kontenido - feffikfeffik.cw/wp-content/uploads/2015/08/guia-pa-kursista-2015-aug-2015.pdf · •...

Guia pa Partisipante di FEFFIK 2015-201620 1Guia pa Partisipante di FEFFIK 2015-2016

Introdukshon

1. Informashon general 3 - Historia i Organisashon di FEFFIK 4 - Sektornan di FEFFIK 5

2. Programa di Aktividat 7

3. Reglanan di FEFFIK 9

4. Fasilidat i Servisionan 13

5. Guia pa partisipante 15

6. Anekso: 16 - Himno di Kòrsou - Splikashon di abreviashon “afkorting” di Estudio / Departamentu 17 - Deklarashon di partisipante di FEFFIK 18 - Mapa di FEFFIK 19

Kontenido

Fundashon pa Edukashon i Formashon di Fishi i Kapasitashon

Brievengat, 06 di ougùstùs 2015

Kerido partisipante,

Na nòmber di direktiva, gerensia i personal, nos ta yama bo Bon Biní na nos instituto di Formashon FEFFIK. FEFFIK ta eksistí ya pa 35 aña i nos ta ofresé diferente estudio den kua bo por profeshonalisá riba diferente nivel.

Nos ta felisitá bo ku e desishon ku bo a tuma pa bin sigui bo estudio na FEFFIK ya komo bo ta demostrá ku bo ke invertí den bo futuro.

Den e mundu di awendia, bo no ta haña trabou fásil sin un diploma. Pa bo haña bo diploma bo mester bini skol, presta atenshon den lès, kumpli ku bo tareanan i studia tur dia maske ta dos ora.

Den e Guia di partisipante akí tin informashon general i reglanan ku ta konta na nos instituto. Tambe bo ta haña informashon tokante di nos programa di aña i aktividatnan ku ta importante den e aña eskolar binidero. Den transkurso di aña lo bo haña mas informashon ku ta importante pa bo, serka e departamentu ku bo ta inskribí. Nos tin un tim di dosente, instruktor i trahadó sosial ku ta na bo òrdu. Aserká bo mentor i e trahadó soshal ora bo nota problema den bo estudio òf den bo bida privá. Nos tarea ta pa yudabo i motivá bo pa bo gradua i risibí bo diploma.

Durante di aña eskolar lo bo sera amistat ku diferente studiante ku huntu ku bo lo traha riba boso formashon komo profeshonal. Lo bo ripará ku bo ta drenta un etapa importante i interesante den bo bida.

Di parti di personal i direktiva nos ta deseá bo un aña fruktífero, plasentero tantu na FEFFIK, komo den bo bida personal.

Ban pa ekselensia!!!Hopi éksito!

Maneho di skol

Prologo


MA

PA D

I FEF

FIK

1. Pa medio di esaki suskrito................................... ta deklará (den kaso di menor di edat tambe su mayornan) .......................................( mas aleu denominá komo partisipante) di ta na altura di e maneho pa loke ta trata mal uzo di droga den FeFFiK ku ta enserá lo siguiente:

• Riba tereno di FEFFIK no ta tolerá uso di droga;• Riba tereno di FEFFIK tampoko ta tolerá pa un hende ta bou di influensha di droga;• Riba tereno di FEFFIK no ta permití ni tolerá benta di droga;• Riba tereno di FEFFIK no ta permití huzo di alkohol;

Den kaso ku tin sospecho por pidi e partisipante pa listr’é i tira un bista den su pertinensianan. E partisipante en kuestion ta deklará pa medio di esaki ku e ta bai di akuerdo pa esaki sosodé i tambe ku kualkier momento por laga hasi un tèst di droga ku alumno.

Pa medio di loke a menshoná ariba, e partisipante ta komprondé ku pa komprobá su mal uzo di droga, por someté na un tèst di urina i e ta deklará ku e ta bai di akuerdo ku esaki. Na mes momentu e ta deklará ku den kaso ku e resultado di e tèst di urina ta positivo, e ta bai di akuerdo pa someté su mes na un programa di guia adekuá. Den kaso ku e no bai di akuerdo ku esaki, por tèrminá su relashon ku FEFFIK.

