kum 52 lhinna lhamul/july2015kbc.org.in/thuso/jul15.pdf · kum 52 lhinna lhamul/july2015 ......

Post Regd. MNP/81 Regd No. 18134/88

2015

KBC THUSOKum 52 lhinna Lhamul/July2015

Regd.No.19134/88 http:www.kbc.org.in NAI/220/99No-G-4/Regd.Magazine/KBCThuso/MNP-81Regd.No.19134/88 http:www.kbc.org.in NAI/220/99No-G-4/Regd.Magazine/KBCThuso/MNP-81

So436

“Kapa theng, eini pumkhat ihi bang a amaho jong pumkhat ahitheina ding un, Nangman amahohi hong in”

John. 17:11

Khoken Youth Camp a N

ungah Gollhang m

i 52 hung pang, lolhing tah a kichaita

* HALFYEARLY AUDIT - 07 * ANTHAH LOP - 26

CHRISTIAN NATOH

GAMBIH 7KHANGTHAH 17 IN TUILUT NA NEI

02

Centenary CD Thensonikho a Pu NgamthangHaokip Minister pu leh ainneipi in thilpeh anei a Men PresidentPu toh akikhut sanpet

Senapati Pastor khat kivohkhah jeh a lamkai hon kigomkhom a hitobang asokit louna ding a pan alahkhom nao

Molvailup B/C KBC 17 mun a Chate Camp kibolna

Hill Town Centre Church Houbungmite thakonna a gamgi melchihna song aphunau.

Chapang Thongoumang Gambih 14 a damlou taopehna ngaicha

Chavangphai mun a Gambih No 15 Houbung lamkai ho account Awareness Convention lamkai hotoh abolnao

June 1-3 sung a Khoken B/C a Youth Camp kibolna

G. Khonom Baptist Church Nute Nikho kiman na.

Joujangtek B/C a Pate Nikho loupitah a kiman na .

E D I T O R I A L B O A R D

C O N T E N T S 1. Christia Natoh/Editorial 1 2. Stewardship (Neichin)/Rev. Henjalen Doungel 3 3. Gamasa Pakaija ahi./Rev. Joseph Thangjahao 5 4. Lhagao Lukang/Rev. Paojangam Haokip 9 5. Missionary le Evengelist ho Natoh 12 6. Mission Column 13 7. Men Column 18 8. Women Column 21 9. Youth Column 23 10. Report Chomchom ho 25-32

T H U S O L A H M A NChurch/Organisation/ Department ..............Rs. 200/-Individual ...............Rs. 100/- (Post a Rs. 50/- pehbe ding)

Indian Oversees Bank, Imphal BranchA/c No. 073201000000350 IFSC No. IOBA0000732

The General Secretary, Kuki Baptist Convention, Opp. DM College, Imphal 795001, Manipur email: [email protected]

Advertisement bolnom hon Mobile No. 9612817768 Contact thei.Circulation to kisai lam Mobile No. 9862633173 bol ding.

Chairman : Rev. Dr. Hawlngam Haokip, President KBCEditor : Rev. Ngamjapao Haokip, General SecretaryJoint Editor : Rev. Dr. Paotinthang Chongloi, Mission SecretaryContributing Editors : Rev. Tunlal Haokip, Secretary Youth & Litt. Rev. Thangsat Kipgen , Men Secy. Mrs. Tinkholhing, Women Secy. Cir. Manager : Miss Lhingjanem HaokipDesign & Layout : Hemkholen Haokip

T H U M A K A I H O

Lhamul/July 2015 KBCThuso

Editorial...

1

CHRISTIAN NATOH (Text.Gen.3:19a)

Kum 2015 kumbul January a pat’a hinkho ihin man naova tuni hi July kum keh sanga tamjo ahung chal tan, hijeh chun tuni chan na damna le phat pha eipeuva Hatchung Nung Pa,Pathen chu thangvah in um tahen, chule tuchan na KBC Thuso Subscribed bol’a lunglut tah’a anasim ho jouse na-bon chaovin KBC Head officea kon in salaam kahin bol’uve.

Events of calendar chu ana veleu hen Lha thupi chu “Christian natoh,” akitin ahi, hijeh chun hiche toh kisaijin chom cha ana kihoulim’u hiute. Christian natoh kiti hi Bible a based bol ding itileh chunga kipe Text.Gen.3:19, sunga pathen in Adam henga umdan ding (conditions) phabep anasei peh na hi akimun ahi. Hichea hin hitin anaseijin ahi; “Leiset a kiloi doh nahi jeha leiset na kakile kaha , namaija ulsa longa anneh na kihol’a na neh ding ahi,” atin ahi. Achutia ahileh, mihem hi amoh um lou ding,

KBCThuso Lhamul/July 2015

Editorial

2

neh le don, sil le chen chung changa hi tha le jung sen doh ding tina ahi. Hiche thucheng hi pathen alung han pet taha mi masa teni ipu’u Adam le ipiu Eve kom’a ana sei ahin, hijeh a chu koi tobang in ahin khoa An-neh twidon,sil le chen hol na a chol louva mu ding agot tengleh Pathen thupeh chu ahin pelkeh ji ahi.

Tuhin veuhiute,thing lhanga thil dang gellouva alou leiset kumlhung keija ulsa longa natong ho khun chon-set bolna ding phat anei pouvin ahi. Phai langa or kol langa ulsa longa natoh nom louva Gov’t officea suhlhai toulhai ho khun ajou asei jiuvin, officer kho hepha lou thing lhang kiman chah dan muphalou ho henga jou tamtah asei jiuvin, tong lou tham louvin Fund tam tah tah akilah doh un ahiuve. Hijeh chun sopite ho,Pathen in mihemte ho dia Constitution asem lah’a hiche thu-peh hi amasa loi tah chu ahin, hijeh chun, hiche consti-tution hi tijat umtah leh kichat um tah khat ahi ti suh mil lou aphai.

Achainan : Leiset kiloikhom na jenga jong kivaipoh na or kivai hopna ding dan (Rules and Regulations) pha-tah tah, hoitah tah ikisem thei jui le Pathen kom lhung theina ding, van gam jot na ding dan chu neilou thei le juilou thei ihi pouve, sopite ho. Leiset na jong dan juilou ho jeng jong “gotna” (punishment) akipeh thei le Van thu pepa thupeh juilou ho chu tijat um tah ahi ti gel doh jing angaijin ahi. Anina Christian teho hin Mission natoh hi hinkhoa dinga natoh pipen ahi ti gel pum’a taona toh thoa Pathen lenggam kehlet na dinga pan lah jing ding ahi.Mission Field tamtah hon doh’a lhagao mangthai ho huhdoh’a aum lou sanga lhom cha neija lhagao tamtah huhdoh chu phajo lou ding ham,(Mt.18:12-13).Pathen in asim jouse a dingin phat thei iboh peh cheh taohen, Amen.


Sermon/Article

3

Te x t Ro m e 1 1 : 3 6

Steward/stewardship kiti hi innlentah ahilouleh gou lutah khat vetsuina dinga mopohna kipe mikhat kiseina ahi.Mihem nganse na kinei ho hi atoh man kipe ji ahin atoh phat channa apupa/aneipan lunglhaina jalla kipaman aphat dung juija akal sah thei ahi.Mihem in kipa man asan akibah ji lou banga pathen anga jong kipa man isan diu hi kibang lou ding ahi.

Mihem kon khat chu pakai gou ching ahi lam hethem lou vin kilet-sah hoitho nahinkho ana mang jie. (I Tim.6:7)Pakai gou ching kahi ti helou chu mipeng thah lou ahi tia jong het jeng thei ahi.Pakai gou ichin hou lah a hetthei thum anoija hin ana veo hite.Hinkho: “Amatah hinna le haina pejoh ahibouve”(Acts17:25)Hink-ho kiti hi pathen thilsem lah a aloupi pen ahin Pathenin vet sui dinga mihem te angan se laha alen pen jong ahi.Hinkho vetsuina a mopoh kiti hi mihem ten hinkho a khatvei seh amuding mopoh na ahin,hiche chunga mopoh na hi geldau thei ahi poi.

Leiset chih nan vanthem jol aphan nitin hinkho man kikhel jing jong leh hinkho vang akikhel poi.Mihem chihnan mihem tabang ma-

STEWARDSHIP(Neiching)Rev Henjalen DoungelPastor C/C Molnoi Area


Sermon/Article

4

chine semthei jong leh mihem in mihem vang itih in sem doh jou pongte.Computer khatin nikhata atoh mihem 100 toh sanga tamjon na tongthei jon-gleh thil thupi tah tah semdoh nan michine in pan lajong leh mihem a um lhagao hinna vang anei deh poi.Chuleh amaho chu mihem lhohbun a control soh kei ahi.Scientist hon nu naobu panglouvin naokijil sah jong leo mihem a kon cell(smallest liv-ing organism able to reproduce) panglou vin mihem akisoh thei deh poi.Hijeh chun mihem kiti hi khutle keng tibah ho kisei na ahipon asunga um lhagao le hinthei na chu kisei na joh ahi.Hiche cell a chu pathen lhagao chenga ahin,hichun tibah jouse avaibolla mihem kiti kiminvona hi changa ahi.Hiche hinkho vet-up ding chun pathen in hiche tahsa hi angan sen ahi.

2.Neile gou: Vannoi leiset le asunga um thil adimset a kikoi hi aboncha pakai ja ahi(Ps.24:1).Pathen kiti hi mihem jouse sem-pa le aneipa ahina keo hilou vin ahing thei lou neile nga jouse pathen jong ahi.

(i)Thing le song-Pathen in Eden hona Adam le Eve anakoi chu honsung vetup dingle kihinso

na a nei dia ana koi ahi.(Gen.2:15)Hijeh a chu thing le song muchi chivo ngailut na vetsui ding ahi.(ii)Sumle pai: Ching thei tah a sum man chah hi pathen lung lhai na ahi,ajeh chu hiche jong hi pathen a ahi.Chondihlouna sumin jole gol kisemun(Lk 16:9a)Pathen natoh nadia sum it lou ding ahi,vaicha genthei kithopi kiti jong hi pathen natoh na hoi tah khat chu ahi.Pathen in eipeh sumle pai ho hi manchah them angaije ajehchu hiche sumchu phat chomkhat man chah dia eipeh ahi.

