republika e shqipËrisË kuvendi...kapitaleve në autoritetin e mbikëqyrjes financiare violanda...
TRANSCRIPT
![Page 1: REPUBLIKA E SHQIPËRISË KUVENDI...Kapitaleve në Autoritetin e Mbikëqyrjes Financiare Violanda Theodhori – Drejtore e Departamentit të Çështjeve Juridike në Autoritetin e Mbikëqyrjes](https://reader035.vdocuments.site/reader035/viewer/2022062610/611282453110406f405c7a27/html5/thumbnails/1.jpg)
1
REPUBLIKA E SHQIPËRISË
KUVENDI
Komisioni për Ekonominë dhe Financat
PROCESVERBAL
Tiranë, më 18.05.2020, ora 12:30
Drejton mbledhjen:
Milva Ekonomi – kryetare e Komisionit
Rendi i ditës:
Shqyrtimi në parim i projektligjit “Për tregjet financiare, të bazuara në teknologjinë e
regjistrave të shpërndarë”.
Marrin pjesë:
Milva Ekonomi, Reme Lala, Arben Elezi, Senida Mesi, Xhevit Bushaj, Edlira Hyseni,
Krenar Rryçi, Ervin Bushati, Evis Kushi, Antoneta Dhima, Eljo Hysko, Vullnet Sinaj, Korab
Lita, Blerina Gjylameti, Suzana Topi, Roland Xhelilaj, Anastas Angjeli dhe Ylli Shehu.
Mungon:
Artur Roshi
Të ftuar:
Anila Denaj – Ministre e Financave dhe Ekonomisë
Adela Xhemali – Zëvendësministre e Financave dhe Ekonomisë
Saimir Muçmataj – Drejtor Juridik në Ministrinë e Financave dhe Ekonomisë
Luljeta Minxhozi - Zëvendësguvernatore e parë e Bankës së Shqipërisë
Altin Naqe - Drejtor i Departamentit Juridik në Bankën e Shqipërisë
Deniz Deralla - Drejtor i Departamentit të Mbikëqyrjes në Bankën e Shqipërisë
![Page 2: REPUBLIKA E SHQIPËRISË KUVENDI...Kapitaleve në Autoritetin e Mbikëqyrjes Financiare Violanda Theodhori – Drejtore e Departamentit të Çështjeve Juridike në Autoritetin e Mbikëqyrjes](https://reader035.vdocuments.site/reader035/viewer/2022062610/611282453110406f405c7a27/html5/thumbnails/2.jpg)
2
Ledia Bregu - Drejtore e Departamentit të Sistemit të Pagesave, Kontabilitetit dhe
Financës në Bankën e Shqipërisë
Niko Kotonika – Drejtor i Departamentit të Mbikëqyrjes së Tregut të Fondeve dhe
Kapitaleve në Autoritetin e Mbikëqyrjes Financiare
Violanda Theodhori – Drejtore e Departamentit të Çështjeve Juridike në Autoritetin e
Mbikëqyrjes Financiare
Flora Musta – Drejtore e Drejtorisë së Mbikëqyrjes së Tregut të Kapitaleve në Autoritetin
e Mbikëqyrjes Financiare
Ilma Xhakolli – Specialiste në Drejtorinë Juridike në Autoritetin e Mbikëqyrjes
Financiare
Mirlinda Karcanaj - Drejtoreshë e Përgjithshme e Agjencisë Kombëtare të Shoqërisë së
Informacionit
Daniel Shima – Zëvendësdrejtor i Përgjithshëm në Agjencinë Kombëtare të Shoqërisë së
Informacionit
Nevila Repishti – Drejtore e Drejtorisë së Portalit Qeveritar e-Albania në Agjencinë
Kombëtare të Shoqërisë së Informacionit
Romina Kostani – Drejtore e Drejtorisë së Inovacionit dhe IPA Sektoriale e-Go në
Agjencinë Kombëtare të Shoqërisë së Informacionit
![Page 3: REPUBLIKA E SHQIPËRISË KUVENDI...Kapitaleve në Autoritetin e Mbikëqyrjes Financiare Violanda Theodhori – Drejtore e Departamentit të Çështjeve Juridike në Autoritetin e Mbikëqyrjes](https://reader035.vdocuments.site/reader035/viewer/2022062610/611282453110406f405c7a27/html5/thumbnails/3.jpg)
3
HAPET MBLEDHJA
Milva Ekonomi – Mirëdita të gjithëve!
Fillojmë mbledhjen e radhës së Komisionit për Ekonominë dhe Financat.
Në mbledhjen e sotme, siç keni marrë edhe njoftimin në formë elektronike në adresat
tuaja zyrtare të e-mailit, në rendin e ditës kemi shqyrtimin në parim të projektligjit “Për tregjet
financiare, të bazuara në teknologjinë e regjistrave të shpërndarë”.
Për të prezantuar këtë projektligj nga Ministria e Ekonomisë dhe Financave kemi ftuar
zonjën Anila Denaj, Ministre e Financave dhe Ekonomisë, si dhe zotin Saimir Muçmataj, Drejtor
Juridik në këtë ministri.
Nga Banka e Shqipërisë kemi ftuar: zonjën Luljeta Minxhozi, zëvendësguvernatore e
parë, zotin Altin Naqe, Drejtor i Departamentit Juridik, zotin Deniz Deralla, Drejtor i
Departamentit të Mbikëqyrjes, zonjën Ledia Bregu, Drejtore e Departamentit të Sistemit të
Pagesave, Kontabilitetit dhe Financës.
Nga Autoriteti i Mbikëqyrjes Financiare kemi ftuar: zotin Niko Kotonika, Drejtor,
Departamenti i Mbikëqyrjes së Tregut të Fondeve dhe Kapitaleve, zonjën Violanda Theodhori,
Drejtore, Departamenti i Çështjeve Juridike, zonjën Flora Musta, Drejtore, Drejtoria e
Mbikëqyrjes së Tregut të Kapitaleve, zonjën Ilma Xhakolli, Specialiste, Drejtoria Juridike.
Nga Agjencia Kombëtare e Shoqërisë së Informacionit kemi ftuar: zotin Daniel Shima,
zëvendësdrejtor i Përgjithshëm, zonjën Nevila Repishti, Drejtore, Drejtoria e Portalit Qeveritar e-
Albania, zonjën Romina Kostani, Drejtor, Drejtoria e Inovacionit dhe IPA Sektoriale e-Go.
Gjithashtu, nga komisioni kemi caktuar relator zotin Anastas Angjeli.
Edhe një herë, dua të bëj apelin në lidhje me prezencën tuaj. Ne e kemi
arritur kuorumin, kështu që mbledhja është e vlefshme dhe mund të fillojë.
Unë jam prezent, zoti Arben Elezi prezent, zoti Anastas Angjeli prezent, zonja Antoneta
Dhima prezent, zonja Blerina Gjylameti prezent, zoti Ervin Bushati prezent, zonja Evis Kushi
prezent, zoti Roland Xhelilaj na informoi se do të hyjë pak më vonë, zoti Xhevit Bushaj prezent,
zonja Reme Lala nuk është bashkuar ende me ne, zoti Eljo Hysko prezent, zoti Vullnet Sinaj
prezent, zonja Edlira Hyseni prezent, zoti Krenar Rryçi prezent, zoti Artur Roshi nuk është
bashkuar ende me ne, zoti Korab Lita nuk është bashkuar ende me ne, zoti Ylli Shehu prezent,
zonja Suzana Topi nuk është bashkuar ende me ne.
![Page 4: REPUBLIKA E SHQIPËRISË KUVENDI...Kapitaleve në Autoritetin e Mbikëqyrjes Financiare Violanda Theodhori – Drejtore e Departamentit të Çështjeve Juridike në Autoritetin e Mbikëqyrjes](https://reader035.vdocuments.site/reader035/viewer/2022062610/611282453110406f405c7a27/html5/thumbnails/4.jpg)
4
Për të na prezantuar këtë projektligj, fjalën e ka zonja Anila Denaj, Ministre e Financave
dhe Ekonomisë.
Faleminderit zonja Denaj, që jeni sot me ne këtu, për të shpjeguar projektligjin!
Anila Denaj – Faleminderit, edhe juve!
Së bashku me mua është edhe zonja Adela Xhemali, zëvendësministre e Financave dhe
Ekonomisë, e cila sot, por edhe nesër, që është diskutimi nen për nen, do të jetë prezent.
Së pari, ju faleminderit për kohën dhe disponibilitetin për të diskutuar një projektligj, që
ka detaje të rëndësishme jo vetëm në kuadrin makro, për të cilin unë do të bëj një prezantim të
shkurtër, por edhe në nivelin e shpjegimeve si në aspektin rregullator, për të cilin AMF-ja ka
përfaqësuesit e saj, ashtu edhe në atë teknik, në lidhje me të cilin AKSHI është përfaqësuar më së
miri.
Sigurisht, në pamje të parë dhe në qasje të parë, duhet të kuptojmë përse është ky ligj,
përse diskutohet sot dhe si kemi ardhur deri këtu.
Së pari, për këtë projektligj po punohet prej kohësh. Është bërë një punë e përbashkët
midis Ministrisë së Financave dhe Ekonomisë, AKSHI-t dhe AMF-së, por edhe me ndihmën e
një grupi ekspertësh të huaj, të cilët kanë marrë disa nga praktikat më të mira në aspektin
legjislativ të vendeve të tjera, për të sjellë një rregullim të këtij produkti edhe në tregun shqiptar.
Në thelb, kjo teknologji është një regjistër i shpërndarë, i cili në parim mund të
inspektohet nga të gjithë, por nuk mund të kontrollohet nga askush. Kësisoj, mundëson
transaksione ekonomike, të cilat janë të besueshme, që autentifikohen nga një bashkëpunim
masiv i përdoruesve të tij.
Çfarë synon të rregullojë ky projektligj? Së pari, licencimin, ushtrimin e aktivitetit të
operatorëve dhe bursave në mbikëqyrjen e tyre; kushtet për emetimin token-ëve dixhitale, e
monedhave virtuale dhe autorizimin nga autoritetet kompetente; kushtet dhe rregullat për
tregtimin e token-ëve dixhitalë dhe monedhave virtuale; ofruesit e shërbimeve të kujdestarisë për
palët e treta, si dhe parandalimin e praktikave abuzive në treg, ku parashikohen gjoba të rënda
për cilindo që shkel dispozitat e këtij ligji.
Gjithashtu, projektligji mirërregullon funksionet e Autoritetit të Mbikëqyrjes Financiare,
si institucioni, që vlerëson të gjitha aspektet rregullatore dhe përputhshmërinë me kërkesat
ligjore, si dhe funksionet teknike, të cilat mbikëqyren dhe certifikohen nga Agjencia e
![Page 5: REPUBLIKA E SHQIPËRISË KUVENDI...Kapitaleve në Autoritetin e Mbikëqyrjes Financiare Violanda Theodhori – Drejtore e Departamentit të Çështjeve Juridike në Autoritetin e Mbikëqyrjes](https://reader035.vdocuments.site/reader035/viewer/2022062610/611282453110406f405c7a27/html5/thumbnails/5.jpg)
5
Kombëtare e Shoqërisë së Informacionit, e cila i vlerëson këto aspekte teknike të paraqitura nga
subjekti që kërkon të marrë licencën.
Ky projektligj ofron mundësi jo vetëm në efektivitetin në financim për qytetarët dhe
sipërmarrjet, por krijon edhe një mjedis për nxitjen e bizneseve, kryesisht ato në mbështetje me
teknologjinë, që me fjalë të tjera i quajmë inovatore, si dhe krijon një premisë për innovacion
pas.
Në studimin më të fundit të Bashkimit Europian, ku edhe vetë BE–ja shqyrton një qasje
të unifikuar drejt teknologjisë blockchain dhe nënprodukteve të saj, theksohen pikërisht këto
avantazhe, të cilat, në afat të shkurtër, synojnë përfitime nga krijimi i modeleve transformuese të
vetë biznesit në proceset më dixhitale e inovative.
Sigurisht, transformimi dixhital i shërbimeve, veçanërisht masivizimi i pagesave
dixhitale, parashikohet të ketë efekte parandaluese edhe në lidhje me pastrimin e parave, në dobi
të proceseve të monitorimit fiskal, si pasojë e rritjes së transparencës dhe sigurisë në kryerjen e
transaksioneve.
Në këtë kuptim, ky ligj mund të konsiderohet si një hap i rëndësishëm drejt maksimizimit
të përfitimeve, që burojnë prej inovacionit. Për më tepër, ligji është në koherencë të plotë me
përpjekjet tona për konsolidimin e mjedisit rregullator në lidhje me pagesat e vogla, të cilat janë
po ashtu objekt i ligjit “Për shërbimet e pagesave”, i cili tashmë është miratuar në Kuvend, që ky
komision e ka diskutuar disa javë më parë.
Për sa u tha më sipër, duke qëndruar në kuadrin makro, qëndrimi i qeverisë shqiptare
është për mbështetjen e zhvillimit të mëtejshëm të tregjeve financiare të decentralizuara, duke ua
hapur kështu dyert edhe investitorëve të rinj, tregjeve të reja, uljes së ndjeshme të kostove të
shërbimeve për qytetarët, duke ofruar mënyra më efektive financimi për sipërmarrjet apo për
projektet e tjera në fazat e tyre fillestare.
Jemi të hapur edhe për një diskutim më të detajuar, por besoj se nga Autoriteti i
Mbikëqyrjes Financiare mund të ketë një shpjegim teknik, sikurse edhe nga AKSHI, përpara se
ne, së bashku me zëvendësministren, të marrim pyetjet tuaja.
Faleminderit!
Milva Ekonomi – Faleminderit, zonja Denaj!
Nga Autoriteti i Mbikëqyrjes Financiare, zoti Kotonika, dëshironi ta merrni ju fjalën?
