osfa - reformakushtetuese.al · 2 buletin i përtremuajshëm // nr. 1 : janar – mars 2014 k...
TRANSCRIPT
Reforma Kushtetuese // Nr. 1 : Janar – Mars 2014 1 Buletin i përtremuajshëm mBi nismën për reformën Kushtetuese.nr. 1 : janar – mars 2014
Momentum për reformë kushtetuesenga andi doBrushidrejtor eKzeKutiv i fondacionit soros
Reforma kushtetuese ka qenë emërues
i përbashkët i një sërë studimesh
empirike dhe analizash të thelluara
kritike të realizuara vitet e fundit nga ana e
Fondacionit Soros në bashkëpunim me part-
nerët e tij, organizatat e shoqërisë civile.
Këto studime e analiza kanë dëshmuar se prob-
lemet që hasen sot në lidhje me parimin e kon-
trollit dhe pavarësisë së pushteteve, me mirë-
funksionimin dhe përgjegjshmërinë e sistemit të
drejtësisë, me aneminë e mbikqyrjes parlamen-
tare ndaj ekzekutivit si dhe dobësimin e rolit të
Presidentit të Republikës, i kanë rrënjët thellë
në parashikimet kushtetuese. Në gjykimin tonë,
këto mangësi nuk mund të riparohen përmes
ndryshimeve në ligje të veçanta, përveçse përmes
një ndërhyrjeje të kujdesshme e tejet profesionale
në ligjin themeltar të vendit, në Kushtetutë.
Nga ana tjetër, besojmë se 16 vite pas hartimit
dhe miratimit të Kushtetutës është krijuar mo-
mentumi për t’u ndalur e për të bërë një analizë
të thelluar të Kushtetutës, për të rishikuar përvo-
jat e akumuluara ndër vite me zbatimin e dispozi-
tave kushtetuese, dështimet dhe ato çfarë mund
të vlerësohen si eksperienca pozitive.
Gjatë kësaj kohe ka patur mjaft zhvillime poli-
tike, ekonomike, sociale, të cilat natyrshëm
shoqërohen edhe me zhvillime të caktuara në
planin juridik. Nevoja të tjera për ndryshimin e
Kushtetutës, mund të shfaqen edhe në kuadrin
e anëtarësimit të Shqipërisë në Bashkimin Evro-
pian. Arsye që përligjin nevojën e ndryshimeve
kushtetuese janë dhe amendimet që iu bënë
Kushtetutës në prill të vitit 2008, ndryshime të
cilat pranohen njëzëri jo vetëm nga opinioni pub-
lik, por edhe nga vetë politika se cënuan sistemin
e balancave dhe kontrolleve reciproke që qën-
dronin në themel të saj.
Kryefjala e këtij procesi është gjithëpërfshirja,
transparenca ku krahas klasës politike duhet të
marrë pjesë shoqëria shqiptare, ekspertët ven-
das e të huaj, si dhe çdo grupim interesi. Nga
ana tjetër, sfida e paraqitur për historinë e vendit
është shumë e rëndësishme për të mos qenë sub-
jekt i një procesi konstruktiv. Përballja me këtë
sfidë është konstante: reforma kushtetuese duhet
të jetë e kapshme për të gjithë qytetarët dhe të
inkurajojnë pjesëmarrje sa më të gjerë.
osfa
2 Buletin i përtremuajshëm // Nr. 1 : Janar – Mars 2014
Kushtetuta e Republikës së Shqipërisë
u miratua me referendum në nën-
tor 1998. Përgjatë këtyre viteve,
Kushtetuta ka pësuar disa ndryshime, për
të cilat jo vetëm ka pasur kundërshtime të
shumta nga partitë e mëdha dhe sidomos të
vogla, por mbi të gjitha nuk është para-
prirë nga një proces diskutimi e konsul-
timi të gjerë me grupet e interesit, nuk
është mbështetur në analiza apo studime
të mirëfillta dhe as ka patur një vullnet
gjithëpërfshirës. Fondacioni Shoqëria e
Hapur për Shqipërinë, Soros në kuadër
së strategjisë katër vjeçare 2014- 2017 në
bashkëpunim me ekspertë të fushës dhe
partnerë të tjerë, ka ndërmarrë nismën për
fillimin e një debati të gjerë publik mbi
nevojën primare që ka vendi për një reformë
rrënjësore kushtetuese.