3.Phat le ni: Phattin nitin in pa-then a kingai jingin(Ps 62:8.)Masang laijin phat kiti hi sum ahi anakitin tunin hisanga thuh jocheh in phat kiti hi hinkho ahi akiti tai.Phat man them tah kiti chu hinkho manthemtah kiti na ahin hinkho man themtah chu pathen to kivop jing miho ahi.Tulai christian tamtah chu phat man them lou jeh in chonset na a alhalut jin ahi.Hijeh chun aphachom lou ding thu moh sei nale phung le chang thua kiis-aboi lou din bible in eihil un ahi.Chunga kisei point ho hi phate cha gel khoh a che pi jouse in-sung lolhing tah sem doh din pathen in phat thei boh cheh ta hen.


Sermon/Article

5

A N T H A H KU T

THUMAKAIPhat masapen in tuchung July thuso simjouse nabon chaovin Jesu min in Pathen malsom natoh kipa thusei pum in tahsa le lhagaolam phattheiina kahin boh’uve. Tuchan nahinkho sung’a hi Pathen phatthei naho vei ijat nasim khah tah em? Tahsalam phattheina ho jeh a Pathen thangvah na naneijing em ahilou leh Pathen lunghanna naboldoh joh em? Tuchung issue ahin imalam uva Anthang KUtLholhun Kut iman diutoh kilhon in anoija hin a chomkim thei tah in anave’o hite:

GAMASA PAKAI A AHI

BACKGROUNDBible a lhentum Kut thum man ding akimun ahi.Hiche ho chu(Ex.23:14-19)

1. Cholsolou changlhah Kut (Feast of Unleavened Bread).Hiche hin avetsah chu Pakaijin abanthahat a ami Insrealte Egypt gam a kon a ahinpuidoh u geldoh jing nale ahinpuidoh jeh’uva kipagolnop(tulaipao hileh Kipana maicham) semna kin loupi tah chu ahi. Vv.14-15


Sermon/Article

6

2. Lholhun Kut (Feast of Har-vest). Hiche Kut hi Pathen in Egypt gam apat a Canaan gam ahung chenlut uva, leichang atuh keh uva gamga, nemle chang phatah tah vatlou hel a apeh jeh uva akipanao le Pathen hi amaho a ding a ahaotheinao Pakai (Jehovah Jire) ahina gel-doh jing nale athangvah nadiu-va kipi Kut chu ahi. v 16a

3. Lhosoh Khoptup Kut (Feast of Ingethering). Lhosoh ga jouse akhoptup uva ama ama chang-sal chehuva akikoitup theinao kipa najal’a Pathen thangvah na neina kin thupi chu ahi.v.16bHiche kut thum kiman na cheh a hi Israel pasal jouse kilulah teidi-uva thupeh ahi.

Akimanjidan: Hiche Anthah kut kiman ni hileh Pakai Pathen in Israel pasal ho chun gama-sa hochu adonkhom a pocha khat a akoikhom diu, hichu Pa-kai hou inn a ahinpohlut a Pa-kai maicham ahung lhun teng leh Thempupa koma hitia hi asei ding ahi ”Kapu(Jacob) chu Aram mi vahthai le khat ahin, Egypt gamsung a agachesuh in ahi,hikom achun agakhopem in mihemlhomcha bou anahi nalaije; ahinlah Egypt gam a namlentah ahung hidohtan,… keiho Egypt gamsung akon chun eihinpuidoh taove. Chu-

jong le bongnoile khoiju lonna gam chu keiho eipe taove. Hijeh chun tun vetan Pakai nangman neipeh hiche leiset ga masa lhosoh hi kahinchoilut tai, tia nasei ding ahi. Hitia hi nang-man nathilto chu Pakai na Pa-then angsung a natun’a chule Pakai na Pathen angsung a hi chibai naboh ding ahi” atin ahi. Hiti ahijeh chun English Bible in Feast of the Lord(Pakai Kut) ati ahi. Kut kiti hi lunggim, lunghem na ding ahipon, kipana ahin gol-nop theng chu ahijoi.

GAMASA PAKAIJA AHI.Pathen hin thil jouse lah a amas-apen adeije ti akimuchen in ahi. Ami Israelten Egypt gam akon a ahin puidoh doh chun Ama min alah’uva achen jing thei na ding in thil thumna ahin nei pai-jin hichu: Naosen peng masa-pen hihen gancha hijong leh naobuh hintumkeh masa jouse chu atheng ahin Pakaija ding a nathenso soh keidiu ahi ati (Ex.13:2). Hiche bang chun Hon-soh-lousoh lah a jong alhung masa/agamasa jong atheng ahin, Pakai napeh diu ahi ati (Lev 23:9-14).

ANTHAH KUT IN AVETSAH Israelte hiche Anthah Kut ana-man uhi khonung a Jesu Christa agamasapen ahung hiding avet-


Sermon/Article

7

sah ahi. Jesu Christa chu athiho jouse lah a athoudoh masapen in ahungpangin -hichu Lhagao lam a agadoh masapen chu ahi-tai. 1Cor 15:20. na a Ahivang in tun Christa chu a imuho lah a aga masapen in apang in athiho lah akon in athoudoh tan ahi. Thingphung khat chu khat-vei ahung gadoh phot le aban ajong hung ga jing ding ahi-tai ti kineplalna akineipon ahi. Hichebang achu Christa atho-doh tah jeh in anathisa jouse le malam a hungthi ding jouse jong nikhatleh Christa thodoh bang a itho soh kei diu ahitai.Pathen loupi na chang tahen.

ANTHAH KUT AKON AJILDOH THEIHO:1. Israelten Anthah Kut/Lhal-hun Kut aman niu leh kipah thanom tah’a a Pakai Pathen u athangvah uva lungsung ki-pana anei banguva eiho jong kumsung a inatoh naova Pa-then in phatthei eiboh pehuva gadoh theija aum hi ikipauva Pathen a ithanop diu ahi. Ajeh chu muche tulut jong le chun akehdoh sah le agasah thei chu Pathen khut a bou um ahi(1Cor 3:6-8)

2. Israel upaten agam lho-soh ga akon a adonkhom’uva Pathen Hou inn Maicham a al-hutuva achung a kisei thuchang

ho-Pathen in aphattheinao ageldohuva kisunem tah a apan bang un tunia nang in jong gamasa akon a nadon khom a nakipana ho taona pum a Pa-kai nathangvah ding in deisah ahi(Hiche hi ahithei le insung mipaten kipan u hitin, mipa um-louna minute nulepa umlouna chaten ibol teidiu a pha ahi). Kipaji het kiti hi phattheina- il-ung a ideichat ho mube kitna ahi(Ps.37:4 sim in).

3. Pathen in gamasa chu atheng ahi atin ahi. Tunia Pa-then angsung a nahinlhut ding nalousohga, nahonsohga ho-chu atheng, muchipha Pathen kom a kipathei na ding ho muchi tu angaije. Dumchep khat in iti kisei theng jong leh Pakai Lhagao a kon a kigellhahna an-eiteng leh kadumchep hi apha ahi tivang ahahsai. Hiche bang achu muchi thenglou ho natu akon in Pathen Lhagao akon in-vang kipah lhaisel dehpon nate.

4. Christa athiho jouse lah a athoudoh masapen(aga masa-pen) ahitah jeh in katah san Jesu bang a keijong thoudoh kit tei ding kahi ti kinepna len-tah eipeuve (Rom5:2,5). Hiche kinep na hi mulouva kinem ihiu ahin ahinlah eijumsolou hel diu ahi(Rom 8:24-25).

5. Anthah Kut kiman hihen Kut


Sermon/Article

8

dang kiman nading hi jong leh Pakai Pathen in pasal jouse ki-lulah cheh diu ahi ati kagel in Pathen in pasal apoimo dan akilang e. Tulai mipa tamtah in Anthah Lop niteng leh numei le chapang ho kipa nading jeng a gel a ama kipah louva, kin ajong jaonomlou aum hi pohnat um-tah ahi.

Kaneolaijin kanun gamasa Pa-kaija ahi atijeh in iduchat ten khat jong chu kana nejipon ahi. Ahinlah Hou in a ahung kichoijou teng le bou akinejin ahi. Hiti ahijeh chun sopiteho, Psalms 34:11 in “Hunguvin chate

ngaijuvin, keiman Pakai ginje nahil’uving kate” atibang gol in ichate/insung mite kihil them u hiutin, lousoh ga/honsohga masa pen pen Pakaija ding in atheng in koidoh u hiute. Tu-chung anthah lop a jong hin kip-ah thanom tah in Pathen thang-vah pum in taona toh thon pang u hiute.

PATHEN CHU KAHAONA, KAKI-NEPNA LE KAKIPANA TWINAH AHIHALLELUIJAH!!!

Rev Joseph Thangjahao HaokipMission Assistant KBC

KBC EVENTSJULY6-9 Half Yearly Audit15 Men Dept. Council16 Women Dept. Council17 Youth Dept. Council26 Anthahlop (Mission)

AUGUST7 CEC Meeting16 KCH DAY (Hospital)23 Youth Employees’ Day (Youth)


Sermon/Article

9

“Asam jeng jong akang soh ding ahitan, amanla akihet phah hih hel’e”.

Rev. Paojangam HaokipPastor, KBC No.1. Imphal Area.

LHAGAO LUKANG

Hosea 7:1-9

Introduction: Lhagao lukang hetchet theina din, Hosea themgaopa phat laiya Israelte dinmun chomcha ana veo hite. Hosea hi 950-725 BC sunga gao thusei anahi. Amahi Israel te leng Jerobo’am II lengvaipoh laiya themgao ahi. Hiche phat laiya Israelte hi leiset kivaipohna lam le sakho lam (Religious & Political) dol a hi dinmun ana sedeh ahi. Munchim banga ana chimlha ahitai. Khopi sunga thil kibol jouse set na lam jeng jeng amano tan ahi. Chonsetna kiti jouse ahetlou’u khatcha umlou ahi. Adeh-a Lhagao lam’a hi nasatah’a ana kinungtol ahitaove. Hibang tah-a akheh suh tah vangun, amahonla akihetphah pouvin ahi. Hijeh a chu Themgaopa hin, “Achunga asamjeng jong akang soh ding ahitan, Amanla akihet phah hih hel’e”. anatin ahi.

