rebÉlate! cangas é de tod@s
DESCRIPTION
Díptico da Alternativa Canguesa de Esquerdas (ACE) para as eleccións municipais do 22 de maio de 2011.TRANSCRIPT
![Page 1: REBÉLATE! Cangas é de tod@s](https://reader034.vdocuments.site/reader034/viewer/2022042603/568c37c91a28ab02359cccf1/html5/thumbnails/1.jpg)
![Page 2: REBÉLATE! Cangas é de tod@s](https://reader034.vdocuments.site/reader034/viewer/2022042603/568c37c91a28ab02359cccf1/html5/thumbnails/2.jpg)
Despois da situación calamitosa na que quedou o Concello logo de oito anos de go-berno do Partido Popular, agravada pola nula xestión desta “nova dereita” conforma-da polo BNG–PSOE, cómpre procurar o consenso político para acometer, cando menos, tres cuestións fundamentais para o presente e o futuro inmediato de Cangas:
1.- REXENERACIÓN DEMOCRÁTICA
Hai que recuperar a transparencia na xestión municipal, secuestrada nestes momentos e substituída polo escurantismo máis reseso.Temos que desenvol-ver unha democracia real e participativa na que a veciñanza teña a palabra e sexa decisiva na acción de goberno, sendo recoñecidas as organizacións veciñais como interlocutoras principais da corporación. Ao tempo, hai que avanzar no recoñecemento das parroquias a efectos operativos e mesmo legais.
2.- REXENERACIÓN ECONÓMICA
A situación económica xa era negativa no ano 2007, pero a nefasta xestión dos últimos anos (agravada ademais pola crise económica xeral) levou o Concello a unha situación de creba, próxima á bancarrota. A débeda cos provedores vaise acumulando sen que se lle faga fronte (chegando mesmo a poñer en perigo a viabilidade de pequenas empresas do Municipio), e mentres este goberno segue a despilfarrar o pouco diñeiro público que entra nas arcas do Concello.Urxe pois, como primeira medida de goberno, facer unha auditoría das contas e deseñar e aprobar un Plan Económico–Financieiro que permita afrontar os pagos pendentes, racionalizar os gastos e planificar con coherencia as inversións necesarias de futuro.
3.- REXENERACIÓN URBANÍSTICA
A actuación do goberno bipartito nestes últimos anos non lle ten nada que envexar á actuación anterior do PP, practicando o mesmo tipo de urbanismo especulativo e non pensado para servir ao conxunto da cidadanía senón aos intereses do capital. Precisamente a visión de ACE defendendo un urbanismo harmónico e sustentable pensado para mellorar a calidade de vida dos cangueses e canguesas foi unha razón fundamen-tal que nos levou ao enfrontamento co BNG-PSOE e provocou a nosa saída do goberno.Non é de recibo que o avance do Plan Xeral de Ordenación Municipal (PXOM) estea secuestrado nos caixóns e que desde a alcaldía-concellería de urbanismo se intente introducir outra vez no Plan os convenios urbanísticos especuladores de Massó e Aldán, que ademais pretenden concentrar a maioría da edificabilidade futura do Municipio.É necesario reactivar o Consello Sectorial de Urbanismo e acadar con urxencia un gran acordo cara a conseguir para Cangas un Plan Xeral consensuado e razoable que aposte pola calidade ambiental e pola preservación da nosa riqueza natural.É por iso (por poñer dous exemplos significativos) que seguimos a manter un NON rotundo á construción dun “parking náutico privado” (aínda que lle chamen porto deportivo) no banco pesqueiro e marisqueiro do Salgueirón e que seguimos a apoiar a loita veciñal de Aldán pola recuperación dos seus montes comunais.
![Page 3: REBÉLATE! Cangas é de tod@s](https://reader034.vdocuments.site/reader034/viewer/2022042603/568c37c91a28ab02359cccf1/html5/thumbnails/3.jpg)
Decálogo de medidas sectoriais para desenvolver na próxima lexislatura
1. Reivindicamos o CENTRO DE ALTA RESOLUCIÓN en Cangas como primeiro paso cara a unha atención hospitalaria axeitada no Morrazo. De feito desde a concellería de Urbanismo xestionouse a reserva de terreos no primeiro avance do PXOM (aínda que se poidan consensuar outros), como tamén xestionamos a consecución do terreo para o novo CENTRO DE SAÚDE de Aldán–O Hío, do que reivindicamos a súa inmediata construción.
2. Acceso aos servizos de saneamento, abastecemento e alumeado para toda a ci-dadanía. Potenciación do transporte público colectivo tanto marítimo como te-rrestre poñendo en marcha liñas de transporte colectivo que melloren as comu-nicacións no eixo O Morrazo–Vigo–Pontevedra. Temos que esixir tamén un plan de mellora e maior regularidade no transporte público entre a vila e as parro-quias. Esixencia de desenvolvemento inmediato das circunvalacións de Cangas.
