lean roham baen tikkim€¦ · umpasa parjambaron . 2 kata pengantar “andorang so dibuka buku on...

1

“LEAN ROHAM BAEN TIKKIM”

PANDUAN PRAKTIS RAJA PARSINABUNG

Oleh :Parulian Naibaho (a.raja)

DAFTAR ISI

KATA PENGANTAR................................................................................................................ 2

I. ULAON TARDIDI.............................................................................................................. 4

II. ULAON MALUA SIAN PANGKANGKUNGI................................................................... 12

III. ULAON MARHUSIP....................................................................................................... 15

IV. ULAON TONGGO RAJA/RIA RAJA............................................................................. 23

V. PESTA UJJUK................................................................................................................. 28

VI. ULAON TONGGO RAJA SARI MATUA....................................................................... 46

LAMPIRAN :

UMPASA

PARJAMBARON

2

KATA PENGANTAR

“Andorang so dibuka buku on jolo dijaha majo kata pengantar”

Adong hata ni natua tua namandok,”opputta raja di jolo martukkot siala gundi,

napinukka ni parjolo dipaihut ihut naparpudi” Adong muse mandok opputta raja di

jolo martukkot siala gundi, napinukka ni parjolo dipature ture parpudi. Dia do natingkkos,

molo pandapot ni panurat duassa do tikkos mamereng peakna ma.

Molo tabereng angka paradaton namasa di tingki on tarlumobi paradaton nataulahon di

tano parserahan on (jakarta) marragam do, nangpe hita rap maringanan di jakarta on,

sipata ala asing asing hutana olo do asing adatna, asing margana olo do asing adatna,

alai ala adong do hata ni situa tua namandok “sidapot solup naro” hata on ma

namambaen nang pe asing asing hasomalan di luatnabe gabe boi do sikkop di tingki

adong ulaon paradaton.

Suang songonido diangka namangulahonsa, di sude marga sai adong do angka tokoh

tokoh manang natua tua didok “PARSINABUNG” Manang Raja parhata ima sahalak

tokoh manang natua tua na olo mangalehon rohana mangulahon angka paradaton.

Mangulahon adat di tano parserahan on, tung massai maol jala arga do, suda do angka

partingkian, suda do sihumisik, suda do gogo, loja nang pikkiran. Dibahen i gabe adong do

sada sada marga maol patupa ulaon adat ala naso adong tokoh manang parsinabung

Dibahen ido gabe tubu roha ni pengurus harian (BPH) Raja Naibaho Sitangkaraen

Sejabodetabek patupahon sada wadah laho marsiajar marhata adat tu angka generasi ni

raja naibaho sitangkaraen na digoari:

“SITANGKARAEN IDOL ADAT”

Anggiat nian sude pomparan ni raja naibaho sitangkaraen mangantusi angka ruhut ruhut

ni paradaton na adong di tano batak dohot di tano parserahan on.

Parsinabung manang raja Parhata molo mangkatai di angka ulaon adat, asing asing do

hasomalan nasida tingki mangkatai, jala asing asing do sipata angka umpasa na

dihatahon nasida, adong do parsinabul i makkai praktis,simpel, to the point jala tabo

begeon alai adong muse do mangkatai mermengo mengo,maruppasa pe sipata angka

umpasa rombengan holan patabo tabo pinggol. Alai manang songon dia pe hasomalan

makkatai ianggo ruhut ruhut ni paradaton dang boi manimbil.

“LEAN ROHAM BAEN TIKKIM” Buku panduan praktis raja parsinabung di patupa BPH

Sitangkaraen asa adong songon panduan tikki marsiajar marhata adat, jala angka

natarsurat di buku on, angka ima hata dohot ruhut ruhut ni paradaton na dipakke

panurat tikki gabe Parsinabung manang raja parhata di angka ulaon adat na sailaon.

3

Dibahen i tuhamu amanami naung berkecimpung (pakar) di angka paradaton dang tu

hamu buku on, unang pola jaha hamu. Jala molo pe dijaha hamu asa buat hamu ma

nadenggan i unang pola di perdebatkan, sotung mari suang partingkian i . Adong do hata

melayu na mandok “ Lain lubuk lain ikan nya, lain ladang lain belalang nya” onpe ..

ala asing hita namanurathon, namangulahon dohot namangkatahon asing asingma dohot

cara makkatahonsa alai ianggo ruhut ruhut ni paradaton natarsurat dison nungnga

sarupa be dohot hasomalan ni ulaon paradaton ditano parserahan on.Mauliate

Jakarta Mei 2017

Panurat Ketua Umum Raja Naibaho Sitangkaraen

Sejabodetabek

Parulian Naibaho (A Raja)

4

I.ULAON TARDIDI:

Di ulaon tardidi somalna di baen do gokhon dohot jou jou tu hula hulana laho pasahathon

paroppa, molo gokhon i sahat tu dalihan natolu tarsongon tulang dohot tulang rorobot

suang songoni tu angka sisolhot namarhaha maranggi dohot dongan huta namarlapatan

ulaon i nungnga ulaon nabalga, di ulaon dalihan natolu ingkon adong ma antong

sipanganon na marsittuhu ima tudu tudu ni sipanganon.

Siparadeon ni Suhut

1. Tudu tudu ni sipanganon

2. Sipanganon lengkap

3. Amplop Parsituak natonggi isina tergantung suhut.

Angka siparadeon ni hula hula ima:

1. Sada dekke mas di peakkon di pinggan pasu dohot indahan.

2. Dekke simundur undur 3 ekor

3. 1(sada) Ulos mangiring di goari paroppa manang parorot tu pahoppu natardidi.

1(sada) Ulos suri suri ganjang manang sitolu tuho molo na tardidi i anak/boru

panggoaran di pasahat tu hela dohot boru.

.

Dung simpul siang gareja di patupa ma ulaon laho mangan indahan las dohot minum aek

sitio tio, tarsongon on ma partordingna:

Protokol Ni suhut :Dihita saluhutna amanta raja dohot inanta soripada, hita

namarhaha maranggi pomparan ni opputta raja ......(dijouhon oppu

nasida) ala naeng tamulai ma ulaontta asa masuk mahita tu

inganan naung huparade hami. (Boi do dijouhon dua hali...)dung

singkop masuk sude , disungkun namarhaha maranggi boha adong

dope sipaimaon..? molo nungnga sikkop disungkun ma muse boru

boha borunami nungnga sikkop sipanganonta..? molo ngasikkop

sude jongjong mahita asa tatomu tomu hula hulatta ( Tergantung

situasini inganan ).

Protokol ni suhut :Dihamu raja ni hula hula nami rajai Raja......(digorahon marga

nihula hula)nungnga mangarade be hami laho manomu haroromu

asa masukma hamu, dung masuk di pintu ni bagas didokma

Horas.....horas...horas di pasangapma hula hula naroi hundul di

hallangulu.

5

(Panomu nomuon sisongon on tergantung kondisi , molo ndang

memungkikan inganan boi do langsung dipatama hula hulai hundul

di hallang ulu)

Protokol ni suhut :Molo dung tangkas hundul hula hulai disukkun protokol ma Boha

rajanami adong dope sipaimaonta..?

Parhata ni hula-hula :Nungnga be amang boru molo tung pe adong angka naso sahat

mandapoti nauli ma nasida.

Protokol ni suhut :Raja nami raja bolon parjolo ma hami marsattabi andorang so

tamulai ulaonta,dang namangajari hami raja nami palias mai didok

roha nami nian asa rajai ma parjolo pasahathon molo tung adong si

pasahaton ni rajai tu pahompumu/beremu, dungi annon roma hami

mandapothon hamu, alai holan pandapot doi raja nami rajai do

anggo namanontuhon, mauliate partingkian hupasahat hami ma

turajai.

Hula hula :Mauliate ma amang boru naburju, tohoma konsep munai ala adong

do huboan hami na naeng sipasahaton nami tu pahoppu nami/bere

nami par jolo ma jolo hupasahat hami.

Protokol ni suhut : Nauli rajanami.

Hula-hula :(Diboanma dekke dohot indahan di ginjang ni pinggan pasu dohot

1 ulos mangiring)

Jadi di hita horong ni hula hula suang songima haha parhundul nami

(molo adong) didok roha jolo tapasahatma sipasahatonta ate baru

pe hita marsipanganon. (dialusi haha parhuddul gabe horas).

Borhatma uduran ni hula hula pasahathon sipasahatonna parjolo

ma dipasahat dekke upa upa tu boru dohot helana jala didok

hatana...

Hula-hula :(Pasahat dekke)

Di hamu helakku dohot borukku dison huboan hami dekke simundur

undur sipanganon natabo angiatma nian sai lam marudur udur ma

angka pancarian passamotan di hamu tu joloan niarion asa adong

baenon mu laho pagondang godangkon pahoppu namion molo tung

songononpe naboi hupasahat hami tu hamu lasma rohamu.

Hula-hula :(Pasahat Ulos tu pahoppu/Bere)

Andorang so diappehon didok ma hatana:

di ho berekku/pahoppukku dison rodo hami tulangmu/oppungmu

mandulo ho bere/pahoppu dilas niroha nami di naung tamba bilang

6

bilang ni pomparanku jala naung gabe partohap ho di harajaon ni

Tuhan Jesus Kristus, songon singkat ni tangiang nami tu amanta

namartua debata huboan hami do dison ulos paroppa ulos

naganjang sigodang rambu asa ganjang umurmu jala hatop maho

simbur magodang tumpahan ni amanta namartua debata( laos di

ampehon ma ulos paromppa i sian jolo jala didokma hatana:...

“Nitaba bulu godang ni pangait aitton

sai hatop maho simbur magodang alai

Tokka panahit nahiton”,

dohot umpasa naasing......Diihuthon hula hula naasingma pasahat

ulos

Hula –hula (Molo anak/boru panggoaran)

Dipasahatonma ulos mappe goar didokma hatana : Dihamu helakku

dohot borukku dison rodo hami hula hula mu laho pasahathon ulos

naganjang sitorop rambu songon ulos mappe goarma on dihamu asa

olak nion mappe ma antong goar ni bere/pahoppuon tu hamu jala

jouon ma anto hamu gabe ama....dohot nai..... molo tung songononpe

naboi hupasahat hami tu hamu...... las ma rohamu lasma dagingmu

jala lasma nang tondi mu.( molo dang panggoaran holan tu poso

poso ido pasahaton)

Hula hula :Jadi songonima amang boru nungnga sikkop be sian hami

partingkian hupasahat hami ma tuhamu.

Parhata ni suhut :Boru nami boan hamu ma tuson sipasahatonta tu hula hulanta,

(dung diparade, disungkunma hula-hulai raja nami raja bolon ala

naeng roma hami laho mandapothon hamu boha rajanami tudiama

adophononnami raja nami..

Hula-hula :Mauliate ma amang boru disungkun sungkun muna, di dokroha

nami ba tuson ma adophon hamu .

Protokol ni suhut :Nauli raja nami,dihamu raja nihula hula nami dison rodo hami raja

ni parboruon muna di boan hami do tudu tudu ni sipanganon

lompan natabo loppan na marsaudara, parhitean maon tu amanta

namartua debata anggiatma nian olak nion sahat tu joloan niari on

sai lam di patudu tuhanta ma angka pancarian pansamotan di

hamu dapot ma angka najinalahan jumpang angka naniluluan

tumpahan ni amanta namartua debata, molo tung songononpe

naboi hupasahat hami tu hamu lasma rohamu asa songon ni dok ni

natua tua “ Sititik ma sihoppa golang golang pangarahutna,

7

molo tung songononpe naboi hupasahat hami tuhamu

godangma pinasuna”

Hula-hula :(dung sippul sahat, roma muse hula hula mamboan dekke

sipasahaton to horong ni boru)

Songima nang di hamu raja ni parboruon nami dison rodo hami raja

ni hula hula muna di boan hami do dekke si mundur undur dekke....

sitio tio dekke sahat, parhitean doon tu amanta namartua debata

anggiatma nian olak nion sahat tu joloan ni arion sai lam marudur

udurma angka passarian passamotan di hamu tio ma antong aek

inumonmu jala sahatma angka nauli sahatma angka nadenggan

tumpahan ni amanta namartua debata, molo tung songonon pe

naboi hupasahat hami tuhamu lasma rohamu.