Niko Kotonika – Faleminderit!
![Page 6: REPUBLIKA E SHQIPËRISË KUVENDI...Kapitaleve në Autoritetin e Mbikëqyrjes Financiare Violanda Theodhori – Drejtore e Departamentit të Çështjeve Juridike në Autoritetin e Mbikëqyrjes](https://reader035.vdocuments.site/reader035/viewer/2022062610/611282453110406f405c7a27/html5/thumbnails/6.jpg)
6
Atëherë, ashtu siç e shpjegoi edhe zonja Denaj, ky është një projektligj novator. Është një
fushë e re, e cila parashikohet të rregullohet nga AMF-ja. Projektligji rregullon tregjet financiare,
që bazohen në teknologjinë e regjistrave të shpërndarë, por gjithashtu përcakton edhe
kompetencat e autoriteteve kompetente, siç janë AMF-ja dhe AKSHI.
Nuk e di nëse jeni familjarizuar me termin “teknologji e regjistrave të shpërndarë”, që
është një teknologji novatore. Në ndryshim nga regjistrat e centralizuar, regjistrat e shpërndarë
verifikojnë kryerjen e transaksioneve në mënyrë automatike. Pra, transaksionet shpërndahen në
shumë nyje, dhe secila nga këto nyje verifikojnë në mënyrë automatike vërtetësinë e
transaksionit. Më pas, kjo mundësoi krijimin e një lloj teknologjie, e cila, nëpërmjet blockchain-
it, mundëson të aplikohet në fusha të ndryshme, për të kryer transaksione të ndryshme monetare,
për të kryer pagesa ose për të emetuar edhe tituj.
Prandaj projektligji i ndan titujt virtualë në token-a dixhitalë të shërbimeve dhe në token-
a dixhitalë të pagesave, dhe në token-a dixhitalë të titujve. Këtu mund të themi që ka një
ndërthurje edhe me projektligjin “Për tregjet e kapitalit”, ku rregullohet emetimi dhe tregtimi i
këtyre token-ave.
Gjithashtu, projektligji parashikon edhe institucionet e tregut, që do të kryejnë funksionin
e hapjes së vendit të tregtimit për këto lloj instrumentesh, siç janë bursat, që bazohen në
teknologjinë e regjistrave të shpërndarë, bursat TLT. Këto bursa ndahen në tri kategori licencash,
që janë: licenca ‘A’, licenca ‘B’ dhe licenca ‘C’. Secila nga këto kategori, në varësi të titullit apo
të token-it dixhital që tregtohet në këtë bursë, ka kërkesa të ndryshme rregullative edhe për
kapitalin.
Gjithashtu, projektligji rregullon edhe mënyrën e emetimit të token-ave dixhitalë, të
ashtuquajturat ICO ose Initial Coin Offerings. Të gjithë ICO-të, domethënë Initial Coin
Offerings, janë të detyruara të publikojnë një dokument, i cili quhet relacion prezantues ose white
paper, në rastet kur janë në token-a dixhitalë të pagesave apo të shërbimeve, pra që nuk
klasifikohen si tituj ose si letra me vlerë. Në rastet e token-it dixhitalë të titujve, në përputhje me
ligjin “Për tregjet kapitale”, kërkon publikimin e prospektit të plotë. Për rastet përjashtimore
parashikohet publikimi i akt ofertës.
Gjithashtu, projektligji ka dispozita në lidhje me kërkesat e këtyre institucioneve të
licencuara nga ky projektligj në lidhje me parandalimin e pastrimit të parave dhe kërkesa për të
parandaluar abuzimin e tregut në kuptimin e manipulimit të tregut ose ndalimit të tregtimit të
![Page 7: REPUBLIKA E SHQIPËRISË KUVENDI...Kapitaleve në Autoritetin e Mbikëqyrjes Financiare Violanda Theodhori – Drejtore e Departamentit të Çështjeve Juridike në Autoritetin e Mbikëqyrjes](https://reader035.vdocuments.site/reader035/viewer/2022062610/611282453110406f405c7a27/html5/thumbnails/7.jpg)
7
bazuar në informacionin e privilegjuar, të cilat përshtaten me lejimin e tregjeve të kapitaleve, por
edhe me rregulloren e abuzimit të treguar të BE-së.
Projektligji, gjithashtu, mbulon edhe fushën e ofruesve të shërbimeve informative. Për
këtë pjesë mund të flasë më mirë AKSH-i, sepse është më tepër i natyrës teknologjike.
Projektligji, gjithashtu, parashikon edhe dispozita për sipërmarrjet e automatizuara të
investimeve kolektive, të cilat përdorin teknologjinë e regjistrave të shpërndarë. Këto janë disa
lloj sipërmarrjesh të investimeve kolektive kur këshilltari financiar është një program robotik, i
cili kryen marrjen e vendimeve deri edhe shitjet duke u bazuar në një algoritëm, duke e kryer
këtë gjë automatikisht.
Te kreu i shtatë parashikohen dispozitat e përgjithshme të aplikueshme për kujdestarët e
portofolit të parë dhe të tretë. Këto janë ato institucione që projektligji i ndan në ato që mbajnë
çelësat privatë të portofoleve në kripto. Në momentin që dikush mban çelësin privat të
portofoleve në kripto të klientëve do të konsiderohet si kujdestar i palëve të treta dhe kujdestari i
palëve të treta rregullohet, gjithashtu, me këtë projektligj dhe licensohet nga AMF-ja.
Në tërësi ky projektligj ka në bazën e vet teknologjinë dhe në çdo rast të certifikimit dhe
të licencës së secilit prej institucioneve të tregut, bashkëpunojnë të dyja institucionet si AMF-ja
me AKSH-in, ku AKSH-i ka përgjegjësinë për pjesën teknologjike të licencave ose të aplikuesve
për licencë, ndërkohë që AMF-ja ka përgjegjësinë e rregullimit të tregut dhe të pjesës së ndalimit
të abuzimit të tregut financiar.
Gjithashtu, ky projektligj parashikon edhe sanksione administrative me gjobë. Gjoba
varion nga 12-18 milionë lekë për çdo shkelje administrative që vihet re.
Në lidhje me pjesën tjetër teknologjike të projektligjit do të flasë do të flasë më shumë
AKSH-i.
Milva Ekonomi – Faleminderit, Niko!
Fjala është për zonjën Mirlinda nga Agjencia Kombëtare e Shoqërisë së Informacionit.
Mirlinda Kërçana - Faleminderit!
Siç e sqaroi AMF-ja, AKSH-i ka qenë pjesë e analizës teknike, por do të ketë edhe një rol
konkret teknik për pjesën e supervizimit të të gjithë atyre që do të licencohen për të kryer
aktivitetin e tyre.
Përveç licencimit do të jetë edhe pjesa e auditimit nga pikëpamja teknike, e cila, në
bashkëpunim me AMF-në, do të realizohet në të gjitha proceset, që pas miratimit të ligjit do të
![Page 8: REPUBLIKA E SHQIPËRISË KUVENDI...Kapitaleve në Autoritetin e Mbikëqyrjes Financiare Violanda Theodhori – Drejtore e Departamentit të Çështjeve Juridike në Autoritetin e Mbikëqyrjes](https://reader035.vdocuments.site/reader035/viewer/2022062610/611282453110406f405c7a27/html5/thumbnails/8.jpg)
8
miratohen me akte të tjera rregullatore nënligjore, të mënyrës se si do të kryet pjesa e licencimit
dhe pjesa e auditimit.
Nëse ka pyetje, unë jam këtu për t’iu përgjigjur.
Milva Ekonomi - Faleminderit!
Fjala është për Luljeta Minxhozi, zëvendësguvernatore e parë e Bankës së Shqipërisë.
Luljeta Minxhozi - Faleminderit!
Banka e Shqipërisëështë bashkuar në këtë diskutim të ligjit “Për tregjet e kapitalit të
mbështetura në teknologji” si palë e interesuar për mbarëvajtjen dhe miradministrimin e tregjeve
financiare.
Që në fillim desha ta përgëzoj hartimin e këtij ligji si një platformë e mirë për të zhvilluar
tregjet, por edhe për të mundur të mënjanohen rreziqet, të cilat mund të vijnë nga këto tregje që
janë relativisht të reja dhe nuk janë akoma të rregulluara nga një ligj specifik në shumë vende të
BE-së.
Kripto-asetet faktikisht kanë disa karakteristika që i dallojnë ato nga asetet financiare
tradicionale për të cilat ne mbikëqyrim dhe administrojmë.
Së pari, nga vetë emri, ato kanë një natyrë dixhitale, virtuale, kështu që nuk gëzojnë asnjë
nga karakteristikat e agregatëve monetarë tradicionalë, të cilët janë pjesë e ofertës monetare të
një vendi, dhe që është objekt i menaxhimit të bankës qendrore, në rastin konkret të Bankës së
Shqipërisë.
Ato janë të ndërtuara mbi një metodologji që quhet kriptografi, e cila me anë të një
algoritmi matematikor përcakton vlerën e këtyre aseteve në një kohë të caktuar. Këto janë të
bazuara në teknologjinë e regjistrave të decentralizuar, ndërkohë që bankat qendrore dhe bankat
e tjera vendosen në teknologjitë e aseteve të regjistrave të centralizuar, të unifikuar. Ato kanë
karakteristika të një mjeti këmbimi virtual (me ta mund të përfitosh tituj pronësie, mund të
përfitosh interesa mbi këto tituj, por edhe mund të bësh blerje në platforma ku shiten produkte
me anë të aseteve dixhitale.
Banka e Shqipërisë ka dhënë në mënyrë sistematike të gjithë konsulencën dhe komentet e
saj gjatë gjithë periudhës së hartimit të ligjeve. Komentet e BSH-së kanë qenë në të njëjtën linjë
me qëndrimin që ka Autoriteti Europian i Bankave rreth këtyre aseteve. Ky është një proces
rregullimi dhe përshtatjeje të vazhdueshme nga vendet e BE-së, është një diskutim i gjerë për të
përshtatur ligjet, sidomos dy nga direktivat themelore të BE-së, të cilat deri më sot nuk i kanë
![Page 9: REPUBLIKA E SHQIPËRISË KUVENDI...Kapitaleve në Autoritetin e Mbikëqyrjes Financiare Violanda Theodhori – Drejtore e Departamentit të Çështjeve Juridike në Autoritetin e Mbikëqyrjes](https://reader035.vdocuments.site/reader035/viewer/2022062610/611282453110406f405c7a27/html5/thumbnails/9.jpg)
9
pjesë të rregullimit të tyre kripto-asetet, siç është direktiva europiane për paranë elektronike, si
dhe ajo për sistemet e pagesave, pra e famshmja PSD2, mbi të cilën bazohet ligji ynë “Për
sistemin e pagesave me vlerë të vogël”.
Ne do të jemi në një konsultim të vazhdueshëm edhe në procesin e shkruarjes së akteve
për ta vënë në fuqi ligjin.
Nga ana tjetër, ne do të dëshironim dhe jemi në bashkëpunim shumë të ngushtë me AMF-
në, nëpërmjet Komitetit Kombëtar të Pagesave, për të hartuar një strategji për edukimin
financiar, sepse këto janë instrumente të reja, të cilat nga mosnjohja mund të gjenerojnë risqe, një
pjesë të të cilave i shmang ligji, por për një pjesë ligji supozon sikur individët, që bëhen pjesë
këtyre platformave, e kanë këtë dije. Në Shqipëri është evidentuar edhe nga BB-ja që shkalla e
edukimit financiar të popullsisë është relativisht e ulët, kështu qënjë nga sfidat që kanë
institucionet tona, si BSH-ja, edhe Autoriteti i Mbikëqyrjes Financiare së bashku me Ministrinë e
Financave, që është porositësi i këtij ligji, mund të bëjë që ekonomia të përparojë dhe
instrumentet e aseteve financiare dixhitale, ose kripto-aseteve, të jenë funksionale.
Milva Ekonomi – Faleminderit, zonja Minxhozi!
Urdhëroni, zoti Angjeli!
Anastas Angjeli – Përshëndetje të gjithëve!
Padyshim që duke dëgjuar gjithë këto komente të bëra nga nismëtarët e ligjit, Ministria e
Financave, AMF-ja, AKSH-i dhe suporti i Bankës së Shqipërisë, dua të them, pa dashur të bie në
përsëritje, që ky ligj vjen pas tre ligjeve që kemi miratuar, ligji “Për tregjet financiar”, “Për
fondet e investimeve” dhe ligjin “Për pagesat” së fundmi, çka tregon vullnetin dhe tentativën e
qeverisë për hapjen e këtyre tregjeve, njëherësh edhe një vëmendje dhe një kujdes ligjor dhe
rregullator për veprimtarinë e këtyre tregjeve.
Ligji i sotëm është një ligj i paprekur në vendin tonë, me përjashtim të 2-3 neneve të
përfshira kundër pastrimit të parave. Ky është një hap i parë ligjor në këtë fushë, kësisoj do të
thosha se më mirë të kemi një ligj, se sa ta rregullojmë këtë çështje pa ligj. Më mirë një ligj, dhe
një ligj sa më i mirë, se sa ta lëmë pa ligj.
Duke parë funksionin dhe qëllimin që ka ligji i regjistrave të shpërndarë, padyshim që ne,
ndoshta këtë do ta them edhe në fund të këtij relatimi, duhet të thellojmë më tej aspektin e
qëllimit dhe të disa rregullave sesa fokusimin thjesht te licenca, e cila është pjesë e mbikëqyrjes
dhe e rregullimit.
