Pengajar oh pengajar

(gubahan lagu- duli anak kamit/ameliana anak geruka upsi)

pengajar,

nuan meh apai, indai enggau pangan

ti enda leju meri jaku peransang

ngambika kami nuju singkang pemansang

nyeliah ka kami ari ditinggang arus gelombang

betuah meh kami tu

tetemu ka pengajar baka nuan

meri sereta bekunsi penemu lama enggau baru

baka bungai ngerembai enda badu

ketegal ajar nuan aku diatu idup nyamai

bulih pangkat tinggi, rumah kereta pan besai

ngembuan pengidup meruan belama-lama iya

terima kasih pengajar oh pengajar

arapka pengajar lantang senang gerai berari

nguan menoa semampai tuchum dipeda aku

tanda terima kasih ka nuan oh pengajar

budi basa nuan tetap mekang dalam ati

Lagu peransang nembiak belajar

Pemansang dunya pemansang kitai,

Besaup kitai ngerembaika pemandai,

Bepegai jari sama seati,

Belajar sampai bulih degree.

Sesingkang kaki angkat mansang,

Anang ngembuan ati ti kakang,

Ubah pengidup senang lantang,

Ngulihka pemandai nadai betagang.

Belajar bebendar ngulihka penemu,

Indu enggau lelaki sama bepadu,

Enda ngira maya enda ngira ari,

Ngambika senang dudi ari.

Angkat magang anang ngetu

Ngambi pemandai ngulihka penemu

Enti kita Kedu enda menuku

sapa rugi ga kita empu

Lirik :

Dila Anak Tumbi

Lia Anak Entering

1.

1. Aram nurun sekula(Laura &Alice)

Aram kitai nurun sekulaDani mih kitai lalu angkatAram mandi lalu begariAram kitai nurun sekula

Hari satu sampai hari limaKitai nurun sekulaBetemu enggau bala kaban semuaBelajar begulai sama

Aram kitai nurun sekulaPengajar udah nganti magangDeka meri kitai penemuNgambika kitai ulih mujur selalu

2. Indai (Laura & Alice)

Indai oh IndaiSulu atikuNuan selalu begulai enggau akuPengasih nuan penyayau aku

Indai oh indaiPeransang aku belamaTiap pagi nuan tuchum belamaSebedau aku nurun sekula

Pengasih aku ke nuanEndang selalu aku kenangNuan indai aku sayauPengerindu aku ke nuanSigi semampai meruanNuan indai ambai atiku

Indai oh indaiTerima kasih salam sayauNyaga aku siang malamIla ku malas budi nuan.

AKU GAGA ATI

(Ditulis : Georgianna Anak George Peter)

Dani pagi aku angkat,

Umur aku biak tang aku mereti,

Tiap hari nurun ke sekula,

Gaga belajar ABC.

Sekula aku rindu ati,

Ulih bekelala enggau mayuh orang,

Pengajar aku manah, bepenemu enggau ransing ati,

Nyimpan juluk ati ka nyadi baka sida.

C/O: Pen mirah, biru enggau chelum,

Aku berasai gaga ati,

Nurun ke sekula tiap hari,

Bisi belajarka penemu baru.

1,2,3, belajar Matematik,

Ngira bintang di tisi langit,

Penemu Sains anang dilengkaka,

Berekat kitai dudi hari ila.

Nurun ngalu ngagai kantin,

Ngining kuih ke dijual,

Pemedis belajar enda ngira,

Dudi hari ila mai pengelantang.

C/O: Pen mirah, biru enggau chelum,

Aku berasai gaga ati,

Nurun ke sekula tiap hari,

Bisi belajarka penemu baru.

Aku rindu belajar,

Belajar mayuh penemu,

Pemandai enda datai kediri empu,

Enti kitai enda nguji ngiga iya.

