thesis [tagalog] mass media pornography
DESCRIPTION
My first term paper [baby thesis] about Mass Meda Pornography. It is written in our language [Filipino]TRANSCRIPT
KABANATA I
Ang Suliranin At Kaligiran Nito
Introduksyon
Inilalahad ng kabanatang ito ang panimula, suliranin, kahalagahan, paradaym, at
saklaw at limitasyon ng pananaliksik na ito. Ipapakita din ang paradaym na kung saan
ipapaliwanag ang konseptong pinagbatayan ng pananaliksik sa pamamagitan ng isang
illustrasyon. Nakalahad din sa kabanatang ito ang definisyon ng mga terminolohiyang
ginamit sa pag-aaral.
Panimula
Ang pornograpiya ay isang bagay na nakakaakit sa mga kalalakihan sa anumang
edad maging pasalita, pasulat o kaya naman ay napapanood. Ito ay matagal ng umiikot sa
lipunan, kung kaya naman ay nasusulat na rin ito sa kasaysayan. Dahil sa nakakatukso at
nakapag-iinit na naiidulot nito, ang mga nasa awtoridad ay gumawa ng mga batas at
alituntunin na nagbabawal sa pagpapalabas ng mga malalaswang panoorin. Pero sa kabila
ng isyung ito, ang pinakanakababahalang problema ay ang pagkalulong ng mga
kalalakihang nasa adolescence period o pagbibinata - ang kanilang pag-uugali sa tuwing
nakakapanood ng mga malalaswang panoorin. Sa edad na ito nagsisimulang umusbong
ang kuryosidad ng mga kabataan sa mga bagay-bagay na hindi nila nalalaman. Sa
pananaliksik na ito ay pag-aaralan ng mga mananaliksik ang pag-uugali ng mga
kalalakihang nasa edad 15-18 habang nanunuod ng pornograpiyang materyal.
Pagpapahayag ng Suliranin
Ang pananaliksik na ito ay para maipakita at mapag-aralan ang maaaring resulta
ng panunuod ng mga kalalakihan ng mga malalaswang panoorin sa telebisyon. Ang mga
1
kasagutan sa ilang mga katanungan gaya ng mga sumusunod ay lubhang makakatulong sa
paksang ito:
1. Sa anong programa sa telebisyon unang nakakapanuod ng mga malalaswang
eksena ang isang binata?
2. Ilang taon kadalasan nakakapanuod ang mga kalalakihan ng mga malalaswang
panoorin?
3. Sino o ano ang nag-uudyok sa mga kalalakihan na manuod ng mga malalaswang
panoorin?
4. Anu-ano ang mga kadalasang bunga ng panunuod ng mga malalaswang panoorin
sa kanilang pag-uugali?
5. Ano ang pumapasok sa pag-iisip ng mga kalalakihan at ano ang kanilang
reaksyon sa tuwing at matapos makapanuod ng mga malalaswang panoorin?
Layunin ng Pag-aaral
Ang pangkalahatang layunin ng pananaliksik na ito ay ang makakuha ng mga
datos o impormasyon sa mga pagbabagong nagaganap sa pag-uugali ng isang kabataang
lalaki na parokyano ng pornograpiya.
Ilan sa mga tiyak na layunin ng pag-aaral na ito ay ang:
1. Malaman kung anong factor ang nagtutulak sa mga 15-18 taon na kalalakihan
para malulong sa ganitong bagay na pornograpiya.
2. Malaman kung ano ang kadalasang bunga ng panunuod ng mga malalaswang
panoorin sa ugali ng mga kalalakihan; at
3. Malaman ang mga bagay na pumapasok sa isipan ng mga kalalakihan sa tuwing
nanunuod ng mga malalaswang panoorin.
2
Kahalagahan ng Pag-aaral
Ang bahaging ito ay naglalayong maipahayag ng mga mananaliksik ang mga
kahalagahan sa pag-aaral ng kanilang ginawa.
Sa mga mag-aaral; sapagkat sila ang target market sa mga isyung panlipunan
tulad ng pornograpiya.
Sa mga guro; sapagkat sila ang madalas na kasama ng mga mag-aaral at sila ang
makakapaggabay tungo sa tamang landas.
At sa mga magulang; sapagkat tungkulin nilang gabayan ang kanilang mga anak
at alamin ang mga bagay na pinagdadaanan nito.
Lubhang malaki ang maitutulong ng pananaliksik na ito sa lahat dahil ito ang
magmumulat sa pananaw ng mga maidudulot ng pornograpiya sa buhay ng isa’t isa
maging mabuti man o hindi.
Batayang Konseptwal
Sa pag-aaral na ito, inaasahan ng mga mananaliksik na magiging mahirap para sa
mga respondente na sagutin ng walang pag-aalinlangan at pawang katotohanan lamang
ang mga tanong na ibibigay. Ngunit gagawing mas madali ang mga katanungan para
hindi makaramdam ng hiya ang mga respondente sa mga ibibigay nilang kasagutan.
Simpleng mga tanong pero tinitiyak ng mga mananaliksik na buo pa rin ang diwa ng
gagawaing pag-aaral. Inaasahan din na masasagot ang mga katanungan ng buong
katapatan at mabigyang linaw ang tunay na papel ng pornograpiya sa isyu ng kalaswaan
na kung saan namumulat ang murang isipan ng mga kalalakihang Pilipino.
3
Paradaym
INPUT PROCESS OUTPUT
Talahanayan Blg. 1
“Ang Impak ng mga Malalasawang Panoorin sa Telebisyon sa Pag-Uugali ng mga Kalalakihang Edad 15-18 na Taga-Villa Theresa Compound, Lungsod ng Valenzuela"
4
Pagsagot ng
mga
respondente sa
inihandang
kwestyoneyr.