Lukan or samkan in avetsah chu hinkho khehsuhna lam avetsah in ahi. Tulai Christian te lhagao dinmun le kimanchah dan hi iven ahileh akaltou lam hilouvin kheh suh na lam panghin alepjo danin akimutan ahi. Lhagao hinkho khehsuhna hi apolam’a kon hilouvin asunglam’a konin akipan jibouvin ahi. Vetsahna in chapa vahmangpa chun, inna kon’a ava mang masangin alu-ngthim sungah, indalhah nading anatup pan tan ahi. Migama aga vamang masangin alungthim ah

ana vahmangtan ahi.

Tun Israelte hi ipi lampi-a lukang ana hio ham ti hi point li (4) to-bang anaveo hite.

1. Phat lhemna le Jouseina Samkan:(verse 1) Chang 1 sunga chun, Ephraim mite phatl-hemna kiphongdoh ding, joule nal jenga na atoh nao jong kip-hongdoh dingin aseiye, aguchat naole amichom’u jong akiseiye.. Eiho jong Ephraim mite sanga hi phat lhemna le jouseina lam’a


Sermon/Article

10

hi phajo ihiovem ? ihidehpouve. Tulai Christian hohi jouseina le phatlhemna Lhagao iveigam taove. Vetsahna in, Govt. koma jou iseinao, khosung vengsunga, Houbung sunga, Office-a, iheng ikoma jou iseinau isopi isanggam kom’a, Election teng jou iseinau, kho umlou hella kho aume tia Job-card kisem, eima khella midang Exam. a tousah, hiti ho jouse hi Lhagaova jouseina le phat lhemna samkan ahi. Matt. 15:8 sunga chun, hiche phung mite hin akam uvin eijabollun, alungula keiya konin gamlatah ahi, ati. i-lasah hole i-testemony seiho geldoh’u hite. Ineilou hel sei hi abailheh jengin ahi. Titus 1:16 sungchu ven, “Pathen kahei, tin akamsungun aseidoh nauvin, anatoh lama ajanom pouve; ama ho chu thet umtah thu ngailou ahiuvin, thilpha bol nalama pan-na bei ahiuve.

2. Jonthan hoina Samkan: (verse 4) Chang li sung chu ivet le Hosea hin avel vellin Pathen mite kitah lou hole mijongho tekahna ana pen ahi. Alung thimpumpiuva Pathen ngailutna neitah sangin midang ho Pa-then joh angailu jo tauvin ahi. A Pathen ngailutnau chu akihuh tupjou tapouvin, ahomkhen tauve. Hitobanga chu eiho jong i-Pathen ngailutnao hi kihom khengam ahitai. I-chennao leiset hi jonthan hoina le setnan alodim tan, hijeh chun Pakai Lhagaovin

mun aneithei tapoi. Mihem hohi huhna le jonthanhoina lampang a hin akipetauvin ahi.

Ani ania thusoh isimleh, khopi sungle khoneo sung jenga Nu-mei kisuhsetna le kisuh thangna akija jingin ahi. Christian Society sung jenga jong Papi le Nupi kidei chule Nu-ngah gollhangho kah a chonthang hoina thu tam-tah kija ahi. Hiche hi Lhagao jonthan hoina samkan ahi.

3. Taona bei Samkanna (Prayer-lessness): (verse 7 ) Hichehi Lhagao khehsuhna dinga ahung kipatna pen (fundamental cause) chu ahitai. Israel lengte khatna khat chan Pathen hengah atao tapouve ti chu, kichen tah in aki-mun ahi. Hitobang chun, tulaijin Houbung mite koiman taona angaisah tapon ikam un taona thupi dan iseinaovin, ahin ana-toh langin ipodoh jou tapouve. Vetsahna din Houbung level Gambih level-a Taona Program akigon jongleh ache ding koima kimu jou talou ahi. Taona mang lou Christian adim adoh in a um tan ahi.

4. Vannoi Ngailutna Sam-kanna ( The “gray hair of worldliness”):Verse-8 Hiche chang sunga hi Ephraim mite vannoi mitin vaipi toh akicho-halnau akimun ahi. Hiche hi vannoi ngailu Christian ho vet-sahna ahi. Israel mite, Namtheng

Lhamul/July 2015 KBCThuso 11

Sermon/Article

ti-a kiseiho chu Namtin vaipi chutoh achenghal’un, milimdoi asem sau chu ahouvun, thil athengle aboh jong ahekhen thei tapouvin - vannoi chonsetna adimset tauvin ahi. Chutobang chun,tulai Christian te jong, vannoi mite toh kichoh hal gam ihitauve. Athengle aboh jong ihekhen thei tapouve. Leiset nopsahna le haona minthanna, loupina ho i-ngailut behset tah jeh un, Pakai ngailutna hi akhe-dai gamtai. Lhagao lam haona hol sangin leiset na sumle pai haona ding holna lam joh a iki-saboijo tauvin, iphat neicha sun uhi leisetna amangthah ding thil loupi holna in imangun, Pakai a din second khat jeng cha jong phat ipe nom tapouvin, Hou-in kai na phat, taona phat, bible simna phat chule mission natoh na ding phat jengcha jong ipeth-ei tapouve. Hiche jeh hin ilhagao hinkhou hi nitinin akhesuh tul tul jengtan, igong suh igongsuh un agoplih pai ding ihitaove. Hiche hi vannoi ngailutna samkan akitin ahi.

Thukhumkha-na:

Sopite ho ! chunga kisei point ho hi Hosea Themgao in “Sam-kang” ti-a aseiho chu ahiove. Amaho hin Lhagaova khehsuhna aseisoh keiyun ahi. Datmo umtah khat chu Israel te hin Lhagaova akhehsuh lam,u hi akihet doh

hihbeh uvin ahi. Chutobang chun eihon jong Lhagaova isam-kannau hi ikimu doh theipouve. Ithepmo nauva hin eiho mitcho tobangin i-um un ahi. Ahin Pa-then vang hicheho chunga hin amit acho hih beh-e.Ipijeh-a hiche Samkanna hohi eihon ikimudoh theilou hellu hin tem ? Ajeh ho:

1) Eihon ilhinlalna hole ikhehsuh-na hou hi kana bolkheltai iti nomlou jeh-u ahi.2) Lhagao phetvet (Pathen thu)maiya phatecha ikivetji lou jeh’u ahi.3) Pathenin eihilnahou ingaiji lou jeh ahi.

Hiche Lhagao samkan phatna dinga hi ipi ibol dio ham ? Sam vomlou nu jong phachom pon-tin, aphat na dingpen chu:

1) Kitahna neitah-a eimachang kikhol ding (Lam.3:40)2) Gangtah-a Pakai kom’a chon-setna phonding (I John1:9)3) Pakai vah-a chejing jeng ding (I John 1:7). Achai na in, Sopi ! Nang jong lhagao lukang na-na hikhah leh,aphat na dinga kisei chunga point thum kipe hi apply bollin lang Pakai angsunga kipe lut tan. Asim jouse Pathen in phatthei boh cheh tahen. Amen.

KBCThuso Lhamul/July 2015 12

Mission Column

LHASEH MISSIONARY LE EVANGELISH HO NATOH VET LHAH NA

Achesa lha nga (January-May) sung a KBC Mission na itoh macha-ldan mipin jong ahet a Pathen thangvah nale taona adel jing thei nading in anoija hin achomc lam in ahung kivetsah e:

PATHEN THANGVAH NA:1. Tuni chan a i Missionary hole Evangelist hon vangset nale bol-gentheina /thoh hahsa atolou jeh un Pathen thangvah ute.Hiche hin avetsah chu Pathen in Agam machal na ding kot ahong jing e ti akilang e.2. Tuni chan hin Mission natoh amachal jing e ti akimu theijin ahi.Iti nop pen uchu ahileh achesa lha ngasung ahin Lhagao man-gthei ding mi phabep mat in aumjing e(achung a kipe akon in mutheijin nate). Pathen thangvah in umjing hen Halleluijah

TAONA NGAICHATHO:1. Lhaseh Missionary hole Evangelist ho kon a taona ngai-chat akivejin ahileh alhangpin insung boina toh atam e. Insung a damlou jeh a ahina bang a kalsong joulou akimun ahi. Hiti ahijeh in Houbung miten itaonao vah deljing u hite.Pathen Lenggam amachal jingthei na ding in Paul in Thessolonica mite jah a neihin taopeh jing un tin taona ngaichat ana thum imuve (2Thess 3:2).


Tunin nang taona jong i mis-sionary teovin angaicha jing e ti haimilpoúte. Natao na in na atong e.2. Lhingpineng Khongsai Laos Missioanry akon a taona ngaichat:(i) Tahsa le Lhagaova kahal jing a damna kaneithei na ding chule school chapang ho hihen ka inveng katoh khompi ho hi-jong leh relation hoitah a kanei-thei a Pathen thu kasei thei na ding.(ii) Ka um nagam Laos mite

ading, adeh a tua English class a hung jao ho ding.(iii) Laos gam a um Missionary ho jouse ding le South East Asia gam missionary ho ding.(iv) Amaho pao (Laos pao) ka-jilna a kamachal jing a amaho paova Pathen thu kasei theina ding.(v) Kanatoh namun Dindee Kindergarten school neipa le ainsung mite ding.

