punim diplome - edukimi.uni-gjk.org...ii dËshmi unë suzana panduri, në rolin e lektores, dëshmoj...
TRANSCRIPT
UNIVERSITETI I GJAKOVËS “FEHMI AGANI”
FAKULTETI I EDUKIMIT - GJAKOVËS
PROGRAMI: PARASHKOLLOR
NDIKIMI I TEKNOLOGJISË TE FËMIJËT E MOSHËS
PARASHKOLLORE
Mentore: Punoi:
Prof. Ass. Dr. Edita Haxhijaha Medina Krasniqi-Gashi
Gjakovë, Qershor 2020
PUNIM DIPLOME
i
Ky punim u mbrojt më ____/____/________ para komisionit vlerësues në përbërje
1. _______________________________ Udhëheqës kryesor
2. _______________________________ Kryetar
3. _______________________________ Anëtar
Nënshkrimet e anëtarëve të Komisionit Vlerësues
1. _________________________________
2. _________________________________
3. _________________________________
ii
DËSHMI
Unë Suzana Panduri, në rolin e lektores, dëshmoj që e kam lektoruar punimin e diplomës me titull
“Ndikimi i teknologjisë te fëmijët e moshës parashkollore”, të punuar nga Medina Krasniqi-Gashi,
studente e Fakultetit të Edukimit – Programi Parashkollor në Universitetin e Gjakovës “Femi
Agani” nën udhëheqjen shkencor të Prof. Ass. Dr. Edita Haxhijaha. Deklaroj që punimi, nga ana
gjuhësore dhe teknike, është kontrolluar nga unë me seriozitet dhe me profesionalizëm.
Nënshkrimi i lektores: Data:
______________ 16.07.2020
iii
FALËNDERIM
Falënderimet e mia të para shkojnë për familjarët, të cilët më përkrahën gjatë gjithë kësaj periudhe
katërvjeçare të studimeve.
Një falënderim i veçantë shkon për udhëheqësen time të këtij punimi, profesoreshën e nderuar,
prof. Ass. Dr. Edita Haxhijaha, e cila më ndihmoi jashtë mase me këshillat dhe sugjerimet e
vazhdueshme, e mbi të gjitha me mbështetjen morale dhe qetësinë e transmetuar tek unë gjatë
gjithë kësaj kohe. Ishte privilegj për mua të punoj me të dhe të arrij deri në realizimin e këtij
punimi, aq domethënës për mua.
Gjithashtu, do të doja të falënderoja të gjithë kolegët e mi të studimeve, të Departamentit
Parashkollor, prej të cilëve kam mësuar shumë. Është nder të punosh dhe të mësosh nga kolegët e
këtij departamenti. Falënderoj edhe gjithë stafin e pedagogëve të Universitetit të Gjakovës “Fehmi
Agani”, të cilët me mësimet dhe këshillat e tyre kontribuan, që unë të arrij deri në këtë ditë.
iv
PËRMBAJTJA E LËNDËS
1. ABSTRAKTI ........................................................................................................................... 1
1. ABSTRACT ............................................................................................................................ 2
2. HYRJE ..................................................................................................................................... 3
2.1 Nevoja për këtë punim ..................................................................................................... 4
2.2 Përparësitë dhe kufizimet ................................................................................................. 5
2.3 Struktura e punimit ........................................................................................................... 5
3. QËLLIMI I PUNIMIT ............................................................................................................. 7
3.1 Objektivat e hulumtimit ................................................................................................... 7
4. METODOLOGJIA E HULUMTIMIT .................................................................................... 8
4.1 Pyetjet kërkimore ............................................................................................................. 8
4.2 Hipotezat e hulumtimit ..................................................................................................... 8
4.3 Popullata dhe mostra ........................................................................................................ 8
4.4 Instrumentet e hulumtimit ................................................................................................ 8
4.5 Metodat e hulumtimit ....................................................................................................... 9
4.6 Grumbullimi i të dhënave të hulumtimit .......................................................................... 9
4.7 Etika e hulumtimit ............................................................................................................ 9
5. SHTJELLIMI I TEMËS ........................................................................................................ 11
5.1 Përceptimet mbi përdorimin e teknologjisë në edukimin parashkollor.......................... 11
5.2 Teknologjia dhe zhvillimi kognitiv e emocional................................................................. 11
5.3 Teknologjia dhe shkathtësitë sociale ................................................................................... 13
5.4 Disa prej aspekteve negative të përdorimit të teknologjisë ............................................ 14
5.4.1 Rritja e shpejtë e trurit .................................................................................................. 14
5.4.2 Dëmtimi gjuhësor ......................................................................................................... 14
5.4.3 Zhvillimi i vonuar ......................................................................................................... 14
5.4.4 Agresioni ...................................................................................................................... 15
5.4.5 Shëndeti më i dobët fizik .............................................................................................. 15
5.4.6 Dëmtimi i syve.............................................................................................................. 16
5.4.7 Mungesa e fokusit ......................................................................................................... 16
5.4.8 Niveli më i dobët i vetëbesimit ..................................................................................... 17
5.4.9 Mbipesha ...................................................................................................................... 18
v
5.4.10 Afektimi i raportit prind-fëmijë .................................................................................. 18
5.4.11 Varësia ........................................................................................................................ 18
5.5 Problemet me aplikacionet për fëmijë ............................................................................ 19
5.5.1 Siguria e fëmijëve varet prej algoritmeve ............................................................... 19
5.5.2 Përmbajtjet rekomanduese janë të limituara ........................................................... 20
5.5.3 Mungesa e kontrollit prindëror ............................................................................... 20
5.5.4 Lista e aplikacioneve potencialisht të dëmshme për fëmijët .................................. 21
5.6 Disa prej aspekteve pozitive të përdorimit të teknologjisë ............................................ 23
5.6.1 Përmirësimi i aftësive gjuhësore ............................................................................. 23
5.6.2 Kreativiteti dhe shprehja e imagjinatës ................................................................... 24
5.6.3 Vëmendje më e rritur vizuale .................................................................................. 25
5.6.4 Zhvillimi i aftësive hapësinore ................................................................................ 25
5.6.5 Zhvillimi i shkathtësive dhe talenteve .................................................................... 26
6. ANALIZA DHE INTERPRETIMI I REZULTATEVE TË HULUMTIMIT ....................... 27
6.1 Të dhënat demografike të respodentëve .............................................................................. 27
6.2 Përgjigjet nga pyetësorët me prindër ................................................................................... 28
7. DISKUTIMI .......................................................................................................................... 37
8. PËRFUNDIME DHE REKOMANDIME ............................................................................. 38
8.1 PËRFUNDIME ................................................................................................................... 38
8.2 REKOMANDIME .............................................................................................................. 39
8a. Rezyme ................................................................................................................................ 40
8b. Summary ............................................................................................................................. 40
9. REFERENCAT ..................................................................................................................... 41
CV E SHKURTËR E KANDIDATES ......................................................................................... 42
SHTOJCA ..................................................................................................................................... 44
Shtojca 1. Pyetësori me prindërit .............................................................................................. 44
Shtojca 2. Grafikonet e rezultateve të pyetësorit....................................................................... 46
LISTA E FIGURAVE
Fig 1. Teknologjia e ndikon zhvillimin kognitiv e emocional të fëmijëve .................................... 11
Fig 2. . Teknologjia si simulatore e ndërveprimeve sociale te fëmijët .......................................... 12
vi
Fig 3. Manifestimi i agresionit te fëmijët si pasojë e ekspozimit të zgjatur ndaj teknologjisë.
....................................................................................................................................................... 14
Fig 4. Mungesa e fokusit si pasojë e ekspozimit të fëmijëve ndaj teknologjisë ............................ 16
Fig 5. Teknologjia mund të afektojë raportin prind-fëmijë dhe të ndikojë në gjendjen emocionale
të tyre ............................................................................................................................................ 18
Fig 6. Logo e aplikacionit TikTok ................................................................................................. 20
Fig 7. Logo e aplikacionit YouTube .............................................................................................. 21
Fig 8. Logo e aplikacionit Tellonym ............................................................................................. 22
Fig 9. Gjuha jo e përshtatshme që përdoret në materialet për fëmijë në
YouTube........................................................................................................................................ 22
Fig 10. Teknologjia mund të ndihmojë fëmijët të zhvillojnë aftësitë gjuhësore
....................................................................................................................................................... 23
Fig 11. Teknologjia ndihmon në të shprehurit e imagjinatës dhe kreativitetit nga fëmijët
....................................................................................................................................................... 24
Fig 12. Teknologjia ndihmon në rritjen e vëmendjes vizuale të fëmijës ....................................... 25
Fig 13. Teknologjia u ndihmon fëmijëve të zhvillojnë talente ...................................................... 26
LISTA E DIAGRAMEVE
Grafiku 1. Numri i respodentëve të gjinisë mashkullore dhe femërore ......................................... 27
Grafiku 2. Numri i respodentëve nga qyteti dhe fshati .................................................................. 27
Grafiku 3. Klasifikimi sipas moshës ............................................................................................. 28
Grafiku 4. Rezultatet nga gjinia e fëmijëve ................................................................................... 28
Grafiku 5. Rezultati nga pyetja 1.................................................................................................... 29
Grafiku 6. Rezultati nga pyetja 2 ................................................................................................... 30
Grafiku 7. Rezultati nga pyetja 3 ................................................................................................... 30
Grafiku 8. Rezultati nga pyetja 4 ................................................................................................... 31
Grafiku 9. Rezultati nga pyetja 5.................................................................................................... 32
Grafiku 10. Rezultati nga pyetja 6.................................................................................................. 33
Grafiku 11. Rezultati nga pyetja 7 ................................................................................................. 34
vii
Grafiku 12. Rezultati nga pyetja 8 ................................................................................................. 35
Grafiku 13. Rezultati nga pyetja 9 ................................................................................................. 35
Grafiku 14. Rezultati nga pyetja 10 ............................................................................................... 36
Grafiku 15. Rezultati nga pyetja 11................................................................................................ 36
1
1. ABSTRAKTI
Teknologjia sot konsiderohet si burimi më i rëndësishëm dhe kryesor në botë, me miliarda
përdorues. Këtij shpërthimi të madh në përdorim nuk i kanë shpëtuar as moshat e vogla sikurse
janë ato parashkollore, për të cilat teknologjia është shndërruar në mjetin primar të argëtimit.
Përkundër të mirave që sjell teknologjia ajo gjithashtu sjell edhe shumë efekte anësore të cilat
mund të ndikojnë negativisht në zhvillimin normal psikofizik të grupmoshës parashkollore.
Në këtë punim do të analizojmë, në aspektin teorik, disa prej ndikimeve pozitive dhe negative të
teknologjisë. Boshtit teorik do t’ia mbështesim edhe atë praktik, ku përmes hulumtimit në terren
do të marrim mendimet e prindërve rreth ndikimit të teknologjisë te fëmijët e tyre.
Duke kombinuar këto dy segmente do të mund të përfundojmë dhe japim rekomandime për
prindërit për mënyrat më të mira të përdorimit të teknologjisë nga ana e fëmijëve të tyre.
Fjalët kyçe: teknologjia, ndikimi, fëmijët parashkollorë, prindërit
2
1. ABSTRACT
Technology today is considered the most important and leading resource in the world, with billions
of users. Even small ages such as preschoolers, for whom technology has become the primary
means of entertainment, have not escaped this huge explosion in use.
Despite the benefits that technology brings it also brings many side effects which can negatively
affect the normal psychophysical development of the preschool age group.
In this paper we will analyze, in theoretical terms, some of the positive and negative impacts of
technology. We will also support the theoretical axis with the practical one, where through field
research we will get the opinions of parents about the impact of technology on their children.
By combining these two segments we will be able to conclude and give recommendations to
parents on the best ways to use technology by their children.
Keywords: technology, impact, preschool children, parents
3
2. HYRJE
Shfrytëzimi i teknologjisë në klasat parashkollore, në mbarë botën, është në rritje e sipër. Një
numër i madh i edukatorëve përdorin teknologjinë për të mbështetur zhvillimin e fëmijëve të
moshës parashkollore, më lehtë.
