NIPE MOYO WAKO

moyo, akasimama polepole huku moyoni

akiwa amejaa masumbuko makubwa.

Alipatwa na majonzi mengi kwa sababu

alitaka sana kumfuata Bwana, lakini alikuwa

na utajiri mwingi na basi hakuwa tayari kuuza

mali yake. Basi huzuni kubwa ikionekana hata

kwenye macho yake kijana huyu alitingiza

kichwa chake na kuondoka kwa mwendo wa

taratibu. Nayo macho ya Yesu yakaonekana

kujaa machozi alipomtaza kijana huyo

akiondoka.

Hata ingawa Yesu alijua sifa nzuri za

mwanaume huyo Yeye alitambua kwamba

sifa hizo hazingemwezesha kijana huyo

kuingia Mbinguni. Kuingia mbinguni

kungemgharimu kijana huyo kutoa moyo

wake na kumpenda Mungu kuliko kingine

chote maishani mwake. Mungu alitaka kuwa

mtawala wa shauku zote za kijana huyo. Naye

Yesu alijua kwamba wakati utakuja ambapo

upendo wa kijana huyo kwa mambo ya dunia

kungevurugana na shauku lake la kumfuata

Bwana. Basi Yesu alishughulikia msingi na

maana ya kumfuata Yeye.

Mtu kuwa na tabia nzuri na kudumisha

nidhamu sio mambo yatoshayo kumfanya

mtu kupata uzima wa milele; pia mtu kuwa

na na shauku ya mambo ya Mungu silo jambo

ambalo linatosha. Inambidi mtu kujitoa

mhanga kwa upendo wa kumfuata Bwana

(Endelea kwa ukurasa 2)

huyu wa kuvutia alikuwa amejinyenyekeza,

na alikuwa na shauku ya kumpendeza

Mungu. Ndipo (huku sauti yake ikiwa imejaa

upendo) akamwambia, “Umepungukiwa na

neno moja. Enenda, ukauze ulivyo navyo

vyote, uwape maskini, nawe utakuwa na

hazina mbinguni; kisha njoo unifuate.”

Uso wa kijana huyo ukakunjamana kwa

maana maneno ya Yesu yalimfanya kufa

“Mtu kuwa na tabia nzuri

na kudumisha nidhamu

sio mambo yatoshayo

kumfanya kupata uzima

wa milele.”

BIBLICAL INSTRUCTION AND ENCOURAGEMENT FOR THE

MISSION FIELD WORLDWIDE.

Toleo 3

(Marko 10:17-23; Luka 18:18-24)

Jua lilikuwa limewaka sana katika sehemu

hiyo ya mlima ambako kulijaa mawe wakati

Yesu alikuwa akitembea kwenye barabara

hizo zilizojaa vumbi. Siku hiyo ilikuwa ndefu

na wanafunzi hawa walikuwa wamechoka

sana kutokana na kushughulikia makusanyiko

ya watu ambao kila wakati waliwaandama.

Lakini kwa ghafla bwana mmoja ambaye

alikuwa amevaa nguo za kitajiri akatokea

huku akikimbia kwenye barabara hiyo

kuwaelekea. Na hapo akipunga pumzi kwa

nguvu alisujudu mbele yake Yesu na kwa

sauti ambayo ilijaa matarajio akamuuliza

Yesu, “Mwalimu mwema, nifanye nini ili

nipate kuurithi uzima wa milele?”

Yesu akasimama na kumtazama bwana huyu

kwa huruma nyingi na akamjibu: “Wazijua

amri, Usiue, Usizini, Usiibe, Usishuhudie

uongo, Usidanganye, Waheshimu baba yako

na mama yako.” Lakini huku moyo wake

ukiwa umejaa ukweli kijana huyu

akamwambia Yesu, “Haya yote nimeyashika

tangu utoto wangu.”

Yesu naye akageuza uso wake upande akiwa

amejaa mawazo na kutafakari kuhusu

mwanaume huyo ambaye alikuwa mbele

zake. Alijua kwamba huyu alikuwa kiongozi,

na kwamba alikuwa na utajiri mkubwa. Basi

akaguzwa sana moyoni kuona kwamba kijana

Tahariri

3

Kujifunza Biblia:

Uhusiano Unaoongozwa

wa Upendo

4

Shauka kubwa ya Mungu

5

Je, Wajua?

Sio kwa Ufasaha wa

Maneno

8

Swali na Jibu

7

MAFUNDISHO YA BIBLIA NA HIMIZO KWA

KAZI YA KIMISHENI ULIMWENGUNI KOTE

Inafundisha Kuhusu...

BIBLIA

Ukurasa wa 2

Yesu ili yeye aweze kurithi Mbingu. Tunaweza kuwa na shauku kwa Mungu, tunaweza

pia kuwa na kiwango fulani cha upendo, tunaweza pia kuwa wake au waume wazuri

(kwa watu ambao tulioa), hata tunaweza kuwa wananchi wazuri, na pia kuwa majirani

bora; lakini tunahitaji kuwa zaidi ya hayo.

