raport përfundimtar i...

Përmbajtja

1. Përmbledhja ekzekutive

1.1. Informacion i përgjithshëm mbi rezultatet e inspektimit...................(4-4) 1.2. Informacion i përgjithshëm mbi zbatimin e rekomandimeve.............(4-4)

2. Hyrje

2.1 Arsyet e inicimit të inspektimit..........................................................(5-5) 2.2 Qëllimi i inspektimit..........................................................................(5-5) 2.3 Objekti i inspektimit..........................................................................(5-5) 2.4 Subjekti i inspektimit.........................................................................(5-5) 2.5 Objektivat e inspektimit.....................................................................(5-6) 2.6 Rëndësia e inspektimit.......................................................................(6-6) 2.7 Metodologjia e inspektimit................................................................(6-6) 2.8 Periudha e kryerjes së inspektimit.....................................................(6-6) 2.9 Periudha e mbulimit të inspektimit....................................................(7-7) 2.10 Drejtimet e inspektimit......................................................................(7-7) 2.11 Kriteret e vlerësimit...........................................................................(7-7) 2.12 Pengesat dhe kufizimet në arritjen e objektivave..............................(7-7)

3. Përshkrimi i objektit, gjetjet dhe rekomandimet

3.1 Administrimi i pronave të paluajtshme policore..............................(8-11) 3.2 Gjendja aktuale e ndërtesave policore dhe aseteve përcjellëse.........(11-17) 3.3 Performanca policore mbi fushën e menaxhimit të ndërtesave........(17-20) 3.4 Menaxhimi i ekzekutimit të kontratave.............................................(20-22) 3.5 Shërbimet e mirëmbajtjes së ndërtesave...........................................(23-25)

4. Plani për përmbushjen e rekomandimeve

4.1 Plani i veprimit për realizimin e rekomandimeve..............................(26-27)

Shtojca

DEPARTAMENTI I INSPEKTIMIT - INSPEKTORATI POLICOR I KOSOVËS 3

1. Përmbledhja ekzekutive

1.1. Informacion i përgjithshëm mbi rezultatet e inspektimit 1.1.1. Në drejtim të përmbushjes së përgjegjësive të përcaktuara me Ligjin për Policinë, Policia e Kosovës (në tekstin e mëtejm Policia) posedon dhe shfrytëzon një numër pasurish të paluajtshme. Për shkak të rrethanave socio-politike dhe ekonomike, një pjesë e tyre nuk janë menaxhuar sa duhet, por gjatë periudhës së pasluftës është investuar në ngritjen dhe përmirësimin e kapaciteteve teknike për krijimin e kushteve më të mira për personelin. Ka vështirësi rreth bartjes së të drejtës pronësore, që vlerësohet se do të tejkalohen në të ardhmen e afërt. Regjistri i pronave të paluajtshme ka nevojë për rifreskim të të dhënave, drejt krijimit të një pasqyre të qartë të pronave. Duhet punuar në lirimin e disa pronave të uzurpuara nga personat fizikë dhe juridikë të papërgjegjshëm. Duhet të punohet ende në sigurimin e objekteve për disa stacione, me qëllim të shmangies së kostove të qiramarrjes. 1.1.2. Policia ka nevojë për krijimin e hapësirave të mjaftueshme të punës, të cilat duhet siguruar përmes standardizimit dhe unifikimit të kushteve brenda hapësirave të punës në objekte policore. Vërehet mungesë e hapësirave për punë dhe sipërfaqja e tyre dallon nga stacioni në stacion. Vërehet nevoja e përmirësimit të kushteve hapësinore dhe atyre teknike brenda një numri stacionesh policore, drejt ngritjes së efikasitetit, performancës dhe motivimit për punë. Duhet të merren parasysh nevojat e stacioneve policore për hapësira fizike, si: sallat për takime, sallat për rekreacion, mensat, dhomat e ndalimit, dhomat e dëshmive dhe hapësirave tjera të nevojshme. 1.1.3. Drejtoria e Menaxhimit të Objekteve (në tekstin e mëtejm DMO) ka në dispozicion ekipe inxhinierësh të profileve të ndryshme, që përgatisin projekte për renovim, kurse projektet për ndërtim përgatiten nga operatorët ekonomikë të kontraktuar përmes të procedurave të prokurimit. Inxhinierët e DMO-së janë përfshirë në mbikëqyrjen e realizimit të punëve dhe në komisione për pranim teknik. Ndihet nevoja për ngritjen e cilësisë së kontrollit të ekzekutimit të kontratave nga menaxherët e projekteve dhe ngritjen e cilësisë së punëve, pasi janë evidentuar mangësi në realizimin e kontratave. Ngritjes së cilësisë së mbikëqyrjes dhe punimeve do t’i kontribuonte edhe plotësimi i vendeve të lira të punës në kuadër të DMO-së. Është vërejtur tendencë e ngritjes së realizueshmërisë së kërkesave të stacioneve për mirëmbajtje apo sanime të vogla, por është jo i kënaqshëm trendi i realizimit të projekteve të planifikuara investive. Kostot e komunalive kanë tendencë të vazhdueshme të rënies. 1.1.4. Në fushën e përmirësimit të kushteve teknike lidhur me asetet përcjellëse, ajo na paraqitet e ndryshueshme dhe Policia duhet të lëvizë drejt përmirësimit dhe modernizimit të kushteve brenda objekteve, siç janë sistemet e ngrohjes, ventilimit dhe klimatizimit. Duhet kushtuar kujdes më i madh masave të kontrollit që lidhen me sigurimin e pajisjeve emergjente dhe testimin e funksionimit të tyre, për t’i përballuar me sukses ndikimit të rreziqeve të mundshme, si zjarri, rrufeja, vërshimet, etj. Prioritet duhet të jetë edhe shtimi i vazhdueshëm i masave të sigurisë, me gjithë lëvizjet pozitive të viteve të fundit (sistemet e video mbikëqyrjes, alarmit dhe ndriqimit të brendshëm/të jashtëm). 1.2. Informacion i përgjithshëm mbi zbatimin e rekomandimeve 1.2.1. Nga inspektimi i kryer ka rezultuar se nga katër (4) rekomandime të lëna në inspektimin e kaluar (inspektimi nr. 07/2009), një (1) prej tyre është realizuar plotësisht dhe tre (3) janë realizuar pjesërisht (për më tepër referoju tabelës në shtojcën 1).


2. Hyrje

2.1. Arsyet e inicimit të inspektimit 2.1.1. Në bazë të Ligjit nr. 03/L-231, IPK-ja ka mandat ligjor që të kryejë inspektime në Polici, për të vlerësuar mënyrën e kryerjes së detyrave policore. Ky aktivitet ndihmon dhe mbështetë Policinë për të siguruar një shërbim profesional, demokratik e të përgjegjshëm. Plani Vjetor i Inspektimeve të Rregullta i Departamentit të Inspektimit të IPK-së, për vitin 2017 ka përfshirë kryerjen e inspektimeve në disa fusha të menaxhimit, përfshirë edhe menaxhimin e ndërtesave policore, infrastrukturës dhe aseteve përcjellëse. Inspektimi i kësaj fushe të menaxhimit paraqet fushë me interes për IPK-në, sepse bartë risk për shkak të përdorimit të ndërtesave, objekteve dhe pajisjeve tjera përcjellëse të përcjellur me kosto të lartë financiare dhe paraqet një nga investimet më të kushtueshme të organizatës policore. Nevojitet që një infrastrukturë e disponueshme, e qëndrueshme dhe e shfrytëzueshme, të jetë e balancuar me menaxhimin efektiv të këtyre burimeve shumë të shtrenjta. Duke kuptuar rëndësinë e kësaj fushe, Kryeshefi Ekzekutiv i IPK-së më 5 shtator 2017, mbi bazën e Programit të miratuar të punës inspektuese të po të njëjtës datë, ka inicuar një inspektim për të vlerësuar performancën policore në këtë fushë të menaxhimit.

2.2. Qëllimi i inspektimit 2.2.1. Qëllimi i këtij inspektimi është:

• Që të përcaktojë nëse ligjet, rregulloret dhe parimet e procedurat policore përkatëse zbatohen si duhet dhe janë të përshtatshme për të arritur qëllimet,

• Që të përcaktojë nëse burimet policore shfrytëzohen në mënyrë efektive, efikase dhe se janë të përshtatshme për të arritur qëllimet dhe objektivat,

• Që të jepet opinion objektiv mbi çështjet që lidhen me fushën e menaxhimit të ndërtesave, • Që të parandalojë shkeljet eventuale që mund të kryhen gjatë punës në fushën përkatëse, • Që të identifikojë mangësitë apo dobësitë dhe të rekomandojë masa ligjore e organizative

për funksionim më të mirë policor. 2.3. Objekti i inspektimit 2.3.1. Në këtë inspektim është vlerësuar kryerja e detyrave policore në fushën e menaxhimit të menaxhimit të ndërtesave policore, infrastrukturës dhe aseteve përcjellëse.

2.4. Subjekti i inspektimit

2.4.1. Inspektimi është përqendruar në DMO të Departamentit të Shërbimeve Mbështetëse dhe stacionet policore të kategorisë A, B dhe C.

2.5. Objektivat e inspektimit 2.5.1. Objektivat që synon t’i arrijë ky inspektim janë:

• Të vlerësohet ecuria e identifikimit dhe administrimit të pasurive të paluajtshme,


• Të vlerësohet gjendja teknike dhe kushtet aktuale në objekte, përfshirë dhe ato të sigurisë, • Të vlerësohet niveli i mbikëqyrjes profesionale gjatë menaxhimit të kontratave për punë, • Të vlerësohet niveli i përgatitjes profesionale dhe realizimit të projekteve infrastrukturore • Të vlerësohet performanca policore lidhur me shërbimet e mirëmbajtjes të objekteve, • Të vlerësohet efektiviteti i përmbushjes së planeve në menaxhimin e objekteve policore.

2.6. Rëndësia e inspektimit 2.6.1. Inspektimi në këtë fushë të menaxhimit luan rol të rëndësishëm në:

• Ushtrimin e një kontrolli më adekuat të strukturës policore, për të siguruar shkallë më të lartë të ekonomizimit, efikasitetit dhe leverdisë ekonomike të investimit në objekte,

• Ngritjen e përgjegjësisë në përdorimin dhe mirëmbajtjen e objekteve të disponueshme, • Ngritjen e kontrollit të punonjësve drejt ekonomizimit të fondeve dhe shpenzimeve për

ndërtimin, përdorimin dhe mirëmbajtjen objekteve policore dhe aseteve përcjellëse, • Ngritjen e përgjegjësisë së ekspertëve të menaxhimit të kontratave, drejt ngritjes së

cilësisë së ndërtimit dhe përmbushjes së kushteve të kontratave me operatorët, • Ngritjen e besimit mbi shfrytëzimin e mjeteve të siguruara nga taksapaguesit.

2.7. Metodologjia e inspektimit 2.7.1. Gjatë inspektimit:

a) Janë zhvilluar intervista dhe takime me punonjës policorë, si në vijim: o Drejtorin e DMO-së, o Udhëheqësin e Zyrës Ligjore të PK-së, o Komandantët e stacioneve policore të kategorisë A, B dhe C, o Drejtorin Drejtorisë së Prokurimit, o Drejtorin e Drejtorisë për Buxhet dhe Financa, o Zyrtarin e Pasurisë.

b) Janë kryer vëzhgime, këqyrje apo kontrollime të dosjeve, si në vijim: o Kontrollimi i kushteve teknike në hapësirat brenda dhe jashtë stacioneve, o Kontrollimi i kushteve të sigurisë në hapësirat brenda dhe jashtë stacioneve, o Kontrollimi i kushteve higjienike në hapësirat brenda dhe jashtë stacioneve.

c) Është plotësuar formulari i inspektimit të përgatitur nga Departamenti i Inspektimit, lidhur me kushtet teknike, të sigurisë dhe ato higjienike në ndërtesat policore

d) Janë siguruar dhe marrë dokumente të shkruara relevante për fushën. 2.8. Periudha e kryerjes së inspektimit 2.8.1. Bazuar në Programin e punës inspektuese, inspektimi ka filluar me datë 07.09.2017 dhe ka përfunduar me datë 26.09.2017.


