punim diplome...fjalët kyç:të nxënit aktiv, mendimi kritik, mësimdhënia bashkëkohore,...
TRANSCRIPT
UNIVERSITETI I GJAKOVËS “FEHMI AGANI”
FAKULTETI I EDUKIMIT
PROGRAMI FILLOR
PUNIM DIPLOME
Mësimdhënia për të zhvilluar të nxënit aktiv dhe të menduarit kritik
Mentorja: Kandidatja:
Prof.Ass. Dr. Edita Haxhijaha Dafina Pnishi
Gjakovë, Nëntor, 2020
Mësimdhënia për të zhvilluar të nxënit aktiv dhe të menduarit kritik
ii
©[2020]-[Dafina Pnishi] Të gjitha të drejtat e rezervuara.
Mësimdhënia për të zhvilluar të nxënit aktiv dhe të menduarit kritik
iii
Ky punim diplome u mbrojt, më:_____ \ _____ \ _______ para komisionit vlerësues, në
përbërje të:
1. _____________________________ Kryetar/e.
2. ______________________________ Anëtar/e.
3. ______________________________ Anëtar/e.
Nënshkrimet e anëtarëve të komisionit vlerësues:
1. ___________________________
2. ___________________________
3. ___________________________
Komisioni e vlerësoi punimin e diplomës me notën: ______________ ( ______ ).
Mësimdhënia për të zhvilluar të nxënit aktiv dhe të menduarit kritik
iv
DËSHMI
Unë Lirie Berisha, deklaroj se kam redaktuar/lekturuar temën e titulluar:
“Mësimdhënia për të zhvilluar të nxënit aktiv dhe të menduarit kritik”, të studentes Dafina
Pnishi.
Temës i kam kushtuar vëmendje nga ana gjuhësore dhe nga ana teknike.
Lirie Berisha Gjakovë, më 03.11.2020.
____________________
Mësimdhënia për të zhvilluar të nxënit aktiv dhe të menduarit kritik
v
DEDIKIMI
Këtë sukses timin ia dedikoj familjes sime, e cila më inkurajoi dhe më përkrahu në
çdo aspekt dhe ishte gjithmonë afër meje!
Ju jam përjetë mirënjohëse!
Mësimdhënia për të zhvilluar të nxënit aktiv dhe të menduarit kritik
vi
FALËNDERIME
Ky udhëtim i dijes ishte, sa i bukur, aq edhe sfidues. Për t’i kaluar më lehtë këto
sfida përkrahja dhe motivimi i të tjerëve ishte më se i mirëseardhur, andaj dua të ndalem e
t’i falënderoj të gjithëata që më ndihmuan në këtë rrugëtim.
Falënderoj të gjithë profesorët e Universitetit të Gjakovës, për mundin e dhënë gjatë
këtyre katër viteve!
Falënderoj mentoren time prof. ass. dr. Edita Haxhijaha, për këshillat dhe
sygjerimet profesionale, e cila bëri që ky punim të realizohet në mënyrën më të mirë të
mundshme!
Falënderoj shoqërine time, njerëzit më të dashur, të cilët sfidat m’i kthyen në
kënaqësi, që ishin shtysë e inkurajim për t’i kaluar kohët e vështira!
Një falënderim i veçantë dhe shumë i madhi takon familjes sime të shtrenjtë, për
mbështetjen, përkrahjen dhe në veçanti për besimin që kishin në mua. Ju falenderoj që m’i
dhatë krahët për t’u ngritur sa më lart!
Mësimdhënia për të zhvilluar të nxënit aktiv dhe të menduarit kritik
vii
PËRMBAJTJA E LËNDËS
ABSTRAKT ....................................................................................................................... viii
ABSTRACT ......................................................................................................................... ix
1. HYRJE ............................................................................................................................... 1
1.1. Nevojat për këtë punim ............................................................................................... 1
1.2. Përparësitë dhe kufizimet............................................................................................ 2
1.3. Struktura e punimit ..................................................................................................... 2
2. QËLLIMI I PUNIMIT ....................................................................................................... 3
3. METODOLOGJIA E HULUMTIMIT .............................................................................. 4
3.1. Objekti i hulumtimit.................................................................................................... 4
3.2. Pyetjet hulumtuese ...................................................................................................... 4
3.3. Hipotezat e hulumtimit ............................................................................................... 5
3.4. Popullacioni dhe mostra.............................................................................................. 5
3.5. Metodat dhe teknikat e hulumtimit ............................................................................. 5
3.6. Rëndësia e hulumtimit ................................................................................................ 6
3.7. Organizimi i hulumtimit ............................................................................................. 6
4. SHTJELLIMI I TEMËS .................................................................................................... 7
4.1. Faktorët e mësimit ...................................................................................................... 7
4.2. Mësimdhënësi ............................................................................................................. 7
4.3. Nxënësi dhe të nxënët ................................................................................................. 8
4.4. Përmbajtja ................................................................................................................... 8
4.5. Zhvillimi i të nxënit aktiv dhe i të menduarit kritik .................................................... 9
4.5.1 Të nxënit aktiv dhe pasiv ..................................................................................... 9
4.5.2. Të nxënit aktiv në fëmijërinë e hershme ............................................................ 11
4.6. Karakteristikat që ndikojnë në mësimdhënien produktive ...................................... 13
4.6.1. Qartësia në mësimdhënie ................................................................................... 13
4.6.2. Llojllojshmëria në mësimdhënie ........................................................................ 14
4.6.3. Orientimi në detyrë ............................................................................................ 14
4.6.4. Përfshirja në procesin e të nxënit ....................................................................... 14
Mësimdhënia për të zhvilluar të nxënit aktiv dhe të menduarit kritik
viii
4.6.5. Shkalla e suksesit të nxënësve ............................................................................ 15
4.7. Zhvillimi i të menduarit kritik .................................................................................. 15
4.7.1. Të menduarit kritik ............................................................................................. 15
4.8. Mësimdhënia ndërvepruese/bashkëkohore ............................................................... 17
4.8.1 Strategjitë e mësimdhënies ndërvepruese ........................................................... 18
4.8.2. Teknikat dhe metodat e të mësuarit aktiv .......................................................... 18
4.8.3. Ndikimi i teknikave ndërvepruese dhe të nxënit në bashkëpunim ..................... 21
5. REZULTATET E PËRGJITHSHME TË HULUMTIMIT ............................................. 23
6. DISKUTIMI .................................................................................................................... 33
7. PËRFUNDIMI DHE REKOMANDIME ........................................................................ 34
7.1. Përfundimi ................................................................................................................ 34
7.2. Rekomandime ........................................................................................................... 35
8a. REZYME ....................................................................................................................... 36
8b. SUMMARY .................................................................................................................. 37
9.LITERATURA ................................................................................................................. 38
CV E SHKURTËR E KANDIDATES ................................................................................ 41
SHTOJCA A: Pyetësor për mësimdhënës ............................................................................. 1
LISTA E TABELAVE ............................................................................................................
LISTA E GRAFIKONEVE .....................................................................................................
Mësimdhënia për të zhvilluar të nxënit aktiv dhe të menduarit kritik
viii
ABSTRAKT
Nëpërmjet këtij punimi/hulumtimi me temë:“Mësimdhënia për të zhvilluar të nxënit
aktiv dhe të menduarit kritik”, synohet të tregohen mënyrat, procedurat dhe karakteristikat
që na dërgojnë drejt mësimdhënies produktive, në mënyrë që te nxënësit të zhvillohet të
nxënit aktiv dhe të menduarit kritik.
Ky punim/hulumtim trajton avantazhet dhe disazvantazhet e të nxënit aktiv dhe
pasiv, ndikimin e teknologjisë si një ndër elementet më të rëndësishme për krijimin e një
mësimdhënieje bashkëkohore dhe ndërveprimit në mësim, përfshirjen e nxënësve në
mësim dhe përdorimin e njohurive në praktikë, për një nxënie të qëndrueshme, teknikat
dhe metodat e të mësuarit që i drejtojnë nxënësit drejt niveleve të larta të të menduarit dhe
të mësuarit. Po ashtu, diskutohet për përmirësimin e aftësive të nxënësve për të njohur
problemet dhe për mënyrën e përdorimit të strategjive, për zgjidhjen efektive të tyre.
Gjatë hulumtimit është përdorur metoda statistikore, metoda përshkruese dhe
metoda e analizës së dokumentacionit, ndërsa sa i përket teknikës është përdorur pyetësori
drejtuar mësimdhënësve. Hulumtimi është zhvilluar në katër shkolla fillore, si: “Këlmend
Rizvanolli”, “Mustafa Bakija”, “Emin Duraku” në Gjakovë dhe në shkollën “Ardhmëria”
në fshatin Ramoc. Dëshmitë e marra nga të dhënat e pyetësorëve, treguan se mësimdhënia
me nxënësin në qendër, ndikon në të nxënit aktiv të nxënësve dhe se strategjitë e të
mësuarit aktiv, përmirësojnë aftësitë e të menduarit kritik.
Fjalët kyç:të nxënit aktiv, mendimi kritik, mësimdhënia bashkëkohore, strategjitë, teknologjia.
Mësimdhënia për të zhvilluar të nxënit aktiv dhe të menduarit kritik
ix
ABSTRACT
Through this paper/research on the topic “Teaching to develop active learning and
critical thinking”, the aim is to show the ways, procedures and characteristics that lead us
to a productive teaching, so that students develop active learning and critical thinking.
This paper/research addresses the advantages and disadvantages of active and
passive learning; the impact of technology as one of the most important elements for
creating a contemporary teaching and interaction in learning; involving students in learning
and applying knowledge in practice for sustainable learning; learning techniques and
methods that lead students to higher levels of thinking and learning. It also discusses
improving students ability to recognize problems and how to use strategies to solve them
effectively.
During the research,were used statistical method, descriptive method and
documentation analysis method, while in terms of technique, a questionnaire was used for
teachers. The research was conducted in four primary schools: “Këlmend Rizvanolli”,
“Mustafa Bakija”, “Emin Duraku”, in Gjakova and in “Ardhmëria”, Ramoc. Evidence
obtained from the questionnaire data showed that student-centered teaching affects
students active learning and that active learning strategies improve critical thinking skills.
Keywords: active learning, critical thinking, contemporary teaching, strategies,
technology.
Mësimdhënia për të zhvilluar të nxënit aktiv dhe të menduarit kritik
1
1. HYRJE
Të mësuarit zhvillohet më së miri përmes “aftësisë së të menduarit”, e cila synon
t’u mësojë nxënësve, jo vetëm se çfarë të mësojnë, por edhe se si të mësojnë. Kjo
nënkupton ofrimin e sfidës për të menduar dhe dhënien e kohës për të menduar për
nxënësit në të gjitha fushat e të mësuarit të tyre (Fisher, 2005).
Një mendimtar kritik nuk është thjesht dikush që është në gjendje të reflektojë,
eksplorojë dhe analizojë, por ai që zgjedh të “mendojë në këto mënyra të përparuara, të
sofistikuara”. Me fjalë të tjera, në mënyrë që të zhvillojmë të menduarit kritik, nevojitet
motivim i brendshëm, i cili njihet si një gjendje. Një nxënës që ka prirje të fortë për të
zhvilluar të menduarit kritik, duhet të jetë aktiv dhe i gatshëm të përfshihet në detyra
sfiduese dhe komplekse të të menduarit. Këto qëndrime u mundësojnë nxënësve të kenë
mendje të hapur në lidhje me pikëpamje të ndryshme në të gjitha burimet e të dhënave, si
dhe për të bërë gjykime dhe për të marrë vendime të shëndosha, bazuar në përshtatje dhe
analiza (Lin, 2018).