Mungu anataka kwanza kabisa awe mtawala wa shauku zetu: “Mwanangu, nipe moyo

wako; Macho yako yapendezwe na njia zangu” (Mithali 23:26). Maneno hayo yangali

ndio kilio chake Mungu kwa mwanadamu— “Nipe moyo wako.” Shauku zetu zote

zinapokuwa kwake Mungu ndipo ambapo tunaweza kumpenda kwa mioyo yetu yote,

nafsi zetu, mawazo yetu na nguvu zetu zote. Ni wakati ambapo Mungu amepata

mioyo yetu ndipo anapata shauku zetu, wakati wetu, pesa zetu, ndoto zetu na hata

mipango yetu. Wakati huo ndipo anakuwa nambari moja katika kila fani ya maisha

yetu.

Watu wengi katika siku zetu huja kanisani huku wakitaka kujua kuhusu Mbingu kama

ambavyo kiongozi huyo tajiri alifanya. Lakini wengine wao huondoka kwa sababu

hawako tayari kumpa Mungu shauku zao zote. Wengine nao washirika wa kanisa—

huku wakiimba, wakiomba, wakifunza biblia na hata wakati mwingine wakihubiri;

lakini wao huwa hawampatii Mungu “kitu hicho kimoja” ambacho hunabaki kuwa

kizuizi cha upendo wao kwa Mungu.

Je, upendo wako uko wapi leo? Je, umebakisha kitu kimoja? Je, umejitolea mhanga

kwa Mungu? Hebu mpe moyo wako. Chochote ambacho utahitaji kuachilia basi

kiachilie ili umfuate Bwana Yesu nawe utalipiwa kwa zawadi kuu katika maisha haya

na hata katika siku zijazo.

—mws

(Endelea kutoka ukurasa 1)

Neno la Mungu

2 Tim. 3:6, 2 Pet. 1:20-21, Mt. 24:35

Uhusiano wa Upendo

Mt. 22:37-40, Yn. 14:21-23, 1 Yoh. 4:7-21

Toba

Mdo. 3:19, 17:30, 2 Kor. 7:10

Uzao Mpya

Yn. 3:3-7, 2 Kor. 5:17, Rum. 6:1-4, Efe. 2:1, 5-6

Uhuru Kutokana na Dhambi

1 Yoh. 5:18, Mt. 1:21, Yn. 8:11

Ujazo wa Roho Mtakatifu

Mdo. 19:2, 15:8-9, 1:8

Utakatifu

Lk. 1:73-75, Ebr. 12:14, 1 Pet. 1:15-16,

Tit. 2:11-12, Rum. 6:22

Ufalme wa Mungu

Lk. 17:20-21, Rum. 14:17, Yn. 18:36

Kanisa

Mdo. 2:47, Efe. 4:4-6, 1 Kor. 12:12-13,

Kol. 1:18

Umoja

Yn. 17:20-23, Gal. 3:28, Ufu. 18:2-4

Kanuni za Kanisa

Mt. 28:19-20, 26:26-30, I Kor. 11:23-27,

Yn. 13:14-17

Uponyaji wa Kiungu

Lk. 4:18, Isa. 53:4-5, Yak. 5:13-16

Utakatifu wa Ndoa

Mt. 19:5-6, Lk. 16:18, Rum. 7:2-3,

I Kor. 7:10-11

Urembo wa Nje

I Tim. 2:9-10, I Kor. 11:14-15, Kum. 22:5

Mwisho wa Nyakati

2 Pet. 3:7-12, Yn 5:28-29, 2 Kor. 5:10, Mt.

25:31-46

Kupenda Amani

Lk. 6:27-29, 18:20

Ibada

Yn. 4:23-24, Efe. 5:19, 2 Kor. 3:17

Wajibu Mkuu

Mk. 16:15

Gazeti a Ukweli wa injili linachapishwa katika mataifa mbalimbali ili kusambazwa katika maeneo hayo. Kazi hii na zingine za kimishenari ambazo sisi hufanya huwezekana kupitia kwa matoleo ya kujitolea yanayotolewa kwa jina la

Kanisa la Mungu.

—————————

The Gospel Truth, PO Box 2042, Nixa, MO 65714 USA

editor@thegospeltruth.org

Gazeti la ‘Ukweli wa Injili’ huchapishwa kwa jina la Bwana kwa matumizi ya watu wa mataifa yote

kwa kusudi la kuimarisha na kuwahimiza watu wote katika ukweli wa neno la Mungu. Gazeti hili hufundisha na kueneza ukweli wa Biblia ambao umethibitishwa tangu nyakati za Yesu Kristo na

mitume.

Neno la Mungu ndio mwongozo halisi na wa kipekee wa imani. Linafundisha wokovu na ukom-bozi kutokana na dhambi unaoletwa na utakaso wa Yesu Kristo; ambao hufuatiwa na ujazo wa

Roho Mtakatifu anayemwongoza mhudumu, kumwonyesha njia, na kumpatia nguvu; pia unam-letea mtu utakatifu halisi katika kila fani ya maisha yake; na pia kuleta umoja na utangamano wa watu wa Mungu. Huduma inayokubalika na Mungu inatokana na mtu kuwa na uhusiano wa kibin-

afsi na wa upendo ambao msingi wake ni ukweli.

