Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377 Hmasawnna Thar Vol - 33/38 | Churachandpur | email : hmasawnnatharnews@yahoo.com | Phone: +91-3874-236846 | Rs 6/- per copy

thlaphal (november) 10, 2017 zirtawpni (friday)

NEWS TOMkiMcHANcHIN LAKTAWI

RADIANT E L E C T R I C A L S

Lighthouse LaneTiddim Road, Churachandpur

Electric hmangruo chikim, company hran hran kutsuok

(multi brand) kan nei, mi hung pan ro

Discount khawm kan pek thei.

# 8413801371

CDEEU General As-sembly-cum-ElectionCCpur: Vawisun 10:30AM a inthawk hin Churachandpur District Education Employees’ Union (CDEEU) 53rd General Assembly-cum-Election, 2017 chu YPA Hall, Hiangtam Lamka hmuna nei ning a tih. Hi huna hin Chingkhei Singh, MES, ZEO, CCPur khuollien ning a tih.

Pherzawl Dist-ah 50 Bedded Dist. HospitalCCpur/imphal: Mani-pur a Congress sawrkarna hnuoia District thar 7 siema a um le inzawmin, Manipur Sawrkar chun Pherzawl District a ding 50 Bedded District Hospital um dingin a lo remtipui tah ti thu Pu Dr. Chaltonlien Amo, Honble’ MLA, Tipaimukh a

inthawk thu dawng a nih. Pherzawl District hi December 16, 2016 khan Manipur CM hlui, Pu O. Ibobi Singh in Pherzawl ADC Complex hmunah hawngna neiin district thar lawmna hunser puithu taka hmang a lo ni ta hrim a nih. (Muona Infimate)

Nov. 13 chen hnina lekha pek theiCCpur: November 21-30, 2017 inkar sung khin Manipur Sangai Festival, 2017 a um ding a ni a. Hi taka mani hnam lam van entir numhai chun Novem-ber 13, 2017 chen khin S. Thienlaljoy Gangte, Assis-tant Commissioner, DC’s Office, Churachandpur kuomah hnina lekha peklut thei ning a tih. Hnina lekhaa hin hnam lama \hang dinghai hming, address, contact number, passport size thlalaka,

hnam lam hming le a thu tlangpui (outline/summary) hai kilde sa ding a nih. Hnam Lam inentirna ding ni chu November 24 & 27, 2017 ning a ta, a hmun ding chu Bhagyachandra Open Air Theatre (BOAT), Palace compound, Imphal ning a tih. Hnam lama \hang thei dingzat chu mi 15-20 ning a tih. Hnam lama va \hang ding hi Churachandpur-a inthawk Cultural Troupe pahni thlangsuok ning an tih.

Album release dingCCpur: (L) Upa Van-lalbiek hrietzingna dinga “Damna Krista” ti thupui hmanga Gospel Music Video siema um chu Nov. 10, 2017, 3PM hin Hmar-veng Community Hall-ah Pi Dr Lalrimawi Pudaite, Co-Founder and Global Ambas-sador, Bibles for the World in tlangzarna nei a tih.

(10,11)

Pensioner hai thla lak nawk thei tahCCpur: Treasury Of-fice, Tuibong, CCPur-a pensioner hai thla laknaa hmang Computer Octo-ber 31, 2017 a inthawk a siet leia thlalakna sunzawm thei lova um chu siem\hat zo a nita leiin November 8, 2017 a inthawk khan pen-sioner hai thla lakna \an nawk a nitah. Computer sie hi Nov. 4, 2017 khan Treasury of-fice hung phurtlung a ni a, sienkhawm hmang thei a ni chuongnaw leiin No-vember 7, 2017 khan NIC a inthawk Engineer hai CCPur-a hungin computer

hi an hung siem\ha nawk a nih. Computer siet sunga thla la thei lo pensioner mi 300 chuong hai vawisuna inthawk thla lak \an nawk ning a tih tiin Treasury Officer chun inhriettirna a siem. Treasury office chun Pensioner hai bill passed in Bank-ah an thawn ta a, Department bill ruok chu Manipur sawrkarin No-vember 15, 2017 chen a hrentang leiin passed thei lova la um niin Treasury Office a inthawk ei thu dawngna chun a hril.

Lamka Got Tal-ent le Trade FairCCpur: Management Team huoihawtnain December 9, 2017 a inthawk khin Ray-burn High School campus-ah Promoting Lamka’ ti thupui hmangin ‘Lamka’s Got Tal-ent le Trade Fair’ nei ning a tih. Lamka’s Got Talent Au-dition Round Dec. 9-16, 2017 inkar sung nei ning a ta, Dec. 18-31 sung second le Third round um a tih. Inhnikna nei han Rayburn Students’ Book Store & Stationery ah Form lak thei a nih.

PMEGP loan hni thei a nihimphal: Kum 2017-18 a dinga Prime Minister’s Em-ployment Generation Pro-gramme (PMEGP) loan chu online portal hmangin Nov. 9, 2017 a inthawk khan hni thei a ni ta a, hnina peklut theina hun nuhnungtak chu Nov. 21, 2017 a nih. Online a hnina hi District tina DC, Khadi & Village Industries Commission, Imphal le Manipur Khadi & Village Industries Board (MKVIB) haiah peklut thei a nih. Dis-trict a mihai chun hnina lekha (hand copy) General Manager, DIC haiah peklut

sa a \ul. Thu chieng lem http://www.kvionline.gov.in/pngp ah hmu thei a nih. Tengnoupal District chun G.M. Chandel, Ka-jong district in G.M. Chan-del, Pherzawl district in G.M. CCPur, Jiribam dis-trict in G.M Imphal East, Noney district in G.M. Tamenglong, Kakching district in G.M Thoubal le Kangpokpi district in G.M. Senapati haiah hnina an pe-klut ding a nih tiin Director of Commerce & Industries, Manipur chun Nov. 8, 2017 khan inhriettirna a siem.

CM in zanikhan Yangon a panimphal: Myanmar khaw-pui pakhat Yangon a “Look-ing Forward to India and Myanmar Relation” ti thu-pui hmanga International Conference a \hang dingin zanikhan Manipur CM N. Biren Singh chun Imphal suoksanin Yangon a pan. Imphal-Mandalay Bus Ser-vice, awlsam deuva Visa on Arrival (VOA), India le Myanmar a hung um theina

ding le thil dang danghai thaw thei dan lampui a hung ngaituo ding niin zanita Tulihal Airport, Imphal-a chanchinbumihai an hmupui huna N. Biren Singh chun a hril. International Confer-ence a hin Chief Guest a ni ding thu le Sangai Festival a hung \hang dinga ram-bung dang danga \huoituhai a hung fiel ding thu khawm CM hin a hril bawk.

PM Modi le Sheikh Hasina han Kolkata-Dhaka Moitree Express an hawngIndia chun Bangladesh pawimaw ang angin \hangpui pei a tih: PM Modi

KolKata: India Prime Minis-ter Mr Narendra Modi le Bangla-desh Prime Minister Ms Sheikh Hasina han video conferencing hmangin, India le Bangladesh infepawna rail lam \halem a um theina dinga siem thar, Kolkata-Dhaka Moitree Express, Bandhan Express an ti bawk chu Novem-ber 9 khan mipui hmang thei din-gin an hawng fel tah. Bhandhan Express rail thar hawngna huna hin West Bengal CM Mr Mamata Banerjee khawm Kolkata a inthawkin video-con-ferencing hmangin a lo \hang. Hi Bhandhan Express hawngna le inzawm hin India le Bangladesh rambung pahni han khawmuol ah rail hmanga infepawna pahni an neina a ni tah. Rail hratpa lampui thar a hawng zo hin Prime Minister Mr Narendra Modi chu, “Thumal pahni ‘Bhandhan’ le ‘Moitree’ hai

hin India le Bangladesh ramung-hai inlaichinna det zie fel takin a hril a. Khawmuola infepawnahai a changtlung a, mipui tamlem ei infepaw pha pha chu economic le social hmasawnna hrat a ta. Ram-bung pahnihaiin an sawr \angkai ve ve ding a nih. India chun Ban-gladesh chu a \ul ang peiin \hang-pui pei a tih” tiin a hril. Pu Modi chun, tuta India sawrkarin rail lampui thar a

hawng hi thil thar ni lovin, 1965 hma daia infepawna lo um tah, in-fepaw thei tah lova um sukhring nawk a ni a. Rambung pahnihai kara khawmuola infepawna rail lam le motor lamhai sukthar nawk vawng tum a ni thu a hril. Prime Minister hai pahni hin hieng Express hawng thar Bhand-han Express le Moitree Express hai a passenger hai rambung pahnihai, foreign country ang an

lo ni ta leiin inzinnaa \ul lekha pawimaw Visa le Migration Cer-tificate le a dang dang, passenger hai customs clearance services, immigration thua chingfel \ulhai awlsam taka sukfel theina ding Internationa Passenger Terminal, Kolkata khawm an hawng nghal. Pu Modi chun, India sawrkar-in Bangladesh sawrkar chu a thei ang angin economic le social de-velopment a dingin a \hangpui dinga a lo intiem tah angin khaw-muola infepawna bakah tui le boruoka infepawnhai hai khawm a la \hangpui pei ding thu a hril a. Hi Express hi a hmasawnna indik lampui hraw \anna niin a hril. Bangladesh Prime Minister Ms Sheikh Hasina chun, Bhand-han Express le International Pas-senger Terminal, Kolkata hai hawngna hi Bangladesh mipui-haiin hun sawt taka inthawka an lo beisei tah, an manga an hmu rawp

hlak, Kolkata khawpui le Dhaka infepawna ding sukpuitlingna a ni thu a hril. “Kum 1950s lai a inthawka sukchawla lo um tah, Khulna le Kolkata rail infepawna siemthar nawkna hin, Bangladesh south-western bile mihai le Kolkata mipuihai ta dinga hmasawnna \ha tak a ni ding a nih” tiin a hril ve. Zanita hawng, Meghna va-dung chunga bawl Bhairab Rail-way Bridge hi India-in ramdan-ghai a \hangpui theina, abikin Bangladesh \hangpui dinga an tiemna dungzuia Indian Line of Credit hnuoia bawl a nih. Tuta inthawk chu Bangladesh khawpui Dhaka le lawngchawlna khawpui Chittagong le Sylhet hai infepawna ding khawm darkar tamtakin a suktawi ta ding a nih. Kolkata le Dhaka inzinna hun khawm darkar tamtakin a suktawi bawk a tih.

