0

Vo. 7

Vaajtswv Rautxim Rua Mivnyuas Vim Namtxiv Ua Txhum?

1

“Tsis xob puab tej mlom kws zoo le tej kws nyob sau nruab ntug lossis huv nplajteb nuav,

lossis huv tivtxwv rua mej pe. 5 Tsi xob pe ib tug mlom twg le, rua qhov kuv yog tug Tswv

kws yog mej tug Vaajtswv, kuv khib mej heev, kuv yog tug Tswv kws rau txim rua cov

tuabneeg kws ntxub kuv hab rua puab tej xeebntxwv moog txug peb hab plaub tam tuabneeg. 6 Tabsis kuv yuav qha kuv txuj kev hlub rua cov kws muab sab npuab kuv hab coj lawv le kuv

tej kevcai, ib tam dhau ib tam moog txug ntau txheeb tam tuabneeg. (Tsiv Dlim 20:5-6 Phoo

Moob)

“You shall not make for yourself a carved image, or any likeness of anything that is in heaven

above, or that is in the earth beneath, or that is in the water under the earth; 5 you shall not

bow down to them nor serve them. For I, the Lord your God, am a jealous God, visiting the

iniquity of the fathers on the children to the third and fourth generations of those who hate

Me, 6 but showing mercy to thousands, to those who love Me and keep My commandments.”

(Exodus 20:5-6 (NKJV)

“Mej tsi xob puab mlom coj lug rua mej pe, tsi has tej kws zoo le tej kws nyob sau nruab ntug,

lossis nyob huv nplajteb nuav, lossis nyob huv nruab tivtxwv; 5 mej tsi xob pe lossis hawm

puab. Rua qhov Kuv yog tug Tswv kws yog mej tug Vaajtswv, Kuv yog tug Vaajtswv kws khib,

yuav lug saib tej kev phem kev qas ntawm cov ua txiv moog rua puab tej mivnyuas moog txug

peb hab plaub tam tuabneeg rua cov kws ntxub Kuv, 6 kuas Kuv yuav qha Kuv txujkev

hlubtshua rua cov kws hlub Kuv hab coj lawv le Kuv tej kevcai moog ntau txheeb tam

tuabneeg.” (Txhais lawv le phoo NKJV).

“Mej yuav tsum ncu ntsoov has tas, tug Tswv kws yog mej tug Vaajtswv tuab leeg xwb txha

yog Vaajtswv hab nwg yog tug ncaaj nceeg. Nwg yuav ua lawv le tej lug kws nwg tau cog

tseg, nwg hlub tug kws noog nwg lug hab muab sab npuab nwg, moog txug ib txheeb tam

tuabneeg, 10 tabmsis nwg yuav rau txim rua cov tuabneeg kws ntxub nwg. (2 Kevcai 7:9-10)

“Therefore know that the Lord your God, He is God, the faithful God who keeps covenant

and mercy for a thousand generations with those who love Him and keep His

commandments; 10 and He repays those who hate Him to their face, to destroy them. He will

not be slack with him who hates Him; He will repay him to his face.” (Deuteronomy 7:9-10

(NKJV)

“Yog le ntawd mej yuavtsum paub has tas tug Tswv kws yog mej tug Vaajtswv, Nwg yog

Vaajtswv, Nwg yog tug Vaajtswv kws ncaajnceeg kws ceev tej lug cogtseg hab txujkev

hlubtshua rua cov kws hlub Nwg hab coj lawv le Nwg tej kevcai moog txug ib txheeb tam

tuabneeg; 10 hab Nwg pauj rov rua cov kws ntxub Nwg tim ntsej tim muag, ua kuas puab

puamtsuaj. Nwg yuav tsi tso tug kws ntxub Nwg dlim; Nwg yuav pauj rov rua nwg tim ntsej

tim muag. (Txhais lawv le phoo NKJV).

2

Ntau zag thaus kws muaj tej nqai Vaajlugkub kws peb paub tsi meej le nuav tes nwg cale dlhau moog

ua ib nqai kws txhawb rua tej kev qha kws tsi qha lawv le Vaajtswvtxujlug. Vim has tas thaus kws cov

ntseeg Yexus paub tsi meej has tas sov nqai ntawd yog nwg has lecaag tag tes puab cale nteg tsi tau

has tas yog txhais yuamkev lawm, ib yaam le kws coob tug totaub yuamkev txug nqai kws has sau

nuav.

Tuabneeg tug yuav muab nqai sau nuav txhais lecaag los muaj. Muaj ntau phoo ntawv hab ntau tug

tuabneeg siv nqai Vaajlugkub sau nuav coj lug qha has tas cov ntseeg Yexus ib txha lub neej tsi zoo

los vim yog raug foom tsi zoo rua ntau tam tuabneeg lug lawm.

Nyob rua huv tsaab ntawv nuav kuv yuav coj peb lug ua tuab zoo saib nqai Vaajlugkub nuav lawv le

kuv totaub hab kuv ntseeg has tas yog nwg txhais lecaag. Kuv yuav coj peb moog tshawb saib txug

cov Vaajlugkub Qub kws has txug kev rautxim moog rua ntau tam tuabneeg kws nwg tsi txhawb lub

tswvyim kws has tas cov ntseeg Yexus ibtxha raug foom tsi zoo vim yog tej kevtxhum kws tej nam tej

txiv, tej puj tej yawm lossis tej yawm koob tau ua txhum.

Cov Vaajlugkub nuav yuav taw rua suavdlawg pum has tas tug kws ntseeg Yexus hab tau txais Vaajtswv

txuj koobmoov lawd yuav tsi raug foom tsi zoo rua ntau tam tuabneeg vim tej pujkoob yawmkoob

tau ua txhum. Kuas nwg yuav taw rua cov ntseeg Yexus suavdlawg paub has tas puab tau txais “tej

koobmoov kws Vaajtswv foom rua Anplahaas” vim puab muaj kev phoojywg nrug Yexus Khetos

lawm.

Cov ua txiv tej kev txhum

Thawj nqai Vaajlugkub kws has txug Vaajtswv ceebtoom txug qhov nuj nqes kws yuav tau txais moog

rua peb hab plaub tam tuabneeg lug ntawm txujkev pe mlom yog has nyob rua huv 10 nqai kevcai.

