periódicu escolar 2010
DESCRIPTION
periódicu escritu polos escolinos del C.R.A. Maestro D. José Antonio RoblesTRANSCRIPT
Xunu 2010
Autora : Lidia, 5º cursu
Nu 3
Periódicu escolar L’ESPANTAYU
2
Colegio Rural Agrupado “MAESTRO D. JOSÉ ANTONIO
ROBLES” 33684 CABORANA – ALLER
(Asturias) C/ La Torre, 2
Telfn y fax: 985480663
maestrojrobles@educastur. princast.es
ENTAMU
Esperamos cumplir colos oxetivos y que vos preste.
NUEVU NOME PAL COLEXU: RECONOCIMIENTU A ROBLES.
Nel númberu anterior, nel entamu, una de les escolines pidía qu’el
colexu llevara el nome de una de les persones que se mantién nel
recuerdu mas fondu y vivu pa toa la comunidá educativa d’esti centru,
el mayestru y direutor que lo foi con too’l procuru, dedicación y
profesionalidá, mientres tuvo ente nós, referímonos a José Antonio
Robles, “Robles”, como yera nomáu por compañeros y alumnos. Ye pa
toos una satisfaición saber,que dende’l entamu del presente cursu, esti
colexu pasó a nomase oficialmente:
C.R.A. MAESTRO D. JOSÉ ANTONIO ROBLES
Col nuevu cursu ve la lluz, un añu más, el periódicu escolar del colexu.
L’ESPANTAYU nº 3, que quier ser el muérganu que sirva pa espulizar dalgunes
de les actividaes del cursu, tamién ye una ferramienta didáutica pa motivar a
los escolinos nel usu del llinguax, de la infomática y de les artes plástiques y
por últimu, porque non, un plizquín d’entretenimientu. Tamién informavos
que podéis alcontrar la versión dixital en delles páxines:
http://blog.educastur.es/espantayun3/
http://espantayu3.blogspot.com/
Periódicu escolar L’ESPANTAYU
3
Cola presencia del Conseyeru
d’Educación, l’Alcalde y los
conceyales del Ayuntamientu de
Ayer, la comunidá educativa y la
famila de Robles, fíxose-y un sintíu
actu d’homenaxe. Toles persones
intervinientes remarcaren la figura
de Robles y l’aciertu de pone-y el
so nome al colexu del que durante
tantos años fuere mayestru y
direutor.
Nel trescursu del homenaxe, la
familia, descubrió la placa col nuevu
nome del colexu.
Foi siguíu por tolos presentes con
sentimientu y respetu.
Dende’l diez de setiembre que ficimos un homenaxe a Robles, el colexu
tién el so nome. Enantes yera C.R.A. Río Negro, pero agora dende que
punximos una placa, valnos p’alcordanos toos los diés al cruciar la
puerta, que tuvimos un maestru que siempre s’ocupó de toos nosotros,
que tuviere too preparáu pales clases y de que, a poder ser, fuere el
meyor colexu posible cada día. Recordámoslu muncho y ye prestoso ver
esa placa lo primeru al llegar cada mañana.
Johana, alumna de 6º.
Periódicu escolar L’ESPANTAYU
4
AMAGÜESTU 09
Cola seronda llegó la fiesta que
tantu nos presta nestes feches. El día
10 de payares cellebramos
l’amagüestu. Esa amiga que tantes
veces nos acompaña n’Asturies, la
lluvia, vino visitanos y tuvimos que
facer delles actividaes a techu pa nun
moyanos.
Solís, el profe, magostó les castañes
qu’aportamos los neños pa la fiesta.
Comímosles y taben bién riques. ¡Había
cola pa garrar el cucuruchu!.
Tres neños del colexu de Moreda
tocaren la gaita. Ana fizo’l pregón y
leyérenlu: Amanda, Saná y Cecilia.
Mayamos mazanes al estilu tradicional,
colos mayos de madera y na duerna.
