tƏlİmatmoot.bsulawss.org/arbitration/wp-content/uploads/2019/12/...məqsədyönlü şəkildə hər...
TRANSCRIPT
TOPÇUBAŞOV ARBİTRAJ MÜSABİQƏSİ
TƏLİMAT
TƏŞKİLATÇI:
Bakı Dövlət Universiteti
Məhkəmə Müsabiqə Cəmiyyəti
E-mail: [email protected]
Topçubaşov Arbitraj Müsabiqəsi 2
MÜNDƏRİCAT I. Müsabiqə işinin və tətbiq olunan hüququn araşdırılması ..................................................... 4
II. Müsabiqə işinin elan olunması .................................................................................................. 4
III. Komandaların təşkil olunması ............................................................................................... 5
IV. Dəqiqləşdirmə üçün tələblər .................................................................................................. 5
V. Memorandumların yazılması ..................................................................................................... 5
a. Memorandumun əsas strukturu ........................................................................................... 5
b. Üz qabığı ................................................................................................................................... 6
c. Mündəricat ............................................................................................................................... 6
d. İstifadə olunmuş mənbələrin siyahısı ................................................................................ 6
e. Faktların təqdimatı ................................................................................................................. 6
f. Arqumentlərin formalaşdırılması ....................................................................................... 6
g. Başlıqlar .................................................................................................................................... 6
h. Arqumentin gövdə hissəsi .................................................................................................... 7
i. Tələblər və arbitraja müraciət ............................................................................................... 8
VI. İddiaçı Memorandumuna Cavab ........................................................................................... 8
a. Rəqib komandanın iddiaçı memorandumunun qəbul edilməsi ................................... 8
b. Cavabdeh Memorandumunun yazılması ........................................................................... 8
c. İş bölgüsü ................................................................................................................................. 9
VII. Şifahi Çıxışlar ............................................................................................................................ 9
a. Şifahi çəkişmələrə hazırlıq ................................................................................................... 9
b. Diqqət yetirilməli olan məsələlər ...................................................................................... 10
c. Arqumentlərin effektiv təqdim edilməsi ......................................................................... 11
d. Planın quruluşu ..................................................................................................................... 11
e. Arqumentə giriş .................................................................................................................... 11
f. Problemi formalaşdırmaq ................................................................................................... 11
g. Strategiya planı ...................................................................................................................... 12
h. Arqumentlərin ardıcıllığı .................................................................................................... 12
i. Nəticə ....................................................................................................................................... 12
j. Təkzib və Əks-təkzib ........................................................................................................... 13
VIII. Şifahi çıxışların digər önəmli elementləri ........................................................................... 13
a. Təqdimat sırası ...................................................................................................................... 13
b. Zamanın idarə olunması ...................................................................................................... 13
Topçubaşov Arbitraj Müsabiqəsi 3
c. Vaxta nəzarət. Komanda işi ................................................................................................. 13
d. Bədən dili ................................................................................................................................ 14
e. Səs ............................................................................................................................................ 14
f. Tribunala müraciət ............................................................................................................... 14
g. Komanda işi ........................................................................................................................... 15
IX. Arbitraj tribunalı .................................................................................................................... 15
a. Tribunal tərəfindən verilən suallar ................................................................................... 15
b. “Aktiv” və “Passiv” Tribunal ............................................................................................. 15
Topçubaşov Arbitraj Müsabiqəsi 4
I. Müsabiqə işinin və tətbiq olunan hüququn araşdırılması
Komandanızın iki və ya daha çox üzvdən ibarət olmasından asılı olmayaraq
yaxşı nəticə əldə etmək üçün əsas nöqtə araşdırma prosesidir. Müsabiqədə iştirak
edərkən ən çox vaxt aparan hissə kazusla bağlı güclü və inandırıcı bir arqument
hazırlamaq üçün lazımi tədqiqatın aparılmasına sərf olunur. Müsabiqə işi
məqsədyönlü şəkildə hər iki tərəfə də dəstək ola biləcək mübahisəli məsələləri ehtiva
edir.
Hər il müsabiqə işində əks olunan problem dəyişir və burda daha çox malların
alqı-satqısı ilə bağlı yaranan məsələlər əks olunur və bunların həlli ilə əlaqəli hüquq
sahələrinə toxunulur, amma eyni zamanda malların alqı-satqısı ilə əlaqədar olmayan
hüquq sahələrinə də toxunula bilər. Müsabiqə işi ilə bağlı məsələləri anlamaq üçün
daha ətraflı və geniş səviyyədə araşdırmağa başlamaq daha məqsədəuyğundur.
Kazusla bağlı məsələləri aydınlaşdırdıqdan sonra, arqumentinizi
dəstəkləyəcək mənbələr tapmaq üçün axtarışınızı konkretləşdirmək məsləhət
görülür. Müvafiq və güvənli mənbələrin şərhlərini araşdıraraq kazusun həllinə
kömək edəcək məlumatları, güclü mənbələrin və işlərin siyahısını tez bir zamanda
tapa bilərsiniz. Əleyhinizə olan arqumentlərə diqqət yetirin, həmin arqumentləri və
mənbələri araşdırın. Belə davam edərək inandırıcı bir memorandum hazırlamağınız
üçün geniş və müxtəlif məlumatlar əldə edəcəksiniz.