Police han WY mum 1958 leh a neitu an man nawkCCpur: Churachandpur Police-a Drug Cell pawl le Women Police han Novem-ber 9, 2017 zantieng 1:00PM vel khan Ngathal hmuna In pakhat an dapnaah Mrs Vungngaihchiin (25), w/o Mr Goukhanlal of Ngathal, Dinthar Veng, CCPur chu Sakawr damdawi ‘WY’ mum 1958 leh an man a. Narcotics drugs and Psycho-tropic substances act, 1985 hnuoiah FIR No.99(11)/2017 of CCP-PS u/s 22 (c) an reg-istered khum. Chun, tuta hmaa inruit-heia sumdawngna le inzaw-ma mi 4 mana lo um ta hai le inzawma FIR number 98(11) 2017 registered-a

um suizuina fepeiin nuh-mei pakhat Mrs Esther Lal-hmangaihthang (28), w/o Mr Lalremthang Leivang

of Tuiringphaisen chu No-vember 8, 2017 khan man nawk niin Police thusuok chun a hril.

CCPur Police hnu-oia Drugs Cell pawl chun Nov. 7, 2017, 5:30AM khan Heroin (No.4) a sum-dawngtu nuhmei pahni hai chu No. le sumfai Rs. 12,90,000/- le an inthlawp-pui midang pahni hai leh an lo man ta a, FIR No. 98 (11) 2017 CCP PS U/S 21/29 NDPS Act hnuoia case siemkhum le Special Judge, NDPS Court in No-vember 13, 2017 chen Po-lice Custody-a la um phawt dingin a lo rel tah a nih. Anni inpuongnaa inthawk November 8, 2017 khan Ms Esther Lalhmangaihthang Leivang hi an man nawk a nih.

HYA GHQ |huoitu hlui le thar han charge inhlanna an neiCCpur: Nov. 9, 2017, 3:00pm khan Hmar Youth Association (HYA) Gen. Hqrs. 2017 – 2020 sunga \huoitu thar dinghai le a hluihai chun HYA Gen. Hqrs. Office, Rengkai, CCPur hmuna Charge inh-lanna an nei. Pu Upa Laldawnlien Varte in Pathien kuoma \awng\ainain hun a hawn-ga, hun khar \awng\aina chu Tv Lallienkhum |aite in a nei bawk. Hieng a hnuoia mihai hi \huoitu hlui le a thar hai an nih. Gen. President- Upa Laldawnlien Varte (Out-going & Incoming), Vice-

President- Pu Zothanmawia (OG) le Pu Sanglien Inbuon (IC), Gen. Secretary- Pu Hmangkhum Songate (OG) le Mr Alan Famhoite (IC), Asst. Secretary- Mr Alan Famhoite (OG) le Tv Lal-

lienkhum Taite (IC), Fin. Secretary- Pu Lalsanhim Sanate (OG & IC), Trea-surer- Pu Lalthangkima F. Tusing (OG) le Dr. Jire Pu-daite (IC), Secretary, Info. & Pub.- Pu Lalramsiem

Neitham (OG & IC) hai hin an mawphurna hai an inh-lan sawng a. Secretary, Art & Culture- Pu Ruolchun-ghnung (OG & IC), Secre-tary, Games & Sports- Pu Lalramsang Tusing (OG) le Pu Robert |hiek (IC) hai an nih. Charge inhlan huna hin HYA Files pawimaw le thilnei hai iemanizat inhlan sawng nghal a ni a, Balance Sumfaiin Rs. 3,3630/- hi huna hin an inhlan sawng. Tuchen a hin HYA Gen. Hqrs. hnuoia hin Jt. Hqrs. 7 an um a, Gen. Hqrs. in Branch 6 a enkai mek niin HYA hotuhai chun an hril.

National Legal Day Motor cycle Rally nei

CCpur: November 9, 2017 kha National Legal Day a ni angin National Legal Day hmangnain Motorcycle rally nei a nih. Manipur State Legal Ser-vices Authority (MASLSA) le CCPur District Legal Ser-vice Authority \hangruolin Imphal to CCPur Motorcy-cle Rally hi nei a nih. Zani 9AM khan Kh-wairamband bazar, Imphal-ah Justice N. Kotiswar Singh, Executive Chairman, MASLSA le Justice Kh. Nobin Singh, Chairman, High Court Legal Service Committee han an vailiem a, Malom, Nambol town, Bishnupur Court Complex-ah hun tawite hmang a ni hnungin Kwakta-Tuibuong area-ah legal awareness nei a ni a, Tiddim Road -Lanva-Gangpimual, Pearsonmun- Tipaimukh Road-Tiddim Road, CCPur Court Com-plex, Tuibuong-ah rally hi zo a nih. Rally-a hin motor Corps a inthawk member 80 chu-

ong an \hang a, rorelna indik ditna leia rally hi nei a nih. Rally hi MALSA Van hin a hung zui bakah MASLA a inthawk Ch. Momon Ad-vocate, Master Trainers & Member MASLA khaw-min a hung zui a. Para Legal Volunteer CCPur han Reng-kai, Koite, CCPur College hai sirin mipui lai poster an semdar. National Legal Day hmangnain ni 10 sung ‘con-necting to serve’ ti thupui hmangin Nationwide cam-paign um a ta, hi hun sung hin CCPur District Legal Authority chun district mipui hai ta dingin CJM campus le family court campus haiah help desk hawngin cam-paign hai nei ning a ta, Dis-trict Hospital, Police Station, Tuibong bazar, Court com-plex, Rengkai bazar le New Lamka haiah banner tar ning a ta, HSA campus, Rengkai-ah Awareness camp nei ning a ta, a tawpni Nov. 17, 2017 in Koite -New Bazar chen cycle rally nei ning a tih.

Hmu a la ni naw zingguwahati: Pu Van-lalkung Khawbung of Mai-khuli, Guwahati chu No-vember 8, 2017 zantieng dar 4 vela a chengna In a inthawka suokdawk chu an In tieng inlawi ta lovin a um a, Guwhati Hmar Welfare Society hmal-aknain nunghak le tlangval han nasa takin an zawng a. Sienkhawm zani zan chen khan chu hmu a la ni nawh tiin Guwahati a inthawka ei thu dawngna chun a hril. Ei hreit thei dan ding

chun Pu Vanlalkung Khaw-gung @ Vana hi Sielmat khuo Lal ni ni hlak (L) Pu K. Luoia naupa a nih. Shil-long, Kohima, Dimapur le Imphal-a HYA hai chu Bus Station, Rail Station le pas-senger motor haiah lo enkai dinga ngen an ni tawl.

HP election-ah 74% vote a thlaShimla: Himachal Pradesh state Assembly election chu zanikhan buoi-na um lovin tluong taka zo a na, zantieng dar 5 PM chena a pumpuia vote thla chu 74% a nih. Zanita As-sembly election huna hin 50,25,941 voters haiin an vote an thlak thei a, polling booths siem po chu 7,525 a nih. Himachal Pradesh a hin Assembly constituen-cies 68 a um a, chuong hai chu a rengin phase khata in-thlangna nei a nih. Zingkar dar 8 AM a vote thlak \an niin, zantieng dar 5 PM a suktawp a nih. Himachal Pradesh As-sembly election huna hin

polling officials 37,000 vel hmang an na, security sinthaw dingin police le home guards 17,770 bakah, paramilitary forces compa-nies 65 hmang an ni bawk. Assembly election nei hun sung hin, a vawikhatna dingin polling stations

2,300 haiah ‘live web-casts’ hmang a na, hi thil hi Madhya Pradesh hmuna district 12 haiah election fel le thienghlim taka nei a ni theina dinga thaw a nih. AIR report in a tarlang dan chun, vote thlak suk-tawp hun zantieng dar 5

PM hnung khawma vote thlak ding mi tam tak an la ngir tlar a, danin a phalna angin vote an la thlak thei leiin, vote thla zat percent-age hi a la kaisang thei ding niin a hril. MP Assembly elec-tion nei a ni hmaa inthawk khan Congress le BJP chun tling tumin theitawp an suo ve veh a. Anni pahni hi sawrkarna siem thei dinga ring party an ni bawk a nih. >>sunzawmna page 4-ah

ITI, Takyel-ah car 2 raw

imphal: Zani zingkar dar 11 AM vel khan In-dustrial Training Institute (ITI), Takyel students’ nuorna nei hai chun hi in-stitute huongsunga um of-ficial ambassador car 2 an raw. Kangmei \hel pawl chu hun iemani chen stu-dents nuor han an lo dang a, sienkhawm a tawpah an

dang hne naw a, car k^ng hi an va \hel mit hei hram. Hi institute student-hai chun Principal le Labora-tory hmangruo \ha pe din-gin state sawrkar an ngen a, sienkhawm an ngenna suk-puitling pek an ni naw leia nuorna hi an nei le an lung-sen a car 2 hi an raw niin student-hai chun an hril.

THAnGkoMaster James Lalthanglien (8), s/o Rodolien Keivom of Muolvaiphei chu Nov. 9, 2017, 11PM khan Thin natna leiin RIMS Hospital Imphal-ah a thi a, Nov. 10, 2017 hin Muolvaiphei th-lanmuolah a ruong vuiliem ning a tih. Ama hi Mt. Car-mel School-a Class III in-chuklai a nih.

Hmasawnna Thar2 thlaphal (november) 10, 2017zirtawpni (friday) artiCle/health & employment newS

Editorial Boardlalmalsawm sellate: Editor& Publisherroding l. sellate: Jt. Editor ramditum ralsun: Asst. EditorJoseph Joute: Freelancelalsansuok pulamte &samuel Zothanglien@sZ Zote:Sports lalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at Lamka Super Printer, Vengnuam, Hiangtam Lamka, CCPur, Manipur.

VAWISUN THUPUIMi dukdaklo lampuia chun hlinghai le changhai a um a, a lungril veng\hatu chu chuonga inthawka hlataka chun um a tih. Naupang chu a lampui ding chu inchuktir la, a hung upat hnung khawma chutaka inthawk chun pet ngai naw nih.

