vertu þín eigin ferðaskrifstofa - ferðalangur · Þarftu að geta innritað farangur alla...
Post on 01-Oct-2020
1 Views
Preview:
TRANSCRIPT
Vertu þín eigin ferðaskrifstofa – www.ferdalangur.net
1
Vertu þín eigin
ferðaskrifstofa
...og lækkaðu ferðakostnaðinn
Margrét Gunnarsdóttir
© 2013 | Allur réttur áskilinn | Afritun óheimil
www.ferdalangur.net
Vertu þín eigin ferðaskrifstofa – www.ferdalangur.net
2
© 2013 Margrét Gunnarsdóttir
Bók þessa má eigi afrita með neinum hætti, svo sem með ljósmyndun,
prentun, hljóðritun eða á annan sambærilegan hátt, að hluta eða í
heild, án skriflegs leyfis höfundar.
ISBN: 978-9935-9136-2-3 (pdf)
ISBN: 978-9935-9136-0-9 (ePub)
ISBN: 978-9935-9136-1-6 (Mobi)
Kápuhönnun: Margrét Gunnarsdóttir
Ljósmynd á kápu: Margrét Gunnarsdóttir: Frá Siracusa, Sikiley
Rafbókaumbrot: Margrét Gunnarsdóttir
ferdalangur@simnet.is
Vertu þín eigin ferðaskrifstofa – www.ferdalangur.net
3
Efnisyfirlit
Efnisyfirlit ..................................................................................... 3
Um bókina .................................................................................... 6
Kafli 1 - Inngangur ........................................................................ 8
Kafli 2 - Flug ............................................................................... 12
Flug til og frá Íslandi ................................................................. 14
Áfangastaðir ............................................................................. 17
Leiguflug á vegum íslenskra ferðaskrifstofa .................................... 0
Lággjaldaflugfélög í Evrópu .......................................................... 1
Lággjaldaflugfélög utan Evrópu ..................................................... 5
Flugleitarvélar og ferðabókunarvefir .............................................. 6
Gott að vita við kaup á flugmiðum .............................................. 11
Kafli 3 - Farangur ........................................................................ 15
Kafli 4 – Gisting (hefðbundin) ....................................................... 19
Hostel – farfuglaheimili .............................................................. 24
Bændagisting ........................................................................... 25
Bed & Breakfast – heimagisting/gistiheimili .................................. 26
Kafli 5 - Gisting (óhefðbundin) ...................................................... 31
Vertu þín eigin ferðaskrifstofa – www.ferdalangur.net
4
Íbúðagisting/herbergi hjá Jóni og Gunnu ...................................... 31
Gestir eða gestgjafar ................................................................. 31
Kafli 6 - Sumarhúsaleiga .............................................................. 33
Sumarhús í gegnum umboðsskrifstofur ........................................ 33
Sumarhús – Bein samskipti við eigendur ...................................... 34
Kafli 7 - Íbúðaskipti ..................................................................... 36
Kafli 8 - Bílaleigubílar ................................................................... 39
Kafli 9 - Húsbílaleiga .................................................................... 46
Kafli 10 - Lestarferðir ................................................................... 47
Kafli 11 - Jarðlestir (neðanjarðarlestir) ........................................... 53
Kafli 12 - Siglingar ....................................................................... 54
Kafli 13 - Ferjur ........................................................................... 57
Kafli 14 - Gönguferðir .................................................................. 59
Kafli 15 - Hjólaferðir .................................................................... 61
Kafli 16 – Tilboð á síðustu mínútu „sitt lítið af hverju“ ...................... 63
Kafli 17 – Nám og frí .................................................................... 64
Kafli 18 – Viltu gerast sjálfboðaliði? ............................................... 65
Kafli 19 – Gerðu ferðina persónulega ............................................. 66
Kafli 20 - Að lesa sér til fyrir ferðalagið........................................... 68
Vertu þín eigin ferðaskrifstofa – www.ferdalangur.net
5
Kafli 21 - Tungumál ..................................................................... 73
Kafli 22 – "Öpp" fyrir snjallsíma, m.a. iPhone, iPad o.fl. .................... 74
Kafli 23 - Almennar ráðleggingar til ferðalanga ................................ 77
Kafli 24 - Pakkað fyrir ferðina ........................................................ 82
Kafli 25 - Tryggingar og heilsan ..................................................... 83
Kafli 26 - Þjófnaðir ....................................................................... 88
Kafli 27 - Þjórfé ........................................................................... 92
Kafli 28 - Ýmis útgjöld á ferðalögum .............................................. 93
Kafli 29 - Gengi/peningamál ......................................................... 97
Kafli 30 - Hagnýtar upplýsingar ..................................................... 99
Kafli 31 - Myndavélin og ferðamyndirnar ...................................... 102
Kafli 32 - Tíu heilræði ................................................................. 103
Minnislisti fyrir ferðalanga ........................................................... 105
Símanúmer í ferðalagið .............................................................. 107
Vertu þín eigin ferðaskrifstofa – www.ferdalangur.net
6
Um bókina
Kæri ferðalangur.
Vertu þín eigin ferðaskrifstofa kemur nú út í annað sinn
með uppfærðum upplýsingum og viðbótum. Bókin er
handbók og verkfæri til að skipuleggja ferðalög á netinu
eins og þér hentar best, á eins hagkvæman hátt og unnt
er. Ég geri ráð fyrir þú bjargir þér á ensku, því mikið er
vísað í erlendar vefsíður.
Ég hef einkum miðað við ferðalög fólks á eigin vegum innan Evrópu þó
vissulega eigi margt við um ferðalög í öðrum heimsálfum.
Á vefnum mínum, Ferdalangur.net (stofnaður 2005), hef ég frá upphafi
leitast við að benda á ódýrar og hagkvæmar lausnir fyrir íslenska
ferðalanga. Í handbókinni og á vefnum eru eingöngu tenglar sem ég
nota sjálf að staðaldri eða vefsíður sem virtir, erlendir ferðafrumkvöðlar
vitna í. Það útilokar þó ekki að þú finnir góðar lausnir annars staðar og
hjá íslenskum ferðaskrifstofum.
Handbókin er eingöngu í boði á rafrænu formi og ekki sérstaklega gert
ráð fyrir að hún sé prentuð út. Bókin getur vonandi orðið þeim
hvatning sem vilja ferðast sjálfstætt, jafnvel þeim sem vilja ferðast einir
en skortir kjarkinn — hvatning um að láta ekkert stöðva sig og njóta
þess að púsla saman skemmtilegri ferð.
Ferðalangur er á Facebook. Ég mæli með áskrift að Fréttabréfi
Ferðalangs til að fá upplýsingar um næstu rafbækur, bæklinga o.fl.
Vertu þín eigin ferðaskrifstofa – www.ferdalangur.net
7
Ég þigg með þökkum umsagnir og ábendingar á netfangið
ferdalangur@simnet.is.
Bókinni fylgir vefsíða með öllum tenglum sem nefndir eru í köflunum
hér á eftir: http://www.ferdalangur.net/ferdatenglar.html
Góða ferð!
Margrét Gunnarsdóttir upplýsingafræðingur og ferðalangur
www.ferdalangur.net
ferdalangur@simnet.is
P.S. Hefurðu kynnt þér eftirfarandi handbækur á
http://www.ferdalangur.net?
Vertu þín eigin ferðaskrifstofa – www.ferdalangur.net
8
Kafli 1 - Inngangur
Af hverju ferðumst við?
Svari nú hver fyrir sig. Ný lönd og nýjar
slóðir heilla. Það er fróðlegt að uppgötva
hvað fólk víðsvegar á jarðarkringlunni á
mikið sameiginlegt. Mörgum er það einnig
mikils virði að geta lyft sér ögn upp úr
hversdagsleikanum og horfa á sitt
daglega líf úr fjarlægð á framandi slóðum.
Sögulegar minjar frá ýmsum tímum færa
okkur heim sanninn um hvað eitt ár, tíu
ár, hundrað ár eða jafnvel þúsund ár
skipta litlu máli í stóra samhenginu og sú
uppgötvun dýpkar skilning okkar á tilverunni.
Ferðalög utan háannatíma
Þú getur ferðast á hvaða árstíma sem er. Auðvitað ráða aðstæður miklu
um þann tíma sem þú hefur til umráða, t.d. atvinna, möguleikar á að
taka frí, fjölskylda o.fl. En ef þú getur hnikað ferðatímabilinu til og
ferðast utan háannatíma aukast möguleikar þínir á betra verði, t.d. á
gistingu.
Vorin eru notalegur tími þegar allt er að lifna; blóm, tré og runnar að
springa út, a.m.k. í Evrópu. Ekki eru haustin síðri, þegar ferðamenn eru
að einhverju leyti horfnir á braut og þú getur heimsótt þekkta staði án
þess að lenda í löngum biðröðum og fólksmergð. Hafir þú einhvern
tímann heimsótt evrópskar borgir og bæi í desember, þegar
jólastemningin er í hámarki, áttu án efa eftir að koma aftur.
Mynd: Christian Fischer
Vertu þín eigin ferðaskrifstofa – www.ferdalangur.net
9
Hefðbundnar eða óhefðbundnar ferðir
Ef þú ætlar einungis að fara á einn stað og dvelja þar, er tiltölulega
einfalt að ganga frá slíku, t.d. í gegnum íslensk flugfélög og
ferðaskrifstofur. Það getur verið sólarlandaferð, hefðbundin borgarferð
eða annað. Þó finnst mér sjálfri alltaf freistandi að skoða gistingu og
flug á netinu og bera saman við þá kosti sem ferðaskrifstofurnar/
flugfélögin bjóða. Sér í lagi þar sem mér duga oft ódýrari hótel en boðið
er uppá.
Ef þú hefur áhuga á að skipuleggja ferð sem inniheldur fleiri en einn
áfangastað eða ferð sem fellur ekki alveg inn í hefðbundinn ramma,
getur handbókin komið í góðar þarfir.
Tími og skipulag
Hafðu í huga að það tekur dágóðan tíma að skipuleggja hlutina sjálfur.
Það er þess vegna gott að koma sér upp aðferðum til að halda utan um
það sem búið er að gera; vefi sem búið er að skoða, fargjöld sem búið
er að finna, staði sem gaman væri að sjá. Gott skipulag sparar þér
heilmikinn tíma.
„Username – Password“
Skrifaðu vandlega hjá þér öll notendanöfn og aðgangsorð sem þú þarft
stundum að búa til á bókunarvefjum því þó að oftast sé auðvelt að
endurheimta slík orð aftur, getur það tekið óþarfa tíma.
Fyrir hvað ertu að greiða?
Ef þú bókar í gegnum vefinn hjá erlendum aðilum, skaltu lesa vel fyrir
hvað þú ert að greiða. Ekki greiða fyrir tryggingar sem sjálfkrafa er
hakað við og þú hefur ef til vill ekkert við að gera. Flýttu þér ekki um of.
Vertu þín eigin ferðaskrifstofa – www.ferdalangur.net
10
Þeir sem eru óöruggir að vafra um bókunarsíður á netinu geta haft í
huga að greiðsla á sér ekki stað fyrr en búið er að setja inn allar
upplýsingar um kreditkort og smella á staðfesta. Í sumum tilvikum er
þó ekki um neina greiðslu að ræða heldur er einungis verið að staðfesta
pöntun á gistingu; pöntun sem oftast er ekki greidd fyrr en eftir á.
Fylgstu með tilboðum
Flest flugfélög, ferðaskrifstofur og flugleitarvélar bjóða fría áskrift að
einhvers konar fréttabréfum t.d. newsletter, e-mail alert, fare alert, o.fl.
Þetta getur einnig verið í formi RSS veita/strauma. Auk þess eru flestir
slíkir aðilar komnir með síður á Facebook og margir "tísta" á Twitter.
Loks eru margir farnir að bjóða upp á „öpp“ fyrir snjallsíma. Það kemur
þá skýrt fram á vefsíðum þeirra. Með þessu móti getur þú fylgst með
tilboðum, farmiðaútsölum og öðru á þeirra vegum.
Algengar spurningar
Í handbókinni reyni ég meðal annars að svara eftirfarandi spurningum:
Hvernig er hægt að lækka kostnað við flugferðir?
Hvernig er hægt að lækka gistikostnað?
Hvernig er hægt að finna bílaleigubíl á sem hagstæðustu verði?
Hvernig er hægt að finna ódýr lestarfargjöld?
...og mörgum fleiri
Nokkrar erlendar handbækur (rafbækur) um ódýran ferðamáta:
The Encyclopedia of Cheap Travel: Save Up to 90% on
Lodging, Flights, Tours, Cruises, and More! (Rafbók/prent)
Frugal Travel Guy Handbook (Rafbók/prent)
Vertu þín eigin ferðaskrifstofa – www.ferdalangur.net
11
Vagabonding: An Uncommon Guide to the Art of Long-Term
World Travel (Rafbók/prent)
Vertu þín eigin ferðaskrifstofa – www.ferdalangur.net
12
Kafli 2 - Flug
Ef þú ætlar einungis að fljúga á milli tveggja staða, þ.e. frá Íslandi og til
borgar erlendis, er nokkuð fljótlegt að gera samburð á milli flugfélaga,
sjá kaflann Flug til og frá Íslandi.
Ef þú ætlar að fljúga lengra, t.d. tvo – þrjá flugleggi, getur borgað sig
að eyða góðum tíma í samanburð og gefa sér tíma í flugleitarvélum og á
síðum einstakra flugfélaga. Sá tími getur margborgað sig. Athugaðu
einnig að stundum er hægt að fljúga á milli áfangastaða innan Evrópu
fyrir mjög hagstætt verð ef þú nýtir þér flugmiðaútsölur
lággjaldaflugfélaga eða ef þú getur pantað flug með góðum fyrirvara.
Sum flugfélög, eins og t.d. Ryanair, eru með útsölur á nokkurra vikna
fresti sem standa í nokkra daga.
Hafðu í huga að til að fá ódýrasta fargjaldið á milli staða, þarf að skoða
nokkrar vefsíður og gera samanburð. Það er engin ein síða eða
flugleitarvél sem ávallt býður ódýrasta fargjaldið til mismunandi staða.
Á því er engin "vísindaleg skýring" né aðrar gáfulegar ástæður.
Flug til fjarlægra landa
Ef þú ætlar til fjarlægra landa eða heimsálfa, er þjóðráð að kanna verð
á flugi og ferðaskipulagningu hjá innlendum eða erlendum
ferðaskrifstofum sem sérhæfa sig í slíkum ferðum. Það gæti komið á
daginn að þær byðu betur en hefðbundnar flugleitarvélar.
Tími/Verð
Skiptir mestu máli fyrir þig að komast sem fyrst á áfangastað? Eða
skiptir meira máli að fá gott verð og stansa jafnvel á milli áfangastaða?
Vertu þín eigin ferðaskrifstofa – www.ferdalangur.net
13
Ef þú getur nýtt þér dvöl í 1– 2 nætur á milli flugleggja, til dæmis í
London, getur það komið vel út. Þá geturðu keypt flug áfram, oft með
lággjaldaflugfélögum og hættan á að missa af tengiflugi vegna
seinkunar hverfur. Ég vil líka benda á að British Airways hefur stundum
komið á óvart með verð. Sérstaklega þegar pantað er með góðum
fyrirvara og þegar ferðir á milli flugvallar og miðborgar eru reiknaðar
inn í dæmið. Það er til að mynda ódýrast að ferðast á milli miðborgar
London og Heathrow flugvallar með jarðlest, Piccadilly Line en dýrara að
ferðast til og frá Stansted flugvelli og Gatwick.
Farangur
Ertu með mikinn farangur? Þarftu að geta innritað farangur alla leið?
Ef þú ferðast með lággjaldaflugfélögum geturðu í flestum tilvikum
eingöngu innritað farangur fyrir einn fluglegg í einu – og mörg flugfélög
hafa takmarkanir á farangri s.s. Ryanair og EasyJet. Að auki er nú í
tísku að rukka aukalega fyrir farangur annan en handfarangur og oft
mikið fyrir hvert aukakíló sem ekki er greitt strax við bókun á netinu
eða áður en ferð hefst. Skoðaðu því vel farangursupplýsingar áður en
þú bókar endanlega hjá lágfargjaldaflugfélagi.
Öryggi
Ef ferðaáætlunin þín er þannig að þú þarft að treysta á tengiflug þar
sem ekki er mikill biðtími á milli flugvéla; vilt geta bókað farangurinn
þinn alla leið; vilt geta borgað öll flug á einum stað — þá er líklegt að
Icelandair henti þér í flestum tilvikum best. Þar með ertu í einhverjum
tilvikum búinn að gefa frá þér möguleika á lækkun kostnaðar. Ekki
verður bæði haldið og sleppt. Þitt er valið.
Vertu þín eigin ferðaskrifstofa – www.ferdalangur.net
14
Réttindi flugfarþega
Kynntu þér reglur um réttindi flugfarþega á vef Flugmálastjórnar. Hver
er réttur þinn ef flugi seinkar? Flugi er aflýst? Tjón verður á farangri?
„Ef flugi seinkar um tiltekinn tíma skulu farþegar fá viðeigandi þjónustu
og skulu þeir geta hætt við flugið og fengið farmiðana endurgreidda eða
haldið ferðinni áfram við fullnægjandi skilyrði.“ (Úr reglugerð nr.
574/2005).
Af veggspjaldi um réttindi flugfarþega af vef Flugmálastjórnar Íslands
Flug til og frá Íslandi
Valmöguleikum okkar fjölgar sífellt varðandi flug til og frá Íslandi,
sérstaklega yfir sumartímann. Fróðlegt verður að fylgjast með þróuninni
þar bæði hjá íslenskum og erlendum flugrekstraraðilum. Aldrei hafa
boðiðst jafn fjölbreyttum flugmöguleikum yfir sumartímann eins og nú.
Því fyrr sem þú bókar, því meiri líkur á að þú fáir flug á viðráðanlegu
verði og flug á þeim tíma sem þú kýst helst. Þó ber þess að geta að
Vertu þín eigin ferðaskrifstofa – www.ferdalangur.net
15
tilboð koma með af og til hjá flugfélögunum og þá er gott að geta verið
sveigjanlegur.
Athugaðu að erlend flugfélög sem bjóða flug til og frá Íslandi yfir
sumartímann, fljúga sum hver að næturlagi og því þarftu að vega og
meta kosti þess og galla, ásamt hugsanlegu tengiflugi. Ef þú ætlar að
fljúga áfram, til dæmis til landa Suður-Evrópu s.s. Ítalíu, Spánar eða
Grikklands, geta erlendu flugfélögin nýst vel því oftast er gott framboð
af tengiflugi með sömu flugfélögum í allar áttir.
Icelandair
Áfangastaðir Icelandair eru mismunandi eftir árstíðum. Skoðaðu
lista yfir áfangastaði Icelandair á vef þeirra.
Á síðunni Fargjaldaflokkar sérðu hvernig hægt er að setja saman
ferð með meiri sveigjanleika en áður og nýta þér mismunandi
fargjaldaflokka.
Reglur um farangur borgar sig að skoða vel og vera meðvitaður
um að greiða þarf fyrir veitingarnar um borð fyrir utan vatn og
óáfenga drykki.
Ódýrustu fargjöldin færðu oftast með því að bóka með góðum
fyrirvara og nýta til dæmis jólagjafabréf Icelandair. Þau hafa verið
boðin til sölu í desember og fram til jóla. Með þeim geturðu keypt
flugmiða sem nýtist frá tilteknum tíma eftir áramót og fram á
vorið. Ef þú bókar flugmiða um leið og opnað er á bókanir, er
góður möguleiki á að fá flugsæti á þeim tíma sem þú vilt og á
Vertu þín eigin ferðaskrifstofa – www.ferdalangur.net
16
betra verði en ella.
Icelandair býður aðild að Saga Club þar sem hægt er að safna
vildarpunktum með því að kaupa þjónustu af Icelandair og
nokkrum öðrum fyrirtækjum og með viðskiptum við ákveðna
banka. Punktarnir geta síðan gengið upp í kaup á farmiðum þegar
þeir eru orðnir nógu margir, eða annarri þjónustu eins og t.d.
bílaleigu og gistingu innanlands.
Þú getur sparað með því að taka með þér nesti um borð í vélar
Icelandair í stað þess að kaupa þar veitingar.
Wow Air
Skoðaðu áfangastaði sem í boði eru samkvæmt vefsíðu félagsins.
Taktu með í reikninginn farangursgjöldin sem Wow air innheimtir
og bókunargjald ef þú þarft að velja á milli flugfélaga til að hafa
allt með.
Wow býður upp á gjafabréf fyrir jól rétt eins og Icelandair.
SAS
Icelandair og SAS hafa með sér samstarf. Ef þú ætlar að fljúga til
borga á Norðurlöndum, jafnvel áfram innan þeirra, er sjálfsagt að
kanna verð á vefsíðum SAS og Icelandair. Ef þú ætlar til
fjarlægari landa, athugaðu þá kostnað við flug með
Icelandair/SAS í gegnum Kaupmannahöfn.