(Marsijalangan)

Protokol ni suhut :Jadi mauliate ma rajanami, jadi bohama rajanami ise ma hita

namambaen tangiang..?

Hula-hula :Ala hamudo napatupahon ba hamu ma namambaen amang boru.

Protokol suhut :Martangiang mahita...........amen,

“Sititik ma sihoppa golang golang pangarahutna,

molo tung songononpe naboi hupasahat hami tuhamu

godangma pinasuna”

marsipanganon mahita.

Dungsidung marsipanganon

Hula hula :Jadi amang boru boha nga boi be tauduti ulaonta ate..? ala

mamereng hita di partikkian. Angka namangan boima di torushon,,,,,

Protokol Suhut :Naulima rajanami.

Hula hula :Jadi amang boru nangkin dipasahat hamu tudu tudu ni sipanganon

andorang so diseat raut ninna asa jolo di seat hata, boha amang

boru tarsongon dia ma partording ni sipanganon napinasahat mu tu

hami.

Protokol Suhut :Mauliate ma raja nami tohomai nangking hupasahat hami tudu

tudu nisipanganon, taringot tu partordingna ba rajai ma

namangaturhon .

8

Hula hula :Mauliate ma amangboru alai amangboru ala hamudo umboto sadia

bidang ulaonta ba hamuma namangaturhon di anggka nahurang

lobi annon denggan hita marsipatingkosan mauliate.

Protokol Suhut :Jadi songonima raja nami tar songononma nian parjambaran na boi

hupasahat hami tu hamu, osang pasahaton nami mai tuhamu hula

hula nami, somba somba pasahaton nami mai tu tulang nami,dohot

angka oppung nami, namarhodongi di hami mai rajanami,

parsanggulan tu angka boru mai, tu dongan huta ,ale ale dohot tu

pangula ni huria sian soit mai , boha raja nami..?

Hula hula :Gabe horas ...

Suhut :Boru nami,

ULAON MANGKATAI

Protokol ni suhut :Rajanami raja bolon ala mamereng hita di partingkian, ngaboi be

tauduti ulaonta ate.? Andorang so hupaandarhon hami pangkataion

tuhamu lean rajai majo partingkian di hami asa hupasada hami jo

tahi nami,

Protokol ni suhut :Dihita namarhaha maranggi ala naeng mula onta nama

pakkataion, “andilo nahinan hadang hadangan saonari diama

angka naung taulahon siang nahinan ido ihut honanta saonari”

ala di hami pomparan ni opputa si no...ma na gabe hasuhuton bolon,

ba hamu ma nian hahaanggi dolima nagabe raja panamboli,

partingkian hupasahat hami ma tuhamu hamuma namarsiaturan.

Pangaris ni suhut :Dihita namarhaha maranggi, tohomai andilo nahinan hadang

hadangan saonari diama angka naung taulahon sian nahinan ido

ihut honanta saonari, ala di pomparan ni opputa si nomor ....(

didokma nomorna......) ma na gabe hasuhuton bolon, ba hita ma nian

hahaanggi dolima nagabe raja panamboli, ( marsiarisan .....) boi do

langsung di jalo molo nga ditontuhon hian.

Parsinabul :Jadi mauliate ma di hita saluhutna pomparan ni oputta ...(didok

goar ni oppuna) nuaeng di pasahat hamu pankataion tu hami jala

hami ma nagabe mangalusi sungkun sungkun siang raja ni hula

hulata hujalo hami jala ulahonon nami mai di bagasan las niroha,

naengpe ala naeng makkatai ma hita asa sonang be ma hita di

ingananta. Mauliate. Ompe raja nami nungnga mangarade be hami

partingkian hupasahat hami ma tu rajai....

Hula hula :Dihita horong ni hula hula ala naung ro jou jou ni parboruotta ise

ma hita laho mangalusi nasida.? Pinasahat majo tu haha parhuddul

nami rajai ....(didok margana ima tulang ni hela...)

9

Hula-hula :Pangkataion di paandarhon tu haha parhudul( molo adong...)

Haha parhuddul :Jadi dihamu anggi parhudul nami songon janjinta najolo ima molo

hami di jolo hamuma di pudi, molo hamu di jolo hami ma di pudi

nuaengpe ala natardidi do pahopptta ba hamu ma antong gabe raja

di jolo, partingkian hupasahat hami ma tu hamu, mauliate.

Hula hula :Jadi mauliate ma haha parhuddul takkas do di ingot hamu janjitta

najolo, ba hu ulahon hami maon di bagasan las ni roha.

Amang boru naburju, somalna do antong di ulaon ni akka raja sai

jolo ni nangnang do asa ni nungnung, sai jolo pinangan do................

asa ni sukkun nangking dipasahat amang boru tu hami tudu tudu ni

sipanganon lompan natabo lopan namarsaudara, tung massai

tobodo loppan i hupangan hami, disi landina disi landona disi daina

disi do nang tabona sirsir antong dohot sirana sikkop muse dohot

asomna sai pamurnas mai tudaging saudara mai tu bohi sipalomak

imbulu mai sipaniang holi holi asa bagot namarhalto ma ni agatan

di robean haras ma hami na manganton tugandana ma dihamu

namagalean amang boru naburju taringot tu sittuhu ni sipanganon

dia ma laklakna dia ma unokna diama hatana diama nanidokna

tangkas ma hatahon amang boru.

Parsinabul Suhut :Raja nami raja bolon tulang na burju godang sibutong butong otik

sipir nitondi, godang so sadia nahupasahat hami tu rajai sai

pamurnas mai tudanging saudara mai tu bohi sipalomak imbulu mai

sipaniang holi holi asa “sititik ma si hoppa golang golang

pangarahutna molo tung songonipe naboi hupasahat hami

godangma pinasuna” Namanukkun ma antong rajai tu sittuhu ni

sipanganon na sosadia i, dia laklakna dia unok na dia hatana jala dia

na nidokna dohonon nami ma rajanami panggabean parhorasan do

hatana.

Hula hula :Mauliate ma amang boru panggabean parhorasan do hape hatana ,

alai amang boru marakkup do nauli mardongan do nadengan

siakkup songon nahundul si udur songan namardalan, siakkup ni

panggabean parhorasan i tangkas ma hatahon amang boru, asa

tangkas ninna uju purba tangkas uju angkola asa tangkas ma hita

maduma tangkasan ma hita mamora, tangkas ma hatahon amang

boru. Sidok boti hami.

Parsinabul ni suhut :Mauliate ma tulang naburju, namanangkasi ma antong rajai, raja

nami raja bolon parjolo dohonan nami do mauliate tu amanta

pardenggan basai ala ni denggan ni basana dohot asi nirohana tu

hita saluhutna ima songon naung takkas taboto naung di

basabasahon Tuhan tu hami sada dakdanak baoa/boru gabe tamba

bilang bilang ni pomparanni rajai , tung massai las rohanami ala

10

hipas do pahoppu mu suang songoni nang borumu, dilasniroha nami

rajanami nasogot huboan hami do pahoppu mu tu bagas joro ni

Tuhatta ima laho pasahatton ibana tu adopan ni Tuhatta anggiat

nian gabe sipartohap ibana di adopan ni Tuhatta. Ido alana raja

nami hu onttang hami hamu tu bagas nami on asa tangiangkon rajai

pahoppu muna on anggiat hipas hipas huhut simbur magodang tu

joloan ni ari on. Ido siangkup ni panggabean parhorasan i raja

nami, sidok boti hami.

Hula hula :Mauliate ma amang boru nauli nadenggan na pinatupa mu, hami

pe antong songon hula hula mu tung massai las do rohanami............

ala hipas pahoppu /bere nami suang songoni nang boru dohot hela

nami. Songon sikkat ni tangiang nami antong pasahaton nami ma

angka tangiang dohot hata pasu gabe tamba ni angka ulos herbang

naung hupasahat hami nangkining. Jadi dihita horong ni hula hula

dohot boru nami nungga tangkas taboto ia sadarion ulaon las ni

roha ala naung diboan pahopputta nangking tu bagas joro ni

Tuhatta asa gabe si partohap ibana di harajaon ni Tuhantta di

bahen i antong baenonta ma angka hata nauli hata nadenggan

dohot hata pasu gabe tamba ni angka ulos herbang naung tapasahat

nangkining di bahen i asa mangarade ma hita. Parjolo ma

partingkian hupasahat hami tu haha parhuddul........

Haha Parhudul :Mandok hata, biasana sai di pajolo do boru, inanta sori pada baru

pe tu angka ama namarhaha maranggi.

Dung sippul haha parhuddul sahat ma tu hula hula.

Hula hula :Mandok hata ( molo dung sikkop di dokma muse , songonima amang

boru nungnga sikkop be sian hami, asa di dok natua tua naung 17

jumani 18 angka hata nauli na hupasahat hami ampu hamuma

martonga ni jabu)

Protokol ni Suhut :Mauliate ma raja nami raja bolon ala nungnga di pasahat hamu

parbue ni holong dahot angka pasu gabe, anggiatma raja nami

saluhut hata napinasahat mu mangulosi badan mangulosi tondi mai

tumpahan ni amanta namartua debata. Andorang so huappu hami

raja nami asa naeng roma hami laho mandapothon hamu songan

napasahathon silasniroha nami (Parsituak natonggi) mangarade ma

hamu.

Suhut :(dipasahat suhutma amplop marisi hepeng isina tergantung suhut)

Parsinabul Suhut :Jadi dihita saluhutna dapot ma tingkina laho pasahathon hata

pangapuon tu horong ni hula hulatta songon onma partording na,

parjolo ma sian dongan huta nami, dungi boru bere, dungi tu hita

11

namarhaha maranggi di mulai inanta soripada, baru pe tu

hasuhuton,,,,( mangampu...)

Parsinabul Suhut :Jadi songonima hata pangappuon raja nami asa” aek marjullak

jullak marjullak jullak sian batu, jullak jullak nai ti nahu ma tu

tabu tabu, angka hata nauli hata nadenggan na pinasahat mu

ampe mai tu abara nami peak tu parsambuhuan nami jala

huappu hami ma martonga ni jabu, asa turtur ma ninna

anduhur tio ma ninna lote, akka hata nauli hata nadenggan na

pinasahat mu sai unang ma muba unangma mose, asa sahat

sahat ni solu sahatma tu boktean sahat tu tiga ras lelengma

hita mangolu sahat ma tu panggabean jala horas horas.”

Parsinabul Suhut :Songonima raja nami hata pangappuon sian hami, partingkian hu

pasahat hami ma tuhamu asa hamu manutup ulaonta dohot

tangiang.

Hula hula :Somalna andorang so tangiang di baen hula hula do sada ayat ende

baru martangian. ( tangiang......)

Suhut/hula hula :Horas...horas...horas marsijalangan.

12

II. ULAON MALUA SIAN PANGKANGKUNGI (SIDI)

Di ulaon malua sian pangkangkungi somalna gokhon dohot jou jou holan tu hula hula do manang tulang ni namalua tambana dongan sahuta.