Teknologjia luan rol të rëndësishëm në zhvillimin kognitiv dhe të mësuarit e fëmijëve të kësaj
grupmoshe. Përmes përdorimit të teknologjisë, mësuesit kanë më shumë qasje në metoda kreative
dhe novatore të cilat ua mundësojnë atyre të krijojnë një ambient më pozitiv, interaktiv dhe të
ngrohtë për fëmijët parashkollorë.
Nga shumë hulumtime që janë bërë deri sot, konfirmohet që edukatorët dhe mësuesit përdorin
pajisjet teknike si tabletat apo laptopët për të rritur përfshirjen e fëmijëve në mësimet që
aranzhohen në klasë. Përmes teknologjisë, mund të krijohet dhe dizajnohet një hapësirë unike për
secilin fëmijë. Kjo mundësohet prej faktit që pajisjet teknologjike ofrojnë më shumë resurse për
t’u shfrytëzuar.
Shfrytëzimi individual i teknologjisë është në rritje gjithashtu te të gjitha grupmoshat, përfshirë
edhe fëmijët parashkollorë. Hulumtimet tregojnë se këta fëmijë familjarizohen me teknologjinë
përpara se të takohen me librat (Brody, 2015, fq. 34). Për shkak të këtij ekspozimi në rritje të
fëmijëve, ndaj teknologjisë, janë shtuar edhe hulumtimet të cilat gjurmojnë mbi efektet e këtij
përdorimi. Lidhja ndërmjet përdorimit dhe shëndetit mendor dhe në përgjithësi rezultati që ky
përdorim ka në zhvillimin psiko-kognitiv të fëmijëve, janë më të shpeshta në hulumtimet që
gjurmojnë efektet e përdorimit.
Koha që fëmijët kalojnë në pajisje të ndryshme elektronike, nëse nuk monitorohet me kujdes,
mund të jetë e dëmshme për shumë aspekte të zhvillimit të tyre. Për këtë arsye, pavarësisht se
teknologjia ka lehtësuar të mësuarit, ka sjellë edhe një mori pikëpyetjesh për edukatorët dhe
prindërit për atë se si mund t’i shërbejë më së miri nevojave të fëmijëve dhe procesit të mësimit.
Shumë autorë, pohojnë, se në fakt, disa prej problemeve që vijnë nga përdorimi i teknologjisë janë
të paevitueshme dhe se shfrytëzimi i teknologjisë bëhet gjithmonë duke mbajtur në mend një lloj
“kompromisi” që bëhet, duke tentuar që përparësitë e shfrytëzimit t’i mbivendosen problemeve
dhe të metave.
4
Detyra e një shkolle moderne është përgatitja e nxënësve për jetën brenda asaj që tash konsiderohet
si “shoqëri e informacionit”. Mësuesit përpiqen që të kultivojnë te nxënësit e tyre aftësinë për të
kërkuar dhe organizuar informacionin e marrë nga burime të ndryshme dhe t’i mësojnë nxënësit si
ta shfrytëzojnë atë informacion në forma kreative dhe produktive. Trasimi i kësaj rruge duhet të
jetë i qëndrueshëm me fillesa të hershme. E thënë ndryshe, kjo përbën një projekt sfidues që duhet
të fillojë qysh në klasat parashkollore.
Edukimi, si çdo sferë tjetër e jetës, kalon nëpër një proces evoluimi, me ndryshime të dukshme në
kushtet dhe mënyrat se si zhvillohet dhe organizohet. Përdorimi i teknologjisë, në shumë vende të
zhvilluara të botës, qëndron në harmoni me objektivat nacionale për konceptin e edukimit dhe
rezultateve të tij. P.sh. Agjensioni Kombëtar për Edukim në Suedi, thekson se “edukimi duhet t’i
përshtatet rrethanave dhe nevojave të secilit nxënës dhe se duhet të promovojë marrjen e njohurive
të nxënësve mbështetur në prapavijën e nxënësve, përvojat e tyre të mëhershme, gjuhën dhe dijen
e përgjithshme” (Skolverket, 2013, fq. 43).
Argumentohet se fëmijët kanë kuriozitet të shtuar për të mësuar për botën që i rrethon. Prandaj
edhe interesi për teknologjinë duhet të shihet nën prizmin e këtij interesi të përgjithshëm. Pra,
interesi për teknologjinë, nuk është më ndryshe se interesi p.sh. për të mësuar për të ngasur
bicikletën apo për të mësuar mbathjen e këpucëve.
Para një dekade, sociologu Mark Prensky kishte shkruar për gjeneratën që ai e kishte cilësuar si
“digital natives”, që ishte gjenerata e parë e fëmijëve të rritur me konsola, video lojëra dhe
kompjuterë. Në atë kohë, shqetësimet nga prania e kësaj teknologjie nuk ishin aq të mëdha sa janë
sot, kur besohet se ekspozimi afatgjatë i fëmijëve ndaj teknologjisë mund të ketë pasoja negative
adverse në ta (Vadonovich, Ning-Shen, & Sundraram, 2015, fq. 45).
2.1 Nevoja për këtë punim
Për shkak të hovit të madh që ka marrë teknologjia si dhe për shkak se konsiderohet si ‘mediumi
më i madh i hapur në botë’ ku deponohen me miliona faqe informacioni, aplikacione të ndryshme
etj. në baza ditore, janë ngritur edhe shqetësime për impaktin që kjo mund të ketë te njerëzit e
posaqërisht te fëmijët e grupmoshës parashkollore të cilët janë shumë të ndjeshëm. Duke marrë
parasysh edhe nivelin e lartë të penetrimit të Internetit në Kosovë (me mbi 70% të popullsisë me
5
qasje aktive në rrjet) atëherë është parë e nevojshme të bëhet ky hulumtim që gjurmon për efektet,
negative por edhe ato pozitive të teknologjisë te fëmijët parashkollorë.
Nga ajo që kam mundur të hulumtoj, nuk ka shumë studime analitike apo empirike në Kosovë që
gjurmojnë mbi ndikimin e teknologjisë te kjo grupmoshë. Duke qenë kështu, ky punim përbën një
kontribut modest në këtë lëmi që po zgjon kurreshtjen e autorëve e hulumtuesve në mbarë botën.
2.2 Përparësitë dhe kufizimet
Gjatë punimit të kësaj teme të diplomës janë hasur disa kufizime të cilat lidhen kryesisht me
mungesën e literaturës dhe punimeve studimore mbi ndikimin e teknologjisë te fëmijët
parashkollorë. Për këtë qëllim, më është dashur të mbështetem te literatura e huaj e cila e trajton
këtë fenomen.
Një kufizim i dytë lidhet me faktin se teknologjia përbën një fushë studimi shumë të gjerë. Autorë
të ndryshëm kanë dhënë teori të ndryshme mbi ndikimin e teknologjisë. Shumë prej këtyre teorive
janë krijuar për t’u përshtatur me një kulturë apo mjedis të caktuar. P.sh. ajo që mund të jetë e
vërtetë për një vend në perëndim mund të mos valide për një vend tjetër në lindje. Duke pasur këtë
variacion të teorive, mund të jetë e vështirë të krijohen argumente të mbështetura përgjithësuese.
Përparësi e punimit është se ai përbën, në një formë, risi, sepse i takon një fushe që është gjurmuar
pak nga autorë në Kosovë. Duke u qenë i tillë, mund t’u shërbejë prindërve dhe edukatorëve për
t’u informuar më shumë mbi ndikimin që ka teknologjia te fëmijët dhe nxënësit e tyre,
respektivisht.
2.3 Struktura e punimit
Ky punim është i përbërë prej këtyre kapitujve me këtë përmbajtje:
Hyrja – përbën një prezantim me temën dhe problemin që hulumtohet së bashku me nevojën për
një studim të tillë dhe përparësitë e të metat e punimit.
Qëllimi i hulumtimit – këtu paraqiten argumentet kryesore se pse ky punim është zhvilluar dhe
cilat janë objektivat që synohen të arrihen përmes këtij punimi.
Metodologjia e hulumtimit – këtu paraqiten hapat që janë ndjekur gjatë realizimit të hulumtimit së
bashku me hipotezat, pyetjet kërkimore, instrumentet, metodat dhe etikën e hulumtimit.
6
Shtjellimi i temës – këtu paraqitet e tërë teoria që lidhet me objektin e studimit me citime nga autorë
të ndryshëm që kanë shkruar për këtë fushë.
Analiza dhe interpretimi i rezultateve të hulumtimit – Këtu paraqiten rezultatet prej hulumtimit në
terren të realizuar me respodentët prindër nga Komuna e Pejës. Këto rezultatet paraqiten grafikisht
dhe komentohen.
Diskutimi – këtu jepen në mënyrë të përmbledhur pikat kyçe të temës së bashku me komentet për
rezultatet nga hulumtimi.
Përfundime dhe rekomandime – këtu jepen pikat kryesore që kanë mundur të derivohen nga analiza
teorike dhe hulumtimi në terren së bashku me rekomandimet për prindërit.
Rezymeja – këtu jepen pikat kryesore përmbyllëse të temës.
7
3. QËLLIMI I PUNIMIT
Zhvillimi i hovshëm i teknologjisë ka ndikuar që përdorues të saj të jenë të gjitha grupmoshat,
përfshirë këtu edhe fëmijët parashkollorë. Për shkak se teknologjia është medium i madh dhe i
hapur, në të janë të ekspozuara shumë materiale të cilat jo gjithmonë janë të duhura për moshën e
fëmijëve në fjalë.
Mbi ndikimin e teknologjisë te grupmoshat parashkollore nuk ka shumë punime dhe hulumtime
në Kosovë. Për shkak të rëndësisë gjithmonë e në rritje të teknologjisë, është parë e arsyeshme të
punohet kjo temë e cila gjurmon mbi aspektet kryesore të përdorimit të teknologjisë te kjo
grupmoshë.
Punimi është menduar të jetë i ndarë në dy pjesë: atë të analizës teorike dhe hulumtimit në terren
si komplementare e pjesës së parë. Përmes këtij hulumtimi, do të mund të evidentohen mendimet
dhe qëndrimet e prindërve mbi efektet që ata i konsiderojnë si pozitive dhe negative të teknologjisë
dhe si teknologjia në përgjithësi ndikon në qëndrimet dhe sjelljet e fëmijëve të tyre.
Hulumtimi është sasior dhe instrumenti i përdorur është pyetësori. Të dhënat e derivuara nga
pyetësori do të mund të përdoren për t’iu përgjigjur pyetjeve hulumtuese dhe për të provuar
hipotezat që janë shtruar në kuadrin e punimit.
3.1 Objektivat e hulumtimit
Qëllimi i hulumtimit në këtë punim diplome ishte të gjurmohet për qëndrimet e prindërve të
fëmijëve parashkollorë mbi efektin e përdorimit të teknologjisë te kjo grupmoshë. Pra, qëllimi
ishte te merren mendimet e prindërve mbi efektet e përdorimit të teknologjisë nga ana e fëmijëve
të tyre, duke përfshirë këtu anët pozitive dhe ato negative.
Hulumtimi u realizua në periudhën Qershor-Korrik 2020 dhe në të u përfshinë gjashtëdhjetë e pesë
prindër respodentë të cilit kishin një fëmijë të grupmoshës 5-6 vjeçare.
8
4. METODOLOGJIA E HULUMTIMIT
4.1 Pyetjet kërkimore
Pyetjet kërkimore që ngrisim në kuadër të këtij punimi janë:
1. Si ndikon ekspozimi i tepërm ndaj teknologjisë në zhvillimin psikofizik të fëmijëve?
2. Sa janë të përshtatshme përmbajtjet e aplikacioneve të ndryshme si TikTok për fëmijët
parashkollorë?
3. Si ndikon monitorimi i aktiviteteve të fëmijëve parashkollorë nga ana e prindërve në
sigurinë dhe mirëqenien e tyre gjatë përdorimit të teknologjisë?
