Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377

thlavul (February) 12, 2019 thawleni (tuesday)

GAS NEWSAgency : KIM JOEBooking :21st. dec., 2018 to 2nd.Feb., 2019 delivery :12-02-2019 (tUe)Time :10AM - till stockStock :306 @ ` 774 19kg & 5kg /FTL available

Hmasawnna Thar Vol - 34/124 | Churachandpur | email : hmasawnnatharnews@yahoo.com | Phone: +91-3874-236846 | Rs 6/- per copy

EKIN/SEPTIC TANK

SUKFAI DINGA KO THEI ZING

KAN NIH.

Contact Numbers:8119035096 &

8119083548

NEWS TOMkiMcHANcHIN LAKTAWI

One Day AwarenessCCPur: February 14, 2019, 10:30AM khin Dis-trict Training Centre, Tui-bong, CCPur-ah “One Day Awareness and Orientation on Constitutional and Stat-utory Rights of the Sched-uled Tribes and Roles of Manipur State Commis-sion for Scheduled Tribes” (MSCST) um a tih. Hi huna hin Manipur State Com-mission for ST a inthawk Legal expert hai resource person in \hang an tih. Awareness a hin DLOs hai lo thei loa \hang seng dinga inhriettir an ni bakah District sunga civil Soci-ety organisation tum tum \huoituhai \hang seng din-gin Lalramsang Infimate, Addl. DC, CCPur chun an hriettir.

Motor glass dengsietna thuah FIR: An dem thu an puongCCPur: February 9, 2019 zan dar 7 vela Grace Bible College fena Dorcas Road lampui sira inng-hat motor glass hai hmelhrietlo \henkhatin an dengsietna le inzawma V. Thianmuan of Bung-mual, CCPur in Police-a report a pek dungzuiin CCPur Police han FIR no. 24(2) 2019 CCP-PS u/s 440/427/34 IPC an regis-

tered. Police a report pek dungzuia motor glass/windshield dengsiet hai chu Thianmuan motor hmang lai MN06 L8736; Thangzamuan Tombing motor MN 01G 4831 le BD Simte motor MN 01K 9774 hai an nih. February 9, 2019 zana hmelhrietlo han Thangzamuan Tombing,

General Secretary, Paite Tribe Council GHQ; V. Gouthianmuan, Secretary (Org), Paite Tribe Coun-cil, GHQ le B. Dongzalian Simte, President, Simte Tribe Council, GHQ hai motor glass an dengsietna thuah Young Paite As-sociation (YPA) GHQ chun motor glass dengsie tu hai an dem thu an puong a, District Administration

chu hiengang thil thawtu-hai mana hremna pe dingin an ngen. Chun, Hebron Veng, N. Lamka sunga VA, PTC le YPA hai khawmin hi thil tlung le inzawmin Feb. 11, 2019 khan joint meet-ing neiin, motor dengsie tuhai an dem thu an puong bakah hiengang thil hi tuta hung tukhawma thaw ta ngai lo dingin an ngen.

aMhdta in thuneituhai an ngeniMPhal/CCPur: Joint SSA le RMSA Teachers Association, Manipur in hlaw an hmu \hatnaw leia regular taka hlaw pe dinga state sawrkar an ngennaa tiemchin um lo strike an nei mek le inzawmin All Ma-nipur Hill District Teachers Association chun Febru-ary 11, 2019 khan thu-suok siemin. Thuneitu hai chu Joint SSA and RMSA

teacher Association hai thil ngen ngaisak ding le an thil ngen le inzawma solu-tion a um theina dinga hma la dingin an ngen. Joint teacher Asso-tion thil ngen le nuorna an thlawp thu hrilin, nuorna nei sunga thil ditumlo a tlung chun thuneitu han mawphur an tih tiin, Inf. & Publ. AMHDTA thusuok chun a hril.

Disable han \hang-puina hni thei

CCPur: Churachand-pur district sunga Disable certificate nei han So-cial Welfare Department hnuoiah \hangpuina hni thei a ni a. Hi le inzawm hin Disable persons hai chu an hmatienga Dis-trict Social Welfare Of-fice (DSWO), CCPur annawleh Contact No. 9612473190/9856935493 fethlenga indawnchieng thei ning a tih tiin T. Sian-muanthang, President, CC-Pur District Disabled Union chun inhriettirna a siem.

I-Card thar siemna dingin peklut \ul

CCPur: Directorate of Education (S), Govt. of Manipur hnuoia thawktu hai service status indik tak zawngsuok/hriet vawng tumna le inzawmin Feb. 5, 2019 hmatienga Identity Card peka um hai chu in-valid a puong an ni ta a. Hi le inzawma Identity Card thar siemna dingin thawktu hai chu mani biodata or personal format official website www.manipure-ducation.gov.in ah an rang thei anga pelut dingin Ch. Shachi, Addl. Director, Ed-ucation (S), Govt. of Mani-pur chun Feb. 8, 2019 khan thusuok siemin an hriettir. Peklut huna hin colour passport size thlalak pahni peklut sa ding a ni a, chun, I-Card thar siemna dinga hin a hlui surrender dinga inhriettir an ni bawk.

Feb. 12-13 sung Re-vival Meet

CCPur: Spiritual Revival Crusade Committee huoi-hawtnain Feb. 12-13, 2019 sung khin PCI (R) Mualkoi Biekin-ah Revival Meet um a tih. Revival Meet hi Feb. 12, 2019, 6PM khin Rev. Dr Khamkhanchin in hawng a tih.

Manipur le AP cM han cAB thuah Home Miniter an inhmupui

iMPhal/new delhi: Manipur Chief Minister N. Biren Singh le Arunachal Pradesh Chief Minister Pema Khandu han Febru-ary 11, 2019 khan New Delhi hmunah Union Home Minister Rajnath Singh an inhmupui. Manipur le Arunachal Pradesh Chief Minister hai chun Citizenship (Amend-ment) Bill, 2016 le inza-wma India hmarsak states haia dodalna nasatak um chungchang, a bikin Ma-nipur –a CAB dodalna fe mek chungchang Home Minister kuomah an int-lun. Rajya Sabha-ah CAB pass lo dingin Chief Min-ister pahni hai chun home minister an ngen a. Home Minister chun, Bill thuah Northeast mipui hai dit-

dan sawrkar thlungpuiin a ngaipawimaw ding thu a hril. Home Minister inhmu-pui huna hin Union Min-ister of State for Home Pu Kiren Rijiju le Home Sec-retary Rajeev Gauba le Director IB hai khawm an \hang. January 12, 2019 khan Manipur CM N. Biren Singh le Manipur Rajya Sabha MP Ksh Bhabanan-da Singh han Home Minis-ter inhmupuiin Juley 23, 2018 a Manipur Assembly in a lo passed tah Mani-pur People’s (Protection) Bill, 2018 president in a pawmpuina ding le Citi-zenship (Amendment) Bill, 2016 in Manipur in-huomsatir lo dinga ngenna memorandum an lo pek ta a nih.

Priyanka Gandhi Vadra in UP-ah Road Show a nei

Ei renga \hangruolin Politics thar ei siem ding a nih: Priyanka luCknow: India nuh-mei Prime Minister hma-satak Indira Gandhi tunu, a naupa Rajiv Gandhi le Sonia Gandhi hai naunu Priyanka Gandhi Vadra (47) Rahul Gandhi sangnu chu Congress-in sawrkar a siem nawk ngei theina din-ga full-time politics a khel \anna dingin Thaw\anni khan Lucknow lutin Road Show an neia mipui nuoi telin an lo hmuok. Priyanka Gandhi Vadra hi tulai hnai khan Rahul Gandhi, Congress President-in full-time poli-tics khela India ram BJP hai laka inthawka sanhim dinga a ngenna le UP East General Secretary dinga a ruotna chu pawmin a sin a \an ta a nih. Priyanka Gandhi chun UP a fe ding hi a lut hmain a mipuihai kuomah thucha si-emin, “Ei renga \hangruol-in poilitcs thar siem ei tiu – \halai, naupang, nuhmei le mi hnuoihnunghai himna le hmasawnna dingin” tiin audio thucha a lo thawn. Thaw\anni dar 10:30am vel khan Rahul Gandhi leh Lucknow an tlung a. UPCC Western UP GS Jy-otiraditya Scindia leh an pathumin mipui nuoi tel lo

nghaktuhai kar ah motor chungah chuongin Road Show an nei nghal a. Air-port a inthawka Congress Bhawan chen Km.20 vel an nei a nih. Lampui intluonin lam sirahai Priyanka Gan-dhi lim a sip vawng. Priyanka Gandhi hi ni li vel chama Congress work-ers hai inhmupui dinga fe a ni a. Lok Sabha election ding le UP state 2022-a lak-kir nawk dan ding rel tlang danga fe a nih. Purvanchal ah ni khatah darkar 13 sin thawin darkar chanve char bu fakna ding hun nei a ta, Thawlenni a inthawkin sin \an nghal a tih. Road Show ah hin lam laka India ram \huoituhai lim le an pa Rajiv Gandhi lim ngei khawm inzana an pek malam pei a. Mipui tamtak chun “Indira Gandhi

a hung kir nawk tah” tiin an hril tawl. Priyanka Gandhi hin a pi Indira Gandhi a puo hlea, Indira nunghak lai ang el a nih. Mi tamtak chun Pri-yanka Gandhi Vadra poli-tics a lut hin UP politics a sukdanglam vawng thei an ring a nih. UP ah hin Lok Sabha seat 80 a um a, 2014 ah khan BJP chun 71 lain a ruolhai le chu 73 a ni a. Congress chun seat 2 chau a chang a nih. Priyanka Gandhi biel an pekna hi Prime Minister Na-rendra Modi biel Varansai le UP CM Yogi Adityanath biel Horakhpur hai umna a nih. Priyanka Gandhi UPCC East i/c dinga ruotna hi Sa-maswadi Party le Bahujan Samas Party (BSP) hai leh inremna an siem hnunga thaw chau a nih.

SP President Akhilesh Yadav le BSP \huoitu Ms Mayawati han kum sawm neka tam inhmelmakna in-remin Lok Sabha election hmasuon dan ding an rel a. UP ah candidate 38 ve ve neiin UPA Chairperson So-nia Gandhi biel Rae Bareli le Rahul Gandhi biel Am-ethi hai ah candidate nei lo ve ve ding tiin an inrem a nih. Priyanka Gandhi hi a U Rahul Gandhi-in India rama state pawimaw tak UP lak nawk ngei ngei a \ul a ti leiin 2004 a inthawka a nu le a u hai constituencies pahni hai political affairs chau enkawltu khan a neka lien lem mawphurna insang a hung lak tah a nih. Lam-pui ruok chu an kho hle. Road Show neina le inzawmin Congress Presi-

dent Rahul Gandhi chun an party UP a hmalak dan ding a phawrlang nghal a. UP hi lak nawk ngei ngei a ngai, tiin a hril. “Congress in\anna chu UP a nih a, hratnaw thei ding ei ni nawh. Priyanka Gandhi le Jyotiarditya Scindia han UP Congress an sukhrat nawk ding a nih. Congress-in UP ah sawrkar a siem ngei ngei a ngai” tiin a hril a. Lok Sabha election khel tieng 2022 UP Assem-bly election ding chenin a lo thlir lawk a nih. Lok Sabha election May/April vela nei ding le inzawmin Prime Min-ister Narendra Modi chu miretheihai hmangai loa industrialist hausahai chau ditsak angin an tum a. BJP-in sawrkar a siem nawk ta ding an nawh tiin PM Modi

chu ‘Chowkidar rukru” tiin an tum. Rahul Gandhi chun PM Modi chu Reliance com-pany neitu Anil Amabani contract peka sukhausain losinthawtuhai hlemtuah an tum a. Indo vuongna Rafale inchawknaa khawm Rs.30, 000 crore Ambani a pek niin a hril. Ambani \hangpui a nuom leiin De-fence hmangruo (ralthuom) inchawkna ding le inzawma ‘corruption clause’ khawm a thaiboa a nuom nuomin a thaw niin a hril. “Chowkider pa thuhril tui pailo chu mipuiin an hmu zing. Industrialist hausahai loan Rs.3.5 lakh core a thaibo pek a. Losin-thawtu (farmers) hai loan ruok chu a thaibo nuom nawh. Farmers hai a hlem-na chu ni tin Rs.17 chau pek tiemin industrialist hai lakh tel tel an hui lut theina ding a siempek” tiin a hril. Hi thu hi Interim Bud-get a farmers hai kum tin Rs.6, 000 pek ding, thla thum dan peia Rs.2, 000 pei an account-a thunpek ding thu kha ni tina an hmu ding zat hisapin ni khatah Rs.17 chau a tling phak tia a hril-na a nih.>>sunzawmna phek 4-ah

