isin keessa mallattoo jira, itti hin xinxallitanii? file4 seensa rabbii uumama namaa biyyee irraa...

1

Isin keessa Mallattoo jira, itti hin xinxallitanii?

Qophii: Sammubani.com

http://www.sammubani.com/

2

Qabiyyee Boqonnaa 1 ......................................................................................................................... 5

Isin Keessa Mallatootu Jira ................................................................................................. 5

Marsaalee Uumama Namaa ........................................................................................... 10

Marsaa 1ffaa-Nuxfaa .................................................................................................... 12

Hiika Nuxfaa .................................................................................................................. 16

Marsa Nuxfaa-kutaa 2ffaa............................................................................................ 20

Xinxallii ...................................................................................................................... 25

Marsaa Alaqah ................................................................................................................ 30

Hiika Alaqah ................................................................................................................ 30

Xinxallii .................................................................................................................... 35

Marsa Mudgah ................................................................................................................ 39

Hiika Mudghah ........................................................................................................... 39

Alaqah irraa gara Mudghah Ce’u ................................................................................. 40

Marsaa 4ffaa Uumama Namaa: Lafee fi foon Uwwisuu ............................................. 49

Uumama Lafee .............................................................................................................. 50

Lafee Foon Uwwisuu .................................................................................................... 52

Marsaa Uumama Namaa 5ffaa: Nasha’ah-The Fetal Period ...................................... 57

Boqonnaa 2 ....................................................................................................................... 65

UUMAMA NAMAATTI XINXALLUU-KUTAA 1 ................................................. 65

Akkamitti gara Rabbii (Subhaanahu wa ta’aalaa) Dhiyaatan? .............................. 65

UUMAMA NAMAATTI XINXALLUU-KUTAA 2 FI 3 ........................................ 72



UUMAMA NAMAATTI XINXALLU-KUTAA 6 .................................................... 96

UUMAMA NAMAATTI XINXALLU-KUTAA 7 .................................................. 103

4

Seensa

Rabbii uumama namaa biyyee irraa jalqabeef galanni haa galu. Ergasii sanyii

namaa bishaan dadhabaa irraa uumuun horteen isaanii akka itti fufuu taasise.

Dhiiraa fi dhalaa taasisuun uumama namaatiif sababa akka ta’an godhe. Garuu kan

uumuu, suuraa namaa sirreessu fi baraachessu Rabbii Tokkicha fakkaataa fi

hiriyyaa hin qabneedha. Uumamni nama uumama ajaa’iba Tokkichummaa,

Dandeetti, beekumsaa fi Ogummaa Rabbii olta’aa agarsiisuudha. Namni uumama

xiqqaa wanti baay’een isa keessa jiruudha. Saayintistoonni uumama kana

qorachuun guutumaan guututti beeku hin dandeenye. Wanti isaan hanga ammaa

beekan wanta xiqqoodha malee wanta guutuu ta’ee miti. Saayintistoonni uumama

namaa kana qoratanis, ijaarsi namaa kuni wanta ofiin of ijaaruu fi tasa ta’uu osoo

hin ta’in duubaan Humni Guddaan isa ijaaru akka jiru ni amanu. Hundema wanti

akkanatti xaxamaa ta’ee fi tartiiba isaa qabate gonkumaan ofiin of ijaaru hin

danda’u. Kanaafu, kuni hundi gara Rabbii olta’aa akeeku. Walaleessaan Arabaa ni

jedha:

Ajiiiib! Gabbaramaan akkamitti faallefamaa?

Yookiin namni Isatti amanu diduu akkamitti itti amanu didaa?

Wanta hunda keessa mallattoo Isaatu jira

Tokkicha ta’uu kan agarsiisuu

Kana jechuun wantoota hunda keessa mallatooleen Rabbiin olta’aan Tokkicha

ta’uu agarsiisan ni jiru. Kanaafu, namni akkamitti Rabiin faallessaa? Yookiin

akkamitti Isatti amanuu didaa? Namni mallatoolee kanniniitti yoo xinxalle, Rabbii

isaa beekun itti amana. Ergasii Isaaf ajajamuun jireenya gammachuu gaggeessa.

Asi gadiitti barruulee waa’ee uumama namaa sammubani.com irratti barraa’an

walitti qabamuun haala kitaabatiin dhiyeefamanii jiru.

5

Boqonnaa 1

Isin Keessa Mallatootu Jira

Alhamdulillah. Yeroo darbe waa’ee iimaanaa ilaalaa turreerra. Marsaa kana

keessatti kan ilaallu Gooftummaa (Rububiyyah) fi Tokkichummaan gabbaramuu

(Uluuhiyyah) Rabbiiti. Iimaanni qalbii keessatti hidda yoo qabate namni qajeelee

dachii keessa adeema. Hundee iimaanaa keessaa inni guddaa fi jalqabaa qalbii

keessatti lafa qabatuu qabu, Rabbii olta’aatti amanuudha. Hojiiwwan gaggaarin

namni hojjatuu fi hundeewwan iimaanaa biroo Rabbiitti amanuu irratti kan

hundaa’aniidha. Namni yoo Rabbitti hin amaniin hojii gaggaarii hanga fedhe yoo

hojjate, suni bu’aa homaatu isaaf hin buusu.

Rabbitti amanuuf tooftaalee lama fayyadamna: 1ffaa- Kitaaba Inni buuse qo'achuu

fi qorachuu. 2ffaa- wantoota Inni uumee itti xinxalluuni. Kanniin lamaan walitti

fiduun Gooftummaa fi Tokkichummaa Rabbiitti akka amanan nama taasisa.

Kanaafi, Qur’aana keessatti irra deddeebi’uun uumama samii, dachii fi wantoota

isaan lamaan jidduu jiru kaasa. Uumamtoota kanniin keessaa kan Rabbiin

(Subhaanahu wa ta’aala) irra deddeebi’e kaase keessaa uumama ilma namaati.

Uumamni ilma namaa uumama ajaa’ibaa gara Dandeetti Rabbii akeekudha. Garuu

namoonni baay’een uumama ofiitiitti hin xinxallan. Kanaafi, Rabbiin Olta’aan

akkana jechuun isaan waqqasa:

“Namni abaarrame! Sila maaltu isa kafarsiisee?

[Rabbiin] waan akkamii irraa isa uumee?[hin xinxalluu?] ” Suuratu Abasa

80:17-18

Kanaafu, namni uumama ofii itti xinxalluun Rabbii isa uumeetti amanuu fi adabbii

badaa jalaa bahuu danda’a. Garuu uumama ofii irraa garagalee fi Rabbitti kafaree

fedhima lubbuu jala yoo fiige, dhumtii isaa garmalee badaadha. Sababni isaas,

wanti Rabbii Tokkichatti nama kafarsiisu tokkollee hin jiru. Mallattooleen

6

lakkoofsa hin qabne gara Rabbii olta’aa akeekan isaa fi addunyaa guutuu keessa

jiru. Rabbiin ni jedha:

“Dachii keessas warroota dhugaan amananiif mallatooleetu jira. Akkasumas,

lubbuu keessan keessas, sila hin argitanuu?” Suuratu az-Zaariyaat 51:20-21

Dachii fi wantoonni dachii keessa jiran Guddinnaa, Dandeetti fi Tokkichummaa

Khaaliqaa agarsiisu. Wantoonni kunniin hundii sirnaa fi tartiiba ofii eeggatan tasa

ykn ofiin kan argamanii miiti. Khaaliqa wantoota kanniin argamsiisetu jira.

Ammas, mallatoolee baay’etu nama keessa jira. Seeli xiqqoo irraa jalqabamee

hanga qaama guutuu gahuutti tartiiba kan qabanii fi hojii mataa isaanii kan

hojjataniidha. Eenyutu kutaalee qaamaa kanniin tartiibaa qabsiisee? Ofiin of

qabsisuu danda’uu?

Uumama keenyatti xinxalluun dura ka'uumsi ilma namaa eessarraa akka ta’e ilaalun

barbaachisaadha. Kana beekuuf ragaa dhugaa nu barbaachisa. Tiyoori irratti

hundaa’un ilmi namaa dachii irratti akkanatti jalqabee jechuu hin dandeenyu.

Tiyoori jechuun yaada tilmaamaa namni tokko lafa kaa’udha. Yaanni tilmaamaa

kuni takkaa dhugaa ta’uu danda’a takkaa immoo kijiba ta’uu danda’a. Kanaafu,

wanti nama shakkisuus akka ragaatti hin dhiyeefamu. Kanaafu, ka’uumsa ilma

namaa ilaalchisee akka ragaatti kan dhiyeessun yaada ilma namaa osoo hin ta’in

Kitaaba Rabbiiti. Sababni isaas, namoonni wanta darbee guutumaan guututti hin

beekan. Rabbiin immoo wanta hundaa kan beekudha. Ammas, namoonni wanta

darbee guutuu galmeessanii harkaa hin qaban. Rabbiin subhaanahu wa ta’aalaa

Kitaaba buuse keessatti uumama ilma namaa jalqabaa fi dhaloota achi booda

dhufan muraasa kaase jira. Kanaafu, ragaan amansiisaa fi dhugaan Kitaaba Rabbiin

buuse jechuudha. Kanaan alatti ragaa tokko malee, “Ilmi namaa dachii irratti

akkanatti jalqabee. Ilmi namaa jalqabaa akkana ture.” Jedhanii odeessun sammuu

namaatti taphachuu fi namoota dhamaasu malee bu’aa homaatu hin qabu.

Amantiwwan Islaamaa, Kiristaanaa fi Yahuudaa namni jalqaba uumame Aadamin

akka ta’e irratti wali galuu. Kuni dhugaa hin jijjiramne kitaabban samii bu’an

keessatti dhufeedha. Akkasumas, aqliidhaan (sammuudhaan) wanta ta’uu

7

qabuudha. Akkuma beeknu, wanti tokko yeroo jalqabaatiif yommuu argamu, firee

tokkichatu oomishama. Ergasii fedhi namootaa fi haala gabaaya irratti hundaa’e

baay’ifamee oomishama.

Rabbiin subhaanahu wa ta’aalaa ilmaan namaa guutuu osoo fedhe altokkotti uumuu

danda’a. Garuu Inni kana hin feene. Kana irra, jalqaba nama tokko uumuun ergasi

niiti nama kanaa uumuun suuta suutaan isaan lamaan irraa namoota baay'ee dachii

keessa facaase. Rabbiin subhaanahu wa ta’aalaa akkana jedha:

“[Rabbiin] wanta uumee hundaa kan tolchee fi uumama namaas suphee irraa

kan jalqabeedha. Ergasii sanyii isaa bishaan dadhabaa baafamee irraa

godhe.” Suuratu As-Sajdah 32:7-8

Aaya tana keessatti uumamni namaa akkamitti akka jalqabamee nutti hima. Rabbiin

subhaanahu wa ta’aala nama jalqabaa Aadamiin (Aleeyh salaam) suphee irraa

uumee. Suphee jechuun makaa biyyee fi bishaaniti. Ergasii, sanyii Nabii Aadam

bishaan dadhabaa irraa uumee. Bishaan kunis maniyyi (dhangala’oo saalaa) dhiiraa

fi dubartiiti. Haala kanaan namoonni Aadam irraa jalqabuun addunyaa irratti

faca’uu fi wal horuu itti fufan. Rabbiin subhaanahu wa ta’aalaa ni jedha:

8

“Yaa namootaa! Gooftaa keessan Kan lubbuu takka irraa isin uume, ishii

(lubbuu takkatti san) irraa cimdii ishee uumee fi isaan lamaan irraas dhiirotaa

fi dubartoota baay’ee facaase sodaadha.” Suuratu An-Nisaa 4:1

Rabbiin subhaanahu wa ta’aalaa jalqaba Nabii Aadamiin ni uume. Ergasii isarraa

niiti isaa Hawwaa ni uume. Isaan lamaan irraa dhiirotaa fi dubartoota baay’ee dachii

keessa facaase. Kunis galma kan gahe sababa fuudhaa heerumaatini. Kanaafu,

wanta Inni itti ajaju hojjachuu fi wanta Inni irraa dhoowwu dhiisun Rabbii kana

hunda hojjate sodaadhaa!

Kanaan alaatti “jireenyi ilma namaa dachii irratti akkanatti” jalqabamte, ykn ilmi

namaa tasa argame jedhanii odeessun wanta sammuun namaa fudhatu miti. Wanti

kitaaba barataa Bayloojii keessatti, “Jireenyi lubbu-qabeenyi dachii irratti kan

jalqabde evolushiniin, spontaneous generation fi kan birootiin” jedhanii odeessan

wanta ragaa hin qabnee fi karaa Rabbii irraa nama deebisuudha. Tiyoori kanniin

kan lafa kaa’e filoosofota dhama’anii fi waa’ee Uumaa isaanii homaa hin

beeknedha. Fakkeenyaf, Daarwin “Ilmi namni jaldeessa irra sirna tirannaatiin

(evolushiniitiin) nama ta’e” jedha. Tiyoorin kuni tiyoori kijibaa fi ragaa kan hin

qabne ta'uu mirkaneefamee jira. Kanaafu, namni filoosofii jaamaa kanarraa of eegu

qaba. Filoosofonnii kunniin sammuu isaanii kamiin jireenyi dachii irratti akkamitti

akka jalqabamee hubachuu danda’uu?

Yaada filoosofii irraa akka fagaatan kan nama taasisu biraa, yaanni isaanii kan

walitti hin dhufne fi kan wal faallessudha. Mata-duree tokko irratti walii hin galan.

Yaada wal dhayaa dhiyeessu. Ammas, yaanni isaanii guyyaa guyyaan ni jijjirama.

Wanti isaan har’a akka dhugaatti fudhatan, boru soba ta’a. Garuu kitaaba Rabbiin

buuse keessa wal faallessu fi jijjiramni wanti jedhamu hin jiru. Yeroo hundaa haqa

hin jijjiramneedha. Wanti Kitaabni kuni dhiyeesus wanta sammuu fi uumama

namaa waliin deemudha. Rabbiin Olta'aan ni jedha:

9

“Sobni fuundura isaatiis ta’ee duuba isaatiin itti hin dhufu. Rabbii Ogeessa

Faarfamaa ta’e irraa buufame.” Suuratu Fussilat 41:42

Qur’aanatti duraa duuban sobni wanti jedhamu itti hin dhufu. Kana jechuun

beekumsa namaaf dhiyeessu keessatti sobni itti hin dhufu. Seerotaa fi murtoowwan

kaa’e keessatti sobni itti hin dhufu. Seenaa durii irraa wanta beeksisu keessatti sobni

wanti jedhamu itti hin dhufu. Seenan ummata durii Qur’aanni beeksisu hundi

dhugaadha. Wanta gara fuunduraatti uumamu irraa odeefannoon Qur’aanni

beeksisu hundii dhugaadha. Sobni wanta jedhamu itti hin dhufu. Sababni isaas

Qur’aanni Rabbii waan hundaa beeku irraa waan bu’eefi.

“Buufamuun Kitaabichaa (Qur’aanaa) Rabbii Injifataa, Beekaa ta’e

irraayyi.” Suuratu Ghaafir 40:2

10

Marsaalee Uumama Namaa

Dhalli namaa jireenya keessatti gammachuu guutuu argachuuf halkanii guyyaa

battisa. Namni gammachuu barbaadu kana argachuuf gaafilee sadii of gaafachuun

deebii argachuuf ni carraaqa. Takkaa gaafiwwan kanniin deebii gahaa argachuun

gammachuu fi tasgabbiin jiraata, takkaa gaafiwwan kanniin guutumaan guututti

sammuu keessaa darbuun haaluma jireenyi isaaf taatetti jiraata. Takkaa immoo

gaafilee kanniin deddeebise of gaafachun dhiphinnaa fi dhama’iinsaan jiraata.

Gaafileen kunniin:

1ffaa-Ani duraan dachii tanarra hin turre. Kanaafu, eenyutu dhabamarraa na

argamsiisee ykn na uumee?

2ffaa- Kaayyoon itti uumameef maalii? (Maaliif uumamee?)

3ffaa- Erga du’ee gahuumsi kiyya eessaa?

Dhugumatti gaafiwwan sadan kanniiniif deebii gahaa fi quubsaa argachuun

gammachuu fi tasgabbiin jiraachuudha. Sababni isaas, gaafiwwan sadan kunniin

ka’uumsa, gahuumsaa fi adeemsa ka’uumsa fi gahuumsa jidduu jiru murteessu.

“Eessarraa kaatee eessa deemaa jirtaa? Ka’uumsa fi gahuumsa kee jidduu maalii fi

akkamitti jiraattaa?” jechuun gaafii namaaf dhiyeessa. Dhugumatti gaafiwwan

kanniinif deebii gahaa argachuu fi ergasii deebii saniif buluun hangam dhiphinnaa

fi dhama’iinsa keessaa akka nama baasu mee itti yaadaa!

Nuti ilmaan namaa hanga addunyaa tana keessa jiraannu wal gargaarun dukkanaa

fi dhiphinna keessaa wal baasun dirqama nurra jiruudha. Kanaafu, madda sirriitti

fayyadamuun gaafiwwan sadan kanaaf deebii gahaa argachuuf ni carraaqna.

Tarkaanfi tarkaanfin hunda isaanitu ni ilaalla. Gaafi tokkoffaa irraa yommuu kaanu,

“Eenyutu na argamsiisee ykn na uumee?”

Gaafi kana deebisuuf wanta irraa uumamne tokkoon tokkoo fi tarkaanfi tarkaanfin

ilaalu qabna. Qur’aanni eenyu akka nu uumee jechoota muraasan akkana jechuun

deebii nuuf deebisa. Ergasii wantoota irraa uumamne tokko tokkoon nuuf ibsa.

11

“Inni Kan gadaameessa keessatti akka fedhetti isin bocuudha. Haqaan

gabbaramaan Isa malee hin jiru. Inni Injifataa Ogeessa.” Suuratu Aali-Imraan

3:6

Kana jechuun gadaamessa haadhaa keessatti suuraa fedhe irratti kan isin uumu

Rabbiidha. Isa malee kan isin uumuu hin jiru. Ofiin of uumuu hin dandeessan ykn

namoonni biroo isin uumuu hin danda’an. Rabbii olta’aa qofatu suuraa fedhe irratti

nama uuma. Nama garii dheeraa godha, garii immoo gabaaba. Nama garii dhiira,

garii immoo dubara godha. Bifa nama garii diimaa, kan nama garii immoo

gurraacha godha. Kan kana hunda hojjatu, Rabbii olta’aa malee ni jiraa? Kanaafi

itti aanse, “Haqaan gabbaramaan Isa malee hin jiru. Inni Injifataa Ogeessa.” jedha.

Suuraa fi boca fedhe irratti kan nama uumuu Rabbiin malee kan hin jirre yoo ta’e,

kan haqaan gabbaramuu qabu Isa malee hin jiruu jechuudha. Inni Injifataa Ogeessa.

Wanta hundaa kan Injifatuu fi hundaa ol kan ta’edha. Wanta hundaa yommuu

hojjatu ogummaan hojjata. Mee uumama namaa haa ilaallu. Uumamni namaa

uumama nama ajaa’ibu Tokkichummaa, Injifannoo fi ogummaa Rabbii olta’aa

agarsiisuudha. Akkamitti copha bishaanii irra uumuun nama guutuu akka taasisu

Injifannoo fi Ogummaa Isaa agarsiisa. Mee haa ilaallu akkamitti sadarkaan

sadarkaa ilma namaa akka uumu:

“Dhugumatti, Nuti nama cuunfaa dhoqqee irraa ta’e irraa uumne. Sana booda

iddoo tasgabbaa’aa fi eeggamaa (gadaamessa) keessatti copha bishaan saalaa

isa taasifne. Sana booda bishaan saalaa alaqah (dhiiga ititaa) taasifne; ergasii

12

dhiiga ititaa mudghah (wanta alanfame yookiin muraa foonii) taasifne; ergasii

mudghah lafee taasifne; ergasii lafees foon itti uwwisne. Sana booda uumama

biraa [daa’ima] isa goone. Rabbii uumtota hunda caale tolti Isaa baay’atte.”

Suuratu Al-Mu’iminuun 23:12-14

Kanaafu, marsaa uumama namaa bakka jahatti qoodun ni danda’ama: makaa biyyaa

fi bishaanii (dhoqqee) irraa nama jalqabaa uumu, ergasii sanyii isaa copha bishaan

saalaa irraa uumuu. Ergasii copha kana irraa alaqah (dhiiga ititaa) uumuu, ergasii

mudghaa (wanta alanfame) uumuu, ergasii lafee uumuu fi foon uwwisuu.

Dhumarratti uumama biraa haarawa taasisu.

Makaa biyyee fi bishaanii irraa nama jalqabaa Aadamiin (aleeyh salaam) uumuu

yeroo darbee ilaalle turre. Kanaafu, beekkamaa waan ta’eef lamuu irra hin deebinu.

Amma qorannoo fi qo’annoon keenya marsaalee namni haadhaa fi abbaa irraa itti

uumamu ilaalla.

Marsaa 1ffaa-Nuxfaa

Mata duree kanatti seenun dura, seeli, Kiroomozomi, DNA, Ispermatozowwaa,

ovam (ovum), zaygooti fi kkf maal akka ta’an haa ilaallu.

Seeli jechuun wanta garmalee xiqqaa qaamni lubbu-qabeenyi irraa ijaarramuudha.

Kana hubachuuf mana bolookettin ijaarrame haa fudhannu. Manni tokko bolooketti

baay’ee irraa ijaarrama. Qaama namaa akka manaatti ilaalu dandeenya. Seeli

immoo akka bolooketitti ilaalu dandeenya. Akkuma bolookettin bishaanii fi

wantoota adda addaa irraa hojjatamu, seelinis bishaanii fi wantoota adda addaa of

keessaa qaba. Seelonni nama keessatti argaman lakkoofsi isaanii biliyoonitti

lakkaawama. Seelonni garmalee xixiqoo waan ta’aniif maaykiroskooppiin malee

ija qullaan arguun hin danda’amu. Seelonni hunduu hojii mataa isaanii danda’e fi

hamma (size) gargaraa qabu. Seelonni of keessa kutaalee adda addaa qabu.

13

Kiroomozom (Chromosome)- jechuun wanta akka jirbii fakkaatu seeli keessatti

argamuu fi odeefannoo dhaalaa (genetic information) haala DNA tin kan of

keessatti qabateedha.

DNA (Deoxyribonucleic Acid) jechuun- meeshaa dhaalaa (Genetic Material) kan

odeefannoo of keessaa qabuu fi kiroomozomi keessatti akka masalaalitti kan wal

qabateedha. Fakkii armaan gadi irraa ilaalun ni danda’ama.

14

Kiroomozomi fi DNA hubachuuf sansalata ujumoo pilaastiki keessa kaa’ame

fudhachuun ni danda’ama. Sansalata yommuu ujumoo keessa keennu akka

meeshaa tokkotti ilaalla. Kanaafu, ujumoo fi sansalata wal keessa seenu akka

Kiroomozomitti ilaalun ni danda’ama. Sansalata ujumoo keessa jiru immoo akka

DNA tti ilaalun ni danda’ama.

Ilmi namaa kiroomozomi 46 qaba. 23 abbaa irraa yommuu dhufan, 23 immoo

haadha irraa dhufu. Kiroomozomonni 44 amala fi boca qaamaa murteessuf gahee

ol’aanaa taphatu. Sababa kanarraa kan ka’e, ilmi abbaa ykn haadha fakkaata.

Kiromoozomonni kunniin odeefannoo dhaalaa (genetic information) abbaa fi

haadha waan qabaniif. Kiroomozomonni lamaan hafan saala namaa murteessuf

gahee taphatu.

Ispermatozowaa (Spermatozoa)- jechuun seeli wal-hormaataa dhiiraati. Dhiirri

umrii saalfannaa yommuu gahuu maniyyii (dhangala’oo saalaa) ni dhangalaasa.

Dhangala’oo adii san keessa seeliwwan Ispermatozowaa jedhamantu jiru.

Seeliiwwan kunniin maaykiroskooppin malee ija qullaan hin mul’atan. Mataan

ispermaatozowaa kiroomozomii of keessaa qaba. Dhangala’oo saalaa dhiirri

dhangalaasu keessa ispermatozowaa miliyoonatti lakkaawamtu jiru. Garuu kanniin

keessaa tokkicha qofatu killee dubartii bilcheessu (fartilaayzeshinii raawwachuu)

danda’a. Fakkii armaan gadii ilaalun ni danda'ama.

15

Seeli hormaata dhiiraa (Ispermaatozowaa). Seelin kuni hanga kana guddata jechuu

osoo hin ta’in akka namni hubatuuf maaykiroskoppiin kan guddifameedha. Fakkiin

gara mirgaatti argamu ispermaatozowaa baay’ee agarsiisa.

Ovam (Ovum)- seeli wal hormaata dubartiiti. Afaan keenyaan puppaa (killee)

jechuuni dandeenya. Dubartoonni yommuu umrii saalfannaa gahan seelii

hormaataa bilchaate (ovam) lakkoofsan muraasa ta’an ni dhangalaasu.

16

Hanga kana waa’ee seeli erga hubanne amma gara mata duree keenyaa haa deebinu.

Hiika Nuxfaa

Akka lugaa Arabiffaatti nuxfaa jechuun bishaan baay’ee xiqqaa ta’e cophaan wal

qixa ta’eedha. Bishaan yommuu birillee (birciqqoo) keessaa dhangala’u, cophni

xixiqaan birciqqoo irratti ni hafa. Copha saniin nuxfaa jennaan[1].

Qur’aanni seelota wal hormaataa dhiiraa fi dubartiif nuxfaa jedhee fayyadamuun

wanta nama ajaa’ibuudha. Dhangala’oon saalaa dhangala’uu hundi wal hormaataaf

hin ta’u. Kana keessaa wal hormaataaf muraasatu ta’a. Fakkeenyaf, dhiirri yommuu

umrii saalfannaa gahuu dhangala'oo adii fi furdaa ta'e ni dhangalaasa. Dhangala’oo

kanaan maniyyii (semen) jennaan. Maniyyii kana irraa filatamuun dhangala’oon

baay’ee xiqqaan (cophni) hormaataaf ta’uu nuxfaa jennaan. Qur’aanni dhugaa kana

haala kanaan ifa godha.

17

“Sila namni akkanumatti dhiifamu yaadaa? Sila inni maniyyii dhangalaafamu

irraa nuxfaa hin turree?” Suuratu Al-Qiyaamaa 75:36-37

Saayinsiin yeroo ammaa nuxfaa kanaan “gamete” jedhaan.[2] Gamete jechuun

seeli wal hormaataa dhiiraa fi dubartiiti. Dhiira keessatti “sperm” yommuu

jedhamu dubartii keessatti immoo “ovum” jedhama.

