universiteti i gjakovËs “fehmi agani” alija 24... · fizika etj. rëndësia edukativo -...
TRANSCRIPT
UNIVERSITETI I GJAKOVËS “FEHMI AGANI”
FAKULTETI I EDUKIMIT
(PROGRAMI FILLOR)
PUNIM DIPLOME
TEMA: PËRDORIMI I INSTRUMENTEVE RITMIKE SI
SHOQËRUESE GJATË KËNDIMIT TË KËNGËVE
Mentorja: Kandidatja:
Prof. Ass. Msc: Mimoza Kurshumlia Arbesa Alija
Gjakovë, 2018
2
Ky punim diplome u mbrojt me _________________________ para Komisionit Vlerësues në
përbërje:
1._______________________________________Kryetar
2._______________________________________Anëtar
3._______________________________________Mentorja
Komisioni Vlerësues e vlerësoi punimin me notën _________________ (_____)
Nënshkrimet e anëtarëve të Komisionit Vlerësues:
1. _______________________________________
2. _______________________________________
3. _______________________________________
3
PËRMBAJTJA
MIRËNJOHJE ................................................................................................................................ 5
ABSTRAKT ................................................................................................................................... 6
HYRJE ............................................................................................................................................ 7
KAPITULLI I ................................................................................................................................. 9
1. “MUZIKA DHE RËNDËSIA E SAJ” ........................................................................................ 9
1.1. Ç’është muzika? ....................................................................................................................9
1.2. Fillet dhe zhvillimi i edukimit tonë muzikor ......................................................................10
1.3. Roli i muzikës në jetë dhe në shoqëri .................................................................................11
1.4. Roli i muzikës në artikulimin e fjalëve dhe në të mësuarit e gjuhëve ................................12
KAPITULLI II .............................................................................................................................. 13
2. NATYRA E LËNDËS “EDUKIMI MUZIKOR” ..................................................................... 13
2.1. Edukimi muzikor .................................................................................................................13
2.2. Integrimi me lëndë të tjera kurrikulare ...............................................................................13
2.2.1. Gjuha dhe letërsia ........................................................................................................ 14
2.2.2. Matematika .................................................................................................................. 15
2.2.3. Edukata fizike .............................................................................................................. 15
2.2.4. Teknologjia e informacionit dhe komunikimit ............................................................ 15
2.2.5. Fizika ........................................................................................................................... 16
2.3. Rëndësia edukativo - arsimore e muzikës ...........................................................................16
2.4. Aftësitë që zhvillojnë nxënësit përmes mësimit të muzikës ...............................................17
KAPITULLI III ............................................................................................................................. 20
3. “INSTRUMENTET RITMIKE” ............................................................................................... 20
3.1. Ritmi ....................................................................................................................................20
3.2. Ritëm pa muzikë ka, ndërsa muzikë pa ritëm nuk ka .........................................................20
3.3. Instrumentet me goditje-ritmike ..........................................................................................22
4
3.4. Krijimi i instrumenteve ritmike me materiale recikluese ................................................... 24
3.5. Përdorimi i instrumenteve ritmike në këngë .......................................................................25
3.6. Rëndësia e instrumenteve ritmike që në moshë të hershme ...............................................26
KAPITULLI IV ............................................................................................................................ 28
4. “SHPREHJA DHE KRIJIMI MUZIKOR RITMIK” ............................................................... 28
4.1. Kënga dhe lojërat muzikore - ritmike ................................................................................28
4.2. Lojërat ritmike për motivimin e muzikantëve të rinj .........................................................29
Loja “Detektivë” .................................................................................................................... 30
Loja “Sinjali i ngrirë” ............................................................................................................ 30
4.3. Plani ditor i përpiluar sipas Kurrikulës së Kosovës ...........................................................31
REZYME ...................................................................................................................................... 33
LITERATURA ............................................................................................................................. 35
BURIME NGA INTERNETI ....................................................................................................... 36
5
MIRËNJOHJE
Ҫdo gjë në këtë jetë kërkon mund dhe sakrificë për t’u realizuar dhe unë sot ia dola!
Falënderimet i takojnë Zotit të Madh që ma lehtësoi dhe ma shtoi durimin gjatë kryerjes së këtij
punimi. Këtë ditë nuk do të arrija ta përjetoja nëse pranë vetes nuk do të kisha personat e veçantë
të cilët me dhanë mbështetje të pafundme gjatë këtij rrugëtimi.
Falënderoj familjen dhe shokun tim të jetës për mbështetjen morale dhe financiare, të cilët
janë edhe motivimi im më i madh për çdo punë.
“Edukata është gjëja më e mirë që një baba mund t'i japë fëmijës së tij” - Muhamedi a.s.
"Krejt çka unë jam, ose shpresoj të bëhem, i detyrohem engjëllit Nënë” - Lincoln.
Një falënderim të veçantë ia kushtoj profesorëve të cilët, duke më pajisur me dituri të
dobishme, më lehtësuan rrugën për përfundimin e këtyre studimeve. Për mbështetjen dhe ndihmën
e pakushtëzuar që më ofroi për realizimin e punimit tim të diplomës, e falënderoj përzemërsisht
mentoren time, Prof. Ass. Msc: Mimoza Kurshumlia.
Gjithashtu falënderoj shkollën fillore “Zekeria Rexha”, që m’i hapi dyert dhe më angazhoi me
punë, ku u përgatita dhe u aftësova për punë të pavarur praktike.
Sukseset e mëdha nuk ndodhin brenda natës, kërkojnë kohë.
Faleminderit ҫdoherё pёr çdo gjё!
Arbesa Alija
6
ABSTRAKT
Në këtë punim diplome do të trajtohet tema: “Përdorimi i instrumenteve ritmike si
shoqëruese gjatë këndimit të këngëve”. Punimi shtjellohet në 4 kapituj ku synohet të sqarohet në
mënyrë të qartë roli, rëndësia dhe ndikimi që ka muzika në jetën tonë dhe në edukimin fillor.
Muzika është një formë arti dhe një mënyrë argëtimi që bashkon tinguj të ndryshëm për të krijuar
melodi interesante dhe ritme të ndryshme për veshin e njeriut. Do të fillojmë këtë punim nga fillet
dhe zhvillimi i edukimit tonë muzikor, qysh nga nismëtarët e shkollës së parë shqipe të Korçës
(1887) Sevasti, Parashqevi e Gjerasim Qiriazi, ku filloi edhe përshtatja dhe krijimi i këngëve
shqipe në bazë të kritereve didaktike, pastaj ndalemi edhe te zhvillimet muzikore në shekullin XX
dhe XI.
Në kapitullin e dytë në mënyrë të detajuar do të sqarojmë edhe integrimin e lëndës së
edukatës muzikore me lëndë të tjera kurrikulare si: Gjuha dhe letërsia, matematika, edukata fizike,
fizika etj. Rëndësia edukativo - arsimore e muzikës është shumë e madhe dhe njëkohësisht e
pashmangshme, sepse ajo është komponent i edukimi estetik, ndikon në formimin moral e
shoqëror, ka rol të rëndësishëm në aktivizimin e proceseve psikike etj. Pjesa kryesore e këtij
punimi është kapitulli III ku flasim për ritmin, për instrumente të ORF-it, instrumentet ritmike që
krijohen nga materialet recikluese, instrumentet që mund t’i përdorim gjatë këndimit të këngëve
etj. Në kapitullin IV do të flasim për lojërat ritmike për fëmijë dhe ndikimin që kanë ato për
motivmin e muzikantëve të rinj. Punimi synon për një karakter sa më integral, duke treguar që
edukimi në vete përmban si objektiv krijimin e idesë, shijes, dëshirës dhe vullnetit të nxënësit për
të bukurën në art, në punë e në jetë, pastaj aftësimin e tij për ta vërejtur, për ta përjetuar, vlerësuar,
kultivuar dhe krahas këtyre, edhe për ta krijuar ai vetë të bukurën.
Fjalët kyçe: Muzika, ritmi, kënga, instrumentet ritmike, lojërat ritmike etj.
7
HYRJE
E bukura është një fenomenologji e shpirtit. Fenomenet e natyrës shpirtërore janë të
përhershme dhe universale. Është në natyrën e njeriut dhe brenda proceseve të tij të përditshme,
komunikimi me të bukurën në jetë, në punë, në natyrë, në ambiente që e rrethojnë, në dukje, në
ushqim e në çdo specifikë jetësore. Përveç fenomeneve artistike që i ka krijuar natyra, si: tingujt,
aromat, ngjyrat, peizazhet, detin, diellin, agimin, muzgun, një botë e tërë veprimtarish, janë edhe
artet e krijuara ku përfshihet edhe muzika. Ndër veprimtaritë kryesore e kulturore është arti, i cili
i rrit vlerat njerëzore të një shoqërie. Akti thelbësor i artit është perceptimi emocional i gjithë
larmisë së botës së tij, perceptimi i së bukurës, i ritmit, që mund t’u ndodhë vetëm atyre që e kanë
të kultivuar shijen estetike për të.
Ne, si qenie njerëzore, kemi nevojë që të ikim ndonjëherë nga realiteti, nga vrazhdësia e
jetës, dhe t’i qasemi për ndonjë moment argëtimit dhe imagjinatës. Arti është i shumëllojshëm dhe
aty nuk ka krahasim vlerash, sepse secili e ka rëndësinë e vet të veçantë. Arti matet vetëm përmes
preferencave, shijes dhe përjetimit shumë subjektiv, unikat e individual. Tingujt muzikorë të
shoqëruar me fjalën artistike tek njeriu sjellin emocione dhe perceptime për të bukurën në art. Të
kënduarit depërton thellë në anën shpirtërore dhe gjithashtu në nënvetëdijen tonë, përmes mesazhit
që përçon tek publiku. Këtë art fisnik duhet ta transmetojmë tek brezi i ri, që ata të mund të
zhvillojnë anën shpirtërore. Fëmijët muzikën e përjetojnë shumë herët, ku “e kënduara e nënës kap
vëmendjen foshnjore më mirë se të folurit e saj” (Trehub, 2002). E bukura dhe shijimi i saj janë
elemente fundamentale të njerëzimit, e cila e prek së pari në emocion, pastaj në intelekt të njeriut.
Muzika varet nga koha. Një nga aspektet më thelbësore të saj përfshin njohjen dhe aftësinë
për të përmbushur ritmet specifike. Gjithë muzika përfshin dhe duhet ta ketë ritmin që është
themeli mbi të cilin janë ndërtuar të gjitha elementet e tjera. Në vitet e fundit, pasi përfitimet e një
edukimi muzikor janë kuptuar më mirë, muzika është bërë pjesë e kurrikulës bërthamë që duhet
mësuar në shkolla dhe si e tillë ritmi luan një rol të madh në udhëzimet e hershme. Vendosja e
tingujve të veçantë në një rend të caktuar, për një kohëzgjatje të caktuar dhe mënyra se si
organizohen tingujt janë të gjitha aspektet e ritmit. Një nga aspektet më të lehta të identifikimit të
ritmit përfshin njohjen e rrahjes. Rrahja është në thelb pjesë e ritmit që është i pranishëm në çdo
lloj të muzikës dhe rënia e shpejtë është pulsim më i fortë.