2.9. Periudha e mbulimit të inspektimit 2.9.1. Inspektimi është përqendruar në vlerësimin e kryerjes së detyrave gjatë periudhavejanar-dhjetor 2015 dhe janar-dhjetor 2016. Veç tjerash, inspektimi është fokusuar edhe në gjendjen aktuale, siç është rasti i kontrollimit të gjendjes së objekteve, infrastrukturës tjetër dhe aseteve përcjellëse.

2.10. Drejtimet e inspektimit 2.10.1. Për përmbushjen e objektivave, inspektimi është fokusuar në këto drejtime kryesore:

• Administrimi i pronave të paluajtshme policore, • Gjendja aktuale e ndërtesave policore dhe aseteve përcjellëse, • Performanca policore mbi fushën e menaxhimit të ndërtesave, • Menaxhimi i ekzekutimit të kontratave, • Shërbimet e mirëmbajtjes së objekteve.

2.11. Kriteret (standardet) e vlerësimit 2.11.1. Dokumentet në vijim janë baza, në të cilën është mbështetur puna e inspektorëve, gjatë vlerësimit të kryerjes së detyrave në drejtoritë dhe stacionet policore:

• Ligji i Policisë, • Procedurat Standarde të Operimit për Drejtorinë e Menaxhimit të Objekteve, • Procedura Standarde e Operimit mbi evakuimin nga objektet policore në raste emergjente • Planet emergjente të stacioneve policore, • Plani Strategjik Zhvillimor i PK-së (2016-2020), • Ligji për Prokurimin Publik të Kosovës, • Ligji për Menaxhimin e Financave Publike dhe Përgjegjësitë, • Kontratat e punëve dhe shërbimeve (kushtet e përgjithshme dhe të veçanta të kontratave).

2.12. Pengesat dhe kufizimet në arritjen e objektivave 2.12.1. IPK-ja vlerëson se gjatë punës në terren dhe pasqyrimit të gjetjeve në raportin e zgjeruar të inspektimit, nuk ka hasur në ndonjë vështirësi që do të ndikonte në përmbushjen me sukses të objektivave të vëna me Programin e punës inspektuese.


3. Përshkrimi i objektit, të gjeturat dhe rekomandimet

3.1. Administrimi i pronave të paluajtshme policore 3.1.1. Policia posedon dhe shfrytëzon një numër të madh pasurish të paluajtshme, si: objekte, objekte banimi, poligone të gjuajtjes dhe parcella (toka). Regjistrimi dhe administrimi i pronave në pronësi, posedim dhe shfrytëzim të Policisë është kompetencë dhe detyrë e Sektorit për Çështje Ligjore në kuadër të Drejtorisë për Planifikim Strategjik dhe Çështje Ligjore të Drejtorisë së Përgjithshme të Policisë së Kosovës. Menaxhimi dhe mirëmbajtja teknike (ndërtimi, renovimi) e objekteve policore është kompetencë dhe detyrë e DMO-së që vepron në kuadër të Departamentit të Shërbimeve Mbështetëse të Drejtorisë së Përgjithshme të Policisë së Kosovës. Drejtoria ka kompetencë të menaxhimit në pasuritë e paluajtshme të Policisë dhe ka qasje të pa kufizuar në të gjitha objektet dhe pronat (në përjashtim të disa hapësirave që janë të dedikuara për ruajtjen e dëshmive). Të gjitha punët që duhet të kryhen rreth menaxhimit të objekteve bëhen përmes kësaj Drejtorie. Për të ushtruar aktivitetin dhe kryer detyrat e saj, kjo Drejtori është e ndërlidhur ngushtë me disa drejtori tjera, si Drejtorinë për Buxhet e Financa, Drejtorinë e Prokurimit, Drejtorinë e Logjistikës, të cilat funksionojnë po ashtu në Departamentin e Shërbimeve Mbështetëse. DMO-ja është përgjegjëse për planifikimin, projektimin, mirëmbajtjen e objekteve policore, mbikëqyrjen e ndërtimeve dhe renovimeve, si dhe mbikëqyrjen e pronave (pasurisë së paluajtshme) dhe aseteve. Procesi i ndërtimit, renovimi i objekteve dhe furnizimi me materiale për mirëmbajtjen e objekteve janë të lidhura drejtëpërdrejt me procedurat e prokurimit. 3.1.2. Prona policore përbëhet nga një numër i madh i ndërtesash që janë përdorur nga periudha e para luftës nga ish struktura policore. Për shkak të rrethanave socio-politike të krijuara për shumë vite, pronat e paluajtshme policore nuk janë menaxhuar si duhet, duke rezultuar me humbje dhe dëmtime për shkak të mungesës së përkujdesit dhe mungesës së investimeve. Që nga pas lufta, me formimin dhe zhvillimin e Policisë, në vazhdimësi punohet në funksionalizimin dhe modernizimin e objekteve policore. Në ndërtimin dhe renovimin e objekteve policore është shënuar progres i vazhdueshëm drejt përmirësimit të infrastrukturës, drejt krijimit të kushteve më cilësore të punës dhe ngritjen e performancës për të përmbushur detyrat karshi përgjegjësive të përcaktuara. Me qëllim të menaxhimit të pasurisë shtetërore të Republikës së Kosovës, në mars të vitit 2017, Qeveria ka marrë vendim që të gjitha pronat e paluajtshme të regjistruara në emër të Republikës Socialiste Federative të Jugosllavisë (RSFJ), Republikës së Serbisë (RS) dhe Krahinës Socialiste Autonome të Kosovës (KSAK) të regjistrohen në emër të Republikës së Kosovës, si pronar i këtyre pronave të paluajtshme1. Agjencia Kadastrale e Kosovës është obliguar si organ përgjegjës për regjistrimin e të drejtës pronësore sipas procedurave ligjore. Përmes këtij vendimi është krijuar mundësia e përfitimit edhe për Policinë, meqë një numër i pronave që ligjërisht i takojnë, të kthehen në posedim dhe shfrytëzim të saj, d.m.th, mundësohet rregullimi i statusit pronësor edhe i pronave që duhet të jenë në pronësi të saj. Edhe pse ky vendim ka hyrë në fuqi, deri në kohën e realizimit të këtij inspektimi, nuk është vërejtur të ketë pasur lëvizje të dukshme nga organet përgjegjëse për zbatimin e vendimit. Si pasojë e mosrregullimit të statusit pronësor të pronave që ligjërisht duhej t’i takojnë Policisë, janë evidentuar një numër pronash apo pjesë të tyre, që nuk janë në posedim dhe shfrytëzim për shkak të uzurpimit të paligjshëm nga persona fizikë dhe juridikë.

1 Qeveria e Republikës së Kosovës, Vendim, nr. protokolit 06/134, datë 01.03.2017.


3.1.3. IPK-ja ka analizuar Planin Zhvillimor Strategjik të Policisë së Kosovës (2016-2020) dhe duke iu referuar objektivit specifik 5.2 (Rregullimi i statusit pronësor të objekteve policore) del se janë paraparë aktivitete në procedimin e kërkesave në institucionet përkatëse kompetente për marrjen e parcellave për ndërtim. Drejtoria për Planifikim Strategjik dhe Çështje Ligjore mbanë evidencë mbi statusin pronësor dhe gjendjen e pronave të paluajtshme policore. Sa i përket statusit të pronave policore, gjendja vlerësohet jo e kënaqshme për shkak të procedurave ligjore mbi bartjen e pasurisë nga një titullar i pronës me emërtim ndryshe nga e kaluara (SKPB, SPB), në titullarët e tanishëm (MPB përkatësisht PK). Zyra Ligjore ka prezantuar një Regjistër që pasqyron të dhëna për pasurinë ku Policia është titullar i të drejtës pronësore mbi to apo shfrytëzues. Regjistri2 përmban informata mbi njësinë apo objektin, pronarin/poseduesin, fletën poseduese, numrin e ngastrës, sipërfaqën, shfrytëzuesin, gjendjen e objekteve dhe komente mbi pronën. Kur i referohemi termit ‘Policia e Kosovës’ organizata posedon vetëm 11 prona në emër të saj. Në Regjistër ekzistojnë tre emra mbi titullarin kur i referohen Policisë (Policia, Shërbimi Policor i Kosovës, Policia e Kosovës). Nëse përfaqësojnë titullarin e njejtë, që në këtë rast është Policia e Kosovës, del se 32 prona janë në pronësi të Policisë së Kosovës. 3.1.4. Gjatë analizimit të Regjistrit janë vërejtur mangësi në lidhje me mbajtjen dhe azhurnimin e tij me informata mbi pronat. Policia në Regjistrin e pronave ende përdorë emërtimet e pronave të mbetura nga ish RSFJ. Në këtë Regjistër ekzistojnë disa emërtime të ndryshme për Policinë e Kosovës si titullar i pronës në evidencat e patundshmërive që i përkasin asaj (PK, Policia, SHPK, Stacioni i Milicisë). IPK ka hasur në dokumente të disa pronave, të cilat nuk janë të përfshira në Regjistër. Nuk janë identifikuar pronat e uzurpuara siç është rasti i Nënstacionit Policor në Krushevë që është pronë policore me fletë poseduese dhe sipërfaqe prej 0.18,43 ha. Aty janë ndërtuar disa objekte pa u penguar. E njëjta situatë është dhe në Nënstacionin Policor në Llapushnik- Brezna, ku sipërfaqja prej 0,79,58 ha është uzurpuar me ndërtime private3. Deri te kjo gjendje ka ardhur si pasojë e mosefikasitetit të organeve kompetente përfshirë edhe Policinë, për të ruajtur dhe mbrojtur pronën nga shfrytëzimet e paligjshme. Kjo i shkakton dëme të konsiderueshme organizatës në pamundësi të shfrytëzimit të pronave dhe objekteve që i takojnë. Pasqyra e gjendjes së pronave të paluajtshme duhet të rifreskohet me qëllim të krijimit të bazës juridike për secilën pronë. Regjistri përmban të dhëna për 13 objekte/ngastra që ndajnë pronësinë midis Policisë dhe komunave (në Regjistër ka të dhëna për dy ose tre fleta poseduese), prej të cilave, në rajonin të Prishtinës janë pesë (5) prona, në Ferizaj dy (2), në Pejë dy (2), në Mitrovicë tre (3) dhe në Gjakovë një (1) pronë. Deri te kjo gjendje ka ardhur si pasojë e mosveprimit të nevojshëm të autoriteteve përgjegjëse për të zbatuar procedura ligjore mbi bartjen e pasurisë. Ka prona që janë në posedim dhe shfrytëzim nga Policia e që në këtë Regjistër figurojnë si prona të paluajtshme të kuvendeve komunale. Nuk është ndërmarrë ndonjë veprim lidhur me bartjen dhe regjistrimin e pronësisë nga autoritetet lokale tek Policia. Policia duhet angazhuar që përmes rrugëve ligjore të aplikoj regjistrimin e paluajtshmërive nën administrimin e saj, ngase investimet kapitale në ndërtimin e objekteve në parcella ku ajo nuk është ligjërisht titullar i të drejtës pronësore, bartë me vete rreziqe, përfshirë edhe ato financiare. 3.1.5. Prona e Stacionit Policor në Graçanicë e shënuar në Regjistër me numrin 11/11a, i ka dy pronarë (PK dhe SHPK) ose Stacioni i Policisë në Leposaviq i shënuar me numrin 14/14a, ku dy pasuritë janë në pronësi të Organit të Punëve të Brendshme, ndërsa për 14 prona policore edhe pse

2 Drejtoria e Përgjithshme e Policisë, Pasqyra e gjendjes së pronave të paluajtshme të Policisë së Republikës së Kosovës, të cilat janë në posedim apo shfrytëzim, 3 Fletët poseduese për dy parcelat të siguruara nga Stacioni Policor në Dragash.


ekzistojnë informata për fletën poseduese dhe numrin e ngastrës, nuk ka të dhëna për sipërfaqen. Për 89 pasuri të evidentuara mungojnë informata mbi gjendjen e tyre. Në Regjistër ekzistojnë edhe dhjetë (10) prona për të cilat Policia nuk është pronar dhe nuk shfrytëzohen nga ajo. Nuk ekzistojnë informata të plota për katër (4) prona (Nënstacioni Policor- Gorazhdec, Nënstacioni Policor- Vitomiricë, vendkalimet kufitare në Jarinje e Bërnjak, regjistruar si pika kalimi 1 e 31). Poligoni për gjuajtje në kuadër të Drejtorisë Rajonale Policore të Prishtinës (Golesh/Stankoc/Gllogoc) në këtë Regjistër, në kolonën e komenteve ka përshkrim të pasaktë për këtë objekt, ngase i referohet një vendimi të Komunës së Kamenicës, kur dihet se ky objekt ndodhet në komunën e Drenasit. Ndërsa, për rajonin e Prizrenit, në numrin rendor 9 të Regjistrit nuk ka informacion për pronën e regjistruar edhe pse ky numër hyn në shumën totale të pronës. Regjistri nuk ka të dhëna edhe për dy (2) stacione policore (Prizren ‘Veriu’ dhe Hani i Elezit). Freskimi apo azhurnimi i Regjistrit të pasurive të paluajtshme do jepte një pasqyrë të qartë për pasuritë e paluajtshme, duke lehtësuar procesin e administrimit dhe menaxhimit të objekteve, mirëmbajtjes, evidencës së objekteve dhe pronës. Mbajtja e këtij Regjistri nuk ka patur kujdesin e duhur të autoriteteve policore, me çka ka efekt negativ në ofrimin e informacionit të saktë dhe të plotë mbi pronën. Me evidentimin e të gjitha ndryshimeve dhe azhurnimin me kohë, do të krijohet një qasje më e lehtë, e sigurtë dhe e shpejtë në ofrimin e të dhënave të sakta për numrin e pronave dhe pasurive të disponueshme dhe të shfrytëzuara, duke iu referuar gjithmonë aspektit ligjor, kadastral, hapësinor, teknik dhe vleror.