Siparadeon ni Suhut

1. Tudu tudu ni sipanganon

2. Sipanganon

3. Amplop Parsituak natonggi isina tergantung suhut.

Angka siparadeon ni hula hula ima:

1. Dekke mas 1 ekor di peakkon di atas ni pinggan pasu dohot indahan.

2. (sada) Ulos ragi hotang ( molo Baoa) manang ulos sadum ( molo boru)

Dung simpul sian gareja di patupa ma ulaon laho mangan indahan las dohot minum aek

sitio tio, tarsongon on ma partordingna:

Protokol ni suhut :Dihita saluhutna amanta raja dohot inanta soripada, hita

namarhaha maranggi pomparan ni opputta raja ......(dijouhon oppu

nasida)boru nami , bere. Dongan sahuta nami tarlumobi

nahuparsangapi hami hula hula nami rajai (... dijouhon margana)

ala naeng tamulai ma ulaontta asa masuk mahita tu inganan naung

huparade hami. (Boi do dijouhon dua hali...)dung singkop masuk

sude , disungkunma hasuhuton dohot hula hula ,boha adong dope

sipaimaon, molo nungnga sikkop disungkun ma muse boru boha

borunami nungnga sikkop sipanganonta..? molo ngasikkop boan

hamu ma tuson.

Protokol ni suhut :Dihamu raja ni hula hula nami rajai Raja......(digorahon marga nihula hula),dison adong hupatupa hami songon tudu tudu nisipanganon, parjolo hami marsattabi raja nami molo tung di jolo ni beremuna peon hupasahat hami lasma rohamu, posma roha

13

nirajai haduan di ari nauli ari nadenggan ro do hami laho palashon rohamu , boha raja nami..?

Hula hula :( biasana alusna nauli ma amang boru ulahon hamu ma)

Protokol ni suhut :Dipasahatma ma tudu tudu nisi panganon di jolo ni na malua i, jala

didok hatana” Di ho anaha ( di dok goarna...) dison rodo hami natua

tuam , diboan hamido tudu tudu ni sipanganon lompan natabo

loppan na marsaudara, parhitean maon tu amanta namartua debata

anggiatma nian olak nion sahat tu joloan niari on sai lam di patudu

tuhanta ma di ho angka bisuk di nalaho manjalahi angka

sijalahanmu di naung malua ho siang pakkakumon asa tontong

maho di ramoti Tuhan, molo tung songononpe naboi hupasahat

hami tu ho lasma roham asa songon ni dok ni natua tua..........................

“ Sititik ma sihoppa golang golang pangarahutna, molo tung

songononpe naboi hupasahat hami tuho godangma pinasuna”

Namalua :Dihamu tulang/ ompung dison dipasahat natua tuakku sipanganon

natabo asa hupasahat maon tuhamu tulang oppung gabe loppan

mangan maon di hita. Mauliate.

Hula hula :Roma muse hula hula mamboan dekke sipasahat ma tu namalua i,

di dok hatana songonima nang di ho pahoppu /bere ( didok

goarna...) dison di boan hami do dekke si mundur undur dekke sitio

tio dekke sahat, parhitean doon tu amanta namartua debata

anggiatma nian di naung malua ho sian parkakkungon gabe si

iuhuthon kristus maho saleleng ni ngolum molo tung songonon pe

naboi hupasahat hami tuho bere/pahoppu lasma roham lasma nang

tondim.

Protokol ni suhut :Jadi di hita saluhutna ala naeng marsipanganon mahita asa jolo

martangiang ma hita. (martangiang).

Protokol ni suhut (Dung sippul marsipanganon)..

Dihita saluhutna amanta raja dohot inanta sori pada , ala nungnga

sippul hita marsipanganon di dok roha dapot ma tikkina hita laho

pasahat hon angka hata nauli hata pasu gabe tu ianakkonta na

malua sian parkakungon , tarsongononma partordingna:

Mandok hata ma sian dongan huta/ ale ale

Mandok hata sia boru /bere

Mandok hata paniaran

Mandok hata hita namarhaha maranggi.

Mandok hata ma sian Hula hula.

14

Protokol ni suhut :Jadi di hamu saluhutna andorang so huappu hami angka hata

napinasahat mu naeng ro hami laho manjalangi hamu saluhutna ,

dilehon ma angka amplop ( Parsituak natonggi) tu sude naro i.

Mangappu parjolo sian Boru/Bere

Mangappu sian inanta soripada

Mangappu sian namarhaha maranggi

Mangappu ma nama malua siang pakkakumon

Mangappu natoras ni namalua

Protokol Suhut :Jadi songonima hata pangappuon sian hami “asa aek marjullak

jullak marjullak jullak sian batu, jullak jullak nai ti nahu ma tu

tabu tabu, akka hata nauli hata nadenggan na pinasahat mu

ampe mai tu abara nami peak tu parsambuhuan nami jala

huappu hami ma martonga ni jabu, asa turtur ma ninna

anduhur tio ma ninna lote, akka hata nauli hata nadenggan na

pinasahat mu sai unang ma muba unangma mose, asa sahat

sahat ni solu sahatma tu boktean sahatma tu tiga ras lelengma

hita mangolu sahat ma tu panggabean jala horas horas.”

Parsinabul Suhut :Andorang so tatutup di pangido roha nian asa hamu hula hula nami

ma nian manutup dohot tangiang.

Hula hula :Somalna andorang so tangiang di baen hula hula do sada ayat ende

baru martangian. ( tangiang......)

Suhut/hula hula :Horas...horas...horas marsijalangan.

15

III. ULAON MARHUSIP

Di ulaon marhusip ima ulaon laho patolhasson sangkap ni paranak tu parboru, ala naung

marsihaholongan angka ianakkon ni kedua hasuhuton.

Siparadeon ni Suhut paranak:

1. Tudu tudu ni sipanganon.

2. Sipanganon.

3. Hepeng ingot ongot ima harga 100.000 ( 1 lembar)sipasahaton ni parsinabul tu

parsinabul, harga Rp. 5.000,- hira hira 30 lembar sipasahaton tu natorop.

Siparadeon ni Suhut parboru

1. Dekke Simundur undur.

2. Indahan, aek sitio tio dohot angka na asing dongan ni lompan tingki mangan dohot

nahombar tusi.

3. Hepeng ingot ongot ima harga 100.000 ( 1 Lembar) sipasahaton ni parsinabul tu

parsinabul dohot harga Rp. 5.000,- hira hira 30 lembar sipasahaton tu natorop.

Di ari naung ni hibul ni hasuhuton paranak dohot par boru roma paranak rap dongan

tubuna dohot piga piga boru, hira hira hurang lobi 5-10 keluarga, roma ma nasida

mandapothon bagas ni parboru

Dung sahat paranak di jolo ni bagas ni parboru:

Protokol Paranak : Horas.....horas....horas

Protokol Parboru : Horas...Horas...horas...

Masuk ma hamu.........

Protokol Paranak :(andorang so hundul) didokma hatana, Raja nami raja bolon,

parjolo ma hudok hami mauliate tu amanta pardenggan basai ala

hipas do hami ro mandapothon hamu , jala hamupe hipasdo hudapot

hami, raja nami naburju, adong do poda ni dainang ima namboru

16

mu namandok, molo borhat hamu mandapothon tulangmu ingkon

boanonmu do angka sipalas roha manang silua mu, ido didok

dainang, dibahen i tulang na burju dison adong do huboan hami

songon silua nami ro mandapothon rajai , asa sigati rajai ma.

Protokol ni parboru :Mauliate ma amang boru, hami pe las do rohanami ala hipas hamu

ro sian bagas mu jala hami pe hipas di bagas on, di boan hamu muse

si lua nitangan mu mauliate ma di hamu, Borunami asa jalo

hamuma na binoan ni pariban muna on jala sigati hamuma.

Boru :Nungnga be rajanami, angka sipanganon natabo jala tangkas do

dison saluhutna.

Protokol parboru :Antong boan hamu ma tu pudi jala dengganma pature hamu ,

rapma hamu dohot boru ni paribanmu.

Boru Mauliate raja nami.

Protokol ni paranak :Jadi tulang na burju adong do hata ni situa tua namandok,” jolo

nitiptip sanggar laho baen huru huruan, jolo nisungkun marga

asa binoto partuturan,” nuaeng pe tulang parjolo ma patandahon

nami diri nami, (dipatandahon ma hasuhuton dohot angka

namarhaha maranggi, boi do dohot calon pangoli dipatandahon)

songonima tulang songon partinandaan singkat annon boi do muse

hita manghata hatai. Mauliate ma.

Protokol Parboru :Jadi mauliate ma amang boru nungnga tung tangkas hamu

patandahon diri mu, nuaeng pe antong patandahonon nami ma diri

nami. , (dipatandahon ma hasuhuton dohot angka namarhaha

maranggi,) songonima amang boru songon partinandaan di hita,

Mauliate ma.

Protokol ni paranak :Jadi boha raja nami molo sian hami nungnga sikkop be molo

soadong be sipaimaon asa ro ma nian hami mandapothon hamu.

Protokol n parboru :Nungnga be amang boru molo tungpe adong angka namandapoti

mandapoti nauli ma nasida.

Protokol ni paranak :Antong molo songoni mangarade ma hamu raja nami,(roma

paranak di boan ma tudu tudu ni sipanganon...) , jala disukkun ma

parboru,Tulang na burju dison huboan hami do tudu tudu ni

sipanganon tudia ma adophonon nami rajanami ...? .

Protokol Parboru :Tujolo ni hasuhuton ma,

Protokol paranak ::Nauli, dihamu tulang nami dison rodo hami parboruon muna di

boan hami do tudu tudu ni sipanganon lompan natabo loppan na

marsaudara, parhitean maon tu amanta namartua debata

17

anggiatma nian olak nion sahat tu joloan niari on sai lam di patudu

tuhanta ma angka pancarian pansaloman di hamu dapot ma angka

najinalahan jumpang angka naniluluan tumpahan ni amanta

namartua debata, molo tung songononpe naboi hupasahat hami tu

hamu lasma rohamu asa songon ni dok ni natua tua “ Sititik ma

sihoppa golang golang pangarahutna, molo tung songononpe

naboi hupasahat hami tuhamu godangma pinasuna”

Protokol parboru :Mauliate ma amang boru hami pe naeng roma mandapothon hamu(

di boan ma dekkena, jala disukkun tu sabola dia ma adophonon nami

amang boru.

Protokol paranak :Tujolo ni hasuhuton ma tulang.

Protokol parboru :Songima nang di hamu raja ni parboruon nami dison rodo hami raja

ni hula hula muna di boan hami do dekke si mundur undur dekke

sitio tia dekke sahat, parhitean doon tu amanta namartua debata

anggiatma nian olak nion sahat tu joloan ni arion sailam marudur

udurma angka passarian passamotan di hamu tio ma antong aek

inumonmu jala sahatma angka nauli sahatma angka nadenggan

tumpahan ni amanta namartua debata, molo tung songonon pe

naboi hupasahat hami tuhami lasma rohamu.asa di dok natua tua

“Bagot na marhalto ma tubu di robean horas ma hamu

namanganton suang songonima hami na mangalean.”

(marsijalangan....)

Protokol paranak :Jadi ise ma hita namambaen tangiang tulang.

Protokol parboru :Ala hamu do naro mandapothon hami ba hamuma na mambaen

tangiangta.

Protokol paranak :Martangiang...... Amen..

“Sititik ma sihoppa golang golang pangarahutna, molo tung

songononpe naboi hupasahat hami tuhamu godangma

pinasuna” marsipanganon mahita.”

Protokol Parboru :Boru nami seati hamu aliang nai.......

Dungsidung marsipanganon

Protokol Parboru :Jadi amang boru boha nga boi ta uduti ulaonta ate..? ala mamereng

hita di partikkian. Angka namangan boima di torushon,

Protokol Paranak :Naulima rajanami.

Protokol Parboru :Jadi amang boru nangkin dipasahat hamu tudu tudu ni sipanganon

andorang so diseat raut ninna asa jolo di seat hata boha amang boru

18

tarsongon dia ma partording ni sipanganon napinasahat mu tu

hami.

Protokol Paranak :Mauliate ma raja nami tohomai nangking hupasahat hami tudu

tudu nisipanganon, taringot tu partordingna ba surung surung ni

rajai mai.

Protokol parboru :Jadi di hita saluhutna ala surung surung ta do ninna on ba annon

ma tabagi ate,? Boruna nami boan hamu maon tu mejai jala

denggan ma pature hamu disi ate.

