guÍa de orientaciÓn laboral para persoas …...tedes ante vós a “guía de orientación laboral...

GUÍA DE ORIENTACIÓN LABORAL PARA PERSOAS

CON ENFERMIDADE MENTAL



GU

ÍA D

E O

RIE

NTA

CIÓ

N L

AB

OR

AL

PAR

A P

ERS

OA

S C

ON

EN

FER

MID

AD

E M

ENTA

L

GU

ÍA D

E O

RIE

NTA

CIÓ

N L

AB

OR

AL

PAR

A P

ERS

OA

S C

ON

EN

FER

MID

AD

E M

ENTA

L

Edita:FEAFES GaliciaGaleras 13, Planta 1ª - Oficina 3 15705 Santiago de Compostela (A Coruña)Tel. 981 554 395

Coodinación e redacción:Paula Vázquez Mansilla (Orientadora Laboral FEAFES Galicia)Lara Arribas Sánchez (Orientadora Laboral FEAFES Galicia)

Maquetación e deseño:a ref.erenciaTel. 981 554 232www.a-ref.com

Ilustracións:Jorge G. [email protected]

ISBN:(en tramitación)

Tedes ante vós a “Guía de orientación laboral para persoas con enfermidade mental” que a Federación de Asociacións de Familiares e Enfermos Mentais de Galicia, coa colaboración da Consellería de Asuntos Sociais, Emprego e Relacións Laborais, pón á vosa disposición.

Hoxe en día parece claro que os mercados de traballo, tanto en España como no resto de Europa, están marcados pola súa crecente flexibilidade e mobilidade. Aínda que é evidente que por si solo o asesoramento e a orientación laboral non son, nen poden ser, a solución ao problema do desemprego, tense posto de manifesto que poden ter unha importante función que desempeñar de cara a previr o paro, axudar á busca de emprego, aproveitar as posibilidades de recibir formación e atopar as fórmulas apropiadas para a inserción ou o autoemprego. A información e a orientación profesional convértense así en importantes axudas para abordar con éxito a busca de emprego. Logralo depende, cada vez en maior medida, do establecemento dunha estratexia individual que conxugue un bo coñecemento da situación e perspectivas do mercado de traballo coa propia reflexión sobre as actitudes, aptitudes, habilidades e expectativas personais e profesionais.

Dende a Xunta de Galicia, como administración pública responsable das políticas activas de emprego, temos unha responsabilidade no aproveitamento máximo dos recursos humanos para o progreso económico e social. Neste sentido, no ano 1998 púxose en marcha a Rede Autonómica de Orientación Laboral, integrada polas oficinas de emprego da Xunta de Galicia e por entidades colaboradoras de diversa naturaleza, que ofertan servicios personalizados de información, asesoramento e orientación profesional a todos os desempregados galegos.

Entre esas entidades está presente a Federación de Asociacións de Familiares e Enfermos Mentais de Galicia, autora do presente manual, de modo que dentro da Rede se contemple específicamente a problemática do colectivo de personas con enfermidade mental, na medida en que éstas teñen que enfrontarse cunha serie de barreras psicolóxicas, educacionais, familiares ou institucionais, no momento de incorporarse ao mundo do traballo.

Precisamente, tendo en conta os seus usuarios principais, este traballo presenta unha metodoloxía clara e un contido estrictamente axustado ao obxectivo da busca de emprego. A experiencia deste tipo de publicacións e a necesidade de redoblar os esforzos na loita contra o desempreo lévanos a congratularnos con este manual e esperar que o seu uso sexa a súa mellor garantía de calidade.

Odilo Martiñá Rodríguez Director Xeral de Formación e Colocación

É unha gran satisfacción para o movemento asociativo en saúde metal a publicación da “Guía de Orientación laboral para persoas con enfermidade mental” editada pola Federación de Asociacións de Familiares e Enfermos Mentais de Galicia en colaboración coas Consellerías de Asuntos Sociais, Emprego e Relacións Laborais; Sanidade, a Dirección Xeral de Política Lingüística e Obra Social Caixa Galicia.

A finalidade desta guía é servir de ferramenta útil para ti que desexas traballar; neste senso, debes saber que atopar emprego depende de ti e que esta é unha tarefa chea de dificultades, ainda que merece a pena o esforzo xa que conseguir un traballo digno é a chave para a realización persoal. A presente guía fai un repaso exhaustivo a todos aqueles aspectos que che poden ser de axuda neste reto.

Esta obra é froito das inquedanzas e suxerencias de todos os que formades parte do Servicio de Inserción Sociolaboral de FEAFES GALICIA, agradézovos a todos a confianza, entusiasmo e interese demostrado dende que puxemos en marcha este servicio, xa fai dous anos.

Somentes me queda agradecer a colaboración das persoas e entidades que fixestes posible dita publicación, en primeiro lugar ós usuarios, familiares e profesionais que formamos o movemento FEAFES GALICIA, ás orientadoras laborais autoras da guía, ós membros do Comité Científico Profesional polas súas aportacións e á Axencia de Comunicación responsable do deseño e formato, así como ás entidades colaboradoras. Sen a sinerxia de todos a publicación desta guía non houbese sido posible.

A todos, unha aperta

Mª Ángeles Fernández Araujo Presidenta

ÍNDICE

¡OLLO Ó DATO! 1

Unha guía, ¿para que? 3

¿Como busco un emprego? 4

Dificultades que podes atopar na busca de emprego 4

O que tes que pensar antes de buscar traballo 5

Comeza a busca de emprego 7

¡MANS Á OBRA! 9

¿ONDE BUSCAR TRABALLO? 11

Busca de emprego na empresa privada 12

Autoemprego ou cómo montar o meu propio negocio 21

A Administración Pública 23

FERRAMENTAS PARA BUSCAR TRABALLO 25

Carta de presentación 27

Currículo 32

Entrevista de selección 36

FORMACIÓN 39

Formación profesional 41

Cursos de formación ocupacional 42

Escolas obradoiro e casas de oficio 43

SERVICIO GALEGO DE COLOCACIÓN 45

OEDEM 49

FICHAS DE TRABALLO 53

TELÉFONOS DE INTERESE 62

Guía de Orientación Laboral para Persoas con Enfermidade Mental

¡OLLO Ó DATO!

Guía de Orientación Laboral para Persoas con Enfermidade Mental - 3

¡OLLO Ó DATO!


¡OLLO Ó DATO!

UNHA GUÍA, ¿PARA QUE?Esta guía está pensada para ti que queres traballar, para que contes cunha ferramenta útil na túa busca de emprego.

Aínda que ... ¡ollo o dato!

NON É UN LIBRO DE RECEITAS OU TRUCOS INFALIBLES

Que atopes un emprego depende de ti. ¡Si, si!, todos sabemos que o traballo de buscar traballo é un dos máis difíciles, ingratos e duros... pero..., ¡ADIANTE! porque o desánimo crea inseguridade e é a primeira barreira para acadar o teu fin.