4. Cilat janë anët pozitive dhe negative të përdorimit të teknologjisë nga ana e fëmijëve
parashkollorë?
4.2 Hipotezat e hulumtimit
Në këtë punim ngrisim katër hipoteza:
H1. Ekspozimi i tepërm ndaj teknologjisë e pengon zhvillimin normal psikofizik të fëmijëve
parashkollorë.
H2. Përdorimi i teknologjisë ndihmon në shprehjen e kreativitetit dhe imagjinatës nga ana e
fëmijëve parashkollorë.
H3. Monitorimi i aktivitetit të fëmijëve nga ana e prindërve e rritë sigurinë dhe mirëqenien e
fëmijëve parashkollorë gjatë përdorimit të teknologjisë.
H4. Përmbajtja në aplikacione të ndryshme si TikTok mund të jetë e dëmshme për fëmijët.
4.3 Popullata dhe mostra
Popullatë e këtij punimi të diplomës janë prindërit nga Komuna e Pejës të cilët kanë të paktën një
fëmijë, ndërsa mostër janë prindërit të cilët kanë një fëmijë të moshës 5-6 vjeçare. Kriter ka qenë
përzgjedhja e fëmijëve të kësaj grupmoshe të cilët jetojnë me të dy prindërit.
4.4 Instrumentet e hulumtimit
Instrumenti i përdorur për qëllim të nxjerrjes së të dhënave primare ishte pyetësori e realizuar me
gjashtëdhjetë e pesë prindër respodentë të cilët kishin së paku një fëmijë të moshës 5 – 6 vjeçare.
Të dhënat e derivuara nga hulumtimi do të na ndihmojnë për t’iu përgjigjur pyetjeve kërkimore
9
dhe për të provuar hipotezat e punimit. Pyetësori ishte dizajnuar me pyetje të hapura dhe të
mbyllura.
4.5 Metodat e hulumtimit
Metoda e përdorur për qëllimet e hulumtimit është metoda kuantitative (sasiore). Për shpërndarjen
e pyetësorëve është përdorur forma e kontaktit të drejtpërdrejtë (përmes emailit apo numrit të
telefonit) dhe ajo përmes grupeve në rrjetin social Facebook. Përmes metodës sasiore kemi mundur
të përfshijmë një numër më të madh të respodentëve ashtu që të dhënat e nxjerra të ishin më
relevante për nevojat e studimit.
4.6 Grumbullimi i të dhënave të hulumtimit
Mostra u përzgjodh përmes shpërndarjes së rastësishme ku përmes Google Forms janë ftuar të
gjithë prindërit të cilët plotësojnë kriteret e hulumtimit (të kenë të paktën një fëmijë të moshës 5-
6 vjeçare) që në mënyrë vullnetare të marrin pjesë në plotësimin e pyetësorit.
Hulumtimi është realizuar brenda një muaji. Dërgimi i Google Forms është bërë nëpërmjet rrjeteve
sociale, përkatësisht kjo formë së bashku me kërkesën për pjesëmarrje si dhe detajet dhe qëllimet
e hulumtimit janë publikuar në grupe të ndryshme në rrjetin social Facebook. Gjithashtu, nga
Drejtoria Komunale e Pejës janë siguruar emailat e prindërve të fëmijëve të kësaj grupmoshe dhe
janë kontaktuar një pjesë e tyre. Prindërve të cilët kanë shprehur gatishmëri për të marrë pjesë në
hulumtim u janë dërguar pyetësorët për t’i plotësuar. Koha në dispozicion për të plotësuar
pyetësorin ishte dhjetë ditë.
Numri total i pyetësorëve të plotësuar nga ana e prindërve respodentë ishte 85 prej të cilëve 65
kanë qenë të vlefshëm (pyetësorët me pyetje të paplotësuara apo të plotësuara gabim janë
konsideruar të pavlefshëm). Të gjithë prindërit e kontaktuar ishin nga Komuna e Pejës.
4.7 Etika e hulumtimit
Ky hulumtim bazohet në këto parime etike:
1. Sinqeriteti – Pyetjet e pyetësorëve janë realizuar nga unë në koordinim me mentoren e temës,
dmth. pyetjet janë burimore dhe të përshtatura me nevojat e hulumtimit.
10
2. Objektiviteti – përgjigjet nga pyetësorët e prindërve respodentë nuk janë ndryshuar. Ato janë
përmbledhur (prezantohen në kapitullin vijues) dhe si të tilla reflektojnë qëndrime subjektive të
respodentëve.
3. Prona intelektuale – të dhënat e mbledhura në hulumtim janë burimore. Të dhënat e tjera, të
cilat kanë qenë të nevojshme për nevojat e hulumtimit janë përdorur citimet dhe referencat
gjegjëse.
4. Konfidencialiteti – identiteti i respodentëve (emri dhe mbiemri) është mbajtur në anonimitet.
Në punim prezantohen mosha dhe gjinia e respodentëve.
11
5. SHTJELLIMI I TEMËS
5.1 Përceptimet mbi përdorimin e teknologjisë në edukimin parashkollor
Në qasjen tradicionale të mësimdhënies, ka një shkëputje ndërmjet asaj që mësohet në shkollë dhe
asaj që ndodh në botën reale. Për të mbajtur ritmin e zhvillimeve nga bota reale, integrimi i
teknologjisë është i domosdoshëm. Kualiteti i edukimit që fëmijët marrin në mosha të hershme,
argumentohet se ndikon dukshëm në zhvillimin personal në kontekst të aftësive dhe shkathtësive.
Sot, fëmijët ekspozohen ndaj teknologjisë në mosha shumë të hershme në ambientet familjare.
Nga ky ekspozim, shumë shpejt ata fillojnë ta shohin përdorimin e pajisjeve të ndryshme
elektronike si mjet bazë për argëtim dhe mësim. Mbi bazën e kësaj, integrimi i teknologjisë në
edukimin e tyre formal në shkollë, është proces krejt i natyrshëm.
Teknologjia ka marrë përmasa të mëdha zhvillimi vitet e fundit. Çdo ditë, shohim se si aplikacione
dhe programe të ndryshme adaptohen për grupmoshat parashkollore. Këto aplikacione dhe
programe janë të disponueshme në pajisje të ndryshme si tabletë, iPad, kompjutera, telefona të
mençur etj. Përmes këtyre aplikacioneve, fëmijët kanë në dorë në fakt materiale, nëpërmjet të
cilave mund të zhvillojnë aftësitë kognitive, sociale, emocionale, të komunikimit etj.
Instituti Albert Shanker (2009) thekson se ofrimi i praktikave të larmishme për zhvillim, te fëmijët
e grupmoshës parashkollore, inkurajon vetëbesimin, pavarësimin, formimin e identitetit dhe
forcimin e karakterit individual. Praktikat e tilla për zhvillim, do të thonë se edukatorët zhvendosin
fokusin e tyre nga strategjitë tradicionale të të mësuarit drejt ofrimit të përvojave të cilat janë në
harmoni me nevojat dhe aftësitë e fëmijëve dhe mbi të gjitha drejt përvojave të cilat fëmijët i duan
dhe në të cilat angazhohen me vullnet dhe dëshirë (Epstein, 2017, fq. 23).
5.2 Teknologjia dhe zhvillimi kognitiv e emocional
Të rinjtë sot janë më të “lidhur” se kurrë. Në shtetet ku penetrimi i Internetit është i shkallës së
lartë, grupmoshat e reja dukshëm i prijnë listës për përdorim të Internetit. Hulumtimet tregojnë se
pjesa më e madhe këtë shfrytëzim e lidhin me preferenca dhe jo nevoja. Këto preferenca përfshijnë,
ndër të tjera, video-lojërat, komunikimin me tekst apo video, rrjetet sociale etj. Sipas Qendrës për
Hulumtime të Pavarura Peë në Shtetet e Bashkuara të Amerikës, fëmijët e moshës 5-11 vjeçare
12
shpenzojnë mesatarisht 3-5 orë në ditë duke konsumuar përmbajtje online (Mascheroni & Cuman,
2014).
Koha që fëmijët kalojnë duke shfrytëzuar teknologjinë është shumë e rëndësishme për shkak se
kjo moshë ka nivelin më të lartë të ‘plasticitetit’ të trurit dhe zhvillim shumë të varur nga përvojat
me të cilat takohen. Truri ynë ndryshon shpejt në varësi të përvojave dhe truri i fëmijëve
konsiderohet i ‘plasticitetit të lartë’ (Mascheroni & Cuman, 2014, fq. 34). Shfrytëzimi i
teknologjisë, në literaturë, asociohet me ndryshime të cilat mund të jenë të përkohshme p.sh.
ndryshimet në sjellje apo gjendje emocionale apo edhe më afatgjate.
Fig 1. Teknologjia e ndikon zhvillimin kognitiv e emocional të fëmijëve
Ka shumë hulumtime të cilat në mënyrë empirike kanë gjetur lidhjen ndërmjet përdorimit të
teknologjisë dhe gjendjes jo të mirë mendore, sociale dhe emocionale të fëmijëve. Ekspozimi me
orë të zgjatura ndaj teknologjisë, prodhon efekte negative dhe thuhet se dëmton aftësitë kognitive
të fëmijëve ashtu si edhe krijon probleme fizike, të sjelljes, të koncentrimit apo vëmendjes ashtu
si edhe probleme psikologjike (Rosen, 2014, fq. 22).
Ashtu si thamë, truri është plastik dhe si i tillë ndryshon përgjatë përvojave tona. Kjo është
veçanërisht prominente në vitet e hershme të zhvillimit. Disa pjesë të trurit janë më plastike se të
tjerat si p.sh. hipocampusi, që është i implikuar në procesin e të mësuarit dhe memories. Në tri
vitet e para të jetës, truri i fëmijës mund të jetë në gjendje të krijojë mbi 1 milion lidhje brenda një
sekondi, të cilat janë të domosdoshme për zhvillimin e funksioneve të ndryshme si dëgjimi, gjuha
13
dhe njohja (kognicioni) (CDCh, 2009). Këto lidhje krijojnë bazën për funksionet e tjera më të larta
që formësohen gjatë adoleshencës.
5.3 Teknologjia dhe shkathtësitë sociale
Pavarësisht se në fillim, edukatorët, prindërit dhe komuniteti shprehnin shqetësimet e tyre për
faktin se përdorimi i teknologjisë mund të dobësonte aftësitë për socializim të fëmijëve,
hulumtimet kanë treguar se teknologjia, në fakt, mund ta rrisë sasinë e komunikimit dhe të ofrojë
ndërveprim pozitiv mes fëmijëve (Clements, 1994, fq. 21). P.sh. hulumtimi i kryer prej autorëve
Muller dhe Perlmutter (2015) vë në dukje se kompjuterët ofrojnë një hapësirë unike që mund të
inkurarojë fëmijët të cilët zakonisht nuk ndëveprojnë me të tjerët, që ta bëjnë një gjë të tillë. Sipas
autorëve, për shumë fëmijë, kompjuteri mund jetë katalizator për shpërndarje dhe shkëmbim të
informacionit, zhvillim gjuhësor, marrje të vendimeve etj.
Fig 2. Teknologjia si simulatore e ndërveprimeve sociale te fëmijët
14
5.4 Disa prej aspekteve negative të përdorimit të teknologjisë
Akademia Amerikane e Pediatrisë dhe Shoqëria e Pediatrisë Kanadeze përmes një publikimi,
argumenton se fëmijët e moshës 3-5 vjeç mund të përdorin vetëm 1 orë në ditë pajisje
elektronike, e ndërsa ata nga 6-18, vetëm 2 orë në ditë. Nëse ky limit kalohet, duke u përdorur
4 ose 5 herë më shumë se norma, pasojat mund të jenë shumë të dëmshme për të gjithë fëmijët.
5.4.1 Rritja e shpejtë e trurit
Ndër pasojat më të rënda që teknologjia ju shkakton të vegjëlve, është rritja e shpejtë e trurit.