Rishikimi i Kushtetutës ngërthen një proces
kompleks e delikat dhe lyp një përfshirje e kon-
tribut aktiv të gjithë spektrit politik (brenda dhe
jashtë parlamentit), të shoqërisë civile dhe gru-
peve të interesit. Transparenca dhe gjithëpërf-
shirja duhet të jenë kryefjalët e këtij procesi.
Përveç arritjes së konsensusit të domosdoshëm
politik e parlamentar, Fondacioni:
• do të mbledhë të gjithë grupet e interesit
për të analizuar në mënyrë profesionale
e tejet të kujdesshme Kushtetutën dhe
dobësitë që janë evidentuar gjatë këtyre
viteve;
• do të identifikojë çështjet që duhet të
bëhen objekt i rishikimit kushtetuese si
dhe do të hartojë propozime konkrete për
amendimin e tyre;
• do të gjallërojë debatin publik rreth kë-
tyre çështjeve dhe më e rëndësishmja do
të nxisë opinionin publik në kërkesën për
reformë kushtetuese.
Qëllimi kryesor i nismës është krijimi dhe
drejtimi i një koalicioni me bazë të gjerë ak-
torësh, për të zhvilluar, formësuar dhe ad-
vokuar për reformë kushtetuese, e cila do të
nxisë Shqipërinë drejt krijimit të “një shteti
institucionesh” dhe jo “një shteti të partive
politike”.
Objektivat kryesOrë përqendrOhen kryesisht në këtO drejtiMe:• Nxitja e diskutimeve publike mbi nevojën
për reformë kushtetuese me synim riven-
dosjen e parimit të kontrollit dhe balan-
cimit ndërmjet pushteteve, si dhe garanti-
min e suksesit në reformat e nisura, ndër
më të rëndësishmet reformën në sistemin
e drejtësisë;
• Inkurajimi i një dialogu të gjerë publik
ndërmjet spektrit politik, aktorëve të sho-
qërisë civile dhe ekspertëve të fushës rreth
kësaj çështjeje;
• Përfshirja e reformës kushtetuese si pjesë
e diskursit politik e publik e gjithashtu,
në një të ardhme të afërt pjesë e axhendës
parlamentare..
partnerëtPartnerë të rëndësishëm në këtë program do
të jenë të gjithë partitë politike, institucionet
shtetërore, aktorët e shoqërisë civile, partnerët
ndërkombëtarë, akademikët dhe ekspertë të të
fushës si dhe media, të cilët përmes bashkëpun-
imit të tyre do të kontribuojnë në realizimin e
kësaj reforme.
rezultatet e pritshMe• Nxitja e reformës kushtetuese si kusht për
forcimin dhe mirëfunksionimin e shtetit
të së drejtës.
• Reformimi i dokumentit themeltar të
shtetit nëpërmjet një procesi gjithëpërf-
shirës, debatit konstruktiv dhe mira-
timin me një konsensus sa më të gjerë të
amendimeve të mundshme.
• Forcimi i bashkëpunimit me partitë poli-
tike, aktorët vendas dhe ndërkombëtar,
institucionet përgjegjëse, ekspertët e përf-
shirë në këtë proces.
pse, kur, kush?
qëllimi kryesor i nismës është krijimi dhe drejtimi i një
koalicioni me bazë të gjerë aktorësh, për të zhvilluar,
formësuar dhe advokuar për reformë kushtetuese, e
cila do të nxisë shqipërinë drejt krijimit të “një shteti
institucionesh” dhe jo “një shteti të partive politike”
Fondacioni Shoqëria e Hapur për Shqipërinë, Soros në kuadër së strategjisë
katër vjeçare 2014- 2017 në bashkëpunim me ekspertë të fushës dhe partnerë
të tjerë, ka ndërmarrë nismën për fillimin e një debati të gjerë publik mbi
nevojën primare që ka vendi për një reformë rrënjësore kushtetuese
osfa
Reforma Kushtetuese // Nr. 1 : Janar – Mars 2014 3
Ndryshime në Kushtetutën tonë, po,
duhen bërë dhe urgjentisht. Ar-
syet janë, së paku tri: koha ecën dhe
rregullat përkatësisht duhet të ndryshojnë sipas
mendësisë e kërkesave të saj. Ne jemi një vend,
që ndjek sistemin normativ ligjor, pra, një format
të tillë juridik të cilin formalisht e vendos dhe
e ndryshon Parlamenti. Zhvillimi, pra bëhet
në mënyrë diskrete, hap pas hapi, me faza të
shkëputura dhe me ndërprerje.