Arqumentlərinizi əsaslandırmaq üçün istifadə etməli olduğunuz ən təməl
mənbələrdən biri Malların Beynəlxalq Alqı-satqısı haqqında BMT Konvensiyasıdır
(bundan sonra Konvensiya). Hər bir üzv Konvensiyanın mətni ilə tanış olmalı,
müsabiqə işində olan hüquqi problemlərin tapılması və bu problemlərlə Konvensiya
arasında əlaqənin müəyyənləşdirməyə çalışmalıdır. Nəzərə alın ki, Topçubaşov
Arbitrajı beynəlxalq arbitrajdır və Tribunal komandalardan daha çox beynəlxalq
qanunvericiliyə, (xüsusilə, Konvensiya) məhkəmə və arbitraj qərarlarına və hüquqi
doktrinalara istinad gözləyirlər.
Arbitraj və arbitraj prosesi haqda ümumi məlumatlara yiyələnmək üçün
UNCITRAL Model Qanunu, Nyu-York Konvensiyası, UNCITRAL Arbitraj Qaydaları
və digər bu kimi mənbələri araşdırmağınız məsləhət görülür. Nəzərə alın ki,
müsabiqə işində hər il tətbiq olunan prosessual qaydalar qeyd olunur.
II. Müsabiqə işinin elan olunması
Topçubaşov Arbitraj Müsabiqə işi hər il oktyabr ayında elan olunur. Müsabiqə
işi elan olunduqdan sonra müsabiqə cədvəlində göstərilən müddət ərzində
Topçubaşov Arbitraj Müsabiqəsi 5
komandalar müsabiqə işinin əsas faktları ilə əlaqədar dəqiqləşdirmə tələbi irəli sürə
bilər.
Müsabiqədə iştirak zamanı komanda üzvləri Müsabiqə İşi ilə yaxından tanış
olmalı və dəfələrlə oxumalıdırlar. Bundan sonra komandalar lazım olan tədqiqat
işlərinə başlaya bilərlər.
III. Komandaların təşkil olunması
Müsabiqə işi maddi və prosessual hissələrdən ibarət olur, buna görə də,
komanda üzvlərinin bu hissələri nəzərə alaraq iki istiqamət üzrə bölünüb araşdırma
aparmaları daha məqsədəuyğundur.
Komanda daxilində hansı komanda üzvlərinin maddi hissəni, hansılarının isə
prosessual hissələri araşdıracağını müəyyənləşdirdikdən sonra digər faydalı hesab
olunan bölgü hansı üzvlərin iddiaçı, hansı üzvlərin isə cavabdeh kimi çıxış etmələrinə
qərar verilməsidir. Çünki komandanın bu bölgü əsasında iştirakı onların daha effektiv
və daha geniş tədqiqat aparmasına və öz arqumentlərini daha güclü formada irəli
sürməsinə təkan verir.
IV. Dəqiqləşdirmə üçün tələblər
Komandalar müsabiqə işində ziddiyyətli və ya aydın olmayan hesab etdikləri
məsələlərlə bağlı dəqiqləşdirmə tələbi irəli sürə bilərlər. Dəqiqləşdirmə üçün
tələblərin irəli sürülməsindən bir neçə həftə sonra bu suallara cavablar prosessual
qaydada elan edilir.
V. Memorandumların yazılması
İlk olaraq qeyd etmək lazımdır ki, memorandumların yazılması müsabiqənin
şifahi çəkişmələrindən önəmlilik baxımından heç də geri qalmayan mərhələsidir. Bu
mərhələdə hər bir komanda öz arqumentlərini tam olaraq nümayiş etdirmək şansı
əldə edir. Çünki komandalar bu mərhələdə hər hansı vaxt məhdudiyyətinə qarşı
yarışmır və eyni zamanda yaxşı aparılmış tədqiqat və göstərilmiş səylərə əsasən
sonrakı mərhələlərdə bu memorandumlarına dayanaraq çıxış edə bilirlər.
a. Memorandumun əsas strukturu
Memorandumların yazılması üçün forma və strukturu müəyyənləşdirən
nümunə Topçubaşov Arbitraj Müsabiqəsinin saytında yerləşdirilir. Hər bir
memorandum Qaydalarda göstərilən tələbləri nəzərə alaraq aşağıdakı hissələri
özündə ehtiva etməlidir: üz qabığı, mündəricat, istifadə olunmuş mənbələr, faktların
Topçubaşov Arbitraj Müsabiqəsi 6
təqdimatı, arqumentlərin xülasəsi, yurisdiksiya üzrə arqumentlər (prosessual hissə),
mahiyyət üzrə arqumentlər (maddi hissə), tələblər və arbitraja müraciət.
b. Üz qabığı
Memorandum yazılarkən hər bir komanda memorandumların onlara məxsus
olmasını göstərmək üçün Topçubaşov Arbitraj Müsabiqəsində göstərilmiş qaydalara
uyğun surətdə müəyyən məlumatları memorandumun üz qabığına əlavə
etməlidirlər.