Waandishi: Michael na René Smith

Ukweli wa Injili ni gazeti la kieletroniki linalochapishwa kila robo ya mwaka kwa jinsi Mungu

anavyotuongoza. Tutembelee katika tovuti yetu ya www.thegospeltruth.org ili uagize jalida hili kupitia kwa orodha yetu ya anwani pepe na upokee toleo lako la wakati huu. Hebu jisikie huru kututumia orodha ya majina na anwani pepe za watu wengine ambao wangependa kupokea toleo

hili kutoka kwa mwandishi wa jalida la Ukweli wa Injili.

UKWELI WA INJILI

UAGIZAJI

WASILIANA NASI

Tutembelee katika

www.thegospeltruth.org

ili uagize na uweze

kupata toleo za

hapo mbeleni.

Tahariri

Ukurasa wa 3

Haleluya. Nampenda BWANA kwa kuwa anaisikiliza Sauti yangu na dua zangu. Kwa

maana amenitegea sikio lake, Kwa hiyo nitamwita siku zangu zote —Zaburi 116:1-2

Nikiwa mtoto mdogo niliutoa moyo wangu kwa Mungu na kujisalimisha kwa utunzi

wake. Mimi ninakumbuka sana jinsi nilivyodondokwa na machozi kwa vile ambavyo

Roho Mtakatifu alifanya kazi yake ya kunihakikishia moyoni mwangu. Hapo katika

chumba cha nyuma katika Shule ya Jumapili mama yangu aliomba nami ili Yesu aingie moyoni mwangu.

Hata ingawa sikuwa nimejiingiza sana dhambini nilihitaji neema ile ya wokovu wa Mungu ambayo

humwokoa mwanadamu iingie katika maisha yangu kama jinsi ambavyo mshiriki wa madawa ya kulevya

hata mlevi wa pombe anahitaji. Na nilipokuwa nikikua na kukomaa mimi nilipitia na “uchungu wa kukua

kiroho” hata wakati mwingine nikakosa kufikia malengo ya maisha ya Kikristo—kama ambavyo hutokea

kwa watu wengi ambao wanaokoka wakiwa wangali wadogo. Lakini kamwe sikuwahi kupoteza shauku

langu la kumtumikia Mungu, hata ingawa nilifanya safari nyingi madhabahuni ili kuombewa kuokoka

tena. Hadi leo mimi ninamshukuru Mungu kwa ajili ya uaminifu wa Roho wake. Kama wimbo

unavyosema, “Roho ndiye aliyeniongoza hadi mahali nilipo sasa.” Mimi nilikuwa (na ningali) na shauku

kubwa sana ya kuwepo na uwepo wa Mungu maishani maishani mwangu kila siku, kwa maana nikifuata

njia zangu mwenyewe nitapotea.

Mimi nampenda Bwana na ninatilia umuhimu swala la uwepo wake maishani mwangu hata kuliko uhai

wangu mwenyewe. Mungu amekuwa mwaminifu kusikia sauti yangu na kujibu maombi yangu. Yeye

ameponya mwili wangu na akaniokoa kutoka mautini, na pia amenipatia familia ya ajabu, na kukutana

na mahitaji yangu ya kila siki; zaidi ya yote Yeye aliniokoa kutokana na minyororo na utumwa wa

dhambi. Amenipatia amani yake na uwepo wa Roho wake Mtakatifu. Kwa kweli ninayo mengi ya

kumshukuru Mungu. Hata ingawa wewe unakumbana na majaribu na masumbufu ya aina nyingi kama

unampenda Bwana maishani mwako una hazina kuu zaidi kuliko ingine ulimwenguni mote. Tolea hili la

Ukweli wa Injili linatilia umuhimu amri ambayo ni kuu zaidi na mafundisho ambayo ni makuu zaidi

katika Biblia, maanake—Upendo.

Unapokazana na mwaka huu mpya uwe na uhakika kwamba Mungu ataendelea kuwa mwaminifu

kwako. Kama jinsi ambavyo amekutana na mahitaji yako hapo mbeleni na kukuwezesha kupitia

mabonde na hata motoni ndivyo ambavyo atakuwa nawe mwaka huu. Ewe msafiri pamoja na Yesu,

endelea kuwa mwaminifu na uendelee kumtumaini Bwana wako. Ushindi mpya wakungoja na

ukiendelea kushikamana naye Yesu siku moja utatembea naye Mbinguni.

Ombi langu ni kwamba toleo la jalida la Ukweli wa Injili litaendelea kuwa na himizo na msaada mkuu

kwa kila msomi hapa kwetu nyumbani na hata katika nchi za kigeni. Kama gazeti hili limekuwa la

msaada kwako sisi tutapata kujengwa katika kazi hii ikiwa utaweza kutuandikia kuhusiana na swala hilo.

Basi jisikie huru kuniandikia kwa njia ya moja kwa moja kupitia kwa barua pepe:

editor@thegospeltruth.org.

