Nyi ma Gonyi yo.Futuyi ro nduliye

COVID-19 kәriuzayin!

Kitawu “Nyima Gonyiyo” ye

Kitawu adә cida doni Komiti Ndi kate cidaramwayen cinәm datәmaye jaminzә lamar nәlewa hangalbe-a bana hangal kәrdәstaabe-a suro kәnda duwasashibe (IASC MHPSS RG) ye dawarza sadәna ma. Cida dә goniwa dunyabe-a, nasha laa falye-a, kuru lardәbe-a do sandi caman cidaramma jami IASC MHPSS RG ye lan kasharu ma sandima banaza’a, kuru rokkonzan ya so awa so, cistәgә ma so, malәmma so kuru nduli’a lardә 104 yen. Kulashi dunyabe samtәna suro tәlamma Arabiye-a, Nasarabe-a, Italiyabe-a, Faransabe-a kuru Spainbe-a, mәradәwa nәlewa hangalbe-a hangal kәrdәstaabe-a nduliye kulastә nankaro suro loktu COVID-19 fәlangzәna adәyen. Garno maudu’uwaye do suro hawar dәyen kәla dәn manatin dә awowa kulashi dәn tuwandәna dәn tәnangatә au ngalwo’atәgә. Kitawu dә hawar yayiro gullatǝgǝ nduli lardǝwa COVID-19 ye zamzǝna dǝro. Daji jawawu na nduli-a, ya so awa so-a, kuru am cistǝgǝma soyen tuwandǝna dǝ faidatǝ hawar dǝ’a waltǝ ngalwotǝyin.

Nduli-a, ya so awa so-a, cistǝgǝma so-a, kuru malǝmma-a 1700 ma kozǝna dǝrinǝm kǝlle dunyabe lan loktu goza andero futu loktu wawa COVID-19 ye lan kǝnǝngatayin andero gulzana. Askǝra kura nduli anyiro, yanza so awanza so-a, cistǝgǝmanza so-a malǝmmanza so-a, sofiyonde tamozana dǝ ro kuru hawar adǝ ro kaanzawu yioro. Adǝ hawar do nduliro dawartǝnama kuru nduli nankaro suro dunyabe sammasoro.

IASC MHPSS RG adǝye Helen Patuck ro askǝrzǝna kitawu dǝ ruwozǝ kuru misalzǝna dǝ ro.

©IASC, 2020. Kakkadi adǝ bakkatǝ furtǝ Creative Commons Attribution-Non-Commercial-ShareAlike 3.0 IGO license (CC BY-NC-SA 3.0 IGO; https://creativecommons.org/licenses/by-nc-sa/3.0/igo). Cidiya ka’idawa lasis adǝyen , nyiye rangnǝm cida adǝ’a bannǝmin, fasarnǝmin, kuru dalilla kunguna fandoye gǝnyi ro kaanǝmgǝmin, cida dǝ kalkal ro fǝletin maa.

Yita gattәgә“Nyima Gonyi yo” dә kitawu do nduli dәrinәm kәlle dunyabe COVID-19 ye zamzәna ro ruwotәna ma.

“Nyima Gonyi yo” dә ya/awa ye, cistәgәma ye au malәmye rokko tadayen au jumla gana nduliyen kәrajin. Nduli ye wande kǝlanzala ro kitawu adǝ kǝrazanyi bana kamnza kuraye au cistǝgǝmanza au malǝmnzaye ba ro. Kitawu kashimoye ngawo dǝ zǝgayin ma sunzǝ “Action for Heroes “ (fuwun baktin) bana kǝla lamarra COVID-19nna leyata yen cin, nduli’a banazǝ fantǝ naskunzaye so tiyinza ye so ro cissayin, kuru adǝgai ma cidawa nduli ye sadin ma futu kitawu dǝ ye fǝlezǝna ro.