Pu Lalditsang MDC in damnaw a sawmdawltui|haPhai/CCPur: Pherzawl District a Leisen khaw mi damnaw pahni Mrs. Eleri (34) w/o Mr. Lalramhuol le Mr. Siemc-hunghnung (24) h/o Mrs. Lalramkim hai chu a ruolin Feb. 9, 2019 zan dar 10 PM khan Tui\haphai hung tlung pui an nih a, Pu Lalditsang bieltu MDC in lo hmuokin CCPur Dist. Hospital ah pakhat Admit-puiin, pak-hat chu Imphal tieng pan-pui a nih. Pu Lalditsang hin Ambulance hai ko pekin iengkim ah hma lain sum-le-pai hai ah a thei ang ang a sawmdawlin hma a lo lakpui. Hi le inzawm hin Leisen Football Club (LFC) chun bieltu MDC Pu

Lalditsang a chungah law-mthu an hril. Damnaw hai pahni hi

7 KMs vel zet a hla motor tlung theina chenah Lei-sen khuo mipui/tlawmngai ha’n an zawn a, chu taka inthawk motor-a hung phur an nih. Mr. Siemchungh-nung hi Lo vatna thing-kau tlain a kering ru a deng tliek a ni a, Mrs. Eleri hi hnachang a phurna ah hnachang kungin a del a, a elpui bul ru indawk a nih. Pherzawl District hi kawng tam tak ah harsatna tuok mek. Nat-le-sat hun haia lem chu lungsietum tak el an ni a. Chun, \hal laiin a chang chang Sen-von khuo tieng a inthawkin Leisen khuo a hin motor a lut thei hlak nia hril a nih. (LRS Puruolte)

Meiin a hmai na takin a kang hliem

CCPur: February 10, 2019, 7PM vel khan Singn-gat Sub-Division sunga Mawngken khaw mi Tv. Daisuankham, s/o Khamza-hau chun Silai hlo tawk puma Meiphu a awi naah Meiphu a inthawk mei vu-

ong chun a Silai hlo tawk a hung kang leiin a hmai nasa takin a kang hliem. A hmai bakah a mit chen meng theilo hiel khawpin a kanghliem a, tuhin District Hospital, CC-Pur-ah enkawl mek a nih.

Imphal ah CAB dodalna hrat lema fepui Feb. 12 5aM a inthawk shutdown puong

iMPhal: India sawrkarin CAB chu Feb.12 hin Ra-jya Sabha inpuiah Supple-mentary Bill anga putlutin pass \al \al a tum ti thu leiin Bill hnukkir dinga ngentu nuhmei ruol le stu-dent ruol dodaltuhai chun an nuor an la sunzawm pei a. Zani hmasa khan Police hai le inbeinaah nuhmei 6 an hliem. Zani zan khawm khan Thoubal a chun nupui ruol chun meiser sit in rally an fe bakah nupui ruol In kir nuom ta loa um sawng hai chun an protest na hmu-na bu an fak tawl. Hienglai zing hin Ma-nipur ah chu Bill dodaltu inzawmkhawm MANPAC (Manipur Peoples’ Against CAB) civil organization 131 nek tam inkhaikhawn-na chun, Feb.12 zing dar

5am a inthawka Feb.12 dar 5pm chen All Manipur To-tal Shut Down an puong. Inrinni zana inthawka um tah dawr khawm kai ta lo nupui ruol chun Curfew Sec-tion 144 CrPC puong a nia chu an uksak nawh. Police-in tear gas le hmawl (Lathi) hai an hmanga chu an hnat suok hne naw a. Nuhmei ruolhai chun Bill keikir a ni hmakhat Feb.14 (Nilaini) chen an riek/um ding thu an puong bur el a nih. Police hai ta ding khawmin a buoithlak hle a. Dan le thupek le faina chenin kengkaw thei an ta nawh. Tui dawn ding le fak ding a hung harsa a. Zun le ek thakna ding an dai naw a. |henkhat lem chun “Tui dawn ding a um naw leiin bottle water kan inchawk el

a nih” tiin a hril. An hotu pakhatin a hril dan chun, “A tir chun ni tin routine siemin sit-in-protest nei dinga ti a ni a. Amiruok-chu, Bill pass na dinga hril ni Feb.12 a hnai ta leiin ren-gin umsawng el ding Cen-tral-in Bill a keikir hmakhat chu in inlawi lo ding” kan ti ta a nih, tiin a hril. Zan deia puon lum khawm sil lohai chun tu-orsel takin a protest a. State sawrkarin ziek ngeia thu intiemkamna, North East po po abikin Manipur chawkbuoi naw nih, ti an tiem hma chun kan nuor tawpsan naw bawk kan tih tiin a hril. CM Pu Biren chun, Bill ah Clause hran sie an naw chun state sawrkarin a thlawp naw ding thu a hril a. “State sawrkar chun, Clause dang siem a ni hmakhat chu CAB hi dodal a tum a nih” tiin a hril. State dang dangah khawm protest an thaw nasa em em a. Assam le Tripura khawm an ri a sie hle a. Nagaland ah khawm Feb.11 ah strike an thawa, BJP sawrka thlawpna an hnukir el Prime Minister Modi lim le Home Minister Rajnath Singh lim hai an raw bawk.

Manipur-ah LPG consumers 1,13,349 han LPG Subsidy an suktawpiMPhal/new delhi: ‘GiveItUp’ campaign hnu-oiah India rama chun tuche-nah thlaisuongna LPG hmangtu 1.04 crore deu-thaw in anni ditthlangna le nuom thu in sawrkarin sub-sidy a pek hlak an suktawp niin Minister of Petroleum

& Natural Gas, Dharmen-dra Pradhan chun Thaw\anni khan ziekin Lok Sabha an hriettir. LPG Subsidy suktawp (la ta lo) hai lai hin Mani-pur a inthawk 1,13,349 an \hang niin report chun a hril. India Hmarsakbiel

bikah LPG subsidy ban/la talo or suktawp hai lai hin Meghalaya-ah 1,35,256; Mizoram-ah 25,222; Nagaland-ah 47,205; Tripura-ah 2,10,109; Sik-kim-ah 6,422; Assam-ah 25,03,843 ; Uttar Pradesh-ah 113,58,459 an um.

Bru ADC siem pek an phut

agartala/new del-hi: Kum 1997 Mizorama hnam buoina tlung leia Mamit, Kolasib le Lunglei district haia inthawk Tri-pura hmuna raltlan, tuta North Tripura-a Kanchan-pur le Panisagar sub-divi-sion haia ralthlan camp-a um mek Bru raltlan hai chun Mizoram tieng kir nawkna ding thuah harsat-na um loa repatriation pro-cess tluong taka a fe theina dinga kut hung rawl dingin an ngen. Tripura Bru raltlang camp-a um um mi 7,000 chu Mizoram tieng an kir nawk ta a, sienkhawm tuhin relief camps haiah 32,000 vel an la um mek niin report chun a hril. Mizoram Bru Displaced Peoples Coordination Committee (MBDPCC) president L. Laldingliana in PM Modi kuomah an thil phut point 8 inziekna memorandum a pek a chun, relief camp-a um Bru hai hi Mizoram tieng kir an nuom a, sienkhawm sawrkar thlungpuiin nikuma repa-triation package a siem chu an dittawknaw niin a hril. Hi baka hin Mizorama Bru hnam hai ta dinga Au-tonomous District Coun-cil (ADC) siem ding; Mizorama Bru kir nawk hai ram 5 acre seng pek ding, cluster villages siem ding; sungkuo tin kuomah sum-faiin sawmdawlna Rs. 4 lakh seng pek ding; Elec-toral roll update thaw ding ti hai a \hangsa niin ei thu dawngna chun a hril. Bru hai hi nikum khawm khan \huoikir vawng dinga ti an ni a, sienkhawm thil ngen an nei lei hin kir nuom loin sung-kuo tlawmte chau an kir a nih.

Hmasawnna Thar2 thlavul (February) 12, 2019thawleni (tuesday) artiCle/health & eMPloyMent news

Editorial Boardlalmalsawm sellate: Editor& Publisherroding l. sellate: Jt. Editor Joseph Joute: Co-Editor : Asst. Editorlalsansuok pulamte :Sports lalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at M/s Express Standard Offset Printers, PKT Street, Central Lamka Churachandpur, Manipur.

Editorial

Sawiselna a tam

VAWISUN THUPUIAma chi tuiluong kawla thing phun, A huntaka ra insuo hlak, A hna khawm vuoi ngailo ang hi a nih: A thilthaw taphawt chu hlawtling pei a tih.