ULAON MANGKATAI

Protokol paranak :Jadi rajanami ala mamereng hita di partingkian, ngaboi bera

tamulai ulaonta.? Alai andorang so hutariashon hami angka

sangkap ni roha nami parjolo majo lean rajai partingkian di hami

asa hupasada hami jo tahi nami jadi di hita namarhaha maranggi di

dok roha songon natahatai nangkin ma ate,/ .. jadi raja nami

nungnga mangarade be hami partingkian hupasahat hami ma tu

rajai.

Protokol parboru :Dihita namarhaha maranggi ala naeng mula anta nama

pakkataion, andilo nahinan hadang hadangan saonari diama angka

naung taulahon siang nahinan ido ihut honanta saonari, ala di hami

pomparan ni opputa si no...ma na gabe hasuhuton bolon, ba hamu

ma nian haha anggi dolima nagabe raja panamboli, partingkian

hupasahat hami ma tuhamu hamuma namarsiatura.

Pangaris Parboru :Dihita namarhaha maranggi, tohomai andilo nahinan hadang

hadangan saonari diama angka naung taulahon siang nahinan ido

ihut honanta saonari, ala di pomparan ni opputa si no( didokma

nomorna......) ma na gabe hasuhuton bolon, ba hita ma nian

hahaanggi dolima nagabe raja panamboli, ( marsiarisan ) boi do

langsung di jalo molo nga ditontuhon hian.

Parsinabul parboru :Jadi songonima amang boru, makkatai mahita ,


jolo ni nangnang do asa ni nungnung, sai jolo pinangan do asa ni

sukkun nangking dipasahat amang borukku tu hami tudu tudu ni


tobodo sipanganon i hupangan hami,” disi landina disi landona

19

disi daina disi do nang tabona sirsir antong dohot sirana sikkop

muse dohot asomna sai pamurnas mai tudaging saudara mai tu

bohi sipalomak imbulu mai sipaniang holi holi asa bagot

namarhalto ma ni agatan di robean horas ma hami na

manganton tugandana dihamu namagalean” amang boru

naburju dia ma laklakna dia ma unokna dia ma hatana dia ma

nanidokna tangkas ma hatahon amang boru.

Parsinabul Paranak :Raja nami raja bolon tulang na burju” godang sibutong butong

otik sipir nitondi, godang so sadia nahupasahat hami tu rajai

sai pamurnas mai tu danging saudara mai tu bohi sipalomak

imbulu mai sipaniang holi holi asa sititik ma si hoppa golang

golang pangarahutna molo tung songonipe naboi hupasahat

hami godangma pinasuna”. Namanukkun ma antong rajai “dia

laklakna dia unok na dia hatana jala dia na nidokna” dohonon

nami ma rajanami panggabean parhorasan do hatana.

Parsinabul parboru :Mauliate ma amang boru panggabean parhorasan do hape hatana ,

alai amang boru ‘marakkup do nauli mardongan do nadengan

siakkup songon nahundul si udur songan namardalan, siakkup

ni panggabean parhorasan i tangkas ma hatahon amang

borukku asa tangkas ninna uju purba tangkas uju angkola asa

tangkas ma hita maduma tangkasan ma hita mamora, tangkas

ma hatahon amang boru” Sidok boti hami.

Parsinabul paranak :Mauliate ma tulang na burju di namanagkasi ma rajai, adong do

hata namandok “tinaba ninna bulu godang denggan mai baenon

parhitehitean, molo magodang ninna anak ikkon pangolihonan

molo mangodang boru ikkon pahutaon”,raja nami raja bolon di

tangiang nami tu amanta namartua de bata anggiat ma nian

anakkon nami on hatop nian dapot sirokkap ni tondina, jala di

tangihon do tangiang nami, piga piga ari nasalpu roma husip husip

ni anak nami tu hami na paboahon naung marsihaholongan nasida

dohot boru ni rajai namargoar .........(Didok goar dohot margana) ima

boru nirajai si nomor............(Didok boru si nomor piga) dilas niroha

nami raja nami roma hami mandapothon rajai, jala di bagasan

tangiang dohor serep ni roha do haroro nami apala ditikkkion, asa

molo siat pangidoan nami rajanami angka holong naung ni rahut ni

naposo sahat ma nian tu angka natua tua, manang sitangkasna raja

nami na patua hata ma haroro nami apala di tikki on........

Parsinabul parboru :Jadi napatua hata ma hamu ro mandapothon hami apala di tikkion

amang boru.....? Nauli, Alai amang boru hata ni situa tua do

namandok “Manat ninna unang tartuktuk nenget unang

20

tarrobung” andorang so hu alusi hami pangidoan mu jolo nenget jo

husungkun hami boru nami.

Antong molo songoni , boru nami sungkun hamu majo pariban mu

toho do naung marsihaholongan ibana dohot anak ni amang borutta

on ima namargoar ...( didok goarna dohot margana)

Boru :Tohodo amang........

Parsinabul parboru :Antong molo songoni angka sangkap nauli sangkap nadenggan

tatangiangkon ma tu amanta namartua debata asa di pasaut angka

sangkap ni roha nasida. Alai amang boru andorang so hu alusi hami ,

asa hupatangkas jolo tu hami namar haha maranggi.

Dihita saluhutna didok amang borutta napatua hata ma ninna

nasida ro apala di tingki on, boha...... parjolo pinasahat majo tu

dongan huta nami :

Dongan huta :Molo siang hami dongan huta, molo nungnga marsihaholongan

angka ianakkon ba ta oloppon mai.. mauliate

Boru :Molo sian hami boru ba songonima raja nami alana angka naburju

do pariban nami on ba ta olophon mai.

Haha anggi :Molo hita namar haha maranggi boha sada ma hatta ate, suang

songoni nang hasuhuton bolon songon husip husip tai ma ate..?

Parsinabul parboru :Jadi songonima amang boru hu gabe hon hami mai di naro hamu

patua hata apala ditingki on. Gabe ma horas.

Parsinabul paranak :Mauliate ma raja nami rajabolon, nungnga tung malambok pusu be

hami ala di oloi hamu pangidoan nami anggiatma martinangi

amanta namartua debata di lehon di hita angka hahipason asa boi

denggan mardalan angka na tasakkapi saluhutna tujoloan ni arion.

Horasma jala gabe.

( Songon na mangasoh satongkin +/- 3 menit.)

MARHUSIP NAGOGO

Parsinabul paranak :Tulang naburju, songoni do huroha di pargoluon on, tarlumobi

angka berena tu tulangna siat mamiding ninna naeng mamolak, ia

mangelek ma hami tu hamu tulang nami, nangkin nungnga dioloi

hamu di naro hami lao patua hata nuaeng raja nami mangido

mangelek ma hami tu hamu saluhutna tulang nami molo siat nian

pangidoan nami asa laos ditingki on ma nian paboaon nami angka

husip husip na adong solot diroha nami taringot tu angka ulaon ta

haduan.

21

Pasinabul parboru :Mauliate amang boru, alai jolo tangkas majo hami marsipasadaan

tahi.,, jadi di hiat namarhaha maranggi, boru, bere. Dongan huta.

Didok amang borutta laos di tingki on ma ninna paboan nasida

angka husip husip nasida......partingkian pinasahat majo tu dongan

huta.

Dongan huta :Siang hami dongan huta gabe jala horas.

Boru gabe horas

Haha anggi :Gabe horas ...(alai boi do dikomentari songan na margait)

Parsinabul parboru :Jadi gabe ma jala horas amang boru alai husip husip nagogo ma ate

asa tangkas dibota hita saluhutna napungu dison.

Parsinabul paranak :Mauliate ma raja nami nungnga tung malambok pusu hami ala di

oloi hamu saluhutna pangidoan nami, songonon ma husip husip

nami raja nami:......

NAPARJOLO: Ala sangap do hamu di jolo nami raja nami dibahe i

molo siat pangidoan nami asa alapon nami do boru ni raja i sian

tonga bagas nirajai lapatanna rumang ni ulaonta ulaon dialap jual.

NAPADUAHON: Ia somba niadat somba ni uhum sipasahaton nami

godangna Rp.........( didok bilang bilangna)tamba ni i raja nami

taringot tu angka panandaion tu suhi ni ampang naopat pasahaton

nami doi di tonga ni simangajana. Tarsongonima na boi hupasahat

hami tu hamu raja nami.

Parsinabul parboru :Mauliate ma amang boru lata ni parlata lata duhut duhut do si

butbuton , manang dia pe di ula angka raja hata hasuhuton do

anggo namanontuhon, partingkian pinasahat ma tu hasuhuton.

Hasuhuton :Tandokmu do tangdok nami tandok nami do tandokmu, nungnga hu

pajolo hami damang laho mangalusi saluhut pangidoan ni amang

borutta ba dia ma angka sihatahononmu ido oloan nami. Mauliate

Parsinabul parboru :Mauliate amang boru gabe ma jala horas hu olophon hami mai.

Parsinabul paranak :Jadi mauliate ma raja nami mardapot dapot angka nauli hudapot

hami sian tonga ni bagas on nungnga tung malambok pusu hami

mauliate ma tulang naburju dohot di hamu saluhutna keluarga

besar ni tulang nami. Horas ma, nuaeng pe tulang partingkian

hupasahat hamima tu hamu.

Parsinabul paranak :Mauliate ma, jadi ala rumang ni ulaonta ima di alap jual jadi

patupaonta ma antong ulaon nabalga songon dalan martangiang tu

amanta namartua debata, tarsongononma konsep ni ulaonta.

22

Martumpol ari/tanggal/inganan

Marsibuha buhai ;inganan/jam

Tarpasu pasu : Hari/tanggal/Jam/Inganan alamat

Undangan : Godangna tu parboru/tu paranak.

Panjuhuti : Namarmiak miak/ lombu sitio natinutungan

Parjambaran : sidapot solup naro

Upa Tulang :Mardos ni roha kedua hasuhuton

Tarsongonima konsep ni ulaonta amang boru.

Parsinabul paranak :Mauliate ma tulang na burju nungnga tu las be roha nami, Alai raja

nami tung massai masihol do hami diangka tangiang dohot pasu

pasu sian hamu hula hula nami tarlumobi ma angka tangiang

marhitehon ulos herbang, molo siat pangidoan nami ..........................

asa saluhutna ma nian hami namarhaha maranggi pasu pasu hamu.

Songonima rajanami.

Parsinabul Parboru :Jadi mauliate ma amang boru di pangidoan mu, pos ma rohamu

saluhutna ma hamu namarhaha maranggi pasu pasuon nami

marhite tangiang dohot ulos herbang alai amang boru molo holan

17/11 pe ulos herbang na boi hupasahat hami dapotan ma hamu di

ulos natinonun sadari.

Parsinabul paranak :Mauliate ma raja nami di haburjuon ni rohamuna, las ma roha nami

disi.

Parsinabul Parboru :Jadi nungnga singkop be hita mangkatai, nuaeng pe tapodaima

ianangkotta ate..?

Calon pengantin di jou hundul di tonga ni punguan, boha amang

boru ise ma hita parjolo mamodai..?

Parsinabul paranak :Hami ma parjolo raja nami ( di suru sada siang dongan tubu

paranak mamodai,,)

Parsinabul parboru :Disuru sahalak dongan tubu ma modai.....

Parsiabul paranak :Pasahat ingot ingot, roma parsinabul paranak mandapothon

parsinabul parboru di boan pinggan pasu boras dohot hepeng (

biasana sada arga Rp.100.000 nadeba hira hira 30 lbr arga Rp.5.000.

Suang songoni parboru diparade ma ingot ingot sarupa

godangna.jala dipasahat persinabul paranak ma tu sangku

parsinabul parboru dohot sebalikna, jala di dok tonggona” aek

siarak uruk silanglang aek toba dakdanak dang marungut

23

ungut namatua marlas nirohaha.” Emma tutu. Jala di dokma

hatana ingot.... ingot..... ingot..... dibagi ma hepeng i di lehon ma

parjolo tu pengantin baru pe tu natorop.