Firmando e deklarashon akí e partisipante ta bai di akuerdo ku e punto ariba menshoná i tambe ku e siguiente puntonan:

2. e ta tene su mes estriktamente na reglanan vigente di FeFFiK

3. e ta tene su mes na e akuerdo di formashon i guia práktiko profeshonal (“leer-stageovereenkomst”)

Willemstad, ............................. 2015

__________________ _________________________________ Firma di partisipante Firma di mayor (den kaso di menor di edat)

Deklarashon di partisipante di FEFFIK


Historia i organisashon di FeFFiKFundashon pa Edukashon i Formashon di Fishi i Kapasitashon (FEFFIK) a lanta for di e nesesidat pa establesé un instituto ku ta spesialisá den formashon di trahadó kalifiká pa merkado laboral, despues ku Curaçaose Mijnmaatschappij a sera su porta i 150 minero a pèrdè trabou. Na mes momentu otro empresanan tabata pidi pa trahadó kalifiká pa diferente tipo di fishi. Eksistensia di FEFFIK ta basá riba perseveransia i un soño ku mester a bira realidat urgentemente.

Ing. Alejo Juan “Colin” Valerian (q.e.p.d.) a bira e promé direktor di FEFFIK. Perseveransia a yuda señor Valerian huntu ku un grupo di persona entusiasmá, guia FEFFIK for di aña 1980 na Skalo te na e Sentro moderno, aki na Brievengat. Awe, FEFFIK, salí for di inisiativa i koperashon di kuater grupo den komunidat – sindikalismo, doñonan di trabou, gobièrnu i direktivanan di skol - ta konta ku un kantidat ekstenso di programa di estudio spesialisá, pa formashon profeshonal repartí den 3 diferente sektor kual nan ta sektor Tékniko, sektor di Kuido i Bienestar i sektor di Ekonomia..

Pa duna honor na pioneronan di FEFFIK a duna e instituto, na okashon di su di 20 aniversario, e nòmber: FEFFIK Training Center A. J. Colin Valerian.

MetaMetanan di FEFFIK ta:1. Formashon kontinuo di e individuo2. Promoshon di Enseñansa i Formashon Profeshonal

Éksito di FEFFIK ta resultado di trabou di personanan ku añanan largu a dediká nan tempu na preparashon di prinsipalmente hóbennan pa nan por partisipá debidamente na proseso laboral.

FEFFIK no ta djis un skol, pero un Instituto pa Formashon di hende kalifiká pa drenta òf sigui riba merkado laboral.

Na momentu ku a lanta FEFFIK, dia 18 di yanüari 1980, e instituto tabata ofresé solamente algun kurso na ménos ku 100 partisipante.Awe FEFFIK ta orguyoso di tin un total di mas òf ménos 500 partisipante pa e aña eskolar aki, guiá pa un kantidat di + 50 dosente, instruktor, kordinadó di programa, sosten atministrativo i mas.

Partisipantenan ku a terminá FEFFIK ku éksito sea ta sigui un estudio mas avansá, traha den posishonnan klave na vários kompania na Kòrsou òf ta den eksterior.Na e momentunan aki e edifisionan di FEFFIK ta wòrdu renobá ku fondo di Reda Sosial, pa nos por brinda abo nos próksimo studiante mihó. Lo bo ripara ku trabounan ta tumando lugá pero nos huntu ku e kontratista lo perkurá pa e trabounan no stroba e proseso di lès.

1. inFormasHon general

strUKtUra di FeFFiK


Splikashon di abreviashon (“afkorting”)di grupo (klas) / Departamentu:

Guia pa Partisipante di FEFFIK 2015-2016 16

Ehèmpel 1: BT-1A-15 --- --- “Bouw Techniek” Nivel 1 Grupo A aña ku studiante a kuminsá Konstrukshon ku e estudio akí (2015) Ehèmpel 2: M-AA-15 --- --- “Motorvoertuigen” Proyekto Grupo A aña ku e studiante a kuminsá Outo Alternativo ku e estudio akí (2015) BT ---> Bouw Techniek – Konstrukshon M ---> Motorvoertuigen – Outo N ---> Nautisch – Nóutiko E&I ---> Electro – Koriente M&P ---> Metaal – Metal H ---> Horeca – Horeka K ---> Kleding – Moda (kose) IT ---> ICT – Kòmpiuter UV ---> Uiterlijke verz. – Kuido di kabei, kueru man i pia Deklarashon di partisipante di FEFFIK

BT 1 A 15

M A A 15

- Himno di Kòrsou- Splikashon di Abreviashon “Afkorting” di Estudio/Departamentu- Deklarashon di partisipante di FEFFIK- Mapa di FEFFIK

6. aneKso

1. Lanta nos bos ban kantagrandesa di Kòrsou;Kòrsou, isla chikitu,baranka den laman!

Kòrsou, nos ta stima boariba tur nashon,

Bo gloria nos ta kantadi henter nos kurason.

