sualte an hawisan chuan,van a\angin ka lo ngaithla anga, an sualte ka ngaidam anga, an ram chu ka tidam lehang,' (2 Chro. 7:14) Lalpana ti si a.

Lalpan a thu malsawmrawh se. Amen.




JANUARY-JUNE, 2016 CHHUNGAHMANGAIHNA IN TANA THILPEK

DAWNTE– Laldawnkimi

Superintendent, Hmangaihna In

1. Rebek Zonunmawii, Lily Veng Rs. 10,000/-2. Lalrochani, Zarkawt Nestogen, etc.3. Maubawk Sikul Veng Koh Hmeichhia Rs. 2,000/-4. Hriat loh Hmarcha ip5. Hriat loh Rs. 2,000/-6. Danny-a leh a \hiante Rs. 2,500/-7. Rebeki, Chanmari West Rs. 1,000/-8. Rosangkimi, RIPANS Rs. 2,700/-9. Lalchhanchhuahi, RIPANS Rs. 2,700/-10. Lalsangliani, RIPANS Rs. 2,700/-11. Mapuii te \hian dun Ei tur12. Little Lambs Pre-School, Durtlang Rs. 1,000/-13. Durtlang Kohhran Female Voice Rs. 1,000/-14. Lungleng I Bial Hmeichhia Rs. 2,500/-15. N. Lungleng Koh. Hmeichhia Ei tur leh hmunphiah16. Hmawngbu Kohhran Rs. 1,500/-17. C. Lalhmunmawia, Chhinga Veng Rs. 1,000/-18, Govt. Zirtiri College, BCA Final Year Rs. 7,200/-19. Mr. & Mrs. Jeff Aurisch Rs. 2,000/-20. K.|.P., Bukpui Bial Rs. 2,000/-21. Damparengpui Bial Koh. Hmeichhia Mizo buh

& Rs. 430/-22. Ratu Bial Hmeichhia Rs. 5,000/-23. Lalrinngheti, Khatla South Rs. 5,000/-24. Hming thup Rs. 10,000/-




25. Kelkang Bial Kohhran Hmeichhia Buh hum, buhfai& Rs. 5770/-

26. Lallen Bial Kohhran Hmeichhia Rs. 5,000/-27. Tanhril Bial Hmeichhia Rs. 5,000/-28. Bilkhawthlir Bial Kohhran Hmeichhia Hmunphiah29. Deeana, Mission Veng Rs. 50,000/-30. Mission Veng Sakrament Dept Rs. 3,100/-31. Aizawl Kohhran Sakrament Dept Rs. 1,050/-32. Nisapui Kohhran Hmeichhia Hmunphiah33. Khawruhlian Bial Kohhran Hmeichhia Rs. 3,000/-34. Ruatfela, Aizawl Venglai Rs. 1,500/-35. Kanghmun Bial K|P Rs. 2,000/-36. V.M. Hardware, Bawngkawn Rs. 10,000/-37. Tlabung Chawnpui Bial Hmeichhia Rs. 2,000/-38. Sesawng Bial Kohhran Hmeichhia Rs. 3,000/-39. Govt. Aizawl College, Education Dept. Naupang

mamawh hrang hrang40. Khatla Branch YMA Rs. 3,000/-41. Zawlpui Bial Hmeichhia Rs. 2,600/-42. H. Lalhruaitluanga, Chanmari West Rs. 2,000/-

Hmangaihna In tana thilpek chi hrang hrang petute chungahkan lawm em em a. Lal Isuan, “Heng mi te ber chunga in tihhi ka chunga ti in ni,” a tih angin, heng naupang chanhai lehfahrahte chunga in tih hi vanram lehkhabuah chhinchhiahvek a ni ang tih kan ring. Hmangaihna In tana thil petutechungah leh Hmangaihna In \awng\aisaktu zawng zawngchungah lawm thu kan sawi nawn leh a. Lalpan venginawmpui che u sela, malsawmna tam takin vur \heuh che urawh se, tih hi kan \awng\aina a ni e.

Mi fel kâ chuan pawm tlak chu a hria a,Mi suaksual kâ erawh chu chaltlai takin a \awng chhuak \hin.




NGENNA

Kohhran Hmeichhe Rorêl Inkhâwm vawi 8-na, Marchni 11-13, 2016-a neihin Budget leh thawhlawm chi hranghrang, bialin kan thawh tûra min beiseite a hma lama pe tûrakan inbeisei chu, Bial eng emaw zâtin an pe tawh a. Chutihrualin, la pe lote pawhin kan budget tuakte kan tlin velehmuangchang lovin Kohhran Hmeichhe Office-ah pe zêl tûrinkan inngên nawn leh a.

Thawhlâwm hunbi tuka thawh tûrte pawh kohhran hranghrangten a rang lamin mahni bialah theh luh thuai tum ila.Kum tawpah intur vak ngai lo tûrin Budget leh thawhlâwmpêk tûr kan neihte pe \heuh ila. Report bu-ah kim taka târ lana nih theih nân Bial leh kohhran malte pawh \an la sauh sauhtûrin kan inngen thar leh a ni e.