Pra, të mësuarit aktiv i ndihmon nxënësit të mësojnë gjatë gjithë jetës, i inkurajon të
mendojnë shumë, e jo vetëm ta marrin pasivisht informacionin. Në qasjen aktive të të
mësuarit, të mësuarit nuk ka të bëjë vetëm me përmbajtjen, por edhe me procesin. Të
mësuarit aktiv zhvillon autonominë e nxënësit dhe aftësinë e tyre për të mësuar; u jep
nxënësve përfshirje dhe kontroll mbi të mësuarit e tyre, kjo do të thotë se ata do të jenë më
të aftë të vazhdojnë të mësojnë, edhe pasi ta kenë lënë shkollën dhe kolegjin (Cambridge
Assessment International Education).
1.1. Nevojat për këtëpunim
Duke pasur parasysh që gjithçka po zhvillohet shumë shpejt, atëherë nevojiten risi
edhe në arsim, në mënyrë që nxënësit të jenë mendimtarë krijues, kritikë, të pavarur e
kreativ, gjë që përfaqëson edhe qëllimin e mësimit.Mësimdhënia ndërvepruese dhe
bashkëkohore është e nevojshme që nxënësit të jenë të përgatitur për jetë e për punë, që
mësimnxënia të jetë aktive dhe që nxënësit të jenë mendimtarë kritikë. Përdorimi i
Mësimdhënia për të zhvilluar të nxënit aktiv dhe të menduarit kritik
2
aktivteteve të llojllojshme, teknikave e metodave ndërvepruese janë të domosdoshme që
nxënësit të jenë në qendër të mësimit, të jenë kureshtar e të bëjnë pyetje, në mënyrë që të
prodhojnë informacion, e jo vetëm ta marrin atë pasivisht. Andaj, me këtë punim dhe
hulumtim, do të mundohem të nxjerrë në pah avantazhet e të nxënit aktiv dhe të të
menduarit kritik, dhe mënyrat se si të arrijmë deri te realizimi i saj.
1.2. Përparësitë dhe kufizimet
Mësimnxënia ndërvepruese; zhvillimi i të menduarit kritik dhe i të nxënit aktiv ka
shumë përparësi. Ajo bën të mundur përfshirjen e nxënësve në procesin e mësimdhënies, i
bën ata më të gjallë, më të përgatitur edhe për përdorimin e njohurive, jo vetëm brenda
shkollës, por edhe jashtë saj. Mësimnxënia duhet të jetë kuptimplote, e logjikshme, e
ndërlidhur me jetën dhe punën e përditshme të nxënësve, pra të nxënit aktiv është i
nevojshëm për lidhjen e njohurive të reja me ato të mëparshme, si: për përmirësimin e
aftësive të të mësuarit të nxënësve, për pjesëmarrjen aktive të tyre, për ndërveprimin në
mësim, si një ndër kërkesat më bashkëkohore që i dalin shkollës në këtë kohë. Ndërsa si
kufizim i saj, në disa raste, janë pamundësitë teknologjike në shumë shkolla për të
zhvilluar një orëinteraktive. Si kufizim i saj mund të jetë edhe shpërqëndrimi i nxënësve,
nëse ata nuk monitorohen si duhet.
1.3. Struktura e punimit
Sa i përket strukturës së punimit, fillimisht kemi prezantimin me punimin, pjesën e
metodologjisë së hulumtimit, ku shpjegohen teknikat, metodat, hipotezat që kemi
parashtruar, për të vazhduar me shtjellimin e temës dhe me rezultatet e nxjerra nga
pyetësori, për t’u dhënë përgjigje pyetjeve hulumtuese. Si përfundim kemi edhe diskutimet
dhe rekomandimet lidhur me hulumtimin.
Mësimdhënia për të zhvilluar të nxënit aktiv dhe të menduarit kritik
3
2. QËLLIMI I PUNIMIT
Ky punim ka për qëllim të tregojë rëndësinë e të nxënit aktiv dhe të të menduarit
kritik. Të tregojë rolin e madh të saj në mësimnxënie, në lidhshmëri dhe kuptueshmëri të
atij materiali që mësojnë, sepse nga kjo rrjedh edhe të mësuarit logjik.
Qëllimi është që të vihen në pah veprimet e mësimdhënësve për të zhvilluar një të
nxënë aktiv dhe të menduar kritik te nxënësit e tyre, ndikimin e të praktikuarit të teorisë,
ndikimin e përfshirjes dhe angazhimit të tyre në mësim. Ky hulumtim ka për qëllim të vë
në pah se si ndikon teknologjia dhe përdorimi i mjeteve të saj në të nxënët afatgjatë, në
krijimin e një mjedisi atraktiv dhe në interesimin e përqëndrimin e nxënësve në mësim. Në
qendër të këtij hulumtimi qëndron marrëdhënia e nxënësve me mësimdhënësin, mënyrat e
ndërveprimit të tyre që e bëjnë mësimdhënien productive, ku nxënësit zhvillojnë aftësitë e
tyre të të menduarit dhe të të nxënit.
Pra, synimi i këtij hulumtimi është që tënxjerrë në pah strategjitë e tilla të
mësimdhënies për të zhvilluar këto cilësi, në mënyrë që mësimdhënësit t’i nxisin nxënësit e
tyre që të jenë sfidues të mendimeve të të tjerëve, të kenë një mendim të pavarur e jo të
imponuar nga mësimdhënësit apo shoqëria.
Mësimdhënia për të zhvilluar të nxënit aktiv dhe të menduarit kritik
4
3.METODOLOGJIA E HULUMTIMIT
3.1. Objekti i hulumtimit
Përmes këtij hulumtimi do të analizohen mënyrat se si mund të arrijmë të zhvillojmë një
mësimnxënie aktive, “të fortë”, ku nxënësit do të jenë në gjendje edhe ta praktikojnë të
mësuarit në jetën e përditshme, në mënyrë që njohuritë të mos mbeten vetëm abstrakte.
Duke pasur parasysh që gjithçka po zhvilllohet shumë shpejt, atëherë duhet që edhe të
menduarit e nxënësve të zhvillohet në përputhje me zhvillimet tjera, dhe ky hulumtim do të
na tregojë nëse këtë mund ta arrijmë përmes mësimdhënies bashkëkohore, ndërvepruese,
ku nxënësi duhet të jetë në qendër, dhe nëse nga krijimi i një mjedisi të tillë mësimdhënësit
do të mund të nxjerrin gjenerata të sukseshme që mund t’i sjellin risi, shpikje e krijime
vendit.
3.2. Pyetjet hulumtuese
Kur flasim për zhvillimin e të nxënit aktiv dhe të menduarit kritik, mund t`ju
referohemi pyetjeve të mëposhtme:
1. A ndikon inkurajimi i nxënësve për t’u angazhuar në mësim në të nxënit aktiv?
2. Kur nxënësit zhvillojnë të menduarit kritik, a mund t’i përdorin njohuritë në më
shumë se një fushë të jetës?
3. Sa janë nxënësit e motivuar nëse në klasë zhvillohen larmi aktivitetesh?
Mësimdhënia për të zhvilluar të nxënit aktiv dhe të menduarit kritik
5
3.3. Hipotezat e hulumtimit
Për ta gjetur zgjidhjen e problemit të cilin po e hulumtojmë, pra për mënyrat,
strategjitë apo faktorët që ndikojnë në mësimdhënien aktive dhe në të menduarit kritik,
kemi parashtruar këto hipoteza:
1. Mësimdhënia ndërvepruese apo me në qendër nxënësin, ndikon në zhvillimin e të
nxënit aktiv dhe në të menduarit kritik.
2. Përdorimi i teknologjisë ndikon në mësimdhënien ndërvepruese.
3. Mësimdhënia ndërvepruese apo me në qendër nxënësin, ndikon negativisht në të
nxënit aktiv dhe të menduarit kritik.
3.4. Popullacioni dhe mostra
Popullacioni i këtij studimi janë mësimdhënës të shkollave fillore. Mostra e këtij
hulumtimi është numërikisht e caktuar. Grupi reprezentativ përbëhet prej 50 mësuesve nga
shkollat fillore të mesme të ulëta: “Këlmend Rizvanolli”, “Mustafa Bakija”, “Emin
Duraku”, në Gjakovë dhe në shkollën “Ardhmëria”, në fshatin Ramoc.
3.5. Metodat dhe teknikat e hulumtimit
Për ta zhvilluar një hulumtim janë të nevojshme edhe metodat e teknikat hulumtuese,
me anë të të cilave do të shtjellohet problemi. Metodat që janë përdorur në këtë hulumtim
janë:
• Metoda statistikore – Kemi përdorur këtë metodë për të shprehur statistikisht
rezultatet e nxjerra nga kërkimi, me anë të diagrameve e grafikoneve.
• Metoda përshkruese apo deskriptive – Me këtë metodë kemi përshkruar faktorët
që ndikojnë në zhvillimin e të menduarit kritik dhe të nxënit aktiv, pra kemi
spikatur ato veçanti specifike që e karakterizojnë problemin si objekt studimi.
• Metoda e analizës së dokumentacionit – Me anë të kësaj metode kemi
Mësimdhënia për të zhvilluar të nxënit aktiv dhe të menduarit kritik
6
grumbulluar të dhënat e nevojshme nga literatura të ndryshme shkencore për
zgjidhjen e problemit.
Ndërsa sa i përket teknikave për ta zhvilluar kërkimin është përdorur pyetësori, i cili
është përpiluar për mësimdhënësit:
Pyetësor drejtuar mësimdhënësve – Me anë të këtij pyetësori, kemi arritur të
nxjerrim të dhëna lidhur me atë se si ata veprojnë për të nxitur të menduarit kritik tek
nxënësit, për ndikimin e teknologjisë në ndërveprim, për aktivitetet që nxisin ata të jenë më
produktivë, e për faktorë të tjerë.
3.6. Rëndësia e hulumtimit
Rëndësia e këtij hulumtimi qëndron në atë se, përmes pyetësorëve dhe rezultateve të
nxjerra nga përgjigjet e mësimdhënësve, arritëm të marrim informacion për faktorët që
ndikojnë në mësimnxënien aktive dhe të menduarit kritik, momentet kur nxënësit janë më
të motivuar për mësim, për ndikimin e përdorimit të aktiviteteve të ndryshme, inkurajimin
e nxënësve për të sfiduar idetë e të tjerëve, në mënyrë që të zhvillojnë mendimin e pavarur,
ndikimin e ndërlidhjes së situatave mësimore me jetën dhe punën e përditshme, ndikimin e
përfshirjes së nxënësve në mësim etj., dhe përmes këtyre pyetësorëve dhe këtij hulumtimi,
e vumë në pah rëndësinë e këtyre faktorëve, rëndësinë e mësimit aktiv dhe të mendimit të
pavarur.
3.7. Organizimi i hulumtimit
Ky hulumtim u organizua fillimisht duke rishikuar literaturën e nevojshme për ta
zhvilluar këtë temë, për të arritur më tej deri tek metodologjia e hulumtimit, formulimi i
pyetësorëve dhe plotësimi i tyre nga ana e mësimdhënësve të shkollave së mesme të ulëta,
si: “Ardhmëria”, në Ramoc, shkollat “Këlmend Rizvanolli”, “Emin Duraku”dhe “Mustafa
Bakija”, në Gjakovë.
Mësimdhënia për të zhvilluar të nxënit aktiv dhe të menduarit kritik
7
4. SHTJELLIMI I TEMËS
4.1. Faktorët e mësimit
Nga definimi i lëndës së didaktikës si teori e kurrikulumit, mësimdhënies dhe të mësuarit
na bëhen me dije tre faktorë:
1. Mësimdhënësi- arsimtari;
2. Të mësuarit –nxënësi;
3. Kurrikulumi-përmbajtja.
Kjo do të thotë se kemi tre faktorë të mësimit. Pra, mësimi si formë më e organizuar dhe
më e planifikuar e edukimit dhe e arsimimit, përfshin tre faktorë: arsimtarin, nxënësin dhe
përmbajtjen (Nuredini, 2008).