![Page 10: REPUBLIKA E SHQIPËRISË KUVENDI...Kapitaleve në Autoritetin e Mbikëqyrjes Financiare Violanda Theodhori – Drejtore e Departamentit të Çështjeve Juridike në Autoritetin e Mbikëqyrjes](https://reader035.vdocuments.site/reader035/viewer/2022062610/611282453110406f405c7a27/html5/thumbnails/10.jpg)
10
Pa dashur të përsëris qëllimin e ligjit, pasi në fund do të them edhe disa fjalë,
dispozitat e këtij ligji do të zbatohen për të gjitha subjektet, personat fizikë ose juridikë që
ushtrojnë veprimtarinë e përcaktuar, sipas objektit të ligjit, në/ose nga territori i Republikës së
Shqipërisë, me qëllim kontrollin e veprimtarisë së operatorëve ekonomikë që do të hyjnë në
aktivitete ekonomike në fushën e emetimit, të shpërndarjes, të tregtimit dhe të ruajtjes së
tokenve dixhitale ose të monedhave virtuale.
Siç e thanë edhe autorët e ligjit, para se të fokusohemi në disa momente kryesore, në
nevojën e këtij ligji, në risitë dhe në problematikën e tij, ndoshta edhe për anëtarët e komisionit,
edhe për opinionin publik, dua të them dy fjalë për monedhat virtuale, me qëllim që ta kemi të
qartë se për çfarë jemi duke diskutuar dhe duke miratuar.
Zhvillimet e vrullshme që ka sjellë globalizimi i ekonomisë, veçanërisht 2-3 dekadat e
fundit, zhvillimet e pritshmet të robotikës dhe të inteligjencës artificiale, sidomos tani pas
pandemisë së koronavirusit, nuk mund të mos prekin edhe format e transaksioneve, të pagesave,
madje edhe vetë paranë. Këto nuk kanë mbetur në nivel diskutimesh apo kërkimesh, por ka pasur
nisma dhe vepra konkrete që kanë ngritur sot shume pyetje për t’u diskutuar. Çfarë po ndodh sot
me paranë? Çfarë pritet për të ardhmen e saj? A po lindin forma të reja të parasë? A po
ndryshojnë funksionet e parasë? A kemi imagjinuar ndonjëherë jetën pa paranë klasike prej
letre? A kemi menduar ndonjëherë se si do të ndiheshim nëse nuk do të kishim më nevojë të
posedonim monedha apo kartëmonedha në duart tona? A do të mundemi që në të ardhmen e afërt
të kemi mundësinë e menaxhimit të pasurisë sonë vetëm përmes një telefoni inteligjent smart? A
do të jemi në gjendje që t’i kontrollojmë llogaritë tona dhe të jemi autoriteti i vetëm në
vendimmarrje për të gjitha transaksionet që dëshirojmë të bëjmë, pa pasur nevojë për ndihmën e
sistemeve tona bankare, të qeverive apo faktorëve të tjerë rregullativë, të cilët shpesh edhe
implementojnë politika që jo domosdoshmërish bazohen në nevojat tona reale? Çfarë janë
monedhat dixhitale? Çfarë risqesh kemi nga ato? A rrezikohemi prej tyre?
Në fakt, e gjithë kjo tashmë nuk është diskutim dhe ide, por është një realitet në rritje që
po ndodh dhe po përhapet me shpejtësi.
Zëvendësguvernatorja theksoi se kemi disa eksperienca të disa vendeve dhe do të
veprojmë sipas udhëzimeve të Bankës Qendrore Europiane dhe në funksion të rregullimit të
direktivave.
![Page 11: REPUBLIKA E SHQIPËRISË KUVENDI...Kapitaleve në Autoritetin e Mbikëqyrjes Financiare Violanda Theodhori – Drejtore e Departamentit të Çështjeve Juridike në Autoritetin e Mbikëqyrjes](https://reader035.vdocuments.site/reader035/viewer/2022062610/611282453110406f405c7a27/html5/thumbnails/11.jpg)
11
Më poshtë do t’ju them se si është situata në vendet europiane dhe cili nga këto vende
ka një ligj të mirëfilltë për këtë çështje, por, duke iu përgjigjur pyetjes që shtrova për monedhat
dixhitale, dua të them se monedhat dixhitale të sotme e kanë prejardhjen te kriptografia, e cila
vjen që nga greqishtja e lashtë që do të thotë përcjellja e një informacioni, i të dhënave në
mënyrë sekrete. E dimë historinë, kemi parë dhe kemi lexuar se si janë bërë këto në kohët e
lashta, por sot jetojmë në kohë moderne, jetojmë në kohën e inovacionit, të kompjuterëve
modernë. Kjo është zgjidhja e shekullit XXI për të siguruar informacione private, pra një
informacion i cili është kriptuar në një zinxhir kodimi që nuk mund të ndryshohet kurrë pa lejen
e të gjithë përdoruesve. Pra, kriptomonedhat janë një formë paraje dixhitale që janë krijuar për
të qenë më të sigurta dhe në shumë raste anonime. Nikoja i shpjegoi këto. Sot më e përdorshmja
është Bitcoin, që u krijua në vitin 2008, pas krizës financiare të këtij viti. Kjo është monedha më
e pëlqyeshme dixhitale, por janë dhe dhjetëra monedha të tjera si: Ethereum, që u hodh në vitin
2005, Zak, Dash, Ripple, Monero, Cash, Bitcoin Cash, NEO, prajanë disa lloje, por Bitcoin është
më në fuqi. Nuk dua t’i hyj historisë tani, por janë një rrjet njerëzish që do të veprojnë pa
praninë e bankave apo të institucioneve financiare dhe çdo sasi Bitcoin lidhet me një kopje
kodesh, çelësash kriptografikë, e përmendi dhe Niko, dhe një çelësi privat për çdo pronar.
Natyrisht, ka një libër ku protokollohen të gjitha këto. Besimi tani nuk u lihet më bankave, pra
duhet ta kuptojmë që nuk kanë mbulesë bankare, nuk kanë rezervë valutore që i mbulon këto
lloj parash. Besimi i lihet teknologjisë, nuk u lihet bankave, institucioneve apo ndërmjetësve të
tjerë financiarë. Ka disa lloj funksionesh: përdoret për disa lloj transaksionesh dhe
karakteristikash, për blerje online, mikropagesa, transaksione informale, investime, transaksione
ndërkombëtare dhe financime dhe blerje të mallrave të huaja
Gjithë pyetja që shtrohet deri më sot është: a është Bitcoin një monedhë me funksione të
qarta të monedhës që jemi mësuar, me funksionet klasike? Nuk jep një përgjigje të thjeshtë për
këtë gjë, megjithatë ajo plotëson dy karakteristika: nuk shkatërrohet nga përdorimi dhe mund të
përdoret me një numër të papërcaktuar pagesash. Sipas disa përkufizimeve të sotme të
ekonomistëve, ka 3 cilësi të domosdoshme për të qenë një monedhë: është vështirë për t’u
fituar, e kufizuar në furnizim dhe e lehtë për t’u verifikuar. Atë e përcaktojnë sot në tregje si
element me vlerë, element shkëmbimi dhe një njësi llogarie. Sidoqoftë, duke u kthyer përsëri te
komenti që bëri zëvendësguvernatorja, dua të them dhe do ta shtroj në pyetjet që do të bëj në
fund: pse ne e kemi sjellë këtë akt ligjor? Çfarë na shtyu? Këtë duhet ta themi, pasi as në
![Page 12: REPUBLIKA E SHQIPËRISË KUVENDI...Kapitaleve në Autoritetin e Mbikëqyrjes Financiare Violanda Theodhori – Drejtore e Departamentit të Çështjeve Juridike në Autoritetin e Mbikëqyrjes](https://reader035.vdocuments.site/reader035/viewer/2022062610/611282453110406f405c7a27/html5/thumbnails/12.jpg)
12
relacion nuk thuhet. Këtë e bëjmë se duhet t’i paraprijmë këtij fenomeni dhe të jemi avangardë
në raport me zhvillimet, pra atë kujdes që po tregon BE-ja, që është duke ndërruar direktivat, po
i zhvillon Banka Qendrore dhe bankat qendrore të vendeve të tjera, shtetet e tjera, apo jemi
përpara një fakti që ky treg ka filluar të lulëzojë në Shqipëri dhe ne duhet ta rregullojmë? Këtu
duhet të na e thonë në fund ekspertët që kanë iniciuar ligjin. Pse e them këtë? Cili është qëndrimi
i autoriteteve dhe i qeverive të vendeve më të rëndësishme lidhur me zhvillimin e tregut monetar
dixhital sot? A kontrollohet ai me bazë ligjore të posaçme? Ku jemi sot? Ku është sot bota,
Europa, vendet që na rrethojnë për këtë çështje? Nga informacioni që kam marrë dhe kam
konsultuar, janë 3 vende që u jemi referuar: Lihtenshtejni, Malta (pak a shumë të gjithë e dimë
rolin dhe historinë financiare që kanë këto vende) dhe Franca. BE-ja është duke e parë dhe nuk
ka një direktivë direkt për këtë çështje. Bankat qendrore po punojnë me shpejtësi, siç janë
Banka Qendrore e Kanadasë, Banka Qendrore e Holandës, Banka Qendrore Europiane. Të
gjitha po përgatisin disa rregullore. Shumica e vendeve, siç janë: Austria, Gjermania, Irlanda,
Italia, Hungaria, Letonia, Mbretëria e Bashkuar ose Greqia, Sllovenia, Polonia, përfshirë dhe
Suedinë, Sllovakinë, Irlandën, janë duke e parë në këndvështrimin e mbikëqyrjes së këtij
fenomeni dhe e kanë përfshirë në ligjin kundër pastrimit të parave, por tregu i aseteve dixhitale
sot në botë është funksional, pra është realitet. Aktivet virtuale vërtiten në 130 miliardë dollarë
në terma kapitalizmi; ekzistojnë 2 mijë aktive virtuale të ndryshme. Sipas një studimi, ka
rezultuar se rreth 70% e aktivitetit të tyre kanë qenë skema mashtrimi, skema piramidale. Këtu
dua të theksoj një fakt: ne kemi një përvojë të hidhur me skemat piramidale në vendin tonë,
kemi pësuar një dramë të madhe në vitin 1997. Që në fillim e theksova se, nëse ky treg bëhet
prezent në Shqipëri, është më mirë të kemi një ligj, është më mirë ta mbikëqyrim këtë fenomen,
është më mirë ta forcojmë sa më shumë këtë ligj, është më mirë ta rregullojmë sa më mirë këtë
ligj dhe të vëmë autoritetet përkatëse sesa të lejojmë që ai të kthehet në një risk për ekonominë,
për investitorët, për qytetarët, të cilët pa dyshim do të vijë koha që do të investojnë në këtë treg.
Ligji, më duket se e përmendi Nikoja, në funksion të qëllimit të tij parashikon disa lloj
licencash. Unë nuk dua të ndalem te nenet të ligjit me detaje, sepse në ligj ato nga pikëpamja
teknike janë përshkruar të gjitha, dhenë të njëjtën kohë jep objektivat e politikës, përcakton
autoritetet, të cilat do të mbikëqyrin licencimin e subjekteve, që do të ushtrojnë këtë lloj
veprimtarie, dhe këtu në fund, do të ngre një problem për ta diskutuar, që të gjitha llojet e
veprimtarive të dy institucioneve, të AMF-së dhe të AKSH-it, në ligj nuk janë fare të
![Page 13: REPUBLIKA E SHQIPËRISË KUVENDI...Kapitaleve në Autoritetin e Mbikëqyrjes Financiare Violanda Theodhori – Drejtore e Departamentit të Çështjeve Juridike në Autoritetin e Mbikëqyrjes](https://reader035.vdocuments.site/reader035/viewer/2022062610/611282453110406f405c7a27/html5/thumbnails/13.jpg)
13
përcaktuara, por do të rregullohen me akte të tjera rregullative për të ndarë rolin dhe funksionin e
tyre në licencim dhe në mbikëqyrje, kurse pjesën teknologjike dhe auditimin, siç e përmendi
drejtoresha e AKSH-it, dhe pjesën tjetër të tregjeve do ta ketë AMF-ja. U përmendën disa
drejtime dhe avantazhe të projektligjit edhe nga ministrja, por pa dyshim që duhen adresuar
problematikat dhe risqet bazuar dhe në të gjitha aktet rregullative dhe raportet e publikuara nga
institucionet ndërkombëtare, veçanërisht në mbrojtjen e investitorëve dhe të integritetit të tregut
në problematikat, që mund të krijohen në tregtimin sekondar, në shërbimin e kujdestarisë së
tokenave digjitale dhe monedhave virtuale, por edhe në aspekte të teknologjisë e të stabilitetit
financiar dhe pastrimit të parave. Të gjitha këto na bëjnë të jemi të vëmendshëm kur të
diskutojmë nen për nen.
Para se të fillojmë të diskutojmë nen për nen nesër, kuptohet që përderisa ky projektligj
analizon një fenomen të ri, ka grupe të interesit, që do të ndikohen nga ligji, duke filluar që nga
biznesi, investitorët dhe të gjitha këto janë të përfshira në mënyrë shumë teknike në ligj. Fakti që
është një ligj i ri, që është një fushë e re dhe shumë teknike, na bën të jemi shumë të kujdesshëm
gjatë ditës së nesërme për sa u përket elementeve që kanë të bëjnë me problematikat e shtruara
nen për nen.
Mbase ligji do të kishte më shumë nevojë për një konsultim më të gjerë publik. Më duket
se zëvendësguvernatorja e përmendi mangësinë, ose kulturën e munguar financiare që ka vendi
ynë dhe nuk kemi pse ta mohojmë dhe mbase do të ketë shumë nevojë për një komunikim
publik, kështu që në aktet rregullatore nënligjore, që do të dalin, duhet të përfshihet një fushatë
për këtë çështje, me qëllim që njerëzit të jenë të sqaruar, kur them “njerëzit” kam parasysh
subjektet, që do të jenë elemente tërësisht të përfshirë në të, sipas objektit të këtij ligji. Kështu që
edhe kjo duhet të jetë e kujdesshme.