EasyJet
Vertu þín eigin ferðaskrifstofa – www.ferdalangur.net
17
EasyJet býður flug á milli Keflavíkur og London allt árið og að auki
til Edinborgar og Manchester hluta úr ári.
Önnur erlend flugfélög
Eftirfarandi flugfélög bjóða ýmist áætlunarflug eða leiguflug sem
að mestu fer fram yfir sumartímann.
o Air Berlin
o Air Greenland
o Austrian Airlines
o Delta
o Edelweiss Air
o Germanwings
o Lufthansa
o Niki Luftfahrt
o Norwegian
o Primera Air
o Thomas Cook Airlines
o Transavia.com
o Vueling
Áfangastaðir
Áfangastaðir sem Íslendingum bjóðast í beinu flugi á sumrin eru orðnir
býsna margir. Ógjörningur er að halda nákvæmlega utan um
möguleikana í bók sem þessari þar sem "landslagið" breytist mjög ört.
Þó verða nefndir hér í stafrófsröð áfangastaðir í boði sumarið 2013, þar
af eru margir hefðbundnir vetraráfangastaðir.
Alicante
Amsterdam
Anchorage
Barcelona
Basel
Bergen
Berlín
Billund
Bologna
Boston
Brüssel
Denver
Düsseldorf
Edinborg
Frankfurt am Main
Gautaborg
Glasgow
Halifax
Hamborg
Helsinki
Kaupmannahöfn
Kraká
Köln/Bonn
London (Heathrow, Gatwick,
Luton)
Lyon
Madrid
Manchester
Minneapolis
Mílanó
München
New York
Orlando
Osló (Osló, Osló Gardemoen)
París (De Gaulle, Orly)
Salzburg
Seattle
St. Pétursborg
Stavanger
Stokkhólmur
Stuttgart
Toronto
Varsjá
Vín
Washington DC
Zürich
Þrándheimur
Leiguflug á vegum íslenskra ferðaskrifstofa
Skoðaðu hvaða möguleikar bjóðast með leiguflugi íslenskra
ferðaskrifstofa yfir sumartímann. Oft eru flugsæti í boði til borga/staða
sem eru venjulega ekki á áætlunarleiðum annarra flugfélaga. Þó að þau
flug geti verið í dýrari kantinum, þarftu líka að hafa í huga að um beint
flug er að ræða. Þannig geturðu sparað dýrmætan tíma + ferðir milli
flugvalla og e.t.v. gistingu líka. Þegar upp er staðið, kemur það
hugsanlega jafnvel eða betur út og sparar tíma.
Vertu þín eigin ferðaskrifstofa – www.ferdalangur.net
1
Skoðaðu vefsíður og bæklinga ferðaskrifstofanna til að sjá hvaða
möguleikar bjóðast. Ferðaskrifstofurnar bjóða oftast upp á áskrift að
fréttabréfi í tölvupósti og eru með síðu á Facebook.
Lággjaldaflugfélög í Evrópu
Lággjaldaflugfélög hafa sína kosti og galla eins og annað í þessum
heimi. Þau geta nýst okkur Íslendingum einkar vel þegar ætlunin er að
sameina nokkra staði í einni og sömu ferðinni.
Dæmi: Fljúga til London og síðan áfram til Frakklands, Ítalíu eða
Spánar. Sjálf hef ég undanfarin ár mikið notað þann möguleika að fljúga
með á ódýrasta fargjaldi á hverjum tíma til London og áfram til Ítalíu
með Ryanair. Þann fluglegg hef ég ávallt keypt á „útsölu“ og því fengið
hann á góðu verði.
Gleymdu þó ekki að taka inn í dæmið allan kostnað, sér í lagi kostnað
við að ferðast til og frá flugvelli því oft eru flugvellir
lággjaldaflugfélaganna staðsettir utan við borgir og stundum langt frá
þeim. Það getur kostað þig töluvert aukalega að komast inn í borg.
Mörg lággjaldaflugfélög láta greiða sérstaklega fyrir innritaðan farangur
eins og áður er sagt, sem gerir það að verkum að kostnaður eykst fljótt
ef farangur er mikill.
Hér má líka nefna þann möguleika að skoða lestarferðir í bland við flug,
því vel getur verið að það komi betur út í einhverjum tilvikum.
Dæmi: Flogið til London á besta fáanlega fargjaldi og ferðast áfram til
meginlands Evrópu með Eurostar. Ef pantað er með nokkurra vikna
fyrirvara, er oft hægt að fá fargjöld með Eurostar á góðu verði.
Vertu þín eigin ferðaskrifstofa – www.ferdalangur.net
2
Mynd: Ruthann - Ryanair
Hvenær borgar sig ekki að ferðast með lággjaldaflugfélögum?
Ef farangur er mikill (innritaður farangur kostar aukalega) er
sjálfsagt að gera samanburð milli flugfélaga.
Ef flugleggir eru margir og hægt þarf að vera að innrita farangur
alla leið.
Ef hætta er á að missa af flugi vegna stutts tíma á milli lendingar
og tengi- eða framhaldsflugs.
Ef þörf er á aukagistingu þarf að vega og meta verð/kosti/galla.
Vertu þín eigin ferðaskrifstofa – www.ferdalangur.net
3
Ef fara þarf langar vegalengdir milli flugvalla til að ná næsta flugi
og það kallar á mikinn aukakostnað/tíma.
Listi yfir öll helstu lággjaldaflugfélög
Ég mæli með því að þú kynnir þér hvaða lággjaldaflugfélög fljúga til
áfangastaðanna sem þú ætlar að heimsækja. Þetta geturðu gert á
ágætis vef, Whichbudget, sem veitir upplýsingar um hvaða
lággjaldaflugfélög fljúga milli tiltekinnar borga eða landa. Þegar þetta er
skrifað eru 298 slík flugfélög talin upp á vefsíðunni í 206 löndum. Þarna
er gott að byrja til að átta sig á hvort það er yfirleitt möguleiki á að nýta
sér lággjaldaflugfélög á áfangastaðinn.
Athugaðu að stundum er hægt að nota lággjaldaflugfélög sem fljúga til
flugvalla nálægt brottfararstað/áfangastað. Þegar ferðast er um langan
veg munar ekki miklu um 100 – 200 km fjarlægð eða hvað? Svo
framarlega sem þú ert meðvitaður um fjarlægðina og hvað það kostar
að komast á milli.
Nokkur helstu lágfargjaldaflugfélög í Evrópu
Það er freistandi að nefna sérstaklega nokkur flugfélög sem hentað geta
okkur Íslendingum innan Evrópu ef við ætlum að fljúga lengra en einn
legg, sér í lagi frá borgum eins og London og Kaupmannahöfn. Það eru
mestar líkur á að þú náir hagstæðu flugi frá Íslandi til þessara borga þar
sem samkeppni er hörð og ferðir tíðar.
EasyJet – í framhaldi af flugi til London og Kaupmannahafnar
Ryanair – í framhaldi af flugi til London
Germanwings – Í framhaldi af flugi til London eða þýskra borga
Vertu þín eigin ferðaskrifstofa – www.ferdalangur.net
4
Air Berlin – í framhaldi af flugi til London eða þýskra borga
Ég lít stundum á
lággjaldaflugfélögin eins og
nokkurs konar
almenningsvagna. Það er
ekkert því til fyrirstöðu að
taka „hring“ um Evrópu með
þeim ef flugmiðar eru
keyptir á góðum tíma.
Það kemur enn betur út ef
þú ferðast eingöngu með
handfarangur. Þú getur einnig auðveldlega keypt staka flugleggi og því
„blandað saman“ flugfélögum.
Mynd: Flor!an – Flugvöllurinn í Hamborg
Vertu þín eigin ferðaskrifstofa – www.ferdalangur.net
5
Tilboð frá lággjaldaflugfélögum og farmiðaútsölur
Mörg flugfélaganna bjóða af og til mjög hagstætt verð á farmiðum, t.d.
Ryanair, EasyJet og Germanwings þó ekki sé það lengur jafn hagstætt
og það sem fékkst fyrir fáeinum árum einkum vegna
farangursgjaldanna. Ég hef oft haft þann háttinn á að kaupa snemma
farmiða með íslensku flugfélögunum til London og bíða svo átekta eftir
næstu farmiðaútsölu hjá Ryanair eða öðrum flugfélögum til að komast
ódýrt sunnar í álfuna...
Lággjaldaflugfélög utan Evrópu
Vefsíður nokkurra lággjaldaflugfélaga í USA
Þó einkum sé miðað við Evrópu í þessari handbók, er freistandi að nefna
nokkur flugfélög í Bandaríkjunum og víðar sem komið geta að góðu
gagni.
AirTran
Flug milli margra borga á austurströnd Bandaríkjanna og nokkurra
borga á vesturströndinni.
Allegiant Air
Flug á góðu verði frá t.d. Las Vegas, Phoenix og Orlando til borga
víða í Bandaríkjunum.
JetBlue
Flug á góðu verði frá New York (JFK), Boston, DC/Dulles, Fort
Lauderdale og Long Beach til ýmissa áfangastaða í Bandaríkjunum
og Mið-Ameríku.
Vertu þín eigin ferðaskrifstofa – www.ferdalangur.net
6
Frontier Airlines
Flug á góðu verði m.a. frá Denver til áfangastaða um gjörvöll
Bandaríkin og einnig til Suður-Ameríku.
Southwest.com
Flug á góðu verði á milli áfangastaða víðs vegar um Bandaríkin.
Spirit Airlines
Flýgur m.a. frá Fort Lauderdale og Detroit til ýmissa staða í
Bandaríkjunum og einnig til Mið- og Suður-Ameríku.
Sjá einnig Wikitravel: Cheap airline travel in North-America
Lággjaldaflugfélög í Ástralíu og víðar
Jetstar
Ástralía, Asía.
Virgin Blue
Ástralía, Nýja Sjáland, Kyrrahafseyjarnar, Papúa Nýja-Gínea.
Sjá einnig Wikitravel: Australia – Discount airlines.
Lágfargjaldaflugfélög í Asíu
Sjá WikiTravel – Discount airlines in Asia.
Flugleitarvélar og ferðabókunarvefir
Vertu þín eigin ferðaskrifstofa – www.ferdalangur.net
7
Flugleitarvélar og margvíslegir ferðabókunarvefir eru vinsælir og á
margan hátt mjög þægilegir. Flestir þeirra bjóða einnig hótel,
bílaleigubíla o.fl. Það gagnast lítið að telja hér upp allar þær leitarvélar
sem völ er á, til þess eru þær of margar. Ég ætla hins vegar að nefna
þá vefi sem gagnast hafa mér best. Áhugasamir geta lesið pistil á
Wikipedia þar sem leitast er við að skilgreina tegundir ferðavefja og
flugleitarvéla og þar eru fleiri vefir nefndir til sögunnar.
Dohop
Dohop er íslensk leitarvél sem hefur haslað sér völl fljótt og vel á
örfáum árum og leitar m.a. hjá mörgum lágfargjaldaflugfélögum.
Skyscanner
Ber saman fargjöld hjá um 1000 flugfélögum út um allan heim,
bæði hefðbundnum flugfélögum og lággjaldaflugfélögum. Boðið er
upp á ýmis skemmtileg verkfæri fyrir ferðalanginn sem þarf ekki
endilega að vita nákvæmlega hvenær og hvert hann vill fara.
Hægt er að tilgreina að þú sért flexible eftir að leitarniðurstöður
Vertu þín eigin ferðaskrifstofa – www.ferdalangur.net
8
birtast. Þá eru tilgreindar niðurstöður sem spara þér einhverjar
krónur en miðast mögulega við aðrar dagsetningar. Einnig
geturðu valið að skoða fargjöld yfir heilan mánuð til
áfangastaðarins.
Með því að nota þessar tvær flugleitarvélar, Dohop og Skyscanner og
kanna annars vegar flug beint frá Íslandi á áfangastaðinn í Evrópu
(dæmi: Keflavík – Aþena) og hins vegar frá flugvöllum í London,
Kaupmannahöfn, Frankfurt, Berlín o.s.frv. (dæmi: London – Aþena) á
endanlega áfangastaðinn geturðu fengið ágæta hugmynd um
ódýrasta/besta kostinn í stöðunni.
Expedia.com
Expedia er einn af þekktastu leitarvélum í bransanum og leitar hjá
helstu flugfélögum heims. Minna fer fyrir lággjaldafélögum. Ég
mæli með að leita að flugi frá London eða Kaupmannahöfn sem
brottfararstað og áfram til fjarlægari staða eða frá öðrum borgum
sem auðvelt er að fljúga til frá Íslandi.
Athugaðu að ef þú ætlar að leita að flugi innan Evrópu á Expedia,
er snjallt að nota bresku útgáfu hennar, Expedia.co.uk eða
einhverja af öðrum evrópsku útgáfum hennar (sjá fána ýmissa
landa neðst á forsíðu Expedia.com).
Ebookers
Ebookers er bæði flugleitarvél og bókunarvefur. Lágfargjaldafélög
eru ekki ofarlega á blaði frekar en hjá Expedia. Gerðu samanburð
með því að leita ýmist að flugi frá Íslandi eða að flugi frá London,
Kaupmannahöfn og áfram til fjarlægari landa eða frá öðrum
borgum sem auðvelt er að fljúga til frá Íslandi. Ebookers hefur
Vertu þín eigin ferðaskrifstofa – www.ferdalangur.net
9
komið ágætlega út með verð í sumum tilvikum og gengið vel að
nota þar íslensk greiðslukort.
Ebookers og Expedia eru svipaðar leitarvélar og upplagt að bera
saman leitir hjá þessum tveimur þegar ferðast á til landa utan
Evrópu.
Flugmiðar eru að jafnaði greiddir beint í gegnum Ebookers og ef
eitthvað gengur ekki í gegnum vefinn, eru þeir með ágæta
símaþjónustu og aðstoð "í beinni".
Hipmunk, WeGo og Kayak heita þrjár leitarvélar sem mikið eru í
umfjöllun núna. Þær koma að gagni til að leita að flugi milli staða
utan Íslands. Mér er ekki kunnugt um hvort íslensku
greiðslukortin ganga alltaf en prófaðu þær endilega til
samanburðar og "rannsókna".
Flugleitarvélarnar eru auðvitað mun fleiri en hér eru taldar sbr. pistil á
Wikipedia sem ég minntist á hér að framan, en Dohop, Skyscanner,
Expedia og Ebookers, sem áður eru nefndar ættu í langflestum tilvikum
að duga til að fá nokkuð góða yfirsýn yfir möguleikana.
Leitarvélarnar gefa notendum sínum fyrst og fremst samanburð á verði
flugs frá mismunandi flugfélögum og sýna hvenær hægt er að fá
hagstætt flugfargjald. Þá kemur sér vel að geta verið sveigjanlegur með
brottfarir/komur. Athugaðu að leitarvélarnar hafa alls ekki allar sömu
flugfélögin í sínum gagnagrunni. Oftast er hægt að nálgast lista með
flugfélögum á vefsíðum leitarvélanna ef þörf krefur.
Vertu þín eigin ferðaskrifstofa – www.ferdalangur.net
10
Gott að prófa:
Veldu að láta leitarvélina raða ódýrustu möguleikunum efst ef það
er ekki sjálfgefið.
Opnaðu þá möguleika sem þér líst á og skoðaðu vandlega
flugáætlunina og biðtíma milli tengiflugs.
Skoðaðu vel hvernig og hvort þú lætur leitarvélina þrengja
niðurstöðurnar, t.d. beint flug (engar millilendingar), ekki að
skipta um flugvöll, ekki næturflug o.s.frv. Þitt er valið.
Ef millilendingar eru inni í myndinni, skoðaðu þá vel hversu rúman
tíma þú hefur til að skipta áður en þú kaupir miðann. Kannski
þarftu að gera ráð fyrir að farangur sé ekki innritaður alla leið, ef
um lággjaldaflugfélög er að ræða. Hugsanlega þarftu að ætla þér
tíma með farangurinn á milli flugvallarbygginga („terminals“) og
jafnvel flugvalla. Á vefsíðum flugvalla má yfirleitt fá allar
upplýsingar um völlinn og jafnvel teikningar líka.
Athugaðu, að það sem þér virðist kannski ódýrast í fyrstu, getur
reynst þér dýrara þegar upp er staðið (lengd ferðar, ferðir á milli
flugvalla, matarkostnaður, hættan á að missa af næstu vél vegna
seinkana). Hafðu þess vegna vaðið fyrir neðan þig. Ekki tefla á
tæpasta vað.
Þegar þú ferðast með lággjaldaflugfélagi frá stað A til B, ber það
ekki ábyrgð á því þó þú missir af vél fyrir næsta fluglegg með
Vertu þín eigin ferðaskrifstofa – www.ferdalangur.net
11
öðru flugfélagi.
Þegar flugleggirnir eru fleiri en einn, borgar sig að leita hjá
nokkrum flugleitarvélum og bera saman niðurstöður og
möguleika.
Taktu með í reikninginn kostnað við samgöngur á milli flugvalla,
bið, gistingu o.fl.
Láttu ekki narra þig til að kaupa “cancellation policy” –
ferðarofstryggingu nema þú ætlir markvisst að kaupa hana – slíkri
tryggingu er gjarnan bætt við sjálfkrafa og þú þarft sjálfur að taka
hakið burt. Ef til vill er slík ferðarofstrygging nú þegar innifalin í
þínum eigin tryggingum á Íslandi.
Í stað þess að prófa eingöngu að leita að flugi frá Keflavík til
áfangastaðarins, getur borgað sig að skoða flug frá t.d. London og
Kaupmannahöfn. Þetta á við þegar flugið nær yfir meira en einn
fluglegg. Síðan geturðu skoðað sérstaklega hvaða flugfélag býður
hagstæðasta fargjaldið út úr landinu; Icelandair, eða Wow Air auk
flugfélaganna sem fljúga eingöngu á sumrin.
Gott að vita við kaup á flugmiðum
Íslensk greiðslukort – ef þau gilda ekki
Stundum er ekki hægt að kaupa flugmiða með íslensku greiðslukorti á
Vertu þín eigin ferðaskrifstofa – www.ferdalangur.net
12
vefsíðum erlendra leitarvéla eða flugfélaga. Ýmist er Ísland þá ekki á
lista yfir löndin sem koma til greina eða að greiðslukortið þarf að vera
gefið út í landinu þar sem ferðin hefst (t.d. í Bretlandi ef þú leitar að
flugi frá London). Þetta getur verið til vandræða en þá skaltu skoða
hvort þú getir ekki keypt sama flugmiða í gegnum aðra
leitarvél/flugfélag.
Þegar þú ert búinn að leita í flugleitarvélum og komið er að bókunarferli,
þarftu oft að bóka hjá tveimur eða fleiri aðilum eftir því hvað
flugleggirnir eru margir. Það er misjafnt hvert leitarvélarnar senda þig.
Stundum á flugfélögin sjálf, stundum jafnvel á aðrar leitarvélar eins og
t.d. Opodo (þar hef ég reyndar lent í vandræðum með að greiða miða
með íslensku kreditkorti). Einfaldast er að fara þá á vefsíður
flugfélaganna sjálfra sem um ræðir og kaupa miðana þar eins og áður
er sagt. Þeir ættu að vera í boði ef þeir sjást hjá leitarvélunum.
Flugmiðar – pappírsmiðar eða rafrænir?
Flest ef ekki öll flugfélög bjóða upp á rafræna flugmiða, e-tickets, sem
þú getur prentað út heima.
Umsýslugjald
Sumar flugleitarvélar/flugfélög bæta við sérstöku umsýslugjaldi þegar
flugmiði er keyptur. Oftast er það óveruleg upphæð. Þetta hef ég m.a.
séð hjá Expedia og Ebookers.
Notendanöfn og aðgangsorð
Hér ætla ég að endurtaka heilræði úr inngangi handbókarinnar. Mundu
að skrifa hjá þér öll ný notendanöfn og aðgangsorð
(username/password) sem þú býrð til t.d. við bókanir – þú veist aldrei
Vertu þín eigin ferðaskrifstofa – www.ferdalangur.net
13
hvenær þú þarft á þeim að halda aftur ef miði týnist, breyta þarf bókun
o.s.frv. Sem betur fer er þó nokkuð auðvelt að endurheimta týnd
aðgangsorð í gegnum viðkomandi síður ef á þarf að halda.
Skammstafanir flugvalla
Á síðunni World Airport Codes geturðu að flett upp upplýsingum
varðandi rúmlega 9000 flugvelli í öllum heimsálfum. Hægt að leita uppi
skammstöfun flugvalla, fá upplýsingar um vegalengd milli tiltekinna
flugvalla, finna út flugbrautarlengd o.fl.
Allt um flugáætlanir
Ef þú hefur hafa gaman af að fylgjast með flugi og vilt kynna þér alls
kyns tölulegar upplýsingar um flug, flugfélög, flugvelli eða einfaldlega
hvað eina sem viðkemur flugi, ættirðu að líta á síðuna Flightstats.com.