2. Nos pueblo tin su lucha,ma semper nos tin fe

di logra den tur tempuviktoria ku trabou!

Ban duna di nos partip’e isla prosperá.

Laga nos uni forsap’asina triumfá.

3. Nos patria nos ta demonstráonor i lealtat,

meskos na e banderaunion di nos nashon.

Nos bida lo ta pokopa duna nos pais,

luchando uní pa libertat,amor i komprenshon.

4. I ora nos ta leu fo’i kas

nos tur ta rekordá.Kòrsou, su solo i playanan,

orguyo di nos tur.

Laga nos gloria Kreadortur tempu i sin fin,

k’El a hasi nos dignodi ta yu di Kòrsou.

HIMNO DI KORSOU

E Bandera di Kòrsou ta blou ku un strepi hel i dos strea blanku na man robes. E strea grandi ta Kòr-sou i e chikí ta Klein Kòrsou. E área blou ariba ta shelu i esun abou ta laman. E strepi hel ta representá nos solo.

Bandera di Kòrsou (diseño - Martin den Dulk)

Seremonia di bandera di Kòrsou na plasa Brion


FEFFIK no ta djis un skol pero un Sentro pa formashon di hende kapasitá pa traha na un manera responsabel i ta krítiko ku e mes i ku otronan. FEFFIK ta un instituto kaminda bo ta haña lès i guia na e Sentro mes. Tambe bo por kore stazje na un empresa i bini bèk pa finalmente bo optené un sertifikado òf diploma na final di bo estudio.Instrukshon na FEFFIK ta konsistí di dos parti: e parti teóriko i práktiko ku ta tuma lugá na skol i un parti práktiko ku ta tuma lugá den un empresa. (E asina yamá BPV – Beroepspraktijkvorming)

FEFFIK konosé 3 sektor ku huntu ta representá 9 sekshon:

A. Sektor Tékniko

1. Sekshon di Koriente i RefrigerashonTa reina un interes grandi bou di hóbennan pa e sekshon akí.E sekshon akí ta ofresé kursonan manera mekániko di instalashon di koriente haltu i mekániko di industria. Tambe ta ofresé kursonan básiko di refrigerashon.

2. Sekshon di KonstrukshonSekshon di Konstrukshon ta ofresé e partisipante oportunidat pa siña fishi di karpinté, mètsla i fèrfdó. Ku otro palabra bo ta siña traha un kas for di fundeshi te dak. Bo tin posibilidat pa siña traha tur loke ku tin di haber ku konstrukshon.

3. Sekshon di MetalSekshon di Metal ta ofresé kursonan manera “verspanen”, “plant mechanic”, “machine mechanic” i “lassen”. Organisashon di e diferente estudionan di Sekshon di Metal, meskos ku tur e otro sekshonnan di FEFFIK, ta dependé di e demanda ku ta eksistí riba merkado. Despues di a terminá nan estudio den sekshon di Metal ku éksito, nos hóbennan por haña trabou na kompanianan manera entre otro: Refineria Isla, MITS Curaçao, Dokmaatschappij.

4. Sekshon di OutoSekshon di Outo ta ofresé estudionan pa saka sla, spùit i mekániko ku tin durashon di un òf dos aña. Alabes sekshon di outo ta ofresé kursonan anochi pa mekániko.

5. Sekshon NóutikoE sekshon akí ta ofresé estudionan di matros, “schipper”, “stuurman”. Bo ta gusta laman, bo ta un persona disipliná? Sekshon Nóutiko ta pa bo!

B. Sektor di Ekonomia

6. Sekshon di KòmpiuterPa esunnan ku ke avansá den kòmpiuter ta bon pa sigui un ke otro kurso riba tereno di kòmpiuter. Tin un variedat di kurso di diferente programa. E sekshon aki ta ofresé estudionan di kòmpiuter. Aki e partisipante ta siña tur loke ku mester sa di kòmpiuter na un manera profeshonal. E aña eskolar aki FEFFIK lo no kuminsá ku trayektonan di kòmpiuter.

seKtornan di FeFFiK

C. Sektor di Kuido i Bienestar 7. Sekshon di ModaE sekshon aki ta ofresé kurso na diferente nivel.E partisipante ta siña pinta patronchi, kose riba midi, kose paña pa mucha i hende grandi, flus, paña di brùit, sombré, etc. Durashon di e estudionan ta varia di 1 te 3 aña.