INSTRUCCIÓNS DE USO DA GUÍA

LE A MODIÑO: pensando no que di e sobre todo por qué o di.

SE CRÍTICO CO QUE LEES: pode haber cousas coas que non esteas de acordo, a túa opinión é importante.

REALIZA ESTE TRABALLO CRÍTICO CON OUTRAS PERSOAS: sempre xurdirán ideas novas.

PREGÚNTALLES A OUTRAS PERSOAS: se algún tema non che queda claro ou non entendes ben.

PRÉSTAA

NON ME RENDIREI E APRENDEREI DAS DIFICULTADES

4 - Guía de Orientación Laboral para Persoas con Enfermidade Mental

¡OLLO Ó DATO!


¡OLLO Ó DATO!

¿COMO BUSCO UN EMPREGO?Cando buscas un emprego podes actuar de tres maneiras:

6 NON ACTUAR: “esperarei a ver se xorde algo”.

6 ACTUAR SEN ORDE: “onte busquei, pero hoxe estou canso e non fago nada”.

6 ACTUAR CON ORDE: “sentareime a pensar qué pasos teño que dar para atopar traballo, qué vou facer, ónde podo ir...”.

Coas dúas primeiras formas de actuar, poucos resultados obterás. O éxito está en actuar con orde a hora de buscar un traballo. Nesta guía explicarémosche qué pasos tes que dar. ¿PREPARADO?

¡ORGANÍZATE! : PASO A PASO

EMPREGA O TEUS PROPIOS RECURSOS QUE SON MOITOS

DIFICULTADES QUE PODES ATOPAR NA BUSCA DE EMPREGO

Buscar un traballo é unha carreira de longa distancia con obstáculos.

Non dependerá de ti cambiar algunha das dificultades coas que te podes atopar, por iso non gastes tempo e esforzo nelas, ten unha actitude positiva e non te desanimarás.


¡OLLO Ó DATO!


¡OLLO Ó DATO!

DIFICULTADES QUE NON DEPENDEN DE TI

• O emprego é escaso.• Atopar traballo é cuestión de sorte.• Os empregos son para persoas mellor preparadas ca min.• O listón que poñen as empresas é demasiado alto.• As probas de selección son demasiado complicadas.

Tamén atoparás dificultades, que poderás superar se invistes tempo e esforzo nelas. Atoparás solucións para resolvelas, está nas túas mans que deixen de ser dificultades.

DIFICULTADES QUE DEPENDEN DE TI

• Sensación de inseguridade ó enfrontarte ó problema de atopar traballo.• Decaemento pola falta de actividade.• A túa formación non é adecuada ós teus intereses laborais e ó que sabes facer.

• Contar con poucas persoas que che poden axudar a buscar traballo.• Intranquilidade económica.

Esta guía pretende axudarche a que descubras as posibles solucións a estas dificultades.

O QUE TES QUE PENSAR ANTES DE BUSCAR TRABALLOComezar a traballar é unha decisión importante, xa que cambiarán moitas cousas na túa vida, debes ter claro por qué decides facelo e por qué cres que este é o momento adecuado.

Quizais pensar nestas preguntas che axude a reflexionar.


¡OLLO Ó DATO!


¡OLLO Ó DATO!

¿POR QUE DECIDES POÑERTE A TRABALLAR?

Ter claras as razóns polas que queres traballar axudarache a non te desanimar na busca de emprego.

EXEMPLO:

• Quero ter independencia económica.• Quero ser máis autónomo.• Cando traballo síntome mellor.• Teño unha profesión e quero poñela en práctica.• Non quero estar illado.

¿Algunha das razóns anteriores coincide coas túas? ¿Tes outras?

Escribe nestas liñas as razóns polas que te decides traballar.

¿POR QUE CRES QUE ESTE É O MOMENTO AXEITADO PARACOMEZAR A TRABALLAR?

Pensa por qué este é o momento axeitado para afrontar os cambios que supón comezar a traballar.

Escribe nestas liñas por qué pensas que é o momento adecuado para traballar.


¡OLLO Ó DATO!


¡OLLO Ó DATO!

COMEZA A BUSCA DE EMPREGOElixir en qué queres traballar é o primeiro paso e o máis importante na túa busca de emprego.

É IMPORTANTE QUE O TRABALLO QUE ELIXAS ESTEARELACIONADO COA TÚA FORMACIÓN E COAS TÚAS

CAPACIDADES (O QUE SABES HACER) E HABILIDADES(CÓMO O SABES FACER).

Para saber se o traballo que elixiches está relacionado coa túa formación, capacidades e habilidades podes responder as seguintes preguntas:

• ¿Que traballos sei realizar?

• Deses empregos, ¿en cales me sentiría realmente a gusto traballando?

• ¿Que traballos sei realizar?

• ¿Por que razóns me gusta ese traballo?

• ¿Cantas horas podería traballar?

• ¿Teño a formación necesaria para realizar ese traballo que me gusta?

• ¿Teño experiencia nese traballo?

• ¿Coñezo que tarefas hai que realizar nese traballo e cales podo realizar?

• ¿Coñezo as calidades persoais que esixe ese traballo? ¿Téñoas eu?

• ¿Onde estou disposto a traballar?


¡OLLO Ó DATO!

EXERCICIO DE EXEMPLO:

¿EN QUE QUERES TRABALLAR?

• ¿Que traballos sei realizar?Sei traballar como xardineiro.

• ¿Por que razóns me gusta ese traballo?Gustaríame traballar como xardineiro, porque me gustan as plantas e traballar coa terra.

• ¿Cantas horas podería traballar?Podería traballar a media xornada.

• ¿Teño a formación necesaria para realizar ese traballo que me gusta?Realizei un curso de xardinería, teño os coñecementos necesarios para poder traballar.

• ¿Teño experiencia nese traballo?Durante o curso fixen prácticas de xardinería.

• ¿Coñezo que tarefas hai que realizar nese traballo e cales podo realizar?

Si. Coñezo as tarefas que realiza o xardineiro: fertilización, plantación, sementeira, reproducción, rega, poda e perfilado, tratamentos fitosanitarios.

• ¿Coñezo as calidades persoais que esixe ese traballo? ¿Téñoas eu?O traballo require paciencia, seno da responsabilidade, hixiene.

• ¿Onde estou disposto a traballar?Só estaría disposto a traballar no meu lugar de residencia.


¡OLLO Ó DATO!

¡MANS Á OBRA!

¿ONDE BUSCAR TRABALLO?



BUSCA DE EMPREGO NA EMPRESA PRIVADA

CANLES OU VÍAS PARA A CONTRATACIÓN

Cando decides empezar a buscar emprego, debes coñecer as posibles canles para lograr o teu obxectivo.