Rekomandimi nr. 1 IPK-ja i rekomandon Udhëheqësit të Zyrës për Çështje Ligjore në kuadër të Drejtorisë për Planifikim Strategjik dhe Çështje Ligjore, që të ndërmarrë hapat dhe veprimet e nevojshme në bashkëpunim me organet kompetente, në kthimin e pronave të uzurpuara dhe bartjen e pronësisë për pronat që janë policore. Kjo Zyrë, po ashtu duhet të kujdeset për rifreskimin e të dhënave të Pasqyrës së gjendjes së pronave të paluajtshme të Policisë së Kosovës, duke evituar dobësitë evidente që përmban Regjistri në fjalë.

3.1.6. Në mungesë të objekteve dhe hapësirave për punë, Policia është detyruar të marrë me qira objekte nga ndërmarrje dhe persona të ndryshëm. Mungesa e objekteve dhe nevoja për marrje me qira, për vite me radhë i ka kushtuar në masë të konsideruar buxhetit të Policisë. Me kalimin e kohës dhe falë punës dhe investimeve që janë realizuar në projektet kapitale në ndërtime dhe renovime të objekteve policore, nevojat për shfrytëzim të objekteve të marra me qira janë minimizuar ndjeshëm. Në kohën e inspektimit, gjithsej dy (2) është numri i objekteve me qira të shfrytëzuara nga Policia (Stacioni Policor ‘Jugu’- Prishtinë, për të cilin paguhet qira prej 5.000 € dhe Stacioni Policor- Zubin Potok, për të cilin paguhet qira në lartësi prej 1.000 €). Sipas Komandantit të Stacionit Policor të Zubin Potokut, Ministria e Pushtetit Lokal dhe Komuna kanë ndarë parcellë për ndërtimin e objektit të stacionit dhe ky projekt do të realizohet së shpejti. Nga data 01.03.2017 Stacioni Policor ‘Jugu’ në Prishtinë është zhvendosur në objektin e ish Hotel ‘Victory’ në Prishtinë, objekt për të cilin Policia ka filluar procedurën e shpronësimit dhe rasti është në procedurë e sipër. IPK inkurajon përpjekjet e bëra nga autoriteti përgjegjës në minimizimin e rasteve të marrjes me qira të objekteve, drejt uljes së kostove financiare.


Rekomandimi nr. 2 IPK-ja i rekomandon Drejtorit të Përgjithshëm të Policisë dhe Drejtorit të Departamentit për Shërbime Mbështetëse që të angazhohet në ndërmarrjen e veprimeve të organeve gjegjëse policore, drejt realizimit të projekteve për të siguruar hapësira të nevojshme për stacionet policore, të cilat shfrytëzojnë objekte të marra me qira, duke ndikuar në uljen e kostove për qiramarrje, sigurimin e kushteve për punë cilësore dhe përmirësimin e imazhit para qytetarëve.

3.2. Gjendja aktuale e ndërtesave policore dhe aseteve përcjellëse 3.2.1. Stacionet policore sipas strukturës organizative janë të kategorizuara në tre (3) kategori: A, B dhe C. Dallimet në mes të kategorive të stacioneve policore i karakterizon numri i punonjësve, struktura e njësive, specifikat gjeografike, demografike dhe nevojat specifike. IPK ka inspektuar 41 stacione policore, prej tyre, 11 të kategorisë A, 20 të kategorisë B dhe 10 të kategorisë C. Është vërejtur se infrastruktura fizike është në përmirësim e sipër dhe vazhdimisht janë duke u krijuar kushte më të mira për punë. Përmes inspektimit është vlerësuar gjendja teknike e objekteve dhe gjendja e tyre ndryshon varësisht nga kategoria në kategori dhe stacioni në stacion. Tek kategoria A është vërejtur një gjendje më e mirë, të cilat përgjithësisht janë në gjendje të mirë, si nga aspekti ndërtimor, ashtu edhe nga aspekti i pajimit të tyre me pajisje përcjellëse, në përjashtim të Stacionit Policor ‘Veriu’ në Prishtinë, ku mungojnë kushtet elementare për punë dhe punohet në kontejner. Kjo gjendje është evidente qëmoti, ngase nga struktura përgjegjëse policore nuk është trajtuar me prioritet zgjidhja e problemit të objektit policor. IPK shtron nevojën e përfshirjes së një objekti të përshtatshëm në prioritetet e ardhshme si pjesë e një planifikimi drejt zgjidhjes së këtij problemi, ngase objekti aktual nuk i plotëson as për së afërmi kushtet e nevojshme teknike dhe nevojat për ambient të shëndoshë për punonjësit policorë. 3.2.2. Shikuar nga përmbajtja infrastrukturore e ndërtimeve të objekteve të stacioneve policore të inspektuara, më shumë se 90% e objekteve të shfrytëzuara janë me ndërtim të fortë, vetëm dy (2) objekte janë nga materiali tjetër (Stacioni Policor ‘Veriu’- Prishtinë është i vendosur në kontejnerë metalik dhe Stacioni Policor në Partesh, i vendosur në barakë nga druri). Gjendja e dritareve të stacioneve policore në përgjithësi është e mirë, pasi janë kryesisht nga materialet PVC, dyert janë në shumicën e rasteve të punuara nga materiali prej druri me cilësi jo të lartë. Inspektorët e kanë vlerësuar si të mirë gjendjen e dyerve dhe dritareve në 28 stacione nga gjithsej 41 sosh (shih tabelën nr. 1). Kjo gjendje ka ardhur si pasojë kufizimeve buxhetore, mungesës së planifikimeve dhe realizimit të projekteve me cilësi jo të duhur. Gjendja e objekteve të stacioneve për shkak të kushteve minimale për punë ndikon direkt në rezultate, performancë dhe motivim të punonjësve.

Tabela nr. 1 - Hapësirat për punë dhe gjendja teknike e objekteve të stacioneve policore Elementet e vlerësuara

Gjendja teknike sipas stacioneve Kategoria A Kategoria B Kategoria C Gjithsej

Mirë Jo mirë Mirë Jo mirë Mirë Jo mirë Mirë Jo mirë Dyert dhe dritaret 10 1 10 10 8 2 28 13 Dyshemetë 5 6 8 12 5 5 18 23

Hapësira e disponueshme

Disponueshmëria e hapësirave sipas stacioneve Kategoria A Kategoria B Kategoria C Gjithsej Po Jo Po Jo Po Jo Po Jo

Salla për rekreacion 1 10 3 17 0 10 4 37


Mensa 0 11 1 19 0 10 1 40 Qendra e ndalimit 9 2 17 3 5 5 31 10 Dhoma e dëshmive 11 0 20 0 6 4 37 4 Salla e takimeve 9 2 18 2 6 4 23 8 Autolarja 1 10 1 19 0 10 2 39 Dhoma e pritjes 7 4 14 6 5 5 26 15 Dhoma e intervistave 8 3 17 3 6 4 31 10

Elementi i vlerësuar

Mjaftueshmëria e hapësirave sipas stacioneve Kategoria A Kategoria B Kategoria C

Mjaft. Jo mjaf. Mjaft. Jo mjaf. Mjaft. Jo mjaf. Mjaft. Jo mjaf Parkingu 8 3 14 6 10 0 32 9

3.2.3. Për punë të suksesshme, organizata policore është e ndikuar edhe nga një numër faktorësh objektiv dhe subjektiv, duke mos anashkaluar edhe kushtet për punë, ku faktori ‘hapësirë pune’ është i rëndësisë së veçantë. Është me rëndësi të potencohet se veç burimeve njerëzore të trajnuara dhe pajisjeve për punë, hapësirat e mjaftueshme kërkojnë trajtim serioz drejt sigurimit të kushteve të volitshme të punës. Nuk është hasur në ndonjë dokument të hartuar që do të përcaktonte kriterin bazik mbi hapësirën minimale të nevojshme që do të standardizonte hapësirat e nevojshme të punës për punonjësit. Veç hapësirës së domosdoshme fizike, fokus inspektimi kanë qenë edhe hapësirat në stacione për trajtimin e dëshmive, qendrat e ndalimit, zyrat për intervista, zyrat e takimeve, mensat, sallat për rekreacion dhe dhomat e pritjes. Nga 41 stacione të inspektuara, në një (1) prej tyre (2.4%) funksionon mensa (Suharekë), me sallë për rekreacion janë të pajisur katër (4) objekte (9.7%) dhe ndodhen në Suharekë, Dragash, Malishevë e Ferizaj. Objektet e dhjetë (10) stacioneve policore (24.3%) nuk kanë qendra ndalimi, si: Mitrovicë ‘Veriu’, Prishtinë ‘Veriu’, Fushë Kosovë, Zubin Potok, Prizren ‘Veriu’, Junik, Hani i Elezit, Partesh, Novo Bërdë dhe Shtime (dy prej këtyre janë stacione policore të kategorisë A). Deri tek kjo gjendje ka ardhur si rezultat i mungesës së planifikimeve dhe kufizimeve buxhetore për realizimin e projekteve. Moskompletimi i objekteve policore me hapësira dhe asete përcjellëse ndikon dukshëm në rezultate dhe performancë. Rekomandimi nr. 3 IPK-ja i rekomandon Drejtorit të Përgjithshëm të Policisë dhe Drejtorit të Departamentit për Shërbime Mbështetëse që në periudhat e ardhshme të përgatitjes së planeve të shqyrtojnë mundësitë e përfshirjes në kuadër të projekteve kapitale, krijimin e hapësirave për punë, duke marrë parasysh edhe hapësirat për qendra ndalimi, dhomat e intervistave, mensat dhe qendrat për rekreacion, si nevoja për funksionimin e mirëfilltë të stacioneve dhe mirëqenien e personelit.