Kanaafu, nuxfaa "copha bishaan saalaa" jechuuni dandeenya.

Dhangala'oo saalaa kana keessa seeliwwan ijaan hin mul’anne ni jiru. Dhiira

keessatti isparmatozowaa, dubartii keessatti immoo ovum ykn oocyte jedhamu.

Qur’aana keessatti:

“Ergasii sanyii isaa bishaan dadhabaa sulaalah irraa godhe.” Suuratu As-

Sajdah 32:8

18

Kunis Qur’aanni Kalaama (Dubbii) Rabbii olta’a akka ta’e kan agarsiisuudha.

Sulaalah jechuun wanta tokko keessaa wanta filatamee baafamee ykn

luqqifameedha. Fakkeenyaf, lixii keessaa rifeensi ni baafama ykn ni luqqifama.

Dhangala’oon saalaa dhiira keessaa dhangala’e hundi dhangala’oo dubartiitin

walitti hin makamu. Kana irra, dhangala'aa baay'ee xiqqaatu dhangala'aa

dubartiitiin walitti makamuun nama ta'a. Dhangala'oo dhiiraa kana keessa

isparmatozowaa miliyoonatti lakkawamantu jira. Isparmatozowaa kanniin keessaa

isparmatozowaa tokko qofatu killee uruun seena. Isparmatozowaan hafan hundi ni

du’u. Killee dubartii uruun seenu hin danda’an. Kanaafu, isparmatozowaa

miliyoonatti lakkaawaman keessaa isparmatozowaan tokkichi waan filatamee

baafameef sulaalah jechuuni dandeenya[4].

Guduunfaa

☛Gaafiwwan ilmi namaa deebii gahaa barbaadu keessaa tokko "Eenyutu na

argamsiisedha."

☛Namni gaafi kana deebisuuf nama jalqaba uumamee fi wanta irraa uumame

ilaalu qaba.

19

☛Namni dachii tana keessatti mataa ofiitiin argamuu hin danda'u. Kanaafu, Kan

isa argamsiise jiraachu qaba.

☛Ammas, adeemsa wal hormaataa yommuu adeemsiisu, daa'imni dhalatu

gonkumaa ofiin of uumu hin danda'u. Sababni isaas, dhangala'oon saalaa mataa

ofiitiin qajeelun nama ta'uu hin danda'u. Kan dhangala'oo kana qajeelchu fi bakka

isaaf maluu kan qubsiisu jiraachu qaba.

☛Kanaafu, Khaaliqni (Uumaan) kana hunda hojjatu jiraachu qaba.

☛Rabbiin subhaanahu wa ta'aalaa ilma namaa haala nama ajaa'ibsisuun copha

irraa isaan uuma.

☛Dhangala'oon dhiira keessaa bahuu fi dubartii keessaa burqu hundii walitti

makamuun nama hin ta'an. Kana irra, dhangala'oo muraasatu wal qunnama.

Kanaafu, dhangala'oo kanaan copha jechuuni dandeenya

☛Copha saalaa kanaan nuxfaa jennaan.

☛Nuxfaan dhiiraa fi dubartii yommuu walitti makaman zaygooti jedhamu. Kutaa

itti aanutti ni ilaalla.

Kitaabban Wabii al-aqiidatul Islaamiyyatu wa ususuhaa By Abdurahmaan Hasan Madiniyyi, fuula

63

[1] Tafsiirul Aayaatal Kawniyata Fiil Qur'aanil Kariim jiildi 3faa fuula-495-496,

By Zaghluul Najjaar, THE QUR’AAN AND MODERN SCIENCE Dr.Zaakir

Naayik fuula 38

[2] Tafsiirul Aayaatal Kawniyata Fiil Qur'aanil Kariim jiildi 2, fuula158, jiildi 3,

fuula 496

[3] Tafsiirul Aayaatal Kawniyata Fiil Qur'aanil Kariim jiildi 2 fuula 163

[4] Tafsiirul Aayaatal Kawniyata Fiil Qur'aanil Kariim Jiildi 3 fuula 57-62, THE

QUR’AAN AND MODERN SCIENCE Dr.Zaakir Naayik, fuula 39

The Unchallengeable Miracles of the Quran fuula 174,185

Larsen's Human Embryology fuula 34, fifth edition

Biology Student Textbook Grade 11 fuula 122, Federal Democratic Republic of

Ethiopia Ministry of Education

https://ia800407.us.archive.org/19/items/abualialkurdy_gmail_20160531/%D8%A7%D9%84%D8%B9%D9%82%D9%8A%D8%AF%D8%A9%20%D8%A7%D9%84%D8%A5%D8%B3%D9%84%D8%A7%D9%85%D9%8A%D8%A9%20%D9%88%D8%A3%D8%B3%D8%B3%D9%87%D8%A7%20-%20%D8%B9%D8%A8%D8%AF%D8%A7%D9%84%D8%B1%D8%AD%D9%85%D9%86%20%D8%AD%D8%B3%D9%86%20%D8%AD%D8%A8%D9%86%D9%83%D8%A9%20%D8%A7%D9%84%D9%85%D9%8A%D8%AF%D8%A7%D9%86%D9%8A.pdf

https://www.sammubani.com/wp-admin/post.php?post=9286&action=edit#_ftnref1

https://archive.org/details/KUNEH

http://sunnahonline.com/ilm/quran/qms.pdf









http://kalamullah.com/unchallengeable-miracles-of-the-quran.html

20

Marsa Nuxfaa-kutaa 2ffaa

Alhamdulillahi wa salaamun alaa ibaadihillaziina-sxafaa (Faaruun hundi kan

Rabbiiti. Gabroottan Isaa Inni filate irratti nageenyi haa jiraatu). Uumamni namaa

uumama nama ajaa’ibu Tokkichummaa fi Dandeetti Rabbii olta’aa agarsiisuudha.

Kanaafu, Alhamdulillahi kan ilma namaa copha bishaanii irraa argamsiise. Osoo

ilmaan namaa guutuun walitti qabamanii copha kanarraa homaa uumuu hin

danda’an. Kutaa darbe irraa itti fufuun marsaa uumama namaa ni ilaalla.

Kutaa darbe keessatti nuxfaan maal akka ta’e ilaalle jirra. Nuxfaan copha maniyyii

seeli wal hormaataa of keessaa qabuudha. Maniyyi (semen) jechuun dhangala’oo

ykn bishaan saalaati. Dhangala’oon saalaa dhiira keessaa dhangala’uu fi dubartii

keessa burqu hundi wal qunnamuun nama hin ta’an. Kana irra, copha xiqqootu

walitti makamuun gara namaatti guddata. Copha xiqqaa kanaan nuxfaa jennaan.

Nuxfaan dhiiraa fi nuxfaan dubartii yommuu walitti makamuu zaaygoti jedhama.

Qur’aana keessatti zaaygoti kana “nuxfatun Amshaaj” jechuun ibsa. “Amshaaj”

jechuun wantoota wal makan jechuudha. Kanaafu, nuxfatun amshaaj jechuun

“copha bishaan saalaa walitti makamanii”[1] jechuudha. Rabbiin jalla wa’alaa ni

jedha:

“Dhugumatti, Nuti isa qoruuf jecha nama copha bishaan saalaa walitti

makamaa ta’e irraa uumne. Dhaga’aa fi argaas isa goone.” Suuratu Al-Insaan

76:2

Suuraa (boqonnaa) tana uumamaan dura haala ilma namaa dubbachuun jalqaba.

Ilmi namaa uumamuun dura homaa kan hin turree fi kan hin yaadatamne ture.

Uumamuun dura nama kamtu isa beekaa? Inumaa abbaa fi haatuyyuu isa hin

beekan. Kanaafu, dhabamaa fi kan homaa hin turre irraa kan isa argamsiise eenyuu?

21

Rabbiin subhaanahu wa ta’aalaa nama uumuu yommuu barbaadu, Nabii Aadamiin

jalqaba biyyee irraa ni uume. Ergasii sanyii isaa copha bishaan saalaa (nuxfaa) irraa

uume. Kaayyoon ilmi namaa itti uumames Rabbii isa uumee gabbaruun ghaayah

(gahuumsa) tokko akka gahuufi. Kaayyoo guddaa kana gahuuf qormaata isa

barbaachisa. Wanti ilmi namaa itti qoramu, “wanta tokkotti ajajuu, wanta tokko

irraa dhoowwu, wanta gaggaarii, wanta badaa fi kkf” dha.

Rabbiin subhaanahu wa ta’aalaa ilmi namaa qormaata kana akka darbuuf keessaa

alaan wanta isa barbaachisu kenneef. Wantoota isa barbaachisan keessaa dhageetti,

argituu fi sammuu isaaf uumuudha. Wanta isa fayyadu fi isa miidhu dhageetti,

argituu fi sammuun addaan baafata. Rabbiin kana qofatti isa hin dhiisne.

Ergamtoota ergu fi kitaabban buusun karaan qajeelaan kamiin akka ta’e, karaan

jallataan baditti nama geessu kamiin akka ta’e ni ibseef. Kanaafi, itti aanse akkana

jedha:

“Galateefataa ta’i mormaa ta’i karaa isaaf ibsine.” Suuratu Al-Insaan 76:3

Karaa qajeelaa fi mindaa nama karaa kana hordofee, Ergamtoota erguu fi kitaabban

buusun isaaf ibsine. Ammas, karaa jallataa fi adabbii nama karaa kana hordofee ni

ibsine. Kana booda namoonni bakka lamatti qoodaman. Gosti tokko qananii

Rabbiin isaaf kenne irratti galata galchuun warra karaa qajeelaa hordofeedha. Gosti

lamaffaan immoo warra qananii Rabbii mormee fi hin galateefannedha. Kanaafu,

karaa Rabbii keessaa bahuun karaa jallataa baditti isaan geessu hordofan. Warri

kuni kaafirota jedhamu. Gahuumsa garee lamaan kanaa itti aansun ni dubbata:

22

“Nuti kaafirotaaf sansalata, sakaallawwanii fi ibidda bobo’aa qopheessinee

jirra. Warri gaggaariin (abraar) khamrii (dhugaati) makaan isaa kaafuur ta’e

irraa dhugu.” Suuratu Al-Insaan 76:4-5

Amma gara marsaa uumama keenyaatti deebi’uun qorannoo fi xinxallii keenya itti

haa fufnu. Akkuma haalli uumama keenya ifa nuuf ta’uun iimaanni fi xinxalliin

keenya dabalaa adeemaa miti ree?

Fartilayzeshin (Fertilization)

Fartilayzeshin jechuun adeemsa seelin wal hormaataa dhiiraa fi dubartii walitti

makamaniidha. Akkuma irranatti jenne cophni bishaan saalaa dhiiraa fi dubartii

yommuu walitti makaman zaaygoti ta’u. Zaaygotin kuni sa’aati muraasa keessatti

addaan qoqqoodamu jalqaba. Zaaygotin kuni guyyaa afur keessatti seelota 16-32

tti ni hirama (ni qoqqodama). Seelonni qoqqodaman kunniin walitti qabaan isaanii

Morula jedhamu. Fakkii armaan gadii irraa ilaalun ni danda’ama.[2]

23

Morula hubachuuf hayenan (anjoorrin) wal bira qabuun ni danda’ama. Anjoorrin

tokkichi firii xixxiqoo baay’ee ofirraa qaba. Fakkii armaan gadii irraa ilaalu

dandeessu:

Guyyoota itti aanan keessatti morulan kuni garmalee wal qabatuu fi walitti

miciqamuun akka wanta tokko ta’a. Nuxfaan marsaa kanatti “Blaastasist

(Blastocyst)” jedhama. (Fakkii armaan olii irraa ilaalun ni danda'ama). Ergasii

guyyaa jahaffatti Blaastasistiin kuni gadaamessa haadhaa keessatti lafa qabachuu

jalqaba. Adeemsi kuni “Implantation (Gadi Dhaabu)” jedhama. Nuxfaan (cophni

bishaan saalaa) kuni guyyaa 6-10 keessatti guutumaan guututti gadaamessa haadha

keessatti lafa ni qabata. Ergasii kutaaleen keessaa fi alaa uumamuu fi guddachuu

jalqabu.

24

Akkuma kutaa darbe keessatti jenne nuxfaan copha dhangala’oo saalaati. Cophni

kuni fartilaayzeshinii irraa jalqabe hanga guyyaa kudha afurii boca isaa jijjirachuun

ni tura. Kana booda marsaa Alaqaatu itti fufa. In sha Allah torbaan itti fufna.

25

Xinxallii

Namni marsaa uumama ofii beekee cal’isee kan bira darbu osoo hin ta’in itti

xinxalluu qaba. Qur’aannis kana kan nuuf ibsuuf itti xinxalline jireenya keenya

akka fooyyessinuuf malee qorannoo adda addaa keessatti lixuun akka of

dadhabsiisnufi miti. Xinxalli uumama namaa kana bakka muraasatti qoodun irratti

xinxalluu dandeenya.

1ffaa- Uumamni namaa kuni Tokkichummaa (Wahdaniyyah), Dandeetti

(Qudrah) fi Haqaan gabbaramuu (Uluhiyyah) Rabbii agarsiisa. Namni

yommuu marsaa uumama isaati fi wanta irraa uumame yommuu itti xinxallu,

Khaaliqni Guddaan isaa ol jiru akka isa argamsiise ni hubata. Cophni bishaan

saalaa kuni humna fi sammuu hin qabu. Wanti humnaa fi sammuu hin qabne

immoo Kan isa too’atu fi qajeelchu jiraachu qaba. Kanaafi, Rabbiin olta’aan

akkana jedha:

“Sila Nuti bishaan dadhabaa irraa isin hin uumnee? Bakka mijaa’a keessas

isa goone. Hanga yeroo beekkamaatti. Ni safarres, Nuti safartoota [hunda

caalaa] akkaan tolle. Kijibsiiftotaaf Guyyaa san badiin mirkanaa’e.” Suuratu

Al-Mursalaat 77:20-24

Yaa ilmaan namaa bishaan dadhabaa, xiqqaa fi faaydaa hin qabne irraa isin hin

uumnee? Ergasii copha bishaanii kana hanga yeroo murtaa’atti bakka mijaa’aa fi

eeggamaa hin keenye? Bakki kunis gadaamessa haadhati. Mee haa ilaallu sibila

guyyaa guyyaan itti fayyadamnu. Oomishni sibiilaa marsaa keessa darbu qaba.

Daakun ykn cirrachi sibiilaa lafa keessaa ni baafama. Ergasii marsaa adda addaa

keessa ni darba. Daaku sibiilaa kana hanga dhumaatti kan isa qajeelchu fi too'atu

osoo hin jiraatin sibiila barbaadamu ta'ee bahuu danda'aa?

26

Haaluma kanaan, bishaan dadhabaa fi xiqqaan kuni Kan isa qajeelchu malee ofiin

deemee gadaamessa haadhaa keessa qubachuu danda’aa? Akkuma irranatti ilaalle,

erga gadaamessa keessa qubate booda yeroo isaa eeggatee marsaa tokko irraa gara

marsaa itti aanutti darbuu danda’aa? Eenyutu guyyoota fi ji’oota murteessaf? Yeroo

kana keessatti eenyutu hamma isaa safaraa? Kanaafu, Khaaliqa Guddaatu yeroo

isaa murteessa, hamma isaa safara.

Kanaafi, Rabbiin Guddinna Ofii agarsiisuuf maq-dhaala, “Nuti” jedhu fayyadama.

Rabbii Guddaa malee eenyutu copha bishaanii kanarraa nama uumu danda’aa?

Kanaafu, Rabbii akkanatti safaree fi murteesse ilmi namaa faarsu fi gadi jechuufi

qabu. Namni osoo kana arguu Rabbii fi Guyyaa Qiyaamatti kafaree, dhugumatti

Guyyaa Qiyaamaa badee jira. “Kijibsiiftotaaf Guyyaa san badiin mirkanaa’e.”

Uumama ofii ilaalun salphatti Rabbii fi Guyyaa Qiyaamatti amanuu danda’a.

Copha bishaan saalaa yommuu ilaalu Rabbii olta’aa malee eenyullee isa uumuu

akka hin dandeenye ni amana. Copha kanarraa yeroo jalqabaa kan isa uumee lamu

Guyyaa Qiyaamaa akka isa deebisu ni mirkaneessa. Ergasii, wanta Jannata isa

seensisuu ni hojjata, wanta Azaaba (adabbii) cimaatti nama geessu irraa ni fagaata.

Haala kanaan jireenya gammachuu gaggeessa.

Ammas, Rabbiin olta’aan waliin haasawa nama amanee fi kafaree akkana jechuun

nutti hima:

“Hiriyyaan isaa osoo isatti haasawu ni jedhe, “Sila ati Kan biyyee irraa, ergasii

copha bishaan saalaa irraa si uume, ergasii nama guutuu si godhetti kafartaa?

Garuu, Inni Allaah Gooftaa kiyya. Ani Gooftaa kiyyatti eenyullee hin dabalu

(isa waliin wanta biraa hin gabbaru).” Suuratu Al-Kahf 18:37-38

Abbaa ilma namaa kan ta’e Aadamiin biyyee irraa uume, ergasii sanyii isaa copha

bishaan saalaa irraa uume. Ati sanyii Aadami. Kanaafu, abbaa kee jalqabaa biyyee

27

irra, sihi immoo copha bishaanii irraa si uumuun nama guutuu Kan si taasisetti

akkamitti kafartaa? Kafaruu jechuun haqatti amanuu diduu fi mormuudha. Ani

garuu Gooftaa dhabamaa irraa na argamsiisee fi qananii adda addaan na qananiisetti

amane. Ibaadaa kiyya keessatti eenyullee Gooftaa kiyyatti hin qindeessu.

2ffaa- Kaafama Guyyaa Qiyaamaa- namni copha bishaan saalaa kanatti xinxallu

Guyyaa Qiyaamaa lamuu akka kaafamu jala muree ni amana. Sababni isaas, Kan

jalqaba copha kanarraa isa uume lamu isa deebisuu hin dadhabu. Rabbiin Guddaan

Olta'aan namni copha bishaan saalaa kanatti akka xinxallu akkana jechuun affeera:

“Sila namni akka Nuti copha bishaan saalaa irraa isa uumne hin arginee?

Yeroma san inni mormaa ifa bahaa ta’ee argama. Fakkeenya Nuuf godhee fi

uumama isaa dagatee, “Lafee erga bututtee [booda] eenyutu jiraachisa?”

jedha. “Kan yeroo jalqabaa ishii (lafee) uumetu jiraachisa.” Jedhiin. Inni

uumama hundaa Beekaadha.” Suuratu Yaasin 36:78-79

Rabbiin subhaanahu wa ta’aalaa nama Qiyaamaa mormuu fi shakkuun akkana

jechuun gaafata: “Sila namni copha bishaan saalaa irraa akka isa uumne hin

arginee?”Kana jechuun namni lamuu kaafamu mormu jalqaba maalirraa Rabbiin

akka isa uume hin ilaalu? Bishaan saalaa dadhabaa qaama keessa faca’e bakka

tokkotti walitti fiduun isa uume. Bishaan kanarraa, lafee, foon, harka, ija, gurra fi

qaamolee biroo akka uumee sila ilaalun lamuu deebifamutti hin amanuu? Bishaan

dadhabaa qaama keessa faca’e walitti fiduun kan isa uume, lafee bututtee dachii

keessa facaates lamuu akka deebisu haa beeku.

28

“Fakkeenya Nuuf godhee” Kana jechuun akka uumamtootaa dandeetti kan hin

qabnee fi dadhabaatti Nu ilaala. Akkuma namni du’aa deebisuu hin dandeenye,

“Rabbiinis nama du’e hin deebisu” jedhee yaada. “uumama isaa dagatee, “Lafee

erga bututtee [booda] eenyutu jiraachisa?” jedha.” Kana jechuun jalqaba copha

bishaan saalaa irraa isa uumuu Keenya dagatee “lafee bututte eenyutu kaasa?”

jedha.“Kan yeroo jalqabaa ishii (lafee) uumetu jiraachisa.” Jedhiin.

Ilmi namaa akkuma jalqaba copha bishaan saalaa irraa nama uumuu hin dandeenye,

lamuus nama kaasu hin danda’u. Rabbiin Guddaan Olta’e immoo akkuma jalqaba

nama copha bishaan saalaa irraa uume, lamuus ni deebisa. Kanaafu, dandeettin

Rabbii fi dandeettin namaa gonkumaa wal hin fakkaatan. Rabbiin wanta hundaa

irratti Danda’aadha. Ilmi namaa immoo dadhabaadha. Rabbiin wanta hundaa

beekaadha.

Guduunfaa

➤Cophni bishaan saalaa dhiiraa fi dubartii yommuu walitti makamu Nuxfatun

Amshaaj (zaaygoti) ta'a.

➤Zaaygotin kuni qoqqodamuun morula ta'a.

➤Ergasii Morulan kuni walitti miciqamuun akka wanta tokko ta'a. Wanti kuni

Blaastasist jedhama. Blaastasistin guyyoota 6-10 gadaameessa keessatti lafa

qabatuun ni xumurama.

➤Ergasii Rabbiin olta'aan kutaalee adda addaa marsaa marsaanii fi yeroo

murtaa'e keessatti uuma.

➤Namni yommuu wanta irraa uumame kanatti xinxallu wantoota sadii ni hubata.

1ffaa-Tokkichummaa, Dandeetti fi haqaan gabbaramaan Rabbiin qofa akka ta'e ni

amana. Kanaafu, Isaaf harka kenna. Khaaliqa (Rabbii) copha bishaanii kanarraa

isa uumeef ajajamuu fi wanta Inni irraa dhoowwe dhiisu malee filannoo biraa hin

qabu. Yoo inni Khaaliqa isa uumeef ajajame, Rabbiin olta'aan mindaa gaarii

kennaaf. Yoo dide immoo adabbii isaaf malu adabama.

2ffaa-Copha kanarraa kan isa argamsiise lamuu akka isa deebisu ni mirkaneessa.

Kanaafu, hojii gaarii hojjachuu fi hojii badaa irraa fagaachun Guyyaa Qiyaamaatif

of qopheessa.

3ffaa-Yommuu copha irraa uumame ilaalu, of tuulu fi afuufamu irra nagaha baha.

Namni copha irra uumame of tuuluu fi afuufamuun isaaf hin malu.

29

Kitaabban Wabii [1] Tafsiirul Aayaatal Kawniyata Fiil Qur'aanil Kariim jiildi 2faa fuula-159, By

Zaghluul Najjaar, THE QUR’AAN AND MODERN SCIENCE Dr.Zaakir Naayik

fuula 38

[2] Larsen's Human Embryology fuula 15, 35, fifth edition

Tafsiira garagaraa




30

Marsaa Alaqah

Marsaa 2ffaa Uumama namaa: Alaqah

“Maqaa Rabbii keeti Kan [waan hunda] uumen dubbisi. Ilma namaa dhiiga

ititaa irraa uume. Dubbisi! Gooftaan kee arjaadha. Kan qalamaan [barreessu]

barsiise. Nama waan inni hin beekne barsiise.” (Suuratu Al-Alaq 96:1-5)

Kutaa darbe keessatti haala uumama namaa ilaalaa turreerra. Yaadannoof, cophni

dhangala’oo saalaa dhiiraa fi dubartii yommuu walitti makaman zaaygoti ta’u.

zaaygotin kunis seelota baay’etti qoqqoodamun morula ta’a. Morulan kunis

miciqamun blaastasist ta’a. Blaastasist kunis guyyoota 6-10 gadaameessa haadha

keessatti lafa qabata. Ergasii nuxfaan (cophni) kuni gara alaqatti jijjiramu eegala.

Kanaafu, marsaan alaqaa guyyaa 14ffaa ykn 15ffaa irraa jalqabuun hanga guyyaa

25ffaa itti fufa.

Hubachiisa: Miciree (Embryo) jechuun sadarka guddinna uumama namaa jalqaba

irraa kaase hanga xumura ji’a 2ffaa kan itti fufuudha. Ji’a sadii irraa kaase micireen

gara “Ulfaa (Fetus)”itti jijjirama[1]. Kanaafu, micireen marsaa nuxfaa, alaqah fi

mudgha of keessatti qabataa jechuudha.

Hiika Alaqah

Jechi Arabiffaa “Alaqah” jedhu hiika sadii qaba. Isaanis: (1) wanta rarra’ee, (2)

dhiiga ititaa, (3) ulaan’ula.

Hiikni tokkoffaan alaqah “wanta rarra’eedha“. Gara guyyaa 14 ffaatti micireen

namaa baqana lama horachun gadaamessa haadhaa keessatti rarra’a. Akkuma fakkii

31

armaan gadii irratti mul’atu micireen “Connecting Stalk” wanta jedhamuun

gadaamessa haadha keessatti akka rarra’u taasifama. Qur’aanni rarra’insa kana

Alaqah jechuun ibsa. Kanaafu, kuni hiika alaqah “wanta rarra’e” jedhuun kan

walitti galuudha.

Fakkii 1: suuraa maaykiroskooppin kaafame irraa yeroo marsaa alaqah

gadaamessa haadhaa keessatti rarra’insa miciree ni argina. Fakkii armaan olii irratti

micireen “bilaminar Embryonic disc” jedhuun bakka buufame. Micireen sadarka

kanatti boca wanta akka geengoo (disc) horata. Umriin miciree armaan olitti

mul’atuu gara guyyaa 14ti.

Micireen guyyoota itti aanan keessatti boca geengoo irraa gara boca loxee ykn

ulaan’ulaatti jijjiramu eegala. Fakkii micireen boca geengoo irraa gara boca

ulaan’ulaatti itti jijjiramu agarsiisu[2]

Hiikni 2ffaan alaqah dhiiga ititeedha. Marsaa alaqaa irratti bifni alaa miciree fi

qaraxiixiin isaa dhiiga ititeen wal fakkaata. Sababni isaa, marsaa kana irratti dhiigni

baay’een miciree keessatti ni argama. (Ilaali fakki armaan gadii) Akkasumas, yeroo

marsaa kanaa, hanga dhuma torbaan sadaffaatti dhiigni miciree keessa hin

naanna’u. Kanaaf, marsaa kana irratti micireen dhiigaa ititaa fakkaata.

http://www.sammubani.com/wp-content/uploads/2019/02/image-21.png

http://www.sammubani.com/wp-content/uploads/2019/02/image-21.png

32

Embryo in the fourth week (about 22-24 days) shows the clear rudiments of brain and

backbone. Its heart pumps blood to the liver and into the aorta. (A Child is Born, Lennart

Nilsson, 1990, p. 79)

33

Fakkii 2: Miciree torbaan 4ffaa (gara guyyaa 22-24) gahe. Micireen kuni torbaan

afraffatti waan seenef bifti isaa kana fakkaata. Torbaan 2ffaa fi 3ffaa keessa kan

jiru kana caalaa dhiiga ititaa akka fakkaatu itti yaadun ni danda’ama.