Nwg has tas, “Rua qhov kuv yog tug Tswv kws yog mej tug Vaajtswv, Kuv yog tug Vaajtswv

kws khib, yuav lug saib tej kev phem kev qas ntawm cov ua txiv moog rua puab tej mivnyuas

moog txug peb hab plaub tam tuabneeg rua cov kws ntxub Kuv,” (Tsiv Dlim 20:5b) Txhais

lawv le phoo NKJV.

Nuav yog ib lu lug ceebtoom txug qhov nuj nqes nyaav kws yuav tau txais lug txujkev kws pe lwm tug

vaajtswv. Vaajlugkub Qub sau ntau kawg le txug tej lug ceebtoom kws zoo le nuav hab nwg sau

cuabcoos rua tej kev pemsij luj kws tshwm nyob rua huv tsaav tuabneeg Yixalayees lub neej kws yog

lug ntawm txujkev pe mlom.

Txawm le ntawd los tej kev ceebtoom nuav kuj txawm nrug rua Vaajtswv txujkev coglug kws yog

txujkev hlubtshua (mercy) hab: “kuas Kuv yuav qha Kuv txujkev hlubtshua rua cov kws hlub

Kuv hab coj lawv le Kuv tej kevcai moog ntau txheeb tam tuabneeg.” (Nqai 6). Nuav yog ib

3

qhov tseemceeb rua peb txujkev totaub txug kevcai nqai ob ntawm 10 nqai kevcai hab lwm nqai kws

has muaj ntsiv thooj le nqai nuav.

Nyob rua ntawm roob Xinais, Vaajtswv tau coglug nrug tsaav tuabneeg Yixalayees ua phoojywg hab

xaiv puab ua Nwg tsaav tuabneeg. (Tsiv Dlim 19:5). Puab yuavtsum tau fwm qhov kev coglug ntawd

tawm huv puab lub sab tuaj, kws yog puab yuavtsum tau hlub Vaajtswv hab noog Nwg lug. Txujkev

kws moog pe lwm tug vaajtswv yog taabmeeg rhuav qhov kev coglug ntawd hab suav tau has tas yog

moog ua nkauj ua nraug ntawm saab ntsujplig. Puab yeej raug ceebtoom ua ntu quas zug lug txug

qhov nuj nqes kws puab yuav tau txais lug ntawm tug mojyaam kws zoo le ntawd, txawm le ntawd los

puab ua taag rov ua dlua, hab Vaajtswv txha le rautxim rua puab taag los rov rautxim rua puab dlua.

Yog le, qhov nuj nqes kws puab yuav tau txais dlua kws yog Vaajtswv yuav “lug saib tej kev phem

kev qas moog txug peb hab plaub tam tuabneeg, yog txhais lecaag?

Yog peb saib sau npoo xwb mas zoo le kws Vaajtswv yeej rautxim tau rua tej mivnyuas hab tej

xeebntxwv rua tej kevtxhum kws puab tug kheej tsi tau ua. Kuas 2 Kevcai 24:16 muab ib qhov zoo

laajthawj rua peb has tas peb txhais tsi tau npai kws has sau le ntawd: “Yog mivnyuas ua txhum, tsi

xob muab nam txiv tua theej mivnyuas; yog nam txiv ua txhum, tsi xob muab mivnyuas tua

theej nam txiv; tug twg ua txhum tsuas ca tug ntawd tuag xwb.” Phoo Moob

“Fathers shall not be put to death for their children, nor shall the children be put to death for

their fathers; a person shall be put to death for his own sin.” NKJV

Cov tuabneeg txawj ntse rua saab Vaajlugkub taw meej rua peb has tas yog tej mivnyuas tig lug cuag

Vaajtswv puab yuav zaam dlhau tej kev rautxim nuav hab puab lub qhovmuag yuav tsi pum.

Pivxaam le, John Calvin has txug Tsiv Dlim 20:5 mas nwg has tas “Thaus Vaajtswv has rua cov

Yixalayees has tas Nwg yuav tig rov lug saib tej kev phem kev qas ntawm cov ua txiv moog rua tej

mivnyuas kws puab yug, Nwg tsi tau has tas Nwg yuav pauj tej kev phem kev qas kws cov ua txiv tau

ua rua puab tej mivnyuas; kuas yog Nwg has tas Nwg yeej muaj cai lossis muaj kev ywjpheej rautxim

rua tej kev txhum kws tej namtxiv tau ua rua puab tej mivnyuas hab puab tej xeebntxwv lug ntawm

txujkev ncaajnceeg, vim puab xyum coj le puab tej txiv”

Ib tug tub txawg tub ntse rua Vaajlugkub Qub kws hu ua Walter Kaiser tau sau le nuav tseg, “Tej

mivnyuas kws rov qaab ua tej kev txhum kws puab txiv ua, yeej muaj povthawj qha has tas puab yeej

ntxub Vaajtswv,” Walter Kaiser has tas qhov kws has tas “rua cov kws ntxub Kuv” yog has txug cov

mivnyuas hab cov kws ua txiv huv tuabsi. Cov mivnyuas kws puab coj tug mojyaam kws ntxub

Vaajtswv hab moog pe mlom yog ua txhum kev nkauj kev nraug ntawm saab ntsujplig hab rhuav

Vaajtswv tej lug cogtseg rua cov Yixalayees. Vaajtswv yeej yog tug ncaajnceeg hab tug kws muaj kev

hlubtshua (merciful), hab nqai Vaajlugkub nuav yeej tsi tau qha txawv qhov ntawd.”

4

Cov tuabneeg Yudais kws txawj ntse rua saab Vaajlugkub has txug qhov kws Vaajtswv lug saib tej kev

txhum kws cov ua txiv tau ua moog rua puab tej mivnyuas moog txug peb hab plaub tam tuabneeg

mas puab siv nqai Vaajlugkub kws has nyob rua huv Yelemis coj lug txhais:

“Tug Tswv kws kaav ib puas tsaav yaam, koj lub fwjchim hab tug zug luj zug nchaav

tsim lub nplajteb hab lub ntuj; tsi muaj ib yaam dlaabtsi nyuaj rua koj ua tsi tau le. 18

Koj qha koj txujkev hlub kws tsi paub kawg rua ntau txheeb tam tuabneeg, tabsis koj

rau txim rua tuabneeg vim puab nam puab txiv tej kev txhum. Koj yog Vaajtswv tug

kws muaj fwvxyeej luj; koj yog tug Tswv kws muaj Fwjchim Luj kawg nkaus. 19 Koj

muaj tswvyim npaaj homphaj hab koj teg num luj kawg nkaus. Koj pum txhua yaam

kws tuabneeg ua, hab koj muab nqe zug rua puab lawv le puab teg num.” (saib cov lug

Aaskiv txha meej).