Esa magaya prensámosla nel llagar y la
sidra dulce que salió fuimos
tomándola. Taba riquísima y dellos
collacios tomaron bastantes vasos
della.
Pa finar ficimos colos de Moreda la
danza prima. Llueu colamos pa los
pueblos contentos por haber pasáu un
dia de fiesta tan guapu toos xuntos.
Escolinos de Santibanes.
Periódicu escolar L’ESPANTAYU
5
FUIMOS A LA ÓPERA
Allá pol mes de payares tamién
participamos nun espectáculu
d’opera. Foi nel teatru Vital Aza de
Pola Lena. Una compañía
d’actores representárennos la
obra: “Elixir d’amor”, de Gaetano
Donizetti.
L’argumentu diba explicándonoslu
una presentadora y los actores
cantaben n’italianu. En resume,
yera la hestoria de Aldina, Belcor y
Nemorino. Nemorino quería
consiguir l’amor d’Aldina y pa ello
tomó un elixir o filtru amorosu,
que nun yera más que vinu. Pasó,
lo normal, que garró una
borrachera curiosa y Aldina fixóse
en Belcor que-y paeció meyor
pareya.
Esta trama teníanos mui atentos
pa ver cómo acababa’l enriedu.
Aldina diba casase con Belcor,
pero Nemorino vuelve tomar otra
dosis del supuestu elixir y entama
a cantar “Una furtiva lácrima” y
por mor del “filtru amorosu”, trata
a Aldina con cierta indiferencia, lo
que fae qu’ésta s’encapriche d’él y
declare-y’l so amor. Estes coses
que finen bien siempre nos
presten munchu polo que
aplaudimos xenerosamente y
guardamos un recuerdu perbono.
Escolinos de Boo.
Periódicu escolar L’ESPANTAYU
6
NAVIDÁ 09
El 22 d’avientu de 2009, cellebramos en Caborana, el festival de Navidá. Les actividades ficímosles na Xunta d’Iniciatives.
Depués de los retoques obligaos nos traxes y de los caberos ensayos, entamaron les obres que fuimos preparando los díes anteriores, yera’l momentu de demostrar les dotes artístiques, bién ye verdá que cola mente un pocoñín nes vacaciones y nos Reis Magos d’Oriente.
Les obres saliérennos perbién, Pel escenariu fueren desfilando tou tipu d’espectáculos: obres de teatru, bailles, villancicos. Tamién tou tipu de personaxes: anxelinos, pastores, futbolistes… y animalinos variaos: cascoxos, esguiles, raposos, osos y coneyos…Pero como ye normal nestos díes el papel principal foi palos consabíos romanos, Los Reis Magos y Xesús, Xosé y María, arropaos de anxelinos y pastores.
Pa finar tuvimos la visita del Principe Aliatar que recoyó les cartes de los pequeñinos y el repartu del revoltixo.
Periódicu escolar L’ESPANTAYU
7
L’ ANTROXU ÉTNICU.
Allá pol 19 de febreru
cellebramos la gran fiesta de
l’Antroxu. Esti añu díbamos
amazcaraos como dalgunos de
los pueblos que hai pol mundu
alantre: mexicanos, escoceses,
maorís, brasileños, hindús. Pola
mañana fuimos pala Xunta
d’Iniciatives, ellí entamamos a
desfilar y a poner n’escena los
espectáculos que teníemos
preparaos: teatru y bailles.
Nesta foto tamos los escoceses
col monstruu del llagu Ness en
plena actuación.
Los Maorís de Santibañez causaren
sensación, el toque más orixinal foi
cuando demostramos les habilidaes
de surferos.
México colos, ponchos y los sombreros,
taba perbién representáu polos más
pequeñinos, na páxina siguiente pué
vése’l remangu pa llevar les faldes y eses
trences, o nel so casu bigotes y barbes,
como sacáes de les meyores películes
de Jhon Waine, nel oeste americanu.
Periódicu escolar L’ESPANTAYU
8
Ehí tamos sacando lo meyor de nós nel
escenariu, perguapos y metíos nel
papel.