Hiikni sadaffaan Alaqah “ulaan’ula” ta’a. Ulaan’ula jechuun raammoo bishaan

keessa jiraattu fi yommuu horiin bishaan dhugan afaaniin itti seenun dhiiga isaanii

soorattudha.

Marsaa alaqah irratti ulaan’ula miciree namaa waliin yommuu wali bira qabnu,

akkuma fakkii armaan gadii irraa mul’atutti isaan lamaan jidduu wal fakkeenya ni

argina. Micireen dhuma torbaan sadaffaatti boca geengoo irraa gara boca

ulaan’ulaatti jijjirama. Kanaafu, bocni isaanii wal fakkaata. Akkuma micireen

dhiiga haadhaa sooratu, ulaan’ullis dhiiga beelladootaa sooratti.

34

Fakkii 3: Marsa alaqatti fakkii wal-fakkeenya ulaan’ula (leech) fi miciree ilma

namaa (human embryo) jidduu jiru agarsiisu.

Kanaafu, micireen marsaa Alaqaatti guyyaa 14ffaa irraa jalqabee boca geengoo

qabaachun gadaamessa haadhaa keessatti rarra’a. Ergasii bocni kuni guyyoota itti

35

aanan keessatti gara boca ulaan’ulaatti jijjirama. Hanga xumura torbaan sadaffaatti

micireen dhiiga itite fakkaata. Sababni isaas, dhiigni baay’een miciree keessatti ni

argama. Akkasumas, hanga xumura torbaan 3ffaatti dhiigni isa keessa hin

naanna’u. Haala kanaan, hiikni alaqah sadan miciree umriin isaa guyyoota 14-25

ta’een wal simata.

Xinxallii

Akkuma yeroo darbee xinxallii keenya bakka lamatti qoodun itti fufna.

1ffaa- Marsaan alaqah kuni Tokkichummaa (Wahdaniyyah), Dandeetti

(Qudrah) fi Haqaan gabbaramuu (Uluuhiyyah) Rabbii agarsiisa.

Dhugumatti, namni qalbii qulqulluun uumama ofii irratti xinxalle, wantoota

baay’ee hubata. Copha dhangala’oo saalaa irraa gara wanta akka dhiiga ititee,

ergasi gara boca ulaan’ulaatti kan jijjiruu fi qajeelchu Uumaan Ogeessaa fi Beekaa

ta’e jiraachu qaba. Sibiilli namni hojjatu mataa ofiitiin boca mataa ofii qabachuu

danda’aa? Fakkeenyaf, qottoon mataa ofiitiin boca baxxee qabachuu dandeessi?

Kanaafu, ilma namaa kanas copha irraa gara boca ulaan’ula fakkaatu Kan jijjiru

Khaaliqni Olta'aan jiraachu qaba. Rabbiin olta’aan ni jedha:

“Inni (Rabbiin) Kan biyyee irraa, ergasii copha bishaan saalaa irraa, ergasii

dhiiga ititaa (alaqah) irraa isin uumee ergasii daa’ima godhee isin baasudha.

36

Ergasii akka jabinna keessan geessan [isin jiraachisa]. Ergasii akka jaarsa

taatan isin godha. Isin irraa nama san dura du’utu jira. Akka beellama

beekkamaa geessanii fi akka hubattaniif [isin jiraachisa]. Inni Kan jiraachisuu

fi ajjeesudha. Yeroo dhimma tokko murteesse, “Ta’i” isaan jechuu qofa,

[wanti sunis] yoosu ta’a.” Suuratu Ghaafir 40:67-68

Aaya tana keessatti, marsaalee namni uumama irraa jalqabee hanga du'aatti keessa

darbu dubbata.

Marsaa 1ffaa- biyyee irraa namoota uumuu- kuni hiika lama qaba. Tokkoffaa

abbaa ilma namaa kan ta’e Aadam (AS) biyyee irraa uumame. Kanaafu, hundeen

nama hundaatu biyyeedha jechuudha. Hiikni lamaffaan, nyaanni namni nyaatu

hundeen isaa biyyee irraayyi. Nyaanni qaama keessa erga seene booda gara

dhiigaatti jijjirama. Dhiigni kunis gara copha bishaan saalaatti jijjirama. Kanaafu,

hundeen copha bishaan saalaa (nuxfaa) biyyeedha. Kanaafi, “biyyee irraa isin

uume, ergasi nuxfaa irraa” jechuun dubbata.[4]

Marsaa 2ffaa-Nuxfaa (copha saalaa) irraa nama uumuu

Marsaa 3ffaa-Alaqah irraa uumuu- makaan copha saalaa erga bilchaate booda

gara dhiiga garmalee ititee fi wal qabateetti jijjirama. Fakkiwwaan armaan olii

ilaalun ni danda’ama.

Marsaa 4ffaa- Alaqah booda micireen gara mudghaa jijjiramuun yeroo murtaa'an

booda daa’ima guutuu ta’ee gara alaa bahuudha.

Marsaa 5ffaa-Namni jabinna isaa gahuudha. Jabinni kunis jabinna qaamaa,

bilchinna sammuu fi humnoota nama keessa jiran biroo hammata.

Marsaa 6ffaa- namni marsaa dullummaa (jaarsummaa) gahuudha. Marsaan

dullummaa waggaa shantama irraa jalqaba.

Umriin namootaa murtii Rabbii irratti waan hundaa’ef garagara. Gariin yeroo

gabaabaaf jiraatu, gariin immoo yeroo dheeraaf jiraatu. Kanaafi itti aanse akkana

jedhe, “Isin irraa nama san dura du’utu jira. Akka beellama beekkamaa

geessanii fi akka hubattaniif [isin jiraachisa]”

Kana jechuun, isin keessaa erga dhalatee booda fi osoo umrii jaarsummaa hin gahin

nama du’utu jira. Nama ajalli (yeroon) isaa hin xumuramne immoo Rabbiin ni

tursiisa. Isin keessaa namni lubbuun turus hanga beellama beekkamaa fi murtaa’a

https://www.sammubani.com/wp-admin/post.php?post=9381&action=edit#_ftn4

37

ta’etti ni tura. Ergasii Rabbiin ni ajjeesa.[3] Rabbiin Subhaanahu wa ta’aalaa kan

hunda kan godheef, dandeetti Isaa akka hubattanii fi Inni Tokkicha hiriyyaa hin

qabne akka ta’e akka amantaniif .[4]

Yommuu marsaalee kanniin ilaallu, Rabbiin Tokkicha, wanta hundaa irratti

Danda’aa akka ta’ee fi haqaan gabbaramu Kan qabu Isa qofa akka ta’e ni hubanna.

Rabbiin ala eenyutu wanta raammoo fakkaatu irraa luka, ija, gurra, sammuu fi

qaamolee biroo baasu danda’aa? wanti raammoo fakkaatu kuni mataa ofiitiin

kutaalee qaamaa baafachu danda’aa? Gonkumaa hin danda’u. Mataa ofiitiin harki

kiyya lama ta’uu qaba, lukni kiyya lama ta’uu qaba, ijji kiyya lama ta’u qaba,

funyaan kiyya tokko ta’uu qaba, qubbiin harkaa shan ta'uu qabu jechuun murteessu

danda’aa? Kuni hundi Dandeetti Rabbii olta’aa agarsiisa. Ammas, Nabii Aadamii

fi Hawwaa booda namoonni hunduu hanga ammaatti marsaalee wal fakkaatu

keessa darbuun Tokkichummaa Rabbii olta’aa agarsiisa. Namoonni hunduu

yommuu uumaman nuxfaa irraa eegalee hanga garaa haadhaa keessaa bahanitti

marsaa wal fakkaatu qabu. Kanaafu, Kan kana hunda hojjatu Al-Waahidul Ahad

(Rabbii Tokkicha fakkaataa fi hiriyyaa hin qabneedha.) Uumamtoonni lakkoofsi

isaanii Rabbiin malee eenyullee hin beekne kuni hundi sirna tokko hordofuun

Uumaan Tokkicha akka ta'e agarsiisa. Kanaafu, Tokkichummaa fi haqaan

gabbaramu kan qabu Rabbii Guddaadha.

Namni marsa uumama isaa jalqabaa yommuu ilaalu fi itti xinxallu, Khaaliqa isa

uumeef akka gadi jedhu fi harka kennu isa taasisa. “Wanta raammoo fakkaatu irraa

Kan na uumee dhiisee wanta homaa na hin fayyanne maaliif gabbaraa

(waaqefadhaa)?” jechuun ofitti hasaasa.

Jedhi, “Ani ragaawwan ifa ta’an Gooftaa kiyya irraa erga natti dhufanii

booda wantoota isin Rabbii gaditti kadhattan (gabbartan) gabbaruu irraa

38

dhoorgame jira. Gooftaa aalamaa hundaatiif harka akka kennu ajajamee

jira.” Suuratu Ghaafir 40:66

Gooftaa aalamaa hundaa- Uumamtoota hunda Kan uume, jiraachisu, obaasu,

guddisuu fi tiiksudha. Rabbiif harka kennuu jechuun qalbii guutuun Isatti amanuu

fi gadi jechuufi. Wanta Inni itti ajaju hojjachuu fi wanta Inni irraa nama dhoowwe

dhiisudha. Kanaafu, namni Rabbii isa uumee fi qananii garagaraan isa qananiisef

harka kennuun itti ulfaataa? Yoo itti ulfaate, wanta irraa uumame fakkiiwwan

armaan oli irraa irra deddeebi’e haa ilaalu.

Xinxallii 2ffaa- Qur’aanni Rabbii olta’aa irraa akka ta’e amanu- saayinsin

marsaalee uumama namaa irra gahuu kan danda’e jaarraa tokko ykn lama hin caalu.

Garuu Qur’aanni jaarraa kudha afur dura marsaa uumama namaa ifa gochuun

dubbate. Saayinsin marsaalee kana beeku kan danda’ee meeshaa hammayya

maaykiroskoppii fayyadamuuni. Jaarraa kudha afur dura maaykiroskoppii wanti

jedhamu hin jiru. Kanaafu, marsaalee uumama namaa akkamitti beekun danda’ama

ree? Uumaan nama uumee yoo namatti hin himin eenyullee beeku hin danda’u.

Kanaafu, Rabbiin dandeetti Isaa namoonni akka beekanii fi Isatti amananiif

marsaalee uumama namaa Qur’aana buusun hime. Kanaafu, Qur’aanni shakkii

tokko malee Rabbii wantoota hundaa uumuu irraa kan bu’eedha.

Jaarraan tokko waggaa dhibba (100) of keessaa qaba.

Kitaabban Wabii: Embryology in the Qur’an: Description of the ‘Alaqah stage, By Elias Kareem

[1] Tafsiirul Aayaatal Kawniyata Fiil Qur'aanil Kariim jiildi 2faa fuula-228, By

Zaghluul Najjaar,

[2] THE DEVELOPING HUMAN CLINICALLY ORIENTED EMBRYOLOGY

KEITH L. MOORE, PERSAUD fuula 55, 10th Edition

[3] Ma’aariju at-tafkuri wa daqaa’iqu at-tadabburi 12/413-415, Abdurahman

Hanbak

[4] Tafsiirul Qur’aanil Kariim wa i’iraabihi wa bayaanih 8/387, Muhammad

Aliyy Xaahaa

https://www.sammubani.com/2018/05/19/shakkii-quraanaa-qulqullessuuf-2/

https://sammubani.files.wordpress.com/2019/02/embryology_in_the_quran_a_description_of.pdf




https://b-ok.cc/md5/15c19d2b0de3b7541352082d3ac7f90d



https://archive.org/details/WAQ51112



39

Marsa Mudgah

Marsaa Uumama Ilma Namaa 3ffaa- Mudghah Alhamdulillahi wa salaamun alaa ibaadihillaziina-sxafaa (Faaruun hundi kan

Rabbiiti. Gabroottan Isaa kanneen Inni filate irratti nageenyi haa

jiraatu). Uumama namaa biyyee irraa kan jalqabee, ergasii sanyii Aadam copha

bishaanii irraa Kan uumee galanni fi faarun hundi Isaaf haa ta’u. Copha irraa

dhiiga ititaa kan taasisuu, dhiiga ititaa gara wanta alanfamu ykn muraa foonitti

kan jijjiruu Rabbii olta’aa malee ni jiraa? Foon kanarraa lafee kan uumuu Isa

malee jiraa? Lafee kanas foon kan itti uwwisu isaa malee jiraa?

Hiika Mudghah Arabiffaan mudghah jechuun “wanta alanfame” jechuudha. Mufasiroonni

(hayyoonni Qur’aana ibsan) jecha Mudghah jedhu “muraa fooni afaan keessatti

alanfamu danda’u” jechuun hiiku. Muraan foonii wantoota alanfamu danda’an

irraa waan ta’eef “wanta alanfamuudha” jechuudha. Dhugumatti yommuu muraa

fooni alanshan, bocni isaatii fi bocni miciree wal fakkaata.

Osoo namni tokko muraa foonii ykn maastikaa afaan keessa kaa’ate alanshee,

ergasii marsaa mudghah irratti muraa foonii ykn maastikaa alanshe san miciree

namaatin wal bira qabee, micireen wanta alanfame saniin wal fakkaata jenne

goloobu (guduunfu) dandeenya. Sababni kanaa, somaayitiin dugda miciree irratti

argamu “wanta alanfame san bakka ilkaan cinineen” wal fakkaata. (Ilaali fakkii 1)

Dabalataan, wanti alanfamu akkuma afaan keessatti boca jijjiratu, micireenis

marsaa mudghaatti boca jijjirata. Gara tokkoon dhoqa, gara biraatin dhiita qaba.

Wanti alanfamus dhoqaa fi dhiita kan qabuudha.

40

Fakkii 1 :Marsaa mudghah irratti gubbaan ijaarsa miciree maastikaa alanfameen

yommuu wal-bira qabamu, isaan lamaan jidduu wal fakkeenya argina. A) Fakkii

miciree (Embryo) kaafame agarsiisa. B) Suuraa maastikaa (gum) alanfamee

agarsiisa.

Iddoo gadi baqaqaa dugda miciree A irratti argamu mee ilaalaa. Akka waan ilkaan

cininee fakkaata. Haala kanaan maastikaa alanfame bakka ilkaan cinineen wal

fakkaata. Ammas guutuu miciree kanaa yommuu ilaallu muraa foonitiin kan wal-

fakkaatudha. Sababni isaas, harka, luka fi qaamole biroo guutuu hin baafanne. Akka

hubatamuuf maaykiroskoppiin akkanatti guddisee malee hammi isaa baay’ee

xiqqaadha. Dheerinni isaa seentimeetira tokko (1cm) hin caalu. Kanaafu, asitti

mudghah jechuun “muraa foonii alanfamu danda’uudha”[1] jechuudha. Marsaa

kanatti micireen foon malee lafee hin qabu. Mudghah irraa lafeen ni uumama.

Alaqah irraa gara Mudghah Ce’u

Torbaan darbe waa’ee alaqah ilaalle turre. Alaqaan hiika sadii akka qabuu fi hiikni

sadanuu guddinna miciree ilma namaatiin akka walitti galu hubanne jirra. Hiikni

alaqah sadan: wanta rarra’e, dhiiga ititaa fi ul’aanula. Micireen marsaa copha

(nuxfaa) irraa jalqabee gadaamessaa haadha keessatti lafa qabachuu eegala. Ergasii

akkuma yeroon darbuun dhiiga ititaa ta’uun gadaamessa irraa ni rarra’a. Guddinni

isaa itti fufuun boca ul’aanula qabachuun soorata isaa dhiiga haadhaa irraa argata.

Dhuma marsaa alaqah keessatti wanti akka callee fakkaatu dugda miciree irratti

41

bahuu jalqaba. Wanti callee fakkaatu kunis somaayit (Somite) jedhama.

Somaayitin kuni marsaan alaqah gara mudghatti jijjiramu kan agarsiisudha.

Somaayiti kanarraa lafee fi maashaaleen dugdaa ni uumamu [2]. Fakkii armaan

gadii irraa ‘somites’ ilaalun ni danda’ama.

Fakkii 2: Suuraa miciree Maaykiroskoppin kaafame kan marsaa dhuma alaqah

(guyyaa 24-25) agarsiisu. Bitaa mirgaa somaayiti 13, 13 qaba[2].


42

Guyyaa 24-26 Alaqaan kuni gara Mudghah jijjiramu jalqaba. Micireen armaan

olitti qajeelaa fakkaatu kuni gubbaa jalaan jallachuu fi dacha’u eegala. Fakkii

armaan gadii irraa ilaalun ni danda’ama

Fakkii 3: A.Miciree dhuma marsaa alaqah, B fi C jalqaba marsaa mudghah

agarsiisuu[3]

Fakkiiwwan armaan olii maaykiroskoppiin waan guddifamaniif guddaa fakkaatu.

Garuu hammi jalqabaa (orijinaali) isaanii baay’ee xiqqaadha. Barattoonni Baayloji

baratan waa’ee maaykiroskoppii ilaalchisee, jechoota “Magnification fi

Resolution” jedhan osoo hin baratin bira hin darban. Magnification

(Maagnifikeshin) wanti tokko dachaa meeqan guddifamu akka qabu agarsiisa.

Resolution (risolushin) immoo fakkii san ifa godhu fi kutaalee isaa tokko tokkoon

mul’isuudha.

43

Kunoo marsaa mudghatti ilmi namaa kana fakkaata. Kuni fakkii dhugaa

maaykiroskoppin hin guddifamneedha (Actual image)*

Xinxallii

Namni marsaa mudghaatti maal akka ture yommuu ilaaluu fi itti xinxallu, iimaanni

isaa ni dabala. Wanta xiqqoo muraa fooni kanarraa kan isa uumee nama guutuu isa

taasise eenyuu? Muraa foonii kanarraa luka, gurra, harka, kutaalee qaamaa keessaa

fi alaa kan akkanatti isaaf tolche eenyu? Deebiin isaa Rabbii olta’aa, Ogeessaa fi

Beekaa ta’eedha. Rabbiin olta’aan ni jedha:

44

ها ﴿ يأ ن نلاس ٱي نت م ف ريب م ن ت راب ث م من لعث ٱإن ك م م فإنا خلقنك

م ون قر ف لك بي لقة نل قة وغي م ل ضغة م نطفة ث م من علقة ث م من م

رحام ٱم ما نشاء إل ل ك د ش

أ وا م طفلى ث م لبل غ ك رج سم ى ث م ن جل م

أ

رذل ن ي رد إل أ م م ومنك توف ن ي م م ر ٱومنك م ع

لكيل يعلم من بعد ل وتر علم شي رض ٱا

نزنلا ع هام ل

أ وربت هتت ٱ لماء ٱ ليهادةى فإذا

زوج بهيج نبتت من ك

﴾٥وأ

“Yaa ilmaan namaa! Yoo kaafamuu irraa shakkii keessa jiraattan,

dhugumatti Nuti biyyee irraa isin uumne; ergasii copha bishaan saalaa irraa,

ergasii dhiiga ititaa irraa, ergasii muraa foonii alanfatamu kan uumama

guuttatee fi hin guuttatin irraa isin uumne; [humnaa fi dandeetti Keenya]

isiniif ibsuuf [kana goone]. Hanga yeroo murtaa’etti wanta feene gadaamessa

keessa teessifna. Ergasii daa’ima goonee isin baafna. Ergasii akka umrii

jabinnaa keessan irra geessaniif [isin jiraachifna]. Isin irraas nama du’utu

jira. Erga duraan waa beekee akka homaa hin beekneef isin irraas nama gara

umrii gadi aanaa deebi’utu jira. Dachiis gogduu taatee agarta. Yeroo Nuti

bishaan [bokkaa] ishii irratti buufne, ni sochooti, ni iitoftis, akaaku biqiltootaa

bareedinna qaban hunda irraas ni biqilchiti.” Suuratu Al-Hajj 22:5

Yaa ilmaan namaa erga duutanii booda qorannoo fi jazaaf lamuu kaafamu yoo

shakkitan, kunoo ragaalee lama isin ilaaltantu jira. Ragaalee lamaan wanta

shakkitan kan agarsiisanii fi qalbii keessan irraa shakkii kanneen oofaniidha.

1ffaan- ragaa uumama keessanii. Kan nama uumuu jalqabe yeroo lammataas ni

deebisa. Akkana jedha, “Dhugumatti, Nuti biyyee irraa isin uumne” kuni hiika

lama qaba. 1ffaa-Nabii Aadamiin (aleyh salaam) biyyee irraa uumudha. Ilmi abbaa

irraa karaa kiroomozomitiin wanta dhaalu qaba. Kanaafu, hundeen wanti inni

dhaalu kuni biyyeedha. Hiikni lamaffaan, nyaanni nuti nyaannu hundeen isaa

biyyee irraa dhufe. Osoo biyyeen jiraachu baate midhaan biqiluu danda’aa?

45

Midhaan biyyee irraa dhufe kana yommuu alanshinee qaama keenya keessa seenu

gara dhiigaatti jijjirama. Dhiiga kanarraas dhangala’oon saalaa (maniyyiin) ni

uumama. Ergasii copha (nuxfaa) kanarraa dhiiga ititaa uumee. Ergasii dhiiga ititaa

kanarraa muraa foonii alanfamu danda’u uume. Aayah (keeyyata) Qur’aana armaan

olii keessatti “ergasii muraa foonii alanfatamu kan uumama guuttatee fi hin

guuttatin” jedhu hiika kana qaba: Muraa foonii alanfamuu (mudghah) kanarraa

kutaalee qaamaa uumuun boca namaa qabsiisa. Kuni kan “uumama guuttate” ta’a.

Garuu yeroo garii boca namaa osoo hin qabatin gadaameessi haadhaa ulfa of keessa

darba. Kuni kan “uumama hin guuttanne” ta’a. Kana malee hayyoonni hiika

biraas itti kennani jiru.

“Isiniif ibsuuf kana goonee” Rabbiin subhaanahu wa ta’aalaa takkaan ilma namaa

hunda uumuu ni danda’a. Garuu Ogummaa (hikmaa) Isaa, guddinnaa dandeetti

Isaatii fi bal’inna rahmata Isaa nuuf ibsuuf marsaa marsaan nu uumee. Yeroo

jalqabaatiif nama biyyee irraa uumuu Kan danda’e, ergasii copha maniyyii dhiiga

ititaa taasise, ergasii dhiiga ititaa muraa foonii taasise, muraa foonii irraa lafee

uumuu Kan danda’e, wanta jalqaba uume deebisu irratti danda’aadha. Biyyee irraa

kan uume, biyyee erga ta'anii booda isaan deebisuun Isatti ni ulfaataa? Namni

yommuu marsaalee uumama ofii itti xinxalluu lamuu akka kaafamu jala muree ni

amana.

“Hanga yeroo murtaa’etti wanta feene gadaamessa keessa teessifna.” Kana

jechuun ulfa gadaamessi of keessaa hin darbine hanga yeroo murtaa’etti ni tursiifna.

Yeroon murtaa’e kunis dheerinna yeroo ulfaati. Ergasii garaa haadhaa keessaa

‘daa’ima goonee isin baafna.’ Daa’ima dadhabaa homaa hin beekne, sammuun

isaa, ijji fi gurraa isaa dadhabaa kan ta’eedha. Ergasii Rabbiin suutuma suutan

humna fi jabeenya kennaaf. Halkanii guyyaa abbaa fi haati hanga sadarkaa jabinnaa

gahuu ni mararfatuufi, ni kunuunsu. San booda umrii jabinnaa gaha. Umriin kunis

umrii qaamni itti jabaatu fi sammuun itti bilchaatudha.

Isin keessaa umrii jabinnaa erga gahe ykn san dura kan du’utu jira. Isin keessaa

nama umrii jabinnaa darbuun umrii gadi aanatti kan deebi’utu jira. Umriin kunis

umrii dullummaa qaamni fi sammuun itti dadhabuudha. Wanta duraan beekaa ture

ni wallaala. Kanaafi namni dadhabinna lamaan marfame. Isaaniis: Dadhabinna

daa’imumma fi dadhabinnaa dullumaati.

46

Ragaan lamaffaa qorannoo fi jazaaf ilmi namaa lamuu kaafamu agarsiisu, dachii

erga duute ykn godgee jiraachisuudha. Rabbiin olta’aan ni jedha: “Dachiis gogduu

taatee agarta.” Kana jechuun biqiltoota homaatu kan ofirraa hin qabnee fi

awwaara taate argita. Yommuu rooba itti roobsu, biqiltootaan ni sochooti. Ni iitofti.

Erga gogdee walitti sunturtee booda yommuu roobni itti roobu fi biqiltoonni biqilan

olkaati. Dachiin tuni gosoota garagaraa irraa biqiltoota babbeeradanii fi nama

hawwatan biqilchiti. Kan kana hunda hojjatu fi sirna qabsiisuu eenyuu?

“Suni Rabbiin Haqa waan ta’eefi, Inni kanneen du’aan waan jiraachisuufi,

Inni wanta hundaa irratti Danda’aa waan ta’eefi.” Suuratu Al-Hajj 22:6

“Suni” marsaalee uumama namaa isiniif ibsee fi dachii gogdee bishaan itti roobsun

jiraachifamte. “Rabbiin Haqa waan ta’eefi” Haqa jechuun jiraataa fi yeroo

hundaa turaa, gonkumaa kan hin jijjiramne fi hin banneedha[4]. Kanaafu,

hiikni “Suni Rabbiin Haqa waan ta’eefi” jedhu kana ta’a: uumamni keessanii fi

dachii gogde jiraachisuun kan raawwatame sababa Rabbiin jiraataa fi yeroo hundaa

turaa gonkumaa hin jijjiramne fi hin banne ta’eefi. Wantoonni Rabbiin ala jiran

hundi ni jijjiramu, ni badu. Rabbiin Guddaan Olta’aan gonkumaa hin jijjiramu.

Kanaafu, yeroo hundaa wanta fedhe hojjata, wanta fedhe uuma. “Inni kanneen

du’aan waan jiraachisuufi” akkuma uumama keessan jalqabee fi dachii duute ykn

gogde jiraachise namoota du’anis ni jiraachisa. “Inni wanta hundaa irratti

Danda’aa waan ta’eefi.”