Arsyeja e dytë është deformimi i sistemit
kushtetues nga vullneti (duhet thënë nga miz-
erabiliteti + budallallëku) i politikës, që tek ne
është mesjetare. Shembulli më flagrant i kësaj
janë amendimet e bëra më 21 Prill 2008. Në këtë
fazë «demokratike» shqiptarët dhe sidomos politika
shtetërore, duhet të futen në skema, të cilat të mos
varen prej tyre. Ka ca rregulla që janë vendosur si
vlera qytetërimi dhe të cilat nuk mund të preken,
nëse duam të rrojmë si njerëz të këtij shekulli.
Arsyeja e tretë është nevoja për t’u integruar në
sistemin e institucioneve europiane. Këtu ka re-
torikë marramendëse, por procesi politik shkon
gjithnjë e më larg qëllimit. Gjithçka thuhet se
bëhet në emër të së mirës, progresit, të ardhmes
së lumtur e ku e di unë ç’profka të tjera. Është
harruar një gjë fare e vogël: njeriu i sotëm, qoftë
politikan, shtetar apo qytetar i thjeshtë. Çfarë janë
këta? Një nga një nuk kanë të sharë; shohin ëndrra
europiane por, kur zgjohen, kanë dhimbje koke.
Vetëm disave nuk u dhemb koka. Mbase ngaqë nuk
kanë një të tillë. Por kur këta njerëz bëhen bashkë
(dhe bashkë bëhen kur janë në partira), nuk i njeh
më. Tek ne shikon jo thjesht një servilizëm, por diç-
ka që shkon tepër thellë në subkoshiencën njerë-
zore: individët përdoren, deri në tjetërsim.
Deri më tani Kushtetuta dhe ligjet në përgjithësi,
janë quajtur si forma të rregullimit të sjelljeve
njerëzore në shoqëri. Tek ne kjo nuk ka dhë-
në rezultat. Përkundrazi ligji është bërë mjeti
«demokratik» i imponimit të vullnetit të shu-
micës (të njëshit në fakt). Tek ne askush nuk e ka
seriozisht. As të mëdhenjtë e as të vegjlit, që mëso-
hen të jenë «të shkathët», sipas modelit nga lart.
Mësimi i parë që duhet të nxjerrim nga përvoja,
është se një Kushtetutë nuk duhet lënë, me çmim
sado të lartë, në dorën e partive. Sesi bëhet kjo
është histori tjetër, por unë nuk kam vend këtu për
t’u zgjatur. Mjafton të themi se Kushtetuta duhet
të jetë një akt me një dozë të lartë «fataliteti» për
këdo. Pyetja është: më mirë liri politike për t’iu
përgjigjur nevojave të jetës, apo ngurtësi për të
frenuar lirinë, që nga natyra abuzohet. Unë jam
për të dytën. E kam parë se ç’do të thotë liri nga
pushtetarë, të cilët janë të tillë me çmimin e dik-
taturës së brendshme në formacionet që krijonë
ose uzurpojnë.
Kushtetuta duhet ndryshuar. Ajo, megjithë para-
metrat demokratikë, të cilët i plotëson teorikisht
më së miri, ka dhënë shenja dobësie. E para dhe
më e rrezikshmja, është lënia e ndryshimeve të saj
në dorë të partive. Është e vërtetë se populli nuk di
shumë kur miraton një Kushtetutë, por ama sen-
sibiliteti i tij, qoftë dhe i papërpunuar, është një
garanci shumë më e madhe sesa «teoritë» poli-
tike që na avancojnë të ashtuquajturit liderë.
(Marrë nga intervista dhënë gazetarit
Skënder Minxhozi për Revistën Java)
“Kushtetuta duhet ndryshuar urgjentisht”juristi i njohur kristaq traja paraqet konturet e një pakete ndryshimesh në ligjin themelor të shtetit, të cilat prekin zgjedhjen e presidentit, organizimin e parlamentit, kompetencat e kryeministrit dhe organet e drejtësisë
kushtetutën s’e ndryshon vetëm klasa politikeKonstitucionalistja e njohur Aurela Anastasi thotë se nuk duhet të ketë ndryshime kushtetuese vetëm me konsensus politik, pa diskutim, pa debat dhe pa pjesëmarrjen e ekspertëve e grupeve të ndryshme të komunitetit
Revista JAvA: Zonja Anastasi, a mendoni se ka ardhur koha te amendohet Kushtetuta e Shqipërisë? Nëse po, për cilat arsye?A.A: Kur flasim për amendimin e Kushtetutës,
kemi nevojë të kuptojmë më mirë se Kushtetu-
ta është ligji më i lartë në Shtet, prandaj ajo
nuk mund të ndryshohet me procedurën dhe
shpeshtësinë që ndryshojmë një ligj të zakon-
shëm. Kushtetuta është një normë elastike
dhe e gjallë, që interpretohet dhe ndryshon
edhe përmes zbatimit të saj dhe veçanërisht,
nëpërmjet interpretimit përfundimtar që kryen
gjykata Kushtetuese. Për këto arsye, një ndry-
shim i Kushtetutës me ligj, duhet të justifikohet
nga një qëllim i rëndësishëm, i domosdoshëm
ose i nevojshëm.