Që prej lindjes e deri në moshën 2 –vjeçare, truri i foshnjës rritet 3-fish në madhësi dhe vazhdon
deri në 21 vjeç, por në procese më të ngadalta. Stimulimi i trurit në zhvillim nëpërmjet
ekspozimit të tepërt të teknologjisë, ka treguar se është i lidhur me kohen e reagimeve,
problemet me përqendrimin, dëmtimit në të mësuar si dhe rritjen e impulsivitetit.
5.4.2 Dëmtimi gjuhësor
Dëmtimi gjuhësor, është problemi me të cilën prindërit por dhe mjekët përballen më së shumti.
Shumica e fëmijëve, kalojnë një pjesë të mirë të ditës së tyre, duke parë video, në gjuhë të
ndryshme duke ndikuar në aftësinë e tyre për të folur. Mirëpo ashtu, sikurse ka fëmijë që kanë
aftësinë që t’i përvetësojnë të dyja gjuhët njëkohësisht dhe në mënyrë korrekte, ka edhe fëmijë
të cilët ‘’bllokohen’’ dhe e gjejnë të vështirë të mësojnë apo flasin qoftë dhe një gjuhë të vetme.
Kjo simptomë ndryshe quhet si çrregullimi bilingual, dhe mund të evitohet lehtësisht duke e
minimizuar kohën që fëmijët tuaj shpenzojnë përpara teknologjisë si dhe duke folur sa më
shumë me ta.
5.4.3 Zhvillimi i vonuar
Një tjetër problematikë e kohës së ‘teknologjisë’ është dhe zhvillimi i vonuar i fëmijëve. 1 nga
3 fëmijë që përdorin teknologjinë në Amerikë dhe Kanada, kanë hyrë në shkollë me vonesë
zhvillimore, duke ndikuar kështu në aftësitë e të mësuarit. Mirëpo, përveçse zhvillimit të vonuar
qëndrimi për orë të tëra para pajisjeve elektronike bën që fëmijët tuaj të jenë të prirur për t’u
bërë obezë, që gjë çon edhe në rrezik të lartë ndaj diabetit.
15
5.4.4 Agresioni
Agresioni është vetia e cila karakterizon fëmijët e dekadës që lamë pas. Është gati e pamundur
që një fëmijë të kontrollohet për gjithçka sheh në kompjuterin e tij. Dhe pikërisht, kjo është
arsyeja se përse videot me përmbajtje dhune shkaktojnë agresion tek fëmijët por dhe probleme
mendore.
Fig 3. Manifestimi i agresionit te fëmijët si pasojë e ekspozimit të zgjatur ndaj teknologjisë
5.4.5 Shëndeti më i dobët fizik
Si pasojë e ekspozimit të zgjatur ndaj teknologjisë, shumë fëmijë mund të mos gëzojnë benefitin
e të shpenzuarit kohë jashtë. Te këta fëmijë, teknologjia shihet si burim i vetëm i argëtimit. Koha
që fëmijët shpenzojnë jashtë, duke u marrë me aktivitete të ndryshme, ka një ndikim shumë pozitiv
në zhvillimin e tyre fizik dhe psikik. Pikë së pari, i ekspozon ndaj diellit që është burimi i kryesor
i vitaminës D. Kjo u ndihmon që të jenë me imunë ndaj luftimit të infeksioneve apo gripërave
virale duke ndikuar gjithashtu që të ruajnë shëndetin e lëkurës së tyre.
Lojërat e ndryshme jashtë dhe shëtitja në natyrë, stimulojnë kreativitetin dhe imagjinatën e
fëmijëve. Për më tepër, ekspozimi i vazhdueshëm në diell, mund të ndikojë në prodhimin e
melatoninës e cila e rregullon ciklin e gjumit, duke bërë që këta fëmijë të bëjnë gjum të qetë dhe
në përgjithësi të shkojnë në krevat në orë më të hershme.
16
Të gjitha këto benefite, të cilat nuk gëzohen nga ekspozimi i zgjatur ndaj teknologjisë, ndikojnë
negativisht në shëndetin fizik të fëmijëve. Për shkak se shëndeti është primar, prindërit duhet të
përpiqen që të reduktojnë kohën që fëmijët e tyre kalojnë duke përdorur teknologjinë. Kjo detyrë
mund të duket e vështirë, marrë parasysh faktin se fëmijët mund të ‘detyrojnë’ prindërit t’ua lejojnë
përdorimin nëpërmjet formash të ndryshme, si: qarja me dënesë, refuzimi për të ngrënë ushqim
etj. Gjithsesi, përballë këtij ‘invazioni’ të mundshëm, prindërit duhet të qëndrojnë këmbëngulës
deri sa fëmijët të kuptojnë që kufizimi i shërben të mirës së tyre të përgjithshme.
5.4.6 Dëmtimi i syve
Është e vërtetuar shkencëtarisht se pajisjet teknologjise emetojnë rreze të kaltërta (blue) të cilat
mund të dëmtojnë seriozisht sytë, sidomos ato të fëmijëve të cilat janë të ndjeshme dhe delikate.
Ky ekspozim, mund të shkaktojë edhe kokëdhimbje, tendosje dhe irritim të syve etj. Nga ky
emetim, shqetësohet edhe gjumi, duke bërë që të reduktohet prodhimi i melatoninës e cila ndikon
që fëmijët të humbin gjumin dhe të qëndrojnë zgjuar deri në orë të vona. Pra, si rezultat i reduktimit
të melatoninës, fëmijët e kanë të vështirë të përgatiten për gjumin e natës, duke bërë që ritmi i tyre
i vendosjes dhe zgjimit nga gjumi, të çrregullohet.
5.4.7 Mungesa e fokusit
Teknologjia ka pasur ndikim të theksuar në mënyrën se si fëmijët ndjehen dhe mendojnë. Meqë
teknologjia ofron një mori stimujsh dhe shpesh kërkon që fëmijët të kenë vëmendjen në shumë
gjëra njëkohësisht, fëmijët që luajnë shumë video-lojëra ose shpenzojnë kohën e tyre ‘online’ kanë
aftësi më të dobëta të fokusit në krahasim me fëmijët të cilët e përdorin teknologjinë minimalisht.
Kjo mund të ndikojë edhe në mënyrën si fëmijët procesojnë informacionin. Kur ata ekspozohen
vazhdueshëm ndaj teknologjisë, tentojnë të kapërcejnë nëpër gjëra në mënyrë superficiale duke
bërë që të mos zhvillojnë sa duhet aftësitë për të menduar në mënyrë kritike ose të jenë kreativë
gjatë të mësuarit të koncepteve të reja.
17
5.4.8 Niveli më i dobët i vetëbesimit
Teknologjia ndryshon mënyrën si fëmijët socializohen dhe ndërveprojnë me të tjerët, që mund të
ketë ndikim shumë të madh në mirëqenien e tyre mendore dhe emocionale. Është tashmë e
vetëkuptueshme që ekspozimi i lartë ndaj teknologjisë, si te të rriturit ashtu edhe të fëmijët, mund
të ulë vetëbesimin e tyre dhe mund të krijojë gjendje jo të këndshme emocionale. Teknologjia
simulon ndërveprimet sociale, por asnjëherë nuk i zëvendëson ndërveprimet e vërteta. Pra,
ndërveprimet përmbajtjesore zhvillohen vetëm gjatë kontaktit të drejtpërdrejtë të fëmijëve mes
vete dhe me të tjerët.
Është shumë e rëndësishme që fëmijët të zhvillojnë kontakte të drejtpërdrejta me të tjerët, ta
përjetojnë ‘të gjallë’ momentin e një loje, të argëtimit, të të mësuarit etj. Në këtë mënyrë, fëmijët
do ta kenë më të qartë se çfarë mund të bëjnë e çfarë jo. Teknologjia mund të interferojë edhe në
krijimin e lidhjeve të forta dhe të qëndrueshme me prindërit, vëllezërit dhe motrat si dhe shokët.
Këto lidhje i ofrojnë siguri dhe lumturi fëmijëve, prandaj edhe konsiderohen si integrale në
ndërtimin e vetëbesimit të tyre.
Shumë aplikacione që janë në shfrytëzim prej fëmijëve, u mësojnë atyre të masin prej së jashtmi
vlerat personale që posedojnë. P.sh. aplikacionet me “fëmijët e famshëm (celebrities)”
pozicionojnë fëmijët si ‘yje’ të cilët veprojnë para kamerave dhe luten për pëlqime. Ekspozimi i
zgjatur ndaj këtyre videove, mund të ndikojë që fëmijët të vlerësojnë veten nga ajo sa pëlqime
marrin. Kjo dukshëm e cënon vetëbesimin e tyre.
Fig 4. Mungesa e fokusit si pasojë e ekspozimit të fëmijëve ndaj teknologjisë
18
5.4.9 Mbipesha
Mungesa e aktiviteteve fizike si rezultat i qëndrimit të gjatë në pajisjet e ndryshme elektronike,
ndikon që fëmijët të fitojnë në peshë. Shumicën e aktiviteteve online si video-lojërat, fëmijët e
shoqërojnë duke ngrënë ushqime të cilat përpos që janë kalorike janë edhe të dëmshme për
shëndetin. Këto mund të jenë çipsat apo ëmbëlsirat e ndryshme. Kjo sjellje mund të kalojë në
shprehi dhe fëmijët shumë shpejt mund të rrezikojnë të kalojnë në shkalla më ekstreme të
mbipeshës si obeziteti. Mungesa e një balanci ndërmjet përdorimit (cilësor dhe sasior) të
teknologjisë e pengon zhvillimin normal fizik të fëmijëve.
5.4.10 Afektimi i raportit prind-fëmijë
Pajisjet teknologjike përdoren nga njerëz të ndryshëm për qëllime të ndryshme. Një pjesë e madhe
i përdorin për argëtim, të tjerë për të lexuar, mësuar etj. Gjatë përdorimit krijohen edhe shumë
shprehi, si shikimi nëse kemi marrë ndonjë mesazh apo njoftim në rrjetet sociale që përdorim.
Duke i ekzekutuar këto shprehi në praninë e fëmijëve, mund të ketë pasoja negative. Sipas një
studimi të kryer nga Instituti i Shëndetësisë në Michigan , shfrytëzimi i teknologjisë nga ana e
prindërve gjatë kohës sa janë me fëmijët e tyre, mund të shkaktojë tension të brendshëm, konflikte
dhe raporte negative me fëmijët. “Fëmijët shohin, fëmijët bëjnë” thuhet në studim. Kjo do të thotë
se fëmijët mësojnë nga bisedat që prindërit e tyre zhvillojnë me të tjerë dhe në përgjithësi janë
mjaftueshëm të aftë për të lexuar dhe nxjerrë kuptim edhe prej shprehjeve të fytyrës së prindërve.
Mosmenaxhimi i kohës gjatë shfrytëzimit të teknologjisë dhe kujdesi që shprehi të caktuara të
përdorimit të mos i paraqesin para fëmijëve është një hap tjetër shumë i rëndësishëm i mos lënit
që teknologjia të ketë raport ndikim te fëmijët dhe te raporti i prindërve me ta. Nuk duhet harruar
që fëmijët janë edhe imitues shumë të suksesshëm dhe me gjasë do të përpiqen që shumë prej
veprimeve të prindërve dhe kujdestarëve më të mëdhenj t’i inkorporojnë në veprimet e tyre. Kjo
është diçka që duhet pasur kujdes që të shmanget.
5.4.11 Varësia
Ndër shqetësimet kryesore që lidhen me përdorimin e teknologjisë në mesin e publikut të
përgjithshëm është potenciali i një forme të teknologjisë për të shkaktuar varësi te fëmijët.
Hulumtimet e ndryshme pohojnë se ekspozimi me orë të zgjatura ndaj teknologjisë, mund të
shkaktojë varësi dhe shkëputje të fëmijës nga realiteti social të cilit i përket. Shoqata Mjekësore
Amerikane e konsideron varësinë ndaj teknologjisë dhe Internetit si çrregullim psikiatrik me
19
potencialin që të shndërrohet në patologji – kjo do të thotë se, qëndrimi me orë të zgjatura duke
përdorur teknologjinë, implikon reduktim të aftësive individuale për të funksionuar në mënyrë
normale në shoqëri (Bavelier, 2010, fq. 79).