Para se të hyjmë nen për nen nesër, do të doja që nesër të kishim përgjigje për dy çështje
kryesore, pastaj edhe të një numri pyetjesh, që unë do t’i adresoj në përfundim të kësaj
mbledhjeje.
Cilat janë këto dy çështje? Çështja e parë është që ne duhet të jemi të kujdesshëm që,
duke qenë se ky projektligj ka ardhur në zbatim të nenit 100 të Kushtetutës dhe bazohet në të, të
jemi korrektë në të gjitha drejtimet. Është ngritur një çështje që ka të bëjë me pranimin në heshtje
të licencimit kur autoriteti, që unë nuk e di se cili do të jetë dhe çfarë funksioni do të kenë AMF-
ja dhe AKSH-i, nëse nuk japin përgjigje pas një periudhe të caktuar, licenca quhet e miratuar.
![Page 14: REPUBLIKA E SHQIPËRISË KUVENDI...Kapitaleve në Autoritetin e Mbikëqyrjes Financiare Violanda Theodhori – Drejtore e Departamentit të Çështjeve Juridike në Autoritetin e Mbikëqyrjes](https://reader035.vdocuments.site/reader035/viewer/2022062610/611282453110406f405c7a27/html5/thumbnails/14.jpg)
14
Mund të jetë përdorur në ndonjë rast dhëniesh licencash kjo, por këtu kemi të bëjmë me
një aktivitet shumë të rëndësishëm. Unë mendoj se ka edhe një vendim të Gjykatës Kushtetuese,
nuk dua të hyj në detaje, por ekspertët duhet ta diskutojnë edhe një herë nesër, me qëllim që të
mos lejojmë që të ketë miratim të licencës nëse nuk kthehet përgjigje në afatin kohor, por të kemi
një shtyrje të afatit. Pra, t’u themi që ta shtyjnë për dy javë, sepse duhet plotësuar kjo dhe kjo dhe
jo ta miratojmë menjëherë. Nuk kemi të bëjmë me një aktivitet të zakonshëm. Çfarë do të bëjë
ai? Do të bëjë një kanal?! Jemi duke folur për një aktivitet në tregjet financiare në një treg të ri,
ku mund të kemi risqe, kështu që mund ta shohin këtë ekspertët.
Çështja e dytë, për të cilën do të doja të merrja përgjigje para se të them pyetjet, ka të
bëjë me AKSH-in. Pa dyshim që AKSH-i është një agjenci shumë e rëndësishme në monitorimin
e teknologjisë dhe mbase, për momentin është zgjidhja më e mirë që kemi bërë, vetëm se kam
një shqetësim të vogël: nuk e di se çfarë agjencie është AKSH-i, çfarë statusi ka, se mbase nuk
jam i qartë, në raport me Kryeministrinë? Nëse nuk është një institucion i shkëputur, i pavarur, si
do ta rregullojmë këtë punë, sepse pavarësisht se është një zyrë brenda Kryeministrisë, ne nuk
mund të implikojmë Kryeministrinë, qeverinë, apo shtetin në një rol të caktuar në tregun
financiar. Kështu që duhet ta zgjidhim këtë punë në mënyrë ligjore që AKSH-i ta ketë këtë
kompetencë. Nuk jam kompetent ta them, por kjo më ka tërhequr vëmendjen, se duhet të
mendojmë për nesër, jo për sot. Ndoshta për këto dy pika do të më japin përgjigje nesër pasi ta
kenë diskutuar.
Në fund, ligji është shumë teknik, dhe si i tillë, duke qenë një fushë krejt e re, unë dua të
falënderoj këshilltaren e komisionit tonë, e cila, gjatë këtyre dy javëve, që kur na është ngarkuar
kjo punë për të parë këtë projektligj, në konsultim të vazhdueshëm me zonjën Ekonomi, me mua,
si relator dhe me mirëkuptim shumë të plotë me autorët e ligjit, sidomos me AMF-në dhe me
AKSH-in, u tregua shumë profesionale. Siç do ta shihni nesër preken më shumë se gjysma e
neneve të ligjit, që ato të bëhen më funksionale, aq sa ka qenë e mundur, sepse është më mirë të
kemi një ligj sa më të mirë, dhe në të njëjtën kohë të shtohet një kapitull i domosdoshëm në ligj, i
cili ka 3 nene por 35 pika, me qëllim që meqë është hera e parë, të bëjmë një ligj sa më të mirë.
Cilat janë pyetjet e mia? Nuk është kusht që t’u japin përgjigje sot, pasi mund t’ua dërgoj
edhe me e-mail dhe mund t’i japin edhe nesër në ndryshimet nen për nen. Megjithatë unë dua t’i
falënderoj, se jemi dakordësuar për të gjitha këto ndryshime që do të bëhen nesër.
![Page 15: REPUBLIKA E SHQIPËRISË KUVENDI...Kapitaleve në Autoritetin e Mbikëqyrjes Financiare Violanda Theodhori – Drejtore e Departamentit të Çështjeve Juridike në Autoritetin e Mbikëqyrjes](https://reader035.vdocuments.site/reader035/viewer/2022062610/611282453110406f405c7a27/html5/thumbnails/15.jpg)
15
Pyetja e parë? Si është gjendja aktuale e këtij tregu në vendin tonë? Sa formal apo
informal është? A do të na japë ndokush ndonjë informacion? A ekziston ky treg? Si ekziston? A
ka kompani jo të licencuara që veprojnë? Se këtu del arsyeja pse ne morëm shkak që ta bëjmë
këtë. A duam ta rregullojmë këtë punë? Përmenda disa gjëra nga përvoja. Ishte shumë elegante
ndërhyrja e zëvendësguvernatores që do të ndjekim direktivat, por si është eksperienca e vendeve
të tjera në këtë fushë?
Në dijeninë tonë janë tri shtete, vendet e tjera sa kanë filluar përgatitjen kryesisht në
funksion të rregulloreve që kanë nxjerrë bankat qendrore dhe në funksion të ligjit “Për pastrimin
e parëve”. Çfarë na shtyn ne të jemi kaq të avancuar? Dua të sqarohem për këtë çështje dhe nëse
ka treg të tillë, call center-a të tillë që punojnë fshehurazi, çfarë ka bërë AMF-ja deri tani, apo
kush merret me këtë punë? A ka ndonjë raport për këtë çështje?
Së treti, sa është konsultuar ligji me BSH-në dhe cili është opinioni i bankës?
Zëvendësguvernatorja e tha, megjithatë edhe pse ky është një treg sekondar dhe BSH-ja merret
me ofertën monetare të parasë klasike dhe jo të asaj digjitale, do të duhet një angazhim më i
madh i BSH-së.
E katërta, e thashë edhe gjatë diskutimit, doli edhe këtu, a ka, apo jo direktivë të BE-së në
këtë fushë?
E pesta, a ka ndonjë konsultim me FMN-në dhe cili është opinioni i tyre? A ka konsultim
me BB-në? Cili është opinioni, ose reagimi i tyre?
Ne duhet të vihemi në dijeni si komision, se këto janë institucione financiare. Nga Banka
Qendrore Europiane na thanë se ka pasur një konsulencë me ekspertizë? Cilët ekspertë? Si?
Është kontraktuar? Nga kush? Çfarë asistence tjetër të huaj kemi pasur në hartimin e këtij
projektligji?
Nga teksti i projektligjit, po ta shikoni me vëmendje, duket që disa instrumente si tokena
digjital pagesash, apo shërbimesh, ngjajnë më tepër me diçka që mund t’i përkasë BSH-së, madje
janë disa nene, që e ngarkojnë drejtpërdrejt BSH-në. Kështu që duhet ta shpjegojnë më mirë rolin
që do të ketë BSH-ja edhe për ato nene.
Pyetja tjetër është: a ka kapacitete AMF-ja për ta implementuar ligjin dhe të hartojë
rregulloret e duhura për një mbikëqyrje efektive të këtij tregu kaq të ri?
A i ka AMF-ja sistemet e duhura teknologjike për të mbikëqyrur këtë treg, që në vetvete
mbart shumë risqe?
![Page 16: REPUBLIKA E SHQIPËRISË KUVENDI...Kapitaleve në Autoritetin e Mbikëqyrjes Financiare Violanda Theodhori – Drejtore e Departamentit të Çështjeve Juridike në Autoritetin e Mbikëqyrjes](https://reader035.vdocuments.site/reader035/viewer/2022062610/611282453110406f405c7a27/html5/thumbnails/16.jpg)
16
Çfarë roli do të ketë Drejtoria e Parandalimit të Pastrimit të Parave, duke pasur parasysh
risqet që afrojnë këto transaksione? Nisur nga eksperienca e hidhur e skemave piramidale në
vendin tonë, ne i kemi vënë në ligjin e parandalimit të pastrimit të parave dy nene, por tani që po
bëjmë një ligj të ri dhe kaq të madh, çfarë rolit do të ketë atje?
Pyetja e 13 është: a mendoni që kordinimi midis institucioneve përgjegjëse për zbatimin e
ligjit është i përcaktuar qartë në ligj? Licencat i japin këto dy institucione, 80% e ligjit është për
licencimin dhe nuk themi se kush do t’i japë licencat. Ndoshta ne duhet ta themi në ligj që, për
shembull, një komision i përbërë me 3 veta nga AMF-ja, 1 nga Ministria e Financave, 1 nga
Banka e Shqipërisë dhe 1 nga AKSHI të jetë komisioni që do të bëjë... Do ta caktojmë me
vendim apo do ta caktojmë me rregullore. Do të kuptojmë edhe rolin që kanë institucionet në
këtë çështje dhe përgjegjësitë që do të marrin.
Si do të kryhet klerimi me bankat e nivelit të dytë dhe a është e pranueshme nga bankat
korrespondente të Bashkimit Europian?
Në fund të ligjit u tha që nuk ka efekte financiare. Cilat janë efektet që do të sjellë ky
projektligj në ekonominë e vendit? Sepse, në fund të fundit, ne bëjmë një ligj që të kemi efekt
ekonomik në zhvillimin e vendit, të zhvillimit të tregut sekondar dhe të na japë efekte. A ka
ndonjë parashikim që do të ketë ndonjë efekt?
Sa i mbrojtur është një investitor, i cili i investon paratë e veta? Për këtë do të donim të na
jepni disa detaje se sa të riskuara mund të jenë këto investime.
Pyetja e fundit, e cila lidhet me pyetjen e parë është: a ka kërkesa për licencim për
veprimtarinë, që është objekt i këtij ligji? Nëse po, a mund të informohemi për këto kërkesa, nëse
kanë ardhur nga tregu i brendshëm apo ai i jashtëm? Ne jemi komision që bëjmë një ligj dhe u
japim mundësi atyre të punojnë dhe duhet të kemi një informacion, në mënyrë që të dimë se ku
jemi, nëse ka në treg dhe po e zhvillojnë veprimtarinë në mënyrë të paligjshme. Ne bëjmë shumë
mirë që e miratojmë këtë ligj, në mënyrë që t’i kontrollojmë ata. Nëse tregu ynë është i pastër
nga kjo veprimtari, a ka kërkesa për ta zhvilluar këtë treg?
Në përfundim, para se të fillojmë me ndryshimet, për të cilat jemi dakordësuar, jam
dakord në parim, pasi duhet të miratojmë një projektligj të tillë për ta rregulluar sa më mirë këtë
veprimtari dhe për të mos lejuar risqet që mund t’i ndodhin ekonomisë dhe tregut tonë. Do të
doja që nesër, para fillimit të votimit të neneve, të kisha një përgjigje për pyetjet e bëra.
Faleminderit shumë!
![Page 17: REPUBLIKA E SHQIPËRISË KUVENDI...Kapitaleve në Autoritetin e Mbikëqyrjes Financiare Violanda Theodhori – Drejtore e Departamentit të Çështjeve Juridike në Autoritetin e Mbikëqyrjes](https://reader035.vdocuments.site/reader035/viewer/2022062610/611282453110406f405c7a27/html5/thumbnails/17.jpg)
17
Milva Ekonomi - Faleminderit shumë, profesor, për të gjithë shpjegimin që bëtë për
tregjet financiare të bazuara në teknologjinë e regjistrave të shpërndarë!
Besoj se kjo ishte e mirë për të gjithë kolegët.
Mendoj se duhet të bëjmë edhe një verifikim të prezencës, pasi në mbledhjen e
komisionit na janë bashkuar zoti Xhelilaj, zonja Mesi, zoti Lita dhe zonja Topi.
Mendoj se disa nga pyetjet e bëra sot mund të marrin përgjigje, sepse kam 3 kolegë, të
cilët duan të bëjnë pyetje dhe diskutime, zonjën Topi, e cila do të bëjë një pyetje, zonjën Hyseni
dhe zotin Bushati, që kërkojnë të bëjnë diskutime.
Zonja Mesi dhe zonja Dhima kanë kërkuar fjalën.
Ju lutem, nëse pyetjet tuaja përsërisin ato të zotit Angjeli, tërhiqini nga lista, sepse do t’i
marrë përgjigjet paketa e pyetjeve të zotit Angjeli.
Fjalën e ka zonja Topi.
Suzana Topi- Për sa u përket pagesave digjitale, falë rritjes së transparencës dhe
gjurmueshmërisë së sistemit, sa do të ndikojë ky ligj në luftën ndaj evazionit fiskal dhe
fenomenit të pastrimit të parave?
Në disa vende të Europës autoriteti kompetent teston tregun nëpërmjet një ambienti
testimi me licenca afatshkurtra, ku vlerësohen të gjitha rreziqet dhe problematikat që has tregu
para se të miratohet një ligj. Me miratimin e këtij ligji, sa të mbrojtur janë investitorët, të cilët
janë të ekspozuar ndaj një risku të konsiderueshëm për humbjen e kapitalit të tyre dhe si do të
punohet për ndërgjegjësimin dhe kuptimin e këtyre instrumenteve nga investitorët?