Inaasahang
kalalabasan ng
pananaliksik na
malaman ang
pagbabago sa
ugali ng mga
kalalakihan na
parokyano ng
pornograpiya.
Ang paggawa
ng mga
mananaliksik ng
kwestyoneyr at
pagsasagawa ng
sarbey
Saklaw at Limitasyon ng Pag-aaral
Ang nasabing pamanahong papel ay tatagal lamang ng isang semestre, sinimulan
noong Enero 8 at inaasahang matatapos ng Marso sa taong 2009. Ang mga respondente
ay 50 na mga kalalakihan nasa edad 15-18 na taga – Villa Theresa Subdivision , Lungsod
ng Valenzuela. Inaasahang masasagot ang mga katanungan na umiikot sa paksang ang
impak ng paglaganap ng mga malalaswang panoorin sa telebisyon sa pag-uugali ng mga
kalalakihan.
Definisyon ng mga Terminolohiyang Ginamit
Child abuse - pisikal, sikolohikal, at sexwal na pagmamaltrato sa mga bata.
Desensitization - isang proseso para mabawasan ang mga masasamang epekto ng phobia
at iba pang sakit.
Escalation – ang pagbabago ng ugali, mula sa hindi katanggap-tanggap hanggang sa
maging ito’y katanggap-tanggap.
Internet - ay ang mga magkakakabit na mga computer network na maaaring gamitin ng
publiko sa buong mundo. Dito makakakuha ng milyun-milyong impormasyon ukol sa
naturang bagay.
Kuryosidad - emosyon ng isang tao kung saan nagiging dahilan ng paggawa,
pagdiskubre, at pag-iimbistega sa isang bagay.
Mass media - kabilang dito ang mga libro, telebisyon, radyo, at iba pa upang maiabot sa
buong mundo ang mga impormasyon na nais iparating.
Masturbation - isang uri ng libangan na kadalasang ginagawa ng mga kalalakihan upang
maisakatuparan ang pagpapaligaya ng sarili.
Pornograpiya - mga malalaswang panoorin o babasahing pampalibog.
5
Sex scandals - isang sekswal na gawain kung saan ipinalalabas ito sa publiko.
Sexual relationship - isang relasyon na kung saan may kasamang pagtatalik.
Teknolohiya - ang pagsulong at paglapat ng mga kasangkapan, makina, kagamitan at
proseso upang tumulong sa paglunas ng mga suliranin ng tao.
Teleponong selular o cellphone - teleponong maliit na ginagamit sa pakikipagtalastasan.
Upload - ito ay ang pagbibigay daan sa mga tao upang makita at maibahagi sa iba ang
iyong mga bidyo o litrato.
Webcam - isang instrumento na kinakabit sa kompyuter at ginagamit upang makita ang
sarili at ang kausap na nasa ibang lugar.
6
KABANATA II
Rebyu Ng Mga Kaugnay Na Literatura At Pag-Aaral
Sa kabanatang ito ipapakita ang mga nakalap na pag-aaral at babasahing may
kaugnay sa paksang pornograpiya sa mass media. Kasama na din ang pagtukoy sa mga
may-akda ng mga nakalap na pag-aaral.
Pag-aaral na Dayuhan
Marami ang natatakot sa kasalukuyang pagsabog ng teknolohiyang mass media
dahil hindi nagiging maganda ang epekto nito sa bawat isa at sa ating lipunan dahil na rin
sa paglawak ng pinagkukunan ng mga pornograpiyang materyales (Martmanson, 2007).
Halos 50 porsyento ng mga kabataan ang naireport na nakakakuha sila ng mga
impormasyon tungkol sa birth control mula sa mass media.
Ang ilan sa mga posibleng epekto ng pagtaas ng paghantad ng sexualidad sa mass
media ay ang mga estudyante na nag-iisip na ang mga programa sa telebisyon na
nagpapalabas ng mga malalaswang panuorin ay kadalasang nagsasabing hindi sila
nakokontento sa kanilang unang sexual na karanasan (Brown at Newcomer, 1991).
Isang pag-aaral naman ng mga Black Women na nasa 14 hanggang 18 taon
gulang ang nagsasabi na ang mga kabataan na nanunuod ng mga malalaswang panuorin
ay may mas mababang porsyento ng gumagamit ng condom o iba pang pamamaraan ng
birth control kumpara sa ibang mga kabataan (Wingood, 2001).
Hindi rin natin masasabi na ang panunuod ng mga malalaswang programa sa
telebisyon ay nakakasira at isang maling gawain, kung saan naiisip natin baka
mapariwara ang buhay ng mga kabataan. Ang panunuod ng telebisyon ay nakakatulong
sa paghubog ng ugali ng mga manunuod at pananaw ukol sa mga sexual relationships.
7
Ang telebisyon ay may impak sa pananaw ng kabataan sa kanilang kapaligiran at
institusyong kinabibilangan. Ang impak na ito sa pag-uugali ng mga kabataan ay isa ng
sa mga mahahalagang paksa at pag-aaral mula pa noong ipinakilala ang telebisyon sa
taong 1940. (Gilmore, 1994).
Literatura ng Dayuhan
PINSALA SA MIDYA
Ang mga mananaliksik tatlong taon na ang nakakalipas ay nakalikom ng iba’t
ibang pag-aaral tungkol sa bahaging ginagampanan ng mga programa sa telebisyon, lalo
na sa impluwensya nito sa mga kabataan.
Ayon sa pag-aaral ng American Psychological Association, United States Surgeon
General, at National Institute of Mental Health, ang mga malalaswang palabas ay hindi
magandang impluwensiya sa mga kabataan, sa kabila ng edad, kasarian, kultura, o
pinanggalingan. Ayon sa kanilang pag-aaral, ang pangunahing babala ay nakasalalay sa
katotohanan na ang mass media ay nagpapakita ng mga bayolentemg bagay bilang
normal o katanggap-tanggap, at ang problema ay kapag hindi sila napaparusahan. Ang
pagpapalabas nito ang magdadala sa atin sa desensitisasyon at sa agresibong pag-uugali.