Report Compiled by: Mission Assistant, KBC

Mission Secretary ReportPakaija tohkhompi Houbung mitheng te jouse,

Nabonchauvin I Pakaiyu Jesu minin Chibai kahinpeuve. Missionary natohna-a field progress chuleh hetdinga lomho atamjo Mission Assistant in ahinso jing ding ahitai. Anoija hin taona-a igeldoh di-uvin point phabep kahintah lange:

1.SOUTH EAST ASIA MISSION CO-ORDINATOR:South East Asia gam-a missionary 6 isoldoh-u toh lhonin Co-Or-dinator khat goiding tia Assembly a kiphatsah bangin Gl. S. Let-minthang Haokip hi July 1, 2015 a patna tongpan dingin appoint akiboltai. Kipa umtah chu Gl. Mimin hi tu naicha-a chu UBS a BD ahinchai ahin, tumasanga patna Mission Burden nei chuleh missionary kouna chang khat ahina toh lhonna KBC missionary khatna ahung luttheihi ikipapiuvin Pathen in ama jong damna pehen lang, South East gam-a Mission Co-Ordinator na ahintohna-a kon-a machalna ineidiu kinem pumin taopehcheh dingin ikitem uve. Ama Biodata jong anoija kahintah lange. Amahi South East Asia gam-a achek-ah-a Houbung ho vilna aneiding ahin, Gambih leh Centre Church Pastor hotoh kijahtona ahung kineijou tengleh Houbung miteho toh Mission natoh thu-a kimanchahna inaneikhompi diuvin Pakai minin ikitem uve.

Mission Column


Mission Column

Gl. S. Letminthang Haokip Biodata:1. Min : Letminthang (Sanlut) Haokip2. Pa Min : Pu S. Letjang Haokip3. Pen ni : 18-11-19864. Umna : Chassad Avenue5. Qualification: B.Sc. B.D. (UBS)6. Ministerial Training: a) Fusion International, Delhi b) Discipleship Training School, Chennai, TN c) Ministry Leadership Development School, Chennai d) Bachelor of Divinity (B.D.), Pune7. Ministry Experience: a) Youth Chairman, Baptist Church, Chassad Avenue b) Area Secretary, IEM, Imphal c) Secretary, SOM-INN, Pune d) Missionary to Bhutan e) Church Planting Ministry in Himachal Pradesh, Haryana, Rajasthan, Gujarat, Delhi, Odisa, Madhya Pradesh, Tripura, Kerala, Tamil Nadu, Chhasttisgarh & Uttrankhand. f ) Mission Adventure to Assam, Arunachal, West Bengal, and Sikkim.

2. KBC MISSION ASSISTANT THAHAchesa June 1, 2015 a pat in kipa umtah in Mission Assistant a dingin Evan. Thangjahao Joseph Haokip, Semol Baptist Church in atongpanin, tua patna Evangelist ho engagement lanom ho hihen Share/Support thu-a dohnom neiho jousen idohdiuvin Pakai minin ikitem uve. A Mobile No. 9862061100 a-hi ikijahmattheiyu ahi.

3. MANIPUR HINDI SPEAKING FIELD SUPERVISOR:Achesa June Lha-a patna Rev. Mohan Lal Kumoani hi Manipur gam-a Hindi Speaking ho lah-a missionary natohna ineinaova amahi Field Supervisor a dingin appoint akiboltan, tua patna ichennao gamsunga Hindi speaker ho umna-a Pathen thu seipehnom inei uleh Houbung in organize ibol uva, ama igoithei diu, chuleh Field Supervisor khat ahina-a aman Hindi Baptist Church a kintheng ho jouse abolding, chuleh Manipur gam-a Church planting bolna thei jouse a tohgon ho ahinnei ding ahitai.

3. MISSION CONFERENCE 2015:KBC Mission Board toh Youth Dept. Kithokhom-a Mission Confer-ence bolding tia Assembly-a kiphatsahna chu tunichanin akimach-al jing, Amunding ahileh G. Songlung hiding ahitai. Hiche


Mission Column

Conference hi Gambih No. 4 in host abolding ahin, aphathi No-vember 26-29, 2015 hiding ahi. Hetdinga lom-a aban banna hung kisojing ding ahi, apang dinga kigotna jong ineiyuva chuleh alolhinna dinga taona-a jong igeldoh jingdiuvin Pakai minin ikitem uve.4. MISSION SHARE/SUPPORT TARGET:Mission Share/Support target report hung kibolna inamutah diu katahsanin Houbung atamjon tunichan-a ipehthei loujeh un na-toh deibangin amachalthei pon, ahithei channa ihingelkhoh uva aphatcha cha-a ipehjing diuvin Pakai minin ikitem uve. Report hung kibolna-a suhkhel ho akit issue tengleh hung kisudih ding ahin, bolkhel ho Pakai minna ikingaidamdiuvin ikitem uve.

Pathen KBC phatthei bohjing tahen.

Pathen le mipi Lhacha,Rev. Dr. Paotinthang Chongloi, Mission Secretary, KBC# 9862134171

Mimin Haokip & Gogou Haokip at Durbar Square Kathmandu

• Duration:3weeks(06-26,June,2015)• KBC,MissionFieldVisited:

“Carrying Out the Flame of Nazareth Manifesto.” ~Luke 4:18

Mission Adventure to Nepal-2015 Report

T O H P H O N


Mission Column

16

Nepal-Bahundangi, Danabari, Champula India-Child Develop-ment Project (CDP), Jorlajote, West Bengal• VisitedEarthquakeEffect-ed Zone: Kathmandu City• Types of Ministry: Housevisiting, Cottage Meeting, Preaching, Sharing testimony, Children Ministry, Prayer & in-tercessory, Tuition Ministry & Social Actions.

Amasapen in muntin’a um Houbung mite jouse Jesu Chris-ta min in kangailut nau le ka-janau salam kahin peuve!Mission Adventure (MA) hi achesa 2013 April lha’a ana pengdoh ahi toh lhon in, Pa-then lungset jal in Assam, Arunachal Pradesh, Sikkim, chule West Bengal gamkai sun-ga Pathen ahe le ahelou holah

in athu ana kisei phong in ahi. Hiche hi Convention, Gambih chule houbung in officially het-pehna anei lou jeh in akalsong doh khangdong hon sum le pai chule angaicha jouse akipoh doh jiu ahi. Ningkum Mission Adventure to Sikkim & West Bengal akon kahung lhun uva pat in 2015 hi Nepal or Myanmar hoilam joh cheding ham tia Pathen kana doh lai un, Pathen in Nepal adia eihou piu toh lhon in, achesa Dt. 05-06-15 nichun KBC, C/C Canaan Veng, Imphal mun’a Commissioning Service chu Houbung Pastor Tongmang le houbung mite chule Rev. Dr. Thangboi Chongloi, Mission Secretary, KBC hapan le gelk-hoh najal in loupi tah in hiche kin chu lolhing tah in ana ki-mang thei in ahi.

Before After

Pathen lungset le Gambih No. 1 houbung mite jouse taona jal in, achesa Dt. 06-06-15 nichun akalsong doh hon Rs 7000/- cheh kipoh doh in, Imphal tolpi dalhan Nepal Earthquake umna mun chu kana jonun, dam-


Mission Column

sel in Bahundangi Mission Field, Jhapa District, Nu Lamtin Shesthra kom kana lhung lhon in ahi. Nithum Nu Lamtin toh kaki manchah sung un, nikhat Pathen helou hokom’a athu seiphong din House visit kana bol un, ani ni sungin hou-inn vel kavat theng lhon in, Mot (Banana) phung kaphu peh lhon in, hou-inn lampi chule a inn bang jong cement plaster kana bolpeh lhon in ahi. Nithum kaum khom sungun, jingkah Devotion & intercessory phat jong kanei khom jing un ahi. Nu Lamtin toh kingailu tah in kana kikhen un, Danabari Mission Field Rev. Doujathang Singson, Mission Coordinator, Nepal Mission Field kom kana jon lhon in, phat chomkhat ama toh kana kiman-gcha khom un ahi. Ka um sung lhon in Rev. D. Singson in feltah in Cottage Meeting, Church Program chule kimanchah nading adang dang eigon toh peh lhon bangin kana kimangcha jom jing lhonin ahi. Chule a fencing adin thingkeh kana phupeh lhonin, ceiling le ceiling fan jong Carpenter hotoh kithon kana boldoh peh lhon in ahi.

Pathen lung-set le houbung mite taona jal’a damna kanei jing hon toh kil-hon in, Rev. D. Singson mapui nan eiho Mission field thah-Cham-pula, Panchthar

District kana jon un, Missionary Pa Lun-minthang Haokip & family in ngailutna neitah in eina lamto uvin ahi. Champula Mission Field hi akihongthah ahijeh in ema bolthei behseh aumpon, ahin Mis-sionary Pa Lunminthang family toh taona le kitil khouna phat kamang khom un, ka um sung lhonin Tuition Ministry in kaki thopi lhonin ahi.

aban akitle hung kiso jom ding ahi


Men Column

Men Department noija Nakitong le Tohdoh ding1) Bible Pumpi Simchai ding ti KBC Men Department Assembly a kiseilhah dungjuijin Gambih No.11 in jong May -------- lhasungin asimchai taovin Gambih Men Dept. chunga kipathu akiseije.

2) KBC Men Dept. Vehicle Project toh doh a aumtheina dingin Office langa konin Receipt Book akisemin, amun muna panpina akithu-min, chule Houbung miten ahin todoh theina diuvin Houbung ho a jong Receipt Book akipen ahi. Tunichan geijin Houbunag chule changvala pan hinla aum jingin KBC Pate natoh alolhin theina didngin Houbung, Department, changvala pan lacheh din tiemna le hetsahna kahin nei ahi.

3) Kuki Baptist Centenary DVD chu Men Dept. Project lolhinna din kithopina in neichoh peh un tin Church changvalla tiemna akineijin, kipah tah in Rs.1000/- in eichoh peh un hiche Disc hincho jouse hin Disc man hilouvin Dept. tosotna in akilan, abanna jong kithopina a neilah peh diuvin tiemna kahin neije.

(4) Men Department Assembly: Men Department Assembly cum Gospel Olympic ahunglhung ding Dec. 9-11 anikho sung hiding Dt. 8 lhunkim chule 12 kikhenni, Molnom Baptist Church KBC No.16 sunga Gospel Olympic kinei ding, nilhah jingkah seh a kaikhom umding, thusei, choir ho lasah, cultural dance present umding ahi. Hiche sunga hi GREEN KBC ti BANNER noija tahsa le lhagaova kisuh halna umding ahi. Hiche a hi Gambih 1-20 chan hungpang soh kei ding ahi. Report vahchoi langeitah tah kitetna umding ahitai.