8
Sa i përket artit dhe rëndësisë së tij ka pasur mendime të shumta. Filozofi grek, Aristoteli,
konsideronte që estetika është jo shkencë mbi artin, por filozofi e artit dhe s’mund të ketë diçka
më të saktë se kjo. Kurse Sharl Lalo, te vepra “Nocione të estetikës”, thotë: “...estetika është teoria
mbi sensibilitetin dhe ndjeshmërinë”. Ndërsa, sipas Frojdit, “…natyrën dhe origjinën e së bukurës,
perceptimin, përjetimin dhe krijimin e saj, mund t’i shpjegojë në mënyrë të duhur vetëm
psikoanaliza. Arti është fenomen kulturor, shpirtëror dhe formë e përgjithshme e vetëdijes”
(Zigmund Frojd, “Mbi Letërsinë dhe artet”). “Arti ka karakter filozofik e psikologjik. Arti dhe
filozofia janë dy forma të njohjes, vetëm se arti e trajton të veçantën, kurse filozofia e trajton të
përgjithshmen, universalen” Alfred Uçi.1
1 Uçi, A. (2007): “Universi Estetik”, vëllimi III – Akademia e Shkencave Shqiptare, Tiranë.
9
KAPITULLI I
1. “MUZIKA DHE RËNDËSIA E SAJ”
1.1. Ç’ËSHTË MUZIKA?
Artet në tërësi ushqejnë imagjinatën dhe zhvillojnë ndjenjën e së bukurës tek nxënësit, duke
u krijuar mundësinë atyre të bëhen pjesë e botës që i rrethon. Në saje të studimit të arteve në
përgjithësi dhe të muzikës në veçanti, nxënësit përfitojnë aftësinë jo vetëm për të zhvilluar
krijimtarinë dhe shpirtin e tyre kritik, por edhe për të punuar individualisht ose në grup. Pjesa më
e madhe e asaj që është më e mira në shoqëri zhvillohet përmes një shumëllojshmërie të formave
të artit që kontribuojnë në etikën kulturore dhe në një ndjenjë të mirëqenies. Arsimi i arteve i
mundëson fëmijës të eksplorojë mënyra alternative të komunikimit me të tjerët. Ajo inkurajon
idetë që janë personale e krijuese dhe jep një kontribut jetik në zhvillimin e një game të caktuar të
inteligjencës. E ç’është muzika si pjesë e arteve? Muzika është një formë arti e rrënjosur thellë në
natyrën njerëzore. Është një trup i veçantë dijesh, një formë unike e komunikimit dhe një mjet me
të cilin organizohen dhe shprehen ndjenjat dhe interesat. Është një fushë mjaft e kënaqshme e
përvojës individuale dhe të përbashkët, duke nxitur një ndjenjë të thellë mirëqenieje. Muzika
komunikon përmes simboleve verbale, vizuale dhe “të veshit” (dëgjimore), duke i ndihmuar në
këtë mënyrë nxënësit të kuptojnë aspekte të ndryshme muzikore. Duke studiuar muzikën, nxënësit
zbulojnë traditat artistike kulturore të vendit të tyre dhe të popujve të tjerë, mësojnë rrugët se si
krijohet një vepër muzikore, elementet dhe parimet që ndjekin kompozitorët për të krijuar një vepër
etj. Muzika, ashtu si edhe lëndët e tjera brenda fushës së arteve, studion jo vetëm historinë, por
edhe elementet e tjera përbërëse që e plotësojnë më së miri atë si: estetikën, elementet dhe parimet,
proceset e krijimit dhe realizimit, teknologjinë dhe mediat. Artet synojnë më shumë tek aftësitë se
sa te njohuritë, kështu që edhe muzika synon zhvillimin e aftësive, kompetencave krijuese dhe
qëndrimeve kritike. Muzika është një nga lëndët e kurrikulës bërthamë që synon zhvillimin e aftësive
krijuese tek nxënësit, e cila e vendos theksin te zhvillimi i aftësive krijuese, pasi kjo gjë u krijon
nxënësve mundësinë të zhvillojnë të nxënit aktiv.
“Muzika është një ligj moral. Ai i jep shpirt universit, krahëve të mendjes dhe jetës për çdo gjë ... Pa muzikë,
jeta do të ishte një gabim.” (Platoni)
10
1.2. FILLET DHE ZHVILLIMI I EDUKIMIT TONË MUZIKOR
Fryma iluministe e Rilindjes sonë Kombëtare përfshiu edhe sferën e muzikës, sepse kënga
patriotike e kultivuar në rrethe veprimtarësh paraqiste shpalim emocional të ideve të tyre. Kënga
si formë e zellshme bënte ndikim patriotik dhe estetik, sidomos te të rinjtë. Qysh nga nismëtarët e
Shkollës së parë shqipe të Korçës (1887), Sevasti, Parashqevi, Gjerasim Qiriazi, filloi
përshtatja dhe krijimi i këngëve shqipe në bazë të kritereve didaktike. Shpallja e Pavarësisë së
Shtetit shqiptar ishte impuls për hapjen e shkollave në mënyrë të gjerë dhe të organizuar.
Shoqëritë artistike vazhdojnë të zhvillohen si për nga numri, ashtu dhe për nga cilësia me
muzikantë si: At Martin Gjoka, Thoma Nasi etj.2 Me paraqitjen e muzikantëve profesionistë
gjithnjë e më në numër, ngrihet niveli i kulturës muzikore, që nënkupton dhe dimensionin edukativ
në kuptimin më të gjerë të këtij zhvillimi. Kontributi i shkollës normale të Elbasanit duhet të
përmendet edhe në aspektin e edukimit muzikor, ngase niveli i kënaqshëm i mësimit të muzikës
në këtë institucion ka mundësuar që shumë mësues të diplomuar këtu, ta ushtrojnë edhe
mësimdhënien e muzikës anembanë trevave shqiptare. Pas përfundimit të luftës së Dytë Botërore,
kur Kosova sërish përfshihet në juridiksionin e ish Jugosllavisë, ndërpritet bashkëpunimi me
Shqipërinë. Kjo ndërprerje sjell pasoja shumë të rënda në arsimin shqip. Në edukimin muzikor
ndalohen këngët e autorëve nga Shqipëria dhe në vend të tyre përkthehen këngët sllave për t`u
përdorur në shkollat shqipe. Vetëm pas vitëve të 50 të shekullit që lamë, në Kosovë rifillojnë
përpjekjet për formësimin e edukimit muzikor me tipare kombëtare.
Zhvillimet teknologjike janë edhe refleksion i drejtpërdrejtë në avancimin e mendimeve të
reja dhe pasqyrimit të tyre në kulturë dhe në ngjarjet muzikore që ndodhën në shekullin XX-XXI.
Këtu qëndron edhe e tërë esenca e artit, ku artisti duhet të jetë në koordinim të plotë me të gjitha
zhvillimet sociale, teknike, estetike për të arritur në piedestal që njeh bota e artit dhe e muzikës.
Ky refleksion ndodhi edhe tek kompozitorët shqiptarë në Kosovë. Edhe pse ishin të shkolluar
shumë vonë në krahasim me vendet e zhvilluara, (sepse shkolla e parë e muzikës në Kosovë hapet
tek pas luftës së Dytë Botërore më 1947), mendimi i tyre për t’i parë gjërat ishte po aq i pranishëm
me krijimin e rrymave të reja muzikore të kohës. Edhe muzika shqiptare edhe pse me shumë
vonesë në krahasim me krijuesit botërorë, përcollën këtë trend të ri në veprat e tyre muzikore të
çdo gjinie që ata krijuan. Së pari evoluoi mendimi artistik i artistit për ta parë botën brenda lirisë
2 Spahiu, S.(2008). “Metodika e mësimit të muzikes”: Prishtinë.
11
së mendimit të tij intelektual dhe spiritual, ku gjuha muzikore shkoi gjithnjë e më tepër drejt
përsosshmërisë dhe pasurimit të saj me vlera të reja estetike. Në veprat e tyre shfaqen organizime
të reja si në: ritëm, melodi, polifoni, harmoni, timbrike, orkestrim, përmbajtje, formë dhe strukturë.
Ndër kompozitorë, të cilët avancuan gjuhën e tyre shprehëse përmes shtigjeve dhe thyesës
moderne, mund të përmendim: Zeqeria Ballatën, Rafet Rudin dhe kompozitorin me një sens të
jashtëzakonshëm kompozicional Mendi Mengjiqin. Kryesisht në fillimet e tyre, veprat e para i
takojnë krijimtarisë nacionale me bazë melosin shqiptar, ndërsa pjesa tjetër dhe njëkohësisht
krijimtaria e sotme është ajo atonale, dodekafonike, elektronike etj, stile këto që tashmë janë bazë
e krijimeve të tyre dhe gjetjet e vazhdueshme të mënyrave të reja për shprehjen e mendimeve
muzikore. 3
1.3. ROLI I MUZIKËS NË JETË DHE NË SHOQËRI
Me rolin që ka luajtur dhe që luan muzika në jetë dhe në shoqëri merren shumë shkenca
shoqërore si: filozofia, pedagogjia, psikologjia, estetika, sociologjia e arteve, etj. Në fillim muzika,
poezia, loja (pantomima) ishin të pandara dhe shoqëronin procesin e punës dhe të prodhimit. Rolin
e muzikës do të duhej shqyrtuar të pandarë nga tërësia e jetës si ngjarje, si domosdoshmëri
shoqërore. Njeriu përpiqet që me anë të muzikës, që nga këngët e vallet e para, të ndikojë dhe ta
begatojë jetën, si atë individuale, ashtu edhe atë kolektive. Më anë të saj të ndikojë edhe në fuqitë
mbinatyrore. Nga kjo del se njeriu gjithmonë ka besuar në fuqinë dhe në rolin ndikues të muzikës.
Në rolin dhe në funksionin magjeps dhe edukues të muzikës kanë besuar edhe filozofët e lashtësisë
që nga shoqëria e parë klasore (skllavopronare).4
Filozofët klasikë grekë Platoni dhe Aristoteli shkojnë shumë larg në besimin e tyre në rolin
e fuqisë së muzikës në edukimin e rinisë. Platoni, në veprën e tij "Shteti", në të cilën e koncepton
rregullimn e shtetit demokratik skllavopronar, në kuadër të të cilit parasheh muzikën si pjesë
përbërëse të edukimit të rinisë së Athinës krahas mësimit të filozofisë dhe të lëndëve tjera. Platoni
shkon aq larg duke pohuar se "sa më e zhvilluar të jetë muzika, aq më i fortë është shteti". Kështu,
shihet qartë se sa besonin filozofët e vjetër në funksionin e muzikës në shoqëri. Në Greqinë e vjetër
3 Papajorgji, E & Hoff man, L(2017) “Education and Social Sciences – Global Challenge 2017” : Poland. 4 Berisha, E (2004). "Studime dhe veshtrime per muziken”: Prishtinë.