5.5 Problemet me aplikacionet për fëmijë
Shumica e aplikacioneve të famshme për fëmijë, nuk marrin në konsideratë shumë aspekte që
lidhen me mirëqenien e fëmijëve. Shumica prej tyre, nuk ofrojnë kontroll prindëror. Për më tepër,
këto aplikacione ‘bombardojnë’ fëmijët me reklama të cilat janë të dëmshme dhe shpesh edhe jo
të përshtatshme për moshën e fëmijëve, me komercializëm, dhe përmbajtje të tjera të cilësisë së
dobët dhe jo të duhur.
Aplikacionet për fëmijë, nuk garantojnë që fëmijët gjatë qëndrimit në to, janë të sigurt.
Qëllimi i këtyre aplikacioneve, në shumë raste, nuk ka karakter edukativ, ashtu si duhet të jetë. Më
poshtë i kemi renditur disa prej problemeve që evidentohen në literaturë në lidhje me këto
aplikacione.
5.5.1 Siguria e fëmijëve varet prej algoritmeve
Kur instalohet një aplikacion për fëmijë, prindërit presin që fëmijët të jenë të sigurt gjatë përdorimit
të tij. Fatkeqësisht, shumë prej aplikacioneve të tilla nuk marrin seriozisht sigurinë e fëmijëve.
Shumë prej aplikacioneve të njohura përdorin algoritmet për të skanuar dhe pastaj filtruar
përmbajtjet e frikshme apo të papërshtatshme. Megjithatë, algoritmet, nuk funksionojnë
Fig 5. Teknologjia mund të afektojë raportin prind-fëmijë dhe të ndikojë në gjendjen
emocionale të tyre
20
gjithmonë. Një gjë e tillë është provuar edhe vitin e kaluar, kur qindra video të frikshme kishin
‘thyer’ filtrat e Youtube dhe ishin shfaqur në ekranet e fëmijëve. Pavarësisht se Youtube ka bërë
ndryshime në politikat e postimit, videot e papërshtatshme po vazhdojnë akoma të jenë të shfaqen.
Kjo ndodh sepse bëhet filtrimi automatik dhe jo manual. Kjo filtrim automatik nuk mund të jetë
gjithmonë efikas dhe njerëzit dashakeq shpesh gjejnë forma të ndryshme e të shumta për ta
‘korruptuar’.
Mënyra më e mirë e ofrimit të sigurisë maksimale për fëmijët, do të ishte kontrolli manual i
përmbajtjeve që ofrohen. Me numrin e madh të aplikacioneve që postohen çdo ditë, një gjë e tillë
për shumë kompani që ofrojnë shërbime është shumë e kushtueshme dhe si rrjedhojë përpiqen ta
shmangin. Duke u ndodhur në këtë situatë, është kruciale që prindërit të kontrollojnë me kujdes
përmbajtjet ndaj të cilave ekspozohen fëmijët dhe të mos i besojnë ‘palëve të treta’.
Pavarësisht kësaj, ka edhe shumë aplikacione të tjera, të cilat në ofrojnë siguri optimale për fëmijët
duke i kushtuar rëndësi të posaçme filtrimit të përmbajtjeve të cilat i disponojnë.
5.5.2 Përmbajtjet rekomanduese janë të limituara
Gjatë shikimit të një video apo përmbajtje tjetër digjitale, fëmijëve shpesh u rekomandohen
përmbajtje të tjera, të cilat në të shumtën e rasteve lidhen me atë që janë duke e shikuar në atë
moment. Gjithsesi, në shumë raste, rekomandimet e tilla janë shumë të komercializuara. Për t’i
ofruar diçka më substanciale fëmijëve për të shikuar, duhet të kërkohet manualisht materiali. Për
fëmijët është e rëndësishme që të eksplorojnë video dhe materiale që kanë laramani përmbajtjesh.
Përmes algoritmeve rekomanduese, ata përpos që mund të marrin përmbajtje komercializuese,
marrin edhe përmbajtje të njëjta, të lidhura mes vete. Kjo i dekurajon fëmijët për të eksploruar
tema të reja, duke i kufizuar ata në atë së çfarë dhe si shohin.
5.5.3 Mungesa e kontrollit prindëror
Shumë prej aplikacioneve dhe përmbajtjeve digjitale që janë të disponueshme për fëmijët, ofrojnë
pak e në raste edhe aspak kontroll prindëror. Kontrolli do të thotë se prindërit kanë mundësi të
dirigjojnë atë se çfarë fëmijët e tyre mund të shohin dhe kur mund ta shohin atë. P.sh versioni i
fundit i Youtube Kids, deri vonë nuk ka ofruar mundësinë e bllokimit të videove apo kanaleve të
21
caktuara. Në versionin e fundit, kjo është e mundur por fillimisht duhet të krijohet llogaria
përkatëse në Youtube përmes gmail.
Për shkak se në shumë aplikacione, prindërit kanë kontroll të limituar, edhe siguria e fëmijëve në
to varion dukshëm. Nga mungesa e këtij kontrolli, prindërit nuk mund të krijojnë apo kurojnë
‘playlists’ për fëmijët e tyre. Ka shumë aplikacione, në të cilat, nëse nuk dëshirohet që një
përmbajtje t’i shfaqet fëmijët në të ardhmen, atëherë duhet të fshihet komplet historiku i shikimit.
Pavarësisht se prindërit mund t’i bëjnë bllok një videojeje, sërish fëmijët do të shërbehen me
rekomandime të së njëjtës përmbajtje, në të ardhmen.
Fshirja apo bllokimi i videove në mënyrë manuale është një proces shumë i mundimshëm dhe me
kosto në kohë. Për shkak se nga reklamimet, kompanitë që ofrojnë shërbime gjenerojnë të ardhura,
fokusi pra është te këto të fundit dhe jo te edukimi i fëmijëve. Kontrolli prindëror i munguar,
shpesh edhe prej vetë prindërve si rezultat i shumë faktorëve, e bën edhe më kritik sigurinë dhe
mirëqenien e fëmijëve gjatë ekspozimit ndaj teknologjisë.
5.5.4 Lista e aplikacioneve potencialisht të dëmshme për fëmijët
Sikurse thamë, për shumë arsye, kompanitë e ndryshme të cilat ofrojnë
përmbajtje për të rritur dhe fëmijë, jo gjithmonë kanë fokusin që të tilla
përmbajtje t’i filtrojnë ashtu që të kenë karakter sa më të lartë edukativ. Në
vijim kemi krijuar një listë të aplikacioneve të cilat mund të jenë
potencialisht të dëmshme për përdorim prej fëmijëve. Aplikacionet e tilla
janë bërë të njohura sidomos në këtë vit, me një shtim të dukshëm të numrit
të përdoruesve.
TikTok – është aplikacion për krijim dhe shpërndarje të videoeve të
shkurtra. Shfrytëzuesit mund të krijojnë video me muzikë prej 3-60
sekonda. Qëllimi i aplikacionit është të inkurajojë përdoruesit të shprehen në mënyrë kreative
brenda një video të shkurtër. Këtyre videove mund t’u shtohen edhe efekte speciale. Minimumi i
moshës së lejuar për përdorim të aplikacionit është 13, por nuk ka ndonjë mënyrë për të verifikuar
moshën, prandaj secili mund të shkarkojë aplikacionin. Në mbarë botën, prindërit kanë filluar të
shprehin shqetësimet e tyre për gjuhën joadekuate që përdoret në videot që shpërndahen në këtë
Fig 6. Logo e
aplikacionit
TikTok
22
rrjet social. Kjo gjuhë është gjithsesi e papërshtatshme për fëmijët. Gjithashtu, të gjitha llogaritë
janë publike kështu që secili mund të kontaktojë dhe të shohë profilin e secilit.
YouTube – është rrjeti kryesor social në të cilin ruhen dhe shpërndahen
videot e ndryshme. Këtu mundësohet kontrolli i privatësisë. Shërben
gjithashtu si resurs i mirë për qëllime të edukimit dhe argëtimit. Për një
kohë të gjatë, ky rrjet ka qenë pjesë e kritikave për përmbajtjen jo të
përshtatshme dhe të dëmshme për të gjitha moshat e sidomos për fëmijët.
Në vitin 2018, ishte raportuar për një problem të njohur si ‘pedophilia
problem’ ku me mijëra video të fëmijëve të zhveshur kishin qarkulluar.
Këta fëmijë ishin paraqitur duke ekspozuar organet gjenitale dhe kishin
marrë me miliona shikime. Këto video shpejt ishin bërë cak i pedofilëve. Është dashur të kalonte
kohë relativisht e gjatë që videot e tilla të largoheshin dhe profilet e personave që kishin postuar,
të fshiheshin.
Ndër vite, në YouTube janë postuar materiale, sidomos filma vizatimorë, të cilat artikulojnë me
gjuhë banale jo të përshtatshme për fëmijët. Në të shumtën e rasteve kjo gjuhë nuk censurohet dhe
fëmijët e dëgjojnë, memorizojnë dhe pastaj edhe përsëritin shprehje të caktuara banale në
komunikimet e tyre.
Fig 8. Gjuha jo e përshtatshme që përdoret në materialet për fëmijë në YouTube
Fig 7. Logo e
aplikacionit YouTube
23
Tellonym – është një aplikacion anonim për komunikim që e cilëson
veten si “vendi më i sinqertë në Internet”. Për fëmijët që dinë të
lexojnë, mund të jetë problematik, meqë në të ka përmbajtje shumë
të dëmshme si tekstuale ashtu edhe vizive. I tërë komunikimi
ndërmjet personave këtu është publik dhe i disponueshëm për t’u parë
e lexuar prej të tjerëve. Për shkak të mënyrës se si është konceptuar
nuk ka fare censurë dhe filtër të komunikimit dhe informacionit. Për
shkak se të sasisë së madhe të komunikimit dhe informacionit që
bëhet i disponueshëm, prindërit mund ta kenë të pamundur të
kontrollojnë qasjen e fëmijëve të tyre në to.
Ka edhe një mori të aplikacioneve të ngjashme, që përdoren prej fëmijëve, por që nuk ofrojnë
përmbajtje të përshtatshme për ta. Kjo përbën një shqetësim të madh dhe njëherit ngre pyetje mbi
atë se sa është e udhës të shfrytëzohen të mirat e teknologjisë, kur nga ana tjetër ka kaq shumë anë
negative sa duket sikur prevalojnë mbi ato pozitivet?
5.6 Disa prej aspekteve pozitive të përdorimit të teknologjisë
Përpos aspekteve negative të cilat u diskutuan më sipër, teknologjia ka edhe aspektet e saj pozitive,
të cilat po i diskutojmë në këtë pjesë.
5.6.1 Përmirësimi i aftësive gjuhësore
Ekzistojnë shumë aplikacione prej të cilave fëmijët mund të mësojnë shkronjat dhe fjalë të
ndryshme qoftë në gjuhën shqipe ashtu edhe në gjuhë të tjera, si gjuha angleze. Përmes këtyre
aplikacioneve fëmijët dëgjojnë të shqiptuara fjalë apo fjali por edhe përmbajtjet dhe kuptimet e
këtyre fjalëve dhe fjalive. Kjo u ndihmon fëmijëve të memorizojnë dhe të kuptojnë më lehtë fjalët
duke bërë që aftësitë e tyre gjuhësore të zhvillohen dhe kultivohen qysh në moshë të hershme.
Gjatë përvojës së tyre, fëmijët takohen me një shpeshtësi të madhe të fjalëve të cilat i dëgjojnë
qoftë prej prindërve qoftë prej ambienteve në të cilat ata ekspozohen. Marrja e kuptimit për
përdorimin e drejtë të këtyre fjalëve bën që ata të jenë më fleksibilë dhe më efektivë në zhvillimin
e aftësive gjuhësore. Këto aplikacione janë të disponueshme gjithmonë kështu që fëmijëve mund
t’u përsëriten këto përmbajtje ashtu që të mund të mësojnë më lehtë.