O primeiro que tes que ter en conta é que son múltiples e diversas as vías ou canles para atopar emprego. Por exemplo, buscar no teu contorno familiar e de amizades, ou buscar en periódicos ou prensa especializada, etc.

¿ONDE BUSCAR?

Os teus esforzos teñen que estar ben dirixidos para acadar o obxectivo que te propuxeches lograr.

Cada unha das canles de acceso (prensa, INEM, etc.) ten a súa particularidade, deberías seleccionar máis dunha, porque non son excluíntes, e así ampliarías as túas posibilidades.

A seguir amosámosche diversas canles que poden ser eficaces para lograr o teu obxectivo.

1. Oficinas do INEMEsta é unha fonte de busca de emprego de carácter público, o Instituto Nacional de Emprego.

¿Como podo apuntarme?Ten oficinas nas que podes inscribirte como demandante activo en busca de emprego. Deberalo facer naquela que máis cerca se atope do teu domicilio ou localidade.

¿Que teño que levar para rexistrarme?Para rexistrarte como demandante leva o carné de identidade (DNI), a túa cartilla ou o número da Seguridade Social (teralo no caso de que traballases con anterioridade), así como as xustificacións académicas e profesionais.

IMPORTANTE!!

Unha vez que esteas inscrito como demandante de emprego, debes presentarte periodicamente na data que aparece na túa tarxeta de demanda. Debes renovala nos días exactos indicados e acudir á oficina de emprego cando previamente sexas requirido.

Achégate sempre que queiras, hai unha sección de demandas actuais, solicítaas.

Por último, cómpre lembrarche que, se xa estás traballando, podes inscribirte como demandante de mellora de emprego.

2. Os anuncios de prensa (ofertas e demandas)Os medios de comunicación, sobre todo a prensa escrita, constitúen outra fonte de información valiosa na busca de emprego. Neles podes atopar información interesante acerca do mercado laboral, ofertas de postos de traballo, actividades empresariais de nova creación, novas ideas, etc.

Na prensa diaria aparecen anuncios de ofertas e demandas de traballo, e non só diariamente, xa que algúns xornais concéntranas as fins de semana, sobre todo o domingo, como por exemplo: El País, La Voz de Galicia.

Para moitas empresas, a prensa é a canle máis habitual para captar os seus traballadores.

Anuncios na prensa (ofertas):

Tirada ou ámbito local ➙Empresas asentadas na túa zona

Tirada ou ámbito nacional

➙Oferta máis ampla e diversificada

➙Máis información sobre o mercado laboral, en xeral

➙Ofertas fóra do teu lugar de residencia

Revistas especializadas ➙Información específica e bolsa de emprego

ANTE UNHA OFERTA INTERESANTE:

• RESPONDE RAPIDAMENTE (NO PRAZO DE CINCO DÍAS).• ENVÍA UNHA CARTA DE PRESENTACIÓN E O CURRÍCULO.

Non te desanimes se cres que non cumpres algún dos requisitos esixidos. Pensa que a maioría das demandas implica procesos de selección personalizados (entrevista persoal).

Por certo, algo moi importante que debes ter en conta é:

YTEN MOITO COIDADO E EVITA, SEMPRE QUE POIDAS,

OS ANUNCIOS ENGANOSOS

¿Como os identifico?

• Non se require ningunha titulación ou formación específica, cando nos demais anuncios se require.• Non din nin o cargo, nin as funcións, nin a categoría profesional que se terá.• Non fan referencia a que se requira experiencia previa, mentres que os demais si que a demandan.• O lugar de traballo que propoñen se adoita ser o propio domicilio.

¿Que che propoñen encubertamente?

• Cursos.• Traballos nos que tes que comprarlles materiais u obxectos. • Adiantar algunha cantidade de diñeiro.

Se sospeitas que algún anuncio é enganoso, investiga previamente. Podes chamar, de haber un teléfono de contacto, ou envía unha carta dicindo que desexas recibir máis información.





3. Enviar o currículo por correo

O currículo ten que ir sempre acompañado dunha carta de presentación personalizada, dirixida ó nome da persoa concreta que nos interesa desa empresa, xunto co currículo adaptado á particularidade de cada empresa.

Para evitar que quede no esquecemento, unha vez que transcorra un tempo (dúas ou tres semanas) e se non se puxeron en contacto contigo, chámaos por teléfono lembrándolles que enviaches o teu currículo, insistíndolles sobre a oferta dos teus servicios como profesional na súa empresa.

4. Presentarse directamente nas empresas

A vantaxe de ir directamente ás empresas é que es ti quen de forma espontánea te achegas a ela ofrecendo os teus servicios como profesional, ben para que te incorporen na súa bolsa de traballo ou base de datos, ben para obter información sobre esa empresa que che pode servir no futuro.

É unha forma activa de busca de emprego que, na maioría das ocasións, agradece o empregador. Poden dedicarlle máis tempo a estudiar a túa oferta.

O empregador pode comprobar que:

• Es unha persoa activa, dinámica e con iniciativa.

• Podes desenvolver ben os labores do posto.

• Tes os coñecementos e a formación necesaria.

O empresario/empregador adoita lembrar e ter en conta as persoas que foron ofrecerse como traballadores e profesionais á hora de cubrir algún posto de traballo novo ou vacante, sobre todo nas pequenas e medianas empresas.

Se ó cabo dun tempo prudencial (dúas semanas, aproximadamente) non recibiches contestación, podes insistir a través dunha chamada telefónica.





En todo caso, se se produce unha resposta negativa, non te desanimes, sigue intentándoo, empeza de novo o proceso.

Se non tes resposta pensa que:

• A empresa non está obrigada a responder.• Pode que non teña vacantes nese momento.• Non nos axustamos ó perfil buscado por eles.

Tanto si decides presentarte na empresa, como se mandas o currículo por correo, tes que conseguir información sobre as empresas ás que vas visitar ou enviar os teus datos.

¿Como?

• Listaxes de empresas.

¿Onde?

• Cámaras de comercio.• Páxinas amarelas.• Colexios profesionais.• Asociacións de persoas con discapacidade.• Revistas especializadas en listaxes de empresas.





É interesante que coñezas o nome da persoa con quen debes falar ou a quen enviar os teus datos; deste xeito, gañarás tempo e evitarás máis comodamente as persoas-filtro do Departamento de Persoal (recepcionistas, secretarias).

5. Os contactos persoais

É buscar no teu entorno familiar e de amizades, creando unha especie de rede.

Outra canle para buscar emprego á que debes acudir é a das relacións persoais. Cando busques traballo, non dubides en llelo comunicar os teus amigos, familiares e coñecidos.

Elabora unha listaxe das persoas que che poden axudar. Permitirache estar informado das vacantes, dos postos que xurdan ou dos progresos realizados.

¿A quen recorrer?

• Familiares e amigos/as.• Compañeiros/as de estudios.• Compañeiros/as de traballo, Compañeiros/as de Club, de Asociación, etc.• Profesores/as.• Contactos de amigos, familiares, compañeiros etc.