Veldu t.d. KEF (Keflavík) og fáðu upplýsingar um brottfarir, komur,
veður, seinkanir og fleira, en einnig geturðu skráð þig. Þá færðu aðgang
að enn meiri upplýsingum. Hvaða flugfélag heldur t.d. best áætlun?
Hér er listi yfir öll flugfélög í heimi: Airlines of the World
Sætastærð, pláss og sætaskipan í flugvélum
Hversu breitt bil er á milli sætaraða hjá helstu flugfélögum Evrópu? Þú
getur forvitnast um það á vefsíðunni Skytrax. Hægt er að fletta upp
ýmsum evrópskum flugfélögum og flugfélögum í öðrum heimsálfum.
Einnig alls kyns upplýsingum um flugfélög, t.d. umsagnir farþega,
umsagnir um flugvelli og margt fleira.
Seatguru.com gefur góðar upplýsingar um sætaskipan í vélum helstu
flugfélaga. Í greininni Seat Maps eftir Arlene Fleming af vefnum
Vertu þín eigin ferðaskrifstofa – www.ferdalangur.net
14
About.com er einnig hægt að smella á tengla í kort af sætaskipan
flugvéla hjá helstu flugfélögum heims. Þar eru flugfélög á borð við
Icelandair, British Airways, Lufthansa og mörg fleiri.
Á flugvellinum
Þegar þú kemur í nýja borg, á nýjan flugvöll, lestarstöð o.s.frv. er gott
að vera búinn að kynna sér samgöngumöguleika til og frá staðnum. Það
sparar þér stress og jafnvel aurana líka. I HATE TAXIS er vefur sem
gæti hjálpað þó nafnið sé óneitanlega óvenjulegt.
Handbækur sem tengjast flugi:
Lose Your Fear of Flying – (Rafbók)
The Nervous Flyer‘s Handbook – (Rafbók/prent)
Flying? No Fear! Conquer your year of flying - (Rafbók/prent)
Decoding Air Travel: A Guide to Saving on Airfare and Flying in
Luxury
Vertu þín eigin ferðaskrifstofa – www.ferdalangur.net
15
Kafli 3 - Farangur
Nokkur ensk hugtök sem gott er að kunna skil á
Baggage allowance = Farangursheimild
Excess baggage = Yfirvigt
Cabin baggage - Hand baggage – Carry-on luggage = Handfarangur
Hold luggage - Checked luggage = Innritaður farangur
Hvað máttu hafa mikinn innritaðan farangur og handfarangur? Það er
æði misjafnt eftir flugfélögum og áfangastöðum og bráðnauðsynlegt að
lesa sér til um reglur hvers flugfélags fyrir brottför.
Hér fyrir neðan finnurðu reglur íslensku flugfélaganna Icelandair og
Wow Air.
Icelandair handfarangur - innritaður farangur - yfirvigt
Wow Air farangur (tekið er gjald fyrir innritaðan farangur)
Lággjaldaflugfélög leyfa minnstan farangur og mörg þeirra eru farin að
taka sérstakt gjald fyrir innritaðan farangur sbr. Wow Air, Ryanair og
EasyJet. Það er líka gott fyrir þig að vita að það er oft mun ódýrara að
gera ráð fyrir innrituðum farangri þegar þú bókar miðann og greiða
strax gjaldið, í stað þess að mæta með farangurinn á völlinn við brottför
og ætla að greiða þar. Kostnaður við yfirvigt er mikill.
Varðandi þyngd handfarangurs og innritaðs farangurs er ástæða til að
taka fullt mark á kílóatölum hjá lággjaldaflugfélögunum. Handfarangur
er gjarnan vigtaður nákvæmlega. Endurtek nákvæmlega, til dæmis hjá
Vertu þín eigin ferðaskrifstofa – www.ferdalangur.net
16
Ryanair. Það getur þýtt "svitabað", stress og aukakostnað ef ekki er
verið innan markanna.
Hér finnurðu reglur tveggja vinsælla lággjaldaflugfélaga.
Ryanair - farangur
EasyJet - farangur
Besta ráðið er að ferðast með eins
lítinn farangur og mögulegt er ef
hluti ferðar fer fram með
lággjaldafélögum. Athugaðu að
einungis ein taska er leyfileg í
handfarangri hjá sumum
flugfélögum.
Hjá lággjaldaflugfélögum eins og Ryanair þarf allt að rúmast í
einni tösku í handfarangri – tölva o.s.frv.
Mundu reglur um vökva í handfarangri – má ekki fara yfir 100 ml í
flösku og þarf að sýna í öryggishliðinu í þar til gerðum glærum
plastpoka.
Af hverju týnist farangur?
Hverjar eru algengustu ástæður þess að farangur týnist? Skv. grein af
mnsbc.com, 4 most common reasons airlines lose luggage, eru aðallega
fjórar ástæður fyrir týndum farangri:
Miðinn með nafni ákvörðunarstaðar (sem settur er á af
flugvallarstarfsmanni þegar töskur eru innritaðar) hefur prentast
Vertu þín eigin ferðaskrifstofa – www.ferdalangur.net
17
illa út – er ólæsilegur eða rifnar af einhvers staðar á leið í gegnum
ferlið. Ef til vill er taskan ný í þokkabót og eigandinn hefur gleymt
að merkja hana.
Eigandi töskunnar gleymir hreinlega að taka hana á
ákvörðunarstað.
Flugvallarstarfsmaður setur rangan kóða fyrir ákvörðunarstað á
töskuna í innritunarferlinu.
Taskan fer í ranga flugvél þrátt fyrir réttar merkingar.
Hvað getur þú gert til að koma í veg fyrir svona mistök?
Biðja um að fá að kíkja á merkimiðann sem flugvallarstarfsmaður
setur á töskuna, áður en hún fer með færibandinu til vonar og
vara – ekki síst ef þú þarft að millilenda einhvers staðar á leiðinni.
Merkja töskuna í bak og fyrir, á öllum hliðum, helst með
farsímanúmeri.
Hafa töskuna áberandi - ýmist í áberandi lit eða merkta á
áberandi hátt.
Setja ferðaplanið þitt með í töskuna þannig að auðvelt sé að koma
auga á það. Þá sjá flugvallarstarfsmenn hvert á að senda töskuna
EF hún týnist og ekki næst í þig.
Vertu þín eigin ferðaskrifstofa – www.ferdalangur.net
18
Taka myndir af innihaldi töskunnar þegar þú pakkar þannig að
ljóst sé hvað fór í töskuna ef sanna þarf hvað var í henni.
Taka allar óþarfa ólar og handföng af töskunni ef hægt er til að
minnka líkur á að hún festist á færibandinu.
Fara snemma á flugvöllinn, ekki innrita þig á síðustu mínútu.
Innrita þig á hefðbundinn hátt, ekki í sjálfsafgreiðslustöðvum.
Vertu þín eigin ferðaskrifstofa – www.ferdalangur.net
19
Kafli 4 – Gisting (hefðbundin)
Lúxus kostar sitt. Þú færð ekki lúxusgistingu fyrir lítið. Því miður . Ef
þú sættir þig við það eru þér allir vegir færir. Einnar stjörnu hótel þarf
ekki að þýða að gistingin sé slæm þó þar sé tæpast að finna lyftu,
sundlaug eða mini-bar. Hún getur eftir sem áður verið látlaus og
snyrtileg og gestgjafar notalegir.
Í hvers konar ferð ertu að fara? Í sumarfrí? Borgarferð? Ráðstefnuferð?
Vinnuferð? Rómantíska helgarferð? Fjölskylduferð með börnin?
Möguleikarnir eru margir og val á gistingu fer að sjálfsögðu eftir
tilefninu hverju sinni. Það getur hins vegar verið heilmikið mál að finna
réttu gistinguna - ekki síst ef þú ætlar að gista í margar nætur og vilt
greiða hóflega fyrir. Eftirfarandi atriði gætu skipt þig máli:
Verð gistingar
Þjónustustig (dagleg þrif o.s.frv.)
Fjarlægð frá miðbæ eða öðrum tilteknum stað
Fjör eða rólegheit
Vertu þín eigin ferðaskrifstofa – www.ferdalangur.net
20
Rómantískt andrúmsloft
Þægindi - lúxus
Te/kaffiaðstaða í herbergi
Eldunaraðstaða
Aðgangur að netinu/þráðlaust net
Líkamsræktaraðstaða
Sveitastemning
Umhverfi/útsýni
Smábæjarandrúmsloft
Stórborgarlíf
Þú getur valið úr mörgum tegundum gistingar. Þú getur líka, við vissar
aðstæður, gist ókeypis (sjá síðar).
Það er fljótlegt og þægilegt að nýta sér stórar hótelleitarvélar (milliliði)
sem skila fjölda niðurstaðna sem síðan er hægt að velja úr. Þar er hægt
að panta og afpanta á þægilegan hátt án þess að þurfa að hafa
samband við hótelið sjálft. Það gerir milliliðurinn. Fyrir það fær hann
einhver umboðslaun sem þú verður ekki var við þegar þú greiðir fyrir
hótelið.
Í einhverjum tilvikum, þó alls ekki alltaf, færðu hagstæðara verð með
því að hafa beint samband við gististað. Það getur þó verið erfitt að
finna vefsíðu tiltekins hótels í þeim aragrúa niðurstaðna sem fást í
Google og sumir veigra sér við að tala/skrifa ensku. Ef þú leitar að
hóteli, geturðu prófað að setja nafn þess í slóðina, s.s.
www.nafnhotels.com (.co.uk, .de, .it o.s.frv. eftir því í hvaða landi
hótelið er). Eða nafn hótelsins og website í Google.
Vertu þín eigin ferðaskrifstofa – www.ferdalangur.net
21
Hér á eftir verða nefndar nokkrar tegundir hefðbundinnar gistingar.
Hótelgisting
Staðsetning hótels eða
annarrar gistingar getur
skipt miklu máli. Ég legg
oft mikið á mig til að
tryggja að staðsetningin
hæfi vel erindinu í hvert
skipti. Sjálfri finnst mér
þægilegt að samgöngur
við flugvöll séu góðar og
að hótelið sé sem næst
því svæði sem ég ætla að halda mig á. Þannig er hægt að spara bæði
tíma og peninga.
Úrval hótela er mikið og það er stærð þeirra líka. Þau geta verið allt frá
litlum, fjölskyldureknum gististöðum upp í stór hótel sem eru oft hluti af
hótelkeðjum eins og Best Western, Marriott o.s.frv.
Oft er stjörnugjöf notuð til að flokka hótel. Í Evrópu eru 1 – 4ra stjörnu
hótel algengust en 1 - 5 stjörnu í Bandaríkjunum. Þó eru til dæmi um
allt upp í 7 stjörnu hótel. Gott er að vita að það er ekki til neitt sem
heitir alþjóðlegur stjörnustaðall og ósamræmi er áberandi milli landa og
jafnvel innan sama lands eða sömu borgar. Þú skalt því taka allri
stjörnugjöf með fyrirvara og hafa í huga að stærð herbergja, með eða
án lyftu og hótel með eða án sundlaugar eru dæmi um hluti sem geta
haft áhrif á stjörnugjöfina.
Mynd: OCLS Central Michigan University - Hotel Marriott
Vertu þín eigin ferðaskrifstofa – www.ferdalangur.net
22
Það eru nokkrir hlutir sem þú skalt vara þig á við val á hótelum. Hótel
auglýsa gjarnan að þau séu miðsvæðis – það getur samt verið langt frá
miðbænum á okkar mælikvarða. Auðveldlega nokkra kílómetra.
Skoðaðu staðsetningu hótelsins á korti í Google Maps, í Google Earth
eða á ViaMichelin og athugaðu vel hversu langt er í þá staði sem þú
þarft að fara á eða ætlar að heimsækja.
Fylgir morgunmatur með hótelherberginu eða þarftu að greiða hann
sér? Ef greiða þarf hann sér, getur það verið dýrt og jafnvel betra að
kaupa hann utan hótelsins á kaffihúsi eða í næstu matvöruverslun.
Eru góðar samgöngur frá hótelinu, t.d. í miðbæinn eða á flugvöllinn?
Jarðlestir eða strætisvagnar?
Ef hótelið er án lyftu (algengt á ódýrari hótelum t.d. í London) geturðu
reynt að biðja um herbergi á neðri hæðum ef það skiptir máli. Slíka
beiðni er oft hægt að setja með pöntun í athugasemdir.
Hér á eftir tek ég dæmi um hótelleitarvefi sem þægilegt er að nota til að
finna hótel á netinu. Við bókun er beðið um kreditkortanúmer eingöngu
til að staðfesta pöntun en þú greiðir ekki fyrir gistinguna fyrr en við
komu eða brottför. Skoðaðu vel reglur hótelanna um afpantanir — þær
geta verið mismunandi. Sum tilboð er ekki hægt að afpanta. Almenna
reglan er þó sú að ef afpantað er með meira en 24ra tíma fyrirvara er
allt í lagi — annars þarf að greiða fyrir fyrstu nótt.
Booking
Afar stór og vandaður hótelvefur sem býður gististaði af öllum
tegundum í um 180 löndum. Hægt er að "matreiða"
niðurstöðurnar á ýmsa vegu, t.d. eftir stjörnugjöf, verði, aðstöðu,
fjarlægð frá tilteknum stöðum o.fl. Einkunnagjöf gesta og
Vertu þín eigin ferðaskrifstofa – www.ferdalangur.net
23
umsagnir er auðvelt að sjá og mjög þægilegt er að sjá strax
staðsetningu hótelsins á korti (Google map).
Venere
Venere býður gististaði víðs vegar um heiminn. Hægt er að skoða
niðurstöðurnar t.d. eftir stjörnugjöf, staðsetningu og tegund
gistingar þ.e. Hotels, B&B, Self Catering Apartments, Guest
Houses, Studios og Other accommodation. Þægilegur og vandaður
vefur.
LateRooms
Þessi hótelleitarvefur er oft notaður af gististöðum til að setja inn
tilboð með skömmum fyrirvara og getur þá verið um
umtalsverðan afslátt að ræða. Ekkert hótel vill sitja uppi með auð
herbergi og þetta er ein leið til að losna við þau. Góð tilboð eru í
Vertu þín eigin ferðaskrifstofa – www.ferdalangur.net
24
gangi víðsvegar um heiminn og fjölbreytt úrval gistingar.
Hotel Club
Hotel Club býður hótel í 141 löndum. Oftast góð, hefðbundin
hótelgisting. Margar þekktar hótelkeðjur. Hægt er að kynna sér
umsagnir gesta, athugið að besta einkunn er 5,0.
Umsagnir um gistingu
Það er oft gagnlegt að skoða hvað aðrir hafa sagt um hótel eða
gististað. Margir hótelbókunarvefir gefa notendum sínum kost á að gefa
gististöðum umsagnir/einkunn fljótlega eftir að dvölinni lýkur sbr.
Booking og Venere. Þannig er auðvelt að sjá allar umsagnir um leið og
gististaðurinn er skoðaður á netinu. Einnig er hægt að nota Tripadvisor
til að fletta upp hótelum (efst í leitarglugga á síðunni) og skoða
umsagnir. Þó skyldi maður ekki taka umsagnir alltof bókstaflega, horfa
svolítið framhjá þeim bestu og verstu því líklega leynist sannleikurinn
einhvers staðar þar á milli.
Hostel – farfuglaheimili
Þessi tegund gistingar hentar gjarnan námsmönnum, bakpoka-
ferðalöngum og öðrum sem vilja fyrst og fremst gista ódýrt. Einnig fólki
sem er tilbúið að blanda geði við aðra ferðalanga og hefur gaman af
slíkum samskiptum. Farfuglaheimilin geta verið ólík innbyrðis, herbergin
rúma mismarga og snyrtiaðstöðu/baði verða menn oft að deila með
öðrum. Algengt er að það sé sameiginlegur aðgangur að eldhúsi og
setustofu.
Vertu þín eigin ferðaskrifstofa – www.ferdalangur.net
25
Hostelbookers
Hægt er að velja um 3000 áfangastaði í öllum heimsálfum. 10%
staðfestingargjald við bókun sem er óendurkræft. Umsagnir.
Hostelworld
Hostelworld býður 27.000 gististaði í 180 löndum. Greitt er 10%
staðfestingargjald við bókun sem er óendurkræft. Umsagnir
gesta.
Hostelling International
Hostelling International er með hin „opinberu“ farfuglaheimili. Yfir
4000 gististaðir í 90 löndum. 5% staðfestingargjald og ofan á það
vægt bókunargjald. Umsagnir gesta.
Handbók um farfuglaheimili – hostels
Hostels European Cities, 5th: The Only Comprehensive, Unofficial,
Opinionated Guide (Hostels Series — Rafbók/prent)
Bændagisting
Bændagisting getur verið skemmtileg, bæði fyrir barnafjölskyldur og þá
sem vilja komast í meiri snertingu við dreifbýlið/sveitina og fólkið sjálft.
Oft er hægt að fá heimatilbúinn kvöldmat á staðnum úr fyrirtaks
hráefnum beint frá býli. Til þess að geta nýtt sér þessa tegund gistingar
er í flestum tilvikum nauðsynlegt að vera á bíl.
Ég hef mjög góða reynslu af þessari tegund gistingar og man
sérstaklega eftir bændagistingu í Frakklandi fyrir nokkrum árum. Þar var
Vertu þín eigin ferðaskrifstofa – www.ferdalangur.net
26
m.a. boðið upp á skoðun og fræðslu um býflugnabú sem var til staðar á
býlinu.
Heiti yfir bændagistingu á nokkrum tungumálum:
Enska: Agritourism
Danska: Landbrugsturisme
Franska: Agrotourisme
Ítalska: Agriturismo
Þýska: Agrotourismus - Landtourismus
Þegar þú leitar að bændagistingu er einfaldast að slá inn heiti lands eða
héraðs í Google ásamt heitinu agritourism á ensku eða viðkomandi
tungumáli og skoða það sem upp kemur.
Dæmi: Agritourism Italy eða agritourism Tuscany (stór og lítill stafur
skiptir ekki máli).
Mér er ekki ennþá kunnugt um sérstakar leitarvélar eingöngu fyrir
bændagistingu sem ná að standa undir nafni.
Bed & Breakfast – heimagisting/gistiheimili
Þessa tegund gistingar geturðu bæði fengið í dreifbýli og þéttbýli. Í
þéttbýli er hún þó ekki endilega ódýrari en hótelgisting. Þjónustan er
hins vegar oft persónulegri og heimagistingin gjarnan rekin af fólki sem
hefur gaman af því að umgangast fólk af öðrum þjóðernum. Mér er
minnistæð heimagisting nálægt Fort William í hálöndum Skotlands. Þar
voru prestshjón í hlutverki gestgjafa og drýgðu tekjurnar með þessum
hætti. Herbergin voru án efa notalegri en á nokkru hóteli á staðnum.
Vertu þín eigin ferðaskrifstofa – www.ferdalangur.net
27
Ég verð líka að nefna B&B á á N-Ítalíu nálægt Pavia, þar sem ég fékk
einn eftirminnilegasta og besta kvöldverð sem ég man eftir. Í kjölfarið á
skrifum um staðinn á Ferðalangi hafa þó nokkrir Íslendingar gist þar og
sumir skrifað Ferðalangi sérstaklega og lýst ánægju sinni.
Hér fyrir neðan eru ágætir tenglar:
Bedandbreakfast.com
B&B gisting í öllum heimshlutum. Töluverð áhersla á Bandaríkin
og Kanada en einnig á gistingu í Evrópu og öðrum heimshlutum.
Einkunnagjöf og umsagnir gesta. Vefurinn hefur hlotið
margvíslegar viðurkenningar.
Bed & Breakfast World
B&B gisting í öllum heimshlutum.
Bed and breakfast in Europe
B&B í mörgum Evrópulöndum.
Venere
Mjög þægileg leitarvél varðandi gistingu þar sem meðal annars er
hægt að takmarka leit við Bed and Breakfasts, Guest Houses og
margt fleira.
Leitir í Google: B&B (eða bed & breakfast eða bed and breakfast eða
bed&breakfast) og heiti lands/héraðs/borgar/bæjar. Dæmi: B&B Berlin
eða bed and breakfast London
Vertu þín eigin ferðaskrifstofa – www.ferdalangur.net
28
Íbúðagisting
Hér er átt við gistingu í
íbúðum í borgum eða bæjum.
Það getur verið mjög
hagkvæmt að gista í íbúð ef
dvelja á nokkra daga á sama
stað. Sér í lagi fyrir stóra
fjölskyldu eða 4 – 6 sem
ferðast saman. Oft eru slíkar
íbúðir leigðar í einhvern lágmarkstíma — þrír dagar er algengt. Auðvelt
er að finna svona gistingu í stórum borgum t.d. í London. Þá fylgir að
sjálfsögðu eldunaraðstaða og auðvelt að spara í matarkostnaði ef fólk
vill. Á ensku kallast þetta self catering apartments, holiday apartments,
short term apartments eða einfaldlega short lets.