“Ah, Lord God! Behold, You have made the heavens and the earth by Your great power

and outstretched arm. There is nothing too hard for You. 18 You show lovingkindness

to thousands, and repay the iniquity of the fathers into the bosom of their children

after them--the Great, the Mighty God, whose name is the Lord of hosts. 19 You are

great in counsel and mighty in work, for your eyes are open to all the ways of the sons

of men, to give everyone according to his ways and according to the fruit of his

doings.” (Jeremiah 32:17-19 NKJV)

Cov tuabneeg Yudais txhais lub ntsab lug ntawm nqai nuav le nuav:

“Tej zag nqai Vaajlugkub kws lug txhawb qhov kws txhais cov lug “lug saib tej kev phem

kev qas ntawm cov ua txiv moog rua tej mivnyuas” tau zoo tshaaj mas yog Yelemis 32:18-

19. Nyob rua huv nuav mas tug cev Vaajtswv lug has txug ob nqai kws sistxuas piskag txug

Vaajtswv tug mojyaam lossis coojpwm rua ib tam dlhau rua ib tam txug qhov kws Nwg muab

nqe zug hab rautxim rua tuabneeg lawv le teg num kws tej tug tuabneeg tau ua.”

Puab has ntxiv has tas lub ntsab lug ntawm nqai nuav mas yog has txug Vaajtswv txujkev hlubtshua

(mercy) tsi yog has txug Vaajtswv txujkev npautawg (wrath). Tomqaab kws Vaajtswv qha Vaajtswv tej

kevcai rua Mauxes taag lawm (The Torah), Nwg qha Nwg txuj kev hlubtshua hab kev zaamtxim, kws

yog has txug lub tswvyim ntawm peb hab plaub tam tuabneeg:

“Yog le ntawd, tug Tswv, nwgnuav thov koj qha koj lub fwjchim rua peb hab ua lawv

le thaus koj tau coglug tseg has tas, 18 ‘Kuv yog tug Tswv, tug kws tsi chim sai, kuv

muaj lub sab hlub luj kawg nkaus hab zaam txim rua tug kws ua txhum hab ntxeev

sab rua kuv. Tabsis kuv yuav rau txim rua puab tej xeebntxwv moog txug peb plaub

tam tuabneeg, vim puab nam puab txiv tej kev txhum.’ 19 Nwgnuav tug Tswv, lawv le

koj txujkev hlub luj kawg nkaus kws tsi hloov kuv thov koj zaam txim rua cov tuabneeg

5

nuav ib yaam le koj ibtxwm zaam txim rua puab txij thaus koj coj puab tawm nraag

tebchaws Iziv lug txug naj nub nuav.” 20 Tug Tswv teb has tas, “Kuv yuav zaam txim

rua puab lawv le koj tej lug thov.” (Teev Npe 14:17-20 Phoo Moob)

“But now, I pray, let the power of the Lord be great, just as You have declared, 18 ‘The

LORD is slow to anger and abundant in lovingkindness, forgiving iniquity and

transgression; but He will by no means clear the guilty, visiting the iniquity of the

fathers on the children to the third and the fourth generations.’ 19 “Pardon, I pray, the

iniquity of this people according to the greatness of Your lovingkindness, just as You

also have forgiven this people, from Egypt even until now.” 20 So the LORD said, “I

have pardoned them according to your word;” (Numbers 14:17-20 NAS)

Qhov kws txaus xaav mas yog Mauxes has txug kevcai nqai ob kws has txug nuj nqes kws yuav tau

txais moog rua peb hab plaub tam tuabneeg thaus kws nwg thov tug Tswv txujkev hlubtshua hab kev

zaamtxim. Nuav yog ib qhov kws qha has tas Mauxes tug kheej suav has tas Vaajtswv txujkev

npautawg kws has nyob rua huv kevcai nqai ob yog qhov miv kuas Vaajtswv txujkev hlubtshua yog

qhov luj. Yudais cov tub txawg tub ntse rua saab Vaajlugkub pum le nuav:

Muaj ibtxha suav has tas Vaajtswv txujkev qhuab ntuag lug ntawm txujkev rautxim ib tam

dlhau rua ib tam yog qha txug Nwg txujkev hlubtshua. Nyob rua huv Teev Npe 14:18, Mauxes

txha le has txug Vaajtswv tug coojpwm nyob rua huv nwg txujkev thov Vaajtswv rua txujkev

zaamtxim. Qhov nuav tej zag yuav yog ib qhov kws thov kuas Vaajtswv ncua txujkev rautxim

moog rua tam tomntej lug ntawm Nwg txujkev hlubtshua es ca tam nuav muaj feem khu puab

txujkev ua neej lossis txuag tau Vaajtswv txujkev coglug rua puab kuas cajsa nyob.

Peb pum txug cov tuabneeg kws Vaajtswv coj puab tawm nraag tebchaws Iziv lug mas Vaajtswv

rautxim rua cov nam cov txiv kws pe mlom hab tsi noog Vaajtswv lug, kuas Vaajtswv ca puab tej

mivnyuas kaag moog rua lub Tebchaws kws Vaajtswv Coglug Tseg rua puab. Vaajtswv qha Nwg

txujkev ua sab ntev rua cov tuabneeg kws Nwg xaiv lawd. Vaajtswv tsi muab txhua tam tuabneeg kws

pe mlom hab tsi noog lug nyob rua tom taj zeb suabpuam tua kuas tuag taag, kuas Nwg tseg puab

txujsa, ca puab tu tub tu kiv kuas Vaajtswv txujkev coglug rua cov Yixalayees cajsa nyob tog rua tam

kws tseem yuav lug tomntej kws puab yuav ncaajnceeg rua Vaajtswv tej lug cogtseg. Yog le peb txha

pum has tas Vaajtswv txujkev hlubtshua moog tub dlua le Vaajtswv txujkev npautawg.