- Thuvarhai 22:5-6

Editorialkhawvel fe dan

Lawmna dam, hlimna dam, hlawtlingna dam, mal-sawmna dam, hausakna dam le hriselna dam zawn-gin hnuoi mihriemhai hi mani thei tawk sengin hma ei lak a. A hmutu, a changtu le a dawngtu hai khaw-min an neisawng bik naw a, hi lei hin khawvela hin hlimna, lawmna le lungawina hai a kim thei chuong nawh. A hausahai khawmin rethei hun an nei thei a, a retheihai khawm an hausak hun a um thei a, milien le milalhai khawm an lienin an inlal sawng naw a, a hlim le a lawm, a hlawtling hai khawm an hlim sawng naw a, an lawm sawng bawk naw a, mi hrisek hai khawm an hrisel theizing chuong naw a, bawrsawm hun an nei hlak. Hi hi khawvel fe dan a nih. Hiengang thil haia insiemrem thei hai chu mi vangnei, mi hlim thei le lawmna chang hrie thei an ni hlak. Beidawnga kur inkuk, lungsen, thil suol thaw le mani le mani inthat ti haiin umzie a nei ngai nawh. Mani thil thawna haiah ei hlawsam chang ei bei a dawng a, thafanna, lawmna le hlimna hrim hrim ei nei ngai nawh. Mihriem dan le khawvel fe dan hrim a nih. Ei bei a lo dawng changin, beidawn-ga um sawng ding ei ni nawh. Beiseina thar neia hmatieng pana fe a, thaw pei ding ei nih. Ei taima a, ei thaw \awk \awk chun hlawtling hun a um tei tei hlak. Thilhring chiterek el, Phaivang le Aium hai sin thaw dan a inthawk hin mihriem han inchuk ding ei nei \ha hle. Phaivanghai taimak dan hi ei en chun, chawl hun hi an nei naw a, an pum neka lien le an ni neka rik phurin sin an thaw \ang \ang hlak. Hi lei hi ning a tih ei Bible khawma Phaivanghai kuomah fe a, taima dingin a mi hril a nih. Aium han an umna ding an siem lai hi ei hmu ta hlak am? Aium chun an ril hmangin an umna ding an siem hlak. An umna ding bu an sep chang hin vawi tam tak hnuoiah an tla thla hlak. Nisienlakhawm, beidawng el lovin an thaw thar nawk pei a, an umna ding bu chu an sep zo tho tho hlak. Beidawng el lova an tumruna hi entawntlak a nih. Mihriem ei ni sung chun harsat chang, beidawng chang, hlawsam chang, sum le pai nei der naw hun, hlim le lawm chang, hlim naw chang le lawm naw chang, hrisel hun le bawrsawm chang, pieng hun le thi hun, lusun hun, vangnei hun le vangduoi hun, \ap hun le innui hun, phun hun le phawi hun hai bakah hun chi dang dang ei tuok chang a um hlak ding a nih ti chu ei Bible-ah khawm an ziek a nih. Hieng thil hai po po hi a pehel thei ding le a dang thei ding ei um der nawh. Mani khat chauva ei tuok a ni naw a, mihai khawma hiengang hun hai hi an tuok seng a nih ti hi hriet ding a nih. Mihai tuok ngailo tuok ang ela beidawng bik le insuk ngui ding ei ni der nawh. Hmatieng pan a, thaw zuol sau sau lem dinghai ei nih. Manipur Sawrkarin kum 2016 a Police Con-stable (Male/Civil) lakna DPC result a hung puong a. Hi DPC a hlawtling hai chu an hlimin an lawm a, Manipur Sawrkar chu sin thaw \ha tiin an inpak hluom el. DPC result a \hang ve lo hai ruok chu lawm le hlim nekin an lung a sen a, an bei a dawng a, State Sawrkar chu demin an hrilsiet nasa hle. Sum cheng nuoitel seng sia hlawtlingna chang ve lo hai lem chu an lungsen a zuol bik a, an beidawng inrum ri a nasa bik hle el. Candidate \henkhat lem chun lungsen le beidawnga mani le mani inthat hiel an nuom thu an hril. Hi ngaidan le tumna hi an dik naw a, pumpel tum hram hram ding a nih. Mani le mani inhremna le dawkna mei mei, umzie nei der lo a nih. Sawrkar thar hung um sienla khawm a tling le a tling naw chu an um tho tho ding a nih. Khawvel fe dan a nih ti hi pawm thiem thei a \ul a nih. Sin laknaah chau ni lovin School, College, Uni-versity le Competitive exam tum tum haiah khawm candidate po po an hlawtling vawng ngai naw a, a hlawtling le a hlawsam an um ngei ngei hlak. Exam \henkhatah lem chu Candidate a tam lem an hlawsam let der hlak. A exam po po an hlawting vawng ding tina a ni si nawh. A thiem, a tlin, a tlak le a che thei hai an hlawtling el a nih. Khaw-lai ramah khawm nisienla hi thil hi a fe dan a nih. Ei khawvel fe dan a ni tlat leiin a hlawsamhai ta ding chun lampui dang a um naw a, pawm thiem le dawngsawng dan thiem inchuk ve el ding a nih. Khawvel fe dan a zui thiem le a hraw thiem thiem hlawtlingna le dingchangna ram le khawvela cheng ei la ni si leiin lungawinaw rak rak, lungsen rak rak, dem le sawisel rak rak haiin umzie a nei thei ding niin an lang nawh. An dik nawna le a fel nawna a um a ni ruok chun Sawrkarin a mi \hang-pui ding dan a nei a, dan hmanga Court kuomah hekna siem el ding a nih. An dik naw le a fel nawhai chu khawvel fe dan a ni naw a, sukdik dinga hma ei lak ngam ngei a \ul a nih. Sawrkar khawma an dik naw le a fel naw hai chu sukdik le siem \ha dinga hma a lak ngam a \ul bawk a nih. Mi indiklo le mi suolhai do a, hrem ngam hi Sawrkar \ha um dan a nih.

HYA LE TLAWMnGAInA

~ Lalhmuok Famhoite, Ex-Gen. Secy., HYA

Sietni,Thatnia Hmar Thalaihai tlawmngaina hi hnam danghai tlawmngaina nekin an hnuoi bik der nawh a.Inhmang/Tuitla an um changin Hmar \halaihai chu a kul-a-taiin theitawp insuoin \hang ve hlak hai sien khawm Newspaper ah Hmarhai thaw \hat reng reng an lang phak ve ngai nawh a, asan chu hieng hun lai hin YMA, YPA hai angin HYA a la pieng ve naw lei a nih. Kum 1980 October 2-5 a HSA General Assembly, Saikot khuoa nei \umin “Tlawmngaina tienga mi keihruoitu ding pawl (Association) indin ni ve sien” ti a HSA Tui\haphai Block thu thelut chu ngaituo zawm lovin a um a. Kum 1984 a HSA Tui\haphai Block Conference chun Sietni le |hatnia mi keihruoitu ding Hmar tlawmngai pawl (Association) indin \ha an ti thu HSA 40th General Assembly, October 2-3 1984 Parbungah thelut nawk a ni angin Assembly chun indin \ha a tih a. March 7, 1985 in inhnikna nei phawthai HSA Hall, Rengkaiah fekhawmin Hmar Youth Association (HYA) chu indin a nih. Kum khat sunga HYA General Headquarters \huoitu dingin hienghai hi thlang nghal an nih.1. Pu Lal Khawbung - General President2. Pu. J Tusing - Vice President3. Tv. Lalhmuok Famhoite- General Secretary4. Tv. Thankhum - Asst. Secretary5. Tv. Dr. Hrangthangluoi -Secretary Information6. Pu. Dr. H.L Liensang - Secretary Finance7. Pu Remthang Tusing - Treasurer Chun, HYA indin le General Headquarters \huoitu ding thlang ni ta sienkhawm Inawpdan (Constitution) la neilo a nih a. HYA General Conference hmasatak, June 2-3, 1986, Rengkaiah, Tv. Lalhmuok Famhoite in a ziek chu zawm le hmang \an dinga pawm a nih.

Tlawmngaina ei ti hi pi le puhaia inthawka an tlawmngaina kha vawisun ni chenin ei la sawm hring pei a nih a. Ei thlatuhai hi Shan zawl or Kabaw Valley a’nthawka thlangtlain, Lal neiin an lo khawsa hlak a. Amiruokchu, chuonglai huna chun khuo le khuo inrun zing zing hlak an nih a. Chu el bakah khawsungah Sakei dam lutin an Vawk, Bawng le Ar hai an se pek hlak a. Thlamuong lo le inveng ngai zinga an khawsak a tul leiin Veng lailungah Zawlbuk an bawl a, pasal kum tling ta pohai chu chu chun an riekkhawm hlak. Sa in ran a se chang le khaw dangin an hung run changin Val upahai inrawina hnuoiah Zawlbuka inthawkin an tlansuok hlak a nih. Zawlbuka chun an um khawm ringawt nawh a. Tlawmngaina, huoisenna, tuorselna le neka upa inza dan an inchuk dawk sa hlak a nih. Inhma lai chun Val-upahai hi thlang an ni ngai nawh a. Lal le khawnbawl upahaiin tlawmngai fal bikhai kha Val-upa dingin an ruot hlak a nih. Sa in ran a se chang le karin sahuoi/sahrang an awk changin a hmun tlung hmasa tak ni an tum hlak. Mithi an um changin zan khawm nisien khaw danga an lainahai hril dingin meiser insitin an fe el hlak. Lo sin thawnaa thawk zo naw deu amanih, \hangpui ngai an um chun an \hangpui hlak bawk.

Tlawmngaina umzie chu phutletna um der lova mihai \hangpui hi a nih a. Vawisun chena hlaw bova thlan cho dam, khawsawt ina leng dam, mithi zannghak ei thaw hlak dam, \hangpui ngaihai ei \hangpui hlak dam hi pi le pua inthawka ei sawm pei tlawmngaina ei la vawng hring pei chu a nih.

Hmarhai hi mi nekin tlawmngaina kawngah ei inhnuoi bik nawh ei ti lai zingin, inthuruolna ruok

chu ei pawimaw hlein anlang. HYA khawm indina inthawkin kum 32 a lo tling ve der el tah a. Hmasawn peina ding tamtak um sienkhawm ngaipawimaw zuol tlawmte hei tarlang inla:

pakhatnaa chun: Hmar khuo tin deu thawah Village Authority le Val upahaiin HYA kutah thuneina an la pek phal chie naw niin an lang. Tlawmngaina huonga ke pen seng seng ni si, lungrila intaina le thang tlang harsa tina umin an lang. HYA motto: “Thil\ha thaw, Nundan mawi, Tlawmngaina a ni zing laiin par suok thei lovin, sirdein a la um nin anlang a. Tlawmngaina huonga ei ei-hna-phapui haiin YMA Hall, YMA Thlanmuol, YPA Hall, YPA Thlanmuol, SYO Hall, SYO Thlanmuol an nei theia, HYA Hall, chu Sielmat le Saidan ti lova chu Hmar khuo haiah ei la nei thei ve nawh a, HYA thlanmuol lem chu hril ding a la um nawh.

pahninaa chun: Ka hriet suol naw chun khawsung hmangruo, bur le bel, \hungna, sound system, etc. khawm Lamka khuo chau naw chu HYA Properties ni lovin Val upa properties a la ni lem tlat. Inthhlakthleng hi a hun ta takzet a nih.

pathumnaa chun: Inhma chun khawsung siet \hat nia hai hin nunghak/tlangal inrawitu tak chu Val upaan nih. Lalhai le khawsung roreltuhai chun val upahai hi kut le ke takah an hmang hlak. Amiruokchu, khawdang val upahai chun thuneina an hung nei phak ngai nawh a, an umna khuoa chau thuneina pumhlum an nei hlak. Nisienlakhawm mani khawsung chauh huopa tlawmngaina fepui zing kha hun tawkah an ngai ta naw leiin Central YMA, Group le Branch a inkhaiin vawisun chenin pipu thlawmngaina hi an la fepui a nih. Chuong ang peiin thil \ha lampui nia ngaiin HYA, YPA, SYO, YVA, KKL etc. a hung um ta pei a nih. Ei kawl le kienga hnam hran hranhai hin a chunga organization hai kutah thuneina pumhlum an inhlan a, tluong le \ha takin pi-pu tlawmngaina an fe pui thei a, Hmarhai ruok hin chu HYA kutah thuneina a la pek ve phal tlat naw hi thil mak tak a nih. Tuhin chu Mizoram ti lova chu Hmar khuo tin deu thaw ah HYA Branch a ngir deu vawng ta leiin lawm a um. Ei culture, Identity humhimtu ding chu HYA |halaihai ei nih ti hi theinghil nawng ei tiu a, a bik takin nunghakhai hi Hmar hnam zierang pholangtu pawimaw tak ei ni bik zuol a, pi-puhaiin hnam thuom le puon chi hran hran an mi lo maksanpekhai hi sira hnawl el lova hnam danghai mithmuha pholangtu ding ei nih a; chuong ang bawkin ei hnam lam mawi tak takhai hi hlamsie el lovin vawng tlat tum ei tiu.