A keni bërë ndonjë përllogaritje se sa më të lira dhe të shpejta do të jenë remitancat, që
shpeshherë transferohen në rrugë joformale nëpërmjet teknologjisë së regjistrave të shpërndarë,
krahasuar me institucionet tradicionale që kryhen tani?
Projekti për kontrollin dhe mbikëqyrjen e tregut financiar virtual kërkon kapacitetet
mbështetëse mbikëqyrëse të autoriteteve përgjegjëse, sa mund të jenë shpenzimet buxhetore në
zbatimin e këtij ligji dhe çfarë efektesh kanë në ekonomi?
Këto ishin pyetjet e mia.
Faleminderit!
Milva Ekonomi - Faleminderit!
Fjala për zonjën Mesi.
Senida Mesi - Përshëndetje të gjithëve!
![Page 18: REPUBLIKA E SHQIPËRISË KUVENDI...Kapitaleve në Autoritetin e Mbikëqyrjes Financiare Violanda Theodhori – Drejtore e Departamentit të Çështjeve Juridike në Autoritetin e Mbikëqyrjes](https://reader035.vdocuments.site/reader035/viewer/2022062610/611282453110406f405c7a27/html5/thumbnails/18.jpg)
18
Në fakt, sikurse e thatë edhe ju, kryetare, shumicën e pyetjeve, që kishin lindur gjatë
leximit të këtij projektligji, e bëri profesor Anastasi, por përsëri nuk e kuptoj se cila është nevoja
e këtij ligji në këtë moment, kur ne kemi kaq shumë pyetje dhe jo shumë nevojë nga tregu për të
rregulluar një gjë të tillë. Në të kundërtën, dua të sugjeroj, po të kisha mundësi do të isha
përfshirë që në momentet e para të hartimit të këtij projektligji, pse nuk bëni një ligj kuadër, i cili
nuk hyn në kaq detaje dhe nuk përfshihemi në shumë risqe dhe shume elemente, ku shumë role
apo detyra të AKSHI-t dhe të AMF-së, nuk janë të përcaktuara?
Pyetja tjetër lidhet me konsultimin në masë të gjerë. A është bërë ndonjë konsultim me
ndonjë institucion, palë të tretë, apo ekspertizë nga Banka Botërore, Fondi Monetar apo
institucion tjetër, i cili ka eksperiencën e tregjeve të tilla?
Pse ky ligj tani? Ku është nevoja, sepse personalisht nuk e gjykoj se ka nevojë?
A mund të bënim në vend të këtij ligji një ligj kuadër, i cili vendos kuadrin ligjor
rregulltiv bazë, ku, në bazë të nevojave, ne mund të hyjmë dhe të dizenjojmë elemente të tjera
dhe konsultimim, i cili është shumë i rëndësishëm?
Ju faleminderit!
Milva Ekonomi - Faleminderit, zonja Mesi, por, me sa kam kuptuar, në fakt, ky që kemi
përpara është një ligj kuadër!
Gjithsesi, ekspertët e hartimit të këtij ligji do të na japin përgjigje.
Zonja Hyseni, fjala është për ju.
Edlira Hyseni - Faleminderit, Kryetare!
Përshëndetje të gjithëve!
Në fakt, ndoqa me shumë interes relacionin që i bëri profesor Angjeli ligjit. Në fakt, siç e
tha edhe ai, edhe ne jemi të ndërgjegjshëm se ky është një ligj mjaft kompleks, mjaft teknik,
tepër inovator edhe për njohuritë joelementare që kemi të gjithë në fushën e financës. Megjithatë,
jam përpjekur, edhe pa konsulencë specifike, ta kuptoj e ta lexoj ligjin dhe relacionet që e
shoqërojnë, si dhe mjaft materiale, që gjenden dhe në internet dhe po përpiqemi ta kuptojmë
bashkë dhe të nxjerrim ato gjëra, shumicën e së cilave i tha profesori dhe nuk dua t’i përsëris. Do
të përpiqem të kaloj ato pika që u thanë dhe të ndalem tek ato që më kanë ngelur ende për pyetje.
Atëherë, edhe unë nisem nga fakti, që është thelbësori, që ky ligj rregullon dhe lejon një
treg mjaft specifik, që është tregu financiar i aktiveve virtuale, që janë tituj e monedha digjitale
apo virtuale, se mund të përdoret i njëjti term. I gjithë thelbi i këtij ligji dhe i këtij tregu është tek
![Page 19: REPUBLIKA E SHQIPËRISË KUVENDI...Kapitaleve në Autoritetin e Mbikëqyrjes Financiare Violanda Theodhori – Drejtore e Departamentit të Çështjeve Juridike në Autoritetin e Mbikëqyrjes](https://reader035.vdocuments.site/reader035/viewer/2022062610/611282453110406f405c7a27/html5/thumbnails/19.jpg)
19
ajo fjalia që e tha ministrja dhe, sipas gjykimit tim, ky është një treg që mund të aksesohet nga të
gjithë, por nuk mund të kontrollohet nga askush. Pikërisht, edhe specifika, edhe inovacioni dhe
rreziku i këtij tregu qëndron këtu: aksesohet nga të gjithë, por nuk kontrollohet nga askush. Në
fakt, është një lloj, i cili, për herë të parë në histori, ka mundësuar transaksionet në distancë midis
personave pa ndërmjetësinë e institucioneve të tjera që garantojnë, rregullojnë apo monitorojnë,
siç janë bankat apo sistemet e tjera ndërmjetëse, por, për specifikën që ka, ai garanton edhe
anonimitetin. Ai ka një nivel të lartë të privatësisë së përdoruesve të këtyre transaksioneve,
blerës, shitës, investitorë e të tjerë, sepse personat identifikohen nëpërmjet kodeve apo adresave
specifike dhe jo të dhënave të tyre individuale. Pikërisht në anonimitetin që ky lloj tregu dhe këto
lloj transaksionesh ofrojnë qëndron dhe rreziku. Cili rrezik? Ky treg, që ne duam të disiplinojmë
sot ose të implementojmë sot me këtë ligj, ka dy rreziqe të mëdha të njohura botërisht: i pari
është evazioni fiskal dhe pamundësia e sigurimit të të ardhurave në buxhetin e shtetit nga taksimi
i transaksioneve që kryhen, i dyti është mundësia e riciklimit dhe e pastrimit të parave dhe
përdorimi i tregut të zi. Këto dy rreziqe njihen, prandaj është një ligj, që është implementuar në
pak vende në botë, ku edhe në relacion referohen Malta dhe Franca. Duhet të themi që Franca e
ka futur në qershor të vitit 2019. Kështu që kemi një eksperiencë shumë të afërt të Francës për të
gjykuar nëse është i suksesshëm. Mbështetur gjithmonë në relacionin që ju keni shoqëruar,
ministria apo autoritetet që kanë prezantuar relacionin, elementet kryesore që në relacion më
tërhoqën vëmendjen janë: vetë relacioni thotë që shumica e vendeve në Europë dhe më tutje kanë
implementuar, së pari, rregullore të posaçme për testimin e tregut për të evidentuar dhe për të
vlerësuar rreziqe dhe problematika që has ky treg, para se të kalojnë në një ligj kombëtar.
Kuptohet që kjo lidhet me rëndësinë dhe kompleksitetin e këtij tregu. Në botë është gjykuar që të
nisë gradualisht, si një proces që kalon në disa faza. Pse nuk e nisim ne me një zhvillim të tillë, si
shumica e vendeve në Europë, nëpërmjet rregulloreve, testimeve të tregut e të tjera, por bëjmë të
domosdoshëm një ligj që miraton dhe e lejon këtë lloj tregu menjëherë! Vetë ESMA, Autoriteti
Europian i Titujve dhe Tregjeve, edhe sipas relacionit, shprehet se janë konstatuar skema të
shumta mashtrimi në këtë lloj tregu dhe rreziku është i lartë. Duhet të kemi parasysh, dhe besoj
se e dini të gjithë, që shumë vende në botë e kanë ndaluar me ligj këtë lloj tregu dhe këto lloje
transaksionesh të monedhave virtuale apo titujve virtualë. E tillë është Kina, që ka qenë ndër
pararojat në fillim, por sot e ka të ndaluar me ligj dhe shumë vende të tjera. Duket që është një
treg që po spostohet më shumë në Rusi, e cila duket që do të jetë qendra dhe selia e ardhshme e
![Page 20: REPUBLIKA E SHQIPËRISË KUVENDI...Kapitaleve në Autoritetin e Mbikëqyrjes Financiare Violanda Theodhori – Drejtore e Departamentit të Çështjeve Juridike në Autoritetin e Mbikëqyrjes](https://reader035.vdocuments.site/reader035/viewer/2022062610/611282453110406f405c7a27/html5/thumbnails/20.jpg)
20
zhvillimit të këtij lloji tregu. Është një ligj i cili synon, siç thuhet edhe në relacion,
implementimin e aftësive mjaft të kualifikuara të kapaciteteve njerëzore. Madje, parashikohen që
të punësohen të huaj, përveçse njerëzve që ne mund të kemi, që të bëjnë të mundur zbatimin e
këtij ligji. Pra, tregu ynë, edukimi ynë financiar dhe njohuritë e Shqipërisë janë ende shumë larg
për të njohur tregjet normale financiare apo tregjet e kapitalit që diskutuam më parë, jo më për të
arritur në tregjet e monedhave apo aktiveve apo virtuale.
Ky lloj tregu, me aq sa kam konstatuar, në fakt, ka një rënie. Ka nisur në vitin 2009 me
Bitcoin, pra memonedhën e parë virtuale, ka pasur zhvillimin e saj në vitin 2017 me 800 miliardë
dollarë, por aktualisht në vitin 2020 konsiderohet të ketë një rënie të konsiderueshme dhe të
vazhdueshme të kapitalizmit të këtyre tregjeve. Pra, është një treg që nuk ka funksionuar ashtu
siç u mendua, pikërisht për rreziqet e larta dhe për nivelin e lartë të kualifikimit dhe aftësive që
kërkon. Pse ne duhet të hyjmë sot në këtë treg kur, me sa duket, edhe vetë bota po tërhiqet nga
implementimi dhe lejimi i këtij lloj tregu?
Kisha një pyetje në lidhje me relacionin që shpjegon ligjin, i cili është i paqartë. Në
relacion thuhet që në krerët IV, V, VI dhe VII flitet për aspekte tatimore, kontabël, për tatimin
mbi të ardhurat, pra flet për gjëra të rëndësishme, të cilat mua nuk më rezultojnë. Këto janë hequr
nga ligji, kanë qenë të parashikuara dhe janë hequr, apo relacioni ka pasaktësi? Asgjë nuk gjeta
në ligj në lidhje me tatimin mbi të ardhurat, në lidhje me aspektet tatimore e të tjera. Relacioni
ose është i pasaktë ose në ligj është fshirë kjo pjesë. Këtu qëndron edhe një pyetje: cilat janë të
ardhurat ose përfitimet që ka buxheti i shtetit përveç tarifave që parashikohen të jenë tarifat për
aplikimin e licencave, autorizimet që kanë nevojë bursat apo ndërmjetës të tjerë? Pra, përveç të
ardhurave nga tarifat, si është parashikuar taksimi nga këto transaksione financiare në këto
tregje?
Ligji rregullon bursat e centralizuara dhe të decentralizuara nëpërmjet licencimit të tyre
me tri lloj licencash A, B dhe C. C-ja lejon më shumë, sepse flitet edhe për bursat e centralizuara.
Nëse me këtë ligj ne lejojmë, monitorojmë dhe rregullojmë të gjitha veprimet dhe transaksionet
financiare në tituj apo monedha virtuale, që zhvillohen brenda bursave të licencuara, qoftë
kategoria A, B apo C, ne po lejojmë dhe është krejt e mundur kryerja e këtyre transaksioneve
financiare në botën virtuale edhe jashtë këtyre bursave, por si i monitorojmë dhe i kontrollojmë
ne ato? Në fakt, pika “ç” e nenit 33 thotë: “Për ofertat fillestare të tokeneve dixhitale (duhet të
themi se ato janë për pagesa, tituj, shërbime dhe asete) vlera e të cilave është deri në 8 milionë
![Page 21: REPUBLIKA E SHQIPËRISË KUVENDI...Kapitaleve në Autoritetin e Mbikëqyrjes Financiare Violanda Theodhori – Drejtore e Departamentit të Çështjeve Juridike në Autoritetin e Mbikëqyrjes](https://reader035.vdocuments.site/reader035/viewer/2022062610/611282453110406f405c7a27/html5/thumbnails/21.jpg)
21
euro ky ligj nuk zbatohet”. Pra përjashtohet nga zbatimi i këtij ligji. Çfarë do të thotë
transaksionet financiare në vlerë 8 milionë euro? Gjithmonë flasim për këto virtualet, pra për të
njëjtin lloj tregu. Nëse ato nuk i përfaqëson ky ligj, si do të monitorohen; kush i disiplinon deri
në 8 milionë euro dhe pse është zgjedhur kufiri 8 milionë euro? Çfarë do të thotë 8 milionë euro?
Milva Ekonomi – Të lutem, zonja Edlira, dua të ndihmoj diskutimin, sepse po shikoj që
një pjesë e diskutimeve janë për diskutimin nen për nen. Të lutem, përmblidhi pyetjet te
diskutimet në parim, më pas nen për nen i kalojmë të tjerat. Në fakt, edhe për diskutimet besoj se
shpjegimi që bëri profesor Agjeli ishte shpjegues për kuptimin e ligjit dhe na ndihmoi të gjithëve
për ta kuptuar. Nesër do të kemi përsëri diskutime për këtë, por sot të fokusohemi te këto.