Fig 9. Logo e aplikacionit
Tellonym
24
5.6.2 Kreativiteti dhe shprehja e imagjinatës
Fëmijët kanë shumë imagjinatë. Kjo mund të jetë aq e madhe sa është vështirë të përmbahet. Në
të kaluarën, e vetmja gjë që fëmijët kishin në dispozicion për të nxjerrë jashtë këto ide ishin
markerët më ngjyra dhe ndonjë copë letre. Tani, ata kanë në dispozicion kompjuterë, tabletë dhe
shumë më tepër për t’i ndihmuar për t’i shprehur këto ide. Vizatimet e ndryshme tani ata mund t’i
kthejnë në animacione 3D dhe ky kreativitet mund të jetë prototip i ndonjë biznesi të madh.
Aftësitë e mësuara nga ndërveprimi me teknologjinë të gjitha janë të atilla që zhvillojnë te fëmijët
një formë kreative të të shprehurit.
Fig 10. Teknologjia mund të ndihmojë fëmijët të zhvillojnë aftësitë gjuhësore
Fig 11. Teknologjia ndihmon në të shprehurit e imagjinatës dhe kreativitetit nga fëmijët
25
Përmes zhvillimit të aftësive gjuhësore, ata aftësohen edhe për të absorbuar ide të cilat u ndihmojnë
në relacion me të tjerët. Kur teknologjia përdoret në mënyrën e duhur, teknologjia mund të përdoret
në bashkëpunim me të tjerët. P.sh. në shumë shkolla të Shteteve të Bashkuara, fëmijëve u jepet
mundësia të shkruajnë dhe zgjidhin probleme të ndryshme së bashku dhe me ndihmën e
teknologjisë. Zgjidhja e problemeve është një vegël shumë e rëndësishme sociale që mund të
mbahet përgjatë tërë jetës. Fëmijët inkurajohen të përdorin vegla të ndryshme teknologjike për të
krijuar dhe ndarë me të tjerë.
5.6.3 Vëmendje më e rritur vizuale
Lojërat dhe aplikacionet e ndryshme për mësim, i pajisin fëmijët me aftësitë që t’u kushtojnë më
shumë rëndësi detajeve me qëllim që të kompletojnë këto aktivitete. Fëmijët janë shumë të
koncentruar në lojën që luajnë. Kjo ndodh sepse ata preokupohen shumë për rezultatin e lëvizjes
së radhës. P.sh në lojërat ‘Role Playing’ fëmijët shfrytëzojnë karaktere të ndryshme. Për të luajtur,
fëmija duhet të lëvizë karakterin përreth derisa është duke planifikuar lëvizjen e radhës. Këto
aktivitete të njëkohësishme i trajnojnë fëmijët që t’i kushtojnë rëndësi secilit detaj në ekran në
mënyrë që të mund të arrijnë objektivat e lojës.
Fig 12. Teknologjia ndihmon në rritjen e vëmendjes vizuale të fëmijës
5.6.4 Zhvillimi i aftësive hapësinore
Lojërat dhe përmbajtja edukative, u lejon fëmijëve që të zhvillojnë aftësi dinamike hapësinore
përmes ndërveprimet me ekranin. Përmes teknologjisë, ata mund të mësojnë sa e madhe është p.sh.
një ndërtesë në krahasim me një mace. Këto njohuri janë shumë të rëndësishme për të kuptuar
botën rreth tyre.
26
Teknologjia gjithashtu i zgjeron horizontet e fëmijëve sepse i ekspozon ndaj gjërave të cilat nuk
mund t’i shohin çdo ditë. P.sh. mund të shohin dhe njoftohen me shumë kafshë të cilat në
përditshmëri do të ishte e pamundur t’i shihnin. Pra, përmes teknologjisë, fëmijët kanë qasje në
prezantime multimediale të tipeve të ndryshme të kafshëve ose edhe mund të shohin vende të
ndryshme të botës. Në këtë mënyrë, fëmijët fillojnë të kuptojnë se jeta është përtej vetëm mureve
të shtëpisë apo klasës.
5.6.5 Zhvillimi i shkathtësive dhe talenteve
Media ndërvepruese (interaktive) mund të përdoret për të eksploruar talentin e fëmijëve. Kur
fëmijët ekspozohen ndaj muzikës apo ushtrimeve në të shkruar, prindërit mund të zbulojnë
interesat dhe talentet e fëmijëve të tyre. Teknologjia ofron mundësi për t’i prezantuar fëmijëve
shumë aktivitete në të cilat ata mund të përfshihen. P.sh. ata mund të kuptojnë se si duket
gjimnastika, vozitja e një makine, përdorimi i një instrumenti etj.
Fëmijët janë imitues shumë të mirë, kështu që ata munden shumë lehtë të mësojnë tekste të
këngëve dhe madje edhe të zhvillojnë aftësi këndimi duke dëgjuar e parë materiale të ndryshme të
cilat janë të disponueshme në Internet.
Fig 13. Teknologjia u ndihmon fëmijëve të zhvillojnë talente
27
6. ANALIZA DHE INTERPRETIMI I REZULTATEVE TË HULUMTIMIT
6.1 Të dhënat demografike të respodentëve
Nga grafiku 1, shohim se nga numri total i respodentëve, 25 i takojnë gjinisë mashkullore dhe 35
asaj femërore. Kjo tregon për një shpërndarje gati të balancuar ndërmjet dy gjinive.
Grafiku 1. Numri i respodentëve të gjinisë mashkullore dhe femërore
Nga grafiku 2, shohim se 42 respodentë janë prej qytetit ndërsa 18 prej fshatit.
Grafiku 2. Numri i respodentëve nga qyteti dhe fshati
0 5 10 15 20 25 30 35
Mashkull
Femër
Shpërndarja e respodentëve sipas gjinisë
0 10 20 30 40 50
Qytet
Fshat
Shpërndarja e respodentëve sipas vendbanimit
28
Nga grafiku 3, numri më i madh i respodentëve i takon moshës 36-50 (29), për t’u vijuar me
grupmoshën 25-35 (16), >50 (9) dhe <25 (6).
Grafiku 3. Klasifikimi sipas moshës
6.2 Përgjigjet nga pyetësorët me prindër
Nga grafiku 4, shihet se 32 prej prindërve kanë fëmijë të gjinisë femër dhe 28 prej prindërve kanë
fëmijë të gjinisë mashkull.
Grafiku 4. Rezultatet nga gjinia e fëmijëve
0 5 10 15 20 25 30
<25
25-35
36-50
>50
Shpërndarja e respodentëve sipas moshës
26 27 28 29 30 31 32
Mashkull
Femër
Gjinia e fëmijës
29
Në grafikun 5, është paraqitur rezultati nga pyetja se cilat pajisje teknologjike përdoren prej
fëmijëve të prindërve respodentë. Prej këtyre pajisjeve, numri më i madh i fëmijëve përdorin
telefonat e mençur (26), pastaj tabletët (15), Sony Playstation (12), Laptop (5) dhe Xbox (2). Asnjë
prej respodentëve nuk është deklaruar për përdorim të ndonjë pajisje shtesë teknologjike nga ana
e fëmijëve të tyre.
Grafiku 5. Rezultati nga pyetja 1
Në grafikun 6, është paraqitur koha që fëmijët shpenzojnë duke përdorur pajisjet teknologjike të
sipërpërmendura. Sikurse shihet nga rezultati, përdorimi më i madh i takon rangut (11-19) me
gjithsej 23 fëmijë, pasuar nga rangu (më shumë se 20 orë) me 19 fëmijë dhe rangu (1-10) me 18
fëmijë. Kjo tregon se fëmijët, shpenzojnë mesatarisht 3 orë në ditë duke përdorur pajisjet
teknologjike. Duke marrë në konsideratë efektet negative të teknologjisë të cilat u diskutuan në
kapitullin e dytë, ekspozimi i fëmijëve në këto numra ndaj teknologjisë, natyrisht se paraqet
pengesë në zhvillimin psiko-kognitiv.
0 5 10 15 20 25 30
Laptop
Tablet
Telefon i mençur
Sony Playstation
XBOX
Tjetër
Cilat pajisje teknologjike i përdor fëmija tuaj?
30
Grafiku 6. Rezultati nga pyetja 2
Në grafikun 7 janë paraqitur rezultatet nga pyetja se cilën teknologji e kanë të disponueshme
fëmijët në dhomën e tyre. Nga këto opsione, vërehet se numri më i madh i fëmijëve (39) kanë
Internet në dhomat e tyre, për t’u pasuar me televizionin/DVD (23), muzikat e ndryshme (21),
lojërat konsolë (11) dhe 4 prej fëmijëve nuk kanë asnjë prej teknologjive në fjalë të akomoduar në
dhomat e tyre.
Grafiku 7. Rezultati nga pyetja 3
0 5 10 15 20 25
1-10 orë
11-19 orë
>=20 orë
Sa kohë shpenzon fëmija në pajisjet teknologjike?
0 10 20 30 40
Televizioni/DVD
Lojërat konsolë
Interneti
Muzikë (CD player, iPod)
Asnjëra
Cilën teknologji e posedon fëmija në dhomën e vet?
31
Në grafikun 8 janë paraqitur përgjigjet e respodentëve në pyetjen se a kufizojnë kohën e përdorimit
të pajisjeve teknologjike të fëmijëve të tyre. Nga rezultatet, shohim se nga numri i përgjithshëm i
respodentëve, 33 nuk e kufizojnë kohën e qëndrimit ndërsa 27 të tjerë e bëjnë një gjë të tillë. Siç
kemi theksuar në kapitullin e rishikimit të literaturës, vendosja e një limiti kohor për përdorim të
teknologjisë, ndihmon fëmijët për t’u koncentruar në aktivitete të tjera të cilat ndihmojnë
zhvillimin e tyre psikik, fizik, emocional etj. Ky limitim natyrisht se është edhe në dobi të
shëndetit, për të cilin kemi folur gjithashtu në kapitullin e dytë.
Grafiku 8. Rezultati nga pyetja 4
Në grafikun 9 janë paraqitur rezultatet në pyetjen se a e monitorojnë prindërit aktivitetin e fëmijëve
të tyre gjatë përdorimit të teknologjisë. Nga këto rezultate, vërehet se pjesa më e madhe e prindërve
(43) nuk e praktikojnë një gjë të tillë, për dallim nga pjesa tjetër (17) të cilët e praktikojnë. Sërish,
monitorimi i vazhdueshëm i aktivitetit të fëmijëve, është pjesë e asaj që në kapitullin e dytë e kemi
konsideruar si “shëndeti/imuniteti online”, ku fëmijët janë vazhdueshëm të mbrojtur nga
përmbajtje potencialisht të dëmshme për ta. Marrë parasysh angazhimin e prindërve dhe kohën e
kufizuar të cilën ata detyrimisht obligohen ta dedikojnë për fëmijët e tyre, një praktikë e tillë,
pamundësohet. Shpeshherë, mund të jetë edhe vetë neglizhenca e prindërve dhe njohuria e pakët
e teknologjisë ajo e cila i pengon ata për të kryer mbikëqyrjen e aktivitetit të fëmijëve të tyre gjatë
ekspozimit ndaj teknologjisë. Në të gjitha rastet, është e dëshirueshme që prindërit të jenë më të
0 5 10 15 20 25 30 35
Po
Jo
A e kufizoni kohën e qëndrimit të fëmijës në pajisjet teknologjike?
32
vëmendshëm dhe të monitorojnë në mënyrë sistematike aktivitetin e fëmijëve të tyre asisoj që të
minimizojnë efektet e mundshme negative të këtij ekspozimi.
Grafiku 9. Rezultati nga pyetja 5
Në grafikun 10 janë paraqitur rezultatet nga pyetja se cili është orari i gjumit për fëmijët e prindërve
respodentë. Sikurse vërehet, ka një shpërndarje të numrave, me prevalencë të opsionit ‘rreth orës
24’ (17), për t’u pasuar me opsionin ‘rreth orës 23’ me 15, ‘rreth orës 22’ me 11 përgjigje, ‘rreth
orës 21’ me 7 përgjigje, ‘pas orës 24’ me 8 përgjigje dhe ‘rreth orës 20’ me 2 përgjigje. Nga kjo
shpërndarje, vërehet se fëmijët ikin në gjumë në orare të vonshme, gjë që nuk është e duhur.