LONPI KHUNOU PATE NIKHO

Pathenin ikiloikhomnao KBC phatthei aboh in keiho Lonpi khonou Gambih No.12 Houbung mite in jong keiho kigonna sanga hoijo le


Men Column

20 June 2015 Kuki Baptist Convention & Gambih No.11 Men De-partment One Day Seminar chu M.B. Saichang vangkhoa akibolin Gambih Houbung member 60 vel aki kikhomin agamsunga Pastor um jouse tomngaitah in ahung pangcheh in, Rev. ST. Onmang Ha-okip, President le Rev. Thangsat Kipgen Secretary, Men Department in Seminar class akilan ahi. Hichea KBC Men Dept. 2015 Project ho vehicle, Missionary kigoi ho chule ahung lhung ding Department Assembly cum Gospel Olympic Molnom KBC No.16 a kibolna ding thua ahung kikhom ho kom’a hetsahna le seiphongna akineijin ahi. Programme lolhingtah in akichaijin ahi.

MEN DEPARTMENT SEMINAR KBC NO.11.

PATE NIKHO2015 kum sungin Vannoijin ahet, ahinman Pate Nikho 21/6/2015 (Sunday) nin Houbung mun chom choma Pate nikho a thusei dingin Office langa konin tohkhompi Pastor, Evangelist, chule KBC sunga leader ho assignment akipen, boina imacha umlou hellin asign kibol jouse dammo tilouvin akichesoh keijin nomtah le thanom tah in

phajo in Pate nikho lolhingtah a kamanchai thei jeh un Hatchungnung Pathen loupina kapeuvin ahi.

KBC Office lam’a Men Department a kon’a Speaker neihin solpeh’u Pu Haokhongam Haokip toh kaki-man khomnaova Pate Nikho thupi Pathen thu goh hilouvin ikiloikhomnaova tohgon ho lolhinna dia panlahna ding ho jong kahetbe uvin kaphatchompiove. KBC Men Department Pathenin phatthei nale lolhinna pejing tahen.

Pakai mina natohkhompio,1. Pu Limthang Haokip, Head Deacon.2. Pu Doulal Mate, Lonpi khonou Baptist Church KBC No.12.


S.Saheibung Houbung PATE NIKHO REPORT

Pathen phatthei boh chang S.Saheibung Houbung KBC No.7 in Pate amollem umlouvin tukum Pate Nikho Pu Thongjang Doungel Gam-bih Chairman KBC No.7 to lolhingtah in kamanguvin, Speaker pu a kona Houbung mite Lhagao lam’a kamachalbe diu kakinem uvin, amachunga seijoulou kipa thu Pakai minin kahin phongdoh uve.

Pathenin ikiloikhomnao KBC phatthei boh jing tahen. Kakipah’uve.

Pakai minna natohkhompio,

1. Mr. Jampu Haokip, Head Deacon.2. Mr. Haokhojam Haokip Houbung Secretary, S.Saheibung B/Church KBC No.7.

akimangkhomin, kipa aumin ahi. Tukum Pate Nikho kimanna a Nute jong thuseina akipen hiche hin KBC Pate lah a machalna le kikhelna lentah, ahin pohlut ding tahsan aumin ahi.

Akho akhoa Pate Nikho a kimanchahna jatchom cheh aumin, alhangpia Pate Nikho nin, Nute le chaten pres-

ent abolun, golseh, lenkhom le houlimna jatchom chom aumin, Bible thua hetnom nei Question & Answer akibolin, extempore speech chule Convention Pate natohna a hilchen thei PMF, Missionary kigoi ham kigoi lou ham ti thua jong thudoh aumin, seichenna akineijin lunglhai tah in akiseilhan, Men Dept. natoh full support pe tadin houlim thu kisei akijan ahi. Kumkit tengleh Pate Nikho hi tukuma kimang sanga hoijo le phacheh a manding, chule tuchung Pate nikho kimanna a coment tampi akimun Pate lenggam sunga genthei tah a kumlhung keija akimanchah nahi Pate nikho in pachatna le tilkhouna kinei thei leh phalheh jeng ding ahin, khovei a manding dan, tunia iman sanguva kikhelna lentah a man dingin akigongtan, ngalel aumval tai. 2015 Pate Nikho lolhingtah a imanthei jallun hatchungnung Pathen ithangvah un ahi.

Men Column


Women Column

(1) Achesa May 29, 2015 nin Keithelmanbi B/Church mun ah Gambih No.5 Nute tour ah kagachen ahi. Ahung kikkhom jat mi 80 vel ahin, Gambih Nute hon ngailutna neitah in

WOMEN COLUMNReports:

(2) May 30, 2015 nin C.C Hill Town mun’ah Gambih No.9 Nute tour kaga chen ahi. Ahung kikhom jat mi 250 vel ahi. Pathen milungsetna jalla KBC Nute akum akum’a toh machalna ho report kapen, chuleh tohgon ho lhin theina dinga nasatah pan la jing dingin KBC Nute tilkhouna le vailhahna kahin neijun ahi. C/C Hill Town Houbung leh Gambih Nute lamkaiho chungah kipa thu kahin phonge.(3) June 13, 2015 nin Leijangk-hopi KBC No.8 mun’ah Gambih tour le Nute Anngol taona a kaga chen ahi. Ahung kikhom jat mi 280 vel ahi. Gambih No,.8 C.C.Pur hi Nute tohgon lenpen Lydia Centre mun umna gambih

ahin, hijeh chun ipi hijongleh tule khonunga dinga jong pan hatah nalah jing diu ahi ti tilk-houna pachatna kahin neijin ahi. Chule KBC Nute machalna ho jong report kahin pen ahi. KBC No.8 Nute chunga kipathu kahin phonge.

(4) June 21, 2015 Pate Nikho nin Molkon Bazar Gambih No.3 mun’a Men Department ngan-sena noija Speaker in kagapan-gin ahi.(5) 24-6-2015 nin Khangbarol B/Church mun Gambih No.13 tour akichen ahi. Nute mi 50 vel ahung kikhom in ahi. Gojuh laitah ahin hijongleh No.13 Nute hi migunchu tah ahiuvin naosen kipoh pumin ahunguvin, tour

eikikhoppiuvin keiman jong KBC Nute machalna hole tohdoh ho report kapen chuleh maban’a tohgon ho phatah a pan lah a lunglut tah a KBC Nuten natoh hat jing dingin tilkhouna le vailhahna kahin neijun ahi. Khotol Houbung miten jong ngailutna neitah in eina lemun achunguvah kipa thu kahin phonge.


Programme akimangkhomin, KBC Nute machalna ho leh tohgon ho phatah akiseijin ahi. 25/6/15 jingkah in jong Hou-in kaikhomna akimangkhomin anom lheh’e. Gambih No.13 Nute chungah kipathu kahin phonge.

(6) 25-29 June, 2015 sungin Evan. Chingboi toh Khangarol B/Church mun’ah Nute Camp a kakimangkhom uvin, Pathenin Nute lungthim a thu aseijin, Nute jousen athah in Pathen’ah kipeh dohna aneijun, mitlhi longpum in kicham nale ngaidam kithumto aneijun, Pathen in na nasatah in atongin kipa aumlheh jenge. Pathenin Khangbarol nute phatthei boh jing tahen.Maban’a Programme ho: 1. July 4, 2015 Gambih No.11 C/C Sangaikot mun’a tour ding. 2. July 11, 2015 Gambih No.4 tour C/C Salem village Sapormeina mun’a cheding kahi. 3. July 19 & 26, 2015 Gambih No.7 a cheding 4. July 30, 2015 Gambih No.14 5. July 31, 2015 Gambih No.15 6. August 8, 2015 Gambih No.19 7. September 12, 2015 Gambih No.3Lydia Centre machalna Pucca Fencing jong akichai tan aho. Tuhin Ponkhong nungah mi 16 tobang aumtan ahi. Lydia Centre mun’a toh le tham amachal jingin ahi. Chapang ho le Ojapi damsel’a natoh amasot jing theina dinguvin taokop jingu hite.Nu Lhingbem Haokip, Women Secretary, KBC.

S U H D I H N A2014 kumin New Samtal KBC No. 14 in Half Tithe Rs. 1,32,950 apedoh-u ahin, ahinlah Kum Tohphon 2014 a Rs. 1,24,450 bouvin anakisopeh khan, office lam-a kon-a bolkhel ahito lhonin phamo akisan Houbung mite henga ngaidam akithum-e.

Women Column


Youth Column

YOUTH KIPA THU PHON NA

2015-2016 Kum sunga dia KBC Central Choir member lhendoh na anakinei toh kilhon in Choir lajilna masa pentah chu achesa 23rd June to 27th June sungin Phailengkot Baptist church KBC gambih No.2 mun ah Convention Choir Director Pu.M.Amang Haokip lamkai nan thanom tah le lolhing tah in ana kichaiyin ahi. Hiche lajil sung in Houbung Deacon Board ho lamkai nan pontho tah leh hongphal tah in Choir member ho neh le don hihen lupna touna chuleh lajilna dia angaicha jouse jong ninglhing sel in eibol peh un,ahideh in khosunga Youth ten jong thanom tah in Convention Choir ho anneh

twidon ding chuleh adang dang ho angaichat najouse ah Central Choir ho kithopin apang un ahileh Convention Youth Department min in seijoulou kipana kahin phong in ahi. Lajil sung in Houbung Deacon Board hon aphat seh in Choir ho ngaichat jouse vesui ding in aboipi jing un ahileh hitobanga Pakai lenggam natoh na a ngailut na neitah a pan la jing lamkai pha inei thei jal un Pathen thangvah in um jing tahen. Lajil phat sung in KBC gambih no.2 sunga um Youth lamkai hon jong Central Choir ho lajil vil lhahna ahung nei un chuleh chadon nading jong Dangka Janga ( Rs.500/- ) hi ahung peuvin ahileh Central Choir ho thalheng in jong Youth Deptt. KBC gambih no.2 lamkai ho chung a seijoulou kipana kahin phang in ahi. Suhmil thei lou kit chu ahileh KBC gambih no.2 Chairman pan jong Choir ho chuleh khangthahte tilkhouna leh vilna jong aphat seh in eihung neijing un ahi.Lajil sung in jan teng leh khosung mite toh kaikhomna (Church Service) akinei jing in, Houbung sung chuleh Central Choir member ho akon in Pathen vahchoila ngai tah tah ho jong ngailhahna akinei jing in ahi. S.Phailengkot Houbung mite jouse Pathen in maban a jong Pakai lenggam a dia pan lajing thei din Pathen in Phatthei boh jing tau hen.