3. Lagu Buah(Isabella Guri)

Buah bisi bermacham buahBisi buah dabaiDempa orang udah ditasakKulit iya chelum isi iya lemak

Bisi mega buah dikangau kitai rianKulit iya tajam ulih ngasuh kitai ternganggamEnti buah cempedak bau ia manah digagaka kitai cucurchukup nyamai cucur cempedak

buah bermacham buahbisi buah dabaibisi buah rianbisi mega buah cempedak

buah…bisi buah empelamenti dempa kitai mataknemu ngasuh mata pejam enchelakbisi mega buah marambuah masam dempa kitaienggau sambal belacanbuah..bauh sibau

bisi mirah bisi ga kuningenti ditelan nemu ngasuh pengkelanbuah bemacham buahbisi buah empelambuah maram buah sibau

buah…buah rababuah kampung ti udah punaschukup masam mata tepejambuah…buah engkeranjekulit iya chelum isi iya mit buah bermacham buahbisi buah rababisi buah engkeranje

nya mih buah kitai iban

Lagu Pengasih Apai Indai

Apai…

Indai..

Pengasih seduai amat besai..

Nyaga kami ari mit dataika besai

Nyediaka alai diau, gari enggau pemakai

Bekunsi pengaga enggau penyamai

Bisi di tisi lebuh ati enda nyamai

Nyaga pengelikun serta pengerai

Ajar seduai chukup manah serta beguna

Awakka kami enda limpang ari ajar Petara

Bebasaka orang tuai, rinduka pangan diri serta besampi belama

Nyadika tenggau serta lalau pengidup kami jemah ila

Jaku peransang enda kala kurang

Awakka kami idup lantang senang

Tan ati ngelaban kuasa pemetang

Bejalai lurus serta enda limpang

Ari mit kami dianjung besekula

Awakka bulih penemu macha, nulis enggau ngira

Tulihka pemutus manah dalam peresa

Nyadi pengajar, lutur enggau pengelicha

Nulung ngemansangka anak bansa

Penyayau seduai enda bebagi

Ulah kami ti enda manah disesuri berari

Meransang kami nyambung sekula ngagai universiti

Ngambi Diploma, Degree, Master enggau PHD

Bulih pengawa, begaji besai serta bepangkat tinggi

Pengasih apai indai amat berega

Enda ulih disema enggau jaku sempama

Enda ulih dibandingka enggau reta tengkira

Enda ulih dibayar enggau pengeraja

Ngagai Petara kami nyampi

Arapka seduai gerai nyamai berari

Nadai penguji ngeruga ati

Pengidup seduai lantang senang serta pegari

Digaga:

Philomena Rimbu anak Uyu

Duvena anak Sujar

(Jenny Anak Simon D20111047668)ISMP Bahasa Melayu.

Tajuk: Aram angkat.

Aram semua, angkat gaga

Nyerumba orang ti dulu mansang,

Nurun magang kitai bansa,

Nyingkang sama nitih biuh dunya.

Angkat, dani alu gaga

Manjung madahka dunya,

Kitai bisi semengat angkat,

Nitihka pemendar orang kelia,

Ngetanka diri ari munsuh serata.

Aram kitai, aram..

Aram kitai angkat magang,

Manjung gaga madahka dunya,

Kitai bansa enda telunga.

Aram kitai, aram..

Nganjung pemintar beri petara,

Enggau orang ngasu penemu,

Enggau orang mansai pemandai,

Ngambika kitai terus dipebasa,

Baka aki Rentap kelia.

Aram kitai, aram...

Mansangka penemu,

Pengelandik, pemandai enggau penemu,

Tau nyadi senjata,ngetanka bansa,

Ambika kitai enda tinggal ari bansa bukai.

Aram kitai, aram...

Malik ke mua, anang rindang,

Anang ngira jako kepapas,

Tang majak besampi lalu muji petara,

Awakka nengkila, awakka meda,

Awakka juluk ati kitai ulih nyadi nyata.

Angkat Sereta Manchar

Aram bujang, aram dara,

Kitai sama bela sampal,

Angkat kita bebala-bala

Lalu manchar di serata dunya.

Angkat kitai sereta manchar

Ngambika bansa kitai dikelala orang

Enggau ati ti liat sereta bebendar

Kitai nitihka singkang pemansang.