4.2. Mësimdhënësi
“Të japësh mësim, do të thotë të krijosh të mësuarit.”
Mësimdhënia dhe të mësuarit na paraqitet edhe jashtë institucioneve arsimore, por
këtë ne nuk e quajmë mësim.“Mësimdhënia është një njohje përmbajtësore dhe metodike e
ndonjë lënde të strukturës mendore ose problemore me ndihmën e planit mësimor, punëve-
veprimeve të mësimdhënies së harmonizuar, në mesin e formësuar pedagogjik për të
mësuar”(Nuredini, 2008).Me planifikimin e mësimdhënësit fillon grupi i aktiviteteve
kryesore të mësuesit. Mësuesi ka një model pune dhe planifikimi është një pjesë e saj që
ndihmon për të krijuar një disiplinë korrekte, një atmosferë të këndshme në klasë dhe një
aktivitet të qëllimshëm (Garo, 2013). Mësimdhënia është art dhe kërkon frymëzim, intuitë,
talent e krijimtari dhe pak prej tyre mund të mësohen. Ajo është edhe shkencë, sepse
kërkon njohuri dhe shprehi që me të vërtetë mund të mësohen.
Kështu, në shumë orë mësimi analizohet veprimtaria e mësuesit, e cila përfshin katër hapat
e mëposhtëm:
➢ Identifikimin e problemit,
➢ Formulimin e një sërë hapash logjikë për arritjen e synimit,
➢ Grumbullimin e të dhënave dhe
Mësimdhënia për të zhvilluar të nxënit aktiv dhe të menduarit kritik
8
➢ Interpretimin e të dhënave
Mësimdhënia e mirë ka brenda elemente të punës së artistit dhe të studiuesit. Suksesi i
saj varet nga njohja e psikologjisë së artistit dhe shkencëtarit (Musai, 1999).
4.3. Nxënësi dhe tënxënit
Procesin mësimor, shoqëria e organizon dhe e financon për të arritur qëllimin e
edukimit te nxënësit. Për të arritur qëllimin në procesin mësimor, nxënësit duhet të fitojnë
dhe të zhvillojnë: dituritë, aftësitë njohëse, shprehitë, shkathtësitë dhe qëndrimet. Mirëpo,
edhe pse nxënësi në procesin mësimor i nënshtrohet, përkatësisht,i pranon ndikimet e
mësimdhënësit dhe përmbajtjes, e ky ndikim pranohet vetëm me aktivitetin e nxënësit,
njëherit edhe nxënësi ndikon në veprimin e arsimtarit dhe në përmbajtjen (Nuredini, 2008).
Të mësuarit është akti i njeriut në përpjekjen e tij për të njohur realitetin ku jeton.
Gjatë këtyre përpjekjeve ai fiton njohuri, shkathtësi dhe shprehi. Pra, me anë të të mësuarit
nxënësit do të jenë në gjendje të përballen me sukses me problemet e fushës ku i kanë
njohuritë dhe shkathtësitë (Garo, 2013). Të nxënët gjithmonë përfshin një ndryshim të
qëndrueshëm të personit që nxë, mëson. Me këto dy koncepte, ndryshimi dhe përvoja,
mundtë formulojmë përkufizimin e të nxënit. Të nxënët është një ndryshim në një person
që vjen si rezultat i përvojës (Musai, 1999).
4.4. Përmbajtja
Procesi mësimor zhvillohet në bazë të përmbajtjes mësimore sipas kurrikulumit me
pjesëmarrje aktive të arsimtarit dhe nxënësit. Me pjesëmarrjen aktive të mësimdhënësit dhe
nxënësve, edhe përmbajtja ndikon në përcaktimin e qëndrimit të tyre që shprehen në
përcaktimin e qëllimeve, metodave, ecurive të etapave të mësimit etj.
Për planifikimin, organizimin dhe realizimin e mësimit bashkëkohorë të tre
faktorët: arsimtari, nxënësi, përmbajtja duhet të konsiderohen dhe të kenë raporte reciproke
të dyfishta në procesin mësimor të shoqërisë demokratike (Nuredini, 2008).
Mësimdhënia për të zhvilluar të nxënit aktiv dhe të menduarit kritik
9
4.5. Zhvillimi i të nxënit aktiv dhe i të menduarit kritik
Të nxësh në mënyrë aktive do të thotë të jesh kureshtar, të bësh pyetje, të zbulosh të
rejat, të mendosh gjerë e gjatë dhe të përdorësh njohuritë e tua për të zgjidhur probleme
dhe për të zbuluar gjëra të mëtejshme.
Të menduarit kritik i shton gjithë sa përmendëm më lartë, praktikën e shikimit të
çështjeve nga këndvështrime të ndryshme, shqyrtimin e nuancave dhe të rrjedhojave të
ideve dhe mbajtjen e një qëndrimi të mbështetur në arsye.Nxënësit aktivë e konsiderojnë
veten, njëkohësisht, edhe prodhues, edhe konsumatorë të njohurive (Crawford, Saul,
Mathews, & Makinster, 2005).
Mësimi aktiv bazohet në konceptet e vjetra të të mësuarit nga përvoja, kur
“njohuria ndërtohet përmes transformimit të përvojës”. Këto teknika mësimore e përdorin
“efektin e gjenerimit” në të mësuarit dhe shkencën e kujtesës. Sipas këtyre teknikave, të
mësuarit është më efektiv kur nxënësit prodhojnë informacione, në vend që t’i marrin ato
pasivisht. Po ashtu, nxënësit e ruajnë informacionin më gjatë, nëse i trajtojnë në nivele më
të larta në Taksonominë e Blum-it. Elementet kryesore të të mësuarit aktiv janë: prezantimi
i një veprimtarie në klasë dhe inkurajimi i nxënësve për t’u angazhuar në këtë aktivitet.
Suksesi i një prezantimi të thjeshtë të një veprimtarie në klasë, varet nga angazhimi mendor
dhe fizik i nxënësve (Konopka, Adaime, & Mosele, 2015).
4.5.1.Të nxënit aktiv dhe pasiv
Të nxënit aktiv dhe të menduarit kritik janë e kundërta e të nxënit pasiv. Në të
nxënit pasiv, nxënësit dëgjojnë mësuesin dhe marrin informacion. Në të nxënit aktiv dhe të
menduarit kritik synohet, që të ngjallet kureshtja e nxënësve, të zhvillohet tek ata aftësia
për të bërë zbulime dhe për ta ndërtuar kuptimin në formën e përgjigjeve ndaj pyetjeve që
kanë, si dhe të sfidohen për të menduar thellë kuptimin e njohurive të reja (Crawford, Saul,
Mathews, & Makinster, 2005). Qëllimi është që nxënësit të përfshihen në mënyrë aktive.
Përfshirja aktive i ndihmon ata të arrijnë dhe zotërojnë standarde specifike
akademike(Moore & Moore, 2004). Së fundmi, synimi është “përdorimi i njohurive”,
Mësimdhënia për të zhvilluar të nxënit aktiv dhe të menduarit kritik
10
mendimtarët kritikë dhe nxënësit aktivë janë në gjendje ta përdorin atë që kanë mësuar si
bazë për nxënie të mëtejshme, si brenda, ashtu dhe jashtë shkollës.
Mësuesitmund të përdorin dhe zgjedhin metoda të ndryshme për të nxitur të nxënit
aktiv dhe të menduarit kritik. Për ta bërë këtë zgjedhje më të lehtë, këshillohet që mësuesit
të përdorin një kornizë të mësimdhënies dhe tëtënxënit, që shkurtimisht njihet si PNP:
• Parashikimi,
• Ndërtimi i njohurive dhe
• Përforcimi(Crawford, Saul, Mathews, & Makinster, 2005).
4.5.1.1. Avantazhet dhe disavantazhet e të nxënit aktiv dhe të nxënit pasiv
Mësimi aktiv përfshin nxënësin në procesin mësimor përmes përdorimit të aktiviteteve
dhe diskutimeve përkatëse (Rodriguez, 2018). Aktivitetet aktive të të nxënit kanë të bëjnë
me objektivat qëi kërkojnë nxënësit të mësojnë “duke bërë” (Knirk, 1979). Kjo metodë
stimulon dhe forcon kuptimin konceptual të nxënësit për materialin e kursit, duke i
përfshirë ato brenda procesit mësimor, në krahasim me thjesht renditjen e fakteve dhe
shpjegimin e temave, përmes ligjëratave tradicionale. Shembuj të të mësuarit aktiv
përfshijnë:
• Problemet në grup,
• Udhëzime nga kolegët dhe
• Lojërat dhe sfidat.
Metodat aktive të të nxënit i japin mësuesit një analizë të vazhdueshme të të kuptuarit
të nxënësve të tyre, sepse ka reagime të vazhdueshme midis nxënësit dhe materialit.
Avantazhet e të nxënit aktiv:
• Ndikon në të menduarit kritik;
• Ofron një reagim të shpeshtë mbi kuptueshmërinë e materialit nga nxënësi;
• I jep nxënësit një rol më të madh në mjedisin e tyre të të mësuarit;
• Rrit vëmendjen e nxënësve;
• Stimulon diskutimet.
Disavantazhet e të nxënit aktiv:
Mësimdhënia për të zhvilluar të nxënit aktiv dhe të menduarit kritik
11
• Kërkon plane mësimore më spontane dhe fleksibël;
• Kufizon sasinë e materialit që mund të paraqitet menjëherë;
• Krijon potencial për shpërqendrime nëse nxënësit nuk monitorohen (Rodriguez,
2018).
Mësimi pasive mban nxënësin përgjegjës për marrjen e informacionit të paraqitur në
termat e tyre. Aktivitetet e të nxënit pasiv përfshijnë qëllime mësimore, në të cilat, një
mësues ndërmjetësues zgjedh, organizon dhe transmeton stimuj udhëzues te një nxënës
perceptues, por relativisht fizikisht joaktiv (Knirk, 1979).
Avantazhet e të nxënit pasiv:
• Paraqet shpejt një llojllojshmëri informacioni;
• Lejon që shënimet të planifikohen përpara dhe të ripërdoren;
• I jep mësimdhënësit më shumë kontroll mbi shpërndarjen e informacioneve dhe
• Siguron një prezantim konkret dhe të organizuar të materialit.
Disavantazhet e të nxënit pasiv:
• Të nxënit mund të jetëi mërzitshëm ose pa lidhshmëri;
• Paraqet më pak mundësi për të vlerësuar të kuptuarit e nxënësve;
• Ka më shumë gjasa që nxënësit të qëndrojnë të strukur nga turpi që do të
keqkuptohen dhe
• Nxënësit janë më pak të përfshirë në përvojën e të mësuarit (Rodriguez, 2018).
4.5.2. Të nxënit aktiv në fëmijërinë e hershme
Mësimi aktiv kërkon një konsideratë të thellë të asaj që bëhet dhe pjesëmarrje shumë të
motivuar për aktivitete kuptimplote të të nxënit.Sipas Hohmann dhe Weikart (2002),
mësimi aktiv i referohet pjesëmarrjes aktive në process. Është studim i pavarur, dhe kryen
hulumtime,dhe fëmijët nuk janë vetëm dëgjues dhe shikues. Bonëell dhe Eison (1991),
theksojnë, gjithashtu, se të mësuarit aktiv ka të bëjë më shumë me "bërjen" e jo "të
dëgjuarit". Në mënyrë të ngjashme, Weltman (2007), mendon se të mësuarit aktiv është një
proces mësimi me në qendër fëmijën (Koleva, Efe, Kostova, & Atasoy, 2015).