“Dhugumatti Qiyaaman dhuftuudha; ishee keessa shakkiin wayitu hin jiru.

Dhugumatti Rabbiin namoota awwaalcha (qabrii) keessa jiran hundaa ni

kaasa.” Suuraa Al-hajj (22):7

47

Ragaaleen armaan olii isiniif kan ibsameef Qiyaamaan akka dhuftu beekumsa

dhugaa akka beektaniifi. Qiyaaman dhugaa shakkii wayitu hin qabneedha.

Warroonni du’an qabrii keessaa yaa’un wanta gara fuunduraatti raawwatamuudha.

Sababni isaas, Rabbiin kana waadaa galee jira. Rabbiin waadaa Isaa hin diigu.[5]

Guduunfaa

➦Marsaan alaqah guyyoota 24-26 keessatti gara mudghaatti jijjiramu eegala.

Marsaan mudghah kan itti beekkamu wanti callee fakkaatu "somaayit" jedhamu

dugda miciree irratti bahuu jalqaba.

➦Mudghah jechuun muraa foonii alanfamu danda’uudha.

➦ Namni marsaa mudghaatti uumama ofii yommuu ilaalu waa baay'ee hubata.

Isaan keessaa:

✏Dhiiga ititaa muraa foonitti kan jijjiruu Rabbii olta'aa malee hin jiru. Ergasii

muraa foonii kanarraa harka, luka, gurra fi qaamolee biroo kan uume Rabbiin

malee jiraa? Kanaafu, Tokkichummaa Rabbitti amanuun Isa qofa gabbaruu akka

qabu ni hubata.

✏Namni hanga fedhe "ani of danda'aadha, humna qaba" haa jedhu. Inni

dadhabinna lamaan kan marfameedha. 1ffaa- uumama isaa irraa jalqabee hanga

ijoollummaatti. 2ffaa-Yeroo dullummaa. Kanaafu, akkamitti Rabbii isa uumee fi

kunuunsu irraa dheessaa?

✏Rabbiin Guddaan Olta'e wanta xiqqaa kanarraa isa uume Guyyaa Murtii lamu

isa deebisuun waan hojjateef akka isa qoratu fi jazaa isaaf kafalu ni hubata.

Sababni isaas, Rabbiin haqa, namoota du'an ni kaasa, wantoota hundaa irratti

danda'aadha.

Haqa jechuun jiraataa fi yeroo hundaa turaa, gonkumaa kan hin jijjiramne fi

hin banneedha.

Kitaabbilee Wabii [1] Tafsiir ibn kasiir 5/384, Daaru ibn Jawzi, Tafsiir Sa’diy 623, Daaru salaam,

Ma’aariju at-tafkuri wa daqaa’iqu at-tadabburi 14/427, Abdurahman Hanbak

Tafsiirul Qur’aanil Kariim wa i’iraabuhi wa bayaanih 6/122, Muhammad Aliyy

Xaahaa






48

KEITH L. MOORE, PERSAUD fuula 78, 10th Edition

[3] https://islampapers.com/2013/06/12/the-mudghah-stage/

THE DEVELOPING HUMAN CLINICALLY ORIENTED EMBRYOLOGY

KEITH L. MOORE, PERSAUD fuula 78-79, 10th Edition

[4] Tafsiir Qurxubii 13/326

[5] Tafsiir ibn kasiir 5/384, Daaru ibn Jawzi, Tafsiir Sa’diy 623, Daaru salaam,

Tafsiirul Qur’aanil Kariim wa i’iraabuhi wa bayaanih 6/122-126, Muhammad

Aliyy Xaahaa


*Tafsiirul Aayaatal Kawniyata Fiil Qur’aanil Kariim jiildi 2faa fuula-166, By

Zaghluul Najjaar,


https://islampapers.com/2013/06/12/the-mudghah-stage/







49

Marsaa 4ffaa Uumama Namaa: Lafee fi foon Uwwisuu


Rabbiiti. Gabroottan Isaa kanneen Inni filate irratti nageenyi haa jiraatu). Kutaa

darbee keessatti marsaa uumama namaa 3ffaa ilaalle turre. Marsaan kunis

mudghah jedhama. Mudghah jechuun muraa foon alanfamuu danda’udha.

Mudghaan kuni wanta akka callee fakkaatu somaayit jedhamu dugda irratti

baafata. Fakkii armaan gadii irraa ilaalun ni danda'ama.

Fakkii 1: Miciree umriin isaa wal duraa duubaan gara guyyaa 24, 26, 28 ta’e[1]

Soomayitin kuni uumama lafee fi maashaatiif hundee (base) dha.[2]

Soomayitiin kuni bakka lamatti hirama. Isaaniis: Iskilerotom (Sclerotome) fi

dermomyotome. Iskilerotome gara lafeetti guddata. Dermomyotome immoo gara

gogaa fi maashaa (foon lafee uffisuutti) guddata.

50

Fakkii 2: Cinaadhaan yommuu ilaallamu miciree umriin isaa wal duraa duuban

gara guyyaa 32, 42 fi 48 ta’e[3

Umrii kanatti miciree namaa miciree beelladoota biroo irraa addaan baasun ni

ulfaata. Sababni isaas, kutaalee qaamaa guutuu hin baafanne.

(Jecha ijoo: Kaartilej (Cartilage)-jechuun wanta akka foon adii fakkaatu garuu

akka fooni salphatti kan hin alanfamne fi akka lafees kan hin jabaannedha.

Jabinnaan foonii fi lafee jidduudha. Fakkeenyaf, gurri keenya kaartilejidha.)

Uumama Lafee

Adeemsi uumama lafee “Ossification” (suuta suutan jabaachu) jedhama. Dhuma

torbaan afraffaatti iskelerotom irraa tishuun Mesenkaayim (Mesenchyme) jedhamu

ni uumama. Ergasii lafeen, "mesenkaayim" kanarraa karaalee lamaan uumama.

1ffaa-“intramembranous ossification” Adeemsa kana keessatti mesenkaayimin

osoo kaartileejitti hin jijjiramiin qajeelumaan lafeen mesenkaayim irraa uumama.

Lafeen haala kanaan uumaman lafee fuulaa, buqqee mataa fi golgaadha.

51

2ffaa- “endochondral ossification” Adeemsa kana keessatti jalqaba mesenkaayimin

gara Kondroblaast ni jijjirama. Kondroblaast kanarraa kaartileejin moodeli

(fakkeenya) lafee qabachun ni uumama. Ergasii adeemsa adda addaa keessa

darbuun kaartileejin kuni lafee haarawaan bakka buufama. Lafeewwan haala

kanaan uumaman lafee dhedheeroo qaamatii fi lafee hundee bukkee mataa jalaati

argamaniidha[4]. Uumamni lafee haala wal fakkaatun qaamaa keessatti hin jalqabu.

Garuu tartiibaan kutaalee qaamaa keessatti torbaan 6ffaa irraa jalqabee uumamuu

fi guddachuu itti fufa.

52

Lafee Foon Uwwisuu

Lafeen erga uumamee marsaan foon uwwisuu ni dhufa. Qur’aana keessatti akkana

jechuun dubbata:

“Ergasii mudghah [irraa] lafee taasifne;Ergasii lafees foon itti uwwisne.”

Suuratu Al-Mu’minuun 23:14

Torbaan 8ffaatti lafee foon uwwisuun ni jalqabama. Ergasii adeemsa jabaachu fi

wal qixxaa’u itti fufa. Yeroo foon lafee irratti uumamu micireen boca namaa

qabata. Kutaaleen qaama bakka isaaniif maluu ni qabatu. Marsaan kuni marsaa

micireen itti socho’uudha[5].

Xinxallii

Marsaa uumama keenyaa kanatti yommuu itti xinxallinu, ijaarsi qaamoleetii fi lafee

safaraa fi yeroo ofii eeggatee kan deemudha. Wanta callee fakkaatu kanarraa lafee

kan uumu, lafee kanas foon kan itti uwwise, ergasii boca namaa qabsiise kan baasu

Rabbii olta’aa malee ni jiraa?

53

“Sila isaan osoo wanti isaan uumu hin jirre uumaman moo isaanumatu

uumtotaa? Moo samii fi dachii uumanii? Lakki! Isaan hin dhugoomsan.”

Suuratu ax-xuur 52:35-36

Namoonni Jiraachu Khaaliqa mormanii fi Isa gabbaruu irraa of tuulan, uumamun

dura isaan kan hin jirre ta’uu itti hin xinxallanii? Akkamitti uumamanii???

Wantoonni dhimmoota sadii keessaa kan hin baane ta’uu sammuu keessatti

mirkanaa’e jira:

1ffaa- Osoo uumaan isaan hin uumin argamanii? Kuni gonkumaa wanta hin

danda’amneedha. Fakkeenyaf, ampuulin ibsannu kuni yeroo jalqabaatiif yommuu

argamu, osoo homtu isa hin hojjatin akkanumatti argamee? Kanaafu, wanti tokko

kan isa uumuu ykn hojjatu osoo hin jiraatin akkanumatti gonkumaa argamuu hin

danda’u.

2ffaa- Ofumaan of uumanii? Kunis wanta hin yaaddamneedha. Wanti duraan hin

jirre gonkumaa ofiin of argamsiisuu ykn uumuu hin danda’u. Kaafironni kunniin

duraan kan hin jirre turan; sila ofumaan jijjiramanii ilma namaa ta’anii? Osoo mataa

ofiitiin gara namaa kan jijjiraman ta’anii maaliif boca namaatin ala boca wanta

biraatti hin jijjiramnee? Yookiin Maaliif qaamolee dabalataa hin horannee?

Fakkeenyaf, harka tokko irratti maaliif qubbiin jaha ykn torba ykn kudha shan

maaliif hin godhannee? Yookiin duubaa fuunduraan funyaanii fi ija maaliif hin

uummannee? Kanaafu, gonkumaa ofiin of uumuu hin danda’an.

Dhimmoonni armaan olii lamaan erga fashalaa’e, dhimmi sadaffaan ifa ta’a. Innis,

Rabbitu isaan uume. Kunis erga ifa bahee, haqaan kan gabbaramuu fi kadhatamuu

qabu, Rabbii olta’aa qofaadha. Ibaadan ykn gabbarriin Isa qofaaf ta’a. Wantoonni

Isaan ala gabbaraman (waaqefataman) hundi baaxila (kijiba).

54

Warroonni Rabbitti kafaran kunniin samii fi dachii uumanii? Samii fi dachiin isaan

dura uumaman. Wanti boodarra dhufe wanta isa dura ture uumuu danda’aa?

Kanaafu, mataa ofiiti of hin uumne, samii fi dachiis hin uumne. Rabbii olta’aatu

isaanii fi samii dachii uumee. Garuu isaan shakkii tokko malee haqatti dhugaan hin

amanan.

Erga Kan isaan uume Rabbii Olta’aa ta’e, Isaaf ajajamuu, wanta Inni dhoowwe

dhiisu fi Guyyaa Murtiitti amanuun isaan irra jira. Rabbiin subhaanahu wa ta’aala

akkanumatti taphaaf isaan hin uumne. Guyyaa Qiyaamaa lamuu isaan deebisuun

wanta hojjataa turaniif isaan gaafata. Warroonni Qiyaamaatti hin amanne, uumama

ofii dagatanii lafee erga bututtee eenyutu deebisa jedhu. Akkuma armaan olitti

ilaalle, jalqaba miciree irratti lafee wanta jedhamu qaama miciree keessa hin jiru.

Qaama miciree keessatti lafee kana kan uumee Rabbii olta’aadha. Kanaafu, lafee

kana jalqaba kan uumee lamuu erga bututtee deebisuun itti ulfaataa?

“Sila namni lafee isaa walitti hin qabnuu yaadaa? Eeyyen [walitti ni qabna].

Fiixee qubbiin isaatu akka turanitti deebifnee sirreessu irratti Danda’oodha.

Dhugumatti, namni fuundura isaa (Qiyaamaa) sobsiisu fedha. “Guyyaan

Qiyaamaa yoomi?” jedhee gaafata. [Guyyaan suni] yeroo ijji dhamaatudha.

Yeroo jiiyni ifa dhabuudha. Aduu fi jiiynis walitti qabamaniidha. Guyyaa san

namni “Bakki itti baqatan eessa?” jedha. Lakki! Iddoon baqaa hin jiru.

55

Guyyaa san bakki qubannaa gara Gooftaa keetiiti. Namni Guyyaa san wanti

inni hojjatee fi dhiise itti himama. Dhugumatti namni of irratti ragaa

bahaadha. Odoma rakkoo adda addaa dhiyeefateyyuu.” Suuratu Al-Qiyaamah

75:3-15

Aayan shanaffaan hiika kanas ni qabdi, “Namni badii hojjachuu itti fufu barbaada.”

Badii fi fedhii lubbuu isaa hordofuu itti fufuuf Qiyaamaa kijibsiisa. Badii isaa irraa

buqqa’uu hin barbaadu. Guyyaan Qiyaamaa yoomi jedhee gaafata. …. “Namni

Guyyaa san wanti inni hojjatee fi dhiise itti himama.” Kana jechuun Guyyaa

Qiyaamaa wanti gaarii fi badaan, xiqqaa fi guddaan inni hojjate hundi itti himama.

Wanta isarratti dirqama ta’e osoo hin hojjatin dhiise itti himama. Fakkeenyaf, kan

akka salaata, zakaa fi kkf.

“Dhugumatti namni of irratti ragaa bahaadha.” Namni ofirratti ragaa bahaa fi

wanta hojjataa ture kan beekudha. Galmeen hojii isaa akkana jedhamuun isaaf

kennama:

“Kitaaba kee dubbisi. Har’a ati mataan kee of irratti herregaa ta’uuf

gahaadha.” Suuratu Al-Israa 17:14

Kitaabni kuni kitaabaa hojiin inni hojjataa ture itti galmaa’edha. Gonkumaa wanta

achi keessa jiru mormu hin danda’u.

Kitaabban Wabii



[2] Larsen’s Human Embryology









56

[4] https://opentextbc.ca/anatomyandphysiology/chapter/6-4-bone-formation-and-

development/

[5] Human development as described in the Qur’an and sunnaah

http://droualb.faculty.mjc.edu/Lecture%20Notes/Unit%202/bone_development_w

ith%20figures.htm

Tafsiir Sa’diyy-fuula 963 fi kitaabban tafsiira biroo


https://opentextbc.ca/anatomyandphysiology/chapter/6-4-bone-formation-and-development/

https://opentextbc.ca/anatomyandphysiology/chapter/6-4-bone-formation-and-development/


https://sammubani.files.wordpress.com/2019/02/humandevelopmentasdescribedinthequranandsunnah-151130161623-lva1-app6891.pdf

http://droualb.faculty.mjc.edu/Lecture%20Notes/Unit%202/bone_development_with%20figures.htm

http://droualb.faculty.mjc.edu/Lecture%20Notes/Unit%202/bone_development_with%20figures.htm

http://waqfeya.com/book.php?bid=7863

57

Marsaa Uumama Namaa 5ffaa: Nasha’ah-The

Fetal Period (Marsaa Ulfaa)


Rabbiiti. Gabroottan Isaa kanneen Inni filate irratti nageenyi haa jiraatu). Haala

uumama keenya osoo ilaallu kunoo marsaa dhumaa irra geenye jirra. Uumamni

namaa uumama nama ajaa’ibsiisuu fi mallatooleen baay’een keessa jiraniidha.

Namni uumama ofii sirriitti yoo itti xinxalle, sababni inni Khaaliqa isa uumee itti

faallessuu fi ajajamuufi didu hin qabu. Marsaa kana hunda keessa darbuun nama

guutuu kan ta’e mataa ofiitiini miti.

Marsaan miciree torbaan 8 haguuga. Torbaan saddeet booda marsaan jiru marsaa

ulfaa (fetus) ta’a. marsaa kana keessatti qaamoleen marsaa miciree keessatti biqiluu

jalqaban uumama isaanii guuttachuun ulfi boca nama qabata. Garuu torbaan

saddeet dura miciree namaatii fi miciree beelladota biro addaan baasun ni ulfaata.

Bocaan waan wal fakkaataniif. Torbaan 9ffaa irraa eegalee marsaan jiru marsaa

nasha’ah ti. Nasha'ah jechuun guddachuu, dagaaguu. Ansha'a jechuun immoo

argamsiisu, uumuu, guddisuu ykn wanta tokko godhuu/hojjachuudha. Nasha'ah fi

ansha'a jechoota hundee tokkorraa horsifamaniidha. Marsaan Nasha'ah Qur’aana

keessatti akkana jechuun dubbatame,

Sana booda uumama biraa isa goone (ansha'anaahu). Rabbii uumtota hunda

caale tolti Isaa baay’atte.” Suuratu Al-Mu’iminuun 23:12-14

Warroonni Qur’aana ibsan keeyyata armaan olii irraa kana hubatan:

a-Ulfi uumama dubbachuu, dhagahuu fi arguu danda’utti guddachuu

b- Ulfatti ruuhii afuufu[1].

Kanaafu, marsaa nasha’atti ulfatti ruuhiin ni afuufama. Kutaaleen qaamaa ni

dagaagu;hojii isaaniif maluu hojjachuu ni jalqabu, bakka isaanii qabachuun ni

sirreefamu (ta'adiil). Mataan guddaa ture ni xiqqaata, gurri bakka isaa qabata,

qaamni ni diriira.


58

Wanti marsaa kanarraa hubannu, micireen namaa kuni ruuhin itti afuufamuun dura

akka biqiltuu ruuhii kan hin qabne ture. Fakkii armaan gadii irraa marsaa

mudghaatti yommuu ilaallu wanta akka muraa foonii malee homaa hin arginu.

Kutaalee qaamaa guddisuun ruuhii itti afufuun mallattoo guddaa Dandeettii fi

Tokkichummaa Rabbii olta’aa agarsiisuudha. Waa’ee ruuhi Rabbiin malee namni

kamiyyuu hin beeku:

“Waa’ee ruuhi si gaafatu; jedhi, “Ruuhin dhimma (amrii) Gooftaa kiyyaati.

Beekumsa irraa waan xiqqoo malee isiniif hin kennamne.” Suuratu Al-Israa

17:85

Mee amma marsaalee uumama keenyaa nuxfaa (copha) irraa jalqabuun hanga

nasha’ah fakkiin haa ilaallu, ergasii itti haa xinxallinu:

59

Marsaa 3ffaa:Mudghah

Marsaa 4ffaa: Lafee uumuu fi foon uwwisuu

60

Marsaa 5ffaa: gara uumama namaatti guddisuu fi sirreessun daa’ima godhee baasu

(Nasha'ah)

Rabbii uumtota hunda caale tolti Isaa baay’atte

Rabbiin Keenya akkana jechuun warroota Isarraa garagalan dubbisa:

61

“Yaa ilma namaa! Gooftaa kee Kan Arjaa ta’e ilaalchisee maaltu si

gowwoomse? Kan si uumee, ergasii si guutee si sirreesse. Boca fedhe keessatti

walitti si qabe [sanarraa maaltu si gowwoomse]? Dhorgamaa! Dhugumatti

Guyyaa Murtii ni sobsiiftu. Dhugumatti, isin irra eegdotatu jira. Kabajamoo

barreessitoota ta’an. Wanta isin hojjattan hunda ni beeku. Dhugumatti warri

toltu hojjatan qananii keessa jiraatu. Warrii hamtuu hojjatan immoo Ibidda

Jahannam keessa jiraatu. Guyyaa murtii ishii ni seenu. Isaan ishii irraa hin

fagaatan.” Suuratu Al-Infixaar 82:6-16

“Yaa ilma namaa! Gooftaa kee Kan Arjaa ta’e ilaalchisee maaltu si

gowwoomse?” Kana jechuun yaa ilma namaa hanga Gooftaa kee Arjaa ta’etti

kafartu geessutti maaltu si gowwoomsee?[2] Maaltu si gowwoomsee haqa dhiiftee

baaxila akka dharraatu si taasisee? Baaxilli kunis, Gooftaa keetitti kafaruu, karaa

Ergamtootaatin wanta Isa biraa dhufeetti kafaruu fi Guyyaa Murtii

kijibsiisuudha[3]. Wanta dirqama sirratti taasise akka dhiistu fi Gooftaa arjaa kee

faallessun maaltu badii akka hojjattu si gowwoomsee?

Yommuu namni tokko sitti arjoomu, isa galateefatta moo amala badaa isatti

agarsiistaa? Yaa ilma namaa Gooftaan kee kennaa lakkaawame hin dhumne siif

kenne. Kanaafu, kennaan kuni hundi akka isaaf ajajamtuu fi Isa faallessu irraa akka

qaanoftu kan si taasisuu ta'uu hin qabuu?. “Kan si uumee, ergasii si guutee si

sirreesse.” Yaa nama! Gooftaa si uumee fi dhabama irraa si argamsiseetti akka

kafartuu fi Isa faallessitu kan si gowwoomse maaliidhaa? Kutaalee qaamaa kee

62

Kan siif guutee fi sirreesse Gooftaa keeti. “Boca fedhe keessatti walitti si qabe”

Gooftaan kee osoo fedhe boca beelladaa ykn bineensaa irratti si uumuu danda’a.

Garuu rahmata Isaatin boca bareedaa namaa kanarratti si uumee. Rabbiin olta’aan

ni jedha:

“Dhugumatti nama dhaabbi irra gaarii ta’ee keessatti isa uumnee jirra.”

Suuratu At-Tiin 95:4

Dhaabbanni fi bocni qaama nama dhaabbataa fi boca beelladootaa fi bineensota

biro irraa adda kan ta’eedha. Kanaafu, Gooftaa bocaa fi dhaabbata kee akkanatti

miidhagsee irraa akka garagaltu kan si taasise maaliidhaa?

“Dhorgamaa! Dhugumatti Guyyaa Murtii ni sobsiiftu” Wanta hojjataa turaniif

Guyyaa Qiyaamaa qoratamuu fi gaafatamuu soba akka ta’etti yaaddu. Kuni sababa

guddaa badii akka hojjattanii fi dirqama keessan akka dagattan kan isin taasisedha.

Guyyaa Murtii gara fuunduraatti kan qunnamtan ta’ee osoo jiru soba akka ta’etti

yaaddu. Wanti jireenya tana keessatti isin hojjattan hundi ni galmaa’a. Wanti baduu

fi dagatamu tokkollee hin jiru: "Dhugumatti, isin irra eegdotatu jira.

Kabajamoo barreessitoota kan ta’an. Wanta isin hojjattan hunda ni beeku.” Barreessitoonni ykn galmeessitoonni kunniin Malaykoota namoota waliin deemun

isaan ilaalan, wanta isaan hojjatanii fi jedhan hunda kanneen galmeessaniidha[4].

Akkamitti akka barreessan, maal fayyadamanii hojii fi dubbii keenya akka

galmeessanii fi galmeen isaan fayyadaman maal akka ta’e beekuuf hin qorannu.

Sababni isaas, kuni dhimma geeybi (miiran bira hin gahamne) waan ta’eef akkaataa

malaykoonni kana hojjatan nuti beeku hin dandeenyu.

Asitti Malaykoota kanniin Kabajamoo jechuun ibse. Kuni kan agarsiisuu

Malaykonni kabajamoon waan nu waliin jiraniif wanta badaa hojjachuu irraa akka

qaanofnuu fi naamusa qabaannufi. Namni yommuu nama kabajamaa waliin ta’u of

eeggannoo ni taasisa, wanta badaa hojjachuu irraa ni saalfata.

“Dhugumatti warri toltu hojjatan qananii keessa jiraatu.” Warri toltu hojjatan

(abraar) warra dhugaan amanan, hojii dirqamaa erga hojjatanii booda hojii

63

gaggaarii dabalataa kanneen hojjatanii fi hojii badaa irraa dhoowwaman erga irraa

fagaatanii booda wanta jibbama (makruuh) kanneen dhiisaniidha. Fakkeenyaf,

salaata dirqamaa (waajibaa) ni salaatu. Ergasii salaata sunnaah itti aansu. Zakaa ni

kennu, ergasii sadaqaa dabalataa ni kennu. Sooma ji’a Ramadaanaa ni soomu.

Ergasii sooma dabalataa ni soomu. Haqa haadha abbaa, firaa fi namoota biroo ni

eegu. Kanarratti dabalatee, tola dabalataa isaaniif oolu. Warroonni kunniin

addunyaa tana keessatti qalbiin isaanii tasgabbaa’un qananii keessa jiraatu.

Aakhiratti Jannata qananiin guuttamte keessa seenun qananiin marfamu.

“Warrii hamtuu hojjatan immoo ibidda Jahannam keessa jiraatu.” Warri

hamtuu hojjatan (fujjaar) warra badii gurguddaa akka kufrii, shirkii fi kan biro

keessatti taraniidha. Akkasumas, warra Khaaliqa isaan uumeef hin ajajamneedha.

Warri kuni adabbiin isaanii addunyaa tana keessatti qalbiin isaanii adabbii cimaa

keessa jiraachudha. Guyyaa Murtii immoo ibidda Jahannam keessatti gubatu.

Gonkuma Jahannam keessaa bahuu fi irraa fagaachu hin danda’an.

Aaya lamaan armaan ilaalchise imaamu ibn Al-Qayyim wanta jedhu qaba: aayan

lamaan kunniin qananii fi adabbii cimaa Aakhirah qofarratti waan daangeefaman

sitti hin fakkaatin. Kana irra, ganda addunyaa, qabrii keessatti fi ganda yeroo

hundaa keessa turan (Aakhirah) kan ofi keessatti qabataniidha. Warri kunniin

qananii keessa, warrii biroo immoo adabbii cimaa keessa jiraatu. Qananiin qananii

qalbii caalu ni jiraa? Azaabni azaaba qalbii caalu ni jiraa? Azaaba (adabbii) kamtu

sodaa, yaaddo, gadda, qomni dhiphachuu, Rabbii fi ganda Aakhirah irraa

garagaluu, Rabbiin ala wanta biraatti rarra’u caalu jiraa?[5]

Qananii jechuun wanta nama gammachiisu, mirqaansu fi mi’aa irraa argataniidha.

Adabbii (azaaba) jechuun immoo wanta nama dararu, gaddisisuu, miidhaa

namarraan gahuu fi nama gubuudha. Kanaafu, namni qananii argachuu fi adabbii

irraa baraaramu barbaadu, dhugaan amanuun toltu haa hojjatu, wanta badaa irraa

haa fagaatu. wa billahi tawfiiq

Guduunfaa

➥Uumama ofii irratti xinxalluun Guddinna Rabbii Olta'aa akka beekanii fi Isaaf

akka ajajaman nama taasisa. Maaliif addunyaa tana keessa akka jiraatan namatti

akeeka.