8. Sekshon di Kuido di Kabei i kueru (man i pia)E sekshon aki ta ofresé kurso na nivel unu i dos. E partisipante ta siña kon pa trata ku kueru di hende i man i pia. E ta siña kon ta kuida diferente tipo di kabei. Laba, trata kabei. Durashon di e estudionan ta varia di 1 te 2 aña.


Pa loke ta trata guia pa partisipante, FEFFIK ta parti esaki den 5 kategoria:

a. Guia riba tereno di siñamentu i korementu di stazjeDurante e periodo ku abo ta na FEFFIK komo studiante lo bo haña guia di bo klasseleraar riba tereno di siñamentu. Periódikamente lo bo tin un kòmbersashon kuné tokante di bo prestashon. Na momentu ku bo bai kore stazje lo bo risibí guia di un konsulènt ku lo pasa regularmente na e empresa kaminda bo ta kore stazje. Den e empresa un persona lo keda apuntá komo bo “leermeester”, ku kua e konsulènt lo tin kontakto ora e ta guia bo na e empresa ei.

b. Guia riba tereno sosial/emoshonalPa e área akí FEFFIK tin dos trahadó sosial den servisio ku lo duna bo e sosten nesesario ora bo tin kosnan personal ta stroba bo di funshoná optimal na skol. Serka bo mentor bo ta haña mas informashon kon I ki ora bo por konta ku nan. c. Guia riba tereno di komportashon desviante, p.e. dor di uzo di drogaSi akaso bo tin mester di yudansa pa motibu di uzo di droga òf alkohòl, lo bo por konta ku guia profeshonal riba e tereno akí.

d. Guia durante aktividatnan despues di skolNos lo bai tin diferente aktividat deportivo i rekreativo despues di skol kaminda bou di guia di lidernan kualifiká bo por sigui

un formashon musikal, praktiká deporte, etc, etc.

e. Guia despues ku bo kaba skolNa momentu ku bo tèrminá bo estudio serka nos, nos lo sigui wak kon a sigui ku bo te ku un periodo di tres luna. Esaki ta pa nos haña un bista kon nos studiantenan ta resultá den mundu laboral Nos ta parti e aña eskolar den 4 parti ku bo ta mira den e skema na punto 2 di nos Guia di partisipante. Lo bo haña mas informashon tokante di tèntamen i di dos oportunidat (herkansing) pa traha prueba serka bo dosente.

5. gUia Pa PartisiPante

di lès, lista di sifra, entrega di rapòrt, sertifikado/ diploma konsultá kapítulo 2 (Programa di Aktividat/Plan di Aña).

8. Sakamentu di kopiaNo ta pèrmití ningun partisipante saka kopia den edifisio prinsipal òf kualke otro ofisina di FEFFIK. Si akaso partisipante mester saka kopia, e mester aserka su “mentor”.

9. Ousensia di dosenteOra ku dosente pa un òf otro motibu no ta presente, representante di partisipante (“klasseoudste”) mester pone ofisina pa partisipante na altura ku na sa turno ta avisá “Programma Beheerder” di e sekshon konserní ku ta responsabel pa tuma desishon.

10. KantinaNos kantina ta habrí durante pousa pa nos partisipantenan por kumpra algu di kome òf bebe. Esaki ta un fasilidat pa

nos partisipante i e ta evitá tambe ku partisipante mester sali bai kumpra kos pafó di tereno di FEFFIK.

11. Sitio pa stashoná outo i otro vehíkuloDilanti di nos Sentro tin lugá pa partisipantenan stashoná outo i banda di nos kantina tin espasio pa baiskel, “bròmer” i skuter. Partisipante mester paga motor di “bròmer” i skuter na entrada di nos Sentro.

12. Seguridat i ProtekshonFEFFIK ta pone mashá atenshon na siguridat di nos partisipantenan. Nos tin un Sekshon di Seguridat i Protekshon permanente pa yuda duna guia, pa garantisá trankilidat i sòru pa tur kos kana di akuerdo ku reglanan di nos Sentro. Tur partisipante mester sigui tur indikashon di empleadonan di Sekshon di Seguridat i Protekshon.