Ang eksposyur sa mga malalaswang stimuli ay nagbubunga ng dalawang
magkaibang epekto. Ang una, nakakapagdagdag ito ng arousal at pangalawa ay
naiimpluwensyahan nito ang pangkasalukuyang kalagayan ng isang tao (Zillmann, 1998).
Maraming rapist sa ngayon ang umaamin na ang panunuod ng mga malalaswang
programa ang nag-uudyok sa kanila upang gumawa ng masama sa kapwa.
Ayon kay Hinkley (2004), ang Pangulo ng The Church of Jesus Christ of Latter-
day Saints, Ang pornograpiya ay parang rumaragasang bagyo, na sumisira sa mga tao at
8
pamilya, lubusang sinisira ang dating mabuti at maganda. Mahirap iwasan ang impak nito
sa buhay ng mga tao. Ang pornograpiya ay lason sa ating isip at kaluluwa, sinisira nito
ang buhay ng mga inosenteng kabataan.
Pag-aaral na Lokal
Ang midya ay nagdiin ng malawak, halos pangkaraniwang impluwensya sa buhay
ng mga kalalakihan, kababaihan, at ng mga kabataan. Naiimpluwensyahan nito, lalong
lalo na ang mga teenagers, sa pamamagitan ng kanilang pananamit, pananalita, pag-
uugali, at sa pag-iisip.
Ang bayo o impak ng teknolohiya sa sistema ng ating edukasyon ay nagbunsod
ng maraming inobasyon lalong-lalo na sa larangan ng pagtuturo at pagkatuto (Yregan,
1998).
Ayon sa pag-aaral nina Alisuag at Retiro (2001) ang pornograpiya ay ang
pumupukaw sa kalaswaan ng mga kabataan kung saan gusto nilang subukan at gawin
kung ano man ang napanuod nila at hindi din mawawala na iniisip nilang sila ang
gumagawa ng bagay na iyon. Ito ang nagdadala sa kanila ng kaligayahan. Nagiging
masaya at nakokontento sila sa tuwing nakakapanuod ng mga sex scandals. Ito din ang
bagay na nagdadala sa kanila upang mag-masturabate. Una, nagbibigay ito sa kanila ng
init upang magising at maging aroused, at pagkatapos noon ay magkakaroon naman ng
pagtayo o erection. Meron din naman ang nahihiya at natatakot. Hindi nila kayang
ipahayag ang kanilang mga sarili sa ibang tao habang nanunuod ng mga malalaswang
programa.
9
Literatura na Lokal
SENATE BILL NO. 2464
Ang ordinansa na ito ay ipinakilala ni Sen. Manny Villar noong taong 2008. Mas
kilala ito sa tawag na Anti-Obscenity and Pornography Act of 2008.
Ayon kay Sen. Revilla (2008) kung pababayaan natin ang paglaganap ng
pornograpiya sa mga cellphone, ang impak nito ay sadyang malubha kaysa mga
tinatawag nating sex scandals. Isipin niyo nalang kung ang pagpapasa ng mga
pornograpiya ay text-away na lamang. Hindi natin kailangan ng ganitong uri ng kulturang
pankanluran. Tulad din ng pagpapalabas ng mga malalaswang programa sa telebisyon ay
nararapat lang na ipagbawal.
PANG-AABUSO SA MGA KABATAAN
May apat na ginawang pagkakasaunod-sunod ng pag-uugali si Dr. Cline noong
dekada ‘90. Ang una ay ang Addiction; mayroong mapakapangyarihang epekto ang
panunuod ng pornograpiya. Ang pagkalulong nito ay mas malakas pa sa epekto ng mga
ipinagbabawal na gamot, alkohol, o paninigarilyo sa katawan. Ang mga taong lulong sa
pornograpiya ay paulit-ulit nilang hinahanap ang mga bagay na nagpapaligaya sa kanila,
at iyon ang mga malalaswang panoorin. Nagbibigay ito sa kanila ng makapangyarihang
pag-iisip at pag-uugali. Ang pangalawa ay ang Escalation; nakokontento ang isang tao
kapag ginagawa nila mismo ang kanilang napapanuod. Kaya nawawala ang kahalagahan
ng sex at nagiging lust na ito. Ang pangatlo naman ay ang Desensitization; kung ano ang
hindi katanggap-tanggap noong unang panahon, tulad ng mga nakakadiring panuorin, ay
nagiging katanggap-tanggap na sa ngayon. Nakokontento sila pag nagagawa nila ang mga
10
hindi kaaya-ayang bagay. Ang pang-apat at huli ay ang Acting-Out kung saan lumalalim
na ang kanilang pag-iisip sa pamamagitan ng pag-gaya sa kanilang mga napapanuod.
Ang kakatwa sa “pornograpiya” sa bansa, ang aktwal na katawan ang
pinapahalagahang ikriminalisa. Hindi nakukulong ang artista o prodyuser, maging ang
videographer at make-up artist na kalahok sa produksyon. Ang krinikriminalisa ay ang
aktwal na naghuhubad, tulad sa massage parlor, gay bar at night clubs. Hindi ang mga
katawang naging imahen ng pornograpiya sa pelikula at DVDs. At maliban dito, ang
nagbebenta ng pirated porn ay aarestuhin hindi dahil sa nagbebenta sila ng porn, kundi
dahil nagbebenta ng pirated DVD.