Stundum eiga leigufyrirtæki margar íbúðir í sama húsi sem leigðar eru
út á þennan hátt en einnig eru dæmi um íbúðahótel eins og t.d. Royal
Court á þægilegum stað í London.
Auðvelt er að leita í Google:
Dæmi: Sláið t.d. inn self catering apartment Copenhagen
Vertu þín eigin ferðaskrifstofa – www.ferdalangur.net
29
Nokkrir vefir sem bjóða íbúðagistingu
Venere
Mjög góð leitarvél. Þú getur takmarkað leit við self catering
apartments og einnig serviced apartments.
Booking
Önnur góð leitarvél þar sem þú getur takmarkað leitina við
apartments.
Interhome
Smelltu á City Apartment Rentals, þá finnurðu m.a. íbúðagistingu
í ítölskum, spænskum og frönskum borgum, einnig í fleiri borgum
Evrópu.
Apartment Service
Þýsk síða (hægt að smella á enska útgáfu). Íbúðir í Þýskalandi,
Evrópu og um allan heim.
Apartotels.com
Nokkur þúsund íbúðahótel víða um heim.
Rentalo.com
Á vefnum er hægt að leigja íbúðir/hús í öllum heimshlutum, þó
Bandaríkin eigi þar vinningin. Einnig er hægt að panta hótel og
B&B (heimagistingu).
Vertu þín eigin ferðaskrifstofa – www.ferdalangur.net
30
Flipkey
Vefurinn heyrir undir TripAdvisor sem margir kannast við. Í boði
eru um 160.000 íbúðir/hús á 7000 borgum um heim allan.
Vertu þín eigin ferðaskrifstofa – www.ferdalangur.net
31
Kafli 5 - Gisting (óhefðbundin)
Íbúðagisting/herbergi hjá Jóni og Gunnu
Hér er um að ræða gistingu sem boðin er í venjulegu íbúðarhúsnæði
fólks, sjaldnar á vegum fyrirtækja/hótela. Þá getur hver sem er boðið
íbúð sína (eða herbergi inni í íbúð) til leigu um lengri eða skemmri tíma.
Þetta getur verið góð leið til að fá ódýrari gistingu en ella og upplifa
hvernig fólk býr annars staðar, jafnvel kynnast því líka. Á síðunni sem
Airbnb fylgja umsagnir gesta. Í því felst ákveðin trygging og upplýsing
fyrir þá sem á eftir koma.
Airbnb
9flats.com
Campinmygarden.com
Wimdu
Homeaway
Vefurinn Rentmix sýnir leitarniðurstöður frá nokkrum vefsíðum sem
bjóða íbúðaleigu af þessu tagi (Homeaway , FlipKey o.fl.). Þar geturðu
gert leit miðað við staðsetningu, á verðbili sem þú ákveður og séð strax
á korti hvar íbúðin er.
Gestir eða gestgjafar
Hvernig líst þér á að dvelja sem gestur í 1–3 nætur hjá vinalegu fólki í
útlöndum án þess að greiða krónu fyrir? Eða hýsa útlending/a hér
heima í nokkrar nætur á sófanum í stofunni eða í ónotuðu herbergi?
Þetta er vissulega möguleiki og meira að segja skemmtilegt fyrirbæri.
Vertu þín eigin ferðaskrifstofa – www.ferdalangur.net
32
Þú spyrð kannski: „Er þetta öruggt“? Því er til að svara að síðurnar sem
hér eru nefndar hafa margvíslega „öryggisventla“, ekki síst umsagnir
þeirra sem áður hafa dvalið hafa í slíkri gistingu.
Sjálf þekki ég vefsíðuna CouchSurfing sem leiðir saman annars vegar þá
sem vilja hýsa og hins vegar þá sem vilja gista. Ég veit um Íslendinga
sem bæði hafa hýst og dvalið hjá gestgjöfum erlendis á þennan hátt og
láta mjög vel af. Fleiri vefsíður af sama toga hafa nú litið dagsins ljós:
GlobalFreeloaders
Tripping (bæði frítt og leiga)
BeWelcome
The Hospitality Club
United States Servas
Vertu þín eigin ferðaskrifstofa – www.ferdalangur.net
33
Kafli 6 - Sumarhúsaleiga
Það hefur verið afar vinsælt hin síðari ár að leigja sumarhús erlendis í
eina eða fleiri vikur enda úrvalið mikið af slíkri gistingu. Íslendingar hafa
einkum leigt sér sumarhús á meginlandi Evrópu, ekki síst í löndum eins
og Ítalíu, Frakklandi eða á Spáni.
Sumarhús í gegnum umboðsskrifstofur
Á netinu eru margir vefir sem bjóða íbúðir og hús víða um heim. Sumar
vefsíður eru milliliðir/umboðsfyrirtæki fyrir eigendur húsa og þá fer
útleigan alfarið fram í gegnum fyrirtækin.
E-domizil
Þýskt fyrirtæki, milliliður fyrir leigu sumarhúsa/íbúða í 80 löndum
þar sem hægt er að velja úr 250.000 húsum/íbúðum. Hér geturðu
leitað með fjölbreyttum leitarskilyrðum (staðsetning, fjöldi
herbergja, sjónvarp, sundlaug o.s.frv.) eða skoðað "last minute"
tilboð. Upplýsingar um eignirnar eru ítarlegar með myndum og
góðum upplýsingum. Leigt er frá laugardegi til laugardags. Hluti
leigunnar er greiddur við pöntun og afgangurinn í síðasta lagi 4
vikum fyrir upphaf dvalar. Ef um last minute bókun er að ræða og
innan við 4 vikur til upphafs dvalarinnar, greiðist leigan öll við
bókun.
Mér hefur sýnst að hægt sé að fá hús/íbúðir hjá E-domizil á mjög
góðu verði þegar pantað er tímanlega; allt frá einföldum,
látlausum húsum/íbúðum án íburðar upp í margra herbergja
Vertu þín eigin ferðaskrifstofa – www.ferdalangur.net
34
lúxuseignir með sundlaug.
Interhome
Svissneskt fyrirtæki. Milliliður fyrir hús og íbúðir í um 30 löndum.
Þú getur valið um íbúðir/hús við sjó, uppi í fjöllum, í borgum,
bæjum o.fl. en einnig borgargistingu eins og minnst var á undir
kaflanum um íbúðagistingu, þ.e. City Apartment Rentals. Gert er
ráð fyrir að 30% leigunnar greiðist við pöntun en afgangurinn í
síðasta lagi sex vikum fyrir upphaf dvalarinnar. Ef þú greiðir með
kreditkorti leggst 2,25% kostnaður ofan á upphæðina.
Sumarhús – Bein samskipti við eigendur
Margir sumarhúsavefir bjóða samskipti beint við eigendur:
Vacation Home Rentals
Hús í um 90 löndum. Hér hefurðu samskipti við eigendur
milliliðalaust. Lestu vel FAQ (Frequently asked questions =
Algengar spurningar) efst í horninu, hægra megin.
Homeaway.com
Yfir 325.000 valmöguleikar í öllum heimshlutum. Algengt að festa
þurfi húsið/íbúðina með vissum hluta af heildarverði og greiða svo
afganginn nokkrum vikum áður en leigutími hefst. Skoðaðu vel
aukagjöld t.d. fyrir þrif, netaðgang o.fl.
Vertu þín eigin ferðaskrifstofa – www.ferdalangur.net
35
Nokkur ráð varðandi leigu sumarhúsa
Skoðaðu allar myndir af húsinu/íbúðinni á vefnum með gagnrýnu
hugarfari – ljósmyndir eiga það til að fegra og stækka það sem í
boði er.
Farðu varlega í samskiptum við eigendur varðandi öll peningamál
– skoðaðu helst umsagnir annarra áður en greiðsla fer fram.
Vertu viss um hvar húsið eða íbúðin er staðsett og finndu það á
korti hjá Google Maps, Google Earth eða ViaMichelin.
Lestu vandlega smáa letrið. Hvað er innifalið? Rafmagn,
sængurfatnaður, þrif? Þarf að leggja fram tryggingu við komuna
sem síðan er endurgreidd við brottför? (Það er auðvitað ekkert
athugavert við það – bara gott að vita af því fyrirfram).
Æskilegast er að greiðsla fari fram með kreditkorti ef það er hægt
(ekki alltaf í boði). Ef þú skiptir beint við eigendur þarf að passa
að engin brögð séu í tafli.
Vertu þín eigin ferðaskrifstofa – www.ferdalangur.net
36
Kafli 7 - Íbúðaskipti
Hefur þú einhvern tímann hugleitt að skipta á íbúð við fjölskyldu
erlendis? Ef þú vilt halda kostnaði í lágmarki er vart hægt að hugsa sér
ódýrari lausn á sumarfríinu. Stundum er einnig skipt á bíl. Hjá mörgum
Íslendingum eru íbúðaskipti orðin nokkurs konar lífsmáti og sumir skipta
ár eftir ár. Skiptin geta farið fram á hvaða tíma árs sem er — jafnt yfir
helgi sem í nokkrar vikur þannig að þetta er ekki eingöngu bundið við
sumartímann.
ATH: Ókeypis bæklingur um íbúðaskipti á vef Ferðalangs
En er þetta ekki varasamt? Er ekki hætta á þjófnaði? Hvernig á ég að
þora að taka svona áhættu? Einfaldast er líklega að vísa á vefsíðuna
HomeExchange (smella á FAQ) en þar segir m.a.:
Vertu þín eigin ferðaskrifstofa – www.ferdalangur.net
37
"In 14 years and tens of thousands of exchanges,we’ve never had
a report of a theft, malicious vandalism, or a case of someone
getting to their exchange home and finding a vacant lot."
Það segir sína sögu.
Sjálf hef ég skipt á íbúð og hef góða reynslu af slíku. Í kjölfarið
mynduðust traust vináttubönd.
Vefir sem annast milligöngu um íbúðaskipti:
HomeExchange
Þessi vefur er einna stærstur og vinsælastur. Um 44.000
heimili á lista í 157 löndum. Til gamans má rifja upp að
síðunnar var getið í kvikmyndinni The Holiday þegar Cameron
Diaz and Kate Winslet voru að undirbúa íbúðaskiptin.
Intervac
Uppruna Intervac má rekja til ársins 1953. Samtökin eiga
fulltrúa í 46 löndum og eru meðlimir nú um 30.000.
International Home Exchange Network (IHEN)
Stofnað 1995. Íbúðaskipti og skammtímaleiga á
sumarhúsum/íbúðum.
Vertu þín eigin ferðaskrifstofa – www.ferdalangur.net
38
Homelink.org
Stofnað 1953. Fulltrúar í 27 löndum. 13.000 íbúðaskipti á ári í
78 löndum víðs vegar um heiminn.
Vefsíðurnar hér að ofan byggja á skráningu meðlima sem greiða
mánaðargjald eða árgjald sem þykir gefa skráningunni meira öryggi. Til
eru vefir sem eru án skráningargjalda og er auðvelt að finna þá í
Google.
Helstu kostir íbúðaskipta
Ódýrt – enginn kostnaður við gistingu
Öll þægindi við hendina, t.d. fyrir fjölskyldufólk
Farartæki oft innifalið (bíll, stundum aðgangur að reiðhjólum)
Gestgjafinn getur gefið upplýsingar um nánasta umhverfi og
skemmtilega afþreyingu/möguleika
Nánari tengsl við land og þjóð (jafnvel eftir á líka)
Nánari upplýsingar í ókeypis bæklingi um íbúðaskipti á vef Ferðalangs
Vertu þín eigin ferðaskrifstofa – www.ferdalangur.net
39
Kafli 8 - Bílaleigubílar
Bílaleiga hefur nær alfarið færst yfir á netið og þar er vissulega hægt að
eyða dágóðum tíma í að skoða það sem í boði er. Ég mæli með að þú
leitir á mismunandi vefsíðum/leitarvélum og gerir samanburð.
Nokkrir leitarvefir:
Bílaleiguvefur Ferðalangs og CarTrawler
Ferðalangur er í góðu samstarfi við Cartrawler sem auglýsir
lægstu verð frá um 800 bílaleigum á yfir 9000 stöðum víðsvegar
um heiminn (174 lönd). Þeirra á meðal eru allar þekktustu
leigurnar t.d. Hertz, Avis, Budget og Europcar.
Rentalcars.com
Bílaleigur á um 6000 stöðum í 180 löndum. Samanburður á verði.
Auto Europe
Bílaleigur á 8000 stöðum í 130 löndum. Mjög samkeppnishæft
verð. Þekktar bílaleigur eins og hér fyrir ofan.
Carrentals.co.uk
Minni leitarvefur sem ber saman verð hjá 50 þekktum bílaleigum
á yfir 15.000 stöðum um allan heim.
Reynsla mín er sú að engin ein bílaleigumiðlun býður
undantekningalaust alltaf lægsta verðið. Að því leyti gildir það sama og
með hótel og flug.
Vertu þín eigin ferðaskrifstofa – www.ferdalangur.net
40
Þú getur einnig farið á vefi einstakra bílaleiga, bæði hér heima og
erlendis. Margir flug- og hótelleitarvefir bjóða sömuleiðis bílaleigubíla
um leið og bókað er.
Gerðu einnig verðsamanburð á bílum sem bjóðast í gegnum bílaleigur
hér heima og þeirra sem bjóðast í gegnum vefina hér að ofan.
Það er fróðlegt fyrir þig sem ert í bílahugleiðingum að lesa pistilinn
Ferðalög í útlöndum á vef Félags íslenskra bifreiðaeigenda áður en þú
leigir bíl erlendis. Athugaðu að Félagar í FÍB fá afslátt hjá mörgum
aðilum erlendis (bílaleigum, hótelum o.fl.).
Gott að vita þegar þú tekur bíl á leigu
Grunnverð bílaleigubílsins segir ekki alltaf allt. Þarftu eitthvað
aukalega? Hvað er raunverulega innifalið? Lestu smáa letrið eða
fáðu einhvern til að lesa það með þér.
Hvert máttu aka? Ef ætlunin er að heimsækja gömlu
austantjaldslöndin, þarf að vera öruggt að það megi aka þangað
(Cross Border Travel).
Ætlarðu að skila bílnum á öðrum stað? Gættu að því hvort og
hvaða aukakostnaður bætist við.
Hvað kostar aukaökumaður (Additional Driver)? Bílstóll? GPS?
(Special Equipment/Optional Extras).
Vertu þín eigin ferðaskrifstofa – www.ferdalangur.net
41
Það er þægilegt að taka bíl á flugvellinum en það er mögulega
ódýrara að taka hann inni í bæ/borg ef það skiptir ekki miklu máli.
Oft er ódýrara að fá díselbíl ef aka á langar vegalengdir. Þarna
skiptir máli almennt verð á eldsneyti.
Vertu viss um að það sé loftkæling í bílnum (að sumarlagi).
Lestu þessa ágætu grein frá Fodors.com um það sem ber að
varast varðandi bílaleigur: Rental-Car Rip-Offs.
Hvaða stærð af bíl er best að taka?
Það er stundum erfitt að panta rétta stærð af bílaleigubíl, sér í lagi ef
um er að ræða fjóra farþega, t.d. tvö pör eða hjón með 2 börn.
Samkvæmt mínum heimildum og reynslu er í slíku tilviki ágætt að panta
„Intermediate Station Wagon“, en það ku vera hagstæðast miðað við
stærð og verð. Í þeim flokki er t.d. Opel Vectra station wagon, þó hér sé
rétt að taka fram að bílaleigur eru tregar til að tryggja viðskiptavinum
fyrirfram ákveðna tegund.
Bílaleiga og tryggingar
Þegar þú tekur bíl á leigu eru lágmarkstryggingar ávallt innifaldar. Hins
vegar er sjálfsábyrgð leigutaka í mörgum tilvikum mjög há ef skemmdir
verða á bílnum. Það er frekar óskemmtilegt að aka um á bílaleigubíl og
hafa stöðugar áhyggjur af rispum og hugsanlegum skakkaföllum. Þó fer
það eftir aðstæðum. Sumum hentar að fá sér kaskótryggingu (Excess
Reimbursement Insurance – Excess Cover – Excess Waiver og ýmis
fleiri heiti) til að sálartetrið sé tiltölulega rólegt en það er auðvitað
dýrara.
Vertu þín eigin ferðaskrifstofa – www.ferdalangur.net
42
Starfsfólk bílaleiga er mjög áfjáð í að selja þér viðbótartryggingu/kaskó
á staðnum þegar þú tekur bílinn og þær eru misdýrar. Eftir því sem ég
kemst næst, eiga þessar tryggingar það flestar sameiginlegt að þær
taka ekki til glugga, dekkja, bílþaks, og undirvagns. Ýmist fellur niður
hluti sjálfsábyrgðar eða öll sjálfsábyrgðin varðandi þau atriði sem
innifalin eru.
Þú ættir að vera búinn að hugsa um þessi mál fyrirfram og taka ekki
ákvörðun undir pressu við afgreiðsluborð bílaleigunnar eftir langt flug.
Fátt er jafn stressandi og þurfa að ákveða tryggingamálin í fljótheitum,
nýkominn úr flugi og e.t.v. biðröð af fólki fyrir aftan þig. Svo spila
bílaleigurnar oft á vanþekkingu okkar og stress...
Stundum borgar sig að kaupa viðbótartryggingu strax við pöntun bíls
þar sem það er hægt (en vertu meðvitaður um hvað það kostar). Einnig
geturðu keypt árstryggingu á netinu hjá Insurance4CarHire (44.99 pund
fyrir eitt ár í Evrópu, hægt að taka bíl nokkrum sinnum á ári). Það getur
í sumum tilvikum borgað sig, allt eftir því hve lengi þú leigir bílinn því
þar nær tryggingin yfir skemmdir á bílnum, gluggum, dekkjum, bílþaki
og undirvagni. Einnig er völ á Daily Excess tryggingu hjá sama fyrirtæki
sem gildir ef leigutími er 7 dagar eða styttri. Berðu verðið saman við
það verð sem býðst þegar þú pantar bílinn á netinu.
Insurance4CarHire hefur einnig gefið út prýðisgóðan
leiðbeiningabækling sem heitir Your guide to understanding car hire. Ég
hef sjálf keypt mér þessa tryggingu en ekki lent í tjóni. Ég get því ekki
borið vitni um hvernig hlutirnir virka í reynd ef eitthvað kemur uppá.
Hins vegar hef ég hlustað á reynslusögur ferðalanga sem hafa ekki
keypt sér viðbótartryggingu og lent í miklum kostnaði (sjálfsábyrgð)
vegna smávægilegra skemmda sem ekki féllu undir
Vertu þín eigin ferðaskrifstofa – www.ferdalangur.net
43
lágmarkstrygginguna.
Ertu með nægar tryggingar nú þegar?
Athugðu vel hvort þú ert með tryggingar hér heima sem ná að einhverju
leyti yfir bílaleigu erlendis. Hvað með kreditkortatryggingar? Skoðaðu
málið vel áður en þú leggur út í óþarfa kostnað.
Áður en þú ekur af stað
Skoðaðu bílinn bæði að utan og innan áður en þú heldur af stað.
Leitaðu að rispum, dældum o.þ.h. og skrifaðu hjá þér jafnvel minnsta
atriði og láttu setja í samninginn áður en þú leggur í‘ann. Ekki láta
nægja að þjónustuaðilinn kinki kolli. Fáðu það skriflegt. Þú átt að fá
afrit. Annars áttu á hættu að vera rukkaður fyrir það eftir á.
Ég hef vanið mig á að taka myndir af bílnum í bak og fyrir áður en
haldið er af stað (við mismikla hrifningu ferðafélaganna). Sér í lagi
kemur það sér vel ef sjáanlegar eru rispur eða dældir. Þá er líka eins
gott að dagsetningin á myndavélinni sé rétt stillt...
Áður en þú skilar bílnum
Fylltu á bensíntankinn áður en þú skilar bílnum, því annars tekur
bílaleigan aukagjald. Það skiptir ekki öllu máli þó þú akir einhverja
kílómetra eftir að bensínið er tekið og þar til þú skilar bílnum.
Vertu viðstaddur lokaskoðun
Það er langöruggast að skila bílnum á þeim tíma sem einhver er við til
að skoða hann. Þannig má ræða málin ef vafi leikur á því hvenær
rispur/dældir hafa orðið til og það minnkar líkur á að fá óvæntan
reikning einhverjum vikum/mánuðum seinna. Vertu því tímanlega á
Vertu þín eigin ferðaskrifstofa – www.ferdalangur.net
44
ferðinni til að skila bílnum svo hægt sé að ganga almennilega frá
málum.
Sektirnar elta þig...
Ef þú brýtur umferðarlög, máttu búast við að vera rukkaður eftir á,
ýmist af bílaleigunni sem hefur þá greitt sektina og tekur hana af
kreditkortinu þínu eða af opinberum aðilum í viðkomandi landi. Ekki
gera ráð fyrir því að sleppa... Það skiptir þess vegna máli að þú kynnir
þér t.d. hvar má leggja bílnum svo í lagi sé á ferð þinni erlendis.