-SAM 1: 3

Tulai hin Manipur Police Department hnuoia thawk ding Rifleman le Jamadar sin hai lakna dingin Physi-cal Efficiency Test (PET) nei mek a ni a. PET neia um hi a fair naw hle niin PET a \hang \henkhat chun an hril. Hi lei hin PET hin sawisel a hlaw hle. Can-didate pakhat chun hieng ang hin a hril: PET neina hmun ding lutna dingin lutman (entrance fee) pek a ngai a, Gate duty kuoma entrance fee [pe hmasa sa a lut hmasa an ni a, a pe nawhai chu PET hun tawp hnaiah inluttir chau an nih. Chun, PET a thaw \hat le thaw \hat nawin umzie a nein aw a, PET thaw a uma thuneituhai kuoma thamna sum pep e an tling a, thamna sum pe nawhai chu PET-ah thaw \ha hle hai sienkhawm thamna sum an pek naw chun an tling chuong nawh tiin a hril. PET a tlingna dinga mi \henkhat in sum an pek hi Rs.20,000-30,000/- dam nia hril rik a ni bawk. February 9, 2019 a 2nd MR Ground, Imphal-a PET neinaa \hanghai laia candidate pakhat, Kangjam Sanjoy. s/o K.Ibohal, Hiyanglam, Kakching District chun Fenruary 10, 2019 khan Manipur Press Club, Imphal-ah press meet a ko a, hieng ang hin a hril. Ka chest number chu 472 a ni a, 100 metres race, long jump le high jump haiah “excellent” ka hmu a, 800 metres race-a ka \hangna group-a chun 4th posi-tion ka ni a, sienkhawm PET result a hung suok a, hlawtlinghai list-ah ka hming a \hangsa ve nawh tiin a hril. Hi lei hin PET thawnaah hin thil indik lo a um ka ring nghet tlat a, PET thaw dan hi State sawrkara thuneitu han enfel rawhai se tiin Sanjoy chun ngenna a siem. Sanjoy in a thil tuok huoisen taka a puonglang ngam hi a \ha a, lawm a um a, candidate danghai ta ding khawmin entawntlak a nih. Ama chau hi PET sawiseltu a ni naw a, ama anga sawiseltu hi tam tak an um. Amiruokchu, tuchenna a thil tuok a lang a changa sawrkar le mipui hrieta puonglang ngamtu chu ama chau hi a la nih. Ama anga PET thawnaa thil tuok ve han hung puonglang ngam peihai sienla nuom a um. Thil indik lo hi ei puonglang ngam ding a nih. Ei puonglang ngam naw chun thil indik lo taka thawtuhai hi an huongtau deu deu ding a ni a, a tuor-tu ding chu mipui, a bikin thamna sum pek ding nei lo miretheihai hi a tuortu ding ei nih. State sawrkar khawmin Sanjoy thu hril hi hung ngaimaw sienla, thudik hung suisuok in, indik naw taka thil thawtuhai hi dan angin an phutawk hremna hung pe ngei sienla ti hi mipui dit dan le lawmzawng a hung ni ngei ring a um. Sanjoy thu hril hi an dik ngei khawm ring a um. A san chu tuta hma deu khawm khan Rifleman le Jamadar sin lakna ding le inzawma thamna la Police Officer pahni an sin haia inthawk suspended an lo ni ta a nih. Thamna latu le farutuhai hi mi suol el chau an ni naw a, ei ram le ei hnam hmelma an ni a, hrem hi an phu hlie hlie a nih. Mipui tiengpang khawma thamna le fakrukna hai hi a taka ei do ngam a hun ta a nih. sawrkar thaw ding chauva ei ngai chun thil indik le \ha ni naw nih. sawrkar leh \hangruola ei do tlang a \ul a nih. Thamna le fakrukna chungchangah hin sawrkar le sawrkar thawktuhai chau hi inthiem naw ding an ni bik nawh. A thaw suoltu chu mipui tiengpang khawm ei nih. Thamna pe nuom um der naw inla thamna la um naw nihai. Sin ruok a hung um chang hin thamna sum pe nuoma invir kuol hi ei tam a, thamna la thei ding ngirhmuna um hai hi thamna sum ei peklui an ni deu tak a nih. Hi kawngah hin mipui tiengpang ei insiem \hat nuom a um. Tukhawm hin Rifleman le Jamadar lakna dingah hin written test le viva voice hai ala hung um ding a ni a. PET thawnaa chau hman cheng sangtel le singtel seng ngam ei um chun Rifleman le Jamadar sin inchawkna dinga cheng nuoitel seng ngam ei tam hle ding a nih ti chu a chieng sa a nih. Gazetted Officer chin sin ruok lakna huoihawttu dingin Manipur Public Service Commission (MPSC) ei nei a. MPSC chun Open Competitive exam a hung huoihawt a, a thiem, a tlin le a tlak hai a lak hlak anga class-III le Class-IV sin lak huna sin latu ding hi iei State sawrkarin Commission hran hung indin ve el sienla thil \ha a hung ni ring a um. State \henkhat chun Staff Selection Commission (Grade-III, IV sin latu ding bik) an nei a, an thaw \ha khawp el. Staff Selection Commission hi nei ve inla, Staff Selection Committee a hin sawrkara pension tasa le politician-hai chau ni lovin, tribe tum tuma \huoituhai khawm in\hangsatir ni vehai sienla lem chu thil \ha tak a hung ni ngei ring a um.

2018 sUnGA MellUnG pAwIMAwBy: L.Keivom

The biggest adventure you can take is to live the life of your dreams.

-Oprah Winfrey

Remchang nawna khawl tak a um naw chun, kum thar chawlkar hmasa takah kum liem tah sunga ram le hnam le keima nuna thil tlung pawimaw ni-a ka ngaihai chu inchuom phuorin ka ziek a, Delhi Thurawn (DT) ah insuo a ni hlak a. Hi hi thil peium lo deu el, ni tin Diary ziek pei lo keinihai ang ding lem chun ni 365 liem taha sulhnung phet nawk ngat ngat a ngai leiin thil hautak a nih. Ei hung upa deu deu ruolin hriet zing theina khawl a hung chau deu deu a; ni tin nuna hmang zing thilhai naw lem chuh thluoka computer-in thil hlui siena pindanah a hnaw lut zung zung leiin, zing le zana thil tlung khawm a tûk ela ei hriet mumal ta lo a um nghal hlak. Internet \ăngah inbei a, iengkim deuthawa mamaw phuhrûktua ei hmang hnung lem chun thil inchik peina tieng ei inthlada tiel tiel a, computer a thawk naw chun ei kahâk nghal el a nih. (Hi thu ka ziek mek lai khawm hin ka internet connection a buoi a, ni hni sung chu ai mit thlawng an hril ang elin ka bo map!) Hang hril sei met inla. Eini rawi hi thil inchika rikawta kawl \ha ei văng leiin ei ban phâk ela thil tlung chanchin hang ziek ding khawmin besan tlak rikawt hmu ding a vâng a, ei bo map el a nih. Entirnan, DT-a insuo ding Martar Ni (Martyrs’ Day) chanchin ziek dinga May, 1910-a an mi ngen \umin chanchin ka hmu theina dinga ka ngai taphawt telefawna zawngin ka dap a, ka hlawsam dĕr a. Law ngaina a um naw leiin ka file hlui, HPC Movement in\ana inthawka Indian major English newspapers, magazines, journals le Churachandpur le Mizorama chanchinbu suoka inthawka ka lak khawmhai, Baibul tluka sa chu ka dap suok a. Chuonghai le chanchin hre dinga ka ngai mi iemani zat, telefawna thu ka’n dawnhai chu besana hmangin, ka puitling hrăm a nih.

sinlung hills Council a piengHang hril sap pei inla. April 12-13, 2018-a HPC(D)

in silai intung a, Mizoram Sawrkar leh lungruol taka Sinlung Hills Council (SHC) Bill an pawm tlang hnung khan MARTAR NI vawi 28-na chu ropui taka hmang dingin Hmar Trophy Organising Board (Hmartob) chun Saikawtah a huoihawt a, khuollien dingin Mizoram Home Minister R. Lalzirliana an fiel a. Kha hun ser kha uop ve dinga hnam \huoituhaiin an mi fiel leiin ka hang \hang ve a. Chu thu ka ziek MARTAR NI CHAMPHA 28-NA (June 2, 2018) chu DT le website hrang hrangah a hung suok a, Churachandpur lai ruok chu an pawlitisianhai mawng ka hlǐm insangpek deua an ngai lei amani ding, an insuo ti ka hriet nawh. A ieng khawm chu ni sien, kum iemani zat hnunga hieng lai chanchin hung suituhai ta ding chun hi artikul hi hnapkhawn pachang hmu an ti nek hmanin an la lawm ka ring. A ieng ieng khawm chu ni sien, Mizoram sunga HPC thil hni leia kum tam remna le muongna tluontling um thei loa an um hnunga chawl lawkna kawtsuoa an tlung hi kum 2018-a thil inchik tlak mellung pawimaw chu a nih. Interim Council indin phawt a, enkawltu lailawk insiem a, an thaw fel bak po sunzawm dinga a ram mihai ngei kuta mawphurna inhlana um hi lawm a um a, hnam puitling hawiher khawm a nih. Kurini khaw mi Simon ngirhmuna iemani chen \hang ve hi achângin hringnuna thil tlung hlak a ni a, a tawpa ruok chuh mani kraws seng ei bitum a ngai hlak. Mania inmuolvawm theia an um hi lawmpui inla, ieng angin mani insungah an insekhĕk chang a um khawmin ei zie pangngai an put zing lei a nih ti hrein, \ul tawngkhawng thil a ni ngawt naw chun kut rawl tieng insûm tum bawk inla. Silai piellung hmanga zalenna ram ban tum hi ei hun tawng leh an inmil ta nawh ti dam khawm hi ngaituo nawn a ngai. Thiemna tienga mi el phak tum hi ram le hnam dingchangna a nih. HPC (D) hai ramsuok salu hung hawn lawmna so ri a re hmain vangduoithlak takin HPC (D) Army Chief le Churachandpur laia helpawl 6 inzawmkhawm United Peoples’ Front (UPF)-a Chairman ni lai Lalropui Famhoite chu May 21 khan a chat thla thut leiin a hmunah Lalthansang Pulamte sie a nih. Mizoram tieng ralthuom intung a, sawrkara inthawka zângna dawmna chen an intĕl tah hnung si chun, hmun dangah baw zui pei ding ieng hmathlir thar am neiin an inrelbawl pei ding ti hih kum 2018 hnukhawi tienga zawna pawimaw le dawn harsa ngîr chu a nih. Huouhuou ringawt lawm a, inhawr khawmna ding festival ieng ieng amanih huoihawt ding mai khawm hi India hmarsak rama hnam tin deuthaw intlansiekna niin a’n lang a, chu chu khuongbai le ei inangna tak a nih. Amiruokchu, hnam dam khawsuokna ding le thil inaihal a nih. ei khawvel boruok

Kum 2018 ei hung phawk \an lai khan naupang sie anga niukliar saihli-a intin zuk zuk USA President dangdai Donald Trump le North Korea sakeibaknei Kim Jong-un haiin iemani chen khawvel an sukthlabăra chuh sawt naw teah ruol anga insiemin, kum lailung lai khan chuh Singapore-ah inhmuin ruong an inhuot tuo a, fiemthu thaw dan an thiem khawp el. Donald Trump-in ama sumdawng dan tektik hmanga USA le ram danghai inlaichinna a nuom ang anga hĕm kawi a tum leiin, ram hrang hrang le an inlaichinna nasa takin a sukderthawng a. China zak khawm a khat tawkin a zel hlaka chuh a zel nêka inza lema zel thei an ni leiin law ngaina rak a hriet naw a, a vaupŭm suknatin kawngro a suk meu bawk nawh.

India khawzawlah, Prime Minister ni si, US President anga khawsak tum tlat, pa taima le theina mak tak nei Narendra Modi khawmin awm a la dawr puom nasa hle. Ama chotu lêng\ûl, Congress President-a hlang kai Rahul Gandhi hlak duoi bik lo, ni tin deuthaw thu thal ngeiin a kâp zing bawk, hmu nuom an um. 2018 sunga State 8-a inthlangah BJP an che \ha naw leiin, kum tawp tieng khan chuh Goliatha le tleirawl David inhmasawn khawm an ang nuom sawt khawp el.

Hindutvahai solfa vai dan ringawta pawlitiks hla le sakhaw hla rem kawp hang khikhawkzie khawm Parliament-a Indian Citizenship Bill thar an put lut kaltu an tama inthawkin chieng taka hmu thei a nih. Sakhaw tienga pawl tam lemin a tlawm lemhai dawm dan thiem lo a, an kut hnuoia him tawka inngaina lungril nei lo a, an fak le dawn ding chen khuokhir tum a, bawng an ngaisak le invawi tluk khawma an ngai pawimaw nawh ni-a hrietna chun ram pumah boruok \ha lo a siem. Kuttin hlek khawm hliem a um chun taksa pumin a tuor naw thei nawh. Chu chu kum 2019-a Parliamentary Elections-a hin hung inlang dinga ring a nih. BJP khuoi thlăra khuoizu far liek tuma ring kei fânhai khawmin huop bik pawlisi hmang tumtu lakah an tla tlum sawt naw ding ti an hung hriet charin an hnar a kir el hlak a nih. Huop kim pawlisi hin kam a sukdĕn lem rawp.hmar holy bible Jubilee Kum 1968 October khan Dr. Thanglung inrawina hnuoia inlet Hmar \awnga Baibul pumpui, Bible Society of India (BSI) sutpek chu a hung suok a. Kum 2018 hi kum sawmnga a tling champha a ni leiin, Souvenir chen buotsaia puithu taka Jubili Lawmna hmun iemani zatah nei a nih. Puithu bika lawmna Tui\haphaia chuh November 24-25 khan Rev. Chawnga Memorial Chapel, Sielmatah hmang a ni a; Muolhoi (Haflong) a ruok chu November 30-December 2, 2018 khan an hmang thung. Muolhoia thupuia an hmang chu CHANCHINṬHA ROHLU a ni a, Tui\haphaia an Souvenir-a ruok chu thupui iengkhawm ziek a ni nawh. Chun, Muolhoi Souvenir insuo TUIHRING ti-a hin kha hmaa la tlangzar ngai lo, Dr. Thanglung lekhathawn, typewriter-a sut kawpi (facsimile) a chuong a, ngaituona a suksei khawp el. Hi lekha hi Sielmata inthawka January 20, 1959-a H.Thiek (Rev. Hrilrokhum Ṭhiek) le T. Sinate (Dr. Laltuoklien Sinate) hai kuoma Hmar \awnga Holy Bible a’n let zo tah chu sut el thei loa a um san a hril fiena a nih. Muolhoi chun Souvenir el bakah lekhabu changtlung le innghatna tlak, Baibul hung suok dan le Hmar \awnga inlet le sut version hrang hranghai chanchin, hnam ro tling, Dr. Hrilrokhum Ṭhiek buotsai, BIBLE CHANCHIN (Hmar Bible Golden Jubilee Edition), phek 147-a sa chu a bu hran tawpin an insuo bawk a, lawm an um takzet. Hieng thil suia research la thaw peihai ta dinga malsawmna la hung ni pei a tih. Thil fe le hung thlir le buk tawnin, Hmar \awnga Baibul inlet le sut thua hin thu inhnawk le inthiel fai ngai a lo tam khawp el. Ei hriet rawn po leh makti a zuol. BSI sut Baibul ei nei champha jubili chu lawm ding a ni laiin, kum sawmnga sunga siem phuisui sin ei ngaitha dan enin, inzaka thupha chawina ding ngawt naw chuh hang lawmna san ding a vang hlein kei chun ka hriet. Kum 7 chuong hiel inlet \hat sin thaw dinga Bible Society of India-in mi a ringzo a thlawna nuoi tam senga a mi ruoipek le a kûl a tâia an sin inrimna sawr \angkai neka an lo baihat tah chuh satel se anga vaninrum hma chuh inthla tum loa tuklul insuo le lungril ngar put ei um hlak a hawi. Hi hi Hmar Bible Translation Committee (HBTC) in harsatna benvawn a pai rŭk le a kawnkawpui laia pakhat chu niin an hril.