12
nocioni »muzikë« kishte kuptim më të gjerë se sa në kohët e mëvonshme. Ajo ishte e lidhur ngushtë
me poezinë dhe tragjedinë antike të Eskilit, të Sofokliut, të Euripidit, etj. Për rolin e muzikës në
jetë dhe në shoqëri gjatë historisë ka pasur mendime të ndryshme të estetëve dhe të filozofëve, të
cilët mendojnë se muzika është më tepër një shkathtësi për argëtim ndërsa, në anën tjetër, shumica
dërrmuese e kompozitorëve këtë e vështrojnë ndryshe. Sa për ilustrim po përmendim dy mendime
të kompozitorëve të njohur: G. F. Hendel mendon se muzika nuk ka vetëm argëtim e zbavitje, por
luan rol etik dhe edukativ. Ndërsa gjeniu i muzikës V. Bethoveni thotë: "Muzika është zbulim më
tepër se urtësia e filozofia". Ai beson se muzika ka fuqi ta fisnikërojë njeriun, të ngjallë tek ai
dashurinë për të bukurën." Kush e kupton brendësinë e muzikës sime, do të lirohet nga mjerimi
për të cilin vuajnë njerëzit e tjerë".
1.4. ROLI I MUZIKËS NË ARTIKULIMIN E FJALËVE DHE NË TË MËSUARIT E GJUHËVE
Muzika luan një rol shumë të rëndësishëm në mësimin si të gjuhës amtare, ashtu edhe të
një gjuhe tjetër. Si fëmijë, ne mund të imitojmë ritmin dhe strukturën muzikore të gjuhës sonë
amtare shumë më parë se ne të flasim. Shumë prej nesh jemi të aftë të kujtojmë këngë e ninulla të
ndryshme që i kemi mësuar si fëmijë. Muzika na ndihmon të ruajmë fjalë dhe shprehje në mënyrë
më efektive. Ritmi i muzikës, ashtu si dhe motivet përsëritëse në këngë, na ndihmon të
memorizojmë fjalë. Edhe nëse pjesa më e madhe e fjalëve janë jo familjare në fillim, imitimi i
fjalëve në një këngë mund t’i ndihmojë fëmijët të praktikojnë tingujt e prodhuar në një gjuhë të re.
Rrjedhimisht, tingujt i hapin rrugë kuptimit të duhur, meqenëse kënga praktikohet përsëri e përsëri.
Aftësia e veçantë muzikore është e zakonshme mes individëve që flasin shumë gjuhë. Në të njëjtën
mënyrë, njerëzit muzikalë e kanë rritur aftësinë e tyre në mësimin e gjuhës së huaj për shkak të
aftësisë së tyre superiore për të përthithur, procesuar dhe riprodhuar theksin. Të kuptuarit se si
muzika mund të ndihmojë në mësimin e një gjuhe, është e rëndësishme se ndërkohë kur dëgjon
muzikën, ndjek tekstin e melodinë, nevojitet që të dy anët e trurit të jenë aktivë, duke e bërë më të
lehtë për të kujtuar informacionin se sa thjesht duke e lexuar. 5
5 http://www.helendoron.al/si-i-ndihmon-muzika-femijet-te-mesojne-gjuhet/
13
KAPITULLI II
2. NATYRA E LËNDËS “EDUKIMI MUZIKOR”
2.1. EDUKIMI MUZIKOR
Aftësimin e nxënësve për të riprodhuar atë që dëgjojnë, si dhe për të krijuar në mënyra të
ndryshme, ua mundëson ora e edukimit muzikor. Çdo fëmijë shfaq prirje krijuese, ku ai shpreh
botën e tij të brendshme, duke jetuar fuqinë krijuese të imagjinatës së tij. Krijimtaria muzikore
pasqyrohet te fëmijët përmes prodhimit të ritmeve të gjalla, ku fëmijët në të njëjtën kohë këndojnë
(ritmi, melodia, teksti), vallëzojnë (lëvizjet e trupit që përkojnë me ritmin dhe muzikën) dhe shpesh
edhe e interpretojnë (dramatizojnë), duke u dhënë jetë të gjitha elementeve shprehëse. Lënia e lirë
e tyre gjatë krijimit të lëvizjeve ose imitimit ka rëndësi të veçantë në këtë orë mësimore, për të
mos ndrydhur imagjinatën.
Të krijuarit, më shumë se kudo, këtu duhet të jetë nxitës dhe frymëzues. Lëvizjet e fëmijëve
do të varen nga karakteri i muzikës që dëgjojnë. Kështu muzika me temp të shpejtë do t’i nxisë të
bëjnë lëvizje të gjalla, të bëjnë një marsh, të bëjnë lëvizje të njëjta. Në vallet popullore lëvizjet e
fëmijëve janë të lirshme. Një dëgjim i orientuar bën që nxënësit të përjetojnë sa më mirë muzikën.
2.2. INTEGRIMI ME LËNDË TË TJERA KURRIKULARE
Fusha e arteve luan rol të rëndësishëm në zhvillimin intelektual, emocional, social dhe
kulturor të nxënësve. Kjo fushë ndihmon në formimin dhe zhvillimin e fëmijëve dhe të rinjve për
të shprehur përvojat e tyre personale, për të kuptuar e kultivuar talentin e tyre krijues si dhe për të
përvetësuar konceptet e duhura në vizatim, pikturë, skulpturë, grafikë, dizajn, vallëzim, interpretim
dhe muzikë. Përmes arteve nxënësit zhvillojnë shkathtësitë e tyre artistike.6 Fusha mësimore e
arteve është pjesë përbërëse e procesit të të mësuarit dhe e ndihmon lidhjen midis imagjinatës dhe
inteligjencës së fëmijëve në veprimtari të ndryshme krijuese. Qëllimi i kësaj fushe është zhvillimi
i imagjinatës krijuese, të figuracionit dhe muzikalitetit, reagimit ndaj shprehjes artistike, e cila
konsiston në shumëllojshmërinë e veprimtarive që përfshihen në edukimin artistik. Integrimi i
6 http://masht.rks-gov.net/uploads/2017/03/korniza-kurrikulare-finale.pdf
14
muzikës me të gjitha lëndët e tjera brenda fushës së arteve dhe fushat e tjera të kurrikulës, si dhe
me temat ndërkurrikulare, ka si qëllim që të zotërohen sa më mirë kompetencat kyçe dhe ato të
lëndës. Muzika është e pranishme kudo në jetën tonë të përditshme (p.sh. klasë, shtëpi, TV, film,
koncert, teatër, kolonë zanore, ngjarje të shënuara familjare, veprimtari brenda dhe jashtë shkollës,
ngjarje të komunitetit etj.). Melodia, ritmi, harmonia, dinamika, tempi, forma, struktura etj. lidhen
shumë mirë me disiplinat e tjera artistike si: kërcimin, artin pamor, teatrin, por edhe me
matematikën, gjuhën dhe komunikimin, shkencat shoqërore etj.
2.2.1. GJUHA DHE LETËRSIA
Gjuha është një lëndë themelore që ndihmon, përveç të tjerave, edhe për të shprehur sa më
mirë emocionet që na përcjell muzika. Kjo për faktin sepse nxënësit duhet të përdorin strategjitë e
përshtatshme gjuhësore për të zbuluar, prezantuar dhe komunikuar të kuptuarin e tyre artistik.
Përmes lëndës së gjuhës integrohen njohuritë dhe aftësitë që kanë të bëjnë me hartimin e eseve,
gjetjen dhe shfrytëzimin e materialeve mediatike, shkrimin, leximin dhe komunikimin e
informacioneve për artet në përgjithësi dhe për muzikën në veçanti. Mes letërsisë dhe muzikës ka
pika të përbashkëta si p.sh: marrëdhëniet e tyre me kohën, aspektit tingëllues, intonativo - fonetik
të fjalës. “Ashtu si perceptojmë muzikën e ekzekutuar, ashtu perceptojmë edhe tingujt e artikuluar
të fjalës ose germat e saj”. Nxënësit duhet të dinë të shprehin një ide artistike muzikore, në forma
të ndryshme gjuhësore, duke thelluar kështu të kuptuarin e tyre konceptual dhe zgjerimin e aftësive
të tyre gjuhësore për komunikimin e ideve, mendimeve, qëndrimeve apo vlerësimeve të veta
përballë atyre të të tjerëve.
Shembull i marrë nga programi i lëndës së klasës së pestë:
Nxënësit të krahasojë dy shembuj muzikorë drejtpërdrejt dhe dy shembuj të regjistruar, të llojit
klasik apo modern, duke shprehur ndjeshmërinë dhe emocionet e përjetuara. Për realizimin e kësaj
kërkese kërkohet që nxënësit të respektojnë edhe artin e të folurit, duke zhvilluar më tej edhe
fjalorin artistik muzikor.7
7 Duraj, V & Hala, M (2010).“ Udhëzues kurrikular”: Tiranë.
15
2.2.2.MATEMATIKA
Arti muzikor është domen i shprehjeve emocionale, e pasionit dhe e estetikës, ndërsa
matematika është domen i logjikës, i saktësisë dhe i së vërtetës. Gjuha e simbolit është një nga
pikat ku takohet matematika dhe muzika. “Gjeometria është muzika e ngurtësuar” – thotë Pitagora.
Së pari disa hulumtime kanë dëshmuar se fëmijët, duke luajtur në piano, shpesh, tregojnë aftësi të
përmirësuara në shkenca të aplikuara në zgjidhjen e problemeve (enigmave), duke luajtur shah apo
kryerjen e veprimeve matematikore. Së dyti, matematika me muzikën lidhen me njëra - tjetrën
edhe nga numrat thyesorë. Në muzikë numri 2/4 tregon kohën 2/4, në matematikë është një numër
thyesor. P.sh. thyesat 1/4, 2/4, 3/4, 4/4, 3/8, 6/8 etj.
2.2.3. EDUKATA FIZIKE
Arti muzikor dhe edukata fizike kanë lidhje të shumta duke filluar nga baleti. Baleti është ajo
gjini artistike e cila i shpreh ndjesitë e saj përmes lëvizjeve të shoqëruara me muzikë, shfaqje
skeniko - muzikore e trupës vallëzuese. Baleti është një nga artet dramatike që e ka vallëzimin dhe
lëvizjet skenike si formë shprehëse të krijimit. 8 Lojërat muzikore janë gjithashtu pjesë e
rëndësishme e edukimit muzikor të fëmijëve, ku zhvillojnë aftësinë për të kënduar një këngë dhe
njëkohësisht për të luajtur lojën duke bërë lëvizje fizike të trupit, duke ndërthurur edhe elemente
të tjera.
