ALABADO 1. Say olimon lingcod ay cay mabtas

Tan pananayaw anan lawas

Nin ma amo a cordero

Si Jesus sacramentado.

2. Maria calapatin inpinig

Tan rosas pinsil nan langit

Sa abig mo tan yang-yang

Iba’t sinmula cay na –oman

3. Maria catawan min salban

Nangaco cay na – olamitan

Nin casalanan ta siay tawil

Ta lawas cay naod Virgen.

4. O glororioso San Joseph

Santon nanalonggaring abig

Ibat sa casantosan moy naod

Sian dili dios a nanotoc.

5. Nin ipag – esposo ni Maria

Ina nan barbon maliga

Salban calangitan nipagbiba

Nipa mi saway nin Gloria.

6. Gloria in exelsis dio

Tan Gloria ‘n ina ni Jesus

Ta sican tood a cacanaan

Ipagreynan calangitan.

7. Say wanla ni – lomuas yay na

Toyo nan mundon calapagan

Lomisuay ana tan sumawang

A mamapas anay cala – otan.

8. Say ngalan moy mang – goyaoyan

Nin sila impiernes a salban

Ta limo lay cay tanda subtan

Sa vertodes mo tan casnagan.

9. Silay angeles arcangeles

Querobenes tan serapenes

Say pananayaw inolit – olit

Ta sicay Gloria nan langit.

10. Silay santos tan santan salban

Maligay paw- pananayaw

Sa lota tan calayatan

Ave Maria man – isaway.

11. Ave Maria napno can nin gracia

Siay dios a namalsa

Bendita cay naod Maria

Tan bendita ya a bunga.

12. Ave Maria purisima

Simpicado consobida

Ina napno ca nin gracia

Man – ibiba nin lawas ana.

DASAL:

I Ama mi

I Ave Maria

I Gloria

I Tampol

Bendito

BENDITO

Bendito yalabado dia elsantisima sacramento del altar

dela limpia macolado concception de nuestra senora dela

virgin maria, madre de dios senora nuestra concebido sin

mangha dificado original in el premier mistante disuser

natural persiempre Amas Amen, JESUS.

TOMPOL

Tompol aco sa Diyos Ama macapangyayari sa salban

mamalsan langit tan lota, tan coni Jesucristo anac nan

bogtong a catawan tamo, ibay sa mablin pasda nan espiritu

santo inabing naya ni Marian Virgin, pinadia - dia naya ni

Poncio Pilato, impasac ya sa cruz yan intabon nona - oy ya sa

infierno, sin icatlon aolo norong yan nabiay, noli ya sa langit,

mantoclo ya ca wanan na Dios ama a Macapangyayari, itao ya

mangibat maco itin mango com conla mancabiay tan nati.

Tompol aco conan espiritu santo, conan santa Iglesia

catolico, conan pitatagman lan cao-santons, conan

pamacamot cao – casalanan, conan pamorong mabiay nan

lalaman tan biay a cay sumin anggawan lawas amen.

CANTAN DASAL

1. Sitamoy cristiano bagay ugalion

Ando lingwanan a pamagdevocion

Domawat s adios a comana gaw – on

Ta macapalimoy lalacon panaon.

2. Sita moy domawat sa conan catawan

Pigao ilipias na sa caruocaan

Ta siay munanan ampasimalaan

Mamila ban lawa a cao – carucan.

3. Dios a catawan ilipias mo cami

Ipacadayo moy salban doca comi

Ta sa salban oras sicay antoplan mi

Ando cami bian bigla a patiti

GOSO NI SENOR SAN ROQUE

1. Oh Roquen Sancasantosan

Pinili nan Dios a catawan

Mamalato tan mamalacwan

Sa masaquit a mandomalan.

REF:

Elaban kami San Roque

Sa masaquit ilipias cami

Tan ipasisingaro cami

Sa Dios macapangyayari

2. Tan sicay pinalatbonan

Nan Dios poon catawan

Sicami comoy tanoran

Catap sa caaniban . (Elaban)

3. sin ambo caot nin lanom

sa tiyan ni ina mon mauong

s adios na in – aloloy

magcama in yan pasosowon . (Ref.)

4. San Roque a sicay naod

A in – aboloy nan dios

A mag – in colao a malngod

Cadadawat na intonloc (Elaban)

5. Sin sicay in – abing ana

Si ina no nacangap ya

Ta main cruz a madudta

Sa pultan lusoc mo nipinta (Elaban)

6. Sin maquit nan mapapastang

Ni ina mon san cablian

Cruz a sanca alagawan

Lilicot nay cay masabtan (Elaban)

7. Tan sinalita ni ina mo

Impacabibilin na como

Magcolacion inaulo-aulo.