Basi ni ombi letu kwamba Mungu atakubariki na kukupatia mwaka wa ajabu kupitia kwa uwepo wake.

Ninaomba kwamba tutembee katika mwanga na utakatifu wa Neno lake Mungu ili tuweze kudumu

katika amani.

—Michael W. Smith

Januari 2013.

mailto:editor@thegospeltruth.org

MAFUNZO YA BIBLIA

Somo la Biblia: Nasi tumelifahamu pendo alilo nalo

Mungu kwetu sisi, na kuliamini. Mungu ni upendo,

naye akaaye katika pendo, hukaa ndani ya Mungu,

na Mungu hukaa ndani yake. Katika hili pendo

limekamilishwa kwetu, ili tuwe na ujasiri katika

siku ya hukumu; kwa kuwa, kama yeye alivyo,

ndivyo tulivyo na sisi ulimwenguni humu.

– 1 Yohana 4:16-70

Maana ya upendo: Kuvutiwa na mtu, kumtakia

mema, kumfanyia mema, kushikamana na mtu.

Tendo la mtu analochagua kufanya.

I. Mawazo ya Mungu kwa Mwanadamu

A. Yeremia 31:3 Kuvutiwa na fadhili zake.

B. Yeremia 29:11-13 Mawazo ya amani.

II. Shauku la Mungu la Kuwa na Uhusiano na

Mwanadamu

A. Mwanzo 3:8-9 Mungu alikuwa na shauku la

ushirika.

B. Ufunuo 3:20 Tazama nasimama mlangoni.

C. 2 Wakorintho 5:17-18 Kupatanishwa na

Mungu.

III. Mungu Anapenda Nani?

A. Yohana 3:16 Ulimwengu.

B. Warumi 5:8 Watu wenye dhambi.

C. Waefeso 5:25 Kanisa.

IV. Dhihirisho la Upendo wa Mungu

A. 1 Yohana 4:9-10 Mungu alimtuma Mwanawe

wa pekee.

B. 1 Yohana 3:1,16 Tazameni ni pendo la

namna gani.

V. Upendo Ndio Amri Kuu Zaidi

A. Kumbukumbu 10:12 Upendo umeamriwa.

B. Mathayo 22:36-38 Mpende Bwana wako.

C. 1 Wakorintho 13:1-3 Bila upendo.

VI. Upendo ni Kipawa cha Mungu

A. 1 Yohana 4:7-8 Upendo unatokana na

Mungu.

B. Warumi 5:5 Upendo unatolewa na Roho

Mtakatifu.

JINSI YA KUTILIA

NGUVU UPENDO WAKO

KWA MUNGU

TUBU

Kubali kwamba umekuwa mlegevu na

kwamba umepoteza ari yako na bidii kwa

Mungu. Tubu na umwombe Mungu

msamaha na kwamba akurudishe mahali

ambapo ulikuwa hapo mbeleni kwa

mambo yako ya kiroho.

MTAFUTE MUNGU Anza kujifunza maandiko tena kwa bidii.

Mwombe Mungu akurudishie shauku ya

kuupenda ukweli na haki.

KUWA MTIIFU Jitenge kutokana na mambo ambayo

yatakuvuta mbali na Mungu na

kukupeleka mbali na makusudio yake

maishani mwako. Utiifu ni jambo ambalo

hutokana na mtu kufanya uchaguzi wa

wazi wa kumpenda Mungu zaidi ya

mambo mengine yote.

USIPUUZE USHIRIKA Usiache kutilia maanani swala la

kuhudhuria ibada. Andaa moyo wako na

uweke kando kila jambo ambalo

linakusumbua wakati ambapo umeingia

nyumbani mwake Mungu.

WATUMIKIE WENGINE Usiuruhusu ubinafsi ufanye uwe na uvivu

wa kiroho. Mwombe Mungu akuonyeshe

jinsi utakavyomtumikia kwa kuwatumikia

wale ambao wako karibu nawe.

KUWA NA FURAHA YA WOKOVU Dumu ukiwa na moyo ambao una

shukrani kwa ajili ya baraka zake Mungu.

Kila siku mwonyeshe Mungu upendo

wako (kwake) kwa mambo yote

unayofanya.

Ukurasa wa 4

Somo: Uhusiano Unaoongozwa na

VII. Upendo Ni kwa Matendo

A. 1 Yohana 3:18 Tupendane kwa matendo

na kweli.

B. Mathayo 15:8 Wengine huniheshimu kwa

mdomo.

VIII. Jinsi Upendo Wetu kwa Mungu

Unavyojidhihirisha

A. Yohana 14:15, 23-24 Atadumisha maneno

yangu.

B. 1 Yohana 5:3 Atadumisha amri zake.

C. 1 Yohana 4:20-21Twawapenda ndugu.

IX. Haiwezekani Kumpenda Mungu na

Ulimwengu

A. Mathayo 6:24 Huwezi kutumikia mabwana

wawili.

B. 1 Yohana 2:15-17 Usiupende ulimwengu.

C. Kumbukumbu 13:3 Bwana hujaribu

upendo wetu.