FasariwaJami fuwu ro zutaaye dǝ kǝlanzǝla ro tǝlamma Arabiye-a, Sinye-a, Faransaye-a, Rashiyabe-akuru tǝlam Sǝpenye-a ro fasartǝ fasaljin. Jami IASCbe fuwuro zutaaye dǝ naaye lamar bana Nǝlewa Hangalbe-a Bana Hangal Kǝrdǝstaabe -a (MHPSS) (mhpss.refgroup@gmail.com) fasal tǝlamma gade rofasartǝ ye ro. Fasariwa tamotǝna samma so IASC ye websayit nza dǝ ro zutǝyin.Nyiye fasari laa citandǝm, au cida adǝ kaanǝmjǝyim maa, martǝne none:• Nyiro amartǝgǝnyi alamanǝm au alama cidaram kǝlaro gotǝmaye ikko dǝ kare shima dǝ

ro .• Lamar kaanǝmtǝgǝye maa (i.e. ruwo au foto faltǝ so), alama IASCye faidatǝ dǝ

amartǝnyi. Cida adǝ’a faidatǝ jili win yaye, wande alama IASC ye karapka laa taganasbe, kare laa au cida laa ye ngawo sǝtana fǝletǝnyi.

• Nyiye fasari nǝm au kaanǝm tǝgǝnǝm ro lasis diye cidiya lasis shiro Creative common licence sayin dǝyen. Shawari CC BY-NC-SA 4.0 or 3.0 ye tina. Adǝ shima suwa lasissa licenses: https://creativecommons.org/share-your-work/licensing-considerations/compatible-licenses

• Nyiye tǝlam fasaribe dǝ ro bariya adǝ kǝllǝgǝne: ““Fasari/kaanǝmtǝgǝ adǝ Komiti ndi Kate Cidarammaye (IASC) gǝnyi sha sǝtandǝ. IASC dǝ awo suro fasari/kaanǝmtǝgǝye adǝ ye nǝm kalkal nzǝ so kǝla ro gozǝnyi Baktǝ tǝlam nasarabe badiyarambe “Inter-Agency Standing Committee. Nyima Lamarnyi Ro Datǝma wo: Futu Nduliye COVID-19 Kǝriu zayin Licence: CC BY-NC-SA 3.0 IGO shima baktǝ do ngǝlama sa kitawu kǝltin ye dǝ.”

Yanzә Sarabe dә shima gonyin zǝwo dalilnzә dә ya shiyeyi kuru ilmu ma shiyeyi dunya lan ba wo. Amma Saraye yanzә dә ma kuruncoronavirus ye fando ro shiro tero.

“COVID-19 dә awiya samun wo?” Sara ye ciworo yanzә’a.

“COVID-19, au coronavirus dә zauro cillurangnye ma shimnden ruiyyemba”, wono yanzәye. “Amma suro kasau-a wadiska-aam dondiye men tartәyin, kuru sa sandiye am so au awowa gade bataunzaaye solezaiyyaye tartәyin. Am dondi dә sandiya kangeye lejin kuru kasau ye sandiya lejin kuru yintәnzaye kuttu ro waljin.

“Ma’ana sha rangnye kәriunyem ba wo, sha ruiyyemba daa?” Sara ye cuworo.

“Rangnye sha kәriunyen,” wono yanzә Saraye. “Adәma sәkkә Nyiye suro nzәliwoyen da’ammiya raakәna dә, Sara. Kuli (Virus) dәam jili ngәwu zamjin, kuru nduso raksә andeya banazә sha kәriunyen. Nduli so dә am zauro taganasbe kuru sandiye raksabana sadin. Nandiye ande samma nankaro nzәliwon da’auwwa ma ngәla wo Wu dǝ nyima Gonyi ro wallәmiya raako.”

Saraye bәne shima dә diyel nzәn bozәna, kuru shiye tәmma ro shi gonyi gǝnyiro kәlanzә’a fanjin. Karәgәnzә kuttu ro fanjin. Shiye maaranta ro lejiya sәraana amma maarantanza zakkata. Sawaanzә suriya sәraana amma nzәliwo ba. Sara dә coronavirus dunya’a ritaro wazә koljiya sәraana.

“Gonyiya dә dunonza taganasbe mbeji” wono kәlanzә ro gullono, shimnzә zakkon kәnәm ro bǝwono. Wudә awi nyi’a?”

Sadәn kowo laaye nәm sәlәmye din sunzә-a bǝwono.

“Ndu na allan?” Saraye shiye bǝwozǝ kalak ciwo.

“Awi mәradәnәm gonyi ro waltәye, Sara?” Sә kowo dәye cuworo.

“Diwal laa nduli dunyabe samma so ro futukәlanza saliwin gultәye fandәkiya raakәna, sau sandiye am gade so’a satkayin...” wono Saraye.

“Yo awi ro walngiya ra’am?” sә kowo dәye cuworo.

“Awo laa farjin mayin...awo laa kowo kura’a...kuru awo laa raksә bana sәdin ma!”