c. Mündəricat
Memorandum daxilində arqumentlərin və ayrı-ayrı bölmələrin oxucu üçün
daha anlaşıqlı və oxunaqlı olması üçün üz qabığını yazdıqdan sonra mündəricat
hissəsi əlavə edilir.
d. İstifadə olunmuş mənbələrin siyahısı
Bu hissədə oxucular yazılmış memorandumda komandaların faydalandıqları
və müraciət etdikləri mənbələrin hərtərəfli siyahısı ilə təmin edilirlər. Eyni növdən
olan mənbələrin siyahıda qruplaşdırılaraq verilməsi daha məqsədəuyğun hesab
edilir.
e. Faktların təqdimatı
Komanda üzvləri tərəfindən müsabiqə işinin faktlarının hərtərəfli, tam olaraq
qavranılması onların müsabiqədə uğur qazanması üçün ən əsas vasitədir.
Komandalar tərəfindən iddiaçı və cavabdeh memorandumları hazırlanarkən
ilkin olaraq mövcud faktlar haqqında qısa təsvir təqdim edilir. Hər bir tərəf
memorandumları yazarkən memorandumlarında öz vəziyyətini hüquqi cəhətdən
yaxşılaşdıran, üstünlük qazanmağa təkan verən faktlardan istifadə etməyə və eyni
zamanda qarşı tərəfin zəif nöqtələrini göstərməyə yönəlmiş hadisələri daha qabarıq
şəkildə nümayiş etdirməyə meyillənməlidir.
f. Arqumentlərin formalaşdırılması
Faktları lazımi qaydada təqdim etdikdən sonra hər bir komanda tədqiqat
zamanı və bu mərhələyə qədər əldə etdikləri bütün bilikləri cəmləşdirərək öz
arqumentlərini irəli sürür. Arqumentlər başlıqlar formasında memorandumda qeyd
olunur və hər bölməni əhatə edən başlıq altında arqumentin hüquqi əsaslandırmaları
və izahatları göstərilir.
g. Başlıqlar
Komandalar tərəfindən öz arqumentlərində başlıqlardan istifadə etmək
onların memorandumlarının oxucular tərəfindən daha rahat və tez bir formada
Topçubaşov Arbitraj Müsabiqəsi 7
oxunmasını təmin edir. Belə ki, hər bir başlıq bir arqumentin qısa ümumiləşdirilmiş
formasını, komandanın hansı məsələni işıqlandırmağa çalışdığını ifadə edir.
h. Arqumentin gövdə hissəsi
Arqumentin gövdə hissəsi memorandumun ən geniş hissəsini təşkil edir. Bu
hissədə komandalar hüququ təfsir edir, müsabiqə işindəki faktlara tətbiq edir və
tribunalı öz arqumentlərinin doğru olduğuna inandırmağa çalışır. Bu zaman
iştirakçılar bir sıra məsələlərə diqqət yetirməlidirlər. İlk olaraq arqumentlərin tribunal
tərəfindən birbaşa və dəqiq anlaşılması üçün iştirakçılar artıq sözlərdən istifadə
etməməlidirlər.
Bununla yanaşı komandalar arqumentləri müxtəlif başlıqlara bölüb izah
etmələri daha məqsədəuyğundur. Bu başlıqlar bir tərəfdən oxucular üçün
məlumatlandırıcı xarakter daşıyır, digər tərəfdən isə komandanın hansı istiqamətdə
araşdırma aparmasını göstərir
Başlıqları əlavə etdikdən sonra komandalardan ən azı bir paraqrafla onun
mənasını izah etmələri gözlənilir. Bunun vasitəsilə oxucuda başlıq haqqında müəyyən
fikir formalaşmış olur. Həmçinin bəzən başlıqlar bir neçə alt-başlıqdan ibarət olur.
Başlıqlarda olduğu kimi komandalar alt-başlıqların mənasını da bir paraqrafla izah
edirlər.
CREAC
Arqumentlərin qurulması üçün bir çox metodlardan istifadə etmək
mümkündür. Bu metodlardan biri CREAC (Conclusion, Rule, Explanation, Analysis,
Conclusion) adlanan metoddur. Bu metoda əsasən hər bir arqument 5 ayrı hissəyə
bölünür. Bu 5 hissə bir-birindən məzmun cəhətdən fərqli olsa da, memorandum
zamanı heç bir xüsusi başlıq ilə bir-birindən fərqləndirilmir. Əvəzində hər bir hissə
bir-birini məntiqi şəkildə tamamlayaraq arqumenti əsaslandırmış olur.
Nəticə
CREAC üsulu zamanı ilk olaraq arqumentin nəticə hissəsi qeyd edilir. Bunun
vasitəsilə oxucuda arqument barədə ilkin təsəvür formalaşır. Həmçinin oxucu
arqumentin əsas məğzini müəyyənləşdirmiş olur.
Hüquq norması
Giriş xarakterli nəticə hissəsindən sonra arqumentin əsaslandırılmasına kömək
edəcək hüquq normaları təqdim edilir. Həmçinin bu mənbələrin lazımı hissələri və
paraqrafları fərqləndirilir.