Parsinabul parboru :Manutup dohot tangiang.... amen horas marsijalangan.

IV ULAON TONGGO RAJA/RIA RAJA

Siparadeon ni suhut:

1. Tudu ni sipanganon. 2. Sipanganon lengkap 3. Undangan

Molo adong martuppol biasana laos dung sidung partuppolon ido dipatupa ulaon martonggo raja/ria raja,alai molo dang adong partupolon di hibul ma ari nadenggan.Tonggo raja ima molo hita paranak, ria raja molo hasuhuton parboru. Dung singkop saluhutna marnatappak angka namarhaha maranggi di patama ma angka raja naginokkon hundul di hallang ulu. Dungi roma jou jou ni hasuhuton (paidua nisuhut):

Paidua ni suhut :Dihita namarhaha maranggi, boha adong dope sipaimaonta, molo soadong be nian asa tamulai pangkataion. Mauliate.

Pangaris :Molo sian hami haha anggi dolimuna nungnga sikkop be nian alai molo tungpe adong mandapoti nauli ma nasida.

Paidua nisuhut :Antong molo songoni tamulai ma ulaonta, boru nami ....asa boan hamu sipasahatonta,

Dihamu haha anggi doli nami andorang so tamulai angka pangkataion, adong do hupatupa hami songon tudu tudu ni sipanganon tu sabola dia ma adophonon nami.

Pangaris :Songon nasomal ima, alana rapdo hita manghasuhuthon ba haliangkon hamuma tolu hali tu sabola siamun. Dungi dipeakkon ma di tonga tonga. Mangadophon haha anggi doli.(dihaliankon ma tudu tudu sipanganon i tolu hali)

24

Paidua ni suhut :Mambaen tangiang......amen.

“sititik ma sihoppa golang golang pangarahutna molo tung songon ipe naboi hupasahat hami godangma pinasuna”.....Marsipanganon ma hita.

Pangaris :Dung sippul marsipanganon, disungkuthonma tu hasuhuton boha di hamu hasuhuton nami, nga boi tamu lai ..?

Hasuhuton :Mauliate ma raja doli, angdorang so tamulai pangkataion leon hamu majo partingkian di hami asa marsipasadaan tahi jo hami. Dihita namarhaha maranggi, ala naeng tamulai ma pakkataion ise ma hita na gabe mangalusi haha anggi dolitta., ( Marsiarisan...) molo nungnga di tontuhon didokma mauliate ma raja doli nungnga mangarade be hami.

Pangaris :Jadi songonima nang dihita namar haha maranggi , ise ma hita nagabe raja panungkkun diulaonta di tingki on, didok natua tua “ nitallik huling huling tarida holi holi, malo hahana ...................................

marulaon anggina ma namanamboli, nuaeng pe ala di haha/anggi doli ma ( didok goarna) na gabe hasuhuton bolon bahitama na gabe raja panamboli.” ....(Marsiarisan namarhaha maranggi)

Pangaris :Jadi mauliatema di hita saluhutna namarhaha maranggi ala nungnga sada be tahitta, nuaeng partikkian hupasahat hami ma tu haha/anggi doli ..( didok goar ni oppu .....) asa hamuma namanungkun haha anggi dolitta raja ni hasuhuton par tikkian on hupasahat hami ma tuhamu, mauliate.

Parsinabul :Jadi mauliate madihamu haha/anggi doli ala ni dos nitahitta hami ma antong namangulahon ulaonta apala di tikki on. Hujalo hami jala ulahonon nami maon dibagasan las niroha. Oppe di hita pomparan ni opputa ( didok goar ni oppu na.....)ala hita ma namangulahon apala di tikki on dibagasan las niroha partkkian tapasahat ma tu...... ( di dok panggoaran ni parsinabul) asa damang ma nagabe raja di jolo apala di tikki on, mauliate,

Parsinabul :Jadi mauliate ma dihita saluhutna, pomparan ni opptta Raja....(didok goarni oppuna) suang songonima nang dihamu inanta sori pada dohot boru nang berenami ala naeng tamulai ma pakkataion asa sonang be mahita di inganatta.

Dihamu raja ni hasuhuton, Andorang so tauduti ulaonta, nangking di pasahat hamu tudu tudu ni sipanganon tu hita saluhutna andorang so jolo di seat raut ninna asa jolo di seat hata tar songon dia ma parttordingna..?

Hasuhuton :Mauliate ma raja doli tarsingot songon tudu tudu ni sipanganon ala rapdo hita marnappunasa, ba hamu ma namangaturhon.

25

Parsinabul :Antong molo songoni molo dos rohatta tar songononma:

Osang..........Isema na gabe parsinabul di laonta haduan tu sima hasahatanna.

Parsanggulan......tu angka borutta.

Soit/Somba somba....ima tu hita namarhaha maranggi.

Boru nami sikkop ma pature hamu, mauliate.

Jadi mauliate ma dihamu hasuhuton nami gokkon ninna sipaimaon jou jou sialusan , nuaeng marnatappak do hami dison haha anggi doli muna manggohi gokhon dohot jou jou muna udut tusi dipasahat hamu tudu tudu ni sipanganon lompan natabo lopan namarsaudara, tung massai tobodo loppan i hupangan hami, “disi landina disi landona disi daina disi do nang tabona sirsir antong dohot sirana sikkop muse dohot asomna sai pamurnas mai tudaging saudara mai tu bohi sipalomak imbulu mai sipaniang holi holi asa bagot namarhalto ma ni agatan di robean haras ma............ hami na manganton tugandana dihamu namagalean, raja doli naburju dia ma laklakna dia ma unokna dia mahatana dia ma nanidokna tangkas ma hatahon raja doli”.

Parsinabul ni suhut :Mauliate ma raja doli na burju godang sibutong butong otik sipir

nitondi, godang so sadia nahupasahat hami tu hamu sai pamurnas

mai tudanging saudara mai tu bohi sipalomak imbulu mai sipaniang

holi holi asa “sititik ma si hoppa golang golang pangarahutna

molo tung songonipe naboi hupasahat hami godangma

pinasuna” Namanukkun ma antong raja doli tu sittuhu ni

sipanganon na sosadia i, dia laklakna dia unok na dia hatana jala dia

na nidokna dohonon nami ma raja doli panggabean parhorasan do

hatana.

Parsinabul haha doli :Mauliate ma raja ni hasuhuton panggabean parhorasan do hape

hatana , alai marakkup do nauli mardongan do nadengan siakkup

songon nahundul si udur songan namardalan, siakkup ni

panggabean parhorasan i tangkas ma hatahon raja ni hasuhuton

asa tangkas ninna uju purba tangkas uju angkola asa tangkas ma

hita maduma tangkasan ma hita mamora, tangkas ma hatahon raja

ni hasuhuton Sidok boti ma hami.

Parsinabul ni suhut :Mauliate ma raja doli , namanangkasi ma antong raja doli , parjolo

dohonan nami mauliate tu amanta namartua debata di baen asi

nirohana boi dapot di lehon angka nataparsitta, raja doli raja

naburju, didok natua tua molo magodang ninna anak

sipangolihonon molo magodang boru sipahutaon, ia nungnga

magodang anakta dapotma tingkina ingkon pangolihononta, piga

26

piga ari naung salpu borhat dohami mandapothon raja ni hula

hulatta rajai ( didok margana..) ima laho patolhashon sangkap ni

rohatta, jala molo tung pe holan hami naborhat mandapothon

nasida unang ma mangurangi sangap mu, jala ala ni tangiang mu

tung massai denggan do hami di jangkon hula hulatta. Raja doli di

sippul ni pakataion nami dohot raja nihula hulatta di jalo nasida ma

sakkapta ima na laho mangarangrangi akka ulaon hombar tu

parbogason ni anakta. Jala ditolopi hula hulatta do pangidoannta

asa Rumang ni ulaonta ulaon di alap jual jala somba ni adat somba

ni uhum sipasahatonta godangna Rp. ......jt

Songonima raja doli songon boa boa tu hita di tingki on, mauliate

Parsinabul haha doli :Mauliate ma di boa boa nauli boa ba nadenggan na pinasahat mu,

hami pe antong haha anggi doli mu lasdo rohanami, jala molo tung

pe holan hamu na borhat mandapothon raja ni hula hulatta ianggo

tondi nami tongdo manggomgomi nauli nadenggan, udut tusi ala

ulaon nabalga maon dihita jala di ulaon sisongonanma ...

patuduonta na hot do hita sisada lulu anak sisada lulu boru diulaon

las niroha nang habot niroha.dohoton dohonon nami ma na rapma

hita mangulahonsa, jala asa tangkas huboto hami sadia bidang ma

ulaonta tangkas ma tariashon hamu diangka nahurang lobi radema

hami pasingkophon,

Hasuhuton :Ulaon pamasu masuon hari.....tanggal...inganan......

Marsibuha buhai jam........

Pesta ujjuk ari....tanggal.......inganan

Ulos.....bulung

Panjuhuti........

Dll. Mauliate ma raja doli

Parsinabul haha doli :Antong molo songoni di hita namarhaha maranggi, ala nungnga

sikkop pangkataion dohot raja ni hula hulatta nuaeng holan

manontuhon parhobas nama , boru nami surati hamu ma:

Marsibuha buhai.........angka ise ma naboi........

Paradehon angka siboanon..dlll

Mandok hata di gareja

Penerima tamu........

Protokol

27

Pande juhut

Boru parlopes

Parsinabul

Dll.

Ala nungnga sikkop be saluhutna, atik boha adong dope angka

nahurang lobi partingkian pinasahat majo tu hita namarhaha

maranggi.

Haha anggi :Ditambaima molo adong dope sitambaan. Molo so adong be,

lanjutma.

Parsinabul haha doli :Nuaengpe bagi hamu ma undangan tu hami.......

(molo namartonggo raja boi ma disungkun, martumpak di dia ma

hami disondo pasahaton nami manang di alaman) molo ria raja

dang pola disungkun. Nuaeng pe sahatma hita tu namarhata.....

sigabe gabe, parjolo ma sian hami dungi hamuma na mangappu,

dungi hami ma annon manutup dohot tangiang.

Parsinabul haha doli :Marhata sigabe gabe..........

Parsinabul ni suhut :Mangampu,,,,,,

Parjolo ma tu dongan huta,

Boru.

hasuhuton

Parsinabul haha doli :Nuaeng pe ala nungnga sippul saluhutna , tatutup ma dohot

tangiang alai jolo parjolo ma hita marende...........

Martangiang......

Horas .....Horas.....horas.

28

V.PESTA UJJUK

Rumang ni ulaon Dialap Jual

PROSESI MASUK PENGANTEN

1. Molo rumang ni ulaon di alap jual (ulaon di alaman ni parboru), parboru dohot kedua pengantin, suang songon i dohot paranak rap masuk ma tu gedung jala masing-masing hasuhuton hundul ma di inganan naung ditontuhon.Pihak parboru ma naparjolo manggorahon angka horong ni hula-hulana, asa masuk nasida tu tu inganan naung di tontuhon.

2. Molo ulaon taruhon jual (ulaon di paranak) rap masuk do suhut paranak dohot parboru suang songon i dohot pengantin tu gedung, alai mulak do muse pihak hasuhuton ni parboru tu luar ni gedung, Jadi holan napataruhon boru muli do nasida tu inganan ni paranak. Jadi, ingkon tangkas do muse gorahonon ni paranak jala tomu tomuon ni suhut paranak do pihak parboru (hula-hulana).ditikki namanjouhon horong ni hula hula pihak paranak ma parjolo manjouhon uduran ni hula hula barupe asa suhut parboru.

3. Kesepakatan ni hasuhuton ni kedua belah pihak. 4. Parhundul ni Dongan tubu:

Dongan tubu suhut parboru hundulma di sabola siamun molo masuk tu gedung.