Tini dәn , awo laa ajabba nur kәmbalye dә ro karaa...

“Nyi awi yo do?” Saraye sapsә yingono.

“Wuma Ario,” wono shiye.

“Wuye ngaltema buron Ario rukkәnyi,” wono Saraye

“Wu buroman na adәman,” wono Arioye.“ Wu karәgәnemmin kadiko.”

“Nyi fandǝ kinna... daji wuye range sammaso gulngin nduli dunyabe ro kәla coronavirus yen!” wono Saraye. “Range Gonyi ro walngin! Amma dane do, Ario, bәlagurotә dә nzәliwo’a wa coronavirus adin ndara son mbeji dә?”

“Rokkonyin bas, Sara,” wono Arioye. “Affima ye nya suwandimba wa nya rokko karaiyye maa.”

Daji Saraye ngawana Arioye ro fartә juwa kuru sandiye rokkon sami bәneye dә ro takka dә men farza celowo. Sandiye na shilleuwwa ye ro farza leyada kuru sandiye kәmballa liwa’ada.

Kәngal luwo sәdin lan, sandiye na kattiyabatau firamidsye lan zәbkada, na do jam’u nduliye laa bikkezayin. Nduli so dәyeburuwu karәgә kәjiye sakkinna ro Sara-aArio-nzә’a ro mukko hapca’a.

“Usowo kәnshero, wuma Salem!” wono dau tadawa dәyen falnzaye. “Awi na allan diwin? Kanadi gono, mowonzә karungu ro ishemba, andeye gananzә yaye mita fal yedei ndi katenden mbeji ro daayena ma ngәla wo!”

“Adә ma sәkkә andeye na allo kashe!” Saraye yilzә gullono. “Wu Sara kuru adә Ario. Nandiye nonuwwa wa nduli so dә raksa kәmaskinza so, sawa’anza so, yanza so awanza so kuru kakanza so’a nzәliwo’aro rozayin coronavirus dәye sandiya lejimba ro? Ande samma so ye tǝraana...”

“Shawul-a nji-a lan mukkonde tulleu!” wono Salemye mәmәshhinna ro. “Nonyena de, Sara. Kuru andeye njirominde ro kasau zaayen sa ande dondi maa - kuru am so ro mukko hapkәgәyen susu mukko kәltaye dә ro. Andeye suro fatoyen naptә ro ngәptiyen,amma ande dә bәla zauro kam ngәwu’a lan karaiyye.... mǝwanzǝ nduso gәnyi faton napcin.”

“Hmmm, waniye range adә me dәn bana dikin,” wono Arioye. “Raksa coronavirus dә sorimba, amma... raksa wa sorin! Fartәno baiyo, amma martәno shiti fefetonyiye ndison namno -gananzә yaye mita fal yedei ndikatenzan mbeji!”

Arioye sami ro farronoSalem-a Sara-a kәla fefetowanzә indiso yen. Shiye kәla bәla dәyen farrono kuru yiltә-akaiyya yetә-a badiyono! Salemye yilzә nduli kәla laiyye dә ro wono:

“Leno yallando so ro gullo,surowan ma ande ro nzәliwo’a wo Andeye rangnye kamade ro ngәla ro ciskәgәyen fatonnaptәmen!

Am soye awo soruna dәsandiya zauro ajabciwo. Sandiye mukko hapsa’a kuru kasatsa fanza so rokashara’a.

Arioye farzә sami mәt ro kara’a. Salemye buruwukarәgә kәjiye cikko. Sami la dәn suro fowoye dәn maara farzә kowono kuru fasinjawa dәye lotta sandiya coro suro ajabaye lan.

“Am so dә karungu ma ro bәlaguro waza kolzayin,kәrmaa dә ro yaye,” wono Salemye. “Nduso kalangainzǝ samma zaktә sadin suro dunyabe sammason kuru ande samma na taiyyena lan dәgaiyyeu kuru rokko kәrawomande soyen.”

“Awowa ngәwu faltәna yedeiro fayin wono Saraye. “Loktu laan ritә ro wa sәkkin lamar dәye.”

“Sa awowa so faltayin maa ritә-a ye kuru kәla sәyerinne Sara,” wono Ariye. “Sa ritә fayin maa, wuye hangallan yingin - kuru konnu yinge suluyin!”

Arioye bol konnuye kura laa yinzә culo!