Geymdu pappírana
Mér finnst gott að geyma pappírana varðandi bílaleigubílinn í nokkra
mánuði eftir að leigu lýkur til öryggis, jafnvel síðustu bensínkvittun líka
ef þú fylltir á bílinn áður en honum var skilað. Það er aldrei of varlega
farið.
Tekurðu bílaleigubíl oftar en einu sinni á ári?
Ég nefndi hér fyrir ofan breskt tryggingafélag á netinu, Insurance
4CarHire, þar sem hægt er að kaupa viðbótartryggingar (kaskó) fyrir
bílaleigubíla sem gilda í eitt ár, óháð því hversu oft bíll er tekinn á leigu
— svo framarlega sem leigutíminn fer ekki yfir einn mánuð í senn. Ef
miðað er við leigu í Evrópu, kostar slík trygging einungis frá 44.99
pundum. Það er því einfalt reikningsdæmi fyrir hvern og einn að skoða
hvenær borgar sig e.t.v. að kaupa svona tryggingu í staðinn fyrir
viðbótartryggingu í hvert sinn. Hægt er að dagsetja trygginguna allt að
þrjá mánuði fram í tímann. Greinargóðar upplýsingar og svör við
ýmsum spurningum er að finna á vefsíðu fyrirtækisins. Þar er einnig
hægt að lesa umsagnir þekktra dagblaða um tryggingarfélagið.
Vertu þín eigin ferðaskrifstofa – www.ferdalangur.net
45
Hvað þarftu að vita um akstur í hverju landi?
Kynntu þér hraðatakmarkanir í hverju landi – ekki síst þegar þú ætlar
að aka um nokkur lönd í einni og sömu ferðinni. Gilda sömu lög í
Þýskalandi, Sviss og Austurríki? Hvaða lög gilda um áfengismagn í blóði
í hverju landi? Hvernig á að bera sig að þegar komið er að hringtorgum?
– Allt þetta og meira til á bresku vefsíðunni Drive Alive.
Handbók um bílaleigu
14 Car Rental Secrets That Saves You Money & Time (rafbók)
Vertu þín eigin ferðaskrifstofa – www.ferdalangur.net
46
Kafli 9 - Húsbílaleiga
Marga dreymir um Evrópuferð á húsbíl. Það er án efa þægilegt að
a.m.k. 2 – 4 fullorðnir séu saman til að það dæmi gangi vel upp, bæði
varðandi kostnað og skipulag. Svo er þetta mjög skemmtilegur
ferðamáti með börnum.
Ágætt er að skoða greinarnar Europe in a Campervan og Camping
European Style frá Rick Steves.
Nokkrir vefir þar sem hægt er að sem leigja húsbíla
BW Campers
Worldwide Motorhome hire
Ukmotorhomes.net
Motorhomesworldwide.com
Ukandeuropetravel.com
Húsbílastæði/tjaldstæði
Alan Rogers Campsites Guides
Eurocampings
Vertu þín eigin ferðaskrifstofa – www.ferdalangur.net
47
Kafli 10 - Lestarferðir
Lestarferðir innan Evrópu
Gera má ráð fyrir að innan Evrópu verði lestarferðir æ fýsilegri valkostur
á næstu árum í stað lággjaldaflugfélaga, sérstaklega á styttri leiðum
þar sem fjarlægðin fer ekki mikið yfir 600 - 800 kílómetra. Búið er að
taka stór skref varðandi samræmingu stærstu háhraðlestarkerfa
Evrópu. Nánar um það á Railteam.eu.
Lestarferðir hafa þann stóra kost að þar þarf ekki að greiða sérstakt
farangursgjald, engin 2ja tíma bið í fríhöfn áður en farið er út í vél,
ekkert vesen við að komast frá flugvelli og inn í borg og óneitanlega
afslappaðra að sitja í lest en að vandræðast með vegakortið á
bílaleigubíl.
Eftirfarandi tvær vefsíður eru algjört lykilatriði fyrir þig ef þú þekkir lítið
til lestarferða í Evrópu og svara flestum spurningum:
The Man in Seat 61
Ógrynni upplýsinga sem nýst geta ferðalöngum sem hyggja á
lestarferðir um Evrópu og víðar. Verðugt framtak Bretans Mark
Smith sem er sjálfur fyrrverandi starfsmaður bresku
járnbrautanna.
Bahn.de
Vefur þýsku járnbrautanna. Hér geturðu flett upp
lestaráætlunum í flestum Evrópulöndum. Skiptu yfir á ensku ef
þörf krefur efst á síðunni hægra megin við miðju.
Vertu þín eigin ferðaskrifstofa – www.ferdalangur.net
48
Íslendingar rekast stundum á hindranir þegar á að kaupa lestarmiða í
gegnum netið. Þá er ýmist ekki gert ráð fyrir Íslandi í lista yfir lönd sem
keypt geta miða, eða kreditkortið verður að vera t.d. breskt o.s.frv.
Slóðirnar sem gefnar eru upp hér neðar varðandi kaup á lestarmiðum,
eiga hins vegar að virka ágætlega.
Meira um lestaráætlanir
Skoðaðu lestaráætlanir og tímatöflur fyrir Evrópu á eftirfarandi síðum:
Bahn.de
Vefur þýsku járnbrautanna
International Train Planner
Vefur belgísku járnbrautanna
Railteam.eu
Tímatöflur og lestaráætlanir fyrir háhraðalestir í Evrópu og
tengingar
Lestarpassar eða stakir miðar?
Lestarpassar geta hentað fyrir lengri ferðir/vegalengdir en stakir miðar
fyrir einn legg eða styttri ferðir. Ég mæli með bæklingnum Guide to
Eurail Passes and your other options for getting around Europe frá
bandaríska ferðafrömuðinum Rick Steves (Íslendingar geta því miður
hvorki keypt miða né passa í gegnum síðuna). Ágætar upplýsingar um
lestarpassa má sömuleiðis finna á annarri síðu Rick Steves: Eurail
Passes.
Vertu þín eigin ferðaskrifstofa – www.ferdalangur.net
49
Annar ferðagúrú sem hefur sérhæft sig í lestarmálum er Mark Smith,
„maðurinn í 61. sæti“. Ég mæli með eftirfarandi vefsíðu hans: A
beginner‘s guide to buying cheap European train tickets.
Vertu vel á verði gagnvart skilmálum sem fylgja lestarmiðum/pössum.
Ertu bundinn af ákveðinni lest á ákveðnum tíma? Hver er
sveigjanleikinn ef þú missir af lest? Hvar þarftu að láta stimpla miðann?
Áður en farið er í lestina? Þarftu að borga viðbótargjald (supplement)
fyrir hraðlest?
Það væri vissulega kjarabót ef hægt væri að kaupa alla lestarmiða á
einum stað fyrir öll lönd Evrópu og vera viss um að fá alltaf ódýrasta
miðann... Það er þó ekki hægt, a.m.k. ekki ennþá. Á síðunni hér að
ofan segir m.a. að best sé að kaupa evrópska lestarmiða á netinu frá
því lestarfyrirtæki sem við á hverju sinni. Þannig fáist besta verðið –
engir milliliðir, engin bókunargjöld, burðargjöld o.s.frv.
Ef þú vilt spara þér ómakið við að leita uppi ódýrasta kostinn og flýta
fyrir þér með því að bóka í gegnum millilið, er hægt að kaupa bæði
lestarmiða og lestarpassa á Rail Europe (World) Svo virðist sem í
einhverjum tilvikum sé miðinn eingöngu í boði á pappír og bætist þá
sendingargjald við. Dæmi: 12 evrur (International delivery) ef keyptur
er miði milli Parísar og Berlínar.
Vertu þín eigin ferðaskrifstofa – www.ferdalangur.net
50
Bahn.de
Þýsku járnbrautirnar, netfargjöld oft í boði.
Thalys.com (háhraðalestir)
Samstarf lestarfyrirtækja í Þýskalandi, Belgíu, Frakklandi og
Hollandi . Hægt að kaupa miða milli margra borga í þessum
löndum.
TGV háhraðalestirnar (í eigu frönsku lestanna)
Net hraðlesta um alla Evrópu. Taktu eftir "price calendar" þar sem
sýnd eru ódýrustu fargjöldin.
Lestarpassar eru til í mýmörgum útgáfum. Þar skiptir m.a. máli:
Aldur farþega
Fjöldi landa sem ferðast á um – eitt eða fleiri
Tímalengd ferðar
Sem dæmi um áhugaverða og freistandi lestarpassa má nefna Interrail
Global Pass, European East Pass, Balkan Flexipass og BeNeLux Tourrail
Pass. Einnig eru til passar fyrir einstök lönd og allt þar á milli.
Þú getur keypt lestarpassa á Rail Europe (World) en einnig á síðunni
International Rail. Þar bætist við sendingargjald.
Loks er ástæða til að nefna ágæta slóð fyrir kaup á Interrail passa
(bæði "global" og fyrir einstök lönd): Interrailnet.com. Ath. panta í tæka
tíð fyrir Ísland. Sendingargjald.
Vertu þín eigin ferðaskrifstofa – www.ferdalangur.net
51
Tenglar á lestarfyrirtæki í nokkrum löndum Evrópu
Evrópa almennt (og fleiri heimshlutar)
RailfanEuropenet.net - Vefsíður allra lestarfyrirtækja í Evrópu og
víðar
Bretland
National Rail – skoðaðu sérstaklega Cheapest fare finder til að
finna ódýrustu miðana
Rail.co.uk
Frakkland
http://www.voyages-sncf.com/ - smelltu á franska fánann efst til
hægri til að breyta yfir á ensku.
Lestarferðir utan Evrópu
Til fróðleiks fylgja hér tenglar á vefsíður nokkurra lestarfyrirtækja í
löndum utan Evrópu.
Amtrak
Lestir í Bandaríkjunum.
VIA Rail Canada
Lestir í Kanada.
Luxury Train Online
Ferðir með Orient Express, Royal Scotsman, Blue Train, Trans-
Siberian Express, Al Andalus Express, American Orient Express,
Royal Canadian Pacific og Rovos Rail.
Vertu þín eigin ferðaskrifstofa – www.ferdalangur.net
52
RailroadData.com
Safn tengla í yfir 5000 lestarsíður. Ógrynni upplýsinga um allt
sem tengist lestum.
Handbók um lestarferðir í Evrópu
Europe by Eurail 2013: Touring Europe by Train – (Rafbók)
Vertu þín eigin ferðaskrifstofa – www.ferdalangur.net
53
Kafli 11 - Jarðlestir (neðanjarðarlestir)
Jarðlestir eru einstaklega skemmtileg fyrirbæri og gera það að verkum
að ferðalög á milli borgarhluta í stórborgum verða leikur einn. Yfirleitt er
afar einfalt að læra á leiðakerfið og þegar búið er að læra á eitt, tekur
enga stund að átta sig á kerfi í öðrum borgum. Til gamans má geta þess
að neðanjarðarlestarkerfið í London, "The tube" eða "London
underground" er elst frá árinu 1863, en því næst koma jarðlestirnar í
Búdapest árið 1896.
Frá Amadeus.net kemur handhæg og bráðnauðsynleg síða, Subway
Maps. Þar getur þú flett upp kortum af neðanjarðarlestarkerfum borga í
öllum heimsálfum. Dæmi: Búdapest, Köln, Barcelona, Berlín, London og
ótal aðrar borgir.
Vertu þín eigin ferðaskrifstofa – www.ferdalangur.net
54
Kafli 12 - Siglingar
Sífellt fleiri skoða siglingar sem ferðamáta. Gildir þá einu hvort siglt er
um öll heimsins höf eða á stórfljótum Evrópu - möguleikarnir eru
margir.
Fyrir þá sem ekki hafa komið um borð í skemmtiferðaskip er ekki
ólíklegt að umhverfi, venjur og hefðir um borð virki yfirþyrmandi í
fyrstu.
Á vefsíðu Frommers.com er góður kafli fyrir byrjendur í
„skemmtisiglingarfræðum", Everything you always wanted to know
about cruising (and then some), þar sem farið er ofan í saumana á öllu
sem viðkemur siglingu á skemmtiferðaskipi. Hvernig á að komast um
borð? Við hverju má búast á skipinu? Hvernig gæti káetan litið út? Hvað
er "port" og hvað er "starboard"? Einnig er fjallað um björgunaræfingar
um borð og margt, margt fleira. Í lok greinarinnar fylgir m.a.s. orðalisti
yfir helstu hugtök sem notuð eru.
Nokkrir tenglar fyrir leitir og bókanir á siglingum:
Viking River Cruises
Fljótasiglingar í Evrópu, Egyptalandi, Rússlandi, Úkraínu, Kína,
Víetnam og Kambódíu. Eitt af leiðandi fyrirtækjum á þessu sviði.
Myndbönd og bæklingar.
Euro River Cruises
Siglingar á ám og fljótum í Evrópu. Þú getur valið um tiltekin fljót
(t.d. Dóná), svæði (t.d. Mið-Evrópu), þemu (t.d. Music) og
Vertu þín eigin ferðaskrifstofa – www.ferdalangur.net
55
sérstök tilboð.
Cruise.co.uk
Cruise.co.uk er samanburðarvefur sem leitar hjá mörgum
siglingafélögum. Einnig allsherjar samfélag áhugafólks um
siglingar með umræðuhópum og þráðum um allt sem varðar
siglingar. Vefurinn fékk verðlaun árin 2009 og 2010 sem World's
Leading Cruise Travel Agent. Margvíslegar upplýsingar og
fróðleikur.
CruiseDirect
Hjá CruiseDirect geturðu valið úr og pantað ótal tegundir ferða.
Fyrir Íslendinga gæti verið freistandi að skoða Last Minute Cruises
eða Europe Cruises. Mjög auðvelt er að bóka og hvenær sem er
hægt að fá aðstoð „í beinni“ yfir netið. CruiseDirect tekur við
bókunum í ferðir með mjög þekktum skipafélögum s.s. Carnival,
Celebrity Cruise Lines, Royal Caribbean, Viking River Cruises og
mörgum fleirum.
Siglingin getur hafist í Bandaríkjunum, frá evrópskum höfnum og
víðar. Við bókun greiðirðu staðfestingargjald og afganginn nokkru
fyrir upphaf ferðar. Miðarnir eru rafrænir sem er mjög þægilegt.
Á vefsíðu CruiseDirect geturðu skoðað stutt myndbönd til að
fræðast um siglingar, veðurkort, ljósmyndir, upplýsingar um
viðkomuhafnir og margt fleira.
CruiseCompete
CruiseCompete er skemmtilegur vefur þar sem hægt er að skoða
Vertu þín eigin ferðaskrifstofa – www.ferdalangur.net
56
ferðir með um 30 siglingafélögum. Þar með er ekki öll sagan sögð,
því viðskiptavinir geta látið "travel agents" bjóða í ferðir sem þeir
hafa áhuga á. Þannig geturðu valið tíma sem hentar, hvert þú
vilt fara og jafnvel með hvaða siglingafélagi (af þeim sem í boði
eru) og síðan beðið um tilboð í ferð. Þú eignast þitt svæði á vef
CruiseCompete og færð svo tilkynningu um að komin séu tilboð
frá sölumönnum ferðaskrifstofa. Þú ert ekki bundinn af neinu,
heldur getur skoðað tilboðin og metið þau, tekið þeim eða hafnað.
Í boði eru ferðir frá höfnum um heim allan, höfnum í Evrópu,
Bandaríkjunum og víðar. Þetta er spennandi leið og gæti þýtt
umtalsverðan sparnað fyrir þig ef tilboðin eru góð. Sérstaklega er
vert að benda á siglingar milli fegurstu borga Evrópu á stórfljótum
eins og t.d. Dóná.
AmaRiverCruises
Siglingar á þekktum fljótum í Evrópu s.s. Dóná, Mósel, Rín,
Rhone, Saone og Signu. Fyrirtækið er einnig með siglingu á ánni
Mekong í gegnum Kambódíu og Víetnam.
Vacations to go
Vacations to go er tilboðsvefur — "last minute cruises".
Aðstandendur vefsíðunnar lofa allt að 75% afslætti af upphaflegu
verði í einhverjum tilvikum.
Vertu þín eigin ferðaskrifstofa – www.ferdalangur.net
57
Kafli 13 - Ferjur
Það er af nógu að taka varðandi ferjusiglingar og í sumum tilvikum
einfaldast að slá inn í Google nafn á brottfararstað og áfangastað og
„ferry“.
Dæmi: Copenhagen Oslo ferry
Það er bæði hægt að bóka hjá fyrirtækjunum sjálfum eða í gegnum
leitar- og bókunarvefi (milliliði). Hér eru tveir slíkir vefir:
FerryCheap
Með FerryCheap geturðu bókað ferjur milli staða víðsvegar um
Evrópu með mörgum mismunandi skipafélögum.
Nokkur dæmi um ferjuferðir á vef FerryCheap:
o Calais – Dover
o Kaupmannahöfn – Osló
o Dublin – Liverpool
o Esbjerg – Harwich
o Gautaborg – Kristiansand
o Guernsey – Jersey
o Helsingborg – Osló
Hægt er að bóka á einfaldan og þægilegan hátt.
Vertu þín eigin ferðaskrifstofa – www.ferdalangur.net
58
Ferrybooker
Ferrybooker er önnur áþekk vefsíða þar sem þú getur bókað far
með ýmsum skipafélögum í Evrópu. Hún bætir t.d. við leiðum sem
FerryCheap býður ekki, s.s. frá meginlandi Bretlands til Orkneyja,
frá Frakklandi til Korsíku eða Sardiníu, frá meginlandi Ítalíu til
Sardiníu og loks bjóðast fjölmargar ferjusiglingar þar sem
upphafshöfn er á Spáni eða Ítalíu.
Vertu þín eigin ferðaskrifstofa – www.ferdalangur.net
59
Kafli 14 - Gönguferðir
Gönguferðir erlendis verða sífellt vinsælli. Ýmsar íslenskar
ferðaskrifstofur, klúbbar og fleiri bjóða slíkar ferðir, bæði með íslenskum
og þarlendum fararstjórum og má þar nefna t.d. Göngu-Hrólf,
Bændaferðir, Skotgöngu (í Skotlandi) o.fl. Um það verður ekki fjallað
nánar hér enda ætlunin að bæta við upplýsingum um fleiri valkosti.
Gönguferðir - langar og stuttar
Ef þú vilt fara á eigin vegum (og þínar eigin leiðir) er þægilegt að byrja
á netinu og skoða möguleika og leiðarlýsingar. Á upplýsingavef European
Ramblers Association geturðu skoðað kort og upplýsingar um gönguleiðir í
Evrópu, lengri sem styttri, jafnvel milli landa.
Ég hef heyrt vel látið af bresku fyrirtæki, HF Holidays (stofnað 1913)
sem býður fjölbreyttar gönguferðir um Bretlandseyjar fyrir ýmsa
aldurshópa. Hægt er að velja um ferðir í hóp eða „self-guided walking“,
Vertu þín eigin ferðaskrifstofa – www.ferdalangur.net
60
frægar gönguleiðir og gönguferðir eftir erfiðleikastigum. Gengið er á
Bretlandseyjum, í Bandaríkjunum, á stöðum í Karabíska hafinu, Evrópu,
Kanada, Suður-Ameríku, Asíu og Kanada.
Fyrirtækið er mjög þekkt og virt í þessum "bransa" og hefur hlotið
margvíslegar viðurkenningar og verðlaun fyrir ferðir sínar og þjónustu.
Það vann m.a. til tveggja ferðaverðlauna árið 2011. Annars vegar hjá
dagblaðinu "The Guardian" og hins vegar hjá "The Observer". Verðið
mun vera sanngjarnt.
Handbók um gönguferðir
The Ultimate Hiker's Gear Guide: Tools and Techniques to Hit
the Trail – (Rafbók/prent)
Vertu þín eigin ferðaskrifstofa – www.ferdalangur.net
61
Kafli 15 - Hjólaferðir
Hjólreiðar og hjólaferðir verða sífellt vinsælli, ekki síst vegna vaxandi
áhuga fólks á hollri hreyfingu, breyttum viðhorfum til umhverfisins eða
einfaldlega til gamans.
Á hjóli um Evrópu
Þegar leitað er að upplýsingum á netinu um hjólaferðir í Evrópu, er úr
vöndu að ráða. Það er mikið til af síðum frá ferðaskrifstofum sem
auglýsa skipulagðar hjólaferðir, en öllu erfiðara að finna hlutlausar síður
með almennum upplýsingum fyrir áhugasama sem ætla sér að hjóla
sjálfir, ekki í skipulögðum hóp. Sem dæmi um slíka síðu má þó nefna
Trento bike pages. Láttu ekki útlit vefsins villa um fyrir þér. Hann er
ekki rekinn í gróðaskyni. Á honum eru dýrmætar upplýsingar um
hjólatúra og hjólaleiðir ásamt fróðleik um hjólreiðar í flestum löndum
Evrópu og einnig í öðrum heimsálfum.