Qha txujkev hlubtshua rua ntau tam tuabneeg

Ib nqai Vaajlugkub kws ceebtoom txug qhov nuav yog Tsiv Dlim 34:6-7:

Tug Tswv hlaa Mauxes xubndlag moog hab hu has tas, “Kuv yog tug Tswv, Vaajtswv

tug kws muaj lub sab puv nkaus kev hlub hab tshua, yog tug kws tsi chim sai hab yog

6

tug kws muaj kev hlub hab ncaaj nceeg. 7 Kuv txujkev hlub yuav nyob nrug ntau txheeb

tam tuabneeg, hab zaam txim rua tej tuabneeg ua phem hab muaj txim, tabsis kuv

yuav rau txim rua puab tej xeebntxwv moog txug peb hab plaub tam tuabneeg, rua

qhov puab nam puab txiv tau ua txhum lug lawm.” (Tsiv Dlim 34:6-7 Phoo Moob)

Then the LORD passed by in front of him and proclaimed, “The LORD, the LORD

God, compassionate and gracious, slow to anger, and abounding in lovingkindness

and truth; 7 who keeps lovingkindness for thousands, who forgives iniquity,

transgression and sin; yet He will by no means leave the guilty unpunished, visiting

the iniquity of fathers on the children and on the grandchildren to the third and fourth

generations.” (Exodus 34:6-7 NAS)

Yog peb tsi ua tuab zoo saib peb yuav tsi pum qhov txawv ntawm qhov kws has nyob rua huv Tsiv

Dlim tshooj 20 hab qhov kws has nyob rua huv Tsiv Dlim tshooj 34 nuav kws qha txug Vaajtswv

txujkev hlub hab kev hlubtshua kws luj kws khu tau Nwg txujkev txavtxim ncaaj nceeg rua kev txhum.

Cov nqai Vaajlugkub kws has nyob rua huv Tsiv Dlim 34:6-7 yog has tshwj xeeb le rua qhov nuav.

Qhov kws muab “peb hab plaub tam tuabneeg” coj lug has nrug rua ncua lug kws has txug Vaajtswv

txujkev hlubtshua kws luj dlua yog qha has tas txujkev hlubtshua txu tau txujkev rautxim.

Ncua lug kws has nyob rua huv Tsiv Dlim tshooj 34 nuav yog has txug qhov kws Vaajtswv qha Nwg

Tugkheej rua Mauxes pum nyob rua sau Roob Xinais. Qhov kws Vaajtswv has txug Nwg Tugkheej

nuav yog ib qhov kws tseemceeb heev nyob rua huv qhov kws Nwg qha Nwg Tugkheej tshwm rua

cov tuabneeg kws Nwg tau coglug rua. Qhov kws puab pheej has tsi tso tseg mas yog qhov nuav:

“Kuv yog tug Tswv, Vaajtswv tug kws muaj lub sab puv nkaus kev hlub hab tshua, yog tug

kws tsi chim sai hab yog tug kws muaj kev hlub hab ncaaj nceeg.” Qhov nuav dlhau lug ua ib

qhov kws tseemceeb heev nyob rua huv cov tuabneeg Yudais lub hlwb txujkev xaav. Txawm yog thaus

kws Yaunas xaav kuas cov tuabneeg Nineves raug puamtsuaj vim nwg ntxub puab los nwg tseem has

txug qhov nuav hab.

Tomqaab kws cov tuabneeg Axilias kws yog cov Yixalayees cov yeebncuab nov Yaunas qha hab leeg

puab tej kevtxhum rua Vaajtswv hab Nwg zaamtxim rua puab lawd Yaunas has le nuav:

Yaunas tsi txaus sab rua tej nuav hab nwg chim kawg le. 2 Yog le ntawd, Yaunas txha

thov Vaajtswv has tas, “Tug TSWV, thaus kuv yuav sawv kev huv tsev tuaj, kuv puas

tau has rua koj ua ntej tas koj yeej yuav ua le nuav? Tub yog vim le nuav kuv txha

nrhav kev tsiv moog rua tim tebchaws Xapees. Kuv paub koj yog tug Vaajtswv kws

muaj kev hlub, sab ntev, sab dlawb sab zoo, npaaj rawv tog hloov sab hab tsi rau txim.”

(Yaunas 4:1-2 Phoo Moob)

7

But it displeased Jonah exceedingly, and he became angry. 2 So he prayed to the Lord,

and said, “Ah, Lord, was not this what I said when I was still in my country? Therefore

I fled previously to Tarshish; for I know that You are a gracious and merciful God,

slow to anger and abundant in lovingkindness, One who relents from doing harm.”

(Jonah 4:1-2 NKJV)

Qhov nuav yog Yaunas muab lug ntawm qhov kws Vaajtswv qha Nwg Tugkheej rua Mauxes nyob

rua huv Tsiv Dlim tshooj 34. Yaunas yeej paub has tas qhov kws Vaajtswv coglug tsi yog has tas Nwg

yuav rautxim rua tej mivnyuas kuas puamtsuaj moog txug peb hab plaub tam tuabneeg, kuas Vaajtswv

txaus sab yuav qha Nwg tug coojpwm kws yog txujkev hlubtshua, sab ntev hab sab dlawb sab zoo rua

puab. Qhov kws Yaunas xaav rua Vaajtswv yeej yog lawm, hab nwg yeej paub has tas Vaajtswv yeej

yuav qha Nwg txujkev hlubtshua rua puab, qhov nuav cale dlhau lug ua ib qhov timkhawv rua Yaunas

pum has tas qhov kws nwg xaav le ntawd rua Vaajtswv yeej yog tag.

Yog peb ua tuab zoo saib mas cov tuabneeg Axilias kws puab lub tuamceeb nroog yog Nineves, yog

ib cov tuabneeg kws nruj tsiv hab phem heev, puab yog cov Yixalayees cov yeebncuab, puab ntxub

Vaajtswv, hab pe dlaab pe mlom. Thaus kws Vaajtswv hu Yaunas moog qha puab tej kev phem kev

qas rua puab Yaunas yeej paub has tas Vaajtswv yog tug kws muaj kev hlubtshua hab Nwg yeej yuav

zaamtxim rua puab, Yaunas tsi xaav kuas Vaajtswv ua le ntawd, Yaunas txha le nrhav kev tsiv moog

rua tim tebchaws Xapees.

Cov tuabneeg Nineves kws leeg puab tej kevtxhum rua Vaajtswv nuav puab cov yawmkoob yeej yog

ib cov tuabneeg kws ua kev phem kev qas. Puab nam puab txiv, puab puj puab yawm yeej yog cov

kws ntxub cov Yixalayees tug Vaajtswv hab muab cov tuabneeg Yudais ua puab cov yeebncuab.