Colangan a casososo. (Elaban)

8. Anace ca ot a macalog

Nilomongo nan tinomonloc

Colacion can lawas anaod

Bibilin ina mon quenandop ( Elaban)

9. Seca Senor a sino miban

Cay nanglayam ca – irapan

Ta tood moy sancasantosan

Nangibat sa lalo tian . (Elaban)

10. Sin ma –abot tan majosto

A luwampulo a taon mo

Embati nilacwanan mo

A cayarian a tawil mo (Elaban)

11. Empaglilong quenalilictan

Dolos a san carawalan

Ta si jesus a manparawan

Sa irap nan dinalanan ( Elaban)

12. Nagquenon tawo can maaypa

Naquilimos a ginawa

Sa Bombardia ca namaca

Sa hospital ca sinomandia (Elaban)

13. Etaw ca nin tinomapol

Sa main masaquet a malabong

Ta tood mo silan tambalon

Sa masaquit lan manlayamon. (Elaban)

14. Nelomogsa silan bigla

Sa pananambal mon macalma

Milagron masanton gawa

Payabol nan dios ama. (Elaban)

15. Say babali nalilicot

Sa comoy na dinumolog

Man – paquedawat sila tumaod

Patambal sa como Senor (Elaban)

16. Cay mo sila tinangatan

Tinambal iningarowan

Ta sica cot quenalilictan

Tan nelomegsa salban (Elaban)

17. Pananambal maca – pacangap

Milagron dios mapatnag

Gamut moy iparna bongat

Man lomegsay nan maparas (Elaban)

18. Angan Roma na –abot mo

Pananambal sa tao –tawo

Lilicot lay mi-ona-no

Sa gawa mon ingangaro (Elaban)

19, Tan tood moy umaloc ca

Sa aye nan Santo Papa

Pabendisyon can tatala

Quelancap sa mablin gracia (Elaban)

20. Cayna ca benindesionan

Santo papa quenapotan

Ta say wanan binalicasan

Seca cot san ca –calmaaan (Elaban)

21. Tan endawat nan engangaro

Sa dios nanondon mundo

San Roque say enibat mo

Dios contay mangampopo. (Elaban)

22. Tan secay nilomacwan

Seca wamoy bendecionan

Toque cayna ca – ocolan

Ta santos caman anan daan (Elaban)

23. lalaco moy empatuloy

sa babali moyna mag –orong

bao-bale mandalan dalanon

ta sica cot man tambalon (Elaban)

24. Sa logan manlalaco ca

Tatalan mag-orong ana

Sa dalan cot nagmasaquet ca

Sugat sa dubali paa. (Elaban)

25. Guenanatan moy lalaco

Mag – orong sa bable mo

Ta main anaod sugat

Sa welin dobali paa mo. (Elaban)

26. Capequet lan camisanan

Sa masaquet mon mancalayam

Ensogo lacan capengapan

Sa tatalon itao miwan (Elaban)

27. Naco can laco a lilicot

sa tatalon nelomantod

say nacon moy cay sinumnop

conlan cababale moy naod. (Elaban)

28. Asay yoqueb a naquet mo

Etao anay enewanan mo

Lata bitil enitpol mo

Bana sa casosonol mo (Elaban)

29. Melagron san catagayan

Dios a main canacoman

Sa yoqueb a man iwanan

Nagcamain can pamangan (Elaban)

30. Ta say nangarin melagro

Asay mayaman sa babale mo

Main ya nin asay aso

Sa pamangan na man dongo (Elaban)

31. Ta say ugali nan mayaman

Siyaodtin asoy manbiyan

Asay masiyon a tinapay

Sa baling oras pamongan (Elaban)

32. Cot siaodtin asoy namaot

Empanacom na nin dios

Tinapay a man imogmog

Caynay na canon tomaod (Elaban)

33. Ta ica na tan idaton

Roque como sa tatalon

To dios a main nacom

Ta pigao main can canon (Elaban)

34. Sucat anaod cacangapan

Ebat sa sumen can macan

Capengapan ison anay

Aso awit nay tinapay. (Elaban)

35. Siay nay manpamica como

Tinapay sa inaolo – aolo

Masda ana may milagro

Payabol na diyos como. (Elaban)