Budget kan pek turte1. Central Budget2. Women Centre Budget3. Inkhawmpui Lian Thawhlawm (Fee)4. WDP5. PWF6. Hospital Chirity Fund (|um hnih inkhawm thawhlawm)7. HIV/AIDS veite \anpuina8. Agape Budget (Khawpui bial tan chauh)

(RALLIANTHANGI)Finance Secretary

Mizoram Presbyterian KohhranHmeichhe Inkhawmpui Lian




Hriselna Huang

NATNA TENAU ENKAWL DAN TLANGPUI

Tun \umah chuan natna tlanglawn \henkhat, mahniainenkawl mai dan tlangpui kan tar lang ang a. Damdawithiam rawn mai theih loh leh rawn remchan loh hun riau te,laklawh thil tak te pawh a awm theih avangin heng enkawldan mawl te te, \angkai tak tak si hi kan tar lang dawn a ni.

LU NA1. Mut hahchawlhtir.2. Na chhawkna pek.3. Balm emaw hnawih.

PUMNA THUT(ACUTE ABDOMINAL PAIN)1. Damlo chu eng mah eitir

loh tur.2. |awng thlamuan tur.3. Damlo chu a nuam thei

ang berin muttir tur.4. A na lai chhawk nan

tuilum ipin deh tur a ni.5. Tui tam tak intir tur.6. Damdawi in lamah kalpui

vat tur a ni.

IRHFIAK1. Tui intira thaw lovin

muang tein intir tur.2. Plastic bag chhungah

thawktir tur.3. Tuiah baking soda tlem

telh la, intir ang che.

4. Lei chhuah tirin minutehnih vel chhung talkutzung\ang pahnihin leichu chelh beh tur.

THAWCHHAM(ASTHMA)1. Damlo chu \hut muttir tur

a ni.2. Boruak thianghlim a

mamawh avangin damlobulah chuan awm \euhloh tur.

3. Tuihu hiptir tur a ni a,tuilum intir tur a ni.

4. Damlo chu damdawiinah kalpui vat a \ha.

ZUNG |HA THEI LO1. Tui herh haw ri bulah

awmtir tur.2. A pum hnuai lamah tui

lum ipin deh tur.3. A serh vel tui luma deh

tur.




4. Chawhtawlhah tui lumdah la, \huttir rawh.

5. A la zun theih loh fochuan damdawi inahkalpui vat tur a ni.

HRITLANG NARAN1. Chhungten an kai ve loh

nan hahchhiau zawnginhmui huptir tur.

2 Tui so hu hip tur a ni.3 Tui lum thianghlim a tam

thei ang ber in tur.4 Taksa na \hem \hum te,

lu na te an neih chuan,na chhawkna lam, para-cetamol emaw, cete-rezine emaw, aspirineemaw eitir a \ha.

KHAWSIK1. Tui tam tak intir tur.2. A chalah tuiin deh tur.3. A taksa pawh tui lum pip

pepa puan tihhuhin hruktur a ni.

4. Na chhawkna lam, para-cetamol emaw pek tur.

5. Damdawi inah hruai tur.

HMANHMAWH THILANAU CHHAR DAN

Nu tam tak nau pai, nau

neih hnai tawh tih inhrechiang lote tan leh,chhungkhat laina leh \henawmkhawvengte tan hriat atan a\ha.

Nu nau pai (raipuar) nauneih hun, nau nei mai theidinhmuna ding, nau vei pumna leh serh a\anga bawlh-hlawh leh thi chhuak an nihchuan nau an neih a huntihna a ni a. Nau nei turadamdawi in panna hla bawksia an awm chuan, a theihanga ranga damdawi inpanpui tur a ni a, pan theitawh lo, pan hman tawh lotetan hetiang hian inbuatsaih tura ni. Doctor emaw, Nurseemaw koh vat tur a ni a, anlo thlen hmain hetiang hianlo inbuatsaih tur:

1. A saisir in (veilamzawngin) muttir tur a nia.

2. A kâ a thaw tur a hrilhtur, a nat laiin sang mailo hrih tur a hrilh tur.

3. San a pek pawhin sangnghal mai lova ka a thawhrih tur a hril tur.




4. Ei tur sak deuh pek lohtur a ni a, thil tuiril lamei tur a ni a, zu lampangpek loh tur a ni.

5. Dettol emaw, antisepticawm ang angin emaw nuserh leh a bul vel chu lohruk fai tur.

6. Nu mutnaah chuan puanfai tak phah tur a ni.

7. Tui chhuang so la,sakawrbakcheh emaw,blade emaw chhumthianghlim la, nautelaihrui tawnna tur khawllaemaw, lachhum emawchhum thianghlim tel angche.