2.2.4. TEKNOLOGJIA E INFORMACIONIT DHE KOMUNIKIMIT
Teknologjia e informacionit dhe komunikimit (TIK) mbështet edhe të mësuarit e muzikës.
Nxënësit mund të përdorin programe të ndryshme, të cilat i ndihmojnë ata në realizimin e punëve
artistike, përdorin programe të shkrimit të notave muzikore, prezantojnë materiale informuese rreth
jetës dhe veprimtarisë së kompozitorëve të ndryshëm, kërkojnë në internet (të dhëna p.sh. për jetën
e përfaqësuesve të një periudhe të caktuar) etj. Së fundi, kjo lëndë nuk mjaftohet vetëm me njohjen
dhe përdorimin e TIK–ut, por shtyhet deri në përdorimin e kompjuterit për të prodhuar muzikë për
veprimtari personale, të klasës apo të shkollës.
8Duraj, V & Hala, M (2010).“ Udhëzues kurrikular” : Tiranë.
16
2.2.5. FIZIKA
Njohuritë që ndërthuren mes Fizikës dhe Muzikës lidhen me: akustikën, tingujt, dritat dhe
përthyerjen e dritës në skenë, etj. Nxënësit dallojnë tingujt sipas karakteristikave të tyre,
diferencojnë tingullin nga zhurma, kuptojnë ligjet e pasqyrimit dhe përthyerjes së dritës, përfitojnë
ngjyra të ndryshme nga mbivendosja e dritës duke krijuar kështu efekte skenike.
2.3. RËNDËSIA EDUKATIVO - ARSIMORE E MUZIKËS
Artet edukojnë dhe arsimojnë nëpërmjet mjeteve shprehëse specifike si me: fjalë artistike,
artet figurative me linja, ngjyra, figura, vallëzim me lëvizje etj. Muzika, ndryshe nga disa arte të
tjera, është e zhveshur nga vizualiteti dhe semantika e ngushtë dhe e drejtpërdrejtë. Pjesë thelbësore
e edukimit të përgjithshëm dhe synim i çdo sistemi arsimor është edhe edukimi estetik, i cili
realizohet në shkollë si komponent i veçantë i tij (përmes lëndëve të caktuara si: Edukatë muzikore,
Edukatë qytetare, Art figurativ, Edukatë fizike, Letërsi e gjuhë shqipe, etj).
Edukimi dhe arsimimi muzikor merr pjesë në edukimin estetik duke e zhvilluar
muzikalitetin e nxënësit, duke e aftësuar për ta përjetuar dhe kuptuar të bukurën muzikore. Sipas
Shilerit, “Çelësi i edukimit në përgjithësi është edukimi për të bukurën” 9, kurse shumë më herët
Aristoteli thoshte: “Edukimi i mendjes pa edukimin e zemrës, nuk është edukim”. Përjetimi
emocional dhe nxitja e veprimtarisë krijuese muzikore e pasurojnë personalitetin e nxënësit në
aspektin estetik, gjë që e çon drejt burimit dhe formimit të ndjenjave muzikore estetike. Edukimi
në vete përmban si objektiv krijimin e idesë, shijes, dëshirës dhe vullnetit të nxënësit për të bukurën
në art, në punë e në jetë, pastaj aftësimin e tij për ta vërejtur, për ta përjetuar, vlerësuar, kultivuar
dhe, krahas këtyre, edhe për ta krijuar ai vetë të bukurën.
Muzika ka rëndësi edhe në formimin moral e shoqëror të individit, sepse nxënësi, duke
kënduar, dëgjuar muzikë ose duke luajtur në instrument, bashkë me nxënësit e tjerë, e përjeton
veten si pjesëtar i grupit, duke koordinuar dhe duke përshtatur aktivitetin e vet me kërkesat e
përbashkëta.10 Ai në këtë mënyrë mëson të krijojë raporte shoqërore, mëson të ketë konsideratë
ndaj shokëve. Ndjenja e qëllimit të përbashkët shoqëror gjen udhërrëfyes të vërtetë në edukimin
9 ( Fridrih Shiler, “Mbi edukimin estetik të njeriut”, Tiranë, 2004, f. 86) 10 Spahiu, S.(2008) “ Metodika e mësimit të muzikës” . Prishtinë.
17
dhe arsimimin muzikor. Edukimi dhe arsimimi muzikor ka ndikim të dukshëm në formimin e
ndjenjës morale të nxënësit, si dhe në formimin e përgjithshëm pozitiv dhe kulturor të tij.
Kompozimet e ndryshme, sidomos këngët me përmbajtje letrare - muzikore që kanë
karakter atdhetar, heroik, liridashës, fuqishëm ndikojnë në kultivimin e ndjenjës patriotike që është
atribut i formimit shoqëror. Në procesin edukativo - muzikor nxiten dhe zhvillohen proceset
psikike në mënyrë specifike, pikë së pari nëpërmjet përjetimit dhe njohjes së vetëdijshme. Format
e ndryshme të punës edukativo - arsimore zhvillojnë vëmendjen herë në ritëm, herë në melodi,
herë në të dyjat. Po ashtu, duke e nxitur dhe trimëruar të shprehurit e lirë muzikor, sidomos
spontanitetin në improvizime muzikore, ndikohet në zhvillimin e imagjinatës krijuese të nxënësit.
Edukimi dhe arsimimi muzikor ka rëndësi edhe në zhvillimin e emocioneve të nxënësit. Duke
dëgjuar muzikë, nxënësit bëhen më të ndjeshëm, më të drejtpërdrejtë në përjetimin, në kuptimin e
të bukurës muzikore. Këndimi ka rëndësi të madhe në përsosjen e të folurit, prandaj ai përdoret si
stimulues emocional edhe në mësimin e gjuhëve të huaja, në përmirësimin e pengesave në të folurit
e fëmijëve, sidomos në zbutjen e belbëzimit.
Inkurajimi i proceseve psikike në të njëjtën kohë prek edhe proceset e zhvillimit fizik, sepse
ato janë të ndërthurura dhe të kushtëzuara. Kjo është krejtësisht e kuptueshme kur dihet se muzika
gjithashtu ndikon në qenien fizike të njeriut. Muzika ndikon në lëvizjet, frymëmarrjen dhe
qarkullimin e gjakut. Këndimi në veçanti zhvillon aparatin e këndimit, sepse të gjitha organet
pjesëmarrëse funksionojnë në sinkronizim. Muzika dhe lidhjet e lëvizjes janë të thella dhe të
shumëfishta. Sidomos lojërat dhe vallet janë një formë e shkëlqyer e punës arsimore përmes së
ciles harmonitë zhvillojnë lëvizjet ritmike të nxënësve. Ndikimi i plotë i muzikës në zhvillimin
shpirtëror dhe fizik të nxënësve është i rëndësishëm, sepse bart një gëzim dhe vitalitet (gjallëri
fizike) shpirtëror në jetën e tij.
2.4. AFTËSITË QË ZHVILLOJNË NXËNËSIT PËRMES MËSIMIT TË MUZIKËS
Kurrikula e Kosovës organizohet në mënyrë të tillë, ku veprimtaritë muzikore i ftojnë
nxënësit të këndojnë, të luajnë, të dëgjojnë muzikën e vet ose të të tjerëve, duke e vlerësuar atë në
mënyrë kritike. Rruga për të zhvilluar aspektin personal, shoqëror, mendor dhe fizik është një aspekt
tjetër i kësaj kurrikule. Koordinimi i trupit me mendjen arrihet përmes të kënduarit të këngëve, luajtjes
apo shoqërimit të tyre dhe lojërave muzikore, rrahjes së ritmeve të ndryshme, kombinimit të lëvizjeve
18
trupore me muzikën, ku, në të njëjtën kohë ndiqen udhëzimet e mësuesit dhe njëkohësisht dëgjohen
edhe të tjerët.
2.4.1. Zhvillimi i aftësive për të kënduar në klasën e parë nxitet përmes punës me tingujt
vokalë dhe të kënduarit: duke kënduar ninulla apo këngë me rima të caktuara, duke eksperimentuar
tingujt zanorë dhe bashkëtingëllorë, duke mësuar të respektojnë rregullat e frymëmarrjes etj. Edhe
më pas, gjatë këtij cikli, ata mësojnë të respektojnë rregullat e të kënduarit, të frymëmarrjes, të
qëndrimit etj. Më pas zhvillimi i të kënduarit bëhet përmes këngëve me tematikë të larmishme, me
kërkesa më të larta që kërkojnë interpretim. Zhvillimi i aftësive për të kënduar shkon më tej kur
nxënësit këndojnë saktë dhe të intonuar këngën, duke respektuar të gjitha rregullat, si dhe mësojnë
të mbajnë një qëndrim kritik ndaj tekstit të këngëve.
2.4.2. Zhvillimi i aftësisë për të dëgjuar muzikë është, gjithashtu, një aspekt kritik i të
gjithë procesit të të nxënit, i cili fillon përmes zbulimit të tingujve apo zhurmave, dallimit dhe
përcaktimit të tingujve në natyrë, duke zhvilluar më pas përqendrimin në dëgjimin e pjesëve
muzikore. Në klasën e parë fëmijët njihen me disa rregulla: si duhet të edukohen për të dëgjuar
muzikë të çdo lloji, si duhet të edukohen për seleksionimin e muzikës, si duhet të zhvillojnë nga
klasa në klasë aftësinë për të rinjohur dhe përcaktuar llojin e muzikës që ata dëgjojnë.
2.4.3. Zhvillimi i ndjeshmërisë ritmike dhe njohja me muzikën në klasën e parë fillon të
bëhet përmes zhvillimit të aftësive imituese të fjalëve të shkurtra dhe fjalëve të gjata (me 2 dhe me
shumë rrokje). Veprimtaritë muzikore mund të jenë të tilla, si: dëgjimi dhe imitimi i ekos, goditja
e ritmeve të shkurtra dhe të gjata etj. Në kurrikulën e edukimit muzikor rrugët dhe mundësitë për
zhvillimin dhe zgjimin e imagjinatës artistike bëhen përmes familjarizimit të krijimeve të
ndryshme muzikore të njohura ose të panjohura, përmes dëgjimit të tingujve muzikorë, si dhe duke
shprehur ndjenjat dhe emocionet përmes muzikës.