Topçubaşov Arbitraj Müsabiqəsi 8
İzah
Hüquq normalarının qeyd edilməsindən sonra onun tətbiqi nəticəsində
yaranacaq şərait izah edilir. Bu zaman oxucuya digər məhkəmələr, tribunallar və
tanınmış ekspertlər tərəfindən qanunun necə təfsir edilməsi izah edilir.
Tətbiq
Hüquq təfsir edilməklə izahı göstərildikdən sonra həmin hüquq norma və ya
qaydasının müsabiqə işindəki faktlara tətbiq edilməsi göstərilir. Başqa sözlə, bu
zaman təfsir edilmiş hüquq normalarına əsaslanaraq arqument formalaşdırılır.
Nəticə
Yuxarıda göstərilən mərhələlərdən sonra bir daha nəticə hissəsi qeyd edilir.
İlkindən fərqli olaraq nəticə hissəsi arqumentin əsaslandırılmasını sonlandırır və
alınan nəticəni oxucunun diqqətinə çatdırır.
Bu mərhələlələr nəticəsində arqumentin əsaslandırılmasını daha yaxşı anlaşılır
və arqumentin daha sistemli qurulduğunu görünür.
i. Tələblər və arbitraja müraciət
Memorandumun tələblər hissəsində qarşı tərəfdən yerinə yetirməsini
istədiyiniz tələblərin qısa xülasəsini qeyd etməlisiniz. Arbitraja müraciət hissəsi isə,
tərəfin arbitraj tribunalından hansı qərarı çıxarmasını xahiş etdiyini göstərmək
məqsədi daşıyır.
VI. İddiaçı Memorandumuna Cavab
a. Rəqib komandanın iddiaçı memorandumunun qəbul edilməsi
İddiaçı memorandumunuzu təqdim etdikdən sonra qarşılaşacağınız rəqib
komandanın iddiaçı memorandumunu əldə edə biləcəksiniz. Bunun sayəsində siz
Cavabdeh memorandumunuzda hansı məsələlərə toxunmalı olduğunuz barədə fikir
sahibi olursunuz. Cavabdeh memorandumu qarşı komandanın İddiaçı
memorandumuna cavab xarakteri daşımalıdır, ancaq siz həmçinin rəqib komanda
tərəfindən qaldırılmamış məsələləri də Cavabdeh memorandumunuza əlavə edə
bilərsiniz.
b. Cavabdeh Memorandumunun yazılması
Rəqib komandanın İddiaçı memorandumun əldə edib və ona əsasən
araşdırmanı tamamladıqdan sonra siz Cavabdeh memorandumunu yazmağa
başlamalısınız. Cavabdeh memorandumunu yazmaq üçün daha az vaxtınız olmasına
Topçubaşov Arbitraj Müsabiqəsi 9
baxmayaraq müsabiqə işindəki əsas problemlər və faktlarla artıq tanış olduğunuzdan
bu proses sizin üçün asan olacaq.
Ümumi olaraq Cavabdeh memorandumunun strukturu elə İddiaçı
memoramdumu üçün müəyyən edilmiş formatda edilməlidir. Cavabdeh
memorandumunda arqumentlər qarşı komandanın İddiaçı memorandumuna uyğun
olaraq təqdim edilməlidir.
Cavabdeh memorandumunu hazırlamaq üçün siz qarşı tərəfin İddiaçı
memorandumunu hərtərəfli analiz etməlisiniz. Həmçinin, daha yaxşı mənbə sizin
hazırladığınız İddiaçı memorandumu da ola bilər. İddiaçı memorandumunuzu bir
daha gözdən keçirərək orada göstərdiyiniz arqumentlərə əks-arqumentlərlə cavab
verməyə çalışın. Bununla yanaşı İddiaçı memorandumunuzun zəif cəhətlərini
müəyyənləşdirib onlar üzərində Cavabdeh memorandumunuzu hazırlamaq da
effektiv üsullardan biridir.
c. İş bölgüsü
Cavabdeh memorandumun hazırlanması zamanı iş bölgüsü komandadakı
iştirakçı sayına uyğun olaraq dəyişir. Bu mənada ən effektiv üsullardan biri İddiaçı
memorandumunu hazırlayarkən istifadə edilən iş bölgüsündən fərqli bir iş
bölgüsünün tətbiq edilməsidir. Beləliklə, komandadakı iştirakçıların hər biri bütün
arqumentlər barədə ətraflı məlumat əldə etmiş olacaqlar. Bu da şifahi çəkişmələrdə
üstünlük yaratmış olacaq.
VII. Şifahi Çıxışlar
Müsabiqənin digər mərhələsi şifahi çəkişmələrin təşkil edilməsi ilə bağlıdır.
Şifahi çəkişmələrdə hər komandadan iki iştirakçı üç və ya daha az nəfərdən ibarət
olan arbitraj tribunalı qarşısında öz arqumentlərini müdafiə edirlər. Hər komandaya
öz arqumentini təqdim etmək üçün 30 dəqiqə vaxt ayrılır (hakimlərin sualları da daxil
olmaqla), həmin vaxt tribunalın icazəsi ilə uzadıla bilər.