Á síðunni Bike Tours Direct geturðu skoðað ferðir með ýmsum
evrópskum hjólreiðafyrirtækjum (einnig utan Evrópu) og valið úr yfir
200 ferðum í 40 löndum. Ferðirnar eru ýmist með eða án fararstjóra
(guided/self-guided). Úrval ferða er gott og verðið virðist vera
sanngjarnt. Ferðir eru einnig tíðar.
Margir kannast við þýska ferðaskrifstofu, Velociped, sem er staðsett í
Marburg í Þýskalandi. Hún hefur getið sér gott orð og býður hjólaferðir í
mörgum Evrópulöndum en einnig á Kúbu, Hawai og Nýja-Sjálandi.
Veldu enska fánann efst til hægri ef þörf krefur.
Vertu þín eigin ferðaskrifstofa – www.ferdalangur.net
62
Forvitnilegar hjólaleiðir
Bikely er nafn á ágætri vefsíðu þar sem saman koma áhugamenn um
hjólreiðar og deila hver með öðrum upplýsingum um góðar hjólaleiðir
um víða veröld. Meðal annars geturðu leitað eftir hjólaleiðum og
löndum. Gert er ráð fyrir að notendur skrái sig sem meðlimi síðunnar til
að geta "teiknað" upp hjólaleiðir, þ.e. sett leiðina á kort fyrir aðra.
Handbók um hjólaferðir
Bike Touring Survival Guide – (Rafbók)
Vertu þín eigin ferðaskrifstofa – www.ferdalangur.net
63
Kafli 16 – Tilboð á síðustu mínútu „sitt lítið af hverju“
Á tilboðsvefnum LastMinute.com er hægt að bóka flug, hótel, lestarmiða
(Eurostar), bílaleigubíla, málsverði á veitingastöðum, skemmtanir,
leikhúsmiða, borgarferðir og dvöl á heilsuhælum/heilsulindum. Sjálfsagt
er að gera leit á vefnum og bera saman við niðurstöður annars staðar.
Ekki síst ef fara á í leikhús, t.d. í London eða New York.
Vertu þín eigin ferðaskrifstofa – www.ferdalangur.net
64
Kafli 17 – Nám og frí
The Oxford Experience, sumarnámskeið í Christ Church háskóla í
Oxford, gæti verið skemmtilegur möguleiki fyrir ferðalanga sem hafa
góða enskukunnáttu og vilja sameina nám og frí. Ekki eru sérstakar
forkröfur fyrir námskeiðin.
Meðan á námskeiðunum stendur er dvalið er í heimavist Christ Church
skóla (frá 18. – 20. öld) og borðað sameiginlega í stórum matsal sem
notaður var svo eftirminnilega í kvikmyndunum um Harry Potter. Hægt
er að sækja um eina viku eða fleiri, allt upp í 6 vikur. Valið er úr 60
mismunandi námskeiðum sem koma af eftirfarandi sviðum:
Fornleifafræði og saga
Listir, tónlist, hús og garðar
Bókmenntir, þjóðhættir og skapandi skrif
Nútímasaga og pólitík
Náttúrufræði, félagsfræði
Sjá nánar hér: www.oxfordexperience.info
Vertu þín eigin ferðaskrifstofa – www.ferdalangur.net
65
Kafli 18 – Viltu gerast sjálfboðaliði?
Hér eru nokkrar vefsíður sem bjóða upp á störf fyrir sjálfboðaliða án
þess að til komi verulegur kostnaður. Vefsíðurnar byggja ekki eingöngu
á hugsjónastarfi heldur einnig á þörf einstaklinga/bóndabýla/lítilla
fyrirtækja fyrir aðstoð um lengri eða skemmri tíma.
Workaway
Stofnað 2009. Vinna í nokkra tíma á dag í skiptum fyrir fæði og
húsnæði. Möguleikar í öllum heimsálfum.
WWOOF - World Wide Opportunities on Organic Farms
Stofnað 1971. N.k. regnhlífarsamtök landssamtaka en einnig einstakra
bændabýla utan landa sem ekki hafa landssamtök. Hér bjóðast tækifæri
til að vinna sem sjálfboðaliði við lífrænan landbúnað. Fyrir 6 stundir á
dag, sex daga vikunnar geturðu fengið frítt fæði og húsnæði í allt að 90
löndum.
Help Exchange
Stofnað 2001. Virkar nokkuð svipað og WWOOF í 90 löndum. Vinna í
landbúnaði, heimagistingu, á farfuglaheimilum og á bátum svo eitthvað
sé nefnt.
GrowFood.org
Stofnað 2001 (non-profit). Hægt að dvelja á bændabýlum um lengri eða
skemmri tíma. Flest býlin eru í Bandaríkjunum en þó eru mörg önnur
lönd í boði.
Vertu þín eigin ferðaskrifstofa – www.ferdalangur.net
66
Kafli 19 – Gerðu ferðina persónulega
Þú getur gert þína upplifun enn skemmtilegri og persónulegri á ýmsum
stöðum. Í mörgum borgum/löndum er boðið upp á áhugaverðar leiðir til
að kynnast áfangastöðunum enn betur með aðstoð íbúa. Hér eru dæmi
um slíkt í Berlín, Moskvu og París:
Berlín
Plus One Berlin
Íbúðagisting í áhugaverðum borgarhlutum Berlínar þar sem áhersla er
lögð á að kynna ferðalanginum leyndardóma Berlínar, ýmist yfir
glasi/kaffisopa eða í stuttri skoðunarferð. Þú borgar kannski aðeins
meira fyrir gistinguna en færð leiðsögnina í kaupbæti.
Moskva
Moscow Greeter
Þrammaðu um Moskvuborg með íbúa sem gjörþekkir borgina. Frítt.
Vertu þín eigin ferðaskrifstofa – www.ferdalangur.net
67
París
Meeting the French
Á þessari síðu er hægt að bóka bæði B&B og íbúðir en einnig að bóka
stutt matreiðslunámskeið, ferðir á markaði eða kvöldverð með
frönskum gestgjöfum á heimli þeirra.
Danmörk
Meet the Danes
Skipulagning ferða/heimsókna, aðstoð og ýmis konar afþreying í boði
fyrir ferðamenn til Danmerkur.
Írland
B&B Ireland
Hér er hægt er að bóka heimagistingu með mismunandi áherslum sem
tengjast írskri menningu eða ýmsum tegundum afþreyingar.
Vertu þín eigin ferðaskrifstofa – www.ferdalangur.net
68
Kafli 20 - Að lesa sér til fyrir ferðalagið
Við getum trúlega flest verið sammála um að meira fáist út úr ferðalagi
ef undirbúningurinn er góður. Það er gott að vera búin að kynna sér
staðhætti, velta fyrir sér markverðum stöðum sem gaman væri að
heimsækja, vita svona u.þ.b. hve margir búa í bænum/borginni og geta
jafnvel slegið um sig með fáeinum orðum á tungumáli viðkomandi
lands.
Það er úr mörgu að velja. Á netinu eru gríðarlega miklar, ókeypis
upplýsingar frá aðilum sem eiga ólíkra hagsmuna að gæta. Svo miklar
upplýsingar geta stundum ruglað mann í ríminu. Þess vegna langar mig
að benda þér á nokkra ágæta vefi.
Ferðaöryggi í ýmsum löndum
Ef þú ætlar að ferðast til fjarlægra slóða, er hægt að fá upplýsingar um
aðstæður í einstökum löndum á vef Foreign and Common Wealth Office
í Bretlandi undir kaflanum Travel and living abroad.
Greinar í blöðum, timaritum og á netinu
Það er auðvelt að gleyma sér við lestur ferðagreina á vefnum hjá The
Guardian, New York Times og hjá National Geographic. Hjá Lonely
Planet er heldur ekki komið að tómum kofanum og vissara að hafa
nægan tíma ef kíkt er á þann vef.
Stuttar samantekir/bæklingar
Arrival Guides
Leiðarvísar fyrir rúmlega 400 borgir/staði víðsvegar um heiminn
(ókeypis).
Vertu þín eigin ferðaskrifstofa – www.ferdalangur.net
69
Dæmi: Leiðarvísir fyrir Verona, Ítalíu (hægt að hlaða niður).
Ferðahandbækur á pdf formati (einstaka kaflar) og ferðaforrit fyrir
Iphone
Alfræði
Britannica
Alfræði (ókeypis aðgangur á Íslandi). Grunnupplýsingar og pistlar
um flesta staði sem hægt er að hugsa sér. Einnig sögulegar
upplýsingar ef það hentar.
Wikipedia
Alfræði.
Wikitravel
Óháð ferðasíða.
Ferðamálaráð ýmissa landa heims
Tourism Offices Worldwide Directory
Hér færðu lista yfir upplýsingamiðstöðvar á vegum hins opinbera í
hverju landi, sem eiga að veita ókeypis og hlutlausar upplýsingar
um ferðamál. Í mörgum tilvikum geturðu sent beiðni um
upplýsingar og/eða bæklinga á netföng ferðamálaráða viðkomandi
staða. Oft má raunar finna góða bæklinga á vefsíðum
ferðamálaráða og hægt að prenta þá út eða hlaða niður á eigin
tölvu.
Vertu þín eigin ferðaskrifstofa – www.ferdalangur.net
70
Á undanförnum árum hef ég oft skrifað ferðamálaráðum á ýmsum
stöðum í Evrópu og ávallt fengið góð svör og ábendingar. Stundum hafa
borist heilu pakkarnir með efni; bæklingar, bæjar-/borgarkort og
upplýsingar. Jafnvel geisladiskar með upplýsingaefni.
Staðreyndavefir um lönd heims
BBC Country Profiles
Þú velur þér land og færð fróðlegt yfirlit um það helsta sem er á
döfinni. Yfirlitið er uppfært um leið og dregur til tíðinda t.d. á
stjórnmálasviðinu. Á vefnum er hægt að hlusta á þjóðsöng hvers
lands og oft eru tenglar í myndbandsbúta frá BBC. Hvert yfirlit
skiptist í fjóra hluta: Overview, Facts, Leaders og Media. Einnig
geturðu smellt á sérstakt yfirlit, Timeline, þar sem helstu atburða
úr sögu landsins er getið í tímaröð.
World Factbook (frá CIA)
Afar fróðlegar upplýsingar. Þú getur á einfaldan hátt flett upp
löndum og fengið upplýsingar um ýmsar staðreyndir s.s.
fólksfjölda, landfræðileg efni, stjórnarfar og margt fleira.
Ómissandi síða fyrir þá sem vilja afla sér fjölbreyttra upplýsinga
um landið sem til stendur að heimsækja.
Heimsminjaskrá UNESCO
Hvaða staðir eru á heimsminjaskrá Unesco? Eftir að Þingvellir
komust á heimsminjaskrána árið 2004 er ekki ólíklegt að margir
hafi tekið að velta því fyrir sér hvaða aðra staði sé að finna í
skránni. Staðirnir eru flokkaðir eftir löndum.
Vertu þín eigin ferðaskrifstofa – www.ferdalangur.net
71
Íslenskir ferðavefir
Nokkuð er til af íslenskum vefsíðum sem fjalla um einstök lönd/borgir
eins og t.d. Rómarvefurinn. Ferðavefir, sem veita upplýsingar um ýmis
lönd og eru ekki eingöngu bókunarvefir, eru m.a. eftirfarandi:
Fararheill
Ferðaheimur
Ferðalangur.net
Túristi.is
Útgefendur ferðahandbóka
Á vefsíðum útgefenda ferðahandbóka er hægt að nálgast mikið af
upplýsingum án þess að kaupa endilega sjálfar handbækurnar. Líttu á
eftirfarandi vefi:
Eyewitness
Fodors.com
Frommers.com
In Your Pocket
Lonely Planet
Rick Steves'
Rough Guides
Ferðahandbækur
Stundum vill maður einfaldlega hafa góða bók með sér í ferðalagið. Þá
er gott að geta gripið í ferðahandbækur frá útgefendunum hér að ofan.
Af nógu er að taka. Bækurnar fjalla gjarnan um ákveðin lönd, borgir eða
hafa ákveðin þemu s.s. ferðalög með börnin, hjólað um Evrópu o.s.frv.
Ferðahandbækur frá Lonely Planet hafa oft reynst mér vel. Það sem
Vertu þín eigin ferðaskrifstofa – www.ferdalangur.net
72
skiptir þó mestu máli er að vera með sem nýjastar upplýsingar því
hlutirnir breytast hratt. Hægt er að kaupa úrval ferðahandbóka á
Amazon:
Ferðahandbækur — Amazon.uk (Bretland)
Ferðahandbækur — Amazon.com (Bandaríkin)
Sumum þykir freistandi að panta handbækur sem þessar að utan, sér í
lagi ef þær eru tvær eða fleiri. Þannig sparast oft nokkur upphæð.
Gerðu þó samanburð við verslanir hér heima fyrst.
Kort – Fjarlægð milli staða o.fl.
Eftirfarandi tenglar nýtast vel í að spá og spekúlera. Hvar er
gististaðurinn? Hvað er langur akstur á milli A og B? Er raunhæft að
ætla að komast yfir allt þetta á einni helgi, einni viku o.s.frv.?
Google Maps
Google Earth (þarf að hlaða niður á eigin tölvu)
ViaMichelin
Vertu þín eigin ferðaskrifstofa – www.ferdalangur.net
73
Kafli 21 - Tungumál
Það er gaman að kunna fáein orð í tungumáli þess lands sem þú ætlar
að heimsækja. Það er gulltrygg aðferð til að laða fram bros hjá
gestgjöfum, starfsfólki í verslunum og öðrum sem hafa þarf samskipti
við. Þó ekki sé til annars en að bjóða góðan daginn. Þú hefur enga
afsökun (!) því BBC er með frábæran vef, BBC languages. Þar býðst
ókeypis kennsla í mörgum tungumálum, m.a. frönsku, spænsku, grísku,
þýsku og ítölsku en einnig í tungumálum sem okkur eru fjarlægari. Á
þessum ágæta vef er m.a. að finna Quick Fix – Essential phrases in 40
languages. Þú getur prentað út efni, hlustað á hljóðskrár og horft á
kennslumyndbönd svo eitthvað sé nefnt. BBC uppfærir þennan vef ekki
lengur en hann er sneisafullur af skemmtilegu efni.
LingoWorld er skemmtilegt og ódýrt app sem
býður algenga frasa og orð á 10 tungumálum:
Íslensku, ensku, frönsku, þýsku, ítölsku,
spænsku, japönsku, kínversku, kóreönsku og
tælensku. Hér er hægt að hlaða því niður fyrir Iphone. Android útgáfa
er á leiðinni.
Vertu þín eigin ferðaskrifstofa – www.ferdalangur.net
74
Kafli 22 – "Öpp" fyrir snjallsíma, m.a. iPhone, iPad o.fl.
Það er enginn skortur á smáforritum eða „öppum“ fyrir ferðalanga sem
nota snjallsíma, iPad o.fl. Ég ætla að minnast á nokkur þeirra og leggja
áherslu á öpp fyrir vinsælustu stýrikerfin Android og iOS. – Hafðu þó í
huga að notkun þeirra margra kallar á netsamband og það getur verið
dýrt í útlöndum ef þú ert að nota 3G-kerfi símafyrirtækis þíns á Íslandi
og háhraða netsamband.
1. TripIt
Forritið heldur utan um ferðagögnin þín. Það tengist tölvupóstinum
þínum og grípur alla pósta sem innihalda staðfestingarnúmer flug, hótel,
jafnvel kvöldverð á veitingastöðum og setur það inn í ferðaplanið á
skipulagðan hátt. Seinkanir á flugi og breytingar uppfærast sjálfkrafa.
Ókeypis | Fyrir: iPhone, iPod touch og iPad | Stýrikerfi: iOS 3.0 eða
nýrra
2. FlightAware
Heldur utan um flugið þitt. Settu flugnúmerið og flugfélagið inn í forritið
og Flightaware sér um afganginn. Samþykktu að þú viljir fá tilkynningar
(„push notification feature“) fyrir uppfærslur á seinkunum, breytingu á
númeri hliðs (gate) eða niðurfellingu flugs.
Ókeypis | Fyrir: iPhone, iPod touch og iPad | Stýrikerfi: iOS 4.1 eða
nýrra
Vertu þín eigin ferðaskrifstofa – www.ferdalangur.net
75
3. EveryTrail
GPS sem sýnir kort um leið og gengið er, með götuheitum, áttavita,
hljóðleiðsögn (audio guide), áhugaverðum stöðum (POI) og
upplýsingum um meðal gönguhraða, hæð yfir sjávarmáli og hversu
lengi gengið er. Ferðalangar um heim allan nota forritið til að deila
áhugaverðum stöðum.
Ókeypis | Fyrir: iPhone, iPod touch og iPad | Stýrikerfi: iOS 3.1 eða
nýrra
4. Google Translate
Þetta þarf vart að kynna – forritið þýðir á milli fjölmargra tungumála.
Gættu þín þó á „vélrænum þýðingum“ – þær eru ekki alltaf réttar né
nákvæmar...
Ókeypis | Fyrir: Android síma, iphone og iPod touch | Stýrikerfi:
Android, iOS
5. Wikitude - Location guide
Wiki fyrir ferðalanga. Upplýsingar um ýmsa áfangastaði.
Ókeypis | Fyrir: Android síma, Iphone og Ipad | Stýrikerfi: Android, iOS
6. Skype
Hringdu fyrir minna verð í útlöndum.
Ókeypis | Fyrir: Android, iphone, Ipad og margt fleira | Ýmis stýrikerfi
Vertu þín eigin ferðaskrifstofa – www.ferdalangur.net
76
7. Skype Wi-Fi
Góð viðbót við Skype. Kemur í staðinn fyrir aðra Wi-Fi "hotspots" sem
þarf að greiða fyrir, t.d. á flugvöllum. Notar "Skype Access". Aðeins er
greitt fyrir þann tíma sem notaður er.
Ókeypis að hlaða niður en þarf að setja upphæð inn á til að geta hringt.
Fyrir: iPhone, Ipad | Stýrikerfi: iOS
8. LingoWorld
Sjá lýsingu í kafla 21 – Tungumál.
Vertu þín eigin ferðaskrifstofa – www.ferdalangur.net
77
Kafli 23 - Almennar ráðleggingar til ferðalanga
Ráð frá Frommers.com
Eftirfarandi ráðleggingar hef ég þýtt og staðfært úr greininni 12 Lessons
Learned from a Life on the Road af vefsíðu Frommers.com. Þær koma
frá þaulvönum ferðamönnum.
Það getur verið töluverð vinna að ferðast og erfitt á köflum. Ferðalög
snúast ekki bara um brosandi flugfreyjur og notalegt starfsfólk í
gestamóttöku. Brosið er oft fljótt að hverfa eða getur „stirðnað“ þegar
einhver aukakostnaður kemur ferðafólki á óvart.
Ekki búast við neinu
Ekki ferðast með of miklar væntingar. Það er auðvelt að búast við alltof
miklu og verða svo fyrir vonbrigðum.
Vertu alúðlegur
Gerðu þér og þeim sem þú hefur samskipti við þann stóra greiða að
vera alúðlegur og almennilegur. Þú færð svo miklu betri þjónustu
þannig og öll samskipti verða auðveldari.
Borgaðu frekar með kreditkorti
Það eru til ýmsar sögur um ferðaauglýsingar á netinu þar sem staðfesta
þarf eitthvað með millifærslu peninga. Á þann hátt ertu algjörlega
óvarinn ef eitthvað vafasamt er á ferðinni. Ef þú borgar með kreditkorti
hefurðu a.m.k. einhverja vörn og getur farið fram á endurgreiðslu.
Ekki pakka of miklu
Þetta skiptir miklu máli. Ágætt er að spyrja sig aftur og aftur þegar
Vertu þín eigin ferðaskrifstofa – www.ferdalangur.net
78
pakkað er: "Get ég verið án þess?" Og ef svarið er já, skilja það þá eftir.
Þetta skiptir enn meira máli í ljósi þess að sum flugfélög
(lággjaldaflugfélög) eru farin að rukka sérstaklega fyrir hverja innritaða
tösku. Það kemur einnig fyrir að farangur glatast þó að hann finnist sem
betur fer oftast aftur.
"Plan B"
Hversu einföld sem ferðaáætlunin þín kann að vera, er alltaf gott að
eiga varaáætlun í farteskinu.
Vertu hæfilega varkár
Ekki treysta öllu sem þú lest og sérð. Kannaðu hlutina sjálfur til vonar
og vara. Stenst þetta verð? Er það rétt sem stendur í ferðahandbókinni?
Staðfestu bókanir
Ekki treysta bókunum í blindni. Hafðu samband fyrir brottför/komu til
vonar og vara, hvort sem um er að ræða flug- eða hótelbókun. Vertu
viss.