Txawm le ntawd los Vaajtswv zaamtxim rua puab thaus kws puab leeg puab tej kevtxaug kevtxhum

rua Vaajtswv. Nwg txujkev npautawg raug muab rhuav tawm. Lawv le txujkev ncaaj nceeg Vaajtswv

yeej muab tau lub nroog Nineves nuav ua kuas puamtsuaj moog, kuas Vaajtswv xaiv qha Nwg txujkev

hlubtshua rua lub nroog Nineves.

Tsiv Dlim 34:6-7 nuav qha rua peb pum qhov txawv ntawn “txujkev hlub yuav nyob nrug ntau

txheeb tam tuabneeg” hab “rau txim rua puab tej xeebntxwv moog txug peb hab plaub tam

tuabneeg” yog Vaajtswv txujkev hlubtshua hab txujkev taabncuab kws luj. Nwg txujkev hlub tub dlua

le Nwg txujkev rautxim rua kevtxhum. Txawm le ntawd los nqai Vaajlugkub nuav has ntxiv has tas

“txawm le ntawd los tsi tau txhais has tas Nwg yuav tsi rautxim rua tug ua txhum - yet He

will by no means leave the guilty unpunished” (Phoo Moob tsi muaj qhov nuav). Qhov nuav qha

has tas tsi yog has tas Vaajtswv yog tug kws muaj kev hlub tes leejtwg yuav ua txhum lecaag los

Vaajtswv yeej yuav zaamtxim rua. Yog leej twg xaav has tas Vaajtswv yog tug kws muaj kev hlubtshua,

sab ntev, muaj sab dlawb sab zoo, hab tsi chim sai es nwg cale tsi ris Vaajtswv txajnrig, tsi quav ntsej

txug Vaajtswv txujkev hlub hab tsi fwm Vaajtswv, tes yog nwg tsi ceev Vaajtswv tej lug cogtseg hab

yuav pum Vaajtswv lug saib nwg tej kev phem kev qas moog rua peb hab plaub tam tuabneeg. Yeej

8

tsi muaj ib tug mivnyuas twg kws yuav tau txais Vaajtswv tej lug cogtseg lug ntawm nwg txiv txujkev

ntseeg.

Vaajtswv yuav pauj rov rua tug kws ntxub Nwg

Muaj dlua ib nqai nyob rua huv 2 Kevcai kws ci rua peb pum txug qhov kws has nyob rua huv Tsiv

Dlim kws has txug Vaajtswv txujkev hlubtshua moog ib txheeb tam tuabneeg hab Nwg txujkev ncaaj

nceeg mas nwg has le nuav:

“Yog le ntawd mej yuavtsum paub has tas tug Tswv kws yog mej tug Vaajtswv, Nwg

yog Vaajtswv, Nwg yog tug Vaajtswv kws ncaajnceeg kws ceev tej lug cogtseg hab

txujkev hlubtshua rua cov kws hlub Nwg hab coj lawv le Nwg tej kevcai moog txug ib

txheeb tam tuabneeg; hab Nwg yuav pauj rov rua cov kws ntxub Nwg tim ntsej tim

muag, ua kuas puab puamtsuaj. Nwg yuav tsi tso tug kws ntxub Nwg dlim; Nwg yuav

pauj rov rua nwg tim ntsej tim muag. (2 Kevcai 7:9-10 Txhais lawv le phoo NKJV).

“Therefore know that the Lord your God, He is God, the faithful God who keeps

covenant and mercy for a thousand generations with those who love Him and keep

His commandments; and He repays those who hate Him to their face, to destroy

them. He will not be slack with him who hates Him; He will repay him to his face.”

(Deuteronomy 7:9-10 NKJV)

2 Kevcai yog Mauxes “zaaj lug qhuabqha” rua cov Yixalayees uantej kws nwg tuag. Nyob rua huv

phoo ntawv nuav Mauxes lug has tim ntsej tim muag cov tuabneeg Yixalayees txug txujkev phoojywg

ntawm txujkev cogtseg kws Vaajtswv coglug rua puab. Nyob rua huv nqai nuav yog Mauxes muab

kevcai nqai ob coj lug siv kws nwg tub rov has dlua ib zag nyob rua huv 2 Kevcai 5:9-10 lawd.

Hlub Vaajtswv yog qhov tseemceeb kws yuavtsum tau coj nyob rua huv txuj Kevcai, le kws tub nkaw

tseg nyob rua huv 2 Kevcai 6:5 lawd. Ntxub Vaajtswv nyob rua huv qhov coglug tseg tes yog tsi leeg

yuav qhov coglug tseg hab tsi leeg yuav Vaajtswv kws yog tug kws rhawv txujkev coglug. Has txug

cov lug kws has tas “tim ntsej tim muag” nyob rua huv nqai nuav mas Eugene Merrill has tas, “Qhov

kev xaav nuav tsuas has tshwm nyob rua nqai nuav xwb, hab tej zag yog nwg txhais has tas txujkev

txavtxim nuav yuav tsi xaam rua tam tuabneeg kws tsi tau yug lug, kuas nwg yuav poob rua cov

tuabneeg kws ua tej kev txhum kws zoo le nuav nyob rua lub sijhawm taamsim nuav hab rua lub

sijhawm kws puab taabtom ua neej nyob rua tam ntawd.” Yog has tas tsi yog le nuav, cov Yixalayees

yuav totaub yuamkev has tas kevcai nqai ob yog txhais has tas tej mivnyuas yuav raug txavtxim rua tej

kev txhum kws cov ua txiv tau ua, hab tug kws ua txhum ho tsi raug teem txim.

Nqai nuav qha has tas tug kws tsi kaam txais yuav qhov coglug tseg (ntxub Vaajtswv) hab tsi kaam

hlub Vaajtswv tug ntawm yuav tau aub nwg lub txim taamsim ntawd. Nyob rua huv 2 Kevcai 7:9-10

9

mas nwg tsi has txug peb hab plaub tam tuabneeg, lu lug kws has tas “ib txheeb tam tuabneeg” coj

peb rov moog xaav txug nqai kws has taag lug lawd. Yog has tas qhov nuav yog txhais le nuav tes yog

lawv le Calvin hab Kaiser ob tug has lawm, kws has tas tug kws ntxub Vaajtswv tug ntawd yuav raug

rautxim, tsi yog cov mivnyuas kws tsi kaam ua tej kev txhum kws nwg txiv ua.