Rev. Tunlal Haokip, Secretary, Youth Deptt. KBC.


Youth Column

KIPA THUPHONKuki Baptist Convention (KBC) Gambih No.11 hop sunga um, G.Khonom Baptist Church houbung miten, date 10/5/15 (Sunday) nikho, “NUTE” nikho loupi tah le lolhingtah in Rev. Letsei Touthang Senior Pastor Gambih No.11 in Pathen thuhing ngaitah tah chule Nute manlut dan le mopohna ho, lhagao le tahsa a thu manlu tah tah ho, nikho lhingset in eikimanchah piuvin ahi.

Hiche nikho hin khangthah teho phabep khat jong, Houbung mem-ber hina Baptize channa jong ana umin ahi. Chujongleh “NUTE” nikho lopna ankong loupitah sokhom/nehkhomna jong ana kineije.

Chujongle nilhah in, Pakai Anjon/Antheng jong loupi tah in ana kimangin ahi.

Tuchung Nute Nikho kimanna a a lamdol cheh a kisa boi houbung mithengte jouse chule adeh a gambih Pastor Rev. Letsei Touthangin lolhing tah a ei opnao jal in, Houbung mipi minu deitah teho jouse Pathenin tule khonunga din nampi dingle, khosung ding chule insunga din minu pha jhijing taohen, Amen !

Christa a dia natong, Houbung Lhacha keimaS. Mangcha Haokip Head Deacon, G. Khonom Baptist Church, KBC No.11.

YOUTH CAMP KHOKEN BAPTIST CHURCH, KBC NO.7.Achesa Dt.1-3, June 2015 sungin Khoken Baptist Church munna Youth Camp anachelhan ahi. Speaker - Pastor Elvis Nehlal Haokip le Camp Director Evan. Lalcha apanglhonin ahi. Camper mi 52 apangin Pathen lungset in lolhing tah in akichaitai. Camp sunga kipa umtah khat chu Khangthah hon Sunday jingkah in anuteu kom’a ngaidam kithumna mitlhi long pumin aneijun mihem lungthim tampi atongkhan ahi. Camp kichai nin Gambih Pastor pan jong Camp kimanchahna ho villhahna aga neijin Houbung mite le Camper ho chule Speaker teni chunga kipathu aphongin ahi.

Pakaija natohkhompiuRev. Lamkeng Lhouvum, Gambih Pastor.


Amasan gambih no 15 sunga gambih machal na te ho pethei-ya kaum jeh in Pathen kathang vah e. KBC no 15 hi channel district,Moreh area ahin, Houbung 13(thirteen churches) kiloik-hom Ahiye. Pathen phatthei boh gambih khat ahin, chule Pakai lenggam na Toh khom nao KBC adia jong kineppi umtah le natoh le pehdoh lentah neijing gambih khat jong Ahiye. Kum 2015 sunga gambih sunga nakitong ho Tohphon le kipa thusei na kahin pe e.

1. Lhaseh a 2nd Saturday “Gambih Anngol Taokhomna” Kum 2015 gambih assembly a kisei bangin gambih anngol taokhomna hi tuhin a 5th (ngavei Channa)gei gambih pumpi in thanom tah in anngol taokhomna Ana kinei tan a hi. A nga vei Channa hi gambih Mission & Evangelism dept.lamkai na noiya Moreh Baptist Church munna akibol in mi 170 chunglam in jingkah pung 7 am a pat in nilhah lam pung 3 chunglam gei anngol pumin, KBC M/E noiya Na-tong mi 73 hocheng taona a aki minphah in, chule atoh nao mun le gam ho jong hilchet naleh atoh naova Pathen phatthei achan thei nadiuvin taopeh na mission ading mong mongin taona Ana kinei yin Ahiye. Chule Hiche 2nd Saturday gambih anngol taona hi lhaseh a kibol ahin, taona ngaichat ho jong kitaopeh jing jeng ding Ahiye.

2. Gambih pastor Quarter. Pathen phatthei najallin gambih execu-tive tohgon na noiya pastor quarter hi ceiling semdoh in aumtan Ahiye. Moreh area hi asat tolhon a gambih executive in ahingel khoh a pastor quarter Ceiling semdoh nachunga hin kipa thu ahung kiphong e.

3. Sunday school seminar leh awareness program: A chesa dt, 7-6- 2015 Ni in Sunday school Chung Chang a seminar cum aware-ness program pastor Haoneo literature secy.leh pastor Tingoulen

Kuki Baptist Convention Gambih No.15 Tohphon

Report


TAONA NGAICHATThonggoumang Touthang apenni 29/10/2013 nin anapengin apenna pat’a imuthei louva jankap jing ahin anu apa chuleh khosung miten imulou hel’a kana boipi jing vangun aphadeh pon, chuleh Doc-tor mun chom chom’a ana kijensah in hinlah a janka ho aphatdom vangin tuni chanin touthei lou, dingthei lou chuleh adeikhat jong sangthei louvin aumnalaijin ahi. Hinlah tunin muntin’a Christa thisan jalla ngaidam kachankhompi Houbung mite jouse leh ajapha chanin Pathen kom’a taonan hingel doh jingleu chun kikhelna khat ahin nei ding tahsan na jallin tunin nangma taona kahin ngaichat pen ahi.

Apa Janglal TouthangHead Deacon, T.Zangnom B/Ch KBC No.14.

P.A to general secy.ahung lhon in Sunday school teachers mi 70 chunglam jaonan program lolhing tah in Ana kichai in a hi. Sun-day school machal nading gelkhoh na hin neiya hung kalsong teni chunga kipa Thu ahung kiphonge.

4. Gambih No 15 church leaders training cum accountancy, KBC kivaipohna seminar: Achesa dt.17-18 June 2015 Ni ni sung hin gambih sunga houbung lamkai, gambih lamkai Cheng jaonan mi 50 chunglam in centre church chavangphai ya training leh semi-nar akineiyin, resource persons a Rev. Ngamjapao Haokip General Secretary KBC toh Pu. Kimang Auditor KBC ahung lhon in imajouse ahina bang in hilna eihung nei peh un, Amani chunga jong kipa Thu ahung kiphong e.

5. Pate nikho: KBC no 15 injong Kum 2015 pate nikho MBC hou inn mun a akimang khom in, Gambih Pastor.Henkhomang in thupi.”Mipa muchipha Tu in “ mangcha in mipa te tilkhou naleh taopeh na aneiyin Ahiye. Hiche nikho Ni hin gambih sunga houbung 13 som le thum akon in men dept.noiya khut them, chule mipa sum tam todoh pen ho jng kipa man gambih men depart-ment in ape in, chule pastor Seiboi centre church chavangphai leh gambih pastor Mangcha Tuboi akon injong bible competition, leh bible quiz jong anei lhon in program lolhing tah in pate nikho loupi tah in ana kimang in Ahiye.

Kaki pah e Pathen in KBC No 15 phatthei boh jing tahen. Amen

Report


Kuki Baptist Centenary 1914-2014 Tujangvaichong Vaangkho a 12-14,Dec.2014 a ana kimang chu Record hoitah a ana kibol chu, DVD 6 in convert ana kibollin phatsot tah jouvin Date 28 June 2014 (Sunday) nikho 1-3pm sunginMen Department organize noija KBC Centre Church Newlambulane,Imphal a Manipur gamsunga 24 hrs General Strike umhen , Imphal khopi pamma konin Houbung

KUKI BAPTIST CENTENARY DVD KITHENSOTA

mite hung pang thei hih jonguleh Imphal tolpi sunga Houbung mite toh Program sunga VIP kikou cheng-ho toh kipah tah in Lolhing tah in akichelhan, Pathen ithangvah un ahi. Hiche Centenary DVD hi KBC Men Department in tukum sunga Project lentah Vehicle neidoh thei na dingin CEC a ana kithum min, CEC in phalna eipeh u to lhonnin thensona akineitai. Hiche nikho a Chief Guest Pu Ngamthang Haokip Hon’ble Minister IFCD, Printing & Stationary Govt. of Manipur in Centenary DVD chu Hondoh na aneijin, Houlim na le Men Dept. Vehicle lamdoh na dingin Rs. 50,000 apen chule Dr.Hawlngam President KBC in Pathen henga lhandoh na aneijin ahi. Functional President Pi Lhing-nei Lotjem Addl.CEO ADC,Kangpokpi, Former Women President KBC in jong Pate chung le kin na ahung pana chunga kipa thusei na le Men Dept. tohgon alolhin thei na dingin Rs. 10,000 apen ahi. Guest of Honour Pu Ashang Kasar Director Jesus Gospel Ministry, in jong kipa thusei na le Houbung mite henga tilkhouna thu