A tawp taka dingin HYA motto le ei sakhuo bu Bible hi an tlawn tlat a ni leiin HYA \huoitu ding chun thil\ha thaw, nundan mawi le tlawmngaina vawng zing hlak, Pathien ti mi, zu le saa inhnel ngailo, mani mawphurna ngaipawimaw hlak mi \huoitu dingin thlang hlak inla nuom a um. HYA indin a inthawk \hangkhat liem zet a lo ni el tah, puitling taka kalpen a hun ta hle. |huoitu hmasahai inza le chawimawi thiem tum ei ta, an phu ang tawk ditsakna ei inlangtir rawp a pawimaw a nih. Tuhin chu \hangthar mi thiem tamtak ei hnam lai khawm ei hung suok tah a, \huoitu hmasahaiin an hriet lo thil\ha thaw ding tamtak um ngei a tih. Chuonghai sunzawmtu dingin mawphurna lien tak ei koah an nghat a nih ti hi theinghil nawng ei tiu. Pi le pua inthawka ei sawm hring pei tlawmngaina hi muol liem lovin sukthar pei ei tiu a. Par angina HYA vul zing raw seh.

Assam Police han TLA le GnLA cadres 5 an manmorigaon: Assam-a chun zani hmasa zan khan Meghalaya le inrina Salang area-a Morigaon district Police le security forces \hangruol han dappui an thawnaah Tiwa Liberation Army (TLA) self-styled commander \hangin TLA cadre 2 le Garo National

Liberation Army (GNLA) cadre 3 an man niin Morig-aon District Superintendent of Police , Swapnaniol Deka chun zanikhan reporter hai kuomah a hril. Helpawl hai hi Megha-laya-a Salang area laia silai hmang dan training nei din-ga in camp an nih tiin Mr

Deka chun a hril. Helpawl mana um hai chu TLA self-styled com-mander Motilal Deori, TLA cadre Sourav Deka le Meghalaya helpawl GNLA cadre Khasang A Marak; Smart A Marak le Arween A Marak hai an nih. Motilal Deori hin Tiwa

Autonomous Council, Chief Executive Member (CEM) Paban Manta kuomah Rs. 50 lakh ngenna demand letter a pek a, hi le inzawma CEM in Police-a FIR a peklut dungzuia Police han dappui an thawnaa helpawl 5 hai hi an hung man pha niin SP chun a hril. (PTI)

Chennai-ah IT officials han ‘Jaya TV office’ an dapChennai: Zani zingkar khan Chennai hmuna ‘Jaya TV office’ chu Income Tax officials haiin an r<n. Jaya TV channel hi AIADMK haiin an \awngbau suk-suokna ‘tawtawr^wt’ taka an hmang hlak a na, thil tlung le inzawm hin IT officials hai chu Chen-nai le Bangalore hmuna hi TV channel enkawltu TTV Dinakaran, Vivek le

Pugazhendi hai In-a hai khawm an fe bawk. IT officials hai hin Jaya TV hin tax pekna kawn-gah an inthlada ti report a um leia dapna an nei a na, sawrkar thlungpuiin black money, benami transac-tions and investments hai le inzawma hmalakna a fepui mek le khawm inza-wmna an nei bawk. AIR report in a tar-

lang dan chun, Jaya TV hi Tamil Nadu Chief Minis-ter hlui Jayalalithaa in a \an a na, hi TV channel hin AIADMK chanchin hai a peksuok hlak bakah, mov-ies le entertainment items hran hran hai le, AIADMK \huoitu le an idol MGR le Jayalalithaa hai chanchin chu uluk le uor takin an suksuok hlak niin a hril.Jayalalithaa thi hnungin hi

TV Channel hi V.K. Sasi-kala enkawlna hnuoiah a um nawk a, Sasikala sunghai abikin a unaupa nau Vivek Jayaraman chu mawphurna insangtak cheltu hung niiin, AIAD-MK faction pahnia an hung um hnungin, hi TV chan-nel hi Edappadi sawrkar sawisel le khingna ngawtin an hung hmang tah nia hril a nih.

Meghalaya in Belgium leh MoU 2 Shillong: Meghalaya state le Belgium hai in-sukhmasawn tawnna ding zanikhan Memorandum of Understanding (MoU) 2 an signed. MoU 2 hai hi Taj Diplomatic Enclave, New Delhi hmuna an signed niin, Meghalaya state ai-aw in Chief Minister Mukul Sangma in a signed a, Bel-gium rambung ai-awtu din-gin India rama thang mek Belgium lal King Philippe in a signed ve thung. Memorandum an signed-na a chun Megha-laya le Belgium hai chu kawng hran hrana inzawm-na neiin, insukhmasawn tawn dinga \hang lak tlang

dinga ti a na. Agreement an nei hai laia a langsar zuol hai chu trade and com-merce, training, health-care, environmental areas, science and technology, agro-food, sports and lei-sure, architecture and heri-tage, urban development/eco-systems management, veterinary & animal hus-bandry hai an nih. Belgium lal King Philippe le a nuhmei Mathilde hai chu India rama an cham mek a. MoU chi hran hran signed-na an nei huna hin, India le Bel-gium stakesholders hran hran hai inkarah MoUs 16 vel signed a nih. (TNT)

J&K-ah Hizbul Mujahideen overground man

Srinagar: Kulgam dis-trict, Jammu and Kashmir huom sungah zanikhan Hizbul Mujahideen pawla mi overground, Showkat Ahmad Lone chu Secu-rity Forces haiin an man. Lone hi Kulgam district hmuna operation an thaw

huna Security Forces haiin an man niin, a kuta in-thawk 4 round Revolver 1 man a nih. Hizbul Mujahi-deen overground a \hang Showkat Ahmad Lone hi an commander Riyaz Nai-koo leh inhnaina nei nia hril a ni bawk.

A naupa kidnap-a a nuhmei 5 lakh hnitu manChennai: Chennai hmu-na Travel Agency neitu P Ravi Kumar (35) chu a naupa kum 3 mi kidnap in a nuhmei kuomah an tlanna dinga Rs. 5 lakh a hni leiin man a nih. Nilaini zingkar dar 10:30 AM khan Ravi Kumar hin a naupa Ganesh chu school a thak dingin a \huoi a, darkar chanve vel hnungin a nuhmei phone in a biek a, an naupa chu Gang

haiin an kidnap a, an tlan suokna dingin Rs. 5 lakh an ph<t niin a nuhmei chu a hril nia hril a nih. A nuhmei Ilakiya chun a naupa chanchin a hriet le inruolin beidawng takin a tlankuol a, dawr-ah jewel-lery a neihai chawiin Rs. 5 lakh chu a ngaituo thei hram a. A hnungah a pasal chu pawisa la dingin In a hung inlawi a, an naupa

kidnaptu haiin ama chau fe a pawisa chu pe dinga an ti nia hrilin a nuhmei \huoi lovin a fe nawk a. Hun iemani chen hnunga chun Ravi Kumar hin a nuhmeiin a ringhla nawna dingin vawi iemanizat a hung call a, a kidnaptu haiin hmun dang dangah an naupa chu intlan suok din-ga an ko pei leiin anvir buoi nasa hle angin a nuhmei a

hril niin hi case suitu senior police officer chun a hril. A pasal chuonga a buoi vel lai chun Ilakiya chun police-ah complaint a lo thelut a. A pasal chu an naupa Ganesh leh In-ah him takin an hung inlawi nawk a, an naupa chu a kidnaptu haia inthawk him taka a \huoi suok niin Ravi kumar hin a nuhmei a hril. Chennai police hai

chun kidnap chungthu hi ringhlana an nei leiin Ravi Kumar hi an d^wp a, an zawnna hai a kip a kawia a dawn thei ta naw leiin Ravi Kumar hi an puong ta a nih. Ravi Kumar hin a naupa chu a ruolpa Venu dawr-ah a lo inumtir a, a nuhmei kuoma pawisa a lak chu a ruolpa Venu bulah pe in a ruol dang Anand kuomah lo pesawng dingin a hril a

nih. Ravi Kumar hin suok-na ding \ul a nei a, In-ah a naupa lo enkai ding an um naw anga a hril leiin Venu hin ‘kidnap drama’ hi ieng-khawm a hriet naw niin po-lice thusuok chun a hril. Ravi Kumar in Police hai kuoma an puongna a chun, a ruolpa Anand pawi-sa Rs. 5 lakh a bat rulna dinga hieng thil hi a thaw niin a hril.

class XI & XII Exam form fill up hunimphal: Council of Higher Secondary Education, Manipur hnuoia Class XI Examination, 2018 le High-er Secondary Examination (Class XII), 2018 a \hang dinghai ta dingin exam form fill up thei hun puonglang a ni tah. Exam-na dinga application form chu vawisuna inthawk hin Council Office-ah sem \an ning a ta, appli-cation form pakhat man Rs. 60/- pei ning a tih. Class XI a dingin fine bovin 07-12-2017 chen exam form fill up zo sa peklut thei ning a ta, fine Rs. 300/- pein 20-12-2017 le fine Rs. 400/- pein 28-12-2017 chen exam form hi peklut thei ning a tih. Class XII exam form chu fine bovin 07-12-2017 chen fillup thei, fine Rs. 300/- pein 22-12-2017 chen le fine Rs. 400/- pein 29-12-2017 chenin fillup le peklut thei ning a tih tiin Secretary, Council of Higher Educa-tion, Manipur chun inhriettirna a siem.

AR Motor cycle expeditionimphal: Mizorama um 46 Assam Rifles (AR) in Oc-tober 20, 2017 a Shillong a inthawka Motor Cycle Ex-pedition/Rally an \an chun Silchar le Aizawl hai an sir hnungin zanikhan Moreh, Manipur an hungtlung. Hi rally hi India, Bangladesh le India ram hai inlaichinna \ha lem an nei theina dinga huoihawt a nih tiin Assam Rifles thusuok chun a hril.