Namtxiv cov txiv maab qaub

Qhov nuav coj peb lug xaav txug tej lug qha kws nyob rua huv Exekees tshooj 18. Lug rua tomqaab

nuav kevcai nqai ob raug coj lug siv yuamkev rua cov Yixalayees ua rua puab totaub yuamkev has tas

Vaajtswv rautxim tsi ncaaj rua tej mivnyuas kws ua ncaaj nceeg lug ntawm tej nam tej txiv txujkev kws

tsi ncaaj nceeg. Tej lug tsi txaus sab has le nuav:

“Zaaj paajlug kws tej tuabneeg naj nub has huv tebchaws Yixalayees yog dlaabtsi?

‘Namtxiv noj txiv qaub, tabsis mivnyuas lug quavncaug (tshab nav).’” (Exekees 18:2

Phoo Moob)

“What do you mean by using this proverb concerning the land of Israel, saying, ‘The

fathers eat the sour grapes, But the children’s teeth are set on edge’”? (Ezekiel 18:2

NAS)

Cov tuabneeg kws nyob rua Exekees tam mas puab txhais nqai kevcai nuav yuamkev ntau kawg le,

vim puab nyob rua tam kws poob moog ua cevqhev rua Npanpiloos. Qhov kws poob moog ua

cevqhev nuav tshwmsim rua puab tomqaab kws ntau tam tuabneeg tsi noog Vaajtswv tej lug kws cov

cev Vaajtswv lug has rua puab hab moog pe dlaab pe mlom.

Ralph Alexander has tas “Qhov laajthawj kws puab cov tuabneeg tam nuav raug rautxim vim yog puab

tej nam tej txiv tej puj tej yawm ua kevtxaug kevtxhum.”

Zoo ib yaam le qhov paajlug kws has txug qhov txiv maab qaub ntaag, kevcai nqai ob ntawm 10 nqai

kevcai raug siv yuamkev zoo le ntawd ntaag. Alexander caav has tas qhov nuav yog lawv le kevcai nqai

ob has hab nwg nthuav qha txug qhov kws nwg ntseeg le nuav:

Lub tseem ntsab ntawm Kevcai 10 Nqai tes yog nwg qha has tas tej mivnyuas yuav tau sau tej

kev txhum kws puab txiv ua … Namtxiv ua qauv rua puab tej mivnyuas. Puab tej mivnyuas

yeej caum puab nam puab txiv tej mojyaam kws nyam ua kevtxaug kevtxhum. Txawm yuav

xaav txug lig los puam chawj, feem ntau tej mivnyuas yeej pum has tas puab yeej xyum coj hab

ua lawv le kws puab txiv ua. Yog le puab yuavtsum tau txais kev rautxim rua teg num kws

puab ua hab nwg yeej ncaaj nceeg rua puab. Txawm le ntawd los tej tug mivnyuas nyag

yuavtsum tau leeg hab txais yuav qhov kws nwg raug rautxim ntawd has tas yog lug ntawm

nwg teg dlejnum. Nwg yeej muaj peevxwm rhuav tau txujkev rautxim rua qhov kevtxhum kws

10

tau txais lug ntawm nwg nam nwg txiv kuas poob moog txhua lub sijhawm. Kuas nwg yuav

tau leeg kevtxhum hab ua qhov kws yog.

Lub ntsab ntawm qhov nuj nqes kws poob moog ua cevqhev yog xaav rhuav txujkev pe dlaab pe

mlom kws yog qhov kws rhuav qhov kev coglug tseg kuas puamtsuaj moog. Kevcai nqai ob yog xaav

txwv kuas tau txujkev pe mlom le cov tuabneeg kws tsi paub Vaajtswv. Cov Yixalayees kws poob

moog ua cevqhev, tsi tsimnyog kws puab yuav ywg txug txujkev rautxim kws puab raug hab lam has

tas vim yog tej kevtxaug kevtxhum kws puab nam puab txiv tau ua, kuas tsimnyog puab yuavtsum tau

tig rov lug cuag Vaajtswv hab tuav txujkev coglug kuas ncaaj nceeg hab ruaj khov txha muaj txujsa

nyob. Yeej tsi muaj ib qhov kws yuav nyuav hab yuav txhais tsi tau lub ntsab ntawm peb hab plaub

tam tuabneeg.

Exekees yeej has meej meej txug qhov nuav:

“Tabsis mej nug has tas, ‘Yog le caag tug tub txha tsi raug txim vim leej txiv tej kev

txhum?’ Lu lug teb mas yog tug tub ua ncaaj hab ua zoo. Nwg ceev hab ua lawv le kuv

tej kevcai, nwg txha muaj sa nyob. 20 Tsuas yog tug kws ua txhum txha yuav raug tuag

xwb. Tug tub yuav tsi raug txim vim leej txiv tej kev txhum. Hab leej txiv yuav tsi raug

txim vim tug tub tej kev txhum. Tug tuabneeg ncaaj nceeg yuav tau nqe zug vim nwg

ua ncaaj, hab tug tuabneeg ua tsi ncaaj yuav raug txomnyem vim tej kev phem kev qas

kws nwg ua.” (Exekees 18:19-20 Phoo Moob)

Yet you say, ‘Why should the son not bear the guilt of the father?’ Because the son has

done what is lawful and right, and has kept all My statutes and observed them, he shall

surely live. 20 The soul who sins shall die. The son shall not bear the guilt of the father,

nor the father bear the guilt of the son. The righteousness of the righteous shall be

upon himself, and the wickedness of the wicked shall be upon himself. (Ezekiel 18:19-

20 NKJV)

Qhov xaus lug nyob rua huv Exekees mas yog nquahu kuas lug leeg kevtxhum hab muajsa nyob. Lub

ntsab yog qha has tas cov tuabneeg kws poob moog ua cevqhev lawd txawm yog puab tsaav tuabneeg

tau ntxeev sab tawm tsaam Vaajtswv lawm los puab tseem muaj feem yuav tau txais koobmoov yog

puab tig rov lug cuag Vaajtswv lug ntawm txujkev ntseeg. Qhov nuav ua rua ibtxha tig rov lug cuag

Vaajtswv, ibyaam le Daniyees, hab Vaajtswv tau coj coobleej tawm huv txujkev ua cevqhev rov lug

rua puab tebchaws.