Report


Report

aseijin akipa na jallin Pate tohgon alolhin thei na dingin Rs. 10,000 apen ahi. Guest of Honour Pu Lalboi Haokip Manager,Syndicate aman jong Houlim na le akipa na thu aseijin, Manipur a ahung lhunna kona Hou lhacha natong ho apanpi na Vehicle loan na apeh thu aseijin, Sunday School chapangho Choreography abolu akipapi najallin Dangka 1000 apen chule Pate tohgon machal na din Rs.5000 apen ahi. Jin gun (VIP) ho chunga kipa thu akisei jin ahi. Program sunga touchim umlou vin pung 3 sungin Vahchoila KBC Centre Church Choir ho a konin akingaijin,Miss Vahhoi Kip-gen chule Sunday School chapang ho a konin Choreography vet nom umtah lam le lasah akingaijin anom lheh in mipi asuhal lheh jengun kipa aume. Kipa umtah chu tohkhompi phaisunga Church Pastor: Langol,Game Village, Canaan Veng,Chassad Avenue Head Deacon in eihung thanop piuvin chule Houbung sunga lamkai ho ahin mipi hon eihung opmun , chle Nute langa mopo ho in jong eihung opmun ahung ho jouse chunga kipathu sangtah in akiseijin ahi. Program sunga Live Telecast Pu Haopu Singsit, Secretary KBC CC Newlambulane in eibol peh un, Pu Benny Touthang ngin pro-gram coverage eihung bolpeh un, Pastor Onkho le Ms Lhingminhoi Manlun in Program hoitah in eitol peh un Rev. ST.Onmang Haokip, President Men Dept. in Jin ho le mipi ho Liemna thu aseijin Jingun ho kipa najallin Pon khat khat silpeh na le DVD Set khat cheh ak-ipen ahi. Rev. Thangsat Kipgen, Secretary Men Dept. in kipa thusei na aneijin, Vahchoi lasa ho present neocha cha hijong le apen ahi. Hiche Program sunga Banner le Program KBC Centre Church in ei-bolpeh un chule Men Dept. KBC CC in Cha le nehthei eibol peh un ama ho chunga kipa thu sang tah in akisei jin ahi. Phat pat na le kilhadoh na Rev. Tongmang Haokip le Rev . SN.Gangte Former Gen.Secy.KBC in Pathen henga taona amang lhonnin church noilanga chadon khom le DVD display akibollin ahi. Ngailut najalla hung hon DVD Rs. 16150 man eichoh peh un acho ho jousen Pate project asupport u ahin kipa thu akisei je. Pathen jallin lolhin na akineijin Pathen thangvah ute.

Nilhah KBC CC Langol munna Centenary DVD akithenso to lhon-nin Rev. Thangsat Kipgen in mipi henga ngah na aneijin sum le pai apet pet a um lou hijong leh sumsan nap eh dingin angailu chengin alaovin amaho chunga jong kipa thu sangtah in akisei jin ahi.


Report

Achesa 29-31 May 2015 sungin Khoripok Houbunga Revival Pro-gramme akinei toh kilhonin Houbung sunga khangthah mi 5 (five) hon Baptism Programme akineipin ahi. Houbung sunga Revival Pro-gramme ni chomcha akinei toh kilhonin Khangthah hon Christa Huh-hingpu Lengpan akisan hettoh sahna aneiju toh kilhonin Baptism Program akineiipin ahi. Pathenin houbung phatthei boh jing tahen.

Rev. Lamkeng Lhouvum, Gambih Pastor.

Pathen mapuina jal in Phalbung Baptist church KBC no. 16 mun a ache-sa June 25-29 sung in The 1st Chil-

KHORIPOK BAPTIST CHURCH BAPTISM SERVICE

CHILDREN BIBLE CAMPPHALBUNG BAPTIST CHURCH, KBC NO 16

dren Bible Camp chu lolhing tah in akibol in ahi. Hiche Camp ahin chapang 75 ahungpang in, thuseijin Rev Lamkeng le Rev Joseph Haokip apang in, Gl Jamkhongam Haokip Camp Director in apang in; Projector toh thon thuseina le lasah na aneijun ahi. Houbung mite taona jal in chapang 40 in Christa ahuhhingpu le a Pakai ding in akisan un, khonung a khompi phatah ahung hi theina diu lam-hil pha pu speaker tenia kon in jong aneilhon in ahi. Achung lhon a kipathu seijoulou akiphong in Pathen in amani le ainsung lhon phatthei boh jing tahen. Gl. Jamkhongam Haokip, Camp Director


Report

A BRIEF REPORT ON

KBC GAMBIH NO.20 MAY-JUNE, 2015.

1) Achesa 17thy May, 2015 Sunday nin Gambih 20 Gambih Centre Bongmol Baptist Church munna Gambih Executive Meeting lol-hingtah in akinei tai. Chutoh lhonin nilhah kaikhomin Mr.&Mrs. Thangkhohang Baite, Bongmol Baptist Church Naopuina kintheng chu Pastor T.Thangkhomang Haokip in alatai.

2) Achesa 24th May, 2015 Samukom Baptist Church No.20 muna Numei mithum in Pastor T.Thangkhomang Haokip khut’a Apa, Acha, Lhagao theng minin Baptized achangun, chutoh lhon in ama ho cheng member lhingset a lahlutna le Pakai jan An jon kintheng jong akineitai.

MOLPHEI BAPTIST CHURCH CHILDREN CAMP KICHAITAKum sottah Chate Camp ana kibol jou hih jongle, chaten tahsa le lhagao a asempao Pathen akihet doh uva, Anule apate dinga Cha-nupha, Chapa pha ahitheina ding uvin, Mipaa ten hongphal tah in sumle pai jokham kham in kipehna akineijin, akhat veina “Chate Camp” 18-21, June, 2015 sungin boldoh theijin aki um in ahileh, amasapenin Pathen thangvahna kahin peuve.Camp Speaker : Evan. Helen Touthang CEM.Camp Director : Evan. Paoneo MateThupi : Chutobang chun hiche aneocha ho lah a khat-tou amanthah ding chu van’a um napau lunglam ahipoi. Matt. 18:14.

Speaker teni lal lheh lhon jongle chate ngailutna jal a thanom tah apan alah lhonna chunga houbung miten kipathu akiseijin ahi.

Camper 60 apangin, House 4 in akihom uvin (1)Tomngai Houbung (2) Chonphat House (3) Nunnem House (4) Seingai House, tin aki-homin Pathen thahatna le Speaker teni hapanna jal in chate ho mi 25 in Pathen chu eihuhhingpa ahi ti kihet chetna anei uvin Pathen thangvah in umtahen.

Pathenin akibol ho jouse ama lenggam machalna dingin phatthei boh tahen, Amen.

1. Nehlal Haokip, Head Deacon.2. Solomon Haokip, Houbung Secretary.


Report

3) Achesa 21th June, 2015 Sunday nin Samukom B/Ch. No.20 Pate Nikho lolhingtah in akimangin kaikhomna le kitetna lamchom chom phabep jong akineijin Pastor T.Thangkhomang Haokip Thupi seijin apangtai.

4) Achesa 23rd June 2015 Tuesday nilhah a Bongmol B/Church KBC No.20 kaikhomna Houbung mithengte toh Pakai jan anjon Pastor T.Thangkhomang Haokip kin thempu hinan loupi tah in akimangtai.

5) Achesa 24-25th June, 2015 KBC tohgonna bangin General Sec-retary Pu Rev.Ngamjapao Haokip le Pu Khaijang KBC Auditor, chule Pu Pastor Haoneo Haokip, Secretary Literature ho toh Bongmol B/Church muna Administration, Accountancy and Literature chun-gchang Seminar/Training lolhingtah in akineijin gambih sunga lamkai jouse le Houbung lamkaiho a goma mi somnga tobangin pathen lungsetna jal in boina imacha umlouvin damsel in akichaitai.

6) Achesa 27th June, 2015 Saturday nin gamsunga simlai Class X & XII lolhingho (Felicitation) KSO Machi Block, Chandel District, Manipur in agon Program chu Bongmol village mun’a lolhingtah in achelhan Pastor T.Thangkhomang Haokip Blessing Minister in apangin Pu Lunthang Haokip Resource person, chule KSO Chandel District lamkai hole KSO Machi Block lamklaihon simlai ho tilkhouna anei utoh kilhonin Programme lolhingtah in akimangchai tai.

Hiche Gambih hi athah a kisem thah kit ahijeh in muntina Houbung mithengte jouse in itaonaova itaokop jing dinguvin tiemna le ngehna kahin nei’uve. 1) T.Thangkhomang Haokip - Gambih Pastor 2) Mr.Doujapao Lupho - Gambih Chairman 3) Mr.Thangminlen Lhungdim - Gambih Secretary

MOLVAILUP BAPTIST CHURCH, KBC17 CHATE CAMPNisim 25-29th June, 2015 sunga hin Molvailup Baptist Church, KBC No.17 mun’a Chate Camp ana umin ahi. Camp Speaker in Evan. Thangboi Kipgen ahin, Camp Director Gambih pastor Thangneo Haokip ahilhonin ahi. Camper mi 68 ahin, Pathen lhagao natohna jal in Campers ho lah a konin chonset nopsahna ho dalha a Jesu Christa chu eihuhhingpu ahi ti tahsan kisan ho a konin Camp kichai nilhah in Pathen leh mipi lah a a Testimony’u aphongdoh thei un ahile amaho jal in Pathen thangvahna akipen ahi.Pathenin Molvailup Houbung mite phatthei bohjing taohen.Pakaija natohkhompiu,H/D, Molvailup Baptist Church, KBC No.17.


Report

SUNDAY SCHOOL SURVEY CUM AWARENESS COMPAIGNKuki Baptist Convention a ikiloikhom nauva hin tu masang chun Literature & Publication Department hi Department dang khat vetsuina na noiya bou anaum mai mai ji ahi. Hijeh chun, aveisui Department a konin bulhingset le ahiding doltah a lung le tha sen na anaumjou jep jilou danin akilangin ahi. Hiche department in atohding: lekhabu (Bible, labu le adang dang) semtoh ding le tadoh ding le tohdibg/bolding dang dang tampi ho lah a hin, Sunday School (Christian Education) jong hi hiche Department noiya natoh thupi tah a um khat ahi.

Tukum (2015) a pat a hiche Department hi Department dang khat vetsuina noiya um mai mai ding hitalouva, Department lhingset (atum) a kipo dinga ihinkoi tah u to kilhonin, tohding/thamding tampi ho chung chonin, ikiloik-hom nau sunga Sunday School dinmun semhoi jep ding le khantousah jep-na ding lung gel/ngaito na jong akineiyin, hichena ding chun, achesa March 31, 2015 nikhoa Department Committee Meeting kilolna No. 11 a kiphatsah na dungjuiyin, Sunday School Survey cum Awareness Campaign kiti hi gam-bih jousea boldingin ahung kigongin, Pathen mapuina jalin hiche natoh hi tuchan in KBC Gambih No. 3, 8. 9, 10, 15, 16, 20 hoa hin ahung kiboltan, avat nalai gambih chengsea jong tukum (2015) sunga bolchai teiding tohgon ahi.