2.4.4. Zhvillimi i aftësisë për të luajtur dhe shoqëruar muzikën përmes instrumenteve
ORF dhe me goditje. Luajtja me instrumente do t’i aftësojë nxënësit për të njohur dhe luajtur me
19
instrumentet ritmike dhe me goditje ORF 11. Përmes njohjes dhe luajtjes me to, nxënësit bëhen të
aftë për të shoqëruar këngët, lojërat dhe pjesë të ndryshme muzikore. Në edukimin muzikor të
nxënësve krahas zërit, një rol të rëndësishëm luan edhe loja në instrument. Njohja me instrumentet
rrit njohuritë muzikore dhe krijon mundësi për të hyrë në marrëdhënie të drejtpërdrejta me të gjitha
etapat e mësimit. Gjithashtu ajo zhvillon ndjenjën ritmike, melodike dhe harmonike, krijon
koncepte të qarta për çështje teorike e praktike të muzikës.
2.4.5. Zhvillimi i aftësisë për të krijuar dhe shprehur emocionet edhe përmes arteve të
tjera do të zhvillojë më tej aftësitë krijuese, qëndrimin e nxënësve ndaj muzikës, si dhe përjetimin
e saj, duke e shprehur atë nëpërmjet arteve të tjera. Përjetimi muzikor, sigurisht, do të udhëhiqet
nga mësuesi, por do të jetë individual për të shprehur më qartë personalitetin dhe identitetin e
secilit nxënës në punën e tij artistike. Në ciklin fillor nxënësit do të imitojnë tinguj e zhurma të
ndryshme, do të ndërtojnë dhe luajnë me instrumente të thjeshta O.R.F. e do të shprehen për këngët
që këndojnë dhe dëgjojnë, duke i përjetuar apo duke i kombinuar ato me lëvizjet trupore. Kjo linjë
i jep mundësi integrimit të kësaj lënde me lëndë të tjera, si: arti figurativ, vallëzimi, gjuha amtare,
edukimi fizik, etj.
11(Instrumentet ORFF e kanë marrë emrin nga kompozitori gjerman dhe krijuesi i instrumenteve ritmike me goditje Karl Orff.
Instrumentet që ai ka krijuar janë instrumente për orkestra por edhe për fëmijë.)
20
KAPITULLI III
3. “INSTRUMENTET RITMIKE”
3.1. RITMI
Ritmi është magjia e jetës, tingulli që nuk e la vetëm botën kurrë, emocioni që na
mbërthen çdo ditë, hijeshia e momenteve më të bukura e shoku i përjetshëm i çasteve të
dhimbshme që na godasin padrejtësisht. Prej kur erdhëm në jetë, u mirëpritëm nga ritme e tinguj
qe nuk do i harrojmë kurrë siç janë të rrahurat e zemrës të nënës që i ndjenim sa herë na mbërthente
plot dashuri në krahët e saj, ritmi i lëkundjeve të saj, ritmi i zërit të ëmbël që na këndonte ninulla,
ritmi shpeshherë qesharak i fjalëve të para e të pakuptueshme që i thonim si të vegjël, ritmi qetësues
i pikave të shiut mbi xham, ritmi i valëve të detit që shumë herë na bëjnë të ndihemi të pafuqishëm
ndaj tyre, por edhe të përkëdhelur nga prekja e tyre, ritmi i hapave që na mundësojnë të shkelim
botën e të njohim bukuritë e saj. Kjo është magjia e ritmit, e muzikës! Jam shumë
falënderuese për mundësinë që Zoti më ka dhënë t’i dëgjoj dhe t’i ndjej ritmet e jetës. Paramendoni
sa e varfër do të ishte jeta po të mos kishim as edhe një ritëm, të mos dinim të dallonim të qarën
nga e qeshura, të mos kishim mundësi të dëgjonim zërin e askujt, të mos e dëgjonim kurrë
madhështinë e fjalës "Të dua", e inspirimin e emrit "Nënë". Pra, të jemi falënderues për çdo gjë,
të bëhemi mirënjohës ndaj dhuratave të mëdha që kemi në jetë. Dëgjoni, dëgjoni e vlerësoni sa më
shumë ritme e tinguj, sepse muzika është e vetmja kënaqësi e shqisave pa mëkat.
3.2. RITËM PA MUZIKË KA, NDËRSA MUZIKË PA RITËM NUK KA
Me plot të drejtë mund të themi se ritmi është mjeti më i fuqishëm në përforcimin e
gjendjes shpirtërore. Kur ju e keni në duar një tekst, gjëja e parë që ju bie në sy janë shenjat e
pikësimit. Zakonisht nëpër tekste shenjat e pikësimit inicojnë ritmin. Shenjat e pikësimit na
tregojnë se si janë të ndërtuara fjalitë apo frazat, prandaj edhe informacioni na vjen më i qartë dhe
më efektiv12 . Ritmi, në gjuhën greke - rithmos - dmth simetri ose lëvizje. Është luhatja ose
variacioni i theksit dhe gjatësisë së një sërë tingujsh. Me përkufizim, ritmi është modeli i pulseve
të rregullta ose të parregullta të shkaktuara në muzikë nga shfaqja e rrahjeve të forta dhe të dobëta
melodike dhe harmonike. Ai organizohet brenda një mase. Masa është hapësira pingule në mes dy
12 Bektashi, A. (2011) “Aktori dhe Zëri – elementet e teknikës vokale”. Prishtinë: KOHA. fq. 105
21
vijave të pentagramit. Masat mund të jenë 2, 3 dhe 4 kohore.13 Ta themi thjesht, ritmi është ai
komponent i muzikës që na bën të lëvizim ose thjesht të trokisim këmbën, kur dëgjojmë një këngë.
Ritmi ndryshon në mënyrë logjike në zhvillimin e ngjarjes dhe së bashku me tempin është i lidhur
në mënyrë direkte me botën e ndjenjave. Aristoteli në shkrimin "Probleme muzikore", ritmin e
lidh me natyrën. Ritmin ai e quan "lëvizje e rregulluar", e cila ka masat e veta të caktuara.
“Ritmi është një forcë e brendshme e muzikës... është energji që rrezaton emocion”
Ilirjana Demi
Studiuesi Gjergj Zhej, te libri "Hyrje në shkencën e letërsisë", për ritmikën shprehet:
"Ritmi është diçka e lidhur me vetë natyrën". Çdo gjë rreth nesh ka një ritëm të dhënë që shpreh
lëvizje, ku pjesët e saj kanë lidhje të caktuar midis tyre. Ndjenjën e ritmit njeriu e ka hetuar së pari
në vetë trupin e tij. Zemra e njeriut rrah me një ritëm të caktuar, që mund të shprehet muzikalisht
me kohën muzikore tre të katërtat. Nga natyra ritmi kaloi në art, si një pasqyrim i veçantë dhe i
figurshëm i natyrës. Ritmi dhe tingujt janë ato që përbëjnë atë që quhet muzikë. Ritmi
ngacmon më gjallërisht veshin tonë. Atë e ndeshim në natyrë, në jetën e përditshme, në mjedisin
ku jetojmë apo mësojmë. Loja muzikore ka brenda saj ritmin, e cila, duke i bashkëngjitur gjallërinë
dhe gëzimin e saj, bëhet shumë e dashur për fëmijët. Do marim shembull një këngë që refreni i saj
është didaktik dhe shumë i mirë për të kuptuar ritmin.
TIK - TAK
I Refreni
Babi të lutem dua dhe un’, Tik – tak, tik – tak bjen ajo,
një or’ të vogël ta var në mur. dhe un’ zgjohem me gëzim.
Që çdo dit’ herët shpejt të më zgjojë, Një - dy, një – dy, shpejt filloj,
kur bie zilja un’ ta dëgjoj. gjimnastikën babi im.
(Teksti dhe muzika: Agron Xhunga)
Pyetje: Sa goditje ka kënga?
Përgjigje: Nxënsit thonë (dy) dhe rrahin dorën duke ligjëruar 1-2.
Mësuesi /ja u kërkon nxënësve të sjellin shembuj të ndryshëm nga mjedisi ose për objektet e
mëposhtme u kërkon të thonë se si rrahin ato, duke zhvilluar kështu një numërim ritmik.
13 Shamku, V & Hala, M. (2005) “ Edukimi muzikor”. Tiranë: PEGI
22
- Zemra. Tik-tak.
- Ora. Tik-tak.
- Treni. Çaf –çuf.
- Fshirëset. Tak – tak.
- Topi. 1–2 etj.
- Ndajeni klasën në dy grupe, me qëllim që grupi i parë të këndojë këngën “Tik - tak, një - dy” dhe
grupi i dytë të mbajë ritmin me shuplaka.
- Zhvilloni modele ritmike që t’i përgjigjen ritmit të këngës duke lëvizur dorën poshtë dhe lart.
- Kërkojuni ta këndojnë këngën, duke zhvilluar veprime muzikore, si: përplasja e shuplakave, ecje
marsh, shoqërim me lëvizje trupore etj.
- Improvizoni disa modele ritmike me dy goditje duke rrahur shuplakat, (ma-ce, ma-mi, ba-bi, o-
ra, etj.).
- Nxitini të këndojnë me ndjenjë dhe emocion.
3.3. INSTRUMENTET ME GODITJE – RITMIKE
Një instrument me goditje është çdo objekt që prodhon një tingull duke u goditur me një
pajisje, duke u tronditur, ose nga çdo veprim tjetër që e vendos objektin në dridhje. Fjala
"përplasje" ka evoluar nga termat latine: "percssus" (që përkthehet "rrahje, goditje"). Në një
kontekst muzikor termi "instrumente me goditje" mund të ketë qenë i shpikur fillimisht për të
përshkruar një familje të instrumenteve përfshirë bateri, pllaka metalike ose blloqe druri me të cilat
muzikantët i përdornin për të prodhuar tinguj. Kjo ka qenë mendim nga historianët dhe
antropologët që instrumentet me goditje ishin pajisjet e para muzikore të krijuara ndonjëherë. Këtu
përfshihen çdo instrument që prodhon tinguj kur është goditur ose tronditur. Instrumentet e
përplasjes klasifikohen me kritere të ndryshme, nganjëherë varësisht nga ndërtimi i tyre, origjina
etnike, funksioni dhe orkestrimi.14 Ato luajnë jo vetëm ritmin, por gjithashtu melodi dhe harmoni.
Perkusioni zakonisht quhet "shtylla kurrizore" e një ansambli muzikor. Në pothuajse çdo stil të
muzikës, perkusioni luan një rol kryesor. Në grupet ushtarake marshuese, tuba dhe bateri, është
14 https://funmusicco.com/introducing-percussion-to-primary-school-children/
23
rrahja e kazanit të basit që i mban ushtarët në hap dhe me shpejtësi të rregullt. Në shekujt e
tetëmbëdhjetë dhe nëntëmbëdhjetë, instrumentet me goditje (si trekëndëshi) janë përdorur në masë
të madhe. Përdorimi i instrumenteve të goditjes u bë më e shpeshtë në muzikën klasike të shekullit
të njëzetë.15
INSTRUMENTET ORFF
Carl Orff (1895-1982) është kompozitor gjerman dhe edukator i cili ka zhvilluar një
sistem unik zhvillimor në arsimin e muzikës. Orffi përcaktoi një muzikë ideale për fëmijtë, që nuk
vinte vetëm, por që lidhej shumë me lëvizjen, vallen, recitimin. Sistemi apo edukimi Orff është
një "edukim muzikor i përqendruar tek fëmijët" që trajton muzikën si një sistem bazë si gjuha dhe
beson se ashtu si çdo fëmijë mund të mësojë gjuhën me udhëzime formale, kështu që çdo fëmijë
mund të mësojë muzikë me një qasje të butë dhe miqësore.16 Filozofia e Orff-it inkurajoi fëmijët
të përjetojnë muzikën në nivelin e tyre të të kuptuarit.