2. Programa di aktividat

Aktividat i skema di fakansi di FEFFIK

Aña eskolar 2015-2016

LUNA AKTIVIDAT i FAKANSI FECHA OUGUSTUS 2015 Fakansi Grandi 01 - 05 ougùstùs 2015 ** Inisio promé temporada di lès 06 ougùstùs 2015 Dianan di introdukshon 06 + 07 ougùstùs 2015 Periodo anochi di informashon pa mayor 20 ougùstùs 2015 SEPTEMBER OKTOBER Fakansi kòrtiku liber → 05 òktober t/k 09 òktober 2015 Dia di Kòrsou liber → 10 òktober 2015 Siman di prueba 1+2 òktober 12 t/k 14 òktober 2015 ** Fin di promé temporada di lès 16 òktober 2015 ** Inisio di dos temporada di lès 19 òktober 2015 Entregá sifra di 1e temporada di lès (dosente) 23 òktober 2015 Reunion pa atendé sifra entre dosentenan 29 + 30 òktober 2015 NOVEMBER Reunion pa atendé sifra entre hefenan 3 novèmber 2015 Lista di sifra ta bai Büró di eksamen 5 novèmber 2015 Entregá lista di sifra di promé temporada di lès na alumno 13 novèmber 2015 DESEMBER Dia di Enseñansa 01 desèmber 2015 Dia di “AIDS” 01 desèmber 2015 Limpiesa di lokal di práktika 3 - 09 desèmber 2015 Siman di prueba Último dia di skol di aña 2015 18 desèmber 2015 ** Fin di dos temporada di lès 18 desèmber 2015 Fakansi di Pasku liber → 21 desèmber t/k 01 yanüari 2016

** Un felis Pasku i un bon aña nobo 2016 **

YANÜARI 2016 ** Inisio di tres temporada di lès 04 yanüari 2016 Entregá sifra di dos temporada di lès (dosente) 08 yanüari 2016 Reunion pa atendé sifra entre dosentenan 14 – 15 yanüari 2016 L Reunion pa atendé sifra entre hefenan 19 yanüari 2016 Lista di sifra ta bai Büró di eksamen 21 yanüari 2016 Entregá lista sifra dos temporada di lès na alumno 29 yanüari 2016

2. Programa di aKtiVidat


Aktividat i skema di fakansi di FEFFIK

Aña eskolar 2015-2016

LUNA AKTIVIDAT i FAKANSI FECHA FEBRÜARI Karnaval di mucha liber → 1 febrüari 2016 Teener parade (dia nòrmal di skol) 5 febrüari 2016 Gran marcha di karnaval liber → 08-12 febrüari 2016 MART Siman di prueba 3 mart t/k 09 mart 2016 ** Fin di tres temporada di lès 11 mart 2016 ** Inisio di kuater temporada di lès 14 mart 2016 Entregá sifra di tres temporada di lès (dosente) 18 mart 2016 Reunion pa atendé sifra entre dosentenan 07 – 08 aprel 2016 Reunion pa atendé sifra entre hefenan 12 aprel 2016 Lista di sifra ta bai Büró di eksamen 14 aprel 2016 APREL ** Fakansi di Pasku di resurekshon liber → 24 mart - 1 aprel 2016 Entregá lista di sifra tres temporada di lès na alumno 22 aprel 2016 Aña di Rei (Willem) 27 aprel 2016 Extra dianan Liber 28 t/k 29 aprel 2016

MEI Dia di obrero liber → 01 mei 2016 ** Fakansi di Asunshon liber → 05+06 mei 2016 Siman di prueba 02 t/k 8 yüni 2016 YÜNI

Siman di prueba general atrasá 13 yüni – 17 yüni 2016 Entregá sifra di kuater temporada di lès (dosente) 13 yüni 2016 Reunion pa atendé sifra entre dosentenan 16+17 yüni 2016 Reunion pa atendé sifra entre hefenan 20 yüni 2016 Lista di sifra i kandidatonan ku a gradua ta bai büró di eksamen 20 yüni 2016 Siman di Limpiesa di lokal di práktika 20 – 24 yüni 2016 Entregá di diploma, sertifikado, lista di sifra di Kuater temporada 30 yüni 2016 ** Fin di kuater temporada di lès 01 yüli 2016 YÜLI ** Fakansi grandi liber → 04 yüli 2015 t/m 31 yüli 2016 OUGÙSTÙS 2016 ** Fakansi grandi liber → 01 oug 2016 t/k 10 oug 2016 ** Inisio promé temporada di aña eskolar 2016/2017 11 ougùstùs 2016 Dianan di introdukshon 11 + 12 ougùstùs 2016 (Roster, Reglanan di instituto i Akuerdo di estudio)


Nos pèrsonal profeshonal i nos sistema komputerisá di kuido pa partisipante t’ei pa garantisá ku abo partisipante, ku a skohe pa sigui bo estudio na FEFFIK, por kuminsá i kaba bo estudio ku éksito.