Mihriem hin chemkalna zawng ei nei seng a, chu chu Pathien thilpek a nih. Olin Miller-in, “Writing is the hardest way of earning a living, with the possible exception

Modi hi Pakistan Prime Minister anga khawsa a nih: kejriwal

new delhi: Aam Aad-mi party leader le Delhi Chief Minister Arvind Kejriwal chun, ‘Prime minister chu ram prime minister a ni a, party prime minister a ni nawh. Modi in Opposition inlalna states hai a enkawl dan hi India Prime Minister ni loin Pakistan Prime Min-ister anga khawsa a nih tiin a hril. Hi thu hi Andhra Pradesh Chief Minister N. Chandrababu Naidu in special status ngenna le

inzawma nikhat sung aw Andhra Bhawan, Delhi hmuna bungheia nuorna a neina hmuna Mr Kejriwal in a hril a nih. Mr Kejri-wal hi AAP Rajya Sabha MP Sanjay Azad Singh khawma zui vein dharna-a hin an in\hung ve a nih. Mr Kejriwal in a hril peinaah, prime minis-ter chun Andhra Pradesh special status pek dingin a puong a, sienkhawm khawvel puma inlar a nih. A hril phawt a sukpuitling nawh tiin a hril bawk.

employment newsMinority Affairs and OBC & SC Department, Government of Manipur hnuoiah hieng a hnuoia sin hai hia a ruok. 1. P.A to Chairperson post 1. Thiemna Graduate le Diploma in Short Hand. Pay Rs.7100/- per month. Kum 18-38 inkar. 2. Legal Assistant post 1. Thiemna Graduate le Diploma in Computer Application/ Course on Computer Concepts (CCC Level) zo. Pay Rs.8,000/- per month. Kum 18-38 inkar. 3. Office Assistant-cum-Computer Operator posts-3. Thiemna Graduate & Diploma in Computer. Pay Rs.7100/- per month. Kum 18-38 inkar. 4. Peon post 3. Thiemna HSLC/Equivalant passed from recognised Board/University. Pay Rs.5,740/- per month. Kum 18-38 inkar. Hnina lekha chu February 12, 2019 chenin Joint Sec-retary, MA/OBC & SC, Room No.84, Secretariat, North Block, Imphal-ah peklut thei ning a tih. Thu chieng lem le Application Form www.manipurminority.gov.in ah down-load thei ning a tih.

ED hmaa inlang dingin Robert Vadra le a nu Maureen Vadra in Jaipur an panJaiPur: Sumdawngtu Robert Vadra le a nu Maureen Vadra hai chu February 12, 2019 a Jaipur hmuna Enforcement Directorate hmaa inlang dingin zanikhan Jaipur an pan. Robert Vadra hi UK a property 1.9 mil-lion ( Rs. 17 crore) manhu inchawkna le inza-wmin corruption thawa intum a ni a. Kar hmasa khan hi case a hin ni 3 zet Robert Vadra hi ED hmaah a lo inlang ta a nih. Investigators hai chun Mr Vadra hi a per-sonal driver le a thawpui Mahes Nagar chu a nu Maureen hmingin Rajasthan-a Bikaner hmuna

ram inchawkna ding checque ladawkin an tum a, hi le inzawma ED hmaa inlang dinga Jaipur pan an nih. Vadra hai nufa hi zanikhan Jaipur an tlung a, Feb. 12, 2019, 10AM hin Bhawani Singh Road-a Enforcement Directorate Office-ah inlang dinga ti an nih. Thla hmasa khan Rajasthan High Court chun Ms Maureen Vadra le Robert Vadra hai hi Enforcement Directorate-ah inlang a, state-ment record dingin a lo inhriettir a nih.

Assam Addl. cS hlui in congress a zawmGuwahati: Assam a chun Additional Chief Secrtary hlui M.G.V.K. Bhanu chun Thaw\anni khan Congress party a zawm. Mr Bhanu hi nikum July thlaa kha a sina pension a nih. Mr Bhanu chun mipui ta dinga sin thaw a nuom

leia Congress zawm a ni thu a hril a, Lok Sabha Election hung um dinga hin Tezpur biel-a ngir a tum ding thu a hril a, sienkhawm thutlukna chu party ditdan ning a tih tiin a hril. Bhanu hi 1985 cadre IAS Officer, Andhra Pradesh care a nih.

of wrestling alligators” (Awle le inbuon ti loa fakzawngna harsa tawp chu lekhazieka fak zawng a nih) a ti dawta sin harsa le sawlum chu thu le hla inlet sin hi a ni el thei a, Baibul inlet hi a ni nawkzuol ka ring. Thumal pakhat ringawt khawm a thlaa tiem ei buoipui chang le thu \henkhat ei buon hne lo dam ei hmasuon chang a um. Kaisana inthawk anga a changa kawmiti inhawr khawma bawmrang thawla thawl phui el thei chi a ni nawh. A hminga theulawzi amanih kohrana namdetna dikri nei ringawt leia buon chi a ni naw el bakah thu le hla inlet dan kalhmang (art of translation) hi thiem thil danglam daih, dikri le inzawlna nei lo, hieng tienga inhnikna nei le chemkalhai inhmangna chi a nih ti hih hriet tum ei tiu. Chun, invêt chilh le lut chila, ni tina ka sawl ka kham ti dawn loa inbuonpui a ngai. Tharum amanih, a sum inhrata nawr thei a ni bawk nawh. Turtu le mawrtu thlarau chang a ngai. Chuong chu ni si lo, iengkhawm siem phuisui mumal um mang si loa a champha a tlung phaa lawm ringawt hin kawk a nei nawh. Pathien lawmzawng a ni khawm ka ring nawh. Ei Baibul hi Pathien le mihriem mithmua inzapui um lo le lawm tlâkin siem ei tiu. Ei thu vuok thlak hi \hahnemngaina hlo (zen) tet muk a ni leiin a puom \ha \el\awl hle a, a lo theida pawl an um palh chun chuonghai ta ding taka ziek chu a ni bik.

sak ZoraM inZin Kum 1990 Republic Day niin kum li lai India palai sin ka thawna Burma khawpui Rangoon chu ka suoksan a. Kum 1963-a sipai hotu General Ne Win-in tharum hmanga thuneina a laka inthawka kum 26 zet sipai thuneina hnuoia an inrŭm hnungin, 1988 khan ama thu bawkin diktetawr a nina chu a hlîp leiin, vantlang rorelna lak lut nuomin mipuiin lam an hraw mup mup a. Sienkhawm, sipaiin 8.8.1988 a thuneina an hung lak khan a ram pumah \ap le harawt ri le silai ri naw chuh ri dang an leng nawh. Zalenna suoltuhai \antu le \hangpuitua ngai kan ni leiin sipai sawrkar mit sukkhamtu le an enthlak zing kan ni a, Zo hnathlakhai umna Chin Hills le Kabaw phai hrim hrima inzin chu an phal naw hulhuol a. Rangoon ka suoksan tukin unau mi hung inthlatuhai kuomah dimawkrasi sawrkar a ngir hma chun Kawlram ka sir nawk ta naw ding thu le zalenna an hmu pha Pathien \huoina zara u le nauhai ka la hung kan nawk ka beisei thuin ka’n thla liem tawl a. Kum li neka tam liem tah khan dimawkrasi sawrkara ngai thei, zalenna suoltu Aung San Suu Kyi inrawina hnuoia indin a ni hnung khan damten zalenna kawl a hung eng a, inkhuokhirna hrui hlipin ram a hung zalen a, a ni telin hma an sawn duok duok a. India \hangpuinaa infepawna lampui a hung awlsam hnung lem chun pansak-panthlang angin ei hung inhnai zuol a. August 8, 2018-a inthawka ramri kâna lut theina a hung inhawng hnungin, kha hmaa Tahan Literary Circle mi fielna anga inzin prokram kan duong khah vawi hni zet kan sawn hnungin November-a dingin kan sukfel a. Delhi-a Myanmar Embassy-a inthawka visa lain, a mi \awiawmtu David Buhril, Tv. Lalremlien Neitham le Rev. Edwin Darsanglur leh November 1, 2018 zing dar 6:30-ah Moreh/Tamu panin kan suok a, thimbutah kan tum ram Tahan chu kan tlung tah a nih. Kum 30 zet beiseina khamhruia intûla ka nghak, ka pensawn hnung kum 16 le kum 80 ka hawl phak hnunga Pathienin ka tum a mi’n hlentirna kum a ni leiin ka ta dingin 2018 hi kum vangnei ti naw ruol a ni nawh. Zoram Khawvel-9 na a hring suok ngei ka beisei a, chu pha chun kan biekzinna chanchin chu Pathien zara la ngaithla tlang dingin beiseina hring leh thlir inla. lekhabu tlangzar Sak Zorama biekzina kan fe hmain Tui\haphaiah sungkuo le ruol le paihai kanna ding ni nga vêl hun awl siem a, chu sung chun lekhabu pakhat bêk tlangzar ding buotsai \hain ka hriet a. Hun hrang hranga Baibul inlet malama thu le hla ka lo ziek tah hai le kum 1912 laia Rabindranath Tagore-in Nobel Prize a hmuna, hla 103 thlang khawm, Bengali \awnga a ziek, ama ngeiin Sap\awnga a lo inlet, GITANJALI (Song Offerings) ti-a a ko, kum 1974-a Delhi tlanga Hmar \awnga ka lo inlet chu khawvar hmu loa a thamral sawng el inpâmna le inlâuna lien tak ka nei leiin in\hangsatir a, TRANLATION ti hming hnuoia lekhabu pakhata khawr pum chu \hain ka hriet a. Sun-zan zawmin ka buoipui chŭk chûk a, Tv. Blessing Buhrilin editing le proof-reading ah a mi san bakah a bu kawm ding a dizain a, thiphuhâkin ka suok hmain kan zo thei hram a. October 27, 2018 Inrinni sunah Rural Women Upliftment Society (RWUS) Conference Hall-ah DAWNTLANG-8 hmangin kan tlangzar tah a nih. Hi lekhabu hi thu le hla inlet dan kalhmang thlŭrna a ni-a chu lekhabu dangdai tak el, Zoram khawvela la um ngai lo, khawvel danga khawm um zen zen lo ding, ka kut tlawm tak fethleng a, Hmar \ong leilaka hmang a, Hebrai, Grik, English, Bengali le Zo hnathlakhai \awnga thu le hla mawi \henkhat, Iengkim Pathienin letdawivai (magic of translation) hmanga a’n lengkhawmtirna a nih. Hnama ei damkhawsuok ngai a ni chun, a hlutzie la hung hre pei an tih. (Delhi, January 31, 2019 Thursday)

Mda Partner han Cab dodal dingin delhi an PaniMPhal: Thawlenni hi Rajya Sabha inpuia Citizenship (Amend-ment) Bill, 2016 put luta pass tumna nia BJP sawrkar hril leiin dodaltu hran hran laia pakhat Manipur Democratic Alliance (MDA), political party tamtak \hangruol hotuhai chun lobby dingin zani khan Delhi an pan. BJP khawm \hang-na MDA Convenor M Tombi chun, Presi-dent Shiv Sena State Unit chun Feb. 12 hin Home Minister inhmu-pui dingin a rawt niin a hril. Home Minster inhmupuinaa hin CM a \hang ding le ding naw confirmed an nawh. Hi taka political party aia fehai chu: BJP (VP Ashwini Kumar); AAP ( T Manihar); AITC (Dr S Manouton); Manipur

National Democratic Front (K Khagendra) NPP (Sr VP Dr P Jil-lasana Sharma): Naga People’s Front/NPF (Armstrong Charang); People Democratic Al-liance ( L Seth ); LJP (Thangkhanlian Mate) hai an nih. (IT) Sawrkar \huoitu le MP an hmu thei thei-hai kuomah BILL hi thlawp lo dinga ngen pei an tum a nih. Iem a rasuok ding chu hunin hung hril a tih.