Dongan tubu suhut paranak hundulma di sabola hambirang molo masuk tu gedung

Hula hula parboru dohot uduranna hundul di sabola siamun masuk tu gedung mangadophon pelaminan.

Hula hula paranak dohot uduranna hundul di sabola hambirang mangadophon pelaminan

PANGKATAION DI ULAON UJJUK ULAON DIALAP JUAL

29

Protokol ni Parboru :Dihita saluhutna pomparan ni opputta raja......( Goar ni oppu nasida),suang songonima boru nami, bere nami dongan sahuta nami ale ale, pariban dohot saluhutnama Amanta raja dohot inanta soripada na huontang kami, ala naeng tamulai ma ulaonta asa masuk mahita tu inganan naung huparade hami, ( boi di jouhon 2 hali asa haru takkas................................)

Prortokol Paranak: :Dihita saluhutna pomparan ni opputta raja......( Goar ni oppu nasida),suang songonima boru nami, bere nami dongan sahuta nami ale ale, pariban dohot saluhutnama Amanta raja dohot inanta soripada na huontang kami, ala naeng tamulai ma ulaonta asa masuk mahita tu inganan naung huparade hami, ( boi di jouhon 2 hali asa haru takkas................................)

Protokol parboru :(Prosesi masuk pengantin dohot kedua hasuhuton)

Dihamu hasuhuton bolon dohot pengantin ala nungnga dapot partingkian asa masuk ma hamu ( Musik...) suang songonima............ di hita saluhutna ala naeng masuk ma pengantin dohot hasuhuton asa jonjong ma hita.

Protokol Parboru :(Manjaouhon uduran ni hula hula)

Boha amang boru hami ma par jolo manggorahon hula hula nami ate..?

Protokol Paranak :Nauli ma raja nami.

Protokol Parboru :Dihamu saluhutna nahuparsangapi hami :

Hula hula nami Rajai........

Tulang nami Rajai....

Tulang rorobot nami rajai.....

Bona tulan nami Rajai......

Bona ni ari nami rajai.....

Hula hula namarhahamaranggi :

Rajai.....

Rajai...Dll

Hula hula anak manjae:

Rajai.....

Rajai....

30

Raja nami raja bolon ala naeng roma hami laho manomu nomu haroro mu asa mangarade ma hamu ,dang na mangurangi sangap ni raja molo tung sisahali manjalo pe hami di haroromu lasma rohamu.

Boru nami boha ( disungkun boru namartugas disi, jala di baen ma kode jempol)

Protokol Parboru :Dihamu saluhutna nahuparsangapi horong ni hula hula hami

Raja nami raja bolon nungnga mangarade hami laho manomu nomu haroro muna asa masuk ma hamu, (musik.......) Suang songonima hita namarhaha maranggi ala masuk ma uduran ni hula hulata asa jonjong ma hita.

(Digorahon ma angka boru laho manjalo parbue pir dohot dekke siuk na binoan ni hula hula dohot patuduhon inganan ni hula...)

Protokol parboru :Dihamu raja ni hula hula nami nungnga huparade hami inganan mu raja nami di hallang ulu nami ma hamu sabola siamun masuk tu inganan on.

Dihamu horong ni hula hula nami marpanakkasi hami raja nami atik boha adong dope naso masuk, rade dope hami laho manomu nomu haroro muna alai molo nungnga sikkop raja nami gabe ma jala horas.

Dung hundul hula hula di sungkkun ma, boha raja nami nungnga denggan parhuddul ni rajai..??

Protokol Parboru :Jadi songonima amang boru nungnga sikkop be hula hula nami partikkian hupasahat hami ma tuhamu.

Protokol Paranak :Dihamu saluhutna nahuparsangapi hami :

Hula hula nami rajai........

Tulang nami rajai....


Bona tulan nami rajai......



Rajai.....

Rajai...Dll

,,,,,,,,,,,,,,,,,,,,,,,,,,,,,,,,,

31


Rajai.....

Rajai....

Raja nami raja bolon ala naeng roma hami laho manomu nomu haroro muna asa mangarade ma hamu dang na mangurangi sangap ni raja molo tung sisahali manjalo pe hami di haroro mu lasma rohamu.

Boru nami boha ( disungkun boru namartugas disi, jala di baen ma kode Jempol)

Protokol Paranak :Dihamu saluhutna nahuparsangapi hami horong ni hula hula nami

Raja nami raja bolon nungnga mangarade be hami laho manomu nomu haroro muna asa masuk ma hamu raja nami. (musik.......)Dihita namarhaha maranggi ala naeng masuk ma uduran ni hula hulata asa jonjong ma hita.

Digorahon ma angka boru laho manjalo parbue pir dohot dekke siuk na binoan ni hula hula dohot patuduhon inganan ni hula.

Dihamu raja ni hula hula nami nungnga huparade hami inganan ni rajai, di hallang ulu nami ma hamu manang disabola siamun nami.

Dihamu horong ni hula hula nami marpanakkasi hami raja nami atik boha adong dope naso masuk rade dope hami laho mannomu nomu haroro muna alai molo nungnga sikkop raja nami gabe ma jala horas.

Dung hundul hula hula di sungkkun ma, boha raja nami nungnga denggan parhuddul ni rajai..??

Protokol Paranak :Jadi songonima rajanami nungnga sikkop be hula hula nami nuaeng pe raja nami ala naeng roma hami laho mandapothon rajai asa mangarade ma rajai mauliate.

Protokol Parboru :Dihita hasuhuton dohot hita namarhaha maranggi ala naeng roma raja ni parboruonta laho mandapothon hita asa mangarade ma hita ( namarhaha maranggi nahundul di jolo jongjong di ingananna)

Protokol paranak :Dihita hasuhuton suang songonima nang dihita namarhaha

maranggi ala naeng borhatma hita laho mandapothon raja ni hula

hulatta asa rap mahita pasahathon.(haha anggi na hundul di jolo

jongjong di ingananna)

32

(Pasahat tudu tudu ni sipanganon), Diboanma tudu tudu

nisipanganon laos didokma : Dihamu raja ni hula hula nami dison

rodo hami parboruon muna raja....(didok margana) di boan hami do

tudu tudu ni sipanganon lompan natabo loppan na marsaudara,

parhitean maon tu amanta namartua debata anggiatma nian olak

nion sahat tu joloan niari on sai lam di patudu Tuhanta ma angka

pancarian pansaloman di hamu dapot ma angka najinalahan

jumpang angka naniluluan tumpahan ni amanta namartua debata,

molo tung songononpe naboi hupasahat hami tu hamu lasma

rohamu asa songon ni dok ni natua tua “ Sititik ma sihoppa golang

golang pangarahutna, molo tung songononpe naboi hupasahat

hami tuhamu godangma pinasuna”

Protokol parboru :Mauliate ma amang boru hami pe naeng roma mandapothon

hamu,asa mangarade ma hamu (di boan ma dekkena)

Protokol parboru :Songonima nang di hamu raja ni parboruon nami dison rodo hami

raja ni hula hula muna di boan hami do dekke si mundur undur

dekke sitio tia dekke sahat, parhitean doon tu amanta namartua

debata anggiatma nian olak nion sahat tu joloan ni arion sailam

marudur udurma angka passarian passamotan di hamu tio ma

antong aek inumonmu jala sahatma angka nauli sahatma angka

nadenggan tumpahan ni amanta namartua debata, molo tung

songonon pe naboi hupasahat hami tuhamu lasma roha mu, asa di

dok natua tua “Bagot na marhalto ma tubu di robean horas ma

hamu namanganton suang songonima hami na mangalean”.

(marsijalangan....)

Protokol paranak :Jadi ise ma hita namambaen tangiang Rajanami..

Protokol parboru :Ala hamu do naro mandapothon hami ba hamuma na mambaen

tangiangta.

Protokol paranak :Martangiang......amin.

“Sititik ma sihoppa golang golang pangarahutna, molo tung

songononpe naboi hupasahat hami tuhamu godangma

pinasuna” marsipanganon mahita.

Protokol Parboru :Dihita saluhutna namardongan tubu dison tajalo do tudu tudu ni

sipanganon sian parboruonta molo tung di jolo ni hasuhuton peon

lasma rohatta disi ate

Protokol Paranak :Dihita saluhutna namardongan tubu dison tajalo do dekke simundur

undur sian raja ni hula hulatta molo tung di jolo ni hasuhuton peon

lasma rohatta disi ate.

Protokol parboru :Manjahahon dekke siuk.

33

Protokol Paranak :Manjahahon dekke siuk

Dihita na namarhaha maranggi asa borhat ma hita pasahat sulang

sulang natabo tu hula hulatta.

Dihamu raja ni hula hula nami ala naeng roma hami laho

pasahathon sulang sulang natabo tuhamu asa mangarade ma hamu

raja nami.

Dung sippul marsipanganon:

Protokol Parboru :Jadi di hamu amang boru nami asa mangan ma angka namangan tauduti ma ulaonta ate nangking dipasahat hamu tudu tudu ni sipanganon andorang So niseat raut ninna asa niseat hata. Nunga dipasahat hamu tudu-tudu ni sipanganon tu hami, ............................... na manukkun mahami nuaeng tu hamu amang boru nami. Tarsongon dia ma partordingna on? “

Protokol Paranak :Mauliatema rajanami. Ia naung hupasahat hami tu rajai, laos rajai ma na mangaturhon. Anggo namangulahon posma rohani rajai radema hami.

Protokol Parboru :Antong molo songoni amang boru dos ma rohanta, tarsongon on ma ia osang i annon pasahaton nami mai tuhula hula nami, namarhodong i dihami mai, naasing i tabagi dua mai amangboru,

(Pembagian jambar biasana sidapot solup naro)

Protokol Paranak :Mauliate ma rajanami, las ma roha nami disi.

Marhobas ma pande Juhut laho mambagi jambar

Manjalo Tumpak sian dongan tubu paranak

Protokol paranak :Jadi rajanami asa leon hamu majo nian partingkian tu hami asa hujalo hami jo angka namarholong ni roha di hami.

Protokol parboru :Ulahon hamu ma amang boru.

Protokol paranak :Dihamu saluhutna amatta raja dohot inanta sori pada, namarholong ni roha di hami takkas taboto raja nami ia ulaonta nuaeng napangolihon anak do , dibahen i raja nami di dok natua tua tua “si soli soli uhum siadapari gogo”, nuaengpe nungnga mangarade hasuhuton nami laho manjalo haroro muna asa roma hamu,,,,, suang songonima di hamu tulang nami amak do rere anak

34

do bere tung massai masihol do hami diangka pangurupion sian hamu asa roma hamu rajanami...Musik.......

Dung sippul manjalo tupak..

Mauliate ma di hamu saluhutna amanta raja inanta soripada hita namarhaha maranggi , boru nami, berenami, dongan huta nami. Ale ale,pariban dohot saluhutna namarholong ni roha di hami, mauliatema di angka nauli nadenggan napinasahat muna tuhami ,anggiat ma rajanami Tuhanta ma namambaloshon i saluhutna tu hamu,

(Diboan ma sude tumpak tu jolo ni pengantin laos di dok):................

Di hamu parumaen nami on ma pangurupion sian angka namarholong ni roha di hita, ala onma songon namamuhai pasu pasu di rumatangga mu jopput parumaenma sagodang ni godangna ala holan dua jari.dungi diboan ma sude tuppahi tu hasuhuton jala didok hatana, onma tanda ni holong sian saluhutna namarholong ni roha tuhita jalo hamu ma on jala lasma nang rohamu.

Protokol paranak :Jadi mauliate ma rajanami nungnga sikkop be sian hami partikkian hupasahat hami ma tuhamu.

Protokol parboru :Mauliate ma amang boru,tauduti ma pakkataionta ate alai leon hamu majo partingkian dihami asa marsipasadaan tahi jo hami.