É unha opcion informal, pero que adoita ser efectiva

Non descartes a ningún coñecido ou familiar polo feito de que non traballe no tipo de empresa que a ti che interesa, nin porque o seu posto dentro da organización non sexa importante, ás veces son os máis efectivos.

Ten sempre preparado un currículo actualizado para podelo entregar rapidamente, no caso de que sexa necesario.

Contactos periódicos coas persoas da rede para

• Llembrarlles e animalas a que nos sigan axudando.• Ampliar calquera información profesional.• Para coñecer os seus progresos. Ex.: saber se xa se puxeron en contacto coa súa empresa.





6. Axencias ou empresas de traballo temporal (E.T.T.)

Fan de ponte entre o traballador e as empresas. Contratan temporalmente a traballadores no sen cadro de persoal para desenvolver actividades profesionais nas ditas empresas.

As empresas de traballo temporal cobran unha especie de comisión por exercer esta tarefa.

A empresa de traballo temporal contrátate, págache o salario (do que descontan a súa comisión) e dáte de alta na Seguridade Social.

Se acodes a elas, mandaranche cubrir un formulario, cos datos que normalmente aparecen no teu currículo.

Se lles demandan algunha persoa co teu perfil profesional, serás requirido para participar nos procesos de selección.

¿Que che poden ofrecer as empresas de traballo temporal?

• Iniciarte no mundo laboral e da empresa.• Adquirir experiencia laboral.• Pode xurdir un traballo estable.

Conseguir unha relación de toda as empresas non é difícil, podes mirar nas Páxinas amarelas de Telefónica, ou ben elaborar unha lista a partir dos anuncios da prensa.

Un tema importante para reflexionar se decides utilizar estas empresas é que ofertan traballo temporal, polo que se percibes unha prestación non contributiva deixarás de cobrala durante o tempo que traballas, e terás que volver iniciar os trámites de solicitude cando finalice o contrato temporal.





7. Outras entidades ás que podes recorrer:

• Asociacións, federacións de persoas con discapacidade.• Colexios profesionais.• Fundacións.• Centros formativos.• Asociacións empresariais.• Sindicatos.• Departamento de Traballo da concellería da túa localidade.• Departamento de Traballo da consellería da túa comunidade.

¿Que poden ofrecer?

• Cursos de formación.• Información laboral.• Bolsa de traballo.• Grupos de busca de emprego.





AUTOEMPREGO OU COMO MONTAR O MEU PROPIO NEGOCIOSe pensaches nesta posibilidade como medio para buscar emprego, a continuación podes ver algúns dos pasos que has de ter en conta para que esta iniciativa sexa un éxito.

¿ONDE PODES ATOPAR AXUDAS PARA O AUTOEMPREGO?

Para a creación da túa empresa podes recibir axudas dende as administracións. Estas axudas poden ser de dous tipos:

1.Axudas Técnicas: proporciónalles asesoramento personalizado a aqueles que teñen unha idea concreta de negocio.

As entidades concretas que che axudarán son:

- Dende os centros asociados que dependen da Dirección Xeral de Formación e Colocación da Consellería de Asuntos Sociais, Emprego e Relacións Laborais.

- Axencias de Desenvolvemento Local (ADL) dependentes da Dirección Xeral de Fomento de Emprego, da Consellería de Asuntos Sociais, Emprego e Relacións Laborais.

2. Axudas Económicas: as entidades que ofrecen axudas son a Consellería de Asuntos Sociais, Emprego e Relacións Laborais, Igape, XES GALICIA.

FACTORES CLAVES DO ÉXITO

1. Ter unha boa idea de negocio

2. Coñecer ben o mercado ó que queres acceder

3. Coñecer ben cómo fabricar o producto ou cómo prestar o servicio

4. Contar coa xente adecuada

5. Contar con diñeiro suficiente

6. Determinar a forma xurídica máis conveniente

7. Lograr a coherencia de todos os factores anteriores




¡OLLO Ó DATO!

A ADMINISTRACION PÚBLICA Outra alternativa para traballar é facelo para a Administración Pública -local, autonómica e central-. Abrangue case tódalas categorías profesionais.

¿COMO ACCEDER?

A maneira de acceder á maioría destas prazas é mediante:

• Oposición: consta dun examen.

• Concurso: valorase a experiencia e o currículo.

• Concurso-Oposición: hai probas de examen e tense en conta tamén a experiencia, o currículo e os exámes aprobados.

O que debes saber é que existe unha lexislación que regula unha reserva (cota de reserva, que sería o 3% das prazas totais ofertadas) de emprego para persoas con discapacidade recoñecida.

¿ONDE LOCALIZAR AS OFERTAS DE EMPREGO PÚBLICO?

• Boletíns oficiais correspondentes: - Do Estado (BOE). - Autonómico (DOGA). - Local (BOP).

• Anuncios públicos das convocatorias en prensa.

• A través dos organismos convocantes.

• Centros de estudios ou academias privadas.

• Organizacións sindicais.

• Entidades de mediación laboral.

• Asociacións, federacións de persoas con discapacidade.

• Ministerio de Administracións Públicas (M.A.P.).




¡OLLO Ó DATO!

¿QUE CHE INTERESA DUNHA CONVOCATORIA E QUE DEBES TER EN CONTA?

• Quén convoca e o número de prazas ofertadas en cota de reserva,(son as prazas para persoas con discapacidade).

• Requisitos esixidos e que debes cumprir para poder realizala, sen os cales non te podes presentar: nacionalidade, idade mínima (dezaoito anos), titulación esixida.

• A documentación que debes achegar.

• Pagar as taxas de admisión.

• As probas que vas ter que realizar e o temario que debes preparar.

• Prazo e lugar onde presentar a instancia/solicitude. Podes enviala por correo certificado e, sempre que podas, entrégaa ti mesmo.

Se decides presentarte dentro da reserva de prazas para persoas con discapacidade, tes que facer constar a túa condición de persoa con discapacidade e achegar unha fotocopia do Certificado Oficial de Minusvalía cando a envíes.

Unha vez pechado o prazo de admisión de solicitudes, asegúrate sempre que estás incluído nas listas con dereito a reserva.

FERRAMENTAS PARA BUSCAR TRABALLO



CARTA DE PRESENTACIÓNCoa carta de presentación dáste a coñecer ó empresario e solicitas unha entrevista de traballo.

Nela debes explicar brevemente:• Quén es.• Qué sabes facer e qué podes ofrecer.• Por qué solicitas o emprego.

Hai dos tipos de cartas:• Na que respondes a un anuncio.• De autocandidatura, a que fas pola túa conta porque cres que podes realizar un traballo para esa empresa.

¡Repara nos exemplos, a redacción é distinta para cada tipo de carta!