Mësimdhënia për të zhvilluar të nxënit aktiv dhe të menduarit kritik
12
Mësimi aktiv është bërë më i popullarizuar në këtë shekull, duke siguruar më shumë
integritet në mes të njohjes, të mësuarit për të mësuar dhe për të mësuarit aktiv (Koleva,
Efe, Kostova, & Atasoy, 2015). Nxënësit aktiv priren të ruajnë dhe kuptojnë
informacionin, duke bërë diçka aktive, si duke e zbatuar atë, duke ua shpjeguar të tjerëve
dhe duke diskutuar për të (Kishore & N, 2017). Parimet themelore të të mësuarit aktiv
mund të renditen si më poshtë:
1. Fëmijët marrin pjesë në mënyrë aktive në procesin e mësimit;
2. Ai ka për qëllim të përmirësojë aftësitë e të mësuarit të fëmijëve;
3. Ndryshimet individuale merren parasysh;
4. Fëmija është i lirë dhe, gjithashtu, është përgjegjës;
5. Njohuria kuptimplote është e rëndësishme për të mësuarit, jo për njohuri të
memorizuar;
6. Puna në grupe dhe ndërveprimi është i rëndësishëm;
7. Mund të zhvillohen aftësitë e të mësuarit të fëmijëve;
8. Është e nevojshme që të lidhen njohuri të reja me ato të mëparshme;
9. Mësimi lehtësohet me aktivitete sfiduese;
10. Në të mësuarit aktiv, mësuesi udhëzon procesin (Koleva, Efe, Kostova, & Atasoy,
2015).
Mësimi aktiv është gjithçka që lidhet me kursin, për të cilin, të gjithë nxënesit në një
seancë klase janë të thirrur të bëjnë, përveç se thjesht të shikojnë, të dëgjojnë dhe të marrin
shënime (Felder & Brent, 2009). Qëllimi nuk është thjesht të mësojnë një strategji të re,
por, përkundrazi, të krijojmë kushte për të mësuarit e përhershëm- një mjedis në të cilin
risitë dhe eksperimentimet të shikohen, jo si detyra që duhet të realizohen apo si projekte
që duhet të përfundohen, por si detyra të përditshme që duhet të kryhen përgjithmonë
(Dufour, Dufour, Eaker, & Many, 2013).
Mësimdhënia për të zhvilluar të nxënit aktiv dhe të menduarit kritik
13
4.6. Karakteristikat që ndikojnë në mësimdhënien produktive
Janëpërcaktuar afërsisht dhjetëkarakteristika që tregojnë lidhjen midis rezultateve të
dëshirueshme të nxënësve, të përcaktuara përmes testeve dhe instrumenteve të tjera të
vlerësimit. Nga këto, pesë janë përcaktuar si kryesore, ndërsa pesë të tjera quhen ndihmëse,
por edhe ato, të lidhura në mënyrë logjike, me mësimdhënien produktive.
Pesë karakteristikat kryesore janë:
• Qartësia në mësimdhënie;
• Llojllojshmëria në mësimdhënie;
• Orientimi në detyrë;
• Përfshirja në procesin e të nxënit;
• Shkalla e suksesit të nxënësve.
4.6.1. Qartësia në mësimdhënie
Kjo karakteristikë kryesore ka të bëjë me qartësinë e paraqitjes së mësimit në klasë, e
treguar përmes karakteristikave të mëposhtme të mësuesit të suksesshëm:
➢ Ata i paraqesin dhe i bëjnë çështjet mësimore të kuptueshme;
➢ Përshkruajnë dhe u shpjegojnë qartë konceptet nxënësve dhe janë në gjendje të
ndjekin një linjë logjike të rregullt, hap pas hapi;
➢ Të folurit e tyre ështëi qartë, i pranueshëm për nxënësit dhe i çliruar nga fjalët e
panevojshme dhe të pakuptimta (Musai, 2003).Qartësia përshkruan një sërë sjelljesh të
mësuesve që janë jetësore për angazhimin dhe fuqizimin e të gjithë nxënësve të tyre në
procesin e të mësuarit, duke i ndihmuar ata që të kuptojnë qartë se çfarë po mësojnë,
pse po e mësojnë dhe çfarë pritet që ata të dinë dhe të jenë në gjendje të demonstrojnë.
nga ajo që kanë mësuar (Toolkit, 2018).
Mësimdhënia për të zhvilluar të nxënit aktiv dhe të menduarit kritik
14
4.6.2. Llojllojshmëria në mësimdhënie
Kjo sjellje kryesore ka të bëjë me llojllojshmërinë apo mënyrën e dhënies së
mësimit. Një nga mënyrat më të efektshme të krijimit të llojllojshmërisë në mësimdhënie
është të pyeturit. Në mësim mund të bëhen pyetje të shumta dhe kur ato integrohen
natyrshëm, krijojnë një variacion të këndshëm dhe të kuptimshëm. Mjedisi fizik dhe pamja
e klasës ndihmojnë në llojllojshmërinë e mësimdhënies. Kjo ndikon më pas, në rezultatet e
nxënësve, përfshirjen e tyre në procesin e të nxënit etj.,(Musai, 2003).
4.6.3. Orientimi në detyrë
Disa pyetje të lidhura me orientimin në detyrë janë:
➢ Sa kohë duhet për përdorimin e metodave për dhënien e mësimit të ri, si p.sh.:
shpjegimi, pyetjet, ushtrimi i nxënësve në punë për të menduar në mënyrë
kritike dhe të pavarur etj.?
➢ Sa kohë duhet për të organizuar nxënësit që të jenë të gatshëm për të nxënë?
➢ Sa kohë duhet për të vlerësuar punën e nxënësve, për të parë shkallën e të
nxënit?
Të gjithë mësuesit duhet t’i përgatisin nxënësit për të nxënë dhe, për më tepër, në një
mënyrë të tillë, që ky proces t’u jep kënaqësi (Musai, 2003).
4.6.4. Përfshirja në procesin e të nxënit
Përfshirja e nxënësit në procesin e të nxënit është një sjellje kryesore, që ka të bëjë
me kohën që i kushtohet të nxënit të mësimit. Në dallim nga koha që mësuesi i kushton
mësimdhënies, është edhe koha që i duhet nxënësit për të nxënë. Kjo quhet koha e
përfshirjes aktive në të nxënët e materialit. Është e rëndësishme që nxënësi të jetë
vazhdimisht i përfshirë. Sa më shumë të jetë i përfshirë, aq më i madh do të jetë edhe
rezultati në të nxënë (Musai, 2003). Mësimdhënia produktive duhet të përfshijë strategji të
diferencuara, për të maksimizuar mësimin për të gjithë studentët (Nayler, 2020).
Mësimdhënia për të zhvilluar të nxënit aktiv dhe të menduarit kritik
15
4.6.5. Shkalla e suksesit të nxënësve
Kjo ka të bëjë me shkallën e të kuptuarit të detyrave dhe saktësisë në plotësimin e
detyrave, ushtrimeve, testeve etj. Këto nivele janë si më poshtë:
➢ Sukses i plotë:Nxënësi kupton detyrën dhe rrallë bën gabime nga pakujdesia;
➢ Sukses i pjesshëm: Nxënësi kupton, pjesërisht, por bën disa gabime të rënda;
➢ Sukses i ulët: Nxënësi nuk e kupton fare detyrën.
Përvoja ka treguar se shumë mësues nuk i kushtojnë kohën e duhur të nxënit, çka është
thelbësore për arritjen e qëllimeve të zhvillimit të shprehive të zgjidhjes së problemeve dhe
mendimit kritik (Musai, 2003).
4.7. Zhvillimi i të menduarit kritik
Struktura për të menduarit dhe të nxënët është një procedurë përmes së cilës
mësuesit udhëheqin nxënësit drejt arsyetimit. Njohuritë që një njeri zotëron, janë kushti i
parë për ato që mund të mësojë. Struktura, këtu, është zhvilluar rreth përmbajtjes së një
mësimi. Ajo nuk është e kufizuar vetëm në përmbajtjen e mësimit, por është e zbatueshme
në të gjitha situatat e të nxënit (Musai, 2003).
4.7.1. Të menduarit kritik
Mendimi kritik kërkon aftësi për të gjykuar dhe për të reflektuar, se çfarë di dhe
mendon dikush.(Musai, 2003). Mendimi kritik nuk mund të kuptohet vetëm si njëprocesi
analizës mendore, ai bëhet gjithnjë për një qëllim më të gjerë. Prandaj, duhet të jemi të
qartë se cilat vlera informojnë mendimin kritik, pse bëhet dhe, si të menduarit e tillë, mund
tëpërmirësojë një situate (Brookfield, 2012).
Kuptimi kritik shpreh “të ushtruarin ose pjesëmarrjen në një gjykim shumë të
kujdesshëm, një vlerësim të arsyeshëm”. Termi “kritik” në thelb ështëi lidhur me të
menduarin, me gjykimin dhe vlerësimin, si forma të të menduarit.
Qëllimi i të menduarit kritik është të kuptojë, vlerësojë pikpamjet dhe të zgjidhë
problemet.Të menduarit kritik është përcaktim mëi matur dhe shumëi kujdesshem i asaj se
Mësimdhënia për të zhvilluar të nxënit aktiv dhe të menduarit kritik
16
çfarë ne duhet të pranojmë ose hedhim poshtë, një gjykim i peshuar rreth një deklarimi dhe
shkalla e besimit me të cilën ne e pranojmë ose e hedhim poshtë(Periala, 2008).
Një mendimtar kritik nuk ka domosdoshmërisht një qëndrim negativ në kuptimin
për të kritikuar vazhdmisht dikë ose diçka. Përkundrazi, ai ose ajo mund të mendohet i
mprehtënë rastet kur: mendimtari kritik shtron pyetje kryesore, gjen arsye për zgjidhje të
problemeve, si në mënyrë logjike, ashtu edhe objektive, shpreh idetë dhe përfundimet
qartësisht dhe saktësisht. E fundit, por jo më pak e rëndësishme, mendimtari kritik mund t’i
zbatojë këto zakone të mendimeve, në më shumë se një fushë të jetës ose njohurive (Seifert
& Sutton, 2009). Fëmijët i thithin në mënyrë të natyrshme qëndrimet dhe mendimet e të
rriturve me rëndësi në jetën e tyre. Strukturat e bindjeve të të rriturve, në të vërtetë, mund
t‘u imponohen fëmijëve. Dhe fëmijët pastaj mësojnë të jenë të varur nga mendimet e të
tjerëve.Për ta nxitur një fëmijë që të përpiqet të arsyetojë do t’ju duhet të tregoni se
arsyetimi i drejtë sjell ndryshim dhe të dërgon drejt suksesit, dhe se gabimet në arsyetim
dërgojnë në zgjidhje të gabuara dhe në dështim.
Tipari dallues i mendimtarit kritik është gatishmëria për të sfiduar idetë e të
tjerëve. Kjo do të thotë që, në qoftë se duam që fëmijët të jenë mendues kritikë, atëherëne
duhet t’i nxisim ata që të sfidojnë idetë tona dhe mënyrën tonë të të menduarit (Musai,
1999).
4.7.1.1.Strategjitë e zgjidhjes së problemeve
Mësuesit vazhdimisht janë të shqetësuar për mënyrën se si mund të përmirësojnë
aftësitë e nxënësve të tyre, në zgjidhjen e problemeve në shkollë. Në të njëjtën kohë, ata
janë të shqetësuar edhe për cilësitë e nxënësve, për t’u angazhuar në zgjidhje produktive të
problemeve jashtë klasës. Problemi që do të zgjidhet, veprimtaritë që përfshihen në të dhe
strategjitë që përdoren,që tëgjitha përbëjnë sjelljen apo veprimet për zgjidhjen e
problemit.Rritja e menjëhershme e njohurive, kabërë që të përdoren strategji të shumta të
zgjidhjes së problemeve dhe që tëpërmirësojnë shprehitë e nxënësve për zgjidhjen e tyre
(Musai, 1999).