X. Sifa za Upendo wa Kweli

A. 2 Wakorintho 6:6 Hauna unafiki.

B. 2 Wakorintho 8:8 Wenye unyoofu.

C. 1 Timotheo 1:5 Unaotokana na moyo safi.

XI. Ukamilifu Unaotokana na Upendo

A. Waefeso 3:17-19 Utimilifu wa Mungu.

B. Yohana 15:10-11 Ili furaha yenu itimizwe.

XII. Nguvu za Upendo

A. 1 Yohana 4:18 Upendo ulio kamili hutupa

hofu nje.

B. 2 Wakorintho 5:14-15 Upendo hubidisha.

XIII. Ni Nini Hutenganisha Mwanadamu na

Upendo wa Mungu?

A. Warumi 8:35 Ni nani atatutenganisha?

B. Yohana 14:23-24 Kutofuata amri.

XIV. Kupoteza Upendo

A. Mathayo 24:12 Upendo utakuwa baridi.

B. Ufunuo 2:4 Kuacha upendo wa kwanza.

C. Ufunuo 3:15-17 Si moto si baridi.

XV. Kipawa kwa Wale Wampendao Mungu

A. Yakobo 2:5 Warithi wa ufalme.

B. 2 Timotheo 4:7-8 Taji la haki.

Ukurasa wa 5

What is Truth?

SHAUKU KUBWA YA MUNGU Nakala ya kuandamana na Mafunzo ya Biblia

MUNGU AMTAFUTA MWANADAMU Tangu kuumbwa kwa ulimwengu Mungu amekuwa na

shauku ya kuwa na uhusiana na mwanadamu. Tunasoma

jinsi Mungu alitembea katika Shamba la Edeni wakati wa

kupunga hewa ya mchana huku akiwa na shauku la kuwa na

ushirika na Adamu na Hawa (Mwanzo 3:8-9). Ingawa Biblia

ni historia na kitabu cha thiolojia kusema kweli biblia ni

nakala ya shauku la Mungu na juhudi zake za kutafuta

uhusiano wa upendo na wanadamu.

DHAMBI YAVUNJA UHUSIANO NA MUNGU Mungu aliumba wanadamu na shauku lake kuu ni kuwa na

uhusiano na viumbe wake—sio kwa njia

ya kushurutishwa bali kwa upendo.

Adamu na Hawa walikosa kumtii

Mungu na dhambi yao ikawatenganisha

na uhusiano wa karibu ambao

walikuwa nao na Mungu hapo mbeleni.

Daima dhambi huvunja uhusiano kati ya

mwanadamu na Mungu. Lakini Mungu hakurusu utengano

ulioletwa na dhambi, ukosefu wa utakatifu, na hukumu ya

kifo iliyokuwa juu yetu kuendelea kututenganisha naye.

MUNGU ALIMTUMA MWANAWE ILI

TUPATANISHWE NAYE

Mungu alitupenda sana hata akamtuma Mwanawe wa

pekee duniani ili tuweze kuokolewa (Yohana 3:16).

Msukumo ambao Mungu alikuwa nao ulikuwa ni wa

upendo na upendo huo ungaliko hawa wakati wa sasa:

“Bwana alinitokea zamani, akisema, Naam nimekupenda

kwa upendo wa milele, ndiyo maana nimekuvuta kwa

fadhili zangu” (Yeremia 31:3).

MATENDO YOTE YA MUNGU HUTOKANA NA

UPENDO

“Mungu ni upendo”(1 Yohana 4:8) na hiyo ndio nguzo ya

mahusiano yake na wanadamu. Wengine humwona Mungu

kama Mungu wa kufanyisha watu kazi ya sulubu—ambaye

ana matakwa mengi na ambaye ni vigumu kumpendeza.

Lakini picha hii inamwakilisha Shetani, haimwakilishi

Mungu. Mungu ni Mungu wa upendo ambaye hujali kuhusu

mambo yote ambayo huadhiri maisha yetu. Yeye anajaribu

kumfikia kila mwanadamu kwa upendo haijalishi hali yake.

Kamwe sisi hatustahili upendo wa Mungu na hakuna

chochote ambacho tumefanya cha kustahili upendo huo.

“Bali Mungu aonyesha pendo lake yeye mwenyewe kwetu

sisi, kwa kuwa Kristo alikufa kwa ajili yetu, tulipokuwa

tungali wenye dhambi” (Warumi 5:8).

UPENDO UKIPATANA NA UPENDO HUWA

UPENDO ULIOKAMILIKA Kama upendo haupewi upendo huwa basi haujakamiika.

Mungu anatupenda lakini upendo huo haukamiliki hadi

hapo tunapompenda bila kujibakishia

chochote na kwa moyo wetu wote.

Mwanasheria mmoja alimuuliza Yesu,

“Mwalimu, katika torati ni amri ipi iliyo

kuu? Akamwambia, Mpende Bwana

Mungu wako kwa moyo wako wote, na

kwa roho yako yote, na kwa akili zako zote.

Hii ndiyo amri iliyo kuu, tena ni ya kwanza.