¿NECESÍTASE REALMENTE UNHA CARTA DE PRESENTACIÓN? ¡POR SUPOSTO!

• É a tu primeira oportunidade de producir unha boa impresión e de que o empresario se fixe en ti.

• Demostra que tomas en serio a busca de emprego.

SUXESTIONS PARA O ÉXITO

• Que sexa curta, nunca máis dunha páxina.• Que sexa persoal, clara e sinxela.• Revisa a redacción e a ortografía• Escrita a ordenador ou máquina. Se non che é posible, escríbea a man con letra clara.

• Envía sempre orixinais, NON fotocopias.• Investiga quén é o responsable de contratar o persoal na empresa e diríxete directamente a el.

• Di siempre cousas positivas.• Non a grampes o currículo.





CONTIDO DA CARTA :

RESPOSTA A UN ANUNCIO

O TEU NOMEENDEREZOTELÉFONO

NOME DA EMPRESAENDEREZO

PERSOA DE CONTACTOLUGAR E DATA

SAÚDO DE CORTESÍA

MOTIVO DA CARTA• Explica por qué envías o teu currículo.• Fai referencia á fonte onde obtiveches a información sobre a oferta de traballo.• Mostra o teu interese polo traballo.

RESUMO DO TEU CURRÍCULO• Resume aqueles aspectos do currículo que se axustan ó posto de traballo ofertado.• Resalta os teus puntos fortes: a túa formación e experiencia son importantes, pero tamén as túas capacidades e calidades (capacidade de traballo e aprendizaxe, responsabilidade, facilidade no trato coa xente).• Explica por qué queres traballar nesa empresa e qué lles podes ofertar.

DESPEDIDA DE CORTESIA

SINATURA





CARTA DE PRESENTACIÓN

RESPOSTA A UN ANUNCIO

María González LópezR/ A Rosa, nº 3, 2º B15701.Santiago de Compostela. A CoruñaTeléfono : (981) 512 12 12 – 654789654

M.W.W . PublicidadReferencia: administrativo

Aptdo. Correos 632A Coruña

Estimados Sres/Sras.:

Con referencia ó seu anuncio publicado o día 23 de setembro no diario La Voz de Galicia, no que solicicitan persoal administrativo, envíolles o meu currículo co obxecto de entrar a formar parte no proceso de selección.

Dada a miña formación e práctica profesional nas áreas de administración e contabilidade, considero que reúno as condicións necesarias para desempeñar o posto ofertado.

Gustaríame destacar os meus amplos coñecementos en informática contable, así como outras cualidades que considero importantes para o desempeño do posto de traballo, como a miña capacidade de aprendizaxe e facilidade no trato co público.

Na espera da súa resposta, reciba un cordial saúdo:

María González López





CONTIDO DA CARTA:

AUTOCANDIDATURA

O TEU NOMEENDEREZOTELÉFONO

NOME DA EMPRESAENDEREZO

PERSOA DE CONTACTOLUGAR E DATA

SAÚDO DE CORTESÍA

MOTIVO DA CARTA• Explica por qué envías o teu currículo e cál é o traballo para o que queres que te contraten.• Demostra que coñeces a qué se adica a empresa.• Mostra o teu interés por traballar nesa empresa.

RESUMO DO TEU CURRÍCULO• Resume aqueles aspectos do currículo que se axustan ó posto de traballo para o que queres que te contraten.• Resalta os teus puntos fortes: a túa formación e experiencia son importantes, pero tamén as túas capacidades e calidades (capacidade de traballo e aprendizaxe, responsabilidade, facilidade no trato coa xente…).• Explica por qué queres traballar nesa empresa e qué lles podes ofertar.

SOLICITUDE ENTREVISTAIndica a túa disponibilidade para mantener unha entrevista.

DESPEDIDA DE CORTESIA

SINATURA





CARTA DE PRESENTACIÓN

AUTOCANDIDATURA

Eduardo Garrido CamposR/ Toledo, nº 815578.Vigo(986) 342 12 13 – 654479664

Sr. Luis RincónDpto. de Selección de Persoal

FERRAL ConstruccionsPolígono das Viñas

A Coruña

Estimado Sr. Rincón:

Coñecedor da actividade que realiza na súa empresa, diríxome a vostede por se o meu perfil e experiencia profesional lle puidesen resultar interesantes.

Como poderá observar no meu currículo conto cunha ampla experiencia profesional en diversos postos do sector da construcción. Teño coñecementos de albanelería, pintura e soldadura e dispoñibilidade inmediata para traballar.

Sen outro particular, quedo á súa disposición para ampliar canta información considere oportuna.

Na espera das súas noticias, saúdao atentamente

Eduardo Garrido Campos





CURRÍCULOO currículo é o resumo claro e ordenado dos teus datos persoais, a túa formación e a túa experiencia profesional.

SUXESTIÓNS PARA Ó ÉXITO DO TEU CURRÍCULO

• Corto, claro e ben organizado.

• Revisa a redacción e a ortografía.

• Escrito a ordenador ou a máquina. Se non che é posible, escríbeo a man con letra clara.

• Envía sempre orixinais, NON fotocopias.

Tanto os datos da túa formación como os da túa experiencia laboral deberán ter unha orde, da máis antiga á máis recente ou ó revés.

Se a túa experiencia profesional é máis ampla cá túa formación, pona en primeiro lugar.

Se che custa lembrar os cursos que fixeches ou os traballos que tiveches, axudarache empezar dende o principo. O currículo é a historia da túa vida, fai un repaso.

Os datos sobre os traballos con contrato nos que estiveches empregado figuran no teu certificado de vida laboral, que o podes solicitar na Tesourería Nacional da Seguridade Social.





¿ QUÉ PARTES TEN?

1. Datos persoais

• Nome e apelidos.• Data de nacemento.• Enderezo.• Teléfono.• D.N.I.

2. Datos de formación

• Formación académica: Título. Centro de estudio. Data de finalización. • Outros estudios: Título. Centro de estudio. Nº de horas. Data de finalización.Se non tes titulación universitaria ou titulación en formación profesional podes incluír graduado escolar ou bacharelato superior.

3. Experiencia profesional

• Nome da empresa.• Período de tempo.• Posto laboral desempeñado.• Funcións realizadas.

Se aínda non tes experiencia laboral, pero fixeches prácticas en empresas tamén podes incluilas.

4. Outros datos de interese

• Idiomas.• Informática.• Carnet de conducir.• Coche propio.• Dispoñibilidade para viaxar.• Dispoñibilidade horaria.





CURRÍCULODATOS PERSOAIS

Nome e Apelidos: María González LópezData de nacemento: 12 de Agosto de 1970D.N.I.: 28.887.887-ZEnderezo: R/ A Rosa, nº 3, 2º B-15701.Santiago de Compostela. A Coruña.Teléfono: (981) 512 12 12 – 654789654.Email: marí[email protected]

FORMACIÓN ACADÉMICA

1995 Técnico especialista administrativo FP2. Instituto de Formación Ocupacional San Clemente. Santiago de compostela

FORMACIÓN COMPLEMENTARIA

1996 Empregado de oficina pola Confederación de Empresarios de Galicia. 300h.1999 Administrativo Contable pola Academia Postal. 300h.