Ekspozimi ndaj teknologjisë në orë më të vona, është edhe më i dëmshëm se ai gjatë ditës.
Efektet e këtij ekspozimi nga aspekti shkencor i kemi analizuar dhe diskutuar në kapitullin e dytë,
por këto efekte praktikisht më së miri vërehen nga prindërit, të cilët mund të evidentojnë ndryshime
në ritmin e jetës së fëmijës nga ekspozimi ndaj teknologjisë. Një gjë të tillë e kemi reflektuar në
pyetjen e mëposhtme, rezultatet e së cilës janë paraqitur në grafikun 11.
0 10 20 30 40 50
Po
Jo
A e mbikëqyrni fëmijën tuaj gjatë përdorimit të teknologjisë?
33
Grafiku 10. Rezultati nga pyetja 6
Në grafikun 11, janë paraqitur rezultatet në pyetjen se a ndikon ekspozimi ndaj teknologjisë në
orarin e gjumit të fëmijëve të prindërve respodentë. Nga këto rezultate, vërehet se pjesa më e
madhe e prindërve (39) mendojnë se ky ekspozim e afekton gjumin e fëmijëve të tyre ndërsa 21 të
tjerë nuk e mendojnë një gjë të tillë. Në arsyetimin e pozicionit të tyre, pjesa më e madhe e
prindërve kanë shënuar se si rezultat i përdorimit të teknologjisë në orare të vona, fëmijët e tyre
refuzojnë të ikin në gjumë duke e konsideruar atë si shmangie apo ikje nga argëtimi dhe kënaqësia
që u ofron përdorimi dhe ekspozimi ndaj teknologjisë.
Kjo natyrisht është shqetësuese sepse interferimi i teknologjisë në sasinë dhe cilësinë e gjumit të
fëmijës e pengon dukshëm zhvillimin e trurit, memories, sistemet imunitare, vëmendjen etj. Për
shkak të sasisë së madhe të rrezeve të kaltra të cilat emetohen nga pajisjet teknologjike, ato mund
të ndikojnë drejtpërdrejt edhe te shëndeti i syve të fëmijëve, ashtu sikurse kemi theksuar në
kapitullin e rishikimit të literaturës. Këtu, është e domosdoshme që prindërit të kontrollojnë oraret
e gjumit të fëmijëve të tyre si dhe të instalojnë filtera të cilat deri në një masë e reduktojnë
depërtimin e rrezeve të kaltra te sytë e fëmijëve. Largimi i dhunshëm i fëmijëve nga pajisjet e tyre
nuk është zgjidhje, prandaj edhe prindërit duhet të kërkojnë alternativa të cilat nuk nuk e
shqetësojnë fëmijën por në të njëjtën kohë e ruajnë shëndetin dhe mirëqënien e tyre.
0 5 10 15 20
Rreth orës 20
Rreth orës 21
Rreth orës 22
Rreth orës 23
Rreth orës 24
Pas orës 24
Cili është orari i gjumit për fëmijën tuaj gjatë ditëve të shkollës?
34
Grafiku 11. Rezultati nga pyetja 7
Në grafikun 12 janë paraqitur rezultatet në pyetjen se a kanë vërejtur ndryshime në sjelljet e
fëmijëve të tyre, prindërit respodentë. 35 prej respodentëve janë përgjigjur pozitivisht në pyetje
ndërsa 25 të tjerë janë përgjigjur negativisht. Në arsyetimet e prindërve respodentë, pjesa më e
madhe e tyre kishin vërejtur që fëmijët e tyre ishin bërë më agresivë dhe jotolerantë. Shqetësimi i
pjesës më të madhe të prindërve ishte koha që fëmijët e tyre kalojnë në përdorim të teknologjisë e
cila ndikon që ata të refuzojnë të dalin me prindërit e tyre për shëtitje apo për të marrë ajr të pastër.
Kjo bën që ata të izolohen në botën e tyre duke reduktuar kështu socializimin e cila nga ana tjetër
e dëmton shumë zhvillimin psikik, emocional, gjuhësor etj. Pra, fakti që fëmijët e tyre më nuk
impresionohen nga lodrat, shëtitjet apo lojërat me fëmijët e tjerë në lagje, ashtu siç tradicionalisht
janë rritur fëmijët, përbën shqetësim për prindërit. Ky refuzim nga ana e fëmijëve, ka ardhur duke
u intensifikuar sa më shumë që ata janë ekspozuar ndaj teknologjive të reja, sidomos ndaj
telefonave të mençur. Pavarësisht se të vegjël në moshë, fëmijët manovrojnë shkëlqyeshëm me
telefonat e tillë dhe selektojnë përmbajtje sipas preferencave të tyre.
0 10 20 30 40
Po
Jo
A mendoni se ekspozimi ndaj teknologjisë e afekton orarin e gjumit të fëmijës suaj? Pse?
35
Grafiku 12. Rezultati nga pyetja 8
Nga rezultatet në grafikun 13, vërehet se 33 prej prindërve janë përgjigjur pozitivisht ndërsa 27 të
tjerë janë përgjigjur negativisht. Edhe kjo mund të përbëjë problem nëse personazhet e tilla janë të
infiltruar në aksione të cilat nuk janë të përshtatshme për fëmijët. Për shkak të paaftësisë për të
bërë dallimin, fëmijët do të imitojnë si sjelljet pozitive ashtu edhe ato negative.
Grafiku 13. Rezultati nga pyetja 9
0 5 10 15 20 25 30 35
Po
Jo
A keni vërejtur ndryshime në sjelljet e fëmijës gjatë përdorimit të
teknologjisë? Arsyeto.
0 5 10 15 20 25 30 35
Po
Jo
A përpiqet fëmija juaj të imitojë sjellje të karaktereve apo
personazheve nga video-lojërat?
36
Në grafikun 14 janë paraqitur rezultatet nga pyetja se a ndihmon teknologjia në rritjen e
kreativitetit të fëmijëve respodentë. Nga rezultatet shihet se 33 respodentë janë përgjigjur
pozitivisht dhe 27 negativisht.
Grafiku 14. Rezultati nga pyetja 10
Në grafikun 15, janë paraqitur rezultatet në pyetjen se cila prej opsioneve të ofruara, sipas
prindërve, paraqesin ndikim pozitiv të teknologjisë te fëmijët e tyre. Opsioni i zgjedhur më së
shumti është rritja e kreativitetit dhe imagjinatës me 33 respodentë, pasuar nga zhvillimi gjuhësor
me 19 respodentë, zhvillimi i aftësive sociale me 14, zhvillimi kognitiv me 13, pavarësia dhe
fuqimi personal me 9, menaxhimi më i mirë i kohës me 8. 18 respodentë nuk kanë menduar se
asnjë prej opsioneve të ofruara nuk paraqet ndikim pozitiv të teknologjisë te fëmijët.
Grafiku 15. Rezultati nga pyetja 11
0 5 10 15 20 25 30 35
Po
Jo
A ndihmon teknologjia në rritjen e kreativitetit dhe imagjinatës së
fëmijës suaj?
0 5 10 15 20 25 30 35
Rritja e kreativitetit dhe imagjinatës
Zhvillimi kognitiv
Zhvillimi gjuhësor
Zhvillimi i aftësive sociale
Menaxhimi më i mirë i kohës
Pavarësia dhe fuqizimi personal
Asnjëra
Cila nga të mëposhtmet mendoni se paraqit ndikim pozitiv të teknologjisë te
fëmija juaj?
37
7. DISKUTIMI
Ne kemi punim diplome jemi munduar të paraqesim disa prej aspekteve kryesore që lidhen me
ndikimin e teknologjisë te fëmijët parashkollorë. Nga analiza e rezultateve të pyetësorëve të
realizuar me prindër të fëmijëve parashkollorë nga Komuna e Pejës vërehet se këto ndikime te
fëmijët janë të dukshme dhe se disa janë pozitive e disa të tjera, negative. Nga ndikimet më të
dukshme negative janë ndryshimet në sjellje të fëmijëve si agresiviteti më i shtuar, refuzimi për të
dalë në ambiente të hapura siç janë shetitjet me prindërit, prishja e ritmit të gjumit duke bërë që
fëmijët të qëndrojnë deri në orë të vona pranë telefonave apo pajisjeve tjera teknologjike etj.
Koha që fëmijët e prindërve respodentë kalojnë të ekspozuar ndaj teknologjisë është e lartë (mbi
3 orë në ditë). Duke qenë së prindërit janë të zënë me punë dhe me angazhimet e tyre ditore janë
të shumta, kufizimi i kohës së qëndrimit në pajisje teknologjike apo mbikëqyrja e aktivitetit të
fëmijëve online, bëhet e vështirë apo edhe e pamundur. Në rrethana të tilla, vihet në rrezik edhe
siguria e fëmijës, sepse ashtu sikurse kemi theksuar, ka shumë aplikacione me përmbajtje që mund
të dëmtojnë psikikisht dhe emocionalisht fëmijët.
Krahas efekteve negative, përmes analizës teorike dhe përgjigjeve të prindërve respodentë, kemi
identifikuar edhe efektet pozitive të përdorimit të teknologjisë te fëmijët parashkollorë. Rezultatet
nga këto dy segmente e komplementojnë njëra-tjetrën që do të thotë se përfundimet janë të njëjta
mbi atë se teknologjia e ndihmon formësimin dhe zhvillimin e kreativitetit dhe imagjinatës së
fëmijëve, ndihmon në zhvillimin e shkathtësive dhe talenteve, ndihmon në zhvillimin gjuhësor, në
zhvillimin e aftësive spaciale apo hapësinore etj.
38
8. PËRFUNDIME DHE REKOMANDIME
8.1 PËRFUNDIME
Jetojmë në kohën të cilën autori Mark Prensky e cilëson si epokë të “digital natives” që përdoret
si term përshkrues për fëmijët e rritur me praninë e teknologjisë, ndryshe prej gjeneratave të
kaluara të cilat tek në vitet më të vonshme të jetës së tyre, kanë përjetuar zhvillimin e hovshëm të
teknologjisë. Në këtë punim janë shtjelluar disa prej aspekteve kryesore të ndikimit të teknologjisë
te fëmijët e moshave parashkollore. Sikurse çdo fushë që ka përparësitë dhe të metat, edhe
teknologjia ka sjellur shumë përparësi dhe njëkohësisht edhe shumë anë negative të cilat
evidentohen vazhdueshëm qoftë prej hulumtuesve ashtu edhe prej atyre që shohin praktikisht
rezultatet e këtij përdorimi, sikurse janë prindërit apo edukatorët.
Hulumtime të shumta mbështesin me evidencë empirike faktin se teknologjia krijon varësi te
fëmijët duke shkaktuar që ata të kalojnë orë të tëra duke e shfrytëzuar atë. Kjo natyrisht se ka efekt
të menjëhershëm negativ sepse i shkëputë fëmijët nga realiteti social dhe i izolon ata brenda një
bote shumë më të vogël se ajo reale. Sikurse kemi përmendur, truri i fëmijëve të kësaj moshe bën
pjesë në kategorinë e asaj që njihet si “plasticitet i lartë” prandaj edhe koha që fëmijët kalojnë
duke shfrytëzuar teknologjinë është shumë e rëndësishme. Shfrytëzimi i teknologjisë nga ana e
fëmijëve, për shkak të këtij plasticiteti, mund të sjellë te ta ndryshime të rëndësishme afatshkurtra
por edhe afatgjate. Për këtë arsye, është e rëndësishme që të minimizohen sa më shumë efektet
negative, qofshin ato afatshkurtra dhe afatgjate.
