sa tamang panahon, for slide share
TRANSCRIPT
SA TAMANG PANAHON Ni: JENITA D.GUINOO
“Sige na Lola, payagan mo na ako…gusto kong
makasama sa outing ng mga barkada ko.., please…Kahit
ngayon lang..payagan mo na ako”…”Naku! Bata ka,
Joshua..makinig ka! Hindi nga pwede, baka mapaano ka’t
madisgrasya sa pagsasama-sama mo sa iyong mga
barkada, bakit? ikaw ba ang mananagot sa iyong ina ha?”
“Lola naman eh..ngayon lang naman.” “ Tumigil ka nga
diyan.. lagi na lamang nagbubulakbol! Mas mabuti pang
dumito ka na lang sa bahay, manood ka ng TV o kaya’y
mag-aral ng iyong mga leksyon kaysa pumunta sa kung
saan-saan!”
Nakakainis naman! Ano na lamang ang masasabi sa
akin ng aking mga kaibigan lalong-lalo na si Grace? Nais
pa naman niya sanang makasama kaming mga
manliligaw niya para makapili na kung sino sa amin ang
kaniyang sasagutin. Paano na ito? Tiyak kong pag wala
ako roon, hindi ako ang magiging una niyang nobyo. Ang
malas talaga! Dyahe naman itong aking
Lola ..nakakabad-trip! Pero, ano namang magagawa ko
kundi ang sumunod sa kaniyang payo. Ayaw ko rin
namang magagalit ito sa akin dahil mahal na mahal ko
naman ito kahit sobrang sungit sa akin at maging ng
aking mga kaibigan. At ayaw ko ring malalaman ng ina
kong nasa ibang bansa..baka mag-aalala ito sa akin. Hay,
buhay nga naman! Kung kailan ko ninanais na makasama
ang barkada ay saka pa hindi ako pinapayagan ng aking
Lola. Tatanggapin ko na lamang nang maluwag sa
damdamin na hindi si Grace ang aking magiging unang
nobya. Hindi marahil kami ang itinadhana para sa isa’t
isa. Makikibalita na lamang ako sa kanila pag-uwi nila
galing sa probinsiya nina Grace. Tunay na mapalad ang
mapupusuan ni Grace! At iyon ay hindi ako!
Isang Linggo ang nagdaan at nagkaharap ang
magbabarkada. “Joseph, balitaan mo naman ako sa
naging bakasyon niyo sa Leyte. Masaya ba roon? “Naku,
Joshua , ang saya-saya namin. Andaming gimik doon at
kung saan-saan kami dinadala ni Grace. Napuntahan
namin ang sikat nilang beach resort, magagarang
restawran..may sa bukid kami napunta, may sa
Lungsod..at maging sa mga peryahan mismo sa kanilang
nayon ay aming napuntahan sa pagdidiriwang ng
kanilang kapistahan. May mga mapaghimalang birhen din
ang aming dinayo sa isang tuktok ng bukirin na
napapabalitang natutupad ang anumang kahilingan. Ang
layo-layo talaga! Nanginginig na nga ang aking mga paa
sa sobrang pagod at hirap sa paglakad sa bukiring
maputik. Gayunpaman, ang dami kong natutunan. Doon
ako nakakita ng isang malawak na palayan, nagtataasang
mga bundok, at mga naggagandahang bahay-kubo na
hindi natin makikita sa ating bayan. Pati mga kabataan
doon ay ang babait! Ngunit, ang ipinagtataka ko’y
bagong salta pa lamang kami ay kilala na nila. Higit sa
lahat, sila ay magagalang lalong-lalo na sa mga
matatanda. Laging nagmamano sa mga matatanda. At
napansin ko sa loob ng simbahan ay parang
magkakapamilya silang lahat. Tulong-tulong sila sa lahat
ng mga gawain para sa bayan. Doon ko rin naranasan
ang tinatawag nilang “bayanihan”, ang sarap pala ng
“feeling” kapag nakatulong ka kahit sa maliit na paraan.
Sa susunod, sana makakasama ka na Joshua!” “ Sana
nga, kaso hindi nga ako pinayagan ng Lola. Siyanga pala,
sino ang maswerteng naging nobyo ni Grace? Masaya ako
para sa kanila! Sige na, sabihin mo na sa akin!” “Hello,
Joshua.“ Si Grace na kaibigan ng lahat. Kumusta ka,
Josh? Ano ba naman ang pinag-uusapan niyo riyan? At
napaka-seryoso niyo naman! “Ah..Grace, Joshua..maiiwan
ko muna kayo ha..kasi may pupuntahan pa akong
kaibigan.”Nakalimutan ko nga palang ibigay ang
pasalubong ko sa aking best friend.” “Sige, bye! Ingat
ka.” Biglang tumahimik ang dalawa na tila
nagpapakiramdaman lamang sa isa’t isa. “Ehem..Grace,
kumusta ka nga pala? Tiyak kong may nobyo ka na kaya
di na ako dapat pang makikipag-usap sa iyo, baka
magagalit iyon!” sabi ko sa kaniya. “Oo nga, ano? Tugon
naman ni Grace.” Kumusta ka rin naman Joshua? Bakit di
ka nga pala nakasama sa grupo?” tanong niya sa akin na
tila naguguluhan sa di ko pagsama sa kanilang bakasyon.
“Eh, kasi..hindi ako pinayagan ng Lola..alam mo na..Over-
protective sa akin. Nanghihinayang nga ako’t di ko
nararanasan ang mga naikuwento sa akin ni Joseph.
Kaso, hindi ko talaga masusuway si Lola dahil alam kong
ginagawa niya iyon para sa aking kapakanan. Marahil
magagawa kong makarating sa ibang lugar kapag nasa
tamang gulang na ako na maaari ko nang
mapangalagaan ang aking sarili. Ngunit habang menor de
edad pa ako, mas maigi na susundin ko siya para
makaiwas sa anumang kapahamakan.” “Diyan ako bilib
sa iyo, Joshua! Kaya nga wala akong napili sa iyong mga
barkada dahil lahat sila’y sinuway ang mga magulang at
ang ilan pa nga ay hindi nagpaalam. Naglayas! Kaya,
ayon..tumaas ang presyon..inatake sa puso ang ama ni
Joseph. Puro sakit sa ulo ang ibinigay nila sa kani-
kanilang mga magulang. Kaya kung makapaghihintay ka
sa tamang panahon, ikaw ang nais kong maging unang
pag-ibig! Iyon ay kung nais mo rin.” “Ha..? Naku! Iyan
ang pinakaasam-asam ko , Grace! Sige, maghihintay ako,
sa tamang panahon!
End