Dihita saluhutna pomparan ni opputta Raja........ala naeng mulaatta nama pakkataioan dohot raja ni parboruotta ise ma hita naeng laho raja panungkun tu amang borutta..? didok natua tua tartallik huling huling tarida holi holi molo hahana marulaon anggina ma manamboli, ala di hami ma raja hasuhuton bolon hamuma haha angginami ma na gabe raja panamboli partingkian on hupasahat hami ma tuhamu hamuma namarsiaturan.

Pangaris parboru :Mauliatema di hasuhuton toho mai tutu tartallik huling huling tarida holi holi molo hahana marulaon anggina ma manamboli nuaeng pe ise ma hita nagabe raja panungkun tu amang borutta .? sesuai pangkataionta di tonggo raja tapasahatma tu..( ise ma naung di hunjuk hian).manang marsiarisan.

Jadi onpe hupasahat ma pangkataion on tuho natua tua asa hamuma na mangalusi dohot manungkun raja ni parboruotta mauliate.

Parsinabul parboru “Baris baris ni gaja dirura passaloman, molo marsuru antong raja na ingkon do oloan molo ni oloan gabe dapat ma antong angka pangomoan”

35

Jadi mauliate ma dihita saluhutna pomparan ni opputta raja.....ala ni sada tahitta di nalaho mangkatai hita dohot raja ni parboruotta rajai raja..... asa andilo manahinan hadang hadangan ma saonari dia ma angka nataulahon sian nahinan ido ihuthononta saonari ala di hamu haha/ anggi doli ma nagabe raja hasuhuton bolon hami ma antong nagabe raja panamboli hujalo hami jala ulahonon nami maon di bagasan las niroha, suang songonima di hamu inannta sori pada, asa sonang ma hamu di inganan mu molo diboan hamu do,,,,,, napuran mu dengan ma hamu marnapuran, annon molo adong angka si bagion posma rohamu pasahaton mai tuhamu, mauliate.

Tarlumobi ma dihamu raja ni hula hula nami :




Bona tulang nami rajai......



Rajai.....

Rajai...Dll


Rajai.....

Rajai....

Raja nami raja bolon, hamu do pangalapan poda di hami, dijolo hamu raja siaduon, dipudi hamu raja sipaimaon di tonga tonga hamu raja sihaliangan, raja nami raja bolon namangido ma hami tu hamu asa hotma hamu di ingananmu asa tutur tuturi hamu ma hami dinamangkatai dohot raja ni parboruon nami posma roha nirajai di tinggkina anno pasahaton nami do partingkian tu hamu laho manuturi hami raja ni parboruon muna , gabe ma jala horas.

Parsinabul parboru :Jadi songonima amang boru nungnga mangarade be hami partingkian hupasahat hami ma tuhamu.

Protokol paranak :Mauliate ma rajanami, asa lean hamu ma partikkian dihami asa pasada tahi majo hami ;

Dihita saluhutna pomparan ni opputta Raja........ala naeng mulaatta nama pakkataioan dohot raja ni hula hulatta, ise ma hita naeng

36

mangalusi nasida..? didok natua tua tartallik huling huling tarida holi holi molo hahana marulaon anggina ma manamboli, ala di hami ma raja hasuhuton bolon hamuma haha angginami ma na gabe raja panamboli partingkian on hupasahat hami ma tuhamu.hamuma namarsiaturan. Mauliate.

Pangaris paranak :Mauliatema di hasuhuton tohomai tutu tartallik huling huling tarida holi holi molo hahana marulaon anggina ma manamboli nuaeng pe ise ma hita nagabe raja mangalusi sungkun sungkun ni raja ni hula hulatta...? sesuai pangkataionta di tonggo raja tapasahatma tu..( ise ma naung di hunjuk hian).boi do marsiarisan.

Jadi onpe hupasahat ma pangkataion on tuho natua tua asa hamuma na mangalusi sukkun sukkun sian raja ni hula hulatta. mauliate.

Parsinabul paranak “Baris baris ni gaja di rura passaloman , molo marsuru antong angka raja naingkon do oloan molo nioloan dapotma angka pangomoan”.

Jadi mauliate ma dihita saluhutna pomparan ni opputta raja.....ala ni sada ni tahitta di nalaho mangkatai hita dohot raja ni hula hulatta rajai raja..... asa andilo manahinan hadang hadangan ma saonari dia ma angka nataulahon,,,, sian nahinan ido ihuthononta saonari ala di hamu haha/ anggi doli ma nagabe raja hasuhuton bolon hami ma antong nagabe raja panamboli hujalo hami jala ulahonon nami maon di bagasan las noroha, suang songonima di hamu angka inannta sori pada, asa sonang ma hamu di inganan mu molo di boan hamu do napuran mu denggan ma hamu marnapuran , annon molo adong angka si bagion posma rohamu pasahaton mai tuhamu, mauliate.

Tarlumobi ma dihamu horong ni hula hula nami:




Bona tulang nami rajai......



Rajai.....

Rajai...Dll


37

Rajai.....

Rajai....

Raja nami raja bolon, hamu do pangalapan poda di hami, dijolo hamu raja siaduon, dipudi hamu raja sipaimaon di tonga tonga hamu raja sihaliangan, raja nami raja bolon namangido ma hami tu hamu asa hotma hamu di ingananmu asa tutur tuturi hamu hami dinamangkatai dohot raja ni parboruon nami posma roha nirajai di tinggkina annon pasahaton nami do partingkian tu hamu laho manuturi hami raja ni parboruon muna , horas ma jala gabe.

Jadi songonima rajanami nungnga mangarade be hami partingkian hupasahat hami ma tuhami.

Parsinabul parboru :Jadi mauliatema amangboru didok natua tua;

Serser ninna mula ni tortor

Sukkun do mula ni uhum,

Artia mula ni ari

Sipaha sada mula ni bulan.

Asa takkas hita mangkatai pasahat hamuma pinggan panukkunan.

Parsinabul paranak :Mauliatema raja nami

Mangula ma pangula di juma ni siraja oloan

Molo marsuru antong angka hula hula naingkon do oloan

Mangarade ma rajai asa roma hami pasahathon pinggan panungkunan, borunami ...(dipasahat pinggan panungkunan)

Parsinabul parboru :Jadi mauliate ma di hamu raja ni parboruon nami ala dipasahat hamu tuhami pinggan panungkunan pinggan pasu maon nahot dihundulan na. Asa mamasu masu ma amanta namartua debata asa hotma hita di angka adat hotma hita di angka uhum pinungka ni opputta si jolo jolo tubu, diginjang ni pinggan panungkunan adong muse boras sipir ni tondi asa pirma pokki bahul bahul passaloman, pirma tondimu amang boru alai sude hita dapot pangomoan. Adong muse napuran tiar sirara uruk hasoloman ni angka boru niraja asa napuran tano tano rangging marsiranggoman badanta padao dao alai tonditta marsigomgoman. Diginjang ni saluhutna adong rupiah sitio suara nasinetak ni pamarettata hasoloman ni angka raja tarlumobi angka boru niraja. Asa tubu anttong di hami angka ngolu ngolu amang boru hubuat majo tolu, jala tangkas doon pasahaton tu angka amanta raja. Sian pinggan panungkunan tu amanta raja......( dijouhon namanjalo) sian pinggan panungkunan tu amanta raja...

38

anggo nasasada on antong sadama tahitta upa ni datu maon ate. Mauliate.

Jadi anggo sada antong amangboru “hauma ni pangururan hatubuan ni halosi nangkin hujalo hami pinggan panungkunan paulahon nami maon gabe pinggan pangalusi” ( Boru nami pasahat hamu)

Parsinabul paranak :Jadi mauliate ma rajanami ala di pasahat hamu do tuhami sada sian pinggan panungkunan gabe pinggan pangalusi hujalo hami maon, jala onma tanda sian hami asa sada ma tahi nami sada ma nang rohanami laho mangoloi saluhut pangidoan ni rajai. Mauliate ma raja nami.

Parsinabul Parboru :Jadi songonima amang boru naburju makkatai mahita ,


jolo ni nangnang do asa ni nungnung, sai jolo pinangan do asa ni

sukkun nangking dipasahat amang borukku tu hami tudu tudu ni


tobodo loppan i hupangan hami, “disi landina disi landona disi

daina disi do nang tabona sirsir antong dohot sirana sikkop

muse dohot asomna sai pamurnas mai tudaging saudara mai tu

bohi sipalomak imbulu mai sipaniang holi holi asa bagot

namarhalto ma ni agatan di robean horas ma hami na

manganton tugandana dihamu namagalean” amang boru

naburju dia ma laklakna dia ma unokna dia mahatana dia

mananidokna tangkas ma hatahon amang boru.

Parsinabul Paranak :Raja nami raja bolon tulang na burju godang sibutong butong otik

sipir nitondi, godang so sadia nahupasahat hami tu rajai sai

“pamurnas mai tudanging saudara mai tu bohi sipalomak

imbulu mai sipaniang holi holi asa sititik ma si hoppa golang

golang pangarahutna molo tung songonipe naboi hupasahat

hami godangma pinasuna” Namanukkun ma antong rajai dia

laklakna dia unok na dia hatana jala dia na nidokna dohonon nami

ma rajanami panggabean parhorasan do hatana.

Parsinabul parboru :Mauliate ma amang boru panggabean parhorasan do hape hatana ,

alai amang boru marakkup do nauli mardongan do nadengan

siakkup songon nahundul si udur songan namardalan, siakkup ni

panggabean parhorasan i tangkas ma hatahon amang borukku asa

tangkas ninna uju purba tangkas uju angkola asa tangkas ma hita

maduma tangkasan ma hita mamora, tangkas ma hatahon amang

boru. Sidok boti hami.

39

Parsinabul paranak :Raja nami raja bolon adong do hata ni situa ua namandok “molo

magodang ninna anak sipangolihonon, molo magodang boru

sipahutaon” ia magodang ma anak nami raja nami,

ditangiangnami tu amanta namartua debata asa hatop ma nian

dapotan sirokkap ni tondina . marsahala do attong Tuhanni

dipatongon do boru nirajai gabe sirokkap ni tondina, nasogot dilaon

loan ni ari rap do hita borhat tubagas joro ni Tuhatta, taboan do

anak ni huriai di manjalo pasu pasu parbagason sian naposona, raja

nami raja bolon molo sian suddut parhurioan nian nungnga hot be

nasida di parruma tanggaon nasida alai ala adongdo adat dohot

uhum napinungka ni opputta si jolo jolo tubu, di baheni raja nami

asa mangido, mangelek, marsobba hami tu jolo ni rajai asa

ditikkionma nian pasahaton nami somba ni adat, somba ...............

ni uhum dohot sinamot ni boru nirajai. Ima sitangkasna raja

nami sidok boti mahami.

Parsinabul Parboru :Mauliatema amang boru napasahathon somba ni adat somba ni

uhum ma hamu ro mandapothon hami apala di tikki on, pitu lili

nami paualu jugiana, nungnga uli nipi nami ai naeng roma hamu

manggohi gajut nami, hatahon amang boru ma sian i. Piga ma

lombuna piga hodana sadia godang horbona dohot saluhutna angka

sipalas roha nami hula hula muna hatahon hamuma sian i.

Parsinabul paranak :Posma roha ni rajai nasa tuk nigogo nami pasahaton nami do tu jolo

ni rajai alai raja nami anggo apala satikkion mangelek ma hami tu

jolo ni rajai asa hupasada hami ma nian saluhut pangidoan ni raja i

gabe rupia sitio suara, saulak mangelekkon ma hami raja nami jala

ulaon sadari ma tapatupa, ima elek elek nami raja nami, sidokboti

hami.

Parsinabul parboru :Mauliate ma amang boru anggo rohaki nian naeng do olohonongku

alai ala rap do hami dison dohot angka boru nami suang songoni

hula hula nami asa hupasangap hami majo nasida.

Parjolo ma boru nami.

Boru :Mauliate ma di hamu raja nihula hula nami ...............