Llueu tocónos a los samberos
brasileños. El segundu ciclu de Ca-
Borana actuó a ritmo de maraca y
xiblatu.
Los hindús de Boo en plenu desfile
LLueu prendímos-y fueu al moñecu pa
quemar lo vieyo y apostar por un
futuru meyor.
Col chocolate con bizcochos y el baille de
la escoba despidimos l’Antroxu.
¡Pasámoslo perbién! Agora a pensar qué
facemos pal añu que vién.
Escolinos de Santibanes.
Periódicu escolar L’ESPANTAYU
9
CONCIERTU D’INGLÉS
El día 8 de febrero, viaxamos a
Xixón los escolinos de 6º cursu
p’asistir al conciertu d’inglés.
Fuimos los de Caborana,
Moreda, Boo y Santibanes.
El conciertu yera n’inglés y
prestónos muncho dir.
Cantamos munches canciones y
taba ellí el creador de les
canciones del llibru d’inglés.
L’autor de les canciones
mantúvonos mui atentos y fízonos
querer, un pocu más, ésta llingua
tan necesaria pal nuesu futuru.
Escolinos de 6º de Caborana.
Periódicu escolar L’ESPANTAYU
10
LA ÑEVE
El 22 de febreru fuimos pala ñeve
a esquiar a Fontes d’Iviernu. Amás
de los de Caborana, tamién
fueron los neños de Boo,
Santibanes, Santa Ana, Bello,
Collanzo y Pelúgano. Na mas
llegar, depués de tirános boles de
ñeve, diérennos unes botes
d’esquí, un chalecu, un cascu y los
esquís.
Los monitores pusierennos per
grupos y llevárennos pal telesilles
que foi perguapu. Deprendimos a
esquiar, más o menos, y a nun
tener miéu a cayer porque la ñeve
ta blandina.
Enseñárennos a poner y quitar los
esquís. Ficimos exercicios
d’equilibriu y tuvimos esquiando
un buen cachu, pasándolo perbién
colos monitores d’esquí. Dempués
fuimos pal bar pa reponer furcies
comiendo dalgo. Por últimu
enantes de colar, dierennos un
diploma, con nota y too. Na más
pudimos dir los de 4º, 5º y 6º,
pero ¡pasámoslo perbién!. Pa
munchos de nós foi el ¡meyor día
l’añu! ¡Hai que repetir!
Escolinos de 4º,5º y 6º de Caborana.
Periódicu escolar L’ESPANTAYU
11
El dia 30 de abril cellebramos la
fiesta del DÍA DE LE LLETRES
ASTURIANES. Los díes anteriores
habíamos lleído na clas munchos
poemes n’asturianu. LLue
diéronnos a caún un poema pa que
elixéramos la pallabra que nos
paeciera más prestosa y que la
tresformáramos en casa, colos pás,
na nuesa obra artística. Como lo
que nos sobra ye creatividá, per ellí
apaecieren tou tipo de pallabres
coles lletres tresformaes en flores,
animales, frutes, etc. Lo que más
nos prestó foi pintales colos
collacios y los profes na muria’l
colexu.
Esti trabayu ficímoslu por grupos
depués d’esbillar ente nós les
pallabres que díbemos pintar.
Tuviémos la ayuda de Ximnásticu de
Caborana que nos consiguieren
pintures, pinceles y nos prepararen
toos los materiales pa trabayar.
Tamién conocimos,esi dia, al meyor
grafiteru d’Asturies, a César, de
nome artísticu, Septimo Crío. César
fizo’l el retratu de Robles colos
espráis. Séptimo Crío, regalo-y al
colexu la so obra que, como se pue
ver, ye impresionante, como toles
qu’él fae.
Esta obra ta espuesta na entrada’l
colexu. LLueu firmónos les tazes que
nos dieren de recuerdu.