3thlavul (February) 12, 2019thawleni (tuesday) national/international & advertiseMent Hmasawnna Thar

laktawi

sIelMAt CHrIstIAn HOspItAl & reseArCH Centre

*** specialist doctor (urologist) pan nuiom hai chun dated 13 th (wednesday) or saturday February, 2019 zing dar 10AM hin Sielmat Christian Hospital-ah pan thei ning a tih. Zunlam tienga harsatna neihai ta ding khawmin pan thei ning a ta, operation a lo \ul khawma thaw thei nghal ning a tih. Registration Fee Rs. 300/- ning a ta, ticket booking khawm 7:30AM -6:30PM chen thaw thei ning a tih.

registration Contact no. : 9862853047(10,11,12)

UP-ah Bawng 100 chuong an thi

MuZaFFarnagar: Uttar Pradesh a Muzaffar-nagar a chun a san hriet loin Bawng 100 chuong an thi a, hi le inzawm hin sawrkar chun inquiry thaw dingin Order an suo. Bawng hai hi hlo an petna hmuna thi an ni a, an ngei lo ding hlohna (poi-sonous grass) an fak lei an naw leh tui thienghlim lo an dawn leia thi ni dinga ringhla an nih tiin Sub-Di-visional Magistrate Vijay Kumar chun a hril.

Yeddyurappa in JD(S) MLA naupa an hmupui ngei thu a hril

bengalore: Karna-taka BJP president BS Yeddyurappa chun, JD (S) MLA Naganagouda Kandakur naupa Sharana-gouda Kandakur an hmu-pui nia intumna le audio record tlangzara um a hniel hnungin Mr Kandakar kha February 7, 2019 zan khan an hmupui ngei thu Pathi-enni khan a hril nawk. A hma chun tukhawm inhmu-pui loin an hril a nih. Kandakur an hmupui huna khan a pa (Kandakur pa) in BJP a zawm dan ding chungchang an hrilt-lang niin Mr Yeddyurap-pa chun a hril. Audio record hi Zirtaw-pni khan Karnataka Chief Minister HD Kumaraswa-my in a release a, audio-a khan Yeddyurappa le Sha-

ranagouda Kandakar hair awl hriet theiin a um bakah JD(S) MLA hai minister pek dinga a thlemna thu an lang a. Release a ni hlim khan Mr Yeddyurappa chun audio clip chu siem fawm nia hrilin a lo hniel a nih. Amiruokchu Pathien-ni-a Hubbali hmuna party office-a thu a hrilnaa chun Mr Kandakur kha Feb. 7, 2019, 12:30AM in Devadu-rga hmuna circuit house-a hungin a mi hung inhmupui a, chu huna thu ramtin an hriltlang thu chanchinbu-mihai hmaah a hril nawk a nih. Hi thua hin Mr Yed-dyurappa chun Karnataka Chief Minister Kuma-raswamy chu third grade politics khela intumin, ama

beina dinga Sharanagouda kha a bula a hung tir niin an tum. Audio clip-a an lang danin Yeddyurappa khan kum 73-a upa Sharna-gouda (Kandakur pa) chu JD(S) ainthawk inbana BJP a zawm chun minister post pek ding le Kandakur chu minister post bakah election a sum hmang ding le Rs. 25 crore pek dingin a thlem nia hril a nih. Hieng laizing hin South Karnataka-a Kolar region-a JD(S) MLA Srinivasa Gowda chun BJP leaders han party suoksana BJP zawm ding le Rs. 30 crores pek dingin an thlem niin Pa-thienni khan an tum bakah advanced in Rs. 5 crore an pek nghal a, sienkhawm Kumaraswamy an hriettir hnungin a pekkir nawk niin a hril. Karnataka Assem-bly members 224 um-naah JD(S) le Congress \hangruol sawrkar chun Speaker tiemsa loin thlaw-ptu MLAs 117 an nei a, BJP chun MLAs 104 le Others in MLA 3 an nei mek a nih.

Zu \halo dawn leia mi tam tak thina thuah uP sawrkarin sit an din

luCknow: Uttar Pradesh sawrkar chun a state sunga Zu \halo dawn leia mi 67 zetin thina an tuok phana le inzawmin member 5 umna Special In-vestigation Team (SIT) an din a, SIT chu ni 10 sunga report pelut dingin Chief Minister Yogi Adityanath chun an hriettir. SIT hi Ad-ditional Director General of Police (Railways) Sanjay Singhal in inrawi a tih tiin official thusuok chun a hril. Uttar Pradesh baka hin

an \henum Uttarakhand a khawm mi 37 Zu \halo dawn leiin an thi ta bawk leiin tuchena Zu \halo dawn leia thina tuok chu 104 an tling ta niin ei thu dawngna chun a hril. Zu \halo dawn leia mi tam tak an thina le inzawm hin state pumpuiah Zu \halo dapsuokna sin thaw a ni a, tuchenah Zu \halo litres 79,000 vel man a nita bkah official \hahnemtawk tak an sin haia inthawk sus-pended an lo ni ta bawk.

J&K-ah strike in nundan pangngai

a sukbuoisrinagar: Jammu and Kashmir a chun Separat-ist han Thaw\anni khan JKLF founder Moham-mad Maqbhool Bhat thi champha vawi 35-na le inzawmin strike an thaw a, strike lei hin Kashmir a chun nundan pangngai nasa takin a sukbuoi. JKLF founder Bhat kha Intelligence official thatna le inzawma thi dinga a chungthu rel a ni angin February 11, 1984 khan Delhi-a Tihar Jail-a khai hluma lo um a nih. Strike lei hin Kashmir phairuoma chun dawr le bazar hai khar vawng an ni bakah motor inlawn an um nawh. Strike lei hin Syed Ali Shah Geelani le Mirwaiz Umar Farooq hai \hangin separatist leader dang dang hai chu house arrest a sie an nih.

Prasad fak leiin naupang 40 dam-

naw phal o h a r d a g a : Jharkhand-a chun pathi-enni khan Basant Panchami celebration huna fak thei chikhat ‘prasad’ sema um an fak leiin students 40 an damnaw pha. Naupang hai hi hospital panpui an ni a, anni laia pahni hai chu an damnaw inrik hle a hril a nih.

Gujjars quota ngena nuorna la

sunzawm peiJaiPur: Rajasthan-a Guj-jars hnam han sawrkar sin lakna le educational insti-tutions haiah seats 5% huol pek dinga ngenna an siem le inzawma nuorna an nei chu zani kha ni 4 a tlingna a nitah. Nuorna nei hai hin Jaipur le Agra infepaw-na National Highway-11 lampui an dang tlat a nih. Pathienni khan police han nuorna nei hai hnawtdarna dingin silai an kappuok bakah protest a \hang han Police motor an raw bawk. Hi thil tlung lei hin Dhol-pur le Karauli district haia chun fimkhur thuin district administration chun Cr.PC 144 a puong. Thaw\anni khan nuor-na nei hai hin NH-11 bakah hmun dang dang lampui dangna an la sunzawm pei tho a nih.

Ka area sungah chi le kuong hril ka phal nawh: Nitin Gadkari

Pune: Union Minister Ni-tin Gadkari chun, ka area sunga hnam le chi le kuong hril ka phal naw a, a hril an lo um chun vuok dingin “warning” ka pek a, hi lei hin chi le kuong le hnam thil in hmun a nei nawh tiin a hril. Hi thu hi Pimpri Chinchwad hmuna Puna-ruththan Samarasta Gu-rukulam huoihawt pro-gramme pakhata thu a hrilnaa Mr Gadkari in a hril a nih. Mr Gadkari in a hril peinaah, society chu eco-nomic le social equality a phuorkhawm ding a ni a, chi le kuong le hnam thil in hmun a chang ding a ni nawh tiin a hril. Gadkari hi Nagpur Lok Sabha seat-a inthawk MP dinga thlangtling a nih. Mr Gadkari hi a lungril indik tak hril hlak mi a ni a, December, 2018 a As-sembly election huna Raj-asthan, Madhya Pradesh le

Chhattisgarh haia BJP hne-ban an ni le inzawm khan leaders chun hlawsam le hneban hunah mawphurna a lak ngam ding a ni a, in-tum ding midang a zawng ding a ni nawh tiin a lo hril a nih. Congress party chun hun iemanichen liemtaa in-thawk Mr Gadkari in thu a lo hril le comments a siem hai hi ama party (BJP) lead-ers le PM Modi hai ta dinga thuhmaihupa a hril niin an ngai a nih. Gadkari in, ‘ mani in-sung khawm enkawl thei lo chun ram enkawl thei naw nih’ tia a hril lem kha Congress President Rahul Gandhi chun Prime Min-ister kapnain a hmang zui nghal a nih. Tulai hnai iemanichena inthawk khan BJP le an thlawppui party hai sunga khawm Gadkari hi Naren-dra Modi thlakthlenga PM hung ni dinga rawtna a hung pieng ta a nih.

CHIAlnAZenhang Lamka, the 11th Feb. 2019

Hongtung ding nisim February 14th 2019 (Thursday) zinglam dak 10:30 in “the First Zenhang lamka Meet – cum – Cultural exhibition 2019” zatna Zenhang Lamka Playground ah om ding a, hiai hun hong uap dingin Zehang Lamka khosuak mun tuam tuam a om te leh Zenhang Lamka ngainatu teng teng ka hon chial uh hi.Chief Guest : pu n. Biren singh, Hon’ble Chief Minister, Government of ManipurFunctional president : pu V. Hangkhanlian, Hon’ble Minister (Agri, Vety. & AH), Government of ManipurMeet pa : pu letkhochinthang Valte, Chief of Zenhang Lamka

sd/-pAUKHAnMAwI GUIte) sd/- edenMAwIA Chairman Secretary(12,13)

Nuhmei pakhat pasal 12 in an

suolhrawn Chandigarh: Punjab-a chun Inrinni zan khan pasal 12 han nuhmei kum 20 chu a ruol pasal pak-hat an vuok hnunga \huoi-hmangin Jagraon town bul laia farmhouse pakhatah an suolhrawn a. Hi le inza-wma complaint an dawng dungzuiin Punjab Police chun Thaw\anni khan Lud-hiana district hmun tum tumah dappui an thaw a, sienkhawm mi suolluitu hai hi man an la nei nawh. Suolhrawna um nuhmei in Police kuoma report a pek danin a ruolpa pasal pakhat leh Car-a Lud-hiana khawpui pana an fe mek laiin motorcycle a chuong pasal pahni han sukchawlin Car sunga um a ruolpa chu an vuok zek a. Chu hnungah Car hmang hin farmhouse tieng \huoia an suollui niin a hril.