Një strategji është edhe përdorimi i analogjive. Analogjitë përshkojnë pjesën më të
madhe të të menduarit tonë të përditshëm. Ne arsyetojmë për analogji, kur na duhet të
Mësimdhënia për të zhvilluar të nxënit aktiv dhe të menduarit kritik
17
marrim një vendim për diçka të re që hyn në përvojën tonë dhe këtë gjë e realizojmë duke
sjellënëpër mend dhe duke bërë një paralelizëm me përvojat e mëparshme.P.sh. ne
dëgjojmë dhe e respektojmë këshillën e një shoku, sepse këshillat e tij kanë qenë të
vlefshme më përpara, në këtë rast ne arsyetojmë për analogji (Orhani, 2010).
Pastaj, përdorimi i llojeve të shumta të teknikave të kujtesës është më i
përshtatshëm për tipa të ndryshëm problemesh. Ka individë që mund t'i përmirësojnë
cilësitë e tyre duke ndjekur nga afër natyrën e secilit problem me të cilin përballohen, nga
një kuptim më të mirë të proceseve të të menduarit dhe nga shfrytëzimi i gabimeve për të
përmirësuar shprehitë e tyre (Musai, 1999).
4.8.Mësimdhëniandërvepruese/bashkëkohore
Teknologjia e informacionit dhe komunikimit (TIK), mund të luajë një rol të
rëndësishëm në krijimin e mjediseve ndërvepruese të të nxënit. Mjetet e TIK-ut mund të
përdoren për të strukturuar përmbajtjen, për të mbështetur zhvillimin e kompetencave, për
të mbështetur detyrat rutinore, për të monituruar rezultatet e procesit të mësimit dhe për të
rritur shkallën e lirisë në kohë, hapësirë dhe ritmin e të mësuarit (Larkley & Maynhard,
2008).
Teknologjitë luajnë një rol thelbësor në jetën e nxënësve dhe mund të veprojnë si një
platformë për të nxitur të mësuarit krijues dhe mësimdhënien bashkëkohore (Cachia,
Ferrari, Ala-Mutka, & Punie, 2010). Teknologjia është futur me sukses në fushën e arsimit,
për ta bërë mësimin më të fuqishëm, të menjëhershëm dhe qasjen në arsim më të barabartë.
Qëllimi kryesor i teknologjisë së mësimit është që të përfitojnë nxënësit për të marrë
një arsim cilësor, me anë të programeve mekanike ose elektronike, për të provuar reagimin
e nxënësve dhe për ta informuar atë (Kochhar, 1985).
Mësimdhënia për të zhvilluar të nxënit aktiv dhe të menduarit kritik
18
4.8.1. Strategjitë e mësimdhënies ndërvepruese
Strategjitë synojnë të promovojnë aftësitë e të menduarit kritik dhe reflektues, kërkime
dhe vlerësime që do të ndihmojnë nxënësit të ndërmarrin veprime pozitive për të mbrojtur
mirëqenien dhe sigurinë e tyre dhe të të tjerëve.
Mësimdhënia ndërvepruese:
❖ Përfshin lehtësuesit dhe nxënësit;
❖ I inkurajon dhe pret nga nxënësit që të marrin pjesë;
❖ Përdorimi i pyetjeve për të stimuluar diskutimin;
❖ U jep pjesëmarrësve përvojë praktike;
❖ Angazhon nxënësit në mësimin e tyre;
❖ Ndërton aftësitë ekzistuese;
❖ Siguron një gamë të gjerë të stileve të të mësuarit;
❖ Kultivon të mësuarit e pavarur;
❖ Kërkon përdorim të mjeteve mësimore, për të fituar dhe mbajtur vëmendjen
(Senthamarai, 2018).
Mësuesit inkurajohen të përdorin gjykimin e tyre professional, për të rishikuar
strategjitë e sygjeruara dhe të vendosin për më të përshtatshmet, për plotësimin e nevojave
të nxënësve të tyre:
1. Përshtatja e strategjive mësimore,
2. Adresimi i stileve dhe nevojave të të nxënit të studentëve,
3. Të jesh gjithëpërfshirës i të gjithë studentëve dhe
4. Lehtësimi i vlerave të arsimit (Senthamarai, 2018).
4.8.2. Teknikat dhe metodat e të mësuarit aktiv
Për të dhënë mësim me sukses, duhet planifikuar me sukses. Dhe, planifikimi i
suksesshëm do të thotë të dish të lehtësosh një përvojë pozitive për të gjithë nxënësit.
Kështu, mësimdhënësit përdorin metoda, strategji dhe teknika që do të funksionojnë më
mirë për situatën e veçantë. Mësuesit kontrollojnë efektivitetin e tyre mësimor në klasë.
Mësuesi pasiv thjesht mbështetet në të njëjtat teknika të vjetra mësimore ditë pas dite.
Mësimdhënia për të zhvilluar të nxënit aktiv dhe të menduarit kritik
19
Mësuesi aktiv e kalon ditën duke planifikuar strategji dhe teknika të ndryshme mësimore
dhe ka tendencë të arrijë më shumë në mësimdhënie, kështu sigurohet, jo vetëm ndryshim
për mësimdhënësin, por edhe motivim për nxënësit. Teknika mund të jetë ose me në
qendër nxënësin, siç janë raportet e bëra nga nxënësit ose me në qendër mësimdhënësin,
siçështë ligjërata. Ato mund të jenë aktive ose passive, në varësi të mënyrës së përdorimit
të tyre. Një strategji është organizimi dhe koordinimi i teknikave për të praktikuar metodën
që do të arrijë qëllimet e dëshiruara (Dhand, 2008).
Teknikat moderne të mësimdhënies janë të rëndësishme dhe më të preferuarat në
epokën teknologjike. Mësuesit mund t’i mësojnë nxënësit më me kuptim dhe efikasitet
dhe, gjithashtu,i pastrojnë të gjitha dyshimet e tyre me këto teknika. Për këtë arsye,
mësimdhënësit duhet të përdorin lloje të ndryshme të teknikave moderne mësimore për t’u
lidhur me nxënësit (Murugesan, 2019).
Disa nga teknikat që ndikojnë në të mësuarit aktiv dhe në zhvillimin e mendimit kritik,
do t’i paraqesim më poshtë:
Pyetje-përgjigje: Bazohet në bashkëveprimin oral dhe mund të përdoret, zakonisht, në
çdo aktivitet. Kjo përdoret nga ana e mësimdhënësit për të shfaqur interes, për të tërhequr
vëmendjen e fëmijëve, për të rritur motivimin e tyre dhe për të forcuar temat e mësuara
rishtas (Koleva, Efe, Kostova, & Atasoy, 2015). Për ta bërë mësimdhënien interactive,
mund tëkërkohet nga nxënësit të shkruajnë pyetjet e tyre në karta, pastaj ato mbledhen dhe
përzihen dhe mësimdhënësi u përgjigjet pyetjeve të krijuara nga nxënësit (Senthamarai,
2018).
Stuhi mendimesh: Është një teknikëinteractive, që zakonisht kryhet në seanca në
grup.Procesi është i dobishëm për gjenerimin e mendimeve dhe ideve krijuese. Stuhia e
mendimeve i ndihmon studentët të mësojnë të përpiqen së bashku (Senthamarai, 2018) dhe
inkurajon nxënësit të dalin me ide krijuese, emocionuese dhe radikale, pa frikë nga kritika
(Dhand, 2008).
Seanca Buzz: Pjesëmarrësit mblidhen në grupe sesionesh që përqendrohen në një
temë të vetme. Brenda secilit grup, çdo student kontribuon me mendime dhe ide.
Mendo/ ndaju në çifte/thuaja grupit: Bëhet vendosja e një problemi ose pyetjeje,
pastaj ndarja e nxënësve në çifte. U jepet secilës palë kohë e mjaftueshme për të formuar
një përfundim. Në këtë teknikë mund të kërkohet që njëri nxënës të shpjegojë një koncept,
Mësimdhënia për të zhvilluar të nxënit aktiv dhe të menduarit kritik
20
ndërsa nxënësi tjetër ta vlerësojë atë. Në këtë mënyrë, nxënësit do të jenë të angazhuar,
zhvillojnë komunikimin dhe fitojnë informacion (Senthamarai, 2018).
Kllaster apo “Pema e mendimeve”:Është teknikë që nxit nxënësit të mendojnë
lirshëm rreth një çështjeje të caktuar, të mendojnë për të krijuar lidhje midis fakteve etj.
Ajo nxit të menduarit përpara se të studiohet pjesa ose për ta bërë përmbledhjen e asaj
qëështë studiuar (Salihu, Zabeli, & Hoti, 2006).
Rrjeti i diskutimit: Zhvillimi i kësaj veprimtarie u siguron nxënësve lirshmëri
maksimale në dhënien e mendimeve, paraqitjen e argumenteve në favor të një çështjeje.
Është një përpjekje për të bindur ata që mendojnë ndryshe në lidhje me çështjen dhe është
një mundësi që para argumenteve të grupit tjetër të ndërrohet vendi gjatë debatit.
Tryeza e rrumbullakët: Ndryshe quhet edhe gushëkuqi rrethor. Përmes kësaj teknike
nxiten nxënësit që të thellohen në një problem të caktuar, duke e parë atë nga
këndvështrime personale.
Lojërat - loja me role: Loja gjithnjë e më shumë po përdoret si teknikë mësimore.
Ajo, pra, bën pjesë në kuadrin e atyre teknikave që kanë në qendër nxënësin. Përmes tyre,
nxënësit përfshihen në mënyrë aktive dhe u jepet mundësi për ushtrimin e shumë aftësive
dhe zhvillimin e shumë afiniteteve të fëmijëve. Kjo nuk do të thotë që mësimi të bëhet lojë,
por mësimi të zhvillohet përmes lojës.
Diagrami i Venit: Është një teknikë me anën e së cilës hetohen dhe sistemohen të
përbashkëtat dhe dallimet ndërmjet dy koncepteve, dukurive, historive, personazheve etj.
Ai bën të mundshme që nxënësit të zbulojnë tipare të përbashkëta,dallime midis
koncepteve të ndryshme, si dhe të mbajnë qëndrime personale lidhur me to.
Pesëvargshi: Përmes pesë rreshtave përmblidhet në mënyrë sintetizuese informacioni
për çështjen përkatëse dhe, si i tillë, shprehet në formë të poemës. Përmes saj bëhet
sintetizimi i informacioneve që në fund përshkruan apo reflekton idenë kryesore të një
teme të caktuar (Salihu, Zabeli, & Hoti, 2006).
Me anë të teknikave moderne mësimore nxënësve u mundësohet:
❖ Pjesëmarrja në një revolucion mediatik, duke ndikuar thellësisht në mënyrën se si
ata mendojnë dhe përdorin teknologjitë e informacionit;
❖ Përmirësimi i mënyravetë të mësuarit në funksion të modeleve të të mësuarit;
❖ Zgjerimi i aftësive të tyre, për të përdorur të mësuarit në situata reale;
Mësimdhënia për të zhvilluar të nxënit aktiv dhe të menduarit kritik
21
❖ Puna në grupe për mësimin bashkëpunues;
❖ Zhvillimin e shprehive të vetë-mësimit në ritmin dhe kohën e tyre;
❖ Të mësuarit me mësuesin dhe jo nga mësuesi;
❖ Përdorimin e informacionit të duhur, në vendin/kohën e duhur për të arritur
objektivat e duhura;
❖ Shkëmbimin e përvojave të të mësuarit dhe të informacionit me të tjerët, që jetojnë
në çdo vend të botës (Murugesan, 2019).
4.8.3.Ndikimi i teknikave ndërvepruese dhe të nxënit në bashkëpunim
Teknikat e të nxënit ndërveprues, inkurajojnë bashkëpunimin, por qëllimi
përfundimtar është zhvillimi i mendimit të pavarur (Salihu, Zabeli, & Hoti, 2006).