“Awi dim ronәm kollәmin sa ritә fanәmin maa?” Arioye cuworo

“Wuye kam do wa sәkkә nzәliwo’aro fayin taktә raakәna,” wono Saraye.

“Wuye ngai, am do sakkә nzәliwo’a ro fayin samma so tangyin, jili kakanyi so yedei,” wono Salemye. “Sandiya zauro mangәrngәna. Sandiya range nganjiro goyimba dalilnzә dә sandiro mowonzә cornavirus ikkin. Ngai dәn dare magәye wo son sandiya ruiyyen, amma kәmaa gәnyi dalinzә sandiya nzәliwon ronyena ma ngәlawo.”

“Rangnәm sandiya waya lan bowonәmin wa?” Saraye sawanzә’a cuworo. “Wai aa’a!” wono Salemye. “Wajiya wo son wa bowozayin kuru awowa faton diyen dә samma sandir gulngin.

Adәye sәkkә gana ngalau ro fayin kuru sandiye gana ngalau ro fanzayin.”

“Kam raayena so do fandiye sandiya ruiyyemba mangәrtә dә awo noata,” wono Arioye. “Adәye futu kamane ro ciskәgә yena fәlejin. Goyn ya gade so’a kәla kәlluwiya ra’amma wa?”

“Aa’a martәne!” Sara-a Salem-aye yilza gullada.

“Ngәla zauro, sawanyi Sasha dә dunonzә taganasbe’a laa mbeji,” wono Arioye. “Lenyeu!”

Daji sandiye cidi ro zәbkada batau bәla diya gana laayen. Fero laa cinna fanzayen fure sutorin. Sa shiye Ario-a nduli kәla fefetowanzәyen napsana dә-a cironya, kasudu gowono.

“Ario!” yillono shiye. “Gananzә yaye mita fal yedei ndi katenden mbeji ro dәgaiyyen daji wuye nyiro nya karәgә ro gotә gәbkәgәkin! Awi nandi samma na allan diwin?”

“Wa karәgә ro gotәnәm fangәna sa wuro ngai gullәma dә, Sasha,” wono Arioye. “Wuye raakәna futu kalimawa faidatiye andeye ciskәgәyena fәlenyen, kuru kәndo so kunten. Sawaanyiye dunonәm shiyeyi ba ma dә nozaiyya raako.”

“Awi yo dunonyi shiyeyi ba ma dә?” wono Sashaye.

“Kau kam laa yallanәmin dondizәna wo so,nyiye fato lan napkam wande coronavirus dә kam gadero yimi ro tawattәgә nanka ro,” wono Arioye.

“Aa’a, baanyi de, kuru shi njimzәlan dәgana hattaa cotto ngajiya do,” wono Sashaye.

“Amma zauro zau gәnyi! Bikkende so bikkenyen, bәri denyen, lambunden tusunyen kuru rokko kәmbu bәiyyen. Wa yanyigana’a so’a ngulondo shindeye lenye kuru bikke farnyiyen. Andeye kitawuwa so kәranyen kuru kәlo dikinna karakodalinzә dә loktu laan maaranta mangәrngәna. Fato lan naptә dә buron kuttu, amma kәmaa dә ba likkәna.

“Adә sambi so ro gәnyi kәske wo, Sasha,” wono Arioye. “Nyiye diwal kәji fantәbe au bikke tәye fandәmin kuru kәrawoma nәm so’a ye fato lan tawaktәwwa. Adәye nya Gonyi ro cedo!”

“Ngalte yaye yallanәm so’a gaduwwa wa?” sә cuworo Salemye.

“Loktu laan gaden,” wono Sashaye. “Andye zauro kanadiya ye, kuru zauro asutәmaye ro wallen, kuru dairo kanadi yiomaye ro wallen. Adә duno shiyeyi ba jireye dalilnzә dә sәkkә ande kәlande-a am gade-a samma ngalau ro fanyiyen. Kuru loktu gana laa ruunyi naptaye mәradәngәna. Wu tilonyi bikke fartә-a kaiyya yetә-a raakәna! Kuru range loktu laan sawaanyi bowonyin....”

“Amma, Ario, nda am do faton cintun kasharu au fato dәma satanyi so dә?” Saraye cuworo.

“Koro adә zauro ngәla, Sara,” wono Arioye.“Leu nda manyeu nonyeu.”