Kua fasilidat i servisionan FEFFIK ta ofresé?

FEFFIK ta ofresé siguiente servisio i fasilidatnan:1. Guia pa yuda partisipantenan bira un profeshonal pa merkado laboralNos pèrsonal profeshonal ta instruí i guia nos partisipante for di “opendag”, promé ku e drenta nos Sentro, durante su estudio i asta durante sierto periodo despues ku e terminá su estudio. Tin evaluashon regular di kada partisipante p’asina duna sosten kaminda ta nesesario. Nos sistema di kòmpiuter pa kuido di partisipante ta sigui kada paso di tur partisipante di nos Sentro.

2. Guia pa atendé partisipantenan ku problema sosial, emoshonal, familiar etc.Banda di instruktor, dosente, “klasseleraar” i “konsulente” (asesor) tin 1 (un) trahadó sosial ku ta guia nos partisipante komo parti di nos maneho sosial. Nan porta ta habrí pa tur partisipante.

3. Kuido den kaso ku partisipante mester di sosten èkstraFEFFIK tin bon kontakto ku tur instansia di kuido i guia na Kòrsou. Asina tambe ku Fundashon Maneho di Adikshon (F.M.A.)

pa guia nos partisipantenan den kaso di mal uzo di droga i alkohòl i tur loke esaki ta trese kuné. FEFFIK su filosofia ta: duna esun ku a kai un man p’e lanta i sigui kana den bon kaminda.

4. Ofisina pa Partisipante (“Leerlingen Administratie”)E ofisina akí ta atministrá tur dato di tur partisipante p.e. ora partisipante ta lat e mester pasa na ofisina i tuma un prueba (“te laat brief”) pa por drenta klas. Pa kualke deklarashon pa S.V.B. òf otro instansia mester pasa na e ofisina akí. Por bisa ku nos ofisina pa partisipante ta kurason di FEFFIK, pasobra bon atministrashon ta base pa un bon organisashon.

5. Aktividat despues di oranan di lèsFEFFIK ta organisá aktividat manera e.o. deporte despues di oranan di lès pa nos partisipantenan. Tantu nos pèrsonal komo profeshonal djafó ta duna guia segun un plan di aktividat.

6. Informashon/KehoPa kualke informashon i/òf keho partisipante mester aserká su “klasseleraar” na promé instansia. Si resultado no ta satisfaktorio por aserká “Programma Beheerder” di e sekshon. Si e resultado ainda no ta satisfaktorio pero aserka Hefe di Sektor.

7. Entrega di rapòrt, sertifikado i/òf diplomaPa informashon tokante temporadanan

3. Fasilidat i serVisionan

ATMINISTRASHON;- Faltamentu ku e regla akí tin komo konsekuensia medida disiplinario;

10. Den tur kaso di LADRONISIA, INFRAKSHON I/ÒF DAÑO kometé na nos Sentro, kon chikí ku e por ta òf parse, gerensia di FEFFIK tin kompetensia kompletu pa pidi Sekshon di Seguridat i Protekshon i Polis hasi un investigashon i tambe tuma akshon i medida;

11. Agentenan di Sekshon di Seguridat i Protekshon ta outorisá pa kontrolá tur kos entre otro: vehíkulo, tas ku sea ta drenta i/òf sali i/òf ta riba tereno di nos Sentro. Tambe por pidi e partisipante saka tur kos for di su sakunan i tas.

12. Ta estriktamente prohibí pa sinta riba lomba di banki, i riba mesa, i baki di shushi;

13. No ta permití pa saka stulnan ni mesa for di lokalnan di teoria, i sinta riba esakinan pafó di lokal.

Ta tuma medida disiplinario den e siguiente kasonan i den tur otro kaso ku gerensia di FEFFIK ta konsiderá ku faltamentu di regla ta probá:1. Yega lat regularmente;2. Falta lès sin motibu bálido;

3. Komportashon for di òrdu;4. Inkumplimentu kontinuo di tareanan duná. Mal prestashon;5. Keda sin sigui òrdu duná;6. Fayonan grave, aktonan inakseptabel pa nos Sentro i/òf empresa;7. Uzo, distribushon i benta di supstansia prohibí;8. Poseshon di kualke tipo di ARMA, KUCHÚ, SAMBÈCHI, OPHETO SKERPI, ETS9. TUR SORTO DI MENASA.10. Freimentu i aktonan seksual riba tereno di FEFFIK11. Bula kurá di FEFFIK

Si partisipante keda sin kumpli ku e reglanan di nos Sentro, esaki tin komo konsekuensia ku por tuma un òf mas di e siguiente medidanan disiplinario:1. Amonestashon (“waarschuwing”) oral;2. Amonestashon (“waarschuwing”) skibí3. Keda Sentro despues di ora di lès pa hasi sierto tarea;4. Suspenshon;5. Ekspulshon.