IMPHAL

Manipur miin Bronze Medal a dawngimphal: Nov. 7, 2017 a Manipur hmuna 17th National Para Swimming Championship a chun Manipur mi Flight Lieu-tenant RK Herojit, Mr. RK Muktasana le Mrs RK Ibetombi Devi of Singja-mei Mathak Chongtham Leikai hai naupa chun Bronze Medal a dawng. RK Herojit hi Air Force Sta-tion, Pune a posting lai a nih. RK Herojit hi August 22, 2011 a kha parachute landing Secunderabad-a an nei laia changsuola a spinal cord hliem leia wheel chair a lawn ta a nia chu a tumruna leia Bronze medal hi a la lak thei nia hril a nih.

Hmasawnna Thar3 thlaphal (november) 10, 2017zirtawpni (friday) national/international & advertiSement

laKtawi

LAWMTHU HRILnAHun sawt takel Pile natna ka nei a. Ka nat dan chu ka tawlah thil inbawk umin ka Pile a hung suokdawk pei a, ka hnawlut pha leh a sain a na hlak a. Ka ek khawm Kel (Goat) ek angin an khal \ik \ek a, thi leh inpawlin ni 2/3 dam inhnawm thei lovin ka um bakah ni 3 vel bawk a na hle hlak. Ka beidawngin MV Azad Phusam ka pan a, tuhin chu a mi enkawl dam tah. Hi lei hin MV Azad Phusam le Pathien kuomah lawmthu ka hril a nih. A pan nuom le an biekpui nuom han a hnuoia hmun le phone number haiah hin pan le inbiekpui thei a nih. 1. Tidim Road, Opp, J.P. Selection, ICI Church Road, Lamka, CCPur. 2. Hatta, Opp. Oil Pump near Public Hospital, Hat-ta, Imphal. 3. mobile phone nos. : 8014025567 & 7628890261

Sd/-momongTuibong, CCPur

InstAllMentfor

netBOOK (MInI lAptOp)Available Now

LCD Display : 10.1” Capacitive Multi-touch LCD-1024 *600 pixelsOS : Android 4.4.2 KitKatProcessor : Dual Core 1.2 GHz ProcessorMemory : 1GB RAM/8GB FlashStorage : Expandable up to 32GB via microSDPower : 3.7V Li-Polymer rechargeable battery

Add: sinlung tech,Nehru Marg, Near David workshop

#8729905213/8258051965 (5-4)

The School Board, Staff and Studentsof the

Assemblies of God High SchoolRengkai, Churachandpur

Cordially invite all our alumni, former staff, parents and well-

wishers to theGolden Jubilee Celebration of the School

onSaturday, November 11, 2017 at 10:30 hrs.

in the School Premises.

Shri B. John Tlangtinkhuma, IASDirector

University and Higher EducationGovernment of Manipur

has consented to be the Chief Guest

..Celebrating 50 Years of God’s Faithfulness...

(10,11)

Hollywood actress Halle Berry India

ramah

new delhi: ‘Die An-othar Day’ Oscar winning actress Halle Berry (51) chu surprise visit in to \awkin India ram Mumbai khawpuiah a hung inzin nia hril a nih. Ieng thaw dinga India rama hung inzin am a nih ti ruok chu hriet a ni nawh.

Silaia sumdawngtu Pistol leh man

biharSharif: Bihar-a Nalanda district-a chun zani hmasa zana Police le Special Task Force (STF) team han dappui an thaw-naah Nai Sarai area-a In pakhat sunga inthawk ralthuom le silaia sum-dawngtu ni dinga ringhla pasal pakhat an man a, a kuta inthawk Pistol 3 le cartridges 152 an mansa bawk niin Superintendent of Police Sudhir Kumar Porika chun a hril.

Parliament Winter Session November thla sung nei hman ring um lonew delhi: Parlia-ment Winter Session No-vember chawlkar thumna vela inthawka nei \an hlak chu Gujarat Assembly Election phase tawpna taka dinga election vote campaign thei hun tawp zo hnungtieng nei chau dinga sukhnuk ring a nih tiin sawrkar thusuok chun a hril. Gujarat Assembly Election phase hnia nei dinga election campaign hi December 12, 2017 a tawp ding chau a ni a, hi

lei hin Winter Session hun hi sukhnuk pha a hung \ul ding a nih. Dan dungzuiin Parlia-ment MPs, an constituten-cies haia um han session

hunah a hun taka an \hang theina dinga Delhi an tlung theina dingin a tlangpuiin session \an hma ni 15 la umah session in\hung hun ding hi puong hlak a ni a.

Hi lei hin tukum Parlia-ment session chu Novem-ber thla sung hin nei hman ni dingin an lang nawh tiin ei thu dawngna chun a hril bawk. Nikum Parliament Winter Session kha GST Bill pass tumna lei le Bud-get session inhma lema phar a ni theina dingin kum dang neka inhmain November 16 a inthawk \an a lo nih. Gujarat le Himachal Pradesh Assembly election nei le nei ding hai haia hin

Opposition chun Demon-etisation leia sin inhman-gna le GST chungthu hai nasa takin an khekpui zing a ni a. Hi lei hin BJP \henkhat chun tu huna Winter Session nei chu op-position han hieng issue hai khekpuina remchanga hmang an inlau a nih. Hieng laizing hin Op-position Congress chun sawrkar chu Parliament in\hung ding laka tlansie le PM chu Parliament De-bates hmasuon ngam loin an intum bawk.

Police kaphliemSrinagar: Jammu and Kashmir-a Anantnag district-a chun zanikhan helpawl han special Police Officer Ranbir Singh an kaphliem. Mr Ranbir Singh hi Deputy Commissioners office-a posting a ni a, a duty-naa kaphliem a nih. Singh hi a phingnem lai si-laimu a lut a, 92 Base Hos-pital panpui a nih. (PTI)

F I E L n APathienin rem a ti chun november 10, 2017 zantieng 3:00PM hin (L) Upa Vanlalbiek hrietzingna dinga “DAMNA KRISTA” ti thupui hmanga siem Gospel Music Video Album siema um chu Hmarveng Com-munity Hall-ah RELEASE program hmang ning a tih. Hi hun hmangna hi Pathien hminga mi hung uop seng dingin Chanchinbu tiemtu hai kan hung fiel cheu.

Artiste: Lalparzo Sanate Freedom RamlienzuolSermon: (L) Upa Vanlalbiek.

Fieltuhai: 1. Rev. Lalpienglawm 2. Lalramsiem 3. Lal\anvel

President Patna -ahnew delhi: President Ram Nath Kovind chun zanikhan Bihar khawpui Patna a sir a, India Presi-dent hmasatak Dr. Rajen-dra Prasad statue umna hmuna fe in inzana a pek. President hin ‘Bihar Kri-shi Road Map 2017-2022’ hawngna a nei a, New Delhi tieng a kir nawk hma in Jayprakash Golambar hmuna Jayprakash Narayan a statue hmaah inzana a pek bawk. Tuta hi Kovind India President a ni hnunga Patna a sir hmasatakna a nih.

British Secretary Priti Patel an resignunited Kingdom: India ram suok le British Secretary of State for Inter-national Development ni lai mek Priti Patel chu zanikhan a nina a inthawk an b^n. Pri-ti Patel hi Israeli officials hai le a r<kte a meeting an neina le inzawma inban niin, hi huna hin politics thil le inza-wmin nasataka sawiseltu an um leia inban nia hril a nih. Priti hi family holiday hmanga Kenya hmuna a thang mek laiin, Kenya hmunah Israeli officials hai leh inbiekna an nei nia hril a ni leiin British Prime Min-ister Theresa May in a kokir a na. A thilthaw hi ‘diplo-matic protocol’ dan bawsi-etna nia hril a nih. Priti hi ama mimal sum senga inzin a na, Kenya a cham sung hin Israeli Prime Minister Benjamin Netanyahu le se-

nior Israeli Foreign Ministry official hai \hangin, Israeli politicians le organisations \huoitu tam tak an hmupui nia hril a nih. British Secretary Priti hin ngaidam inhnina thu tam tak a resignation lekha a hin ziek sien khawm, British Prime Minister in a pawm nawh a, theitawpin a hal lem a nih. British Defense Secretary Michael Fallon chu karhmasak lai khan ‘sex scandal’ leia b^n a lo ni tah a, tuhin Priti Patel an resign

nawk leiin British Prime Minister Theresa May a sawrkar chun harsatna ie-manichen a la tuok dinga ring a nih. Priti Patel hi Witham constituency a inthawk 2010 a inthawkin Member of Par-liament (MP) a thlang tling a na, July, 2016 a inthawka zanita an ban chenin ‘Sec-retary of State for Interna-tional Development’ maw-phurna a chel a nih. Ama hi London a pieng a na, a Nu le Pahai chu India a inthawka inpemlut le Uganda rammi nina nei an nih. Kum 2005 laia inthawka politics tienga hnuhma tam tak lo nei tah le, a sina ring-umtaka thaw hlak Priti Patel in a sin a chawlsanna hi Brit-ish sawrkar tadinga nasataka channa ni dingin mi tam tak chun an hril.

Taxi vuong thei siem dingin Uber in nASA zawmloS angeleS: “Standard Uber journeys’ Taxi man le inel phak tawk dinga man to le \ha, Taxi vuong thei siem suokna dingin Uber chun NASA a zawmna thu zan-ikhan a puongzar. Hi project a hin Los Angeles khawm a \hang ve dinga hril a na, Dallas Fort-Worth, Texas le Dubai hmuna “‘UberAIR’ pilot schemes” ang bawkin an pathum hin an thaw tlang ding a nih. Tuhin Califor-nia le Texas hai hi United States-a Car tamna taka hril niin, project hi an zo huna chu traffic buoina a suknep pha sawt dinga beisei a nih. “NASA’s UTM (Un-manned Traffic Manage-

ment) Project a Uber a hung \hang ve na hin, NASA in kum 2020 chena US khaw-pui thlang bik \henkhata ‘uberAIR’ invuongtir tuma a hmalakna nasatakin a \hang-pui ding a nih” tiin NASA chun a hril.

Car vuong thei hi NASA in 2020 a ensinna nei tumin project a fepui mek lai a na, chu hnungah mihriem hmang thei dingin 2023 a siem nawkin, 2028 huna Los An-geles hmuna Olympic Games a um huna chun tam tak siem

suok hman dinga \hang a lak a nih. Hi Car vuong thei hi siem suok \an a ni lai chun pilot nei phawt a ta, chu hnunga chu a khaltu um lovin automatic a invuongtir a ni ta ding niin NASA Spokesper-son Matthew Wing chun a hril. ‘UberAir’ hi hrat taka vu-ong dinga siem tum a na, Los Angeles le Center arena inkar khawm minute 27 sung chau, Car pangngai tlan neka hmun thuma hrat lem ding a nih. Hi Car vuong thei hi a garage chunga “vertiports” installed hmanga vuong suok, \um le in recharge dinga siem ning a ta, helipads le ram ruoka hai \um thei bawk a tih.