Mwalimu, katika torati ni amri ipi iliyo kuu? Akamwambia,

Mpende Bwana Mungu wako kwa moyo wako wote, na kwa

roho yako yote, na kwa akili zako zote. Hii ndiyo amri iliyo

kuu, tena ni ya kwanza.” Mafundisho mengine yote huwa

bure iwapo msingi wake sio sheria hii ya kwanza na iliyo kuu

zaidi. Watu wengi humtumikia Mungu kutokana na woga au

kwa kujitolea kwa kanisa au kwa thiolojia fulani. Lakini

uhusiano wa upendo huwa wenye kina zaidi na utajiri

mkubwa. Uhusiano wa upendo huleta utoshelevu wa kweli

kwa maana sasa uhusiano huwa umekamilika. Hii ndiyo

chanzo cha amani ya kweli na furaha ya kumtumikia

Mungu.

UPENDO WA KWELI HAUPATIKANI KWA NJIA

YA MABAVU

Kulikuwa na jamaa mmoja ambaye angemfungia mkewe

kwa nyororo jikoni mwao kila siku alipokuwa akitoka

kwenda kazini. Yeye alikuwa na hofu kwamba mkewe

angemwacha na asirudi. Uhusiano wao ulikuwa wa uongo

na utumwa. Ingekuwa afadhali zaidi kama mume

(Endelea kwa ukurasa 6)

Ukurasa wa 6

angeondoka kwenda kazini huku akifahamu kwamba mkewe

angekuwa tu hapo nyumbani atakaporudi kwa sababu mke

huyo alimpenda. Huu ndio uhusiano ambao Mungu

anatamani—uhusiano ambao mtu hashurutishwi kuishi kwa

utakatifu lakini ambao mtu anaishi kwa utakatifu kutokana na

moyo wake wa upendo. Nguvu za upendo ndizo husukuma

watoto wa kweli wa Mungu kuishi maisha matakatifu

(2 Wakorintho 5:14).

USHAHIDI WA UPENDO WETU NI UTIIFU WETU

Watu wengi humkaribia Mungu kwa vinywa vyao na

kumtukuza kwa midomo yao huku mioyo yao ikiwa mbali naye

(Mathayo 15:8). Lakini upendo wa kweli haudhihiriki kwa

maneno tunayonena bali kwa tabia za maisha yetu. “Yesu

akajibu, akamwambia, Mtu akinipenda, atalishika neno

langu” (Yohana 14:23). Huu ndio ushahidi wa kweli wa upendo

katika ulimwengu ambao wengi humkiri Kristo lakini ni

wachache ambao hutii Neno la Mungu. Mahali ambako hamna

utiifu hapana upendo. Hakuna chochote ambacho kinaweza

kututenganisha na upendo wa Mungu (Warumi 8:35)

isipokuwa kutokutii kwetu (Yohana 14:23-24).

HAKUNA UPENDO MWINGINE ISIPOKUWA

“UPENDO WA KWANZA” “Hakuna mtu awezaye kutumikia mabwana wawili” (Mathayo

6:24). Hakuna nafasi katika uhusiano na Mungu wa mtu

kufuata ulimwengu wenye dhambi na wakati huo huo

kumfuata Mungu. Mtu akipenda ulimwengu upendo wa Baba

haumo ndani yake (1 Yohana 2:15-17).

UPENDO HUFANYA MTU KUJITOA MHANGA

Wakati watu wawili wanapendana kwa kweli wao huwa tayari

kujinyima wakati na uwezo wao ili wawe pamoja. Shauku yao

kubwa huwa ni mmoja kumpendeza mwingine. Jambo hili

huwa la kweli hata kwa upendo wa kweli kwa Mungu utokao

moyoni mwa mtu. Upendo humfanya mtu kumwabudu Mungu

kwa hiari yake mwenyewe na kumtumikia. Basi utiifu unakuwa

si kazi ngumu ya sulubu bali huwa ni dhihirisho la upendo.

Upendo huleta furaha, kutoshereka, na nguvu katika utumishi

kwa Bwana.

APENDAYE MUNGU HUPENDA NDUGU YAKE

Watu wanapopata ujuzi wa upendo wa Mungu upendo wak

humwagwa mioyoni mwao kupitia kwa Roho Mtakatifu

(Warumi 5:5). Uhusiano huo huonekana sio tu kupitia kwa mtu

kuwa mtiifu kwa Mungu bali pia kwa upendo ambao mtu

huonyesha ndugu zake kanisani. Kwa maana mtu asipopenda

ndugu yake basi upendo wa Mungu haumo ndani yake

(1 Yohana 4:20-21).

UPENDO MKAMILIFU HUTUHAKIKISHIA UZIMA

WA MILELE

Sio tu kwamba uhusiana wa upendo na Mungu hutuletea

amani na uhusiano wa karibu na Mungu bali pia

unatuhakikishia uzima wa milele. “Baada ya hayo nimewekewa

taji ya haki, ambayo Bwana, mhukumu mwenye haki, atanipa

siku ile; wala si mimi tu, bali na watu wote pia waliopenda

kufunuliwa kwake (1 Timotheo 4:8).