➥Ilma namaatiif sammuun ittiin yaadu, ijji ittiin argu, arraba ittiin dubbatu, gurri

64

ittiin waa dhagahuu fi fedhiin waa itti filatu isa keessatti uumamuun, wanta

hojjatuuf akka itti gaafatamu kan agarsiisuudha.

➥Kanaafu, Guyyaa Murtii wanta hojjataa tureef ni gaafatama.

Kitaabban wabii: [1] Human development as described in the Qur’an and sunnaah fuula 94-95

THE DEVELOPING HUMAN CLINICALLY ORIENTED

EMBRYOLOGY KEITH L. MOORE, PERSAUD

Tafsiirul Aayaatil Kawniyati Fiil Qur'aanil Kariim jiildi 2ffaa fuula-231, By

Zaghluul Najjaar,

[2] Tafsiir Qurxubii 22/122

[3] Ma’aariju at-tafkuri wa daqaa’iqu at-tadabburi 15/79, Abdurahman Hanbak

[4] Sayyid Quxb, Fii Zilaalil Qur'aan, English Translation 18/82

[5] Bidaa’u Tafsiir 3/267, Ibn Al-Qayyiim fi Kitaabban Tafsiira biroo


https://sammubani.files.wordpress.com/2019/02/humandevelopmentasdescribedinthequranandsunnah-151130161623-lva1-app6891.pdf










65

Boqonnaa 2 UUMAMA NAMAATTI XINXALLUU-KUTAA 1

Akkamitti gara Rabbii (Subhaanahu wa ta’aalaa) Dhiyaatan?

Marsaalee uumama namaa Aayata Qur’aanaati fi dhugaa sayiinsin irra gahe

fayyadamuun hanga kutaa torbaa ilaala turreerra. Fakkiiwwan sanniin ilaalun nama

uumama ofiitti xinxalluuf barnootaa fi gorsa ta’a. Ammas, itti fufuun uumama

keenyatti ni xinxallina. Garuu uumama keenyatti xinxalluun bu’aan nuti argannu

maalii? Namni jireenya isaa keessatti Gooftaa isa uumee beekuf karaa adda addaa

barbaada. Erga Gooftaa isaa beekee booda Isa qofa gabbaruu fi jaallachuun jireenya

keessatti tasgabbii fi milkaa’inna barbaada. Kanaafu, karaan Gooftaa ofii itti

beekan keessaa tokko uumama ofiitti xinxalluudha. Aarifoonni (warroonni Rabbiin

sirritti beekan) gariin akkana jedhu, “Jiraattonni addunyaa tanaa wanta garmalee

mi’aayaa (gaarii) ta’ee osoo hin dhandhamin addunyaa tana gadi dhiisanii

deeman.” Wanti garmalee gaariin (mi’aawan) suni maali? jedhamanii yommuu

gaafataman, isaaniis akkana jechuun deebisan, “Rabbiin beekuu fi

jaallachuudha.”

Imaamu ibn Al-Qayyiim (rahimahullahu) karaalee Rabbii ofii itti beekanii fi itti

dhiyaatan bakka afuritti qooda[1]:

1-Sifaata Rabbii beeku- asitti sifaata jechuun amaloota gaggaarii waa’ee Rabbii

ibsaniidha. Kan akka waan hundaa beeku, dhagahuu, arguu, waan hundaa irratti

danda’aa ta’uu,

2-Hojiiwwan, tola, mararfanna Rabbii gara sifaanni Isaa guutuu ta’uu

agarsiisanitti xinxalluu

3-Namni amalootaa fi hojiiwwan Rabbiin jibbuu fi itti dallanuu itti yaadun irraa

fagaachu.

4-Amalootaa fi hojiwwan Rabbiin jaallatu fi gara Isaatti nama dhiyeessan itti

yaadun amaloota saniin of faayu fi hojjachuu.

Tuqaan 1ffaa fi 2ffaan Tawhiida fi sifaata Rabbiitii fi hojiwwan Isaatiin kan wal

qabataniidha. 3ffaa fi 4ffaan immoo karaa Isatti nama geessu fi wanta karaa

kanarraa nama deebisaniin kan wal qabataniidha. Amaloota nafsee ofiitti

xinxalluun wanta Rabbiin jaallatuu fi jibbuu akka addaan baasu isa taasisa.

https://www.sammubani.com/2019/03/09/uumama-namaatti-xinxalluu-kutaa-1/

66

Sifaata Rabbii beeku fi hojiiwwanii fi murtiwwan Isaatti yaadun, iimaanaa fi kufrii,

tawhiidaa fi shirkii, mirkaneessu fi diigu, wanta Rabbiif hin mallee irraa Isa

qulqulleessu fi wanta Isaaf maluun ibsuu akka addaan baasu isa taasisa.

Karaalee kanniin armaan oli galmaan ittiin gahan

Namni sifaata (amaloota) Rabbii guddaa beeku kan danda’u qajeelcha yoo

qabaatedha. Karaa Ergamtootaatin Rabbiin irraa qajeelchi yoo isa hin gahin,

dhama’iinsa fi jallinna keessatti kufa. Addunyaa tana keessatti namoonni Rabbiin

arguu hin danda’an. Kanaafu, qajeelcha Isa ittiin beekan barbaachisa. Qajeelchi

kunis kitaabban gara Nabiyyootatti bu’aniidha. Kanaafu, karaan sifaata Rabbii

Olta'aa itti beekan Kitaaba Qulqulluu Isarraa bu’e qo’achuudha. Kitaabni

qulqulluun xumuraa Qur’aana. Qur’aana keessatti sifaata Isaaf maluu fi hin malle

ni dubbata. Kanaafu, Qur’aana xinxalliin qo’achuun sifaata Rabbii akka beekan

nama taasisa. Kanaafi, akkana jechuun gara Qur’aana xinxallutti nama kakaasa:

“[Yaa Muhammad] [Kuni] Kitaaba barakaa, akka isaan keeyyattoota isaa itti

xinxallanii fi akka warri sammuu qaban ittiin gorfamaniif jecha gara keetti

buufnedha.” Suuratu Saad 38:29

Barakaa jechuun tola baay’ee jechuudha. Dhugumatti Qur’aanni tola baay’een kan

guuttameedha. Waa’ee Rabbii olta’aa haala ifa ta’een namaaf ibsuun dukkana kufrii

fi shirkii keessaa gara ifa iimaanatti nama baasa.

Karaan biraa Rabbii ofii itti beekanii fi jaallatan mallatoolee samii fi dachii keessa

faca’anitti xinxalluudha. Wantoonni uumaman samii fi dachii keessa jiran hundi

sifaanni Rabbii guutuu ta’uu agarsiisu. Kanaafu, namni akkuma mallattoolee ijaan

mul’atanitti xinxalluun Rabbii ofii beekaa fi jaallataa adeema. Rabbiin olta’aan ni

jedha:

67

“Dhugumatti, uumama samii fi dachii, wal bakka bu’uu halkanii fi guyyaa

keessa warra sammuu qabaniif mallatooleetu jira. Isaan warra dhaabbannaa,

taa’umsa fi cinaacha isaanii irratti ta’uun Rabbiin faarsanii fi uumama sami

fi dachiitti xinxalluun “Yaa Gooftaa keenya! Ati kana taphaaf hin uumne,

Qulqulloofte! Adabbii ibiddaa irraas nu baraari.” [jedhaniidha].” Suuratu

Aali-Imraan 3:190-191

Mee amma wanta yeroo hundaa irra deddeebinee ilaallu sammuu banuun haala

haarawaan haa ilaallu. Samii fi dachii, halkanii fi guyyaa namni kamiyyuu ni arga.

Garuu namoonni itti xinxallanii gara haqaatti qajeelan baay’ee xiqqoodha.

Namoonni kunis namoota sammuu isaaniitti fayyadamanii fi haala kamiyyuu

keessatti Rabbiin subhaanaha wa ta’aala kan yaadatanii fi faarsaniidha. Yommuu

dhaabbatan, deeman, taa’an fi cinaacha irratti hirkatan qalbiin Rabbiin ni yaadatu,

arrabaan ni faarsu. Warri kuni warra uumama samii fi dachiitti xinxallaniidha.

Xinxalli booda wanti hubatan: samii fi dachiin hangana gurguddatan kunniin

taphaaf akka hin uumamne ni hubatu. “Yaa Gooftaa keenya! Ati kana taphaaf

hin uumne…” Kana jechuun yaa Gooftaa keenya wantoota kanniin kaayyoo fi

ogummaa malee akkanumatti taphaaf hin uumne. Kana irra, hikma ykn kaayyoo

guddaa tokkoof uumte. Namootaaf iddoo jireenyaa taasisu, Si beekuf ragaalee akka

ta’aniif, Siif ajajamuun jireenyaa zalaalamii akka gahaniif uumte[2]. Kanaafu,

uumamni samii fi dachii ajajuu fi dhoowwu, badhaasu fi adabuu kan

barbaachisuudha.

Rabbiin subhaanahu wa ta’aalaa namootaaf dachii akka firaashaa diriirseef. Samii

immoo akka gonbisaa gochuun rooba irraa buuse. Rooba kanaanis biqiltoota

biqilchuun namootaaf soorata taasise. Namni xinxallu akkana jechuun of gaafata,

“Rabbiin kana hunda kan godheef taphaafi?” Gonkumaa taphni wanta isaaf hin

68

malleedha. Kanaafu, wanta namoota barbaachisu jireenya tana keessatti erga

dhiyeessefi, dhumarratti wanta hojjataniif isaan gaafachuun mindaa isaaniif kenna.

Kunis kan ta’u Guyyaa Qiyaamati. (Dhugaa kana hubachuuf suuratu baqarah 2:21-

25 itti xinxalluun ni danda’ama) Aayaata kanniin keessatti, jalqaba Gooftaa isaan

uume akka gabbaran namoota ni ajaja. Ergasii, uumama samii dachii fi qananii

isaaniif oole ni dubbata. Uumamni fi qananiin kuni Rabbiin qofa gabbaruutti waan

nama kakaasuf “Isa waliin waan biraa hin gabbarinaa” jechuun dhoowwa. San

booda, waa’ee Qur’aana ni dubbata. Kuni kan agarsiisu Qur’aanni Isarra akka bu’e

fi namootaaf qajeelcha akka ta’e agarsiisa. Dhumarratti, xumura namoota kafaranii

fi amananii dubbata.

Kanaafu, uumamni samii fi dachii jireenya tanaan ala jireenyi biraa akka jirtu kan

agarsiisuudha. Jireenyi lammataa namni hunduu mindaa itti argatu yoo hin jiraatin,

uumamni samii fi dachii tapha ta’aa jechuudha. Rabbiin subhaanahu tapha irraa kan

qulqullaa’edha. Kanaafi, warroonni xinxallan, “Subhaanaka (Qulqulloofte)!”

jechuun Rabbiin hanqinnaa fi tapha irraa qulqulleessu. Itti aansanii, Guyyaa

Qiyaamaa ibidda irraa akka isaan baraaru kadhatan.

Kanaafu, uumamtootatti xinxalluun Rabbii ofii akka beekanii fi itti amanan, yeroo

hundaa akka Isa yaadatanii fi faarsan nama taasisa. Akkasumas, kaayyoo

wantoonni kunniin itti uumamaniif ni hubatu.

“Yommuu xinxallan ni gorfaman; yommuu gorfaman ni amanan; yommuu

amanan Rabbiin ni gabbaran. Xinxalliin ibaadaa guddaa gabrichi hojjatuudha.[3]”

Rabbiin subhaanahu wa ta’aalaa gara uumama samii fi dachii qofa osoo hin ta’in

uumama keenyattis akka xinxallinu nu kakaasa.

“Sila namni akka Nuti copha bishaan saalaa irraa isa uumne hin arginee?

Yeroma san inni mormaa ifa bahaa ta’ee argama.” Suuratu Yaasin 36:77

Qur’aana keessatti iddoo adda addaatti ilma namaa jalqaba, guddinnaa fi xumura

uumama isaatti akka xinxalluu ni waama. Nafseen isaatii fi uumamni isaa ragaalee


69

gurguddaa gara Uumaa isaa akeekan irraayyi. Wanti hundarra dhiyoon gara namaa

ta’e nafsee isaati. Wantoota ajaa’ibaa Guddinnaa Rabbii agarsiisantu keessa jira.

Garuu namni nafsee ofiitti xinxalluu irraa kan garagalee fi dagateedha. Osoo itti

xinxallee silaa ajaa’ibni inni uumama ofii keessatti arguu kufrii isaatirraa ni

dhoowwaa ture[4]. Rabbiin ni jedha:

“Namni abaarrame! Sila maaltu isa kafarsiisee?

[Rabbiin] waan akkamii irraa isa uumee?[hin xinxalluu?]

Copha bishaan saalaa irraa isa uumee ergasii isa sirreesse.

Ergasii karaa [inni ittiin dhalatu] isaaf laaffise.

Ergasii isa ajjeesee isa awwaalchise. Ergasii yeroo fedhe isa kaasa.” Suuratu

Abasa 80:17-22

70

Mee amma gara nuxfah ija xinxallitiin ilaali. Copha bishaan dadhabaa nama

jibbisiisuudha. Osoo sa’aatin muraasni irra darbe cophni tuni ni baddi, fooliin ishii

ni ajaaya. Gooftaan gooftotaa wanta hundaa beeku fi danda’aa ta’e akkamitti akka

dugdaa fi qoma jidduudhaa baase itti xinxalli. Cophni tuni dandeetti Isaatiif

masakamuu fi fedhii Isaatiif ajajamuun hanga iddoo gahuumsa geessu ajaja Isaatiif

buluun deemti. Cophni dhiiraa fi dubartii keessaa bahan gara gadaamessa deemun

akkamitti akka qubatan mee ilaali. Karaa irra deemanii gadaamessa itti gahan Kan

mijeesseef eenyu? Karaa kana keessa deemun gadaamessa hanga gahanii kan

qajeelchu Rabbiin malee jiraa? Cophni kunniin nafsee fi sammuu hin qaban.

Kanaafu kan isaan qajeelchu barbaachisa.

Cophni wal makaan gadaamessa keessa erga gahee booda wanta adeemsifamu mee

itti xinxalli. Copha akka duumessaa kanarraa dhiiga iititaa taasise. Dhiiga itiita kana

gara muraa foonitti jijjire. Muraa foonii kanarraayis lafee uumuun foon uwwise.

“Kanaafu, tola Rabbii keessanii keessaa kamiin kijibsiiftuu?” Suuratu Ar-

Rahmaan 55:13

Guduunfaa

☛Rabbii ofii beekanii fi itti amananii Isa qofa gabbaruun dhugumatti jireenya

keessatti tasgabbii addaan hin cinne argachuudha.

“Isaan warra amananii qalbiin isaani zikrii Rabbiitin tasgabbooftudha.

Dhaga’aa! Zikrii Rabbiitin qalbiin ni tasgabboofti.” (Suuratu Ar-Ra’ad 13:28)

☛ Karaaleen Rabbii ofii itti beekan, itti amananii fi jaallatan Qur'aanaa fi

wantoota uumamanitti xinxalluudha.

☛ Qur'aanatti xinxalluun sifaata (amaloota) Rabbii olta'aaf maluu fi hin malle,

iimaanaa fi kufrii, tawhiidaa fi shirkii akka addaan baasan nama gargaara.

71

☛ Uumama samii fi dachiitti xinxalluun Guddinnaa fi Dandeetti Khaaliqa akka

hubatan nama gargaara.

☛ Uumama ofiitti xinxalluun maaliif akka uumaman, jireenya tanaan ala jireenyi

biraa akka jirtu fi Dandeetti Khaaliqa akka hubatan nama taasisa.

☛ Rabbiin subhaanahu wa ta'aalaa wantoota samii fi dachii keessa jiran ilmaan

namaatiif erga uumee, akkanumatti osoo isaan hin ajajinii fi hin dhoowwin,

dhumarratti osoo hin qoratin ni dhiisaa? Qorannoo fi jazaan yoo hin jiraatin

bu'aan uumama samii, dachii fi ilma namaa maali ree? Kanaafu, Guyyaan

Qiyaamaa namni wanta hojjateef itti qoratamuu fi mindaa itti argatu jiraachu

qaba.

☛ Namni haala kanaan jireenya yoo ilaale, akkanumatti kan uumame osoo hin

ta'in kaayyoo guddaaf akka uumame ni hubata. Kanaafu, waan gaarii hojjachuu fi

waan badaa irraa fagaachun Guyyaa Qorannootiif of qopheessa.

☛ “Qoratamuun dura of qoradhaa, madaallamuun dura of madaalaa!” Umar ibn

Al-Khaxxaab (radiyallahu anhu).

Kitaabban wabii: [1] Miftaahu Daaru sa’aadah-fuula 530-533, Imaamu ibn Al-Qayyiim

[2] Tafsiirul Qur’aanil Kariim wa i’iraabuhi wa bayaanuh 2/346 Muhammad

Aliyy Xaahaa

[3] Madda olii-345

[4] Miftaahu Daaru Sa’aadah-fuula 539







72

UUMAMA NAMAATTI XINXALLUU-KUTAA 2 FI 3

Dhugumatti Rabbii ofii beekanii itti amanuu fi Isaaf ajajamuun mi’aa guddaa

jireenya tana keessatti namni dhandhamuudha. Hanga fedhe, nyaata mi’aawa haa

nyaatu, qabeenya fedhe haa qabaatu, dubartii fedhe haa fuudhu, mi’aan inni

wantoota kanniin irraa argatu, mi’aa Rabbiitti dhiyaachu irraa argatuun gonkumaa

wal hin qixxaatu. Rabbiin beekuu fi Isaaf ajajamuu irraa gammachuu fi tasgabbiin

argamuu itti fufaa fi yeroo hundaa kan turuudha. Gammachuu fi mi’aan fedhii

lubbuu fi foonii guuttachuun argamuu yeroo gabaabaaf kan turuu fi tarii gara

hadhaatti jijjiramu kan danda’uudha. Kanaafu, namni jireenya keessatti

gammachuu addaan cinne hawwuu, Rabbii isaa beekuu fi Isaaf ajajamuuf

tattaafachu qaba. Akkuma yeroo darbe jennee Rabbii ofii beekuuf sifaata Isaa

beeku fi uumamtoota gara sifaata Isaatti akeekanitti xinxalluudha. Uumamtoota

ajaa’ibaa gara sifaata Rabbii akeekan keessaa tokko ilma namaati. Kutaa darbe irraa

itti fufuun uumama mataa keenyatti ni xinxallina:

Cophni wal makaan gadaamessa keessa erga gahee booda wanta adeemsifamu mee

itti xinxalli. Copha akka duumessaa kanarraa dhiiga ititaa taasise. Dhiiga itiita kana

gara muraa foonitti jijjire. Muraa foonii kanarraayis lafee uumuun foon uwwise.

https://www.sammubani.com/2019/03/15/uumama-namaatti-xinxalluu-kutaa-2ffaa/

73

Amma mee akkamitti kutaa qaamaa wal-qixxaa’aa fi wal fakkaatu kana gara narvii,

lafee, ujumoo dhiigaa fi kan birootti akka qoqqoode ilaali. Ergasii, tokko tokkootti

hidhaa cimaan akkamitti akka walitti hidhee fi hiikamu irraa fagoo akka ta’e mee

ilaali. Akkamitti lafee foon uwwisee fi itti maxxansee. Foon lafeef uffataa fi

eeggumsa taasisee. Lafees foon kan baadhattuu fi kan dhaabdu taasise. Foon lafeen

dhaabbata, lafeenis fooniin eeggamti. Kana hunda kan akkanitti ijaaree Rabbii

Olta’aa malee jiraa?

Ilma namaa kana akkamitti akka boce fi boca isaa akkamitti akka miidhagse mee

ilaali. Gurra, ija, afaan, funyaanii fi qaawa biro ni baasef. Harka lamaanii fi luka

lamaan ni dheeresseef. Fiixee harkaa fi lukaa akkamitti qubbiinitti akka qoqqoode

mee ilaali. Ergasi qubbiniis fiixee kottee ofirraa qaban godheef. Keessa qaamaa

onnee, garaacha, kale, tiruu, sonba, gadaamessa, qaraxixii fincaanii fi mar’imaa

irraa akkamitti akka ijaaree fi hundi isaaniitu hojii mataa isaanii akka qaban mee

itti xinxalli.

Lafee qaamaaf jabeenyaa fi utubaa taatee keessatti ogummaa daangaa darbe mee

ilaali. Khaaliqni hammaa fi boca garagaraa irratti safara lafee murteesse; lafeen

gariin xiqqaa, gariin guddaa, gariin dheeraa, gariin gabaabaa, gariin jallataa, gariin

geengoo, gariin haphii, gariin furdaa, gariin jajjaboo, gariin golbo. Tokko tokko

keessa akkamitti akka seensisee ilaali. Gariin wal keessa seenun walitti maxxanu,

gariin immoo walitti hidhaa qofa. Faaydaa ishii irratti hundaa’e bocni lafee

akkamitti akka gargara ta’e mee ilaali. Fakkeenyaf, kutaa ilkaanii keessaa a’oon

nyaata bulleessuf waan itti fayyadamaniif bal'oo taasifamte. Ilkaan fuunduraa

(qaarriffaan) immoo meeshaa ittiin muran waan ta’eef fiixeen isaa qara.

Namni qaama isaa guutuu sochoosu fi kutaalee qaamaa muraasa naanneessuun

haajaa isaa bahuu waan barbaaduf, lafee isaa lafee tokko hin goone. Kana irra, lafee

baay’ee isaaf godhe. Lafeewwan jidduu wal-qunnamtii taasisuun salphatti akka

socho’uu haala mijeessef. Lafeewwan walitti galanii fi hidhaman kunniin hangaa fi

bocni isaanii sochii barbaadame irratti kan hundaa’edha.

Lafee walitti galan kanniini fi kutaalee qaamaa akkamitti akka jabeesse fi hidhaa

cimaan walitti hidhee mee ilaali. Fiixee lafeewwanii kana irratti dabalata taasisuun

tokko tokko keessa akka seenu fi walitti galoo godhe. Namni yommuu sochii

barbaadu, lafeen walitti galan (gaxaaxamaman) kunniin isa hin didan. Osoo walitti

galuumsi (joint) lafeewwan jidduu jiraachu baate silaa socho’u hin danda’u.

74

Uumama mataatii fi lafee baay’ee inni qabu mee itti xinxalli. Lafeewwan isa keessa

jiran boca, dheerinnaa fi hojii garagaraa kan qaban yoo ta’u baay’inni isaanii hanga

55 gaha jedhama. Rabbiin subhaanahu wa ta’aalaa akkamitti akka ijaare fi akkuma

namni geejjiba isaa yommuu yaabbatu gubbaa taa’u, mataas qaama gubbaa taasise.

Mataan qaama gubbaa irra waan taa’eef, qaamolee miiraa shananii fi meeshaalee

hubannoo biroo isa keessa kaa’e. Dhageettin, argituun, funfachuun, dhandhamuun

mataa irra jiru. Gogaan qaama miiraa tuqaatii waan ta’eef isaa fi qaamoolee biro

haguuga. (Asitti "mataa" yommuu jennuu kutaa mormaa ol jiruudha.)

Qaama miiraa argituu qaamaaf akka waardiyaa, eegdu fi qorataa taatuuf fuundura

mataa godhe. Ija lamaanu baqana torba irraa ijaare. Baqanni hunduu amala, hamma

fi hojii mataa isaa danda’e qabu. Baqannawaan kanniin keessaa baqanni tokko osoo

keessaa bade ykn haalaa fi bakka isaa gadi lakkisee, silaa ijji arguu hin dandeessu.

Ergasii Rabbiin subhaanahu wa ta’aalaa baqana torban kana keessatti uumama

ajaa’ibaa kaa’e. Innis qaroo ijaa gurraatti hanga firii misiraa geessudha. Qaroo ijaa

tanaan wanta bahaa fi dhiya, samii fi dachii jidduu jiru ilaala. Baqanni torban

kunniin, nyaarri fi qoolli ijaa qaroo ijaatiif tajaajiltootaa fi eegdota ta’u. Rabbiin

uumamtoota hunda caale tolti Isaa baay’atte.

Boca fi hanga ijaa akkamitti akka tolche, ergasii haguuggi, eeggumsaa fi

miidhaginna akka ta’uuf nyaaraa fi qoolaan akkamitti akka miidhagsee mee ilaali.

Qoolli ijaa ija irraa miidhaa, awwaara fi xurii eega. Akkasumas, hoo’a fi qorra

baay’ee ija irratti miidhaa fiduu danda’u ittisa. Ergasii fiixee qoola ijaa irratti

miidhaginnaa fi faaydaa birootiif akka tolu rifeensa magarse. Rabbiin subhaanahu

wa ta’aalaa ija xiqqoo tanaaf wantoota samii fi dachii keessa jaran akka argitu

dandeetti kenneef.

75

Rabbiin namaaf qaamaa miiraa dhageetti ni baaseef. Uumama gaarii irratti gurra

uume. Hojii isaa sirnaan hojjata. Sagalee waraabun keessoo gurraatti akka geessuf

ala gurraa golboo taasise. Akkasumas, alli gurraa sochii ilbisootaa namni

hubachuun akka dafee ofirraa oofuuf ni barbaachisa. Qilleensaa fi sagalee erga

sassaabe hamma isaanii hir’isuu fi laaffisuun gara keessotti akka dabarsuuf dhoqa,

boollaa fi gingilchaa godheef. Akkasumas, ogummaan biraa ilbisni yommuu gurra

seenu akka gara keessatti hin dabarree karaa itti dheeresa. Kuni immoo dafee namni

ilbisa san akka of keessaa baasu isa taasisa.

Rabbiin subhaanahu wa ta’aalaa ogummaa Isaatiin dhangala'aa gurraa garmalee

kan hadhaawu taasise. Yommuu ilbiisni gurra seentu hadhaan kuni duubatti

deebisa. Dhangala'aa ijaa immoo kuraawaa taasise. Kunis badiinsaa fi faallama

irraa ija eega. Ijji moora waan taateef dhangalaa’an ishii kuraawaa ta’uun ishii eega.

76

Dhandhama wantoota akka addaan baasuuf dhangala’aa afaanii immoo mi’aawaa

taasise.

Mee haa gaafannu, warroota Rabbiit amanu didan, “Eenyutu akkanatti lafee ijaaree

walitti galchee? Namaaf harkaa luka gochuun fiixee isaanii irratti qubbiin shan

taasisee? Eenyutu ija, gurra fi afaan boca, haala fi amala garagaraa irratti uumee?