Gerensia di FEFFIK ta outorisá pa tuma kualke medida disiplinario ku e ta konsiderá nesesario pa garantisá bon funshonamentu di nos Sentro i pa protehé nos partisipantenan i nos pèrsonal.


1. Orario di nos Sentro ta entre 7:30 (mitar di ocho di mainta) i 22:15 (kuartu pasá di dies di anochi). Tin dos pousa:- Mainta di 9:45 (kuartu pa dies) pa 10:00 (dies or)- Mèrdia di 12:15 (kuartu pasá di diesdos) pa 13:00 (un or)Tin un bèl ku ta anunsiá esaki.

2. Tur partisipante mester ta puntual na nos Sentro i na tur aktividat. Den kaso di enfermedat òf pa motibunan imprevisto i urgente mester anunsiá esaki promé ku 7:30 (mitar di ocho di mainta) na telefòn 736-3900 ekstenshon 221 òf 223. Nos Sentro ta eksigí un karta di dòkter tambe den e kasonan menshoná.

3. Tur partisipante mester kumpli ku reglanan di Sentro i sin mas mester sigui tur indikashon di Kuerpo di Seguridat i Protekshon, dosente òf empleado di FEFFIK;

4. Tur partisipante mester demostrá balor síviko i aktitut di rèspèt pa e mes, su koleganan, dosente i tur empleado di FEFFIK;

5. tur partisipante mester koperá pa yuda mantené limpiesa na nos sentro. Tur partisipante mester tira shushi den kònteiner. Si deskubrí tiramentu di shushi abou lo tuma medida disiplinario;

6. Nos Sentro tin tualèt pa dama i kabayero. Tur partisipante mester koperá ku nos pèrsonal di limpiesa pa yuda tene i

mantené nos tualètnan limpi. No ta pèrmití pa forma grupo i para kombersá den tualèt.

Regla i puntonan di atenshon tokante bistimentu i uzo di prenda1. Tur partisipante tantu maskulino komo femenino mester presentá debidamente uniformá segun regla di su departamentu ku ta entre otro:- “Jeans” pia largu te na ènkel;- “Poloshirt” di e sektor na kua e ta pertenesé- Kèts òf sapatu será;- no ta pèrmití uzo di slòf , sandalia ni karson kòrtiku òf “driekwart”, ni saya- no ta permití ningun tipo di mea na kabes den klas

2. Ta prohibí pa partisipante femenino tin mas ku un renchi na orea;

3. Ta prohibí pa tantu partisipante femenino komo maskulino tin renchi den nanishi, na kara (wowo, kachete etc) i riba lenga;(o mihó bisa “piercing”)

4. No ta pèrmití partisipante maskulino ku renchi di orea bistí riba tereno di FEFFIK;

5. Pa motibu di siguridat no ta pèrmití partisipante ku kadena, oloshi, armbant i renchi di dede bistí i kadena di pia den “werkplaats”;

6. No ta pèrmití uzo di mea, pèchi òf sombré riba tereno di FEFFIK ni den lokalidat pa duna lès di teoria.

3. reglanan di FeFFiK

Departamentu por duna pèrmit pa esakinan den “werkplaats” durante lèsnan di práktika.

7. No ta permití pa kore baiskel riba tereno di FEFFIK.

8. Partisipantenan ku tin baiskel of bromfiets por parker esaki nan dilanti di ofisina prinsipal.

9. Tur papelnan di e vehikulonan aki (bromfiets i trike) mester ta na ordu.

10. Partisipantenan ta sigui les segun nan roster di grupo.

11. Momentu ku tin ousensha di dosente partisipante por bandona tereno solamente ku un karta di e kordinado di departamentu. (roosterwijzigingsbrief )

12. Si e partisipante ta malu i kier bandona tereno e mester tin un karta di malesa (ziektebrief ) firma pa su kordinado.