Daji sandiye Sasha’a alakәlewaza kuru farza ciyada. Kasamdә zәmzәm ro wallono sa sandiye cidi laa njiye dәrizә kәlzәna lan zәpsana dәn.

Na dәn sandiye kamfu amye kek sumbuluuna coro. Fero laa fal sandiya cero kuru sandiro cintun mukko hapciyo.

“”Wushe Ario, karәgәnyi zauro kәjizәna nya waltәke rukkuna dә!” shiye yilzә gullono. “Ndikatenden gananzә yaye mita fal yedei mbei ro danyeiyya raaye,daji na dәn nyiro manaakin. Amma sawaanәmma kәla fongyeiyya raakәna de! Wu sunyi Leila.”

“Wushe Leila! Wu Sara, kuru adә Salem,” Saraye yilzә kalakciyo. “Alamando dә kәlandocoronavirus bәlin dә ro yitkawo ro manuwi. Awi so gade diwin?”

“Mukkonde so shawul-a nji-a lan tullen!” Leila yilzә kalakciyo.

“Njiromondo ro kasau zawinna nandiye?” sә cuworo Salemye.

“Andero rangnǝm futu sadin dǝ fǝlemin wa? “ Leila yilzә kalakciyo. Daji Salemye sandi ro fǝlejo futu sadin dǝ.

“Ande samma karashim ro waltǝ ro ngǝnǝkten, amma wu zǝktǝkǝna kǝla awo laayen, “wono Leila ye. “Range nandiro kǝla dǝn manaakin wa? Kam laa dondizǝ baano sa fangǝna kuru adǝye sǝkkǝ zauro ringǝna ro wallono. Jire wa coronavirus dǝ am cejin dǝ?

Arioye sapsǝ yintǝ kura laa gozǝ daji kakǝrnzǝ kurra dǝn napkono.

“Aa’a, Goyn ya sǝnana, awo dǝ zauro ajabba, “wono Arioye. “Am laa dǝ gana ma ro dondizayimba, amma kuru am laa zauro dondizayin kuru laa har bazayin. Adǝma ro ande samma so ro hangal gǝnatǝ wajibsǝna taganas ma ro ammurawa ro, kuru am kwasawa gade’a so, dalilnzǝ dǝ sandima ngǝwu so rodondizayin wo. Loktu laan sa zauro rinyena maa, au nzǝliwo ba ro fanyen maa, kǝrǝngde lan na nzǝliwo’a tando dǝ banazǝyin. Nyiye adǝma dǝn rokkonyin jaramnǝmiya ra’amma wa? “

Sandi samma soye aa’a ada, daji Arioye nduli dǝ ro shimnza kǝmnza na nzǝliwo’a kǝlanzan satandǝ wono.

“Hangal ndo taktǝ laa au loktu laa nandiye nzǝliwo’a ro fanuwwa ro sapkǝgǝno, “ wono Arioye.

Daji shiye sandiya cuworo awo sorin, awo fanzayin, awo yinzain, nanza nzǝliwo’a dǝn. Shiye sandiya cuworo kam laa taganasbe nanza nzǝliwo’a ro dozaiyya saraana mbeji wa kuru awi so manazayin ro.

“Nando nzǝliwo’a ro rangnu lenuwi sambi yaye sa karǝgǝ kutta au ritǝ fanuwin maa, “ wono Arioye. “Adǝ shima dunondo Shiyeyi ba ma dǝ, kuru rangnu sawaando-a yallando so-a faidatǝwin. Kuru tangno wu nandiro ciskǝgǝkǝna, kuru am gade soye ngai. Sandi doni bana sadin ma. “

Leila ye wono, “Ande samma kamande ro ciskǝgǝ yen.”

“Adǝ jire, Leila, “wono Arioye. “Andeye rangnye kamandero ciskǝgǝ yen, ande ndaran yaye. Bǝlaguronde dareye dǝn andeya gammiya ra’amma wa?”

Leila ye Ario-a sawaanzǝ bǝlin-a ye rokkon letǝye shawari gowono. Sara dǝ karǝgǝnzǝ kǝji Leila ye sandiya zǝgana dǝ, dalilnzǝ dǝ shiye nozǝna loktu laan kamande banatǝ mǝradǝnyena. Sandiye kalla ngǝwu ba ro farrada, amma Leilaye nozǝna sawaanzǝ zauro shiro cisaana ro.

Kauwwa kankaraye zaksǝna hangal hangal lan turin ro wallono, kuru daji Arioye bǝla cillu laan zǝbkono. Nduli gana laa batau kele laa yen bikke zayin.