11
KABANATA III
Disenyo At Metodo Ng Pananaliksik
Ang kabanatang ito ay nahahati sa anim na bahagi na kung saan ipapaliwanag ang
disenyong ginamit sa pag-aaral, ang pagtatalakay sa pagpili at bilang ng respondente,
mga instrumentong ginamit sa pananaliksik, mga pamamaraan sa pagkalap ng datos, at
ang istatistikal ng tritment ng mga datos.
Disenyo ng Pananaliksik
Ang pamamaraang ginamit sa pananaliksik na ito ay palarawan o deskriptibo.
Nilalayong maipakita at mailarawan sa pag-aaral na ito ang boses ng mga respondente sa
paksang ang impak ng mga malalaswang panoorin sa telebisyon sa pag-uugali ng mga
kalalakihan. Bilang isang palarawan na pananaliksik, inalam din ang ilang personal na
datos ng mga respondente at sinuri din ang pagkakaugnay-ugnay ng mga kasagutan sa
kahandaan tungkol sa paksang napili.
Respondente
Ang pag-aaral na ito ay inilaan para sa mga kalalakihang nasa edad 15-18 na
naninirahan sa Villa Theresa Compound, Lungsod ng Valenzuela. Kumuha ang mga
mananaliksik ng 50 na respondente mula sa lugar na iyon.
Pamamaraan Ng Pagpili Ng Respondente
Sampling Technique- isang non-probability technique na kung saan walang
pagkakapantay-pantay ang pamamaraan ng pagpili ng mga respondente.
Convenience Sampling Technique- ang lokasyon o lugar na kung saan ginanap at
isinagawa ang pag-aaral ay napili sapagkat ang mga mananaliksik ay pamilyar sa
nabanggit na lokasyon.
12
Villa Theresa Compound ang pinili ng mga mananaliksik dahil ito ay mas malapit
at para hindi mahirapan sa pagkuha ng mga respondente.
Purposive Sampling Technique – Ang pinili ng mga mananaliksik ay mga
kalalakihang edad 15-18 bilang mga respondente sa pag-aaral na ito.
Quota Sampling Technique – 50 na respondente ang kinakailangan ng mga
mananaliksik upang maisagawa ang pag-aaral na ito.
Instrumento ng Pananaliksik
Ang instrumentong ginamit sa pananaliksik na ito ay pagsasarbey. Isang sarbey-
kwestyoneyr ang ginawa na naglalayong makakuha ng mga kasagutan mula sa mga
respondente at masuri ang kanilang damdamin ukol sa paksa.
Pamamaraan sa Pagkalap ng Datos
Narito ang mga hakbang na ginawa ng mga mananaliksik upang makakalap ng
datos sa pamamagitan ng pagsasarbey.
1. Ang mga mananaliksik ay napagpasyahang gawin ang sarbey sa pinakamalapit na
lugar, kaya ang napili ay ang Villa Theresa Compound.
2. Ang mga mananaliksik ay gumawa ng sarbey form at kwestyoneyr na
naglalayong masagot ang mga katanungan na inilahad sa pagpapahayag ng
suliranin.
3. Isinagawa ang sarbey sa pamamagitan ng pakikiusap sa mga kalalakihang
nandoon.
13
4. Natapos ang sarbey nang umabot na sa 50 na respondente ang nakasagot.
Naisagawa ng matagumpay ang pagsasarbey at sinimulan ng bilangin ang bawat
kasagutan sa bawat aytem at sa pamamagitan ng pagkuha ng porsyento.
5. Sumunod ay ang pagtatali ng mga nakalap na sagot mula sa sarbey. Kinuha ang
average at porsyento ng bawat sagot sa bawat aytem.
6. Matapos ang sarbey at pagtatali ng isinagawa, kasunod nito ay ang pagrerebisa ng
buong pananaliksik. Ginawa ito upang matiyak na tama ang lahat ng mga
impormasyon na inilagay.
Istatistikal na Tritment ng mga Datos
Ang pananaliksik na ito ay para sa isang pamanahong papel lamang at isang
pangangailangan sa kursong Filipino 2. Hindi na ginawang komplikado ang istatistikal na
pagsusuri sa mga nakalap na datos. Kaya naman sa pamamagitan ng pagtatalli at pagkuha
ng porsyento ng bawat sagot sa partikular na aytem ang kinuha. Inalam din kung ilan ang
pumili sa bawat pagpipilian ng bawat aytem sa kwestyoneyr.
Ginamitan ng formula na ito upang makuha ang porsyento ng mga sagot sa bawat
aytem.
P= fn
x100
P = Porsyento
f = dami ng respondenteng sumagot sa partikular na aytem
n = kabuuang dami ng taong sumagot ng sarbey
14
KABANATA IV
Presentasyon At Interpretasyon Ng Mga Datos
Ang resulta ng sarbey sa mga reaksyon, gawain, pag-uugali, o pag-aasal ng mga
respondente tungo sa paksang ang impak ng paglaganap ng mga malalaswang panoorin
sa telebisyon sa pag-uugali ng mga kalalakihan ay ilalahad sa kabanatang ito. Pero hindi
magiging kapaki-pakinabang ang mga resulta na ito kapag hindi maipapaliwanag ng
husto. Kaya, ang analisis na ibibigay ay makakatulong ng malaki upang maintindihan ito.
Ang mga talahanayan at grafs na ilalahad sa kabanatang ito ay magpapakita sa resulta ng
ginawang sarbey.
Ipapakita sa mga susunod na pahina ang mga resulta at interpretasyon ng mga
nakalap na datos.