13. Un partisipante no por subi tereno di FEFFIK sin ta uniformá

14. E miembro di seguridat na porta mester hala e partisipante su atenshon na momentu ku e nota algu iregularidat di e reglanan ariba menshona.

KabeiKabei di partisipante ta di tal manera ku e no ta forma peliger pa su mes òf pa otro nan.

tasTur partisipante mester bini ku un tas adekuá pa pone buki i material di skol aden.

Reglanan bálido den lokalidat pa duna lès(Tur klas tin un “klasseleraar”. Tarea di e “klasseleraar” ta pa atendé tur loke ta regardá partisipantenan;)

Tur klas konosé un representante (“klasse-oudste”) ku ta partisipá “klasseleraar” sugerensia, keho i/òf petishon di partisipantenan;Tur klas ta haña un lista di presensia serka dosente pa tur partisipante firma. Dosente ta responsabel pa e lista di presensia.

Komo parti di edukashon i For-mashon na nos sentro i teniendo kuenta ku nos partisipantenan mester drenta sektor di trabou sin ningun opstákulo, nos sentro ta konsehá i orientá nos partisipan-tenan tokante aparensia i bon pre-sentashon pa kada departamentu di estudio i sektor di trabou.e orientashon aki ta enserá entre otro:Uzo di tatuahe na partinan visibel di kurpa, uzo eksagerá di makiahe (“make-up), di prenda i djente di oro, sierto estilo di kabei, “piercing” i kualke otro punto relevante.


No ta pèrmití kome ni bebe den lokalidatnan. Komementu i rekreashon ta tuma lugá solamente na lugánan indiká;

No ta pèrmití partisipante ku pèchi, brel skur, “walkman”,” ipod”, “mp3/4-player”, radio i telefòn den lokalidatnan di lès;Partisipante mester kuida banki, lèsenar i tur material ku tin den lokalidatnan di lès, p’asina tur otro kolega por hasi uzo óptimo di nan. Si un partisipante hasi kualke daño na propiedat di FEFFIK e mester paga pa e daño ku el a okashoná.

aktonan, supstansia i áreanan estriktamente prohibí den nos sentro i kiko ta e konsekuensia ora un partisipante falta ku e reglanan aki (indiká e áreanan pa tur hende sa ta na unda)

1. Uzo di supstansia manera alkohòl, droga etc. ta estriktamente prohibí. Faltamentu ku e regla akí tin komo konsekuensia suspenshon/ekspulshon i denunsia na polis;

2. Distribushon i benta di alkohòl, droga etc. ta estriktamente prohibí. Faltamentu ku e regla akí tin komo konsekuensia ekspulshon i denunsia na polis;

3. Tur tipo di ARMA ,DROGA òf alkohòl ta estriktamente prohibí. Faltamentu ku e regla aki tin komo konsekuensha ekspulshon i denunsia na polis;

4. VIOLENSIA, WEGA DI MAN,

INSULTO, MENASA, PAPIA PALABRA MALU (BULGAR) I SENALNAN BULGAR ta estriktamente prohibí. Faltamentu ku e regla aki tin komo konsekuensia ku ta tuma medida disiplinario;

5. WEGA DI PLAKA ta estriktamente prohibí tantu riba tereno komo den lokalnan di nos Sentro. Faltamentu ku e regla aki tin konsekuensia ku ta tuma medida disiplinario;

6. Ta prohibí pa hunga wega di dominó den kura di skol.

7. Pa bende lòt mester pidi outorisashon di gerensia di FEFFIK. Gerensia ta evaluá pa kua meta i benefisio e ta, si e ta legal i ta tuma un desishon;

• Pahasikualkiertipodinegoshi. Faltamentu ku e regla aki por tin konsekuensia ku ta tuma medida disiplinario

8. Ta estriktamente prohibí pa huma den edifisionan, ofisina, klas, tualèt òf “werkplaats”. Faltamentu ku e regla aki tin komo konsekuensia medida disiplinario;

9. Ta estriktamente prohibí pa ta presente den e siguiente áreanan:- Parti patras di SEKSHON DI METAL;- Parti patras di SEKSHON DI KONSTRUKSHON, i BANDA DI KAYA;- For di ofisina di patras di SEKSHON DI OUTO te lokal 9;- Riba trapi di SEKSHON DI KÒMPIUTER i

kontenido - feffikfeffik.cw/wp-content/uploads/2015/08/guia-pa-kursista-2015-aug-2015.pdf · •...

Documents