Hər bir arbitr iştirakçıların hər birini 0-dan 50-yə qədər olan bal aralığında
qiymətləndirir. Nəticədə iki iştirakçının toplam balı komandanın şifahi çəkişmələrdə
həmin çıxış üzrə balını təşkil edir. Buna görə də hər bir komanda şifahi çəkişmələrdə
ümumilikdə maksimum 200 bal əldə etmək imkanına malikdir.
a. Şifahi çəkişmələrə hazırlıq
Şifahi çəkişmələrə hazırlaşmaq üçün ilk addım hansı komanda üzvünün
arqumentin hansı hissəsini təqdim etməsini müəyyənləşdirməkdir. Arqument dörd
Topçubaşov Arbitraj Müsabiqəsi 10
hissəyə ayrılır: 1) İddiaçı prosessual; 2) İddiaçı maddi; 3) Cavabdeh prosessual; 4)
Cavabdeh maddi. Komanda üzvləri arasında bu hissələrin bölgüsü əsasən iki yolla
müəyyənləşdirilir. Birinci üsul vasitəsilə komanda şifahi çəkişmələr üçün 4 iştirakçı
ayırır və arqumenti hər biri arasında bərabər şəkildə bölür. Digər tərəfdən isə bəzi
komandaların şifahi çəkişmələr üçün iki iştirakçı müəyyənləşdirirlər – onlardan biri
arqumentin prosessual hissəsini, digəri isə maddi hissəsini təqdim edir.
b. Diqqət yetirilməli olan məsələlər
Şifahi çəkişmə zamanı hər bir iştirakçı arqumentini daha yaxşı təqdim etmək
üçün bir sıra qaydalara diqqət yetirməlidir.
Sistemlilik
Şifahi çəkişmələr zamanı əsas məsələlərdən biri arqumentlərin aydın və
sistemli təşkil olunmasıdır. Bunun sayəsində tribunal arqumentlərin təqdim olunması
zamanı hər hansı bir çaşqınlıqla üzləşmir.
Bu mənada hər bir komandaya şifahi çəkişmələr üçün özündə müsabiqə işini
və lazımi mənbələri ehtiva edən qeydlərin hazırlanması məsləhət görülür. Sistemli
hazırlanmış qeydlər şifahi çəkişmələr zamanı iştirakçının ən böyük yardımçısı ola
bilər.
Vaxt bölgüsü
Qeyd etdiyimiz kimi hər komandaya çıxış üçün 30 dəqiqə vaxt ayrılır. Hər
komanda bu zaman müddətini prosessual və maddi arqumentlər arasında bölməlidir.
Hər hissəyə nə qədər vaxtın ayrılması müsabiqə işindən və komandanın hazırlıq
səviyyəsindən asılı olaraq dəyişir. Əsasən komandalar bu zaman müddətini
arqumentlər arasında bərabər şəkildə - hər biri üçün 15 dəqiqə - bölürlər.
Bununla yanaşı hər komanda təkzib və əks-təkzib üçün zaman müddəti
ayırmalıdır. Təkzib əks tərəfin arqumentinə qarşı cavab xarakteri daşıyır. Bu zaman
komanda yeni bir arqument barədə mülahizə yürüdə bilməz. Qısa, dəqiq və cavab
xarakteri daşıdığına görə təkzib üçün ən çoxu 3 dəqiqə zaman müddəti ayrılması
kifayətdir.
Əks-təkzib təkzib nəticəsində qaldırılan arqumentə cavab xarakteri
daşıdığından daha qısa xarakter daşıyır. Bu səbəbdən əks-təkzib üçün adətən 1-2
dəqiqədən çox vaxt ayrılmır.
Topçubaşov Arbitraj Müsabiqəsi 11
c. Arqumentlərin effektiv təqdim edilməsi
Komandaların diqqət yetirməli olduğu əsas məsələrdən biri də şifahi
çəkişmələr zamanı hansı məsələlərin təqdim edilməsi ilə bağlıdır.
Komandalar müsabiqə işindəki faktlara istinad etdikləri zaman bir sıra
məsələlərə diqqət yetirməlidirlər. İlk olaraq komandalar mümkün qədər onların
xeyrinə olan faktları tribunalın diqqətinə çatdırmalıdırlar. Digər məsələ isə
komandalar faktın göstərildiyi səhifəni, paraqrafı istinad zamanı dəqiqliklə qeyd
etməlidirlər. Həmçinin iştirakçılar faktlara istinad zamanı onların arqumentlərinə
uyğun olmasına əmin olmalıdırlar.