Ljósrit af vegabréfi
Ferðastu ávallt með ljósrit af passanum þínum og jafnvel passamyndir
til vara. Þannig gengur mun betur að fá bráðabirgðapassa ef hann
týnist. Pakkaðu þessu ekki með einhverju sem getur auðveldlega týnst
eða verið stolið. (Einnig hægt að skanna afrit og eiga í tölvupósti).
Góð hvíld
Ferðalangar eiga það til að hafa allt á hornum sér ef þeir eru þreyttir og
illa fyrir kallaðir. Þegar fólk hefur náð að hvílast, verða ýmsir hlutir að
smámunum sem áður voru stórmál.
Vertu þín eigin ferðaskrifstofa – www.ferdalangur.net
79
Nokkur "ferðaboðorð"
Þau eiga oftast vel við "ferðaboðorð" Arthurs Frommers, ferðafrömuðar:
Hringdu aldrei úr síma hótelsins, skiptu aldrei peningum þar og
láttu hótelið aldrei þvo af þér. Öll þessi atriði kosta mikið og
aðeins í boði til að hótelin geti lagt mikið á þau. Skiptu peningum í
hraðbanka/banka, notaðu farsíma eða almenningssíma og finndu
myntþvottahús í nágrenninu til að þvo af þér spjarirnar.
Ekki nota "skiptistofur" til að skipta peningum — finndu heldur
banka, því stærri því betra, því þeir eru líklegri til að bjóða
hagstæðara gengi.
Pakkaðu eins litlu og þú mögulega getur. Mikill farangur getur
verið hin mesta byrði, bæði líkamlega og peningalega — þú getur
þurft að borga dyravörðum og leigubílstjórum þjórfé og ert engan
veginn jafn frjáls að hlaupa á milli hótela til að bera saman verð.
Ef þú ætlar að spara skaltu borða eina máltíð á dag eins og þú
værir í útilegu. Keyptu þér brauð, kæfu, osta og vín í einhverju
"delicatessen" eða í stórmarkaði og njóttu matarins á bekk í
almenningsgarði, á bökkum fallegrar ár eða jafnvel uppi á
hótelherbergi. Þú sparar og borðar hollan og góðan mat í
ofanálag.
Þegar farið er á veitingastað erlendis er upplagt að skipta
réttinum á milli tveggja og deila matnum með ferðafélaganum ef
hann er til staðar. Pantaðu einn forrétt og einn aðalrétt og skiptu
á milli ykkar - oftast er þetta meira en nóg og þið hafið sparað
Vertu þín eigin ferðaskrifstofa – www.ferdalangur.net
80
50%.
Aldrei skyldi dæma hótel eftir ytra útliti þess. Stundum finnurðu
hagkvæmustu gistinguna í aldagömlum byggingum. Láttu ekki
heldur skort á glæsilegri gestamóttöku fæla frá — fáðu að skoða
herbergin.
Þegar þú heimsækir stórborgir ættirðu að læra að nota
almenningssamgöngurnar, s.s. neðanjarðarlestir, sporvagna eða
venjulega almenningsvagna. Njóttu þess að horfa út um
gluggana; þú sparar og sérð líka hvernig fólk býr.
Farðu í skoðunarferðir á tveimur jafnfljótum, ekki plana allt
fyrirfram og láttu ferðamannagildrur eins og rútuferð um borgina
eiga sig. Þú sérð svo miklu meira fótgangandi — og hefur líka
tækifæri til að skoða alla frægu staðina s.s. stytturnar og söfnin
sem ferðamannarúturnar heimsækja. Kíktu inn í húsagarða, inn á
lóðir skóla og sjúkrahúsa, heimsæktu matvöruverslanir og aðrar
verslanir og spjallaðu við íbúana.
Kauptu leikhúsmiða þar sem íbúar staðarins kaupa þá, t.d. á
sýningardegi fyrir helming verðs. Ef þú ert í stórborg skaltu spyrja
hvar leikhúsmiðar á afslætti fáist, sbr. tkts á Leicester Square í
London.
Lestu þér til um áfangastaðinn fyrirfram. Það er alltaf hægt að
finna góðar ábendingar um ódýra gistingu, veitingastaði eða
viðburði.
Vertu þín eigin ferðaskrifstofa – www.ferdalangur.net
81
Þegar hópur ferðast saman
Hvað er til ráða þegar nokkrir ferðast saman í hóp og eiga á hættu að
missa sjónar af ferðafélögunum á fjölförnum stöðum eins og á
járnbrautarstöðvum eða á fjölförnum götum? Ein lausn er að klæðast
áberandi litum. Það getur munað miklu að geta horft eftir skærgulum
bol, stakk eða öðru — nú eða öðrum áberandi lit t.d. rauðum. Þetta er
gott er að hafa í huga, ekki síst ef börn og unglingar eru með í för.
Hægt er að taka þessa hugmynd skrefi lengra og panta á ódýran hátt
samskonar boli á allan hópinn með tilheyrandi letri erlendis frá.
Nýir seðlar og mynt
Taktu þér tíma til að skoða nýja seðla og mynt, t.d. uppi á hótelherbergi
á nýjum stað. Það er afleitt að vandræðast með seðla sem þú ekki
þekkir fyrir framan afgreiðslufólk í búðum eða á útimörkuðum og eykur
líkurnar á að þú fáir ekki rétt gefið til baka.
Vertu þín eigin ferðaskrifstofa – www.ferdalangur.net
82
Kafli 24 - Pakkað fyrir ferðina
Flestir hafa sína sérvisku varðandi pökkun fyrir ferðalög. Mín sérviska
felst einkum í því að strauja hverja einastu spjör sem ofan í töskuna fer
(en strauja annars aldrei). Oft nota ég venjulega plastpoka utan um föt
sem heyra saman. Sumir nota með góðum árangri sérstaka fatapoka úr
plasti fyrir ferðatöskur, sem fá má víða á flugvöllum í ýmsum stærðum.
Mats Henricson hefur dundað við vefsíðuna The Universal Packing List
undanfarin ár. Eiginlega mætti kalla síðuna hálfgert gagnasafn. Þar er
hægt að setja inn upplýsingar og fá niðurstöður — tillögur um hvað gæti
verið hentugt að taka með í ferðina. Listann er síðan hægt að prenta út
eða fá í tölvupósti.
Allir ferðalangar ættu að líta á vefsíðuna OneBag en þar er þeim kennt
að komast af með sem minnst. Vefurinn hefur raunar hlotið sérlega
viðurkenningu PC Magazine og Britannicu.
Sjá einnig minnislista fyrir ferðalanga aftast í bókinni.
Vertu þín eigin ferðaskrifstofa – www.ferdalangur.net
83
Kafli 25 - Tryggingar og heilsan
Sjúkratryggingakort
Hafðu með þér evrópskt sjúkratryggingakort í ferðalagið sem gildir í
flestum löndum Evrópu. Það er einfalt að sækja um kortið á vef
Tryggingastofnunar. Þú fyllir út lítið eyðublað og færð kortið sent um
hæl í pósti. Á vefnum færðu einnig leiðbeiningar um hvar kortið gildir.
Mikilvægt er að átta sig á að það gildir eingöngu hjá
heilsugæslustöðvum, sjúkrahúsum, apótekum og öðrum þjónustuaðilum
með samninga við opinbera sjúkratryggingakerfið í viðkomandi landi.
Ekki þýðir að framvísa kortinu á einkareknum læknastofum.
Ef þú þarft að leita til einkarekinna sjúkrastofnana, skaltu safna saman
öllum kvittunum fyrir útlögðum kostnaði, hvort sem
það er skoðunargjald, myndataka, lyfjakostnaður
eða ferð í leigubíl á sjúkrahús og til baka. Þetta getur
skipt máli varðandi ferðatryggingar
tryggingafélaganna.
Kynntu þér nákvæmlega hvaða bótarétt þú átt ef veikindi koma upp
erlendis þegar þú greiðir farseðil með kreditkorti (sjá vefsíður
kortafyrirtækja). Einnig, hvort ferðatrygging er innifalin í
heimilistryggingunum þínum. Ef ekki, ættirðu að kaupa hana
sérstaklega. Hér gildir gamla viðkvæðið: "Þú tryggir ekki eftirá...."
ATH: Til er “app” fyrir snjallsíma: “European Health Insurance Card"
app sem hægt er að hlaða niður hér. Það veitir almennar upplýsingar
um Evrópska sjúkratryggingakortið, neyðarnúmer, hvað er innifalið,
Vertu þín eigin ferðaskrifstofa – www.ferdalangur.net
84
kostnað, hvernig á að sækja um endurgreiðslu og hvert á að hafa
samband ef kortið týnist.
Tryggingayfirlýsing fyrir lönd utan EES svæðisins
Ef þú ert að ferðast til landa utan EES, er sjálfsagt að hafa með sér
tryggingayfirlýsingu frá Sjúkratryggingum Íslands, upplýsingar og
eyðublað hér.
Bólusetningar
Almennt þarftu ekki að hafa áhyggjur af bólusetningum vegna ferða til
Evrópulanda. Það er hins vegar gott að vita af vef
Landlæknisembættisins en þar er að finna fróðleik um bólusetningar
ferðamanna til landa utan Evrópu ásamt ýmsum hollráðum fyrir
ferðafólk.
Flugferðin, siglingin og bíllinn
Hvernig er hægt að komast hjá óþægindum á meðan flugferð stendur?
Hvernig er best að taka á sjóveiki og bílveiki? Hvað með ófrískar konur
og ferðalög?
Einn allra vandaðasti vefur fyrir almenning um þessi efni og mörg fleiri,
er upplýsingavefur MedlinePlus frá National Library of Medicine (USA).
Meðal tengla á vefnum má nefna Ears and altitude (vandamál tengd
eyrum í mikilli hæð) og Motion sickness (sjóveiki/flugveiki/ bílveiki).
Í löngu flugi (sérstaklega lengra en 8 klst.) eykst örlítið hætta á myndun
blóðtappa – þó það sé afar sjaldgæft. Þar eru stuðningssokkar besta
vörnin, öðru nafni flugsokkar, sem hægt er að fá í lyfjaverslunum. Sjá
nánar í greininni Flug og blóðtappar.
Flugnabit og "tea tree olía"
Þeir sem fengið hafa flugnabit vita að erfitt er að koma auga á flugurnar
Vertu þín eigin ferðaskrifstofa – www.ferdalangur.net
85
sem bitinu valda. Þær láta einna helst á sér kræla á kvöldin og um
nætur. Ef þú ert ofnæmisgjarn er um að gera að bera sérlega vel
flugnaáburð á ökklana því fæturnir geta bólgnað ef flugan kemst í feitt.
Einnig skaltu forðast að hafa opna glugga og ljós fyrir innan að kvöldlagi
því flugurnar dragast að ljósinu. Ef rakt er í veðri, máttu eiga von á fleiri
"árásum" en ella. Þeir sem bólgna mikið, t.d. á útlimum við minnsta bit,
þurfa mögulega að taka ofnæmistöflur eða að ráðfæra sig við lækni
áður en haldið er af stað og e.t.v. taka með sér lyf.
Ég hef komist að raun um að tea tree olía dugar vel í baráttunni við
þrota í húð eftir flugnabit og tilheyrandi kláða. Ef þú nærð að bera
olíuna á fljótlega eftir bit og endurtekur það síðan með reglulegu
millibili, verður minna úr bitinu en ella. Olían fæst m.a. í lyfjaverslunum.
Hvernig er best að haga sér í miklum hita?
Undanfarin sumur hafa komið allmiklar hitabylgjur í Evrópu. Það er því
ágætt að vera viðbúinn slíku ef þú ætlar suður á bóginn og gildir þá
einu hvort um er að ræða júní, júlí eða ágúst. Efnið hér að neðan er
byggt á grein frá Centers for Disease Control and Prevention, USA: Tips
for Preventing Heat-Related Illness (þýtt og endursagt).
Hafðu hatt á höfðinu, helst barðastóran og sólgleraugu. Notaðu
sólarvörn nr. 15 eða hærri (merkta "broad spectrum" eða
UVA/UVB protection).
Vertu í léttum, ljósum og víðum fötum.
Drekktu mikinn vökva (án alkóhóls), hvort sem um kyrrstöðu eða
hreyfingu er að ræða. Ekki bíða eftir að þorstinn sæki á. Varúð: Ef
læknirinn þinn ráðleggur takmarkað vökvamagn eða ef þú notar
Vertu þín eigin ferðaskrifstofa – www.ferdalangur.net
86
bjúgtöflur, hafðu þá samráð við hann um hversu mikið þú eigir að
drekka í hita.
Ekki drekka vökva sem inniheldur koffein, alkóhól eða vökva með
miklu sykurinnihaldi — slíkir vökvar valda meira vökvatapi.
Forðastu einnig mjög kalda drykki því þeir geta valdið
magakrampa og líkaminn kallar stöðugt á meiri vökva vegna
orkutapsins við að hita drykkinn upp í líkamshita.
Haltu þig innandyra og helst á stað með loftkælingu.
Viftur geta komið að gagni, en hjálpa lítið ef hitinn fer upp fyrir
ákveðin mörk.
Aldrei skilja neinn eftir í lokuðum, kyrrstæðum bíl.
Sumir eru í meiri hættu en aðrir varðandi óþægindi og jafnvel
veikindi af völdum hita. Fylgstu vel með þeim:
o Ungabörn og smábörn
o Fólk, 65 ára og eldra
o Fólk með geðsjúkdóma
o Fólk sem er veikt fyrir, t.d. hjartveikt eða með háan
blóðþrýsting.
Reyndu að takmarka útivist við morgnana og kvöldin þegar hiti er
minni.
Takmarkaðu líkamsrækt. Hún veldur meiri þorsta.
Hvílstu oft og í skugga.
Vertu þín eigin ferðaskrifstofa – www.ferdalangur.net
87
Niðurgangur
Hægt er að kaupa t.d. lausasölulyfið Imodeum í lyfjaverslunum
heima/erlendis. Leitaðu læknis ef þörf krefur og ástandið dregst á
langinn.
Skógarmítill
Skógarmítill er leiðindapadda sem þarf að gæta sín á. Ef þú ert á
ferðinni í skóglendi/graslendi er ástæða til að þú skoðir þig (og börn ef
þau eru með í ferðinni) á kvöldin, hátt og lágt. Paddan krækir sig við
blóðgjafa sem leið eiga hjá og það þarf að fjarlægja hana með varúð.
Örfá prósent pöddunnar bera í sér bakteríu sem veldur Lyme-sjúkdómi í
mönnum en paddan er í sjálfu sér hættulaus ef hún er fjarlægð af
húðinni innan sólarhrings eftir að hún nær að festa sig. Sjá mynd og
grein um Skógarmítil í Læknablaðinu nr. 11/2009.
Hómópatía – með í ferðalagið
Þeir sem þekkja til hómópatíu vita að hún getur komið í góðar þarfir t.d.
á ferðalögum. Til eru remedíur sem geta gangast við flugþreytu,
erfiðleikum með svefn, slappleika, flugnabitum og stungum og
meltingarvandamálum. Góðar upplýsingar er að finna í greininni Að
ferðast um heiminn með hómópatíu sem Anna Birna Ragnarsdóttir tók
saman.
Sjá einnig pistil á Ferðalangi: Flugveiki og hómópatía
Vertu þín eigin ferðaskrifstofa – www.ferdalangur.net
88
Kafli 26 - Þjófnaðir
"Ég passa mig…"
"Þetta kemur aldrei fyrir mig. Ég er aldrei rændur! Ég passa mig…"
Svona hugsa margir. Þetta stenst því miður ekki. Verst er að eiga við
suma íslenska karlmenn sem telja engan geta abbast upp á sig og
ganga um með peningaveskið í buxnavasanum...
Hvernig er hægt að minnka áhættuna á að vera rændur? Hér fyrir
neðan eru nokkrar ábendingar sem að hluta til eru byggðar á minni
eigin reynslu en einnig á ábendingum frá vefsíðunni How to Protect
Yourself from Pickpockets in Europe.
Skildu eftir heima alla skartgripi sem þér er annt um, einnig
verðmæt úr og vönduð veski/töskur sem þú vilt ógjarnan tapa. Ef
þú ferð út með eitthvað af þessu, skartaðu þessum hlutum þá
eingöngu í vinahóp, ekki á útimarkaðinum meðal ókunnugra.
Hafðu eins lítið með þér af farangri og unnt er. Því minna sem þú
hefur meðferðis, þess minni líkur á skaða auk þess sem þú hefur
betri yfirsýn yfir hlutina þína.
Reyndu að falla inn í umhverfið. Hér er ekki átt við að mála sig í
felulitunum (!) heldur að auglýsa ekki með klæðaburði og atferli
að hér sé „túristi“ á ferðinni. Láttu eins og þú vitir hvert þú ert að
fara. Ekki stansa á miðri gangstétt til að draga upp framandi
peningaseðla til að læra á þá. Þú átt að vera búinn að því. — Hér
gildir að sjálfsögðu annað um hópa sem ferðast saman og þurfa
Vertu þín eigin ferðaskrifstofa – www.ferdalangur.net
89
stundum að vera áberandi eða vel merktir svo að enginn týnist.
Taktu ljósrit af öllum skilríkjum og gögnum áður en þú ferð að
heiman, svo sem vegabréfi, farseðlum, ferðaáætlun og öðrum
gögnum sem máli skipta. Skildu eitt eintak eftir heima, skannaðu
og sendu þér annað eintak í tölvupósti og taktu loks eintak með
þér og geymdu á vísum stað — ekki þó hjá vegabréfinu. Þetta
getur bjargað miklu ef þú verður fyrir óhappi.
Taktu með þér auka vegabréfsmyndir. Það auðveldar hlutina ef
þarf að útvega nýtt vegabréf.
Vertu með "peningabelti" eða tauveski innan á þér, sem ekki er
sjáanlegt utanfrá. Mér hefur líka reynst vel lítið klemmuveski, sem
klemmt er innan á buxnastreng/pilsstreng. Í það komast
kreditkort og nokkrir seðlar.
Skiptu mikilvægum gögnum á a.m.k. tvo staði. Geymdu reiðufé í
innri vasa/belti/tauveski og kreditkortið annars staðar. Ef eitthvað
gerist, þá glatarðu ekki öllu.
Haltu þig á fjölförnum leiðum, sérstaklega í stórborgum. Ekki
stytta þér leið gegnum sund og þröng stræti og ekki vera einn á
ferð að kvöldlagi. Spurðu hvaða hverfi skuli helst varast, t.d. eftir
að dimmt er orðið.
Vertu með eins lítið reiðufé á þér og kostur er — notaðu heldur
kreditkortið til að taka út peninga við og við. Aldrei taka upp
Vertu þín eigin ferðaskrifstofa – www.ferdalangur.net
90
seðlabúnt úr veski til að borga fyrir eitthvað.
Ef þú lendir í vandræðum og ert rændur, láttu þá eigið öryggi
ganga fyrir reiðinni út í þjófana og aðhafstu ekkert. Láttu
lögregluna vita og fáðu uppáskrifað að þjófnaðurinn hafi átt sér
stað (fyrir tryggingafélagið heima). Gerðu þér engar sérstakar
vonir um að endurheimta það sem stolið var ef um er að ræða
venjulegan "vasaþjófnað".
Huggulegasta fólk getur brugðið sér í hlutverk vasaþjófa, s.s.
konur með ungabörn eða vel klæddir unglingar. Ekki láta plata þig
til að hlusta á "sorgarsögur" t.d. á flugvöllum og á lestarstöðvum,
þar sem einhver á ekki fyrir strætó, mat eða símtali. Auðvitað
getur það verið satt, en það getur líka verið að einhver sé að
dreifa athygli þinni...
Haltu fast um veskið á mannmörgum mörkuðum, lestarstöðvum, í
strætó og troðnum lestum. Reyndu að geyma ekkert verðmætt í
bakpoka, a.m.k. ekki í utanáliggjandi vösum sem auðvelt er að
opna.
Settu ekki veski/tösku/bakpoka á stólbakið á veitingastöðum/
hraðbrautarsjoppum á meðan þú borðar.
Varaðu þig á hópum sígauna (gjarnan konum og börnum) sem oft
gefa sig að ferðamönnum á stöðum eins og í Róm og öðrum
fjölsóttum ferðamannastöðum. Þetta er ekki sagt vegna fordóma,
heldur af reynslu.
Vertu þín eigin ferðaskrifstofa – www.ferdalangur.net
91
Gakktu ekki með handtösku á öxl sem snýr út að götu. Á Ítalíu
koma mótorhjólin stundum brunandi framhjá og ökumenn þeirra
hrifsa töskurnar af gangandi vegfarendum…
Eftir öll þessi varnaðarorð mætti ætla að engum væri vært utan
landsteinana. Það er öðru nær. Þú getur hins vegar valið að haga þér
skynsamlega eða ekki...
Hvernig geta konur minnkað líkurnar á að vera rændar erlendis?
Journeywoman heitir vefur sem helgaður er ferðalögum kvenna víða um
heim. Á einni síðu vefsins, An Expert's Safety Tips for Female Travellers,
eru nokkur heilræði fyrir konur sem vilja minnka líkurnar á að lenda í
klónum á vasaþjófum á ferðum sínum um ókunnar slóðir.