3.2.4. Më herët IPK-ja ka rekomanduar që të punohet mbi standardizimin e objekteve policore dhe këtë çështje Policia e ka përfshirë në Planin Zhvillimor Strategjik për periudhën 2016-2020 (pika 5, 5.1 dhe 5.2 ku parashihet përmirësimi dhe avancimi i kushteve të infrastrukturës dhe standardizimi i objekteve policore si dhe rregullimi i statusit pronësor të objekteve policore), andaj zhvillimi dhe implementimi i një strategjie gjithëpërfshirëse do të ndikojë në standardizimin dhe unifikimin e objekteve të stacioneve. Zbatimi do të jetë një proces i veprimeve ku janë paraparë aktivitete që do të zbatohen për periudhën e ardhshme. Drejtoria për Planifikim Strategjik dhe Çështje Ligjore do ta bëjë vlerësimin e realizimit të aktiviteteve të parapara me Planin e Veprimit, së paku dy (2) herë në vit, ndërsa rishikimi bëhet një (1) herë në vit. Vlerësimi bëhet përmes raporteve të pranuara nga departamentet dhe njësitë sipas planit të aktiviteteve. Drejtuesit e Departamentit të Shërbimeve


Mbështetëse kanë filluar të aplikojnë rregullat për standardizimin (unifikimin) e ndërtesave bazuar edhe në analizimin e strukturës organizative dhe nevojave të kapaciteteve të burimeve njerëzore konform Listës së Autorizuar të Personelit. Në muajin mars të vitit 2015 kanë filluar takimet me drejtoritë rajonale për identifikimin e nevojave operacionale, që përmes ndryshimeve të mundshme të zgjerohen kapacitetet hapësinore. Ndërtimi i objekteve policore në përputhje me kategorizimin e tyre është bërë për disa objekte (DRP në Gjakovë, Stacioni Policor në Shtime dhe Stacioni Policor në Partesh). Objektet në Gjakovë dhe Shtime janë në ndërtim e sipër, ndërsa ai në Partesh është në fazën fillestare të punimeve. Drejtoria Rajonale në Ferizaj dhe Stacioni Policor në Lipjan janë marrë si model referues standard për hapësira pune. Standardizimi është proces i vazhdueshëm, duhet të përshtatet me ndryshimet e jashtme dhe të brendshme, gjë që kërkon kohë dhe buxhet për të arritur objektivat. IPK inkurajon vazhdimin e procesit të standardizimit të objekteve të stacioneve. Realizimi i këtij objektivi do të mundësojë zhvillimin e infrastrukturës, në mënyrë që të krijohet mjedis më i mirë pune si një nga parakushtet për rritjen e efikasitetit. Vërehet lëvizje pozitive drejt standardizimit/modernizimit të kapaciteteve në lidhje me hapësirën dhe kushtet e punës. Ende disa stacione veprojnë në kushte jo të mira, siç janë: stacionet policore ‘Veriu’ në Prishtinë, Partesh, Mamushë, Hani i Elezit, Viti dhe Zubin Potok, ku stafi i tyre punon në kushte të vështira që dalin nga vet objekti, nga materiali i ndërtesës dhe hapësira e vogël. IPK çmon angazhimin drejt standardizimit të kapaciteteve për objektet dhe inkurajon që në të ardhmën të vazhdohet me dinamikën e nevojshme për përmbylljen e procesit të standardizimt edhe të objekteve tjera. 3.2.5. Stafi menaxhues i stacioneve policore ka shfaqur vërejtje lidhur me gjendjen jo të mirë të dyshemeve të objekteve. Gjendje jo e mirë e dyshemeve është vlerësuar në 23 stacione policore. Kjo është vërejtur edhe nga inspektorët ku është verifikuar se mbulimi i dyshemesë me tepison është ngjitur direkt në beton, pasi që nuk ka asgjë mes betonit si një shtresë mbrojtëse (në kushte të tilla tepisoni nuk është izolues i mirë dhe shpejt vjen te dëmtimi i tij). Dëmtimet më të dukshme të dyshemeve janë vërejtur në stacionet policore: ‘Qendra’- Prishtinë, ‘Jugu’- Mitrovicë, Graçanicë, Novo Bërdë, Istog, Deçan, Junik, Rahovec, Mamushë dhe Malishevë. Është pozitive zëvendësimi i tepisonit të dëmtuar me laminat, mirëpo kjo rezulton me një punë që rritë koston dhe punë të dyfishtë. Inkurajohet DMO që në drejtim të ngritjes së kapaciteteve dhe revitalizimit të objekteve ekzistuese, t’i kushtoj vëmendje planifikimit dhe sigurimit të materialeve cilësore në kuadër të projekteve investive. 3.2.6. Vetëm në dy (2) stacione policore funksionon autolarja (Leposaviq dhe Kaçanik), ndërsa në të gjitha stacionet tjera policore, larja e automjeteve kryhet nga operatorët e kontraktuar. Shumica e stacioneve policore kanë hapësirë dhe pajisje të mjaftueshme për funksionalizimin e autolarjeve, megjithatë kjo nuk praktikohet për shkak se Lista e Autorizuar e Personelit nuk parasheh vende pune për angazhime të tilla. Pastrimi i automjeteve nga operatorët ekonomikë që ofrojnë shërbime të pastrimit vështirësohet edhe nga vonesat procedurale për vazhdimin e kontratave për këto shërbime, duke bërë që stacionet jo rrallë herë të mbeten pa to si rezultat i procedurave prokuruese. Nuk është hasur të jetë kryer analizë mbi përparësitë dhe ekonomizimin e funksionimit të mënyrës së kryerjes së shërbimeve të pastrimit të automjeteve policore. Është mirë që të analizohen përparësitë dhe dobësitë, përfshirë edhe ndikimet financiare të kryerjes së shërbimeve të pastrimit. Në 32 nga 41 stacione të inspektuara ka hapësira të mjaftueshme parkingu. Sa i përket dhomave të dëshmive, gjendja përgjithësisht vlerësohet të jetë e mirë pasi që 37 stacione posedojnë dhoma të tilla (4 stacione të kategorisë C që nuk i kanë në funksion dhomat e dëshmive


janë Juniku, Mamusha, Hani i Elezit dhe Parteshi). Stacionet policore që nuk posedojnë dhoma të veçanta të pritjes janë gjithsej 15 dhe për pritjen e palëve i shfrytëzojnë kryesisht hapësirat e koridoreve, dhomat e brifingut ose ndonjë zyrë tjetër në kuadër të stacionit. Ndarja e zyrave të intervistave në kuadër të stacioneve policore ka një rëndësi të veçantë për arsye operacionale dhe ruajtjen e identitetit të dëshmitarëve. Në dhjetë (10) stacione nuk ka zyra të ndara për intervista, duke bërë që intervistat të zhvillohen në zyra tjera të lira. Stacionet policore janë të hendikepuara edhe nga mungesa e sallave për takime. Në tetë (8) stacione policore nuk ka hapësirë të veçantë për takime pune. Mungesa e hapësirave ka për rrjedhojë mbajtjen e takimeve në zyrat e menaxherëve ose zyra tjera të lira. 3.2.7. Gjatë inspektimit të kësaj fushe të menaxhimit, fokusi IPK-së ka qenë edhe vlerësimi i hapësirave (kuadratura) e objekteve të stacioneve policore në raport me numrin e punonjësve policorë të angazhuar. Nga 11 stacione policore të kategorisë A, hapësirën më të vogël të punës për punonjës e ka ai i Ferizajt dhe Prishtinës ‘Veriu’(afërsisht 2 m² për punonjës). Nga 20 stacione policore të kategorisë B, hapësirën më të vogël të punës për punonjës e ka ai i Kamenicës dhe Zubin Potokut (afërsisht 3 m² për punonjës) si dhe nga dhjetë (10) stacione policore të kategorisë C, hapësirën më të vogël të punës për punonjës e ka ai i Shtërpcës (afërsisht 4 m² për punonjës4). Nëse u referohemi të dhënave mbi sipërfaqen (hapësirat) për çdo stacion dhe kategori veç e veç, del se stacionet policore nga kategoria A kanë mesatarisht nga 9 m² hapësirë pune për punonjës, stacionet policore të kategorisë B nga 13 m² për punonjës dhe ato të kategorisë C nga 18 m² për punonjës. Hapësira dallon nga stacioni në stacion dhe kjo gjendje rrjedh si rezultat i rrethanave dhe ndryshimeve të vazhdueshme, të cilave iu është ekspozuar organizata, përfshirë këtu faktorin kohor, burimet njerëzore dhe organizimin struktural policor (shih tabelën nr. 2). Tabela nr. 2 - Sipërfaqja e objekteve policore në raport me personelin policor sipas kategorive Kat.

Nr. Stacionet

policore Hapësira e

përgjithshme në m2

Numri i punonjësve (ZP + SC)

Hapësira për punonjës (m2 për punonjës)

A

1 Prishtinë ‘Qendra’ 917,7 155 6 2 Pejë 2.124 171 12 3 Gjakovë 1.520 118 13 4 Prishtinë ‘Jugu’ 2.190 129 17 5 Prishtinë ‘Veriu’ 273 138 2 6 Ferizaj 302 156 2 7 Prizren ‘Alfa’ 2.000 150 13 8 Leposaviq 680 124 5 9 Mitrovicë ‘Jugu’ 1.482 129 11 10 Gjilan 771 188 4 11 Mitrovicë ‘Veriu’ 1.800 101 18

1 Drenas 844 84 10 2 Fushë Kosovë 528 85 6 3 Zveçan 414,99 64 6 4 Skënderaj 580 147 4 5 Dragash 1.685 65 26

4 Fletat poseduese dhe kopja e planit për secilin stacion.


B

6 Malishevë 950 78 12 7 Rahovec 810 52 16 8 Viti 501,65 84 6 9 Obiliç 721,4 54 13 10 Deçan 532,5 101 5 11 Zubin Potok 222 76 3 12 Prizren ‘Veriu’ 504 59 9 13 Suharekë 5.836 82 71 14 Vushtrri 901 128 7 15 Kaçanik 2.108 62 34 16 Lipjan 973 108 9 17 Podujevë 1.368 102 13 18 Kamenicë 313 94 3 19 Istog 825,4 86 10 20 Klinë 600 96 6

C

1 Mamushë 120 21 6 2 Kllokot 1.084 27 40 3 Shtërpcë 265 75 4 4 Junik 150 30 5 5 Graçanicë 860 84 10 6 Hani i Elezit 155 20 8 7 Partesh 371,6 14 27 8 Ranilluk 1.560 28 56 9 Novo Bërdë 530 36 15 10 Shtime 224 48 5

Rekomandimi nr. 4 IPK-ja i rekomandon Drejtorit të Përgjithshëm të Policisë dhe Drejtorit të Departamentit për Shërbime Mbështetëse që të vazhdojë në implementimin e Planit mbi standardizimin e objekteve policore, drejt unifikimit të kritereve dhe standardeve për hapësira pune në raport me numrin e punonjësve policorë dhe nevojat e stacioneve policore.

3.2.8. Lidhur me vlerësimin e kushteve higjienike brenda objekteve të stacioneve policore është vlerësuar një gjendje mesatarisht e kënaqshme në të gjitha stacionet policore. Fokusi i inspektimit kanë qenë ambientet brenda toaleteve dhe jashtë tyre. Rreth 85% e objekteve të stacioneve policore kanë treguar kushte të mira higjenike brenda toaleteve. Gjendje jo e mirë është vlerësuar në stacionet policore, si: Gjilan, Prishtinë ‘Veriu’, Leposaviq dhe Mitrovicë ‘Veriu’. Gjendja e mirë higjienike në ambientet tjera të stacioneve arrinë në 83%. Kur krahasojmë higjienën brenda toaleteve sipas kategorive të stacioneve, stacionet policore të kategorisë C janë paraqitur më mirë në krahasim me stacionet e kategorisë A dhe B. Kur krahasojmë higjienën në ambientet tjera të stacioneve policore, ajo është afërsisht e njejtë brenda tre kategorive. Në shumë stacione policore, higjiena e objekteve mirëmbahet nga operatorët ekonomikë të kontraktuar. IPK-ja inkurajon stacionet e kategorisë C për nivelin e mbajtjes së higjienës, duke shtyrë edhe stacionet e kategorisë A që të bëjnë më tepër rreth higjienës brenda toaleteve (shih tabelën nr. 3).