Faktlarla yanaşı iştirakçılar arqumentlərini əsaslandırmaq üçün müxtəlif
hüquqi mənbələrə, həmçinin, məhkəmə qərarlarına da istinad edirlər. Hüquqi
mənbələrə istinad iştirakçılardan daha çox diqqət tələb edir. Bu zaman onlar həmin
mənbələri dəqiq şəkildə qeyd etməli və onların müsabiqə işindəki faktlara tətbiqinin
səbəbini izah etməlidirlər.
d. Planın quruluşu
Hər bir komanda üzvünün şifahi arqumentləri təqdim edərkən kömək kimi
istifadə edə biləcəyi planın hazırlanması faydalıdır. Plan arqumentlərinizi yadda
saxlamağa kömək edəcək qısa sözlər və cümlələrdən ibarət olmalıdır. O, sizə
müəyyənləşdirdiyiniz strukturu saxlamağa yardım edəcək və sizi yönləndirəcək.
e. Arqumentə giriş
Sizə verilən vaxt ərzində arbitraj tribunalı qarşısında arqumentlərinizi
səsləndirmədən əvvəl kim olduğunuzu, niyə tribunal qarşısında olduğunuzu, hansı
tərəfi təmsil etdiyinizi və nəyi mübahisələndirmək istədiyinizi bildirən bir giriş
verməlisiniz. Tribunalı salamlayın və özünüzü, müşavirinizi və müvəkkilinizi təqdim
edin. Arqumentləriniz üçün ayırdığınız vaxtı və təkzib üçün istədiyiniz vaxtı bildirin.
Komandanız üçün ilk məruzəçi müşavirini təqdim etməlidir, amma ikinci natiqin
buna ehtiyacı yoxdur və yalnız öz adını bildirməlidir.
f. Problemi formalaşdırmaq
Təqdimatdan dərhal sonra arqumentinizi bir və ya iki cümlə ilə qurmaq və
arbitrlara niyə burada olduğunuzu və bu arqumentin nə ilə əlaqəli olduğunu
bildirməlisiniz. Arbitrları sizin mübahisənin düzgün tərəfi olduğuna inandıracaq və
lehinizə qərar verməyə təşviq edəcək sözlər seçməlisiniz.
Yaxşı bir giriş cümləsi ilə bir tərəfdən faktlardan güclü istifadə olunmalı, digər
tərəfdən qarşı tərəf təqsirləndirilməlidir. Bu cümlə qısa olsa da, şifahi çıxışın ən vacib
cəhətlərindən biridir, çünki arbitrlarda yaxşı təəssürat yaratmaq üçün ilk şansınızdır.
Topçubaşov Arbitraj Müsabiqəsi 12
g. Strategiya planı
Problemi formalaşdırdıqdan sonra bir strategiya planı yaratmaq və ya arbitrlar
üçün mübahisənizin quruluşunu müəyyənləşdirmək vacibdir. Bu strategiya planı işin
tərəfini dəstəkləmək üçün hazırladığınız arqumentlərin hər birini qısaca
müəyyənləşdirməli və arbitrların arqumentinizi başa düşməsinə kömək etməlidir.
Strategiya planı sizə verilən müsabiqə işindəki faktlara və tətbiq olunan
hüquqa görə dəyişəcəkdir. Mühüm olan qısa bir şəkildə inandırıcı faktlar və hüququn
vəhdətindən istifadə etməkdir.
Strategiya planını hazırladıqdan sonra dəqiq əməl etdiyinizə əmin olun.
Arbitrlar bütün arqumentlərinizə müraciət edib etməməyinizə əsaslanaraq sizi
qiymətləndirəcəklər.
h. Arqumentlərin ardıcıllığı
Arqument ardıcıllığı bu şəkildə olmalıdır:
Həmişə ən güclü arqumentinizlə başlayın. İşə güclü başlayaraq arbitrlara
diqqət yetirməli olduqlarını bildirin. İkinci olaraq arqumentləriniz arasında ən zəif
hesab etdiyinizi təqdim edin, çünki ortada arbitrların əksəriyyəti maraq itirməyə
meyillidirlər. Sonuncu arqument isə arbitrlarda güclü və aydın təəssürat yaradacaq,
bu səbəbdən ikinci ən güclü arqumentiniz burada təqdim edilməlidir.
Əsas arqument
Əsas arqumentin quruluşu aşağıdakı kimi olmalıdır:
Əsas arqumentinizi strategiya planında bir neçə dəfə təkrarlayın. Onu tətbiq
olunan hüquqla dəstəkləyin. İstənilən əks arqumenti aradan qaldırın. Unutmayın ki,
memorandumlarda əvvəllər arqumentlər irəli sürdüyünüz və iddialarınıza dəstək
verdiyiniz üçün şifahi çıxışlar sizə mövqeyinizi müdafiə etmək imkanı verir.
i. Nəticə
Arqumentlərinizi tamamladıqdan sonra onları bir-birilə əlaqələndirməyə
kömək edən və tribunala məsələlərin necə qurulacağını izah edən qısa bir nəticəniz
olmalıdır. Nəticə bütün arqumentlərinizi bir və ya iki cümlə ilə ifadə edəcək və
aşağıdakı misaldakı kimi bitə bilər: “və buna görə də cavabdehin iddiaçı ilə bağladığı
müqaviləni pozduğunu və X məbləğində kompensasiya ödəməsi ilə bağlı qərar
verməyinizi Sizdən(tribunaldan) xahiş edirik”. Tribunalın tələb etdiyiniz qərarı açıqca
anladığından əmin olun.