EXPERIENCIA PROFESIONAL

1995 Prácticas como administrativo na oficina de información cidadá do concello de Ames, realizando durante 3 meses tarefas administrativas e contables.

INFORMÁTICA

1998. Curso de ofimática pola UXT. 100h.

OUTROS DATOS DE INTERÉS

Carné de conducir B-1.Vehículo propio.

28 de setembro de 2003.





CURRÍCULO

DATOS PERSOAIS

Nombe e Apelidos: Eduardo Garrido CamposData de nacemento: 12 de Agosto de 1957D.N.I.: 28.887.887-ZDirección: R/ Toledo, nº 8. 15578.Vigo.Teléfono: (981) 342 12 13 – 654479664.Carné de conducir B-1. Vehículo propio.

EXPERIENCIA LABORAL

1975-1979 Peón de albanel. Vidal Construcción.1989-1993 Pintor. Pinturas Rey.1995.1996 Soldador. Vidal Construcción, S.A.1997-1998 Albanel.Corral S.L.1999-2000 Traballador carga e descarga. Ferrovial.

FORMACION

1971. Graduado escolar.

OUTROS DATOS DE INTERES

• Coñecementos básicos en colocación de pezas de escaiola (sistemas, ancoraxe).• Coñecementos de soldadura de estructuras metálicas.

28 de setembro de 2003





ENTREVISTA DE SELECCIÓNA entrevista ten como obxectivo coñecer mellor o candidato, o posto de traballo e que o candidato coñeza a empresa.

A entrevista persoal é a parte máis importante do proceso de selección. E importante que trates de levala preparada.

OBXECTIVOS DO ENTREVISTADOR

• Saber máis sobre ti: a túa personalidade, comportamento, motivación, etc.

• Averiguar se ti podes, sabes e queres ocupar o posto.• Predecir cómo traballarás no posto, o teu rendemento.• Informarte sobre o posto de traballo e a empresa.

OS TEUS OBXECTIVOS NA ENTREVISTA

• Demostrar que a túa formación e experiencia coinciden co perfil do empregado que buscan. Demostrar que podes, sabes e queres ocupar o posto.

• Mostrar o teu interese polo posto e a empresa.• Demostrar a túa capacidade de encaixar no posto.

FASES DA ENTREVISTA

Antes de

• Consigue toda a información posible sobre a empresa e o posto.• Pensa nas posibles preguntas que che poidan facer e trata de respondelas:

Exemplo: poden preguntarche sobre as túas calidades persoais e profesionais. Enuméraas e trata de poñer exemplos que demostran que tes esas calidades.Exemplo: poden preguntarche polos teus defectos. Enuméraos e trata de buscarlle a parte positiva.

• Leva varias copias do currículo e repasáo antes para que o que vaias decir na entrevista coincida co que puxeches no currículo.

• Boa presencia e puntualidade.





Durante

• Saúdo: espera a que o entrevistador se dirixa a ti, estreita a súa man cordialmente e preséntate.

• Deixa que o entrevistador conduza a entrevista, escóitao cando fala sen interrompelo. Comezará por falarche da empresa e o posto, e logo pasará á recollida da información sobre ti: datos persoais , formación, experiencia laboral, etc.

• Ó final da entrevista fai preguntas mostrando interese sobre o posto.

Exemplo: ¿que posto se trata de cubrir?, ¿cales serían a túas principais funcións? ¿con quen traballarías?

• Infórmate da próxima etapa do proceso de selección.

Despois de

• Reflexiona sobre a entrevista: pensa en aspectos a mellorar.

ENTREVISTA

CON CONFIANZA

A empresa desexa coñecerte a ti, pero ti tamén desexas coñecer a empresa e saber se che gustaría traballar nese posto de traballo.

CON ACTITUDE POSITIVA

Demostra interese e motivación polo traballo.Se che fan preguntas que te parecen hostís ou inapropiadas trata de ser diplomático, se cordial.

SUXESTIÓNS PARA O ÉXITO

• Respostas sempre positivas.• Non esaxeres.• No contestes cunha soa palabra (si, non, algunha vez). Explica as cousas.

• Se tiveches problemas noutros empregos non os menciones.• Non fumes aínda, que te inviten.• Non repitas o mesmo moitas veces. • Ve só para non dar sensación de inseguridade.

FORMACIÓN


FORMACIóN


FORMACIóN

FORMACIÓN PROFESIONALA formación profesional comprende un conxunto de ensinanzas que, dentro do sistema educativo, capacitan para o desempeño cualificado das distintas profesións.

A formación profesional consta dun conxunto de ciclos formativos, de duración variable, que conteñen áreas de coñecemento teórico-prácticas en función dos distintos campos profesionais.

Os ciclos formativos clasifícanse en:

• Ciclos de grado medio: para o acceso é necesario ter completado o ensino secundario obrigatorio.

• Ciclos de grado superior: para o acceso é necesario ter completado o bacharelato.


FORMACIóN


FORMACIóN

CURSOS DE FORMACIÓN OCUPACIONALO obxectivo destos cursos de formación ocupacional é capacitar e cualificar os desempregados para un emprego determinado, o que posibilita a súa incorporación ó mercado laboral de traballo.

REQUISITOS DOS BENEFICIARIOS DOS CURSOS

• Estar inscrito na oficina de emprego correspondente. • Facer constar na demanda de emprego a dispoñibilidade para realizar cursos de formación ocupacional.

• Superar un proceso de selección específico para cada curso.

CARACTERÍSTICAS DOS CURSOS

• Presenciais.• Gratuitos.• Duración: mínimo 200 horas e máximo 900 horas.• Axudas de desprazamento para os alumnos que residan a máis de 3Km do lugar de impartición do curso.

• Axudas de aloxamento e manutención para os alumnos que residan a máis de 75 km do lugar de impartición do curso.

• Axudas a persoas con discapacidade.• Certificado de Asistencia ós cursos expedido pola Consellería de Asuntos Sociais, Emprego e Relacións Laborais.

• O alumno non poderá ter máis de dúas faltas ó mes sen xustificar, nin faltar a máis do 25% das horas totais do curso.

• Cada curso esixe unha titulación mínima. Pregunta cál é a dos cursos que che poidan interesar.


FORMACIóN


FORMACIóN

ESCOLAS OBRADOIRO E CASAS DE OFICIOAs escolas obradoiro e as casas de oficio son centros de traballo e formación.


• Persoas menores de 25 anos desempregadas.• Estar inscrito na oficina de emprego correspondente.


• Duración: 1 ano.