Tabela nr. 3 - Vlerësimi i kryer gjatë inspektimit ad hoc të kushteve higjienike të hapësirave Nr. Kategoria e

stacioneve policore Numri i stacioneve

të inspektuara Higjiena në tualete Higjiena në

ambiente tjera Mirë Jo mirë Mirë Jo mirë

1. Kategoria A 11 7 4 6 5 2. Kategoria B 20 18 2 18 2 3. Kategoria C 10 10 0 10 0 Gjithsej 41 35 6 34 7

3.2.9. Procedurat Standarde të Operimit i obligojnë stacionet të hartojnë dhe posedojnë planet për reagim emergjent, që u mundësojnë atyre që në situata të jashtëzakonshme, me sukses të realizojnë evakuimin e burimeve njerëzore, pajisjeve, dokumenteve dhe personave në qendrat e mbajtjes. Pjesa dërmuese e stacioneve posedojnë planet e tilla të reagimit emergjent. Rreth 90% e stacioneve të kategorisë A posedojnë planet e reagimit emergjent (vetëm Stacioni Policor ‘Qendra’- Prishtinë nuk ka prezantuar plan të tillë). Tek kategoria B e stacioneve policore, rreth 95% e tyre posedojnë plane të reagimit emergjent (vetëm Fushë Kosova nuk ka prezantuar plan të tillë). Gjendja më e mirë është tek kategoria C e stacioneve, ku 100% e tyre kanë plane të reagimit emergjent. Kur jemi tek planet emergjente, duhet cekur se daljet emergjente nuk i posedojnë 20 stacione (4 sosh nga kategoria A, 10 nga kategoria B dhe 6 të tjera nga kategoria C). Si rezultat i kësaj është vështirë të aplikohen planet në mungesë të daljes emergjente. Inkurajohen stacionet policore që nuk kanë plane të tilla reaguese, të moblizohen në nxjerrjen e tyre, me çka do të ofronin një bazë të duhur për të përgatitur personelin për veprim në situata të papritura apo të jashtëzakonshme. 3.2.10. Në disa stacione edhe pse janë realizuar ndërtime të reja, nga menaxhmentet e tyre janë përcjellë pakënaqësi mbi kualitetin e punimeve dhe mangësitë teknike të objekteve. Në Stacionin Policor të Graçanicës janë të dukshme dëmtimet e fasadës dhe shkallët e ndërtesës, në Leposaviq janë evidente problemet me toalete, kurse në Lipjan, Drenas dhe Kllokot janë evidentuar probleme me kulmet e objekteve. Në oborrin e Stacionit Policor në Mitrovicë ‘Jugu’ edhe pse është ndërtuar objekt i ri, pusetat/kolektorët nuk janë funksional. Ekzistojnë shqetësime se gypat (ulluqët) për shkarkimin e ujërave të shiut nuk janë funksional, duke bërë që uji të rrjedhë në hapësirat e oborrit të stacionit, duke rrezikuar dëmtimin e themeleve të objektit. Në objektin e këtij stacioni është i vendosur një aneks kontejner për kontrollin e hyrjeve dhe daljeve, për të cilin nuk është paraparë me kohë ndërtimi i tij. Aneksi furnizohet me energji elektrike përmes kabllove që kalojnë nga ndërtesa kryesore, që qëndrojnë ulët duke krijuar pasiguri. Këto mangësi shtrojnë nevojën që në të ardhmen t’i kushtohet kujdes nxjerrjes së planeve më kualitative, në mënyrë që ndërtimet të jenë më kualitative dhe të plotësojnë nevojat. Për Stacionin Policor në Shtime janë bërë dy projekte dhe kjo tregon joseriozitet, rritë shpenzimet dhe paqartësitë mbi ndërtimin. Nga stafi menaxherial i stacionit ka pasur vërejtje se projekti i parë ka qenë më funksional se sa projekti i dytë, për të cilin ka pakënaqësi për shkak të metave që e përcjellin (p.sh, dhoma e dëshmive me dritare të mëdha dhe pa grila, dhoma e mbajtjes e vendosur në katin e dytë dhe vërejtje të tjera). Sipas menaxhmentit nuk janë përfillë kërkesat dhe nevojat e stacionit. Stacioni Policor në Shtime vazhdon të mbetet pa ndërtim të ri, duke punuar në objektin e vjetër, në kushte të vështira dhe pa hapësira të mjaftueshme pune. Në Stacionin Policor të Skënderajt, renovimi i brendshëm është i domosdoshëm, përfshirë ndërrimin e dyerve e dritareve, rregullimin e tualeteve, dyshemeve, renovimin e objektit ndihmës dhe intervenimin në pjesë të tjera. Me kërkesë të Komandantit të Stacionit drejtuar Komunës në


Skënderaj për bashkëpunim dhe ndihmë financiare në renovim të objektit, Komuna i është përgjigjur pozitivisht kërkesës së stacionit dhe ka mirëpritur bashkëpunimin, ku në drejtim të investimit ka marrë vendim që 70% të shumës totale të renovimit ta financojë5. Projekti nuk është përkrahur nga struktura përgjegjëse policore dhe objekti i stacionit ka mbetur pa u renovuar, me gjithë mbështetjen nga Komuna e Skënderajt. 3.2.11. Policia ka në pronësi dhe në shfrytëzim numër të konsiderueshëm të objekteve, të cilat janë të shpërndara në tërë territorin e vendit, pa përjashtuar edhe ato në pika dhe vendkalime kufitare. Plani Zhvillimor Strategjik 2016-2020 nuk ka paraparë aplikimin e politikave për sigurim të objekteve nga kompanitë e sigurimeve. IPK-ja ka vërejtur se deri më sot nga Policia nuk është bërë lëvizje në drejtim të politikave për sigurimin e objekteve policore. Gjatë inspektimit nuk është hasur në ndonjë dokument që përmban informacione mbi sigurimin e pronës policore nga kompanitë e sigurimit në rast të fatkeqësive natyrore dhe ndikimit të faktorëve tjerë. Kjo temë vazhdon të mbetet e patrajtuar nga Policia dhe vlerësohet se në mungesë të aplikimit të politikave të tilla të sigurimit, objektet policore mund t’iu ekspozohen rreziqeve, me çka ndikimi i tyre është i paparashikueshëm dhe mund t’i sjellë dëme buxhetore organizatës. Rekomandimi nr. 5 IPK-ja i rekomandon Drejtorit të Përgjithshëm të Policisë dhe Drejtorit të Departamentit të Shërbimeve Mbështetëse që të shqyrtojnë mundësitë e aplikimit të politikave për sigurimin e pasurisë dhe objekteve nga rreziqet e mundshme, si garanci e nevojshme për mbrojtjen dhe ruajtjen e pasurisë së organizates.

3.3. Performanca policore mbi fushën e menaxhimit të ndërtesave 3.3.1. Lidhur me ndërtimin, renovimin dhe mirëmbajtjen e objekteve, planifikimi i projekteve kapitale bëhet në bazë të prioriteteve të nevojave të siguruara nga drejtoritë policore. Pas marrjes së kërkesave nga drejtoritë gjegjëse, ekipi i inxhinierëve të profileve profesionale nga DMO del në terren dhe vlerëson objektet në bazë të cilit vlerësim përcaktohet nëse duhet të bëhet renovim apo ndërtim i ri. Pas vlerësimit përcaktohet se cilat projekte janë me prioritet në bazë të gjendjes ekzistuese të kushteve të punës në këto objekte dhe përfshihen në planifikim vjetor duke u bazuar në buxhetin e ndarë për projekte kapitale të DMO-së. Gjatë vitit 2016, për ndërtimin dhe renovimin e objekteve policore është ndarë shuma buxhetore prej 870.058,96 €, prej tyre është realizuar shuma 749.795,34 € apo 86%, ndërsa të papaguara kanë mbetur 120.221,7 € apo 14%. 3.3.2. Projektet për renovim përgatiten nga ekipi i zyrtarëve të profileve profesionale të Sektorit të Inxhinieringut në DMO. Nga projektet e planifikuara, Shefi i Sektorit të Inxhinieringut ndanë projektet për secilin zyrtar të Sektorit për të filluar përgatitjen e paramasës dhe parallogarisë. Zyrtari i caktuar për projektin përkatës njofton zyrtarët tjerë të këtij Sektori për rezultatet nga terreni. Ekipi përbëhet nga zyrtarët e profileve profesionale që dalin në terren disa herë, varësisht prej madhësisë së objektit dhe nevojave. Kjo është një procedurë formalo-teknike që aplikohet nga struktura kompetente për planifikim dhe realizimin e projekteve. Në Planin Vjetor për vitin 2015 janë planifikuar 22 projekte infrastrukturore, prej tyre, 11 janë përfunduar, shtatë (7) janë në

5 Vendimi nga Kuvendi Komunal i Skënderajt, i datës 15.04.2016


implementim, dy (2) në proces të prokurimit dhe dy (2) projekte nuk janë realizuar. Nëse për bazë të shkallës së realizueshmërisë merren vetëm projektet e përfunduara, del një realizueshmëri prej 50%. Në vitin 2016 janë planifikuar 23 projekte infrastrukturore, prej të cilave, 13 janë përfunduar, pesë (5) janë në implementim, dy (2) janë në proces prokurimi dhe tre (3) nuk janë realizuar. Realizueshmëria e projekteve infrastrukturore arrinë në 56%. Nëse krahasohet shkalla e realizimit të projekteve të vitit 2016 me vitin 2015, del se viti 2016 ka pasur një ngritje të lehtë prej 6% të shkallës së realizueshmerisë së projekteve investive (shih tabelën nr. 4). Tab. nr. 4 - Të dhëna përmbledhëse mbi realizueshmërinë e projekteve investive (2015/16)

Projekte të planifikuara

Projekte të përfunduara

Projekte në implementim

Projekte në proces të prokurimit

Projekte të pa realizuara

2015 2016 2015 2016 2015 2016 2015 2016 2015 2016 22 23 11 13 7 5 2 2 2 3

3.3.4. Përveç investimeve kapitale në ndërtimin dhe renovimin e objekteve, DMO-ja pranon edhe kërkesa dhe u përgjigjet nevojave të stacioneve policore për mirëmbajtje dhe riparime të vogla. Gjatë intervistave të mbajtura me drejtuesit e stacioneve janë paraqitur vërejtje se personeli i DMO-së nuk është sa duhet azhur në trajtimin e kërkesave të tyre për intervenime dhe riparime të vogla. Vërejtjet kanë të bëjnë kryesisht me vonesat në realizimin e kërkesave. Ndërsa, sipas DMO-së, koha brenda të cilave ajo u përgjigjet kërkesave për realizimin e tyre, varet nga stafi i profileve të specializuara (inxhinierët), mungesës së materialeve të nevojshme si dhe ngarkesës apo volumit të punëve. Këtë gjendje e rëndon edhe fakti se stacionet policore nuk kanë të ndara mjete të ndara si fonde për përmbushjen e nevojave të kësaj natyre. Si rezultat i kësaj gjendjeje, kërkesat me vlera të ulëta që dalin nga stacionet, shpeshherë anashkalohen apo tejzgjaten procedurat për realizimin e tyre nga DMO-ja. Nëse krahasojmë realizimin e kërkesave të pranuara nga DMO-ja gjatë tre (3) viteve të fundit, vërehet shkallë më e lartë e realizimit të kërkesave gjatë vitit 2016 krahasuar me vitin 2015 dhe 2014. Trendi është pozitiv dhe ka lëviz në kuotën 98% (shih tabelën nr. 5).

Tabela nr. 5 - Të dhëna përmbledhëse mbi realizueshmërinë e kërkesave të stacioneve policore për sanime të vogla dhe mirëmbajtje (2014-2016) Numri/viti 2014 2015 2016 Numri i kërkesave të pranuara 980 1.118 1.610 Numri i kërkesave të realizuara 921 998 1.584 Realizueshmëria në përqindje (%) 94% 89% 98%

3.3.5. Në bazë të strukturës organizative në fuqi, DMO-ja vepron nën autoritetin e Departamentit të Shërbimeve Mbështetëse, si drejtori e veçantë me personel dhe buxhet të ndarë për plotësimin e nevojave policore. DMO funksionon në dy sektorë, në atë të Mirëmbajtjes dhe Inxhinieringut. Është vërejtur se nuk është plotësuar struktura organizative sipas Listës së Autorizuar të Personelit. Sektori i Inxhienieringut edhe pse parashihet të ketë shtatë (7) punonjës të profilit ‘inxhinier’, funksionon me vetëm tre (3) inxhinierë. Me këtë numër aktual të inxhinierëve, në Sektor bëhen përpjekjet maksimale për arritjen e objektivave të caktuara për realizimin e plotë dhe me kohë të projekteve të planifikuara. Është i nevojshëm plotësimi i pozitave të lira për personel profesional për lëmitë: arkitekturë dhe elektronikë. Plotësimi i vendeve të punës me personel profesional do të ndikonte pozitivisht në përmirësimin e performancës në realizimin me sukses të projekteve të DMO-së dhe rritjen e kontrollit dhe cilësisë për projektet infrastrukturore.


Rekomandimi nr. 6 IPK-ja i rekomandon Departamentit të Burimeve Njerëzore dhe Departamentit të Shërbimeve Mbështetëse që të angazhohen në drejtim të plotësimit të strukturës organizative të DMO-së, sipas Listës së Autorizuar të Personelit, për të angazhuar kuadro profesionale të domosdoshme për kryerjen e detyrave që rrjedhin nga përshkrimet e vendeve të punës.