Freedom fighter Jyoti Pershad a thi

muzzaffarnagar: 1942 hun laia ‘Quit India movement’ huna theit-awpa \hang lo latu le jail a khawm vawi iemanizat lo intang tah, Uttar Pradesh mi le freedom figter Jyoti Pershad chu zanikhan a chengna In-ah a thi. Jyoti Pershad hi kum 95 mi a ni tah a, zani ma khan a sung le kuohai bakah, ram \huoitu iemanizat le ama ngainatuhai fekhawmin a ruong hi inthlana nei a nih. Pershad hin naupasal 3 le nau nuhmei 2 a thisan a nih.

A kutpar tanin Kutsebi an in-

rukpeknew delhi: Zani zing-kar khan New Delhi hmuna sumdawngtu pakhat chu a kutp^r tanin a Kutsebi inr<kpek a nih. A kutp^r tan pek pa hi Japanese Park, Prashant Vihar hmuna zingkar walking dinga suok a na, Bike pahni a inphur pasal 4 haiin address pak-hat an lo indawn a, an in-biek lai zing chun a Kutsebi chu pe dingin an ngen a, a pek nuom naw phing leh anni laia mi pakhat chun cutter hmangin a kutp^r chu a tan pek nia hril a nih. Kutsebi an lakpek hi Gold a siem man to tak niin, thil tlung chungthu le Kutsebi inrutu hai hriet suok tumin Delhi police haiin hma an lak mek.

World War II huna mithiruong zawng dingin US team India-ahitanagar: United States hmuna US Defense POW/MIA Accounting Agency (DPAA) Investigators team hai chu In-dopui pahnina (World War II) laia North-east hmuna US sipai inhmang hai zawngna sin thaw dingin India-ah an hung. Nikum khawm khan DPAA hin ni 30 cham din-gin Northeast a bawk team a lo hung tirlut tah a, tuta \uma an hung nawkna hi 2013 a inthawkin a \um 5-na ni tah in Kolkata hmuna US Consulate General office thu-suok chun a hril. World War II lai khan India rama hin US sipai 400 vel an inhmang nia hril a na, hieng hai hi Northeast huom sung Hi-malaya tlang le a se vel laia an ruong um

dinga ring an nih. World War II huna khan US chun vuongna lampui ‘The Hump’ ti hmingput hraw thlengin China ramah thuomhnaw a thaklut hlak a, chuong lai huna vuongna iemanizat chu an umna chin hriet lova inhmangin, an hnuhma le US si-paihai ruong khawm hmu an ni nawh. 2015 le 2016 huna DPAA team an hung hunah mithiruong \henkhat an hmu a, chu-ong hai chu DNA test fethlengin an nina indiktak hrietsuok tuma hma lak zing niin Consulate General office thusuok chun a hril a. 2015 kuma ruong pakhat chu US Army Air Forces 1st Lt Robert E ruong ngei a nih ti hrietsuok a ni ta niin thusuok chun a hril sa bawk.

April, 2018 che-nah IPPB Bank

650 Dist-ahnew delhi: India Post Payments Bank (IPPB) chu hung tlung ding April, 2018 chenah India ram sunga District hran hran 650 haiah hmang hman a ni ta ding niin sawrkar thusuok chun a hril. Hi thu le inzawma zawnna um hai Minister of Com-munications, Manoj Sinha in dawnna a nei a, IPPB hi Indian financial system hmasawn lem le awlsam lema thaw theina dinga siem a na, hieng Banks hai hi tlangrama Post Of-fices 1.55 lakh hai leh thlungzawm ning an ta, tlangram hmuna hai bank-ing service awlsam lemin an hung hmang thei ta ding a nih tiin a hril. IPPB Bank hi Ranchi le Raipur a hai hmang \an a ni tah thu Manoj Sinha chun a hril bawk.

Manipur mi \hangin Bangladesh in India mi 5 insuoSilChar: Bangladesh Jail a kum 14 zet intang tah India mi 5 hai chu Bangladesh sawrkarin ansuo a, Karimganj district-ah lutin an umdan ding ngaituo pek an nih. In-suoa um hai chu A. Aithoi, A. Thaiko, A. Ninhor, A. Uinar le Nithvi hai an na, anni laia mi 4 hai hi Manipur mi niin, a dang pak-hat hi Nagaland mi a nih. Hieng mi 5 hai hi Border Guard of Bangladesh (BGB) haiin

Sutarkandi, Karimganj district hmuna BSF hai kutah an inhlan a nih. Hieng mi 5 hai hi 2004 kuma Tripura fethlenga ramri an kan leia BGB haiin an man an na, an ngirhmun chipchier taka en-felna nei an ni zo hunah an sunghai kuta peksuok ning an tih tiin SP Gaurav Upad-hayay, Superintendent of Police, Karimganj chun a hril.

Mawngkuohur Khapna Dan Amnesty International-in SawiselCairo: Tulai khawvel c h u ‘ h u m a n r i g h t s ’ changchawiin nundan zalen lem ditna an sang deu deu a, nuhmei pasal thil chau ni lovin nuhmei le nuhmei le pasal le pasal inlaichinna chenah ‘mimal dikna le chanvo’ changchawiin dan nghet hai khawm phet thluk pei an nih. S a k h u o l e m i m a l thienghlimna kawnga fet em em le conservative tak Egypt sawrkarin mawngkuohurna (Homoseua l i ty ) khapna le hremna dan a siem tum Parliament-in Draft Bill a putlut chu Amnesty International chun ‘human rights’ bawsietna ding tiin nasa takin a sawisela dang a tum. Parliament draft bill chun, mawngkuohur hai, inpawl lai man, or a mi man reng reng chu an case izirin kum 1-3 chen Jail intang ding ti le, vawikhat neka tam thawsuol (man) hai chu kum 5 chen intang ding ti a nih a. Amnesty International chun hieng ang mi (Homosexual

community) hai ta dinga neksawrna rapthlaktak a nih tiin a sawisel. Amnesty North Africa Campaign dirctor Najia Bounaim chun, “Hi Bill hi Egypt-a mihai ta dinga human rights dan bawsietna insangtak le sexual rights neituhai ta dingin an kuonga thirkil kilpekna ang a ni ding a nih” tiin a hril. T h l a i e m a n i z a t c h u E g y p t s a w r k a r i n mawngkuohur le lesbian hai (LGBT) chungah kut thlak a tum tah a. Homosexuality hi Egypt ah ‘danlo’ anga

puong a la ni nawa chu sawrkarin hieng ang mihai hi tamtak a man tah. Hienga sawrkarin an chunga beipui a thlakna chu September 22 zana Lebanese Rock Band han Cairo ah concert an nei lai LGBT hai flag uolau taka tarlang a nih lei a nih. Concert hnunga inthawk khan mi 30 man an nih tah a, 10 hai chu Concert le inzawmna neia hril an nih. Amnesty hril dan chun, ringhlaa man hi mi 70 an nih a, tamtak chu an mawngkuo hai enpek (examined) an nih tiin a hril.

President Trump-in north korea le Trade Thuah China nawrbeijing: Pa rorum le rohrang na sumdawng lungril tak US President Donald Trump chun China mipuiin an sie sang deu deu Chinese President Xi Jinping inhmupuiin, US le China insumdawngtuona a that naw lei le North Korea boruok lum leiin China chu North Korea rekbetna sukkhau zuol ding le an sumdawngna thu a neka zau lema hawng dingin a ngen. President Trump chun US le China sumdawngna enin, China chun US leh an karah ‘trade surplus’ tamtak a nei a. China sumdawngna policy chu sawiselin “embarassing” (inzakum) le “horrible” (rapthlak taluo) tiin a hril. Beijing chu sumdawngna indiknaw taka hlawk tuma thawin an tum. China-in US le sumdawngna kawngah US a hlep nasa taluo niin a hriet a. China ruok chun, US-a China sumdawngna ding a ‘restricted’ (khap ti tina) le high-technology export a khaphai chu ngaituo that tul niin a hril ve.Sumdawngna thil hrilna a ni leiin US company lien tamtak CEO hai chu US Commerce Secretary Wilbur Ross in an rawi a. Palaihai chu General Electric le semi-conductor siemtu Qwualcomm Inc hai dam, China rama Dollar Billion tam market nei, zawr suok zinghai an nih. China le an sumdawngna, abikin Qualcomm Inc in $ 12 billion man technology hmangruo Chinese mobile company pathumhai kuoma inchawktir ding ti khawm ‘makmaw’ a nih nawh a. Thaw ngei ngei ding tina a um naw bawk leiin puitling thei hlawsam thei a nih. Critics hai chun publicity ditna leia thaw damin an intum

a. Thu chun \ha vieu a taka hlawkpuina um si lo sumdawngna hi China le US karah a tam a nih. America Chamber of Commerce in China, chairman William Zarit chun, “Hieng hi thil umdan a nih a. US company han China rama sumdawngnaa chun nasatakin an kiem a, China a hlawka. Sumdawngna inlaichinna \ha tak umzing ni sienlakhawm thil \henkhat focus-a siem \hat \ul an um a nih” tiin a hril. US hin sumdawngna kawngah China lakah chu ‘trade deficit” a hau a, China chun ‘trade surplus’ a hau ve thung a. Sumdawngna deal tamtakah China-in inchawk ding tihai an chawk nawk ngai naw leiin US company tamtak an dawng hlak a nih. Hienga China sumdawngna policy, US dawng lema umzingna hi, 2016 Presidential election ah khan sukbo an tiem a. China chunga action lak a tiem bawk a, China chu “Climate Change tehlem

siemtu” dam a tih a. Anachu, China hrem or action lak tak tak ding chu a nuom nawk nawh a. North Korea a hung inlang phingin North Korea tukdeitu dingin China a dit leiin ‘a thil suol thaw’ hmu zing sienkhawm a vau ngam/nuom ta bik naw a nih. Trump chun, North Korea khapin a nuclear ralthuom siem ta lo ding le Missile kap suok ta lo dingin China chun nawrin rekbetna sukkhau sien a nuom a. Abikin, thautui an chawktir hlakna ah. North Korea thautui inchawk po po 90% chu China ta a nih. China chun UNSC sanctioned um zing lai a nih a, a huntawk tiin ama puola (bilateral) sanction thaw sa a tum nawh. Reuters hril dan chun, Trump hin Taiwan le South China Sea thubuoihai khawm Xi Jinping hrilpui a nuoma chu North Korea le Trade thu hrilpui a \ul si leiin China lungawi naw ding a veng leiin a hrillang ta naw niin a hril. China chun North Korea rekbetna thuah UNSC rekbetna a um zing leiin a hrana thaw a \ul naw thu a vel velin a hril a. Boruok lum sukdeina ding chun mi tinin thaw ding ei nei seng tiin US le South Korea le Japan hai khawma thaw ding an nei (military drill tawp) hai indirect-in a hril a nih. Hienglai zing hin Trump le Xinping chun boruok \hatak hnuoiah inbiekna an nei a. Sumdawngna kawnga company hai insumdawngna ding thilhai inremna an ziek. Trump hin Russia President Vladimir Putin khawm Nov. 10 hin Vietnam an biekpui ding niin Kremlin hotu Yuri Ushakov chun a hril. An pahni’n APEC Summit-a \hang ding an nih.