Një thënie nga Carl Orff është: "Përvoja vjen e para, pastaj intelekti". Një përvojë të
suksesshme dhe pastaj kënaqësia, është bazë për një proces pozitiv të të mësuarit. Fëmijët janë të
inkurajuar në të mësuarit në mjedisin e tyre natyror për të luajtur, ndërsa improvizimi ju
inkurajohet fëmijëve që t’i lejojë ata për të shqyrtuar mundësitë në muzikë. Muzika që luhet nga
instrumentet e Orff-it shpesh është shumë e thjeshtë dhe e lehtë për t'u luajtur edhe për muzikantët
e parë. Këto instrumente posedojnë një timbër unik dhe përdorimi i tyre i ndihmon fëmijët të bëhen
të ndjeshëm ndaj muzikës që ata vetë shoqërojnë. Edukimi Orff gjithashtu kërkon që fëmijët të
këndojnë, të duartrokasin, të kërcejnë, të luajnë dhe të bëjnë punë me meloditë dhe ritmet. Orff e
konsideroi ritmin si një formë bazë natyrore të shprehjes njerëzore.17 Këto instrumente të lejojnë
të vendosësh një unitet me muzikën, lëvizjen, vallen dhe fjalën. Disa nga instrumentet e Orff-it
janë: tamburi, timpani, shkopinjtë, triangolo, zilka, ksilofoni, etj.
15 https://en.wikipedia.org/wiki/Percussion_instrument 16http://aosa.org/about/orff-keetman/
17https://en.wikipedia.org/wiki/Orff_Schulwerk
24
3.4. KRIJIMI I INSTRUMENTEVE RITMIKE ME MATERIALE RECIKLUESE
Kosova është një vend që nuk qëndron mirë financiarisht për të mos thënë “i varfër” dhe
kjo pamundëson që në çdo shkollë të vendit të kemi instrumente. Pra, shumë shkolla ballafaqohen
me mungesën e tyre, gjë që ndikon ndoshta edhe në uljen e interesit për orën e muzikës nga ana e
nxënësve. Ne mund të ndërtojmë instrumente të thjeshta (ritmike) me një kosto shumë të ulët të
shpenzimeve. Unë gjatë kësaj kohe të punimit të diplomës kisha rastin që t’i njihja këto instrumente
dhe gjithashtu t’i punoja disa prej tyre duke u konsultuar vazhdimisht me mentoren time, Prof.
Ass. Msc: Mimoza Kurshumlia. Këto instrumente unë i punova me gjërat që përdora në jetën e
përditshme pas konsumimit të ushqimeve (materiale recikluese) si: shishe plastike, kanaçe apo
kavanoz, lugë druri, kapakë metalikë dhe të plastikës, kovë plastike, ku mund të fusim fasule, oriz,
guriçka etj, duke shtuar letër, karton, ngjitës, ngjyra, penj etj. Varësisht se me çka i kam mbushur
këto mjete të improvizuara muzikore, do të ndryshojë melodia dhe ritmi i tyre, p.sh. Ritmi që krijon
një kavanoz i mbushur me fasule nuk është njëjtë me atë që krijon i mbushur me oriz. Këto
instrumente i bëj për fëmijë, ku ngjyra e tingujve ka aftësinë për të frymëzuar, nxitur, shëruar dhe
qetësuar ata. Jam munduar që instrumentet t’i bëj sa më me shumë ngjyra që të jenë sa më atraktive
për ta. Studimet e shumta lidhur me ngjyrat tregojnë se ndikimi i tyre psikologjik dhe fizik është i
pamohueshëm në jetën tonë.
Gjatë ndërtimit të këtyre instrumeteve duhet pasur kujdes sepse për klasat e para, të dyta
dhe të treta nuk preferohet të përdoren mjete ndërtimi si qelq apo mjete metalike, sepse janë të
rrezikshme për fëmijët. Ndërsa në klasat e katërta dhe të pesta mund të përdoren, sepse edhe
vetëdijësimi i nxënësve është më i madh. Ndërtimi i këtyre instrumenteve ndikon edhe në
zhvillimin e ndjeshmërisë ritmike dhe njohja me muzikën qysh në klasën e parë. Njohja me
instrumentet rrit njohuritë muzikore dhe zhvillon ndjenjën ritmike, krijon koncepte të qarta për
çështje teorike e praktike të muzikes.
Një nga veglat që mund të ndërtojnë nxënësit është perkusioni. Merrni 2 ose më shumë
kanaçe të cola – coles, pepsi etj. dhe lidhini ato në një dërrasë me dimensionin e gjatësisë së tyre.
Një grup tjetër lidh mbi një pllakë metalike kanoçe të tjera. Pasi të kenë mbaruar, udhëzojini të
godasin me një shufër metalike kanoçet e lidhura në dru dhe ato të lidhura në metal.
Një tjetër vegël është edhe mara. Për të ndërtuar këtë vegël përdoren sërish kanaçet, por
që këtë radhë ato i mbushni me oriz ose guriçka shumë të vogla (jo plot). Mbyllini vrimën që ato
të mos dalin jashtë. Tundni ato së bashku me nxënësit dhe dëgjoni tingullin që ato lëshojnë.
25
Që mësimdhënia dhe mësimnxënia të ketë efektivitetin e duhur, mësuesit dhe nxënësit
duhet të shfrytëzojnë burime dhe mjete te ndryshme informimi. Deri tani burim kryesor i
informacionit është teksti shkollor i lëndës përkatëse. Nëse mungon teksti për lëndën përkatëse,
mësuesit dhe nxënesit mund të shfrytëzojnë tekste të ndryshme dhe materiale të tjera plotësuese,
me qëllim sigurimin e një baze shkencore për njohuritë dhe përvojën e fituar. Krahas teksteve të
ndryshme shkollore, sugjerojmë të perdoren edhe materiale të tjera informimi. Është kompetencë
e mësuesit që pavarësisht nga kushtet në të cilat punon shkolla, të zgjedhë burimin e informacionit
dhe mjetet ndihmëse mësimore, duke i kushtuar vëmendje baraspeshës së të dhënave gojore,
vizuale, auditive dhe audiovizuele, duke vënë theksin në atë që është thelbësore për t’u mësuar.
3.5. PËRDORIMI I INSTRUMENTEVE RITMIKE NË KËNGË
Këndimi i këngëve dhe luajtja me instrumente muzikore (ritmike), sjellin kënaqësi në jetën
e fëmijëve dhe stimulojnë imagjinatën dhe kreativitetin e tyre, gjë që kontribuon në zhvillimin e
stabilitetit të tyre emocional. Duke dëgjuar muzikë dhe duke parë një mësues që luan në
instrumente muzikore, fëmijët bëhen të interesuar për këto instrumente. Përmes prekjes së
instrumenteve dhe përpjekjes për të luajtur, fëmijët mësojnë rreth toneve të ndryshëm dhe rrisin
një dashuri për shprehjen në muzikë. Instrumentet muzikore - ritmike mund t’i ndihmojnë fëmijët
të shprehin emocionet e tyre, veçanërisht kur ata kanë një zotërim të limituar të gjuhës shprehëse.
Hyrja instrumentale, që i bëhet këngës, e përcakton tempin, mundëson fillimin e përbashkët të
këngës, pastaj kalimet mes strofave, padyshim zgjojnë vëmendjen e tyre më shumë se sa kur
këndojnë vetëm “ acappella”.18
Luajtja në instrument është pasurim i posaçëm, sepse ai u jep mundësi të reja për shprehje,
kështu që kontakti me muzikën bëhet i gjithanshëm. Aplikimi i tyre në procesin mësimor rrit
posaçërisht sensibilitetin, vullnetin dhe interesimin e nxënësve, ngase prirja e tyre për lëvizje
shprehet plotësisht në muzikimin instrumental. Roli i instrumenteve është i madh, sidomos në
zhvillimin e ndjenjës ritmike, melodike dhe gjatë punës kreative. Muzikimi instrumental mund t’i
inkuadrojë në interpretim aktiv muzikor edhe ata nxënës që kanë pengesa në këndim.
18Spahiu, S.(2008) “ Metodika e mësimit të muzikës” . Prishtinë.Fq.183.
26
Përdorimi i çdo instrumenti kërkon përkushtim dhe vëmendje për ta përvëtesuar atë, por
mësuesi duhet të nxitë nxënësit në krijimin e instrumenteve të reja muzikore me mundësitë e tyre
duke zgjuar motivmin e tyre për këto lëndë të edukatës muzikore. Instrumente si: daullja,
trekëndëshat, këmbanat e dorës dhe ksilofonat janë shumë popullore, por instrumentet e bëra vetë
me mjete rrethanore mund të jenë po aq zbavitëse – fasule, oriz, guriçka në një kanaçe apo
kavanoz; lugë druri dhe një kovë plastike ose tenxhere metalike. Ato mund të luajnë muzikë të
gëzuar, të dëshpëruar apo të nevrikosur me instrumentet e tyre, duke e përshtatur edhe me
shprehjen e duhur të fytyrës dhe ndoshta duke u inkurajuar nga të rriturit që të flasin rreth gjërave
që i bëjnë ata të lumtur, të mërzitur apo të inatosur, ose të tregojnë me gisht figurat përkatëse.
Instrumentet muzikore mund të luhen gjithashtu nga fëmijët ose të rriturit dhe fëmijë të tjerë mund
të inkurajohen që të lëvizin ose kërcejnë duke ndjekur ritmin. “Hajde të lëvizim në mënyrë të
gëzuar. Si ndihemi ne kur jemi të gëzuar?”. “Hajde të lëvizim në mënyrë të inatosur”. Ky lloj
aktiviteti do t’i ndihmojë fëmijët të njohin ndjenjat e tyre dhe t’i shprehin ato me fjalë. Së fundi,
përjetimi i këngës bëhet i fuqishëm kur zëri i nxënësve pasurohet me shoqërimin instrumental,
duke u arritur një formë e lartë dhe komplekse e muzikimit të nxënësve.