Nxënësit janë vendosur në një atmosferë gjithëpërfshirëse, ku njohuritë dhe përvoja
paraprake mund të bashkohen. Me mësimin bashkëpunues, nxënësit përmirësojnë
vetëvlerësimin e tyre, qëndrimin e tyre ndaj shkollës dhe aftësinë e tyre për të punuar me të
tjerët. Metodat e tyre të zgjidhjes së problemeve, gjithashtu, përmirësohen, sepse anëtarët e
grupit mund të testojnë idetë mbi njëri-tjetrin (Farmer, 1999).Secili anëtar i një ekipi është
përgjegjës, jo vetëm për të mësuar atë që mësohet, por, gjithashtu, edhe për të ndihmuar
shokët e ekipit të mësojnë, duke krijuar kështu atmosferën e arritjeve (Murugesan, 2019).
Mësimi bashkëpunues, përfshin punën e nxënësve së bashku për të arritur qëllimet e
përbashkëta dhe kjo është një ndjenjë e ndërvarësisë që motivon anëtarët e grupit të
ndihmojnë dhe mbështesin përpjekjet e njëri-tjetrit. Kur ata punojnë në mënyrë
bashkëpunuese, mësojnë të japin dhe marrin ndihmë, dëgjojnë idetë dhe perspektivat e
fëmiijëve tjerë, pajtohen me dallimet dhe zgjidhin problemet në mënyrë demokratike
(Gillies, 2007). Zbatimi i teknikave të të menduarit kritik, të cilat favorizojnë të nxënit
ndërveprues, krahas atyre tradicionale kanë këto përparësi:
❖ Motivim më të madh të nxënësve në mësim;
❖ Angazhim të të gjithë nxënësve në mësim;
❖ Shprehje të lirë të mendimit;
❖ Respektim të mendimit të tjetrit;
❖ Qëndrime më të argumentuara;
Mësimdhënia për të zhvilluar të nxënit aktiv dhe të menduarit kritik
22
❖ Përgjegjësi më të larta brenda grupit;
❖ Dëshirë më e madhe për të punuar bashkarisht;
❖ Të nxënët jo mekanik, por logjik, të përmbajtjeve mësimore (Salihu, Zabeli, &
Hoti, 2006)
Mësimdhënia për të zhvilluar të nxënit aktiv dhe të menduarit kritik
23
5. REZULTATET E PËRGJITHSHME TË HULUMTIMIT
Më poshtë kemi paraqitur përgjigjet e 50 mësimdhënësve të cilët kanë qenë
pjesëmarrës në hulumtim. Rezultatet janë paraqitur përmes programit Excel.
Tabela 1. Sa ndikon lidhja e teorisë me praktikën në të nxënët aktiv dhe afatgjatë?
Sa ndikon lidhja e teorisë me paktikën në
të nxënët aktiv dhe afatgjatë?
Përgjigjet Përqindja
Shumë. 31 62%
Mesatarisht. 16 32%
Pak. 3 3%
Aspak. 0 0%
Gjithsej 50 100%
Grafiku 1.
Në këtë pyetje shohim se 62% e mësimdhënësve mendojnë se lidhja e teorisë me
praktikën ndikon shumë në të nxënët aktiv dhe afatgjatë; 32% mendojnë se ndikon
mesatarisht; 6% mendojnë se ndikon pak, ndërsa “aspak” nuk mendon asnjë mësimdhënës.
62%
32%
6%
0%
Shumë
Mesatarisht
Pak
Aspak
Mësimdhënia për të zhvilluar të nxënit aktiv dhe të menduarit kritik
24
Tabela 2. Sa ndikon teknologjia në krijimin e mjediseve ndërvepruese të të nxënit?
Sa ndikon teknologjia në krijimin e mjediseve
ndërvepruese të të nxënit?
Përgjigjet Përqindja
Shumë. 22 44%
Mesatarisht. 25 50%
Pak. 2 4%
Aspak. 1 2%
Gjithsej 50 100%
Grafiku 2.
Në pyetjen e dytë se sa ndikon teknologjia në krijimin e mjediseve ndërvepruese të të
nxënit, 44% e mësimdhënësve janë përgjigjur se ndikon shumë; 50% janë përgjigjur se
ndikon mesatarisht; 4% e mësimdhënësve janë përgjigjur se ndikon pak dhe 2% janë
përgjigjur se nuk ndikon fare.
44%
50%
4%
2%
Shumë
Mesatarisht
Pak
Aspak
Mësimdhënia për të zhvilluar të nxënit aktiv dhe të menduarit kritik
25
Tabela 3.A ndikojnë aktivitetet e ndryshme në klasë në përshtatjen e stileve të
ndryshme të të nxënit?
A ndikojnë aktivitetet e ndryshme në klasë në
përshtatjen e stileve të ndryshme të të nxënit?
Përgjigjet Përqindja
Po. 50 100%
Jo. 0 0%
Gjithsej 50 100%
Grafiku 3.
Në këtë pyetje të gjithë mësimdhënësit kanë menduar se aktivitetet e ndryshme
ndikojnë në përshtatjen e stileve të ndryshme të të nxënit.
100%
0%
Po
Jo
Mësimdhënia për të zhvilluar të nxënit aktiv dhe të menduarit kritik
26
Tabela 4. A mësojnë nxënësit më shumë me mësuesin apo nga mësuesi?
A mësojnë nxënësit më shumëme mësuesin apo
nga mësuesi?
Përgjigjet Përqindja
Me mësuesin. 27 54%
Nga mësuesi. 23 46%
Gjithsej 50 100%
Grafiku 4.
Në pyetjen se a mësojnë më shumë nxënësit me mësuesin apo nga mësuesi; 54% e
mësimdhënësve janë përgjigjur “me mësuesin”; ndërsa 46% e mësimdhënësve janë
përgjigjur “nga mësuesi”.
54%
46%
Me mësuesin
Nga mësuesi
Mësimdhënia për të zhvilluar të nxënit aktiv dhe të menduarit kritik
27
Tabela 5. Kur janë nxënësit më produktivë, kur dëgjojnë apo kur praktikojnë?
Kur janë nxënësit më produktivë, kur dëgjojnë
apo kur praktikojnë?
Përgjigjet Përqindja
Kur dëgjojnë. 19 38%
Kur praktikojnë. 31 62%
Gjithsej 50 100%
Grafiku 5.
Rreth asaj se kur janë nxënësit më produktivë - kur praktikojnë apo kur dëgjojnë,
atëherë 38% e mësimdhënësve janë përgjigjur se nxënësit janë më produktivë kur dëgjojnë,
ndërsa 62% e mësimdhënësve janë përgjigjur se janë më produktivë kur praktikojnë.
38%
62%Kur dëgjojnë
Kur praktikojnë
Mësimdhënia për të zhvilluar të nxënit aktiv dhe të menduarit kritik
28
Tabela 6. Gjatë mësimdhënies për të zhvilluar të nxënit ndërveprues, a duhet të jeni
më shumë udhëzues apo shpjegues?
Gjatë mësimdhënies, për të zhvilluar të nxënit
ndërveprues, a duhet të jeni më shumë
udhëzues apo shpjegues?
Përgjigjet Përqindja
Udhëzues. 29 58%
Shpjegues. 21 42%
Gjithsej 50 100%
Grafiku 6.
Sa i përket pyetjes më lartë, 58% e mësimdhënësve mendojnë se duhet të jenë
udhëzues dhe 43% mendojnë se duhet të jenë shpjegues.
58%
42%
Udhëzues
Shpjegues
Mësimdhënia për të zhvilluar të nxënit aktiv dhe të menduarit kritik
29
Tabela 7. Çfarë mendoni se duhet të bëjnë mësimdhënësit për të krijuar mendimtarë
kritikë?
Çfarë mendoni se duhet të bëjnë mësimdhënësit
për të krijuar mendimtarë kritikë?
Përgjigjet Përqindja
T’i nxisin që t’i sfidojnë mendimet\idetë e të
tjerëve, përfshirë edhe mësimdhënësin.
48 96%
T’i nxisin që të mendojnë sikur të tjerët apo
edhe sikur mësimdhënësi.
2 4%
Gjithsej 50 100%
Grafiku 7.
Në pyetjen e parashtruar më lartë, 96% e të anketuarve janë përgjigjur se nxënësit
për të qenë mendimtarë kritik duhet të jenë sfidues të mendimeve dhe ideve të të tjerëve,
ndërsa 4% janë përgjigjur se ata duhet të mendojnë si të tjerët apo si mësimdhënësi.
96%
4%
T’i nxisin që
t’i sfidojnë mendimet\idetë e të
tjerëve, përfshirë edhe
mësimdhënësin
T’i nxisin që të mendojnë sikur të
tjerët apo edhe sikur
mësimdhënësi
Mësimdhënia për të zhvilluar të nxënit aktiv dhe të menduarit kritik
30
Tabela 8. Sa ndikon puna bashkëvepruese nëmësimnxënie?
Sa ndikon puna bashkëvepruese në
mësimnxënie?
Përgjigjet Përqindja
Shumë. 41 82%
Mesatarisht. 9 18%
Pak. 0 0%
Aspak. 0 0%
Gjithsej 50 100%
Grafiku 8.
Lidhur me atë se sa ndikon puna bashkëvepruese në mësimnxënie, 82%
emësimdhënësve mendojnë se ndikon shumë; 18% prej tyre mendojnë se ndikon
mesatarisht, ndërsa pak dhe aspak nuk mendon asnjë pjesëmarrës.
82%
18%
0%
0%
Shumë
Mesatarisht
Pak
Aspak
Mësimdhënia për të zhvilluar të nxënit aktiv dhe të menduarit kritik
31
Tabela 9. Sa ndikon shprehja e lirë e mendimit në zgjerimin e njohurive?
Sa ndikon shprehja e lirë e mendimit në
zgjerimin e njohurive?
Përgjigjet Përqindja
Shumë. 35 69%
Mesatarisht. 14 27%
Pak. 2 4%
Aspak. 0 0%
Gjithsej 50 100%
Grafiku 9.
Mendimet rreth asaj se a ndikon shprehja e lirë e mendimit në zgjerimin e
njohurive, mësimdhënësit janë përgjigjur në këtë mënyrë: 69% prej tyre mendojnë se
ndikon shumë; 27% prej tyre mendojnë se ndikon mesatarisht; 4% prej tyre mendojnë se
ndikon pak, ndërsa prej atyre që mendojnë se shprehja e lirë e mendimit nuk ndikon aspak
në zgjerimin e njohurive, nuk ka.
69%
27%
4%
0%
Shumë
Mesatarisht
Pak
Aspak
Mësimdhënia për të zhvilluar të nxënit aktiv dhe të menduarit kritik
32
Tabela 10. Sa ndikon përfshirja apo angazhimi gjatë mësimit në të kuptuarit e
nxënësve?
Sa ndikon përfshirja apo angazhimi gjatë
mësimit në të kuptuarit e nxënësve?
Përgjigjet Përqindja
Shumë. 38 76%
Mesatarisht. 12 24%
Pak. 0 0%
Aspak. 0 0%
Gjithsej 50 100%
Grafiku 10.
Në pyetjen e mësipërme, 76% e mësimdhënësve janë përgjigjur se ndikon shumë;
24% prej tyre janë përgjigjur se ndikon mesatarisht dhe asnjë mësimdhënës nuk mendon se
përfshirja gjatë mësimit ndikon pak apo aspak në të kuptuarit e nxënësve.