SHAUKU KUU LA MUNGU NI KUWA NA UHUSIANO

NAWE Shauku kuu la Mungu ni wewe kuwa na uhusiana na urafiki wa

karibu naye. Mungu angetaka kuwa sehemu ya maisha yako.

Yeye ana shauku kwamba utatumia wakati wako na Yeye na

pia kwamba utawasiliana na Yeye. Kuna ushirikia wa karibu na

wa ajabu ambao unapatikana katika uhusiano kama huo.

Uhusiano na Mungu ambao msingi wake ni upendo utapatia

maisha yako maana na kusudi la kuishi.

—mws.

(Endelea kutoka ukurasa 5)

Ukurasa wa 7

Kikristo yenye uchovu mwingi ya kuwa na msimamo dhabiti kwa mafundisho ya Kikristo lakini bila upendo wa kupatia maisha hayo uhai. Uhusiano huchukuwa wakati wa mtu. Pia unahitaji kulindwa dhidi ya mambo ambayo yanaweza kuingilia kati.

“Na kwa sababu ya kuongezeka maasi, upendo wa wengi utapoa” (Mathayo 24:12). Wengi wamepoteza upendo wao wa kwanza kwa maana wametoa upendo wao kwa mambo ya ulimwengu huu huku wakidumisha msimamo ambao kimsingi unaambatana na mafundisho ya Kikristo. Mungu basi anakuwa na wa kiwango cha pili kwa upendo wao au hata anakuwa ni wa kiwango cha chini zaidi. Wakati wao, uwezo wao, umakini wao, na mvuto wa upendo wao unakuwa kwa mambo mengine.

Jambo hili huleta uvivu kwa maisha ya mtu kumwishia Mungu na kunakuwa na ukosefu wa bidii ya kueneza injili. Kunakuwa tu na aina ya utauwa. Basi ni jambo muhimu kwetu kuchunguza tena maisha yetu ili kuhakikisha kwamba maisha yetu na bidii yetu ili kuhakikisha kwamba hatupotezi upendo wa kwanza.

Kama ambavyo mke na mume wanahitaji kuwasiliana na kutumia wakati pamoja ili kudumisha upendo wao ukiwa wenye nguvu ndivyo hivyo ilivyo kwa Mungu. Ni jambo muhimu kwetu ni kufanya bidii kudumisha “upendo wa kwanza” kwa kusoma Neno la Mungu, kuomba, kudumisha mahusiano, na kumweka Mungu mwanzo katika maamuzi yote tunayofanya. Zaidi ya yote tunahitaji kuufanya upendo kuwa ndio msukumo wa huduma yetu na sababu yetu ya kufanya mambo yafaayo.

Ni katika ujuzi huo wa upendo wa kwanza ndipo utakapopata bidii ya kushiriki injili na upako wa maisha ya kila siku. Upendo huo hufanya mafundisho ya Kikristo kuwa hai na kutoa sababu na furaha ya maisha.

—mws

upendo wao huwa limetokomea. Na mambo pia huwa hivyo kwa watu wengi katika uhusiano wao na Mungu. Waokovu wapya huwa na wakati mzuri wakiwa katika hali hiyo ya kujihisi wamesamehewa dhambi zao na wako kwenye maisha yaliyojaa amani na neema. Lakini ikiwa uhusiano huo haudumishwi mtu huyo anaweza aidha kuirudia dhambi ama kuendelea kufanya mambo “ya haki” lakini bila ukakamavu wa upendo huo wa kwanza.

Wale ambao wamepoteza upendo wa kwanza wameamuriwa kutubu. Kunao watu wengi na makusanyiko mengi ambayo wamesimama wima dhidi ya

uovu lakini wamepoteza moto wa upendo ambao ulikuwa ukiwaka hapo mbeleni. Wao wamepoteza kile kitu ambacho Mungu alitaka wawe nacho toka mwanzo—uhusiano wa upendo.

Upendo mkuu kwa Mungu ndio huleta joto katika huduma ambayo mtu anamfanyia Mungu. Basi tusianguke kwenye mtego wa kuwa na maisha ya

SWALI: Je, ni nini maana ya mtu kupoteza upendo wa kwanza?

JIBU: Swahili hili linaambatana na andiko la Ufunuo 2:4 ambalo linasema: “Lakini nina neno juu yako, ya kwamba umeuacha upendo wako wa kwanza.” Roho wa Mungu alikuwa akizungumza kuhusu kusanyiko la Efeso.

Zingatia kwamba kusanyiko hili lilikuwa limesimama wima dhidi ya uovu na walikuwa wakifanya mambo mengi yaliyokuwa mazuri na ya haki. Ingawa walikuwa watiifu kwa mambo ya thiolojia na mafunzo ya kanisa Waefeso walikuwa wamepoteza uhusiano wa upendo uliowaambatanisha na Mungu ambao walikuwa nao hapo mbeleni. Nakala ya mafafanuzi cha JFB inasema: “Joto lao la upendo lilikuwa limeondoka na badala yake wakapatwa na maisha ya kushikilia mafundisho ya Kikristo kwa nguvu na ambayo hayakuwa na uhai.”