15
1. Sa anong programa sa telebisyon una kang nakapanuod ng mga malalaswang
eksena?
a. Palabas [Soap Opera, Telenobela] c. Komersyal [Advertisements]
b. Pelikula d. Cartoons [Anime, Hentai]
Palabas Pelikula Komersyal Cartoon0
5
10
15
20
25
30
35
Programa Sa Telebisyon Na Kung Saan Unang Nakaka-panuod Ng Mga Malalaswang Eksena Ang Mga Kalalaki-
han
Programa sa Telebisyon
Bila
ng n
g Re
spon
dent
e
Graf Blg. 2
Sa unang tanong, pinapakita na ang mgay pinakamalaking bilang ng sagot ay ang
letrang B at ang may pinakamababang bilang ng sagot ay C. Kadalasang unang
napapanuod ng mga kalalakihan sa pelikula ang mga malalaswang panoorin maging sa
sinehan mismo o sa VCD/DVD lang. Ang pinakamababa naman ay ang letrang C kung
saan sa komersyal sa telebisyon nila ito unang napanuod. Kakaunti ang bilang ng
nakakapanuod sa komersyal dahil may mga pagsusuri ng mga pinapalabas na
advertisement, dumaan muna sa Bureau of Sensorship bago maipalabas sa publiko.
16
2. Ilang taon ka noong una kang nakapanuod ng malaswang panoorin?
a. 15 pababa c. 17
b. 16 d. 18
15 Pababa 16 Taon 17 Taon 18 Taon0
5
10
15
20
25
30
35
Edad Na Kung Saan Unang Nakakapanuod Ng Mga Malalaswang Panoorin Ang Mga Kalalakihan
Edad ng Kalalakihan
Bila
ng n
g Re
spon
dent
e
Graf Blg. 3
Batay sa ginawang sarbey, pinapakita na mula edad 15 pababa nagsisimulang
makapanuod ng pornograpiya ang karamihan sa mga kalalakihang tinanong. 31 ang may
sagot na 15 pababa, at ang pinakamababa naman ay 3 na kung saan 18 taon sila nung
unang nakapanuod. Nagkaroon ng maagang pagkamulat ang mga kalalakihan sa
malalaswang panoorin at nagpapakita laman ito ng elementarya pa lamang sila ay
namulat ng sila sa mga makamundong bagay.
17
3. Bakit mo ginustong manuod ng mga malalaswang panoorin?
a. Kuryosidad c. Self-Awareness
b. Peer Pressure
Kuryosidad Peer Pressure Self-Awareness0
5
10
15
20
25
30
Ang Bagay Na Nag-Udyok Sa Mga Kalalakihan Upang Manuod Ng Mga Malalaswang Panoorin
Bila
ng n
g Re
spon
dent
e
Graf Blg. 4
Nagkaroon ng tatlong pagpipilian at mula sa tatlong ito, karamihan sa mga
respondente ay pumili ng letrang A kuryosidad. Sa edad na ito nagsisimulang maging
curious ang mga kabataan sa mga bagay-bagay na hindi sila pamilyar. Magkakalapit
naman ang nakuhang bilang ng letrang B at C na kung saan lamang ng 5 ang letrang C
self-awareness. Aware sila sa mga ganitong bagay kaya gumagawa sila ng mga bagay
para madiskubre pa ang mga ito.
18
4. Sino ang nag-udyok sa iyo upang manuod ng mga malalaswang panoorin?
a. Kabarkada c. Kamag-anak [Kapatid, Pinsan]
b. Kaklase
Kabarkada Kaklase Kamag-Anak05
10152025303540
Kung Sino Ang Nag-Udyok Sa Mga Kalalak-ihan Na Manuod Ng Mga Malalaswang
Panoorin
Ang Nag-Udyok
Bila
ng n
g Re
spon
dent
e
Graf Blg. 5
Ang madalas na nag-uudyok sa mga kalalakihan na manood ng mga malalaswang
bidyo ay ang kanilang mga kabarkada. Base ito sa nakalap na datos ng mga mananaliksik.
36 ang nagsagot na kabarkada nila ang nag-udyok sa kanila, 10 ang nagsasabing kaklase
at 4 naman ang may sabing kamag-anak tulad ng kapatid, pinsan, atbp. ang nag-udyok sa
kanila na manuod ng malaswang bidyo. Nangangahulugan lamang ito na malaki ang
naidudulot ng kapaligiran sa kaisipan ng mga kalalakihan. Partikular na ang kanilang
mga kabarkada na madalas nilang makasama. Kung sino ang kabarkada mo ay
masasalamin na rin kung anong personalidad at ugali na meron ka.
19
5. Ano ang naidudulot ng pagkalulong sa mga malalaswang panoorin sa iyong
buhay?
a. Pagbaba ng mga marka sa eskwela
b. Pag-ikli ng Attention Span
c. Naaadapt ang mga terminolohiya
d. Isinasabuhay ang mga napanuod
Pagbaba ng Grades Pag-Ikli ng Attention Span
Naaadapt ang mga Terminolohiya
Isinasabuhay ang napanuod
0
5
10
15
20
25
30
35
Ang Naidudulot Sa Pagkalulong Sa Mga Malalaswang Panoorin
Ang Mga Naidudulot
Bila
ng n
g Re
spon
dent
e
Graf Blg. 6
Ang pangunahing naidudulot ng pagkalulong sa mga malalaswang panoorin ay
naa-adapt nila ang mga terminolohiya na ginamit. Nakakuha ito ng 29 na bilang ng sagot
habang 4 lang ang nagsagot na bumababa ang kanilang mga marka sa eskwelahan.
Pinapakita lang na walang epekto sa pag-aaral ang panonood ng mga malalaswang
panoorin, ang naidudulot lang nito ay nagagaya nila ang mga terminolohiya. Nabibigkas
nila ang mga bastos na salita na nahango sa panood ng “porn mat”.