Dhangala’oo gurraa hadhaawaa, dhangala’oo ijaa kuraawaa, dhangala’oo afaanii

immoo mi’aawaa hin hadhoofnee fi kuraawaa hin taanee kan godhe eenyuu? Kuni

hundi mataa ofiitiin boca, hamma fi amala ofii murteeffachuu danda’uu? Mataa

ofiitiin kana hunda gochuu waan hin dandeenyeef Rabbii waa hundaa beeku fi

ogeessa ta’etu uumee.

Rabbiin Olta’aan ni jedha:

“Homaa kan hin beekne taatanii garaa haadha keessanii keessaa Rabbiin isin

baase. Akka galateefattaniif dhageetti, argituu fi qalbii isiniif taasise.” Suuratu

An-Nahl 16:78

Rabbiin subhaanahu wa ta’aalaa ilma namaa erga uumee garaa haadhaa keessaa

gara addunyaatti baase. Yeroo kanatti beekumsa wanta jedhamu hin qabu.

Meeshaalee beekumsa ittiin argatuu fi baratuu uumeef. Meeshaaleen kunniinis:

dhageetti, argituu fi qalbiidha. Dhageettin wantoota naannoo jiru dhagahuun gara

handhuura hubannaatti dabarsa. Argituunis wantoota naannoo jiru arguun gara

handhuura hubannaatti dabarsa. Qalbiinis wantoota ijaan mul’atanii fi gurraan

dhagahaman addaan baasti, ni hubatti. Qalbii yommuu jennu foon onnee qaama

keessatti argamuu qofa osoo hin ta’in hiika bal’aa kan qabuudha. Fakkeenyaf,

namni tokko namoonni haala salphaan kan isa gowwoomsan yoo ta’e, “Inni qalbii

hin qabu” jedhama. Asitti qalbii hin qabu yommuu jedhamu onnee qaama keessaa

77

hin qabu jechu miti. Kana irra handhuurri ykn wiirtuun hubannaa isaa dadhabaadha

jechuudha.

Rabbiin subhaanahu wa ta’aalaa dhageetti, argituu fi qalbii kan namaaf uumeef,

akka Isa galateefatanii ganda qananii (Jannata) gahaniifi. Isa galatefachuun kan

ta’u, qaamolee kanniinitti fayyadamuun Isatti amanuu, Isaaf gadi of qabuu fi hojii

gaggaarii hojjachuudha. Fakkeenyaf, namni Rabbiin galateefatu, dhageetti isaatiin

Qur’aana fi dubbii gaarii ni dhageefata. Argituu isaatiin uumamtoota dachii fi samii

keessa jiran itti xinxalluuf ni ilaala, kitaabbanii fi barruulee gaggaarii ni dubbisa.

Ergasii wantoota dhageefatee fi argee kanniin irraa qalbii isaatiin haqa ni hubata.

San booda, Rabbitti amanuu fi Isaaf ajajamuun galata galcha. Yoo akkana godhe,

ganda lamaanitti ni milkaa’a.

Funyaan

Rabbiin subhaanahu wa ta’aalaa funyaan fuula jidduu godhe. Boca, haalaa fi bakka

isaa ni tolche. Qaawwa lama isa keessaan baasee jidduu isaanii addaan baasaa

(barrier) taasise. Qaawwa lamaan kana keessa qaama miiraa fuunfachuu godhe.

Qaama miiraa fuunfachuutiin urgaa’a fi ajaa’a, gaarii fi badaa addaan baasan.

Akkasumas, qaawwi lamaan kunniin qileensa harkisuun onnee geessa. Onneenis

qilleensa kanaan ni haarofti, boqonnaa fudhatti.

Fooli akka hin qabne, hin laaffisnee fi yaa’insa isaa akka hin kunneef keesso

funyaanii akka keessoo gurraa jajallaa fi gingilchaa hin taasisne. Rabbiin olta’aan

funyaan xuriin sammuu keessaa yaa’u iddoo itti walitti qabamu taasise. Xuriin

sammuu keessaa yaa’u funyaan keessatti walitti qabamuun ergasii gara alaatti baha.

Ajaa’ib!!!!

Ogummaa Isaatiin jala caalaa gubbaa funyaanii dhiphaa godhe. Jalli funyaanii

bal’aa ta’uun, xuriin sammuu irraa dhufu isa keessatti walitti qabamuun haala

salphaan gara alaatti akka bahuu gargaara. Akkasumas, qilleensa baay’ee

fudhachuun ergasii hanga onnee gahuu xiqqoo xiqqoon gara olii ol fudhata.

Ogummaa fi rahmata Isaatiin qaawwa funyaanii lamaan cufaan (barrier) addaan

baase. Funyaan ujumoo wanti sammuu irraa dhufe keessa yaa’u fi qilleensa alaa

fudhachuun gara onnee dabarsuu waan ta’eef cufaan kuni qaawwa lamaan jidduu

jiraachuun faayda guddaa qaba. Funyaan keessatti cufaan (addaan baasaan)

78

qaawwa lamaan jidduutti argamu, qilleensi qulqulluun gara funyaanii seenu xurii

sammuu irraa dhufuun akka hin faalamne eega. Yeroo baay’ee dhangala’aan surrii

(mataa) keessaa bahuu qaawwa funyaani tokkoon dhangala’a. Qaawwi biraa

immoo qilleensaaf duwwaa ta’a. Garuu dhangala’aan qaawwa lamaan keessaan kan

dhangala’u yoo ta’e, dhangala’aan gara tokkotti ta’uun qilleensaaf bakka dhiisa.

Funyaan akka ijaa ykn gurraa lama waan hin taaneef qaawwa funyaani bakka

lamatti qoodun barbaachisaa ta’e. Qaawwi tokko osoo miidhamee ykn dhukkubni

tuqe, qaawwi biraa hojii ofii hojjachuun wanta nama barbaachisu galmaan gaha.

Fuula tokko irratti funyaan lama qabaachun wanta nama fokkisuu waan ta’eef

Khaaliqni Beekaa fi Ogeessa ta’e fuunyaan tokko qofa godhe. Garuu qaawwa

lamaan isa keessatti gochuun cufaan addaan baase. Rabbii Gooftaa aalamaa ta’ee

fi uumamtota hunda caalee tolti Isaa baay’atte.

Afaan

Rabbiin subhaanahu wa ta’aala namaaf iddoo isaaf maluu fi gaarii ta’etti afaan

baaseef. Afaan kana keessa faaydaa baay’ee, meeshaalee dhandhamaa, dubbachuu

fi meeshaalee ciniinu, muruu fi bulleessu godhe. Mallattoolee gara Rabbii akeekan

keessaa tokko arraba afaan keessa godhe. Mootii kutaalee qaamaa kan ta’ee qalbiif

arraba tarjumaan (hiikaa) taasisee. Akkuma gurri wantoota alaa walitti qabuun gara

qalbii geessu arrabnis wanta qalbiin feetu fi labsuu barbaaddu irraa fuudhe gara

alaatti baasa. Gurri ergamaa oduu alaa walitti guurun gara qalbii geessudha. Arrabni

immoo ergamaa wanta qalbiin barbaaddu gara alaatti geessudha. Gurri ala irraa

gara qalbii, arrabni immoo qalbii irraa gara alaatti oduu geessa. Subhaanallah!!!

Rabbiin ogummaa Isaatiin ergamaa kana (arraba) eeggamaa fi haguuggamaa

godhe. Akka funyaani, ijaa fi gurraa ifatti kan bahee miti. Kutaaleen qaamaa

kunniin ala irraa gara keessatti odeefannoo waan geessaniif ifatti kan bahanii fi kan

mul’atan taasise. Arrabni immoo qalbii irraa gara alaatti odeefannoo waan baasuf

kan haguuggamuu fi eeggamu taasifame. Gara alatti bahuun homaa hin fayyadu

waan ta’eef.

Akkasumas, arrabni qalbiin booda kutaa qaamaa kabajamaa waan ta’eef isa irratti

daasin ykn waxxeen godhame. Akkuma qalbiin qoma keessatti godhamte, arrabnis

daasi keessa godhame. (Arraba afaan keessatti yommuu ilaallu daasi ykn waxxee

jala waan jiru fakkaata.) Akkasumas, arrabni kutaalee qaama hunda caalaa qaama

79

laafaa fi jiidhaa ta’eedha. Jiidhinna isa marseen malee hojjachuu hin danda’u. Osoo

ifatti kan bahuu ta’ee, silaa hoo’insaa fi gogiinsa hojii isaatirraa dhoowwuf

saaxilamaa ture. Kanaan alatti faaydaalee birootif arrabni afaan keessatti eeggame.

Ergasii Rabbiin subhaanahu wa ta’aalaa ilkaan namaaf faaya, meeshaa jireenyaa fi

soorannaa gochuun afaan miidhagse. Ilkaan gariin meeshaa itti bulleessaniidha,

gariin immoo meeshaa itti cininanii fi muraniidha. Hundee isaa ni jabeesse, fiixee

isaa ni qare, bifa isaa ni addeesse, hiriira isaa tartiiba qabsiisee walitti galoo taasise.

Kana hundarratti immoo gidaara (girgiddaa) lamaaniin ni marsee. Faaydaalee fi

iccitii isaan keessa gochuu qabu ni godhe. Gidaarri lamaan kunniinis hidhii

lamaani. Bifa, boca, haalaa fi bakka isaanii ni tolche. Afaaniif haguuggii taasise.

Akkuma laagaan fagoon iddoo jalqabaa sagaleen qubeewwanii irraa ka’uu taasisee,

hidhii lamaaniis iddoo xumuraa sagaleen itti dhumatu taasisee. Arrabni immoo

jidduu lamaanii ta’uun uumama qubeewwaniitiif gahee ol’aanaa taphata.

Dhugaatiif akka mijaa’uu fi cufanii banuuf akka salphatuuf Rabbiin subhaanahu

ogummaa Isaatiin hidhii foon qofa lafee kan hin qabne taasise.

Kutaa afaanii isa gadii aanu sochiif ni murteesse; sababni isaas, salphaa fi sochiif

waan ta’uuf. Kutaa afaanii gara olii immoo kutaalee qaamaa garmalee barbaachisoo

ta’an waan of keessaa qabuuf socho’uun akka hin miidhamne taasise. Kan socho’uu

fi nyaata afaan keessa oli gadi oofu kutaa afaanii gara gadiiti. Kutaan olii immoo

bakkuma ofii qabatee tura. Rabbiin subhaanahu wa ta’aalaa ni jedha:

“Sila Nuti ija lama isaaf hin goonee? Arrabaa fi hidhii lamas [isaaf hin

goonee]? Karaa lama isaaf ibsine.” Suuratu Al-Balad 90:8-10

Kana jechuun sila ilma namaatiif ija lamaa ittiin ilaalu isaaf hin goonee? Arrabaa fi

hidhi lama ittiin haasawu isaaf hin goonee? Kanarratti dabalatee karaa gaarii, haqaa,

qajeelaa fi karaa badaa, sobaa fi jallataa isaaf hin ibsinee? Kitaabban buusu fi

Ergamtoota erguun karaalee lamaan kanniin ifa goone.

80

Amma mee gara kokkee ilaali! Dhiphinnaa fi bal’innaan, jabinnaa fi laafinnaan,

dheerinnaa fi gabaabbinnaan kokkee boca garagaraa akka qabaattu taasisee uume.

Sababa kanaan, sagaleen namootaa garaagarummaa guddaan garagara ta’an. Darbe

darbee yoo ta’e malee sagaleen lama wal hin fakkaatan. Kanaafi, namni ballaan

ragaan isaa ni fudhatama jenne amanna. Akkuma namni ijaan arguu namoota

suuraa isaanii addaan baasu namni ballaanis namoota sagaleedhaan addaan baasa.

Rifeensa Rabbiin subhaanahu wa ta’aala mataa rifeensan ni miidhagse. Waan isa

barbaachisuuf rifeensa uffata isaaf godhe. Rifeensa bocaa fi hamma garagaraa

qabuun fuulas ni faaye. Nyaaranis ni miidhagse. Nyaarri wantoota gogaa mataa

irraa gara ijaatti bu’u ni eega. Akkasumas, boca nyaaraa marfataa (jallaa) godhe.

Qola ijaas rifeensaan miidhagse. Fuula dhiiraas areeda kabajaa fi dhaabbannaa isaaf

kennuun bareechise. Hidhii lamaanis gubbaan afkarroo, jalaan immoo areeda

magarsuun miidhagse.

Harka, Qubbiini fi Qeensa (Kottee)

Haaluma kanaan harka lamaan meeshaa garmalee barbaachisaa, soorata ittiin

argatuu fi hojii adda addaa ittiin hojjatu uumeef. Qaama isaatirra bakka fedhe akka

gahuuf harka lamaan ni dheeresse. Dachaasu fi diriirsuuf akka isatti tolu ganaa ni

bal’iseef. Qubbiin shan ni godheef. Quba guddaa malee qubbiin hundaa bakka sadii

saditti qoode. Quba guddaa immoo bakka lamatti qoode. Qubni guddaan qubbiin

hundarra akka naannaa’uuf qubbiin afran cinaa tokko, quba guddaas cinaa tokko

kaa’e. Iddoon kaa’umsa iddoo hundarra gaarii dachaasuuf, diriirsuu fi hojii

hojjachuuf toluudha. Namoonni jalqaba irraa kaasee hanga dhumaa walitti

sassaabamuun bakka kanaan alatti bakka irra gaarii qubbiin kaa’uuf osoo yaadanii

81

gonkumaa gochuu hin danda’an. Rabbii akkanatti qubbiin godheef tolti Isaa

baay’atte! Osoo fedhee silaa qubbiin shanan akka saanii dundumaa gochaa ture.

Silaa namnis hojii isaa garagaraa kanneen akka barreessu, bocu, qotuu fi kkf

gochuu hin danda’u ture. Qubbiin ofii yoo diriirse akka saanii ykn tirii ta’uun wanta

fedhe irraa kaa’a. yoo dachaase immoo meeshaa ittiin dhayuu ta’aaf. Diriirsuu fi

dachaasu jidduu yoo godhee immoo akka fal’aana waa itti nyaatu fi waan fedhe

ittiin guutuu ta’aaf.

Miidhaginna, jabeenyaa fi eeggumsa akka ta’uuf fiixee qubbiinii irratti kottee

(qeensa) godhe. Wantoota xixiqoo fi haphii qubbiin dhaqqabuu hin dandeenye

dhaqqabuuf qeensi barbaachisaadha. Namaan ala bineensotaa fi allaattiwwaniif

kottee meeshaa waraanaa fi soorataa godhe. Namni yeroo barbaadu akka qaama

isaa ittiin hooquf qeensa godheef. Kotteen kutaalee qaamaa keessa isa xiqqaa fi

tufatamaa ta’e kuni osoo dhabamee fi ergasii namni qaama ofii hooqu yoo

barbaade, silaa haajaan inni kotteef qabuu garmalee itti cima. Qaama hooquf bakka

kottee wanti bakka bu’uu osoo jiraachu baatee ergasii harka isaa bakka san hooquf

dheeresse, hanga kottee homaa isa hin fayyadu.

Dabalata waa’ee qubaa ilaalchisee Qur’aanaa fi Saayinsii irraa:

“Sila namni lafee isaa walitti hin qabnuu yaadaa? Eeyyen [walitti ni qabna].

Fiixee qubbiin isaatu akka turanitti deebifnee sirreessu irratti Danda’oodha.”

Akkuma irranatti jenne uumamni qubbiinii uumama ajaa’ibaa Dandeetti fi

Tokkichummaa Rabbii olta’aa agarsiisaniidha. Ashaaraa qubbiinii namoota lamaa

addunyaa keessatti yookiin inuma seenaa keessatti wal hin fakkaatan. Namoonni

biliyoonatti lakkaawaman dachii irra jiran ashaaran quba isaanii wal hin fakkaatu.

Inuma namoonni lakkuu dhalatan ashaaraa wal fakkaatu hin qaban. Kanaafi,

biyyoonni addunyaa hundi eenyummaa namaa beekuuf ashaaraa qubaatti

fayyadamu. Biyyoota garii keessatti yuniversitii, hospitaala, buufata xiyyaaraa fi

iddoo adda addaatti ashaara fayyadamu.

82

Ashaaraa (Fingerprint)

Fiixee qubaatin meeshaa ashaaraa yoo tuqan, eenyummaa nama ni baasa.

Namoonni kumaatamatti lakkaawaman meeshaa kana tuqan ashaaraan isaanii

gonkumaa wal hin fakkaatu. Eenyutu akkanatti qubbiin namoota biliyoonatti

lakkaawaman ashaaraa isaanii garagara godhee? Dhugumatti, Rabbii waan hundaa

beeku, ogeessa ta’e malee eenyullee gochuu hin danda’u. Inni waan hundaa irratti

Danda’aa, Beekaadha.

"Mootummaan samii fi dachii kan Rabbiiti. Rabbiin waan hundaa irratti

Danda'aadha." Suuratu Aali-Imraan 3:189

Kitaabban wabii: Miftaahu Daaru sa’aadah-fuula 541-550, Imaamu ibn Al-Qayyiim

Men and The Universe-hiika boqonnaa muraasaa kitaaba armaan olii-fuula 11-26


https://www.kalamullah.com/ibn-qayyim.html

83

UUMAMA NAMAATTI XINXALLUU-KUTAA 4

Jireenya tana keessatti wanti guddaan ilmi namaa dheebotuuf gammachuu fi

tasgabbii argachuudha. Mi’aa tasgabbii dhandhamuuf hojii adda addaa hojjata.

Garuu hojiin inni hojjatu hundi mi’aa inni barbaade isaaf hin fidu. Dhugumatti,

karaan guddaa fi tokkichi mi’aa tasgabbii dhugaa ta’e jireenya keessatti itti

dhandhaman, Rabbii nama uumee beekuu fi Isaaf buluudha. Kanaan ala, Rabbiin

irraa fagaachun mi’aa tasgabbii nan dhandhama jedhee namni karaa biraa barbaadu,

abadan mi’aa tasgabbii barbaadu san hin argatu. Tarii yeroo muraasaaf argachuu

danda’a, garuu yeroo murtaa’a booda mi’aan suni ni bada. Mi’aa tasgabbii itti fufaa

kan argatan Mawlaa (Rabbii)tti dhiyaachuuni. Mawlaatti dhiyaachuun gadda,

yaaddoo, dhiphinna fi yaada sobaa namarraa oofun tasgabbii qalbii irratti

dhangalaasa. Yaa nama mi’aa kana argate, Mawlaa keetiif ajajamuun mi’aa

tasgabbii irratti mi’aa san caalu dabaladhu. Yaa nama mi’aa kana hin arganne,

Mawlaa kee beekuu fi Isaaf ajajamuuf tattaafadhu. Guyyaa tokko atis mi’aa kana

ni dhandhamtaa abdii hin kutin. Kutaa darbe keessatti uumama keenyatti

xinxalluun Rabbii keenya beekuuf tattaafachaa turree jirra. Har’as itti fufna;

Ijaarrama Lafee

Mee ilaali lafeen qaama keetii akkamitti akka ijaarrame. Lafeewwan hidhaa gadi

jiran fufurdaa fi jajjabaatadha. Sababni isaas qaama baadhachuun bu’uura ta’u.

Lafeewwan hidhaa olii immoo waan baadhatamaniif hammaan salphaadha. Morma

akkamitti mataaf geejjiba irra taa’u akka godhee mee ilaali. Mataan namaa morma

irra yommuu taa’u akka waan wanta yaabbatamu irra taa’eti. Morma dugugguruu

torba golboo fi naannawaa ta’an irraa ni ijaare. Ergasii tokko tokkorratti ni

maxxanse. Dugugguruu tokko dugugguruu biraa irra gochuun akka dugugguruu

tokko taatetti akkamitti ijaarsa ajaa’ibaa akka ijaaree mee ilaali. Ergasii morma,

dugdaa fi laphee irra godhe.


84

San booda morma, gateetti irraa kaasee hanga taa’aa gahuutti lafeewwan

dugugguruu wal keessa seenan digdami afur irratti ijaare. Lafeewwan dugugguruu,

lafee cinaachaa qabuu fi bakkaa akka hin sochoone fi hin bittinoofneef gahee

ol'aanaa taphatu. Lafeewwan kanniin tokko tokkotti akkamitti akka hidhee fi wal

qabsiisee mee itti xinxalli. Lafee dugdaa lafee lapheetti, lafee ceequ lafee irreetti,

lafee irree lafee ciqileetti, lafee ciqilees lafee harkaa fi qubbiinitti hidhe (qabsiise).

Lafee babala’oo akka lafee dugdaa fi mataa foon isaaniin wal gituun akkamitti akka

uwwisee mee itti xinxalli. Akkasumas, lafee haphii kan akka qubbiinii foon isaaniif

ta’uun uwwise. Haaluma kanaan lafee giddu galeessaa kan akka irree fi ciqilees

foon isaaniif maluun uwwise. Ogeessi fayyaa lafeen yoo miidhamte suphuuf,

85

lafeewwan kunniin akkamitti akka ijaarraman ni ilaala. Namni xinxallu immoo

Guddinna Hojjataa fi Uumaa lafee, Ogummaa, beekumsaa fi rahmata Isaa ittiin

beekuu fi dinqisiifachuuf ilaala. Garaagarummaan ilaalcha lamaan jidduu jiru

hangam guddaadhaa!

Walitti Hidhaa-Ligament Ergasi Rabbiin subhaanahu wa ta’aalaa kutaalee qaamaa kanniin hidhaa cimaan

walitti hidhee jabeesse. Akka funyoo waa hiitu, qabduu fi eegdu godhe.

Hidhaawwan kanniin hanga lakkofsi isaanii 529 gahuutti ni baay’ise. Bakka irratti

hundaa’e furdinnaa fi haphinnaan, dheerinnaa fi gabaabbinnaan, qajeelinnaa fi

jallinnaan gargar taasise.

Hidhaawwan kanniin keessaa digdamii afur ija sochoosuu, banuu, cufuu fi arguuf

meeshaa taasiseef. Isaan keessaa hidhaan tokkichi osoo bade silaa dhimmi ijaa

hojiin ala ta’a. Kutaalee qaamolee birootiifis haaluma kanaan hidhaa kanniin

meeshaa ittiin socho’u fi wanta fedhee ittiin hojjatu godheef. Copha bishaan

86

dadhaba irraa kuni hojii Rabbii Ogeessaa ta’eeti, safara Rabbii Injifataa fi beekaa

ta’eti. Warroota kijibsiisaniif fi hin amanneef ee badii isaanii![1]

(Namni mee uumama ofiitti haa xinxallu. Lafee kanniin eenyutu akkanatti walitti

galchee qaama guutuu taasisee? Lafeen takka osoo badde qaamni hojii isaa sirnaan

gaggeessu hin danda’u. Wantummaan xiqqoon takka qaama keessaa baduun

dhiibbaa guddaa fida. Kanaafu, eenyutu akkanatti lafee kanniin hidhaa cimaan

walitti hidhe? Sheyxaanni sitti hasaasun "pirootinii fi kaalshiyeemi" akka hin

jennee! Pirootinii fi kaalshiyeemin hammaa fi lakkoofsa lafee murteessuun bakka

isaaniif maluutti galchuu ni danda’uu? Lafee hundaafu boca isaaniif maluu kennuu

danda’uu? Dhugaa kana hubachuuf mee ijaarsa manaa ilaali. Manni bilooketti,

mismaari, qorqoorroo fi wantoota garagaraa irraa ijaarrama. Kanniin keessaa

manaaf humna cimaa kan ta’uu bilookeettidha. Bilookeettin kuni immoo bishaan,

ashawaa fi simintoo irraa hojjatama. Yoo namni wantoota kanniin walitti makuun

bilookeetti hin hojjatin, bilookeettin ofiin of hojjatuu danda’aa?

Amma qaama namaa ilaali. Qaamni namaa lafee, foon, moora, kottee fi kan biro

irraa kan ijaarrameedha. Kanniin keessaa qaamaaf humna cimaa kan ta’u lafeedha.

Lafeen pirootini fi kaalshiyeemi irraa akka ijaarramu saayinsin nutti hima.

Pirootinii fi kaalshiyeemiin nyaata nyaannu irraa kan argamaniidha. Amma of haa

gaafannu, akkuma bilookettin mataa ofiitiin bishaan, ashawaa fi simintoo irraa

hojjatamu hin dandeenye, lafeen namaa kunis ofiin pirootinii fi kaalshiyeemi irraa

hojjatamuu danda’a?

Ammas itti haa fufnu, bilookeettin, mismaari fi qorqoorron ofumaan walitti

dhufanii mana guddaa kana ijaaru danda’uu? Foddaa, balbala, halluu dibuu fi

kutaalee manaa biroo ofiin gochuu fi murteessu danda’uu? Kanaafu, kan duubaa

ijaaru fi bareechisu jiraachu qabaa miti ree? Haaluma kanaan, qaama namaa kana

keessatti lafeewwan ofumaan walitti dhufanii bakka isaanif maluu qabachuu

danda’uu? Akkuma bilookettin walitti dhufuun mana bifti isaa bareedaa, balbalaa

fi maskooti qabuu ijaaru hin dandeenye, lafeenis walitti dhufuun nama bareeda ija,

gurra, funyaanii fi afaan qabuu uumuu danda’u?

Kanaafu, kuni hundi ofiin of uumuu fi of sirreessu waan hin dandeenyeef kan

duubaa isaan sirreessu fi uumutu jira. Innis Rabbii ogeessa, beekaa ta’eedha.

Ogummaa fi beekumsa Isaatiin boca, hammaa fi lakkoofsa lafee ni murteessa.

87

Bakka isaaniif malutti walitti galcha. Hidhaa cimaan walitti hidha. Mee ilaali

qubbiin kee, mee ilaali lukaa fi harka kee! Mee daaw’itiin ija, gurraa fi funyaan

kee ilaali! Hammi fi bocni isaanii wal fakkaataa? Eenyutu akkanatti bakka isaaniif

maluu gochuun si miidhagsee? Rabbii Tokkicha malee kan biraa jechuu

dandeessaa? Osoo karaa irra deemtu mana garmalee bareedaa yoo agartee, abbaa

mana san ijaare ni dinqisiifatta moo ni dhiistaa? Namni mana kana ijaare ogeessa

cimaadha jechuun ni dinqisiifatta. Mee ilaali qaama kee Rabbiin Guddaan,

ogeessaa fi beekaa ta’e akkamitti akka si ijaare! Ijaarsi qaama namaa Guddinna,

Ogummaa fi Beekumsa Rabbii Olta’aa kan agarsiisuudha. Rabbiin qulqullaa’e,

Inni Tokkicha fakkaataa hin qabneedha.)