• Constan de dúas etapas:- Primeira etapa: 6 meses con formación profesional de carácter ocupacional. Os alumnos reciben unha bolsa de formación.- Segunda etapa: 18 meses ou 6 meses (nas casas de oficios) con práctica profesional. Os alumnos suscriben un contrato de traballo para a formación.


FORMACIóN

OBRADOIROS DE EMPREGOSon programas dirixidos a adquirir a formación profesional e práctica laboral mediante a realización de obras ou servicios de utilidade pública ou interese social, relacionados cos novos xacementos de emprego.


• Persoas menores de 25 anos desempregadas.• Estar inscrito na oficina de emprego correspondente.


• Duración: mínima de 6 meses e máxima de 1 ano.


FORMACIóN


SRVICIO GALEGO DE COLOCACIÓN



SERVICIO GALEGO DE COLOCACIÓN

¿QUE É?

É un servicio gratuíto creado pola Consellería de Asuntos Sociais, Emprego e Relacións Laborais, que cumpre a función de ponte entre as persoas que buscan un emprego e as empresas que queren contratar a alguén.

Para iso, o Servicio Galego de Colocación consta inicialmente cunha rede primaria de máis de 213 Centros Asociados e 51 Oficinas de Emprego que captarán os currículos das persoas que queren un emprego e as ofertas dos empresarios para o seu emparellamento.

Isto realízase mediante un proceso informático que permite identificar as persoas que buscan emprego que mellor se axusten a cada oferta

das empresas.

¿QUEN PODE FACER USO DO SGC?

• Calquera persoa que busca emprego ou persoa que traballe pero que queira mellorar o seu emprego.

• Persoa residente en Galicia.• Calquera empresa que oferte un posto de traballo de calquera país do mundo.

CARACTERÍSTICAS DO SGC

• Por un lado, a persoa que busca emprego, introduce os datos relacionados coa súa vida laboral no sistema informático.

• Por outro lado, introdúcese na base de datos do SGC a oferta de traballo dunha empresa que se cruza cos currículos dos demandantes que cumpran o perfil requirido, e deste xeito, selecciónanse os 10 primeiros perfís emparellados que máis se axusten ó que a empresa solicita.

• Unha vez que o sistema informático resolve o emparellamento oferta-demanda, verificase que o candidato ten disposición nese momento para este traballo.

• Cando se comproban qué persoas están dispoñibles, o SGC informará á empresa dos candidatos dispoñibles e mandaralle o resumo do currículo dos mesmos.



¿QUE DOCUMENTACIÓN TEÑO QUE LEVAR?

• É necesario levar o DNI, se es español, ou o NIE, se es estranxeiro e a tarxeta da Seguridade Social, se traballaches antes.

• Se tes algún tipo de discapacidade leva tamén o Certificado de Minusvalía.

• Para que o entrevistador che poida validar todos os teus coñecementos, leva tódolos diplomas, certificados ou calquera tipo de documento acreditativo que queiras xuntar ó currículo.

¿QUE SE FAI NESA ENTREVISTA?

A continuación, imos describir os pasos que se van dar:

• Vaise facendo o teu currículo, onde se recollerán os seguintes datos: datos persoais, académicos, experiencia profesional, coñecementos e habilidades (é dicir, qué sabes facer e qué se che dá ben facer), empregos preferentes, dispoñibilidade xeográfica e por cántos cartos estás disposto a traballar.

• Entrevista acerca dos teus intereses profesionais, estudio das túas potencialidades; é dicir, ata ónde podes chegar, detección do que poderías mellorar, ir a accións formativas, etc.No caso de que necesites reciclaxe ou formación, informaráseche sobre o que necesites -cursos, entidades que os imparten-.

• Deseño do camiño que ha seguir para chegar ó que ti te propoñías na busca de emprego, establecendo os contidos que se tratarán ó longo do teu proceso: coñecemento de ti mesmo e das túas posibilidades, coñecemento do mercado laboral e toma de decisións.

• Impártese formación sobre técnicas e estratexias para a busca activa de emprego, como por exemplo elaborar o currículo ou carta de presentación.


OBSERVATORIO DE EMPREGO DE PERSOAS CON ENFERMIDADE MENTAL



OEDEM

FEAFES GALICIAA Federación de Asociacións de Familiares e Enfermos Mentais de Galicia constituíuse en 1995, co obxectivo de actuar como representante dos dereitos e necesidades do movemento asociativo das persoas con enfermidade mental. Na actualidade, aglutina unha ducia de asociacións distribuídas pola xeografía galega.

OEDEMO Observatorio de Emprego de Persoas con Enfermidade Mental é un programa de FEAFES GALICIA, destinado a lle prestar servicios de asesoramento e inserción laboral a este colectivo de persoas.

SERVICIO DE ORIENTACIÓN LABORALO Servicio de Orientación Laboral, enmarcado dentro do proxecto OEDEM ten a consideración de Centro Colaborador do Servicio Galego de Colocación, onde técnicos en orientación laboral traballan para mellorar as opcións de emprego das persoas con enfermidade mental no ámbito autonómico galego.

POBOACIÓN BENEFICIARIATodas as persoas con enfermidade mental que estean en idade laboral de toda Galicia.

OBXECTIVOS• Acadar un maior coñecemento das variables que interveñen na inserción laboral das persoas con enfermidades mentais para actuar sobre elas.

• Identificar a poboación potencialmente activa pertencente a este colectivo.

• Potenciar o fomento da igualdade de oportunidades.• Proporcionarlles información e asesoramento ós demandantes de emprego, ás familias e ás entidades relacionadas con este colectivo de persoas.

• Favorecer, facilitar e maximizar as opcións de inserción laboral destes usuarios.

• Incluír as demandas das persoas con enfermidade mental na bolsa pública de emprego.



SERVICIOS

• Información e tratamento da demanda de emprego a través de entrevistas realizadas en profundidade

• Accións informativas e formativas destinadas ós demandantes de emprego, co fin de mellorar a súa cualificación profesional.

• Apoio nos procesos de inserción laboral mediante a elaboración de itinerarios e busca activa de emprego.

• Servicio de sensibilización, información e asesoramento.



FICHAS


FICHAS DE TRABALLO


FICHAS DE TRABALLO

FICHA 1

AS TÚAS CAPACIDADES

• Cada persoa posúe as súas propias capacidades. Gracias a esas capacidades dásenos mellor facer unhas cousas ca outras.

• Saber cáles son as túas capacidades axudarache a buscar un traballo axeitado para ti.

Este exercicio pode axudarche a definir as túa propias capacidades. ¿Cantas das seguintes capacidades tes?

• Capacidade para comprender e expresarte con palabras.

• Capacidade para realizar cálculos.

• Capacidade para resolver problemas.

• Capacidade para concentrarte.

• Capacidade para lembrar.

• Capacidade para traballar coas mans.

• Capacidade imaxinativa e creadora.