Topçubaşov Arbitraj Müsabiqəsi 13
j. Təkzib və Əks-təkzib
Arbitrlar təkzibedici arqumentlərə icazə verilib verilməyəcəyinə qərar
verəcəklər. Əksər hallarda arbitrlar onları təqdim etmək istəyən komandalara icazə
verirlər. Başlanğıcda mövcud olan hər hansı bir təkzibi necə quracağınızı düşünün.
Təkzib ilə bağlı ümumi bir qayda olmasa da, ümumiyyətlə, hər hansı bir təkzibin qısa
və yaxşı quruluşlu olması tövsiyə olunur. Heç vaxt təkzibdə yeni bir arqument irəli
sürməyin. Mümkündürsə, mübahisəni ən güclü arqumentinizə yönəldin. Təkzib
zamanı iddiaçı tərəfin memorandumdakı arqumentlərə yox, iddiaçı tərəfin
çıxışındakı arqumentləri təkzib etməyə yönəlin.
Əks-təkzib yalnızca təkzibdə irəli sürülənlərə cavab verməli olduğu üçün daha
qısa olacaqdır. Əks-təkzib zamanı əsla təkzibə uyğun olmayan arqument gətirməyin.
VIII. Şifahi çıxışların digər önəmli elementləri
Arqumentlərin güclü olması şifahi çıxışlarda önəmli olsa da, arqumentlərin
təsirli təqdimatı da eyni dərəcədə vacibdir. Buna görə yalnız güclü arqumentlərin
olması kifayət etmir. Arqumentlərinizi öz mövqeyinizə uyğun, inandırıcı şəkildə
təqdim etmək eyni dərəcədə vacibdir. Aşağıdakılar hər bir komandanın öz
arqumentlərini təqdim edərkən mənimsəmələri lazım olan elementlərdir.
a. Təqdimat sırası
Təqdimat sırası hər bir komandanın arqumentlərini təqdim etmə sırasıdır.
Təqdimat sırası arbitrların qərarından asılıdır, lakin komandalar təqdimetmə sırası
barədə razılığa gəlsələr, tribunal bu ardıcıllığı qəbul edir. Adətən, prosessual
məsələlərlə bağlı etirazı olan tərəfin prosesə ilk başlaması daha uyğundur. Təcrübədə
bu cavabdehin öncə çıxış edəcəyini bildirir və o, mübahisənin tribunalın
səlahiyyətlərinə aid olub-olmamasını mübahisələndirir. Ancaq cavabdehin arbitraj
tribunalının yurisdiksiyasına etirazı yoxdusa, tribunal iddiaçı tərəfdən problemlə
bağlı öz arqumentlərini təqdim etməsini və cavabdehin cavab verməsini istəyə bilər.
b. Zamanın idarə olunması
Arqumentlərinizi hər hissəyə ayırdığınız vaxtla məhdudlaşdırmaq son dərəcə
vacibdir. Bəzən komanda üzvü birinci arqumenti çox yaxşı təqdim etsə də, vaxtının
üçdə ikisini buna sərf edir və buna görə də ikinci və üçüncü arqumenti aydın və təsirli
təqdim etmək üçün vaxt tapmır. Bu, nəinki arbitrların bütün arqumentlərinizi
eşitməsinə mane olur, həmçinin komandanızın xalına birbaşa təsir edir.
c. Vaxta nəzarət. Komanda işi
Daha çox zaman istəmək
Topçubaşov Arbitraj Müsabiqəsi 14
Bütün komanda üzvləri arqumentlərini onlar üçün ayrılmış vaxt ərzində
tamamlamaq istəsə də, bəzən vaxtın bitməsi hallarına da rast gəlinir. Arbitrlar tez-tez
sizi strukturlaşdırılmış arqumentlərinizdən kənara çıxararaq müəyyənləşdirdiyiniz
vaxt ayırımı içərisində qalmağı çətinləşdirən bir çox sual verəcəklər. Vaxtı
çatdırmadığınız an çıxışınızı dayandırmalı və arbitrlardan 1-2 dəqiqə uzadılmasını
istəməlisiniz (çox deyil). Arbitrlar uzatma üçün icazə verərsə, bu zamanı tamamilə
yeni bir arqument üçün istifadə etməyin. Bu vaxt mübahisəni yekunlaşdırmaq və
qısaca nəticə çıxarmaq üçün istifadə olunmalıdır. Digər tərəfdən, arbitrlar uzatma
üçün icazə vermirsə, mübahisənizi yekunlaşdırın və təşəkkür edin. Vaxtınız
bitməzdən əvvəl daha çox vaxt istədiyinizə əmin olun, əks halda hər hansı bir arbitr
vaxtınızın keçdiyini görəcək. Bu, komandanıza mənfi təsir edə bilər.
d. Bədən dili
Tribunal qarşısında necə durduğunuz da önəmlidir. Stulda düz oturmağa və
əllərinizi masanın üstündə tutmağa diqqət edin. Digər tərəfdən sıxılmış və həvəssiz
görünsəniz tribunal bunu diqqətsizlik əlaməti olaraq qəbul edə bilər. Jestlərinizi
minimum səviyyədə saxlamağa çalışın və yalnız müəyyən bir məqamı vurğulamaq
üçün istifadə edin.
e. Səs
Bütün komanda üzvləri şifahi çıxış zamanı nitqlərində səs, ton dəyişməsi və
sürətə diqqət yetirməlidirlər. Bütün arbitrların arqumentlərinizi eşitmək üçün səy
göstərmədən sizi aydın şəkildə eşitməsi üçün kifayət qədər güclü və yüksək səslə
danışmalısınız.