36. Nelomuas naquedalayon

Sa arapan moy asay subol

Na –isipan mo sa coman lanom

Sugat moy inoyasan tampol (Elaban)

37. Balang sin maoyasan

Nebauon cay nagtantan

Sugat mon san carangalan

Aman caririlan salban (Elaban)

38. Siaudtin lanom a naman

Laco a cao catambalan

Nangibat sin ma – oyasan

A sugat mon man caririlan (Elaban)

39. Etao ot nalngo moyna

A say beses a say wana

Roque ma –abig kay na

Sa babale moy na mag-orong ca (Elaban)

40. Sicay naod anay nagorong

Sa babale mo penatongol

Marawal a dolos lilong

Ensolot caynaca balatong (Elaban)

41. Sa babale sin lumato ca

Cayla ca nabilbi ana

Denlao la can para-para

Ta ula cabono laca (Elaban)

42. O sicay nani unri in

Nin madampot la cay na ngamin

Atap layna sinsain

Sicacot impapecarcil (Elaban)

43. Nanogo cay ni cacano

Gobernador a pangamaon mo

Empacua nacan sigurado

Sa carcel encalaboso (Elaban)

44. Limay taon mon nagdamdam

Ni –wan sa popococan

Lilicot moy cay masabtan

Pamagdia – dia a tinoplan (Elaban)

45. Cay capengapan naquet la

Yay tapi a main letra

Embin angel a ma-alaga

Como nacom nan namalsa ( Elaban)

46. Cania salban nacangap

Sa tapi na –quit napatag

Ta etao main insulat

Nin wan odtin bao – balicas (Elaban)

47. Bana sa sugat moy naod.

Tan sa cruz a empambos

Elipias camin maganos

Sa piste divino Jesus (Elaban)

48. Balang sayte naquet la

Nin cababale mon omanga

Secay tempol tinibao la

Ta labay lan qui – canayon ana (Elaban)

49. Biay ot sin saytao a tiempo

Apo, ama tan ina mo

Roque isay inimano

Salban lan na – nibao como ( Elaban)

50. Catagon siyay bapa mo

A namipreso sa como

Nacom isip nay nagolo

Umbabale nay mi-onano (Elaban)

51. Say isip, lan matibolos

Seca conlay man panobsob

Sa gao –gawa lan malaot

Cania sila dinumolog(Elaban)

52. Cot caymo pinag – irapan

San Roque nin canacoman

A gawa lan pamamabanday

To orot quenalilictan (Elaban)

53. Sin oras anancamatian mo

Sin sain silay nay naco

A elacuan moy na sa mundo

Ta mole cay na sa paraiso (Elaban)

54. Ta sicay namacotana

Nin padre ta magcompesal ca

Nacom nan diyos tatala

Ta santos can ma –alaga (Elaban)

55. Sin mayari can nagcompecal

Tampol nacan calalacuan

Sia odti nay calalacuan

Nin calo – louan sa lalaman ( Elaban)

56. Siyay Padren compesor mo

Impatnag na sa tao –tawo

Ta sicay naod cot santo

Tan matagay a milagro (Elaban)

57. Dinolog lacaynan salban

Cababale mo tan cadayaan

Say pananabon cot marangal

Sa conan masanton bangkay (Elaban)

58. Sia –odti nay sang caligawan

Pananabon a san ca-abigan

Sia odti ca – alimbawaan

Ejercito sa kalangitan (Elaban)

59. Sa milagro mon dinalanan

Senor sin sicay mancabiay

Sawanin secami mansaway

Man pagbabelang sin saytaw. (Elaban)

60. Cania secami lingayon

Senor como man aloloy

Elaming camin candopon

Bilang sin biay mo man copcopon. (Elaban)

61. Ta secay enaboloyan

Nan dios poon catawan

Ta binian nan cacalmaan

Sa festo cot mamalacuan (Elaban)

62. Sinoman a sawayan mi

No ambo cay naod San Roque

Abogadon contra sa feste

Mamalaban aolo – yabi. (Elaban)

63. Cania sicami robaan

Mata mo cami ilingay

Senor sicami ilaban

Sa masakit a mandomalan (Elaban)

64. Ipacadayo mo cami

Sa masakit duka a patiti

Senor lingayon mo kami

Sa aloloy cotana mi. (Elaban)

65. Angawan ana odti

Guso ni Senor San Roque

Mag-dasal toloy ama mi

Edaton sa santon mabli(Elaban)

DASAL

3 AMA MI

3 AVE MARIA

3 GLORIA

BENDITO