tutorial wordpress · tutorial wordpress seri 2 : menulis di blog (posting) skarang kita mo mulai...
TRANSCRIPT
-
Tutorial Wordpress
Seri 2 : Menulis di blog (Posting)
Skarang kita mo mulai ba tulis di blog, langsung jo e….. buka wordpress.com…..
Kalu ngana Ok
deng Bahasa
Inggris langsung
isi tu User name
deng Password,
mar kalu ngana
stress deng
Bahasa Inggris
ganti jo di sini
(masih inga to di
tutorial seri 1)
Kalu dia pe Bahasa Indonesia bagini
“Nama Pengguna”, Isi deng username waktu da mendaftar di
wordpress
“Kata Sandi”, Isi deng Sandi (Password) waktu mendaftar
Kalu so Ok klik di “Masuk log”
“Ingat saya” maksudnya kalu ngana cek, kalu suatu hari nanti (he..
he..logat ni yee) ngana maso ulang di wordpress tu komputer so tau
mo pake password apa.
Page 1 / 8
Pix For TouLemoh
Javerly.Wordpress.com
-
Kaluar kamari halaman welcome dari wordpress……. Di sebla kiri so ada tu nama blog .. klik jo di situ…
Muncul dashboard…, di sini dia pe pusat pengaturan blog, dari ba tulis, ba hapus, kelola, komentar,
pokoknya samua tu laeng di sini …he.. he..
Di sini ada
keterangan
mengenai jumlah
tulisan, jumlah
halaman,jumlah
kategori, jumlah
tag,jumlah
comment, jenis
theme (tema), dll
Kalu somo ba tulis
klik jo di “Buat
Tulisan Baru”
Page 2 / 8
Pix For TouLemoh
Javerly.Wordpress.com
-
Nanti kaluar ngana pe tampa ba tulis …..
Di “Judul” ketik
ngana pe judul
tulisan, di “Tulisan”
tampa ngana ketik
apa tu ngana mau,
nanti tu ngana da
tulis di sini, tu mo
muncul di blog
Di bawah tampa ba tulis ada menu-menu yang perlu di isi, Menu “Tag” menu ini isi deng kata-kata
untuk pencarian, maksudnya kalu orang mo cari tu
tulisan ini cari deng kata-kata yang ada di tag
ini,…… misal tu tulisan di atas kita isi deng tag
Lemoh,Desa Lemoh,Minahasa jadi kalu orang mo
cari di search dorang kurang mo ketik kata-kata
itu,…
kalu sudah klik “Add” , nanti tu tag mo muncul
pa dia pe sebla bawah , kalu mo hapus tu tag yang so jadi klik di tanda lingkaran (X) di muka tag.
Berikut menu “Kategori”, ngana pe tulisan kase
maso kategori apa,… wordpress so kase satu kategori
yaitu “Uncategorized”, maksudnya nda maso kategori
apa-apa ,… he..he.. bingo ??? sama….
Kalu mo tamba kategori klik jo di “Tambah Kategori
Baru”
Page 3 / 8
Pix For TouLemoh
Javerly.Wordpress.com
-
Isi tu kotak deng nama kategori, kita pilih kategori Lemoh, “Kategori induk” se biar jo, klik “Tambah”
Di kotak kategori so ta tamba satu kategori “Lemoh”
,kase cek dia pe kotak kecil , … ini maksudnya ngana pe
tulisan maso kategori Lemoh,kong kalu di blog pa ngana
ada widgets kategori,di widgets itu mo kaluar kategori
Lemoh, kong kalu orang klik di kategori Lemoh,
mokaluar ni tulisan,….
kalu ngana pe kategori so banya kong ngana mo suka lia samua klik jo di “Seluruh Kategori”
Menu dua ini se lewat dulu nanti kita bahas berikut,….
Kalu ngana suka orang boleh ba komentar pa ngana pe blog, kase tanda cek tu “Izinkan Komentar”
Kotak “Izinkan Ping”
kallu ngana cek ni
kotak, orang boleh
cari ngana pe tulisan
ini melalui search
engine
Page 4 / 8
Pix For TouLemoh
Javerly.Wordpress.com
-
Kalu ngana nimau se lia ngana pe tulisan pa orang laeng, ngana pake sandi jo (Password), ketik tu sandi
di kotak
Kalu samua ngana so ator bae-bae, klik jo di “Terbitkan” , ngana
pe tulisan langsung di terbitkan di blog……, kalu ngana blum yakin
deng ngana pe tulisan, ngana boleh simpang dulu, klik di
“Simpan” , ngana pe tulisan mo ta simpang sebagai Draft yang
boleh ngana edit kapan saja.
Mar ta lia ngana so nafsu mo lia ngana pe tulisan no!… klik jo dang di “Kunjungi situs” , dia ada di
seblah atas kiri,…..
Ini dia tu blog , Tu tulisan so ta muat di blog……………..
Page 5 / 8
Pix For TouLemoh
Javerly.Wordpress.com
-
Kalu ngana baca paling ngana bingo kang “Sarang desa Lemoh”???, sorry kita da ta salah ketik, mestinya
“Skarang desa Lemoh”, …..
“Kong bagimana dang”,
Tenang ada cara mo se butul pa dia, klik di “sunting” (ini lebe capat) atou kalu ngana bale ulang di
dashboard tadi….. Di menu klik “Kelola” ,trus klik “Tulisan”
Nanti kaluar ngana pe judul tulisan ,klik jo di situ. Mo muncul tu tampa batulis……..
Skarang beking butul jo tu tulisan, kalu ngana rasa so butul, klik jo di “Simpan” , kalu nanti ada salah
nda usah tako boleh bale ulang , kong edit ulang…..
Kalu sudah co ngana lia tu tulisan di blog, klik ulang di “Kunjungi
Situs”
Page 6 / 8
Pix For TouLemoh
Javerly.Wordpress.com
-
Ini dia….. tu ngana da edit so jadi, mar kyapa tu tulisan jadi kembar kurang sama deng handy deng hendy
(Butul jo dorang pe nama, tu ja bawa oto di lemoh dang…???) he.. he..
Jang bingo kita sengaja da beking dua supaya mo praktek bagimana mo hapus tu tulisan kalu misalkan
torang so pastiu, atau kalu ada orang protes, atau kalu pemerintah larang, atau kalu buang so nda ja ba
pepep ..he.. he.. so ta lewat …..sorry …… torang boleh hapus tu tulisan,….
Tu tulisan pertama ta mo hapus, ……. Kembali ke laptop.. eh… ke dashboard
Page 7 / 8
Pix For TouLemoh
Javerly.Wordpress.com
-
Klik di “Kelola” trus “Tulisan” sama deng kalu mo ba edit tulisan……………..
Kalu tu tulisan pe judul so muncul, kase tanda cek di kotak kecil di muka tulisan yang mo di hapus, abis
itu klik “Hapus”
Hasilnya………….. tu tulisan so ta hapus…………
Cek ulang tu blog , lia kalu tu tulisan butul-butul so ta hapus………….
Ternyata memang so ta hapus,…
Ok ngana skarang so tau bagimana mo ba
tulis di blog, mo edit tu tulisan kalu salah,
deng mo hapus tu tulisan kalu so nda ta
pake,… …
Sampe di sini dulu tu tutorial seri 2
wordpress, nanti baku dapa ulang di
kabelokan.. eh.. di seri 3…..Salam…
Page 8 / 8
Pix For TouLemoh
Javerly.Wordpress.com