Edlira Hyseni – E anashkalova profesorin, e mora parasysh. Po përpiqemi ta kuptojmë
bashkërisht ligjin, sepse është mjaft kompleks dhe, nëse nuk e kuptojmë ne këtu, mendoni
qytetarët apo investitorët e vegjël apo përdoruesit e zakonshëm; ose ky ligj bëhet për 5 veta, se,
nëse bëhet për qytetarët, është mirë të kuptojmë atje ku jemi të paqartë. Nëse nuk e kuptojmë ne,
nuk e di si do ta kuptojnë jashtë. Prandaj po përpiqem të ndalem atje ku konstatova që relacioni
me ligjin nuk kanë të njëjtin informacion.
Milva Ekonomi – Kjo ishte një pyetje shumë e mirë. Mos u mërzit për edukimin qytetar,
sepse Banka e Shqipërisë e mori përsipër edukimin qytetar.
Edlira Hyseni – E kisha te pyetjet, por e hoqa.
Kam diçka: në relacion i referoheni si motiv shpjegues për nevojën e këtij ligji sërish
faktit të emigrantëve dhe të remitancave. Këtë shpjegim për këtë lloj tregu kaq specifik mund ta
evitojmë, sepse nuk më bind që vëllezërit dhe motrat tanë emigrantë kanë hallin e implementimit
të një ligji virtual, të transaksioneve virtuale. Kështu që ky shpjegimi më duket pak si jashtë...
Ky ligj nuk ka përafrim me direktivat e BE-së, këtë e tha edhe profesori dhe duhet të jetë
kështu, sepse nuk rezulton gjëkundi. Në relacion nuk është shprehur: a ka qenë ky ligj pjesë e
projektakteve të parashikuara për vitin 2020? Këtu dua të bëj një lidhje me dy ligjet e miratuara
për tregjet kapitale dhe për sipërmarrjen e investimeve kolektive. Më bëri përshtypje një fakt: kur
miratuam dhe kaluam për diskutim dy ligjet për tregjet kapitale dhe për sipërmarrjen e
investimeve kolektive, u tha se procedura e përshpejtuar që u ndoq për ato dhe rëndësia e
miratimit të tyre...
Milva Ekonomi – Të lutem, nuk ishte procedurë e përshpejtuar, se ne e kemi pasur në
kalendar atë dhe ka rënë dakord Konferenca e Kryetarëve.
![Page 22: REPUBLIKA E SHQIPËRISË KUVENDI...Kapitaleve në Autoritetin e Mbikëqyrjes Financiare Violanda Theodhori – Drejtore e Departamentit të Çështjeve Juridike në Autoritetin e Mbikëqyrjes](https://reader035.vdocuments.site/reader035/viewer/2022062610/611282453110406f405c7a27/html5/thumbnails/22.jpg)
22
Edlira Hyseni – Shpjegimet që u kemi bërë atyre ligjeve i kemi lidhur me nevojën dhe
me një kërkesë të Bankës Botërore për një kredi të mundshme që do të merrej. Në fakt, në këtë
ligj gjejmë nenet 34 dhe 35 që lidhen me ato dy ligje. Ato dy ligje u miratuan, sepse janë të
domosdoshme, përpara se ta miratojmë këtë ligj, apo janë të pavarura nga ky ligj, pra, ka qenë e
nevojshme pavarësisht këtij ligji? Për momentin këto pyetja kam. Nëse do të kem të tjera, do
t’jua bëj.
Faleminderit!
Milva Ekonomi – Faleminderit, zonja Hyseni!
Zonja Dhima, fjala është për ju.
Antoneta Dhima – Përshëndetje të gjithëve!
Faleminderit, zonja kryetare!
Falënderoj ministren Denaj për prezantimin e këtij projektligji!
Falënderoj edhe përfaqësuesit e AMF-së, të AKSH-it dhe të Bankës së Shqipërisë për
prezantimin e projektligjit! Falënderoj edhe relatorin, zotin Angjeli, për prezantimin shterues!
Personalisht, e vlerësoj dhe jam pro miratimit të këtij projektligji, pasi rregullimi i këtij
sektori do të mbrojë investitorët potencialë shqiptarë nga përfshirja në ndonjë skemë të
mundshme mashtrimi, si dhe transformon në mënyrë të shpejtë tablonë e tregjeve financiare për
investitorët në treg dhe për ofruesit e infrastrukturës së tregjeve.
Në fakt, kisha disa pyetje, por u përfshinë nga relatori.
Kam vetëm dy pyetje.
Së pari, çfarë është teknologjia e regjistrave të shpërndarë dhe si ndryshon ajo në
krahasim me regjistrat e centralizuar?
Aktualisht ekzistojnë disa ligje, të cilat rregullojnë sistemin financiar në Shqipëri, por
asnjëri prej tyre nuk u përshtatet specifikave financiare të bazuara në teknologjinë e regjistrave të
shpërndarë, si rrjedhojë mbetet i paregjistruar.
Me miratimin e këtij projektligji, a do të zgjidhen problemet e hasura deri tani në tregjet
financiare?
Faleminderit!
Milva Ekonomi – Faleminderit, zonja Dhima!
Fjalën e ka zoti Bushati.
Ervin Bushati – Faleminderit, zonja kryetare!
![Page 23: REPUBLIKA E SHQIPËRISË KUVENDI...Kapitaleve në Autoritetin e Mbikëqyrjes Financiare Violanda Theodhori – Drejtore e Departamentit të Çështjeve Juridike në Autoritetin e Mbikëqyrjes](https://reader035.vdocuments.site/reader035/viewer/2022062610/611282453110406f405c7a27/html5/thumbnails/23.jpg)
23
Në fakt, diskutimi dhe prezantimi që i është bërë projektligjit mendoj se është në
funksion dhe në logjikën e një iniciativë që kemi ndërmarrë jo vetëm prej kontekstit, por edhe
për shkak të kësaj situate ku po përpiqemi të rrisim ekonominë dhe financat publike. Në qoftë se
nesër marrim një përgjigje të plotë të të gjithë pyetjeve, që profesor Angjeli me të drejtë i
përmblodhi, do të ishte shumë e mirëpritur. Dua të shtoj vetëm diçka: përveç aspektit financiar
dhe konceptit të zhvillimit të kësaj monedhe apo monedhave, sepse është një koncept i tërë, është
edhe procesi teknologjik i data mining, i krijimit të sistemit në vetvete, ku edheajo është një
minindustri në të vetën apo janë mekanizma se si funksionon e gjithë kjo? Edhe kjo industri në
vetvete kërkon një rregullim, është një industri e vogël, por jo e papërfillshme, e cila, sidomos në
zonat ku përdoret, ka një konsum të lartë të energjisë elektrike dhe një sistem tjetër rregullator,
që ka të bëjë me vendin ku vihet, masat mbrojtëse, ndryshimet në çmime ose jo. Unë do të doja
që edhe kjo pjesë e datamine-t, e cila në vetvete do të kërkojë edhe një mbikëqyrje të dyfishtë
nga AKSHI apo sisteme të tjera si AMF-ja dhe Banka e Shqipërisë, të përfshihet si pjesë e një
strukture mekanike, por që është pjesë përbërëse e kësaj të madhes. Për të gjitha këto do të doja
të merrja një përgjigje ndoshta nesër, kur të jeni gati.
Në parim jemi dakord, pasi vjen në një moment të përshtatshëm, kur çdo vlerë e shtuar në
kapital, në ekonomi dhe në financa publike është më se i mirëpritur. Jo vetëm këtu, por në të
gjitha vendet e botës sot po bëhet gjithçka që të rritet ekonomia, duke i dhënë një shtysë të re
biznesit dhe financave publike dhe private. Mendoj se si komision, këtu ftoj edhe opozitën që të
jemi në një mendim, të shtojmë kapacitetin në ekonominë dhe financat tona.
Faleminderit!
Milva Ekonomi – I ftoj të gjithë përfaqësuesit e Bankës së Shqipërisë, Autoritetit të
Mbikëqyrjes Financiare dhe Agjencisë Kombëtare të Shoqërisë së Informacionit që për pyetjet
që kanë karakter të përgjithshëm, jo për ato që kishin lidhje me situatën e neneve të caktuara, të
japin një përgjigje sot dhe nesër, kur të fillojmë diskutimin nen për nen, të fillojmë me përgjigjen
e atyre pyetjeve.
Zoti Angjeli e ndau këtë në fjalën e tij, prandaj do t’ju lutesha shumë që të filloni me
përgjigjet për karakterin e përgjithshëm të këtij projektligji!
Zonja Denaj, fjala për ju.
Anila Denaj – Faleminderit!
![Page 24: REPUBLIKA E SHQIPËRISË KUVENDI...Kapitaleve në Autoritetin e Mbikëqyrjes Financiare Violanda Theodhori – Drejtore e Departamentit të Çështjeve Juridike në Autoritetin e Mbikëqyrjes](https://reader035.vdocuments.site/reader035/viewer/2022062610/611282453110406f405c7a27/html5/thumbnails/24.jpg)
24
Mendoj se dita e sotme dhe e nesërme janë të pamjaftueshme për të shkuar tek të gjitha
detajet teknike, megjithatë besoj se të gjitha palët dhe ekipet janë të angazhuara dhe diskutimi
nen për nen, ashtu siç e tha edhe zoti Angjeli, që është dakordësuar paraprakisht për një
ndërhyrje në një numër të konsiderueshëm të neneve brenda ligjit, është një punë paraprake që
duhet vlerësuar dhe duhet mirëpritur.
Ndërkohë, në parim, më lejoni të kthehem pak pas në kohë dhe t’ju them se ky është një
projektligj që nuk është në projektaktet dhe në planet e qeverisë. Gjithashtu, më lejoni t’ju kujtoj
se të gjitha ligjet që lidhen me institucionet si AMF-ja apo Bankën e Shqipërisë nuk janë në
projektaktet që i janë parashikuar qeverisë, megjithatë kjo nuk na ka penguar, sidomos për ligjet
që po punojmë ngushtësisht këtë javë, të mos punojmë për të përmirësuar kuadrot rregullatorë
apo për të hapur hapësira dhe oportunitete të tjera për tregjet financiare apo integritetet e tyre.
Puna për këtë ka nisur që herët me diskutimet teknike në Ministrinë e Financave, që në
muajin tetor të vitit të kaluar dhe në muajin nëntor është bërë edhe konsultim publik. Vlen të
referoj edhe një pjesë të rëndësisë që 3-mujori i fundit i vitit të kaluar pati, ku të gjitha palët,
duke përfshirë bankën qendrore me përfaqësuesit e saj, AMF-në me përfaqësuesit e saj dhe i
gjithë sektori financiar janë përfaqësuar në nivelin e drejtuesve të tyre në një konsultim publik,
ku kanë marrë pjesë edhe përfaqësues të institucioneve të tjera, si dhe të grupeve të interesit në
debate disaorëshe për diskutimin dhe konsultimin në parim të këtij ligji.
Nuk mund të themi që konsultimi publik ka munguar, por sigurisht për arsye teknike dhe
për nevojën për ta shpjeguar më tepër novacionin është e nevojshme të informohet më shumë i
gjithë grupi i interesit, përfshi këtu individët dhe sipërmarrjet, por nuk mund ta ekskludojmë në
këtë mënyrë mungesën e konsultimit publik i bërë në nëntor të vitit të kaluar.
Nuk është direktivë e BE-së, por kjo përsëri nuk mund të na pengojë ne të bëjmë ligje, të
cilat duhen në një vend. Për t’i dhënë përgjigje edhe zotit Angjeli, dua t’ju them se është një ligj,
i cili rregullon një kuadër të një veprimtarie që kërkon në mënyrë të disiplinuar, si në aspektin e
sistemeve, edhe të procedurave, një vëmendje të shtuar. Për këtë arsye jam shumë e hapur që të
gjitha ato nene që përcaktojnë më qartë rolin e AKSHI-t apo të AMF-së, duke mos lejuar në
asnjë mënyrë veprime automatike, por që më shumë i përshkallëzojnë këto veprime aktuale të
licencimit, t’i shohim e t’i përmirësojmë në mënyrë që ky kuadër rregullator të jetë më i plotë.
Gjithsesi, ky është një kuadër rregullator që, në një mënyrë apo në një tjetër, nuk lidhet
domosdoshmërish me ekzistencën e operacioneve informale. Dua t’ju theksoj se ne si Ministri e
![Page 25: REPUBLIKA E SHQIPËRISË KUVENDI...Kapitaleve në Autoritetin e Mbikëqyrjes Financiare Violanda Theodhori – Drejtore e Departamentit të Çështjeve Juridike në Autoritetin e Mbikëqyrjes](https://reader035.vdocuments.site/reader035/viewer/2022062610/611282453110406f405c7a27/html5/thumbnails/25.jpg)
25
Financave nuk e kemi një informacion të tillë, por nëse AMF-ja e disponon një informacion të
tillë, ajo është e hapur për ta komunikuar me të gjitha palët.
Mendoj se një kuadër ligjor, që përmirëson veprimtarinë, e cila mund të jetë atraktive si
për sipërmarrjen e huaj, edhe atë vendase, nuk është keq që të ekzistojë. Ky ligj nuk ka lidhje
dhe varësi, zonja Hyseni, me ligjet që ne pamë pak më parë, sepse ne na duhet një financim prej
80-milionë- dollarësh këtë vit, por janë ligje për të cilat jemi marrë vesh me Bankën Botërore,
pra tre ligjet që u miratuan në parlament para 2 vjetësh.