Aram kitai sama bebai

Bepegai jari anang ngelengka

Seati, segulai, sejalai

Ngemansangka bansa, ngemajuka dunya.

Lirik : Florance Ponnsy Layang, Lydia Kandau, & Tida Ima.

Cherita Rampa Menua

Lenyau sekelip mata ba mua ku diatu,

Tusut rundingku meda utai ti udah nyadi

Tegepang, tekenyit, irau atiku

Meda rampa menua kemaya hari tu

Udah bebali nyau enda dikelala.

Ku meda pun nyiur,

Ti enda begoyang enti dipuput rebut

Beguai ku bepaut ba dan kayu

Besampi minta berekat Petara.

Ku meda penyadi utai ti nyadi

Kasih amat meda rampa menua

Ketegal ulah mensia nadai likun

Ngereja tanggung pengawa ti diberi petara.

Nyerauhku ni kita jelu

Nyerauhku ni kita babas

Senaya sida nyata sengeda

Nadai kita dunya puang

Ngasuh ariku enda lantang.

Lirik : Florance Ponnsy Layang, Lydia Kandau, & Tida Ima.

Angkunka Bansa Diri – Alexaus Dujy Anak Ragai & Micheal

Dikelala buah ari langu

Dikelala bansa ari jaku

Dikelala pemanah ari penyiru

Nya alai bansa kitai sigi dikerindu

Bansa kitai dikelala ketegal pementas

Jaku kitai dikerindu ketegal lunas

Menua kitai mansang ketegal penyerakup

Bela betulung bela besaup

Nya alai anang leju, anang badu

Kerembaika jaku awakka meruan selalu

Angkunka bansa diri

Awakka meruan bisi enda bebali

Patut gaga ke bansa

Patut rindu ke jaku

Bansa kitai sigi lama udah dikelala

Ketegal pementas sereta basa

Kitai ke biak anang tebelenga

Bela besaup ngangkatka bansa

Besaup beserakup ngemansangka menua

Anang lembau, aram angkat sereta

Tajuk: Penguji Maya Sekula

Panchar panas pegari

Nyerumba rinda di lemai hari

Ku ngenang sereta betati

Ke penguji ti udah diasai ninting hari

Apai indai nganjung sekula

Ngembuan juluk ati ti menyana

Atiku seilu-ilu Kediri

Ngenang penguji enggau juluk ati

Ti nyadi terabai endur ku bediri

c/o:

pengawa ti dikereja di sekula

ngajar ku reti idup di dunya

pengajar ngajar pengajar meransang

ngambika ati semampai teperindang

jaku sida nyadika tenggau

ajar sida nyadika lalau

kaban oh kaban

bisi enggau bepangan

bisi mega enggau belaban

terutu ai mata nyabak beraie

ngenang sida bisi di tisi

baka nya meh penguji

maya besekula ba sekondari

ditulis ulih: Dorina anak Tulis

Artin anak Lanung

Marissa Stancy anak Deo

Lirik laguTiap pagi nurun ke sekolah,Ngiga pemandai enggau penemu,Dikena ngemansangka bansa,Ngemansangka pengidup diri sebilik,Kitai mujur dalam pengidup,Apai indai gaga ati,Belajar manah-manah ba sekolah,Bebasa ke pengajar,Ngambika penemu tau berkat,Kasihka apai,Kasihka indai ti ka meda kitai,Nyadi mensia ti menyana.Maya besekolah,Patut ransing ati,Liat ati ngulih ke pemandai,ngambi nyadika bekal,sepemanjai idup kitai.

Digaga : Jesica Banon Anak Buah (D20111047506)

PESAN INDAI SEBEDAU TINDUK

Pesan bepesan

sebedau tinduk

anang enda ingat

merus ngeli

ngeli beresi gerai berari.

Indai bepesan

sebedau tinduk

anang enda ingat

nuci kaki

ambil mimpi manah

datai ka pagi.

Indai bepesan

sebedau tinduk

anang enda ingat besampi

minta berekat ari petara

ngambi kitai lantang berari.

Ari :

Shakila Shelter Anak Jully (D20111047426)

Gloria Anak Nanang (D20111047966)