Rabbiin olta’aan ni jedha:

“Dhugumatti nama dhaabbi irra gaarii ta’ee keessatti isa uumnee jirra.”

Suuratu At-Tiin 95:4

Kana jechuun nama suuraa gaarii fi boca bareedaa irratti, uumama guutuu kutaalee

qaamaa walitti galoo qabu fi dhaabbata qajeelaa irratti isa uumne. Rabbiin

subhaanahu wa ta’aalaa uumamtoota ilma namaatin ala jiran kanneen akka

beelladotaa fi bineensotaa mataan kan gadi jedhan godhee uume. Nama immoo ol

qajeelaa sirnaan dhaabbatee kan deemu godhee uume. Arraba ittiin dubbatu, harkaa

fi qubbiin ittiin waa qabu uumeef. Sammuu wanta fedhee ittiin hojjatuun isa

miidhagse. Beekumsa, fedhii, ogummaa fi kkf ni kenneef. Keessaa fi alaan isa

bareechise. Qananii guddaa kana hundaaf galata galchuun hin barbaachisuu ree?

Garuu namoonni baay’een qananii kanaaf Rabbiif galata galchuu irraa maqanii

taphaa fi wanta faaydi hin qabneen of ko’oomsanii jiru[2].

Kitaabban Wabii: [1] Miftaahu Daaru sa’aadah-fuula 550-551, Imaamu ibn Al-Qayyiim


[2] Tafsiir Sa’diyyi 1097 , Tafsiirul Qur’aanil Kariim wa i’iraabuhi wa

bayaanuh 10/651 Muhammad Aliyy Xaahaa










88

UUMAMA NAMAATTI XINXALLUU-KUTAA 5

Namni ija, qalbii fi sammuu ofii banuun uumama ofiitti yoo xinxalle haqa tokkorra

ni gaha. Garuu haqa kanarra gahuuf wantoota meeshaalee xinxallii irratti dhiibbaa

fidan irraa of qulqulleessuf tattaafachu qaba. Meeshaaleen xinxalliif gargaaran, ija,

gurra, qalbii fi sammuudha. Wantoonni meeshaalee xinxallii irratti dhiibbaa fidan

gurguddaan, badii fi fedhii qullaa hordofuudha. Fedhiin qullaan: of tuuluu, wanta

sobaa abbootii fi namoonni naannoo irra jiran irratti goguu, hinaafu (waanyu),

jibbaa, faaya addunyaatiin sobamu fi kkf. Dhugumatti, namni qalbii fi sammuu

qulqulluun uumama ofiitti yoo xinxalle, haqni isaaf banama, jireenya gammachuu

gaggeessa. Garuu sammuu fi qalbii isaa haqaaf yoo hin baniin balballi haqaa fi

milkaa'innaa akkamitti banamaaf? Kutaa darbe irraa itti fufuun uumama keenyatti

ni xinxallina.

Onnee (Qalbii)

Mee amma gara onnee ilaali. Ajaa’iba meeqa agartaa! Rabbiin ogummaa fi

beekumsa Isaatiin onnee tana bakka lamatti hire. Tokko gara mirgaa, tokko immoo

gara bitaa. Ammas gubbaa jalaan goloota dhiiga itti fudhattuu fi baastu godheef.

Bitaa mirgaan golli lamaan gubbaan dhiiga fudhatu. Maqaan isaanii atriya bitaa fi

mirgaa jedhamu. Atriyan bitaa dhiiga sonba irraa fudhata. Atriyan mirgaa immoo

qaamolee hafan irraa dhiiga fudhata. Ammas, bitaa mirgaan golli lamaan jalaan

dhiiga onnee keessaa baasun gara qaamatti raabsu. Maqaan isaaniis ventiriklis

bitaa fi mirgaa jedhamu. Ventiriklin mirgaa dhiiga onnee irraa gara sonbaatti

raabsa. Vertikliin bitaa immoo dhiiga onnee irraa gara qaamolee hafanitti raabsa.


89

Fakkii 1: Goloota onnee fi ujumoowwan dhiigaa

Rabbiin guddaan goloota afur onneef erga godhee ujumoowwan dhiiga itti

fudhattuu fi baastu godheef. Mee ilaali ajaa’iba hojii Rabbii olta’aa. Ujumoowwan

dhiigaa qaama irraa gara onnee geessan veens (veins) jedhamu. Ujumoowwan

onnee irraa gara qaamaa dhiiga raabsan immoo artarii (arteries) jedhamu[1]. Mee

amma of haa gafaannu eenyutu akkatti onnee daqiiqa takka keessatti si’a 70-80

dhikkistuu jalaa gubbaan golootaa fi ujumoolee godheef? Mee sirriitti itti xinxalli

ujumoowwan hundaa ol qajeelchee gubbaan wal keessa galche. Ujumoo homaatu

jalaan itti hin maxxanse.

91

Fakkii 2: Onneen cinaa fi gubbaan yommuu mul'attu

Mee ilaali ogummaa Khaaliqaa! Ilmi namaa onnee guutuu uumuu dhiisii osoo

ujumoon takka buqqaate itti deebisuu danda’aa? Onneen namaa tuni motora guddaa

ilma namaati. Guyyaatti si’a 100,000 dhikkisti, waggaatti immoo si’a miliyoona 40

dhikkisti. Qaamaaf dhiiga qulqulluu oksijinii fi dhangaalee nyaatatiin badhaadhe

dhiyeessuunii fi xurii keessaa qulqulleessuun fayyummaa qaamaa eegdi. Maashinii

kamtu hojii onneen xiqqoon tuni hojjatu hojjataa? Kuni ogummaa, beekumsaa fi

Dandeetti Rabbii olta’aa kan agarsiisudha.

Mee gaafadhu nama Rabbitti hin amanne, kuni ofiin of tolche moo kan duubaa isa

tolchutu jiraa? Mee haa ilaallu motora konkolaataa. Motorri konkolaataa ujumoo

aaraa fi beenzila itti seensisuu fi baasu qaba. Beenzilli yommuu motora seenu

sababa sochiitiin gubachuun haala aaraatiin baha. Bakka beenzilli itti gubatuu fi

ujumoo kanniin kan godheef eenyu? Motorri fi ujumoowwan kunniin ofumaan of

hojjachuu danda'u? Namni kuni, "Hin danda'an, namatu hojjate" jedhee ni deebisa.

Haaluma kanaan onnee fi ujumoowwan kunniin ofumaan of uumuu danda'uu?

Namni onnee uumuu hin danda'u. Kanaafu, Kan duubaa onnee tana uumuu fi

too'atu jiraachu qaba. Innis Rabbii Ogeessaa Beekaa ta'eedha. Ogummaa fi

beekumsa Isaatiin onnee namaa tanaa haala fi boca ajaa’ibaatiin uume. Kana booda,

Rabbii akkanitti nama uumeef harka kennuu fi ajajamuu malee of-tuuluu fi

finciluun namarraa bareedaa?

Sammuu

Ajaa’ibni sammuus himamee hin dhumu. Iccitii isa keessa jiru guutuu qorattoonni

qoratanii waliin gahuu hin dandeenye. Rabbiin subhaanahu wa ta'aalaa sammuus

kutaa gurguddaa sadiitti qoode. Isaaniis: serebrami, serebelami fi hundee sammuu

(brainstem). Serebramiin kutaa sammuu isa guddaa ta’ee fi walakkaa bitaa fi

mirgaatti kan qoodameedha. Walakkaaleen bitaa fi mirgaa kunis kutaalee xixxiiqoo

adda addaatti kan qoqqoodamaniidha.

92

Fakkii 3: Fakkii sammuu ilma namaa

Ammas mee itti xinxalli! Bocni sammuu wal keessa kan galee fi bareededha.

Eenyutu akkanatti boca isaa sirreesse fi bareechisee? Kana yommuu ilaallu

ogummaa fi beekumsi Rabbii daangaa akka hin qabne ni beekna. Wantoota hundaa

irratti Danda'aa fi Beekaa akka ta'e ni hubanna. Ogummaa jechuun wanta tokko

bakka isaaf maluu kaa'udha. Wanta tokko bakka isaaf malu kaa'uuf beekumsaa fi

dandeetti barbaachisa. Kutaalee sammuu kana bakka isaaf maluu kaa'un, hojii isaaf

malu akka hojjatu taasisuun, bocaa fi hamma isaa sirreessuu fi murteessun

Ogummaa, Dandeetti fi Beekumsa Rabbii olta'aa agarsiisa.

Hariiroo Onnee (qalbii) fi Sammuu Onnee fi sammuun dhiigaa fi odeefannoo wal jijjiruun gahee ol’aanaa taphatu.

Afaan oromootiin jechi onnee jedhu erga gabaaba dabarsa. Garuu jechi qalbii

jedhu ergaa bal’aa dabarsa. Onnee jenne yommuu dubbannu, yaanni jalqabaa nutti

dhufu foon xiqqoo qaama keessatti dhiiga raabsituudha. Garuu qalbii yommuu

93

jennu yaadonni baay’een nutti dhufu. Kanaafu, yaad-rimee bal’aa akka dabarsuuf

hiika Qur’aanaas ta’i hog-barruwwan Islaamaa keessatti jecha qalbii jedhu osoo

fayyadamne irra gaariidha. Eeti, qalbiin hiika “onnee” jedhus kan qabduudha.

Garuu kana caalaa yaada bal’aa of keessatti qabatti.

Qalbii fi sammuu jidduu hariiroon guddaan akka jiru hayyoonni Islaamaa fi

saayinsin ammayyaa ni akeeku. Miironni akka jibbuu, jaallachuu, dallansuu,

hinaafu, sodaachuu fi kkf qalbii keessatti uumamu. Wanta tokko hubachuu fi itti

yaadun qalbii keessatti jalqabuun sammuu keessatti bilchaata. Ergasii namni yaada

sammuu keessatti bilcheesse kana hojii irra oolcha ykn ni dhiisa. Kanaafu, qalbii fi

sammuun yeroo hundaa wal-qunnamti addaan hin cinne adeemsisu. Odeefannoo

wali dabarsuun yaada, amala fi adeemsa namaa keessatti gahee ol’aanaa taphatu.

Islaamaa keessatti qalbiif iddoon guddaan kennameefi jira. Sababni isaas, qalbiin

wiirtuu amantiin, niyyaan, jaallachuun, jibbuun, dallansuu fi miironni biroo irraa

ka’aniidha. Hojiin namaa amantii (iimaana) fi niyyaa qalbii keessa jiruun

madaallama. Amantii fi niyyaan isaa gaarii yoo ta’e, hojiin isaa Rabbiin biratti

fudhatama argata. Amantii fi niyyaan isaa gaarii yoo hin ta’in immoo fudhatama

hin argatu. Kanaafu, milkaa’inni guddaan kan argamu wanta qalbii keessa jiru yoo

too’atanii fi karaa qabsiisaniidha. Nabii Ibraahim (aleyh salaam) akkana jechuun

du’aayi akka godhe Qur’aanni nuuf hima:

“Guyyaa isaan kaafaman na hin salphisin. Guyyaa qabeenyi fi ilmaanis homaa

hin fayyanne. Nama qalbii qulqulluun Rabbitti dhufe malee.” Suuratu Ash-

shu’uraa’i 26:87-89

Lugaa keessatti salphinni hiika adda addaa qaba:

Hiikni 1ffaan-Sharrii, balaa, adabbii fi musiibaa keessatti kufuu

Hiikni 2ffaan- wantoota fokkuu, badii fi yakkaan ifatti saaxilamuu

94

Hiikni 3ffaan: sababa xiqqeenyaa fi salphinni namatti bu’eef garmalee qaana’u

ykn saalfachuu [2].

“Guyyaa isaan kaafaman na hin salphisin.” Kana jechuun Yaa Rabbii! Guyyaa

Qiyaamaa uumamtoonni Murtiif kaafaman san na hin adabin, na hin salphisin.

Guyyaa Qiyaamaa qabeenyis ta’ee ilmaan nama hin fayyadan, nama qalbii

qulqulluun dhufe malee. Qalbu saliim (qalbiin qulqulluun) qalbii wantoota badoo

lama irraa qulqulluu taatee fi wantoota gaggaarii lamaan ibsamteedha[3].

Wantoonni badoon lama:

1ffaa- wantoota iimaana faallessan kanneen akka kufrii, shirkii, shakkii fi nifaaqa

irraa qulqulluu ta’uu.

2ffaa- Shahwaata irraa qulqulluu ta’uu- kana jechuun fedhii lubbuu badaa fi

qullaa hordofuu irraa qulqulluu ta’uudha. Kanneen akka badii gurguddaa.

Fakkeenyaf, bid’aa (wanta haarawa amanti keessatti uumuu), zinaa, hanna,

lubbuu haqa malee ajjeesu, qabeenya namaa haqa malee nyaachu fi badiwwan

biroo. Ammas, amaloota badaa akka riyaa (na argaa), of tuulu fi kkf irraa

qulqulluu ta’uudha.

Wantoota gaggaarii qalbiin qulqulluun ittiin ibsamu qabdu

1ffaa- Iimaana-kuni dhugaan amanuu, iklaasa, sodaa Rabbii, Isa jaallachuu fi

hojiiwwan qalbii biroo kan hammatuudha.

2ffaa- Shari’aa hordofuun hojii gaggaarii hojjachuu- wanta dirqamaa fi

jaallatamoo shari’aan Islaamaa itti nama ajaje hojjachu. Fedhii fi yaada ofitiin

osoo hin ta'in akkaataa shari'aan itti nama ajajeen hojjachu. Jecha biraatiin,

Ergamaa Rabbii (SAW) hordofuu.

Kanaafu, namni qalbii isaa kufrii, shirkii, nifaaqa, shakkii fi badiiwwan gurguddoo

biroo irraa qulqulleessee fi iimaanaan of faayee Guyyaa Qiyaamaa dhufe, qabeenya

karaa Rabbiin hayyameen argachuun karaa kheeyri irratti baasetti ni fayyadama.

Qabeenya kana karaa halaalaatiin argatee karaa kheeyrii irratti yoo baase, Guyyaa

Qiyaamaa mindaa (ajriitti) ni fayyadama. Haaluma kanaan, ilmaan isaa Islaama

irratti yoo guddise, mindaa ifaajee isaa galmee isaa keessatti ni argata. Du'aayi

ilmaan isaa isaaf godhan irraayyis ni fayyadama[2]. Kanaan alatti, namni kufrii,

shirkii, nifaaqa irraa of hin qulqulleessin, qabeenyaa fi ilmaan isaatirraa homaa hin

fayyadamu.





95

Maddoota Wabii:

[1] https://www.myvmc.com/anatomy/cardiovascular-system-heart/

https://mayfieldclinic.com/pe-anatbrain.htm

[2] Ma’aariju at-tafkuri wa daqaa’iqu at-tadabburi 8/634, Abdurahman Habanka

[3] Bidaa’u tafsiir 2/275-276, Imaamu ibn Al-Qayyim

Men and The Universe- fuula 36

https://www.academia.edu/35252218/The_Concept_of_Heart_in_Islam_and_its_

Relevance_to_Islamic_Psychology

https://www.heartmath.org/articles-of-the-heart/the-math-of-heartmath/heart-

intelligence/

https://quantumlifesource.com/heart-brain-connection/

https://www.myvmc.com/anatomy/cardiovascular-system-heart/

https://mayfieldclinic.com/pe-anatbrain.htm






https://www.academia.edu/35252218/The_Concept_of_Heart_in_Islam_and_its_Relevance_to_Islamic_Psychology



https://www.heartmath.org/articles-of-the-heart/the-math-of-heartmath/heart-intelligence/

https://www.heartmath.org/articles-of-the-heart/the-math-of-heartmath/heart-intelligence/

https://quantumlifesource.com/heart-brain-connection/

96

UUMAMA NAMAATTI XINXALLU-KUTAA 6

Akkuma gabrichi Gooftaa Isaa beekuuf tarkaanfi fudhatuu fi Isaaf ajajamuun mi’aa

iimaanaa dhandhamaa adeema. Akkuma iimaanaa dhandhamuun gammachuu fi

tasgabbiin gara hundaan isa marsu. Gammachuu fi tasgabbiin iimaana irraa

argamuu garmalee guddaa ta’uu irraa kan ka’e jecha ittiin ibsu hin qabu. Abbuma

iimaana dhandhametu kana beeka. Akkuma gabrichi hiyyeessi fi dadhabaan gara

Rabbii Dureessaa fi Jabaatti dhiyaatuun ulfaatinni, dhiphinni fi gadadoon jireenyaa

hir’ataafi adeema. Garuu kana jechuun maallaqa fi qabeenya baay’ee ni argata

jechuudhaa? Tarii argachuu danda’a. Haa ta’uu malee, wanta qabeenya caalu

argata. Innis, tasgabbii fi gammachuu qalbiiti. Qabeenya addunyaa guutuu osoo

walitti qabanii tasgabbii fi gammachuu kana bituuf tattaafatanii, gonkumaa bitu hin

danda’an. Kanaafu, gabrichi akkuma Mawlaatti dhiyaatun wanta maallaqaan

gonkumaa hin bitamne argata. Innis tasgabbii fi gammachuu namni hunduu

dharra’uudha. Maal qaba Rabbii ofiitiif ajajamanii tasgabbii fi gammachuu tana

osoo bitatanii. Gabayaan banaadha. Garuu gatii ishii kafaluu didan malee. Gatiin

tasgabbii fi gammachuu, Rabbitti, Aakhiraatti fi hundeewwan iimaana hafanitti

amanuu fi Isaaf ajajamuudha. Har’as uumama keenyatti xinxalluu itti haa fufnu.

Kuni iimaana keenya dabaluun wanta guddaa jireenya keessatti dharraanu akka

argannuu nu taasisa.

Mee ilaali ajaa’iba sirna nyaata daakuu keessa jiru! Nyaanni nuti nyaannu akkamitti

daakamuun gara dhiigaa fi anniisaatti jijjiramaa? Nyaata booda xuriin hafee

akkamitti gara alaa bahaa? Wantoota kana galmaan akka gahuuf Rabbiin Guddaan

akkamitti meeshaa nyaata daaku fi bulleessu nama keessatti akka uumee ilaali.

Namni sirriitti itti xinxalluu Ogummaa fi Beekumsaa Rabbii Guddaa ni arga.

Nyaata afaan keessa erga kaayannee, ilkaan ni bulleessa, xannachoonni anchufaa

anchufa burqisiisuun nyaata jiisu. Arrabni nyaata afaan keessa oli gadi oofun gara

kokkeetti dhiiba. Mee ilaali afaan akka garaachaa garmalee bal’aa hin goone, akka

ujumoos garmalee dhiphaa hin goone. Bal’inna afaanii jidduu galeessa gochuun

akka nyaata fudhatuu fi gara keessaatti dabarsu taasise. Nyaanni erga afaan

keessatti daakkamee gara ujumoo nyaatatti darba. Ujumoon nyaataa nyaata

baadhachuun gara garaachaatti dabarsa. Dhuma ujumoo nyaataa irratti wanti akka

geengoo isfiniktar (sphincter) jedhamu ni argama. Isfiniktariin kuni dhuma ujumoo

nyaataa cufuun nyaanni garaacha keessatti akka qabamu taasisa. Eenyutu akkanatti

tolchee?

https://www.sammubani.com/2019/03/30/uumama-namaatti-xinxallu-kutaa-6/

97

Garaachi wanta akka qubee J fakkaatuu fi nyaata kuusuuf kan ooludha. Akkuma

rootton bishaanii yeroof bishaan kuusu, garaachis yeroo muraasaf nyaata ni kuusa.

Garaachi nyaata kuusu qofa osoo hin ta’in, nyaata walitti makuu fi sochoosun,

asiidi fi inzaayimii burqisiisuun nyaata daran ni bulleessa. Mee itti haa xinxallinu,

nuti mataa keenyaan hamma fi boca garaachaa murteessu dandeenyaa? Namni biraa

nuuf murteessu danda’aa? Kanaafu, eenyutu akkanatti hammaa fi boca isaa

murteessaa? Eenyutu gubbaan ujumoo qal’aa, jalaanis ujumaa qal’aa itti galchuun

sirna daakkaa nyaataa akka adeemsisuu taasisaa? Kuni ofiin walitti galuu danda’aa?

Deebiin keenya, Rabbii olta’aa Ogeessaa fi beekaa ta’e malee kan biraa ta’uu

danda’aa? Ogummaa fi Beekumsa Isaatiin ujumoowwanii fi garaacha akkamitti

akka walitti galchee mee ilaali.

98

Ammas itti fufuun ajaa’iba tiruu fi afuuffeen hadhooftuu qaban ilaali. Tiruun

hojiiwwan baay’ee qabdi. Garuu hojiin ishii guddaan dhiiga dhinbiibu fi hadhooftu

maddisiisuudha. Hadhooftun maddite tuni qaraxiixii ykn afuuffee naannawa tiruu

irratti argamu keessatti ni kuufamti. Ergasii qaraxixii keessaa gara mar’imaa qal’aa

yaa’un nyaata akka fooni bulleessiti. Nyaanni inzaayimi Pankiriisii keessaa burquu

fi hodhooftu tiruu keessa burquun mari’aama qala’aa keessatti garmalee erga

bullaa’e booda qaamni ni xuuxa.

Xuuxamuun nyaataa garaacha keessatti jalqaba. Garuu xuuxamni baay’een

mari’amaa qal’aa keessatti adeemsifama. Mar’imaan qal’aan rukkinnaan kan

walitti dacha’eedha. Kuni haala salphaan nyaata akka xuuxu gargaara. Ujumooleen

dhiigaa xixiqoon mar’imaa keessatti argaman nyaata xuuxamee fuudhun gara

qaamatti baadhatu. Ergasii nyaanni xuuxamee gara dhiigaatti jijjiramuun qaamaaf

bu’aa buusa. Nyaanni bullaa’ee hojii irra hin oolle immoo mar’imaa furdaa

keessatti hafa. Kuni haala sagaraatiin yeroo muraasaf ni kuufama. Ergasii namni

yommuu fedhutti of keessaa baasa. Mari’amaan furdaan nyaata hin xuuxamiin

kuusu qofa osoo hin ta’in bishaan, ashaboo, sukkaara fi vitaaminoota lamuu ni

xuuxa. Akkasumas, baakteriyaa xurii xuuxan of keessaa qaba.

Eenyutu akkanatti tiruu, mari’aamaa, hadhooftu fi inzaayimoota nyaata bulleessan

bakka isaanii qabsiisee? Eenyutu hojii isaaniif malu akka hojjatan taasisee? Rabbii

Guddaa malee eenyullee ta’uu hin danda’u. Mee itti xinxalli karaan xuriin

dhangala’oo fi jajjaboon qaama keessaa itti bahuu tokko miti. Jajjaboof karaa isaaf

malu, dhangala’aafis karaa isaaf maluu taasise. Mee ilaali meeshaa midhan daaku

kamtu nyaata gara dhiigaatti jijjiraa? Gonkumaa meeshaan ykn maashiniin

midhaan daakuun gara dhiigaatti jijjiruu hin jiru. Garuu meeshaaleen nyaata daakan

qaama namaa keessatti argaman nyaata bulleessun gara dhiigaatti jijjiru. Kuni

Ogummaa, Beekumsaa fi Dandeetti Rabbii olta’aa kan agarsiisuudha.

Ilma namaa hundaafu sirna nyaata daaku wal fakkaataa gochuun Tokkichummaa fi

Dandeetti Rabbii kan agarsiisuudha. Namoota lakkoofsi isaanii biliyoona fi

biliyoonatti lakkaawaman haala wal-fakkaatun meeshaa nyaata daaku isaan

keessatti uumuun Tokkichummaa Isaa agarsiisa. Osoo Uumaan biraa Isa waliin

kan jiru ta’e silaa meeshaan nyaata daaku namoota gariif adda haa ta’u jechuun

mormaa ture. Garuu sirni nyaata daaku namoota hundaa kan wal fakkaatudha. Dur

irraa kaasee hanga ammaa fi gara fuunduraatti namoota lakkoofsan hangana hin

99

jedhamne meeshaa nyaata daaku akkanatti wal xaxe uumuu fi too’achuun Rabbiin

wantoota hundaa irratti Danda’aa akka ta’e agarsiisa. Namni maashini midhaan

daaku hojjachuu fi too’achu danda’a. Garuu maashinii miliyoonatti lakkaawamu

yeroo tokkotti hojjachuu fi too’achuu danda’aa? Gonkumaa hin danda’u. Garuu

Rabbiin Guddaan Olta’e, Tokkichi fakkaataa hin qabne namoota biiliyoona

keessatti maashinii ajaa’ibaa nyaata daaku kana uumuun ni too’ata. Rabbiin hin

nyaatu, hin dhugu, fakkaataa fi ilmoo hin qabu. Ee badii isaanii warroota Rabbiif

ilmoo taasisuun Isarratti kijiba odeessan. Rabbiin ni jedha:

“Odoo Inni isaan uumee jiruu Jinnoota Rabbiif shariika taasisan; isaan

beekumsa malee ilmaan dhiiraa fi dubaraa Isaaf godhan. Inni wantoota isaan

kijibaan Isatti maxxansan irraa qulqulluu fi olta’aadha. Jalqabaa samii fi

dachiiti. Inni waan hundaa kan uumee fi niiti kan hin qabne ta’ee osoo jiruu

akkamitti ilmoon Isaaf ta’aa? Inni waan hundaa beekaadha. Suni Allah,

Gooftaa keessani. Isa malee dhugaan gabbaramaan hin jiru. Inni Uumaa waan

hundaati, kanaafu Isa qofa gabbaraa. Inni waan hundaa irratti Wakiila.

Agartuun guutumaan guututti Isa hin agartu, Inni immoo guutumaan

guututti agartuu hunda arga. Inni Mararfataa keessa Beekaadha.” Suuratu Al-

An’aam 6:100-103

Mushrikoonni (Warroonni Rabbiitti waa qindeessan) Jinnii Rabbiif shariika

taasisan. Kana jechuun akkuma Rabbiif ajajaman Jinnifiis ajajaman. Akkuma

Rabbiin kadhatan Jinniis kadhatu. Sheyxaanni Jinnii irraa waan ta’eef wanta badaa

100

inni itti ajaju hojjachuun isa gabbaru. Rabbiin dhiisanii taabotaa, dhagaa fi

uumamtoota biroo akka gabbaran kan itti nama ajaju sheyxaana. Kanaafu,

namoonni isaaf tole jechuun yommuu wantoota kanniin gabbaran dhugumatti

sheyxaana gabbaraa jiru. Gabbaru jechuun gabbaramaaf of gadi qabuu, ajajamuu,

wanta Inni jaallatu hojjachuu fi wanta Inni dhoowwe dhiisudha. Gabbarriin

guddaan du’aayi (kadhannaa)dha.