Ne duhet të kuptojmë që edhe asistenca e Bankës Botërore, edhe puna e ekipeve tona
teknike nuk mund të zgjasë më shumë se një periudhë optimale për të konsoliduar një projektligj,
i cili do të sjellë sigurisht, të gjithë jemi të ndërgjegjshëm, një përmirësim të dukshëm në
aspektet e diversifikimit të mundësive. Sot, prej shumë vitesh, e vetmja mundësi financimi apo
alternativë është ose sistemi bankar nëpërmjet depozitave, ose elemente kufizuese në ato që janë
kompanitë e sigurimit. Të diversifikosh tregun, të ruash mundësinë për të sjellë instrumente të
rinj, por njëkohësisht të rrisësh edhe rolin mbikëqyrës të AMF-së, është një moment shumë i
rëndësishëm për ta çuar para. Ky ligj nuk ka ndërvarësi me tre ligjet e mëparshme, sikurse ato tre
ligje nuk kishin domosdoshmërish nevojë për t’u lidhur thjesht dhe vetëm me një nevojë
likuiditeti, janë thjesht ligje që pas një pune 2-vjeçare duhet të shkojnë para ose të marrim një
vendim, por në vend nuk mund të rrimë.
Së fundi, një pyetje me shumë vend, për këtë dua ta falënderoj profesor Angjelin, sepse
në raport me këto tre ligje edhe vetë e kam shtruar këtë pyetje. Roli i AMF-së është kyç dhe
kështu duhet të jetë. Por a jemi ne sot gati edhe me sisteme, edhe me struktura në burime
njerëzore? Nuk jemi! A mund të jemi? Sigurisht, që po!
Pra, në momentin që ky ligj apo ligjet e tjera bëhen obliguese për AMF-në për të filluar
dhe për të ndërtuar kapacitete të një organizimi ndryshe, sigurisht AMF-ja pas këtyre ligjeve jo
pak të rëndësishme do të duhet ta organizojë jo thjesht në një kontekst numri, por cilësie, ashtu
sikurse nga kolegët e nderuar që mbrojnë ligjet këtu, të cilët i falënderoj edhe për aftësitë e tyre
teknike, të kemi sa më shumë si ta për të na ndihmuar në të ardhmen.
Sigurisht, edhe për AKSHI-n do të jetë e nevojshme që të na ndihmojë në aspektin teknik
dhe në çfarë do të kemi të nevojshme në optimizimet e mëtejshme. Këtë do ta shohim si një
proces që fillon pas aprovimit të ligjit dhe do të ketë një periudhë optimale për ta aplikuar. E
![Page 26: REPUBLIKA E SHQIPËRISË KUVENDI...Kapitaleve në Autoritetin e Mbikëqyrjes Financiare Violanda Theodhori – Drejtore e Departamentit të Çështjeve Juridike në Autoritetin e Mbikëqyrjes](https://reader035.vdocuments.site/reader035/viewer/2022062610/611282453110406f405c7a27/html5/thumbnails/26.jpg)
26
rëndësishme është që kjo të mos shihet si një limitim, sepse koha në të cilën ne jetojmë sot nuk
ka mundëson zhvillime inovative.
Në mbyllje dua t’ju them se në diskutimet nen për nen mund të kemi edhe ndryshime të
mëtejshme nga ajo çfarë është rakorduar, por e gjithë kjo në funksion të një ligji të mirë, që
rregullon dhe certifikon në mënyrë konsekutive të gjithë procesin inovator që përmenda pak më
parë.
Faleminderit!
Milva Ekonomi – Faleminderit!
Niko, si përfaqësues i AMF-së, fjala për ju.
Niko Kotoniko – Ju falënderoj për të gjitha pyetjet që u bënë, të cilat ishin me shumë
vlerë dhe të duhura!
Dua t’ju them se pjesa më e madhe e pyetjeve u ezauruan nga përgjigjet që dha zonja
Denaj. Në lidhje me pyetjet e profesor Angjelit do të mundohem t’ju jap sa më shumë që të kem
mundësi përgjigje deri nesër përpara votimit nen për nen.
Gjithashtu, dua t’ju sqaroj se teknologjia e regjistrave të shpërndarë është një teknologji e
re. Po ashtu, një pyetje kishte të bënte me faktin se çfarë ndryshimi sjell teknologjia e regjistrave
të shpërndarë me teknologjinë e regjistrave të centralizuar. Për ta shpjeguar në vija të
përgjithshme, dua t’ju them se teknologjia e regjistrave të shpërndarë bazohet në vetë fjalën që
thuhet “regjistra të shpërndarë” në shumë nyje të një sistemi, i cili verifikon automatikisht
transaksionet që ndodhin në njërën nyje, pra nëse njëra prej nyjeve ka kryer një transaksion, ajo
do të verifikohet njëkohësisht në të gjitha nyjet e tjera. Çelësi i suksesit i kësaj teknologjie është
se të gjitha këto nyje nuk kanë lidhje me njëra-tjetrën, pra janë të pavarura.
Po marr si shembull Bitcoin-in, janë ato që quhen miners ose ata që bashkëpunojnë për të
operuar algoritmin që vë në funksionim kriptomonedhën coin, e cila ndryshon nga regjistri i
centralizuar. Për këtë po ju jap një shembull në lidhje me regjistrin e centralizuar, siç është
sistemi RTGS që operohet nga banka qendrore, ku çdo veprim që kryhet nga bankat e nivelit të
dytë, për shembull, nëse një klient transferon para nga njëra bankë A në bankën B, ky veprim
pasqyrohet në RTGS, duke debituar dhe kredituar llogarinë përkatëse të bankave dhe verifikimin
e saktësisë së veprimit e kryen regjistri qendror, pra në këtë rast e kryen banka qendrore.
Regjistri qendror ose regjistri i centralizuar ka nevojë për një autoritet qendror që të
verifikojë dhe të certifikojë transaksionet, ndërsa në rastin e regjistrave të shpërndarë ky element
![Page 27: REPUBLIKA E SHQIPËRISË KUVENDI...Kapitaleve në Autoritetin e Mbikëqyrjes Financiare Violanda Theodhori – Drejtore e Departamentit të Çështjeve Juridike në Autoritetin e Mbikëqyrjes](https://reader035.vdocuments.site/reader035/viewer/2022062610/611282453110406f405c7a27/html5/thumbnails/27.jpg)
27
nuk kryhet, sepse është një proces që kryhet automatikisht nga miliona nyje, të cilat nuk kanë
lidhje me njëra-tjetrën. Pra, nëse ndodh një gabim te njëra nyje, atëherë veprimi thjesht nuk do të
certifikohet, nuk do të kryhet. Kjo është një teknologji e re. Këtu mund t’ju përmend edhe
shpikjen e atyre të ashtuquajturave Raven Smart Contracts, që janë kontratat e zgjuara, siç
përmenden edhe në ligj. Smart Contracts u përdorën për herë të parë në block share-n e
Etherium-it dhe mundësuan që Smart Contracts të modifikoheshin në atë mënyrë që t’i lejonin
emetuesit të krijonin një instrument të ri. Këtu kemi lindjen e të ashtuquajturës security stoke an
offering ose initial going offers. Sigurisht, që ICO-të që janë sot në botë bazohen kryesisht në
teknologjinë e Etherium-it dhe kjo është një mundësi ekstra për shoqëritë tregtare, për të emetuar
tituj në formën e një instrumenti të ri teknologjik, i cili më vonë mund të ketë një zhvillim shumë
të madh.
Për sa i përket pyetjes nëse ka pasur ndonjë aktivitet të jashtëligjshëm në Shqipëri, dua
t’ju them se deri tani nuk kemi pasur ndonjë informacion në lidhje me përhapjen masive të këtij
fenomeni. Shtete të tjera kanë pasur problematika të ndryshme, por kryesorja është që
pavarësisht se shumë prej ICO-ve, STO-ve, të cilat mund të dalin që janë mashtruese ose
piramidale në një moment, pa diskutim, pasi kjo është një teknologji e re, e cila shfrytëzohet si
duhet, por mund të shfrytëzohet edhe në mënyrë jo të duhur, pikërisht ky ligj është hartuar që ta
adresojë këtë pjesë të problematikës si pjesë të rrezikut, duke kërkuar në radhë të parë hartimin e
një prospekti në lidhje me STO-të. Të gjitha STO-të dhe të gjitha token-at digjitale të titujve janë
subjekt i ligjit “Tregjet e kapitalit”, ku ka kërkesa rigoroze në lidhje me manipulimin e tregut,
tregtimin e informacionit të privilegjuar, mospërdorimin e fondeve sipas prospektit dhe shumë
dispozita të tjera, duke përfshirë edhe sanksionet. Token-at digjitale, të cilat nuk janë token-a
digjitale të titujve, të cilat ndryshe quhen ICO, rregullojnë atë pjesë që duhet, pasi këto nuk mund
të konsiderohen si instrumente financiare.
Kjo ka të bëjë me atë që ne e kemi quajtur relacion prezantues, e cila është diçka e
ngjashme me prospektin. Ky lloj aktiviteti në lidhje me dispozitat për mbrojtjen e investitorit
kërkon edhe ekzistencën e një kujdestari të palëve të treta, në qoftë se është i centralizuar; nëse
është i decentralizuar investitori e ka vetë çelësin privat, pra kështu që nuk kemi kujdestar të
palëve të treta. Ky ligj i adreson të gjitha këto problematika.
Sigurisht që ky aktivitet ka risqe, prandaj ky projektligj është bërë për t’i adresuar të
gjitha këto risqe. Kjo është një teknologji e re dhe askush nuk mund ta parashikojë se çfarë mund
![Page 28: REPUBLIKA E SHQIPËRISË KUVENDI...Kapitaleve në Autoritetin e Mbikëqyrjes Financiare Violanda Theodhori – Drejtore e Departamentit të Çështjeve Juridike në Autoritetin e Mbikëqyrjes](https://reader035.vdocuments.site/reader035/viewer/2022062610/611282453110406f405c7a27/html5/thumbnails/28.jpg)
28
të ndodhë nesër. Kështu që do të ketë një nevojë të përpjesëtimit të vazhdueshëm duke filluar
nga praktika dhe nga implementimi, pra mënyra se si do të implementohet dhe, në qoftë se del
ndonjë problematikë, të përmirësohet në të ardhmen.
Teknologjia e re zhvillohet shumë shpejt dhe nuk pret, pra është një teknologji që ecën
me ritme shumë të shpejta. Deri para disa vjetësh kjo shihej si një teknologji shumë e
rrezikshme, më pas vendet e tjera filluan të aplikojnë sistemin dhe të mendonin për ta rregulluar.
Një pyetje që u bë këtu, me të drejtë, kishte të bënte me të ashtuquajturat sandbox-e ose
ambientet e testimit, nëse ia vlente që ta bënim edhe ne ambientin e testimit, që në fillim të
testojmë dhe më pas të bëjmë projektligj. Kjo sigurisht mund të ishte një zgjidhje, por aktualisht
ligji për AMF-në dhe ligjet e tjera që kemi nuk na e lejojnë që të implementojmë sandbox-e pa
pasur një aktivitet të rregulluar me ligj.
Pra, siç jua thashë, ky është një ligj, suksesin e të cilit do ta tregojë koha. Nga
implementimi mund të dalin edhe gjëra të reja, të cilat do të kërkojnë përmirësim të
vazhdueshëm.
Sa i takon pjesës së investimit për kapacitete, do të jetë e nevojshme të investojmë edhe
në kapacitete, kjo është diçka që nuk diskutohet në të ardhmen.
Në relacion është përshkruar se cilat aspekte, cilat risqe apo cilat...
Milva Ekonomi – Ju lutem, mos na bëni përshkrim të relacionit, por përgjigjuni pyetjes
që bëri zonja Hyseni në lidhje me relacionin dhe kapitujt në...
Niko Kotonika – Sa i takon pyetjes së zonjës Hyseni, që lidhej me taksimin, do ta
shohim dhe do t’ju japim një përgjigje nesër.
Milva Ekonomi – Niko, a ke çështje të tjera për të shtuar?
Niko Kotonika – Nuk kam.
Milva Ekonomi – Fjalën po ia jap zonjës Karçanaj, për të na thënë diçka në lidhje me
diskutimin në parim.
Mirlinda Karçanaj – Faleminderit, zonja kryetare!
Falënderoj edhe profesorin për relacionin shumë të hollësishëm!
Kisha një përgjigje paraprake për pyetjen që lidhej me AKSHI-n. AKSHI është një
institucion varësie i Kryeministrit, por në rastin konkret Kryeministri nuk angazhohet si
institucion kushtetues, por angazhohet AKSHI si një institucion thellësisht teknik lidhur me
pjesën teknologjike. Çdo veprim i AKSHI-t këtu, siç thashë, është thellësisht teknik dhe do të
![Page 29: REPUBLIKA E SHQIPËRISË KUVENDI...Kapitaleve në Autoritetin e Mbikëqyrjes Financiare Violanda Theodhori – Drejtore e Departamentit të Çështjeve Juridike në Autoritetin e Mbikëqyrjes](https://reader035.vdocuments.site/reader035/viewer/2022062610/611282453110406f405c7a27/html5/thumbnails/29.jpg)
29
jetë shumë i qartë në pjesën e rregulloreve të përbashkëta apo akteve të tjera nënligjore që do të
kontrollojë AKSHI.
Lidhur me pjesën e tregjeve financiare AKSHI nuk do të ketë asnjë lloj ndikimi, pasi atë
e ka AMF-ja dhe Ministria e Financës. Procedurat e AKSHI-t lidhur me kontrollin teknologjik të
sistemeve të procedurës do të jenë procedura teknike, që mbeten të tilla edhe si rezultat i
funksionit të AKSHI-t.
Jam shumë dakord me ministren. Edhe ne jemi shumë të hapur që miratimi në heshtje të
konsiderohet, sepse nëse komisioni vlerëson që miratimi në heshtje nuk është i domosdoshëm
dhe mund të shtyhen afatet në rastin kur trajtimi kërkon më shumë kohë apo kur ka nevojë për
dokumente shoqëruese që subjekti duhet të sjellë, kur ta kalojmë nen për nen nesër do të
shprehim dakordësinë apo do të bëjmë komentet përkatëse.
Lidhur me pyetjet e tjera, pas diskutimit që do të kemi sot me AMF-në, do të jemi gati të
përgjigjemi nen për nen dhe të shprehim pozicionin tonë në takimin e nesërm.