Në kapitullin e dytë janë përmendur në mënyrë të përmbledhur disa prej efekteve negative të
përdorimit të teknologjisë nga ana e fëmijëve parashkollorë si: varësia, dëmtimi i syve, zhvillimi i
vonuar, dëmtimi gjuhësor. Ngjashëm janë evidentuar efektet pozitive të këtij përdorimi si:
zhvillimi i kreativitetit dhe imagjinatës, zhvillimi i shkathtësive dhe talenteve, vëmendja më e rritur
vizuale etj. Në këtë pjesë janë përmendur edhe disa prej efekteve anësore shtesë të përdorimit të
teknologjisë si siguria apo mirëqenia e përgjithshme e fëmijëve duke qenë se ata janë të ekspozuar
ndaj përmbajtjeve të cilat jo gjithherë janë të përshtatshme për ta. Si shembuj kemi marrë
aplikacionet si TikTok apo Youtube të cilat konsiderohen si shqetësuese për përmbajtjet që
transmetojnë.
39
8.2 REKOMANDIME
Për prindërit do të rekomandoja:
1. Të kufizojnë kohën e qëndrimit të fëmijëve të tyre në pajisjet teknologjike.
2. Të monitorojnë me aq sa kanë mundësi aktivitetin e fëmijëve të tyre gjatë përdorimit të
teknologjisë.
3. Të inkurajojnë fëmijët e tyre të kalojnë kohë në ambiente të hapura, p.sh. në natyrë, sepse
kjo e ndihmon zhvillimin fizik por ndihmon edhe në socializimin e fëmijëve.
4. Të vendosin një limit deri kur fëmijët mund të rrinë zgjuar duke përdorur teknologjinë
sepse në këtë mënyrë përmirësohet ritmi i gjumit të fëmijëve që është i domosdoshëm për
zhvillimin e tyre normal psikofizik.
5. Të zgjedhin me kujdes përmbajtjet ndaj të cilave fëmijët e tyre mund të ekspozohen.
Përmbajtjet e dëmshme dhe eksplicite të largohen ashtu që fëmijët të mos mund t’u qasen
atyre.
6. Në rast se vërehen ndryshime në sjelljet e fëmijëve gjatë ekspozimit ndaj teknologjisë, të
ndërmerren veprimet e nevojshme: konsulta me psikologun, reduktimi i kohës së qëndrimit
në pajisjet teknologjike etj.
7. Prindërit të jenë të kujdesshëm kur, si dhe sa e përdorin vetë teknologjinë sepse fëmijët
janë imitues të shkëlqyeshëm.
40
8a. Rezyme
Krahas aspektit teorik, në këtë punim është zhvilluar edhe hulumtimi me prindër të fëmijëve 5-6
vjeç. Qëllimi ishte që të merren mendimet e këtyre prindërve për ndikimin e teknologjisë te fëmijët
e tyre. Nga analiza e rezultateve të pyetësorit është vërejtur se fëmijët shpenzojnë kohë mjaft të
lartë në përdorimin e teknologjisë dhe ky ekspozim afekton shumë aspekte të jetës së fëmijës si
çrregullimi i gjumit, ndryshimet në sjellje (agresiviteti), mossocializimi (refuzimi për të zhvilluar
lojëra apo shëtitje në ambiente të hapura) etj. Në këtë pyetësor prindërit kanë përmendur edhe
ndikimet pozitive të përdorimit të teknologjisë si zhvillimi i kreativitetit dhe imagjinatës.
Nga analiza teorike dhe e rezultateve të pyetësorëve mund të konkludohet se të gjitha hipotezat
qëndrojnë. Pra, si boshti teorik ashtu edhe ai praktik, janë komplementarë dhe të gjeturat e këtyre
dy segmenteve e mbështesin njëra-tjetrën.
Si përfundim, ky punim diplome paraqet një kontribut modest në aspektin e shqyrtimit të efektit
të teknologjisë te grupmoshat parashkollore. Natyrisht se ky kontribut nuk e shtjerron spektrin apo
gamën e këtij ndikimi dhe se ka vend për hulumtime dhe studime në këtë fushë, në të ardhmen.
8b. Summary
In addition to the theoretical aspect, in this paper we also conducted a research with parents of
children aged 5-6 years. The goal was to get these parents' opinions on the impact of technology
on their children. The analysis of the results of the questionnaire showed that children spend quite
a lot of time in the use of technology and this exposure affects many aspects of the child's life such
as sleep disorders, behavioral changes (aggressiveness), non-socialization (refusal to play games
or walk outdoors) etc. In this questionnaire, parents also mentioned the positive effects of using
technology such as the development of creativity and imagination.
From the theoretical analysis and the results of the questionnaires it can be concluded that all the
hypotheses stand. Thus, both the theoretical and the practical axis are complementary and the
findings of these two segments support each other.
In conclusion, this thesis presents a modest contribution in terms of examining the effect of
technology on preschool age groups. Of course, this contribution does not exhaust the spectrum or
range of this impact and that there is room for research and studies in this field in the future.
41
9. REFERENCAT
Brody, J. (2015). Screen Addiction Is Taking a Toll on Children. Gjetur në The New York
Times: https://well.blogs.nytimes.com/2015/07/06/screen-addiction-is-taking-a-toll-on-
children/?_r=0
Skolverket, K. (2013). Gjetur në https://www.
kolverket.se/publikationsserier/styrdokument/2011/curriculum-for-the-compulsory-school-
preschool-class-and-the-recreation-centre-2011?id=2687
Vadonovich, S., Ning-Shen, K., & Sundraram, D. (2015). Social competence of digital
natives:.
Epstein, A. ( 2017). Learning and Cognition in Education. Elsevier.
Mascheroni N., & Cuman, C. (2014). Does It Compute? The Relationship Betëeen
Educational Technology and Student Achievement in Mathematics. ETS Policy Information
Center.
Rosen, T. (2014). The impact of ICT in schools – a landscape review. Becta.
Clements, M. (1994). Key Data on Learning and Innovation through ICT at School in Europe
2011. Education, Audiovisual and Culture Executive Agency.
Perlmutter, J. (2015). Recognizing the potential of ICT in early childhood education.
UNESCO Institute for Information Technologies in Education.
Bavelier, L. (2010). Driving forces for ict in learning.
Vegëzat:
10. https://search.proquest.com/openview/ff74861887a70ac45c528b44456806e5/1?pq-
origsite=gscholar&cbl=18750&diss=y. Parë më 09.07.2020.
11. https://coolmomtech.com/2019/02/ëhat-parents-need-to-know-about-youtube-pedophile-
problem/. Parë më 07.07.2020.
12. https://screen.guide/advice/5-negative-impacts-of-technology-in-children. Parë më
03.07.2020.
42
CV E SHKURTËR E KANDIDATES
Emri & Mbiemri Medina Krasniqi - Gashi
Ditëlindja 07.08.1993
Gjinia Femër
Nr. Tel 049 – 864 - 342
Adresa Rr. “Shaban Basha” - Pejë
E-mail [email protected]
Shkolla e Mesme e Lartë Shkolla e mesme e mjekësisë “ Ramiz Sadiku” Pejë
Universiteti “Fehmi Agani”, Fakulteti i Edukimit
Programi Parashkollor
Statusi E rregullt
Nr.ID 160102092
SHTOJCA
Shtojca 1. Pyetësori me prindërit
Ky pyetësor është krijuar për nevojat e temës time të diplomës “Ndikimi i teknologjisë te fëmijët
parashkollorë” pranë Fakultetit të Edukimit të Universitetit të Gjakovës “Fehmi Agani”. Të dhënat
janë konfidenciale dhe të përdoren vetëm për nevoja të studimit!
Gjinia juaj: M F
Vendbanimi: Fshat Qytet
Mosha : >50 36-50 25-35 <25
Gjinia e fëmijës suaj: M F
Pyetjet: (Për secilën pyetje rrumbullakos një apo më shumë opsione)
1. Cilat pajisje teknologjike i përdor fëmija juaj?
Xbox Sony
Playstation
Telefon i
mençur
Tablet Laptop Tjetër
2. Sa kohë shpenzon fëmija në pajisjet teknologjike?
>=20 orë 11 – 19 orë 1 – 10 orë
3. Cilën teknologji e posedon fëmija në dhomën e vet?
Muzikë (CD
Player, iPod)
Interneti Lojërat konsolë Asnjëra Televizioni
/DVD
4. A e kufizoni kohën e qëndrimit të fëmijës në pajisjet teknologjike?
Po Jo
5. A e mbikëqyrni fëmijën tuaj gjatë përdorimit të teknologjisë?
Po Jo
6. Cili është orari i gjumit të fëmijës suaj gjatë ditëve të shkollës?
Rreth orës 24 Rreth orës 23 Rreth orës 22 Rreth orës 21 Rreth orës 20 Pas orës 24
7. A mendoni se ekspozimi ndaj teknologjisë e afekton orarin e gjumit të fëmijës suaj? Pse?
8. A keni vërejtur ndryshime në sjelljet e fëmijës gjatë përdorimit të teknologjisë? Pse?
9. A përpiqet fëmija juaj të imitojë sjellje të karaktereve apo personazheve nga video-
lojërat?
Po Jo
10. A ndihmon teknologjia në rritjen e kreativitetit të fëmijës suaj?
Po Jo
11. Cila nga të mëposhtmet mendoni se paraqet ndikim pozitiv të teknologjisë te fëmija juaj?
Pavarësia dhe
fuqizimi
personal
Menaxhimi
më i mirë i
kohës
Zhvillimi i
aftësive
sociale
Zhvillimi
gjuhësor
Zhvillimi
kognitiv
Rritja e
kreativitetit
dhe
imagjinatës
Shtojca 2. Grafikonet e rezultateve të pyetësorit
0 20 40 60
Qytet
Fshat
Shpërndarja e respodentëve sipas
vendbanimit
0 10 20 30 40
Mashkull
Femër
Shpërndarja e respodentëve sipas gjinisë
0 10 20 30
<25
25-35
36-50
>50
Shpërndarja e respodentëve sipas
moshës
26 28 30 32
Mashkull
Femër
Gjinia e fëmijës
0 10 20 30
Laptop
Tablet
Telefon i mençur
Sony Playstation
XBOX
Tjetër
Cilat pajisje teknologjike i përdor
fëmija tuaj?
0 10 20 30
1-10 orë
11-19 orë
>=20 orë
Sa kohë shpenzon fëmija në pajisjet
teknologjike?
0 10 20 30 40
Televizioni/DVD
Lojërat konsolë
Interneti
Muzikë (CD player,…
Asnjëra
Cilën teknologji e posedon fëmija në
dhomën e vet?
0 10 20 30 40
Po
Jo
A e kufizoni kohën e qëndrimit të fëmijës
në pajisjet teknologjike?
0 20 40 60
Po
Jo
A e mbikëqyrni fëmijën tuaj gjatë
përdorimit të teknologjisë?
0 5 10 15 20
Rreth orës 20
Rreth orës 21
Rreth orës 22
Rreth orës 23
Rreth orës 24
Pas orës 24
Cili është orari i gjumit për fëmijën tuaj
gjatë ditëve të shkollës?
0 10 20 30 40
Po
Jo
A mendoni se ekspozimi ndaj
teknologjisë e afekton orarin e gjumit të
fëmijës suaj? Pse?
0 10 20 30 40
Po
Jo
A përpiqet fëmija juaj të imitojë sjellje të karaktereve apo
personazheve nga video-lojërat?
0 10 20 30 40
Po
Jo
A përpiqet fëmija juaj të imitojë sjellje të karaktereve apo
personazheve nga video-lojërat?
0 20 40
Po
Jo
A ndihmon teknologjia në rritjen
e kreativitetit dhe imagjinatës së fëmijës suaj?
0 5 10 15 20 25 30 35
Rritja e kreativitetit dhe…
Zhvillimi kognitiv
Zhvillimi gjuhësor
Zhvillimi i aftësive sociale
Menaxhimi më i mirë i kohës
Pavarësia dhe fuqizimi personal
Asnjëra
Cila nga të mëposhtmet mendoni se paraqit ndikim pozitiv të teknologjisë te fëmija juaj?