DIA DE LES LLETRES
Periódicu escolar L’ESPANTAYU
12
Como en toa bona fiesta, hubo
bona música durante toes les
actividades y dalgo que xintar.
Les casadielles que nos dieren
taben riquísimes y por últimu
baillamos la danza prima colos
del colexu de Moreda.
Depués los escolinos de Boo y
Santibanes garraron el autobús
pa dir pa los pueblos.
Esta actividá tién un blog nel que
podemos dexar comentarios y
que nos sirve de recuerdu desti
día inolvidable pa tolos que
participamos d’ella. La direición
ye:
http://blog.educastur.es/pallabresprestoses
Coles “pallabres prestoses”
fízose una esposición que ta
colgada na planta baxa al llau
de la biblioteca.
Más pallabres pintaes na
muria
Escolinos del C.R.A. Maestro D. Jose
Antonio Robles.
Periódicu escolar L’ESPANTAYU
13
El día ventiún de mayu ficimos una salida
educativa a los museos de Xixón: Nicanor
Piñole y Xovellanos.
Bien ceo punxiérense en funcionamientu los
autobuses pa dir garranos polos pueblos y
dende Caborana, aniciar el viaxe pa Xixón toos
xuntos. ¡El viaxe siempre ye prestosu!.
A los de primer ciclu tocónos el de Piñole y los
del segundu y terceru’l Xovellanos. Cuando
aportamos taben esperándonos les monitores
pa enseñánoslo tou y esplicanos delles
téuniques pictóriques. Ficiemos talleres y
punxímonos manes a la obra coles enseñances
que deprendimos d’elles.
Dalgún día puen tar les nuestres obres colgaes
per una d’estes parees, nunca se sabe,
nosotros pusimos tool procuru en facer una
obra artística del altor necesariu pal momentu
Depués de trabayar, reponer fuercies delantre
la casa natal de Xovellanos.
Llueu garramos pal C.P.R. de Xixón, onde teníen
fecha una esposición perinteresante de los
inventos de Leonardo da Vinci : fornos, máquines
pa la guerra, dragues, artiluxos pa volar….
Depués fuimos xintar a un merenderu. Como´l
día taba soleyeru pasámoslo perbién xugando y
comiendo’l xeláu. A lo cabero tornamos pa
Caborana y los pueblos otra vegada nel autobús.
¡Hai que repetir!. Escolinos de Boo.
ESCURSIÓN A LOS MUSEOS
DE XIXÓN
Periódicu escolar L’ESPANTAYU
14
SUPLEMENTU LLITERARIU: Cuentos curtios.
HESTORIES DE SANTIBANES
Cuando zarró la mina L’Escalar,
la xente foi colando pa buscase’l cocíu
y munchos mozos morrieron mui
xóvenes por culpa la silicosis,
enfermedá que garraron trabayando
na mina. El pueblu ta quedando vacíu.
Ya nun queda dengún chigre, denguna
tienda y nun tardando zarraremos la
escuela.
Sonia 2º, Santibanes.
¡Probe del mio pueblu!. Fai
munchos años el mio pueblu, que ye
Santibanes, yera perimportante. Cuando
funcionaba la mina de carbón de
L’Escalar, habia muncha xente d’equí y
de fuera: gallegos, portugueses y d’otres
comunidaes. Lo que más había
yeren gallegos, porque fueron los que
fixeron la carretera hasta L’Escalar. Había
siete chigres, dalgunos con comerciu y
enllenábense toos los díes y los
domingos había baille. Venía xente de
tool conceyu y del conceyu vecín de
Mieres, subíen nel autobús, que equí
nomamos “la llínea”, y coles bicicletas
montaes na baca, pa dempués baxar pela
nueche. Enantes nun había perres pa
comprar coche y toa la xente diba en
bicicleta.
Había tamién munchos neños y
neñes na escuela, más de cuarenta
guah.es y otres tantes neñes.