20
6. Ano ang kadalasang bunga ng panunuod mo ng mga malalasawang panoorin sa
iyong pag-uugali?
a. Maging sexually matured
b. Maging agresibo
c. Malulong sa mga pampornograpiyang materyales
Sexually Matured Agresibo Malulong sa mga pornograpiya
05
1015202530354045
Kadalasang Bunga Ng Panunuod Ng Mga Malalaswang Panoorin
Pag-Uugali
Bial
ng n
g Re
spon
dent
e
Graf Blg. 7
Sa ika-anim na tanong, 39 ang pumili ng letrang A (Sexually Matured). Sumunod
ang B na nakakuha ng 9 na puntos na kung saan ang pagiging agresibo ang naidudulot ng
panonood ng malalaswang panoorin. Samantalang nakakuha lamang ng 2 puntos ang
letrang C na kung saan nalululong sila sa mga pornograpiyang materyales. Batay sa mga
sagot nila, ang pinakamalaking naidudulot ng panunuod ng malalaswang bidyo ay ang
pagiging sexually matured. Dahil na rin siguro sa madalas na pagkaka-expose sa
malalaswang panoorin kaya nagiging normal na lang sa kanila ang ganoong mga usapin,
kumbaga bukas na sila sa mga ganoong talakayan.
21
7. Gaano kadalas mo gustong makapanuod ng mga malalaswang panoorin matapos
noong ikaw ay unang makapanuod?
a. Araw-araw c. Hindi na uulitin ang
panunuod
b. Kung kailan lang maisipan
Araw-araw Kung kailan lang maisipan Hindi na uulitin ang panunuod0
5
10
15
20
25
30
35
Ang Panunuod Ulit Ng Mga Malalaswang Panoorin
Beses
Bila
ng n
g Re
spon
dent
e
Graf Blg. 8
Sa ika-pitong tanong, 33 ang pumili ng letrang B (Kung kailan lang maisipan), na
kung saan ito ang nakakuha ng pinakamalaking bilang ng sagot sumunod ang C (13) na
nagsabing hindi na nila uulitin ang panunuod samantalang pinakamababa naman ang A
(4) na nagsabing araw-araw silang manunuod ng malaswang bidyo. Pinapakita lamang
lamang nito na matapos silang unang makapanood ay ninanais nila ulit makapanuod nito.
Karamihan sa kanila ay nag-isip na manood muli ng bidyo at iilan lang ang nagsabing
hindi na uulitin.
22
8. Ano ang iyong reaksyon habang nanunuod ng mga malalaswang panoorin?
a. Nasisiyahan c. Nag-iinit
b. Aroused d. Walang reaksyon
Nasisiyahan Aroused Nag-iinit Walang Reaksyon0
2
4
6
8
10
12
14
16
18
20
Reaksyon Habang Nanunuod Ng Mga Malalaswang Panoorin
Reaksyon
Bila
ng n
g Re
spon
dent
e
Graf Blg. 9
Walang reaksyon ang karamihan sa mga respondente habang nanunuod ng
malalaswang panoorin. Nakakuha ito ng 18 na bilang samantalang pumapangalawa
naman ang letrang C, kung saan nakaramdam sila ng pag-iinit. Ang pinakamababa naman
ay ang letrang B na kung saan 5 lang ang nakaramdam ng arousal habang nanunuod ng
pornograpiya. Walang reaksyon ang karamihan dahil sanay na sila sa mga ganoong
panoorin kaya naman hindi na iba sa kanila ang napapanuod nila.
23
9. Ano ang iyong reaksyon matapos makapanud ng mga malalaswang panoorin?
a. Nalilibugan c. Erection/Arousal
b. Nahihiya d. Natutuwa
IBANG KASAGUTAN: __________________
Nalilibugan Nahihiya Erection/Arousal Natutuwa Ibang Sagot02468
101214161820
Reaksyon Matapos Makapanuod Ng Mga Malalaswang Panoorin
Reaksyon
Bila
ng n
g Re
spon
dent
e
Graf Blg. 10
Tinanong ng mga mananaliksik ang mga respondente kung ano ang nagging
reaksyon nila matapos makapanuod ng malalaswang panoorin. Nakakuha ng
pinakamataas na puntos ang A (18), na kung saan nalibugan o nabastusan sila sa kanilang
napanood. 14 ang nagsabing natutuwa sila, 10 naman ang nahiya, at 2 ang nakaramdam
ng arousal. Mayroon din 6 na respondente na nagbigay ng sarili nilang kasagutan. Ang
iba ay nandiri, nag-enjoy, at mayroon din nagsabi na nais nilang gayahin ang napanuod.
Iba-iba naman ang kasagutan ng mga respondente, pinapakita lang nito na may kakaibang
nararamdaman ang mga kalalakihan sa tuwing nanonood ng malalaswang bidyo, maging
sekswal man o hindi.
24
10. Nakikita mo ba ang iyong sarili na ginagawa ang bagay na iyong napanuod?
a. Oo
b. Hindi
Oo Hindi0
5
10
15
20
25
30
35
Nakikita Mo Ba Ang Iyong Sarili Na Ginagawa Ang Bagay Na Iyong Napanuod?
Sagot
Bila
ng n
g Re
spon
dent
e
Graf Blg. 11
Dalawampu’t siyam ang nagsabing nakikita nila ang kanilang mga sarili na
ginagawa ang kanilang mga napanuod. Habang 21 naman ang hindi. Hindi naman
maikakaila na dadating sa punto na gagawin din nila ang kanilang napapanuod pero dapat
isaalang-alang nila ang edad at kapasidad nila bilang tao. Isaisip dapat nila ang maaaring
maidulot ng bawat gagawin nila.
25
KABANATA V
Lagom, Kongklusyon, At Rekomendasyon
Ang huling kabanata kung saan ihahayag ang lagom ng pananaliksik na ito, ang
panimula, pagpapahayag ng suliranin, at ang metodo na ginamit. Ang kongklusyon at
rekomendasyon ay ipapakita din sa kabanatang ito.
Lagom
Ang pangkalahatang layunin ng pananaliksik na ito ay ang makakuha ng mga
datos o impormasyon sa mga pagbabagong nagaganap sa pag-uugali ng isang kabataang
lalaki na parokyano ng pornograpiya.