• Capacidade de observación.

• Capacidade de reacción.

• Capacidade de organización.

• Capacidades físicas: forza, resistencia, axilidade.

• Capacidade para traballar con compañeiros.

Pensa en máis:

……………………………………………………………………………………………………………………………………..............................................................................................................................................


FICHAS DE TRABALLO


FICHAS DE TRABALLO

FICHA 2

¿0NDE BUSCAR?

• ¿Vaste rexistrar como demandante de emprego? ¿En que empregos?

• ¿A que lugares vas acudir a buscar información?

• ¿En que publicacións buscarás ofertas de emprego?

• ¿Pensaches onde buscar información sobre as empresas ás que enviarás o teu currículo?

• ¿Pensaches en que persoas che poden axudar a atopar un traballo?


FICHAS DE TRABALLO


FICHAS DE TRABALLO

FICHA 3

¿QUE NECESITAN? ¿QUE NECESITO?

• Daquel emprego ou empregos nos que che gustaría traballar, reflexiona sobre os requisitos que che esixirían para te contratar.

• Se non coñeces ningún requisito busca todas aquelas ofertas relacionadas con ese traballo e fíxate no que piden.

Completar este cuadro pódeche axudar:

REQUISITOS

EMPREGO: IMPRESCINDIBLES POSÚES CARECES

PERSOAIS: idade, sexo, aspecto físico

COÑECEMENTOS

EXPERIENCIA

CAPACIDADES

OUTROS: carné de conducir, vehículo, disponibilidade para viaxar

Agora que xa sabes os requisitos que che esixen (o que necesitan), reflexiona cómo podes axustarte o máximo posible a eses requisitos (o que necesitas).

EMPREGO: ADQUIRIR MELLORAR MODO DE FACELO

FORMACIÓN

EXPERIENCIA

CAPACIDADES


FICHAS DE TRABALLO


FICHAS DE TRABALLO

FICHA 4

O TEU CURRÍCULO

• Para axudarche a lembrar toda a información que debes incluír no teu currículo cubre os seguintes apartados:

A) DATOS ACADÉMICOS

Completar por orde cronolóxica, dende o máis distante no tempo ó máis recente.

TITULACIÓN CENTRO ACADÉMICO DATA

B) FORMACIÓN COMPLEMENTARIA

TITULO DO CURSOCENTRO DE ESTUDIOS

Nº DE HORAS

DATA

C) EXPERIENCIA LABORAL

EMPRESA POSTO TAREFASDATA DE INICIO

DATA DE REMATE


FICHAS DE TRABALLO


FICHAS DE TRABALLO

D) PRÁCTICAS EN EMPRESAS

EMPRESA TAREFAS ANO DURACIÓN

E) COÑECEMENTOS DE INFORMÁTICA

NIVEL DE COÑECEMENTOS CURSOS DATAS

F) IDIOMAS

IDIOMA NIVEL DE COÑECEMENTOS CURSOS DATAS


FICHAS DE TRABALLO


FICHAS DE TRABALLO

FICHA 5

ENTREVISTA

Estas son algunhas das preguntas que che poden facer na entrevista e que podes levar preparadas de antemán:

FORMACIÓN E CUALIFICACIÓN• ¿Que tal levou os estudios?• ¿Por que deixou de estudiar?• ¿Que cursos de formación complementaria ten?

EXPERIENCIA LABORAL• ¿Que traballos tivo? • ¿Durante canto tempo?• ¿Que facía exactamente?• ¿Por que deixou os traballos?• ¿Como era a súa relación cos xefes? ¿e cos seus compañeiros?• ¿Que experiencia posúe en relación con este emprego?

MOTIVACIÓN CARA Ó TRABALLO• ¿Por que desexa traballar nesta empresa?• ¿Por que debo contratalo a vostede?• ¿Que é o que máis lle interesa e o que menos lle interesa deste traballo?

• ¿Canto desexa gañar?

PERSONALIDADE• Dígame unha virtude e un defecto que teña vostede.• ¿Cales son os seus puntos fortes?.¿E os febles?• ¿Hai alguén que admire?• ¿Como cree que o ven os demáis?• Fáleme dunha situación problemática que encontrase e que resolvera con éxito.

• ¿Que calidades pensa que debe ter a persoa que traballe neste posto?

• Prefire traballar con xente ou só


FICHAS DE TRABALLO


FICHAS DE TRABALLO

INTERESES E TEMPO DE LECER

• ¿Ten moitos amigos/as?• Cales son as súas afeccións favoritas?• ¿Cal foi a última película que viu?. ¿Que lle pareceu?• ¿Cal foi o último libro que leu?. ¿Que lle pareceu?

TELÉFONOS DE INTERESE

Servicio Galego de Colocación 902 12 50 00

Dirección Xeral de Formación Profesional e Ensinanzas Especiais. Servicio de Formación Profesional

981 54 65 34

Centro de Orientación, Formación y Emprego da Confederación de Empresarios de Galicia (COFE)

981 56 06 99

Centro de Información e Orientación o Estudiante. Universidade de Santiago de Compostela

902 10 10 22

OFICINAS DE EMPREGO

A Coruña-Porto 981 29 00 88

Carballo 981 70 08 11

Compostela-Centro 981 57 31 73

Ferrol-Av. Vigo 981 31 43 55

Lugo 982 22 36 66

Monforte de Lemos 982 40 08 55

Ourense-Centro 988 22 25 79

Vigo-López Mora 986 29 34 50

Redondela 986 40 02 13

Cangas 986 30 22 03

Cee 981 74 58 63

ASOCIACIÓNS MEMBROS DE FEAFES GALICIA

ASOCIACIÓN CIDADE TELÉFONO

FEAFES GALICIA 981 55 43 95

A CREBA Noia 981 82 49 21

APEM Coruña 981 13 22 18

Fonte da Virxe Ames. Santiago de Compostela 981 88 42 39

Porta Nova Narón. Ferrol 981 38 89 92

ALBA Pontevedra 986 85 93 68

AVELAÍÑA A Guarda 986 85 93 68

DOA Vigo 986 48 32 08

LAR Vilagarcia de Arousa 986 51 06 99

LENDA Redondela 986 40 42 00

ALUME Lugo 982 25 16 02

MOREA Ourense 988 23 74 54

ALBORES Monforte de Lemos 982 40 49 68

A Mariña Burela 982 58 16 20





GU

ÍA D

E O

RIE

NTA

CIÓ

N L

AB

OR

AL

PAR

A P

ERS

OA

S C

ON

EN

FER

MID

AD

E M

ENTA

L

GU

ÍA D

E O

RIE

NTA

CIÓ

N L

AB

OR

AL

PAR

A P

ERS

OA

S C

ON

EN

FER

MID

AD

E M

ENTA

L

guÍa de orientaciÓn laboral para persoas …...tedes ante vós a “guía de orientación laboral...

Documents