3.3.6. Projektet e ndërtimit të objekteve të reja përgatiten nga kompania projektuese që ka kontratë për projektim. Kjo kompani në bazë të kritereve të përcaktuara në dosjen e tenderit dhe të kushteve të kontratës duhet të këtë ekipin me inxhinierët e të gjitha profileve profesionale përkatëse për kompletimin e fazave të projektit. Kompania projektuese duhet të përgatis projektin në bazë të detyrës projektuese që i jepet nga Sektori i Inxhinieringut, në të cilën detyrë projektuese përfshihen hapësirat e nevojshme për punë të përcaktuar me sipërfaqe (m²) dhe destinimi i këtyre hapësirave në bazë të nevojave të pranuara në koordinim të vazhdueshëm me regjionin përkatës. Përgatitja e projektit të ndërtimit bëhet në konsultim të vazhdueshëm me personelin e Sektorit të Inxhinieringut dhe kompanisë, për kompletimin e projektit në bazë të detyrës projektuese dhe nevojave. Policia ka siguruar shërbimet e projektimit nga operatori ekonomik i licencuar për hartimin e projekteve ndërtimore, por nga përvoja e kaluar shihet se për hartimin e projekteve, këto kompani projektuese shpesh janë treguar të papërgjegjshme, duke bërë që projektet e tyre të kenë të meta dhe mangësi të mëdha (rast konkret është projekti i ndërtimit të objektit të Stacionit Policor në Shtime). 3.3.7. Projektet e renovimit të objekteve përgatiten nga ekipi i zyrtarëve profesional të Sektorit të Inxhinieringut. Nga planifikimi i projekteve të DMO-së, Shefi i Sektorit ndanë projektet për secilin zyrtar, për përgatitjen e paramasës dhe parallogarisë. Zyrtari i caktuar për projektin njofton zyrtarët tjerë të profileve inxhinierike të këtij Sektori për dalje në terren dhe si ekip profesional del në objekte disa herë, varësisht prej madhësisë së objektit dhe nevojës për matje. IPK-ja ka konstatuar se në vitet e fundit është arritur mjaft në realizimin e renovimeve të objekteve, duke kontribuar në përmirësimin e vazhdueshëm të gjendjes infrastrukturore të stacioneve policore. Përmirësimi i infrastrukturës së objekteve ndikon në përmirësimin e kushteve të punës për personelin policor. Ekipi për përgatitje të paramasave dhe parallogarive përbëhet nga zyrtarë të profileve profesionale (arkitekturë, ndërtimtari, instalime makinerie, elektrikë, ujësjellës dhe kanalizim). Secili zyrtar si pjesë e ekipit për punët që i takojnë profilit përkatës të lëmisë, incizon gjendjen e objektit, identifikon punët që duhet të realizohen, bën matjet e nevojshme për përgatitje të paramasës dhe parallogarisë, si dhe merr kërkesat për hapësirat e brendshme nga zyrtari përgjegjës i objektit ku duhet të bëhet renovimi. Zyrtari i lëmisë përgatitë paramasën dhe parallogarinë për pjesën e vet profesionale në bazë të matjeve të bëra dhe në fund të gjitha këto paramasa të pjesëve të ndara kompletohen në një paramasë të përbashkët (projekt). Secili zyrtar nënshkruan paramasën dhe parallogarinë e punëve për lëminë përkatëse dhe lënda e kompletuar me të gjitha fazat e punës dhe pjesët dorëzohet te Shefi i Sektorit të Inxhinierigut. Ky i fundit, kësaj lënde ia bashkëngjet kërkesën e ngritur të prokurimit për procedura të mëtejme. 3.3.8. Shpenzimet komunale të objekteve në vitet e fundit tregojnë shenja të një menaxhimi të mirë, duke shënuar trend të uljes së vazhdueshme së shpenzimeve, në përjashtim të atyre të ngrohjes. Këto shpenzime në vitin 2015 kanë shënuar ngritje të madhe, por në vitin tjetër përsëri kanë shënuar rënie. Te këto shpenzime ka ndikuar ndërrimi i derivatit të ngrohjes, nga nafta në pelet, gjë që del se stacionet me ngrohje me pelet kanë krijuar kosto më të madhe dhe defekte të


mëdha. Nëse krahasojmë kostot e komunalive për objektet që janë në posedim e shfrytëzim të Policisë, për kategoritë si: rrymë, telefon, ngrohje, ujë, mbeturina dhe gropa septike, shihet se në vitin 2016 në krahasim me vitin paraprak, në të gjitha këto kategori ka trend të rënies së shpenzimeve (shih diagramin 1). Deri te ulja e kostos së komunalive ka ardhur falë përmirësimit të infrastrukturës, ndërtimit dhe renovimit të objekteve, ngase gjendja e objekteve të reja me infrastrukturë të mirë ofron kushte më të volitshme për uljen dhe kontrollin e shpenzimeve të komunalive. IPK-ja çmon angazhimin dhe përpjekjet e strukturës policore drejt përmirësimit dhe kontrollit të shpenzimeve komunale për objektet që posedon dhe shfrytëzon.

3.4. Menaxhimi i kontratave të ekzekutimit të punëve 3.4.1. Gjatë inspektimit janë testuar katër (4) kontrata të lidhura me operatorët ekonomikë për të verifikuar se si janë menaxhuar ato gjatë implementimit të projekteve, prej të cilave, një kontratë ndërtimore, dy kontrata renovimi dhe një kontratë furnizimi. Inspektorët në drejtim të vlerësimit të menaxhimit të kontratave të tilla janë fokusuar në punën e menaxherëve të kontratave dhe komisioneve për pranime teknike. Bazuar në rregullat në fuqi, pas njoftimit për dhënie dhe nënshkrim të kontratave nga Drejtoria e Prokurimit, kërkohet caktimi i projekt menaxherit për menaxhim të kontratës. Kjo kërkesë i procedohet Shefit të Sektorit të Inxhinieringut, i cili propozon projekt menaxherin për menaxhimin e kontratës. Në kuadër të kontratës përfshihen inxhinierët e profileve përkatëse, që do të jenë përgjegjës për mbikëqyrjen e punëve profesionale të fazave ndërtimore: përcjelljen apo inspektimin e vazhdueshëm të punëve gjatë realizimit të projektit, verifikimin e punëve të realizuara (evidentimi në ditarin ndërtimor dhe librin ndërtimor, llogaritjet e sasive të punëve të realizuara të kontratës përkatëse) dhe përgatitjen e raporteve periodike që duhet të përmbajnë fotografi të zhvillimit të punimeve bazuar në vizita në punishte. Inspektorët gjatë intervistave dhe kontrollit të dokumenteve kanë vërtetuar se projekt menaxherët nuk janë sa duhet autoritativ, sepse vërejtjet e tyre në disa raste nuk merren seriozisht nga operatorët ekonomik. Po ashtu edhe Zyrtari i Lartë Ligjor në Njësinë për menaxhimin e kontratave dhe hulumtimin e tregut, anashkalohet përkundër autorizimeve ligjore që ka. Pas përfundimit të punëve të parapara me kontratë, punëkryesi njofton projekt menaxherin e kontratës për

Shpenzimet errymës

Shpenzimet etelefonit

Shpenzimet engrohjes

Shpenzimet eujit

Shpenzimet embeturinave

Shpenzimet egropave septike

2014 784061 63216 38968 117336 63925 120772015 725399 63723 93660 115314 56018 99322016 568027 60957 69842 92802 46218 8785

0100000200000300000400000500000600000700000800000900000

Diagrami nr. 1 - Trendi i shpenzimeve komunale 2014-2016


përfundimin e projektit dhe kërkon formimin e komisionit për inspektimin e punëve të kryera. Me këtë rast formohet komisioni për inspektim të punëve në përbërje nga zyrtarë të Sektorit të Inxhinieringut, të profileve përkatëse profesionale për secilën fazë, bazuar në punët e parapara me kontratë. 3.4.2. Gjatë kontrollit të lëndëve, janë evidentuar disa dobësi në ekzekutimin e kontratave. Në kontratën nr. 214/14/131/521 (Ndërtimi i objektit për Njësinë K-9), që në fillim të implementimit të saj fillon të zbatohet me vonesë prej 50 ditë për shkak të projektit jo të kompletuar nga kompania kontraktuese (lidhja e kontratës me 21.08.2014, kurse punimet kanë filluar më 10.10.2014). Afati për realizimin e projektit ka qenë 95 ditë kalendarike, kurse kontraktori ka zgjatë punimet 549 ditë (ndërprerja e kontratës është bërë me datë 21.02.2016). Operatori ekonomik duket të ketë qenë autoritativ duke bindur Autoritetin Kontraktues për ndërrimin e dritareve nga kualiteti dhe ngjyra. Këtë e ka miratuar një komision gjashtë (6) anëtarësh6. Zyrtari Ligjor i Drejtorisë së Prokurimit ka rekomanduar dy herë ndërprerjen e kontratës (30.03.2015 dhe 19.05.2015). Rekomandimet kanë qenë të vonshme krahasuar me afatin e realizimit të projektit, por edhe më i vonshëm është vendimi për ndërprerjen e kontratës7. Nuk janë marrë parasysh rekomandimet e Zyrtarit të Lartë Ligjor. Nuk përputhen të dhënat në dokumentet e Autoritetit Kontraktues. Raporti i Komisionit të emëruar nga DMO, i datës 11.02.20168 thekson se rekomandimet për ndërprerje të kontratës janë bërë dy herë, më 14.03.2015 dhe 19.04.2015, të cilat nuk përputhen me dokumentet e kontratës të cekur më lartë. Komisioni ndryshon edhe datën e vendimit mbi ndërprerjen e kontratës, ku ceket data ende pa u marrë vendimi (data 25.01.2016, vendimi me datë 21.02.2016). Aplikimi i penalizimeve ka hyrë në fuqi më 09.12.2015, duke parë jo seriozitetin e kontraktorit, realizimi i penalltive është bërë me vonesë. Kontraktori ka qenë gjatë gjithë kohës i papërgjegjshëm, duke anashkaluar punën cilësore, siç përcillet tek ulluqët, dera fluturuese në korridor, xhamat jo adekuat, dyert e daljes emergjente nuk janë punuar sipas përshkrimit në paramasë, montimi i kuzhinës jo i kënaqshëm dhe në pozitë jo adekuate, muratimi me tulla fasadë është pozicion i papranueshëm, fasada jo në nivelin e dëshiruar edhe në shkallë emergjente. Vlerësohet joseriozitet dhe joprofesionalizëm në realizimin e punimeve sipas paramasës. Punë jo profesionale është realizuar edhe në ujësjellës dhe kanalizim, si p.sh, montimi i kokës së ajrimit, izolimi jo i mirë i kulmit nga depërtimi i shiut, nuk është vendosur ujëmbledhësi brenda por është lënë gypi mbi qeramika, në gjithë tushat mungon ujëmbledhësi. Pusetat nuk janë ndërtuar si duhet dhe nuk janë përfunduar, ka puseta që nuk janë funksionale dhe nuk janë lidhur me rrjetin e kanalizimit. Gypi i kanalizimit vertikal nuk është i mbështjellur me lesh xhami, gypat janë lidhur me lidhëse jo adekuate, kolektori për ujë të ftohtë nuk është vendosur sipas paramasës, hidrantët e brendshëm me zorrë dhe kuti nuk janë vendosur. Zyrtari i Lartë Ligjor në Njësinë për Menaxhimin e Kontratave dhe Hulumtimin e Tregut ka bërë hulumtimin e tregut dhe ka ardhur në përfundim se liferimi i dritareve nuk është sipas deklarimit të kontraktorit (160-175 ditë), por është 4-6 javë. Pas hulumtimit kanë filluar fyerjet, ofendimet dhe kërcënimet e kontraktorit ndaj Zyrtarit Ligjor, duke ia mohuar përgjegjësitë dhe detyrat që ngarkohet ai me ligj9. Është për keqardhje se si kontraktori guxon të sillet në këtë mënyrë dhe si nuk mbrohet Zyrtari Ligjor për kryerjen e detyrave në interes të Autoritetit Kontraktues. Vonesa në realizimin e projektit dhe mangësitë kanë trimëruar kontraktorin, duke