Ito ang paksang napili dahil gusto malaman ng mga mananaliksik kung anong
factor ang nagtutulak sa mga 15-18 taon na kalalakihan para malulong sa ganitong bagay
na pornograpiya, malaman kung ano ang kadalasang bunga ng panunuod ng mga
malalaswang panoorin sa ugali ng mga kalalakihan, at malaman ang mga bagay na
pumapasok sa isipan ng mga kalalakihan sa tuwing nanunuod ng mga malalaswang
panoorin.
Ang mga mananaliksik ay nakakuha at nakapili ng mga literatura at pag-aaral na
nagsilbing gabay sa pag-aaral na ito.
Ang mga napiling respondente naman ay 50 na mga kalalakihang nasa edad 15-18
na nagmula sa Villa Theresa Compound, Lungsod ng Valenzuela.
Ang instrumentong ginamit sa pananaliksik na ito ay pagsasarbey. Isang sarbey-
kwestyoneyr ang inihanda ng mga mananaliksik upang makakuha ng mga kasagutan
mula sa mga respondente.
26
Kongklusyon
Batay sa resulta ng ginawang pag-aaral, napatunayan ang mga sumusunod:
1. Unang napapanuod ng mga kalalakihang nasa edad 15-18 ang mga malalaswang
panoorin sa mga pelikula.
2. Nagsisimula ang panunuod ng mga malalaswang panoorin sa edad na 15 pababa.
3. Ang kuryosidad ang pangunahing dahilan at nag-uudyok sa mga kalalakihan
upang manuod ng mga malalaswang panoorin. Ang barkada din ay isa sa mga
dahilan kung bakit namumulat sila sa mga bagay na ganito. Malaki ang
naidudulot ng kapaligiran sa kaisipan ng mga kalalakihan.
4. Na-aadapt ng mga kalalakihan ang mga terminolohiya at mga malalaswang salita
na nakukuha nila sa panunuod. Ang kadalasang bunga ng panunuod ng mga
malalaswang eksena ay ang maging sexually matured ang isang lalaki. Hindi dito
nagtatapos ang panunuod ng mga malalaswang eksena at maaaring gawin ito ng
paulit-ulit.
5. Ang reaksyon matapos makapanuod ay nalilibugan samantalang habang
nanunuod ay walang reaksyon dahil normal na ang mga bagay ng ganito sa mga
kalalakihan.
Rekomendasyon
Matapos ang isinagawang pag-aaral, iminumungkahi ng mga mananaliksik ang
mga sumusunod:
1. Ipagbawal o suriin muna ang pagpapalabas ng mga komersyal, pelikula, cartoons,
na may mga malalaswang eksena dahil hindi magandang ipalabas ito sa publiko
lalong-lalo na sa mga kabataan.
27
2. Maaaring magsagawa pa ng katulad na pag-aaral upang matiyak ang pag-aaral na
ito mapag-alaman ang bagong inobasyon ukol sa paksa.
3. Mahalagang malaman ng mga kabataan ang mga bagay na ganito. Kaya dapat
lang na gamitin ninyo sa tama ang mga napapanuod sa telebisyon. Kung mayroon
kayong problema at katanungan ukol ditto, huwag mahiyang lumapit sa inyong
mga magulang upang matulungan, at making kayo sa mga nakakatanda.
4. Para sa mga magulang naman; ang sex ay hindi masama kaya maging bukas kayo
sa inyong mga anak at huwag mahiyang pag-usapan ito at maging tapat sa inyong
mga asawa upang maging magandang halimbawa sa inyong mga anak.
28
BIBLIOGRAFI
BNET Business Network. Sex, Pornography, and the Mass Media: How should Social Studies teachers respond. Retrieved March 2007, from http://findarticles.com/p/articles/mi_hb3547/is_200703/ai_n19274984
SEXINFO. University of California at Santa Barbara. Sexuality in the Mass Media: How to View the Media Critically, from http://www.soc.ucsb.edu/sexinfo/?article=activity&refid=026
BNET Business Network. Mass media influences on sexuality - Statistical Data Included. Retrieved February 2002, from http://findarticles.com/p/articles/mi_m2372/is_1_39/ai_87080439
University of the Philippines Forum. The New Communication Media and Their Effects on Filipino Culture and Society. Updated February 2008, from http://www.up.edu.ph/upforum.php?i=188&archive=yes&yr=2008&mnhttp://en.wikipedia.org/wiki/Media_influence=3
Senate Bill No. 2464: 'A crime against Philippine culture'.Articipation by Clarissa Chikiamco. Updated September 22, 2008, fromhttp://www.philstar.com/ArticlePrinterFriendly.aspx?articleId=402191
Senador Manuel Villar, 14th Congress. Senate Bill No. 2464. ANTI-OBSCENITY AND PORNOGRAPHY ACT OF 2008. Filed on July 24, 2008, from http://www.senate.gov.ph/lis/bill_res.aspx?congress=14&q=SBN-2464
Ongpin, Ma. Isabel. AMBIENT VOICES. Caution: Porn on the InternetRetrieved September 28, 2007, byhttp://www.manilatimes.net/national/2007/sept/28/yehey/opinion/20070928opi6.html
Cliffnotes. Violence and Pornography in the Media. From http://www.cliffsnotes.com/WileyCDA/CliffsReviewTopic/Violence-and-Pornography-in-the-Media.topicArticleId-26957,articleId-26949.html
Alisuag & Retiro. (2001). Tesis, Valenzuela City, Our Lady of Fatima University. A Study on the Effects of Watching Pornographic Slides to the Behavior of Male Adolescents Ages 16-21 from Selected Places in Caloocan City and Valenzuela City.