Cuando entraben na escuela,
sentábense en bancu por orde d’edá,
esperando que dalgún guah.e dexara la
escuela, bien pola edá o porque tuviere
que trabayar p’ayudar a sos pás, porque
nun había mesa pa toos. Los neños taben
nel aula d’abaxu y les neñes nel
d’enrriba.
Periódicu escolar L’ESPANTAYU
15
CAPIELLÍN ENCARNÁU
Capiellín taba xugando a la consola cuando
so pá llamólu y Capiellín contesto-y:
-Espera que guarde la partida, baxo en cinco
minutinos.
El pá díxo-y:
- Veti a ca to güelu a lleva-y esti tarrín de miel
y esta botellina güisqui.
Capiellín foi garrar la moto, pero nun
s’alcordaba que pinchara la rueda nel campu.
Capiellín entamó’l viaxe y a la metá del camín
paróse a robar dalgo fruta. De sópitu, salíó
l’ama la fruta, que yera la Lloba, y entrugo-y:
- ¿Por qué me robes la fruta?.
A lo que-y respondió:
-Pa llevar pal camín, que ye perllargu. Voi ver
a mio güelín que ta malu y vive al finar la
viesca.
La lloba engañolu y díxo-y que fuere
pol camín más llargu, mientres ella
garró pol más curtiu col envís de
comer al probe güelu. Cuando allegó
Capiellín al so destín, nesi intre, la
Lloba ya taba preparándose pa
xintar al güelu, pero Capiellín
convencióla pa compartir entre toos
la miel y el güisqui. La Lloba dixo-y:
- Yo nun quería comeme al to güelu,
na más quería quedáme a vivir equí
y ocupáme de to güelín que ta
enfermu.
Y quedóse ellí cuidando d’él y asina
agora Capiellín tenía una güela y un
güelu.
FIN
Johana, 6º curso, Caborana.
Periódicu escolar L’ESPANTAYU
16
El viaxe de Delmo a China
Yérase una vegada un páxaru
asturianu nomáu Delmo que tenía un
amigu en China, de la raza “hornero” y
que atendía’l nome de Chincho.
Delmo, decidió dir a visitalu y tar ellí
un mes, pero enantes quería facer
unes semeyes a la guapa Asturies.
Tuvo tres selmanes sacando-y
semeyes a toa Asturies. Cuando llegó’l
momentu de dir pa China, Delmo nun
podía con toles semeyes qu’había
sacáu, asina que garró les semeyes
más guapes. Na más llevó unes cien
de les qu’había fechu.
El viaxe foi perduru: fundióse nel
oceánu, deprendió chinu, comió
arroz….el viaxe fíxose perllargu
y….¡entovía nun había alcontráu a
Chincho!
Pasó dalgún tiempu y ún de los díes
que taba buscándulu, alcontrólu.
Tuvieron falando y Delmo, enseñó-
y les semeyes. A Chinco prestó-y
tantísimu Asturies que……..¡decidió
venir p’Asturies a vivir!. Presto-y la
forma en que cuidamos Asturies,
les cases antigües, les cascaes, los
ríos colos pexes y….sobre tou, la
xente bona.
Depués mudóse p’Asturies y cunto-
yos a los sos collacios lo maraviyosu
que ye. Diz que tou ye mui verde y
guapu y que ye’l paraisu.
¡Encanto-y!.
Boby, 6º Caborana
Periódicu escolar L’ESPANTAYU
17
SOPA LLETRES.
Nomes d’animales
David Rodriguez, 6º Caborana
C V Z G R U
O E U T A G
N N B P Y O
E A T E O C
Y U H X N H
U R R E P U
EL REQUEXU LA POESÍA
Cuando llega la seronda
canta la xaronca
y el xatu ronca
les fueyes cayen al suelu
y entama’l amagüestu
enllenamos de castañes el cestu
Naiara, 3º Caborana.
La to mano ye la que
garra’l mio corazón y el
mio corazón ye’l que te
espera nel rincón.
Eva, 3º Caborana
PASATIEMPOS
Periódicu escolar L’ESPANTAYU
18
Autor: José María, 5º cursu