6 Shiko procesverbalin e datës 01.06.2015 7 Vendim mbi ndërprerjen e kontratës së prokurimit 8 Raport i komisionit për prerjen e punëve të objektit K-9 9 Dokument i siguruar nga Zyrtari i Lartë Ligjor


anashkaluar edhe projekt menaxherin e kontratës10. Më 11.05.201511, kontraktori kritikon AK-në për mos dorëzimin e projektit të kulmit, edhe pse kanë kaluar 9 muaj e 13 ditë nga lidhja e kontratës. IPK-ja duke analizuar dosjen e kontratës dhe vlerëson se projekti që është stërgjatur në realizim jashtë afateve, ka ardhur si pasojë e mosprofesionalizmit dhe tolerancës nga vet Autoriteti Kontraktues. 3.4.3. Lidhur me kontratën nr. 214/15/160/121 (Furnizimi, servisimi dhe rimbushja e aparateve kundër zjarrit dhe pjesë rezervë), Autoriteti Kontraktues ka lidhë kontratë me operatorin ekonomik më 09.02.2016, të vlefshme për 24 muaj. Në kontratë parashihen aparatet për zjarrfikje me shtypje konstante të pluhurit ABC, tip p-2kg, p-3kg, p-6kg, p-9kg si dhe aparatet me dioksid të karbonit CO2-5kg. Projekt menaxheri duke mos pasur njohuri në këtë lëmi dhe duke u anashkaluar nga operatori ekonomik në kryerjen e mbikëqyrjes (nuk i është ofruar qasje që të fotografoj apo incizoj gjatë mbushjes), ka kërkuar që të mos jetë më i ngarkuar me detyrën e mbikëqyrjes së kontratës. Më 07.03.2016, aparatet e sjellura nga kompania me bllombë, tiketë dhe logo të kompanisë janë testuar dhe gjatë testimit të tyre kanë dështuar në funksionimin e tyre. DMO-ja ka kërkuar ndihmë me 11.03.2016 nga Agjencia e Menaxhimit të Emergjencave, për shkak të kuadrit jo profesional. IPK-ja ka vërtetuar se deri në kohën sa është zhvilluar inspektimi, aparatet për fikjen e zjarrit në 39 stacione policore kanë qenë me afat të skaduar. Në muajin prill dhe maj të vitit 2017, vetëm dy stacione i kanë pasur aparatet me afat. IPK-ja vlerëson negativisht këtë situatë, duke konstatuar jo seriozitet në menaxhimin e saj, kur kemi parasysh rëndësinë e veçantë të saj. 3.4.4. Inspektorët kanë kontrolluar edhe dy kontrata, por të cilat nuk vërehet se janë menaxhuar në mënyrë jo të duhur. Me kontratën nr. 214/15/174/536 (Renovimi i poligonit në Prizren) është paraparë largimi i dheut me përmbajtje gurore nga barriera, mbushja dhe ngjeshja me dhe adekuat pa përmbajtje gurore. Kontrata është nënshkruar më 07.12.2015, kurse punimet kanë filluar më 10.12.2016. Për shkak të kushteve atmosferike, afati për realizimin e kësaj kontrate është shtyrë në afat të pacaktuar deri të përmirësimi i kushteve atmosferike për shkak që dheu është paraparë të jetë i terur për t’u kryer puna cilësore. Kjo ka ndodhë në marrëveshje mes operatorit ekonomik dhe Autoritetit Kontraktues. Punimet kanë përfunduar me 04.04.2016, sipas kushteve të kontratës dhe lidhur me këtë kontratë nuk ka ndonjë shkelje ligjore apo punë jo cilësore. IPK ka analizuar edhe kontratën nr. 214/16/045/521 (Renovimi i qendrave të ndalimit në stacionet: Prishtinë, Drenas, Podujevë, Lipjan, Suharekë, Gjilan, Kamenicë, Viti, Gjakovë, Klinë, Ferizaj). Punimet kanë filluar më 09.06.2016, sipas planit dinamik prej 118 ditëve. Gjatë analizës së kësaj kontrate vërehet se menaxherët e kontratave kanë bërë inspektime në periudha dhe lokacione të ndryshme dhe nuk kanë dhënë vërejtje për këto renovime. Rekomandimi nr. 7 IPK-ja i rekomandon Departamentit të Shërbimeve Mbështetëse dhe Drejtorisë për Menaxhimin e Objekteve që të rrisin shkallën e mbikëqyrjes së projekteve të kontrakuara, duke ofruar ekspertizë dhe kontroll adekuat nga personel i kualifikuar me profile të nevojshme profesionale dhe respektim strikt të kushteve të kontratave me operatorët ekonomikë të kontraktuar.

10 Kërkesë e menaxherit të projektit (15.05.2015) 11 Kërkesë nga OE për dorëzimin e projektit të kulmit (11.05.2015)


3.5. Shërbimet e mirëmbajtjes së objekteve 3.5.1. Lidhur me mirëmbajtjen e objekteve përmes kontraktimit të jashtëm, Policia ka kontraktuar shërbimet e pajimit me aparate për mbrojtje nga zjarri. Kontrata për këtë shërbim në kohën e inspektimit ka qenë valide dhe e lidhur për periudhë kohore dy vjeçare. Është vërejtur se pajisjet kundër zjarrit janë të vendosura në të gjitha stacionet policore, në përjashtim të një stacioni policor të kategorisë C. Fokus i IPK-së gjatë inspektimeve në terren ka qenë edhe verifikimi i afatit kohor për përdorim të aparateve kundër zjarrit, i cili ishte i skaduar që nga muaji maj 2017. Shikuar në përqindje del se pajisjet kundër zjarrit në objektet e inspektuara në 93% të tyre nuk kanë qenë atestuara nga institucionet kompetente për testim (shih tabelën 6). Kjo gjendje mund të ketë pasoja në rast të ndonjë rreziku të mundshëm. DMO duhet të jetë e kujdesshme që shërbimet e tilla të jenë të përmbushura nga palët kontraktuese, duke ditur rëndësinë e mirëmbajtjes së aparateve. 3.5.2. Sipas regullave për menaxhimin e objekteve, të gjitha objektet/stacionet policore duhet kenë të instaluar sistemin e hidrantëve që do të shërbente për përgjigje të reagimit ndaj rasteve të zjarrit. Nga 41 stacione policore, 68% i kanë të vendosura sistemet e tilla. Brengosëse është testimi i tyre sepse në shumë stacione nuk dihet a janë funksionale. Rreth 56% nuk janë testuar që një kohë të gjatë. Prej 41 stacioneve policore të inspektuara, në 37 prej tyre (90%) janë të instaluar sistemet e rrufepritësit (këtë sistem nuk e kanë të vendosur Prishtina ‘Veriu’, Zubin Potoku, Hani i Elezit dhe Parteshi). Lidhur me këto sisteme mbetet brengosës fakti se në 30 stacione policore nuk janë aplikuar praktika të testimit të pajisjeve të rrufepritësit. (shih tabelën 6). Menaxherët e stacioneve nuk kanë asnjë njohuri e as ndonjë dokument për këtë sistem të rrufepritësit dhe funksionimin e tyre.

Rekomandimi nr. 8 IPK-ja i rekomandon Drejtorit të Përgjithshëm të Policisë, Drejtorit të Departamentit të Shërbimeve Mbështetëse dhe Drejtorit të Drejtorisë për Menaxhimin e Objekteve që në vazhdën e përmirësimit të kushteve të punës, të marrin parasysh prioritetet në aplikimin e praktikave të

Tabela nr. 6. Kontrolli i masave dhe pajisjeve emergjente

Stac

ione

t/gje

ndja

Plan

i e r

eagi

mit

emer

gjen

t

Hid

rant

ëte

inst

alua

r

Hid

rant

ët e

test

uar

Pajis

jet k

undë

r zj

arri

t

P. e

test

uar

kund

ër

zjar

rit

Afa

ti i p

ërdo

rim

it te

pa

jisje

ve k

undë

r zj

arri

t

Sist

emi i

rin

stal

uar

i rr

ufep

ritë

sit

Sist

emi i

test

uar

i rr

ufep

ritë

sit

Dal

je e

mer

gjen

te

M J P J P J P J P J A S P J P J P J 11/A 10 1 9 2 5 6 11 0 1 10 1 10 10 1 2 9 7 4 20/B 19 1 15 5 10 10 20 0 0 20 0 20 19 1 6 14 10 10 10/C 10 0 4 6 3 7 9 1 2 8 1 9 8 2 3 7 4 6

39 2 28 13 18 23 40 1 3 38 2 39 37 4 11 30 21 20


mbrojtjes nga ndikimi i faktorëve që rrezikojnë sigurinë e punonjësve dhe testimin e të gjitha pajisjeve dhe sistemeve të reagimit emergjent.

3.5.3. IPK-ja ka vlerësuar edhe funksionimin e sistemit të ngrohjes, të ventilimit dhe klimatizimit në kuadër të objekteve të stacioneve të inspektuara policore. Në ndërtesat e stacioneve policore funksionojnë sisteme të ndryshme të ngrohjes qendrore (me naftë/mazut, rrymë dhe pelet). Nga 41 stacione, 37 prej tyre (90%) tyre kanë të funksionalizuar sistemin e ngrohjes (shih tabelën 7). Inspektorët vërejtën se menaxhmenti policor është duke u përpjekur për zvogëlimin e kostos së ngrohjes, në mënyrë që sistemi ekzistues i ngrohjes me naftë-mazut-rrymë të zëvendësohet me një sistem ngrohjeje më të lirë dhe më një kosto-efektive (si p.sh, me pelet). Është vlerësuar se ky plan i zvogëlimit të kostos së ngrohjes është i mirë, por duhet të rishikohen disa prej problemeve që janë vërejtur. Stacionet policore që kanë kaluar në këtë sistem të ngrohjes, kanë ankesa për shkak të furnizimit jo me kohë me lëndë djegëse (pelet). Stacionet nuk kanë vende të përshtatshme për vendosjen e peletit. Defektet që ndodhin në sistem të ngrohjes janë të shpeshta dhe vonesat për servisim vështirësojnë mbarëvajtjen e funksionimit të sistemit. Problemet e tilla janë shprehur në stacionet policore që kanë të instaluar këtë lloj të ngrohjes, si: Gjakova, Lipjani, Ranillugu dhe Malisheva. Në qytetin e Gjakovës, ngrohja qendrore kalon në afërsi të ndërtesës, që bën teknikisht të mundur lidhjen e ndërtesës së Drejtorisë Rajonale me këtë sistem. IPK-ja inkurajon përpjekjet për të ulur kostot, por në të njëjtën kohë duhet analizuar kyçjen e mundshme me sistemet ngrohëse komunale. Vetëm tetë (8) objekte të stacioneve policore kanë sistem të centralizuar të ventilimit. (shih tabelën nr. 7). Në shumicën e rasteve në stacione policore kanë instalim të veçantë të sistemeve ventiluese në dhomat e dëshmive dhe qendrat e ndalimit. Kondicionerët për klimatizim janë të instaluar parcialisht në disa zyra të stacioneve dhe zakonisht në zyrat e stafit menaxhues dhe dhomën ku janë vendosur pajisjet softverike. Në objektet ekzistuese për shkak të vjetërsisë së objekteve, instalimi i një sistemi qendror të kondicionimit dhe ventilimit të ajrit është i vështirë për t’u realizuar, megjithatë zyrtarët e DMO-së në të ardhmën duhet të planifikojnë instalimin e sistemeve të kondicionimit dhe ventilimit gjatë projektimit dhe ndërtimit të objekteve të reja. Duke instaluar një sistem qendror të kondicionimit të ajrit në objekte do të kishte kursim të energjisë në krahasim me kondicionerët konvencionalë, gjë që do të shpie deri te kostoja më e ekonomike. Tabela nr. 7. Gjendja e aseteve përcjellëse në objektet e stacioneve policore Kategoria Numri i

stacioneve

Sistemi i ngrohjes qendrore

Sistemi i ventilimit i instaluar

Sistemi i klimatizimit i instaluar

Po Jo Po Jo Po Jo A 11 9 2 2 9 0 11 B 20 20 0 4 16 3 17 C 10 8 2 2 8 3 7 41 37 4 8 33 6 35