Aktualisht, e shoh me vend që të diskutohet
për ndryshimin e Kushtetutës në kuadrin
e proceseve të integrimit të Shqipërisë në
Bashkimin Evropian. Për më tepër, çështja
e integrimit ka edhe një mbështetje të gjerë
popullore. Në këtë kuadër, mund të përfshijmë:
së pari, ndryshimet kushtetuese për të kryer
reformat e nevojshme lidhur me problematikat
e ndeshura në funksionimin e deritanishëm
të institucioneve kushtetuese dhe të raporteve
midis tyre dhe së dyti, ndryshimet për të
mbështetur anëtarësimin e Shqipërisë në
Bashkimin Evropian. Integrimi është jo vetëm
një arsye e justifikuar, por edhe një arsye e
lartë për të ndryshuar Kushtetutën, me qëllim
që të autorizohen të gjitha institutet e reja të
sovranitetit të popullit. VIJON NE FAQE 4
osfa
4 Buletin i përtremuajshëm // Nr. 1 : Janar – Mars 2014
Për të qenë më të saktë mund të themi se,
ka ardhur koha të fillojmë të diskutojmë për
ndryshimin e mundshëm në Kushtetutën e
Shqipërisë. Nevojitet një periudhë kohore e
domosdoshme diskutimi dhe debati në nivel
politik, në nivel ekspertësh, si dhe në grupet e
ndryshme të interesit, në komunitet, që duhet
t’u paraprijë ndryshimeve në Kushtetutë.
Revista JAvA: Ka pasur disa propozime konkrete për të nisur një tryezë diskutimi, siç është ai i Fondacionit Soros në Tiranë. Kush duhet ta inicojë, sipas jush, procesin e diskutimit e më pas të formulimit të ndryshimeve kushtetuese? A.A: Unë jam njohur me këtë iniciativë dhe e
vlerësoj si një iniciativë mjaft pozitive, që vjen
nga përfaqësues të shoqërisë civile. Përmes
kësaj iniciative kanë filluar përgatitjet për të
krijuar ekspertizën e nevojshme, me qëllim
që të ofrohet një bazë e mirë opinionesh
për diskutim, si dhe të analizohen idetë për
nevojat që paraqiten në kuadrin e një reforme
Kushtetuese, të cilat deri më sot janë shprehur
në forume të ndryshme nga studiues, juristë e
analistë, si dhe nga subjekte politike. Kjo do të
ndihmonte që subjektet politike të gjykonin me
objektivitet, por njëkohësisht, do të ushqente
debatin dhe pjesëmarrjen e gjerë për ndry-
shimet kushtetuese. Sidoqoftë, e gjitha kjo
nuk do të kishte vlerë pa përfshirjen e klasës
politike, pasi sado e mençur të jetë ekspertiza
konstitucionale, mendoj se konsensusi politik
është i pari. Këtu duhet të dallojmë qartë atë që
ju e quani nismë për procesin e diskutimit dhe
të formulimit të amendamenteve nga “nisma
për rishikimin e Kushtetutës”, sikurse parashi-
kohet në Kushtetutë (neni 177). Juridikisht kjo i
përket vetëm deputetëve dhe konkretisht jo më
pak se 1/5 së anëtarëve të Kuvendit. As Këshilli
i Ministrave dhe as 20 mijë zgjedhës, nuk
mund të propozojnë ndryshime në Kushtetutë.