Ib qhov kev thov Vaajtswv kws zoo heev nyob rua huv Vaajtswvtxujlug mas yog Daniyees txujkev

thov Vaajtswv kws has nyob rua huv Daniyees tshooj 9. Daniyees qha nwg tug coojpwm tshwm rua

suavdlawg pum txawv hlo le cov kws ywg le nqai paajlug kws has txug cov txiv maab qaub. Qhov kws

luj tshaaj yog Daniyees tsi kaam pe cov tuabneeg kws tsi ntseeg Vaajtswv tej mlom kws nyob puagncig

11

Daniyees nyob rua tebchaws Npanpiloos. Nwg paub has tas Vaajtswv lub homphaj taabtom ua dlej

ua num nyob rua huv cov kws poob moog ua cevqhev. Nwg nyeem nyob rua huv Yelemis tug kws

cev Vaajtswv lug tej lug kws nwg has tseg has tas puab yuav poob moog ua cevqhev 70 lub xyoos

(Daniyees 9:2), yog le nwg txha pib thov Vaajtswv heev zuj zug thaus kws nwg paub has tas lub

sijhawm lug ze zuj zug lawm. Nwg leeg paub txug Vaajtswv txujkev ncaaj nceeg hab txujkev hlubtshua:

“Kuv thov tug Tswv kws yog Vaajtswv, hab kuv leeg tej kev txhum kws kuv tsaav

tuabneeg ua. Kuv thov has tas, “Tug Tswv kws yog Vaajtswv. Koj yog tug kws muaj

fwjchim luj, peb fwm koj. Koj yeej ua lawv nraim le koj tej lug cog tseg. Koj hlub tug

kws muab sab npuab koj hab ua lawv le koj tej lug. 5 Peb tau ua txhum; peb lub sab

yeej phem hab peb yuam kev lawm. Peb tsi noog koj lug, hab peb tsi kaam ua tej kws

koj qha kuas peb ua lawv le koj lub sab nyam. 7 Tug Tswv, koj yog tug kws ncaaj nceeg,

tabsis peb suavdlawg pheej ua txhum. Luas saib tsi taug peb cov Yixalayees kws nyob

tim tebchaws Yudas, cov kws nyob huv lub nroog Yeluxalees hab cov kws raug koj

ntab tawm tsiv moog rua lwm lub tebchaws dleb hab ze lawm. Luas saib tsi taug peb,

vim peb tsi muab sab npuab koj. 8 Tug Tswv, peb cov vaajntxwv, peb cov numtswv

hab peb suavdlawg tau ua phem ua qas rua koj. 9 Txawm yog peb pheej ntxeev sab rua

koj los koj tseem hlub hab zaam peb lub txim. (Daniyees 9:4-5, 7-9 Phoo Moob)

And I prayed to the Lord my God, and made confession, and said, “O Lord, great and

awesome God, who keeps His covenant and mercy with those who love Him, and with

those who keep His commandments, 5 we have sinned and committed iniquity, we

have done wickedly and rebelled, even by departing from Your precepts and Your

judgments. 7 O Lord, righteousness belongs to You, but to us shame of face, as it is

this day--to the men of Judah, to the inhabitants of Jerusalem and all Israel, those near

and those far off in all the countries to which You have driven them, because of the

unfaithfulness which they have committed against You. 8 O Lord, to us belongs shame

of face, to our kings, our princes, and our fathers, because we have sinned against You. 9 To the Lord our God belong mercy and forgiveness, though we have rebelled against

Him. (Daniel 9:4-5, 7-9 NKJV)

Daniyees totaub zoo txug puab txujkev phoojywg rnug Vaajtswv nyob rua huv txujkev coglug tseg

hab qhov kws Vaajtswv qha Nwg Tugkheej rua puab. Txawm yog puab txujkev kws poob moog ua

cevqhev rua tebchaws Npanpiloos yog vim puab tsi noog Vaajtswv lug hab moog pe dlaab pe mlom

tau ntau tam tuabneeg lawm los Daniyees tseem casab rua Vaajtswv txujkev zaamtxim, rua qhov nwg

paub has tas Vaajtswv yog tug ncaaj nceeg, muaj lub sab hlub hab muaj kev zaamtxim. Tseeb tag

Vaajtswv tub lug saib puab tej txiv tej kev phem kev qas le kws Nwg has tas Nwg yuav ua le ntawd

lawm, kuas Daniyees tseem nrhav tau txujkev hlubtshua kws luj nyob rua huv Vaajtswv hab tau txais

koobmoov lug ntawm Nwg. Txawm yog Daniyees tej yawmkoob tau ua kevtxaug kevtxhum tawm

tsaam Vaajtswv luj heev lawm los yeej txwv tsi tau Daniyees txujkev ntseeg hab casab rua Vaajtswv

12

txujkev hlubtshua. Daniyees raug kev txomnyem saab nqajtawv vim tej kevtxaug kevtxhum kws tam

taag lug tau ua los Daniyees yeej tau txais koobmoov lug ntawm Vaajtswv kws tso puab dlim ntawm

txujkev ua cevqhev.

Qhov nuav qha rua peb has tas qhov kws Exekees tshooj 18 has nwg xaus qhov kev totaub yuamkev

txug “yuav lug saib tej kev phem kev qas kws cov ua txiv tau ua moog rua puab tej mivnyuas moog

txug peb hab plaub tam tuabneeg” hab muab lub nraa ntawd tshem moog lawm. Tug kws ntxeev sab

tawm tsaam Vaajtswv, qhov kev kws raug foom tsi zoo kws poob lug raug puab yog lug ntawm txujkev

coglug lug. Tug kws txu fwmchim hab casab rua Vaajtswv lug ntawm txujkev ntseeg, tug ntawd yuav

tau txais koobmoov lug ntawm Vaajtswv txawm yog nwg nam nwg txiv, nwg pujkoob yawmkoob tau

ua kevtxaug kevtxhum tawm tsaam Vaajtswv lawm los puamchawj. Vaajtswv yeej ncaaj nceeg rua Nwg

tej lug cogtseg hab yeej tsi muaj ib tug tuabneeg twg yuav lug rhuav tau Vaajtswv tej lug cogtseg.

Vaajtswv tau coglug tseg rua Anplahaas has tas lug ntawm nwg caajceg tuabneeg nplajteb yuav tau

txais koobmoov (Chivkeeb 12:3). Txawm yog muaj ntau leej kws yog Anplahaas le caajceg puab tsi

noog Vaajtswv lug hab raug Vaajtswv foom tsi zoo lawm los qhov kws puab ua ntawd yeej rhuav tau

Vaajtswv tej lug cogtseg rua Anplahaas.