Peterson, Theodore Bernard (1971). The Mass Media and Modern Society (2nd Edition). New York:Holt Publisher.
De las Llagas, Clothilde. (1990). Tesis, Pasay City, St. Paul College. Alam ba ninyo? Halaw sa Pornography and Violence in the Communications Media.
29
APENDIKS
Graf Blg.2 - Programa Sa Telebisyon Na Kung Saan Unang Nakakapanuod Ng Mga Malalaswang Eksena Ang Mga Kalalakihan
a. Palabas [Soap Opera, Telenobela]
b. Pelikula c. Komersyal [Advertisements]
d. Cartoons [Anime, Hentai]
7 31 2 1014% 62% 4% 20%
Kabuuang Bilang: 100
Graf Blg. 3 – Edad Na Kung Saan Unang Nakakapanuod Ng Mga Malalaswang Panoorin Ang Mga Kalalakihan
a. 15 Taon Pababa
b. 16 Taon c. 17 Taon d. 18 Taon
31 12 4 362% 24% 8% 6%
Kabuuang Bilang: 100
Graf Blg. 4 - Ang Bagay Na Nag-Udyok Sa Mga Kalalakihan Upang Manuod Ng Mga Malalaswang Panoorin
a. Kuryosidad b. Peer Pressure c. Self-Awareness
25 10 1550% 20% 30%
Kabuuang Bilang: 100
Graf Blg. 5 – Kung Sino Ang Nag-Udyok Sa Mga Kalalakihan Na Manuod Ng Mga Malalaswang Panoorin
a. Kabarkada b. Kaklase c. Kamag-anak [Kapatid, Pinsan]
36 10 452% 20% 8%
Kabuuang Bilang: 100
Graf Blg.6 – Ang Naidudulot Sa Pagkalulong Sa Mga Malalaswang Panoorin e. Pagbaba ng mga
marka sa eskwelaf. Pag-ikli ng
Attention Spang. Naa-adapt ang
mga terminolohiya
h. Isinasabuhay ang mga napanuod
4 7 29 108% 14% 58% 20%
30
Kabuuang Bilang: 100
Graf Blg. 7 - Kadalasang Bunga Ng Panunuod Ng Mga Malalaswang Panoorin d. Maging sexually matured e. Maging agresibo f. Malulong sa mga
pampornograpiyang materyales
39 9 278% 18% 4%
Kabuuang Bilang: 100
Graf Blg. 8 – Ang Panunuod Ulit Ng Mga Malalaswang Panoorin a. Araw-araw b. Kung kailan lang
maisipanc. Hindi na uulitin
ang panunuod4 33 13
8% 66% 26%Kabuuang Bilang: 89
Graf Blg.9 – Reaksyon Habang Nanunuod Ng Mga Malalaswang Panoorin a. Nasisiyahan b. Aroused c. Nag-iinit d. Walang
reaksyon10 5 17 18
20% 10% 34% 36%Kabuuang Bilang: 100
Graf Blg.10 – Reaksyon Matapos Makapanuod Ng Mga Malalaswang Panoorina. Nalilibugan b. Nahihiya c. Erection/
Arousald. Natutuwa e. Ibang
kasagutan18 10 2 14 6
36% 20% 4% 28% 12%Kabuuang Bilang: 100
Graf Blg. 11 – Nakikita Mo Ba Ang Iyong Sarili Na Ginagawa Ang Bagay Na Iyong Napanuod?
a. Oo b. Hindi29 21
58% 42%Kabuuang Bilang: 100
31
Ang Impak ng mga Malalaswang Panoorin sa Telebisyon sa Pag-Uugali ng mga Kalalakihang Edad 15-18 na Taga-
Villa Theresa Compound, Lungsod ng Valenzuela
Direksyon: Basahing mabuti ang bawat katanungan bago ito sagutan. Bilugan ang letra ng napiling sagot.
11. Sa anong programa sa telebisyon una kang nakapanuod ng mga malalaswang eksena?c. Palabas [Soap Opera, Telenobela] c. Komersyal [Advertisements]d. Pelikula d. Cartoons [Anime, Hentai]
12. Ilang taon ka noong una kang nakapanuod ng malaswang panoorin?c. 15 pababa c. 17d. 16 d. 18
13. Bakit mo ginustong manuod ng mga malalaswang panoorin?c. Kuryosidad c. Self-Awarenessd. Peer Pressure
14. Sino ang nag-udyok sa iyo upang manuod ng mga malalaswang panoorin?c. Kabarkada c. Kamag-anak [Kapatid, Pinsan]d. Kaklase
15. Ano ang naidudulot ng pagkalulong sa mga malalaswang panoorin sa iyong buhay?i. Pagbaba ng mga marka sa eskwelaj. Pag-ikli ng Attention Spank. Naa-adapt ang mga terminolohiyal. Isinasabuhay ang mga napanuod
16. Ano ang kadalasang bunga ng panunuod mo ng mga malalasawang panoorin sa iyong pag-uugali?g. Maging sexually maturedh. Maging agresiboi. Malulong sa mga pampornograpiyang materyales
32
17. Gaano kadalas mo gustong makapanuod ng mga malalaswang panoorin matapos noong ikaw ay unang makapanuod?c. Araw-araw c. Hindi na uulitin ang
panunuodd. Kung kailan lang maisipan
18. Ano ang iyong reaksyon habang nanunuod ng mga malalaswang panoorin?c. Nasisiyahan c. Nag-iinitd. Aroused d. Walang reaksyon
19. Ano ang iyong reaksyon matapos makapanud ng mga malalaswang panoorin?c. Nalilibugan c. Erection/Arousald. Nahihiya d. Natutuwa
20. Nakikita mo ba ang iyong sarili na ginagawa ang bagay na iyong napanuod?c. Ood. Hindi
Maraming Salamat Po!
33
34