ARIES STAR IN URDU

Burj-e-Hamal

HAMAL(ARIES) PERSONALITY:

Aise tamam afrad jin ki paidaish March 21st through April 20th ke darmian hai. Burj Hamal (Aries) se talluq wale apni infaradyat aur imteyazi khasusyat ke bais apna alag hi moqaam aur tashkhees rakhte hain, yeh log aala zarf, khush mizaj, umdah zehan aur behtareen fitrat-o-mizaj ke sath sath khush poshaki mein bhi numayan nazar aate hain, shayad isi wajah se yeh afrad jins mukhalif ke liye ideal shakhsiyat mutasir kun haisyat ke sath hi bais kashish bhi hote hain. Tahum in ki sarshat mein pabandi aur mahkom rehna shamil nahi hota, paidaishi tor par leader zehan le kar paida hote hain buhat hi zehan aur qabil hote hain foran hi muaamle ki tah tak puhanch jate hain, in mein hoslah, umang aur jazbat ki kami nahi hoti, sath hi quwat-e-eradi ke muamle mein dusre afrad ki nisbat ziadti ka muzahira karte hain in ka hosla jaldi nahi tut-ta.

HAMAL(ARIES) POSITIVE TRAITS:

Burj Hamal (Aries) se mutalliq afrad takhliqi aur khuda dad salahiyaton ke malik hote hain, yeh afrad leader salahiyat ke bais dusron ko apne naqsh-e-qadam par chalane mein kamyab rehte hain, sache, mukhlis aur saf go hote hain, jazbati hone ke sath hi kisi ke khelaf ghussah ya anad nahi rakhte, in mein mazbut quwwat-e-eradi aur chatanon jaisa hoslah hota hai, jo aik sache aur umdah sarbarah ke liye az bas zaruri hai. muhabbat ke muamle mein bawafa aur pur khalus hote hain, in ki mansubah bandi umdah aur be dagh hoti hai, besh’tar afrad in ke maddah hote hain majmuyi tor par Hamal (Aries) afrad hamma sifat, mukhlis, muhabbat karne wale aur buhat si khubiyon ke malik hote hain.

SEHAT HAZAAR NEMAT HAI