Jallinni lammataa Mushrikoonni Arabaa fi kan biro hojjatan, Rabbiin Qulqullaa'an

ilmoo dhiiraa fi dubaraa qaba jechuun kijiba Isarratti uumudha. Beekumsa malee

kijiba garmalee guddatu kana uuman. Beekumsaa fi ragaa wayiitu hin qaban. Kijiba

ofii uuman malee. Namoonni Iyyasuus ilma Gooftaati jedhanii kijiba uuman

beekumsa sirrii Rabbiin irraa dhufe hin qaban. Kuni kijiba isaan uumun kitaaba

keessatti barreessan malee ragaa Rabbiin irraa dhufee miti. Mee itti xinxallii

“Rabbiin Jalqabaa samii fi dachiiti.” Kana jechuun osoo homaa Isa hin dursin

samii fi dachii dhabama irraa kan argamsiiseedha. “Niiti kan hin qabne ta’ee osoo

jiruu akkamitti ilmoon Isaaf ta’aa?” Eessaa fi akkamitti osoo niiti hin qabaatin

ilmoo godhataa? Samii fi dachii dhabama irraa kan argamsiiseedha. Sammii fi

dachii uumuu duraa fi booda niiti hin qabu. Inni wanta hundaa irraa dureessa waan

ta’eef niititti hin hajamu. Kanaafu, ilmi eessaa dhufaaf? Akkasumas, ilmi sanyii

abbaa irraa ta’uu qaba. Ilmi abbaa fakkaata. Rabbiin Olta'aan ilma qaba jedhanii

dubbachuun 'Rabbiin fakkaataa qaba' jedhanii dubbachuudha. Kuni kijiba

guddaadha. Rabbiin subhaanahu wa ta'aalaa Tokkicha fakkaataa wayiitu hin

qabneedha. “Inni waan hundaa uume”- Rabbiin samii fi dachii fi wantoota isaan

keessa jiran hunda kan uumee fi argamsiiseedha. Akkamitti wanti Inni uume ilma

Isarraa bahuu ta’uu danda’aa? Namni rooboti (meeshaa socho’aa) yoo hojjate,

"roobotin ilma isaati" jechuu dandeenyaa? Dhugumatti, Rabbiin ilma qabaachu

irraa qulqullaa’adha. Wantoonni Inni uume uumamtoota Isaa ta’uu malee ilmaan

ta’uu hin danda’an. Sababni isaas, ilmi wanta tokko irraa kan baheedha. Rabbiin

kanarraa qulqulluudha. Kanaafu, “Rabbiin ilma qaba” jedhanii dubbachuun kijiba

guddaa akka ta’e haala kanaan ifa ta’a.

“Inni waan hundaa beekaadha.” Kana jechuun Rabbiin wanta guddaa fi xiqqaa,

dhokataa fi ifa hunda kan beekudha. Isa waliin shariikni homaatu akka hin jirre ni

beeka. Ilmoo akka hin qabne ni beeka. Inni Guddate Olta’e, haqa beeku ni

beeksiisa. Osoo shariika (qindaa’aa) yookiin ilmoo wayii kan qabaatu ta'ee silaa ni

101

beeksiisa. Hin dhoksu. Kijiba warroota Isarratti kijibanii hin haaqu ture. Garuu

shariikaa fi ilmoo waan hin qabneef, "Rabbiin shariikaa fi ilmoo qaba" jedhanii

dubbachuun kijiba guddaa akka ta’e ni beeksiisa.

“Suni Allah, Gooftaa keessani.” Kana jechuun wantoota uumu hundaa kan uume,

shariikaa fi ilma irraa qulqulluu kan ta’e Allah Gooftaa keessanii. Gooftaa jechuun

kan uumuu, guddisu, kunuunsu, bulchuu fi too’atuudha. Kan isin uume, rooba

isiniif roobsun isin nyaachisuu fi obaasu, qananii adda addaatin isin kunuunsu fi

guddisuu Allah dha. Kanaafu, Inni Gooftaa keessani. Allah (Rabbiin) Gooftaa

keessan erga ta’e isin gabroota Isaati. Haqni Gooftaan gabricha irraa qabu Isa qofa

gabbaruudha. Kanaafu, Isa qofa gabbaraa.

“Isa malee dhugaan gabbaramaan hin jiru.” Kana jechuun haqaan kan

gabbaramuu Rabbiin malee hin jiru. Isaan ala wantoonni gabbaraman

(waaqefataman) hundi baaxila (soba). “Inni Uumaa waan hundaati..” Kana

jechuun akkuma wanta darbe hunda uume wanta gara fuunduraatti dhufu hundaa

Kan Uumuudha. Wanti yeroo darbe ta’e, ammatti ta’uu ykn gara fuunduraatti ta’u

hin jiru Inni Kan uumuu yoo ta’e malee. Wanta darban, ammatti jiranii fi gara

fuunduraatti dhufan hundi uumamtoota Isaati. “kanaafu, Isa qofa gabbaraa.”

Erga haqaan gabbaramaan Rabbiin malee akka hin jirre mirkanaa’e, gabbarrii

(ibaadaa) gosa kamiyyuu Isaaf godhaa, Rabbiif qulqulleessaa, Jaalala Isaa

argachuuf niyyadhaa. Ibsa biraatiin “Gabbarrii (ibaadaa)” jechuun jaalala Rabbii

argachuuf seera Inni kaa’e hordofuun hojii fi dubbii irraa wanta Inni jaallatu

hojjachuudha. Fakkeenyaf, salaata, du’aayi, zakaa, qalma, sooma fi kkf.

“Inni waan hundaa irratti Wakiila.” Kana jechuun Rabbiin subhaanahu wa

ta’aalaa wantoota jiran hunda kan tiiksu fi eegudha. Lubbu-qabeenyi fi lubbu-

dhabeenyi jiraachuuf wantoota isaan barbaachisan isaaniif kennuun ykn laaffisuun

isaan tiiksa. Akkasumas, wanta isaan hojjatan hunda ni ilaala, ni too’ata.

“Agartuun guutumaan guututti Isa hin agartu..” Guddinnaa fi Guutummaa

Isaatirraa kan ka’e ijji ilma namaa Rabbiin subhaanahu wa ta’aalaa guutumaan

guututti arguu hin dandeessu. Addunyaa tana keessatti Isa arguu hin danda’an.

Garuu Aakhiratti warroonni amanan ni argu. Rabbiin subhaanahu wa ta’aalaa

immoo guutumaan guututti wanta hundaa ni arga. Wanti Isarraa dhokatu tokkollee

hin jiru. Kanaafi, itti aansee, “Inni Mararfataa keessa Beekaadha” jedhe. Rabbiin

102

Olta’aan keesso wanta hundaa kan beekudha. Wanta samii fi dachii keessa jiruu fi

adeemsifamuu, wanta biyyee jala jiru, wanta sammuu fi qalbii namaa keessa jiru

hunda kan beekuudha. Wanti Isarraa dhokatu tokkollee hin jiru. Yaanni fi miironni

namni sammuu fi qalbii keessatti kuufatu hundii Isaaf ifa. Gonkuma namni yaadaa

fi miira isaa Rabbiin irraa dhoksuu hin danda’u.

Kitaabban Wabii https://www.innerbody.com/image/digeov.html

https://www.webmd.com/heartburn-gerd/your-digestive-system#3

https://www.myvmc.com/anatomy/gastrointestinal-system/

Tafsiroota: Ma’aariju at-tafakkuri wa daqaa’iqu at-tadabburi 11/359-366,

Abdurahman Habanka

Tafsiir Sa’diyy-fuula 298-299

https://www.innerbody.com/image/digeov.html

https://www.webmd.com/heartburn-gerd/your-digestive-system#3

https://www.myvmc.com/anatomy/gastrointestinal-system/




103

UUMAMA NAMAATTI XINXALLU-KUTAA 7

Namni jireenya keessatti sodaa fi gaddi akka isarraa deemu barbaada. Hanga fedhe

qabeenyaa haa qabaatu, sadarka guddaa irraa haa jiraatu, imaanni qalbii keessa yoo

hin jiraatin, gara hundaan sodaa fi gaddi isa haguuga. Qabeenyi isa jalaa yoo bade,

garmalee gadda. Qabeenya yommuu argatu immoo na jalaa fudhatama ykn bada

jechuun garmalee sodaata. Tasgabbii qalbii hin qabu. Kanaafu, namni akkamitti

sodaa fi gadda kana ofirraa oofuun tasgabbii qalbii argachuu danda’a? Qabeenya

yommuu dhabuu ni gadda, yoo argatuu immoo ni sodaata. Kanaafu, qabeenyi sodaa

fi gadda isarraa oofu danda’aa? Dhugumatti qabeenyi qofti gaddaa fi sodaa oofuu

hin danda’u. Furtuun sodaa fi gadda ofirraa ittiin oofan Rabbii olta’aatti amanuu fi

Isaaf ajajamuudha. Kanaan alatti gonkumaa furmaanni biraa hin argamu. Qur’aana

keessatti, “Isaannan amananii, iimaana isaanii zulmiin walitti hin makin

isaaniif tasgabbiitu jira. Isaanis qajeelfamoodha.” Suuraa Al-An’aam, Ayah 82

Kanaafu, namni sodaa fi gaddi isarraa akka deemu barbaadu, iimaana isaa

dabalachuu fi zulmii irraa of eeguuf carraaqu qaba. Zulmiin (miidhaan) guddaan

kufrii fi shirkii (Rabbiin waliin waan biraa gabbaruudha). Itti aanse badiiwwan

gurguddoon haqa Rabbii fi haqa namootatiin wal qabatan zulmii (miidhaa)dha.

Namni yommuu wanta Rabbiin isarratti dirqama godhe dhiisu ykn wanta Inni

dhoowwe hojjatu, nafsee ofii miidha (zolloma). Sababni isaas, adabbii guddaaf of

saaxila. Ammas namoota irratti yommu daangaa darbuu isaanii fi nafsee ofii

miidha. Kanaafu, tasgabbii fi qajeelfamni namaa hamma iimaana inni qabuu fi

hangam zulmii irraa akka fagaate irratti hundaa’a. Namni iimaanni isaa guutuu

ta’ee fi zulmii irraa guutumaan guututti fagaate, tasgabbii fi qajeelfamni isaa guutu

ta’a. Namni iimaanni isaa hanquu ta’ee fi zulmii irraa guutumaan guututti hin

fagaanne immoo tasgabbii fi qajeelfamni isaa akkasuma hanquu ta’a. Karaan

iimaana ofii itti dabalatan uumama ofii irratti xinxalluudha. Kutaa darbe irraa itti

fufuun uumama keenyatti haa xinxallinuu:

Mee amma gara keetti deebi’i. Irra deddeebi’uu uumama keetitti xinxalli, akkana

gochuun kee si gahaatii. Kutaalee qaama keetii fi kaayyoo fi hojii kamiif akka oolan

hubadhu. Harki lamaan qabuuf, fudhachuuf, kennuuf, loluu fi ofirraa ittiisuuf oola.

Lukni lamaan qaama baadhachuuf, fiiguf, yaabbachuu fi gadi dhaabbachuuf oolan.

Ijji lamaan itti qajeeluuf, bareedinnaaf, wantoota samii fi dachii keessa jiran ittiin

ilaaluuf oolti. Afaanis nyaachuu fi dubbiif oola. Funyaanis hargansuu fi xurii

https://www.sammubani.com/2019/04/06/uumama-namaatti-xinxallu-kutaa-7/

104

sammuu irraa dhufu baasuf fayyada. Arrabnis waa ibsuu fi sirraa hiikuf

(tarjumaanaaf) oola. Gurri abbaa oduu gara kee sitti fiduudha. Arrabni ergamaa

odefanno sirraa fuudhun gara alaa dabarsuu yommuu ta’u, gurri immoo ergamaa

odeefannoo alaa fuudhee gara keetti dabarsuudha.

Garaachi kuusaa nyaanni keessa turuudha. Garaachi fi mar'imaan nyaata kana daran

ni bilcheessu, ni daaku. Nyaata ati bilcheessitee fi fooyyessitee itti galchite caalaa

bilcheessanii fi fooyyessanii gara qaamatti raabsu. Hoo’insi isaan keessa jiru

hoo’insa akka ibiddaati. Garuu kuni hundi sitti hin dhagahamu, bakka dhokataa fi

si hin miine Rabbiin kee waan kaa’ef.

Tiruu dhinbiibduu fi nyaata hundarra qulqulluu fi laafaa ta’e akka xuuxxu godhe.

Ergasii ishii irraa karaalee fi bo’oowwan nyaata kana gara kutaalee qaamaa

hundaatti ittiin dhiibu taasise. Foddaa fi balbala wanta si fayyadu ittiin fudhattuu fi

wanta si miidhu ittiin baastu siif godhe. Ujumoowwan garagaraa kuusaaf oolan siif

godhe. Gariin isaanii kuusaa nyaatati, gariin isaanii kuusaa dhiigaati. Wanti isaan

kuusan kuni hundi akka walitti hin makamne tartiiba isaan qabsiise. Qaraxiixiin

hadhooftu qaraxixii fincaani irraa adda. Hundi isaanitu walitti hin makaman.

Yommuu nyaanni garaacha gahuun achi keessa qubatu mee wanta adeemsifamu

ilaali. Nyaanni yeroo muraasaaf garaacha keessa ni tura. Garaachi daran bulleessun

gara mar'imaa qal’aatti dabarsa. Mar'imaan qal’aniis karaa ujumoolee

xixxiqooleetiin gara tiruu dabarsa. tiruunis wanta gara ishiitti gahe dhinbibuun gara

kutaalee qaamatti raabsiti.

Kana hunda kan akkana godhe, sirreessuu fi too’atu eenyuu? Namni miskiinni

akkana jechuu danda’a, “Kuni hundi hojii uumamaati (nature). Uumama keessa

ajaa’ibaa fi iccitii baay’etu jira.” Nama mormaa akkanaati akkana jenna, “Osoo

Rabbiin si qajeelche silaa ofiin of gaafachuun akkana jetta: “Waa’ee uumama kanaa

mee natti himi? Uumamni kuni beekumsaa fi dandeetti qabaachuun ofiin

dhaabbachuu fi wantoota ajaa’ibaa kana hojjachuu danda’aa? Yookiin kana yoo hin

ta'in, uumamni wanta hin mul’annee fi amala mataa isaa qabaachuun wanta

uumame kan hordofuu fi isa keessatti baadhatamuudhaa?

Yoo nafseen tee, “Zaata ofiin dhaabbatu, beekumsa, dandeetti, fedhii fi ogummaa

guutuu kan qabuudha.” yoo jette, akkana jedhiin “Zaatni sifaata (amaloota) kanniin

105

qabu Khaaliqa wanta hundaa uumee fi suuraa wantoota kanniinii tolcheedha.

Kanaafu maliif uumama jettaan? "Kuni uumamaan akkana ta’e" warra jedhan

dagadhu. Gara Rabbii deebi’uun wanta Inni ittiin of waame fi ibseen waami. Yoo

akkana goote warroota gamnaa fi gammachuu argatan keessaa taata. Sifaata

(amaloota) Rabbii maaliif uumamaaf gootaa?”

Nafseen tee, “Uumamni wanta hin mul’annee fi baadhatamaa wanta isa baadhatu

barbaaduudha. Beekumsa, dandeetti fi fedhii isarraa ta’e osoo hin jiraatin kuni

hundi hojii uumamaati. Bu’aa isatirraa wanti mul’ate mul’ate.” Yoo jette, atis

akkana jedhiin, “Kuni wanta namni sammuu qabuu hin mirkaneessineedha. Wanta

beekumsa, fedhii fi dandeetti hin qabne irraa akkamitti hojiiwwanii fi ogummaan

ajaa’ibaa sammuun namaa guutumatti beeku dadhabe kuni argamuu danda’aa?

Nama maraataa ykn horii malee namni sammuu qabu kana ni mirkaneessaa?”

(Wanta beekumsa, dandeetti fi fedhii hin qabne irraa wantoonni ajaa'iba kunniin ni

argamuu?)

Ammas itti dabaliif, “Wanti jettee osoo dhugaa ta’ee, wanti ofiin hin dhaabbannee

fi wanta biraatiin baadhatamu kuni ofiin of uumuu fi jalqabuu hin danda’u.

Kanaafu, Gooftaan isaa, Uumaa fi Argamsiisaan eenyu? Kana hunda akka hojjatu

eenyutu taasisee?”

Ragaan kuni ragaa cimaa Uumaan uumamtoota hunda uume jiraachuu, dandeettiin,

beekumsi fi ogummaan Isaa guutu ta’uu agarsiisuudha. Gareen "kuni uumama"

jechuun Rabbitti amanuu didan, wanta sammuu fi uumamni akeeku diiguu fi

faallessuu malee Rabbitti, sifaata fi hojii Isaatti amanuu diduun wanti argatan hin

jiru. Inuma yommuu isaan sammuu ofii faallessuun Rabbitti amanuu didan jireenya

dararaa fi gammachuu hin qabne jiraatu.

Osoo gara sammuu deebitee akkana jettee, “Ogummaan uumamtoota keessatti

mul’atu gonkumaa argamuu hin danda’u, ogeessa, danda’aa fi beekaa kan ta’e irraa

malee. Too’annaan sirna qabatee kuni hojjataa, danda’aa, filataa fi wanta barbaadu

kan beeku irraa malee gonkumaa ofiin argamuu hin danda’u. Aduu fi jiiyni sirna

isaanii qabatanii orbiiti isaanii irra deemu. Hanga Guyyaa Qiyaamatti gonkumaa

hin daban. Eenyutu akkanatti isaan too’ataa?

106

Wantoota hunda akkanatti kan uume, too’atuu fi jiraachisuu Uumaa Tokkicha Isa

malee haqaan kan gabbaramu akka hin jirre erga siif mirkanaa’e, "kuni uumamaan

akkana ta’e" jechuu dhiisiti, kan kana hunda uumu “Allah, Uumaa waan hundaa

uume” jedhi. Maaltu siif jiraayyi sifaata (amaloota) Rabbiitti amanuu diddaa, hojii

Isaa wanta biraatti maxxansitaa? Wanta Inni uumee fi hojjate "kanatu akkana

godhe" ykn "ofiin akkana ta’ee" jettaa?

Hiika uumama

Osoo jecha “uumama” jedhu irratti xinxallite, hiikni isaa gara Khaaliqaatti si

qajeelcha. Jechi uumama jedhu, jecha wanti tokko wanta biraatin uumame ykn

hojjatame agarsiisa. Uumama jechuun kan wanti biraa isa uume jechuudha.

Jechoota akkanaatin "Maqaa irratti raawwatamaa (passive participle)- " إسم المفعول

jennaan. Jecha kanaan kan wal fakkaatan, “Hojjatamaa, ajjeefamaa, hatamaa,

oomishamaa fi kkf.” Jechoonni akkana wanti biraa isaan hojjachuu fi raawwachu

agarsiisu. Fakkeenyaf, “Nuti nama ajjeefamaa karaa irratti argine” yommuu jennu,

“namni kuni ofiin hin duune, namatu isa ajjeese” jechuu keenya. Haaluma kanaan

“kuni uumama” yommuu jennu, “Ofiin of hin uumne, Kan isa uumetu jira.” Jechuu

keenya. Samii fi dachiin, ilmi namaa, beelladoonni, bineensonni, biqiloonni fi

uumamtoonni biroo uumamtoota yommuu jennu, Kan isaan uumetu jira jechuu

keenya. Jechi uumama jedhu wanta biraatiin hojjatamu waan agarsiisuuf ofiin of

uumuu gonkumaa hin danda’an. Kanaafu, Kan isaan uume eenyuu? Deebiin

keenya,“Rabbii” Guddaadha jechuu malee kan biraa ta’uu danda’aa? Namni

uumamaa waan ta’eef ofiin of uumuu danda’aa? Namni tokko nama biraa uumuu

danda’aa? Ilmi namaa nama guutuu uumuu dhiisitii, seeli xiqqoo lubbuu qabdu

uumuu hin dandeenye. Kanaafu, Khaaliqa Guddaa, Ogeessa, Beekaa fi Danda’aa

ta’eetu wantoota kanniin hundaa uume. Rabbiin subhaanahu wa ta'aalaa ni jedha:

107

“Dhugumatti, Gooftaan keessan Rabbiidha, Kan samii fi dachii guyyoota jaha

keessatti uumee ergasii Arshii irratti [olta’iinsa Isaaf maluu] ol ta’eedha.

Ariitiin kan isa barbaadu ta’ee guyyaa halkaniin haguuga. Aduu, ji’a fi

urjiilees kan ajaja Isaatiin laafiffaman ta’anii [isaan uume]. Dhagayaa!

Uumuunii fi ajajni kan Isaati. Rabbiin Gooftaa aalamaa ta’e toltuun Isaa

baay’atte.” Suuratu Al-A’araaf 7:54

Samii fi dachii Guyyaa jaha keessatti kan uumee Gooftaa keessan Rabbiidha.

Ergasii Arshii irratti olta’iinsa Isaaf malu olta’e. Arshiin uumama guddaa samii

torbanii ol jiruu fi guddinnaa fi bal’innaan samii fi dachii kan caaludha. “Ariitiin

kan isa barbaadu ta’ee” Kana jechuun akkuma halkan dhufuun guyyaan darba,

akkuma guyyaan dhufuun halkan darba. “Guyyaa halkaniin haguuga” Guyyaan

darbuun halkan dhufee dukkana isaatiin wanta dachii irra jiru haguuga. Ilmi

namaatii fi lubbu-qabeenyin biroo gara mana isaanii dacha’uun ifaaje fi sochii irraa

tasgabbaa’u.

“Aduu, ji’a fi urjiilees kan ajaja Isaatiin laafiffaman ta’anii [isaan uume].”

Kana jechuun aduu, ji’aa fi urjiilee ajaja Isaatiin kan laaffifaman ta’anii hojii fi

dirqama isaanii akka bahaniif uume. Taskhiir (laafiffamuu) jechuun wanta tokko

ajajamaa fi masakamaa gochuudha. Tarii ajajamuun (masakamuun) humnaan ta’uu

danda’a. fakkeenyaf beelladoonni namaaf ajajamuu fi masakamu. Ajajamuun

humnatti osoo hin fayyadaminis fedhiin ta’uu danda’a. Fkn, namni tokko nama

biraatiif ajajamu.

Akkuma beekkamu aduun sochii ishiitii fi dachiif ifa tamsaasu keessatti ajajamtuu

fi masakamtu taatee hojjatti. Aduun too’anna tokko malee kan akkanumatti deemtu

osoo hin ta’in kan ishii ajajuu fi qajeelchutu jira. Haaluma kanaan jiiynis ajajamaa

fi masakamaadha. Urjiileenis halkan ifuun guyyaa samii irraa baduun ajajamoo fi

too’atamoo akka ta’an mul'isa. Kunniin sifaanni (amaloonni) Rabbii guutuu akka

ta’an agarsiisu. Uumamtoota gurguddaa kanniin uumuun Rabbiin waan hundaa

irratti Danda’aa akka ta’e agarsiisa. Aduun guddinnaan dachii akka caaltu kan

beekkameedha. Garuu garmalee waan fagaatteef xiqqoo fakkaatti. Uumamtoota

kanniin keessa tartiibni fi sirni jiraachuun Ogummaan Isaa guutuu akka ta’e

agarsiisa. Faaydaan baay’een namootaf isaan keessa jiraachuun bal’inna rahmata

Isaa agarsiisa.

108

“Dhagayaa! Uumuunii fi ajajni kan Isaati.” Uumamtoota hundaa kan uumee fi

argamsiise Isa. Wantoota hundaa kan uume Rabbiin erga ta’ee, ajajnis kan Isaa

ta’uu qaba. Samii fi dachii, namoota fi jinni kan uumee, jiraachisu fi too’atu Isa.

Kanaafu, Inni Mootii isaaniiti. Mootii jechuun immoo wanta tokkotti kan ajaju, kan

dhoowwu, nama gaarii hojjateef mindaa kan kennuu fi nama badii hojjate kan

adabuudha. “Dhagayaa!” yommuu jedhu dhimmi cimaa fi sodaachisaan duubaan

akka jiru fi namoonni xiyyeefannoo itti kennuu akka qaban agarsiisa[1] Kanaafu,

wanti badaan isaanitti dhufuun dura Rabbii Gooftaa fi Mootii isaanii ta'eef ajajamu

qabu. Sababni isaas, Rabbiin Gooftaa isaanii waan ta'eef kan Isaan uume,

nyaachisu, obaasu fi qananii adda addaa isaaniif kennuudha. Inni Mootii waan

ta'eef isaan ni ajaja, ni dhoowwa, nama waan gaarii hojjate ni badhaasa, nama badii

hojjate immoo ni adaba.

Guduunfaa

➦ Wanti duraan hin jirre tokko ofiin of uumuu hin danda'u. Sababni isaas,

beekumsa, dandeetti fi fedhii hin qabu. Wanti beekumsa, fedhii fi dandeetti hin

qabne akkamitti ofiin of uumuu danda'aa?

➦ Jechi uumama jedhu wanti tokko isa uumu waan agarsiisuuf, uumamtoota

kanniin hunda Kan Uume Rabbii Ogeessa, Beekaa fi waan hundaa irratti

Danda'aa ta'eedha.

➦ Uumamtoonni akka samii, dachii fi wantoonni isaan keessa jiran garmalee

guddachuun, tartiibaa fi sirna qabachuun, ajajamuu fi masakamuun,

Tokkichummaa Rabbii fi Ogummaan, beekumsi fi dandeettin Isaa guutuu ta'uu

agarsiisu.

Wa aakhiru daaw’aanaa anilhamdulillahi Rabbil aalamiin

Kitaabban wabii Miftaahu Daaru sa’aadah-fuula 741-746, Imaamu ibn Al-Qayyiim


[1] Ma’aariju at-tafakkuri wa daqaa’iqu at-tadabburi 4/284-293, Abdurahman

Habanka

Tafsiir Sa’diyy-fuula 327-328







109

Qunnamtiif:

Website: www.sammubani.com

Wordpress: https://sammubani.wordpress.com/

Facebook: https://www.facebook.com/jireenyabadhaatu/ Email: [email protected]

http://www.sammubani.com/

https://sammubani.wordpress.com/

https://www.facebook.com/jireenyabadhaatu/

isin keessa mallattoo jira, itti hin xinxallitanii? file4 seensa rabbii uumama namaa biyyee irraa...

Documents