3.5.4. Është e ditur se sfida e sigurisë së objekteve policore mund të tejkalohet më lehtë me instalimin e sistemeve të video mbikëqyrjes, sistemeve të alarmit kundër zjarrit, sistemeve të alarmit kundër thyerjes, kontrollit të përhershëm fizik të hyrjes/daljes, ndriçimit të jashtëm dhe brendshëm si dhe rrethimit të jashtëm. PSO parasheh që kamerat duhet të vendosen në hyrje dhe dalje të objekteve, ato duhet të mbulojnë të gjitha sipërfaqet brenda dhe jashtë objektit dhe duhet të pozicionohen në mënyrë që të mos jenë shumë të ekspozuara. Kamerat janë të vendosura në vende strategjike brenda dhe jashtë objekteve të stacioneve dhe ky sistem monitorohet plot 24 orë


nga një dhomë e veçantë përmes monitorit. Nga 41 stacione policore të inspektuara, 30 prej tyre kanë sistem funksional monitorimi në ndërtesa (shih tabelën nr.7). Administrimi dhe servisimi i kamerave bëhet nga Drejtoria për Teknologji Informative (DTIK). Me PSO-në e kësaj Drejtorie është përcaktuar se çdo hapësirë që është nën monitorim me kamera duhet të ketë të vendosur tabelë paralajmëruese se objekti është nën vëzhgim. Jo të gjitha stacionet janë pajisur me njoftime paralajmëruese në vende të dukshme. IPK mbështet përpjekjet për të instaluar teknologjinë e avancuar të monitorimit siç janë kamerat CCTV, në të gjitha objektet policore. Instalimi i një sistemi të tillë të kontrollit mundëson parandalimin dhe mbrojtjen nga aktiviteti i mundshëm kriminal. Rreth 68% e stacioneve policore kanë të instaluar sistemin e alarmit, kurse rreth 90% kanë ndriqim të kënaqshëm të brendshëm, derisa 66% e stacioneve policore kanë ndriçim të kënaqshëm të jashtëm (shih tabelën nr. 8). Inkurajohet Departamenti i Shërbimeve Mbështetëse, përfshirë Drejtorinë e Teknologjisë Informative që të vazhdojë me marrjen e masave të sigurisë në kuadër të stacioneve, kurse lidhur me tabelat paralajmëruese, të veprohet konform Ligjit për mbrojtjen e të dhënave personale. Tabela nr. 8. Masat e sigurisë në stacione policore

Kategoria dhe

numri

Sistemi i instaluar i monitoriminë ndërtesë

Sistemi i instaluar i

monitorimit në dhomën e

dëshmive

Sistemi i instaluar i alarmit në ndërtesë

Sistemi i instaluar i alarmit në dhomën e dëshmive

Ndriqim i brendshëm

Ndriqim i jashtëm

Po

Jo

Jo fu

nksi

onal

Po

Jo

Jo fu

nksi

onal

Po

Jo

Jo fu

nksi

onal

Po

Jo

Jo fu

nksi

onal

I kën

aqsh

ëm

Jo i

këna

qshë

m

I kën

aqsh

ëm

Jo i

këna

qshë

m

A 11 9 2 0 10 1 1 8 3 2 7 4 2 10 1 6 5 B 20 19 1 0 18 2 0 15 5 0 15 5 0 19 1 16 4 C 10 2 8 0 2 8 0 5 5 0 5 5 0 8 2 5 5 41 30 11 0 30 11 1 28 13 2 27 14 2 37 4 27 14


4. Plani i përmbushjes së rekomandimeve

4.1. Plani për përmbushjen e rekomandimeve 4.1.1. Mbi bazën e gjetjeve, IPK-ja ka dhënë një numër rekomandimesh dhe pas komenteve të ofruara nga menaxhmenti policor në takimin përmbyllës të datës 09.07.2018, është vendosur që ato të realizohen sipas Planit të veprimit të prezantuar në tabelën e mëposhtme.

Nr. Rekomandimi Niveli i prioritetit

Komentet e strukturës policore

Plani i veprimit

1. IPK-ja i rekomandon Udhëheqësit të Zyrës për Çështje Ligjore në kuadër të Drejtorisë për Planifikim Strategjik dhe Çështje Ligjore që të ndërmarrë hapat dhe veprimet e nevojshme në bashkëpunim me organet kompetente, në kthimin e pronave të uzurpuara dhe bartjen e pronësisë për pronat që janë policore. Kjo Zyrë po ashtu duhet të kujdeset për rifreskimin e të dhënave të Pasqyrës së gjendjes së pronave të paluajtshme të Policisë së Kosovës, duke evituar dobësitë evidente që përmban Regjistri në fjalë.

I Rekomandimi qëndron. Zyra për Çështje Ligjore në kuadër të Drejtorisë për Planifikim Strategjik dhe Çështje Ligjore ka filluar dhe është duke punuar me intensitet të shtuar për përpunimin dhe freskimin e të dhënave.

Në vazhdimësi

2. IPK-ja i rekomandon Drejtorit të Përgjithshëm të Policisë dhe Drejtorit të Departamentit të Shërbimeve Mbështetëse që të angazhohen në ndërmarrjen e veprimeve të organeve gjegjëse policore, drejt realizimit të projekteve për të siguruar hapësira të nevojshme për stacionet policore, të cilat shfrytëzojnë objekte të marra me qira, duke ndikuar në uljen e kostove për qiramarrje, sigurimin e kushteve për punë cilësore dhe përmirësimin e imazhit para qytetarëve.

Rekomandimi qëndron. Procedura për shpronësimin e parcellës është në proces. Janë duke u ndërmarrë aktivitetet e nevojshme per punimin e elaboratit të shpronësimit që është kriter i domosdoshëm për procedurën e shpronësimit, me të cilin elaborat kompletohet lënda për procedim të lëndës në MMPH dhe aprovim të mëtejm në nivelin qeveritar.

Brenda vitit 2019

3. IPK-ja i rekomandon Drejtorit të Përgjithshëm të Policisë dhe Drejtorit të Departamentit për Shërbime Mbështetëse që në periudhat e ardhshme të përgatitjes së planeve, të shqyrtojnë mundësitë e përfshirjes në kuadër të projekteve

Rekomandimi qëndron. Drejtoria e Menaxhimit të Objekteve është duke bërë përpjekjet me përkushtim të shtuar në arritjen e standardizimit të objekteve të Policisë së Kosovës në

Deri në vitin 2020


kapitale, krijimin e hapësirave për punë, duke marrë parasysh edhe hapësirat për qendra ndalimi, dhomat e intervistave, mensat dhe qendrat për rekreacion, si nevoja për funksionimin e mirëfilltë të stacioneve dhe mirëqenien e personelit

përputhshmëri me Planin Strategjik të zhvillimit. Me planet e tilla besojmë se do të krijojmë hapësira me kushte optimale për punë cilësore të PK-së.

4. IPK-ja i rekomandon Drejtorit të Përgjithshëm të Policisë dhe Drejtorit të Departamentit për Shërbime Mbështetëse që të vazhdojë në implementimin e Planit mbi standardizimin e objekteve policore, drejt unifikimit të kritereve dhe standardeve për hapësira pune në raport me numrin e punonjësve policorë dhe nevojat e stacioneve policore.

Rekomandimi qëndron. Policia e Kosovës do të vazhdojë me aplikimin dhe marrjen e modeleve për të ndërtuar objekte policore të reja deri në nxjerrjen e një plani të standardizimit të objekteve.

Deri në vitin 2020

5. IPK-ja i rekomandon Drejtorit të Përgjithshëm të Policisë dhe Drejtorit të Departamentit të Shërbimeve Mbështetëse që të shqyrtojnë mundësitë e aplikimit të politikave për sigurimin e pasurisë dhe objekteve nga rreziqet e mundshme, si garanci e nevojshme për mbrojtjen dhe ruajtjen e pasurisë së organizates.

Rekomandimi qëndron. Policia e Kosovës është duke analizuar çështjen e sigurimit të objekteve dhe duke e analizuar koston për implementim të këtij rekomandimi. Per shkak të kostos së lartë financiare Policia e Kosovës vlerëson se masat në këtë drejtim parashihen për futjen në planifikim në planin strategjik afatmesëm.

Deri në vitin 2020

6. IPK-ja i rekomandon Departamentit të Burimeve Njerëzore dhe Departamentit të Shërbimeve Mbështetëse që të angazhohen në drejtim të plotësimit të strukturës organizative të DMO-së, sipas Listës së Autorizuar të Personelit, për të angazhuar kuadro profesionale të domosdoshme për kryerjen e detyrave që rrjedhin nga përshkrimet e vendeve të punës.

Rekomandimi qëndron. Drejtoria e Menaxhimit të Objekteve do të vazhdojë përpjekjet për ngritjen e kërkesave për plotësimin e këtyre pozitave në bashkëpunim me Drejtorinë e Personelit.

Deri në qershor të vitit 2019

7. IPK-ja i rekomandon Departamentit të Shërbimeve Mbështetëse dhe Drejtorisë për Menaxhimin e Objekteve që të rrisin shkallën e mbikëqyrjes së projekteve të kontrakuara, duke ofruar ekspertizë dhe kontroll adekuat nga personel i

Kontrolli bëhet në vazhdimësi. DMO-ja, respektivisht Sektori i Inxhinieringut në këtë drejtim të ngritjes së cilësisë së kryerjes së punimeve në vazhdimësi do të bëj përpjekjet që të jetë e kujdesshme për

Në vazhdimësi


kualifikuar me profile të nevojshme profesionale dhe respektim strikt të kushteve të kontratave me operatorët ekonomikë të kontraktuar.

respektimin strikt të kushteve të kontratave me OE. Do të vazhdoj të propozoj personel profesional të kualifikuar në mënyrë që projektet të mbikëqyren me kujdes dhe përkushtim maksimal, që projektet të realizohen në përputhshmëri të plotë me kushtet e kontratave edhe në aspektin e arritjes së cilësisë së kryerjes së punëve konform paramasës së kontratës.

8. IPK-ja i rekomandon Drejtorit të Përgjithshëm të Policisë, Drejtorit të Departamentit të Shërbimeve Mbështetëse dhe Drejtorit të Drejtorisë për Menaxhimin e Objekteve që në vazhdën e përmirësimit të kushteve të punës, të marrin parasysh prioritetet në aplikimin e praktikave të mbrojtjes nga ndikimi i faktorëve që rrezikojnë sigurinë e punonjësve dhe testimin e të gjitha pajisjeve dhe sistemeve të reagimit emergjent.

Rekomandimi qëndron. DMO-ja do të vazhdojë të bëjë përpjekjet e duhura për rregullimin e kushteve të punës për mundësimin e kryerjes së punës së personelit të PK-së me efikasitet të duhur.

Në vazhdimësi


Shtojcat

Shtojca 1. Të dhëna mbi nivelin e përmbushjes së rekomandimeve nga inspektimi i kaluar Nr. Gjetjet nga inspektimi i mëparshëm (viti 2009)

Inspektimi: Menaxhimi i objekteve policore, nr. 7/2009 Niveli i

zbatimit po/jo Rekomandimi i dhënë Komentet e

strukturës policore

Afatet për

zbatim 1. IPK-ja i rekomandon menaxhmentit policor që të

hartojë një dokument si pjesë përbërëse të Procedurave të tanishme Standarde të Operimit për Menaxhimin e Objekteve policore i cili do të rregullonte procedurat e projektimit, mbikëqyrjes dhe pranimit të punimeve të ekzekutuara.

Vlerësimi nga IPK-ja: Plotësisht është realizuar

2. IPK-ja rekomandon identifikimin e mëtutjeshëm të të gjitha objekteve dhe pronave të mundshme policore, me qëllim të fillimit të procedurave të bartjes së pronësisë në emër të PK-së/MPB-së.

Vlerësimi nga IPK-ja: Pjesërisht është realizuar

3. IPK-ja i rekomandon Zyrës Ligjore dhe DMO-së që të bëjnë freskimin e katalogut (regjistrit) me t ë gjitha të dhënat e nevojshme për të gjitha pronat policore.


4. IPK-ja rekomandon mobilizimin e njësive relevante në kompletimin e të dhënave mbi pronën policore dhe zbatimin në përpikëri të Udhëzimit Administrativ nr. 2005/11, që ka të bëjë me regjistrimin dhe menaxhimin e pasurive qeveritare (në këtë rast pronën policore).



raport përfundimtar i...

Documents