Rahul Gandhi an rawl hlak leia congress suoksan ka nih: SM Krishna

Maddur: External Af-fairs minister hlui SM Krishna chun, Manmohan Sing inrawi UPA sawrkar le Congress a inthawk an banna san chu party-ah nina nei si loa an rawl vet hlak leia lungawi loa Con-gress suoksan a ni thu In-rinni khan a hril. Mr Krish-na hi tuhin BJP zawm tah a nih. Mr Krishna chun, kum 3 chuong External Affairs minister ka lo ni a, kha huna khan Rahul Gandhi chu party-ah iengkhawm a la ninaw a, general sec-retary khawm a la ni nawh.

Sienkhawm kum 80 tling ta chin hai minister ni theinaw ni hai ti le party thil dang dangah an rawl rawp a. Rahul thu hril ka hriet le inzawmin inbanna pea Bangalore tieng hung ka nih tiin Mr Krishna chun Inrinnia Karnataka-a Maddur hmuna function pakhata thu a hrilnaah a hril. Mr Krishna hi Karnata-ka-ah kum 1999-2004 inkar sung khan state Chief Minister a lo ni a, kum 10 chuong Congress-a a um hnungin 2017 khan BJP a zawm a nih.

Thlapa Lutna Kum 50-na Charah Space Vuongkai Tuml o n d o n : B r i t i s h billionaire Richard Branson, Virgin Galact ic nei tu , vanthengreng (space) a mihriem inzinna ding Rocket siem mektu chun, khawvel mihriem thlapa an lut a inthawka kum 50 a tlingna le inzawmin tukum July thla khin vanboruok ah a vuong kai ding thu a hril. Richard Branson chun a pr iva te company ah investment thawin Space Travel tourism sukhrat a tum a. A nuom taphawt ta dingin vawi khat inzin man USD 250, 000 pei (Rs. 100 lakh vel) pekin vanboruok hang inzina hnuoi tieng vuuongna ang thoa hung \um nawkna ding a nih. Hi taka hin Amazon.com neitu Jeff Bezos company Blue Origin khawm a \hang. Richard ang bawkin US mi mihausa SpaceX neitu Elon Musk khawmin rocket hrat pa a siem a nih. SpaceX khawmin Falcon 9 hmangin passenger phurin Thlapa hang hela hung \um nawk dingin an buotsai zing a nih. Richard Branson chun hi taka dinga Test Flight chu February 20 khin a nei ding niin a hril. July 20, 1969 khan Neil Armstrong le Buzz Aldrin hai chu Apollo 11 hmangin thlapa sung an hang

lutna ni a nih Tu kum July 20 hi kum 50-na ding char a nih. “Ka thiltum chu Thlapa Lutna Golden Jubilee kum taka hin vansanga hang vuongkai ve ka nuom a nih” tiin a hril. Kum 69-a upa tah Branson chun kum 30 mi taksa le hriselna ang a nei theina dingin kum bul a inthawkin a lo inbuotsai tah niin a hril. B r a n s o n c o m p a n t y Virign Galactic le Jeff Besoz company Blue Origin \hangruol le Elon Musk company SpaceX hai chun 2020 hma ngeia thlapa sung annawleh a kawla hang inhel kuola buoina um \hak lo, vuongna \um naran anga hung \um nawk an tum (inel) a nih. Branson 2013 khan radio station pakhatah Virgin Galactic space flight hmasatak chu Christmas Ni takin an nei ding thu a puonga chu an la nei n a w h . T u h i n ‘ M o o n

Landing’ anniversary 50-na le inzawmin July khin inkapkai a tum a nih. Hi inelna hi mi tamtak chun “Billionaire hai space race (Mihausa tawntaw hai Space Race) an tih. October 2017 khawm khan Finland a business conference ah ‘thla thum h n u n g a h ’ v a n b o r u o k inzing ding thu a hril a. Ni kum khan a vuongna siem SpaceShipTwo chu khawvel atmosphere chung khel tienga inthawka mel 50 chena insang a hang vuonga a la vuong insangtak \um a la nih. Mojave Desert a inthawkin an inkap suok a nih. UK Space Agency-a Spacesh ip P rog ram-a um Mike Taylor chun, “Commercial space age thar ei tlung tah a. Entrepreneurs hai chun ngaituona chau an chawktho ta naw a, investment thaw nuomna ding khawpin mi an hip tah

a nih” tiin a hril. “Space hlawtlingna chu British hming\hat a nih leiin a hlawtling theina dingin industry hran hran le \hangruolin inhlawtlingtir ngei kan tum a nih, tiin a hril. British sawrkar chun miin satellite chinhai siema sub-orbital flight nei theina dinga rocket an siem nuom chun, \hangpuina Pound million 31.5 chen pekin Scotland a Sutherland a inthawka inkap kaina hmun siemna ding dan a siem a. Space Travel sukchangtlung a tum a nih. Tuhin Virgin Galactic chun 2019 chenah mi invuongkai tir ta dingin hma a lak zing zinga. Mi pakhatah USD 250, 000 pei vuong man a pek ngai dingin a ruohman a nih. Ieng kim final stage-a um vawng an ni tah tiin “July chenah chu testing huntawk zet thaw tang kan tih” tiin a hril. A thil thaw hi miin 100% an nuom leh chau a thawpui ding thu a hril a. Pawisa seng leia lungril na deuva mi an um ding chu a \ha naw tiin mani nuomna ngeia inzin nuomhai chau a lak ding thu a hril. SpaceShipTwo Test flight nawk ding chu February 20 khin a nih ding niin a hril.

Nitin Gadkary in lampui le development

project a hawngChaMParan: Union Minister Pu Nitin Gad-kari chun Thaw\anni khan Bihar-ah Rs. 3000 crores chuong senga siem lampui 11 le river development projects a hawng.

ls-ainterim budget passedCAG report vawisun parliament-ah a phar ding

new delhi: Parliament Budget Session fe mekah Lok Sabha a chun Thaw\anni khan Appropriation (Vote on Account) Bill 2019; Appropriation Bill 2019 le Finance Bill, 2019 hai an passed. Finance Minister Piyush Goyal chun Narendra Modi inrawinaa NDA in centre-ah sawrkarna an hung siem hnungin India chun kawng tum tumah hmasawnna lam-pui a hrawt mek a nih tiin a hril a. NDA sawrkar chun kum 5 liemta sung khan hnam tin hai ta dingin sin a thaw a nih tiin a hril. NDA sawrkar hnuoia aconomic achievement dang dang um hai hrilin, fiscal deficit 3.4 in a tla hnuoi a, inflation khawm 2.19 per-cent in December chen khan a tlahnuoi a, Prime Minister Kishan Samman Nidhi hnu-

oiah loneitu han food secu-rity an hmu ding thu a hril bawk. Hieng laizing hin awrkar thlungpui chun Feb-ruary 12, 2019 hin Rafale jet fighter deal thua CAG report Parliament-ah a phar ding niin official thusuok chun a hril. Narendra Modi PM nina hnuoia India sawrkarin French company Dassault a inthawk indo vuongna Ra-fale fighter jets 36 inchawk

dinga deal a lo siem khan politics thilah inbeituona nasa tak a chawksuok a, main opposition Congress chun deal siem danah in-diklo taka thil thaw a nih tiin an intum a nih. Tuta Parliament Budget session fe mek hi general Election April-May, 2019 a hung um ding leiin 16th Lok Sabha session tawpna tak ding a nita a, session hi February 13, 2019 chen ding a nih.

Fak ding \ha le naupang hai hriselna chu India thar innghatna a nih: ModiluCknow: Fak ding \ha le naupanghai hriselna chu India thar (New India) innghatna a nih tiin Prime Minister Narendra Modi chun Thaw\anni khan a hril. Hi thu hi Vrindavan , Uttar Pradesh-a Aksha-ya Patra Foundation in mirethei naupang 3 billion fak ding a pek hrietzingna plaque a hawngnaa thu a hrilnaah a hril a ni a. Na-

tional Nutrition Mission, Mission Indradhanush le

Swacch Bharat Mission hnuoiah naupang hai ta din-

ga fak ding \ha, natna hri laka invengna damdawi le chengna in thienghlim lem buotsai pek chu sawrkar ngaipawimaw tak laia pak-hat a nih tiin a hril a. Mission Indradhanush hnuoiah naupang 3.4 crore le nuhmei naupai 90 lakh damdawi kap/pek an nita a, Uttar Pradesh a district \henkhat a chun naupang hai laia natna hri inleng Japanese Encepha-

litis damdawi \hangin hi scheme hnuoia hin vaccine chi 5 belsa a nih tiin PM Modi chun a hril. Hieng laizing hin PM Narendra Modi chun Thaw\anni khan Greator Noida hmunah 13th International Oil and Gas Conference- PETROTECH-2019 a hawng a. Producer le con-sumer hai ta dinga \ha ve ve Oil le Gas pricing fepui a \ul thu a hril.

Ramdangmi 4 Cocaine Rs. 39 crore manhu leh man

MuMbai: Maharashtra-a chun Inrinni zan khan ramdangmi 4 hai chu in-ruithei Cocaine Rs. 39.95 crores manhu leh an man. Mana um hai laia pathum hai chu Nigeria mi, Neras Pokhogo, Michael Hop le Simon Agobata hai le Brazil mi nuhmei pak-hat Karle Ires hai an ni a. Mauriya Estate road, And-heri hmuna Amboli Police han an man niin Additional Commissiner of Police Manoj Kumar Sharma chun a hril. Cocaine mana um hai hi Johannesburg, South Africa tienga thawn tum ni

dinga ring a nih tiin police thusuok chun a hril a, cou-rier company pakhat feth-lenga thawn an tum a ni a, chu dinga company offica an pan lai meka Police hai hin an man a nih. Cocaine hai hi banbun le curtains pipes sunga an thupruk a nih. Hi thila hin couriers company official hai in-rawlna an nei le neinaw hriet a la ni nawh. Mana um hai hi ND & PS Act hnuoiah case siem-khum an ni a, Court chun ni 7 sung Police custody-a la um phawt dingin an chun-gthu a rel.

SP in Rajya Sabha-ah CAB

an kal dingnew delhi: North East Students’ Organisation (NESO) chun Citizenship (Amendment) Bill, 2016 le inzawmin Thaw\anni khan New Delhi hmunah Sama-jwadi party leader le Rajya Sabha member inhmupuiin Citizenship Bill dodalnaah thlawp dingin an fiel. Hi le inzawm hin Javed Ali Khan chun, Rajya Sab-ha-ah CAB pass dinga phar a ni chun Samajwadi Party han an kal zawngin vote an pek ding thu NESO leader hai a hril. Mr Javed Ali Khan hi hi CAB enfeltu dinga indin Joint Parliamentary Com-mittee (JPC) a member ni bawk a nih. Tuta hma khan BJP chun BSP le SP hai thlaw-pnain Rajya Sabha-ah Bill hi pass a ni ding thu a lo hril a nih. Rajya Sabha-ah CAB pass a ni naw dan ding ngaituoin NESO team hi New Delhi le hmun dang dangah inzinin tuchena hin JD(U), SP, Shiv Sena le Rahul Gandhi hai an lo inhmupui ta a nih.