76%
24%
0%
0%
Shumë
Mesatarisht
Pak
Aspak
Mësimdhënia për të zhvilluar të nxënit aktiv dhe të menduarit kritik
33
6. DISKUTIMI
Mësimdhënia është një profesion i artë, por që kërkon shumë përgjegjësi,
veçanërisht në ditët e sotme, ku kërkohet njohuri shumë më shumë,ngase arsimi po
evoluon shpejt, prandaj që nxënësit të jenë një hap me kohën, duhet patjetër të nxënë me
logjikë, të kenë mendime të pavarura, të jenë krijues, kritikë.
Edhe qëllimi i këtij punimi ka qenë diskutimi rreth kësaj çështjeje, diskutimi rreth
mënyrës se si të arrijmë të kemi një mësimdhënie produktive; të flitet rreth asaj se sa janë
mësimdhënësit të vetëdijshëm se nxënësi duhet të jetë në qendër, se nxënësit duhet të
zhvillojnë aftësitë e të menduarit dhe kjo arrihet me udhëheqjen e duhur të
mësimdhënësve. Sipas të dhënave nga literatura, kërkimeve të ndryshme dhe nga rezultatet
e nxjerra nga ky punim arrihet në përfundim se, që të zhvillohet një mësimnxënie e
suksesshme, duhet patjetër të ketë bashkëveprime në mësimdhënie, duhet që
mësimdhënësit të jenë, jo vetëm shpjegues, por edhe udhëzues, duhet të krijohen mundësitë
që nxënësit të praktikojnë ato që i mësojnë, sepse lidhja e teorise me praktikën ndikon në të
nxënët aktiv dhe afatgjatë, qëështë një ndër qëllimet kryesore të mësimdhënies
bashkëkohore. Nxënësit duhet vazhdimisht të inkurajohen që të jenë pjesmarrës aktivë, në
mënyrë që të krijohet një mjedis ndërveprues për stimulimin e mbajtjes mend më gjatë.
Duke pasur parasysh se ligjërimi vetëm nga ana e mësimdhënësit nuk ka treguar
sukses te nxënësit, ngase informacioni është “fshirë” nga kujtesa më shpejt sesa është
marrë, atëherë, patjetër që duhet të zhvillojmë një mësimdhënie ndryshe, duhet të përdoren
mjete teknike vizuale, auditive, të përdoren teknika të ndryshme, të përfshihen nxënësit në
mësim dhe çdo gjë tjetër që e mundëson zhvillimin e të mësuarit interaktiv, për ta ngritur
arsimin më lartë.
Mësimdhënia për të zhvilluar të nxënit aktiv dhe të menduarit kritik
34
7. PËRFUNDIMI DHE REKOMANDIME
7.1. Përfundimi
Në këtë punim trajtuam çështjen e të mësuarit aktiv dhe të menduarit kritik, si një
ndër kërkesat apo nevojat më të mëdha, me të cilat ballafaqohet arsimi. Qëllimi kryesor
ishte të vihet në pah efekti i angazhimit të nxënësve në mësim, të vihet në pah ndikimi i
shprehjes së lirë të nxënësve si udhë, e cila dërgon drejt zhvillimit të të menduarit kritik, ku
nxënësit do të mendojnë me “kokën e tyre”, ku ata do të jenë të lirë të japin ide e t’i
sfidojnë mendimet e të tjerëve.
Duke u bazuar në literaturën e përdorur dhe, poashtu, në rezultatet e nxjerra nga
hulumtimi, mund të themi se qasjet aktive të mësimdhënies i përfshijnë nxënësit në mësim
dhe ua “imponojnë” atyre përgjegjësinë e të mësuarit. Në bazë të rezultateve, kemi arritur
në përfundim se teknologjia luan një rol me rëndësi në krijimin e mjediseve ndërvepruese
të të nxënit, pra është njëri ndër faktorët me rëndësi në këtë drejtim, sepse krijimi i
kushteve me pajisje teknologjike të nevojshme për arsimim, ndikojnë pozitivisht në lidhjen
e teorisë më praktikën, pra me konkretizimin e njësive mësimore, gjë që shpie drejt
zhvillimit të produktivitetit në të mësuar. Në mënyrë që te nxënësit ta ngrisim shkallën e të
kuptuarit gjatë procesit mësimor, konkludojmë se ndikon edhe përfshirja apo angazhimi
maksimal i tyre, se shprehja e lirë e mendimit i dërgon ata drejt zgjerimit të njohurive, që
mësimdhënësit duhet të jenë udhëzues e jo vetëm ligjërues, e të bashkëpunojnë me
nxënësit, sepse ajo është mënyra më efektive që nxënësit të përvetësojnë njohuri.
Po ashtu,është me rëndësi që të zhvillohet një mësimdhënie e qartë dhe e
llojllojshme, në mënyrë që te nxënësit të mos krijohet monotoni dhe ky proces t’u jep
kënaqësi, duke theksuar edhe atë se, secili nga nxënësit, duhet të përshtatet dhe të ketë
rolin e tij në mësimnxënie.
Mësimdhënia për të zhvilluar të nxënit aktiv dhe të menduarit kritik
35
7.2. Rekomandime
Rekomandime për mësimdhënësit:
-Rekomandohet të përdorin sa më shumë strategji dhe teknika ndërvepruese dhe që
të inkurajojnë pjesëmarrjen e nxënësve në mësim;
-Rekomandohet që të përdorin sa më shumë pyetje, në mënyrë që ta stimulojnë
diskutimin dhe të marrin sa më shumë përgjigje nga ana e nxënësve;
-Duke qenë se qëllimi është të arsimojmë nxënës krijues, atëherërekomandohet që
mësimdhënësit nuk duhet vetëm t’u shpjegojnë ato që ata duhet t’i dijnë, por duhet ta
sfidojnë mënyrën e tyre të të menduarit, të marrin nga ata ide të ndryshme;
-Rekomandohet që mësimdhënësit të përgatisin një plan të mirëfilltë, duke u bazuar
në nevojat e nxënësve, të mendojnë se ku kanë nxënësit më shumë ngecje, gjë e cila ndikon
në mospjesëmarrjen e tyre në mësim dhe lidhur me këtë, të zhvillojnë aktivitete që u
përshtaten atyre që edhe ata të përfshihen;
-Rekomandohet që mësimdhënësit të ndjekin vazhdimisht trajnime dhe t’i ndjekin
hulumtimet dhe botimet e fundit, në mënyrë që edhe ata të zhvillohen vazhdimisht, të jenë
të vetëdijshëm për risitë që kërkon bota, në mënyrë që t’i transmetojnë ato risi te nxënësit,
dhe ta realizojnë mësimin në përputhje me to, dhe të ecin bashkë me kohën.
Rekomandime për MASHT-in dhe drejtorët e shkollave:
-Meqenëse teknologjia ndikon si një platformë për të zhvilluar mendimin kritik dhe
krijues, atëherë rekomandohet edhe sigurimi i të gjitha mjeteve teknologjike shkollore, të
cilat janë të nevojshmë për të zhvilluar orën mësimore dhe të cilat ndikojnë pozitivisht në
pjesëmarrjen aktive të nxënësve.
Mësimdhënia për të zhvilluar të nxënit aktiv dhe të menduarit kritik
36
8a. REZYME
Mësimdhënia ndërvepruese është çelësi për të zhvilluar një nxënie aktive dhe të
menduarit kritik. Ajo i inkurajon dhe pret nga nxënësit që të përfshihen në mësim, i
stimulon ata për të bërë pyetje, qëështë hapi kryesor që i shtyen nxënësit drejt të menduarit.
Kjo mënyrë e të mësuarit u siguron nxënësve një gamë të gjerë informacioni dhe në
këtë mënyrë tek ata kultivohet të mësuarit e pavarur.Të gjitha teknikat, metodat dhe
strategjitë bashkëkohore e lehtësojnë procesin e mësimnxënies, i shtyejnë nxënësit që t’i
praktikojnë aftësitë dhe të zgjidhin problemet. Pra, kemi përfunduar se të mësuarit aktiv u
mundëson nxënësve të mos jenë vetëm dëgjues. por edhe veprues, u krijon atyre mundësi
të mësojnë në mënyrë produktive dhe në të njëjtën kohë të argëtohen.
Prandaj, është më se e nevojshme që të zhvillojmë një mësimdhënie ndërvepruese,
në mënyrë që te fëmijët të zhvillohet të menduarit kritik dhe të nxënit aktiv, si faktorë të
domosdoshëm në mësimdhënien bashkëkohore.
Mësimdhënia për të zhvilluar të nxënit aktiv dhe të menduarit kritik
37
8b. SUMMARY
Interactive teaching is the key to developing active learning and critical thinking, it
encourages and expects students to be involved in learning; stimulates them to ask
questions which is the main step that pushes students towards thinking.
This way of learning provides students with a wide range of information and in this
way they cultivate independent learning.All contemorary techniques, methods and
strategies facilitate the learning process, push students to practice skills and solve
problems. So, we concluded that active learning enables students to be not only listeners
but also doers, enables them to learn productively and at the same time to have fun.
Therefore, it is more than necessary to develop interactive teaching, in order for
children to develop critical thinking and active learning, as necessary factors in
contemporary teaching.
Mësimdhënia për të zhvilluar të nxënit aktiv dhe të menduarit kritik
38
LITERATURA
1. Brookfield, S. D. (2012). Teaching for Critical Thinking: Tools and Techniques to
Help Students Question their Assumptions. San Francisco: Jossey Bass.
2. Cachia, R., Ferrari, A., Ala-Mutka, K.& Punie, Y. (2010). Creative Learning and
innovative teaching; Final Report on the Study on Creativity and Innovation in
Education in the EU Member states. ResearchGate , 62.
3. Crawford, A., Saul, W. E., Mathews, S. & Makinster, J. (2005). Teaching and
learning strategies for the thinking classroom. New York: The International Debate
Education Association.
4. Dhand, H. (2008). Techniques of Teaching. New Delhi: APH Publishing.
5. Dufour, R., Dufour, R., Eaker, R. & Many, T. (2013). Learning by doing:A
Handbook for Professional Learning Communities at Work TM. United States:
Solution Tree Press.
6. Farmer, S. L. (1999). Cooperative Learning Activities in the Library Media Center.
Westport: Libraries Unlimited.
7. Felder, R. M. & Brent, R. (2009). Active learning: an introduction. ResearchGate ,
6.
8. Fisher, R. (2005). Teaching children to learn. Cheltenham: Nelson Thornes Ltd.
9. Garo, S. (2013). Teoria dhe praktika e mësimdhënies. Tiranë: Albania University
Press.
10. Gillies, R. M. (2007). Cooperative Learning: Integrating Theory and Practice.
Thousand Oaks: SAGE Publications.
11. Kishore, P. N. & N, A. (2017). An Introduction to Active Learning Strategies. New
Delhi: Educreation Publishing.
12. Knirk, F. G. (1979). Designing Productive Learning Environments. New Jersey:
Educational Technology Publications.
13. Kochhar, K. S. (1985). Methods and Techniques of Teaching. New Delhi: Sterling
Publishers.
Mësimdhënia për të zhvilluar të nxënit aktiv dhe të menduarit kritik
39
14. Koleva, I., Efe, R., Kostova, Z. B.& Atasoy, E. (2015). Education in the 21st
Century: Theory and Practice. Sofia: ST. KLIMENT OHRIDSKI UNIVERSITY
PRESS.
15. Konopka, C. L., Adaime, M. B.& Mosele, P. H. (2015). Active Teaching and
Learning: Some Considerations. Scientific Research .
16. Larkley, J. E.& Maynhard, V. B. (2008). Innovation in Education. New York:
Nova Science Publishers.
17. Lin, Y. (2018). Developing Critical Thinking In EFL classes: An Infusion
Approach. Singapore: Springer Nature.
18. Moore, D. R.& Moore, A. M. (2004). Active Teaching and Learning Strategies:
Creating a Blueprint for Success. Victoria: Trafford Publishing.
19. Murugesan, V. (2019). Modern Teaching Techniques in Education. Educational
Technology in Teacher Education in the 21st Century (p. 8). Coimbatore:
ResearchGate.