Syria Army Han ISIS Hmunpui Tawpna Tak An Lak: Army

damaSCuS: Syria rama civil war a President Bashar al-Assad rawihai chun Islamic State helpawl ISIS han an awp khawpui tawpna tak Albu Kamal chu an lakkir nawk ta niin army commander pakhat chun a hril. Kum hni liemtaa inthawk khan ISIS helpawlhai chu hnawchepin an ram awp lakkir pei a ni tah a, tuhin a tawpna tak

khawpui khawm an lak ta niin a hril. Hieng khawpuihai hi ISIS han Islamic State indin tuma an lak, Syria le Iraq ah ramri sukboa pawisa note print a, dan khir tak tak Sharia Law hai zama kahwvel pumpuiah Muslim lalaram indinthar nawk an tumna a nih. “Nilaini khan, thla tamtak an bei hnungin Syria saktienga army le Shiite Muslim pawl \hangruolhai chun Albu Kamal an bei a, an lak tah. Albu Kamal laknaa hin Hizbulla hai an tangkai em em” tiin commander chun a hril. Hitaka hin Iran \hangpui Shiite Muslim pawl za tamtak an \hang niin a hril bawk. Syria TV chun, “Albu Kamal chu a zalen tah” tiin a puong a. Hienglai zing hin Britain-a um Syrian Observatory for Human Rights chun Albu Kamal chu lak a la ni naw niin a hril.

Hmasawnna Thar4 EntErtainmEnt / SportSthlaphal (november) 10, 2017zirtawpni (friday)

SUNZAWMNA

Women’s Champions League:

Chelsea nuhmei team chun an khingpui Rosen-gard hnein Quarter Final an hnai deu deuChelSea : Women’s Championship fe mekah Nilaini zan khan Chelsea chun round of 16 leg 1-a Rosengard an lo mikhuol a. Awlsam takin 3-0 in an lo hne leiin leg 2-a dingin inring zo tawk hle tang an tih. Hi inkhela hin half hma metin Fran Kirby chun goal khat a thun a. Half hma po chu Chelsea tienghai ror-elna ti thei ang tluk a nih. Rosengard hai second half-

a hung khel \ha met hai sien khawm Chelsea tieng chun Ramona Bachmann chun an goal hnina ding a hung thun a. Chu hnungah Bach-

mann bawkin goal khat a thunsa leiin Rosengard ta ding chun beiseina a um ta nawh. Hi zan hi Lyon nuhmei

team hai khawma an kh-ingpui BIIK Kazugurt hai 7-0 tawpin an sawp bawk. Montpeller chun khuol-ralah Brecia hai 3-2 in an va hne bawk a, Barcelona FC khawma Gintra hai 6-0 tawpin an va sawp ve lai Sparta Prague le Linko-pinng hai chu goal khat ve ve thunin an inhnetawk a, VfL Wolsfburg chun Flo-rentina hai 4-0 in an hne bawk.

England le Germany player-hai chun Poppy lim umna armband hak dinglondon : Vawizan hin England chun an khelmuo-lah Germany hai friendly match an inkhelpui ding a ni a. Hi taka hin ram pahnihai hin an banah poppy lim umna armband hak ve veng an tih. Hieng ang thil an thawna san chu Armed Forces member-hai hrietzingna dinga an thaw niin Football Association chun a hril a, inngainatna le inthuruolna an entir niin a hril bawk. Wales khawma hieng ang armband bawk hi France le an inkhel pha hak veng an tih. England,

Scotland, Wales le North-ern Ireland hai chu Nover-mber 2016 khan hieng ang armband an hak leiin hremna an lo tuok ta a. FIFA chun khang lai hun khan hi thu le politics-in inzawmna neia a ngai lei

a nih. Hieng ram palihai chun FIFA dan ennawm a ni pha hak phalna ngen a tum seng thu khawm an lo hril ta bawk. German Foot-ball Association President Reinhard Grindel chun hi thil le politics hin inkung-

keina iengkhawm a nei naw a, Indopui pakhatna le pahnina laia sipaihai inpe-kzona le an harstna lo tuok po footbool player-haiin an inza hle ti inentirna a ni lem bakah inzana, inngai-saktawnna le mihriem le mihriem kara inhmangaina suklangtu a ni lem thu a hril. Hi inkhel zan hin hun tawite to \awka sunna hun hmang ning a ta chun na-tional anthem sakin zui a tih. Chun sipai tienga inthawka thlang bikhaiin Banner Parade nei bawk an tih.

Spanish national Football Team Jersey thar chun mipui lai lungawinawna suksuok thei

madrid : Football khawvela hin lungawinaw-na le intheidanahai hi ref-eree chungah a tlung nuom bik deu nia ngai a ni hlak a. Anachu tuta kar ruok chu chuong angnaw deu chu thil a tlung ve tlat. Spanish Na-tional Football Team chun tuta kar bul tieng khan kum nawka World Cup phata an hak ding Uniform an phol-ang a, a ram mipui tam tak chun an dit naw hle a, an sawisel nasa hle bawk. Sa-wiseltuhai chun tuta an uni-form thar rawng hin Spanish Republic Vawihnina laia Spain Flag leh a colour an ang taluo niin an hril. Tuta an Flag pangngai nek hin khang hun laia Flag rawng kha a hnai lem niin an hril. Spanish Republic vawihnina hi kum 1931 khan an \an a, kum 1939 chen a dai a nih. Kha \um khan khawtang indo nasa tak a tlung a, lal ngei khawm peithlakin a um a nih. Chuleiin khang indo laia tuortu sung ke kuo tam

tak lungril a sukna a nih. Kha indo khan nationalist tieng an hrat a, Francisco Franco chu Spain Dictator hung niin kum 1975 chen a dai a nih. Anachu Spanish Foot-ball Federation le a design-tu Adidas chun chuong ang thil chu iengkhawm a kawk

naw thu an hril ve thung. Chuong lai zing chun Re-publican Flag a ang taluo leiin mi tam tak an lung a awi chuong nawh. Tu chen khawm hin Republican \antuhai chun Flag-in an la hmang zing a nih. Social media tienghai sa-wiselna tam tak hmu theiin a

um a. Canatbara-a inthawka law graduate student pakhat chun tuta uniform thar hi inhmusitna a ni thu a hril a, Football Association chu inngaituo thar ding le hieng ang uniform hak puma Spain hai inkheltir lo dingin a ngen bawk a nih. Mi dang dang khawma an ziek nasa hle a, Spanish Team-in rawng sen indik tak an hak a, khang chen a ram mipuiin an \an thu le hieng ang politics thi-la a ram mipui an buoi mup mup lai in\hedarna suktlung thei ding thil hi inennawn a \ul thu dam a nih.

epltable top 10 (As on 9th Nov. 2017)

Pos. Team Pld. Pts.1. Ma. City 11 312. Man. United 11 233. Tottenham 11 234. Chelsea 11 225. Liverpool 11 196. Arsenal 11 197. Burnley 11 198. Brighton 11 159. Watford 11 1510. Huddersfield 11 15

Zou Gal centenary Shield Football Opening Prog. hmang dingCCpur: November 10, 2017, 1:00PM hin Peace Ground, Tuibong, CCPur-ah Zou Gal Centenary Shield Football Tourna-ment, 2017 Opening Ceremony um a tih. Hi huna hin Pu Khaipao Haokip, Chairman, ADCC, khuollienin \hang a ta, Pu B. Dongzalian Simte, Chairman, Zomi Council le Pu Joseph Lalrothang, Presi-dent, Hmar Inpui GHQ hai guests of hon-our in \hang an ta, Pu T.S Haokip, Social

Worker le Pu Chinlunthang, President, UZO GHQ hai functional President le Chief host in \hang an tih. Hi huna hin CCPur Women Police le District Sports Assn. (Women) Team han Football Exhibition match inkhel an ta, tuornament match hmasa tak chu BYC le ZFC han inkhel an tih. Tournament hi Zou Gal Centenary le CDSA \hangruola an huoihawt a nih.

For One Life, Asia Second Division League final le closing hmangCCpur: Churachandpur District Sports Association (CDSA) huoi-hawtnaa For One Life, Asia District Second Division League, 2017 Tui-bong peace ground hmuna nei chu zanikhan final inkhelna le closing function hmang a nih. Hi huna hin CT Lian Guite, MDC khuollienin a \hang a, Donor tienga inthawk Rev. Joseph R. Joute, Direc-tor, For One Life Asia in a uop bawk. Presentation bakah Donor tieng le Chief Guest haia inthawk thuhril ngaithlak a ni a, chief guest in final match a kick-off zoin final inkhel a nih. Final hi Avoi Football Club (AFC) le Tangnuam Youth Club (TYC) an inkhel a, Avoi FC chun TYC chu

3-1 in an hne. Donor a inthawk Rev. Joseph in thu a hrilnaah, harsatna tam tak kara CDSA in final chen tlung thei dinga tournament an buotsai lawmum a ti thu, \halai hai ngaipawimawtu CT Lian chief guest-a a \hang theina thuah lawmthu a hril a. For One Life Asia khawmin kum 16 le chungtieng hai ta dingin Vocal Quest Solo, CC-

Pur chu Nov. 20, 2017-a inthawk an huoihawt tum thu, inhnikna nei taphawtin Life Café-ah Form lak thei a ni thu a hril. CT Lian chun, ei thilthawna haiah a tak ni tum ding a a ni thu, inkhelna ting khawm tulai \halai hai ta dingin hun \ha tak an hawng ta thu hrilin, tum insang tak neia inkhel dingin an fui.

Seikam Memorial Open Football Tournament 2017Venue : Kholmun playground, Churachandpur.

Results: 9th November, 2017 (Thursday) QUArter-FInAls

1. Laljoy FC 0-2 Molnom YC. 2. S. Haijang AY 0-2 Eimi United FC.

seMI-FInAls lIne Up 11th november, 2017 (saturday)

1. United Khawzim Brothers vs Molnom YC @ 12:00 pm. 2. Eimi United FC vs Konsam FC @ 2:00 pm

BJP Chief Ministerial candidate chu kum 73 mi PK Dhumal a na, Congress tieng chu Chief Minister ni lai zing kum 83 mi Virabhadra Singh a nih. Sawrkarna chel mektu Congress haiin thlang lal an ni nawk beiseina insangtak an nei zing laiin, politicians le voters tam tak chun Himachal Pradesh state chu Chief Minister thar PK Dhumal a rorelna hnuoia um an ring thung a, Virbhadra Singh le PK Dhumal hai hin kum 24 liemtah sung khan HP Chief Minister an ni insawk zing hlak a nih. Election result chu ni 40 hnung, December 18, 2017 hin puong lang ning a tih.