8. Nu chu santir la, na vaklovin, naute lo chhuak turchu i lo veng ang a,lapua te lo inchhawp la.

9. Naute lu lo lang chu anu malpui lam a hawihunah lo chelhin, zawitea lo pawh chhuah tur ani. Naute chu a numalpui karah dah la, alaihrui mar lutuk tur vengchungin a laihrui chu a

pum a\anga inch 21/2

velah lachhum faiin tawntur a ni a. Hmun hnihahi \awn ang a, chumiinkarah chuan hmanrawthianghlim takin chehchhum tur a ni a, chehchhum hnuah a thi a lachhuah reng chuan nghettakin \awn nawn leh angche.

10. Naute mit leh ka fai takahruka, puan faiin tuamlum tur.

11. Nu hlam kha zawi zawiapawha, a hlam a lochhuah mai theih lohchuan zawi zawiin nupumah i kutin i rawnnawr thla ang a, a lochhuak kha a kim leh kimlohte en fiah tur a ni.

12. Tichuan, nu chu sil faia,pad hrentira muthahdamtir tur a ni.

13. Thi put a tam chuandamdawi inah kalpui vattur a ni.

.....




Hruaitute chanchin

LALHMACHHUANI

Pi Lalhmachhuani hi PuThianga (L) leh Pi Nungi (L)-te fa palina niin Sawlengkhuaah a lo piang a. Puitlingthlenga dam unau mipapahnih leh hmeichhia pakhata nei. Kum 1979 Decemberthlaah Pu Vanlalmuana nenan innei a, fapa pakhat lehfanu pahnih an nei a, tu pangaan nei bawk. Eizawnna lamahchuan Govt. BethlehemVengthlang M/S I-ah zirtirtua ni mek.

Rawngbawlna lamahchuan Venghlui Bial an nihlaiin Bial Buhfai\ham ziaktua ni a. Kum 2003-ahBethlehem Veng Pastor Bialan ni leh a, Bial Buhfai\hamziaktu, Asst. Secretary, Trea-

surer leh Secretary-te a ni.Kum 2016 a\angin Synod-inBethlehem Venglai PastorBial a siam tharah an awm a,Bial Secretary a ni mek.

Tualchhung kohhranahInrinni zan leh Pathiannichawhnu thuhriltu, PuitlingSunday School zirtirtu a nia. Kum 25 (1989-2013)chhung chawl lova SundaySikul zirtirtu chawimawina‘Diploma’ a dawng a. Kum1995 a\angin KohhranHmeichhe Committee-ah aawm \an a. Asst. Secretary,Secretary-te chelhin, tunahVice Chairman a ni mek.

A rilrua hla cham reng\hin chu KHB No. 71-na ‘Awropui ber Haleluiah’ tih a nia. Naupang a nih lai a\anga aBible chang innghahna lehinhnemna ber chu Sam 126:5-6 hi a ni.

“Zoram nu leh pate hiankan fate hi chhungkaw hotu,ei zawngtu, roreltu lehsakhaw puithiam la ni tur annih hre rengin uluk takin ienkawl ang u,” tiin min chaha ni.




Hriat atan

1. Dt. 3-6.6.2016 khan Leadership Training leh KristianChhungkaw Campaign neiin kan hruaitute an feh chhuaka, Pathian hruainain tluang takin hun an hmang.(1) Zamuang Bialah Pi Lalsiammawi, Pi Sang\huami leh

Pi P.C. Lalhmangaihi, Com. Member-te an kal.(2) Pi Tlangmawii, Pi Lalduhthangi leh Pi Lalrokimi, Com.

Member-te an kal.

2. Dt. 29.6.2016 khan Synod Service Board chuan WomenCentre-a contract-a thawk turin heng mite hi a la:(1) Superintendent - Nl. R. Lalrinpuii d/o R. Thangliana,Bungkawn, Aizawl.(2) Peon-cum-Chowkidar - Pu H. Lalmuanawmas/o Rozika (L), Kelsih.

3. Women Centre-a puan\hui zirtirtu tur leh zir tur lak turchungchang pawh hetiang hian Kristian Tlangau,Vanglaini leh Aizawl Post-ah chhuahtir a ni.

Zirtirtu tur1) Puan\hui thiamna certificate nei, kum nga tal a hnaa

experience nei, puan \hui zirtir thiam tak a ni tur a ni.2) Presbyterian Kohhran dan chhunga awm.3) Lak tur zat : 2 (Pahnih) Nos.Screening Test hun : Dt. 14.7.2016, 11:00 amInterview hun : Dt. 19.7.2016, 11:00 am

Puan\hui zir turRahbi tleute tan puan\hui zirna a buatsaih a, a zir turin milak thar tur a ni.1) Seat awm zat : 20 (Sawmhnih) Nos.2) Thiamna : Pawl VIII (Pawl riat) passInterview hun : Dt. 13.7.2016, 11:00 am

(AGAPE August buatsaih lai hian puan\hui zirtirtu leh zir turtelak an la nih loh avangin tihchhuah theih a la ni lo a ni. – Ed.)


august 2016 t agape t 1 · pdf fileringtu nun hi khawvel dan nen chuan a letling thawk a: tuar...

Documents