panimula
DESCRIPTION
Engineering vs. MathTRANSCRIPT
Ang pagkuha ng kursong inhinyerya ay isa na sa pinaka malaking desisyon na gagawin
ng isang tao sa kanyang buhay dahil ang pagkuha nito ay hindi isang biro. Sa bawat gawa ng
isang inhinyero ay bahagi na sa ating araw-araw na pamumuhay dahil sa napakalaki nitong
kontribusyon sa isang indibidwal at sa ekonomiya ng bansa. Taga plano ng bahay, tulay,
naglalakihang mga gusali, at iba pang mga establisyemento, taga ayos ng elektrisidad, malaki
sahod; mga karaniwang sikat na bansag sa isang inhinyero at syempre hindi mawawala ang
“magaling sa matematika.” Sa pagsasagawa ng isang proyekto, lubos na kinakailangan ang
pantay na sukat, tamang dimensyon, pagaanalisasyon at iba pa. Malaki ang epekto ng
pagkakaroon ng matinik na kaalaman sa asignaturang Matematika dahil ito ang kanilang
pundasyon upang makabuo ng isang matagumpay na proyekto.
Samantala sa tuwing nababanggit ang salitang inhinyerya kakabit na nga nito ang
Matematika. Kung iisipin, magiging malaking sagabal sa isang mag-aaral ang mabagal na pag-
intindi sa mga triks at logic ng Matematika pati sa mga pormulang nakapaloob dito dahil ito ang
isa sa mga puhunan nila para makapagtapos ng pag-aaral. Ngunit hindi lahat ng mag-aaral sa
kursong ito ay kayang mahalin ang Matematika. Kadalasan pa’y kinaiinisan ito dahil nahihirapan
sila ngunit hindi nila napapansin na pilit pa rin nilang inaaral at sinasagutan ito. Kahit na alam
natin na mahirap ang kursong ito marami pa din ang nahuhumaling dito.
Ang asignaturang Matematika ay natural na mahirap dahil sa komplikado nitong mga
aralin na tunay na may kinalaman sa reyalidad ng ating mundo. Ito pa rin ay mahalaga sa atin
kaya dapat matutunan ng bawat isa. Sabi nga ng mga matatanda “Ang lahat ng bagay ay napag-
aaralan.” subukan mo itong pagsanayan at pagtuunan ng pansin, matututunan mo rin. Magiging
mahirap lang ito kung itinanim mo na sa iyong isip na ito’y mahirap at hindi mo kaya. Sa pag-
aaral ng kursong inhinyerya hindi mo kailangan na maging sobrang matalino, hanggat kaya
mong intindihin ang bawat pormula, makinig at matuto ikaw ay magtatagumpay.