Səs tonunun dəyişməsi vacibdir, çünki bu, çıxışınızı daha maraqlı edir.
Arqumentlərinizi əvvəlcədən yazılmış və əzbərlənmiş nitq kimi
səsləndirməməlisiniz. Oralistlər bəzən fərqində olmadan nitqlərini sürətləndirirlər.
Tribunalın nitqinizin hər bir hissəsini effektiv bir şəkildə dərk etməsi üçün normal
sürətdə danışmağınız məsləhət görülür.
f. Tribunala müraciət
Arqumentlərinizin heç bir hissəsini vərəqdən oxumayın. Bu, tribunala
problemi nə qədər yaxşı bildiyinizi nümayiş etdirəcək. Vərəqlərə deyil, arbitrlara
baxın. Arbitrlardan biri sual verdikdə arbitr üzvlərinə baxaraq cavabınızı bütün zala
yönləndirin. Bu, hər bir üzvü cəlb etmək istədiyinizi göstərəcəkdir. Arbitrlardan hər
hansı birinin sizə diqqət yetirmədiyini görsəniz, gözünüzü ona yönəldin.
Lazım gələrsə, verilmiş sualları dəqiqləşdirmək və ya arbitrın qeyd etdiyi
məqamları başa düşdüyünüzə əmin olmaq üçün nəzakətli və peşəkar şəkildə
Topçubaşov Arbitraj Müsabiqəsi 15
prosessual suallar verməyə hazır olmalısınız. Heç vaxt tribunal üzvlərinə müdaxilə
etməyin. Arbitrın sualının cavabını bildiyinizi düşünsəniz belə, arbitr sualı
tamamlamadan əvvəl suala cavab vermək üçün heç vaxt sözünü kəsməyin. Sualı tam
eşidə və ya başa düşməyə bilərsiniz, buna görə suala düzgün şəkildə cavab verməyə
və xal itirə bilərsiniz.
Arbitrlara “Hörmətli arbitr” və ya “Hörmətli sədr” deyə müraciət etməlisiniz.
g. Komanda işi
Müsabiqədə arbitrların sizin komanda kimi işlədiyinizi görə bilməsi çox
vacibdir. Komanda işinin ən vacib hissələrindən biri komanda yoldaşınızın
arqumentini dinlədiyinizi göstərməkdir. Komanda işini göstərməyin başqa bir yolu,
çıxış zamanı komanda yoldaşınıza kömək etməkdir. Bunun üçün əvvəlcə komanda
yoldaşınızın arqumentlərinin bütün təfərrüatlarını, qeydlərini və istinad edəcəyi
mənbələri yaxşı bilməlisiniz. Məsələn, komanda yoldaşınız qeyddə səhifə doqquz
dedikdə, qeydin həmin hissəsini onun üçün açmalısınız. Natiq üçün səhifələri
danışmayan və masada oturan digər komanda üzvü çevirməlidir.
IX. Arbitraj tribunalı
a. Tribunal tərəfindən verilən suallar
Arbitrlardan şifahi çıxışlar zamanı əsl arbitrajda olduğu kimi hərəkət etmələri
istənilir. Çox vaxt arbitrların üslubları fərqli olur. Bəzi arbitrlar və ya arbitraj tribunalı
davamlı və hətta aqressiv sorğu ilə təqdimatı tez-tez kəsə bilər. Digər arbitrlar və ya
arbitraj tribunalı heç bir sual vermədən bütöv bir mübahisəyə qulaq asa bilər.
Başqaları isə hər iki tərəfin təqdimatını dinləyə və sonunda suallar verə bilərlər.
Nəticədə komandalar şifahi təqdimatın bütün üslublarına hazır olmalıdırlar.
b. “Aktiv” və “Passiv” Tribunal
“Aktiv” bir tribunal heyəti daha çox sual ünvanlayır. Bu, sizə çətinlik yarada
bilər, çünki arqumentlərinizi tamamlamaq üçün vaxtınız olmaya bilər və ya sualları
cavablamaq asan olmaya bilər. Digər tərəfdən “aktiv” tribunal heyəti faydalıdır, çünki
bu onların arqumentlərinizlə maraqlandığını bildirir və eyni zamanda oralistə öz
mövqeyini daha yaxşı müdafiə etməyə imkan verir.
“Passiv” tribunal heyəti çox az sual verir və oralistə öz arqumentini təqdim
etməyə imkan verir. Bu, arbitrların sizinlə maraqlanmadığı mənasına gəlmir, adətən
onlar sizin arqumentlərinizi dinləyir və sualları olmur. Belə hallarda təmkinli
danışmağa diqqət edin, arbitrların arqumentlərinizi anladığından əmin olun.