3.6. RËNDËSIA E INSTRUMENTEVE RITMIKE QË NË MOSHË TË HERSHME
Sapo foshnjat janë në gjendje të mbajnë objekte, ato fillojnë të godasin, t'i trondisin dhe t'i
hedhin në dysheme. Këtë e bëjnë për të mësuar rreth aftësive të trupave të tyre, për të eksploruar
mjedisin e tyre dhe për të testuar vetitë e objekteve fizike, por mbi të gjitha e bëjnë këtë për të
përjetuar gëzimin e krijimit të tingujve. Çfarë ndjenje e mrekullueshme është kur zbulojnë se mund
të bëjnë zhurmë në shumë mënyra! Është një ndjenjë çudie, kënaqësie dhe fuqie. Si mësues të
hershëm të fëmijërisë, qëllimi ynë duhet të jetë të respektojmë dhe të kënaqim nevojën e fëmijëve
për të bërë zhurmë, duke i udhëzuar ata drejt shprehjes muzikore. Instrumentet ritmike sigurojnë
një medium të efektshëm për të kapërcyer këtë boshllëk. Fëmijët i përgjigjen shkopinjve të ritmit
dhe instrumenteve të tjerë me entuziazëm instinktiv. Kur ne përdorim instrumente ritmike në
kontekstin e këngëve, tregimeve dhe lojërave muzikore, fëmijët zhvillojnë një vetëdije për ritmin,
formulimin dhe elementet e tjera të muzikalitetit.
Është një kënaqësi e jashtëzakonshme që fëmijët të zbulojnë muzikën brenda vetes! Ne
jemi të vetëdijshëm se sa e rëndësishme është muzika për fëmijët e vegjël, jo vetëm për rolin e tij
27
në zhvillimin e shumë llojeve të inteligjencës (e cila është dokumentuar mirë), por për gëzimin
absolut të përjetimit të muzikës.19 Rëndësia e muzikës vërehet edhe në socializimin e fëmijëve.
Fëmijët e zymtë do të fillojnë të dalin në pah dhe fëmijët agresivë do të bashkëpunojnë në mënyrë
që ata të mund të marrin pjesë në argëtim. Muzika, për kreativitet dhe vetë - shprehje, është një
nevojë themelore njerëzore. Aktivitetet e instrumentit të ritmit janë kaq të lehta. Shumica e tyre
përfshijnë thjesht kopjimin e një lëvizjeje në të njëjtën kohë. Nuk ka asgjë për të kujtuar.
Gjithashtu, nuk ka mënyrë të drejtë ose të gabuar për ta bërë atë, gjë që lë shumë hapësirë për
individualitet. Një tjetër gjë e mrekullueshme në lidhje me instrumentet ritmike është se ato
përfshijnë trupin në mbajtjen e një rrahjeje dhe ndjenjeje ritmike. Ata po krijojnë me të vërtetë
muzikë, madje as duke u përpjekur! Aktivitetet instrumentale të ritmit përforcojnë dhe ndërtojnë
ndërgjegjësimin e trupit, duke përdorur pjesë të ndryshme të trupit. Ato inkurajojnë eksplorimin e
lëvizjes dhe zgjerojnë repertorin e fjalorin e fëmijës. Për shembull, një fëmijë mund të mos ketë
kryer një lëvizje të caktuar më parë, siç është shndërrimi ose lëkundja e saj me kokë poshtë e një
objekti. Ndërsa fëmijët përjetojnë lëvizjen e re, e shpreh atë në mënyrë që fjalori të qëndrojë me
ta (sepse ata po e bëjnë atë ndërsa dëgjojnë fjalët). Këto aktivitete gjithashtu nxisin kuptimin e
koncepteve të tilla si lart e poshtë, mbi dhe nën, të larta dhe të ulëta, të butë dhe të lartë, të shkurtër
dhe të gjatë, brenda dhe jashtë e ndalet dhe shkoni. Pra, instrumentet ritmike janë me të vërtetë një
mjet i jashtëzakonshëm mësimi dhe ato sjellin kaq shumë argëtim për fëmijët!20
19 www.leicestershiremusichub.org
20 Gough.M & Millar.P. (2012) “Musical Activities in the Classroom Foundation Stage” .
28
KAPITULLI IV
4. “SHPREHJA DHE KRIJIMI MUZIKOR RITMIK”
4.1. KËNGA DHE LOJËRAT MUZIKORE - RITMIKE
Kënga është e pranishme në të gjitha zhvillimet e njeriut. Të këndosh është një veprim që
gjithkush mund ta bëjë, por të këndosh, ashtu si duhet, bëhet vetëm kur di shumë mirë rregullat e
të kënduarit. Transmetimi i saktë i këtyre rregullave dhe zbatimi i tyre nga ana e nxënësve me
korrektësi çon në një këndim të bukur dhe me plot ndjenja.
Për të kënduar bukur dhe korrekt, duhet t’u kërkoni vazhdimisht nxënësve:
1. Pozicionin e trupit (drejt dhe jo i përkulur ose i mbledhur);
2. Këndimi lehtë (jo me të bërtitura) dhe pa sforcime;
3. Frymëmarrje në mënyrë të organizuar, (gjithmonë me shenjën e mësuesit) duke eliminuar
frymëmarrjen me diafragmë;
4. Vokaliza për ngrohjen e zërit. Goja duhet të mbahet e rrumbullakosur gjatë këndimit.
Nga 6 deri 9 vjeç nxënësit e të njëjtit seks ushtrohen vetëm në regjistrin e notave (si dhe
sol). Vokalizat bëhen me zanoren “E” dhe “A” duke kërkuar që ato gjatë këndimit të këndohen jo
të zbardhura, por ndërmjet “E” dhe “O”.
Kënga-lojë zbavit fëmijët dhe i nxit ata për t’u aftësuar jo vetëm në të kënduar dhe në
kombinimin e lëvizjeve trupore me muzikën, por edhe në zhvillimin e ndjenjës ritmike. Fëmijët
aftësohen në interpretimin e këngës - lojë, në shoqërimin e saj me vegla me goditje, duke përplasur
shuplakat dhe kombinimin e lëvizjeve trupore me muzikën, duke kërcyer në ritme të thjeshta,
gjithmonë nën udhëheqjen e mësuesit. Lojërat muzikore janë pjesë e rëndësishme e edukimit
muzikor të fëmijëve në ciklin e mesëm të ulët. Ato zhvillojnë aftësinë për të kënduar një këngë
dhe njëkohësisht për të luajtur lojën duke ndërthurur edhe elemente të tjera. Disa elemente që
përbëjnë një lojë muzikore janë: Vija melodike, teksti, dramatizimi apo loja në role, të gjitha këto
të shoqëruara me emocione. Ashtu si dhe këngët ose një pjesë muzikore, edhe loja muzikore
përbëhet nga ritmi, tingujt, karakteri. Këto do të zhvillohen dhe realizohen nëpërmjet kësaj loje
dhe lojërave të tjera që do të vijnë më pas. Në këngën - lojë fillimisht mësohet teksti, pastaj vija
melodike e më pas zhvillohet si një lojë, duke kombinuar lëvizjet trupore dhe duke i ekzekutuar
ato, në përputhje me tekstin dhe melodinë.
29
4.2. LOJËRAT RITMIKE PËR MOTIVIMIN E MUZIKANTËVE TË RINJ
Lojërat me ritëm mund të shërbejnë si mjete të shkathëta për mësuesit e muzikës, sepse ato
i motivojnë studentët, nxisin bashkëpunimin si një ansambël dhe përforcojnë gjithë leximin e ritmit
të mësuar gjatë gjithë vitit. Ajo merr fokus nga secili nxënës në një moshë ku janë të izoluar nga
lojërat e tyre kompjuterike. Është e rëndësishme të ekspozoheni në traditën e muzikës si një
komunitet dhe të punoni së bashku për të luajtur dhe për të mësuar.21 Fëmijët i duan aktivitetet
muzikore ritmike që u lejojnë atyre të këndojnë këngë gjatë lojës me miqtë, të lëvizin në muzikë
dhe të kërcejnë. Këto përvoja muzikore u mësojnë fëmijëve të ndjejnë kënaqësi me ritme e këngë
dhe mund të ushqejnë mendjet e ndjeshme dhe krijuese të tyre. Një aktivitet ritmik në të cilin
fëmijët lëvizin duart dhe trupin në një këngë të thjeshtë u jep atyre një përvojë argëtuese për të
shprehur ritmet fizikisht, derisa këndojnë dhe kjo është një nga aktivitetet më të njohura për
fëmijët. Është gjithashtu një mjet i dobishëm për mësuesit për të tërhequr vëmendjen e fëmijëve
ose për të futur një humor relaksues për klasën. Këngët dhe aktivitetet ritmike nuk mund të
shijohen vetëm, por me miqtë. Këto aktivitete prodhojnë më shumë kureshtje, sepse fëmijët mund
të komunikojnë me njëri - tjetrin përmes muzikës dhe të ndajnë momentin e pëlqyeshëm me miqtë.
Më poshtë janë disa këngë dhe lojëra për të përforcuar ritmin dhe për të rrahur atë.
LOJA “DETEKTIVË”
21https://nafme.org/rhythm-games-engage-motivate-young-musicians/
30
Klasa formon një rreth. Mësuesi zgjedh një student për të dalë nga dhoma. Ata janë
'detektivë'. Sapo detektivi të jetë jashtë dhomës, mësuesi zgjedh një "mjeshtër". Ata do të
përcaktojnë lëvizjen (duartrokitjet) për të shkuar me muzikën. Mësuesi fillon muzikën dhe
organizatori fillon një ritëm. Mësuesi i kërkon detektivit të kthehet. Detektivi qëndron në qendër
të rrethit dhe përpiqet të përcaktojë se kush është mjeshtri. Ndërkohë organizatori duhet të
ndryshojë rregullisht ritmin (lëvizjen), duke u përpjekur të mos zbulohet natyrisht. Nëse mjeshtri
zbulohet, detektivi fiton, nëse jo, organizatori është i pamposhtur. Kjo lojë mund të përdoret si një
nxehje ose si një mënyrë zbavitëse për t'i dhënë fund mësimit.
LOJA “ SINJALI I NGRIRË”
Para fillimit të lojës, mësuesi duhet të shpjegojë sinjalin për të ngrirë. Ky sinjal mund të
jetë ndonjë model melodik (të tilla si so-la-so-mi) ose ndonjë model ritmik (si ti ta ti ti ti ti) që
klasa mund të punojë në atë kohë. Shpesh është e mirë për të shkruar modelin në tabelë ose mund
të futni në sfidë duke i bërë studentët të mësojnë përmendsh modelin. Nxënësit ecin lirisht në
dhomë. Mësuesi duhet të maskojë sinjalin për të ngrirë brenda performancës. Kur dëgjojnë sinjalin,
studentët qëndrojnë plotësisht. Mësuesi vazhdon të luajë (këndojë) dhe nxënësit duhet të mbesin
"të ngrirë" derisa të dëgjojnë përsëri sinjalin.