Malaysia PM Hlui Fakruka Intumin Intumna A Hnawl

k u a l a l u M P u r : Malaysian Prime Minister hlui Najib Razak chun, Prime Minister a ni laia Malaysian pawisa Million khat neka tam a fakruka a nuhmei khawm a che to/incsang taluo tia an hekna chu hnawlin indiknawna iengkhawm a nei naw thu a hril. Prime Minister hlui Razak hi a nuhmei leh man an nih a. A tling naw a inthawka thla

ruknaah an hek nghal a nih. Hienglai zing Thaw\anni tuka social media haia video an thedara chun a fakrukna case suituhaiin an sui hrat nawzie le a fakrukna thua an hmu pei nawna suklangnain R&B video hai an insuo a. Tuta sawrkar ngirlai demna thu khawm an hril (hekpui) \eu tawl bawk. M i t a m t a k c h u n a chungchang thu relfel intak taluo le action lak a um nawna leiin ‘corrupt and out of touch’ ang deuvin an tarlang bawk. Prime Minister hlui Rajib Razak hi a nuhmei leh hmun hran ve vea sie an nih a. Thawleni hin an chungchang thu rel \an ning a tih. Prime Minister a ni sungin Million 1 neka tam pawisa farua intum a nih a. Kha lei khan a tling ta naw pha reng a nih.(AP)

Hmasawnna Thar4 EntErtainmEnt / SportSthlavul (February) 12, 2019thawleni (tuesday)

sun ZAWMnA.......

Premier League:

Man. City chun a mikhuol Chelsea muolpho takin a sawp; 6-0 in a hneManChester: Defending champion Manchester City chun Pathienni zan khan an home City of Manchester stadium-ah Chelsea a mikhuol a. Manchester City chun Sterling, Aguero le Gundogan hai goal hmangin a mikhuol Chelsea chu 6-0 tawpa hnein muolpho takin a sawp. Man. City manager Pep Guar-diola in tukum Premier League title latu ding chu goal difference a zawng/en khawm a \ul el thei leiin hrat a pawimaw tak a, a dawtah goal a tam thei ang thun a nih tia tuta hmaa a lo hril ta angin Chelsea an mikhuol \um hin a mikhuol inth-lungtirtu nihai sienkhawm an thun nghek el niin an lang. First-half minute 4 naah Ra-heem Sterling chun Man. City ta dinga goal hmasa tak a thun a, Ser-gio Aguero in minute 13 le minute 19 –na haiah City ta dingin goal a thun bakah Ilkay Gundogan chun minute 25 naah goal a thun bawk leiin first-half chena khawm Man. City chun Chelsea hi 4-0 in an hne der ta a. Second-half minute minute 56 naah City in penalty an hlawsuok chu Aguero in a petlut leiin Aguero chun hat-trick a siem

a, inkhel hun bo tawm minute 80 naah Raheem Sterling chun City ta dinga goal a la hung thun belsa nawk leiin inkhel tawp chenah City chun Chelsea hi 6-0 in an hne ta a nih. Ball possession zawnga chu an inthlau naw a, City possession chu 56% le Chelsea ball posses-sion chu 44% a nih. Chelsea hin game 26-ah point 50 hmuin a pa-rukna in an \hang mek. Manchester City in goal 6 zeta Chelsea an hne lei hin Inrinni zana Bournemouth 3-0 a hnebana a chunghnung tak hung ni nawk Liverpool in point a hmu zat char points 65 hmuin goal difference

leiin Man. City chun a chunghnung tak ngirhmun a hung hluo nawk ta a nih. Liverpool hin games 26-ah point 65 a hmu a, Manchester City hin an games 27-naah points 65 an hmu ve thung a nih. Tuhin Liverpool chun match nawkah games 27 na dingin Feb-ruary 24, 2019 khin a palina ni mek Manchester United inkhelpui nawk a ta, City chu Feb. 28, 2019 khin Premier league game a khel nawk chau ta ding a nih. Chelsea le inkhel zana player hai inkhel danah City manager Guardiola chu a lawm hle a, a players hai an pak hle bawk.

Chuong laizingin Chelsea manager Maurizio Sarri chun City lakah khang tawpa an tlawm el na-san kha a hriet bik naw thu a hril a. Tuta hma chun kan home nekin away-ah kan khel \ha lem hlak a, tu ruok hin chu a letlingin kan um nawk ta a nih. A san kan hrietsuok a \ul tiin a hril. Chelsea le inkhel \uma Ague-ro in hat-trick a siem hi Permier League-ah hat-trick a siem 12-na a nita a, hat-trick vawi 11 neia re-cord lo siemtu Alan Shearer an an-gpui ta a nih. Anni dawtta hat-trick siem rawn hai chu Robbie Fowler (9); Michael Owen, Harry Kane, Thi-erry Henry (8), Wayne Rooney 97) le Luis Suarez (6) hai an nih. Chun, Pathienni zan match dangah Tottenham chun Leicester City 3-1 in a hne leiin hmatieng an pan pei a, hma\huoitu City le Liv-erpool le an karah point 5 chau a tla tah. Tottenham chun tuhin games 26-ah point 60 hmuin pathumna an ni mek a. Manchester United chun games 26-ah point 51 hmuin palina le Arsenal chun games 26-ah point 50 hmuin a pangana an ni mek.

Serie A:

Juventus in Sassuolo 3-0 in an hne, Milan in Cagliari 3-0 in an hne bawk

Milan: Inrinni zana Sas-suolo in an home Stadio Citta del Tricolore defend-ing champion le hma\huoitu ni mek Ju-ventus a mikhuol hunah Juventus chun Khedira, Ronaldo le Emre Can hai goal hmangin a mikhuoltu Sassuolo 3-0 in a hne nawk leiin Juventus chun points 11 zetin hma an \huoi tah. Goal hmasa Sami Khedira in minute 23- naa Juventus ta dinga goal a

thun hmangin first-half chenah Juventus chun Sas-suolo hi 1-0 in an hne a, second-half minute 70 le minute 86 na haiah Cris-tiano Ronaldo le Emre Can han goal an hung thun belsa leiin inkhel tawp chenah Juventus chun Sassuolo hi 3-0 in an hne ta a nih. Juventus chun hratna an chang lei hin games 23-ah point 63 an hmu ta a, anni dawttu Napoli chun points 52 hmuin an karah point 11

a tla mek ta a nih. Sassuolo hin games 23-ah point 30 chau la hmuin a 11-na ni mek an nih. Chun, Thaw\anni zing-kar (IST) khan Milan chun an home San Siro stadium-ah Cagliari 3-0 in an hne leiin games 23-ah points 39 hmuin league fe mekah palinain an \hang tah. Chun, Inrinni zan khan Inter Milan chun Parma 1-0 a hnein games 23-ah points 43 hmuin pathum-na an ni a, Atalanta chun SPAL 2-1 in an hne leiin games 23-ah points 38 hmuin pangana an ni mek. Milan in 3-0 a an hne Cagliari hin games 23-ah point 21 hmuin 15-na an nih. Inrinni zan match dang haiah Frosinone in Samp-doria 1-0 in an hne a, To-rino in Udinese 1-0 in a hne bawk.

Spanish La Liga: Defending champion Barcelona in Ath. Bilbao an drawpui

Madrid: Defending champion le league fe meka hma\huoitu Barce-lona chu Thaw\anni zing-kar (IST) khan Ath. Bilbao home San Mames-ah an mikhuol a. A tu tieng tieng khawm goal thun bik um

loin 0-0 in an indraw. Barcelona hin Ath. Bil-bao hne naw sienkhawm point 1 hmu belsain games 23-ah point 51 hmuin hma an la \huoi pei a. Ath. Bil-bao chun games 23-ah point 27 hmuin 13-na an ni

mek. Inrinni zan La Liga match dang haiah Leganes in Real Betis 3-0 in an hne a, Valencia le Real Socie-dad 0-0 in an indraw bakah Sevilla le Eibar 2-2 in an indraw bawk. Tuchenah Real Madrid chun point 45 hmuin pahn-ina an ni a, hma\huoitu Barcelona le an karah point 6 a tla. Atletico Madrid le Sevilla han point 44 le 37 hmuin pathumna le palina an ni a, Getafe CF chun point 35 hmuin pangana an nih.

Kylie Jenner Inhuolna Kut-sebi Bun Hmu A Nih

los angeles: A unauhai Kim Kardashian le Kendall Jenner haiin an hriet chinah, an unaunu Kylie Jenner, rapper Travis Scott le nau pakhat nei tah chu an lan huol (engage) naw tihai sienkhawm, mi tamtakin an inhuol anga an hril hi an dik lem el thei. K y l i e J e n n e r n g e i khawmin a \awngbauin a hril suok el nawa chu a changzie le chetzie haia chu ‘inhuol’ tah angin a suklang hlaka. Tuta \um khawm ‘inhuolna kutsebi’ inlang ngei ngei ding a ruolnu leh bazar kai dinga an suok laiin a suklang nawk. Kylie Jenner (21) chun thlasik zakuo lum Parker Jacket puk deu dum hakin kekawr lum dum bawk le Sneaker var bunin bag te le mobile phone chawiin a ruolnu leh an suok a. A bag hawng lai le phone a chawi danah khawm a kutsebi inlang dan ding ang takin a suklang hlak. Make Up mugul t ia ko, make up thuomhnawa

sumdawng leia kum 30 hmaa millionaire kai Kylie Jenner hin make up a hmang tak naw hle a. A bieng tlawr le sen metna ding le lip stick khawm ‘nude’ hmangin a tak taluo nawh a. A sam intawm vawngin fai vawkin a uma, a fresh ham el a nih. An cheidan nekin a kutsebi bun mawl chun mihai hril a hlaw lem a nih. Ama khawmin tamtakin an indawn ti a hriet a, social media ah a puong nawa chu an hmu thei dingin a suklang hlak a nih. Kylie hin Travis leh nau pahnina ding nei nawk a nuom thu khawm a lo hril tah. Tulai hnaia Super Bowl ah khan Travis in a propose ta ding ti thuthang a um a. A unaunu model Kendall Jenner ruok chun Ellen DeGeneres Show ah, chuong ang a la hriet naw thu a hril a. Travis in innei nuomin a propose ding nisien chu an sungkuo (family) a hril hmasak a ring thu a hril a. “A la propose naw deu nin ka hriet” tiin a hril. A u Kim Kardashian khawmin Jimmy Fallon TV program ah chuong ang bawk chun a hril. “Innei an rawt nisien chu mi hril a tih. Thuruk ip thei tak a nia chu, chuong ang thil a um chun mi hril ngei ngei a tih. Ka chieng kuong nawa chu, an lan huol/nei chu ka ring nawh” tiin a hril. Kylie Jenner le Travis Scott hi kum 2-3 vel chauh an lan hrieta chu nau Stormi (1) an nei tah. Coachella Music Festival 2017 khan an inhmu \an a. Kar hni hnung velah nau a pai nghal a nih. An naunu Stormi hi a u Kim hai nau Chicago le an thlalakhai khawm social media ah kar hmasak khan a share a. An nauhai hi an karah kar hni chau a um.

Kacey Musgrave-in Grammy Award 4 A Laklos angles: Kacey Musgrave chun Grammy Award 2019 ah mi inhnar tak le an sangtak Album of the Year (Golden Hour) ah a lak a. Best Country Song (Space Cowboy), Best Country Solo Performance (Butterly) le Award dang pakhat leh a rengin pali lain tu kuma Grammy Award dawng rawntak a nih. A ruolnu Cardi B khawm ‘Invasion of Privacy’ ah Best Rap Album lain solo nuhmei hi Grammy Award latu hmasatak a nih. Lady Gaga khawm ‘Shallow’ ah Best Pop Duo/Group Performance a lak a. A ruolpa le director Bradley Cooper London ah BAFTA Award a \hang leiin a \hang thei naw a. An pahni aiin a lak. Lady Gaga hin a film changna hmasatak Best Actress (Critics’ Choice Award) a lakna ‘A Star Is Born’ ah Best Song Written For Visual Media khawm a lak bawk a. First time acting-a ding chun BAFTA award pakhat an lak bawk, a thaw \ha pawl a nih Dua Lipa chu Best New Artist inhlan a nih bawk. Grammy Award pali la ve tu chu Record of the Year le a dang pathum latu Childish Gambino (This Is Amerca) a nih a. Amiruokchu, a hung \hang thei nawh. Best Rap Song chu Drake-in ‘God’s Plan’ ah a laka Scott Travis a khum a nih. Dolly Parton chu Lifetime Achievement Award inhlan a nih a. Kacey Musgrave, Miley Cyrus le mi dang danghai lai a \hang phak ve tah. Tu kum Grammy Award 2019 latuhai chu a hnuoia hai hi an nih: an lar zuol po chauh.