“Ario!” falnzaye yilzǝ gullono, shiro mukko hapsǝyinna ro.

“Wushe Kim, “ wono Arioye. “Nandi samma so, nandiye sawaanyi laa sandiya koronabairos ye sǝta ngazana dǝ’a kǝla kǝlluwiya raakǝna.”

“Awi yedei? “ Salemye cuworo.

“Kasau zayin kuru loktu laan zauro kaudo fayin. Kuru zauro yimbarǝkǝna, bikke ma ra’akǝnyi. kau gana laa ro, “ wono Kimye. “Amma zauro lengǝna kuru yallanyiye wuro cissaana. Ammurawande ya so awa so kuru kakande so dǝ liyitari ro letǝ sandiro mbu ro wallono. Nassa-a doktawa-a dǝ zauro am ngǝla ma kuru am ngurobe ye andeya bana zana fato lan. Ngawo magǝ gana laa yen, ande samma walte nganyena.”

“Wu sawa Kimye,” wono tada laaye dau nduli gabsǝna dǝ yen. “Kim dǝ sha coronavirus ye sǝtana nankaro nǝm psawande dazǝnyi - sha fandǝke rukkimba yaye. Wu dǝ falma ro lamarnzǝ ro cistǝgǝ wange kolngǝnyi, kuru karǝgǝnde kǝji rokko walte bikkenyen nankadǝ ro.

“Loktu laan awo zauro muhimmi diyen dǝ shima kamande yitkawo wono Arioye. “ Adǝye ma’ananzǝ dǝ kamande ro loktu gana laa ro cintutǝ yaye.”

“Awowa anyi rangnye kamandero diyen,” wono Leila ye.

“Daji kuru yim laan, ande samma rangnye walte bikkenyen kuru maaranta ro jili buro yedei walten,” wono Salem ye.

Loktu fatoro waltǝye sǝtǝna, kuru loktu Saraye sawaanzǝ alakǝlewatǝ ye sǝtǝna. Kamanza ro wadǝ gozana, awo sadǝna adǝ tǝmma ro njessayimba sa.

Sara dǝ karǝgǝnzǝ kuttuwono kamanza loktu laa ro sorimba dǝ ro. Amma sa awo sawa Kimye gulzǝna dǝ takciya ganangalau fanjin. Kam so rangnǝm rumba nankaro, sandia rawo wanǝm kollumba.

Arioye sandi samma so fanza lan cishaa, kuru Sara’a jezǝ kǝnumye sha gozǝ do leyono

“Baliye rangnye walte diyen wa?”Saraye sha cuworo.

“A’aa Sara, kuwa loktu rokkoyallanǝmyen naptaye sǝtǝna,” wono Arioye. “Hawarnde tangne. Nyiye rangnǝm am ra’amma nzǝliwo lan ronǝmin mukkonǝm tulta men kuru faton naptǝmen. Wu dǝ tǝmma ro cintu lan gǝnyi. Sambi so ro rokkonyin ro wallǝmin sa na nǝm nzǝliwo’a ro lenǝmiya.

“Nyima Lamar nyi ro Datǝma wow, “ tatapkono.

“Wuye Nyima Lamarnyi ro Datǝma wo, Sara. Nyima lamar am nya saraana samma ye so rodatǝma wo,” shiye wono.

Saraye letkono kuru wazǝnanzǝ’a faano nya, Ario ba lezǝna. Daji shiyenanzǝ nzǝliwo’a ro lewono shi ro manatǝgǝ nankaro, daji awo soruna-a salina-a samma kurrono sa fomnonza ro lezana dǝn. Suwosǝ na yanzǝye ro lewono awo kurzǝna mukkonzǝn shiro hawar dǝ gultǝgǝ ro.

“Ande samma so ye rangnye amma banaye suro nǝlewa yen ro walzayin, mama,” wono shiye. “Am lamar kamma ro datǝma kada nongo suro fomnonyi ye lan! “

“Sara, jire nǝm!” wono yanzǝye.“Am Lamar kamma ro datǝma kada mbeji am so’a coronavirus ro saliwin, jili doktawa so nassa so sandi yeyi ba ma so. Amma wuro takkǝgǝmmaande samma so Lamar kamma ro datǝma ro wallen, wajiya wo son, kurulamar nyi ro datǝma kurama dǝ nyima.”