HP election-ah 74% vote a thla

8th Motivational-cum-Advent chrismas Dec. 16-ahCCpur: Nationwide Gospel Music Fes-tival (NGMF) chun December 16, 2017, 5:00PM a inthawk khin ECA Jubilee Gal-lery, K. Salbung hmunah 8th Motivation-al-cum-Advent Christmas program 2017 hmang a tum. Hi huna hin Rev. Th. Khuala, Asst. Sec-retary, Program Coordinator-a \hangin inkhawm keihruoi a ta, Rev. Lalhmingth-ang Famhoite, D/S, Tui\haphai Presby-tery, EFCI in \awng\ainain hawng a ta, Rev. Hemkhomang Haokip, Event Coordi-nator in lawmlutna thucha hril a ta, Rev.

Zothanghrim, ICI inrawinain NGMF Joint Choir in Theme Song, Halleluijah Chorus sak an ta, T. Thuama, Chairman, NGMF a inthawk keynote address ngaithlak ning a ta, Lalnghaisan Intoate, General Secretary a inthawk report ngaithlak le Chistmas Gift exchange um bawk a tih. NGMF hi kohran tina headquarter hai fethlenga \halai hai keikhawma Kohran pawl le hnam bing um loa hun hmang hlak a ni a, hi hun hmangna uop seng dingin T. Thuama, Chairman, NGMF chun fielna a siem.

Catherine Zeta-Jones Le Michael Douglas Inneina Kum 17loS angeleS: Scotist-American Hollywood A-lister Catherine Zeta-Jones (48) chu a pasal Michael Douglas (73) leh an karah kum 25 lai zet a uma chu nau pahni neiin vawisun chenin tluong takin a lan neipui thei zing a nih. Hollywood nupa innei sawt pawltak tahai hi November 18 khin an inneina kum 17 tling an lawm ta ding a nih. Catherine Zeta-Jones chu a nunghak lai khawm thothang \ha tak, insuol thiem le taksa insawizawi thiem a ni bawk leiin a tar intak khawm ning a tih. Nilaini khan Los Angeles International Airport ah khuol inzin ding a fe lai hmu a nih. A dum vawnga incheiin, kekawr dum le Jacket dum hakin tramit dum bunin lukhum dum a khum a, inhawm takin airport terminal lai thuomhnaw

iengkhawm chawi lovin a lawn zawt zawt a, a pheikhai a la zang hle, nau puitling pahni nei a ni taa chu. Kum 50 tling vang tah fit 5 le inchi 9-a insang Catherine Zeta-Jones chu a nunghak lai ang thovin a thothang a la \ha a. An chei dan

fashion-style tak baka mit latu chu a nabe Diamond hai chu an nih. A sam dum khwm a hlim tung vawng a, pa natak a nei. Mak-up dal deuvin a thawa, a huntawk char a nih. Catherine hi Hollywood A-lister hai lai khawm sungkuo inzauma

ngai Michael Douglas leh an innei a. Nau pahni, Dylan (17) le a sangnu Carys (14) hai an nei a. Kum 17 an innei tah a. An chunga thilmak deu pakhat chu, an kum inkar 25 a um a, an pahnia an birthday khawm September 25 ve ve a nih. Tuta thla bul khan New York City Gala ah an nupa-in Red Carpet an hung hraw lai hmu a ni bawk. Catherine Zeta-Jones tulaia a film thar tak chu “Cocaince Mother” ti a ni a. Post-production stage a ni tah a. Kum thar 2018 khin insuo ning a tih. A film-a hin Miami-a Drug Lord ropui Griselda Blanco lem a chang. Catherine inlarna pakhat chu “Feud: Betty & Joan” ah khan a nih. Hollywood hmeltha Olivia de Havilland lem a changa, a hnesaw hle.

carrie Underwood Le Paisely Han country Music Award Host

bridgeStone: Country singer le Award dawng dinga nominated ve ve Carrie Underwood le Brad Paisely han 51st Country Music Award 2017 hnesawtakin a host zo nawk tah. Nilaini November 8 zan khan Bridgestone Arena in Nashville, Tennessee ah kum 34-a upa Oklahoma nu Carrie Underwood chun ama khawm Award lak inring zing laiin hnesawtakin a

vawi 10-na dingin a host a, inpak a hlaw hle.Brad Paisely chu program \an hmain tuta \um CMA chu October 1 zana las Vegas concert-a mi 58 kap hluma, 546 kap hliemna le November 5 nia Texas Biekin pakhata mi 26 kap hlum an ninaa thihai sunna hunser hmangin, tu kum CMA chu anni puola dinga inhlan a nih thu a puong a. “Tu kum chu chanchin lung\hawng thlak tak tak a tam hle a. Ei hringnun nasatakin a sukdanglam a nih. Chuleiin, vawizan chu sungkuoin ei thaw hlak angin ei thaw ding a nih. Ei rengin fe khawmin, tawngtai khawm ei ta, \ap tlang ei ta, hla sak tlang ding a nih. Hi show hi thihai po po le hliemhai ta dinga inhlan a nih” tiin Brad Paisely (45) chun a hril a, mipui an lawm dum dum hle. Carrie hi Female Vocalist of the Year dinga nominated a nia chu a lak phak nawh a. Miranda Lambert-in a lak ta lem. Brad Paisely khawm Male Vocalist of the Year nominated a nia chu Chris Stapleton-in a lak. Entertainer of the Year chu Garth Brooks bawkin a lak nawk. Song of the Year chu Better Man, Little Big Town (written by Taylor Swift) a nih a. Album of the Year chu From A Room: Volume 1, Chris Stapleton a nih.

Rachel Shenton Los Angeles Suoksanin Uk ah kir nawk

london: British nunghak kum 29-a upa Rachel Shenton chun Hollywood ropuina meivar eng hnuoiah hun iemani chen a hmanga “Hollyoaks” ah iemani chen a zu chang hnungin a seilenna Britain tieng bawk a hung kir nawk tah. Rachel hi Britain-a TV show hot taka ngai, “The Inbetweeners” siemtu Damon Beesly “White Gold” ah a chang ding a nih. BBC 2 ah 1980 laia Essex khawpuia ‘double-gazig show room’ nuizat umtak comedy ah saleswoman Joanne Scoot lem a chang

ding a nih. “White Gold” a changtu danghai chu “Gossip Girls” a mi Ed Westwick (30), sales force hotu tak anga chang le “The Inbetweeners” changtu Joe Thomas (33) le James Buckley (29) hai an nih. Rachel chun, “Hieng anga film nuizatuma chang dinga Britain ka hung kir nawk thei hi lawmum ka tih” tiin a hril. Hollywood-a Rachel film chang nuhnungtak chu “Hollyoaks” ah fashion model ni chak taluo Mitzee Minniver lem a nih a. A final scene 2013-a a chang lem kha chu tuchen hin hril a la hlaw a nih. Rachel hin “Swtiched At Birth” ti film, naute an ni laia pahni inthleng suol palhai chanchin , pakhat chu sinthawtu niin pakhat chu mi che thei deu chanchin a chang bawk a, an lar pha hle bawk. Hi baka hin ama puola film a siem (ziek) le chang, a ngaizawngpa actor/director Chris Overton-in a direct “The Silent Child” khawm a siem hman bawk. Hi film hi naupangte naset chanchin a nih a. True story besan a nih. Naupang nasethai ngaisak leiin Rachel chu National Deaf Children Society ah ambassador a ni bawk. A pain cancer leia nasetin a thisan hnunga nasetna hi invawi em em a nih. Hollywood ah Oscar le BAFTA award hai dawng dinga hrilmawi a ni lai zingin Birtain tienga kir a thlang lem a nih. A changna “White Gold” series hmasatak chu en nuom an tam taluo a, BBC iPlayer ringawtah khawm en nuom million 5 request a dawng a nih.

Bella Thorne A co-Star Kevin (63) Leh Inhmu Nawk

loS angeleS: Kum 20 chauva upa US actress inlar mek, a hmel\hatna le an chei dan nal danglam leia inlar zuol Bella Thorne chu “Blended” ti filma a changpui Kevin Nealon leh kum thum an inhmu

tanaw hungin Nilaini khan Los Angeles ah an inhmu nawka, a hlim hle. Bella hin Jean kekawr bul insing deu pawl le puon pheikhawk simple deu a bun a. Bodice sen chau hakin a kawngah Sweater tiel a khit a. Water bottle chawiin a sam sen thal khawm an tawm vawng a. A lunghlu thi awr le banbun hai a langsar hle. Kum 63-a upa Kevin leh Park lai an inhmu a, a lawm hle a. Zang kun deuh khuou tah, V-neck T-shirt mei mei le Meihawl kekawr ho deu bun, lukhum inkum Olive Green khuma taksa sawl hmel deu Kevin chu a kuo lawm lawm el a nih. Bella Thorne chu an cheinaa mi mit a lak hlak ang bawkin Kevin a lawm dan umdanin mi mit a lak bawk a nih. Nauin pa an hmu nawk an lawm ang am, nunghakin a co-star a hmu nawka a lawm or Uite in a pu a hmu nawka a lawm hlawt hlawt ang amanih hriet chieng an tak. A kuoa, a biek lawm lawm a, thafanna iemani tak chu a pek ti hmu thei a nih.

NECA in VIBGYOR Day an hmang

CCpur: Bethlehem Veng, Rengkai, CCPur-a um North Eastern Children’s

Academy (NECA) chun November 9, 2017 khan an school hmunah Confine

classes Prep- II han “ The VIBGYOR DAY” hlimum takin an hmang. Hi huna hin student han thiemthil (talent an nei dang dang hai suklangna le inentirna an nei a, hi hun uoptu nu le pa hai mit a tlai hle. Chun, hi hun hmang-naa hin Annual Games and Sports, 2017 a prize latu hai kuomah lawmman sem-na nei a ni bawk.

Postal ballot in selfiepui-tu polling official manmandi: Zanita Himachal Pradesh As-sembly election neinaa polling officials le sawrkar school a zirtirtu sinthaw, Ka-mlesh Kumar chu vote a thlak laiin a postal ballot an selfiepui leiin man a nih. Kamlesh Kumar hin postal ballot an self-iepui el hi dittawk lovin, social media a hai a thlalak hi a thedar nawk a nih. Mr. Kumar hi ‘Sainj Government Se-nior School’ a art teacher niin, a thilthaw le inzawm hin education department chun show cause notice a pek a, a vote hi cancel pek a ni bakah, a duty-na polling station a inthawka laksuok a ni bawk. Mr. Kumar hi Raghav Sharma Return-

ing Officer a nina hnuoia election duty ding a na, polling station-ah an report hmaa vote a thlak theina dingin postal bal-lot hi lo pek lawk a nih. Kumar in vote a thlak lai thlalak a hin ballot serial number khawm chieng taka hmu thei niin Raghav Sharma chun a hril a, a hnungin a ruolhai a thlalak chu a thawn a, WhatsApp-ah a hung indar zau pei niin a hril bawk. Representation of the Peoples Act be-sana Kumar hi thubuoi siem khum a na, KD Sharma, Deputy Director, Elemen-tary Education kuoma khawm a \ul anga action lak dinga sawiselna thelut a ni bawk.