Á síðunni er m.a. mælt með því að konur klæðist svipuðum fötum og
aðrir þarlendir vegfarendur, að þær séu ekki í áberandi fötum, beri poka
með merki nálægrar matvörubúðar eða stórmarkaðar (og geymi jafnvel
myndavélina þar...) o.s.frv. Fróðleg lesning og eitthvað til að velta fyrir
sér.
Vertu þín eigin ferðaskrifstofa – www.ferdalangur.net
92
Kafli 27 - Þjórfé
Þjórfé eða ekki?
Það veldur oft miklum vangaveltum hjá íslenskum ferðalöngum hvort,
hvenær og hvernig eigi að gefa þjórfé. Um það eru stundum skiptar
skoðanir en þó gilda nokkur "almenn lögmál" í þessu sem öðru.
Væntanlega viltu ekki skera þig úr á ferðalögum fyrir nánasarhátt eða
hvað? Það fer hins vegar svolítið eftir löndum hvernig þú hagar þessu.
Varðandi þjórfé á góðum hótelum/gististöðum hef ég það sjálf fyrir
reglu að skilja eftir ca. 1 evru pr. dag fyrir herbergisþjónustuna ef hún
er í lagi og rúna af upphæðir í veitingasal. Varðandi leigubíla reyni ég að
rúna af upphæðir á smekklegan hátt, svo að bílstjórinn sé ekki að telja í
lófann á mér einhverja smáaura til baka. Hvort þjórfé er síðan meira
eða minna fer eftir því hversu góð þjónustan er og hversu lengi maður
hefur notið hennar.
Hvað veitingastaði varðar langar mig að benda á ferðavef Fodors.com -
þar er góð grein sem ber heitið A Foodie's Guide to Tipping in Europe.
Greinin gefur ágæta hugmynd um viðmið á veitingastöðum í mörgum
Evrópulöndum s.s. í Austurríki, Tékklandi, Englandi, Frakklandi, Ítalíu,
Þýskalandi og fleiri löndum. Hafðu í huga að á matseðlum veitingahúsa
kemur fram hvort þjónustugjald er innifalið og innheimt sjálfkrafa eða
ekki.
ATH: Til eru “öpp” sem hjálpa til við að reikna út þjórfé eftir því hvar þú
ert staddur. T.d. Frommer’s Travel Tools, en þar er m.a. Tip calculator.
Vertu þín eigin ferðaskrifstofa – www.ferdalangur.net
93
Kafli 28 - Ýmis útgjöld á ferðalögum
Hvernig er hægt að halda matarútgjöldum í lágmarki?
Flestir geta líklega tekið undir það að matarkostnaður í ferðalögum geti
orðið umtalsverður ef ekki er vel að gáð. Það er svo auðvelt að setjast
einfaldlega inn á næsta veitingastað og fá sér vel að borða. Sumir þurfa
þó að passa pyngjuna og með smá útsjónarsemi er það hægt.
Five Chances to Save on Food when Travelling heitir grein á About.com.
Greinin er fyrst og fremst skrifuð fyrir bandaríska ferðalanga en nokkur
ágæt heilræði í henni eiga þó við alla.
Gerðu ódýrustu máltíð dagsins að þeirri stærstu.
Borðaðu að jafnaði á ódýrum stöðum en leyfðu þér síðan að fara á
verulega góðan stað einu sinni.
Finndu út hvaða fæðutegundir eru algengastar og þar með oft
sérlega ódýrar á áfangastaðnum.
Kauptu inn í súpermarkaðinum.
Leitaðu ráða hjá íbúum staðarins varðandi veitingastaði sem þeir
sækja sjálfir — það er nokkuð öruggt að þeir halda ekki til á
dýrum ferðamannaveitingastöðum.
Nánari útlistanir á þessum "heilræðum" er að finna í greininni sjálfri hér
að ofan.
Vertu þín eigin ferðaskrifstofa – www.ferdalangur.net
94
Símakostnaður á ferðalögum
Það verður því miður að segjast að farsímamálin eru töluverður
frumskógur þegar ferðast skal erlendis. Þar skiptir m.a. máli hvort
ferðast er með snjallsíma eða venjulegan farsíma.
Best er að skoða sparnaðarráð og leiðbeiningar símafyrirtækisins sem
þú ert í viðskiptum við:
Vodafone – útlönd (skoðið sérstaklega sparnaðarráð þeirra)
Síminn – útlönd (skoðið sérstaklega góð ráð vegna notkunar
erlendis)
Nova
Tal - útlönd
ATH: Tvö grundvallaratriði, sama hjá hvaða símafyrirtæki þú ert:
Láttu hringja í þig frá Íslandi meðan á ferðinni stendur (mun
ódýrara, þú greiðir samt)
Slökktu á talhólfinu þínu á meðan þú ert erlendis.
How to avoid a smartphones bite heitir ágætis grein á netinu, þar sem
reynt er að flokka ferðalanga niður eftir þörf þeirra fyrir netsamband og
gefa góð ráð. Þeir sem eru langt leiddir í þörf sinni fyrir stöðugt
internetsamband á viðráðanlegu verði, ættu að kaupa símkort í
viðkomandi landi. Það er reyndar ekki alltaf auðvelt og kallar oft á
svolitla rannsóknarvinnu.
Vertu þín eigin ferðaskrifstofa – www.ferdalangur.net
95
Fartölvan, spjaldtölvan og síminn
Ef þú ætlar að ferðast með fartölvuna, spjaldtölvuna og símann þarftu
að huga að ýmsu áður en lagt er af stað. Kannski þarftu utanáliggjandi
aukahluti og tengi; e.t.v. þarftu að vera búinn að hlaða niður kortum af
netinu til að nota án netsambands („offline“) og huga sérstaklega að
öryggismálum.
1. Hvaða tengi þarftu? Sjá t.d. Plugsmap.
2. Gættu þess að þú sért ekki að nota rándýrt netsamband.
3. Ef þú færð þér nýtt SIM, þarf það að vera af réttri stærð.
4. Nýttu þér GPS kort sem hægt er að hlaða niður fyrirfram og nota
án netsambands síðar.
5. Vertu búinn að "bókamerkja" bestu tilboðssíðurnar og
upplýsingasíður fyrir ferðalanga. E.t.v. hlaða niður pdf bæklingum
fyrirfram til að skoða á staðnum.
6. Þarftu aukahluti eins og lyklaborð/mús?
7. Töskur/slíður fyrir tölvuna/spjaldtölvuna til að verja tækin.
8. Gerðu ráðstafanir til að verja þig fyrir þjófnaði á tækjunum.
Vertu alltaf með tækin nálægt þér.
Vertu með varann á þér þegar þú notar tækin á
almannafæri.
Fáðu þér viðeigandi tryggingar.
Vertu með tækin læst þegar þú ert ekki að nota þau.
Ekki fara inn á viðkvæmar síður þegar þú ert að nota frítt
þráðlaust netsamband t.d. á veitingahúsi.
Taktu afrit af gögnunum þínum áður en þú ferð að heiman.
Meðan á ferðinni stendur geturðu tekið afrit með því að nota
Dropbox eða Box.
Vertu þín eigin ferðaskrifstofa – www.ferdalangur.net
96
Settu forrit inn á tækin þín sem gera þér kleift að staðsetja
þau ef þau tínast - eða forrit sem gera þér kleift að eyða
gögnunum þínum þótt tækið sé hvergi nærri. (Ipad:
Virkjaðu "Find this Ipad" áður en ferðin hefst).
Meira um þessi mál hér í ágætri grein: 8 Crucial Things You Should
Know Before Travelling Abroad With Your Phone, Tablet, Or Laptop.
Vertu þín eigin ferðaskrifstofa – www.ferdalangur.net
97
Kafli 29 - Gengi/peningamál
Greiðslukortagengi
Hvernig reiknarðu út verð á því sem þú kaupir í gegnum erlendar
vefsíður s.s. flug og hótel? Til þess þarftu að skoða greiðslukortagengi
dagsins þegar kaupin fóru fram (þó er hugsanlegt að það skráist ekki
nákvæmlega sama dag) og umreikna yfir í íslenskar krónur.
Greiðslukortagengi hvers dags er hægt að skoða á vefsíðum
kortafyrirtækjanna, sjá www.valitor.is fyrir gengi VISA og
www.kreditkort.is fyrir gengi Mastercard.
Sama gildir um vörur/þjónustu sem þú kaupir erlendis með kreditkorti.
Miðað er við gengi kreditkortafyrirtækjanna sem breytist daglega rétt
eins og önnur gengisskráning.
"Gengið í veskið"
Á ferðalögum getur verið þægilegt að hafa með sér yfirlit yfir gjaldmiðil
viðkomandi lands á tossamiða í veskinu.
10 evrur = x Ikr
15 evrur = x Ikr
o.s.frv.....
Til er lítið tól á netinu, currency converter cheat sheet, sem er afar
einfalt og þægilegt að nota. Þú velur gjaldmiðilinn sem við á og í hvora
áttina á að umreikna. Með einum smelli verður til lítill tossamiði sem þú
getur prentað út og klippt til í veskið. Málið afgreitt.
Vertu þín eigin ferðaskrifstofa – www.ferdalangur.net
98
Hvar er næsti hraðbanki?
Flestir hafa trúlega lent í því að þurfa að finna hraðbanka í borgum
erlendis. Yfirleitt er allt fullt af þeim, nánast á hverju götuhorni, þar til
þarf að nota þá. Oftast leysist málið farsællega með aðstoð hjálpsamra
vegfarenda en stundum er gott að vita fyrirfram hvar hraðbankana er
að finna. Skoðaðu ATM Locator frá VISA.
Til eru allskyns „öpp“ til að finna hraðbanka.
Vertu þín eigin ferðaskrifstofa – www.ferdalangur.net
99
Kafli 30 - Hagnýtar upplýsingar
Vegabréfið klárt?
Gakktu úr skugga um að gildistími vegabréfsins sé í lagi — að það gildi
að minnsta kosti sex mánuði fram í tímann. Annars gætir þú lent í
vandræðum á leiðinni.
Símanúmer sem gott er að hafa með og „plúsinn“
Eftirfarandi númer er gott er að hafa við hendina, sér í lagi ef þú ert
einn á ferð:
Neyðarnúmer í viðkomandi landi (oftast 112 í löndum Evrópu sjá
nánari lista á Emergency telephone number á Wikipedia)
Þjónustuver kreditkortafyrirtækis/neyðarsími þess
Neyðarsími tryggingafélags eða fulltrúa þeirra erlendis
Íslenskt sendiráð/ræðismaður/staðgengill
Númer og nafn hótels/gististaðar sem þú dvelur á
Það er mjög þægilegt að setja +354 (plús) fyrir framan öll íslensk
símanúmer í farsímanum. Þá þarftu ekki að muna sérstaklega í hvaða
númer þarf að hringja til að ná út úr landinu sem þú ert staddur í hverju
sinni. Gleymdu ekki landsnúmerinu – það þarf að vera með.
Aftast í handbókinni er listi yfir nokkur mikilvæg símanúmer.
Klukkan á ýmsum stöðum
Til eru vefsíður þar sem þú sérð á þægilegan hátt hvað klukkan er í
mismunandi löndum og heimshlutum. Hér eru tvær þeirra:
Time and Date.com
Vertu þín eigin ferðaskrifstofa – www.ferdalangur.net
100
Timezonecheck.com
Á Time and Date.com er hægt að matreiða upplýsingarnar eftir eigin
höfði. Viltu sjá tímann í borgum eða löndum? Viltu búa til þína eigin
síðu, Personalized World Clock, með borgum (allt að 25 talsins) sem þú
velur og getur síðan fengið sérstaka vefslóð á? Viltu einungis sjá Evrópu
eða aðra heimsálfu? Allt þetta og fleira er hægt á þessari ágætu síðu.
Rafmagn - Klær - Innstungur
Geturðu notað rafmagnstækið þitt í tilteknu landi? Þarftu öðruvísi kló
(millistykki) eða jafnvel straumbreyti? Lestu um þetta hjá
ElectricalOutlet.org.
Meðalhiti á ýmsum stöðum
Á vefsíðunni WorldClimeate.com er hægt að fletta upp meðalhita yfir
árið á helstu stöðum í heiminum. Sláðu inn nafn borgar/bæjar, veldu
rétta staðinn ef um fleiri en einn er að ræða og smelltu loks á Average
temperature eða aðrar forvitnilegar upplýsingar um veðurfar.
Að hringja í 118 frá útlöndum
Einstaka sinnum getur komið upp sú staða að þú þurfir að hringja í
upplýsingar Símans (118) frá útlöndum. Númerið sem þú notar er
eftirfarandi: + 354 80 90 118. Settu þetta í farsímann svo fljótlegt sé
að grípa til þess.
Vertu þín eigin ferðaskrifstofa – www.ferdalangur.net
101
Hátíðisdagar víða um heim
Það getur verið bagalegt að vera búinn að skipuleggja heimsóknir í söfn,
eða jafnvel verslunarferðir og lenda svo á hátíðisdegi þar sem allt er
lokað. Þetta getur líka skipt máli varðandi umferð á hraðbrautum. Á
Earth Calendar geturðu flett upp hátíðis- og frídögum fjölda landa.
Hvað er á döfinni? Hvenær og hvar?
Eru einhverjar hátíðir í gangi þegar þú ætlar að ferðast? Eitthvað sem
gaman væri að sjá og fylgjast með? Eða forðast? Þessu má fletta upp á
eftirfarandi slóð frá Frommers:
What’s on When
Dagblöð á netinu
Þú finnur lista yfir dagblöð í ýmsum löndum heims á síðunni The
Internet Public Library. Ef til er útgáfa á ensku er það tekið skýrt fram.
Vertu þín eigin ferðaskrifstofa – www.ferdalangur.net
102
Kafli 31 - Myndavélin og ferðamyndirnar
Framundan er ferðalag, nýja stafræna myndavélin er klár og allt tilbúið.
Nú er lag að komast hjá ýmsum óskemmtilegum mistökum í
myndatökunni s.s. að myndefnið sé alltof langt í burtu, fæturnar vanti á
makann eða börnin o.s.frv. — Rosanne Pennella er ferðaljósmyndari og
í grein frá Washingtonpost.com, Snap to it, er vitnað í nokkur góð ráð
frá henni fyrir þá sem hafa gaman af myndatökum á ferðalögum.
Einföld ráð sem geta þó bætt myndirnar til muna.
Líttu einnig á vef Fodor‘s - Travel photography sem gefur góð ráð og
ábendingar fyrir myndatökur ferðalanga.
Hér má einnig benda á „öpp“ fyrir snjallsímann og spjaldtölvuna, t.d.
Instagram og fleiri sem gera ferðamyndatökurnar líflegri og
skemmtilegri.
Handbók um ferðamyndatökur
Lonely Planet's Guide to Travel Photography (How to) - (Prent)
Vertu þín eigin ferðaskrifstofa – www.ferdalangur.net
103
Kafli 32 - Tíu heilræði
Að lokum er ráð að taka saman og endurtaka nokkrar ábendingar sem
fram hafa komið í köflunum hér á undan. Þær eiga sérstaklega við ef við
viljum reyna að lækka ferðakostnaðinn.
Vertu áskrifandi að tölvufréttabréfum/póstlistum, síðum á
Facebook og Twitter hjá íslenskum flugfélögum, ferðaskrifstofum
og völdum erlendum flugfélögum (EasyJet, Ryanair, AirBerlin,
Germanwings, British Airways).
Kauptu miða með góðum fyrirvara út úr landinu og bættu svo við
tengiflugum erlendis þegar flugmiðaútsölur eru hjá
lággjaldaflugfélögum.
Gerðu samanburð á kostnaði við að komast frá flugvelli og inn í
borg ef fleiri en eitt flugfélag flýgur til borgarinnar.
Skoðaðu kaup á jólagjafabréfum íslensku flugfélaganna ef það
hentar þér að ferðast eftir áramót og fram á vor.
Skiptu á íbúð/bíl við fjölskyldu erlendis og þar með losnarðu við
gistikostnað og jafnvel kostnað við bílaleigubíl.
Vertu félagi í Couchsurfing.org og dveldu sem gestur hjá fólki
erlendis. Ekki verra að þú sért reiðubúinn að hýsa líka.
Taktu nesti með um borð í flug sem selja veitingar dýru verði.
Vertu þín eigin ferðaskrifstofa – www.ferdalangur.net
104
Kauptu ekki óþarfar eða óþarflega dýrar tryggingar með flugi og
bílaleigubílum.
Ferðastu eingöngu með handfarangur ef þú getur.
Góða ferð!
Vertu þín eigin ferðaskrifstofa – www.ferdalangur.net
105
Minnislisti fyrir ferðalanga
Töskur
Gott er að eiga léttar töskur og pakka eins litlu niður og mögulegt er.
Meðalstór taska
Flugfreyjutaska
Handtaska/bakpoki (sem hægt er að setja niður í flugfreyjutöskuna)
Taska (undir snyrtivörur – gott ef hún getur hangið)
Áður en farið er af stað
Farmiðinn (eða bókunarnúmer)
Ferðahandbækur og kort
Vegabréf
Ljósrit af vegabréfi (ekki geymt á sama stað og vegabréfið, skanna og senda
þér sjálfum/sjálfri í tölvupósti)
Gjaldeyrir
Kreditkort/Debitkort (muna PIN númer!) – Taka með bæði VISA og Mastercard
ef þú átt þau
Ferðatryggingar (veikindi, slys, farangur, afpöntun á ferð)
Ökuskírteini (einnig ljósrit af því)
Farangur
Viðeigandi föt eftir árstíma
Tvenn pör af skóm þar af a.m.k. annað sem gott er að ganga á
Nærföt sem þorna yfir nótt
Farsími/hleðslutæki
Töskulásar og merkimiðar á töskur (ekki læsa töskunum í flugi)
Myndavél/filmur
Ferðavekjaraklukka (eða nota farsímann)
Lestrarefni
Ýmsir aukahlutir eftir aðstæðum
Ferðatölva/Ipad/Netbook/hleðslutæki
Mp3 spilari/Ipod – hleðslutæki
Eyrnatappar
Rafhlöður fyrir myndavél
"Mini"-saumadót (setja í innritaðan farangur, sleppa í handfarangri)
Lítil skæri (setja í innritaðan farangur, sleppa í handfarangri)
Smá þvottaefni í plastpoka
Vertu þín eigin ferðaskrifstofa – www.ferdalangur.net
106
Poki fyrir óhreint tau
Ferðaregnhlíf
Regnslá (þunn plastslá samanbrjótanleg í ekki neitt...)
Heilsan
Lyf sem tekin eru að staðaldri
Skyndihjálpargögn og plástur
Verkjatöflur
Magatöflur (antacid)
Niðurgangstöflur (Imodium)
Flugnaáburður
Sólarvörn
Sjóveikitöflur
Snyrtivörur
Bursti/greiða
Tannbursti/tannkrem
Tannþráður
Sjampó/hárnæring
Sápa
Hárblásari
Svitakrem
Andlitskrem
Raksápa
Ilmvatn/rakspíri
Varasalvi
Pappírsþurrkur
Handklæði/þvottapoki
Dömubindi/túrtappar
Heimilið
Blómin og gæludýrin
Hafa kveikt ljós í einhverju herbergi (láta einhvern sjá um að rótera því…)
Lækka hitann á ofnum
Skilja eftir lykla og ferðaáætlun hjá vinum/ættingjum
Loka gluggum, bílskúr og hurðum
Setja þjófavörn á (ef hún er til staðar)
Vertu þín eigin ferðaskrifstofa – www.ferdalangur.net
107
Símanúmer í ferðalagið
Landsnúmer: +354
Flugfélög
Icelandair - Þjónustuver s. 50 50 100
Icelandair – Söluskrifstofa Leifsstöð s. 42 50 220
Wow Air – s. 590 3000
Keflavíkurflugvöllur
Keflavíkurflugvöllur s. 425 6000
Kortafyrirtæki
Valitor – VISA s. 525 2000.
Neyðarþjónusta SOS International: +45 7010 5050.
Kreditkort.is – Mastercard s. 550 1500.
Neyðarvakt: 533 1400 allan sólarhringinn.
Neyðarþjónusta SOS International: (+45) 7010 5055
Síminn – Upplýsingar
Síminn 118 frá útlöndum s. + 354 80 90 118.
Tryggingafélög
Sjóvá s. (+354) 440 2000
VÍS - Þjónustuver s. 560 5000
Neyðarþjónusta VÍS utan opnunartíma s. 560-5070
Alvarlegt slys eða sjúkdómstilfelli erlendis. Ef ekki næst samband við
VÍS og um mjög alvarlegt slys eða sjúkdómstilfelli er að ræða erlendis er
hægt að setja sig í samband við samstarfsaðila VÍS í Kaupmannahöfn,
SOS International, en þar er símaþjónusta allan sólarhringinn SOS
International A/S. S. +45 7010 5050
top related