(Marrë nga intervista dhënë gazetarit
Skënder Minxhozi për Revistën Java)
VIJON NGA FAQE 3
Nuk them ndonjë të re nëse pohoj se ndry-
shimet e prillit 2008 kanë qënë të motivuara
nga interesat politike të momentit, ose thënë
ndryshe, nga nevoja e perceptuar nga të dyja
palët e politikës për të shmangur vështirësitë
që krijonte për to Kushtetuta në procesin e
zgjedhjes së Presidentit. Ato ndryshime, duke
qënë dritë shkurtëra, nuk mbanin parasysh
efeket anësore të ndërhyrjes në pjesët e tjera
të Kushtetutës dhe integritetin e saj. Kështu
që do të thosha se aspekti i parë i Kushtetutës
ku duhet ndërhyrë është rishikimi i amen-
damenteve të prillit 2008 me qëllim që ose
të restaurohen zgjidhjet e mëparshme ose të
korrigjohen efektet e pamenduara anësore
që krijuan ndryshimet në formulën e zgjed-
hjes së Presidentit dhe në mekanizmin e
votëbesimit të qeverisë. Përveç sa më sipër,
jam i mendimit se reformat që do të propo-
zohen do duhet të marrin shkas nga ato që
kanë qënë dështimet më të spikatura në zba-
timin e Kushtetutës aktuale. Mua më duket
se dështimi më i madh i Kushtetutës së 1998
- ës është se ajo nuk ia ka dalë që të izolojë
sa dhe si duhet institucionet e pavarura nga
ndikimi i shumicës politike në parlament
dhe qeveri. Çdo ndërhyrje në Kushtetutë do
ishte sterile për nga impakti për sa kohë nuk
zgjidh së pari këtë çështje. Një ide paraprake
për zgjidhjen e këtij problemi mund të ishte
prezantimi i formulave të tilla sipas të cilave
emërimi dhe shkarkimi i titullarëve të institu-
cioneve të pavarura dhe i gjyqtarëve të lartë
të bëhej me shumicë të cilësuar. Si problem
të dytë madhor do të numëroja dështimin
e parlamentit në rolin e tij mbikqyrës ndaj
qeverisë. Në gjithë këto vite nga hyrja në fuqi
e Kushtetutës, Kuvendi nuk ka qënë veçse një
noter i veprimtarisë së qeverisë duke i mo-
huar kështu shoqërisë kryerjen e një funk-
sioni jetik në demokraci. Një ide paraprake
për zgjidhen e këtij problemi mund të ishte
bi-kameralizmi (parlamenti dy dhomësh).
Kjo formulë bën të mundur që dhoma e lartë
e parlamentit, si rezultat i zhvillimit të zgjed-
hjeve në kohë të ndryshme dhe ndryshimit
të pjesshëm të përbërjes së saj, tipikisht të
kontrollohet nga forca politike kundërshtare
me qeverinë. Kjo lëvizje do ta shndërronte
kontrollin e parlamentit mbi qeverinë nga
një formalitet në një praktikë të efektshme.
Dështimi i tretë mendoj se ka qënë mos garan-
timi i përgjegjshmërisë së sistemit gjyqësor.
Kushtetuta e 1998 - ës e garanton më së miri
pavarësinë e pushtetit gjyqësor. Nuk mund
të thuhet e njëjta gjë për përgjegjshmërinë
e këtij sistemi. Reformat e propozuara duhet
patjetër të përfshijnë instrumente më efikase
për të garantuar përgjegjshmërinë. Një ide
paraprake mund të ishte ndryshimi i raportit
të forcave në Këshillin e Lartë të Drejtësisë i
cili, në të ardhmen, mund të ketë më shumë
përfaqësues të zgjedhur nga Parlamenti duke
kufizuar kështu vetëqeverisjen e gjyqëso-
rit. Së fundi do të përmendja edhe nevojën
akute për ndryshimin e formulës aktuale
për zgjedhjen e Presidentit të Republikës në
mënyrë që të bëhet i mundur roli bashkues
dhe ndërmjetësues i këtij institucioni, ashtu
siç e ka paramenduar Kushtetuta e vitit 1998.
Një ide paraprake për zgjidhjen e këtij prob-
lemi mund të ishte rikthimi në formulën e
vjetër që synonte zgjedhjen e një presidenti
konsensual.
ja ku duhet prekur kushtetutaKonstitucionalisti i njohur Gent Ibrahimi shprehet se duhen
korrigjuar ndryshimet dritëshkurtëra të prillit 2008. “Reformat
që do të propozohen duhet të marrin shkas nga ato që kanë
qënë dështimet më të spikatura të Kushtetutës aktuale”
wPËR ÇDO SUGJERIM KONTAKTONI:www.soros.al f www.facebook.com/soros.al
kushtetutën s’e ndryshon vetëm klasa politike
Shoqëria e Hapur për Shqipërinë SorosRr. ‘Qemal Stafa’, Pallati 120/2, TiranëTel: +355 42234621/ 42234223/ 42235856
osfa