20. Musai, B. (2003). Metodologji e mësimdhënies. Tiranë: ALBGRAF.
21. Musai, B. (1999). Psikologji edukimi: zhvillimi, të nxënët, mësimdhënia. Tiranë:
PEGI.
22. Nuredini, V. (2008). Teoria e mësimit: me nxënësin-studentin në qendër. Prishtinë:
FSDEK.
23. Orhani, Z. (2010). Psikologjia konjitive. Tiranë: Vllamasi.
24. Periala, D. (2008).Psikologji edukimi. Tiranë: UFO Press.
25. Salihu, L., Zabeli, N.& Hoti, D. (2006). Të drejtat e fëmijës dhe etika e
mësimdhënësit.Prishtinë: Qendra për Arsim e Kosovës (KEC).
26. Seifert, K. & Sutton, R. (2009). Educational Psychology. Florida: University Press
of Florida.
27. Senthamarai, S. (2018). Interactive teaching strategies. ResearchGate .
28. Toolkit, M. (2018). Teacher Clarity. JCPS.
Burime nga Interneti:
1. Rodriguez, B. (2018, Shtator 6). Active learning vs. passive learning: What’s the
best way to learn? Retrieved Prill 2020, from Classcraft:
Mësimdhënia për të zhvilluar të nxënit aktiv dhe të menduarit kritik
40
https://www.classcraft.com/blog/features/active-learning-vs-passive-learning/
2. Nayler, J. (2020, Mars 23). Productive teaching: A central element in achieving
excellence in education. Retrieved Prill 2020, from Catholic Schools Guide:
https://catholicschoolsguide.com.au/catholic-education-featured-articles/achieving-
excellence/productive-teaching/
3. Cambridge Assessment International Education. (n.d.). Retrieved Nëntor 14, 2020,
from Getting started with Active Learning:https://www.cambridge-
community.org.uk/professional-development/gswal/index.html
Mësimdhënia për të zhvilluar të nxënit aktiv dhe të menduarit kritik
41
CV E SHKURTËR E KANDIDATES
Informatat personale
Emri dhe Mbiemri Dafina Pnishi
Datëlindja 11.8.1998
Gjinia F
Nr. Personal 1240720627
Të dhënat kontaktuese
Numri i telefonit 049-775-574
Adresa Gjakovë/Meje- “Martirët e Mejes”
Email [email protected]
Të dhënat e kualifikimit
Shkolla e mesme e lartë “Kadri Kusari” – Gjakovë.
Drejtimi: Kontabilitet.
Universiteti “Fehmi Agani”- Gjakovë.
Fakulteti Fakulteti i Edukimit.
Programi: Fillor.
Statusi E rregullt.
Nr. ID 160101020
Mësimdhënia për të zhvilluar të nxënit aktiv dhe të menduarit kritik
SHTOJCA A
Pyetësor për mësimdhënës
Fillimisht, ju falenderojmë për kohën që do ta ndani për plotësimin e këtij
pyetësori. Ky pyetësor na nevojitet që të mbledhim të dhëna rreth zhvillimit të të menduarit
kritik dhe për të nxënit aktiv. Të dhënat do të jenë konfidenciale dhe nuk do të përdoren
për qëllime tjera, gjithashtu do të sigurohet anonimiteti i subjekteve të përfshirë në
hulumtim.
1. Sa ndikon lidhja e teorisë me praktikën në të nxënët aktiv dhe afatgjatë?
a) Shumë. b) Mesatarisht. c) Pak. d) Aspak.
2. Sa ndikon teknologjia në krijimin e mjediseve ndërvepruese të të nxënit?
a) Shumë. b) Mesatarisht. c) Pak. d) Aspak.
3. A ndikojnë aktivitetet e ndryshme në klasë në përshtatjen e stileve të ndryshme të të
nxënit?
a) Po. c) Jo.
4. A mësojnë nxënësit më shumë me mësuesin apo nga mësuesi?
a) Me mësuesin b) Nga mësuesi
5. Kur janë nxënësit më produktivë?
a) Kur dëgjojnë. b) Kur praktikojnë.
6. Gjatë mësimdhënies, për të zhvilluar të nxënit ndërveprues, a duhet të jeni më shumë
udhëzues apo shpjegues?
a) Udhëzues. b) Shpjegues.
Mësimdhënia për të zhvilluar të nxënit aktiv dhe të menduarit kritik
7. Çfarë mendoni se duhet mësimdhënësit të bëjnë për të krijuar mendimtarë kritikë?
a) T’i nxisin që t’i sfidojnë mendimet\idetë e të tjerëve, përfshirë edhe
mësimdhënësin.
b)T’i nxisin që të mendojnë si të tjerët apo sikur mësimdhënësi.
8. Sa ndikon puna bashkëvepruese në mësimnxënie?
a) Shumë. b) Mesatarisht. c) Pak. d) Aspak.
9. Sa ndikon shprehja e lirë e mendimit në zgjerimin e njohurive?
a) Shumë. b) Mesatarisht. c) Pak. d) Aspak.
10. Sa ndikon përfshirja apo angazhimi gjatë mësimit në të kuptuarit e nxënësve?
a) Shumë. b) Mesatarisht. c) Pak. d) Aspak.
Mësimdhënia për të zhvilluar të nxënit aktiv dhe të menduarit kritik
LISTA E TABELAVE
Tabela 1. Sa ndikon lidhja e teorisë me praktikën në të nxënët aktiv dhe afatgjatë?
Sa ndikon lidhja e teorisë me paktikën në të
nxënët aktiv dhe afatgjatë?
Përgjigjet Përqindja
Shumë. 31 62%
Mesatarisht. 16 32%
Pak. 3 3%
Aspak. 0 0%
Gjithsej 50 100%
Tabela 2. Sa ndikon teknologjia në krijimin e mjediseve ndërvepruese të të nxënit?
Sa ndikon teknologjia në krijimin e mjediseve
ndërvepruese të të nxënit?
Përgjigjet Përqindja
Shumë. 22 44%
Mesatarisht. 25 50%
Pak. 2 4%
Aspak. 1 2%
Gjithsej 50 100%
Tabela 3. A ndikojnë aktivitetet e ndryshme në klasë në përshtatjen e stileve të
ndryshme të të nxënit?
A ndikojnë aktivitetet e ndryshme në klasë në
përshtatjen e stileve të ndryshme të të nxënit?
Përgjigjet Përqindja
Po. 50 100%
Jo. 0 0%
Gjithsej 50 100%
Mësimdhënia për të zhvilluar të nxënit aktiv dhe të menduarit kritik
Tabela 4. A mësojnë nxënësit më shumë me mësuesin apo nga mësuesi?
A mësojnë nxënësit më shumëme mësuesin apo
nga mësuesi?
Përgjigjet Përqindja
Me mësuesin. 27 54%
Nga mësuesi. 23 46%
Gjithsej 50 100%
Tabela 5. Kur janë nxënësit më produktivë, kur dëgjojnë apo kur praktikojnë?
Kur janë nxënësit më produktivë, kur dëgjojnë
apo kur praktikojnë?
Përgjigjet Përqindja
Kur dëgjojnë. 19 38%
Kur praktikojnë. 31 62%
Gjithsej 50 100%
Tabela 6. Gjatë mësimdhënies për të zhvilluar të nxënit ndërveprues, a duhet të jeni
më shumë udhëzues apo shpjegues?
Gjatë mësimdhënies, për të zhvilluar të nxënit
ndërveprues, a duhet të jeni më shumë udhëzues
apo shpjegues?
Përgjigjet Përqindja
Udhëzues. 29 58%
Shpjegues. 21 42%
Gjithsej 50 100%
Tabela 7. Çfarë mendoni se duhet të bëjnë mësimdhënësit për të krijuar mendimtarë
kritikë?
Çfarë mendoni se duhet të bëjnë mësimdhënësit për
të krijuar mendimtarë kritikë?
Përgjigjet Përqindja
T’i nxisin që t’i sfidojnë mendimet\idetë e të
tjerëve, përfshirë edhe mësimdhënësin.
48 96%
Mësimdhënia për të zhvilluar të nxënit aktiv dhe të menduarit kritik
T’i nxisin që të mendojnë sikur të tjerët apo edhe
sikur mësimdhënësi.
2 4%
Gjithsej 50 100%
Tabela 8. Sa ndikon puna bashkëvepruese në mësimnxënie?
Sa ndikon puna bashkëvepruese në
mësimnxënie?
Përgjigjet Përqindja
Shumë. 41 82%
Mesatarisht. 9 18%
Pak. 0 0%
Aspak. 0 0%
Gjithsej 50 100%
Tabela 9. Sa ndikon shprehja e lirë e mendimit në zgjerimin e njohurive?
Sa ndikon shprehja e lirë e mendimit në
zgjerimin e njohurive?
Përgjigjet Përqindja
Shumë. 35 69%
Mesatarisht. 14 27%
Pak. 2 4%
Aspak. 0 0%
Gjithsej 50 100%
Tabela 10. Sa ndikon përfshirja apo angazhimi gjatë mësimit në të kuptuarit e
nxënësve?
Sa ndikon përfshirja apo angazhimi gjatë
mësimit në të kuptuarit e nxënësve?
Përgjigjet Përqindja
Shumë. 38 76%
Mesatarisht. 12 24%
Pak. 0 0%
Aspak. 0 0%
Mësimdhënia për të zhvilluar të nxënit aktiv dhe të menduarit kritik
LISTA E GRAFIKONEVE
Grafiku 1. Sa ndikon lidhja e teorisë me praktikën në të nxënët aktiv dhe afatgjatë?
Grafiku 2. Sa ndikon teknologjia në krijimin e mjediseve ndërvepruese të të nxënit?
62%
32%
6%
0%
Shumë
Mesatarisht
Pak
Aspak
44%
50%
4% 2%
Shumë
Mesatarisht
Pak
Aspak
Mësimdhënia për të zhvilluar të nxënit aktiv dhe të menduarit kritik
Grafiku 3. A ndikojnë aktivitetet e ndryshme në klasë në përshtatjen e stileve të
ndryshme të të nxënit?
Grafiku 4. A mësojnë nxënësit më shumë me mësuesin apo nga mësuesi?
100%
0%
Po
Jo
54%
46%
Me mësuesin
Nga mësuesi
Mësimdhënia për të zhvilluar të nxënit aktiv dhe të menduarit kritik
Grafiku 5. Kur janë nxënësit më produktivë, kur dëgjojnë apo kur praktikojnë?
Grafiku 6. Gjatë mësimdhënies, për të zhvilluar të nxënit ndërveprues, a duhet të jeni
më shumë… udhëzues apo shpjegues?
Grafiku 7. Çfarë mendoni se duhet të bëjnë mësimdhënësit për të krijuar mendimtarë
kritikë?
38%
62%Kur dëgjojnë
Kur praktikojnë
58%
42%
Udhëzues
Shpjegues
96%
4%
T’i nxisin që t’i sfidojnë mendimet\idetë e të tjerëve, përfshirë edhe mësimdhënësin
T’i nxisin që të mendojnë sikur të tjerët apo edhe sikur mësimdhënësi
Mësimdhënia për të zhvilluar të nxënit aktiv dhe të menduarit kritik
Grafiku 8. Sa ndikon puna bashkëvepruese në mësimnxënie?
Grafiku 9. Sa ndikon shprehja e lirë e mendimit në zgjerimin e njohurive?
Grafiku 10. Sa ndikon përfshirja apo angazhimi gjatë mësimit në të kuptuarit e
nxënësve?
82%
18%
0%0%
Shumë
Mesatarisht
Pak
Aspak
69%
27%
4%
0%
Shumë
Mesatarisht
Pak
Aspak
76%
24%
0%0%
Shumë
Mesatarisht
Pak
Aspak