Parsinabul parboru :Dihamu horong ni hula hula (Dijouhon sude....)

Raja nami raja bolon nuaeng sahat ma partingkian tuhamu laho manutur nuturi hami raja ni parboruon muna , didok natua tua “ tombak ni bulu duri di haliangi jabi jabi hamudo hula hula nami namalo manuturi jala namalo mangajari” asa partingkian on hupasahat hami ma tuhamu hamuma namarsiaturan.

40

Hula hula :Mauliate ma dihamu raja ni parboruon nami ala di pasangap hamu hami raja ni hula hula muna,mauliate ma di hamu,

Dihita saluhutna horong ni hula hula ( dijouhon sude......) ala nungnga ro jou jou raja ni parboruotta ise ma hita laho mangalusi nasida......... Dosma rohatta ate.

Jadi mauliate ma di hamu raja ni parboruon nami sian nangkining tangkas do hupaihut ihut hami di namngkatai hamu dohot raja ni parboruon muna, tung massai lambok begeon jala uli idaon asa dohonon nami ma;

“Balintang ma pagabe tumandangkon sitadoan,

Ari mu do gabe molo tongtong hamu masi paolo-oloan”Botima!

Parsinabul parboru :Mauliate ma raja nami,dipanuturion napinasahat mu tu hami , gabema jala horas...........

Parsinabul parboru : Jadi songonima amang boru nungga rap hita umbegesa , tariashon hamuma bilang bilang ni sipasahaton mu.

Parsinabul paranak :Mauliate ma raja nami raja bolon andorang so hutariashon hami asa tongma lean rajai partingkian asa hupasangap hami jo horong ni hula hula nami.

Parjolo ma boru nami.

Boru Mauliate ma dihamu ..............

Parsinabul paranak :Dihamu horong ni hula hula (Dijouhon sude....)

Raja nami raja bolon nuaeng sahat ma partingkian tuhamu laho manutur nuturi hami raja ni parboruon muna , didok natua tua” tombak ni bulu duri di haliangi jabi jabi hamudo hula hula nami namalo manuturi jala namalo mangajari”, asa partingkian on hupasahat hami ma tuhamu hamuma namarsiaturan.

Hula hula Mauliate ma dihamu raja ni parboruon nami ala di pasangap hamu hami raja ni hula hula muna,mauliate ma di hamu.

Dihita saluhutna horong ni hula hula ( dijouhon sude......) ala nungnga ro jou jou raja ni parboruotta ise ma hita laho mangalusi nasida. Dosma rohatta ate..?

Jadi mauliate ma di hamu raja ni parboruon nami sian nangkining tangkas do hupaihut ihut hami di namangkatai hamu namarhula hula marboru tung massai lambok begeon jala uli idaon asa dohonon nami ma;

“Balintang ma pagabe tumandangkon sitadoan,

41

Ari mu do gabe molo tongtong hamu masi paolo-oloan” Botima!

Parsinabul paranak :Mauliate ma raja nami.dipanuturion mu. Horasma jala gabe.

Jadi nuaeng pe rajanami tarias honon nami ma sipasahaton nami

Parsinabul paranak :Ia bilang-bilang ni sinamot sipasahaton nami tu hamu godang na Rp 150 jt taringot tu angka panandaion tu suhi ni ampang naopat tangkas doi pasahaton nami di tongan ni si mangajana, gabehon rajai ma.

Parsinabul parboru :Mauliate ma amang boru ,” lasiak na rata andingan ho tu panutuan, angka hata ni ula ni angka raja hata hasuhuton do angka namanontuhon” pinasahatma tu hasuhuton.

Hasuhuton :Tandok nami do tandokmu tandokmu do tandok nami, dia ma angka naeng sihatahononmu raja doli ido oloan nami, mauliate.

Parsinabul parboru :Antong molo songoni amporik mallipik onggang marbabang gabe ma antong parsinamot naotik gabe ma parsinamot na godang, bilang bilang ni si namot sipasahaton raja ni parboruotta godangna Rp 150 jt, tamba ni angka panandaion tu suhi ni ampang na opat, nuaengpe dihamu hasuhuton bolon asa mangarade ma hamu.(musik..).

PARANAK PASAHAT SINAMOT.......

Parsinabul parboru : Pasahat hamu ma muse tu pamarai namanjalo.......

Parsinabul paranak : napasahathon.........

Parsinabul parboru : Pasahat hamu ma muse tu simolohon namanjalo...

Parsinabul paranak : napasahathon.........

Parsinabul parboru :Pasahat hamu ma muse tu pariban......

Parsinabul paranak :napasahathon.........

,,,,,,,,,,,,,,,,,,,,,,,,,,,

Parsinabul parboru : Pasahat hamu ma upa tulang...........

Dihamu hula hula dohot tulang nami ala naeng ro ma hami laho pasahathon upa tulang tu hamu asa mangarade ma hamu, suang

42

songonima di saluhut horong ni hula hula nami laos di tinki onma pasahaton nami pinggan panganan tu hamu saluhutna asa mangarade ma hamu.(Musik...)

Dung sikkop saluhutna di patangkas ma hula hula i,, boha raja nami nungnga sikkop hamu dapotan saluhutna,,? Gabe ma jala horas.

Parsinabul parboru :Pasahat hamu ma muse tu oppungna ......amplop

Lanjutkan sesuai buka panduan acara......................................................................................................

Pasinabul parboru :Asa saluhutna hami dapotan amang boru pasahat hamuma pinggan panganan.

Parsinabul paranak :Pasahat pinggan panganan (Musik)

Parsinabl parboru :Dihita namarhaha maranggi pomparan ni opputa.... dison tajalo do pinggan panganan sian raja ni parboruontta , sonangma hamu di inganan mu annon ditingkina bagion maon tuhita saluhutna.

Parsinabul parboru :Amang boru ala dison do hami rap dohot haha parhuddul nami ,ima tulang ni hela nami, boha ise ma hita manjouhon........

Parsinabul paranak :Hami ma anggo namanjouhon alai rajai ma napasahathon.

Dihita hasuhuton. Nuaeng asa borhat ma hita laho pasahathon tintin marakkup tu raja ni hula hulatta,laos di tingki on do pasahatonta pinggan panganan tu saluhutna horong ni hula hulatta. Asa mangarade ma hamu...

Dihamu hula hula nami, ala naeng ro ma hami laho pasahathon upa tulang tu hamu asa mangarade ma hamu, suang songonima di saluhut horong ni hula hula nami laos di tinki onma pasahaton nami pinggan panganan tu hamu saluhutna horong ni hula hula nami, asa mangarade ma hamu. ( Musik...)

Paidua ni suhut manboan tanggo tanggo dohot aek sitio tio dohot sinamot..................

Parsinabul Paranak :(dung sikkop sude) dihamu horong ni hula hula nami boha raja nami , nungnga sikkop be hamu dapotan saluhutna.??gabe ma jala horas.

Parsinabul Parboru :Boha dihamu haha parhuddul nami nungnga sikkop be hamu dapotan saluhutna.? Didok roha nian asa rapma hita hundull dison mangadopi raja ni parboruonta. Gabe ma horas..?

Parsinabul parboru :Mauliate ma amang boru nungnga tung massai las rohanami saluhutna, nuaeng pe amang boru atik boha adong sihol ni rohamuna sian hami raja ni hula hula muna rade do hami pasahathon.

43

Parsinabul paranak Mauliate ma raja bolon, tanda do hamu hula hula naburju nangpe so hu igil hami nungnga pintor di joloi rajai, raja nami raja bolon tung masihol dohami diangka tangiang dohot pasu pasu sian rajai tarlumobi pasu pasu marhitehon ulos herbang, dibahen i raja nami molo siat pangidoan nami asa saluhutna mahami pasu pasu hamu, ima hami namarhaha maranggi pomparan ni oppu nami na adong di inganan on.

Parsinabul parboru Mauliate ma amang boru,” aek natio do hami reong reong di pinggan pasu, hula hula naburju do hami hula hula nagirgir mamasu masu,” nuaeng pe amang boru saluhutna ma hamu antong pasu pasuan nami alai amang boru molo tung holan 17/11 ulos herbang na boi hupasahat hamai tu hamu. Dapotan ma hamu antong di ulos natinonun sadari, songonima amang boru.

Parsinabul Paranak :Mauliate ma raja nami di burju munai maradophon hami oppe parjolo ma pasahat rajai ulos passamot tu hasuhuton nami:

Parsinabul Parboru :Napasahathon hasuhuton Paranak

Parsinabul paranak :Pasahat hamu ma ulos Hela tu pengantin.

Lanjutkan sesuai buku panduan........................

Parsinabul paranak :Pasahat hamuma naparpudi raja nami ulos punguan.

Parsinabul Paranak :Raja nami raja bolon Asa singkop hami dapotan saluhutna, pasahat rajaima ulos tinonun sadari.(musik...)

Dihita saluhutna pomparan ni opputta raja.....dison hujalo hami do ulos tinonun sadari sian hula hulatta asa sonang ma hamu di inganan mu annon di tingkina sahat ma on tuhamu, mauliate.

Pasinabul paranak :Raja nami raja bolon mauliate ma di haburjuon ni roha muna maradophon hami nungnga sude be hami dapotan, anggiatma ma raja nami anggka tangiang pasu pasu dohot ulos herbang naung hujalo hami, mangulosi badan ma antong mangulosi tondi nami tumpahan ni amanta namartua debata.

Parsinabul paranak :Nuaeng pe raja nami atik boha adong sipasahaton ni rajai angka tangiang dohot angka hata pasu gabe manang parbue ni holong tu anak nami dohot parumaen nami, partingkian hupasahat hami ma turajai.

Parsinabul parboru :Mauliate ma amang boru naburju nuaeng pe antong pasahaton nami ma antong angka hata pasu gabe dohot tangiang tu boru nami dohot tu hela nami, asa suru hamu nasida hundul di joloon asa roma hami,

Parsinabul parboru :Dihita namardongan tubu nuaeng sahatma partingkian di hita laho pasahathon angka parbue niholong dohot hata pasu gabe tu borutta

44

dohot tu helatta, dibahen i pinasahatma tu hamu hasuhuton asa hamu ma namangaturhon. Mauliate.

PASAHAT ULOS

(Sesuai buku konsep)

Dungsikkop saluhutna....

Parsinabul parboru :Dihamu horong ni hula hula nami, hula hula nami rajai ..(dijouhon sude horong ni hula hula.......

Raja nami raja bolon nuaeng sahatma partingkian tu hamu raja nami laho pasahathon angka hata nauli hata pasu gabe tu bere mu manang tu pahoppu mu, didok natua tua “obuk do jambulan ni dandan baen samara pasu pasu ni hamu tulang dohot oppung nami pitu suddut soada mara”dinapasahathon angka hata pasu gabe hamu rajanami molo tung parjolo pe hamu gabe partogi mai molo tung parpudi hamu gabe pargomgom mai, alai raja nami pangidoan nami asa hamuma nian hula hula nami rajai...( dijouhon margana)namanggom gomi ulaonta di tingkion partingkian hupasahat hami ma tu hamu.

Hula Hula Parboru Pasahat Ulos (Dung sippul.........................................)

Parsinabul parboru :Mauliate ma raja nami diangka hata nauli hata pasu gabe naung pinasahat mu anggiat saluhutna hata napinasahat mu appe mai antong tu abara nami peak diparsambuhuan nami tumpahan ni amatta namartua debata. Molo tung pe parjolo hamu mulak raja nami nami dohonon nami ma mangerbang bunga bunga dipadadang dadang ari selamat jalan ma di hamu selamat tinggal ma di hami, da...da..tulang.

Parsinabul parboru :Songonima amang boru nungnga sikkop be sian hami partingkian hupasahat hami ma tu hamu.

Parsinabul paranak Dihamu h

lean roham baen tikkim€¦ · umpasa parjambaron . 2 kata pengantar “andorang so dibuka buku on...

Documents