3. Mellora do vergoñento sistema de recollida e xestión do lixo, orientándoo cara a cri-terios máis ecolóxicos e sustentables. Apostamos tamén pola contenerización soterrada. Hai que mellorar a depuración e o tratamento das augas residuais e apostar pola promoción das enerxías alternativas e renovables e da ecoconstrución.
4. Durante a estadía de ACE no goberno, apostouse claramente pola mellora dos Centros Públicos de Ensino, con obras de adaptación de espazos escolares, de servizos de come-dor ou de instalacións deportivas. Hoxe, os centros públicos están abandonados á súa sorte e suprimiuse a brigada de obras específica demandada por nós. Hai que crear esa brigada de mantemento e demandar da Administración educativa a mellora dos centros, a eliminación de barreiras ou a renovación de material, entre outras actuacións.
5. Potenciación da Cultura e das Artes como un ben público ao servizo das persoas. Segui-remos os pasos dados na nosa etapa de goberno artellando programas culturais estables e de calidade que se estendan tamén ás parroquias aproveitando a rede de Bibliotecas. Ao tempo, seguiremos a apoiar a actividade cultural desenvolvida polas diferentes agrupa-cións canguesas, así como os eventos importantes e o recoñecemento público as xentes do sector. Elaboración dun Plan de actuación e posta en valor para o xacemento do Facho.
6. Defensa do Patrimonio natural e histórico artístico, deseñando un Plan de Protección e rematando de elaborar unha Listaxe de Bens Patrimoniais a Protexer (empezada por nós nesta lexislatura). Deseñar un Plan de Recuperación e posta en valor de todas as fábricas de conserva e salgadura do noso litoral, promo-vendo e apoiando o seu uso socio-comunitario e o desenvolvemento de activida-des económicas sustentables. Recuperación das naves de Ojea e do seu contorno para uso público. Elaboración dun Plan de Recuperación de zonas degradadas.
7. Promoción de iniciativas de emprego e de políticas sociais dirixidas ás per-soas e aos sectores máis desprotexidos. Apoio aos sectores económicos autóctonos como a pesca de baixura, a agricultura ecolóxica ou o pequeno e mediano comercio. Apoio ao desenvolvemento do Parque Empresarial e Industrial do Morrazo. Políticas concretas e decididas na defensa dos dereitos das mulleres e na igualdade laboral.
8. A política para a mocidade non pode limitarse a ser unha contra-programación da actividade lúdica e cultural. É necesario un Plan de formación laboral que teña como obxectivo o fomento do emprego xuvenil. Hai que recomezar as xes-tións para a creación dunha escola–taller que a desidia dos gobernantes actuais fixo desaparecer. Hai que apoiar un Plan de vivenda específico para a xuventude.
9. É fundamental o apoio decidido e a potenciación da actividade deportiva en todas as especialidades e niveis. Mantemento e mellora das instalacións deportivas existen-tes, incluíndo as escolares. Esixencia e xestións inmediatas para o remate da pis-cina municipal, abandonada polas dúas “dereitas”, a do PP e a do bipartito BNG-PSOE.
10. Desenvolvemento dunha política de vivendas de promoción pública seria, rea-lista, clara e planificada, que beneficie os sectores máis desfavorecidos e con máis necesidades, contemplando tamén unha promoción propia en todas as parroquias.
![Page 4: REBÉLATE! Cangas é de tod@s](https://reader034.vdocuments.site/reader034/viewer/2022042603/568c37c91a28ab02359cccf1/html5/thumbnails/4.jpg)
mariano abalo costa
traballador de correos
cangas
xosé manuel pazos varela profesor
coiro
aquilino blanco prieto
técnico informático
cangas
araceli paz novas
licenciada en belas artes
o hío
maruchi álvarez barreiro
sindicalista
aldán
santiago piñeiro edreira estudante de historia
san roque-darbo
maría do carme mariño martínez
traballadora do fogar san pedro-darbo
xesús a. pérez gallego navalleiro
balea-darbo
iris bouzón corral estudante cc. ambientais
darbo
tomás hermelo álvarez
técnico acuícola
aldán
ánxela vizoso marcos
socióloga
vilariño-o hío
moncho fernández martínez traballador da banca
darbo
manuela tilve méndez
traballadora da sanidade
cangas
ricardo prieto devesa traballador da banca
nazaret-cangas
leticia mariño molanes
contable
san pedro-darbo
isabel suárez cabaleiro mestra
cangas
darío portela núñez
licenciado en filoloxía darbo
concepción pazó rial traballadora do fogar
san pedro-darbo
ricardo martínez sampedro traballador medioambiente
coiro
laura verde curra
técnica acuícola
coiro
lista alternativa canguesa de esquerdas municipais 2011
xosé bermúdez docampo
músico
aldán
suplentes:
manuel ruibal garcía mariñeiro xubilado. coiro
maría josé fernández alfonso diplomada en ed. infantil. balea-darbo
jesús gallego rial traballador do metal. balea-darbo
sofía fernández chapela traballadora do fogar. cangas
maría josé justo ferreiro traballadora alimentación. san pedro-darbo