“Aktiviteti muzikor ju ofron fëmijëve mundësinë për të eksploruar ndjenjat dhe për t'i shprehur
mënyrat që mbështesin ose shkojnë përtej komunikimit verbal... Fëmijët duhet të kenë mundësi të
përfshihen në aktivitete muzikore si një klasë e tërë, në grupe, individualisht dhe gjatë lojës ...”
31
4.3. PLANI DITOR I PËRPILUAR SIPAS KURRIKULËS SË KOSOVËS
Aspektet e përgjithshme të planit të orës mësimore
Fusha kurrikulare: Artet Shkalla e kurrikulës: II Klasa: IV
Lënda: Edukata muzikore
Tema - njësia mësimore: Ndërtojmë dhe luajmë me instrumente ORF (ritmike)
Rezultatet e të nxënit për kompetencat kryesore të shkallës (të synuara):
Kompetenca e komunikimit dhe të të shprehurit: (2) Shfrytëzon mjetet artistike, mundësitë e komunikimit dhe
të të shprehurit në muzikë në mënyrë të pavarur.
Kompetenca e të menduarit: (2) Zgjidh probleme të ndryshme muzikore/artistike
Kompetenca personale: (1) Zhvillon besimin te vetja gjatë veprimtarive muzikore.
Kompetenca qytetare: (1) Bashkëpunon me të tjeret për çështje të ndryshme kulturore.
Rezultatet e të nxënit: - Njihen me instrumentet ORF,
- Ndërtojnë instrumente ORF,
- Shpjegojnë me fjalë të thjeshta ndërtimin e tyre,
- Shpjegojnë për tingëllimin e tyre gjatë dëgjimit.
Kriteret e suksesit: -Trego për instrumentet ORF,
-Shpjego me fjalë të thjeshta ndërtimin e tyre,
-Krijo instrumente në mënyrën që di duke përdorur
mjete recikluese.
Mjetet e konkretizimit dhe materialet mësimore: letër, karton, ngjyra, gërshërë, gotë ose kuti në formë cilindrike etj.
Përdorimi i TIK-ut:
Çështjet e ndërlidhura (korrelacioni): - Gjuhët dhe komunikimi: Letërsia
- Artet: Arti pamor
FJALET KYÇE: instrumente ORF, ritmi, muzika
32
PËRSHKRIMI I METODOLOGJISË DHE RRJEDHËS SË PLANIT TË ORËS
MËSIMORE
E ~ EVOKIM – (Asociacion muzikor-10 min)
Aktivitet:
Mësuesja jep udhëzime për punën dhe i njofton nxënësit me mënyrën e realizimit të aktivitetit,
krijimi dhe shprehja e“Asociacionit muzikor”.
Druri Metalike Tinguj të ëmbël Copë tullumbace
Rrumbullakë Goditje Trekëndësh Gotë plastike
Tingull Distancë 2 cm Madhësi të ndryshme Spango
Dy segmente Ritëm Shufër metali Gotë metalike
Shkopinjtë Lugët Triangolo Tamburi
Instrumentet ORF (ritmike)
R ~ REALIZIM – ( Diskutojmë: Mendo-Vëzhgo-Analizo - 20 min)
Mësuesja vendos në tavolinë instrumente ORF për modele
dhe u shpjegon nxënësve se si duhet t’i ndërtojnë ato.
Pajisini nxënësit me materialet e duhura karton, shishe,
kavanoza, tullumbace, shufra metalike etj. Instrumentet
ORF (ritmike) e kanë marrë emrin nga kompozitori
gjerman dhe krijuesi i instrumenteve ritmike me goditje
Carl Orf. Instrumentet që ai ka krijuar janë instrumente për
orkestra, por edhe për fëmijë.
R ~ REFLEKTIM - (Punë e drejtuar – 10 min)
Pasi nxënësit i ndërtojnë me ndihmën e mësueses instrumentet ORF, shoqërojnë këngë apo pjesë
muzikore për të konkretizuar ritmet e mësuara.
33
REZYME
Shkalla më e lartë e performancës së shijeve të shëndosha estetike dhe kulturës së formuar
mirë është krijimi i stilit estetik të jetës, ngase e bukura përfaqëson të përkryerën në të gjitha fushat
e jetës e të natyrës. Ajo na ngjall në shpirt ndjenja të pafundme kënaqësie, sepse njeriu prej natyrës
është i prirë për të bukurën dhe krahas të të jetuarit, gjithnjë bën përpjekje për ta krijuar të bukurën
në jetë, në mjedisin ku jeton dhe në mjedisin shoqëror që e ndërton. Do të ishte ideale që te njeriu
të ishte gjithçka e bukur: edhe dukja, edhe shpirti, edhe mendja, edhe veprat, edhe raportet dhe të
gjithat që e përbëjnë jetën e tij. Për këtë, ky lloj edukimi duhet të fillojë te njeriu që në fëmijërinë
e hershme të tij, që në familje, për të vazhduar pastaj në mënyrë të sistemuar e institucionale në
shkolla, përmes lëndëve të natyrës artistike e posaçërisht përmes artit muzikor.
Dashuria e fëmijëve për muzikën shpesh fillon falë këngëve të para që e vënë në gjumë
apo disa ninullave të rimuara që nëna ia këndon kur e vë në shtrat. Të dëgjosh muzikë, ka të bëjë
me thellësinë njerëzore. Ajo na shtyn t’i njohim dhe t’i prekim ndjenjat tona më të komplikuara.
Na ndihmon ta kuptojmë kush jemi ne, çfarë dëshirojmë dhe si ta gjejmë veten tonë në botë.
Meqenëse ne jetojmë në një botë shumë të pasur me vlera muzikore, kemi mundësi që të zgjedhim
muzikën që i shkon personalitetit tonë dhe disponimit. Muzika na mundëson që ta prekim zemrën
tonë përmes tingujve. Por, muzika është shumë më shumë se kaq. Ne mund t’i shprehim sekretet
tona përmes saj. Muzika është kaq e natyrshme sa të folurit me njëri - tjetrin, të prekurit dhe të
afruarit me njëri - tjetrin. Pse mos t’ua japim nxënësve një mundësi që ata të njohin njëri-tjetrin në
këtë mënyrë.
Me rritjen, muzika nis të luajë një rol të rëndësishëm në çdo etapë të edukimit të fëmijës.
Artet në përgjithësi kanë fuqinë të ndryshojnë tërësisht energjinë në procesin e të mësuarit. Është
forcë mendimi kur arrin të krijosh një lidhje mes muzikës, arteve dhe lëndëve të tjera bazë në
shkollë. Fuqia e muzikës është parë në mjaft shkolla, ku secila prej tyre e integron këtë lëndë, në
klasat e saj, sipas mënyrave të ndryshme. Është thelbësor ndikimi pozitiv që ka muzika në
vetëvlerësimin e fëmijës dhe në shkallën e ndërveprimit të tij me të tjerët. Kur fëmijët përfshihen
në aktivitete muzikore, mes tyre krijohet një lidhje e bazuar në një interes të përbashkët. Kjo lidhje
i ndihmon mjaft të formojnë karakterin.
Një nga qëllimet më të rëndësishme në kontekstin arsimor është edhe ngritja e individëve
që kanë aftësitë e të menduarit kritik dhe të cilët mund t'i përdorin këto aftësi në jetën e përditshme.
34
Studiuesit e arsimit sugjerojnë mënyra të ndryshme për të zhvilluar aftësitë e të menduarit kritik
të individëve. Edukimi muzikor është një nga mënyrat e sugjeruara nga hulumtuesit. Nga kjo
pikëpamje, edukimi i muzikës nuk mund t’i ndihmojë individët të transferojnë aftësitë e të
menduarit kritik në fusha të tjera. Por hulumtimi (Woodford, 1996) sugjeron që në mënyrë që ky
transferim të zhvillohet me sukses, mësuesit duhet t'i nxisin studentët të aplikojnë të menduarit
kritik shkathtësi në një numër disiplinash duke përdorur shembuj dhe kundër-shembuj të
kompleksitetit dhe finesë së shtuar. Muzika përfshin aftësi perceptuese (p.sh., kapjen e strukturës,
informacione si dhe informacione sociale), aftësi njohëse (p.sh. kujtesa, marrja e vendimeve,
njohja e modelit) si dhe aftësitë motorike. Aftësitë e të menduarit kritik mund të zhvillohen nga
edukimi i muzikës dhe ky edukim ndihmon në ngritjen e nxënësve më të mirë, përformuesve më
të mirë, edukatorë muzikorë dhe kompozitorë që mund të mendojnë në mënyrë kritike.
35
LITERATURA
Bektashi, A. (2011). “Aktori dhe Zëri – elementet e teknikës vokale”. Prishtinë: KOHA.
Uçi, A. (2007). “Universi Estetik”, vëllimi III – Akademia e Shkencave Shqiptare. Tiranë.
Ballata, Z. (1987). “Gjurmëve të muzikës”. Prishtinë : Rilindja. Instituti Pedagogjik i Kosovës.
Plakolli, Z. (2015). “Edukimi estetik i nxënësve dhe letërsia për fëmijë”. Prishtinë.
Sulejmani, S. (1971). “Filozofia dhe artet”. Prishtinë: Rilindja.
Hysi, F. (2005). “Estetike në tri pamje”.Tiranë: Uegen.
Spahiu, S. (2008). “ Metodikae mësimit të muzikës”. Prishtinë.
Duraj, V & Hala, M. (2010). “ Udhëzues kurrikular ”. Tiranë.
Berisha, E. (2004). "Studime dhe vështrime për muzikën". Prishtinë.
Shamku, V & Hala, M. (2005). “ Edukimi muzikor”. Tiranë: PEGI
Papajorgji, E & Hoff man, L. (2017). “Education and Social Sciences – Global Challenge
2017”. Poland.
Gough, M & Millar, P. (2012) “Musical Activities in the Classroom Foundation St
36
BURIME NGA INTERNETI
http://masht.rks-gov.net/uploads/2017/03/korniza-kurrikulare-finale.pdf
http://www.explorerunivers.com/t206-ndikimi-i-muzikes
http://www.helendoron.al/si-i-ndihmon-muzika-femijet-te-mesojne-gjuhet/
http://aosa.org/about/orff-keetman/
http://www.ancos.org.au/pages/about-us/what-is-orff-schulwerk
https://en.wikipedia.org/wiki/Orff_Schulwerk
https://nafme.org/rhythm-games-engage-motivate-young-musicians/
https://funmusicco.com/introducing-percussion-to-primary-school-children/
https://ethnomath.coe.hawaii.edu/pdf/HS%205%20-
%20Designing%20a%20Musical%20Instrument%20with%20Recycled%20Materials.pdf
https://www.curriculumonline.ie/getmedia/816b78a4-980b-4043-86e1-
552b135b68dc/PSEC04c_Music_Guidelines.pdf