Faleminderit!
Milva Eknomi – Faleminderit!
Zonja Minxhozi, a keni ndonjë gjë për të shtuar?
Luljeta Minxhozi - Duke falënderuar profesor Angjelin për leximin e kujdesshëm të
ligjit, si dhe vërejtjen e të gjitha hollësive dhe efekteve që mund të ketë ligji në tregjet financiare,
konfirmojmë se Banka e Shqipërisë do t’jua sjellë me shkrim nesër para drekës rolin dhe
marrëdhëniet që ka si institucion në këtë ligj.
Dua t’i them profesorit se Banka e Shqipërisë nuk ka lidhje me krijimin e kriptoaseteve,
as formave të veçanta të tyre, siç mund të jenë token-at digjitale. Megjithatë, ne nesër do të jemi
të pranishëm këtu për t’ju dhënë përgjigje nëse lindin pyetje gjatë kalimit të projektligjit nen për
nen. Nenet janë të kufizuara dhe përcaktojnë marrëdhënien e Bankës së Shqipërisë me këtë ligj.
Megjithatë, për çdo gjë jemi të gatshëm për t’ju kthyer përgjigje.
Milva Ekonomi – Faleminderit!
Zonja Hyseni, ju shoh që keni ngritur dorën për një pyetje, por nëse mund ta bëni pyetjen
nesër, sepse nesër kemi prapë një seancë tjetër...
E keni pyetjen në parim?
Kush do t’ju japë përgjigje? Të bëjmë prapë një tur?
Edlira Hyseni – E kam përmbledhur pyetjen, mundet thjesht edhe një “po” ose një “jo”.
![Page 30: REPUBLIKA E SHQIPËRISË KUVENDI...Kapitaleve në Autoritetin e Mbikëqyrjes Financiare Violanda Theodhori – Drejtore e Departamentit të Çështjeve Juridike në Autoritetin e Mbikëqyrjes](https://reader035.vdocuments.site/reader035/viewer/2022062610/611282453110406f405c7a27/html5/thumbnails/30.jpg)
30
Milva Ekonomi – Mund ta bëni pyetjen.
Edlira Hyseni – Në parim, a ka një parashikim dhe përcaktim të saktë nëse do të tatohen
dhe taksohen këto transaksione dhe si, përveç përplasjes relacion-ligj?
A kemi ndonjë parashikim, a janë të taksueshme, të tatueshme dhe si këto transaksione në
tregjet virtuale.
Pyetja e dytë ka të bëjë prapë me parime të përgjithshme. Ky ligj disiplinon të gjitha
veprimet që kryhen brenda bursave të licencuara, por a jemi aktualisht duke i lejuar edhe ato
jashtë bursave? Pra, a lejohen transaksionet në kriptomonedha jashtë bursave të licencuara?
Së treti, transaksionet financiare me vlerë deri në 8 milionë euro, që nuk i përfshin ky
ligj, cili ligj i disiplinon, i monitoron dhe i rregullon, sepse ka një përcaktim që ato nuk
përfshihen në këtë ligj? Pra, cili ligj do t’i rregullojë, monitorojë ose mbikëqyrë?
Faleminderit!
Milva Ekonomi- Niko, do t’i ktheni përgjigje sot apo do t’i ktheni pëgjigje nesër?
Niko Kotonika– Në lidhje me taksimin, ligji nuk parashikon ndonjë dispozitë për
taksimin, sepse ajo është subjekt i ligjit për taksat.
Sa u përket transaksioneve, që ndodhin jashtë tregut të licencuar ose të rregulluar, këtu
ligji parashikon disa elemente. Duhet të kuptojmë që ligji rregullon tregjet financiare dhe nuk
rregullon atë pjesë që nuk konsiderohet treg financiar. Pra, në lidhje me bursat e centralizuara
ose të decentralizuara këto janë institucione tregu, që pranojnë për tregtim disa monedha virtuale
osetoken-a dixhitale. Për sa i përket asaj çfarë ndodh jashtë këtyre bursave, dikush mund të
tregtojë edhe jashtë Shqipërisë, me dëshirën e tij, ky ligj nuk e pengon këtë person që tregton
jashtë. Pa diskutim që vendimi për të tregtuar dikush ose jo është vendim individual, që merret
nga investitori. Nëse dikush i ofron, i marketon këto lloj instrumentesh këtu dhe i bën jashtë
dispozitave të këtij ligji, atëherë ky do të konsiderohet si aktivitet i jashtëligjshëm dhe i ndaluar.
Nëse dikush e marketon këtu, pra është një ICO që marketohet në Shqipëri, por nuk vihet në
kushtet e asaj që parashikon ligji për t’u marketuar, atëherë ky ligj nuk e lejon, sepse të gjitha
ICO-të duhet të kenë atë shifër që është e përshtatshme, pra 8 milionë euroshin që thamë, që, ata
që janë mbi 8 milionë euro duhet të kenë atë që quhet “relacion prezantues”, ndërsa në variantin
e rishikuar të ligjit ne kemi shtuar që duhet të ketë një informacion për ato që janë me pak se 8
milionë euro. Pra, kjo bën fjalë për informacionin që jepet, jo për tregtinë. Kemi sjellë disa
ndryshime në këtë pikë. Ndërkohë që për STO-të, që janë token-at dixhitale të titujve, që janë
![Page 31: REPUBLIKA E SHQIPËRISË KUVENDI...Kapitaleve në Autoritetin e Mbikëqyrjes Financiare Violanda Theodhori – Drejtore e Departamentit të Çështjeve Juridike në Autoritetin e Mbikëqyrjes](https://reader035.vdocuments.site/reader035/viewer/2022062610/611282453110406f405c7a27/html5/thumbnails/31.jpg)
31
ndryshe nga ICO-të, të cilat kanë të bëjnë me ato që shërbejnë për pagesa ose utilitete, është lënë
niveli 8 milionë, për STO-të e kemi ulur deri në 1 milion, që ta bëjmë në një linjë më ligjin për
“Tregjet e kapitalit”. Pra, për STO-të është 1 milion e sipër, kërkon prospekt, ndërsa 1 milion e
poshtë është një dokument që quhet aktofertë, që është dokument i ngjashëm me prospektin, por
meqenëse këto që janë poshtë 1-milionëshit konsiderohen private ose në mënyrë që të
përjashtohen edhe nga rregullorja e prospektit të BE-së, e kemi vënë 1 milion.
Edlira Hyseni- 8-a është bërë 1?
Niko Kotonika – Për STO-të 8-a është bërë 1, ndërsa për të tjerat, ISO-të që shërbejnë
për pagesa, për utilitete është bërë 8 milionë, sepse këto nuk konsiderohen si instrumente
financiare.
Milva Ekonomi- Vazhdojmë nesër në diskutimet nen për nen, sepse, përveç diskutimeve
që janë bërë midis nesh, janë marrë edhe mendimet e grupeve të interesit. Shoqatat e bankave ka
sjellë me shkrim disa propozime, të cilat i kemi trajtuar në komision, shërbimi juridik i
komisionit ka ndihmuar, AMF-ja ka qenë në krye bashkë më AKSH-in dhe Ministrinë e
Financave. Kështu që kemi rënë dakord për të gjitha ndryshimet.
Pa dyshim, unë, relatori dhe shërbimi i kemi ndjekur të gjitha këto ndryshime që janë
propozuar dhe do t’i shikoni nesër në diskutimet nen për nen. Unë besoj se nuk do të mbarojnë
ndonjëherë pyetjet për këtë projektligj, sepse është një ligj i ri, siç thotë Edlira, ose inovativ, siç
thotë Ervini, dhe ka nevojë që edhe ne vetë ta përtypim. Prandaj do të na lindin vazhdimisht
pyetje, jam e sigurt për këtë. Ju e vutë re që edhe zonja Mesi mendon se na duhet një ligj
kuadër, sepse nevoja për ta kuptuar ligjin dhe se si do të funksionojë ky treg i ri, që deri tani, në
fakt, e kemi dëgjuar dhe ka funksionuar më shumë jashtë kufijve se brenda kufijve gjeografikë të
Shqipërisë, është e të gjithëve, por mendoj t’i japim vetes kohë ta analizojmë.
Mendoj se është më mirë ta mbyllim për sot dhe të kalojmë në votimin në parim të këtij
projektligji. Kush është dakord? Kundër? Abstenim?
Atëherë, shikoj se janë pro: zoti Angjeli, zonja Dhima, zoti Bushati, zonja Kushi, zonja
Mesi, zoti Sinaj, zoti Bushaj, zoti Xhelilaj, zoti Eljo dhe zoti Elezi.
Kush është kundër?
Edlira Hyseni – Zonja kryetare, a mund të abstenojmë në pritje të informacioneve, sepse
ne nuk i kemi modifikimet që ju keni bërë? Nuk i kemi parë ende.
Milva Ekonomi - Jua kemi dërguar me e-mail.
![Page 32: REPUBLIKA E SHQIPËRISË KUVENDI...Kapitaleve në Autoritetin e Mbikëqyrjes Financiare Violanda Theodhori – Drejtore e Departamentit të Çështjeve Juridike në Autoritetin e Mbikëqyrjes](https://reader035.vdocuments.site/reader035/viewer/2022062610/611282453110406f405c7a27/html5/thumbnails/32.jpg)
32
Edlira Hyseni- Na i keni dërguar para gjysmë ore.
Milva Ekonomi- Jua kemi dërguar me e-mail.
Zonja Topi, jeni kundër?
Zonja Hyseni abstenon. Zoti Rryçi është kundër.
Pra, kemi dy vota kundër, një votë abstenim.
Zoti Roshi nuk ka marrë pjesë.
Kemi dy vota kundër, 1 abstenim, një mungesë, të gjithë të tjerët janë pro.
Me këto vota ky projektligj miratohet në parim.
Ju falënderoj shumë edhe për leximet që keni bërë, sepse janë shumë nene që janë lexuar,
janë rikthyer dhe janë riparë!
Falënderoj zonjën Denaj dhe stafin e saj!
Falënderoj zotin Kotonika dhe të gjithë stafin e AMF-së që është aty! E di që disa jeni të
ulur në një tryezë, ju kemi parë, se dilni në kamera.
Falënderoj shumë zonjën Kaçinari, që ishte aty dhe vuri në dispozicion stafin e vet, si
dhe zonjën Minxhozi, së bashku me stafin e Bankës së Shqipërisë, që ndoqën diskutimin tonë!
Ne do të kemi nevojë edhe për prezencën tuaj dhe të të gjitha këtyre institucioneve nesër
për të bërë diskutimet nen për nen.
Edhe tabela e përputhshmërisë për të bërë diskutimet nen për nen, edhe tabela e
përputhshmërisë së dakordësisë për ndryshimet që janë kërkuar për nenet ju kanë arritur në
adresat tuaja të e-mail-it zyrtar.
Faleminderit!
Para se të kalojmë në mbylljen e mbledhjes kam edhe një çështje tjetër, që nuk lidhet me
rendin e ditës, por me një çështje që kemi diskutuar dhe kemi rënë dakord në parim, për të
shpallur kandidaturën e vakancës së Bordit të Këshillit Mbikëqyrës së Bankës së Shqipërisë.
Anila Denaj – Mirupafshim!
Milva Ekonomi- Faleminderit, zonja Denaj!
Ju kujtoj se për arsye të pandemisë nuk e shpallëm këtë vakancë, por tani, meqenëse po
afrohet fundi, ju bëj me dije se shërbimet e Kuvendit do ta hedhin në web vakancën që ne kemi
shpallur për Bordin Mbikëqyrës së Bankës së Shqipërisë. Ju e dini se pozicioni vakant do të dojë
disa javë të rrijë i hapur deri sa të vijnë aplikimet.
![Page 33: REPUBLIKA E SHQIPËRISË KUVENDI...Kapitaleve në Autoritetin e Mbikëqyrjes Financiare Violanda Theodhori – Drejtore e Departamentit të Çështjeve Juridike në Autoritetin e Mbikëqyrjes](https://reader035.vdocuments.site/reader035/viewer/2022062610/611282453110406f405c7a27/html5/thumbnails/33.jpg)
33
Në mbledhjen e ardhshme, nesër, kemi tri akte normative dhe diskutimin nen për nen. Do
të përpiqemi të jemi produktivë dhe t’i kalojmë.
E kemi takimin në orën 15:00, sepse e dimë që komisioni ynë ka punë dhe mund të na
shkojë gjatë. Do ta menaxhojmë edhe me kohën, edhe me prezencën dhe me të gjithë pjesën
logjistike që shoqëron komisionin kur mbledhjet janë të gjata.
Gjithashtu, nesër do të diskutohet ngritja e një nënkomisioni. Unë do të flas me zotin
Angjeli dhe zotin Elezi për një nënkomision që ka të bëjë më buxhetimin dhe kontrollin, si një
kërkesë e domosdoshme që vjen nga veprimtaria e bashkëpunimit që kemi me FMN-në dhe me
Bankën Botërore, ku i kërkohet Kuvendit ta bëjë këtë gjë. Do të marrim edhe eksperiencën e
zonjës Mesi, që ka ngritur një nënkomision të rëndësishëm për Kuvendin, për mbikëqyrjen e
zbatimit të objektivave të zhvillimit të mileniumit.
Kemi kohë për ta marrë vendimin, por unë po jua bëj me dije. Ngritja e këtij
nënkomisioni vjen si kërkesë e FMN-së dhe Bankës Botërore. Komisioni ka eksperiencë, sepse
zonja Mesi ka nisur një praktikë të këtij lloji. Do t’i bashkojmë të dyja dhe do të vijmë me një
propozim.
Pasdite të këndshme për të gjithë!
MBYLLET MBLEDHJA
Sekretar Përgjegjësja e Sektorit të Redaktorëve
Anastas Angjeli Euzheni Pengili
Sekretar i komisionit
Elvi Prifti