Hiche tohgon kibol hi nasatah in aphachom lheh jengin ahi; ajeh chu tu ma-sanga Department/Head Office le Houbung ho kah a kihet to louna (Gap) lentah hoa kona kihet tona le hetlouva khoh thil tampi kihet tona aumdoh in, hichea kon hin tunung tuban le Sunday School lam (Tuchan a Houbung hoa Sunday School umdan, Syllabus chedan le semtoh ding dan, Exam bolding dan, Sunday School Class Attendance hoijep nading, chule adang dang) semboi theina ding lung gel le lampi ho mudoh theiyin aumin ahi. Department Committee langa kon le Houbung Houbunga lamkai ho langa kona lung gel/ngaito seikhomna (Sharing/Discussion) a konin jong apha le aphalou ho tamtah mudoh be theiyin aumin, hichea konin jong boldinga pha tampi mudoh be theiyin aumin ahi. Kidangtah khat chu, Sunday School Class (Group) kihop khen dan le Syllabus umdan jengcha jong hephalou lai Houbung phachompi jong anaumin ahi. Hitobang ho hetdoh a auma, ama-hon jong thil umdan hetthemna ahineiuva, hitobanga kihet tona aumdoh thei jeng jong hi hiche tohgon (Sunday School Survey cum Awareness Com-pagin) kibolna ga le thilpha tampi ho lah a khat ahi.

Christian khat/houbung mi khat chun Bible hetna lam a kibul phuna (Basic


Report

2015 PILHING SUNDAY SCHOOL EXAM ENROLMENT2015 Calendar of Events dungjuia December 6, 2015 a pilhing Sun-day school Exam a ding Question hi October lha sunga kitatdoh ding, November lha sunga kihomdoh ding ahi. Hijeh chun, Conven-tion Level a pilhing Sunday School kumlhun themevetna (Annual Exam) a pangding jousen ageipena 2015 September lha sunga KBC Office a Finance Section a, mi khat a dangka 10/- (Rs. 10/- per head) a min khumna (Enrolment) nahung kibol loi diuvin, tuchan a bol loulai ho le ahephalou laiho dingin hetsahna ahung kinei kit in ahi. Hiche hi kum phabep masang (2013) a Centre Church, Lamgol a KBC General Assembly phatsah na dungjuia hung kichepi ahi-tai. Phat kitep chan a min khumna (Enrolment) bolho ding bouva Question kisem/kitat ding ahin, phat kipe sunga min kikhum louho dinga Question kitat talou ding, thot jong kithot louding ahi. Ques-tion Paper tadoh jou nunga min khum ahithei tapoi (Kilalou ding ahitai); ajeh chu Press a lekha kitadoh jou nunga achoi choiya takit kitia hin Technical Problem (Sum le pai Double a lut le adang danga boina ho) aumji e. Lungset tah in gambih pastor hon houbung ho iseipeh chehdiuvin jong temna ahung kineije.Pastor Haoneo Haokip, Literature secretary

Foundation) phatah a anei ngai ahi. Hichena dinga hin mi takip (mijouse) Bilble jilna mun (Theological College) hoa akikal song jou theipon ahi. Hijeh a chu Bible thu hetna lama kibul phu hoina dinga Sunday School kiti hi phatah le hoitah a chepi ngai ahi. Hiche dungjuia chu, Beginners a pat a Senior class changei Sunday School phatah a hungkai jing mihem kht chu Bible hetna lama kibul phuna hoitah aneidoh teiding, tahsan (Dcotrine) thua jong kiphul phuna det tah aneiding (atahsan na phatah a akiventup jou theiding), tahsa le lhagao hinkho jong phading ahi. Hijeh chun Convention lamkai, Pastor ho, Houbung lamakai ho, chule Houbung miho jousen igam sunguva Suday School dinmun semhoiya auma, phatah a ahiding doltah a boldoh teina ding lung le tha ije cheh diuvin Pakai minin ikitemun ahi.

Tua chot loulai gambih ho ahung kichotsoh tengle hetdoh le mudoh (Fing-dings) ho, chule hichea kon a ipi bol ngai ham ti (Suggestion/Plan/Policy um-doh theina ding) ho achen achaiyin hung kipetan te. Sunday School lolhing-tah a boldoh theina dingin Pathen in Houbung mite jouse lung thah, thatah phattheina pumin emapui jing tauhen!


Report

KBC THUSO THUA KIPA THUSEI NALE TIEMNA:Amasan muntin’a KBC Thuso ngailua sim jing Houbung mite ho jouse le changval sim jingho Pakai minin kangailut nao Salam kahinpeuve. Tuni changeija KBC Thuso isojom jing theinao hi nanghon a lahman ( Subscription Fee ) phatah a nahin peh jing thei jeh u ahin, nachung cheh uva kipathu sangtah in kahin seije. Tuchan geija Thuso lahman up to date a hinpetheng jing chu KBC C/C Haokip Veng Gambih No.1 ahin, Houbung, Dept, Individual agom’a 34 ahin 2015 chan ahinpe theng taovin achunguva Pakai minin kipathu kahinseije. Pathenin maban a jong damna pejing tao hen.

Hetsah le TiemnaKBC Thuso hi ahung kisona kum 52 ahung lhingtan, Pathen lungset in lhaseh a Print kibol hi Copy 2350 alhingtan, Lhakhat na atana man hi Rs, 20,000/=(Twenty thausand)only hi ahijingin, Thuso hi Source danga kon’a paisa kimua kitat ahipon, eihon akum akum’a alahman ihinpeh hou uva chu kitat ahijeh in lungset tah in Houbunga hihen lang, changval a hijongle nahin gelkhoh uva akum akum’a alahman nahin kisuh theng jing diuva hetsah nale Tiemna khoh tah hung kinei ahi, ijem tia kum thum chan bat nei ho hi aphat phat a list a kon’a hung kikah jing ding ahitan nana het them diuvin jong hetsah ihiuve.Pathenin KBC Thuso sim jingho jouse phatthei boh jing tahen.

Editor KBC Thuso

Nisim june 13 a Lhangjol a Rev. Dr. Hawlngam Haokip in gam ana-pehdoh na mun chu Houbung mi 35 vel thakonna ana kinei jin gamgi kihetna ding akisem in hiche munhi khonung a Pakai leng-gam a manchah thei khat ahina dinga semtoh ding in akigong e.

Hill Town C/Church Houbung Thakonna


Report

KHANGBAROL B/CHURCH KBC NO.13 NUTE CAMP LOLHINGTAH A KICHAITA.

Gambih15 Youth Dept makaina a

Solfa TrainingAchesa date 29 June - 5 July 2015 sung in gambih sunga youth te mi 60 chunglam in Moreh Baptist church munna gambih youth Dept leh MBC youth Dept tohgon na noiya music solfa training Ana neiyun, Pathen mapui hoi nayallin a kichai yin, chule mopoh na nei-ya houbung mite chunga kipa Thu ahung kiphong e.

Date 25-29 June, 2015 sungin KBC Gambih No.13 sunga um Khangbarol Houbingin Nute Camp Evan. Chingboi Chongloi le Nl.Lhingbem KBC Women Secretary teni Camp Speaker hina a ana kimangin anomlheh jengin ahi.

Hiche Camp kimanna sunga hin Pathen in Camp Speaker nule Director nu amangchan, Min-ute huhhingna thu hechen nai louhon, hetchen theina aneijun, chule tumasanga golle paitoh kilung nopmona ananei mi-tampin jong tua pan kingaidam to tadingin kitepna aneijun, chule mitlhi longpum pumma kipathu phongleh achonna ho khel dia kitem thei minu tampi aumthei jallun amaho jallin Pa-

then thangvah in um tahen.

Chule Pathen in tuchunga oja teni amanchah’a Houbung nute lah’a kikhelna aumthei bangin tunung tengjongleh mangcha jom jing lhon hen lang chule amania konna kikhelna hinnei minute jong tua pan Pathen mapuina chang jing tauhen.

Achainan, Camp kipatna pat, Camp kichai chan boina ima um-louva ma eipuijuva leh lolhinna eipeu hatchungnung Pathen chu thangvah in um tahen.

Pu Onkholet HaokipH/Deacon, Khangbarol B/Church.

Pa Doulal KhongsaiHoubung Secretary, Khangbarol B.Church, KBC No.3.

GAMBIH 7KHANGTHAH 17 IN TUILUT NA NEI

02

Centenary CD Thensonikho a Pu NgamthangHaokip Minister pu leh ainneipi in thilpeh anei a Men PresidentPu toh akikhut sanpet

Senapati Pastor khat kivohkhah jeh a lamkai hon kigomkhom a hitobang asokit louna ding a pan alahkhom nao

Molvailup B/C KBC 17 mun a Chate Camp kibolna

Hill Town Centre Church Houbungmite thakonna a gamgi melchihna song aphunau.

Chapang Thongoumang Gambih 14 a damlou taopehna ngaicha

Chavangphai mun a Gambih No 15 Houbung lamkai ho account Awareness Convention lamkai hotoh abolnao

June 1-3 sung a Khoken B/C a Youth Camp kibolna

G. Khonom Baptist Church Nute Nikho kiman na.

Joujangtek B/C a Pate Nikho loupitah a kiman na .

Post Regd. MNP/81 Regd No. 18134/88

2015

KBC THUSOKum 52 lhinna Lhamul/July2015

Regd.No.19134/88 http:www.kbc.org.in NAI/220/99No-G-4/Regd.Magazine/KBCThuso/MNP-81Regd.No.19134/88 http:www.kbc.org.in NAI/220/99No-G-4/Regd.Magazine/KBCThuso/MNP-81

So436

“Kapa theng, eini pumkhat ihi bang a amaho jong pumkhat ahitheina ding un, Nangman amahohi hong in”

John. 17:11

Khoken Youth Camp a N

ungah Gollhang m

i 52 hung pang, lolhing tah a kichaita

* HALFYEARLY AUDIT - 07 * ANTHAH LOP - 26

CHRISTIAN NATOH

kum 52 lhinna lhamul/july2015kbc.org.in/thuso/jul15.pdf · kum 52 lhinna lhamul/july2015 ......

Documents