Lub tseem ntsab ntawm qhov koobmoov kws yuav tau txais lug ntawm txujkev coglug tseg hab lub

nraa kws tej tug tuabneeg yuav tau ris lug ntawm teg dlejnum kws puab ua nwg qha ntxiv nyob rua

huv Vaajtswv txujkev coglug ntxiv rua Daviv kws has nyob rua huv Phoo Ntawv Nkauj tshooj 89.

Nwg siv lu lug “lug saib-vist” kws yog has txug kevtxhum dlua nyob rua huv nuav hab:

Nwg lub zwmtxwv yuav nyob ruaj khov ib yaam le lub ntuj; hab nwg caajceg yuav ua

vaajntxwv moog 30 “Tabsis yog nwg caajceg tsi fwm kuv tej kevcai, hab tsi ua lub neej

lawv le kuv tej lug saamfwm, 31 hab yog puab tsi ceev kuv tej lug qhuab ntuag hab tsi

khaws kuv tej lug saamfwm ca, 32 ces kuv yuav rau txim rua puab vim puab tej kev

txhum; kuv yuav ua kuas puab raug kev txomnyem vim tej kev txhum kws puab ua. 33

Txawm le caag los kuv yuav tsi tso txujkev hlub Daviv tseg, lossis yuav ncu ntsoov tej

lug kws kuv cog tseg rua nwg lawm. 34 Kuv yuav tsi rhuav tej lug kws kuv cog tseg rua

nwg, lossis yuav tsi thim tej lug kws kuv cog tseg rua nwg. 35 “Kuv tuav kuv lub npe

kws dlawbhuv coglus ib zag xwb kaav moog taag ibtxhis; kuv yuav tsi dlaag Daviv ib

zag.” (Phoo Ntawv Nkauj 89:29-35 Phoo Moob)

“His seed also will I make to endure for ever, and his throne as the days of heaven. 30

If his children forsake my law, and walk not in my judgments; 31 If they break my

statutes, and keep not my commandments; 32 Then will I visit their transgression with

the rod, and their iniquity with stripes. 33 Nevertheless my lovingkindness will I not

utterly take from him, nor suffer my faithfulness to fail. 34 My covenant will I not break,

nor alter the thing that is gone out of my lips. 35 Once have I sworn by my holiness that

I will not lie unto David.” (Psalm 89:29-35 KJV)

13

Ib yaam le peb pum nyob rua huv Exekees tshooj 18 hab, nyob rua huv Phoo Ntawv Nkauj nuav

Vaajtswv nkawlug ntxiv txug Nwg txujkev ncaaj nceeg hab teg dlejnum kws Nwg ua rua tuabneeg.

Vaajtswv coglug rua Daviv yaam kws tsi muaj dlaabtsi khi nrug (unconditional) has tas Daviv yuav

muaj ib tug tub hab Nwg lub zwmtxwv yuav nyob moog ibtxhis (2 Xamuyees 7:13-14; Yaxayas 9:7;

Yelemis 33:15-21). Nruab nraab ntawm Daviv lug rua lub sijhawm kws Vaajtswv txujlug cogtseg nuav

tav kws yog tug Cawmseej lug yug, yeej muaj ntau tug tuabneeg kws yog Daviv caajceg ua kevtxaug

kevtxhum tawm tsaam Vaajtswv los yeej rhuav tsi tau Vaajtswv txujkev coglug rua Daviv lawv le kws

Vaajtswv tau has tseg. Nqai Vaajlugkub kws nyob rua huv Phoo Ntawv Nkauj tshooj 89 nuav has tas

Vaajtswv yuav lug saib hab puab yuav raug rautxim, kuas Vaajtswv txujkev coglug tseg yuav nyob ruaj

khov moog le. Txujkev coglug nuav yuav tsi muab koobmoov rua qhov kev ntxeev sab hab kev pe

lwm tug vaajtswv, kuas Vaajtswv yuav ceev Nwg txujkev ncaaj nceeg hab Nwg yuav tsaa ib tug ua tug

Cawmseej hab cov tuabneeg kws tso sab rua Nwg yuav tau txais koobmoov.

Xauslug

Kuv ntseeg has tas kevcai nqai ob ntawm 10 nqai kevcai nuav tsi tau qha has tas Vaajtswv yuav rautxim

lossis foom tsi zoo rua tej tubki vim tej namtxiv tau ua txhum. Kuas nwg qha has tas yog leejtwg

ntxeev sab rua Vaajtswv txujlug cogtseg hab moog pe lwm tug vaajtswv Nwg yuav rautxim lossis foom

tsi zoo rua tug ntawd. Dlhau le tej kev phem kev qas kws tej txiv ua nuav muaj feem ua rua tej mivnyuas

dlhau moog ua tuabneeg tsi fwm Vaajtswv hab tsi noog Vaajtswv lug moog txug peb hab plaub tam

tuabneeg. Cov mivnyuas kws ua lub neej zoo le nuav yuav raug rautxim tuab yaam le puab txiv. Kuas

yog tug mivnyuas twg tig lug cuag Vaajtswv, Nwg yuav zaam tug ntawd tej kevtxhum hab yuav foom

koobmoov rua nwg.

Tsi xob ca cov kws qha tsi lawv le Vaajtswv Txujlug muab nqai Vaajlugkub nuav coj lug qha rua peb

has tas tug kws lug ntseeg Yexus lawm los tseem muaj feem raug foom tsi zoo lug ntawm Vaajtswv

vim tej nam tej txiv lossis tej puj tej yawm tsi noog Vaajtswv lug hab ua kevtxaug kevtxhum tawm

tsaam Vaajtswv. Vaajtswv yeej has tas Nwg yuav foom koobmoov rua tug kws lug ntseeg Vaajtswv.

Npala-aas tub tsi muaj cai foom tsi zoo rua cov tuabneeg kws Vaajtswv foom koobmoov rua lawd

(Teev Npe 22:12), peb cov kws lug ntseeg Vaajtswv lawm hab Nwg has tas Nwg yuav foom

koobmoov rua peb lawd los yeej tsi muaj leej twg yuav foom tsi zoo tau rua peb tuab yaam hab.

“Tabsis kuv yuav foom koob moov rua tug kws ca sab rua kuv.” (Yelemis 17:7 Phoo Moob)

“Blessed is the man who trusts in the Lord, And whose hope is the Lord.” (Jeremiah 17:7

NKJV)

Tug Sau: Tsaav Sawm Hawj