Wakati mwingi Maandiko hulinganisha uhusiano kati ya mwanadamu na Kristo kuwa kama ule wa kati ya bwana na mkewe. Hebu fikiria kuhusu wapenzi ambao walioa majuzi na ambao wanapendana sana na kujitolea mmoja kwa mwingine kwa uhusiano ulio hai. Wao hutaka kutumia wakati mwingi pamoja na kujinyima mambo mengi mmoja kwa ajili ya yule mwingine. Ndoa yao huwa na moto sana na pia uhai mwingi.

Lakini kama inavyokuwa wakati mwingi kwenye ulimwengu huu wenye dhambi wapendanao hupoteza ule upendo wao wa mmoja kwa mwingine na ndoa yao inakosa uhai. Wao huanza kuishi tu kwenye nyumba moja lakini joto la

“Wengi wamepoteza

upendo wao wa kwanza . . .

Wakati wao, uwezo wao,

umakini wao,

na mvuto wa upendo wao unaku-

wa kwa mambo mengine . . .

Mungu basi anakuwa na wa

kiwango cha pili kwa upendo

wao au hata anakuwa ni wa

kiwango cha chini zaidi.”

MASWALI

MAJIBU na

The Gospel Truth

P.O. Box 2042

Nixa, MO 65714

USA

Email:

editor@thegospeltruth.org

Anwani

Basi, ndugu zangu, mimi nilipokuja kwenu, sikuja niwahubiri siri ya Mungu kwa ufasaha wa

maneno, wala kwa hekima. Maana naliazimu nisijue neno lo lote kwenu ila Yesu Kristo,

naye amesulibiwa. Nami nalikuwako kwenu katika hali ya udhaifu na hofu na matetemeko

mengi. Na neno langu na kuhubiri kwangu hakukuwa kwa maneno ya hekima yenye

kushawishi akili za watu, bali kwa dalili za Roho na za nguvu, ili imani yenu isiwe katika

hekima ya wanadamu, bali katika nguvu za Mungu. —1 Wakorintho 2:1-5

Jumapili moja mhubiri Charles Haddon Spurgeon ambaye

anajulikana kama “mhubiri wa wahubiri” alijihisi kwamba

amehubiri kwa njia dhaifu sana hivi kwamba akajionea aibu.

Alipokuwa akiondoka kutoka mle kanisana mwake lililokuwa

katika mji wa London na ambalo lilijulikana kama Metropolitan

Tabernacle yeye aliduwazwa na swali kama kwamba kutakuwa

na jambo lolote nzuri ambalo lingetokana na ujumbe kama huo

wake. Alipofika nyumbani akapiga magoti na kuomba, “Ewe

Bwana Mungu, waweza kufanya kitu bila kuwa na chochote.

Naomba ukaubariki ujumbe huo wangu ambao ni hafifu sana.”

Kwa muda wa miezi kadhaa iliyofuata watu 41 wakasema waliamua kumwamini Kristo

kama mwokozi kutokana na ujumbe huo “dhaifu.” Katika Jumapili iliyofuata na ili kufuta

“makosa” yake Spurgen aliandaa ujumbe “kemkem” lakini ng’o hakuna mtu aliyeokoka.

Ujuzi ambao Spurgeon alipata unatilia mkazo masomo mawili muhimu kwa watu wote

wamtumikiao Bwana. Kwanza kabisa tunahitaji baraka za Mungu kwa juhudi zetu zote.

Sulemani alisema katika Zaburi 127:1, “BWANA asipoijenga nyumba waijengao wanafanya

kazi bure.” Pili, udhaifu wetu huwa nafasi kwa Mungu kudhihirisha nguvu zake. Mtume

Paulo akasema, “Kwa hiyo napendezwa na udhaifu, na matusi, na matatizo, na adha, na

shida, kwa ajili ya Kristo. Maana niwapo dhaifu ndipo nilipo na nguvu”

(2 Wakorintho 12:10).

Mkate Wetu wa Kila Siku, Mei 18, 1992.

Utakatifu kwa Bwana

Sio kwa Ufasaha wa Maneno

Ukurasa wa 8

• Yehova (Yahweh – Kiebrania) ni jina la kibinafsi la Mungu katika Maandiko. Mungu yule

ambaye ana uhai wake wa kibinafsi, asiyebadilika, wa milele, muumbaji na Bwana wa yote.

• Yesu ni jina lenye maana ya “Mwokozi.”

• Imanueli ni jina lenye maana ya “Mungu pamoja nasi.”

• Masihi nalo linatokana na Kiebrania na maana yake ni “kupakwa mafuta.”

• Kristo ni neno la Kiyunani lenye maana ya “aliyepakwa mafua.” Jina hili lina

maana moja na Masihi.

• Alfa na Omega ni herufi za kwanza na za mwisho za alfabeti ya Kiyunani. Maana yake ni kumwakilisha Yesu

kama “mwanzo na mwisho, maana yake ni wa kwanza na wa mwisho.”

Je, Wajua?

Neno Katika

Majira Yake