RECORD OF THE YEARThis Is America - Childish Gambino

ALBUM OF THE YEARGolden Hour — Kacey Musgraves

SONG OF THE YEAR This Is America - Donald Glover and Ludwig Goransson,

songwriters (Childish Gambino) - WINNERBest New Artist

Dua Lipa Pop Field

Best Pop Solo Performance

Joanne (Where Do You Think You’re Goin’?) - Lady Gaga

Best Pop Duo/Group Performance

Shallow - Lady Gaga and Bradley Cooper

Best Traditional Pop Vocal Album

My Way - Willie Nelson Best Pop Vocal Album

Sweetener - Ariana Grande Best Dance Recording

Electricity - Silk City and Dua Lipa Feat. Diplo and Mark

Ronson Best Dance/Electronic

Album Woman Worldwide - Justice

Best Country Solo Performance

Butterflies — Kacey Musgraves

Best Country Duo/Group Performance:

Tequila - Dan + Shay Best Country Song

Space Cowboy - Luke Laird, Shane McAnally & Kacey

Musgraves, songwriters (Kacey Musgraves)

Best Country Album Golden Hour - Kacey

MusgravesRock Field

Best Rock Performance When Bad Does Good - Chris

Cornell Best Metal Performance

Electric Messiah - High On Fire

Best Rock SongMasseduction - Jack Antonoff

& Annie Clark, songwriters (St. Vincent)

Best Rock AlbumFrom The Fires - Greta Van

Fleet Reggae Field

Best Children’s AlbumAll The Sounds - Lucy

Kalantari & The Jazz Cats MUSIC VIDEO/FILM

FIELDBest Music Video

This Is America — Childish Gambino

Best Music FilmQuincy — Quincy Jones

RAP FIELDBest Rap PerformanceKing’s Dead - Kendrick

Lamar, Jay Rock, Future & James Blake

Best Rap/Sung PerformanceThis Is America - Childish

Gambino

Best Rap SongGod’s Plan - Aubrey Graham,

Daveon Jackson, Brock Korsan, RonLaTour, Matthew

Samuels & Noah Shebib, songwriters (Drake)

Best Rap AlbumInvasion Of Privacy - Cardi B

Best Gospel Album Hiding Place - Tori Kelly

Best Contemporary Christian Music AlbumLook Up Child - Lauren

Daigle Best Roots Gospel AlbumUnexpected - Jason Crabb

American Roots Music Field Best American Roots

Performance The Joke - Brandi Carlile

Best American Roots SongThe Joke - Brandi Carlile,

Dave Cobb, Phil Hanseroth & Tim Hanseroth, songwriters

(Brandi Carlile) -Best Americana Album

By The Way, I Forgive You - Brandi Carlile

The Greatest Showman - (Various Artists)

Best Score Soundtrack For Visual Media

Black Panther Ludwig Göransson, composer

Best Song Written For Visual Media

Shallow - Lady Gaga, Mark Ronson, Anthony Rossomando & Andrew

Wyatt, songwriters (Lady Gaga & Bradley Cooper)

Olivia Coleman-in BAFTA 2019 Best Actress Lak

london: British Academy of Films and Television Arts (BAFTA) 2019 result puong a ni tah a. British lalnu Queen Anne lem hnesaw taka ‘The Favourite’ a changtu Olivia Coleman chu Best Actress inhlan a nih. Lady Gaga le midanghai a khum vawng a. Rachel Weiz chu Best Supporting Actress inhlan a ni bawk. ‘The Favourite’ hin BAFTA award pasari a lak a, tuta \um BAFTA award dawng rawn tak a nih. Rami Malik chu ‘Bohemian Rhapsody’

ah Freddie Mercury (Queen) lem a changna ah Best Actor inhlan a nih. Bet Film le Best Director hai ruok chu Netflix (TV) a mi English \awng ni lo Roma (Mexican film) in a lak thung. Tu kuma Best Actress award a dawng pahnina dingin Royal Albert Hall, London ah Pathienni khan Olivia hin Lady Gaga le Glen Close hai a khum a nih. A co-star Rachel Weisz chu Best Supporting Actress inhlan a nih. Stage ah Rachel leh lawmnan an inkiss a, lawm an hlaw hle. ‘The Favourite’ hin Outstanding British Film, Original Screenplay, Costume Design, Production Design le Hair and Make-up hai khawm a lak. Olivia chun a ruolhai Emma Stone le Rachel hai kuomah lawmthu a hril a. Anni pahni supporting thiem leia award dawng thei niin a hril a. Emma le Rachel, thank you for your performance and what you did even after the camera stop rolling. I Love you!” tiin lawmthu a hril. Rachel Weisz khawmin Award a lakin Olivia le Emma kuomah lawmthu a hril a. Leading role latu Olivia zar a nih tiin ‘Hats off!” tiin stage a inthawkin chibai/salute a buk. Rachel chun: ‘I played this opposite two of the most glorious women, Olivia Colman and Emma Stone, and didn’t we have the most glorious time? Hats off to you ladies!’ tiin a hril.

Hero I-League:neroCa in hma\huoitu Chennai City an indrawpuiiMPhal: NEROCA (Manipur) chun Thaw\anni zantieng khan an home ground Khuman Lampak Main Stadium-ah League hma\huoitu Chennai City an mikhuol a, second-half hnunga Odli, Dyeltshen le Aryan Williams hai goal hmangin Chennai City 3-3 in an indrawpui. Pedro Manzi chun Chennai City ta dinga goal hmasa tak minute 35 naah a hung thun a, hi zo minute 42 le minutes 45+1 haiah Chennai City ta din-gin goal a hung thun nawk leiin leiin hat-trick a hmu a. Hi lei hin first-half chena chun Chennai City hin 3-0 in NEROCA an hne a. Beiseina khel tieng daiah second-half inkhel

nawk hnung minutes 52 naah Felix Chidi Odili chun NEROCA ta dinga goal hmasa tak a hung thun a, hi zo minute 68 le minute 87 na haiah Chencho Gyelt-shen le Aryan Williams han NEROCA ta dinga goal an hung thun nawk leiin an goal bat phung an thungkir hman vawng leiin 3-3 in an indraw a nih. Chennai City hin games

16-ah points 34 in hma an \huoi a, Real Kashmir in points 32 hmuin pahnina an ni mek a, Churchill Broth-ers in games 17-ah point 30 hmuin pathumna an ni a, east Bengal in games 14-ah points 28 hmuin palina an ni a, NEROCA chun zanita an inkhel le hin games 17 an inkhel ta a, hi chena hin points 26 hmuin a panga-nain an la \hang mek a nih.

Rahul Gandhi chu Thaw\anni khan Delhi a kir nawk nghal a. Priyanka Gandhi chu Feb.15 chen sin a \an tak tak ding chau a nih. Thawlenni a inthawkin dar 9:30am a inthawkin biel 38 a workers hai (ruot ang peiin) inhmupui a ta. A darbia \he thlapin zantieng dar 4pm chen a thaw zie ding a nih. Rawl innem riein, “Ei rengin \hangruol ei ta, politics thar ei khel ding a nih. |halai, naupang, nuhmei le miretheihai inlengna

ding le hmasawnna dingin” tiin a hril a. Ama le ama an ringzo bawka ringzo a um em em. Hei en ngawt khawmin a hadama mi a hip thei rieu. Congress supporter Fuzail Ahmed Khan (45) chun, “Indira Gandhi hung hring nawk ang a nih. Mipui chun Rahul Gandhi Prime Minister dingin an dit a, Priyanka Gandhi UP Chief Minister dingin an dit a nih” tiin a hril. (PTI/IE/HT)

Priyanka Gandhi Vadra in UP-ah Road Show a nei

SA-in Jamal Kashoggi Ruong Umna Hriet Nawhwashington: Saudi Arab ia s awrka r chun journalist Jamal Kashoggi Oct.2 a an Consulate a lut a suok nawk ta naw leia an that anga a pawm leia mi 11 a man hnungin a ruong tak ruok chu a umna an hriet naw niin senior foreign official pakhat chu Pathienni khan Washington ah CBS TV a hril. Jamal Kasoggi Istanbul-a Saudi consulate a lut a inthawkin thla ruk vang an tah a. Consulate sungah that ngei nia hriet a ni thu le a thawtua ringhla Crown Prince Salman rawihai le official \henkhat 11 an man a chu a ruong hi iem an lawa ti sawrkar tak khawmin a hriet thei nawh a. Turkey sawrkar hriea inhril haiin fiena an nei le nei naw lan dawn an tum niin ‘Face The Nation’ ti program ah a hril. Saudi minister of state for foreign affairs, Adel al-Jubeir chun kha tuolthatna kha ‘sawrkar thuneina puotienga’ thil tlung a nih tiin a hrila. That a nih ti an pawm si chun a ruong khawlam a um leh? ti indawn a nih a. “Kan hriet bik nawh” tiin public prosecutor a case buoipuitu khawmin Turkey a inthawkin evidence a hnia chu dawnna a la hmu naw niin a hril. A thattua intuma manhai a inthawkin iengtinam an hriet thei nawa? ti zawna chu dawnin, “Kan la suizui zing a nih” tiin a hril a. Tuhin chu possibilities (ni thei ding) tamtak kan nei tah a. A ruong khawm iem

an lawa ti kan indawn zing a nih. Investeigation hi a fe lai zing a ni leiin iemani tak chu thudik a hung suok vat tah ka ring” tiin a hril. Mr Jubeir hi Zirtawpnia-a kha interview record a nih a. Hi ni bawk hin President Trump chun Congress-in Jamal Khashoggi thatna thu le inzawma reporting dateline an siem chu a ngaisak nawh a, a dawn bawk nawh. Khashogi hi Washington Post correspondent a nih a US mi a nia chu Saudi Arabia mi khawm a la nih a. Saudi Arabia lal sungkuo Prince Salman thilthaw danhai a hrilsietin a kal hlak leiin Prince Salman khawm a chungah a lung ni ta rak nawa hril a nih. US hlak chun Prince Salman leh USD billion 6 lai ‘trade agreement’ a neipui a, ralthuomhai zawrna dinga an rempui a nih bawk si leiin an kar thu buoi a nuom naw a nih. Saudi Arabia hi US ruol\ha a lo ni bawk leh, khawvelin an inthiemnawa Turkey lem chun beina remchanga hmangin an rama Saudi Consulate ngei sunga a hei thi hi US le Saudi beina

dingin hmang remchang a nuom si. US hlakin khawvel mipui ditdana ro a rel le a thaw a ngai bawk. CIA director khawm tirin National Security Adviser le Secretary of State hai chen tirin Saudi le Prince Salman chu thudik hril or sui suok vat dingin an hrila chu a ruong umna an la hriet chuong nawh. CIA chun kha thil thawna kha lal sungkuo haiin fel taka an plan, an thupek ang peia thaw a nih leiin a ruong thu khawm an thupeka thup/thaw nih dinga ring a um thu a hril a. Presodent Trump ruok chun chuong zawng chun nih thei dingin a ring si nawh, a ruolpa ringhla sienkhawm pawngpaw baw el chu a nuom naw a nih. Zirtawpni bawk khan New York Times chun, 2017 CIA haiin inbiekna (communication) pakhat an lo man fuka chun, Saudi Prince Salman chun telephone hmangin mi pakhat a biek a. Chutaka chun, journalist Kashoggi hi Saudi tieng a hung kir naw chun ‘silaimu leh ngei’ ka hnwtzui ding a nih, tia a hril lai record an nei niin a ziek. (Reuters)